A Crystal Rosary that Feeds the Lake of the Water of Faith in Those of Intelligence, a Commentary upon the Supplication for the Lama to Remain Firmly in this World

*, ,ZHABS BRTAN GSOL 'DEBS KYI 'GREL BA SHES LDAN DAD PA'I CHU GTER 'PHEL BA'I ZLA SHES PHRENG BA ZHES BYA BA BZHUGS SO,, [DD] ^ RJE BTZUN SKAL BZANG THUB BSTAN DBANG LCAG LAN MA: ^ SDEB SBYOR MNYAM PA'I BRiTTA YI GE BCU GNYIS PA SKYE 'GRO LA SBYI GRANGS BZHI STONG GO DRUG MCHIS BA LAS, CHIG STONG BRGYA DON GCIG BA ME TOG 'PHRENG CAN NO,, [DD] *, ,BRA KPRi THO RDZNY'A BI N'A B'A RA n'A K'A SHA BA TA S'A GA RA TREE DZA YO GU HYA DEE W'A KA RA: ,, *, ,SGYIB BRAL YE SHES RAB YANGS NAM MKHA' LA, ,RGYAL BA RGYA MTSO'I GSANG GSUM NYIN MOR BYED,, [DD] ^ RJE SHES RAB RGYA MTSO LAN MA: [DD] *, ,HA SSA HA SR'Am SHU SHA TPA TRA SOO BH'A shI TAm SHR'I MA T'I GOO RU DZA N+YUm TA MO H'A DZI T'A ,, *, ,LEGS BSHAD 'DAB BRGYA BZHAD PA'I 'OD STONG CAN, ,DPAL LDAN BLA MA SKYE DGU'I MUN SEL RGYAL ,,

PAD DKAR LTAR BSNGAGS THUGS BSKYED MANDA RA YIS BYA DKA' RLABS CHEN SPYOD PA'I CHU GTER BSRUBS PA LAS 'ONGS STOBS BCU'I DKYIL 'KHOR YONGS RDZOGS SNYIGS MA'I MGON PO NYI MA'I GNYEN, ,RGYA CHEN MANG THOS BCUD LEN GRUB PA'I BLO GROS GSER BZANG GAR BU NYAMS MYONG BZO BO'I 'DU BYED LAS 'ONGS LEGS BSHAD SNYAN PAR GRAGS PA'I RGYAN LDAN 'JAM MGON TZONG KHA PA, ,DE SRAS MKHAS GRUB GSER RI'I PHRENG BA'I DBUS NA BSHAD SGRUB BYA BA'I BANG RIM MNGON PAR MTHO BA LAS 'ONGS BSTAN 'GRO'I PHAN BDE'I SNANG BYED ZUNG 'BREL BZHAD PA'I RDO RJE'I ZHABS, ,RGYAL BA RGYA MTSO'I YE SHES ZLA GZHON GCIG NYID GANG 'DUL MOS PA'I RDZING BUR DU MAR 'CHAR BA LAS 'ONGS ZLA MED STON PA RNAM GSUM THUGS RJES BYANG CHUB BAR DU SKYONGS, ,STONG NYID SNYING RJE'I RANG MDANGS DMAR SER 'OD, ,LAM LAM 'BAR BA RAL GRI'I GDENGS KA DANG, ,LHAN CIG 'GROGS BAS MA RIG SGO NGA'I SBUBS, ,DRAL BAR MDZOD CIG RNAM 'DREN MKHYEN PA'I GTER, , SRID ZHI'I MDZAS SDUG SNYING PO'I SBRANG RTZI'I CHANG, ,BAG MED BTUNG BAS ZLA ZHAL LANG TSO MA, ,MU TIG 'KHRI SHING RTZE NAS BEEd'URYA'I, ,DBYID KYI PHO NYA'I GLU YI SHIS BA STZOL, ,SHES BYA KUN GZIGS MKHYEN PA'I ZLA SHEL MKHYEN GTER LHA YI LAM LAS 'ONGS, ,RAB 'BYAMS BDUD RTZI'I DGA' STON SBRO BA DGA' BA BRGYA BA'I MDUN SA BZHIN, ,RGYA CHEN LHAG BSAM CHA SHAS YONGS GANG YONGS RDZOGS BSTAN PA'I SNANG BYED

, ,MCHOG ,MTSO BYUNG DBYANGS KYIS BSNGAGS PA'I GNAS MCHOG GNAS BRTAN CHEN PO GTZUG GIS MCHOD, ,SHES RAB LHAG PA'I LHA MCHOG DUS KYI MTHAR, ,MKHAS GRUB DUR SMRIG 'DZIN PA'I ROL GAR GYIS, ,GDUL BYA RGYA MTSO SMIN CING GROL BA YI, ,NGANG TSUL BYIS PAS BRJOD PAR GAL NUS, ,'ON KYANG DE DANG CHOS SKU RO GCIG PA'I, ,THA DAD GZUGS SKUS 'GRO BA'I DON MDZAD PA, ,GANG GI BSTOD TSIG ZHI BA'I RJES 'BRANG NAS, ,PHYOGS TZAM MTSON LA MGON KHYOD BRTZE BAS DGONGS, ,RNAM DAG BSLAB GSUM GSER SBYANGS YU BA RAB BRTAN CING, ,ZAB LAM RIM GNYIS YID BZHIN NOR BU'I TOG GIS MDZES, ,'CHAD RTZOD RTZOM PA'I GOS BZANG KHOR YUG BKRA BA'I GDUGS, ,'DZAM GLING BSTAN 'DZIN CHE DGU'I GTZUG NA MNGON PAR MTHO, ,LHAN SKYES BDE BA'I TING 'DZIN MA DROS KLUNG, ,NAM YANG G-YO BA MED PA'I GTING DANG MTHAR, ,GNAS LUGS MNGON SUM MTHONG PA'I GSER MIG CAN, ,SGYU 'PHRUL LUS KYI YANG RTZAL 'BUM DU 'KHYUGS, ,SKU GSUM GRUB PA'I NYAMS MYONG LHA'I BCUD LEN, ,DBANG KHRID MAN NGAG SNYAN BRGYUD AA MRi TAS, ,GCIG NAS GCIG TU PHYUR BUR BKANG BA YI, , SKAL BZANG 'DOD BA 'JO BA'I BUM PA BZANG, ,THABS DANG SHES RAB LO 'DAB CHER RGYAS PAS, ,GZHAN PHAN DRI BSUNG RGYU MTSO'I MTHAR 'GRO BA, ,NGES PAR 'BYUNG BA'I KHRIMS GTZANG PADMA'I SBUBS, ,RNAM GROL MA DHU RA YI

DOG BA 'DZIN, ,GNAS LNGA RIG PA SKYE BA LNGA PA'I DUNG, ,MA SMAD BRTUL ZHUGS G-YAS SU 'KHYIL BA YI, ,RI MO GSUM LDAN SA GSUM SNYAN PA'I SGRA, ,SGRA GZHAN ZIL GYIS GNON PA'I ROL MOR GRUB, ,'PHAGS BOR GZHUNG LUGS GRANGS MED NYAL 'GRO'I RGYUN, ,RGYUN DU 'BABS PAS KHYOD THUGS CHU BO'I GTER, ,BSTAN PA THAMS CAD GRU BZHI LAM ME BAR, ,'CHAR BA'I DGE MTSAN DPAL GYIS MNGON PAR MA DZES, ,'JAM MGON RGYAL BA GNYIS PA'I LUNG RTOGS KYI, ,THUB BSTAN MI NUB RGYAL MTSAN 'DZUGS PA LA, ,SA STENG 'DI NA 'GRAN ZLA MA MCHIS PA'I, ,NGO MTSAR GLENG LA BLO LDAN SU MI GUS, ,CHOS TSUL BSHAD DANG SGRUB PA'I 'KHOR LO YIS, ,CHOS KYI SRID LA 'DOD DGUR DBANG BSGYUR BA, ,CHOS KYI RGYAL PO RJE BTZUN BLA MA YI, ,CHOS MTHUN RNAM PAR THAR BA 'DI DAG GIS, ,RGYUD LA DAD PA'I SA BON 'DEBS PA DANG, ,RO 'DZIN BSOD NAMS ZOD DU BSGRUB PA DANG, ,GZHAN LA MA NOR LAM BZANG GSAL BA'I PHYIR, ,JI LTAR NUS BZHIN BSHAD LA SPRO BA SKYE, ,DE'ANG BDAG CAG GI DPAL LDAN BLA MA DAM PA, SRID PA MTHA' DAG ME 'BAR BA'I 'O BAS LTAR MTHONG BA'I DES 'BYUNG CHED DU BLO SBYANGS PA LA MA LTOS PAR RANG 'KHRUNGS SU YOD PA, GZHON NU NAS NYES PA'I SKYON GYIS MA GOS SHING, BSRUNG BA MED BA RNAM BA GSUM MTHAR PHYIN PA DANG TSUL MTSUNGS PA'I SGO GSUM BAG YOD PA'I BRTUL ZHUGS KYES YANG DAG PAR BSDAMS PA'I SKU CAN,

, ,'KHOR BA'I 'KHRI BA RBAD KYIS BCAD PA'I BRTZON 'GRUS SHUGS DRAG POS DAM PA'I CHOS LA DON GNYER GYI MNGON 'DOD KYI DAD PA SKOM PAS GDUNGS PAS CHU 'TSOL BA LTA BUS, 'JAM PA'I DBYANGS DANG MTSUNGS PA'I DGE BA'I BSHES GNYEN DU MA'I ZHABS LA GTUGS TE GDAMS NGAG GANGG'A'I CHU BO YOD DO COG NGOMS PA MED PAR HUB GCIG GIS GSOL BA'I DRANG SRONG DZA HU'I MCHED PO, BKA' BSTAN 'GYUR RO COG DANG BOD YUL GYI GRUB MTHA' RIS MED PA'I MDO SNGAGS RIG GNAS MTHA' DAG LA GZHAN DRING MI 'JOG PA'I MKHYEN RAB KYIS SGRUB BA LHUR LEN PA'I SGO NAS THOS BSAM SGOM PA PHU THAG CHOD PAS GZHUNG LUGS DANG GRUB MTHA' RGYA MTSO LTA BU'I PHA ROL TU SON KYANG KHENGS PA DANG DREGS PA'I BAG CHAGS RDUL TZAM YANG MI MNGA' BA, RING MO NYID NAS GOMS PA'I 'GRO BA MTHA' DAG LA RGYU MED PAR YANG GCIG TU MNYES GSHIN PA BDAG PAS GZHAN GCES BA'I BYANG CHUB KYI THUGS KYI SA BON GRUNG BO, GZHAN SDUG BSNGAL GYIS MNAR BA LA BZOD GLAGS MED PA'I SNYING RJE'I CHUS YANG DANG YANG DU BRAN PAS, SNYIGS DUS KYI TSE THUNG GCIG LA 'TSANG RGYA BA'I MYUR LAM BLA NA MED PAS BGROD PA'I RGYAL BA'I MYU GU; THUN MONG DANG THUN MONG MA YIN PA'I NYAMS BZHES CHU BO RGYUN GYI RNAL 'BYOR LA NYIN MTSAN KHOR YUG TU GZHOL BAS NYAMS DANG RTOGS PA'I KLONG RDOL BA'I NGANG NAS, GSUNG RAB RAB 'BYAMS LA NANG BYAN CHUD PA'I

JO RJE'I TSIG RE RES KYANG DKA' GNAD KYI MDUD BRGYA GCIG CHAR DU 'BYED PA'I GDAMS PA, SMIN BYED DBANG DANG BYIN RLABS, GROL BYED KHRID, RGYAB RTEN LUNG DANG BCAS PA CHA TSANG BA'I CHOS KYI 'KHOR LO RNAM BA THAMS CAD PA RGYUN MI 'CHAD DU BSKOR ZHING, RTZOM PA'I RGYU TSOGS MA LUS PA YAR LDAN DU 'DZOMS PA'I LEGS BSHAD, BRJOD DON 'DZAM GLING RGYAN GYI RIGS LAM MTHA' DAG 'DUS PA LTA BUR ZAB CING RGYA CHE LA, RJOD BYED TSIG SBYOR RMAD DU BYUNG BA DBYANGS CAN 'PHANG 'GRO'I RGYUD LAS 'PHOS PA LTA BU, 'JAM MGON BLA MA'I THUGS KYI BCUD PHYUNGS PA'I SNYAN BRGYUD KYI GZI 'ONG 'BAR BA SHA STAG SBEL BAS, ZHABS LEN NOR BU RIS MED PA'I MKHAS GRUB YONGS KYI GTZUG GI RGYAN DU GYUR PA, MKHAS BTZUN BZANG PO'I MDZAD BZANG YAL GAS PHYOGS KYI 'KHOR LO 'GENGS PA'I SNYAN PA'I BSUNG ZHIM, SHAR NUB KYI RGYA MTSO'I MTHA'I BAR DU KHYAB CING PHAN BDE'I SNYE MA G-YUR DU DUD PAS SKYE DGU'I RE BA YID BZHIN DU SKONG BA'I DPAG BSAM GYI LJON PA CHEN PO, THAR 'DOD LHA BRGYA'I NYER 'TSO'I GZHI RTEN BLA NA MED PA RJE BTZUN RIN PO CHE THAMS CAD MKHYEN PA'I RNAM PAR THAR BA 'DI DAG LA DBAG NA, RGYUD RDO RJE RTZE MO LAS, PHYI MA'I DUS SU GYUR PA NA, ,NGA NYID SLOB DPON GZUGS KYI SKU, ,'JIG RTEN RJES BZUNG DON DU NI, ,THA MAL PA YI TSUL DU GNAS, ,ZHES GSUNGS PA LTAR, DKYIL 'KHOR RGYA MTSO SPRO BA DANG SDUD PA'I BYED PO STON PA RDO RJE 'CHANG DAM, RGYAL BA THAMS CAD KYI YAB GCIG RJE BTZUN 'JAM

, ,PA'I DBYANGS, 'JAM MGON RGYAL BA GNYIS PO TZONG KHA PA CHEN PO DANG, KUN MKHYEN BLA MA 'JAM DBYANGS BZHAD PA'I RDO RJE YAB SRAS KYI LEGS BSHAD DRI MA MED PA 'DZIN SKYONG SPEL BA DANG, CHES CHER SNYIGS MA'I DUS KYI GDUL BYA MGON MED PA RNAMS RJES SU 'DZIN PA'I DON DU BSAM BZHIN DU RANG CAG DANG RIS MTHUN PA'I SRID PAR SKU'I SKYE BA BZHES PA'I TSUL BSTAN PAR GOR MA CHAGS SO, ,DES NA BDAG NYID CHEN PO 'DI NI, DPAG TU MED PA'I BSKAL PA'I SNGON NAS BDUD BZHI'I G-YUL LAS RGYAL TE GTZANG BDE RTAG BDAG DAM PA'I PHA ROL TU PHYIN PA'I MCHOG GI GO 'PHANG BRNYES SU ZIN KYANG, LONG BA LTA BU'I 'JIG RTEN LA MTSUNGS PA MED PA'I DAM PA'I CHOS KYI 'OD SNANG SPRO BA'I PHYIR LAM LA GSAR DU SLOB PA RIN PO CHE LTA BU'I GDUL BYA MTSAN NYID TSANG BA'I RNAM PA BZUNG BA'O, ,NGES PA'I DON DU, YE SHES JI SNYED KHYAB GYUR PA, ,SKU YIS KYANG NI DE SNYED KHYAB, ,CES GSUNGS PA LTAR, BZHED PA 'JUG PA'I YON TAN RGYAL BA THAMS CAD KYI GSANG GSUM RGYAN GYI 'KHOR LO 'BYAMS KLAS PA DANG RNAM PA THAMS CAD DU RO GCIG PAS, DAG PA GNYIS LDAN GYI DBYINGS DANG, SANGS RGYAS KYI CHOS MA 'DRES PA'I CHOS SKU TSAD MED PA NAM MKHA' LTA BU'I KLONG NAS, MKHYEN BRTZE NUS PA'I RANG GZUGS RDUL GCIG GI YUL LA'ANG RDUL SNYED KYI SKU DANG ZHING GI BKOD PA CHU ZLA DANG MIG 'PHRUL BZHIN DU DAG PA DANG MA DAG PA'I ZHING KHAMS MTHA' YAS PAR RIM DANG

CIG CHAR RGYUN MI 'CHAD DU STON PA'I TSUL, DPAL LDAN ZLA BA'I ZHABS KYIS, NAM MKHA' MED PAS 'DAB CHAGS LDOG PAR MI 'GYUR GYI, ,'DIR NI RANG MTHU ZAD PAS LDOG BAR 'GYUR DE BZHIN, ,SLOB MA DANG BCAS SANGS RGYAS SRAS RNAMS SANGS RGYAS KYI, ,YON TAN MKHA' LTAR MTHA' YAS MA BRJOD LDOG PAR 'GYUR, ,ZHES NYAN RANG SLOB MI SLOB DANG, BYANG SEMS SO SKYE LTA CI, SA BCU PA MAN CHAD KYI RGYAL BA'I SRAS PO, BCOM LDAN 'DAS LHUN PO'I DBANG PO'I 'PHOR DU GSER GYI RI BO'I PHRENG BA TSAR DU DNGAR BA LTAR BZHUGS PA DE DAG GIS KYANG JI LTA BA BZHIN BRJOD MI NUS PAR GSUNGS NA, BYIS PA'I BYIS PA BDAG LTA BUS NI, BSAM GYIS MI KHYAB PA'I GNAS DE'I CHA TZAM YANG TSIG GIS MTSON PA'I RDO MI THOGS SO, ,KLONG RDOL GRUB BA'I DBANG PHYUG NGAG DBANG BLO BZANG DANG, KUN MKHYEN 'JIGS MED DBANG PO RNAM GNYIS LHA LDAN NOR 'DZIN DGA' TSAL DU ZHAL 'DZOMS NAS NANG PHAN TSUN SO SO RANG RIG PA'I YE SHES KYI YUL LA LKOG TU MA GYUR PA'I SPYAN GYIS GSUNG 'PHROS MANG PO GNANG SKABS, KUN MKHYEN GONG MAS GDAN SA 'DI 'DEBS PA'I DON DU, SRONG BTZAN SGRUB GNAS PHA BONG KHA DANG, BKRA SHIS DGE 'PHEL DU 'JAM DPAL ZHI KHRO'I LAS SBYOR DU MA DANG DGE 'DUN 'DU BA'I 'KHOR LO SGRUB PA'I TSE, DGE 'DUN KHRI PHRAG BRGYAD 'DU BA'I DGE MTSAN GZIGS PA LAM ZHUGS KHRI TSO BRGYAD 'TSOGS PA'I LTAS YIN ZHES LUNG BSTAN ZHING, BSTAN PA BYANG NAS BYANG DU DAR BA DE BKRA SHIS

, ,'KHYIL YIN PAS,BLA MA'I GOS MI LEGS, GRVA RKYANG DKYUS MA ZHIG BYAS NAS BKRA SHIS 'KHYIL DU 'BYON 'DOD YOD CES GSUNGS PA, GUNG THANG 'JAM PA'I DBYANGS BSTAN PA'I SGRON MES DNGOS SU GSAN PAS, PHYIS SU GUNG THANG 'JAM PA'I DBYANGS KYI ZHAL NAS, KLONG RDOL BLA MA RANG RE'I DGON PA 'DIR GRVA RKYANG ZHIG GI TSUL DU 'BYON RGYU'I ZHAL BZHES YOD PAS PHEBS YOD NGES SHING, DE LTAR NA 'DZIN GRVA BSDUS CHEN NAM; RTAGS RIGS KYI TSOD YIN GSUNGS PAR RJE BLA MA 'DI DE DUS 'DZIN GRVA RTAGS RIGS YIN PA DANG, THOGS PA MED PA'I MNGON PAR SHES PA MNGA' ZHING YONGS SU GRAGS PA'I DGE LDAN BSTAN PA'I SROG SHING CHEN PO RGYAL MKHAN CHEN GRAGS PA RGYAL MTSAN GYIS KYANG RJE 'DI CHUNG DUS MJAL BA'I TSE DBU LA PHYAG GIS BYUL BYUL MDZAD DE KLONG RDOL BLA MA RIN PO CHE YIN 'DRA ZHES GSUNGS SO, ,DE MTSUNGS SKYABS MGON RDO RJE 'CHANG DANG GUNG THANG 'JAM PA'I DBYANGS SNGA PHYIS DBU MDZAD PA'I CHOS KYI SPYAN LDAN TSAD MAR GYUR PA'I SKYES BU DAM PA THAMS CAD RJE 'DI LA BSNGAGS BRJOD DANG DAG SNANG GZHAN DANG MI 'DRA BAS THUGS KYIS SHIN TU GCES PAR DGONGS PA ZHIG YOD PA RNAM PA GCIG TU NA RJE 'DI SKU NA TSOD GZHON PA'I DUS SU'ANG RGOD BAG DANG RTZED MO MDZAD MI MKHYEN PA'I TSUL, NGAS CHUNG DU NAS RTZED MO BYED MI SHES ZHES ZHAL 'PHROS KYI TSUL DU GDAMS PA LA BSAM NA NYES PA BAG CHAGS

DANG BCAS PA SPANGS PA'I RNAM PAR THAR BA STE, LEGS BSHAD SNYING PO LAS, DGRA BCOM PA LA YOD PA SBRE'U LTAR MCHONGS PA DANG, GZHAN LA RMANG MO ZER BA'I LUS NGAG GI GNAS NGAN LEN STON PAS BKAG KYANG MA LOG BA LTA BU YIN NO; ;ZHES DGRA BCOM PA LA'ANG RGOD BAG DANG RTZED MO BYED PA YOD PAR GSUNGS PA'I PHYIR RO, ,DE LTAR ZHI ZHING DUL BA'I KUN SBYOD KYIS YID DANG BA 'DREN PA DANG, GZHUNG LUGS LAM SBYANGS PA'I GONG DU'ANG BLA MA'I BKA' CHOS GANG GNANG BLO NAS SHAR SHAR THON ZHING NAM YANG BRJED PA MED PA DANG, CHOS TSUL GANG LA'ANG RNAM DBYOD KYI 'JUG PA AUTPA LA'I 'DAB MA LTAR PHRA ZHING MDZANGS LA ZHIB PA PHAL GYI BLO YUL LAS 'DAS PA LTA BUS THUGS 'PHROG PA'AM, GANG LTAR YANG 'DI NI RANG GA BA ZHIG MIN PAS SNGAR GYI GTAN TSIGS DE DAG DANG, 'JIG RTEN CHOS BRGYAD KHYAD DU BSAD DE SNANG BA MI DANG MI BSTUN PAR MCHOG GI GO 'PHANG KHO NA LA SEMS PA RJE MI LA RAS PA GNYIS PA LTA BUR GYUR PAS NGES PAR KLONG RDOL BLA MA'I SPRUL SKU'O ZHES MGRIN GCIG TU GLENG BA NI, 'JAM MGON SA SKYA PAndI TAS, RTAG TU DAM PA'I YON TAN RNAMS, ,SKYE BO DAM PAS LHAG PAR SGROGS, ,MA LA YA YI TZANDAN DRI, ,RLUNG GIS PHYOGS BCUR RGYAS PAR BYED, ,CES GSUNGS PA LTAR RO, ,KLONG RDOL RJE NI, LHO BRAG MAR PA DANG, KUN MKHYEN BLA MA RJE BTZUN MI LA YIN PA'I LO RGYUS KYANG BLA MAS GSUNGS LA, KHYAB BDAG STAG PHUBS MDZAD PA'I 'KHRUNGS RABS DANG, KUN MKHYEN BAR BAS MDZAD PA'I NYID KYI RNAM THAR SOGS SU GSAL BA LTAR LI THANG MKHAN CHEN

, ,NYAG RI BLO BZANG CHOS GRAGS ZHES 'PHAGS PA CHOS 'PHAGS KYI SPRUL PA'I SKUR GRAGS SHING MKHAS PA'I SNYAN GRAGS KYIS SA STENG KHYAB PA DANG, LHAG PAR DU BYANG CHUB LAM RIM 'CHAD PA LA 'GRAN ZLA DANG BRAL BA, KUN MKHYEN 'JAM DBYANGS BZHAD PAS LAM RIM CHEN MO'I BSHAD PA CHED GNYER GYIS GSAN YUL DE NYID KYI SKU'I SKYE BA YIN ZHING, KHAMS CHAB MDOR 'KHRUNGS, CHUNG DUS RKYEN NGAN DANG, BLA MA'I GO SAR DAD GSHIN GYI DKOR SDUD DGOS BYUNG BA'I DBANG GIS THUGS NGES 'BYUNG SKYO SHAS KYIS BSKUL TE SER BYES MKHAS MANG GRVA TSANG DU LO BCO LNGAR DBU PHAR 'DUL BA SOGS BKA' BOD KYI GZHUNG LA SBYANGS, CHU BAR DGE 'DUN BKRA SHIS, ZHI SPRUL 'PHAGS PA DGE LEGS RGYAL MTSAN, DPON SLOB BYAMS PA RIN PO CHE, RGYAL MCHOG SKAL BZANG RGYA MTSO, LCANG SKYA ROL PA'I RDO RJE SOGS BSHES GNYEN DU MA LAS MDO SNGAGS KYI GSAN RGYA SHIN TU CHE ZHING, TSE BLOS BTANG GI SGRUB PAS DUS 'DA' BAS, RJE MAR PA'I SGRUB GNAS LHO BRAG GRO BO LUNG DU BYANG CHUB KYI SEMS GNYIS GOMS PAS NYAMS RTOGS KHYAD PAR CAN THUGS LA 'KHRUNGS PAR ZHAL GYIS BZHES PA NI, RJE RANG GI RNAM THAR MGUR MA LAS, SDUG TIL 'BRU TZAM YANG MI 'DOD CING, ,BDE RI BO TZAM YANG CHOG SHES MED, ,BDAG GZHAN GNYIS KHYAD BAR MED MTHONG BA'I, ,BLO SHUGS DRAG BRTAN PO SKYES PA'I TSE, ,SA LDEM LDEM 'UR ZHING DGA' BDE

SKYES, ,LTAS NGO MTSAR CHEN PO YIN NAM SNYAM, ,PHYI SNANG TSUL BDEN PAR 'DUG LAGS KYANG, ,NANG GNAS TSUL STONG PAR SHAR BA'I BLO, ,DUS NAM YANG 'GYUR LDOG MED PA NI, ,RDOR RI MO BRIS 'DRA MTHONG BA BYUNG, ,THA SNYAD PA'I SNANG STONG GNYIS TSOGS LA, ,LAS RGYU 'BRAS SKYE 'GAG THAMS CAD 'THAD, ,DPAL BDEN GNYIS 'JOG TSUL TZONG KHA PA'I, ,GSUNG JI MA JI BZHIN NGES SHES 'DRONGS, ,RANG GZHAN GYI PHAN BDE BSGRUB PA'I THABS, ,BYAMS SNYING RJE'I BYED LAS KUN MTHONG BAS, ,BLO BYANG CHUB SEMS KYI PHAN YON RNAMS, ,RDZAS LAG MTHIL BZHAG PA BZHIN DU RIG ,CES PA'O, ,BLA MA RIN PO CHES, 'DI'I LUNG GNANG SKABS, BLA RGAN TSANG RLUNG 'PHAR BA YIN NAM ZHES KYAL GA 'DRA BA ZHIG MDZAD DE, DE'I 'PHROR, AA RDZIS, YA MTSAN PO RED GSUNGS SO, ,'DIS MTSON KLONG RDOL GRUB PA'I DBANG PHYUG 'DI'I LO RGYUS NAM GSUNGS PA'I TSE CHE BRJOD CHER MI MDZAD PAR THUGS LA HA CANG 'BAB PA'I NYAMS SHING YOD PA ZHAL SLOB RGYUS YOD RNAMS LA GSAL BAS KHO BOS BRTAG NA 'DI YANG DAN RTAGS ZHIG GAM SNYAM MO, ,RJE BTZUN BLA MA RDO RJE 'CHANG NI, DENG DUS KYI 'GA' ZHIG LTAR RANG NYID SGROGS PA'I KUN SLONG GI RGYU BA PHRA MO TZAM YANG MED PAR, BKA' GDAMS GLEGS BAM LAS, RANG GI YON TAN SBA BYA ZHING, ,GZHAN GYI YON TAN BSGRAG BAR BYA, ,ZHES GSUNGS PA LTAR, DE 'DRA'I ZUR TZAM YANG ZHAL GYIS BZHES PA LTA CI SMOS, YON TAN

, ,THAMS CAD BUM NANG GI MAR ME LTAR SBA BA KHO NA LHUR LEN PAS, THA NA GDAMS PA'I SKOR RDZOGS PAR GSAN CING THUGS SU CHUD PA'I RIGS LA'ANG, BDAG GIS MTHA' RGYA CHOD BA MA NUS PAS LEGS PO MI SHES ZHES KHENGS BSKYUNGS PA 'BA' ZHIG MDZAD DO, ,DGE BA'I BSHES GNYEN KHA RGYA'I DAR RGYAS TSANG LA KLONG RDOL BLA MA THUGS RTZIS CHE BA GZHAN DANG MI 'DRA BAS, KUN MKHYEN BAR PA LA, KHYED KYIS BYAMS SKU BZHENGS PA LEGS MOD DE, DE BAS DGE BSHES 'DI 'DRA LA CHOS KYI MTHUN RKYEN SBYAR NA BSTAN PA'I ZHABS 'DEGS SU 'GYUR ZHES GSUNGS SHING, BYAMS SKU MTHONG BDON LDAN LA SNYAN SHAL BSKUR BA'I SNYAN SHAL RANG RANG GI SNE MOR SHOG TSAR BTAGS TE, DKON MCHOG DAR RGYAS, 'DI G-YAS SU PHUL, DKON MCHOG DAR RGYAS, 'DI G-YON DU PHUL ZHES BKOD 'DUG PA THUGS KYI GTING NAS DGYES PA CHE BA'I RTAGS DANG, SKYE BRTAG ZHUS PA'I LAN DU SHAM BHA LAR SKYE BAR GSUNGS LA, DER MA ZAD KLONG RDOL RJE RANG NYID SKU'I SKYE BA PHYI MAR RIGS LDAN GYI RGYAL PO STOBS PO CHER GYUR TE SHAM BLA LAR 'BYON PA'I SRAS KYI THU BOR 'GYUR BAR LUNG BSTAN PA SOGS NGO MTSAR BA'I GSANG BA'I RNAM THAR LO RGYUS 'GA' RE BLA MA'I ZHAL LAS THOS KYANG SKABS SU MA BABS PAS RE ZHIG DE TZAM MO, ,DE LA 'DI SKAD CES BYA STE, DUS GSUM PHYOGS BCU'I RGYAL BA THAMS CAD KYI, ,GSANG GSUM 'OD KYI 'BYOR PA MA

LUS PA, ,SKABS GSUM DKYIL 'KHOR GCIG TU RDZOGS PA YI, ,SA GSUM 'GRO BA'I SGRON ME DENG 'DIR SHAR, ,DE LTA'I LEGS BYAS RGYA CHEN NAM MKHA'I MTHA', ,BLO CHUNG 'DOM GYIS 'JAL BAR SEMS PA DANG, ,BYIS PA RDO YI STEGS BU LA 'DZEGS NAS, ,NYIN MOR BYED BA 'DZIN PAR RTZOM BA MTSUNGS, ,'ON KYANG BSAM MI KHYAB LA DAD BYAS PA'I, ,RNAM PAR SMIN PA'ANG BSAM GYIS MI KHYAB CES, ,BDEN PA GSUNGS PA'I DRANG SRONG CHEN PO DES, ,BDEN PA'I MTSAN GYIS 'KHOR LA BKA' STZAL BZHIN, ,TSAD MA'I LUNG DANG GDAMS PA LA BRTEN NAS, ,YID RGYA BSKYED CING MIG RGYAB SRINGS PA YIS, ,MTSAN NYID RJES DPYOD BAG CHAGS 'JOG PA DANG, ,SMON LAM RNAM PAS SGOM PA SHIN TU GCES, ,GNAS LUGS DON LA THE TSOM ZOS PAS KYANG, ,RMONGS PA'I SRID PA HRUL BOR BYED 'GYUR NA, ,GNAS LUGS MTHAR THUG MNGON DU MDZAD PA'I TSUL, ,TSIG SPYI'I MOS BDE LAS CIS MI LHAG ,RDUL GCIG YUL LA MKHA' GTUGS ZHING DANG SKU'I, ,BKOD PA STON MDZAD RIGS LDAN NGAG GI DBANG, ,SHAM BHA LA DANG ZHING 'DIR SBRUL PA GNYIS, ,BZUNG ZHES MKHAS PA SU ZHIG MTSAR DU RTZI, ,DMAN PA'I ZA MA TOG TU BCUG PA YI, ,RIN CHEN RIN THANG MED PA'I YID BZHIN NOR, ,BLO LDAN NYAMS RGYUS CAN GYIS SHES BA LAS, ,PHAL BA'I CHU BUR MIG GIS JI LTAR MTHONG, ,SNYIGS MA'I MA DAD LOG LTA'I RLUNG 'TSUB NANG, ,MUN SEL MAR ME SBAR BA MI 'TSAM PAS, ,SHEL GYI BUM PAR

, ,SBAS KYANG LUS CAN GYI, ,SMAG RUM 'JOMS PA'I CHOG LHAN SKYES NYID, ,CES SMRAS SO, ` ,GSER G-YU'I GDUB KOR SIL SIL 'KHROL BA YI, ,MNYEN LCUGS PADMA'I PHYAG GI 'DU BYED KYIS, ,SNYAN PA'I PI LRANG BRDUNG LA TSANGS SRAS MA, ,MKHYEN GTER MES PO'I LEGS BYAS GLU RU LONGS, ,THOG MAR RJE 'DI GZIGS PA RNAM PA LNGA'I SGO NAS SKYES PA'I ZLOS GAR MNGON PAR BSGYUR BA'I YUL NI, RGYAL BU DKON MCHOG 'BANGS KYI SKYES RABS LAS, SA RTZE BRGYAD LUNG BA PHYOGS SU GYES, ,KYEE 'KHOR LO RTZIBS BRGYAD PHIBS PA 'DRA, ,MI KHYOD KYIS MI MTHUN GCOD PA'I RTAGS, ,ZHES DANG, SA PADMA 'DAB BRGYAD YUL GYI DBUS, ,GNAM 'KHOR LO RTZIBS BRGYAD PHIBS PA'I 'OG, PHYOGS BKRA SHIS RTAGS BRGYAD YOD PA'I SA, ,GNAS PHUN SUM TSOGS PA DAM PA'I YUL, ,MI KHYOD KYI ZHING KHAMS DAM PA YIN, ,GNAS DE RU LAS CAN DPAG MED 'DU, ,CHOS BDE STONG ROL PA'I GLU LEN ZHING, , NYAMS BKRA SHIS BDE BAR SKYONG NGO ZHES, ,NGA GSANG BA YE SHES MGUR DU SGROGS, ,ZHES LUNG BSTAN PA'I RTZE GZHUNG SA YI THIG LE, YONGS GRAGS LA RTZE DRUG SNYING BDUN ZER YANG, KHYUD RTZE DANG RBA RTZE GNYIS BSNAN PAS RTZE BRGYAD CES GSUNGS PA YIN, RTZE GZHUNG 'DI SA PADMA 'DAB BRGYAD DANG GNAM 'KHOR LO RTZIBS BRGYAD KYIS RNAM PAR BKRA BA DANG, RTZE CHU G-YAS SKOR DU NOR BU DGA' BA 'KHYIL BA'I DBYIBS SU RMA KLUNG DU DAL GYIS 'BAB PA SOGS

KYIS SA DPYAD BZANG ZHING RTEN 'BREL GYI KHYAD PAR MANG PO 'DZOM PA'I GNAS PHUN SUM TSOGS PA'O, ,DE LA DGRONGS NAS KUN MKHYEN CHEN PO 'JAM DBYANGS BZHAD PA'I RDO RJES, DGE LDAN RNAM PAR RGYAL PA'I GLING RJE BDAG NYID CHEN POS PHYAG 'DEBS MDZAD PA'I LO SA MO GLANG YIN BAS NA LO DER GDAN SA 'DI 'DEBS PA'I SKAR 'DZIN DANG, DE'I DGUN DANG LCAGS STAG LO'I DPYID LA RTZE MDOR BZHUGS SGAR BTAB CING, GNAS DER BKRA SHIS CHOS RDZONG ZHES MING BTAGS, YI DAM GYI BSNYEN SGRUB RGYUN RING MDZAD, DE DUS THUGS DAM RTEN GYI BYAMS SKU BYAMS MGON DNGOS SU GYUR NAS MA 'ONGS LUNG BSTAN DU MA GNANG BA DA LTA BLA BRANG THUB BSTAN PHO BRANG GI GZIMS KHANG BSAM 'GRUB RNAM RGYAL GYI YANG RTZER BZHUGS, GNAS DER BKA' RTZOM GNANG BA RNAMS KYI MDZAD BYANG DU; RTZE GZHUNG YID DGA' CHOS 'DZIN MI PHAM BYAMS PA'I MDUN SA ZHES GSUNGS, ZLA BA GSUM PA'I TSES GSUM LA BZHUGS SGAR BTEGS NAS RTZE BRGYAD KYI NANG TSAN SHA PHO RU RTZE'I MDOR PHEBS, DER NAG PA ZLA BA'I BCO LNGAR STON PA BCOM LDAN 'DAS KYIS DUS 'KHOR RTZA RGYUD DANG SHER MDO GSUNGS PA'I DUS CHEN LA, RGYAL BA'I LUNG GIS ZIN PA'I CHOS SDE CHEN PO 'DI GSAR 'DEBS KYI CHOS GRVA'I DBU BTZUGS SHING, NYIN BCO LNGA'I CHOS THOG LA, GSANG BDE'I tIKA CHEN, BSKYED RDZOGS 'DUL MDZOD, DBU PHAR, RNAM 'GREL, BSDUS GRVA BCAS KYI BRTZI BZHAG

, ,MA CHAG PAR GNANG STE MDO SNGAGS YONGS RDZOGS KYI BSTAN PA DAR BA'I LEGS BYAS RTEN 'BYUNG GI THOG MA'I SGO 'PHAR PHYE, KUN MKHYEN BLA MA'I ZHAL NAS, PHYOGS GANG DU PHYIN KYANG, DPYAD BZANG BA, RTZA CHU 'DZOMS BA, SKYID CING BAG PHEBS PA, SA RUS BZANG BA KUN 'DZOMS SHIG LA RTZE GZHUNG LAS LHAG PA RNYED DKA' ZHES YANG YANG GSUNGS PA THA MAL PA'I YUL GYI ZHEN CHAGS DANG GA LA MTSUNGS ZHES GDAN RABS LHA'I RNGA BO CHE LAS BSNGAGS PA DE YIN NO, ,DE YANG BSGAL BA DANG PO'I RGYAL PO MANG POS BKUR BA'I GDUNG BRGYUD CHING GIR GNAM GYI RGYAL PO ZHES RGYA GAR TZAM MA GTOGS PA'I 'DZAM GLING PHAL CHER LA DBANG BSGYUR BA DE'I NU BO HAB THU H'A SAR GYI SRAS BRGYUD AO'I ROD TSO BA BZHI'I SPYI DPON, SOG SKAD KYI MTSAN THU RUS BA RI HU, YONGS GRAGS T'A'I KU SHR'I BSTAN 'DZIN CHOS KYI RGYAL PO ZHES, SE 'BRAS DGE GSUM NYAMS DMA', SDE SRID GTZANG BA DBANG BTZAN PA'I DUS DER DPUNG CHEN POS DBUS GTZANG GIS CHA THAMS CAD LA DBANG BSGYUR, RGYA GAR GYI RGYAL PO RA KHA SHANG, BAL PO YAM BU'I RGYAL BO, MNGA' RI SKOR GSUM GYI RGYAL PO SOGS KYIS SKYES 'BUL BA BYUNG, GTZANG GI SA THAMS CAD PAn CHEN DANG, BOD KHRI SKOR BCU GSUM RGYAL DBANG LNGA BA'I PHYAG TU PHUL BA SOGS BSTAN SRID SBYI DANG, RI BO DGE LDAN PA'I BSTAN PA'I ZHABS 'DEGS RMAD DU BYUNG BA BSGRUBS, 'JAM DPAL RTZA RGYUD LAS, YI

GE HA MING SLAR LOG NAS, ,KLA KLO'I RGYAL POS RAB TU MCHOD, ,YI GE HA BYA DGE DANG LDAN, ,ZHES DANG, MA 'ONGS LUNG BSTAN DU, BADZRA P'A nI'I SPRUL PA'I RGYAL PO ZHIG ,BOD KHAMS DAR CIG BDE LA SBYOR BA 'BYUNG, ,ZHES LUNG BSTAN PA DE LA SRAS BCU YOD PA'I CHE BA TSE RING YEL DU CHI DANG, DE'I SRAS BRGYUD KYI DPON PO RNAMS MTSO G-YAS RU DANG, SRAS GZHAN RNAMS KYI BRGYUD PA MTSO G-YON RUR CHAGS, TSE RING YEL DU CHI'I SRAS CHE BA MKHA' 'GRO BLO BZANG BSTAN SKYONG DANG, CHUNG BA DAR RGYAL PO SHOG THUGS KHAMS KYIS CHA THAMS CAD MNGA' 'OG TU BCUG, DAR RGYAL PO SHOG THUS GZHI BTEGS NAS RU SDE DANG BCAS 'BAL GZHUNG DANG, RTZE GZHUNG SOGS SU GZHI PHAB, CO NE YAN CHAD KYI RONG BA, REB GONG, RNGA BA RA MDO, ZONG CU TSUN CHAD 'BANGS SU BSDUS, DBUS SU DPUNG CHEN BTEGS TE 'BRUG PA'I DMAG PHAM PAS, KUN GZIGS LNGA PA CHEN PO NAS, DGA' LDAN AERDHI NI BO SHOG THU JU NANG ZHES PA'I CHO LO GNANG, RGYAL BO 'DI LA SRAS LNGA YOD PA'I BTZUN MO 'BRING GI SRAS, TA'I CHING HO SHO'I CHI'AM, TSE DBANG BSTAN 'DZIN KUN MKHYEN 'JAM DBYANGS BZHAD PA GDAN DRANGS TE DGON PA 'DEBS MKHAN RDO RJE 'JIGS BYED KYI RNAL 'BYOR PA, SHA'I MIG GIS RI RGYAL MTHONG BA, BLA MA BYA'I GDONG BA CAN DANG, RGYAL PO BYA'I RNA BA CAN ZHES LUNG BSTAN NA YOD PA, KUN MKHYEN BLA MA'I SPRUL BAR YANG GSUNGS SHING, KHRI CHEN NGAG DBANG BKRA SHIS PAS, SKU ZHABS RIN PO CHE DANG

, ,DPON 'DI RNAM PA GNYIS LA DAD PA KHYAD MED CES TSOGS GTAM YANG GNANG, 'DI LA 'JAM DBYANGS GONG MA BDAG PO CHEN PO NAS, HO SHO'I CHING LBANG GI THOB BYUNG BAS RGYAL PO CHING LBANG NGAM, RGYAL PO JU NANG ZHES BSOD NAMS KYI STOBS KYIS THAMS CAD DPA' ZHUM PAR BYED PA DE'I RU BRTZE GZHUNG STOD SMAD DU YOD PA RNAMS MDA' TSAN BCU GCIG TU BGOS PA'I NANG TSAN KHU BDE NI RJE 'DI 'KHRUNGS YUL GYI SDE BA YIN LA; RIGS RUS ZHIB PAR MA NGES KYANG, 'JAM DBYANGS MKHYEN BRTZE'I RNAM THAR LAS, CHE GNYAN BTZUN GSUM 'DZOMS PA RGYAL PO'I BRGYUD, ,MTHU STOBS NUS PA LDAN PA SNGAGS 'CHANG BRGYUD, ,DPA' RTZAL GDENGS DAR LDAN PA GE SAR BRGYUD, ,CES BSHAD PA DANG CHA MTSUNGS PA'I RIGS PHUN SUM TSOGS PA ZHIG DANG, MDO LAS, YA RABS RIGS LDAN GUS SHING BAG YONG SPYOD, ,NGANG TSUL BZANG LA GTZANG ZHING DES PAR 'GYUR, ,ZHES DANG; 'DUL BA LUNG LAS, HA CANG PHYUG PO'I KHYIM DANG NI, ,DBUL BO'I KHYIM DU MI SKYE BAR, ,BAR MA'I KHYIM DU SKYE 'GYUR ZHING, ,RTAG TU RAB BYUNG MANG BAR SHOG ,CES GSUNGS PA LTAR GYI MTSAN NYID TSANG BA'I MI TSANG MTHA' GNYIS SUM LHUNG BA ZHIG TU 'KHRUNGS TE, RJE 'DI AAL DAR HO SHO'I CHI'I TSA BO YIN ZHES NYID KYI NYE GNAS RAB 'BYAMS PA LAS THOS PAS, DE NI NYAN GUNG YE'I RGYA DMAG DUM BU DUM BUR GTOR BA'I GSEB NAS BSTAN 'DZIN LBANG

DPUNG DANG BCAS PA'I SROG THAR BAR BYED MKHAN DPA' RTZAL GZHAN DANG MI 'DRA BA, KI SGRA TZAM GYIS DGRA 'CHING BAR 'GYUR BAS KUN MKHYEN BAR BAS KLU THANG NAS KI 'DEBS SU BCUG STE, SENGGE'I SKAD 'DRES SAM ZHES GSUNGS PAR GRAGS, LBANG GI SU RUG CHIN DANG 'BROG SDE MANG PO'I 'GO DPON BYAS TE, 'BAL GZHUNG NYIN SRIB, MTHA' SMUG BYA DUR SOGS KYI SA BZUNG BAS DE'I RING LA HOR SBRA NAG REB GONG PHYOGS KYI 'BROG PA RNAMS DE PHAN CHAD RGYANG RING DU SDOD PA MA GTOGS NYE 'KHOR DU BTUD MI THUB LA PHYIS SU SA SHOR BAS, 'BAL GYI STAG RGAN SHI NAS, SKAM PA'I HA MO PHYE SONG ZHES DENG SANG YANG DE PHYOGS KYI GRONG BAS KHA RGYUG GTAM DPER BYED PA DE'O, ,RJE NYID KYI YANG MES P'A YAN TSE RING KA BA ZER BA'I PHYUG PO TSONG LA MKHAS PA ZHIG YOD, DE'I BU AA DE BSOD NAMS 'BUM ZER, DE'I BU JE SANG YUM SKYABS ZHES LHA CHOS MI CHOS GNYIS KA PHER BA'I LBANG GI SRAS DOD DPON PO ZHIG YIN, JE SANG GI SPUN JE SANG BLA MA TSANG ZHES BKRA SHIS 'KHYIL GYI RAB 'BYAMS PA GRVA RGAN SKU YON CAN MTSAN NGAG DBANG 'DUL 'DZIN ZER ZHING RJE 'DI'I KLOG SLOB PA'I SLOB DPON YIN, JE SANG GI BU AA KHU RNGA RDUNG RJE 'DI'I KHU ZHANG YIN ZHING, MO RTZIS MNAN SREG 'PHANG GSUM MDOS CHOG SOGS LA BYANG BA'I SGO NAS GZHAN PHAN SHIN TU CHEL, DES NGA LA STONG 'KHOR RTA MGRIN GYI LUNG YANG GNANG BA YIN

, ,GSUNGS, AA KHU RNGA RDUNG DANG, DE'I SPUN ZLA RGYAB YOL RI KHROD PA ZHIG YOD PA GNYIS KA GUNG THANG RIN PO CHE NAS BSNYEN RDZOGS BYAS PAS SNGA MA'I MING LA DGE 'DUN RGYAL MTSAN DANG, PHYI MA'I MA'I LA DKON MCHOG MTHAR PHYIN ZER, YUM NI AA KHU RNGA RDUNG GI SRING MO TZIN THAR ZHES BYA BA BUD MED KYI RTEN LA G-YO RGYU CHUNG ZHING DANG GUS DANG GZHAN LA BYAMS SEMS CHE BA ZHIG GO, ,MAG PA ZHIG BZHAG PA MA 'CHAM PAR DED PAS THANG RNYED KYI RIGS SU 'JOG KYANG, NO'I KHO ZER BA STOBS RTZAL GYI DREGS PAS GZHAN ZIL GYIS GNON PA DE RJE 'DI'I YA BA YIN LA, DE LA SPUN DGE 'DUN NAG RIS ZHES BLA BRANG GI GRVA BA BRTZI BZHAG CHO GA CHOS SPYOD, 'DON MKHAN ZHIG DANG, SNGON RAB 'BYAMS PA SBYIN PA RGYA MTSO ZER BA'I TSUL LDAN THOS PA'I NOR GYIS PHYUG PA'I AA KHU BZANG RAB CIG KYANG YOD DO, ,YAB YUM DE GNYIS KYI SRAS SU RAB BYUNG BCU GSUM PA'I BGRANG BYA NGA BDUN PA STOD 'GREL LTAR NA KHRAG SKYUG CES PA, LEGS SBYAR GYI SKAD DU RU DHI RANGGI RA, MAH'A RTZI NA'I SKAD DU GU'I HA'I ZHES DBANG THANG BSTUN PA CHU MO PHAG GI LO RU BA RNAMS, GYI LING KHA PHUR DU GRAGS PA'I GZHI BDAG GI LHA ZHOL BRAG DMAR MDO ZHES PA, PHYIS SU SKYABS MGON RDO RJE 'CHANG 'JIGS MED RGYA MTSO'I ZHABS KYIS RDO RJE PHRENG BA'I DBANG BSKUR GNANG SA DAR YOD PA'I DUS SU GZA' SKAR TSES SBYOR PHUN SUM TSOGS PA'I NYIN, MCHOG GSUM BDEN PA'I LEGS BYAS

ME TOG SIL MA CHAR DU 'BEBS SHING, DGE MTSAN DBANG GZHU'I RI MOS PHYOGS KYI 'KHOR LO RGYAS PAR 'GENGS BZHIN, RNAM 'DREN STOBS BCU'I YE SHES DPYID KYI LANG TSO MCHOG TU DAR BA DGA' BDE ZAD MI SHES PA'I DROD DU 'KHYIL BA'I YUM GYI MNGAL LAS, KHYE'U KHA DOG DKAR ZHING, DBYIBS LEGS PA, DPRAL BA'I DBYE CHE ZHING, DBU GDUGS LTAR RGYAS PA, LTA NA SDUG PA ZHIG, 'GRO BA MTHA' DAG GI MIG GI BDUD RTZIR SKU BLTAMS SO, ,LUNG BSTAN MU TIG LAN TSAR G-YO BA YI; ;DGE BCU'I PADMO BA NAD PA'I BZHIN YANGS MA, ,G-YU YI LANG TSO DAR BA'I 'JO SGEGS KYIS, ,THUB PA RNAMS KYANG CHAGS PA'I GNAS LA 'GOD, ,SGYU MA'I ROL PA SPRUL PA'I BYED PO YIS, ,MIG LA YA MTSAN SPEL BA'I LTAD MOL, , LAS KYI BRTAN G-YOR SNANG ZHING ZHEN PA RNAMS, ,PHYI PHYIR RMONGS PAR BYAS PA RIGS SAM CI, ,RTZE GZHUNG SA YI THIG LE NYAMS DGA' BAR, ,YID 'PHROG 'OD KYI THIG LE GZHON NU ZHIG ,SKAL BZANG SNYING GI THIG LER DENG SHAR BAR, , PHAN BDE'I SBRANG RTZI'I THIG LE CIS MI RGYAS, ,SGRA GCAN BDUD KYIS NAM YANG MI BRDZI ZHING, ,NYES SPYOD RI DVAGS MTSAN MAS YONGS BTANG BA'I, ,MTSAN DPE'I CHU SHEL DRI MA MED PA YI, ,SNGON MED GZUGS SKU'I ZLA BA GSAR DU TSES, ,SGYU 'PHRUL YUM GYI BDE BA'I MNGAL, ,MTSAMS SPRIN LI KHRI'I MDANGS 'DZIN PA'I, ,DGE MTSAN NYIN MOR BYED PA YIS, ,SKYE DGU RMONGS PA'I GNYID LAS BSLANG, ,ZHES BYA BA NI BAR SKABS KYI TSIGS SU BCAD PA'O, ` ,DKYUS RING YON

, ,PO'I GZHU DANG SBYAR BA YI, ,ZUR MIG AUTPAL MTHING GA'I NYAG PHRAN GYIS, ,MNGON 'DOD BUNG BA'I NA CHUNG GZIR BA MO, ,DVANGS PA'I YID MTSOR RTZE DGA'I GAR GYIS ROL, ,DA NI MKHAS GRUB YONGS, KYI 'KHOR LOS BSGYUR BA CHEN PO DANG PO'I SANGS RGYAS KHYAB BDAG 'JAM DBYANGS THUB BSTAN NYI MA DPAL BZANG PO'I ZHAL SNGA NAS KYIS MDZAD PA'I GSOL 'DEBS KYI DON 'GREL BA'I SGO NAS SKU CHE BA'I RNAM PAR THAR BA MDO CEM BRJOD PA LA; GSOL 'DEBS KYI SHLOO KA DANG PO, LEGS BSHAD TSOL LA NGOMS PA MI MNGA' ZHING, ,THOS DON RNAM PAR 'BYED PA'I SHES RAB KYIS, ,MAN NGAG RGYA MTSO'I GTER GYUR DGE BA'I BSHES, ,DPAL LDAN BLA MA'I ZHABS LA GSOL BA 'DEBS, ,ZHES GSUNGS PA 'DI MDOR BSTAN GYI GZHUNG YIN ZHING, SHLOO KA 'DI THOG MAR BKA' 'GYUR GYI LUNG GNANG BA'I TSE BLA BRGYUD GSOL 'DEBS KYI GRAS SU 'JUG RGYUR SDE KHRI RIN PO CHES LJAGS RTZOM MDZAD LA, PHYIS SU GSOL 'DEBS YONGS RDZOGS KYANG 'DI DANG 'BREL BAR BYUNG NGO, ,DON NI, RJE BDAG NYID CHEN POS, BLANG DOR GNAS LA KUN NAS 'THOMS PA'I MUN, ,YANG DAG THOS PA'I SGRON MES MA BSAL BAR, ,LAM MI SHES MTHAR BA'I GRONG MCHOG TU, ,'JUG PAR 'GYUR BA SMOS KYANG CI ZHIG DGOS, ,ZHES DANG, RJE MI LAS, THOS PA MED PA'I SGOM PA NI, ,LAG RDUM BRAG LA 'DZEG PA 'DRA, ,ZHES MA THOS PA'I NYES DMIGS DANG, TSOMS LAS,

THOS PAS CHOS RNAMS SHES PAR 'GYUR,, THOS PAS SDIG LAS LDOG PAR 'GYUR, ,THOS PAS DON MA YIN PA SBONG,, THOS PAS MYA NGAN 'DAS PA 'THOB,, CES DANG, MGON PO KLU SGRUB KYIS, SKRA DKAR GNYER MA LHAGS PA'I DUS,, THOS PA MANG DU BSAGS BYA STE,, GANG DU THOS MANG 'GRO 'GYUR BA, ,DER NI PHUNG PO 'GRO MI 'GYUR,, ZHES THOS PA'I PHAN YON GSUNGS PAS THUGS DRANGS TE, SKU GZHON NU'I DUS SU BKA' POD CHEN PO LNGA SOGS MDO SNGAGS RIG GNAS CHA TSANG BA LA SBYANGS PA TZAM DU MA ZAD, PHYOGS 'DIR BZHUGS PA'I GDAMS PA MTHA' DAG DANG, GZHAN NA YOD PA'I MAN NGAG, PHYAG LEN, CHOS RGYUN, THAN DPE RIS DANG, DPE RGYUN DKON PA'I RIGS GCIG KYANG MA LUS PAR 'BAD PA CHEN POS BTZAL ZHING THUGS SU CHUD, CHOS RGYUN RNAM DAG CIG YIN PHYIN, NYID LA MI MNGA' BA MED PA'I TSOD KYIS GDAMS PA'I GTER DU GYUR PA'I GNAS SKABS NA'ANG, SKYES BU DAM PA MKHAS PA RNAMS KYI GSAR RTZOM DANG, NGA RGYUD NGA KHYAD PAR DU 'PHAGS PA'I RIGS CHED GNYER GYIS GSAN PA LTA BU, LEGS BSHAD 'TSOL BA LA NAM YANG NGOMS PA MED PA BYANG CHUB SEMS DPA' RTAG TU DU DANG GZHON NU NOR BZANG GI RNAM PAR THAR BA DANG MTSUNGS PA NI, MDO SDE RGYAN LAS, THOS PAS CHOG PAR 'DZIN SPONG BA, ,DE NI CHOS SHES PA ZHES BRJOD, ,CES DANG, THOG MAR DGE BA, RJE THAMS CAD MKHYEN PAS, DANG POR RGYA CHEN THOS PA MANG DU BTZAL, ,ZHES RANG GI RTOGS PA BRJOD PA JI LTA BA BZHIN GYI SKU CHE BA'I YON TAN NO, ,

, ,SKYABS MGON THAMS CAD MKHYEN PA DANG, DPAL MANG RDO RJE 'CHANG SOGS RJE RANG GI DGE BA'I BSHES GNYEN RNAMS KYIS KYANG BSTAN PA'I BDAG POR 'GYUR PAR YE SHES KYI SPYAN GYIS GZIGS TE, BKA' GDAMS THIG LE BCU DRUG GI KHRID, PHYAG RDOR STOD 'GREL, RDO RJE SNYING 'GREL, KHRI RGAN BSDUS GRVA, SMAN GYI CHA LAG BCVO BRGYAD KYI LUNG SOGS CHOS RGYUN DGON PA MANG PO CHED GNYER GYIS GSAN BCUG PA NI, PAn CHEN BLO BZANG CHOS KYI RGYAL MTSAN LA MTSAN LAM DU RJE TZONG KHA PA BYON NAS, RANG DANG GZHAN LA PHAN PA'I PHYIR, ,THOS PAS NGOMS PAR MI BYA STE, ,SA GSUM BRNYES PA'I 'PHAGS PA YANG, ,THOS PAS NGOMS PA MED LA LTOS, ,ZHES THOS PA BYED PAR BSKUL BA DANG CHA 'DRA'O, ,SA GSUM PA'I BYANG 'PHAGS THOS PAS NGOMS PA MED PA'I TSUL, NYI KHRI LAS, SA SO SO'I YONGS SBYONG RGYAS PAR GSUNGS PA BZHIN SA GSUM PA'I YONGS SBYONG DU, MNGON RTOGS RGYAN NAS, THOS BAS MI NGOMS NYID DANG NI, ,ZHES GSUNGS PA LTAR RO, ,DGE BA'I BSHES GNYEN LA BRTEN NAS GZHAN STOBS, RANG NYID KYIS LUNG DANG RIGS PAS DPYAD PA'I RANG STOBS KYIS, GANG THOS PA'I GZHUNG DANG GDAMS PA THAMS CAD KYI LUNGS DANG DNGOS SHUGS KYI TSIG DON ZUR PHYIN PA RNAM PAR 'BYED PA'I SHES RAB KYIS, RJE THAMS CAD MKHYEN PAS, MANG DU THOS KYANG CHOS KYIS 'PHONG BA NI, ,GSUNG RAB GDAMS PAR SHAR BA MED PAS NONGS, ,ZHES GSUNGS PA LTAR, RTA

RGYUGS PA'I DKYU SA GZHAN DU BSTAN NAS RGYUGS SA GZHAN DU BYED PA BZHIN KHA PHYIR BLTAS DANG PHYI'I GO RGYA GCOD PA CEM DU MA SONG BAR, RGYUD RGYAL GSANG BA 'DUS PA NAS KA R'I KA LNGA BCU PA'I BAR GYI BKA' DANG DGONGS 'BREL RNAMS KYI NANG NA NYAMS LEN MI STON PA'I TSIG GCIG KYANG MED PA, RGYUD BLA MA LAS, GANG ZHIG DON LDAN CHOS DANG NYER 'BREL ZHING, ,ZHI BA'I PHAN YON STON PAR MDZAD PA GANG, ZHES GSUNGS PA LTAR, RAGS RIM BYAS NA, 'DUL BAS SO THAR GYI TSUL KHRIMS, MDZOD KYIS BDEN BZHI'I 'JUG LDOG, DBU PHAR GYIS ZAB RGYAS KYI LAM GYI LUS, RNAM 'GREL GYIS BDEN BZHI DANG THAR BA DANG THAMS CAD MKHYEN PA RIGS PAS BSGRUBS NAS STON PA BCOM LDAN 'DAS RNAM GROL DON DU GNYER BA LA TSANG MA'I SKYES BUR NGES SHES BSKYED PA LTA BUS MTSON SPOBS PA BZHI LDAN SHA STAG YIN PAS, YI GE NA GCIG KYANG 'DOR RGYU MED PAR RANG NYID 'TSANG RGYA BA'I CHA RKYEN DANG NYAMS LEN DU 'KHYER PA, 'BROM RGYAL BA'I 'BYUNG GNAS KYIS, BSTAN PA THAMS CAD GRU BZHI LAM GYIS 'KHYER SHES PA NGA'I BLA MA, ZHES GSUNGS PA LTAR GYUR PA NI, BAR DU GZHUNG LUGS THAMS CAD GDAMS PAR SHAR BA'I RNAM PAR THAR BA'O, ,DES NA, SRED MED KYI BUS ZHUS PA'I MDO LAS, RIGS KYI BU THOS PA DANG LDAN NA SHES RAB SKYES PAR 'GYUR RO, ,SHES RAB DANG LDAN NA NYON MONGS PA MED PAR 'GYUR RO, ,NYON MONGS PA MED PA LA BDUD KYIS GLAGS BLTA BAR MI NUS SO, ,ZHES DANG,

, ,MDO SDE RGYAN LAS, 'DI NA DANG POR THOS LA BRTEN NAS TSUL BZHIN YID LA BYED BA 'BYUNG, ,TSUL BZHIN YID LA BYED PA LAS KYANG YANG DAG DON YUL YE SHES 'BYUNG, ,ZHES DANG, SKYES RABS LAS, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES DANG, BE BUM SNGON PO LAS, DE LTAR THAG BCAD LAM DER 'JUG BYA, ,ZHES GSUNGS BA LTAR, GANG NYAMS SU BLANG BYA DE LA THOS BSAM GYIS SGRO 'DOGS BCAD, GANG THOS BSAM GYIS SGRO 'DOGS BCAD PA DE NYAMS SU BLANGS PAS, THOS PA MANG BA'I TSOD KYIS THOS BYUNG GI SHES RAB STOBS CHE, DE JI LTAR MANG BA BZHIN BSAM PA DANG BANG, MA BYUNG MANG, DE'I TSOD KYIS SGOM PA'I NYAMS LEN MANG, DE'I TSOD KYIS SKYON ZAD PA DANG, YON TAN SKYE BA MANG LA STOBS CHE BAS LAM GYI BGROD PA MYUR ZHING SA CHOD CHE BAR GSUNGS PA DANG, 'BROM RGYAL BA'I 'BYUNG GNAS KYIS, NGA THOS DUS TSE NA BSAM SGOM BDO, ,NGA BSAM DUS TSEN THOS SGOM BDO, ,NGA BSGOM DUS TSEN THOS BSAM BDO, ,NGA GCIG TU MA LUS BSDOMS BYAS NAS, ,CHOS LAM DU KHYER NAS 'GRO SHES PA, ,NGA BKA' GDAMS PHYOGS CHAR MA LHUNG BA, ,DON RGYA 'BAG MIG BZHIN 'PHRUL SHES PA'I, ,LEGS KUN TU GTOGS DE BKA' GDAMS YIN, ,ZHES GSUNGS PA LTAR, THOS BSAM SGOM PA YA MA BRAL ZHING GCIG GROGS SU GCIG SONG BAS RES 'JOG

MED PAR, MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR, ,RGYUN DU DRAN SHES BAG YOD BRTAN PO'I SGO NAS THUB PA'I BRTUL ZHUGS BLA NA MED PA LA GNAS TE, BLANG DOR GYI GNAS DANG NYAMS LEN GYI GNAD LA DPYOD PA'I LHAG MTHONG GI SGOM DANG, DPYAD DON LA GNAS PA'I ZHI GNAS KYI SGOM ZUNG DU 'BREL BAS DUS 'DA' BAS THOS BSAM SGOM PA STAN THOG GCIG TU GRUB PA NI, BRAG PHUGS SU LUS GNAD BLTA STANGS BYAS NAS BSDAD PA TZAM LA SGOM DU MING BTAGS PA DANG MI 'DRA BAR LHAG PA'I BSLAB PA GSUM GYIS BSDUS PA'I SGOM DANG NYAMS LEN MCHOG TU GYUR PA YIN PAR, RGYAN LAS, YANG DANG YANG DU SEMS PA DANG, ,'JAL DANG NGES RTOGS GOMS PA'I LAM, ,ZHES GSUNGS SO, ,YA KI SANGS RGYAS THOB PA'I GDAMS PA NAS, MA KI RDZA GTUB BYED PA YAN CHAD KYI RIG PA LA MI MKHYEN PA MED PAS MKHAS PA MTHA' DAG GI DRI GTUGS KYI YUL DANG, MCHOG DMAN THAMS CAD KYIS BKA' LUNG SPYI BOR LEN PA DANG, PHYI'I YUL SNANG BYA BYED KUN NANG GI NYAMS RTOGS KYI MTHUN DPER SHAR BAS MAN NGAG RGYA MTSO'I GTER DU GYUR PA NI, GUNG THANG 'JAM PA'I DBYANGS KYIS, SNANG BA DPE RU SHAR BA YI, ,RNAL 'BYOR DE LA GDAMS NGAG MANG, ,NAGS KLUNG STUG PO'I DOR RU, ,SHING LO'I PHUNG PO ZAD PA MED, ,CES DANG, RJE RANG GI BDE LAM ZIN BRIS LAS, NYAMS SU BLANG NA GDAMS NGAG GIS LAG MI 'THOG, GSUNG RAB THAMS CAD ZHAL

, ,LAS SHES PA'I MAN NGAG RJEN PAR GO YONG ZHES GSUNGS PA LTAR, TSUL DE THA MAR NYIN MTSAN KUN TU NYAMS SU BLANGS PA'I RNAM PAR THAR BA YIN ZHING, DE LTAR NA SGOM CHEN RAB LA STON CHEN RAB, ,CES GSUNGS PA LTAR, RANG GIS JI BZHIN GZIGS PA'I LAM RNAMS BRTZE BA SHUGS DRAG POS GDUL BYA LA BSDU BA'I DNGOS PO BZHI SOGS THABS MKHAS MTHA' YAS PAS 'DOMS PA'I DGE BA'I BSHES GNYEN ZHES GSUNGS PA STE, SNGA MA RNAMS KYIS MKHAS SHING BTZUN PA DANG 'DIS BZANG PO'I YON TAN BSTAN LA, TSOMS LAS, BDAG NYID DANG POR RIG PAR GNAS BYAS NAS, ,PHYI NAS BDAG BZHIN GZHAN DAG GDUL BAR BYA, ,ZHES DANG, RNAM 'GREL LAS, RANG NYID DES SHING GZHAN DAG LA, ,NGES PA SKYED PAR 'DOD PA YIS, ,ZHES GSUNGS PA'I RIM PA DANG MTHUN PAS TSIGS BCAD 'DIS RNAM THAR PHYI MA PHYI MA SNGA MA SNGA MA DANG 'BREL BA'I 'BREL YANG BSTAN TO, ,DES NA THOS BSAM SGOM PA JI SNYED MDZAD PA DE KUN KYANG 'GRO BA'I PHAN BDE 'BYUNG BA'I GZHI BSTAN PA RGYAS PA'I CHED DU BSNGOS PA TZAM DU MA ZAD, RANG DON GYI 'KHRI BA RDUL TZAM YANG MED PAR BSTAN PA SPEL BA'I LAG CHA 'BA' ZHIG TU KHYER TE, MKHAS PA'I BYA BA 'CHAD RTZOD RTZOM PA'I KHUR BSNAMS NAS SKAL LDAN GRANGS MED PA SMIN CING GROL BA DANG, 'JAM MGON RGYAL BA'I RING LUGS DRI MA MED PA MI NUB PA'I RGYAL MTSAN SRID RTZER BSGRENGS BAS 'PHRIN LAS KYI GDUGS DKAR PO GCIG GIS MTHA'

DBUS NOR 'DZIN YANGS PA'I KHYON KUN KHYAB PAR GYUR BA NI, KUN KYANG BSTAN PA RGYAS PA'I CHED DU BSNGOS PA'I RNAM PAR THAR BA KHYAD PAR DU 'PHAGS PA'O, ,DON GNYIS PHUN SUM TSOGS PA'I YON TAN DE DAG GI DPAL DANG LDAN ZHING YON TAN DE'I BCUD KYIS LCI BA'AM, YON TAN GYI TSOGS KYIS GONG MAR GYUR PA'I BLA MA'I SKU'I CHA DMA' SHOS ZHABS LA ZHES PA SHIN TU GUS PAR STON PA'I TSIG DANG, GSOL BA 'DEBS PA NI ZHU BA 'BUL BA STE, MYUR DU KHYED RANG LTA BUR BYIN GYIS RLOBS SHIG PA LTA BU 'DOD BYA'I DON CI RIG ZHU BA GO BA'I TSIG GO, ,MANG DU THOS PAS MKHAS PA'I YANG RTZER SON, ,TSUL BZHIN BSGRUBS PAS GRUB PA'I MCHOG BRNYES SHING, ,'CHAD RTZOD RTZOM PAS BSTAN PA'I SNYING PO SPEL, , BSHES GNYEN BZANG POS 'GRO BA'I RE BA SKONG, ,'PHRIN LAS GDUGS DKAR GRIB MA YI, ,ZHI BA BSIL BA'I SIM PA GANG, ,GDENGS CAN RNAMS NI KLAL BA'I SPRIN, ,BDE 'THUNG RIG PA'I DPYID DU 'JO, ,RGYA CHEN RNAM DBYOD Ri shI'I HUB GCIG GIS, ,LEGS BSHAD CHU KLUNG MA LUS 'THUNGS GYUR PA, ,DE YI MOD LA LUS CAN NANG GSO BA'I, ,SMAN GYI BDUD RTZIR SKYUGS PA'I NYER BSDOGS SO, ,ZHES SMRAS PA'O, ` ,DBYANGS CAN BU MO GZHUNG BZANG MA, ,KHYOD KYI LHA GCIG GAR DBANG POR; ;YID NI RJES SU SONG BA LA, ,SNYAN PA'I NGAG GI PI WANG STZOL, ,RGYAS PAR BSHAD PA LA GNYIS, RANG BZHIN BRJOD PA'I RGYAN GYI SGO NAS BSTOD PA DANG, BSNGO SMON GYIS MTSAMS SBYAR BA MDZAD BYANG DANG BCAS PA'O, ,NANG PO LA GSUM,

, ,LEGS TSOGS THAMS CAD KYI RTZA BA BSHES GNYEN TSUL BZHIN DU BSTEN NAS MANG DU THOS PA LUNG GI YON TAN BRNYES PA'I TSUL, TSUL BZHIN SGRUB PA RTOGS PA'I YON TAN BRNYES PA'I TSUL, BRNYES NAS BSTAN PA LA BYA BA MDZAD PA'I TSUL LO, ,DANG PO NI, DKON MCHOG RGYAL PA'I GDUNG 'TSO BA DAM PA'I MGON, ,MKHAS DANG GRUB PA'I BSTAN 'DZIN DU MA'I ZHABS, ,BSAM DANG SBYOR BAS TSUL BZHIN BSTEN PA YIS, ,LEGS TSOGS RTZA BA TSUGS LA GSOL BA 'DEBS, ,DRI MED RGYAL BA'I BKA' DANG DGONGS 'GREL GYI, ,RGYA BOD GZHUNG LUGS RGYA MTSOR RAB SBYANGS PA'I, ,MANG DU THOS PA LUNG GI YON TAN GYIS, ,MKHAS PA'I DED DPON GYUR LA GSOL BA 'DEBS, ,ZHES GSUNGS, TSIGS BCAD DANG PO'I DON NI, RGYUD BLA MA LAS, 'BYUNG BA DKON PHYIR DRI MED PHYIR, ,MTHU LDAN PHYIR DANG 'JIG RTEN GYI, ,RGYAN GYUR PHYIR DANG MCHOG NYID PHYIR, ,'GYUR BA MED PHYIR DKON MCHOG NYID, ,CES DPE DRUG GI SGO NAS DKON PA'I NOR MCHOG TU GYUR PA NOR BU RIN PO CHE DANG 'DRA BAS DKON MCHOG CES GSUNGS LA, BDUD BZHI DANG SRID ZHI'I RGUD PA MTHA' DAG LAS RGYAL BAS RGYAL BA'O, ,BSTOD PA BRGYA LNGA BCU PA LAS, KHYOD KYIS NYON MONGS GZHOM PA BSHAD, ,BDUD KYI G-YO DAG BSTAN PAR MDZAD, ,'KHOR BA'I RANG BZHIN MI BZAD BRJOD, ,'JIGS PA MED PA'I PHYOGS KYANG BSTAN, ,PHAN DGONGS THUGS RJE CAN GYIS NI, ,SEMS CAN RNAMS LA BGYI 'TSAL BA, ,GANG ZHIG KHYOD KYIS MA MDZAD PA, ,GZHAN KO CI ZHIG

MCHIS LAGS KYI, ,ZHES DANG, RGYAN LAS, 'GRO RNAMS ZHI BA'I LAS DANG NI, ,BSDU RNAMS BZHI LA 'GOD PA DANG, ,ZHES SOGS GSUNGS PA LTAR, ,MI MTHUN PHYOGS DANG GNYEN PO'I LAM MA NOR BAR STON PA DANG, 'PHRIN LAS NYER BDUN GYIS MTSON PA'I SEMS CAN RNAMS LA BGYI 'TSAL BA STE, RGYAL BAS GDUL BYA'I DON BYED PA'I BGYI BA'AM BYA BA YOD DO COG LA MNGA' BRNYES PA'I SGO NAS GZHAN RJES SU 'DZIN PA RGYAL BA DANG MTSUNGS PAS RGYAL BA'I GDUNG 'TSO BA PA'O, ,RGYUD BLA MA LAS; DAM PA'I DON DU 'GRO BA YI, ,SKYABS NI SANGS RGYAS NYAG GCIG YIN, ,ZHES DANG, DE'I DAR tIKA LAS, MI BSLU BAS DON DAM PA'I SKYABS NI GCIG NYID DE, ZHES DAM PA'I DON MI BSLU BA LA BKRAL BA LTAR, RJE MI LAS, RANG NYID GAR 'GRO MED PA YI; GZHAN GYI LAM SNA BYED PA DE, ,RANG GZHAN GNYIS KA 'PHUNG BA'I RGYU, ,ZHES DANG, RGYAL SRAS THOGS MED PAS, RANG YANG 'KHOR BA'I BTZON RAR BCINGS PA YIS, ,'JIG RTEN LHA YIS, SU ZHIG SKYOBS PAR NUS, ,DE PHYIR GANG LA SKYABS NA MI BSLU BA'I, ,DKON MCHOG SKYABS 'GRO RGYAL SRAS LAG LEN YIN, ,ZHES 'GYEL BA 'GYEL BA LA BRTEN PA LTAR RANG MA GROL BAR GZHAN GROL BA'I MGON SKYABS BYED MI NUS PAS NA MI BSLU BA'I MGON DANG SKYABS MTHAR THUG PA, BSNGAGS 'OS BSNGAGS BSTOD LAS, KHYOD KYIS GANG LAS 'GRO BA DAG ,MA DRANGS RGUD PA DE GANG MCHIS, ,GANG DANG 'JIG RTEN MA SPRAD PA'I, ,PHUN TSOGS DE YANG GANG MA MCHIS, ,ZHES GSUNGS PA LTAR, RANG 'JIGS PA MTHA' DAG LAS GROL, GZHAN 'JIGS PA LAS

, ,SGROL BA'I THABS LA MKHAS, KUN LA THUGS RJE CHEN PO NYE RING MED PAR 'JUG, PHAN BTAGS MA BTAGS LA LTOS BA MED PAR SEMS CAN GYI DON MDZAD PA'I YON TAN BZHI DANG LDAN BAS DAM PA'I MGON NO, ,'DI DAG DANG CHA 'DRA BA'I SGO NAS RGYAL BA'I GDUNG 'TSOB DANG DAM PA'I MGON DU 'JOG TSUL GZHAN YANG YOD MOD KYANG 'DI NI PHUL DU BYUNG BA'I RGYU MTSAN YIN LA, DE LTAR YANG, RJE BDAG NYID CHEN POS, KHYOD NI 'GRO BA KUN GYI BSAM PA MKHYEN, ,SNGON TSE DE DAG DON DU THUGS KYANG BSKYED, ,JI LTAR 'DUL BA'I THABS LA SHIN TU MKHAS, ,SRID ZHI'I RGUD PA SEL BA'I MTHU DANG LDAN, ,ZHES DANG, BRGYA LNGA BCU PA LAS, GANG ZHIG LA NI NYES BA KUN, ,GTAN NAS YONG YE MI MNGA' ZHING, ,GANG LA RNAM PA THAMS CAD DU, ,YON TAN THAMS CAD LDAN GYUR BA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE YI BSTAN LA GNAS PA'I RIGS, ,ZHES MGON DANG SKYABS SU 'OS BA'I RGYU MTSAN GSUNGS BA BZHIN DU, NGES BAR SKYON KUN ZAD YON TAN KUN LDAN GYI BLA MA DGE BA'I BSHES GNYEN SANGS RGYAS DNGOS SU STON PA'I GSUNG RDO RJE TSIG GO, ,'DI NI NYID KYI DGE BA'I BSHES GNYEN RNAMS DANG RJE BTZUN BLA MA RANG NYID GNYIS KA'I SKU CHE BA'I YON TAN LA SBYOR BA'I DBANG GIS SA BCAD DANG PO'I KHUNGS SU BSDUS SO, ,BYIS PA CHUNG DU BSAM MI SHES DA LTA BU'I SKABS NA'ANG BYIS BA PHAL BA GZHAN LTAR RTZED MO RTZE BA MI SRID LA, RGYUN DU KHU BO

BLA MA'I DPE CHA RNAMS KYI GSEB TU ZHUGS NAS PHAR SLOG TSUR SLOG BYED CING, DE'I NANG NAS SHOG BYANG RE 'GO MJUG MA NOR BAR PHYAG TU BTHUNG NAS 'DON PA'I RNAM PA DANG DGA' DGA' LTAR BYED CING, PHYAG NAS BLANG NA DU TSUGS BYAS TE LEN DU MI 'JUG, SKABS 'GAR STEGS BUR 'DZEGS TE SKYIL KRUNG BYAS NAS CHOS 'CHAD PA'I TSUL BYED, KLOG PA'I SLOB DPON KHU BO RJE SANG BLA MA LAS PHRAL KLOG DANG SBYAR KLOG 'GO SMOS TZAM GYIS THUGS SU CHUD CING, LO GCIG BSLAB PAS, DBU CHEN GZAB MA DANG, GSHAR MA'I YI GE 'BRU TSA, TSEG SGRIG, ZLUM RIS, SKONG YIG, SNGAGS BRIS, RGYUGS BRIS RIGS GANG LA'ANG THOGS PA MED BAR KLOG THUNG PA BYUNG BAS, ZHAL NAS KYANG, PHRAL KLOG LEGS PO ZHIG SLOB PA GAL CHE; SBYAR KLOG DE'I ZHAR LA 'GRUB PAS ZUR DU SLOB RGYU CANG MED, JE SANG BLA MA TSANG GIS NGA LA KLOG LO GCIG LAS LHAG MA BSLAB, YIG NAG RGYAL BA 'JAM DPAL RGYA MTSO'I GSOL 'DEBS SHLOO KA TZAM LAS MA BSTAN KYANG SHES SONG, DE LOS YIN, YIG DKAR CHOD TSE YIG NAG LOGS SU SLOB RGYU CI YOD GSUNGS NGO, ,PHYIS SU LJAGS LUNG GNANG BA SOGS KYI TSE, GZAB GSHAR, DAG MA DAG, CHAD LHAG, YI GE BZANG NGAN LA KHYAD MED PAR BYANG BAS MA nI 'DON BA BZHIN SHAR SHAR GSUNGS SHING DE'I ZHAR LA YI GE'I ZHU DAG DANG, DON GYI DMIGS RDZOGS PAR THUGS SU CHUD PAS DPE GZIGS KYI GO CHOD PA ZHAL SLOB THAMS CAD KYIS MNGON SUM DU MJAL LO, ,RGYAL THANG PA'I GCOD DBANG GNANG

, ,BA'I SKABS SHIG, T'A RA N'A THAS MDZAD PA'I DBANG CHOG SHOG THUNG GSAR SLOB 'BRI MI SHES PA ZHIG GIS BRIS PA, CHAD LHAG 'BA' ZHIG DANG, YIG THOB GTAN NAS MED PA ZHIG BSNAMS TE, DE'I STENG NAS DBANG BSKUR MDZAD, ZHAL NAS, NGAS 'DI 'KHOR KHANG NAS RNYED PA YIN, RGYAL THANG PA'I GCOD SKOR NA YOD KYANG PHYOGS 'DIR DPE RGYUN DKON ZHING LEGS PO ZHIG YIN NA'ANG, KHA MI TSANG ZHING BRIS NGAN PAS MA YIG BYED DKA', NGAL BLO RTEN DU CHOG GSUNGS, RIM LNGA'I BSHAD PA RDO LAG BRGYUD MA YONGS GRAGS DANG MI 'DRA BA'I SKONG YIG LJIB NAG ZHIG, RIG GNAS SPYI DANG YIG RIGS 'BRI KLOG LA ZLA MED PA DRUNG YIG THUB BSTAN SOGS KYIS KYANG 'DI GSUNGS PA LA LJAGS 'O BRGYAL ZER YANG, DPE GZHAN MA RNYED PAR PHYAG TU PHUL BAS THUGS SNANG GANG YANG MI MDZAD CING DKYUS LTAR SHAR SHAR LUNG GNANG BA'I STENG NAS SNANG BA GSUM LA RTOG BCAS RTOG MED 'JOG TSUL DANG, SGYU LUS PHYI LDANG NANG LDANG SOGS DKA' GNAD KYI RIGS LA SO SO'I BZHED TSUL GUNG BSGRIGS PA'I LEGS BSHAD DANG BCAS STZAL, 'DI RJE YAB SRAS NAS BRGYUD PA'I GSUNG RGYUN NGO MTSAR CAN YIN ZHING DPE CHA DKON BAS SKONG PHRAL NAS RE RE 'BRI THUB NA BZANG ZHES BKA' GNANG BA BZHIN BRIS BAS MA DPE DE LA SHOG GRANGS SUM CU LHAG LAS MED KYANG BU YIG SHOG GRANGS BDUN CU LHAG BYUNG, CHOS GRVR PHEBS SKABS SHIG ZHABS BRTAN GYI BKA' 'GYUR GSUNG SGROG TU BYON PA RJES

LA LUS BAS RGYUD KYI ZA DUM KLOG DGOS BYUNG BA SGRA DAG GSAL GSUM GYI SGO NAS GZHAN THAMS CAD KYI SNGON DU ZIN PAS KUN YA MTSAN PAR GYUR, DE MTSUNGS SNGAGS DANG THANG YIG KLOG PA LA MYUR BUL KHYAD MED CING, GZHAN YANG LANYTSA, WA RTU, BA DHA RI, NA GA RA'I YI GE, KASMI RA'I YI GE, NEE PA LA'I YI GE, RGYA MTSO'I MTHA'I YI GE, HOR YIG GSAR RNYING GI MA YIG PHYAG BRIS MDZAD BA MTHONG LA, MKHYUD SPYAD SRUNG BRGYA, NA BZA' BE BUM, SGYU MA'I BE BUM SOGS GSUNGS PA'I TSE, AANG YIG, TSAG YIG, MKHA' 'GRO'I BRDA YIG, DKRUGS YIG LA'ANG NANG GSE'I KHUG PA CAN, GNYIS DKRUGS, GSUM DKRUGS, BZHI DKRUGS KHYAB CHE BA DANG, SHA BA 'GYUR MED, BRGYAD DKRUGS LUGS GNYIS RNAMS LA BYANG BA MJAL ZHING, MDO RGYA CHER ROL BA LAS BSTAN PA LTA BU'I YIG RIGS DU MA MA BSLAB PAR MKHYEN PA DANG, KLOG SLOB PA'I ZHAR LA YIG RIGS PHYAG BRIS KYANG RTZOL MED DU THUB PA BYUNG BA NI, DENG DUS KYI MKHAS PA DANG CHEN POR BKUR BA PHAL GYIS BSGRUN DU MED PA'I YON TAN, RNAM 'GREL LAS, RGYU TSOGS PA LAS 'BRAS SKYE BA, ,RJES SU DPOG PA GANG YIN PA, ,DON GZHAN LA NI MI LTOS PHYIR, ,DE NI RANG BZHIN GYIN PAR BRJOD, , CES GSUNGS PA LTAR, SNGON GOMS DAM PA'I RANG BZHIN GSAL BAR MTSON PA'I RGYU TSOGS GRANGS TSANG BA'I 'BRAS RTAGS YIN KYANG, RJE 'DI LUNG RTOGS TSAD MED PA'I LEGS BYAS KYI LHUN POR GRUB PA'I GAM DU YON TAN GYI GRANGS

, ,SU BGRANG MI RI BA'I TSOD DO, ,YANG RJE 'DI SKU NA TSOD PHRA MO'I DUS, RIGS GRVA TSANG GI SKU SNGA MA GNAS LNGA RIG PA'I KHYU MCHOG DGE BA'I BSHES GNYEN BLO BZANG 'JIGS MED RANG YUL DU CHU SPOR NAS BZHUGS YOD PA LA, GONG BA'I SER SKYA TSOS THE WING RDO RAMS PA TSANG MKHAS PA CHEN PO YIN ZER BAS MKHAS PA'I RNAM 'GYUR CI 'DRA ZHIG 'DUG PA BLTA DGOS SNYAM NAS, GZIMS GUR GYI SGOR PHAR PHEBS TSUR PHEBS BYAS TE GZIGS BAS BLA MA ZHAL RAS DKAR LAM ME BA GZI BRJID CAN ZHIG 'DUG PAS, DE 'DRA'I MKHAS PA ZHIG BYUNG NA LEGS PA LA SNYAM PA THUGS LA SHAR GSUNGS, DE YANG DPAG BSAM 'KHRI SHING LAS, MKHAS PA NYID NI MED NA BLO GROS RNAMS NYAMS MI RNAMS 'TSO BA DON YOD MIN, ,ZHES GSUNGS PA LTAR, BLANG DOR GYI GNAS SHES SHING SHES PA LTAR BSGRUB PA'I MKHAS PA RNAMS KYIS RANG GZHAN GYI 'TSO BA DON YOD PAR BYED PAS, RANG NYID DE LTA BU'I MKHAS PA DU MA'I SKU'I SKYE BA BZHES TE BSTAN 'GRO'I DON MDZAD PA'I BAG CHAGS SAD PA DANG, SKU TSE 'DIR YANG DE 'DRA'I MKHAS GRUB GNYIS 'DZOMS SHIG BYAS NAS THAR 'DOD RJES SU 'DZIN PA'I THUGS BSKYED MNGON DU GYUR PA'O, ,SKU ZHANG BLA MA DGE 'DUN RGYAL MTSAN, MTHU STOBS CHOS 'DZIN ZHES GDAN SA'I SLOB GNYER BA DGA' RAB RTZIS DKAR NAG DANG SNYAN DANG GSAL BYANG BDE'I YUL BA'I DPON YIN PAS, LAN GCIG MI TSANG DE LA BYIS PA ZHIG GSAR DU

SKYES PA NA CHOS 'DZIN GYI MAS, DA RES BAN PHRUG KHRID LA PHEBS, KHA PHAB DGOS ZER BA LTAR KHU DPON GNYIS KA PHEBS NAS BYIS PA'I RIM GROR RTA MGRIN GTOR BZLOG GSUNGS SHING MING RTA MGRIN SKYABS ZHES BTAGS, NYID KYIS RNGA BRDUNG BZHIN DU DPE CHA'I MTSAMS GZIGS PAS CHO GA'I SPOD DANG YIG CHOD LA KHONG LHAG CING, 'DON PA DANG JA BZHES DUS LHVAM PHUD PA DANG, KUN SPYOD ZHI DUL GYIS BZHUGS TSUL MDZES PAS DER 'KHOD THAMS CAD KYIS BAN PHRUG YA MTSAN CAN ZHES GLENG, DE DUS DGUNG LO BCU GNYIS YIN, DE 'PHROS KUN GYIS GANG CI'I GZHAN DANG MI 'DRA BA'I KHYAD CHOS CAN ZHIG 'DUG PAS GRVA SAR BZHAG NA LEGS ZHAS SGROGS PA BZHIN, SKYABS MGON RDO RJE 'CHANG DBUS PHEBS GRA BSGRIGS KYI CHED DU SBYIN BDAG SO SO'I SAR 'BYON BZHUD GNANG BA DANG BSTUN, DPON SA CHANGm WANG GIS GDAN 'DREN ZHUS TE DE KAR PHEBS DUS, SKU ZHANG BLA MAS RJE 'DI GRVA RGYUN DU PHUL BA NA, SKYABS MGON THAMS CAD MKHYEN PAS, GRVA BA LEGS PO 'ONG ZHES 'BYUNG 'GYUR RJEN BAR GZIGS PA'I DGYES TSOR GYI BKA' LUNG PHYAG MDUD BCAS STZAL, DE NAS BZUNG STE RINGS PA RINGS PAR GRVA SAR 'BYON BDUN GYIS MI RNAMS LA BLA BRANG GI GNAS TSUL RGYUN DU DRIS PAR, NGAG DBANG WANG GIS RNYING MA BSTEN PA'I MTHUS DE DUS SOG RTBON RNYING CHOS DAR YOD PAS, BLA BRANG NA DENG SANG GUNG THANG 'JAM PA'I DBYANGS

, ,ZHES BLA MA BSAM GYIS MI KHYAB PA ZHIG BZHUGS, DE DGE SLONG NAM MKHA'I SNYING PO'I SPRUL PA YIN PAR SLOB DPON GYI LUNG BSTAN YOD ZER PA GSAN PAS, MTSAN THOS PA TZAM GYIS LUS KYI BA SPU G-YO ZHING MIG MCHI MA 'KHRIGS PA'I DAD PA 'KHRUNGS, DA LTA NYID DU MJAL THUB NA SNYAM PA BYUNG GSUNGS, DE YANG SNGON YUN RING BO NAS YONGS SU 'DZIN PAR GYUR BA'I 'BREL ZAB PA DANG, RJE MI LA RAS PAS, LHO BRAG MAR PA'I MTSAN THOS PA TZAM GYIS THUGS DAD DE 'DRA 'KHRUNGS PAS PHYIS SU BLA MA DE LA BSTEN NAS SKU TSE DER MCHOG GI DNGOS GRUB BRNYES PA DANG TSUL MTSUNGS PA'I RNAM PAR THAR BA'O, ,NYE RGYAL DANG BANG LAS SKYES KYIS SNGA MO NAS BDUD RTZI DON DU GNYER YANG BCOM LDAN 'DAS KYI SPYAN SNGAR BDUD RTZI THOB PA LA YUN RING 'GYANG BA BZHIN DU RE ZHIG GI BAR GRVA SAR ZHUGS RGYUR MA SONG BAS THUGS CUNG ZAD NGAL YANG, 'BRU MANG ZHES PA DGUNG LO BCU DRUG PA SA STAG LA SOG PO'I STON TSONG GI 'GRUL BA DANG 'GROGS TE HOR ZLA BCU PA'I TSES 'GRO THUGS BZHED LHA YI RDZING RING RNAM PAR 'PHYUR BA'I DGA' BDE MU TIG GI GZEGS MA MKHA' LA 'THOR BA'I MU NAS MDO SMAD BSTAN PA'I 'BYUNG GNAS RGYAL BAS LUNG BSTAN PA'I CHOS SDE CHEN PO BKRA SHIS G-YAS SU 'KHYIL BA'I GLING DU CHIBS KYI KHA LO MNGON PAR BSGYUR ZHING, ZLA BA DE'I YAR TSES RGYAL BA GNYIS PA'I NYIN DRUNG YIG DGE 'DUN TSANG ZHES GUNG THANG 'JAM PA'I DBYANGS

KYIS NGA DANG KHYAD MED CES BSNGAGS BRJOD MDZAD PA'I NANG THUGS KYI SRAS BO MANG THOS SGRUB LA GZHOL BA'I SDE SNOD 'DZIN PA CHEN PO GNAS BRTAN RDO RAMS PA DKON MCHOG DGE 'DUN GYI DRUNG DU BSTAN PA RIN PO CHE'I SGOR ZHUGS TE BRJES PA GSUM GYI SGO NAS NYES SPYOD 'DAM GYIS MA GOS PA'I RNAM GROL SBRANG RTZI'I RGYAL MTSAN, KHRIMS GTZANG PADMA'I SBUBS LAS 'ONGS PA'I LHAN CIG SKYES PA'I DRI BSUNG PHYOGS KYI 'KHOR LO 'GENGS PA'I MA SMAD THUB PA'I BRTUL ZHUGS DUR SMRIG GI 'DAB MAS NYE BAR MDZES PA YANG DAG PAR BLANGS PA NI, RJE NYID KYI GSAN YIG LAS, RANG LO BCU DRUG PA RAB BYUNG BCU BZHI PA'I BGRANG BYA BCU GNYIS PA SA STAG ZLA BA BCU PA'I TSES BRGYAD LA DBEN GNAS YID DGA' CHOS 'DZIN BSAM GTAN 'PHEL RGYAS GLING DU, 'PHAGS PA'I GNAS BRTAN CHEN PO DKON MCHOG DGE 'DUN LAS SKYABS 'GRO RTZOM BYED DU BYAS TE TSANGS SPYOD DGE BSNYEN GYI SDOM PA DANG BAR MA RAB BYUNG GI TSUL KHRIMS MNOS TE RGYAL BA'I BSTAN PA RIN PO CHE'I SGOR ZHUGS PA'I SKAL BZANG THOB, CES GSUNGS PA LTAR LA, TSES BCU BDUN GYI NYIN DGA' LDAN LNGA MCHOD CHEN MO ZHES GRAGS PA'I CHOS THOG GI YAR 'TSOGS LA GRVA TSANG BZHI'I YA GYAL 'DZAM GLING RGYAN DRUG LTA BU'I BLO GSAL MKHAS BA DU MA'I BSTI GNAS RMAD BYUNG THOS BSAM GLING GI CHOS GRVAR ZHUGS PAS, ZHABS SKYES PADMA DKAR PO'I MYU GU THAR 'DOD BUNG BA 'BUM GYI NYER 'TSOR GSAR DU SMIN

, ,PA'I DGE MTSAN DPYID KYI DPAL MO'I PHUN TSOGS GSER LDAN YANGS PA'I RGYAN DU GYUR TO, ,'PHRAL SBYANGS DNGUL CHU BYUGS PAS BCOS MIN PAR, ,SKYES THOB RANG 'OD KHUNGS NAS 'BYIN BA YI, , MKHYEN RAB NOR BU'I ME LONG G-YA' DAG PA, ,MTHA' DAG CHOS KYI GZUGS BRNYAN 'DZIN PA'I SNOD, ,RGYAL SRAS MKHA' LDING PHRU GU DE'I, ,DBANG BO ZHI BA'I GSHOG RTZAL DANG, ,BLO MIG YONGS SU DAG PA YIS, ,PHAL BA'I BYA TSOGS BRAN DU 'KHOL, ,BRONG YUL MYA NGAM THANG DU SKYO BA YI, ,DAM PA NGANG BA'I SDE DPON GZHON NU DE, ,RANG RIGS GNYIS SKYES ROL BA'I 'O MA'I MTSOR, ,DA NI BAG PHEBS AE MA SKAL BA BZANG, ,KHYIM PA'I RTAGS DANG CHA LUGS BRTUL NAS NI, ,DRANG SRONG THUB PA'I CHAS SU ZHUGS TZAM GYIS, ,SNGON GOMS TSUL KHRIMS PHUNG PO RDZOGS PA YI, ,'DRIS PA'I DNGOS PO NAM YANG BRJED MED THOB, ,DRI BZANG KHANG BA DKAR PO RGYAS PA'I TSAL, , 'DAM GYIS MA GOS PADMA'I MCHOG BZHIN DU, ,LHAN SKYES BAG YOD BSUNG ZHIM 'THUL BA YANG, ,RKANG 'THUNG DBUS NA HA RI TZANDA BZHIN, ,ZHES BYA BA NI BAR SKABS KYI TSIGS SU BCAD PA'O, ` ,LHUNG LHUNG MGRIN PA'I RDZA RNGA BRDUNG BZHIN DU, ,LDEM LDEM PHYAG GI 'DAB ZUNG BSKYOD PA YIS, ,LING LING GAR BYED NGANG BA'I BU MO DES, ,YANG YANG DRAN PA'I CHU GTER MDZES PAR MDZOD, ,GDAN SA'I KHRI THOG NYER BRGYAD PA, LUNG RTOGS

YON TAN RGYA MTSE'I MNGA' BDAG GNAS LNGA GZIGS PA GLING SPRUL PA'I SKU RIN PO CHE DKON MCHOG DGYES PA'I BLO GROS LAS BRTZI BZHAG THOG MAR GSAN ZHING YONGS KYI DGE BA'I BA SHES GNYEN CHEN PO RIG PA'I DBANG PHYUG DKON MCHOG DON YOD SLOB DPON DU BSTEN NAS RIG PA'I SGO 'BYED BSDUS GRVA BSLANG, DE YANG TSAD MA'I GZHUNG GI RIGS PA'I RNAM GRANGS DU MA PHYOGS GCIG TU BSDUS PA LA BSDUS GRVA ZER LA, BSDUS TSAD LA MKHAS PA'I TSAD DU BRTZI BA STAG TSANG RA BA STOD PA TSOD YANG BSDUS TSAN NYER LNGA 'DREN MA SHES BA KUN MKHYEN BLA MAS SDE SRID KYI DRIS LAN DU BSDUS GRVA'I RTZA TSIG BRTZAMS TE SHING RTA'I SROL LTA BU PHYE, PHYIS SU MKHYEN GTER NGAG DBANG BKRA SHIS LA SHES BYED RGYAS PA SDE BDUN YID KYI MUN SEL NAS KHA BSKANGS NAS BRTZI BZHAG THONG GSUNGS PA LTAR, DE NYID KYI LO SUM CUR CHOS KHRI MDZAD PA'I RING LA BSDUS GRVA MI 'DRA BA SUM CU THUGS THOGS NAS BTANG BA SKYOR DPON SO SO'I ZIN BRIS BSDUS GRVA YONGS RDZOGS NYER BDUN, MJUG MA TSANG BA GSUM BCAS BYUNG BA'I NANG GI SKYOR DPON BKRA SHIS RGYA MTSO'I ZIN BRIS KYI BSDUS GRVA BSDUS CHEN GYI SKOR GZHAN LAS KHYAD THON ZHING, BSDUS CHEN GYI SKOR 'DI LHAG PAR MNGON PA GONG 'OG DANG SDE BDUN LA GO BA CHAGS PA'I THABS RMAD DU BYUNG BA YIN PA'I PHYIR, GDAN SA'I RGYUN PA'I BRTZI BZHAG TU MDZAD PA DE NYID THUGS 'DZIN GYI STENG NAS GZHAN GYIS BSKUL BA LA MA LTOS PAR

, ,DANG BA BAD MTSOR 'JUG PA BZHIN DU SKYOR SBYANG DANG RTZOD PA RNGO RUS THUG PA GNANG, RING BO MA LON PAR SKU TSA DU MA'I RIGS KYI COD PAn RTZOD DUS KYI THAMS CAD MKHYEN PA KUNG THANG 'JAM PA'I DBYANGS ZHES SNYAN GRAGS KYI BA DAN DKAR PO SRID PA GSUM NA LHAM MER G-YO BA DE LAS, BKA' CHOS KYI THOG MAR DRIL BU LHA LNGA DANG, LUS DKYIL GYI DBANG GSAN PA YIN ZHES ZHAL NAS THOS SHING, DE'I THAD KYI GSAN YIG LAS KYANG, HE RU KA DPAL DUR SMRIG 'CHANG BA'I GAR GYIS ROL PA RJE BTZUN DKON MCHOG BSTAN PA'I SGRON ME, RJE DE NYID DED CAG LAM 'DI LA BRTEN NAS GSANG CHEN THEG PA'I SGOR THOG MAR 'JUG PA'I RDO RJE SLOB DPON DANG, SO THAR BYANG SEMS GSANG SNGAGS KYI SDOM BA GSUM KA DANG, BYANG CHUB BDE LAM DANG 'JAM DPAL ZHAL LUNG GI KHRID SOGS CHOS BKA' BSAM GYIS MI KHYAB PA STZAL BAS NA DUS GSUM GYI RGYAL BA THAMS CAD LAS KYANG BKA' DRIN CHE BAR 'KHUMS SO, ,ZHES DPAL HE RU KA DNGOS KYI BLA MAS RANG GI RDO RJE LUS KYI DKYIL 'KHOR DU PHYI NANG GI LHA RNAMS DANG SKAL BA MNYAM PA'I DNGOS GRUB STZAL TE GSANG SNGAGS BLA MED KYI CHOS SGOR BCUG, GSANG BA BSAM GYIS MI KHYAB PA'I GDAMS PA DU MA'I SGO NAS SPYAN GYI 'BRAS BU BZHIN DU RIGS CHOS SRAS KYI THU BOR BSKYANGS BAS RGYAL BA THAMS CAD LAS KYANG LHAG PA'I BKA' DRIN MDZAD PAR GSUNGS PA NI DPAG PAR DKA' BA'I RNAM THAR KYI SDOM DANG DGONGS GZHI SHIN TU GTING ZAB PA SHES DGOS SO, ,YANG

GSAN YIG LAS, DE'I LO PHYI MA'I MNYAN YOD CHO 'PHRUL MCHOD PA'I DUS STON GYI TSES BCO LNGAR GZIMS CHUNG DGE LEGS BDE YANGS SU YONGS RDZOGS BSTAN PA'I MNGA' BDAG 'DUL BA 'DZIN PA MTHA' DAG GI GTZUG RGYAN 'JAM DPAL DBYANGS DNGOS DKON MCHOG BSTAN PA'I SGRON ME'I ZHABS DRUNG NAS RAB BYUNG BSKYAR MA DANG TSIGS SNGA MA DGE TSUL GYI SDOM PA LEGS PAR NOD DE MKHAN PO RNAM PA GNYIS KAS MING DKON MCHOG BSTAN 'DZIN ZHES STZAL; ZHES GSUNGS PA LTAR, CHOS GRVAR PHEBS NAS ZLA BA GNYIS LHAG TZAM SONG BA MYOS LDAN GYI LO'I ZLA BA DANG PO 'GRAN ZLA MED PA'I CHO 'PHRUL GYI DUS CHEN LA DAM PA DE NYID KYI DRUNG DU, SKYABS 'GRO'I BSLAB BYA LAS, CHOS LA SKYABS SU SONG BAS SEMS CAN LA GNOD 'TSE SPONGS, ZHES DANG, BZHI BRGYA BA LAS, MDOR NA CHOS NI MI 'TSE BAR, ,DE BZHIN GSHEGS PA RNAMS KYIS GSUNGS, ,ZHES GSUNGS PA LTAR STON PA THUGS RJE CAN GYI DAM PA'I CHOS NI MI 'TSE BA DANG PHAN 'DOGS PA'I GZHI LAS 'BYUNG BAS NA GZHAN LA GNOD PA GZHI DANG BCAS PA LAS LOG PA'I LUS NGAG GI NGES PAR 'BYUNG BA'I SNGOM PA, 'DUL BA'I MDO LAS, NGES PAR 'BYUNG BA'I TSUL KHRIMS KYI DBANG DU BYAS TE, ZHES GSUNGS BA LTAR, LEGS SMON DANG 'JIGS SKYOBS SOGS KYI SKYON DANG BRAL BA, SAm SKRi TA LHA'I SKAD DU SHRA MA nE RA ZHES PA DGE SBYONG GI TSUL TE ZHI BA MYA NGAN LAS 'DAS PA'I TSUL DANG RJES SU MTHUN PA'I DGE TSUL @024 [MISSING PAGE]

, ,DU MI 'GYUR BAR CI BYED KHYED SHES KYI THUGS RTZE GTAD DE, NGA RGYAL DANG CHE BA'I NGA RGYAL GYI DRI TZAM YANG MED PAR BLA MA'I BYA BA'I KHUR LCI YANG NGAN LAS JI 'DRA ZHIG NYAMS SU BZHES DGOS PA LA'ANG YI MI 'PHRIG PAR KHUR DU MI 'GRO RGYAN DU 'GRO BA'I SGO NAS SPRO BZHIN DU BSGRUBS SHING, BLA MAS BRNYAS SHING GSHE YANG LHAG PAR YANG GUS SHING MI SKYO BAS DE'I PHYI BZHIN 'BRANG NAS GDAMS NGAG DON DU GNYER BA, 'BROM GYIS JO PO DANG, BLA MA SE BTZUN, BYA YUL PAS SPYAN SNGA PA BSTEN PA DANG CHA KUN NAS MTSUNGS PA NI, RGYAL MKHAN CHEN RIN PO CHES NANG GI KHAMS DANG MOS PA MKHYEN PAS DGE TSUL ZHES DANG PO NAS GZIGS PA SHIN TU CHE STABS SKU DRUNG DU BCAR BZHUGS LTA BUS, GO RIG GSAL ZHING, GTOR BZO, BCA' BSHOM, PHYAG BRIS SOGS LA BYANG BAS RGYUN PA'I DRUNG YIG DANG, DBANG RJES GNANG GI MCHOD G-YOG ZHUS, ZHAL NAS KUN MKHYEN BAR PA'I GSAN YIG BKA' RTZOM GYI THOG MA'I YIG MKHAN NGA YIN PAS DE DUS KYI DANG PO'I MA DPE DE LA MA DAG PA MED KYANG, DE MA YIG BYAS TE NYID KYI PHYAG MDZOD BOD PA BRTZON 'GRUS KYIS SU NYID PA SKAL BZANG 'JAM DBYANGS LA 'BRING BCUG PA, MA YIG GI YI GE ZHIB CING YAR BCUG MAR BCUG MANG BA RNAMS NOR BA DANG, KHO RANG SMAD SOG YIN PAS BOD SKAD MA KHROL BA YANG 'BA' RE SNANG BAS BCOS DGOS BSAM MOD KYANG, MA DPE DE BDE YANGS KYI BYAMS SKU'I

GZUNGS SU PHUL BAS THABS MA BYUNG, DE'I DBANG GIS DA LTA'I DPAR MA 'DIR MA DAG PA NGO SHES PA 'DI DANG 'DI 'DRA 'DUG CES LUNG GNANG SKABS THO YIG MDOR BSDUS MDZAD KYANG, RJE NYID THUGS DAM, ZHAL 'DON, PHYAG SBYANGS, ZIN BRIS PHYOGS SDEBS KYI RTZOM PA, BKA' CHOS BAR MTSAMS MED PA'I THUGS BREL DANG, BDAG CAG DON GNYER ZHAN PAS ZHUS DAG ZHIB MO ZHU MA THUB, 'ON KYANG RDO RJE 'CHANG RANG GI GSAN YIG TU ZHIB CHA MANG PO BKOD DE BKA' DRIN GYIS KHYAB PAR MDZAD, DE DUS NAS RNAM DPYOD KYI RTZAL RDZOGS PAS RGYAL MKHAN CHEN NAS, DGE TSUL KHYOD MTHONG THOS RNAMS BRJED RGYU MED PA YA MTSAN GSUNGS TE SNGON GYI DAM PA RNAMS KYI GSAN YIG, CHOS 'BYUNG, RNAM THAR, LO RGYUS, DEB THER SOGS RJE 'DI LA GZIGS SU BCUG PA RNAMS MA 'DRES PAR THAD KA THAD KAR ZHUS PAS GSAN YIG BKA' RTZOM GYI TSE SKU'O BRGYAL DU MA BCUG PAR TSEG LEN RMAD DU BYUNG BA'I PHYAG G-YOG BSGRUBS, ZHAL NAS KYANG, RGYAL MKHAN CHEN RIN PO CHE'I BKA' DRIN LA, SNGON GYI CHOS 'BYUNG, RNAM THAR, GSAN YIG SOGS LA NA TSOD CHUD DU RIG PA GSAL DUS SLOB GNYER BRGYAB PAS BDAG DGA' RAB YOD GSUNGS SHING, BKA' CHOS DRIS LAN DOGS GCOD SOGS KYI DUS SNGON GYI RABS GSUNGS PA NA, YUL PHYOGS SO SO'I CHE CHUNG, NYE RING, CHAGS TSUL, DE DANG DER SKYES BU DAM PA DANG, SDIG SPYOD STOBS LDAN BYUNG TSUL, LUGS GNYIS KYI BYA BA DAR RGUD, LO TSIGS SNGA PHYI DE DAG GI PHA MA NYE DU, ,

, ,SNAG GI GNYEN, RIGS RGYUD TSUN CHAD MKHYEN PA, YUL PHYOGS DER 'KHRUNGS DUB KYI SKYE BA DRAN PA'I MNGON SHES KYI MTHU'AM SNYAM PA 'CHAR YANG, RJE NYID KYI ZHAL 'PHROS LA, NGAS DPE CHA BLTAS PAS CUNG ZAD SHES, MI LO KHRI PHRAG DU MA'I RABS KYANG SBYANGS STOBS KYIS 'CHAD THUB PA YOD SA NA, BCOM LDAN 'DAS PHYIN CHAD KYI LO STONG PHRAG GSUM BZHI TZAM GYI LO RGYUS RGYA CHUNG ZHING GSAL PAS MI DKA' YANG NGA TSO BLO DANG BRTZON 'GRUS DMAN PAS GSUNG RAB RNAMS GONG 'OG BSGRIGS NAS DPYAD MA THUB PAS LAN PA YIN GSUNGS, DE NI MTSON BYED TZAM YIN PAS, ZHANG ZHUNG CHOS DBANG GRAGS PAS, KHYOD YON RI YI DBANG POS SHES BYA YI, , DKYIL 'KHOR YUNGS 'BRU'I GO SAR RAB 'GOD CING, ,RNAM DPYOD GZUGS SU MA MDZAD CHOS RNAMS KUN, ,RANG RANG LUS 'DZIN SKAL PA CI YANG BZANG, ,ZHES GSUNGS PA LTAR, MKHYEN RAB RLABS CHE BA'I CHA GANG NAS BSAM YANG PHAL GYI BLOR MI SHONG BA SHA STAG YIN LA, RGYAL MKHAN CHEN RIN PO CHE NI, DE DUS GRVA SA SE 'BRAS DGE GSUM DU YANG 'KHOR GSUM MI 'GRO BAR KHROM THOG CHOD PA'I DGE BSHES, MDO SNGAGS RIG GNAS KYI MKHYEN RGYA, 'CHAD PA DANG, RTZOM PA GANG THAD NAS, GUNG THANG 'JAM PA'I DBYANGS GNYIS PA LTA BU DE YANG, RJE 'DI'I YON TAN GYIS THUGS 'PHROG STE CHOS TSUL MTHA' DAG LA RNAM DPYOD KYI 'JUG

PA AUTPAL GYI 'DAB MA LTAR RGYAS PA ZHES YANG YANG BSNGAGS BRJOD MDZAD DO, ,BSOD GRAGS SPRUL PA'I SKU RIN PO CHE BYANG CHUB SEMS DPA' SEMS DPA' CHEN PO GRUB PA'I DBANG PHYUG 'DUL PA 'DZIN PA RJE BTZUN DKON MCHOG RGYA MTSO'I PHYAG G-YOG CHE PHRA MTHA' DAG LAS SHOR MED PAR 'PHRAL 'PHRAL DU ZHU BA, BKA' GDAMS PA RNAMS KYIS, RDO RJE SLOB DPON BKA' BYUNG NA, ,YI GE NA YANG PHYED MAR GCOD, ,CES GSUNGS BA JI LTA BA BZHIN MDZAD CING, THAG NYE RING GI ZHABS PHYIR MANG DU BYON, ME 'BUD THAL PHYAGS MTSAN MO SU RIG GI MEL TSE'I THUN PA TSUN CHAD BYAS, RJE DE NYID BSTAN PA'I GEGS CHAGS CHER BDO BA'AM, SDIG SPYOD DBANG CHE BA RNAMS KYIS SEMS CAN SDUG BSNGAL LA SBYOR BA GZIGS SHING GSAN PA DANG, RGYUS MED PAR 'DRE GDON CHE BA'I SAR GDAN DRANGS PA SOGS KYI TSE, SKYES RABS LAS, BYANG CHUB SEMS DPA' DE MTHONG NAS; ;BRTAN YANG SNYING RJE'I DBANG GYUR PAS, ,SA G-YOS PA YI LJON SHING BZHIN, ,GZHAN GYI SDUG BSNGAL GDUNGS PAS 'DAR, ,ZHES GSUNGS PA BZHIN, BZOD GLAGS MED PA'I BYAMS PA DANG, SNYING RJE CHE CHER G-YOS BA'I STOBS KYIS THUGS 'KHRUGS CING SKU RLUNG 'PHAR BAS SKU LUS 'DAR, SKABS 'GAR GSUNG YANG 'BYON MI THUB PAR BRGYAL 'GRO BA LTA BU LA LTA BA'I GDENGS BSKYED DE SPYAN HUR TSUGS SU GZIGS SHING PHAt

, ,DRAG BO RE BRGYAB BAS THUGS NGAL GSO BA DANG, SKABS 'GAR SKU 'KHOR RNAMS LA BKA' BKYON DANG PHYAG 'BEBS GNANG BA RNAMS BYAMS SNYING RJES BYIN GYIS BRLAB PAR DGONGS NAS GUS PAS 'KHUR ZHING, NGA'I BLA MA BYANG CHUB SEMS DPA' DE'I BYAMS PA DANG SNYING RJE'I MTHU BSAM GYIS MI KHYAB CES LHAG PAR YANG THUGS DANG CHER 'GRO BA MA GTOGS SKYON RTOG SKAD CIG KYANG SKYE MA MYONG BA'I TSUL RJE DE'I GSOL 'DEBS RANG NYID KYIS MDZAD PA LAS, DKON MCHOG RIN CHEN RNAM GSUM 'DUS PA'I SKU, ,BRGYAD KHRI BZHI STONG CHOS PHUNG SGROGS PA'I GSUNG, ,ZAB RGYAS YON TAN RGYA MTSO MNGA' BA'I THUGS, ,MGON PO BYAMS BRTZE'I GTER LA GSOL BA 'DEBS, ,ZHES DANG, GSAN YIG SOGS SU BYAMS BRTZE'I GTER MDZOD DANG, BYAMS BRTZE'I MNGA' BDAG CES YANG YANG GSUNGS PA DE LTAR RO, ,STOD LUNG PA RIN CHEN SNYING POS BYA YUL PA GZHON NU 'OD NYE GNAS SU KHRID NAS SPYAN SNGA BA TSUL KHRIMS 'BAR GYI DRUNG DU BYON PA NA, SPYAN SNGA BAS STOD LUNG PA LA 'DI LTA BU'I BTZUN CHUNG SHES RAB CAN NYE GNAS LA YOD PA KHYOD BSOD NAMS CHE GSUNGS PAS BLA MAS BZHED PAR 'DUG PAS 'BUL DGOS DGONGS NAS, BYA YUL PA'I MGRIN PAR DAR DKAR PO 'PHANGS TE PHUL BA BZHIN DU, BSOD GRAGS RIN PO CHE 'BROG PHYOGS SU PHEBS DUS SHIG LA, SKYABS MGON

THUGS RJE CAN YANG DER BZHUGS YOD PAS, NYIN GCIG RJE 'DI PHYAG PHYIR KHRID DE RNAM PA GNYIS KA SKU MDUN DU MJAL ZHING RJE 'DI GZIMS GUR NAS PHYIR BYON PA'I RJES SU SKYABS MGON NAS, BSOD GRAGS RIN PO CHER, KHYOD KYI GRVA BA BSTAN 'DZIN 'DI, GRVA BA LEGS PO, RNAM DPYOD DANG GO RGYA CAN, RIG GNAS DANG, SNYAN DANG GSAL MKHAS PO, HA CANG YON TAN CAN DE 'DRA YIN 'DUG ,NGA LA DA LTA YIG MKHAN BZANG RAB MED PAS RUNG NGAM GSUNGS PAR KHO RANG 'THAD NA LOS CHOG ZHUS, DE'I RGYU MTSAN BSOD GRAGS RIN PO CHES RJE 'DI LA GSUNGS PAS, RJE 'DIS SKYABS MGON RDO RJE 'CHANG LTA BU'I PHYAG G-YOG ZHU RGYU BYUNG NA SPYIR SKAL BA BZANG MOD KYANG, SA CHEN BO'I LAS DON 'JIG RTEN DANG 'DRES PA DKA' LAS CAN ZHIG TU 'GYUR BAS, PHYAG G-YOG RNAL MAR 'GRO DKA' GSUNGS TE 'JIG RTEN GYI NGO 'DZIN SOGS 'DI SNANG GI BYA BYED LA GTING NAS THUGS LOG PAS DE TZAM MA DGYES, 'ON KYANG SKYABS MGON GYI BKA' PHEBS BZHIN RE ZHIG DRUNG YIG GI LAS KHUR ZHUS, DE TSE NA'ANG DRUNG YIG KHANG DU GDAN STOB PA DANG JA GRAL SOGS KYI BKUR BZOS LA MI MNYES PAR RANG GSHAG NAS JA BZHES TE BYON NAS 'GOL SA ZHIG TU BZHUGS PA DANG, DRUNG 'KHOR CHE KHAG TSOR GTAM TZAM YANG MI 'DRES PA SOGS TSE 'DI BA'I MI DANG SNANG BA MI BSTUN PA RGYUN PA'I MDZAD SPYOD KYI MU NAS BKA' SHOG SPRINGS YIG SOGS PHYAG BRIS GANG

, ,DGOS CHAD LUS MED BAR PHUL BAS, SKYABS MGON RIN PO CHES DRUNG YIG GZHAN GYIS BRIS PA LA BCOS BSGYUR MANG PO DANG, RJE 'DI'I PHYAG BRIS LA ZHIB GZIGS DANG THUGS GTING NAS MNYES PA'I RNAM 'GYUR MDZAD, CI 'DRA LAGS ZHUS PAR, AA KHU BSTAN 'DZIN GYIS BRIS PA LA BCOS BSGYUR GAL DGOS GSUNGS ZHES GONG SA MCHOG GI SKU ZHANG GSOL DPON DRUNG BSTAN PA RGYA MTSO LAS THOS SO, ,DKON MCHOG SGRON ME LAS, DAD PA SNGON 'GRO MA LTAR BSKYED PA STE, ,YON TAN THAMS CAD BSRUNG ZHING 'PHEL BAR BYED, ,CES GSUNGS PA LTAR, DGE BA'I BSHES GNYEN RNAMS LA DANG BA'I DAD PA CHAGS LDAN GYIS YUL MTHONG BA LTA BU, BLA MA SANGS RGYAS KYI GO 'PHANG MNGON DU BYED 'DOD KYI DAD PA SKOM PAS CHU TSOL BA LTA BU, YID CHES KYI DAD PA BU MDZANGS PAS MA LA YID RTON PA LTA BU, PHYIR MI LDOG PA'I DAD PA TSA BAS GDUNGS PA'I GLANG CHEN PAD MTSOR 'JUG PA LTA BUS, LAG NA RDO RJE DBANG BSKUR BA'I RGYUD LAS, SLOB DPON LA SLOB MAS JI LTAR BLTA BAR BYA ZHE NA, SANGS RGYAS BCOM LDAN 'DAS LA JI LTA BA DE BZHIN DU'O, ,ZHES GSUNGS PA LTAR, SANGS RGYAS DNGOS KYI 'DU SHES 'BRAL BA MED BA'I SGO NAS RTZA BA DAD PA SBYANGS PA DANG, SDONG BO BKOD BA'I MDO LAS, 'JIG RTEN SKYOBS BAS DPA' BO LTA BU STE, ,DED DPON MGON DANG SKYABS SU GYUR PA YIN, ,'DI DAG BDAG LA

BDE STOB MIG YIN ZHES, ,DE 'DRA'I SEMS KYIS DGE BSHES BSNYEN BKUR BYED, ,CES DANG, DGE BA'I BSHES GNYEN NI BDAG GI DKAR PO'I CHOS THAMS CAD 'PHEL BAR BYED PA'O, ,ZHES GSUNGS PA LTAR, 'KHOR BA DANG NGAN SONG GI 'JIGS PA MTHA' DAG LAS SKYOBS PA DANG, MNGON MTHO DANG NGES LEGS KYIS BSDUS PA'I DKAR CHOS THAMS CAD 'PHAL BAR BYED PA SANGS RGYAS THAMS CAD LAS KYANG LHAG PA'I BKA' DRIN GZHAL DU MED PA'I TSUL RJES SU DRAN NAS GUS PAR BYA BA BSAM PAS BSTEN TSUL DANG, MDO SDE RGYAN LAS, BKUR STI RNYED PA DAG DANG RIM GRO DANG, ,SGRUB PA'I SGO NAS BSHES GNYEN BSTEN PAR BYA, ,BSTEN GZHI DE BZHIN BLO LDAN CHOS LA NI, ,SHES BSAM DUS SU 'DUD PAS BSHES GNYEN BGROD, ,CES GSUNGS PA LTAR, BSTEN TSUL GYI GZHI MNYES PA SGRUB PA'I SGO CHUNG DU ZANG ZING 'BUL BA, 'BRING LUS NGAG GI BSNYEN BKUR BA, MCHOG BKA' BZHIN BSGRUB PA, RGYU MTSAN CHOS KUN SHES PAR 'DOD PA'I BSAM PA DANG, DUS SU 'GRO BA DANG, NGA RGYAL MED PAR 'DUD PAS 'GRO BA SOGS KYIS SBYOR BAS BSTEN TSUL GNAD DU 'GRO BA'I SGO NAS TSUL BZHIN DU BSTEN PA DE YIS LEGS TSOGS THAMS CAD KYI RTZA BA TSUGS PAR GYUR PA YIN TE, LAG NA RDO RJE DBANG BSKUR BA'I RGYUD LAS, DE YI SEMS NI DE LTA NA, ,RTAG TU DGE BA SKYE BAR 'GYUR, ,DE NI 'JIG RTEN THAMS CAD

, ,LA; ;PHAN PAR BYED PA'I SANGS RGYAS 'GYUR, ,ZHES DANG, BYANG CHUB SEMS DPA'I SDE SNOD LAS, SANGS RGYAS KYI CHOS THAMS CAD 'THOB CING YONGS SU RDZOGS PA NI, BLA MAL RAG LAS, BLA MA RTZA BAR GYUR, BLA MA LAS BYUNG, BLA MA SKYE GNAS DANG SKYE MCHED DU GYUR, BLA MAS BSKYED, BLA MAS SPEL, BLA MAL BRTEN, BLA MA RGYUR GYUR PA DAG GO, ,ZHES DANG, BE BUM SNGON PO LAS, BSLAB BTUS BSHES GNYEN MI BTANG SKABS SU, ,MAN NGAG THAMS CAD BSDUS PA'I 'GO NI, ,BSHES GNYEN DAM PA MI BTANG PA YIN, ,DE LAS DAD DANG BYANG CHUB SEMS SOGS, ,YON TAN KUN 'BYUNG KUN GYI GTER YIN, ,ZHES DANG, SA PAndI TAS, BSKAL PA STONG DU PHA ROL PHYIN PA'I TSUL, ,MGO DANG RKANG LAG BDOG PA GTONG BA SOGS, ,BLA MA'I LAM 'DIS SKAD CIG GCIG LA SDUD, ,RIM GRO GYIS LA DGA' BA SGOMS SHIG 'ANG, ,ZHES DANG, RJE THAMS CAD MKHYEN PAS, 'JIG RTEN 'JIG RTEN 'DAS PA'I DGE LEGS KYI, ,YON TAN KUN GYI RTZA BA DRIN CAN RJE, ,ZHES GSUNGS PA LTAR RO, ,MDO SDE RGYAN LAS, DE NI BSNYEN BKUR RNYED LA 'DONG PA MED, ,BSGRUB PAR BYA PHYIR DE YONGS BSNGO BAR BYED, ,CES GSUNGS PA LTAR, RJE 'DI'I DGE BA'I BSHES GNYEN RNAMS KYANG NGES PA DON GYI RNAM GROL SGRUB PA'I BLA MA SGRUB PAS MNYES YI ZANG ZING GIS MI MNYES PA SHA STAG YIN

ZHING; RJE RANG NYID KYIS KYANG, DE CHOS BGO SKAL LA SKYOD YON TAN LDAN, ,BSHES GNYEN RAB TU BSTEN BYED ZANG ZING MIN, ,ZHES DANG, PO TO PA CHEN POS, RANG CAG CHOS LA CIR YANG MI BRTZI BAR JA SUN RE'I MTHO DMAN LA THUGS LA BTAGS MA BTAGS THAMS CAD BRTZI BA PHUGS RUL NGA'I RTAGS YIN GSUNGS PA LTAR, DGE BA'I BSHES GNYEN RNAMS LAS ZANG ZING GI BGO SKAL TIL 'BRU TZAM YANG LONGS MI SPYOD PA KHO NA LHUR LEN CING, SKABS SKABS SU SKU DRUNG DU JA SUN RE BZHES DGOS PA LA'ANG THUGS MI BZOD PA DANG, SKU NA CHUNG DU'I DUS SU GRVA RKYANG YIN NA'ANG, ZAS GOS KYI GNANG SBYIN CHEN PO PHAR ZANG PHRAN TSEG RE LA'ANG, BYANG BA'I GYIS PA NYUNG MA'I ZAS KYIS MI MGU BA BZHIN GTING NAS MI BZHED PAS, SLAR NAN GYIS ZHU BA PHUL TE BDAG GIR BZHES PA'I GO SKABS MI SRID PAR RGYUN DU CHOS RGYUN DANG GDAMS PA ZAB MO ZHIG THOB NA SNYAM PA 'BA' ZHIG THUGS LA BCAD BA STON PA BCOM LDAN 'DAS KYI SPYAN SNGAR 'PHAGS PA KUN DGA' BO CHOS TSOL BA LA ZHUGS PA DANG MTSUNGS SO, ,SKYES RABS LAS, TSIG GI BDUD RTZI 'THUNG BA BZHIN, ,RIM GRO BSKYED DE CHOS NYON ZHIG , CES PA LTAR, BLA MA SANGS RGYAS SU MTHONG BA'I GANG ZAG YIN PAS BLA MA RNAMS KYI BKA' CHOS LTA CI SMOS, ZHAL 'PHROS KYI TSIG RE RE LA'ANG SANGS RGYAS KYI GSUNG DU 'DZIN PA'I GCES SPRAS KYIS GCIG KYANG MA BRJED

, ,PAR THUGS LA NGES SHING, BDUD RTZI'I THIGS PA RE RE YANG CHUD ZOS SU PHO MI BRA BA BZHIN DU BRJED DU PHANGS NAS GSUNG BSHAD DANG, LUGS GNYIS KYI ZHAL TA, JA 'PHROS, THA NA BZHUGS TSUL, BZHENGS TSUL, CHIBS GONG NAS 'BYON TSUL, GSOL BA BZHES TSUL, SPYOD LAM DU BYON TSUL TSUN CHAD PHYAG BRIS SU MDZAD PA PHRAN RNAMS KYIS MJAL LA, DE NI BLA MA'I MDZAD PA THAMS CAD SANGS RGYAS KYI MDZAD PAR MTHONG PA'I GTAN TSIGS YANG DAG YIN ZHING, MDO SDE RGYAN LAS, BRTAN PA JI SKAD BSHAD BZHIN BSGRUB PA DES, ,DE YI SEMS NI YANG DAG MGU BAR BYED, ,THEG PA GSUM LA MKHAS PAR BLOS RTOGS NAS, ,RANG GI THEG PA BSGRUB PAR BYA PHYIR 'BAD, ,CES DANG, SKYES RABS LAS, PHAN PA'I LAN DU MCHOD PA BYA BA NI, ,BSGO BA'I TSIG BZHIN NYAMS SU LEN PA YIN, ,ZHES GSUNGS PA LTAR, 'GRO LA PHAN BAR BZHED PA DGE BA'I BSHES GNYEN RNAMS KYIS NYAN THOS KYI LAM DANG, RANG SANGS RGYAS KYI LAM DANG, SANGS RGYAS KYI LAM THAMS CAD MKHYEN CING, LAM THAMS CAD KYI RTOGS PA'I RIGS RDZOGS PAR BSKYED PA DANG, DE DAG GI LAM GYI BYA BA YANG BYAS TE 'GRO BA RNAMS LA GANG LA GANG 'TSAMS KYI 'JIG RTEN DANG 'JIG RTEN LAS 'DAS PA'I DON BSGRUB PA'I TSUL BLO GROS DRI MA MED PAS GZIGS NAS, DE RNAMS GANG NAS GSHEGS PA'I THEG PA'AM

LAM MCHOG TU GYUR PA SNYIGS DUS KYI TSE THUNG GCIG LA 'TSANG RGYA BA'I GDAMS PA DANG RJES SU BSTAN PA'I CHOS KYI TSUL LAS MI 'DA' PA'I SGRUB PA'I MCHOD PAS THUGS DGONGS YANG DAG PAR ZIN PA NI BSHES GNYEN BSTEN TSUL BLA NA MED PA'O, ,DANG SEMS DAG PA'I SNANG BA 'BYAMS KLAS PA'I, ,SANGS RGYAS ZHING DU BSHES GNYEN LONGS SPRUL GYI, ,ZHAL MJAL GSUNG GI BDUD RTZIS 'TSO BA KHYOD, ,LAS KYI SNOD BCUD NYES BA'I RI MOR GYUR, ,YON TAN ZAD MI SHES PA'I 'DREN PA RNAMS, ,MNYES PA ZAD MI SHES PA'I SGO 'PHAR GYIS, ,LEGS TSOGS ZAD MI SHES PA'I GTER PHYE STE, ,THAR 'DOD ZAD MI SHES PA'I DBUL PA SEL, ,LAM BZANG RTZA BA TSUGS PA'I RIN CHEN SNOD, ,BAG YOD SNUM LDAN MKHYEN PA'I SDONG BU LA, ,BSTAN PA'I SKRON ME GCIG LAS GNYIS PA ZHIG ,GSAR DU SBAR BA'I DGE MTSAN SKYE DGU'I MIG ,CES PA'ANG BAR SKABS KYI TSIGS SU BCAD PA'O, ` ,MCHU SGROS BYU RU'I SKYED TSAL DU, , MU TIG TSEMS PHRENG RGOD PA'I DBUS, ,LJAGS KYI BUNG BA 'PHRUL BA MO, ,RNA BA'I BCUD LEN RGYAS PAR MDZOD, ,TSIGS BCAD GNYIS BA'I DON NI, GSUNG DBYANGS YAN LAG DRUG CU'I SKABS SU NYI SNANG LAS, NYON MONGS PA'I BAG LA NYAL GYI BAG CHAGS THAMS CAD BRAL BA'I PHYIR DRI MA MED PA'O, ,ZHES DANG, DKON MCHOG RJES DRAN GYI MDO LAS, DON BZANG PO, TSIG 'BRU BZANG PO ZHES SOGS YON TAN DRUG GAM DGU'I SGO NAS DRI

, ,MA MED PAR GSUNGS PA'I RGYAL BA'I BKA' DE LA GNYEN PO'I SGO NAS CHOS PHUNG BRGYAD KHRI BZHI STONG, NGO BO DANG BYED LAS CI RIGS PA'I SGO NAS GSUNG RAB YAN LAG BCU GNYIS SAM DGU, DUS KYI SGO NAS 'KHOR LO BAR THA GSUM, SHES BYA SPANG BYA BSLAB BYA GSUM GSUM STE RGYU MTSAN DGU'AM, BRJOD BYA'I SGO NAS SDE SNOD GSUM, GDUL BYA'I SGO NAS THEG PA CHE CHUNG GI SDE SNOD GNYIS DANG, ZHAL NAS GSUNGS PA'I BKA', BYIN GYIS BRLAB PA'I BKA', RJES SU GNANG BA'I BKA' GSUM DU DBYE BA DANG, MDO PHYOGS KYI SDE SNOD GSUM NI DUG GSUM SO SOR SPYOD PA'I GNYEN PO DANG, RGYUD SDE NI DUG GSUM CHA MNYAM DU SPYOD PA'I GNYEN POR GSUNGS LA, GSANG SNGAGS SDE SNOD GSUM LAS LOGS SU BZHED PA DANG, MDO SDE'I SDE SNOD DU BZHED PA DANG, AA BHYA KA RAS SDE SNOD GSUM KA'I CHAR GTOGS YOD PAR BZHED PA RNAMS LAS RANG LUGS NI PHYI MA LTAR RO, , MDO PHYOGS KYI BKA'I DGONGS 'GREL GYI BSTAN BCOS TSAD MAR GYUR PA BKA' THAMS CAD KYI BRJOD BYA BSDUS PA'I SNGOM LTA BU NI, BYAMS CHOS DANG 'DZAM GLING RGYAN DRUG MCHOG GNYIS KYI GZHUNG LUGS BKA' POD CHEN PO LNGA YIN TE; BKA' THAMS CAD SDE SNOD GSUM DANG THEG PA CHE CHUNG GI SDE SNOD GNYIS SU 'DU ZHING, THEG CHEN GYI LTA BA DBU TSAD DANG, SPYOD PA PHAR PHYIN GYIS STON, THEG DMAN GYI LTA SPYOD MDZOD DANG, THEG PA GNYIS KA'I THUN MONG GI TSUL

KHRIMS 'DUL BAS STON PA DANG, YANG DBU TSAD MDZOD GSUM MNGON PA'I SDOM, PHAR PHYIN MDO SDE'I SDOM, MDO RTZA 'DUL BA'I SDOM YIN ZHING, DES 'KHOR LO DANG PO'I SPYOD PHYOGS GTZO BOR 'GREL, MNGON PA LA, KUN RDZOB PA'I MNGON PA, DON DAM PA'I MNGON PA GNYIS, DANG PO LA, MNGON PA GONG 'OG GNYIS DANG, RIGS PA'I MNGON PA, LUNG GI MNGON PA GNYIS, LUNG GI MNGON PA MNGON PA 'OG MA NI, MNGON PA SDE BDUN GYI DON BSDUS PA MNGON PA MDZOD YIN LA, DES 'KHOR LO DANG PO'I LTA BA BDEN BZHI'I RNAM BZHAG 'CHAD CING BYE SMRA'I RANG GZHUNG MIN YANG BYE SMRA'I 'DOD TSUL RGYAS PAR STON, LUNG GI MNGON PA MNGON PA GONG MA NI, MNGON PA KUN BTUS YIN ZHING, DE DANG, RIGS PA'I MNGON PA TSAD MA RNAM 'GREL GNYIS KYIS 'KHOR LO THA MA'I LTA BA RNAM RIG PA'I LUGS GSAL BAR 'CHAD, DON DAM PA'I MNGON PA 'KHOR LO BAR BA'I LTA BA'I CHA GTZO BOR 'GREL BA KLU SGRUB YAB SRAS KYIS MDZAD PA'I DBU MA'I GZHUNG RNAMS YIN LA, YUM GYI SBAS DON MNGON RTOGS KYI RIM PA DANG, 'KHOR LO BAR MTHA' GNYIS KA'I SPYOD PHYOGS RGYA CHE BA'I LAM STON PA NI, MDO SDE'I SDE SNOD KYI DGONGS 'GREL RGYAN DANG SA SDE SOGS PHAR PHYIN GYI GZHUNG RNAMS YIN PAS, GUNG THANG 'JAM PA'I DBYANGS KYI SLOB GNYER BSLAB BYA LAS, DBU TSAD ZUNG DU 'JUG PA'I LTA BA DANG, ,CHOS MNGON MDZOD DANG PHA ROL PHYIN PA'I SGOM, ,BSTAN PA'I NANG MDZOD 'DUL BA'I KUN

, ,SPYOD RNAMS, ,MA CHANG BSLAB GSUM YA BRAL 'GYUR BA'I PHYIR, ,BKA' POD LNGA LA TSANG BAR SBYONGS SHEG AANG, ,ZHES GSUNGS PA LTAR, NYID DGOS RTOGS PA'I BSTAN PA BSLAB PA GSUM RGYUD LA SKYED BYED KYI LUNG MAN NGAG CHA TSANG LA MA NOR BA NI BKA' BOD LNGA YIN PA'I PHYIR RO, ,DON GYI DBANG 'DI GZIGS NAS, RJE THAMS CAD MKHYEN PA'I RTOGS BRJOD LAS, DE NYID PHYIR NA MI PHAM CHOS RJE DANG, ,'DZAM GLING RGYAN DRUG MCHOG GNYIS ZHES GRAGS PA'I, ,GZHUNG LA PHYOGS RE BA DANG RAGS PA RES, ,TSIM PAR MA BYAS KUN LA ZHIB TU SBYANGS, ,ZHES GSUNGS PA LTAR, THOS BSAM SGOM PA LA'ANG PHYOGS RE BA DANG, KHA ZIN SNA ZIN NAS MA YIN PAR, SNGON BYON DAM PA'I RNAM PAR THAR BA JI LTA BA BZHIN DU BKA' POD CHEN PO LNGAS THOG MA BYAS TE MDO SNGAGS YONGS SU RDZOGS PA'I RGYA BOD KYI GZHUNG LUGS RGYA MTSO LTA BUR GSAN SBYONG MDZAD TSUL NI, DGE BA'I BSHES GNYEN RNAMS LAS BKA' CHOS GSAN PA DANG TSOGS CHOS 'GRIMS PA ZUNG 'BREL GYI MU NAS, SKYED TSAL MKHAN PO DANG, 'JAM DBYANGS DGA' BLO'I BSDUS GRVA, NYI THANG SHES RAB SBYIN PA'I BSDUS GRVA CHE 'BRING CHUNG GSUM, KUN MKHYEN BLA MA'I BSDUS CHEN, RA STOD BSDUS GRVA, BTZAN PO'I BSDUS GRVA, MKHAN CHEN BSDUS GRVA, RA BSDUS GRVA SOGS BSDUS GRVA'I SKOR MANG PO GZIGS PA TZAM GYIS THUGS SU CHUD CING, LHAG PAR DU, DRIS 'PHANG, DRUG SGRA, DGAG GZHI RTZI TSUL SOGS DPE

LA MA LTOS PAR GO STOBS KYIS SHAR BAS DPE CHA LA ZHUS DAG THUB PA DANG PO NAS BYUNG BAS RIGS LAM LA YUN RING SBYANGS PA'I RTOG GE MGO 'KHREG DAG GI KHENGS PA'I KU MUD RNAM PAR DPYOD PA'I TSA ZER GYIS RANG DBANG MED PAR ZUM PAR GYUR, KUN MKHYEN BLA MA'I BLO RTAGS THUGS 'DZIN GYI STENG NAS DER MI GSAL BA, GTAN TSIGS LTAR SNANG, DGAG RTAGS KYI RAB DBYE, RANG NGES GZHAN NGES KYI RNAM BZHAG, YID MNGON GYI RAB DBYE, SGRUB NGAG DANG SUN 'BYIN MTHA' CHOD PAR, SDE BDUN YID KYI MUN SEL, SPYI DON RIGS RGYAN SOGS LAS KHA BSKANG BAS, RTAGS RIGS KYI NANG DU RNAM 'GREL RANG DON LE'U DANG, GZHAN DON LE'U STE LE'U THOG MTHA' GNYIS 'DU ZHING, BLO RIG GI NANG DU TSAD MA GRUB PA'I LE'U DANG, MNGON SUM LE'U STE LE'U BAR PA GNYIS 'DU BA'I MAN NGAG GI LDE MIG GIS, MNGON RJES YANG DAG LTAR SNANG BZHI, SGRUB DANG SUN 'BYIN YANG DAG LTAR SNANG BZHI STE RTOG GE TSIG DON BRGYAD KYI RIGS PA'I GSANG TSIG GI SGO LCAGS DBYE DKA' BA PHYE STE STON PA BCOM LDAN 'DAS KHO NA RNAM GROL DON DU GNYER BA LA TSAD MA'I SKYES BU DANG, DE'I BSTAN PA KHO NA THAR 'DOD KYI 'JUG NGOGS SU NGES PA GTING NAS RNYED PA'I RMAD DU BYUNG BA'I TSAD MA'I RIGS LAM NOR BU'I KHRI LA DBANG 'BYOR PAS PHYOGS LAS RNAM PAR RGYAL BA'I GO 'PHANG THOB, MNYAM MED JO BO CHEN POS, LAR THOS BSAM GYI DUS SU CHOS THAMS CAD KYI MTHA' RGYA GCOD DGOS, NYAMS LEN GYI DUS SU 'DRIL DGOS, ZHES GSUNGS

, ,PA BZHIN DU GANG DANG GANG LA'ANG CUNG ZAD TZAM GYIS MI TSIM PAR RANG RANG GI MAN NGAG MTHA' CHOD PAR BYED PA DAM PA 'DI'I CHOS NYID KYI RNAM PAR THAR BA YIN PAS PHYOGS GLANG YAB SRAS RJES 'BRANG DANG BCAS PA'I RGYA BOD KYI TSAD MA'I GZHUNG LUGS MTHA' DAG LA NGOMS PA MED PAR GZIGS RTOGS MDZAD DE, DE YANG MKHAS MCHOG DBYIG GI GNYEN PO'I SLOB MA TSAD MA RANG LAS MKHAS PA SLOB DPON PHYOGS GLANG GIS TSAD MA'I BSTAN BCOS THOR BU BRGYA RTZA BRGYAD BRTZAMS PAR GRAGS SHING, DE THAMS CAD KYI GNAD DON MNGON RJES GZHAN DON RJES DPAG GZHAN SEL DPE LTAG CHOD BRTAG BA DRUG TU BSDUS PA TSAD MA KUN BTUS RTZA 'GREL, DMIGS BRTAG RTZA 'GREL, PHYOGS CHOS 'KHOR LO YANG 'DIS MDZAD PAR GRAGS, TSAD MA KUN BTUS KYI DGONGS 'GREL DU DPAL CHOS KYI GRAGS PAS DBANG PO RTUL 'BRING RNON PO'I DBANG DU BYAS NAS RGYAS PA'I BSTAN BCOS RNAM 'GREL, 'BRING DU STON BA RNAM NGES, BSDUS PA RIGS THIGS TE GTZO BO LUS LTA BU'I BSTAN BCOS GSUM, RNAM 'GREL LE'U DANG PO LAS 'PHROS TE PHYOGS CHOS KHYAB PA SPYIR GTAN LA 'BEBS BA GTAN TSIGS THIGS PA DANG, RTOGS DKA' BA KHYAB PA'AM LTAG CHOD KYI 'BREL BA GTAN LA 'BEBS PA 'BREL BA BRTAG PA GNYIS, LE'U BZHI BA LAS 'PHROS BA SNGA RGOL PHYI RGOL RTZOD PA DANG RGYAL PHAM TSAR BCAD KYI GNAS STON PA RTZOD PA'I RIGS PA, MNGON SUM LE'U LAS GZUGS SOGS

RNAM RIG TZAM DU GTAN LA PHAB PAS, DE LTAR NA SGRUB NGAG 'GOD YUL GYI GZHAN RGYUD JI LTAR 'THAD CES PA'I KLAN KA BSAL TE, SNANG MKHAN SHES PA LAS RDZAS GZHAN PA'I GZUGS SOGS MED KYANG RGOL BA RANG NYID LAS RGYUD GZHAN PA'I GANG ZAG 'THAD PAR STON BA RGYUD GZHAN SGRUB PA STE 'PHROS PA YAN LAG LTA BU'I BSTAN BCOS BZHI STE TSAD MA SDE BDUN, RNAM 'GREL LE'U DANG PO LA RANG 'GREL MDZAD DE DE LA KHA SKONG GI TSUL DU RANG GI SLOB MA LHA DBANG BLO LA LE'U PHYI MA GSUM GYI 'GREL BA RTZOM PAR BKA' GNANG BA BZHIN BRTZAMS TE GZIGS SU PHUL BAS LAN DANG PO BRTZAMS BA CHUS BKRUS, GNYIS PA BRTZAMS PA MER BSREG, GSUM BA PHUL BAR TSIG ZUR DANG 'PHROS DON MED KYANG DNGOS ZIN TZAM BYUNG GSUNGS, NGA'I RIGS BA 'DI GZHAN GYIS GO DKA' SNYAM DU THUGS LA DGONGS TE, RNAM 'GREL GYI MJUG TU, 'GRO BA RNAMS LA MTSUNGS BAR LEGS BSHAD SLAR 'DZIN BYED PA MI RNYED PA CAN KHO BO'I GZHUNG, ,RGYA MTSO LA NI CHU BO BZHIN DU RANG GI LUS LA THIM ZHING NUB PA NYID DU 'GYUR, ,ZHES PA'I TSIG DE BCUG CES GRAGS, LE'U DANG PO LA RANG 'GREL DANG LHA DBANG BLO'I DE'I KHA SKONG LE'U PHYI MA GSUM GYI 'GREL BA BCAS BSDOMS PA LA TSAD MA STONG PHRAG BCU GNYIS PA ZAR, DE'I SLOB MA SH'AKYA BLOS TSAD MA STONG PHRAG BCU GNYIS BA DE'I 'BREL BSHAD MDZAD, DE'I SLOB MA SHER 'BYUNG SBAS PAS RNAM 'GREL LE'U PHYI MA GSUM GYI 'GREL BA RNAM 'GREL GYI RGYAN BRTZAMS BAS RGYAN MKHAN POR

, ,GRAGS, RGYAN GYI LE'U DANG PO'I 'GREL BSHAD SLOB DPON DZA M'A RIS MDZAD PA DANG, SLOB DPON RGYAL BA CAN GYIS MDZAD PA'I RGYAN GYI 'GREL BSHAD BAM PO DRUG CU BA, RGYAN MKHAN PO'I SLOB MA RGYAL RNGA BDUN PA PAn CHEN CHOS MCHOG GI RNAM NGES KYI tIKKA 'THAD LDAN, 'JIG RTEN PHA ROL GRUB PA, SKAD CIG 'JIG PA GRUB PA, TSAD MA BRTAG PA CHE CHUNG, DZA M'A RI'I SLOB MDUL BA LHA'I RIGS THIGS KYI 'GREL BA SLOB PHAN DANG, 'BREL BRTAG, RGYUD GZHAN GRUB PA, RTZOD RIGS, GTAN TSIGS THIGS BA BZHI KA'I 'GREL BA, DE'I SLOB MA BRAM ZE SHAm KA R'A NANTA'AM BDE BYED DGA' BAS RNAM 'GREL GYI 'GREL BSHAD CUNG ZAD MA TSANG BA DANG, 'GREL BA BRTAG PA; SLOB DPON NYI MA SBAS PA'I RNAM 'GREL LE'U BAR PA GNYIS KYI 'GREL BA, SLOB DPON DGE BSRUNG GI THOS PA BRTAG BA, GZHAN SEL BRTAG PA, DBANG PHYUG 'JIG BA GRUB PA, KA MA LA SH'I LA'I RIGS THIGS KYI PHYOGS SNGA SHLOO KA BRGYA BA, ZHI 'TSO'I RTZOD RIGS KYI 'GREL BA, SHANTI PA'I NANG GI KHYAB PA DANG, RNAM RIG GRUB PA, DZE TA RI'I BYIS BA 'JUG PA'I TSAD MA DANG, GTAN TSIGS KYI DE KHO NA NYID BSTAN PA, DZI NA MI TRA'I RIGS THIGS KYI DON BSDUS, KHA CHE DZNY'A NA SHRI'I RNAM NGES tIKKA DANG, RGYU 'BRAS GRUB PA, BRAM ZE RIN CHEN RDO RJE'I RIGS BA'I SBYOR BA SOGS RGYA GZHUNG GI TSAD MA'I BSTAN BCOS BOD DU 'GYUR RO COG DANG, BOD 'DIR RDOG LEGS PA'I SHES RAB KYIS

MNYAM MED JO PO CHEN PO'I BKA' BZHIN GSANG NE'U TOG GI DGON PA BTAB, DE'I DBON PO LO TZ'A PA BLO LDAN SHES RAB KYIS BSHAD GRVA BTZUGS PA BOD YUL GYI BSHAD GRVA'I THOG MA YIN ZHING, DES DUL BA LHA'I SLOB MA PAndI TA GZHAN PHAN BZANG PO LAS, RNAM 'GREL GSAN NAS 'CHAD NYAN RGYA CHER DAR BAR BYAS PAS SLOB MA LUNG RIGS SMRA BA NYI KHRI BYUNG BA DANG, GDAN RABS LA RNAM 'GREL GYI YIG 'JOG MDZAD PA MANG DU BYON, BRAM ZE BDE BYED DGA' BA'I SLOB MA WAm KU PAndI TA DANG, DE'I SLOB MA KHA CHE PAn CHEN SH'AKYA SHRI LAS 'JAM MGON SA SKYA PAndI TAS RNAM 'GREL GSAN NAS BSGYUR BSHAD DANG, TSAD MA RIGS GTER RU 'GREL MDZAD, DE'I SLOB MA'U YIG PA RIGS PA'I SENG GE'I RIGS MDZOD KYI LE'U GNYIS PA'I LAM GYI RNAM BZHAG STON PA'I SKABS LA GZIGS PA'I RKYEN GYIS RJE BDAG NYID CHEN PO MAL GRO LHA LUNG DU STON BZHUGS KYI RING RNAM 'GREL GYI RIGS PA'I SROL LA THUGS DAD MNAN PAS MI NON PA 'KHRUNGS SHING SPYAN CHAB KYI RGYUN BCAD MI NUS PA 'ONG TSUL RNAM THAR LTAR YIN PAS LEGS BSHAD DE DAG DANG, CHA PA'I TSAD BSDUS CHE CHUNG, GRO LUNG PA BLO GROS 'BYUNG GNAS, GTZANG NAG PA BRTZON 'GRUS SENG GE, ZHANG YE PA SMON LAM TSUL KHRIMS, STOD LUNG RGYA DMAR PA BYANG CHUB GRAGS, GNYOS RGYAL BA LHA NANG BA SANGS RGYAS RAS CHEN SOGS KYI RNAM NGES 'GREL BSHAD, DPANG BLO BSTAN, LO TZ'A PA GRAGS RGYAN, BO DONG PHYOGS LAS RNAM RGYAL, NYA

, ,DPON KUN DGA' DPAL SOGS KYI RNAM 'GREL tIKKA, BLA MA DAM PA BSOD NAMS RGYAL MTSAN DANG, MNYAM MED RED 'DA' PA'I RNAM 'GREL GYI tIKKA RGYAS 'BRING BSDUS GSUM, SPYI DON 'GREL BA 'GREL BSHAD SOGS BOD SNGA MA DANG GZHAN PHYOGS KYI YIG CHA RNAMS DANG, RJE THAMS CAD MKHYEN PAS LHA SH'AKA GI 'GREL BA GNYIS KYI STENG NAS BSHAD SROL SO SOR GNANG BA LTAR SRAS KYI THU BO GNYIS KYIS RNAM BSHAD THAR LAM GSAL BYED DANG, tIKA CHEN RIGS PA'I RGYA MTSO MDZAD PA DANG, RGYAL TSA BA RJE'I LHA DBANG BLO'I RJES SU 'BRANG BA'I SA BCAD CHEN MO, TSAD MA MDO, RNAM NGES, RIGS THIGS, 'BREL BRTAG RNAMS KYI DAR tIKA, TSAD MA'I BRJED BYANG CHEN MO DANG, TSAD MA'I LAM SGRIG; RJES 'BRANG GI MKHAS PA SMRA KHAMS GRAGS PA BZANG PO DANG, LCE STON KUN DGA' BZANG PO'I RNAM 'GREL GYI SPYI DON DANG DKA' 'GREL, DVAGS PO BLO GROS BRTAN PA'I RNAM 'GREL LAM SGRIG BKRA SHIS LHUN POR RNAM 'GREL GYI 'CHAD NYAN DAR BAS, DE'I THOS GLING PAn CHEN BSOD NAMS RNAM RGYAL, THOS GLING SANGS RGYAS DPAL RIN, THOS GLING BYANG STON BLO GROS RGYA MTSO, THOS GLING KUN MKHYEN CHOS 'BYOR DPAL BZANG, THOS GLING DRI MED BSHES GNYEN, THOS GLING RTA NAG BA DGE 'DUN BLO BZANG SOGS KYI RNAM 'GREL LE'U BZHI'I SPYI DON MTHA' DPYOD, DKYIL KHANG SHANTI PA BLO GROS RGYAL MTSAN DANG, DE'I SLOB MA BSTAN PA DAR BZANG BA'I RNAM 'GREL, 'JAM DBYANGS GTZANG

BA BDUN GYI THA MA SMON LAM DPAL LEGS PA'I BLO GROS KYI RNAM 'GREL SMON tIKA, 'DUL 'DZIN BLO GROS SNGAS PA'I LE'U BZHI'I SPYI DON, SHAR RTZE KUN MKHYEN LEGS PA DON 'GRUB KYI RNAM 'GREL SOGS BKRAS LHUN GRVA TSANG GSUM GYI YIG CHA, PAn CHEN BSOD NAMS GRAGS PA, SER RJE BTZUN CHOS KYI RGYAL MTSAN, SHANGS PA KUN MKHYEN PHYOGS LHA 'OD ZER, DVAGS PO BKRA SHIS RNAM RGYAL, GRVA CHUNG YON TAN RGYA MTSO, 'BRAS SPUNGS MKHAN THOG GSUM PA 'JAM DBYANGS DGA' BLO'AM 'JAM DBYANGS LEGS PA CHOS 'BYOR, GUNG RU RIN CHEN BYANG CHUB RNAMS KYI RNAM 'GREL LE'U BZHI'I RNAM BSHAD DANG MTHA' DPYOD, KUN MKHYEN BLA MA'I RNAM 'GREL GYI MTHA' DPYOD RTZOM 'PHRO SOGS 'BRAS SPUNGS SGO MANG DANG BLO GSAL GLING, DGA' LDAN SHAR BYANG, SER BYES PA DANG SMAD PA STE GDAN SA CHEN PO GSUM DANG, STAG TSANG RVA BA STOD PA, DVAGS PO GRVA TSANG GI YIG CHA SOGS RGYA BOD KYI RNAM 'GREL GYI GZHUNG PHAL MO CHE'I TSIG DON THUGS SU CHUD CING, RIG PA'I DBANG PHYUG THAMS CAD MKHYEN PA RATNA DHVA DZA DPAL BZANG PO LAS RGYAL TSA BA RJE'I TSAD MA'I BRJED BYANG CHEN MO'I MDZUB KHRID DANG, TSAD MA MDO, PHYOGS CHOS 'KHOR LO, TSAD MA SDE BDUN, RNAM BSHAD THAR LAM GSAL BYED KYI LUNG SOGS RNAM 'GREL SKOR GYI CHOS RGYUN PHYOGS 'DIR GANG YOD RDZOGS PAR GSAN PAS LUNG DANG RIGS PA'I BA DAN STONG PHRAG 'PHUR BA'I MKHYEN RAB GSER SBYANGS DRI MA MED PA'I GRU GZINGS RIGS GZHUNG RGYA MTSO'I PHA ROL DU PHYIN PAR GYUR TO, ,

, ,PHYOGS KYI GOS CAN SNYING LA 'JIGS STENG BA'I, ,PHYOGS GLANG GRAGS PA'I RIGS TSUL LHA'I GAndI'I, ,PHYOGS CHOS KHYAB PAS LOG RTOG GNYID SLONG BA, ,PHYOGS KYI BU MO'I RNA BA'I RGYAN DU GYUR, ,DGUNG LO NYI SHU PA SNA TSOGS ZHES PA CHU RTA NAS GTZO CHER PHAR PHYIN LA SBYANGS SHING, DE YANG CHOS THOG LA CHOS GRVA CHAGS MED DANG, CHOS MTSAMS LA, RGYUG BRTZI BZHAG BLO 'DZIN, GSHAR SBYANGS, DGE RGAN DANG, DGE BSHES RNAMS KYI DRUNG DU DPE KHRID, BLO SKYED ZHU BA, GUNG THANG 'JAM PA'I DBYANGS, RGYAL MKHAN CHEN, DBAL MANG RDO RJE 'CHANG RNAMS KYI BKA' CHOS GANG GNANG PHAL CHER CHAGS MED DANG, KHRI THOG NYER DGU BA SDOM BRTZON SDE SNOD 'DZIN PA CHEN PO DBAL MANG CHUNG BA DKON MCHOG CHOS 'PHEL, SUM CU PA MKHAS GRUB YONGS KYI 'KHOR LO BSGYUR BA SDE KHRI RIN PO CHE, SO GCIG PA KUN MKHYEN BAR PA'I RIGS DPON LUGS GNYIS 'BYED PA'I RNAM DPYOD YANGS SHING, MDO SNGAGS RIG GNAS KYI MKHYEN RGYA CHE BA RDO RAMS PA DKON MCHOG DBANG PHYUG RNAMS LAS PHAR PHYIN GYI BRTZI BZHAG GSAN PA DANG, SBYOR BA RTZI BA SOGS KUN 'DZOMS KYI MU NAS, THOG MAR MNGON BAR RTOGS PA'I RGYAN GYI LUS RNAM BZHAG DANG BSDUS DON GYI 'GREL BA YIG CHA'I DON BDUN CU THUGS 'DZIN DANG 'BREL BAR DNGOS BRGYAD DON BDUN CU'I MTSAN NYID MTSAN GZHI SGRA DON DBYE BAS MTSAMS NGES PA GZHIR BZUNG, RANG RE'I YIG CHA'I SKABS BRGYAD DANG, 'GREL BA DON GSAL, BSAM GZUGS TSE 'BRING CHUNG

GSUM, KUN MKHYEN GYI DRANGS NGES RGYAS 'BRING BSDUS GSUM, KHRI CHEN GYI RTEN 'BREL CHEN MO, DGE 'DUN NYI SHU CHE CHUNG, KUN MKHYEN GYI RTEN 'BREL RGYAS PA RTZOM 'PHRO, GUNG THANG 'JAM PA'I DBYANGS KYI RTEN 'BREL LUNG RIGS BAR MDZOD, KUN GZHI'I MTHA' DPYOD, RNAM THAR SGO GSUM, DRANGS NGES DKA' 'GREL DANG MCHAN, PHAR PHYIN MCHAN DANG 'GREL BA'I ZIN BRIS, BDEN BZHI'I RNAM BZHAG, SKABS BZHI PA'I SDOM TSIG, KUN MKHYEN BAR PA'I MKHYEN GSUM PAD DKAR 'KHRI SHING SOGS GDAN SA'I YIG CHA YONGS RDZOGS LAS THAL PHRENG ZUR BKOL TSANG MA THUGS 'DZIN MDZAD CING GZHAN RNAMS LA NGES CHA ZHIB MO DANG, 'PHAGS SENG GI 'GREL BA RNAMS GZHIR BZHAG CING RGYA 'GREL NYER GCIG GI GZHAN RNAMS KYI TSIG DON GYI DRI MA ZHIB PAR BSAL ZHING, 'PHAGS BOD KYI GZHUNG LUGS MTHA' DAG GI LEGS PA'I CHA BSDUS PA 'GRAN ZLA MED PA'I LEGS BSHAD GSER GYI PHRENG BA DANG, RJE THAMS CAD MKHYEN PAS SHER PHYIN GYI DON LA DPYAD PA RDZOGS RJES SU, RJE BTZUN 'JAM PA'I DBYANGS KYI MAN NGAG GIS BRGYAN NAS DON ZHIB MOR NYAMS SU LEN TSUL GYI LAM GYI RIM PAR BSGRIGS PA SRAS KYI THU BO RGYAL TSAB DAR MA RIN CHEN GYI ZIN BRIS RNAM BSHAD SNYING PO RGYAN DANG, LAM BSGRIGS SOGS LA RGYUN DU GOMS SHING 'DRIS PAS MIG BYAS TE NANG GI DPYAD PA DANG CHOS GRVA'I RTZOD BZUNG 'BREL GYI SGO NAS THAL PHRENG ZUR BKOL GYI DON TSAN SO SO'I LAM GYI LUS, DKA' GNAD LA DOGS GCOD, RGYA BOD KYI MKHAS PA MANG PO'I

, ,DGAG SGRUB KYI RIGS PA'I 'GROS PHRA SHING PHRA BA LA'ANG SGRUB PA LHUR LEN PA'I TSUL GYIS SHES RAB KYI PHA ROL TU PHYIN PA'I DGONGS DON LHAG MA MED PAR THUGS SU CHUD PAR GYUR TO, ,MDO RGYAN SBYOR BA'I MAN NGAG LA'ANG MKHAS PA NI, BSTAN BCOS RIN CHEN SGRON MA DANG, KHA CHE DHARM'A SHRI'I 'BUM tIKA DU GRAGS PA LAS MCHOD BRJOD GLENG GZHI DANG SBYAR ZHING, MKHAS PA KHA CIG, YONGS GTAD LNGA PA'I MTHONG LAM GYI RGYU DANG, GLENG GZHI ZHING DAG DANG, RTAG CHOS GNYIS YONGS 'DZIN DU BSDU BAR GSUNGS KYANG, SLOB DPON DANG AA BHYAS LE'U PHYI MA GSUM RGYAN GYIS MA BSDUS BAR GSUNGS SHING, GLENG GZHI DANG MCHOD BRJOD 'GREL BA KHUNGS MA GANG LAS KYANG MA SBYAR BAS SEMS BSKYED NAS BZUNG STE MDO RGYAN SBYOR BA 'PHAGS SENG GI DGONGS BA LTAR RANG LUGS SU BZHED PAS DE LTAR DU YUM RGYAS PA DANG SBYAR TA RJE NYID KYIS MCHAN 'GREL PHYAG BRIS MDZAD PA'I DPE CHA BKA' 'GYUR PA DKON MCHOG DPAL 'DZIN RIN PO CHE'I PHYAG DPE'I KHROD DU BZHUGS TSUL ZHAL LAS THOS KYANG PHYIS DPE CHA DE BSOD GRAGS RIN PO CHE'I PHYAG TU CHUD YOD DAM SNYAM YANG RTZAR GCOD ZHIB MO MA THUB, MDO RGYAN SBYAR BA'I 'GREL BA'I THOG MA YANG NYI SNANG YIN ZHING, YUM BAR PA STONG PHRAG NYI SHU LNGA BA'I BYANG CHUB MDOR BSTAN DANG RGYAS BSHAD KYI MDO GNYIS SEMS BSKYED NYER GNYIS KYI DANG PO GNYIS DANG SBYOR BA DANG, GZHAN DON MDOR BSTAN DANG RGYAS BSHAD DU BYANG CHUB SEMS

DPA' SEMS CAN SER SNA CAN RNAMS NI SBYIN PA LA 'GOD PAR 'DOD PA ZHES SOGS PHYI MA RNAMS LA SBYOR BA SOGS SEMS BSKYED NYER GNYIS DON BDUN CU SO SO SO SOR SBYOR RGYU'I TSIG TSANG PAR YOD CING, NYI SNANG LTAR RAB 'BYOR GYI LE'U, MTHA' GNYIS RNAM DAG GI LE'U, SBYOD PA KHYAD PAR CAN GYI LE'U, DE BZHIN NYID KYI LE'U, BSLAB PA YONGS SU DAG PA'I LE'U, BSLAB PA LA RIM GYIS 'JUG PA'I LE'U, BSLAB BA YONGS SU RDZOGS PA'I LE'U, BSLAB PA'I 'BRAS BU'I LE'U STE BRGYAD PO DNGOS BO BRGYAD STON PA'I MNGON RTOGS RGYAN GYI SKABS BRGYAD DANG THAD KAR SBYAR SLA BA'I PHYIR NYI KHRI DANG RGYAN SBYAR BA'I GDAMS PA LA RTZAL 'DON MDZAD DE MKHAS PAR BSLAB CING, ZAB RGYAS GDAMS PA'I MDZOD 'DZIN 'PHAGS SENG GNYIS PA KUN MKHYEN RATNA DHVA DZA LAS YONGS 'DZIN RIN PO CHE NAS BRGYUD PA'I MNGON RTOGS RGYAN GYI BSHAD PA, BRGYAD STONG PA DANG MDO SDUD PA DANG, RJE RANG GIS MDZAD PA'I NYI KHRI'I MCHAN GYI STENG NAS NYI KHRI DANG SBYAR BA'I ZHIB BSHAD MTHA' CHOD PA'I BDUD RTZA'I CHU RGYUN GYIS THUGS KYI BUM BZANG PHYUR BUR BKANG BA LA ZIN BRIS YANG MDZAD PA LTAR YUM DANG NYI KHRI ZHAL 'DON MDZAD DE DE'I STENG NAS ZANG RGYAS KYI LAM GYI LUS YONGS SU RDZOGS PA RGYAL TSAB MI PHAM MGON PO DANG SHING RTA CHEN PO RNAMS KYIS BKRAL TSUL LA GSHAR SGOM RGYUN DU MDZAD PA DANG, BRGYAD STONG BA MA MTHA' BAM PO RE CHAGS MED DU ZHAL 'DON GYI SGO NAS RGYAN 'GREL BA DANG BCAS PA'I TSIG DON GYI

, ,CHA PHRA MO TSUN CHAD LA NANG BYAN CHUD DE, DE YANG BRGYAD STONG PAR TSUL BZHIS SEMS BSKYED KYI RNAM BZHAG BSTAN CING, DE'I TSIG ZIN GYI SHER PHYIN LA LAM 'BRAS KYI SHER PHYIN GNYIS KA 'JOG LA, BRGYAD STONG 'GREL CHEN LAS BRGYAD STONG DON BSDUS KYI LUNG DRANGS TE, 'BRAS BU SHER PHYIN DNGOS DANG, GZHUNG SHER PHYIN DANG LAM SHER PHYIN BTAGS PA PA DANG, MKHYEN PA GSUM KA YANG BSDUS PAR GSUNGS, GANG LTAR YANG DER THEG PA CHEN PO'I LAM GYI RIM PA CHA TSANG BA SEMS BSKYED KYI NANG DU 'DU BAR BSTAN PA DANG, DE'I SKABS KYI 'GREL CHEN LAS, GZHUNG SHER PHYIN LA THOS BSAM DANG, LAM SHER PHYIN GYI NYAMS LEN SANGS RGYA KHA'I BAR DU DGOS PA'I MAN NGAG BYANG CHUB LAM GYI RIM BA LTAR SNGON 'GRO SBYOR BA'I CHOS DRUG DANG SEMS DRUG GI SGO NAS YUM DON NYAMS SU LEN TSUL BCAS GSUNGS SO, ,BRGYAD STONG PA LAS, DE NAS TSE DANG LDAN PA SH'A RI'I BU 'DI SNYAM DU SEMS TE ZHES SOGS SEMS BSKYED KYI ZHAR BYUNG DANG, BCOM LDAN 'DAS 'DI LTA STE BYANG CHUB SEMS DPA' ZHES BGYI BA'I CHOS DE BDAG GIS YANG DAG PAR RJES SU MA MTHONG ZHES SOGS GDAMS NGAG LA SBYOR BA SDUD BA DANG CHA 'DRA BAS SEMS BSKYED NYER GNYIS SOGS SO SOR SBYOR RGYU'I TSIG MED CING, MTHAR GYIS SBYOR BA DANG, SKAD CIG SBYOR LA'ANG SBYOR RGYU'I TSIG RE RE LAS MED KYANG, SLOB DPON SENG GE BZANG POS LE'U DANG PO DANG RGYAN GYI SKABS DANG PO, LE'U BRGYAD

PA'I BCOM LDAN 'DAS KYIS BKA' STZAL PA, SHIN TU RNAM PAR DAG PA'I PHYIR RO ZHES PA YAN CHAD LAM SHES, LE'U DGU PA'I RAB 'BYOR 'DI YANG BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA YIN NO ZHES PA YAN CHAD GZHI SHES, LE'U NYI SHU PA'I LHA DANG MI DANG LHA MA YIN DU BCAS PA'I 'JIG RTEN GYIS MI 'PHROGS PA'O ZHES PA YAN RNAM RDZOGS SBYOR BA, LE'U NYER DGU PA'I DGE BA DANG MI DGE BA'I CHOS TSANG MED PA'I PHYIR SHES RAB KYI PHA ROL TU PHYIN PAR RJES SU RIG BAR BYA'O ZHES PA'I BAR RTZE SBYOR, LE'U DE LAS, SENG GE'I SGRA SGROGS PA'I PHYIR SHES RAB KYI PHA ROL TU PHYIN PAR RJES SU RIG PAR BYA'O, ,ZHES DANG, CHOS THAMS CAD 'KHRUGS PA MED PA'I PHYIR SHES RAB KYI PHA ROL TU PHYIN PA 'KHRUGS PA MED PAR RJES SU RIG PAR BYA'O, ,ZHES PA GNYIS KYIS MTHAR GYIS SBYOR BA DANG, SKAD CIG SBYOR BA BSTAN, RAB 'BYOR GANG GI TSE ZHES PA NAS NYER DGU PA RJES SU RIG BA'I LE'U DE RDZOGS KYI BAR 'BRAS BU CHOS SKU DANG SBYAR LA YUM RGYAS 'BRING GI BRJOD BYA'I DON BLA LHAG TU STON PAR GSUNGS SHING, RJE NYID KYI ZHAL NAS KYANG, BRGYAD STONG PA 'DI 'GREL RKANG DANG 'PHROS DON NYUNG LA DON GYI GNAD 'GAG GI TSIG GSAL ZHING RGYAS BSDUS 'TSAMS PA DANG RGYAN GYI TSIG NANG NAS BTUS CHOG PAS THAD KAR 'BYOR SLA BA DE 'DRA'I YA MTSAN PO YIN, MDO TSIG NGO MA RGYAN GYI NANG DU DNGOS SU THON PA DANG, TSIG RIS NGO MA MIN YANG DPER NA SKYE BA MED CES PA'I

, ,THAD LA MI 'BYUNG, ZHES PA DANG, MED CES PAR MA DMIGS DANG MA MCHIS ZHES PA LTA BU 'GYUR KHYAD TZAM YIN PA 'GA' ZHIG LA'ANG THIG LE BTAB YON PAS 'GREL PA DON GSAL LAM DON BDUN CU LTA BU'I STENG NAS RGYAN GYI DON TSAN SO SO'I TSIG MTSAMS ZIN NGES BYAS NA 'DI'I SBYOR LAM CHED DU BYA BA, SKABS GSUM PA'I GZUGS RTAG MA YIN MI RTAG MIN SOGS GYIS MTHONG LAM, SBYOR BA NYI SHU, SHES MTSAN KHYAD MTSAN, PHAN DANG BDE DANG SOGS BYED MTSAN, SEMS CAN RNAMS LA SEMS MNYAM SOGS SBYOR LAM, DE'I PHYIR MI LDOG PA'I RTAGS RNAMS DANG, MAR ME'I DPE DANG, SGOM LAM GYI ZAB PA BRGYAD SOGS TSIG RIS GSAL BO MANG BA RNAMS KYI STENG NAS RGYUS LON NA PHAL CHER LA TSIG RE RE TZAM BTU RGYU YOD LA, SKABS GNYIS PA'I SGOM LAM SKOR DGU, BSTOD BKUR BSNGAGS PA DGU TSAN GSUM, BZHI PA'I SBYOR BA'I YON TAN, SKYON ZHE DRUG LTA BU RGYAN NAS GRANGS KYI SDOM TZAM GSUNGS PA TSOR SHOG GRANGS SHIN TU MANG PO'I NANG NA TSIG BTU RGYU MED PA'ANG YOD, CES MDO RGYAN GYI TSIG DON BLTA BA'I MIG TU GYUR PA'I LEGS PAR BSHAD PA'I ZHAL GDAMS ZAB LA 'DUS CHE BA BKA' STZAL PA 'DI PHYAG BRIS GNANG STE ZHAL 'DON GYI BRGYAD STONG PA'I PHYAG DPE'I MTSAMS SU BZHUGS PA LAS BRIS PA'O, ,YANG NYID MDO RGYAN SBYOR BA LA THUGS SHIN TU BYANG BAS MDO RGYAN SBYAR BA'I 'GREL BA ZHIG BKA' RTZOM MDZAD PA LA TSEGS

MED PAS BKA' DRIN BSKYANGS CHOG GAM ZHES GZHAN GYIS ZHUS PAR, SNGON GYI MKHAS PA MANG POS SBYAR ZIN PA DE LAS LHAG MI THUB PAS BSKYAR NAS BRIS PA LA DGOS PA CHUNG, DE DAG DANG MI MTHUN PA ZHIG BYAS TSE DKRUGS PA YIN PAS CI BYA GSUNGS, YANG ZHAL NAS, MDO RGYAN GYI LAM GYI RNAM BZHAG LA'ANG LAM RKYANG BAR 'DOD PA DANG, KHUG PAR 'DOD PA GNYIS YOD LA, SLOB DPON SENG GE BZANG PO'I SDUD 'GREL DU MKHAS PA SNGA MA'I BZHED PA'I RJES SU 'BRANG NAS LAM RKYANG BA'I PHYOGS BZUNG BAS, SLOB DPON GYI RJES 'BRANG CHOS BSHES DANG, RIGS BYIN DANG, SHER 'BYUNG RNAMS KYIS KYANG SLOB DPON GYI BZHED PA MA NOR BA DNGOS ZIN DKA' BAR BYUNG, RNGOG LO CHEN POS, SKABS DANG PO DRUG TU SBYOR MTHONG SGOM GSUM LAN DRUG BSTAN PA'I DANG PO GSUM GYI SBYOR MTHONG SGOM GSUM MTSAN NYID PA DANG, SKABS BZHI PA LNGA PA DRUG PA GSUM GYI SBYOR MTHONG SGOM GSUM BTAGS PA PA YIN TE, BZHI PAR SA BRGYAD PA'I YE SHES CHUNG 'BRING CHE GSUM LA SBYOR MTHONG SGOM GSUM DANG, LNGA PAR DGU PA'I YE SHES CHUNG 'BRING CHE GSUM LA SBYOR MTHONG SGOM GSUM DANG, DRUG PAR SA BCU PA'I STOD KYI YE SHES CHUNG 'BRING CHE GSUM LA SBYOR MTHONG SGOM GSUM DU BTAGS PA YIN PA'I PHYIR RO ZHES LAM RKYANG BA BZHED, RANG LUGS NI SLOB DPON GYI 'GREL CHEN LTAR LAM KHUG PAR 'DOD DE, SKABS DANG PO GSUM DU DON DU GNYER BYA RNAM MKHYEN, DE THOB BYED LAM SHES, LAM SHES RNAM PAR

, ,DAG BYED KYI GZHI SHES TE 'BRAS BU SNGON DANG RGYU PHYIS SU BSHAD PA DANG, SKABS PHYI MA RNAMS SU DBANG DU BYED PA RGYU 'BRAS DANG BRTAN PA RGYU 'BRAS KYI SGO NAS RGYU SNGON DANG 'BRAS PU PHYIS BSTAN PA GZUGS SU GRUB NA KHUG PA BYAS YOD PA LTA BU YIN, DES NA SKABS DANG PO DRUG TU SBYOR MTHONG SGOM GSUM YANG YANG BSTAN PA LA ZLOS SKYON MED DE DANG PO GSUM DU BSHAD PA NYAMS SU BLANG BYA'I DBANG DU BYAS PA DANG, BAR PA GSUM GYI DE NYAMS SU LEN BYED KYI DBANG DU BYAS PAS MI 'GAL, SANGS RGYAS PA LA SGOM TSUL GYI RNAM PA MTHA' YAS PAS GOMS DGOS PAS, RNAM RDZOGS KYIS BSDUS NAS SGOM PA DANG, RTZE SBYOR GYIS TING NGA 'DZIN GYI RTZAL SBYANGS PA'I CHED DU THONG RGAL DU SGOM; MTHAR GYIS PAS GO RIM THAR CHAGS SU SGOM PA LTA BU DANG RE RE LAS KYANG SGOM TSUL MI 'DRA BA MANG DU GSUNGS, DE DAG KYANG SNGA MA DOR NAS PHYI MA SGOM PA MA YIN PAR RANG RANG SGOM PA NAS RGYUN MTHA'I SNGA LOGS BAR DU SGOM DGOS PA SHES PA'I CHED DU YIN PAS LAM KHUG PA'I PHYOGS 'DIS BYANG CHUB LAM GYI RIM PA'I GNAD LA GO BA STER PHUL CHE BAS SHIN TU LEGS, DE YANG LAM RIM GYI CHE BA BZHI'I GSUNG RAB MA LUS GDAMS NGAG TU 'CHAR BA DANG, RGYAL BA'I DGONGS PA BDE BLAG TU RNYED PA'I CHE BA GNYIS KYI GNAD DRIL NA, 'GO BSHES GNYEN BSTEN TSUL GYI NANG DU BSHES GNYEN BSTEN TSUL NAS ZUNG 'JUG GI BAR DANG, DE BZHIN DU DAL 'BYOR GYI CHOS SKOR DU BSHES GNYEN BSTEN

TSUL NAS ZUNG 'JUG GI BAR GYI NYAMS LEN BSDUS NAS NYAMS SU LEN THUB PA MKHYEN GSUM BSDUS SGOM LTA BU ZHIG DMIGS SKOR THAMS CAD LA 'DRA BAR SGOM PA'I STENG NAS 'JOG CING, LUGS 'DIS DE LTAR DU NYAMS SU LEN TSUL; 'GREL BA DON GSAL LAS, DE LTAR NA SEMS BSKYED PA'I RAB TU DBYE BA NI LAS DANG PO'I SA NAS BZUNG STE SANGS RGYAS KYI SA'I BAR GYIS BSDUS PA YIN NO, ,ZHES DANG, RIGS KYI SKABS SU, 'DIS KYANG SKYES BU'I DON THAMS CAD PHUN SUM TSOGS PA YIN NO, ,ZHES DANG, MJUG TU, DE LTAR NA SEMS BSKYED BA DANG PO DANG THAMS LAS BSTAN PA'I GO RIM BSTAN PA'I RIM PAS LHAG MA BAR GYI TSIG GI DON RNAMS KYI GO RIM YANG KHONG DU CHUD PAR BYA STE, ZHES GSUNGS PA RNAMS GSAL BYED KYI TSIG YIN PAS DON TSAN RE RED YANG LAM YONGS RDZOGS KYI NYAMS LEN TSANG DGOS PAR BSTAN PAS LAM RIM GYI GZHUNG 'DI LAS LHAG PA MED, DBU PHAR GYI GZHUNG LA SLOB GNYER BYAS PA LAS LHAG PAR LAM RIM NYAMS SU LEN TSUL MED CES YANG YANG GSUNG BSHAD LA GNANG BA NI NANG GI NYAMS MYONG RMAD DU BYUNG BA'I 'BRAS BU'I GTAN TSIGS BSLU BA MED PA'O, ,DBAL MANG RDO RJE 'CHANG NAS RJE NYID LA BSLAB BYA 'DI LTAR GNANG STE, GSAR PHRENG 'DRA BA'I PHAR PHYIN MED STABS SKU ZHABS NAS KYANG NYIN RE BZHIN MI GZIGS PA MI SRID, DPE CHA YANG YANG LTOS, SNGA MA SNGA MA MA BSKYUR, SNGA MA BSKYUR NA SKYED GANG YANG MI YONG BAS SNGA MA MA BSKYUR BAR YANG YANG LTOS DANG DON GO

, ,YONG;GO BA ZHIG MED PAR DPE CHAL BLTA TSUL MED PA LTA BU ZHIG YIN PAS GO BA GAL CHE, DON GO BA NA TSIG GCIG GIS THAMS CAD GO YONG, DBU MA LTA BU LA BLTAS PAS PHAR PHYIN LA DRAN PA MA, GSOS PA LTA BU ZHIG GIS PHAR PHYIN LA PHAN THOGS YONG NA DE DUS DON GO BA YIN, MIG GIS BLTA BA'I THAD KA DE RANG GO BA LTA BU ZHIG YONG BA DES SA MI CHOD, DPE CHA KHA BSUM PA NA SEMS NGON YANG KHA BSUM PA LTA BU ZHIG TU SONG; BYAMS CHOS LA LTOS, DE YANG RANG RE'I YIG CHAR BYAMS CHOS SOGS LUNG DRANGS YOD PA RNAMS DON BSDU ZHIG GI THAD DAM, GANG LTAR 'GANG CHE BA ZHIG NAS DRANGS PA SHA STAG YIN 'DUG PAS LUNG DRANGS PA TSO'I THAD KYI 'GREL BA LA DANG POR LTOS DANG, DES MIG BYAS NAS GONG 'OG GI DON GO SLA BA YONG BAS RANG RE'I YIG CHA 'DI 'GANG CHE, LUNG GNYIS GSUM DRANGS PA RNAMS KYANG BRJOD BYA MTHUN PA TZAM MIN PAR GNAD CHEN PO ZHIG YOD PA'I DBANG GIS YIN, BYAMS CHOS 'DIS BLO RGYA CHE RU GTONG BA YIN, ZHES SNYING LA BCING RGYU'I GDAMS NGAG 'DI BRJED PAR 'PHANGS NAS YI GER BKOD, CES PA 'DI RJE NYID KYI PHYAG BRIS LAS BSHUS PA'O, ,BLA MA'I ZHAL GDAMS BZHIN BSAM CHOS GZHAN LA'ANG SHIN TU SBYANGS TE, DE YANG MDO SDE RGYAN GYI RIGS KYI SKABS LAS RIGS CHAD BSHAD BA DRANG DON DU BKRAL TE BYE BRAG TU BSHAD PA RGYUD BLA MA YIN LA, DE LAS, DKON MCHOG GSUM PO 'DI YI RIGS, ,

THAMS CAD GZIGS PA RNAMS KYI YUL, ,DE YANG RNAM BZHI GO RIM BZHIN, ,RGYU BZHI YIS NI BSAM MI KHYAB, ,CES KHAMS BYANG CHUB YON TAN 'PHRIN LAS BZHI KA, 'BRAS BU DKON MCHOG GSUM GYI RIGS SU BSDUS NAS RDO RJE'I GNAS BDUN KA RIGS SGRUB BYED DU BYAS, DBUS MTHA'I MTSAN NYID SGRIB PA DE KHO NA GNYEN PO THEG PA BLA NA MED PA'I LE'U LNGA'I THA MA LA SGRUB PA RNAM PA DRUG DANG DMIGS PA DANG YANG DAG 'GRUB PA SDE DON CHON BDUN DANG BCAS PA'I DANG PO MTSAN NYID KYI LE'U LAS SHES NAS SPANG BAR BYA BA'I CHOS DANG MNGON DU BYA BA'I CHOS NYID DE CHOS DANG CHOS NYID RNAM 'BYED 'PHROS SHING, DE LAS RNAM PA DRUG DRUG GI CHOS DANG CHOS NYID LA 'JUG PA DANG, RNAM PA BCUS GNAS YONGS GYUR LA 'JUG PA DANG, DE'I DRUG PA GNAS SAM RTEN MI RTOG YE SHES LA 'JUG PA LA NANG GSES KYIS 'JUG PA DRUG, DE'I DANG PO DMIGS PA LA BZHI, MTSAN MA SPANGS PA LA BZHI, GSUM PA YANG DAG PA'I SBYOR BA LA BZHI, BZHI PA MTSAN NYID LA GSUM, LNGA PA PHAN YON LA BZHI, DRUG PA YONGS SHES LA BZHI STE 'JUG PA NYER GSUM, YONGS SHES KYI 'JUG PA BZHI PO RE RE LA'ANG KHYAD PAR LNGA LNGA DANG, GNAS YONGS GYUR LA 'JUG PA BCU'I BRGYAD PA SPYOR BAS 'JUG PA LA BZHI, DGU PA NYES DMIGS LA 'JUG PA LA BZHI, BCU PA PHAN YON LA 'JUG PA RNAM PA BZHI'I SGO NAS BSTAN PA DANG, GTZO BOR SA RGYAN SBYOR BA'I MAN NGAG GI CHED DU, MDO SDE'I RGYAN GYI DBYIG 'GREL, BTZUN PA NGO BO NYID MED

, ,PA DANG, BLO BRTAN GYI 'GREL BA, DZNY'AN SHRI'I BSDUS DON, BYANG SA'I 'GREL BRGYA MTSO SPRIN GYIS MDZAD PA, DZIN MI TRA, YON TAN 'OD, RGYAL PO SRAS RNAMS KYIS STOD 'GREL DANG TSUL LE'I 'GREL BA, PADMA SENG GE, DAR MA BRTZON 'GRUS, CHA PA, RONG STON, SA BZANG, GUNG RU RGYAN BZANG, RGYAL SRAS THOGS MED PA SOGS KYI MDO RGYAN GYI tIKKA, 'JAM DBYANGS DGA' BLO DANG THU'U BKVAN RIN PO CHE'I SA RGYAN SBYAR PA'I 'GREL BA, RGYAL MKHAN CHEN RIN PO CHE'I MDO SDE'I RGYAN GYI MCHAN 'GREL, 'JAM MGON SMRA BA'I DBANG PHYUG RJE RATNA DHVA DZA'I SA RGYAN SBYAR BA'I 'GREL BA SOGS RGYA BOD KYI YIG CHA RNAMS LA ZHIB GZIGS DANG, DPAL MANG RIN PO CHE DANG RGYAL MKHAN CHEN RNAM GNYIS KYI DRUNG DU RANG RANG GI MCHAN 'GREL GYI BSHAD LUNG DANG SBRAGS NAS ZHIB BSHAD LHAG LUS MED PA'I MDZUB KHRID DANG KHAS LEN ZHU BA'I TSUL DU SA RGYAN SBYAR BA'I GDAMS PA'I DKA' GNAD MTHA' CHOD PAR GSAN, MDO RGYAN LA LE'U NYER GCIG DANG, BYANG SAR LE'U NYER DGU YOD PA'I MDO RGYAN GYI LE'U DANG PO GSUM BYANG SA'I LE'U DANG PO RIGS KYI LE'UR 'DU ZHING, RIGS DANG SEMS BSKYED LAS RGYAN GNYIS KAR LE'U 'DRA, RGYAN GYI LE'U DRUG PA SGRUB PA'I LE'U LA, BYANG SAR LE'U GSUM PA BDAG DON BZHAN DON GYAL DU GSUNGS, DE KHO NA NYID NAS BYANG CHUB KYI BAR LA GNYIS SNYAR LE'U GRANGS MNYAM 'DRA, RGYAN GYI CHOS MOS NAS THABS LDAN GYI LE'U'I BAR LE'U DRUG PO DE BYUNG

SAR STOBS KYI RIGS KYI LE'U GCIG TU BYAS, RGYAN KYI PHAR PHYIN DANG BSDU BA'I LE'U GCIG PO DE BYANG SAR LE'U BDUN BYAS, DE NAS LE'U GSUM GNYIS KAR 'DRA, RGYAN GYI LE'U NYER GCIG PA MTHAR THUG GI LE'U DE, BYANG SAR RTAGS KYI LE'U NAS YONGS 'DZIN GYI LE'U'I BAR DRUG, SPYOD PA DANG RAB GNAS GNYIS LA LE'U GNYIS GNYIS TE BCU'I SKABS SU BSTAN, BYANG SA'I GO RIM GYI LE'UR SA RGYAN SBYAR TSUL GSUNGS, BYANG SA'I GANG LA BSLAB PA'I YUL LE'U BDUN NAM LNGA, JI LTAR SLOB TSUL RGYAN GYI MOS PA NAS GDAMS NGAG GI PAR LNGAS SDE SNOD GSUM LA BSLAB TSUL SPYIR BSHAD, THABS LDAN GYIS SPYOD PA MTHA' DAG LA BYE BRAG TU SLOB TSUL MDOR BSTAN, PHYIN DRUG GI LE'U NAS YON TAN GYI LE'UR, BYANG CHUB MCHOG DANG STON PA'O ZHES PA'I BAR GYIS RGYAS PAR BSHAD, GANG GIS SLOB PA'I RTEN NI DE MAN CHAD KYIS BSTAN PAS JI LTAR BSLAB PA DANG, GANG GIS SLOB PA LA RGYAN GYI LE'U BCU DANG, BYANG SA'I LE'U BCU GCIG SBYOR, DES BYANG SA'I GZHI'I RNAL 'BYOR GYI GNAS RDZOGS NAS, YON TAN GYI RNAL 'BYOR GYI GNAS SAM RNAL 'BYOR GYI GNAS GNYIS PA LA, RTAGS DANG PHYOGS RNAMS DANG, LHAG PA'I BSAM DANG GNAS PA DANG, ,ZHES PA LTAR GYI LE'U BZHI, RNAL 'BYOR GYI GNAS THA MA LA, SKYE DANG YONGS SU 'DZIN DANG BCAS, ,SPYOD DANG RAB GNAS ZHES BA LTAR GYI LE'U DRUG YOD LA, RGYAN DU RGYAS PAR GSUNGS PA RNAMS BYANG SAR GNAD BSDUS PA DANG, RGYAN

, ,DU BSDUS PA BYANG SAR RGYAS PAR BKROL BA DANG, GNYEN PO DANG SPANG BYA'I PHYOGS KYI SGO NAS PHAN TSUN BZLOG STE GSUNGS PA DANG, RGYAN LAS LAM GYI RIM PA GSUNGS PA LA BYANG SAR RTEN GYI GANG ZAG LA SBYAR NAS GSUNGS PA SOGS RGYAN PHAN TSUN GOS KYI GSA' SDEBS PA LTA BU'I 'PHRUL 'DEGS LA BRTEN NAS BYAMS CHOS DANG, DE'I DGONGS 'GREL SA BCU BDUN STON PA SA'I DNGOS GZHI, DE'I RANG SAM GTOGS PA'I DON 'GREL ZHING DE KHO NA NYID STON PA RNAM PAR GTAN LA DBAB PA BSDU BA GNYIS BRJOD BYA'I DON GYI CHA GTZO BOR STON PA DANG, RJOD BYED TSIG GI CHA SDE SNOD GSUM DU BSDU BA'I GZHI BSDU BA, KUN BYANG GI RNAM GRANGS 'CHAD PA'I RNAM GRANGS BSDU BA, TSIG DON SBYAR NAS 'CHAD NYAN BYED TSUL STON BA RNAM PAR BSHAD PA'I SGO BSDUB STE SA SDE LNGA, THEG BA THUN MONG GI SDOM DON TSAN LNGAS STON PA KUN BTUS, THEG PA CHEN PO'I SDOM DON BCUS STON PA THEG BSDUS TE SDOM GNYIS, DBYIG GNYEN GYIS MDZAD PA'I RANG RKANG LNGA DANG GZHAN 'GREL GSUM STE RAB TU BYED PA SDE BRGYAD SOGS, BYAMS MGON DANG THOGS MED SKU MCHED RJES 'BRANG DANG BCAS BA'I GZHUNG KUN LA 'PHRIG TSUD DE NYAMS SU LEN PA'I GDAMS PAR SHAR BA NI, RJE'I RTOGS BRJOD LAS, DE NAS BYANG SA MDO SDE'I RGYAN GNYIS BO, ,LEGS PAR SBYAR TE TSUL BZHIN RAB 'BAD PAS, ,MI PHAM CHOS RJE'I GZHUNG DANG RJES 'BRANG GI ,GZHUNG KUN NYAMS SU LEN

PA'I GDAMS PAR SHAR, ,ZHES PA DANG TSUL MTSUNGS PA'I RNAM PAR THAR BA RMAD DU BYUNG BA'O, ,GZHAN YANG BRGYAD STONG DON BSDUS KYI 'GREL JA SLOB DPON DKON MCHOG 'BANGS KYIS MDZAD PA DANG, KA MA LA SH'I LA DANG, DZNY'A NA MI TRA'I PHAR PHYIN BDUN BRGYA PA DANG TSUL BRGYA LNGA BCU PA'I 'GREL BA, RDOR GCOD 'GREL BA, SHER SNYING GI RGYA 'GREL BRGYAD LA SOGS PA DANG, LO CHEN GYI PHAR tIKA CHE CHUNG GNYIS LAS GCIG GZIGS YOD PAR 'DUG KYANG GANG YIN MA DES; GNYAL ZHIG 'JAM DPAL RDO RJE'I PHAR tIKA, BU tIKA LUNG GI SNYE MA, G-YAG PHRUG SANGS RGYAS DPAL PA'I PHAR PHYIN, RED 'DA' PA'I PHAR tIKA, KUN BTUS 'GREL BA, NYA tIKA YID KYI MUN SEL, MKHAS GRUB RJE'I RED 'DA' PA'I GSUNG RGYUN LTAR GYI PHAR PHYIN RTOG GE'I SNANG BA DANG, SHAR PA RIN CHEN RGYAL MTSAN, SE RA KUN MKHYEN BLO GROS RIN CHEN SENG GE, SE RA DON YOD DPAL LDAN, GTZANG STON DGE LEGS BSHES GNYEN, BYANG SEMS GZHON NU RGYAL MCHOG, MGOS LO GZHON NU DPAL SOGS KYI PHAR PHYIN DANG, SGO MANG GUNG RU CHOS 'BYUNG GI PHAR PHYIN GYI THAL PHRENG ZUR BKOL YONGS RDZOGS, BLO GLING 'JAM DBYANGS DGA' BLO'I THAL PHRENG ZUR BKOL YONGS RDZOGS SOGS SNGAR RNAM 'GREL GYI SKABS SU MTSAN NAS SMOS BA'I GDAN SA GSUM GYI MKHAS PA DE DAG GI YIG CHAS MTSON RJE BLA MA YAB SRAS DANG KUN MKHYEN BLA MA YAB SRAS KYI LEGS BSHAD MTHA' DAG GI TSIG DON

, ,THUGS SU CHUD PAS GZHUNG MANG NOR BU'I BAD MDZOD MUN SEL SGRON ME STONG GIS GCIG CHAD DU GSAL BAR BYAS SO, ,BKA' 'GYUR PA CHEN PO DKON MCHOG DPAL 'DZIN LAS SUM RGYAS 'BRING BSDUS GSUM GYI LUNG DANG, 'BROM RGYAL BA'I 'BYUNG GNAS, KHU LHA LDINGS PA, RDOG BLO LDAN SHES RAB STE, KHU RDOG 'BROM GSUM LAS BRGYUD PA'I BYAMS CHOS SDE LNGA'I LUNG, 'BROM STON PA RIN PO CHES JO PO LA BRGYAD STONG PA'I BSHAD PA ZHUS PA LA PHYAG DANG STON PAS ZIN BRIS BYAS PA, DE NAS BRGYUD PA'I PHAR PHYIN KHAMS LUGS DANG, 'BRE AAR GYI BSHAD RGYUN DANG BCAS PA'I MNGON RTOGS RGYAN DANG 'GREL BA DON GSAL GYI BSHAD PA DANG LUNG, SKYABS MGON THAMS CAD MKHYEN PA, GUNG THANG 'JAM PA'I DBYANGS, SDE KHRI RIN PO CHE, DPAL MANG RIN PO CHE, RGYAL MKHAN CHEN, DGE BSHES CHOS DAR RGYAS RNAMS LAS GSAN, RGYAL MKHAN CHEN LAS PAR PHYIN MCHAN GYI BSHAD PA DANG, DGE BA'I BSHES GNYEN DE RNAMS LAS NYAMS LEN GYI CHA THAMS CAD MDO RGYAN DANG SBYAR BA'I BYANG CHUB LAM GYI RIM PA DANG BYANG CHUB SEMS SBYONG GI GDAMS PA MANG PO GSAN BA SOGS SHES RAB KYI PHA ROL TU PHYIN PA'I MAN NGAG GANG YOD BUM PA GANG BYO'I TSUL DU BZHES, DGUNG LO NYER BZHI PA MI ZAD PA'I LO'I DGUN CHOS STENG GZHUNG SHES RAB KYI PHA ROL TU PHYIN PA LA SLOB GNYER MTHAR PHYIN PA'I DGA' STON DU PHAR PHYIN GYI

GRVA SKOR BYAS PA'I TSE, DGE BSHES RGAN GZHON THAMS CAD KYIS RJE 'DI LA GZHUNG NGES CHA CHE BAS, GZHUNG THOG NAS RIGS LUNG GTONG MI THUB CES BSNGAGS BRJOD KYI ME TOG 'THOR BA BYUNG NGO, ,YUM DON 'BYED LA SENG GE BZANG PO DANG, ,DAM PA KHYOD GNYIS RNAM KUN MKHYEN PA YI, ,SRANG LA GZHAL TSE BYIS 'BYUNG MAN NGAG GIS, ,LCI BA SNYAM PAS KUN YID 'PHYANG MO NYUG ,THAMS CAD 'DUL ZHES PA ME MO PHAG GI LO DBU MA'I GZHUNG TSUGS PA BZHIN GUS SBYOR DANG RTAG SBYOR GYI BRTZON 'GRUS RGYUN MI 'CHAD PA'I SGO NAS ZAB DON 'TSOL BA LA ZHUGS SO, ,DE YANG YUM GYI DNGOS BSTAN STONG NYID KYI RIM BA BLA GROS MI ZAD PA DANG SA BCU PA'I MDO SOGS LA BRTEN NAS DBU MAR 'GREL BA, RGYAL BAS MDO RGYUD DU MA NAS LUNG BSTAN PA'I SHING RTA CHEN PO KLU SGRUB KYI PHAS RGOL DNGOS SMRA PA RNAMS KYI BSGRUB BYA SGRUB BYED RGYAS PAR BKAG NAS RTEN 'BYUNG GI DE NYID STON BA RTZA SHES DANG ZHIB MO RNAM 'THAG, YANG RAB BYED DANG PO LAS 'PHROS TE RANG BZHIN MED PA'I TSIG GIS RANG BZHIN 'GOG MI NUS ZHES BA'I BRGAL LAN DU RANG BZHIN MED PA LA DGAG SGRUB KYI BYA BYED 'THAD BAR STON BA RTZOD ZLOG, DE LTAR DGAG SGRUB KYI BYED PAS GTAN LA PHABS PA'I DON RTEN 'BYUNG RANG GI NGO BOS MA GRUB PA DE NYID GNAS LUGS DON DAM YIN PAS DNGOS PO SKYE BA DANG GNAS BA DANG 'JIG BA SOGS RAB BYED BDUN PA LAS RMI LAM SGYU MA DRI BA'I GRONG KHYER BZHIN DU LUNG LAS GSUNGS PAR BSHAD PA LTAR

, ,THA SNYAD KYI DBANG GIS YOD PAR BZHAG PA DANG KUN RDZOB TU YOD PAR STON PA STONG NYID BDUN CUB, BDEN GNYIS DE LTAR NGES PA SANGS RGYAS THOB PA LA LTA CI GNAS SKABS 'KHOR BA LAS GROL BA LA YANG MED MI RUNG DU DGOS SHING DE'I RGYU MNGON MTHO SGRUB BYED KYI DAD PA DANG BSOD NAMS KYI TSEGS DU MA DANG 'BREL BAR NYAMS SU LEN TSUL BCAS STON PA RIGS PA DRUG CU PA, RIN CHEN PHRENG BA GNYIS TE RIGS TSOGS DRUG NI GRAGS CHE LA, RTZA SHES LAS MCHOD BRJOD DU NGO BO LA SKYE 'GAG GNYIS, DUS LA RTAG CHAD GNYIS, YUL LA 'GRO 'ONG GNYIS, ZLA LA LTOS NAS GCIG THA DAD GNYIS TE MTHA' BRGYAD 'PHAGS PA'I MNYAM BZHAG GI GZIGS NGON MED PA'I SPROS PA NYER ZHI GOMS PA LAS SGRIB GNYIS GZHAS NGAN LEN DANG BCAS PA ZHI BA'I SGO NAS BCOM LDAN 'DAS LA BSTOD PA DANG, RAB BYED NYER BDUN GYI SKABS SU MTHA' BRGYAD DANG BRAL PA'I RTEN 'BYUNG DE NYID RGYAS PAR BKRAL BA YIN TE, BDAG DANG BDAG GIR 'DZIN PA'I GANG ZAG GI BDAG 'DZIN GYI ZHEN YUL MED PA RAB BYED BCO BRGYAD PA BDAG DANG CHOS BRTAG PA LAS BSTAN ZHING, GNYIS PA 'GRO 'ONG BRTAG PA, DGU PA SNGA ROL NA GNAS PA BRTAG BA, BCU PA DE'I DPE DGAG BA ME DANG BUD SHING BRTAG PA, BCU GNYIS PA SNGON DANG PHYI MTHA' BRTAG BA, BCU GSUM PA BDAG DANG GZHAN GYIS BYAS BA BRTAG PA RNAMS KYIS GANG ZAG GI BDAG MED

BSTAN, DANG PO RKYEN BRTAG PA, GSUM PA DPANG PO, BZHE PA PHUNG PO, LNGA PA KHAMS BRTAG PA GSUM, DRUG PA 'DOD CHAGS PA BRTAG PA, BDUN PA SKYE 'GAG GNAS GSUM BRTAG PA RNAMS KYIS CHOS KYI BDAG MED BSTAN, , RAB BYED BRGYAD PA BYED PA PO DANG LAS BRTAG PA CHA PHYE NAS GANG ZAG DANG CHOS KYI BDAG 'GOG PA SO SOR SBYOR, BCU GSUM PA 'DU BYED BRTAG PAS CHA MA PHYE BAR RANG BZHIN GYIS STONG PA BSTAN, BCU BZHI PA PHRAD PA, BCO LNGA PA RANG BZHIN, BCU DRUG PA BCINGS THAR BRTAG PA GSUM GYIS RANG BZHIN GYIS GRUB PA'I SGRUB BYED BKAG, BCU BDUN PA LAS BRTAG PAS 'KHOR BA RANG BZHIN GYIS GRUB PA'I SGRUB BYED BKAG CING, RANG BZHIN DU GDAGS PA'I RGYU MTSAN 'GOG PA'I PHYIR, BCU DGU PA DUS BRTAG PA, NYI SHU PA TSOGS PA, NYER GCIG PA 'BYUNG 'JIG BRTAG PA GSUM GSUNGS, NYER GNYIS PA DE BZHIN GSHEGS PA, NYER GSUM PA PHYIN CI LOG BRTAG PA GNYIS KYI NYON MONGS DANG, SRID RGYUN GYI 'BRAS BU RANG BZHIN GYIS STONG PA BSTAN, DE'I RTZOD SPONG, NYER BZHI PA BDEN PA BRTAG PA DANG, NYER LNGA PA MYANG 'DAS BRTAG PA GNYIS KYIS BSTAN, NYER DRUG PA RTEN 'BREL BRTAG PAS 'KHOR BAR 'JUG RIM, NYER BDUN PA LTA BA BRTAG PAS RTEN 'BYUNG MTHONG NA LTA NGAN BZLOG TSUL SOGS 'KHOR BA LDOG PA'I RIM PA GSUNGS SO, ,DBU MA'I GZHUNG DE LA RANG RGYUD DANG RNAM RIG PA DANG THUN MONG MA YIN PA'I ZAB PA'I SGO NAS

, ,DANG SO SKYE SA'I CHOS GSUM, 'PHAGS BA SLOB PA'I SA BCU, 'BRAS BU'I SA RNAMS RGYAS PAR KHA BSKANG BA'I RGYA CHE BA STE ZAB RGYAS GNYIS TSOGS KYIS 'JUG PA'I BSTAN BCOS CHEN PO DBU MA LA 'JUG, PA RANG 'GREL DANG BCAS PA'I DON, RNAM BSHAD DGONGS PA RAB GSAL DANG, 'JUG tIKA GSAL BA'I ME LONG, KUN MKHYEN GYI DBU MA RGYAS PA DANG, DE LAS BTUS PA LUNG RIGS SGRON ME RNAMS KYI STENG NAS THUGS 'DZIN DANG DPYAD PA PHU THAG CHOD PA MDZAD PAS KLU SGRUB YAB SRAS KYI RIGS PA'I GNAD LA 'OL SPYI TZAM MA YIN PAR TSAD MA'I STOBS KYIS NGES PA GZHAN DRING MI 'JOG PA RNYED, 'JUG PA'I, DE NI RING DU SONG BAR BLO YANG LHAG PAR 'GYUR, ,ZHES PA'I SKABS LAS RING SONG RTZOD LAN DANG BCAS BA 'PHROS LA, RTZA SHES KYI STONG NYID GTAN LA 'BEBS PA'I RIGS PA'I RNAM GRANGS MTHA' YAS BA'I DON SEMS BSKYED DRUG PA LAS GSUNGS, DE YANG SHES RAB KYI PHAR PHYIN LHAG PAR THOB TSUL LAS 'PHROS TE, SA BCU PA'I MDO LAS CHOS MNYAM PA NYID BCUS SA DRUG PA LA 'JUG TSUL DANG, MI MTHUN PHYOGS DGAG BYA NGOS 'DZIN, SKYE BA MED PA MNYAM NYID RTOGS NA MNYAM NYID GZHAN RNAMS RTOGS SLA BAR DGONGS NAS RTZA SHES LTAR RDO RJE GZEGS MA'I GTAN TSIGS GTZO BOR BYAS TE CHOS KYI BDAG MED RIGS PAS SGRUB PA LAS THAL BZLOG 'PHROS, DGAG BYA BKAG BA'I BDEN GNYIS KYI NGO BO BKAG PA'I

YON TAN GNYIS LAS ZHIG PA DNGOS BOR SGRUB TSUL DUS GSUM RNAM BZHAG DANG, SEMS TZAM PA'I LUGS BYE BRAG TU DGAG PA LAS, CHU 'BAB, RANG RIG, TSAD MA RNAMS 'PHROS SHING, TSAD MA LA ZUR DU'ANG KUN MKHYEN GYIS TSIG GSAL STONG THUN GYI TSAD MA'I RNAM BSHAD CHEN MO MDZAD, GANG ZAG GI BDAG MED RIGS PAS BSGRUB PA BDAG 'GOG YIN PAS DE LTAR DU DKA' GNAD MTHA' BCAD PA RNAMS LA DMIGS PHUG PAR SBYANGS, KHYUNG PHRUG BYAMS PA BKRA SHIS, DVAGS PO BYAMS PA BSTAN BA, RJE DRUNG SHES RAB DBANG PO, THANG RING BLO BZANG DGE LEGS RNAMS KYI DBU MA DANG, SNGAR LTAR GYI GDAN SA'I MKHAS PA SO SO'I YIG CHA PHAL CHER GZIGS, PHUNG THANG 'JAM PA'I DBYANGS DANG, KUN GZIGS DBAL MANG RIN PO CHE LAS, DBU MA 'JUG BA DANG, 'JUG tIKA GSAL BA'I ME LONG, LUNG RIGS SGRON ME SOGS KYI STENG NAS GZHUNG YONGS SU RDZOGS PA'I RTZAL BSHAD DANG MDZUB KHRID DGAG BYA DNGOS 'DZIN THAL BZLOG LTA BU THOR BU'I KHRID, DBU MA'I LTA KHRID, PHYAG CHEN GYI KHRID, RJE'I BSTOD PA RTZA 'GREL GYI BSHAD LUNG, GRUB MTHA' CHEN MO RTZA 'GRIL GYI BSHAD RGYUN TSAR GSUM, LEGS BSHAD SNYING PO'I BSHAD LUNG LAN GNYIS, RTEN 'BREL BSTOD BA'I BSHAD LUNG, LHAG MTHONG CHE CHUNG SOGS KYI ZHIB BSHAD DANG, LTA MGUR 'GREL BA TSIG GI SGRON ME'I BSHAD LUNG, PHYIS SU SMRA BA'I DBANG PHYUG KHRI ZUR

, ,DGE 'DUN DAR RGYAS LAS STONG THUN GYI BSHAD RGYUN KYANG GSAN, LAM RIM, BLO SBYONG, BSKYED RDZOGS SOGS KYI SKABS LTA BA'I MAN NGAG 'KHRUL MED NYAMS MYONG GI STENG NAS GNANG BA GCIG KYANG MA LUS PAR ZIN BRIS SU MDZAD PA DANG, 'JAM MGON SDE KHRI RIN PO CHE NAS KYANG LTA BA'I GNAD MANG PO STZAL ZHING DBU MA 'JUG PA GSUNGS PA LA YANG DE BZHIN DU ZIN BRIS MDZAD PA NI, THUGS KYI GTING NAS SHES 'DOD ZHUGS PA DANG, NANG GI SA BON SMIN PA'I ZHI BA MCHOG GI MYU GU SRID ZHI'I NAD BRGYA CIG CHAR DU SEL ZHING THAR 'DOD YONGS KYI RE BA SKONG BA'I DPAG BSAM SMAN GYI LJON PA CHEN POR MYUR DU RDZOGS PA'I DGE MTSAN DPAL GYI RI MO MNGON DU GYUR PA'O, ,DGE BA'I BSHES GNYEN GZHAN MANG PO'I DRUNG DU'ANG LTA BA'I SKOR LA DRI GTUGS ZHUS SHING GOL SA SHES PA'I CHED DU BOD KYI LTA BA'I SKOR, BIRWA PA'I MAN NGAG LA KHUNGS BCOL BA'I SA SKYA PA RNAMS KYI GSAL STONG 'DZIN MED KYI RIG PA GNAS LUGS MTHAR THUG TU 'DOD PA, SNGA 'GYUR PA RNAMS SLOB DPON GYI MAN NGAG LA KHUNGS BCOL NAS MKHYEN CHA NANG DU GSAL BA'I GZHON NU BUM SKU SKYON YE NAS DAG CING YON TAN YE NAS RDZOGS PA'I LHUN GRUB RANG RIG KUN TU BZANG PO'I RANG ZHAL GNAS LUGS SU 'DOD PAS BLO ZAD CHOS ZAD DU SONG BA NA SANGS RGYAS ZER, BKA' RGYUD PA RNAMS

DO HA DRANGS NAS, RGYU RKYEN GYIS GSANG DU MA BSGRUBS PA'I GNYUG MA LHAN SKYES SO MA MA BCOS PA'I SEMS 'OD GSAL PHYAG RGYA CHEN PO GNAS LUGS SU 'DOD, BA TSAB BU BZHI'I NANG TSAN ZHING THANG SAG PA RJES 'BRANG DANG BCAS PAS CHOS THAMS CAD YOD PA'ANG MIN MED PA'ANG MIN PA'I YOD MED KYI MTHA' GNYIS SU KHAS BLANGS DANG BRAL BA DON DAM YIN ZER, JO NANG DOL PAS RIGS TSOGS NAS BSHAD PA'I STONG NYID CHAD STONG MED DGAG YIN PAS MI 'THAD ZER NAS RANG LUGS LA STONG NYID BDEN GRUB DANG SGRUB PA RANG DBANG BA'I RTAG PAR 'DOD PA NI BYA 'UG PA NYIN DUS SU RGYU BA BZHIN MKHAS PA PHAL CHER GYIS BKAG LA ZI LUNG SH'AKA MCHOG DE'I RJES 'BRANG YIN ZHING, PHYIS SU GUNG RU RGYAN BZANG DANG, DVAGS PO BKRA SHIS RNAM RGYAL GYI RANG LUGS KYANG CI YANG YID LA MI BYED PA YIN PAS, MDOR DRIL NA STONG THUN LAS GSUNGS PA LTAR, YUL CI YANG MA YIN PA LA BLOS CI YANG MI 'DZIN PAR BZHAG NA DAG ZOD SEMS KYI GNAS PA RNYED YONG ZER BA 'DIR THAMS CAD KHA 'CHAMS NAS YONG BAS, GCIG BKAG PAS THAMS CAD BKAG BAR 'GRO ZHING, 'PHAGS YUL GYI GRUB MTHA' SMRA BAS BSHAD PA 'DRA BA'I 'GANG CHE BA DANG GTING ZAB PA MIN GSUNGS YANG RNAM GRANGS DANG RJES 'BRANG MANG BAS DE DAG GI BSHAD SROL, NYAMS LEN GYI LUS, NANG PHAN TSUN DU GYES TSUL, RANG RANG GI RTZA BA'I MKHAS PA GONG MA RNAMS KYI BZHED PA DANG

, ,RJE YAB SRAS KYI BZHED PA DGONGS PA GCIG TU 'BAB TSUL SOGS MA 'DRES MA NOR BAR ZHIB PAR GZIGS SHING MKHYEN PAS MTHA' GZHAN DU DOGS PA'I SGRO 'DOGS LHAG MA MED PAR CHOD PAR GYUR TO,, ZAB RGYAS KYI LAM GNYIS TSOGS STON PA'I LAM RIM MGON PO KLU SGRUB KYI MDO BTUS DANG, CHOS DBYINGS BSTOD PA SOGS BSTOD TSOGS, SLOB DPON AARYA DE BAS MDZAD PA'I LE'U RE RE LA SHLOO KA NYER LNGA RE YOD PA'I LE'U BCU DRUG CAN GDUL BYA MA SMIN PA SMIN PA'I THABS LE'U DANG PO BRGYAD, SMIN PA GROL BA'I THABS LE'U PHYI MA BRGYAD DAM, DANG PO GSUM BSOD NAMS MIN PA DANG, BZHI PA BDAG DANG, LE'U LHAG MA BCU GNYIS LTA ZHIG KUN BZLOG PA'I NYAMS LEN STON PA BZHI BRGYA PA, DE'I 'GREL BA DPE SNA TSOGS KYIS DON GO SLA BAR STON PA DPAL LDAN ZLA BAS MDZAD PA, BYANG CHUB KYI SEMS KYI PHAN YON DANG, TSOGS BSAGS SGRIB SBYANGS SNGON DU 'GRO BA'I SEMS DE BZUNG BA DANG; SPYOD PA SPYI DANG PHYIN DRUG STON PA'I SPYOD 'JUG, LUS LONGS SPYOD DGE RTZA GSUM BTANG SRUNG DAG SPEL BCU GNYIS KYI SGO NAS SEMS BSKYED BSLAB BYA DANG BCAS PA LE'U BCVO BRGYAD KYIS BSDUS PA BSLAB BTUS RNAMS DANG; RTZA SHES 'GREL BA BUDHA BA LI TA, TSIG GSAL, LEGS LDAN 'BYED KYI SHES RAB SGRON ME, DE'I 'GREL BSHAD SPYAN RAS GZIGS BRTUL ZHUGS KYIS MDZAD PA, 'JUG PA'I 'GREL BSHAD DZA YA AANNTAS MDZAD

PA; LEGS LDAN GYI DBU MA SNYING PO DANG, DE'I 'GREL BA RTOG GE 'BAR BA, YE SHES SNYING PO'I BDEN GNYIS RTZA 'GROL, ZHI 'CHA'I DBU MA RGYAN RTZA 'GREL, KA MA LA SH'I LA'I DE'I 'GREL BSHAD, DBU MA SNANG BA, SGOM RIM GSUM SOGS DBU MA'I GZHUNG GANG YOD DANG, SA RGYAN SBYOR TSUL SNGAR SONG ZIN LA, TSOMS BSHAD GZHI DANG, SKYES RABS BSHAD CHOS, BSLAB SPYOD GNYIS RTZA 'GREL LTA BU YIN PAS, SHES RAB GO CHA'I TSOM 'GREL, DHARM'A KIRTI'I SKYES RABS 'GREL BA, SPYOD 'JUG GI RGYA 'GREL BCU DANG DAR tIG, JO PO CHEN PO DANG 'JAM DBYANGS CHOS RJE'I BSLAB BTUS KYI BSDUS DON SOGS KYI STENG NAS, SA RGYAN TING NGE 'DZIN GYI GZHUNG, BSLAB SPYOD SPYOD PA'I GZHUNG, SKYES TSOMS DANG PA'I GZHUNG STE PO TO PA CHEN POS BYANG CHUB LAM RIM GYI BSHAD GZHIR DRANGS PA'I BKA' GDAMS GZHUNG DRUG LA'ANG SBYANGS SHING GNAS BRTAN RDO RAMS PA DKON MCHOG DGE 'DUN GYI DRUNG DU SPYOD 'JUG CHEN MO'I ZHIB BSHAD DOGS GCOD DPE KHRID KYI LUGS LTAR GSAN PA DANG RGYA RONG DGE BSHES TSUL KHRIMS NYI MA LAS KYANG, GZHUNG DRUG SBYOR TSUL GYI MAN NGAG BLA MA YONGS 'DZIN RIN PO CHE'I GSUNG RGYUN DU MA BLANG BA SOGS KYIS MTSON LUNG DANG MAN NGAG GI RGYUN GANG YOD GSAN BAS BLO GROS SHEL GYI BA GAM LEGS BSHAD RIN PO CHE DU MA'I SKYES KYI BANG MDZOD DU GYUR TO, ,DBAL MANG RIN PO CHES BSLAB BYA 'DI LTAR MDZAD DE, RNAM BSHAD DGONGS PA RAB GSAL LA RGYUN DU BLTA BA GAL CHE, RJE 'JIGS MED DBANG POS LCANG SKYA THAMS CAD

, ,MKHYEN PA'I DRUNG NAS LO RE BZHIN RNAM BSHAD DGONGS PA RAB GSAL ZHIB KLOG RE GNANG RGYUR DAM BCAS, DE'ANG NYIN RE LA YIG 'PHRENG GNYIS SAM GSUM TZAM MA MTHA' GZIGS PA'I SGO NAS ZHIB KLOG GNANG BA YIN ZHES ZHAL NAS DNGOS SU THOS, THAD KA DE TSAR BRGYA RE LTA BU GRANGS BCAD BYAS TE SKYOR NA NAM ZHIG NA BYIN RLABS ZHUGS NAS DON GO BA ZHIG YONG, DGAG BYA NGOS ZIN PA GAL CHE, DGAG BYA ZHE PHUGS LA BZHAG NAS, SKYES BUS MIN CHU MA YIN, ,SOGS KYIS DPYAD, LHAG MTHONG CHE CHUNG DGONGS PA RAB GSAL SOGS 'GANG CHE, DRIS LAN DE SHIN TU LEGS, DGA' BLO KHA GSAL MDOG KHA BOL 'BAB SA MI GSAL, MKHAS GRUB RJE'I GSUNG SKOR 'DI SHIN TU LEGS, GZHAN PHYOGS PA LTA BA NANG GSES MI MTHUN MDOG MANG YANG THAMS CAD 'BAB SA NI CI YANG YID LA MI BSAM BA LA 'BAB BAS PHUGS GCIG, DE THAMS CAD PHYI GZUNG BA RTEN 'BREL BSHIG PA KHO NA RED, NANG 'DZIN PA CI YANG ME BSAM MI 'DZIN AI HI HI ZER MGO YUG YUG BYED, STONG PA DANG RTEN 'BREL PHAN TSUN MI GNOD PAR MA ZAD GCIG GCIG GI GROGS SU 'GRO RGYU 'DI DKA' BA YIN PAS 'DI LA 'BAD DGOS ZHES GDAMS SO, ,RJE NYID KYI ZHAL NAS, LTA BA'I GO BA MED NA SNGAGS LA BAG CHAGS 'JOG THABS MED PAS RTZA SHES RAB BYED BCVO BRGYAD BA'I THAD KYI 'GREL BA BUDHA BA LI TA'I TSIG

GCIG LA BRTEN NAS RJE BDAG NYID CHEN POS LTA BA RNYED TSUL MDZAD PAS DE LTA BU'AM, NGA RANG CHO ZLA BA GRAGS PA DGE BA'I BSHES GNYEN GYI RNAM PAR BYON PA'I SLOB MA YIN PAS 'DUG LA KHA TON NAM, YIG CHA CHE CHUNG GI DGAG BYA DNGOS 'DZIN YANG YANG SKYONG BA GANG RIGS KYI SGO NAS LTA BA 'TSOL BA SHIN TU GAL CHE ZHES GSUNGS SHING, NYID NAS KYANG RTZA SHES ZHAL 'DON DANG, tIKA CHEN RIGS PA'I RGYA MTSO'I STENG NAS THUGS DPYAD RGYUN TU MDZAD PA PHYIS SU BDAG CAG GIS KYANG MJAL LO, ,'DZIN GRVA DBU MAR SLEB PA'I SKABS 'DIR DBUS KYI DGE BSHES CHEN PO SE RA'I CHOS DAR LHA RAMS PAS GDAN SA 'DIR GRVA SKOR BYAS PA LA DAM BCAR BZHENGS, RJE 'DI RANG RGYAL BA DANG GZHAN PHAM PA'I BSAM SBYOR RNAM PA KUN TU MI MDZAD PAS, TSIG NGAN DANG, NGAR NGAR, G-YO ZOL SOGS GANG YANG MA BYAS KYANG, SPYI DON GYI KHOG 'BUB CING GONG 'OG GI 'BREL BSGRIGS ZAB LA 'DUS CHE BA'I GZHUNG 'GOD DANG, RTAGS GSAL SNGA MA LAS PHYI MA ZUR RNO BA'I LUNG RIGS NOR BU'I PHRENG BA BRGYUD MAR BTANG BAS PHYI RGOL GYI KHAS BLANG PHYE MA'I 'CHANG BU BZHIN DU GYUR TE RANG DBANG MED PAR ZIL GYIS NON CING YID 'PHROG PAS BDAG LA DAM BCA' LANG MKHAN GYI GRANGS SU BLA RGAN ZHIG 'DRA BA'I GNYOM CHUNG BO DE LAS LHAG BA'I GO BA GTING CHE BA MA MTHONG ZHES LHA RAMS PA DES RJE 'DI'I YON TAN BRJOD

, ,DE SNYING NAS DAD GUS BYED PAR THOS, DE NI BLO GZU BOR GNAS SHING CHOS KYI RJES SU 'BRANG BA'I BLO GROS DANG LDAN PA'I DAM PA'I NGANG TSUL RMAD DU BYUNG BA'O, ,'KHOR 'DAS SGYU MA'I 'PHRUL 'KHOR LEGS NYES KYI, ,BYED PO KUN KHYAB GDOD NAS STONG PA YANG, ,TSUGS THUB RANG DBANG SDOD PA'I MTHU MED PAR, ,KHYOD THUGS YE SHES DBYINGS DANG DBYER MED 'DRES, ,DGUNG LO NYER DRUG PA KUN 'DZIN ZHES PA SA BYI'I LOR 'DZIN GRVA MDZOD DU PHEBS PAS MDZOD RTZA DANG SDOM TSIG THUGS 'DZIN DANG RGYUN SKYOR, YIG CHA'I MTHA' DPYOD, MCHIMS MDZOD, MDZOD tIKA THAR LAM GSAL BYED, MDZOD RANG 'GREL DANG, GANG SPEL, RGYAL SRAS MA, KHA CHE 'DUS BZANG DANG, PHYOGS GLANG GI MDZOD 'GREL SOGS RGYA BOD KYI LEGS BSHAD GUNG BSGRIGS PA'I STENG NAS GNAS DANG PO DANG GNYIS PA'I SKABS SU BSTAN PA'I GANG LA MKHAS PAR BYA BA'I GNAS GZHI LNGA'I RANG SPYI'I MTSAN NYID, ZAG BCAS ZAG MED PHUNG KHAMS SKYE MCHED, DBANG PO NYER GNYIS, RDZAS RDUL BCU GCIG GI BAR, MTSUNGS LDAN SDE TSAN DRUG, LDAN MIN BCU BZHI SOGS 'DUS BYAS CHOS KYI SKYE TSUL, RGYU DRUG; 'BRAS BU LNGA, RKYEN BZHI, DE MA THAG RKYEN SEMS NYI SHU'I RNAM BZHAG SOGS RGYU RKYEN 'BRAS BU'I BYUNG TSUL, DE NYID NGES PAR BYED TSUL BDEN BZHI'I 'JUG LDOG YIN PAS GNAS GSUM PA NAS BSTAN PA'I 'DOD BZHE BZHI

DANG; NYI SHU, SRID PA BDUN, RNAM SHES GNAS PA BDUN, SEMS CAN GYI TSOGS GSUM DU SDUD PA DANG GNAS PA DGU SOGS BCUD KYI SDUG BDEN, SNOD KYI 'JIG RTEN DANG, CHAGS 'JIG GNAS PA SOGS SNOD KYI SDUG BDEN GYI RNAM BZHAG, BYE MDO'I RTEN 'BREL BCU GNYIS, ZAS BZHI, GNAS BZHI PA NAS BSHAD PA'I SEMS PA'I LAS DANG BSAM PA'I LAS, MYONG 'GYUR GSUM, RNAM RIG MA YIN PA'I GZUGS GSUM DANG DE'I SKYE TSUL BZHI, GRUB MTHA' SO SO'I LUS NGAG GI RNAM RIG DANG GCIG SHOS 'JOG TSUL, BSAM GTAN ZAG MED SO THAR GYI SDOM PA SDOM MIN BAR MA'I DGE BA, RDZAS LAS BYUNG BA'I BSOD NAMS BDUN, MTSAMS MED DANG NYE BA'I MTSAMS MED; DGE RTZA GSUM, LAS KYI RNAM GRANGS GZHAN RIGS PAS RAB TU BCUG PA'I LAS GSUM SOGS LAS KYI KUN BYUNG, GNAS LNGA PA'I PHRA RGYAS NGO BO'I DRUG, RNAM PA'I BCU, KHAMS DANG DMIGS PAS GO BRGYAD, 'DOD PA'I ZAG PA ZHE GCIG, SRID PA'I ZAG PA NGA GNYIS, MA RIG PA'I ZAG PA BCO LNGA, 'DOD PA'I CHU SBYOR NYER DGU, SRID SBYOR NYER BRGYAD, LTA BA SO DRUG, MA RIG PA BCO LNGA STE CHU BO SBYOR BA BZHI, 'DOD PA NYER LEN SO BZHI, SRID PA NYER LEN SO BRGYAD, LTA BA NYER LEN SUM CU, BRTUL ZHUGS NYER LEN DRUG STE NYER LEN BZHI, KUN SBYOR DGU, THA MA'I CHA MTHUN LNGA DANG GONG MA'I CHA MTHUN LNGA, BYE SMRA LTAR KUN DKRIS BCU SOGS MDO DANG BSTAN BCOS LAS

, ,GSUNGS BA'I PHRA RGYAS KYI RNAM GRANGS DRI MA DRUG, SGRIB PA LNGA SOGS NYON MONGS PA'I KUN BYUNG STE SPANG BYA KUN 'BYUNG GI BDEN PA, DE SPONG BYED KYI GNYEN PO, DMIGS PA SHES PA'I SPONG BA LNGA BCU; DMIGS PA ZAD PA'I SPONG BA DGU, DMIGS PA SPANG BA'I SPONG BA NYER GSUM, 'BRAS BU YONGS SHES DGU, GNAS DRUG PA'I LAM DANG GANG ZAG GI RNAM BZHAG LA, MI SDUG PA DANG DRAN NYE SGOM TSUL, SBYOR LAM DANG BDEN PA MNGON RTOGS BCU DRUG SGOM TSUL, DGE SBYONG TSUL DANG DE'I 'BRAS BU THOB TSUL, PHYIR MI 'ONGS KHRI NYIS STONG DGU BRGYA DRUG CU, RDO RJE LTA BU'I TING NGE 'DZIN SUM BRGYA GYA BZHI, RIGS DANG 'BRAS BU LAS NYAMS PA'I DBYE BA, DBANG BO'I PHO TSUL, DGRA BCOM DRUG DANG DGUR DBYE BA, BYANG PHYOGS SO BDUN GYI DBYE BSDU SOGS THOB BYA RNAM BYANG GI BDEN PA, GNAS BDUN PA'I MKHAS BYA'I GNAS LA MKHAS PAR BYAS PA'I YON TAN, SHES PA BCU'I RNAM BZHAG, STOBS BCU, MI 'JIGS PA BZHI, DRAN NYE GSUM, THUGS RJE CHEN PO STE KHYAD PAR GYI CHOS THUN MONG MA YIN PA MA 'DRES PA BCVO BRGYAD, STOBS LA MKHYEN PA'I STOBS DANG SKU'I STOBS, SNYING RJE DANG THUGS RJE'I KHYAD PAR BRGYAD, THUN MONG GI YON TAN 'PHAGS PA SLOB PA DANG THUN MONG BA NYON MONGS MED PA'I TING NGE 'DZIN, SMON GNAS SHES PA, SO RIG BZHI, RAB MTHA' 'JOG TSUL, SO SKYES DANG THUN MONG BA MNGON SHES LNGA SOGS SHES PA'I YON TAN,

GNAS BRGYAD PA'I BSAM GTAN GYI YAN LAG BCVO BRGYAD, RNAM THAR BRGYAD, ZIL GNON BRGYAD, ZAD PAR BCU, TSAD MED BZHI, TING 'DZIN GSUM SOGS SNYOMS 'JUG GI YON TAN, BSTAN PA'I GNAS TSAD BSHAD PA BCAS SDE SNOD KYI MA MO CHOS MNGON PA'I TSIG DON HOR KHONGS SU MA LUS PA'I RTZOD PA LO GNYIS KYI RING LA RDZOGS PAR MDZAD, KUN MKHYEN GNYIS PA DBYIG GI GNYEN PO BSAM BZHIN SLAR YANG BYON PA DBAL MANG RIN PO CHES; MCHIMS MDZOD NI GRAGS CHE YANG NGA LA PHAN CHER MA THOG, MDZOD tIKA NI DE LAS BTUS PA ZHIG YIN, YIN NA YANG PAn CHEN DGE 'DUN GRUNG KYIS, MDZOD KYI BSHAD RGYUN GRAGS CHE BA DRANG HI NGAR MA SNYING PO'I SLOB MA 'BAN DKON MCHOG RDO RJE DANG, ROG CHOS KYI BRTZON 'GRUS TE 'BAN ROG GNYIS NAS BRGYUD PA DANG, PAndI TA SMRi TI NAS BRGYUD PA DANG, KHA CHE PAn CHEN SH'AKYA SHRI NAS BRGYUD PA BZHI KA GSAN PAS KHYAD PAR DU 'PHAGS, RANG RE'I YIG CHA NI CHOS MNGON GYIS KHA BSKANG BA LTA BU ZHIG YIN 'DUG STE, GNAD KHROL ZHING SNGA MA'I LEGS CHA BSDUS PAS MDZOD LA RANG RE'I YIG CHA 'DI 'DRA DKON PAS DPE CHA GZHAN LA BLTA BA LAS 'DI LA 'DRIS CHA BTANG NA DES MCHOG PA MI DGOS ZHES GDAMS SO, ,CHOS MNGON RGYA MTSO'I MTHAR SON MON GRA PA, ,ZHES RJE BDAG NYID CHEN POS BSNGAGS BRJOD MDZAD PA'I PHYIR MON GRA PA TSUL KHRIMS BKRA SHIS KYIS MDZAD PA'I MDZOD 'GREL LA DE DUS NAS

, ,GZIGS 'DUN SHIN TU CHE BAR YOD KYANG LCANG SKYA ROL PA'I RDO RJE'I PHYAG DPE'I KHROD DU BZHUGS PA RNAM THAR DU YOD PA TZAM MA GTOGS PHYOGS 'DIR DPE RGYUN DKON PAS RE ZHIG STABS MA 'GRIG, PHYIS SU SKYABS MGON THAMS CAD MKHYEN PA SKU 'BUM GYI MKHAN KHRIR GDAN DRANGS PA'I TSE PHYAG PHYIR BYON SKABS NYIN GCIG DPE KHANG GOG PO ZHIG RAL DU SONG BA ZHIG GI NANG NA DPE CHA MANG PO RLUNG GIS 'KHYER ZHING YOD PA GZIGS PAS DER SONG NAS BLTA DGOS GSUNGS TE BYON PAS DE'I DPE KHROD NAS MON GRA PA'I MDZOD CIG RNYED BA LA THUGS DGA' CHE NAS YANG YANG GZIGS TE DPYAD CING 'DRIS PAR BYAS PAS SNGAR THUGS GNYER BYAS PA'I STENG DU ZHUGS LA 'BRU MAR GYI THIGS PAS BRAN PA BZHIN CHOS RAB TU RNAM PAR 'BYED PA'I SHES RAB KYI ME LCE CHES CHER 'BAR BAS CHOS MNGON BA LAS BRTZAMS PA'I LAM DANG LAM MA YIN PA LA RMONGS PA'I BUD SHING MTHA' DAG LHAG MED DU BSREG PAR GYUR TO, ,MNGON BSDE BDUN BYE BRAG BSHAD MTSO SOGS, ,MNGON PA'I GZHUNG GI GCES NOR KUN BSDUS PA'I, ,MNGON PA MDZOD KYI TSIG DON MA LUS PA, ,MNGON SUM GZIGS PA'I CHOS SBYAN RDUL GYIS DBEN, ,GDAN SA 'DI NAS KYANG PHYIS SU ZHABS SKOR GYI ZHOR LA SKOR LAM GYI CHOS KHANG DU BYON NAS SKU GSUNG THUGS RTEN 'O BRGYAL DU BCUG PA RNAMS THUGS KYIS MI BZOD PAR MTHO SAR BKUR STI

DANG BCAS 'JOG PA DANG, DPE CHA KHA 'THOR RNAMS PHYAG TU BSNAMS NAS KHYER 'ONGS TE YIG MKHAN RNAMS LA YON GYI GNANG SBYIN DANG BCAS KHA GSAB CING NA BZA' PHUL NAS DPE MDZOD DAM 'DUD KHANG LTA BUR BZHUGS SU BCUG PA SOGS GCES SPRAS TSAD MED PAS BSNYEN BKUR MDZAD PA NI, DENG DUS 'GA' ZHIG GIS LONGS SPYOD KYI NGA RGYAL DANG SNYAN PA LA RE BA SOGS 'JIG RTEN CHOS BRGYAD DANG 'DRES PA'I SKU GSUNG THUGS RTEN BZHENGS TE BKUR STI BYAS PA SOGS KYI NGAL BAS CHA TZAM YANG BSGRUN DU MED PA'I BSOD NAMS KYI TSOGS RLABS PO CHE BSAM SBYOR LA SKYON PHRA MOS KYANG MA SBAGS PA, DAM PA'I CHOS LA SNYING NAS BDAG 'KHOR BA DANG NGAN SONG GI 'JIGS PA LAS SGROL BA'I SKYABS DNGOS 'DI'O SNYAM DU 'DZIN ZHING, LUNG DON SRID ZHI'I MTHA' GNYIS 'GOG PA'I NANG GI YONGS 'DZIN LA GTING NAS YID CHES DANG PHYIR MI LDOG PA'I DAD PA 'KHRUNGS PA'I 'BRAS RTAGS YANG DAG YIN NO, ,CHOS KHANG NAS DPE RGYUN DKON PA MANG PO PHYAG TU CHUD PA, DPER NA, SHAM BH'A LA'I RIGS LDAN RGYAL PO DANG, PAn CHEN BLO BZANG CHOS RGYAN RNAM GNYIS KYIS PHAN TSUN 'PHRIN BSKUR RES MDZAD PA'I 'PHRIN LAN ZHIG KYANG RNYED NAS 'DI 'DRA'I NGO MTSAR BO 'DUG CES BKA' CHOS SHIG GI SKABS 'PHRIN YIG DA ZHAL NAS BSGRAGS PA DANG, RIGS LDAN BYA BA 'JUG SBAS BAS MDZAD PA'I RTOGS BDUN GYI 'GREL BAR 'CHAM LCAGS MKHAR GYI KHUNGS YOD PA PAn CHEN DPAL LDAN

, ,YE SHES KYIS GZIGS SHING BDAG GIS KYANG CHA SHAS MTHONG BAR 'DI DANG 'DI 'DRA 'DUG CES GSUNGS PA LTA BU LA, TSAS KYI SPYAN LDAN TSAD MA'I SKYES BU RNAMS KYIS CHOS KHANG NAS RNYED PA AE YIN MI SHES ZHES GSUNGS PAS GSANG BA'I RNAM PAR THAR BA CHES RMAD DU BYUNG BA ZHIG YIN NGES KYANG ZHIB CHA 'BRIR MA SPOBS SO, ,DGUNG LO NYER BRGYAD PA RNAM 'GYUR ZHES PA LCAGS STAG SA GA ZLA BA'I TSES BRGYAD MNYAM MED ZAS GTZANG GI SRAS PO RGYAL BU GZHON NU DON 'GRUB KYIS RGYAL SRID MCHIL MA'I THAL BA BZHIN DU SPANGS NAS MCHOD RTEN RNAM DAG GI DRUNG DU RAB TU BYUNG BA'I MDZAD PA MDZAD PA'I DUS CHEN GYI NYIN SUM RTZEN RNAM PAR RGYAL BA'I KHANG BZANG SA LA 'PHOS PA LTA BU CHOS 'BYOR NOR BU'I BA GAM BLA BRANG THUB BSTAN PHO BRANG GI GZIMS CHUNG DU GANGS LJONGS 'DUL 'DZIN YONGS KYI GTZUG RGYAN; STOBS BCU MDA' BA SH'AKYA'I RGYAL PO DNGOS DANG DBYER MA MCHIS PA SKYABS MGON THAMS CAD MKHYEN PA RJE BTZUN BLO BZANG THUB BSTAN 'JIGS MED RGYA MTSO DPAL BZANG POS MKHAN SLOB SBRAGS MA DANG, SMRA BA'I KHYU MCHOG SGO ME LHA RAMS PA BLO BZANG CHOS 'DZIN GYIS GSANG STON, RDO RAMS BA DKON MCHOG SANGS RGYAS KYIS DUS GO BA, KLU SHOD BA BLO BZANG DKON MCHOG DANG, SNGAGS RAMS PA DKON

MCHOG BSTAN DAR GNYIS KYIS LAS KYI KHA SKONG BA MDZAD PA'I DAD PA'I DGE 'DUN GRANGS TSANGS PA'I DBUS SU RAB BYUNG DGE TSUL BSKYAR SGRUB THOG, NGES PA LNGA DANG BRAL ZHING MNGON 'GYUR BCU TSANG BA'I NGA CHOG NYES MED PHUN TSOGS KYI SGO NAS SGO GSUM ZHI BAR GNAS PA'I LAM BZANG PO LA ZHUGS PAS CHAGS BRAL MYA NGAN LAS 'DAS PA DANG KHAD SHIN TU NYE BA LHAG PA TSUL KHRIMS KYI BSLAB BA'I GTZO BO BSTAN PA'I GZHI MA SO SOR THAR BA'I SDOM PA'I MCHOG ZHUGS LA YONGS SU RDZOGS PA'I DGE SLONG GI DNGOS PO YANG DAG PAR BZHES ZHING, MKHAN BO THAMS CAD MKHYEN PA NAS MTSAN SHES RAB RGYA MTSO ZHES GSOL TE MANG THOS BAG YOD GSER SBYANGS YU BA DRANG ZHING LDEM PA'I RTZE MOR RNAM DAG BSLAB GSUM NOR BU'I TOG GIS MDZES PA'I DUR SMRIG DAR LCE GSUM PA, LEGS BSHAD SNYAN PA'I G-YER KHA PHYOGS BRGYAR 'KHROL BA'I THUB BSTAN RIN PO CHE MI NUB PA'I RGYAL MTSAN BRTAN POR TSUGS BA LA SRAS BCAS RGYAL BAS SHIS PA BRJOD PA'I ME TOG GI CHAR PHABS PA DANG LHAN CIG DKAR PHYOGS LHA'I BA DAN SRID PA GSUM GYI BLA NA MTHO BAR GYUR TO, ,NYES SBYOD RO DANG NAM YANG MI 'GROGS PA'I, ,BCOS MIN NGES 'BYUNG TSUL KHRIMS CHU BO'I GTER, ,DPAG YAS YON TAN NOR BU'I MDZOD 'DZIN PA, ,THAR 'DOD GDENGS CAN BYE BA'I NYER 'TSOR GRUB, ,SNGON GOMS BAG YOD

, ,MA LA YAR SKYES LJON, ,LHAN SKYES ZHI DUL BSUNG ZHIM 'THUL BA LA, ,GSAR BA'I RTEN 'BYUNG TSOGS PA'I BSNYEN RDZOGS KYI, ,SBYAR BYUNG DRI BZANG BYUGS PA'I NGAL BAS CI, ,'ON KYANG RJES 'JUG BKRI BA MTSON PA'I PHYIR, ,ZAS GTZANG SRAS DANG 'JAM MGON BLA MA YANG, ,GZHAN LAS LAM BZANG TSOL BA DE 'DRA NA, ,RGYAL BA'I MDZAD PAR KHYOD THUGS CIS MI RANGS, ,RGYUD DANG SHES RAB DBANG PO SMIN PA YI, , DRI BRAL ZHING SAR G-YUR DU DUD PA'I KHRIMS, ,THUB DBANG DNGOS KYIS SPEL BA'I MYU GU'I PHRENG, ,RDZOGS LDAN DUS STON SLAR YANG 'ONG BA BZHIN, ,ZHES PA'ANG NYAMS DGA' BA'I TSIGS SU BCAD PA'O, ` ,BSLAB BYA GNAM RTZE LDING MA, 'DUL 'DZIN GYI BSLAB BYA CHEN MO SOGS BSLAB BYA'I SKOR MTHA' DAG NYAMS 'OG TU CHUD CING, LTUNG BA SDE LNGA SO SO'I SRUNG MTSAMS ZIN PAR BYAS TE BCAS MTSAMS LAS NAM YANG MI 'DA' ZHING; BRGYA LA RKYEN DBANG GIS NYES BYAS PHRA MO RE BYUNG TSE 'PHRAL DU PHYIR BCOS SOGS KYIS SBYONG BA DANG, SANGS RGYAS KYI DUS KYI NYAN THOS RNAMS JI LTA BA BZHIN 'DOD CHUNG RTOG SHES KHO NAS MTHA' GNYIS SU MA LHUNG BA'I MKHO NGES KYI YO BYAD PHRAN TSAGS MA GTOGS BSNAMS PA'I SROL MED LA, 'TSO BA'I YO BYAD, LHAG PA'I YO BYAD, MKHO BA'I YO BYAD RNAMS BYIN GYIS RLOBS PA DANG, RNAM BRTAG BYAS NAS 'CHANG LUGS, ZAS LA BYIN LEN

BYED TSUL, CHAB LEN RUNG CHU 'DEBS BA TSUN CHAD 'DUL BA'I PHYAG LEN GYI CHA PHRA ZHING ZHIB PAR SKU NYAMS SU BSTAR BA NI, LUNG GZHI LAS, GANG NA LAS KYANG YOD, NAN TAN BYED PA'ANG YOD PA DE NI DAM PA'I CHOS GNAS PA ZHES BYA'O; ;GANG NA LAS KYANG MED, NAN TAN BYED PA'ANG MED PA DE NI DAM PA'I CHOS ZHIG PA ZHES BYA'O ZHES, BSTAN PA GNAS MI GNAS CHOS 'DUL BA'I LAS DANG SGRUB PA NYAMS LEN YOD MED LA RAG LAS PAR GSUNGS PA DANG; SHAR PA CHEN POS, LEGS NYES CI BYUNG YANG CHOS LA BRTEN PA DANG DE'I NANG NAS KYANG 'DUL BA LA BRTAN NA, BRTAG THUB PA, NYAMS DGA' BA, BLDAB KYANG MI DGOS LA, ZHE GTZANG BA, MTHA' BZANG BA YIN ZHES GSUNGS PA LHAR CHOS DANG BSTAN PA'I GNAD MKHYEN PA'I RNAM PAR THAR BA'O, ,DE YANG BKA' GDAMS PA RNAMS KYIS, NYAMS LEN BYED 'DOD NA PO TI MDZE KHAL TZAM PA ZHIG LA SLOB GNYER RGYAG DGOS, BE'U BUM LAG MTHIL TZAM ZHIG STON PA TZUG SBED PA TZUG BYAS PAS NI GAR YANG MI PHYIN ZHES GSUNGS PA LTAR, NYAMS SU BLANG BYA'I YAN LAG MTHA' TSOD PA'I DON DU 'DUL BA LUNG SDE BZHI DGONGS 'GREL DANG BCAS PA'I TSIG DON LA ZHIB PAR SBYANGS TE, DE YANG, DGE SLONG PHA'I KHRIMS NYIS BRGYA NGA GSUM STON PA'I PHA'I SO THAR TSIGS BCAD BDUN BRGYA LA BAM PO GNYIS BYAS PA DANG, DGE SLONG MA'I KHRIMS SUM BRGYA DRUG CU RTZA BZHI STON

, ,PA'I MA'I SO THAR SHLOO KA BRGYAD BRGYAL BAM PO GNYIS BYAS PA GNYIS NI RTZA BA'I MDO YIN LA, BSHAD PA'I MDO NI LUNG SDE BZHI YIN ZHING DE RNAMS BSDOMS BA LA BAM PA SUM BRGYA DANG ZHE BZHI, SHLOO KA 'BUM PHRAG GCIG DANG SUM STONG NYIS BRGYA YOD PA'I LUNG RNAM 'BYED POD BZHIS PHA MA'I KHRIMS SO THAR GNYIS LTAR RGYAS PAR STON, LUNG GZHI POD BZHIS, RAB BYUNG GSO SBYONG GZHI DANG NI, ,ZHES SOGS KYI BANG SDOM LTAR 'BOG CHOG DANG GZHI GSUM SOGS GZHI BCU BDUN STON, GZHUNG DAM PA DANG, GZHUNG BLA MA DANG, LUNG ZHUB GSUM MTSAN GYI RNAM GRANGS YIN PAS LUNG ZHU BA'AM GZHUNG DAM PA POD GNYIS LA LE'U BCU YOD PAS ZHUS LAN GYI SGO NAS GZHI DANG RNAM 'BYED KYI DON ZHIB TU 'GREL BA DANG, LUNG PHRAN TSEGS POD GNYIS NI DE RNAMS KYI MA TSANG BA KHA SKONG BA'I 'GREL BSHAD LTA BU, PHYOGS MTHUN GYI MDO NI, SBYANGS PA'I YON TAN BSTAN PA'I MDO, DGE SLONG LA RAB TU GCES PA'I MDO, TSUL KHRIMS YANG DAG PAR LDAN PA'I MDO, TSUL KHRIMS 'CHAL BA TSAR GCOD PA'I MDO, 'KHAR GSIL GYI MDO GNYIS, GAndI'I MDO RNAMS DANG, DGONGS 'GREL LA, SO THAR GYI 'GREL BA KHYAD PAR BSHES GNYEN GYIS MDZAD BA BAM PO BCO LNGA PA, DRI MED BSHES GNYEN GYIS MDZAD PA DANG, SLOB DPON DPA' BO DANG, D'A NA SH'I LAS MDZAD PAR GRAGS PA DANG, 'GREL BA MI

BRJED PA'I DRAN PA, YANG 'GREL BA BAM PO BDUN PA, MA'I SO THAR GYI 'GREL BA GNYIS BCAS SO THAR GYI 'GREL BA BRGYAD, GZHI 'GREL DGE LEGS BSHES GNYEN GYIS MDZAD PA BSGYUR 'PHRO BAM PO BCU GCIG, RNAM 'BYED 'GREL BA DUL LHAS MDZAD PA BAM PO BCO LNGA, GZHUNG BLA MA'I BYE BRAG LUNG ZHU BA'I 'GREL BA DGE LEGS BSHES GNYEN GYIS MDZAD PA BSGYUR 'PHRO CAN, SLOB DPON TSUL KHRIMS BSKYANGS KYIS MDZAD PA'I PHRAN TSEGS SGO BRGYAD PA YAN CHAD RDZOGS PA'I 'GREL BA BAM PO BCU PA SOGS SO SO'I 'GREL BA RNAMS DANG, DGRA BCOM PAS GA LHAS MDZAD PA'I RNAM 'BYED KYI DON BSDU 'DUL BA ME TOG PHRENG RGYUD BAM PO DRUG PA, DGRA BCOM PA CHOS KYI TSONG DPON GYIS MDZAD PA'I 'DUL BA LA BSTOD PA, DE'I 'GREL BA DUL BA LHAS MDZAD PA, DGE TSUL GYI BSLAB BYA STON CING BSLAB SBYIN DGE SLONG LAS 'PHROS NAS MDO SDE PA DANG BYE SMRA THEG CHEN GSUM GYI 'DOD TSUL 'CHAD PA SH'AKYA 'OD KYI SUM BRGYA PA, DE'I RANG 'GREL 'OD LDAN BAM PO BRGYAD PA, DE'I 'GREL BSHAD DUL LHAS MDZAD PA'I SLOB PHAN, DE'I 'GREL BA KA MA LA SH'I LAS MDZAD PA, SLOB DPON PADMAS MDZAD PA'I DGE TSUL GYI LO DRI BA, SU N+YA SHRIS MDZAD PA'I DGE BSNYEN GYI SDOM PA BRGYAD PA RTZA 'GREL, KHA CHE BI MA LAS MDZAD PA'I GLENG GZHI DANG GANG ZAG BSDUS PA'I TSIG LE'UR BYAS PA RNAMS DANG, SLOB DPON

, ,MKHAS PA YON TAN 'OD KYI 'DUL BA MDO RTZA BA BAM PO DGU PA, RANG 'GREL STONG PHRAG BCU GNYIS PA, DE'I DON BSDU, 'GREL CHU, LAS BRGYA RTZA GCIG STON PA KARMA SHAM TAm STE GZHU BSNGA,, DE'I NANG NAS MDO RTZA NI, MA RTOGS BRTOGS PA'I DGOS PA BZHI, LOG RTOG SEL BA'I DGOS PA GSUM, MDOR BSDUS LA DGA' BA'I BSAM PA BSKANG BA'I DGOS PA RNAMS DANG LDAN ZHING SDOM PA MA THOB PA THOB BAR BYED PA'I THABS GZHI LAS 'BYUNG BA'I SNGON CHOG DANG DA CHOG, MA CHING BA KHA BSKANG BA PHRAN TSEGS LAS 'BYUNG BA, DOGS GCOD ZHU BA'I SKABS NAS 'BYUNG BA THOB PA MI NYAMS PAR BSRUNG PA'I THABS RNAM 'BYED NAS 'BYUNG BA LTUNG BA SDE LNGA SO SO'I MTSAN NYID DANG, ZHU BA'I SPYIR BSTAN PA STE DGAG PA'I BSLAB BYA, BSLAB PA YONGS SU SBYONGS PA'I GZHI GSO SBYONG, DBYAR, DGAG DBYE, BDE BAR GNAS PA'I RKYEN BSTEN PA'I GZHI GOS SMAN GNYIS BYA BA'I THABS LAS BRGYA RTZA SOGS SGRUB PA'I BSLAB BYA, NYAMS NA PHYIR BCOS PA'I THABS, LTUNG BA PHYIR BCOS DRUG, RTZOD PA ZHI BYED BDUN, DE THAMS CAD KYI RTEN GNAS MAL GYI GZHI STE 'DUL NGA LUNG SDE BZHI DANG SDE SNOD KUN LAS BTUS SHING DGAG SKRAB GNANG GSUM GYI CHA LA RUNG MTHUN ZHIB PAR SBYAR BAS DGONGS 'GREL GZHAN RNAMS LAS CHES KHYAD PAR DU 'PHAGS SO, ,DE LA 'GREL BA SLOB DPON SHES

RAB BYED PAS MDZAD PA DANG, RGYA CHER 'GREL BA CHOS BSHES KYIS MDZAD PA SHLOO KA SUM KHRI CHIG STONG BAM PO BDUN CU PA GNYIS YOD PA'I PHYI MA 'DI 'GREL BA RMAD DU BYUNG BAR GANGS CAN GYI 'DUL 'DZIN THAMS CAD MGRIN GCIG TU BSNGAGS SHING RJE BDAG NYID CHEN POS KYANG THUGS 'DZIN MDZAD PA RNAM THAR LTAR LA, GUNG THANG 'JAM PA'I DBYANGS DANG, DBAL MANG RDO RJE 'CHANG NAS KYANG RGYA CHER 'GREL BA 'DI KHUNGS THUB BYED CING, DE TZAM NYID KYI RNAM BSHAD LA YANG MI MDZAD PA'I LO RGYUS MANG DU GSUNGS, MTSO tIKA NI DON GNAS PHRA MO TSUN CHAD LA'ANG ZHIB CHA PHYE BAS 'DUL GZHUNG LA 'DI LAS LHAG PA MI DGOS ZHES RJE BDAG NYID CHEN POS KYANG YIG CHA MA MDZAD PA YIN ZHES ZHAL NAS GSUNGS PAS DE DAG GIS MIG BYAS TE RGYA BOD KYI LEGS BSHAD KUN LA MKHAS PAR BSLAB, SLOB DPON DBYIG GNYEN GYI SLOB MA 'DUL BA RANG LAS MKHAS PA YON TAN 'OD CES GRAGS SHING, DE PHYIN CHAD KYI BSHAD SROL THAMS CAD MDO RTZA BA'I RJES SU 'BRANG BA SHA STAG BYUNG LA, SMAD 'DUL GYI BSHAD RGYUN RIM PAR BYUNG BA LAS, RGYA 'DUL 'DZIN DBANG PHYUG TSUL KHRIMS KYIS, GZUS KYI BU BZHIR GRAGS PA'I KLAN TSUL KHRIMS BYANG CHUB, KA CHU PA TSUL KHRIMS 'BYUNG GNAS, SNE BO GRAGS PA RGYAL MTSAN, 'JIM PA SHES RAB 'OD BZHI'I SNGA MA GSUM PAS 'DUL BA'I BSHAD PA GSAN NAS 'DUL BA RGYAS BSDUS 'GA' ZHIG MDZAD, RGYA 'DUL 'DZIN LA

, ,MTHA' BZHI BRTZON 'GRUS 'BAR, 'DAR 'DUL 'DZIN, RMA 'TSO BYANG CHUB RDO RJE, JO STAN NAG PO DAR MA TSUL KHRIMS TE SLOB MA KA BZHIR GRAGS PA SOGS 'DUL BA'I 'CHAD NYAN THUB PA'I SLOB MA STONG PHRAG LHAG BYUNG, BYA tIKA MDZAD PA PO BYA 'DUL 'DZIN BRTZON 'GRUS 'BAR GYIS RMA 'TSO BYANG CHUB RDO RJE LA 'DUL BA GSAN PAS RGYA 'DUL GYI BSHAD RGYUN 'DZIN PA DANG, SHA MI SMON LAM TSUL KHRIMS YANG RGYA 'DUL 'DZIN GYI SLOB MA YIN ZHING, DE'I SLOB MA KA PA DAR MA SENG GES THAG MA BZUNG STE 'DUL BA'I 'CHAD NYAN MDZAD PAS SLOB MA THAG MA PA RDOR GZHON DANG, DE'I SLOB MA SBAL TI DGRA BCOM PA DBANG PHYUG TSUL KHRIMS KYIS SKYOR MO LUNG BTAB, DE'I MKHAN BRGYUD DKA' BZHI PA BLO GSAL LAS RJE BDAG NYID CHEN POS 'DUL BA'I BSHAD PA GSAN, DMAR STON DPAL LDAN RIN CHEN GYIS KYANG DE LAS GSAN, DE LAS DMAR STON RGYA MTSO RIN CHEN GYIS GSAN ZHING, DES MOD RTZA'I DKA' 'GREL MDZAD PA LA DMAR tIKA TU GRAGS, DE GNYIS LA DMAR STON KHU DPON ZER LA, DE LAS PAn CHEN DGE 'DUN GRUB KYIS GSAN NAS GLENG 'BUM DANG, 'DUL tIKA RIN CHEN PHRENG BA MDZAD PA YIN PAS 'DUL BA'I BSTAN RGYUN LA DGONGS TE 'DUL tIKA GI LUNG RGYUN CHAD LA NYE BA CHED GNYER GYI 'BAD RTZOL CHEN POS SNYAN GRAGS SPRUL

PA'I SKU RIN PO CHE BLO BZANG LUNG RTOGS NYI MA LAS GSAN ZHING, RJE DBAL MANG RIN PO CHE LAS 'DUL BA'I SDOM TSIG GI BSHAD LUNG GI STENG NAS BSHAD PA 'BYAMS KLAS PA DANG, 'DUL BA RGYA MTSO'I SNYING PO'I BSHAD LUNG; SA GSUM BRNYES PA YON TAN 'OD BDAG CAG GI MGON DU BSAM BZHIN BYON PA 'JAM MGON SDE KHRI RIN PO CHE LAS 'DUL tIKA GI SA BCAD GZHIR BZHAG PA'I NYID KYIS MDZAD PA'I BSDUS DON NOR BU'I DO SHAL DANG SBRAGS PA'I MDO RTZA'I BSHAD PA GSAL LA 'DRIL BA RGYAS BSDUS 'TSAMS SHING DON GYI 'GANG GSHOG PA'I BSHAD RGYUN DRI MA MED PA GSAN PA LA GSUNG RIS TSUN CHAD KYANG MA NYAMS PA'I ZIN BRIS PHYI RABS KYI BLANG DOR BLTA BA'I MIG TU GYUR PA MDZAD DE CHOS 'DUL BA BDUD RTZI'I NYID KHU THAR 'DOD LHA BRGYA'I NYER 'TSOR 'GREMS PA'I DGA' STON RDZOGS LDAN GYI DPAL LA 'GRAN PA BYAS SO, ,SDE BZHI'I LUNG DANG DGONGS 'GREL 'O MA'I MTSO, ,BSRUBS PA'I SNYING PO GDUNG SEL BDUD RTZI'I DBYINGS, ,CHA SHAS YONGS GANG 'DUL 'DZIN NYE BAR 'KHOR, ,BSIL LDAN RI BO'I SBO LA 'DZEGS PA SNYAM, ,BKA' POD LNGA YI DGONGS DON NAM MKHA'I NOR, GANG THUGS DAG PA'I DBYINGS SU ROL PA YI, ,SRID ZHI'I MTHA' LA 'KHYUD PA'I 'OD STONG GIS, ,RMONGS BA'I MUN TSOGS RGYU BA'I GO SKABS 'PHROG ,DPAL GSANG BA 'DUS PA RTZA BSHAD KYI RGYUD DANG, GSHED SKOR

, ,SOGS PHA RGYUD, BDE DGYES DUS GSUM, SGYU THOD GDAN GSUM SOGS MA RGYUD, DE NYID BSDUS PA DUM BU BZHI, DPAL MCHOG, RTZE MO SOGS RNAL 'BYOR RGYUD, RNAM SNANG MNGON BYANG, PHYAG RDOR DBANG BSKUR BA'I RGYUD SOGS SPYOD RGYUD, GSANG BA SPYI RGYUD, LEGS GRUB, DPUNG BZANG GIS ZHUS PA, BSAM GTAN PHYI MA SOGS BYA RGYUD DANG, DE DAG SO SO'I RGYA BOD KYI DGONGS 'GREL MTHA' DAG ZHI BA PAR THUGS SU CHUD CING PHYAG LAN DU BSTAR BA DANG, DBANG DANG KHRID SOGS BKA' CHOS GANG GNANG GI SKABS SU, DE DANG DE LA RGYA BOD KYI YIG CHA GANG YOD KYI GRANGS NGES DE DAG SO SO'I BSHAD SROL MI 'DRA BA'I KHYAD PAR, DE'I NANG NAS RJE YAB SRAS DANG RANG GI BLA MA YAB SRAS KYI GSUNG RGYUN 'DI DANG 'DI ZHES RANG LUGS 'THAD LDAN NGOS 'DZIN TSUL, DE DANG DE'I CHOS RGYUN PHYOGS SO SOR BRGYUD TSUL, BRGYUD PA DAG MDAG GI DBYE BA SOGS MAN NGAG DE DANG DE'I KHUNGS DANG TSIG DON GYI GTING CHOD CING DKA' GNAD KYI SGROG BKROL BA'I 'BYAMS BSHAD THANG MAR BRDAL BAS, RI DVAGS KYI RGYAL PO SENG GE'I DRUNG DU KHENGS LDAN GCAN GZAN MTHA' DAG BAG 'KHUMS PA LTAR, MKHAS PA MTHA' DAG GI YID KYI BRTAN PA RANG DBANG MED PAR 'PHROG STE DREGS PA'I RAL BA SA LA LHUNG BA DAD PA'I ZHABS STEGS DANG LHAN CIG GDAN DU 'DIR ZHING

'DUN LDAN 'DOD PA'I RE BA YID BZHIN DU SKONG BA'I SNYAN PA DBYAR SKYES RNGA GSANG PHYOGS KUN RNA BA'I RGYAN DU 'BAR BAR GYUR TO, ,RIG GNAS THUN MONG BA LA BSLAB TSUL YANG, MDO SDE'I RGYAN LAS, RIG PA'I GNAS LNGA DAG LA MKHAS PAR MA BYAS NA, ,'PHAGS MCHOG GIS KYANG THAMS CAD MKHYEN PA THOB MI 'GYUR, ,DE BAS GZHAN DAG TSAR BCAD RJES SU BZUNG PHYIR DANG, ,RANG NYID KUN SHES BYA PHYIR DE LA DE BRTZON BYA, , ZHES DANG, DRIN LAN BSAB PA'I MDO DANG, BYANG SA'I THOS PA'I SA LAS KYANG DE BZHIN DU RIG GNAS LA BSLAB DGOS PA DANG, RIG GNAS LNGA'I RNAM BZHAG GSUNGS PA LTAR THUN MONG BA'I RIG GNAS CHE BA BZHI'I YA GYAL SGRA RIG PA NI, RNGA BO CHE'I MDO LAS, shIDHU ZHES BYA BA'I SKAD KYI BYINGS DEN NIshthA ZHES BYA BA'I RKYEN GYIS GRUB LA ZHES SOGS GSUNGS PA LTAR, BYINGS RKYEN GYIS BSGYUR BA DANG, SGRUB BYED KYI CHOG, MING KUN BSHAD KRITRA GSUM DU BSDUS PA DANG, BLO GROS MI ZAD PA'I MDO 'GREL DU DBYIG GNYEN GYIS GRANGS GDAGS PA TING SUB MTHA' CAN LA GCIG TSIG, GNYIS TSIG, MING TSIG GI RNAM DBYE STER TSUL DANG, GANG ZAG PHO MO MA NING SKYES BU'I THA SNYAD GDAGS TSUL, RNAM DBYE TING MTHA' CAN GYI DUS GSUM KA RNAM PAR 'BYED TSUL BSTAN PA DANG, BYANG SAR CHOS DON GANG ZAG DUS GRANGS GZHI'I YAN LAG GDAGS PA RNAMS DANG, DON GDAGS PAR NGO BO RGYU 'BRAS BYA BA KHYAD

, ,BAR 'JUG PA'I DON DRUG TU PHYE BA DANG, 'JAM DBYANGS DANG 'JIG RTEN DBANG PHYUG GIS DUS KYI 'KHOR LO'I DBYANGS GSAL LA BRTEN PA'I YI GE'I BSDU BA MDZAD PA'I SGRA MDO SOGS YOD PA LAS; LHA GZHON NU GDONG DRUG GIS SLOB DPON DBANG PHYUG GO CHA LA GNANG BA'I SGRA MDO RTOGS SLA BA RGYAL PA LUGS KYI BSTAN BCOS KA L'A PA DURGA SING HA'I AUn GYI MDO RKANG PA BZHI DANG BCAS PA DANG, ZHA LU LO TZ'A BA CHOS SKYONG BZANG BOS MDZAD PA'I BSHAD SBYAR GZHUNG DON GSAL BA RNAMS KYI LUNG KHRID KYI STENG NAS MTSAMS SBYOR DANG, MING DANG, KUN BSHAD DANG, KRITA BZHI'I MDO'I DON RTZA BA DANG, BYINGS NYER BSGYUR AUn LA SOGS PA YAN LAG GI DON MTHA' CHOD PAR PAndI TA CHEN PO RATNA DHVA DZA LAS GSAN, YANG DE LAS SLOB DPON AA NU BHU TI SVA RU BTZARYA STE RJES SU 'BYOR BA RANG BZHIN BZANG BO LA 'PHAGS MA DBYANGS CAN MAS DNGOS SU STZAL BA'I DBYANGS CAN SGRA MDO DANG, DE'I 'GREL BA RAB TU BYA BA GSAL LDAN PAndI TA RANG NYID KYIS MDZAD PA GNYIS KYI LUNG KHRID, LNGA RIG SMRA BA BLO BZANG CHOS 'PHEL LAS DE'I RI MO YONGS RDZOGS KYI KHRID ZHIB RGYAS KUN MKHYEN BAR BA NAS BRGYUD PA, RIG GNAS RGYA MTSO'I MTHAR SON 'JAM DPAL DBYANGS DGYES PA'I BLO GROS LAS SGRA MDO CHEN PO BRGYAD KYI NANG TSAN RTOGS DKA' BA PAndI TA'I LUGS KYI BSTAN BCOS TZANDRA BY'A KA RA nA, DE'I

BSDUS DON SGRA RIG RGYA MTSOR BGROD PA'I GRU GZINGS SU 'JUG PA'I SHEL GYI STEGS BU DANG SBYAR BA'I BSHAD RGYUN GSAN NAS, TSOGS GSUM GSAL BA LAS, RANG BZHIN RKYEN DANG RNAM 'GYUR RNAMS, ,BRDA SBROD GZHUNG GI BRJOD BYA YIN, ,ZHES GSUNGS PA LTAR, SGRA RIG PA'I BRJOD BYA'I YAN LAG THUN MONG BA MING TSIG YI GE GSUM DANG, THUN MONG MA YIN PA RANG BZHIN DANG, RKYEN DANG, RNAM 'GYUR GSUM DU 'DU ZHING, DE YANG KUN MKHYEN GONG MAS, BYINGS TZAM MING TZAM RTAGS LA KRITA RKYEN DANG, ,KUN BSHAD TING DANG SUB KYIS BSGRUB PA YI, ,MING DANG TSIG DAG SKAD MCHOG LEGS SBYAR 'DOD, ,CES GSUNGS PA LTAR, RANG BZHIN NI, RKYEN GYI ZLAS DRANGS PA'I TSE BYINGS DANG; MING NGAM RTAGS, RKYEN LA BYINGS LAS MING SGRUB BA BYED LDAN GYI RKYEN, MING LAS MING GZHAN SGRUB PA DE PHAN GYI RKYEN, DE LA'ANG SPYI DANG GRANGS MED DANG DNGOS PO'I RKYEN GSUM, BYINGS LAS TSIG TU SGRUB CING DUS RNAM PAR 'BYED PA TING BA DANG, MING LAS TSIG TU SGRUB CING DON RNAM PAR 'BYED BA SUB DANG, RANG BZHIN DANG RKYEN GYI BAR DU GZHUG PA AA GA MA DANG, BYINGS GZHAN DU BSGYUR BA'I NYER BSGYUR RNAMS DANG, MTSAMS SBYOR LA SOGS PA'I DBANG GIS YI GE DBYI BA DANG BSGYUR BA LA SOGS PA DANG, TSIG BSDU BA RNAMS TE RNAM 'GYUR DANG, BYINGS SGRUB LUGS MI 'DRA BA SO SOR ZHIB TU SBYANGS PA'I ZIN BRIS KYANG YOD DO, ,DPAL KHANG LO TZ'A BAS, SKAR RTZIS SNYAN NGAG SDEB SBYOR DANG, ,

, ,MNGON BRJOD ZLOS GAR 'DI LNGA LA, ,RIG GNAS LNGA ZHES 'PHAGS YUL NA, ,GRAGS PA'I BA DAN RLUNG LTAR G-YO, ,ZHES GSUNGS PA LTAR, SGRA TSAD BZO GSO NANG DON RIG PA LNGA LA RIG GNAS CHE BA LNGA DANG, SKAR RTZIS SHES NA GRANGS LA MI RMONGS, SNYAN NGAG SHES NA TSIG RGYAN LA MI RMONGS, SDEB SBYOR SHES NA TSIGS BCAD LA MI RMONGS, MNGON BRJOD SHES NA MING LA MI RMONGS, ZLOS GAR SHES NA SKAD RIGS LA MI RMONGS PAS DE LNGA LA RIG GNAS CHUNG BA LNGA ZER BA BZHIN, DGE BA'I BSHES GNYEN DE DAG LAS SGRA RIG PA'I YAN LAG PAndI TA RATNA AA KA RA SHANTIS MDZAD PA'I SDEB SBYOR RIN CHEN 'BYUNG GNAS, LO CHEN DHARMA SHRI'I SDEB SBYOR 'GREL BA DON GSAL ME LONG, AA MCHOG SPRUL SKU RIN PO CHES MDZAD PA'I SDEB SBYOR 'GREL BA ZLA 'OD SNYE MA RNAMS KYI LUNG KHRID STENG NAS DMAR SER CAN DANG RGYAL BA'I LHAS BKOD PA'I DBYANGS KYI YI GE BGRANG BA BRITTA DANG, PHYI MO BGRANG ZHING MI MNYAM BA DZ'A TI SOGS YI GE LCI YANG GI BYE BRAG GI SBYOR TSUL DANG, PRA STAR 'GOD TSUL ZHIB SLOB, MNGON BRJOD 'CHI MED MDZOD DANG, DE'I 'GREL BAR BA 'BYOR ZLA BA'I 'DOD 'JO'I BA MO, MKHAS BA'I RNA RGYAN, GSER 'PHRENG ROL BA SOGS KYIS 'OG; SA STENG, SA BLA, PHO MO MA NING RTAGS GSUM GYI DBYE BA, MING GCIG DON MANG SOGS MING GI MNGON BRJOD DANG, SNGAGS KYI KLOG THABS, BOD KYI BRDA'I BSTAN BCOS SUM CU PA DANG RTAGS 'JUG GI LUNG KHRID, MKHAS DBANG

PAndIS, SNYAN NGAG CHUNG DU LA YANG NGAL BYAS MI, ,MKHAS PA'I MDUN SA DAG TU 'DUG LA DBANG, ,ZHES GSUNGS PA LTAR, MKHAS PA'I SNYING GI GCES NOR RIN PO CHE LTA BU NI SNYAN NGAG YIN PAS, PHYI NANG GI GRUB MTHA' KUN LA RTZOD MED SNYAN NGAGS KYI GZHUNG 'GRAN ZLA DANG BRAL BSNYAN NGAG ME LONG LE'U DANG BOS SNYAN NGAGS KYI LUS BCAD LHUG SBEL MA SOGS LA NYAMS 'DON LUGS, GO tA PA DANG, BHE DHARBA'I GRUB MTHA'I 'DOD TSUL MI 'DRA BA SBYAR BA RAB DVANGS, MNYAM NYID SOGS BCU, LE'U GNYIS PAS LHO SHAR THUN MONG DU 'DOD PA'I DON RGYAN SO LNGA'I MTSAN NYID MTSAN GZHI, LE'U GSUM PAS SGRA RGYAN BYA SLA BYA DKA', GAB TSIG BCU DRUG SKYON SEL BCAS STON PA DE LA DUS PHYIS BSHAD SROL GRAGS CHE BA KUN GZIGS LNGA PA CHEN PO'I 'GREL BA DBYANGS CAN DGYES PA'I GLU DBYANGS DANG, BOD MKHAS PA MI PHAM DGE LEGS RNAM RGYAL GYI 'GREL BA DAndI'I DGONGS RGYAN GNYIS, DE'I DPER BRJOD SGRA DBYANGS RGYA MTSO'I 'JUG NGOGS BCAS DANG, GUNG THANG 'JAM PA'I DBYANGS KYI DPER BRJOD RNAMS KYI LUNG KHRID DANG, RGYAN SO SO'I DPER BRJOD 'JOG PA DANG BCAS RGYAL MKHAN CHEN LAS KYANG GSAN, YANG MTSAMS SBYOR LNGA PA DANG SDEB SBYOR GYI ZHIB KHRID DGE BSHES DKON MCHOG THOGS MED LAS KYANG GSAN NO, ,BZO RIG PA LA LUS NGAG YID GSUM GYI BZO GSUM DANG, DE RE RE LA'ANG MCHOG DMAN GNYIS GNYIS, DANG PO NI SKU GSUNG THUGS RTEN BZHENGS TSUL RNAL

, ,'BYOR PA'I CHAS BDUN GYI DBYINGS TSAD SOGS DANG, PHAL BA NI SGYU RTZAL DRUG CU RTZA BZHI'I NANG GI BZO LA GTOGS PA SUM CU LTA BU, GZHAN YANG SGYU RTZAL LHAG MA ROL MO'I BYE BRAG BCO BRGYAD, GLU DBYANGS KYI NGES PA BDUN, GAR GYI CHA BYAD DGU RNAMS DANG, PHO RTZAL SNA DGU DANG, YO RTZED SNA DGU, 'DUL BA LAS GSUNGS PA'I BZO SBYANG BCO BRGYAD GOS GZHI DANG GNAS MAL GYI GZHI LAS GSUNGS PA, KO SA LA'I RGYAN LAS GSUNGS PA'I BZO'I GNAS BCU DRUG, DUS 'KHOR LAS BSHAD PA'I 'KHRUL 'KHOR BRGYAD, RNAL 'BYOR SPYOD PA'I SA LAS BSHAD PA'I BZO BCU GNYIS, MGON PO KLU SGRUB KYIS MDZAD PA'I BRTAG PA BRGYAD PA, SHA LA'I HO TRA, MI DPYAD RGYA MTSOS BSTAN PA LAS BSHAD PA'I SKYES PA'I MTSAN NYID BCO LNGA, BUD MED KYI MTSAN NYID BCU, STANGS STABS NGA BRGYAD, LUS BZO PHRAN TSEGS GRU GZINGS KHANG MIG KHYOGS SHING RTA CHE CHUNG BZO TSUL SOGS MTHA' YAS PA LAS SKU GZUGS KYI CHA TSAD STON PA GSHIN RJE'I GSHED DMAR NAG GI RGYUD DU LE'U RE RE YOD PA DANG, DUS 'KHOR DANG, BDE MCHOG GI BSHAD RGYUD SDOM 'BYUNG LAS SANGS RGYAS BYANG SEMS LHA ZHI KHRO DU MA'I PHYAG TSAD BSTAN PA DANG; TSANGS PA AE tA'I BUS ZHUS PA'I MDO, SH'A RI'I BUS ZHUS PA'I MDO, DUS 'KHOR RGYUD LAS GSUNGS PA'I MGRIN THUNG MCHOD RTEN, 'GREL CHEN DRI MED 'OD LAS BSHAD PA'I MGRIN RING MCHOD RTEN, BU STON RIN CHEN GRUB, STAG

TSANG LO TZ'A PA SHES RAB RIN CHEN, CHOS RJE BRAG NAG PA, SPRUL SKU 'PHRANG KHA PA RNAMS KYI MCHOD RTEN BSHAD PA, LHO BRAG PA SMAN THANG YAB SRAS, GTZANG BA DBU MDZAD CHOS DBYINGS RGYA MTSO, YAR KLUNG PA BYI'U LHA BZO, DVAGS PO ZHUN THIGS PA'I DAG RIS, SPRUL SKU MKHYEN BRTZE PA, SPRUL SKU SNE CHUNG PA, SPRUL SKU RI MKHAR PA, SPRUL SKU 'PHRANG KHA PA RNAMS KYIS MDZAD PA'I THIG RTZA'I STENG NAS LHA THIG DANG, MCHOD RTEN BRGYAD KYI THIG KHRID, RNAL 'BYOR ROL PA'I DGA' STON LTAR RDO DRIL CANG TE'U RGYAN DRUG BZO TSUL SOGS ZHIB SLOB, RJE RANG BYUNG RDO RJES MDZAD PA'I RIN PO CHE BRTAG PA'I GTAM TZINDA MA nI'I MDZOD KHANG GI LUNG BCAS AA MCHOG SPRUL PA'I SKU RIN PO CHE 'JAM DPAL SPRIN RGYA MTSO DANG, MKHAS PA'I DBANG PO GCU 'KHOR SNGAGS RAMS PA SOGS LAS GSAN, BLO GROS MI ZAD PA DANG SA BCU PA'I MDO LAS KYANG BZO RIG PA MANG DU GSUNGS LA, BZO RIG PA 'DI SHIN TU RGYA CHE BAS BZO RNAM PA BCUR MA 'DUS PA'I RIG GNAS MED PAR GSUNGS, BZO RIG TU GTOGS PA'I ZLOS GAR MCHOG TU GYUR PA RTZA 'CHAM DANG BRUB 'CHAM, SA GAR DANG MCHOD GAR SOGS LA THUGS 'DRIS CHA CHE BAS LEGS BSHAD MDZAD PA'ANG YOD PA DE LTAR RO, ,BZO RIG TU GTOGS PA SKAR RTZIS SKOR, DUS 'KHOR RTZA RGYUD, MKHA' 'GRO RGYA MTSO, MIG BCU GNYIS PA'I MDO, STAG RNA'I RTOGS BRJOD SOGS LAS GSUNGS PA LTAR, PHUG PA MAN NGAG LUGS KYIS

, ,RIS STENG NAS LNGA BSDUS, SGRA GCAN GDONG MJUG, LO 'PHO, ZLA 'PHO, GZA' 'DZIN, GZA' LNGA TSES DANG NYIN ZHAG LA SPYOD PA, DE DAG GI MYUR RTZIS, BDUN BRGYA NYI SHUR 'KHOR BA'I NYI LDOG 'KHOR LO, DUS SBYOR T'ATKAL DANG DUM BU DRUG PA, ZHAG GSUM RNAM DBYE, G-YUL RGYAL GSHIN RJE DPUNG GNON SOGS DANG, GOL 'DRI TSUL GYI MAN NGAG MI 'DRA BA RNAMS DANG, KHYUNG NAG SGANG BSGRIL GYI RDE'U ZHE GSUM 'JOG TSUL LTA BU NAG RTZIS SPOR THANG GI SKOR YANG MKHYEN CING, PHUG LUGS RTZIS KYI RNAM BZHAG RIGS LDAN MCHOD PA'I 'OD SNANG, MA H'A TZI NA'I RTZIS KYI TSUL LA 'JUG PA'I YI GE 'JAM DBYANGS MCHOD PA'I ME TOG, DE LA NYE BAR MKHO BA'I ZUR 'DEBS BUD BA BZI BA'I CA CO, MA H'A TZI NA'I RANG LUGS 'BA' ZHIG LAS 'ONG BA'I ZLA NYI SGRIB RTZIS 'JAM DBYANGS 'DZUM ZER, G-YUL LAS RNAM PAR RGYAL BA DBYANGS 'CHAR GYI RGYUD DANG, DE'I 'GREL BA MCHOG TU DGA' BA'I SGRA DBYANGS PHUG PAS MDZAD PA RNAMS KYI LUNG RGYUN RJE 'DUL BA 'DZIN PA BLO BZANG RGYAL MTSAN LAS GSAN, GSO BA RIG PA TSE'I RIG BYED NI, BCOM LDAN 'DAS GSER THUB KYIS GSO DPYAD 'BUM PA CHENGS PA LA GSUNGS SHING, DES LHA'I BU GNYIS LA BSHAD PA LHA'I DRANG SRONG SDE BDUN DANG MI'I DRANG SRONG SDE BRGYAD KYIS GZHUNG TZA RA KA SDE BRGYAD BRTZAMS TE RGYA CHER DAR BAR BYAS, DE DAG LAS BAR MA CHAD DU BRGYUD DE STON PA BCOM LDAN 'DAS

SH'AKYA'I RGYAL PO'I DUS SU RDO 'JOG GI SMAN PA RGYUN SHES KYI BU LAS 'TSO BYED GZHON NUS SMAN DPYAD BSLAB TSUL 'DUL BA LUNG DU GSAL, DE LAS MGON PO KLU SGRUB KYIS GSAN TE SBYONG BA BRGYA PA DANG, GSER 'OD DAM PA'I NAD GSO BA'I LE'U RTZAL DU BTON NAS 'CHAD PA SMAN 'TSO BA'I MDO SOGS MDZAD, KLU SGRUB KYI SLOB MA SLOB DPON DPA' BOS SMAN DPYAD YAN LAG BRGYAD PA DANG, DE'I SLOB MA ZLA BA MNGON DGAS 'GROL BA ZLA ZER MDZAD PA SOGS BKA' MA'I SKOR, GTER STON GRVA BA MNGON SHES DBANG PHYUG 'BAR GYIS GTER NAS BTON PA'I SMAN GYI RGYUD BZHI G-YU THOG SNGA PHYIS KHYAB BDAL DU SPEL, BYANG NGAM RING PA CHOS RGYAL RNAM RGYAL GRAGS BZANG DANG, DVAGS PO LA THOG ZUR MKHAR PA MNYAM NYID RDO RJE GNYIS KYIS SHING RTA'I SROL LTA BU PHYE BA DE DAG GI GZHUNG DANG MAN NGAG MANG PO LA GZIGS RTOGS DANG, BYAMS BRTZE'I MNGA' BDAG RJE BTZUN DKON MCHOG RGYA MTSO LAS RGYUD BZHI DANG, PHYOGS 'DIR CHOS RGYUN SHIN TU DKON BAS 'TSOL DGOS SHES KUN MKHYEN BAR PA YAB SRAS KYIS YANG YANG BKA' STZAL BA'I THUGS BZHED BSKANG BAR DGONGS TE, CHED GTAD KYIS BYON NAS SHAR RI'I RI KHROD PA 'DUL 'DZIN DKON MCHOG PHUN TSOGS LAS G-YU THOG YON TAN MGON PO PHYI MAS BSGRIGS PA'I RGYUD BZHI'I CHA LAG BCO BRGYAD KYI LUNG, RJE BTZUN 'JAM DPAL DGYES PA'I BLO GROS LAS ZUR MKHAR PA'I MAN NGAG BYE BA PO TI RING BSREL TZAM DU CHUD PAR MDZAD PA MAN

, ,NGAG BYE BA RING BSREL MA YIG, BU YIG GAM MDE'U THUNG, KHA 'THOR THEM MED BCAS KYI LUNG, 'JAM MGON RATNA DHVA DZA LAS SDE SRID KYI LHAN THABS DANG, SDE KHRI RIN PO CHE NAS DAR MO SMAN RAMS PA'I MAN NGAG BKA' RGYA MA'I LUNG GSAN PA SOGS, MDOR NA SDE SNOD GSUM DANG RGYUD SDE BZHI, SNGON DANG DA LTAR GYI BYUNG BA, RANG DANG GZHAN GYI GRUB PA'I MTHA' BCU PHRAG RIG PA'I GNAS MTHA' DAG LA MA SBYANGS PA DANG MI MKHYEN PA GCIG KYANG MED PA, SNGON MNYAM MED JO PO CHEN POS DGE BSHES 'BROM LA RIG PA'I GNAS CHEN PO LTA CI SMOS CHUNG DU PHRAN TSEGS YAN CHAD 'PHAGS PAS MI MKHYEN PA MED PA LA BYI CHA PHAG MGO DANG ME CHA 'DI GNYIS CI'I PHYIR MA GSUNGS ZHES YA MTSAN MDZAD PA DANG CHA 'DRA BAR NGES PAR MGON PO KLU SGRUB GNYIS PA LTA BUR MAN NGAG YID BZHIN GYI NOR BU'I GTER CHEN PO MANG DU THOS PA RGYA MTSO'I KHYON LA 'DOD DGUR DBANG BSGYUR BA'I PHUN TSOGS BZHI DANG LDAN PA'I LUNG GI YON TAN GYIS MKHAS PA'I DED DPON MCHOG TU GYUR PA MKHAS BLUN THAMS CAD LA THUN MONG DU GRAGS SHING GRUB PA'I RANG BZHIN GYI BSNGAGS PA'O, ,LEGS BSHAD CHAR DU BSNYIL BA DAM PA'I SPRIN, ,GANG DU 'KHRIGS PA DE YANG MOS GUS DANG, ,SKAL BA BZANG PO'I GDENGS CAN DBANG PO YI, ,LEGS BYAS LANG TSO DAR LA BABS PA'I 'BRAS, ,MI BRJED GZUNGS DANG SPOBS PA'I GOM

GCIG GIS, ,SHES BYA'I SA CHEN GNON PA'I 'KHOR LO CAN, ,BCU PHRAG RIG PA'I 'PHRUL GYIS 'JUG PA YIS, ,BSTAN 'GRO'I PHAN BDE'I YA MTSAN CI YANG SPAL, ,TSUL KHRIMS GSER SBYANGS DAG PA'I MCHOD SDONG CHE, ,MANG THOS NANG GI MUN SEL MAR ME MCHOG ,LAM DANG LAM MIN BLANG DOR BLTA BA'I MIG ,'DREN PA THUB PA'I GDUNG 'TSOB KHYOD MIN SU, ,BLO GROS PHA MTHA' BRAL BA'I MKHA' DBYINGS SU, ,'PHAGS BOD GZHUNG LUGS YUNGS 'BRU'I TSAD GYUR PA; ;DE YI ZHAL NI LEGS BSHAD BANG MDZOD DE, ,MGRIN PA CHOS DUNG G-YAS SU 'KHYIL BA'ANG YIN, ,ZHES PA'ANG BAR SKABS KYI TSIGS SU BCAD PA'O, ` ,ZLA BA'I 'KHRI SHING GAR BYED PA'I, ,SHEL DKAR YAL 'DAB ZUNG GI RTZER; ;BE d'URA YA YI KO KI LAS, ,RNA BA'I BCUD LEN RGYAS PAR MDZOD, ,GNYIS PA TSUL BZHIN SGRUB PA RTOGS PA'I YON TAN BRNYES PA'I TSUL LA, RANG DON PHUN SUM TSOGS PA'I YON TAN DANG, GZHAN RJES SU 'DZIN BA'I YON TAN GNYIS, DANG PO NI, THOS DON RGYUD LA SBYAR BA'I NYAMS BZHES KYIS, ,SGO GSUM NYES SPYOD BYA BA KUN LAS LOG ,TSUL KHRIMS RNAM DAG SGRUB LA MI G-YEL BA'I, ,GNAS BRTAN 'DUL 'DZIN CHEN POR GSOL BA 'DEBS, , ZHES GSUNGS, DON NI, DE LTAR MANG DU THOS PA'I DON RNAMS BA STONG GI 'O MA NYID KHUR BYAS PA LTA BU CHOS PHUNG BRGYAD KHRI BZHI STONG GI SNYING PO BYANG CHUB LAM GYI RIM PA'I MAN NGAG LTAR RANG RGYUD DANG SBYAR BA'I NYAMS BZHES LA NYIN

, ,MTSAN KHOR YUG TU GZHOL BA'I TSUL NI, SKU GZHON NU NAS SNGON GOMS PA'I BAG CHAGS SAD DE SKYO SHAS DANG NGES 'BYUNG GIS THUGS RANG DBANG MED PAR G-YOS NAS PHYI ROL GYI RKYEN LA MA LTOS PAR BSKUL MA NANG NAS THEBS PA KUN MKHYEN GONG MA NGES 'BYUNG GIS BSKUL NAS GRVA SAR THOS BSAM SGOM PA GSHA' MA ZHIG BYED 'DUN 'KHRUNGS PA DANG, RJE SGRUB KHANG PA SKYO SHAS KYIS BSKUL NAS RI KHROD DU BYON PA'I RNAM PAR THAR BA JI LTA BA BZHIN BYUNG, TSUL DE LA BLA MA GNAS BRTAN RIN PO CHES, DE LTA BU'I SKYO SHAS KYIS GANG BYAS CHOS SU 'GRO, LO CHEN BLO LDAN SHES RAB KYIS GZHAN SHI BA SOGS GSAN PA NA BYA ZHIG 'ONGS GSUNGS PA LTAR DGOS, DE LTAR BYUNG NAS DE'I MU MTHUD NAS DRAN SHES BSTEN DGOS, GNAS SKABS SKYO SHAS THAN THUN SKYES KYANG RGYA YAN DU BTANG NA SLAR MI DGE BA LA NGANG GIS 'JUG PA LA TSEGS MED, 'DI'I MU MTHUD NAS BLA MA 'JAM PA'I DBYANGS KYIS MDZAD PA'I BSLAB BYA TSIGS LHUG MA HAL HA SMON LAM LA GNANG BA 'DI BLO LA BZUNG STE TSOGS CHOS GRVA SLOB GNYER BYA BA GANG LA 'JUG KYANG 'DI BZHIN BYED PA ZHIG BYUNG NA NGAL 'BYOR LA SNYING PO BLANGS PA YIN, DE MA YIN PAR MI GRAS MI CHOD KYIS DOGS PA DANG, TSOGS GLENG DANG 'DZIN GRVA GTUG DUS AANG GI MI THOB KYIS DOGS PA DANG, 'DZIN GRVA MANG MAS RTZIS CHER MI 'ONG GIS DOGS PA SOGS MI GZUGS TSOL

PHYIR THOS BSAM LA CI TZAM 'BAD KYANG DGOS CHUS CHUNG BA MKHAS GRUB RJES GSUNGS PA LTAR YIN, LAM SGRON LAS, GANG ZHIG THABS NI GANG NGAG GIS, ,GSUNGS PA LTAR DGE MI DGE 'BROG BYED KUN SLONG GI 'KHYER SO 'DI LA THUG PAS TSE 'DI KHO NA DON DU GNYER NAS LAM RIM GNYIS SOGS CHOS ZAB MO JI 'DRA ZHIG LA ZHUGS KYANG SKYES BU CHUNG DU LAS MA 'DAS PA NAS BYANG CHUB KYI SEMS KYIS ZIN PA'I DGE BA CHUNG DU SNA GCIG SPYAD PA'ANG THEG CHEN GYI CHOS SU 'GYUR BAR GSUNGS PAS 'KHOR BAR NGA RANG TSO SKYO BA SKYE SA ZHIG NA BSDAD YOD PAS SKYO SHAS 'DI SHIN TU GAL CHE STE, BZHI BRGYA PA LAS, GANG LA 'DIR SKYO YOD MIN PA, ,DE LA ZHI GUS GA LA YOD, ,CES 'KHOR BA 'DIR SKYO SHAS MA SKYE BAR THAR BA LA GUS BA STE DE THOB 'DOD MI SKYE BAR GSUNGS SHING, MDZOD LAS, 'DOD PAR GSUM THOB THA MA NI, ,GSUM DU'O GONG NA MTHONG LAM NA MED, ,MI SKYO LUNG LAS 'DIR RTZOM BYED, ,CES KHAMS GONG MAR BSAM GTAN LA G-YENGS NAS SKYO SHAS CHUNG BAS MTHONG LAM GSAR SKYE MED LA, 'DOD PA 'DIR 'PHAGS LAM THOB NAS DE'I RGYUN GOMS PA LAS DGRA BCOM THOB PA YOD PAR GSUNGS PA LTAR SPYOD 'JUG LAS KYANG MANG, SPYOD LAM MANG MANG DANG MTHUN PA DKA', LHAG PAR DENG DUS SHIN TU SNYIGS BAS SPYOD PA THAMS CAD KYANG LOG NAS 'ONG BAS CHOS BZHIN BYAS NA GZHAN GYI SNYING RJE'I YUL DU 'GYUR BA DANG MIS KHA ZER BA SOGS 'ONG YANG DGE BA BRE GSOG PHUL GSOG BYAS NAS 'BAD DGOS, SPYAN

, ,SNGA BLO GROS RGYAL MTSAN GYIS, GYON PA GSAR DU BRJES TSE 'KHYAG SUB BE ZHIG 'ONG YANG RJES GCIG GIS GCIG DROS NAS BDE BSKYED PA LTAR CHOS LA 'JUG TSE THOG MAR SDUG RUS KHUS NAS DKA' SPYAD BZOD PA ZHIG DGOS PAR GSUNGS, DA LTA 'JIG RTEN GYI RGYA BSKYED RGYU'I PHYOGS LA KHANG BZHIG GI BZO BKOD LTA BU GANG CIR SNGA MA TSOS MA DRAN PA'I GANG MDZES MDZES MANG PO LAM LAM SHAR YONG BA SHES 'CHAL YIN, DE 'DRA'I GRVAS AE TSOD GYI RE BAS RJES SU ZHUGS NA SNGA MA'I BAG CHAGS CUNG ZAD YOD PA DOR NAS NGES 'BYUNG SPU SUR 'GRO, MDO MDZANGS BLUN ZER BA'ANG MKHAS BLUN BYA BA YIN PAS 'GA' ZHIG GZUGS DANG STOBS DANG LONGS SPYOD SOGS LA DBANG 'BYOR ZHING RGYA CHE BA MANG PO PHYIS SDUG BSNGAL BAR GYUR PA DE DAG MI MKHAS PA DANG, SNGON LONGS SPYOD KYIS DBUL ZHING CHES BKREN PA MANG PO PHYIS BDE BA THOB PAR GYUR PA MKHAS PAR BYAS PA YIN PAS DE GNYIS SHAN 'BYED PA'I MDO LA ZER BA YIN GSUNGS PA SOGS BSLAB BYA DANG ZHAL BKOD RUS PA CAN MANG DU GNANG, NYID NAS KYANG, CHOS MNGON PA'I MDO LAS, DGE SLONG DAG SRED PA SKYE BA NI CHOS GOS DANG, BSOD SNYOMS DANG, MAL CHA DANG STAN DAG LAS SKYE STE, GNAS PA NA GNAS SO, , MNGON PAR ZHEN PHAN MNGON PAR ZHEN TO, ,ZHES GSUNGS PA LTAR, SRED PA SKYE BA'I GNAS ZAS GOS GNAS MAL NGAN NGON TZAM DANG, SPONG BA DANG SGOM BA LA DGA' BA 'DOD CHUNG CHOG SHES KHO NAS DUS 'DA' BA'I SGO NAS NYAMS LEN DBYAR

MTSO BZHIN DU 'PHEL BA'I TSUL ZHAL NAS, NGA SNGA MO NAS BCA' LAG YO BYAD LA MI DGA' MED NA SHIN TU DGA' BA YIN, GSAR BA BSGRIGS MA MYONG, NGA'I AA KHU RI KHROD PA GSHEGS RJES SU BCA' LAG YO BYAD GANG DGOS KHYER GSUNGS YOD KYANG GCIG KYANG MA BLANGS, 'PHROR KHYOD BSNYEN RDZOGS SHIG BYED DGOS PAS CHOS GOS SNAM SBYAR LONGS GSUNGS PA YANG MA BLANGS PAS GNAS BRTAN RIN PO CHE SOGS RGAN PA THAMS CAD NGA LA RTZIS CHE, NGA GRVA RKYANG DANG DON NYUNG BA BYA BA NYUNG BA GRVA RGAN SNGON MA RNAMS DANG 'DRA SE YIN, PHOG SKAL LA DONG TSE KHRON RE LTA BU 'ONG BA MA GTOGS GSAR DU KHRON BYED MA MYONG, RTZAM PA KHRON RIN ZHIG NYO MA MYONG, KHANG BA 'DI'I NANG DU SMAN LUNG PHUL BYUNG NANG NAS 'ONG SKABS CHA MIG DANG PHAR NANG TSUR NANG THAMS CAD STONG PA YIN BAS YID SHIN TU SPRO, BKA' CHOS RE 'TSOGS NA PHAR NANG TSUR NANG GNYIS KAR 'TSOGS CHOG, DENG SANG PHAR NANG TSUR NANG THAMS CAD GANG 'DUG PAS SOS MI BDE, SNGON NI MAN THO YON GYIS KHANG BA ZHIG BYIN KYANG BDAG BZUNG MA BYAS, PHYIS AA LAGS TSANG NAS BLO GSAL GYI AA KHU'I KHANG BA NYOS NAS GNANG BA YANG MA BLANGS PAR 'DIR MI TSE PHUD PA YIN, DENG SANG YANG NANG 'DI NA GZHAN GYIS BYIN PA'I SKU GSUNG THUGS RTEN DANG NOM RDZAS 'GA' RE YOD PA 'DI TSO MI'I RDZAS YIN PAS THAMS CAD MED PA BYED SNYAM PA YOD, BCA' LAG SLANG NGA DANG RDZA RING LTA BU'I RE GNYIS YOD BA 'DI NANG CHEN DANG GZHAN LA G-YAR BA YIN PAS RJES SOR PHYIR SPROD DGOS, NGA'I NGOS NAS BCA' LAG RTZAM PA LDUG SNONG

, ,KYI RDZA CHAG DANG, JA RDZA 'DI GNYIS MA GTOGS MED CES NYE GNAS LA GSUNGS PA, SNGON DGE BSHES 'BAN GYIS CHOS GOS SHIG YOD BA PHRAG PAR BKAL, CHU BUM GOG PO ZHIG YOD PA PHYAG TU BSNAMS NAS NGA'I RUB CHOS 'DI MIN BA MED GSUNGS PA LA, PO TO PA CHEN PO MNYES NAS 'BAN GYI RUB CHOS DE YIN ZHES SNAM BU ZHIG BSKUR NAS, KHO LA 'CHI BA 'ONG BAS RO DKRIS DGOS, 'O CAG LA MI YONG BAS MI DGOS GSUNGS PA DANG TSUL MTSUNGS SO, ,'A GO TSES GCIG NAS MA 'PHYUG NA MJUG GNAM GANG GI BAR DU MI 'PHYUG PA'I DPE BZHIN CHOS KYI 'GO 'DZUGS, CHOS KYI DANG PO DAL 'BYOR DON CHE ZHING RNYED DKA' BA DANG 'JIG SLA BA'I NGANG TSUL DGONGS NAS, LTO GOS GTAM GSUM LA GYONG BSKUR, LUS SROG THED LA BOR NAS TSE BLOS BTANG GI ZHE BCAD DRAG PO DANG, JO PO CHEN BOS, RTAG TU MI RTAG DRAN BYAS NAS, ,'DAM LAS SGROL BAR BSKUL MA THOB, ,CES GSUNGS PA LTAR, MI RTAG BA DRAN BA'I THUGS KYIS BKA' CHOS KYI BSNGO SMON GRUB 'PHRAL SGE'U KHUNG PHYAG GIS GTAD NAS DE MA THAG PHYAG PHRENG DANG PHYAG 'KHOR BSNAMS TE ZHAL 'DON MDZAD BAS, NGA RANG TSO LTA BU'I SKYID NYAL BRGYAB STE CI YANG MI SEMS PAR SOS BDER 'DUG PA RNAMS YID SKYO DUNG NGE BAR BYED PA ZHIG YOD, BKA' CHOS MU MTHUD BA SOGS KYI DUS SKABS 'GAR NYE GNAS LA, DA NI LONG MED, SANG GNANG NGES BAR 'CHI BA 'ONG BAS BYA BA 'DI TSO'I 'PHRO ZIN PA MI YONG ZHES

THUGS GTING NAS NGANG THUNG BA'I NYAMS KYIS MI RTAG PA 'DOMS PA MANG PO BYUNG BAS, THOG MAR NYE GNAS YANG SKRAG PAS CI BYA GTOL MED BYUNG, PHYIS SU NYAMS RGYUS LA BRTAG NAS TSOD THIG PA LTA BU MDUN MA'I RTZA BA'AM THOG MA SHIN TU LEGS PA BYUNG BAS LAM GYI BGROD PA CHES MYUR BAR DPOG THUB PO, ,DE'I RGYU MTSAN YANG, SNGON JO PO CHEN PO LA RNAL 'BYOR PA PHYAG KHRI MCHOG GIS, JO PO GSHEGS PA NA BDAG GIS RTZE GCIG TU SGOM PAR ZHUS PAS, BYA BA NGAN PA YIN BOR LA THONGS, 'O NA 'CHAD PAR ZHUS PAS KYANG DE SKAD GSUNGS, 'O NA RES BSHAD RES SGOM MAM ZHUS PAS KYANG DE SKAD GSUNGS, 'O NA CI BGYI ZHUS PAS, TSE 'DI BLOS THONGS GSUNGS PA DANG, BTZUN PA ZHIG SKOR BA BYED PA LA; STON BA RIN PO CHE'I ZHAL NAS, JO PO PA SKOR BA BYED PA'ANG GLO BA DGA' STE, DE BAS KYANG CHOS SHIG RANG BYAS NA DGA' GSUNGS, KHO'I BSAM PAR PHYAG BYAS NA DGA' 'AM SNYAM NAS BYAS PAS KYANG DE SKAD GSUNGS, DE BZHIN DU KHA TON DANG SGOM BYAS BAS KYANG DE SKAD GSUNGS, 'O NA CI BGYI ZHUS PAS, TSE 'DI BLOS THONGS ZHES LAN GSUM GSUNGS BA DANG, RJE MAR BAS BU 'JIG RTEN 'DI BLOS MA THONG BAR 'DI YI BYA BA DANG DAM PA'I CHOS BSREL NA CHOS SHOR ZIN PA DE RANG YIN, BU YIS 'KHOR BA'I SDUG BSNGAL SOMS, ,'KHOR BA'I RANG BZHIN 'DI 'DRA ZHES, ,BDAG GI LCE BRGYAR RAB SPRUL NAS, ,BSKAL BA BYE BA BSAM YAS SU, ,BSHAD KYANG BRJOD KYIS MI LANG BAS, ,NGAS BSHAD DAM CHOS CHUD MA GSON, ,ZHES RJE MI

, ,LAR 'GRO CHOS SU GNANG BA DANG, RJE MI LA'I ZHAL NAS, BU SNYING NAS LHA CHOS BYA BSAM NA, ,DAD PA GTING NAS SKYES PA NA, ,TSE 'DI LA PHYI MIG MI LTA NA, ,BDEN PAR NGA PHYIR 'BRANG BA NA, ,GNYEN 'DUN BDUD KYI BSHOL 'DEBS YIN, ,BDEN NO MA SNYAM 'KHRI BA CHOD, ,ZAS NOR BDUD KYI SO BA YIN, ,'DRIS SHING NGAN NO 'DZIN CHAGS SPONGS, ,'DOD YON BDUD KYI ZHAGS PA YIN, ,'CHING BAR NGES SO ZHEN PA THONGS, ,ZHES DANG; MNYAM MED PO TO PAS, TSE BLOS THOD NA CHOS MI YONG BA'I DON MED, 'DI DKA' BA YIN 'DI LA CHIG SGRIL GYIS DANG ZHES NAN GYIS GSUNGS PA DANG, NGA'I SNANG SEL MI RTAG PA 'DI YIN ZHES DANG, MDO LAS KYANG 'DU SHES THAMS CAD KYI NANG NAS MI RTAG PA'I 'DU SHES MCHOG TU GSUNGS PA LTAR, TSE 'DI'I 'KHRI BA MCHOD PA'I THOS BSAM SGOM PA CI TZAM RGYA CHE YANG CHOS SU MI 'GRO, MI RTAG PA MA DRAN NA LONG YOD KYI NGANG LA MI TSE STONG ZAD DU 'GRO BAS MDO SNGAGS KYI NYAMS LEN THAMS CAD KYI THOG MTHA' BAR GSUM DU 'DI GNYIS KYIS RGYAS BTAB PAS BOG THON PA DE LTAR RO, ,RJE BLA MA NYID KYI GSUNG CHOS SKABS SU YANG, TSE 'DIR SHI SPAR 'THAM PA LA CHOS YONG BA'I GROS MED, TSE 'DI'I CHAGS ZHEN KHEGS NA PHYI MA'I CHAGS ZHEN YANG DE'I RIGS 'GRES KYIS 'GOG SLA BAS 'KHOR BA LA YID SKYO BA'I NGES 'BYUNG DANG GROL BA DON GNYER RNAL MA SKYE BA LA'ANG TSEGS MED CES YANG YANG BKA' STZAL PA NI RANG GI

NYAMS MYONG RDO RJE'I TSIG 'GYUR BA MED PA'O, ,CHOS GRVAR PHEBS SKABS DANG PHYIS SU YANG LONG MED DANG NGES 'BYUNG SKYO SHAS SHUGS DRAG PAS BZHES PA DANG NA BZA' SOGS KYI RTZOL SGRUB LA G-YEL BAS, KHYOD KYIS ZAS GOS HA CANG BLOS BTANG DRAG 'DUG CES DBAL MANG RDO RJE 'CHANG DANG, RJE BSOD GRAGS RIN PO CHES BKA' TSAN NA YANG YANG GNANG DGOS PA BYUNG, DE LTAR DKA' SPYAD DANG SNYING RUS KYI SGO NAS THEG PA CHEN PO'I DGE BA'I BSHES GNYEN RNAMS LAS ZAB PA DANG RGYA CHE BA'I GDAMS PA RGYA MTSO LTA BU LA GSAN BSAM MDZAD PA'I DON BZHIN BLA MA DKON MCHOG DANG LAS 'BRAS LA YID CHES KYI DANG PA BRTAN PO THE TSOM MED PA 'KHRUNGS PAS SGO GSUM NYES SPYOD KYI BYA BA PHRA MO TSUN CHAD LAS NGANG GIS LOG; 'KHOR BA'I PHUN TSOGS MTHA' DAG SBRUL GDUG PA'I GDENGS KA'I GRIB BSIL BZHIN DU GZIGS SHING, GSER DANG BONG BA MNYAM PA DANG, NAM MKHA' DANG LAG MTHIL DU MNYAM PA'I THUGS KYIS LAM BSLAB PA RIN PO CHE RNAM PA GSUM LA GOMS PAS BAG MED PA DANG, GNAS NGAN LEN GYI 'CHING BA DANG, MTSAN MA'I 'CHING BA PHRA RAGS LAS GROL BA LTAR GYUR CING, LHAG PAR DU, BSHES SPRINGS LAS, KHRIMS NI RGYU DANG MI RGYU'I SA BZHIN DU; ;YON TAN KUN GYI GZHI RTEN LAGS PAR GSUNGS, ,ZHES DANG, DBUNG BZANG GIS ZHUS PA'I RGYUD LAS, JI LTAR LO THOG THAMS CAD SA LA NI, ,BRTEN NAS SKYON MED PAR NI SKYE BA LTAR, ,DE BZHIN TSUL KHRIMS BRTEN

[MISSING PAGE]

, ,SEMS DPA' CHEN PO DE'I RMI LAM NA YANG SHES RAB KYI PHA ROL TU PHYIN BA RGYAS BAR 'GYUR RO, ,ZHES DANG, NYI SHU NGA THABS MKHAS PA LA SPYOD PA'I LE'U'I DROD RTZE SBYOR GYI MDO LAS, RAB 'BYOR GZHAN YANG BYANG CHUB SEMS DPA' SEMS DPA' CHEN PO'I RMI LAM NA YANG NYAN THOS KYI SA'AM RANG SANGS RGYAS KYIS SA'AM KHAMS GSUM LA 'DOD PA MED CING PHAN YON GYI SEMS MI BSKYED NA RAB 'BYOR 'DI YANG PHYIR MI LDOG PA'I BYANG CHUB SEMS DPA' SEMS DPA' CHEN PO'I PHYIR MI LDOG PA'I MTSAN NYID DU RIG PAR BYA'O, ,ZHES GSUNGS PA LTAR GYI PHYIR MI LDOG PA'I RTAGS THOB PA'I GTAN TSIGS 'KHRUL BA MED PA'O, ,SEMS BSKYED MI NYAMS SHING 'PHEL BA'I PHYIR BLA MA DANG RTEN GYI DRUNG DU SEMS BSKYED CHOGS 'DZIN PA'ANG MANG DU MDZAD CING, 'JUG SDOM GYI BSLAB BYA RTZA LTUNG BCO BRGYAD DANG NYES BYAS ZHE DRUG GIS MGOS PA'I NYES SPYOD SDOM PA'I TSUL KHRIMS RANG RGYUD SMIN BYED PHA ROL TU PHYIN PA DRUG DANG GZHAN RGYUD SMIN BYED BSDU BA'I DNGOS PO BZHI MA SKYES PA SKYED PA DANG, SKYES ZIN GNAS PAR BYED PA SOGS DGE BA CHOS SDUD KYI TSUL KHRIMS, SEMS CAN GYI DON BYA BA BCU GCIG SOGS SEMS CAN DON BYED KYI TSUL KHRIMS TE RGYAL SRAS KYI SPYOD PA RLABS PO CHE RNAM PA THAMS CAD PA LA MTHAR PHYIN PAR BSLAB, LUS SEMS SHIN SBYANGS KYI BDE BA KHYAD PAR CAN SKYE STE SKU LUS SHING BAL LTAR YANG ZHING PHYI NANG

THAMS CAD BDE LA 'JAM 'BOL LE BA BYUNG BA DBAL MANG RDO RJE 'CHANG GIS MKHYEN NAS, NYIN GCIG DA LTA KHYOD KYI PHUNG PO JI LTAR 'DUG CES DRI BA MDZAD PAR, DE TZAM KHAMS MI BDE ZHES ZHUS PAS, MI BDE BA CHER MED, KHYOD KYI LUS 'DI KHAMS DVANGS DUS KYI HA CANG BDE BA'I BDE NYAMS DA MI GZHAN DANG GTAN NAS MI 'DRA BA ZHIG RED GSUNGS, RDO RJE 'CHANG DE NYID KYI DRUNG DU THUN MONG DANG THUN MONG MA YIN PA'I NYAMS RTOGS MANG PO PHUL BA DANG, RIM GNYIS KYI NYAMS MYONG GI DKA' GNANG MANG PO'I ZHAL SHES SNYAN BRGYUD GLENG MO'I TSUL DU ZHUS SHING, DE DAG GI ZIN BRIS GYIS SHIG PA'I BKA' PHEBS PA BZHIN SPYAN 'BEBS ZHUS PA NA 'DI DANG 'DI KHYOD KYI SEMS LA SHAR NAS BRIS BA MA GTOGS NGAS MI SHES GSUNGS PAR, 'DI DANG 'DI LTAR GSUNGS ZHES DAN RTAGS DANG BCAS ZHIB PAR ZHUS PA NA BDEN TE YA MTSAN, BLA MA SLOB MA'I RTEN 'BREL ZHIG GI DBANG YIN 'DRA GSUNGS TE, SNGON BKA' GDAMS KYI DGE BA'I BSHES GNYEN 'BROM STON PA YAB SRAS KYIS, BLA MA LA BCUNG YOD, SLOB MA LA SNOD YONG CES GSUNGS PA LTAR, TEE LO N'A RO DANG, MAR MI YAB SRAS ZHAL 'DZOM PA DANG 'DRA BA'I BSAM GYIS MI KHYAB PA'I RNAM PAR THAR BA'O, ,SRID GSUM SGYU MA'I GRONG KHYER LTAR GZIGS TE SNANG NGO DANG NGES NGO 'DRES PA'I DBYINGS LAS LONGS SPRUL ZHI KHRO'I GAR BRGYA MIG 'PHRUL BZHIN DU SPRO BAS SKYE SHI BAR NGO SKU GSUM DU BSGYUR BA'I BDE BA

, ,MCHOG GI NYE LAM NANG RDO RJE'I LUS LA GNAD DU BSNUN PA'I RLUNG DANG GTUM MO'I RNAL 'BYOR LA RTZAL 'BYONGS PAS AA MCHOG SPRUL SKU RIN PO CHE 'JAM DPAL DGYES PA'I BLO GROS DANG RNAM PA GNYIS KYIS RLUNG GI NYAMS KHRID PHAN TSUN STON RES MDZAD CING, RLUNG SBYOR DANG SBRAGS PA'I THUGS DAM MANG DU MDZAD PA SKU DRUNG DU NYE BA RNAMS KYIS YANG YANG MJAL LO, ,YANG ZHAL NAS, BSKYED RIM GYI LHA'I RNAL 'BYOR DANG; KHYAD BAR RDZOGS RIM SGOM PA LA LTA BA'I GO BA GAL CHE, DE YANG MGO NGA MIN, LAG PAR MIN, RKANG PANG MIN ZHES SOGS SU DPYOD PA NI, DUS 'KHOR LAS, PHUNG PO RNAM DPYAD STONG PA NYID, ,CHU SHING BZHIN DU SNYING PO MED, , CES GSUNGS PA LTAR THA SNYAD BSHIG PA'I DPYAD PA YIN PAS CHAD MTHAR 'GRO, DES NA THOG MAR DGAG BYA NGOS ZIN PA GAL CHE, DE YANG MNYAM MED DVAGS PO LHA RJE LA 'GRO MGON PHAG MO GRU BAS 'KHOR BA'I RTZA BA GANG YIN ZHUS PA'I LAN DU; DA LTA'I SNANG BA RANG GA BA 'DI YIN GSUNGS PA THUGS NGOR SHIN TU 'PHROD PA BYUNG BA LTAR, NGA TSO'I THA MAL GYI SHES PA LA GANG SNANG THAMS CAD BLOS PHAR BTAGS PA'I NYAMS MED PAR YUL DANG GI NGOS NAS TSUR TSUG THUB TU GRUB PAR 'CHAR BA 'DI DMIGS PA'I GTAD SO DANG YUL GYI RANG MTSAN ZER BA DE YIN PAS 'GOG RGYU'I DGAG BYA YANG DE YIN, DE'I RGYU MTSAN GYIS STON PA BCOM LDAN 'DAS KYIS KYANG GDUL BYA NYE BA'I BSAM PA'I DBANG GIS SHER

PHYIN GYI MDOR, GZUGS MED, SGRA MED CES SOGS GSUNGS PA DGAG BYA'I KHYAD PAR GZHAN SBYOR BA LA MI LTOS PAR GDUL BYA KHYED CAG GI SHES PA RANG GA BA LA SNANG BA DE LTAR DU NGES PAR MED CES GDAMS PAR GO DGOS, DE LTAR NA RGYU RKYEN RTEN 'BREL TSOGS PA LAS SNANG TZAM PA MA GTOGS MED PAR SHES PA DE'I TSE SNANG BAS STONG PA MI SGRIB CING, STONG PAS SNANG BA MI 'GOG PA, STONG DANG RTEN 'BYUNG DON GCIG PA'I LAM BZANG MNGON DU 'GYUR ZHING, SNANG BAS YOD MTHA' SEL BA DANG, STONG PAS MED MTHA' SEL ZHING STONG NYID RGYU 'BRAS SU 'CHAR BAS TSUL 'DI NI, MGON PO KLU SGRUB KYI BYANG CHUB SEMS 'GREL LAS, CHOS RNAMS STONG PA 'DI SHES NAS, ,LAS DANG 'BRAS BU BSTEN PA GANG, ,NGO MTSAR BAS KYANG 'DI NGO MTSAR, ,RMAD BYUNG BAS KYANG 'DI RMAD BYUNG, ,ZHES GSUNGS PA LTAR GYI LTA BA MA NOR BA'I 'KHRID TSUL YIN ZHES SOGS RGYA CHER NYAMS MYONG GI STENG NAS BKA' STZAL PA LA DPAG NA, CHOS BCU PA'I MDO LAS, DU BA LAS NI MER SHES DANG, ,CHU SKYAR LAS NI CHUR SHES LTAR, ,BYANG CHUB SEMS DPA' BLO LDAN GYI, ,RIGS NI MTSAN MDAG LAS SHES, ,ZHES GSUNGS PA LTAR, MGON PO KLU SGRUB YAB SRAS KYI DGONGS BZHED MTHAR THUG ZAB MO DBU MA'I LTA BA MNYAM PA MED PA'I GDENGS DANG LDAN PA'I TSUL ZHAL SLOB BLO GROS KYI NOR DANG LDAN PA RNAMS LA CHES GSAL LO, ,DUS KYI 'KHOR LO DANG, DGRA NAG GI RGYUD DANG, RDO RJE RTZE MO

, ,SOGS LAS GSUNGS BA LTAR GYI RIGS LNGA SO SO'I DAM TSIG BCU DGU, SPYI'I DAM TSIG RTZA LTUNG BCU BZHI, SBOM PO BRGYAD, SPONG BSTEN BZA' BA'I DAM TSIG RGYUD SDE GONG MA GNYIS LAS BSHAD PA DANG, BYA SPYOD KYI DAM TSIG SOGS GSANG SNGAGS KYI DAM TSIG MTHA' DAG MIG 'BRAS BZHIN DU BSRUNG, DE LTAR SDOM PA GSUM GYI TSUL KHRIMS RNAM PAR DAG PA LA SGRUB PA SNYING POR BYED PA LAS NAM YANG MI G-YEL BAS NA, DPUNG BZANG GIS ZHUS PA LAS, SNGAGS KYI RTZA BA DANG PO TSUL KHRIMS TE, ,DE NAS BRTZON 'GRUS DANG NI BZOD PA DANG, ,RGYAL BA LA NI DAR DANG BYANG CHUB SEMS, ,GSANG SNGAGS DANG NI LE LO MED PA'O, ,ZHES DANG, DUS 'KHOR LAS, GSUM LAS DGE SLONG MCHOG YIN 'BRING, ,DGE TSUL ZHES BYA DE DAG LAS, ,KHYIM NA GNAS PA THA MA'O, ,ZHES DANG, MDO SDE'I RGYAN LAS, RAB TU BYUNG BA'I PHYOGS DAG NI, ,YON TAN TSAD MED RNAMS DANG LDAN, ,DE LTAS SDOM BRTZON KHYIM PA YI; ;BYANG CHUB SEMS DPA' LAS KHYAD 'PHAGS, ,ZHES THEG PA RANG RANG GI SKABS SU RANG RANG GI DAM TSIG DANG SDOM PA RTZA BAR GSUNGS PA TZAM DU MA ZAD SNGAGS DANG BYANG SEMS KYI SDOM PA RNAM PAR DAG PA'I THABS MCHOG DANG GZHI RTEN RMAD DU BYUNG BAR SO THAR GYI SDOM PA GSUNGS PA DANG, KHAMS LUNG PA'I ZHAL NAS, MU GE BYUNG TZAN THAMS CAD NAS KYI STENG DU 'ONG, DE BZHIN DU THAMS CAD TSUL KHRIMS KYI STENG DU 'ONG BAS 'DI LA 'BUNGS SHIG,

CES GSUNGS PA LTAR SO THAR BYANG SEMS GSANG SNGAGS KYI THEG PA'I YON TAN THAMS CAD RANG RANG GI TSUL KHRIMS RNAM BAR DAG PA LEGS PAR BSRUNG BA'I STENG DU SPUNGS PA BZHIN DU BYUNG STE, BSTOD PA BRGYA LNGA BCU PA LAS, NYES PA NYAMS SMAD RTZA NAS BTEN, ,YON TAN SPEL NAS RNAM PAR SBYANGS, ,GZHUNG LUGS BZANG PO DES NA KHYOD, ,GRUB MCHOG LHAG PAR BRNYES PA LAGS, ,ZHES GSUNGS PA LTAR, DGE BA'I BSHES GNYEN RNAMS LA SANGS RGYAS DNGOS KYI 'DU SHES 'BRAL BA MED PAS DE DAG GI GDAMS PA RNAMS LA THE TSOM MED PA'I YID CHES PHYIR MI LDOG PA RNYED CING, NYES PA NYAMS SMAD PA STE NYES LTUNG PHRA MOS KYANG MA GOS PAR TSUL KHRIMS LA DRAN SHES BSTEN BA'I THEG PA RANG RANG GI SEMS GNAS PA'I TING NGE 'DZIN DANG, SNGAR LTAR GZHUNG LUGS DANG RIG GNAS TSAD MED PA LA SBYANGS PAS LAS 'BRAS DANG BLANG DOR BDEN GNYIS KYI GNAS TSUL LA SGRO 'DOGS CHOD PAS RANG RANG GI LHAG PA SHES RAB KYE BSLAB PA STE LHAG PA'I BSLAB PA RIN PO CHE RNAM PA GSUM GYIS BSDUS PA'I LAM THUN MONG DANG THUN MONG MA YIN PA'I SA LAM GYI RTOGS PA BRNYES PA'I 'BRAS RTAGS 'KHRUL BA MED PA, MDO LAS, CHOS MTHONG BA CHOS THOB PA CHOS RIG PA THE TSOM LAS BRGAL BA SOM NYI LAS BRGAL BA, ZHES GSUNGS PA JI LTA BA BZHIN BYUNG BAS SGRUB 'BRAS KYIS GRUB PA'I DBANG PHYUG CHEN POR GYUR PA'I TSUL LA CHOS KYI MIG DANG LDAN PA RNAMS KYIS CI TZAM YUN DU

, ,DPYAD PA BZHIN NGES PA JE BRTAN KHO NANG 'GYUR RO, ,GRUB PA BRNYES PA'I TSUL 'KHRUL BA MED PA NI DE YIN LA, DENG DUS SHIN TU SNYIGS MAR SONG BA'I DBANG GIS MI MA YIN GYIS RGYUD BRLAM PA'I MNGON SHES RDZU 'PHRUL PHRAN TSEGS RE LA GRUB RTAGS SU RTZI YANG, DE PHAR ZHOG BSAM GZUGS BRGYAD THOB KYI GANG ZAG YANG GRUB THOB MA YIN PAR RGYAL TSAB BYAMS PA MGON PO'I GZHUNG LAS GSUNGS TE, MDO SDE RGYAN LAS, SA RNAMS THAMS CAD MA GRUB DANG, ,GRUB PA DAG TU SHES PAR BYA, ,ZHES MOS SPYOD KYIS LA GNAS PA RNAMS KYIS GRUB PA MA THOB PAR BSHAD PA DANG, 'JAM MGON SA PAn GYIS, GRUB THOB CHUNG DU MTHONG LAM YIN, ,GRUB PA 'BRING BO SA BRGYAD PA, ,GRUB THOB CHEN PO SANGS RGYAS SA, ,ZHES MTHONG LAM PA GRUB THOB KYI MA MTHAR BSHAD PA'I PHYIR RO, ,SA SO SO'I YONGS SBYONG RNAMS DANG CHA 'DRA BAR THUN MONG DANG THUN MONG MA YIN PA'I NYAN SA LEN 'PHEL ZHING MI MTHUN PHYOGS ZIL GYIS GNON PA'I BOGS 'DON, MDO SDE RGYAN LAS, SANGS RGYAS CHOS RNAMS RDZOGS BYA DANG, ,SEMS CAN RNAMS YONGS SMIN BYA DANG, ,MYUR THOB BYA BA 'GRUB PA DANG, ,LAM RGYUN MI GCOD LA MKHAS PA, ,BYANG CHUB SEMS DPA' SA KUN LA, ,THABS NI MTSUNGS PA MED PA STE, ,ZHES BYANG CHUB SEMS DPA'I SA KUN LA THUN MONG GI YONGS SBYONG THABS LA MKHAS PA RNAM PA LNGA GSUNGS PA BZHIN DU THUN DRUG

RNAL 'BYOR DANG, RDOR SEMS SGOM BZLAS, BDAG 'JUG SOGS RGYUN DU MDZAD PA DANG, ZHAL 'DON DANG BKA' CHOS KYI SENG BAR RNAMS SU YAN LAG BDUN PA DANG 'BREL BAR MAndAL DANG PHYAG SBYANG LA NYIN MTSAN KHOR YUG TU GZHOL BAS PHYAG MTHIL DU RVA CHAGS PA DANG, PHYAG ZHABS KYI SHUL GYI BZHUGS GDAN LA KO PAGS GLAN PAS KYANG NYIN KHA SHAS LAS MI THUB, BZHUGS SA'I BSRO KHANG GIS RDZEN STENG NAS PHYAG MDZAD PAS RDO LA PHYAG TSI CHAGS PA SOGS BSAGS SBYANG DANG, GZHUNG CHEN MO LA DPYAD PA, BLA MA YI DAM DBYER MED DU GSOL BA 'DEBS PA SUM SGRIL DU 'BAD PAS NYAMS DANG RTOGS PA'I KLONG RDOL BAR GYUR TO, ,SKABS SHIG RIGS GRVA'I SHA 'CHAM GZIGS PA'I RKYEN GYIS RJE MI LA'I RNAM THAR DRAN PAS THUGS RANG DBANG MED PAR G-YOS TE 'PHRAL DU KUN BZANG 'KHOR LO ZHIG MDZAD PA NI, MI TSE GCIG LA SKU GSUM 'DAB BRGYA BZHAD, ,GANG LA BSTEN PA KUN KYANG RTOGS PA'I MDZOD, ,ZAS GOS RAS RKYANG ZVA TSOD RDO YI GDAN, ,DKA' BA SPYANG PA RDO RJE PHA LAM LTAR, ,SUS KYANG MI CHOD MCHOD YUL BLA MED BRNYES, ,ZAB LAM MNGA' BA YAB RJE MAR BA'I ZHABS, ,BSTEN PAS DGA' BZHI'I RGYAS BTAB RDO RJE'I LAM, ,DAM PA'I SNYING PHUR THEBS PA'I DPA' BO KHYOD, ,THOS PA DON LDAN ZUNG 'JUG DANG PO'I MGON, ,RJE BTZUN RNAM THAR KHYI RA SKOR GSUM GYI, ,GAR 'CHAM 'DREN BYED LAM DU CHAS PA'I TSE, ,SHES RAB

, ,RGYA MTSO ZHES BYA'I RTOG GE PAS, ,BSTOD DBYANGS KUN BZANG MCHOD PA'I SBRIN 'DI SPROS, ,ZHES PA STE, DES NI RJE MI LA DANG RGYAL BA BLO BZANG DON GRUB BZHIN DU 'DI SNANG GI BYA BYED KUN BLOS BTANG STE; 'PHRAL CHAS GANG BYUNG PHRAN TSEGS RE'I STENG NAS TSE GCIG LUS GCIG LA MCHOG GI GO 'PHANG 'BA' ZHIG THUGS LA BRANG STE DE'I SGRUB PA LA GZHOL BA'I TSUL BAG TZAM 'DOMS PA'O, ,GNAS BRTAN GYI DON 'DUL PA LAS BRTAN MKHAS KYI YON TAN GNYIS DANG LDAN PA ZHES BSNYEN PAR RDZOGS NAS LO BCU BAR MA CHAD DU LON PA BTZUN PA BRTAN PA'I YON TAN DANG, DE YANG BAR CHAD PA DANG, TSUL KHRIMS MI DAG PA DANG, 'DUL BA LA MI MKHAS NA BRTAN PA MIN PAR GSUNGS, SPYOD 'JUG LAS, BSTAN RTZA DGE SLONG NYID YIN NA, ,DGE SLONG NYID KYANG DKA' BAR GNAS, ,ZHES NYON MONGS BCOM PA'I DGRA BCOM PA LA DON DAM PA'I DGE SLONG DANG GNAS BRTAN DU BSHAD PA BZHIN THEG CHEN GYI SDE SNOD DU MAR GSUNGS, ,MTSAN BRJOD LAS, GNAS BRTAN RGAN PO SKYE DGU'I BDAG ,CES DBANG GONG MA'I NGAG PA DANG SA GONG MA'I YON TAN LA SBYAR BA SOGS MANG BA LTAR 'DIR YANG DE DAG BSNGOMS PA'I YON TAN GYI CHA NAS 'JOG GO JO PO CHEN POS, NGED RGYA GAR PA LA DO GAL CHEN PO'AM BYA BA GLO BUR BA BYUNG NA SDE SNOD 'DZIN PA RNAMS TSOGS NAS, SDE SNOD GSUM LAS MA BKAG GAM ,SDE SNOD

GSUM DANG MI 'GAL LAM ZHES GTAN LA PHAB NAS DE'I STENG DU 'JOG PA YIN, NGED BRI KA MA LA SH'I LA PA LA DE'I STENG DU BYANG SEMS KYI SPYOD PA NAS MA BKAG GAM, DE DANG MI 'GAL LAM BYA BA ZHIG YOD LA, 'DUN MA'I ZHABS 'DUL BA 'DZIN PAS 'JUG PA YIN, ZHES DANG, DGE BA SHES STON PAS 'DUL BA SNGAGS KYI GROGS SNGAGS 'DUL BA'I GROGS SU SONG BA NGA'I BLA MA'I BKA' BRGYUD MIN BAR MED CES SDE SNOD GSUM SNGAGS DANG BCAS 'DZIN PA LA 'DUL BA 'DZIN PAR GSUNGS PA LTAR, SO THAR BYANG SEMS GSANG SNGAGS KYI 'DUL BA MA TSANG BA MED PAR 'DZIN PA'I GSUM LDAN RDO RJE 'DZIN PA MCHOG TU BSTAN PA'O, ,BRGYAD KHRI BZHI STONG SNYING PO'I BDUD RTZI'I SGO, ,GTAN PA MED PA'I MCHOD SBYIN BRGYA PA YIS, ,THUGS KYI ZE'U 'BRUR GCES PAR BSKYANGS PA'I MTHUS, ,NYAMS RTOGS LANG TSO'I DBUS SU YUD KYIS 'DZEGS, ,SHUGS 'BYUNG SKYO BA'I LCAG GIS BSKUL BA YIS, ,RIN CHEN BYANG CHUB SEMS GNYIS CANG SHES RTA, ,NYE LAM DRANG BOR LAM LAM MYUR BA'I 'GROS, ,RTAG TU NGAL GSO MED PA AE MA MTSAR, ,SKAL NGAN PHAL BA'I SNOD DANG MI 'TSAMS PA'I, ,SMRA BA'I SENG GE'I THUGS KYI BCUD PHYUNG BA, ,SDOM GSUM GSER SBYANGS RNAM PAR DAG PA YI, ,THUGS KYI YOL GOR LHAG MA MED PAR 'KHYIL, ,BAR SKABS KYI TSIGS SU BCAD PA'O, ` ,GNYIS PA NI, KHENGS DREGS SPANGS NAS RTAG TU DMAN CHA 'DZIN, ,CHOS BRGYAD BRAL BA'I BSHAD SGRUB LAS LA BRTZON, ,

, ,DUL ZHING ZHI LA NYER ZHI LA SOGS PA'I, ,MTSAN LDAN BZANG PO'I BSHES LA GSOL BA 'DEBS, ,ZHES GSUNGS, DON NI, BLO SBYONG LAS, GANG DU SU DANG 'GROGS PA'I TSE, ,BDAG NYID KUN LAS DMAN LTA ZHING, ,ZHES GSUNGS PA LTAR, KHENGS DREGS SPANGS TE 'OG NA 'GRO BA CHU LAS MED PA BYAS NAS BDAG NYID KUN LAS DMAN PAR BLTA BA'I DMAN CHA 'DZIN PA 'BA' ZHIG MDZAD PAS, 'GREL BA DON GSAL LAS; NGA RGYAL BCOM PA'I RGYUD KHO NA LA RTOGS PA SKYE'O, ,ZHES DANG, DGE BSHES STON PA'I ZHAL NAS, NGA RGYAL GYI SGANG BU LA YON TAN GYI CHU MI 'BYUNG GSUNGS PA DANG, SPYAN SNGA PA'I ZHAL NAS, SOS KYI DUS NA RI'I RTZE MO GANG MTHO BA NAS SNGO PHYUR GYIS 'ONG BAR 'DUG GAM GSHONG BU GANG DMA' BA NAS 'ONG LTOS GSUNGS PA LTAR, NGA RGYAL MED PA'I GSHONG BU GANG DMA' BA LA YON TAN GYI CHU BO 'KHYIL ZHING 'BABS PAS, SKYES RABS LAS, YON TAN GYI TSOGS KYIS BLA MAR GYUR PA, ZHES DANG, BKA' GDAMS GLEGS BAM LAS, 'BROM CHOS KYI RGYAL PO KUN GYI 'OG TU ZHUGS NAS BSDAD PAS KUN GYIS STENG DU BKUR BA'I GNAS THOB PA YIN GSUNGS PA LTAR, DMAN CHA BZUNG STE YON TAN TSOL BA LA ZHUGS PAS YON TAN GYI MDZOD DU GYUR NAS KUN GYIS BLA MAR BKUR BA 'DI LA BUD BSNYEGS THOB GSUM ZER TE, DE NI MI GRAL NAS BUD, KHYI GRAL BSNYEGS, LHA GRAL THOB CES PA'O, ,BSHES

SPRINGS LAS, 'JIG RTEN MKHYEN PA RNYED DANG MA RNYED DANG, ,BDE DANG MI BDE SNYAN DANG MI SNYAN DANG, ,BSTOD SMAD CES BGYI 'JIG RTEN CHOS BRGYAD PO, ,BDAG GI YID YUL MIN PAR 'GO SNYOMS MDZAD, ,CES GSUNGS PA LTAR; 'KHOR BA'I BDE SDUG THAG MKHAN GYI RKANG STABS DANG SGYU MA'I BSLU BRID BZHIN DU GZIGS NAS MTHO MTHO RLUNG LA BSKUR, DMA' DMA' CHU LA BSKUR TE 'DOD PA'I PHYOGS BZHI DANG MI 'DOD PA'I PHYOGS BZHIS BSDUS PA'I CHOS BRGYAD DKAR NAG KHRA GSUM DANG BRAL BA'I SGO NAS TSE 'DI BA DANG, PHYI MA'I 'KHOR BDE DANG, RANG DON YID BYED KYI MI GANG DANG YANG SNANG BA MI BSTUN PAR BYAMS PA DANG SNYING RJE'I GZHAN DBANG DU GYUR TE BSTAN 'GRO'I PHAN BDE 'BA' ZHIG DGONGS PA'I THUGS KYIS, MDO SDE'I RGYAN LAS, 'CHAL TSUL RTZOL BA'I DRI BRAL PHYIR, ,DRI MA MED PA'I SA ZHES BYA, ,ZHES GSUNGS PA LTAR, 'CHAL TSUL DANG RANG DON YID BYED KYI DRI MA DANG BRAL BA'I TSUL KHRIMS RNAM PAR DAG PA'I ZHING SAR 'BRAS BU NYER SPYOD CHAD PA MED PA'I YON TAN GYI TSOGS SPEL BAS, MKHAS PA 'CHAL BAR MA SHOR ZHING, BTZUN PA RMONGS PAR MA SHOR BA MKHAS BTZUN BZANG GSUM 'DZOM PA'I DPAL GYIS BSHAD SGRUB BYA BA LAS KYI 'KHOR LOS BSTAN PA'I SNYING PO DRI MA MED PA 'DZIN SKYONG SPEL BA LA BRTZON PA'I YAN LAG MA TSANG BA MED PA NI, CHOS YANG DAG PAR SDUD PA LAS, STONG PA NYID SMRA BA NI MI GNAS PA'I PHYIR 'JIG RTEN GYI CHOS RNAMS KYIS MI 'PHROG STE, RNYED PAS

, ,DGA' BA YANG MED, MA RNYED PAS MI DGA' BA YANG MED, GRAGS PAS YID SOS BA YANG MED, MA GRAGS PAS SRO SHI BA YANG MED, SMAD PAS ZHUM PA YANG MED, BSTOD PAS DGA' BAR SEMS PA YANG MED, BDE BAS CHAGS PAR 'GYUR BA YANG MED, SDUG BSNGAL BAS YID 'BYUNG BAR 'GYUR BA YANG MED DE, GANG DE LTAR 'JIG RTEN GYI CHOS RNAMS KYIS MI 'PHOG PA DE NI STONG PA NYID SHES PA STE, DE LTAR MI 'PHROG PAS STONG PA NYID SMRA BAR KHONG DU CHUD PAR BYA'O, ,ZHES GSUNGS PA LTAR, 'JIG RTEN DANG 'JIG RTEN LAS 'DAS PA'I YANG DAG PA'I LTA BA DANG BYANG CHUB KYI SEMS LA NGES SHES RNYED CING GOMS PA'I MTHUS CHOS BRGYAD ZIL GYIS GNON PA'I SGRUB PA'O, ,BSHAD PA NI MKHAS PA'I BYA BA 'CHAD RTZOD RTZOM GSUM SOGS YIN LA, DE YANG SLOB DPON TZANDRA GO MIS, GANG PHYIR MKHAS PA'I LAS GSUM LAS, ,RTZOD 'CHAD DAG LA MA NGES PA, ,SRID PHYIR MI 'KHRUL RTZOM BA STE, ,ZHES GSUNGS PA LTAR, DE GSUM GYI NANG NAS TSIG DON GYI CHA LA NOR 'KHRUL MED PA DANG YUL DUS DE TZAM MA YIN PAR PHYOGS GZHAN DANG PHYI RABS KYI GDUL BYA LA PHAN RLABS CHE ZHING YUN RING BAS ZHAL SKYIN LTA BUR GYUR PA NI RTZOM PA YIN PAS, RTZOM PA'I RGYU PHUN SUM TSOGS PA SLOB DPON SNGA MA'I MAN NGAG DANG LDAN PA, NANG GI DON RTOGS SHES RAB DANG LDAN PA, YI DAM LHAS GNANG BA THOB PA STE, RE RES KYANG RTZOM NUS PAS GSUM KA TSANG NA

CHES RMAD DU GYUR BA YIN GSUNGS PA'I SNGA MA GNYIS TSANG TSUL GONG DU YANG YANG BRJOD ZIN LA, BDE GSANG 'JIGS GSUM GYI BSKYED RDZOGS RE RE NAS TSAR BDUN RE GSAN PAR GSUNGS PA SOGS ZIN BRIS GANG MDZAD PA RNAMS THOB PA'I RNAM GRANGS DANG LAN RE TZAM MA YIN PAR THE TSOM DANG MTHA' CHOD PAR GSAN, PHYI MA YANG NYIN GCIG ZHAL NAS, NGA LA LO LNGA BCU LAS LHAG MI THUB PAR BLA MA'I LUNG BSTAN YOD PAR MA ZAD, LHAS KYANG LUNG BSTAN YOD KYANG DE LAS LHAG MANG PO BSDAD BA 'DI SKU ZHABS RIN PO CHE DANG, DPAL MANG RDO RJE 'CHANG, SDE KHRI RIN PO CHE RNAMS KYI THUGS RJE YIN, DE'I RGYU MTSAN YANG KHONG RNAM PA TSOR BKA' CHOS RE 'BUL DGOS PA 'DI'I DBANG GIS YIN TSOD 'DUG GSUNGS PA DANG, BDUN CU YAN CHAD NAS LO MANG PO 'DUG RGYU GSUNGS PA MED CES SKU TSE'I TSAD SNGON NAS THAG BCAD PA LTA BU SKABS SKABS SU LHA DANG BLA MAS BYIN GYIS BRLABS PA'I MTSAN MA KHYAD PAR CAN MANG DU YOD TSOD 'DUG KYANG THUGS SGAM ZHING SBAS PA'I BRTUL ZHUGS KHO NA MDZAD PAS MI GSUNG NGO, ,RIM LNGA LAS, 'DI NI RANG BYUNG BCOM LDAN 'DAS, ,LHAG PA'I LHA NI GCIG PU NYID, ,MAN NGAG RAB TU STER BA'I PHYIR, ,RDO RJE SLOB DPON DE LAS LHAG ,CES BLA MA YI DAM GYI LHA LAS LHAG BAR GSUNGS BA LTAR, BLA MA'I BKA' YANG YI DAM GYI LHA'I BKA' LAS LHAG PA YIN PAS DBAL MANG RDO RJE 'CHANG NAS MAN NGAG RNAMS LA ZIN BRIS DANG, DBE RGYUN

, ,DKON PA'I THO YIG SOGS RTZOM PAR BKA' GNANG, GUNG THANG 'JAM PA'I DBYANGS SKU 'PHRENG BZHI PAS BDE LAM GYI ZIN BRIS MDZAD PAR BSKUL ZHING, SDE KHRI RIN PO CHES DANG LA DUS KYI 'KHOR LO'I SA GAR GYI SNGAGS DON BKROL BA'I 'GREL BA RTZOM PAR BSKUL BA DANG, DE YANG GSAR DU DPE BLTAS BYED MI DGOS, 'PHRAL DU KHYED KYI THUGS LA YOD PA DE MYUR BAR BRIS NA NGES CHOG PAS MYUR BAR KHYER SHOG DANG NGAS BLTA DGOS DON CIG YOD CES BKA' STZAL BA DANG, BKA' RTZOM GYI MJUG TU, JI LTAR MA YI GAM DU BYIS PA'I BRDOL GTAM SMRA BA LTAR ZHES, PHAN TSUN THUGS RGYUS CHE BA DANG GCES NYAMS KYI TSUL GSUNGS PA LA DPAG NA NANG PHAN TSUN GYI SO SO RANG RIG BA'I SHES GYI SPYOD YUL DU GYUR PA'I GSANG BA'I RNAM THAR NGO MTSAR BA ZHIG YOD NGES KYANG SKAL NGAN BDAG LTA BU LA CI LTAR SNANG DU RUNG 'ON KYANG SDE KHRI RIN PO CHES SKAL LDAN RE GNYIS KYI NGOR RANG NYID RIGS LDAN MA 'GAG PAR ZHAL GYIS BZHES PAS YAB KYI DRUNG DU CHOS KYI BDUD RTZI'I BGO SKAL BZHES PA'I RTEN 'BREL BSGRIGS SAM SNYAM BA DMAN PA'I RNAM RTOG GI RI MO'O, ,DE SKABS SHIG MNAL LAM DU, KHA BA BABS TE DKAR CHAG GE MOD PA'I THANG SHIN TU YANGS PA ZHIG NA KHONG RANG NYID KYIS RTA ZHIG CIBS, ME MDA' ZHIG KHUR NAS LAM TSOL BZHIN DU DAL BUS 'BYON PAR RMIS GSUNGS PA YANG YA MTSAN PA ZHIG GO, ,DE LTAR RTZOM PA'I RGYU GSUM YAR

LDAN DU TSANG ZHING MKHAS PA MGU BA BSKYED PA'I LEGS BSHAD SNYAN BRGYUD ZHAL SHES KYIS BRGYAN PA 'JIG RTEN GSUM NA RNYED PAR DKA' PA'I NOR BU RIN PO CHE DBANG GI RGYAL PO LTA BU, BDE GSANG 'JIGS GSUM GYI RIM GNYIS, PHRENG KRI MI TRA'I DBANG BSHAD, DUS 'KHOR BSKYED RIM, TSE DPAG MED DANG SGROL DKAR GYI TSE KHRID SKOR, DAM TSIG RDO RJE'I BZLAS PA DAG ZA BYED MKHA' 'GRO'I SBYIN SREG, 'JAM DBYANGS CHOS SKOR, ZHI KHRO SPRAGS SGRUB GNYIS, RGYA RA'I LTA KHRID, NI GU'I CHOS DRUG, KLU'I DUM GTER, TSOGS GTAM DANG ZHAL GDAMS LE TSAN, MGON PO'I RAB GNAS, NGAG BYIN RLABS, THUN DRUG RNAL 'BYOR, BRGYA RTZA, 'JAM DKAR LAS TSOGS, DGA' LDAN LHA BRGYA MA'I ZIN BRIS GSUM, LAM GTZO GNYIS, 'PHO BA LE TSAN, SPYAN 'DREN KHRUS GSOL, SKYES RABS DANG SPYOD 'JUG GI BSHAD PA'I ZIN THO, MKHAS GRUB TSIG BRGYUD KYI BLA MA'I RNAL 'BYOR, BYIN RLABS DPUNG ZHUS, 'JAM DPAL ZHI DRAG GI BSRUNG BA, RDOR SEMS SGOM BZLAS, RTEN 'BREL BSTOD PA, RJE'I BSTOD BA RTZA 'GREL, DBU MA 'JUG PA, 'DUL BA MDO RTZA RNAMS KYIS ZIN BRIS, BYANG CHUB BDE LAM GYI ZIN BRIS RTZOM 'PHRO BCAS ZIN BRIS SKOR POD GSUM LHAG, SMON LAM LNGA'I GZHUNG GI MTSAMS 'BYED, BDE MCHOG BSKYED RIM 'DOD 'JO DANG RDZOGS RIM DNGOS GRUB SNYE MA'I BSDUS DON, 'DUS PA'I GLENG GZHI SBAS BSHAD KYI YI GE BZHI BCU'I GSAL BYED, DUS 'KHOR GAR 'GREL, LHA MO'I

, ,BSNYEN YIG, RNAM SNANG MNGON BYANG GI SBYIN SREG DANG RDUL TSON CHAB 'DREN, KHROS MA'I SBYIN SREG, 'JIGS BYED BCU GSUM MA'I BDAG 'JUG GSAL BYED, RNAM RGYAL MA'I TSE SGRUB, 'JIGS BYED KYI SGO NAS SKU GDUNG SREG CHOG, DAM CAN GZUNGS 'BUL, RJE SKU BRNYAN SOGS SKU BRNYAN 'GA' ZHIG GI LO RGYUS, RDOG DKYIL BDUN LAS BRTZAMS PA'I SNYAN BSKUL LHA'I RNGA SGRA, DPE RGYUN DKON BA MANG PO'I THO YIG, DGAG GZHI RKYANG RTZIS, TSIG BKRA DANG SKYABS 'JUG GI SKOR, 'DOD GSOL SKOR, MYUR 'BYON SKOR, SMON TSIG SKOR SOGS DPAR PHUD ZIN PA POD BDUN LHAG, GSAN YIG POD SHIN TU CHE NA'ANG RJE NYID KYIS POD GCIG TU MDZAD PA'I THUGS 'DUN LTAR BYAS; KHRID KYI RIGS LAN CI TZAM GSAN PAR DE SNYED KYI ZIN BRIS YOD PA LA RDO RJE 'CHANG CHEN PO NYID NAS BDE LAM GYI ZIN BRIS MDZAD SKABS SU ZIN BRIS RNAMS SDEBS TE ZIN BRIS SNGA MA'I STENG DU SNGAR MA GSUNGS PA RNAMS BSNAN, GSUNGS ZIN PA RNAMS DOR TE MDZAD PA LTA BU PHAL CHER DE LTAR YIN, PHYIS SU NYE GNAS DGE SLONG BYAMS PA RGYA MTSOS GSUNG LA GCES SPRAS KYIS ZIN BRIS KYI SHOG DRIL NANG NAS BLA MCHOD DANG PHYAG CHEN GYI ZIN BRIS 'GA' ZHIG SOGS PAR DU 'GONG BCUG KYANG, PHAN TSUN SDEBS TE BCOS BSGYUR MI NUS SHING MI RUNG LA, GSAN THO YIN PAS MI KHROL BA YANG MANG STABS BKA' RTZOM SNGA MA RNAMS DANG 'DRA BA'I NGOS DAG CIG MA 'ONGS PA BLO LDAN

DON GNYER CAN RNAMS KYIS DGONGS TE RANG RGYUD 'DUL BA'I NYAMS LEN DU 'KHYER SHES NGAR BYA'O, ,GZHAN YANG BKA' CHOS KYI ZIN BRIS DANG GSUNG RGYUN PHYAG LEN ZHAL TA DOGS GCOD LO RGYUS SOGS KYI ZIN BRIS DANG BRJED BYANG THAMS CAD PAR DU BKOD NA PO TI NYI SHUR LONGS PA YOD CING, LCAGS MKHAR 'KHRUL 'KHOR SOGS KYI PHYAG KHRID ZIN BRIS PAR DU BKOD MI CHOG PA'ANG MANG NGO, ,BYA BA LAS KYI 'KHOR LO YANG DUS PHYIS KUN MKHYEN GSUM PA DANG, DE'I THUGS SRAS MKHAS GRUB GSER GYI RI BO LTA BU GONG MA GZHAN RNAMS MI BZHUGS, PHYI MA RNAMS SKUN PHRA BAS, SKYABS MGON MCHOG SPRUL RIN PO CHES DBU MDZAD PA'I GDAN SA'I BLA SLOB THAMS CAD KYI BLO SNYING BRANG GSUM RJE 'DI GCIG PU LA GTAD CING; DAM PA NYID KYIS KYANG GRVA TSANG RANG RANG GI 'GRIG LAM MI NYAMS SHING TSOGS CHOS RGYUN RING NGANG 'CHAD NYAN DMAR DGOS PA'I RTING BSKUL, KUN MKHYEN BAR PA NGANG, SDE KHRI RIN PO CHE'I THUGS DGONGS BZHIN DUS 'KHOR GRVA TSANG DU RNAM SNANG MNGON BYANG GI SGRUB MCHOD CHA LAG DANG BCAS GSAR 'DZUGS MDZAD PA LTA BU BSHAD GRVA DANG SGRUB GRA SO SO LA GANG LA GANG 'TSAMS KYI ZHAL BKOD BSLAB STON RGYA MTSO'I RLABS BZHIN DU DUS LAS MI YOL BA MDZAD CING, ZAB PA DANG RGYA CHE BA'I CHOS KYI CHAR PHABS, MDO SNGAGS RIG GNAS 'DON RTA DBYANGS THIG RDUL TSON TSUN CHAD ZHIB SLOB KYIS BSTAN PA SPEL BA'I KHUR BSNAMS PAS RANG SKYID GZHAN SMON GYI YUL DU GYUR PA LA, SNGON DAM PA TOG

, ,DKAR 'DZAM GLING DU 'BYON DUS RIN PO CHE'I BROG ZHU BYAMS PA'I DBUL BCINGS TE LHA'I BU DAG KHYED RNAMS LA 'DOS CHOS STON PAR GYUR RO ZHES GSUNGS PA NA LHA RNAMS KYIS BDAG CAG SKAL PA MI PHAM MO ZHES BSGRAGS PA DANG CHA 'DRA BAR, MI THAMS CAD KYIS BAR SKABS SU GANG STONG CUNG ZAD KYANG MA BYUNG BAR GRA MA CHAG GRU MNYAM PA NI RJE 'DI GCIG PU'I BKA' DRIN NO ZHES MGRIN GCIG DBYANGS GCIG GIS DGA' BA'I CA CO SGROG PAR BYED DO, ,CHOS BZHIN BYAS NA CHAR BZHIN 'BAB PA'I DON BZHIN BSOD NAMS KYI ZHING SA 'GRAN ZLA DANG BRAL BAR GYUR PA'I MTHUS PHYOGS THAMS CAD NAS ZANG ZING GI MCHOD SPRIN DBYAR BYIN BUN BZHIN DU GTIBS PA LA THUGS SOS MI BDE BAR, SNGON 'PHAGS PA SKU MCHED GSUM GYIS, GCIG GIS DAD RDZAS ME LA BSREG, GCIG GIS DAD RDZAS MKHAR LA BRTZIGS, GCIG GIS DAD RDZAS DGE 'DUN SO CAN GYI KHA NA ZHES GSUNGS PA LTAR, 'PHRAL 'PHRAL DU NYID KYI BLA MA RNAMS ZHAL BZHUGS PA'I DUS DE DAG GI DRUNG DU, BLA MA LNGA BCU PA LAS, MI ZAD DE NYID 'DOD PA YIS, ,CUNG ZAD YID 'ONG GANG DANG GANG, ,SHIN TU KHYAD PAR GYUR PA NYID, ,DE DANG DE NI BLA MAR 'BUL, ,ZHES GSUNGS PA LTAR, GCES NOR KHYAD 'PHAGS RNAMS 'BUL BA DANG, DUS DUS SU DGE 'DUN GYI TSOGS SU MANG 'GYED DANG, ZHABS BRTAN LA BSNYAD NAS DGE 'DUN DU MA GDAN DRANGS TE 'TSO BA ZHABS TOG

GZAB CING MDO SDE BSKAL BZANG DANG BRGYAD STONG GSUNGS SGROG BCUG PAS SNGA PHYIR BRGYAD STONG PA TSAR LNGA STONG LHAG SONG NGO, ,'DU KHANG GI RTEN GTZO GNAS BCU'I ZHAL THANG LA MTHA' GSHAM ZHAL KHEBS GRAS MTSUNGS 'DU KHANG BZHI SO SOR RJE'I SKU BZHI DANG, TSOGS CHEN 'DU KHANG DU JO'I SKU ZHIG BZHAG, PHYAG DPE PHAL CHER DANG ZIN BRIS SHOG BRIL LE SGE BCAS BSOD GRAGS RIN PO CHER PHUL BA SOGS DANG, GZHAN GYIS PHUL BA'I SKU GSUNG THUGS RTEN MCHOD RDZAS RNAMS KYANG PHYOGS PHYOGS SU 'BUL BA LTA BU 'DZIN CHAGS GANG YANG MI MDZAD KYANG PHYI PHYIR 'DZAD MED NAM MKHA' MDZOD KYI SGO 'PHAR PHYE BA LTAR GYUR PAS, PHYIS SU SKU 'DA' KHA'I DUS SU YANG SKYABS MGON MCHOG SPRUL RIN PO CHER DBUS GTZANG GI GTONG SGO'I ZHAL 'DEBS SU DNGUL SRANG STONG PHRAG GCIG PHUL BA SOGS 'KHOR LO GSUM GYI MDZAD 'PHRIN LHUN GYIS GRUB PA NI, SA PAn GYI SDEB SBYOR LAS, MKHAS PA LA LA MTSO BZHIN DANG GIS GANG, ,LA LA RGYAL BO'I BU BZHIN LHUN GYIS GRUB, ,CES GSUNGS PA LTAR GYI RNAM PAR THAR BA'O, ,NYE GNAS LHA ZHIS BSOD NAMS RGYA MTSO GLO BUR DU MA 'TSO BA LA THUGS 'TSER CHES CHE PA LTAR MDZAD DE, SNYING RE RJE, NGA'I G-YOG LA 'BAD BA'I DBANG GIS TSA GRANG GI RKYEN MA THEG PA YIN NAM ZHES GSUNGS NAS, NYIN 'GA' ZHIG LA DE'I SBYANG CHOG CHED DMIGS KYIS GSUNGS NAS THUGS DMIGS SHUGS DRAG PO MDZAD, DE NI BYANG CHUB SEMS DPA'I SDE SNOD LAS, MYA NGAN ZUG

, ,RDUS GDUNGS PA LA, ,DBUGS 'BYIN BYED PA PHAN PA'I MCHOG ,CES DANG, 'KHRI SHING LAS DAM PA RNAMS NI PHAN PA'I CHA, ,BU LON BZHIN DU SEMS PAR BYED, ,CES DANG, SPRE'U'I RGYAL PO'I SKYES RABS LAS; RIGS MTHUN RNAMS KYIS RAB TU GUS BYAS NAS, ,GUS PA'I PHYAG 'TSAL BKUR STI CHER BYAS PA'I, ,DBANG PHYUG BDE BA THOB PAR BYAS GYUR PA'I, ,BU LON DE RING BDAG GIS 'KHOR BAR GYUR, ,CES GSUNGS PA LTAR, DGOS PA'I DUS SU MI BSLU ZHING DRIN LAN DU DRIN GZO BA DANG SNYING BRTZE BA'I BYANG CHUB SEMS DPA'I RNAM BAR THAR BA'O, ,SDE KHRI RIN PO CHE'I MCHOG SPRUL SMAD DU 'BYON PA LA NYE BA'I DUS KYI BKA' CHOS SHIG GI SKABS KHONG LA SKU RTZED KYI TSUL DU, MYA NGAN LAS 'DAS BA YANG SGYU MA LTA BU RMI LAM LTA BU ZHES ZER RAM, LHA'I BU DAG KHO BO NI MYA NGAN LAS 'DAS BA LAS LHAG BA'I CHOS GZHAN ZHIG YOD NA'ANG DE YANG SGYU MA LTA BU RMI LAM LTA BU'O ZHES SMRA'O, ,ZHES SPYOD BSDUS SU DRANGS BA DE DANG, YANG NYIN GCIG, DE YIS CHOS KUN SGYU MA LTA BU DANG, ,SKYE BA SKYED MO'I TSAL 'GRO LTAR RTOGS NAS, ,'BYOR BA'I DUS DANG RGUD BA'I DUS NA'ANG 'DI, ,NYON MONGS SDUG BSNGAL DAG GIS 'JIGS PA MED AANG ZHES SKYO NYAMS DANG BCAS GSUNGS PA'ANG 'BYUNG 'GYUR RJEN BAR GZIGS BA'I GSUNG DU SNANG LA, DE MTSUNGS GZHAN DANG GZHAN LA PHYIS 'BYUNG GI BSLAB BYA DANG ZHAL BKOD GANG GNANG THAMS CAD THOG TU MA KHOL BA GCIG KYANG MED PA SOGS MNGON

PAR SHES PA CHAGS THOGS MI MNGA' BA'I RTAGS MANG NGO, ,'DUL BA SUM BRGYA PA LAS, TSUL KHRIMS LDAN ZHING 'DUL BA'I CHO GA SHES, ,NAD BAR SNYING BRTZE 'KHOR NI DAG PA DANG, ,CHOS DANG ZANG ZING PHAN 'DOGS LA BRTZON PA, , DUS SU 'DOMS PA DE LTAR BLA MAR BSNGAGS, ,ZHES GSUNGS PA LTAR 'DUL BA NAS BSHAD PA DANG, MDO SDE RGYAN GYI MCHOD RTEN TSAD MED KYI LE'U LAS, BSHES GNYEN DUL BZHI BA NYER ZHI BA, ,YON TAN LHAG PA BRTZON BCAS LUNG GIS PHYUG ;DE NYID RAB TU RTOGS BA SMRA MKHAS LDAN, ,BRTZE BA'I BDAG NYID SKYO BA SPANGS LA BRTEN, ,ZHES GSUNGS PA LTAR, LHAG PA'I BSLAB PA RIN PO CHE RNAM PA GSUM GYIS THUGS RGYUD DUL ZHING ZHI LA NYE BAR ZHI BA DANG, LA SOGS BAS; SLOB MA LAS LHAG PA, GZHAN DON BYED PA LA SPRO BA, LUNG GIS PHYUG PA, DE KHO NA NYID RTOGS PA, SMRA MKHAS PA, ZANG ZING LA MI LTA BA'I BRTZE BA'I BDAG NYID CAN, YANG YANG 'CHAD PAS MI SKYO BA STE THEG PA CHEN PO'I DGE PA'I BSHES GNYEN GYI MTSAN NYID BCU GSUNGS BA DANG, CHOS BSHAD PA'I LE'U LAS, RGYA CHE THE TSOM SPONG BA DANG, ,BZUNG 'OS DE NYID GNYIS STON PA, ,'DI NI BYANG CHUB SEMS DPA' YI, ,STON BA PHUN TSOGS YIN ZHES BYA, ,ZHES THOS PA RGYA CHE BA, SHES RAB CHE BAS GDUL BYA'I THE TSOM SPONG BA, SGO GSUM DGE BAS BLA MAR BZUNG BAR 'OS PA, NYON MONGS DANG RNAM BYANG GI DE KHO NA NYID STON PA STE CHOS BZHI LDAN BSHAD PA DANG, CHOS SGRUB KYI LE'U LAS, BYANG CHUB SEMS DPA' THOS MANG

, ,DANG; ;BDEN MTHONG SMRA MKHAS SNYING BRTZE CAN, ,SKYO MED SKYES BU DAM PA NI, ,CHEN PO YIN PAR SHES PAR BYA, ,ZHES BSAM SBYOR LUNG RTOGS SMRA MKHAS PA'I YON TAN LNGA BSTAN PA RNAMS DANG LDAN PA'I BZANG PO'I BSHES GNYEN TE, BZANG PO NI THAR LAM GSAL BYED LAS, RGYA YONGS SUM CHAD BAR LEGS PA'I RIGS RNAM PA THAMS CAD YONGS SU RDZOGS PAS KUN DU BZANG PO'AM, KUN NAS BZANG PO ZHES BYA'O, , ZHES GSUNGS PA LTAR, MNGON MTHO DANG NGES LEGS KYI BDE BA SKYED BAS NA BZANG PO STE, 'DOD 'JO'I ME LONG LAS, BZANG PO STE 'BRAS BU NGES LEGS KYI BDE BA STER BA, ZHES SO, ,DE YANG LEGS PA'I RIGS THAMS CAD RDZOGS PA'I RGYUS DMAN PA'I SKYON GDAGS SU MED PA ZHIG LA BSHAD NA BRJOD BYA'I 'BREL ZAB BAS NYER ZHI LA SOGS PA'I MTSAN LDAN BZANG PO'I BSHES, ZHES PA 'DIS NI GSANG SNGAGS KYI BLA MA'I MTSAN NYID KYANG BSTAN PAR BYAS NA LEGS TE, DE MA TSANG NA DE'I CHA NAS SKYON GDAGS SU DUNG BA'I PHYIR RO, ,DES NA BLA MA LNGA BCU PA LAS, BRTAN ZHING DUL LA BLO GROS LDAN, ,BZOD LDAN DRANG LA G-YO SGYU MED, ,SNGAGS DANG RGYUD KYI SBYONG BA SHES, ,SNYING BRTZER LDAN ZHING BSTAN BCOS MKHAS, ,DE NYID BCU NI YONGS SU SHES, ,DKYIL 'KHOR BRI BA'I LAS LA MKHAS, ,ZHES MTSAN NYID BCU GSUNGS BA DANG, DE NYID BCU LA YANG, RDO RJE SNYING PO RGYAN GYI RGYUD LAS, PHYIR BZLOG GNYIS KYI CHO GA DANG, ,

GSANG DANG SHES RAB YE SHES DANG, ,KHA SBYOR 'BYED PA'I CHO GA DANG, ,GTOR MA RDO RJE BZLAS PA DANG, ,DRAG SHUL SGRUB PA'I CHO GA DANG, ,RAB TU GNAS DANG DKYIL 'KHOR SGRUB, ,NANG GI DE NYID BCU YIN NO, ,ZHES DANG, DKYIL 'KHOR TING 'DZIN PHYAG RGYA DANG, ,STANGS STABS 'DUG STANGS BZLAS BRJOD DANG, ,SBYIN SREG MCHOD PA LAS SBYOR DANG, ,SLAR BSDU BA YI RNAM PA NI, ,PHYI YI DE NYID BCU YIN NO, ,ZHES PHYI NANG GI DE NYID BCU BCU GSUNGS PA DANG LDAN ZHING, SNGAGS CHEN MKHAS PA'I DBANG PO GCU 'KHOR RAB 'BYAMS PA LAS THIG RDUL TSON BLOS BSLANGS GI PHYAG KHRID ZHIB SLOB DANG DAL ZIN BRIS YANG MDZAD PA BZHIN, BSOD GRAGS RIN PO CHE'I RDOR PHRENG GI DKYIL 'KHOR YONGS RDZOGS KYI SGYA THIG NYID KYI PHYAG BSTAR NAS GNANG BA LTA BU DKYIL 'KHOR BRI BA'I LAS LA MKHAS BA STE MTSAN NYID THAMS CAD YONGS SU RDZOGS PA'O, ,PHAN BTAGS MA BTAGS LA LTOS PA MED PAR BLA NA MED PA'I BYANG CHUB KYI BDE BA SBYIN PA'I YO BYAD DAM PA GDUL BYA THAMS CAD LA MA BU GCIG PA LTAR SNYING NYE ZHING BRTZE BAS 'JIG RTEN THAMS CAD KYI MA 'DRIS PA'I MDZA' BA'AM BSHES ZHES PA STE, RJE CHOS DBANG GRAGS BAS, BLO BZANG GZHAL MED KHANG CHEN DU, ,BSOD NAMS RIN CHEN LA CHAGS TE, ,BDAG NYID LA NI SNYING NYE BA, ,SANGS RGYAS DBANG GI RGYAL POR 'DUNG, ,CES GSUNGS PA LTAR RO, ,NGA RGYAL MED YID GOMS PA'I SEMS DPA' CHE, ,BYANG CHUB CHED DU BYANG CHUB MCHOG ZHUGS BA, ,'GRO BA KUN GYI BRAN BZHIN GNAS PA YIS, ,BYANG CHUB BDE BA THOB CING YON TAN RDZOGS, ,'DOD DANG MI

, ,'DOD LCE GNYIS G-YO BA YI, ,DKAR NAG KHRA PA'I CHOS BRGYAD GDUG PA'I SPRUL, ,THABS DANG SHES RAB RDOG PAS BRJIS PA YIS, ,DUG GSUM BAG CHAGS BCAS PA DBYINGS SU BSKYAL, ,STONG PA'I MKHA' LA GO SKABS YANGS PA'I SPRIN, ,BSHAD SGRUB BYA BA'I NYAMS BRGYAR 'KHRIG PA LAS, ,CHU MTHONG 'GOG PA'I SPRIN GYI ME TOG GIS, ,KUN YID MYA NGAN MED PA'I DUS STON SPEL, ,BSLAB GSUM YANG DAG LTA DANG SNYING BRTZE BA'I, ,'OD 'BAR NYA LCIBS KHOG PAR SBRUM PA YI, ,BSHES GNYEN BZANG POR 'OS PA'I LEGS BYAS KYI, ,MU TIG TSOM BU SKYE DGU'I GTZUG GI RGYAN, ,ZHES PA'ANG BAR SKABS KYI TSIGS SU BCAD PA'O, ` ,SKAL BZANG LONGS SPYOD 'DAB MA BZHAD BA'I DBUS, ,ZLA BA ZHUN MAR CHAGS PA'I NYAMS LDAN MA, ,RAB DKAR SNYAN SGROG NGANG BA'I BU MO YIS, ,RO 'DZIN DBYANGS KYI CHU GTER RING DU SKYONGS, ,GSUM PA YON TAN BRNYES NAS BSTAN PA LA BYA BA MDZAD PA'I TSUL LA, SLOB MA BSKYANGS PA'I SGO NAS BSTAN PA LA BYA BA MDZAD TSUL DANG, GZHAN DON LTAR SNANG DANG GOL SA SPANGS PA'I SGO NAS BSTAN PA LA BYA BA MDZAD TSUL GNYIS, DANG PO NI, DBANG LUNG MAN NGAG KHRID DANG BSHAD PA'I RGYUN,, MTHA' DAG GUS RTAG BRTZON PAS RAB MNOS NAS, ,SKAL BZANG DON GNYER YONGS LA SOL MDZAD PA'I, ,MTSUNGS MED CHOS RJE'I ZHABS LA GSOL BA 'DEBS, ,ZHES GSUNGS, DON NI, 'BRAS BU SKU GNYIS SAM SKU BZHI'I

SA BON KHYAD PAR CAN BTAB PA'I SGO NAS RGYUD SMIN BYED DBANG DANG, LHA DE DANG DE'I YE SHES SKYE BA'I SNA 'DREN BYED BYIN RLABS, RGYAB RTEN LUNG, GANG SHES NYAMS LEN DU 'KHYAR BYED MAN NGAG, BSHAD YAM TZAM MA YIN PAR SKABS BABS KYI DON DE DANG DE RJEN PAR NGOS BZUNG NAS NGO SPROD PA KHRID DANG, GZHUNG CHEN MO RNAMS KYI DGONGS DON LUNG DANG RIGS PAS BRGYAN TE MKHAS PA'I TSOGS SU 'CHAD PA BSHAD PA STE, DE 'DRA BA'I CHOS RGYUN MTHA' DAG GUS SBYOR DANG RTAG SBYOR GYI BRTZON 'GRUS SHUGS DRAG LA RGYUN MI 'CHAD PAS RAB TU MNOS PA STEG SAN NAS ZHES PA RKANG PA DANG PO GNYIS KYI DON YIN ZHING, DE'I TSUL NI, SNGA PHYIR GUNG THANG 'JAM PA'I DBYANGS LAS BYANG CHUB BDE LAM GYI DMAR KHRID LAN GSUM, DPAL MANG RDO RJE 'CHANG LAS LAN BDUN ZHAL SHES SEMS SKYED MCHOD PA SPYOD 'JUG LTAR SMON 'JUG GCIG CHAR LEN PA'I TSUL DANG BCAS PA, BDE LAM LAM MCHOG SNYING PO'I KHRID, LCANG SKYA DANG KUN MKHYEN GONG MA'I ZIN BRIS STENG NAS LAM RIM 'JAM DPAL ZHAL LUNG GI KHRID SEMS SKYED MCHOD PA DANG BCAS PA DANG, RES THUGS THOG NAS TSAR MANG PO GNANG BA THOB GSUNGS, JO POS 'BROM LA LKOG KHRID DU STZAL PA'I RGYUN, DGE BSHES MCHAD KHA PAS SA BCAD BDUN DU MDZAD NAS KHYAB BDAL DU SPEL BA BLO SBYONG DON BDUN MA'I KHRID YIG STENG NAS DANG, HOR STON NAM MKHA' DPAL GYIS MDZAD PA'I BLO SBYONG NYI MA'I 'OD ZER GYI STENG NAS GSAN, YANG RTZA TSIG GI BRTZI BZHAG BTANG

, ,BA'I STENG NAS PHYAG LEN ZHIB RGYAS KYI NYAMS KHRID GDAMS PA 'DI'I NYAMS LEN MYONG BAS GRUB BA AA MCHOG SPRUL BA'I SKU RIN PO CHE NAS GSAN, SDE KHRI RIN PO CHE NAS LCANG SKYA GONG MA'I KHRID YIG STENG NAS GLANG RI THAR BA'I BLO SBYONG TSIG BRGYAD MA'I KHRID DANG, DBAL MANG RDO RJE 'CHANG LAS RTZA TSIG GI STENG NAS GSAN, DGA' LDAN SHAR RTZE THE BO SPRUL PA'I SKU LAS BKA' GDAMS THIG LE BCU DRUG GI KHRID, YANG DBAL MANG RIN PO CHE LAS BKA' GDAMS LHA BZHI'I KHRID, BA SO'I LTA KHRID, RGYAL BA DBEN SA PA DANG PAn CHEN CHOS RGYAN GYI KHRID YIG, RGYAL DBANG BSKAL BZANG RGYA MTSO'I LHA MGUR RNAMS KYI STANG NAS DRAN PA BZHI LDAN GYI KHRID, BLA MA MCHOD PA'I NYAMS KHRID, SNGON 'GRO KHRID BZHI DANG BCAS PA'I PHYAG TSAN GYI KHRID, BLA MCHOD PHYAG CHEN DANG SBRAGS PA'I NYAMS KHRID ZHAL SHES DANG BCAS PA TSAR GSUM, BLA MCHOD DANG 'BREL BA'I 'PHO BZHAG GCIG MA'I KHRID 'PHO RTA DANG BCAS PA, LAM GYI GTZO BO RNAM GSUM GYI KHRID SEMS SKYED MCHOD PA DANG BCAS PA, THUN DRUG RNAL 'BYOR GYI KHRID, BLA MA'I RNAL 'BYOR DGA' LDAN LHA BRGYA MA 'PHO BA DANG BCAS PA'I KHRID, SDE KHRI RIN PO CHE NAS DE'I GZHUNG BSRING GI KHRID, GLING KHRI CHEN DKON MCHOG DGYES PA'I BLO GROS LAS MKHAS GRUB CHIG BRGYUD KYI BLA MA'I RNAL 'BYOR GYI KHRID, RJE BLO BZANG 'JIGS MED RIGS PA'I RAL GRI LAS KUN MKHYEN BAR PA'I BLA MA'I RNAL 'BYOR GYI KHRID, DPAL MANG RIN PO CHE NAS LAM

RIM CHEN MO'I BSHAD LUNG LAN GNYIS, LAM RIM BSDUS DON NAM NYAMS MGUR GYI BSHAD LUNG MYUR LAM ZHAL SHES DANG BCAS PA'I BSHAD LUNG, SDE KHRI RIN PO CHE NAS LAM RIM MCHAN BZHI SBRAGS MA'I BSHAD LUNG, LAM RIM CHUNG DU'I BSHAD LUNG GSAN PA SOGS THUN MONG LAM SBYANG GI SKOR RO, ,HE RU KA DPAL GUNG THANG 'JAM PA'I DBYANGS KYIS THOG MAR 'KHOR LO SDOM PA DRIL BU PHYI NANG GI DKYIL 'KHOR DU BCUG STE GSANG CHEN CHOS KYI RGYAL SRID DU DBANG BSKUR BA'I TSUL SNGAR LTAR LA, GZHAN YANG RGYAL MKHAN CHEN, SDE KHRI RIN PO CHE, DBAL MANG RDO RJE 'CHANG RNAMS LAS PHYI DKYIL GYI DBANG LAN LNGA, LUS DKYIL GYI DBANG CHING DRUG, 'JAM DPAL ZHI KHRO DUR SMRIG 'DZIN PA'I RNAM PAR ROL PA SKYABS MCHOG 'JIGS MED RGYA MTSO'I DRUNG DU DUS DGRA'I DBANG PO BDUD LAS RNAM RGYAL DPA' BO GCIG PA'I DBANG LAN BRGYAD, RDO RJE 'CHANG RATNA DHVA DZA LAS LAN GSUM, SDE KHRI RIN PO CHE DANG, GRUB DBANG BSOD GRAGS SPRUL PA'I SKU RJE BTZUN DKON MCHOG RGYA MTSO DPAL BZANG PO RNAM GNYIS LAS GRANGS DE MTSUNGS, GUNG THANG 'JAM PA'I DBYANGS DANG, RGYAL MKHAN CHEN LAS GSAN PA BCAS LAN BCU DGU, DGE BA'I BSHES GNYEN DE RNAMS LAS RDO RJE 'JIGS BYED LHA BCU GSUM MA'I DBANG LAN BDUN, GSANG 'DUS MI BSKYOD PA'I DBANG LAN DRUG, DANG PO'I SANGS RGYAS KHYAB BDAG SDE KHRI RIN PO CHE NAS DPAL DUS KYI 'KHOR LO'I DBANG CHEN SKAL BZANG LHA KHANG, TSOGS CHEN 'DU KHANG, DUS 'KHOR GRVA TSANG RNAMS SU LAN GSUM,

, ,GSANG 'DUS 'JIG RTEN DBANG PHYUG DANG, 'JAM RDOR GYI DBANG, GSHED DMAR GYI DBANG TSAR GSUM, DGRA NAG GI DBANG, 'JIGS BYED ZHE DGU MA'I DBANG LAN GNYIS, RO LANGS BRGYAD SKOR GYI DBANG, KYE RDOR THOD PA CAN MAN NGAG LUGS LHA DGU'I DBANG TSAR GNYIS, BDE MCHOG NAG PO'I DBANG LAN GSUM, 'DI GUNG THANG RIN PO CHE NAS KYANG GSAN, BDE MCHOG BOD ZHAL CAN LHA SO BDUN GYI DBANG LAN GSUM, PHYAG RDOR 'KHOR CHEN GYI DBANG TSAR GNYIS, 'DI RJE BLA MA'I GDAN SA SKU 'BUM NAS SKYABS MGON RIN PO CHE DANG SNGAR DBAL MANG RDO RJE 'CHANG LAS KYANG GSAN, 'JAM DPAL GSANG LDAN, RDOR DBYINGS, KUN RIG RNAMS KYI DBANG, PHYI MA 'DI SKYABS MGON THAMS CAD MKHYEN PA DANG, RJE BTZUN RATNA S'A RA LAS KYANG GSAN, RNAM SNANG MNGON BYANG, THUB BA DAM TSIG GSUM BKOD, SMAN BLA LHA NGA GCIG, GDUGS DKAR LHA BCU BDUN MA DANG LHA SO LNGA PA, TSE DPAG LHA DGU RNAMS KYI DBANG, GUNG THANG 'JAM PA'I DBYANGS DANG, SDE KHRI RNAM GNYIS LAS THIG LE BCU DRUG GI DBANG, THUGS RJE CHEN PO BCU GCIG ZHAL GYI DBANG RGYAL MKHAN CHEN DANG, DPAL MANG RIN PO CHE NAS LAN GNYIS GNYIS, SDE KHRI RIN PO CHE DANG, GUNG THANG BZHI PA 'JAM MGON BSTAN PA'I RGYA MTSO LAS KYANG GSAN ZHING, THEG CHEN GSO SBYONG GI SDOM RGYUN KYANG DBAL MANG RDO RJE 'CHANG LAS GSAN, YANG DE LAS MI 'KHRUGS PA LHA BCU GSUM GYI DBANG, RGYAL

MKHAN CHEN LAS, RTA MGRIN GSANG SGRUB KYI DBANG LAN GSUM, ZAB MO GCOD KYI BKA' BABS BSOD GRAGS RDO RJE 'CHANG DKON MCHOG RGYA MTSO LAS 'JAM DBYANGS MGON PO'I LUGS KYI MA CIG ZHI DRAG GI DBANG DPON TSANG NANG NAS LAN GSUM, RI KHROD YID DGA' CHOS 'DZIN NAS TSAR GNYIS, DKAR PO GSHONG NAS GCIG, DNGUL RVA'I LHA SDE'I SA NAS GCIG, NYID KYI GZIMS SPYIL DU GNYIS TE LAN DGU, RGYAL MKHAN CHEN LAS LAN GNYIS DANG, RGYAL THANG PA'I GCOD DBANG ,GONG GSAL BSHES GNYEN RNAMS LAS DBEN SA'I GDAN THOG GCIG MA'I DBANG LAN DRUG, PU n+YE SHRI'I KHROS NAG GI GCOD DBANG DBAL MANG RIN PO CHE NAS GSAN, RGYAL MKHAN CHEN DANG, SDE KHRI RIN PO CHE LAS STAG PHU'I SGROL MA'I GTOR DBANG DANG LUS DKYIL GYI DBANG LAN GSUM, RJE BTZUN 'JAM DPAL RDO RJE LAS THAR RTZE'I DKYIL CHOG STENG NAS SBYONG RGYUD DKYIL 'KHOR BCU GNYIS KYI DBANG, 'DI DAG LAS MI TRAR YOD PA RNAMS ZUR BKA'I CHING GI STENG NAS SDE KHRI RIN PO CHE LAS KYANG GSAN, DE DANG DBAL MANG RDO RJE 'CHANG LAS SNUR LUGS KYI RNAM 'JOMS LHA MANG GI DBANG SOGS LHO BRAG SNYAN BRGYUD SKOR GYI DBANG RJES GNANG LUNG CHA TSANG AA MCHOG SPRUL SKU RIN PO CHE LAS G-YU THOG SNYING THIG GI DBANG RJES GNANG RIGS GTAD SOGS CHA TSANG, GUR GYI MGON PO'I DBANG BYIN RLABS GUR BOD ME 'BAR MA DKAR CHAG YIG SNA BRGYA DANG LNGA BCU KHA SKONG PHAL CHER GYI LUNG BCAS DBANG RJES GNANG 'DRES MA'I SKOR, GUNG

, ,THANG 'JAM PA'I DBYANGS DKON MCHOG BSTAN PA'I RGYA MTSO, RGYAL MKHAN CHE, BSOD GRAGS RIN PO CHE RNAMS LAS SGRUB THABS RIN 'BYUNG GI RJES GNANG T'A RA N'A THA'I SGRUB SKOR GYI LUNG DANG BCAS, 'JAM DBYANGS CHOS SKOR, BDE GSANG 'JIGS GSUM GYI SNGAGS BTU, DGE BSHES CHOS DAR RGYAS LAS MKHA' SPYOD MA'I SNGAGS BTU, GZHAN YANG BLA MA RNAMS LAS, GSER CHOS BCU GSUM SENG GE SGRA'I NGAG SRUNG 'GROL BCAS, JO LUGS SGROL MA NYER GCIG, SNYING THIG BSDUS PA, MGON PO'I BKA' BCU GSUM SNYING ZHUGS BCAS, RNAM SRAS BKA' BCO LNGA SOGS SDE TSAN DU BYAS PA DANG, DUG DBANG RMA BYA RGYAS PA, 'JAM LUGS TSE DBANG, GRUB RGYAL LUGS KYI TSE DBANG CHIG BRGYUD MA DANG THUN MONG BSOGS SDE TSAN DU MA BYAS PA'I RJES GNANG THOR BU PA BDUN CU LHAG BCAS ZUR BKA'I DBANG DANG BYIN RLABS KYI SKOR, SKYABS MGON RDO RJE 'CHANG LAS BDE MO THANG DGA' LDAN CHOS 'KHOR GLING NAS MI TRA RKYANG BA'I DKYIL 'KHOR DRUG CU RE LNGA, AA BHYA'I RDO RJE PHRENG BA DANG 'DAR PAn GYI KRi YA SBRAGS PA'I DKYIL 'KHOR ZHE LNGA'I DBANG LAN GNYIS DANG, RDOR PHRENG GI DBANG SDE KHRI RIN PO CHE NAS KYANG GSAN, DE LAS SGRUB THABS BRGYA RGYAM GNYIS KYI RJES GNANG RGYA GZHUNG GI LUNG DANG SBRAGS PA, SNAR THANG BRGYA RTZA'I RJES GNANG MCHIMS NAM MKHA' GRAGS KYIS SDEBS PA'I GZHUNG LE TSAN RE BDUN DANG BCAS PA, GRUB CHEN BRGYAD CU'I

RJES GNANG SOGS SPYI BKA'I SKOR TE, SMIN BYED DBANG DANG BYIN RLABS KYI RGYUN GANG YOD GSAN PAS RIGS DANG DKYIL 'KHOR RGYA MTSO'I LHA'I GSANG BA GSUM GYI NGO MTSAR SKU GSUNG THUGS PAR BTAB PA BZHIN DU GYUR TO, ,SNYAN BRGYUD GDAMS PA'I GTER MDZOD GNAS LNGA YONGS SU RDZOGS PA'I PAndI TA CHEN PO ZUNG 'JUG SKU BRNYES DBAL MANG RDO RJE 'CHANG DKON MCHOG RGYAL MTSAN MTSAN GZHAN BDE BA'I RDO RJE DPAL BZANG POS BDE GSANG 'JIGS GSUM GYI RIM GNYIS KYI DMAR KHRID DANG NYAMS KHRID LAN DU MA DANG SO SO'I RGYUD 'GREL GYI BSHAD PA, PHA RGYUD KYI MAN NGAG SGYU LUS 'OD GSAL BAR DO GSUM, MA RGYUD KYI MAN NGAG GTUM MO 'PHO BA GRONG 'JUG GSUM STE NA RO CHOS DRUG DANG, SUM PA MKHAN CHEN GYI RTZA TSIG GI STENG NAS DE DANG 'BREL BA'I LUS KYI 'KHRUL 'KHOR BRGYA RTZA BRGYAD KYI KHRID, N'A RO PA'I SRING MO NI GUMS KHYUNG BO TSUL KHRIMS MGON PO LA GNANG BA'I NI GU'I CHOS DRUG, GSANG BDE'I RIM LNGA SBYOR DRUG RNAL 'BYOR BZHI, ,N'A RO NI GU'I CHOS DRUG 'PHO KHRID RANG, ,BYIN BRLABS BZHI LDAN SNYAN BRGYUD RDZOGS RIM LA, ,ZHES GSUNGS PA LTAR GYI SRAD RGYUD KHRID CHEN BRGYAD DAM GSAN YIG TU NI GU'I CHOS DRUG GI TSAB TU L'U AI PA'I RDZOGS RIM RNAL 'BYOR CHEN PO BGRANG BA LTAR DANG, GSANG 'DUS DANG DRIL BU PA'I RIM LNGA, DUS 'KHOR SBYOR DRUG, N'A RO CHOS DRUG, L'U AI PA'I RNAL 'BYOR CHEN PO, 'JIGS BYED KYI RNAL 'BYOR BZHI RIM, 'KHOR CHEN GYI BYIN RLABS BZHI LDAN, 'JAM RDOR GYI THIG LE BZHI RIM STE SMAD RGYUD KHRID CHEN

, ,BRGYAD, 'PHO tIKA GSER GYI SGO 'BYED RTZA 'GREL GYI BSHAD LUNG DANG BSHAD KHRID, GTOR SGRUB GTOR CHEN BZLOG CHEN BZHI, RAB GNAS TE YAN LAG DRUG KHRID DU GRAGS PA LAS MKHAS GRUB RJE'I LAS GSUM RNAM BZHAG DANG, GTOR BSHAD BSRE BA'I STENG NAS GTOR SGRUB DANG GTOR CHEN THUN MONG DANG THUN MONG MA YIN PA'I KHRID, RAB GNAS DGE LEGS CHAR 'BEBS, BKRA SHIS SNYE MA NYIN GSUM MA DANG, NYIN GANG MA'I KHRID PHYAG LEN BCAS LAN GSUM, ZHVA LU PA'I RTZA TSIG LAS, SBYIN SREG MAN NGAG RJE BTZUN BLA MA DANG, ,'KHRUL 'KHOR MAN NGAG SRAS KYI THU BOS BKOD, ,DE LTA NA'ANG GTOR CHEN DRUG CU PA, ,ZHES GSUNGS PA LTAR GYI MAN NGAG GSUM KHRID DE, DE YANG SBYIN SREG DNGOS GRUB RGYA MTSO DANG ZHAL GDAMS BDUD RTZI'I RDZING BU SOGS KYI STENG NAS RDO RJE 'DZIN BYED KYI ZHI RGYAS DBANG GSUM RMONGS RENGS MNAN BSAD BCU CHA'I SBYIN SREG, DE'I SNGON 'GRO BSNYEN SGRUB SBRAGS MA DANG BCAS PA'I GSUNG BSHAD ZHIB RGYAS MAN NGAG ZHAL SHES BRI RTZIG SOGS KYI PHYAG KHRID BCAS LAN LNGA, 'KHRUL 'KHOR KHAMS GSUM RNAM RGYAL YIG CHUNG YANG CHUNG GI ZIN BRIS DGU DANG SBRAGS PA'I STENG NAS GZHI'I 'KHOR LO BRI BA, SNGAGS BTU BA, SNGAGS DRANG BA, SNGAGS BSRE BA, 'KHOR LO SPO BA, 'KHOR LO SBAB, 'KHOR LO BSKUL BA, LAS SO SO'I 'KHOR LO DANG SGRUB TSUL GYI KHYAD PAR, BA MANG BSMRAD RMONGS RENGS SOGS KYI 'KHOR LO'I BAR GYI LGING SNGAGS CAN SNGAGS MED KYI KHYAD PAR SOGS ZHIB PAR NGO SBRAD PA'I 'KHRUL 'KHOR GYI KHRID LAN GNYIS, MANG THOS

SGRUB LA GZHOL ZHING MAN NGAG LAG LEN LAN KHAS PA'I RTZER SON PA TSAD MA'I SKYES BU ZHO 'PHONG SKU SKYE RJE 'JIGS MED BZANG PO LAS CHA THAMS CAD PHYAG KHRID DU BSTAR BA'I KHRID LAN GSUM GSAN PAR GSUNGS, 'KHRUL 'KHOR MKHAR DU BRTZIGS PA'I GTOR CHEN DRUG CU BA GTOR MA'I 'KHRUL 'KHOR RAM LCAGS MKHAR ZHES GRAGS PA'I SA 'KHOR BRI TSUL, GNAM 'KHOR RTZIG TSUL, SGRUB CHOG, LINGGA SNGAGS CAN SNGAGS MED SOGS KYI KHYAD PAR, KHA SBYOR DBYE BA, 'DEGS GZHUG DBUL GSUM, 'PHEN PA DGU SOGS KYI LAG LEN DANG MAN NGAG SBYAR BA'I KHRID TSAR GNYIS, 'DI YANG RJE BTZUN 'JIGS MED BZANG PO LAS GSAN ZHING DE LAS RVA LUGS KYI LCAGS MKHAR ZUR DGU BA'I KHRID KYANG GSAN, GZHAN YANG 'JIGS MDZAD NAG PO'I DUG BCOS KYI SGOR CHA TSANG, DMAR PO'I LAS TSOGS SHOG DRIL BCU GCIG GI KHRID, YI GE BZHI PA'I SRUNG KHRID CHIG BRGYUD MA, 'JAM DPAL ZHI DRAG GI SRUNG BA, 'JIGS MDZAD SER BO'I TSE KHRID, ZHI KHRO SBRAGS SGRUB KYI SKOR CHA TSANG RAL GRI'I SDOM TSIG GI KHRID DANG BCAS PA; BLA MGON DBYER MED, GRIB SEL ,LHA BZHI DRIL SGRUB, RTEN BZHI GNAD GSUM, SNYING ZHUGS 'PHO BA BCAS, MCHOG SGRUB PA'I RLUNG KHRID SOGS MGON 'JIGS KYI SKOR YONGS RDZOGS DANG, 'KHOR CHEN DRAG PO GSUM 'DUL GYI MAN NGAG THUN MONG DANG THUN MONG MA YIN PA, GCOD BZHUNG BLO GROS MIG 'BYED, ZUR 'DEBS BDUD GCOD RAL GRI, ZIN BRIS YIG CHUNG SOGS SBRAGS PA'I STENG NAS ZHIB LAM ZAB DANG 'BREL BA'I GCOD KHRID, BDEN SA'I GDAN THOG GCIG MA'I KHRID

, ,LAN GSUM, 'JAM DKAR LASTSOGS KYI KHRID LAN BCU, RIGS BYED MA'I BSNYEN SGRUB LAS GSUM, KUN RIG GI PHYAG RGYA'I LAG KHRID, SNYING PO DON GSUM, TSEM BU DMAR KHRID, LO GYON MA'I LAS TSIGS, BRGYA RTZA LUGS GNYIS PHYAG KHRID BCAS, 'OD DPAG MED KYI LO 'KHRID DPA' BO G-YUL 'JUG, 'JAG TSUGS MA, RLUNG SBYOR GTUM MO, MA NING HA 'DON, BCUD LEN, NGAG BYIN RLABS, GZUNGS 'BUL, KLU'I BUM GTER LCAM SRING GI BSNYEN SGRUB LAS GSUM, JO NANG KUN DGA' GROL MCHOG GIS PHYOGS GCIG TU BSGRIGS PA'I KHRID BRGYAR GRAGS PA'I CHOS TSAN BRGYA RTZA BRGYAD KYI KHRID, SGRA MI SNYAN GYI TSE KHRID, GSER GYI RDO RJE RTZE DGU PA LA BRTEN PA'I TSE KHRID NGANG BU STON GONG KHUG MA, TSE KHRID ZHAG BDUN MA, 'BAR LUGS TSE KHRID SOGS TSE DPAG MED DANG, SGROL DKAR YID BZHIN 'KHOR LO'I TSE KHRID SOGS KYIS MTSON PA'I MAN NGAG THOR BU PA RNAMS DANG BCAS GDAMS PA'I GCES NOR YOD DO COG PHA NOR BU LA PHOG PA BZHIN DU STZAL ZHING PHYAG TU GTANG NAS SNYAN BRGYUD BSTAN PA'I BDAG PHOR BYIN GYIS BRLAB PAR MDZAD PA LA DAM PA NYID NAS KYANG MAN NGAG GI TSIG GCIG KYANG MA LUS PA ZIN BRIS SU MDZAD CING SKU NYAMS SU BSTAR GZHAN LA SPEL BA'I SGO NAS PHA SHUL BUS RDZOGS PAR ZIN PA'I RNAM THAR DUS KYI MTHA' 'DIR RJE 'DI GCIG BUS KHUR DU BZHES BA RANG CAG RI BO DGE LDAN PA RNAMS LA GZHAL BAR DKA' BA'I BKA' DRIN DU CHE BA NGO

SHES DGOS SO, ,GSANG BDAG ZLA BA BZANG PO GSUM LDAN DUR SMRIG 'DZIN PA'I RNAM PAR ROL BA KHYAB BDAG SDE KHRI RIN PO CHE 'JAM DBYANGS THUB BSTAN NYI MA'I ZHAL SNGA NAS LAS DPAL DUS KYI 'KHOR LO'I BSDUS RGYUD RIGS LDAN 'JAM DPAL GRAGS PAS MDZAD PA BU STON GYI MTSAN MA DANG, RIGS LDAN PADMA DKAR PO'I 'GREL CHEN DRI MED 'OD 'BRO SHES RAB GRAGS KYI 'GYUR SHONG STON GYIS 'GYUR BCOS BYAS PA BU STON GYI MCHAN DANG SBRAGS PA'I BSHAD LUNG, 'GREL CHEN DRI MED 'OD MCHAN MED KYI BSHAD LUNG, SDE KHRI RIN PO CHE NYID KYIS MDZAD PA'I DUS 'KHOR BSKYED RIM 'JAM DPAL ZHAL LUNG GI BSHAD LUNG SOGS KYI STENG NAS DPAL DUS KYI 'KHOR LO'I GDAMS PA YONGS SU RDZOGS PA'I BSHAD RGYUN ZHAL SHES LAG LEN DOGS GCOD KYIS BRGYAN PA ZHIB RGYAS, GNAS BRTAN RDO RAMS PA DKON MCHOG DGE 'DUN LAS RIGS BYED MA'I BSTOD 'GREL RDO RJE GSUM GYI SNANG BA'I BSHAD LUNG GUR BRTAG SAM GSUM GYI SNYING PO'I BCUD PHYUNG BA'I LEGS BSHAD MKHA' 'GRO'I GSANG MDZOD ZHAL PHYE BA LTA BU, SMRA BA'I DBANG PHYUG GDAN SA'I KHRI ZUR RJE DGE 'DUN DAR RGYAS LAS DUS 'KHOR BSKYED RIM GYI KHRID, MGON PO'I RAB GNAS KYI KHRID, RTZA DANG GSHIN RJE SBYOR TSUL DANG YI GE BZHI PA'I BSRUNG BZLOG GSAD GSUM GYI KHRID, LHO BRAG BKA' 'BUM NAS 'BYUNG BA'I SGROL MA'I PRA 'BEBS KYI KHRID, BZANG SBYOD NYAL SGOM GYI KHRID, GTZUG TOR RNAM RGYAL MA'I TSE KHRID, MKHAS BTZUN GRUB PA'I DBANG PO 'JAM DPAL DGYES PA'I BLO GROS LAS RDO RJE 'JIGS BYED KYI

, ,RVA KHRID MKHA' 'GRO SNYAN BRGYUD KYI KHRID, RDO RJE RNAL 'BYOR MA N'A RO MKHA' SPYOD MA'I BSKYED RIM RNAL 'BYOR BCU GCIG, RDZOGS RIM RTZA DBU MA, GNYIS DRAL 'CHAD DUS KYI ZHAL SHES GSUM, DBANG BZHI LUS BSGRIGS, 'PHO BA SOGS SLOB BSHAD THUN MONG MA YIN PA'I PHYAG LEN LTAR SEMS 'DZIN DANG SBRAGS PA'I NYAMS KHRID, 'DI'I RANG RE BKA' SROL DANG MTHUN PA'I NYAMS KHRID ZHIB RGYAS RDO RJE 'CHANG RATNA DHVA DZA LAS GSAN, CHOS NYID DNGOS STON GYI BYIN RLABS RTZA DBU MA CHE BA'I NYAMS KHRID BCAS, PI WAm LHA MO DBYANGS CAN MA'I LAS TSOGS KYI KHRID, GDUGS DKAR GYI RGYAL MTSAN 'DZUGS PA'I CHO GA DANG RLUNG 'KHOR GYI LAG LEN RDO RJE ME'I PHRENG BA'I LUNG KHRID LAG LEN DANG BCAS PA, RJE BSOD GRAGS RIN PO CHE LAS GNYAN KHROD YIG CHUNG GI KHRID PHYAG LEN CHO GA LUS SBYIN LCAGS KHANG SOGS KYI 'DON RTA DBYANGS ZHIB SLOB, BLO GLING DGE BSHES RONG STON TSUL KHRIMS NYI MA LAS GCOD GZHUNG THAR 'DOD DED DPON RTZA 'GREL GYI KHRID DANG, DAM TSIG RDO RJE'I BZLAS PA DANG ZA BYED MKHA' 'GRO'I SBYIN SREG GI KHRID, RI KHROD DBANG PO BLO BZANG RGYAL MTSAN LAS ZHAL SHES GNAD KYI THEM YIG GI LUNG KHRID SOGS GROL BYED KHRID KYI SKOR DANG, KHYAB BDAG BKA' 'GYUR BA RIN PO CHE RJE RATNA SHRI LAS RGYAL BA'I BKA' 'GYUR RO COG DANG, RGYA GZHUNG GI SKOR PHAL CHER DPAL MANG RDO RJE 'CHANG SOGS SNGAR GYI DGE BA'I BSHES GNYEN DE RNAMS LAS GSAN CING, BRAG DKAR BA RATNA TA RI LAS SUM BRGYA BA'I RANG 'GREL

'OD LDAN, DGA' LDAN THE BO SPRUL PA'I SKU YE SHES THUB BSTAN RGYA MTSO LAS PHYAG RDOR STOD 'GREL DANG, KYE RDOR SNYING 'GREL, 'GYANG RO KHRI CHEN 'JIGS MED BSTAN PA'I RGYAL MTSAN LAS RGYAL PO BKA' 'BUM, GONG GSAL YONGS 'DZIN DAM BA DE DAG DANG, 'DUL 'DZIN DKON MCHOG PHUN TSOGS SOGS LAS, TEE LO, N'A RO, MAR MI, DVAGS PO, RAS CHUNG SOGS KYI RNAM THAR DANG MGUR 'BUM BKA' RTZOM, MNYAM MED NGO BO CHEN PO YAB SRAS KYI GSANG CHOS BKA' GDAMS GLEGS BAM, 'BROM DANG 'PHAGS PA SKU MCHED GSUM RJES 'BRANG DANG BCAS PA'I GSUNG RGYUN DPE DANG DON GYI BKA' GDAMS LAM RIM BLO SBYONG GI SKOR, SA CHEN GONG MA RNAMS DANG, CHOS RJE BU STON YAB SRAS, RJE BDAG NYID CHEN PO YAB SRAS LNGA; RGYAL DBANG DANG PAn CHEN RIM BYON, SKYID SHONG ZHABS DRUNG, GRUB CHEN SKAL LDAN RGYA MTSO, ZHOG DON YOD MKHAS GRUB, 'JAM DBYANGS BDE BA'I RDO RJE, DPON SLOB BYAMS PA, BLA MA YONGS 'DZIN RIN PO CHE, KLONG RDOL BLA MA, 'ON RGYAL SRAS PA, LCANG SKYA SKU SNGA PHYI, KUN MKHYEN BLA MA YAB SRAS SNGA PHYI, SRAD DANG DBEN SA SMAD RGYUD KYI MKHAS GRUB RIM BYON RNAMS KYI BKA' 'BUM DANG BKA' RTZOM THOR BU PA, RVA POD, DPAL POD, MKHA' SPYONG SKOR GSUM, ZAB DON DANG SNYAN BRGYUD GCOD SKOR, MGON CHOS LHA MO RNAM SRAS LCAM SRING DRANG SRONG RNAMS KYI BE BUM SGRUB SKOR LAS TSOGS SOGS SNGAR GYI MAN NGAG DE DAG GI RGYAB BRTEN LUNG GI SKOR TE GSAN BSAM RGYA CHE ZHING MTHA' YAS PA ZHIB PAR RJE NYID KYI GSAN YIS,

, ,DAR ZIN BRIS RNAMS SU GSAL BAS 'DIR MTSON BYED TZAM ZHIG BRIS SO, ,DBANG LUNG MAN NGAG GDAMS PA'I CHU BO BRGYA, ,NYIN BZHIN BTUNG BAS MI NGOMS RGOD MA KHA, ,SRID GSUM KHAM DU BYED PA'I ME LCE'I STENG, ,'JAM DBYANGS MKHYEN PA RAL GRI'I RTZE LA 'KHRIL, ,MKHA' DBYINGS TIL GYI GANG BU LTAR GANG BA'I, ,BYANG CHUB RDO RJE LHA DANG BLA MA YIS, ,RIGS CHOS RGYAL SRID 'DZIN PA NYAG GCIG CES, ,CHU RUB TSUL DU MNGON PAR DBANG BSKUR BZHIN, ,ZHES KYANG SMRAS PA'O, ,RGYAL TSAB RJES MDZAD PA'I RIGS GTER DAR tIKA GI LUNG 'DREN KUN MKHYEN GONG MA DANG, GUNG THANG 'JAM PA'I DBYANGS SOGS KYIS MDZAD KYANG GSUNG 'BUM GRAS SU MA RGUD CING DPE RGYUN SHIN TU DKON PA, MOG KYA MKHAN CHEN DANG, KUN MKHYEN GONG MA'I GZIGS DPE RGYAL DBANG BSKAL BZANG RGYA MTSO'I BLA MA CHA GAN NO MIN TAN BLO BZANG BSTAN PA'I RGYAL MTSAN GYI PHYAG DPE'I KHROD DU BZHUGS PA LAM PHYI BYAS TE DPAR KHANG BKRA SHIS MTHONG SRON GYI GSUNG 'BUM GRAS SU PAR PHUD 'JUG PA GNANG BA DANG, RJE THAMS CAD MKHYEN PAS MKHAS GRUB RIN PO CHE LA, KHYED RJE MGOS KYI SKYE BA YIN PAS GSANG 'DUS LA MKHAS PO YONG GSUNGS SHING, RJE RIN PO CHE MGOS ZHES BSNGAGS BRJOD SHIN TU CHE BAS GSANG 'DUS LA SLOB GNYER BYED PA LA GAL CHE BAR DGONGS NAS DGON GSAR DGA' LDAN RAB RGYAS GLING DU MGOS KYI GSANG 'DUS STONG THUN CHEN MO PAR PHUD DU BCUG, GZHAN YANG BSTAN RGYAN LA

DGONGS NAS PHYOGS 'DIR DPE CHA DKON PA'I RIGS PHYAG RDZAS STENG NAS 'BRI BA DANG, YON GANG 'DOD GNANG STE BLU BA DANG, GZHAN LA 'BRIR BCUG PA YANG MANG NGO, ,GDAN SA 'DI DANG PHYOGS SO SO NAS 'DUS PA'I SKAL BZANG DON GNYER CAN RNAMS GDAMS NGAG GI BDUD RTZIS TSIM PAR BSKYANGS PA'I TSUL NI, MKHAS GRUB SMRA BA'I NYI MAS, GANG GI MGRIN PA LEGS BSHAD KYIS, ,GANG BA DE LA BLANG DOR GNAS, ,'DRI BA DE YANG BLO GROS KYI, ,DBANG PO MCHOG TU GSAL BAR 'KHUMS, ,ZHES GSUNGS PA LTAR, SNYING NAS THAR BA DON DU GNYER ZHING RIGS MI RIGS KYI RNAM DBYE LEGS PAR SHES PA'I MKHAS PA RNAMS, RNAM THAR DAD PA'I 'JUG ROGS LAS, MA SMAD BRTUL ZHUGS MCHOG GIS LEGS BSDAMS SHING; ;RNAM DPYOD CHE PHRA THUB PA'I GZHUNG LUGS KUN, ,ZHEB MOR 'BYED LA ZLA DANG BRAL GYUR PAS, ,GCIG TU SGRUB LA DGYES PA 'DI RMAD DO, ,ZHES GSUNGS PA JI LTA BA BZHIN DU MKHAS BTZUN BZANG PO'I YON TAN CHA GANG NAS KYANG 'GRAN ZLA DANG BRAL BA 'DI LTA BU LA BRTEN RGYU BYUNG BRNYED PA'I MCHOG RNYED PA YIN NO SNYAM DU DAM PA 'DI'I LEGS BYAS KYI DRI BSUNG RDZI PHYOGS SU 'THUL BAS YID RANG DBANG MED PAR DRANGS TE PADMA'I TSAL LA BUNG BA'I TSOGS 'KHOR BA BZHIN DPAG TU MED PA 'DUS PA LA LEGS BSHAD SBRANG RTZI'I DOG PA ZAD MI SHES PA NYIN RE BZHIN DU STZOL BAR MDZAD DE, DE YANG GRVA SAR BZHUGS NAS LO MA 'KHOR TZAM GYI DUS DER GUNG THANG 'JAM PA'I DBYANGS KYIS LAM KHRID GNANG BA LA NYID KYI DGE RGAN DANG RNAM

, ,BA GNYIS KA BYON, BKA' CHOS KYI CHOS THUN GROL 'PHRAL DGE RGAN TSANG NAS KHYOD KYIS CUNG ZAD RE AE GO, GSUNG BSHAD SKYOR DANG GSUNGS PAR, GZHUNG CHEN MANG POR DA DUNG GZIGS RTOG MA SONG BAS BYAMS CHOS RIGS TSOGS SOGS KYI LUNG DRANGS PA'I TSIG RIS CUNG ZAD RE MA 'KHYOR BA MA GTOGS GZHAN RNAMS SHAR SHAR SKYOR BAS RJE DON YOD PA RANG NYID KYANG DGE BSHES YANG RTZE GSUNG BSHAD 'DZIN PA LA YANG DGA' RAB YIN NA'ANG 'GRAN ZLA GTAN NAS MA PHER BAS HA LAS PAR GYUR TE KHYOD RJES SOR BKA' CHOS 'CHAD MKHAN ZHIG 'ONG GSUNGS SHING, NAM GZIGS RES KYIS NGA'I AA MA'I BU ZHES PHYAG MTHE BONG STON PAR MDZAD SA ZHIG YOD LA, GUNG THANG 'JAM PA'I DBYANGS KYI LEGS BSHAD LAS, DAM PA DBEN PAR GNAS NA YANG, ,GRAGS SNYAN LHA YIS SGROGS PAR BYED, ,LHO YI RI LAS SKYES PA YI, ,TZANDAN DRI BSUNG RLUNG GIS 'GYED, ,CES GSUNGS PA LTAR, DE DUS NAS BZUNG RJE 'DI'I KUN SPYOD DANG CHOS SKAD PHUN SUM TSOGS PA'I SNYAN PA LHAS BSGRAGS PA KUN GYI RNA BAR MCHED PAS DRUNG DU MAN NGAG LA BRJED GSOS DANG DOGS GCOD LUNG THOB BYED PA PHON CHE BAR BYUNG NGO, ,DPAL MANG RDO RJE 'CHANG NAS BKA' CHOS ZHIG GI DUS, KHO BO'I MIG MI GSAL BAS KHYOD KYIS DPE CHA BZUNG LA YAR SKYOR ZHES RJE 'DI LA GSUNG BCUG BA BZHIN 'PHAR MA BYAS TE TSIG BZHI ZHIG ZHUS PA NA, SA GZHI SPOS KYIS BYUGS SHING ME TOG BKRAM, ,RI RAB GLING BZHI NYI ZLAS BRGYAN PA

'DI; ;SANGS RGYAS ZHING DU DMIGS TE PHUL BA YIS, ,'GRO KUN RNAM DAG ZHING LA SBYOD PAR SHOG ,AI DAM GU RU RATNA MAndAL KHAm NI RYA T'A YA MI, ZHES MAndAL GSUNGS NAS CHOS 'BREL ZHU BA'I TSUL MDZAD PA DE NI NGES PAR BLA MAR BKUR 'OS PAS KHO BO YANG 'DI LA GUS PAS BLA MAR 'DZIN NO ZHES STON PA DANG, PHYIS SU KUN GYI MGON DU GYUR NAS BSTAN PA LA PHYAG RJES 'JOG PA DE GZIGS NAS BSTAN PA'I BDAG BOR MNGA' GSOL ZHING LUNG BSTAN PA'O, ,CHOS GRVAR PHEBS PA'I SKABS DE TSOR YANG, DBAL MANG RDO RJE 'CHANG DANG BSOD GRAGS RIN PO CHE'I ZHAR CHOS PA MDZAD DE SLOB MA'I TSOGS BSKYANGS, SLOB MA NYUNG SHAS LA MAN NGAG THOR BU 'DOMS PA RGYUN MA CHAD PA LTA BU BYUNG BA DANG, SKABS SHIG MAR SNYUNG ZHABS DRUNG HU THOG THU LA 'GREL BA BZHI SBRAGS KYI BSHAD LUNG DANG, 'GA' ZHIG LA RJE YAB SRAS KYI GSUNG 'BUM KHA SHAS DANG, 'JIGS BYED BSKYED RDZOGS KYI KHRID, MGON PO'I BE BUM GYI LUNG KHRID, NE MA MTHO YON LA BKA' 'GYUR GYI LUNG YONGS RDZOGS, BSOD GRAGS RIN PO CHE'I PHYAG PHYIR DMU DGER BYON PA'I TSE BRAG RI DGON PAR BKA' 'GYUR GYI LUNG YONGS RDZOGS DANG, PHYIS SU SMAN LUNG BKRA SHIS CHOS 'PHEL GLING, BRAG DKAR BYANG CHUB GLING SOGS SU BYON NAS DBANG LUNG MAN NGAG GI CHAR BAB, DGUNG LO LNGA BCU PA BDE MCHOG STOD 'GREL LTAR NA YONGS 'DZIN ZHES PA CHU BYI'I LOR NYE GNAS RAB 'BYAMS PA DGE 'DUN RGYA MTSOS ZHUS NGOR, ZAM CHI KHRI CHEN MCHOG SPRUL RIN PO CHES GTZOS SKYE SPRUL DGE

, ,BSHES HRAG BSDUS KYI TSOGS PA BRGYA LHAG LA, BKA' 'GYUR GYI LUNG STZAL BA'I DANG POR MDO SDE BSKAL PA BZANG BO BSOD GRAGS RIN PO CHE'I GZIMS SHOD NAS GSUNGS TE DBU TSUGS SHING, PHYI NAS BDE YANGS SU 'TSOGS, RDZOGS PAR GRUB PA'I MJUG TU BLA MA RDO RJE 'CHANG CHEN POS DBU MDZAD PA'I TSOGS BA THAMS CAD KYIS RTEN GSUM RNAMS LA MCHOD MJAL RGYAS PAR BYAS TE BSNGO SMON BLA NA MED PAS RGYAS BTAB, DE NAS BZUNG RIM PAR DON GNYER BA SO SOS ZHUS NGOR RJE GSUNG 'BUM GYI LUNG SOGS GSUNG 'BUM BE BUM SOGS KYI LUNG GANG BZHUGS PHAL CHER, LAM RIM CHE CHUNG, BDE LAM, 'JAM DPAL ZHAL LUNG, BLO SBYONG DON BDUN MA DANG; TSIG BRGYAD MA SOGS LAM RIM BLO SBYONG GI SKOR GYI KHRID, BLA MCHOD, PHYAG CHEN, BDE GSANG 'JIGS GSUM GYI RIM GNYIS KYI KHRID SOGS KHRID KYI SKOR LAN DU MA DANG, SKU TSE'I SMAD LA DBANG RJES GNANG GI SKOR YANG LAN DU MAR GNANG BA'I SNGA PHYIR BKA' 'GYUR TSANG GSUM, RGYA GZHUNG RGYUN YOD PA RNAMS TSAR GNYIS, RJE'I GSUNG 'BUM GYI LUNG TSAR BDUN, 'GREL BA BZHI SBRAGS KYI BSHAD LUNG TSAR BCU BZHI, LAM RIM MCHAN BZHI MTSAR GNYIS; LAM RIM CHEN MO'I BSHAD LUNG TSAR BCU GCIG, MI TRA RDOR PHRENG GI DBANG TSAR GSUM, RGYUD GRVAR BDE GSANG 'JIGS GSUM GYI DBANG, DUS 'KHOR GRVA KHANG DU DUS 'KHOR GYI DBANG LAN GNYIS, KUN RIG DANG

RNAM SNANG MNGON BYANG GI DBANG, SMAN GRVAR MI 'KHRUGS PA DANG SMAN BLA'I DBANG, ZUR BKA'I DBANG YONGS RDZOGS LAN GSUM, RIN 'BYUNG BRGYA RGYAM RNAMS KYANG DE MTSUNGS, BDE GSANG 'JIGS GSUM SOGS KYI DBANG BYIN RLABS THOR BU BA LO RER YANG LAN DU MAR GNANG BA GRANGS KYIS MI CHOD DO, ,DGUNG LO LNGA BCU'I DUS DE NAS BZUNG STE BCAD RGYA DAM PO LTA BU'I SKABS MA GTOGS BKA' CHOS PAR MA CHAD DU GNANG BAS, SNGA DRO'I RIM PA LA THUGS DAM ZHAL 'DON GYI THUN MDZAD CING MJUG TU BRGYA RTZA GSUNGS NAS THUN GROL, ,DE NAS DROS KYI TSA BA BZHES TE BRGYAD STONG PA SOGS BKA' KLOG CI RIGS DANG BKA' RTZOM THUN GCIG, DE NAS GUNG TSIG GSOL TE PHAL CHER NYI MA NUB KYI BAR BKA' CHOS THUN GCIG, DE NAS NAM STOD KYI RING PHYAG SBYANG DANG ZHAL 'DON GYIS DUS 'DA' ZHING NAM GUNG CUNG ZAD RE MNAL BA MA GTOGS, NANG BAR YANG SNGA BAR BZHENGS TE BSHAGS SBYANG DANG THUGS DAM LA BRTZON BA CHU BO'I RGYUN BZHIN MDZAD, NYE 'KHOR NA YOD PA'I GRVA BA RNAMS KYIS DGUN GYI MTSAN RANG GI DUS NAM GUNG LA YANG GNYID SAD PA'I TSE NYAN NA PHYAG 'KHOR BI RI RI GRAGS PA'I SGRA THOS ZER BAS PHAL CHER MI GZIMS PA'I TSOD DU GDA' SNYAM, SKU 'CHING MA BSHIGS BAR LO 'KHOR LHAG SONG BAS SKU SHAM GYI LTE BA 'GO THAMS CAD RDOL ZAD DU GYUR BA THAMS CAD KYIS MTHONG, DGUN GYI RING

, ,PHAL CHER BCAD RGYA'I NGANG NAS YI DAM GYI LHA DU MA'I LJAGS BSNYEN DANG SKABS NAM YIN DU YIG BRGYA'I BSNYEN PA MANG DU MDZAD DO, ,BSTAN PA'I BYA BA RGYA CHEN PO PAndI TA AA BHYA KA RA DANG TSUL MTSUNGS PA THOG TU BABS PA NA YANG PHYI PHYIR SGRUB PA LA RTZE GCIG TU GZHOL BA NYIN MTSAN KHOR MO YUG TU MDZAD PA NI NYAMS LEN LA BRTAN PA THOB STE MNYAM RJES RO GCIG PA'I SA LA REG PA'I RTAGS SO, ,DUS DE TZAM NA SKU CHE BA'I SNYAN PA RGYANG RING DU SONG STE 'DZAM GLING KHEBS PA 'DRA BA BYUNG BA'I RKYEN GYIS 'PHRIN LAS SA 'UR RDO 'UR DU DAR BAS PHYOGS THA DAD NAS GDAN 'DREN PAR GSOL BA 'DEBS PA YANG MANG BA LA, ZHAL NAS KHO BO LA GZHAN TSOS 'DI DANG 'DIR SHOG ZER MKHAN YOD KYANG MI 'GRO, SNGON GUNG THANG 'JAM PA'I DBYANGS DE NYID LA HAL HA TSUN CHAD NAS GDAN 'DREN BA BYUNG YANG DGON PA 'DI THUGS KYI DKYIL DU BSNAMS NAS MA PHEBS PAR 'DI KHO NA BSKYABS PA YIN, DE 'DRA'I KHA THABS CAN GANG NA YOD DE, KHO BO NI GCIG TU BLA MA'I RNAM THAR LA YID SMON DANG, GNYIS SU DGON PA 'DI'I SKOR LAM NANG NAS SHI BA RNAMS NGAN SONG DU MI 'GRO BA'I SMON LAM THEBS YOD TSUL KUN MKHYEN GONG MA'I RNAM THAR DU YOD PA DE LA SEMS PA YIN ZHES GSUNGS SHIN TU DGONGS GZHI CHE BA KHENGS BSKYUNGS DANG BCAS TE PHEBS NAS, THOG MTHA' BAR GSUM DU GUNG THANG 'JAM PA'I DBYANGS KYI RNAM PAR THAR BA JI LTA BA BZHIN ZIN PAR MDZAD DO, ^ ,SKYABS

MGON MCHOG SPRUL RIN PO CHER RAB BYUNG DANG TSIG SNGA MA'I TSUL KHRIMS GSER SBYANGS 'KHOR LOS CHOS KYI KHRI 'PHANG MTHON POR MNGA' GSOL TE, SPYI ZUR GYI DBANG DANG BYIN RLABS, RJE YAB SRAS KYI GSUNG 'BUM GYI LUNG, LAM RIM DANG RIM GNYIS KYI NYAMS KHRID SOGS SKU GSUM GSANG BA'I MDZOD KYI SGO 'PHAR 'BYED PA'I MAN NGAG GSER GYI LDE MIG MTHA' YAS PA PHYAG TU BSTANG NAS GDUL BYA'I MGON DU THUGS RJE'I GZIGS PA LHUR LEN PA'I CHOS SPYAN YANG SA POR PHYE, GUNG THANG MCHOG SPRUL RIN PO CHE DANG, SDE KHRI MCHOG SPRUL RNAM GNYIS KYIS ZHUS NGOR YANG DE MTSUNGS KYI BKA' CHOS STZAL, BYANG KHA NAS CHOS KYI RJE GSER KHANG PA'I SLOB BRGYUD RJE THAR SHUL DPON SLOB DANG, SKU ZHABS AA RUL TSANG RNAM GNYIS KYIS KHRI KA DANG REB KOD PHYOGS KYI KUN SPANG RI KHROD PA'I 'KHOR DU MA KHRID NAS SNGA PHYIR CHED GTAD KYIS BYON PAR LAM KHRID 'GREL BA BZHI SBRAGS DBANG BKA' CI RIGS SOGS MOS PA BZHIN STZAL, GZHAN YANG PHYOGS NAS LHAGS PA DANG GNYUG MAR GNAS PA DU MAS ZHUS PA DANG NYID KYI THUGS BSKYED RLABS CHE BA'I 'BRAS BU DUS SU SMIN PA'I MTHUS LUNG KHRID RE GNYIS RE MA GTOGS PHAL CHE BA BRGYUD PA 'DZIN NGES PA'I THUGS SRAS BU SLOB TSAD MA'I SKYES BU RNAMS LA GNANG GRUB PA'I TSUL 'DIR YI GE MANG BAS 'JIGS NAS 'GO SMOS PA TZAM LAS MA BRIS PAS PHYIS LA RNAM THAR CHEN MO LAS SHES PAR BYA'O, ,SNGA PHYIR BSGRUB BYA STONG PHRAG MANG PO SO SOR THAR BA'I

, ,GZHI LA BKOD DE THAR 'DOD RE BA'I ZHING SAR ZHI BA MCHOG GI LO TOG TSAD MED PA BSKRUN PAS DUR SMRIG 'DZIN PA'I 'PHAGS TSOGS RIG BA DANG GROL BAR SMRA BA DU MAS NOR 'DZIN LA KHRI'I STONG G-YOGS GYON PA BZHIN DU BYAS SHING, ^ GONG SA THAMS CAD MKHYEN PAS GTZOS, GSER KHRI RNAM GSUM, MKHAN PO RNAMS DANG, BLA SPRUL CHE CHUNG, KVA BAR GYUR PA'I DGE BSHES SDE SNOD 'DZIN PA RNAMS DANG, DGE 'DUN MANG BCAS GDAN SA 'DI NA ZHAL SLOB TU MA GYUR PA GCIG KYANG MED LA, DBUS GTZANG, MDO KHAMS, HOR YUL SOGS NAS BYON PA'I DGE BA'I BSHES GNYEN DU MAS ZHABS KYI PADMO LA GTUGS PAS CHE DGU MTHA' DAG GI GTZUG GI NOR BU GCIG PUR GYUR TO, ,DES NA BSHAD PA'I GO CHA RMAD DU BYUNG BA'I SGO NAS MTSUNGS PA MED PA'I CHOS KYI RJE BOR BSNGAGS TE, MDO SDE'I RGYAN LAS, DE LTAR BLO BZANG SKYO BA MED LDAN BRTZE BA CAN, ,SNYAN PAR RAB GRAGS CHO GA BZANG SHES LDAN PA YI, ,BYANG CHUB SEMS DPA' LEGS PAR SMRA BA YIN PA STE, ,BSHAD PA'I SKYE BO'I NANG NA NYI MA BZHIN DU LHAM, ,ZHES GSUNGS PA LTAR, BLO GROS BZANG PAS DON MI 'KHRUL BA DANG, SKYO BA MED PAS YANG YANG STON PA DANG, BRTZE BA DANG LDAN PAS ZANG ZING MED PA DANG, PHA ROL TU PHYIN BA DRUG DANG LDAN PA'I TSIG 'JEBS SHING SNYAN PAR RAB TU GRAGS PAS GZUNG 'OS PA DANG, SEMS CAN GANG

LA GANG 'OS PA'I CHO GA BZANG PO DANG LDAN PAS GDUL BYA'I BLO DANG 'TSAMS PA STE, KHYAD CHOS LNGAS NYI MA BZHIN DU LHAM MER 'PHAGS PA DANG, LE LO DANG NI MI GO BA, ,SKABS MI 'BYED DANG MA NGES DANG, ,THE TSOM NGAG NI MI GCOD DANG, ,DE DANG BRAL BAR BRTEN MI BYED, ,SKYO BA DANG NI SER SNA NYID, ,'DI DAG GTAM GYI NYES PAR 'DOD, ,CES GSUNGS PA LTAR, ,GTAM GYI NYES PA BRGYAD DANG BRAL ZHING, DAD DANG DGA' DANG BLO RNAMS KYI, ,RGYU PHYIR CHOS 'DI DGE BA YIN, ,DON RNAMS GNYIS LDAN GZUNG SLA DANG, ,YON TAN BZHI LDAN TSANGS SPYOD STON, ,ZHES GSUNGS PA LTAR, THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO, GZUNG SLA BA; YON TAN BZHI LDAN GYI TSANG SA SPYOD STON PA STE BRJOD BYA STON TSUL BLA NA MED BA DANG, SHES BYA SDE SNOD KUN LA MKHAS PAS GZHUNG GI TSIG DON LUNG RIGS MAN NGAG DANG LDAN PAR 'CHAD PAS BSHAD BYA LA MKHAS PA, RJOD BYED KYI BRDA DAG PA DANG, GANG NAS BSHAD KYANG 'BREL, JI TZAM BSHAD KYANG RAN, JI LTAR BSHAD KYANG 'THAD, GZHAN DGA' BA SKYED PAS 'CHAD BYED LA MKHAS PA, RANG DANG GDUL BYA'I KUN SPYOD LA MKHAS PA GSUM GYIS 'CHAD PAR BYED PAS, MNYAM MED BO TO BA CHEN POS, THEG CHEN GYI BLA MA BYA BA BSHAD PA NA 'BYAMS KLAS BAR GO BA BSKYED PA, NYAMS SU LEN PA NA BSTAN PA'I THA MA LA GANG PHAN DANG THAD KAR DON DU GANG 'GYUR STON PA ZHIG DGOS

, ,GSUNGS PA DANG, BSHAD RGYUD RDO RJE PHRENG BA LAS, PHYI RU NYAN THOS SPYOD PA SKYONG, ,NANG DU GSANG 'DUS LA RAB DGA', ,DE LTA'I MAN NGAG RIM PA YIS, ,SLOB MA RNAMS LA RJES SU BSLAB, , CES GSUNGS PA LTAR RANG NYID KYIS KYANG SKU NYAMS SU BSTAR ZHING GDUL BYA RNAMS KYANG TSUL DE'I SGO NAS BKRI BAR MDZAD PAS 'DREN PA MTSUNGS PA MED PA DANG, YANG PO TO PA CHEN POS, THEG CHEN GYI BLA MA BYA BA NYI MA DANG ZLA BA BZHIN DU PHRAG PA LA KHUR NAS NGOMS CHOG PA ZHIG DGOS ZHES GSUNGS PA LTAR BSTAN PA YONGS RDZOGS KYI BDAG POR GYUR BAS CHOS KYI RJE'O, ,BYANG NAS BYANG DU LNGA BRGYA THA MA'I DUS, ,THUB DBANG 'KHOR GYI RGYAL SRAS DPA' BO RNAMS, , THUB BSTAN 'DZIN SKYONG SPEL BAR LUNG BSTAN PA'I, ,TSUL DE 'GRO LA MTSON PA'I BA DAN BTZUGS, ,MGON PO KHYOD KYI ZHABS SEN DBANG GI RGYAL, ,MKHAS DGU'I GTZUG GI RGYAL MTSAN RTZER MCHOD PAS, ,CHOS KYI DPAL 'BYOR MA TSANG MED PA YI, ,'DOD DGU CHAR DU BSNYIL BAS KHOR YUG KHYAB, ,SKAL BZANG SBRANG RTZI'I BU YIS 'JIG RTEN DU, ,DRO 'JAM NYI MA RGYAS PA'I MAN NGAG GIS, ,GANG LA GANG 'TSAMS SMIN CING GROL BA YI, ,DBYAR GYI DPAL MO DGA' BA'I MGRON DU BSUS, ,BAR SKABS KYI TSIGS SU BCAD PA'O, ` ,GNYIS PA NI, DRAN SHES BAG YOD KHREL DANG NGO TSA SHES, ,GZHAN NGOR MI LTA RTAG TU DGE LA GZHEL, ,'JIG RTEN BYA BA KUN LA CHAGS BRAL BA'I, ,CHOS MTHUN DGE

BA'I BSHES LA GSOL BA 'DEBS, ,ZHES GSUNGS, DON NI, TSE BLOS BTANG GI BSLAB BYA BCU DGU, BLO SBYONG GI DAM TSIG BCVO BRGYAD, BSLAB BYA NYER GNYIS SOGS LAS SKAD CIG KYANG MI 'DA' BAR RGYU 'BRAS KYI THEG PA'I LAM GYI RIM PA'I NYAMS LEN YONGS RDZOGS LA STAN THOG GCIG TU RTZAL 'BYONGS PAS, BLO SBYONG LAS, YID BDE 'BA' ZHIG RGYUN DU BSTEN, ,BYANG BA'I TSAD NI LOG PA YIN, ,'BYONGS RTAGS CHEN PO LNGA LDAN YIN, ,YENGS KYANG THUB NA 'BYONGS PA YIN,, ZHES GSUNGS PA LTAR, RKYEN GANG GIS KYANG MI G-YO BAR CHOS BRGYAD DANG 'KHOR BA'I SNANG SHAS LAS NGANG GIS LOG NAS SGYU MA LTA BU'I GZHAN DON RGYUN MI 'CHAD PA DANG, LHA'I NGA RGYAL GSAL SNANG BRTAN POS RJES THOB TU YANG DAG PA'I SNANG BA LA 'BYAMS PAS 'CHAD RTZOD RTZOM GSUM SOGS CI MDZAD THAMS CAD SGRUB PA NYAMS LEN DU SONG BA'I RTAGS SU, BZUNG BA MI BRJED PA'I DRAN PA DANG, DGE MI DGE'I 'GYU BA RIG PA'I SHES BZHIN, BAG YOD PA'I TSUL KHRIMS, GZHAN LA LTOS NAS KHREL YOD PA DANG, RANG LA LTOS PA'I NGO TSA SHES PA, 'JIG RTEN GYI MTHUN 'JUG NGO SRUNG SPANGS LA DANG GZHAN GYI DRING LA MI 'JOG PA'I GZHAN NGOR MI LTA BA DANG, DE DAG GI SGO NAS DGE PA LA RTAG TU GZHOL BA DANG, 'JIG RTEN PA'I BYA BA KUN LA CHAGS BA DANG BRAL BA'I YON TAN DANG LDAN PA'I CHOS DANG MTHUN PA'I DGE BA'I BSHES GNYEN ZHES BSNGAGS SO, ,SNGAR MANG THOS SGRUB LA GZHOL BA'I SGO NAS GDUL BYA'I MGON DU GYUR TSUL GSUNGS ZIN PAS DA GZOD

, ,GSAR DU NYAMS LEN MDZAD TSUL LA BYAS NA SKABS DON DANG MI 'BYOR BA 'DI LTAR LAG RJES LA SBYAR NA 'BREL LO, ,DES NA RGYUD RDO RJE RTZE MO LAS, PHA ROL PHYIN DRUG SPYOD PA NI, ,NAM YANG DOR BAR MI BYA'O, ,ZHES GSUNGS PA LTAR MDO SNGAGS KYI NYAMS LEN THAMS CAD PHAR PHYIN DRUG GI NANG DU 'DU BA'I PHYIR DE DAG GI LAG RJES DANG SBYAR NA LEGS LA, DE YANG RGYAL BA'I SRAS PO RNAMS KYIS PHYIN DRUG RE RE'I NANG DU DRUG DRUG TSANG BAR BSDUS NAS NYAMS SU LEN PA'I PHYIR RE RE LA'ANG LAM GYI LUS YONGS SU RDZOGS PA'I NYAMS LEN DANG LAG RJES TSANG BA NI, MGON PO KLU SGRUB KYIS, DBANG PHYUG LUS GTOGS DRAN PA BDE GSHEGS KYI, ,BGROD PA GCIG PA'I LAM DU NYE BAR BSTAN, ,ZHES GSUNGS PA LTAR, DRAN PA LA MCHOG GSUM GYI YON TAN DRAN PA DANG, 'KHOR BA'I 'JUG LDOG DRAN PA DANG, 'GRO DRUG PHA MAR DRAN PA DANG, PHYIN DRUG SO SO'I NYAMS LEN DRAN PA DANG, LHA'I RNAL 'BYOR DRAN PA SOGS YOD PAS PHAR PHYIN DRUG KA'I LAG RJES LA SBYOR RGYU YOD PA LTAR GZHAN RNAMS LA'ANG 'DRA MOD, 'DIR NI MDZAD PA'I BABS DANG BSTAN PA'I MTSAN GZHI GCIG TZAM BRJOD PAR BYA'O, ,DE YANG GZHAN NGOR MI LTA BA YAN CHAD KYI DRUG PO DE'I DANG PO DANG THA MA GNYIS BSAM GTAN DANG SHES RAB BA, BZHI BA DANG GNYIS PA BZOD BRTZON, GSUM BA DANG LNGA BA TSUL KHRIMS DANG SBYIN PA'I PHAR PHYIN GYI LAG RJES SU BYAS TE BSHAD NA,

MDO SDE'I RGYAN LAS, BRTZE DANG LDAN PA NGO TSA YON TAN GNAS, ,SDUG BSNGAL DANG LEN RANG GI BDE MA CHAGS, ,DRAN GTZO SHIN TU MNYAM PAR BZHAG PA'I BDAG ,THEG PA MI 'KHRUGS BYANG CHUB SEMS DPA' YIN, ,ZHES GSUNGS PA DANG CHA 'DRA BAR SHES BZHIN BRTZON 'GRUS KYI LAG RJES SU 'JOG TSUL NI, BKA' GDAMS GLEGS BAM LAS, GNYEN PO'I NANG NA GANG MCHOG PA, THUG 'PHRAD LAM 'KHYER BYED PA YIN, ,ZHES DANG, DGE BSHES 'BAN GYIS, NGA NI SEMS KYI MKHAR SGOR GNYEN PO'I MDUNG THUNG BZUNG NAS NYON MONGS LA 'BUR 'JOMS BYED PA YIN, ZHES GSUNGS PA LTAR, BDAG 'DZIN DANG BDAG GCES 'DZIN DANG 'DRES MA 'DRES SHES BZHIN GYIS BYA RA BYAS NAS RANG DON LA MA CHAGS SHING GZHAN DON LA SPRO BA'I BRTZON 'GRUS BRTZAMS PA LAS SHES BZHIN RTZOL MED BYUNG BA LA BYA'O, ,YANG MDO SDE'I RGYAN LAS, BLO LDAN KHREL MED TSUL MIN LAS, ,NYON MONGS DANG LEN KHRO BA DANG, ,YAL BAR 'DOR DANG NGA RGYAL GYIS, ,SEMS CAN RNAMS DANG TSUL KHRIMS 'JOMS, ,ZHES KHREL MED PA'I NYES DMIGS MANG DU GSUNGS PA LTAR, DGE SBYONG GI CHOS BZHI NANG BA SANGS RGYAS PA RNAMS KYIS THOG MA NAS BSTEN DGOS NA BYANG CHUB SEMS DPA'I BSLAB BYA KHAS BLANGS PA RNAMS KYIS MI BSRUNG BGAL RUNG, DKA' SPYAD DANG SDUG BSNGAL MI BZOD PAR BSLAB BYA DANG 'GAL NA RANG LA NYES LHUNG 'BYUNG BA'I KHAR GZHAN GYIS KYANG KHREL YONGS SNYAM DU KHREL YOD GOMS PA BZOD PA'I NYAMS LEN YIN PAS DE LA

, ,MYONG BA THON PA NA DANG GIS KHREL YOD PA'O, ,BLO LDAN NGO TSAS MYUR DU NI, ,RDZOGS PA'I BYANG CHUB TSOGS RDZOGS BYED, ,RGYAL BA'I SRAS NI SEMS CAN RNAMS, ,SMIN BYED SKYO BAR MI 'GYUR NYID,, CES GSUNGS PA LTAR, NOR LONGS SPYOD SOGS 'KHOR BA'I BDE 'BRAS LA CHAGS PA DANG PHONGS PA LA MI BRTZE BA SHIN TU SMAD PA'I YUL YIN PAS DE LA NGO TSA'I GNAS SU BLTAS TE SPONG ZHING TSOGS MYUR DU RDZOGS PA'I PHYIR ZANG ZING LAS SNYING PO LEN BA SBYIN PA'I LAG RJES SO, ,BYIS PA SHIN TU GOS BZANG GYON YANG NI, ,KHREL DANG BRAL PHYIR NYES PA'I DRI MA CAN, ,RGYAL SRAS NGO TSA SHES PA'I GOS CAN NI, ,DAG PA MED KYANG NYES PA'I DRI MA BRAL,, ZHES 'DI GNYIS KYIS GNAS SKABS THAMS CAD DU MI MTHUN PHYOGS KYI NYES PA 'GOG PAS SKU GSUNG THUGS LA 'KHRUL BA'I MING YANG MED PA SOGS SPYOD PA YONGS SU DAG PA BSTAN TO, ,SHES RAB PHA ROL PHYIN BRTEN NAS; ;'KHOR BA DANG NI MYA NGAN 'DAS, ,GNYIS 'DIR MNGON DU GYUR PA'I PHYIR, ,MNGON DU GYUR PA'I SA ZHES BYA, ,ZHES GSUNGS PA LTAR, 'KHOR 'DAS RO MNYAM DU GZIGS PAS MTSAN 'DZIN GYI RE DOGS DANG BRAL BA'I MTHUS MTHUN 'JUG NGO SRUNG GI G-YENG BA BTZAN CHOD DANG GZHAN GYI CHIG RJES MI 'BRANG BA SHES RAB KYI LAG RJES YIN PAS DE DAG GI CHA NAS 'JOG CING GZHAN GNYIS GO SLA'O, ,YANG NA RGYAN SNANG LAS, GZUNGS KYI RANG BZHIN

DRAN PA SHES RAB KYI RANG BZHIN TE, DRAN PA SHES RAB KHYAD PAR CAN GZUNGS ZHES BYA'O, ,ZHES GSUNGS PA LTAR, RJE 'DI NI GSUNG RAB KYI TSIG DON DANG SHES BYA'I GNAS MTHA' DAG LAN GCIG GZIGS PA DANG GSAN BA TZAM GYIS PHRA ZHING ZHIB PAR MKHYEN CING NAM YANG MI BRJED PA'I DRAN PA DANG SHES RAB PHUN SUM TSOGS PA MNGA' BAS NGES PAR MI BRJED PA'I GZUNGS THOB PA'I BYANG CHUB SEMS DPA' 'O ZHES YONGS SU GRAGS PA LTAR GYI YON TAN, RGYAN LAS, RNAM SMIN THOS LA GOMS PA DANG, ,TING NGE 'DZIN GYI GZUNGS DAG NI, ,CHUNG DU DANG NI CHEN PO STE, ,ZHES GSUNGS PA LTAR, SNGON SKU TSE DU MAR GOMS PA'I MTHUS GZHUNG LUGS LA MA SBYANGS GONG DU CHOS KYI TSIG DON 'DZIN NUS PA'I RNAM SMIN GYIS THOB PA DANG, BAR DU GZHUNG LUGS LA THOS PA TSAD MED PAS THOB PA DANG, THOS DON NYAMS SU BLANG BA'I SGOM BYUNG GI TING NGE 'DZIN GYIS THOB PA'I GZUNGS KYI YON TAN RNAMS DRAN SHES ZHES PAS BSTAN TO, ,YANG RJE 'DI NI THUN MONG GI SNANG NGOR YANG SKYON KUN ZANG YON TAN KUN LDAN YON TAN THAMS CAD PHAN TSUN 'GRAN PA BZHIN DU GNAS PAS YON TAN 'DI'I CHA NAS DMAN ZHES LOG RTOG CAN GYIS KYANG SKYON GDAGS SU MI RNYED LA, KHYAD PAR SKU GZHON NU NAS RGOD BAGS KYI CHA PHRA MO YANG MED BAS NYES PA'I SKYON GYIS MA GOS BAR TSUL KHRIMS KYI PHUNG PO YONGS SU RDZOGS PA'I TSUL

, ,MCHOG DMAN THAMS CAD KYIS YA MTSAN BA'I GNAS SU 'DZIN PA ZHIG YOD PA DE LA BAG YOD KHREL DANG NGO TSA SHES ZHES GSUNGS SO, ,NYES SPYOD SDOM PA'I TSUL KHRIMS NI, SLOB DPON DBYIG GI GNYEN POS, THAR BA 'DOD PA DAG GIS BAG YOD KYIS, ZHES GSUNGS PA LTAR, BGROD PA GCIG PA'I THAR LAM BAG YOD KYI NYAMS LEN DNGOS GZHI YIN ZHING, TSUL KHRIMS PHYI MA GNYIS KYI GZHIR LAN DU MAR GSUNGS LA DE LA NGO TSA SHES PA DANG KHREL YOD PA'I NYAMS LEN YANG TSANG NGO, ,SO SOR PHYE NA MDO SDE RGYAN LAS NGO TSA SHES PA LA DBYE BA MANG DU GSUNGS PA LTAR DGE BA CHOS SDUD KYI TSUL KHRIMS DANG, LAN DU PHAN 'DOGS PA SOGS SEMS CAN GYI DON BYA BA BCU GCIG KHREL YOD BA'I BYA BA YIN PAS DE'I CHA NAS SEMS CAN DON BYED KYI TSUL KHRIMS 'JOG GO, ,TSUL KHRIMS PHUN SUM TSOGS PA DE'I MTHUS NYAMS MGUR LAS, SKYE DGU'I DBUS NA LHUN PO LTA BUR BRJID, ,STOBS KYIS BSDIGS PA MED PAR 'GRO KUN 'DUD, ,CES DANG, PHAR PHYIN BSDU BA LAS, SNGON CHAD MI SHES SKYE BO THAMS CAD KYANG, ,TSUL KHRIMS LDAN PA'I SKYE BO DE LA 'DUD, ,RKANG PAS BKRA SHIS GYUR PA'I RDUL DAG KYANG, ,SPYI GTZUG DAM BAS BLANGS SHING LHA DANG MIS, ,PHYAG 'TSAL MGOS GTUGS THOB BA KUN TU 'KHYER, ,ZHES GSUNGS BA LTAR, ZHABS KYIS BCAG PA'I RDUL YANG SKYE RGU THAMS CAD KYIS

PHYAG BYA BA'I GNAS SU GYUR TO, ,DGE BSHES PHU CHUNG PA'I ZHAL NAS, CHOS NAN TAR NYAMS SU LEN NA, DPER NA KHRAB KYI BYANG BU SNA TSE BOL BA DE KHRAB KYI GSEB TU SDEB TU MI BTUB PA LTAR, TSE 'DI BA'I MI DANG BCU MI BTUB PA GCIG DGOS, MTHUN 'JUG DANG NGO DGA' CHEN BDUD KYIS 'KHYER, MI MA MGU BA 'DOD THOG YIN, ZHES DANG, RJE GTZANG BRGYA RAS KYIS, 'DZIN CHAGS RTZA BA NOR RDZAS SPANGS, G-YENG BA'I RTZA BA NGO 'DZIN SPANGS, ,ZHES DANG, RJE SKYES MCHOG PAS, SGOM DANG RTOG PA BZANG NGAM NGAN, ,RKYEN DANG 'PHRAD NA GSAL LO GSUNGS, ,ZHES GSUNGS PA LTAR, MI CHEN ZHIG GI NGO 'DZIN PHYIR KHA DAR LTA BU YANG GNANG MA MYONG ZHING, DE'I NYE 'KHOR DU 'BYON PA PHAR ZAD TSUL DRUNG DU BTUD BA LA'ANG NGO 'DZIN GYI GSUNG LEGS PA TZAM YANG 'BYON MI SRID, SNGON CHOS GRVAR PHEBS PA'I SKABS SRID MTHA' TZAM DU CHOS MTHUN GYI GLENG MO RE GNYIS RE GSUNGS PA MA GTOGS DON MED KYI LONG GTAM GSUNGS PA MTSOR ZHES GRVA THOG THAMS CAD KYIS GLENG, TSE 'DI PA'I MI'I BYA SPYOD LA THUGS KYI GTING NAS YID LOG PAS DE DANG MI 'DRES PAR RKYEN CI BYUNG YANG NYAMS LEN DANG CHOS GYI BYA BA MI 'CHOR BAS RTAG TU DGE SBYOR LA GZHOL BA DANG, CHOS BRGYAD SOGS 'JIG RTEN GYI BYA BA KUN LA CHAGS PA DANG BRAL BA ZHES 'BYONGS RTAGS DE DAG GI SGO NAS BSHAD KYANG RUNG NGO, ,BAG YOD GOMS PA'I

, ,DBANG GIS DRAN PA DANG SHES RAB 'BYUNG BA BSLAB PA GSUM RGYUD LA SKYE BA'I GO RIM YIN ZHING, 'CHI BA DRAN NAS RANG RGYUD LA SHES BZHIN GYIS BRTAG STE MA CHAGS PA DANG BAG YOD LA GUS PAS KHREL DANG NGO TSA SHES PA DANG, LAM SGRUB PA DANG GZHAN GYI LOG SGRUB LA MI SKYO BAR MTHUN 'JUG NGO SRUNG GI G-YENG BA SPANGS NAS THABS RGYA CHE BA'I BSAM GTAN DANG CHAGS BRAL RNAM PAR MI RTOG PA'I SHES RAB LA GZHOL BA NI LAM YONGS RDZOGS KYI NYAMS LEN DANG PHYIN DRUG GI GO RIM YIN LA, RGYAN LAS, LONGS SPYOD MNGON PAR MI DGA' DANG, ,RAB GUS GNYIS LA MI SKYO DANG, ,RNAL 'BYOR RNAM PAR MI RTOG PA, ,THEG CHEN THAMS CAD 'DIR ZAD DO, ,ZHES GSUNGS PA LTAR THEG CHEN THAMS CAD SDUD PA'I GRANGS NGES YANG YIN NO, ,YON TAN 'DI DAG LA DPAG NA NGO TSA SHES PA SOGS KYI CHOS BCU BZHI, PHAR PHYIN THOB PA'I RTAGS BCU DRUG, SANGS RGYAS KYI CHOS MA 'DRES PA BCVO BRGYAD SOGS PHYIN DRUG GI LAG RJES RGYA CHE LA NGO MTSAR BA RNAMS 'DI DANG 'DI 'DRA'O SNYAM PA MANG YANG TSIG TSOGS CHE BAS MA BRIS SHING ,RTAG TU DGE BA LA GZHOL BA PHAR PHYIN THOB PA'I RTAGS SU RGYAN DANG SA SDER YANG YANG GSUNGS LA, 'JIG RTEN BYA BA KUN LA CHAGS BRAL BA'I, ,ZHES PA 'DIS BDAG GZHAN MNYAM BRJE'I BYANG CHUB KYI SEMS LA BLO 'BYONGS PA YANG BSTAN TE, RJE BLA MA'I BSTOD SPRIN

RGYA MTSO LAS, GZHAN LA CUNG ZAD TZAM YANG MI 'TSE ZHING, ,RANG NYID PHYIR DU NYIN MTSAN BAR MED PAR, ,BRGYA PHRAG BRTZON PA'I THAR BA SGRUB DE YANG, ,YANG DAG LAM LA RGYAB KYIS PHYOGS PAR GZIGS, ,ZHES GSUNGS PA LTAR; 'JIG RTEN PA RNAMS NI RANG BDE 'DOD CING GZHAN YAL BAR 'DOR BA SHA STAG YIN LA, NYAN RANG RNAMS KYANG TSUL DE LAS MA 'DAS PAS DE 'DRA'I 'JIG RTEN GYI BYA BA LA CHAGS PA DANG MA BRAL BA'O, ,BYANG CHUB SEMS DPA' RNAMS NI MDO SDE'I RGYAN LAS, BDAG DANG GZHAN DU MNYAM PA'I SEMS NYID DAM, ,BDAG PAS GZHAN CHES SDUG PA RNYED NAS NI, ,DE LTAR BDAG PAS GZHAN DON MCHOG 'DU SHES, ,RANG GI DON GANG GZHAN GYI DON GANG YIN, ,ZHES DON DAM BYANG CHUB KYI SEMS KYI SGO NAS BDAG GZHAN MNYAM PAR GZIGS PA DANG, KUN RDZOB BYANG CHUB KYI SEMS KYI SGO NAS BDAG PAS GZHAN GCES PA'I THUGS KYIS RANG DON YAL BAR DOR NAS GZHAN DON 'BA' ZHIG DGONGS PA'I BDAG NYID CAN, BLO SBYONG LAS, KHE DANG RGYAL KHA GZHAN LA SBYIN, ,GYONG DANG BUB KHA RANG GIS LEN, ,ZHES DANG, DPAL LDAN ZLA BAS, BRTZE BAS SBYIN DANG SBYIN PA'I 'BRAS, ,GNYIS KA GCIG CHAR DON GNYER LA, ,GTONG BA'I SBYIN GANG SER SNA MED, ,DE NI DAM PA RNAMS KYIS BSNGAGS, ,ZHES GSUNGS PA LTAR CHOS BRGYAD GO LDOG PA DANG, LAN DANG RNAM SMIN LA RE BA MED PAS RANG

, ,DON DU THAR BA YANG MI 'DOD NA 'JIG RTEN PA'I PHUN TSOGS LHA CI SMOS PA'I PHYIR, DES NA SNGAGS RIM CHEN MO SOGS RJE YAB SRAS KYI GSUNG RAB RNAMS SU 'JIG RTEN THAMS CAD DANG MI MTHUN PA'I GTAM GYI GZHIR GYUR PA BDAG PAS GZHAN GCES PA'I BYANG CHUB KYI SEMS ZHES YANG YANG BSNGAGS PA YIN NO, ,MNYAM RJES THAMS CAD LA NYAMS LEN 'DI DAG GIS RTZIS ZIN PAS LAM GOL BAR SHOR BA DANG GZHAN DON LTAR SNANG RDUL TZAM YANG MED PAR CHOS DANG MTHUN PA'I 'PHRIN LAS NAM MKHA' DANG MNYAM PA'I SGO NAS BSHAD SGRUB BSTAN PA'I SNYING PO NYIN MO LTAR GSAL BAR BYAS TE SKAL LDAN GRANGS MED PA SMIN CING GROL BAR MDZAD DO, ,DRAN DANG SHES BZHIN RIL BAS PHYAG MDZES SHING, ,BAG YOD RTZA BA 'BRAS BUS 'TSO BA YI, ,KHREL DANG NGO TSA SHES PA'I GOS GYON PA, ,ZHI BA'I DRANG SRONG DE LA GLO BA DGA',, 'DU 'DZIS DBEN PA'I NAGS KHROD NYAMS DGA' BAR, ,MTHUN 'JUG RE DOGS SPANGS PAS BAG PHEBS SHING, ,BYANG CHUB SEMS KYI CHU RGYUN 'THUNGS PA YI, ,RU RU SEMS DPA' DE YI SKYID PA LA, ,RANG PHYIR DAM PA'I BDE BA'ANG DOR NAS NI, ,GZHAN PHYIR SDUG BSNGAL BRGYA YIS MI SKYO BA, ,'DOD DANG MI 'DOD BLA 'OG BSGYUR BA YI, ,SRID BA GTOR BA'I 'KHRUL 'KHOR 'DI LA LTOS, ,NAG PO'I SGRIB G-YOGS MA LUS

ZAD PA YI, ,RNAM PAR BYANG BA KUN TU GNAS GYUR PA'I, ,CHOS KYI LONGS SPYOD CHA SHAS RDZOGS PA YI, ,ZLA BA 'DI NI 'OG MIN ZHING NAS 'ONGS, ,BAR SKABS KYI TSIGS SU BCAD PA'O, ` ,DGE MA MNGON 'DOD 'O MA'I MTSO'I, ,NGANG MO BSIL BA'I RNGA YAB CAN, ,LEGS GSUNG DRI ZA'I RGYUD MANG GLUS, ,DRAN PA'I RI DVAGS 'DZIN PA STZOL, ,RTZA BA'I SA BCAD GNYIS PA BSNGO SMON GYIS MTSAMS SBYAR BA MDZAD BYANG DANG BCAS PA LA, BSNGO SMON GYIS MTSAMS SBYAR BA DANG, MDZAD BYANG GNYIS, DANG PO LA, ZHABS PAD BRTAN CING 'PHRIN LAS RGYAS PAR SMON PA DANG, 'BRAL MED RJES SU 'DZIN PAR SMON PA'O, ,DANG PO NI, BLA MA MCHOG GSUM YI DAM ZHI KHRO'I TSOGS, ,'JIG RTEN 'DAS DANG MA 'DAS BSTAN SRUNG MTHUS, ,DPAL LDAN BLA MA'I SKU TSE BRTAN PA DANG, ,RNAM DKAR MDZAD 'PHRIN MI NYAMS GONG 'PHEL SHOG ,CES GSUNGS, DON NI, RDO RJE PHRENG BA LAS, DRI MED SEMS NI SANGS RGYAS TE, ,CHOS NI NGAG TU YANG DAG GSUNG, ,SKU NI DGE 'DUN ZHES BYA STE, ,BYANG CHUB SEMS DPA'I TSOGS KYI GNAS, ,ZHES GSUNGS PA LTAR, BLA MA NI MCHOG GSUM 'DUS PA'I BDAG NYID YIN PAS DE DANG; RJE BTZUN 'JAM PA'I DBYANGS SOGS YI DAM ZHI BA DANG, DPAL RDO RJE 'JIGS BYED SOGS KHRO BO'I TSOGS DANG, MTHONG LAM THOB PA YAN CHAD KYI 'JIG RTEN LAS 'DAS PA'I SKYES BU GSUM GYI CHOS SKYONG SOGS

, ,DANG; 'JIG RTEN LAS MA 'DAS PA STE TSOGS SBYOR LA GNAS PA MAN CHAD KYI BSTAN SRUNG DANG, BE HAR DANG RDOR LEGS SOGS 'JIG RTEN PA'I TSUL BZUNG BA RNAMS 'DI'I MTSAN GZHIR LAM RIM GYI ZIN BRIS RNAMS SU GSUNGS, DE RNAMS KYI THUGS RJE'I MTHU LA BRTEN NAS DPAL LDAN BLA MA DAM PA 'DI'I SKU TSE BRTAN PA DANG, RNAM PAR DKAR BA'I MDZAD PA 'PHRIN LAS NAM YANG MI NYAMS PAR GONG NAS GONG DU 'PHEL BAR SHOG ,CES PA'O, ,GNYIS PA NI, BDAG SOGS KUN KYANG DENG NAS BYANG CHUB BAR, ,THEG MCHOG DAM PA'I MGON GYIS RJES 'DZIN CING, ,ZAB RGYAS CHOS KYI BDUD RTZI'I SNOD GYUR TE, ,RING MIN DON GNYIS LHUN GYIS GRUB GYUR CIG ,CES GSUNGS, DON NI, BDAG DANG SOGS SGRAS PHA MAR GYUR PA'I 'GRO BA KUN KYANG DUS DENG NAS BZUNG STE MTHAR THUG BLA MED BYANG CHUB MA THOB KYI BAR DU THEG PA MCHOG GI DGE BA'I BSHES GNYEN MTSAN NYID THAMS CAD DANG LDAN PA'I DAM PA'I MGON 'DI NYID KYIS DUS SKAD CIG KYANG 'BRAL BA MED PAR DGYES BZHIN RJES SU 'DZIN CING, ZAB PA DANG RGYA CHE BA'I LAM BZANG YONGS RDZOGS SNYING PO YANG SNYING DANG BCAS PA'I DAM PA'I CHOS KYI BDUD RTZI'I SNOD DU GYUR TE, RING MIN TE RING BOR MI THOGS PAR, RGYUD BLA MA LAS, BDAG NYID KYI NI 'BYOR PA'I

GNAS, ,DAM PA'I DON GYI SKU YIN TE, ,DRANG SRONG RNAMS KYI BRDA YI SKU, ,PHA ROL PHUN SUM TSOGS PA'I GNAS, ,ZHES GSUNGS PA LTAR RANG DON CHOS SKU DANG, GZHAN DON GZUGS SKU GNYIS KYI 'PHRIN LAS PHUN SUM TSOGS PA PHYOGS KUN TU KHYAB CING DUS RTAG TU RGYUN MI 'CHAD PA LHUN GYIS GRUB PA'I 'GRO BA'I 'DREN PA DAM PAR GYUR CIG CES PA'O, ,GNYIS PA MDZAD BYANG NI, CES DPAL LDAN BKRA SHIS 'KHYIL GYI DGE BA'I BSHES GNYEN CHOS BZHIN SPYOD PA'I BYA BTANG CHEN PO SHES RAB RGYA MTSE PA'I GSOL 'DEBS 'DI NI, KHENG GI SLOB GRAS DANG LDAN DGE SLONG BYAMS PA RGYA MTSOS BSKUL NGOR, ^ BTZUN PA 'JAM DBYANGS THUB BSTAN NYI MAS SBYAR BA'O, ,ZHES GSUNGS TE GO SLA'O, ,SMRAS PA, THOG MA DBUS MTHA' RNAM BRAL SO SO RANG RIG RANG DON ZHI BA CHOS KYI SKU, ,RNAM PA KUN MKHYEN SDUG BSNGAL NYON MONGS SPONG BA'I LAM STON GZHAN DON GZUGS KYI SKU, ,ZLA MED SANGS RGYAS CHOS DANG DGE 'DUN KUN 'DUS NAM YANG BSLU MED SKYABS KYI PHUL, ,THUN MONG GDUL BYA'I DPAL DU MKHAS BCUN BZANG PO'I NYA GANG SMRA BA'I ZLA BA MCHOG ,MTSAN DPE LI KHRI'I 'OD SNANG SGRIB BRAL SNGO SANGS SDE LA RTZE DAGS 'KHYUD PA LAS, ,THUN GSUM SMAG GIS GDUNGS PA'I DKA' THUB DBYINGS SU 'BROS PA LHUR LEN 'JAM MGON LHA, ,CHER SNYIGS

, ,MUN PAR 'THOMS PA'I 'GROL RJES CHAGS THUGS RJE'I SKYA RENGS KYIS DRANGS TE, ,LAN GCIG SA 'DI NYIN MOR BYAS PA'I BDE SKYID BAD TSAL YANG YANG DRAN PAS SKYO, ,RNAM MANG YON TAN RIN CHEN RDUL BRTZEGS LEGS BYAS LHUN PO BZHIN, ,BSHAD DANG SGRUB PA'I LAM BZANG GSAL MDZAD NOR BU'I SGRON ME BZHIN, ,LEGS BSHAD CHU KLUNG STONG GI 'DU 'GOD MA DROS ROL MTSO BZHIN, ,GANG GI ZHABS ZUNG SPYI BOR ZHOG CIG RAL BA'I COD PAN BZHIN, ,MA SMAD TSUL KHRIMS DBYAR GYI SKYED TSAL DU, ,BAG YOD BSUNG ZHIM 'THUL BA'I MA L'I KA ,THAR BA MNGON 'DOD BUNG BA'I ROL RTZED CAN, ,DUS KYI RGUD PA SANGS PA'I CHOS SU GRUB, ,BYAMS BRTZE LHAG BSAM SA BON LAS 'KHRUNGS PA'I, ,THABS MCHOG BYANG CHUB THUGS KYI DPAG BSAM LJON, ,RGYAL SRAS SPYOD PA'I YAL GA'I PHYOGS RDZOGS PA, ,PHAN DANG BDE BA'I 'DOD DGU'I GTER DU GROL, ,GNYUG MA'I BLO YI NYE'U CHUB 'KHYUG PA YIS, ,G-YO MED RTZE GCIG TING 'DZIN GANGG'A'I KLUNG, ,'OD GSAL RANG ZHAL GZIGS PAS MI NGOMS SHING, ,RDO RJE'I RBA RLABS 'KHRI SHING GAR YANG BYED, ,YE SHES RANG GZUGS RAB 'BYAMS RGYAL KUN GYI, ,GSANG GSUM ME TOG SIL MA'I TSOM BU YIS, ,RGYA

MTSO'I RDUL SNYED DKYIL 'KHOR BKOD PA'I DBUS, ,GRANGS MED MCHOD PA CHEN PO'I MCHOG SBYIN 'GYED, ,SHES BYA RIG PA'I GNAS LA THOGS MED CING, ,RAB 'BYAMS MDO RGYUD GDAMS PA'I BANG MDZOD 'DZIN, ,RGYA CHEN THOS BSAM SGOM PA'I MTSO CHEN PO, ,THUB BSTAN YONGS KYI MNGA' BDAG KHYOD MIN SU, ,CHOS BRGYAD BRAL BA'I SGRUB LAS MI G-YEL BAR, ,'CHAD RTZOD RTZOM PA'I CHU 'DZIN 'KHRIGS PA LAS, ,NYIN BZHIN SBRANG CHAR SNYOMS PAR 'BEBS PA YI, ,'DREN PA KHYOD NI CHOS KYI RDZOGS LDAN SPRIN, ,DE SLAD YUL DUS MTHA' LAS 'DAS PA YI, ,KHYOD KYI YON TAN NOR BU'I GLING CHEN POR, ,'DOD DGUR DBANG BSGYUR DED DPON DAM PA DE'I, ,RJES SU DBUL PHONGS BDAG KYANG NGAL BA BSTEN, ,'DI LTA'I YON TAN SA 'DZIN DBANG PO'I SPOR, ,TSIG DON GOM PA'I 'DEGS 'JOG RE RES KYANG, ,MI GNAS MYA NGAN 'DAS PA'I GRONG KHYER CHER, ,NYE BA'I LCAGS KYU YIS KYANG PHYOGS DER DRANGS, ,MI ZAD 'KHOR BA MYA BAM THANG CHEN POR, ,BSHUL RING LAM GYIS NGAL ZHING DUB RNAMS LA, ,SRID DANG ZHI BA'I GDUNG SEL LHA'I MCHOD YON, ,'DI KO SHES LDAN YID KYI DGA' STON MDZOD, ,DE PHYIR BDAG KYANG SRID PA'I BTZON DONG DU, ,KHRI MUN SDUG BSNGAL BRGYA YIS MI GZIR BAR, ,ZHAL BZANG MTHONG NAS DGA' BAS DBUGS

, ,DBYUNG STE, ,THUGS RJE'I PHYAG GIS MYUR DU 'DREN PAR MDZOD, ,'GRO BA KUN GYI MA 'DRIS MDZA' BA'I BSHES, ,KHYOD KYIS 'BRAL MED DGYES BZHIN RJES BZUNG MTHUS, ,GZHAN PHAN MDZAD PA' THUGS DGONGS TSAD MED PA, ,TSUL BZHIN BSGRUB PA'I SRAS SU 'GYUR BAR SHOG ,KHYAD PAR SKYE DGU'I PHAN BDE 'BYUNG BA'I GNAS, ,LAS NYON RIMS NAD SEL BA'I SMAN GYI PHUL, , TSANG LA MA NOR BSTAN PA'I SNYING PO MCHOG ,'DZIN SKYONG SPEL LA KHYOD DANG MTSUNGS PAR SHOG ,SKYE BAR DAL 'BYOR RTEN BZANG PADMO'I 'PHRENG, ,BYIN RLABS NYI MA'I GDENGS KA DANG 'GROGS PAS, ,NYAM CHUNG BUNG BA LHAG PAS MADMAS PAR, ,BDUD RTZI'I ZAS KYIS LUS STOBS RDZOGS PAR SHOG ,THUN MONG LAM SBYANGS MA LA YA YI DOGS, ,BDE CHEN LHAN CIG SKYES PA'I DRI BZANG CAN, ,BLO BZANG RGYAL BSTAN HA RI TZAN DAN GYI, ,GRIB BSIL SNUM POS LUS CAN SKYONG GYUR CIG ,MTHOD THOS DAN REG 'BREL BA'I SEMS CAN RNAMS, ,MI RING BYANG PHYOGS K'A LA PA YI GRONG, ,YAB SRAS SMON PA'I KHA LO BSKYUR BA YI, ,RDZEGS LDAN RTA LJANG CAN DE MJAL BAR SHOG ,MA 'ONGS BYAMS MGON NYIN BYED SHAR BA'I TSE, ,THEG GSUM AUTPAL BZHAD PA'I MTSO GLING DU, ,'PHAGS TSOGS DANG MO 'BUM DANG SKAL

MNYAM PA'I, ,SHIS PA'I MGRIN RNGA 'OG MIN BAR 'GENGS SHOG ,LEGS SMON GSER GYI RI BOR 'DZEGS PA YI, ,LEGS BSHAD BSTAN PA'I NYI MA 'OD PO CHE'I, ,LEGS MDZED CHA TZAM MTSON PA'I DNGOS PO 'DIS, ,LEGS BYAS RTEN 'BYUNG LHUN GYIS GRUB GYUR CIG, ,,CES 'DZAM GLING BSTAN PA'I NYI MA NGES DON CHOS KYI RGYAL PO MKHAS SHING GRUB PA'I DBANG PHYUG ^ RDO RJE 'CHANG SHES RAB RGYA MTSO DPAL BZANG PO'I ZHAL SNGA NAS KYI SKU CHE BA'I YON TAN LAS BRTZAMS TE RANG BZHIN BRJOD PA'I RGYAN GYI SGO NAS BSTOD CING GSOL BA 'DEBS PA'I TSIGS SU BCAD PA ^ GSANG BDAG ZLA BA BZANG PO MI YI GAR GYIS RNAM PAR ROL PA 'JAM MGON SDE KHRI RIN PO CHES MDZAD PA 'DI LA 'GREL BA RGYAS PA RNAM THAR DANG BCAS BA ZHIG DGOS ZHES GSOL 'DEBS DE NYID BKA' RTZOM ZHU BA PO BLA MA RIN PO CHE'I PHYAG G-YOG LO NYI SHU RTZA GRANGS LA THUGS ZIN NGES NGAL GSO MED PAR SGRUB PA'I NYE GNAS RNAM DPYOD MCHOG TU YANGS PA DGE SLONG BYAMS PA RGYA MTSOS SA GSUM NA RNYED PAR DKA' BA'I RTEN MCHOG RJE BLA MA NYID KYI PHYAG SBYAD GI TSE SKU RKED DU RGYUN RING DKRIS PA'I SKU GZAN BUB TSANG, BZHUGS GDAN KHRI SNYAN SA LE'I PAGS PA'I TSAL BU, BKRA SHIS RTAGS KYIS SPRAS PA'I MDZOD DAR SRID DU RING BA BCAS NAN CHER BSKUL BA DANG, PHYIS SU KHRI CHEN RAB BRTAN RGYA MTSO PA'I SPRUL PA'I SKU MKHYEN RAB KYI DBANG PHYUG DAM PA DKON MCHOG BSTAN 'DZIN RGYA

, ,MTSOS RNAM THAR RGYAS PA ZHIG NANG DU 'BRI DGOS ZHES KYANG KHA DAR DANG GSUNG PHEBS PA'I NGOR, RNAM THAR CHEN MO PHYIS SU 'BYUNG PA LA BSAM NAS GSOL 'DEBS KYI TSIG DON 'GREL BA GTZO BOR BYAS TE, RJENG TZUN BLA MA DE NYID KYI ZHABS RDUL SPYI BOS BSTEN PA'I BRAN GYI THA MA ^ BTZUN GZUGS NGAG DBANG THUB BSTAN RGYA MTSOS MYOS LDAN GYI LO'I SA GA'I YAR TSES BZANG POR MJUG GRUB PAR SBYAR BA 'DIS KYANG 'GRO KUN THEG PA MCHOG GI BSHES GNYEN DAM PAS RJES SU 'DZIN CING, 'JAM MGON BSTAN PA'I SNYING PO DRI MA MED BA PHYOGS DUS THAMS CAD DU DAR ZHING RGYAS PAR GYUR CIG, ,,SARBA DZA GA TAM,, ,, AOm SVA STI, CHOS SRID 'BYOR PA'I MDZOD DANG DGE BCU LDAN, ,DGA' LDAN RAB RGYAS ZHES BYA'I RGYUD GRVA CHER, ,KUN MKHYEN 'JAM DBYANGS BZHAD PA YAB SRAS KYI, ,THUGS RJES CHOS SBYIN 'DZAD MED RGYUN 'DI SPEL,, ,,MANGGA LAm,,

[BLANK PAGE]