/NGA4\ 4 *, ,MDO SDE BSKAL BZANG LAS GSUNGS PA'I DON 'GA' ZHIG GI BRJED THO BZHUGS SO, , 6 @001 #, ,AOm SVA STI, MDO SDE BSKAL BA BZANG PO LAS, ,GSUNGS PA'I TSIGS BCAD 'GA' ZHIG DANG, ,BRJED THO 'GA' BCAS PHYOGS GCIG TU; ;YI GENG DGOD PA 'DI LTAR NGO, ,DE YANG MDO DE NYID LAS, PHYI MA'I DUS NA 'BYUNG BA NI, ,YE SHES PHYAG RGYA 'DI MNYAN GYANG, , LONGS SPYOD MED CING BDE BA MED, ,RAB TU 'BYUNG BAR 'DUN PA'ANG MED, ,GCIG LA GCIG NI SPYO BA DANG, ,GSHE BA DANG NI BSDIGS PA DANG, ,SMOD PA DAG NI SGROGS BYED KYANG, ,SANGS RGYAS 'GYUR BAR BYA ZHES ZER, ,KHYIM NA SDUG BSNGAL STONG YOD PA, ,BZOD 'GYUR 'DOD PA'I RGYA NGAG LA, ,LTOS NAS NYON MONGS BRAN GYUR KYANG, ,SANGS RGYAS 'GYUR BAR BYA ZHES ZER, ,CES PA DANG, 'DI LA MANG PO KHA CIG DAG ,BYANG CHUB DON PHYIR RAB BYUNG YANG, ,PHAN TSUN
, ,SHES KHE'I GZHI NGAG LAS, ,NYES PA DAG NI BSKYED PAR 'GYUR, ,SHIN TU DBUL ZHING SHES RAB DMAN, ,THOS PA TZAM GYI NGA RGYAL CAN, ,GZHAN LA SNYEMS PAR BYED PA DES, ,BDAG GIS BYANG CHUB MTHAR PHYIN SNYAM, ,CES DANG, PHYI MA'I DUS NA GANG ZHIG GIS, ,BSHAD PA'I TSE NA MNYAN NAS KYANG, ,DE NYID LA NI DENGS PA'I RGYUS, ,PHYIR ZHING MI SNYAN PA DAG ZER, ,MDUN NAS KYANG NI PHYAG 'TSAL LA, ,LEGS SO ZHES NI SBYIN BYED CING; ;DE LA CHOS GOS DBUL BYED KYANG, ,MI SNYAN PA DAG ZER BAR 'GYUR, ,MCHI MA DAG KYANG BLAGS BYAS SHING, ,BDAG NYID DBUL BA BYAS NAS KYANG, , DGE 'DUN NANG DU DE LA NI, ,SDIG PA BYED CES PHYIR ZHING SMRA, ,SLOB DPON LA NI MCHOD MI BYED, ,BLA MA NGAG LA RI MO MED, ,CHUNG ZAD TZAM GYIS KHRO BYED CING, ,
KHYIM SUN 'BYIN DANG LDAN PA YIN, ,PHA ROL BSOD NAMS MA DANG CING, ,RANG GI SKYON LA MI SEMS PAR, ,GZHAN GYI MCHOD PA SHES NAS NI, ,PHRAG DOG MI BZAD SKYED PAR BYED, ,ZHES GSUNGS SO, ,MDO DA NYID LAS TSIGS LHUG GIS GSUNGS KYANG 'DIR TSIGS BCAD DU BYA STE, 'DI LTAR, BDAG CAG STON PA'I 'KHRUNGS YUL SER SKYA'I GNAS, ,RIGS NI RGYAL RIGS GDUNG NI GOO TA MA, ,'ONG NI 'DOM GANG YAB NI ZAS GTZANG MA, ,YUM NI SGYU 'PHRUL SRAS NI SGRA GCAN 'DZIN, ,RIM GRO BA NI DGE SLONG KUN DGA' BO, ,SHES RAB CAN GYI MCHOG NI NYE RGYAL DANG, ,RDZU 'PHRUL CAN RNAMS MCHOG NI PANG NAS SKYES, ,'DUS PA DANG POR DGE SLONG STONG NYIS BRGYA, ,LNGA BCU'O GNYIS PAR BDUN KHRI GSUM PAR NI, ,DRUG KHRI'I DGE SLONG NYAN THOS 'DUS PA DANG, ,BZHUGS PA'I TSE TSAD LO BRGYA DAM CHOS NI, ,LNGA BRGYA'I LOR GNAS CHOS LTAR BCOS PA YANG; ;LO NI LNGA BRGYA SKU GDUNG RGYAS 'GYUR GSUNGS, ,STON PA'I 'KHOR 'DUS PA GNYIS PA DANG GSUM PA NI MDO KHA CIG TU MED CING, DGE BSHES NGAG DBANG NYI MA'I DRIS LAN SUm BHA MKHAN POS MDZAD PA LAS; RANG CAG GI STON PA'I 'KHOR 'DUS PA NI MDO DED, 'DUS PA DANG PO LA DGE SLONG STONG NYIS BRGYA LNGA BCU'O, ,ZHES PA TZAM LAS MA GSUNGS LA, DE LTA NA YANG DE NYID 'KHOR LNGA SDE BZANG PO SOGS LA
, ,CHOS 'KHOR DANG PO BSKOR BA NAS BZUNG STE ZHABS 'BRING BA BZANGS DE'I TSOGS DRUG CUS DGRA BCOM THOB PA NAS BZUNG STE 'KHOR DGRA BCOM PA BRGYA NYER GCIG BYUNG, DE'I RJES SU MCHOG ZUNG DER 'KHOR NYIS BRGYA LNGA BCU DE DANG, RAL PA CAN 'KHOR STONG BCAS DANG, GONG SMOS DGRA BCOM RNAMS BCAS 'KHOR 'DUS SDE TSOGS PA NI MDO GZHAN DU'ANG, DGE SLONG BRGYA PHRAG PHYED DANG BCU GSUM GYI DGE SLONG GI DGE 'DUN CHEN PO DANG THABS GCIG TU BZHUGS SO, ,ZHES PA DE'O, ,PHYIS SU BCOM LDAN 'DAS KYI 'KHONG DU 'DONG GZUGS KYI LHA DPAG MED DANG GZHAN MI DANG GNOD SBYIN KLU SOGS BGRANG LAS 'DAS PA 'DUS PA'I SHAR NUB KYI MTHA'I PANG LHA 'JIG RTEN PA RNAMS KYI MIG GI YUL DU MI 'GYUR BA LTA BU 'DUS PA DE LA 'DUS PA CHEN PO ZHES GRAGS ZER TE, DE'I TSE 'DUS BA CHEN PO'I MDO YANG GSUNGS LA, 'KHOR DE NI RGYA GAR GYI MI PHAL BA MU STEGS PA TSUN CHAD KYI THUN MONG SNANG DOR MIN PAR THUN MOD MIN PA'I DOD SNANG BA'I GTAM MO, ,ZHES GSUNGS, GONG DU 'KHOR 'DUS PA GSUM GYI GRANGS BRIS BA NI BDE SKYID RGYAL PO'I DING PAR DU BZHENGS PA'I PE'I CING GI PAR MA LAS 'BYUNG BA LTAR BYAS SO, ` ,GZHAN YANG, SANGS RGYAS 'OD DPAG MED KYI 'KHOR GYI NYAN THOS 'CHAD PA NA, BDE BA CAN GYI ZHING BKOD LAS, DE YANG NYAN THOS KYI 'KHOR
'DUS PA DANG PO LTA BU LA YANG 'DONG NA STONG GSUM GYI SKAR MA THAMS CAD NYIN ZHAG GCIG GIS BRTZI BAR NUS PA, RDZU 'PHRUL DPAG TU MED PA DANG LDAN PA M'U DGAL GYI BU LTA BU BYE BA KHRAG KHRIG BRGYA STONG GIS LO BYE BA KHRAG KHRIG BRGYA STONG DU LAS GZHAN MI BYED BAR BRTZIS KYANG CHA SHAS TZAM YANG GRANGS CHOS PAR MI 'GYUR NA, 'DUS PA GNYIS PA DANG GSUM PA LTA CI SEMS TE, DE LTA BU'I NYAN THOS KYI 'KHOR GRANGS MED PA YOD LA, ZHES DANG, BLA MCHOD LAS, SKU GSUNG THUGS KYI GSANG BA KUN 'DZIN PA'I, ,SRAS KYI THU BOR 'GYUR BAR BYIN GYIS RLOBS, ,ZHES DANG, MKHAS GRUB RIN PO CHE NI RJE RIN PO CHE'I SKU TSE'I SMAD KYI SLOB MA YIN KYANG NANG THUGS KYI SRAS SU GSUNGS PA DANG, BDAG SOGS 'KHOR GYI THOG MAR SKYE BAR SHOG ,CES PA LTA BU YANG DUS KYI THOG MA LA MI BYED PAR YON TAN GYI DBANG DU BYAS PA YIN NAM SNYAM BAS, SANGS RGYAS STONG GI 'KHOR 'DUS PA DANG PO GNYIS PA SOGS KYANG YON TAN NAM DBANG PO RNO RTUL SOGS KYIS 'JOG GAM DPYAD PAR BYA'O, ` ,BDE GSHEGS BYAMS PA'I 'KHRUNGS YUL RGYAL PO YI, ,PHO BRANG TOG GI BLO GROS ZHES BYA LA, ,RIGS NI BRAM ZE 'OD NI DPAG TSAD GNYIS, ,YAB NI TSANGS BZANG YUM NI TSANGS BDAG MA, ,SRAS NI BSOD NAMS STOBS DANG DIM GRO PA, ,RGYA MTSO ZHES BYA SHES RAB CAN
, ,GYI MCHOG ,YE SHES 'OD DANG RDZU 'PHRUL CAN RNAMS KYI, ,MCHOG NI BRTZON 'GRUS BRTAN PA ZHES BYA'O, ,'DUS PA DANG POR ZHAN THOS DGRA BCOM PA, ,DUNG PHYUR PHRAG DGU BYE BA PHRAG DRUG DANG; ;GNYIS PAR DUNG PHYUR DGU DANG BYE BA BZHI, ,GSUM PAR DUNG PHYUR DGU DANG BYE BA GNYIS, ,TSE TSANG BRGYAD KHRI BZHI STONG DAM CHOS NI, ,BRGYAD KHRI'I LOR GNAS SKU GDUNG GCIG 'GYUR GSUNGS; ;'DI NI BSKAL BZANG GA SANGS RGYAS LNGA PA YIN LA, ` ,SANGS RGYAS BCU GCIG PA NI, BDE GSHEGS SPYAN LEGS YUL NI BZANG BYED DA, ,RIGS NI BRAM ZE DPAG TSAD BCU GNYIS 'OD, ,YAB NI RIN CHEN YUM NES LA CAN, ,SRAS NI RGYU SKAR RGYAL PO ZHES BYA LA, ,RIM GRO PA NI DGA' BA'I GNAS ZHES DANG, ,SHES RAB CAN MCHOG BLO GROS MTHA' YAS DANG, ,RDZU 'PHRUL CAN MCHOG SENG GE'I 'GROS ZHES BYA, ,'DUS PA DANG POR SUM 'BUM GNYIS PA LA, ,NYIS 'BUM BRGYAS STONG GSUM PAR GSUM 'BUM DANG, ,DRUG STONG SNYED KYI NYAN THOS CHOGS 'DU ZHENG, ,STON 'DI'I SKU CHO'I TSAD NI LO BDUN KHRI, ,CHOS NI DUNG PHYUR PHRAG GSUM LO YI BAR, ,GNAS SHING SKU GDUNG RGYAS 'GYUR SANGS RGYAS 'DIS, ,SANGS RGYAS DANG PO BCU POS 'GRO BA'I DON, ,JI SNYED MDZAD PA DE SNYED MDZAD 'GYUR GSUNGS, ,
SANGS RGYAS STONG GI MTSAN BSTAN PA'I SKABS SU NI BCU GCIG PA 'DI PA'I MTSAN LA RGYU SKAD BZANG ZHES BAR SNANG, ` DANG POR SEMS BSKYED PA NI, NGA NI SNGON TSE DMAN BAR GYUR PA'I TSE, , DE BZHIN GSHEGS PA SH'AKYA THUB DE LA, ,'JAM GANG ZHIG NI DBUL BAR BYAS NAS KYANG, ,DANG POR BYANG CHUB TU NI SEMS BSKYED DO, ,'DI NI BDAG CAG GI STON PA'I LO, ` ,BYANG CHUB SEMS DPA' BYAMS PA 'KHOR LOS SGYUR BA YI, ,RGYAL PO RNAM PAR SNANG BYED CES BYANG GYUR PA NA, ,BDE GSHEGS MTHU CHEN GDUGS TSOD DAG LA SPYAN DRANGS NAS, ,DANG POR BYANG CHUB TU NI SEMS BSKYED DO, ,'DI NI BYAMS PA'I 'O, ` ,DE BZHIN GSHEGS PA SPYAN LEGS KHYIM BDAG TSE, ,DE BZHIN GSHEGS PA LEGS PAR SGRA SGROGS LA, ,KHANG PA BRTZEGS PA DAG NI PHUL NAS KYANG; ;DANG POR BYANG CHUB TU NI SEMS BSKYED DO, ,ZHES GSUNGS TE 'DI NI SPYAN LEGS KYI'O, ` ,DE NYID LAS, 'DOD PA'I RGYU YIS SDUG BSNGAL MANG PO MYONG BAR 'GYUR, ,GANG GI RNAM PAR SMIN PAS NGAN 'GROR LTUNG PAR 'GYUR, ,MTHO DIS 'GRO DANG BYANG CHUB YON TAN DON GYI PHYIR, ,MKHAS PA SU ZHIG BYIS PA DAG DANG 'GAL BAR BYED, ,BYIS PA
, ,'GAL BYED MKHAS PA 'GAL MI BYED, ,MI SHES 'KHRUL YIN SHES LDAN DRAD PA 'THOB, ,BLUN PO 'DAM BYING MKHAS PA THAR LA GNAS, ,GANG DAG CHOS SPYOD PA NI DE LA 'GRONG; ;DE BAS RIGS PA CAN MIN SPANG BYA ZHING, ,GANG DAG SHES YUL RIGS LDAN STEN PAR BYA, ,DPAL DANG GRAGS PA RNYED PA SPANGS NAS KYANG, ,TING NGE 'DZIN 'DI LA NI RNAL 'BYOR BYA, ,ZHES GSUNGS SO, ` ,BSKAL BZANG SANGS RGYAS DANG BO 'KHOR BA 'JIG GI TSE TSANG LO BZHI KHRI BZHI STONG DANG, RAM CHOS LO BRGYAD KHRIR BZHUGS, ` GNYIS PA GSER THUB KYI CHO LO GSUM KHRI DANG TSES LO LNGA STONG, ` GSUM PA 'OD SRUNGS KYI TSE LO NYI KHRI DANG CHOS LO BDUN KHRI'O, ` ,DRUG PA SENG GE ,BDUN BA LHAG SNANG, BRGYAD PA THUB PA, DGU BA ME TOG ,BCU PA ME TOG GNYIS PA, BCU GCIG PA SPYAN LEGS, ` ZHE GCIG BA SGRA GCAN 'DZIN GYIS SANGS RGYAS BZHI BCUS 'GRO BA JI SNYED PA'I DON MDZAD PA THAMS CAD 'DIS GROL BAR BYED PA DANG, 'DI'I TSE TSAD 'BUM PHRAG GCIG DANG BSTAN PA LO 'BUM PHRAG LDAR BZHUGS PA DANG, SA GZHI RIN PO CHE SNA BDUN GYI RANG BZHIN DU 'GYUR BA
DANG RIN PO CHE'I SHING DANG GOS KYI SHING RNAMS 'BYUNG BA DANG, SKYE BO RNAMS PADMA LAS BRDZUS TE SKYE BA DANG, 'DI'I DUS SU 'JIG RTEN DER NGAN SONG MI 'BYUNG BAR GSUNGS, BRGYA GCIG PA YE SHES 'BYUNG GNAS KYI MTSAN THOS PA RNAMS BYANG CHUB 'THOB PAR GSUNGS, ` 'KHOR 'DUS PA RIM PA GCIG DANG GNYIS SOGS DANG RIM PA SHIN TU MANG PO YANG 'DUG LA, 'GA' ZHIG LA PHYIR MI LDOG PA'I BYANG CHUB SEMS DPA' SHA STAG DANG, 'GA' ZHIG LA NYAN THOS DGRA BCOM PA SHA STAG TU GSUNGS PA SOGS 'DUG PAS YON TAN GYI RIM PA LA YANG NGES MED DU SNANG, BSKAL BZANG GI SANGS RGYAS THA MA GSAL MDZAD CES BYA BA'I 'KHOR 'DUS PA DANG CHO TSAD GNYIS KYI TSAD MED CING, SANGS RGYAS DGU BRGYA GO DGUS 'GRO DON JI SNYED MDZAD BA THAMS CAD 'DIS MDZAD 'GYUR GSUNGS; BSTAN PA GNAS PA'I TSAD RKYANG MTHA' MED DU GSUNGS SO, ,SNGON BDE GSHEGS BRTZON 'GRUS MTHA' YAS ZHES PAS TING NGE 'DZIN 'DI BSTAN PA NA RGYAL PO DGE BA'I ME TOG BYA BA SRAS STONG BTZUN MO STOD BCAS YI RANG BAR BYAS BAS YON TAN GYI TSOGS MANG PO THOB STE, RGYAL PO DE NI RGYAL BA TSE DPAG MED DANG, SRAS STONG NI BSKAL BZANG GI SANGS RGYAS STONG YIN PA
, ,DANG; YANG 'DAS PA'I DUS NA SANGS RGYAS BDUD RTZI DGA' BZHES PAS CHOS 'DI BSTAN PA NA, 'KHOR LOS SGYUR RGYAL BLO GROS YANGS PA ZHES PAS BKUR BA STI CHEN POS MCHOD PAR BYAS, DE'I TSE SANGS RGYAS DE'I RIM GRO PA DGE SLONG SHES RAB LDAN PA ZHES PAS BSKUL BA'I RKYEN GYIS RGYAL PO DES SRAS KHRI PHRAG ,BLON PO BRGYAD KHRI, BTZUN MO BRGYANG KHRI BZHI STONG BCAS RAB TU BYUNG NAS, CHOS 'DI KLOG BA DANG 'BRI BA DANG MCHOD PA SOGS BYAS PAS YON TAN GYI TSOGS MANG PO THOB STE, DE'I DUS KYI RGYAL PO NI SANGS RGYAS 'OD SRUNGS DANG, RIM GRO PA SHES RAB LDAN PA NI SANGS RGYAS RNAM GZIGS DANG, SRAS KHRI NE BSKAL PA 'DI NAS BZUNG STE BSKAL PA DRUG CU RTZA LNGA'I RJES SU GRAGS PA CHEN PO ZHES PA'I BSKAL PA LA 'TSANG RGYA BA DANG, BLON PO BRGYAD KHRI NI BSKAL PA GRAGS CHEN NAS BSKAL PA BRGYAD BCU 'DAS PA'I 'OG TU SKAR MA LTA BU ZHES PA'I BSKAL BAR 'TSANG RGYA BA DANG, BTZUN MO BRGYAD KHRI BZHI STONG NI SKAR MA LTA BU NAS BSKAL PA SUM BRGYA'I 'OG TU YON TAN BKOD PA ZHES PA'I BSKAL PAR 'TSANG RGYA BAR GSUNGS SHING, RGYU MTSAN DES NA CHOS 'DI'I GLEGS BAM LA MCHOD PA DANG BKLAG PA TZAM LA YANG PHAN YON SHIN TU CHE BAR GSUNGS SO,, ` ,,BSE KHA SGO NI SENG GE SHA RA BHA STE SENG GE RKANG PA BRGYAD PA'I MING,
ZHES GSUNGS, ` SKAR KHUNG NI DKAR GSAL ZHES PA DANG BSTUN NA DAS 'PHUL THOB RGYU YIN KYANG, 'DUL BA LA SKAR TSOD BLTA BA'I RE MIG BZHAG PA LA BTAGS PA'I BRDA BTZAN PAR BYAS PAR BSHAD DO, ` BRGYANG BKAG NA KHA SMRAS SAM BKYON PA, KLAG COR NI CA CO, 'KHO BA NI NGAN PA, GTAM 'DRES PA NI PHEBS PAR SMRA BA, SMOS 'DRIN NI GROGS PO, 'DUL BAR GNYEN BSHES LA'ANG, ` BSTING TSIG NI SUN 'BYIN PA'I TSIG STE MI NGAN PA LA MI YA MTSAN CAN CES BRJOD PA LTA BU, ` BRTUL NI BSDUS PA'AM 'JAM PA, BRTUL ZHUGS ZHES PA'ANG DON 'DI STE, DPER NA SHA MI ZA BA'I BRTUL ZHUGS NI, SHA ZA BA'I SPYOD PA BSDUS NAS MI ZA BA'I SPYOD PA LA ZHUGS PA'O, ,SKAD DONG BRA TA, ` BKUS TE BOR BA NI KHU BA BTON PA'I SNYIGS MA LTA BU, ` PAD DKAR MIG NI KHYAB 'JUG ,NYA YI TOG NI KHYAB 'JUG BU, GANGGA 'DZIN NI DBANG PHYUG ,RI 'JOMS NI BRGYA BYIN, LI SHI GUR KHANG SOGS LAS BKOL BA'O,, ,,