*, ,YONGS SU GRAGS PA'I SMON LAM LNGA'I GZHUNG GI MTSAMS RNAM PAR 'BYED PA GSAL BYED NYI MA'I PHRENG BA ZHES BYA BA BZHUGS, @001 #, ,NA MO GU RU BHYA: SHES BYA'I DKYIL 'KHOR KUN KHYAB PA'I, ,YE SHES RAL GRI'I 'KHRI SHING GIS, ,RMONGS PA'I DGRA 'JOMS MKHYEN GTER GYI, ,SNANG BA'I GZI 'BAR DES SKYONGS SHIG, ,'DIR MDO DANG BSTAN BCOS LAS SMON LAM JI SNYED GSUNGS PA'I NANG NAS BRJOD BYA ZAB CING RGYA CHE LA YONGS SU RDZOGS PA'I SMON LAM GYI RGYAL PO BZANG BO SPYOD PA'I SMON LAM GYI DON LA BZHI, MTSAN DON, 'GYUR PHYAG, GZHUNG DON, MJUG GI DON NO, ,DANG PO NI, RGYA GAR SKAD DU, A'ARYA BHA DRA SOGS SO, ,GNYIS PA NI, 'PHAGS PA 'JAM DPAL SOGS SO, ,GSUM PA GZHUNG DON LA BZHI, BSOD NAMS 'GRUB PA'I
, ,RGYU BSAGS SBYANGS BYA BA'I NYAMS LEN GYI RIM PA, BYANG CHUB SEMS DPA'I SMON LAM GYI RIM PA NYAMS SU LEN PA DNGOS, SMON LAM YID LA BYAS PA'I PHAN YON, GZHUNG BTON PA SOGS KYI PHAN YON NO, ,DANG PO LA YAN LAG BDUN LAS DANG PO PHYAG 'TSAL BA'I YAN LAG LA BZHI, DANG BO, SGO GSUM BSDOMS PA'I PHYAG NI, JI SNYED SU DAG SOGS RKANG BA BZHI'O, ,GNYIS PA LUS KYI PHYAG NI, BZANG BO SPYOD PA'I SOGS SHO LO KA GCIG GO ,GSUM PA YID KYI PHYAG NI, RDUL GCIG SOGS TSIG RKANG BZHI'O, ,BZHI PA NGAG GI PHYAG NI, DE DAG BSNGAGS PA SOGS SO, ,'DI'I DBYANGS KYI YAN LAG LCE RKAN SOGS
LA BYED PAR RJE'I LAM RIM CHE CHUNG DU GSUNGS PA LTAR SH'AKYA BSHES GNYEN GYI 'GREL BAR YANG 'BYUNG LA, PHYOGS GLANG DANG GTZANG CHUNG CHOS GRAGS PA'I 'GREL BAR DBYANGS KYI YAN LAG LNGA DANG DRUG CU SOGS LA BSHAD DO, ,GNYIS PA MCHOD PA LA, DANG PO BLA NA YOD PA'I MCHOD PA NI, ME TOG DAM PA SOGS SHO LO KA GNYIS SO, ,GNYIS PA BLA NA MED PA'I MCHOD PA NI, MCHOD PA GANG RNAMS SOGS SHO LO KA'O, ,GSUM PA SDIG PA BSHAGS PA'I YAN LAG NI, 'DOD CHAGS ZHE SDANG SOGS SO, ,BZHI PA RJES SU YI RANG BA'I YAN LAG NI, PHYOGS BCU'I RGYAL BA SOGS SO, ,LNGA PA CHOS 'KHOR BSKOR BAR BSKUL BA NI, GANG RNAMS PHYOGS BCU'I SOGS SO, ,DRUG PA MYA NGAN LAS MI 'DA' BAR GSOL BA 'DEBS PA NI, MYA NGAN 'DA' STON SOGS SO, ,BDUN PA BSNGO BA'I YAN LAG NI, PHYAG 'TSAL BA DANG SOGS SO, ,YAN LAG BDUN PAS SDIG SGRIB SBYONG BA DANG, TSOGS BSAGS PA DANG, DGE RTZA 'PHEL ZHING MI ZAD PA GSUM KA 'GRUB PAS, DE GNAD SMIN SNGON DU BTANG NA 'OG NAS 'BYUNG BA'I SMON LAM RNAMS 'GRUB PA LA NUS PA SHIN TU CHE GSUNGS, SH'AKYA BSHES GNYEN GYI 'GREL BAR, MTSAMS 'DIR, RGYAL BA KUN GYI RJES SU SLOB GYUR TE, ,BZANG BO SPYOD PA RAB TU STON PAR BGYID, ,YE SHES SBYOD PA RNAM PAR DAG BYED CING, ,BYANG CHUB SBYOD PA YONGS SU RDZOGS BYED SHOG ,CES PAS SMON LAM THAMS CAD KYI DON BSDU
, ,BAR BSHAD DO, ,GNYIS PA BYANG CHUB SEMS DPA'I SMON LAM GYI RIM PA NYAMS SU LAN PA LA GSUM, MOS SPYOD KYI SA'I SMON LAM GYI RIM PA NYAMS SU LEN PA DANG, BYANG SEMS 'PHAGS PA'I SMON LAM GYI RIM PA NYAMS SU LEN PA DANG, SMON LAM GYI 'BRAS BU 'GRUB PA'I TSAD DO, ,DANG PO LA BCU LAS, DANG PO BSAM PA RNAM PAR DAG PA SBYONG BA LA'ANG GSUM LAS, DANG PO SANGS RGYAS LA MCHOD CING DGONGS PA YONGS SU RDZOGS PAR SMON PA NI, 'DAS PA'I SANGS RGYAS SOGS TSIGS BCAD GCIG GO ,GNYIS PA SANGS RGYAS KYI ZHING YONGS SU SBYONG BA'I BSAM PA NI, PHYOGS BCU'I GA LE'I ZHING RNAMS SOGS TSIGS BCAD GCIG GIS BSTAN, GSUM PA SEMS CAN THAMS CAD BDE BA'I LHAG PA'I BSAM PA SBYONG BA NI, PHYOGS BCU'I SEMS CAN SOGS TSIGS BCAD GCIG GIS BSTAN TE 'DI YAN CHAD BYAMS SNYING RJE'I DMIGS RNAM DANG GZHAN DON DON GNYER GYI BSAM PA SBYONG TSUL YIN NO, ,GNYIS PA BYANG CHUB KYI SEMS MI BRJED PA'I LAM LA LNGA LAS, DANG PO SKYE BA DRAN ZHING RAB TU 'BYUNG BAR SMON PA NI, BYANG CHUB SPYOD PA SOGS SHO LO KA GCIG GIS STON, GNYIS PA TSUL KHRIMS MI NYAMS PAR SMON PA NI, RGYAL BA KUN GYI RJES SU ZHES SOGS SHO LO KA GCIG GIS STON, GSUM PA SO SO'I SKAD KYIS CHOS STON PAR SMON PA NI, LHA YI SKAD DANG SOGS SHO LO KA GCIG
GIS STON, BZHI PA RGYUD 'JAM ZHING PHYIN DRUG LA BRTZON PAR SMON PA NI, DES SHING PHA ROL PHYIN LA SOGS TSIG RKANG GNYIS KYIS STON TE, SHO LO KA PHYED DANG BZHIS NI BYANG CHUB KYI SEMS MI BRJED PA'I RGYU BZHI BSTAN TO, ,LNGA PA SDIG SGRIB SPONG BAR SMON PA NI, SDIG PA GANG RNAMS SOGS TSIG RKANG GNYIS SO, ,GSUM PA MA GOS PA'I SBYOR BA NI, LAS DANG NYON MONGS SOGS SHO LO KA GCIG GIS STON, BZHI PA SEMS CAN LA PHAN 'DOGS PA NI, ZHING GI KHYON DANG SOGS SHO LO KA GCIG GIS STON, LNGA PA GO CHA BGO BA NI, BYANG CHUB SPYOD PA SOGS SHO LO KA GCIG GIS STON, DRUG PA SKAL BA MNYAM PA'I BYANG SEMS DANG PHRAD PAR SMON PA NI, BDAG GIS SPYOD DANG SOGS SHO LO KA GCIG GIS STON, BDUN PA DGE BA'I BSHES GNYEN MNYES PAR BYED PAR SMON PA NI, BDAG LA PHAN PAR SOGS SHO LO KA GCIG GIS STON, BRGYAD PA DE BZHIN GSHEGS PA MNGON DU 'GYUR BAR SMON PA NI, SANGS RGYAS SRAS KYIS SOGS SHO LO KA GCIG GIS STON, DGU PA DAM PA'I CHOS YONGS SU 'DZIN PAR SMON PA NI, RGYAL BA RNAMS KYI DAM PA'I CHOS ZHES SOGS SHO LO KA GCIG GIS STON, 'DI'I RKANG BA DANG POS CHOS KYI TSIG DON RANG GIS 'DZIN PA DANG, GNYIS PAS LUNG GI CHOS GZHAN LA STON PA DANG, GSUM PAS RTOGS PA'I CHOS RGYUD LA BSKYED PA BSTAN PAR PHYOGS GLANG SOGS GSUNGS, BCU PA MI ZAD PA'I MDZOD THOB PAR SMON PA NI,
, ,SRID PA THAMS CAD SOGS SHO LO KA GCIG GIS STON, GNYIS PA BYANG SEMS 'PHAGS PA'I SA'I SMON LAM GYI RIM PA NYAMS SU LEN PA LA DRUG, DE'I DANG PO BYANG CHUB SEMS DPA'I RNAM THAR LA 'JUG PA LA BRGYAD LAS, DANG PO RDUL GCIG GI STENG DU PHYOGS BCU'I RDUL SNYED KYI DAG PA'I SNOD BCUD KYI ZHING KHAMS BZHUGS PA BLTA BAR SMON PA NI, RDUL GCIG STENG NA SOGS SHO LO KA GCIG GIS STON, GNYIS PA PHYOGS BCU'I ZHING THAMS CAD DU DE LTAR BLTA BAR SMON PA NI, DE LTAR MA LUS SOGS SHO LO KA GCIG GIS STON, GSUM PA SANGS RGYAS KYI GSUNG LA 'JUG PA NI, GSUNG GCIG YAN LAG SOGS SHO LO KA GCIG GIS STON; BZHI PA DE BZHIN GSHEGS PA'I CHOS KYI 'KHOR LO BSKOR BA LA 'JUG PA NI, DUS GSUM GSHEGS PA'I SOGS SHO LO KAS STON, LNGA PA BSKAL BA'I 'JUG PA LA 'JUG PA NI, MA 'ONGS BSKAL BA SOGS SHO LO KAS STON TE, 'DI YAN CHAD KYI SHO LO KA LNGA'I DANG PO GNYIS KYIS SKU'I GSANG BA DANG, GSUM PAS GSUNG GI GSANG BA DANG, BZHI PAS THUGS KYI GSANG BA JI LTA BA BZHIN DU RTOGS MI NUS KYANG CHOS 'KHOR GYI DON LA BRTEN NAS MTSON PA DANG, LNGA PAS DUS KYI SGO NAS SANGS RGYAS KYI 'PHRIN LAS 'JUG TSUL LA YE SHES KYI STOBS KYIS 'JUG PA YIN NO, ,DRUG PA DE BZHIN GSHEGS PA LA BLTA BA DANG DE'I SPYOD YUL LA 'JUG PA NI, DUS
GSUM GSHEGS PA SOGS SHO LO KAS STON, BDUN PA SANGS RGYAS KYI ZHING MNGON PAR BSGRUB PA NI, GANG YANG DUS GSUM DAG GI SOGS SHO LO KAS STON, BRGYAD PA DE BZHIN GSHEGS PA'I THAD DU 'GRO BA LA SMON PA NI, GANG YANG MA BYON SOGS SHO LO KAS STON, GNYIS BA BYANG CHUB SEMS DPA'I STOBS BCU BSGRUB PA'I SMON LAM NI, KUN TU MYUR BA'I SOGS SHO LO KA GNYIS KYIS STON, GSUM PA GNYEN PO BSGRUB PA NI, LAS KYI STOBS RNAMS SOGS SHO LO KAS STON, BZHI PA BYANG CHUB SEMS DPA'I LAS NI, ZHING RNAMS RGYA MTSO SOGS SHO LO KA GNYIS KYIS STON TE, RGYA MTSO LTA BU'I LAS BRGYAD DO, ,RGYA MTSO NI MTHA' YAS PA'I DON NO, ,LNGA PA RJES SU SLOB PA LA GNYIS LAS DANG PO DE BZHIN GSHEGS PA'I RJES SU SLOB PA NI, GANG YANG DUS GSUM SOGS SHO LO KAS STON, GNYIS PA BYANG CHUB SEMS DPA'I RJES SU SLOB PA NI, RGYAL BA KUN GYI SRAS KYI SOGS SHO LO KA GSUM GYIS STON, DRUG PA DE RNAMS KYI DON BSDU BA NI, SPYOD PA DAG NI TSAD YOD SOGS SHO LO KAS STON, GSUM PA SMON LAM GYI 'BRAS BU GRUB PA'I TSAD NI, NAM MKHA'I MTHAR THUG SOGS SHO LO KAS STON, GSUM PA SMON LAM YID LA BYAS PA'I PHAN YON LA GNYIS, MTHONG BA'I CHOS KYI PHAN YON DANG, TSE RABS PHYI MA RNAMS KYI PHAN YON NO, ,DANG PO LA BZHI LAS, DANG PO BSOD NAMS KHYAD PAR CAN YONGS SU 'DZIN PA NI, GANG YANG PHYOGS BCU'I ZHING RNAMS SOGS SHO
, ,LO KA GNYIS KYIS STON, GNYIS PA NGAN SONG DANG SDIG GROGS SPANGS TE DE BZHIN GSHEGS PA'I ZHAL MTHONG BA NI, GANG GIS BZANG SPYOD SOGS SHO LO KAS STON, GSUM PA RNYED PA LEGS BAR RNYED CING BYANG CHUB SEMS DPA' RNAMS DANG SKAL BA MNYAM BA THOB PA NI, DE DAG RNYED PA SOGS SHO LO KAS STON, BZHI PA LAS KYI SGRIB BA ZAD PAR 'GYUR BA'I PHAN YON NI, MTSAMS MED LNGA PO SOGS SHO LO KAS STON; GNYIS PA TSE RABS PHYI MA RNAMS KYI PHAN YON LA GNYIS, RGYUS BSDUS PA DANG, 'BRAS BUS BSDUS PA'O, ,DANG PO NI, YE SHES DANG NI SOGS SHO LO KA GCIG GO ,GNYIS PA NI, BYANG CHUB SHING DBANG SOGS SHO LO KA'O, ,BZHI PA GZHUNG 'DON PA SOGS KYI PHAN YON STON PA LA LNGA LAS, DANG PO MDOR BSDUS TE STON PA NI, GANG YANG BZANG BO SPYOD PA SOGS SHO LO KA GCIG GO ,GNYIS PA BZANG SPYOD 'DON PA'I DGE RTZA BYANG CHUB SEMS DPA'I RJES SU BSNGO BA NI, 'JAM DPAL DPA' BO SOGS SHO LO KA'O, ,GSUM PA DE BZHIN GSHEGS PA'I RJES SU BSNGO BA NI, DUS GSUM GSHEGS PA'I SOGS SHO LO KA'O, ,'JAM DPAL DPA' BO SOGS SHO LO KA GNYIS KYI NANG DU SNGAR BSHAD PA'I SMON LAM THAMS CAD 'DU BAR MGON PO ZHI BA LHA'I BSLAB BTUS LAS GSUNGS SO, ,BZHI PA SGRIB PA SPANGS SHING DAG PA'I LUS RTEN KHYAD PAR GZUNG BA NI, BDAG NI 'CHI
BA'I SOGS SHO LO KA GNYIS KYIS STON, LNGA PA LUNG BSTAN THOB PA DANG SEMS CAN GYI DON BSGRUB PA NI, RGYAL BA'I DKYIL 'KHOR SOGS SHO LO KA GNYIS SO, ,BZANG BO SPYOD PA'I SMON LAM BTAB PA YI, ,ZHES SOGS SHO LO KA GNYIS PHYOGS GLANG SOGS KYI 'GREL BAR MI 'BYUNG, SH'AKYA BSHES GNYEN GYI 'GREL BAR YOD KYANG 'GYUR CUNG ZAD MI 'DRA LA, SMON LAM RGYAL BO 'DI DAG SOGS SHO LO KA GCIG LO CHEN BE RO TZA NA'I 'GYUR GYI SMON LAM YIN PAS MDO TSIG DNGOS MIN NO, ,BZHI PA MJUG GI DON NI, 'PHAGS PA BZANG BO SPYOD PA'I SOGS SO, ,RGYAL SRAS ZHIB LHAS, BYANG CHUB SEMS DPA'I SMON LAM CHEN PO 'BUM PHRAG GRANGS MED PA BCU MDO LAS 'BYUNG BA RNAMS BZANG SPYOD SMON LAM 'DIR 'DU BAR GSUNGS PA'I SMON LAM CHEN PO BCU NI, SANGS RGYAS THAMS CAD LA MCHOD PA THAMS CAD KYIS MCHOD PAR SMON PA, DAM PA'I CHOS THAMS CAD YONGS SU BZUNG ZHING BSRUNG BAR SMON PA DANG, PHYOGS BCU'I SANGS RGYAS RNAMS MDZAD PA NGO MTSAR CAN MDZAD PA THAMS CAD KYI DRUNG DU THOGS PA MED PA'I LUS KYIS BDAG 'GRO ZHING BYA BA KHYAD PAR CAN BYED PAR SMON PA DANG, RTAG TU BYANG CHUB SEMS DPA'I SPYOD PA THAMS CAD SPYONG BAR SMON PA DANG, BDAG GIS SEMS CAN THAMS CAD YONGS SU SMIN PAR BYED PAR SMON PA DANG, 'TSANG RGYA BAR 'GYUR BA'I ZHING 'JIG RTEN GYI KHAMS MTHA' YAS BA BSGRUB PAR SMON PA DANG,
, ,MNGON PAR BSGRUB PA'I ZHING KHAMS RNAMS KYANG MTHA' YAS PA BSAM GYIS MI KHYAB PA'I SPYOD YUL CAN LAS BYANG CHUB SEMS DPA' MCHOG GIS GANG BA SOGS DAG PA RAB 'BYAMS 'BA' ZHIG TU SPYONG BAR SMON PA DANG, BYANG CHUB SEMS DPA' THAMS CAD DANG BDAG NYID BSAM SBYOR GCIG PAR SMON PA DANG, SPYOD PA DANG NYAMS LEN THAMS CAD DON GYI MCHOG KHO NA MTHA' YAS PA 'GRUB PAR SMON PA DANG, NAM MKHA'I MTHAS GTUGS PA THAMS CAD DU MDZAD PA MTHA' YAS PA STON PA'I TSUL GYIS MNGON PAR RDZOGS PAR 'TSANG RGYA BAR SMON PA DANG BCU'O, ,DE'I DANG PO NI, 'DAS PA'I SANGS RGYAS RNAMS DANG ZHES SOGS SHO LO KA DANG, SANGS RGYAS RGYA MTSO RAB TU MCHOD BYED CING, ,ZHES DANG, GNYIS PA NI, RGYAL BA RNAMS KYI DAM PA'I CHOS 'DZIN CING, ,ZHES SOGS DANG, CHOS RNAMS RGYA MTSO RAB TU MTHONG BYED CING, ,ZHES PA LTA BU DANG, GSUM BA NI, GANG YANG MA BYON, ZHES PA NAS, MGON BO KUN GYI DRUNG DU BDAG MCHI'O, ,ZHES PA LTA BU DANG, BZHI PA NI, SPYOD PA RGYA MTSO RNAM PAR DAG BYED CING, ,ZHES PA LTA BU DANG, LNGA PA NI, SEMS CAN RGYA MTSO DAG NI RNAM PAR SGROL, ,ZHES PA LTA BU DANG, DRUG PA NI, ZHING RNAM PA RGYA MTSO RNAM PAR DAG BYED CING, ,ZHES BA LTA BU DANG, BDUN PA NI, DE LTAR MA LUS PHYOGS RNAMS THAMS CAD DU, ,RGYAL BDAG GI ZHING
RNAMS BKOD LA 'JUG ,CES PA LTA BU DANG, BRGYAD PA NI, MKHAS PA DE DANG MTSUNGS PAR SPYAD PA'I PHYIR, ,ZHES SOGS LTA BU DANG, DGU BA NI, KUN TU YON TAN SPYOD PA'I STOBS RNAMS DANG, ,ZHES SOGS DANG, GANG YANG DUS GSUM GSHEGS PA'I RGYAL BA YI, ,ZHES SOGS LTA BU DANG, BCU PA NI, NAM MKHA'I MTHAR THUG GYUR BA CI TZAM PA, ,ZHES SOGS LTA BU YIN LA, DES MTSON NAS GONG 'OG GI TSIG DON RNAMS LA BRTAGS TE SBYOR TSUL ZHIB PAR SHES PAR BYA'O, ,BZANG SPYOD KYI 'GREL BA KLU SGRUB, PHYOGS GLANG, SH'AKYA BSHES GNYEN, RGYAN BZANG PO, ZHA LU PA YE SHES RGYA MTSO, KUN MKHYEN STOBS 'BAR 'OD ZER, JO NANG T'A RA N'A tA, GTZANG CHUNG CHOS GRAGS RGYA MTSO, GRAGS PA BSHAD SGRUB, G-YER GSHOD SNGAGS RAMS PA NGAG DBANG 'JAM DBYANGS BLO GROS, KHRI RGYA NAG PA BLO BZANG BSTAN PA'I NYI MA, TSE 'PHEL KU SHRI RNAMS KYIS MDZAD PA YOD KYANG; 'DIR LCANG SKYA ROL BA'I RDO RJE'I GSUNG LTAR BRIS SO, ` ,BYAMS PA'I SMON LAM GYI DON 'CHAD PA LA GSUM, YAN LAG BDUN GYI SGOS BSOD NAMS KYI TSOGS BSAGS TSUL, DE NYID THABS MKHAS PA'I SMON LAM GYIS KHA BSGYUR TSUL, DE LTAR BSGYUR BA'I THABS MKHAS DE 'GRUB PA'I TSUL LO, ,DANG PO LA GNYIS, PHYAG 'TSAL BA SOGS YAN LAG LNGA BSHAD PA, BSKUL BA DANG GSOL BA 'DEBS PA GNYIS BSHAD
, ,PA'O; ;DANG PO LA GNYIS, CUNG ZAD RGYAS PAR BSHAD PA DANG, DE'I DON SLAR BSDUS TE BSTAN PA'O, ,DANG PO LA BZHI, PHYAG 'TSAL BA, SDIG PA BSHAGS PA, BYANG CHUB TU BSNGO BA, MCHOD PA DANG RJES SU YI RANG NGO, ,DANG PO NI, SANGS RGYAS KUN LA PHYAG 'TSAL LO, ,ZHES PAS SANGS RGYAS DKON MCHOG DANG, LHAG MAS DGE 'DUN DKON MCHOG DANG, NGAN 'GRO'I SOGS SHO LO KAS CHOS LA PHYAG 'TSAL BA BSTAN, GNYIS PA SDIG BSHAGS NI, SEMS KYI DBANG DU GYUR BAS SOGS SO, ,GSUM PA BSNGO BA NI, BDAG LAS RNAM PA GSUM GANG GIS SOGS SHO LO KA GCIG GIS BSTAN, BZHI PA MCHOD PA DANG YI RANG PHYOGS GCIG TU STON PA NI, PHYOGS BCU DAG GI ZHING RNAMS SU, ,ZHES SOGS SHO LO KA GCIG GO ,GNYIS PA DE'I DON SLAR YANG BSDUS TE BSTAN PA, SDIG PA THAMS CAD BSHAGS PAR BGYI, ,SOGS RKANG BA BZHIS BSHAGS PA, YI RANG, PHYAG 'TSAL BA, BSNGO BA BZHI'I DON BSDUS TE BSTAN, GNYIS BA LA BSKUL BA DANG, GSOL BA 'DEBS PA'I YAN LAG GNYIS, DANG PO, 'TSANG RGYA BAR BSKUL BA DANG, CHOS 'KHOR BSKOR BAR BSKUL BA GNYIS, DANG BO NI, PHYOGS BCU DAG GI ZHING RNAMS SU, ,ZHES SOGS SHO LO KA GCIG GO ,GNYIS BA NI, BYANG CHUB DAM BAR SANGS RGYAS ZHING, ,SOGS SHO LO KA GCIG GO ,GNYIS
PA GSOL BA 'DEBS PA NI, CHOS RNGA CHEN PO'I SGRA YIS NI, ,SOGS SHO LO KA GSUM MO, ,GNYIS PA DE NYID THABS MKHAS KYI SMON LAM GYIS KHA BSGYUR TSUL LA GSUM, RANG GZHAN GYI DON GNYIS SGRUB PAR SPYIR SMON PA, SPYOD PA PHYIN DRUG LA BYE BRAG TU SMON BA, DON BSDUS TE SMON LAM DE THAMS CAD 'GRUB PAR SMON PA'O, ,DANG PO LA GSUM, BYANG SEMS KYI SPYOD PA SPYI LA SLOB PAR SMON PA, RJES THOB TU GZHAN DON SGRUB BAR SMON PA, MNYAM BZHAG TU CHOS NYID RTOGS PAR SMON BA'O, ,DANG PO NI, RDZOGS PA'I SANGS RGYAS GANG BZHUGS DANG, ,ZHES SOGS SHO LO KA GCIG GIS BSTAN, GNYIS PA NI, PHA ROL PHYIN DRUG RDZOGS BGYIS NAS, ,SOGS SHO LO KA GCIG GIS BSTAN, GSUM PA LA GNYIS LAS, DANG PO, CHOS KYI BDAG MED RTOGS PAR SMON PA NI, MA SKYES PA DANG MI 'BYUNG DANG, ,SOGS SHO LO KA GCIG GIS BSTAN, GNYIS PA GANG ZAG GI BDAG MED RTOGS PAR SMON PA NI; SANGS RGYAS DRANG SRONG CHEN PO LTAR, ,ZHES SOGS SHO LO KA GCIG GIS BSTAN, GNYIS PA BYE BRAG TU SPYOD PA PHYIN DRUG LA SLOB PA LA DRUG LAS, DANG BO LA SBYIN PA'I NGO BO LA SMON PA DANG, BYED PA LA SMON PA'O, , DANG PO NI, BDAG 'DZIN BDAG GIR SOGS DANG BA BZHI'O, ,GNYIS PA NI, DNGOS BO NGO BOS SOGS RKANG BA BZHI'O, ,GNYIS PA TSUL KHRIMS LA SLOB PA NI, KHRIMS KYI TSUL KHRIMS SOGS SHO LO KA GCIG GO ,GSUM
, ,PA BZOD PA LA SLOB PAR SMON PA NI, SA'AM YANG NA SOGS RKANG BA BZHI'O, ,BZHI PA BRTZON 'GRUS LA SLOB PAR SMON PA NI, BRTZON 'GRUS BRTZAMS PA'I SOGS SHO LO KA GCIG GO ,LNGA PA BSAM GTAN LA SLOB BAR SMON PA NI, SGYU MA LTA BU'I SOGS SHO LO KA'O, ,SGYU MA LTA BU'I TING NGE 'DZIN NI, MNYAM BZHAG TU CHOS THAMS CAD RANG BZHIN MED PAR GOMS PA'I MTHUS RJES THOB TU'ANG CHOS THAMS CAD SNANG LA RANG BZHIN MED PA SGYU MA LTA BU KHO NAR 'CHAR GYI, BDEN PAR ZHEN PA GTAN MI SRID PA'I TING NGE 'DZIN ZHIG STE, 'DI THOB NA BDEN 'DZIN ZAD PAR SPANGS DGOS PAS NYAN RANG DGRA BCOM SOGS LA MED PA'I BYANG SEMS SA BRGYAD PA'I RNAM GROL LAM YAN CHAD NAS THOB STE, MDO LAS SGYU MA LTA BU'I TING NGE 'DZIN DE THOB MA THAG TU JI LTA JI LTAR SEMS CAN GYI DGE BA'I RTZA BA YONGS SU RDZOGS PA DE LTA DE LTAR LUS MNGON PAR SBRUL NAS MOS PA JI LTA BA BZHIN DU CHOS STON PA NI CI NAS KYANG MNGON PAR RDZOGS BAR 'TSANG RGYA BAR 'GYUR RO, ,ZHES DANG, SNYING RJE CHEN PO NGES PAR BSTAN PA'I MDO LAS, CHOS THAMS CAD SGYU MA LTA BUR SHES SHING RTOGS PAS PHUNG BO'I BDUD LAS YANG DAG PAR 'DA'O, ,ZHES DANG, MNGON RTOGS RGYAN GYIS BRGYAD PA'I YONGS SBYONG DU, ZHING SBYONG SGYU MA LTAR GNAS DANG, ,ZHES DANG, 'JUG PA'I, BCOS MAR GYUR PA'I DNGOS NI KUN RDZOB TU, ,ZHES BA'I 'GREL BAR, DAG PA YAN CHAD NAS RJES THOB TU'ANG
BDEN PAR ZHEN PA'I TSUL GYIS MI SNANG BAR SGYU MA LTA BUR SNANG BAR GSUNGS PA SOGS MANG BO ZHIG DANG BSTUN NAS SHES PAR BYA'O GSUNGS, DPA' BAR 'GRO BA'I TING NGE 'DZIN NI, SA BCU PAR 'OD ZER CHEN PO'I DPANG BSKUR THOB PA'I MTHUS SNGON MA THOB PA'I TING 'DZIN DPAG TU MED PA ZHIG THOB PA'I RJES SU 'THOB STE TING NGE 'DZIN 'DI THOB NA SNGAR MA BSLAB PA'I CHOS BA SLAB TU MED CING, RJES THOB TU DE BZHIN GSHEGS PA'I MDZAD PA RLABS PO CHE DANG CHA 'DRA BAR STON NUS SHING, ZHI BAR LHUNG BA'I DOGS PA MED PAS 'GOG PA LAS SLONG MI DGOS PA'I PHYIR DPA' BAR 'GRO BA, ZHES GSUNGS SO, ,RDO RJE LTA BU'I TING 'DZIN NI, CHOS MNGON PA LAS, DMIGS PA DANG, SEMS RTEN DANG, GANG ZAG GI DBANG BO'I BYE BRAG GIS THEG DMAN GYI RDO RJE LTA BU'I TING 'DZIN KHRI DANG SUM BRGYA RE BRGYAD BSHAD KYANG, 'DIR NI, MDO LAS, BRAG CHEN PO MA KRUG PA, SER KHA MED PA, KHANG KHONG SDANG DU MA MIN PA, GCIG TU 'DUS PA MKHREG PA DE NI SHAR PHYOGS KYI RLUNG GIS KYANG MI SGUL, ZHES CHOS MTSUNGS LNGAS RDO RJE DANG CHOS MTHUN PAR GSUNGS PA LTAR, BRGYA BYIN GYI PHYAG GI RDO RJE DE NYID LA LHA MIN SOGS KYI GNOD PAS TSUR MI TSUGS SHING, PHAR GZHOM NUS PA LTAR TING NGE 'DZIN 'DI YANG SPANG BYA GNAS NGAN LEN THAMS CAD KYIS TSUR MI GNOD CING, PHAR GZHOM NUS BAS RDO RJE LTA BU STE, SA BCU RGYUN MTHA' KHO NAR THOB PAR GSUNGS, RNAL 'BYOR BLA MED KYI SKABS RIM PA GSUM PA'I SGYU LUS SGYU MA LTA
, ,BU'I TING NGE 'DZIN DANG, DON GYI 'OD GSAL DPA' BAR 'GRO BA'I TING 'DZIN, SLOB PA'I ZUNG 'JUG THOB NAS RDO RJE LTA BU'I TING NGE 'DZIN THOB PAR RJE'I BDE MCHOG SMON LAM LAS GSUNGS TE, 'DIR SKABS SUM BABS PAS ZHAR BYUNG TZAM MO, ,DRUG PA SHES RAB KYI PHAR PHYIN LA SPOB PAR SMON PA NI, RNAM PAR THAR PA'I SOGS RKANG BA BZHI'O, ,RNAM THAR SGO GSUM NI, RNAM PAR THAR PA'I SGO STONG PA NYID DANG, MTSAN MA MED PA DANG, SMON PA MED PA'O, ,DUS GSUM NI 'DAS MA 'ONGS DA LTA'I DUS GSUM MO, ,RIG PA GSUM NI, SNGON GYI MTHA' RIG PA, PHYI MA'I MTHA' RIG PA, DA LTAR GYI MTHA' RIG PA ZHES BSHAD DO, ,GSUM PA DON BSDUS TE SMON LAM DE THAMS CAD 'GRUB PAR SMON PA NI, SANGS RGYAS KUN GYIS BSNGAGS PA DANG, ,ZHES SOGS SHO LO KA'O, GSUM PA DE LTAR SMON LAM GYIS KHA BSGYUR BAS THABS MKHAS DE 'GRUB PA'I TSUL NI, DE LTAR SPYAD PA SPYOD BYED CING, ,ZHES SOGS RKANG BA BZHI STE, BDAG GI BSAM PA RDZOGS GYUR CIG ,CES PA YAN CHAD BYAMS PA RANG GI SMON LAM DNGOS DANG, DE LTAR SPYAD PA SPYOD BYED CING, ,ZHES SOGS KYI TSIGS BCAD 'DI RANG RE'I STON PAS BYAMS MGON GYIS SNGAR 'DI LTAR SPYAD PAS SA BCU BGROD PA YIN NO ZHES GDAMS PA'I TSUL DU GO DGOS GSUNGS, 'DI LA PAn CHEN BYAMS PA GLING PA BSOD NAMS RNAM RGYAL GYI tI KA CHEN, ZHA LU PA YE SHES RGYA MTSO DANG, T'A RA N'A THA SOGS KYI tIKKA YOD KYANG, 'DIR 'JAM DBYANGS
DGA' BLO'I tIKKA BDE BA GSUM LDAN GYI SHING RTA LTAR BRIS SO, ` ,SPYOD 'JUG SMON LAM GYI DON LA GNYIS, LE'U'I GZHUNG BSHAD PA, ,LE'U'I MTSAN NO, DANG PO LA GSUM, 'GRO BA KUN BYANG CHUB SEMS DPA'I SPYOD PA LA 'JUG PAR BSNGO BAS MDOR BSTAN PA DANG, BSNGO BA RGYAS PAR BSHAD PA DANG, BKA' DRIN RJES SU DRAN PAS PHYAG 'TSAL BA'O, ,DANG PO NI, BDAG GI BYANG CHUB SOGS SHO LO KA'O, ,GNYIS PA LA GSUM, GZHAN DON DU BSNGO BA DANG, RANG DON DU BSNGO BA DANG, BDE BA'I 'BYUNG GNAS BSTAN PA RGYAS PA'I DON DU BSNGO BA'O, ,DANG PO LA GNYIS, 'JIG RTEN PA'I DON DU BSNGO BA DANG, 'JIG RTEN LAS 'DAS PA'I DON DU BSNGO BA'O, ,DANG PO LA BZHI, NAD PA SOGS KYI SDUG BSNGAL ZHI BA'I DON DU BSNGO BA DANG, NGAN 'GRO'I SDUG BSNGAL ZHI BA'I DON DU BSNGO BA DANG, BDE 'GRO'I DON DU BSNGO BA DANG, SEMS CAN KUN GYI DON DU BSNGO BA BSDUS TE BSTAN PA'O, ,DANG PO LA GNYIS, GNAS SKABS KYI BDE BA'I DON DU BSNGO BA DANG, MTHAR THUG GI BDE BA'I DON DU BSNGO BA'O; ;DANG PO NI, PHYOGS RNAMS KUN NA SOGS RKANG BA BZHI'O, ,GNYIS PA NI, DE DAG 'KHOR BA SOGS RKANG BA BZHI'O, ,GNYIS PA LA GSUM, DMYAL BA'I SDUG BSNGAL ZHI BA DANG, DUD 'GRO DANG, YI DVAGS KYI DON DU BSNGO BA'O, ,DANG PO LA GNYIS, SDUG BSNGAL MYUR DU ZHI BAR BSNGO BA DANG, GZHAN GYI MTHUS ZHI BAR BSNGO BA'O, ,DANG PO LA GSUM, SDUG BSNGAL SPYIR SHI BAR BSNGO BA DANG, GRANG DMYAL GYI SDUG BSNGAL ZHI BA DANG, TSA DMYAL GYI SDUG BSNGAL ZHI BAR BSNGO
, ,PA'O; ;DANG PO NI, 'JIG RTEN KHAMS NA SOGS RKANG PA BZHI'O, ,GNYIS PA NI, GRANG BAS NYAM THAG DROD THOB SHOG ,CES SO, ,GSUM PA LA BZHI, BYANG CHUB SEMS DPA'I TSOGS GNYIS KYI SPRIN LAS BYUNG BA'I CHUS SDUG BSNGAL ZHI BAR BSNGO BA DANG, NYE 'KHOR BA'I SDUG BSNGAL ZHI BA DANG, DMYAL BA'I GNAS DNGOS GZHI DANG, NYE 'KHOR BA'I SDUG BSNGAL GZHAN ZHI BAR BSNGO BA'O, ,DANG PO NI, BYANG CHUB SEMS DPA'I SOGS RKANG PA GSUM MO,, GNYIS PA NI, RAL GRI LO MA'I SOGS SHO LO KA GNYIS SO, ,GSUM PA NI, SOL PHUNG DE DAG SOGS SHO LO KA GNYIS SO, ,BZHI PA NI, CHU BO RAB MED SOGS SHO LO KA GCIG GO ,GNYIS PA GZHAN GYI MTHUS ZHI BAR BSNGO BA LA BZHI, PHYAG NA RDO RJE'I STOBS KYIS SDUG BSNGAL ZHI BA DANG, SPYAN RAS GZIGS KYI THUGS RJE DANG, 'JAM PA'I DBYANGS KYI CHO 'PHRUL DANG, NYE BA'I SRAS GZHAN GYI NUS PAS ZHI BAR SMON PA'O, ,DANG PO NI, CI PHYIR 'DI NI SOGS SHO LO KA'O, , GNYIS PA NI, ME TOG CHAR BA SOGS SHO LO KA'O, ,GSUM PA NI, GROGS DAG 'JIGS PA SOGS SHO LO KA GNYIS SO, ,BZHI PA NI, DE LTAR BDAG GI SOGS SHO LO KA'O, ,GNYIS PA DUD 'GRO'I SDUG BSNGAL ZHI BAR BSNGO BA NI, DUD 'GRO RNAMS NI SOGS RKANG BA GNYIS SO, ,GSUM PA YI DVAGS KYI DON DU BSNGO BA NI, SGRA MI SNYAN PA'I SOGS TSIG RKANG DRUG GO ,GSUM PA BDE 'GRO'I DON DU BSNGO BA LA GNYIS, SDUG BSNGAL DANG BRAL BAR BSNGO BA DANG, 'DOD PA'I DON GRUB
PAR BSNGO BA'O, ,DANG PO LA BZHI, DBANG PO MA TSANG BA MED CING MNGAL GYI ZUG RNGU MED PAR BSNGO BA DANG, ,DBUL BA'I SDUG BSNGAL DANG YID MI BDE MED PAR BSNGO BA DANG, NA BA'I SDUG BSNGAL DANG LDANG BA DANG PHRAD PA'I SDUG BSNGAL MED PAR BSNGO BA DANG, PHYOGS SU 'GRO BA'I SDUG BSNGAL DANG MI MA YIN GYI GNOD PA ZHI BAR BSNGO BA'O, ,DANG PO NI, LONG BA RNAMS KYI, ZHES SOGS RKANG BA BZHI'O, GNYIS PA NI, GCER BU RNAMS KYI, ZHES SOGS SHO LO KA GNYIS SO, ,GSUM PA NI, SEMS CAN NAD PA, ZHES SOGS SHO LO KA GNYIS SO, ,BZHI PA NI, MGRON PO DAG NI, ZHES SOGS SHO LO KA GSUM MO, ,GNYIS PA 'DOD PA'I DON GRUB PAR BSNGO BA LA GNYIS, SPYIR MI'I DON DU BSNGO BA DANG, BYE BRAG TU RAB TU BYUNG BA'I DON DU BSNGO BA'O, ,DANG PO LA GSUM, PHUN TSOGS THOB PAR BSNGO BA DANG, YANG DAG PA'I LAM LA 'JUG PAR BSNGO BA DANG, GNAS SKABS 'BYOR BA DANG BDE BAR BSNGO BA'O, ,DANG PO LA BZHI, RTEN DAL 'BYOR THOB CING LONGS SPYOD PHUN SUM TSOGS PAR BSNGO BA DANG, 'TSE BA MED CING GZI BRJID PHUN SUM TSOGS PAR BSNGO BA DANG, GZUGS PHUN TSOGS DANG DMAN PA MCHOG TU 'GYUR BAR BSNGO BA DANG, DGE BA PHUN SUM TSOGS PAR BSNGO BA'O, ,DANG PO NI, MI NGAL KUN LAS, ZHES SOGS TSIG RKANG DRUG GO ,GNYIS PA NI, RTZOD BA MED CING, ZHES SOGS SHO LO KA'O, ,GSUM PA NI, DKA' THUB CAN GANG, ZHES SOGS TSIG RKANG DRUG GO ,BZHI PA NI, BDAG GI BSOD NAMS SOGS SHO LO KA GCIG GO ,GNYIS
, ,PA YANG DAG PA'I LAM LA 'JUG PAR BSNGO BA LA GNYIS, THAR LAM SGRUB PA'I BSAM SBYOR PHUN SUM TSOGS PA DANG LDAN PAR SMON PA DANG, MTHUN RKYEN TSANG ZHING 'GAL RKYEN MED PAR SMON PA'O, ,DANG PO NI, BYANG CHUB SEMS DANG SOGS RKANG PA GNYIS SO, ,GNYIS PA NI, SANGS RGYAS RNAMS KYIS, ZHES SOGS RKANG PA GNYIS SO, ,GSUM PA GNAS SKABS 'BYOR BA DANG BDE BAR BSNGO BA LA GSUM, TSE RING ZHING SNOD KYI 'JIG RTEN DAG PAR BSNGO BA DANG, PHAN 'DOGS PA'I SKYE BOS GANG ZHING BDE BA LA SPYOD PAR BSNGO BA DANG, DGOS PA'I YO BYAD TSANG ZHING GNOD PA ZHI BAR BSNGO BA'O, ,DANG PO NI, SEMS CAN 'DI DAG, CES SOGS SHO LO KA GSUM MO, ,GNYIS PA NI, 'KHOR GYI DKYIL 'KHOR, ZHES SOGS SHO LO KA GSUM MO, ,GSUM PA NI, LHA YANG DUS SU, ZHES SOGS SHO LO KA GNYIS DANG RKANG PA GSUM MO, ,GNYIS PA BYE BRAG TU RAB TU BYUNG BA'I DON DU BSNGO BA LA LNGA, DGE 'DUN GYI DON DU SPYIR BSNGO BA DANG, DGE SLONG GI DON DU BSNGO BA DANG, DGE SLONG MA'I DON DU BSNGO BA DANG, TSUL KHRIMS PHUN SUM TSOGS PAR BSNGO BA DANG, 'BRAS BU BDE BA LA LONGS SPYOD PAR BSNGO BA'O, ,DANG PO NI, GTZUG LAG KHANG RNAMS, ZHES SOGS SHO LO KA GCIG GO ,GNYIS PA NI, BSLAB PA NOD PA'I, ZHES SOGS SHO LO KA GCIG GO ,GSUM PA NI, DGE SLONG MA RNAMS, ZHES SOGS RKANG PA GNYIS SO, BZHI PA NI, DE BZHIN RAB TU BYUNG BA, ZHES SOGS SHO LO KA PHYED DANG GSUM MO, ,
LNGA PA NI, NGAN SONG SDUG BSNGAL, ZHES SOGS SHO LO KA GCIG GO ,BZHI PA SEMS CAN KUN GYI DON DU SMON LAM BSDUS TE BSTAN PA NI, SEMS CAN KUN GYIS, ZHES SOGS SHO LO KA GCIG GO ,GNYIS PA 'JIG RTEN LAS 'DAS PA'I DON DU BSNGO BA LA GSUM, BYANG CHUB SEMS DPA' RNAMS KYI BZHED DON 'GRUB PAR BSNGO BA DANG, SANGS RGYAS KYI MDZAD PA MTHAR PHYIN PAR BSNGO BA DANG, NYAN RANG GI BZHED DON 'GRUB BAR BSNGO BA'O, ,DANG PO NI, BYANG CHUB SEMS DPA', ZHES SOGS RKANG PA GNYIS SO, ,GNYIS PA NI, MGON PO YIS NI, ZHES SOGS RKANG PA GNYIS SO, ,GSUM PA NI, DE BZHIN RANG SANGS RGYAS, ZHES SOGS RKANG PA GNYIS SO, ,GNYIS PA RANG DON DU BSNGO BA LA BZHI, GNAS SKABS KYI 'BRAS BU THOB PAR SMON PA DANG, 'JAM BA'I DBYANGS KYIS DNGOS SU RJES SU 'DZIN PAR SMON PA DANG, BYANG CHUB SEMS DPA'I SPYOD PA LA GNAS PAR SMON PA DANG, GZHAN DON MTHAR PHYIN PAR SMON PA'O, ,DANG PO NI, BDAG KYANG 'JAM DBYANGS SOGS SHO LO KA GNYIS SO, ,KHA ZAS GYI NA NI NGAN DON NAM DMAN PA'O, ,GNYIS PA NI, GANG TSE BLTA BAR SOGS SHO LO KA GCIG GO ,GSUM PA NI, PHYOGS BCU'I NAM MKHA'I SOGS SHO LO KA GCIG GO ,BZHI PA NI, JI SRID NAM MKHA' SOGS SHO LO KA GNYIS SO, ,GSUM PA BDE BA'I 'BYUNG GNAS BSTAN PA RGYAS PA'I DON DU BSNGO BA NI, 'GRO BA'I SDUG BSNGAL SOGS SHO LO KA GCIG GO ,GSUM PA BLA MA DANG 'JAM DBYANGS KYI BKA' DRIN RJES SU DRAN PAS PHYAG
, ,'TSAL BA NI, GANG GIS DRIN GYIS, ZHES SHO LO KA GCIG GO ,GNYIS PA LE'U'I MTSAN NI, BYANG CHUB SEMS DPA'I SPYOD PA LA 'JUG PA LAS, BSNGO BA ZHES BYA BA'I LE'U STE BCU PA'O, ,ZHES SO,, SPYOD 'JUG LA RGYA BOD KYI 'GREL PA DANG BSDUS DON MANG YANG 'DIR DAR tIKA RGYAL SRAS 'JUG NGOGS LTAR BRIS SO, ` ,THOG MTHA' BAR DU DGE BA'I SMON LAM GYI DON 'CHAD PA LA BZHI, PHYOGS BCU'I RGYAL BA SRAS BCAS LA PHYAG 'TSAL TE SMON PA'I DPANG PO ZHU BA DANG, SMON LAM JI LTAR BTAB PA LTAR 'GRUB PA'I BDEN TSIG BRJOD PA DANG, SMON LAM JI LTAR 'DEBS TSUL DNGOS BSHAD PA DANG, SMON LAM BTAB PA'I DGE BA BSNGO BA'O, ,DANG PO NI, PHYOGS BCU'I RGYAL BA, ZHES SOGS GSUNGS, GNYIS PA NI, MTHA' YAS 'GRO BA, ZHES SOGS SHO LO KA GCIG GO ,GSUM PA LA THOG MAR DGE BA'I SMON LAM, BAR DU DGE BA'I SMON LAM, THA MAR DGE BA'I SMON LAM GSUM, DANG PO LA DAM CHOS SGRUB PA'I RTEN KHYAD PAR CAN THOB PAR SMON PA, RTEN DE LA BSTAN PA'I GZHI RTZA TSUL KHRIMS SRUNG BAR SMON PA, RGYAL BA'I GSUNG RAB LA THOS BSAM SGOM GSUM BYED PAR SMON PA GSUM, DANG PO NI, BDAG NI SKYE ZHING, ZHES SOGS GSUNGS, GNYIS PA LA, SO THAR GYI TSUL KHRIMS LEN 'DOD KYI BSAM PA SHUGS DRAG SKYE BAR SMON PA, TSUL KHRIMS DE LEN PA LA BAR CHAD MI 'BYUNG ZHING MTHUN RKYEN TSANG BAR SMON PA, TSUL KHRIMS DE BLANGS NAS DE'I MI MTHUN PHYOGS KYIS
MI GOS PAR SMON PA GSUM, DANG PO NI, SKYES MA THAG NAS, ZHES SOGS GSUNGS, GNYIS PA NI, BDAG NI RAB TU, ZHES SOGS GSUNGS, GSUM PA NI, RAB TU BYUNG NAS, ZHES SOGS GSUNGS, GSUM PA LA, TSANGS SPYOD LA GNAS NAS THEG PA CHEN PO'I CHOS NYAMS SU LEN PAR SMON PA, DE'I PHYIR DU THEG PA CHEN PO'I CHOS LA THOS BSAM SGOM GSUM BYED PAR SMON PA GNYIS, DANG PO NI, TSANGS SPYOD RTEN LA, ZHES SOGS GSUNGS, GNYIS PA LA, THOG MAR THOS PA BYA BA'I YUL DGE BA'I BSHES GNYEN MTSAN NYID DANG LDAN PA DANG 'PHRAD PAR SMON PA, DGE BA'I BSHES GNYEN DE RANG GIS TSUL BZHIN DU BSTEN PAR SMON PA, BSHES GNYEN DES CHOS TSUL BZHIN DU 'DOMS PAR SMON PA, CHOS KYI MI MTHUN PHYOGS MI DGE BA'I BSHES GNYEN DANG SDIG GROGS KYI DBANG DU MI 'GRO BAR SMON PA, THOS BSAM SGOM GSUM BYED PA'I KUN SLONG GZHAN DON GYI BSAM PA RNAM PAR DAG PA SKYED PAR SMON PA, THOS BSAM BYED PA'I TSE SLOD BYED KYI RKYEN NGAN MI 'BYUNG BAR SMON PA, THOS PA LA CHOG SHES MI BYED PAR GSUNG RAB THAMS CAD LA THOS PA BYED PAR SMON PA DANG BDUN, DANG PO NI, LUNG RTOGS YON TAN, SOGS GSUNGS, GNYIS PA NI, RTAG TU DU YIS, SOGS GSUNGS, GSUM PA NI, ZAB ZHI SPROS DANG, SOGS GSUNGS, BZHI PA NI, THUB PA'I DGONGS PA'I, SOGS GSUNGS, LNGA PA NI, LHAG BSAM RNAM PAR, SOGS GSUNGS, DRUG PA NI, CI TZAM MANG DU, SOGS GSUNGS, BDUN PA NI, RNAM DAG RIG PA'I, SOGS GSUNGS,
, ,GNYIS PA BAR DU DGE BA'I SMON LAM NI, JI LTAR THOS PA'I, SOGS GSUNGS, GSUM PA THA MAR DGE BA'I SMON LAM LA, SPYIR THOS BSAM GYIS SGRO 'DOGS CHOD PA'I SGOM PAS TSUL BZHIN DU SGRUB PAR SMON PA, BYE BRAG TU SPYOD PA'I RTEN DANG SPYOD PA LA SLOB PAR SMON PA GNYIS, DANG PO NI, GANG TSE SHIN TU SOGS SO, ,GNYIS PA LA, SPYOD PA'I RTEN SEMS BSKYED SGOM PAR SMON PA, SPYOD PA PHYIN DRUG LA SLOB PAR SMON PA, SMON LAM GAL CHE BA GZHAN BSHAD PA DANG GSUM, DANG PO NI, DE LTAR THOS BSAM SOGS SO, ,GNYIS PA LA DRUG LAS, DANG PO SBYIN PA'I PHAR PHYIN LA SLOB PA NI, BDAG GI BDOG PA'I SOGS SO, ,GNYIS PA TSUL KHRIMS KYI PHAR PHYIN LA SLOB PA NI, JI LTAR MA NOS PA'I SOGS SO,, GSUM PA BZOD PA'I PHAR PHYIN LA SLOB PA NI, BDAG LA BRDEG 'TSOGS SOGS SO, ,BZHI PA BRTZON 'GRUS KYI PHAR PHYIN LA SLOB PA NI, DKAR PO'I CHOS RNAMS SOGS SO, ,LNGA PA BSAM GTAN GYI PHAR PHYIN LA SLOB PA NI, SRID MTHA' GNON PA'I SOGS SO, ,DRUG PA SHES RAB KYI PHAR PHYIN LA SLOB PA NI, GNAS LUGS ZAB MO'I SOGS SO, ,GSUM PA SMON LAM GAL CHE BA GZHAN BSHAD PA LA, BSTAN PA LA ZHUGS NAS NYES SPYOD BYED PA RNAMS NYES SPYOD LAS BZLOG PAR SMON PA, LAM LOG PAR ZHUGS PA RNAMS YANG DAG PA'I LAM LA 'GONG PAR SMON PA, BSTAN PA RIN PO CHE MI NUB PA'I RGYAL MTSAN 'DZIN PAR SMON PA, SKYE BA THAMS CAD DU DAM PA'I CHOS SGRUB PA'I RTEN MTHO RIS KYI YON TAN BRGYAD LDAN DU SKYE BAR
SMON PA, RANG LA GNOD BYED RNAMS LA LHAG PAR BYAMS PAR SMON PA, GNOD BYED RNAMS BLA MED BYANG CHUB LA 'GONG PAR SMON PA, SMON LAM 'DI MTHONG THOS DRAN GSUM BYED PA THAMS CAD RGYAL SRAS RNAMS KYI SMON LAM RLABS PO CHE LA SLOB PAR SMON PA DANG BDUN, DANG PO NI, RNAM DAG BSLAB PA SOGS SO, ,GNYIS PA NI, YANG DAG LAM STOR SOGS SO, ,GSUM PA NI, BDAG GI 'CHAD RTZOD SOGS SO, ,BZHI PA NI, BDAG NI GANG DU SOGS SO, ,LNGA PA NI, BDAG GI LUS DANG SOGS SO, ,DRUG PA NI; BDAG GIS DE DAG SOGS SO, ,BDUN PA NI, SMON LAM 'DI DAG SOGS SO, ,GSUM PA MJUG SMON LAM BTAB PA'I DGE BA BSNGO BA NI, LHAG BSAM DAG PA'I SOGS SO, ,'DI'I THOG MTHA' BAR GSUM GYI MTSAMS 'DZIN TSUL 'DI NI, RJE RANG GIS, DANG POR RGYA CHEN THOS PA MANG DU BTZAL, ,ZHES SOGS DANG MTHUN PAR BYAS PA YIN GSUNGS, 'DI LCANG SKYA NGAG DBANG BLO BZANG CHOS LDAN GYIS MDZAD PA'I 'GREL BA DGONGS DON GSAL BYED LEGS BSHAD SGRON ME LTAR BRIS SO, ` ,DON GYI NGO BO GO RIM SOGS RJE BTZUN 'JAM DBYANGS KYIS GSAL BAR GSUNGS PA LTAR RJE RIN PO CHES TSIG SBYOR MDZAD PA BDE BA CAN DU SKYE BA'I SMON LAM GYI DON 'CHAD PA LA GSUM, DANG POR DGE BA KLANG KYI DON, BAR DU DGE BA GZHUNG DON DNGOS BSHAD PA, THA MAR DGE BA SLAR YANG BSDUS TE SMON TSUL BSHAD PA'O, ,DANG PO LA GSUM, MCHOD PAR BRJOD PA DANG, BRTZAMS PAR DAM BCA' BA DANG, SMON LAM GYI DBANG PO SPYAN DRANGS PA'O, ,DANG PO LA GNYIS, SMON LAM GYI TSIG DON KHYAD PAR CAN 'BYUNG BA'I
, ,PHYIR BLA MA DANG 'JAM DBYANGS LA PHYAG 'TSAL BA DANG, SMON GNAS KYI ZHING GI GTZO BO LA PHYAG 'TSAL BA'O, ,DANG PO NI, NA MA SHR'I SOGS SO, ,GNYIS PA NI, PHUL BYUNG MDZAD PA'I SOGS RKANG BA BZHI'O, ,GNYIS PA DAM BCA' NI, THUB PA'I DBANG POS SOGS RKANG BA BZHI'O, ,GSUM PA SMON LAM GYI DPANG PO SPYAN DRANGS PA LA GNYIS, SPYAN 'DREN PA PO RANG GI GNAS TSUL DANG, TSUL CI LTAR SPYAN DRANGS PA'O, ,DANG PO NI, BLANG DOR GNAS RNAMS SOGS TSIG RKANG PHYED DANG BRGYAD KYIS TSON, ,GNYIS PA NI, NYAM THAG NGA RO YIS, ,YID LA SMON PA SOGS TSIG RKANG PHYED DANG DGUS 'CHAD DO, ,GNYIS PA BAR DU DGE BA GZHUNG DON DNGOS BSHAD PA LA GSUM, 'DOD BYA'I GTZO BO BDE BA CAN DU SKYES NAS BLA MED BYANG CHUB MNGON DU BYED NUS PAR SMON PA, DE LTA BU'I GO 'PHANG MA THOB PA'I BAR DU BYANG SEMS KYI SPYOD PA LA SLOB PAR SMON PA, DON BSDUS TE LAM GYI RIM PA CHA TSANG BA'I GNANG RNAMS NYAMS SU LEN PAR SMON PA'O, ,DANG PO LA LNGA LAS, DANG PO BDE BA CAN DU 'DUN PA DRAG POS SKYE BA'I SMON LAM 'DEBS TSUL DNGOS STON BA NI, ,BDAG DANG GZHAN GYI NAS, SHA STAG TU SKYE BAR GYUR CIG, CES SO, ,GNYIS PA RTEN DE LA YON TAN KHYAD PAR CAN THOB PAR SMON PA NI, SKYES MA THAG TU, NAS, NOR PAR GYUR CIG, CES SO; ;GSUM PA DAG PA'I ZHING KHAMS SU BGROD NAS BYANG SEMS KYI SPYOD PA LA SLOB BAR SMON PA NI, DE RNAMS KYI DON, NAS; RDZOGS PAR BYED BAR GYUR CIG, CES SO, ,BZHI PA 'DZAM GLING SOGS MA DAG PA'I ZHING DU PHYIN NAS BYANG SEMS KYI SPYOD
PA LA SLOB PAR SMON PA NI, DAG PA'I ZHING DU SKYABS NAS KYANG, NAS; 'GOD NUS PAR GYUR CIG, CES SO, ,RGYAL BAS BSNGAGS PA'I LAM NI LAM GYI GTZO BO GSUM ZUNG DU 'BREL PA'O, ,LNGA PA DE DAG LA BRTEN NAS BLA MED BYANG CHUB 'THOB PAR SMON PA NI, SPYOD PA RMAD DU BYUNG BA, NAS; BDE BRLAG TU THOB PAR GYUR CIG, CES SO, ,DE RNAMS KYI DON SLAR YANG GAL BO CHER BYAS TE TSIGS BCAD KYIS STON PA LA, NAM ZHIG TSE YI SOGS SHO LO KA GNYIS SO, ,MIG GI LAM NI YID SHES LA GSAL BAR SNANG BA LA BYANG GSUNGS, GNYIS PA DE LTA BU'I GO 'PHANG MA THOB PAR DU YANG BYANG SEMS KYI SPYOD PA LA SLOB PAR SMON PA LA GSUM, LAM SGRUB PA'I RTEN KHYAD PAR CAN 'THOB PAR SMON PA, RTEN DE LA YON TAN KHYAD PAR CAN RNAMS SGRUB NUS PA SMON PA, YON TAN DE DAG RE RE NAS 'PHAGS PA GONG MA RNAMS DANG MTSUNGS PAR SMON PA'O, ,DANG PO NI, DE LTA BU'I GO 'PHANG MCHOG, NAS; TSE RAB DRAN PA THOB PAR GYUR CIG, CES SO, ,GNYIS PA LA GSUM, RAB BYUNG GI TSUL KHRIMS RNAM PAR DAG PAR SMON PA, GZUNGS SPOB TING 'DZIN SPYAN MNGON SHES SOGS 'THOB PAR SMON PA, DON GNYIS SGRUB PA LA GCES PA'I SHES RAB KHYAD PAR CAN THOB PAR SMON PA'O, ,DANG PO NI, SKYE BA THAMS CAD DU SRID PA, NAS; RAB TU BYUNG BAR BYED PAR GYUR CIG, CES DANG, RAB BYUNG GI TSUL KHRIMS MTHAR PHYIN PAR BYA TSUL SANGS RGYAS MI 'KHRUGS PA'I RJES SU SLOB PAR SMON PA NI, RAB TU BYUNG BA'I TSE NA'ANG, ZHES SOGS SO, ,GNYIS PA LA BZHI, GZUNGS SPOBS RNAM DAG THOB PAR SMON PA, TING NGE 'DZIN GYI SGO RNAMS 'THEB PAR
, ,SMON PA, SPYAN LNGA 'THOB PAR SMON PA, MNGON SHES DRUG 'THOB PAR SMON PA'O, ,DANG PO NI, GZHAN YANG SKYE BA THAMS CAD DU KUN NAS NYON MONGS, NAS; SPOBS PA RNAM PAR DAG PA THOB PAR GYUR CIG, CES SO, ,GNYIS PA NI, DPA' BAR 'GRO BA LA SOGS PA'I TING NGE 'DZIN GYI SGO RNAMS THOB PA DANG MI 'BRAL BAR GYUR CIG, CES SPYAR BAS BSTAN PA LHAG MA LA'ANG 'DRA STE, DANG SGRA SDUD PA LA 'JUG PAS SO, ,DPA' BAR 'GRO BA'I TING 'DZIN THEG CHEN SGOM LAM BAR CHAD MED LAM SKOR DGU'I DANG PO BRGYAD LA BYED DAM SNYAM GSUNGS PA MDO DANG 'GAL BAS SHIN TU 'KHRUL LO, ,GSUM PA NI, SHA'I MIG LA SOGS PA'I SPYAN RNAMS DANG, ZHES SO, ,BZHI PA NI, RDZUL 'PHRUL GYI SOGS SO, ,GSUM PA DON GNYIS SGRUB PA LA GCES PA'I SHES RAB KHYAD PAR CAN 'THOB PAR SMON PA LA GNYIS, CHE GSAL MYUR ZAB KYI SHES RAB KHYAD PAR CAN 'THOB PAR SMON PA, SHES RAB KHYAD PAR CAN THOB NAS RJE BTZUN 'JAM DBYANGS LTAR 'GYUR BAR SMON PA'O, ,DANG PO NI, GZHAN YANG SKYE BA THAMS CAD DU BLANG DOR, NAS; ZAB PA THOB PAR GYUR CIG, CES SO, ,GNYIS PA NA, MDOR NA 'CHAL BA'I SOGS SO, ,GSUM PA YON TAN DE DAG RE RE NAS 'PHAGS PA GONG MA RNAMS DANG MTSUNGS PAR SMON PA LA LNGA LAS, DANG PO GZHAN DON LHUR LEN PA SPYAN RAS GZIGS LTA BUR SMON PA NI, SKYE BA THAMS CAD DU RANG GI SOGS SO, ,GNYIS PA NUS PA CHE BA PHYAG RDOR LTA BUR SMON PA NI, SKYE BA THAMS CAD DU RANG DANG SOGS SO, ,GSUM PA BRTZON 'GRUS CHE BA SH'A KA THUB LTA BUR SMON PA NI,
SKYE BA THAMS CAD DU LE LO SPANGS PA'I SOGS SO, ,BZHI PA LUS SEMS KYI NAD MTSAN TZAM GYIS ZHI NUS PA SMAN BLA LTA BUR SMON PA NI, SKYE BA THAMS CAD DU BYANG CHUB SOGS SO, ,LNGA PA MTSAN TZAM GYIS DUS MIN 'CHI BA 'JOMS PA TSE DPAG MED LTA BUR SMON PA NI, SKYE BA THAMS CAD DU JI LTAR SOGS SO, ,GSUM PA DON BSDUS TE NYAMS LEN GYI RIM PA CHA TSANG BA'I GNAD RNAMS NYAMS SU LEN PAR SMON PA LA BDUN, LAM GYI RTZA BA MTSAN NYID DANG LDAN PA'I BSHES GNYEN GYI RJES SU 'DZIN PAR SMON PA, RJES SU BZUNG BA'I TSA TSUL BZHIN BSTEN PAR SMON PA, DE NYID KYIS GDAMS NGAG RNAMS TSANG BAR STON PAR SMON PA, GDAMS DON LA NYAMS LEN MTHAR PHYIN PAR SMON PA, SDIG GROGS KYI DBANG DU SKAD CIG TZAM YANG MI 'GRO BAR SMON PA, RGYAL BA DGYES PA'I LAM LA SLOB PAR SMON PA, DGE RTZA RNAMS GZHAN DON DU RDZOGS BYANG 'THOB PA'I RGYUR SMON PA'O, ,DANG PO NI, GZHAN YANG SKYE PA THAMS CAD DU 'JIG RTEN DANG SOGS SO, ,GNYIS PA NI, RJES SU BZUNG BA'I TSE NA YANG SOGS SO, ,GSUM PA NI, DGE BA'I BSHES GNYEN GYI GDAMS PA DANG SOGS SO, ,BZHI PA NI, DE RNAMS KYI DON SOGS SO, ,LNGA PA NI, MI DGE BA'I BSHES GNYEN DANG SOGS SO, ,DRUG PA NI, SKYE BA THAMS CAD DU LAS 'BRAS LA SOGS SO, ,BDUN PA NI, SKYE BA THAMS CAD DU LUS DANG SOGS SO, ,GSUM PA THA MAR DGE BA SLAR YANG BSDUS TE SMON TSUL LA GNYIS, SMON LAM RGYAS PAR BTAB PA RNAMS SLAR YANG TSIGS BCAD KYI SGO NAS BSDUS TE SMON PA DANG, KUN GZIGS KYI ZHING LAS KYANG LHAG PA'I ZHING KHAMS
, ,'GRUB PA'I SMON LAM NAS PHYUNG STE SMON PA'I DON BSHAD PA'O, ,DANG PO NI, JI SRID THUB MCHOG ,CES SOGS SHO LO KA BZHI'O, ,GNYIS PA LA BZHI, GZHAN DON LHUR LEN PAR SMON PA, KHYAD PAR SDIG CAN RNAMS THEG CHEN LA 'GOD PAR SMON PA, RGYAL SRAS SPYOD PA'I MTHUN RKYEN TSANG BAR SMON PA, GONG DU SMON LAM BTAB PA RNAMS RGYAL BA SRAS BCAS KYI THUGS RJE DANG RTEN 'BREL BSLU BA MED PA'I MTHUS 'GRUB PAR SMON PA'O, ,DANG PO NI, SEMS CAN YAL BAR DOR NAS SOGS SO, ,GNYIS PA NI, BDAG GI MING TZAM SOGS SO, ,GSUM PA NI, RGYAL BA'I SRAS KYI SOGS SO, ,BZHI PA NI, SH'AKYA'I DBANG BO SOGS SO, ,'DI RE ZHIG 'KHON STON GYI tIKKA LTAR BRIS SO, ,BDAG LUS LONGS SPYOD DUS SUM DGE TSOGS KUN; ;'DOD 'JO'I GTER DANG DPAG BSAM SHING BZHIN DU, ,RIS MED BSTAN DANG 'GRO BA MA LUS PA'I, ,PHAN BDE'I NYER 'TSO'I RTEN DU MYUR SMIN SHOG ,'DI SNANG BYA BYED SMYON PA'I ZLOS GAR LTAR, ,MTHONG BA'I SHUGS DRAG NGES 'BYUNG GIS BSKUL TE, ,GCIG TU RGYAL BA DGYES PA'I LAM BZANG PO, ,SGRUB PA'I SKAL BZANG NAM YANG NYAMS MED SHOG ,CES YONGS SU GRAGS PA'I SMON LAM LNGA'I GZHUNG GI MTSAMS RNAM PAR 'BYED PA 'DI YANG SMON TSIG KHA NAS THON PAS CHOG MI SHES PAR DON YID LA 'CHAR BAR 'DOD BDAG LA DPYOD LA 'JUG PA'I RKYEN DU AE 'GYUR SNYAM PAS KUN NAS BSLANG STE 'GA' ZHIG GIS 'DOD MOS LTAR, BTZUN GZUGS SHES RAB RGYA MTSOS RANG GI SKYE YUL RTZE GZHUNG SA MI THIG LER SKYO SANG DU PHYIN PA'I TSE SUG BRIS SU BGYIS PA'O, ,AOm SVA STI, CHOS SRID 'BYOR BA'I MDZOD
DANG DGE BCU LDAN, ,DGA' LDAN RAB RGYAS ZHES BYA'I RGYUD GRVA CHER, ,KUN MKHYEN 'JAM DBYANGS BZHAD PA YAB SRAS KYI, ,THUGS RJES CHOS SPYIN 'DZAD MED RGYUN 'DI SPEL,, ,, ,,MANGGA LAm,,