, ,SRAD RGYUD LUGS KYI BLA MA'I RNAL 'BYOR DGA' LDAN LHA BRGYA MAR GRAGS PA'I KHRID KYI ZIN BRIS DNGOS GRUB NOR BU'I SNYE MA ZHES BYA BA BZHUGS,
, ,NA MO GU RU HA SA BADZR'A YA, BLO GTER KUN BZANG SPYOD PA'I CHU MTSO LAS, ,MA SMAD G-YAS 'KHYIL SKYE BA LNGA BA'I DUNG, ,YID 'ONG GRAGS PAS SRID ZHI'I GDUNG SEL BA, ,MTHA' DAG MKHAS PA YONGS KYI GTZUG NA MDZES, ,BRJOD PA RER YANG 'JAM DBYANGS GZHON NU 'BUM, ,DGYES DGUR RTZEN PA'I LEGS BSHAD GDONG LNGA'I DBYANGS, ,MI 'JIGS BZHI LDAN DAM BCA'I DPAL MNGA' BA, ,DE YI RNAL 'BYOR LAS GZHAN ZAB LAM GANG, ,KUN TU KHYAB BDAL SHIN TU CHEN YANG, ,KUN GYI SPYOD YUL MA GYUR GSANG BA'I GTAM, ,KUN GZIGS BLA MA'I ZHAL LUNG MA NYAMS PAR, ,KUN BZANG MCHOD SPRIN JI BZHIN 'DIN SPRO, ,'DIR SRANG RGYUD LUGS KYI BLA MA'I RNAL 'BYOR GYI KHRID DMIGS CUNG ZAD BRJED BYANG DU BRI BA LA, DE YANG LEGS TSOGS THAMS CAD KYI
[MISSING PAGE]
, ,SU SGRUB PA RGYUN RING MDZAD PAS RJE BTZUN 'JAM PA'I DBYANGS KYI ZHAL DNGOS SU GZIGS NAS ZAB RGYAS KYI GDAMS PA NOD DE SGRO 'DOGS LHAG MED DU CHOD PA'I TSUL MDZAD, DON DE GZHAN LA 'DOMS PHYIR RGYA BOD KYI GDAMS BA RNAM PAR DAG PA MTHA' DAG GZHING BZHAG, MA DAG PA RNAMS BSAL, DE'I STENG DU RJE BTZUN GYI GDAMS PAS BRGYAN NAS MDO SNGAGS KYI LAM SROL THUN MONG MA YIN PAR PHYE STE RGYA BOD KYI MKHAS PA SUS KYANG BSGRUN DU MED PA'I LEGS BSHAD BSAM GYIS MI KHYAB PA'I PHYAG RJES BZHAG, RJES 'JUG LA LAM STON PA'I YONGS 'DZIN, LAM SGRUB PA'I GROGS, SGRUB PA'I GNAS SOGS MTHUN RKYEN MA TSANG BA MED PAR SGRUB CHED DGA' LDAN RNAM PAR RGYAL BA'I GLING BTAB PAS RI BO DGE LDAN PA ZHES GRAGS PAR PO DONG PAn CHEN DANG, STAG TSANG LO TZ'A BA SOGS RIS MED KYI MKHAS PA THAMS CAD KYIS BSNGAGS BRJOD MDZAD PA LTAR DON LA GNAS, RANG RE YANG DE NYID KYI RJES 'JUG LTA BUR YOD PAS LHA GANG SGRUB KYANG RJE BDAG NYID CHEN PO DANG DBYER MED BYAS NA RTEN 'BREL DANG BYIN RLABS KYI TSAN KA CHE, RJE BLA MA'I RNAL 'BYOR GYI RIM PA MANG DU YOD PA RJE BTZUN 'JAM PA'I DBYANGS KYI RNAM PAR GSAL 'DEBS PA MKHAS GRUB THAMS CAD MKHYEN PA DANG, BA SO CHOS RGYAN LA GNANG BA LTA BU DANG, DGA' LDAN LHA BRGYA MAR GRAGS PA'I GDAMS PA RJE BTZUN GYIS RJE BLA MA LA BSTZAL PA PAn CHEN DGE 'DUN GRUB SOGS SRAS KYI THU PO PHAL CHER LA GNANG, DE DUS NGOR BA KUN BZANG GIS PHRAG DOG GI RNAM PA LTA BU CUNG ZAD
MDZAD PA DANG, SNANG THANG BYANG CHEN GYI RGYAB KYI RI BO DGU 'DUS KYI RTZE MOR PHEBS PAS DGA' LDAN NGOS NAS SPRIN DKAR PO ZHIG THOL GYIS BYUNG BA'I RKYEN GYIS SHAR GANGS RI MA MGUR DBYANGS SU MDZAD PA'ANG NYAMS LEN 'DI 'DRA'I RKYEN GYIS YIN PAR GSUNG RGYUN LAS 'BYUNG, DE BZHIN DU DBEN SA SOGS LA'ANG DMIGS BRTZE MA'I MAN NGAG GI RGYUN MANG PO YOD KYANG 'DUL NAG PA DPAL LDAN BZANG POS RJE SHES RAB SENGGE LA GSAN NAS GDAMS PA 'DI'I SGOS RGYAL PO BTUL PA SOGS GRAGS CHE, DE NAS DPON PO 'JAM DBYANGS DGE 'DUN 'PHEL, 'DUL NAG SPRUL SKU PAn CHEN BSAM 'GRUB RGYA MTSO, RGYUD PA BKRA SHIS 'PHAGS, RGYUD CHEN BRTZON 'GRUS 'PHAGS, DE LA RGYUD CHEN SANGS RGYAS RGYA MTSOS GSAN NAS DA LTA'I DGA' LDAN LHA BRGYA MA 'DI YI GER BKOD, SNGAR SKYABS MCHOG 'JIGS MED DBANG PO'I BKA' CHOS ZHIG GI SKABS DGE BSHES BLO BZANG 'JIGS MED KYIS 'DI RTZOM PA PO'I GSAL KHA ZHU 'DOD NAS 'DUL NAG PA'I SBYAR BYANG BTAB PA ZHIG PHUL BAR, 'DI YI GER 'GOD PA PO SRAD RGYUD SANGS RGYAS RGYA MTSO YIN GSUNGS, DE LA RGYUD CHEN DKON MCHOG RGYA MTSO DANG, DE NAS RGYUD CHEN DKON MCHOG YAR 'PHEL BAR SRAD RGYUD KHO NA LA BRGYUD PAS SRAD RGYUD LUGS ZHES GRAGS, DE LA MER GAN BLA MA NGAG DBANG BLO GROS KYIS GSAN, 'DI 'KHRUNGS YUL CUN GAR YIN PAS LAM RIM CHEN MO SOG SKAD DU BSGYUR BA SOGS YOD 'DUG PAS MER GAN DE'I CHO LO YIN NAM MA NGES, SRAD RGYUD PA'I MAN NGAG THOR BU'I BKA' BABS KYI SLOB MA YIN, 'DI YAN CHAD DU
, ,KHRID YIG YI GER BTAB PA MED PAS ZIN BRIS NYUNG DU ZHIG MDZAD PA KHYA DGE LEGS BSHAD GLING DU PAR YOD, SRAD RGYUD PA DANG MER GAN RNAM GNYIS LA KUN MKHYEN 'JAM DBYANGS BZHAD PAS GSAN NAS KHRID GNANG BA LA ZIN BRIS THER BU GSUNG 'BUM DU BZHUGS, KUN MKHYEN BLA MA LA THANG SAG PA DNGOS GRUB RGYA MTSOS GSAN, DE GNYIS KAR 'JAM DBYANGS BDE BA'I RDO RJES GSAN TE KHRID YIG BRGYUD 'DEBS DANG BCAS PA, 'PHO KHRID TSIGS BCAD LHUG BCAS MDZAD PA YIN TE, KHRID YIG LAS, 'DI 'DRA RIGS KUN KHYAB BDAG RDO RJE 'CHANG, ,THA MAL GDUL BYA'I SNANG NGOR BSHES GNYEN TSUL, ,RNAM ROL 'JAM DBYANGS BZHAD BA'I RDO RJE DANG, ,PHA RGOD DNGOS GRUB RGYA MTSO'I DRIN LAS THOB; ;CES DANG, 'BRAS SPUNGS DAR 'BAGS SU SKU 'KHRUNGS NAS MA 'GYANG BAR DGE 'PHEL RI RTZER MDZUB STON BYED, NGAG GROL NAS DER 'GRO ZER BA LTAR DGUNG LO BCU PA'I STENG KUN MKHYEN 'JAM DBYANGS BZHAD PAR MJAL BAS GSANG 'DUS KYI DBANG BSKUR BA DE NAS BZUNG BLA MA LA YI DAM GYI LHA DNGOS LAS THA MAL GYI SNANG BA SKAD CIG KYANG 'CHAR MA MYONG ZHES RJE RANG GIS GSUNGS SHING, BRGYUD 'DEBS SU, GZHON NU'I DUS NAS LHA DANG BLA MA YIS, ,BYIN GYIS BRLABS PA'I SNANG BA RAB RGYAS PA, ,'JAM DPAL RGYA MTSO, ZHES GSUNGS DON YANG DE YIN GSUNGS, DE LA DPAL 'KHOR CHOS SDE'I MKHAN CHEN DGE 'DUN RGYA MTSOS GSAN ZHING 'PHO KHRID GSUNG RTZOL ZHUS, DE NYID BKRA SHIS 'KHYIL DU PHEBS SKABS SKYABS MGON
RDO RJE 'CHANG 'JIGS MED DBANG PO, KHRI BSOD NAMS DBANG RGYAL, KHRI BLO BZANG SNYAN GRAGS SOGS KYIS GSAN, SKYABS MGON RDO RJE 'CHANG NAS 'DI KA'I TSOGS CHEN LA KHRID GNANG SKABS GUNG THANG 'JAM PA'I DBYANGS DKON MCHOG BSTAN PA'I SGRON MES GSAN, SKYABS MGON RDO RJE 'CHANG YAB SRAS GNYIS DANG, THU'U KVAN BLO BZANG CHOS KYI NYI MA GSUM GA LAS BDAG GIS KHRID THOB CING, KHYAD PAR KHRI BSOD NAMS DBANG RGYAL LAS BLA MA 'JAM DBYANGS PA'I KHRID YIG TSIG 'BRU GCIG KYANG MA LUS PA'I ZHIB BSHAD PHUD LHAG MA MED PAR THOB PA'I SKABS KYI GSUNG BSHAD THO TZAM YI GER BKOD YOD BA DE YIN, ZHAL LAS SHES GSUNGS PA RNAMS LA YANG GSUNG BSHAD 'DUG PAS KHRID YIG DE'I BSHAD RGYUN LA BSAM NAS DA RES KYANG DE'I STENG NAS KHRID 'BUL BA YIN GSUNGS, GUNG THANG RIN PO CHES YONGS 'DZIN YE SHES RGYAL MTSAN LA'ANG GSAN PA'I ZIN BRIS SOGS KHRID YIG KHA SHAS DANG, MDUNG RTZE RAS PA, SMAN KHANG PA, KHRI NGAG DBANG MCHOG LDAN, RGYAL DBANG BSKAL BZANG RGYA MTSO, PAn CHEN DPAL LDAN YE SHES SOGS KYI KHRID YIG DANG LAS TSOGS KYANG YOD, DE LTAR BRGYUD RIM ZHIB PAR ZHUS PA NI, DA LTA PHYOGS GZHAN NA RANG GIS MA THOB PAR GZHAN LA DBANG KHRID LUNG BSHAD 'CHAD MKHAN YOD PAR THOS PAS MAN NGAG LA THE TSOM ZA BA SRID PAS DE BSAL NAS YID CHES BSKYED PA'I PHYIR DU YIN GSUNGS, DE YANG RJE BTZUN 'JAM PA'I DBYANGS KYIS RJE BDAG NYID CHEN PO LA LAM GYI NGO BO MNOR, GO RIM MA 'KHRUGS, GRANGS MCHAD PA DGOS
, ,GSUNGS PA LTAR THOS BSAM NYAMS LEN GANG GI SKABS SU SA BCAD NGES PA SHIN TU GAL CHE BAS 'DI LA'ANG SBYOR DNGOS RJES GSUM, DANG PO LA, GNAS KHANG BYI DOR RGYAS PA MA GRUB KYANG SKYON RAGS PA BSAL NAS SEMS RGYUD SBYONG BA'I RTEN 'BREL BSGRIGS, 'DI'I ZHING BKOD SOGS RJE YAB SRAS GTZO POR GYUR PA'I SKU GSUNG THUGS RTEN BRIS 'BUR CI RIGS BKRAM PA'AM, MA MTHA' TSOM BU TZAM RE BKOD NAS DER SKYABS YUL MTSANG BA MED PAR BZHUGS YOD SNYAM PA BYAS, RTEN BZANG NGAN DANG RGYU BZO LEGS NYES GSAR RNYING SOGS LA BRTEN NAS CHOS SPONG GI LAS BSAGS NYEN CHE BAS DE 'DRA LA LTOS BA MED PAR SANGS RGYAS BYANG SEMS DE DANG DE DNGOS YIN SNYAM PA'I DAD GUS KYIS GO RIM MA 'CHOL BAR BKRAM DGOS TE, RJE BLO BZANG CHOS KYI NYI MAS, KHYED 'GA' POS THANG KAS YOL BA MA RGYAG CES BKA' BKYON TSUL GSUNGS, DE DAG GZHAN GYI MIG SNGAR MDZES CHED DANG, KHYIM PA DANG YANG THUN MONG GI KHANG BA'I BYI DOR LTA BU CHUD ZOS SU MA SONG BAR SGO GSUM GYI SGRIB PA BAG CHAGS DANG BCAS PA SBYANG BA DANG, RJE YAB SRAS SPYAN 'DREN PA'I BSNYEN BKUR, ZHING SBYONG GI RGYUR DMIGS DGOS TE, GSER PHRENG LAS, ZHING SBYONG BA NI RANG GI SEMS SBYONG BA'O,, ZHES SO, ,MCHOD PA MANG NYUNG LA LTOS PA MED PAS CHU MTHEB GANG BSHAMS KYANG DE DMIGS RTEN BYAS NAS SNOD YANGS SHING RGYA CHE BA, BCUD RGYA MTSO TZAM TSOGS ZHING RNAMS KYIS NAM MKHA' JI SRID DU SPYAD KYANG ZAD MI SHES PA, 'OD ZER GYI
SPRIN 'KHRIGS BA'I KLONG NAS CHU GNYIS NYER SPYOD ROL MO BKRA SHIS RTAGS RDZAS SOGS DANG, DE RE RE'I KHA DOG DANG DBYIBS SOGS 'DOD YON LNGA'I MCHOD TSOGS MA TSANG BA MED PAS RAB 'BYAMS RGYA MTSO'I ZHING KHAMS RGYAS PAR 'GENGS PA, BKOD PA MDZES PA'I DON YANG RGYA MIS TSONG ZONG BKRAM PA LTAR KHRA RUG GE BA MANG PO ZHIG LA GO RGYU MA YIN PAR, THAL MO GCIG SBYOR RAM, SPOS RKANG GCIG 'BUL YANG KUN SLONG DMAN PAS MA SBAGS PAR SGO SNA TSOGS NAS BSAM BLO RGYA CHER BTANG STE TSUL DANG MTHUN PA'I SPYOD LAM GYIS GUS PAS PHUL NA GANG BYAS CHOS SU 'GRO ZHING, GTZO CHER BSAM PA'I 'KHYER SO LA RAG LAS PA 'BAN GYI THAL MCHOD LA PHA DAM PAS BSNGAGS BRJOD MDZAD PA LTAR RED, DNGOS PO RGYA CHEN PO DANG MANG NYUNG LA RAG LAS SNYAM BA BLUN RTAGS YIN TE, MDO SDE RNAMS SU, STONG GSUM GYI 'JIG RTEN GYI KHAMS RIN PO CHE SNA BDUN GYIS BKANG STE DUS YUN RING BOR PHUL BAS MDO 'DI'I TSIGS BCAD GCIG 'CHANG BA DANG, KLOG PA DANG, KHA TON BYED BA'I BYE BA BRGYA STONG GI CHAR YANG BSGRUN DU MED PAR GSUNGS PA'I KLOG PA DANG, KHA TON BYED PA THOS BSAM LA GO DGOS, THOS BSAM RGYA CHEN PO MA NUS KYANG GLEGS PAM BCANGS NA PHAN YON CHE BA 'CHANG BA DANG, ZHES PA'I DON YIN PAS 'DI DAG SHIN TU GO DGOS, GLING BZHI PO GANG YIN KYANG RANG RANG GI BYANG NGOS NA RI RGYAL YOD PAS RANG KHA BYANG DU PHYOGS BA'AM PHYOGS BAR MOS TE BDE BA'I STAN LA LUS RNAM SNANG GI CHOS BDUN SOGS SPYOD LAM TSUL DANG MTHUN PAR 'KHOD, RANG RGYUD LA LEGS BAR BRTAGS NAS DGE SEMS KHYAD PAR
, ,CAN GYI DANG NAS SKYABS 'GRO'I TSOGS ZHING BDE LAM, 'JAM DPAL ZHAL LUNG, GZHAN RIGS MI 'DRA BA GANG LTAR GSAL BTAB KYANG RUNG, 'DI'I THUN MONG MA YIN PA MDUN GYI NAM MKHAR PADMA'I SDONG PO YAL KA LO 'DAB RGYAS PA'I RTZE MOR PADMA 'DAB BZHI LTE BA DANG BCAS PA'I DBUS SU RJE BLA MA YAB SRAS GSUM LA DNGOS BRGYUD KYI BLA MA RNAMS KYIS BSKOR NAS KHROM TSOGS SU BZHUGS PA, 'DAB MA BZHIR SANGS RGYAS LA CHA GNYIS 'BYED NA MDUN DU YI DAM RGYUD SDE BZHI'I LHA TSOGS, G-YAS SU LONGS SPRUL GYI SANGS RGYAS, NUB TU YUM CHEN MO LA LUNG GI CHOS BRAG RI LTAR BRTZEGS PAS BSKOR BA, BYANG DU THEG PA GSUM GYI DGE 'DUN DPA' BO MKHA' 'GRO CHOS SRUNG RNAMS DANG, DGE 'DUN LA CHA GNYIS 'BYED NA SHAR DU YI DAM DANG DUS GSUM GYI SANGS RGYAS, LHOR CHOS, NUB TU THEG PA GSUM GYI DGE 'DUN, BYANG DU MKHA' 'GRO CHOS SRUNG BCAS GSAL BTAB LA SKYABS SEMS TSAD MED BZHI BDUD RTZI 'BEBS SBYANGS DANG BCAS RGYAS BSDUS CI LTAR RIGS PA LAM KHRID LTAR BYA, MTHAR TSOGS ZHING RNAMS 'OD DU LTEM GYIS ZHU NAS RANG GI SMIN MTSAMS NAS THIM PAS RGYUD BYIN GYIS BRLABS SHING, PADMA'I SDONG PO SOGS NA BUN YAL BA LTAR MI DMIGS PAR BSAM, YANG NA MDO LAS, GANG GIS MOS PA GTZOR BYAS PA, ,DE YI MDUN NA THUB BA BZHUGS, ,ZHES DANG, YE SHES JI SNYED KHYAB GYUR PA, ,SKU YIS KYANG NI DE SNYED KHYAB, ,CES SOGS KYI DON DRAN TE TSOGS ZHING NAM
MKHAR GANG PAR BSAM LA SANGS RGYAS CHOS TSOGS MA LAN GSUM GYIS SKYABS 'GRO SEMS BSKYED BYA, MDO LAS SANGS RGYAS BRGYA STONG KHRI 'BUM STOD PA LA PHYAG 'TSAL TSUL GSUNGS PA YANG PHYOGS BCU'I SANGS RGYAS THAMS CAD LA PHYAG 'TSAL BA'I DON YIN ZHING, RGAN PO 'GAS, SANGS RGYAS NAM MKHA' GANG BA LA PHYAG 'TSAL LO, ,ZHES PA'ANG SKYES BU DAM PA GONG MA 'GAS BSLABS PA YIN PAS DON 'DI DANG 'DRA, DA LTA DE 'DRA'I SGROS TZAM YANG MED PAR GZHI BDAG SOGS LA GTZO BOR 'DZIN PA, MDO SDE MANG POR, DKAR PHYOGS RIM GYIS 'GRIB PAR GSUNGS PA DANG, 'GA' ZHIG LAS, LHA MA SRIN LA PHYOGS TE ZHES PA LTA BU'I DON DANG MTHUN PAR 'DUG, SANGS RGYAS CHOS TSOGS MA'I RKANG PA DANG POS GANG LA SKYABS SU 'GRO BA'I YUL; BYANG CHUB PAR DU ZHES DUS CI TZAM DU SKYABS SU 'GRO BA, BDAG NI ZHES PA GANG GIS SKYABS SU 'GRO BA'I RTEN, SKYABS SU MCHI ZHES PAS RGYU GNYIS TSANG BA'I SKYABS 'GRO'I NGO BO DANG SKYABS SU 'GRO TSUL BSTAN, BDAG GIS ZHES PAS SEMS BSKYED PA PO, SBYIN SOGS BGYIS PA 'DI DAG GIS ZHES PAS SEMS BSKYED PA'I BSNGO BYA'I RDZAS SAM DGE RTZA, 'GRO LA PHAN PHYIR ZHES SEMS BSKYED PA'I DGOS PA DANG GZHAN DON DON GNYER, SANGS RGYAS ZHES PA DON DU GNYER BYA'I BYANG CHUB, 'GRUB PAR SHOG CES BYANG CHUB DON GNYER GYIS SMON LAM BTAB PA SEMS BSKYED DNGOS TE, MDO SDE RGYAN DANG 'GREL BA DON GSAL DU, SEMS BSKYED PA SMON LAM GYI BDAG NYID CAN DU GSUNGS PA LTAR RO, ,SANGS RGYAS ZHES PA'I SANGS PA NI SKYON KUN ZAD DANG,
, ,RGYAS PA NI YON TAN KUN RDZOGS LA GO DGOS, NYE BAR 'KHOR GYIS ZHUS PA'I MDOR LTUNG BSHAGS KYI SANGS RGYAS SO LNGA'I MTSAN LA DE BZHIN GSHEGS PA ZHES MED KYANG, RJE BDAG NYID CHEN POS SBYAR BA SANGS RGYAS DE DANG DE'I YON TAN DRAN CHED YIN PAS GAL CHE ZHES GUNG THANG 'JAM PA'I DBYANGS NAS GSUNGS, DE BZHIN GSHEGS PA ZHES PA'I DON BSHAD TSUL MANG YANG YUL JI LTA BA BZHIN DU YUL CAN YE SHES GSHEGS PA ZHES BDEN GNYIS GCIG CHAR MNGON SUM DU GZIGS PA 'DI GNAD CHE GSUNGS, GNYIS PA DNGOS GZHI LA, TSOGS ZHING SPYAN 'DREN PA, DE LA TSOGS BSAGS PA, GSOL BA BTAB STE DNGOS GRUB ZHUB GSUM, DANG PO NI, MNGON PA GONG 'OG LTAR 'JIG RTEN GYI KHAMS SPYI'I GNAS TSUL YID NGOR 'CHAR DU BCUG LA, RI RGYAL GLING BZHI KA'I BYANG NA YOD PAS, RANG NYID GNAS PA'I BYANG GRI PHYOGS SU RI RAB BAD RIM BZHI PA'I RTZE MOR SUM CU RTZA GSUM DANG, GNAS NAS GNAS 'OG JI SRID PA, ,DE NI DE YI GONG DE SRID, ,CES PA LTAR DE LAS RIM GYIS GONG DU 'PHAGS PA'I NAM MKHAR 'THAB BRAL, DE'I STENG LHA RAB DGA' LDAN GYI GNAS BYANGS GRONG KHYER LTA BU LA, DE LAS LOGS SU DGON PA'I TSUL DU BYAMS MGON GYI THUGS BSKYED SMON LAM LAS GRUB PA'I ZHING KHAMS RIN PO CHE'I RANG BZHIN LAG MTHIL LTAR SNYOMS SHING BDE BA, RDO DANG GSEG MA SOGS MED CING MNAN NA NEM ZHING BTEGS NA SPAR BYED BA, GSER GYIS GZHIL BEE d'URYA'I MIG MANG RIS SU BRIS PA, SKYED MO'I TSAL DANG, MTSO DANG, RDZING BU, DGOS 'DOD 'BYUNG
BA'I LJON SHING DANG, RIN PO CHE'I BYE MA BDAL BA'I CHU MTSO LAS BYA SNA TSOGS KYES DAM PA'I CHOS KYI SGRA DBYANGS SNYAN PO BRGYUD MAR SGROGS SHING, DRI BZANG PO'I DAD KYIS YONGS SU 'GENGS PA, YID LA DRAN PA TZAM GYIS DGA' BA BSKYED PA SOGS DAG PA'I ZHING GI 'BYOR BA YONGS SU RDZOGS PA'I DBUS SU RNAM PAR RGYAL BA'I PHO BRANG GIS CHA SHAS TZAM YANG 'GRAN DU MED PA CHOS KYI MTHO BA'I KHANG BZANG RGYAL MTSAN MTHON PO GZIMS KHANG DANG, DE'I MDUN NA RJE BTZUN GYIS CHOS GSUNGS PA'I KUN DGA' RA BA YID DGA' CHOS 'DZIN CHOS GRVA LTA BU, 'DI'I RTEN 'BREL GYIS BLA MA RNAMS GZIMS KHANG RGYAL MTSAN MTHON PO DANG, YID DGA' CHOS 'DZIN SOGS KYI MING 'DOGS MDZAD, DER SENGGE BRGYAD KYIS BTEGS PA'I RIN PO CHE'I KHRI'I STENG DU RGYAL TSAB MI PHAM MGON PO SKU MDOG GSER BTZO MA LTA BU NYI MA 'BUM GYI GZI BRJID DANG LDAN PA, ZHAL GCIG PHYAG GNYIS THUGS KAR CHOS 'KHOR GYI PHYAG RGYAS KLU SHING GI ME TOG SDONG BU DANG BCAS PA 'KHOR LO DANG SPYI BLUG GIS MTSAN PA 'DZIN PA, RIN PO CHE'I RGYAN DANG DAR GYI NA BZA' GSOL BA, DBU GTZUG TU STON PA SH'AKYA THUB PA'I NGO BO BYANG CHUB MCHOD RTEN GYIS SPRAS PA, DA LTA NYID DU 'DZAM BU GLING DU 'BYON PAR BZHED PAS BZANG PO'I BZHUGS STANGS KYIS DGYES PA'I 'DZUM ZHAL LHAM MER RANG LA GZIGS NAS BZHUGS PA, DE'I G-YAS SU, DGA' LDAN GNAS NA NAM MKHA' DRI MA MED, ,CES PA LTAR MNYAM MED JO BO CHEN PO'I SKU'I RNAM ROL LHA'I BU NAM MKHA' DRI MED DANG, G-YON DU, DGA' LDAN GNAS SU 'JAM DPAL SNYING PO
, ,ZHES, ,'JAM PA'I DBYANGS DANG GSANG BA'I BDAG PO YIS, ,GSAL BAR LUNG BSTAN RJE BTZUN CHOS KYI RJE, ,ZHES PA LTAR RJE BLA MA'I SKU TSE RJES MA LHA'I BU 'JAM DPAL RNYING PO, GZHAN YANG LHO BRAG GRUB CHEN GYI SKU'I SKYE BA LHA'I BU DRI MED 'OD ZER SOGS PHYOGS BCU'I ZHING KHAMS RAB 'BYAMS NAS 'DUS PA'I DAG PA'I 'KHOR TSOGS DPAG TU MED PA LA SHER PHYIN GYI MDO SDE'I SGRA DBYANGS LHANG LHANG SGROGS PA DANG, THA NA LJON SHING RLUNG GIS BSKUL BDANG, BYA SNA TSOGS KYIS DAM PA'I CHOS SGRA SNYAN PAR SGROGS PA RANG GI RNA BAS GSAL BAR THOS SHING DE'I DON YID LA 'CHAR BZHIN PA, DRI BZANG PO'I NGAD PHUN SUM TSOGS PA YANG SNA SHES KYIS MYONG BA, SMOD BCUD KYI BKOD PA'I KHYAD PAR DANG YON TAN MTHA' DAG MIG GIS MNGON SUM DU MTHONG BA SOGS GNAS DER DNGOS SU PHYIN PA LTA BU'I GSAL SNANG DANG MOS GUS SHUGS DRAG PO RGYUN RING BYAS NA DAG PA'I ZHING SBYOD DANG, 'PHO BA'I SMIN BYED SOGS SU 'GYUR RO, ,DE YANG 'PHAGS PA 'JAM DPAL GYIS DRIS PA'I MDO LAS, SANGS RGYAS KYI PHYAG ZHABS LA RI MO'I RJES KYI MTSAN BRGYAD CU GSUNGS PA DANG, GZHAN YANG DBU GDUGS LTA BU, MGRIN PA DUNG, SPYAN GSER NYA, MGUL BUM PA, LJAGS PADMA SOGS SKUL BKRA SHIS KYI MNGA' BYAD MANG DU YOD PA LAS 'DIR DPE BYAD BRGYAD CU'I NANG TSAN, DPAL GYI BE'U DANG BKRA SHIS NI, ,ZHES PA LTAR THUGS KA DPAL GYI BE'U KHRA SANG DE BA'I NANG SHEL SGO LA SKU 'DRA BZHUGS PA'AM GSER
GYI ME LONG PHYIS PA LA GZUGS BRNYAN SHAR BA LTAR RJE YAB SRAS GSUM BZHUGS PA'I SPYAN GYI DKAR NAG DANG GZIGS STANGS TSUN CHAD RANG GIS MNGON SUM DU MTHONG BZHIN PAR BSAM LA, DGA' LDAN ZHES BRJOD PA'I SKABS SU SNOD DANG, LHA BRGYA'I MGON ZHES PA'I SKABS SU BCUD GSAL GDAB, DE NAS SPYAN 'DREN GYI TSIG LHAG MA RNAMS BRJOD PA RJE YAB SRAS KYIS NYE RING LA SGRIB PA MED PA'I SNYAN GYIS GSAN, BRTZE PA'I THUGS KYES LHAG PAR DGONGS NAS SKAL LDAN RIGS KYI BU 'DI RJES SU BZUNG STE SMIN GROL GYI LAM LA 'GOD PAR BYA'O ZHES PHAN TSUN DGYES PA'I GSUNG GLENG DANG BCAS RJE BTZUN GYI THUGS KA NAS SPRUL BA'I BKOD PA RAB 'BYAMS SPRO BA'I GSEB NAS SKYES BU STOBS LDAN GYI LAG PA BSKUM PA LAS BRKYANGS PA LTAR THOGS PA MED PAR BYON; DE YANG 'CHAR BDE KHYAD DAR DKAR BRKYANGS PA LTA BU'I SPRIN GYI THAG PA RDOL BA'I SNE MOR SPRIN DKAR PO ZHO GSAR BA SPUNGS PA LTA BU LDING PA RANG GI SMIN MTSAMS KYI THAD KYI NAM MKHAR 'BUR BO GSUM DU DOD PA'I DBUS MA CUNG ZAD CHE ZHING MTHO BA'I STENG RJE BLA MA SKU MDOG DKAR LA DMAR MDANGS CHAGS PA, SKU DRANG ZHING SHA RGYAS PA'I BRJID BAG CAN, LHO BA LDIR BAS SKYIL KRUNG NON PA LTA BU, SHANGS RGYAS SHING GZENGS MTHO BA, PHYAG GNYIS CHOS 'KHOR GYI PHYAG RGYAS PADMA'I YUB BZUNG BA'I 'DAB MA SNYAN G-YAS G-YON GYI THAD DU KHA PHYE BA'I STENG NA RAL GRI DANG GLEGS PAM BSNAMS PA, G-YAS SU RGYAL TSAB DAR MA RIN CHEN SKU MDOG DKAR SHAS CHEL GSER MDANGS CHAGS PA, CUNG ZAD BGRES NYAMS DANG DBU
, ,DUD CING ZHI DUL GYI RNAM PA CAN, SKU SHA SRAB CING SPYAN ZAB PA, SMIN MA RING ZHING SMIN TSUGS DANG MKHUR TSOS MTHO BA, YID TZAM 'DZUM PA, G-YON DU MKHAS GRUB THAMS CAD MKHYEN PA SKU MDOG DKAR LA DMAR MDANGS CHE BA, GZHON SHA CHAGS SHING SKU SHA BRGYAG PA, SPYAN HUR BAG CAN TE 'BUR TSUGS SU GZIGS PA, RJE'I BSTAN PA LA LOG PAR LTA BA ZIL GYIS GNON PA'I RNAM 'GYUR CAN, 'GYING BAG GI NYAMS KYIS BZHUGS BA; SKU'I RNAM PA DE LTAR GSAL BTAB NA YAB SRAS KYI THUGS RGYUD KYI RTOGS PA RANG RGYUD LA SKYE BA DANG, RJE BLA MA'I BSTAN PA LA MA RTOG LOG RTOG THE TSOM GYIS BSLAD PA MI 'JUG BA'I RTEN 'BREL YOD LA, ZHAL BZHUGS DUS KYI SKU'I NYAMS YANG PHAL CHER DE LTAR GNAS BA BLA MA GONG MA'I GSUNG RGYUN YIN PAR KHRI NAM MKHA' BZANG PO GSUNGS SHING, 'DRA SKU RNYING BA PHAL CHER KYANG SKU NYAMS DE KHO NA LTAR 'DUG PA BLTAS PAS SHES ZHES KHRI BSOD NAMS DBANG RGYAL BA GSUNGS, DE GNYIS PHYA G-YAS CHOS 'CHAD DANG, G-YON SHER PHYIN GYI MDO SDE'AM RANG NYID GANG LA THOS BSAM SGOM PA BYED PA'I GLEGS BAM BSNAMS PA, YAB SRAS GSUM G-YANG PAn ZHVA GSER MDOG DANG, CHOS GOS RNAM GSUM GSOL ZHING; ZHABS RDO RJE'I SKYIL KRUNG GIS BZHUGS PA, ZHING KHAMS THAMS CAD SKU LA SNANG ZHING, SKUS ZHING KHAMS THAMS CAD YONGS SU 'GENGS PA'I BRTAN G-YO RNAM DAG GI BDAG NYID CAN ZHES KHRI BSOD NAMS DBANG RGYAL GSUNGS PA SHIN TU GNAD CHE, DE YANG, RDUL GCIG STENG NA RDUL
SNYED SANGS RGYAS RNAMS, ,ZHES SOGS LTAR SKU'I RDUL RAB GCIG LA PHYOGS BCU'I DAG PA'I BRTAN G-YO RAB 'BYAMS MA LUS PAR GNAS CHOG PA ZHING KHAMS THAMS CAD SKU LA SNANG BA'I DON, DE LTA BU'I BKOD BA GNAS PA'I RDUL GCIG GIS ZHING KHAMS THAMS CAD KHYAB CHOG PA SKUS ZHING KUN KHYAB PA'I DON, SNOD THAMS CAD GZHAL YAS KHANG DANG BCUD THAMS CAD LHA'I RNAM ROL LAS G-YO BA MED PA LA BRTAN G-YO RNAM DAG GI BDAG NYID, CES GSUNGS, SPYIR RNAM MKHYEN GYI NGOR SNOD THAMS CAD GZHAL YAS KHANG DANG, BCUD THAMS CAD LHA YIN PA DANG, RNAM MKHYEN LA DE LTAR SHAR BA YIN ZER BA MIN KYANG DE LTAR SHAR BA ZHIG YOD DGOS, DER MA ZAD CHOS THAMS CAD BUM PAR SHAR BA'ANG YOD DE, CHOS THAMS CAD BUM PAR 'DZIN PA'I RTOG PA YOD PA'I PHYIR, DER THAL, CHOS THAMS CAD BUM PA MA YIN PAR RTOGS PA'I TSAD MA YOD PA'I PHYIR BYAS CHOG, SNOD THAMS CAD DAG PA'I ZHING DANG BCUD THAMS CAD LHAR SHAR BA DE 'OG MIN STUG PO DKOD PA'I RDUL PHRA RAB RE RE'I STENG DU YOD CHOG LA, DE LTAR 'JOG TSUL ZHIG KYANG YOD DGOS GO RGYU DE 'DRA ZHIG YIN KYANG KHAS LEN LA TSIG 'KHRI CHOD MI THUB PA NI, DBU MA'I YIG CHAR, DBANG THOB PA'I RNAM BZHAG BYED NA RNAM BZHAG THAMS CAD 'JIG PAR 'GYUR, GSUNGS PA LTAR YIN PAS, DBANG THOB PA'I RNAM BZHAG DBANG THOB PA'I RNAM BZHAG LTAR 'JOG TZUB PA DGOS, NGA CHOS SNANG BA LTAR BZHAG NA THAMS CAD ZHIG 'GRO, SNGAR RDUL GCIG LA RDUL SNYED KYI SANGS RGYAS GSUNGS PA DE LAS KYANG LHAG PA, RDUL GCIG STENG NA RDUL SNYED ZHING RNAMS TE, ,SHING DER BSAM GYIS MI KHYAB SANGS RGYAS RNAMS, ,SANGS RGYAS SRAS KYI
, ,DBUS NA BZHUGS PA DAG ,BYANG CHUB SPYAD PA SPYOD CING BLTA BAR BGYI, ,ZHES RDUL GCIG LA RDUL SNYED KYI SANGS RGYAS KYI ZHING DANG, ZHING RE RER BSAM GYIS MI KHYAB PA'I SANGS RGYAS 'KHOR BCAS BZHUGS PA LA SLOB PA'I SKABS SU RANG LUS DE SNYED SPRUL NAS BYANG CHUB KYI SPYAD PA SPYOD DGOS PA DANG, DE LTAR MA LUS THAMS CAD PHYOGS SU YANG, ,ZHES SOGS PHYOGS BCU'I 'JIG RTEN GYI KHAMS NA SKRA'I RTZE MO TZAM GYI KHYON LA YANG DUS GSUM GYI 'JIG RTEN GYI KHAMS MA LUS PA'I SKAD CIG MA DANG RDUL PHRA RAB KYI GRANGS MNYAM GYI SANGS RGYAS RGYA MTSO DANG, ZHING KHAMS RGYA MTSOR SPYOD PA DE SNYED DU 'JUG PA STE BSKAL BA SKAD CIG DANG, SKAD CIG BSKAL BAR BYIN GYIS BRLABS TSUL DE 'DRA YIN PA 'DRA, GSUNG GCIG YAN LAG RGYA MTSO'I SGRA SKAD KYIS, ,ZHES SOGS LTAR GSUNG AA ZHES PA'I GDANGS GCIG BU LA GSUNG DBYANGS YAN LAG DRUG CU'I CHA SHAS RDZOGS PA, YAN LAG RGYA MTSO'I GDANGS DANG, RGYAL BA THAMS CAD KYI GSUNG DBYANGS RNAMS THAMS CAD PAR 'CHAR BA DANG; DE YANG 'GRO BA RANG RANG GI KHAMS DANG BSAM PA BAG LA NYAL JI LTA BAR BYA RI DVAGS TSUN CHAD DANG MTSAMS PA'I GDANGS SU 'JUG PA GSUNG GI 'PHRIN LAS 'JUG TSUL YIN, GANG YANG BSKAL BA DUS GSUM TSAD DE DAG ,CES SOGS LTAR BUM PA DA LTA BA'I DUS DE'I 'DAS PA DANG MA 'ONGS PA'I DUS KYI BUM PA MED KYANG SEMS LA 'CHAR LUGS YOD, 'DAS MA 'ONGS 'JAL BA'I DA LTA BA'I SHES PA TSAD MA YOD PAS DE'I YUL YOD DGOS, DUS SKAD CIG MA GCIG LA 'DAS MA 'ONG GI BSKAL
BA THAMS CAD KYI SANGS RGYAS KYI 'PHRIN LAS KYI 'JUG PA 'CHAR TSUL DANG 'JUG TSUL YOD, DUS GSUM GYI BSKAL BA THAMS CAD SKAD CIG MA NGE'I CHA SHAS LA RNAL 'BYOR BAS 'JOG THUB PA YOD, 'DAS MA 'ONG GI SANGS RGYAS DA LTA MED KYANG DE LA MJAL TSUL SRID BDE LTA BU'I BSAM GYIS MI KHYAB PA'I TING NGE 'DZIN LA SGYU MA'I TING NGE 'DZIN GYI RNAM THAR ZHES GSUNGS TE, RTAG TU DE DAG GIS NI SPYOD YUL LA, ,SGYU MA LTA BU'I RNAM THAR STOBS KYIS 'JUG ,CES SO, ,SNGAGS KYI ZUNG 'JUG GI BSHAD PA 'DI LAS PHRA YANG DON GYI 'GRO LUGS PHAL CHER 'DRABS 'GREL BA BZHI SBRAGS KYI ZUNG 'JUG GI BSHAD PA'I THAD MDO SDE PHAL PO CHE'I LUNG DRANGS PA'I DON DE YIN ZHES GUNG THANG 'JAM PA'I DBYANGS NAS GSUNGS, DES NA SNOD GZHAL YAS KHANG DAR BCUD LHA DANG LHA MO'I RNAM ROL LAS G-YO BA MED PA ZUNG 'JUG GI SKABS SU YOD PAS BRTAN G-YO RNAM DAG GI BDAG NYID CES PA DE LA GO DGOS, 'DI DAG SHIN TU DKA' YANG PHYOGS 'GRO TZAM DPYAD PA'I RTEN DU ZHUS PA YIN, DE'I MTHA' SKOR DU BLA MA YI DAM SANGS RGYAS BYANG SEMS DPA' BO MKHA' 'GRO CHOS SRUNG BSAM GYIS MI KHYAB PA DGA' LDAN NAS RJE DANG LHAN CIG SPYAN 'DREN PA 'AM, RJE'I THUGS KA NAS SPROS KYANG CHOG LA, YAB SRAS GSUM SKYABS GNAS MA LUS PA 'DUS PA'I BDAG NYID DU BSAM PA KUN 'DUS NOR BU LUGS BYAS KYANG LEGS SO, ,GNYIS PA DE LA TSOGS BSAGS PA YAN LAG BDUN PA LA GO RIM MI 'DRA BA YOD PAS 'DIR LEGS TSOGS KYI RTZA BA RJE BLA MA DANG NAM YANG MI 'BRAL BA SHIN TU GAL CHE BAS MYA NGAN LAS MI 'DA' BAR GSOL BA
, ,'DEBS PA THOG MAR MDZAD DE, RJE BTZUN BLA MA DAM PA ZHES YON TAN DANG, DGYES PA'I 'DZUM DKAR SPROG THABS SHES ZUNG DU 'JUG PAS DKAR LA DMAR MDANGS CHAGS PA, MDO SNGAGS GNYIS DANG STONG PA RTEN 'BYUNG ZUNG 'BREL DU STON PA'I PHYAG GNYIS CHOS 'KHOR GYI PHYAG RGYAS 'CHAD PA, RAL GRIS RTZOD PA, GLEGS PAM GYIS RTZOM PA, AUTPA LAS DE'I KUN SLONG BYAMS SNYING RJE, TSUL KHRIMS DAG PAS CHOS GOS GSUM GSOL ZHING, BSREG BCAD BDAR BA'I GSER BZHIN RGYAL BA'I GONGS PA GSAL BAR MDZAD PAS PAn ZHVA, LTA BA PHU THAG CHOD PAS RTZE MO RNO BA, SKYIL KRUNG GIS RTOGS PA'I YON TAN TE, SKU'I RNAM PA MTSON DON DANG BCAS PA DRAN NAS BLTA BAS NAM YANG NGOMS PA MED PA'I SKU DANG YON TAN MTHONG BA'I YID DANG BA'I DAD PA, SKYABS GNAS SU BSTEN NA NAM YANG MI BSLU SNYAM PA YID CHES KYI DAD PA, GO 'PHANG DE LTA BU THOB NA CI MA RUNG SNYAM DU MNGON 'DOD KYI DAD PAS BDAG DANG BDAG 'DRA'I 'GRO BA THAMS CAD LA BLANG DOR GYI GNAS PHYIN CI MA LOG PAR BSTAN NAS SRID ZHI'I RGUD PA THAMS CAD LAS SGROL BA'I MGON DANG, 'KHRUL BRAL MDO SNGAGS ZUNG 'BREL GYI BSTAN PA DRI MA MED PA BSHAD SGRUB GNYIS KYIS SPEL BA'I SLAD DU BSKAL BRGYAR BZHUGS SU GSOL ZHES YAB SRAS GSUM GA LA RANG LUS SENGGE BRGYAD KYIS BTEGS PA'I RIN PO CHE'I KHRI PAD ZLA DANG BCAS PA CHE CHUNG GSUM DU SPRUL NAS PHUL BAS SNGAR KHRI DANG BCAS GSAL BTAB YOD NA DE LA THIM PA DANG, MED NA RANG GIS PHUL BA'I KHRIL BZHUGS NAS JI LTAR GSOL BA BTAB PA LTAR NAM YANG MYA NGAN LAS MI 'DA' BAR ZHAL GYIS
BZHES PAR BSAM, GNYIS PA PHYAG 'TSAL BA NI, SHES BYA'I KHYON KUN SOGS TE, SHES BYA'I KHYON NAM MKHA' DANG DPE SBYAR NAS NAM MKHA' MTHA' MED PA LTAR SHES BYA MTHA' MED, 'JAL BA NI GSUNG RAB KYI BRDAR TSAD MAS RTOGS PA DANG, YONGS GRAGS 'DOM LA 'JAL BA DPER BYAS NA SANGS RGYAS KYI MKHYEN PA DANG SHES BYA'I MTHA' MNYAM, SA BCU MAN CHAD KYI SHES PAS 'JAL NA SHES BYA LHAG PA DPA' PO'I BSTOD PA BRGYA LNGA BCU BAR, KHYOD 'BA' ZHIG GI YE SHES KYIS, ,SHES BYA THAMS CAD KHYAB LAGS KYI, ,KHYOD LAS GZHAN PA THAMS CAD KYI, ,SHES BYA KHO NA LHAG PA LAGS, ,ZHES PA LTAR TE, DPE 'GA' ZHIG TU YANGS PA'I ZHES 'BYUNG BA'ANG MI SHONG BA MED PA'I DON TE PHAL CHER 'DRA, SKAL BZANG NI BYANG SEMS LA BYED PA SOGS DON 'CHAD LUGS MANG ZHING, RNA BA'I RGYAN DU GYUR TSUL KHYAD GZHI KHYAD CHOS BRGYAN TSUL SO SOR DPYAD NA MANG YANG RNA BAR SNYAN ZHING YID LA 'BAB PA, RMONGS MUN SEL NGA SOGS LEGS BSHAD KYI KHYAD PAR BCU DANG, GRAGS PA'I DPAL NI MTSAN DPE SOGS SKU'I YON TAN MTHONG NA MI MTHUN PA MED KYANG BLTA BAS MI NGOMS PA STE THUGS GSUNG SKU YI GSANG BA GSUM DANG, MTHONG THOS DRAN REG GIS 'GRO BA'I RE BA SKONG BA 'PHRIN LAS KYI YON TAN TE, MDO SDE LAS, BYANG SEMS LA DAD PAS UMIG GIS LTA BA PHAN YON CHE TSUL DANG, CHOS KYI SKUS RAB TU PHYE BAS NA MTHONG BAS KYANG SEMS CAN GYI DON BYED LA, THOS PA DANG REG PAS KYANG SEMS CAN GYI DON BYED DO, ,ZHES DANG, SANGS RGYAS BYANG SEMS RE RE'I MTSAN BRJOD BA DANG THOS PA'I PHAN YON MDO LAS JI SNYED GSUNGS PA DANG, KHYAD PAR
, ,'JAM DPAL GYI MTSAN BRJOD PA DANG THOS PA PHAN YON CHE BA DANG, DRAN PAS 'JIGS PA LAS SKYOB PA SPYAN RAS GZIGS KYI LO RGYUS SOGS MDO BSTAN BCOS LAS GSUNGS PA RNAMS DRAN NAS YAB SRAS GSUM GYI SKU'I RDUL PHRAN RE RE LA'ANG ZHING KHAMS DPAG TU MED PA DANG, MKHA' KHYAB KYI SPRUL BA'I BKOD PA THAMS CAD LA RANG LUS DE SNYED SPRUL NAS SGO GSUM GYIS PHYAG 'TSAL BA BZANG SPYOD DANG LAM KHRID LTAR BYA, MCHOD PA NI, YID 'ONG MCHOD YON SOGS TE, YID 'ONG DANG, SNA TSOGS GNYIS THAMS CAD KYI THOG MTHAR SBYAR TE YID DU 'ONG BA'I MCHOD YON SNA TSOGS NAS YID DU 'ONG BA'I ROL MO SNA TSOGS PA'I BAR TE, DKON MCHOG TA LA'I MDO LTAR ME TOG LTA BU RE RE LA'ANG GDUGS RGYAL MTSAN, BA DAN BLA RE, KHANG BRTZEGS, ME TOG GI TSAL, PHRENG BA SPEL BA DANG, SIL MA, KHA DOG DBYIBS GZUGS RIGS MI 'DRA BA MANG PA SNA TSOGS KYI DON YIN, RI RVA BA KHANG KHYIM SPANG LJONGS SKYED TSAL ME TOG CHU MTSO NYI ZLA GLING BZHI RI RAB SOGS BDAG POS BZUNG BA DANG MA BZUNG BA'I PHYI NANG GI YO BYAD THAMS CAD DNGOS SU BSHAMS PAR BSDUS, DA LTA 'GA' ZHIG GIS YID SPRUL GYI MCHOD PA NGA 'DRA BAS YONG DOGS MED CES RANG GIS RANG LA GNANG BA BYIN, MI CHOG CES BKAG PA GZHAN THAMS CAD LAG LEN LA 'DEBS PA 'DUG MOD, DE LA YID KYIS SPRUL BA DE DGOS ZHES BSNYEGS MKHAN MI YONG, RANG GI SEMS SBYANGS PA'I RTEN 'BREL GYIS TSOGS BSAGS YONG BAS MAR ME CHUNG DU LAS MED KYANG RIN PO CHE'I SNOD STONG GSUM DANG RGYA KHYON MNYAM PA'I NANG LHA'I ZAG MED KYI BDUD
RTZI RGYA MTSO LTAR 'KHYIL BA, SDONG BU RI RAB KYI ME LCE'I 'OD ZER NAM MKHAS GAR KHYAB TU SPROS PA'I GSEB NAS KUN TU BZANG PO'I MCHOD SPRIN BSAM GYIS MI KHYAB PA PHAN TSUN GO MI 'GOG PAS RGYAL BA RNAMS ZAG MED KYI BDE BAS DGYES PAR BYAS, 'OD ZER GYIS MKHA' KHYAB KYI MA DAG BA'I SNOD KYI 'JIG RTEN GYI MUN PA DANG, BCUD KYI SEMS CAN GYI RMONGS PA THAMS CAD DANG, GRANG DMYAL DANG, GLING PAR GYI MUN PA'ANG SEL ZHING, DE'I NGAD KYIS 'KHYAG PA'I SBUBS DANG GANGS RI SOGS ZHU NAS DE DAG GRANG BA'I SDUG BSNGAL LAS BSKYABS TE BDE BA PHUN SUM TSOGS PA LA BKOD, 'OD KYIS REG PAS RJE'I BSTAN PA LA DAD GUS THOB PAR BSAM PA SOGS DMIGS PA'I 'PHRUL 'DEGS SNA TSOGS KYIS RANG LUS GRANGS MED SPRUL NAS PHUL BAS RJE YAB SRAS KYIS KYANG DE SNYED KYI SPRUL BA'I BKOD PA BSTAN NAS MCHOD PA BDAG GIR BZHES TE 'GRO BA'I DON MDZAD PAR MOS NA RJE YAB SRAS KYI BYIN RLABS DANG, TING NGE 'DZIN GYI STOBS KYIS 'GRUB STE, SKYABS MGON RDO RJE 'CHANG NAS, SEMS CAN GYI MOS PA DANG, SANGS RGYAS KYI 'PHRIN LAS KYI MTHA' MA BKAG PAS MAR ME CHUNG DU YANG SKONG BU STONG GSUM TZAM, SDONG BU RI RAB, MAR KHU RGYA MTSO LTA BU SOGS YID SPRUL LA LAG 'THOG DGOS PA MED GSUNGS, DE LTAR GOMS PAS GSAL SNANG DANG RTOGS PA SKYES NAS SA MTHON PO'I SKABS DNGOS SU DE LTAR SPRUL NUS PA 'BYUNG, RGYA MTSO NI MANG TSIG YIN PAS THAMS CAD LA SBYOR, SNGAGS DANG 'BREL BAR NYAMS SU LEN NA BLA MCHOD LTAR THOG MAR YI DAM LHA'I NGA RGYAL GYIS SNOD BCUD SBYANGS BSGYUR DANG, MCHOD PA BYIN GYIS BRLABS TE 'DIR PHYI NANG GSANG BA 013A *, ,DE KHO NA NYID KYI MCHOD PA TSIG RGYAS BSDUS CI RIGS PAS 'BUL, SKYABS MGON RDO RJE 'CHANG NAS MCHOD YUL RNAMS ZUNG 'JUG GI SKU CAN SHA STAG YIN PAS PHYAG MCHOD SOGS LA ZUNG 'JUG GI PHYAG MCHOD KYI DMIGS RNAMS BSKYANGS NA LEGS ZHAS RGYAL BA BSKAL BZANG RGYA MTSOS GSUNGS GSUNGS BA TSIG NYUNG YANG DON RGYA CHE BAS DE LTAR BYAS NA LEGS, BSHAGS PA NI, GANG ZHIG THOG MED SOGS TE, SDIG PA RE RE TZAM MA YIN PAR DUS THOG MED NAS DA LTA'I BAR SGO GSUM GYIS BSAGS PA'I SDIG PA GANG ZHIG STE GANG YOD THAMS CAD BSHAGS NA DER MA 'DUS PA'I SDIG PA MED, KHYAD PAR SDOM LDAN LA NYES PA DANG SDIG PA'I LCI SHOS DANG, BSHAGS BSDAMS GAL CHE SHOS SDOM GSUM GYI BCAS 'GAL YIN PAS DE RTZAL DU BTON PA GO RGYU DANG GNAD CHE BAS DE'I SKABS SU SO THAR GYI PHAM LHAG LTUNG BYED SOR BSHAGS NYES BYAS PHYOGS MTHUN DANG BCAS PA DANG, SNGAGS BYANG SEMS KYI RTZA LTUNG NYES BYAS RNAMS SO SOR YID LA DRAN NA 'DAG STOBS CHE, BSHAGS TSUL TSOGS ZHING RTEN GYI STOBS, NYES PA SNGA MAR 'GYOD SEMS RNAM PAR SUN 'BYIN PA'I STOBS, PHYIS MI BGYID PA'I SDOM SEMS NYES PA LAS SLAR LDOG PA'I STOBS, BSHAGS PA GNYEN PO KUN TU SPYOD PA'I STOBS TE BZHI TSANG NA NGES PAR 'DAG, SDIG PAR 'GYOD PA MED NA SDOM SEMS MI SKYE, 'GYOD SDOM MED PAR KHA TZAM GYIS BSHAGS PAS 'DAG TSAB CHUNG BAS 'DIR YANG TSIG LA THON PAR BYAS PA GNAD ZAG 'GYOD PA SKYE THABS SDIG PA'I RNAM SMIN DANG 'CHI BA LA BSAM BLO BTANG, SDIG PAS 'PHRAL LA
MTSON BZHIN MI GCOD CING, ,ZHES SOGS LTAR DA LTA SDIG 'BRAS MNGON DU MA GYUR PAR BAG CHAGS KYI NGO BOR GNAS PA SLAR SMIN NAS TSA GRANG SOGS KYI SDUG BSNGAL YID DU MI 'ONG BA MYONG TSE BZOD GLAG MED, DE MYONG BA PO RGYUD GZHAN MA YIN PAR RANG GIS MYONG DGOS, DA LTA NAD LA SOGS PA'I SDUG BSNGAL DRAG POS MNAR NA DKA' LAS CI TZAM 'DUG, RE ZHIG THOG TU BSAM BABS KYI KHYAD TZAM MA GTOGS SKYE BA RJES MAR MYONG YANG DE DANG 'DRA, DGE SDIG SNA RE'I 'BRAS BU SKYE BA LNGA BRGYA SOGS SU MYONG TSUL 'DUL BA LUNG LTAR RED, SNGA MAR SDIG PA BSAGS PA RANG GIS MI SHES KYANG SDIG 'BRAS DA LTA MYONG BA MTHONG BA LTAR SLAR SDUG BSNGAL MYONG RGYUD LTA MI SHES KYANG, MYONG DUS SHES YONG, KHA SHAS KYIS SKU PHYOGS KYI THUGS RJER DAG MOD ZER BA RE ZHIG SEMS GSO TZAM LAS SEMS NA DE 'DRA'I BLO GTAD TSUGS THUB PA'ANG MED PAS MI MANG GI GTAM LA YID BRTAN MED, GUNG THANG 'JAM PA'I DBYANGS NAS, DA CHOS SKYABS 'GRO DANG SDIG BSHAGS BYED PA 'DI NGA KHYOD LA 'DZUL BA YIN ZHES BYIS PAS RTZED MO RTZES BA DANG 'DRA GSUNGS, DES NA SDIG BSHAGS 'DOD NA 'GYOD SEMS KYIS BSHAGS NAS SDIG PA'I 'PHRO CHOD PA GAL CHE BAR MDO LAS GSUNGS PA 'DI YID LA 'DZIN DGOS, DE LTAR BSHAGS PAS RJE YAB SRAS KYI SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, TSE RABS THOG MED NAS BSAGS PA'I SDIG SGRIB NYES LTUNG DANG, DE DAG GI RNAM SMIN, RGYU MTHUN, BDAG 'BRAS THAMS CAD DAG, PHYIN CHAD SDIG PAS MI GOS BAR BYIN GYIS BRLABS PAR BSAM, KHA CIG, SDIG PA MANG BAS BSHAGS KYANG
, ,'DAG DKA' SNYAM NA DE NI G-YAG ZHAR GYIS RTZVA ZOS PA LTAR PHYOGS GCIG LAS MA MTHONG BAS LAN, SDIG PAR RNAM SMIN YOD PA DANG, BSHAGS PAS 'DAG PA GNYIS KA SANGS RGYAS KYIS GSUNGS PA BDEN MNYAM YIN PAS SNGA MA DAG SONG, PHYIS SDOM SNYAM PA DGOS SO, ,RJES SU YI RANGS NI, SNYIGS MA'I DUS 'DIR SOGS TE, SANGS RGYAS KYI 'PHRIN LAS LA BYA BA YUL LA YOD PA'I 'PHRIN LAS DANG, BYED PA PO RANG LA YOD PA'I 'PHRIN LAS GNYIS GSUNGS PA LTAR 'DI YANG RJE YAB SRAS DANG, RJES 'JUG GNYIS KA LA SBYAR NAS BSHAD CHOG CES GUNG THANG 'JAM PA'I DBYANGS GSUNGS, RJE'I THUN MONG MA YIN PA'I GSANG BA LAG NA RDO RJES KYANG MI DPOG PAR GSUNGS PAS RJES SU YI RANG GI YUL MANG YANG, THUN MONG BA SNYIGS MA'I DUS 'DI LTA BUR BYON NAS, DANG POR RGYA CHEN THOS PA MANG DU BTZAL, ,ZHES SOGS LTAR MDO SNGAGS PHYOGS MED LA THOS BSAM DANG, THOS DON SEMS RGYUD LA SBYAR BA'I NYAMS LEN ZUNG 'BREL GYI SGO NAS STON PAS DANG BO THUGS BSKYED PA NAS BZUNG MTHAR SANGS RGYAS PA'I BAR GYI MDZAD PA THAMS CAD SKU TSE GCIG LA PHYAG LEN DU BTAB NAS RJES 'JUG RNAMS KYANG TSUL DE LTA BUR BKRI BAR MDZAD PAS DA LTA'I BAR THOS BSAM CUNG ZAD YOD PA 'DI RJE'I BKA' DRIN DANG KHYAD CHOS BSAM GYIS MI KHYAB PA ZHIG RED, SA RNYING KAR 'BRUG GI MKHAS GRUB TSAD LDAN RNAMS LA MANG THOS SGRUB BRTZON YOD PA GZHIR BZHAG, RJES 'BRANG 'GA' ZHIG THOS BSAM SGOM SGRUB RES 'JOG TU SONG NAS THOS BSAM MI DGOS PAR
SGOM GYIS CHOG PAR 'DOD DE, ZAN ZA BA'I SBYOR BA MA BRTZAMS PAR ZA LUGS MED NA DGE SBYOR BYED LUGS MA SHES PAR SGOM CI LTAR BYED, LUNG RTOGS KYI YON TAN SKYE BA LA CHOS 'KHOR BSKOR DGOS PA THOS BSAM GAL CHE BA'I RTAGS RED, DE MIN NA SANGS RGYAS 'JIG RTEN DU BYON NAS CHOS 'KHOR BSKOR CI LA DGOS, BYAMS 'JAM DBYANGS MCHOG ZUNG THAMS CAD KYIS LUS GNAD LTA STANGS DANG KHA TON BYAS PAS CHOG, RTOGS PA'I YON TAN SHES RAB LA RAG LAS, CHOS RAB TU RNAM 'BYED KYI SHES RAB THOS BSAM LA RAG LAS PAS LUNG GI CHOS 'KHOR BSKOR DGOS SONG BA RED, BSAM GZUGS BRGYAD THOB DANG, MNGON SHES LNGA LDAN GYI PHYI ROL PA'I DRANG SRONG JI SNYED DANG, LHA'I NGA RGYAL GSAL SNANG GRUB NAS H'Um SHI PHAt 'GYEL THONG BA TZA NA KshA'I LO RGYUS DANG, RLUNG BZUNG NAS NAM MKHA' LA 'PHUR BA, GTUM MO BSGOMS NAS RAS RKYANG THUB PA LTA BU'I RDZOGS RIM CHA 'DRA PHYI ROL PA LA YOD PA PAntI TA SA'I SNYING POS JO PO LA ZHUS PA LTA BU, SNGAGS GRANGS BSAGS NAS PHU BTAB PAS CHAR 'CHAD PAR, RMA GSO BA LTA BU LA SNGAGS KYI NUS PA ZER, RDZAS SNGAGS SMAN DANG MA KHYUD SPYAD KYI NUS PA BSAM GYIS MI KHYAB CES LDUM BU 'GA' RE LA'ANG DE 'DRA'I NUS PA SRID PAS RTOGS PA'I YON TAN GA LA YIN, DES NA RJE BDAG NYID CHEN PO BOD GANGS CAN GYI MA'ANG BA YONGS KYI GTZUG RGYAN DU GYUR KYANG DE LA CI MI SNYAM PAR ZHABS 'BRANG DGE 'DUN LNGA BRGYA TZAM MIG MCHI MA TZA RE BZHAD NAS 'JAM PA'I DBYANGS KYI BKA' BZHIN 'OL BA SOGS SU PHYAG LA KHRAG RDOL GYI BAR MAndAL 'BUL BA SOGS KYI DKA' SPYAD
, ,DANG, CHOS BRGYAD DKAR NAG KHRA GSUM ZIL GYIS MNAN NAS LAM BSLAB PA GSUM LA SGRUB PA SNYING POR MDZAD PA'I RNAM THAR MTHA' DAG DANG, RJES 'JUG BU SLOB RNAMS KYI BSHAD SGRUB ZUNG 'BREL GYI RNAM THAR; DA LTA DE 'DRA DKON YANG CHOS BRGYAD SPANGS NAS GZHUNG LUGS RGYA MTSOR THOS BSAM DANG, THOS DON SGRUB PA SNYING POR BYAS NA LEGS ZHES KHA NAS SMRA BA 'DI TZAM YAN CHAD RJE YAB SRAS KYI THUGS RJER GO NAS RJES SU YI RANGS SNYING THAG PA NAS BSGOM NA YI RANGS BYA BA'I YUL RGYA CHE BA'I TSOD KYIS DGE RTZA BSAM GYIS MI KHYAB PA SDUD DE, 'GREL BA DON GSAL LAS, RJES SU YI RANGS PA YID LA BYED PAS NI RANG GZHAN GYI DGE BA'I RTZA BA MNYAM PA NYID THOB BO, ,ZHES SO, ,AA RIG DGE BSHES 'OD ZER RGYAL MTSAN TSANG GIS, RJE BDAG NYID CHEN PO'I RNAM THAR MKHAS GRUB RIN PO CHES BSKYAR DUS NA, MI DMAN RNAM DPYOD MCHOG GIS LEGS BSDAMS SHING, ,NAS, GCIG TU SGRUB LA DGYES PA DE RMAD DO, ,GSUNGS PA RJE'I RNAM THAR 'CHUG MED YIN, RJE BDAG NYID CHEN PO GONG MA RGYAL POS GDAN DRANGS NAS KHO'I BLA MA BYED DGOS ZHUS DUS, DED KHAMS MI BDE ZHES SER RTZE'I BRAG SRUB LA YIB NAS SGUL MTSUGS, DE MIN PA RGYAL TSAB MKHAS GRUB GNYIS KYIS MGO BYAS, SA RNYING KAR 'BRUG DGE LDAN PA'I BLA MA'I RIGS SU LA'ANG GONG MAS DE 'DRA ZHIG SMRAS NA MA KIR MI RGYUG MKHAN MED GSUNGS PA'ANG NYAMS 'CHAR LTA BA LA DPYAD NA GO RGYU CHE, SDIG PA LA YI RANGS DANG 'DUN PA GCIG DRIL BYAS NA BYED PA PO DANG MNYAM
PA'I NYES DMIGS 'BYUNG BA MDZOD LAS, DMAG LA SOGS PA DON GCIG PHYIR, ,THAMS CAD BYED PA PO BZHIN LDAN, ,ZHES DANG, BLO SBYONG LAS, DGRA LA SDUG BSNGAL BYUNG NA DGA' PA YI RANGS GO LAG TU GSUNGS PA LTAR RO, ,CHOS 'KHOR BSKOR BAR BSKUL BA NI, RJE BTZUN BLA MA SOGS TE, RJE BLA MA'I DAG PA GNYIS LDAN GYI CHOS SKU NAM MKHA'I, MKHYEN BRTZE CHU 'DZIN TE SPRIN, MDO SNGAGS ZAB RGYAS KYI LUNG GI CHOS 'KHOR BSKOR BA CHAR BABS PA, SKAL LDAN GYI GDUL BYA'I SHES RGYUD 'DZIN MA STE SA GZHI; RTOGS PA'I CHOS 'KHOR MYU GU'I GZUGS SU BKOD DE, CHOS SKU'I NAM MKHAR MKHYEN BRTZE'I SPRIN 'KHRIGS PA LAS, 'GRO RNAMS ZHI PA'I LAS DANG NI, ,ZHES SOGS LTAR PHYI MA'I NGAN 'GRO LAS SKYOB BYED SKYABS 'GRO LAS 'BRAS, SRID PA'I RGUD PA SEL BA LAM BSLAB GSUM, ZHI PA'I GDUNG BA 'PHROG PA BYAMS SNYING RJE BYANG SEMS, ZAB MO'I LTA BA, LAM RIM GNYIS SOGS GANG LA GANG 'DUL GYI LUNG GI CHOS KYI CHAR BA RGYUD BLA MA SOGS LTAR 'BAD RTZOL DANG BRAL BAS LHUN GRUB RGYUN MI 'CHAD DU PHABS NAS GDUL BYA'I SHES RGYUD LA RTOGS PA'I CHOS KYI MYU GU SKYE BAR MDZAD DU GSOL, ZHES GSOL BA BTAB PA LTAR ZHAL GYIS BZHES SHING DE LTAR DU BYIN GYIS BRLABS PAR BSAM, BSNGO BA NI, BDAG GIS JI SNYED SOGS TE, RANG GIS DUS GSUM GYI NGA YID LA DRAN PAR BYAS NAS PHYAG 'TSAL BA SOGS YAN LAG DRUG GIS MTSON PA'I DES RTZA SNGAR BSAGS ZIN PA, DA LTA BSAGS BZHIN PA, MA 'ONGS PA NA BSAGS 'GYUR GYI DGE BA'I DNGOS PO MTHA' DAG BSNGO BYA'I RDZAS DANG, BSNGO BA'I GNAS MKHA' KHYAB KYI BSTAN
, ,'GROR GANG LA GANG PHAN TE, SPYOD 'JUG BSNGO LE SOGS LTAR NA NAD GDON SOGS NYER 'TSES GTZES BA DE LAS GROL BA, NOR LONGS SPYOD BU DANG BRAN 'KHOR GYIS DBUL BA SEL BA, 'GRO BA RIGS DRUG SPYI BYE BRAG GI SDUG BSNGAL JI SNYED BA LAS SKYOB BA NAS RGYUN MTHA' BA RNAMS SHES SGRIB PHRA MO LAS GROL PA'I BAR DANG, DUS GSUM GYI RGYAL BA SRAS BCAS KYI 'CHAD RTZOD RTZOM GSUM BYA BA LAS KYI 'KHOR LO SOGS SKU GSUNG THUGS KYI MDZAD BA MTHA' DAG THUGS KYIS JI LTAR BZHED BA BZHIN 'GRUB BA DANG, DE LTAR BSTAN 'GROR SMAN BA'I THABS LA RIGS MANG YANG GRUB MTHA' RIS MED KYI CHOS 'O MA LTA BU DANG, DE BSRUB PA'I MAR GYI NYID KHU LTAR BSTAN PA'I GNAD KUN YONGS SU RDZOGS BA MGO BSHES GNYEN BSTEN TSUL NAS MJUG MI SLOB BA'I ZUNG 'JUG GI BAR GYI LAM GYI RIM PA CHA TSANG LA MA NOR BAR GDAN THOG GCIG TU GRUB ZHI LAM GYIS NYAMS SU BLANGS BAS CHOG BA RJE'I LUGS SROL 'DI'I KHYAD CHOS YIN PAS BSTAN PA'I SNYING BO ZHES GSUNGS PA LA GO RGYU CHE, DE RING DU GSAL BA NI TSE 'DI DANG SKYE BA RE TZAM MA YIN PAR 'KHOR BAM STONG BAR DANG, NAM MKHA' JI SRID DU THOS BSAM SGOM BAS RANG GIS NYAMS 'OG TU TSUD DE, 'CHAD RTZOD RTZOM BAS GZHAN LA GSAL BYED SHOG CES RGYAL BA'I MDZAD BA THAMS CAD BDAG NYID KYI KHUR DU BSNAMS PAS PHAN YON BSAM GYIS MI KHYAB BA 'THOB, DUS GSUM DU 'BYON DANG 'BYON 'GYUR GYI RGYAL BA SRAS DANG BCAS BA'I SKU'I RNAM PA RJE DANG 'DRA MI 'DRA CI LTAR YANG GSUNG RGYU'I CHOS LA RJE RIN BO CHES GSUNGS PA
'DI LAS MCHOG TU GYUR BA DANG, NYAMS LAN LA'ANG 'DI LAS LHAG BSTON RGYU MED BAS BYAMS MGON GYI DUS SOGS SU RJE'I BSTAN BA SBEL MI NUS BA'I SKYON YANG MED DO, ,DE LTAR BSNGOS BAS DGE RTZA CHUD MI ZA ZHING ZAD BA MED BAR SHING THOG SMIN BA DA LTA NYID DU LONGS SGYAD RUNG LTAR CI LTAR SMON BA'I 'BRAS BU BDE BLAG TU 'GRUB BA'I RGYU'I NUS BA THOGS MED DU BYIN GYIS BRLABS BAR BSAM, YAN LAG BDUN BO 'DI RGYAL SRAS KYI SBYOD BA'I SDOM CHE SHOS YIN BAS SA MTHON BO LA GNAS PA'I BYANG SEMS RNAMS KYANG SANGS RGYAS SO SO'I DRUNG DU BYON BA'I TSE 'DI KHO NA MDZAD TSUL MDO SDE RANG RANG LA BLTAS NA SHES SHING, PHYAG SOGS GO RIM BZHIN DU, NGA RGYAL DANG, SER SNA DANG, DUG GSUM SOGS SPANG BYA SPYI DANG, PHRAG DOG DANG, CHOS SPONG GI LAS, BLA MA'I THUGS DA GRUGS BA, LOG LTA RNAMS KYI GNYEN BOR 'GYUR, CHOS 'KHOR BSKUL BAS TSE RABS THAMS CAD DU CHOS DANG MJAL, MYA NGAN LAS MI 'DA' BAR GSOL BAS TSE SGRUB MCHOG TU 'GYUR, BYANG CHUB TU BSNGOS BAS DGE RTZA MI ZAD CING 'PHEL BA DANG, TSOGS BSAGS SGRIB SBYANGS LA 'DI LAS LHAG BA MED, 'DIS SDIG SGRIB 'DAG STE, SPANG BYA'I GNYEN BO BSKYED NA SPANG BYA 'JOMS BA'I PHYIR, TSOGS RDZOGS TE, SANGS RGYAS BYANG SEMS LA KHRO BA'I SEMS KYIS BLTAS KYANG PHAN YON 'THOB NA DAD BAS PHYAG MCHOD SOGS SMOS MI DGOS BA'I PHYIR, 'DIR TSOGS RDZOGS BA NI PHAN YON THOB PA LA BYED, CHOS SPONG DANG, LAS 'BRAS MED BAR LTA BA'I LOG LTA GNYIS SDIG BA'I LCI SHOS YIN PAS, MDO LAS KYANG, LOG SPYOD RNAMS NI MA GTOGS SO,,
, ,ZHES GSUNGS, BSHES SPRINGS LAS, GANG ZAG LOG PAR LTA BAS DGE SPYAD KYANG, ,THAMS CAD RNAM PAR SMIN PA MI BZANG LDAN, ,ZHES PAR, DGE RTZA LA 'BRAS BU YID MI'ONG 'BYUNG TSUL MED PAS SNGAR LAM RIM BSHAD LUNG SKABS 'PHROS PA DANG; RGYAL MKHAN CHEN TSANG LA ZHUS PAR, 'DI BLA MA LA SMOD PA'I LOG LTA LA BYED PA 'DRA ZHES SHES BYED DANG BCAS GO BSTER TSAB CHE BA'I LAN GNANG, PHYIS LAM RIM SOGS LA ZHIB TU BLTAS PAR, LOG LTAS SNGAR YOD KYI DGE RTZA BCAD, SLAR CUNG ZAD RE BSAGS KYANG BSAM BA'I STOBS KYIS MTHU CHUNG ZHING, 'BRAS BU NGAN 'GRO SOGS SU RNAM SMIN YID DU MI 'ONG BA DANG 'GROGS NAS SPYOD DGOS PA, SBYIN PA'I LONGS SPYOD DAG NI 'GRO NGAN NA'ANG, ,SKYE BO TSUL KHRIMS RKANG BA NYAMS LAS 'BYUNG, ,ZHES PA DANG PHYOGS 'DRA 'AM SNYAM; LAS 'BRAS LA YID MI CHES PA'ANG DE DANG NYE ZHING RNAM SMIN LCI BAS, LAS 'BRAS LA YID CHES KYI DAD PA LA 'JIG RTEN PA'I YANG DAG PA'I LTA BA ZHES BDE LEGS THAMS CAD KYI RTZA BAR GSUNGS SO, ,SPRO NA, SKABS 'DIR MAndAL KYANG PHUL, DE NAS RGYAS PAR BYED NA; DPAL LDAN SA GSUM MA, MCHOG GI DNGOS GRUB BRNYES LA GSOL BA 'DEBS, ,ZHES PA'I BAR BTON TE, SA GSUM GYI 'GRO BA LA THAR BA DANG THAMS CAD MKHYEN PA'I LAM STON PA'I MIG GCIG PU DANG, THAR BAR 'KHRID PA'I DED DPON SANGS RGYAS GRANGS MED BYON KYANG 'DUL BAR MA NUS PA'I 'GRO BA LA DGE BA'I BSHES GNYEN GYI RNAM PAR SPRUL NAS RGYAL BA'I DGONGS PA YONGS SU RDZOGS PAR BSTAN PAS RGYAL BA KUN LAS LHAG PA'I THUGS RJE DANG LDAN PA SOGS TSIG RIS LTAR GYI DON DRAN NAS RJES SU YI RANG DANG, DAD PA
BSKYED DE, RJE NYID KYI LUNG RTOGS KYI YON TAN DE LTA BU DA LTA NYID DU BDAG LA STZAL NAS MGON PO KHYED DANG 'DRA BAR BYIN GYIS BRLAB TU GSOL, ,ZHES DAL BUS BRJOD PA CHOS SPYOD GSOL 'DEBS KYI RIGS THAMS CAD KYI 'DON TSUL YIN ZHES KHRI BSOD NAMS DBANG RGYAL GSUNGS, KHRI NAM MKHA' BZANG PO CHOS SPYOD GZHAN LAS KYANG 'DI LA THUGS GTZIGS CHE ZHING, BYAMS PA RIN PO CHES SKABS SKABS SU SE 'BRAS LA MANG JA BTANG NAS SKYABS 'JUG MI ZHU YANG DPAL LDAN SA GSUM MA RE NGES CAN DU 'DON PAS, RGYUS YOD RNAMS PHUR BU LCAG GI MANG JA RED CES SHES PA YOD GSUNGS, 'DI LA GZHAN PHYOGS PA 'GA' RES SA GSUM GYI MIG YIN NAS GSUM LA MIG GCIG LAS MAD PAR THAL BA DANG, RGYAL BA KUN LAS LHAG NA SANGS RGYAS THAMS CAD MNYAM PA NYID GSUM GYIS MI MNYAM PAR THAL BA'I SKYON BRJOD PA, GANG ZAG RANG RANG LA MIG TU 'GYUR TSUL DANG, RGYAL BA THAMS CAD LAS BKA' DRIN CHE TSUL YOD PA MA GO BAS LAN ZHING, SPYIR NA YANG, MIG GCIG YIN KYANG, KUN GYI GZUGS MIG GIS MTHONG DGOS PA DANG, SANGS RGYAS GZHAN THAMS CAD DNGOS SU MA MTHONG ZHING, RJE'I BKA' DRIN LA BRTEN NAS RANG RANG SANGS RGYAS KYI BSTAN PA DANG MJAL, BSTAN PA PHYOGS BCUR 'PHEL PAS THA NA ZAN KHAMS GCIG SPYOD PA TSUN CHAD KYI STENG NA RJE'I BKA' DRIN DANG 'PHRIN LAS KYI 'JUG PA YOD TSUL SHES NA BSAM GYIS MI KHYAB PA'I GNAS DAD PAR BYA BA KHO NA'O, ,'DI'I TSIG DON ZHIB TU SHES PAR 'DOD NA, DVAGS PO NGAG DBANG GRAGS PA DANG, KO'U BA CHOS RGYA MTSO'I SA BCAD, PAn CHEN BLO BZANG CHOS RGYAN, 'JAM DBYANGS SHES RAB, RA RONG NGAG DBANG CHOS GRAGS KYI tIKKA SOGS SU BLTA'O, ,DMIGS BRTZE MA NI, RJE BDAG NYID CHEN POS,
, ,DMIGS MED BRTZE BA'I GTER CHEN SPYAN RAS GZIGS, ,DRI MED MKHYEN PA'I DBANG PO 'JAM PA'I DBYANGS, ,GANGS CAN MKHAS PA'I GTZUG RGYAN RED MDA' PA, ,GZHON NU BLO GROS ZHABS LA GSOL PA 'DEBS, ,ZHES SBYAR BAR RED MDA' BAS 'DI KHYED RANG LA 'OS ZHES DA LTA'I 'DI LTAR TSIG BSGYUR NAS RJE'I GSOL 'DEBS SU BYAS PA DANG, DON DNGOS GNAS LA RJE BTZUN 'JAM PA'I DBYANGS KYI GSUNG GI CHA SHAS DER SHAR BA BKA' GANG MAS GLEGS BAM LAS, BDAG GI SPRUL PA DAM PA ZHIG, RES 'GA' DGE SLONG NYID DU SPRUL, ,ZHES PAS RJE RIN PO CHE GTZO BOR BSTAN, RES 'GA' GSOL 'DEBS DBYANGS KYI GZUGS, ,ZHES PAS DMIGS BRTZE MA SOGS DANG, RES 'GA' YIG 'BRUG GZUNGS KYI GZUGS, ,ZHES BAS SKU 'BUM TZANDAN GYI YI GE SOGS BSTAN BA GSUNG RGYUN YIN PAS MTHA' GCIG TU RE RE KHO NA YIN PA'I NGES PA RANG MED, 'DI'I SGOS GSOL BA 'DEBS PA LA PHYI MTSUNGS PA GSAL BYED KYI SGO NAS GSOL BA 'DEBS PA, NANG YON TAN DE LDAN GYI SGO NAS GSOL BA 'DEBS PA, GSANG BA LHAG PA'I LHA DANG NGO BO DBYER MED DU GSOL BA 'DEBS PA GSUM, DANG PO NI, TSIG RIS LTAR NA RGYAL SRAS RNAMS KYI KHROD NA MKHYEN BRTZE'I YON TAN 'JAM DBYANGS DANG SPYAN RAS GZIGS 'GRAN ZLA DANG BRAL BA LTAR BONG GANGS CAN GYI MKHAS PA YONGS KYI NANG NA 'CHAD RTZOD RTZOM GSUM LA MKHAS PA'I YON TAN RJE BDAG NYID CHEN PO 'GRAN ZLA MED CES DE GNYIS KYI MKHYEN BRTZE DPER BKOD NAS MTSUNGS 'DRA SBYAR TE LUNG GI YON TAN DRAN NAS GSOL BA 'DEBS PA RJE BLA MA'I PHYI SGRUB DANG, GNYIS PA NI, MKHYEN BRTZE RJE BTZUN
'JAM DPAL DBYANGS DANG SPYAN RAS GZIGS DANG 'DRA BA TZAM DU MA ZAD, DE GNYIS KYI THUGS RGYUD LA YON TAN CI TZAM MNGA' BA DE LTA BU RJE LA'ANG MNGA' BAR THAG BCAD DE SGRUB BA'I YON TAN NAM, THABS SHES DANG, SRID ZHI'I MTHA' LA MI GNAS PA'I RTOGS PA'I YON, TAN DRAN NAS GSOL BA 'DEBS PA RJE BLA MA'I NANG SGRUB DANG, DE GNYIS LA DMIGS BRTZE MA YONGS GRAGS 'JAM DBYANGS, SPYAN RAS GZIGS, RJE DANG SUM SKOR GYIS CHOG CING, DANG PO LA MKHYEN BRTZE NUS GSUM RIGS GSUM DANG 'DRA MTSUNGS SBYAR BA DANG, GNYIS PA LA, RIGS GSUM GYI MKHYEN BRTZE NUS GSUM CI TZAM PA DE TZAM RJE'I THUGS RGYUD LA MNGA' ZHES GSUNGS PA'I SKABS KYANG YOD DO, ,GSUM PA NI, 'PHAGS PA RIGS GSUM MGON PO LA MKHYEN BRTZE NUS PA'I YON TAN CI LTAR MNGA' BA DE TZAM RJE YAB SRAS LA MNGA' BA TZAM DU MA ZAD, RGYAL BA THAMS CAD KYI MKHYEN BRTZE NUS PA'I RANG GZUGS RDO RJE GSUM MAM RIGS GSUM GYI MGON PO DE NYID DGE BA'I BSHES GNYEN GYI RNAM PAR ROL BA RJE BDAG NYID CHEN POR THAG BCAD DE NGO BO DBYER MED DU BYAS NAS, MKHYEN BRTZE NUS GSUM SOGS SPANGS RTOGS YONGS RDZOGS KYI YON TAN DRAN NAS DMIGS BRTZE MAR, BDUD DBUNG MA LUS 'JOMS MDZAD GSANG BA'I BDAG ,CES PA'AM, MTHU STOBS MA LUS 'DZIN MDZAD GSANG BA'I BDAG ,CES PA GANG RIGS SBYAR TE RIGS GSUM MGON PO DANG RJE BDAG NYID CHEN PO STE BZHI SKOR DU BYAS NAS GSOL PA 'DEBS SHING 'DIR RJE'I GNAS GSUM DU RIGS GSUM DNGOS SU BKOD KYANG CHOG, 'JAM DBYANGS BDE BA'I RDO RJE'I KHRID YIG TU, DBYER MED DU SGRUB TSUL GYI LUNG RIGS DANG, NGO MTSAR BA'I GSUNG RGYUN ZHAL
&
MISSING
, ,NYID DANG SEMS RO GCIG TU ZHUGS TE DRI MAS BSLAD PA MA ZHUGS PA'I SEMS KYI RANG BZHIN MNGON DU GYUR PA LA SANGS RGYAS ZHES THA SNYAD BTAGS, RANG BZHIN RNAM DAG DANG, GLO BUR RNAM DAG GNYIS TSOGS KYI SNANG CHA DER MDO LTAR NA 'OG MIN DANG, SNGAGS LTAR NA SNOD THAMS CAD GZHAL YAS KHANG DANG, BCUD THAMS CAD LHA'I RNAM ROL TU GRUB, PHAL CHER LA 'OG MIN KYANG RGYA NAG PHO BRANG DANG, LHA SA LTA BU'I SA CHA ZHIG NA KHANG BZANG RGYA CHEN PO ZHIG GI NANG KHRI MTHON PO'I STENG NA LONGS SKU RGYAN CHA LUGS CAN TSOGS 'TSOGS PA LTAR 'KHOR MANG POS BSKOR NAS YOD PA'I TSUGS THUB CIG 'CHAR KYANG DRI MAS DAG PA'I SEMS THUGS DANG, DE'I BZHON PA'I RLUNG RTEN DANG RTEN PA'I GZUGS SKU, DE'I GDANGS GSUNG DU 'CHAR ZHING, SANGS RGYAS THAMS CAD LA 'OG MIN RE YOD PA NAM MKHA'I MTHA' KHYAB KYI 'JIG RTEN GYI KHAMS YIN KYANG YE SHES KYI RANG BZHIN YIN PAS GZUGS CAN GZHAN LTAR GCIG GCIG GIS GO MI 'GOG, DRI MAS DAG PA'I RANG BZHIN RNAM DAG GI STONG NYID DE LA RGYAL BA THAMS CAD KYI THUGS RO GCIG TU ZHUGS NAS CHOS SKU NGO BO DBYER MED DU SONG BA DE'I KLONG NAS SANGS RGYAS STONG, BDE GSANG 'JIG GSUM SOGS SPRUL BA MU MED MDZAD PAS MKHYEN BRTZE NUS GSUM GYI CHA LA RIGS GSUM MGON POR BTAGS CHOG; SANGS RGYAS STONG SOGS RGYUD THA DAD PA'ANG KHAS LEN DGOS KYANG THAMS CAD CHOS SKU DBYER MED KYI KLONG NAS SHAR BA 'DRA BAS GANG ZAG RE RE DANG RGYUD GCIG PA'I SANGS RGYAS STONG SOGS 'JOG PA SKU'I RNAM PA DANG GNAS SKABS KYI MDZAD PA STON LUGS KYIS
BTAGS PA, MDO SDE RGYAN LAS, KLUNG DAG SA YI 'OG TU MA SONG BAR, ,NAS, SEMS CAN TSOGS CHE'I NYE BAR SPYAD PA CHE, ,ZHES DPE DANG BCAS GSUNGS, DE'I GNAD KYIS SANGS RGYAS GCIG GIS SEMS CAN GYI DON BYAS NA SANGS RGYAS THAMS CAD KYIS DE'I DON MDZAD BAR 'GRO BAS SANGS RGYAS THAMS CAD TSOGS DANG CHOS SKU 'PHRIN LAS 'GRO DON MNYAM PAR GSUNGS SHING, SKYON KUN ZAD, YON TAN KUN LDAN ZHES PA'ANG DE LTAR GO DGOS, DMIGS BRTZE MA 'DI LA BRTEN NAS LHA ZHI KHRO RAB 'BYAMS KYI LAS TSOGS SGRUB CHOG PA'I RTZA BA'ANG 'DI LA THUG CES BLA MA RNAMS GSUNGS, RJE'I GNAS GSUM GYI RIGS GSUM SO SO'I THUGS KAR RANG RANG GI SA BON LA RANG RANG GI SNGAGS KYIS BSKOR BAR MOS NAS AA RA PA TZA, MA nI, BADZRA P'A nI DANG DMIGS BRTZE MA BZLAS NAS SO SO'I LAS TSOGS RNAMS KYANG SBYAR CHOG, BDE LAM DU TSOGS ZHING GI GNAS LNGAR YI GE LNGA BKOD PA LUS DKYIL DANG, GANG 'DUL GYI SPRUL BA 'PHRO BA DKYIL 'KHOR RGYAL MCHOG GI MDZAD PA DANG GNAD 'DRA BAS 'DIR YANG RJE DANG RIGS GSUM GYI THUGS KA'I 'OD ZER GYIS DON GNYIS BYED PA DANG, DKYIL 'KHOR RGYAL MCHOG GI MDZAD PA'I SKABS LTAR NYAMS LEN BSKYANGS CHOG, DGOS PA KHYAD PAR CAN GYI TSE RJE'I THUGS KAR LHA GANG BKOD KYANG CHOG, KHYAD PAR SHES RAB SGRUB PA LA BKA' BABS CHE BAS RJE'I THUGS KAR 'JAM DBYANGS BKOD NAS GANG BLO MA DANG, DMIGS BRTZE MAS GSOL BA BTAB PAS PHYAG GI RAL GRI'I YU BA THUGS KAR GTAD PA'I RTZE MO RANG GI TSANGS BUG TU ZUG, DE LAS BDUD RTZI'I RGYUN GYIS SDIG SGRIB DANG RMONGS MUN BSAL NAS SHES RAB KYI SNANG BA RGYAS PA DANG, THUGS KAR DHI: 'AM
&
MISSING
, ,GZIGS BKOD PA SKU NOR BU MDZOD 'DZIN, MGRIN PAR 'JAM DBYANGS BKOD PA GSUNG NYI MA SNANG BYED, THUGS KAR PHYAG RDOR BKOD PA THUGS GSANG BA MDZOD 'DZIN DANG, DE'I DANG PO LA BRTEN NAS PHYI SGRUB; GNYIS PA LA BRTEN NAS NANG SGRUB, GSUM PA LA BRTEN NAS GSANG SGRUB DANG, DE RE RE LA PHYI NANG GSANG GSUM PHYE BAS DGU SKOR SOGS KYI MING THO TZAM RJE CHOS KYI RDO RJE'I GSUNG RGYUN DBEN SA BKA' 'BUM DU BZHUGS PA LTAR RO, , SKU NOR BU MDZOD 'DZIN SOGS RIGS GSUM GYI MTSAN GYI RNAM GRANGS DANG, DMIGS BRTZE MA'I SA BCAD DU'ANG SBYAR CHOG, DE LTAR GSOL BA BTAB NAS DNGOS GRUB ZHU BA LA, 'JAM DBYANGS CHOS SKOR LAS, MA DAG 'KHRUD CING MI SHES BSAL,, ZHES GSUNGS PA 'DI'I MI SHES PA BSAL BA SBYOR BA'I KHUNGS SU BSDUS PA DANG, DNGOS GZHI'I DMIGS SKOR BDUN GYI DBYE GZHIR BYAS PA GNYIS 'DUG, GANG LTAR SNGON DU 'GRO BA MA DAG PA 'KHRUD PA'I DMIGS PA NI, RJE YAB SRAS GSUM GYI THUGS KA NAS 'OD KYI SBU GU DKAR PO GSUM BYUNG BA RANG GI SPYI BO NAS SOR BZHI'I 'TSAMS SU 'DRES TE SNE MO RANG GI TSANGS BUG TU ZUG, DE'I NANG NAS NGO BO YAB SRAS GSUM GYI MKHYEN BRTZE NUS GSUM GYI RANG BZHIN LA, RNAM PA ZHI BA'I LAS DANG SGRIB SBYONG GI RTEN 'BREL DU BDUD RTZI DKAR PO 'O MA'I RGYUN LTA BU DANG, DMIGS BSAL NAD ZHI BA LA DE DANG DE'I GNYEN BOR GYUR PA'I SMAN GYI RANG BZHIN GYI BDUD RTZI'I RGYUN BABS PA TSANGS BUG NAS ZHUGS, RKANG MTHIL GYI SEN MO'I RDUL PHRA RAB YAN CHAD PHYEM LA CHU
THIM PA LTAR SIB KYIS GANG BAS THOG MED NAS SGO GSUM GYIS BSAGS PA'I SDIG PA MI DGE BA'I LAS THAMS CAD DANG DE'I KUN SLONG DUG GSUM, RTZA BA MA RIG PA SA BON DANG BCAS PA NYON SGRIB DANG, DE DAG GI BAG CHAGS SHES SGRIB, KHYAD PAR RMONGS MUN THAMS CAD DUD KHU DANG SOL KHU'I RNAM PA, RLUNG MKHRIS PAD KAN SOGS 'BYUNG BA 'KHRUGS PA'I NAD RNAMS RNAG KHRAG CHU SER LJAN LJIN, STENG 'OG BAR GSUM GYI GDON BGEGS RNAMS SDOM SDIG SBAL LCONG SOGS SROG CHAGS MI SDUG PA'I RNAM PAR DBANG BO'I SGO DANG BA SPU'I BU GA THAMS CAD NAS LHAG MED DU THON TE LUS SHEL BUM DU MAR ME SBAR BA LTAR DVANGS GSAL 'OD KYI RANG BZHIN CAN DU GYUR PAR BSAM, NAD GDON SOGS GANG NAS NAS PHYIR THON TE BDUD RTZI'I RANG BZHIN GYI GLUD DANG GTOR MAS NAD BDAG RNAMS NGOMS SHING TSIM NAS GNOD 'TSE'I BSAM SBYOR DANG BRAL TE BYANG CHUB KYI SEMS KHYAD PAR CAN SKYES PAR BSAM PA DANG, RJE'I THUGS KA NAS 'OD ZER 'PHROS PAS GNOD BYED RNAMS BKUG STE MDUN DU THA MAL BA'I RNAM PAR 'KHOD PA LA BDUD RTZI 'BEBS SBYANG DANG, RJE'I GSUNG THOS PA TZAM GYIS DAD NAS SNGAR BTANG BA'I NAD LA SOGS PA PHYIR BLANGS TE RJE'I GDUL BYAR GYUR PA'I MOS PA DANG, GTZO CHER SDIG SGRIB SBYANGS NA NAD GDON ZHAR LA KHEGS, MI DGE BA'I LAS SNANG GDON BGEGS SU 'CHAR BA, GZUNG 'DZIN RNAM RTOG 'KHRUL BA'I GRONG KHYER DU, ,ZHES SOGS LTAR MA RIG PA'I DBANG GIS NYON MONGS PA SKYES, DES LAS BSAGS TE RIGS DRUG GI GRONG KHYER DU 'KHYAMS, DER PHA MA NYE DU SOGS THAMS CAD RTOG PAS BTAGS TZAM
, ,DANG GCO CHER LAS SNANG GIS BZHAG, GDON BGEGS LA GANG ZAG YIN MIN DU MA YOD CHOG PA DMYAL BA'I GSHIN RJE GANG ZAG YIN MIN GRUB MTHA' SO SOS RTZOD TSUL LAS SHES, GDON BGEGS LA'ANG PHAM DANG GNYEN YOD PAS THAMS CAD LA GNOD PA MIN KYANG RANG RANG GI LAS SNANG GIS GNOD PAS SDIG BDAG NA LAS SNANG RANG SHUGS KYIS ZHI 'GRO, DMIGS PA 'DI LTAR DMIGS BRTZE MA BGRAD NA DE LAS LHAG PA'I SGRIB SBYONG DANG RIM GRO MED PAS YID CHES KYI DAD GUS GAL CHE, MNAN GTAD SOGS LA YANG 'DI'I 'OD ZER GYIS BSGYUR SBYANGS BYAS NAS RJE DANG RIGS GSUM MGON BOS MA LON NA GZHAN GYIS DKA', RGYUN PAR SDIG SGRIB THAMS CAD MUN KHUR DU NYI ZER ZHUGS PA LTAR GAR SONG CHA MED DU BSAL PA'I MOS PA DANG, SDIG PA'I 'KHOR GSUM MI DMIGS PA'I STONG SBYANGS NAN TAN BYAS NA STOBS CHE GSUNGS, DNGOS GZHI LA, 'DI DANG ZHI KHRO SBRAGS SGRUB SOGS 'JAM DBYANGS CHOS SKOR GYI MAN NGAG YIN PAS SHES RAB SGRUB PA RTZAL DU BTON TE, SKU YIS CHE ZHING GSUNG GIS GSAL, ,SA BON MYUR BA PHYAG MTSAN ZAB, ,GLEGS BAM RAL GRI GLEGS RAL GYIS, ,'CHAD DANG RTZOD DANG RTZOM PA'O, ,ZHES SKU'I SGO NAS SHES RAB CHE BSGRUB PA, GSUNG GI SGO NAS SHES RAB GSAL BA SGRUB PA, THUGS SA BON GYI SGO NAS SHES RAB MYUR BA SGRUB PA, PHYAG MTSAN GYI SGO NAS ZAB PA'I SHES RAB SGRUB PA, GLEGS BAM GYI SGO NAS 'CHAD PA'I SHES RAB SGRUB PA, RAL GRI'I 'KHOR LO'I SGO NAS RTZOD PA'I SHES RAB SGRUB PA, GLEGS RAL GNYIS KA'I SGO NAS RTZOM PA'I
SHES RAB SGRUB PA DANG BDUN, DANG PO NI, MA DAG PA 'KHRUD PA'I DMIGS PA GONG LTAR LA, KHYAD PAR RGYAL BA'I GSUNG RAB KYI DGONGS DON DANG BLANG DOR GYI GNAS RNAMS RANG STOBS KYIS 'BYED BA LA RMONGS PA THAMS CAD BSAL BA'I MOS PA DANG, SLAR YANG DMIGS BRTZEM BGRANG NAS GSOL BA BTAB PAS 'OD KYI SBU GU LAS BDUD RTZI 'JAM DBYANGS DMAR SER GYI KHA DOG LTAR SHES RAB RGYAS PA'I RTEN 'BREL DU SER PO, DNGOS SGRUB MYUR DU 'GUGS PA'I RTEN 'GREL DU DMAR PO STE DMAR SER 'OD DANG 'OD ZER 'BAR BA'I RGYUN 'BAB BZHIN PA YIN KYANG RGYA MTSO CHEN PO'I NANG CHAR BABS PAS MI NGOMS PA LTAR SGRA SEN TSUN CHAD GTAMS PAR MOS NAS BDUD RTZI DE LA DMIGS PA CUNG ZAD GTANG, DE NAS BDUD RTZI'I RDUL PHRA RAB RE RE NAS RJE BTZUN 'JAM DBYANGS DMAR SER G-YAS RAL GRI DANG, G-YON GLEGS BAM 'DZIN PA'AM, 'JAM DBYANGS GANG RIGS KYI LHA'I SKU 'OD ZER DANG BCAS PAS LUS THAMS CAD GANG, DE RNAMS LAS 'OD ZER 'PHROS PAS PHYOGS BCU'I ZHING KHAMS THAMS CAD KHYAB, 'OD ZER GYI SNE LA MCHOD PA'I LHA MO MCHOD RDZAS SNA TSOGS THOGS PA DPAG MED SPROS NAS RGYAL BA THAMS CAD MCHOD PAS MNYES PAR BYAS, DE DANG MNYAM DU RJE YAB SRAS KYI THUGS KA NAS KYANG 'OD ZER DPAG MED 'PHROS PAS SRAS BCAS RGYAL BA'I THUGS RGYUD BSKUL TE MKHYEN PA'I YE SHES THAMS CAD RJE BTZUN 'JAM DBYANGS KYI SKU CHE BA RI RAB, BAR BA RI PHRAN, CHUNG BA MI TSAD, YANG CHUNG RDUL PHRAN TZAM PA DPAG TU MED PA RGYA MTSO LA CHAR BABS PA BZHIN DU RANG GI LUS PA ZHUGS, LUS KYI NANG GI 'JAM DBYANGS RNAMS LA THIM PAS SHES BYA
, ,THAMS CAD LA GLO GROS KYI SNANG BA THOGS MED DU RGYAS, KHYAD PAR MDO SNGAGS KYI GSUNG RAB MTHA' DAG GI TSIG DON DANG, BLANG DOR GYI GNAS LA GZHAN DRING MI 'JOG PAR RANG STOBS KYIS 'BYED NUS PA'I SHES RAB RLABS CHE BA THOB BYUNG SNYAM PA'I DMIGS PA SHUGS DRAG BYED CING, RANG 'JAM DBYANGS KYI SKUR GYUR PAR MOS KYANG CHOG GSUNGS, GNYIS PA NI, MA DAG PA 'KHRUD PA SNGAR LTAR LA, KUN BYANG GI CHOS RNAMS KYI TSIG DON GYI CHA SHAS PHRA ZHING PHRA BA RNAMS 'BYED PA LA RMONGS PA'I MUN PA DAG PAR BSAM PA DANG, YANG GSOL BA BTAB PAS BDUD RTZI DMAR SER GYI RGYUN BABS PAS LUS GANG, BDUD RTZI'I RDUL PHRA RAB RNAMS DMIGS BRTZE MA DANG, 'JAM DBYANGS ZHI KHRO'I SNGAGS, A'A LI K'A LI GSER MDOG GI RNAM PAS LUS GANG, 'OD ZER GYIS RGYAL BSRAS BCAS KYI GSAL BA'I SHES RAB THAMS CAD SNGAGS PHRENG GI RNAM PAR SPYAN DRANGS NAS LUS KYI SNGAGS RNAMS LA THIM PAS, JI LTA JI SNYED KYI CHA SHAS PHRA ZHING PHRA BA RNAMS KU SHA'I RTZE LTAR MA 'DRES PAR 'BYED NUS PA'I SHES RAB GSAL BA THOB PAR BSAM, GSUM PA NI, MA DAG PA 'KHRUD PA'I SKABS, MA RTOG LOG RTOG THE TSOM GYI DRA BA MTHA' DAG MYUR BA NYID DU GCOD PA LA GEGS BYED SBYANGS PA DANG, SLAR YANG BDUD RTZI DMAR SER GYIS LUS GANG BA'I RDUL RNAMS 'JAM DBYANGS KYI SA BON DH'I: DBYANGS CAN MA'I SA BON HR'Im, 'JIGS BYED KYI SA BON H'Um SOGS RANG SGRAG LA BING KA'AM 'BRUG SGRA SOGS GANG 'OS KYI SA DANG SA SNYAN PAR SGROGS BZHIN PA DANG, DE DANG
RJE'I 'OD ZER GYIS RGYAL BA SRAS BCAS KYI MYUR BA'I SHES RAB THAMS CAD SA BON RANG SGRA SGROGS BZHIN PA'I RNAM PAR SPYAN DRANGS NAS DE LA THIM PAS MA RTOG LOG RTOG THE TSOM GYI BLO SKYES MA THAG TU 'GOG NUS PA'I MYUR BA'I SHES RAB THOB PAR BSAM, BZHI PA NI, NA DAG PA 'KHRUD PA'I SKABS, GSUNG RAB KYI TSIG DON LA GTUGS PA MED PAR 'JUG PA LA RMONGS PA'I MI SHES BA SBYANGS PA DANG, SLAR YANG BDUD RTZI DMAR SER GYIS LUS NGAG BA'I RDUL RNAMS 'JAM DBYANGS ZHI KHRO YAB YUM GYI PHYAG MTSAN GLEGS RAL, GRI THOD, PI WANG LA SOGS PA'I RNAM PA DANG, DE DANG RJE'I 'OD ZER GYIS RGYAL BA SRAS BCAS KYI ZAB PA'I SHES RAB PHYAG MTSAN GYI RNAM PAR SPYAN DRANGS NAS LUS KYI NANG GI PHYAG MTSAN LA THIM PAS, GSUNG RAB KYI TSIG DON RE RE LA'ANG THOG RTUG MED PAR RIGS PA BRGYA PHRAG GIS 'JUG PA LA GTUGS PA MED PA'I SHES RAB ZAB PA RJE BRTZUN 'JAM PA'I DBYANGS LTA BU THOB BYUNG SNYAM DU BSAM, LNGA PA NI, MA DAG PA 'KHRUD PA'I SKABS, GSUNG RAB KYI TSIG DON LA RMONGS PA'I MI SHES PA SBYANGS PA DANG, SLAR YANG BDUD RTZI DMAR SER GYIS LUS GANG BA'I RDUL RNAMS GANG 'CHAD RGYU'I GLEGS BAM RANG SGRA SGROGS PA, DE DANG RJE'I SKU'I 'OD ZER GYIS RGYAL PA SRAS BCAS RNAMS DANG THOGS MED SKU MCHED SOGS KYI 'CHAD PA'I SHES RAB GANG 'CHAD RGYU'I GLEGS BAM GYI RNAM PAR SPYAN DRANGS NAS LUS KYI NANG GI GLEGS PAM LA THIM BAS, TSIG DON MTHA' DAG JI BZHIN KHONG DU CHUD NAS GZHAN LA PHYIN CI MA LOG BAR STON NUS PA'I SHES RAB THOB PAR BSAM, DRUG PA NI, MA DAG PA 'KHRUD PA'I SKABS, PHAS
, ,RGOL GYI LOG RTOG 'JOMS PA LA RMONGS PA SPYANGS PA DANG, SLAR YANG BDUD RTZI DMAR SER GYIS LUS GANG BA'I RDUL PHRA RAB RNAMS RAL GRI SO GNYIS MA'I 'KHOR LO RTZIBS DRUG PA'I LTE BAR RAL GRI GYEN 'GRENG GI YU PA'I LCAGS 'TSAMS SU DH'I: DMAR SER, RTZIBS DRUG LA ZLA GDAN GYI STENG DMIGS BRTZE MA'AM AA RA PA TZA NA, 'TSAMS RNAMS SU ZLA GDAN LA DH'I: DMAR SER GYIS MTSAN BA, DE DANG RJE'I SKU LAS 'OD ZER 'PHROS RGYAL BA SRAS BCAS DANG, PHYOGS GLANG CHOS GRAGS SOGS KYI RTZOD PA'I YON TAN THAMS CAD DE LTA BU'I RAL GRI'I 'KHOR LO'I RNAM PAR SPYAN DRANGS TE LUS KYI RAL GRI LA BSTIM PAS 'KHOR LO G-YAS DANG YIG 'BRU G-YON DU 'KHOR BAS PAS RGOL GYI LOG RTOG GCOD PA LA RMONGS PA'I DRA BA BCAD DE, RTZOD PA LA THOGS PA MED PA'I SHES RAB THOB PAR BSAM, BDUN PA NI, MA DAG PA 'KHRUD PA'I SKANGS, RTZOM PA LA RMONGS PA THAMS CAD SBYANGS PA DANG, SLAR YANG BDUD RTZI DMAR SER GYIS LUS GANG BA'I RDUL PHRA RANG RNAMS GANG RTZOM RGYU'I GLEGS PA MA RANG SGRA SGROGS BZHIN PA DANG, RAL GRI'I 'KHOR LO SNGA MA LTA BU DANG, DE DANG RJE'I 'OD ZER GYIS RGYAL BA SRAS BCAS RNAMS DANG DPA' BO TZANDRA GO MI SOGS KYI RTZOM PA'I SHES RAB THAMS CAD DE LTA BU'I GLEGS RAL GYI RNAM PAR SPYAN DRANGS NAS LUS KYI GLEGS RAL LA THIM PAS RMONGS PA RNAMS RAL GRI'I 'KHOR LOS BCAD, RTZOM PA LA THOGS PA MED PA'I SHES RAB THOB PAR BSAM, DMIGS SKOR BDUN KA SKYONG BA'AM, RE RE TZAM SKYONG BA GANG BDE BYA, 'JAM DBYANGS
BDE BA'I RDO RJE'I 'KHRID YIG TU 'CHAD RTZOD RTZOM GSUM LA DA DUNG ZHAL SHES KHYAD PAR CAN 'GA' ZHIG YOD CES PA, 'CHAD PA LA BDUD RTZI'I RDUL PHRA RAB RNAMS SNA TSOGS RDO RJE DANG, RANG GI LCE STENG DU'ANG SNA TSOGS RDO RJE BKOD, SLOB MA'I LUS KYANG SNA TSOGS RDO RJES GTAMS PAR MOS NA BSHAD PA'I CHOS KYI PHAN THOGS PA YONG, RTZOD PA LA, LUS KYI RAL GRI'I 'KHOR LO DANG, LCE STENG DU'ANG RAL GRI'I 'KHOR LO DE LTA BU BKOD NAS BSKOR BAS RANG GZHAN GYI LOG RTOG GCOD PA LA RMANGS PA THAMS CAD RBAD RBAD BCAD PAR BSAM, PHYI RGOL GYI LCE DUM BUR BCAD PA SOGS KYI DMIGS PA GANG BYUNG DU MI RUNG, LAG PA'I MTHE BONG GI RTZER RAL GRI BSGOM PA DANG, DE'I 'OD ZER GYIS RANG GZHAN GYI LOG RTOG BCAD, PHA ROL PO'I RTZOD PA'I SHES RAB DRANGS NAS RANG GI RTZOD PA'I GROGS SU GYUR PAR MOS, RTZOM PA'I TSE, GANG RTZOM RGYU'I GSUNG RAB KYI BRJOD BYA'I DON DANG LDAN ZHING TSIG SNYAN NGAG DANG SDEB SBYOR LEGS PA DBYANGS CAN MA'I PI WANG GI GDANGS LTAR SNYAN PA, RANG SGRA SGROGS BZHIN PA DANG, SPYI BOR BLA MA SNYING GAR 'JAM PA'I DBYANGS, ,LCE LA DBYANGS CAN BKOD PA'I LEGS BSHAD KYIS, ,ZHES GSUNGS PA LTAR, 'JAM DBYANGS DANG DBYANGS CAN GYI 'KHOR LO BKOD PA SOGS SO, ,RTZOM PA LA 'CHAD RTZOD GNYIS KA'I BYED LAS YOD PAS GLEGS RAL 'BREL MAR BYAS PA YIN, TSE SGRUB LA, RJE BLA MA'I THUGS KAR TSE DPAG MED GSAL BTAB, PHYAG GI TSE BUM DANG, THUGS KAR HR'I: 'I MTHAR TSE GZUNGS RING THUNG DANG, DMIGS BRTZE MA BKOD DE GNYIS KA SPREL NAS BZLA BA'AM SO SOR BZLAS TE TSE KHRID KYI
&
MISSING PAGE
, ,NAS MKHA' LA GSHEGS TE MDUNG GI RTZE MONG SKYIL KRUNG GIS 'KHOD PAS MDUNG RTZE RES PAR GRAGS PA KHONG GIS, MI THAMS CAD DMIGS BRTZE MA 'DON PAR BSKUL, MA BTON PA'I KHA LA GZA' NAD BTANG YONG GSUNGS; DE DUS KYI SDE BA RIN SPUNGS PAS 'DON MNYAN PAS KHA YO SONG BAR, DMIGS BRTZE MA 'DON BCUG PAS DE 'PHRAL SOR CHUD PA LTA BUS MTSON NUS, DA LTA YID CHES KYI DAD PA ZHAN SONG BAS 'DIS MCHOG PAR PHAt DANG, RBAD RBUD SOGS CI TZAM BYAS KYANG STABS LEGS RE LAS DKA' GSUNGS, DE NAS LAM KHRID SKYONG NA MAndAL PHUL LA NYAMS MGUR DANG, YON TAN GZHIR GYUR MA LTA BU'I SGO NAS DMIGS RNAM SKYONG ZHES KHRI BSOD NAMS DBANG RGYAL GSUNGS, SPRO NA TING NGE 'DZIN GYI DBANG BZHI RGYAS BSDUS CI RIGS BLANGS, DE LTAR MKHA' DBYINGS MA DANG, GONG DU BLA MA 'JAM DBYANGS PA'I BRGYUD 'DEBS BTON NA, 'DIR, MDUN GYI 'CHI MED LHA LAM MKHA' DBYINGS SU, ,ZHES PA MAN CHAD BRJOD, GSUM PA MJUG GI RIM PA NI, DPAL LDAN RTZA BA'I BLA MA RIN PO CHE, ,ZHES SOGS LAN GCIG BRJOD NA, BDAG GI SNYING GAR ZHES SBYOR ZHING, DE'I TSE 'OG NAS 'BYUNG NGA'I DMIGS PA TSANG BAR BYED, LAN GSUM BRJOD TSE, DANG PO GNYIS LA BDAG GI SPYI NGOR DANG, THA MA LA SNYING GAR ZHES SBYOR ZHING, DANG PO'I TSE 'OD KYI SPU GU RANG LA THIM, SRAS GNYIS RJE BLA MA'I SKU DPUNG G-YAS G-YON GYI THAD NAS RJE BLA MA LA THIM, SENG KHRI GNYIS RJE'I SENG KHRI LA CES, GNYIS PA'I SKABS RJE BLA MA SENG KHRI DANG BCAS PA RANG GI
SPYI BOR BYON NAS RANG DANG LTA PHYOGS MTHUN PAR BZHUGS, GSUM PA'I TSE RTZA DBU MA KHA PHYE BA'I NANG BRGYUD DE RJE'I SENG KHRI SNYING LA THIM PAS SNYING GI RTZE MO G-YON DU PHYOGS PO BLOS GYEN DU BSLANG STE NYI ZER BKYE BA LTAR TSAL BA BRGYAD DU GYES PA PADMA 'DAB BRGYAD DU GYUR, BSHAD PA SPYI 'GRO LA SNYING GA YAN CHAD KYI DBU MA GSAL 'DEBS PA DANG, YONGS 'DZIN RIN PO CHES DBU MA DKYUS LTAR GSAL BTAB NAS DER KHAB MIG NAS RI RGYAL MTHONG BA LTAR SNYING BUM SKU DANG BCAS CHUD PAR MOS GSUNGS PAR GUNG THANG 'JAM PA'I DBYANGS GSUNGS; 'DI LA DBU MA'I PHYI NAS SNGAGS KYIS DKRI BA YIN MIN MA ZHUS 'DUG GSUNGS, PAD ZLA'I GDAN SNYING GA'I KHAMS DKAR DMAR LA THIM PAS PAD ZLAR GYUR, RJE'I SKU MTHEB SOR TZAM 'OD DANG 'OD ZER GYI RANG BZHIN DBU MA'I NANG NAS MANG BYON TE SHIN TU PHRA BA'I RLUNG SEMS LA THIM PAS RANG SEMS RJE BLA MA'I SKUR BZHENGS PAR MOS, PHYAG CHEN SOGS KYI DMIGS RIM SKYONG 'DOD NA'ANG KHRID YIG LTAR BYA, DE NAS SNYING PADMA 'DAB BRGYAD KHA 'UB KYIS 'DUS, RJE BLA MA'I THUGS KA'I H'Um LAS 'OD ZER 'PHROS PAS SNYING GI RTZE MOR RDO RJE SNGON PO LTE BA NAS BKAS PA'I PHYED PA'I TOG RI RAB LAS LCI BA'I REG BYA DANG LDAN PAS MNAN PAR BSAM, SLAR YANG H'Um LAS 'OD ZER 'PHROS PA DE'I DBUS RVA'I NANG DU ZHUGS PAS BLA MA MI BSKYOD PA'I NGO BO H'Um YIG SNGON PO GYEN 'GRENG 'OD DANG 'OD ZER GYI RANG BZHIN CAN, DE LAS 'OD ZER MAR 'PHROS PA PHRENG THAG DANG SNGAGS PHRENG RDOG GI RNAM PAR AA RA BA TZA SA G-YAS SKOR DANG, DMIGS BRTZE MAS G-YON SKOR DU RDO RJE DANG PADMA BUM SKU'I BAR 'TSAMS
, ,DANG; RTZA DBU MA'I PHYI LA YANG SPYI BO'I BAR DU GRU GU LTAR MI 'GUL BAR DKRI BA NI, KHYAD PAR SNYING KHAMS DKRUGS PA'I NAD RIMS SOGS, ,KHYOD ZHABS DRAN PAS MYUR DU ZHI BAR MDZOD, ,CES PA'I MAN NGAG KHYAD PAR CAN YIN, SNYING GA'I RANG SEMS RJE BLA MAR GSAL BA'I THUGS KAR SA BON LA SNGAGS PHRENG BKOD NAS AA RA PA TZA DANG DMIGS BRTZE MA BZLA BA'AM, SNYING GA'I RJE'I THUGS KAR LHAG PA'I LHA CI LTAR RIGS PA BKOD NAS DE'I SNGAGS DANG DMIGS BRTZE MA BZLAS KYANG CHOG, YANG RANG SEMS RJE BLA MAR GSAL BA LHA CI LTAR RIGS PA'I SKUR BZHENGS NAS DE'I NYAMS LEN SKYONG BA DANG, BGEGS KYI BAR CHAD ZHI BA LA SNYING BA'I RJE BLA MA'I SKU LAS 'OD ZER GYI RE KHA PHRA MO BYAMS SNYING RJE BYANG CHUB KYI SEMS KYI RANG BZHIN CAN 'PHROS PA LUS KYI PHYI ROL NAS JE CHAR SONG STE DKAR PHYOGS PA LA 'JA' 'OD, NAG PHYOGS PA RNAMS KYIS BLTA BAR MI BZOD PA'I ME'I GUR KHANG, DE'I 'OD ZER GYIS GDON BGEGS THAMS CAD BYA SGRO MER BSREG PA LTAR GZHOB THUL GYIS TSIG PAR MOS NAS STONG NYID LA MNYAM PAR BZHAG, DE'I PHYIR RDO RJE'I RVA GUR DANG, 'BYUNG BZHI'I GUR KHANG SOGS SPYOD LAM THAMS CAD DU BSAMS NA GDON BGEGS KYIS GLAG MI RNYED CES SKYABS MGON RDO RJE 'CHANG NAS TSOGS MANG WA 'DI'I KHRID GNANG SKABS GSUNGS, 'DI 'DRA LA BLA MA'I MAN NGAG DGOS, BLA MA BSTEN ZHES PA MNYAM DU 'GROGS PA'I DON MIN, BLA MA'I GSUNG GI BDUD RTZI MYANG, SANGS RGYAS DNGOS KYI 'DU SHES GOMS
DGOS; GDUL BYA SKAL LDAN MI LA LTA BUR MAR PAS BKA' BKYON SOGS DKA' SPYAD DRAG PO MDZAD BCUG PAS TSOGS RDZOGS KYANG, DENG SANG BAM BAM BYAS NAS BLA SLOB MA MKHON TZAM AE YONG LTA DGOS PA'I TSOD LA SLEB SONG BA RED, BLA MA'I GSUNG GI BDUD RTZI CUNG ZAD RE MYANG BA SEMS LA BZUNG NAS DPYAD NA DE'I SA BON BYAS NAS SGO PHYE BA LTAR YONG BA RJE BTZUN 'JAM PA'I DBYANGS KYIS RJE LA GDAMS PA LTAR YIN PAS TSOGS BSAGS KYI RGYAB CHOG PA GAL CHE, DUS RGYUN PAR DGA' LDAN GYI ZHING GI BKOD PA DANG BYAMS MGON 'KHOR BCAS KYI SKU'I RNAM PA YID NGOR YANG YANG GSAL 'DEBS PA DANG, BLA MA SNYING GAR SPYAN DRANGS PA NA RANG GI SPYI BO NAS SPRIN DKAR PO THAG PA LTA BUS DGA' LDAN GYI BYAMS MGON GYI THUGS KA'I BAR DU SPREL BAR BSAM NA 'PHO BA 'BYONG BA'I DGOS PA CHE ZHES PAn CHEN DPAL LDAN YE SHES GSUNGS PAR YONGS 'DZIN 'BRONG RTZE PA BLO BZANG TSUL KHRIMS GSUNGS, KHONG DMIGS BRTZE MA LA THUGS DAM DU MDZAD PAS DMIGS SKOR LA 'PHROS PA 'GA' RE GNANG BAR LAN ZHUS, ZHAL NAS, DGA' LDAN LHA BRGYA'I ZHES 'DON RGYU ZHIG 'DUG MOD, DE AA MDO'I SA CHA'I MI TSO THAMS CAD KYIS 'KHYOR GYI YOD ZER BA BDEN NAM GSUNGS, SLONG MO BAS KYANG 'DON ZHUS PAR, DE LEGS PO MA BYUNG, SNYAN RGYUD RED DO, ,ZHES THUGS LA MI BDE BA LTA BU GNANG, DES NA GZHAN GYIS SHES KYANG RANG RANG GIS SNYAN RGYUD LA GCES SPRAS BYED DGOS GSUNGS, YANG NA, RJE BLA MA RANG GI SNYING GAR THIM PAS RANG SEMS DANG THUGS DBYER MED DU MOS KYANG
, ,RUNG; DE YANG RGYUN DU MI DGE BA 'GOG CI THUB, DGE RTZA SPEL CI THUB BYAS NAS SGO GSUM GYI BYA BA THAMS CAD CHOS SU 'GRO PA LA 'BAD NA DE'I THUGS DANG BSRE LUGS YIN GYI, GZUGS CAN GYI CHU DANG 'O MA LTAR BSRE LUGS MAD, CHOS DANG MI MTHUN PA'I BSAM PA NAM SHAR KYANG NGOS ZIN PAR BYAS NAS BKAG, BLO 'GRO MI NYAN YANG DE'I DBANG DU MI GTONG BAR BRTZON 'GRUS DRAG PO BYAS NA BLO SBYONG ZHES PA'ANG DE LA ZER, SEMS CHOS DANG MA MTHUN NA PHYI NAS CI LTAR 'JAM 'JAM BYAS KYANG NANG NA NYON MONGS PA'I ME 'BAR ZHING, KUN RTOG SNA TSOGS PA'I CHU 'KHRUGS PA ZHI DKA' GSUNGS, MTHAR DENG BRTZAMS MA DANG, TSE RABS KUN TU, SHAMBHA LA'I SMON LAM DANG, THEG CHEN LAM GYI GZHUNG SHING BYANG CHUB SEMS, ,YANG DAG LTA BA'I GNAD DANG RIM GNYIS LA, ,'KHRUL MED KYIS PA RNYED NAS BRTZON PA YIS, ,KHYOD GSUNG SGRUB PA SNYING POR BYED PAR SHOG ,SDE SNOD GSUM DANG RGYUD SDE RNAM PA BZHI, ,GDAMS PA'I MCHOG TU GZIGS PA'I BSHAD SGRUB KYIS, ,KUN MKHYEN RGYAL BA'I BSTAN PA RGYAS MDZAD PAS, ,KHAMS GSUM CHOS KYI RGYAL PO'I BKRA SHIS SHOG ,CES KHRI NAM MKHA' BZANG PO GSUNGS PAR RJE BSOD NAMS DBANG RGYAL PA GSUNGS TE, BRAG DKAR DKA' BCU RIN PO CHE DANG RNAM GNYIS KHRI CHEN DE NYID LAS BSNYEN RDZOGS MDZAD PAS THUGS ZHEN CHE ZHING, 'DI'I KHRID KYANG SMON LAM GYI DGUNG JA ZHIG LA GNANG SONG ZHES RJE BSOD NAMS DBANG RGYAL PA GSUNGS, KHRI CHEN DE NYID NAS KHYUNG
KHRA'I RJES GNANG RE GNANG NA NYE 'KHOR GYI THAR NU SOGS DUG RIGS NYIN KHA SHAS LA SKAM 'GRO, ,MGON CHOS KYI RJES GNANG GI DUS NANG THAMS CAD SHA CHEN GYI DRIS KHYAB YONG, GANG GNANG YANG GZHAN DANG MI 'DRA BA'I ZHIB CHA DANG BYIN RLABS CHE ZHES NYE GNAS GZHUNG PA MGO DKAR DU GRAGS PA LO RU BLA MA BLO BZANG BSTAN 'DZIN LAS THOS GSUNGS, THUN 'TSAMS SU ZAS GOS SOGS LUS GSO CHED TZAM MA YIN PAR GYON PA LHA RDZAS KYI GOS SU MOS NAS SNYING GA'I BLA MA LAN BZANG 'BUL BA DANG, BZA' BCUNG NANG MCHOD LTAR RAM, AOm A'A: H'Um GIS BDUD RTZIR BYIN GYIS BRLABS NAS JA MCHOD 'DREN PA MNYAM MED MA LTAR SNYING GA'I RJE BLA MA LA 'BUL ZHING, DE NYID SKYABS GNAS KUN 'DUS YIN PAS ZAS GTZANG SRAS SOGS DANG, RANG LHA'I NGA RGYAL GYIS NANG GI SBYIN SREG GI TSUL DU SPYOD PA, RANG LUS LHA SKU'I NGO BO NYID, ,SOGS KYI DON LTAR SPYAD NA SNGAGS KYI BZA' BA'I DAM TSIG MA BSTEN PA'I NYES PA KHEGS SHING DKOR SGRIB KYIS MI TSUGS PA'I THABS ZAB MO YIN, CHOS GRVA'I SKU RIM LA DPAL LDAN RTZA BA'I MA DANG, DMIGS BRTZE MA, TSOGS 'TSOGS PA DANG GROL BA'I DUS DMIGS BRTZE MA GSUNGS PA'ANG RNAL 'BYOR 'DI NYID NYAMS LEN DU YOD PA'I DBANG DU BYAS TE SNYING BA'I RJE BLA MA LA GSOL BA 'DEBS PA YIN PAS SHES PA GAL CHE, SNGAR DGON PA'I 'DIR DMIGS BRTZE MA DANG, GZHON NU'I DUS NAM MA 'BREL MAR RGYANG 'THEN SOGS BYED KYANG PHYIS SKYABS MGON RDO RJE 'CHANG NAS KUN MKHYEN GONG MA'I GDUNG MCHOD LA DE LTAR DANG, RGYUN PAR DMIGS BRTZE MAS CHOG PA GNANG
, ,SONG; DE LTAR SPYOD LAM THAMS CAD DU SNYING GA'I RJE BLA MA MA BRJOD PAR 'BRAL MED DU BYAS NA 'CHI BA'I DUS SU RJE YAB SRAS KYI BKA' DRIN LA BRTEN NAS DGA' LDAN MKHA' SPYOD SOGS SU SKYE BA 'DZIN PA LA THE TSOM MED CING, RMOG LCOG PA'I GSUNG SGROS LTAR TSE RABS GTAN GYI 'DUN MA 'GRUB PA LAG RTZER MCHIS ZHES BLA MA RNAMS GSUNGS SO, ,KHRID LHAN CIG THOB PAS NANG PHAN TSAN DOGS GCOD BYAS CHOG KYANG MAN NGAG YIN PAS GZHAN BYUNG TSAD LA SMRA MI CHOG, DBANG DANG DUG PO BRTZEGS NA 'PHROD, CES DBANG YANG YANG NYAN NA SNGAGS SDOM NYAMS PA GSO ZHING, DBANG BRDA SNGAR MA GO BA 'PHROD, KHRID DANG BSHAD PA YANG YANG NYAN NA SNGAR THOS ZIN PA LA ZHUS DAG DANG THE TSOM CHOD; BRJED PA'I DRAN PA GSO, MA THOS PA GSAR DU THOS, BKA' CHOS GCIG LA SHAD PA THAMS CAD THON DKA', BKA' RGYA CAN LA DE LTAR BSHAD PA'I SROL YANG MED PAS MAN NGAG RDZOGS PA DKA', KHRID LAN GCIG THOB NAS GDAMS PA LHAG MA RNAMS KHAS LEN ZHU BA'I TSUL GYIS SKABS NAM YOD DU ZHUS CHOG TSUL RGYU MTSAN DANG BCAS BRAG DKAR DKA' BCU RIN PO CHES GSUNGS, GRVA TSANG 'DIR KUN MKHYEN BLA MA SLU PHRENG GONG 'OG NAS MAN NGAG THAMS CAD LA BKA' RGYU BKROL, LAS TSOGS MANG PO TSOGS SU BTZUGS PAS 'TSUBS MED, SA GZHAN NAS DE 'DRA MI CHOG PA'ANG SHES DGOS GSUNGS SO, ,DKON MCHOG KUN 'DUS RGYAL KUN GSANG BA'I MDZOD, ,MTSAN LDAN BSHES GNYEN DAM PA'I BKA'
DRIN LAS, ,YAB RJE'I THUGS BCUD GDAMS PA'I NYING KHU 'DI, ,BKOD PAS SKYE BAR DAM CHOS KUN 'DZIN SHOG ,CES SRAD RGYUD LUGS KYI BLA MA'I RNAL 'BYOR DGA' LDAN LHA BRGYA MAR GRAGS PA'I KHRID KYI ZIN BRIS DNGOS GRUB NOR BU'I SNYE MA ZHES BYA BA 'DI YANG 'JAM DPAL DBYANGS DNGOS RJE BTZUN DKON MCHOG BSTAN PA'I SGRON ME DPAL BZANG PO DANG, 'JAM DBYANGS BLA MA RJE DKON MCHOG RGYAL MTSAN DPAL BZANG PO'I BKA' DRIN LAS LAM 'DI'I DMIGS KHRID ZHIB RGYAS YANG YANG MNOS PA DGE SLONG SHES RAB RGYA MTSOS DRAN THO TZAM DU YI GER BKOD PA'O, , AOm SVA STI, CHOS SRID 'BYOR BA'I MDZOD DANG DGE BCU LDAN, ,DGA' LDAN RAB RGYAS ZHES BYA'I RGYUD GRVA CHER, ,KUN MKHYEN 'JAM DBYANGS BZHAD PA YAB SRAS KYI, ,THUGS RJES CHOS SPYIN 'DZAD MED RGYUN 'DI SPEL, ,MANGGA LAm,, ,,