*, ,BSLAB BYA GRAL 'PHROS BZHUGS, ,
, ,DE'ANG DGE BSKOS GSAR BZHENGS KYI SKABS 'DIR BZHUGS GRAL NAS LAS SNE LHAN RGYAS KYI DRUNG DU, BSLAB BYA GRAL 'PHROS KYI TSUL DU SNYAN SGRON ZHU BA'I SROL BZANG PO YOD PA KUN GYI THUGS LA GSAL BA LTAR RANG GI BLO GROS KYIS DPAG TSOD CIG ZHUN, DE YANG SNGON RGYA GAR 'PHAGS PA'I YUL DU STON PA THUB PA'I DBANG PO DE NYID KYIS 'KHOR LNGA SDE DANG, LHA BRGYAD KHRI SOGS LA CHOS KYI 'KHOR LO BSKOR BA NAS BZUNG, WA RA n'A SI, YANGS PA CAN, MNYAN YOD SOGS MTHA' DBUS KYI YUL GRU DU MAR RIM GYIS DGE 'DUN GYI SDE MANG DU 'PHEL ZHING, LO BCU GSUM TZAM GYI RING LA BSTAN PA LA NYES SKYON CUNG ZAD TZAM YANG MA BYUNG NA'ANG SKABS
, ,ZHIG NAS GSAR BU PA RNAMS SPYOD LAM RGOD BAG CAN DU GYUR TE PHAM LHAG SPANGS LTUNG SOGS DGAG DGOS KYI NYES PA MANG PO BYUNG BAR BRTEN KHRIMS NYIS BRGYA LNGA BCU SOGS DANG, GNAS KYI BLA MA, GNAS BRTAN, DGE BSGOS, MDZES 'CHOS PA SOGS BSKOS TE DGE 'DUN GYI GNAS BRTAN DANG, DGE BSKOS KYI NGAG BCAG TU MI RUNG BDE BZHIN GSHEGS PA'I BKA' DANG KHYAD PAR MED PA'I BCAS PA MDZAD, STON PA 'DAS RJES SU'ANG RDO RJE GDAN GYI GTZUG LAG KHANG, N'A LENDRA, AO TANTA BU RI, BI KRAM SHR'I LA SOGS 'PHAGS YUL GYI THEG PA CHE CHUNG GI DGE 'DUN GYI SDE RNAMS DANG, GANGS LJONGS 'DIR YANG CHOS RGYAL MES DPON RNAM GSUM GYI DUS NAS
BZUNG, SA RNYING KAR 'BRUG JO ZHAL SOGS GRUB MTHA' RIS MED KYI CHOS SDE DANG GDAN SA CHE CHUNG THAMS CAD DU BLA MA DANG, CHOS KHRIMS PA SOGS BSKO BA'I SROL STON PA'I BCAS PA BZHIN MDZAD, KHYAD PAR DU RGYAL BA KUN GYI YAB GCIG RJE BTZUN 'JAM PA'I DBYANGS NYID GSUM LDAN DUR SMRIG 'DZIN PA'I RNAM PAR ROL PA KHAMS GSUM BLA MA TZONG KHAB CHEN POS DGE LDAN BSTAN PA'I 'BYUNG KHYUNG 'BROG RI BO CHE DGE LDAN RNAM PAR RGYAL BA'I GLING GSAR 'DEBS MDZAD DE, DER YANG RJE RANG GI RGYAL TSAB DAR MA RIN CHEN GYIS SLOB DPON DANG, MKHAS GRUB SMRA BA'I NYI MA DANG, ZHVA LU BA LEGS PA RGYAL MTSAN RNAM GNYIS KYIS DGE BSKUL DANG, DPU MDZAD GNANG BA'I LO RGYUS GRAGS CHE BA LTAR LA, DGA' LDAN BTAB NAS LO BRGYAD NAS 'BRAS SPUNGS, LO BCU GNYIS NAS SER, LO NYI SHU RTZA DGU NAS BKRA SHIS LHUN PO BTAB PA YIN PAS GDAN SA CHEN PO DE RNAMS SU'ANG BLA MA DGE BSKUL SOGS BSKO BA'I SROL DE BZHIN DAR, RANG CAG RNAMS LA BKA' DRIN MTSUNGS PA MED PA MKHAS SHING GRUB PA'I DBANG PHYUG KUN MKHYEN BLA MA 'JAM DBYANGS SA BZHAD PA'I RDO RJE DPAL BZANG POS RGYAL BAS LUNG BSTAN PA'I CHOS SDE CHEN PO 'DI PHYAG 'DEBS MDZAD DE SRAS KYI THUB BO GZHUNG BRGYA SMRA BA'I DBANG PHYUG DKA' BCU BDAG DBANG BKRA SHIS CHOS KHRIMS PAR BSLOS TE DGE BSKOS BSKOS ZHAG DGA' LDAN LTAR BYED DGOS KYI BKA' PHEBS BA LTAR LO LNGA BCU LHAG TZAM GYI RING LA LO REG LA NGO BGRES GZHON GNYIS RE BSO
, ,BA'I SROL RGYUN CHAGS SU YOD NA'ANG, KUN MKHYEN SKU 'PHRENG BAR PA DE NYID KYIS GNAS SKABS KYI DGAG BYA DANG 'BYUNG 'GYUR GYI DGOS PA DU MA GZIGS NAS THOS BSAM GLING LA DBU CHOS LOGS SU BTOD DE, TSOGS CHEN DU LO RE BZHIN ZHAL NGO RE DANG, DBYAR DGUN GYI CHAB LHAG MA RE BSKO BA'I PHYAG SROL 'GYUR LDOG MED PA GNANG STE, KUN MKHYEN BLA MA SKU 'PHRENG RNAMS KYI THUGS RJE DANG, GNAS SKABS KYI LAS SNA RIM BYON DE RNAMS KYIS BSAM SBYOR RNAM PAR DAG PAS 'GRIG LAM GYI RTING BSKUL GRIM LHOD MED PA BYAS PA'I MTHU LAS DENG SANG DPAL LDAN BKRA SHIS G-YAS SU 'KHYIL BA'I GLING ZHES GRAGS DKAR GYIS SA STENG KHYAB CING SANGS RGYAS KYI BSTAN PA'I 'BYUNG KHUNGS GCIG PUR GYUR TE, CHOS DON GNYER GYI SKAL LDAN RNAMS KYIS GZHUNG SDE SNOD GSUM LA 'CHAD NYAN DANG, MTHA' DBUS KYI DAD LDAN SKYE BO MA LUS PAS RNYED PA DANG BKUR STI'I ME TOG GIS MCHOD PA'I BSOD NAMS KYI ZHING SA RMAD DU BYUNG BA MDO SMAD KYI DGON SDE THAMS CAD KYI NANG NA GUR DKAR PO'I TOG LTA BU 'DI BYUNG BA YIN 'DUG PAS BSTAN PA SPYI DANG DGE BSKUL BSKO BZHAG JI LTAR BYUNG BA'I TSUL NI DE LTA BU LAGS, DGE BSKUL BSKOS BA'I DGOS PA DANG RGYU MTSAN NI, MKHAS GRUB THAMS CAD MKHYEN PA'I ZHAL NAS, SKYE DGU RNAMS KYI PHAN BDE NI, ,MA LUS RGYAL BA'I BSTAN LAS 'BYUNG, ,BSTAN PA'I CHU BO 'PHEL BA'I GZHI, ,DGE 'DUN CHU GTER CHEN PO
LAGS; ,ZHES GSUNGS PA BZHIN, RGYAL BA'I BSTAN PA RIN PO CHE NI 'JIG RTEN GYI PHAN BDE MA LUS PA'I GZHI RTEN YIN ZHING, BSTAN PA'I RTZA BA DGE 'DUN GYI SDE DANG, DE'I THOS BSAM SGOM GSUM GYI BYA BA YAR RGYAS SU 'GRO BA CHOS BZHIN GYI KUN SPYOD LA LTOS SHING, DGE 'DUN GYI NANG KHRIMS 'BYUNG MI 'BYUNG RTING BSKUL BYED PA'I DGE BSKOS LA RAG LAS YOD PA DE YIN, DE'I RGYU MTSAN GYIS DGE BSKOS BSKO BZHAG GI TSE NA'ANG, GRAL RIM DED KYIS SHAM THABS KHRAL 'BAB BYAS MI CHOG PAR RANG BZHIN DRANG ZHING SMRA BRJOD BDE BA, KUN SPYOD MDZES SHING GZUGS BZANG PA, BLO KHOG YANGS LA BSAM RGYA CHE BA, BYA BYED NYUNG ZHING RANG TSUGS THUB PA, ZA 'DOD CHUNG ZHING GTAM RJES MI 'BRANG BA, KHYAD PAR DU GRAS CHEN PO'I 'GRIG LAM GYI RGYUS ZHIB PA, MTHO DMAN NYE RING SOGS KYI NGOR MI GTONG BA, SNYOMS LAS SGYID LUG SOGS KYI SGO NAS 'GRIG LAM YAL BAR MI 'DOR BAR SHA TSA ZHING KHUR GYIS LEN PA DE LTA BU RE BSKO BZHAG MDZAD DGOS PA DE RED, DA ZHAL NGO TSANG NAS KYANG DE DAG THUGS LA DGONGS NAS 'GRIG LAM GYI SROL GRVA SA CHE CHUNG RNAMS SU MANG DU YOD NA'ANG, DGON PA 'DI'I 'GRIG LAM SPYI'I KHUNGS DPAL LDAN 'BRAS SPUNGS LA CHAG BZHAG, RMAD BYUNG THOS BSAM GLING GI 'GRIG LAM RE GNYIS MA GTOGS SGO MANG LTAR DANG, RGYUD BA'I 'GRIG LAM DPAL LDAN SMAD RGYUD GRVA TSANG LTAR YIN, AE WAm CHOS 'KHOR GLING GI DUS 'KHOR GYI CHO GA'I PHYAG LEN
, ,RNAMS RTZE'I RNAL RGYAL GRVA TSANG DANG, KUN RIG GI GAR DBYANGS PHYAG RGYA SOGS SKYONG MO LUNG LTAR YIN, GSO RIG GZHAN PHAN GLING GI 'GRIG LAM RAGS RIM LCAGS PO RI'I BEEd'URYA SNANG BA'I GLING DANG CHA MTSUNGS SHING, DE MA YIN PA'I 'GRIG LAM DANG BSTAN PA'I SROL JI SNYED CIG MCHIS PA RNAMS GRVA TSANG SO SO'I 'GRIG GI NANG NAS GANG LEGS GANG MDZES KYI 'GRIG LAM RNAM PAR DAG PA'I CHA NYER MKHO'I SKOR BSDUS PA LTA BU YIN PAS DE DAG GI RGYU MTSAN RNAMS ZHIB TU NGES PAR MDZAD NAS THUGS BSAM RGYA GANG CHE GNANG STE, SPYIR LAS 'BRAS DANG CHOS 'DUL BA, SGOS SU GRVA TSANG RANG GI BCA' YIG DANG RANG SEMS DPANG BOR BZHAG STE, GONG SA SKYABS MGON RIN PO CHE'I THUGS DGONGS BZHIN DGON PA'I PHYI NANG BAR GSUM GYI 'GRIG LAM BSTAN DON LA RGYA'I THAD GANG LA'ANG G-YEL CHUNG DU MA SONG BAR THUGS KHUR GANG DRAG BZHES DGOS, DE'ANG 'DUL BA LUNG LAS, STONG GSUM GYI SEMS CAN THAMS CAD LA SHAN PA BYED DU BCUG PA LAS MKHAN SLOB DGE 'DUN SOGS KYIS DGE 'DUN GYI BYA BA YAL BAR DOR BA NYES DMIGS LCI BAR GSUNGS PA DANG, BLA MA GONG MA RNAMS KYIS LAS SNES DO DAM DANG GRA BAS KHUR LEN GYI DON LA CHOS SKYONG TSOR GNYER GTAD BYAS YOD PAS 'GRIG LAM YAL BAR POR NA NYES DMIGS DANG BCAS PAR MA ZAD 'PHRAL GYI KHE LAS PHUGS NYEN CHE BA 'BYUNG BAR GSUNGS PAS 'DI LA GZAB DGOS, DE'ANG 'JIG RTEN GYI GZHUNG TSIG
LA'ANG, DRAN TSAD LAG TU MA LEN, SHAR TSAD KHA RU MA 'DON, ZER TSAD BDEN PAR MA 'DZIN ZER BA LTAR DGAG BYA DANG DGOS PA LA THUGS BSAM ZHIB MO GNANG NAS PHUGS SU 'GANG CHE BA'I LAS DON BSGRUB SKABS DON DE LA GNOD PA'I BYA BA DANG SPYOD LAM GYI RIGS SPANGS NAS PHAN PA'I THABS SU GANG 'GRO BSGRUB PA'I BAG YOD DANG, BYA BA DE JI LTAR BYUNG YANG DANG DU LEN PA'I BZOD SRAN DANG, SEMS KYI GTING NA SPRO BA CHE BA'I BRTZON 'GRUS DANG SNYING STOBS DANG LDAN PA DANG, GZHAN GANG GIS KYANG PHYIN CI LOG TU BSGYUR MI THUB PA'I SEMS BRTAN PA DANG, BYA BA BSGRUB MKHAS PA'I SEMS LA GRIM CHA DANG LDAN PAR BYAS NA, 'JAM MGON SA SKYA PAndI TAS, PHYI RJES RING DU LTA BA DANG, BAG YOD PA LA BZOD SRAN CHE, ,BRTZON 'GRUS CHE ZHING BRTAN LA GRIM, ,BRAN G-YOG YIN YANG DPON DU 'GYUR, ,ZHES GSUNGS PA'I KHYAD PAR TSANG BA YIN, BLANG DOR DANG SPYIR BTANG DMIGS BSAL GYI MTSAMS SHES DKA' NA'ANG KUN MKHYEN BLA MA SKU 'PHRENG SNGA PHYIS CHOS 'DUL BA MDOR BSDUS NAS BCA' YIG GI TSUL DU GNANG YOD PA 'DI GNAM THIG BYAS NA BSLU MI SRID, GRVA SA SPYI DANG SO SO'I BCA' YIG ZUR 'DEBS DANG BCAS PA JI SNYED CIG GNANG YOD PA DE DAG LA BLTAS NAS ZHIB TU MI DPYOD BAR BLUN PO PHO TSOD CAN DAG LA 'GRIG LAM 'DRI BA NI RANG GIS RANG BSLUS PA YIN PAS DE 'DRA GNANG NA MI LEGS, GAL TE 'DRI NA'ANG, MKHAS DANG RGAN RABS NYAMS CHEN SHA
, ,TSAR DRIS, ZER BA YIN PAS CHOS SRID GNYIS KA LA RNAM DPYOD YANGS PA'I MKHAS PA DANG, RGAN RABS NYAMS MYONG CAN DANG BYA BA DE DANG DE LA NYAMS RGYUS CHE BA, SPYI SGER GYI LAS DON LA SHA TSA BA'I RIGS LA DRIS NAS YIN MIN LEGS PAR DPYAD DE, CHOS DANG MTHUN NA RJES SU 'JUG CING, MI MTHUN NA 'DOR DGOS, MI DANG 'GROGS LUGS KYANG 'BROM STON RGYAL BA'I 'BYUNG GNAS KYIS, MDOR NA MTHO BA THAMS CAD ZHVA BZHIN KHUR, ,DMA' BAS GZHI BZHIN DU BYAMS PAS SKYONGS, ,MNYAM PA RMON DOR BZHIN DU THAD GAR 'GROGS, ,GSUNGS PA LTAR GONG SA MCHOD YON GNYIS DANG, DPON SLOB KHRI RIN PO CHE 'GRIG LAM GYI DBANG PO YIN PAS ZHVA LTAR BKUR NAS CI GSUNG DANG DU LEN, GRVA TSANG BZHI'I LAS 'DZIN PHAL CHER GO BABS MTSUNGS MI MTSUNGS SNA TSOGS YOD KYANG PHYI NANG GI LA RGYA GROS BSDUR SOGS KYI SKABS MNYAM 'GROG GI TSUL THAL MA CHE BA DANG, 'GRIG LAM DKYUS MA'I SKABS SU 'DZUB MO GAR BSTAN SHAR GYI NGANG TSUGS SKYONG DGOS, GRVA TSANG BZHI'I GRA MANG DANG NYE 'KHOR GYI RGYA BOD HOR GSUM RNAMS BU BZHIN SKYONG DGOS PA'I GRA YIN PAS THUGS BRTZE BA'I BYAMS SKYONG GNANG DGOS KYANG HA CANG THAL MA CHE BA DGOS PA NI, SA PAndI TAS, HA CANG BYAMS THAL GNYEN LA'ANG MIN, ,HA CANG DPAL THAL DGRA LA'ANG MIN, ,ZHES DANG, KUN GZIGS LNGA BA CHEN POS, GNYEN LA HA CANG BYAMS NA NGAN SROL YONG, GSUNGS PA LTAR
YIN PAS PHYIN CHAD KYI NGAN SROL LA 'DZEM NAS SNYING RJE GO LOG TU MA SONG BAR SHA GANG TSA DANG, SNYING BRTZE BA THUGS KYI GTING LA BZHAG NAS PHYI ROL TU ZHI DRAG GI BYA BA SNA TSOGS THABS GANG MKHAS KYI SGO NAS SGRUB DGOS PA SOGS BYA BA GANG LA'ANG SPYI SEMS RGYA GANG CHE'I SGO NAS, 'GRO 'DUG SPYOD LAM GSUNG PHEBS LUGS SOGS LAS SNE CHEN PO'I GO BABS DANG GANG MTHUN GNANG DGOS, DA MDO DON GYI SNYING PO LO GCIG GI RING LA, GRVA TSANG BZHI'I CHOS SRID KYI KHUR THAMS CAD RANG THOG TU BABS SONG BA YIN PAS SLA CHOS DANG NYE RING CHAGS SDANG GI PHYOGS SU CUNG ZAD KYANG MA SONG BAR CHOS KHRIMS DAM LA ZHIB PA, BYA BYED GRA 'GRIG PA, BYA BA 'GO MJUG MTSUNGS PA, NANG NA GRIM CHA, PHYIN LHOD CHA YOD PA, THAMS CAD KYIS KHA DRO BKRA SHIS YID SMON GYI GNAS SU 'GYUR BA ZHIG GNANG NA SKYABS MGON THAMS CAD MKHYEN PAR YANG SGRUB PA'I MCHOD PA, DGE 'DUN GYI SDE LA'ANG ZHABS 'DEGS DE LAS LHAG PA SGRUB RGYU MED, DE'I KHONG NA RANG GI TSOGS BSAGS SGRIB SBYONG, GRVA TSANG GI DRIN GZO, BSTAN PA DANG SEMS CAN GYI DON YANG YOD TSUL SKYES BU DAM PA RNAMS KYIS GSUNG GI YOD PA DE RED, DE 'DRA ZHIG GNANG YANG DGOS, YONG YANG YONG, THAMS CAD LA YONG PA SNYAM PA'I RE BZHAG KYANG CHE BA YIN, DA SNYAN SGRON ZHU RGYU'I GTZO BO DE YIN, CHAB LHAG MA TSANG YANG BYA BA GNANG BZHAG GI SKOR GONG DU ZHUS PA DE RNAMS GZHIR BZHAG GI STENG DU ZUR DU ZHU RGYUR, ZLA BA DRUG GI
, ,RING LA ZHAL NGO TSANG DANG THUGS 'DUN GCIG DRIL GYIS BKUR GZOS DANG, ROG RAM GANG DRAG GNANG DGOS PA DE YIN, DA 'DA' TSOGS LA PHEBS LUGS RGYAB RI'I RTZER NYI MA 'CHAR BA LA NYE BA NA DMIGS BRTZE MA 'DU KHANG CHEN MO'I YANG RTZER SONG TE PHYAG GSUM SNGON DU 'GRO BA'I CHAB SKAD DANG PO SANGS RGYAS BYANG SEMS RNAMS LA MCHOD PA'I SGRA DBYANGS, GNYIS PA CHOS SKYONG SRUNG MA RNAMS SPYAN 'DREN PA'I ROL MO, , GSUM PA PHYOGS BCU'I DGE 'DUN RNAMS CHOS DANG ZANG ZING LA BSDU BA'I SKAD DU BSAM TE CHAB SKAD BTANG BA NA 'DI KA NAS BLA DPON GYI SKU 'TSAB, SPYI SO'I SDE BA, GSER KHRI RNAM GSUM DANG, KHRI GDAN ZUR GYI DBON PO, LAS SNE THON ZIN RNAMS KYIS GZAB 'PHYOR SPOS SNA DANG BCAS BCA' YIG CHEN MO DANG ZHAL NGO 'DU KHANG DU PHEBS, LAS SNE RNYING BA GNYIS KYIS DGE 'DUN THUGS MTHUN PA'I SMON LAM DANG BCAS LAS SNE RNAM GNYIS LA KYUG PA SPRAD, 'TSOGS RAN PA NA DUNG BKRA SHIS DRUG 'GYOG GI TSUL DU BTANG STE TSOGS MANG NANG DU PHEBS GRUB PA NA GDONG GRAL GYEN BYAS G-YAS PHYOGS KYI MTHA' GRAL BAR DU BSHAD, TSIG GI THOG MAR MAR SONG THUR SONG ZER BA LTA BU'I TSIG BKRA MI LEGS PA MI BRJOD, CHAB LTAG MA TSANG NAS KYANG DGE BSKOS GRAL NAS BZUNG G-YON GYI MTHA' GRAL BAR DU PHEBS, GRAL BSHAD DUS LAS SNE RNAM GNYIS GDONG THUG MI YONG BA BYED, PHYAG BDE SLONG MTSAMS LA SLEB DUS CHAB LTAG MA TSANG GIS THOG MAR ZHAL
NUB GZIGS KYI GRAL ZHIG NAS SLONG DGOS, DE'I RGYU MTSAN SNGON STON PA YANG DAG PAR RDZOGS PA'I SANGS RGYAS THUGS RJE CAN DE NYID KYIS BSTAN PA BYANG NAS BYANG DU DAR BA'I RTEN 'BREL DU DBU BYANG PHYOGS SU BSTAN NAS CHOS DBYINGS SU GZIMS PA'I TSUL BSTAN PAS PHA'I MGO LA BUS KYUG PA BTZUGS MI YONG ZER BA LTAR YIN, MANG JA DANG PO'I STENG MANG JA'I GNANG BA DKYUS LTAR ZHUS RJES BLA BRANG CHEN MO'I SKU 'TSAB NAS BSKO 'JA'I GSUNG SHOG BSGRAGS TE DGE BSKOS KYI PHYAG TU PHUL, DE NAS BCA' YIG GSUNG RGYU'I SNYAN GSAN PHUL TE, SKAD SNYAN CING MTHO BA, TSIG DAG CING GSAL BA DANG BCAS BCA' YIG GI MJUG BKRA SHIS KYI TSIG BCAD DANG BCAS PA GSUNG, DE RJES ZHVA MO MNAB STE TSOGS LA GZIGS RTOG GNANG TSUL SOGS DKYUS LTAR YIN, TSOGS GROL DUS GDONG GRAL DU BZHUGS NAS KYUG BRDA RIM PAR BSTAN NAS GROL DU 'JUG, DE PHYIN NAS BZUNG TSOGS YAR PHEBS MAR PHEBS SRANG BAR SOGS GANG YIN KYANG KYUG BA BSNAMS, ZHVA MO BZHES, NA BZA' GZAB 'PHYOR DANG BCAS CHAB RIL KHRID DE PHEBS BZHUD GSUNG GNANG GANG LA YANG MI DPON CHEN PO'I RTAGS TSUGS DANG LDAN PA GNANG DGOS PA DE YIN, DE TZAM MA GTOGS CHEN PO ZHU YANG MI SHES, ZHUS PA 'DI'ANG BYIS PAS RGAN PO LA BSLAB BYA DANG, SGONGS MA LA KHA TA LTA BU RED DE, YIN KYANG BSLAB BYA SNYAN SGRON RE ZHU BA'I PHYAG SROL YOD PA MA NYAMS TZAM ZHIS BYAS BUL YIN PAS GANG ZHUS PA
, ,THAMS CAD THUGS LA DGONGS LAGS, BDAG GI BLO GROS KHAB KYI BU GA'I NANG, ,CHEN POR 'OS PA'I GTAM GYI SBYOR BA DAG ,MTHONG MIN MKHAS PA'I GSUNG RGYUN DVANGS SHEL KHAMS, ,DU MA TSOGS PA'I 'PHRUL LAS BSKRUN PA LAGS, ,ZHES DGE BSKOS GSAR BZHENGS KYI BZHUGS GRAL NAS BSLAB BYA GRAL 'PHROS GTONG TSUL 'DI YANG ZHAL NGO ZUR BA YOS KHUG RAB 'BYAMS PA LEGS BSHAD RGYA MTSOS BSKUL DOR, ^ BTZUN GZUGS SHES RAB RGYA MTSOS SNGA MA'I GSUNG RGYUN LTAR BRIS PA'O,, ,,'DI YANG MDZOD DGE'I DGON GSAR DGA' LDAN RAB RGYAS GLING NAS PAR DU BKOD,, ,,
[BLANK PAGE]