, ,BLA MA'I ZHAL GDAMS GDUNG SEL SMAN GYI THIGS PA BZHUGS SO,,
, ,NA MO GU RU, DE YANG BLA MA'I ZHAL NAS, RJE SGRUB KHANG PA LA SOGS PA DAM PA GONG MA RNAMS KYIS, RI KHROD PA LA RKYEN NGAN BYUNG TSE RIM GRO BYAS NA RI KHROD PA'I RKANG DRANGS PA YIN, NAD DGA' SHI SKYID KYI GSOL 'DEBS KHO NA BYED DGOS GSUNGS PA RED, RANG RE TSOS DE 'DRA DKA' YANG LAS NGAN 'DZAD PA'I RGYU YIN SNYAM PA SOGS LAM DU 'KHYER GANG THUB DANG, 'BRAS BU SDUG BSNGAL RANG STENG DU YOD PA DANG, RGYU LAS NYON BAG CHAGS DANG BCAS PA SBYANGS 'DUN GYIS DKON MCHOG LA GSOL 'DEBS BYED DANG BYED 'JUG GAL CHE, MDOR NA LAS BDAG GIR BYAS NAS DKON MCHOG LA GSOL BA 'DEBS PA MI BSNYEL BA DANG, YANG RANG GI LUS
, ,LONGS SPYOD DUS GSUM BSAGS PA'I DGE TSOGS DANG BCAS PA THAMS CAD MKHO DGU'I MCHOD SBRIN DU DMIGS NAS TSOGS KYI ZHING LA PHUL BAS BLA MA MCHOG GSUM GYI THUGS RJE BYIN RLABS DANG 'DRES PA 'DOD DGU'I YO BYAD DU SNANG BA'I 'OD ZER GYI RNAM PAR MKHA' KHYAB KYI SEMS CAN LA BTANG BAS BDE BA THAMS CAD DANG LDAN, SDUG BSNGAL THAMS CAD DANG BRAL, SNOD THAMS CAD DAG PA GNYIS LDAN GYI ZHING DANG, BCUD THAMS CAD DAG PA GNYIS LDAN GYI BLA MA'I SKUR GYUR, GNOD CING 'TSE BA'I GDON BGEGS RNAMS KYANG LHAG PAR SPYAN RAS GZIGS KYI SKUR GYUR, RANG LA YANG SKYABS YUL GYI 'OD ZER PHOG PAS MI MTHUN PHYOGS THAMS CAD
LAS RNAM PAR RGYAL BA'I RDO RJE'I SKU 'JA' TSON DANG GZUGS BRNYAN LTA BU, STONG NYID SNYING RJE'I SNYING PO CAN GYI YE SHES KYI RANG BZHIN DU MOS PA'I 'KHYER SO GSUM BYI DANG LA GNAS NA RKYEN NGAN GANG LA'ANG RNAM RTOG BYED DGOS PA MED, GANG DANG GANG LA'ANG 'KHYER SO GSUM DANG 'BREL BA'I RTEN 'BREL GYI SNANG BA GSAL 'DEBS PA DANG, BLA MA SKYABS GSUM KUN 'DUS SU YID CHES PAS GSOL 'DEBS SEMS NAS MA BOR BA GAL CHE, DE BZHIN DU BLA MA SMAN GYI BLA SKYABS GNAS KUN 'DUS KYI SKU LAS 'CHI MED TSE'I BDUD RTZI DANG, SKABS SU GANG BABS KYI SMAN GYI BDUD RTZI SOGS KYIS SBYANGS BSGYUR GANG 'OS DANG, BLA MA RDO RJE RNAMS PAR 'JOMS PA GZHUNG LTAR GYI THUGS KAR THUB DBANG RDO RJE 'CHANG, THUGS KA'I SA BON LAS 'OD ZER 'PHROS PAS SKYABS YUL THAMS CAD SPYAN DRANGS TE THIM PAS SKYABS GNAS KUN 'DUS SU BSAM, YAN LAG BDUN PA DANG MAndAL RGYAS BSDUS CI RIGS, GSOL 'DEBS, GZUNGS RING THUNG BZLA ZHING BDUD RTZI 'BEBS SBYANGS GIS GRIB DANG MI GTZANG BA BSAL BA SOGS DMIGS PA'I 'PHRUL 'DEGS DU MA SHES NAS NYAMS SU LEN PA GCIG RI PA DAG GI LUGS YIN PAS, RE DOGS KYI RNAM RTOG MANG BO GSOS MI 'DEBS PAR BLO BRTAN POS BAR CHAD KYIS BRDZI BAR MI NUS PA'I GDENGS DANG LDAN PAS SEMS BDE 'BOL LE DKON MCHOG KHO NAL BLO LTOS BCOL TE GNAS DGOS GSUNGS SO, ,ZHES PA 'DI YANG BKA' DRIN DANG THUGS RJE MTSUNGS ZLA MA
, ,MCHIS PA 'JAM DBYANGS BLA MA RJE BTZUN DKON MCHOG RGYAL MTSAN DPAL BZANG PO'I ZHAL NAS THOS PA LTAR, DGE SLONG SHES RAB RGYA MTSOS YI GER BKOD PA'O, ,'DI MANG MDZOD DGE DGON GSAR DGA' LDAN RAB RGYAS GLING NAS PAR DU BKOD,, ,,MANGGA LAm,, ,,
[BLANK PAGE]