*, ,MDO SNGAGS KYI BKA' GNAD RNAMS LA DRI BA ZHUS PA'I LAN RNAMS PHYOGS GCIG TU BSDEBS PA BZHUGS SO, , @1 #, ,AOm SVASTI, PHYOGS BRAL BYAMS BRTZE'I GSER GYI 'KHOR LO YI, ,THUB BSTAN GLING BZHI'I KHYON LA DBANG BSGYUR BA'I, ,RGYAL BA'I RGYAL TSAB MI PHAM CHOS KYI RJES, ,RNAM DPYOD SPOBS PA RGYAS PA'I BYIN CHEN STZOL, ,'DIR DRIS LAN 'GA' ZHIG BRJOD PAR BYA STE, SA DANG POR SBYIN PA'I PHAR PHYIN GYI NYAMS LEN DANG, SA GNYIS PAR TSUL KHRIMS KYI PHAR PHYIN GYI NYAMS LEN LHAG PAR THOB CES PA'I DON, GO THOB KYI DBANG DU BYAS NA JI LTAR YIN ZER BA NI, DPAL LDAN ZLA BA GRAGS PAS, SKYE BO 'DI DAG BDE BA MNGON 'DOD CING, ,MI YI BDE BA'ANG LONGS SPYOD MED MIN LA, ,LONGS SPYOD KYANG NI SPYIN LAS BYUNG MKHYEN NAS, ,THUB PAS DANG POR SBYIN PA'I GTAM MDZAD DO, ,ZHES GSUNGS PA LTAR, BYANG SEMS RNAMS SA LAM GYI BGROD PA
, ,MTHAR PHYIN PAR BYED PA LA, LUS DANG LONGS SPYOD 'KHOR PHUN SUM TSOGS PA LA SOGS PA YON TAN DRUG DANG LDAN PA'I RTEN BZANG PO ZHIG THOB NA LAM GYI SA CHOD GZHAN DANG MI 'DRA BA 'ONG BAS, DE LA YANG DANG POR BYANG CHUB SEMS DPA'I MA CHAGS PA DANG LHAN CIG TU SKYES PA'I SEMS DANG, DES KUN NAS BSLANGS PA'I LUS DANG LONGS SPYOD DGE RTZA THAMS CAD GZHAN LA BTANG BA'I 'BRAS BU DANG BCAS PA SNYING THAG PA NAS SEMS CAN THAMS CAD LA GTONG SEMS GOMS PA GAL CHE BAS NA, SA DANG POR SBYIN PA'I PHAR PHYIN GYI NYAMS LEN LHAG PAR GSUNGS SHING, RTZOD PA BYED PA'I TSE 'PHRAL DU GO BDE BA ZHIG BRJOD NA, SA DANG POR SBYIN PA'I PHAR PHYIN GYI NYAMS LEN THOB PA'I TSOD TZAM PHAR PHYIN LHAG MA DGU'I NYAMS LEN MA THOB CING DE BZHIN DU SA GNYIS PAR SBYIN PA'I PHAR PHYIN GYI NYAMS LEN YAR LDAN DU YOD PAR MA ZAD TSUL KHRIMS KYI PHAR PHYIN GYI NYAMS LEN THOB PA'I TSOD TZAM PHAR PHYIN LHAG MA BRGYAD KYI NYAMS LEN MA THOB PAS NA SA DANG POR SBYIN PA'I
PHAR PHYIN GYI NYAMS LEN LHAG PA DANG, SA GNYIS PAR TSUL KHRIMS KYI PHAR PHYIN GYI NYAMS LEN LHAG PAR THOB PA YIN ZHES LAN BTAB PAS CHOG CING, RGYAS PAR SHES PAR 'DOD NA DBU MA 'JUG PA RTZA 'GREL LAS SHES PAR BYA'O, ,RNAL 'BYOR SPYOD PA'I RANG RGYUD PA'I LUGS LA, SGYU MA'I RTA, SEMS KYI SNANG CHA YIN PAS SEMS DE 'JAL BA'I RANG RIG GI SHUGS LA RTOGS ZHES 'JAM DBYANGS BZHAD PAS GSUNGS 'DUG PA DE'I LUGS LA SGYU MA'I RTA GLANG RANG NGOS NAS GRUB PA'I YOD PA YIN PAS, DE 'JAL BA'I SEMS CAN GYI RGYUD KYI GZHAN RIG MED PA'I RGYU MTSAN JI LTAR LAGS, SEMS KYI SNANG CHA YIN ZHES PA YANG DE'I LUGS LA CHOS THAMS CAD NANG SEMS KYI BDAG NYID TZAM DU GRUB PA'I CHOS THAMS CAD SEMS KYI SNANG CHA YIN MIN DANG YIN TSE THAMS CAD RANG RIG GI GZHAL DGOS PAR MI 'GYUR RAM ZER BA NI RNAL 'BYOR SPYOD PA'I RANG RGYUD PA'I LUGS LA, CHOS THAMS CAD SEMS TZAM GYI BDAG NYID DU GRUB PAS NA THA SNYAD KYI DNGOS PO RNAMS KYI GNAS TSUL KYANG SEMS RTOGS NA SHUGS KYI RTOGS NUS PA LA DGONGS NAS 'JAM DBYANGS BZHAD PA'I YIG CHAR DE LTAR BSHAD PA YIN MOD KYI, SEMS CAN GYI RGYUD GYIS SEMS 'JAL BA'I RANG RIG GI SGYU MA'I RTA GLANG SOGS RTOGS NA RANG RIG DE KHA 'CHI LTAS KYI SHES PAR THAL BA SOGS GNOD BYED DU MA YOD PAS, SGYU MA'I RTA GLANG
, ,RTOGS PA'I DBANG SHES SOGS GZHAN RIG MED PAR BZHED NAS DE LTAR GSUNGS PA MA YIN, 'JAM DBYANGS BZHAD PA'I PHAR PHYIN DU BYANG SEMS NGAN 'GROR MI SKYE BAR BSHAD PA DANG, DBU MA'I SKABS SU BYANG SEMS KYI BYANG SEMS LA KHROS NAS DMYAL BAR SKYE TSUL BSHAD PA 'GAL BA LTAR SNANG BAS DE'I 'GAL SPONG JI LTAR LAGS ZER BA NI, MGON PO ZHI BA LHAS BA SLAB BTUS SU BYANG SEMS NANG PHAN TSUN KHROS PA MA GTOGS RGYU GZHAN GANG GIS KYANG BYANG SEMS DMYAL BA SOGS SU MI LTUNG BAR BSHAD PA LA DGONGS NAS 'JAM BZHAD KYI PHAR PHYIN DU DE LTAR BSHAD PA YIN NAM, JI LTAR YANG BYANG SEMS NANG PHAN TSUN LA MI BSNGAGS PA BRJOD PA LA BRTEN NAS DMYAL BAR SKYE BAR YOD PA NI, MDO LAS, BYANG SEMS SPYOD PA MCHOG DANG, SPYOD PA'I BLO GROS GNYIS KYI GTAM RGYUD LAS GSUNGS PA DANG GZHAN YANG MANG NGO, ,'JIGS BYED BCU GSUM MA'I DBANG THOB NA DPA' GCIG GI RJES GNANG TZAM THOB PAS DE'I BSNYEN SGRUB BYED PA DANG BDAG 'JUG LEN CHOG MI CHOG ZER BA LA, DPA' GCIG GIS BSNYEN SGRUB DANG DE'I BDAG 'JUG SOGS BYED PA LA, RAB DPAL RDO RJE 'JIGS BYED BDUD LAS RNAM RGYAL GYIS DBANG THOB PA ZHIG DGOS MOD, 'ON KYANG 'JIGS BYED BCU GSUM MA'I DBANG MTSAN NYID TSANG BA ZHIG THOB NAS DAM TSIG LA GNAS
PA'I GANG ZAG GIS RO LANGS BRGYAD SKOR DANG, ZHE DGU MA SOGS KYI SGO NAS KYANG LAS TSOGS BSGRUBS PAS CHOG PA SOGS MKHAS GRUB TSANG LDAN GYI GZHUNG DU MA LAS BSHAD PAS NA 'JIGS BYED BCU GSUM MA'I DBANG TSAD LDAN THOB NAS DAM TSIG DANG SDOM PA LA GNAS PA'I GANG ZAG GIS 'JIGS BYED DPA' BO GCIG PA'I BSNYEN PA DANG BDAG 'JUG BLANG DU RUNG TZAM YIN CING, DE TZAM GYI GZHAN LA DPA' GCIG GI DBANG BSKUR BA SOGS NI MI RUNG NGO, ,GSUM PA MKHAN POS YI DAM CHOS SKYONG MANG PO LA MCHOD GTOR LHAN DU PHUL CHOG PA'I RIG PAS THABS GCIG GI NANG DU LHA MI 'DRA BA MANG PO BSKYED PA'I SBYIN SREG BYAS CHOG PAR BSGRUBS NAS YIG CHA MDZAD PA DON LA GNAS MI GNAS JI LTAR YIN ZER BA NI, SPYIR RANG NYID YI DAM GANG YANG RUNG BA'I BDAG BSKYED LA GNAS NAS DE NYID KYI SGRUB THABS LAS BSHAD PA BZHIN MCHOD GTOR BYIN GYIS BRLABS TE, DKON MCHOG SRI ZHU'I MGRON, MGON PO YON TAN GYI MGRON, RIGS DRUG SNYING RJE'I MGRON MTHA' DAG LA MCHOD GTOR PHUL BAS CHOG MOD KYANG, MKHAS GRUB THAMS CAD MKHYEN PAS, RANG NYID GSANG BA 'DUS PA'I LHA'I RNAL 'BYOR LA GNAS NAS BDE 'JIGS SOGS YI DAM GZHAN LA MCHOD GTOR 'BUL BA'I TSE BYUNG NA, MCHOD YUL GYI YI DAM DE NYID KYI SGRUB THABS LAS BSHAD PA LTAR NANG MCHOD GTOR MA BYIN RLABS BYA DGOS PAR GSUNGS PAS NA THAB GCIG GI NANG DU LHA MI 'DRA BA MANG PO BSKYED NAS SBYIN SREG 'BUL BA
, ,SOGS LA LHA SO SO'I SGRUB THABS NAS BSHAD PA LTAR GYI MCHOD GTOR BYIN RLABS SOGS BYA DKA' BAR MA ZAD, DE 'DRA BA'I LAG LEN SNGON CHAD YONGS GRAGS KYI MKHAS GRUB TSAD LDAN GZHAN GYIS BSHAD PA MA MTHONG BZHIN DU RIGS 'GRE DANG RIG PAS BSGRUBS NAS CHO GA GSAR BRIS NGO MTSAR CHE CHE 'DRA BA MANG PO BYAS KYANG CHOS LA DBANG ZA'I NYES PAS RANG GZHAN PHUNG BA'I RGYUR 'GYUR BA'AM, NGAL BA 'BRAS BU MED PAR 'GYUR NYEN CHE BAS MCHOG THUN MONG GI DNGOS GRUB GANG BSGRUB PAR 'DOD KYANG, ^ RJE YAB SRAS RJES 'BRANG DANG BCAS PA'I GSUNG RAB TSAD LDAN LAS BSHAD PA BZHIN NYAMS SU BLANG NA KHE CHE LA NYEN CHUNG BA YIN NO,, CES PA 'DI YANG KHAL KHA DGE SLONG NGAG DBANG TSE RING GIS DOGS GCOD DRI BA BGYIS PA'I DRIS LAN DU, ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS SBYAR BA'O,, ` ,,NA MO GU RU SU MA TI K'I RTI YA, TSOGS GNYIS RGYA MTSO'I NGOS LAS 'THON, ,SKU BZHI'I YAL 'DAB RAB TU RGYAS, ,CHOS TSUL 'BRAS BU'I KHUR GYIS BRJID, ,THUB DBANG DPAG BSAM DBANG POR 'DUD, ,DE SRAS MKHAS GRUB GSER RI'I DBUS, ,LEGS BSHAD LHUN PO LTAR MTHO BA, ,'JAM MGON BLA MA'I ZHABS BTUD NAS,, DRIS LAN CUNG ZAD SNYAD PAR BYA, ,RGYAL BA'I GSUNG RAB MA LUS PA, ,DNGOS DANG BRGYUD BA CI RIGS PA'I, ,SGO NAS GDUL BYA SANGS RGYAS SAR, ,'KHRID PA'I THABS TSUL SHA STAG YIN, ,DE LAS GZHAN DU GSUNG RAB LA, ,BZANG NGAN
DBYE BA BYAS GYUR NA, ,CHOS SPONG NYES SPYOD CHEN POR 'GYUR, ,DE LTAR RGYAL BA'I GSUNG RAB KUN, ,GANG ZAG GCIG GNYIS SANGS RGYAS SU, ,'KHRID PA'I THABS SU MTSUNGS NA YANG, ,BLA MA'I MAN NGAG DANG BRAL BA'I, ,BKA' LA RANG 'TSAMS KYIS ZHUGS NA, ,DMUS LONG LONG KHRID MED PA DAG ,NYAM NGA'I GNAS SU 'KHYAMS DANG MTSUNGS, ,DE BAS MKHAS BTZUN BZANG GSUM GYI, ,YON TAN LDAN PA'I DGE BA'I BSHES, ,MNYES PA GSUM GYIS MNYES BYED PA,, LEGS TSOGS KUN GYI RTZA BA YIN, ,DE YI JI LTAR BSTAN PA LTAR, ,DAL 'BYOR DON CHE RNYED DKA' DANG, ,'JIG SLA SHI NAS NGAN SONG DU, ,SKYE BA'I SDUG BSNGAL LA 'JIGS NAS, ,BLO SNYING BRANG GSUM DKON MCHOG LA, ,GTAD DE SKYABS SU 'GRO BA DANG, ,DE YI BSLAB BYA'I GTZO BO YANG, ,BKA' BZHIN BSGRUB PA NYID YIN PAS, ,DKAR NAG LAS GNYIS 'BRAS BU DANG, ,BCAS LA YID CHES DANG PA'I STOBS, ,BSKYED NAS BLANG DO RAL 'BAD PA, ,YANG DAG LAM GYI RMANGS GZHI YIN, ,TSUL DER 'BAD PA'I BDE 'GRO'I RTEN, ,THOB KYANG NGES PAR NGAN SONG DU, ,SLAR YANG 'KHYAMS 'GYUR YID BRTAN MED, ,DE'I PHYIR KHAMS GSUM 'KHOR BA 'DI, ,ME 'BAR KLUBS LTAR MTHONG BA YI, ,NGES 'BYUNG BSAMS PAS KUN BSLANGS TE, ,SDUG BSNGAL RTZA BA KUN 'BYUNG DANG, ,DE YI RTZA BA MA RIG PAR, ,SHES NAS DE'I YUL SUN 'BYIN PA'I, ,ZAB MO'I LTA BA RTAG CHAD KYI, ,MTHA' DANG BRAL BA 'TSOL LA 'BAD, ,MDOR NA
, ,BSLAB GSUM RIN CHEN GYI, ,THEM SKAS RIM PA BZHIN 'DZEGS TE, ,MCHOG TU ZHI BA'I THAR PA YI, ,KHANG BZANG DAM PAR BGROD PAR BYA, ,'ON KYANG DRIN GYIS BRKYANGS PA'I MA, ,SDUG BSNGAL GSUM GYI BTZON RA RU; ;TSUD DE NYAM THAG CHO DE NGAG ,'DON PA 'DI KUN MTHONG BZHIN DU, ,BOR TE RANG NYID ZHI BDE'I NGANG, ,GNAS PA 'DI LAS KHREL BOR SU, ,DE'I PHYIR RANG NYAMS LA DPAGS TE, ,GZHAN PHAN KHUR CHEN KHYER BA YI, ,LHAG BSAM BZANG PO'I GRUR ZHUGS TE, ,KUN MKHYEN NOR BU'I GLING BGRAD BYA, ,SNYAM PA'I RIN CHEN SEMS MCHOG NI, ,ZIN PA'I PHYIN DRUG BSDU BZHI YIS, ,BSDUS PA'I RGYAL SRAS SPYOD LA BSLABS, ,DE LTAR THEG MCHOG LAM GNYIS KA'I; ;THUN MONG LAM GYI RGYUD SBYANGS TE, ,RDO RJE'I THEG PA'I 'JUG SGO MCHOG ,RNAM DAG DBANG NOS DBANG DUS SU, ,KHAS BLANGS NGAM SDOM LA GNAS NAS, ,RIM GNYIS NYAMS SU LEN PA LA, ,GZHAN GYI BSHAD PA'I RJES ZLOS DANG, ,TSIG SPYI TZAM DU MA LU SA PA'I, ,SNYING NAS NGES PA RNYED GYUR NA, ,TSUL 'DI RGYAL BAS BSNGAGS PA YI, ,LAM GYI GO RIM 'KHRUL MED YIN, ,'ON KYANG KHA BSHAD CHU'I WU BAS, ,DON GYI SNYING PO STONG BA MANG; ;DE'I PHYIR NYAMS LEN RIN CHEN GSER, ,SNYING GI NOR BUR BSTEN PA GNAD, ` ,RTZA GSUM 'KHOR LO BZHI LDAN GYI, ,DH'U T'I'I NANG DU YI GE DANG, ,THIG LE LHA SKU LA SOGS LA, ,DMIGS PA'I GNAD DU
BSNUN PA'I MTHUS, ,DH'U T'I'I NANG NAS DKAR DMAR KHAMS, ,'BAR 'DZEG LAS BYUNG DGA' BZHI SKABS, ,RANG SEMS BDE BA'I NGOR SONG BAS, ,GNAS LUGS YUL DU BYAS PA YI, ,LAM DE RDZOGS RIM DNGOS GZHI YIN, , DE LTA MIN PAR BDE BA YIS, ,STONG PA TZAM ZHIG NGES PA YIS, ,MNYAM GZHAG DE LA NANG SEMS KYI, ,DBYE NA BDE STONG ZUNG 'JUG GI ,TING 'DZIN DNGOS DANG RJES MTHUN TZAM, ,MANG DU YOD PAS ZHU BDE YIS, ,STONG NYID RTOGS PA BSKYED RIM NAS, ,MA DAG SGYU LUS BAR DU 'BYUNG, ,BDE STONG DBYER MED ZUNG 'JUG DNGOS, ,DON GYI 'OD GSAL MAN LA MED, ,AA WA DH'U T'I'I NANG NYID DU, ,GNAD DU BSNUN NAS BSGOM GYUR NA, ,DMIGS RTEN GANG LA DMIGS NA'ANG; ;RDZOGS RIM SGOM PA'I GO CHOD CING, ,KHYAD PAR SKYES BU GSUM GYI LAM, ,SHAR BSGOM TSUL DU BRKYANGS PA'I MTHAR, ,GSANG BDE 'JIGS GSUM GANG RIGS KYI, ,SKU GSUM LAM KHYER GNAD TSANG BA'I, ,SGRUB THABS RGYAS BSDUS CI RIGS PA, ,SGOM MTHAR SNYING KHA'I DH'U T'I'I NANG, ,RANG SEMS BLA MA YI DAM DANG, ,DBYER MED H'Um GI RNAM PA LA, ,DMIGS NAS SGOM DANG DE YIS MTHUS, ,BDE CHEN SKYES DANG BDE BA'I BLOS, ,STONG NYID MOS PA TSUN CHAD KYI, ,BSGOM NA RDZOGS RIM BSGOM PA YI, ,GRANGS SU NGES PAR 'GRO'O ZHES, ,PHYOGS LAS RNAM RGYAL KHO BO SMRA, ,DE TZAM MA ZAD TSUL DE LTAR, ,RGYUN GYI NYAMS LEN DU KHYER TSE, ,MDO SNGAGS LAM GYI GNAD
, ,RNAMS LA, ,BAG CHAGS BRTAN PA'I RGYU'ANG YIN, ,MA NOR LAM STON BLA MA DE, ,RNAM PA RGYAL BA GNYIS PA SOGS, ,SKYABS GSUM KUN 'DUS NGOR MOS TE, ,YAN LAG BDUN PA MAndAL DANG, , BCAS TE PHUL LA DMIGS BRTZE MA'I, ,SGO NAS GSOL BA 'DEBS PA NI, ,BLA MA'I RNAL 'BYOR BSGOM PA YI, ,GO TZAM NGES PAR CHOD MOD KYANG, ,BLA MCHOD BDE STONG DBYER MED MA, ,JI BZHIN MDO SNGAGS LAM KUN GYI, , NYAMS RTOGS SKYE PHYIR GSOL 'DEBS DANG, ,DE DON PHUGS YUL RANG RGYUD LA, ,SKYE BA'I BAG CHAGS 'JOG PA YI, ,DGOS PA JI BZHIN 'GRUB PA DKA', ,DE LTAR LNGA MCHOD BLA MA YI, ,MING 'DZIN GANG NGES DRIS PA'I LAN, , MDOR BSDUS TZAM ZHIG THOL BYUNG DU, ,SMRAS PA'I DGE BAS RGYAL BA'I BSTAN, ,SPYI DANG 'JAM MGON SNYAN BRGYUD KYI, ,GDAMS PA RIN CHEN PHYOGS DUS KUN, ,MI NYAMS DAR ZHING RGYAS GYUR CIG ,MANGGA LAm, CES MDO KHAMS LNGA MCHOD BLA MA DGE SLONG BLO BZANG DGE LEGS KYI DRIS LAN 'DI'ANG, ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS GZIMS CHUNG BKA' GDAMS PHO BRANG DU SBYAR BA'O,, DAG LEGS 'PHEL,, , AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SPYIN 'DZAD MED DAL 'GRO'I RGYUN 'DI SPEL, ,SARBA DZA GA TAm,,
[BLANK PAGE]