, ,SKYABS MGON SKU PHRENG GSUM PA CHOS GRVAR PHEBS SKABS KYI NYIN DANG PO'I TSOGS GTAM GYI ZIN THO CHOS SRID LUGS BRGYA'I SNANG BA DGE LEGS BYE BA'I LAM DU 'DREN PA'I SHING RTA ZHES BYA BA BZHUGS SO, ,
, ,NA MO BHAttA RAKA GU RU MANYDZU GHO shA HA SA BADZRA SU DH'I MU NI SHAsht'A BHYA S'A GA R'A YA, 'O BSHAD SGRUB GNYIS KYI SGO NAS RGYAL BA'I BSTAN PA RIN PO CHE 'DZIN CING SPEL BAR BYED PA LA 'GRAN ZLA DANG BRAL BA'I DGE 'DUN 'DUS PA RGYA MTSO'I SNYAN GYI DBANG BO DRI MA MED PA'I DRUNG DU GANG ZHU NA, DE YANG RGYAL SRAS CHEN PO ZHI BA LHAS; 'GRO BA'I SDUG BSNGAL SMAN GCIG PU, X ,BCAS TE YUN RING GNAS GYUR CIG ,CES GSUNGS PA LTAR 'JIG RTEN MTHA' DAG GI SDUG KUN GYI NAD MA LUS PA SEL BA'I SMAN DANG, PHAN PA DANG BDE BA ZAD MI SHES PA 'BYUNG BA'I GNAS NI RGYAL BA'I BSTAN PA NYAG GCIG YIN, DE NYID BSHAD SGRUB GNYIS KYI SGO NAS YUN RING DU GNAS PA DGE
, ,'DUN GYI SDE LA RAG LAS, DE YANG CHOS 'DUL BA'I BCAS KHRIMS LA RAG LAS PAS STON PA BCOM LDAN 'DAS MNGON PAR RDZOGS PAR SANGS RGYAS NAS RING BO MA LON PAR 'KHOR LNGA SDE BZANG PO YE SHES KHONG CHUD KYIS BSNYEN PAR RDZOGS SHING, SHAM THABS ZLUM POR BGO BA SOGS MTHA' GNYIS SPANG BA'I SPYOD PA LA GNAS DGOS PA'I BCAS PA THOG MAR MDZAD, DE NAS BZUNG STE RE ZHIG GI BAR DU BSTAN PA SKYON MED DU GNAS PA LAS LO BCU GSUM PA LA BZANG SBYIN LA BRTEN NAS PHAM PA DANG PO'I BCAS PA SOGS KHRIMS NYIS BRGYA LNGA BCU RTZA GSUM PHYOGS MTHUN DANG BCAS PA'I BCAS PA RIM PAR MDZAD CING 'DA' KHAR YANG 'DUL BA MDOR BSDUS RUNG MTHUN DU
GRAGS PA GSUNGS, SO SOR THAR BA'I MDO LAS, NGA NI MYA NGAN 'DAS 'OG TU, ,'DI NI KHYOD KYI STON PA ZHES, ,ZHES SOGS BSNGAGS PA RGYA CHER MDZAD, DE LA BRTEN NAS RGYA GAR 'PHAGS PA'I YUL DANG, BOD GANGS CAN GYI LJONGS RNAMS SU RIS SU MA CHAD PA'I DGE 'DUN GYI SDE MANG DU 'PHEL, DE DAG TU SNGON GYI DAM PA RIM BYON RNAMS KYIS YUL DUS DANG BSTUN PA'I SPANG BLANG BCA' KHRIMS KYI RIM PA MANG DU MDZAD, KHYAD PAR KHAMS GSUM BLA MA TZONG KHA PA CHEN POS 'OL KHA BYAMS PA GLING GI BCA' YIG RGYAS BSDUS DANG, DE BZHIN DU SE 'BRAS DGE GSUM, BKRA SHIS LHUN PO, RGYUD STOD SMAD SOGS SU BCA' KHRIMS DANG, BLA MA LAS SNE SO SOS CHOS THOG CHOS MTSAMS RNAMS SU TSOGS GTAM GNANG BA'I SROL DAR, KHYAD PAR MDO SMAD MUN PA'I SMAG RUM DU BSTAN PA'I SGRON ME SBAR BA'I PHYIR RGYAL BA'I GSUNG RAB MTHA' DAG LA THOS BSAM GYIS SGRO 'DOGS LHAG MED DU BCAD DE MKHAS PA KUN GYI GTZUG RGYAN DU GYUR PA, BSLAB GSUM RIM GNYIS KYIS BSDUS PA'I LAM GYI RIM PA MTHA' DAG BSGOM PAS MNGON DU GYUR TE NYAMS RTOGS KYI MTHAR SON PAS GRUB PA YONGS KYI 'KHOR LOS BSGYUR BA CHEN PO, 'JAM MGON BLA MA'I BSTAN PA 'DZIN CING SPEL BA LA 'JAM MGON BLA MA RANG NYID DANG NGO BOR DBYER MA MCHIS PA KUN MKHYEN CHEN PO 'JAM DBYANGS BZHAD PA'I RDO RJE DE NYID KYIS DGA' LDAN BSHAD SGRUB DAR RGYAS BKRA SHIS KUN NAS 'KHYIL BA'I GLING 'DI NYID PHYAG 'DEBS MDZAD, DE NYID BSTAN 'GRO'I MGON
, ,DU SLAR YANG BSAM BZHIN BYON PA'I KUN MKHYEN CHEN PO, SHES BYA RIGS PA'I GNAS LNGA LA LKOG TU MA GYUR PA'I MKHYEN PA, BSTAN 'GROR GANG PHAN GYI DON DANG THABS MKHAS MA LUS PA NAM YANG BSNYEL BA MED PAR RANG NYID KYIS KHUR DU 'KHYER BA LA MI NGAL BA'I BRTZE BA, SNYIGS MA'I BRLAB SPYOD DANG MI BSRUN PA'I BDUD RIGS MTHA' DAG RMEG MED DU BCOM STE BSTAN PA'I RU MTSON BSGRENGS PA SOGS CHA GANG NAS KYANG 'GRAN PA'I ZLA THAMS CAD DANG BRAL BA'I KUN MKHYEN SKU PHRENG BAR PA RJE BTZUN DKON MCHOG 'JIGS MED DBANG PO DE NYID KYIS NUB BAL PO GUR GUM GYI ME TOG BKRA BA'I SA NAS SHAR RGYA MTSO'I MTHA'I BAR DU BSTAN PA'I SROL SNGAR YOD GONG 'PHEL DANG, SNGAR MED GSAR 'DZUGS SOGS SGO THAMS CAD NAS RMAD DU BYUNG BA'I PHYAG RJES RLABS CHEN POS KHYAB PAR MDZAD CING, DGON 'DI'I GRVA TSANG SO SO'I BCA' YIG, SMON LAM, GLENG BSRE PHAR PHYIN STON MO 'DZIN GRVA GTUG RGYU'I 'GRIG YIG SOGS DANG; KHYAD BAR RMAD BYUNG THOS BSAM GLING GI BCA' KHRIMS KYI YI GE MDZAD PA DE BZHIN BCA' YIG DANG 'BREL BA'I TSOGS GTAM 'BUL BA LA ZHES BCA' YIG GI MCHOD BRJOD NAS RTZA BA'I SA BCAD GYI BAR GSUNGS TE, 'DIR BCA' KHRIMS KYI RIM PA MTHA' DAG THOG MTHA' BAR GSUM DU BSDUS NAS GSUNGS PAS DE YANG BLA MA LAS SNES ZLA CHOS REL TSOGS GTAM GSUM RE, BAR CHOS RE LA GNYIS RE, GZHAN SKABS SKABS SU 'GRIG 'GAL PHRA RAGS
LA DMIGS PHUG PA'I TSOGS GTAM GTONG DGOS, TSOGS GTAM ZHES PA'ANG SNGAR MA GRAGS PA'I GTAM GSAR BA ZHIG MA YIN PAR BLA MA LAS SNE SNGA MA SNGA MA'I RING NAS CHU LAM ZHUGS DANG, RDO LAG BRGYUD KYI TSUL DU GNAS BZHIN PA ZHIG YIN, CI LTAR GSAN PA'I TSUL YANG RGAN PA RNAMS DBANG PO'I TSUL, BAR SHAR PA RNAMS KYIS BRJED GSOS KYI TSUL, GSAR BU MA NGES PA NGES CHED DU GSAN DGOS, DE YANG YUL DUS DANG BSTUN PA'I DMIGS BSAL CAN RE GNYIS MA GTOGS GRVA SA PHAL CHER GYI 'GRIG LAM GYI KHOG 'DRA, TSOGS GTAM 'DUL PA'I GLENG 'BUM KHA PHYE BA LTA BU ZHIG DGOS ZER BA GRVA PA'I NGAG RGYUN YIN PAS, CHOS 'DUL BA'I BCA' KHRIMS DANG MTHUN PA DGOS, DE YANG KHYED RNAM PA SA THAG NYE RING GANG NAS 'ONG NA YANG, SPRIN DKAR PO THOD DU BZUNG, SA NAG PO 'DOM LA 'JAL NAS 'ONG TE GRVA TSANG DU ZHUGS PA THAMS CAD THAR BA DANG, THAMS CAD MKHYEN PA'I GO 'PHANG DON DU GNYER NAS BSLAB SBYANG GI CHED 'ONG BA SHA STAG LAS LTO RGYAB TZAM GYI CHED DU 'ONG BA ZHIG MED MOD, TSE 'DI'I DGRA 'DUL, GNYEN SKYONG SOGS LA MI LAS DUD 'GRO MKHAS PA'I LO RGYUS MANG DU YOD PAS BKA' GDAMS PA GONG MA RNAMS KYIS, DA RES PHYUGS DANG BYE BRAG 'BYED PA'I DUS YIN GSUNGS, BYE BRAG 'BYED CES PA KHYAD PAR 'BYED DGOS GSUNG RGYU RED MOD, RANG RANG GI SA CHA YUL PHYOGS PHA MA NYE DU THAMS CAD BSKYUR NAS RGYUS MED KYI YUL DU DON MED PA'I RNAM
, ,G-YENG SNA TSOGS KYIS DUS 'DAS NA SEMS RNAL DU MI GNAS PA'I SMYON PA DANG KHYAD MED PA MKHAS GRUB RIN PO CHES, PHA YUL NYE DU LONGS SPYOD KUN BOR NAS, ,RTZE GCIG DAM CHOS SGRUB PAR DAM BCAS TE, ,GZHAN GYI YUL DU DON MED RNAM G-YENG GIS, ,DAL 'BYOR STONG LOG BYED PA SMYON PA YIN, ,GSUNGS PA LTAR RED, DE YANG 'GO TSES GCIG NAS MA 'CHUG NA MJUG GNAM GANG GI BAR DU MI 'CHUG PA'I DPE LTAR SDE 'DIR THOG MAR 'JUG PA'I TSE, MKHAN PO TSAD LDAN LAS RAB TU BYUNG BA, GRVA TSANG RANG RANG GI 'GRIG LAM LA GANG YOD PA'I YO BYAD MTSANG BA MED PA, RANG LAS BLO KHA MTHO BA'I DGE RGAN ZHIG LA BRTEN NAS DES BSLAB PA'I BLANG DOR LAS MI 'DA' BA DGOS TSUL, SGO GSUM DGE LA SBYOR PHYIR MING DANG DON, ,ZHES SOGS GSUNGS, DE LAS GZHAN DU TSONG DANG, ZHING LAS SOGS KHYIM PA SUN 'BYIN DU 'GRO BA'I BAG MED KYI BYA BA'I RIGS SPONG ZHING; DE 'DRA'I GROGS DANG YANG 'GROGS PA SPONG DGOS PAS, TSOM LAS, SDIG CAN MI DANG 'GROGS MI BYA, ,ZHES SOGS DANG, SDIG CAN YIN ZHES RVA CAN MI 'BYUNG GI ,ZHES SOGS LTAR YIN, DE YANG RGYUN PAR GNYID DANG 'DU 'JI BRE MO'I GTAM SOGS RNAM G-YENG GI RIGS SPANGS TE SLOB GNYER DANG, 'DZIN SKYOR SBYANGS LA 'BAD BA DANG, BLO RAB KYIS GZHUNG CHEN MO RNAMS DANG, DE MIN YANG RANG RANG LA SKABS SU BABS PA'I THAL PHRENG ZUR
BKOL LA SKYOR SBYANGS CHU BO'I GZHUNG LTAR BYA DGOS PA DBU MA LUNG RIGS SGRON ME LAS, GZHUNG TSIG BLO 'DZIN MI BYED GZHUNG GI DON, ,DPE KLOG TZAM GYIS SHES 'DOD BZHAD GANG GNAS, ,DE PHYIR GNYID DANG 'DU 'JI KUN SPANGS NAS, ,RGYUN DU SKYOR SBYANGS MDZOD CIG GROGS PO DAG ,CES SOGS LTAR RO, ,SKYOR SBYANGS TZAM DU MA ZAD, DPE LHAS, DPE KHRID, RGYUN DU DPYAD PA DANG RTZOD PA, 'DZIN GRVA YAS MAS SU DAM BCAR 'GRO BA SOGS RTZOD PA 'PHEL BA'I THABS SU GANG 'GYUR BYED, SLOB GNYER LA BAR CHAD MED PAR LAM DU 'GRO PHYIR TSOGS CHOS GRVA'I 'DON PA CHAG MED DANG, DAM BCA' CHE CHUNG GANG GI SKABS SU YANG 'KHOR GSUM SKOR LUGS, THAL MO RDEB LUGS SOGS GRA SA CHEN PO'I LUGS SROL LTAR TSUL DANG MTHUN PA'I RIGS LUNG TSA GAD DE BA, SPRO SANG NGE BA BYA, YON TAN CAN DANG, SPYI SEMS CAN, LAS SNE THOB ZIN, BSLAB PA RGAN PA RNAMS LA ZHVA PHUD GZAN 'BEBS SOGS BKUR GZOS LEGS PAR BGYIS NA 'JIG RTEN DU BDE SKYID 'BYUNG BA'I LO RGYUS YOD PAR MA ZAD, BSLAB GRAL BYAS PA LA RANG GZHAN GYI BSLAB PA LA GUS PAR BYAS PA'I PHAN YON YOD BAS MDZES LAM TZAM DU MA SONG BA BYED, CHOS MTSAMS BTANG BA'I DGOS PA'I GTZO BO 'DZIN SKYOR SBYANG GI CHED YIN PAS, ,SNGA DRO'I CHA LA KHA TON DGE SBYOR 'OS PA RNAMS KYIS KHA TON DGE SBYOR, 'DZIN GSHAR SBYANGS 'OS PA RNAMS KYIS 'DZIN GSHAR SBYANGS BYED PA MA GTOGS, GSHAG GCIG TU TSOGS NAS RTZED MO RTZE BA, GU CA
, ,HAB LONG SOGS DON MED PA'I RNAM G-YENG GIS DUS 'DA' BAR MI BYED, TSONG RGYAG RGYU MED PAR TSONG RA LA MI 'GRO, MDOR NA 'GRIG LAM CHE PHRA GANG LA'ANG DGAG BYA DANG DGOS PA RE NGES PAR YOD PAS SNANG RTAGS CHUNG CHUNG MI BYED, LAS SNE RNAMS KYIS KYANG 'GRIG GNON MTSAMS SHES PA'I SGO NAS LEGS NYES KYI STANGS 'DZIN DANG, SKABS SU BABS PA'I TSAR GCOD RJES 'DZIN SOGS THAD KA'I BYA BA LE SHOR DU MA SONG BA BYED, DBU MDZAD SO SOS KYANG TSOGS CHOS GRA'I 'DON PA, DBYANGS RTA SOGS MI NYAMS PA'I KHUR LEN BYED, MTHO DMAN TSANG MAS DGE 'DUN GYI SDE RIS SU BCAD PA'I TSIG DAN, DON MED PA'I 'THAB RTZOD, LONG GTAM SNA TSOGS SMRA BA, 'KHON, RDUNG, RIS; CHANG DANG NAG KHRIMS, THA MA KHA, DGE 'DUN GYI CHED MA YIN PAR TSONG DANG, BUN SKYED SOGS LA 'DZEM DGOS, RGYUN PAR 'DOD CHUNG CHOG SHES LA GNAS NAS CHOS DANG 'JIG RTEN GNYIS LAS CHOS, TSE 'DI DANG PHYI MA GNYIS LAS PHYI MA PHAN CHAD GTZO BOR BYED PA GRVA RKYANG GI BYA BA YIN PAS, RAB SANGS RGYAS KYI BSTAN PA DANG 'GRO BA'I BDE SKYID, MA MTHA' RANG RANG GI 'DI PHYI'I GTAN GYI 'DUN MA'I RTZA BA MA 'CHUG PA GAL CHE, DE DAG GIS MTSON NAS GRVA TSANG RANG RANG GI 'GRIG LAM GYI SROL LA GANG YOD PA DE DAG THAMS CAD LA THUGS KHUR CHER ZHES MDZAD DGOS, STON PA THUGS RJE CAN GYIS MA 'ONGS PA NA BSTAN PA BYANG NAS BYANG DU DAR BAR LUNG BSTAN PA'I BYANG GNYIS PA RANG RE'I DGON PA 'DI TSO YIN
PAR RGYAL BAS LUNG BSTAN BA DANG, KUN MKHYEN GONG MA GNYIS KYI BKA' DRIN LA BRTEN NAS MDO SNGAGS BSHAD SGRUB GANG SA NAS 'GRAN ZLA DANG BRAL BA 'DI BZHIN SNGA SOR NGAS KYANG SKU GONG MA GNYIS KYI SROL LTAR KHRIR BSDAD ZIN KYANG, YANG BSKYAR KHRI PA DGE 'DUN DAR RGYAS TSANG GI DUS NAS TSANG MAS KHRIR SDOD DGOS TSUL YANG YANG GSUNGS PA DANG, LO SNGA MAR SKU 'BUM DU 'GRO KHAR YANG 'GRIG LAM NYAMS GSO SOGS KYI CHED KHRIR SDOD RGYU BYAS SHING, DE RJES KYANG GSUNGS BA DE 'DRA YIN PAS LO RJES MA RE GCIG GI THOG TU SLEB PA DANG, DA TSOD DBYAR NAM ZLA'I DRO GRANG SNYOMS PA'I SKABS YIN PAS DE RING GI SKABS SU CHOS GRVAR 'ONG BA 'DI BZHIN 'PHRO TSOR YANG KHOM SKABS SU YONG NAS, KUN MKHYEN GONG MA'I DUS NAS 'CHAD NYAN LA DO DAM DANG, 'GRIG LAM GYI RIM PAR DAG THER ZHIB MO BYED PA'I PHYAG SROL BZANG BO YOD PA DE BZHIN RIM PA BZHIN LHA RTOGS DANG, 'GIG LAM GYI SKOR LA DAG THER BYED RGYU YIN PAS DGON PA'I SKYONG KHUR GYIS MTSON, CHOS LDAN GYI BSAM PA YID SMON LTAR 'GRUB PA DGE 'DUN 'DUS PA RGYA MTSOS KYANG NAN TAN DU THUGS LA 'DZIN DGOS PA DE 'DRA YIN RGYU RED, DES NA GANG ZHUS PA RNAMS BSTAN PA RIN PO CHE'I 'PHEL RGYAS DANG, RANG RANG GI TSOGS BSAGS SGRIB SBYANG GI RGYUR 'GRO BA RE CIS KYANG THUGS RJE GZIGS PAR ZHU, CES PA 'DI YANG SKYABS MGON SKU PHRENG GSUM BA BKA' DRIN DANG THUGS RJE MTSUNGS PA MED PA DE NYID DGUNG LO DRUG CU BZHES PA LCAGS PHAG ZLA 5 TSES 22 LA CHOS GRAR PHEBS PA'I SKABS BCA'
, ,YIG NGANG 'BREL BA'I TSOGS GTAM ZHIB RGYAS GNANG BA LAS NYIN DANG PO'I TSOGS GTAM GYI THO TZAM ZHIG, DGE SLONG SHES RAB RGYA MTSOS RANG NYID SKAL BA BZANG PO'I RTEN 'BREL DU BSAM NAS SPRO BA'I YID GYIS MTSAMS SBYAR TE BRIS PA'O, ,'DI YANG MDZOD DGE'I DGON GSAR DGA' LDAN RAB RGYAS GLING NAS PAR DU BKOD, ,,MANGGA LAm,, ,,
[BLANK PAGE]