*, ,DGON SDE KHAG GI BCA' YIG BSLAB BYA'I SKOR BZHUGS SO, , @1 #, ,AOm BDE LEGS SU GYUR CIG ,SRID PA'I BDE LA NGES PAR 'BYUNG BA'I 'BUM PHRAG CHU KLUNG DU MAS YONGS SU GANG, ,TSUL 'CHAL RNYOG PA'I DRI MA DANG BRAL DGAG SGRUB GNANG GSUM RLABS PHRENG MKHA' LA 'PHYO, ,SDE BZHE'I LUNG GI GDENGS KA RAB BRJID RNAM GROL THAR PA'I NOR BUS GTZUG NA MDZES, ,LUNG DANG RIG PA'I PHUD SGRA RAB SGROG MKHAS GRUB KLU DBANG TSOGS RNAMS RGYAL GYUR CIG ,'DIR CHOS SDE DGA' LDAN BSHAD SGRUB GLING DANG NYE 'DABS SU GNAS PA'I SBYIN BDAG KHUL DU RTOGS PHYIN PA SOGS SER SKYA TSANG MA NAS RANG GZHAN GYI LEGS TSOGS KUN GYI 'BYUNG GNAS STON PA THUGS RJE CAN GYI ^ BKAS BCAS PA'I SPANG BLANGS JI LTAR BYA BA'I TSUL 'DIR BRJOD PAR BYA STE, DE
, ,YANG CHOS SDE CHEN PO 'DI NYID DU BZHUGS PA'I DGE TSUL SLONG TSANG MAS RANG RANG GI BSLAB PA'I BSRUNG MTSAMS 'DUL BA LUNG LAS JI LTAR GSUNGS PA BZHIN DAM PA'I MGON LA BRTEN NAS 'DUL BA LUNG SNGE BZHI DGONGS 'GREL DANG BCAS PA LA THOS BSAM GYIS SGRO 'DOGS BCAD DE LAG LEN LA THEBS NGES MDZAD DGOS SHING, LHAG PAR DENG SANG YUL DUS KYI DBANG GIS BSLAB PA'I MI MTHUN PHYOGS KYIS GTAN NAS MA GOS PA MI SRID CING, ZLA BA BYUNG NGO COG GI YAR NGO MAR NGO'I GSO SBYONG GNYIS CHAG MED MDZAD TSE LTUNG BYED MAN CHAD KYI NYES LTUNG MA LUS PA 'DAG PA SOGS DGOS PA DU MA YOD PAS DUS KYI GSO SBYONG GNYIS CHAG MED MDZAD PA DANG, DBYAR GYI NANG DU SROG CHAGS PHRA MO LA GNOD PA SPONG BA DANG, LUS SROG LA BAR GCOD BSRUNG BA, KLOG PA THOS BSAM DANG, SPONG BA BSAM GTAN 'PHEL BA, GNAS GRUM PA DANG RAL BA BCOS PA SOGS KYI CHED DBYAR SNGA PHYI GNYIS GANG YANG RUNG BA KHAS BLANGS
TE; THUNG MTHA' ZLA BA PHYED GNYIS KYI BAR MTSAMS NANG DU GNAS PA SOGS DBYAR KHRIMS JI LTAR BSRUNG TSUL DANG, GLO BUR DANG DUS KYI DGAG DBYE JI LTAR BYA BA'I TSUL 'DUL BA 'DZIN PA CHEN PO GRAGS PA RGYAL MTSAN GYIS MDZAD PA'I GZHI GSUM CHO GAR JI LTAR BSHAD PA BZHIN, DBU YOD GRVA BYINGS BCAS PAS KHUR BSAM CHE BZHES NGOS, GZHI GSUM GYI PHYAG LEN MA NYAMS PAR MDZAD PA DANG, SROG GI BAR GCOD DU 'GYUR BA SOGS DGOS PA DMIGS BSAL MED TSE GOS PHU THUNG CAN DANG, KHA DOG MA BSGYUR BA GYON PA, DGON PA'I NANG DANG NYE SKOR DU MDA' RDO 'PHANG BA DANG, CHO LONG DANG MIG MANG RTZE BA SOGS KHYIM PA MI MDZES PA'I SPYOD PA BYAS TSE MGO YOD KYIS NYES TSABS DANG BSTUN PA'I CHED LAS BSGRUB TU BCUG PAR SUS KYANG RE KHENGS MI BYED, LHAG PAR NYES PA KUN GYI GZHI MYOS 'GYUR YANG YANG 'THUNG BA DANG, RTZA BA'I LTUNG BA MTHONG THOS DOGS GSUM BYUNG BA GANG YIN SHES 'PHRAL GNAS DBYUNG BYED PA SOGS RGYAL BA'I BSTAN PA'I RTZA BA DAM PA'I CHOS 'DUL BA'I BSLAB KHRIMS MTHA' DAG GZHAN NGO BSRUNG BA DANG; KHRAL MNGON LTA BUR MA SONG BAR DBU GTZO DMANGS TSANG MAS 'DI PHYI'I BDE 'BRAS LA BSAM PAS CI SHES CI NUS SU BSRUNG BA DANG, NYE 'DABS SU GNAS PA'I KHYIM PA RNAMS KYIS KYANG BSOD
, ,NAMS KYI ZHING SA DAM PA DGE 'DUN GYI SDE LA RANG RANG GI DNGOS 'BYOR DANG BSTUN NAS MCHOD CING BSNYEN BKUR BA DANG, DAD CING GUS PA LHUR LEN PA MA GTOGS DGON PA'I NYE 'DABS KYI SROG CHAGS GSOD PA SOGS RGYAL BA'I BSTAN PA DANG, DE 'DZIN PA'I DGE 'DUN GYI SDE LA RMA 'BYIN PA'I LAS SPANGS TE, MDO LAS, DAD PA'I SHOL GYI BSOD NAMS KYI ZHING RMOS PAR GYUR CIG ,CES GSUNGS BA LTAR, DUS BZHI THAMS CAD DU 'DI PHYI'I BDE LEGS KYI SA BON BTAB CHOG PA'I DGE 'DUN GYI ZHING LA YANG DAD GUS MCHOD BSTOD 'BA' ZHIG LHUR BLANG BAR BYA'O, ,DE LTAR BSGO BA TSUL BZHIN BSGRUB PA RNAMS LA 'DI PHYI THAMS CAD DU DGE BA'I SKYABS 'JUG BGYID PA YIN, ZHES GO BAR BYA BA'I YI GE GZIMS CHUNG BKA' GDAMS PHO BRANG NAS BRIS BA'O,, ` ,,AOm BDE LEGS SU GYUR CIG ,RNAM DAG TSUL KHRIMS RTZA BA RAB BRTAN CING; ;SNGE BZHI'I LUNG DON RTOGS PA'I YAL 'DAB RGYAS, ,GTAN MKHAS YON TAN 'BRAS BU'I KHUR GYIS BRJID, ,YONGS 'DZIN DPAG BSAM LJON PA RGYAL GYUR CIG, CES SHIS PA'I TSIG GIS RDUN BSUS TE GRVA TSANG 'DIR BZHUGS PA'I DGE 'DUN RNAMS KYIS SGRIGS LAM KUN SPYOD JI LTAR BYA BA'I TSUL NI, JI SKAD DU, RJE BTZUN BYAMS MGON GYIS, GANG PHYIR RGYAL LAS 'CHAD MKHAS 'GA' YANG 'JIG RTEN 'DIN YOD
MIN TE, ,MA LUS DE NYID MCHOG NI KUN MKHYEN GYIS MKHYEN GZHAN GYIS MIN, ,ZHES GSUNGS PA LTAR, BLANG DOR GYI GNAD PHRA ZHING PHRA BA MNGON SUM GYI GZIGS PA NI SANGS RGYAS NYAG GCIG YIN PAS NA, LUS CAN KUN LA GNAS SKABS DANG MTHAR THUG GI PHAN BDE MA LUS PA 'BYUNG BA'I GZHI DANG RTZA BA NI ^ RGYAL BA'I BSTAN PA KHO NA YIN CING, DES NA ^ RGYAL BAS JI LTAR BSTAN PA'I BLANG DOR LA SLOB TSUL RGYAS PAR 'DUL BA LUNG SDE BZHI DGONGS 'GREL DANG BCAS PA LA NYAN BSAM SGOM GSUM GYI SGO NAS SHES PAR BYED DGOS SHING, 'DIR 'PHRAL GYI SPANG BLANGS JI LTAR BYA BA'I TSUL TZAM ZHIG BRJOD PAR BYA STE, DE YANG, DGON SDE DGA' LDAN CHOS 'PHEL GLING 'DI'I GRVA GRAS SU THOG MAR 'JUG BA'I TSE RTZA BA BZHI GANG YANG RUNG BA'I SGO NAS BSLAB KHRIMS NYAMS PA DANG, DGON SDE GZHAN NAS GNAS DBYUNG BYAS PA SOGS KYI NYES CAN DANG, MYOS 'GYUR SPONG MI NUS PA SOGS RAB TU BYUNG BA'I KUN SPYOD LA GNAS MI NUS PA'I RIGS MED NGES GRVA TSANG 'DI KHA'I GRVA PA TSUL MTHUN GNYIS KYI KHAG THEG BCAS BYUNG NA MA GTOGS MI 'JUG PAR BCAD, ,GRVA SAR ZHUGS NAS KYANG RAB TU BYUNG BA'I RTAGS CHA LUGS NYAMS MED 'CHANG BA LAS GOS PHU THUNG CAN DANG KHA DOG MA BSGYUR BA DKAR PO DANG, KHRA BO LA SOGS PA TSOGS DANG, SO SO'I GRVA SHAG SOGS GLING KHONGS SU GTAN NAS GYON MI CHOG CING, GAL TE GYON PA SHES NA DGE SKOS NAS TSOGS SU MAR ME MTSAN THUB RE PHUL NAS BRGYA
, ,PHYAG 'TSAL DU BCUG ,DUS BZHIR DGON PA RANG DU GTAN 'JAGS SU 'DUG STE SO SO'I SLOB GNYER LA YAR BSKYED YONG NGES MDZAD BA DANG, SHI GSON GYI CHO GA RIM GRO SOGS LA PHYOGS GZHAN DU 'GRO DGOS BYUNG TSE DGE SKOS LA GNANG BA NGES 'DRONGS ZHU BA DANG, GAL SRID SBYIN BDAG RANG DBANG BTZAN BA SOGS LA BRTEN NAS ZHU LONG MED PAR GLO BUR DU 'GRO DGOS SHAR TSE SLAR DGE SKOS LA DGONGS SEL NGES PAR ZHU BA DANG, DE DAG LAS 'GAL TSE DGE SKOS KYIS BABS BLTAS BYAS NAS BDUN PHRAG GCIG GAM, ZHAG BZHI LNGA LA SOGS PA'I RING TSOGS SU BRGYA PHYAG 'TSAL DU 'JUG ,GZHIS BYES GAD DU MYOS 'GYUR BTU NGA BSHAR TSE GNAS DBYUNG NGAM, ZLA BA GCIG GI RING TSOGS SU BRGYA PHYAG 'TSAL BA GANG 'GAB BYED DU 'JUG ,LHAG BAR RTZA BA'I LTUNG BA BZHI GANG RUNG LA MTHONG THOS DOGS GSUM BYUNG TSE RGYAB RTZA DANG BCAS BA GNAS DBYUNG BYED, DE BZHIN DU RMA KHRAG THON PA'I BRDEG RES BYAS PA DANG, DGE 'DUN GYI SDE DKRUG PA'I PHUNG DKROL CAN LA SOGS PA RNAMS KYANG GNAS DBYUNG BYED PAR BCAD, DGE SLONG YIN TSE LHAG MA BCU GSUM GANG YANG RUNG BA BYUNG TSE SPO MGU DBYUNG GSUM GYI CHAD LAS 'DUL BA NAS JI LTAR GSUNGS PA BZHIN SBYOD DU 'JUG ,GRVA SAR ZHUGS MA THAG SKU RIM RNAM GSUM, CHOS SRUNG GI BSTOD BSKUL BCAS KYIS MTSON TSOGS 'DON GYI RIGS RNAMS 'PHRAL DU BZUNGS TE LO GCIG TSUN
LA GNAS BRTAN DGE SKOS BCAS KYI DRUNG DU RGYUGS 'BUL BA DANG, BGRES GZHON TSANG MAS YON TAN THAMS CAD KYI GZHI TSUL KHRIMS RNAM BAR DAG PA LA GNAS NAS THOS BSAM BSGOM GSUM SOGS 'KHOR LO GSUM GYI BYA BAS DUS 'DA' BA BCAS ^ RGYAL BSTAN SPYI DANG, KHYAD BAR ^ 'JAM MGON CHOS KYI RGYAL PO TZONG KHA PA CHEN PO'I RING LUGS DRI MA MED PA 'DI NYID DAR RGYAS YUN RING DU GNAS PA'I THABS TSUL LA 'BAD PAR MDZAD DGOS, GTZUG LAG KHANG RNAMS KLOG PA DANG, KHA TEN GYIS RGYAS LEGS GNAS SHOG ,RTAG TU DGE 'DUN MTHUN PA DANG, ,DGE 'DUN DON YANG 'GRUB PAR SHOG ,MADGA LAm, ,CES AA RIG SHOG DGON DGA' LDAN CHOS 'PHEL GLING GI BCA' YIG 'DI LTA BU ZHIG DGOS ZHES AA RIG DGA' LDAN CHOS 'PHEL GLING GI BLA MA AA RIG SPRUL SKU MER KHAN SBI LIG THU CHOS RJE BLO BZANG BSTAN BA RAB RGYAS KYIS BSKUL BA'I NGOR, ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG BOS SBYAR BA'O;; ` ;;THABS SHES ZUNG 'JUG ZLA BA'I MA MA LAS, ,LEGS 'KHRUNGS MTSAN DPE'I YAL 'DAB RGYAS PA'I RTZER, ,SKU GSUM RO BRGYA'I BLA MED 'BRAS SMIN PA, ,THUB DBANG YONGS 'DU'I DBANG BO DE LA 'DUG ,CES SHIS PA'I TSIG GI BLO GROS KYI LAM YANGS BOR BYAS TE, GZHAN PHAN BYANG CHUB GLING 'DIR BZHUGS PA'I DGE 'DUN RNAMS KYIS SPANG BLANGS JI LTAR BYA BA'I TSUL NI, MGON PO KLU SGRUB KYIS, KHRIMS NI RGYU DANG MI RGYU'I
, ,SA BZHIN DU, ,YON TAN KUN GYI GZHI RTEN LEGS PAR GSUNGS, ,ZHES GSUNGS BA LTAR, SPYIR ^ RGYAL BA'I BSTAN PA'I SGOR ZHUGS PA RNAMS KYIS JI LTAR KHA SA BLANGS PA'I BSLAB PA'I BCAS MTSAMS TSUL BZHIN DU BSRUNG BA NI, GNAS SKABS DANG MTHAR THUG GI DON THAMS CAD 'GRUB PA'I GZHI RTEN YIN PA DANG, ^ RGYAL BA'I BSTAN PA RANG GZHAN GYI RGYUD LA YUN RING DU GNAS BA'I THABS KYI MCHOG YIN PA LA DGONGS NAS STON PA THUGS RJE CAN GYIS YONGS GRAGS KYI CHAS 'KHOR BSKOR BA'I SNGON DU LNGA SNGE LA SHAM THABS ZLUM POR BGO BA LA SOGS PA GSUNGS SHING, BAR DU DGE SLONG RNAMS LA KHRIMS NYIS BRGYA LNGA BCU RTZA GSUM DANG, DGE TSUL RNAMS LA BLANG 'DAS SO DRUG ,DGE BSNYEN RNAMS LA BSLAB GZHI LNGA LA SOGS PA'I BCAS PA MDZAD CING, MTHAR SKU MYA NGAN LAS 'DA' BA'I DUS SU YANG, STON PA'I TSAB SO THAR LA GYIS ZHES GSUNGS PA LTAR, 'DI PHYI'I LEGS TSOGS THAMS CAD KYI RTZA BA TSUL KHRIMS RNAM PAR DAG PA BSRUNG BA LA RAG LAS BAR GSUNG RAB DGONGS 'GREL DANG BCAS PA DU MA LAS BSHAD PAS NA, CHOS GRVA 'DIR BZHUGS PA'I DGE TSUL SLONG RNAMS KYIS RANG RANG GI BSLAB KHRIMS BSRUNG TSUL STON PA'I TSAD LDAN GYI GSUNG RAB GANG YANG RUNG BA ZHIG LA BLO NUS DANG BSTUN PA'I THOS BSAM GYI SGO NAS BSLAB PA'I BSRUNG TSUL 'DUL BA LUNG SDE BZHI'I DGONGS PA BZHIN DU MKHYEN PAR
MDZAD NAS LAG LEN LA 'DEBS DGOS SHING, LAG LEN GYI GTZO BO YANG GSO SBYONG, DBYAR GNAS, DGAG DBYE STE GZHI GSUM GYI PHYAG LEN MA NYAMS PAR MDZAD DGOS, KHYAD PAR DU ZLA BA NGO RE BZHIN DUS KYI GSO SBYONG GNYIS LA BRO 'TSAL BA LA SOGS PA GSO SBYONG LA 'DU BA'I DGAG BYA DANG LDAN PA RNAMS KYI 'DUN PA MA PHUL BA DANG, BAG MED PA'I DBANG GIS GSO SBYONG LA MA YONG NA ZHAG GCIG GIS RING TSOGS SU BRGYA PHYAG ,DGE TSUL SLONG THAMS CAD KYI GDING LHUNG NGES PAR BCANG DGOS SHING, TSOGS SU GDING BA MA KHYER NA RUNG KHANG DU CHU SKYEL DU 'JUG ,TSOGS 'TSOGS PA NAS MA GROL GYI BAR LA G-YENGS GTAM SMRA BA DANG, GNYID LOG PA SOGS BYAS NA DGE SKOS KYIS 'OS 'TSAMS BLTAS NAS CHAD LAS BSGRUB TU 'JUG ,CHOS THOG SKABS PHYI DRO SKU RIM CHOS SPYOD DANG, DUS BZANG CHOS SPYOD 'DON DU MA YONG NA TSOGS SU BRGYA PHYAG ,DGE SLONG RNAMS LA BSLAB GRAL DANG, DGE TSUL RNAMS LA MKHAS GRAL BYA DGOS PAS GRAL RIM LA MA BZHUGS NA DGE SKOS KYIS 'OS 'TSAMS BLTAS TE CHAD LAS BSGRUB TU 'JUG ,KO WAGS LAS BYAS PA'I LHA MA YU RING GYON PA DANG, GOS KHA DOG MA BSGYUR BA LA SOGS PA KHYIM PA'I RTAGS CHA LUGS BCANGS NA TSOGS SU MAR ME MTSAN THUB RE 'BUL DU 'JUG ,DGOS MED DU PHYI ROL DU 'GRO BA DANG, DGE 'DUN GYI CHED DU MA YIN PAR TSONG KHE SPOGS DANG, ZHING LAS, BUN BSKYED SOGS
, ,BYAS NA ZLA BA GCIG GI RING TSOGS SU BRGYA PHYAG ,LHA MA GYON PA DANG, PHUD KYANG RKANG 'OG TU BCUG NAS ZAS LA LONGS SPYOD PA DANG, SGOG PA'I RIGS ZA BA DANG, SKRA TSAD LAS LHAG PA 'JOG PA DANG, BSRANG BAR LA SOGS PA MNGON TSAN CHE SAR MANG JA SKU RIM SOGS MA RAN BAR 'TSOGS NAS LONG GTAM SNA TSOGS BYED PA DANG, MIG MANG DANG RDO 'PHEN PA SOGS RGYAN PO 'GYED PA'I RIGS BYAS NA TSOGS SU BRGYA PHYAG 'TSAL BAR BCAD, SPYIL BU SO SO'I STENG NAS RGYAD 'BOD BYED PA DANG, MANG PO 'DUS NAS BZHAD GANG BYED PA DANG, DGAG DGOS KYI RKYEN DANG MI LDAN PAR RDUL GZAN BZHAG TE RGYAB PHRENG DU RGYUG PA SOGS BYAS TSE SPYI SAR SHING TSAD PHAD RE SKYEL DU 'JUG, CHANG DANG AA RAG SOGS MYOS 'GYUR GYI RIGS 'THUNG NA ZHAG BDUN GYI RING TSOGS SU BRGYA PHYAG DANG MAR ME MTSAN THUB BDUN 'BUL DU 'JUG ,DA DUNG YANG YANG BTUNG NA GNAS DBYUNG BYED, PHYI DRO'I KHA ZAS ZOS PA DANG, GRVA TSANG SDE PHAN TSUN PHYOGS ZHEN GYI DBANG GIS GZHAN GYI LHA GRUB LA SMOD PA SOGS BYAS TSE DGE SKOS KYIS NYES PA 'OS 'TSAMS 'GEL, KHYAD PAR DU DNGUL ZHO GANG RI BA YAN CHAD SBYOR BA GCIG GI NANG DU BRKUS PA SOGS RTZA BA'I LTUNG BA BZHI LA MTHONG THOS DOGS GSUM YOD PA THAMS CAD GNAS DBYUNG BYED PAR BCAD, PHYI NANG GANG DU YANG RMA KHRAG THON PA'I BRDEG RES DANG, DGE 'DUN GYI SDE PHAN TSUN DKRUG PA'I
PHUNG DKROL CAN GYI RIGS BYUNG TSE GNAS DBYUNG BYED PAR BCAD, RGYUD GRVAR THOG MA ZHUGS SKABS RGYUGS SU DGOS RGYU'I 'DON CHE'I RIGS BYANG BO MED PA DANG, TSOGS 'DON DU MNGON RTOGS GTONG RGYU'I YI DAM LHA'I DBANG MA THOB PA RNAMS RGYUD GRVAR MI 'JUG ,DBANG THOB KYANG BSNYEN PA MA SOD BA RNAMS SPYIN SREG DANG SGRUB MCHOD SKABS KYI TSOGS SU SGRIGS MI CHOG ,LO GSUM TSUN LA 'DON CHA TSANG MA NGAG 'DZIN DANG, CHO GA PHYAG LEN, DBYANGS ROL GAR THIG TSAD MA NGES PAR MDZAD DGOS, 'DON CHA SONG STENG NAS RIM GNYIS MAN NGAG DANG RGYUD KYI BSHAD SROL GSAN TE NYAMS SU LEN DGOS PAR BCAD, MTSAN NYID GRVA TSANG GI GRVA RIGS RNAMS KYI RANG RANG GI SLOB GNYER GANG LA MDZAD PA'I YIG CHA YONGS RDZOGS SAM, GSUM CHA GNYIS KYI RGYUGS MA PHUL BAR RIGS GRVA GONG MAR SPOS MI CHOG ,CHOS GRVA LA DGONGS PA MA ZHUS PAR BSDAD PA SOGS GRVA TSANG GI SBRIGS LAM DANG 'GAL BA BYED MI BYUNG NA GRVA TSANG BLA MA DANG CHOS KHRIMS BCAS NAS 'OS 'TSAMS KYI CHAD LAS BSGRUB TU 'JUG ,MDOR NA 'DUL BA'I BSLAB KHRIMS RNAM PAR DAG PA BSRUNG BA NI, ^ RGYAL BA'I BSTAN PA'I RTZA BA DANG YON TAN THAMS CAD KYI GZHI RTEN YIN PAS BSLAB PA'I BCAS MTSAMS PHRA RAGS MTHA' DAG MIG GI 'BRAS BU LTAR GCES SPRAS SU BYAS TE NYES LTUNG GIS MA GOS PA LA 'BAD, GAL TE GOS NA'ANG JI MI
, ,SNYAM PAR MA BZHAG PAR PHYIN BCOS DANG STOBS BZHI'I BSHAGS BSNGAMS LA 'BAD PAR BYA'O, ,TSUL 'DIR 'BAD PAS RNAM DKAR DGE PA'I MTHUS, ,GRVA 'DIR KHRIMS LDAN RAB 'BYUNG SHA STAG GI ,YONGS SU GANG ZHING MDO DANG RGYUD SDE BZHI'I, ,BSHAD SGRUB DBYAR MTSO LTA BUR 'PHEL GYUR CIG, SARBA MANGGA LAm, ,CES GZHAN PHAN BYANG CHUB GLING GI TSOGS CHEN DANG, RGYUD GRVA, MTSAN NYID GRVA TSANG GSUM BCAS LA CHOS GRVA CHEN PO BKRA SHIS LHUN PO'I BCA' YIG CHEN MO DANG PHYOGS MTSUNGS SHING, YUL DUS DANG BSTUN PA'I BCA' YIG 'DI LTA BU ZHIG DGOS ZHES AA RU 'KHOR CHEN SHOG GZHAN PHAN BYANG CHUB GLING GI BLA MA THO YON BLO BZANG NYI MA DANG, GRVA SLOB THUN MONG NAS BSKUL BA LTAR, ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS SBYAR BA'O,, ` ,,AOm BDE LEGS SU GYUR CIG ,BDEN GNYIS SHES BYA'I GZUGS BRNYAN MA LUS PA, ,RNYOG BRAL THUGS KYI ME LONG NGOS SHAR NAS, , DGAG SGRUB GNANG GSUM BCAS MTSAMS BLANG DOR KUN, ,STON MDZAD THAMS CAD MKHYEN PA'I ZHABS LA 'DUD, ,CHOS GRVA CHEN PO BKRA SHIS DGE 'PHEL BDE SKYID GLING 'DIR PA ZHUGS PA'I DGE 'DUN RNAMS KHAMS GSUM GYI MGON PO STON MCHOG SH'AKYA'I RGYAL PO DANG, KHAMS GSUM CHOS KYI RGYAL PO TZONG KHA PA CHEN PO'I RJES SU ZHUGS TE, THAR PA DANG THAMS CAD MKHYEN PA'I GO 'PHANG DON DU GNYER BA SHA STAG YIN PAS, DE YANG MNGON PA MDZOD LAS,
TSUL GNAS THOS DANG BSAM GTAN PAS, ,BSGOM PA LA NI RAB TU SBYOR, ,ZHES GZHI TSUL KHRIMS RNAM PAR DAG PA LA GNAS NAS, THOS BSAM SGOM GSUM LA BRTZON PAR MDZAD DGOS PAS, TSUL KHRIMS KYI BSLAB PA BSRUNG TSUL DGE TSUL SLONG RNAMS KYI RANG RANG GI SDOM PA'I BSLAB BYA STON PA'I 'DUL BA LUNG SDE BZHI DGONGS 'GREL DANG BCAS PA LA THOS BSAM GYI SGO NAS BSLAB PA'I BSRUNG MTSAMS MKHYEN PAR MDZAD DGOS SHING, 'DIR YUL DUS DANG BSTUN PA'I 'PHRAL GYI SPANG BLANGS KUN SPYOD DANG DGE 'DUN GYI NANG KHRIMS 'GA' ZHIG BRJOD PAR BYA STE, DE YANG GRVA 'DIR THOG MAR ZHUGS PA'I TSE SKU RIM RNAM GSUM, SMON LAM RNAM GSUM, SA LAM SKABS GSUM, KLOG RGYUGS BCAS 'PHROD NGES MA GTOGS MI 'JUG CING, GRVA SAR ZHUGS NAS ZLA BA GCIG TSUN CHAD LA DGE TSUL GYI SNGOM PA NGES PAR LEN THUB PA BYED, ZLA BA DANG PO, BZHI PA, DRUG PA, DGU PA, BCU PA'I NANG TSOGS 'DU'I RIM PA'I SKABS CHAB SKAD DANG RNGA DUNG RIM BZHIN BTANG BA NA MCHIL LHAM PHUD, ZHVA DANG LCAM TZE DGE SLONG RNAMS KYI CHOS GOS BCAS TSOGS CHAS GON NAS SGO DRUNG DU GSOL 'DEBS, GRAL LA 'KHOD 'PHRAL SHER SNYING, SKYABS SEMS, TSOGS ZHING SPYAN 'DREN, YAN LAG BDUN PA BCAS SNGON DU BTANG NAS RGYUN PAR BLA MCHOD, SKU RIM SMON LAM SOGS SPYIN BDAG SO SO'I RKYEN SEL GYI RIM GRO GANG MNGAGS PA DE NYID MDZAD RGYU DANG, CHO 'PHRUL SMON LAM SKABS YAN LAG
, ,BDUN PA'I MJUG TU RTEN 'BREL BSTOD PA, RGYA CHEN TSOGS GNYIS MA, ZAB YANGS MA, SMON LAM YONGS RDZOGS, SNGA JA'I JA RGYAB LA MKHYEN SRID MA, ZHOGS JA'I JA RGYAB LA DPAL LDAN SA GSUM MA, TSA RTING MA DANG GUNG TSIGS LA SBYIN BDAG SO SO'I RIM GRO ,DGOD JA LA ZHAL 'DON BYINGS SNGA JA NANG BZHIN LA JA RGYAB RNAM DAG GANGS RIM BCAS GTONG ZHING, TSOGS 'TSOGS NAS MA GROL GYI RING LA CHOS SPYOD 'BA' ZHIG MA GTAGS PHAN TSUN 'PHYAR G-YENGS DANG, BZHAD GAD, 'DU 'DZI'I GTAM SOGS BYED PA BYUNG TSE DGE SKOS NAS CHAD LAS 'OS 'TSAMS BSGRUB TU 'JUG ,TSOGS 'TSOGS PA DANG GROL BA'I SKABS THAMS CAD DU PHAN TSUN CHOS KYI DRI BSDUR DANG DRI BSHAD MDZAD PA MA GTOGS DGOS MED KYI LONG GTAM DANG, BRDEG RES SOGS KHYIM PA MI DAD PA'I SPYOD PA'I RIGS GTAN NAS BYAS MI CHOG CING, KHYAD PAR RMA KHRAG THON PA'I BRDEG RES BYAS BA BYUNG TSE RGYAB RTZA DANG BCAS PA GNAS DBYUNG BYED, CHO 'PHRUL SMON LAM SKABS ZHAG BCU SKOR RING NYI MA SHAR BA NAS GLING LA NYI MA MA NUB GONG BUD MED TSOS MJAL BCAS PAR GTONG BA MA GTOGS RGYUN PAR GLING KHONGS SU DRAG ZHAN SU'I NYE 'BREL YIN KYANG BUD MED KYI RIGS BTANG MI CHOG ,SGOG BTZOD DANG RNAM GSUM MA DAG PA'I SHA SOGS BZA' BCA' MA YIN PA'I RIGS LA LONGS SPYAD PA DANG, NYE 'DABS KYI GRONG KHYIM DU ZHAG NYAL BYED PA DANG, GOS DKAR BO
DANG PHU DUNG CAN GYON PA DANG, RDO DANG MDA' 'PHANG BA DANG, MCHONGS DANG CHO LONG RTZE BA SOGS RGYAN PA 'GYED PA'I RIGS BYAS BA BYUNG TSE TSOGS SU MAR MTSAN THUB RE PHUL NAS NYIN GCIG NAS BDUN GYI BAR NYES TSAB DANG BSTUN PA'I BRGYA PHYAG 'TSAL DU 'JUG ,MYOS 'GYUR 'THUNG TSE ZHAG BDUN GYI RING TSOGS SU BRGYA PHYAG DANG, DA DUNG LAN MANG 'THUNG BA DANG DGON PAR LEN PA DANG, RTZA BA BZHI DANG 'GAL BA'I NYES PA BYAS PA BYUNG TSE SHES 'PHRAL GNAS DBYUNG BYED, MDOR NA BGRES GZHON KUN GYIS BSTAN PA'I RTZA BA SO SOR THAR BA'I SDOM PA LA GCES SBRAS MDZAD BA DANG, NYAMS LEN GYI SNYING PO BYANG CHUB LAM GYI RIM PA DANG, DE'I YANG SNYING PO STONG NYID SNYING RJE'I SNYING PO CAN LA BLO SBYONG BA LA GTZO BOR 'BAD PA DANG; GSAR BU BA RNAMS KYI 'DON CHA'I RIGS TSAGS SU MA TSUD BAR DE NYID LA GTZOR 'DON MDZAD PA DANG, TSUL 'CHAL DANG, DAM NYAMS 'DRE 'KHYER SOGS DANG SRES LHAD GTAN NAS MI BYED, DE LTAR BCAS PA'I KHRIMS KYI YI GE 'DI NYID KYI DON LAS SHES BZHIN KHYAD BSAD KYI RGYAB 'GAL BYED PA DANG, ZHAL TA PA SOGS LAS BYED RNAMS NAS KHRIMS DRANG BZHAG GI NYES 'GEL SOGS BYAS PA LA DANG LEN MI BYED PAR KHA DRAG CAN GYI RGYAB RTZA DANG, LTAG 'DZIN 'TSOL BA DANG, NYES CAN GYI RGYAB 'DZIN BYED PA SOGS BYUNG TSE MYUR MDZAD YE SHES KYI MGON PO DAM CAN CHOS KYI RGYAL PO SOGS BKA' BSRUNG CHOS SKYONG DAM TSIG CAN RNAMS KYIS MNGON SPYOD DRAG PO'I LAS KYI TSAR GCOD
, ,MDZOD,, CES BKRA SHIS DGE 'PHEL BDE SKYID GLING GI BCA' KHRIMS KYI YI GE 'DI LTA BU ZHIG DGOS ZHES 'OR TU SU AO SHING PA'I SE SBU YAN THUS YIG LAM NAS BSKUL BA LTAR, ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG BOS SBYAR BA'O,, ` ,,AOm BDE LEGS SU GYUR CIG ,RLABS CHEN TSOGS GNYIS RTZA BA RAB BRTAN CING, ,SDE BZHI'I LUNG DON MKHYEN PA'I YAL 'DAB RGYAS, ,STOBS DANG MI 'JIGS 'BRAS BU'I KHUR GYI SA DUD, ,THUB DBANG DPAG BSAM LJON PA RGYAL GYUR CIG ,ZHES; SHIS PA'I TSIG GIS RDUN BSUS TE, 'DIR CHOS GRVA CHEN PO BKRA SHIS DGA' LDAN CHOS GLING, BKRA SHIS GLING, BKRA SHIS 'PHEL RGYAS GLING, BKRA SHIS DGE RGYAS GLING BCAS SU BZHUGS PA'I DGE 'DUN RNAMS KYI SPANG BLANGS KUN SPYOD 'GA' ZHIG BRJOD PAR BYA STE, DE YANG GRVA 'DIR THOG MAR ZHUGS SKABS SKU RIM RNAM GSUM, SMON LAM RNAM GSUM BCAS KYI RGYUGS MA PHUL BAR GRVAR MI 'JUG ,GRVA SAR ZHUGS NAS CHOS MTHUN GYI DGE RGAN LA BRTEN NAS GRVA 'DI'I 'DON CHA'I SKOR TSANG MA 'DZIN SKYOR THOG MI RING BAR RGYUGS 'BUL THUB BA DANG, DGE TSUL RNAMS KYIS RTZA BA BZHI BLANG 'DAS SO DRUG PHYOGS MTHUN DANG BCAS KYI BSDUS PA'I BSLAB BA BYA DANG, DGE SLONG RNAMS KYIS KHRIMS NYIS BRGYA LNGA BCU RTZA GSUM SOGS SO SO'I BSLAB KHRIMS BSRUD TSUL DAM PA'I MGON LA BRTEN NAS SHES PAR BYAS TE LAG LEN LA CI 'KHEL BYED PA
DANG; KHYAD PAR DU ZLA BA BYUNG NGO COG GI DUS KYI GSO SPYONG GNYIS CHAG MED DANG, DBYAR SNGA PHYI GANG YANG RUNG BA KHAS BLANGS TE DUS KYI DGAG DBYE'AM, DGAG DBYE GLO BUR BA MA RAN GYI BAR DU DBYAR KHRIMS LA GNAS TE GZHI GSUM GYI PHYAG LEN MI NYAMS PAR YONGS PA'I KHUR LEN MKHAN CHOS, DBU MDZAD SOGS NAS MDZAD DGOS, DGE 'DUN GYI CHED YIN NGES MA GTOGS GANG ZAG SO SO'I RANG DON DU TSONG KHE SPOGS, ZHING LAS SOGS BYAS PA BYUNG TSE RTZA BA'I DNGOS PO GANG YIN SPYI RDZAS SU 'DEBS, MYOS 'GYUR 'THUNG BA, NYE SKOR DU MDA' RDO 'PHEN PA, CHO LONG RTZE BA SOGS RGYAN PO 'GYED PA'I RIGS BYAS TSE ZLA BA GCIG NAS ZHAG BDUN GYI BAR NYES TSAB DANG BSTUN PA'I TSOGS SU BRGYA PHYAG 'TSAL DU 'JUG ,CHO 'PHRUL SMON LAM SKABS SNGA BYA, DGONG JA, SMON LAM JA BCAS PAR SMON LAM YONGS RDZOGS SU GRAGS PA DANG, STON PAS CHO 'PHRUL BSTAN PA'I RNAM THAR GSOL 'DEBS GANG YANG RUNG BA, RTEN 'BREL BSTOD PA, ZAB YANGS MA BCAS TSOGS 'DON DU CHAG MED MDZAD PA DANG, GZHAN YANG SO SO'I DGE SBYOR GYI RIM PA RNAMS GONG 'PHEL YOD PA'I TSUL 'DUN SKYONG BA DANG, SBYIN BDAG SOGS KYI SHI DGE GSON RIM GYI RIGS LA 'BOD MI BYUNG TSE DGE SKOS KYIS 'OS 'GAB BLTAS NAS NYE RING MED PAR BTANG BA LA PHYOGS LHUNGS KYI RE KHENG SA MI BYED, RMA KHRAG THON PA'I RGYAG RES SOGS 'KHRUG 'DZIN KYI RIGS BYAS BSHAR TSE NYES TSAB DANG BSTUN PA'I GNAS
, ,DBYUNG NGAM, CHAD LAS CI RIGS BSGRUB TU 'JUG ,KHYAD PAR DU RTZA BA BZHI DANG 'GAL BA'I RIGS BYAS PA BYUNG TSE SHES 'PHRAL GNAS DBYUNG DANG, SO SO'I SDOM PA'I PHYOGS MTHUN DANG 'GAL BA'I NYES BYAS KYI RIGS LA 'DUL BA LUNG NAS BSHAD PA LTAR, SPO MGU DBYUNG GSUM GYI CHAD LAS JI LTAR RIGS PA BSGRUB TU 'JUG ,MDOR NA BGRES GZHON TSANG MAS GZHI TSUL KHRIMS RNAM PAR DAG PA LA GNAS NAS, THOS BSAM BSGOM GSUM, 'CHAD RTZOD RTZOM GSUM, 'DZIN SKYONG SBEL GSUM GYI SGO NAS ^ RGYAL BSTAN SPYI DANG, KHYAD PAR ^ 'JAM MGON RGYAL BA GNYIS PA'I MDO SNGAGS KYI BSTAN PA RIN PO CHE'I BDAG RKYEN DU 'GYUR NGES MDZAD DGOS, GTZUG LAG KHANG RNAMS KLOG PA DANG, ,KHA TON GYIS RGYAS LEGS GNAS SHOG ,RTAG TU DGE 'DUN MTHUN PA DANG, ,DGE 'DUN DON YANG 'GRUB PAR SHOG ,CES BKRA SHIS DGA' LDAN CHOS GLING SOGS CHOS SDE BZHI'I 'PHRAL GYI SPANG BLAD KUN SPYOD JI LTAR BYA BA'I TSUL GYI BCA' YIG 'DI LTA BU ZHIG DGOS ZHES KHAL KHA SAN NO YON GYI KHONGS DHE H'A KHA BHI JA SAG BDE LEGS PHUN TSOGS KYI BU RIM PA DANG PO'I THA'I JI AER TE NI MER KHAN BDE CHEN DANG, DKON MCHOG SKYABS, AU CHU THU DAR HA NA CHOS RJE DGE LEGS GRAGS PA BCAS KYIS BSKUL BA'I NGOR, ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS GZIMS CHUNG BKA' GDAMS PHO BRANG DU SBYAR BA'O,, ,,DGE LEGS 'PHEL,, ,,AOm SVA STI, PHAN BDE'I BYUNG
GNAS RGYAL BSTAN YANGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SPYIN 'JAD MED DAL 'GRO'I RGYUN 'DI SPEL, ,SARBA DZA GA TAm,,