, ,KUN MKHYEN SKU PHRENG GSUM PA'I GSUNG BKOD BSLAB BYA BZHUGS SO, ,
, ,'O DE YANG KUN MKHYEN CHEN PO 'JAM DBYANGS BZHAD PA'I RDO RJE DE NYID KYI DUS GNAS 'DIR PHEBS NAS SA BRTAG BSLANG SBYANGS GSUM DANG BKRA SHIS GSO SBYONG MDZAD, SKU PHRENG BAR PA DGUNG LO SO GSUM GYI SKABS SU DGON 'DI NYID GSAR 'DEBS MDZAD DE RDO RJE PHRENG BA'I DBANG BSKUR GNANG, DGON PA PHAN TSUN GYI KHYAD PAR TZA MA LAS SKU GONG MA'I GDAN SA YIN PAS NGAS KYANG SNGON 'DIR 'ONG NAS MI TRA BRGYA RTZA DANG, DA RES RDOR PHRENG GI DBANG BSKUR ZHING, YANG YANG 'DIR 'ONG GI 'DRA BSDAD PA DE 'DRA RED, 'GANG NA SNANG BA MTHA' YAS NGUR SMRIG 'DZIN PA'I GAR GYIS ROL PA PAn CHEN THAMS CAD MKHYEN PA BLO BZANG DPAL LDAN YE SHES DPAL BZANG PO'I
, ,BKA' LUNG LHAR SKU PHRENG BAR MAS DGON PA PHYAG 'DEBS MDZAD PA NAS BZUNG YUL PHYOGS 'DI TSOS BSTAN 'GRO'I BDE SKYID KYI RTZA BA TSUGS, TE LO RE BZHIN JE RGYAS GANG DANG MI 'DRA BA YIN PA DE BZHIN DU PHYIN CHAD TSO YIN NA'ANG SNGA MA SNGAR RGYUN LTAR BLA MA LAS SNE TSO THAMS CAD GYIS BCA' YIG 'GRIG YIG LTAR CHOS 'CHAD NYAN SOGS CUNG ZAD KYANG NYAMS CHAGS SU MA SONG BAR YAR RGYAS GONG 'PHEL DU MDZAD DGOS, DE YANG THAMS CAD THUGS MTHUN KHRIMS GTZANG BYED PA GZHIR BZUNG STE BYA BA GANG YANG LAS 'BRAS DANG MTHUN PA DANG, JAG KHRIMS RKUS KHRIMS SDOM PA RGYAL KHAMS BDE THABS KYI GZHI CHE SHOS YIN PAS DE DAG GIS MTSON NAS CHOS SRID KYI BYA
BA THAMS CAD SPYI SKU 'TSAB, LAS SNE CHE CHUNG, TSOGS 'DU RGYAS BSDUS KYIS GZHI BZUNG, RGAN BSAM SHES KYIS RTING MNAN, SKYA SER MANG MAS MTHA' BRTEN LTA BU BYAS NAS THAMS CAD KYIS KHUR LEN DANG DKAR PHYOGS KYI BYA BA LA TSANG MA MGRIN GCIG BYED RGYU GAL CHE, BSHAD GTAM TSO'I DON LA'ANG MTSAMS RE BZUNG NAS 'GRIG THABS 'PHROD THABS BYAS NA PHYIN CHAD KYI RIM PAS BSHAD GLENG MED PA BYED DGOS, MDOR BSDUS NA GRVA DPON SLOB SKYA SER TSANG MAS RANG RANG LA SKABS SU BAB PA'I BYA BA CHE PHRA GANG YOD LE SHOR DU MA SONG BA BYED DGOS, THAMS CAD KYI BSAM PA GRU NANG MA'I DPE LTAR BSAM PA YAR BSAM BYAS NAS SGAR GRONG THAMS CAD MTHUN PO NYE RING PHYOGS 'KHYER MED PAR SGAR GRONG GI BYA BA MI LAD PA ZHIG BYED RGYU GAL BO CHER SEMS LA 'DZIN DGOS, DE LTAR BYAS NA TSANG MA'I KHA RJES DBANG THANG TSE BSOD DPAL 'BYOR SOGS LEGS TSOGS KYI BYA BA LAM DU 'GRO ZHING YAR RGYAS GONG 'PHEL DANG, YUL KA 'DI TSOR BKRA SHIS LO LEGS 'BYUNG PHYIR BSLU BA MED PA'I MCHOG GSUM RIN PO CHER GSOL 'DEBS, MTHU STOBS NUS PA'I MNGA' BDAG BKA' SRUNG DAM CAN RGYA MTSOR 'PHRIN BCOL, YUL LHA'I GTZO BO GNYAN RJE SOGS KYI THUGS MNYES BYED RGYUD BSKUL BA'I 'PHRIN BCOL SOGS RGYUN LDAN DU SEMS LA 'DZIN RGYU YIN PAS THAMS CAD KYIS DE TSO YID LA 'DZIN DGOS, DE RING GI SKABS 'DI TSOR SNAR THANG BRGYA RTZA'I RJES GNANG YONGS RDZOGS MCHIMS NAM MKHA' GRAGS
, ,KYIS DAM PA GONG MA'I GSUNG GI SGRUB THABS LAS TSOGS KYE MAN NGAG PHYOGS GCIG BSGRIGS PA MNGON RTOGS BRGYA RTZA BKRA SHIS LHUN BO'I BAR MA LTAR GYI LUNG DANG, TSOGS 'DON CHOS SPYOD SNA TSOGS KYI LUNG BCAS PHUL GRUB PA'I BKA' DRIN GTANG RAG GI YON DU MAndAL 'BUL BAR ZHU, ZHES AA MCHOG TU BKA' CHOS RDZOGS PA'I MJUG DGON GRONG TSANG MAR GSUNG BKOD DANG BSLAB BYA GNANG BA YID LA GANG ZIN TZAM ZHIG; BTZUN GZUGS SHES RAB RGYA MTSOS DGA' LDAN CHOS 'KHOR GLING DU BRIS PA LAGS, ,'DI YANG MDZOD DGE'I DGON GSAR DGA' LDAN RAB RGYAS GLING NAS PAR DU BKOD,, ,,MANGGA LAm,, ,,
[BLANK PAGE]