*, ,LHA SRIN SDE BRGYAD KLU SOGS LA CHAB SHOG BKA' BSGO'I SKOR BZHUGS SO, , @1 #, ,'JAM DPAL GSHIN RJE'I GSHED KYI RNAL 'BYOR PA ^ SH'AKYA'I BTZUN PA BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO'I LUNG, LHA BTZAN 'KHOR DANG BCAS PA LA BSGO BA, CHOS RNAMS THAMS CAD DON DAM DU SPROS PA KUN DANG PRAL YANG, GNYIS SNANG KUN RDZOB LA 'GRO BA MTHA' DAG RANG CAG GI DRIN CAN PHA MAR MA GYUR PA GCIG KYANG MED PAS, SPYIR LUS CAN THAMS CAD DANG, KHYAD PAR KHANG GNYER GYIS MTSON DPAL 'BYOR RAB BRTAN DU 'KHOD PA RNAMS KYI MI NOR PHYUGS GSUM TSANG MAR GNOD 'TSE'I BSAM SBYOR NGAN PA PHRA MO TZAM MA BYED PAR LEGS TSOGS GONG 'PHEL DU 'GYUR BA'I STONG GROGS TSUL DANG MTHUN PAR SGRUBS, BSGO BA BZHIN DANG DU BLANG NA DUS RTAG TU PHAN BDE'I DPAL LA 'GOD PAR BYA BA YIN CING, DE
, ,LAS 'GAL TSE YE SHES KYI RDO RJES DRAG PO'I CHAD PAS MNAR BAR 'GYUR BA GDON MI ZA BAS BAG YOD PAR BYOS SHIG ,CES GO BAR BYA BA'I YI GE SHING STAG ZLA TSES DGE BAR CHOS GRVA CHEN PO BKRA SHIS LHUN PO NAS PRIS, ,CES PA 'DI NI LHA SA DPAL RAB KHANG GNYER BSTAN 'DZIN DGOS SKYES KYIS 'DI LTA BU ZHIG DGOS ZHES BSKUL BA LTAR, 'JAM DPAL GSHIN RJE GSHED KYI RNAL 'BYOR PA, ^ SH'AKYA'I BTZUN PA BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS SPYAR BA'O,, ` ,,SH'AKYA'I RING LUGS 'DZIN PA ^ PAn CHEN AER TE NI BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO'I BKA', ^ 'JAM DBYANGS GONG MA CHEN PO'I LUNG GIS 'PHRIN LAS KYI BYED PO MER KHAN MKHAN PO DZA SAG BLA MA PHYAG MDZOD PA BLO BZANG MKHAS MCHOG KUN LAS RNAM PAR RGYAL, ^ KHAMS GSUM G-YUL LAS RNAM PAR RGYAL BA'I GE SAR DMAG GI LHA CHEN PHAS RGOL ZIL GYIS GNON PA'I MTHU STOBS KYI MNGA' BDAG CHEN PO DAM NYAMS DGRA BO'I SROG LA BRNGAMS PAR BYED PA 'DI NYID DGRA LHA YONGS
KYI GTZO BOR DBU 'PHANG BSTOD DO, ,RGYAL BAR GYUR CIG ,LHA SKYONG DGUNG LO NGA DGU PA'I ZLA BA GNYIS PA'I TSES BCO LNGA LA, ZHES PA 'DI NI BOD BZHUGS AAM BAN CHEN PO'I BKA' 'BREL BZHAN TZONG YE DRIN DH'A LO YE NAS SPANG GCAL GSAR LHA KHANG DU BZHAG CHOG BAR GE SAR GYI BSTONG TSIG 'DI LTA BU ZHIG DGOS ZHES BSKUL BA'I NGOR BGYIS PA'O,, ` ,, SH'AKYA'I RING LUGS 'DZIN PA ^ PAn CHEN AER TE NI BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO'I BKA', GRANGS MED RGYAL BA'I YAB GCIG 'JAM PA'I DBYANGS, ,GANGS LJONGS 'GRO BA'I MGON PO PAD DKAR 'CHANG, ,MTHU STOBS DBANG PHYUG GSANG BA KUN GYI BDAG ,BRTAN G-YO KUN GYI BYED PO RIGS GSUM LHAS, ,BSIL LDAN LJONGS 'DIR SKYE RGU'I PHAN BDE'I GZHI, ,BSTAN LA SDANG BA'I PHA ROL G-YUL NGO SOGS, ,NAG PO'I PHYOGS KYI NYER 'TSE KUN ZHI NAS, , BSTAN DANG 'GRO RNAMS SRING MTHA'I BAR DU SRUNGS, ,BCA' CHIN KHRIR BZHUGS GNYIS PA'I ZLA BA DGU PA'I TSES BZANG PO LA, ZHES PA 'DI NI BOD BZHUGS SUNG AA LI AAM BAN CHEN PO NAS PHUN GLING GRIB BZHON 'PHRANG DANG, BCU SA RONG, TSA RONG BCAS KYI KA ni SO SO'I SGO STENG DU BZHAG CHOG PAR RIGS GSUM MGON PO'I BSTONG TSIG SOGS 'DI LTA BU ZHIG DGOS ZHES BSKUL BA'I NGOR SBYAR BA'O,, ` ,, SH'AKYA'I RING LUGS 'DZIN PA PAn CHEN AER TE NI
, ,BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO'I BKA', THUGS RJE'I CHAB KYI DU: KHA'I ME DPUNG BCIL, ,TSANGS PA'I DBYANGS KYI ZAB DON RTAG TU SGROG ,MTSAN DPE'I SKU MNGA' ZUR PHUD LNGA PA ZHES, ,SA STENG KUN TU GRAGS PA LHAG PA'I LHAS, ,LJONGS 'DI'I THUB BSTAN SBYIN BDAG BCAS PA LA, ,LOG PAR 'KHU PA'I GDUG PA'I SEMS 'CHANG BA'I, ,PHA ROL G-YUL NGO MA LUS ZHI BA DANG, ,BSTAN 'GRO'I PHAN BDE SRID MTHAR RGYAS PAR MDZOD, ,LHA SKYONGS DGUNG LO NGA DGU PA'I ZLA BA GNYIS PA'I TSES BCO LNGA LA, ` SH'AKYA'I RING LUGS 'DZIN PA PAn CHEN AER TE NI BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO'I BKA', RGYAL BA SRAS BCAS BGROD PA GCIG PA'I LAM, ,SNYING RJE'I LAM BZANG RING NAS GOM PA'I MTHUS, ,STOBS BCU MI 'JIGS BZHI YI DPAL BRNYES PA, ,RIS MED 'GRO LA RJES BRTZE PAD DKAR 'CHANG, ,GANG GI THUGS RJE'I BYIN GYI YUL PHYOGS 'DIR, ,NYAG PHRAN BDAG POS YID RAB BSKYOD PA YI, ,PHAS KYI RGOL BA'I G-YUL DO KUN ZHI NAS, ,MTHUN RKYEN LEGS TSOGS SRID MTHA'I BAR DU SPEL, ,LHA SKYONG DGUNG LO NGA DGU PA'I ZLA BA GNYIS PA'I TSES BCO LNGA LA, ` SH'AKYA'I RING LUGS 'DZIN PA PAn CHEN AER TE NI BLO BZANG
DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO'I BKA', BGEGS DPUNG 'JOMS LA MTHU STOBS ZLA BRAL ZHING, ,GRANGS MED SPRUL PAS RGYAL BA'I BSTAN PA BSRUNG, ,BDE GSHEGS KUN GYI GSANG BA'I MDZOD 'DZIN PA, ,GNOD SBYIN SDE DPON CHEN PO 'KHOR BCAS KYI, ,BSIL LDAN LJONGS 'DIR SKYE RGU'I PHAN BDE'I GZHI, ,BSTAN LA SDANG BA'I PHA ROL G-YUL NGO SOGS, ,NAG PO'I PHYOGS KYI NYER 'TSE KUN ZHI NAS, ,BSTAN DANG BSTAN 'DZIN SRID MTHA'I BAR DU SKYONGS, ,^ LHA SKYONG DGUNG LO NGA DGU PA'I ZLA BA GNYIS PA'I TSES BCO LNGA LA, ` SH'AKYA'I RING LUGS 'DZIN PA PAn CHEN AER TE NI BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO'I BKA', GRANGS MED RGYAL BA'I YAB GCIG 'JAM PA'I DBYANGS, ,GANGS LJONGS 'GRO BA'I MGON PO PANG DKAR 'CHANG, ,MTHU STOBS DBANG PHYUG GSANG BA KUN GYI BDAG ,RIGS RNAMS KUN GYI KHYAB BDAG LHAG PA'I LHAS, ,ZUR PHUD LNGA PA MI YI TSUL BZUNG STOBS KYI 'KHOR BSGYUR GONG MA CHES, ,LUNG GI MNGAGS PA'I 'PHRIN LAS BYED PO MER KHAN JA SAG BLA MA SOGS, ,ZHVA SER BSTAN DANG BSTAN 'DZIN BCAS PA KHAMS GSUM G-YUL LAS RNAM RGYAL ZHING, ,CHOS 'BYOR BDE SKYID LEGS TSOGS MTHA' DAG RDZOGS LDAN JI GZHIN RGYAS PAR MDZOD, ,LHA SKYONG DGUNG LO NGA DGU PA'I ZLA BA GNYIS PA'I TSES BCO LNGA LA, ` AOm SVASTI, SHRI SHRI
, ,SHR'I: BKRA SHIS RDUL MANG BRTZEGS PA'I LHUN PO'I SPOR, ,GDONG LNGA'I DBANG POS BTEG PA'I RIN CHEN KHRIR, ,ZHABS SEN ZLA BA GSAR PA'I 'OD RIS KYI, ,DGE MTSAN MNGON PAR BKOD RNAMS RGYAL GYUR CIG; ZHES SHIS PA'I TSIG GIS BLO GROS KYI LAM YANGS PAR BYAS TE CHOS GRVA CHEN PO BKRA SHIS LHUN PO'I CHOS KYI KHRI LA ZHABS KYI PADMO MNGON PAR BKOD DE, KHAMS GSUM GYI SKYE 'GRO YONGS LA PHAN PA DANG BDE BA'I DGE LEGS KYI DGA' STON RTAG TU STZOL BA, STOBS BCU DANG MI 'JIGS PA'I GO GYON ZHING BYAMS PA'I MTSON CHA THOGS PA'I SNYING RJE'I PHYAG RING BRKYANGS TE PHYI NANG GI BDUNG BZHI'I G-YUL LAS RNAM PAR RGYAL BA'I THUB PA'I CHOS KYI GDAN KHRI SKYONG BA BCU DRUG PA GNAS BRTAN RDO RJE 'DZIN PA BLO BZANG DPAL LDAN BSTAN PA'I NYI MA PHYOGS LAS RNAM PAR RGYAL BA'I LUNG, YUL PHYOGS 'DIR GNAS PA'I DKAR PO LHA DANG NAG PO BDUD KYI SDE, KHRA BO GZA' DANG DMAR PO BTZAN GYI SDE, DMU DANG SHA ZA SRIN PO DKOR BDAG STE, DREGS PA SDE BRGYAD DANG DE DAG GI 'KHOR DU GTOGS PA, SNGON SANGS RGYAS MTHONG ZHING DAM PA'I CHOS THOS PA, THUB PA'I SPYAN SNGAR CHOS BZHIN BSGRUB PA RNAMS BSRUNG ZHING SKYONG BAR KHAS BLANGS DAM BCAS PA KHYED RNAMS KYI TSE DANG LDAN PA BKA' BCU 'JAM DBYANGS DAR RGYAS 'DI PAS MTSON PA'I SRID KYI 'DAB CHAGS SU GNAS PA'I SKYE 'GRO THAMS CAD GNAS SKABS 'DIR TSE RING ZHING NAD
MED PA DANG, DPAL 'BYOR LONGS SPYOD 'KHOR G-YOG GNYEN 'DUN, THOS BSAM SGOM PA'I SHES RAB, LUNG RTOGS KYI YON TAN RNAMS 'PHEL ZHING RGYAS PA DANG, YUL PHYOGS DER YANG MI NAD PHYUGS NAD, SAD SER THAN PA, DMAG 'KHRUG MU GE LA SOGS PA MI MTHUN PA'I PHYOGS THAMS CAD ZHI ZHING, LO CHU RTAG TU LEGS SHING MI NOR LONGS SPYOD 'PHEL BA SOGS JI LTAR BSAM PA'I DON RNAMS YID BZHIN DU 'GRUB PA'I STONG GROGS DANG BSRUNG SKYOBS NAM YANG MI G-YEL BA DANG, TSE RABS PHYI MA RNAMS SU YANG DAG PA'I ZHING KHAMS CI RIGS SU SKYES NAS SA LAM GYI BGROD PA MYUR DU MTHAR PHYIN PA SOGS CHOS LDAN GYI BYA BA GANG BSGO BA THAMS CAD TSUL BZHIN DU SGRUBS SHIG ,JI LTAR GDAMS PA'I DON DE RNAMS LAS MI 'DA' BAR BSGRUB PA RNAMS LA 'DI PHYI THAMS CAD DU DGE BA'I SKYABS 'JUG BGYID, ZHES GO BAR BYA BA'I YI GE RNGA CHEN ZHES BYA BA CHU PHO KHYI LO'I STON ZLA THA CHUNG GI TSES LA, ` , AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL; ;SARBA DZA GA TAm,,