`
/NGA 2\ *, ,NYI KHRI'I SA BCAD MDO TZAM BRJOD PA BZHUGS SO, ,
, ,NA MO GU RU, KUN 'BYUNG MUN PA'I SA BON MTHAR MDZAD CING, ,SDUG BSNGAL BRUG RNGU'I RTZA BA DRUD NAS 'BYIN, ,RGYAL YUM SHES RAB PHA ROL PHYIN LA SOGS, ,THEG GSUM DAM PA'I CHOS LA PHYAG 'TSAL LO, ,'DIR NYI KHRE'I SA BCAD MDO TZAM BRJOD PA LA, /KA\ PA LA, THOG MAR MTSAN DANG, DUM PA DANG BAM GRANGS, 'GYUR PHYAG ,GLENG GZHI RNAMS GSUNGS,, ^ ,,SHO GU NYED BRGYAD PA'I RGYAB LOGS KYI YIG PHRENG GNYIS PA NAS, DE'I TSE DE LTAR BCOM LDAN 'DAS KYIS 'JIG RTEN LHA DANG BCAS PA, ZHES SOGS KYIS SEMS BSKYED GSUNGS, ^ ZHE GSUM PA'I RGYAB KYI DANG PO NAS, DE SKAD CES BKA' STZAL BA DANG, TSE DANG LDAN PA SH'A RA DVA TI'I BUS BCOM LDAN 'DAS LA 'DI SKAD CES GSOL TO, ,
, ,ZHES SOGS KYIS GDAMS NGAG GSUNGS, ^ BRGYA NYI SHU PA'I MDUN GYI DANG PO NAS, DE NAS TSE DANG LDAN PA SH'A RA DVA TI'I BUS, TSE DANG LDAN PA RAB 'BYOR LA 'DI SKAD CES SMRAS SO, ,ZHES SOGS KYIS SBYOR LAM GSUNGS, ^ BRGYA DON LNGA PA'I RGYAB KYI DANG PO NAS, DE NAS TSE DANG LDAN PA RAB 'BYOR GYIS, BCOM LDAN 'DAS LA 'DI SKAD CES GSOL TO, ,ZHES SOGS KYIS RANG BZHIN GNAS RIGS GSUNGS, ^ BRGYA GYA GCIG PA'I MDUN GYI BDUN PA NAS, DE CI'I PHYIR ZHE NA, RAB 'BYOR 'DI LTAR, BYANG CHUB GANG YIN PA DANG, ZHES SOGS KYIS DMIGS PA GSUNGS, ^ BRGYA GYA BZHI PA'I RGYAB KYI LNGA PA NAS, DE NAS TSE DANG LDAN PA RAB 'BYOR GYIS, BCOM LDAN 'DAS LA 'DI SKAD CES GSOL TO, ,BCOM LDAN 'DAS
GANG 'DI BYANG CHUB SEMS DPA' LA SEMS DPA' CHEN PO ZHES BGYI BA, ZHES SOGS KYIS CHED DU BYA BA GSUNGS, ^ BRGYA GYA DGU BA'I RGYAB KYI DRUG PA NAS, DE NAS TSE DANG LDAN PA BYAMS GANG GI BUS, BCOM LDAN 'DAS LA 'DI SKAD CES GSOL TO, ,ZHES SOGS KYIS GO SGRUB GSUNGS, ^ BRGYA GO BDUN PA'I MDUN GYI LNGA PA NAS, SMRAS PA, TSE DANG LDAN PA GANG PO JI TZAM GYIS NA, BYANG CHUB SEMS DPA' SEMS DPA' CHEN PO THEG PA CHEN PO LA YANG DAG PAR ZHUGS ZHES BYA, ZHES SOGS KYIS 'JUG SGRUB GSUNGS, ^ NYIS BRGYA GSUM PA'I RGYAB KYI GNYIS PA NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GO CHA CHEN PO BGOS SO, ,ZHES SOGS KYIS TSOGS SGRUB GSUNGS, ^ NYIS BRGYA DON BRGYAD PA'I MDUN GYI THA MA NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS THEG PA CHEN PO THEG PA CHEN PO ZHES BGYI BA NI, ZHES SOGS KYIS NGES 'BYUNG SGRUB PA GSUNGS SHING, NYIS BRGYA GO DRUG PAR PO TI DANG PO RDZOGS SO, ^ ,/KHA\ PA LA DBUD NGES 'BYUNG SGRUB PA'I MJUG YOD CING,, ^ ,,GYA BZHI PA'I RGYAB KYI DANG PO NAS, DE NAS STONG GSUM GYI STONG CHEN PO'I 'JIG RTEN GYI KHAMS 'DI NAS, ZHES SOGS KYIS LAM SHES
, ,KYI YAN LAG GSUNGS, ^ GYA LNGA PA'I RGYAB KYI LNGA PAR, KOO SHI KA DE LA BYANG CHUB SEMS DPA' SEMS DPA' CHEN PO'I SHES RAB KYI PHA ROL DU PHYIN PA GANG ZHE NA, ZHES SOGS KYIS NYAN THOS KYI LAM SHES PA'I LAM SHES GSUNGS, ^ BRGYA PA'I MDUN GYI BZHI PA NAS, DE NAS 'KHOR DE'I NANG NAS LHA'I BU KHA CIG 'DI SNYAM DU SEMS PAR GYUR TE, ZHES SOGS KYIS RANG RGYAL GYI LAM SHES PA'I LAM SHES GSUNGS, ^ BRGYA NYER BRGYAD PA'I RGYAB KYI GNYIS PA NAS, DE NAS LHA'I DBANG BO BRGYA BYIN GYIS TSE DANG LDAN PA SH'A RA DVA TI'I BU LA 'DI SKAD CES SMRAS SO, ,ZHES SOGS KYIS THEG CHEN GYI MTHONG LAM GSUNGS, ^ BRGYA ZHE DGU PA'I MDUN GYI DANG PO NAS, BRGYA BYIN GYIS GSOL PA, BCOM LDAN 'DAS, SHES RAB KYI PHA ROL DU PHYIN PA 'DI, ZHES SOGS KYIS SGOM LAM GYI BYED PA GSUNGS, ^ BRGYA NGA GNYIS PA'I RGYAB KYI BDUN PA NAS, BRGYA BYIN GYIS GSOL PA, BCOM LDAN 'DAS RIGS KYI BU'AM, ZHES SOGS KYIS MOS PA SGOM LAM GSUNGS, ^ NYIS BRGYA BCU DRUG PA'I MDUN GYI DANG PO NAS, DE NAS TSE DANG LDAN PA RAB 'BYOR GYIS, LHA'I DBANG PO BRGYA BYIN LA SMRAS PA, ZHES SOGS KYIS BSTOD BKUR BSNGAGS PA GSUNGS, ^ NYIS BRGYA BCU BDUN PA'I MDUN GYI THA MA NAS, DE NAS BYANG CHUB SEMS DPA' SEMS DPA' CHEN PO BYAMS PAS,
GNAS BRTAN RAB 'BYOR LA SMRAS PA, ZHES SOGS KYIS BSNGO BA SGOM LAM GSUNGS, ^ NYIS BRGYA SO BDUN PA'I RGYAB KYI BDUN PA NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,ZHES SOGS KYIS RJES SU YI RANG SGOM LAM GSUNGS, ^ NYIS BRGYA BZHI BCU PA'I MDUN GYI BDUN PA NAS, DE NAS TSE DANG LDAN BA SH'A RA DVA TI'I BUS BCOM LDAN 'DAS LA 'DI SKAD CES GSOL TO, NES SOGS KYIS SGRUB PA SGOM LAM GSUNGS, ^ NYIS BRGYA ZHE BRGYAD PA'I RGYAB KYI GSUM PA NAS, DE NAS TSE DANG LDAN PA SH'A RA DVA TE'I BUS, BCOM LDAN 'DAS LA 'DI SKAD CES GSOL TO, ,ZHES SOGS KYIS RNAM DAG SGOM LAM GSUNGS,, ^ ,,NYIS BRGYA DON GSUM PA'I RGYAB KYI DRUG PA NAS, GSOL BA, BCOM LDAN 'DAS GAL TE BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, TSU BO LA GYI 'GRAM MAM, ZHES SOGS KYIS SRID ZHI'I MTHA' LA GNAS MI GNAS KYI GZHI SHES GNYIS GSUNGS, ^ NYIS BRGYA DON BZHI PA'I MDUN GYI DANG PO NAS, GSOL PA, BCOM LDAN 'DAS GAL TE BYANG CHUB SEMS DPA'I THEG PA PA'I RIGS KYI BU'AM RIGS KYI BU MO THABS MI MKHAS PAS, ZHES SOGS KYIS 'BRAS YUM LA NYE RING GI GZHI SHES GNYIS GSUNGS, ^ NYIS BRGYA DON BZHI PA'I RGYAB KYI
, ,DANG PO NAS, DE NAS TSE DANG LDAN PA SH'A RA DVA TI'I BUS, TSE DANG LDAN PA RAB 'BYOR LA 'DI SKAD CES SMRAS BO, ,ZHES SOGS KYIS MI MTHUN GNYEN PO'I GZHI SHES GNYIS GSUNGS, ^ NYIS BRGYA DON DGU BA'I MDUN GYI DRUG PA NAS, GSOL BA, BCOM LDAN 'DAS 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN BA LA SPYOD PAS RNAM PA JI LTAR SBYAD PAR BGYI, ZHES SOGS KYIS GZHI SHES KYI SBYOR BA GSUNGS, ^ NYIS BRGYA GYA LNGA PA'I MDUN GYI LNGA PA NAS, RAB 'BYOR GYIS SMRAS PA, KOO SHI KA GAL TE BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD PA'I TSE, GZUGS RLOM SEMS SU MI BYED, CES SOGS KYIS 'DZIN STANGS MNYAM NYING GSUNGS, ^ NYIS BRGYA GYA DRUG PA'I MDUN GYI LNGA PA NAS, DE NAS SANGS RGYAS KYI MTHUS STONG GSUM GYI STONG CHEN PO'I 'JIG RTEN GYI KHAMS 'DI NA, ZHES SOGS KYIS MTHONG LAM GSUNGS, ^ NYIS BRGYA GO GSUM PA'I MDUN GYI THA MA NAS, RAB 'BYOR SHES RAB KYI PHA ROL DU PHYIN PA 'DI NI CHOS GANG YANG STON PA'AM, ZHES SOGS KYIS MKHYEN GSUM GYI MJUG SDUD GSUNGS,, ^ /GA\ PA LA, DBUR MKHYEN GSUM MJUG SDUD KYI SMAD CHA YONG CING, ^ ,SHO GU GSUM PA'I RGYAB KYI BZHI PA NAS, DE NAS TSE DANG LDAN PA
RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS 'DI LTA STE, SHES RAB KYI PHA ROL DU PHYIN PA 'DI NI MA MCHIS PA'I PHA ROL DU PHYIN PA'O, ,ZHES SOGS KYIS MKHYEN GSUM GYI RNAM PA GSUNGS, ^ DGU PA'I MDUN GYI DANG PO NAS, DE NAS LHA'I DBANG PO BRGYA BYIN 'DI SNYAM DU GYUR TE, SHES RAB KYI PHA ROL DU PHYIN PA 'DI RIGS KYI BU DANG RIGS KYI BU MO GANG GI RNA LAM DU GRAG PA DE DAG NI, ZHES SOGS KYIS SBYOR BA GSUNGS, ^ NYER BDUN PA'I MDUN GYI DRUG PA NAS, DE NAS TSE DANG LDAN PA SH'A RA DVA TI'I BUS, BCOM LDAN 'DAS LA 'DI SKAD CES GSOL TO, ,BCOM LDAN 'DAS CI'I MTHUS NA, ZHES SOGS KYIS SBYOR BA'I YON TAN GSUNGS, ^ SO BZHI PA'I MDUN GYI THA MA NAS, DE NAS TSE DANG LDAN PA RAB 'BYOR GYIS, BCOM LDAN 'DAS LA 'DI SKAD CES GSOL TO, ,BCOM LDAN 'DAS RIGS KYI BU DANG RIGS KYI BU MO GANG BLA NA MED PA YANG DAG PAR RDZOGS PA'I BYANG CHUB TU ZHUGS PA, ZHES SOGS KYIS SBYOR BA'I SKYON GSUNGS, ^ NGA DRUG PA'I MDUN GYI DRUG PA NAS, RAB 'BYOR GYIS GSOL PA, BCOM LDAN 'DAS KYIS GANG 'DI SKAD DU, SHES RAB KYI PHA ROL DU PHYIN PA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS BSKYED PA'O, ,ZHES SOGS KYIS SBYOR BA'I MTSAN NYID
, ,GSUNGS, ^ BRGYA NYER DRUG PA'I RGYAB KYI DANG PO NAS, SH'A RA DVA TI'I BU 'DI LA BYANG CHUB SEMS DPA' SEMS DPA' CHEN PO THOG MA SEMS BSKYED PA NAS NYE BAR BZUNG STE, ZHES SOGS KYIS THAR PA CHA MTHUN GSUNGS, ^ BRGYA SO GNYIS BA'I RGYAB KYI LNGA PA NAS, RAB 'BYOR GYIS GSOL PA, BCOM LDAN 'DAS 'BYUNG BAR 'TSAL BA'I BYANG CHUB SEMS DPA' SEMS DPA' CHEN POS BLA NA MED PA YANG DAG PAR RDZOGS PA'I BYANG CHUB LA JI LTAR GNAS PAR BGYI, ZHES SOGS KYIS NGES 'BYED CHA MTHUN GSUNGS, ^ BRGYA SO BRGYAD PA'I MDUN GYI DANG PO NAS, DE SKAD CES BKA' BSTZAL PA DANG, TSE DANG LDAN PA RAB 'BYOR GYIS BCOM LDAN 'DAS LAS 'DI SKAD CES GSOL TO, ,BCOM LDAN 'DAS PHYIR MI LDOG PA'I BYANG CHUB SEMS DPA' SEMS DPA' CHEN PO'I RNAM PA NI GANG LA TSUL NI GAD LAGS, ZHES SOGS KYIS PHYIR MI LDOG PA'I RTAGS GSUNGS, ^ BRGYA BDUN CU PA'I MDUN GYI GSUM PA NAS, DE NAS YANG TSE DANG LDAN PA SH'A RA DVA TI'I BUS, TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR BYANG CHUB SEMS DPA' SEMS DPA' CHEN PO GANG LA LA RMI LAM DU STONG PA NYID DANG, ZHES SOGS KYIS SRID ZHI MNYAM NYID KYI SBYOR BA GSUNGS, ^ BRGYA DON GNYIS PA'I MDUN GYI LNGA PA NAS, DE NAS TSE DANG
LDAN PA RAB 'BYOR GYIS, BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR NA BYANG CHUB SEMS DPA' SEMS DPA' CHEN PO PHA ROL DU PHYIN PA DRUG YONGS SU RDZOGS PAR BGYID CING, ZHES SOGS KYIS ZHING DAG SBYOR BA GSUNGS, ^ BRGYA GYA GNYIS PA'I RGYAB KYI LNGA PA NAS, DE NAS TSE DANG LDAN PA RAB 'BYOR KYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHES RAB KYI PHA ROL DU PHYIN PA LA SPYOD PA'I BYANG CHUB SEMS DPA' SEMS DPA' CHEN POS JI LTAR STONG PA NYID LA YONGS SU 'DRIS PAR BGYI, ZHES SOGS KYIS THABS MKHAS SBYOR BA GSUNGS,, ^ ,,BRGYA GYA DGU PA'I RGYAB KYI GNYIS PA NAS, DE NAS YANG BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR GAL TE BYANG CHUB SEMS DPA' SEMS DPA' CHEN PO RMI LAM NA YANG NYAN THOS KYI SA'AM, ZHES SOGS KYIS SBYOR LAM DROD RTZE SBYOR GSUNGS, ^ NYIS BRGYA PA'I MDUN GYI THA MA NAS, BCOM LDAN 'DAS KYIS BKA' STZAL PA, RAB 'BYOR GAL TE 'DZAM BU'I GLING GI SEMS CAN JI SNYED PA DE DAG THAMS CAD SNGA PHYI MED PAR MI'I LUS THOB PAR BYUNG TE, ZHES SOGS KYIS RTZE MO'I RTZE SBYOR GSUNGS, ^ NYIS BRGYA NYI SHU PA'I RGYAB KYI DANG PO NAS, DE NAS LHA'I DBANG PO BRGYA BYIN 'DI SNYAM DU SEMS PAR GYUR TE, 'DI LA BYANG CHUB SEMS DPA'
, ,SEMS DPA' CHEN PO SBYIN PA'I PHA ROL DU PHYIN PA DANG, ZHES SOGS KYIS BZOD PA'I RTZE SBYOR GSUNGS, ^ NYIS BRGYA NYER GCIG PA'I MDUN GYI BZHI PA NAS, BCOM LDAN 'DAS BDAG NI GANG ZAG BYANG CHUB SEMS DPA' THEG PA PA BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA, ZHES SOGS KYIS CHOS MCHOG CI SBYOR GSUNGS, ^ NYIS BRGYA NYER GSUM PA'I MDUN GYI GNYIS PA NAS, DE NAS TSE DANG LDAN PA RAB 'BYOR KYIS, BCOM LDAN 'DAS LA 'DI SKAD CES GSOL TO, ,BCOM LDAN 'DAS DI LTAR NA SGYU MA LTA BU'I SEMS, ZHES SOGS KYIS MTHO BRTZE'I SPANG BYA RTOG PA DANG, ^ NYIS BRGYA SO DRUG PA'I RGYAB KYI BDUN PA NAS, KO SHI KA DE BAS NA BYANG CHUB SEMS DPA' SEMS DPA' CHEN PO SEMS CAN THAMS CAD KYI MCHOG TU 'GYUR BAR 'DOD PAS, 'DI LTA STE, SHES RAB KYI PHA ROL DU PHYIN PA'I RNAM PAR SPYOD PA 'DI NYID KYIS RNAM PAR SPYAD PAR BYA'O, ,ZHES SOGS KYIS MTHONG LAM RTZE SBYOR GSUNGS, ^ NYIS BRGYA RE BDUN PA'I MDUN GYI LNGA PA NAS, RAB 'BYOR BYANG CHUB SEMS DPA' SEMS DPA' CHEN PO'I TING NGE 'DZIN SENG GE RNAM PAR BSKYINGS PA DE GANG ZHE NA, RAB 'BYOR 'DI LA BYANG CHUB SEMS DPA' SEMS DPA' CHEN PO 'DOD PAS DBEN, ZHES SOGS KYIS SGOM LAM RTZE SBYOR DANG, ^ NYIS BRGYA GYA DRUG PA'I
RGYAB KYI BZHI PA NAS, GSOL PA, BCOM LDAN 'DAS DE LTAR DE BZHIN GSHEGS PAS CHOS 'DI DAG MDO DANG RGYAS PAR BSTAN NA, ZHES SOGS KYIS SGOM RTZE'I SPANG BYA RTOG PA GSUNGS, NYIS BRGYA GO GCIG PAR PO TI RDZOGS SO, ^ ,/DA\ PA LA DBUR SGOM SPANGS RTOG PA GSUNGS SHING, ^ NYER DRUG PA'I MDUN GYI THA MA NAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SEMS DANG PO BSKYED PA DANG LDAN PA, SEMS CAN THAMS CAD KYI DON DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'TSAL PA DE'I BSOD NAMS JI TZAM ZHIG TU 'PHEL BAR 'GYUR, ZHES SOGS KYIS PAR CHAD MED PA'I RTZE SBYOR GSUNGS, ^ NYER DGU PA'I RGYAB KYI BDUN PA NAS, GSOL PA, BCOM LDAN 'DAS CI LAGS, RNAM PA THAMS CAD MKHYEN PA NYID 'BA' ZHIG DNGOS PO MA MCHIS PA LAGS SAM, MA LAGS KYI, GZUGS KYANG DNGOS PO MA MCHIS PA LAGS, ZHES SOGS KYIS BSAL BYA LOG SGRUB GSUNGS, ^ ,,DON GNYIS PA'I MDUN GYI GSUM PA NAS, RAB 'BYOR GYIS GSOL BA, BCOM LDAN 'DAS GAL TE DE LTAD BYANG CHUB SEMS DPA' SEMS DPA' CHEN PO CHOS THAMS CAD DNGOS PO MA MCHIS PA'I NGO BO NYID LA, BSAM GTAN BZHI DANG MNGON PAR SHES PA LNGAS BLA NA MED PA
, ,YANG DAG BAR RDZOGS PA'I BYANG CHUB TU MNGON BAR RDZOGS PAR 'TSANG RGYA NA, ZHES SOGS KYIS MTHAR GYIS SBYOR BA GSUNGS SHING, DE LA, ^ DON GSUM BA'I MDUN GYI DRUG PA NAS DE SBYIN PA'I PHA ROL DU PHYIN PA LA SPYOD PA'I CHE, ZHES SOGS KYIS SBYIN PA DANG, ^ DON BZHI PA'I MDUN GYI GSUM PA NAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO SEMS DANG PO, BSKYED PA NAS NYE BAR BZUNG STE, BDAG KYANG TSUL KHRIMS KYI PHA ROL DU PHYIN PA LA SPYOD DO, ,ZHES SOGS KYIS TSUL KHRIMS DANG, ^ DON BZHI PA'I RGYAB KYI LNGA PA NAS, RAB 'BYOR GZHAN YANG, SOGS KYIS BZOD PA DANG, ^ DON LNGA BA'I MDUN GYI MDUN PA NAS, RAB 'BYOR GZHAN YANG, SOGS KYIS BRTZON 'GRUS DANG, ^ DON LNGA PA'I RGYAB KYI THA MA NAS, RAB 'BYOR GZHAN YANG, SOGS KYIS BSAM GTAN DANG, ^ DON DRUG PA'I RGYAB KYI BZHI PA NAS, RAB 'BYOR GZHAN YANG, SOGS KYIS SHES RAB TE, PHYIN DRUG SO SO'I MING BRJES PA SOGS MDO NA GSAL BAR YOD DO, ^ ,DON BDUN PA'I RGYAB KYI GSUM PA NAS, RAB 'BYOR JI LTAR NA BYANG CHUB SEMS DPA' SEMS DPA' CHEN PO SANGS RGYAS RJES SU DRAN PA SGOM PA YIN ZHE NA, SOGS KYIS SANGS RGYAS DANG, ^ DON DGU PA'I LA DUN GYI
DRUG PA NAS, RAB 'BYOR JI LTAR NA, SOGS KYIS CHOS DANG, ^ DON DGU PA'I RGYAB KYI BDUN PA NAS, RAB 'BYOR JI LTAR NA, SOGS KYIS DGE 'DUN DANG, ^ BRGYAD CU PA'I MDUN GYI DRUG PA NAS, RAB 'BYOR JI LTAR NA, SOGS KYIS TSUL KHRIMS DANG, ^ BRGYAD CU PA'I RGYAB KYI LNGA PA NAS, RAB 'BYOR JI LTAR NA, SOGS KYIS GTONG BA DANG, ^ GYA GCIG PA'I MDUN GYI BZHI PA NAS, RAB 'BYOR JI LTAR NA, SOGS KYIS LHA RJES DRAN DANG, ^ GYA GCIG PA'I RGYAB KYI GSUM PA NAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO SEMS DANG PO BSKYED PA NAS NYE BAR BZUNG STE, SHES RAB KYI PHA ROL DU PHYIN PA LA SPYOD PA'I TSE, MTHAR GYIS SPYAD PA DANG, ZHES SOGS KYIS DNGOS MED NGO BO NYID KYI MTHAR GYIS PA GSUNGS SO,, ^ ,,BRGYA BDUN PA'I MDUN GYI BZHI PA NAS, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD PA'I TSE, JI LTAR SEMS BSKYED PA GCIG GIS PHA ROL DU PHYIN PA DRUG YONGS SU 'DZIN PA LAGS, ZHES SOGS KYIS RNAM PAR SMIN PA MA YIN PA'I SKAD CIG SBYOR GSUNGS, ^ BRGYA LNGA PA'I RGYAB KYI THA MA NAS, DE BYANG CHUB KYI
, ,LAM RNAM PAR SMIN PA'I CHOS CAN LA GNAS PAS, PHA ROL DU PHYIN PA DRUG YONGS SU RDZOGS PA DANG, STOD PA NYID THAMS CAD DANG, BYANG CHUB KYI PHYOGS KYI CHOS SUM BCU RTZA BDUN YONGS SU RDZOGS PA DANG, ZHES SOGS KYIS RNAM PAR SMIN PA'I SKAD CIG SPYOD GSUNGS, ^ BRGYA BDUN PA'I RGYAB KYI BDUN PA NAS, RAB 'BYOR 'DI LA BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD PA'I TSE, RMI LAM LTA BU'I NYE BAR LEN PA'I PHUNG PO LNGA LA GNAS SHING, SBYIN PA YONGS SU GTONG NGO, ,TSUL KHRIMS SRUNG NGO, ,ZHES SOGS KYIS MTSAN NYID MED PA'I SKAD CIG SBYOR GSUNGS, ^ BRGYA BCU BDUN PA'I RGYAB KYI GSUM PA NAS, GSOL PA, BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD BA'I TSE, JI LTAR NA CHOS THAMS CAD RMI LAM LTA BUR YANG DAG PA JI LTA BA BZHIN DU YONGS SU 'TSAL BA LAGS, ZHES SOGS KYIS GNYIS SU MED PA'I SKAD CIG SBYOR GSUNGS SO, ^ BRGYA NYI SHU BA'I MDUN GYI BDUN PA NAS, RAB 'BYOR DE LTAR BYANG CHES MTSAN MA MED PA'I TSUL GYIS SHER PHYIN LA BSLAB PAR BYA'O, ,ZHES PA YAN GYIS SKAD CIG SBYOR RDZOGS PA YIN 'DRA ZHING, DE'I 'PHROD, RAB 'BYOR GYIS, CHOS THAMS CAD RMI LAM LTA BU DNGOS PO
MA MCHIS SHING RANG MTSAN GYIS STONG PA LA DGE MI DGE SOGS JI LTAR DKOD PAR 'GYUR, ZHES SOGS ZHUS PA'I LAN DU, 'PHRIN LAS GSUNGS PA LTA BUR SNANG LA, SKU BZHI'I MTSAMS SPYAD DU GSER PHRENG LAS, MDO'I 'DREL NI, SKAD CIG MA BZHI PAR BYANG CHEN GYIS MTSAN MED KYI TSUL GYIS YUM LA BSLAB PAR BYA BAR GSUNGS NAS GZHAN YANG THAG MED KYI CHOS RMI LAM LTA BU MTSAN NYID KYIS STOD PA LA BSLAB PAR GSUNGS PAS NGO BO NYID KYI SKU GSUNGS SO, ,ZHES PA DANG, 'PHRIN LAS KYI MTSAMS SBYAR DU GSER PHRENG LAS, MDO 'BREL NI, SKAD CIG MA BZHI BA'I SKABS SU CHOS THAMS CAD RMI LAM LTA BUR MTSAN NYID KYIS STONG PAR GSUNGS PA LA DE LTA NA DGE SOGS GSUM LA SOGS PA JI LTAR GZHAG PA DRIS PA'I LAN DU GSUNGS SO, ,ZHES 'BYUNG BAS, SKAD CIG MA DANG 'PHRIN LAS GNYIS KYI BAR DU SKU BZHI'I MDO YOD DGOS RGYU YIN KYANG MI GSAL BAS DPYAD PAR BYA'O,, ^ ,,BRGYA NYER DRUG PA'I RGYAB KYI THA MA NAS, RAB 'BYOR NGAS 'DI NAS SANGS RGYAS KYI SPYAN GYIS 'JIG RTEN LA RNAM PAR GZIGS NA, SHAR PHYOGS KYI 'JIG RTEN GYI KHAMS GANGGA'I KLUNG GI BYE AM SNYED DAG NA, ZHES SOGS KYIS BSAM PA PHUN TSOGS LA 'GOD PA'I 'PHRIN LAS GSUNGS, ^ BRGYA SO GCIG PA'I MDUN GYI THA MA NAS, RAB 'BYOR NGAS YANG 'DI NAS SANGS RGYAS KYI SPYAN GYIS 'JIG RTEN LA RNAM PAR GZIGS NA,
, ,SHAR PHYOGS KYI 'JIG RTEN GYI KHAMS GANG+GA'I KLUNG GI BYE MA SNYED DAG NA, BYANG CHUB SEMS DPA' SEMS DPA' CHEN PO DAG MI RNAMS BSDU BA'I DNGOS PO BZHIS SDUD PA MTHONG STE, ZHES SOGS KYIS GZHAN RGYUD SMIN BYED KYI SBYOR BA LA 'GOD PA'I 'PHRIN LAS GSUNGS, ^ BRGYA DRUG BCU PA'I RGYAB KYI LNGA PA NAS, GSOL PA, BCOM LDAN 'DAS SPRUL PAS LAM SGOM PA LA BRTEN KYANG, KUN NAS NYON MONGS PAR YANG MI 'GYUR, RNAM PAR BYANG BAR YING MI 'GYUR LA, 'GRO BA LNGA'I 'KHOR BA NA YANG MI GDA' NA LAM SGOM DU CI MCHIS, ZHES SOGS KYIS BDEN BZHI RTOGS PA LA 'GOD PA'I 'PHRIN LAS GSUNGS, ^ BRGYA DON LNGA PA'I MDUN GYI BZHI PA NAS, RAB 'BYOR DE BZHIN DU BYANG CHUB SEMS DPA' SEMS DPA' CHEN PO YANG SHES RAB KYI PHA ROL DU PHYIN PA LA SPYOD PA'I TSE, CHOS KYI DBYINGS SU MA GTOGS PA'I CHOS GANG YANG MI MTHONG STE, THABS MKHAS PAS SEMS CAN RNAMS YONGS SU SMIN PAR BYED KYANG, ZHES SOGS KYIS GZHAN DON GYI BSAM PA RNAMS DAG LA 'GOD PA GSUNGS, ^ SHO GU DE NYID KYI MDUN GYI DRUG PA NAS, BDAG KYANG SBYIN PA GTOD BA YIN, GZHAN YANG SBYIN PA LA YANG DAG PAR BSKUL BA YIN, ZHES SOGS KYIS DAD RGYUD SMAN PA LA 'GOD PA GSUNGS, ^ BRGYA DON LNGA BA'I RGYAB KYI BDUN PA NAS, BDAG KYANG DGE BA BCU'I
LAS KYI LAM YANG DAG PAR 'DZIN PA YIN, ZHES SOGS KYIS GNYIS KA'I DON GYI SPYOD PA LA 'GOD PA GSUNGS TE, 'DI YAN TSOGS LAM LA 'GOD PA'I 'PHRIN LAS DRUG GO ^ ,BRGYA RGYA BDUN PA'I RGYAB KYI BDUN PA NAS, DE BAS NA BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD PA'I TSE CHOS THAMS CAD RANG BZHIN GYIS STONG PAR MTHONG NAS, ZHES SOGS KYIS SBYOR LAM LA 'GAD PA GSUNGS, ^ BRGYA GO GNYIS PA'I RGYAB KYI LNGA PA NAS, DE'I PHYIR BYANG CHUB SEMS DPA' SEMS DPA' CHEN PO RANG BZHIN STONG PA NYID KYI PHA ROL DU PHYIN PA RNAMS LA SPYOD CING, GZUGS STONG PA'AM, 'ON TAM MI STONG ZHES BYA BAR RNAM PAR 'KHRUG PAR MI BYED DO, ,ZHES SOGS KYIS MTHONG LAM LA 'GOD PA GSUNGS, ^ BRGYA GO BRGYAD PA'I MDUN GYI THA MA NAS, CHOS DE DAG THAMS CAD GYI THA SNYAD NYE BAR BZUNG STE BTAGS PA YIN GYI DON DAM PAR NI MA YIN NO, ,ZHES SOGS KYIS SA GNYIS PA NAS LNGA PA'I BAR LA 'GOD PA GSUNGS, NYIS BRGYA PA'I MDUN GYI BZHI PA NAS, RAB 'BYOR NAM BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD PA'I TSE THABS MKHAS PAS SBYIN PA'I PHA ROL DU PHYIN PA LA SPYOD KYANG, ZHES SOGS KYIS SA DRUG PA LA 'GOD PA GSUNGS, ^ NYIS BRGYA DRUG PA'I RGYAB KYI LNGA PA NAS, SH'A RA
, ,? ? BU DANG LTA STA, DPER NA SGYU MA'I MKHAN PO'AM, ZHES SOGS KYIS SA BDUN PA LA 'GOD PA GSUNGS, ^ NYIS BRGYA BCU BDUN PA'I MDUN GYI DANG PO NAS, DE NAS TSE DANG LDAN PA RAB 'BYOR 'DI SNYAM DU GYUR TE, BYANG CHUB SEMS DPA' CHEN POS DE LTA BU'I GO BGO BAR BYA NA, ZHES SOGS KYIS SA BRGYAD PA'I RTOGS PA DANG, ^ NYIS BRGYA BCO BRGYAD PA'I RGYAB KYI GNYIS PA NAS RAB 'BYOR DE LA BYANG CHUB SEMS DPA' SEMS DPA' CHEN PO BYANG CHUB KYI LAM LA SPYOD PAS THOG MA NYID DU 'DI LTAR YONGS SU BRTAG PAR BYA STE, ZHES SOGS KYIS SA BRGYAD PA'I SPANGS PA LA 'GOD PA GSUNGS, ^ NYID BRGYA NYER GNYIS PA'I RGYAB KYI DANG PO NAS, RAB 'BYOR BYANG CHUB NI LAM GYIS THOB PA YANG MA YIN, LAM MA YIN PAS THOB PA YANG MA YIN TE, ZHES SOGS KYIS SA DGU PA LA 'GOD PA GSUNGS, ^ NYIS BRGYA NYER LNGA PA'I MDUN GYI GSUM PA NAS, BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD PA'I TSE GNAS NGAN LEN DE THAMS CAD RNAM PAR SPANGS SHING, ZHES SOGS KYIS SA BCU PA THOB MA THAG PA LA 'GOD PA GSUNGS, ^ NYIS BRGYA NYER DGU PA'I MDUN GYI GNYIS PA NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS
BYANG CHUB SEMS DPA' SEMS DPA' CHEN POS NGES ZHES BYA BA'AM, MA NGES ZHES BGYI'AM, ZHES SOGS KYIS SA BCU PA SKYE BA GCIG THOGS KYIS 'TSANG RGYA BAR NGES PA LA 'GOD PA DANG, ^ NYIS BRGYA SO GCIG BA'I RGYAB KYI BDUN PA NAS, BCOM LDAN 'DAS BYANG CHUB SEMS DPA' SEMS DPA' CHEN PO CHOS DKAR PO GANG DANG GANG LA GNAS SHING, DE LTA BU'I THABS MKHAS PA BGYID KYANG LAS DE LTA BU MI GOS PAR SPYOD PA LAGS, ZHES SOGS KYIS GZHAN DON LHUN GRUB LA 'GOD PA DANG, ^ NYIS BRGYA SO GNYIS PA'I RGYAB KYI LNGA PA NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, , BCOM LDAN 'DAS BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD CING, CHOS THAMS CAD STONG PA NYID LA GNAS TE, ZHES SOGS KYIS SKYE BA GCIG THOGS SANGS RGYAS KYI CHOS RDZOGS PA LA 'GOD PA GSUNGS, ^ NYIS BRGYA SO DGU PA'I RGYAB KYI BZHI PA NAS, RAB 'BYOR GYIS GSOL PA, BYANG CHUB SEMS DPA' SEMS DPA' CHEN PO LAM GYI YAN LAG YONGS SU RDZOGS PAR BGYIS SHING, ZHES SOGS KYIS SA BCU PA SRID PA THA MA PA BYANG CHUB 'DREN PA'I NUS PA LA 'GONG PA DANG, ^ NYIS BRGYA ZHE GSUM PA'I RGYAB KYI LNGA PA NAS, BYANG CHUB SEMS DPA' SEMS DPA' CHEN PO SHES RAB KYI PHA ROL DU
, ,PHYIN PAR DGE BA'I CHOS THAMS CAD 'DUS PAR BYAS TE, BYANG CHUB SEMS DPA'I SBYOD PA SBYOD CING, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'CHANG RGYA'O,, ZHES SOGS KYIS LAS CHUNG MI ZA BA'I NUS PA LA 'GOD PA DANG, ^ NYIS BRGYA ZHE BZHI PA'I MDUN GYI DANG PO NAS, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, SDUG BSNGAL DANG SDUG BSNGAL KUN 'BYUNG BA DANG, ZHES SOGS KYIS JI SNYED PA RTOGS PA LA 'GOD PA DANG, ^ NYIS BRGYA RE DRUG PA'I RGYAB KYI BZHI PA NAS, GSOL BA, CHOS NYID DE 'DUS BGYIS PA LAGS SAM, 'DUS MA BGYIS BA LAGS, ZHES SOGS KYIS JI LTA BA RTOGS PA LA 'GOD PA STE, GSER PHRENG LAS, 'DI 'DIR BSHAD PA NI DON 'BREL DBANG BTZAN PAR BYAS PA'O, ZHES GSUNGS TE, MDO'I TSIG 'DI RNAMS 'OG TU YOD KYANG DON GYI DBANG GIS 'DIR BLANGS PA YIN NO, ^ ,NYIS BRGYA ZHE BRGYAD PA'I RGYAB KYI LNGA PA NAS, RAB 'BYOR DE LA BYANG CHUB SEMS DPA' SEMS DPA' CHEN PO SHES RAB KYI PHA ROL DU PHYIN PA LA SPYOD BA'I TSE, THABS MKHAS PAS SEMS CAN PHYIN CI LOG BZHIS PHUNG PO LNGA LA MNGON BAR
ZHEN PA, ZHES SOGS KYIS PHYIN CI LOG ZAD PA LA 'GOD PA DANG, ^ NYIS BRGYA ZHE DGU PA'I MDUN GYI GNYIS PA NAS, RAB 'BYOR PHYIN CI LOG MA GTOGS PAR GANG LA GNAS TE, BYIS PA SO SO'I SKYE BO RNAMS, ZHES SOGS KYIS PHYIN CI LOG GI GZHI ZAD PA LA 'GOD PA DANG, ^ NYIS BRGYA NGA GSUM PA'I RGYAB KYI GSUM PA NAS MTSAMS SBYAR DANG, YIG PHRENG THA MAR, RAB 'BYOR CHOS THAMS CAD KYI MNYAM PA NYID GANG YIN PA RE NI DAS RNAM PAR BYAD PAR GSUNGS SO, ,ZHES SOGS KYIS RANG BZHIN RNAM DAG GI CHOS SKU'I RGYU TSOGS LA 'GOD PA DANG, ^ NYIS BRGYA NGA BDUN PA'I MDUN GYI BZHI PA NAS, RAB 'BYOR 'ON KYANG CHOS DE DAG NI THAMS CAD KYANG LAM SGRUB PA DANG, LAM SKYED PA'I RGYUR 'GYUR BA STE 'BRSA BU THOB PA'I PHYIR NI MA YIN NO, ,ZHES SOGS KYIS GLO BUR RNAM DAG GI RGYAL 'GONG PA GSUNGS TE, 'DI YAN BCU GNYIS NI SA BCU PA LA 'GOD PA'I 'PHRIN LAS SO, ,JI LTA BA RTOGS PA LA 'GOD PA'I MDO TSIGS 'DIR YOD KYANG GONG DU BLANGS PA DE'O, ^ ,NYIS BRGYA RE BRGYAD PA'I RGYAB KYI GNYIS PA NAS, BCOM LDAN 'DAS GANG MA SPRUL PA'I CHOS DE GANG LAGS, BCOM LDAN 'DAS KYIS BKA' STZAL PA, CHOS GDAL SKYE BA YANG MED, 'GAG PA YANG MED PA DE NI MA SPRUL PA'O, ,ZHES SOGS KYIS 'BRAS BU MYANG 'DAS LA 'GOD PA'I 'PHRIN LAS GSUNGS
, ,SO, ^ NYIS BRGYA RE DGU PA'I MDUN GYI GNYIS PAR, CHOS NYID MI 'GYUR BA BSTAN PA'I LE'U STE BDUN CU GCIG GO ,ZHES PA YAN GYIS 'PHRIN LAS NYER BDUN RDZOGS SO, ,DE LTAR NA TSOGS LAM LA DRUG ,SBYOR MTHONG GNYIS LA RE RE, SA GNYIS PA NAS LNGA PA'I BAR LA GCIG ,SA DRUG BDUN GNYIS LA RE RE, SA BRGYAD PA LA GNYIS, SA DGU PA LA GCIG UNGS SO, ,MDO TSIG NI 'BRAS BU LA GCIG STE NYER BDUN DU MDZAD PA'I DBANG DU BYAS PA YIN LA, YANG BSHAD TSUL GCIG LA, TSOGS LAM LA GSUM, SBYOR LAM LA BZHI, MTHONG LAM LA GCIG ,SA GNYIS PA DANG GSUM PA GNYIS LA GCIG ,SA BZHI PA LNGA PA DRUG PA GSUM LA GCIG ,SA BDUN PA LA GCIG ,SA BRGYAD PA LA BZHI, SA DGU PA LA GNYIS, SA BCU PA LA DGU, ,'BRAS BU LA GCIG STE NYER BDUN DU MDZAD PA'ANG YOD DO, ^ ,NYIS BRGYA RE DGU BAR 'PHRIN LAS RDZOGS PA'I 'PHRO NAS, NYIS BRGYA GYA GCIG PA'I MDUN GYIS LNGA PAR, BSLAB PA LA RAB TU PHYE BA'I LE'U STE BDUN CU GNYIS PA'O, , ZHES BA'I BAR GYIS BYAMS ZHUS KYI LE'U DANG, ^ NYIS BRGYA GYA DGU PA'I MDUN GYI LNGA PAR, TING NGE 'DZIN GYI SGO MANG PO THOB PA'I LE'U STE BDUN CU GSUM PA DANG, ^ NYIS BRGYA DGU PA'I MDUN GYI DRUG PAR,
RTAG PAR RAB TU BU BA'I LE'U STE BDUN CU BZHI PA DANG, ^ SUM BRGYA BRGYAD PA'I RGYAB KYI GNYIS PAR, CHOS KYIS 'PHAGS PA'I LE'U STE BDUN CU LNGA PA DANG, ^ SUM BRGYA BCU PAR, 'KHOR RNAMS YI NGANG BA DANG, SUM BRGYA BCU GCIG PAR, YONGS SU GTANG PA'I LE'U STE BDUN CU DRUG PA DANG, SANGS RGYAS BYANG SEMS NYAN RANG RNAMS KYI YUM RDZOGS SO, ,ZHES MJUG SDUD MDZAD CING, BSGYUR BYANG DANG PAR BYANG MI 'DUG LA, YI RANG GI TSIG LA'ANG, GSUNGS PA LA MNGON PAR BSTONG NGO ZHES MI 'BYUNG BAR, BCOM LDAN 'DAS KYIS BKA' STZAL PA LA MNGON PAR DGA' BAR GYUR TO, ,ZHES 'BYUNG NGO,, ,, HOS DE DAG RTOGS PAR BYAS NAS BLA NA MED PA YANG DAG BA RDZOGS BA'I BYANG CHUB MNGON BAR RDZOGS PAR SANGS RGYAS NAS PHYOGS BCU'I 'JIG RTEN GYI KHAMS DPAG TU MED PA MTHA' MED P ING BRJOD BYED TSIG KYANG BSDUS PA DANG PO DANG, DON RGYAS LA TSIG CUNG ZHIG BSDUS PA BAR MA DANG, GNYIS KA RGYAS PA THA MA STE DE YANG 'GRES RKANG BRGYA RTZA BRGYAD DU PHYE NAS STON PA'O, ,ZHES GSUNGS, ^ ,MNGON RTOGS RGYAN MDO GANG DANG GTZO BOR SBYOR BA NI, GSED PHRENG LAS, 'DIR MDO DANG SBYOR BA'I MDO RNAMS GANG GI DBANG DU BYED CE NA, BZANG PO'I ZHABS KYIS NYI SNANG LA BRTEN NAS SBYAD BA BDAG NYI KHRI DAG GTUGS DANG SBYAR BAR BYA'O, ,ZHES GSUNGS
, ,PAS NYI KHRI DANG SBYOR DGOS SHING DE LA SNGON GYI DUS SU ZHUS DAG LEGS PAR BYAS MA BYAS CI RIGS YOD PAR 'DUG PAS MDO'I DPE LA BRTAG DGOS SO,, ^ ,,GSER PHRENG DU GNYIS SU MED PA'I SKAD CIG SBYOR GYI SKABS SU, MDO NI, RMI LAM MI MTHONG, RMI LAM MTHONG BA MI MTHONG NGO, ,ZHES 'BYUNG LA, NGO BO NYID SKU'I MDO'I 'BREL NI, SKAD CIG MA BZHI PAR BYANG CHEN GYIS MTSAN MED KYI TSUL GYIS YUM LA BSLAB PAR BYA BAR GSUNGS NAS GZHAN YANG ZAG MED KYI CHOS RMI LAM LTA BU MTSAN NYID KYIS STONG PA LA BSLAB PAR GSUNGS PAS NGO BO NYID KYI SKU GSUNGS SO, ,NGO BO NYID SKU'I SKABS SU BUNGS SU DRANGS PA'I MDO TSIG NI, RAB 'BYOR GZHAN YANG ZAG PA MED PA'I CHOS RMI LAM LTA BU DNGOS PO DANG MI LDAN PA DNGOS PO MED PA'I RANG BZHIN CAN GYI MTSAN NYID KYIS STONG PA RNAM PA THAMS CAD DU YONGS SU DAG PAR RGYUR PA DE DAG THAMS CAD KYI RANG BZHIN GANG YIN PA MTSAN NYID GCIG PO 'DI LTA STE MTSAN NYID MED PA DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YIN PAR RIG PAR BYA STE, ZHES SO, ^ ,YE SHES CHOS SKU'I MDO'I 'BREL NI, ZAG MED KYI CHOS THAMS CAD GANG, ZHES DRIS PA'I LAN DU GSUNGS SO, ,MDO TSIG NI, BYANG CHUB KYI PHYOGS KYI CHOS SUM BCU RTZA BDUN DAS,
TSAD MED PA BZHI DANG, RNAM PAR THAR PA BRGYAD DANG, MTHAR GYIS GNAS PA'I SNYOMS PAR 'JUG PA DGU DANG, ZAD PAR GYI SKYE MCHED BCU DANG ZIL GYIS GNON PA'I SKYE MCHED BRGYAD DANG NYON MONGS PA MED PA'I TING NGE 'DZIN DANG SMON GNAS MKHYEN PA DANG MNGON PAR SHES PA DRUG DANG SO SO YANG DAG PAR RIG PA BZHI DANG, RNAM PA THAMS CAD DU YONGS SU DAG PA BZHI DANG, DBANG BCU DANG, STOBS BCU DANG, MI 'JIGS PA BZHI DANG, BSRUNG BA MED PA GSUM DANG GRANG PA NYE BAR BZHAG PA GSUM DANG BSNYE BA LA MI MNGA' BA'I CHOS NYID DANG, BAG CHAGS YANG DAG PAR BCOM PA DANG, THUGS RJE CHEN PO DANG, SANGS RGYAS KYI CHOS MA 'DRES PA BCO BRGYAD DANG RNAM PA THAMS CAD MKHYEN PA NYID DANG LAM GYI RNAM PA SHES PA NYID DANG THAMS CAD SHES PA NYID DE RAB 'BYOR 'DI DAG NI ZAG PA MED PA'I CHOS THAMS CAD CES BYA'O, ,ZHES SO, ^ ,LONGS SKU'I MDO'I 'BREL NI, CHOS SKUR BSHAD PA'I YON TAN DE DAG THOB PA'I MTHUS LONGS SKU'I SGO NAS CHOS KYI LONGS SPYOD LA 'JUG PAR GSUNGS SO, ,MDO TSIG NI, RAB 'BYOR GZHAN YANG YUM 'DI LA BSLABS SHING CHOS DE DAG THAMS CAD THOB NAS BLA MED RDZOGS BYANG DU MNGON PAR RDZOGS PAR SANGS RGYAS TE, RNAM PA THAMS CAD NAS THAMS CAD DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI SKU SKYES BU CHEN PO'I MTSAN SUM CU RTZA GNYIS KYIS BRGYAN
, ,PA, DPE BYAD BZANG PO BRGYAD BCUS BRGYAN PA, BYANG CHEM RNAMS LA THEG PA MCHOG GI LONGS SPYOD BLA NA MED PA'I DGA' BA DANG BDE BA DANG TSIM PA DANG RAB TU DGA' BA STON PAR MDZAD PAR 'GYUR NGO, ,ZHES SO, ^ ,SPRUL SKU'I MDO'I 'BREL NI, ZAG MED KYI CHOS RNAMS THOB PAR BYAS NAS SANGS RGYAS TE SPRUL PA BYED PAR GSUNGS SO, ,MDO TSIG NI, RAB 'BYOR GZHAN YANG YUM 'DI LA SLOB PA NI CHOS DE DAG RTOGS PAR BYAS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, PHYOGS BCU'I 'JIG RTEN GYI KHAMS DPAG TU MED PA MTHA' MED PA DUS THAMS CAD DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SPRUL PA SNA TSOGS KYI SPRIN GYIS SEMS CAN THAMS CAD KYI DON MDZAD PA DE LTAR BYANG CHEN GYIS YUM LA BSLAB PAR BYA'O, ,ZHES SO, ^ ,'PHRIN LAS KYI MDO'I 'BREL NI, SKAD CIG MA BZHI BA'I SKABS SU CHOS THAMS CAD RMI LAM LTA BUR MTSAN NYID KYIS STONG PAR GSUNGS PA LA DE LTA NA DGE SOGS GSUM LA SOGS PA JI LTAR GZHAG PA DRIS PA'I LAN DU GSUNGS SO, ,MDO'I TSIG DRANGS MA THAG PA RNAMS PA'I CING PAR MA'I MDO RGYAS 'BRING GNYIS KAR MI GSAL BA LTA BUR 'DUG PAS SLAR DPYAD PA'I PHYIR 'DIR BRIS PA'O,, ,,MANGGA LAm,,
[BLANK PAGE]