Words in Praise of the Holy Lord, the Wheel of the Teachings, and in Praise of the Goddess of Song (Sarisvati); A Brief Presentation of Topics in the Study of the Stage of Creation, a Method for Reaching the Angel in the Practice of the 21 Lines of the Lady of Liberation (Tara) according to the System of the Master Ravigupta; and Instructions on How to Conduct the Three Rites during a Retreat

*, ,RJE BTZUN BSTAN PA'I 'KHOR LO DANG DBYANGS CAN LHA MO GNYIS KYI BSTOD PA DANG, ` SLOB DPON NYI MA SBAS PA'I LUGS KYI SGROL MA NYER GCIG GI SGRUB THABS BSKYED RIM LA SLOB TSUL GYI DMIGS SKOR MDOR BSDUS DANG BSNYEN SGRUB LAS GSUM JI LTAR BYA BA'I TSUL BCAS BZHUGS SO, @1 #, ,NA MO GU RU SVA RA SVA STI YE, SHES BYA'I DNGOS KUN MKHYEN PA'I SBYAN GYI DKYUS, ,CHES RING NAM MKHA'I SKA RAGS GZUGS DANG MTSUNGS, ,'GRO KUN 'DZUM GYIS BSU BA'I ZHAL DKYIL MCHOG ,NYIN BYED LTAR RGYAS SMRA BA'I SENGGER 'DUD, ,DRUG CU'I DBYANGS LDAN GLU MCHOG LEN LA MKHAS, ,'JO SGEG GAR GYI RNAM 'GYUR DU MAS BREL, ,SGRA DBYANGS LHA MOS SKAL LDAN BDAG CAG LA, ,NGAG GI DNGOS GRUB DAM PA STZAL DU GSOL, ,ZLA SRING 'PHANG 'GRO'I DBYANGS SNYAN RAB THOS PAS, ,RMAD BYUNG BLO GROS MCHOG TU YANGS PA DANG, ,RNAM DBYAD DAR BABS LEGS BSHAD MA LUS KUN, ,SGROG PA'I SPOBS PA MCHOG GI DNGOS GRUB STZOL, ,SMRA BA'I DBANG PHYUG RJE BTZUN 'JAM DBYANGS LA, ,SHUGS DRAG DVANG BAS RTZE GCIG GSOL BTAB

, ,MTHUS, ,BDAG KYANG MGON KHYOD SHES BYA MTHA' DAG LA, ,DBANG BSGYUR SHES RAB DRI MED SNANG BA STZOL, ,CHE DANG GSAL DANG MYUR CING ZAB PA YI, ,BLO GROS SPOBS PA'I SHES RAB RNON BO YIS, ,MDO SNGAGS ZAB MO'I GNAD RNAMS LEGS RTOGS NAS, ,'GRO RNAMS THEG MCHOG LAM LA 'GOD PAR SHOG ,CES PA 'DI NI SHING YOS LO MGO ZLA BA'I NANG GZA' SKAR PHUN SUM TSOGS PA DANG BSTUN, ^ RJE BTZUN BSTAN PA'I 'KHOR LO DANG DBYANGS CAN LHA MO GNYIS LA BSNYEN MTSAMS BGYIS SKABS ^ YONGS 'DZIN DAM PA RJE ZHAL SNGA NAS BLO BZANG TSUL KHRIMS KYIS LHAG PA'I LHA MCHOG 'DI RNAMS LA BSTOD PA 'DI LTA BU ZHIG DGOS ZHES GSUNG GIS BSKUL MA MDZAD PA LTAR, ^ SH'AKYA'I BTZUN PA BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS GZIMS CHUNG BKA' GDAMS PHO BRANG DU NA TSOD DANG BSTUN G-YAR KHRAL TZAM DU SBYAR BA'O,, DGE LEGS 'PHEL,, ` ,,SLOB DPON NYI MA SBAS PA'I LUGS KYI ^ SGROL MA NYER GCIG GI SGRUB THABS DANG BSKYED RIM LA SLOB TSUL GYI DMIGS SKOR MDOR BSDUS BSNYEN SGRUB LAS GSUM JI LTAR

BYA BA'I TSUL BCAS BZHUGS SO,, ` ,,NA MO A'ARYA T'A RE, LHA MI'I CHE RGU'I GTZUG RGYAN RLABS 'PHRENG GI ,GANG GI ZHABS PAD LAN BRGYAR DAG BYAS PA, ,'GRO KUN 'JIGS CHEN BRGYAD LAS SKYOB MDZAD PA'I, ,'PHAGS MA SGROL MA'I ZHABS LA SNYING NAS 'DUD, ,'DIR SLOB DPON NYI MA SBAS PA'I LUGS KYI SGOL MA NYI SHU RTZA GCIG GI SGRUB THABS NYAMS SU LEN PAR 'DOD PAS, THOG MAR SGROL MA THAMS CAD KYI SPRUL GZHI SENG LDENG NAGS KYI SGROL MA'I SGRUB THABS NI, GNAS KHANG BYI DOR BYAS LA RJE BTZUN MA SGROL MA'I SKU GZUGS BRIS 'BUR GANG YANG RUNG BA DGRAM, DE'I MDUN DU CHU GNYIS SNGON 'GRO'I NYER SBYOD DANG; DMAR GTOR ZLUM PO BSHOS BU NYER GCIG GIS BSKOR BA SOGS MCHOD PA G-YO MED CING BKOD PAS MDZES BAR BSHAMS, RANG GI MDUN DU NANG MCHOD KYI KA P'A LA RDOR DRIL SOGS MED MI RUNG GI YO BYAD RNAMS TSOGS PAR BYAS, STAN BDE BA LA 'KHONG DE DGE SEMS KHYAD PAR CAN GYI DAD NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, DNGOS GZHI NI, ` RANG NYID RJE BTZUN MA SENG LDENG NAGS KYI SGROL MAR GSAL BA'I THUGS KAR ZLA BA LA GNAS PA'I T'Am YIG LJANG GU'I 'OD ZER GYIS RANG BZHIN GYI GNAS NAS BLA MA DANG GNYIS SU MED PA'I RJE BTZUN MA SENG LDENG NAGS KYI SGROL MA LA, SGROL MA

, ,NYER GCIG DANG SANGS RGYAS BYANG CHUB SEMS DPA'I TSOGS KYIS BSKOR BA MDUN GYI NAM MKHAR SBYAN DRANGS 'OD ZER RANG GI SNYING GAR THIM PAR GYUR, GANG GI DRIN GYI BDE CHEN NYID, , SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,LHA DANG LHA MIN COD PAN GYIS, ,ZHES SOGS KYI PHYAG BYA, AOm GU RU A'ARYA T'A RE SA PA RI W'A RA AARGHAm NAS, SHAPTA'I BAR GYIS MCHOD, DKON MCHOG GSUM LA BDAG SKYABS MCHI, ,ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SKYABS 'GRO SEMS BSKYED DANG, SANGS RGYAS BYANG CHUB SEMS DPA' KUN, ,ZHES SOGS KYIS SNGAGS SDOM BZUNGS, MA GYUR SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,CES SOGS TSAD MED BZHI BSGOM, TSOGS ZHING RNAMS RANG LA THIM PAS BYIN GYIS BRLABS PAR GYUR, PAR BSAM BA NI SBYANG GZHI 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYE GNAS MYONG 'GYUR GYI LAS BSOD NAMS KYI TSOGS GSOG PA DANG CHOS MTHUN, DE LTA BU'I LAS 'DU BYAS PA'I MTHAR 'CHI BA 'OD GSAL MNGON DU BYED PA DANG CHOS MTHUN PAR YE SHES KYI TSOGS GSOG PA NI, BDAG GI MA 'ONGS PA NA 'BYUNG 'GYUR GYI 'CHI BA SBYANG BAR BYA, DES DON GYI 'OD GSAL MYUR DU 'CHAR BA DANG 'BRAS BU CHOS SKU 'GRUB PA'I NUS PA KHYAD

PAR CAN BZHAG PAR BYA'O SNYAM DU BSAMS LA, AOm SH'U N+YA T'A DZNY'A NA BADZRA SVA BH'A WA A'ATMAKONYHAm, ZHES BRJOD PA'I TSE RANG GI SNYING GA'I T'Am YIG LAS 'OD ZER 'PHROS SNOD BCUR THAMS CAD LA PHOG PAS SNOD THAMS CAD GZHAL YAS KHANG DANG BCUD THAMS CAD RJE BTZUN MA'I SKUR GYUR, SNOD BCUD 'OD DU ZHU NAS RANG LA THIM PA'I TSE MIG SGYU LTA BU'I RNAM PA 'CHAR BAR BSGOM, RANG YANG STOD SMAD NAS RIM GYI 'OD DU ZHU TE SNYING GA'I H'Um LA THIM, DU BA LTA BU'I NYAMS SHAR BAR MOS, H'Um GI ZHABS KYU HA LA THIM PA'I TSE MKHA' SNANG ME KHYER LTA BU DANG, HA MGO BO LA THIM PA'I TSE MAR ME BTEG SBAR LTA BU DANG, MGO BA ZLA TSES LA THIM PA'I TSE DKAR LA MA PA'I SNANG BA DANG, ZLA TSES THIG LE LA THIM PA'I TSE DMAR LAM PA'I SNANG BA DANG, THIG LE N'A DA LA THIM PA'I TSE NAG LAM PA'I SNANG BA DANG, N'A DA YANG NAM MKHA' LA 'JA' YAL BA LTAR GYUR PA'I TSE RANG SEMS BDE BA CHEN PO'I NGOR GYUR PAS 'KHOR 'DAS KYI CHOS THAMS CAD BLOS PHAR BTAGS TZAM MA GTOGS RANG NGOS NAS GRUB PA RDUL TZAM YANG MED PA'I STONG BA NYID YUL DU BYAS TE, SH'U N+YA T'A'I SNGAGS DON LTAR YUL STONG PA NYID DANG YUL CAN BDE BA CHEN PO'I YE SHES GNYIS SNANG PHRA MOS KYANG BAR MCHOD PAR CHU LA CHU BZHAG PA BZHIN RO GCIG PA'I CHOS SKU'I NGANG DU GYUR SONG SNYAM DU YUN MI THUNG BAR SNYOMS PAR 'JOG PA NI 'CHI BA CHOS SKUR KHYER BA'I LA MA KHYER BSGOM PA'O;; ` ;;STONG PA'I NGANG LAS SKAD CIG GIS RDO RJE'I SA GZHI, RVA BA; GUR; BLA BRE, ME RI DANG BCAS PA'I DBUS SU SNA TSOGS PADMA LA GNAS PA'I SNA TSOGS RDO RJE'I LTE BAR GZHAL YAS KHANG GRU BZHI SGO BZHI PA

, ,RTA BABS LA SOGS PA'I MTSAN NYID THAMS CAD DANG LDAN PA'I NANG GI DBUS SU SNA TSOGS PADMA DANG ZLA BA'I GDAN G-YAS SU PAD ZLA DANG G-YON DU PAD NYI'I GDAN RE RE, 'DI'I BAR SEMS BYINGS PO CHOS SKU'I NGA RGYAL LA GNAS BZHIN PA'I DAD NAS BLO'I ZUR GCIG GIS BSRUNG 'KHOR GZHAL YAS KHANG GDAN DANG BCAS PA GSAL BTAB, MA 'ONGS PA NA 'BYUNG 'GYUR GYI BAR DO SBYANG BA DANG LAM RDZOGS RIM GYI SKABS SU DPE DON GYI 'OD GSAL LAS DAG MDAG GI SGYU MA'I SKU GNYIS 'GRUB PA'I DGE RTZA SMIN PAR BYAS 'BRAS BU LONGS SBYOD RDZOGS PA'I SKU 'GRUB PA'I NUS PA KHYAD PAR CAN BZHAG PAR BYA'O SNYAM PA DANG, BDAG GI RTAG TU CHOS SKU'I NGANG LA MI GNAS PAR LONGS SPYOD RDZOGS PA'I SKUR LANGS LA SEMS CAN GYI DON BYA'O SNYAM PA'I 'PHEN PA DANG BCAS TE, ,GDAN DBUS MA'I STONG DU T'Am YIG LJANG GU, BSGOM PA NI BAR DO LONGS SKUR KHYER BA'I RNAL 'BYOR RO, ,T'Am LAS 'OD ZER 'PHROS SEMS CAN THAMS CAD KYI SDIG SGRIB SBYANG 'PHAGS MA'I GO 'PHANG LA BKOD, PHYOGS BCU'I SANGS RGYAS SRAS DANG BCAS PA LA MNYES PA'I MCHOD PA PHUL, DE RNAMS KYI SKU GSUNG THUGS KYI YON TAN DANG SEMS CAN RJE BTZUN MAR GSAL BA RNAMS 'OD KYI RNAM PAR BSDUS TE T'Am YIG LA THIM PAR GYUR, PAR BSAM PA NI BAR DO'I BYA BA DANG LAM GYI GNAS SKABS SU SGYU LUS PA GNYIS KYI MDZAD PA DANG CHOS MTHUN, DE NAS BDAG GI SKU SHIN TU PHRA BA'I YE SHES KYI RANG BZHIN CAN THA MAL PA'I SHA'I MIG GI YUL DU MA GYUR PA 'DIS SEMS CAN GYI DON RGYA CHEN

PO SGRUB PAR MI NUS PAS NA RAGS PA'I SPRUL SKU BZUNGS LA SEMS CAN DPAG TU MED PA'I DON BSGRUB PAR BYA'O SNYAM DU BSAMS LA, ` T'Am YIG YONGS SU GYUR PA LAS RANG NYID RJE BTZUN MA SENG LDENG NAGS KYI SGROL MA SKU MDOG LJANG SNGON ZHAL GCIG PHYAG GNYIS MA, PHYAG G-YAS MCHOG SBYIN DANG, G-YON MTHEB SRIN GYIS AUTPAL LA'I YU BA THUGS KAR 'DZIN PA'I 'DAB MA SNYAN G-YAS G-YON GYI THAD DU KHA BYE BA, DBU SKRA RAL PA'I THOR TSUGS CAN LHAG MA BSIL BUR BABS PAS SKU STOD KHEBS PA, DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA RIN PO CHE'I RGYAN BRGYAD KYIS BRGYAN PA, SKU STOD LHA RDZAS KYI GOS KYIS GSHAL BYAS SHING SKU SMAD DAR GYI SHAM THABS 'CHANG BA, ZHABS G-YAS BRKYANGS SHING G-YON BSKUM GYIS BZHUGS PA, DE'I G-YAS KYI GDAN LA MI LAS LHA MO 'OD ZER CAN MA SKU MDOG SER MO, ZHAL GCIG PHYAG GNYIS KYI G-YAS RDO RJE DANG, G-YON MYA NGAN MED PA'I SHING GI YAL GA 'DZIN PA, RIN PO CHE'I RGYAN DANG DAR GYI NA BZA' CAN, GTZO MO'I G-YON DU H'Um LAS RAL GCIG MA SKU MDOG NAG MO, ZHAL GCIG PHYAG GNYIS KYI G-YAS GRI GUG DANG, G-YON THOD KHRAG BSNAMS PA; SPYAN GSUM DMAR ZHING ZLUM PA DRAG MO'I GZUGS CAN GLANG LPAGS KYI STONG G-YOGS DANG STAG LPAGS KYI SHAM THABS GSOL BA, 'KHOR GNYIS KA YANG ZHABS GNYIS DOR STABS KYIS BZHUGS PA'I GTZO 'KHOR THAMS

, ,CAD KYI SBYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, GTZO MO'I THUGS KA'I H'Um GI NANG DU T'Am GYIS MTSAN PA DE LAS 'OD ZER 'PHROS, PO TA LA SOGS RANG BZHIN GYI GNAS NAS BSGOM PA DANG 'DRA BA'I YE SHES PA SPYAN DRANGS, DZA: H'Um BAm HO: DAM CHIG PA DANG GNYIS SU MED PAR GYUR, SLAR YANG THUGS KA'I H'Um T'Am LAS 'OD ZER 'PHROS, DBANG GI LHA RIGS LNGA 'KHOR DANG BCAS PA SBYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHIshE KA TA SA MA YA SHR'I YE H'Um, ZHES GSUNGS SHING DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS GTZO MO LA DON YOD GRUB PA, 'OD ZER CAN MA LA RNAM SNANG, RAL GCIG MA LI MA BSKYOD PAS DBU BRGYAN PAR GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BH'A WAS STONG PAR SGYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRIm KHAm H'Um LAS BYUNG BA'I SHA LNGA DANG, LAm MAm PAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI

STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS ZHU ZHING KHOL, YI GE GSUM LAS 'OD ZER 'PHROS SKU GSUNG THUGS KYI RDO RJE GSUM SBYAN DRANGS, YI GE GSUM LA THIM, DE GSUM YANG RIM GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS, AOm AA MRi TAS BSANGS, SVA BH'A WAS STONG BAR SBYANGS, STONG PA'I DANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SBYONG YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um NAS; SHAPTA A'A: H'Um, GI BAR DANG, R'U PA NAS, SPARSHA A'A: H'Um, GI BAR BRJOD DE BYIN GYIS BRLABS, SPRO NA TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AARGHAm NAS, SPARSHA'I BAR GYIS MCHOD, NANG MCHOD KYI KA P'A LA LAG TU BZUNGS LA G-YON PA'I MTHEB SRIN GYIS G-YAS BSKOR DU DKRUGS PAS DBUS SU BDUD RTZI'I SNYING BA BYUNG BAR BSAMS LA; AOm MCHOD DO, PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS DANG BCAS PA'I NGO BOR GYUR PA DRIN CAN RTZA BA DANG BRGYUD PAR BCAS PA'I DPAL LDAN BLA MA DAM

, ,PA RNAMS KYI ZHAL DU AOm A'A: H'Um, AOm A'ARYA T'A RE AOm A'A: H'Um, AOm MA RI TZY'EE AOm A'A: H'Um, AOm AE KA DZA tI AOm A'A: H'Um, GZHAN YANG RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, CHOS SKYONG BSRUNG MA RNAMS KYI ZHAL DU AOm A'A: H'Um, DPA' BO DANG RNAL 'BYOR MA RNAMS KYI ZHAL DU AOm A'A: H'Um, GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, RANG GI LCE THOG TU BDUD RTZI MYANG LA, AOm AA MRi TA SVA D'A NA BADZRA SVA BH'A WA A'ATMA KONYHAm, MGRON THAMS CAD YE SHES KYI BDUD RTZIS MNYES SHING TSIMS PAR GYUR, LHA DANG LHA MIN ZHES SOGS SAM, ZHAL GCIG PHYAG GNYIS MCHOG SBYIN AUTPAL 'DZIN, ,DBU SKRA MTHON MTHING RIN CHEN RGYAN MANG GIS, ,SPRAS PA'I DAR GYI NA BZA' MDZES PAR GSOL, ,G-YAS BRKYANGS G-YON BSKUMS BZHUGS LA PHYAG 'TSAL BSTOD, ,GSER GYI MDOG CAN ZHAL GCIG PHYAG GNYIS KYIS, ,RDO RJE MYA NGAN MED BA'I YAL GA 'DZIN, ,'GRO KUN 'JIGS PA BRGYAD LAS SKYOB MDZAD PA'I, ,LHA MO 'OD ZER CAN LA PHYAG 'TSAL LO, ,SKU MDOG MTHING NAG ZHAL GCIG PHYAG GNYIS KYIS, ,RMONGS PA'I DRA BA GCOD PA'I GRI THOD 'DZIN, ,KHROS PA'I GAR GYI BDUD DPUNG SKRAG MDZAD PA'I, ,RAB BRJID LHA MO RAL GCIG MA LA 'DUD, ,DE NAS SEMS BYINGS PO

RTEN DANG BRTEN PAR BCAS PA'I DKYIL 'KHOR GYI GSAL SNANG LA GNAS BZHIN PA'I NGANG NAS BLO'I ZUR GCIG GI GTZO MO NAS BSRUNG, KHOR GYI BAR PHYIR RIM GYIS GSAL BTAB, DE NAS GTZO MO'I BAR NANG DU RIM GYIS GSAL BTAB STE MTHAR 'KHOR DANG GZHAL YAS KHANG GI RNAM PA SOGS RE ZHIG BTANG SNYAMS SU BZHAG STE RANG GTZO MA ZHAL GCIG PHYAG GNYIS MAR GSAL BA LA RTZE GCIG TU DMIGS NAS GSAL SNANG BSGOM BA DANG KHYAD PAR CAN GYI SNANG BA YID NGOR SHAR BA'I TSE, 'BRAS DUS KYI BDE STONG GNYIS SU MED PA'I YE SHES CHOS KYI SKU GDUL BYA'I DON DU RJE BTZUN MA SGROL MA'I RNAM PAR SHAR BA'I SKYON KUN ZAD YON TAN KUN LDAN GYI GZUGS KYI SKU DE NGA'O SNYAM DU NGA RGYAL 'DZIN PA GNYIS RE MOS SU BYA ZHING, DE YANG SNGAGS KYI SKABS 'DIR SPANG BYA'I GTZO BO THA MAL GYI SNANG ZHEN GNYIS YIN PAS THA MAL GYI SNANG BA'I GNYEN POR LHA'I GSAL SNANG DANG, THA MAL MI ZHEN PA'I GNYEN POR LHA'I NGA RGYAL BSGOM DGOS PAS DE GNYIS KYI NANG NAS KYANG LHA'I NGA RGYAL BSGOM PA GTZO CHE ZHING, 'DI DAG GI SKABS THAMS CAD DU ME LONG NANG GI BYAD BZHIN GYI GZUGS BRNYAN BYAD BZHIN DU SNAD YANG DES STONG PA BZHIN DU RTEN BRTEN PA'I RNAM PA THAMS CAD MA DAG MA BCOS PA'I BLO LA RANG DOS NAS GRUB PA LTAR SNANG YANG, RANG BZHIN GYIS GRUB PAS STONG BA'I SNAD STONG GNYIS TSOGS SGYU MA LTA BU'I RNAL 'BYOR LA SLOB PA NI DMIGS PA LHA LA DMIGS PA'I CHA NAS BSOD NAMS KYI TSOGS DANG RANG BZHIN MED PA'I 'DZIN STANGS CAN DU SKYES PA'I CHA NAS YE SHES KYI TSOGS GNYIS KA TSANG ZHING DE LTA BU'I YE SHES KYI TSOGS NI SNGAGS KYI THABS MKHAS KYI

, ,ZIN PA'I SHES RAB KHYAD PAR CAN YIN PAS PHAR PHYIN THEG PA NAS BSHAD PA'I YE SHES KYI TSOGS LAS BDAG 'DZIN GYI GNYEN POR 'GRO PHUL BRGYA 'GYUR GYI CHE ZHING YE SHES KYI TSOGS LA KHYAD JI TZAM BZHUGS PA TZAM GYI BSOD NAMS KYI TSOGS LA YANG KHYAD BZHUGS PAS NA 'DI LTA BU'I LAM LA SLOB PA NI SKU GSUM LAM KHYER GYI GNAD TSANG ZHING SKYE SHI BAR NGO'I SBYANG GZHI DNGOS SU SBYONG BAR BYED PAS RDZOGS RIM ZAB MO'I SMIN BYED KHYAD PAR CAN DU GYUR NAS BSKAL PA GRANGS MED GSUM DU TSOGS BSAGS PA LA MA LTOS BAR SNYIGS DUS KYI TSE THUNG GCIG LA RDZOGS PA'I SANGS RGYAS KYI GO 'PHANG STER BA'I GDAMS NGAG BLA NA MED PA YIN CING, 'ON KYANG RANG LHAR GSAL BA LA DMIGS NAS GSAL CHA DANG GNAS CHA SGRUB PA'I TSE NYES PA LNGA SPONG BA DANG, 'DU BYED BRGYAD BRTAN PA'I SGO NAS NYAMS SU BLANGS PA LA BRTEN NAS SEMS GNAS PA'I THABS DGU STOBS DRUG GI 'GRUB LUGS YID LA BYED PA BZHIR YOD TSUL RNAMS DBUS MTHA' RNAM 'BYED SOGS THUN MONG BA'I LAM GYI RIM PA LAS JI LTAR BSHAD BA LTAR NGES PA RNYED DGOS SO, ,DE LTAR LHA SKU BSGOM PA'I SKYON BZLAS PA BYA BA LA BGRANG PHRENG BYIN RLABS NI, AA MRi TAS BSANGS, SVA BH'A WAS SBYANGS, STONG PA'I DANG LAS DZRIm LAS PADMA DZRIm GIS MTSAN PA YONGS SU GYUR PA LAS 'OD DPAG MED DMAR PO ZHAL GCIG PHYAG GNYIS MNYAM GZHAG GI PHYAG RGYA CAN DE'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, DE LAS 'ONG ZER 'PHROS, RANG 'DRA'I YE SHES PA DANG DBANG GI LHA

RNAMS SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR RDO RJE SEMS DPAS DBU BRGYAN PAR GYUR, AOm A'A RO LIK AARGHAm NAS, SHAPTA'I BAR GYIS MCHOD, GSUNG RDO RJE 'OD DPAG MED ZHU BA LAS BYUNG PA'I 'PHRENG BA'I RNAM PAR GYUR, PAR BSAM LA LCE DANG MCHU MA 'GUL BAR RLUNG LDANG 'JUG GNAS GSUM YI GE GSUM GYI RANG GDANGS SU MOS NAS YID BZLAS JI LTAR RIGS PA BZLA, GTZO MO'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SV'AH'A, ZHES PAS BSKOR BA BSGOM, SNGAGS 'PHRENG LAS 'OD ZER 'PHROS, LUS KYI NANG GANG SDIG SGRIB THAMS CAD SBYANGS, TSE BSOD DPAL 'BYOR LA SOGS PA RGYAS PAR BSAMS LA, YI GE BCU PA JI LTAR RIGS PA DANG, 'OD ZER CAN MA'I THUGS KAR ZLA GDAN LA MAm YIG GI MTHAR, AOm M'A RI TZEE MAm SV'AH'A, ZHES BA DANG RAL GCIG MA'I THUGS KAR NYI GNGAN LA H'Um YIG GI MTHAR, AOm HR'Im: TR'Am H'Um PHAt, CES PAS BSKOR BA LA DMIGS NAS BZLAS BA'I SKYON DANG BRAL BAR GRANGS JI LTAR RIGS PA BZLAS, BZLAS PA'I GRANGS TSAD NI YI GE BCU PA 'BRU 'BUM DANG, 'KHOR GYI SNGAGS KHRI PHRAG RE, YI GE BCU PA'I MTHAR, H'Um HA AA DZHE SV'AH'A, ZHES PA'I YE GE BZHI BTAGS PA'I YE SHES 'BEBS SNGAGS KHRI PHRAG GCIG BZLA'O, ,BZLAS PA'I MTHAR GTOR MA 'BUL BAR 'DOD NA, DMAR GTOR NANG MCHOD LTAR BYIN GYIS BRLABS, RANG GI THUGS KA'I H'Um LAS 'OD ZER 'PHROS, SENG LDENG NAGS KYI SGROL MA GTZO 'KHOR GSUM GYI RTEN DANG BRTEN PAR BCAS PA'I DKYIL 'KHOR MDUN GYI NAM MKHAR SPYAN DRANGS PA RNAMS KYI LJAGS RDO RJE'I 'OD ZER GYI

, ,SPU GUS GTOR MA'I BCUD THAMS CAD DRANGS TE GSOL BAR GYUR, AOm A'ARYA T'A RE SA PA RI W'A RA AAm DAm BA LIm TA KHA KHA KH'A HI KH'A HI, LAN GSUM GYIS PHUL LA GONG GI BSTOD PAS BSTOD, YIG BRGYAS LHAG CHANG KHA BSKANG, NONGS PA BZOD GSOL DANG 'DOD DON LA GSOL BTAB SOGS BYA ZHING, MDUN GYI MGRON RNAMS RTEN YOD NA BRTAN BZHUGS DANG MED NA RANG BZHIN GYI GNAS SU GSHEGS PAR BSGOM, DE LTAR SGROL MA NYI SHU RTZA GCIG GI SPRUL GZHI SENG LDENG NAGS KYI SGROL MA'I SGRUB THABS NYAMS SU LEN PA'I RNAL 'BYOR PAS BSNYEN MTSAMS JI LTAR BYA BA'I TSUL BRJOD PAR BYA STE, SNGON DU DGE 'DUN BZHI SDE YAN CHAD LA BSNYEN BKUR DANG, GNAS KHANG BYI DOR BYAS LA, BA BYUNG GIS CHAG CHAG BTAB, STAN GYI 'OG TU SA DKAR GYI G-YUNG DRUNG DANG RTZVA DUR PA BTING, STAN BDE BA LA 'KHOD NAS BGEGS GTOR BTANG, BSRUNG 'KHOR MDOR BSDUS BSGOMS, MTSAMS G-YOG DANG SMAN PA SOGS MTSAMS 'OG TU 'JUG DGOS GANG YIN BSRUNG 'KHOR GYI NANG DU CHUD PAR BSAMS, MTSAMS THO BZHI RGYAL CHEN BZHI'AM DAM CAN CHOS RGYAL DU BSKYED, MCHOD GTOR PHUL TE SPYIL BU'I PHYOGS BZHI'AM SGO'I G-YAS G-YON DU STEGS PU'I KHAR BZHUGS SU GSOL LA, SGRUB PA PO'I BSNYEN SGRUB KYI LAS MTHAR MA PHYIN GYI BAR LA NANG GI DNGOS GRUB PHYIR MI 'CHOR BA DANG, PHYI'I NAD GDON BAR CHAD NANG DU MI 'JUG PA'I 'PHRIN LAS MDZOD CIG ,CES BRJOD LA ME TOG GTOR, NANG DU 'ONG STE LAG PA G-YON PAS STAN LA REG STE, AOm BADZRA A'A PAN H'Um, ZHES BRJOD DE STAN RDO RJE'I RANG BZHIN DU MOS, DE DAG NI GNAS BSRUNG BA'O, ,LAG BA

G-YON BA DRI CHU DANG BCAS PAS RANG GI GNAS GSUM DU REG LA YI GE GSUM BRJOD DE SGO GSUM BYIN GYIS RLOBS PA NI BDAG BSRUNG BA'O, ,DE NAS LUS RNAM SNANG GI CHOS BDUN LDAN DU 'KHOD DE BLA BRGYUD GSOL 'DEBS BDUD RTZI 'BEBS SBYANG GI DMIGS PA DANG BCAS TE BRJOD, SPRO NA RDOR DRIL BYIN RLABS SNGON 'GRO MCHOD GTOR BYIN GYIS BRLABS TE 'BUL BRDOR SEMS SGOM BZLAS BCAS BYAS NA PHUN SUM TSOGS PA'I YAN LAG TU 'GYUR BAS BLA MED KYI DKYIL 'KHOR GZHAN NAS BSHAD PA LTAR NYAMS SU LEN CING, BSDUS PA LA MOS NA DE DAG MA BYAS KYANG 6CHAD PA'I SKYON MED PAS GONG DU BSHAD PA LTAR CHOGS ZHING MCHOD PA NAS BZUNGS TE BZLAS PA LA THUG GI BAR SGRUB THABS NAS JI LTAR BSHAD PA LTAR SKABS GANG YIN GYI DMIGS BA RNAMS SNGA MA YID NGOR MA SHAR BAR PHYI MA GSAL MI 'DEBS CING, SNGA MA MA BRJED PA'I STENG NAS KYANG PHYI MA PHYI MA BSNAN TE BZLAS PA LA THUG GI BAR BTANG, BZLAS PA'I SKABS KYI DMIGS PA NI RANG RJE BTZUN MA SENG LDENG NAGS KYI SGROL MA SNANG LA RANG BZHIN MED PA SKU LAS 'OD ZER KHA DOG LNGA 'PHRO BA NAM MKHA'I 'JA' TSON LTA BUR GSAL BA'I THUGS KAR ZLA BA'I DKYIL 'KHOR GYI DBUS KYI T'Am YIG LA RANG GI SEMS ZHUGS PA BZHIN DU BYAS TE DE'I MTHA' SKOR DU YI GE BCU PO DBU PHYIR BSTAN NAS NYAL STABS SAM GYEN SGRENG GANG RIGS SU 'KHOD PA LDOG PA'I TSUL GYI YI GE RNAMS 'OD ZER 'BAR BA'I RNAM PAR BSGOM PA NI GONG BU'I BZLAS PA DANG, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA RJE BTZUN MA'I SKU DPAG TU MED PA SPRUL TE DE DAG GI SKU LAS BDUD RTZI 'OD ZER DANG BCAS PA BABS PAS SEMS CAN THAMS CAD KYI SDIG SGRIB SBYANG, 'PHAGS MA'I GO 'PHANG LA BKOD, YANG 'OD ZER 'PHROS PA'I SNE LA

, ,MCHOD PA'I LHA MO DPAG TU MED PA PHYOGS BCUR SPROS TE PHYOGS BCU'I SANGS RGYAS SRAS BCAS LA MNYES PA'I MCHOD BA PHUL, DE RNAMS KYI SKU GSUNG THUGS KYI YON TAN THAMS CAD DANG, SEMS CAN 'PHAGS MAR GSAL BA RNAMS 'OD KYI RNAM BAR BSDUS TE SNGAGS 'PHRENG SA BON DANG BCAS PA LA THIM PAR BSGOM PA NI DAM TSIG GI BZLAS PA, YANG SNYING KHA'I SA BON LAS AOm GYI SNA DRANGS TE SNGAGS 'PHRENG RANG GI LTE BA NAS THON, ZHAL DU ZHUGS, SNYING KHA'I SNGAGS 'PHRENG LA THIM; YANG SNGAGS 'PHRENG SNGAR LTAR LTE BA NAS THON PA SOGS MGAL ME'I 'KHOR LO LTAR 'KHOR BA'I 'OD ZER GYIS LUS KYI NANG GANG, SDIG SGRIB THAMS CAD SBYANGS PAR BSAMS LA ZHI ZHING 'JAM BA'I TSUL GYIS BZLA BA NI DO LI'I BZLAS PA'AM 'KHYOGS KYI BZLAS PA DANG, SNYING KHA'I SA BON LAS SNGAGS 'PHRENG CHAD PA RANG GI ZHAL NAS THON, LTE BA NAS NANG DU 'JUG PA SOGS SNGAR GYI 'KHOR TSUL NAS LDOG TE DRAG CING RTZU BA PA'I TSUL DU BZLA BA NI KHRO BO'I BZLAS PA'O, ,SNGAGS KYI SGRA DRAG POR SGROG PA NI KHROS PA'I BZLAS PA ZHES BYA BAS, BZLAS PA'I DMIGS PA DE RNAMS CI RIGS PA'I SGO NAS THUN DNGOS GZHI LA SEMS MA YENGS PAR BGRANG BA RNAMS BZLAS BA'I GRANGS SU GZHUG CING, SEMS G-YENG BA DANG, BZA' BTUNG GI BAR CHOD PA DANG; THUN MTSAMS SU BZLAS PA RNAMS GRANGS SU MI GZHUG, GZHAN YANG, JI SKAD DU, BZLAS BRJOD BYA TSE MI MYUR MI BUL ZHING, ,SGRA CHER MA YIN HA CANG CHUNG MA YIN, ,SMRAS BZHIN MA YIN RNAM PAR G-YENG BZHIN MIN, ,

GUG BSKYED KLANG KOR TSOGS RNAMS NYAMS BZHIN MIN, ,ZHES PA LTAR, RING THUNG GO LDOG PA DANG, SGRA HA CANG CHES PAS GZHAN GYIS THOS PA DANG, HA CHANG CHUNG BAS RANG GI MI THOS PA LA SOGS PA'I SKYON RNAMS SPANGS TE GTZO 'KHOR DU YOD KYI ZHAL , NAS SNGAGS KYI SGRA SGROG PAR MOS NA DE SNYED KYI PHAN YON 'BYUNG BAR GSUNGS, BZLAS PA'I GRANGS TSAD NI GZHAN LA DBANG BSKUR BA DANG, BDAG 'JUG LEN PA, SBYIN SREG SOGS LA DBANG BA'I BSNYEN PA'I GRANGS SGRUB THABS SU BSHAD ZIN PA LTAR DANG, LAS RAB 'BYAMS SGRUB PA'I BSNYEN PA'I GRANGS NI, GANG LA BRTEN NAS LAS SGRUB RGYU'I SNGAGS DE NYID BYE BA BZLA DGOS BAR RGYUD LAS BSHAD CING, SDOM 'BYUNG GI RGYUD LAS, RDZOGS LDAN LA NI BZLAS BYA GCIG, NYIS 'GYUR GSUM LDAN LA RAB BZLA, , GSUM 'GYUR GNYIS LDAN LA BZLA TE, ,RTZOD DUS BSNYEN PA BZHI 'GYUR TE, ,ZHES RGYUD NAS GRANGS JI TZAM BZLA DGOS BAR BSHAD PA DE NYID RTZOD DUS KYI SKABS 'DIR BZHI 'GYUR BZLA DGOS PA'I YI GE BCU PA LTA BU'AM, 'OG NAS 'BYUNG BA LTAR SGROL MA NYER GCIG GZHAN GYI SNGAGS GANG LA BRTEN NAS LAS SGRUB RGYU'I SNGAGS DE NYID BYE BA BZHI DANG, DE'I BCU CHA ME TOG DMAR PO'I SBYIN SREG SA YA BZHI BCAS SNGON DU BTANG NAS LAS DNGOS GZHI'I SKABS LAS SPYOR GYI BSNYEN PA 'BUM PHRAG GCIG DANG, SNGAGS DANG; RDZAS DANG, TING NGE 'DZIN GSUM GYI SGO NAS SGRUB DGOS SHING, DE YANG SGRUB RGYU'I LAS LA DNGOS GRUB RAB 'BRING THA GSUM LAS NAD GDON BAR CHAD ZHI BA DANG, TSE BSOD DPAL 'BYOR RGYAS PA DANG, BSGRUB BYA DBANG DU BSDU BA SOGS LAS PHRAN TSOGS RNAMS

, ,NI DBANG BSKUR RNAM DAG THOB CING, DAM TSIG DANG SDOM BA LA GNAS BAS SGRUB THABS NAS BSHAD BA LTAR GYI BSNYEN PA MDOR BSDUS TZAM DANG, LAS BZHI'I SBYIN SREG SOS LA BRTEN NAS KYANG SGRUB NUS PA DU MA YOD CING , GRUB PA CHEN BO BRGYANG LA SOGS BA DNGOS GRUB 'BRING SGRUB PA LA NANG LA GZHOL BA'I RNAL 'BYOR BAS RDZAS SNGAGS LA MA LTOS PAR BSAM GTAN TZAM GYIS SGRUB NUS MOD KYANG, BSKYED RIM PHRA BA MTHAR MA PHYIN PA'I SNGAGS LA GZHOL BA'I RNAL 'BYOR PAS SNGAR BSHAD PA BZHIN BSNYEN PA BYE BA BZHI SOGS LA LTOS DGOS SHING, NGES KYANG MA 'GRUB NA SPYOD PA LA ZLA BA BCO BRGYAD KYI BAR DU SLOB PA DANG, DES KYANG MA 'GRUB NA SPOGS CHOG JI LTAR BYA BA DANG, LHA LA DRAG SHUL GYI PHUR 'DEBS SOGS SNYING PO BSKUL BA'I TSUL RNAMS 'DIR YI GE'I TSEGS KYI 'JIGS NAS MA BKOD PAS 'GREL PA BZHI SBRAGS DANG 'DUS BSKYED DNGOS GRUB RGYA MTSO SOGS ^ RJE YAB SRAS KYI GSUNG RAB RNAMS LAS SHES PAR BYA'O, ,THUN RJES MA'I MTHAR 'JIG RTEN LAS 'DAS MA 'DAS KYI GTOR MA DANG, MTSAMS THO'I LHA LA MCHOD GTOR BCAS MA CHAD PAR BYA DGOS SO, ,JI LTAR 'PHEN PA BTANG BA LTAR GYI BSNYEN PA'I GRANGS TSAD SONG NAS MTSAMS GROL BA'I SKABS, MTSAMS THO'I LHA LA MCHOD GTOR PHUL TE NONGS PA BZOD BAR GSOL NAS GSHEGS SU GSOL, BSNYEN PA'I KHA SKONG GI SBYIN SREG BYA STE THO NANG MA'I LHA GSHEGS GSOL GRUB NAS PHYI MA GSHEGS GSOL MA BYAS PAR SBYIN SREG BYA ZHING, DE NAS MTSAMS 'OG TU MED PA'I DAM TSIG GCAD BA'I MI

DANG RIM GYI THUG 'PHRANG BYED PA LAS MTSAMS GROL MA THAG MI MANG KHRONG DU 'GRO BA DANG, RGYANG RING POR BLTA BA SOGS BYA MI RUNG, DE LTAR SENG LDENG NAGS SGROL GYI BSNYEN PA BYA BA'I TSUL DE NYID 'OG NAS 'BYUNG BA LTAR SGROL MA GZHAN GYI BSNYEN SGRUB LAS GSUM BYA TSUL LA'ANG RIGS 'GREN NAS SHES PAR BYA'O,, ` ,,SGROL MA NYER GCIG GI SGRUB THABS LA THOG MAR ^ RJE BTZUN MA MYUR MA DPA' MO'I SGRUB THABS NI, RANG SENG LDENG NAGS SGROL LAM GSOL BA 'DEBS YUL GYI SGROL MA'I RNAL 'BYOR LA GNAS BZHIN PA'I NGANG NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, SEMS CAN THAMS CAD KYI DON DU SANGS RGYAS THOB PAR BYA, DE'I CHED DU ^ RJE BTZUN MA'I SGRUB THABS NYAMS SU BLANG BAR BYA'O SNYAM PA LAN GSUM BYA, MDUN GYI NAM MKHAR SNA TSOGS PADMA DANG ZLA BA'I DKYIL 'KHOR GYI STENG DU T'Am YAm GA DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA MYUR MA DPAL MO SKU MDOG DMAR MO, ZHAL GCIG PHYAG BRGYAD MA, PHYAG DANG PO GNYIS KYIS RDOR DRIL SPYI BOR BSNOL NAS 'DZIN PA, GNYIS PA GNYIS KYIS THUGS KAR MDA' GZHU 'GENGS PA, GSUM PA GNYIS KYIS 'KHOR LO DANG DUNG 'DZIN PA, BZHI PA GNYIS KYIS RAL GRI DANG ZHAGS PA 'DZIN PA, DBU SKRA RAL PA'I THOR TSUGS CAN, RIN PO CHE'I RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS LHAB

, ,LHUB TU GSOL BA, ZHABS SKYIL KRUNG PHYED PA'I STABS KYIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, RANG 'DRA'I YE SHES PA DANG DBANG GI LHA RNAMS SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um GI 'OD ZER GYIS DBANG GI LHA RNAMS SBYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DBANG GI LHA RNAMS KYIS YE SHES KYI BDUD RTZIS GANG BA'I BUM PA THOGS TE, JI LTAR BLTAMS PA TZAM GYIS NI, ,ZHES SOGS KYI MTHAR, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES GSUNGS SHING, DBANG GI LHAS DBANG BSKUR, SKU GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS, 'OD DPAG MED KYIS DBU BRGYAN PAR 'GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BHA WAS STONG PAR SBYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRAm KHAm H'Um LAS BYUNG BA'I SHA LNGA DANG, LAm MAm BAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS

ZHU ZHING KHOL, YI GE GSUM LAS 'OD ZER 'PHROS, SKU GSUNG THUGS KYI RDO RJE GSUM SPYAN DRANGS, YI GE GSUM LA THIM, DE GSUM YANG RAm GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS AOm BADZRA AA MRi TAS BSANGS, SVA BH'A WAS STONG PAR SBYANGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG, BDUG SPOS, MAR ME, DRI CHAB; ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, NAS, SHAPTA A'A: H'Um GI BAR DANG; R'U PA NAS, SPARSHA A'A: H'Um GI BAR BRJOD DE BYIN GYIS BRLABS, SPRON TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AA RGHAm NAS, SPARSHA'I BAR GYIS MCHOD, AOm A'ARYA T'A RE SA PA RI W'A RA AOm A'A: H'Um GIS NANG MCHOD PHUL, BSTOD PA NI, PHYAG 'TSAL SGROL MA MYUR MA DPAL MO, ,SPYAN NI SKAD CIG GLOG DANG 'DRA MA, ,'JIG RTEN GSUM MGON CHU SKYES ZHAL GYI, ,GSER BYE BA LAS NI BYUNG MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR SKU MDOG DANG MTSUNGS PA'I SNGAGS 'PHRENG GIS BSKOR BA LA DMIGS, AOm T'A RE TU TT'A RE TU RE CHE GE MO WA SHAm KU RU SV'AH'A, ZHAS BZLA ZHING, SNGAGS 'PHRENG LAS 'OD ZER DMAR PO LCAGS SGROG DANG ZHAGS PA

, ,LTA BU DPAG TU MED PA SPROS, GANG DBANG DU BSDU BYA'I DGRA DANG LAG 'DREN LA SOGS PA THAMS CAD LCAGS KYU DANG ZHAGS PAS BKUG ,BDAG NYID KYI RKANG PA LA MGOS 'DUD PA'I TSUL GYIS GNAS PA LA SNGAGS 'PHRENG LAS 'OD ZER DMAR PO'I TSOGS SPROS PAS BSGRUB BYA DE RNAMS KYI SDIG SGRIB SBYANGS, BDAG NYID LA GUS PA DANG CHAGS PA'I RANG BZHIN DU GYUR PAR BSAM NA GANG DBANG DU BSDU BYA'I BSGRUB BYA DE NYID RANG NYID KYIS DBANG DU BSDUS NUS PAR 'GYUR RO, ,MJUG TU YIG BRGYAS LHAG CHANG KHA BSKANG, BSNGO SMON GYI RGYAS BTAB, THUN MTSAMS SU YANG KHYER SO GSUM GYI RNAL 'BYOR DANG MA BRAL BAR BYA'O,, ` ,,GNYIS PA RJE BTZUN MA MDANGS SGROL MA'I SGRUB THABS NI, MDUN GYI NAM MKHAR PADMA DANG ZLA BA'I GDAN LA T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA SGROL MA ZHI BA CHEN MO SKU MDOG STON KA'I ZLA BA LTAR DKAR BA, DKAR SNGO SER BA'I ZHAL GSUM PHYAG BCU GNYIS MA, PHYAG DANG PO GNYIS MNYAM GZHAG MDZAD PA, GNYIS PA GNYIS KHA tV'Am GA DANG RIL BA SPYI BLUGS BA SNAMS PA, GSUM PA GNYIS KYIS 'KHOR BA'I 'KHOR LO DANG AUTPA LA, BZHI PA GNYIS KYIS NOR BU DANG DRIL BU, LNGA PA GNYIS KYIS RDO RJE DANG GTER BUM, DRUG PA GNYIS KYIS ME TOG GI 'PHRENG BA DANG PU TI BSNAMS PA, DBU SKRA RAL BA'I THOR TSUGS

CAN; RIN PO CHE'I RGYAN BRGYAD KYIS BRGYAN PA, DAR SNA TSOGS KYI NA BZAS KLUBS PA, 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PAR DMIGS LA, GNAS GSUM BYIN RLABS, DBANG BSKUR RGYAS BTAB BCAS SNGA MA BZHIN, LA RIGS BDAG 'OD DPAG MED, GONG LTAR PHYI MCHOD NANG MCHOD RNAMS BYIN GYIS BRLABS TE PHUL, BSTOD PA NI, PHYAG 'TSAL STON KA'I ZLA BA KUN TU, ,GANG BA BRGYA NI BRTZEGS PA'I ZHAL MA, ,SKAR MA STONG PHRAG TSOGS PA RNAMS KYIS, ,RAB TU PHYE BA'I 'OD RAB 'BAR MA, ,ZHES PAS BSTOD, BZLAS PA NI, AOm T'A RE TUTT'A RE TU RE SH'ANTIm KU RU SV'AH'A, ZHES BZLA ZHING, SNGAGS 'PHRENG LAS 'OD ZER DKAR PO DPAG TU MED PA 'PHROS PA'I SNE LA SGROL MA DKAR MO BDUD RTZIS GANG BA'I BUM PA DKAR PO THOGS PA DPAG TU MED PA SPROS TE RANG DANG BSGRUB BYA'I SBYI BO NAS KHRUS GSOL BAS NAD GDON SDIG SGRIB THAMS CAD DUD KHU DANG, GDON BGEGS RNAMS SDOM DANG SDIG PA'I RNAM PAR DBANG PO'I SGO DANG BA SPU'I SGO NAS PHYIR THON, RANG DANG BSGRUB BYA DE DANG DE'I LUS SHEL SGONG LTAR DAG PAR BSAMS, 'JUG CHOG SOGS SNGAR BZHIN BYA'O,, ` ,,GSUM PA ` RJE BTZUN MA GSER MDOG CAN MA'I SGRUB THABS NI, , SNGON 'GRO'I RIM PA SNGAR LTAR LA, MDUN GYI NAM MKHAR SNA TSOGS PADMA DANG NYI MA'I STENG DU T'Am YIG SER BO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA SKU MDOG GSER

, ,GYI MDOG CAN, ZHAL GCIG PHYAG BCU MA, PHYAG G-YAS KYI DANG POS RIN PO CHE'I 'PHRENG BA THUGS KAR 'DZIN CING, G-YON DANG POS DAR DPYANGS BSNAMS PA, GNYIS PA GNYIS KYIS RAL GRI DANG ZHAGS PA; GSUM PA GNYIS KYIS MDA' DANG PADMA, BZHI PA GNYIS KYIS RDO RJE DANG DRIL BU, LNGA PA GNYIS KYIS DBYUG PA DANG GZHU BSNAMS PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR BZHIN, RDO RJE SKYIL KRUNG GIS BZHUGS PA, GNAS GSUM BYIN RLABS DANG YE SHES PA DGUG GZHUG, DBANG BSKUR SOGS SNGAR BZHIN LA RIGS BDAG 'OD DPAG MED, NANG MCHOD SOGS GONG BZHIN LA, BSTOD PA NI, PHYAG 'TSAL SER SNGO CHU LAS SKYES KYI, ,PADMAS PHYAG NI RNAM PAR BRGYAN MA, ,SBYIN PA BRTZON 'GRUS DKA' THUB ZHI BA, ,BZOD PA BSAM GTAN SPYOD YUL NYID MA, ,ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE PUshtAm KU RU SV'AH'A, DMIGS PA NI, SNGAGS 'PHRENG LAS 'OD ZER GSER BTZO MA'I MDOG CAN MTHA' YAS BA BYUNG, RANG DANG BSGRUB BYA'I LUS DANG, GNAS KHANG SOGS LA PHOG CING 'OD ZER GYI SNE LA RJE BTZUN MA GSER GYI MDOG CAN BDUD RTZI SAR POS GANG BA'I BUM PA SER PO THOGS PA DPAG TU GRANGS MED PA BYON, RANG GZHAN GYI SBYI BO NAS DBANG BSKUR BAS LUS KYI PHYI NANG THAMS CAD GSER BZANG POS BYUGS PA LTA BUR GYUR, TSE DANG LONGS SPYOD THAMS CAD

'PHEL ZHING RGYAS PAR BSAMS, MJUG CHOG RNAMS SNGAR BZHIN NO,, ` ,,BZHI PA ` RJE BTZUN MA GTZUG TOR RNAM BAR RGYAL MA'I SGRUB THABS NI, MDUN GYI NAM MKHAR PADMA SER PO DANG, ZLA BA'I STENG DU T'Am YIG DMAR SER, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA SGROL MA GTZUG TOR RNAM PAR RGYAL MA SKU MDOG GSER GYI MDOG CAN, ZHAL GCIG PHYAG BZHI MA, PHYAG DANG PO GNYIS KYIS MCHOG SBYIN DANG BANDHA BDUD RTZIS GANG BA, 'OG MA GNYIS KYIS 'PHRENG BA DANG DBYUG BA 'DZIN PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR DANG 'DRA BA LA ZHABS SEMS DPA'I SKYIL KRUNG GIS BZHUGS PA, DBANG BSKUR RGYAS 'DEBS, MCHOD PA SOGS SNGAR BZHIN LA, BSTOD PA NI, PHYAG 'TSAL DE BZHIN GSHEGS PA'I GTZUG TOR, ,MTHA' YAS RNAM PAR RGYAL BAR SPYOD MA, ,MA LUS PHA ROL PHYIN PA THOB PA'I; ;RGYAL BA'I SRAS KYIS SHIN TU BSTEN MA, ,ZHES PAS BSTOD, BZLAS PA'I SKABS T'Am YIG GI MTHAR, AOm T'A RE TUTT'A RE TU TT'A RU A'A YU: DZNY'A NA PUshtIm KU RU SV'AH'A, ZHES PA'I SNGAGS 'PHRENG LAS 'OD ZER DMAR SER LCAGS KYU LTA BU 'PHROS PAS 'KHOR 'DAS KYI BCUD THAMS CAD KYI SKRAG MDANGS DANG GZI BRJID THAMS CAD DANG, KHYAD PAR DU TSE'I RIG 'DZIN BRNYES PA THAMS CAD KYI TSE DANG YE SHES THAMS CAD TSE'I BDUD RTZI DMAR SER GYI RNAM PAR BKUG ,BCOM LDAN

, ,'DAS MA'I SKU DANG PHYAG GI THOD PA'I NANG GI BDUD RTZI LA THIM, DE LAS KYANG BDUD RTZI'I RGYUN BABS, RANG BZHIN GYI TSANGS BUG NAS ZHUGS, LUS KYI NANG THAMS CAD GANG DUS DANG DUS MIN GYI 'CHI BA'I 'JIG PA THAMS CAD BSAL, 'CHI MED TSE'I DNGOS GRUB THOB PAR BSAM STE SNGAGS 'BUM PHRAG BZLAS NA TSE LO BRGYU 'PHEL BAR 'GYUR RO, ,MJUG CHOG SNGAR BZHIN NO,, ` ,,LNGA PA H'Um SGRA SGROG PA'I SGROL MA'I SGRUB THABS NI, SNGON 'GRO'I RIM PA SNGAR LTAR LA, MDUN GYI NAM MKHAR PADMA DANG ZLA BA'I GDAN LA T'Am LAS PADMA TAm GYIS MTSAN PA, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA H'Um SGRA SGROG MA SKU MDOG SER MO, ZHAL GCIG PHYAG GNYIS MA, G-YAS MCHOG SBYIN DANG G-YON PADMA SER PO BSNAMS PA, RAL PA'I THOR TSUGS SOGS SNGAR BZHIN LA, ZHABS RDO RJE SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD NAS, BSTOD PA NI, PHYAG 'TSAL TUTT'A RA H'Um YI GES, ,'DOD DANG PHYOGS DANG NAM MKHA' GANG MA, ,'JIG RTEN BDUN PO ZHABS KYIS MNAN TE, ,LUS PA MED PAR 'GUGS PAR NUS MA, ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE CHE GE MO A'A KARsh'A YA HR'I: SV'AH'A, DMIGS PA NI, SNGAGS 'PHRENG LAS 'OD ZER LCAGS KYU DANG, ZHAGS PA DANG, LCAGS SGROG

LTA BU MTHA' YAS PA SPROS, BSGRUB BYA'I MGRIN PA NAS ZHAGS PAS BCINGS, SKYE GNAS NAS LCAGS KYUS PHUG PA'I BDAG NYID LA CHAGS PA'I DBANG GI YID MYOS MGO 'KHOR TE RANG DBANG MED PAR RANG GI DRUNG DU DRANGS PAR BSAM NA BSGRUB BYA'I SBYI DANG, KHYAD PAR PHYAG RGYA DBANG DU 'GYUR TE, ,MJUG CHOG GONG BZHIN NO,, ` ,,DRUG PA 'JIG RTEN GSUM RGYAL MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA DANG NYI MA'I GDAN LA T'Am YIG DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA 'JIG RTEN GSUM LAS RNAM PAR RGYAL MA, SKU MDOG DMAR MO, ZHAL GCIG PHYAG BZHI MA, CUNG ZAD KHROS PA PHYAG DANG PO GNYIS KYIS RDO RJE DANG SDIGS MDZUB MDZAD PA, 'OG MA GNYIS KYIS RAL GRI DANG ZHAGS PA 'DZIN PA, DBU SKRA DANG SMIN MA CUNG ZAD 'DZINGS PA, RGYAN DANG NA BZA' SOGS SNGAR BZHIN LA SEMS DPA'I SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD, BSTOD PA NI, PHYAG 'TSAL BRGYA BYIN ME LHA TSANGS PA, ,RLUNG LHA SNA TSOGS DBANG PHYUG MCHOD MA, ,'BYUNG PO RO LANGS DRI ZA RNAMS DANG, ,GNOD SBYIN TSOGS KYIS MDUN NAS BSTOD MA, ,ZHES PAS BSTOD, THUGS KA'I T'Am YIG GI MTHAR, AOm T'A RE TUTT'A RE TU RE SARBA BIGHN'ANA SHA TRUm AU TZA TRA YA SV'AH'A, DMIGS PA NI SNGAGS 'PHRENG LAS 'OD

, ,ZER DRAG LA RTZUB PA ME'I TSA TSA LTA BU DPAG TU MED PA SPROS, GDON BGEGS LA SOGS PA GNOD PA THAMS CAD ZHO BA THUL TE BSREGS PA'AM, YANG NA GNOD BYED GANG YIN RLUNG GI DKYIL 'KHOR LA GNAS PA'I RNGA MONG SPROS PA LA BSKYON TE RGYA MTSO'I PHA 'GRAM DU BSKRAD PAR BSAMS, MJUG CHOG SNGAR BZHIN NO,, ` ,,BDUN PA ` RJE BTZUN MA RGOL BA 'JOMS MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA SER PO DANG NYI MA'I GDAN LA T'Am YIG DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR BA LAS, ` RJE BTZUN MA RGOL BA 'JOMS MA SKU MDOG NAG MO, ZHAL GCIG PHYAG BZHI MA, PHYAG DANG PO GNYIS KYIS 'KHOR LO DANG SKYE GNAS KYI STENG DU ZHAGS PA 'DZIN PA, 'OG MA GNYIS KYIS RAL GRI DANG SDIGS MDZUB MDZAD PA, KHRO GNYER CUNG ZAD BSDUS SHING, DBU SKRA GYEN DU BRDZES SHING SBRUL DANG COD PHAN SOGS RIN PO CHE'I RGYAN GYIS BRGYAN PA, DAR SER PO'I NA BZA' GSOL BA, ZHABS G-YON BRKYANGS PA'I STABS KYIS BZHUGS PA, GNAS GSUM BYIN RLABS, YE SHES PA SPYAN 'DREN, RIGS BDAG GI RGYAS 'DEBS, MCHOD BCAS GONG LTAR LA, BSTOD PA NI, PHYAG 'TSAL TRAtA CES BYA DANG PHAt KYIS, ,PHA ROL 'KHRUL 'KHOR RAB TU 'JOMS MA, ,G-YAS BSKUMS G-YON BRKYANGS ZHABS KYIS MNAN TE, ,MA 'BAR 'KHRUG PA SHIN TU 'BAR MA, ,ZHES PAS

BSTOD, BZLAS PA NI, RJE BTZUN MA'I THUGS KAR NYI GDAN LA, AOm T'A RE TUTT'A RE TU RE RBOD GZER SARBA BZLOG BHYO SV'AH'A, ZHES BZLA ZHING, DMIGS PA NI, THUGS KA'I SNGAGS 'PHRENG LAS DRAG PO'I 'OD ZER PHYOGS BCUR 'PHROS PAS PHA ROL GYI NGAN SNGAGS MNAN GTAD, BYANG KHA, RBOD GTONG THAMS CAD KYI NUS PA RNAMS NYAMS PAR BYAS, SLAR YANG 'OD ZER GYI TSOGS SPROS PAS SGRUB PA PO RANG NYID LA 'OD ZER GYI GUR PHUB PA'I PHYIN CHAD BYAD KHA RBOD GTONG SOGS KYIS GLAGS BLTA MI NUS PAR BSAM, MJUG CHOG SNGA MA BZHIN NO,, ` ,,BRGYAD PA ` RJE BTZUN MA DBANG MCHOG STER MA'I SGRUB THABS NI, SNGON 'GRO'I RIM PA GONG BZHIN LA, MDUN GYI NAM MKHAR PADMA DMAR PO DANG ZLA BA'I DKYIL 'KHOR GYI STENG DU T'Am YIG SER PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA DBANG MCHOG STER MA SKU MDOG SER MO, ZHAL GCIG PHYAG BZHI MA, PHYAG DANG PO GNYIS KYIS MYA NGAN MED PA'I SHING GI YAL GA DANG PADMA, 'OG MA GNYIS KYIS NOR BU DANG BCAS PA'I MCHOG SBYIN DANG BUM PA BSNAMS PA, DBU SKRA GYEN DU BRDZES PA, RIN PO CHE'I RGYAN DANG DAR BZANG PO'I NA BZA' GSOL BA, 'OD KYI PHUNG PO'I DBUS NA SKYIL KRUNG PHYED PAS CHU SRIN GYI STENG DU BZHUGS PA, GNAS GSUM BYIN RLABS, YE SHES PA DGUG GZHUG ,DBANG BSKUR RGYAS GDAB, MCHOD PA BCAS GONG

, ,BZHIN LA, BSTOD PA NI, PHYAG 'TSAL TU RE 'JIGS PA CHEN MO, ,BDUD KYI DPA' BO RNAM PAR 'JOMS MA, ,CHU SKYES ZHAL NI KHRO GNYER LDAN MDZAD, ,DGRA BO THAMS CAD MA LUS GSOD MA, ,ZHES PAS BSTOD, BZLAS PA NI, RJE BTZUN MA'I THUGS KAR ZLA BA'I DKYIL 'KHOR GYI STENG DU, AOm T'A RE TUTT'A RE TU RE GNOD BYED DGRA BGEGS SARBA M'A RA YA PHAt: DMIGS PA NI, SNGAGS 'PHRED LAS 'OD ZER 'PHROS PA'I SNE LA MTSON CHA MED DPUNG SRIN PO'I TSOGS DPAG TU MED PA SPROS PAS DGRA BO DMIGS PAS LA YOD NA DE'I SNYING DKAR NAG GI MTSAMS NA SROG GI NGO BO MAR ME LTA BU YOD PA NAG THUG GYIS BSAD, SHA KHRAG RUS PA TSOGS SU ROL PAR BSAMS, MJUG CHOG SNGAR LTAR RO,, ` ,,DGU PA ` RJE BTZUN BTZUM MA MCHOG STZOL MA'I SGRUB THABS NI, MDUN GYI NAM MKHAR PADMA DMAR PO DANG ZLA BA'I GDAN LA T'Am YIG DMAR PO DE LAS 'OD ZER 'PHROS ,DON GNYIS BYAS, TSUR 'DUS YONGS SU GYUR PA LAS, RJE BTZUN MA MCHOG STZOL SGROL MA SKU MDOG DMAR MO ZHAL GCIG PHYAG BZHI MA, DANG PO GNYIS KYIS RDOR DRIL SPYI BOR BSNOL TE 'DZIN CING, G-YAS 'OG MA GAR STABS DANG G-YON 'OG MA MCHOG SBYIN GYI PHYAG RGYAS MYA NGAN MED PA'I SHING GI YAL GA 'DZIN PA, DBU SKRA RAL PA'I THOR TSUGS DANG, RGYAN NA BZA' SOGS SNGAR BZHIN LA ZHABS GNYIS BGRAD PA'I STABS KYIS BZHUGS PA, SGO GSUM BYIN

RLABS YE SHES PA DGUG GZHUG ,DBANG BSKUR RGYAS BTAB, PHYI NANG GI MCHOD PA SOGS SNGAR BZHIN LA, BSTOD PA NI, PHYAG 'TSAL DKON MCHOG GSUM MTSON PHYAG RGYA'I, ,SOR MOS THUGS KAR RNAM PAR BRGYAN MA, ,MA LUS PHYOGS KYI 'KHOR LOS BRGYAN PA'I, ,RANG GI 'OD KYI TSOGS RNAMS 'KHRUG MA, ,ZHES PAS BSTOD, BZLAS PA NI, SGROL MA'I THUGS KAR ZLA GDAN LA, AOm T'A RE TUTT'A RE TU RE CHE GE MO LA GNOD PA SARBA RAKshA SV'A H'A, ZHES BZLA BA'I SKABS SU DMIGS PA NI, SNGAGS 'PHRENG LAS 'OD ZER DKAR PO SPROS PA'I RTZE MOR GANG LA GANG 'TSAMS PA'I THABS TSUL SNA TSOGS PAS TSE 'DIR LUS SEMS SDUG BSNGAL BAR BYED PA'I 'JIG PA CHEN PO BRGYAD LA SOGS PA 'JIG PA THAMS CAD LAS SKYOB PAR BSAM, YANG SNGAGS 'PHRENG LAS BDUD RTZI DKAR PO'I RGYUN BABS RANG GI SPYI BO NAS ZHUGS, SDIG SGRIB THAMS CAD SBYANGS TE PHYI MA PHAN CHAD KYI 'JIG PA THAMS CAD LAS SKYOB PAR BSAMS, MJUG GI BYA BA RNAMS SNGAR BZHIN NO,, ` ,,BCU PA ` RJE BTZUN MA MYA NGAN SEL BA'I SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA MYA NGAN SEL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS SPYI BOR THAL MO SBYAR BA, 'OG MA GNYIS RAL GRI DANG, MYA NGAN MED PA'I SHING GI

, ,YAL GA 'DZIN PA, DBU SKRA RAL PA'I THOR TSUGS DANG RGYAN NA BZA' DANG, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL RAB TU DGA' BA BRJID PA'I, ,DBU BRGYAN 'OD KYI 'PHRENG BA SPEL MA, ,BZHAD PAR BZHAD TUTT'A RA YIS, ,BDUD DANG 'JIG RTEN DBANG DU MDZAD MA, ,ZHES PAS BSTOD, BZLAS BA NI, ,SGROL MA'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SARBA P'A PAm M'A RA YA H'Um PHAt: CES BZLA SKABS DMIGS PA NI, SNGAGS 'PHRENG LAS 'OD ZER DMAR SMUG GI TSOGS SPROS PAS BDUD DANG MU STEGS DANG, 'JIG RTEN KHAMS KYI SEMS CAN THAMS CAD KYI BSAM SBYOR NGAN PA MTHA' DAG GI SDIG SGRIB THAMS CAD SBYANGS, BDAG NYID LA DGA' BA DANG GUS PA'I SGO NAS DBANG DU GYUR BAR BSAMS, MJUG GI BYA BA RNAM SNGAR BZHIN NO,, ` ,,BCU GCIG PA PHONG PA SEL BA'I SGROL MA'I SGRUB THABS NI, MDUN GYI NAM MKHAR PADMA DANG NYI MA'I STENG DU T'Am YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU 'GYUR PA LAS ` RJE BTZUN MA PHONGS PA SEL BAR MDZAD MA SKU MDOG MUN PA'I MDOG CAN ZHAL GCIG PHYAG GNYIS MA, PHYAG G-YAS KYIS LCAGS KYUS PHYOGS MTSAMS BRGYAD NAS GZA' BRGYAD 'GUGS PAR MDZAD CING, G-YON PHONGS PA SEL BA'I LCAGS KYU ZHAGS PA DANG BCAS PA BSNAMS PA, CUNG ZAD

KHROS SHING, DBU SKRA GYEN DU BRDZES PA, RIN PO CHE'I RGYAN NA BZA' SOGS SNGAR BZHIN LA ` ZHABS G-YAS BRKYANGS PA'I ROL PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI SKYONG BA'I TSOGS RNAMS, ,THAMS CAD 'GUGS PAR NUS PA NYID MA, ,KHRO GNYER G-YO BA'I YI GE H'Um GIS, ,PHONGS BA THAMS CAD RNAM PAR SGROL MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR, AOm DZA MBHI NI MO HI SV'A H'A, ZHES BZLA BA'I TSE, SNGAGS 'PHRENG LAS 'OD ZER DMAR PO LCAGS KYU LTA BU PHYOGS BCUR SPROS PAS 'JIG RTEN KHAMS KYI LHA MI KLU LA SOGS PA SKYE RGYU THAMS CAD DANG, NOR LONGS SPYOD, GSER DNGUL, RIN PO CHE DBYiG LA SOGS PA DANG, 'BRU BANG MDZOD, RKANG 'GRO LA SOGS PA'I PHUN TSOGS THAMS CAD RANG DBANG MED PAR DBANG DU BSDUS, RANG GI YUL KHYIM PAR MDZOD SOGS GANG BAS DBUL PHONGS KYI SDUG BSNGAL ZHI BAR BSAMS, MJUG GI BYA BA SNGAR BZHIN NO,, ` ,,BCU GNYIS PAS BKRA SHIS 'BYUNG BA'I SGROL MA'I SGRUB THABS NI, MDUN GYI NAM MKHAR SNA TSOGS PAD ZLA'I GDAN LA T'Am YIG SER PO DA LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BKRA SHIS 'BYUNG BA'I SGROL MA SKU MDOG GSER GYI MDOG CAN, ZHAL GCIG PHYAG BRGYAD MA, G-YAS DANG POS RTZE GSUM DANG, G-YON DANG POS NOR BU RIN PO CHE

, ,THUGS KAR 'DZIN PA, GNYIS PA GNYIS KYIS LCAGS KYU RE, GSUM PA GNYIS KYIS RDO RJE DANG DBYUG PA, BZHI PA GNYIS KYIS RAL GRI DANG BUM PA BSNAMS PA, DBU SKRA RAL PA'I THOR TSUGS CAN, RGYAN NA BZA' GONG DANG 'DRA BA LA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTONG PA NI, PHYAG 'TSAL ZLA BA'I RTZE MOS DBU RGYAN, ,BRGYAN PA THAMS CAD SHIN TU 'BAR MA, , RAL PA'I KHROD NA 'OD DPAG MED LAS, ,RTAG PAR SHIN TU 'OD NI MDZAD MA, ,ZHES PAS BSTOD, BZLAS PA NI, SGROL MA'I THUGS KAR T'Am YIG GI MTHAR, AOm MNGGA LA PUshtIm KU RU SV'A H'A, ZHES BZLA SKABS SNGAGS 'PHRENG LAS 'OD ZER GSER BTZO MA LTA BU SPROS, 'JIG RTEN DANG 'JIG RTEN LAS 'DAS PA'I PHUN TSOGS THAMS CAD BKRA SHIS RTAGS BRGYAD DANG RGYAL SRID SNA BDUN LA SOGS PA'I RNAM PAR SPYAN DRANGS TE, BDAG NYID LA THIM PAS BKRA SHIS BDE LEGS KYIS KHYAB PAR BSAMS, MJUG GI BYA BA SNGAR BZHIN NO,, ` ,,BCU GSUM PA SMIN BYED SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHRAS, DON GNYIS BYAS, TSUR 'DUS YONGS SU GYUR PA LAS, SMIN BYED SGROL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS RAL GRI DANG 'KHOR LO, 'OG MA GNYIS

KYIS MNGA' DANG GZHU BSNAMS PA, SMIN MA DANG MCHU GYEN DU PHYOGS BA DBU SKRA GYEN DU BRDZES PA, GDAN NA BZA' SOGS SNGAR BZHIN LA, ZHABS G-YAS BRKYANGS G-YON BSKUMS PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL BSKAL PA THA MA'I ME LTAR, ,'BAR BA'I 'PHRENG BA'I DBUS NA GNAS MA, ,G-YAS BRKYANGS G-YON BSKUMS KUN NAS BSKOR DGA', ,DGRA YI DBUNG NI RNAM PAR 'JOMS MA, , ZHES PAS BSTOD, BZLAS PA NI, RJE BTZUN MA'I THUGS KAR, AOm SVATA BHAS MI KU RUS SV'AH'A, SNGAGS 'PHRENG SA BON DANG BCAS PA LAS 'OD ZER RDO RJE'I RANG BZHIN DPAG TU MED PA BYUNG BAS BDAG DANG BSGRUB BYA GANG YIN LA RDO RJE RVA BA'I GUR PHUB PAS BAR CHOD GANG GIS KYANG MI TSUGS PAR BSAMS, MJUG GI BYA BA RNAMS SNGAR BZHIN NO,, ` ,,BCU BZHI PA KHRO GNYER CAN MA'I SGRUB THABS NI, MDUN GYI NAM MKHAR PADMA DANG NYI MA'I DKYIL 'KHOR GYI DBUS SU TA'm YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA KHRO GNYER CAN MA SKU MDOG NAG MO, NAG DKAR DMAR BA'I ZHAL GSUM PHYAG DRUG GI PHYAG DANG PO GNYIS KYIS RAL GRI DANG THOD PA, GNYIS PA GNYIS KYIS LCAGS KYU DANG ZHAGS PA, GSUM PA GNYIS KYIS DBYUG PA DANG TSANGS MGO BSNAMS PA, ZHAL RE RE YANG SBYAN GSUM PA KHRO GNYER DANG LDAN PA, MI'I RGYU MA ZHAL DU GSOL BA, SMIN MA DANG DBU SKRA

, ,KHAM SER GYEN DU BRDZES PA, THOD PA LNGA'I DBU RGYAN DANG, LNGA BCU'I NGO SHAL CAN, STAG GI PAGS PA'I SHAM THABS DANG SPRUL GYIS BRGYAN PA PHYOGS MTSAMS BZHIR MYU GU 'DZIN PA, ZHABS G-YAS BRKYANG BA'I GAR STABS KYIS YI DVAGS MTHU BO CHE MNAN NAS ME DPUNG GIS DBUS NA BZHUGS PA, SGO GSUM BYIN RLABS NAS, MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI'I NGOS LA PHYAG GI ,MTHIL GYIS BSNUN CING ZHABS KYIS BRDUNG MA, ,KHRO GNYER SPYAN MDZAD YI GE H'Um GIS, ,RIM PA BDUN PO RNAMS NI 'GEMS MA, ,ZHES PAS BSTOD, RJE BTZUN MA'I THUGS KAR T'Am YIG GI MTHAR, AOm BADZRA T'A RE BADZRA MH'A PA TA AA SMI KU RU SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER DRAG LA RTZUB PA ME DPUNG DANG, GNAM LCAGS KYI THOG DANG, MNGA' MDUNG RAL GRI LA SOGS PA MTSON CHA'I TSOGS DPAG TU MED PA SPROS PAS DGRA BGEGS BYAD MA THAMS CAD CHER BCAD PAR BSAMS, MJUG MCHOG SNGAR BZHIN NO,, `,,BCO LNGA PA LA RJE BRTZUN MA ZHI BA CHEN MO'I SGRUB THABS NI, MDUN GYI NAM MKHAR PAD ZLA'I STENG DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA ZHI BA CHEN MO SKU MDOG DKAR MO, ZHAL GCIG PHYAG DRUG NAM, G-YAS DANG POS 'PHRENG BA THUGS KAR BSNAMS SHING, G-YON DANG POS PADMA 'DZIN

PA; BAR MA GNYIS KYIS MCHOG SBYIN DANG RIL BA SPYI BLUGS, ,'OG MA GNYIS KYIS DBYUG PA DANG PU TI BSNAMS PA, DBU SKRA RAL PA'I THOR TSUGS CAN, RIN PO CHE'I DBU RGYAN LA SOGS PA RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS BSNAMS PA, SKU LAS SKYES PA'I 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'CHAL BDE MA DGE BA ZHI MA, ,MYA NGAN 'DAS ZHI SPYOD YUL NYID MA, ,SV'AH'A AOm DANG YANG DAG LDAN PAS, ,SDIG PA CHEN PO 'JOMS PA NYID MA, ,CES PAS BSTOD, RJE BTZUN MA'I THUGS KAR SA BON GYI MTHAR, AOm TU RE SARBA P'A PAm PRA SHA MA NA YE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS, LHA MO DKAR MO BUM PA DKAR PO BDUD RTZI DKAR POS GANG BA BSNAMS PA RNAMS KYIS BDAG DANG BSGRUB BYA ZLA BA'I DKYIL 'KHOR LA GNAS PA LA KHRUS GSOL BAS SDIG SGRIB DANG NAD GDON THAMS CAD SBYANGS, LUS SHEL LTAR DAG PAR BSAMS, MJUG GI BYA BA RNAMS GONG BZHIN NO,, ` ,,BCU DRUG PA CHAGS 'JOMS SGROL MA'I SGRUB THABS NI; MDUN GYI NAM MKHAR PAD NYI'I DKYIL 'KHOR GYI STED DU, T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA CHAGS 'JOMS SGROL MA SKU MDOG DMAR

, ,MO; ZHAL GCIG PHYAG GNYIS MA, G-YAS THUGS KAR RTZE GSUM DANG, G-YON MYA NGAN MED PA'I SHING GI 'BRAS BU 'DZIN PA, DBU SKRA PHYED BCINGS SU BYAS PA'I LHAG MA BSIL BUR BABS PAS SKU STOD KHEBS PA, RIN PO CHE'I DBU RGYAN, SNYAN RGYAN, MGU LA RGYAN, PHYAG GDUB, ZHABS GDUB SOGS RIN PO CHE'I RGYAN DANG DAR GYI NA BZAS KLUBS PA 'OD KYI PHUNG PO'I DBUS NA ZHABS SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL KUN NAS BSKOR RAB DGA' BA'I, ,DGRA YI LUS NI RAB TU 'GEMS MA, ,YI GE BCU PA'I NGAG NI BKOD PA'I, ,RIG PA H'Um LAS SGROL MA NYID MA, ,ZHES PAS BSTOD, RJE BTZUN MA'I THUGS KAR, AOm TU RE SARBA DHARMA PRADZNY'A PRA TI P'A RI SHO DHA NI SV'AH'A, CES BZLA SKABS SNGAGS 'PHRENG SA BON DANG BCAS PA LAS 'OD ZER NYI MA SHAR KHA'I MDOG LTA BU DPAG TU MED PA SPROS PAS GSANG SNGAGS DANG RIG SNGAGS THAMS CAD KYI NUS MTHU DANG, TSUNGS PA DANG, BRGYA BYIN DANG, GNAS LNGA RIG PA'I PAndI TA RNAMS KYI SHES RAB DANG, SANGS RGYAS DANG BYANG CHUB SEMS DPA' THAMS CAD KYI MKHYEN RAB THAMS CAD 'OD ZER GYI RNAM PAR SPYAN DRANGS, BDAG NYID LA THIM PAS THOS BSAM SGOM PA'I SHES RAB DANG, LUNG RTOGS KYI YON TAN THAMS CAD RGYAS PAR BSAMS, MJUG GI BYA BA RNAMS

GONG BZHIN NO,, ` ,,BCU BDUN PA BDE SGRUB SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BDE BA SBYIN MA SKU MDOG DMAR SER, ZHAL GCIG PHYAG GNYIS KYIS THUGS KAR ZLA BA'I DKYIL 'KHOR BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS PA, SEMS DPA'I SKYIL KRUNG GIS 'OD KYI PHUNG PO'I DBUS NA BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL TU RE'I ZHABS NI BRDABS PAS ,H'Um GI RNAM PA'I SA BON NYID MA, ,RI RAB MAnDHA RA DANG 'BIGS BYED, ,'JIG RTEN GSUM RNAMS G-YO BA NYID MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE CHE GE MO SARBA STAMBHA NI T'A RE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA LCAGS SGROG ,ZHAGS PA, PHUR BU, RDO RJE RI RAB LA SOGS PA DPAG TU MED PA SGROS, LCAGS SGROG DANG ZHAGS PAS DGRA DANG, CHOM RKUN THAMS CAD BCINGS, PHA ROL GYI NGAN SNGAGS THAMS CAD PHUR BUS GDAB, RIM PA DGU'I SA 'OG TU DOR, RDO RJE RI RAB KYIS MNAN PAR BSAMS, MJUG GI BYA BA SNGAR BZHIN NO,, ` ,,BCO BRGYAD PA DUG SEL SGROL MA'I SGRUB THABS NI, MDUN GYI NAM MKHAR

, ,BAD ZLA'I STER DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA DUG SEL SGROL MA SKU MDOG STON KA'I ZLA BA LTAR DKAR BA, ZHAL GCIG PHYAG BZHI'I DANG PO GNYIS SPYI BOR BSNOL BAS LCAGS KYU 'DZIN PA, 'OG MA GNYIS KYIS MCHOG SBYIN DANG BCAS PA'I ZLA BA'I DKYIL 'KHOR DANG, AUTPA LA'I STENG DU GLEGS BAM GYI MTSAN PA 'DZIN PA, DBU SKRA RAL PA'I THOR TSUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB SOGS RIN PO CHE'I RGYAN GYIS BRGYAN PA DANG NGAR SNA TSOGS KYI NA BZA' CAN, 'OD KYI DKYIL 'KHOR GYI DBUS NA, NGANG PA'I STENG DU SKYIL KRUNG PHYED PAS BZHUGS PA, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL LHA YI MTSO YI RNAM PA'I, ,RI DVAGS RTAGS CAN PHYAG NA BSNAMS MA, ,T'A RA GNYIS BRJOD PHAt KYI YI GES; ;DUG RNAMS MA LUS PA NI SEL MA, ,CES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE SARBA N'A GA SH'ANTIm KU RU SV'AH'A, ZHES PA'I SNGAGS 'PHRENG BON DANG BCAS PAS BSKOR BA LAS, 'OD ZER DKAR PO GA BUR GYI RGYUN LTA BU BSIL BA'I RANG BZHIN CAN DPAG TU MED PA SPROS, RANG DANG BSGRUB BYA'I LUS LA THIM PAS KLU DANG, SA BDAG GI NAD THAMS CAD SDIG SBRUL DANG SBAL LCONG GI RNAM PAR BA SPU'I SGO THAMS

CAD NAS PHYIR PHUNG, LUS DVANGS GSAL 'OD KYI RANG BZHIN CAN DU SONG BAR BSAMS, MJUG GI BYA BA RNAMS SNGAR BZHIN NO,, ` ,,BCU DGU PA SDUG BSNGAL SEL BA'I SGROL MA'I SGRUB THABS NI, MDUN GYI NAM MKHAR PAD NYI'I DKYIL 'KHOR GYI STENG DU TAm YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE MA SDUG BSNGAL SEL PA'I SGROL MA SKU MDOG DKAR MO, ZHAL GCIG PHYAG GNYIS KYIS THUGS KAR ME THAB BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZA' GSOL BA, 'OD KYI PHUNG PO'I DBUS NA SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL LHA YI TSOGS RGYAL PO DANG, ,LHA DANG MI 'AM CI YIS BSTEN MA, ,KUN NAS GO CHA DGA' BA'I BRJID KYIS, ,RTZOD DANG RMI LAM NGAN PA SEL MA, ,ZHES PAS BSTOD, BZLAS PA NI ^ RJE BTZUN MA'I THUGS KAR SA BON GYI MTHAR, AOm TU RE MO TZA NA SV'AH'A, ZHES PA'I BSKOR BA LAS, 'OD ZER DKAR PO'I TSOGS SPOS PAS PHAN TSUN RTZOD PA DANG, RMI LAM NGAN PA GANG RMI BA DE DAG LA REG PAS SO SOR ZHI ZHING, RTZOD PA PO RNAMS BYAMS PA'I SEMS DANG LDAN PA DANG, MTSAN MA NGAN PA RNAMS DGE MTSAN PHUN SUM TSOGS PAR BSGYUR BAR BSAMS LA BZLAS PA BYA ZHING, KHYAD PAR RJE BTZUN MA 'DI'I LTE BAR ZLA

, ,BA'I DKYIL 'KHOR LA BSGRUB BYA BKOD DE SNGAGS BZLAS NA BTZON KHANG LAS THAR BAR 'GYUR RO, ,MJUG GI BYA BA RNAMS GONG BZHIN NO,, ` ,,NYI SHU PA RIMS NAD SEL BA'I SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ^ RJE BTZUN MA RIMS NAD SEL BA'I SGROL MA SKU MDOG DMAR SER, ZHAL GCIG PHYAG GNYIS MA, PHYAG GNYIS KYIS GSER GYI BUM PA THUGS KAR PA BSNAMS PA, DBU SKRA RAL PA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS SHING ZHABS GNYIS SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL NYI MA ZLA BA RGYAS PA'I, ,SPYAN GNYIS PO LA 'OD RAB GSAL MA, ,HA RA GNYIS BRJOD TU TT'A RA YIS, ,SHIN TU DRAG PO'I RIMS NAD SEL MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE BI SA RA TA SV'A H'A, ZHES PAS BSKOR PA LAS 'OD ZER 'PHROS PA'I SNE LA ^ RJE BTZUN MA ZHI KHRO MTHA' YAS BA SPROS, ZHI BA RNAMS KYI SKU LAS YE SHES KYI BDUD RTZI'I RGYUN BABS, NAD BDAG RIMS BDAG LA SOGS PA RNAMS TSIMS PAR BYAS, ZHI BA'I CHOS BSHAD PAS GNOD 'TSE'I BSAM SBYOR DANG BRAL NAS SO SO'I GNAS SU SONG

PAR BSAMS, KHRO MO RNAMS KYIS ZHI BAS 'DUL BAR MA NUS PA RNAMS DRAG PO'I LAS KYI TSAR BCAD PAR BSAMS, MJUG GI BYA BA RNAMS GONG BZHIN NO,, ` ,,NYER GCIG PA RJE BTZUN MA YONGS RDZOGS SGROL MA'I SGRUB THABS NI, MDUN GYI NAM MKHAR KHYU MCHOG GI STENG DU PADMA DANG ZLA BA'I GDAN LA T'Am YIG DKAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA YONGS RDZOGS SGROL MA SKU MDOG DKAR MO, ZHAL GCIG PHYAG GNYIS KYIS BGRANG 'PHRENG DANG RTZE GSUM BSNAMS PA, SPYAN GSUM MA, DBU SKRA RAL PA'I THOR COG CAN, RIN PO CHE'I RGYAN DANG STAG GI PAGS PA'I SHAM THABS CAN, RANG 'OD KYIS DKYIL 'KHOR GYI DBUS SU SKYIL KRUNG PHYED PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL DE NYID GSUM RNAMS BKOD PAS, ,ZHI BA'I MTHU DANG YANG DAG LDAN MA, ,GDON DANG RO LANGS GNOD SBYIN TSOGS RNAMS, ,'JOMS PA TU RE RAB MCHOG NYID MA, ,ZHES PAS BSTOD, BZLAS PA'I SKABS RJE BTZUN MA'I THUGS KAR SA BON GYI MTHAR, AOm TU RE SA TA PA SV'AH'A, ZHES PA'I BSKOR BA LAS 'OD ZER DKAR SER DMAR SNGO BZHI SPROS PAS ZHI RGYAS DBANG DRAG GI LAS RNAMS 'GRUB PAR BSAMS, MJUG GI BYA BA RNAMS GONG BZHIN LA, RJE BTZUN MA 'DI DAG GI SGO NAS LAS TSOGS BSGRUB PA LA SNGON DU YI GE BCU PA 'BRU

, ,'BUM BZLA DGOS SHING, BDAG BSKYED KYANG SGROL MA KUN GYI SPRUL GZHI SENG LDENG NAGS SGROL GYI RNAL 'BYOR BSGOM PA'AM MDUN GYI GSOL BA 'DEBS YUL GYI SGROL MA'I BDAG BSKYED GANG RUNG BSGOM PAS CHOG CING, SNGAR BSHAD PA'I LAS TSOGS DE DAG GI NANG NAS RANG NYID GANG 'DOD PA'I LHA'I RNAL 'BYOR DANG SNGAGS BZLAS PAS CHOG PA YIN CING, SGROL MA NYER GCIG PO THAMS CAD KYI MNGON RTOGS DANG SNGAGS RGYUN GCIG LA BZLA DGOS PA'I NGES PA MED DO,, ,,SMRAS PA, ,SPRIN BRAL MKHA' LA MRGAD BZHU BLUGS KYI, ,DO MTSAR SNA TSOGS RI MO BKOD PA BZHIN, ,SMIN LEGS STONG GI MDZES PA 'PHROG BYED PA'I, ,PHYI NAD 'JIGS LAS SKYOB MDZAD BCOM LDAN MAS, ,'GRO BLO'I MUN PA MA LUS SEL BA'I THABS, ,GRUB MCHOG NYI MA SBAS PA LA GDAMS PA'I, ,GCIG LHAG BCU PHRAG ZUNG GI GDAMS PA MCHOG ,RGYUD SDE'I MAN DAG DU MAS BRGYAN PA 'DI, ,SKAL BZANG DPYOD LDAN RNAL 'BYOR PHO MO YI, ,CI 'DOD 'PHRIN LAS SNA TSOGS RIN PO CHE, ,MA LUS MYUR DU 'GUGS PA'I LCAGS KYU STE, ,YID LA CI BSAM STER BA'I RIN CHEN YIN, ,'DIR 'BAD DGE TSOGS MES PO'I RAL KLUNG RGYUN, ,SKAL LDAN YID KYI RDZING BUR RAB ZHUGS TE, ,DNGOS GRUB CHU SKYES RGYAS PA'I 'DAB BRGYA'I RTZER, ,SKU GSUM ZE'U 'BRU DKAR POS MDZES GYUR CIG ,CES SOB DPON NYI MA

SBAS PA'I LUGS KYI SGROL MA NYER GCIG GI SGRUB THABS, BSKYED RIM LA SLOB TSUL GYI DMIGS BSKOR MDOR BSDUS DANG, BSNYEN BSGRUB LAS GSUM JI LTAR BYA BA'I TSUL 'DI LTA BU ZHIG DGOS ZHES GUNG BDE LEGS RDO RJE'I SHOG DGE TSUL MA YE SHES CHOS 'DZIN GYIS BSKUL BA'I NGOR ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL GYIS GZIMS CHUNG YID DGA' CHOS 'DZIN DU SBYAR BA'O,, 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, , AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SBEL; ;SARBA DZA GA TAm,

*, ,RJE BTZUN BSTAN PA'I 'KHOR LO DANG DBYANGS CAN LHA MO GNYIS KYI BSTOD PA DANG, ` SLOB DPON NYI MA SBAS PA'I LUGS KYI SGROL MA NYER GCIG GI SGRUB THABS BSKYED RIM LA SLOB TSUL GYI DMIGS SKOR MDOR BSDUS DANG BSNYEN SGRUB LAS GSUM JI LTAR BYA BA'I TSUL BCAS BZHUGS SO, @1 #, ,NA MO GU RU SVA RA SVA STI YE, SHES BYA'I DNGOS KUN MKHYEN PA'I SBYAN GYI DKYUS, ,CHES RING NAM MKHA'I SKA RAGS GZUGS DANG MTSUNGS, ,'GRO KUN 'DZUM GYIS BSU BA'I ZHAL DKYIL MCHOG ,NYIN BYED LTAR RGYAS SMRA BA'I SENGGER 'DUD, ,DRUG CU'I DBYANGS LDAN GLU MCHOG LEN LA MKHAS, ,'JO SGEG GAR GYI RNAM 'GYUR DU MAS BREL, ,SGRA DBYANGS LHA MOS SKAL LDAN BDAG CAG LA, ,NGAG GI DNGOS GRUB DAM PA STZAL DU GSOL, ,ZLA SRING 'PHANG 'GRO'I DBYANGS SNYAN RAB THOS PAS, ,RMAD BYUNG BLO GROS MCHOG TU YANGS PA DANG, ,RNAM DBYAD DAR BABS LEGS BSHAD MA LUS KUN, ,SGROG PA'I SPOBS PA MCHOG GI DNGOS GRUB STZOL, ,SMRA BA'I DBANG PHYUG RJE BTZUN 'JAM DBYANGS LA, ,SHUGS DRAG DVANG BAS RTZE GCIG GSOL BTAB

, ,MTHUS, ,BDAG KYANG MGON KHYOD SHES BYA MTHA' DAG LA, ,DBANG BSGYUR SHES RAB DRI MED SNANG BA STZOL, ,CHE DANG GSAL DANG MYUR CING ZAB PA YI, ,BLO GROS SPOBS PA'I SHES RAB RNON BO YIS, ,MDO SNGAGS ZAB MO'I GNAD RNAMS LEGS RTOGS NAS, ,'GRO RNAMS THEG MCHOG LAM LA 'GOD PAR SHOG ,CES PA 'DI NI SHING YOS LO MGO ZLA BA'I NANG GZA' SKAR PHUN SUM TSOGS PA DANG BSTUN, ^ RJE BTZUN BSTAN PA'I 'KHOR LO DANG DBYANGS CAN LHA MO GNYIS LA BSNYEN MTSAMS BGYIS SKABS ^ YONGS 'DZIN DAM PA RJE ZHAL SNGA NAS BLO BZANG TSUL KHRIMS KYIS LHAG PA'I LHA MCHOG 'DI RNAMS LA BSTOD PA 'DI LTA BU ZHIG DGOS ZHES GSUNG GIS BSKUL MA MDZAD PA LTAR, ^ SH'AKYA'I BTZUN PA BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS GZIMS CHUNG BKA' GDAMS PHO BRANG DU NA TSOD DANG BSTUN G-YAR KHRAL TZAM DU SBYAR BA'O,, DGE LEGS 'PHEL,, ` ,,SLOB DPON NYI MA SBAS PA'I LUGS KYI ^ SGROL MA NYER GCIG GI SGRUB THABS DANG BSKYED RIM LA SLOB TSUL GYI DMIGS SKOR MDOR BSDUS BSNYEN SGRUB LAS GSUM JI LTAR

BYA BA'I TSUL BCAS BZHUGS SO,, ` ,,NA MO A'ARYA T'A RE, LHA MI'I CHE RGU'I GTZUG RGYAN RLABS 'PHRENG GI ,GANG GI ZHABS PAD LAN BRGYAR DAG BYAS PA, ,'GRO KUN 'JIGS CHEN BRGYAD LAS SKYOB MDZAD PA'I, ,'PHAGS MA SGROL MA'I ZHABS LA SNYING NAS 'DUD, ,'DIR SLOB DPON NYI MA SBAS PA'I LUGS KYI SGOL MA NYI SHU RTZA GCIG GI SGRUB THABS NYAMS SU LEN PAR 'DOD PAS, THOG MAR SGROL MA THAMS CAD KYI SPRUL GZHI SENG LDENG NAGS KYI SGROL MA'I SGRUB THABS NI, GNAS KHANG BYI DOR BYAS LA RJE BTZUN MA SGROL MA'I SKU GZUGS BRIS 'BUR GANG YANG RUNG BA DGRAM, DE'I MDUN DU CHU GNYIS SNGON 'GRO'I NYER SBYOD DANG; DMAR GTOR ZLUM PO BSHOS BU NYER GCIG GIS BSKOR BA SOGS MCHOD PA G-YO MED CING BKOD PAS MDZES BAR BSHAMS, RANG GI MDUN DU NANG MCHOD KYI KA P'A LA RDOR DRIL SOGS MED MI RUNG GI YO BYAD RNAMS TSOGS PAR BYAS, STAN BDE BA LA 'KHONG DE DGE SEMS KHYAD PAR CAN GYI DAD NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, DNGOS GZHI NI, ` RANG NYID RJE BTZUN MA SENG LDENG NAGS KYI SGROL MAR GSAL BA'I THUGS KAR ZLA BA LA GNAS PA'I T'Am YIG LJANG GU'I 'OD ZER GYIS RANG BZHIN GYI GNAS NAS BLA MA DANG GNYIS SU MED PA'I RJE BTZUN MA SENG LDENG NAGS KYI SGROL MA LA, SGROL MA

, ,NYER GCIG DANG SANGS RGYAS BYANG CHUB SEMS DPA'I TSOGS KYIS BSKOR BA MDUN GYI NAM MKHAR SBYAN DRANGS 'OD ZER RANG GI SNYING GAR THIM PAR GYUR, GANG GI DRIN GYI BDE CHEN NYID, , SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,LHA DANG LHA MIN COD PAN GYIS, ,ZHES SOGS KYI PHYAG BYA, AOm GU RU A'ARYA T'A RE SA PA RI W'A RA AARGHAm NAS, SHAPTA'I BAR GYIS MCHOD, DKON MCHOG GSUM LA BDAG SKYABS MCHI, ,ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SKYABS 'GRO SEMS BSKYED DANG, SANGS RGYAS BYANG CHUB SEMS DPA' KUN, ,ZHES SOGS KYIS SNGAGS SDOM BZUNGS, MA GYUR SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,CES SOGS TSAD MED BZHI BSGOM, TSOGS ZHING RNAMS RANG LA THIM PAS BYIN GYIS BRLABS PAR GYUR, PAR BSAM BA NI SBYANG GZHI 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYE GNAS MYONG 'GYUR GYI LAS BSOD NAMS KYI TSOGS GSOG PA DANG CHOS MTHUN, DE LTA BU'I LAS 'DU BYAS PA'I MTHAR 'CHI BA 'OD GSAL MNGON DU BYED PA DANG CHOS MTHUN PAR YE SHES KYI TSOGS GSOG PA NI, BDAG GI MA 'ONGS PA NA 'BYUNG 'GYUR GYI 'CHI BA SBYANG BAR BYA, DES DON GYI 'OD GSAL MYUR DU 'CHAR BA DANG 'BRAS BU CHOS SKU 'GRUB PA'I NUS PA KHYAD

PAR CAN BZHAG PAR BYA'O SNYAM DU BSAMS LA, AOm SH'U N+YA T'A DZNY'A NA BADZRA SVA BH'A WA A'ATMAKONYHAm, ZHES BRJOD PA'I TSE RANG GI SNYING GA'I T'Am YIG LAS 'OD ZER 'PHROS SNOD BCUR THAMS CAD LA PHOG PAS SNOD THAMS CAD GZHAL YAS KHANG DANG BCUD THAMS CAD RJE BTZUN MA'I SKUR GYUR, SNOD BCUD 'OD DU ZHU NAS RANG LA THIM PA'I TSE MIG SGYU LTA BU'I RNAM PA 'CHAR BAR BSGOM, RANG YANG STOD SMAD NAS RIM GYI 'OD DU ZHU TE SNYING GA'I H'Um LA THIM, DU BA LTA BU'I NYAMS SHAR BAR MOS, H'Um GI ZHABS KYU HA LA THIM PA'I TSE MKHA' SNANG ME KHYER LTA BU DANG, HA MGO BO LA THIM PA'I TSE MAR ME BTEG SBAR LTA BU DANG, MGO BA ZLA TSES LA THIM PA'I TSE DKAR LA MA PA'I SNANG BA DANG, ZLA TSES THIG LE LA THIM PA'I TSE DMAR LAM PA'I SNANG BA DANG, THIG LE N'A DA LA THIM PA'I TSE NAG LAM PA'I SNANG BA DANG, N'A DA YANG NAM MKHA' LA 'JA' YAL BA LTAR GYUR PA'I TSE RANG SEMS BDE BA CHEN PO'I NGOR GYUR PAS 'KHOR 'DAS KYI CHOS THAMS CAD BLOS PHAR BTAGS TZAM MA GTOGS RANG NGOS NAS GRUB PA RDUL TZAM YANG MED PA'I STONG BA NYID YUL DU BYAS TE, SH'U N+YA T'A'I SNGAGS DON LTAR YUL STONG PA NYID DANG YUL CAN BDE BA CHEN PO'I YE SHES GNYIS SNANG PHRA MOS KYANG BAR MCHOD PAR CHU LA CHU BZHAG PA BZHIN RO GCIG PA'I CHOS SKU'I NGANG DU GYUR SONG SNYAM DU YUN MI THUNG BAR SNYOMS PAR 'JOG PA NI 'CHI BA CHOS SKUR KHYER BA'I LA MA KHYER BSGOM PA'O;; ` ;;STONG PA'I NGANG LAS SKAD CIG GIS RDO RJE'I SA GZHI, RVA BA; GUR; BLA BRE, ME RI DANG BCAS PA'I DBUS SU SNA TSOGS PADMA LA GNAS PA'I SNA TSOGS RDO RJE'I LTE BAR GZHAL YAS KHANG GRU BZHI SGO BZHI PA

, ,RTA BABS LA SOGS PA'I MTSAN NYID THAMS CAD DANG LDAN PA'I NANG GI DBUS SU SNA TSOGS PADMA DANG ZLA BA'I GDAN G-YAS SU PAD ZLA DANG G-YON DU PAD NYI'I GDAN RE RE, 'DI'I BAR SEMS BYINGS PO CHOS SKU'I NGA RGYAL LA GNAS BZHIN PA'I DAD NAS BLO'I ZUR GCIG GIS BSRUNG 'KHOR GZHAL YAS KHANG GDAN DANG BCAS PA GSAL BTAB, MA 'ONGS PA NA 'BYUNG 'GYUR GYI BAR DO SBYANG BA DANG LAM RDZOGS RIM GYI SKABS SU DPE DON GYI 'OD GSAL LAS DAG MDAG GI SGYU MA'I SKU GNYIS 'GRUB PA'I DGE RTZA SMIN PAR BYAS 'BRAS BU LONGS SBYOD RDZOGS PA'I SKU 'GRUB PA'I NUS PA KHYAD PAR CAN BZHAG PAR BYA'O SNYAM PA DANG, BDAG GI RTAG TU CHOS SKU'I NGANG LA MI GNAS PAR LONGS SPYOD RDZOGS PA'I SKUR LANGS LA SEMS CAN GYI DON BYA'O SNYAM PA'I 'PHEN PA DANG BCAS TE, ,GDAN DBUS MA'I STONG DU T'Am YIG LJANG GU, BSGOM PA NI BAR DO LONGS SKUR KHYER BA'I RNAL 'BYOR RO, ,T'Am LAS 'OD ZER 'PHROS SEMS CAN THAMS CAD KYI SDIG SGRIB SBYANG 'PHAGS MA'I GO 'PHANG LA BKOD, PHYOGS BCU'I SANGS RGYAS SRAS DANG BCAS PA LA MNYES PA'I MCHOD PA PHUL, DE RNAMS KYI SKU GSUNG THUGS KYI YON TAN DANG SEMS CAN RJE BTZUN MAR GSAL BA RNAMS 'OD KYI RNAM PAR BSDUS TE T'Am YIG LA THIM PAR GYUR, PAR BSAM PA NI BAR DO'I BYA BA DANG LAM GYI GNAS SKABS SU SGYU LUS PA GNYIS KYI MDZAD PA DANG CHOS MTHUN, DE NAS BDAG GI SKU SHIN TU PHRA BA'I YE SHES KYI RANG BZHIN CAN THA MAL PA'I SHA'I MIG GI YUL DU MA GYUR PA 'DIS SEMS CAN GYI DON RGYA CHEN

PO SGRUB PAR MI NUS PAS NA RAGS PA'I SPRUL SKU BZUNGS LA SEMS CAN DPAG TU MED PA'I DON BSGRUB PAR BYA'O SNYAM DU BSAMS LA, ` T'Am YIG YONGS SU GYUR PA LAS RANG NYID RJE BTZUN MA SENG LDENG NAGS KYI SGROL MA SKU MDOG LJANG SNGON ZHAL GCIG PHYAG GNYIS MA, PHYAG G-YAS MCHOG SBYIN DANG, G-YON MTHEB SRIN GYIS AUTPAL LA'I YU BA THUGS KAR 'DZIN PA'I 'DAB MA SNYAN G-YAS G-YON GYI THAD DU KHA BYE BA, DBU SKRA RAL PA'I THOR TSUGS CAN LHAG MA BSIL BUR BABS PAS SKU STOD KHEBS PA, DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA RIN PO CHE'I RGYAN BRGYAD KYIS BRGYAN PA, SKU STOD LHA RDZAS KYI GOS KYIS GSHAL BYAS SHING SKU SMAD DAR GYI SHAM THABS 'CHANG BA, ZHABS G-YAS BRKYANGS SHING G-YON BSKUM GYIS BZHUGS PA, DE'I G-YAS KYI GDAN LA MI LAS LHA MO 'OD ZER CAN MA SKU MDOG SER MO, ZHAL GCIG PHYAG GNYIS KYI G-YAS RDO RJE DANG, G-YON MYA NGAN MED PA'I SHING GI YAL GA 'DZIN PA, RIN PO CHE'I RGYAN DANG DAR GYI NA BZA' CAN, GTZO MO'I G-YON DU H'Um LAS RAL GCIG MA SKU MDOG NAG MO, ZHAL GCIG PHYAG GNYIS KYI G-YAS GRI GUG DANG, G-YON THOD KHRAG BSNAMS PA; SPYAN GSUM DMAR ZHING ZLUM PA DRAG MO'I GZUGS CAN GLANG LPAGS KYI STONG G-YOGS DANG STAG LPAGS KYI SHAM THABS GSOL BA, 'KHOR GNYIS KA YANG ZHABS GNYIS DOR STABS KYIS BZHUGS PA'I GTZO 'KHOR THAMS

, ,CAD KYI SBYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, GTZO MO'I THUGS KA'I H'Um GI NANG DU T'Am GYIS MTSAN PA DE LAS 'OD ZER 'PHROS, PO TA LA SOGS RANG BZHIN GYI GNAS NAS BSGOM PA DANG 'DRA BA'I YE SHES PA SPYAN DRANGS, DZA: H'Um BAm HO: DAM CHIG PA DANG GNYIS SU MED PAR GYUR, SLAR YANG THUGS KA'I H'Um T'Am LAS 'OD ZER 'PHROS, DBANG GI LHA RIGS LNGA 'KHOR DANG BCAS PA SBYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHIshE KA TA SA MA YA SHR'I YE H'Um, ZHES GSUNGS SHING DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS GTZO MO LA DON YOD GRUB PA, 'OD ZER CAN MA LA RNAM SNANG, RAL GCIG MA LI MA BSKYOD PAS DBU BRGYAN PAR GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BH'A WAS STONG PAR SGYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRIm KHAm H'Um LAS BYUNG BA'I SHA LNGA DANG, LAm MAm PAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI

STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS ZHU ZHING KHOL, YI GE GSUM LAS 'OD ZER 'PHROS SKU GSUNG THUGS KYI RDO RJE GSUM SBYAN DRANGS, YI GE GSUM LA THIM, DE GSUM YANG RIM GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS, AOm AA MRi TAS BSANGS, SVA BH'A WAS STONG BAR SBYANGS, STONG PA'I DANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SBYONG YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um NAS; SHAPTA A'A: H'Um, GI BAR DANG, R'U PA NAS, SPARSHA A'A: H'Um, GI BAR BRJOD DE BYIN GYIS BRLABS, SPRO NA TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AARGHAm NAS, SPARSHA'I BAR GYIS MCHOD, NANG MCHOD KYI KA P'A LA LAG TU BZUNGS LA G-YON PA'I MTHEB SRIN GYIS G-YAS BSKOR DU DKRUGS PAS DBUS SU BDUD RTZI'I SNYING BA BYUNG BAR BSAMS LA; AOm MCHOD DO, PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS DANG BCAS PA'I NGO BOR GYUR PA DRIN CAN RTZA BA DANG BRGYUD PAR BCAS PA'I DPAL LDAN BLA MA DAM

, ,PA RNAMS KYI ZHAL DU AOm A'A: H'Um, AOm A'ARYA T'A RE AOm A'A: H'Um, AOm MA RI TZY'EE AOm A'A: H'Um, AOm AE KA DZA tI AOm A'A: H'Um, GZHAN YANG RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, CHOS SKYONG BSRUNG MA RNAMS KYI ZHAL DU AOm A'A: H'Um, DPA' BO DANG RNAL 'BYOR MA RNAMS KYI ZHAL DU AOm A'A: H'Um, GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, RANG GI LCE THOG TU BDUD RTZI MYANG LA, AOm AA MRi TA SVA D'A NA BADZRA SVA BH'A WA A'ATMA KONYHAm, MGRON THAMS CAD YE SHES KYI BDUD RTZIS MNYES SHING TSIMS PAR GYUR, LHA DANG LHA MIN ZHES SOGS SAM, ZHAL GCIG PHYAG GNYIS MCHOG SBYIN AUTPAL 'DZIN, ,DBU SKRA MTHON MTHING RIN CHEN RGYAN MANG GIS, ,SPRAS PA'I DAR GYI NA BZA' MDZES PAR GSOL, ,G-YAS BRKYANGS G-YON BSKUMS BZHUGS LA PHYAG 'TSAL BSTOD, ,GSER GYI MDOG CAN ZHAL GCIG PHYAG GNYIS KYIS, ,RDO RJE MYA NGAN MED BA'I YAL GA 'DZIN, ,'GRO KUN 'JIGS PA BRGYAD LAS SKYOB MDZAD PA'I, ,LHA MO 'OD ZER CAN LA PHYAG 'TSAL LO, ,SKU MDOG MTHING NAG ZHAL GCIG PHYAG GNYIS KYIS, ,RMONGS PA'I DRA BA GCOD PA'I GRI THOD 'DZIN, ,KHROS PA'I GAR GYI BDUD DPUNG SKRAG MDZAD PA'I, ,RAB BRJID LHA MO RAL GCIG MA LA 'DUD, ,DE NAS SEMS BYINGS PO

RTEN DANG BRTEN PAR BCAS PA'I DKYIL 'KHOR GYI GSAL SNANG LA GNAS BZHIN PA'I NGANG NAS BLO'I ZUR GCIG GI GTZO MO NAS BSRUNG, KHOR GYI BAR PHYIR RIM GYIS GSAL BTAB, DE NAS GTZO MO'I BAR NANG DU RIM GYIS GSAL BTAB STE MTHAR 'KHOR DANG GZHAL YAS KHANG GI RNAM PA SOGS RE ZHIG BTANG SNYAMS SU BZHAG STE RANG GTZO MA ZHAL GCIG PHYAG GNYIS MAR GSAL BA LA RTZE GCIG TU DMIGS NAS GSAL SNANG BSGOM BA DANG KHYAD PAR CAN GYI SNANG BA YID NGOR SHAR BA'I TSE, 'BRAS DUS KYI BDE STONG GNYIS SU MED PA'I YE SHES CHOS KYI SKU GDUL BYA'I DON DU RJE BTZUN MA SGROL MA'I RNAM PAR SHAR BA'I SKYON KUN ZAD YON TAN KUN LDAN GYI GZUGS KYI SKU DE NGA'O SNYAM DU NGA RGYAL 'DZIN PA GNYIS RE MOS SU BYA ZHING, DE YANG SNGAGS KYI SKABS 'DIR SPANG BYA'I GTZO BO THA MAL GYI SNANG ZHEN GNYIS YIN PAS THA MAL GYI SNANG BA'I GNYEN POR LHA'I GSAL SNANG DANG, THA MAL MI ZHEN PA'I GNYEN POR LHA'I NGA RGYAL BSGOM DGOS PAS DE GNYIS KYI NANG NAS KYANG LHA'I NGA RGYAL BSGOM PA GTZO CHE ZHING, 'DI DAG GI SKABS THAMS CAD DU ME LONG NANG GI BYAD BZHIN GYI GZUGS BRNYAN BYAD BZHIN DU SNAD YANG DES STONG PA BZHIN DU RTEN BRTEN PA'I RNAM PA THAMS CAD MA DAG MA BCOS PA'I BLO LA RANG DOS NAS GRUB PA LTAR SNANG YANG, RANG BZHIN GYIS GRUB PAS STONG BA'I SNAD STONG GNYIS TSOGS SGYU MA LTA BU'I RNAL 'BYOR LA SLOB PA NI DMIGS PA LHA LA DMIGS PA'I CHA NAS BSOD NAMS KYI TSOGS DANG RANG BZHIN MED PA'I 'DZIN STANGS CAN DU SKYES PA'I CHA NAS YE SHES KYI TSOGS GNYIS KA TSANG ZHING DE LTA BU'I YE SHES KYI TSOGS NI SNGAGS KYI THABS MKHAS KYI

, ,ZIN PA'I SHES RAB KHYAD PAR CAN YIN PAS PHAR PHYIN THEG PA NAS BSHAD PA'I YE SHES KYI TSOGS LAS BDAG 'DZIN GYI GNYEN POR 'GRO PHUL BRGYA 'GYUR GYI CHE ZHING YE SHES KYI TSOGS LA KHYAD JI TZAM BZHUGS PA TZAM GYI BSOD NAMS KYI TSOGS LA YANG KHYAD BZHUGS PAS NA 'DI LTA BU'I LAM LA SLOB PA NI SKU GSUM LAM KHYER GYI GNAD TSANG ZHING SKYE SHI BAR NGO'I SBYANG GZHI DNGOS SU SBYONG BAR BYED PAS RDZOGS RIM ZAB MO'I SMIN BYED KHYAD PAR CAN DU GYUR NAS BSKAL PA GRANGS MED GSUM DU TSOGS BSAGS PA LA MA LTOS BAR SNYIGS DUS KYI TSE THUNG GCIG LA RDZOGS PA'I SANGS RGYAS KYI GO 'PHANG STER BA'I GDAMS NGAG BLA NA MED PA YIN CING, 'ON KYANG RANG LHAR GSAL BA LA DMIGS NAS GSAL CHA DANG GNAS CHA SGRUB PA'I TSE NYES PA LNGA SPONG BA DANG, 'DU BYED BRGYAD BRTAN PA'I SGO NAS NYAMS SU BLANGS PA LA BRTEN NAS SEMS GNAS PA'I THABS DGU STOBS DRUG GI 'GRUB LUGS YID LA BYED PA BZHIR YOD TSUL RNAMS DBUS MTHA' RNAM 'BYED SOGS THUN MONG BA'I LAM GYI RIM PA LAS JI LTAR BSHAD BA LTAR NGES PA RNYED DGOS SO, ,DE LTAR LHA SKU BSGOM PA'I SKYON BZLAS PA BYA BA LA BGRANG PHRENG BYIN RLABS NI, AA MRi TAS BSANGS, SVA BH'A WAS SBYANGS, STONG PA'I DANG LAS DZRIm LAS PADMA DZRIm GIS MTSAN PA YONGS SU GYUR PA LAS 'OD DPAG MED DMAR PO ZHAL GCIG PHYAG GNYIS MNYAM GZHAG GI PHYAG RGYA CAN DE'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, DE LAS 'ONG ZER 'PHROS, RANG 'DRA'I YE SHES PA DANG DBANG GI LHA

RNAMS SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR RDO RJE SEMS DPAS DBU BRGYAN PAR GYUR, AOm A'A RO LIK AARGHAm NAS, SHAPTA'I BAR GYIS MCHOD, GSUNG RDO RJE 'OD DPAG MED ZHU BA LAS BYUNG PA'I 'PHRENG BA'I RNAM PAR GYUR, PAR BSAM LA LCE DANG MCHU MA 'GUL BAR RLUNG LDANG 'JUG GNAS GSUM YI GE GSUM GYI RANG GDANGS SU MOS NAS YID BZLAS JI LTAR RIGS PA BZLA, GTZO MO'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SV'AH'A, ZHES PAS BSKOR BA BSGOM, SNGAGS 'PHRENG LAS 'OD ZER 'PHROS, LUS KYI NANG GANG SDIG SGRIB THAMS CAD SBYANGS, TSE BSOD DPAL 'BYOR LA SOGS PA RGYAS PAR BSAMS LA, YI GE BCU PA JI LTAR RIGS PA DANG, 'OD ZER CAN MA'I THUGS KAR ZLA GDAN LA MAm YIG GI MTHAR, AOm M'A RI TZEE MAm SV'AH'A, ZHES BA DANG RAL GCIG MA'I THUGS KAR NYI GNGAN LA H'Um YIG GI MTHAR, AOm HR'Im: TR'Am H'Um PHAt, CES PAS BSKOR BA LA DMIGS NAS BZLAS BA'I SKYON DANG BRAL BAR GRANGS JI LTAR RIGS PA BZLAS, BZLAS PA'I GRANGS TSAD NI YI GE BCU PA 'BRU 'BUM DANG, 'KHOR GYI SNGAGS KHRI PHRAG RE, YI GE BCU PA'I MTHAR, H'Um HA AA DZHE SV'AH'A, ZHES PA'I YE GE BZHI BTAGS PA'I YE SHES 'BEBS SNGAGS KHRI PHRAG GCIG BZLA'O, ,BZLAS PA'I MTHAR GTOR MA 'BUL BAR 'DOD NA, DMAR GTOR NANG MCHOD LTAR BYIN GYIS BRLABS, RANG GI THUGS KA'I H'Um LAS 'OD ZER 'PHROS, SENG LDENG NAGS KYI SGROL MA GTZO 'KHOR GSUM GYI RTEN DANG BRTEN PAR BCAS PA'I DKYIL 'KHOR MDUN GYI NAM MKHAR SPYAN DRANGS PA RNAMS KYI LJAGS RDO RJE'I 'OD ZER GYI

, ,SPU GUS GTOR MA'I BCUD THAMS CAD DRANGS TE GSOL BAR GYUR, AOm A'ARYA T'A RE SA PA RI W'A RA AAm DAm BA LIm TA KHA KHA KH'A HI KH'A HI, LAN GSUM GYIS PHUL LA GONG GI BSTOD PAS BSTOD, YIG BRGYAS LHAG CHANG KHA BSKANG, NONGS PA BZOD GSOL DANG 'DOD DON LA GSOL BTAB SOGS BYA ZHING, MDUN GYI MGRON RNAMS RTEN YOD NA BRTAN BZHUGS DANG MED NA RANG BZHIN GYI GNAS SU GSHEGS PAR BSGOM, DE LTAR SGROL MA NYI SHU RTZA GCIG GI SPRUL GZHI SENG LDENG NAGS KYI SGROL MA'I SGRUB THABS NYAMS SU LEN PA'I RNAL 'BYOR PAS BSNYEN MTSAMS JI LTAR BYA BA'I TSUL BRJOD PAR BYA STE, SNGON DU DGE 'DUN BZHI SDE YAN CHAD LA BSNYEN BKUR DANG, GNAS KHANG BYI DOR BYAS LA, BA BYUNG GIS CHAG CHAG BTAB, STAN GYI 'OG TU SA DKAR GYI G-YUNG DRUNG DANG RTZVA DUR PA BTING, STAN BDE BA LA 'KHOD NAS BGEGS GTOR BTANG, BSRUNG 'KHOR MDOR BSDUS BSGOMS, MTSAMS G-YOG DANG SMAN PA SOGS MTSAMS 'OG TU 'JUG DGOS GANG YIN BSRUNG 'KHOR GYI NANG DU CHUD PAR BSAMS, MTSAMS THO BZHI RGYAL CHEN BZHI'AM DAM CAN CHOS RGYAL DU BSKYED, MCHOD GTOR PHUL TE SPYIL BU'I PHYOGS BZHI'AM SGO'I G-YAS G-YON DU STEGS PU'I KHAR BZHUGS SU GSOL LA, SGRUB PA PO'I BSNYEN SGRUB KYI LAS MTHAR MA PHYIN GYI BAR LA NANG GI DNGOS GRUB PHYIR MI 'CHOR BA DANG, PHYI'I NAD GDON BAR CHAD NANG DU MI 'JUG PA'I 'PHRIN LAS MDZOD CIG ,CES BRJOD LA ME TOG GTOR, NANG DU 'ONG STE LAG PA G-YON PAS STAN LA REG STE, AOm BADZRA A'A PAN H'Um, ZHES BRJOD DE STAN RDO RJE'I RANG BZHIN DU MOS, DE DAG NI GNAS BSRUNG BA'O, ,LAG BA

G-YON BA DRI CHU DANG BCAS PAS RANG GI GNAS GSUM DU REG LA YI GE GSUM BRJOD DE SGO GSUM BYIN GYIS RLOBS PA NI BDAG BSRUNG BA'O, ,DE NAS LUS RNAM SNANG GI CHOS BDUN LDAN DU 'KHOD DE BLA BRGYUD GSOL 'DEBS BDUD RTZI 'BEBS SBYANG GI DMIGS PA DANG BCAS TE BRJOD, SPRO NA RDOR DRIL BYIN RLABS SNGON 'GRO MCHOD GTOR BYIN GYIS BRLABS TE 'BUL BRDOR SEMS SGOM BZLAS BCAS BYAS NA PHUN SUM TSOGS PA'I YAN LAG TU 'GYUR BAS BLA MED KYI DKYIL 'KHOR GZHAN NAS BSHAD PA LTAR NYAMS SU LEN CING, BSDUS PA LA MOS NA DE DAG MA BYAS KYANG 6CHAD PA'I SKYON MED PAS GONG DU BSHAD PA LTAR CHOGS ZHING MCHOD PA NAS BZUNGS TE BZLAS PA LA THUG GI BAR SGRUB THABS NAS JI LTAR BSHAD PA LTAR SKABS GANG YIN GYI DMIGS BA RNAMS SNGA MA YID NGOR MA SHAR BAR PHYI MA GSAL MI 'DEBS CING, SNGA MA MA BRJED PA'I STENG NAS KYANG PHYI MA PHYI MA BSNAN TE BZLAS PA LA THUG GI BAR BTANG, BZLAS PA'I SKABS KYI DMIGS PA NI RANG RJE BTZUN MA SENG LDENG NAGS KYI SGROL MA SNANG LA RANG BZHIN MED PA SKU LAS 'OD ZER KHA DOG LNGA 'PHRO BA NAM MKHA'I 'JA' TSON LTA BUR GSAL BA'I THUGS KAR ZLA BA'I DKYIL 'KHOR GYI DBUS KYI T'Am YIG LA RANG GI SEMS ZHUGS PA BZHIN DU BYAS TE DE'I MTHA' SKOR DU YI GE BCU PO DBU PHYIR BSTAN NAS NYAL STABS SAM GYEN SGRENG GANG RIGS SU 'KHOD PA LDOG PA'I TSUL GYI YI GE RNAMS 'OD ZER 'BAR BA'I RNAM PAR BSGOM PA NI GONG BU'I BZLAS PA DANG, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA RJE BTZUN MA'I SKU DPAG TU MED PA SPRUL TE DE DAG GI SKU LAS BDUD RTZI 'OD ZER DANG BCAS PA BABS PAS SEMS CAN THAMS CAD KYI SDIG SGRIB SBYANG, 'PHAGS MA'I GO 'PHANG LA BKOD, YANG 'OD ZER 'PHROS PA'I SNE LA

, ,MCHOD PA'I LHA MO DPAG TU MED PA PHYOGS BCUR SPROS TE PHYOGS BCU'I SANGS RGYAS SRAS BCAS LA MNYES PA'I MCHOD BA PHUL, DE RNAMS KYI SKU GSUNG THUGS KYI YON TAN THAMS CAD DANG, SEMS CAN 'PHAGS MAR GSAL BA RNAMS 'OD KYI RNAM BAR BSDUS TE SNGAGS 'PHRENG SA BON DANG BCAS PA LA THIM PAR BSGOM PA NI DAM TSIG GI BZLAS PA, YANG SNYING KHA'I SA BON LAS AOm GYI SNA DRANGS TE SNGAGS 'PHRENG RANG GI LTE BA NAS THON, ZHAL DU ZHUGS, SNYING KHA'I SNGAGS 'PHRENG LA THIM; YANG SNGAGS 'PHRENG SNGAR LTAR LTE BA NAS THON PA SOGS MGAL ME'I 'KHOR LO LTAR 'KHOR BA'I 'OD ZER GYIS LUS KYI NANG GANG, SDIG SGRIB THAMS CAD SBYANGS PAR BSAMS LA ZHI ZHING 'JAM BA'I TSUL GYIS BZLA BA NI DO LI'I BZLAS PA'AM 'KHYOGS KYI BZLAS PA DANG, SNYING KHA'I SA BON LAS SNGAGS 'PHRENG CHAD PA RANG GI ZHAL NAS THON, LTE BA NAS NANG DU 'JUG PA SOGS SNGAR GYI 'KHOR TSUL NAS LDOG TE DRAG CING RTZU BA PA'I TSUL DU BZLA BA NI KHRO BO'I BZLAS PA'O, ,SNGAGS KYI SGRA DRAG POR SGROG PA NI KHROS PA'I BZLAS PA ZHES BYA BAS, BZLAS PA'I DMIGS PA DE RNAMS CI RIGS PA'I SGO NAS THUN DNGOS GZHI LA SEMS MA YENGS PAR BGRANG BA RNAMS BZLAS BA'I GRANGS SU GZHUG CING, SEMS G-YENG BA DANG, BZA' BTUNG GI BAR CHOD PA DANG; THUN MTSAMS SU BZLAS PA RNAMS GRANGS SU MI GZHUG, GZHAN YANG, JI SKAD DU, BZLAS BRJOD BYA TSE MI MYUR MI BUL ZHING, ,SGRA CHER MA YIN HA CANG CHUNG MA YIN, ,SMRAS BZHIN MA YIN RNAM PAR G-YENG BZHIN MIN, ,

GUG BSKYED KLANG KOR TSOGS RNAMS NYAMS BZHIN MIN, ,ZHES PA LTAR, RING THUNG GO LDOG PA DANG, SGRA HA CANG CHES PAS GZHAN GYIS THOS PA DANG, HA CHANG CHUNG BAS RANG GI MI THOS PA LA SOGS PA'I SKYON RNAMS SPANGS TE GTZO 'KHOR DU YOD KYI ZHAL , NAS SNGAGS KYI SGRA SGROG PAR MOS NA DE SNYED KYI PHAN YON 'BYUNG BAR GSUNGS, BZLAS PA'I GRANGS TSAD NI GZHAN LA DBANG BSKUR BA DANG, BDAG 'JUG LEN PA, SBYIN SREG SOGS LA DBANG BA'I BSNYEN PA'I GRANGS SGRUB THABS SU BSHAD ZIN PA LTAR DANG, LAS RAB 'BYAMS SGRUB PA'I BSNYEN PA'I GRANGS NI, GANG LA BRTEN NAS LAS SGRUB RGYU'I SNGAGS DE NYID BYE BA BZLA DGOS BAR RGYUD LAS BSHAD CING, SDOM 'BYUNG GI RGYUD LAS, RDZOGS LDAN LA NI BZLAS BYA GCIG, NYIS 'GYUR GSUM LDAN LA RAB BZLA, , GSUM 'GYUR GNYIS LDAN LA BZLA TE, ,RTZOD DUS BSNYEN PA BZHI 'GYUR TE, ,ZHES RGYUD NAS GRANGS JI TZAM BZLA DGOS BAR BSHAD PA DE NYID RTZOD DUS KYI SKABS 'DIR BZHI 'GYUR BZLA DGOS PA'I YI GE BCU PA LTA BU'AM, 'OG NAS 'BYUNG BA LTAR SGROL MA NYER GCIG GZHAN GYI SNGAGS GANG LA BRTEN NAS LAS SGRUB RGYU'I SNGAGS DE NYID BYE BA BZHI DANG, DE'I BCU CHA ME TOG DMAR PO'I SBYIN SREG SA YA BZHI BCAS SNGON DU BTANG NAS LAS DNGOS GZHI'I SKABS LAS SPYOR GYI BSNYEN PA 'BUM PHRAG GCIG DANG, SNGAGS DANG; RDZAS DANG, TING NGE 'DZIN GSUM GYI SGO NAS SGRUB DGOS SHING, DE YANG SGRUB RGYU'I LAS LA DNGOS GRUB RAB 'BRING THA GSUM LAS NAD GDON BAR CHAD ZHI BA DANG, TSE BSOD DPAL 'BYOR RGYAS PA DANG, BSGRUB BYA DBANG DU BSDU BA SOGS LAS PHRAN TSOGS RNAMS

, ,NI DBANG BSKUR RNAM DAG THOB CING, DAM TSIG DANG SDOM BA LA GNAS BAS SGRUB THABS NAS BSHAD BA LTAR GYI BSNYEN PA MDOR BSDUS TZAM DANG, LAS BZHI'I SBYIN SREG SOS LA BRTEN NAS KYANG SGRUB NUS PA DU MA YOD CING , GRUB PA CHEN BO BRGYANG LA SOGS BA DNGOS GRUB 'BRING SGRUB PA LA NANG LA GZHOL BA'I RNAL 'BYOR BAS RDZAS SNGAGS LA MA LTOS PAR BSAM GTAN TZAM GYIS SGRUB NUS MOD KYANG, BSKYED RIM PHRA BA MTHAR MA PHYIN PA'I SNGAGS LA GZHOL BA'I RNAL 'BYOR PAS SNGAR BSHAD PA BZHIN BSNYEN PA BYE BA BZHI SOGS LA LTOS DGOS SHING, NGES KYANG MA 'GRUB NA SPYOD PA LA ZLA BA BCO BRGYAD KYI BAR DU SLOB PA DANG, DES KYANG MA 'GRUB NA SPOGS CHOG JI LTAR BYA BA DANG, LHA LA DRAG SHUL GYI PHUR 'DEBS SOGS SNYING PO BSKUL BA'I TSUL RNAMS 'DIR YI GE'I TSEGS KYI 'JIGS NAS MA BKOD PAS 'GREL PA BZHI SBRAGS DANG 'DUS BSKYED DNGOS GRUB RGYA MTSO SOGS ^ RJE YAB SRAS KYI GSUNG RAB RNAMS LAS SHES PAR BYA'O, ,THUN RJES MA'I MTHAR 'JIG RTEN LAS 'DAS MA 'DAS KYI GTOR MA DANG, MTSAMS THO'I LHA LA MCHOD GTOR BCAS MA CHAD PAR BYA DGOS SO, ,JI LTAR 'PHEN PA BTANG BA LTAR GYI BSNYEN PA'I GRANGS TSAD SONG NAS MTSAMS GROL BA'I SKABS, MTSAMS THO'I LHA LA MCHOD GTOR PHUL TE NONGS PA BZOD BAR GSOL NAS GSHEGS SU GSOL, BSNYEN PA'I KHA SKONG GI SBYIN SREG BYA STE THO NANG MA'I LHA GSHEGS GSOL GRUB NAS PHYI MA GSHEGS GSOL MA BYAS PAR SBYIN SREG BYA ZHING, DE NAS MTSAMS 'OG TU MED PA'I DAM TSIG GCAD BA'I MI

DANG RIM GYI THUG 'PHRANG BYED PA LAS MTSAMS GROL MA THAG MI MANG KHRONG DU 'GRO BA DANG, RGYANG RING POR BLTA BA SOGS BYA MI RUNG, DE LTAR SENG LDENG NAGS SGROL GYI BSNYEN PA BYA BA'I TSUL DE NYID 'OG NAS 'BYUNG BA LTAR SGROL MA GZHAN GYI BSNYEN SGRUB LAS GSUM BYA TSUL LA'ANG RIGS 'GREN NAS SHES PAR BYA'O,, ` ,,SGROL MA NYER GCIG GI SGRUB THABS LA THOG MAR ^ RJE BTZUN MA MYUR MA DPA' MO'I SGRUB THABS NI, RANG SENG LDENG NAGS SGROL LAM GSOL BA 'DEBS YUL GYI SGROL MA'I RNAL 'BYOR LA GNAS BZHIN PA'I NGANG NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, SEMS CAN THAMS CAD KYI DON DU SANGS RGYAS THOB PAR BYA, DE'I CHED DU ^ RJE BTZUN MA'I SGRUB THABS NYAMS SU BLANG BAR BYA'O SNYAM PA LAN GSUM BYA, MDUN GYI NAM MKHAR SNA TSOGS PADMA DANG ZLA BA'I DKYIL 'KHOR GYI STENG DU T'Am YAm GA DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA MYUR MA DPAL MO SKU MDOG DMAR MO, ZHAL GCIG PHYAG BRGYAD MA, PHYAG DANG PO GNYIS KYIS RDOR DRIL SPYI BOR BSNOL NAS 'DZIN PA, GNYIS PA GNYIS KYIS THUGS KAR MDA' GZHU 'GENGS PA, GSUM PA GNYIS KYIS 'KHOR LO DANG DUNG 'DZIN PA, BZHI PA GNYIS KYIS RAL GRI DANG ZHAGS PA 'DZIN PA, DBU SKRA RAL PA'I THOR TSUGS CAN, RIN PO CHE'I RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS LHAB

, ,LHUB TU GSOL BA, ZHABS SKYIL KRUNG PHYED PA'I STABS KYIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, RANG 'DRA'I YE SHES PA DANG DBANG GI LHA RNAMS SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um GI 'OD ZER GYIS DBANG GI LHA RNAMS SBYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DBANG GI LHA RNAMS KYIS YE SHES KYI BDUD RTZIS GANG BA'I BUM PA THOGS TE, JI LTAR BLTAMS PA TZAM GYIS NI, ,ZHES SOGS KYI MTHAR, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES GSUNGS SHING, DBANG GI LHAS DBANG BSKUR, SKU GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS, 'OD DPAG MED KYIS DBU BRGYAN PAR 'GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BHA WAS STONG PAR SBYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRAm KHAm H'Um LAS BYUNG BA'I SHA LNGA DANG, LAm MAm BAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS

ZHU ZHING KHOL, YI GE GSUM LAS 'OD ZER 'PHROS, SKU GSUNG THUGS KYI RDO RJE GSUM SPYAN DRANGS, YI GE GSUM LA THIM, DE GSUM YANG RAm GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS AOm BADZRA AA MRi TAS BSANGS, SVA BH'A WAS STONG PAR SBYANGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG, BDUG SPOS, MAR ME, DRI CHAB; ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, NAS, SHAPTA A'A: H'Um GI BAR DANG; R'U PA NAS, SPARSHA A'A: H'Um GI BAR BRJOD DE BYIN GYIS BRLABS, SPRON TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AA RGHAm NAS, SPARSHA'I BAR GYIS MCHOD, AOm A'ARYA T'A RE SA PA RI W'A RA AOm A'A: H'Um GIS NANG MCHOD PHUL, BSTOD PA NI, PHYAG 'TSAL SGROL MA MYUR MA DPAL MO, ,SPYAN NI SKAD CIG GLOG DANG 'DRA MA, ,'JIG RTEN GSUM MGON CHU SKYES ZHAL GYI, ,GSER BYE BA LAS NI BYUNG MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR SKU MDOG DANG MTSUNGS PA'I SNGAGS 'PHRENG GIS BSKOR BA LA DMIGS, AOm T'A RE TU TT'A RE TU RE CHE GE MO WA SHAm KU RU SV'AH'A, ZHAS BZLA ZHING, SNGAGS 'PHRENG LAS 'OD ZER DMAR PO LCAGS SGROG DANG ZHAGS PA

, ,LTA BU DPAG TU MED PA SPROS, GANG DBANG DU BSDU BYA'I DGRA DANG LAG 'DREN LA SOGS PA THAMS CAD LCAGS KYU DANG ZHAGS PAS BKUG ,BDAG NYID KYI RKANG PA LA MGOS 'DUD PA'I TSUL GYIS GNAS PA LA SNGAGS 'PHRENG LAS 'OD ZER DMAR PO'I TSOGS SPROS PAS BSGRUB BYA DE RNAMS KYI SDIG SGRIB SBYANGS, BDAG NYID LA GUS PA DANG CHAGS PA'I RANG BZHIN DU GYUR PAR BSAM NA GANG DBANG DU BSDU BYA'I BSGRUB BYA DE NYID RANG NYID KYIS DBANG DU BSDUS NUS PAR 'GYUR RO, ,MJUG TU YIG BRGYAS LHAG CHANG KHA BSKANG, BSNGO SMON GYI RGYAS BTAB, THUN MTSAMS SU YANG KHYER SO GSUM GYI RNAL 'BYOR DANG MA BRAL BAR BYA'O,, ` ,,GNYIS PA RJE BTZUN MA MDANGS SGROL MA'I SGRUB THABS NI, MDUN GYI NAM MKHAR PADMA DANG ZLA BA'I GDAN LA T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA SGROL MA ZHI BA CHEN MO SKU MDOG STON KA'I ZLA BA LTAR DKAR BA, DKAR SNGO SER BA'I ZHAL GSUM PHYAG BCU GNYIS MA, PHYAG DANG PO GNYIS MNYAM GZHAG MDZAD PA, GNYIS PA GNYIS KHA tV'Am GA DANG RIL BA SPYI BLUGS BA SNAMS PA, GSUM PA GNYIS KYIS 'KHOR BA'I 'KHOR LO DANG AUTPA LA, BZHI PA GNYIS KYIS NOR BU DANG DRIL BU, LNGA PA GNYIS KYIS RDO RJE DANG GTER BUM, DRUG PA GNYIS KYIS ME TOG GI 'PHRENG BA DANG PU TI BSNAMS PA, DBU SKRA RAL BA'I THOR TSUGS

CAN; RIN PO CHE'I RGYAN BRGYAD KYIS BRGYAN PA, DAR SNA TSOGS KYI NA BZAS KLUBS PA, 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PAR DMIGS LA, GNAS GSUM BYIN RLABS, DBANG BSKUR RGYAS BTAB BCAS SNGA MA BZHIN, LA RIGS BDAG 'OD DPAG MED, GONG LTAR PHYI MCHOD NANG MCHOD RNAMS BYIN GYIS BRLABS TE PHUL, BSTOD PA NI, PHYAG 'TSAL STON KA'I ZLA BA KUN TU, ,GANG BA BRGYA NI BRTZEGS PA'I ZHAL MA, ,SKAR MA STONG PHRAG TSOGS PA RNAMS KYIS, ,RAB TU PHYE BA'I 'OD RAB 'BAR MA, ,ZHES PAS BSTOD, BZLAS PA NI, AOm T'A RE TUTT'A RE TU RE SH'ANTIm KU RU SV'AH'A, ZHES BZLA ZHING, SNGAGS 'PHRENG LAS 'OD ZER DKAR PO DPAG TU MED PA 'PHROS PA'I SNE LA SGROL MA DKAR MO BDUD RTZIS GANG BA'I BUM PA DKAR PO THOGS PA DPAG TU MED PA SPROS TE RANG DANG BSGRUB BYA'I SBYI BO NAS KHRUS GSOL BAS NAD GDON SDIG SGRIB THAMS CAD DUD KHU DANG, GDON BGEGS RNAMS SDOM DANG SDIG PA'I RNAM PAR DBANG PO'I SGO DANG BA SPU'I SGO NAS PHYIR THON, RANG DANG BSGRUB BYA DE DANG DE'I LUS SHEL SGONG LTAR DAG PAR BSAMS, 'JUG CHOG SOGS SNGAR BZHIN BYA'O,, ` ,,GSUM PA ` RJE BTZUN MA GSER MDOG CAN MA'I SGRUB THABS NI, , SNGON 'GRO'I RIM PA SNGAR LTAR LA, MDUN GYI NAM MKHAR SNA TSOGS PADMA DANG NYI MA'I STENG DU T'Am YIG SER BO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA SKU MDOG GSER

, ,GYI MDOG CAN, ZHAL GCIG PHYAG BCU MA, PHYAG G-YAS KYI DANG POS RIN PO CHE'I 'PHRENG BA THUGS KAR 'DZIN CING, G-YON DANG POS DAR DPYANGS BSNAMS PA, GNYIS PA GNYIS KYIS RAL GRI DANG ZHAGS PA; GSUM PA GNYIS KYIS MDA' DANG PADMA, BZHI PA GNYIS KYIS RDO RJE DANG DRIL BU, LNGA PA GNYIS KYIS DBYUG PA DANG GZHU BSNAMS PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR BZHIN, RDO RJE SKYIL KRUNG GIS BZHUGS PA, GNAS GSUM BYIN RLABS DANG YE SHES PA DGUG GZHUG, DBANG BSKUR SOGS SNGAR BZHIN LA RIGS BDAG 'OD DPAG MED, NANG MCHOD SOGS GONG BZHIN LA, BSTOD PA NI, PHYAG 'TSAL SER SNGO CHU LAS SKYES KYI, ,PADMAS PHYAG NI RNAM PAR BRGYAN MA, ,SBYIN PA BRTZON 'GRUS DKA' THUB ZHI BA, ,BZOD PA BSAM GTAN SPYOD YUL NYID MA, ,ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE PUshtAm KU RU SV'AH'A, DMIGS PA NI, SNGAGS 'PHRENG LAS 'OD ZER GSER BTZO MA'I MDOG CAN MTHA' YAS BA BYUNG, RANG DANG BSGRUB BYA'I LUS DANG, GNAS KHANG SOGS LA PHOG CING 'OD ZER GYI SNE LA RJE BTZUN MA GSER GYI MDOG CAN BDUD RTZI SAR POS GANG BA'I BUM PA SER PO THOGS PA DPAG TU GRANGS MED PA BYON, RANG GZHAN GYI SBYI BO NAS DBANG BSKUR BAS LUS KYI PHYI NANG THAMS CAD GSER BZANG POS BYUGS PA LTA BUR GYUR, TSE DANG LONGS SPYOD THAMS CAD

'PHEL ZHING RGYAS PAR BSAMS, MJUG CHOG RNAMS SNGAR BZHIN NO,, ` ,,BZHI PA ` RJE BTZUN MA GTZUG TOR RNAM BAR RGYAL MA'I SGRUB THABS NI, MDUN GYI NAM MKHAR PADMA SER PO DANG, ZLA BA'I STENG DU T'Am YIG DMAR SER, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA SGROL MA GTZUG TOR RNAM PAR RGYAL MA SKU MDOG GSER GYI MDOG CAN, ZHAL GCIG PHYAG BZHI MA, PHYAG DANG PO GNYIS KYIS MCHOG SBYIN DANG BANDHA BDUD RTZIS GANG BA, 'OG MA GNYIS KYIS 'PHRENG BA DANG DBYUG BA 'DZIN PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR DANG 'DRA BA LA ZHABS SEMS DPA'I SKYIL KRUNG GIS BZHUGS PA, DBANG BSKUR RGYAS 'DEBS, MCHOD PA SOGS SNGAR BZHIN LA, BSTOD PA NI, PHYAG 'TSAL DE BZHIN GSHEGS PA'I GTZUG TOR, ,MTHA' YAS RNAM PAR RGYAL BAR SPYOD MA, ,MA LUS PHA ROL PHYIN PA THOB PA'I; ;RGYAL BA'I SRAS KYIS SHIN TU BSTEN MA, ,ZHES PAS BSTOD, BZLAS PA'I SKABS T'Am YIG GI MTHAR, AOm T'A RE TUTT'A RE TU TT'A RU A'A YU: DZNY'A NA PUshtIm KU RU SV'AH'A, ZHES PA'I SNGAGS 'PHRENG LAS 'OD ZER DMAR SER LCAGS KYU LTA BU 'PHROS PAS 'KHOR 'DAS KYI BCUD THAMS CAD KYI SKRAG MDANGS DANG GZI BRJID THAMS CAD DANG, KHYAD PAR DU TSE'I RIG 'DZIN BRNYES PA THAMS CAD KYI TSE DANG YE SHES THAMS CAD TSE'I BDUD RTZI DMAR SER GYI RNAM PAR BKUG ,BCOM LDAN

, ,'DAS MA'I SKU DANG PHYAG GI THOD PA'I NANG GI BDUD RTZI LA THIM, DE LAS KYANG BDUD RTZI'I RGYUN BABS, RANG BZHIN GYI TSANGS BUG NAS ZHUGS, LUS KYI NANG THAMS CAD GANG DUS DANG DUS MIN GYI 'CHI BA'I 'JIG PA THAMS CAD BSAL, 'CHI MED TSE'I DNGOS GRUB THOB PAR BSAM STE SNGAGS 'BUM PHRAG BZLAS NA TSE LO BRGYU 'PHEL BAR 'GYUR RO, ,MJUG CHOG SNGAR BZHIN NO,, ` ,,LNGA PA H'Um SGRA SGROG PA'I SGROL MA'I SGRUB THABS NI, SNGON 'GRO'I RIM PA SNGAR LTAR LA, MDUN GYI NAM MKHAR PADMA DANG ZLA BA'I GDAN LA T'Am LAS PADMA TAm GYIS MTSAN PA, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA H'Um SGRA SGROG MA SKU MDOG SER MO, ZHAL GCIG PHYAG GNYIS MA, G-YAS MCHOG SBYIN DANG G-YON PADMA SER PO BSNAMS PA, RAL PA'I THOR TSUGS SOGS SNGAR BZHIN LA, ZHABS RDO RJE SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD NAS, BSTOD PA NI, PHYAG 'TSAL TUTT'A RA H'Um YI GES, ,'DOD DANG PHYOGS DANG NAM MKHA' GANG MA, ,'JIG RTEN BDUN PO ZHABS KYIS MNAN TE, ,LUS PA MED PAR 'GUGS PAR NUS MA, ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE CHE GE MO A'A KARsh'A YA HR'I: SV'AH'A, DMIGS PA NI, SNGAGS 'PHRENG LAS 'OD ZER LCAGS KYU DANG, ZHAGS PA DANG, LCAGS SGROG

LTA BU MTHA' YAS PA SPROS, BSGRUB BYA'I MGRIN PA NAS ZHAGS PAS BCINGS, SKYE GNAS NAS LCAGS KYUS PHUG PA'I BDAG NYID LA CHAGS PA'I DBANG GI YID MYOS MGO 'KHOR TE RANG DBANG MED PAR RANG GI DRUNG DU DRANGS PAR BSAM NA BSGRUB BYA'I SBYI DANG, KHYAD PAR PHYAG RGYA DBANG DU 'GYUR TE, ,MJUG CHOG GONG BZHIN NO,, ` ,,DRUG PA 'JIG RTEN GSUM RGYAL MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA DANG NYI MA'I GDAN LA T'Am YIG DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA 'JIG RTEN GSUM LAS RNAM PAR RGYAL MA, SKU MDOG DMAR MO, ZHAL GCIG PHYAG BZHI MA, CUNG ZAD KHROS PA PHYAG DANG PO GNYIS KYIS RDO RJE DANG SDIGS MDZUB MDZAD PA, 'OG MA GNYIS KYIS RAL GRI DANG ZHAGS PA 'DZIN PA, DBU SKRA DANG SMIN MA CUNG ZAD 'DZINGS PA, RGYAN DANG NA BZA' SOGS SNGAR BZHIN LA SEMS DPA'I SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD, BSTOD PA NI, PHYAG 'TSAL BRGYA BYIN ME LHA TSANGS PA, ,RLUNG LHA SNA TSOGS DBANG PHYUG MCHOD MA, ,'BYUNG PO RO LANGS DRI ZA RNAMS DANG, ,GNOD SBYIN TSOGS KYIS MDUN NAS BSTOD MA, ,ZHES PAS BSTOD, THUGS KA'I T'Am YIG GI MTHAR, AOm T'A RE TUTT'A RE TU RE SARBA BIGHN'ANA SHA TRUm AU TZA TRA YA SV'AH'A, DMIGS PA NI SNGAGS 'PHRENG LAS 'OD

, ,ZER DRAG LA RTZUB PA ME'I TSA TSA LTA BU DPAG TU MED PA SPROS, GDON BGEGS LA SOGS PA GNOD PA THAMS CAD ZHO BA THUL TE BSREGS PA'AM, YANG NA GNOD BYED GANG YIN RLUNG GI DKYIL 'KHOR LA GNAS PA'I RNGA MONG SPROS PA LA BSKYON TE RGYA MTSO'I PHA 'GRAM DU BSKRAD PAR BSAMS, MJUG CHOG SNGAR BZHIN NO,, ` ,,BDUN PA ` RJE BTZUN MA RGOL BA 'JOMS MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA SER PO DANG NYI MA'I GDAN LA T'Am YIG DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR BA LAS, ` RJE BTZUN MA RGOL BA 'JOMS MA SKU MDOG NAG MO, ZHAL GCIG PHYAG BZHI MA, PHYAG DANG PO GNYIS KYIS 'KHOR LO DANG SKYE GNAS KYI STENG DU ZHAGS PA 'DZIN PA, 'OG MA GNYIS KYIS RAL GRI DANG SDIGS MDZUB MDZAD PA, KHRO GNYER CUNG ZAD BSDUS SHING, DBU SKRA GYEN DU BRDZES SHING SBRUL DANG COD PHAN SOGS RIN PO CHE'I RGYAN GYIS BRGYAN PA, DAR SER PO'I NA BZA' GSOL BA, ZHABS G-YON BRKYANGS PA'I STABS KYIS BZHUGS PA, GNAS GSUM BYIN RLABS, YE SHES PA SPYAN 'DREN, RIGS BDAG GI RGYAS 'DEBS, MCHOD BCAS GONG LTAR LA, BSTOD PA NI, PHYAG 'TSAL TRAtA CES BYA DANG PHAt KYIS, ,PHA ROL 'KHRUL 'KHOR RAB TU 'JOMS MA, ,G-YAS BSKUMS G-YON BRKYANGS ZHABS KYIS MNAN TE, ,MA 'BAR 'KHRUG PA SHIN TU 'BAR MA, ,ZHES PAS

BSTOD, BZLAS PA NI, RJE BTZUN MA'I THUGS KAR NYI GDAN LA, AOm T'A RE TUTT'A RE TU RE RBOD GZER SARBA BZLOG BHYO SV'AH'A, ZHES BZLA ZHING, DMIGS PA NI, THUGS KA'I SNGAGS 'PHRENG LAS DRAG PO'I 'OD ZER PHYOGS BCUR 'PHROS PAS PHA ROL GYI NGAN SNGAGS MNAN GTAD, BYANG KHA, RBOD GTONG THAMS CAD KYI NUS PA RNAMS NYAMS PAR BYAS, SLAR YANG 'OD ZER GYI TSOGS SPROS PAS SGRUB PA PO RANG NYID LA 'OD ZER GYI GUR PHUB PA'I PHYIN CHAD BYAD KHA RBOD GTONG SOGS KYIS GLAGS BLTA MI NUS PAR BSAM, MJUG CHOG SNGA MA BZHIN NO,, ` ,,BRGYAD PA ` RJE BTZUN MA DBANG MCHOG STER MA'I SGRUB THABS NI, SNGON 'GRO'I RIM PA GONG BZHIN LA, MDUN GYI NAM MKHAR PADMA DMAR PO DANG ZLA BA'I DKYIL 'KHOR GYI STENG DU T'Am YIG SER PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA DBANG MCHOG STER MA SKU MDOG SER MO, ZHAL GCIG PHYAG BZHI MA, PHYAG DANG PO GNYIS KYIS MYA NGAN MED PA'I SHING GI YAL GA DANG PADMA, 'OG MA GNYIS KYIS NOR BU DANG BCAS PA'I MCHOG SBYIN DANG BUM PA BSNAMS PA, DBU SKRA GYEN DU BRDZES PA, RIN PO CHE'I RGYAN DANG DAR BZANG PO'I NA BZA' GSOL BA, 'OD KYI PHUNG PO'I DBUS NA SKYIL KRUNG PHYED PAS CHU SRIN GYI STENG DU BZHUGS PA, GNAS GSUM BYIN RLABS, YE SHES PA DGUG GZHUG ,DBANG BSKUR RGYAS GDAB, MCHOD PA BCAS GONG

, ,BZHIN LA, BSTOD PA NI, PHYAG 'TSAL TU RE 'JIGS PA CHEN MO, ,BDUD KYI DPA' BO RNAM PAR 'JOMS MA, ,CHU SKYES ZHAL NI KHRO GNYER LDAN MDZAD, ,DGRA BO THAMS CAD MA LUS GSOD MA, ,ZHES PAS BSTOD, BZLAS PA NI, RJE BTZUN MA'I THUGS KAR ZLA BA'I DKYIL 'KHOR GYI STENG DU, AOm T'A RE TUTT'A RE TU RE GNOD BYED DGRA BGEGS SARBA M'A RA YA PHAt: DMIGS PA NI, SNGAGS 'PHRED LAS 'OD ZER 'PHROS PA'I SNE LA MTSON CHA MED DPUNG SRIN PO'I TSOGS DPAG TU MED PA SPROS PAS DGRA BO DMIGS PAS LA YOD NA DE'I SNYING DKAR NAG GI MTSAMS NA SROG GI NGO BO MAR ME LTA BU YOD PA NAG THUG GYIS BSAD, SHA KHRAG RUS PA TSOGS SU ROL PAR BSAMS, MJUG CHOG SNGAR LTAR RO,, ` ,,DGU PA ` RJE BTZUN BTZUM MA MCHOG STZOL MA'I SGRUB THABS NI, MDUN GYI NAM MKHAR PADMA DMAR PO DANG ZLA BA'I GDAN LA T'Am YIG DMAR PO DE LAS 'OD ZER 'PHROS ,DON GNYIS BYAS, TSUR 'DUS YONGS SU GYUR PA LAS, RJE BTZUN MA MCHOG STZOL SGROL MA SKU MDOG DMAR MO ZHAL GCIG PHYAG BZHI MA, DANG PO GNYIS KYIS RDOR DRIL SPYI BOR BSNOL TE 'DZIN CING, G-YAS 'OG MA GAR STABS DANG G-YON 'OG MA MCHOG SBYIN GYI PHYAG RGYAS MYA NGAN MED PA'I SHING GI YAL GA 'DZIN PA, DBU SKRA RAL PA'I THOR TSUGS DANG, RGYAN NA BZA' SOGS SNGAR BZHIN LA ZHABS GNYIS BGRAD PA'I STABS KYIS BZHUGS PA, SGO GSUM BYIN

RLABS YE SHES PA DGUG GZHUG ,DBANG BSKUR RGYAS BTAB, PHYI NANG GI MCHOD PA SOGS SNGAR BZHIN LA, BSTOD PA NI, PHYAG 'TSAL DKON MCHOG GSUM MTSON PHYAG RGYA'I, ,SOR MOS THUGS KAR RNAM PAR BRGYAN MA, ,MA LUS PHYOGS KYI 'KHOR LOS BRGYAN PA'I, ,RANG GI 'OD KYI TSOGS RNAMS 'KHRUG MA, ,ZHES PAS BSTOD, BZLAS PA NI, SGROL MA'I THUGS KAR ZLA GDAN LA, AOm T'A RE TUTT'A RE TU RE CHE GE MO LA GNOD PA SARBA RAKshA SV'A H'A, ZHES BZLA BA'I SKABS SU DMIGS PA NI, SNGAGS 'PHRENG LAS 'OD ZER DKAR PO SPROS PA'I RTZE MOR GANG LA GANG 'TSAMS PA'I THABS TSUL SNA TSOGS PAS TSE 'DIR LUS SEMS SDUG BSNGAL BAR BYED PA'I 'JIG PA CHEN PO BRGYAD LA SOGS PA 'JIG PA THAMS CAD LAS SKYOB PAR BSAM, YANG SNGAGS 'PHRENG LAS BDUD RTZI DKAR PO'I RGYUN BABS RANG GI SPYI BO NAS ZHUGS, SDIG SGRIB THAMS CAD SBYANGS TE PHYI MA PHAN CHAD KYI 'JIG PA THAMS CAD LAS SKYOB PAR BSAMS, MJUG GI BYA BA RNAMS SNGAR BZHIN NO,, ` ,,BCU PA ` RJE BTZUN MA MYA NGAN SEL BA'I SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA MYA NGAN SEL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS SPYI BOR THAL MO SBYAR BA, 'OG MA GNYIS RAL GRI DANG, MYA NGAN MED PA'I SHING GI

, ,YAL GA 'DZIN PA, DBU SKRA RAL PA'I THOR TSUGS DANG RGYAN NA BZA' DANG, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL RAB TU DGA' BA BRJID PA'I, ,DBU BRGYAN 'OD KYI 'PHRENG BA SPEL MA, ,BZHAD PAR BZHAD TUTT'A RA YIS, ,BDUD DANG 'JIG RTEN DBANG DU MDZAD MA, ,ZHES PAS BSTOD, BZLAS BA NI, ,SGROL MA'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SARBA P'A PAm M'A RA YA H'Um PHAt: CES BZLA SKABS DMIGS PA NI, SNGAGS 'PHRENG LAS 'OD ZER DMAR SMUG GI TSOGS SPROS PAS BDUD DANG MU STEGS DANG, 'JIG RTEN KHAMS KYI SEMS CAN THAMS CAD KYI BSAM SBYOR NGAN PA MTHA' DAG GI SDIG SGRIB THAMS CAD SBYANGS, BDAG NYID LA DGA' BA DANG GUS PA'I SGO NAS DBANG DU GYUR BAR BSAMS, MJUG GI BYA BA RNAM SNGAR BZHIN NO,, ` ,,BCU GCIG PA PHONG PA SEL BA'I SGROL MA'I SGRUB THABS NI, MDUN GYI NAM MKHAR PADMA DANG NYI MA'I STENG DU T'Am YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU 'GYUR PA LAS ` RJE BTZUN MA PHONGS PA SEL BAR MDZAD MA SKU MDOG MUN PA'I MDOG CAN ZHAL GCIG PHYAG GNYIS MA, PHYAG G-YAS KYIS LCAGS KYUS PHYOGS MTSAMS BRGYAD NAS GZA' BRGYAD 'GUGS PAR MDZAD CING, G-YON PHONGS PA SEL BA'I LCAGS KYU ZHAGS PA DANG BCAS PA BSNAMS PA, CUNG ZAD

KHROS SHING, DBU SKRA GYEN DU BRDZES PA, RIN PO CHE'I RGYAN NA BZA' SOGS SNGAR BZHIN LA ` ZHABS G-YAS BRKYANGS PA'I ROL PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI SKYONG BA'I TSOGS RNAMS, ,THAMS CAD 'GUGS PAR NUS PA NYID MA, ,KHRO GNYER G-YO BA'I YI GE H'Um GIS, ,PHONGS BA THAMS CAD RNAM PAR SGROL MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR, AOm DZA MBHI NI MO HI SV'A H'A, ZHES BZLA BA'I TSE, SNGAGS 'PHRENG LAS 'OD ZER DMAR PO LCAGS KYU LTA BU PHYOGS BCUR SPROS PAS 'JIG RTEN KHAMS KYI LHA MI KLU LA SOGS PA SKYE RGYU THAMS CAD DANG, NOR LONGS SPYOD, GSER DNGUL, RIN PO CHE DBYiG LA SOGS PA DANG, 'BRU BANG MDZOD, RKANG 'GRO LA SOGS PA'I PHUN TSOGS THAMS CAD RANG DBANG MED PAR DBANG DU BSDUS, RANG GI YUL KHYIM PAR MDZOD SOGS GANG BAS DBUL PHONGS KYI SDUG BSNGAL ZHI BAR BSAMS, MJUG GI BYA BA SNGAR BZHIN NO,, ` ,,BCU GNYIS PAS BKRA SHIS 'BYUNG BA'I SGROL MA'I SGRUB THABS NI, MDUN GYI NAM MKHAR SNA TSOGS PAD ZLA'I GDAN LA T'Am YIG SER PO DA LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BKRA SHIS 'BYUNG BA'I SGROL MA SKU MDOG GSER GYI MDOG CAN, ZHAL GCIG PHYAG BRGYAD MA, G-YAS DANG POS RTZE GSUM DANG, G-YON DANG POS NOR BU RIN PO CHE

, ,THUGS KAR 'DZIN PA, GNYIS PA GNYIS KYIS LCAGS KYU RE, GSUM PA GNYIS KYIS RDO RJE DANG DBYUG PA, BZHI PA GNYIS KYIS RAL GRI DANG BUM PA BSNAMS PA, DBU SKRA RAL PA'I THOR TSUGS CAN, RGYAN NA BZA' GONG DANG 'DRA BA LA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTONG PA NI, PHYAG 'TSAL ZLA BA'I RTZE MOS DBU RGYAN, ,BRGYAN PA THAMS CAD SHIN TU 'BAR MA, , RAL PA'I KHROD NA 'OD DPAG MED LAS, ,RTAG PAR SHIN TU 'OD NI MDZAD MA, ,ZHES PAS BSTOD, BZLAS PA NI, SGROL MA'I THUGS KAR T'Am YIG GI MTHAR, AOm MNGGA LA PUshtIm KU RU SV'A H'A, ZHES BZLA SKABS SNGAGS 'PHRENG LAS 'OD ZER GSER BTZO MA LTA BU SPROS, 'JIG RTEN DANG 'JIG RTEN LAS 'DAS PA'I PHUN TSOGS THAMS CAD BKRA SHIS RTAGS BRGYAD DANG RGYAL SRID SNA BDUN LA SOGS PA'I RNAM PAR SPYAN DRANGS TE, BDAG NYID LA THIM PAS BKRA SHIS BDE LEGS KYIS KHYAB PAR BSAMS, MJUG GI BYA BA SNGAR BZHIN NO,, ` ,,BCU GSUM PA SMIN BYED SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHRAS, DON GNYIS BYAS, TSUR 'DUS YONGS SU GYUR PA LAS, SMIN BYED SGROL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS RAL GRI DANG 'KHOR LO, 'OG MA GNYIS

KYIS MNGA' DANG GZHU BSNAMS PA, SMIN MA DANG MCHU GYEN DU PHYOGS BA DBU SKRA GYEN DU BRDZES PA, GDAN NA BZA' SOGS SNGAR BZHIN LA, ZHABS G-YAS BRKYANGS G-YON BSKUMS PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL BSKAL PA THA MA'I ME LTAR, ,'BAR BA'I 'PHRENG BA'I DBUS NA GNAS MA, ,G-YAS BRKYANGS G-YON BSKUMS KUN NAS BSKOR DGA', ,DGRA YI DBUNG NI RNAM PAR 'JOMS MA, , ZHES PAS BSTOD, BZLAS PA NI, RJE BTZUN MA'I THUGS KAR, AOm SVATA BHAS MI KU RUS SV'AH'A, SNGAGS 'PHRENG SA BON DANG BCAS PA LAS 'OD ZER RDO RJE'I RANG BZHIN DPAG TU MED PA BYUNG BAS BDAG DANG BSGRUB BYA GANG YIN LA RDO RJE RVA BA'I GUR PHUB PAS BAR CHOD GANG GIS KYANG MI TSUGS PAR BSAMS, MJUG GI BYA BA RNAMS SNGAR BZHIN NO,, ` ,,BCU BZHI PA KHRO GNYER CAN MA'I SGRUB THABS NI, MDUN GYI NAM MKHAR PADMA DANG NYI MA'I DKYIL 'KHOR GYI DBUS SU TA'm YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA KHRO GNYER CAN MA SKU MDOG NAG MO, NAG DKAR DMAR BA'I ZHAL GSUM PHYAG DRUG GI PHYAG DANG PO GNYIS KYIS RAL GRI DANG THOD PA, GNYIS PA GNYIS KYIS LCAGS KYU DANG ZHAGS PA, GSUM PA GNYIS KYIS DBYUG PA DANG TSANGS MGO BSNAMS PA, ZHAL RE RE YANG SBYAN GSUM PA KHRO GNYER DANG LDAN PA, MI'I RGYU MA ZHAL DU GSOL BA, SMIN MA DANG DBU SKRA

, ,KHAM SER GYEN DU BRDZES PA, THOD PA LNGA'I DBU RGYAN DANG, LNGA BCU'I NGO SHAL CAN, STAG GI PAGS PA'I SHAM THABS DANG SPRUL GYIS BRGYAN PA PHYOGS MTSAMS BZHIR MYU GU 'DZIN PA, ZHABS G-YAS BRKYANG BA'I GAR STABS KYIS YI DVAGS MTHU BO CHE MNAN NAS ME DPUNG GIS DBUS NA BZHUGS PA, SGO GSUM BYIN RLABS NAS, MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI'I NGOS LA PHYAG GI ,MTHIL GYIS BSNUN CING ZHABS KYIS BRDUNG MA, ,KHRO GNYER SPYAN MDZAD YI GE H'Um GIS, ,RIM PA BDUN PO RNAMS NI 'GEMS MA, ,ZHES PAS BSTOD, RJE BTZUN MA'I THUGS KAR T'Am YIG GI MTHAR, AOm BADZRA T'A RE BADZRA MH'A PA TA AA SMI KU RU SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER DRAG LA RTZUB PA ME DPUNG DANG, GNAM LCAGS KYI THOG DANG, MNGA' MDUNG RAL GRI LA SOGS PA MTSON CHA'I TSOGS DPAG TU MED PA SPROS PAS DGRA BGEGS BYAD MA THAMS CAD CHER BCAD PAR BSAMS, MJUG MCHOG SNGAR BZHIN NO,, `,,BCO LNGA PA LA RJE BRTZUN MA ZHI BA CHEN MO'I SGRUB THABS NI, MDUN GYI NAM MKHAR PAD ZLA'I STENG DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA ZHI BA CHEN MO SKU MDOG DKAR MO, ZHAL GCIG PHYAG DRUG NAM, G-YAS DANG POS 'PHRENG BA THUGS KAR BSNAMS SHING, G-YON DANG POS PADMA 'DZIN

PA; BAR MA GNYIS KYIS MCHOG SBYIN DANG RIL BA SPYI BLUGS, ,'OG MA GNYIS KYIS DBYUG PA DANG PU TI BSNAMS PA, DBU SKRA RAL PA'I THOR TSUGS CAN, RIN PO CHE'I DBU RGYAN LA SOGS PA RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS BSNAMS PA, SKU LAS SKYES PA'I 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'CHAL BDE MA DGE BA ZHI MA, ,MYA NGAN 'DAS ZHI SPYOD YUL NYID MA, ,SV'AH'A AOm DANG YANG DAG LDAN PAS, ,SDIG PA CHEN PO 'JOMS PA NYID MA, ,CES PAS BSTOD, RJE BTZUN MA'I THUGS KAR SA BON GYI MTHAR, AOm TU RE SARBA P'A PAm PRA SHA MA NA YE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS, LHA MO DKAR MO BUM PA DKAR PO BDUD RTZI DKAR POS GANG BA BSNAMS PA RNAMS KYIS BDAG DANG BSGRUB BYA ZLA BA'I DKYIL 'KHOR LA GNAS PA LA KHRUS GSOL BAS SDIG SGRIB DANG NAD GDON THAMS CAD SBYANGS, LUS SHEL LTAR DAG PAR BSAMS, MJUG GI BYA BA RNAMS GONG BZHIN NO,, ` ,,BCU DRUG PA CHAGS 'JOMS SGROL MA'I SGRUB THABS NI; MDUN GYI NAM MKHAR PAD NYI'I DKYIL 'KHOR GYI STED DU, T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA CHAGS 'JOMS SGROL MA SKU MDOG DMAR

, ,MO; ZHAL GCIG PHYAG GNYIS MA, G-YAS THUGS KAR RTZE GSUM DANG, G-YON MYA NGAN MED PA'I SHING GI 'BRAS BU 'DZIN PA, DBU SKRA PHYED BCINGS SU BYAS PA'I LHAG MA BSIL BUR BABS PAS SKU STOD KHEBS PA, RIN PO CHE'I DBU RGYAN, SNYAN RGYAN, MGU LA RGYAN, PHYAG GDUB, ZHABS GDUB SOGS RIN PO CHE'I RGYAN DANG DAR GYI NA BZAS KLUBS PA 'OD KYI PHUNG PO'I DBUS NA ZHABS SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL KUN NAS BSKOR RAB DGA' BA'I, ,DGRA YI LUS NI RAB TU 'GEMS MA, ,YI GE BCU PA'I NGAG NI BKOD PA'I, ,RIG PA H'Um LAS SGROL MA NYID MA, ,ZHES PAS BSTOD, RJE BTZUN MA'I THUGS KAR, AOm TU RE SARBA DHARMA PRADZNY'A PRA TI P'A RI SHO DHA NI SV'AH'A, CES BZLA SKABS SNGAGS 'PHRENG SA BON DANG BCAS PA LAS 'OD ZER NYI MA SHAR KHA'I MDOG LTA BU DPAG TU MED PA SPROS PAS GSANG SNGAGS DANG RIG SNGAGS THAMS CAD KYI NUS MTHU DANG, TSUNGS PA DANG, BRGYA BYIN DANG, GNAS LNGA RIG PA'I PAndI TA RNAMS KYI SHES RAB DANG, SANGS RGYAS DANG BYANG CHUB SEMS DPA' THAMS CAD KYI MKHYEN RAB THAMS CAD 'OD ZER GYI RNAM PAR SPYAN DRANGS, BDAG NYID LA THIM PAS THOS BSAM SGOM PA'I SHES RAB DANG, LUNG RTOGS KYI YON TAN THAMS CAD RGYAS PAR BSAMS, MJUG GI BYA BA RNAMS

GONG BZHIN NO,, ` ,,BCU BDUN PA BDE SGRUB SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BDE BA SBYIN MA SKU MDOG DMAR SER, ZHAL GCIG PHYAG GNYIS KYIS THUGS KAR ZLA BA'I DKYIL 'KHOR BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS PA, SEMS DPA'I SKYIL KRUNG GIS 'OD KYI PHUNG PO'I DBUS NA BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL TU RE'I ZHABS NI BRDABS PAS ,H'Um GI RNAM PA'I SA BON NYID MA, ,RI RAB MAnDHA RA DANG 'BIGS BYED, ,'JIG RTEN GSUM RNAMS G-YO BA NYID MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE CHE GE MO SARBA STAMBHA NI T'A RE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA LCAGS SGROG ,ZHAGS PA, PHUR BU, RDO RJE RI RAB LA SOGS PA DPAG TU MED PA SGROS, LCAGS SGROG DANG ZHAGS PAS DGRA DANG, CHOM RKUN THAMS CAD BCINGS, PHA ROL GYI NGAN SNGAGS THAMS CAD PHUR BUS GDAB, RIM PA DGU'I SA 'OG TU DOR, RDO RJE RI RAB KYIS MNAN PAR BSAMS, MJUG GI BYA BA SNGAR BZHIN NO,, ` ,,BCO BRGYAD PA DUG SEL SGROL MA'I SGRUB THABS NI, MDUN GYI NAM MKHAR

, ,BAD ZLA'I STER DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA DUG SEL SGROL MA SKU MDOG STON KA'I ZLA BA LTAR DKAR BA, ZHAL GCIG PHYAG BZHI'I DANG PO GNYIS SPYI BOR BSNOL BAS LCAGS KYU 'DZIN PA, 'OG MA GNYIS KYIS MCHOG SBYIN DANG BCAS PA'I ZLA BA'I DKYIL 'KHOR DANG, AUTPA LA'I STENG DU GLEGS BAM GYI MTSAN PA 'DZIN PA, DBU SKRA RAL PA'I THOR TSUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB SOGS RIN PO CHE'I RGYAN GYIS BRGYAN PA DANG NGAR SNA TSOGS KYI NA BZA' CAN, 'OD KYI DKYIL 'KHOR GYI DBUS NA, NGANG PA'I STENG DU SKYIL KRUNG PHYED PAS BZHUGS PA, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL LHA YI MTSO YI RNAM PA'I, ,RI DVAGS RTAGS CAN PHYAG NA BSNAMS MA, ,T'A RA GNYIS BRJOD PHAt KYI YI GES; ;DUG RNAMS MA LUS PA NI SEL MA, ,CES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE SARBA N'A GA SH'ANTIm KU RU SV'AH'A, ZHES PA'I SNGAGS 'PHRENG BON DANG BCAS PAS BSKOR BA LAS, 'OD ZER DKAR PO GA BUR GYI RGYUN LTA BU BSIL BA'I RANG BZHIN CAN DPAG TU MED PA SPROS, RANG DANG BSGRUB BYA'I LUS LA THIM PAS KLU DANG, SA BDAG GI NAD THAMS CAD SDIG SBRUL DANG SBAL LCONG GI RNAM PAR BA SPU'I SGO THAMS

CAD NAS PHYIR PHUNG, LUS DVANGS GSAL 'OD KYI RANG BZHIN CAN DU SONG BAR BSAMS, MJUG GI BYA BA RNAMS SNGAR BZHIN NO,, ` ,,BCU DGU PA SDUG BSNGAL SEL BA'I SGROL MA'I SGRUB THABS NI, MDUN GYI NAM MKHAR PAD NYI'I DKYIL 'KHOR GYI STENG DU TAm YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE MA SDUG BSNGAL SEL PA'I SGROL MA SKU MDOG DKAR MO, ZHAL GCIG PHYAG GNYIS KYIS THUGS KAR ME THAB BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZA' GSOL BA, 'OD KYI PHUNG PO'I DBUS NA SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL LHA YI TSOGS RGYAL PO DANG, ,LHA DANG MI 'AM CI YIS BSTEN MA, ,KUN NAS GO CHA DGA' BA'I BRJID KYIS, ,RTZOD DANG RMI LAM NGAN PA SEL MA, ,ZHES PAS BSTOD, BZLAS PA NI ^ RJE BTZUN MA'I THUGS KAR SA BON GYI MTHAR, AOm TU RE MO TZA NA SV'AH'A, ZHES PA'I BSKOR BA LAS, 'OD ZER DKAR PO'I TSOGS SPOS PAS PHAN TSUN RTZOD PA DANG, RMI LAM NGAN PA GANG RMI BA DE DAG LA REG PAS SO SOR ZHI ZHING, RTZOD PA PO RNAMS BYAMS PA'I SEMS DANG LDAN PA DANG, MTSAN MA NGAN PA RNAMS DGE MTSAN PHUN SUM TSOGS PAR BSGYUR BAR BSAMS LA BZLAS PA BYA ZHING, KHYAD PAR RJE BTZUN MA 'DI'I LTE BAR ZLA

, ,BA'I DKYIL 'KHOR LA BSGRUB BYA BKOD DE SNGAGS BZLAS NA BTZON KHANG LAS THAR BAR 'GYUR RO, ,MJUG GI BYA BA RNAMS GONG BZHIN NO,, ` ,,NYI SHU PA RIMS NAD SEL BA'I SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ^ RJE BTZUN MA RIMS NAD SEL BA'I SGROL MA SKU MDOG DMAR SER, ZHAL GCIG PHYAG GNYIS MA, PHYAG GNYIS KYIS GSER GYI BUM PA THUGS KAR PA BSNAMS PA, DBU SKRA RAL PA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS SHING ZHABS GNYIS SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL NYI MA ZLA BA RGYAS PA'I, ,SPYAN GNYIS PO LA 'OD RAB GSAL MA, ,HA RA GNYIS BRJOD TU TT'A RA YIS, ,SHIN TU DRAG PO'I RIMS NAD SEL MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE BI SA RA TA SV'A H'A, ZHES PAS BSKOR PA LAS 'OD ZER 'PHROS PA'I SNE LA ^ RJE BTZUN MA ZHI KHRO MTHA' YAS BA SPROS, ZHI BA RNAMS KYI SKU LAS YE SHES KYI BDUD RTZI'I RGYUN BABS, NAD BDAG RIMS BDAG LA SOGS PA RNAMS TSIMS PAR BYAS, ZHI BA'I CHOS BSHAD PAS GNOD 'TSE'I BSAM SBYOR DANG BRAL NAS SO SO'I GNAS SU SONG

PAR BSAMS, KHRO MO RNAMS KYIS ZHI BAS 'DUL BAR MA NUS PA RNAMS DRAG PO'I LAS KYI TSAR BCAD PAR BSAMS, MJUG GI BYA BA RNAMS GONG BZHIN NO,, ` ,,NYER GCIG PA RJE BTZUN MA YONGS RDZOGS SGROL MA'I SGRUB THABS NI, MDUN GYI NAM MKHAR KHYU MCHOG GI STENG DU PADMA DANG ZLA BA'I GDAN LA T'Am YIG DKAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA YONGS RDZOGS SGROL MA SKU MDOG DKAR MO, ZHAL GCIG PHYAG GNYIS KYIS BGRANG 'PHRENG DANG RTZE GSUM BSNAMS PA, SPYAN GSUM MA, DBU SKRA RAL PA'I THOR COG CAN, RIN PO CHE'I RGYAN DANG STAG GI PAGS PA'I SHAM THABS CAN, RANG 'OD KYIS DKYIL 'KHOR GYI DBUS SU SKYIL KRUNG PHYED PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL DE NYID GSUM RNAMS BKOD PAS, ,ZHI BA'I MTHU DANG YANG DAG LDAN MA, ,GDON DANG RO LANGS GNOD SBYIN TSOGS RNAMS, ,'JOMS PA TU RE RAB MCHOG NYID MA, ,ZHES PAS BSTOD, BZLAS PA'I SKABS RJE BTZUN MA'I THUGS KAR SA BON GYI MTHAR, AOm TU RE SA TA PA SV'AH'A, ZHES PA'I BSKOR BA LAS 'OD ZER DKAR SER DMAR SNGO BZHI SPROS PAS ZHI RGYAS DBANG DRAG GI LAS RNAMS 'GRUB PAR BSAMS, MJUG GI BYA BA RNAMS GONG BZHIN LA, RJE BTZUN MA 'DI DAG GI SGO NAS LAS TSOGS BSGRUB PA LA SNGON DU YI GE BCU PA 'BRU

, ,'BUM BZLA DGOS SHING, BDAG BSKYED KYANG SGROL MA KUN GYI SPRUL GZHI SENG LDENG NAGS SGROL GYI RNAL 'BYOR BSGOM PA'AM MDUN GYI GSOL BA 'DEBS YUL GYI SGROL MA'I BDAG BSKYED GANG RUNG BSGOM PAS CHOG CING, SNGAR BSHAD PA'I LAS TSOGS DE DAG GI NANG NAS RANG NYID GANG 'DOD PA'I LHA'I RNAL 'BYOR DANG SNGAGS BZLAS PAS CHOG PA YIN CING, SGROL MA NYER GCIG PO THAMS CAD KYI MNGON RTOGS DANG SNGAGS RGYUN GCIG LA BZLA DGOS PA'I NGES PA MED DO,, ,,SMRAS PA, ,SPRIN BRAL MKHA' LA MRGAD BZHU BLUGS KYI, ,DO MTSAR SNA TSOGS RI MO BKOD PA BZHIN, ,SMIN LEGS STONG GI MDZES PA 'PHROG BYED PA'I, ,PHYI NAD 'JIGS LAS SKYOB MDZAD BCOM LDAN MAS, ,'GRO BLO'I MUN PA MA LUS SEL BA'I THABS, ,GRUB MCHOG NYI MA SBAS PA LA GDAMS PA'I, ,GCIG LHAG BCU PHRAG ZUNG GI GDAMS PA MCHOG ,RGYUD SDE'I MAN DAG DU MAS BRGYAN PA 'DI, ,SKAL BZANG DPYOD LDAN RNAL 'BYOR PHO MO YI, ,CI 'DOD 'PHRIN LAS SNA TSOGS RIN PO CHE, ,MA LUS MYUR DU 'GUGS PA'I LCAGS KYU STE, ,YID LA CI BSAM STER BA'I RIN CHEN YIN, ,'DIR 'BAD DGE TSOGS MES PO'I RAL KLUNG RGYUN, ,SKAL LDAN YID KYI RDZING BUR RAB ZHUGS TE, ,DNGOS GRUB CHU SKYES RGYAS PA'I 'DAB BRGYA'I RTZER, ,SKU GSUM ZE'U 'BRU DKAR POS MDZES GYUR CIG ,CES SOB DPON NYI MA

SBAS PA'I LUGS KYI SGROL MA NYER GCIG GI SGRUB THABS, BSKYED RIM LA SLOB TSUL GYI DMIGS BSKOR MDOR BSDUS DANG, BSNYEN BSGRUB LAS GSUM JI LTAR BYA BA'I TSUL 'DI LTA BU ZHIG DGOS ZHES GUNG BDE LEGS RDO RJE'I SHOG DGE TSUL MA YE SHES CHOS 'DZIN GYIS BSKUL BA'I NGOR ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL GYIS GZIMS CHUNG YID DGA' CHOS 'DZIN DU SBYAR BA'O,, 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, , AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SBEL; ;SARBA DZA GA TAm,

*, ,RJE BTZUN BSTAN PA'I 'KHOR LO DANG DBYANGS CAN LHA MO GNYIS KYI BSTOD PA DANG, ` SLOB DPON NYI MA SBAS PA'I LUGS KYI SGROL MA NYER GCIG GI SGRUB THABS BSKYED RIM LA SLOB TSUL GYI DMIGS SKOR MDOR BSDUS DANG BSNYEN SGRUB LAS GSUM JI LTAR BYA BA'I TSUL BCAS BZHUGS SO, @1 #, ,NA MO GU RU SVA RA SVA STI YE, SHES BYA'I DNGOS KUN MKHYEN PA'I SBYAN GYI DKYUS, ,CHES RING NAM MKHA'I SKA RAGS GZUGS DANG MTSUNGS, ,'GRO KUN 'DZUM GYIS BSU BA'I ZHAL DKYIL MCHOG ,NYIN BYED LTAR RGYAS SMRA BA'I SENGGER 'DUD, ,DRUG CU'I DBYANGS LDAN GLU MCHOG LEN LA MKHAS, ,'JO SGEG GAR GYI RNAM 'GYUR DU MAS BREL, ,SGRA DBYANGS LHA MOS SKAL LDAN BDAG CAG LA, ,NGAG GI DNGOS GRUB DAM PA STZAL DU GSOL, ,ZLA SRING 'PHANG 'GRO'I DBYANGS SNYAN RAB THOS PAS, ,RMAD BYUNG BLO GROS MCHOG TU YANGS PA DANG, ,RNAM DBYAD DAR BABS LEGS BSHAD MA LUS KUN, ,SGROG PA'I SPOBS PA MCHOG GI DNGOS GRUB STZOL, ,SMRA BA'I DBANG PHYUG RJE BTZUN 'JAM DBYANGS LA, ,SHUGS DRAG DVANG BAS RTZE GCIG GSOL BTAB

, ,MTHUS, ,BDAG KYANG MGON KHYOD SHES BYA MTHA' DAG LA, ,DBANG BSGYUR SHES RAB DRI MED SNANG BA STZOL, ,CHE DANG GSAL DANG MYUR CING ZAB PA YI, ,BLO GROS SPOBS PA'I SHES RAB RNON BO YIS, ,MDO SNGAGS ZAB MO'I GNAD RNAMS LEGS RTOGS NAS, ,'GRO RNAMS THEG MCHOG LAM LA 'GOD PAR SHOG ,CES PA 'DI NI SHING YOS LO MGO ZLA BA'I NANG GZA' SKAR PHUN SUM TSOGS PA DANG BSTUN, ^ RJE BTZUN BSTAN PA'I 'KHOR LO DANG DBYANGS CAN LHA MO GNYIS LA BSNYEN MTSAMS BGYIS SKABS ^ YONGS 'DZIN DAM PA RJE ZHAL SNGA NAS BLO BZANG TSUL KHRIMS KYIS LHAG PA'I LHA MCHOG 'DI RNAMS LA BSTOD PA 'DI LTA BU ZHIG DGOS ZHES GSUNG GIS BSKUL MA MDZAD PA LTAR, ^ SH'AKYA'I BTZUN PA BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS GZIMS CHUNG BKA' GDAMS PHO BRANG DU NA TSOD DANG BSTUN G-YAR KHRAL TZAM DU SBYAR BA'O,, DGE LEGS 'PHEL,, ` ,,SLOB DPON NYI MA SBAS PA'I LUGS KYI ^ SGROL MA NYER GCIG GI SGRUB THABS DANG BSKYED RIM LA SLOB TSUL GYI DMIGS SKOR MDOR BSDUS BSNYEN SGRUB LAS GSUM JI LTAR

BYA BA'I TSUL BCAS BZHUGS SO,, ` ,,NA MO A'ARYA T'A RE, LHA MI'I CHE RGU'I GTZUG RGYAN RLABS 'PHRENG GI ,GANG GI ZHABS PAD LAN BRGYAR DAG BYAS PA, ,'GRO KUN 'JIGS CHEN BRGYAD LAS SKYOB MDZAD PA'I, ,'PHAGS MA SGROL MA'I ZHABS LA SNYING NAS 'DUD, ,'DIR SLOB DPON NYI MA SBAS PA'I LUGS KYI SGOL MA NYI SHU RTZA GCIG GI SGRUB THABS NYAMS SU LEN PAR 'DOD PAS, THOG MAR SGROL MA THAMS CAD KYI SPRUL GZHI SENG LDENG NAGS KYI SGROL MA'I SGRUB THABS NI, GNAS KHANG BYI DOR BYAS LA RJE BTZUN MA SGROL MA'I SKU GZUGS BRIS 'BUR GANG YANG RUNG BA DGRAM, DE'I MDUN DU CHU GNYIS SNGON 'GRO'I NYER SBYOD DANG; DMAR GTOR ZLUM PO BSHOS BU NYER GCIG GIS BSKOR BA SOGS MCHOD PA G-YO MED CING BKOD PAS MDZES BAR BSHAMS, RANG GI MDUN DU NANG MCHOD KYI KA P'A LA RDOR DRIL SOGS MED MI RUNG GI YO BYAD RNAMS TSOGS PAR BYAS, STAN BDE BA LA 'KHONG DE DGE SEMS KHYAD PAR CAN GYI DAD NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, DNGOS GZHI NI, ` RANG NYID RJE BTZUN MA SENG LDENG NAGS KYI SGROL MAR GSAL BA'I THUGS KAR ZLA BA LA GNAS PA'I T'Am YIG LJANG GU'I 'OD ZER GYIS RANG BZHIN GYI GNAS NAS BLA MA DANG GNYIS SU MED PA'I RJE BTZUN MA SENG LDENG NAGS KYI SGROL MA LA, SGROL MA

, ,NYER GCIG DANG SANGS RGYAS BYANG CHUB SEMS DPA'I TSOGS KYIS BSKOR BA MDUN GYI NAM MKHAR SBYAN DRANGS 'OD ZER RANG GI SNYING GAR THIM PAR GYUR, GANG GI DRIN GYI BDE CHEN NYID, , SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,LHA DANG LHA MIN COD PAN GYIS, ,ZHES SOGS KYI PHYAG BYA, AOm GU RU A'ARYA T'A RE SA PA RI W'A RA AARGHAm NAS, SHAPTA'I BAR GYIS MCHOD, DKON MCHOG GSUM LA BDAG SKYABS MCHI, ,ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SKYABS 'GRO SEMS BSKYED DANG, SANGS RGYAS BYANG CHUB SEMS DPA' KUN, ,ZHES SOGS KYIS SNGAGS SDOM BZUNGS, MA GYUR SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,CES SOGS TSAD MED BZHI BSGOM, TSOGS ZHING RNAMS RANG LA THIM PAS BYIN GYIS BRLABS PAR GYUR, PAR BSAM BA NI SBYANG GZHI 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYE GNAS MYONG 'GYUR GYI LAS BSOD NAMS KYI TSOGS GSOG PA DANG CHOS MTHUN, DE LTA BU'I LAS 'DU BYAS PA'I MTHAR 'CHI BA 'OD GSAL MNGON DU BYED PA DANG CHOS MTHUN PAR YE SHES KYI TSOGS GSOG PA NI, BDAG GI MA 'ONGS PA NA 'BYUNG 'GYUR GYI 'CHI BA SBYANG BAR BYA, DES DON GYI 'OD GSAL MYUR DU 'CHAR BA DANG 'BRAS BU CHOS SKU 'GRUB PA'I NUS PA KHYAD

PAR CAN BZHAG PAR BYA'O SNYAM DU BSAMS LA, AOm SH'U N+YA T'A DZNY'A NA BADZRA SVA BH'A WA A'ATMAKONYHAm, ZHES BRJOD PA'I TSE RANG GI SNYING GA'I T'Am YIG LAS 'OD ZER 'PHROS SNOD BCUR THAMS CAD LA PHOG PAS SNOD THAMS CAD GZHAL YAS KHANG DANG BCUD THAMS CAD RJE BTZUN MA'I SKUR GYUR, SNOD BCUD 'OD DU ZHU NAS RANG LA THIM PA'I TSE MIG SGYU LTA BU'I RNAM PA 'CHAR BAR BSGOM, RANG YANG STOD SMAD NAS RIM GYI 'OD DU ZHU TE SNYING GA'I H'Um LA THIM, DU BA LTA BU'I NYAMS SHAR BAR MOS, H'Um GI ZHABS KYU HA LA THIM PA'I TSE MKHA' SNANG ME KHYER LTA BU DANG, HA MGO BO LA THIM PA'I TSE MAR ME BTEG SBAR LTA BU DANG, MGO BA ZLA TSES LA THIM PA'I TSE DKAR LA MA PA'I SNANG BA DANG, ZLA TSES THIG LE LA THIM PA'I TSE DMAR LAM PA'I SNANG BA DANG, THIG LE N'A DA LA THIM PA'I TSE NAG LAM PA'I SNANG BA DANG, N'A DA YANG NAM MKHA' LA 'JA' YAL BA LTAR GYUR PA'I TSE RANG SEMS BDE BA CHEN PO'I NGOR GYUR PAS 'KHOR 'DAS KYI CHOS THAMS CAD BLOS PHAR BTAGS TZAM MA GTOGS RANG NGOS NAS GRUB PA RDUL TZAM YANG MED PA'I STONG BA NYID YUL DU BYAS TE, SH'U N+YA T'A'I SNGAGS DON LTAR YUL STONG PA NYID DANG YUL CAN BDE BA CHEN PO'I YE SHES GNYIS SNANG PHRA MOS KYANG BAR MCHOD PAR CHU LA CHU BZHAG PA BZHIN RO GCIG PA'I CHOS SKU'I NGANG DU GYUR SONG SNYAM DU YUN MI THUNG BAR SNYOMS PAR 'JOG PA NI 'CHI BA CHOS SKUR KHYER BA'I LA MA KHYER BSGOM PA'O;; ` ;;STONG PA'I NGANG LAS SKAD CIG GIS RDO RJE'I SA GZHI, RVA BA; GUR; BLA BRE, ME RI DANG BCAS PA'I DBUS SU SNA TSOGS PADMA LA GNAS PA'I SNA TSOGS RDO RJE'I LTE BAR GZHAL YAS KHANG GRU BZHI SGO BZHI PA

, ,RTA BABS LA SOGS PA'I MTSAN NYID THAMS CAD DANG LDAN PA'I NANG GI DBUS SU SNA TSOGS PADMA DANG ZLA BA'I GDAN G-YAS SU PAD ZLA DANG G-YON DU PAD NYI'I GDAN RE RE, 'DI'I BAR SEMS BYINGS PO CHOS SKU'I NGA RGYAL LA GNAS BZHIN PA'I DAD NAS BLO'I ZUR GCIG GIS BSRUNG 'KHOR GZHAL YAS KHANG GDAN DANG BCAS PA GSAL BTAB, MA 'ONGS PA NA 'BYUNG 'GYUR GYI BAR DO SBYANG BA DANG LAM RDZOGS RIM GYI SKABS SU DPE DON GYI 'OD GSAL LAS DAG MDAG GI SGYU MA'I SKU GNYIS 'GRUB PA'I DGE RTZA SMIN PAR BYAS 'BRAS BU LONGS SBYOD RDZOGS PA'I SKU 'GRUB PA'I NUS PA KHYAD PAR CAN BZHAG PAR BYA'O SNYAM PA DANG, BDAG GI RTAG TU CHOS SKU'I NGANG LA MI GNAS PAR LONGS SPYOD RDZOGS PA'I SKUR LANGS LA SEMS CAN GYI DON BYA'O SNYAM PA'I 'PHEN PA DANG BCAS TE, ,GDAN DBUS MA'I STONG DU T'Am YIG LJANG GU, BSGOM PA NI BAR DO LONGS SKUR KHYER BA'I RNAL 'BYOR RO, ,T'Am LAS 'OD ZER 'PHROS SEMS CAN THAMS CAD KYI SDIG SGRIB SBYANG 'PHAGS MA'I GO 'PHANG LA BKOD, PHYOGS BCU'I SANGS RGYAS SRAS DANG BCAS PA LA MNYES PA'I MCHOD PA PHUL, DE RNAMS KYI SKU GSUNG THUGS KYI YON TAN DANG SEMS CAN RJE BTZUN MAR GSAL BA RNAMS 'OD KYI RNAM PAR BSDUS TE T'Am YIG LA THIM PAR GYUR, PAR BSAM PA NI BAR DO'I BYA BA DANG LAM GYI GNAS SKABS SU SGYU LUS PA GNYIS KYI MDZAD PA DANG CHOS MTHUN, DE NAS BDAG GI SKU SHIN TU PHRA BA'I YE SHES KYI RANG BZHIN CAN THA MAL PA'I SHA'I MIG GI YUL DU MA GYUR PA 'DIS SEMS CAN GYI DON RGYA CHEN

PO SGRUB PAR MI NUS PAS NA RAGS PA'I SPRUL SKU BZUNGS LA SEMS CAN DPAG TU MED PA'I DON BSGRUB PAR BYA'O SNYAM DU BSAMS LA, ` T'Am YIG YONGS SU GYUR PA LAS RANG NYID RJE BTZUN MA SENG LDENG NAGS KYI SGROL MA SKU MDOG LJANG SNGON ZHAL GCIG PHYAG GNYIS MA, PHYAG G-YAS MCHOG SBYIN DANG, G-YON MTHEB SRIN GYIS AUTPAL LA'I YU BA THUGS KAR 'DZIN PA'I 'DAB MA SNYAN G-YAS G-YON GYI THAD DU KHA BYE BA, DBU SKRA RAL PA'I THOR TSUGS CAN LHAG MA BSIL BUR BABS PAS SKU STOD KHEBS PA, DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA RIN PO CHE'I RGYAN BRGYAD KYIS BRGYAN PA, SKU STOD LHA RDZAS KYI GOS KYIS GSHAL BYAS SHING SKU SMAD DAR GYI SHAM THABS 'CHANG BA, ZHABS G-YAS BRKYANGS SHING G-YON BSKUM GYIS BZHUGS PA, DE'I G-YAS KYI GDAN LA MI LAS LHA MO 'OD ZER CAN MA SKU MDOG SER MO, ZHAL GCIG PHYAG GNYIS KYI G-YAS RDO RJE DANG, G-YON MYA NGAN MED PA'I SHING GI YAL GA 'DZIN PA, RIN PO CHE'I RGYAN DANG DAR GYI NA BZA' CAN, GTZO MO'I G-YON DU H'Um LAS RAL GCIG MA SKU MDOG NAG MO, ZHAL GCIG PHYAG GNYIS KYI G-YAS GRI GUG DANG, G-YON THOD KHRAG BSNAMS PA; SPYAN GSUM DMAR ZHING ZLUM PA DRAG MO'I GZUGS CAN GLANG LPAGS KYI STONG G-YOGS DANG STAG LPAGS KYI SHAM THABS GSOL BA, 'KHOR GNYIS KA YANG ZHABS GNYIS DOR STABS KYIS BZHUGS PA'I GTZO 'KHOR THAMS

, ,CAD KYI SBYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, GTZO MO'I THUGS KA'I H'Um GI NANG DU T'Am GYIS MTSAN PA DE LAS 'OD ZER 'PHROS, PO TA LA SOGS RANG BZHIN GYI GNAS NAS BSGOM PA DANG 'DRA BA'I YE SHES PA SPYAN DRANGS, DZA: H'Um BAm HO: DAM CHIG PA DANG GNYIS SU MED PAR GYUR, SLAR YANG THUGS KA'I H'Um T'Am LAS 'OD ZER 'PHROS, DBANG GI LHA RIGS LNGA 'KHOR DANG BCAS PA SBYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHIshE KA TA SA MA YA SHR'I YE H'Um, ZHES GSUNGS SHING DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS GTZO MO LA DON YOD GRUB PA, 'OD ZER CAN MA LA RNAM SNANG, RAL GCIG MA LI MA BSKYOD PAS DBU BRGYAN PAR GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BH'A WAS STONG PAR SGYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRIm KHAm H'Um LAS BYUNG BA'I SHA LNGA DANG, LAm MAm PAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI

STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS ZHU ZHING KHOL, YI GE GSUM LAS 'OD ZER 'PHROS SKU GSUNG THUGS KYI RDO RJE GSUM SBYAN DRANGS, YI GE GSUM LA THIM, DE GSUM YANG RIM GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS, AOm AA MRi TAS BSANGS, SVA BH'A WAS STONG BAR SBYANGS, STONG PA'I DANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SBYONG YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um NAS; SHAPTA A'A: H'Um, GI BAR DANG, R'U PA NAS, SPARSHA A'A: H'Um, GI BAR BRJOD DE BYIN GYIS BRLABS, SPRO NA TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AARGHAm NAS, SPARSHA'I BAR GYIS MCHOD, NANG MCHOD KYI KA P'A LA LAG TU BZUNGS LA G-YON PA'I MTHEB SRIN GYIS G-YAS BSKOR DU DKRUGS PAS DBUS SU BDUD RTZI'I SNYING BA BYUNG BAR BSAMS LA; AOm MCHOD DO, PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS DANG BCAS PA'I NGO BOR GYUR PA DRIN CAN RTZA BA DANG BRGYUD PAR BCAS PA'I DPAL LDAN BLA MA DAM

, ,PA RNAMS KYI ZHAL DU AOm A'A: H'Um, AOm A'ARYA T'A RE AOm A'A: H'Um, AOm MA RI TZY'EE AOm A'A: H'Um, AOm AE KA DZA tI AOm A'A: H'Um, GZHAN YANG RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, CHOS SKYONG BSRUNG MA RNAMS KYI ZHAL DU AOm A'A: H'Um, DPA' BO DANG RNAL 'BYOR MA RNAMS KYI ZHAL DU AOm A'A: H'Um, GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, RANG GI LCE THOG TU BDUD RTZI MYANG LA, AOm AA MRi TA SVA D'A NA BADZRA SVA BH'A WA A'ATMA KONYHAm, MGRON THAMS CAD YE SHES KYI BDUD RTZIS MNYES SHING TSIMS PAR GYUR, LHA DANG LHA MIN ZHES SOGS SAM, ZHAL GCIG PHYAG GNYIS MCHOG SBYIN AUTPAL 'DZIN, ,DBU SKRA MTHON MTHING RIN CHEN RGYAN MANG GIS, ,SPRAS PA'I DAR GYI NA BZA' MDZES PAR GSOL, ,G-YAS BRKYANGS G-YON BSKUMS BZHUGS LA PHYAG 'TSAL BSTOD, ,GSER GYI MDOG CAN ZHAL GCIG PHYAG GNYIS KYIS, ,RDO RJE MYA NGAN MED BA'I YAL GA 'DZIN, ,'GRO KUN 'JIGS PA BRGYAD LAS SKYOB MDZAD PA'I, ,LHA MO 'OD ZER CAN LA PHYAG 'TSAL LO, ,SKU MDOG MTHING NAG ZHAL GCIG PHYAG GNYIS KYIS, ,RMONGS PA'I DRA BA GCOD PA'I GRI THOD 'DZIN, ,KHROS PA'I GAR GYI BDUD DPUNG SKRAG MDZAD PA'I, ,RAB BRJID LHA MO RAL GCIG MA LA 'DUD, ,DE NAS SEMS BYINGS PO

RTEN DANG BRTEN PAR BCAS PA'I DKYIL 'KHOR GYI GSAL SNANG LA GNAS BZHIN PA'I NGANG NAS BLO'I ZUR GCIG GI GTZO MO NAS BSRUNG, KHOR GYI BAR PHYIR RIM GYIS GSAL BTAB, DE NAS GTZO MO'I BAR NANG DU RIM GYIS GSAL BTAB STE MTHAR 'KHOR DANG GZHAL YAS KHANG GI RNAM PA SOGS RE ZHIG BTANG SNYAMS SU BZHAG STE RANG GTZO MA ZHAL GCIG PHYAG GNYIS MAR GSAL BA LA RTZE GCIG TU DMIGS NAS GSAL SNANG BSGOM BA DANG KHYAD PAR CAN GYI SNANG BA YID NGOR SHAR BA'I TSE, 'BRAS DUS KYI BDE STONG GNYIS SU MED PA'I YE SHES CHOS KYI SKU GDUL BYA'I DON DU RJE BTZUN MA SGROL MA'I RNAM PAR SHAR BA'I SKYON KUN ZAD YON TAN KUN LDAN GYI GZUGS KYI SKU DE NGA'O SNYAM DU NGA RGYAL 'DZIN PA GNYIS RE MOS SU BYA ZHING, DE YANG SNGAGS KYI SKABS 'DIR SPANG BYA'I GTZO BO THA MAL GYI SNANG ZHEN GNYIS YIN PAS THA MAL GYI SNANG BA'I GNYEN POR LHA'I GSAL SNANG DANG, THA MAL MI ZHEN PA'I GNYEN POR LHA'I NGA RGYAL BSGOM DGOS PAS DE GNYIS KYI NANG NAS KYANG LHA'I NGA RGYAL BSGOM PA GTZO CHE ZHING, 'DI DAG GI SKABS THAMS CAD DU ME LONG NANG GI BYAD BZHIN GYI GZUGS BRNYAN BYAD BZHIN DU SNAD YANG DES STONG PA BZHIN DU RTEN BRTEN PA'I RNAM PA THAMS CAD MA DAG MA BCOS PA'I BLO LA RANG DOS NAS GRUB PA LTAR SNANG YANG, RANG BZHIN GYIS GRUB PAS STONG BA'I SNAD STONG GNYIS TSOGS SGYU MA LTA BU'I RNAL 'BYOR LA SLOB PA NI DMIGS PA LHA LA DMIGS PA'I CHA NAS BSOD NAMS KYI TSOGS DANG RANG BZHIN MED PA'I 'DZIN STANGS CAN DU SKYES PA'I CHA NAS YE SHES KYI TSOGS GNYIS KA TSANG ZHING DE LTA BU'I YE SHES KYI TSOGS NI SNGAGS KYI THABS MKHAS KYI

, ,ZIN PA'I SHES RAB KHYAD PAR CAN YIN PAS PHAR PHYIN THEG PA NAS BSHAD PA'I YE SHES KYI TSOGS LAS BDAG 'DZIN GYI GNYEN POR 'GRO PHUL BRGYA 'GYUR GYI CHE ZHING YE SHES KYI TSOGS LA KHYAD JI TZAM BZHUGS PA TZAM GYI BSOD NAMS KYI TSOGS LA YANG KHYAD BZHUGS PAS NA 'DI LTA BU'I LAM LA SLOB PA NI SKU GSUM LAM KHYER GYI GNAD TSANG ZHING SKYE SHI BAR NGO'I SBYANG GZHI DNGOS SU SBYONG BAR BYED PAS RDZOGS RIM ZAB MO'I SMIN BYED KHYAD PAR CAN DU GYUR NAS BSKAL PA GRANGS MED GSUM DU TSOGS BSAGS PA LA MA LTOS BAR SNYIGS DUS KYI TSE THUNG GCIG LA RDZOGS PA'I SANGS RGYAS KYI GO 'PHANG STER BA'I GDAMS NGAG BLA NA MED PA YIN CING, 'ON KYANG RANG LHAR GSAL BA LA DMIGS NAS GSAL CHA DANG GNAS CHA SGRUB PA'I TSE NYES PA LNGA SPONG BA DANG, 'DU BYED BRGYAD BRTAN PA'I SGO NAS NYAMS SU BLANGS PA LA BRTEN NAS SEMS GNAS PA'I THABS DGU STOBS DRUG GI 'GRUB LUGS YID LA BYED PA BZHIR YOD TSUL RNAMS DBUS MTHA' RNAM 'BYED SOGS THUN MONG BA'I LAM GYI RIM PA LAS JI LTAR BSHAD BA LTAR NGES PA RNYED DGOS SO, ,DE LTAR LHA SKU BSGOM PA'I SKYON BZLAS PA BYA BA LA BGRANG PHRENG BYIN RLABS NI, AA MRi TAS BSANGS, SVA BH'A WAS SBYANGS, STONG PA'I DANG LAS DZRIm LAS PADMA DZRIm GIS MTSAN PA YONGS SU GYUR PA LAS 'OD DPAG MED DMAR PO ZHAL GCIG PHYAG GNYIS MNYAM GZHAG GI PHYAG RGYA CAN DE'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, DE LAS 'ONG ZER 'PHROS, RANG 'DRA'I YE SHES PA DANG DBANG GI LHA

RNAMS SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR RDO RJE SEMS DPAS DBU BRGYAN PAR GYUR, AOm A'A RO LIK AARGHAm NAS, SHAPTA'I BAR GYIS MCHOD, GSUNG RDO RJE 'OD DPAG MED ZHU BA LAS BYUNG PA'I 'PHRENG BA'I RNAM PAR GYUR, PAR BSAM LA LCE DANG MCHU MA 'GUL BAR RLUNG LDANG 'JUG GNAS GSUM YI GE GSUM GYI RANG GDANGS SU MOS NAS YID BZLAS JI LTAR RIGS PA BZLA, GTZO MO'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SV'AH'A, ZHES PAS BSKOR BA BSGOM, SNGAGS 'PHRENG LAS 'OD ZER 'PHROS, LUS KYI NANG GANG SDIG SGRIB THAMS CAD SBYANGS, TSE BSOD DPAL 'BYOR LA SOGS PA RGYAS PAR BSAMS LA, YI GE BCU PA JI LTAR RIGS PA DANG, 'OD ZER CAN MA'I THUGS KAR ZLA GDAN LA MAm YIG GI MTHAR, AOm M'A RI TZEE MAm SV'AH'A, ZHES BA DANG RAL GCIG MA'I THUGS KAR NYI GNGAN LA H'Um YIG GI MTHAR, AOm HR'Im: TR'Am H'Um PHAt, CES PAS BSKOR BA LA DMIGS NAS BZLAS BA'I SKYON DANG BRAL BAR GRANGS JI LTAR RIGS PA BZLAS, BZLAS PA'I GRANGS TSAD NI YI GE BCU PA 'BRU 'BUM DANG, 'KHOR GYI SNGAGS KHRI PHRAG RE, YI GE BCU PA'I MTHAR, H'Um HA AA DZHE SV'AH'A, ZHES PA'I YE GE BZHI BTAGS PA'I YE SHES 'BEBS SNGAGS KHRI PHRAG GCIG BZLA'O, ,BZLAS PA'I MTHAR GTOR MA 'BUL BAR 'DOD NA, DMAR GTOR NANG MCHOD LTAR BYIN GYIS BRLABS, RANG GI THUGS KA'I H'Um LAS 'OD ZER 'PHROS, SENG LDENG NAGS KYI SGROL MA GTZO 'KHOR GSUM GYI RTEN DANG BRTEN PAR BCAS PA'I DKYIL 'KHOR MDUN GYI NAM MKHAR SPYAN DRANGS PA RNAMS KYI LJAGS RDO RJE'I 'OD ZER GYI

, ,SPU GUS GTOR MA'I BCUD THAMS CAD DRANGS TE GSOL BAR GYUR, AOm A'ARYA T'A RE SA PA RI W'A RA AAm DAm BA LIm TA KHA KHA KH'A HI KH'A HI, LAN GSUM GYIS PHUL LA GONG GI BSTOD PAS BSTOD, YIG BRGYAS LHAG CHANG KHA BSKANG, NONGS PA BZOD GSOL DANG 'DOD DON LA GSOL BTAB SOGS BYA ZHING, MDUN GYI MGRON RNAMS RTEN YOD NA BRTAN BZHUGS DANG MED NA RANG BZHIN GYI GNAS SU GSHEGS PAR BSGOM, DE LTAR SGROL MA NYI SHU RTZA GCIG GI SPRUL GZHI SENG LDENG NAGS KYI SGROL MA'I SGRUB THABS NYAMS SU LEN PA'I RNAL 'BYOR PAS BSNYEN MTSAMS JI LTAR BYA BA'I TSUL BRJOD PAR BYA STE, SNGON DU DGE 'DUN BZHI SDE YAN CHAD LA BSNYEN BKUR DANG, GNAS KHANG BYI DOR BYAS LA, BA BYUNG GIS CHAG CHAG BTAB, STAN GYI 'OG TU SA DKAR GYI G-YUNG DRUNG DANG RTZVA DUR PA BTING, STAN BDE BA LA 'KHOD NAS BGEGS GTOR BTANG, BSRUNG 'KHOR MDOR BSDUS BSGOMS, MTSAMS G-YOG DANG SMAN PA SOGS MTSAMS 'OG TU 'JUG DGOS GANG YIN BSRUNG 'KHOR GYI NANG DU CHUD PAR BSAMS, MTSAMS THO BZHI RGYAL CHEN BZHI'AM DAM CAN CHOS RGYAL DU BSKYED, MCHOD GTOR PHUL TE SPYIL BU'I PHYOGS BZHI'AM SGO'I G-YAS G-YON DU STEGS PU'I KHAR BZHUGS SU GSOL LA, SGRUB PA PO'I BSNYEN SGRUB KYI LAS MTHAR MA PHYIN GYI BAR LA NANG GI DNGOS GRUB PHYIR MI 'CHOR BA DANG, PHYI'I NAD GDON BAR CHAD NANG DU MI 'JUG PA'I 'PHRIN LAS MDZOD CIG ,CES BRJOD LA ME TOG GTOR, NANG DU 'ONG STE LAG PA G-YON PAS STAN LA REG STE, AOm BADZRA A'A PAN H'Um, ZHES BRJOD DE STAN RDO RJE'I RANG BZHIN DU MOS, DE DAG NI GNAS BSRUNG BA'O, ,LAG BA

G-YON BA DRI CHU DANG BCAS PAS RANG GI GNAS GSUM DU REG LA YI GE GSUM BRJOD DE SGO GSUM BYIN GYIS RLOBS PA NI BDAG BSRUNG BA'O, ,DE NAS LUS RNAM SNANG GI CHOS BDUN LDAN DU 'KHOD DE BLA BRGYUD GSOL 'DEBS BDUD RTZI 'BEBS SBYANG GI DMIGS PA DANG BCAS TE BRJOD, SPRO NA RDOR DRIL BYIN RLABS SNGON 'GRO MCHOD GTOR BYIN GYIS BRLABS TE 'BUL BRDOR SEMS SGOM BZLAS BCAS BYAS NA PHUN SUM TSOGS PA'I YAN LAG TU 'GYUR BAS BLA MED KYI DKYIL 'KHOR GZHAN NAS BSHAD PA LTAR NYAMS SU LEN CING, BSDUS PA LA MOS NA DE DAG MA BYAS KYANG 6CHAD PA'I SKYON MED PAS GONG DU BSHAD PA LTAR CHOGS ZHING MCHOD PA NAS BZUNGS TE BZLAS PA LA THUG GI BAR SGRUB THABS NAS JI LTAR BSHAD PA LTAR SKABS GANG YIN GYI DMIGS BA RNAMS SNGA MA YID NGOR MA SHAR BAR PHYI MA GSAL MI 'DEBS CING, SNGA MA MA BRJED PA'I STENG NAS KYANG PHYI MA PHYI MA BSNAN TE BZLAS PA LA THUG GI BAR BTANG, BZLAS PA'I SKABS KYI DMIGS PA NI RANG RJE BTZUN MA SENG LDENG NAGS KYI SGROL MA SNANG LA RANG BZHIN MED PA SKU LAS 'OD ZER KHA DOG LNGA 'PHRO BA NAM MKHA'I 'JA' TSON LTA BUR GSAL BA'I THUGS KAR ZLA BA'I DKYIL 'KHOR GYI DBUS KYI T'Am YIG LA RANG GI SEMS ZHUGS PA BZHIN DU BYAS TE DE'I MTHA' SKOR DU YI GE BCU PO DBU PHYIR BSTAN NAS NYAL STABS SAM GYEN SGRENG GANG RIGS SU 'KHOD PA LDOG PA'I TSUL GYI YI GE RNAMS 'OD ZER 'BAR BA'I RNAM PAR BSGOM PA NI GONG BU'I BZLAS PA DANG, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA RJE BTZUN MA'I SKU DPAG TU MED PA SPRUL TE DE DAG GI SKU LAS BDUD RTZI 'OD ZER DANG BCAS PA BABS PAS SEMS CAN THAMS CAD KYI SDIG SGRIB SBYANG, 'PHAGS MA'I GO 'PHANG LA BKOD, YANG 'OD ZER 'PHROS PA'I SNE LA

, ,MCHOD PA'I LHA MO DPAG TU MED PA PHYOGS BCUR SPROS TE PHYOGS BCU'I SANGS RGYAS SRAS BCAS LA MNYES PA'I MCHOD BA PHUL, DE RNAMS KYI SKU GSUNG THUGS KYI YON TAN THAMS CAD DANG, SEMS CAN 'PHAGS MAR GSAL BA RNAMS 'OD KYI RNAM BAR BSDUS TE SNGAGS 'PHRENG SA BON DANG BCAS PA LA THIM PAR BSGOM PA NI DAM TSIG GI BZLAS PA, YANG SNYING KHA'I SA BON LAS AOm GYI SNA DRANGS TE SNGAGS 'PHRENG RANG GI LTE BA NAS THON, ZHAL DU ZHUGS, SNYING KHA'I SNGAGS 'PHRENG LA THIM; YANG SNGAGS 'PHRENG SNGAR LTAR LTE BA NAS THON PA SOGS MGAL ME'I 'KHOR LO LTAR 'KHOR BA'I 'OD ZER GYIS LUS KYI NANG GANG, SDIG SGRIB THAMS CAD SBYANGS PAR BSAMS LA ZHI ZHING 'JAM BA'I TSUL GYIS BZLA BA NI DO LI'I BZLAS PA'AM 'KHYOGS KYI BZLAS PA DANG, SNYING KHA'I SA BON LAS SNGAGS 'PHRENG CHAD PA RANG GI ZHAL NAS THON, LTE BA NAS NANG DU 'JUG PA SOGS SNGAR GYI 'KHOR TSUL NAS LDOG TE DRAG CING RTZU BA PA'I TSUL DU BZLA BA NI KHRO BO'I BZLAS PA'O, ,SNGAGS KYI SGRA DRAG POR SGROG PA NI KHROS PA'I BZLAS PA ZHES BYA BAS, BZLAS PA'I DMIGS PA DE RNAMS CI RIGS PA'I SGO NAS THUN DNGOS GZHI LA SEMS MA YENGS PAR BGRANG BA RNAMS BZLAS BA'I GRANGS SU GZHUG CING, SEMS G-YENG BA DANG, BZA' BTUNG GI BAR CHOD PA DANG; THUN MTSAMS SU BZLAS PA RNAMS GRANGS SU MI GZHUG, GZHAN YANG, JI SKAD DU, BZLAS BRJOD BYA TSE MI MYUR MI BUL ZHING, ,SGRA CHER MA YIN HA CANG CHUNG MA YIN, ,SMRAS BZHIN MA YIN RNAM PAR G-YENG BZHIN MIN, ,

GUG BSKYED KLANG KOR TSOGS RNAMS NYAMS BZHIN MIN, ,ZHES PA LTAR, RING THUNG GO LDOG PA DANG, SGRA HA CANG CHES PAS GZHAN GYIS THOS PA DANG, HA CHANG CHUNG BAS RANG GI MI THOS PA LA SOGS PA'I SKYON RNAMS SPANGS TE GTZO 'KHOR DU YOD KYI ZHAL , NAS SNGAGS KYI SGRA SGROG PAR MOS NA DE SNYED KYI PHAN YON 'BYUNG BAR GSUNGS, BZLAS PA'I GRANGS TSAD NI GZHAN LA DBANG BSKUR BA DANG, BDAG 'JUG LEN PA, SBYIN SREG SOGS LA DBANG BA'I BSNYEN PA'I GRANGS SGRUB THABS SU BSHAD ZIN PA LTAR DANG, LAS RAB 'BYAMS SGRUB PA'I BSNYEN PA'I GRANGS NI, GANG LA BRTEN NAS LAS SGRUB RGYU'I SNGAGS DE NYID BYE BA BZLA DGOS BAR RGYUD LAS BSHAD CING, SDOM 'BYUNG GI RGYUD LAS, RDZOGS LDAN LA NI BZLAS BYA GCIG, NYIS 'GYUR GSUM LDAN LA RAB BZLA, , GSUM 'GYUR GNYIS LDAN LA BZLA TE, ,RTZOD DUS BSNYEN PA BZHI 'GYUR TE, ,ZHES RGYUD NAS GRANGS JI TZAM BZLA DGOS BAR BSHAD PA DE NYID RTZOD DUS KYI SKABS 'DIR BZHI 'GYUR BZLA DGOS PA'I YI GE BCU PA LTA BU'AM, 'OG NAS 'BYUNG BA LTAR SGROL MA NYER GCIG GZHAN GYI SNGAGS GANG LA BRTEN NAS LAS SGRUB RGYU'I SNGAGS DE NYID BYE BA BZHI DANG, DE'I BCU CHA ME TOG DMAR PO'I SBYIN SREG SA YA BZHI BCAS SNGON DU BTANG NAS LAS DNGOS GZHI'I SKABS LAS SPYOR GYI BSNYEN PA 'BUM PHRAG GCIG DANG, SNGAGS DANG; RDZAS DANG, TING NGE 'DZIN GSUM GYI SGO NAS SGRUB DGOS SHING, DE YANG SGRUB RGYU'I LAS LA DNGOS GRUB RAB 'BRING THA GSUM LAS NAD GDON BAR CHAD ZHI BA DANG, TSE BSOD DPAL 'BYOR RGYAS PA DANG, BSGRUB BYA DBANG DU BSDU BA SOGS LAS PHRAN TSOGS RNAMS

, ,NI DBANG BSKUR RNAM DAG THOB CING, DAM TSIG DANG SDOM BA LA GNAS BAS SGRUB THABS NAS BSHAD BA LTAR GYI BSNYEN PA MDOR BSDUS TZAM DANG, LAS BZHI'I SBYIN SREG SOS LA BRTEN NAS KYANG SGRUB NUS PA DU MA YOD CING , GRUB PA CHEN BO BRGYANG LA SOGS BA DNGOS GRUB 'BRING SGRUB PA LA NANG LA GZHOL BA'I RNAL 'BYOR BAS RDZAS SNGAGS LA MA LTOS PAR BSAM GTAN TZAM GYIS SGRUB NUS MOD KYANG, BSKYED RIM PHRA BA MTHAR MA PHYIN PA'I SNGAGS LA GZHOL BA'I RNAL 'BYOR PAS SNGAR BSHAD PA BZHIN BSNYEN PA BYE BA BZHI SOGS LA LTOS DGOS SHING, NGES KYANG MA 'GRUB NA SPYOD PA LA ZLA BA BCO BRGYAD KYI BAR DU SLOB PA DANG, DES KYANG MA 'GRUB NA SPOGS CHOG JI LTAR BYA BA DANG, LHA LA DRAG SHUL GYI PHUR 'DEBS SOGS SNYING PO BSKUL BA'I TSUL RNAMS 'DIR YI GE'I TSEGS KYI 'JIGS NAS MA BKOD PAS 'GREL PA BZHI SBRAGS DANG 'DUS BSKYED DNGOS GRUB RGYA MTSO SOGS ^ RJE YAB SRAS KYI GSUNG RAB RNAMS LAS SHES PAR BYA'O, ,THUN RJES MA'I MTHAR 'JIG RTEN LAS 'DAS MA 'DAS KYI GTOR MA DANG, MTSAMS THO'I LHA LA MCHOD GTOR BCAS MA CHAD PAR BYA DGOS SO, ,JI LTAR 'PHEN PA BTANG BA LTAR GYI BSNYEN PA'I GRANGS TSAD SONG NAS MTSAMS GROL BA'I SKABS, MTSAMS THO'I LHA LA MCHOD GTOR PHUL TE NONGS PA BZOD BAR GSOL NAS GSHEGS SU GSOL, BSNYEN PA'I KHA SKONG GI SBYIN SREG BYA STE THO NANG MA'I LHA GSHEGS GSOL GRUB NAS PHYI MA GSHEGS GSOL MA BYAS PAR SBYIN SREG BYA ZHING, DE NAS MTSAMS 'OG TU MED PA'I DAM TSIG GCAD BA'I MI

DANG RIM GYI THUG 'PHRANG BYED PA LAS MTSAMS GROL MA THAG MI MANG KHRONG DU 'GRO BA DANG, RGYANG RING POR BLTA BA SOGS BYA MI RUNG, DE LTAR SENG LDENG NAGS SGROL GYI BSNYEN PA BYA BA'I TSUL DE NYID 'OG NAS 'BYUNG BA LTAR SGROL MA GZHAN GYI BSNYEN SGRUB LAS GSUM BYA TSUL LA'ANG RIGS 'GREN NAS SHES PAR BYA'O,, ` ,,SGROL MA NYER GCIG GI SGRUB THABS LA THOG MAR ^ RJE BTZUN MA MYUR MA DPA' MO'I SGRUB THABS NI, RANG SENG LDENG NAGS SGROL LAM GSOL BA 'DEBS YUL GYI SGROL MA'I RNAL 'BYOR LA GNAS BZHIN PA'I NGANG NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, SEMS CAN THAMS CAD KYI DON DU SANGS RGYAS THOB PAR BYA, DE'I CHED DU ^ RJE BTZUN MA'I SGRUB THABS NYAMS SU BLANG BAR BYA'O SNYAM PA LAN GSUM BYA, MDUN GYI NAM MKHAR SNA TSOGS PADMA DANG ZLA BA'I DKYIL 'KHOR GYI STENG DU T'Am YAm GA DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA MYUR MA DPAL MO SKU MDOG DMAR MO, ZHAL GCIG PHYAG BRGYAD MA, PHYAG DANG PO GNYIS KYIS RDOR DRIL SPYI BOR BSNOL NAS 'DZIN PA, GNYIS PA GNYIS KYIS THUGS KAR MDA' GZHU 'GENGS PA, GSUM PA GNYIS KYIS 'KHOR LO DANG DUNG 'DZIN PA, BZHI PA GNYIS KYIS RAL GRI DANG ZHAGS PA 'DZIN PA, DBU SKRA RAL PA'I THOR TSUGS CAN, RIN PO CHE'I RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS LHAB

, ,LHUB TU GSOL BA, ZHABS SKYIL KRUNG PHYED PA'I STABS KYIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, RANG 'DRA'I YE SHES PA DANG DBANG GI LHA RNAMS SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um GI 'OD ZER GYIS DBANG GI LHA RNAMS SBYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DBANG GI LHA RNAMS KYIS YE SHES KYI BDUD RTZIS GANG BA'I BUM PA THOGS TE, JI LTAR BLTAMS PA TZAM GYIS NI, ,ZHES SOGS KYI MTHAR, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES GSUNGS SHING, DBANG GI LHAS DBANG BSKUR, SKU GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS, 'OD DPAG MED KYIS DBU BRGYAN PAR 'GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BHA WAS STONG PAR SBYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRAm KHAm H'Um LAS BYUNG BA'I SHA LNGA DANG, LAm MAm BAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS

ZHU ZHING KHOL, YI GE GSUM LAS 'OD ZER 'PHROS, SKU GSUNG THUGS KYI RDO RJE GSUM SPYAN DRANGS, YI GE GSUM LA THIM, DE GSUM YANG RAm GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS AOm BADZRA AA MRi TAS BSANGS, SVA BH'A WAS STONG PAR SBYANGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG, BDUG SPOS, MAR ME, DRI CHAB; ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, NAS, SHAPTA A'A: H'Um GI BAR DANG; R'U PA NAS, SPARSHA A'A: H'Um GI BAR BRJOD DE BYIN GYIS BRLABS, SPRON TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AA RGHAm NAS, SPARSHA'I BAR GYIS MCHOD, AOm A'ARYA T'A RE SA PA RI W'A RA AOm A'A: H'Um GIS NANG MCHOD PHUL, BSTOD PA NI, PHYAG 'TSAL SGROL MA MYUR MA DPAL MO, ,SPYAN NI SKAD CIG GLOG DANG 'DRA MA, ,'JIG RTEN GSUM MGON CHU SKYES ZHAL GYI, ,GSER BYE BA LAS NI BYUNG MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR SKU MDOG DANG MTSUNGS PA'I SNGAGS 'PHRENG GIS BSKOR BA LA DMIGS, AOm T'A RE TU TT'A RE TU RE CHE GE MO WA SHAm KU RU SV'AH'A, ZHAS BZLA ZHING, SNGAGS 'PHRENG LAS 'OD ZER DMAR PO LCAGS SGROG DANG ZHAGS PA

, ,LTA BU DPAG TU MED PA SPROS, GANG DBANG DU BSDU BYA'I DGRA DANG LAG 'DREN LA SOGS PA THAMS CAD LCAGS KYU DANG ZHAGS PAS BKUG ,BDAG NYID KYI RKANG PA LA MGOS 'DUD PA'I TSUL GYIS GNAS PA LA SNGAGS 'PHRENG LAS 'OD ZER DMAR PO'I TSOGS SPROS PAS BSGRUB BYA DE RNAMS KYI SDIG SGRIB SBYANGS, BDAG NYID LA GUS PA DANG CHAGS PA'I RANG BZHIN DU GYUR PAR BSAM NA GANG DBANG DU BSDU BYA'I BSGRUB BYA DE NYID RANG NYID KYIS DBANG DU BSDUS NUS PAR 'GYUR RO, ,MJUG TU YIG BRGYAS LHAG CHANG KHA BSKANG, BSNGO SMON GYI RGYAS BTAB, THUN MTSAMS SU YANG KHYER SO GSUM GYI RNAL 'BYOR DANG MA BRAL BAR BYA'O,, ` ,,GNYIS PA RJE BTZUN MA MDANGS SGROL MA'I SGRUB THABS NI, MDUN GYI NAM MKHAR PADMA DANG ZLA BA'I GDAN LA T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA SGROL MA ZHI BA CHEN MO SKU MDOG STON KA'I ZLA BA LTAR DKAR BA, DKAR SNGO SER BA'I ZHAL GSUM PHYAG BCU GNYIS MA, PHYAG DANG PO GNYIS MNYAM GZHAG MDZAD PA, GNYIS PA GNYIS KHA tV'Am GA DANG RIL BA SPYI BLUGS BA SNAMS PA, GSUM PA GNYIS KYIS 'KHOR BA'I 'KHOR LO DANG AUTPA LA, BZHI PA GNYIS KYIS NOR BU DANG DRIL BU, LNGA PA GNYIS KYIS RDO RJE DANG GTER BUM, DRUG PA GNYIS KYIS ME TOG GI 'PHRENG BA DANG PU TI BSNAMS PA, DBU SKRA RAL BA'I THOR TSUGS

CAN; RIN PO CHE'I RGYAN BRGYAD KYIS BRGYAN PA, DAR SNA TSOGS KYI NA BZAS KLUBS PA, 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PAR DMIGS LA, GNAS GSUM BYIN RLABS, DBANG BSKUR RGYAS BTAB BCAS SNGA MA BZHIN, LA RIGS BDAG 'OD DPAG MED, GONG LTAR PHYI MCHOD NANG MCHOD RNAMS BYIN GYIS BRLABS TE PHUL, BSTOD PA NI, PHYAG 'TSAL STON KA'I ZLA BA KUN TU, ,GANG BA BRGYA NI BRTZEGS PA'I ZHAL MA, ,SKAR MA STONG PHRAG TSOGS PA RNAMS KYIS, ,RAB TU PHYE BA'I 'OD RAB 'BAR MA, ,ZHES PAS BSTOD, BZLAS PA NI, AOm T'A RE TUTT'A RE TU RE SH'ANTIm KU RU SV'AH'A, ZHES BZLA ZHING, SNGAGS 'PHRENG LAS 'OD ZER DKAR PO DPAG TU MED PA 'PHROS PA'I SNE LA SGROL MA DKAR MO BDUD RTZIS GANG BA'I BUM PA DKAR PO THOGS PA DPAG TU MED PA SPROS TE RANG DANG BSGRUB BYA'I SBYI BO NAS KHRUS GSOL BAS NAD GDON SDIG SGRIB THAMS CAD DUD KHU DANG, GDON BGEGS RNAMS SDOM DANG SDIG PA'I RNAM PAR DBANG PO'I SGO DANG BA SPU'I SGO NAS PHYIR THON, RANG DANG BSGRUB BYA DE DANG DE'I LUS SHEL SGONG LTAR DAG PAR BSAMS, 'JUG CHOG SOGS SNGAR BZHIN BYA'O,, ` ,,GSUM PA ` RJE BTZUN MA GSER MDOG CAN MA'I SGRUB THABS NI, , SNGON 'GRO'I RIM PA SNGAR LTAR LA, MDUN GYI NAM MKHAR SNA TSOGS PADMA DANG NYI MA'I STENG DU T'Am YIG SER BO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA SKU MDOG GSER

, ,GYI MDOG CAN, ZHAL GCIG PHYAG BCU MA, PHYAG G-YAS KYI DANG POS RIN PO CHE'I 'PHRENG BA THUGS KAR 'DZIN CING, G-YON DANG POS DAR DPYANGS BSNAMS PA, GNYIS PA GNYIS KYIS RAL GRI DANG ZHAGS PA; GSUM PA GNYIS KYIS MDA' DANG PADMA, BZHI PA GNYIS KYIS RDO RJE DANG DRIL BU, LNGA PA GNYIS KYIS DBYUG PA DANG GZHU BSNAMS PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR BZHIN, RDO RJE SKYIL KRUNG GIS BZHUGS PA, GNAS GSUM BYIN RLABS DANG YE SHES PA DGUG GZHUG, DBANG BSKUR SOGS SNGAR BZHIN LA RIGS BDAG 'OD DPAG MED, NANG MCHOD SOGS GONG BZHIN LA, BSTOD PA NI, PHYAG 'TSAL SER SNGO CHU LAS SKYES KYI, ,PADMAS PHYAG NI RNAM PAR BRGYAN MA, ,SBYIN PA BRTZON 'GRUS DKA' THUB ZHI BA, ,BZOD PA BSAM GTAN SPYOD YUL NYID MA, ,ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE PUshtAm KU RU SV'AH'A, DMIGS PA NI, SNGAGS 'PHRENG LAS 'OD ZER GSER BTZO MA'I MDOG CAN MTHA' YAS BA BYUNG, RANG DANG BSGRUB BYA'I LUS DANG, GNAS KHANG SOGS LA PHOG CING 'OD ZER GYI SNE LA RJE BTZUN MA GSER GYI MDOG CAN BDUD RTZI SAR POS GANG BA'I BUM PA SER PO THOGS PA DPAG TU GRANGS MED PA BYON, RANG GZHAN GYI SBYI BO NAS DBANG BSKUR BAS LUS KYI PHYI NANG THAMS CAD GSER BZANG POS BYUGS PA LTA BUR GYUR, TSE DANG LONGS SPYOD THAMS CAD

'PHEL ZHING RGYAS PAR BSAMS, MJUG CHOG RNAMS SNGAR BZHIN NO,, ` ,,BZHI PA ` RJE BTZUN MA GTZUG TOR RNAM BAR RGYAL MA'I SGRUB THABS NI, MDUN GYI NAM MKHAR PADMA SER PO DANG, ZLA BA'I STENG DU T'Am YIG DMAR SER, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA SGROL MA GTZUG TOR RNAM PAR RGYAL MA SKU MDOG GSER GYI MDOG CAN, ZHAL GCIG PHYAG BZHI MA, PHYAG DANG PO GNYIS KYIS MCHOG SBYIN DANG BANDHA BDUD RTZIS GANG BA, 'OG MA GNYIS KYIS 'PHRENG BA DANG DBYUG BA 'DZIN PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR DANG 'DRA BA LA ZHABS SEMS DPA'I SKYIL KRUNG GIS BZHUGS PA, DBANG BSKUR RGYAS 'DEBS, MCHOD PA SOGS SNGAR BZHIN LA, BSTOD PA NI, PHYAG 'TSAL DE BZHIN GSHEGS PA'I GTZUG TOR, ,MTHA' YAS RNAM PAR RGYAL BAR SPYOD MA, ,MA LUS PHA ROL PHYIN PA THOB PA'I; ;RGYAL BA'I SRAS KYIS SHIN TU BSTEN MA, ,ZHES PAS BSTOD, BZLAS PA'I SKABS T'Am YIG GI MTHAR, AOm T'A RE TUTT'A RE TU TT'A RU A'A YU: DZNY'A NA PUshtIm KU RU SV'AH'A, ZHES PA'I SNGAGS 'PHRENG LAS 'OD ZER DMAR SER LCAGS KYU LTA BU 'PHROS PAS 'KHOR 'DAS KYI BCUD THAMS CAD KYI SKRAG MDANGS DANG GZI BRJID THAMS CAD DANG, KHYAD PAR DU TSE'I RIG 'DZIN BRNYES PA THAMS CAD KYI TSE DANG YE SHES THAMS CAD TSE'I BDUD RTZI DMAR SER GYI RNAM PAR BKUG ,BCOM LDAN

, ,'DAS MA'I SKU DANG PHYAG GI THOD PA'I NANG GI BDUD RTZI LA THIM, DE LAS KYANG BDUD RTZI'I RGYUN BABS, RANG BZHIN GYI TSANGS BUG NAS ZHUGS, LUS KYI NANG THAMS CAD GANG DUS DANG DUS MIN GYI 'CHI BA'I 'JIG PA THAMS CAD BSAL, 'CHI MED TSE'I DNGOS GRUB THOB PAR BSAM STE SNGAGS 'BUM PHRAG BZLAS NA TSE LO BRGYU 'PHEL BAR 'GYUR RO, ,MJUG CHOG SNGAR BZHIN NO,, ` ,,LNGA PA H'Um SGRA SGROG PA'I SGROL MA'I SGRUB THABS NI, SNGON 'GRO'I RIM PA SNGAR LTAR LA, MDUN GYI NAM MKHAR PADMA DANG ZLA BA'I GDAN LA T'Am LAS PADMA TAm GYIS MTSAN PA, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA H'Um SGRA SGROG MA SKU MDOG SER MO, ZHAL GCIG PHYAG GNYIS MA, G-YAS MCHOG SBYIN DANG G-YON PADMA SER PO BSNAMS PA, RAL PA'I THOR TSUGS SOGS SNGAR BZHIN LA, ZHABS RDO RJE SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD NAS, BSTOD PA NI, PHYAG 'TSAL TUTT'A RA H'Um YI GES, ,'DOD DANG PHYOGS DANG NAM MKHA' GANG MA, ,'JIG RTEN BDUN PO ZHABS KYIS MNAN TE, ,LUS PA MED PAR 'GUGS PAR NUS MA, ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE CHE GE MO A'A KARsh'A YA HR'I: SV'AH'A, DMIGS PA NI, SNGAGS 'PHRENG LAS 'OD ZER LCAGS KYU DANG, ZHAGS PA DANG, LCAGS SGROG

LTA BU MTHA' YAS PA SPROS, BSGRUB BYA'I MGRIN PA NAS ZHAGS PAS BCINGS, SKYE GNAS NAS LCAGS KYUS PHUG PA'I BDAG NYID LA CHAGS PA'I DBANG GI YID MYOS MGO 'KHOR TE RANG DBANG MED PAR RANG GI DRUNG DU DRANGS PAR BSAM NA BSGRUB BYA'I SBYI DANG, KHYAD PAR PHYAG RGYA DBANG DU 'GYUR TE, ,MJUG CHOG GONG BZHIN NO,, ` ,,DRUG PA 'JIG RTEN GSUM RGYAL MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA DANG NYI MA'I GDAN LA T'Am YIG DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA 'JIG RTEN GSUM LAS RNAM PAR RGYAL MA, SKU MDOG DMAR MO, ZHAL GCIG PHYAG BZHI MA, CUNG ZAD KHROS PA PHYAG DANG PO GNYIS KYIS RDO RJE DANG SDIGS MDZUB MDZAD PA, 'OG MA GNYIS KYIS RAL GRI DANG ZHAGS PA 'DZIN PA, DBU SKRA DANG SMIN MA CUNG ZAD 'DZINGS PA, RGYAN DANG NA BZA' SOGS SNGAR BZHIN LA SEMS DPA'I SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD, BSTOD PA NI, PHYAG 'TSAL BRGYA BYIN ME LHA TSANGS PA, ,RLUNG LHA SNA TSOGS DBANG PHYUG MCHOD MA, ,'BYUNG PO RO LANGS DRI ZA RNAMS DANG, ,GNOD SBYIN TSOGS KYIS MDUN NAS BSTOD MA, ,ZHES PAS BSTOD, THUGS KA'I T'Am YIG GI MTHAR, AOm T'A RE TUTT'A RE TU RE SARBA BIGHN'ANA SHA TRUm AU TZA TRA YA SV'AH'A, DMIGS PA NI SNGAGS 'PHRENG LAS 'OD

, ,ZER DRAG LA RTZUB PA ME'I TSA TSA LTA BU DPAG TU MED PA SPROS, GDON BGEGS LA SOGS PA GNOD PA THAMS CAD ZHO BA THUL TE BSREGS PA'AM, YANG NA GNOD BYED GANG YIN RLUNG GI DKYIL 'KHOR LA GNAS PA'I RNGA MONG SPROS PA LA BSKYON TE RGYA MTSO'I PHA 'GRAM DU BSKRAD PAR BSAMS, MJUG CHOG SNGAR BZHIN NO,, ` ,,BDUN PA ` RJE BTZUN MA RGOL BA 'JOMS MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA SER PO DANG NYI MA'I GDAN LA T'Am YIG DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR BA LAS, ` RJE BTZUN MA RGOL BA 'JOMS MA SKU MDOG NAG MO, ZHAL GCIG PHYAG BZHI MA, PHYAG DANG PO GNYIS KYIS 'KHOR LO DANG SKYE GNAS KYI STENG DU ZHAGS PA 'DZIN PA, 'OG MA GNYIS KYIS RAL GRI DANG SDIGS MDZUB MDZAD PA, KHRO GNYER CUNG ZAD BSDUS SHING, DBU SKRA GYEN DU BRDZES SHING SBRUL DANG COD PHAN SOGS RIN PO CHE'I RGYAN GYIS BRGYAN PA, DAR SER PO'I NA BZA' GSOL BA, ZHABS G-YON BRKYANGS PA'I STABS KYIS BZHUGS PA, GNAS GSUM BYIN RLABS, YE SHES PA SPYAN 'DREN, RIGS BDAG GI RGYAS 'DEBS, MCHOD BCAS GONG LTAR LA, BSTOD PA NI, PHYAG 'TSAL TRAtA CES BYA DANG PHAt KYIS, ,PHA ROL 'KHRUL 'KHOR RAB TU 'JOMS MA, ,G-YAS BSKUMS G-YON BRKYANGS ZHABS KYIS MNAN TE, ,MA 'BAR 'KHRUG PA SHIN TU 'BAR MA, ,ZHES PAS

BSTOD, BZLAS PA NI, RJE BTZUN MA'I THUGS KAR NYI GDAN LA, AOm T'A RE TUTT'A RE TU RE RBOD GZER SARBA BZLOG BHYO SV'AH'A, ZHES BZLA ZHING, DMIGS PA NI, THUGS KA'I SNGAGS 'PHRENG LAS DRAG PO'I 'OD ZER PHYOGS BCUR 'PHROS PAS PHA ROL GYI NGAN SNGAGS MNAN GTAD, BYANG KHA, RBOD GTONG THAMS CAD KYI NUS PA RNAMS NYAMS PAR BYAS, SLAR YANG 'OD ZER GYI TSOGS SPROS PAS SGRUB PA PO RANG NYID LA 'OD ZER GYI GUR PHUB PA'I PHYIN CHAD BYAD KHA RBOD GTONG SOGS KYIS GLAGS BLTA MI NUS PAR BSAM, MJUG CHOG SNGA MA BZHIN NO,, ` ,,BRGYAD PA ` RJE BTZUN MA DBANG MCHOG STER MA'I SGRUB THABS NI, SNGON 'GRO'I RIM PA GONG BZHIN LA, MDUN GYI NAM MKHAR PADMA DMAR PO DANG ZLA BA'I DKYIL 'KHOR GYI STENG DU T'Am YIG SER PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA DBANG MCHOG STER MA SKU MDOG SER MO, ZHAL GCIG PHYAG BZHI MA, PHYAG DANG PO GNYIS KYIS MYA NGAN MED PA'I SHING GI YAL GA DANG PADMA, 'OG MA GNYIS KYIS NOR BU DANG BCAS PA'I MCHOG SBYIN DANG BUM PA BSNAMS PA, DBU SKRA GYEN DU BRDZES PA, RIN PO CHE'I RGYAN DANG DAR BZANG PO'I NA BZA' GSOL BA, 'OD KYI PHUNG PO'I DBUS NA SKYIL KRUNG PHYED PAS CHU SRIN GYI STENG DU BZHUGS PA, GNAS GSUM BYIN RLABS, YE SHES PA DGUG GZHUG ,DBANG BSKUR RGYAS GDAB, MCHOD PA BCAS GONG

, ,BZHIN LA, BSTOD PA NI, PHYAG 'TSAL TU RE 'JIGS PA CHEN MO, ,BDUD KYI DPA' BO RNAM PAR 'JOMS MA, ,CHU SKYES ZHAL NI KHRO GNYER LDAN MDZAD, ,DGRA BO THAMS CAD MA LUS GSOD MA, ,ZHES PAS BSTOD, BZLAS PA NI, RJE BTZUN MA'I THUGS KAR ZLA BA'I DKYIL 'KHOR GYI STENG DU, AOm T'A RE TUTT'A RE TU RE GNOD BYED DGRA BGEGS SARBA M'A RA YA PHAt: DMIGS PA NI, SNGAGS 'PHRED LAS 'OD ZER 'PHROS PA'I SNE LA MTSON CHA MED DPUNG SRIN PO'I TSOGS DPAG TU MED PA SPROS PAS DGRA BO DMIGS PAS LA YOD NA DE'I SNYING DKAR NAG GI MTSAMS NA SROG GI NGO BO MAR ME LTA BU YOD PA NAG THUG GYIS BSAD, SHA KHRAG RUS PA TSOGS SU ROL PAR BSAMS, MJUG CHOG SNGAR LTAR RO,, ` ,,DGU PA ` RJE BTZUN BTZUM MA MCHOG STZOL MA'I SGRUB THABS NI, MDUN GYI NAM MKHAR PADMA DMAR PO DANG ZLA BA'I GDAN LA T'Am YIG DMAR PO DE LAS 'OD ZER 'PHROS ,DON GNYIS BYAS, TSUR 'DUS YONGS SU GYUR PA LAS, RJE BTZUN MA MCHOG STZOL SGROL MA SKU MDOG DMAR MO ZHAL GCIG PHYAG BZHI MA, DANG PO GNYIS KYIS RDOR DRIL SPYI BOR BSNOL TE 'DZIN CING, G-YAS 'OG MA GAR STABS DANG G-YON 'OG MA MCHOG SBYIN GYI PHYAG RGYAS MYA NGAN MED PA'I SHING GI YAL GA 'DZIN PA, DBU SKRA RAL PA'I THOR TSUGS DANG, RGYAN NA BZA' SOGS SNGAR BZHIN LA ZHABS GNYIS BGRAD PA'I STABS KYIS BZHUGS PA, SGO GSUM BYIN

RLABS YE SHES PA DGUG GZHUG ,DBANG BSKUR RGYAS BTAB, PHYI NANG GI MCHOD PA SOGS SNGAR BZHIN LA, BSTOD PA NI, PHYAG 'TSAL DKON MCHOG GSUM MTSON PHYAG RGYA'I, ,SOR MOS THUGS KAR RNAM PAR BRGYAN MA, ,MA LUS PHYOGS KYI 'KHOR LOS BRGYAN PA'I, ,RANG GI 'OD KYI TSOGS RNAMS 'KHRUG MA, ,ZHES PAS BSTOD, BZLAS PA NI, SGROL MA'I THUGS KAR ZLA GDAN LA, AOm T'A RE TUTT'A RE TU RE CHE GE MO LA GNOD PA SARBA RAKshA SV'A H'A, ZHES BZLA BA'I SKABS SU DMIGS PA NI, SNGAGS 'PHRENG LAS 'OD ZER DKAR PO SPROS PA'I RTZE MOR GANG LA GANG 'TSAMS PA'I THABS TSUL SNA TSOGS PAS TSE 'DIR LUS SEMS SDUG BSNGAL BAR BYED PA'I 'JIG PA CHEN PO BRGYAD LA SOGS PA 'JIG PA THAMS CAD LAS SKYOB PAR BSAM, YANG SNGAGS 'PHRENG LAS BDUD RTZI DKAR PO'I RGYUN BABS RANG GI SPYI BO NAS ZHUGS, SDIG SGRIB THAMS CAD SBYANGS TE PHYI MA PHAN CHAD KYI 'JIG PA THAMS CAD LAS SKYOB PAR BSAMS, MJUG GI BYA BA RNAMS SNGAR BZHIN NO,, ` ,,BCU PA ` RJE BTZUN MA MYA NGAN SEL BA'I SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA MYA NGAN SEL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS SPYI BOR THAL MO SBYAR BA, 'OG MA GNYIS RAL GRI DANG, MYA NGAN MED PA'I SHING GI

, ,YAL GA 'DZIN PA, DBU SKRA RAL PA'I THOR TSUGS DANG RGYAN NA BZA' DANG, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL RAB TU DGA' BA BRJID PA'I, ,DBU BRGYAN 'OD KYI 'PHRENG BA SPEL MA, ,BZHAD PAR BZHAD TUTT'A RA YIS, ,BDUD DANG 'JIG RTEN DBANG DU MDZAD MA, ,ZHES PAS BSTOD, BZLAS BA NI, ,SGROL MA'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SARBA P'A PAm M'A RA YA H'Um PHAt: CES BZLA SKABS DMIGS PA NI, SNGAGS 'PHRENG LAS 'OD ZER DMAR SMUG GI TSOGS SPROS PAS BDUD DANG MU STEGS DANG, 'JIG RTEN KHAMS KYI SEMS CAN THAMS CAD KYI BSAM SBYOR NGAN PA MTHA' DAG GI SDIG SGRIB THAMS CAD SBYANGS, BDAG NYID LA DGA' BA DANG GUS PA'I SGO NAS DBANG DU GYUR BAR BSAMS, MJUG GI BYA BA RNAM SNGAR BZHIN NO,, ` ,,BCU GCIG PA PHONG PA SEL BA'I SGROL MA'I SGRUB THABS NI, MDUN GYI NAM MKHAR PADMA DANG NYI MA'I STENG DU T'Am YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU 'GYUR PA LAS ` RJE BTZUN MA PHONGS PA SEL BAR MDZAD MA SKU MDOG MUN PA'I MDOG CAN ZHAL GCIG PHYAG GNYIS MA, PHYAG G-YAS KYIS LCAGS KYUS PHYOGS MTSAMS BRGYAD NAS GZA' BRGYAD 'GUGS PAR MDZAD CING, G-YON PHONGS PA SEL BA'I LCAGS KYU ZHAGS PA DANG BCAS PA BSNAMS PA, CUNG ZAD

KHROS SHING, DBU SKRA GYEN DU BRDZES PA, RIN PO CHE'I RGYAN NA BZA' SOGS SNGAR BZHIN LA ` ZHABS G-YAS BRKYANGS PA'I ROL PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI SKYONG BA'I TSOGS RNAMS, ,THAMS CAD 'GUGS PAR NUS PA NYID MA, ,KHRO GNYER G-YO BA'I YI GE H'Um GIS, ,PHONGS BA THAMS CAD RNAM PAR SGROL MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR, AOm DZA MBHI NI MO HI SV'A H'A, ZHES BZLA BA'I TSE, SNGAGS 'PHRENG LAS 'OD ZER DMAR PO LCAGS KYU LTA BU PHYOGS BCUR SPROS PAS 'JIG RTEN KHAMS KYI LHA MI KLU LA SOGS PA SKYE RGYU THAMS CAD DANG, NOR LONGS SPYOD, GSER DNGUL, RIN PO CHE DBYiG LA SOGS PA DANG, 'BRU BANG MDZOD, RKANG 'GRO LA SOGS PA'I PHUN TSOGS THAMS CAD RANG DBANG MED PAR DBANG DU BSDUS, RANG GI YUL KHYIM PAR MDZOD SOGS GANG BAS DBUL PHONGS KYI SDUG BSNGAL ZHI BAR BSAMS, MJUG GI BYA BA SNGAR BZHIN NO,, ` ,,BCU GNYIS PAS BKRA SHIS 'BYUNG BA'I SGROL MA'I SGRUB THABS NI, MDUN GYI NAM MKHAR SNA TSOGS PAD ZLA'I GDAN LA T'Am YIG SER PO DA LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BKRA SHIS 'BYUNG BA'I SGROL MA SKU MDOG GSER GYI MDOG CAN, ZHAL GCIG PHYAG BRGYAD MA, G-YAS DANG POS RTZE GSUM DANG, G-YON DANG POS NOR BU RIN PO CHE

, ,THUGS KAR 'DZIN PA, GNYIS PA GNYIS KYIS LCAGS KYU RE, GSUM PA GNYIS KYIS RDO RJE DANG DBYUG PA, BZHI PA GNYIS KYIS RAL GRI DANG BUM PA BSNAMS PA, DBU SKRA RAL PA'I THOR TSUGS CAN, RGYAN NA BZA' GONG DANG 'DRA BA LA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTONG PA NI, PHYAG 'TSAL ZLA BA'I RTZE MOS DBU RGYAN, ,BRGYAN PA THAMS CAD SHIN TU 'BAR MA, , RAL PA'I KHROD NA 'OD DPAG MED LAS, ,RTAG PAR SHIN TU 'OD NI MDZAD MA, ,ZHES PAS BSTOD, BZLAS PA NI, SGROL MA'I THUGS KAR T'Am YIG GI MTHAR, AOm MNGGA LA PUshtIm KU RU SV'A H'A, ZHES BZLA SKABS SNGAGS 'PHRENG LAS 'OD ZER GSER BTZO MA LTA BU SPROS, 'JIG RTEN DANG 'JIG RTEN LAS 'DAS PA'I PHUN TSOGS THAMS CAD BKRA SHIS RTAGS BRGYAD DANG RGYAL SRID SNA BDUN LA SOGS PA'I RNAM PAR SPYAN DRANGS TE, BDAG NYID LA THIM PAS BKRA SHIS BDE LEGS KYIS KHYAB PAR BSAMS, MJUG GI BYA BA SNGAR BZHIN NO,, ` ,,BCU GSUM PA SMIN BYED SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHRAS, DON GNYIS BYAS, TSUR 'DUS YONGS SU GYUR PA LAS, SMIN BYED SGROL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS RAL GRI DANG 'KHOR LO, 'OG MA GNYIS

KYIS MNGA' DANG GZHU BSNAMS PA, SMIN MA DANG MCHU GYEN DU PHYOGS BA DBU SKRA GYEN DU BRDZES PA, GDAN NA BZA' SOGS SNGAR BZHIN LA, ZHABS G-YAS BRKYANGS G-YON BSKUMS PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL BSKAL PA THA MA'I ME LTAR, ,'BAR BA'I 'PHRENG BA'I DBUS NA GNAS MA, ,G-YAS BRKYANGS G-YON BSKUMS KUN NAS BSKOR DGA', ,DGRA YI DBUNG NI RNAM PAR 'JOMS MA, , ZHES PAS BSTOD, BZLAS PA NI, RJE BTZUN MA'I THUGS KAR, AOm SVATA BHAS MI KU RUS SV'AH'A, SNGAGS 'PHRENG SA BON DANG BCAS PA LAS 'OD ZER RDO RJE'I RANG BZHIN DPAG TU MED PA BYUNG BAS BDAG DANG BSGRUB BYA GANG YIN LA RDO RJE RVA BA'I GUR PHUB PAS BAR CHOD GANG GIS KYANG MI TSUGS PAR BSAMS, MJUG GI BYA BA RNAMS SNGAR BZHIN NO,, ` ,,BCU BZHI PA KHRO GNYER CAN MA'I SGRUB THABS NI, MDUN GYI NAM MKHAR PADMA DANG NYI MA'I DKYIL 'KHOR GYI DBUS SU TA'm YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA KHRO GNYER CAN MA SKU MDOG NAG MO, NAG DKAR DMAR BA'I ZHAL GSUM PHYAG DRUG GI PHYAG DANG PO GNYIS KYIS RAL GRI DANG THOD PA, GNYIS PA GNYIS KYIS LCAGS KYU DANG ZHAGS PA, GSUM PA GNYIS KYIS DBYUG PA DANG TSANGS MGO BSNAMS PA, ZHAL RE RE YANG SBYAN GSUM PA KHRO GNYER DANG LDAN PA, MI'I RGYU MA ZHAL DU GSOL BA, SMIN MA DANG DBU SKRA

, ,KHAM SER GYEN DU BRDZES PA, THOD PA LNGA'I DBU RGYAN DANG, LNGA BCU'I NGO SHAL CAN, STAG GI PAGS PA'I SHAM THABS DANG SPRUL GYIS BRGYAN PA PHYOGS MTSAMS BZHIR MYU GU 'DZIN PA, ZHABS G-YAS BRKYANG BA'I GAR STABS KYIS YI DVAGS MTHU BO CHE MNAN NAS ME DPUNG GIS DBUS NA BZHUGS PA, SGO GSUM BYIN RLABS NAS, MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI'I NGOS LA PHYAG GI ,MTHIL GYIS BSNUN CING ZHABS KYIS BRDUNG MA, ,KHRO GNYER SPYAN MDZAD YI GE H'Um GIS, ,RIM PA BDUN PO RNAMS NI 'GEMS MA, ,ZHES PAS BSTOD, RJE BTZUN MA'I THUGS KAR T'Am YIG GI MTHAR, AOm BADZRA T'A RE BADZRA MH'A PA TA AA SMI KU RU SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER DRAG LA RTZUB PA ME DPUNG DANG, GNAM LCAGS KYI THOG DANG, MNGA' MDUNG RAL GRI LA SOGS PA MTSON CHA'I TSOGS DPAG TU MED PA SPROS PAS DGRA BGEGS BYAD MA THAMS CAD CHER BCAD PAR BSAMS, MJUG MCHOG SNGAR BZHIN NO,, `,,BCO LNGA PA LA RJE BRTZUN MA ZHI BA CHEN MO'I SGRUB THABS NI, MDUN GYI NAM MKHAR PAD ZLA'I STENG DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA ZHI BA CHEN MO SKU MDOG DKAR MO, ZHAL GCIG PHYAG DRUG NAM, G-YAS DANG POS 'PHRENG BA THUGS KAR BSNAMS SHING, G-YON DANG POS PADMA 'DZIN

PA; BAR MA GNYIS KYIS MCHOG SBYIN DANG RIL BA SPYI BLUGS, ,'OG MA GNYIS KYIS DBYUG PA DANG PU TI BSNAMS PA, DBU SKRA RAL PA'I THOR TSUGS CAN, RIN PO CHE'I DBU RGYAN LA SOGS PA RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS BSNAMS PA, SKU LAS SKYES PA'I 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'CHAL BDE MA DGE BA ZHI MA, ,MYA NGAN 'DAS ZHI SPYOD YUL NYID MA, ,SV'AH'A AOm DANG YANG DAG LDAN PAS, ,SDIG PA CHEN PO 'JOMS PA NYID MA, ,CES PAS BSTOD, RJE BTZUN MA'I THUGS KAR SA BON GYI MTHAR, AOm TU RE SARBA P'A PAm PRA SHA MA NA YE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS, LHA MO DKAR MO BUM PA DKAR PO BDUD RTZI DKAR POS GANG BA BSNAMS PA RNAMS KYIS BDAG DANG BSGRUB BYA ZLA BA'I DKYIL 'KHOR LA GNAS PA LA KHRUS GSOL BAS SDIG SGRIB DANG NAD GDON THAMS CAD SBYANGS, LUS SHEL LTAR DAG PAR BSAMS, MJUG GI BYA BA RNAMS GONG BZHIN NO,, ` ,,BCU DRUG PA CHAGS 'JOMS SGROL MA'I SGRUB THABS NI; MDUN GYI NAM MKHAR PAD NYI'I DKYIL 'KHOR GYI STED DU, T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA CHAGS 'JOMS SGROL MA SKU MDOG DMAR

, ,MO; ZHAL GCIG PHYAG GNYIS MA, G-YAS THUGS KAR RTZE GSUM DANG, G-YON MYA NGAN MED PA'I SHING GI 'BRAS BU 'DZIN PA, DBU SKRA PHYED BCINGS SU BYAS PA'I LHAG MA BSIL BUR BABS PAS SKU STOD KHEBS PA, RIN PO CHE'I DBU RGYAN, SNYAN RGYAN, MGU LA RGYAN, PHYAG GDUB, ZHABS GDUB SOGS RIN PO CHE'I RGYAN DANG DAR GYI NA BZAS KLUBS PA 'OD KYI PHUNG PO'I DBUS NA ZHABS SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL KUN NAS BSKOR RAB DGA' BA'I, ,DGRA YI LUS NI RAB TU 'GEMS MA, ,YI GE BCU PA'I NGAG NI BKOD PA'I, ,RIG PA H'Um LAS SGROL MA NYID MA, ,ZHES PAS BSTOD, RJE BTZUN MA'I THUGS KAR, AOm TU RE SARBA DHARMA PRADZNY'A PRA TI P'A RI SHO DHA NI SV'AH'A, CES BZLA SKABS SNGAGS 'PHRENG SA BON DANG BCAS PA LAS 'OD ZER NYI MA SHAR KHA'I MDOG LTA BU DPAG TU MED PA SPROS PAS GSANG SNGAGS DANG RIG SNGAGS THAMS CAD KYI NUS MTHU DANG, TSUNGS PA DANG, BRGYA BYIN DANG, GNAS LNGA RIG PA'I PAndI TA RNAMS KYI SHES RAB DANG, SANGS RGYAS DANG BYANG CHUB SEMS DPA' THAMS CAD KYI MKHYEN RAB THAMS CAD 'OD ZER GYI RNAM PAR SPYAN DRANGS, BDAG NYID LA THIM PAS THOS BSAM SGOM PA'I SHES RAB DANG, LUNG RTOGS KYI YON TAN THAMS CAD RGYAS PAR BSAMS, MJUG GI BYA BA RNAMS

GONG BZHIN NO,, ` ,,BCU BDUN PA BDE SGRUB SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BDE BA SBYIN MA SKU MDOG DMAR SER, ZHAL GCIG PHYAG GNYIS KYIS THUGS KAR ZLA BA'I DKYIL 'KHOR BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS PA, SEMS DPA'I SKYIL KRUNG GIS 'OD KYI PHUNG PO'I DBUS NA BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL TU RE'I ZHABS NI BRDABS PAS ,H'Um GI RNAM PA'I SA BON NYID MA, ,RI RAB MAnDHA RA DANG 'BIGS BYED, ,'JIG RTEN GSUM RNAMS G-YO BA NYID MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE CHE GE MO SARBA STAMBHA NI T'A RE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA LCAGS SGROG ,ZHAGS PA, PHUR BU, RDO RJE RI RAB LA SOGS PA DPAG TU MED PA SGROS, LCAGS SGROG DANG ZHAGS PAS DGRA DANG, CHOM RKUN THAMS CAD BCINGS, PHA ROL GYI NGAN SNGAGS THAMS CAD PHUR BUS GDAB, RIM PA DGU'I SA 'OG TU DOR, RDO RJE RI RAB KYIS MNAN PAR BSAMS, MJUG GI BYA BA SNGAR BZHIN NO,, ` ,,BCO BRGYAD PA DUG SEL SGROL MA'I SGRUB THABS NI, MDUN GYI NAM MKHAR

, ,BAD ZLA'I STER DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA DUG SEL SGROL MA SKU MDOG STON KA'I ZLA BA LTAR DKAR BA, ZHAL GCIG PHYAG BZHI'I DANG PO GNYIS SPYI BOR BSNOL BAS LCAGS KYU 'DZIN PA, 'OG MA GNYIS KYIS MCHOG SBYIN DANG BCAS PA'I ZLA BA'I DKYIL 'KHOR DANG, AUTPA LA'I STENG DU GLEGS BAM GYI MTSAN PA 'DZIN PA, DBU SKRA RAL PA'I THOR TSUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB SOGS RIN PO CHE'I RGYAN GYIS BRGYAN PA DANG NGAR SNA TSOGS KYI NA BZA' CAN, 'OD KYI DKYIL 'KHOR GYI DBUS NA, NGANG PA'I STENG DU SKYIL KRUNG PHYED PAS BZHUGS PA, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL LHA YI MTSO YI RNAM PA'I, ,RI DVAGS RTAGS CAN PHYAG NA BSNAMS MA, ,T'A RA GNYIS BRJOD PHAt KYI YI GES; ;DUG RNAMS MA LUS PA NI SEL MA, ,CES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE SARBA N'A GA SH'ANTIm KU RU SV'AH'A, ZHES PA'I SNGAGS 'PHRENG BON DANG BCAS PAS BSKOR BA LAS, 'OD ZER DKAR PO GA BUR GYI RGYUN LTA BU BSIL BA'I RANG BZHIN CAN DPAG TU MED PA SPROS, RANG DANG BSGRUB BYA'I LUS LA THIM PAS KLU DANG, SA BDAG GI NAD THAMS CAD SDIG SBRUL DANG SBAL LCONG GI RNAM PAR BA SPU'I SGO THAMS

CAD NAS PHYIR PHUNG, LUS DVANGS GSAL 'OD KYI RANG BZHIN CAN DU SONG BAR BSAMS, MJUG GI BYA BA RNAMS SNGAR BZHIN NO,, ` ,,BCU DGU PA SDUG BSNGAL SEL BA'I SGROL MA'I SGRUB THABS NI, MDUN GYI NAM MKHAR PAD NYI'I DKYIL 'KHOR GYI STENG DU TAm YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE MA SDUG BSNGAL SEL PA'I SGROL MA SKU MDOG DKAR MO, ZHAL GCIG PHYAG GNYIS KYIS THUGS KAR ME THAB BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZA' GSOL BA, 'OD KYI PHUNG PO'I DBUS NA SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL LHA YI TSOGS RGYAL PO DANG, ,LHA DANG MI 'AM CI YIS BSTEN MA, ,KUN NAS GO CHA DGA' BA'I BRJID KYIS, ,RTZOD DANG RMI LAM NGAN PA SEL MA, ,ZHES PAS BSTOD, BZLAS PA NI ^ RJE BTZUN MA'I THUGS KAR SA BON GYI MTHAR, AOm TU RE MO TZA NA SV'AH'A, ZHES PA'I BSKOR BA LAS, 'OD ZER DKAR PO'I TSOGS SPOS PAS PHAN TSUN RTZOD PA DANG, RMI LAM NGAN PA GANG RMI BA DE DAG LA REG PAS SO SOR ZHI ZHING, RTZOD PA PO RNAMS BYAMS PA'I SEMS DANG LDAN PA DANG, MTSAN MA NGAN PA RNAMS DGE MTSAN PHUN SUM TSOGS PAR BSGYUR BAR BSAMS LA BZLAS PA BYA ZHING, KHYAD PAR RJE BTZUN MA 'DI'I LTE BAR ZLA

, ,BA'I DKYIL 'KHOR LA BSGRUB BYA BKOD DE SNGAGS BZLAS NA BTZON KHANG LAS THAR BAR 'GYUR RO, ,MJUG GI BYA BA RNAMS GONG BZHIN NO,, ` ,,NYI SHU PA RIMS NAD SEL BA'I SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ^ RJE BTZUN MA RIMS NAD SEL BA'I SGROL MA SKU MDOG DMAR SER, ZHAL GCIG PHYAG GNYIS MA, PHYAG GNYIS KYIS GSER GYI BUM PA THUGS KAR PA BSNAMS PA, DBU SKRA RAL PA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS SHING ZHABS GNYIS SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL NYI MA ZLA BA RGYAS PA'I, ,SPYAN GNYIS PO LA 'OD RAB GSAL MA, ,HA RA GNYIS BRJOD TU TT'A RA YIS, ,SHIN TU DRAG PO'I RIMS NAD SEL MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE BI SA RA TA SV'A H'A, ZHES PAS BSKOR PA LAS 'OD ZER 'PHROS PA'I SNE LA ^ RJE BTZUN MA ZHI KHRO MTHA' YAS BA SPROS, ZHI BA RNAMS KYI SKU LAS YE SHES KYI BDUD RTZI'I RGYUN BABS, NAD BDAG RIMS BDAG LA SOGS PA RNAMS TSIMS PAR BYAS, ZHI BA'I CHOS BSHAD PAS GNOD 'TSE'I BSAM SBYOR DANG BRAL NAS SO SO'I GNAS SU SONG

PAR BSAMS, KHRO MO RNAMS KYIS ZHI BAS 'DUL BAR MA NUS PA RNAMS DRAG PO'I LAS KYI TSAR BCAD PAR BSAMS, MJUG GI BYA BA RNAMS GONG BZHIN NO,, ` ,,NYER GCIG PA RJE BTZUN MA YONGS RDZOGS SGROL MA'I SGRUB THABS NI, MDUN GYI NAM MKHAR KHYU MCHOG GI STENG DU PADMA DANG ZLA BA'I GDAN LA T'Am YIG DKAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA YONGS RDZOGS SGROL MA SKU MDOG DKAR MO, ZHAL GCIG PHYAG GNYIS KYIS BGRANG 'PHRENG DANG RTZE GSUM BSNAMS PA, SPYAN GSUM MA, DBU SKRA RAL PA'I THOR COG CAN, RIN PO CHE'I RGYAN DANG STAG GI PAGS PA'I SHAM THABS CAN, RANG 'OD KYIS DKYIL 'KHOR GYI DBUS SU SKYIL KRUNG PHYED PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL DE NYID GSUM RNAMS BKOD PAS, ,ZHI BA'I MTHU DANG YANG DAG LDAN MA, ,GDON DANG RO LANGS GNOD SBYIN TSOGS RNAMS, ,'JOMS PA TU RE RAB MCHOG NYID MA, ,ZHES PAS BSTOD, BZLAS PA'I SKABS RJE BTZUN MA'I THUGS KAR SA BON GYI MTHAR, AOm TU RE SA TA PA SV'AH'A, ZHES PA'I BSKOR BA LAS 'OD ZER DKAR SER DMAR SNGO BZHI SPROS PAS ZHI RGYAS DBANG DRAG GI LAS RNAMS 'GRUB PAR BSAMS, MJUG GI BYA BA RNAMS GONG BZHIN LA, RJE BTZUN MA 'DI DAG GI SGO NAS LAS TSOGS BSGRUB PA LA SNGON DU YI GE BCU PA 'BRU

, ,'BUM BZLA DGOS SHING, BDAG BSKYED KYANG SGROL MA KUN GYI SPRUL GZHI SENG LDENG NAGS SGROL GYI RNAL 'BYOR BSGOM PA'AM MDUN GYI GSOL BA 'DEBS YUL GYI SGROL MA'I BDAG BSKYED GANG RUNG BSGOM PAS CHOG CING, SNGAR BSHAD PA'I LAS TSOGS DE DAG GI NANG NAS RANG NYID GANG 'DOD PA'I LHA'I RNAL 'BYOR DANG SNGAGS BZLAS PAS CHOG PA YIN CING, SGROL MA NYER GCIG PO THAMS CAD KYI MNGON RTOGS DANG SNGAGS RGYUN GCIG LA BZLA DGOS PA'I NGES PA MED DO,, ,,SMRAS PA, ,SPRIN BRAL MKHA' LA MRGAD BZHU BLUGS KYI, ,DO MTSAR SNA TSOGS RI MO BKOD PA BZHIN, ,SMIN LEGS STONG GI MDZES PA 'PHROG BYED PA'I, ,PHYI NAD 'JIGS LAS SKYOB MDZAD BCOM LDAN MAS, ,'GRO BLO'I MUN PA MA LUS SEL BA'I THABS, ,GRUB MCHOG NYI MA SBAS PA LA GDAMS PA'I, ,GCIG LHAG BCU PHRAG ZUNG GI GDAMS PA MCHOG ,RGYUD SDE'I MAN DAG DU MAS BRGYAN PA 'DI, ,SKAL BZANG DPYOD LDAN RNAL 'BYOR PHO MO YI, ,CI 'DOD 'PHRIN LAS SNA TSOGS RIN PO CHE, ,MA LUS MYUR DU 'GUGS PA'I LCAGS KYU STE, ,YID LA CI BSAM STER BA'I RIN CHEN YIN, ,'DIR 'BAD DGE TSOGS MES PO'I RAL KLUNG RGYUN, ,SKAL LDAN YID KYI RDZING BUR RAB ZHUGS TE, ,DNGOS GRUB CHU SKYES RGYAS PA'I 'DAB BRGYA'I RTZER, ,SKU GSUM ZE'U 'BRU DKAR POS MDZES GYUR CIG ,CES SOB DPON NYI MA

SBAS PA'I LUGS KYI SGROL MA NYER GCIG GI SGRUB THABS, BSKYED RIM LA SLOB TSUL GYI DMIGS BSKOR MDOR BSDUS DANG, BSNYEN BSGRUB LAS GSUM JI LTAR BYA BA'I TSUL 'DI LTA BU ZHIG DGOS ZHES GUNG BDE LEGS RDO RJE'I SHOG DGE TSUL MA YE SHES CHOS 'DZIN GYIS BSKUL BA'I NGOR ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL GYIS GZIMS CHUNG YID DGA' CHOS 'DZIN DU SBYAR BA'O,, 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, , AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SBEL; ;SARBA DZA GA TAm,

*, ,RJE BTZUN BSTAN PA'I 'KHOR LO DANG DBYANGS CAN LHA MO GNYIS KYI BSTOD PA DANG, ` SLOB DPON NYI MA SBAS PA'I LUGS KYI SGROL MA NYER GCIG GI SGRUB THABS BSKYED RIM LA SLOB TSUL GYI DMIGS SKOR MDOR BSDUS DANG BSNYEN SGRUB LAS GSUM JI LTAR BYA BA'I TSUL BCAS BZHUGS SO, @1 #, ,NA MO GU RU SVA RA SVA STI YE, SHES BYA'I DNGOS KUN MKHYEN PA'I SBYAN GYI DKYUS, ,CHES RING NAM MKHA'I SKA RAGS GZUGS DANG MTSUNGS, ,'GRO KUN 'DZUM GYIS BSU BA'I ZHAL DKYIL MCHOG ,NYIN BYED LTAR RGYAS SMRA BA'I SENGGER 'DUD, ,DRUG CU'I DBYANGS LDAN GLU MCHOG LEN LA MKHAS, ,'JO SGEG GAR GYI RNAM 'GYUR DU MAS BREL, ,SGRA DBYANGS LHA MOS SKAL LDAN BDAG CAG LA, ,NGAG GI DNGOS GRUB DAM PA STZAL DU GSOL, ,ZLA SRING 'PHANG 'GRO'I DBYANGS SNYAN RAB THOS PAS, ,RMAD BYUNG BLO GROS MCHOG TU YANGS PA DANG, ,RNAM DBYAD DAR BABS LEGS BSHAD MA LUS KUN, ,SGROG PA'I SPOBS PA MCHOG GI DNGOS GRUB STZOL, ,SMRA BA'I DBANG PHYUG RJE BTZUN 'JAM DBYANGS LA, ,SHUGS DRAG DVANG BAS RTZE GCIG GSOL BTAB

, ,MTHUS, ,BDAG KYANG MGON KHYOD SHES BYA MTHA' DAG LA, ,DBANG BSGYUR SHES RAB DRI MED SNANG BA STZOL, ,CHE DANG GSAL DANG MYUR CING ZAB PA YI, ,BLO GROS SPOBS PA'I SHES RAB RNON BO YIS, ,MDO SNGAGS ZAB MO'I GNAD RNAMS LEGS RTOGS NAS, ,'GRO RNAMS THEG MCHOG LAM LA 'GOD PAR SHOG ,CES PA 'DI NI SHING YOS LO MGO ZLA BA'I NANG GZA' SKAR PHUN SUM TSOGS PA DANG BSTUN, ^ RJE BTZUN BSTAN PA'I 'KHOR LO DANG DBYANGS CAN LHA MO GNYIS LA BSNYEN MTSAMS BGYIS SKABS ^ YONGS 'DZIN DAM PA RJE ZHAL SNGA NAS BLO BZANG TSUL KHRIMS KYIS LHAG PA'I LHA MCHOG 'DI RNAMS LA BSTOD PA 'DI LTA BU ZHIG DGOS ZHES GSUNG GIS BSKUL MA MDZAD PA LTAR, ^ SH'AKYA'I BTZUN PA BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS GZIMS CHUNG BKA' GDAMS PHO BRANG DU NA TSOD DANG BSTUN G-YAR KHRAL TZAM DU SBYAR BA'O,, DGE LEGS 'PHEL,, ` ,,SLOB DPON NYI MA SBAS PA'I LUGS KYI ^ SGROL MA NYER GCIG GI SGRUB THABS DANG BSKYED RIM LA SLOB TSUL GYI DMIGS SKOR MDOR BSDUS BSNYEN SGRUB LAS GSUM JI LTAR

BYA BA'I TSUL BCAS BZHUGS SO,, ` ,,NA MO A'ARYA T'A RE, LHA MI'I CHE RGU'I GTZUG RGYAN RLABS 'PHRENG GI ,GANG GI ZHABS PAD LAN BRGYAR DAG BYAS PA, ,'GRO KUN 'JIGS CHEN BRGYAD LAS SKYOB MDZAD PA'I, ,'PHAGS MA SGROL MA'I ZHABS LA SNYING NAS 'DUD, ,'DIR SLOB DPON NYI MA SBAS PA'I LUGS KYI SGOL MA NYI SHU RTZA GCIG GI SGRUB THABS NYAMS SU LEN PAR 'DOD PAS, THOG MAR SGROL MA THAMS CAD KYI SPRUL GZHI SENG LDENG NAGS KYI SGROL MA'I SGRUB THABS NI, GNAS KHANG BYI DOR BYAS LA RJE BTZUN MA SGROL MA'I SKU GZUGS BRIS 'BUR GANG YANG RUNG BA DGRAM, DE'I MDUN DU CHU GNYIS SNGON 'GRO'I NYER SBYOD DANG; DMAR GTOR ZLUM PO BSHOS BU NYER GCIG GIS BSKOR BA SOGS MCHOD PA G-YO MED CING BKOD PAS MDZES BAR BSHAMS, RANG GI MDUN DU NANG MCHOD KYI KA P'A LA RDOR DRIL SOGS MED MI RUNG GI YO BYAD RNAMS TSOGS PAR BYAS, STAN BDE BA LA 'KHONG DE DGE SEMS KHYAD PAR CAN GYI DAD NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, DNGOS GZHI NI, ` RANG NYID RJE BTZUN MA SENG LDENG NAGS KYI SGROL MAR GSAL BA'I THUGS KAR ZLA BA LA GNAS PA'I T'Am YIG LJANG GU'I 'OD ZER GYIS RANG BZHIN GYI GNAS NAS BLA MA DANG GNYIS SU MED PA'I RJE BTZUN MA SENG LDENG NAGS KYI SGROL MA LA, SGROL MA

, ,NYER GCIG DANG SANGS RGYAS BYANG CHUB SEMS DPA'I TSOGS KYIS BSKOR BA MDUN GYI NAM MKHAR SBYAN DRANGS 'OD ZER RANG GI SNYING GAR THIM PAR GYUR, GANG GI DRIN GYI BDE CHEN NYID, , SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,LHA DANG LHA MIN COD PAN GYIS, ,ZHES SOGS KYI PHYAG BYA, AOm GU RU A'ARYA T'A RE SA PA RI W'A RA AARGHAm NAS, SHAPTA'I BAR GYIS MCHOD, DKON MCHOG GSUM LA BDAG SKYABS MCHI, ,ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SKYABS 'GRO SEMS BSKYED DANG, SANGS RGYAS BYANG CHUB SEMS DPA' KUN, ,ZHES SOGS KYIS SNGAGS SDOM BZUNGS, MA GYUR SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,CES SOGS TSAD MED BZHI BSGOM, TSOGS ZHING RNAMS RANG LA THIM PAS BYIN GYIS BRLABS PAR GYUR, PAR BSAM BA NI SBYANG GZHI 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYE GNAS MYONG 'GYUR GYI LAS BSOD NAMS KYI TSOGS GSOG PA DANG CHOS MTHUN, DE LTA BU'I LAS 'DU BYAS PA'I MTHAR 'CHI BA 'OD GSAL MNGON DU BYED PA DANG CHOS MTHUN PAR YE SHES KYI TSOGS GSOG PA NI, BDAG GI MA 'ONGS PA NA 'BYUNG 'GYUR GYI 'CHI BA SBYANG BAR BYA, DES DON GYI 'OD GSAL MYUR DU 'CHAR BA DANG 'BRAS BU CHOS SKU 'GRUB PA'I NUS PA KHYAD

PAR CAN BZHAG PAR BYA'O SNYAM DU BSAMS LA, AOm SH'U N+YA T'A DZNY'A NA BADZRA SVA BH'A WA A'ATMAKONYHAm, ZHES BRJOD PA'I TSE RANG GI SNYING GA'I T'Am YIG LAS 'OD ZER 'PHROS SNOD BCUR THAMS CAD LA PHOG PAS SNOD THAMS CAD GZHAL YAS KHANG DANG BCUD THAMS CAD RJE BTZUN MA'I SKUR GYUR, SNOD BCUD 'OD DU ZHU NAS RANG LA THIM PA'I TSE MIG SGYU LTA BU'I RNAM PA 'CHAR BAR BSGOM, RANG YANG STOD SMAD NAS RIM GYI 'OD DU ZHU TE SNYING GA'I H'Um LA THIM, DU BA LTA BU'I NYAMS SHAR BAR MOS, H'Um GI ZHABS KYU HA LA THIM PA'I TSE MKHA' SNANG ME KHYER LTA BU DANG, HA MGO BO LA THIM PA'I TSE MAR ME BTEG SBAR LTA BU DANG, MGO BA ZLA TSES LA THIM PA'I TSE DKAR LA MA PA'I SNANG BA DANG, ZLA TSES THIG LE LA THIM PA'I TSE DMAR LAM PA'I SNANG BA DANG, THIG LE N'A DA LA THIM PA'I TSE NAG LAM PA'I SNANG BA DANG, N'A DA YANG NAM MKHA' LA 'JA' YAL BA LTAR GYUR PA'I TSE RANG SEMS BDE BA CHEN PO'I NGOR GYUR PAS 'KHOR 'DAS KYI CHOS THAMS CAD BLOS PHAR BTAGS TZAM MA GTOGS RANG NGOS NAS GRUB PA RDUL TZAM YANG MED PA'I STONG BA NYID YUL DU BYAS TE, SH'U N+YA T'A'I SNGAGS DON LTAR YUL STONG PA NYID DANG YUL CAN BDE BA CHEN PO'I YE SHES GNYIS SNANG PHRA MOS KYANG BAR MCHOD PAR CHU LA CHU BZHAG PA BZHIN RO GCIG PA'I CHOS SKU'I NGANG DU GYUR SONG SNYAM DU YUN MI THUNG BAR SNYOMS PAR 'JOG PA NI 'CHI BA CHOS SKUR KHYER BA'I LA MA KHYER BSGOM PA'O;; ` ;;STONG PA'I NGANG LAS SKAD CIG GIS RDO RJE'I SA GZHI, RVA BA; GUR; BLA BRE, ME RI DANG BCAS PA'I DBUS SU SNA TSOGS PADMA LA GNAS PA'I SNA TSOGS RDO RJE'I LTE BAR GZHAL YAS KHANG GRU BZHI SGO BZHI PA

, ,RTA BABS LA SOGS PA'I MTSAN NYID THAMS CAD DANG LDAN PA'I NANG GI DBUS SU SNA TSOGS PADMA DANG ZLA BA'I GDAN G-YAS SU PAD ZLA DANG G-YON DU PAD NYI'I GDAN RE RE, 'DI'I BAR SEMS BYINGS PO CHOS SKU'I NGA RGYAL LA GNAS BZHIN PA'I DAD NAS BLO'I ZUR GCIG GIS BSRUNG 'KHOR GZHAL YAS KHANG GDAN DANG BCAS PA GSAL BTAB, MA 'ONGS PA NA 'BYUNG 'GYUR GYI BAR DO SBYANG BA DANG LAM RDZOGS RIM GYI SKABS SU DPE DON GYI 'OD GSAL LAS DAG MDAG GI SGYU MA'I SKU GNYIS 'GRUB PA'I DGE RTZA SMIN PAR BYAS 'BRAS BU LONGS SBYOD RDZOGS PA'I SKU 'GRUB PA'I NUS PA KHYAD PAR CAN BZHAG PAR BYA'O SNYAM PA DANG, BDAG GI RTAG TU CHOS SKU'I NGANG LA MI GNAS PAR LONGS SPYOD RDZOGS PA'I SKUR LANGS LA SEMS CAN GYI DON BYA'O SNYAM PA'I 'PHEN PA DANG BCAS TE, ,GDAN DBUS MA'I STONG DU T'Am YIG LJANG GU, BSGOM PA NI BAR DO LONGS SKUR KHYER BA'I RNAL 'BYOR RO, ,T'Am LAS 'OD ZER 'PHROS SEMS CAN THAMS CAD KYI SDIG SGRIB SBYANG 'PHAGS MA'I GO 'PHANG LA BKOD, PHYOGS BCU'I SANGS RGYAS SRAS DANG BCAS PA LA MNYES PA'I MCHOD PA PHUL, DE RNAMS KYI SKU GSUNG THUGS KYI YON TAN DANG SEMS CAN RJE BTZUN MAR GSAL BA RNAMS 'OD KYI RNAM PAR BSDUS TE T'Am YIG LA THIM PAR GYUR, PAR BSAM PA NI BAR DO'I BYA BA DANG LAM GYI GNAS SKABS SU SGYU LUS PA GNYIS KYI MDZAD PA DANG CHOS MTHUN, DE NAS BDAG GI SKU SHIN TU PHRA BA'I YE SHES KYI RANG BZHIN CAN THA MAL PA'I SHA'I MIG GI YUL DU MA GYUR PA 'DIS SEMS CAN GYI DON RGYA CHEN

PO SGRUB PAR MI NUS PAS NA RAGS PA'I SPRUL SKU BZUNGS LA SEMS CAN DPAG TU MED PA'I DON BSGRUB PAR BYA'O SNYAM DU BSAMS LA, ` T'Am YIG YONGS SU GYUR PA LAS RANG NYID RJE BTZUN MA SENG LDENG NAGS KYI SGROL MA SKU MDOG LJANG SNGON ZHAL GCIG PHYAG GNYIS MA, PHYAG G-YAS MCHOG SBYIN DANG, G-YON MTHEB SRIN GYIS AUTPAL LA'I YU BA THUGS KAR 'DZIN PA'I 'DAB MA SNYAN G-YAS G-YON GYI THAD DU KHA BYE BA, DBU SKRA RAL PA'I THOR TSUGS CAN LHAG MA BSIL BUR BABS PAS SKU STOD KHEBS PA, DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA RIN PO CHE'I RGYAN BRGYAD KYIS BRGYAN PA, SKU STOD LHA RDZAS KYI GOS KYIS GSHAL BYAS SHING SKU SMAD DAR GYI SHAM THABS 'CHANG BA, ZHABS G-YAS BRKYANGS SHING G-YON BSKUM GYIS BZHUGS PA, DE'I G-YAS KYI GDAN LA MI LAS LHA MO 'OD ZER CAN MA SKU MDOG SER MO, ZHAL GCIG PHYAG GNYIS KYI G-YAS RDO RJE DANG, G-YON MYA NGAN MED PA'I SHING GI YAL GA 'DZIN PA, RIN PO CHE'I RGYAN DANG DAR GYI NA BZA' CAN, GTZO MO'I G-YON DU H'Um LAS RAL GCIG MA SKU MDOG NAG MO, ZHAL GCIG PHYAG GNYIS KYI G-YAS GRI GUG DANG, G-YON THOD KHRAG BSNAMS PA; SPYAN GSUM DMAR ZHING ZLUM PA DRAG MO'I GZUGS CAN GLANG LPAGS KYI STONG G-YOGS DANG STAG LPAGS KYI SHAM THABS GSOL BA, 'KHOR GNYIS KA YANG ZHABS GNYIS DOR STABS KYIS BZHUGS PA'I GTZO 'KHOR THAMS

, ,CAD KYI SBYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, GTZO MO'I THUGS KA'I H'Um GI NANG DU T'Am GYIS MTSAN PA DE LAS 'OD ZER 'PHROS, PO TA LA SOGS RANG BZHIN GYI GNAS NAS BSGOM PA DANG 'DRA BA'I YE SHES PA SPYAN DRANGS, DZA: H'Um BAm HO: DAM CHIG PA DANG GNYIS SU MED PAR GYUR, SLAR YANG THUGS KA'I H'Um T'Am LAS 'OD ZER 'PHROS, DBANG GI LHA RIGS LNGA 'KHOR DANG BCAS PA SBYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHIshE KA TA SA MA YA SHR'I YE H'Um, ZHES GSUNGS SHING DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS GTZO MO LA DON YOD GRUB PA, 'OD ZER CAN MA LA RNAM SNANG, RAL GCIG MA LI MA BSKYOD PAS DBU BRGYAN PAR GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BH'A WAS STONG PAR SGYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRIm KHAm H'Um LAS BYUNG BA'I SHA LNGA DANG, LAm MAm PAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI

STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS ZHU ZHING KHOL, YI GE GSUM LAS 'OD ZER 'PHROS SKU GSUNG THUGS KYI RDO RJE GSUM SBYAN DRANGS, YI GE GSUM LA THIM, DE GSUM YANG RIM GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS, AOm AA MRi TAS BSANGS, SVA BH'A WAS STONG BAR SBYANGS, STONG PA'I DANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SBYONG YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um NAS; SHAPTA A'A: H'Um, GI BAR DANG, R'U PA NAS, SPARSHA A'A: H'Um, GI BAR BRJOD DE BYIN GYIS BRLABS, SPRO NA TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AARGHAm NAS, SPARSHA'I BAR GYIS MCHOD, NANG MCHOD KYI KA P'A LA LAG TU BZUNGS LA G-YON PA'I MTHEB SRIN GYIS G-YAS BSKOR DU DKRUGS PAS DBUS SU BDUD RTZI'I SNYING BA BYUNG BAR BSAMS LA; AOm MCHOD DO, PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS DANG BCAS PA'I NGO BOR GYUR PA DRIN CAN RTZA BA DANG BRGYUD PAR BCAS PA'I DPAL LDAN BLA MA DAM

, ,PA RNAMS KYI ZHAL DU AOm A'A: H'Um, AOm A'ARYA T'A RE AOm A'A: H'Um, AOm MA RI TZY'EE AOm A'A: H'Um, AOm AE KA DZA tI AOm A'A: H'Um, GZHAN YANG RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, CHOS SKYONG BSRUNG MA RNAMS KYI ZHAL DU AOm A'A: H'Um, DPA' BO DANG RNAL 'BYOR MA RNAMS KYI ZHAL DU AOm A'A: H'Um, GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, RANG GI LCE THOG TU BDUD RTZI MYANG LA, AOm AA MRi TA SVA D'A NA BADZRA SVA BH'A WA A'ATMA KONYHAm, MGRON THAMS CAD YE SHES KYI BDUD RTZIS MNYES SHING TSIMS PAR GYUR, LHA DANG LHA MIN ZHES SOGS SAM, ZHAL GCIG PHYAG GNYIS MCHOG SBYIN AUTPAL 'DZIN, ,DBU SKRA MTHON MTHING RIN CHEN RGYAN MANG GIS, ,SPRAS PA'I DAR GYI NA BZA' MDZES PAR GSOL, ,G-YAS BRKYANGS G-YON BSKUMS BZHUGS LA PHYAG 'TSAL BSTOD, ,GSER GYI MDOG CAN ZHAL GCIG PHYAG GNYIS KYIS, ,RDO RJE MYA NGAN MED BA'I YAL GA 'DZIN, ,'GRO KUN 'JIGS PA BRGYAD LAS SKYOB MDZAD PA'I, ,LHA MO 'OD ZER CAN LA PHYAG 'TSAL LO, ,SKU MDOG MTHING NAG ZHAL GCIG PHYAG GNYIS KYIS, ,RMONGS PA'I DRA BA GCOD PA'I GRI THOD 'DZIN, ,KHROS PA'I GAR GYI BDUD DPUNG SKRAG MDZAD PA'I, ,RAB BRJID LHA MO RAL GCIG MA LA 'DUD, ,DE NAS SEMS BYINGS PO

RTEN DANG BRTEN PAR BCAS PA'I DKYIL 'KHOR GYI GSAL SNANG LA GNAS BZHIN PA'I NGANG NAS BLO'I ZUR GCIG GI GTZO MO NAS BSRUNG, KHOR GYI BAR PHYIR RIM GYIS GSAL BTAB, DE NAS GTZO MO'I BAR NANG DU RIM GYIS GSAL BTAB STE MTHAR 'KHOR DANG GZHAL YAS KHANG GI RNAM PA SOGS RE ZHIG BTANG SNYAMS SU BZHAG STE RANG GTZO MA ZHAL GCIG PHYAG GNYIS MAR GSAL BA LA RTZE GCIG TU DMIGS NAS GSAL SNANG BSGOM BA DANG KHYAD PAR CAN GYI SNANG BA YID NGOR SHAR BA'I TSE, 'BRAS DUS KYI BDE STONG GNYIS SU MED PA'I YE SHES CHOS KYI SKU GDUL BYA'I DON DU RJE BTZUN MA SGROL MA'I RNAM PAR SHAR BA'I SKYON KUN ZAD YON TAN KUN LDAN GYI GZUGS KYI SKU DE NGA'O SNYAM DU NGA RGYAL 'DZIN PA GNYIS RE MOS SU BYA ZHING, DE YANG SNGAGS KYI SKABS 'DIR SPANG BYA'I GTZO BO THA MAL GYI SNANG ZHEN GNYIS YIN PAS THA MAL GYI SNANG BA'I GNYEN POR LHA'I GSAL SNANG DANG, THA MAL MI ZHEN PA'I GNYEN POR LHA'I NGA RGYAL BSGOM DGOS PAS DE GNYIS KYI NANG NAS KYANG LHA'I NGA RGYAL BSGOM PA GTZO CHE ZHING, 'DI DAG GI SKABS THAMS CAD DU ME LONG NANG GI BYAD BZHIN GYI GZUGS BRNYAN BYAD BZHIN DU SNAD YANG DES STONG PA BZHIN DU RTEN BRTEN PA'I RNAM PA THAMS CAD MA DAG MA BCOS PA'I BLO LA RANG DOS NAS GRUB PA LTAR SNANG YANG, RANG BZHIN GYIS GRUB PAS STONG BA'I SNAD STONG GNYIS TSOGS SGYU MA LTA BU'I RNAL 'BYOR LA SLOB PA NI DMIGS PA LHA LA DMIGS PA'I CHA NAS BSOD NAMS KYI TSOGS DANG RANG BZHIN MED PA'I 'DZIN STANGS CAN DU SKYES PA'I CHA NAS YE SHES KYI TSOGS GNYIS KA TSANG ZHING DE LTA BU'I YE SHES KYI TSOGS NI SNGAGS KYI THABS MKHAS KYI

, ,ZIN PA'I SHES RAB KHYAD PAR CAN YIN PAS PHAR PHYIN THEG PA NAS BSHAD PA'I YE SHES KYI TSOGS LAS BDAG 'DZIN GYI GNYEN POR 'GRO PHUL BRGYA 'GYUR GYI CHE ZHING YE SHES KYI TSOGS LA KHYAD JI TZAM BZHUGS PA TZAM GYI BSOD NAMS KYI TSOGS LA YANG KHYAD BZHUGS PAS NA 'DI LTA BU'I LAM LA SLOB PA NI SKU GSUM LAM KHYER GYI GNAD TSANG ZHING SKYE SHI BAR NGO'I SBYANG GZHI DNGOS SU SBYONG BAR BYED PAS RDZOGS RIM ZAB MO'I SMIN BYED KHYAD PAR CAN DU GYUR NAS BSKAL PA GRANGS MED GSUM DU TSOGS BSAGS PA LA MA LTOS BAR SNYIGS DUS KYI TSE THUNG GCIG LA RDZOGS PA'I SANGS RGYAS KYI GO 'PHANG STER BA'I GDAMS NGAG BLA NA MED PA YIN CING, 'ON KYANG RANG LHAR GSAL BA LA DMIGS NAS GSAL CHA DANG GNAS CHA SGRUB PA'I TSE NYES PA LNGA SPONG BA DANG, 'DU BYED BRGYAD BRTAN PA'I SGO NAS NYAMS SU BLANGS PA LA BRTEN NAS SEMS GNAS PA'I THABS DGU STOBS DRUG GI 'GRUB LUGS YID LA BYED PA BZHIR YOD TSUL RNAMS DBUS MTHA' RNAM 'BYED SOGS THUN MONG BA'I LAM GYI RIM PA LAS JI LTAR BSHAD BA LTAR NGES PA RNYED DGOS SO, ,DE LTAR LHA SKU BSGOM PA'I SKYON BZLAS PA BYA BA LA BGRANG PHRENG BYIN RLABS NI, AA MRi TAS BSANGS, SVA BH'A WAS SBYANGS, STONG PA'I DANG LAS DZRIm LAS PADMA DZRIm GIS MTSAN PA YONGS SU GYUR PA LAS 'OD DPAG MED DMAR PO ZHAL GCIG PHYAG GNYIS MNYAM GZHAG GI PHYAG RGYA CAN DE'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, DE LAS 'ONG ZER 'PHROS, RANG 'DRA'I YE SHES PA DANG DBANG GI LHA

RNAMS SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR RDO RJE SEMS DPAS DBU BRGYAN PAR GYUR, AOm A'A RO LIK AARGHAm NAS, SHAPTA'I BAR GYIS MCHOD, GSUNG RDO RJE 'OD DPAG MED ZHU BA LAS BYUNG PA'I 'PHRENG BA'I RNAM PAR GYUR, PAR BSAM LA LCE DANG MCHU MA 'GUL BAR RLUNG LDANG 'JUG GNAS GSUM YI GE GSUM GYI RANG GDANGS SU MOS NAS YID BZLAS JI LTAR RIGS PA BZLA, GTZO MO'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SV'AH'A, ZHES PAS BSKOR BA BSGOM, SNGAGS 'PHRENG LAS 'OD ZER 'PHROS, LUS KYI NANG GANG SDIG SGRIB THAMS CAD SBYANGS, TSE BSOD DPAL 'BYOR LA SOGS PA RGYAS PAR BSAMS LA, YI GE BCU PA JI LTAR RIGS PA DANG, 'OD ZER CAN MA'I THUGS KAR ZLA GDAN LA MAm YIG GI MTHAR, AOm M'A RI TZEE MAm SV'AH'A, ZHES BA DANG RAL GCIG MA'I THUGS KAR NYI GNGAN LA H'Um YIG GI MTHAR, AOm HR'Im: TR'Am H'Um PHAt, CES PAS BSKOR BA LA DMIGS NAS BZLAS BA'I SKYON DANG BRAL BAR GRANGS JI LTAR RIGS PA BZLAS, BZLAS PA'I GRANGS TSAD NI YI GE BCU PA 'BRU 'BUM DANG, 'KHOR GYI SNGAGS KHRI PHRAG RE, YI GE BCU PA'I MTHAR, H'Um HA AA DZHE SV'AH'A, ZHES PA'I YE GE BZHI BTAGS PA'I YE SHES 'BEBS SNGAGS KHRI PHRAG GCIG BZLA'O, ,BZLAS PA'I MTHAR GTOR MA 'BUL BAR 'DOD NA, DMAR GTOR NANG MCHOD LTAR BYIN GYIS BRLABS, RANG GI THUGS KA'I H'Um LAS 'OD ZER 'PHROS, SENG LDENG NAGS KYI SGROL MA GTZO 'KHOR GSUM GYI RTEN DANG BRTEN PAR BCAS PA'I DKYIL 'KHOR MDUN GYI NAM MKHAR SPYAN DRANGS PA RNAMS KYI LJAGS RDO RJE'I 'OD ZER GYI

, ,SPU GUS GTOR MA'I BCUD THAMS CAD DRANGS TE GSOL BAR GYUR, AOm A'ARYA T'A RE SA PA RI W'A RA AAm DAm BA LIm TA KHA KHA KH'A HI KH'A HI, LAN GSUM GYIS PHUL LA GONG GI BSTOD PAS BSTOD, YIG BRGYAS LHAG CHANG KHA BSKANG, NONGS PA BZOD GSOL DANG 'DOD DON LA GSOL BTAB SOGS BYA ZHING, MDUN GYI MGRON RNAMS RTEN YOD NA BRTAN BZHUGS DANG MED NA RANG BZHIN GYI GNAS SU GSHEGS PAR BSGOM, DE LTAR SGROL MA NYI SHU RTZA GCIG GI SPRUL GZHI SENG LDENG NAGS KYI SGROL MA'I SGRUB THABS NYAMS SU LEN PA'I RNAL 'BYOR PAS BSNYEN MTSAMS JI LTAR BYA BA'I TSUL BRJOD PAR BYA STE, SNGON DU DGE 'DUN BZHI SDE YAN CHAD LA BSNYEN BKUR DANG, GNAS KHANG BYI DOR BYAS LA, BA BYUNG GIS CHAG CHAG BTAB, STAN GYI 'OG TU SA DKAR GYI G-YUNG DRUNG DANG RTZVA DUR PA BTING, STAN BDE BA LA 'KHOD NAS BGEGS GTOR BTANG, BSRUNG 'KHOR MDOR BSDUS BSGOMS, MTSAMS G-YOG DANG SMAN PA SOGS MTSAMS 'OG TU 'JUG DGOS GANG YIN BSRUNG 'KHOR GYI NANG DU CHUD PAR BSAMS, MTSAMS THO BZHI RGYAL CHEN BZHI'AM DAM CAN CHOS RGYAL DU BSKYED, MCHOD GTOR PHUL TE SPYIL BU'I PHYOGS BZHI'AM SGO'I G-YAS G-YON DU STEGS PU'I KHAR BZHUGS SU GSOL LA, SGRUB PA PO'I BSNYEN SGRUB KYI LAS MTHAR MA PHYIN GYI BAR LA NANG GI DNGOS GRUB PHYIR MI 'CHOR BA DANG, PHYI'I NAD GDON BAR CHAD NANG DU MI 'JUG PA'I 'PHRIN LAS MDZOD CIG ,CES BRJOD LA ME TOG GTOR, NANG DU 'ONG STE LAG PA G-YON PAS STAN LA REG STE, AOm BADZRA A'A PAN H'Um, ZHES BRJOD DE STAN RDO RJE'I RANG BZHIN DU MOS, DE DAG NI GNAS BSRUNG BA'O, ,LAG BA

G-YON BA DRI CHU DANG BCAS PAS RANG GI GNAS GSUM DU REG LA YI GE GSUM BRJOD DE SGO GSUM BYIN GYIS RLOBS PA NI BDAG BSRUNG BA'O, ,DE NAS LUS RNAM SNANG GI CHOS BDUN LDAN DU 'KHOD DE BLA BRGYUD GSOL 'DEBS BDUD RTZI 'BEBS SBYANG GI DMIGS PA DANG BCAS TE BRJOD, SPRO NA RDOR DRIL BYIN RLABS SNGON 'GRO MCHOD GTOR BYIN GYIS BRLABS TE 'BUL BRDOR SEMS SGOM BZLAS BCAS BYAS NA PHUN SUM TSOGS PA'I YAN LAG TU 'GYUR BAS BLA MED KYI DKYIL 'KHOR GZHAN NAS BSHAD PA LTAR NYAMS SU LEN CING, BSDUS PA LA MOS NA DE DAG MA BYAS KYANG 6CHAD PA'I SKYON MED PAS GONG DU BSHAD PA LTAR CHOGS ZHING MCHOD PA NAS BZUNGS TE BZLAS PA LA THUG GI BAR SGRUB THABS NAS JI LTAR BSHAD PA LTAR SKABS GANG YIN GYI DMIGS BA RNAMS SNGA MA YID NGOR MA SHAR BAR PHYI MA GSAL MI 'DEBS CING, SNGA MA MA BRJED PA'I STENG NAS KYANG PHYI MA PHYI MA BSNAN TE BZLAS PA LA THUG GI BAR BTANG, BZLAS PA'I SKABS KYI DMIGS PA NI RANG RJE BTZUN MA SENG LDENG NAGS KYI SGROL MA SNANG LA RANG BZHIN MED PA SKU LAS 'OD ZER KHA DOG LNGA 'PHRO BA NAM MKHA'I 'JA' TSON LTA BUR GSAL BA'I THUGS KAR ZLA BA'I DKYIL 'KHOR GYI DBUS KYI T'Am YIG LA RANG GI SEMS ZHUGS PA BZHIN DU BYAS TE DE'I MTHA' SKOR DU YI GE BCU PO DBU PHYIR BSTAN NAS NYAL STABS SAM GYEN SGRENG GANG RIGS SU 'KHOD PA LDOG PA'I TSUL GYI YI GE RNAMS 'OD ZER 'BAR BA'I RNAM PAR BSGOM PA NI GONG BU'I BZLAS PA DANG, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA RJE BTZUN MA'I SKU DPAG TU MED PA SPRUL TE DE DAG GI SKU LAS BDUD RTZI 'OD ZER DANG BCAS PA BABS PAS SEMS CAN THAMS CAD KYI SDIG SGRIB SBYANG, 'PHAGS MA'I GO 'PHANG LA BKOD, YANG 'OD ZER 'PHROS PA'I SNE LA

, ,MCHOD PA'I LHA MO DPAG TU MED PA PHYOGS BCUR SPROS TE PHYOGS BCU'I SANGS RGYAS SRAS BCAS LA MNYES PA'I MCHOD BA PHUL, DE RNAMS KYI SKU GSUNG THUGS KYI YON TAN THAMS CAD DANG, SEMS CAN 'PHAGS MAR GSAL BA RNAMS 'OD KYI RNAM BAR BSDUS TE SNGAGS 'PHRENG SA BON DANG BCAS PA LA THIM PAR BSGOM PA NI DAM TSIG GI BZLAS PA, YANG SNYING KHA'I SA BON LAS AOm GYI SNA DRANGS TE SNGAGS 'PHRENG RANG GI LTE BA NAS THON, ZHAL DU ZHUGS, SNYING KHA'I SNGAGS 'PHRENG LA THIM; YANG SNGAGS 'PHRENG SNGAR LTAR LTE BA NAS THON PA SOGS MGAL ME'I 'KHOR LO LTAR 'KHOR BA'I 'OD ZER GYIS LUS KYI NANG GANG, SDIG SGRIB THAMS CAD SBYANGS PAR BSAMS LA ZHI ZHING 'JAM BA'I TSUL GYIS BZLA BA NI DO LI'I BZLAS PA'AM 'KHYOGS KYI BZLAS PA DANG, SNYING KHA'I SA BON LAS SNGAGS 'PHRENG CHAD PA RANG GI ZHAL NAS THON, LTE BA NAS NANG DU 'JUG PA SOGS SNGAR GYI 'KHOR TSUL NAS LDOG TE DRAG CING RTZU BA PA'I TSUL DU BZLA BA NI KHRO BO'I BZLAS PA'O, ,SNGAGS KYI SGRA DRAG POR SGROG PA NI KHROS PA'I BZLAS PA ZHES BYA BAS, BZLAS PA'I DMIGS PA DE RNAMS CI RIGS PA'I SGO NAS THUN DNGOS GZHI LA SEMS MA YENGS PAR BGRANG BA RNAMS BZLAS BA'I GRANGS SU GZHUG CING, SEMS G-YENG BA DANG, BZA' BTUNG GI BAR CHOD PA DANG; THUN MTSAMS SU BZLAS PA RNAMS GRANGS SU MI GZHUG, GZHAN YANG, JI SKAD DU, BZLAS BRJOD BYA TSE MI MYUR MI BUL ZHING, ,SGRA CHER MA YIN HA CANG CHUNG MA YIN, ,SMRAS BZHIN MA YIN RNAM PAR G-YENG BZHIN MIN, ,

GUG BSKYED KLANG KOR TSOGS RNAMS NYAMS BZHIN MIN, ,ZHES PA LTAR, RING THUNG GO LDOG PA DANG, SGRA HA CANG CHES PAS GZHAN GYIS THOS PA DANG, HA CHANG CHUNG BAS RANG GI MI THOS PA LA SOGS PA'I SKYON RNAMS SPANGS TE GTZO 'KHOR DU YOD KYI ZHAL , NAS SNGAGS KYI SGRA SGROG PAR MOS NA DE SNYED KYI PHAN YON 'BYUNG BAR GSUNGS, BZLAS PA'I GRANGS TSAD NI GZHAN LA DBANG BSKUR BA DANG, BDAG 'JUG LEN PA, SBYIN SREG SOGS LA DBANG BA'I BSNYEN PA'I GRANGS SGRUB THABS SU BSHAD ZIN PA LTAR DANG, LAS RAB 'BYAMS SGRUB PA'I BSNYEN PA'I GRANGS NI, GANG LA BRTEN NAS LAS SGRUB RGYU'I SNGAGS DE NYID BYE BA BZLA DGOS BAR RGYUD LAS BSHAD CING, SDOM 'BYUNG GI RGYUD LAS, RDZOGS LDAN LA NI BZLAS BYA GCIG, NYIS 'GYUR GSUM LDAN LA RAB BZLA, , GSUM 'GYUR GNYIS LDAN LA BZLA TE, ,RTZOD DUS BSNYEN PA BZHI 'GYUR TE, ,ZHES RGYUD NAS GRANGS JI TZAM BZLA DGOS BAR BSHAD PA DE NYID RTZOD DUS KYI SKABS 'DIR BZHI 'GYUR BZLA DGOS PA'I YI GE BCU PA LTA BU'AM, 'OG NAS 'BYUNG BA LTAR SGROL MA NYER GCIG GZHAN GYI SNGAGS GANG LA BRTEN NAS LAS SGRUB RGYU'I SNGAGS DE NYID BYE BA BZHI DANG, DE'I BCU CHA ME TOG DMAR PO'I SBYIN SREG SA YA BZHI BCAS SNGON DU BTANG NAS LAS DNGOS GZHI'I SKABS LAS SPYOR GYI BSNYEN PA 'BUM PHRAG GCIG DANG, SNGAGS DANG; RDZAS DANG, TING NGE 'DZIN GSUM GYI SGO NAS SGRUB DGOS SHING, DE YANG SGRUB RGYU'I LAS LA DNGOS GRUB RAB 'BRING THA GSUM LAS NAD GDON BAR CHAD ZHI BA DANG, TSE BSOD DPAL 'BYOR RGYAS PA DANG, BSGRUB BYA DBANG DU BSDU BA SOGS LAS PHRAN TSOGS RNAMS

, ,NI DBANG BSKUR RNAM DAG THOB CING, DAM TSIG DANG SDOM BA LA GNAS BAS SGRUB THABS NAS BSHAD BA LTAR GYI BSNYEN PA MDOR BSDUS TZAM DANG, LAS BZHI'I SBYIN SREG SOS LA BRTEN NAS KYANG SGRUB NUS PA DU MA YOD CING , GRUB PA CHEN BO BRGYANG LA SOGS BA DNGOS GRUB 'BRING SGRUB PA LA NANG LA GZHOL BA'I RNAL 'BYOR BAS RDZAS SNGAGS LA MA LTOS PAR BSAM GTAN TZAM GYIS SGRUB NUS MOD KYANG, BSKYED RIM PHRA BA MTHAR MA PHYIN PA'I SNGAGS LA GZHOL BA'I RNAL 'BYOR PAS SNGAR BSHAD PA BZHIN BSNYEN PA BYE BA BZHI SOGS LA LTOS DGOS SHING, NGES KYANG MA 'GRUB NA SPYOD PA LA ZLA BA BCO BRGYAD KYI BAR DU SLOB PA DANG, DES KYANG MA 'GRUB NA SPOGS CHOG JI LTAR BYA BA DANG, LHA LA DRAG SHUL GYI PHUR 'DEBS SOGS SNYING PO BSKUL BA'I TSUL RNAMS 'DIR YI GE'I TSEGS KYI 'JIGS NAS MA BKOD PAS 'GREL PA BZHI SBRAGS DANG 'DUS BSKYED DNGOS GRUB RGYA MTSO SOGS ^ RJE YAB SRAS KYI GSUNG RAB RNAMS LAS SHES PAR BYA'O, ,THUN RJES MA'I MTHAR 'JIG RTEN LAS 'DAS MA 'DAS KYI GTOR MA DANG, MTSAMS THO'I LHA LA MCHOD GTOR BCAS MA CHAD PAR BYA DGOS SO, ,JI LTAR 'PHEN PA BTANG BA LTAR GYI BSNYEN PA'I GRANGS TSAD SONG NAS MTSAMS GROL BA'I SKABS, MTSAMS THO'I LHA LA MCHOD GTOR PHUL TE NONGS PA BZOD BAR GSOL NAS GSHEGS SU GSOL, BSNYEN PA'I KHA SKONG GI SBYIN SREG BYA STE THO NANG MA'I LHA GSHEGS GSOL GRUB NAS PHYI MA GSHEGS GSOL MA BYAS PAR SBYIN SREG BYA ZHING, DE NAS MTSAMS 'OG TU MED PA'I DAM TSIG GCAD BA'I MI

DANG RIM GYI THUG 'PHRANG BYED PA LAS MTSAMS GROL MA THAG MI MANG KHRONG DU 'GRO BA DANG, RGYANG RING POR BLTA BA SOGS BYA MI RUNG, DE LTAR SENG LDENG NAGS SGROL GYI BSNYEN PA BYA BA'I TSUL DE NYID 'OG NAS 'BYUNG BA LTAR SGROL MA GZHAN GYI BSNYEN SGRUB LAS GSUM BYA TSUL LA'ANG RIGS 'GREN NAS SHES PAR BYA'O,, ` ,,SGROL MA NYER GCIG GI SGRUB THABS LA THOG MAR ^ RJE BTZUN MA MYUR MA DPA' MO'I SGRUB THABS NI, RANG SENG LDENG NAGS SGROL LAM GSOL BA 'DEBS YUL GYI SGROL MA'I RNAL 'BYOR LA GNAS BZHIN PA'I NGANG NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, SEMS CAN THAMS CAD KYI DON DU SANGS RGYAS THOB PAR BYA, DE'I CHED DU ^ RJE BTZUN MA'I SGRUB THABS NYAMS SU BLANG BAR BYA'O SNYAM PA LAN GSUM BYA, MDUN GYI NAM MKHAR SNA TSOGS PADMA DANG ZLA BA'I DKYIL 'KHOR GYI STENG DU T'Am YAm GA DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA MYUR MA DPAL MO SKU MDOG DMAR MO, ZHAL GCIG PHYAG BRGYAD MA, PHYAG DANG PO GNYIS KYIS RDOR DRIL SPYI BOR BSNOL NAS 'DZIN PA, GNYIS PA GNYIS KYIS THUGS KAR MDA' GZHU 'GENGS PA, GSUM PA GNYIS KYIS 'KHOR LO DANG DUNG 'DZIN PA, BZHI PA GNYIS KYIS RAL GRI DANG ZHAGS PA 'DZIN PA, DBU SKRA RAL PA'I THOR TSUGS CAN, RIN PO CHE'I RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS LHAB

, ,LHUB TU GSOL BA, ZHABS SKYIL KRUNG PHYED PA'I STABS KYIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, RANG 'DRA'I YE SHES PA DANG DBANG GI LHA RNAMS SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um GI 'OD ZER GYIS DBANG GI LHA RNAMS SBYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DBANG GI LHA RNAMS KYIS YE SHES KYI BDUD RTZIS GANG BA'I BUM PA THOGS TE, JI LTAR BLTAMS PA TZAM GYIS NI, ,ZHES SOGS KYI MTHAR, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES GSUNGS SHING, DBANG GI LHAS DBANG BSKUR, SKU GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS, 'OD DPAG MED KYIS DBU BRGYAN PAR 'GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BHA WAS STONG PAR SBYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRAm KHAm H'Um LAS BYUNG BA'I SHA LNGA DANG, LAm MAm BAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS

ZHU ZHING KHOL, YI GE GSUM LAS 'OD ZER 'PHROS, SKU GSUNG THUGS KYI RDO RJE GSUM SPYAN DRANGS, YI GE GSUM LA THIM, DE GSUM YANG RAm GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS AOm BADZRA AA MRi TAS BSANGS, SVA BH'A WAS STONG PAR SBYANGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG, BDUG SPOS, MAR ME, DRI CHAB; ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, NAS, SHAPTA A'A: H'Um GI BAR DANG; R'U PA NAS, SPARSHA A'A: H'Um GI BAR BRJOD DE BYIN GYIS BRLABS, SPRON TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AA RGHAm NAS, SPARSHA'I BAR GYIS MCHOD, AOm A'ARYA T'A RE SA PA RI W'A RA AOm A'A: H'Um GIS NANG MCHOD PHUL, BSTOD PA NI, PHYAG 'TSAL SGROL MA MYUR MA DPAL MO, ,SPYAN NI SKAD CIG GLOG DANG 'DRA MA, ,'JIG RTEN GSUM MGON CHU SKYES ZHAL GYI, ,GSER BYE BA LAS NI BYUNG MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR SKU MDOG DANG MTSUNGS PA'I SNGAGS 'PHRENG GIS BSKOR BA LA DMIGS, AOm T'A RE TU TT'A RE TU RE CHE GE MO WA SHAm KU RU SV'AH'A, ZHAS BZLA ZHING, SNGAGS 'PHRENG LAS 'OD ZER DMAR PO LCAGS SGROG DANG ZHAGS PA

, ,LTA BU DPAG TU MED PA SPROS, GANG DBANG DU BSDU BYA'I DGRA DANG LAG 'DREN LA SOGS PA THAMS CAD LCAGS KYU DANG ZHAGS PAS BKUG ,BDAG NYID KYI RKANG PA LA MGOS 'DUD PA'I TSUL GYIS GNAS PA LA SNGAGS 'PHRENG LAS 'OD ZER DMAR PO'I TSOGS SPROS PAS BSGRUB BYA DE RNAMS KYI SDIG SGRIB SBYANGS, BDAG NYID LA GUS PA DANG CHAGS PA'I RANG BZHIN DU GYUR PAR BSAM NA GANG DBANG DU BSDU BYA'I BSGRUB BYA DE NYID RANG NYID KYIS DBANG DU BSDUS NUS PAR 'GYUR RO, ,MJUG TU YIG BRGYAS LHAG CHANG KHA BSKANG, BSNGO SMON GYI RGYAS BTAB, THUN MTSAMS SU YANG KHYER SO GSUM GYI RNAL 'BYOR DANG MA BRAL BAR BYA'O,, ` ,,GNYIS PA RJE BTZUN MA MDANGS SGROL MA'I SGRUB THABS NI, MDUN GYI NAM MKHAR PADMA DANG ZLA BA'I GDAN LA T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA SGROL MA ZHI BA CHEN MO SKU MDOG STON KA'I ZLA BA LTAR DKAR BA, DKAR SNGO SER BA'I ZHAL GSUM PHYAG BCU GNYIS MA, PHYAG DANG PO GNYIS MNYAM GZHAG MDZAD PA, GNYIS PA GNYIS KHA tV'Am GA DANG RIL BA SPYI BLUGS BA SNAMS PA, GSUM PA GNYIS KYIS 'KHOR BA'I 'KHOR LO DANG AUTPA LA, BZHI PA GNYIS KYIS NOR BU DANG DRIL BU, LNGA PA GNYIS KYIS RDO RJE DANG GTER BUM, DRUG PA GNYIS KYIS ME TOG GI 'PHRENG BA DANG PU TI BSNAMS PA, DBU SKRA RAL BA'I THOR TSUGS

CAN; RIN PO CHE'I RGYAN BRGYAD KYIS BRGYAN PA, DAR SNA TSOGS KYI NA BZAS KLUBS PA, 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PAR DMIGS LA, GNAS GSUM BYIN RLABS, DBANG BSKUR RGYAS BTAB BCAS SNGA MA BZHIN, LA RIGS BDAG 'OD DPAG MED, GONG LTAR PHYI MCHOD NANG MCHOD RNAMS BYIN GYIS BRLABS TE PHUL, BSTOD PA NI, PHYAG 'TSAL STON KA'I ZLA BA KUN TU, ,GANG BA BRGYA NI BRTZEGS PA'I ZHAL MA, ,SKAR MA STONG PHRAG TSOGS PA RNAMS KYIS, ,RAB TU PHYE BA'I 'OD RAB 'BAR MA, ,ZHES PAS BSTOD, BZLAS PA NI, AOm T'A RE TUTT'A RE TU RE SH'ANTIm KU RU SV'AH'A, ZHES BZLA ZHING, SNGAGS 'PHRENG LAS 'OD ZER DKAR PO DPAG TU MED PA 'PHROS PA'I SNE LA SGROL MA DKAR MO BDUD RTZIS GANG BA'I BUM PA DKAR PO THOGS PA DPAG TU MED PA SPROS TE RANG DANG BSGRUB BYA'I SBYI BO NAS KHRUS GSOL BAS NAD GDON SDIG SGRIB THAMS CAD DUD KHU DANG, GDON BGEGS RNAMS SDOM DANG SDIG PA'I RNAM PAR DBANG PO'I SGO DANG BA SPU'I SGO NAS PHYIR THON, RANG DANG BSGRUB BYA DE DANG DE'I LUS SHEL SGONG LTAR DAG PAR BSAMS, 'JUG CHOG SOGS SNGAR BZHIN BYA'O,, ` ,,GSUM PA ` RJE BTZUN MA GSER MDOG CAN MA'I SGRUB THABS NI, , SNGON 'GRO'I RIM PA SNGAR LTAR LA, MDUN GYI NAM MKHAR SNA TSOGS PADMA DANG NYI MA'I STENG DU T'Am YIG SER BO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA SKU MDOG GSER

, ,GYI MDOG CAN, ZHAL GCIG PHYAG BCU MA, PHYAG G-YAS KYI DANG POS RIN PO CHE'I 'PHRENG BA THUGS KAR 'DZIN CING, G-YON DANG POS DAR DPYANGS BSNAMS PA, GNYIS PA GNYIS KYIS RAL GRI DANG ZHAGS PA; GSUM PA GNYIS KYIS MDA' DANG PADMA, BZHI PA GNYIS KYIS RDO RJE DANG DRIL BU, LNGA PA GNYIS KYIS DBYUG PA DANG GZHU BSNAMS PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR BZHIN, RDO RJE SKYIL KRUNG GIS BZHUGS PA, GNAS GSUM BYIN RLABS DANG YE SHES PA DGUG GZHUG, DBANG BSKUR SOGS SNGAR BZHIN LA RIGS BDAG 'OD DPAG MED, NANG MCHOD SOGS GONG BZHIN LA, BSTOD PA NI, PHYAG 'TSAL SER SNGO CHU LAS SKYES KYI, ,PADMAS PHYAG NI RNAM PAR BRGYAN MA, ,SBYIN PA BRTZON 'GRUS DKA' THUB ZHI BA, ,BZOD PA BSAM GTAN SPYOD YUL NYID MA, ,ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE PUshtAm KU RU SV'AH'A, DMIGS PA NI, SNGAGS 'PHRENG LAS 'OD ZER GSER BTZO MA'I MDOG CAN MTHA' YAS BA BYUNG, RANG DANG BSGRUB BYA'I LUS DANG, GNAS KHANG SOGS LA PHOG CING 'OD ZER GYI SNE LA RJE BTZUN MA GSER GYI MDOG CAN BDUD RTZI SAR POS GANG BA'I BUM PA SER PO THOGS PA DPAG TU GRANGS MED PA BYON, RANG GZHAN GYI SBYI BO NAS DBANG BSKUR BAS LUS KYI PHYI NANG THAMS CAD GSER BZANG POS BYUGS PA LTA BUR GYUR, TSE DANG LONGS SPYOD THAMS CAD

'PHEL ZHING RGYAS PAR BSAMS, MJUG CHOG RNAMS SNGAR BZHIN NO,, ` ,,BZHI PA ` RJE BTZUN MA GTZUG TOR RNAM BAR RGYAL MA'I SGRUB THABS NI, MDUN GYI NAM MKHAR PADMA SER PO DANG, ZLA BA'I STENG DU T'Am YIG DMAR SER, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA SGROL MA GTZUG TOR RNAM PAR RGYAL MA SKU MDOG GSER GYI MDOG CAN, ZHAL GCIG PHYAG BZHI MA, PHYAG DANG PO GNYIS KYIS MCHOG SBYIN DANG BANDHA BDUD RTZIS GANG BA, 'OG MA GNYIS KYIS 'PHRENG BA DANG DBYUG BA 'DZIN PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR DANG 'DRA BA LA ZHABS SEMS DPA'I SKYIL KRUNG GIS BZHUGS PA, DBANG BSKUR RGYAS 'DEBS, MCHOD PA SOGS SNGAR BZHIN LA, BSTOD PA NI, PHYAG 'TSAL DE BZHIN GSHEGS PA'I GTZUG TOR, ,MTHA' YAS RNAM PAR RGYAL BAR SPYOD MA, ,MA LUS PHA ROL PHYIN PA THOB PA'I; ;RGYAL BA'I SRAS KYIS SHIN TU BSTEN MA, ,ZHES PAS BSTOD, BZLAS PA'I SKABS T'Am YIG GI MTHAR, AOm T'A RE TUTT'A RE TU TT'A RU A'A YU: DZNY'A NA PUshtIm KU RU SV'AH'A, ZHES PA'I SNGAGS 'PHRENG LAS 'OD ZER DMAR SER LCAGS KYU LTA BU 'PHROS PAS 'KHOR 'DAS KYI BCUD THAMS CAD KYI SKRAG MDANGS DANG GZI BRJID THAMS CAD DANG, KHYAD PAR DU TSE'I RIG 'DZIN BRNYES PA THAMS CAD KYI TSE DANG YE SHES THAMS CAD TSE'I BDUD RTZI DMAR SER GYI RNAM PAR BKUG ,BCOM LDAN

, ,'DAS MA'I SKU DANG PHYAG GI THOD PA'I NANG GI BDUD RTZI LA THIM, DE LAS KYANG BDUD RTZI'I RGYUN BABS, RANG BZHIN GYI TSANGS BUG NAS ZHUGS, LUS KYI NANG THAMS CAD GANG DUS DANG DUS MIN GYI 'CHI BA'I 'JIG PA THAMS CAD BSAL, 'CHI MED TSE'I DNGOS GRUB THOB PAR BSAM STE SNGAGS 'BUM PHRAG BZLAS NA TSE LO BRGYU 'PHEL BAR 'GYUR RO, ,MJUG CHOG SNGAR BZHIN NO,, ` ,,LNGA PA H'Um SGRA SGROG PA'I SGROL MA'I SGRUB THABS NI, SNGON 'GRO'I RIM PA SNGAR LTAR LA, MDUN GYI NAM MKHAR PADMA DANG ZLA BA'I GDAN LA T'Am LAS PADMA TAm GYIS MTSAN PA, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA H'Um SGRA SGROG MA SKU MDOG SER MO, ZHAL GCIG PHYAG GNYIS MA, G-YAS MCHOG SBYIN DANG G-YON PADMA SER PO BSNAMS PA, RAL PA'I THOR TSUGS SOGS SNGAR BZHIN LA, ZHABS RDO RJE SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD NAS, BSTOD PA NI, PHYAG 'TSAL TUTT'A RA H'Um YI GES, ,'DOD DANG PHYOGS DANG NAM MKHA' GANG MA, ,'JIG RTEN BDUN PO ZHABS KYIS MNAN TE, ,LUS PA MED PAR 'GUGS PAR NUS MA, ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE CHE GE MO A'A KARsh'A YA HR'I: SV'AH'A, DMIGS PA NI, SNGAGS 'PHRENG LAS 'OD ZER LCAGS KYU DANG, ZHAGS PA DANG, LCAGS SGROG

LTA BU MTHA' YAS PA SPROS, BSGRUB BYA'I MGRIN PA NAS ZHAGS PAS BCINGS, SKYE GNAS NAS LCAGS KYUS PHUG PA'I BDAG NYID LA CHAGS PA'I DBANG GI YID MYOS MGO 'KHOR TE RANG DBANG MED PAR RANG GI DRUNG DU DRANGS PAR BSAM NA BSGRUB BYA'I SBYI DANG, KHYAD PAR PHYAG RGYA DBANG DU 'GYUR TE, ,MJUG CHOG GONG BZHIN NO,, ` ,,DRUG PA 'JIG RTEN GSUM RGYAL MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA DANG NYI MA'I GDAN LA T'Am YIG DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA 'JIG RTEN GSUM LAS RNAM PAR RGYAL MA, SKU MDOG DMAR MO, ZHAL GCIG PHYAG BZHI MA, CUNG ZAD KHROS PA PHYAG DANG PO GNYIS KYIS RDO RJE DANG SDIGS MDZUB MDZAD PA, 'OG MA GNYIS KYIS RAL GRI DANG ZHAGS PA 'DZIN PA, DBU SKRA DANG SMIN MA CUNG ZAD 'DZINGS PA, RGYAN DANG NA BZA' SOGS SNGAR BZHIN LA SEMS DPA'I SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD, BSTOD PA NI, PHYAG 'TSAL BRGYA BYIN ME LHA TSANGS PA, ,RLUNG LHA SNA TSOGS DBANG PHYUG MCHOD MA, ,'BYUNG PO RO LANGS DRI ZA RNAMS DANG, ,GNOD SBYIN TSOGS KYIS MDUN NAS BSTOD MA, ,ZHES PAS BSTOD, THUGS KA'I T'Am YIG GI MTHAR, AOm T'A RE TUTT'A RE TU RE SARBA BIGHN'ANA SHA TRUm AU TZA TRA YA SV'AH'A, DMIGS PA NI SNGAGS 'PHRENG LAS 'OD

, ,ZER DRAG LA RTZUB PA ME'I TSA TSA LTA BU DPAG TU MED PA SPROS, GDON BGEGS LA SOGS PA GNOD PA THAMS CAD ZHO BA THUL TE BSREGS PA'AM, YANG NA GNOD BYED GANG YIN RLUNG GI DKYIL 'KHOR LA GNAS PA'I RNGA MONG SPROS PA LA BSKYON TE RGYA MTSO'I PHA 'GRAM DU BSKRAD PAR BSAMS, MJUG CHOG SNGAR BZHIN NO,, ` ,,BDUN PA ` RJE BTZUN MA RGOL BA 'JOMS MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA SER PO DANG NYI MA'I GDAN LA T'Am YIG DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR BA LAS, ` RJE BTZUN MA RGOL BA 'JOMS MA SKU MDOG NAG MO, ZHAL GCIG PHYAG BZHI MA, PHYAG DANG PO GNYIS KYIS 'KHOR LO DANG SKYE GNAS KYI STENG DU ZHAGS PA 'DZIN PA, 'OG MA GNYIS KYIS RAL GRI DANG SDIGS MDZUB MDZAD PA, KHRO GNYER CUNG ZAD BSDUS SHING, DBU SKRA GYEN DU BRDZES SHING SBRUL DANG COD PHAN SOGS RIN PO CHE'I RGYAN GYIS BRGYAN PA, DAR SER PO'I NA BZA' GSOL BA, ZHABS G-YON BRKYANGS PA'I STABS KYIS BZHUGS PA, GNAS GSUM BYIN RLABS, YE SHES PA SPYAN 'DREN, RIGS BDAG GI RGYAS 'DEBS, MCHOD BCAS GONG LTAR LA, BSTOD PA NI, PHYAG 'TSAL TRAtA CES BYA DANG PHAt KYIS, ,PHA ROL 'KHRUL 'KHOR RAB TU 'JOMS MA, ,G-YAS BSKUMS G-YON BRKYANGS ZHABS KYIS MNAN TE, ,MA 'BAR 'KHRUG PA SHIN TU 'BAR MA, ,ZHES PAS

BSTOD, BZLAS PA NI, RJE BTZUN MA'I THUGS KAR NYI GDAN LA, AOm T'A RE TUTT'A RE TU RE RBOD GZER SARBA BZLOG BHYO SV'AH'A, ZHES BZLA ZHING, DMIGS PA NI, THUGS KA'I SNGAGS 'PHRENG LAS DRAG PO'I 'OD ZER PHYOGS BCUR 'PHROS PAS PHA ROL GYI NGAN SNGAGS MNAN GTAD, BYANG KHA, RBOD GTONG THAMS CAD KYI NUS PA RNAMS NYAMS PAR BYAS, SLAR YANG 'OD ZER GYI TSOGS SPROS PAS SGRUB PA PO RANG NYID LA 'OD ZER GYI GUR PHUB PA'I PHYIN CHAD BYAD KHA RBOD GTONG SOGS KYIS GLAGS BLTA MI NUS PAR BSAM, MJUG CHOG SNGA MA BZHIN NO,, ` ,,BRGYAD PA ` RJE BTZUN MA DBANG MCHOG STER MA'I SGRUB THABS NI, SNGON 'GRO'I RIM PA GONG BZHIN LA, MDUN GYI NAM MKHAR PADMA DMAR PO DANG ZLA BA'I DKYIL 'KHOR GYI STENG DU T'Am YIG SER PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA DBANG MCHOG STER MA SKU MDOG SER MO, ZHAL GCIG PHYAG BZHI MA, PHYAG DANG PO GNYIS KYIS MYA NGAN MED PA'I SHING GI YAL GA DANG PADMA, 'OG MA GNYIS KYIS NOR BU DANG BCAS PA'I MCHOG SBYIN DANG BUM PA BSNAMS PA, DBU SKRA GYEN DU BRDZES PA, RIN PO CHE'I RGYAN DANG DAR BZANG PO'I NA BZA' GSOL BA, 'OD KYI PHUNG PO'I DBUS NA SKYIL KRUNG PHYED PAS CHU SRIN GYI STENG DU BZHUGS PA, GNAS GSUM BYIN RLABS, YE SHES PA DGUG GZHUG ,DBANG BSKUR RGYAS GDAB, MCHOD PA BCAS GONG

, ,BZHIN LA, BSTOD PA NI, PHYAG 'TSAL TU RE 'JIGS PA CHEN MO, ,BDUD KYI DPA' BO RNAM PAR 'JOMS MA, ,CHU SKYES ZHAL NI KHRO GNYER LDAN MDZAD, ,DGRA BO THAMS CAD MA LUS GSOD MA, ,ZHES PAS BSTOD, BZLAS PA NI, RJE BTZUN MA'I THUGS KAR ZLA BA'I DKYIL 'KHOR GYI STENG DU, AOm T'A RE TUTT'A RE TU RE GNOD BYED DGRA BGEGS SARBA M'A RA YA PHAt: DMIGS PA NI, SNGAGS 'PHRED LAS 'OD ZER 'PHROS PA'I SNE LA MTSON CHA MED DPUNG SRIN PO'I TSOGS DPAG TU MED PA SPROS PAS DGRA BO DMIGS PAS LA YOD NA DE'I SNYING DKAR NAG GI MTSAMS NA SROG GI NGO BO MAR ME LTA BU YOD PA NAG THUG GYIS BSAD, SHA KHRAG RUS PA TSOGS SU ROL PAR BSAMS, MJUG CHOG SNGAR LTAR RO,, ` ,,DGU PA ` RJE BTZUN BTZUM MA MCHOG STZOL MA'I SGRUB THABS NI, MDUN GYI NAM MKHAR PADMA DMAR PO DANG ZLA BA'I GDAN LA T'Am YIG DMAR PO DE LAS 'OD ZER 'PHROS ,DON GNYIS BYAS, TSUR 'DUS YONGS SU GYUR PA LAS, RJE BTZUN MA MCHOG STZOL SGROL MA SKU MDOG DMAR MO ZHAL GCIG PHYAG BZHI MA, DANG PO GNYIS KYIS RDOR DRIL SPYI BOR BSNOL TE 'DZIN CING, G-YAS 'OG MA GAR STABS DANG G-YON 'OG MA MCHOG SBYIN GYI PHYAG RGYAS MYA NGAN MED PA'I SHING GI YAL GA 'DZIN PA, DBU SKRA RAL PA'I THOR TSUGS DANG, RGYAN NA BZA' SOGS SNGAR BZHIN LA ZHABS GNYIS BGRAD PA'I STABS KYIS BZHUGS PA, SGO GSUM BYIN

RLABS YE SHES PA DGUG GZHUG ,DBANG BSKUR RGYAS BTAB, PHYI NANG GI MCHOD PA SOGS SNGAR BZHIN LA, BSTOD PA NI, PHYAG 'TSAL DKON MCHOG GSUM MTSON PHYAG RGYA'I, ,SOR MOS THUGS KAR RNAM PAR BRGYAN MA, ,MA LUS PHYOGS KYI 'KHOR LOS BRGYAN PA'I, ,RANG GI 'OD KYI TSOGS RNAMS 'KHRUG MA, ,ZHES PAS BSTOD, BZLAS PA NI, SGROL MA'I THUGS KAR ZLA GDAN LA, AOm T'A RE TUTT'A RE TU RE CHE GE MO LA GNOD PA SARBA RAKshA SV'A H'A, ZHES BZLA BA'I SKABS SU DMIGS PA NI, SNGAGS 'PHRENG LAS 'OD ZER DKAR PO SPROS PA'I RTZE MOR GANG LA GANG 'TSAMS PA'I THABS TSUL SNA TSOGS PAS TSE 'DIR LUS SEMS SDUG BSNGAL BAR BYED PA'I 'JIG PA CHEN PO BRGYAD LA SOGS PA 'JIG PA THAMS CAD LAS SKYOB PAR BSAM, YANG SNGAGS 'PHRENG LAS BDUD RTZI DKAR PO'I RGYUN BABS RANG GI SPYI BO NAS ZHUGS, SDIG SGRIB THAMS CAD SBYANGS TE PHYI MA PHAN CHAD KYI 'JIG PA THAMS CAD LAS SKYOB PAR BSAMS, MJUG GI BYA BA RNAMS SNGAR BZHIN NO,, ` ,,BCU PA ` RJE BTZUN MA MYA NGAN SEL BA'I SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA MYA NGAN SEL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS SPYI BOR THAL MO SBYAR BA, 'OG MA GNYIS RAL GRI DANG, MYA NGAN MED PA'I SHING GI

, ,YAL GA 'DZIN PA, DBU SKRA RAL PA'I THOR TSUGS DANG RGYAN NA BZA' DANG, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL RAB TU DGA' BA BRJID PA'I, ,DBU BRGYAN 'OD KYI 'PHRENG BA SPEL MA, ,BZHAD PAR BZHAD TUTT'A RA YIS, ,BDUD DANG 'JIG RTEN DBANG DU MDZAD MA, ,ZHES PAS BSTOD, BZLAS BA NI, ,SGROL MA'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SARBA P'A PAm M'A RA YA H'Um PHAt: CES BZLA SKABS DMIGS PA NI, SNGAGS 'PHRENG LAS 'OD ZER DMAR SMUG GI TSOGS SPROS PAS BDUD DANG MU STEGS DANG, 'JIG RTEN KHAMS KYI SEMS CAN THAMS CAD KYI BSAM SBYOR NGAN PA MTHA' DAG GI SDIG SGRIB THAMS CAD SBYANGS, BDAG NYID LA DGA' BA DANG GUS PA'I SGO NAS DBANG DU GYUR BAR BSAMS, MJUG GI BYA BA RNAM SNGAR BZHIN NO,, ` ,,BCU GCIG PA PHONG PA SEL BA'I SGROL MA'I SGRUB THABS NI, MDUN GYI NAM MKHAR PADMA DANG NYI MA'I STENG DU T'Am YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU 'GYUR PA LAS ` RJE BTZUN MA PHONGS PA SEL BAR MDZAD MA SKU MDOG MUN PA'I MDOG CAN ZHAL GCIG PHYAG GNYIS MA, PHYAG G-YAS KYIS LCAGS KYUS PHYOGS MTSAMS BRGYAD NAS GZA' BRGYAD 'GUGS PAR MDZAD CING, G-YON PHONGS PA SEL BA'I LCAGS KYU ZHAGS PA DANG BCAS PA BSNAMS PA, CUNG ZAD

KHROS SHING, DBU SKRA GYEN DU BRDZES PA, RIN PO CHE'I RGYAN NA BZA' SOGS SNGAR BZHIN LA ` ZHABS G-YAS BRKYANGS PA'I ROL PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI SKYONG BA'I TSOGS RNAMS, ,THAMS CAD 'GUGS PAR NUS PA NYID MA, ,KHRO GNYER G-YO BA'I YI GE H'Um GIS, ,PHONGS BA THAMS CAD RNAM PAR SGROL MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR, AOm DZA MBHI NI MO HI SV'A H'A, ZHES BZLA BA'I TSE, SNGAGS 'PHRENG LAS 'OD ZER DMAR PO LCAGS KYU LTA BU PHYOGS BCUR SPROS PAS 'JIG RTEN KHAMS KYI LHA MI KLU LA SOGS PA SKYE RGYU THAMS CAD DANG, NOR LONGS SPYOD, GSER DNGUL, RIN PO CHE DBYiG LA SOGS PA DANG, 'BRU BANG MDZOD, RKANG 'GRO LA SOGS PA'I PHUN TSOGS THAMS CAD RANG DBANG MED PAR DBANG DU BSDUS, RANG GI YUL KHYIM PAR MDZOD SOGS GANG BAS DBUL PHONGS KYI SDUG BSNGAL ZHI BAR BSAMS, MJUG GI BYA BA SNGAR BZHIN NO,, ` ,,BCU GNYIS PAS BKRA SHIS 'BYUNG BA'I SGROL MA'I SGRUB THABS NI, MDUN GYI NAM MKHAR SNA TSOGS PAD ZLA'I GDAN LA T'Am YIG SER PO DA LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BKRA SHIS 'BYUNG BA'I SGROL MA SKU MDOG GSER GYI MDOG CAN, ZHAL GCIG PHYAG BRGYAD MA, G-YAS DANG POS RTZE GSUM DANG, G-YON DANG POS NOR BU RIN PO CHE

, ,THUGS KAR 'DZIN PA, GNYIS PA GNYIS KYIS LCAGS KYU RE, GSUM PA GNYIS KYIS RDO RJE DANG DBYUG PA, BZHI PA GNYIS KYIS RAL GRI DANG BUM PA BSNAMS PA, DBU SKRA RAL PA'I THOR TSUGS CAN, RGYAN NA BZA' GONG DANG 'DRA BA LA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTONG PA NI, PHYAG 'TSAL ZLA BA'I RTZE MOS DBU RGYAN, ,BRGYAN PA THAMS CAD SHIN TU 'BAR MA, , RAL PA'I KHROD NA 'OD DPAG MED LAS, ,RTAG PAR SHIN TU 'OD NI MDZAD MA, ,ZHES PAS BSTOD, BZLAS PA NI, SGROL MA'I THUGS KAR T'Am YIG GI MTHAR, AOm MNGGA LA PUshtIm KU RU SV'A H'A, ZHES BZLA SKABS SNGAGS 'PHRENG LAS 'OD ZER GSER BTZO MA LTA BU SPROS, 'JIG RTEN DANG 'JIG RTEN LAS 'DAS PA'I PHUN TSOGS THAMS CAD BKRA SHIS RTAGS BRGYAD DANG RGYAL SRID SNA BDUN LA SOGS PA'I RNAM PAR SPYAN DRANGS TE, BDAG NYID LA THIM PAS BKRA SHIS BDE LEGS KYIS KHYAB PAR BSAMS, MJUG GI BYA BA SNGAR BZHIN NO,, ` ,,BCU GSUM PA SMIN BYED SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHRAS, DON GNYIS BYAS, TSUR 'DUS YONGS SU GYUR PA LAS, SMIN BYED SGROL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS RAL GRI DANG 'KHOR LO, 'OG MA GNYIS

KYIS MNGA' DANG GZHU BSNAMS PA, SMIN MA DANG MCHU GYEN DU PHYOGS BA DBU SKRA GYEN DU BRDZES PA, GDAN NA BZA' SOGS SNGAR BZHIN LA, ZHABS G-YAS BRKYANGS G-YON BSKUMS PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL BSKAL PA THA MA'I ME LTAR, ,'BAR BA'I 'PHRENG BA'I DBUS NA GNAS MA, ,G-YAS BRKYANGS G-YON BSKUMS KUN NAS BSKOR DGA', ,DGRA YI DBUNG NI RNAM PAR 'JOMS MA, , ZHES PAS BSTOD, BZLAS PA NI, RJE BTZUN MA'I THUGS KAR, AOm SVATA BHAS MI KU RUS SV'AH'A, SNGAGS 'PHRENG SA BON DANG BCAS PA LAS 'OD ZER RDO RJE'I RANG BZHIN DPAG TU MED PA BYUNG BAS BDAG DANG BSGRUB BYA GANG YIN LA RDO RJE RVA BA'I GUR PHUB PAS BAR CHOD GANG GIS KYANG MI TSUGS PAR BSAMS, MJUG GI BYA BA RNAMS SNGAR BZHIN NO,, ` ,,BCU BZHI PA KHRO GNYER CAN MA'I SGRUB THABS NI, MDUN GYI NAM MKHAR PADMA DANG NYI MA'I DKYIL 'KHOR GYI DBUS SU TA'm YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA KHRO GNYER CAN MA SKU MDOG NAG MO, NAG DKAR DMAR BA'I ZHAL GSUM PHYAG DRUG GI PHYAG DANG PO GNYIS KYIS RAL GRI DANG THOD PA, GNYIS PA GNYIS KYIS LCAGS KYU DANG ZHAGS PA, GSUM PA GNYIS KYIS DBYUG PA DANG TSANGS MGO BSNAMS PA, ZHAL RE RE YANG SBYAN GSUM PA KHRO GNYER DANG LDAN PA, MI'I RGYU MA ZHAL DU GSOL BA, SMIN MA DANG DBU SKRA

, ,KHAM SER GYEN DU BRDZES PA, THOD PA LNGA'I DBU RGYAN DANG, LNGA BCU'I NGO SHAL CAN, STAG GI PAGS PA'I SHAM THABS DANG SPRUL GYIS BRGYAN PA PHYOGS MTSAMS BZHIR MYU GU 'DZIN PA, ZHABS G-YAS BRKYANG BA'I GAR STABS KYIS YI DVAGS MTHU BO CHE MNAN NAS ME DPUNG GIS DBUS NA BZHUGS PA, SGO GSUM BYIN RLABS NAS, MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI'I NGOS LA PHYAG GI ,MTHIL GYIS BSNUN CING ZHABS KYIS BRDUNG MA, ,KHRO GNYER SPYAN MDZAD YI GE H'Um GIS, ,RIM PA BDUN PO RNAMS NI 'GEMS MA, ,ZHES PAS BSTOD, RJE BTZUN MA'I THUGS KAR T'Am YIG GI MTHAR, AOm BADZRA T'A RE BADZRA MH'A PA TA AA SMI KU RU SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER DRAG LA RTZUB PA ME DPUNG DANG, GNAM LCAGS KYI THOG DANG, MNGA' MDUNG RAL GRI LA SOGS PA MTSON CHA'I TSOGS DPAG TU MED PA SPROS PAS DGRA BGEGS BYAD MA THAMS CAD CHER BCAD PAR BSAMS, MJUG MCHOG SNGAR BZHIN NO,, `,,BCO LNGA PA LA RJE BRTZUN MA ZHI BA CHEN MO'I SGRUB THABS NI, MDUN GYI NAM MKHAR PAD ZLA'I STENG DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA ZHI BA CHEN MO SKU MDOG DKAR MO, ZHAL GCIG PHYAG DRUG NAM, G-YAS DANG POS 'PHRENG BA THUGS KAR BSNAMS SHING, G-YON DANG POS PADMA 'DZIN

PA; BAR MA GNYIS KYIS MCHOG SBYIN DANG RIL BA SPYI BLUGS, ,'OG MA GNYIS KYIS DBYUG PA DANG PU TI BSNAMS PA, DBU SKRA RAL PA'I THOR TSUGS CAN, RIN PO CHE'I DBU RGYAN LA SOGS PA RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS BSNAMS PA, SKU LAS SKYES PA'I 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'CHAL BDE MA DGE BA ZHI MA, ,MYA NGAN 'DAS ZHI SPYOD YUL NYID MA, ,SV'AH'A AOm DANG YANG DAG LDAN PAS, ,SDIG PA CHEN PO 'JOMS PA NYID MA, ,CES PAS BSTOD, RJE BTZUN MA'I THUGS KAR SA BON GYI MTHAR, AOm TU RE SARBA P'A PAm PRA SHA MA NA YE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS, LHA MO DKAR MO BUM PA DKAR PO BDUD RTZI DKAR POS GANG BA BSNAMS PA RNAMS KYIS BDAG DANG BSGRUB BYA ZLA BA'I DKYIL 'KHOR LA GNAS PA LA KHRUS GSOL BAS SDIG SGRIB DANG NAD GDON THAMS CAD SBYANGS, LUS SHEL LTAR DAG PAR BSAMS, MJUG GI BYA BA RNAMS GONG BZHIN NO,, ` ,,BCU DRUG PA CHAGS 'JOMS SGROL MA'I SGRUB THABS NI; MDUN GYI NAM MKHAR PAD NYI'I DKYIL 'KHOR GYI STED DU, T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA CHAGS 'JOMS SGROL MA SKU MDOG DMAR

, ,MO; ZHAL GCIG PHYAG GNYIS MA, G-YAS THUGS KAR RTZE GSUM DANG, G-YON MYA NGAN MED PA'I SHING GI 'BRAS BU 'DZIN PA, DBU SKRA PHYED BCINGS SU BYAS PA'I LHAG MA BSIL BUR BABS PAS SKU STOD KHEBS PA, RIN PO CHE'I DBU RGYAN, SNYAN RGYAN, MGU LA RGYAN, PHYAG GDUB, ZHABS GDUB SOGS RIN PO CHE'I RGYAN DANG DAR GYI NA BZAS KLUBS PA 'OD KYI PHUNG PO'I DBUS NA ZHABS SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL KUN NAS BSKOR RAB DGA' BA'I, ,DGRA YI LUS NI RAB TU 'GEMS MA, ,YI GE BCU PA'I NGAG NI BKOD PA'I, ,RIG PA H'Um LAS SGROL MA NYID MA, ,ZHES PAS BSTOD, RJE BTZUN MA'I THUGS KAR, AOm TU RE SARBA DHARMA PRADZNY'A PRA TI P'A RI SHO DHA NI SV'AH'A, CES BZLA SKABS SNGAGS 'PHRENG SA BON DANG BCAS PA LAS 'OD ZER NYI MA SHAR KHA'I MDOG LTA BU DPAG TU MED PA SPROS PAS GSANG SNGAGS DANG RIG SNGAGS THAMS CAD KYI NUS MTHU DANG, TSUNGS PA DANG, BRGYA BYIN DANG, GNAS LNGA RIG PA'I PAndI TA RNAMS KYI SHES RAB DANG, SANGS RGYAS DANG BYANG CHUB SEMS DPA' THAMS CAD KYI MKHYEN RAB THAMS CAD 'OD ZER GYI RNAM PAR SPYAN DRANGS, BDAG NYID LA THIM PAS THOS BSAM SGOM PA'I SHES RAB DANG, LUNG RTOGS KYI YON TAN THAMS CAD RGYAS PAR BSAMS, MJUG GI BYA BA RNAMS

GONG BZHIN NO,, ` ,,BCU BDUN PA BDE SGRUB SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BDE BA SBYIN MA SKU MDOG DMAR SER, ZHAL GCIG PHYAG GNYIS KYIS THUGS KAR ZLA BA'I DKYIL 'KHOR BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS PA, SEMS DPA'I SKYIL KRUNG GIS 'OD KYI PHUNG PO'I DBUS NA BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL TU RE'I ZHABS NI BRDABS PAS ,H'Um GI RNAM PA'I SA BON NYID MA, ,RI RAB MAnDHA RA DANG 'BIGS BYED, ,'JIG RTEN GSUM RNAMS G-YO BA NYID MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE CHE GE MO SARBA STAMBHA NI T'A RE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA LCAGS SGROG ,ZHAGS PA, PHUR BU, RDO RJE RI RAB LA SOGS PA DPAG TU MED PA SGROS, LCAGS SGROG DANG ZHAGS PAS DGRA DANG, CHOM RKUN THAMS CAD BCINGS, PHA ROL GYI NGAN SNGAGS THAMS CAD PHUR BUS GDAB, RIM PA DGU'I SA 'OG TU DOR, RDO RJE RI RAB KYIS MNAN PAR BSAMS, MJUG GI BYA BA SNGAR BZHIN NO,, ` ,,BCO BRGYAD PA DUG SEL SGROL MA'I SGRUB THABS NI, MDUN GYI NAM MKHAR

, ,BAD ZLA'I STER DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA DUG SEL SGROL MA SKU MDOG STON KA'I ZLA BA LTAR DKAR BA, ZHAL GCIG PHYAG BZHI'I DANG PO GNYIS SPYI BOR BSNOL BAS LCAGS KYU 'DZIN PA, 'OG MA GNYIS KYIS MCHOG SBYIN DANG BCAS PA'I ZLA BA'I DKYIL 'KHOR DANG, AUTPA LA'I STENG DU GLEGS BAM GYI MTSAN PA 'DZIN PA, DBU SKRA RAL PA'I THOR TSUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB SOGS RIN PO CHE'I RGYAN GYIS BRGYAN PA DANG NGAR SNA TSOGS KYI NA BZA' CAN, 'OD KYI DKYIL 'KHOR GYI DBUS NA, NGANG PA'I STENG DU SKYIL KRUNG PHYED PAS BZHUGS PA, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL LHA YI MTSO YI RNAM PA'I, ,RI DVAGS RTAGS CAN PHYAG NA BSNAMS MA, ,T'A RA GNYIS BRJOD PHAt KYI YI GES; ;DUG RNAMS MA LUS PA NI SEL MA, ,CES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE SARBA N'A GA SH'ANTIm KU RU SV'AH'A, ZHES PA'I SNGAGS 'PHRENG BON DANG BCAS PAS BSKOR BA LAS, 'OD ZER DKAR PO GA BUR GYI RGYUN LTA BU BSIL BA'I RANG BZHIN CAN DPAG TU MED PA SPROS, RANG DANG BSGRUB BYA'I LUS LA THIM PAS KLU DANG, SA BDAG GI NAD THAMS CAD SDIG SBRUL DANG SBAL LCONG GI RNAM PAR BA SPU'I SGO THAMS

CAD NAS PHYIR PHUNG, LUS DVANGS GSAL 'OD KYI RANG BZHIN CAN DU SONG BAR BSAMS, MJUG GI BYA BA RNAMS SNGAR BZHIN NO,, ` ,,BCU DGU PA SDUG BSNGAL SEL BA'I SGROL MA'I SGRUB THABS NI, MDUN GYI NAM MKHAR PAD NYI'I DKYIL 'KHOR GYI STENG DU TAm YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE MA SDUG BSNGAL SEL PA'I SGROL MA SKU MDOG DKAR MO, ZHAL GCIG PHYAG GNYIS KYIS THUGS KAR ME THAB BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZA' GSOL BA, 'OD KYI PHUNG PO'I DBUS NA SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL LHA YI TSOGS RGYAL PO DANG, ,LHA DANG MI 'AM CI YIS BSTEN MA, ,KUN NAS GO CHA DGA' BA'I BRJID KYIS, ,RTZOD DANG RMI LAM NGAN PA SEL MA, ,ZHES PAS BSTOD, BZLAS PA NI ^ RJE BTZUN MA'I THUGS KAR SA BON GYI MTHAR, AOm TU RE MO TZA NA SV'AH'A, ZHES PA'I BSKOR BA LAS, 'OD ZER DKAR PO'I TSOGS SPOS PAS PHAN TSUN RTZOD PA DANG, RMI LAM NGAN PA GANG RMI BA DE DAG LA REG PAS SO SOR ZHI ZHING, RTZOD PA PO RNAMS BYAMS PA'I SEMS DANG LDAN PA DANG, MTSAN MA NGAN PA RNAMS DGE MTSAN PHUN SUM TSOGS PAR BSGYUR BAR BSAMS LA BZLAS PA BYA ZHING, KHYAD PAR RJE BTZUN MA 'DI'I LTE BAR ZLA

, ,BA'I DKYIL 'KHOR LA BSGRUB BYA BKOD DE SNGAGS BZLAS NA BTZON KHANG LAS THAR BAR 'GYUR RO, ,MJUG GI BYA BA RNAMS GONG BZHIN NO,, ` ,,NYI SHU PA RIMS NAD SEL BA'I SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ^ RJE BTZUN MA RIMS NAD SEL BA'I SGROL MA SKU MDOG DMAR SER, ZHAL GCIG PHYAG GNYIS MA, PHYAG GNYIS KYIS GSER GYI BUM PA THUGS KAR PA BSNAMS PA, DBU SKRA RAL PA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS SHING ZHABS GNYIS SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL NYI MA ZLA BA RGYAS PA'I, ,SPYAN GNYIS PO LA 'OD RAB GSAL MA, ,HA RA GNYIS BRJOD TU TT'A RA YIS, ,SHIN TU DRAG PO'I RIMS NAD SEL MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE BI SA RA TA SV'A H'A, ZHES PAS BSKOR PA LAS 'OD ZER 'PHROS PA'I SNE LA ^ RJE BTZUN MA ZHI KHRO MTHA' YAS BA SPROS, ZHI BA RNAMS KYI SKU LAS YE SHES KYI BDUD RTZI'I RGYUN BABS, NAD BDAG RIMS BDAG LA SOGS PA RNAMS TSIMS PAR BYAS, ZHI BA'I CHOS BSHAD PAS GNOD 'TSE'I BSAM SBYOR DANG BRAL NAS SO SO'I GNAS SU SONG

PAR BSAMS, KHRO MO RNAMS KYIS ZHI BAS 'DUL BAR MA NUS PA RNAMS DRAG PO'I LAS KYI TSAR BCAD PAR BSAMS, MJUG GI BYA BA RNAMS GONG BZHIN NO,, ` ,,NYER GCIG PA RJE BTZUN MA YONGS RDZOGS SGROL MA'I SGRUB THABS NI, MDUN GYI NAM MKHAR KHYU MCHOG GI STENG DU PADMA DANG ZLA BA'I GDAN LA T'Am YIG DKAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA YONGS RDZOGS SGROL MA SKU MDOG DKAR MO, ZHAL GCIG PHYAG GNYIS KYIS BGRANG 'PHRENG DANG RTZE GSUM BSNAMS PA, SPYAN GSUM MA, DBU SKRA RAL PA'I THOR COG CAN, RIN PO CHE'I RGYAN DANG STAG GI PAGS PA'I SHAM THABS CAN, RANG 'OD KYIS DKYIL 'KHOR GYI DBUS SU SKYIL KRUNG PHYED PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL DE NYID GSUM RNAMS BKOD PAS, ,ZHI BA'I MTHU DANG YANG DAG LDAN MA, ,GDON DANG RO LANGS GNOD SBYIN TSOGS RNAMS, ,'JOMS PA TU RE RAB MCHOG NYID MA, ,ZHES PAS BSTOD, BZLAS PA'I SKABS RJE BTZUN MA'I THUGS KAR SA BON GYI MTHAR, AOm TU RE SA TA PA SV'AH'A, ZHES PA'I BSKOR BA LAS 'OD ZER DKAR SER DMAR SNGO BZHI SPROS PAS ZHI RGYAS DBANG DRAG GI LAS RNAMS 'GRUB PAR BSAMS, MJUG GI BYA BA RNAMS GONG BZHIN LA, RJE BTZUN MA 'DI DAG GI SGO NAS LAS TSOGS BSGRUB PA LA SNGON DU YI GE BCU PA 'BRU

, ,'BUM BZLA DGOS SHING, BDAG BSKYED KYANG SGROL MA KUN GYI SPRUL GZHI SENG LDENG NAGS SGROL GYI RNAL 'BYOR BSGOM PA'AM MDUN GYI GSOL BA 'DEBS YUL GYI SGROL MA'I BDAG BSKYED GANG RUNG BSGOM PAS CHOG CING, SNGAR BSHAD PA'I LAS TSOGS DE DAG GI NANG NAS RANG NYID GANG 'DOD PA'I LHA'I RNAL 'BYOR DANG SNGAGS BZLAS PAS CHOG PA YIN CING, SGROL MA NYER GCIG PO THAMS CAD KYI MNGON RTOGS DANG SNGAGS RGYUN GCIG LA BZLA DGOS PA'I NGES PA MED DO,, ,,SMRAS PA, ,SPRIN BRAL MKHA' LA MRGAD BZHU BLUGS KYI, ,DO MTSAR SNA TSOGS RI MO BKOD PA BZHIN, ,SMIN LEGS STONG GI MDZES PA 'PHROG BYED PA'I, ,PHYI NAD 'JIGS LAS SKYOB MDZAD BCOM LDAN MAS, ,'GRO BLO'I MUN PA MA LUS SEL BA'I THABS, ,GRUB MCHOG NYI MA SBAS PA LA GDAMS PA'I, ,GCIG LHAG BCU PHRAG ZUNG GI GDAMS PA MCHOG ,RGYUD SDE'I MAN DAG DU MAS BRGYAN PA 'DI, ,SKAL BZANG DPYOD LDAN RNAL 'BYOR PHO MO YI, ,CI 'DOD 'PHRIN LAS SNA TSOGS RIN PO CHE, ,MA LUS MYUR DU 'GUGS PA'I LCAGS KYU STE, ,YID LA CI BSAM STER BA'I RIN CHEN YIN, ,'DIR 'BAD DGE TSOGS MES PO'I RAL KLUNG RGYUN, ,SKAL LDAN YID KYI RDZING BUR RAB ZHUGS TE, ,DNGOS GRUB CHU SKYES RGYAS PA'I 'DAB BRGYA'I RTZER, ,SKU GSUM ZE'U 'BRU DKAR POS MDZES GYUR CIG ,CES SOB DPON NYI MA

SBAS PA'I LUGS KYI SGROL MA NYER GCIG GI SGRUB THABS, BSKYED RIM LA SLOB TSUL GYI DMIGS BSKOR MDOR BSDUS DANG, BSNYEN BSGRUB LAS GSUM JI LTAR BYA BA'I TSUL 'DI LTA BU ZHIG DGOS ZHES GUNG BDE LEGS RDO RJE'I SHOG DGE TSUL MA YE SHES CHOS 'DZIN GYIS BSKUL BA'I NGOR ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL GYIS GZIMS CHUNG YID DGA' CHOS 'DZIN DU SBYAR BA'O,, 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, , AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SBEL; ;SARBA DZA GA TAm,

*, ,RJE BTZUN BSTAN PA'I 'KHOR LO DANG DBYANGS CAN LHA MO GNYIS KYI BSTOD PA DANG, ` SLOB DPON NYI MA SBAS PA'I LUGS KYI SGROL MA NYER GCIG GI SGRUB THABS BSKYED RIM LA SLOB TSUL GYI DMIGS SKOR MDOR BSDUS DANG BSNYEN SGRUB LAS GSUM JI LTAR BYA BA'I TSUL BCAS BZHUGS SO, @1 #, ,NA MO GU RU SVA RA SVA STI YE, SHES BYA'I DNGOS KUN MKHYEN PA'I SBYAN GYI DKYUS, ,CHES RING NAM MKHA'I SKA RAGS GZUGS DANG MTSUNGS, ,'GRO KUN 'DZUM GYIS BSU BA'I ZHAL DKYIL MCHOG ,NYIN BYED LTAR RGYAS SMRA BA'I SENGGER 'DUD, ,DRUG CU'I DBYANGS LDAN GLU MCHOG LEN LA MKHAS, ,'JO SGEG GAR GYI RNAM 'GYUR DU MAS BREL, ,SGRA DBYANGS LHA MOS SKAL LDAN BDAG CAG LA, ,NGAG GI DNGOS GRUB DAM PA STZAL DU GSOL, ,ZLA SRING 'PHANG 'GRO'I DBYANGS SNYAN RAB THOS PAS, ,RMAD BYUNG BLO GROS MCHOG TU YANGS PA DANG, ,RNAM DBYAD DAR BABS LEGS BSHAD MA LUS KUN, ,SGROG PA'I SPOBS PA MCHOG GI DNGOS GRUB STZOL, ,SMRA BA'I DBANG PHYUG RJE BTZUN 'JAM DBYANGS LA, ,SHUGS DRAG DVANG BAS RTZE GCIG GSOL BTAB

, ,MTHUS, ,BDAG KYANG MGON KHYOD SHES BYA MTHA' DAG LA, ,DBANG BSGYUR SHES RAB DRI MED SNANG BA STZOL, ,CHE DANG GSAL DANG MYUR CING ZAB PA YI, ,BLO GROS SPOBS PA'I SHES RAB RNON BO YIS, ,MDO SNGAGS ZAB MO'I GNAD RNAMS LEGS RTOGS NAS, ,'GRO RNAMS THEG MCHOG LAM LA 'GOD PAR SHOG ,CES PA 'DI NI SHING YOS LO MGO ZLA BA'I NANG GZA' SKAR PHUN SUM TSOGS PA DANG BSTUN, ^ RJE BTZUN BSTAN PA'I 'KHOR LO DANG DBYANGS CAN LHA MO GNYIS LA BSNYEN MTSAMS BGYIS SKABS ^ YONGS 'DZIN DAM PA RJE ZHAL SNGA NAS BLO BZANG TSUL KHRIMS KYIS LHAG PA'I LHA MCHOG 'DI RNAMS LA BSTOD PA 'DI LTA BU ZHIG DGOS ZHES GSUNG GIS BSKUL MA MDZAD PA LTAR, ^ SH'AKYA'I BTZUN PA BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG POS GZIMS CHUNG BKA' GDAMS PHO BRANG DU NA TSOD DANG BSTUN G-YAR KHRAL TZAM DU SBYAR BA'O,, DGE LEGS 'PHEL,, ` ,,SLOB DPON NYI MA SBAS PA'I LUGS KYI ^ SGROL MA NYER GCIG GI SGRUB THABS DANG BSKYED RIM LA SLOB TSUL GYI DMIGS SKOR MDOR BSDUS BSNYEN SGRUB LAS GSUM JI LTAR

BYA BA'I TSUL BCAS BZHUGS SO,, ` ,,NA MO A'ARYA T'A RE, LHA MI'I CHE RGU'I GTZUG RGYAN RLABS 'PHRENG GI ,GANG GI ZHABS PAD LAN BRGYAR DAG BYAS PA, ,'GRO KUN 'JIGS CHEN BRGYAD LAS SKYOB MDZAD PA'I, ,'PHAGS MA SGROL MA'I ZHABS LA SNYING NAS 'DUD, ,'DIR SLOB DPON NYI MA SBAS PA'I LUGS KYI SGOL MA NYI SHU RTZA GCIG GI SGRUB THABS NYAMS SU LEN PAR 'DOD PAS, THOG MAR SGROL MA THAMS CAD KYI SPRUL GZHI SENG LDENG NAGS KYI SGROL MA'I SGRUB THABS NI, GNAS KHANG BYI DOR BYAS LA RJE BTZUN MA SGROL MA'I SKU GZUGS BRIS 'BUR GANG YANG RUNG BA DGRAM, DE'I MDUN DU CHU GNYIS SNGON 'GRO'I NYER SBYOD DANG; DMAR GTOR ZLUM PO BSHOS BU NYER GCIG GIS BSKOR BA SOGS MCHOD PA G-YO MED CING BKOD PAS MDZES BAR BSHAMS, RANG GI MDUN DU NANG MCHOD KYI KA P'A LA RDOR DRIL SOGS MED MI RUNG GI YO BYAD RNAMS TSOGS PAR BYAS, STAN BDE BA LA 'KHONG DE DGE SEMS KHYAD PAR CAN GYI DAD NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, DNGOS GZHI NI, ` RANG NYID RJE BTZUN MA SENG LDENG NAGS KYI SGROL MAR GSAL BA'I THUGS KAR ZLA BA LA GNAS PA'I T'Am YIG LJANG GU'I 'OD ZER GYIS RANG BZHIN GYI GNAS NAS BLA MA DANG GNYIS SU MED PA'I RJE BTZUN MA SENG LDENG NAGS KYI SGROL MA LA, SGROL MA

, ,NYER GCIG DANG SANGS RGYAS BYANG CHUB SEMS DPA'I TSOGS KYIS BSKOR BA MDUN GYI NAM MKHAR SBYAN DRANGS 'OD ZER RANG GI SNYING GAR THIM PAR GYUR, GANG GI DRIN GYI BDE CHEN NYID, , SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,LHA DANG LHA MIN COD PAN GYIS, ,ZHES SOGS KYI PHYAG BYA, AOm GU RU A'ARYA T'A RE SA PA RI W'A RA AARGHAm NAS, SHAPTA'I BAR GYIS MCHOD, DKON MCHOG GSUM LA BDAG SKYABS MCHI, ,ZHES PA NAS, 'GRO LA PHAN PHYIR SANGS RGYAS 'GRUB PAR SHOG ,CES PA'I BAR GYIS SKYABS 'GRO SEMS BSKYED DANG, SANGS RGYAS BYANG CHUB SEMS DPA' KUN, ,ZHES SOGS KYIS SNGAGS SDOM BZUNGS, MA GYUR SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,CES SOGS TSAD MED BZHI BSGOM, TSOGS ZHING RNAMS RANG LA THIM PAS BYIN GYIS BRLABS PAR GYUR, PAR BSAM BA NI SBYANG GZHI 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYE GNAS MYONG 'GYUR GYI LAS BSOD NAMS KYI TSOGS GSOG PA DANG CHOS MTHUN, DE LTA BU'I LAS 'DU BYAS PA'I MTHAR 'CHI BA 'OD GSAL MNGON DU BYED PA DANG CHOS MTHUN PAR YE SHES KYI TSOGS GSOG PA NI, BDAG GI MA 'ONGS PA NA 'BYUNG 'GYUR GYI 'CHI BA SBYANG BAR BYA, DES DON GYI 'OD GSAL MYUR DU 'CHAR BA DANG 'BRAS BU CHOS SKU 'GRUB PA'I NUS PA KHYAD

PAR CAN BZHAG PAR BYA'O SNYAM DU BSAMS LA, AOm SH'U N+YA T'A DZNY'A NA BADZRA SVA BH'A WA A'ATMAKONYHAm, ZHES BRJOD PA'I TSE RANG GI SNYING GA'I T'Am YIG LAS 'OD ZER 'PHROS SNOD BCUR THAMS CAD LA PHOG PAS SNOD THAMS CAD GZHAL YAS KHANG DANG BCUD THAMS CAD RJE BTZUN MA'I SKUR GYUR, SNOD BCUD 'OD DU ZHU NAS RANG LA THIM PA'I TSE MIG SGYU LTA BU'I RNAM PA 'CHAR BAR BSGOM, RANG YANG STOD SMAD NAS RIM GYI 'OD DU ZHU TE SNYING GA'I H'Um LA THIM, DU BA LTA BU'I NYAMS SHAR BAR MOS, H'Um GI ZHABS KYU HA LA THIM PA'I TSE MKHA' SNANG ME KHYER LTA BU DANG, HA MGO BO LA THIM PA'I TSE MAR ME BTEG SBAR LTA BU DANG, MGO BA ZLA TSES LA THIM PA'I TSE DKAR LA MA PA'I SNANG BA DANG, ZLA TSES THIG LE LA THIM PA'I TSE DMAR LAM PA'I SNANG BA DANG, THIG LE N'A DA LA THIM PA'I TSE NAG LAM PA'I SNANG BA DANG, N'A DA YANG NAM MKHA' LA 'JA' YAL BA LTAR GYUR PA'I TSE RANG SEMS BDE BA CHEN PO'I NGOR GYUR PAS 'KHOR 'DAS KYI CHOS THAMS CAD BLOS PHAR BTAGS TZAM MA GTOGS RANG NGOS NAS GRUB PA RDUL TZAM YANG MED PA'I STONG BA NYID YUL DU BYAS TE, SH'U N+YA T'A'I SNGAGS DON LTAR YUL STONG PA NYID DANG YUL CAN BDE BA CHEN PO'I YE SHES GNYIS SNANG PHRA MOS KYANG BAR MCHOD PAR CHU LA CHU BZHAG PA BZHIN RO GCIG PA'I CHOS SKU'I NGANG DU GYUR SONG SNYAM DU YUN MI THUNG BAR SNYOMS PAR 'JOG PA NI 'CHI BA CHOS SKUR KHYER BA'I LA MA KHYER BSGOM PA'O;; ` ;;STONG PA'I NGANG LAS SKAD CIG GIS RDO RJE'I SA GZHI, RVA BA; GUR; BLA BRE, ME RI DANG BCAS PA'I DBUS SU SNA TSOGS PADMA LA GNAS PA'I SNA TSOGS RDO RJE'I LTE BAR GZHAL YAS KHANG GRU BZHI SGO BZHI PA

, ,RTA BABS LA SOGS PA'I MTSAN NYID THAMS CAD DANG LDAN PA'I NANG GI DBUS SU SNA TSOGS PADMA DANG ZLA BA'I GDAN G-YAS SU PAD ZLA DANG G-YON DU PAD NYI'I GDAN RE RE, 'DI'I BAR SEMS BYINGS PO CHOS SKU'I NGA RGYAL LA GNAS BZHIN PA'I DAD NAS BLO'I ZUR GCIG GIS BSRUNG 'KHOR GZHAL YAS KHANG GDAN DANG BCAS PA GSAL BTAB, MA 'ONGS PA NA 'BYUNG 'GYUR GYI BAR DO SBYANG BA DANG LAM RDZOGS RIM GYI SKABS SU DPE DON GYI 'OD GSAL LAS DAG MDAG GI SGYU MA'I SKU GNYIS 'GRUB PA'I DGE RTZA SMIN PAR BYAS 'BRAS BU LONGS SBYOD RDZOGS PA'I SKU 'GRUB PA'I NUS PA KHYAD PAR CAN BZHAG PAR BYA'O SNYAM PA DANG, BDAG GI RTAG TU CHOS SKU'I NGANG LA MI GNAS PAR LONGS SPYOD RDZOGS PA'I SKUR LANGS LA SEMS CAN GYI DON BYA'O SNYAM PA'I 'PHEN PA DANG BCAS TE, ,GDAN DBUS MA'I STONG DU T'Am YIG LJANG GU, BSGOM PA NI BAR DO LONGS SKUR KHYER BA'I RNAL 'BYOR RO, ,T'Am LAS 'OD ZER 'PHROS SEMS CAN THAMS CAD KYI SDIG SGRIB SBYANG 'PHAGS MA'I GO 'PHANG LA BKOD, PHYOGS BCU'I SANGS RGYAS SRAS DANG BCAS PA LA MNYES PA'I MCHOD PA PHUL, DE RNAMS KYI SKU GSUNG THUGS KYI YON TAN DANG SEMS CAN RJE BTZUN MAR GSAL BA RNAMS 'OD KYI RNAM PAR BSDUS TE T'Am YIG LA THIM PAR GYUR, PAR BSAM PA NI BAR DO'I BYA BA DANG LAM GYI GNAS SKABS SU SGYU LUS PA GNYIS KYI MDZAD PA DANG CHOS MTHUN, DE NAS BDAG GI SKU SHIN TU PHRA BA'I YE SHES KYI RANG BZHIN CAN THA MAL PA'I SHA'I MIG GI YUL DU MA GYUR PA 'DIS SEMS CAN GYI DON RGYA CHEN

PO SGRUB PAR MI NUS PAS NA RAGS PA'I SPRUL SKU BZUNGS LA SEMS CAN DPAG TU MED PA'I DON BSGRUB PAR BYA'O SNYAM DU BSAMS LA, ` T'Am YIG YONGS SU GYUR PA LAS RANG NYID RJE BTZUN MA SENG LDENG NAGS KYI SGROL MA SKU MDOG LJANG SNGON ZHAL GCIG PHYAG GNYIS MA, PHYAG G-YAS MCHOG SBYIN DANG, G-YON MTHEB SRIN GYIS AUTPAL LA'I YU BA THUGS KAR 'DZIN PA'I 'DAB MA SNYAN G-YAS G-YON GYI THAD DU KHA BYE BA, DBU SKRA RAL PA'I THOR TSUGS CAN LHAG MA BSIL BUR BABS PAS SKU STOD KHEBS PA, DBU RGYAN, SNYAN RGYAN, MGUL RGYAN, PHYAG GDUB, ZHABS GDUB LA SOGS PA RIN PO CHE'I RGYAN BRGYAD KYIS BRGYAN PA, SKU STOD LHA RDZAS KYI GOS KYIS GSHAL BYAS SHING SKU SMAD DAR GYI SHAM THABS 'CHANG BA, ZHABS G-YAS BRKYANGS SHING G-YON BSKUM GYIS BZHUGS PA, DE'I G-YAS KYI GDAN LA MI LAS LHA MO 'OD ZER CAN MA SKU MDOG SER MO, ZHAL GCIG PHYAG GNYIS KYI G-YAS RDO RJE DANG, G-YON MYA NGAN MED PA'I SHING GI YAL GA 'DZIN PA, RIN PO CHE'I RGYAN DANG DAR GYI NA BZA' CAN, GTZO MO'I G-YON DU H'Um LAS RAL GCIG MA SKU MDOG NAG MO, ZHAL GCIG PHYAG GNYIS KYI G-YAS GRI GUG DANG, G-YON THOD KHRAG BSNAMS PA; SPYAN GSUM DMAR ZHING ZLUM PA DRAG MO'I GZUGS CAN GLANG LPAGS KYI STONG G-YOGS DANG STAG LPAGS KYI SHAM THABS GSOL BA, 'KHOR GNYIS KA YANG ZHABS GNYIS DOR STABS KYIS BZHUGS PA'I GTZO 'KHOR THAMS

, ,CAD KYI SBYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, GTZO MO'I THUGS KA'I H'Um GI NANG DU T'Am GYIS MTSAN PA DE LAS 'OD ZER 'PHROS, PO TA LA SOGS RANG BZHIN GYI GNAS NAS BSGOM PA DANG 'DRA BA'I YE SHES PA SPYAN DRANGS, DZA: H'Um BAm HO: DAM CHIG PA DANG GNYIS SU MED PAR GYUR, SLAR YANG THUGS KA'I H'Um T'Am LAS 'OD ZER 'PHROS, DBANG GI LHA RIGS LNGA 'KHOR DANG BCAS PA SBYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHIshE KA TA SA MA YA SHR'I YE H'Um, ZHES GSUNGS SHING DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS GTZO MO LA DON YOD GRUB PA, 'OD ZER CAN MA LA RNAM SNANG, RAL GCIG MA LI MA BSKYOD PAS DBU BRGYAN PAR GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BH'A WAS STONG PAR SGYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRIm KHAm H'Um LAS BYUNG BA'I SHA LNGA DANG, LAm MAm PAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI

STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS ZHU ZHING KHOL, YI GE GSUM LAS 'OD ZER 'PHROS SKU GSUNG THUGS KYI RDO RJE GSUM SBYAN DRANGS, YI GE GSUM LA THIM, DE GSUM YANG RIM GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS, AOm AA MRi TAS BSANGS, SVA BH'A WAS STONG BAR SBYANGS, STONG PA'I DANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR ME, DRI CHAB, ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SBYONG YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um NAS; SHAPTA A'A: H'Um, GI BAR DANG, R'U PA NAS, SPARSHA A'A: H'Um, GI BAR BRJOD DE BYIN GYIS BRLABS, SPRO NA TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AARGHAm NAS, SPARSHA'I BAR GYIS MCHOD, NANG MCHOD KYI KA P'A LA LAG TU BZUNGS LA G-YON PA'I MTHEB SRIN GYIS G-YAS BSKOR DU DKRUGS PAS DBUS SU BDUD RTZI'I SNYING BA BYUNG BAR BSAMS LA; AOm MCHOD DO, PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS DANG BCAS PA'I NGO BOR GYUR PA DRIN CAN RTZA BA DANG BRGYUD PAR BCAS PA'I DPAL LDAN BLA MA DAM

, ,PA RNAMS KYI ZHAL DU AOm A'A: H'Um, AOm A'ARYA T'A RE AOm A'A: H'Um, AOm MA RI TZY'EE AOm A'A: H'Um, AOm AE KA DZA tI AOm A'A: H'Um, GZHAN YANG RGYUD SDE CHEN PO BZHI DANG 'BREL BA'I YI DAM DKYIL 'KHOR GYI LHA TSOGS RNAMS KYI ZHAL DU AOm A'A: H'Um, CHOS SKYONG BSRUNG MA RNAMS KYI ZHAL DU AOm A'A: H'Um, DPA' BO DANG RNAL 'BYOR MA RNAMS KYI ZHAL DU AOm A'A: H'Um, GZHI BDAG GNYUG MAR GNAS PA DANG SEMS CAN THAMS CAD LHAR GYUR PA RNAMS KYI ZHAL DU AOm A'A: H'Um, RANG GI LCE THOG TU BDUD RTZI MYANG LA, AOm AA MRi TA SVA D'A NA BADZRA SVA BH'A WA A'ATMA KONYHAm, MGRON THAMS CAD YE SHES KYI BDUD RTZIS MNYES SHING TSIMS PAR GYUR, LHA DANG LHA MIN ZHES SOGS SAM, ZHAL GCIG PHYAG GNYIS MCHOG SBYIN AUTPAL 'DZIN, ,DBU SKRA MTHON MTHING RIN CHEN RGYAN MANG GIS, ,SPRAS PA'I DAR GYI NA BZA' MDZES PAR GSOL, ,G-YAS BRKYANGS G-YON BSKUMS BZHUGS LA PHYAG 'TSAL BSTOD, ,GSER GYI MDOG CAN ZHAL GCIG PHYAG GNYIS KYIS, ,RDO RJE MYA NGAN MED BA'I YAL GA 'DZIN, ,'GRO KUN 'JIGS PA BRGYAD LAS SKYOB MDZAD PA'I, ,LHA MO 'OD ZER CAN LA PHYAG 'TSAL LO, ,SKU MDOG MTHING NAG ZHAL GCIG PHYAG GNYIS KYIS, ,RMONGS PA'I DRA BA GCOD PA'I GRI THOD 'DZIN, ,KHROS PA'I GAR GYI BDUD DPUNG SKRAG MDZAD PA'I, ,RAB BRJID LHA MO RAL GCIG MA LA 'DUD, ,DE NAS SEMS BYINGS PO

RTEN DANG BRTEN PAR BCAS PA'I DKYIL 'KHOR GYI GSAL SNANG LA GNAS BZHIN PA'I NGANG NAS BLO'I ZUR GCIG GI GTZO MO NAS BSRUNG, KHOR GYI BAR PHYIR RIM GYIS GSAL BTAB, DE NAS GTZO MO'I BAR NANG DU RIM GYIS GSAL BTAB STE MTHAR 'KHOR DANG GZHAL YAS KHANG GI RNAM PA SOGS RE ZHIG BTANG SNYAMS SU BZHAG STE RANG GTZO MA ZHAL GCIG PHYAG GNYIS MAR GSAL BA LA RTZE GCIG TU DMIGS NAS GSAL SNANG BSGOM BA DANG KHYAD PAR CAN GYI SNANG BA YID NGOR SHAR BA'I TSE, 'BRAS DUS KYI BDE STONG GNYIS SU MED PA'I YE SHES CHOS KYI SKU GDUL BYA'I DON DU RJE BTZUN MA SGROL MA'I RNAM PAR SHAR BA'I SKYON KUN ZAD YON TAN KUN LDAN GYI GZUGS KYI SKU DE NGA'O SNYAM DU NGA RGYAL 'DZIN PA GNYIS RE MOS SU BYA ZHING, DE YANG SNGAGS KYI SKABS 'DIR SPANG BYA'I GTZO BO THA MAL GYI SNANG ZHEN GNYIS YIN PAS THA MAL GYI SNANG BA'I GNYEN POR LHA'I GSAL SNANG DANG, THA MAL MI ZHEN PA'I GNYEN POR LHA'I NGA RGYAL BSGOM DGOS PAS DE GNYIS KYI NANG NAS KYANG LHA'I NGA RGYAL BSGOM PA GTZO CHE ZHING, 'DI DAG GI SKABS THAMS CAD DU ME LONG NANG GI BYAD BZHIN GYI GZUGS BRNYAN BYAD BZHIN DU SNAD YANG DES STONG PA BZHIN DU RTEN BRTEN PA'I RNAM PA THAMS CAD MA DAG MA BCOS PA'I BLO LA RANG DOS NAS GRUB PA LTAR SNANG YANG, RANG BZHIN GYIS GRUB PAS STONG BA'I SNAD STONG GNYIS TSOGS SGYU MA LTA BU'I RNAL 'BYOR LA SLOB PA NI DMIGS PA LHA LA DMIGS PA'I CHA NAS BSOD NAMS KYI TSOGS DANG RANG BZHIN MED PA'I 'DZIN STANGS CAN DU SKYES PA'I CHA NAS YE SHES KYI TSOGS GNYIS KA TSANG ZHING DE LTA BU'I YE SHES KYI TSOGS NI SNGAGS KYI THABS MKHAS KYI

, ,ZIN PA'I SHES RAB KHYAD PAR CAN YIN PAS PHAR PHYIN THEG PA NAS BSHAD PA'I YE SHES KYI TSOGS LAS BDAG 'DZIN GYI GNYEN POR 'GRO PHUL BRGYA 'GYUR GYI CHE ZHING YE SHES KYI TSOGS LA KHYAD JI TZAM BZHUGS PA TZAM GYI BSOD NAMS KYI TSOGS LA YANG KHYAD BZHUGS PAS NA 'DI LTA BU'I LAM LA SLOB PA NI SKU GSUM LAM KHYER GYI GNAD TSANG ZHING SKYE SHI BAR NGO'I SBYANG GZHI DNGOS SU SBYONG BAR BYED PAS RDZOGS RIM ZAB MO'I SMIN BYED KHYAD PAR CAN DU GYUR NAS BSKAL PA GRANGS MED GSUM DU TSOGS BSAGS PA LA MA LTOS BAR SNYIGS DUS KYI TSE THUNG GCIG LA RDZOGS PA'I SANGS RGYAS KYI GO 'PHANG STER BA'I GDAMS NGAG BLA NA MED PA YIN CING, 'ON KYANG RANG LHAR GSAL BA LA DMIGS NAS GSAL CHA DANG GNAS CHA SGRUB PA'I TSE NYES PA LNGA SPONG BA DANG, 'DU BYED BRGYAD BRTAN PA'I SGO NAS NYAMS SU BLANGS PA LA BRTEN NAS SEMS GNAS PA'I THABS DGU STOBS DRUG GI 'GRUB LUGS YID LA BYED PA BZHIR YOD TSUL RNAMS DBUS MTHA' RNAM 'BYED SOGS THUN MONG BA'I LAM GYI RIM PA LAS JI LTAR BSHAD BA LTAR NGES PA RNYED DGOS SO, ,DE LTAR LHA SKU BSGOM PA'I SKYON BZLAS PA BYA BA LA BGRANG PHRENG BYIN RLABS NI, AA MRi TAS BSANGS, SVA BH'A WAS SBYANGS, STONG PA'I DANG LAS DZRIm LAS PADMA DZRIm GIS MTSAN PA YONGS SU GYUR PA LAS 'OD DPAG MED DMAR PO ZHAL GCIG PHYAG GNYIS MNYAM GZHAG GI PHYAG RGYA CAN DE'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, DE LAS 'ONG ZER 'PHROS, RANG 'DRA'I YE SHES PA DANG DBANG GI LHA

RNAMS SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR RDO RJE SEMS DPAS DBU BRGYAN PAR GYUR, AOm A'A RO LIK AARGHAm NAS, SHAPTA'I BAR GYIS MCHOD, GSUNG RDO RJE 'OD DPAG MED ZHU BA LAS BYUNG PA'I 'PHRENG BA'I RNAM PAR GYUR, PAR BSAM LA LCE DANG MCHU MA 'GUL BAR RLUNG LDANG 'JUG GNAS GSUM YI GE GSUM GYI RANG GDANGS SU MOS NAS YID BZLAS JI LTAR RIGS PA BZLA, GTZO MO'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SV'AH'A, ZHES PAS BSKOR BA BSGOM, SNGAGS 'PHRENG LAS 'OD ZER 'PHROS, LUS KYI NANG GANG SDIG SGRIB THAMS CAD SBYANGS, TSE BSOD DPAL 'BYOR LA SOGS PA RGYAS PAR BSAMS LA, YI GE BCU PA JI LTAR RIGS PA DANG, 'OD ZER CAN MA'I THUGS KAR ZLA GDAN LA MAm YIG GI MTHAR, AOm M'A RI TZEE MAm SV'AH'A, ZHES BA DANG RAL GCIG MA'I THUGS KAR NYI GNGAN LA H'Um YIG GI MTHAR, AOm HR'Im: TR'Am H'Um PHAt, CES PAS BSKOR BA LA DMIGS NAS BZLAS BA'I SKYON DANG BRAL BAR GRANGS JI LTAR RIGS PA BZLAS, BZLAS PA'I GRANGS TSAD NI YI GE BCU PA 'BRU 'BUM DANG, 'KHOR GYI SNGAGS KHRI PHRAG RE, YI GE BCU PA'I MTHAR, H'Um HA AA DZHE SV'AH'A, ZHES PA'I YE GE BZHI BTAGS PA'I YE SHES 'BEBS SNGAGS KHRI PHRAG GCIG BZLA'O, ,BZLAS PA'I MTHAR GTOR MA 'BUL BAR 'DOD NA, DMAR GTOR NANG MCHOD LTAR BYIN GYIS BRLABS, RANG GI THUGS KA'I H'Um LAS 'OD ZER 'PHROS, SENG LDENG NAGS KYI SGROL MA GTZO 'KHOR GSUM GYI RTEN DANG BRTEN PAR BCAS PA'I DKYIL 'KHOR MDUN GYI NAM MKHAR SPYAN DRANGS PA RNAMS KYI LJAGS RDO RJE'I 'OD ZER GYI

, ,SPU GUS GTOR MA'I BCUD THAMS CAD DRANGS TE GSOL BAR GYUR, AOm A'ARYA T'A RE SA PA RI W'A RA AAm DAm BA LIm TA KHA KHA KH'A HI KH'A HI, LAN GSUM GYIS PHUL LA GONG GI BSTOD PAS BSTOD, YIG BRGYAS LHAG CHANG KHA BSKANG, NONGS PA BZOD GSOL DANG 'DOD DON LA GSOL BTAB SOGS BYA ZHING, MDUN GYI MGRON RNAMS RTEN YOD NA BRTAN BZHUGS DANG MED NA RANG BZHIN GYI GNAS SU GSHEGS PAR BSGOM, DE LTAR SGROL MA NYI SHU RTZA GCIG GI SPRUL GZHI SENG LDENG NAGS KYI SGROL MA'I SGRUB THABS NYAMS SU LEN PA'I RNAL 'BYOR PAS BSNYEN MTSAMS JI LTAR BYA BA'I TSUL BRJOD PAR BYA STE, SNGON DU DGE 'DUN BZHI SDE YAN CHAD LA BSNYEN BKUR DANG, GNAS KHANG BYI DOR BYAS LA, BA BYUNG GIS CHAG CHAG BTAB, STAN GYI 'OG TU SA DKAR GYI G-YUNG DRUNG DANG RTZVA DUR PA BTING, STAN BDE BA LA 'KHOD NAS BGEGS GTOR BTANG, BSRUNG 'KHOR MDOR BSDUS BSGOMS, MTSAMS G-YOG DANG SMAN PA SOGS MTSAMS 'OG TU 'JUG DGOS GANG YIN BSRUNG 'KHOR GYI NANG DU CHUD PAR BSAMS, MTSAMS THO BZHI RGYAL CHEN BZHI'AM DAM CAN CHOS RGYAL DU BSKYED, MCHOD GTOR PHUL TE SPYIL BU'I PHYOGS BZHI'AM SGO'I G-YAS G-YON DU STEGS PU'I KHAR BZHUGS SU GSOL LA, SGRUB PA PO'I BSNYEN SGRUB KYI LAS MTHAR MA PHYIN GYI BAR LA NANG GI DNGOS GRUB PHYIR MI 'CHOR BA DANG, PHYI'I NAD GDON BAR CHAD NANG DU MI 'JUG PA'I 'PHRIN LAS MDZOD CIG ,CES BRJOD LA ME TOG GTOR, NANG DU 'ONG STE LAG PA G-YON PAS STAN LA REG STE, AOm BADZRA A'A PAN H'Um, ZHES BRJOD DE STAN RDO RJE'I RANG BZHIN DU MOS, DE DAG NI GNAS BSRUNG BA'O, ,LAG BA

G-YON BA DRI CHU DANG BCAS PAS RANG GI GNAS GSUM DU REG LA YI GE GSUM BRJOD DE SGO GSUM BYIN GYIS RLOBS PA NI BDAG BSRUNG BA'O, ,DE NAS LUS RNAM SNANG GI CHOS BDUN LDAN DU 'KHOD DE BLA BRGYUD GSOL 'DEBS BDUD RTZI 'BEBS SBYANG GI DMIGS PA DANG BCAS TE BRJOD, SPRO NA RDOR DRIL BYIN RLABS SNGON 'GRO MCHOD GTOR BYIN GYIS BRLABS TE 'BUL BRDOR SEMS SGOM BZLAS BCAS BYAS NA PHUN SUM TSOGS PA'I YAN LAG TU 'GYUR BAS BLA MED KYI DKYIL 'KHOR GZHAN NAS BSHAD PA LTAR NYAMS SU LEN CING, BSDUS PA LA MOS NA DE DAG MA BYAS KYANG 6CHAD PA'I SKYON MED PAS GONG DU BSHAD PA LTAR CHOGS ZHING MCHOD PA NAS BZUNGS TE BZLAS PA LA THUG GI BAR SGRUB THABS NAS JI LTAR BSHAD PA LTAR SKABS GANG YIN GYI DMIGS BA RNAMS SNGA MA YID NGOR MA SHAR BAR PHYI MA GSAL MI 'DEBS CING, SNGA MA MA BRJED PA'I STENG NAS KYANG PHYI MA PHYI MA BSNAN TE BZLAS PA LA THUG GI BAR BTANG, BZLAS PA'I SKABS KYI DMIGS PA NI RANG RJE BTZUN MA SENG LDENG NAGS KYI SGROL MA SNANG LA RANG BZHIN MED PA SKU LAS 'OD ZER KHA DOG LNGA 'PHRO BA NAM MKHA'I 'JA' TSON LTA BUR GSAL BA'I THUGS KAR ZLA BA'I DKYIL 'KHOR GYI DBUS KYI T'Am YIG LA RANG GI SEMS ZHUGS PA BZHIN DU BYAS TE DE'I MTHA' SKOR DU YI GE BCU PO DBU PHYIR BSTAN NAS NYAL STABS SAM GYEN SGRENG GANG RIGS SU 'KHOD PA LDOG PA'I TSUL GYI YI GE RNAMS 'OD ZER 'BAR BA'I RNAM PAR BSGOM PA NI GONG BU'I BZLAS PA DANG, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA RJE BTZUN MA'I SKU DPAG TU MED PA SPRUL TE DE DAG GI SKU LAS BDUD RTZI 'OD ZER DANG BCAS PA BABS PAS SEMS CAN THAMS CAD KYI SDIG SGRIB SBYANG, 'PHAGS MA'I GO 'PHANG LA BKOD, YANG 'OD ZER 'PHROS PA'I SNE LA

, ,MCHOD PA'I LHA MO DPAG TU MED PA PHYOGS BCUR SPROS TE PHYOGS BCU'I SANGS RGYAS SRAS BCAS LA MNYES PA'I MCHOD BA PHUL, DE RNAMS KYI SKU GSUNG THUGS KYI YON TAN THAMS CAD DANG, SEMS CAN 'PHAGS MAR GSAL BA RNAMS 'OD KYI RNAM BAR BSDUS TE SNGAGS 'PHRENG SA BON DANG BCAS PA LA THIM PAR BSGOM PA NI DAM TSIG GI BZLAS PA, YANG SNYING KHA'I SA BON LAS AOm GYI SNA DRANGS TE SNGAGS 'PHRENG RANG GI LTE BA NAS THON, ZHAL DU ZHUGS, SNYING KHA'I SNGAGS 'PHRENG LA THIM; YANG SNGAGS 'PHRENG SNGAR LTAR LTE BA NAS THON PA SOGS MGAL ME'I 'KHOR LO LTAR 'KHOR BA'I 'OD ZER GYIS LUS KYI NANG GANG, SDIG SGRIB THAMS CAD SBYANGS PAR BSAMS LA ZHI ZHING 'JAM BA'I TSUL GYIS BZLA BA NI DO LI'I BZLAS PA'AM 'KHYOGS KYI BZLAS PA DANG, SNYING KHA'I SA BON LAS SNGAGS 'PHRENG CHAD PA RANG GI ZHAL NAS THON, LTE BA NAS NANG DU 'JUG PA SOGS SNGAR GYI 'KHOR TSUL NAS LDOG TE DRAG CING RTZU BA PA'I TSUL DU BZLA BA NI KHRO BO'I BZLAS PA'O, ,SNGAGS KYI SGRA DRAG POR SGROG PA NI KHROS PA'I BZLAS PA ZHES BYA BAS, BZLAS PA'I DMIGS PA DE RNAMS CI RIGS PA'I SGO NAS THUN DNGOS GZHI LA SEMS MA YENGS PAR BGRANG BA RNAMS BZLAS BA'I GRANGS SU GZHUG CING, SEMS G-YENG BA DANG, BZA' BTUNG GI BAR CHOD PA DANG; THUN MTSAMS SU BZLAS PA RNAMS GRANGS SU MI GZHUG, GZHAN YANG, JI SKAD DU, BZLAS BRJOD BYA TSE MI MYUR MI BUL ZHING, ,SGRA CHER MA YIN HA CANG CHUNG MA YIN, ,SMRAS BZHIN MA YIN RNAM PAR G-YENG BZHIN MIN, ,

GUG BSKYED KLANG KOR TSOGS RNAMS NYAMS BZHIN MIN, ,ZHES PA LTAR, RING THUNG GO LDOG PA DANG, SGRA HA CANG CHES PAS GZHAN GYIS THOS PA DANG, HA CHANG CHUNG BAS RANG GI MI THOS PA LA SOGS PA'I SKYON RNAMS SPANGS TE GTZO 'KHOR DU YOD KYI ZHAL , NAS SNGAGS KYI SGRA SGROG PAR MOS NA DE SNYED KYI PHAN YON 'BYUNG BAR GSUNGS, BZLAS PA'I GRANGS TSAD NI GZHAN LA DBANG BSKUR BA DANG, BDAG 'JUG LEN PA, SBYIN SREG SOGS LA DBANG BA'I BSNYEN PA'I GRANGS SGRUB THABS SU BSHAD ZIN PA LTAR DANG, LAS RAB 'BYAMS SGRUB PA'I BSNYEN PA'I GRANGS NI, GANG LA BRTEN NAS LAS SGRUB RGYU'I SNGAGS DE NYID BYE BA BZLA DGOS BAR RGYUD LAS BSHAD CING, SDOM 'BYUNG GI RGYUD LAS, RDZOGS LDAN LA NI BZLAS BYA GCIG, NYIS 'GYUR GSUM LDAN LA RAB BZLA, , GSUM 'GYUR GNYIS LDAN LA BZLA TE, ,RTZOD DUS BSNYEN PA BZHI 'GYUR TE, ,ZHES RGYUD NAS GRANGS JI TZAM BZLA DGOS BAR BSHAD PA DE NYID RTZOD DUS KYI SKABS 'DIR BZHI 'GYUR BZLA DGOS PA'I YI GE BCU PA LTA BU'AM, 'OG NAS 'BYUNG BA LTAR SGROL MA NYER GCIG GZHAN GYI SNGAGS GANG LA BRTEN NAS LAS SGRUB RGYU'I SNGAGS DE NYID BYE BA BZHI DANG, DE'I BCU CHA ME TOG DMAR PO'I SBYIN SREG SA YA BZHI BCAS SNGON DU BTANG NAS LAS DNGOS GZHI'I SKABS LAS SPYOR GYI BSNYEN PA 'BUM PHRAG GCIG DANG, SNGAGS DANG; RDZAS DANG, TING NGE 'DZIN GSUM GYI SGO NAS SGRUB DGOS SHING, DE YANG SGRUB RGYU'I LAS LA DNGOS GRUB RAB 'BRING THA GSUM LAS NAD GDON BAR CHAD ZHI BA DANG, TSE BSOD DPAL 'BYOR RGYAS PA DANG, BSGRUB BYA DBANG DU BSDU BA SOGS LAS PHRAN TSOGS RNAMS

, ,NI DBANG BSKUR RNAM DAG THOB CING, DAM TSIG DANG SDOM BA LA GNAS BAS SGRUB THABS NAS BSHAD BA LTAR GYI BSNYEN PA MDOR BSDUS TZAM DANG, LAS BZHI'I SBYIN SREG SOS LA BRTEN NAS KYANG SGRUB NUS PA DU MA YOD CING , GRUB PA CHEN BO BRGYANG LA SOGS BA DNGOS GRUB 'BRING SGRUB PA LA NANG LA GZHOL BA'I RNAL 'BYOR BAS RDZAS SNGAGS LA MA LTOS PAR BSAM GTAN TZAM GYIS SGRUB NUS MOD KYANG, BSKYED RIM PHRA BA MTHAR MA PHYIN PA'I SNGAGS LA GZHOL BA'I RNAL 'BYOR PAS SNGAR BSHAD PA BZHIN BSNYEN PA BYE BA BZHI SOGS LA LTOS DGOS SHING, NGES KYANG MA 'GRUB NA SPYOD PA LA ZLA BA BCO BRGYAD KYI BAR DU SLOB PA DANG, DES KYANG MA 'GRUB NA SPOGS CHOG JI LTAR BYA BA DANG, LHA LA DRAG SHUL GYI PHUR 'DEBS SOGS SNYING PO BSKUL BA'I TSUL RNAMS 'DIR YI GE'I TSEGS KYI 'JIGS NAS MA BKOD PAS 'GREL PA BZHI SBRAGS DANG 'DUS BSKYED DNGOS GRUB RGYA MTSO SOGS ^ RJE YAB SRAS KYI GSUNG RAB RNAMS LAS SHES PAR BYA'O, ,THUN RJES MA'I MTHAR 'JIG RTEN LAS 'DAS MA 'DAS KYI GTOR MA DANG, MTSAMS THO'I LHA LA MCHOD GTOR BCAS MA CHAD PAR BYA DGOS SO, ,JI LTAR 'PHEN PA BTANG BA LTAR GYI BSNYEN PA'I GRANGS TSAD SONG NAS MTSAMS GROL BA'I SKABS, MTSAMS THO'I LHA LA MCHOD GTOR PHUL TE NONGS PA BZOD BAR GSOL NAS GSHEGS SU GSOL, BSNYEN PA'I KHA SKONG GI SBYIN SREG BYA STE THO NANG MA'I LHA GSHEGS GSOL GRUB NAS PHYI MA GSHEGS GSOL MA BYAS PAR SBYIN SREG BYA ZHING, DE NAS MTSAMS 'OG TU MED PA'I DAM TSIG GCAD BA'I MI

DANG RIM GYI THUG 'PHRANG BYED PA LAS MTSAMS GROL MA THAG MI MANG KHRONG DU 'GRO BA DANG, RGYANG RING POR BLTA BA SOGS BYA MI RUNG, DE LTAR SENG LDENG NAGS SGROL GYI BSNYEN PA BYA BA'I TSUL DE NYID 'OG NAS 'BYUNG BA LTAR SGROL MA GZHAN GYI BSNYEN SGRUB LAS GSUM BYA TSUL LA'ANG RIGS 'GREN NAS SHES PAR BYA'O,, ` ,,SGROL MA NYER GCIG GI SGRUB THABS LA THOG MAR ^ RJE BTZUN MA MYUR MA DPA' MO'I SGRUB THABS NI, RANG SENG LDENG NAGS SGROL LAM GSOL BA 'DEBS YUL GYI SGROL MA'I RNAL 'BYOR LA GNAS BZHIN PA'I NGANG NAS SKYABS 'GRO SEMS BSKYED TSAD MED BZHI BSGOM PA SNGON DU BTANG, SEMS CAN THAMS CAD KYI DON DU SANGS RGYAS THOB PAR BYA, DE'I CHED DU ^ RJE BTZUN MA'I SGRUB THABS NYAMS SU BLANG BAR BYA'O SNYAM PA LAN GSUM BYA, MDUN GYI NAM MKHAR SNA TSOGS PADMA DANG ZLA BA'I DKYIL 'KHOR GYI STENG DU T'Am YAm GA DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA MYUR MA DPAL MO SKU MDOG DMAR MO, ZHAL GCIG PHYAG BRGYAD MA, PHYAG DANG PO GNYIS KYIS RDOR DRIL SPYI BOR BSNOL NAS 'DZIN PA, GNYIS PA GNYIS KYIS THUGS KAR MDA' GZHU 'GENGS PA, GSUM PA GNYIS KYIS 'KHOR LO DANG DUNG 'DZIN PA, BZHI PA GNYIS KYIS RAL GRI DANG ZHAGS PA 'DZIN PA, DBU SKRA RAL PA'I THOR TSUGS CAN, RIN PO CHE'I RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS LHAB

, ,LHUB TU GSOL BA, ZHABS SKYIL KRUNG PHYED PA'I STABS KYIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS, RANG 'DRA'I YE SHES PA DANG DBANG GI LHA RNAMS SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um GI 'OD ZER GYIS DBANG GI LHA RNAMS SBYAN DRANGS, KHYED RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DBANG GI LHA RNAMS KYIS YE SHES KYI BDUD RTZIS GANG BA'I BUM PA THOGS TE, JI LTAR BLTAMS PA TZAM GYIS NI, ,ZHES SOGS KYI MTHAR, AOm SARBA TA TH'A GA TA AA BHI shE KA TA SA MA YA SHR'I A'A: H'Um, ZHES GSUNGS SHING, DBANG GI LHAS DBANG BSKUR, SKU GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS, 'OD DPAG MED KYIS DBU BRGYAN PAR 'GYUR, AOm BADZRA AA MRi TA KUndA LI HA NA HA NA H'Um PHAt, AOm SVA BHA WAS STONG PAR SBYANGS, STONG PA'I NGANG LAS YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU A'A: LAS BYUNG BA'I THOD PA YANGS SHING RGYA CHE BA'I NANG DU, BHRUm AAm DZRAm KHAm H'Um LAS BYUNG BA'I SHA LNGA DANG, LAm MAm BAm TAm BAm LAS BYUNG BA'I BDUD RTZI LNGA SO SO'I SA BON GYIS MTSAN PA, DE DAG GI STENG DU YI GE 'BRU GSUM STENG NAS STENG DU BRTZEGS PAR GYUR, RLUNG G-YOS ME SBAR THOD PA'I NANG GI RDZAS RNAMS

ZHU ZHING KHOL, YI GE GSUM LAS 'OD ZER 'PHROS, SKU GSUNG THUGS KYI RDO RJE GSUM SPYAN DRANGS, YI GE GSUM LA THIM, DE GSUM YANG RAm GYIS ZHU NAS THOD PAR THIM PAR GYUR, AOm A'A: H'Um, LAN GSUM BRJOD DE BYIN GYIS BRLABS AOm BADZRA AA MRi TAS BSANGS, SVA BH'A WAS STONG PAR SBYANGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, ME TOG, BDUG SPOS, MAR ME, DRI CHAB; ZHAL ZAS, ROL MO LA SOGS PA RNAMS RANG BZHIN BDE STONG RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, NAS, SHAPTA A'A: H'Um GI BAR DANG; R'U PA NAS, SPARSHA A'A: H'Um GI BAR BRJOD DE BYIN GYIS BRLABS, SPRON TSIGS SU BCAD PA GANG YANG RUNG BA DANG, BSDU NA, AOm A'ARYA T'A RE SA PA RI W'A RA AA RGHAm NAS, SPARSHA'I BAR GYIS MCHOD, AOm A'ARYA T'A RE SA PA RI W'A RA AOm A'A: H'Um GIS NANG MCHOD PHUL, BSTOD PA NI, PHYAG 'TSAL SGROL MA MYUR MA DPAL MO, ,SPYAN NI SKAD CIG GLOG DANG 'DRA MA, ,'JIG RTEN GSUM MGON CHU SKYES ZHAL GYI, ,GSER BYE BA LAS NI BYUNG MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR SKU MDOG DANG MTSUNGS PA'I SNGAGS 'PHRENG GIS BSKOR BA LA DMIGS, AOm T'A RE TU TT'A RE TU RE CHE GE MO WA SHAm KU RU SV'AH'A, ZHAS BZLA ZHING, SNGAGS 'PHRENG LAS 'OD ZER DMAR PO LCAGS SGROG DANG ZHAGS PA

, ,LTA BU DPAG TU MED PA SPROS, GANG DBANG DU BSDU BYA'I DGRA DANG LAG 'DREN LA SOGS PA THAMS CAD LCAGS KYU DANG ZHAGS PAS BKUG ,BDAG NYID KYI RKANG PA LA MGOS 'DUD PA'I TSUL GYIS GNAS PA LA SNGAGS 'PHRENG LAS 'OD ZER DMAR PO'I TSOGS SPROS PAS BSGRUB BYA DE RNAMS KYI SDIG SGRIB SBYANGS, BDAG NYID LA GUS PA DANG CHAGS PA'I RANG BZHIN DU GYUR PAR BSAM NA GANG DBANG DU BSDU BYA'I BSGRUB BYA DE NYID RANG NYID KYIS DBANG DU BSDUS NUS PAR 'GYUR RO, ,MJUG TU YIG BRGYAS LHAG CHANG KHA BSKANG, BSNGO SMON GYI RGYAS BTAB, THUN MTSAMS SU YANG KHYER SO GSUM GYI RNAL 'BYOR DANG MA BRAL BAR BYA'O,, ` ,,GNYIS PA RJE BTZUN MA MDANGS SGROL MA'I SGRUB THABS NI, MDUN GYI NAM MKHAR PADMA DANG ZLA BA'I GDAN LA T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA SGROL MA ZHI BA CHEN MO SKU MDOG STON KA'I ZLA BA LTAR DKAR BA, DKAR SNGO SER BA'I ZHAL GSUM PHYAG BCU GNYIS MA, PHYAG DANG PO GNYIS MNYAM GZHAG MDZAD PA, GNYIS PA GNYIS KHA tV'Am GA DANG RIL BA SPYI BLUGS BA SNAMS PA, GSUM PA GNYIS KYIS 'KHOR BA'I 'KHOR LO DANG AUTPA LA, BZHI PA GNYIS KYIS NOR BU DANG DRIL BU, LNGA PA GNYIS KYIS RDO RJE DANG GTER BUM, DRUG PA GNYIS KYIS ME TOG GI 'PHRENG BA DANG PU TI BSNAMS PA, DBU SKRA RAL BA'I THOR TSUGS

CAN; RIN PO CHE'I RGYAN BRGYAD KYIS BRGYAN PA, DAR SNA TSOGS KYI NA BZAS KLUBS PA, 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PAR DMIGS LA, GNAS GSUM BYIN RLABS, DBANG BSKUR RGYAS BTAB BCAS SNGA MA BZHIN, LA RIGS BDAG 'OD DPAG MED, GONG LTAR PHYI MCHOD NANG MCHOD RNAMS BYIN GYIS BRLABS TE PHUL, BSTOD PA NI, PHYAG 'TSAL STON KA'I ZLA BA KUN TU, ,GANG BA BRGYA NI BRTZEGS PA'I ZHAL MA, ,SKAR MA STONG PHRAG TSOGS PA RNAMS KYIS, ,RAB TU PHYE BA'I 'OD RAB 'BAR MA, ,ZHES PAS BSTOD, BZLAS PA NI, AOm T'A RE TUTT'A RE TU RE SH'ANTIm KU RU SV'AH'A, ZHES BZLA ZHING, SNGAGS 'PHRENG LAS 'OD ZER DKAR PO DPAG TU MED PA 'PHROS PA'I SNE LA SGROL MA DKAR MO BDUD RTZIS GANG BA'I BUM PA DKAR PO THOGS PA DPAG TU MED PA SPROS TE RANG DANG BSGRUB BYA'I SBYI BO NAS KHRUS GSOL BAS NAD GDON SDIG SGRIB THAMS CAD DUD KHU DANG, GDON BGEGS RNAMS SDOM DANG SDIG PA'I RNAM PAR DBANG PO'I SGO DANG BA SPU'I SGO NAS PHYIR THON, RANG DANG BSGRUB BYA DE DANG DE'I LUS SHEL SGONG LTAR DAG PAR BSAMS, 'JUG CHOG SOGS SNGAR BZHIN BYA'O,, ` ,,GSUM PA ` RJE BTZUN MA GSER MDOG CAN MA'I SGRUB THABS NI, , SNGON 'GRO'I RIM PA SNGAR LTAR LA, MDUN GYI NAM MKHAR SNA TSOGS PADMA DANG NYI MA'I STENG DU T'Am YIG SER BO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA SKU MDOG GSER

, ,GYI MDOG CAN, ZHAL GCIG PHYAG BCU MA, PHYAG G-YAS KYI DANG POS RIN PO CHE'I 'PHRENG BA THUGS KAR 'DZIN CING, G-YON DANG POS DAR DPYANGS BSNAMS PA, GNYIS PA GNYIS KYIS RAL GRI DANG ZHAGS PA; GSUM PA GNYIS KYIS MDA' DANG PADMA, BZHI PA GNYIS KYIS RDO RJE DANG DRIL BU, LNGA PA GNYIS KYIS DBYUG PA DANG GZHU BSNAMS PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR BZHIN, RDO RJE SKYIL KRUNG GIS BZHUGS PA, GNAS GSUM BYIN RLABS DANG YE SHES PA DGUG GZHUG, DBANG BSKUR SOGS SNGAR BZHIN LA RIGS BDAG 'OD DPAG MED, NANG MCHOD SOGS GONG BZHIN LA, BSTOD PA NI, PHYAG 'TSAL SER SNGO CHU LAS SKYES KYI, ,PADMAS PHYAG NI RNAM PAR BRGYAN MA, ,SBYIN PA BRTZON 'GRUS DKA' THUB ZHI BA, ,BZOD PA BSAM GTAN SPYOD YUL NYID MA, ,ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE PUshtAm KU RU SV'AH'A, DMIGS PA NI, SNGAGS 'PHRENG LAS 'OD ZER GSER BTZO MA'I MDOG CAN MTHA' YAS BA BYUNG, RANG DANG BSGRUB BYA'I LUS DANG, GNAS KHANG SOGS LA PHOG CING 'OD ZER GYI SNE LA RJE BTZUN MA GSER GYI MDOG CAN BDUD RTZI SAR POS GANG BA'I BUM PA SER PO THOGS PA DPAG TU GRANGS MED PA BYON, RANG GZHAN GYI SBYI BO NAS DBANG BSKUR BAS LUS KYI PHYI NANG THAMS CAD GSER BZANG POS BYUGS PA LTA BUR GYUR, TSE DANG LONGS SPYOD THAMS CAD

'PHEL ZHING RGYAS PAR BSAMS, MJUG CHOG RNAMS SNGAR BZHIN NO,, ` ,,BZHI PA ` RJE BTZUN MA GTZUG TOR RNAM BAR RGYAL MA'I SGRUB THABS NI, MDUN GYI NAM MKHAR PADMA SER PO DANG, ZLA BA'I STENG DU T'Am YIG DMAR SER, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA SGROL MA GTZUG TOR RNAM PAR RGYAL MA SKU MDOG GSER GYI MDOG CAN, ZHAL GCIG PHYAG BZHI MA, PHYAG DANG PO GNYIS KYIS MCHOG SBYIN DANG BANDHA BDUD RTZIS GANG BA, 'OG MA GNYIS KYIS 'PHRENG BA DANG DBYUG BA 'DZIN PA, DBU SKRA RAL PA'I THOR TSUGS CAN, RGYAN DANG NA BZA' SOGS SNGAR DANG 'DRA BA LA ZHABS SEMS DPA'I SKYIL KRUNG GIS BZHUGS PA, DBANG BSKUR RGYAS 'DEBS, MCHOD PA SOGS SNGAR BZHIN LA, BSTOD PA NI, PHYAG 'TSAL DE BZHIN GSHEGS PA'I GTZUG TOR, ,MTHA' YAS RNAM PAR RGYAL BAR SPYOD MA, ,MA LUS PHA ROL PHYIN PA THOB PA'I; ;RGYAL BA'I SRAS KYIS SHIN TU BSTEN MA, ,ZHES PAS BSTOD, BZLAS PA'I SKABS T'Am YIG GI MTHAR, AOm T'A RE TUTT'A RE TU TT'A RU A'A YU: DZNY'A NA PUshtIm KU RU SV'AH'A, ZHES PA'I SNGAGS 'PHRENG LAS 'OD ZER DMAR SER LCAGS KYU LTA BU 'PHROS PAS 'KHOR 'DAS KYI BCUD THAMS CAD KYI SKRAG MDANGS DANG GZI BRJID THAMS CAD DANG, KHYAD PAR DU TSE'I RIG 'DZIN BRNYES PA THAMS CAD KYI TSE DANG YE SHES THAMS CAD TSE'I BDUD RTZI DMAR SER GYI RNAM PAR BKUG ,BCOM LDAN

, ,'DAS MA'I SKU DANG PHYAG GI THOD PA'I NANG GI BDUD RTZI LA THIM, DE LAS KYANG BDUD RTZI'I RGYUN BABS, RANG BZHIN GYI TSANGS BUG NAS ZHUGS, LUS KYI NANG THAMS CAD GANG DUS DANG DUS MIN GYI 'CHI BA'I 'JIG PA THAMS CAD BSAL, 'CHI MED TSE'I DNGOS GRUB THOB PAR BSAM STE SNGAGS 'BUM PHRAG BZLAS NA TSE LO BRGYU 'PHEL BAR 'GYUR RO, ,MJUG CHOG SNGAR BZHIN NO,, ` ,,LNGA PA H'Um SGRA SGROG PA'I SGROL MA'I SGRUB THABS NI, SNGON 'GRO'I RIM PA SNGAR LTAR LA, MDUN GYI NAM MKHAR PADMA DANG ZLA BA'I GDAN LA T'Am LAS PADMA TAm GYIS MTSAN PA, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA H'Um SGRA SGROG MA SKU MDOG SER MO, ZHAL GCIG PHYAG GNYIS MA, G-YAS MCHOG SBYIN DANG G-YON PADMA SER PO BSNAMS PA, RAL PA'I THOR TSUGS SOGS SNGAR BZHIN LA, ZHABS RDO RJE SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD NAS, BSTOD PA NI, PHYAG 'TSAL TUTT'A RA H'Um YI GES, ,'DOD DANG PHYOGS DANG NAM MKHA' GANG MA, ,'JIG RTEN BDUN PO ZHABS KYIS MNAN TE, ,LUS PA MED PAR 'GUGS PAR NUS MA, ZHES PAS BSTOD, BZLAS BYA'I SNGAGS NI, AOm T'A RE TUTT'A RE TU RE CHE GE MO A'A KARsh'A YA HR'I: SV'AH'A, DMIGS PA NI, SNGAGS 'PHRENG LAS 'OD ZER LCAGS KYU DANG, ZHAGS PA DANG, LCAGS SGROG

LTA BU MTHA' YAS PA SPROS, BSGRUB BYA'I MGRIN PA NAS ZHAGS PAS BCINGS, SKYE GNAS NAS LCAGS KYUS PHUG PA'I BDAG NYID LA CHAGS PA'I DBANG GI YID MYOS MGO 'KHOR TE RANG DBANG MED PAR RANG GI DRUNG DU DRANGS PAR BSAM NA BSGRUB BYA'I SBYI DANG, KHYAD PAR PHYAG RGYA DBANG DU 'GYUR TE, ,MJUG CHOG GONG BZHIN NO,, ` ,,DRUG PA 'JIG RTEN GSUM RGYAL MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA DANG NYI MA'I GDAN LA T'Am YIG DMAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA 'JIG RTEN GSUM LAS RNAM PAR RGYAL MA, SKU MDOG DMAR MO, ZHAL GCIG PHYAG BZHI MA, CUNG ZAD KHROS PA PHYAG DANG PO GNYIS KYIS RDO RJE DANG SDIGS MDZUB MDZAD PA, 'OG MA GNYIS KYIS RAL GRI DANG ZHAGS PA 'DZIN PA, DBU SKRA DANG SMIN MA CUNG ZAD 'DZINGS PA, RGYAN DANG NA BZA' SOGS SNGAR BZHIN LA SEMS DPA'I SKYIL KRUNG GIS BZHUGS PA, RIGS BDAG 'OD DPAG MED, PHYI NANG GI MCHOD PAS MCHOD, BSTOD PA NI, PHYAG 'TSAL BRGYA BYIN ME LHA TSANGS PA, ,RLUNG LHA SNA TSOGS DBANG PHYUG MCHOD MA, ,'BYUNG PO RO LANGS DRI ZA RNAMS DANG, ,GNOD SBYIN TSOGS KYIS MDUN NAS BSTOD MA, ,ZHES PAS BSTOD, THUGS KA'I T'Am YIG GI MTHAR, AOm T'A RE TUTT'A RE TU RE SARBA BIGHN'ANA SHA TRUm AU TZA TRA YA SV'AH'A, DMIGS PA NI SNGAGS 'PHRENG LAS 'OD

, ,ZER DRAG LA RTZUB PA ME'I TSA TSA LTA BU DPAG TU MED PA SPROS, GDON BGEGS LA SOGS PA GNOD PA THAMS CAD ZHO BA THUL TE BSREGS PA'AM, YANG NA GNOD BYED GANG YIN RLUNG GI DKYIL 'KHOR LA GNAS PA'I RNGA MONG SPROS PA LA BSKYON TE RGYA MTSO'I PHA 'GRAM DU BSKRAD PAR BSAMS, MJUG CHOG SNGAR BZHIN NO,, ` ,,BDUN PA ` RJE BTZUN MA RGOL BA 'JOMS MA'I SGRUB THABS NI, SNGON 'GRO'I RIM PA SNGAR BZHIN LA, MDUN GYI NAM MKHAR PADMA SER PO DANG NYI MA'I GDAN LA T'Am YIG DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR BA LAS, ` RJE BTZUN MA RGOL BA 'JOMS MA SKU MDOG NAG MO, ZHAL GCIG PHYAG BZHI MA, PHYAG DANG PO GNYIS KYIS 'KHOR LO DANG SKYE GNAS KYI STENG DU ZHAGS PA 'DZIN PA, 'OG MA GNYIS KYIS RAL GRI DANG SDIGS MDZUB MDZAD PA, KHRO GNYER CUNG ZAD BSDUS SHING, DBU SKRA GYEN DU BRDZES SHING SBRUL DANG COD PHAN SOGS RIN PO CHE'I RGYAN GYIS BRGYAN PA, DAR SER PO'I NA BZA' GSOL BA, ZHABS G-YON BRKYANGS PA'I STABS KYIS BZHUGS PA, GNAS GSUM BYIN RLABS, YE SHES PA SPYAN 'DREN, RIGS BDAG GI RGYAS 'DEBS, MCHOD BCAS GONG LTAR LA, BSTOD PA NI, PHYAG 'TSAL TRAtA CES BYA DANG PHAt KYIS, ,PHA ROL 'KHRUL 'KHOR RAB TU 'JOMS MA, ,G-YAS BSKUMS G-YON BRKYANGS ZHABS KYIS MNAN TE, ,MA 'BAR 'KHRUG PA SHIN TU 'BAR MA, ,ZHES PAS

BSTOD, BZLAS PA NI, RJE BTZUN MA'I THUGS KAR NYI GDAN LA, AOm T'A RE TUTT'A RE TU RE RBOD GZER SARBA BZLOG BHYO SV'AH'A, ZHES BZLA ZHING, DMIGS PA NI, THUGS KA'I SNGAGS 'PHRENG LAS DRAG PO'I 'OD ZER PHYOGS BCUR 'PHROS PAS PHA ROL GYI NGAN SNGAGS MNAN GTAD, BYANG KHA, RBOD GTONG THAMS CAD KYI NUS PA RNAMS NYAMS PAR BYAS, SLAR YANG 'OD ZER GYI TSOGS SPROS PAS SGRUB PA PO RANG NYID LA 'OD ZER GYI GUR PHUB PA'I PHYIN CHAD BYAD KHA RBOD GTONG SOGS KYIS GLAGS BLTA MI NUS PAR BSAM, MJUG CHOG SNGA MA BZHIN NO,, ` ,,BRGYAD PA ` RJE BTZUN MA DBANG MCHOG STER MA'I SGRUB THABS NI, SNGON 'GRO'I RIM PA GONG BZHIN LA, MDUN GYI NAM MKHAR PADMA DMAR PO DANG ZLA BA'I DKYIL 'KHOR GYI STENG DU T'Am YIG SER PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA DBANG MCHOG STER MA SKU MDOG SER MO, ZHAL GCIG PHYAG BZHI MA, PHYAG DANG PO GNYIS KYIS MYA NGAN MED PA'I SHING GI YAL GA DANG PADMA, 'OG MA GNYIS KYIS NOR BU DANG BCAS PA'I MCHOG SBYIN DANG BUM PA BSNAMS PA, DBU SKRA GYEN DU BRDZES PA, RIN PO CHE'I RGYAN DANG DAR BZANG PO'I NA BZA' GSOL BA, 'OD KYI PHUNG PO'I DBUS NA SKYIL KRUNG PHYED PAS CHU SRIN GYI STENG DU BZHUGS PA, GNAS GSUM BYIN RLABS, YE SHES PA DGUG GZHUG ,DBANG BSKUR RGYAS GDAB, MCHOD PA BCAS GONG

, ,BZHIN LA, BSTOD PA NI, PHYAG 'TSAL TU RE 'JIGS PA CHEN MO, ,BDUD KYI DPA' BO RNAM PAR 'JOMS MA, ,CHU SKYES ZHAL NI KHRO GNYER LDAN MDZAD, ,DGRA BO THAMS CAD MA LUS GSOD MA, ,ZHES PAS BSTOD, BZLAS PA NI, RJE BTZUN MA'I THUGS KAR ZLA BA'I DKYIL 'KHOR GYI STENG DU, AOm T'A RE TUTT'A RE TU RE GNOD BYED DGRA BGEGS SARBA M'A RA YA PHAt: DMIGS PA NI, SNGAGS 'PHRED LAS 'OD ZER 'PHROS PA'I SNE LA MTSON CHA MED DPUNG SRIN PO'I TSOGS DPAG TU MED PA SPROS PAS DGRA BO DMIGS PAS LA YOD NA DE'I SNYING DKAR NAG GI MTSAMS NA SROG GI NGO BO MAR ME LTA BU YOD PA NAG THUG GYIS BSAD, SHA KHRAG RUS PA TSOGS SU ROL PAR BSAMS, MJUG CHOG SNGAR LTAR RO,, ` ,,DGU PA ` RJE BTZUN BTZUM MA MCHOG STZOL MA'I SGRUB THABS NI, MDUN GYI NAM MKHAR PADMA DMAR PO DANG ZLA BA'I GDAN LA T'Am YIG DMAR PO DE LAS 'OD ZER 'PHROS ,DON GNYIS BYAS, TSUR 'DUS YONGS SU GYUR PA LAS, RJE BTZUN MA MCHOG STZOL SGROL MA SKU MDOG DMAR MO ZHAL GCIG PHYAG BZHI MA, DANG PO GNYIS KYIS RDOR DRIL SPYI BOR BSNOL TE 'DZIN CING, G-YAS 'OG MA GAR STABS DANG G-YON 'OG MA MCHOG SBYIN GYI PHYAG RGYAS MYA NGAN MED PA'I SHING GI YAL GA 'DZIN PA, DBU SKRA RAL PA'I THOR TSUGS DANG, RGYAN NA BZA' SOGS SNGAR BZHIN LA ZHABS GNYIS BGRAD PA'I STABS KYIS BZHUGS PA, SGO GSUM BYIN

RLABS YE SHES PA DGUG GZHUG ,DBANG BSKUR RGYAS BTAB, PHYI NANG GI MCHOD PA SOGS SNGAR BZHIN LA, BSTOD PA NI, PHYAG 'TSAL DKON MCHOG GSUM MTSON PHYAG RGYA'I, ,SOR MOS THUGS KAR RNAM PAR BRGYAN MA, ,MA LUS PHYOGS KYI 'KHOR LOS BRGYAN PA'I, ,RANG GI 'OD KYI TSOGS RNAMS 'KHRUG MA, ,ZHES PAS BSTOD, BZLAS PA NI, SGROL MA'I THUGS KAR ZLA GDAN LA, AOm T'A RE TUTT'A RE TU RE CHE GE MO LA GNOD PA SARBA RAKshA SV'A H'A, ZHES BZLA BA'I SKABS SU DMIGS PA NI, SNGAGS 'PHRENG LAS 'OD ZER DKAR PO SPROS PA'I RTZE MOR GANG LA GANG 'TSAMS PA'I THABS TSUL SNA TSOGS PAS TSE 'DIR LUS SEMS SDUG BSNGAL BAR BYED PA'I 'JIG PA CHEN PO BRGYAD LA SOGS PA 'JIG PA THAMS CAD LAS SKYOB PAR BSAM, YANG SNGAGS 'PHRENG LAS BDUD RTZI DKAR PO'I RGYUN BABS RANG GI SPYI BO NAS ZHUGS, SDIG SGRIB THAMS CAD SBYANGS TE PHYI MA PHAN CHAD KYI 'JIG PA THAMS CAD LAS SKYOB PAR BSAMS, MJUG GI BYA BA RNAMS SNGAR BZHIN NO,, ` ,,BCU PA ` RJE BTZUN MA MYA NGAN SEL BA'I SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA MYA NGAN SEL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS SPYI BOR THAL MO SBYAR BA, 'OG MA GNYIS RAL GRI DANG, MYA NGAN MED PA'I SHING GI

, ,YAL GA 'DZIN PA, DBU SKRA RAL PA'I THOR TSUGS DANG RGYAN NA BZA' DANG, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL RAB TU DGA' BA BRJID PA'I, ,DBU BRGYAN 'OD KYI 'PHRENG BA SPEL MA, ,BZHAD PAR BZHAD TUTT'A RA YIS, ,BDUD DANG 'JIG RTEN DBANG DU MDZAD MA, ,ZHES PAS BSTOD, BZLAS BA NI, ,SGROL MA'I THUGS KAR ZLA GDAN LA T'Am YIG GI MTHAR, AOm T'A RE TUTT'A RE TU RE SARBA P'A PAm M'A RA YA H'Um PHAt: CES BZLA SKABS DMIGS PA NI, SNGAGS 'PHRENG LAS 'OD ZER DMAR SMUG GI TSOGS SPROS PAS BDUD DANG MU STEGS DANG, 'JIG RTEN KHAMS KYI SEMS CAN THAMS CAD KYI BSAM SBYOR NGAN PA MTHA' DAG GI SDIG SGRIB THAMS CAD SBYANGS, BDAG NYID LA DGA' BA DANG GUS PA'I SGO NAS DBANG DU GYUR BAR BSAMS, MJUG GI BYA BA RNAM SNGAR BZHIN NO,, ` ,,BCU GCIG PA PHONG PA SEL BA'I SGROL MA'I SGRUB THABS NI, MDUN GYI NAM MKHAR PADMA DANG NYI MA'I STENG DU T'Am YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU 'GYUR PA LAS ` RJE BTZUN MA PHONGS PA SEL BAR MDZAD MA SKU MDOG MUN PA'I MDOG CAN ZHAL GCIG PHYAG GNYIS MA, PHYAG G-YAS KYIS LCAGS KYUS PHYOGS MTSAMS BRGYAD NAS GZA' BRGYAD 'GUGS PAR MDZAD CING, G-YON PHONGS PA SEL BA'I LCAGS KYU ZHAGS PA DANG BCAS PA BSNAMS PA, CUNG ZAD

KHROS SHING, DBU SKRA GYEN DU BRDZES PA, RIN PO CHE'I RGYAN NA BZA' SOGS SNGAR BZHIN LA ` ZHABS G-YAS BRKYANGS PA'I ROL PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI SKYONG BA'I TSOGS RNAMS, ,THAMS CAD 'GUGS PAR NUS PA NYID MA, ,KHRO GNYER G-YO BA'I YI GE H'Um GIS, ,PHONGS BA THAMS CAD RNAM PAR SGROL MA, ,ZHES PAS BSTOD, BZLAS PA NI, RJE BTZUN MA'I THUGS KAR T'Am YIG GI MTHAR, AOm DZA MBHI NI MO HI SV'A H'A, ZHES BZLA BA'I TSE, SNGAGS 'PHRENG LAS 'OD ZER DMAR PO LCAGS KYU LTA BU PHYOGS BCUR SPROS PAS 'JIG RTEN KHAMS KYI LHA MI KLU LA SOGS PA SKYE RGYU THAMS CAD DANG, NOR LONGS SPYOD, GSER DNGUL, RIN PO CHE DBYiG LA SOGS PA DANG, 'BRU BANG MDZOD, RKANG 'GRO LA SOGS PA'I PHUN TSOGS THAMS CAD RANG DBANG MED PAR DBANG DU BSDUS, RANG GI YUL KHYIM PAR MDZOD SOGS GANG BAS DBUL PHONGS KYI SDUG BSNGAL ZHI BAR BSAMS, MJUG GI BYA BA SNGAR BZHIN NO,, ` ,,BCU GNYIS PAS BKRA SHIS 'BYUNG BA'I SGROL MA'I SGRUB THABS NI, MDUN GYI NAM MKHAR SNA TSOGS PAD ZLA'I GDAN LA T'Am YIG SER PO DA LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BKRA SHIS 'BYUNG BA'I SGROL MA SKU MDOG GSER GYI MDOG CAN, ZHAL GCIG PHYAG BRGYAD MA, G-YAS DANG POS RTZE GSUM DANG, G-YON DANG POS NOR BU RIN PO CHE

, ,THUGS KAR 'DZIN PA, GNYIS PA GNYIS KYIS LCAGS KYU RE, GSUM PA GNYIS KYIS RDO RJE DANG DBYUG PA, BZHI PA GNYIS KYIS RAL GRI DANG BUM PA BSNAMS PA, DBU SKRA RAL PA'I THOR TSUGS CAN, RGYAN NA BZA' GONG DANG 'DRA BA LA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTONG PA NI, PHYAG 'TSAL ZLA BA'I RTZE MOS DBU RGYAN, ,BRGYAN PA THAMS CAD SHIN TU 'BAR MA, , RAL PA'I KHROD NA 'OD DPAG MED LAS, ,RTAG PAR SHIN TU 'OD NI MDZAD MA, ,ZHES PAS BSTOD, BZLAS PA NI, SGROL MA'I THUGS KAR T'Am YIG GI MTHAR, AOm MNGGA LA PUshtIm KU RU SV'A H'A, ZHES BZLA SKABS SNGAGS 'PHRENG LAS 'OD ZER GSER BTZO MA LTA BU SPROS, 'JIG RTEN DANG 'JIG RTEN LAS 'DAS PA'I PHUN TSOGS THAMS CAD BKRA SHIS RTAGS BRGYAD DANG RGYAL SRID SNA BDUN LA SOGS PA'I RNAM PAR SPYAN DRANGS TE, BDAG NYID LA THIM PAS BKRA SHIS BDE LEGS KYIS KHYAB PAR BSAMS, MJUG GI BYA BA SNGAR BZHIN NO,, ` ,,BCU GSUM PA SMIN BYED SGROL MA'I SGRUB THABS NI, MDUN GYI NAM MKHAR PADMA DMAR PO DANG NYI MA'I DKYIL 'KHOR GYI STENG DU T'Am YIG DMAR PO DE LAS 'OD ZER 'PHRAS, DON GNYIS BYAS, TSUR 'DUS YONGS SU GYUR PA LAS, SMIN BYED SGROL MA SKU MDOG DMAR MO, ZHAL GCIG PHYAG BZHI MA, PHYAG DANG PO GNYIS KYIS RAL GRI DANG 'KHOR LO, 'OG MA GNYIS

KYIS MNGA' DANG GZHU BSNAMS PA, SMIN MA DANG MCHU GYEN DU PHYOGS BA DBU SKRA GYEN DU BRDZES PA, GDAN NA BZA' SOGS SNGAR BZHIN LA, ZHABS G-YAS BRKYANGS G-YON BSKUMS PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL BSKAL PA THA MA'I ME LTAR, ,'BAR BA'I 'PHRENG BA'I DBUS NA GNAS MA, ,G-YAS BRKYANGS G-YON BSKUMS KUN NAS BSKOR DGA', ,DGRA YI DBUNG NI RNAM PAR 'JOMS MA, , ZHES PAS BSTOD, BZLAS PA NI, RJE BTZUN MA'I THUGS KAR, AOm SVATA BHAS MI KU RUS SV'AH'A, SNGAGS 'PHRENG SA BON DANG BCAS PA LAS 'OD ZER RDO RJE'I RANG BZHIN DPAG TU MED PA BYUNG BAS BDAG DANG BSGRUB BYA GANG YIN LA RDO RJE RVA BA'I GUR PHUB PAS BAR CHOD GANG GIS KYANG MI TSUGS PAR BSAMS, MJUG GI BYA BA RNAMS SNGAR BZHIN NO,, ` ,,BCU BZHI PA KHRO GNYER CAN MA'I SGRUB THABS NI, MDUN GYI NAM MKHAR PADMA DANG NYI MA'I DKYIL 'KHOR GYI DBUS SU TA'm YIG NAG PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ` RJE BTZUN MA KHRO GNYER CAN MA SKU MDOG NAG MO, NAG DKAR DMAR BA'I ZHAL GSUM PHYAG DRUG GI PHYAG DANG PO GNYIS KYIS RAL GRI DANG THOD PA, GNYIS PA GNYIS KYIS LCAGS KYU DANG ZHAGS PA, GSUM PA GNYIS KYIS DBYUG PA DANG TSANGS MGO BSNAMS PA, ZHAL RE RE YANG SBYAN GSUM PA KHRO GNYER DANG LDAN PA, MI'I RGYU MA ZHAL DU GSOL BA, SMIN MA DANG DBU SKRA

, ,KHAM SER GYEN DU BRDZES PA, THOD PA LNGA'I DBU RGYAN DANG, LNGA BCU'I NGO SHAL CAN, STAG GI PAGS PA'I SHAM THABS DANG SPRUL GYIS BRGYAN PA PHYOGS MTSAMS BZHIR MYU GU 'DZIN PA, ZHABS G-YAS BRKYANG BA'I GAR STABS KYIS YI DVAGS MTHU BO CHE MNAN NAS ME DPUNG GIS DBUS NA BZHUGS PA, SGO GSUM BYIN RLABS NAS, MCHOD PA'I BAR GONG BZHIN LA, BSTOD PA NI, PHYAG 'TSAL SA GZHI'I NGOS LA PHYAG GI ,MTHIL GYIS BSNUN CING ZHABS KYIS BRDUNG MA, ,KHRO GNYER SPYAN MDZAD YI GE H'Um GIS, ,RIM PA BDUN PO RNAMS NI 'GEMS MA, ,ZHES PAS BSTOD, RJE BTZUN MA'I THUGS KAR T'Am YIG GI MTHAR, AOm BADZRA T'A RE BADZRA MH'A PA TA AA SMI KU RU SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER DRAG LA RTZUB PA ME DPUNG DANG, GNAM LCAGS KYI THOG DANG, MNGA' MDUNG RAL GRI LA SOGS PA MTSON CHA'I TSOGS DPAG TU MED PA SPROS PAS DGRA BGEGS BYAD MA THAMS CAD CHER BCAD PAR BSAMS, MJUG MCHOG SNGAR BZHIN NO,, `,,BCO LNGA PA LA RJE BRTZUN MA ZHI BA CHEN MO'I SGRUB THABS NI, MDUN GYI NAM MKHAR PAD ZLA'I STENG DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA SGROL MA ZHI BA CHEN MO SKU MDOG DKAR MO, ZHAL GCIG PHYAG DRUG NAM, G-YAS DANG POS 'PHRENG BA THUGS KAR BSNAMS SHING, G-YON DANG POS PADMA 'DZIN

PA; BAR MA GNYIS KYIS MCHOG SBYIN DANG RIL BA SPYI BLUGS, ,'OG MA GNYIS KYIS DBYUG PA DANG PU TI BSNAMS PA, DBU SKRA RAL PA'I THOR TSUGS CAN, RIN PO CHE'I DBU RGYAN LA SOGS PA RGYAN BRGYAD KYIS BRGYAN PA, DAR BZANG PO'I STOD G-YOGS DANG SMAD G-YOGS BSNAMS PA, SKU LAS SKYES PA'I 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'CHAL BDE MA DGE BA ZHI MA, ,MYA NGAN 'DAS ZHI SPYOD YUL NYID MA, ,SV'AH'A AOm DANG YANG DAG LDAN PAS, ,SDIG PA CHEN PO 'JOMS PA NYID MA, ,CES PAS BSTOD, RJE BTZUN MA'I THUGS KAR SA BON GYI MTHAR, AOm TU RE SARBA P'A PAm PRA SHA MA NA YE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS, LHA MO DKAR MO BUM PA DKAR PO BDUD RTZI DKAR POS GANG BA BSNAMS PA RNAMS KYIS BDAG DANG BSGRUB BYA ZLA BA'I DKYIL 'KHOR LA GNAS PA LA KHRUS GSOL BAS SDIG SGRIB DANG NAD GDON THAMS CAD SBYANGS, LUS SHEL LTAR DAG PAR BSAMS, MJUG GI BYA BA RNAMS GONG BZHIN NO,, ` ,,BCU DRUG PA CHAGS 'JOMS SGROL MA'I SGRUB THABS NI; MDUN GYI NAM MKHAR PAD NYI'I DKYIL 'KHOR GYI STED DU, T'Am YIG DMAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA CHAGS 'JOMS SGROL MA SKU MDOG DMAR

, ,MO; ZHAL GCIG PHYAG GNYIS MA, G-YAS THUGS KAR RTZE GSUM DANG, G-YON MYA NGAN MED PA'I SHING GI 'BRAS BU 'DZIN PA, DBU SKRA PHYED BCINGS SU BYAS PA'I LHAG MA BSIL BUR BABS PAS SKU STOD KHEBS PA, RIN PO CHE'I DBU RGYAN, SNYAN RGYAN, MGU LA RGYAN, PHYAG GDUB, ZHABS GDUB SOGS RIN PO CHE'I RGYAN DANG DAR GYI NA BZAS KLUBS PA 'OD KYI PHUNG PO'I DBUS NA ZHABS SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL KUN NAS BSKOR RAB DGA' BA'I, ,DGRA YI LUS NI RAB TU 'GEMS MA, ,YI GE BCU PA'I NGAG NI BKOD PA'I, ,RIG PA H'Um LAS SGROL MA NYID MA, ,ZHES PAS BSTOD, RJE BTZUN MA'I THUGS KAR, AOm TU RE SARBA DHARMA PRADZNY'A PRA TI P'A RI SHO DHA NI SV'AH'A, CES BZLA SKABS SNGAGS 'PHRENG SA BON DANG BCAS PA LAS 'OD ZER NYI MA SHAR KHA'I MDOG LTA BU DPAG TU MED PA SPROS PAS GSANG SNGAGS DANG RIG SNGAGS THAMS CAD KYI NUS MTHU DANG, TSUNGS PA DANG, BRGYA BYIN DANG, GNAS LNGA RIG PA'I PAndI TA RNAMS KYI SHES RAB DANG, SANGS RGYAS DANG BYANG CHUB SEMS DPA' THAMS CAD KYI MKHYEN RAB THAMS CAD 'OD ZER GYI RNAM PAR SPYAN DRANGS, BDAG NYID LA THIM PAS THOS BSAM SGOM PA'I SHES RAB DANG, LUNG RTOGS KYI YON TAN THAMS CAD RGYAS PAR BSAMS, MJUG GI BYA BA RNAMS

GONG BZHIN NO,, ` ,,BCU BDUN PA BDE SGRUB SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ` RJE BTZUN MA BDE BA SBYIN MA SKU MDOG DMAR SER, ZHAL GCIG PHYAG GNYIS KYIS THUGS KAR ZLA BA'I DKYIL 'KHOR BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS PA, SEMS DPA'I SKYIL KRUNG GIS 'OD KYI PHUNG PO'I DBUS NA BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL TU RE'I ZHABS NI BRDABS PAS ,H'Um GI RNAM PA'I SA BON NYID MA, ,RI RAB MAnDHA RA DANG 'BIGS BYED, ,'JIG RTEN GSUM RNAMS G-YO BA NYID MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE CHE GE MO SARBA STAMBHA NI T'A RE SV'AH'A, ZHES BZLA SKABS, SNGAGS 'PHRENG SA BON DANG BCAS PA LAS 'OD ZER 'PHROS PA'I SNE LA LCAGS SGROG ,ZHAGS PA, PHUR BU, RDO RJE RI RAB LA SOGS PA DPAG TU MED PA SGROS, LCAGS SGROG DANG ZHAGS PAS DGRA DANG, CHOM RKUN THAMS CAD BCINGS, PHA ROL GYI NGAN SNGAGS THAMS CAD PHUR BUS GDAB, RIM PA DGU'I SA 'OG TU DOR, RDO RJE RI RAB KYIS MNAN PAR BSAMS, MJUG GI BYA BA SNGAR BZHIN NO,, ` ,,BCO BRGYAD PA DUG SEL SGROL MA'I SGRUB THABS NI, MDUN GYI NAM MKHAR

, ,BAD ZLA'I STER DU T'Am YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE BTZUN MA DUG SEL SGROL MA SKU MDOG STON KA'I ZLA BA LTAR DKAR BA, ZHAL GCIG PHYAG BZHI'I DANG PO GNYIS SPYI BOR BSNOL BAS LCAGS KYU 'DZIN PA, 'OG MA GNYIS KYIS MCHOG SBYIN DANG BCAS PA'I ZLA BA'I DKYIL 'KHOR DANG, AUTPA LA'I STENG DU GLEGS BAM GYI MTSAN PA 'DZIN PA, DBU SKRA RAL PA'I THOR TSUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB SOGS RIN PO CHE'I RGYAN GYIS BRGYAN PA DANG NGAR SNA TSOGS KYI NA BZA' CAN, 'OD KYI DKYIL 'KHOR GYI DBUS NA, NGANG PA'I STENG DU SKYIL KRUNG PHYED PAS BZHUGS PA, SGO GSUM BYIN RLABS NAS MCHOD PA'I BAR SNGAR BZHIN LA, BSTOD PA NI, PHYAG 'TSAL LHA YI MTSO YI RNAM PA'I, ,RI DVAGS RTAGS CAN PHYAG NA BSNAMS MA, ,T'A RA GNYIS BRJOD PHAt KYI YI GES; ;DUG RNAMS MA LUS PA NI SEL MA, ,CES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE SARBA N'A GA SH'ANTIm KU RU SV'AH'A, ZHES PA'I SNGAGS 'PHRENG BON DANG BCAS PAS BSKOR BA LAS, 'OD ZER DKAR PO GA BUR GYI RGYUN LTA BU BSIL BA'I RANG BZHIN CAN DPAG TU MED PA SPROS, RANG DANG BSGRUB BYA'I LUS LA THIM PAS KLU DANG, SA BDAG GI NAD THAMS CAD SDIG SBRUL DANG SBAL LCONG GI RNAM PAR BA SPU'I SGO THAMS

CAD NAS PHYIR PHUNG, LUS DVANGS GSAL 'OD KYI RANG BZHIN CAN DU SONG BAR BSAMS, MJUG GI BYA BA RNAMS SNGAR BZHIN NO,, ` ,,BCU DGU PA SDUG BSNGAL SEL BA'I SGROL MA'I SGRUB THABS NI, MDUN GYI NAM MKHAR PAD NYI'I DKYIL 'KHOR GYI STENG DU TAm YIG DKAR PO DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS ^ RJE MA SDUG BSNGAL SEL PA'I SGROL MA SKU MDOG DKAR MO, ZHAL GCIG PHYAG GNYIS KYIS THUGS KAR ME THAB BSNAMS PA, DBU SKRA PHYED BCINGS SU BYAS PA, RIN PO CHE'I RGYAN DANG DAR GYI NA BZA' GSOL BA, 'OD KYI PHUNG PO'I DBUS NA SEMS DPA'I SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL LHA YI TSOGS RGYAL PO DANG, ,LHA DANG MI 'AM CI YIS BSTEN MA, ,KUN NAS GO CHA DGA' BA'I BRJID KYIS, ,RTZOD DANG RMI LAM NGAN PA SEL MA, ,ZHES PAS BSTOD, BZLAS PA NI ^ RJE BTZUN MA'I THUGS KAR SA BON GYI MTHAR, AOm TU RE MO TZA NA SV'AH'A, ZHES PA'I BSKOR BA LAS, 'OD ZER DKAR PO'I TSOGS SPOS PAS PHAN TSUN RTZOD PA DANG, RMI LAM NGAN PA GANG RMI BA DE DAG LA REG PAS SO SOR ZHI ZHING, RTZOD PA PO RNAMS BYAMS PA'I SEMS DANG LDAN PA DANG, MTSAN MA NGAN PA RNAMS DGE MTSAN PHUN SUM TSOGS PAR BSGYUR BAR BSAMS LA BZLAS PA BYA ZHING, KHYAD PAR RJE BTZUN MA 'DI'I LTE BAR ZLA

, ,BA'I DKYIL 'KHOR LA BSGRUB BYA BKOD DE SNGAGS BZLAS NA BTZON KHANG LAS THAR BAR 'GYUR RO, ,MJUG GI BYA BA RNAMS GONG BZHIN NO,, ` ,,NYI SHU PA RIMS NAD SEL BA'I SGROL MA'I SGRUB THABS NI, MDUN GYI NAM MKHAR PAD NYI'I STENG DU T'Am YIG DMAR SER DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, ^ RJE BTZUN MA RIMS NAD SEL BA'I SGROL MA SKU MDOG DMAR SER, ZHAL GCIG PHYAG GNYIS MA, PHYAG GNYIS KYIS GSER GYI BUM PA THUGS KAR PA BSNAMS PA, DBU SKRA RAL PA PHYED BCINGS SU BYAS PA, RIN PO CHE'I RGYAN DANG DAR GYI NA BZAS KLUBS SHING ZHABS GNYIS SKYIL KRUNG GIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL NYI MA ZLA BA RGYAS PA'I, ,SPYAN GNYIS PO LA 'OD RAB GSAL MA, ,HA RA GNYIS BRJOD TU TT'A RA YIS, ,SHIN TU DRAG PO'I RIMS NAD SEL MA, ,ZHES PAS BSTOD, BZLAS PA NI, RJE BTZUN MA'I THUGS KAR SA BON GYI MTHAR, AOm TU RE BI SA RA TA SV'A H'A, ZHES PAS BSKOR PA LAS 'OD ZER 'PHROS PA'I SNE LA ^ RJE BTZUN MA ZHI KHRO MTHA' YAS BA SPROS, ZHI BA RNAMS KYI SKU LAS YE SHES KYI BDUD RTZI'I RGYUN BABS, NAD BDAG RIMS BDAG LA SOGS PA RNAMS TSIMS PAR BYAS, ZHI BA'I CHOS BSHAD PAS GNOD 'TSE'I BSAM SBYOR DANG BRAL NAS SO SO'I GNAS SU SONG

PAR BSAMS, KHRO MO RNAMS KYIS ZHI BAS 'DUL BAR MA NUS PA RNAMS DRAG PO'I LAS KYI TSAR BCAD PAR BSAMS, MJUG GI BYA BA RNAMS GONG BZHIN NO,, ` ,,NYER GCIG PA RJE BTZUN MA YONGS RDZOGS SGROL MA'I SGRUB THABS NI, MDUN GYI NAM MKHAR KHYU MCHOG GI STENG DU PADMA DANG ZLA BA'I GDAN LA T'Am YIG DKAR PO, DE LAS 'OD ZER 'PHROS, DON GNYIS BYAS, TSUR 'DUS YONGS SU GYUR PA LAS, RJE BTZUN MA YONGS RDZOGS SGROL MA SKU MDOG DKAR MO, ZHAL GCIG PHYAG GNYIS KYIS BGRANG 'PHRENG DANG RTZE GSUM BSNAMS PA, SPYAN GSUM MA, DBU SKRA RAL PA'I THOR COG CAN, RIN PO CHE'I RGYAN DANG STAG GI PAGS PA'I SHAM THABS CAN, RANG 'OD KYIS DKYIL 'KHOR GYI DBUS SU SKYIL KRUNG PHYED PA'I STABS KYIS BZHUGS PA, SGO GSUM BYIN RLABS NAS MCHOD PA'I BAR GONG BZHIN LA, BSTOD PA NI, PHYAG 'TSAL DE NYID GSUM RNAMS BKOD PAS, ,ZHI BA'I MTHU DANG YANG DAG LDAN MA, ,GDON DANG RO LANGS GNOD SBYIN TSOGS RNAMS, ,'JOMS PA TU RE RAB MCHOG NYID MA, ,ZHES PAS BSTOD, BZLAS PA'I SKABS RJE BTZUN MA'I THUGS KAR SA BON GYI MTHAR, AOm TU RE SA TA PA SV'AH'A, ZHES PA'I BSKOR BA LAS 'OD ZER DKAR SER DMAR SNGO BZHI SPROS PAS ZHI RGYAS DBANG DRAG GI LAS RNAMS 'GRUB PAR BSAMS, MJUG GI BYA BA RNAMS GONG BZHIN LA, RJE BTZUN MA 'DI DAG GI SGO NAS LAS TSOGS BSGRUB PA LA SNGON DU YI GE BCU PA 'BRU

, ,'BUM BZLA DGOS SHING, BDAG BSKYED KYANG SGROL MA KUN GYI SPRUL GZHI SENG LDENG NAGS SGROL GYI RNAL 'BYOR BSGOM PA'AM MDUN GYI GSOL BA 'DEBS YUL GYI SGROL MA'I BDAG BSKYED GANG RUNG BSGOM PAS CHOG CING, SNGAR BSHAD PA'I LAS TSOGS DE DAG GI NANG NAS RANG NYID GANG 'DOD PA'I LHA'I RNAL 'BYOR DANG SNGAGS BZLAS PAS CHOG PA YIN CING, SGROL MA NYER GCIG PO THAMS CAD KYI MNGON RTOGS DANG SNGAGS RGYUN GCIG LA BZLA DGOS PA'I NGES PA MED DO,, ,,SMRAS PA, ,SPRIN BRAL MKHA' LA MRGAD BZHU BLUGS KYI, ,DO MTSAR SNA TSOGS RI MO BKOD PA BZHIN, ,SMIN LEGS STONG GI MDZES PA 'PHROG BYED PA'I, ,PHYI NAD 'JIGS LAS SKYOB MDZAD BCOM LDAN MAS, ,'GRO BLO'I MUN PA MA LUS SEL BA'I THABS, ,GRUB MCHOG NYI MA SBAS PA LA GDAMS PA'I, ,GCIG LHAG BCU PHRAG ZUNG GI GDAMS PA MCHOG ,RGYUD SDE'I MAN DAG DU MAS BRGYAN PA 'DI, ,SKAL BZANG DPYOD LDAN RNAL 'BYOR PHO MO YI, ,CI 'DOD 'PHRIN LAS SNA TSOGS RIN PO CHE, ,MA LUS MYUR DU 'GUGS PA'I LCAGS KYU STE, ,YID LA CI BSAM STER BA'I RIN CHEN YIN, ,'DIR 'BAD DGE TSOGS MES PO'I RAL KLUNG RGYUN, ,SKAL LDAN YID KYI RDZING BUR RAB ZHUGS TE, ,DNGOS GRUB CHU SKYES RGYAS PA'I 'DAB BRGYA'I RTZER, ,SKU GSUM ZE'U 'BRU DKAR POS MDZES GYUR CIG ,CES SOB DPON NYI MA

SBAS PA'I LUGS KYI SGROL MA NYER GCIG GI SGRUB THABS, BSKYED RIM LA SLOB TSUL GYI DMIGS BSKOR MDOR BSDUS DANG, BSNYEN BSGRUB LAS GSUM JI LTAR BYA BA'I TSUL 'DI LTA BU ZHIG DGOS ZHES GUNG BDE LEGS RDO RJE'I SHOG DGE TSUL MA YE SHES CHOS 'DZIN GYIS BSKUL BA'I NGOR ^ SH'AKYA'I DGE SLONG BLO BZANG DPAL LDAN BSTAN PA'I NYI MA PHYOGS LAS RNAM RGYAL GYIS GZIMS CHUNG YID DGA' CHOS 'DZIN DU SBYAR BA'O,, 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, , AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS LHUN GRUB CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SBEL; ;SARBA DZA GA TAm,