A Quick Path for Travelling to the State of All-Knowing-- A Dissection Teaching on the Steps of the Path to Enlightenment

, ,BYANG CHUB LAM GYI RIM PA'I DMAR KHRID THAMS CAD MKHYEN PAR 'GROD PA'I MYUR LAM ZHES BYA BA BZHUGS SO, ,

, ,NA MO GU RU MU NI AINDRA YA, RMAD BYUNG SNYING STOBS THUGS RJE'I LCAGS KYU YIS, ,BDE GSHEGS GZHAN GYIS BSGRAL BAR MNUS PA'I, ,DUM RGOD GDUL DKA'I 'GRO BA 'DREN MDZAD PA'I, 'DREN MCHOG SH'AKYA'I TOG LA GUS PHYAG 'TSAL, RLABS CHEN SPYOD PA'I MNGA' BDAG MI PHAM MGON, ,ZAB MO'I LTA BA SBYIN MDZAD 'JAM PA'I DBYANGS, ,'DZAM GLING MDZES BYED KLU SGRUB THOGS MED LA, , BYANG CHUB SNYING PO'I BAR DU SKYABS SU MCHI, ,BSHAD SGRUB GDAMS PA'I MCHOG MNGA' AA TI SHA, ,BKA' GDAMS BSTAN PA'I MES PO 'BROM STON RJE, ,RNAL 'BYOR RNAM BZHI SKU MCHOD GSUM LA SOGS, , BKA' GDAMS BLA MA RNAMS LA SNYING GNAS 'DUD, ,THUB BSTAN YONGS RDZOGS BLO BZANG CHU MTSON SA, RTZOM 'CHAD RTZOD BA'I RLABS 'PHRENG MKHA' LA 'PHYUR, ,GRAGS DKAR GZEGS MA PHYOGS BCUNG 'GREM MDZAD

, ,PA'I BLO BZANG GRAGS PA'I DPAL LA SPYI BOS 'DUD, ,BLO BZANG CHOS KYI RGYAL MTSAN 'DZIN PA'I MCHOG ,NGAG GI DBANG PHYUG BLO BZANG RGYA MTSO'I SDE, ,MNOR LAM STON DRIN CAN BLA MA LA, ,GUS PAS BDUD DO BRTZE BA'I LCAGS KYUS ZUNGS, ,DE LA 'DIR SKAL BA DANG LDAN PA'I GDUL BYA TSIG TZAM LA 'CHEL BA MA YIN PAR NGES PAR THAR BA DANG THAMS CAD MKHYEN PA DON DU GNYER BA RNAMS SANGS RGYAS KYI SAR 'KHRID PAR BYED PA'I BYANG CHUB LAM GYI RIM PA'I 'KHRID LA GNYIS, BLA MA BRGYUD PA'I KHUNGS BSHAD PA'I SGO NAS LAM GYI GRANGS DANG GO RIM LA NGES PA BSKYED TSUL BSHAD PA DANG, NGAS PA SKYES NAS LAM GYI RIM PA LA BLO SPYOD TSUL DNGOS BSHAD PA'O, ,DANG PO NI, CHU MGO GANGS LA THUG BZHIG DGOS PA LTAR, DAM PA'I CHOS KYI BRGYUD PA'ANG BSTAN PA'I BDAG PO YANG DAG PAR RDZOGS PA'I SANGS RGYAS LA THUGS BZHIG DGOS PAS, SKYES BU GSUM GYI LAM GYI RIM PA 'DI LA, RGYA CHE BA'I LAM GYI RIM PA DANG, ZAB MO'I LAM GYI RIM PA GNYIS LAS, DANG PO NI, YANG DAG PAR RDZOGS PA'I SANGS RGYAS NAS RJE BTZUN BYAMS PA, DE NAS THOGS MED SKU MCHED

SOGS LA BRGYUD PA DANG, GNYIS PA NI, YANG DAG PAR RDZOGS PA'I SANGS RGYAS NAS, RJE BTZUN 'JAM DBYANGS DANG, DE NAS DPAL MGON 'PHAGS BA KLU SGRUB SOGS LA BRGYUD BA GNYIS KA DPAL MAR ME MDZAD LA MNGA' ZHING, MDOR NA DPAL MGON 'PHAGS BKLU SGRUB NI BSTAN PA 'DI LA STON PA GNYIS PAR GRAGS LA, MGON BO KLU SGRUB KYIS MKHYEN BA'I CHOS LA JO BOS MI MKHYEN PA MED PAS BSTAN PA'I BDAG POR YID CHES PAR BYA, JO BO CHEN POS, DGE BSHES STON PA LA LAM GYI RIM PA 'DI KLOG KHRID DU MDZAD DE; DE YANG DGE BA SHES STON PAS JO BO LA KHONG GZHAN LA SNGAGS KYI GDAMS PA GNANG NAS, DNGOS LA LAM GYI RIM PA 'DI GNANG LA JI LTAR LAGS ZHUS PAS, NGAS KHYOD MIN PA GZHAN LA GTAD SAM RNYED PA YIN GSUNGS NAS, MAN NGAG 'DI DGE BSHES STON BA LA GTAD DE, KHONG BSTAN BA'I BDAG POR BYIN GYIS BRLABS PA YIN BAS, BSHES GNYEN 'BROM 'PHRIN LAS KYI KHYAB GDAL CHE BA YANG DA'I RTEN 'BREL YIN, BSHES GNYEN CHEN PO 'BROM GYIS RNAL 'BYOR DBANG PHYUG DGON PA PA LA GSUNGS SHING, DES SNE'U ZUR BA DANG, DES THAG MA BA DANG, DGYER CHEN PO LA GSUNGS BA DANG, DGE BA SHES 'BROM RIN PO CHER, SBYAN SNGA TSUL KHRIMS 'BAR LA GSUNGS SHING, DES BYA YUL BA LA GSUNGS PA'I BKA' GDAMS GDAMS NGAG BA NAS BRGYUD PA'I LAM RIM GNYIS, RJE BTZUN CHOS KYI RGYAL PO TZONG KHA BA CHEN POS LHO BRAG GRUB CHEN LAS KYI RDO RJE LA GSAN, YANG STON PA RIN PO CHES DGE BA'I BSHES GNYEN PO THOB LA GSUNGS SHING, DES DGE BSHES DOL BA DANG, SHAR BA LA GSUNGS BA'I BKA' GDAMS GZHUNG BA NAS BRGYUD PA'I LA

, ,GYI RIM PA, RJE RIN PO CHES, GRA SKOR MKHAN CHEN CHOS SKYABS BZANG PO LA GSAN, DE YAN GYI BLA MA GONG MA GCIG NAS GCIG TU BRGYUD PA'I RIM PA NI LAM RIM GSOL 'DEBS SU GSAL BA LTAR YIN LA, DE YANG RJE BDAG NYID CHEN POS THOG MAR RJE BTZUN 'JAM PA'I DBYANGS KYIS GSUNGS PA'I NGES 'BYUNG, BYANG CHUB KYI SEMS, YANG DAG PA'I LTA BA GSUM LA GTZO BOR THUGS SBYONG MDZAD CING, PHYIS RA SGRENG RGYAL BA'I DBEN GNAS SU, JO BO CHEN PO'I SKU BRNYAN DBU YON MAR GRAGS PA SPYAN DRANGS GSOL BA SHUGS DRAG LA YUN RING BA BTAB BA LAS, YANG DAG PAR RDZOGS PA'I SANGS RGYAS NAS, LHO BRAG GRUB CHEN NAM MKHA' RGYAL MTSAN GYI BAR GYI BLA MA BRGYUD PA RNAMS DANG, KHYAD PAR JO BO CHEN PO, 'BROM STON PA, PO TO BA, SHA RAB RNAM BZLAS PA'I PAR DU ZHAL GZIGS, GDAMS PA DANG, RJES SU BSTAN PA YANG MANG DU STZAL NAS, MTHAR BO TO BA LA SOGS PA GSUM JO BO LA THIM, AA TI SHAS PHYAG SPYI BOR BZHAG NAS BSTAN PA LA BYA BRGYA CHEN PO GYIS DANG, BYANG CHUB SGRUB PA DANG SEMS CAN GYI DON BYED PA'I GROGS BDAG GIS BGYI GSUNGS NAS MI SNANG BAR GYUR PA LA SOGS PA'I NGO MTSAR BA'I LTAS MANG DU BYUNG ZHING, DE'I TSE MKHAN CHEN ZUL PHU BA DKON MCHOG DPAL BZANG PO DANG, LO CHEN SKYABS MCHOG DPAL BZANG LA SOGS PA RNAMS KYIS BSKUL BA LA BRTEN NAS BYANG CHUB LAM RIM CHEN MO MDZAD PA LA, RJE BTZUN 'JAM PA'I DBYANGS KYIS NGED KYIS BSTAN PA'I NGES 'BYUNG, BYANG CHUB KYI SEMS, LTA BA RNAM DAG GI SGO NAS 'KHRID PA'I LAM DER MA 'DUS PA YIN NAM GSUNG PA LA, SKYON MED DE, DE GSUM GYIS SROG RTZA BYAS NAS, DE'I

STENG DU LAM SGON LA SOGS PA'I LUNG GIS KHA BSKANGS TE SKYES BU GSUM GYI LAM RIM DANG SBYAR BA YIN LA ZHES ZHUS PA LA SOGS PA'I GSANG BA BSAM GYIS MI KHYAB PA ZHIG YOD PAS, LAM GYI RIM PA'I GNANG 'DI DAG RJE BTZUN 'JAM PA'I DBYANGS NAS RJE RIN PO CHE LA BRGYUD PA YIN BYAS KYANG CHO GA LA, RJE BLA MA 'DI NYID LA YANG GDAMS PA'I BRGYAD BA ZIN NGO SHES PA'I SLOB MA MANG DU BYUNG BAS, LAM GYI RIM PA'I BRGYUD TSUL YANG DE SNYED BYUNG MOD, RGYAL BA DBEN SA PA YAB SRAS KYIS GSAN PA'I NGA RGYAD PA NI, RJE RIN PO CHE, RGYAL TSAB CHES RJE, 'DUL 'DZIN GRAGS PA RGYAL MTSAN, MKHAS GRUB CHOS RJE, RJE SHES RAB SENG+GE, 'DUL 'DZIN BLO GROS SPAS PA, PAn CHEN CHOS KYI RGYAL MTSAN, RJE SKYABS MCHOG DPAL BZANG, RJE GRUB PA'I DBANG PHYUG BLO BZANG DON GRUB, RJE SANGS RGYAS YE SHES, PAn CHEN THAMS CAD MKHYEN PA BLO BZANG CHOS KYI RGYAL MTSAN, RDO RJE 'DZIN PA DKON MCHOG RGYAL MTSAN DPAL BZANG PO, DE NYID LA BDAG GIS CHOS 'DI'I BKA' DRIN LEGS PAR THOG YANG NA, RJE THAMS CAD MKHYEN PA, RJE SHES RAB SENG+GE, 'DUL 'JIN MAN 'DRA, YANG RJE NAS; 'DUL 'DZIN GRAGS PA RGYAL MTSAN, RJE SHES RAB SENG+GE MAN 'DRA, DE LTAR RJE BDAG NYID CHEN POS BYANG CHUB LAM RIM CHEN MO MDZAD NAS, SLAR YANG LAM RIM CHEN MO'I LUNG 'DREN DANG DGAG SGRUB RGYAD PA RNAMS 'JOG PAR MJAD NAS SNYING PO'I GNAD RNAMS MA TSANG BA MED PAR LEGS PAR BSDUS PA'I LAM RIM CHUNG BA MDZAD, DE LTA NA'ANG GDUL BYA RNAMS KYI BLO'I MTHU JE ZHEN LA SONG BAR BRTEN, LAM RIM CHEN MO LAS, 'ON KYANG BSHAD PA THAMS CAD NYAMS LEN DU 'KHYER SHES PA SRID MTHA' RU SNANG BAS SKYONG RGYU GUD PA RE

, ,BYA'O ZHES GSUNGS PA'I DGONGS PA LEN PAR MDZAD NAS, PAn CHEN THAMS CAD MKHYEN PAS LAM RIM DMAR KHRID BDE LAM DANG, RGYAL DBANG THAMS CAD MKHYEN PA CHEN POS 'JAM DPAL ZHAL LUNG MDZAD PA RNAMS RGYAS BSDUS 'TSAM ZHING LUNG RIGS KYI MTHA' CHOD BAS, RANG GIS SGOM PAR NUS NA MCHOG RGYU MI 'DUG KYANG, GZHAN GYIS DGOS TSUL NAN CHES BA DANG, RANG NYID BSOD NAMS KYI BSAGS RGYAB CHUB ZHING BLO'I MTHU CHUNG BA LAM GYI RIM PA 'DI DAG LA GO BA GTING TSUGS PA ZHIG CHAGS NA, SA LAM MTHON PO'I RTZAD GCOD LAS KYANG GNAD CHE BAR BSAMS NAS, LAM GYI GRANGS DANG GO RIMS LAM SO SO'I NGO BO RNAMS RANG GI BLOS GANG DPOGS KYIS 'DRI BA LA, MDZAD PA PO'I CHE BA, CHOS KYI CHE BA, CHOS LA NYAN BSHAD JI LTAR BYA BA'I TSUL RNAMS LAM RIM CHE CHUNG LAS GSUNGS PA LAS SHES PAR BYA ZHING, DE MDZAD PA PO NYID 'DI'I YANG MDZAD PA PO'O ZHES GSUNGS PA'I DON LA KHA CIG ,JO BO DANG RJE THUGS RGYUD GCIG BA DE'I DON DU MDZAD PA, DE GNYIS THUGS RGYUD GCIG KYANG, RJE BDAG NYID CHEN PO THUGS SHIN TU ZAB PAS RANG NYID JO BO DANG THUGS RGYUD GCIG PAR DNGOS SU ZHAL GYIS BA, LA BZHES, DES NA DE'I DON NI, BYANG CHUB LAM GYI SGRON MA NI, LAM RIM, BSTAN RIM, LAM MCHOG THAMS CAD KYI BSHAD BYA RTZA BA'I GZHUNG YIN BAS, 'DI'I YANG MDZAD PA PO'I ZHES PA DANG, SKABS 'DI'I MDZAD PA PO YANG LAM SGRON MDZAD PA PO JO BO LA BYED GSUNGS PA YIN TE, DPER NA t'AKKA CHEN MO RNAMS KYI MJUG GI DON, MDZAD PA PO GANG GIS MDZAD PA ZHES PA DE NYID THOG MAR BLANGS NAS GSUNGS PA BZHIN YIN PA'I PHYIR, YANG LAM YIG 'GA' ZHIG LAS, JO BO BOD DU

LO BCU GSUM TZAM LAS MA BZHUGS PAR BSHAD KYANG, RJE RIN PO CHES JO BO BOD DU LO BCU BDUN BZHUGS PAR GSUNGS PA 'THAD DE, JO BO'I RNAM THAR GYI KHUNGS NI NAG TSO LO TZTSA BA LA THUG LA, NAG CHOS JO BO LO BCU DGU BSTAN PA LAS, RGYA GAR DU LO GNYIS, BOD DU LO BCU BDUN BSTEN PAR NAG TSO NYID KYIS MDZAD PA'I BSTOD PA BRGYAD CU PA LAS GSUNGS PA'I PHYIR TE, LO NI BCU DGU BSTEN CING 'GROGS NA YANG, ,KHYOD KYI SKU GSUNG THUGS LA 'KHRUL BA YI, ,NYES PA'I DRI MA BYUNG BA MTHONG RE SKAN, ZHES DANG, KHYOD SNGON SOM PU RIN, ,RTOG GE 'BAR BA GSUNG BA'I TSE, ,DA NI LO NI NYI SHUN, ,TSE YI 'DU BYED GTONG ZHES GSUNGS, ,DE NAS LO GNYIS LON PAN, ,BOD DU BYON PA'I DUS SU NI, ,BHI KA MA NI SH'I LAN, ,DA NI YON BCO BRGYAD NA, ,TSE YI 'DU BYED BTANG NAS SU, ,LUS 'DI BOD DU 'JOG GO GSUNG, ,JI SKAD GSUNG BZHIN MA 'KHRUL BAR, ,BYUNG BA DE NI NGO MTSAR CHE, ZHES GSUNGS PA'I PHYIR, 'O NA LAM SGRON NAM LAM RIM LA BRTEN NAS, BSTAN PA THAMS CAD 'GAL MED DU RTOGS PA DANG, GSUNG RAB MA LUS PA GDAMS NGAG TU 'CHAR NA, GSUNG RAB KUN GYI BRJOD BYA'I LAM MTHA' DAG SKYES BU GSUM GYI LAM GYI RIM PAR 'DU BA'I RGYU MTSAN DE GANG, SKYES BU CHEN PO'I SEMS RGYUD LA SKYE BA LA SKYES BU 'BRING DANG THUN MONG BA'I LAM SNGON DU 'GRO DGOS PA DANG, SKYES BU 'BRING DANG THUN MONG BA'I LAM RGYUD LA SKYE BA LA, SKYES BU CHUNG DU DANG THUN MONG BA'I LAM RGYUD LA SKYE BA SNGON DU 'GRO BA'I TSUL JI LTA BU ZHE NA, GSUNG RAB KUN GYI BRJOD BYA'I LAM MTHA' DAG SKYES BU GSUM GYI LAM RIM DU 'DU STE, SANGS RGYAS KYIS THOG MAR THUGS BSKYED, BAR DU TSOGS BSAGS, ,MTHAR MNGON PAR

, ,RDZOGS PAR SANGS RGYAS PA'I MDZAD PA BSTAN PA SEMS CAN KHO NA'I DON DU YIN PAS, CHOS GSUNGS PA THAMS CAD KYANG SEMS CAN KHO NA'I DON SGRUB PA'O, ,BSGRUB BYA SEMS CAN KYI DON LA GNAS SKABS MNGON MTHO DANG MTHAR THUG NGES LEGS, DANG PO BA SGRUB PA LAS BRTZAMS TE JI SNYED GSUNGS PA THAMS CAD NI SKYES BU CHUNG DU DNGOS SAM DE DANG THUN MONG BA'I CHOS SKOR DU 'DU, NGES LEGS LA YANG THAN PA DANG THAMS CAD MKHYEN PA GNYIS LAS, DANG PO BSGRUB BA LAS BRTZAMS TE JI SNYED GSUNGS BA THAMS CAD SKYES BU 'BRING DANG THUN MONG BA'I CHOS SKOR DU 'DU, THAMS CAD MKHYEN PA BSGRUB PA LAS BRTZAMS TE JI SNYED GSUNGS PA THAMS CAD SKYES BU CHEN PO'I CHOS SKOR DU 'DU PA'I PHYIR, THEG CHEN LA PHA ROL TU PHYIN PA'I THAG BA DANG GSANG SNGAGS KYI THEG PA GNYIS LAS, DE GNYIS GANG DU 'JUG KYANG 'JUG SGO NA BYANG CHUB KYI SEMS KHO NAR NGES SHING, BYANG CHUB KYI SEMS RGYUD LA SKYE BA LA SEMS CAN THAMS CAD SDUG BSNGAL GYIS MNAR BA LA MI BZOD PA'I SNYING RJE DGOS, SEMS CAN THAMS CAD SDUG BSNGAL GYIS MNAR BA LA MI BZOD PA'I SNYING RJE CHEN PO SKYE BA LA SKYES BU CHUNG 'BRING GI SKABS NAS BSHAD PA LTAR GYI RANG NYID 'KHOR BA DANG NGAN SONG GI SDUG BSNGAL GYIS 'JIGS NAS DKON MCHOG LA DE LAS SKYOB PA'I NUS PA YOD PAR YID CHES PA GNYIS SNGON DU 'GRO DGOS TE, RANG NYID 'KHOR BA DANG NGAN SONG GI SDUG BSNGAL GYIS 'JIGS NAS DE LAS THAR 'DOD KYI BLO SHUGS DRAG MED PAR, SEMS CAN GZHAN SDUG BSNGAL GYIS MNAR BA LA MI GZOD PA'I SNYING RJE SHUGS DRAG BA SKYED MI NUS PA'I PHYIR TE, SA'I SNYING PO 'KHOR LO BCU PA'I MDO LAS, CHU PHRAN BTUNG

BA'AM THU YANG MED NA, ,RGYA MTSO CHEN PO GAL RDUB NUS, ,THEG PA GNYIS KYANG GO MAS MI NUS NA, ,THEG PA CHE PO GAL SLOB NUS, ZHES DANG, LAM RIM LAS, DE YANG RANG BDEBS 'ONGS SHING SDUG BSNGAL GYIS MNAR BA'I 'KHOR BAR 'KHYAMS TSUL BSAM PAN BA SPU G-YO 'GUL MED PA ZHIG LA SEMS CAN GZHAN BDE BAS PHONGS SHING SDUG BSNGAL GYIS MNAR BA LA MI BZOD PA 'ONGS MAD DE, SPYOD 'JUG LAS, SEMS CAN DE DAG RNAMS LA SNGON, ,RANG GI DON DU'ANG 'DI 'DRA'I SEMS, ,RMI LAM DU YANG MA RMIS NA, ,GZHAN GYI DON DUG LA SKYE, ZHES GSUNGS PA'I PHYIR, DES NA 'DIR SKYES BU GSUM GYI LAM LA RIM GYIS 'KHRID PA'I DON NI, SKYES BU CHUNG 'BRING GSUM DNGOS LA 'KHRID PA MA YIN GYI SKYES BU CHUNG 'BRING DANG THUN MONG BA'I LAM 'GA' ZHIG SKYES BU CHEN PO'I SNGON 'GRO BSAG SBYANG GI YAN LAG TU BYAS NAS 'KHRID PA YIN, GAL TE SKYES BU CHUNG 'BRING GI CHOS SKOR RNAMS SKYES BU CHEN PO'I YAN LAG YIN NA SKYES BU CHEN PO'I LAM DU BYAS PAS CHO GA MOD, CHUNG 'BRING DANG THUN MONG BA'I LAM RIM ZHES PA'I THA SNYAD BYA CI DGOS SHE NA, SKYES BU GSUM SO SOR PHYE STE 'KHRID PA LA DGOS PA CHEN PO GNYIS YOD DE, 'DI LTAR SKYES BU CHUNG 'BRING DANG THUN MONG BA'I BLO MA SKYES PAR YANG RANG NYID SKYES BU CHEN POR KHAS 'CHE BA'I NGA RGYAL GZHOM PA DANG, BLO RAB 'BRING THA MA GSUM LA PHAN CHE BA'O, ,CHE LUGS NI SKYES BU CHE 'BRING GNYIS LA'ANG CHOS SGRUB PA'I LUS RTEN MNGON MTHO'I GO 'PHANG NGES PAR THOB DGOS SHING, GANG ZAG THAM ZHIG GIS SKYES BU CHUNG 'BRING GI BLO MA SBYANGS BAR SKYES BU CHEN PO'I LAM LA 'JUG BLO BYAS KYANG BSAM PA GONG MA MI SKYE ZHING, 'OG MA GNYIS DOR BAS

, ,GANG YANG MI SKYE BA'I PHYIR, DES NA THEG PA CHEN PO'I LAM GYI RIM PA SPYI DANG, KHYAD PAR RNAL 'BYOR BLA MED LA 'JUG PAR 'DOD NA SKYES BU CHUNG 'BRING DANG THUN MONG BA'I LAM LA NAN TAN SNYING POR BYED PA GNAD KYI DON PO YIN TE, RJE BTZUN 'JAM DPAL GYIS; DES NA SNGAGS LA SOGS PA'I GDAMS NGAG GANG ZAB ZER BA RNAMS BZHAG NAS THOG MAR NGES 'BYUNG DANG BYANG SEMS LA MYONG BA CI THON RE BYA DGOS, DE SKYES PA DANG DE NAS DGE BA THAMS CAD THAR PA DANG THAMS CAD MKHYEN PA'I RGYUR DBANG MED DU 'GRO BAS DES NA 'DI LA SGOM RIN MI CHOG BAR BYED PA NI LAM GYI GNAD GTAN NAS MA SHES PA YIN GSUNG, GNYIS PA NGES PA SKYES NAS LAM GYI RIM PA LA BLO SBYONG TSUL DNGOS BSHAD PA LA GNYIS, LAM GYI RTZAB BA SHES GNYEN BSTEN PA'I TSUL DANG, BSTAN NAS BLO JI LTAR SBYAD PA'I RIM PA'O, ,DANG PO LAM GYI RTZA BA BSHES GNYEN BSTAN PA'I TSUL LA THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'I TSUL LO, ,DANG PO LA SBYOR DNGOS MJUG GSUM LAS, DANG PO SBYOR BA LA GNAS KHANG BYI DOR BYAS LA SKU GSUNG THUGS KYI RTEN DGRAM PA, MCHOD PA G-YO MED CING BKOD BAS MDZES PAR BSHAM PA, STAN BDE BA LA LUS 'DUG LUGS BRGYAD DAM SPYOD LAM GANG BA DER GNAS NAS, SKYABS 'GRO SEMS BSKYED TSAD MED BZHI SGOM PA, TSOGS ZHING GSAL GDAB PA, BSAG SBYANG GI GNAD BSDUS PA YAN LAG BDUN PA MAndAL DANG BCAS BA 'BUL BA, GSOL BA 'DEBS PA MAN NGAG BZHIN RGYUD DANG 'DRES NGES PA RNAMS SU YOD PA LAS, GNAS KHANG BYI DOR BYAS LA SKU GSUNG THUGS KYI RTEN DGRAM BA NI, NAS KHANG BYI DOR BYA TSUL LA

DGON BA'AM SMAN LJONGS SAM RI KHRONG SOGS RGANG YIN KYANG 'DRA, KHYAD PAR RI KHROD LTA BU YIN NA RANG GANG SNGOD SA'I KHUL DE YANGS PO YOD NA SBYIL BU'I PHYOGS BZHIR MTHO BZHI BRTZIGS, DE RGYAL CHEN BZHIR BSKYED, DE LA MCHOD PA DANG GTOR MA SOGS PHUL, BYANG CHUB LAM GYI RIM PA'I 'KHRID SGOM BA'I 'GAL RKYEN BAR CHAD SEL ZHING MTHUN RKYEN BSGRUB PA'I 'PHRIN LAS BCOL, SNGAR GYI GNAS KHANG DE NYID LA CHAG CHAG PHYAG BDAR SOGS BYAS LA, SDONG NYAMS SPRO MO ZHIG BYAS NAS DER SKU GSUNG THUGS KYI RTEN DGRAM DGOS PA YIN; SKU GSUNG THUGS KYI RTEN DGRAM TSUL LA RANG GI MDUN GYI THAD DRANG GI MTHO SA ZHIG GI STEGS BU LA SNGON GYI BKA' GDAMS PA'I BLA MA GONG MA RNAMS THUB DBANG GI SKUR 'BRAL SPANG GI TSUL DU MDZAD PAS THUB DBANG GI SKU DE NYID BZHUGS SU GSOL, DE LA SANGS RGYAS DNGOS KYI 'DU SHES BZHAG ,DE MED NA SGRUB BA'I MAntAL ZHES BYA BAS GZHI SHIN TU 'JAM PA LA BA BYUNG DANG DRI BZANG GI SBYUGS BA'AM, DE YANG MED NA SHING LE BA RDO LEB LTA BU'I STENG DU NAS SAM 'BRAS SOGS GANG YANG RUNG BA'I TSOM BU DGU DGOD, DE THUB PA GTZO 'KHOR DANG BCAS PA DNGOS RANG YIN SNYAM DU GSAL GDAB, RANG GI MA LA 'OG TU SA DKAR GYIS G-YUNG DRUNG RIS CHOS SKOR GYI TSUL DU BRIS, DE'I STENG DU RTZVA DUR BA'I STAN SHIN TU 'JAM BRTZE MO NANG DU BSTAN RTZA BA PHYIR BSTAN NAS RTZVA RNAMS MA 'KHRUGS PAR GDING DGOS TE, SNGON YANG DAG PAR RDZOGS PA'I SANGS RGYAS KYIS RTZA 'TSONG GI KHYE'U BKRA SHIS LAS RTZVA BZHES NAS RTZVA'I RTZE MO NANG DU BSTAN RTZA BA PHYIR BSTAN NAS RTZA RNAMS MA 'KHRUGS PAR BTING STE, TSES BCO LNGA'I SKYA RENGS DANG PO 'CHAR BA'I TSOD TZAM NA MNGON PAR RDZOGS PAR SANGS

, ,RGYAS PA'I MDZAD PA BSTAN PA'I RTEN 'BREL YOD PAS SNGON BYUNG STON PA'I RNAM THAR RJES 'JUG GDUL BYA RNAMS KYI NYAMS LEN DU 'KHYER PA YIN, SNGAR GYI GNAS KHANG DE NYID DU 'BAL STAN BCOS BCOS PA YOD NA DE GAS CHOG LA, MED NA RTZA'I STAN SHIN TU 'JAM PA'AM YANG NI SPRA BA'I STAN LA SOGS PA GANG YANG RUNG BA RGYA BA CUNG ZAD MTHO LAM DUN CUNG ZAD DMA' BZHI GA BSHAM DGOS PA YIN, MCHOD BA G-YO MED CING BKOD PAS MDZES PAR BSHAM TSUL NI, MCHOD PA'I SNOD RAB GSER DNGUL, 'BRING ZANGS, 'KHAR BDAM 'BYOR RA SHING SOGS GANG YANG RUNG BA'I SNOD DU MCHOD YON ZHABS BSIL SOGS THAMS CAD SLA CHOS KHRAL CHOS G-YAM LA RGYUG LTA BU MA YIN PA BSHAM DGOS, DE YANG TSE 'DI'I KHE 'DOD GRAGS 'DOD SNYAM GEGS SOGS 'DOD NAS MA YIN PAR MAR GYUR SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU DKON MCHOG MCHOD SNYAM PA'I SGO NAS BSHAMS NA BSHAM PA PO LA YANG PHAN YON YOD CING, BSHAMS PA DE YANG DON DANG LDAN PAR 'GYUR BAS DE LTAR BSHAM DGOS PA YIN, STAN BDE BA LA LUS 'DUG LUGS BRGYAD DAM SPYOD LAM GANG BDER GNAS NAS ZHES PA'I STAN BDE BA LA LUS 'DUG LUGS BRGYAD BYED TSUL LA RGYAL BA DBEN SA PA CHEN POS, RKANG PA LAG BA SKED PA GSUM, ,SO MCHU LCE RNAMS BSDOMS PAS BZHI, ,MGO MIG PHRAG PA DBUGS DANG BZHI, ,RNAM PAR SNANG MDZAD CHOS BRGYAD YIN, ZHES GSUNGS BA LTAR, SNGAR GYI STAN DE NYID KYI STENG DU RKANG BA RDO RJE SKYIL KRUNG NGAM DE MA BYUNG YANG PHYED SKYIL LTA BU

BYAS PAS CHOG CING, PHYED SKYIL BYED TSUL LA RKANG PA G-YON PA NANG DU BYAS PA YAS PA PHYIR BYAS LA G-YON PA'I RKANG MGO G-YAS PA'I BRAL 'OG TU SHOR BA'AM BRLA'I SBUBS LA SHOR BA LTA BU MA YIN PAR RKANG BA G-YON PA'I RTING PA GSANG GNAS KYI TSAD TZAM DU SLEB PAR BYA, LAG PA MNYAM GZHAG GI PHYAG RGYA 'CHA' TSUL LA LTE'O GSOR BZHI TZAM GYI 'OG TU LAG PA G-YON PA 'OG TU BYAS G-YAS BSTENG DU BYAS NAS G-YAS PA DANG G-YON PA'I MTHE BONG GI RTZE GNYIS CUNG ZAD SPRAD PA LA RTZA'I GNANG KYI RTEN 'BREL KHYAD PAR CAN ZHIG YOD PA YIN, SKED PA DRANG POR BSRANGS MGRIN PA CUNG ZAD DGUG, ,SO DANG MCHU RANG LUGS SU BZHAG ,LCE RTZE RKAN LA CUNG ZAD SBYAR, MGO BO YANG MA YO BAR THAD KAR BSRANGS, MIG SNA RTZER PHAB, DPUNG PA GNYIS THAD KAR BSRANGS, RLUNG CHAM LA 'BEBS PA DANG BRGYAD, RLUNG CHAM LA 'BABS TSUL DE'I RLUNG SGRA CAN DANG SHUGS CAN DANG RGOD BAG CAN LA SOGS PA DE 'DRA MA YIN PAR DBUGS PHYI NANG DU RGYUR NYER GCIG GI YUN DU DAL BUS BGRANGS NAS TING NGE 'DZIN BSGOMS NA TING NGE 'DZIN BSGOM PA'I SDOD DU RUNG BA YIN TE, DGE LDAN BKA' RGYUD RIN PO CHE'I PHYAG CHEN RTZA BRGYAL BA'I GZHUNG LAM LAS, BSAM GTAN BDE BA'I STEGS BUL, ,LUS GNAD BDUN DANG LDAN BYAS TE, ,RLUNG RO DGU PHRUGS DAG TU BSAL, CES GSUNGS SHING, LUS GNAD 'CHA' BA 'DI LA SNGON GYI BKA' RGYUD BA'I BLA MA GONG MA 'GA' ZHIG SGOM RNAMS KYI DANG PO RGYA GAR SKAD 'DRA BAR NGOS 'DZIN GYIN YOD PAR 'DUG ,DAM PA GONG MA 'GA' ZHIG SGOM RNAMS KYI DANG PO RGYA GAR SKAD 'DRA BA DAD PA LA BZHED PA YOD KYANG RANG LUGS RANG RGYUD KYI KUN SLONG LA LEGS PAR BRTAG PA LA BYED PA YIN TE, PAn CHEN THAMS CAD MKHYEN PA CHEN

, ,PO'I DRI BA LHAG BSAM RAB DKAR GYI DRIS LAN BLO BZANG BZHAD PA'I SGRA DBYANGS LAS, SGOM RNAMS KUN GYI DANG PO'I MGO ,RGYA GAR SKAD MTSUNGS RANG RGYUD LA, ,LEGS PAR BRTAG PA YIN NO ZHES, ,ZLA MED BLA MA MCHOG DE BZHED, CES GSUNGS PA'I PHYIR, DES NA RANG RGYUD KYI KUN SLONG LA LEGS PAR BRTAGS NAS BYANG CHUB LAM GYI RIM PA'I 'KHRID SGOM DGOS PA YIN LA, ,DE YANG TSE 'DI'I KHE 'DOD GRAGS 'DOD 'JIG RTEN CHOS BRGYAD RNYED BKUR SNYAN GRAGS 'DOD NAS SGOM PA YIN NAM, TSE PHYI MNGON DU GNYER NAS SGOM PA YIN SNYAM DU BRTAGS BAN TSE 'DI'I KHE 'DOD GRAGS 'DOD 'JIG RTEN CHOS BRGYAD RNYED BKUR SNYAN GRAGS SOGS 'DOD NAS SGOM PA YIN NA DE'I SGO NAS BYAS PA'I LAS GANG 'DRA ZHIG BYAS KYANG TSE PHYI MA'I DON DU MI 'GYUR TE, GSANG BA SPYI RGYUD LAS, TSE 'DI'I 'BRAS BU 'DOD MI BYA, ,TSE 'DI 'DOD PAR GYUR PA LA, ,'JIG RTEN PHA ROL DON MI 'GYUR, ,'JIG RTEN PHA ROL DON GNYER SKYES, ,'JIG RTEN 'DI YI 'BRAS BU RGYAS, ,ZHES DANG, YANG JO BO'I ZHAL NAS, RTZA BA DUG YIN NA YAL GA DANG LO MA DUG ,RTZA BA SMAN YIN NA YAL GA LO MA SMAN DU YONG BA BZHIN DU RTZA BA 'DOD CHAGS ZHE SDANG GTI MUG GSUM GYIS KUN NAS BSLANGS PA'I LAS CI BYAS BA THAMS CAD MI DGE BA 'BA' ZHIG YIN GSUNG, YANG DGE BSHES STON PAS JO BO LA, TSE 'DI'I BDE SKYID DANG RNYED BKUR 'DOD NAS BYAS PA'I LAS RNAMS LA 'BRAS BU CI MCHIS ZHUS PAS 'BRAS BU DE KHO NA NYID MCHI GSUNG, PHYI MA LA TZIM CHI ZHUS PAS DMYAL BA MCHI, YI DVAGS MCHI, DUD 'GRO MCHI ZHES GSUNGS PA LTAR, TSE 'DI'I BDE SKYID DANG RNYED BKUR 'DOD NAS BYAS PA'I LAS PHAL CHE BA ZHIG NGAN SONG GI RGYU DANG PHYI MAR LHA MI'I

DPAL 'DOD NAS BYAS PA'I LAS PHAL CHER 'KHOR BA 'BA' ZHIG GI RGYUR 'GYUR ZHING, RANG GCIG BU ZHI BDE DON GNYER GYI BLOS BYAS PA RNAMS NI ZHI MTHAR LTUNG BA YIN, DE YANG SPYIR DGE SEMS LA DKON MCHOG LA DANG BA'I DAD PA, LAS 'BRAS LA YID CHES PA'I DANG PA; SBYIN PA GTONG 'DOD TSUL KHRIMS BSRUNG 'DOD SOGS MANG DU YOD KYANG SKABS 'DI'I DGE SEMS KHYAD PAR CAN ZHES BYA BA BYANG CHUB KYI SEMS LA BYA BA YIN, DES NA RANG NYID SDUG BSNGAL GYIS MNAR BA BZHIN DU SEMS CAN THAMS CAD SDUG BSNGAL GYIS MNAR, SDUG BSNGAL GYIS MNAR BA'I SEMS CAN THAMS CAD RANG GI DRIN CAN GYI MA SHA STAG YIN, MA MA BYAS BYA BA GCIG KYANG MED, MA BYAS PA LA GRANGS KYIS MI CHOD, MNAM BYAS RES KYIS TSE 'DI'I MAS JI LTAR DRIN GYIS BSKYANGS PA LTAR DRIN GYIS BSKYANGS PAS DRIN SHIN TU CHE SNYAM DU BSAM, 'O NA SEMS CAN THAMS CAD SDUG BSNGAL LAS SGROL BA'I KHUR DE SU LA BAB NA NGED RANG LA BAB, NGE RANG LA BAB KYANG DA LTA'I GNAS SKABS 'DI LTA BUS SEMS CAN THAMS CAD KYI DON LTA SMOS KYANG CI DGOS, SEMS CAN GCIG GI DON YANG MTHAR PHYIN PA BYED NUS PAR MI 'DUG ,DER MA ZAD DGRA BCOM PA GNYIS KYI GO 'PHANG THOB KYANG SEMS CAN GYI DON NYI TSE BA MA GTOGS SEMS CAN THAMS CAD YANG DAG PAR RDZOGS PA'I SANGS RGYAS KYI GO 'PHANG LA 'GOD PA'I NUS PA MED, DE LTA BU'I NUS PA SU LA YOD NA YANG DAG PAR RDZOGS PA'I SANGS RGYAS LA YOD PAS BDAG GIS MA SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA SNYAM DU BYANG CHUB KYI SEMS LA MYONG BA MTHON PAR DU DUNG DUNG BSGOM PAR BYA, SEMS SKYED DES ZIN PA'I NGANG NAS SKYABS SU

, ,'GRO TSUL NI, RANG GI MDUN GYI THAD DRANG GI NAM MKHA'I GNAS SU SENG GE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA'I STENG KHAR SNA TSOGS PAD ZLA NYI MA'I DKYIL 'KHOR GYI GDAN LA NGO BO RANG GI DRIN CAN RTZA BA'I BLA MA YIN PA LA RNAM PA RGYAL BA SH'AKYA THUB PA SKU MDOG GSER BCOM LTA BU DBU GTZUG TOR DANG LDAN PA ZHAL GCIG PHYAG GNYIS PA G-YAS SA GNON, G-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, SKU LA CHOS GOS DUR SMRIG GI MDOG CAN GSOL BA, MTSAN DPES BRGYAN PA'I DVANGS GSAL 'OD KYI RANG BZHIN CAN SKU LAS SKYES PA'I 'OD KYI PHUNG PO'I DBUS NA ZHABS GNYIS RDO RJE SKYIL KRUNG GIS BZHUGS PA, DE NYID KYI MTHA' SKOR DU DNGOS DANG BRGYUD PA'I BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG BSRUNG MA'I TSOGS RNAMS KYIS BSKOR NAS BZHUGS PA, DE DAG RANG RANG GI MDUN NA GDAN KHRI PHUN SUM TSOGS PA LA RANG RANG GIS GSUNGS PA'I LUNG GI CHOS RNAMS 'OD KYI RANG BZHIN CAN GYI BU TI'I RNAM PAR YOD PA, TSOGS ZHING RNAMS KYANG RANG NYID LA DGYES PA'I TSUL DANG, RANG NYID KYANG TSOGS ZHING RNAMS KYI YON TAN DANG THUGS RJE DRAN PA'I DAD PA CHEN PO'I NGANG NAS 'DI LTAR BSAM STE, MGON PO KLU SGRUB KYIS, RE RES RGYA MTSO BZHI PAS LHAG PA YI, ,'O MA 'THUNGS TE DA DUNG SO SO YI, ,SKYE BO'I RJES SU 'BRANG BA'I 'KHOR BA BAS, ,DE BAS CHES MANG NYID CIG BTUNG 'TSAL LO, ZHES DANG, 'PHAGS PA LHAS, SDUG BSNGAL RGYA MTSO 'DI LA MTHA', ,RNAM PA KUN TU YOD MIN NA, ,BYIS KHYOD 'DIR NI BYING BA LA, ,'JIGS PA CIS NA SKYE MI 'GYUR, ,ZHES GSUNGS PA LTAR, SDUG BSNGAL GYI RGYA MTSO GTING DANG MTHA' RTOGS DKA' BA

'DI'I NANG DU KHYOD BYING BA LA 'JIGS PA DANG YA NGA BA DANG BAG TSA BA DANG BSPU 'GUL TZAM YANG MED PA 'DI KHYOD BYIS PA MIN NA MKHAS PA CI'I PHYIR YIN, DES NA BDAG DANG MA SEMS CAN THAMS CAD THOG MA MED PA NAS DA LTA'I PAR DU SPYIR 'KHOR BA DANG KHYAD PAR NGAN SONG GSUM GYI SDUG BSNGAL SNA TSOGS BA ZHIG MYONG 'DUG TU ZIN KYANG, DA DUNG SDUG BSNGAL GYI GTING DANG MTHA' RTOGS DKA' BA 'DUG ,DES NA DA RES RNYED PAR DKA' ZHING RNYED NA DON CHE BA'I DAL 'BYOR GYI MI LUS KHYAD PAR CAN THOB, MJAL DKA' BA'I SANGS RGYAS KYI BSTAN PA RIN PO CHE DANG MJAL DUS 'DIR 'KHOR BA'I SDUG BSNGAL MTHA' DAG SPANGS PA'I THAR PA MCHOG YANG DAG PAR RDZOGS PA'I SANGS RGYAS KYI GO 'PHANG ZHIG DA LTA NYID NAS THOB PAR MA BYAS NA, SLAR YANG SPYIR 'KHOR BA DANG KHYAD PAR NGAN SONG GSUM GYI SDUG BSNGAL CI RIGS PA ZHIG MYONG DGOS PAR 'DUG ,DES NA SDUG BSNGAL DE DAG LAS SKYOB PA'I NUS PA MDUN NA BZHUGS PA'I BLA MA DKON MCHOG GSUM LA YOD PAS, BDAG GIS MA SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU BLA MA DKON MCHOG GSUM LA SKYABS SU 'GRO BAR BYA'O SNYAM DU BSAMS LA, BLA MA LA SKYABS SU MCHI'O, ,ZHES PA'I SKYABS 'GRO LAN BRGYA RTZA BRGYAD DAM NYER GCIG GAM MA MTHA' GSUM LA SOGS PA DAL BU DAL BUS RANG DANG RANG GI MTHA' SKOR NA GNAS PA'I SEMS CAN THAMS CAD KYIS BRJOD PAR BSAMS NAS GANG LCOGS BRJOD, 'DI'I SKABS SU DMIGS PA NI, BLA MA THUB PA'I DBANG PO DANG BLA MA THUB PA'I DBANG PO'I MTHA' SKOR GYI DNGOS BRGYUD KYI BLA MA RNAMS KYI SKU'I CHA LAS BDUD RTZI SNGA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG

, ,MA MED PA NAS BSAGS PA'I SDIG SGRIB THAMS CAD DANG, KHYAD PAR DU DPAL LDAN BLA MA'I SKU LA BSNGOS PA, GSUNG BCAG PA, THUGS DKRUGS PA, MA DAD BRNYAS SMOD BGYIS PA LA SOGS PA MDOR NA BLA MA LA BRTEN PA'I SDIG SGRIB THAMS CAD DUD KHU DANG SOL KHU'I RNAM PAR DBANG PO'I SGO DANG BA SPU'I BU GA THAMS CAD NAS PHYIR THON NAS SANGS TE DAG ,DE YANG DPER NA DKAN GZAR LA MEM THAL YOD PA LA CHU BLUGS NA THAL BYUNG DU 'GRO BA DANG, YANG NA MUN PA NAG PO ZHIG LA SGRON ME GSAL BA ZHIG BTEG NA MUN PA DE GAR SONG CHA MED DU 'GRO BA LTA BU GNYIS LAS PHYI MA 'DI STOBS CHE BRGYAL BA DBEN SA PA CHEN PO BZHED PAS BLA MA LA BRTEN PA'I SDIG SGRIB THAMS CAD BYANG ZHING DAG ,TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR DPAL LDAN BLA MA'I SKU GSUNG THUGS KYI BYIN RLABS THAMS CAD RANG GZHAN SEMS CAN THAMS CAD KYI LUS SEMS LA ZHUGS NAS DPAL LDAN BLA MA'I SKYABS 'OG TU CHUD PAR BSAM, DE NAS SANGS RGYAS LA SKYABS SU MCHI ZHES PA'I SKYABS 'GRO LAN GANG MANG BRJOD CING, 'DI'I SKABS SU DMIGS PA NI, RGYAL BA RDO RJE 'CHANG DANG RGYAL BA RDO RJE 'CHANG GI MTHA' SKOR GYI GSANG BDE 'JIGS GSUM KYE RDOR DUS 'KHOR BSKAL BZANG GI SANGS RGYAS STONG SANGS RGYAS SUM CU SO LNGA LA SOGS PA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BA BAS, RANG GZHAN SEMS CAN THAMS CAD KYI LUS SEMS LA ZHUGS PAS THOG MA MED PA NAS BSAGS PA'I SDIG SGRIB THAMS CAD DANG, KHYAD PAR DU DE BZHIN GSHEGS PA'I SKU LA NGAN SEMS KYIS KHRAG PHYUNG BA, THUGS KYI RTEN MCHOD RTEN BSHIG PA LA SOGS

PA MDOR NA SANGS RGYAS LA SKYABS SU SONG BA'I SKYABS 'GRO'I BSLAB BYA DANG 'GAL BA'I SDIG SGRIB THAMS CAD BYANG ZHING DAG ,LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR DU YANG SANGS RGYAS DKON MCHOG GI BYIN RLABS THAMS CAD RANG GZHAN SEMS CAN THAMS CAD KYI LUS SEMS LA ZHUGS TE, SANGS RGYAS DKON MCHOG GI SKYABS 'OG TU CHUD PAR BSAM, DE NAS CHOS LA SKYABS SU MCHI, ZHES PA'I SKYABS 'GRO LAN GANG MANG BRJOD, 'DI'I SKABS SU DMIGS PA NI, SKYABS YUL SO SO'I MDUN NA BZHUGS PA'I CHOS PU TI RNAMS LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG MA MED PA NAS BSAGS PA'I SDIG SGRIB THAMS CAD DANG, KHYAD PAR DU DAM PA'I CHOS SPANGS PA, GSUNG RAB ZONG DU BYAS PA, GSUNG RAB KYI BLUS ZOS PA, GSUNG RABS SGRE BO LA BZHAG PA DANG, DAM BA'I CHOS SPANG TSUL LA YANG THEG PA THUN MONG BA LA MOS PA RGYU MTSAN DU BYAS NAS THEG CHEN SPANGS PA SOGS DANG, PHA ROL TU PHYIN PA'I THEG PA LA MOS BRGYU MTSAN DU BYAS NAS SNGAGS SPANGS PA SOGS DANG, SNGAGS LA YANG RGYUD SDE 'OG MA RNAMS LA MOS PA RGYU MTSAN DU BYAS NAS RGYUD SDE GONG MA SPANGS PA SOGS DANG, RGYUD SDE GONG MA LA MOS PA RGYU MTSAN DU BYAS NAS RGYUD SDE 'OG MA SPANGS PA SOGS DANG, CHOS SMRA BA PO LA SPOBS PA YOD SPOBS PA MED CES SMRAS PA SOGS DANG, CHOS SMRA BA PO DE SPANGS NA DE'I RGYUD KYI CHOS THAMS CAD SPANGS PAR 'GYUR BAS, MDOR NA CHOS LA BRTEN PA'I SDIG PA 'DI SHIN TU PHRA BA YIN TE, TING 'DZIN RGYAL PO LAS, GANG GIS 'DZAM

, ,BU'I GLING 'DIR NI, ,MCHOD RTEN THAMS CAD BSHIG BYED PAS, ,GANG GIS MDO SDE SPONG BYED PA'I, ,SDIG PA 'DI NI CHES KHYAD 'PHAGS, ,GANG GIS GANG+GA'I BYE SNYED KYI, ,DGRA BCOM PA SAD PAR GYUR BA BAS, ,GANG GIS MDO SDE SPONG BYED PA'I, ,SDIG PA 'DI NI CHES KHYAD 'PHAGS, ZHES GSUNGS PA'I PHYIR, DES NA CHOS LA BRTEN PA'I SDIG SGRIB THAMS CAD BYANG ZHING DAG ,LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR CHOS DKON MCHOG GI BYIN RLABS THAMS CAD RANG GZHAN SEMS CAN THAMS CAD KYI LUS SEMS LA ZHUGS PAS CHOS DKON MCHOG GI SKYABS 'OG TU CHUD PAR BSAM, DE NAS DGE 'DUN LA SKYABS SU MCHI ZHES PA'I SKYABS 'GRO LAN GANG MANG BRJOD, 'DI'I SKABS SU DMIGS PA NI, BYANG SEMS NYAN RANG RNAMS DANG DPA' BO MKHA' 'GRO CHOS SKYONG BSRUNG MA LA SOGS PA'I DGE 'DUN DKON MCHOG RNAMS KYI SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG MA MED PA NAS BSAGS PA'I SDIG SGRIB THAMS CAD DANG, KHYAD PAR 'PHAGS PA'I DGE 'DUN LA SKUR BA BTAB PA, DGE 'DUN GYI DBYEN BYAS PA, DGE 'DUNG YI ZHAL DU 'DU BA'I SGO PHROGS PA LA SOGS PA MDOR NA DGE 'DUN LA BRTEN PA'I SDIG SGRIB THAMS CAD BYANG ZHING DAG ,LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD BAR DU YANG DGE 'DUN DKON MCHOG GI BYIN RLABS THAMS CAD RANG GZHAN SEMS CAN THAMS CAD KYI LUS SEMS LA ZHUGS NAS DGE 'DUN

DKON MCHOG GI SKYABS 'OG TU CHUD PAR BSAM, DE NAS SKYABS 'GRO MDOR BSDUS NI, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,ZHES BRJOD PAS TSOGS ZHING THAMS CAD KYI SKU'I CHA LAS BDUD RTZI SNGA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG MA MED PA NAS BSAGS PA'I SDIG SGRIB THAMS CAD DANG, KHYAD PAR DU DKON MCHOG GSUM LA BRTEN PA'I SDIG SGRIB THAMS CAD BYANG ZHING DAG ,LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR DU YANG DKON MCHOG GSUM GYI BYIN RLABS THAMS CAD RANG GZHAN SEMS CAN THAMS CAD KYI LUS SEMS LA ZHUGS TE, DKON MCHOG GSUM GYI SKYABS 'OG TU CHUD PAR BSAM, SEMS BSKYED TSUL NI, BDAG GIS SBYIN SOGS BGYIS PA'I BSOD NAMS KYIS, ,'GRO LA PHAN PHYIR SANGS RGYAS 'GRUB PAR SHOG ,SBYIN PA LAS BYUNG BA DANG, TSUL KHRIMS LAS BYUNG BA DANG, BSGOM PA SOGS LAS BYUNG BA'I DGE BA'I RTZA BA 'DI LA BRTEN NAS BDAG GIS SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG THOB PAR SHOG CIG SNYAM PA'I SMON SEMS DANG, BDAG GIS MA SEMS CAN THAMS CAD KYI DON DU BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU SBYIN SOGS PHA ROL TU PHYIN PA DRUG DANG BSDU BA'I DNGOS PO BZHI LA SOGS PA'I RGYAL SRAS KYI SPYOD PA MTHA' DAG LA TSUL BZHIN DU BSLAB PAR BYA'O SNYAM PA'I 'JUG PA'I SEMS BSKYED, DE

, ,LTAR SEMS BSKYED PA LA BRTEN NAS BLA MA THUB PA'I DBANG PO DE NYID LAS RANG 'DRA GNYIS BA ZHIG CHAD NAS RANG NYID LA THIM PAS RANG NYID KYANG BLA MA THUB PA'I DBANG PO'I SKUR LAM GYIS GYUR, GYUR PA DE NYID LA BLA MA THUB PA'I DBANG PO DE NGA'O SNYAM DU NGA RGYAL SGOM PA LA RTEN 'BREL KHYAD PAR CAN ZHIG YOD GSUNG, ZHI GNAS GTZO BOR SGOM PA YIN NA ZHI GNAS KYI THAD DU SLEB NA MA SLEB LTA BU MA YIN PAR RANG NYID THUB PA'I DBANG POR GSAL BA DE NYID LA ZHI GNAS SGOM PA'I DMIGS RTEN BYAS NAS ZHI GNAS BSGOMS PAS CHOG GSUNG, RANG THUB PA'I DBANG POR GSAL BA'I THUB PA'I DBANG PO'I SKU LAS 'OD ZER 'PHROS, MTHA' SKOR NA YOD PA'I SEMS CAN THAMS CAD LA PHOG PAS SEMS CAN THAMS CAD KYANG THUB PA'I DBANG PO'I GO 'PHANG LA BKOD PAR BSAM, ,DE NAS TSAD MED BZHI BSGOM TSUL LA, RANG PHYOGS LA CHAGS PA DANG GZHAN PHYOGS LA SDANG BA'I CHAGS SDANG GI DBANG GI SEMS CAN THAMS CAD SDUG BSNGAL BCUG PA YIN PAS SEMS CAN THAMS CAD NYE RING CHAGS SDANG DANG BRAL BA'I BTANG SNYOMS LA GNAS NA CI MA RUNG, GNAS PAR GYUR CIG ,GNAS PAR BDAG GIS BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SGOM PA NI BTANG SNYOMS DANG, SEMS CAN THAMS CAD BDE BA DANG BDE BA'I RGYU DANG LDAN NA CI MA RUNG, LDAN PAR GYUR CIG ,LDAN PAR BDAG GIS BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SGOM PA NI BYAMS PA DANG, SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL NA CI MA RUNG, BRAL BAR GYUR CIG ,BRAL BAR BDAG GIS BYA'O, ,DE LTAR BYED

NUS PAR BLA MA LHAS BYIN GYIS BRLAB TU GSOL ZHES SGOM PA NI SNYING RJE DANG, DE NAS SEMS CAN THAMS CAD MTHO RIS DANG THAR BA'I BDE BA DANG DAM PA DANG MA BRAL NA CI MA RUNG, MI 'DRAL BAR GYUR CIG ,MI 'BRAL BAR BDAG GIS BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES GSOL BA BTAB PAS TSOGS ZHING THAMS CAD KYI SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG MED NAS BSAGS PA'I SDIG SGRIB THAMS CAD DANG; KHYAD PAR DU YANG RANG GZHAN SEMS CAN THAMS CAD TSAD MED BZHI SGOM PA LA BAR DU GCOD PA'I NAD GDON SDIG SGRIB THAMS CAD BYANG ZHING DAG ,LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR DU YANG RANG GZHAN SEMS CAN THAMS CAD TSAD MED BZHI LA GNAS PAR BSAM, DE LTAR SKYABS 'GRO SEMS BSKYED TSUL MED BZHI SGOM PA SNGON DU BTANG NAS, KHYAD PAR SEMS CAN SDUG BSNGAL GYIS MNAR BA LA MI BZOD PA'I SNYING RJE SHUGS DRAG POS KUN NAS BSLANGS TE, MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU LAM ZAB MO BLA MA LHA'I RNAL 'BYOR GYI SGO NAS BYANG CHUB LAM GYI RIM PA'I 'KHRID SGOM PA LA 'JUG PAR BYA'O SNYAM BA BDUN NAM NYER GCIG GANG YANG RUNG BA BYA, MYUR BA LAN GNYIS SMOS PA'I DON LA, RGYAL BA DBEN SA BA CHEN POS, BYANG CHUB LAM GYI RIM PA'I 'KHRID SGOM PA'I SGO NAS LAM NYAMS SU LEN PA MYUR BA DANG PO'I DON DANG BLA MA'I

, ,RNAL 'BYOR LAM GYI SROG TU BYAS NAS LAM NYAMS SU LEN PA MYUR BA GNYIS PA'I DON DU BZHED BA YIN, YANG NA BSKAL PA GRANGS MED GSUM DU TSOGS BSAGS BA LA MI LTOS PAR TSE GCIG LUS GCIG LA 'TSANG RGYA BA MYUR BA DANG PO'I DON DANG; SNYIGS DUS KYI TSE THUNG GCIG LA 'TSANG RGYA BA MYUR BA GNYIS PA'I DON DU BZHED PA YANG YOD, BLA MA'I RNAL 'BYOR LAM GYI SROG TU BYAS NAS LAM NYAMS SU BLANGS NA 'TSANG RGYA BA LA MYUR BA YANG YIN TE, DGE BSHES STON PAS, RTEN GANG LA GSOL BA BTAB PA LAS JO BO LA GSOL BA BTAB PA BYIN RLABS CHE BA BYUNG GSUNG PA DANG, RJE BDAG NYID CHEN POS, MNYAN NA TSIG MI ZIN, BSAMS NA DON MI GO ,BSGOMS NA RGYUD LA MI SKYE BA'I BLO'I MTHU SHIN TU CHUNG BA'I DUS SU ZHING GI MTHU LA BRTEN BA MAN NGAG YIN GSUNG BA DANG, TE LOS N'A RO PA LA, BOGS 'DON KUN GYI MCHOG GYUR PA, ,BLA MA YIN NO RNAL 'BYOR BA, ZHES DANG, RMOG COG PA'I ZHAL NAS, SGOM SRAN GYIS GROL BAR THE TSOM ZA, ,MOS GUS KYIS 'GROL BAR THE TSOM MED, ,CES DANG, THUGS RJE CHEN PO RANG DKAR NA'ANG DKAR, RJE BTZUN MA RANG DMAR NA'ANG DMAR, KYE RDO RJE RANG SNGO NA'ANG SNGO, NGA NI GANG DU 'DUG KYANG BLA MA'I SNANG BA DANG BRAL MA MYONG, TSE GCIG GI SANGS RGYAS 'AM DE DA YONG YONG 'DRA, ,ZHES GSUNG, DE NAS TSOGS ZHING GSAL 'DEBS TSUL LA BLA MA MCHOD PA'I LUGS KYI TSOGS ZHING GSAL 'DEBS TSUL DANG, DMAR KHRID 'DI GA'I LUGS KYI TSOGS ZHING GSAL 'DEBS TSUL GNYIS LAS GANG BYAS KYANG CHOG PAS, BLA MA MCHOD PA'I LUGS KYI TSOGS ZHING GSAL 'DEBS TSUL NI, MDUN GYI NAM

MKHAR DPAG BSAM GYI SDONG PO YANG SHING RGYA CHE BA LO MA ME TOG 'BRAS BUS YONGS SU MDZES PA DE'I DBUS SU SENG+GE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA'I STENG KHAR SNA TSOGS PADMA 'DAB MA BSAM GYIS MI KHYAB PA YOD PA'I 'DAB MA 'OG MAS SENG KHRI CUNG ZAD KHEBS PA, DE NAS 'DAB MA RNAMS RGYA JA CHUNG JE CHUNG DANG DPANGS JI MTHO JE MTHOR SONG BA'I DBUS KYI 'DAB MA BZHI PA'I LTE BAR SNA TSOGS PAD ZLA NYI MA'I DKYIL 'KHOR GYI GDAN LA RANG GI DRIN CAN RTZA BA'I BLA MA DE NYID GSUM LDAN RDO RJE 'DZIN PA'I DGE SLONG GI CHA LUGS CAN SKU MDOG GUR KUM GYI MDANGS DANG LDAN PA, PHYAG G-YAS CHOS 'CHAD, G-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS PA SKU LA CHOS GOS DUR SMRIG GI MDOG CAN GSOL ZHING, DBU LA PAn ZHVA GSER GYI MDOG CAN GSOL BA MTSAN DPES BRGYAN PA'I DVANGS GSAL 'OD KYI RANG BZHIN CAN SKU LAS SKYES PA'I 'OD KYI PHUNG PO'I DBUS NA ZHABS RDO RJE'I SKYIL KRUNG GIS BZHUGS PA, DE'I THUGS KAR RGYAL BA SH'AKYA THUB PA, DE'I THUGS KAR RGYAL BA RDO RJE 'CHANG, DE'I G-YAS KYI 'DAB MA LA RDO RJE 'JIGS BYED KYI LHA TSOGS RNAMS DANG, G-YON GYI 'DAB MA LA 'KHOR LO SDOM PA'I LHA TSOGS RNAMS DANG, MDUN GYI 'DUB MA LA DPAL GSANG BA 'DUS PA'I LHA TSOGS RNAMS DANG, RGYAB KYI 'DAB MA LA KYE RDO RJE'I LHA TSOGS RNAMS KYIS BSKOR NAS BZHUGS PA, DE'I 'OG GI PADMA'I 'DAB MA LA DUS 'KHOR DGRA NAG GSHED DMAR LA SOGS PA'I RNAL 'BYOR BLA MED KYI LHA TSOGS GZHAN RNAMS KYIS BSKOR NAS BZHUGS PA, DE'I 'OG MA LA KUN RIG RNAM PAR SNANG MDZAD

, ,SOGS PA'I RNAL 'BYOR RGYUD KYI LHA TSOGS RNAMS DANG, DE'I 'OG MA LA RNAM SNANG MNGON BYANG LA SOGS PA'I SPYOD RGYUD KYI LHA TSOGS RNAMS KYIS BSKOR NAS BZHUGS PA, DE'I 'OG MA LA THUB PA DAM TSIG GSUM BKOD SOGS BYA RGYUD KYI LHA TSOGS RNAMS KYIS BSKOR NAS BZHUGS PA, DE'I 'OG MA LA BSKAL BZANG GI SANGS RGYAS STONG DANG SANGS RGYAS SUM CU SO LNGA LA SOGS PAS BSKOR NAS BZHUGS PA, DE'I 'OG MA LA NYE BA'I SRAS CHEN BRGYAD SOGS BYANG CHUB SEMS DPA' RNAMS KYIS BSKOR NAS BZHUGS PA, DE'I 'OG MA LA RANG RGYAL BCU GNYIS SOGS DANG, DE'I 'OG MA LA GNAS BRTAN BCU DRUG LA SOGS PA'I NYAN THOS CHEN PO RNAMS KYIS BSKOR NAS BZHUGS PA, DE'I 'OG MA LA CHOS SKYONG BSRUNG MA RNAMS KYIS BSKOR NAS BZHUGS PA, DE'I PHYI ROL GYI PHYOGS BZHIR YUL 'KHOR SRUNG DRI ZA'I TSOGS KYIS, 'PHAGS SKYES PO GRUL BUM GYI TSOGS KYIS, KLU'I RGYAL PO SPYAN MI BZANG KLU'I TSOGS KYIS, GNOD SBYIN GYI RGYAL PO RNAM THOS SRAS GNOD SBYIN GYI TSOGS KYIS BSKOR NAS RANG LA BAR CHAD BSRUNG BA'I TSUL DU BZHUGS PA, DE NAS BLA MA THUB BO'I DBANG PO'I THUGS KA NAS 'OD ZER BLA MA'I GRANGS DANG MNYAM PA STENG PHYOGS SU 'PHROS PA'I SNE MOR SNA TSOGS PAD ZLA NYI MA'I DKYIL 'KHOR GYI GDAN LA RGYAL BA RDO RJE 'CHANG LA NYAMS LEN BYIN RLABS BRGYUD PA'I BLA MA TE LO N'A RO DPAL MCHOG dO BHI PA LA SOGS PAS BSKOR NAS BZHUGS PA, 'OD ZER G-YAS PHYOGS SU 'PHROS PA'I SNE MOR SNA TSOGS PAD ZLA'I STENG DU RJE BTZUN BYAMS PA LA 'PHAGS PA THOGS MED LA SOGS PA'I RGYA CHEN SPYOD

BRGYUD KYI BLA MA RNAMS KYIS BSKOR NAS BZHUGS PA, 'OD ZER G-YON PHYOGS SU 'PHROS PA'I SNE MOR SNA TSOGS PAD ZLA'I STENG DU RJE BTZUN 'JAM DBYANGS LA 'PHAGS PA KLU SGRUBS SOGS PA'I ZAB MO LTA BRGYUD KYI BLA MA RNAMS KYIS BSKOR NAS BZHUGS PA, MDUN PHYOGS SU DRIN CAN RTZA BA'I BLA MA DE LA RANG LA DNGOS SU CHOS 'BREL YOD BA'I BLA MA RNAMS KYIS BSKOR NAS BZHUGS PA, DE DAG RANG RANG GI MDUN NA GDAN KHRI PHUN TSOGS LA RANG RANG GI GSUNGS PA'I LUNG GI CHOS RNAMS 'OD KYI RANG BZHIN CAN GYI PU TI'I RNAM PAR YOD PA; DE DAG GI PHYI ROL TU GANG LA GANG 'DUL GYI SPRUL PA'I BKOD PA BSAM GYIS MI KHYAB PA PHYOGS BCUR 'PHRO BAR BSAM, ` DMAR KHRID 'DI GA'I LUGS KYI TSOGS ZHING GSAL 'DEBS TSUL NI, RANG GI MDUN GYI THANG DRANG GI NAM MKHA'I GNAS SU SENG+GE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA ZHIG DANG, DE'I STENG GI RGYAB LA CUNG ZAD NYE BAR SENG+GE CHEN PO BRGYAD KYIS BTEG PA'I RIN PO CHE'I KHRI CHUNG NGU ZHIG GI STENG KHAR SNA TSOGS PAD ZLA NYI MA'I DKYIL 'KHOR GYI GDAN LA NGO BO RANG GI DRIN CAN RTZA BA'I BLA MA YIN PA LA RNAM BA RGYAL BA SH'AKYA THUB PA SKU MDOG GSENG BTZOM LTA BU DBU GTZUG TOR DANG LDAN PA, ZHAL GCIG PHYAG GNYIS, G-YAS CHOS 'CHAD, G-YON MNYAM BZHAG GI STENG NA BDUD RTZIS GANG BA'I LHUNG BZED BSNAMS PA, SKU LA CHOS GOS DUR SMRIG GI MDOG CAN MDZES PAR GSOL BA MTSAN DPES BRGYAN PA'I DVANGS GSAL 'OD KYI RANG BZHIN CAN, SKU LAS SKYES BA'I 'OD KYI PHUNG PO'I DKYIL 'KHOR NA ZHABS GNYIS RDO RJE'I SKYIL KRUNG GIS BZHUGS PA BLA MA THUB PA'I DBANG PO'I THUGS KA NAS 'OD ZER BLA MA'I GRANGS DANG MNYAM PA STENG

, ,PHYOGS SU 'PHROS BA'I SNE MOR SENG KHRI PAD ZLA'I GDAN LA RGYAL BA RDO RJE 'CHANG LA NYAMS LEN BYIN RLABS BRGYUD PA'I BLA MA RNAMS KYIS BSKOR NAS BZHUGS PA, G-YAS PHYOGS SU 'OD ZER 'PHROS BA'I SNE MOR PAD ZLA'I GDAN LA RJE BTZUN BYAMS PA LA RGYA CHEN SPYOD BRGYUD KYI BLA MA RNAMS KYIS BSKOR NAS BZHUGS PA, G-YON PHYOGS SU 'OD ZER 'PHROS BA'I SNE MOR PAD ZLA'I GDAN LA RJE BTZUN 'JAM DBYANGS LA ZAB MO LTA BRGYUD KYI BLA MA RNAMS KYIS BSKOR NAS BZHUGS PA, MDUN PHYOGS SU 'PHROS PA'I SNE MOR SENG KHRI PAD ZLA'I GDAN LA DRIN CAN RTZA BA'I BLA MA LA RANG LA DNGOS SU CHOS 'BREL YOD PA'I BLA MA RNAMS KYIS BSKOR NAS BZHUGS PA, DE DAG GI MTHA' SKOR DU YI DAM SANGS RGYAS BYANG SEMS DPA' BO DPA' MO BSTAN BSRUNG YE SHES PA'I TSOGS RNAMS KYIS BSKOR NAS BZHUGS PA, DE DAG RANG RANG GI MDUN NA GDAN KHRI PHUN TSOGS LA RANG RANG GIS GSUNGS BA'I LUNG GI CHOS RNAMS 'OD KYI RANG BZHIN CAN GYI BU TI'I RNAM PAR YOD PA, DE DAG GI PHYI ROL TU GANG LA GANG 'DUL GYI SPRUL PA'I BKOD PA BSAM GYIS MI KHYAB PA PHYOGS BCUR 'PHRO BA'I GTZO 'KHOR THAMS CAD KYI SPYI BO MA AOm DKAR PO, MGRIN PAR A'A:DMAR PO, THUGS KAR H'Um SNGON POS MTSAN PAR GSAL LAM GYIS BTAB NAS, BLA MA THUB PA'I DBANG PO'I THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS YANG DAG MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, ,BCOM

LDAN BSKAL BA GRANGS MED DU MA RU, ,'GROL BRTZE PHYIR THUGS RJE RNAM SPYANGS SHING, ZHES SOGS SPYAN 'DREN DAM TSIG PA SO SO LA BSTIM PA KHRUS KHANG BSKYED PA, SKU KHRUS GSOL BA SOGS BYAS NAS BSAG SBYANG GI GNAD BSDUS PA YAN LAG BDUN PA MAndAL DANG BCAS 'BUL BA LA, DANG POR PHYAG 'TSAL BA'I YAN LAG NI, RANG GI LUS ZHING GI RDUL PHRA RAB KYI GRANGS DANG MNYAM PAR SPRUL NAS PHYAG BYA BA LUS KYI PHYAG DANG, LUS RE RE LAM GO DPAG TU MED PA DANG MGO RE RE LA KHA DPAG TU MED PA DANG, KHA RE RE LA LCE DPAG TU MED PAR SPRUL NAS SNYAN PA'I DBYANGS KYIS BSTOD DBYANGS BRJOD BDAG GI PHYAG DANG, TSOGS ZHING RNAMS SKYON KUN ZANG YON TAN KUN LDAN DU BLTAS NAS YID KYIS 'DUD PA YID KYI PHYAG STE LUS NGAG YID GSUM GYI SGO NAS PHYAG 'TSAL BA NI, PHUN CHOGS DGE LEGS BYE BAS BSKRUN PA'I SKU, ,MTHA' YAS 'GRO BA'I RE BA SKONG BA'I GSUNG, ,MA LUS SHES BYA JI BZHIN GZIGS PA'I THUGS, ,SH'AKYA'I RGYAL PO DE LA MGOS PHYAG 'TSAL, ,BYAMS PA THOGS MED DBYIG GNYEN RNAM GROL SDE, ,MCHOG SDE DUL BA'I SDE DANG GRAGS PA'I SDE, ,SENG BZANG KU SA LI GNYIS GSER GLING PA, ,RGYA CHEN SPYOD PA'I BRGYUD LA PHYAG 'TSAL LO, ,'JAM DBYANGS YOD MED PHYOGS 'JIG KLU SGRUB DANG, ,ZLA BA GRANGS PA RIG PA'I KHU BYUG CHE, ,SANGS RGYAS DGONGS SKYONGS 'PHAGS PA YAB SRAS TE, ,ZAB MO LTA BA'I BRGYUD LA PHYAG 'TSAL LO, ,THUGS RJE CHEN PO BDE GSHEGS RDO RJE 'CHANG, ,MCHOG GZIGS TI LO PA DANG N'A RO PA, ,DPAL MCHOG dOm BHI PA DANG AA TI SHA, ,NYAMS LEN BYIN RLABS BRGYUD LA PHYAG 'TSAL LO, ,DMIGS MED BRTZE BA'I GTER CHEN SPYAN RAS GZIGS, ,DRI MED MKHYEN PA'I DBANG PO

, ,'JAM PA'I DBYANGS, ,GANGS CAN MKHAS PA'I GTZUG RGYAN TZONG KHA PA, ,BLO BZANG GRAGS PA'I ZHABS LA PHYAG 'TSAL LO, ,RJE BTZUN 'JAM PA'I DBYANGS KYI BKA' BSGRUBS PAS, ,MDO RGYUD RGYA MTSO'I DPAL LA DBANG BSGYUR ZHING, ,BLO BZANG CHOS KYI MDUN SA MDZES PA'I RGYAN, ,'JAM DPAL RGYA MTSO'I ZHABS LA PHYAG 'TSAL LO, ,DGE LEGS RAB DKAR TSOGS GNYIS GOMS PA'I MTHUS, ,DPAL LDAN SKU BZHI'I GO 'PHANG MCHOG BRNYES KYANG, ,BZANG PO'I MDZAD PAS GDUL BYA MI 'DOR BA'I, ,DPAL LDAN BLA MA'I ZHABS LA PHYAG 'TSAL LO, ,RAB 'BYAMS CHOS KYI DGONGS DON 'BYED PA LA, ,MKHAS MANG DBUS NA RGYAL MTSAN, TOG LTAR MDZES, ,DPAL LDAN KLU SGRUB GNYIS PA CHOS KYI RJE, ,BZANG PO'I MTSAN CAN ZHABS LA PHYAG 'TSAL LO, ,RGYAL BA KUN GYIS GSUNGS PA'I CHOS RNAMS KYI, ,BCUD RNAMS BSDUS NAS NYAMS SU BLANGS PA'I MTHUS, ,TSE GCIG NYID LA RDO RJE'I SKU BRNYES PA, ,'CHI MED RNAL 'BYOR MCHOG LA PHYAG 'TSAL LO, ,DPAL LDAN BLA MA BDE CHEN DNGOS GRUB KUN, ,KUN LA SBYIN MDZAD BLO BZANG RDO RJE 'CHANG, ,SKYABS GSUM KUN 'DUS RJE BTZUN SPRUL PA'I SKU, ,BLO BZANG DON GRUB ZHABS LA PHYAG 'TSAL LO, ,SNGON TSE THUGS BSKYED SMON LAM GRUB PA'I MTHUS, ,DA LTA BLO BZANG BSTAN PA'I SNYING PO 'DZIN, ,DGAG SGRUB SPANG BLANG BRAL BA'I RNAL 'BYOR PA, ,SANGS RGYAS YE SHES ZHABS LA PHYAG 'TSAL LO, ,DGE LEGS YON TAN MA LUS 'BYUNG BA'I GNAS, ,DRI MED BLO BZANG BSTAN PA'I KHANG BZANG RTZER, ,CHOS KYI RGYAL MTSAN 'DZIN PA'I DPAL YON CAN, ,DPAL LDAN BLA MA'I ZHABS LA PHYAG 'TSAL LO, ,DKON MCHOG GSUM GYI MKHYEN BRTZE GCIG

BSDUS PA'I, ,RGYAL BA GNYIS PA'I LUNG RTOGS DAM CHOS RGYAL MTSAN 'DZIN PA'I DPAL YON CAN, ,DPAL LDAN BLA MA'I ZHABS 'DZIN DAM PA'I ZHABS LA PHYAG 'TSAL LO, ,SKYABS GSUM KUN 'DUS BLA MA RDO RJE 'CHANG, ,GANG LA GANG 'DUL BSHES GNYEN TSUL BZUNGS NAS;; MCHOG DANG THUN MONG DNGOS GRUB STZOL MDZAD PA'I, ,DRIN CAN BLA MA RNAMS LA PHYAG 'TSAL LO, ,STON PA BLA MED SOGS DANG PHYAG BYAR 'OS PA SOGS BYA, BZANG SPYOD NAS 'BYUNG BA LTAR BYED NA SGO GSUM BSDOMS PA'I PHYAG LA, JI SNYED SU DAG CES SOGS TSIGS BCAD GCIG STE, 'JIG RTEN GYI KHAMS PHYOGS RE BA DANG DUS RE RE'I SANGS RGYAS MA YIN GYI, PHYOGS BCU GA DANG DUS GSUM GAR BZHUGS PA'I RGYAL BA THAMS CAD LA DMIGS NAS BSAM PA THAG PA NAS SGO GSUM GUS PAS PHYAG 'TSAL BA'O, ,SGO GSUM SO SO'I PHYAG LA, LUS KYI PHYAG NI BZANG PO SPYOD BZHES SOGS TSIGS BCAD GCIG STE, PHYOGS DANG DUS KYIS BSDUS PA'I RGYAL BA THAMS CAD YID KYI YUL DU MNGON SUM PA LTAR DMIGS NAS RANG GI LUS ZHING GI RDUL PHRA RAB DANG GRANGS MNYAM PAR SPRUL NAS PHYAG BYA BA'O, ,DE YANG YUL RNAMS KYI BZANG PO'I SPYOD PA LA DAD PA'I STOBS BSKYED LA DES KUN NAS BSLANGS TE'O, ,YID KYI PHYAG NI RDUL GCIG STENG NA ZHES PA'I TSIGS BCAD GCIG STE, RDUL PHRA RAB RE RE'I STENG NA YANG RDUL THAMS CAD KYI GRANGS DANG MNYAM PA'I SANGS RGYAS LA BYANG SEMS KYIS BSKOR BA'I DBUS NA BZHUGS PA LA DE DAG GI YON TAN RJES SU DRAN PA'I MOS PA BSKYED PA'O, ,NGAG GI PHYAG NI, DE DAG BSNGAGS PA ZHES SOGS TSIGS BCAD GCIG STE, YUL RNAMS KYI YON TAN BSNGAGS BZAD MI SHES PA

, ,LUS RE RE LA MGO DPAG TU MED PA RANG MGO RE RE LA KHA DPAG TU MED PA DANG KHA RE RE LA LCE DPAG TU MED PAR SPRUL NAS SNYAN PA'I DBYANGS KYIS BRJOD PA'O, ,'DIR DBYANGS NI BSTOD PA YIN LA DE'I YAN LAG NI RGYU STE LCE'O, ,RGYA MTSO NI MANG PO'I TSIG GO, MCHOD PA 'BUL BA NI MCHOD 'PHRENG RGYAS PA LTAR RAM MDOR BSDU NA MCHOD PA LA BLA NA YOD PA'I MCHOD PA NI, ME TOG DAM ZHES SOGS TSIGS BCAD GNYIS TE, ME TOG DAM PA NI LHA DANG MI'I ME TOG RMAD DU BYUNG BA SIL MA RNAMS SO, ,PHRENG BA NI ME TOG SNA TSOGS SPEL TA BRGYUS PA STE DE GNYIS KA'ANG DNGOS DANG BCOS MA THAMS CAD DO, ,SIL SNYAN NI PI WANG SOGS ROL MO RGYUD CAN LA SOGS PA DANG DUNG DANG GLING BU LA SOGS PA 'BUD PA DANG RDZA RNGA 'KHANG RNGA LA SOGS PA BRDUNG BA DANG TING SHAG SOGS DKROL BA RNAMS SO, ,DBYUG PA NI SPOS ZHIM PO'I LNGA GU'O, ,GDUGS MCHOG NI GDUGS RNAMS KYI MCHOG GO ,MAR ME NI SPOS MAR LA SOGS PA DRI ZHIM LA 'OD GSAL BA DANG NOR BU RIN PO CHE NYIN MTSAN NGO MI SHES BLTA BU'I 'OD GSAL BA 'BUL BA RNAMS SO, ,BDUG PA NI, BDUG SPOS SBYAR BA DA LTA SPOS RENG DU GRAGS PA 'DI DANG, SNA GCIG PA AA KA RU DANG DU RU KA LA SOGS PA RNAMS SO, ,NA BZA' DAM PA NI GOS KYI MCHOG GO ,DRI MCHOG NI STONG GSUM DU DRI NGAD LDANG BA'I DRIS BSGOS PA'I CHU LA SOGS PA RNAMS SO, ,PHYE MA PHUR MA NI SPOS ZHIM PO'I PHYE MA GTOR PA, 'JUG TU RUNG BA'I THUM POR BYAS PA'AM DKYIL 'KHOR BRIS PA'I TSON PHYE SPEL BA'I RIM PA RGYA DANG RNGAMS RI RAB DANG MNYAM PA'O, ,BKOD PA NI GONG MA KUN GYI MTHAR SBYOR BA STE PHAL CHE BA DANG SPRAS PA DANG SNA TSOGS LA BYA'O, ,BLA NA MED PA'I MCHOD PA NI, MCHOD

PA GANG RNAMS ZHES SOGS TSIGS BCAD GCIG STE, BLA NA YOD PA NI 'JIG RTEN PA'I MCHOD PA YIN LA 'DIR NI BYANG CHUB SEMS DPA' LA SOGS PA'I MTHU CHEN RNAMS KYIS BZANG DGU SPRUL PA'O, ,TSIG RKANG THA MA GNYIS NI GONG MA DE GNYIS MA TSANG BA THAMS CAD LA SBYAR TE PHYAG DANG MCHOD PA DANG KUN SLONG DANG YUL STON PA'O, ,SDIG PA BSHAGS PA NI, RANG GI SNGAR BYAS KYI SDIG PA LA KHONG PAR DUG SONG BA LTA BU'I 'GYONG SEMS DANG PHYIN CHAD SROG LA BAB KYANG MI BYA SNYAM PA'I SDOM SEMS YANG YANG BTAB LA LONG BYUNG TSE SDOM GSUM SO SO'I BSHAGS PA'I MTSAMS SU BLA MA RDOR 'DZIN MA BYANG CHUB LTUNG BSHAG NAS SOGS STOBS BZHI'I BSHAGS SDOM GANG LCOGS BYA, DE YANG NYES PA SNGA MA LA 'GYOD CING PHYI MA SDOM PA'I SEMS KYIS SNYING THAG PA NAS MA BSHAGS NA RANG RGYUD KYI YON TAN SNGAR MA SKYES PA GSAR DU MI SKYE, SKYES PA RNAMS KYANG NYAMS NAS 'GRO ZHING RANG GIS SNGAR BYAS KYI SDIG PA LA KHONG PAR DUG SONG BA LTA BU'I 'GYOD SEMS DANG PHYIN CHAD SROG LA BAB KYANG MI BYED SNYAM PA'I SDOM SEMS SNYING THAG PA NAS BYAS NA RANG RGYUD KYI YON TAN SNGAR MA SKYES PA RNAMS GSAR DU SKYE, SKYES PA RNAMS GONG 'PHEL DU 'GRO BAS SNGON GYI SKYES BU DAM PA RNAMS SDIG LTUNG BSHAGS PA LA THUGS GCIGS SHIN TU CHE STE JO BO BOD DU 'BYON PA'I LAM KHANG NYES PA PHRA'U ZHIG PHYUNG TSOD DU GDA' BAS DE MA THAG TSONG BA'I SNA BSKYIL MAndAL PHUL BZHAGS PA MDZAD, DA GSHEGS KHO BO DE'I 'PHRO LA SHI NA DAN 'GROR SKYE GSUNGS NAS DE BZHIN DU GAR 'BYON DU SHING GI MCHOD RTEN ZHIG BSNAMS NAS 'PHRAL DU BSHAGS BSDAMS MDZAD NAS SDIG LTUNG DANG ZHAG TU MI 'GROGS PA YIN GSUNGS

, ,BA DANG, RJE RIN PO CHES KYANG DANG BOR CHOS LUNG DGON PAR THUGS DAM SHIN TU 'PHEL BA'I SKABS SHIG TU BSAG SBYANG LA SHIN TU 'GRUS PAR MDZAD NAS KLU DBANG RGYAL PO THOG MAR ZHAL GZIGS, DE NAS SANGS RGYAS SUM CU SO LNGA ZHAL GZIGS PA SOGS BYUNG BAS RANG RE RNAMS KYANG SNGON GYI SKYES BU DAM BA DE RNAMS KYI RJES SU 'BRANGS NAS SLOB DGOS PA YIN, BZANG SPYOD NAS 'BYUNG BA LTAR BYED NA, 'DOD CHAGS ZHES SOGS TSIGS BCAD GCIG STE, RGYU DUG GSUM LA BRTEN NAS GZHI LUS LA SOGS PA GSUM GYI RANG BZHIN NI BDAG GIS BGYIS BA STE DE YANG RANG GIS DNGOS SU BYAS PA DANG GZHAN BYED DU BCUG PA DANG, GZHAN GYIS BYES PA LA RJES SU YI RANG BA'O, ,DE DAG THAMS CAD SPYIR BSDUS PA NI CI MCHIS BZHES PA STE, DE DAG GI NYES DMIGS DRAN NAS SNGA MA LA 'GYOD CING PHYI MA LA SDOM PA'I SEMS KYIS SNYING THAG PA NAS BSHAGS NA SNGAR BYAS 'PHEL BA 'CHAD CING PHYI MA RNAMS 'PHRO 'CHAD DO, ,NYES PA LAS SLAR LDOG PA'I SDOM SEMS DRAG PO MED NA MI 'CHAB BO MI SBED DO, ,SLAN CHAD KYANG GCOD CING SDOM PAR BGYI'O ZHES BRJOD KYANG SDIG BA MI 'DZAD PA'I STENG DU RDZUN SMRAS PA'I NYES PA 'BYUNG BAR 'DUL BRGYA CHER 'GREL LAS GSUNGS, DES NA NYES BA SPONG SLA BA RNAMS NI DUS YUN RING BO'I BAR DU SPONG SNYAM PA DANG SPONG DKA' BA RNAMS KYANG THA NA NYIN ZHAG GCIG GI YUN TZAM DU SBONG SNYAM PA'I SDOM SEMS MANG DU BYAS NA NYAS PA LAS SLAR LDOG PA'I STOBS KYI DON TSANG BA'I GNAD YOD PA YIN GSUNG, RJES SU YI RANG NI RANG GZHAN SKYE 'PHAGS THAMS CAD KYIS DUS GSUM DU BSAGS PA'I DGE

BA LANG RGYAL DANG RLOM SEMS LTA BU MA YIN PAR SNYING THAG PA NAS DGA' BA BSKYED NA SNGON BYAS PA'I DGE BA THAMS CAD GONG NAS GONG DU 'PHEL BAR 'GYUR TE, 'DUL BA LUNG LAS, RGYAL PO GSAL RGYAL GYIS STON PA 'KHOR BCAS LA BSNYEN BKUR BYAS BA LAS DBUL PO DES BAS RJES SU YI RANG BYAS BDAG BA CHE BAR THOB GSUNGS PA DANG 'DI LA DGONGS NAS, RJE RIN PO CHES, 'BAD PA CHUNG DUS RLABS CHEN ZHES SOGS GSUNGS PA YIN, DGE BA BYAS PA LA NGA RGYAL RLOM SEMS LTA BU BYAS NA DGE BA MI 'PHEL BA'I STENG DU CHUD 'DZA' BAR 'GYUR BA YIN TE, BSLAB BTUS KYI DGE BA BSRUNG BA'I SKABS SU, RANG DON RNAM SMIN SRED SPANGS BAS, ,DGE BA KUN TU BSRUNG BAR 'GYUR, ,'GYOD PAR YANG NI MI BYA ZHING, ,BYAS PAR GYUR KYANG BSGRAG MI BYA, ZHES GSUNGS PA'I PHYIR, MDOR NA PHYOGS BCU'I RGYAL PA ZHES SOGS TSIGS BCAD GCIG STE GANG ZAG LNGA PO DE'I DGE BA'I PHAN YON DRAN NAS DGA' BSGOM PA'O, ,CHOS 'KHOR BSKOR BAR BSKUL BA NI, GANG RNAMS PHYOGS BCU'I ZHES SOGS TSIGS BCAD GCIG STE, RANG GI LUS ZHING GI RDUL PHRA RAB DANG GRANGS MNYAM PAR SPRUL NAS 'JIG RTEN GYI KHAMS DGAN MNGON PAR RDZOGS PAR SANGS RGYAS MA THAG PA CHOS KYI 'KHOR LO MI BSKOR BAR CANG MI GSUNG BA'I TSUL GYIS BZHUGS PA RNAMS LA 'GRO BA RNAMS LA PHAN PA DANG BDE BA BSKYED PA'I PHYIR DU RANG GIS GSER GYI 'KHOR LO RTZIBS STONG DANG LDAN PA RE RE PHUL NAS CHOS KYI 'KHOR LO BSKOR BAR GSOL BA BTAB BA LA BRTEN NAS DE DAG GIS KYANG CHOS KYI 'KHOR LO BSKOR BAR ZHAL GYIS BZHES NAS CHOS KYI 'KHOR LO BSKOR BAR BSAM PA NI, DE NAS LHA RNAMS STON PA'I DRUNG DU LHAGS ZHES PA NAS, CHOS KYI 'KHOR

, ,LO DAM PA BSKOR DU GSOL ZHES PA'I BAR DANG 'DRA, DE LTAR CHOS KYI 'KHOR LO BSKOR BAR GSOL BA BTAB BA LA BRTEN NAS RANG GIS CHOS KYIS PHONGS PI'I LAS BYAS PA DANG GZHAN GYI CHOS KYI BANG CHAD BYAS PA LA SOGS PA'I SDIG PA 'DAG PAR 'GYUR BA YIN, MYA NGAN LAS MI 'DA' BAR GSOL BA 'DEBS PA NI, MYA NGAN 'DA' STON ZHES SOG MA TSIGS BCAD GCIG STE, PHYOGS BCU'I ZHING NA MYA NGAN LAS 'DA' TSUL STON PA RNAMS LA 'GRO BA RNAMS LA PHAN PA DANG BDE BA BSKYED PA'I PHYIR DU RANG GI LUS ZHING GI RDUL PHRA RAB DANG GRANGS MNYAM PAR SPRUL NAS BSKAL PA'AM MA BSKAL BA LAS KYANG LHAG PAR MYA NGAN LAS MI 'DA' BAR BZHUGS PAR GSOL BA 'DEBS PAR BSAMS NAS MYANG NA 'DA' STON ZHES SOGS TSIGS BCAD GCIG BRJOD, DE YANG RANG LA DNGOS SU CHOS LEGS PAR STON NUS PA'I BLA MA SOGS LA BRTAN BZHUGS YANG YANG PHUL NA RANG GI TSE SGRUB KYI YANG MCHOG TU 'GYUR PA YIN, BSNGO BA'I YAN LAG NI, PHYAG 'TSAL BA DANG ZHES SOGS TSIGS BCAD GCIG STE, GONG GI YAN LAG DRUG GI DGE PAS MTSON NAS DGE BA THAMS CAD SEMS CAN THAMS CAD DANG THUN MONG DU BYAS NAS RDZOGS PA'I BYANG CHUB KYI RGYUR 'DUN PA DRAG POS BSNGO BAR BSAMS NAS PHYAG 'TSAL BA DANG ZHES SOGS TSIGS BCAD GCIG BRJOD, DE YANG SEMS CAN THAMS CAD KYI DON DU DGE RTZA RNAMS BLA NA MED PA RDZOGS PA'I BYANG CHUB KYI RGYUR BSNGOS NA, SEMS CAN RE RE'I STENG NAS DGE RTZA KHAB KYI RTZE MO TZAM LAS MA BYUNG YANG DGE RTZA SHIN TU STOBS CHE BAS BYANG CHUB MA THOB KYI BAR DU MI 'DZAD PA YIN TE, BLO GROS RGYA MTSOS ZHUS PA'I MDO LAS,

JI LTAR RGYA MTSO CHE NANG CHU THIGS LHUNG, ,RGYA MTSO MA ZAD PAR DU DE MI 'DZAD, ,DE BZHIN BYANG CHUB RGYUD BSNGOS DGE BA YANG, ,BYANG CHUB MTHOB BAR DU DE MI 'DZAD, CES GSUNGS BA'I PHYIR, DPER NA RGYAL PO CHEN PO'I BANG MDZOD LA JI TZAM LONGS SPYAD KYANG MI ZAD BA DANG 'DRA, DE NAS 'OG NAS 'BYUNG BA'I 'DOD PA'I DON RNAMS 'GRUB PA'I PHYIR DU NAndAL 'BUL BA NI, DPER NA RGYAL BO ZHIG LA DON 'GANG CHE BZHI GZHU PA'I TSO DANG POR 'BUL BA CHEN PO ZHIG BYAS DE NA MNGON 'DI 'DRA ZHIG GNANG DGOS ZHES SNYAN DU GSOL BA'AM SNYAN 'BUL ZHU BA DANG 'DRA, MAndAL DE YANG RAB GSER DNGUL, 'BRING ZANGS, 'KHAR PA, MA 'BYOR NA YANG SHING SOGS GANG YANG RUNG BA LA 'BYUNG DANG DRI BZANG GI CHUS BYUGS, TSOM BU YANG DRI BZANG GI CHUS SPAGS TE, MAndAL CHE RU YANG MA SONG STONG GSUM GYI STONG CHEN PO'I 'JIG RTE, GYI KHAMS CHUNG DU YANG MA SONG BAR, RANG BLOS LCOGS NA STONG GSUM GYI STOB CHEN PO'I 'JIG RTEN GYI KHAMS THAMS CAD DANG DE LTAR MA LCOGS NA RANG GZHAN GYI LUS LONGS SPYOD GLING BZHI RI RAB DGE RTZA DANG BCAS PA THAMS CAD SNYING THAG PA NAS DMIGS PA GSAL BAR BYAS LA MAndAL PHUL NAS, DON CHEN PO GSUM GYI SGO NAS GSOL BA 'DEBS PA NI, BSHES GNYEN LAM GUS PA NAS BZUNGS TE BDAG GNYIS SU MTSAN MAR 'DZIN PA'I BAR GYI PHYIN CI LOG GI BLO SNA MTHA' DAG 'GAG PA DANG, BSHES GNYEN LA GUS BA SOG PHYIN CI MA LOG PA'I BLO SNA MTHA' DAG BDE BLAG TU SKYE BA DANG, RKYEN PHYI NANG GI BAR GCOD THAMS CAD NYE BAR ZHI BAR BYIN GYIS BRLAB TU GSOL ZHES GDUNG SHUGS DRAG NGOS GSOL BRTZE GCIG TU 'DEBS, DE NAS MDUN GYI DRIN CAN RTZA BA'I BLA MA DE NYID LA DMIGS NAS, DPAL

, ,LDAN RTZA BA'I BLA MA RIN PO CHE, ,BDAG GI SPYI BOR BAD ZLA'I GDAN BZHUGS LA, ZHES SOGS GSOL BA 'DEBS PA MAN NGAG BZHIN RGYUD DANG 'DRES DES PA BYA, DE NAS BLA MA THUB PA'I DBANG PO'I THUGS KA NAS 'OD ZER 'PHROS TE, MTHA' SKOR NA BZHUGS PA'I ZHI KHRO RAB 'BYAMS THAMS CAD LA PHOG PAS MTHA' NAS RIM GYIS 'OD DU ZHU STE RGYA CHEN SPYOD BRGYUD DANG, ZAB MO LTA BRGYUD KYI BLA MA RNAMS LA THIM, DE RNAMS KYANG 'OG MA 'OG MA NAS RIM GYIS ZHU STE RGYA CHEN SPYOD BRGYUD BYAMS PA DANG ZAB MO LTA BRGYUD 'JAM DBYANGS LA THIM, NYAMS LEN BYIN RLABS BRGYUD PA'I BLA MA RNAMS KYANG RDO RJE 'CHANG LA THIM, CHOS 'BREL DNGOS THOB KYI BLA MA RNAMS KYANG DRIN CAN RTZA BA'I BLA MA LA THIM, RE ZHIG LNGA PO DE LA GSAL SNANG 'DON, DE NAS BYAMS 'JAM DBYANGS GNYIS THUB DBANG LA THIM ZHING GDAN PAD ZLA GNYIS KYANG THUB PA'I SENG KHRIL THIM, DE NAS DRIN CAN RTZA BA'I BLA MA YANG 'OD DU ZHU NAS THUB PA'I DBANG PO'I THUGS KAR THIM, RDO RJE 'CHANG YANG BLA MA THUB PA'I DBANG PO'I SPYI BO NAS BYON NAS THUGS KAR YE SHES SEMS DPA'I TSUL GYIS BZHUGS PAR BSAM ZHING DE LA THUB DBANG RDO RJE 'CHANG GSUNG BA YIN, SENG KHRI BAD ZLA'I GDAN GNYIS KYANG THUB PA'I DBANG PO'I SENG KHRI BAD ZLAR THIM, DE NAS YANG RE ZHIG THUB DBANG RDO RJE 'CHANG DE NYID LA GSAL SNANG 'DON, THUB PA'I DBANG PO DE NYID KYANG RANG GI SPYI BO'I DRIN CAN RTZA BA'I BLA MA DE NYID LA THIM PAS, RANG GI SPYI BOR SENG KHRI BAD ZLA NYI MA'I DKYIL 'KHOR GYI GDAN LA NGO BO DRIN CAN RTZA BA'I BLA MA YIN PA LA RNAM BRGYAL BA SH'AKYA THUB PA SKU MDOG GSER BCOM LTA BU DBU GTZUG TOR DANG LDAN PA, ZHAL GCIG PHYAG GNYIS G-YAS SA GNON DANG, G-YON

MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, SKU LA CHOS GOS DUR SMIG GI MDOG CAN GSUM MDZES PAR GSOL PA MTSAN DBES BRGYAN PA'I DVANGS GSAL 'OD KYI RANG BZHIN CAN, SKU LAS SKYES PA'I 'OD KYI PHUNG PO'I DBUS NA ZHABS GNYIS RDO RJE SKYIL KRUNG GIS BZHUGS PA LA DMIGS NAS, YAN LAG BDUN PA MAndAL DANG BCAS PA MDOR BSDUS DBUL ZHING GSOL BA GDAB PA NI, PHUN TSOGS DGE LEGS BYE BAS BSKRUN PA'I SKU, ZHES SOGS TSIGS BCAD GCIG GIS PHYAG 'TSAL BA DANG, DNGOS BSHAMS YID SBRUL MCHOD PA MA LUS 'BUL, ZHES PA NAS, BYANG CHUB CHEN POR BSNGO ZHES PA'I BAR DANG, GLING BZHI NYI ZLA RI RAB RIN CHEN MDUN, ,RIN CHEN MAndAL KUN BZANG MCHOD PA'I TSOGS, ,BLA MA YI DAM DKON MCHOG GSUM LA 'BUL, ,THUGS RJES BZHES NAS BYIN GYIS BRLAB TU GSOL, ,SKU BZHI'I BDAG NYID BLA MA LHAG PA'I LHA, ,THUB DBANG RDO RJE 'CHANG LA GSOL BA 'DEBS, ,SGRIB BRAL CHOS SKU'I BDAG NYID BLA MA LHA, ,THUB DBANG RDO RJE 'CHANG LA GSOL BA 'DEBS, ,BDE CHEN LONGS SKU'I BDAG NYID BLA MA LHA, ,THUB DBANG X, ,SNA TSOGS SBRUL SKU'I BDAG NYID BLA MA LHA, ,THUB DBANG X, ,BLA MA KUN 'DUS BLA MA LHAG PA'I LHA, ,THUB DBANG X, ,YI DAM KUN 'DUS X, ,THUB DBANG X, ,SANGS RGYAS KUN 'DUS X, ,THUB DBANG X, ,DAM CHOS KUN 'DUS X, ,THUB DBANG X, ,DGE 'DUN X, ,THUB DBANG X, ,MKHA' 'GRO X, ,THUB DBANG X, ,CHOS SKYONG X, ,THUB DBANG X, ,SKYABS GNAS KUN 'DUS BLA MA LHAG PA'I LHA, ,THUB DBANG RDO RJE 'CHANG LA GSOL BA 'DEBS, ,BDAG DANG MA SEMS CAN THAMS CAD 'KHOR BAR SKYES NAS YUN RING LA SHUGS DRAG PA'I SDUG BSNGAL SNA TSOGS

, ,MYONG BA 'DI DGE BA'I BSHES GNYEN BSAM SBYOR GNYIS GYIS TSUL BZHIN DU MA BSTEN PAS LAN 'DUG BSAD BDAG DANG MA SEMS CAN THAMS CAD KYIS DGE BA'I BSHES GNYEN BSAM SBYOR GNYIS KYI SGO NAS TSUL BZHIN DU BSTEN NUS PAR BLA MA LHAS BYIN GYIS BRLAB TU GSOL ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DBANG BCAS BA'I RGYUN BA'AS, RANG GZHAN SEMS CAN THAMS CAD KYI LUS SEMS LA ZHUGS BAS THOG MA MED PA NAS BSAGS PA'I SDIG SGRIB THAMS CAD DANG, KHYAD PAR DGE BA'I BSHES GNYEN BSAM SBYOR GNYIS KYIS TSUL BZHIN DU BSTEN PA LA GEGS BYED KYI SDIG SGRIB NAD GDON DANG BCAS PA THAMS CAD BYANG ZHING DAG, LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR DU YANG DGE BA'I BSHOS GNYEN BSAM SBYOR GNYIS KYI SGO NAS TSUL BZHIN DU BSTEN NUS PA'I RTOGS PA KHYAD PAR CAN RANG GZHAN SEMS CAN THAMS CAD KYI RGYUD LA SKYES PAR BSAM, GNYIS PA DNGOS GZHI LA BSHES GNYEN BSTEN PA'I PHAN YON, MA BSTEN PA'I NYES DMIGS BSAM PAS BSTEN TSUL, SBYOR BAS BSTEN TSUL LO, ,DANG PO BSHES GNYEN BSTEN PA'I PHAN YON NI, BLA MA THUB PA'I DBANG PO'I THUGS KA NAS RANG LA DNGOS SU CHOS 'BREL YOD PA'I BLA MA RNAMS SPROS TE MDUN GYI NAM MKHAR BZHUGS PAR DMIGS NAS 'DI LTAR BSAM STE, BSHES GNYEN BSTEN PAS, SANGS RGYAS KYI GO 'PHANG LA NYE BA DANG, RGYAL BA RNAMS DGYES PA DANG, DGE BA'I BSHES GNYEN GYIS MI PHONGS PA DANG, NGAN 'GROR MI LTUNG BA DANG, LAS NGAN BA DANG NYON

MONGS PAS THUB PAR DKA' BA DANG, BYANG SEMS KYI SPYOD BA DANG MI 'GAL ZHING DE LA DRAN BA DANG LDAN PA'I YON TAN GYI TSOGS KYIS JE MTHO DZA MTHOR 'GYUR BA DANG, GNAS SKABS DANG MTHAR THUG GI DON THAMS CAD 'GRUB BAR GSUNGS PA DANG, GZHAN YANG BSHES GZHEN BSTEN BKUR BAS NI NGAN 'GRO MYONG BA'I LAS RNAMS TSE 'DI LA LUS SEMS LA GNOD PA PHRA MO TZAM MA MA RMI LAM DU YANG MYONG BAS KYANG LAS DE 'DRONGS NAS ZAD PAR 'GYUR PA DANG, SANGS RGYAS DPAG TU MED PA LA YON PHUL BA SOGS KYI DGE RTZA RNAMS ZIL GYIS GNON PA SOGS KYI PHAN YON DPAG TU MED PA GSUNGS SO, ,DE YANG BSHIS GNYEN BSAM SBYOR GNYIS KYI SGO NAS TSUL BZHIN DU BSTEN PAS SANGS RGYAS GYI GO 'PHANG LA NYE BAR 'GYUR TE, MGON PO KLU SGRUB KYI RIM LNGAR, MCHOD PA THAMS CAD YONGS SPANGS NAS, ,BLA MA MCHOD PA YANG DAG BRTZAM,, DE MNYES PAS NI KUN MA BYEN GYI, ,YE SHES MCHOG DE THOB PAR 'GYUR, ZHES GSUNGS PA'I PHYIR, RGYAL BA RNAMS DGYES PAR 'GYUR BA YIN TE, RANG GIS DAM TSIG DANG SDOM BA TSUL BZHIN DU MA BSRUNGS PAR SANGS RGYAS BYANG SEMS RNAMS LA MCHOD PA PHUL NA MCHOD PA PHUL BA TZAM GYI PHAN YON YOD KYANG SANGS RGYAS DANG BYANG SEMS RNAMS KYIS DGYES BZHIN DU BZHES PA'I PHAN YON MI 'BYUNG, BLA MA GCIG LA BSHES GNYEN BSTEN TSUL TSUL BZHIN DU BYAS NAS BLA MA DE MCHOD NA SANGS RGYAS BYANG SEMS THAMS CAD SPYAN MA DRANGS PAR YANG BYON TE BLA MA DE'I LUS LA BZHUGS NAS MCHOD BA LEGS PAR BZHES PA YIN TE, 'JAM DPAL ZHAL LUNG LAS, 'DI YOD NO LDAN 'GA' ZHIG LA, ,DA NI DE YI LUS GNAS TE, ,SGRUB PO GZHAN LA MCHOD PA LEN, ,DE MNYES DE YIS RANG GI RGYUD, ,LAS KYI SGRIB PA DAG BYED PA'O,

, ,ZHES GSUNGS, DGE BA'I BSHES GNYEN GYIS MI PHONGS PA YANG YIN TE, PO TO BA'I BE'U BUM SNGON PO LAS, DE BAS CHOS 'BREL MA BRTAGS MANG MIN, ,BRTAGS NAS BZUNGS LA BLA MAR GUS BYA, ,MA 'ONGS BLA MAS MI PHONGS CHOS NYID, ,LAS RNAMS CHUD MI ZA BA YIN PHYIR, ZHES GSUNGS PA'I PHYIR, LAS NGAN PA DANG NYON MONGS PAS THUB PAR DKA' BA DANG BYANG SEMS KYI SPYOD PA DANG MI 'GAL ZHING DE LA DRAN PA DANG LDAN PAS YON TAN GYI TSOGS KYIS JE MTHO JA MTHOR 'GYUR BA YIN TE, RJE BTZUN SA PAn GYIS, BSKAL PA STONG DU PHA ROL PHYIN PA'I TSUL, ,MGO DANG RKANG LAG BDOG PA GTONG PA'I TSOGS, ,BLA MA'I LAM 'DIS SKAD CIG GCIG LA SDUD, ,RIM GRO BYAS LA DGA' BA SGOMS SHIG AANG, ZHES GSUNGS PA'I PHYIR, GNAS SKABS DANG MTHAR THUG GI DON THAMS CAD 'GRUB PAR GSUNGS PA DANG, GZHAN YANG BSHES GNYEN BSNYEN BKUR BAS NI NGAN 'GRO MYONG BA'I LAS RNAMS TSE 'DI LA LUS SEMS LA GNOD PA PHRA MO TZAM MA MA RMI LAM DU MYONG BAS KYANG LAS DE 'DRONGS NAS ZAD PAR 'GYUNG BA YIN TE, SDONG PO BKOD PA'I MDO LAS RIGS KYI BU DGE BA'I BSHES GNYEN GYIS YONGS SU BZUNG BA'I BYANG CHUB SEMS DPA' NI NGAN 'GROR MI LTUNG NGO, ,DGE BA'I BSHES GNYEN GYIS YANG DAG PAR BZUNG BA'I BYANG CHUB SEMS DPA' NI LAS DANG NYON MONGS BAS THUB PAR DKA' BA YIN NO, ZHES GSUNGS SANGS RGYAS DPAG TU MED PA LA YON PHUL BA SOGS KYI DGE RTZA RNAMS ZIL GYIS GNON PA SOGS KYI PHAN YON SHIN TU CHE BAR GSUNGS TE, SAm BU tA'I RGYUD LAS, GANG PHYIR PHYOGS BCU'I SANGS RGYAS DANG, ,BYANG CHUB SEMS DPA'I BSOD NAMS PAS, ,SLOB

DPON BA SPU'I KHUNG GCIG MCHOG ,DE PHYIR SLOB DPON MCHOD BYED PA, ,SANGS RGYAS BYANG CHUB SEMS DPAS GZIGS, ZHES GSUNGS, GNYIS PA MA BSTEN PA'I NYES DMIGS NI, BSHES GNYEN DU BYAS NAS BSTEN TSUL LOG NA NI TSE 'DIR NAD DANG GDON DU MAS 'TSE BA DANG, PHYI MAR NGAN 'GRO'I SDUG BSNGAL DPAG TU MED PA MYONG BAR 'GYUR TE, LNGA BCU BA LAS, DE 'DRA'I MGON LA BSAMS BYAS NAS, ,SLOB MAR GYUR BAS BRNYAS NA NI, ,SANGS RGYAS THAMS CAD BRNYAS BSAN, ,DES NI RTAG TU SDUG BSNGAL 'THOB, CES SOGS DANG; DGRA NAG GI DKA' 'GREL DU DRANGS BA LAS, TSIGS BCAD GCIG TZAM NYAN PA LA, ,GANG GIS BLA MAR MI 'DZIN PA, ,KHYI YI SKYE GNAS BRGYAR SKYES NAS, ,SME SHA CAN DU SKYE BAR 'GYUR, ZHES DANG, GZHAN YANG LAG NA RDO RJE DBANG BSKUR BA'I RGYUD LAS, BCOM LDAN 'DAS GANG DAG SLOB DPON LA BRNYAS PA BGYID BDAG GI RNAM PAR SMIN PA JI LTA BU LAGS, BCOM LDAN 'DAS KYIS BKA' STZAL BA, LAG NA RDO RJE LHA DANG BCAS PA'I 'JIG RTEN THAMS CAD SKRAG PAR 'GYUR GYIS DE SKAD MA SMRA ZHIG, GSANG BA BA'I BDAG BO 'ON KYANG CUNG ZHIG BRJOD PAR BYA STE, DPA' BOS SGRIMS TE DE NYON CIG ,MTSAMS MED LA SOGS MI BZAD PA, ,DMYAL BA GANG DAG NGAS BSHAD PA, ,DE RNAMS KYI NI GNAS SU BRJOD, ,DER NI BSKAL PA MTHA' YAS SO, ,DE LTA BAS NA RNAM KUN TU, ,NAM YANG SLOB DPON BRNYAS MI BYA, ZHES DANG; SANGS RGYAS MNYAM SBYOR LAS, SLOB DPON LA NI SMOD BDAG, RMI LAM DU YANG MTHONG MI BYA, ZHES DANG, RJE RIN PO CHES, BLA MA LA BRNYAS SMOD SOGS LA CI YANG MI 'JOM PAR THOS BSAM SGOM GSUM LA 'BAD PA SKAD BYED PA DAG NI NGAN 'GRO'I SKO 'BYED PA RANG YIN TE, RDO

, ,RJE SNYING PO RGYAN GYI RGYUD LAS, GANG GIS SLOB DPON YANG DAG SMAD, ,DE YIS RGYUD KUN SGRUB PA'I MCHOG ,GNYID DANG 'DU 'JI RNAM SPANGS TE, ,BSKAL PA STONG DU LEGS BSGRUBS KYANG, ,DMYAL SOGS SGRUB PAR BYED PA'O, ZHES GSUNGS PA'I PHYIR, GZHAN YANG MTSAMS MED KYI LAS BYED PA DANG, CHOS SPONG DANG SO THAR GYI PHAM PA BZHI LA SOGS PA SDIG PA CHEN PO BYED PAS KYANG RDO RJE THEG PA 'DI LA MCHOG 'GRUB KYANG, SNYING NAS SLOB DPON SMOD BAS NI BSKAL PA STONG GI BAR DU BSGRUBS KYANG 'GRUB PAR MI 'GYUR LA, DE'I GROGS KYIS KYANG MI 'GRUB PAR GSUNGS TE, DE LTAR YANG 'DUS PA'I RTZA RGYUD LAS, SEMS CAN MTSAMS MED BYED PA DANG, ,SPIG PA CHEN PO BYED PAS KYANG, ,RDO RJE THEG PA RGYA MTSO CHE, ,THEG PA MCHOG NI 'DI LA 'GRUB, ,SNYING NAS SLOB DPON SMOD PA NI, ,BSGRUBS KYANG 'GRUB PAR YONGS MI 'GYUR, ZHES DANG, DUS 'KHOR RTZA RGYUD LAS, BLA MA LA KHROS SKAD CIG GRANGS, ,BSKAL PAR BSAGS PA'I DGE BCOM NAS, ,DE SNYED BSKAL PAR DMYAL SOGS KYI, ,SDUG BSNGAL TSOR BA DRAG PO MYONG, ZHES BLA MA LA KHONG KHRO SKAD CIG MA GCIG SKYES NA BSKAL PA GCIG TU BSAGS PA'I DGE RTZA BCOM NAS BSKAL PA GCIG GI YUN DU MNAR MED DU GNAS DGOS PA SOGS BSKAL BA BRGYA'I BAR LA RIGS 'GRE, GZHAN YANG YON TAN MA SKYES PA RNAMS MI SKYE LA, SKYES PA RNAMS KYANG NYAMS NAS 'GRO ZHING, DE YANG LO RE RE BZHIN ZLA BA RE RE BZHIN ZHAG RE RE BZHIN, THA NA NYI MA'I SNGA DGONGS TSUN CHAD DU NYAMS NAS 'GRO, 'ON SLOB DPON LA SLOB MAS JI LTAR BLTA BAR BYA ZHE NA, LAG NA RDO RJE DBANG BSKUR PA'I RGYUD LAS, GSANG BA BA'I BDAG PO, SLOB DPON LA SLOB MAS JI LTAR BLTA

BAR BYA ZHE NA, SANGS RGYAS BCOM LDAN 'DAS LA JI LTA BDE BZHIN DU'O, ZHES GSUNGS, MI DGE BA'I BSHES GNYEN DANG SDIG GROGS BSTEN NA'ANG YON TAN 'GRIB CING SKYON 'PHEL NAS MI 'DOD BSKYED PAS RNAM PA THAMS CAD DU SPANG BAR BYA BAR GSUNGS SO, ,'O NA SDIG PA'I GROGS DE GANG LA BYA SNYAM NA, GANG DANG 'GROGS PAS BYANG CHUB KYI SEMS KYIS 'PHANGS PA'I BSLAB PA GSUM GYI NYAMS LEN, THOS BSAM SGOM GSUM NYAMS PAR 'GYUR BDE SDIG PA'I GROGS YIN PAR SHES PAR BYA STE, BE'U BUM SNGON PO LAS, BYANG CHUB SEMS KYIS 'PHANGS PA'I BSLAB GSUM, ,GANG DU GNAS PAS 'PHEL BA DE YUL, ,GANG DANG 'GROGS PAS 'PHEL PA DE GROGS, ,DE LAS BZLOG PA YUL DANG GROGS MIN, ZHES DANG, RGYAL SRAS RIN PO CHES, GANG DANG 'GROGS NA NYON MONGS 'PHEL 'GYUR ZHING, ,THOS BSAM SGOM PA'I BYA BA NYAMS 'GYUR LA, ,BYAMS DANG SNYING RJE MED BAR SGYUR BYED PA'I, ,GROGS NGAN SPONG BA RGYAL SRAS LAG LEN YIN, ZHES DANG, DAM PA GONG MA 'GA'I ZHAL NAS, SDIG PA'I GROGS PO YIN ZER NAS GOS SU RE TA GYON PA ZHIG MI YOD SKAD, SHA TSAB SNYING NYE BA BZHIN BYED, CHA RKYEN DAM DU MA RE STER, JA SUN 'DRA BA LDUNG, THABS KYIS DGE BA'I BSHES GNYEN DANG 'BRAL BAR BYED, TSE 'DI'I MDUN MA LA SBYOR NA, PHA MA YIN YANG RUNG STE BDUD YIN PAS DE DANG RGYAB SPROD DGOS PA YIN GSUNG, GZHAN YANG DRAN PA NYER GZHAG LAS, 'DOD CHAGS ZHE SDANG DANG GTI MUG THAMS CAD KYI GZHIR GYUR PA NI SDIG PA'I GROGS PO STE DE NI DUG GI SDONG PO LTA BU'O, ZHES DANG, MYANG 'DAS LAS, BYANG CHUB SEMS DPA' GROGS NGAN PA LA 'JIGS PA LTAR, GLANG PO CHE MYOS PA LA SOGS PA

, ,LA NI MA YIN TE 'DIS NI LUS TZAM 'JIG PAR BYED KYI SNGA MAS NI DGE BA DANG SEMS RNAM PAR DAG PA GNYIS KA 'JIG PAR BYED PA'I PHYIR, ZHES DANG, TSOMS LAS, DAD PA MED CING 'JUNGS PA DANG, ,RDZAN DU SMRA ZHING PHRAG DOG CAN, ,MKHAS PAS BSHES PAR MI BYA ZHING, ,SDEG CAN MI DANG 'GROGS MI BYA, ,GAL TE SDIG PA BYED PA DAG, SDIG MI BYED BAS BSTEN NA YANG, ,SDIG PA BYED PAR DOGS SKYE ZHING, ,MI SNYAN PA YANG 'PHEL BAR 'GYUR, ZHES DANG, DGE BSHES STON PA'I ZHAL NAS, THA MA ZHIG GROGS BZANG PO DANG 'GROGS KYANG 'BRING LAS MI THING, RAB CIG THA MA DANG 'GROGS NA THA MAR 'GRO BA LA TSEGS MED GSUNG, GSUM PA BSAM PAS BSTEN PA LA GNYIS LAS DANG PO RTZA BA DAD PA SBYANG BA NI, DGE BA'I BSHES GNYEN RNAMS MDUN DU GSAL PAR DMIGS NAS, BDAG GI DGE BA'I BSHES GNYEN 'DI RNAMS SANGS RGYAS DNGOS YIN TE, YANG DAG PAR RDZOGS PA'I SANGS RGYAS KYIS, RGYUD SDE RIN PO CHE RNAMS SU RGYAL BA RDO RJE 'CHANG GIS SNYIGS MA'I DUS SU DGE BA'I BSHES GNYEN GYI SKU'I RNAM PAR BSTAN NAS SEMS CAN GYI DON MDZAD PAR GSUNGS PA BZHIN DU, BDAG GI DGE BA'I BSHES GNYEN 'DI RNAMS SANGS RGYAS DNGOS RANG YIN SNYAM DU BSAM, 'O NA RGYUD SDE RNAMS SU RGYAL BA RDO RJE 'CHANG GIS SNYIGS MA'I DUS SU DGE BA'I BSHES GNYEN GYI SKU'I RNAM PAR BSTAN NAS SEMS CAN GYI DON MDZAD PAR GSUNGS PA JI LTAR YIN ZHE NA, DE LTAR GSUNGS TE, KYE RDOR LAS, PHYI MA'I DUS SU GYUR PA NA, ,DA NYID SLOB DPON GZUGS KYI SKU, ZHES DANG, GUR LAS, GANG NYID RDO RJE SEMS DPA' ZHES, ,DE NYID SLOB DPON

GZUGS SU 'DZIN, ,SEMS CAN PHAN GDAGS DMIGS NAS NI, ,THA MAL PA YI GZUGS SU GNAS, ZHES DANG, GZHAN YANG, LNGA BRGYA THA MAR GYUR PA NA, ,NGA NYID SLOB DPON GZUGS SU 'DZIN, ,NGA YIN SNYAM DU YID BYOS LA, ,DE TSE DE LA GUS PA BSKYED CES DANG, MA 'ONGS THA MA'I DUS SU NI, ,NGA NI BYIS PA'I GZUGS DANG NI, ,SNA TSOGS THABS KYIS GZUGS SU STON, ZHES DANG, SLOB DPON DANG NI RDO RJE 'DZIN, ,THA DAD PAR NI MI BRTAG GO ,ZHES BLA MA DANG RDO RJE 'CHANG DBYER MED DU BLTA DGOS PA LA BLA MA LAS LHAG PA'I RDO RJE 'CHANG ZHIG YOD PAR 'DOD NA NI GANG ZAG DE'I RGYUD LA DNGOS GRUB GANG YANG MI 'THOB STE, BYA YUL BA NAS BRGYUD PA'I LAM RIM LAS, DE YANG BLA MA BAS BZANG PA'I RDO RJE 'CHANG DAM YI DAM GYI LHA ZHIG LOGS SU YOD PAR 'DOD NA NI, GANG ZAG DE'I RGYUD LA DNGOS GRUB GANG YANG MI 'THOB PO ZHES DANG, MAR PAS N'A RO'I DRUNG DU GZIMS PA'I THO RANGS PAn CHEN N'A RO PAS NAM MKHA' LA YI DAM DGYES PA RDO RJE RTEN DANG BRTEN PAR BCAS PA'I DKYIL 'KHOR SPRUL NAS BU MAR STON CHOS KYI BLO GROS MNYAL BAR YAR LA LONGS DANG NAM MKHA' LA KHYED RANG GI YI DAM DGYES PA RDO RJE RTEN DANG BRTEN PAR BCAS PA'I DKYIL 'KHOR YANG BABS 'DUG ,KHYAD NGAL PHYAG 'TSAL LAM YI DAM LA PHYAG 'TSAL GSUNGS PAS, MAR PAS YI DAM DGYES BA RDO RJE RTEN DANG BRTEN PAR BCAS PA LA PHYAG BTZAL BAS, N'A RO'I ZHAL NAS, BLA MA MED PA'I GONG ROL NA, ,SANGS RGYAS BYA BA'I MING YANG MAD, ,BSKAL BA STANG GI SANGS RGYAS KYANG, ,BLA MA DAG LA BRTEN NAS BYUNG, ,YI DAM BLA MA'I SBRUL PA YIN, ,GSUNGS SHING DKYIL 'KHOR THUGS KAR THIM, DE'I RTEN 'BREL GYI GNAD KYIS DA KHYOD LA MI RGYUD RING PO MI YONG

, ,STE; RTEN 'BREL DE YANG SEMS CAN GYI SKAL BA YIN GSUNGS, GZHAN YANG SANGS RGYAS RNAMS KYIS RANG RANG GI SKAL BA DANG 'TSAM PAR SNA TSOGS PA'I GZUGS SU STON PAR MDZAD DE, YAB SRAS MJAL BA'I MDO LAS, BRGYA BYIN TSANGS PA'I CHA BYAD DANG; ;LA LAR BDUD KYI CHA BYAD KYIS, ,SEMS CAN RNAMS KYI DON MDZAD DE, ,'JIG RTEN RNAMS KYIS RTOGS MI NUS, ,BUD MED CHA BYAD SPYOD PA MDZAD, ,DUD 'GRO'I SKYE GNAS NA'ANG GDA', ,'DOD CHAGS MI MNGA' CHAGS PA'I TSUL, ,'JIGS PA MI MNGA' 'JIGS PA LTAR;; RMONGS MED RMONGS PA'I TSUL BSTAN TE, ,SMYOS PA MA LAGS SMYOS PA'I TSUL, ,ZHI BA MA LAGS ZHA BA LTAR, ,RNAM PAR 'PHRUL PA SNA TSOGS KYIS, ,SEMS CAN RNAMS NI 'DUL BAR MDZAD, CES GSUNGS, NGES NA BDAG DANG MA SEMS CAN THAMS CAD KYIS DGE BA'I BSHES GNYEN 'DI RNAMS THUB DBANG RDO RJE 'CHANG DNGOS SU MTHONG BAR BLA MA LHAS BYIN GYIS BRLAB TU GSOL ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG MED NAS BSAGS PA'I SDIG SGRIB THAMS CAD DANG KHYAD PAR DU YANG DGE BA'I BSHES GNYEN 'DI RNAMS THUB DBANG RDO RJE 'CHANG LA DNGOS SU MTHONG BA LA GEGS BYED KYI SDIG SGRIB THAMS CAD SBYANGS, LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR DU YANG DGE BA'I BSHES GNYEN 'DI RNAMS THUB DBANG RDO RJE 'CHANG DNGOS SU MTHONG BA'I RTOGS PA KHYAD PAR CAN RANG GZHAN SEMS

CAN THAMS CAD KYI RGYUD LA SKYES PAR BSAM, 'O NA SANGS RGYAS NI SKYON KUN ZANG YON TAN KUN LDAN YIN LA, BDAG GI DGE BA'I BSHES GNYEN 'DI RNAMS LA DUG GSUM GYIS KUN NAS BSLANGS PA'I SKYON 'DI DANG 'DI LTA BU 'DUG PAS SANGS RGYAS RANG MA YIN NO SNYAM NA, DE NI RANG SNANG MA DAG PA'I DBANG GIS YIN TE, SNGON YANG RANG NYID SNANG BA MA DAG PA'I DBANG GIS, LEGS PA'I KARMAS STON PA SANGS RGYAS KYI MDZAD PA THAMS CAD ZOG 'BA' ZHIG TU MTHONG BA DANG, THOGS MED KYIS RJE BTZUN BYAMS PA KHYI MOR MTHONG BA DANG, MEE TRI PAS RNAL 'BYOR GYI DBANG PHYUG SHA BA RI PA PHAG GSOD PA SOGS MI 'TSAMS PA BYED PAR MTHONG BA DANG, N'A ROS TEE LO PA NYA GSON BSREGS MDZAD PA SOGS SMYON PA'I SPYOD PAR MTHONG BA DANG, DGE TSUL 'TSEM BU BAS RDO RJE PHAG MO MDZE MOR MTHONG BA DANG, SLOB DPON RDO RJE DRIL BU PAS RDO RJE PHAG MO PHAG RDZI MOR MTHONG BA DANG, SLOB DPON SANGS RGYAS YE SHES ZHABS KYIS SLOB DPON 'JAM DPAL BSHES GNYEN ZHING RMO BA'I MGO LA CHOS GOS DKRIS PA'I KHYIM BTZUN ZHIG TU GZIGS PA DANG, TSONG DPON GYI BU GZHON NU NOR BZANG GIS DRANG SRONG RGYAL BA'I DROD KYI SKYE MCHED KYI GDAMS NGAG LTAR RGYAL PO ME LA BYANG CHUB SEMS DPA'I SPYOD PA ZHUB LA PHYIN PAS RGYAL PO ME RGYAL KHRIMS KYI BYA BA BYED PA DANG THUG STE RGYAL BO NI RIN PO CHES SPRAS PA'I KHRI CHEN PO ZHIG GI STENG NA 'DUG ,BLON PO STONG PHRAG BCU DANG GSHED MA'I MI DMYAL SRUNGS 'DRA BA 'JIGS 'JIGS RNAMS KYIS MIG 'DON RKANG LAG GCOD PA SOGS KYI KHRIMS GCOD BYED PA MTHONG BA NA, RGYAL PO ME 'DI LA CHOS DGE BA NI MED SDIG PA 'BA' ZHIG BYED PAS BYANG CHUB SEMS DPA'I SPYOD PA LTA GAL YOD SNYAM

, ,DU BAS MA PAN NAM MKHA' NAS LHA RNAMS KYIS KHYOD DRANG SRONG RGYAL BA'I DROD KYI SKYE MCHED KYI GDAMS NGAG MI DRAN NAM ZHES SMRAS SO, ,DE NAS TSONG DPON GYI BU GZHON NU NOR BZANG GIS RGYAL PO ME LA SKOR BA LAN GSUM BYAS PAS RGYAL PO MES TSONG DPON GYI BU GZHON NU NOR BZANG NANG DU KHRID NAS, DA NI BYANG CHUB SEMS DPA'I RNAM PAR THAR PA SGYU MA'I ROL PA BRNYES PA STE, NGA'I YUL NA GNAS PA RNAMS PHAL CHER MI DGE BA SNA TSOGS SPYOD PAS GSOD PA'I GSHED MAR SBRUL PA'I MI RNAMS KYIS GSOD BYA'I MIR SPRUL PA RNAMS GSOD PAR YONGS SU BSTAN PAS NGA'I YUL NA GNAS PA RNAMS NYIS PAS 'JIGS SHING SKYO BA'I SHUGS THOB PAR GYUR TO, ZHES DANG, 'PHAGS PA THOGS MED KYIS BYANG SA LAS, BYANG CHUB SEMS DPAS RGYAL PO SDIG CAN GYI RGYAL SRID PHROGS TE RANG GIS RGYAL SRID CHOS BZHIN DU BSKYANGS BAR GSUNGS PA DANG, LI YUL GYI DGE TSUL GNYIS KYIS RJE BTZUN 'JAM DBYANGS LO BCU GNYIS SU BSGRUBS KYANG ZHAL MA GZIGS PAS, 'PHAGS PA THUGS RJE RE CHUNG BYAS BAS, RJE BTZUN 'JAM DBYANGS NAM MKHAR BYON NAS, DA DANG KHYED LA LAS 'BREL MED, 'PHAGS PA THUGS RJE CHEN PO KHA BA CAN NA SRONG BA TZAN SGAM BOR SGYE BA BZHES NAS YOD DER SONG GSUNGS PAS BOD DU 'ONGS NAS, STOD LUNG GI MDAR RGYAL POS CHAD PAS BCAD PA'I MGO DANG RKANG LAG DANG, DAN 'BAG GI GUR GSE BA BAN MGO BO'I RAB DANG, MIG GI PHANG BO DANG, RKANG LAS GI 'BAL KHANG MTHONG BAS 'JAM DPAL YANG BDUD DU THAL, SPRUL BA CI'I SBRUL BA, SROG GCOD KYI RGYAL POR 'DUG SNYAM DU PHYIR LOG PA DANG, RGYAL POS SLAR BKUG NAS MJAL BAS, DBU'I THOD

BSHIG NAS AA MI DE BA BSTAN, NGA BOD KYI A'ARYA BA LO YIN, KHYED GNYIS 'JIGS MI DGOS KYI GSUNGS, 'O NA SEMS CAN 'DI TZAM GYI SROG GCOD PA A'ARYA PA LO THUGS RJE CHEN PO YIN PA LA ZER, NGAS RGYAL SRID BZUNGS NAS SEMS CAN LA GNOD PA SBU TZAM YANG SKYEL MA MYONG, NGA'I GDUL BYA 'DI RNAMS ZHI BAS MI THUL BAS, SBRUL PA'I MI LA SPRUL PA'I CHAD PA GCOD PA YIN, DA KHYED GNYIS GANG 'DOD DRIS PA LA SNGAR GYI YUL DU SLEB PA ZHIG 'DOD ZER, 'O NA RGYAGS PHYE'I SNOD BYE MAS KHONGS LA NYOL CIG GSUNGS PAS, DE LTAR BYAS PAS RANG GI LI YUL GYI BRAG PHUG GI SGO RTZA NA NYI MA LHAG SHAD NAS 'DUG CING BYE MA YANG GSER DU GYUR NAS 'DUG ,DGE TSUL GNYIS KYIS DANG POR LOG RTOG MA SKYES NA PHYAG RGYA CHEN PO MCHOG GI DNGOS GRUB 'THOB RGYU, TSE DE LA DNGOS GRUB DE LAS MA THOB, SKYE BA 'DI'I 'OG ROL TU DGRA BCOM PA RGYAN MED 'THOB GSUNG BA DANG, MAR PAS RJE BTZUN MID LA'I LAS SGRIB SBYONG PHYIR DU MAR PA'I SKU MKHAR DGU THOG MA GRANGS DE TZAM ZHIG KHONG RANG GCIG PUS SKU RGYAB LA SGAL BA BYUNG BYUNG LAS BYED DU BCUG ,SLOB MA GZHAN GYIS DBANG ZHU BA'I DBANG GRAL NAS PHYUNG BA'I DUS SU MID LA'I THUGS DGONGS LA DA DA LTA RANGS SA'I GTING LA DIM SONG NA SNYAM PA'I YID CHAD MANG DU BTANG BA RNAMS KYANG RJE BTZUN MING LA'I LAS SGRIB KHO NA SBYONG BA'I PHYIR DU MA GTOGS, MAR PA RANG LA NGANG 'DOD 'KHRI BA GTAN NAS MED PA BZHIN BDAG GI DGE BA'I BSHES GNYEN 'DI RNAMS KYIS MDZAD SPYOD SNA TSOGS SHIG MDZAD PA 'DI LA THUGS DGONGS CI 'DRA ZHIG YOD DAM MI SHES PAS, DES NA BDAG DANG SEMS CAN THAMS CAD KYI RGYUD LA DGE BA'I BSHES GNYEN 'DI RNAMS

, ,LA SKYON RTOG GI BLO SKAD CIG TZAM YANG MI SKYE ZHING CI MDZAD YON TAN DU MTHONG BA'I DAD BA CHEN PO BDE BLAG TU SKYE BAR BLA MA LHAS BYIN GYIS BRLAB TU GSOL, ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG MA MED PA NAS BSAGS PA'I SDIG SGRIB THAMS CAD DANG, KHYAD PAR DU YANG DGE BA'I BSHES GNYEN GYIS CI MDZAD YON TAN DU MTHONG BA'I DAD PA CHEN PO SKYE BA LA GEGS BYED KYI SDIG SGRIB NAD GDON DANG BCAS PA THAMS CAD BYANG ZHING DAG ,DE DANG DE'I RTOGS PA KHYAD PAR CAN RANG GZHAN SEMS CAN THAMS CAD KYI RGYUD LA SKYES PAR BSAM, 'DI DAG GI SKABS KYI 'GAL RKYEN NI, BLA MA LA LA NI THUGS GTUM, LA LA NI PHYOGS LHUNG CHE, LA LA NI SER SNA CHE, LA LA NI BSLAB PA LA G-YEL, LA LA NI MKHYEN PA CHUNG SNYAM PA RNAMS YIN, DE YANG BLA MA GANG LA CUNG MA DAD PA RNAMS LA RE RE NAS DMIGS KYIS BKAR NAS SNGAR DRANGS PA'I MDO RGYUD RNAMS KYI LUNG DON LA ZHIB TU DPYAD NAS SKYON RTOG GI BLO RNAMS DGAG CING DAD PA LHANG LHANG MA SKYES BAR DU SGOM PA NI GNAD YIN GSUNG, GNYIS PA BKA' DRIN CHEN PO RJES SU DRAN PA NI, RANG GI DGE BA'I BSHES GNYEN RNAMS MDUN DU GSAL BAR DMIGS NAS, BDAG GI DGE BA'I BSHES GNYEN 'DI RNAMS BDAG LA BKA' DRIN SHIN TU CHE STE BDAG GIS 'KHOR BA DANG NGAN SONG GI SDUG BSNGAL MTHA' DAG SPANGS PA'I THAR PA MCHOG YANG DAG PAR RDZOGS PA'I SANGS RGYAS KYI GO 'PHANG RIN PO CHE BDE BLAG TU STER BAR BYED PA'I LAM ZAB MO KHONG DU CHUD PA 'DI DGE BA'I BSHES GNYEN 'DI RNAMS KYI BKA' DRIN YIN, DE YANG SNGON

YANG DAG PAR RDZOGS PA'I SANGS RGYAS KYIS CHOS TSIGS BCAD RE'AM TSIGS BCAD PHYED TZAM GYI PHYIR SKU LA LCAGS GZER STONG BTZUGS PA DANG, MAR ME STONG BTZUGS PA DANG, CHOS KYI PHYIR DU RANG GI BTZUN MO YID DU 'ONG BA DANG SRAS GCAS PA GNOD SBYIN GTUM BO ZAR BCUG PA DANG, DPAL LDAN AA TI SHAS BLA MA GSER GLING PA LA BYANG CHUB KYI SEMS KYI GDAMS NGAG GSAN PA'I PHYIR DU RGYA MTSO'I STENG LA GRU RDZINGS BCAS NAS ZLA BA BCU GSUM GYI BAR DU BYON PA DANG, SNGON GYI LOTZTSA BA RNAMS KYIS KYANG RGYA GAR GYI YUL THANG CHEN PO BGROD NYEN CHE LA GCAN GZAN DANG DUG SBRUL MANG ZHING 'JIGS PA CHE BA LA LUS SROG KHYAD DU BSAD NAS BYON PA YIN TE, NAGS 'THUG PO ZHIG LA THON DUS MED, ,LA RING BO ZHIG LA BGROD DUS MED, ,GCAN 'PHRANG DANG CHU LA THAR DUS MED, ,SHING SDONG PO MI RO RENGS PA 'DRA, ,LAM DE KUN GYI TSA GRANG BSHAD TZA NA, ,DUS DA LTA DRAN YANG GLO SNYING 'DAR, ZHES GSUNGS BA LTAR GYI DKA' SPYAD DE LTA BU MDZAD MOD KYANG RANG RE'I DGE BA'I BSHES GNYEN 'DI RNAMS KYIS DE LTA BU'I DKA' SPYAD LA MI LTOS PAR GDAMS NGAG RNAMS PHAS BU LA SPAS GSANG MED PAR SLOB PA BZHIN DU TSUL BZHIN DU SLOB PAR MDZAD PAS BKA' DRIN SHIN TU CHE, DE YANG JO BO'I ZHAL NAS, KHYED KYIS DKA' BA MA BYAS PAR CHOS ZAB MO RNYED PA DON RE CHE YID LEGS PAR SPYOD CIG GSUNG BA DANG, DE YANG DPER NA MI ZHIG GIS DUG KYANG ZOS ZAS KYANG ZOS TE 'CHI BA LA THUG PA'I TSE SMAN PA MKHAS PA ZHIG GIS DU GZOS PA DE SKYUGS SU BCUG ,ZAS ZOS PA DE SMAN DU BSGYUR, SMAN ZOS PA DE 'CHI MED KYI BDUD RTZIR BSGYUR NA NAD PA DE LAS DON CHA BA DANG SMAN PA DE LAS DRIN CHE BA MED, DE BZHIN DU BLA MA MTSAN NYID DANG LDAN BA ZHIG

, ,GIS SLOB MA MTSAN NYID DANG LDAN BA ZHIG NGAN 'GROR SKYE 'GYUR GYI LAS BSAGS PA RNAMS STOBS BZHI'I SGO NAS BSHAGS SU BCUG BSDAM DU BCUG CHO 'DI'I DON DU BYAS PA'I DGE RTZA RNAMS PHYI MA'I DON DU BSGYUR, PHYI MA LHA MI'I DON DU BYAS PA'I DGE BA RNAMS THAR PA DANG THAMS CAD MKHYEN BA'I RGYUR BSNGOR BCUG NA, SLOB MA DE LAS DON CHE BA DANG BLA MA DE LAS BKA' DRIN CHE BA MED, RANG RE'I DGE BA'I BSHES GNYEN RNAMS KYIS NI MU GE NYAM THAG PAS 'CHI BA LA THUG BA'I CHO GZAN BYIN NAS GSO BA LTAR SANGS RGYAS DANG BYANG SEMS GONG MA RNAMS KYIS DNGOS SU CHOS GSUNG BA'I YUL DU MA GYUR PA LA THOS BSAM SGOM GSUM BYED LUGS SOGS BSLABS NAS LAM ZAB MO'I GNAD RTOGS SU BCUG PAS BKA' DRIN SHIN TU CHE, DON 'DI LA DGONGS NAS, MGON PO KLU SGRUB KYIS RIM LNGA LAS, 'DI NI RANG BYUNG BCOM LDAN 'DAS, ,LHAG BA'I LHA NI GCIG BU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG ,CES GSUNGS, DE LTAR BKA' DRIN SHIN TU CHE BA LA BKA' DRIN RJES SU DRAN PA'I GUS BA DANG BYAS PA DRIN DU GZO BA MED NA, 'JAM DPAL SPYAN RAS GZIGS DNGOS SU BYON NAS RANG LA CHOS BSTAN KYANG RANG RGYUD LA YON TAN GYI RNAM PA GANG YANG MI SKYE STE, BO TO BA'I PE'U BUM SNGON PO LAS, BLA MA BYIN RLABS CHE DANG CHUNG BA, ,DNGOS LA MA YIN RANG LA RAG LAS, ,BYAS GZO MED CING YID MA CHES NA, ,'JAM DPAL SPYAN RAS GZIGS DNGOS BYON YANG, ,DE YI DON DU CIR YANG MI 'GYUR, ,DE LA YID CHES GUS SHING BYAS GZO, ,YON TAN RDZOGS BA'I BLA MA MIN YANG, ,DE LA DE YI BYIN GYIS BRLABS 'JUG ,DE BAS YID CHES BYAS

GZO GAL CHE, ZHES DANG, BLA MA DGVA LA GUS PA MED NA, ,SANGS RGYAS NYID LA BRTEN YANG MI PHAN, ZHES DANG, DE BAS MA KHENGS BLA MAR GUS PA, ,DE NI DE LA DO GAL CHE GSUNG, ZHES GSUNGS BA'I PHYIR, NGES NA BDAG DANG MA SEMS CAN THAMS CAD KYI RGYUD LA DGE BA'I BSHES GNYEN GYI BKA' DRIN RJES SU DRAN PA'I GUS PA CHEN PO BDE BLAG TU SKYES BAR BLA MA LHAS BYIN GYIS BRLAB TU GSOL, ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS BA'I X, DE DANG DE'I GEGS BYED SBYANGS, DE DANG DE'I RTOGS PA KHYAD PAR CAN RANG GZHAN SEMS CAN X, 'DIR BLA MA'I BKA' DRIN DRAN TSUL NI, BDAG LA BLA MA 'DIS CHOS 'DI GNANG BA'I DUS SU SKYON 'DI DANG 'DI THON, NYES SPYOD 'DI LAS LOG ,DAD BAL SOGS PA'I YON TAN 'DI DANG 'DI SKYES, SNGAR MA THOS BA'I CHOS 'DI GSAR DU THOS, SNGAR MA RTOGS PA'I DON 'DI RTOGS, THUGS BRTZE BA'I DBANG GIS ZAS GOS GNAS MAL 'DI DANG 'DI LTA BU GNANG, 'PHRAL PHUGS KYI BSLAB STON SHA TSAR SBYAR BA 'DI 'DRA LHUG BAR GSUNGS BAS BKA' DRIN SHIN TU CHA SNYAM DU BKA' DRIN YOD PA RNAMS 'PHRENG BA LA BSHAR NAS BKA' DRIN DRAN PAR BYED, BKA' DRIN DE LTA BU YOD BZHIN DU RJIS SU DRAN PA'I GUS PA MI BYED NA, BDAG NYID MA RABS NGAN PA THA CHAD YIN TE, KLU'I RGYAL BO RNGA SGRA'I TSIGS BCAD LAS, RI RNAMS DANG NIS RNAMS DANG, ,RGYA MTSO BDAG GI KHUR MIN GYI, ,BYAS PA MI GZO GANG YIN PA, ,DE NI BDAG GI KHUR CHEN YIN, ,ZHES DANG, BZANG LA LAN YOD BZANG PO STE, ,DRIN GZO MED PA NGAN BA YIN, ZHES RJE BTZUN SA BAn GSUNG, BZHI PA SBYOR BAS BSTEN TSUL NI, DGE BA'I BSHES GNYEN RNAMS MDUN DU GSAL

, ,BZHIN PA'I NGANG NAS, BLA MA LA ZANG ZING DBUL BA, LUS KYIS BSNYEN BKUR BA, BKA' BZHIN SGRUB PA'I MCHOD BAS MNYES BAR BYA BA GSUM YOD PA LAS BLA MA LA ZANG ZING DBUL BA NI, RANG GIS GANG BZANG BZANG NAS DBUL DGOS, BZANG PO YOD BZHIN DU NGAN PA PHUL NA DAM TSIG NYAMS PA'I NYES PA 'ONG SRID, 'ON KYANG RANG LA NGAN BA LAS MED PA'AM, BLA MA RANG NGAN PA DE LA DGYES NANG NA PA PHUL KYANG NYES PA MED, BLA MA LA LUS KYI SGO NAS BSNYEN BKUR BA NI, BSKU MNYE DRIL PHYI BSNYUNG G-YOG SOGS BSGRUBS PAS YON TAN DPAG MED 'THOB PA RJES SU DRAN PA SOGS YIN TE, SA SKYA PAn CHEN GYI ZHAL NAS, KHO BO GZHON NU'I DUS NA BLA MA'I RNAL 'BYOR BSGOMS NAS BLA MA'I SGRUB PA ZHIG BYED LAGS PAS BLA MA'I RNAL 'BYOR ZHIG GNANG BAR ZHU BYAS PAS, RJE BTZUN GRAGS PA RGYAL MTSAN GYI ZHAL NAS, KHYOD KYIS NGA LA SANGS RGYAS KYI 'DU SHES MI SKYE KHU BO'I 'DU SHES SKYE STE LUS LONGS SPYOD KYI SGO NAS BLA MA'I PHYOGS SU DKA' THUB MI NUS GSUNGS NAS GANG DU MA BZHED, PHYIS KHO BO LA 'CHI LTAS 'JIGS PA ZHIG KYANG BYUNG, KHAMS KYANG MA BDE PA LA, DE SKABS BLA MA YANG SKU KHAMS MA BDE BA ZHAG 'GA' BYUNG, DE DUS NGAS NYIN MTSAN RGYUN MA CHAD PAR GNYID DANG, BZAS KYI 'DU SHES MA BYAS BAR BSNYUNG G-YOG ZHABS TOG BYAS BAS DES SDIG PA TSABS CHEN DAG PA 'DRA, DE NAS GZOD KYI BLA MA'I RNAL 'BYOR GNANG NAS BLA MA LA SANGS RGYAS DNGOS KYI 'DU SHES SKYES NAS SANGS RGYAS THAMS CAD KYI NGO BO 'PHAGS PA 'JAM DPAL DU DNGOS SU MTHONG, DE NYID KYIS 'CHI LTAS LAS KYANG GROL KHAMS KYANG SHIN TU BDE BA BYUNG, DE NAS SGRA DANG TSAD MA DANG

SDEB SBYOR DANG 'DUL BA MNGON PA SOGS LUNG DANG RIGS BA'I GNAD THAMS CAD PHYIN CI MA LOG PAR GZONG GO ,SDE SNOD GSUM PO THAMS CAD LA MI 'JIGS PA'I SPOBS PA THOB, LHA 'DRE MI GSUM KUN KYANG BYAMS PA BYUNG, RGYA NAG RGYAL PO LA SOGS PA'I DREGS PA CAN THAMS CAD KYIS CHOS ZHU BA DANG GCIGS CHEN PO BYED PA'ANG BYUNG, NANG DU YANG DAG PA'I RTOGS BA SKYES, DE'I TSE BLA MAS BSNYUNG BA'I TSUL BSTAN PA DE KHO BO LA PHAN PA'I DON DU MDZAD PA YIN PAR GDA', GZHAN DAG GIS KYANG DE LTAR BYAS NA TSOGS RGYA CHEN PO RDZOGS PA 'DUG STE ZHES DANG, PAn CHEN N'A RO PA CHEN POS KYANG, LUS SROG THED LA BOR NAS DKA' SPYAD DPAG TU MED PA MDZAD PAS BZHED DON GRUB PA DANG, RJE MAR PA LOTZTSAS KYANG BLA MA PAn CHEN N'A RO PA CHEN PO SKU GSHEGS ZIN NAS DAD PA SHUGS CHEN POS BTZAL BAS BLA MA DANG MDZAL BA'I LO RGYUS DANG, RJE BTZUN MING LAS KYANG MAR BA'I SKU MKHAR DGU THOG MA GRANGS DE TZAM ZHIG KHONG RANG GCIG BUS BSGRUBS SHING, MTSAN MO YANG YUM BDAG MED MA'I SKU G-YOG CHU LEN PA, YOS 'THAG PA, ME 'BUD PA, THAL BA 'PHYAG PA, THA NA BZHON MA 'JO BA'I 'PHONG STEGS TSUN CHAD KYIS MI NGAL BAR BSNYEN BKUR BYAS BAS DON THAMS CAD GRUB PAR GDA', YANG 'BROM STON BAS JO BO DANG MJAL BA'I DUS DE SNGA'I BYA BA RNAMS CHOS SU SONG NGAM MA SONG ZHUS PAS, JO BO'I ZHAL NAS, KHYOD KYIS BLA MA SE BTZUN GYI G-YOG BYAS PA DE TZAM LAM DU SONG GZHAN LAM DU MA SONG GSUNG BA DANG, YANG JO BO LA, STON PAS BOD LA SGOM SGRUB BYED PA MANG PO YOD PA LA YON TAN KHYAD PAR CAN BRNYES PA MI BDOG ZHUS PAS, JO BO'I ZHAL NAS, THEG CHEN GYI YON

, ,TAN CHE SKYES CHUNG SKYES THAMS CAD BLA MA LA BRTEN NAS SKYE BA LA KHYED BOD LA BLA MA LA THA MAL BA'I 'DU SHES LAS MED GAN SKYE GSUNG, BLA MA LA NGAG GI SGO NAS BSNYEN BKUR BA NI, BLA MA'I YON TAN PHYOGS DANG PHYOGS MTSAMS RNAMS SU SGROGS PA DANG; BLA MA LA BSTOD DBYANGS KYIS GSOL BA 'DEBS PA DANG, CHOS RGYA CHEN BO GSUNGS NA LTA SMOS, CHOS TSIGS BCAD GCIG TZAM LAS MA GSUNGS KYANG LEGS SO 'BUL ZHES ZHU BA SOGS YIN, BKA' BZHIN SGRUB PA'I MCHOD PAS MNYES PAR BYA BA NI, JI LTAR GSUNGS PA RNAMS TSUL BZHIN DU BSGRUB PA YIN PAS, BDAG GIS SANGS RGYAS DNGOS KYI DAG BA'I BSHES GNYEN 'DI RNAMS KYI PHYIR DU LUS SROG LONGS SPYOD SOGS LA LTOS BA MED BAR GTOD ZHING KHYAD BAR BKA' BZHIN SGRUB PA'I MCHOD BAS MNYES PAR BYA'O, , DE LTAR BYED NUS PAR BLA MA LHAS BYIN GYIS BRLAB TU GSOL ZHES GSOL BA BTAB PAS, SPYI BO'I BLA MA LHA'I SKU'I CHA LAS BDUD RTZI X, RANG GZHAN X, THUN GYI NGO BO LA DE DAG GI BSAM BA SBYONG ZHING, THUN MTSAMS SOGS SU DNGOS SU BSGRUB PAR NUS PA RNAMS 'PHRAL DANG 'PHRAL DU LAG LEN LA CI THEBS BYA'O, ,GSUM BA MJUG TU JI LTAR BYA BA NI, SPYI BO'I BLA MA THUB BA'I DBANG PO LA DMIGS NAS, BLA MA RGYAL BA SH'AKYA THUB PA LA PHYAG 'TSAL LO MCHOD DE SKYABS SU MCHI'O ZHES LAN GANG MANG BRJOD, DE LTAR GSOL BA BTAB PAS BLA MA THUB BA'I DBANG PO DE NYID LAS RANG 'DRA GNYIS PA ZHIG CHAD NAS RANG NYID LA THIM PAS RANG NYID KYANG BLA MA THUB BA'I DBANG PO'I SKUR LAM GYIS GYUR, RANG THUB PA'I DBANG BOR GSAL BA'I THUGS KA'I H'Um LAS 'OD ZER 'PHROS, MTHA' SKOR NA YOD BA'I SEMS CAN

THAMS CAD LA PHOG PAS SEMS CAN THAMS CAD KYANG THUB BA'I DBANG BO'I GO 'PHANG LA BKOD BAR BSAMS NAS, RANG THUB PA'I DBANG POR GSAL BA DANG, SEMS CAN THAMS CAD THUB PA'I DBANG POR GSAL BA'I THUGS KAR ZLA BA'I DKYIL 'KHOR GYI STENG DU AA DKAR PO H'Um SER POS MTSAN BA'I MTHA' SKOR DU AOm MU NI MU NE MAH'A MU NA YE SV'AH'A, ZHES BAS BSKOR BA LA DMIGS NAS BZLAS BA CI MANG BYA, MJUG TU DGE BA 'DI YIS MYUR DU BDAG ,BLA MA SANGS RGYAS 'GRUB GYUR NAS, ZHES SOGS BRJOD, DE LAS BYUNG BA'I DGE BA RNAMS GRUB NA BZANG PO SPYOD PA LA SOGS BAS RANG GZHAN GYI GNAS SKABS DANG MTHAR THUG GI SMON GNAS RNAMS SU 'DUN BA DRAG POS BSNGO BAR BYA'O, ,GNYIS PA THUN MTSAMS SU JI LTAR BYA BA'I TSUL NI, THUN MTSAMS SU YANG RTAG TU DUS CHOS 'PHAGS DANG, N'A ROS TEE LO PA, MAR PAS N'A RO, MID LAS MAR PA, 'BROM GYIS BLA MA SE BTZUN DANG JO BO BSTEN TSUL SOGS DGE BA'I BSHES GNYEN BSTEN TSUL STON BA'I GSUNG RAB DGONGS 'GREL DANG BCAS PA BLTA ZHING, GZHAN MANG PO MI BLTA, DRAN SHES DANG LDAN PAS DBANG BO'I SGO SDOM PA DANG, ZAS KYI TSOD RIG PA DANG, MI NYAL BAR RNAL 'BYOR LA BRTZON ZHING NYAL BA'I TSE JI LTAR BYA BA DANG, KHRUS DANG KHA ZAS KYI RNAL 'BYOR LA BRTZON PAR BYED BA'O,, ` GNYIS BA BSTEN NAS BLO JI LTAR SBYANG BA'I RIM PA LA GNYIS, DAL 'BYOR LA SNYING PO BLANG BA'I PHYIR BSKUR BA; SNYING PO JI LTAR LEN BA'I TSUL LO, ,DANG PO LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'I TSUL LO, ,DANG PO LA SBYOR DNGOS 'JUG GSUM LAS, DANG PO SBYOR BA NI, SKYABS GNAS KUN 'DUS BLA MA LHAG PA'I LHA, ,THUB DBANG RDO RJE 'CHANG

, ,LA GSOL BA 'DEBS, ZHES PA YAN CHAD SNGAR BZHIN YIN LA, DE NAS BDAG DANG MA SEMS CAN THAMS CAD 'KHOR BAR SKYES NAS YUN RING LA SHUGS DRAG PA'I SDUG BSNGAL SNA TSOGS MYONG BA 'DI, DAL 'BYOR DON CHE RNYED DKA'I RTOGS BA KHYAD BAR CAN MA SKYES PAS LAN BAR 'DUG BAS, DA BDAG DANG MA SEMS CAN THAMS CAD KYI RGYUD LA DAL 'BYOR DON CHE SNYED DKA'I RTOGS PA KHYAD PAR CAN SKYE BAR BLA MA LHAS BYIN GYIS BRLAB TU GSOL, ZHES GSOL BA BTAB BAS SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS BAS THOG MA MED BA NAS BSAGS BA'I SDIG SGRIB THAMS CAD DANG, KHYAD BAR DU YANG DAL 'BYOR DON CHE RNYED DKA'I RTOGS PA KHYAD PAR CAN SKYE BA LA GEGS BYED KYI SDIG SGRIB THAMS CAD SBYANGS, LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD BAR DU YANG DAL 'BYOR DON CHE RNYED DKA'I RTOGS PA KHYAD BAR CAN RANG GZHAN SEMS CAN THAMS CAD KYI RGYUD LA SKYES BAR BSAMS, GNYIS PA DNGOS GZHI LA GNYIS, DAL 'BYOR DON CHE BAR BSAM BA DANG, RNYED DKA' BAR BSAM PA'O, ,DANG PO LA DAL BA BRGYAD BSAM BA DANG, 'BYOR BA BCU BSAM BA'O, ,DANG PO DAL BA BRGYAD NI, SPYI BOR BLA MA LHA BSGOM BZHIN PA'I NGANG NAS 'DI LTAR BSAM STE, DAM BA'I CHOS SGRUB PA LA KHOM ZHING MI KHOM BA BRGYAD DANG BRAL BA NI DAL BA YIN LA, MI KHOM PA BRGYAD NI MDO SDUD BA LAS, KHRIMS KYIS DUD 'GRO'I 'GRO BA DU MA'I NGO BO DANG, ,MI KHOM BRGYAD SPONG

DE YIS DAL BA RTAG TU RNYED, CES DANG, BSHES SBRING LAS, LOG BA BLTA BA 'DZIN DANG DUD 'GRO DANG, ,YI DVAGS NYID DANG DMYAL BAR SKYES BA DANG, ,RGYAL BA'I BKA' MED PA DANG MTHA' 'KHOB TU, ,KLA KLOR SKYE DANG GLEN ZHING LKUGS BA NYID, ,TSE RING LHA NYID GANG YANG RUNG BAR NI, ,SKYE BA ZHES BGYI MI KHOM SKYON BRGYAD PO, ,DE DAG DANG BRAL KHOM BA RNYED NAS NI, ,SKYE BA BZLOG BA'I SLAD DU 'BAD BAR MDZOD, CES GSUNGS BA'I MI KHOM PA BRGYAD NI, 'KHOR RNAM BZHI MI RGYU BA'I YUL MTHA' 'KHOB BA DANG, GLEN LKUGS DANG YAN LAG NYID LAG DANG RNA BA MTSANG BA'I DBANG PO MTSANG BA DANG, TSE SNGA PHYI DANG LAS 'BRAS DANG DKON MCHOG GSUM SOGS MED BAR 'DZIN BA'I LOG LTA CAN DANG, SANGS RGYAS 'BYUNG BA MED PA'I RGYAL BA'I BKA' MED BA BZHI NI MI'I MI KHOM PA YIN LA, NGAN SONG GSUM DANG LHA TSO RING PO BZHI NI MI MA YIN GYI MI KHOM BA'O, ,LHA TSE RING PO NI, BSHES SPRING 'GREL BA LAS, 'DU SHES MED BA DANG GZUGS MED BA GNYIS LA BSHAD PA'I DANG PO NI BSAM GTAN BZHI BA'I GNAS 'BRAS BU CHE BA'I PHYOGS GCIG NA GRONG LAS DGON PA'I TSUL DU YOD LA PHYI MA NI GZUGS MED DU SKYES BA'I SO SO SKYE BO DANG, MI KHOM BA BRGYAD KYI GTAM LAS, 'DOD BA'I BYA BAS RTAG TU G-YENGS BA'I 'DOD LHA LHA TSE RING POR BSHAD, GNYIS PA 'BYOR BA BCU LA RANG 'BYOR LNGA DANG GZHAN 'BYOR LNGA, DANG PO RANG 'BYOR LNGA NI, MI NYID DBUS SKYES DBANG PO TSANG, ,LAS MTHA' MA LOG GNAS LA DAD, CES GSUNGS BA LTAR, MI NYID YIN BA, YUL DBUS SU SKYES BA, DBANG PO TSANG ZHING GLEN LKUGS SOGS MA YIN PA, LAS MTHA' MA LOG PA STE, MTSAMS MED BYAS BA MA YIN PA, GNAS LA DAD PA NI,

, ,CHOS 'DUL BA LA DAD PA'O ,GNYIS BA NI, SANGS RGYAS BYON DANG DAM CHOS STON, ,BSTAN BA GNAS DANG DE RJES 'JUG ,GZHAN PHYIR SNYING NI BRTZE BA'O, ZHES GSUNGS PA LTAR, SANGS RGYAS 'JIG RTEN KHAMS SU BYON PA DANG, DES CHOS BSTAN PA DANG, DES CHOS BSTAN PA GNAS BA DANG, CHOS BSTAN PA DE'I RJES SU 'JUG PA DANG, GZHAN SBYIN PA PO DANG SBYIN BDAG LA SOGS PAS CHOS PAS GOS LA SOGS PA STER BA DANG, 'CHAD PA PO SNYING BRTZE BAS GZHAN LA CHOS STON PA SOGS YIN, DE'I NANG NAS KYANG NAD GCOD SHIN TU DKON PA, MTHUN RKYEN 'DZOM BA, THOS BSAM GYI SHES RAB CHE BA, MI DGE BA'I BSHES GNYEN DANG SDIG GROGS KYI DBANG DU MA SONG BA, DGE BA'I BSHES GNYEN DANG MJAL BA, NYAMS LEN LA GZHOL BA NYAMS LEN GYI GNANG SHES PA, GSUNG RAB THAMS CAD GDAMS NGAG TU SHAR BA, SGRUB BA'I GNAS YID DU 'ONG BA TSANG BA RNAMS NI CHOS BSGRUB BA LA MED DU MI RUNG BA'I RIN PO CHE MANG DU 'DZOM BA LTA BU YIN, DAL BA BRGYAD TSANG BA LA 'BYOR PA BCU TSANG BAS MA KHYAB KYANG 'BYOR BA BCU TSANG BA LA DAL BA BRGYAD TSANG BAS KHYAB CING, DAL BA BRGYAD NI BRAL BA'I SGO NAS BZHAG BA YIN LA, 'BYOR PA BCU NI LDAN BA'I SGO NAS BZHAG PA YIN, DES NA RANG RE RNAMS KYIS RNYED PAR DKA' ZHING, RNYED NA DON CHE BA'I DAL 'BYOR TSANG BA'I RTEN 'DI DAM PA'I CHOS BSGRUB PA LA KHOM PAS DAL BA DANG CHOS BSGRUB BA'I PHYI NANG GI CHA RKYEN TSANG BAS NA 'BYOR BA ZHES BYA'O, ,RANG CAG RNAMS KYIS THOB PA'I DAL 'BYOR GYI RTEN 'DI DON SHIN TU CHE STE, 'DI LA BRTEN NAS MNGON MTHO'I LUS LONGS SPYOD 'KHOR PHUN TSOGS KYI RGYU SBYIN PA TSUL KHRIMS BZOD PA BRTZON

'GRUS SOGS KYANG RTEN 'DIS BSGRUB NUS LA, DE YANG ZHING DANG BSAM BA DNGOS BO DANG RTEN DANG DUS KYI SGO NAS STOBS CHE BAR BSGRUB NUS, DE YANG ZHING GI SGO NAS STOBS CHE BAR BSGRUB NUS TE, PHYOGS BCU'I SEMS CAN THAMS CAD KYI MIG PHYUNG BTZON RAR BCUG SLAR BTZON RA NAS BTON NAS MIG BYIN NAS TSANGS BA'I BDE BA LA BKOD BA LAS BYANG CHUB SEMS DPA' GCIG LA DANG BAS BLTA BA PHAN YON CHE, BYANG CHUB SEMS DPA' THAMS CAD MCHOD PA LAS SANGS RGYAS KYI BA SBU'I BU GA GCIG LA MCHOD PA PHAN YON CHE, SANGS RGYAS THAMS CAD MCHOD BA LAS SLOB DPON GYI BA SPU'I BU GA GCIG MCHOD PA PHAN YON CHE ZHING DE DA LTA'I LUS RTEN 'DIS BSGRUB PAR NUS, BSAM BA'I SGO NAS STOBS CHE BAR BSGRUB NUS TE, SEMS CAN THAMS CAD KYI DON DU RDZOGS BYANG THOB PAR BYA'O SNYAM BA'I BSAM BAS KUN NAS BSLANGS TE DUD 'GRO LA ZAN CHANGS GCIG BYIN NA DGE RTZA SHIN TU STOBS CHE BAR 'GYUR TE, CHED DU BYA BA SEMS CAN GRANGS MED BA DANG, THOB BYA RDZOGS PA'I BYANG CHUB YON TAN BSAM GYIS MI KHYAB BA DANG LDAN PAS DGE RTZA SHIN TU STOBS CHE BAR BSGRUB NUS SHING, DE YANG DA LTA'I LUS RTEN 'DIS BSGRUB NUS, DNGOS BO'I SGO NAS STOBS CHE BAR BSGRUB NUS PA NI KHYIM BAS ZANG ZING DPAG TU MED BA BYIN BA BAS, RAB TU BYUNG BAS CHOS TSIGS BCAD GCIG BYIN PA BSOD NAMS LHAG CING DE YANG RANG RE RAB TU BYUNG BA RNAMS KYIS DA LTA BSGRUB NUS, RTEN GYI SGO NAS STOBS CHE BAR BSGRUB NUS BA NI, BYANG SEMS KHYIM NA GNAS BAS 'BRU MAR RGYA MTSO TZAM LA SNYING PO RI RAB TZAM BTZUGS NAS MAR ME PHUL BA BAS, BYANG SEMS DGON BA NA GNAS PAS 'BRU MAR THIGS PA

, ,GCIG TZAM LA SNYING PO KHA BRTZE TZAM BTZUGS NAS MAR ME PHUL BA PHAN YON CHE ZHING, BYANG CHUB KYI SEMS LA KHYAD PAR MED KYANG RTEN GYI SGO NAS STOBS CHE ZHING DE YANG DA LTA'I DGE SLONG BYANG CHUB SEMS DPA'I RTEN CAN 'DI GAS BSGRUB NUS, DUS KYI SGO NAS STOBS CHE BA NI, BYANG SHAR MTSAMS KYI SANGS RGYAS DBANG PHYUG RGYAL BO'I ZHING DU BSKAL BA'I BAR DU TSUL KHRIMS BSRUNGS BA LAS, MI MDZED 'JIG RTEN GYI ZHING KHAMS 'DIR TSUL KHRIMS SNA RE BSRUNGS BA PHAN YON CHE ZHING, STON PA'I BSTAN PA LA SKYON MA ZHUGS PA'I DUS SU TSUL KHRIMS YUN RING DU BSRUNGS BA LAS, BSTAN BA 'JIG PA LA NYE BA'I DUS 'DIR SNGA DRO TZAM ZHIG TSUL KHRIMS BSRUNGS BA PHAN YON CHE, GZHAN YANG SDOM 'BYUNG LAS, GLING GSUM PO YI MI RNAMS NI, ,LONGS SPYOD CHEN POS YANG DAG 'TSO, ,RNAM RTOG MED CING RNAM DBYOD MED, ,BLUN RMONGS BYE BRAG MI PHYE BA'O, ,ZHES DANG, 'DZAM BU GLING RNAMS LAS SKYES BAS, ,LAS KYIS PAR RAB TU GRAGS, ZHES 'DZAM BU GLING PA RNAMS LAS KYI SPA YIN PAS TSE STOD LA BSAGS BA'I LAS RNAMS CHO SMAD LA SMIN NUS PAS SNYIGS DUS KYI TSE THUNG GCIG LA 'TSANG RGYA BA'I RTEN LA 'DZAM BU GLING PA MCHOG TU BSNGAGS, BSNGAGS PA'I RGYU MTSAN YANG DE LTAR YIN, BDE BA CAN DU SKYES PA'I BYANG SEMS RNAMS KYANG 'DI NAS SHAR PHYOGS LOGS NA MI MDZAD 'JIG RTEN KHAMS KYI ZHING KHAMS SNYIGS DUS KYI TSE THUNG GCIG LA 'TSANG RGYA BA'I LUS RTEN KHYAD PAR CAN YOD PAS DER SKYE BAR SHOG CIG CES SLON LAM 'DEBS PA YIN, MDOR NA RTEN 'DI LA SDOM PA GSUM GA SKYE ZHING, SNYIGS DUS KYI

TSE THUNG GCIG LA SANGS RGYAS KYI GO 'PHANG YANG BDE BLAG TU BSGRUB NUS BAS SO, ,DES NA RNYED PAR DKA' ZHING RNYED NA DON CHE BA'I DAL 'BYOR TSANG BA'I RTEN LAN CIG THOB PA 'DI DON MED DU MI BTANG BAR SNYING PO ZHIG BLANG BAR BYA'O, ,DE LTAR BYED NUS PAR BLA MA LHAS BYIN GYIS BRLABS TU GSOL, ZHES GSOL BA BTAB PAS SPYI BO'I BLA MA LHA'I SKU'I CHI LAS BDUD RTZI SNA LNGA 'OD ZER DANG BCAS BA'I RGYUN BABS, RANG GZHAN X, KHYAD PAR DU YANG DAL 'BYOR DON CHE'I RTOGS PA KHYAD PAR CAN SKYE BA LA GEGS BYED X, LUS DVANGS GSAL X, TSE DANG BSOD NAMS X, KHYAD PAR DU YANG X, GNYIS PA RNYED DKA' BAR BSAM PA NI, SBYI BOR BLA MA LHA SGOM BZHIN BA'I NGANG NAS 'DI LTAR BSAM STE, DAL 'BYOR THOB BA 'DI DON CHE BAR MA ZAD RNYED KYANG SHIN TU DKA' STE, 'DUL BA LUNG GZHI LAS, NGAN 'GRO DANG BDE 'GRO NAS SHI 'PHOS TE NGAN 'GROR SKYE BA NI SA CHEN PO'I RDUL DANG BDE 'GROR SKYE BA NI PHYAG SEN GYI RTZOMS BZHES BA'I RDUL DANG 'DRA BAR GSUNGS TI, BZHI BRGYA PA LAM, PHAL MO CHER NA MI RNAMS NI, ,DAM PA MA YIN PHYOGS YONGS 'DZIN, ,DES NA SO SO SKYE BO RNAMS, , PHAL CHER NGES PAR NGAN 'GROR 'GRO ,ZHES GSUNGS BA LTAR MI LA SOGS PA PHAL CHER MI DGE BCU LA SOGS BSHAS CHER SPYOD LA, DE DAG GIS KYANG DAL 'BYOR THOB BA'I GEGS BYED CING, KHYAD PAR DAL 'BYOR TSANG BA'I RTEN RNAM PAR DAG PA THOB PA LA TSUL KHRIMS RNAM PAR DAG PAS GZHI BZUNGS SBYIN SOGS KYIS GROGS BYAS, SMON LAM DRI MA MED BAS MTSAMS SBYOR BA SOGS DGOS PA LA RGYU DE LTA BU BSGRUB BA SHIN TU NYUNG BAR SNANG BAS 'BRAS BU DAL 'BYOR TSANG BA'I RTEN THOB PA SHIN TU DKON PA YIN, RIGS

, ,MTHUN BDE 'GROL LTOS NAS DAL 'BYOR TSANG BA'I RTEN THOB BA 'DI SHIN TU DKON PA YIN TE, MI BRGYA PHRAG MANG PO'I NANG NAS KYANG DAL 'BYOR TSANG BA'I RTEN THOB BSTEN MO'I SKAR MA LTA BUR SHIN TU DKON BA'I PHYIR, DBE'I SGO NAS RNYED PAR DKA' BA NI DGA' BA MNGAL 'JUG GI MDO NAS KHA BRTZE RA NYUNGS KAR CHAGS BA DANG, SHEL GYI KHANG BA'I LOGS LA SRAN MA GTOR NA DE'I NGOS YA SRAN MA CHAGS BA LAS KYANG, NGAN 'GRO NAS BDE 'GROR SKYE BSHIN TU DKA' BAR GSUNGS, YANG DAG PAR LDAN PA'I LUNG LAS; SA GZHI CHEN PO 'DI RGYA MTSO CHEN PO GCIG TU GYUR TE DE'I STENG DU GNYA SHING BUG GCIG BA ZHIG PHYOGS BZHI'I RLUNG GIS PHYOGS KUN TU BSKYOD PA DANG RGYA MTSO DE'I NANG NA RUS SBAL ZHAR BA LONG BA LO BRGYA BRGYAN MGO RDOG RDOG 'ONG BA DE'I MGRIN BA GNYA' SHING GI BU GAR CHUD BA LAS KYANG NGAN 'GRO NAS BDE 'GROR SKYE BA SHEN TU DKA' BAR GSUNGS, DA YANG DBANG NA DA LTA'I NYANG CHU 'DREN BA LAS KYANG, NGAN 'GRO NAS BDE 'GROR SKYE BA DKA' ZHING DE'I RGYU MTSAN YANG NGAN 'GROR SKYES NA DGE BA'I BLO SKYE DKA' ZHING SDIG BA NI 'PHRAL DU GSOG BAS NGAN 'GRO NAS BDE 'GROR SKYE BA SHIN TU DKA', PHRANGS KYI SGO NAS RNYED DKA' BA NI, NGAN SONG GSUM LAS DUD 'GRO NYUNG, DUD 'GRO LAS YI DVAGS MANG, YI DVAGS LAS DMYAL BA MA, DUD 'GRO BYINGS RGYA MTSO CHEN PO NA YOD CING LHA YUL DANG MI YUL NA YOD BA RNAMS KHA 'THONG BA YIN, DE YANG, DBYANGS PHUB ZHIG LA 'KHOR BA'I SBRANG MA'I GRANGS TZAM 'DZAM BU GLING BA'I MI THAMS CAD LA MED, DES NA RANG RE RNAMS KYIS RNYED BAR DKA' ZHING RNYED NA DON CHE BA'I DAL 'BYOR TSANG BA'I RTEN

LAN CIG THOB PA 'DI DON MED DU MI BTANG BAR SNYING PO ZHIG BLANG BAR BYA'O, ,SNYING PO LEN BA'I TSUL YANG BLA MA SANGS RGYAS 'BRAL MED DU BSTEN NAS, DES BSTAN PA'I THEG BA MCHOG GI GDAMS BA'I SNYING PO NYAMS SU BLANGS NAS TSE GCIG NYID LA SANGS RGYAS KYI GO 'PHANG BDE BLAG TU THOB PAR BYA'O, ,DE LTAR BYED NUS BAR BLA MA LHAS BYIN GYIS BRLAB TU GSOL ZHES GSOL BA BTAB BAS SBYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN X, KHYAD PAR DU YANG DAL 'BYOR RNYED DKA'I RTOGS PA KHYAD PAR CAN SKYE BA LA GEGS BYED X, LUS DVANGS GSAL X, TSE DANG BSOD NAMS X, KHYAD PAR DU YANG DAL 'BYOR RNYED DKA' RTOGS PA KHYAD PAR CAN RANG GZHAN SEMS CAN THAMS CAD KYI RGYUD LAS SKYES PAR BSAM, GSUM BA MJUG TU JI LTAR BYA BA NI SNGAR BZHIN YIN LA, GNYIS PA THUN MTSAMS SU JI LTAR BYA BA'I TSUL NI, THUN MTSAMS SU YANG DAL 'BYOR GYI CHOS SKOR STON BA'I GSUNG RAB DGONGS 'GREL DANG BCAS BA BLTA BA SOGS SNGAR BZHIN NO, ,GNYIS PA SNYING PO JI LTAR LEN TSUL LA GSUM, SKYES BU CHUNG NGU DANG THUN MONG BA'I LAM LA BLO SBYANG BA DANG, 'BRING DANG THUN MONG BA'I LAM LA BLO SBYANG BA DANG, SKYES BU CHEN PO'I LAM GYI RIM BA LA BLO SBYANG BA'O, ,DANG PO LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'I TSUL LO, ,DANG PO LA SBYOR DNGOS MJUG GSUM LAS, DANG PO SBYOR BA NI, SKYABS GNAS KUN 'DUS BLA MA LHAG BA'I LHA, ,THUB DBANG RDO RJE 'CHANG LA GSOL BA 'DEBS, ZHES PA YAN CHAD SNGAR BZHIN YIN LA, DE NAS, BDAG DANG MA SEMS CAN THAMS CAD 'KHOR BAR SKYES NAS YUN RING LA

, ,SHUGS DRAG PA'I SDUG BSNGAL SNA TSOGS MYONG BA 'DI 'CHI BA MI RTAG BA MA BSAMS SHING, NGAN 'GRO'I SDUG BSNGAL DRAN NAS DE LAS THAR 'DOD KYI BLO SHUGS DRAG MA SKYES BA DANG NGAN 'GRO'I SDUG BSNGAL GYIS 'JIGS NAS DKON MCHOG GSUM LA SNYING THAG BA NAS SKYABS SU MA SONG BA DANG, LAS 'BRAS LA YID CHES KYI DAD BA MA SKYES PAS LAN PAR 'DUG PAS, DE BDAG DANG MA SEMS CAN THAMS CAD KYI RGYUD LA 'CHI BA MI RTAG BA DRAN BA DANG, NGAN 'GRO'I SDUG BSNGAL DRAN NAS DE LAS THAR 'DOD KYI BLO SHUGS DRAG SKYE BA DANG, NGAN 'GRO'I SDUG BSNGAL GYIS 'JIGS NAS DKON MCHOG GSUM LA SNYING THAG BA NAS SKYABS SU 'GRO BA DANG, LAS 'BRAS LA YID CHES KYI DAD PA SKYES NAS SDIG SPONG DGE BA TSUL BZHIN DU BSGRUB NUS BAR BLA MA LHAS BYIN GYIS BRLAB TU GSOL, ZHES GSOL BA BTAB BAS SBYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS BA'I RGYUN BABS, RANG GZHAN X, KHYAD PAR DU YANG DE DANG DE'I RTOGS PA KHYAD PAR CAN SKYE BA LA GEGS BYED KYI SDIG SGRIB THAMS CAD BYANG ZHING DAG ,LUS DVANGS GSAL X, TSE DANG BSOD NAMS X, KHYAD PAR DU YANG DE DANG NGE'I RTOGS PA KHYAD PAR CAN RANG ZHAN SEMS CAN THAMS CAD KYI RGYUD LA SKYES PAR BSAM, GNYIS PA DNGOS GZHI LA BZHI, 'CHI BA MI RTAG PA BSAM PA, NGAN 'GRO'I SDUG BSNGAL BSAM PA; DKON MCHOG GSUM LA SKYABS SU 'GRO BA SBYANG BA, LAS 'BRAS LA YID CHES KYI DAD BA BSKYED BA'O, ,DANG BO NI SBYI BOR BLA MA LHA SGOM BZHIN BA'I NGANG NAS 'DI LTAR BSAM STE, RNYED BAR DKA' ZHING RNYED NA DON CHE'I DAL 'BYOR TSAD BA'I RTAN 'DI MYUR DU

'JIG STE, 'CHI BDAG NGES BAR 'ONG LA, DE YANG LUS JI 'DRA ZHIG BLANGS KYANG 'CHI BAS MI TSUGS BA MED DE, MI RTAG PA'I TSOMS LAS, GANG YANG SANGS RGYAS RANG SANGS RGYAS, ,SANGS RGYAS RNAMS KYI NYAN THOS KYANG, ,SKU LUS 'DI NI SPONG MDZAD NA, ,SKYE BO PHAL PA SMOS CI DGOS, ZHES GSUNGS PA LTAR, DE BZHIN GSHEGS PA RDO RJE'I SKU BRNYES BA RNAMS KYANG GDUL BYA'I DON DU 'JIG RTEN GZHAN DU GSHAGS NA BDAG CAG SKYE BO PHAL BA RNAMS LTA SMOS KYANG CI 'TSAL, YUL GANG DU BSNGAD KYANG 'CHI BAS MI TSUGS PA MED DE, TSOMS LAS GANG DU GNAS NA 'CHI BAS MI TSUGS PA'I, ,SA PHYOGS DE NI YOD BA MA YIN TE, ,BAR SNANG LA MED RGYA MTSO'I NANG NA'ANG MED, ,RI BO RNAMS KYI GSEB TU ZHUGS NA'ANG MIN, ZHES GSUNGS BA'I PHYIR, MGYOGS BAS 'BROS PA'AM STOBS DANG NOR DANG, RDZAS DANG SNGAGS DANG SMAN LA SOGS PA GANG GIS KYANG BZLOG TU MED CING MGYOGS BAS BROL BAS THAR BA'ANG MED DE, DRANG SRONG CHEN BO LDAN MNGON SHES, ,MKHA' LA RGYANG RING 'GRO BA YANG, ,GANG NA SPYOD YUL 'CHI MED BA'I, ,GNAS DER PHYIN PAR MI NUS SO, ,ZHES GSUNGS BA'I PHYIR, STOBS DANG NOR DANG RDZAS DANG SNGAGS DANG SMAN LA SOGS PA GANG GIS KYANG BZLOG TU MED, DE YANG PHYI NANG GI RKYEN GANG GIS KYANG BZLOG TU MED BA DANG, TSE LA SNON PA MED CING 'BRING BYED BAR MA CHAD DANG BCAS PA YIN TE, TSE TSAD LO DRUG CU THUB BA'I DBANG DU BYAS KYANG, LO DRUG CU ZIN BA RNAMS NI DA LO 'CHI'AM DA GZOD 'CHI 'AM SANG 'CHI GA NANGS 'CHI LTA BU YIN, LO LNGA BCU ZIN BA RNAMS KYI YANG TSE LHAG LO BCU LAS MA LUS, DE BZHIN DU LA LA'I SUM GNYIS LA LA'I PHYED TZAM SONG, TSE'I LHAG MED YANG LO NI ZLA BA, ZLA BA NI

, ,ZHAG; ZHAG NI NYIN MTSAN SOGS SONG BAS 'DZAD LA, DE YANG SNGA DRO SOGS SONG BAS 'DZAD, SNGA DRO DE YANG YUNG TZAM ZHIG SONG BAS 'DZAD DE, SPYOD 'JUG LAS, NYIN MTSAN SNGOD PA YOD MED PAR, ,TSE 'DI RTAG TU GOD 'GYUR ZHING, ,SNON PA'ANG GUD NAS 'ONG MED NA, ,BDAG LTA 'CHI BAR CIS MI 'GYUR, ZHES GSUNGS BA'I PHYIR, GSON PA'I TSE CHOS BYA LONG MED PAR NGES PAR 'CHI STE, MNGAL 'JUG LAS GSUNGS PA LTAR, DANG PO BYIS PA'I DUS LO BCUR NI CHOS SGRUB BA'I BSAM PA NI MI RNYED CING, MTHAR RGAS PA'I SKABS LO NYI SHUR NI CHOS SGRUB BA'I SKABS MED LA, DE'I BAR DU YANG GNYID KYIS PHYED 'KHYER, NAD SOGS KYIS KYANG DUS DU MA ZHIG ZAD NAS CHOS SGRUB PA'I SKABS CUNG ZAD LAS MED DO, ,'CHI BAR MA ZAD NAM 'CHI LA NGES PA MED DE, SPYIR SGRA MI SNYAN PA'I TSE NI STONG DU NGES KYI, GZHAN RNAMS KYIS RANG RANG GI TSE TSAD THUB PA'I NGES PA MED NA YANG PHAL CHER NGES PA MANG LA, 'DZAM BU GLING BA SHIN TU MA NGES PA YIN TE, DANG POR LO DPAG MED THUB PA'ANG BYUNG, DA GDOD LO BCU LA RING MTHA' BYED DGOS SHING; DA LTA YANG RGAN GZHON BAR MA GANG LA'ANG NAM 'CHI LA NGES PA MED DE, MDZOD LAS, 'DI NA MA NGES THA MAR NI, ,LO BCU DANG PO DPAG TU MED, CES DANG, TSOMS LAS, SNGA DRO SKYE BO MANG MTHONG BA, ,PHYI DRO KHA CIG MTHONG MI 'GYUR, ,PHYI DRO SKYE BO MANG MTHONG BA, ,SNGA DRO KHA CIG MTHONG MI 'GYUR, ZHES DANG, SKYES BA BUD MED MANG PO DANG, ,DAR LA BAB PA'ANG 'CHI 'GYUR NA, ,DE LA MI 'DI GZHON ZHES TE, ,GSON PA'I GDENG BROD CI ZHIG YOD, ,KHA CIG MNGAL DU 'CHI BAR 'GYUR, ,DE BZHIN KHA CIG BCAS TZAM NA,,

DE BZHIN KHA CIG GOG TZAM NA, ,DE BZHIN KHA CIG YONGS RGYUG NA, ,LA LA DAR DANG LA LA GZHON, ,LA LA DAR LA BAB BA'I MI, ,RIM GYIS RAB TU 'GRO 'GYUR TE, ,'BRAS BU SMIN PA LTUNG BA BZHIN, ZHES DANG, TSOMS LAS, SANG DANG 'JIG RTEN PHYI MA GNYIS, ,SNGON DU GANG SNGA GTOL MED PAS, ,SANG GI TSES LA MI 'BAD PAR, ,PHYI MA'I DON LA 'BAD PAR RIGS, ZHES GSUNGS BA'I PHYIR, 'CHI RKYEN SHIN TU MANG ZHING GSON RKYEN NYUNG BA YIN TE, RIN CHEN 'PHRENG BA LAS, 'CHI BA'I RKYEN NI MANG PA STE, ,GSON PA YI NI NYUNG ZAD CIG; CES GSUNGS BA LTAR, PHYI'I RKYEN MIS MTSON BSNUN BA, DUG BTANG BA, GNOD SBYIN DANG RGYAL BO DANG BTZAN DANG MA MO LA SOGS PA RNAMS KYI SROG 'PHROG PA DANG, NANG GI 'BYUNG BA BZHI 'KHRUGS PA DANG, ZAS MA 'PHROD PA DANG, SMAN MA 'PHROD BA DANG, GLO BUR DU G-YANGS LA LHUNG BA DANG, KHANG BA RDIB BA DANG, GRU ZHIG BA, KO BA RDIB BA DANG, GLO BUR DU GZA' GDONG THUG BYUNG BAS SHI BA SOGS GZHAN GLO BUR DU SHI BA RNAMS DPER BYAS NAS BDAG KYANG DE LTA BU'I CHOS CAN NO SNYAM DU BSAM ZHING, LUS CHU'I LPU BA LTAR NYAM CHUNG BSAN NAM 'CHI LA NGES BA MED DE, BSHES SPRING LAS, SA DANG LHUN PO RGYA MTSO NYI MA BDUN, ,'BAR BAS BSREGS PA'I LUS CAN 'DI DAG KYANG, ,THAL BA YANG NI LUS BAR MI 'GYUR NA, ,SHIN TU NYAM CHUNG MI LTA SMOS CI 'TSAL ZHES GSUNGS PA'I PHYIR DANG, RIN CHEN PHRENG BA LAS, 'CHI BDAG RKYEN GYI NANG GNAS PA, ,RLUNG DMAR NANG 'DUG MAR ME BZHIN, ZHES GSUNGS PA LTAR, TSER MA ZUG PA LTA BUS KYANG RKYEN BYAS NAS GLO BUR DU 'CHI BAR 'GYUR RO SNYAM DU BSAM, 'CHI PA'I TSE

, ,CHOS MA GTOGS GZHAN GANG GIS KYANG PHAN PA MED DE, GNYEN BSHES BRTZE GDUNG JI LTAR CHE BAS MTHA' BSKOR KYANG GCIG KYANG 'KHRID SA MED, YID DU 'ONG BA'I NOR GYI PHUNG PA JI SNYED CIG YOD KYANG RDUL PHRAN TZAM YANG 'KHYER DU MED, LHAN CIG SKYES BA'I SHA RUS KYANG 'BRAL DGOS NA TSE 'DI'I PHUN TSOGS LA CHAGS PAS CI ZHIG BYA, 'CHI BA'I DGRA NI NGES PAR 'ONG LA NAM 'ONG LA NGES PA MED CING, DE RING RANG YANG 'CHI NYER YOD BAS 'CHI GRABS SHIG BYA DGOS PAR 'DUG ,'CHI GRABS KYANG TSE 'DI'I PHUN TSOGS THAMS CAD LA MA CHAGS PAR CHOS RNAM DAG CIG DA LTA NYID DU BYA'O, DE LTAR BYED NUS PAR BLA MA LHAS BYIN GYIS BRLAB TU GSOL ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS DE DANG DE'I GEGS BYED SBYANGS, DE DANG DO'I RTOGS PA KHYAD PAR CAN RANG GZHAN SEMS CAN THAMS CAD KYI RGYUD LA SKYES PAR BSAM, GNYIS PA NGAN 'GRO'I SDUG BSNGAL BSAM PA NI; SPYI BOR BLA MA LHA BSGOM BZHIN BA'I NGANG NAS 'DI LTAR BSAM STE, RNYED PAR DKA' ZHING RNYED NA DON CHE BA'I DAL 'BYOR TSANG BA'I RTEN 'DI YANG MYUR DU 'JIG CING, ZHIG PA'I 'OG TU MED DE MI 'GRO BAR SKYE BA ZHIG BLANG DGOS LA SKYE SA YANG BDE 'GRO DANG NGAN 'GRO GNYIS LAS MA 'DAS SHING, GAL TE NGAN 'GROR SKYES NA DMYAL BA PA RNAMS LA TSA GRANG DANG DES MTSON BA'I SDUG BSNGAL, YI DVAGS RNAMS LA BKRES SKOM DANG NGES MTSON PA'I SDUG BSNGAL, DUD 'GRO RNAMS LA GLEN CING GTI MUG PA DANG, GCIG

LA GCIG ZA'I SDUG BSNGAL BSAM GYIS MI KHYAB PA YOD, DE LTAR NA DMYAL BA'I SDUG BSNGAL BSAM PA LA BZHI, SEMS CAN DMYAL BA CHEN PO, NYE 'KHOR BA'I DMYAL BA, GRANG BA'I DMYAL BA, NYI TSE BA'I DMYAL BA'O, ,DANG PO NI 'DI NAS DPAG TSAD SUM KHRI NYIS STONG GI 'OG NA YANG GSOS YOD LA, DE NAS DPAG TSANG BZHI STONG BZHI STONG GIS CHOD PA NA GZHAN BDUN YOD DO, ,DE LA BRGYAD LAS YANG GSOS NI, SEMS CAN DE DAG PHAN TSUN 'DUS NAS LAS KYI DBANG GIS BYUNG BA'I MTSON CHA SNA TSOGS KYIS GCIG LA GCIG SNUN PAR BYED DO, ,DE NAS BRGYAL TE SA LA 'GYEL BA NA NAM MKHA' NAS KHYED RNAMS YANG GSOS PAR GYUR CIG CES PA'I SGRA 'BYUNG NGO, ,DE NAS YANG LANGS TE SNGAR BZHIN BSNUN PAS BSDUG BSNGAL DPAG TU MED PA MYONG NGO, ,THIG NAG NI SEMS CAN DE RNAMS DMYAL BSRUNGS RNAMS KYIS ZUR BZHI LA SOGS PA DU MAR THIG NAG PO BTAB NAS DE'I STENG DU MTSON GYIS GSHEG PA SOGS KYI SDUG BSNGAL DPAG TU MED PA NYAMS SU MYONG, BSDUS 'JOMS NI SEMS CAN DE DAG PHAN TSUN 'DUS NAS GCIG TU GNAS PA NA RI RA'I GDONG BA CAN DANG LUG GI GDONG PA CAN GYI BAR DU 'TSI RAB SOGS KYI SDUG BSNGAL DPAG TU MED PA MYONG, DU 'BOD NI, LCAGS KHANG ME 'BAR BA'I NANG DU SREG PAR BYED, DU 'BOD CHEN PO NI LCAGS KHANG NYIS RIM GYI NANG DU SREG PAR BYED, TSA BA NI LCAGS ZANGS DPAG TSAD DU MA'I NANG DU SREG PA DANG, LCAGS KYI GSAL SHING RTZE GCIG PAS 'PHONGS NAS SPYI BOR PHUG STE DBANG PO'I SGO THAMS CAD NAS ME 'BAR BAS SREG PAR BYED, RAB TU TSA BA NI GSAL SHING RTZE GSUM PA 'PHONGS SU BCUG NAS SPYI

, ,BO DANG PHRAG PA GNYIS SU THON PA DANG, LCAGS BSREGS LEB MOS LUS LA DKRI BA DANG, LCAGS KYIS GZHI LA GAN RKYAL DU BZHAG NAS LCAGS KYI 'BYED SPYAD KYIS KHA PHYE NAS LCAGS KYI THO LUM 'BAR BA KHAR 'JUG CING KHRO CHU BSKOL BA KHAR BLUGS NAS KHA DANG LKOG MA DANG RGYU MA RNAMS CHIG NAS RO SMAD NAS 'BYUNG NGO, ,MNAR MED NI LCAGS KYI KHANG PA ME 'BAR BA'I NANG DU CHUD PA LA PHYOGS BZHIN SA RLUNG CHEN POS BUS PAS DMYAL BA PA'I LUS DANG ME GNYIS DBYER MED DU GYUR PA LTA BUR BSREG, DMYAL BA'I ME'I TSA KHYAD NI, MI'I ME LAS BSKAL BA 'JIG DUS KYI ME BDUN 'GYUR GYIS TSA, DE LAS DMYAL BA'I ME BDUN 'GYUR GYIS TSA, DMYAL BA'I ME LA LTOS NA MI'I ME KHA BA TZAM DU BSIL BA YIN TE, MI'I MES LUS KYI GNAD GANG YANG RUNG BA ZHIG TU BSREG BZHIN PA'I DUS SU TZANDAN GOR SHI SHA'I CHU BSIL BA ZHIG GIS REG NA BSIL SANGS TE 'GRO, ,DE BZHIN DU DMYAL BA'I MES BSREG BZHIN PA'I DUS SU MI'I MES REG NA BSIL SANGS TE 'GRO GSUNG, SDUG BSNGAL DE RNAMS YUN JI TZAM MYONG NA, BSHES SBRING LAS, DE LTAR SDUG BSNGAL SHIN TU MI BZAD LO, ,BYE BA PHRAG BRGYAR NYAMS SU MYONG YANG NI, ,JI SRID MI DGE DE ZAD MA GYUR PA, ,DE SRID SROG DANG 'BRAL PAR MI 'GYUR RO, ,ZHES GSUNGS PA LTAR RAM, YANG MI LOR BRTZIN YANG GSOS PA'I TSE TSANG GCIG LA MI LO PHRAG KHRIG GCIG ,THER 'BUM CHEN PO DRUG ,THER 'BUM GNYIS, 'OG MA RNAMS NYIS 'GYUR NYIS 'GYUR GYIS TSE RING, GNYIS PA NYE 'KHOR BA NI, DMYAL BA CHEN PO'I SDUG BSNGAL LAS THAR

TE PHYIN PA NA ME MUR BUS NUB TZAM LA RKANG BA BYID STE SHA THAMS CAD SREG PAR BYED, DE NAS PHYIN BA NA PHYI SA'I 'DAM RO LTAR MNAM PAR MGRIN PA MAN BYID STE 'BUM CHU RNON ZHES BYA BAS RUS PA DANG RKANG LA THUG PA'I BAR DU 'DRU BAR BYED PA DANG, DE NAS PHYIN PA NA SPU GRI GTAMS PA'I LAM DU SHA DANG PAGS PA GCOD PA DANG, RAL GRI LO MA CAN GYI NAGS TSAL DU PHYIN PA NA RAL GRIS YAN LAG DANG NYIR LAG NGAG GCOD PA DANG, SHAL MA LI'I SDONG PO LA 'BAB 'DZEG BYED PA NA TSER MAS SHA DANG PAGS PA DAG GSHEG PA DANG, KHVA LCAGS KYI MCHU CAN GYIS PHRAG PA'AM MGO BO LA BSDAD NAS MIG 'BRAS 'DRU BAR BYED, DE DANG 'DAB CHAGS PA NA 'GYUR BYED KYI CHUS GANG BA'I CHU KLUNG RAB MED KYI NANG DU LHUNG STE STENG 'OG TU 'GRO ZHING SREG PAR BYED DO, ,GSUM PA GRANG DMYAL NI, TSA DMYAL GYI GNAS NAS DPAG TSAD KHRI KHRAG RE'I PHA ROL NA YOD CING 'DI NAS DPAG TSAD SUM KHRI NYIS STONG GI BCAL BA NA CHU BUR CAN GYI GNAS 'OG GZHI THAMS CAD 'KHYAGS ROM DANG STENG THAMS CAD BU YUG 'TSUBS PA'I NANG DU CHUD NAS LUS LA CHU BUR BYUNG BA DANG, CHU BUR RDOL BA NI, DE LAS KYANG GRANG BAS CHU BUR RDOL BA DANG, AA CHU ZER BA DANG, KYI HUD ZER BA NI SME SNGAGS CHEN PO 'DON MI NUS PAR RGAN GYI PHUGS NAS KYI HUD ZER BA DANG, SO THAM THAM PA NI SKAD KYANG 'DON MI NUS PA DANG, AUTPAL LTAR GAS PA NI, LHAGS PA CHEN PO BTAB PAS LUS SNGON POR SONG BA DANG, PADMA LTAR GAS PA NI SNGON PO LAS KYANG THAL TE DMAR POR GYUR NAS KHA BCU'AM DE LAS KYANG MANG BAR GAS PA DANG, PADMA LTAR CHER GAS

, ,PA NI; KHA BRGYA'AM STONG LA SOGS PAR GAS PA'O, ,BZHI BA NYI TSE BA'I DMYAL BA NI, TSA DMYAL DANG GRANG DMYAL GYI NYE 'KHOR NA YOD CING, MI'I YUL NA YANG YOD PAR SA'I DNGOS GZHIR GSUNGS SHING, RNA BA BYE BA RI DANG DGE 'DUN SRUNGS KYI RTOGS BRJOD LAS GSUNGS PAS DE DAG TU BLTA BAR BYA'O, ,DE LA DMYAL BAR SKYE BA'I RGYU NI, SPYIR MI DGE BCU CHEN PO SPYAD NA DMYAL BAR SKYE BAR GSUNGS SHING, KHYAD PAR MTSAMS MED LNGA BYAS PA DANG, LOG LTA SKYES PA DANG, PHAM PA BZHI SPYAD PA DANG; SO THAR GYI NYES BYAS KHYAD DU BSAD NA YANG GSOS, SOR BSHAGS KHYAD DU BSAD NA THIG NAG TU SKYE BAR GSUNGS PA'ANG YOD, BYANG SEMS KYI RTZA LTUNG BYUNG BA DANG, BYANG SEMS LA DMIGS PA'I KHONG KHRO SKYES NA KHONG KHRO SKAD CIG MA JI TZAM SKYES PA'I GRANGS DANG MNYAM PAR BSKAL BAR DMYAL BAR GNAS DGOS PA SPYOD 'JUG LAS GSUNGS SHING, GSANG SNGAGS KYI RTZA LTUNG BYUNG NAS SOR MCHUD KYI BAR LA SKAD CIG MA JI TZAM YOD PA'I GRANGS DANG MNYAM PA'I BSKAL PAR MNAR MED DU GNAS DGOS PAR RGYUD SDE LAS GSUNGS PA DANG, BLA MA LA DMIGS PA'I KHONG KHRO SKYES NA KHONG KHRO JI SNYED CIG SKYES PA'I GRANGS DANG MNYAM PAR BSKAL BAR BSAGS PA'I DGE RTZA THAMS CAD BCOM NAS DE SNYED KYI BSKAL BAR DMYAL BAR GNAS DGOS PA DUS 'KHOR RTZA RGYUD LAS GSUNGS SHING, RANG RGYUD LA BSAGS LAM SBYANGS PA DMYAL BA'I SDUG BSNGAL BSKYED PA'I NUS PA MTHU CAN DU GYUR BA BSAM GYIS MI KHYAB PA YOD, LAS DE DAG 'CHI KHA TSUN CHAD LA SBYONG MI NUS PA NI RANG RE'I KHA STABS 'DIS SHES, LAS

DE DAG DANG BCAS BZHIN DU DE RING SANG ZHIG GLO BUR DU SHIN NI DMYAL BAR SKYE PA LAS 'OS MED, DER SKYES NA SDUG BSNGAL DE DGANGS AE BZOD SNYAM DU 'JIGS YER YER MA BYUNG BAR DU BSGOM PAR BYA'O, ,DE NAS 'JIGS SHING SKRAG PA'I BLO BCOS MA MA YIN PA SKYES BA NA, CHOS KYI MTHUN RKYEN LTO GOS SROG 'TSO TZAM MA GTOGS BYA BYED GZHAN THAMS CAD TZAM STE BZHAG NAS SDIG LTUNG DE DAG SBYONG BYED KYI THABS DAM PA STOBS BZHI'I BSHAGS BSNGAMS LA NYIN MTSAN KUN TU 'BAD BAR BYA DGOS SO, ,YI DVAGS RNAMS LA BKRES SKOM DANG DES MTSON PA'I SDUG BSNGAL BSAM GYIS MI KHYAB PA YOD DE, BSHES SPRID LAS, YI DVAGS NA YANG 'DOD PAS PHONGS PA YIS, ,BSKYED PA'I SDUG BSNGAL RGYUN CHAGS MI 'CHOS BA, ,BKRES SKOM GRANG DRO NGAL DANG 'JIGS PA YIS, ,BSKYED BA SHIN TU MI BZAD BSTEN 'TSAL LO, ,ZHES GSUNGS PA LTAR RANG NYID YI DVAGS MI SDUG PA SHIN TU NYAM THAG PA 'JIGS PA ZHIG TU GYUR PAR BSAMS NAS, YI DVAGS PHYI'I SGRIB PA CAN NI, BZA' BTUNG LA SOGS PA RNYED KYANG MI RNYED RNYED DU ZIN KYANG, CHU KLUNG DANG LJON SHING 'BRAS BU CAN MTHONG NAS LONGS SPYOD DU PHYIN PA NA, BSRUNG MA MTSON CHA SNA TSOGS THOGS PA RNAMS KYIS BSRUNG BA'AM, RANG KHRAG TU SNANG BA'AM, GANG YANG MI SNANG BAR GYUR NAS LONGS SPYAD DU MED PA'I SDUG BSNGAL, NANG GI SGRIB PA CAN NI KHA KHAB MIG TZAM, MGRIN PA RTA RNGA TZAM, YAN LAG 'JAG MA TZAM DANG LDAN ZHING, BZA' BTUNG LA SOGS PA RNYED KYANG MI RNYED, RNYED DU ZIN KYANG KHAR MI SHONG, KHAR SHONG YANG MGRIN PAR MI THAR, MGRIN PAR THAR KYANG DES LTO BA MI KHENGS PA SOGS KYI SDUG

, ,BSNGAL, ZAS SKOM NYID LA SGRIB PA YOD PA NI, ME LCE'I PHRENG BA CAN ZHES BYA BAS NI, ZOS PA DANG 'THUNGS BA THAMS CAD MER 'BAR NAS 'TSIG LA, LJAN LJIN ZA BA ZHES BYA BAS NI, BSHANG GCI ZA ZHING 'THUNG BA DANG, MI GTZANG ZHING MNAN LA DRING BA DANG, GNOD PA DANG SMAD PAR BYA BA TZAM LA BZA' BTUNG BYED DO, ,KHA CIG NI RANG GI SHA LA BCAD CING ZA LA, GTZANG MA DANG BZANG PO'I BZA' BTUNG SPYOD MI NUS, 'GA' ZHIG NI DBYAR GYI DUS SU ZLA ZER TSA ZHING DGUN GYI DUS SU NYI ZER GRANG BAS SDUG BSNGAL BA DANG, KHA CIG NI YAN LAG GIS LUS PO MI THOG CING BZA' BTUNG 'TSOL BA'I PHYIR PHYOGS KUN TU NYUL BA NA NGAL BAS SDUG BSNGAL, YI DVAGS DBANG CHE BAS CHUNG BA LA RDEG PA DANG MI DANG KHYI LA SOGS PAS 'JIGS SHING SKAG BAS SDUG BSNGAL, TSE TSAD NI MDZOD LAS, ZLA BA NYIN ZHAG GIS LNGA BRGYA, ZHES GSUNGS PA LTAR MI RNAMS KYI ZLA BA GCIG LA ZHAG GCIG TU BYAS PA'I RANG LO LNGA BRGYA THUB PAR GSUNGS SHING, DRAN PA NYER GZHAG LAS NI MI RNAMS KYI LO BCU LA ZLA BA GCIG TU BYAS PA'I RANG LO LNGA BRGYA THUB PAR GSUNGS, DE LA MI LO 'BUM PHRAG BCO BRGYAD YOD, YI DVAGS SU SKYE BA'I RGYU NI, CHAGS PA DANG SER SNA DANG, BRNAB SEMS DANG, MA BYIN PAR BLANGS BA SOGS YIN PAS, SDUG BSNGAL DE RNAMS MI 'DOD NA DE DAG TU SKYE BA'I RGYU SNGAR BSAGS SPYOD PA DANG PHYI MA SDOM PA LA 'BAR PAR BYA, DUD 'GRO RNAMS LA GLEN CING GTI MUG PA DANG, GCIG LA GCIG ZA'I SDUG BSNGAL BSAM GYIS MI KHYAB PA YOD DE, DUD 'GRO BYINGS KYI GNAS KYI RTZA BA RGYA MTSO CHEN PO'I CHU MTSAMS MAN CHAD KYI MUN PA SHIN TU

GNAG PAR LUS BONGS DANG MDOG DBYIBS SNA TSOGS PA 'BRU'I PHUNG PO SPUNGS PA LTA BUR YOD, DE'I NANG DU RANG NYID SKYES BAR BSAM STE, DUD 'GRO CHE BAS CHUNG BA KHYUR MID BYED PA DANG, CHUNG BA MANG PO 'DUS NAS CHE BA ZA ZHING LUS THAL BYUNG DU PHUG PA DANG, MUN PA SHIN TU MNAG PAS RANG GI LAG PA BRKYANG BSKUM TZAM YANG MI MTHONG BA DANG, DUD 'GRO CHE BAS CHUNG BA MNAN NAS DBUGS 'BYUNG RDUB TZAM YANG MI NUS PAS SDUG BSNGAL, DUD 'GRO KLU'I RIGS SU GYUR PA RNAMS LA NI NAM MKHA' LDING GI 'JIGS PA DANG, BYE TSAN GYI CHAR 'BAB PA LA SOGS PAS NYI MA RE RE BZHIN SDUG BSNGAL, DUD 'GRO RI DVAGS RNAMS LA NI RNGON PA DANG, KHYI MANG POS BDAS NAS BROS KYANG MTHAR BAR BSAD PA DANG, GCAN GZAN SOGS KYIS ZOS PA DANG, BYA SNA TSOGS PAS ZA BA DANG, BDAG TU BZUNG BA'I RTA GLANG BONG BU PHAG PA SOGS NI, BKOL BA DANG SPYAD PA DANG MI THEG BZHIN DU KHAL 'GEL BA DANG, RDEG PA DANG 'TSOG PA DANG RMO BA DANG BZHO BA DANG SPU 'DREG PA DANG, GSOD PA SOGS KYI SDUG BSNGAL DPAG TU MED PA YOD CING, CHO TSAD NI, MDZOD LAS, DUD 'GRO RNAMS, ,MCHOG RING BSKAL BA'O, ,ZHES TSE RING BAS BSKAL PA TZAM THUB CING, THUNG BA LA NGES BA MED, DUD 'GROR SKYE BA'I RGYU NI CHOS SPANGS PA DANG, CHOS DANG CHOS SMRA B LA MA GUS PA DANG, BSTAN PA LA ZHUGS PA RNAMS NANG PHAN TSUN SKYON BRJOD BYAS BA RNAMS YIN, DES NA 'DI LTA BU'I NGAN 'GRO'I SDUG BSNGAL BZOD GLAGS MI 'DUG PAS, RNYED BAR DKA' ZHING RNYED NA DON CHE BA'I DAL 'BYOR TSANG BA'I RTEN THOB PA'I DUS 'DIR, NGAN 'GRO'I SDUG BSNGAL MTHA' DAG SPANGS PA'I BLA MA

, ,SANGS RGYAS KYI GO 'PHANG ZHIG THOB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES GSOL BA BTAB PAS, SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS BAS, DE DANG DE'I GEGS BYED SBYANGS, DE DANG DE'I RTOGS PA KHYAD PAR CAN RANG GZHAN GYI RGYUD LA SKYES PAR BSAM MO, ,GSUM PA SKYABS 'GRO SBYANG BA NI, LAM RIM DMAR KHRID BDE LAM GYI SKYABS 'GRO'I DMIGS RIM LAS CUNG ZAD RGYAS TZAM BYED NA, GANG LA BRTEN NAS SKYABS SU 'GRO BA'I RGYU NI, RANG NYID 'KHOR BA DANG NGAN SONG GI SDUG BSNGAL GYIS 'JIGS PA DANG, DKON MCHOG GSUM LA DE DAG LAS SKYOB PA'I NUS PA YOD BAR SHES PA GNYIS SKYABS 'GRO'I RGYU'I GTZO BO YIN TE, DRI BA LHAG BSAM RAB DKAR GYI DRIS LAN BLO BZANG BZHAD PA'I SGRA DBYANGS LAS, SKYABS 'GRO'I NGO BO AI THI BA, ,RANG NYID LHAG PAR 'JIGS PA DANG, ,DKON MCHOG SKYOB PA'I NUS LDAN DU,, SHES LAS BYUNG BA'I SKYABS 'GRO LA, ,THAMS CAD MKHYEN PA KHYOD NYID BZHED, CES GSUNGS PA'I PHYIR, RGYU DE LA BRTEN NAS BSKYABS SU 'GRO BA'I YUL LA NI RANG NYID 'JIGS PA THAMS CAD LAS GROL ZHING, GZHAN 'JIGS PA LAS SGROL BA'I THABS LA MKHAS PA, KUN LA THUGS RJE CHEN PO NYE RING MED PAR 'JUG PA, PHAN BTAGS MA BTAGS THAMS CAD KYI DON MDZAD BA ZHIG DGOS PA LA, YON TAN DE THAMS CAD DANG LDAN PA NI YANG DAG PAR RDZOGS PA'I SANGS RGYAS KHO NA YIN GYI, DRAG PO DANG

KHYAB 'JUG LA SOGS PA LHA CHEN PO RNAMS LA YON TAN DE DAG MED NA, YI DVAGS SU GYUR PA'I GZHI BDAG DANG KLU LA SOGS PA RNAMS LA YOD PA LTA CI SMOS, DES NA DKON MCHOG GSUM DANG PHYI ROL PA'I STON PA GNYIS KYI NANG NAS DKON MCHOG GSUM KHO NA SKYABS SU 'DZIN 'OS TE, SKYABS 'GRO BDUN CU PA LAS, SANGS RGYAS CHOS DANG DGE 'DUN NI, ,THAR PA 'DOD PA RNAMS KYI SKYABS, ZHES GSUNGS PA'I PHYIR, SKYABS YUL DKON MCHOG GSUM GYI YON TAN BSAM PA LA, SANGS RGYAS NI SKU MTSAN BZANG PO SUM CU RTZA GNYIS DANG, DPE BYAD BZANG PO BRGYAD CUS SPRAS PA, GSUNG GI YON TAN YAN LAG DRUG CU RTZA BZHI DANG LDAN PAS GSUNG DBYANGS SKAR RE RES KYANG SEMS CAN THAMS CAD LA RANG RANG GI SKAD DU CHOS STON NUS PA DANG, THUGS KYI YON TAN LA MKHYEN PA DANG BRTZE BA GNYIS LAS, MKHYEN PAS JI LTA BA DANG JI SNYED PA'I CHOS THAMS CAD DUS CIG CAR DU MNGON SUM DU RTOGS PA DANG, BRTZE BA'I YON TAN SEMS CAN THAMS CAD LAM BU GCIG LA BRTZE BA LTAR THUGS RJE CHEN PO NYE RING MED PAR 'JUG PAS GDUL PA'I DUS LAS SKAD CIG KYANG MI 'DA', 'PHRIN LAS 'BAD RTZOL MED PAR LHUN GYIS GRUB CING RGYUN MI 'CHAD PA DANG LDAN PA'O, ,CHOS KYI YON TAN NI SANGS RGYAS YON TAN MTHA' YAS PA DANG LDAN PA 'DIS LUNG DANG RTOGS PA'I CHOS 'GOG PA DANG, LAM GYI BDEN PA SKYON SPANGS PA DANG YON TAN SGRUB PA'I BDAG NYID CAN MNGON DU BYAS PA DANG, BSGOMS PA LAS BYUNG BA'O SNYAM DU BSAM ZHING, DGE 'DUN NI GTZO BO 'PHAGS PA'I GANG ZAG RNAMS YIN LA, DE YANG CHOS KYI YON TAN DRAN TE, DE TSUL BZHIN DU BSGRUB

, ,PA'I SGO NAS DRAN PAR BYA, KHYAD PAR SHES PA LA MTSAN NYID LAS GYUR PA'I KHYAD PAR NI, SANGS RGYAS NI MNGON PAR RDZOGS PAR BYANG CHUB PA'I MTSAN NYID CAN YIN LA, CHOS NI DE'I 'BRAS BU DANG, DGE 'DUN NI GZHAN GYI MAN NGAG GIS YANG DAG PAR BSGRUB PA'I MTSAN NYID, 'PHRIN LAS KYI KHYAD PAR NI RIM PA LTAR LUNG 'BOGS PA DANG, SPANG BYA SPONG BA LA DMIGS PA DANG, MNGON PAR SPRO BA'I 'PHRIN LAS CAN NO, ,MOS PA LAS GYUR PA NI, BSNYEN BKUR LA ZHEN PA DANG, MNGON DU BYA BA LA ZHEN PA DANG, CHOS DANG MTHUN PAS 'GROGS PA LA ZHEN PA'O, ,BSGRUB PA'I KHYAD PAR NI, RIM PA LTAR MCHOD PA DANG, RIM GRO BYA BA DANG, RNAL 'BYOR GYI SBYOR BA LA GOMS PAR BYA BA DANG, CHOS DANG ZANG ZING GI LONGS SPYOD THUN MONG GIS BSGRUB PA'O;; RJES DRAN GYI KHYAD PAR NI, 'DI LTAR SANGS RGYAS BCOM LDAN 'DAS DE NI ZHES SOGS KYIS SO SO'I YON TAN DRAN PA'O, ,BSOD NAMS 'PHEL BA LAS GYUR PA'I KHYAD PAR NI GANG ZAG DANG CHOS KYI DBANG DU BYAS PA'I BSOD NAMS 'PHEL BA'O, ,PHAS LEN PA'I SKYABS SU 'GRO BA NI, SANGS RGYAS LA SKYABS STON PA, CHOS LA SKYABS DNGOS, DGE 'DUN LA SKYABS SGRUB PA'I ZLA GROGS SU 'DZIN PA'O, ,GZHAN DU MI SMRA BA'I SKYABS SU 'GRO BA NI, PHYI NANG GI STON PA DANG BSTAN PA'I KHYAD PAR SHES NAS SKYABS SU 'GRO BA'O, ,MDOR BSDUS DMAR KHRID BDE LAM NAS 'BYUNG TSUL NI, SPYI BO'I BLA MA LHA'I SKU'I CHA LAS BLA MA YI DAM DKON MCHOG GSUM DPA' BO DPA' MO CHOS SKYONG BSRUNG MA'I TSOGS NAM MKHA' GANG BA SPROS TE SPYI BO'I BLA MA LHA'I SKU'I MTHA' SKOR

DU BZHUGS PA'I SKYABS YUL RNAMS GSAL LEGS PAR BTAB, DE DAG GI SKU GSUNG THUGS YON TAN 'PHRIN LAS DANG BCAS PA DRAN BZHIN PA'I NGANG NAS SNGAR NGAN 'GRO'I SDUG BSNGAL BSHAD PA RNAMS SLAR YANG GSAL BTAB STE 'JIGS SHING SKRAG YER YER BA'I SGO NAS, BDAG DANG MA SEMS CAN THAMS CAD SPYIR 'KHOR BA DANG, KHYAD PAR NGAN 'GRO'I 'JIGS PA LAS DA LTA NYID DU BSKYAB TU GSOL SNYAM PA'I 'DUN PA DANG LDAN PAS BLA MA YI DAM DKON MCHOG GSUM LA SKYABS SU MCHI ZHES SKYABS 'GRO LAN BRGYA STONG KHRI 'BUM SOGS BYA ZHING, DKON MCHOG GSUM LA SKYABS SU SONG BA'I GNAS SKABS DANG MTHAR THUG GI PHAN YON SHES PA'I SGO NAS, SKYABS 'GRO'I BSLAB BYA RNAMS LA TSUL BZHIN DU BSLAB PAR BYA'O, ,DKON MCHOG GSUM LA SKYABS SU SONG BA'I PHAN YON NI, NANG PA SANGS RGYAS PAR TSUD PA, SDOM PA THAMS CAD KYI RTEN DU GYUR PA, SNGON BSAGS PA'I LAS SGRIB RNAMS BSRABS SHING ZAD PAR 'GYUR BA DANG, BSOD NAMS RGYA CHEN PO GSOG PA DANG, NGAN 'GROR MI LTUNG BA NI PHAG TU SKYE 'GYUR GYI LHA'I BUS SANGS RGYAS LA SKYABS SU SONG BAS NGAN 'GRO'I 'JIGS PA LAS GROL NAS DE LAS KYANG MTHO BA'I LHA'I GNAS BU SKYES PA LTA BU'O, ,TSE 'DI'I 'JIGS PA LAS BSKYABS PA NI GANG PO'I PHU BO 'BYOR LDAN LA SOGS PA RNAMS KYIS RGYA MTSOR GRU BO CHE TZANDAN GYIS BKANG STE PHYIN PA LA GNOD SBYIN GYIS RLUNG 'TSUB BTANG NAS GRU RDZINGS RGYA MTSOR NUB PA LA THUG PA'I TSE, GANG POS SKYABS 'GRO BYAS PAS 'JIGS PA DE LAS GROL, NYAN THOS DGRA BCOM PA LA SKYABS 'GRO BYAS PA'I PHAN YON DE

, ,TZAM 'BYUNG NA SANGS RGYAS LA SKYABS SU SONG NA LTA CI SMOS, GZHAN YANG CI BSAM PA THAMS CAD 'GRUB PA DANG MYUR DU 'TSANG RGYA BA'O, ,SKYABS 'GRO'I BSLAB BYA LA SO SO'I BSLAB BYA DANG THUN MONG GI BSLAB BYA GNYIS, DANG PO LA DGAG PA'I BSLAB BYA DANG, SGRUB PA'I BSLAB BYA GNYIS, DANG PO NI, SANGS RGYAS LA SKYABS SU SONG BAS LHA GZHAN LA PHYAG MCHOD MI BYA, CHOS LA SKYABS SU SONG BAS SEMS CAN LA GNOD 'TSE SPONG, DGE 'DUN LA SKYABS SU SONG BAS GROGS MU STEGS PA DANG MI 'GROGS, GNYIS PA SGRUB PA'I BSLAB BYA NI, DE BZHIN GSHEGS PA'I SKU GZUGS LA DPYAS MI GDAGS PA SOGS YIN, GNYIS PA THUN MONG GI BSLAB BYA NI, DKON MCHOG GSUM GYI KHYAD PAR DANG YON TAN RJES SU DRAN PA'I SGO NAS YANG DANG YANG DU SKYABS SU 'GRO BA, BKA' DRIN CHEN PO RJES SU DRAN PAS DUS RTAG TU MCHOD PA LA BRTZON ZHING BZA' BA DANG BCA' BA'I PHUD DBUL BA, SNYING RJE CHEN PO RJES SU DRAN PAS 'GRO BA GZHAN YANG TSUL 'DI LTA BU LA 'GOD PA, BYA BA GANG BSGRUB PA NA DKON MCHOG LA BLO BKAL NAS BSGRUB PA, DKON MCHOG GSUM SROG GAM BZHAD GAD KYI PHYIR YANG MI SPONG BA RNAMS LA BSLAB PAR BYA'O, ,BZHI PA LAS 'BRAS LA YID CHES KYI DAD PA BSKYED PA NI, SPYI BOR BLA MA LHA SGAM BZHIN PA'I NGANG NAS 'DI LTAR BSAM STE, RGYAL BA'I GSUNG RAB LAS RGYU DGE BA SPYAD PA LAS 'BRAS BU BDE BA KHO NA 'BYUNG ZHING SDUG BSNGAL MI 'BYUNG, RGYU MI DGE BA SPYAD PA LAS 'BRAS BU SDUG BSNGAL KHO NA 'BYUNG ZHING BDE BA MI 'BYUNG BAR GSUNGS TE, TSAD PAS GDUNGS PA'I GANG ZAG CIG LA RLUNG BSIL

BA LANGS PA LA BRTEN NAS BYUNG BA'I BDE BA DE YANG SNGON DGE BA'I LAS BSAGS PA LA BRTEN NAS BYUNG BA YIN, TSER MA ZUG PA LTA BU'I SDUG BSNGAL DE YANG SNGON MI DGE BA'I LAS BSAGS PA LA BRTEN NAS BYUNG BA YIN PAS LAS NGES PA YIN, RGYU DGE SDIG GNYIS CHUNG NGU LAS MA SPYAD KYANG GEGS BYED DANG MA 'PHRAD NA 'BRAS BU SHIN TU CHE BA 'BYUNG STE, SNGON DGE TSUL KUN TE SA DGE SLONG DBYANGS MI SNYAN PA ZHIG LA, KHYOD KYI DBYANGS NI KHYI ZUGS PA DANG 'DRA'O ZHES SMRAS PAS SKYE BA LNGA BRGYA'I BAR DU KHYIR SKYES PA DANG, DGE SLONG LUS RTZAL SHIN TU CHE BA ZHIG LA KHYOD NI SPRE'U DANG 'DRA'O ZHES SMRAS PAS, SPRE'U SKYES PA SOGS LAS 'PHAL CHE BA YIN, RGYU DGE SDIG GNYIS MA SPYAD NA 'BRAS BU BDE SDUG MYONG BA MED PAS LAS MA BYAS PA DANG MI 'PHRAD PA YIN, RGYU DGE SDIG GNYIS SPYAD PA GEGS BYED DANG MA 'PHRAD NA LAS BYAS PA CHUD MI ZA BA YIN TE, MDO LAS, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU SMIN PA NYID DU 'GYUR, ZHES GSUNGS PA'I PHYIR, 'DIR LAS LAM BCU'I RNAM GZHAG CUNG ZAD CIG BSHAD NA, SROG GCOD KYI GZHI NI, RANG LAS RGYUD THA DAD PA'I SEMS CAN PHA ROL PO'O, ,BSAM PA LA GSUM LAS 'DU SHES NI, GZHI DE LA DER 'DU SHES PA'O, ,NYON MONGS PA NI DUG GSUM PO GANG RUNG NGO, ,KUN SLONG NI BSAD PAR 'DOD PA'O, ,SBYOR BA NI DUG DANG MTSON DANG RIG SNGAGS SOGS KYI SGO NAS BYAS PA'O, ,MTHAR THUG NI RANG GI SNGA ROL DU SHI BA'O, ,MA BYIN LEN GYI GZHI NI, GZHAN GYIS YONGS SU BZUNG BA'I RDZAS SO, ,BSAM PA LA GSUM YOD PA'I 'DU SHES DANG NYON MONGS

, ,NI SNGAR BZHIN NO, ,KUN SLONG NI MA GNANG YANG GTAN DU DPRAL 'DOD PA'O, ,SBYOR BA NI MTHU DANG, 'JAB BU DANG, G-YO THABS GZHAN GYIS KYANG MA BYIN PAR BLANGS PA'O, ,MTHAR THUG NI THOB BLO SKYES PA'O, ,LOG G-YEM GYI GZHI NI, MA LA SOGS PA BGROD BYA MA YIN PA DANG, KHA DANG BSHAD LAM SOGS LAM MA YIN PA DANG, SBRU MA MA DANG, BSNYEN GNAS LA GNAS PA SOGS KYI DUS DANG, MCHOD RTEN DANG BLA MA'I DRUNG SOGS GNAS MA YIN PA'O, ,'DU SHES 'KHRUL MA 'KHRUL 'DRA ZHING, MTHAR THUG NI GNYIS KYIS GNYIS SPRAD PA'O, ,RDZUN SMRA'I GZHI NI MTHONG BA THOS PA, BYE BRAG PHYED PA, RNAM PAR SHES PA STE BZHI DANG, DE LAS LDOG PA BZHI'O, ,'DU SHES NI MTHONG BA LA MA MTHONG BA SOGS SU BSGYUR BA'O, ,NYON MONGS BA NI DUG GSUM GANG RUNG NGO, ,KUN SLONG NI 'DU SHES BSGYUR TE SMRA 'DOD PA'O, ,SBYOR BA NI SMRAS PA'AM CANG MI SMRA BA DANG DU LEN PA'O, ,MTHAR THUG NI PHA ROL POS GO BA'O, ,PHRA MA'I GZHI NI MTHUN PA'AM MI MTHUN PA GANG RUNG NGO, ,BSAM PA LA GSUM LAS; 'DU SHES DANG NYON MONGS PA NI SNGAR BZHIN DANG, KUN SLONG NI MTHUN PA LA DBYE 'DOD PA DANG MI MTHUN PA LA MI 'DU MA PAR 'DOD PA'O, ,SBYOR BA NI SNYAN PA DANG MI SNYAN PA GANG RUNG NGO, ,MTHAR THUG NI 'BYED PA'I TSIG SMRAS PA GO BA'O, ,TSIG RTZUB KYI GZHI NI KUN NAS MNAR SEMS SKYE BA'I GZHIR GYUR PA'I SEMS CAN NO, ,NYON MONGS PA DANG 'DU SHES NI SNGAR BZHIN NO, ,KUN SLONG NI DAG RTZUB POS SMRA 'DOD PA'O, ,SBYOR BA NI BDEN PA DANG MI BDEN PA'I TSIG GANG RUNG GIS BRJOD BYA SNYAN MI

SNYAN GANG RUNG BRJOD PA DANG, DGOS PA RANG GZHAN GANG RUNG GI PHYIR SMRAS PA'O, ,MTHAR THUG NI PHA ROL POS GO BA'O, ,DAG BKYAL PA'I GZHI NI DON MED PA DANG LDAN PA'I DON NO, ,BSAM PA LA 'DU SHES DANG NYON MONGS NI SNGAR BZHIN NO, ,KUN SLONG NI MA 'BREL PA'I BYUNG RGYAL SMRA 'DOD PA'O, ,SBYOR BA NI NGAG BKYAL SMRA BAR RTZOM PA'O, ,MTHAR THUG NI NGAG BKYAL SMRAS ZIN PA'O, ,BRNAB SEMS KYI GZHI NI GZHAN GYI NOR DANG YO BYAD DO, ,BSAM PA LA 'DU SHES DANG NYON MONGS NI SNGAR BZHIN NO, ,KUN SLONG NI BDAG GIR BYA BAR 'DOD PA'O, ,SBYOR BA NI BSAM PA DE LA SBYOR BA BYAS PA'O, ,MTHAR THUG NI NOR LA SOGS PA DE BDAG GIR GYUR CIG SNYAM PA'O, ,GNOD SEMS KYI GZHI DANG 'DU SHES DANG NYON MONGS NI TSIG RTZUB JI LTA BA BZHIN NO, ,KUN SLONG NI RDEG PA LA SOGS PA 'DOD PA STE, SBYOR BA NI BSAM PA DE LA SBYOR BA BYAS PA, MTHAR THUG NI GSOD PA DANG BCING BA DANG RDEG PA SOGS BYED PAR THAG BCAD PA'O, ,LOG LTA'I GZHI NI YOD PA'I DON NO, ,BSAM PA LA GSUM LAS SKUR BA 'DEBS PA'I DON LA BDEN PAR 'DU SHES PA'O, ,NYON MONGS NI GSUM PO GANG RUNG NGO, ,KUN SLONG NI SKUR BA 'DEBS 'DOD PA'O, ,SBYOR BA NI BSAM PA DE LA SBYOR BA BRTZAMS PA'O, ,MTHAR THUG NI SKUR PA GDAB PAR NGES PA'O, ,DKAR PO'I LAS LAM NI, SROG GCOD SPONG BA'I DGE BA LTA BU LA MTSON NA, GZHI NI SEMS CAN GZHAN NO, ,BSAM PA NI NYES DMIGS MTHONG NAS SPONG BAR 'DOD PA'O, ,SBYOR BA NI GSOD PA YANG DAG PAR BSNGAMS PA'I 'DU BYED DO, ,MTHAR THUG NI YANG DAG PAR BSNGAMS PA RDZOGS PA'I LUS KYI LAS SO, ,

, ,DES DKAR PO'I LAS LAM LHAG MA DGU LA'ANG CI RIGS PAR SHES PAR BYA'O, ,DE YANG ZHING GI SGO NAS STOBS CHE BA NI, DKON MCHOG GSUM DANG, BLA MA DANG PHA MA SOGS LA PHAN GNOD GANG BYAS KYANG STOBS CHE, BSAM PA SNYING RJE DRAG PO SOGS DANG ZHE SDANG DRAG PO SOGS KYI SGO NAS BYAS PA STOBS CHE, DNGOS PO'I SGO NAS STOBS CHE BA NI SBYIN BYA'I CHOS DANG, ZANG ZING KHYAD PAR DU 'PHAGS PA BYIN PA STOBS CHE, RTEN GYI SGO NAS SDOM PA GSUM LDAN SOGS KYI SGO NAS DGE SDIG GANG BYAS KYANG STOBS CHE BAR GSUNGS PA RNAMS LA YID CHES KYI DAD PA BSKYED NAS DGE BA BCU LA SOGS PA'I DGE BA PHRA MO NAS SGRUB CING MI DGE BA BCU LA SOGS PA'I MI DGE BA PHRA MOS KYANG SGO GSUM LAM GOS PA'I BLANG DOR LA 'BAD PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA X, RANG GZHAN X, KHYAD PAR DU YANG DE DANG DE'I GEGS X, DE DANG DE'I RTOGS PA KHYAD PAR CAN X, DE LTAR MI DGE BCU SPONG GI TSUL KHRIMS BSRUNGS PA LA BRTEN NAS BDE 'GRO'I RTEN ZHIG 'THOB KYANG, RNAM SMIN BRGYAD LDAN GYI RTEN KHYAD PAR CAN ZHIG THOB NA RNAM MKHYEN SGRUB PA LAS PHYOD GZHAN DANG MI 'DRA BA LAS, DE LA RNAM SMIN GYI YON TAN BRGYAD NGOS BZUNG BA, DE BRGYAD KYI BYED LAS; DE BRGYAD KYI RGYU NGOS BZUNG BA'O, ,DANG PO NI, TSE RING BA, KHA DOG ,RIGS PHUN SUM TSOGS PA, DBANG PHYUG ,TSIG BTZUN PA, DBANG CHE BAR GRAGS PA, SKYES PA NYID YIN PA, STOBS DANG LDAN PA'O, ,GNYIS PA BYED LAS NI, TSE RING BAS DGE

BA YUN RING POR GSOG PA'O, ,GNYIS PAS GDUL BYA 'DU ZHING TSIG NYAN PA, GSUM PAS RIGS MTHON POR SKYES PAS JI LTAR BSGO BA LAS MI 'DA' BA, BZHI PAS SEMS CAN MANG PO BSDUS TE SMIN PAR BYED PA'O, ,LNGA BAS RANG GI TSIG BDEN PAR 'DZIN PA, DRUG PAS JI LTAR BSGO BA MYUR DU NYAN PA, BDUN PAS SPOBS PA CHE ZHING GEGS NYUNG BA, BRGYAD PAS GANG LA YANG SPRO SHUGS CHE ZHING MNGON SHES MYUR BA'I RGYU BYED, GSUM PA RGYU BSHAD PA NI, DANG PO TSE RING BA'I RGYU NI, SEMS CAN LA MI 'TSE ZHING MI 'TSE BA'I BSAM PA BSTEN PA DANG, SROG BLU BA, GZHAN 'TSE BA BYED PA LAS BZLOG PA, SMAN SBYIN PA DANG NAD G-YOG SOGS BYED PA'O, ,GNYIS PA'I RGYUR, KHRO BA SPANG ZHING, MAR ME ME TOG ,RGYAN GOS GSAR PA STER BA, GSUM PA'I RGYUR NGA RGYAL SPONG BA, BZHI PA'I RGYUR, ZAS GOS SLONG BA LA ZAS GOS SOGS STER ZHING MI SLONG YANG PHAN SEMS KYIS STER BA, LNGA BA'I RGYUR NGAG GI NYES PA SPONG BA, DRUG PA'I RGYUR DKON MCHOG ,BLA MA; MKHAN SLOB, PHA MA SOGS LA GUS SHING BSNYEN BKUR BA, BDUN PA'I RGYUR, BUD MED LA NYES DMIGS SU BLTA ZHING, BUD MED KYI LUS 'DOD PA BZLOG CING PHO DBANG GCOD PA LAS THAR BAR BYED PA, BRGYAD PA'I RGYUR GZHAN GYIS MI NUS PA RANG GIS BYED PA, GZHAN GYI GROGS BYED CING BZA' BTUNG SOGS STER BA'O, ,RGYU BRGYAD PO DE SNYING THAG PA NAS SGRUB CING SHUGS DRAG PA DANG, DGE BA RNAMS RDZOGS BYANG DU BSNGO BA DANG, CHOS MTHUN RAB 'BRING THA MA GSUM LA PHRAG DOGS 'GRAN SEMS, BRNYAS PA SPANG ZHING RJES SU YI RANGS

, ,SHING; RANG GIS MA NUS NA'ANG NYI MA RE RE ZHING YANG SPYAD BYAR RTOG CING, BYED PA RNAMS KYANG YUN RING LA SHUGS DRAG PA RGYU DE RNAMS GZHAN LEN DU GZHUG CING, BLANGS PA RNAMS LA LEGS SO BSNGAGS PA BRJOD PA'O, ,'DI DAG NI BE'U BUM SNGON PO LAS, TSE 'DIR KUN RDZOGS RE BA MI BSKYED, ,PHYE MA'I BSGRUB PA DAG LA 'JUG BYA, ZHES DANG, RJE RIN PO CHE NYID KYIS, LAM MCHOG SGRUB LA MTSAN NYID TSANG BA'I RTEN, ZHES SOGS GSUNGS PA'I DGONGS PA YIN PAS, 'PHRAL DANG 'PHRAL DU LAG LEN LA CI THEBS BYA'O, ,GAL TE MI DGE BA SPONG BA DANG DGE BA SGRUB PA LA 'BAD KYANG GNYEN PO STOBS CHUNG NYON MONGS STOBS CHES PAS, BRGYA LA MI DGE BAS GOS NA STOBS BZHI'I BSHAGS BSNGA MA LA 'BAD PAR BYA, STOBS BZHI'I BSHAGS BSDOM BYA TSUL NI, GNAS KHANG BYI DOR BYAS, SKU GSUNG THUGS KYI RTEN DGRAM, DE DAG DKON MCHOG GSUM DNGOS YIN SNYAM PA BYAS, GZHAN YANG MDUN GYI NAM MKHAR BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG BSRUNG MA'I TSOGS RNAMS MNGON SUM DU BZHUGS PAR BSAMS NAS, DE DAG GI SPYAN SNGAR SNGAR BYAS KYI SDIG LTUNG LA KHONG PAR DGU SONG BA LTA BU'I 'GYOD SEMS DANG, PHYIN CHAD SROG LA BAB KYANG MI BYED SNYAM PA'I SDOM SEMS SNYING THAG PA NAS BYAS TE, LONG BYUNG TSE GSER 'OD NAS 'BYUNG BA LTAR GYI STOBS BZHI'I BSHAGS BSDAM DANG, SANGS RGYAS SUM CU SO LNGA LA BRTEN PA DANG, SDOM GSUM SO SO'I BSHAGS PA DANG, BLA MA RDOR 'DZIN MA SOGS BYA'O, ,MDOR

BSDU NA SKYABS 'GRO SEMS SKYED BYED PA RTEN GYI STOBS, SNGAR BYAS KYI SDIG PA LA 'GYOD SEMS DRAG PO BYED PA RNAM PAR SUN 'BYIN PA'I STOBS, GNYEN PO KUN TU SPYOD PA'I STOBS LA, MDO SDE ZAB MO LA BRTEN PA, SDIG PA'I 'KHOR GSUM MI DMIGS PA SOGS STONG NYID ZAB MO LA BRTEN PA, RDO RJE SEMS DPA'I SGOM BZLAS YIG BRGYA BZLA BA, SKU GZUGS DANG MCHOD RTEN BZHED PA, MCHOD PA LA BRTEN PA, SANGS RGYAS BYANG SEMS KYI MTSAN KHYAD PAR CAN BRJOD PA RNAMS YIN, NYES LTUNG PHRA MOS KYANG MA GOS PAR BYED SNYAM PA'I SDOM SEMS MANG DU BYED PA NI NYES PA LAS SLAR LDOG PA'I STOBS YIN, GSUM PAR MJUG TU JI LTAR BYA BA NI SNGAR BZHIN YIN LA, GNYIS PA THUN MTSAMS SU JI LTAR BYA BA'I TSUL NI, THUN MTSAMS SU YANG SKYES BU CHUNG NGU DANG THUN MONG BA'I CHOS SKOR STON PA'I GSUNG RAB DGONGS 'GREL DANG BCAS PA BLTA BA SOGS SNGAR BZHIN NO, ,DE LTAR SKYES BU CHUNG NGU DANG THUN MONG BA'I LAM GYI RIM PA LA BLO SBYANGS PAS BLO SNA DE SKYES PA'I TSAD NI, SNGAR TSE 'DI'I DON BSGRUB 'DOD GTZO BOR GYUR CING PHYI MA'I DON DU CHOS BSGRUB 'DOD ZHAR BYUNG TZAM LAS MED PA DE GO LDOG STE, TSE 'DI ZHAR BYUNG TZAM DU SONG ZHING PHYI MA DON GNYER GTZO BOR SONG BA BLO SNA DE SKYES PA'I TSAD YIN NO, ,GAL TE BLO SBYANGS KYANG MYUR DU 'CHI BA DANG, SHI BA'I 'OG TU NGAN SONG DU SKYES NAS DE'I SDUG BSNGAL DRAG LA YUN RING POR MYONG DGOS PA LA 'JIGS SHING SKRAG PA'I BLO CUNG ZAD KYANG MED NA, TSE RABS SNGA MA'I CHOS KYI BAG CHAGS SRAB PA'AM, TSE 'DIR THOS BSAM SGOM GSUM BYAS KYANG GNAD DU MA SONG BAR CHOS LAS BLO DRENG PA YIN PAS SKYON SHIN

, ,TU CHE STE, BUD MED KHYO GSUM 'GRIM PA DANG, ,BYA NI RNYI LAS SHOR BA DANG, ,PHAN BTZUN CHOS LAS DRED PA GSUM, ,G-YO YI NANG NA DE GSUM NGAN, ZHES PA DANG, NANG DU MA BSAMS NA TSIG THOS PA MANG GI NA SLAR THUR SONG BA 'DRA BA ZHIG 'ONG, THOS GRANGS MANG LA BSGOM GRANGS NYUNG BA BLO DRED PA'I RGYU YIN ZHES SHA BO SGANG BA GSUNG, CHA LA KHA PHYIR BA LTA'I SHES PA ZER BA GYOD CHE ZHES BSHES GNYEN GONG MA RNAMS GSUNG PA LTAR, SNGAR THOS BSAM SGOM GSUM MA BYAS PA LAS KYANG DE SKYON CHE, DES NA RJE NYID KYI LAM RIM DU, THOS NAS SHES PAR BYAS PA'I DGOS PA YANG BYED PA YIN PAS THOS PA'I DON LA NUS BA DANG BSTUN PA'I LAG LEN RE SA DANG DU CHE GSUNG BA DANG, GNYEN DANG LUS DANG LONGS SPYOD SOGS KYI RKYEN DBANG DU MI BTANG BAR CHOS BYA BAR THAG GCOD MANG DU BYA'O, ,DES NA SKYE DKA' SE BYUNG YANG LAM GYI GZHI YIN PAS 'BAD DGOS TE ZHES GSUNGS PA LTAR SKYES BU CHUNG NGU'I CHOS SKOR 'DI RNAMS BSGOMS PAS DA LTA MA SKYES KYANG SKYE BAR BLA MA DKON MCHOG LA GSOL BA DRAG TU 'DEBS PA DANG, BSAG SBYANG LA 'BAD PA DANG, DMIGS RNAM SKYONG BA LA SNGAR LAS KYANG 'BAD RTZOL CHE BA BYAS NAS BSGOMS LA, SKYE BA PHYI MA RNAMS SU SKYE BA'I SMON LAM 'DEBS DGOS TE, RJE RIN PO CHES, DE YIS NYE BAR BSTAN PA'I GDAMS PA LAS, ,'ONGS PA'I DAL 'BYOR DON CHE RNYED DKA' DANG, ,'JIGS PAR SLA DANG NGAN 'GRO'I SDUG BSNGAL DANG, ,DE LAS SKYOB PA'I SKYABS 'GRO LAS 'BRAS RNAMS, ,LEGS PAR BSAMS LAS NGES PA BRTAN PO NI, ,RNYED NAS YANG DAG LAM

GYI GZHI ZIN SHOG ,CES GSUNGS PA'I PHYIR, YANG KHA CIG LAM GYI RIM PA 'DI DAG BSGOMS KYANG SGYID LUG NAS THUN MONG BA'I RIG GNAS SHES LA RE BA DANG, BZLAS PA 'DRA BYAS NAS NGAG NUS THON PA DANG, LHA'I ZHAL MTHONG LA RE BA DANG, SEMS GNAS BSGOMS NAS MNGON SHES PHRA MO AE 'CHAR BLTA BA DANG, KHA TON TZAM ZHIG GTZO BOR BYED PA NI, PHU CHUNG BAS SPYAN SNGA PA LA, MNGON SHES LNGA THOB PA DANG, RIG PA'I GNAS LNGA LA MKHAS PA DANG, GRUB CHEN BRGYAD THOB PA DANG, JO BO'I LAM GYI RIM PA 'DI RGYUD LA SKYES PA GANG LA 'DAM GSUNGS PAS, LAM GYI RIM PA RGYUD LA SKYES PA LTA ZHOG ,LAM GYI RIM PA'I 'DI TZUG YIN SNYAM DU GO BA YANG DE LAS 'DAM STE, MNGON SHES LNGA THOB PA DANG, RIG PA'I GNAS LNGA LA MKHAS PA DANG, GRUB CHEN BRGYAD THOB PA RNAMS GRANGS MED PA ZHIG BYAS TE 'KHOR BA LAS MA 'DAS MA 'PHAGS, LAM GYI RIM PA LA NGES BRNYED NA 'KHOR BA LAS BZLOG STE MCHI GSUNGS PA RNAMS KYI GNAD MA RTOGS SHING, LAM GYI RIM PA LA NGES PA MA RNYED PA'I RTAGS YANG DAG PAR SHES PAR BYA'O, ,GNYIS PA BSKYES BU 'BRING DANG THUN MONG BA'I LAM GYI RIM PA LA BLO SBYONG BA LA GNYIS, THAR PA DON GNYER GYI BLO BSKYED PA DANG, THAR PAR 'GRO BA'I LAM GYI RANG BZHIN GTAN LA DBAB PA'O, ,DANG PO LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'I TSUL LO, ,DANG PO LA, SBYOR DNGOS MJUG GSUM LAS, DANG PO SBYOR BA NI, SKYABS GNAS KUN 'DUS BLA MA LHAG PA'I LHA, ,THUB DBANG RDO RJE 'CHANG LA GSOL BA 'DEBS, ZHES PA YAN CHAD

, ,SNGAR BZHIN LA, DE NAS BDAG DANG MA SEMS CAN THAMS CAD 'KHOR BAR SKYES NAS YUN RING LA SHUGS DRAG PA'I SDUG BSNGAL SNA TSOGS PA MYONG BA 'DI 'KHOR BA MTHA' DAG SDUG BSNGAL GYI RANG BZHIN DU SHES NAS DE LAS THAR 'DOD KYI BLO SHUGS DRAG MA SKYES PAS LAN 'DUG PAS DES NA BDAG DANG MA SEMS CAN THAMS CAD KYI RGYUD LA 'KHOR BA MTHA' DAG SDUG BSNGAL GYI RANG BZHIN DU SHES NAS DE LAS THAR 'DOD KYI BLO SHUGS DRAG SKYE BAR BLA MA LHAS BYIN GYIS BRLAB TU GSOL ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA X RANG GZHAN X, KHYAD PAR DU YANG 'KHOR BA MTHA' DAG SDUG BSNGAL GYI X, GNYIS PA DNGOS GZHI LA GNYIS, 'KHOR BA SPYI'I SDUG BSNGAL BSAM PA DANG, SO SO'I SDUG BSNGAL BSAM PA'O, ,DANG PO NI SPYI POR BLA MA LHA SGOM BZHIN PA'I DANG NAS 'DI LTAR BSAM STE, BDAG GIS MI DGE BCU SPONG GI TSUL KHRIMS LA TSUL BZHIN DU BSLABS PAS NGAN 'GRO'I SDUG BSNGAL LAS 'DAS PA'I BDE 'GRO'I GO 'PHANG ZHIG THOB KYANG, SDUG BSNGAL RTZA BA NAS SPANGS PA'I THAR PA ZHIG MA THOB PHYIN BDE BA'I SKABS CUNG ZAD KYANG MI 'DUG STE, DPER NA MI NAG CAN ZHIG ZLA BA GCIG NAS GSOD PAR NGES LA, DE'I BAR DU NYI MA RE RE BZHIN KHRIMS KYIS LA THIGS DANG, DBYUG PAS BSNUN PA SOGS KYI SDUG BSNGAL DRAG PO MYONG BA LA, 'GA' ZHIG GI NGO CHEN SOGS KYIS DA LTA DBYUG PAS BSNUN PA'I SDUG BSNGAL MED KYANG, DE NI NYI MA RE RE BZHIN GSOD PA'I SDUG BSNGAL JE NYER 'GRO BAS BDE BA'I SKABS CUNG ZAD LAS MED

PA BZHIN DU, SDUG BSNGAL RTZAB NAS SPANGS PA'I THAR BZHIG MA THOB PHYIN BDE 'GRO'I GO 'PHANG JI 'DRA ZHIG THOB KYANG SNGAR BYAS KYI LAS BZANG PO'I 'PHEN PA ZAD NAS NGAN SONG DU LHUNG PA'I SDUG BSNGAL DPAG TU MED PA YOD, GZHAN YANG 'KHOR BA 'DIR LAS NYON GYI DBANG GIS SKYE BA ZHIG BLANGS PHYIN CHAD SDUG BSNGAL GYI RANG BZHIN LAS MA 'DAS TE, DGRA GNYEN DU 'GYUR PA DANG GNYEN DGRAR 'GYUR BAS PHAN GNOD BYED PA LA YID BRTAN MED DE, KLU SGRUB KYIS, PHA NI BU NYID MA NI CHUNG MA NYID, ,SKYE BO DGRAR GYUR PA DANG BSHES NYID DANG, ,LDOG PA NYID DU MCHIS PAS DE SLAD DU, ,'KHOR BA DAG NA NGES PA 'GA' MA MCHIS, ZHES DANG, PHA SHA ZA ZHING MA LA 'CHOG ,LAS NGAN DGRA BO PANG DU KHUR, ,CHUNG MKHYOD YI RUS PA 'CHA', ,'KHOR BA'I CHOS LA GAD MO BRO; ZHES GSUNGS PA LTAR RANG GI TSE SNGA MA'I PHA TSE 'DI'I BUR 'GYUR BA DANG, TSE SNGA MA'I MTSE 'DI'I CHUNG MAR 'GYUR BA DANG, TSE SNGA MA'I GNYEN TSE 'DI'I DGRAR 'GYUR BA DANG, TSE STOD KYI DGRA TSE SMAD KYI GNYEN DU 'GYUR BA DANG, TSE STONG KYI GNYEN TSE SMAD KYI DGRAR 'GYUR BA SOGS 'KHOR BA 'DI NA NGES PA 'GA' YANG MA MCHIS BA'I PHYIR TE, DPUNG BZANG GIS ZHUS BA LAS, RE ZHIG CIG NA DGRA YANG MDZA' BOR 'GYUR, ,MDZA' BO DE NYID KYANG NI DGRAR YANG 'GYUR, ,DE BZHIN KHA CIG KYANG NI PAR MAR 'GYUR, ,BAR MA DE NYID KYANG NI DGRAR YANG 'GYUR, ,DE BZHIN MDZA' BSHES 'GYUR BAR RIG NAS NI, ,BLO GROS LDAN PAS NAM YANG CHAGS MI BYA, ,GNYEN LA DGA' BA'I SEMS KYI RNAM RTOG DAG ,BZLOG NAS DGE LA CI BDER BZHAG PAR BYA, ZHES GSUNGS PA'I PHYIR,

, ,'KHOR BA'I BDE BA LA JI TZAM LONGS SPYAD KYANG NGOMS BA'I MTHA' MED DE, RGYA CHER ROL BA LAS, RGYAL PO LHA YI 'DOD PA GANG YIN DANG, ,MI YI 'DOD PA BZANG PO GANG YIN PA'I, ,'DOD PA DE DAG MI GCIG GIS THOB KYANG, ,DE YIS CHOG MED DES KYANG YANG 'TSOL LO, ZHES GSUNGS PA LTAR LHA MI'I 'DOD PA THAMS CAD MI GCIG GIS THOB KYANG NGOMS BA'I MTHA' MED, NGOMS BA'I MTHA' MED NA NGOMS BA'I MTHA' MED PA DE NYID NAD DANG SDUG BSNGAL GYI GTZO BO YIN TE, SLOB DPON DPA' BOS; 'DOD PA DE DAG THOB PA DANG, ,NYIN RE BZHIN DU BSTEN PA DANG, ,MANG DU BSAGS PAS MI NGOMS NA, ,DE PAS NANG CHE GANG ZHIG YOD, CES GSUNGS, LUS BZANG PO JI TZAM THOB KYANG YANG DANG YANG DU 'DOR DGOS PAS LUS THOB PA LA YID BRTAN MED DE, BSHES SPRING LAS, BRGYA BYIN 'JIG RTEN MCHOD 'OS GYUR NAS NI, ,LAS KYI DBANG GIS PHYIR YANGS STENG LHUNG, ,'KHOR LOS BSGYUR BA NYID DU GYUR NAS KYANG, ,'KHOR BA DAG TU YANG BRAN NYID DU 'GYUR, ZHES DANG, LHA YUL 'DOD BDE SHIN TU CHEN PO DANG, ,TSANGS NYID CHAGS BRAL BDE BA THOB NAS SLAR, ,MNAR MED ME YI BUD SHING GYUR PA YI, ,SDUG BSNGAL RGYUN MI 'CHAD PA BSTEN 'TSAL LO, ZHES GSUNGS PA'I PHYIR, THOG MA MED PA NAS YANG YANG NYID MTSAMS SBYAR BAS SKYE BA'I MTHA' MNGON PA MED DE, KLU SGRUB KYIS, RE RES RGYA MTSO BZHI LAS LHAG PA YI, ,'O MA 'THUNGS TE DA DUNG SO SO YI, ,SKYE BO'I RJES SU 'BRANG BA'I 'KHOR BA PAS, ,NGE BAS CHES MANG NYID CIG BTUNG 'TSAL LO, ZHES GSUNGS PA LTAR, SO SO SKYE BO

RANG GA PA RNAMS KYIS PHAN TSUN GCIG GIS GCIG LA MA BYAS TE, 'O MA 'THUNGS PA YANG RGYA MTSO'I CHU LAS MANG, DA DUNG LAM LAM 'BAD NA, 'KHOR BAR PHAN TSUN GCIG GIS GCIG GI 'O MA 'THUNG BSNGAR LAS KYANG MANG BA 'THUNG BAS 'KHOR BAR SKYE BA'I MTHA' MI MDON, DE BZHIN DU PHAN TSUN DGRAR GYUR TE, GCIG GIS GCIG GI MGO BO BCAD PA SPUNGS NA TSANGS PA'I 'JIG RTEN LAS KYANG THAL, PHAN TSUN GNYEN DU GYUR TE, GCIG SHI BA'I MYA NGAN GYI MCHI MA BSAGS NA RGYA MTSO'I CHU LAS KYANG MANG BAS, 'KHOR BAR SKYE BA'I MTHA' MI MNGON TE, MYA NGAN BSAL BA LAS, YANG DANG YANG DU DMYAL BA NA, ,ZANGS ZHUN BSKOL BA GANG 'THUNGS PA, ,RGYA MTSO'I NANG GI CHU LA YANG, ,DE YI TSAD TZAM YOD MA YIN, ,KHYI DANG PHAG TU GYUR PA NA, ,MI GTZANG BA NI GANG ZOS PA, ,RI YI RGYAL PO LHUN PO YI, ,TSAD LAS SHIN TU LHAG PAR 'GYUR, ,MDZA' BSHES RAB TU BRAL BA YIS, ,'KHOR BA'I NANG DU GANG DUS PA, ,MIG GI MCHI MA'I THIGS PA YI, ,SNOD DU RGYA MTSO RUNG MA YIN, ZHES DANG, PHAN TSUN DAG TU RTZOD PA'I PHYIR, MGO BO BCAD PA GANG YIN PA, ,SPUNGS NA DE LTAR MTHO BA NI, ,TSANGS PA'I 'JIG RTEN LAS KYANG THAL, ZHES GSUNGS PA'I PHYIR, 'KHOR BA'I PHUN TSOGS JI TZAM SPYAD KYANG MTHAR NGES PAR 'DOR DGOS PAS PHUN TSOGS THOB PA LA YID BRTAN MED DE, MDO LAS, BSAGS PA KUN GYI MTHA' 'DZAD CING, ,MTHON PO RNAMS KYI MTHA' LTUNG 'GYUR, ,'PHRAD PA'I MTHA' MA 'BRAL BA STE, ,GSON PA'I MTHA' MA 'CHI BA YIN, ZHES DANG, SPYOD 'JUG LAS, MDZA' BA YUN RING 'KHOD 'KHOD NAS, ,

, ,'CHI BAS SO SOR 'BRAL 'GYUR TE, ,MYA NGAN CHEN PO LDANG 'GYUR PA, ,DE NI 'JIG RTEN 'DI NA NGES, ZHES GSUNGS PA'I PHYIR, RANG NYID GCIG PUR 'JIG RTEN PHA ROL TU 'GRO DGOS PAS GROGS LA YID BRTAN MED DE, SPYOD 'JUG LAS; LHAN CIG SKYES PA'I SHA RUS KYANG, ,ZHIG STE SO SOR 'GYES 'GYUR NA, ,MDZA' BA GZHAN LTA SMOS CI DGOS, ,SKYE NA'ANG DE NYID GCIG SKYE ZHING, ,'CHI NA'ANG DE NYID GCIG PU 'CHI, ,SDUG BSNGAL SKAL GZHAN MI LEN NA, ,GEGS BYED MDZA' PAS CI ZHIG BYA, ZHES GSUNGS PA'I PHYIR, DES NA BDAG GIS RNYED PAR DKA' ZHING RNYED NA DON CHE BA'I DAL 'BYOR TSANG PA'I RTEN LAN CIG THOB PA'I DUS 'DIR 'KHOR BA'I SDUG BSNGAL MTHA' DAG SPANGS PA'I THAR PA MCHOG YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB BAR BYA'O, ,DE LTAR BYED NUS BAR BLA MA LHAS X, SBYI BO'I BLA MA LHA'I X, RANG GZHAN X, DE DANG DE'I GEGS BYED X, DE DANG DE'I RTOGS PA KHYAD PAR CAN X, GNYIS PA 'KHOR BA SO SO'I SDUG BSNGAL BSAM PA NI, SPYI POR BLA MA LHA SGOM BZHIN PA'I DANG NAS 'DI LTAR BSAM STE, NYER LEN GYI PHUNG PO ZHIG GRUB PHYIN CHAD SDUG BSNGAL GYI RANG BZHIN LAS MA 'DAS TE, NGAN SONG GSUM LTA CI SMOS, MI'I NYER LEN GYI PHUNG PO GRUB PA LA BRTEN NAS BKRES SKOM DANG CHOL GRO'I SDUG BSNGAL NI, SDIG SDUG GTAM NGAN GANG LA YANG MA 'DZEMS PAR THABS SNA TSOGS KYI SGO NAS LONGS SPYOD SGRUB PA NA, RANG LA 'BYOR PA CUNG ZAD CIG BYUNG BA'I TSE THAMS CAD KYIS RANG LA MI 'OS PA'I KHRAL

CHEN PO 'GEL BA DANG BRNYAB SKYI BRKUB PHROG LA SOGS BA'I SGO NAS LONGS SPYOD GTONG MI NUS BZHIN DU GTONG DGOS PA'I SDUG BSNGAL, LONGS SPYOD BSRUNG BA'I PHYIR DU CHEN PO LA ZHU BA DANG SEMS 'JIN THAD KAR GTAM BSHER DANG 'KHRUG RTZOD SO MEL CHE SOGS KYI SGO NAS NYEN MO LTO MI DRAN, MTSAN MO GNYID MI DRAN PA SOGS KYI SDUG BSNGAL MYONG, GNYEN SDUG BA DANG BRAL BA'I SDUG BSNGAL NI, RANG GI NYE DU DANG GNYEN DANG, G-YOG 'KHOR DANG, MDZA' BSHES DANG, BLA MA BZANG PO, SLOB DPON BZANG PO; DPON BZANG PO RNAMS DANG BRAL NA SEMS LA MYA NGAN SKYE PA DANG, NGAG TU SMRE SNGAGS 'DON PA DANG, LUS KYI SKRA 'BAL BA SOGS LUS KYI SDUG BSNGAL MYONG, DGRA MI SDUG PA DANG 'PHRAD PA'I SDUG BSNGAL NI, DGRA DE DANG 'PHRAD BTZAM GYIS PHYOGS THAMS CAD MUN NAG GIS KHYAB PA LTA BU'I SDUG BSNGAL DANG, DE GZHAN ZHIG TU SONG NA NAM LANGS PA LTA BU'I SNANG BA DANG, DGRA NGES CHAD PAS BCAD PA DANG BCAD KYIS DOGS BA SOGS KYI SDUG BSNGAL MYONG, 'DOD PA'I DNGOS PO BTZAL TE MA RNYED PA'I SDUG BSNGAL NI, CHO SNGON BSOD NAMS MA BSAGS PAS TSE 'DIR DBUL POR GYUR TE ZAS GOS GNAS MAL LA SOGS KYIS PHONGS PA DANG SO NAM BYAS KYANG STON THOG MA BYUNG, TSONG BYAS KYANG KHE SPOGS MA BYUNG, 'TSO SKYONG BYAS KYANG PHYUGS MA 'PHEL, BRNYA SKYI BU LON LA SOGS PA GTONG MKHAN MA BYUNG ZHING BSLANGS KYANG STER MKHAN MA BYUNG, SNGAR GYI BU LON GYI 'DED DRAG PO BYUNG NA ? BYA GTOL MED DU GYUR NAS, RANG GIS SNGAR DRIN GYIS BSKYANGS PA RNAMS DANG, RANG LAS CHES DMAN PA RNAMS KYI BRAN KHO LA BYED DGOS

, ,PA SOGS KYI SDUG BSNGAL BSAM GYIS MI KHYAB PA YOD, MI 'DOD BA'I DNGOS PO THOG TU BAB BA'I SDUG BSNGAL NI, RGYAL PO DANG CHOM RKUN SOGS KYIS BSAD PA DANG BCINGS PA DANG, BCINGS KYIS DOGS PA SOGS KYI SDUG BSNGAL YOD; GZHAN YANG SKYE BA'I SDUG BSNGAL NI, MA'I MNGAL MI GTZANG LA DRI MNAM PA MI GTZANG BA'I BUM PA BSREGS PA'I NANG DU BSKUM SO NAS SDOD PA LTA BU'I ZLA BA DGU DANG PO BCU MTHONG TZAM DU SDOD DGOS PA DANG, DE NAS BTZA' BA'I TSE LUS 'JUR MIG LA 'DREN PA DANG, RMA 'GRAS LAG PAS BTZIR BA LAS KYANG SDUG BSNGAL CHE, PHYI ROL TU BTZAS NAS BDUN PHRAG DANG PO LA NAD BZHI BRGYA RTZA BZHI SGYU LUS LA 'JUG ,BDUN PHRAG GNYIS PA LA BGEGS RIGS STONG PHRAG BRGYAD CU, BDUN PHRAG GSUM PA LA SRIN BU'I RIGS BRGYAD KHRI BZHI STONG LUS LA 'JUG CING, DE RNAMS KYIS PHYIS LUS SNYI BA DANG, BKRES SKOM DANG YID MI BDE BA DANG, NAD GDON RNAMS KYI RGYU BYED PAS SKYE BA 'DI SDUG BSNGAL THAMS CAD KYI SNOD YIN TE, BSHES SPRING LAS, 'KHOR BA DE 'DRA LAGS PAS LHA MI DANG, ,DMYAL PA YI DVAGS DUD 'GRO RNAMS DAG TU, ,SKYE BA BZANG PO MA LAGS SKYE BA NI, ,GNOD BA DU MA'I SNOD GYUR LAGS MKHYEN MDZOD, CES DANG, MGO 'AM GOS LA GLO BUR ME SHOR NA, ,DE DAG PHYIR BZLOG BGYI BA BTANG NAS KYANG, ,YANG SRID MED PAR BGYI SLAD 'BANG 'TSAL TE, ,'DI BAS CHES MCHOG DGOS PA GZHAN MA MCHIS, ZHES GSUNGS PA'I PHYIR, RGA BA'I SDUG BSNGAL NI, RKED PA GZHU LTAR DGU PA DANG, MGO PO SPRA BA'I ME TOG LTAR DKAR PO DANG,

DBRAL BA DRAS STAN LTAR GNYER MAS KHEBS PA DANG, STOBS NYAMS BAS 'GRO 'CHAG NYAL 'DUG DKA' BA DANG, MIG LA SOGS PA'I DBANG PO RNAMS JE MI GSAL DU SONG BA DANG, 'DOD PA'I YON TAN LA SPYOD PAR MI NUS PA DANG, TSE PHAL CHER ZAD DE 'CHI BA LA MNGON DU PHYOGS PA SOGS KYI SDUG BSNGAL PAS MA GYIS MI KHYAB PA 'BYUNG, NA BA'I SDUG BSNGAL NI, LUS KYI SHA DANG MDANGS NYAMS SHING YID MI BDE BA DANG, 'DOD BA'I ZAS SOGS SPYOD BA'I DBANG MED CING, DPYAD RTZUB PO BSTEN DGOS PA DANG; SHI YI DOGS PA'I SDUG BSNGAL DANG, 'CHI BA'I SDUG BSNGAL NI, GNYEN LUS LONGS SPYOD 'KHOR G-YOG SOGS DANG 'BRAL DGOS PA SOGS KYI SDUG BSNGAL YOD DE, RGYA CHEN ROL PA LAS, 'CHI DANG 'PHO DANG 'CHI 'PHO DUS BYED PA, ,PHANGS SHING SDUG PA'I SKYE BO RTAG TU 'BRAL, ,PHYIR MI 'ONG ZHING 'PHRAD PAR 'GYUR MA YIN, ,SHING LAS LO 'BRUL 'DRA ZHING RLUNG RGYUN MTSUNGS, ZHES GSUNGS PA'I PHYIR, LHA MA YIN GYI NYER LEN GYI PHUNG PO GRUB PA LA BRTEN NAS, LHA'I DPAL 'BYOR LA MI BZOD PA'I PHRAG DOG GIS YID GDUNGS BA'I SDUG BSNGAL DANG, DE LA BRTEN NAS LUS THOG TU 'BAB PA'I SDUG BSNGAL MYONG, 'DOD LHA'I NYER LEN GYI PHUNG PO GRUB PA LA BRTEN NAS, LHA MA YIN RNAMS DANG 'THAB PA NA YAN LAG DANG NYING LAG BCAD PA DANG, LUS DRAL PA DANG, RMAS PA DANG, GSOD PA SOGS KYI SDUG BSNGAL MYONG, MI 'DOD BZHIN DU 'CHI LTAS LNGA PHOG STE LHA'I DBAL 'BYOR DANG DRAL NAS NGAN SONG GI SDUG BSNGAL MYONG DGOS PAR SHES PA'I SDUG BSNGAL MYONG DGOS TE, BSHES SBRING LAS,

, ,LUS KYI KHA DOG MI SDUG 'GYUR BA DANG, ,STAN LA MI DGA' ME TOG PHRENG RNYINGS DANG, ,GOS LA DRI MA CHAGS DANG LUS LA NI, ,SNGON CHANG MED PA'I RDUL 'BYUNG ZHES BYA BA, MTHO RIS 'CHI 'PHO SPRON BYED SNGA LTAS LNGA, ,LHA YUL GNAS PA'I LHA RNAMS LA 'BYUNG STE, ,SA STENG MI RNAMS 'CHI BAR 'GYUR BA BZHIN, ZHES DANG, GZHAN YANG, LHA RNAMS MAR LA LTUNG BA YI, ,SDUG BSNGAL RAB TU SKYE BA GANG, ,DE NI SEMS CAN DMYAL BA YIS, ,BCU DRUG CHAR YANG MI PHOD DO, ZHES GSUNGS BA'I PHYIR, KHAMS GONG MA'I NYER LEN GYI PHUNG PO GRUB KYANG, GNAS BAL RANG DBANG MA THOB BAS SNGAR BYAS KYI LAS BZANG PO'I 'PHEN PA ZAD NAS NGAN SONG DU LTUNG BA'I SDUG BSNGAL DPAG TU MED BA YOD, DER MA ZAD KHAMS GONG DU SKYES BA'I SO SO SKYE BO RNAMS SO SOR RTOG BA'I SHES RAB KYI RGYUN BKAG NAS, BSKAL BA LA SOGS KYI BAR DU GNAS BAS 'DOD KHAMS SU SKYES KYANG, GLEN CING GTI MUG GI RIGS 'DRA SHAS CHE BAS THAR PA THOB PA LA SHIN TU BUL BAR BSHAGS BSTOD LAS GSUNGS BA'I PHYIR, MDOR NA NYER LEN GYI PHUNG PO 'DIS TSE 'DI'I SKYE RGA NA 'CHI SOGS KYI RTEN BYED CING, SDUG BSNGAL GYI SDUG BSNGAL DANG 'GYUR BA'I SDUG BSNGAL GNYIS 'DI PHYI GNYIS KAR 'DREN PAR BYED, NYER LEN GYI PHUNG PO GRUB BA TZAM NAS 'DU BYED KYI GZHAN DBANG CAN DU SKYE STE, LAS NYON SNGA MA'I GZHAN DBANG DU GYUR BA'I 'DU BYED THAMS CAD 'DU BYED KYI SDUG BSNGAL BDEN PA YIN PA'I PHYIR, DES NA NYER LEN GYI PHUNG PO'I RANG GZHIN CAN GYI 'KHOR BA LAS GROL BA'I BLA MA

SANGS RGYAS KYI GO 'PHANG RIN PO CHE CI NAS KYANG THOB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGAX, RANG GZHAN X, DE DANG DE'I GEGS BYEDX, DE DANG DE'I RTOGS PA KHYAD PAR CAN RANG GZHAN SEMS CAN THAMS CAD KYI RGYUD LA SKYES PAR BSAM MO, ,GSUM PA MJUG TU JI LTAR BYA BA NI, SNGAR BZHIN YIN LA, GNYIS PA THUN MTSAMS SU JI LTAR BYA BA'I TSUL NI, THUN MTSAMS SU YANG 'KHOR BA MTHA' DAG SDUG BSNGAL GYI RANG BZHIN CAN DU STON PA'I GSUNG RAB DGONGS 'GREL DANG BCAS PA BLTA BA SOGS SNGAR BZHIN NO, ,GNYIS PA THAR PAR 'GRO BA'I LAM GYI RANG BZHIN GTAN LA DBAB PA LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'I TSUL LO, ,DANG BO LA SBYOR DNGOS MJUG GSUM LAS DANG PO SBYOR BA NI, SKYABS GNAS KUN 'DUS BLA MA LHAG PA'I LHA, ,THUB DBANG RDO RJE 'CHANG LA GSOL PA 'DEBS, ZHES BA YAN CHAD SNGAR BZHIN LA, DE NAS BDAG DANG MA SEMS CAN THAMS CAD 'KHOR BAR SKYES NAS YUN RING LA SHUGS DRAG BA'I SDUG BSNGAL SNA TSOGS MYONG BA 'DI, THAR PA DON GNYER GYI BLO BSKYED NAS LAM BSLAB PA GSUM LA TSUL BZHIN DU MA BSLABS PAS LAN 'DUG PAS, DA BDAG DANG MA SEMS CAN THAMS CAD KYI RGYUD LA THAR PA DON GNYER GYI BLO BSKYED NAS LAM BSLAB PA GSUM LA TSUL BZHIN DU BSLAB NUS PAR BLA MA LHAS BYIN GYIS BRLAB TU GSOL ZHES GSOL BA BTAB BAS, SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS

, ,RANG GZHAN SEMS CAN THAMS CAD KYI LUS SEMS LA ZHUGS PAS THOG MED NAS BSAGS BA'I SDIG SGRIB THAMS CAD DANG, KHYAD PAR DU YANG THAR PA DON GNYER GYI BLO BSKYED NAS LAM BSLAB PA GSUM LA TSUL BZHIN DU SLOB PA LA GEGS BYED KYI SDIG SGRIB THAMS CAD BYANG ZHING DAG ,LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR DU YANG THAR BDON GNYER GYI BLO BSKYED NAS LAM BSLAB PA GSUM LA TSUL BZHIN DU SLOB NUS PA'I RTOGS BA KHYAD PAR CAN RANG GZHAN SEMS CAN THAMS CAD KYI RGYUD LA SKYES BAR BSAM MO, ,GNYIS PA DNGOS GZHI NI, SBYI BOR BLA MA LHA SGOM BZHIN PA'I DANG NAS 'DI LTAR BSAM STE, SHES PA KHO RANG GI NGOS NAS LUNG MA BSTAN YIN BA LA, DANG POR BDAG DANG BDAG GI BA LA DMIGS NAS RANG BZHIN GYIS GRUB PAR 'DZIN PA'I BLO SKYE, DES BDAG TU BZUNG PA LA BRTEN NAS RANG PHYOGS LA CHAGS BA DANG GZHAN PHYOGS LA SDANG BA DANG, GZHAN LAS MCHOG 'DZIN GYI NGA RGYAL LA SOGS PA'I LTA LOG SKYE, DE LA BRTEN NAS BDAG MED PA STON PA'I STON PA DANG, DES BSTAN PA'I LAS 'BRAS DANG, BDEN BZHI DANG DKON MCHOG GSUM SOGS MED PAR 'DZIN PA'I LOG LTA DANG THE TSOM SKYE, DE LA BRTEN NAS NYON MONGS GZHAN RNAMS RGYAS, DE'I DBANG GIS LAS BSAGS NAS 'KHOR BAR MI 'DOD BZHIN DU SDUG BSNGAL SNA TSOGS MYONG DGOS PA 'DI BYUNG 'DUG ,DES NA SDUG BSNGAL THAMS CAD KYI RTZA BA MTHAR GTUGS NA MA RIG PA YIN TE, TSAD MA RNAM 'GREL LAS, ,

NYES KUN DE YI RTZA BA CAN, ,DE YANG 'JIG TSOGS LTA BA YIN, ZHES DANG, GANG ZHIG BDAG MTHONG DE LA NI, ,DA ZHES RTAG TU ZHEN PAR 'GYUR, ,ZHEN BAS BDE LA SRED 'GYUR TE, ,SRED PAS SKYON RNAMS SGRIB PAR BYED, ,YON TAN MTHONG BAS YONGS SRED PAS, ,NGA YI ZHES DE SGRUB BYED LEN, ,DES NA BDAG LA MNGON CHAGS PA, ,DE SRID DE NI 'KHOR BAR 'GYUR, ZHES DANG, BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG, ,'DI DAG DANG NI YONGS 'BREL LAS, ,NYES PA THAMS CAD 'BYUNG BAR 'GYUR, ZHES DANG, DBU MA LA 'JUG PA LAS, DANG POR NGA ZHES BDAG LA ZHEN GYUR CING, ZHES SOGS GSUNGS PA'I PHYIR, DES NA 'KHOR BA'I SDUG BSNGAL MTHA' DAG SPANGS BA'I THAR PA'I MCHOG YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU LAM BSLAB PA RIN PO CHE GSUM LA TSUL BZHIN DU BSLAB BAR BYA'O, ,DE YANG BSRUNGS NA PHAN YON CHE ZHING MA BSRUNGS NA NYES DMIGS SHIN TU CHE STE, DGE SLONG LA RAB TU GCES PA'I MDO LAS, LA LA'I TSUL KHRIMS BDE BA STE, ,LA LA'I TSUL KHRIMS SDUG BSNGAL YIN, ,TSUL KHRIMS LDAN PA BDE BA STE, ,TSUL KHRIMS 'CHAL BA SDUG BSNGAL YIN, ZHES GSUNGS PA LTAR, ZANG ZING GI SPYIN BA DPAG TU MED BA BYIN PA PAS SANGS RGYAS KYI BSTAN PA 'JIG PA LA NYE BA'I DUS 'DIR TSUL KHRIMS RNAM PAR DAG BA NYIN MTSAN GCIG TZAM BSRUNG BA YANG PHAN YON CHE BA'I PHYIR TE, TING NGE 'DZIN RGYAL PO LAS, BSKAL PA BYE BA GANG+G'A'I BYE SNYED DU, ,DBANG BA'I SEMS

, ,KYIS ZAS DANG SKOM RNAMS DANG, ,GDUGS DANG BDAN MAR ME'I PHRENG BA YIS, ,SANGS RGYAS BYE BA KHRAG KHRIG RIM GRO BYAS, ,GANG GIS DAM CHOS RAB TU 'JIG BA DAG, ,BDE GSHEGS BSTAN PA 'GAG PAR 'GYUR BA'I TSE, , NYIN MTSAN DU NI BSLAB BA GCIG SPYOD PA, ,BSOD NAMS 'DI NI DE BAS BYE BRAG 'PHAGS, ZHES GSUNGS PA'I PHYIR, MA BSRUNGS NA NYES DMIGS SHIN TU CHE STE, SNGON SANGS RGYAS 'OD SRUNGS 'JIG RTEN DU BYON PA'I DUS SU DGE SLONG ZHIG GIS SANGS RGYAS KYI BCAS PA KHYAD DU BSAD NAS SHING GI YAL GA GCIG BCAD PAS KLUR SKYES TE KLAD PA'I DKYIL NAS TA LA'I SDONG PO SHIN TU CHE BZHIG BYUNG STE DA LTA'I BAR DU SDUG BSNGAL DPAG TU MED BA MYONG ZHING, MA 'ONGS PA NA YANG YUN RING DU MYONG BAR GSUNGS PA'I PHYIR TE, MDO LAS, 'DI NA LA LA RGYAL PO'I TSIG CHEN YANG, ,LAN 'GAR 'DAS KYANG CHAD 'THOB MI 'GYUR, ,THUB PA'I BKA' LUNG TSUL MIN 'DA' BYED NA, ,DUD 'GROR 'GRO 'GYUR AE LA'I 'DAB KLU BZHIN, ZHES GSUNGS PA'I PHYIR, DES NA BDAG GIS JI LTAR KHAS BLANGS PA'I TSUL KHRIMS RNAMS SROG GI PHYIR YANG MI BTANG BAR TSUL BZHIN DU BSLAB BAR BYA'O SNYAM DU BSAM, DE YANG MI SHES PA LTUNG BA 'BYUNG BA'I SGO YIN PAS DE'I GNYEN POR BSLAB BYA RNAMS NYAN NAS SHES PAR BYA, SHES PAR BYED TSUL NI, MKHAS PAS BTZUN PA MA BCOM ZHING BTZUN PAS MKHAS PA MA BCOM PA'I, ,BSHES GNYEN MTSAN NYID DANG LDAN PA TSUL BZHIN DU BSTEN NAS, RAB LAM GYI RIM PA YONGS SU RDZOGS PA DANG, DE LTA BU

MA BYUNG NA'ANG SPYOD PA SPYI BSLAB MAN CHAD TZAM DANG, DE LTA BU MA BYUNG NA'ANG SKYES BU CHUNG 'BRING GNYIS LA GO BCHAGS BAR BYAS NAS DGE TSUL YIN NA K'A RIKA LNGA BCU PA DANG, DGE TSUL GYI BGLAB BYA SUM BRGYA BDE DAG GI 'GREL PA RNAMS LA BLTAS NAS SHES PAR BYA, DGE SLONG YIN NA DGE SLONG GI BSLAB BYA RNAMS DANG, MA MTHA' YANG PAn CHEN THAMS CAD MKHYEN PA'I GSUNG 'BUM GYI NANG GI BSLAB BYA MDOR BSDUS TZAM LA BLTA BA DANG, YANG NA RGYAL DBANG THAMS CAD MKHYEN BA CHEN POS MDZAD PA'I DGE SLONG GI BSLAB BYA MDOR BSDUS RNAMS KHONG DU CHUD BAR BYED BA DANG, BLA MED KYI DBANG BZHI YONGS SU RDZOGS BA THOB PA YIN NA, SDOM PA NYI SHUB SOGS BYANG SEMS KYI BSLAB BYA DANG, RTZA LTUNG SBOM BO'I RNAM GZHAG RNAMS SHES PAR BYAS NAS LAG LEN LA THEBS PAR BYED PA MED DU MI RUNG BA YIN, MA GUS PA LTUNG BA 'BYUNG BA'I SGO YIN PA DE'I GNYEN POR STON PA DANG, DES BCAS PA'I BSLAB PA RNAMS DANG, BSLAB PA DE LA TSUL BZHIN DU SLOB PA'I GROGS TSANGS BA MTSUNGS BAR SPYOD PA RNAMS LA GUS PAR BYA, BAG MED PA LTUNG BA 'BYUNG BA'I SGO YIN BAS DE'I GNYEN POR, RANG RGYU MTSAN DU BYAS NAS NGO TSA YOD BA DANG, GZHAN RGYU MTSAN DU BYAS NAS KHREL YOD PA STE, DRAN SHES NGO TSA KHREL YOD BSKYED NAS BAG DANG LDAN PAR BYA, NYON MONGS MANG BLTUNG BA 'BYUNG PA'I SGO YIN PAS, 'DOD CHAGS KYI GNYEN POR MI SDUG PA DANG, ZHE SDANG GI GNYEN POR BYAMS PA DANG, GTI MUG GI GNYEN POR RTEN CING 'BREL PAR 'BYUNG BA SOGS BSGOMS NAS NYES PAS NAM YANG MI GOS PA'I TSUL KHRIMS RNAM PAR DAG PA LA

, ,'BAD PAR BYA'O, ,DE LTAR BYED NUS BAR BLA MA LHAS PHYIN GYIS BRLAB TU GSOL ZHES GSOL BA BTAB BAS SPYI BO'I BLA MA LHA'I SKU'I CHA LAS BDUD RTZI SNA LNGA X, RANG GZHAN X, KHYAD BAR DU YANG DE DANG DE'I RTOGS BAX, GSUM PA MJUG TU JI LTAR BYA BA NI SNGAR BZHIN YIN LA, GNYIS PA THUN MTSAMS SU JI LTAR BYA BA'I TSUL NI, THUN MTSAMS SU YANG SO SO THAR BA'I DBANG DU BYAS PA'I BSLAB BYA BA LTA BA SOGS SNGAR BZHIN NO, ,SKYES BU 'BRING DANG THUN MONG BA'I LAM GYI RIM BA LA BLO SPYAD BA BSHAD ZIN TO,, ` ,GSUM BA SKYES BU CHEN PO'I LAM GYI RIM BA LA BLO SBYANG BA NI, DE LTAR SKYES BU CHUNG BRING DANG THUN MONG BA'I LAM LA BLO SBYANGS NAS LAM BSLAB PA GSUM LA TSUL BZHIN DU BSLABS PA LA BRTEN NAS 'KHOR BA LAS GROL BA'I THAR PA TZAM THOB MOD KYANG, RANG DON YONGS SU MA RDZOGS BAS GZHAN DON YANG NYI CHAB TZAM DU ZAD CING SLAR YANG SANGS RGYAS KYI THUGS RJE'I 'OD ZER GYIS BSKUL NAS THEG PA CHEN PO LA 'JUG DGOS PAS RAB RGAL GCIG LA RDZE CANG GNYIS LTA BU MA YIN PAR DANG BO NYID NAS THEG CHEN LAM DU 'JUG RIGS TE, PHAR BYIN BSDUS PA LAS, 'JIG RTEN DON SGRUB TSUL LA MTHU MED BA'I, ,THEG PA GNYIS PO GTAN DU SPANGS BYAS SHING, ,THUB RGYAL THEG PA SNYING RJE'I BSTAN PA LA, ,GZHAN PHAN RO GCIG RANG BZHIN DE DAG 'JUG ,CES DANG, BE'U BUM SNGON BO LAS, RAB RGAL GCIG LA RJE CANG GNYIS MIN, ,DANG PO NYID NAS THEG CHEN LAM 'JUG, ,CES GSUNGS PA'I PHYIR, DES NA SKYES BU CHEN PO'I LAM GYI

RIM PA LA BLO SBYONG BA LA GNYIS, BYANG CHUB TU SEMS BSKYED TSUL DANG, SEMS BSKYED NAS SPYOD PA LA BSLAB TSUL LO, ,DANG PO LA GNYIS, BYANG CHUB TU SEMS BSKYED PA DNGOS DANG, SEMS BSKYED CHO GAS GZUNG BA'I TSUL LO, ,DANG PO LA GNYIS, RGYU 'BRAS MAN NGAG BDUN GYI SGO NAS BYANG CHUB TU SEMS BSKYED TSUL DANG, BDAG GZHAN MNYAM BRJE'I SGO NAS BYANG CHUB TU SEMS BSKYED TSUL LO, ,DANG PO NI, SNGON DU SEMS CAN THAMS CAD LA SEMS BSNYOMS PAR BSGRUBS NAS, MAR SHES NAS BYANG CHUB KYI SEMS KYI BAR SGOM PA YIN PAS 'DI LA GNYIS, THUN GYI NGO BO LA JI LTAR BYA BA'I TSUL DANG, THUN MTSAMS SU JI LTAR BYA BA'I TSUL LO, ,DANG PO LA SBYOR DNGOS MJUG GSUM LAS, DANG PO SBYOR BA NI, SKYABS GNAS KUN 'DUS BLA MA LHAG PA'I LHA; ;THUB DBANG RDO RJE 'CHANG LA GSOL BA 'DEBS, ZHES PA YAN SNGAR BZHIN YIN LA, DE NAS BDAG DANG MA SEMS CAN THAMS CAD KYI RGYUD LA SEMS CAN THAMS CAD LA NYE RING CHAGS SDANG DANG BRAL BA'I SEMS SNYOMS PA DANG, MAR SHES DRIN DRAN DRIN GZO BYAMS SNYING RJE BYANG CHUB KYI SEMS KYI RTOGS PA KHYAD PAR CAN SKYE BAR BLA MA LHAS BYIN GYIS BRLAB TU GSOL, ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA X, RANG GZHAN X, KHYAD PAR DU YANG SEMS CAN THAMS CAD LA NYE RING CHAGS SPANG DANG BRAL BA'I SEMS SNYOMS PA SKYE BA DANG, MAR SHES DRIN DRAN DRIN GZO BYAMS SNYING RJE BYANG CHUB KYI SEMS KYI RTOGS PA KHYAD PAR CAN SKYE BA LA GEGS BYED KYI SDIG SGRIB THAMS CAD BYANG ZHING DAG ,LUS DANGS GSALX

, ,TSE DANG BSOD NAMS X, KHYAD PAR DU YANG SEMS CAN THAMS CAD LA NYE RING CHAGS SDANG X, GNYIS BA DNGOS GZHI NI, RGYU 'DRAS MAN NGAG BDUN SGOM PA'I THOG MAR SNGON DU SEMS CAN THAMS CAD LA SEMS SNYOMS PAR BSGRUB DGOS TE, DE LTAR MA BSGRUBS NA BYAMS PA DANG SNYING RJE SKYE YANG BYAMS PA DANG SNYING RJE PHYOGS CHA CAN LAS MI SKYE ZHING, PHYOGS CHA CAN GYI BYAMS PA DANG SNYING RJE NI, BYAMS PA DANG SNYING RJE CHEN PO MA YIN PA'I PHYIR TE, BYAMS PA DANG SNYING RJE CHEN PO GANG RUNG YIN NA, DMIGS PA SEMS CAN THAMS CAD LA DMIGS DGOS PA'I PHYIR TE, BTANG SNYOMS SA GZHI BYAMS PA'I CHUS BRLAN CING, ZHES SOGS GSUNGS BA DANG 'DRA, DES NA SPYI BOR BLA MA LHA SGOM BZHIN PA'I DANG NAS 'DI LTAR BSAM STE, PHAN GNOD GANG YANG MA BYAS PA'I BAR MA'I SEMS CAN ZHIG MDUN DU GSAL BAR DMIGS NAS, 'DI'I DNGOS NAS BDE BA 'DOD CING SDUG BSNGAL MI 'DOD PAS RES 'GA' NI NYE BAR BZUNGS NAS PHAN 'DOGS, RES 'GA' NI RING BAR BZUNGS NAS GNOD PA SKYEL BA'I CHA GNYIS MI BYA BAR NYE RING CHAGS SDANG DANG BRAL BA'I SEMS SNYOMS BA ZHIG BYA'O, ,DE LTAR BYED NUS BAR BLA MA LHAS BYIN GYIS BRLAB TU GSOL ZHES SOGS DANG, DE YANG DPER NA RI KHROD LTA BUR YIN NA; THOG MAR RANG GI KHYIM MTSOS G-YAS PA ZHIG LA DMIGS NAS SEMS SNYOMS BA BSGRUB, DE LA SEMS SNYOMS PAN RANG GI KHYIM MTSES G-YON PA ZHIG LA DMIGS NAS SGOM, DE NAS DE GNYIS KA LA CIG CAR DU DMIGS NAS SGOM,

DE NAS GZHAN RNAMS LA'ANG RIM GYIS SGOM, DE LA SEMS SNYOMS BA NYID DU 'ONG NGES SHES PA'I SEMS CAN ZHIG LA DMIGS NAS SGOM, DE'I TSUL NI BU MO ZLA BA MCHOG GIS ZHUGS BA LAS, BDAG GIS SNGON CHAD KHYED RNAMS THAMS CAD BSAD BDAG KYANG KHYED KYIS SNGON CHAD GSHAGS SHING GTUBS, ,KUN KYANG PHAN TSUN DGRA DANG GSOD PA YIN, ,KHYED CAG JI LTAR 'DOD CHAGS SEMS KYANG SKYE, ZHES GSUNGS PA LTAR, DE LA SEMS MA SNYOMS PA NI CHAGS PA'I DBANG GIS YIN BA 'DUG SNGAR YANG YID DU 'ONG BA LA SRED PAS KA 'KHOR BAR SKYES PA YIN, DE YANG RANG GI NYE DU DANG GNYEN DANG G-YOG 'KHOR MDZA' BSHES LA SOGS PA RNAMS NI TSONG DUS GCIG TU 'TSOGS PA'I DON MTHUN DANG 'DRA BAR ZHAG 'GA' ZHIG GI BAR DU PHAN TSUN MDZA' BA LTAR BYAS NAS, DE NAS RING POR MI THOGS BAR SO SOR 'GYES BAR 'GYUR BAS GANG LA YANG CHAGS ZHEN MED PAR BYA STE, SPYOD 'JUG LAS, THAMS CAD BOR TE CHA DGOS PAR, ,BDAG GIS DE LTAR MA SHES NAS, ,MDZA' DANG MI MDZA'I DON GYI PHYIR, ,SDIG PA RNAM PA SNA TSOGS BYAS, ,MDZA' BA RNAMS KYANG MED 'GYUR ZHING, ,MI MDZA' RNAMS KYANG MED PAR 'GYUR, ,BDAG KYANG MED BAR 'GYUR BA STE, ,DE BZHIN THAMS CAD MED BAR 'GYUR, ZHES DANG, LAM RIM BLO BZLOG BZHI PA LAS KYANG; TSE 'DI'I PHA MA BU TSA DANG, ,GNYEN 'DUN RTZA LAG THAMS CAD KUN, ,GNAS 'DUN 'GRON PO 'JOM PA 'DRA, ,'BREL MED YID LA GYIS SHIG DANG, ZHES GSUNGS PA'I PHYIR, DE LA SEMS SNYOMS PAN YID DU MI 'ONG DES SHES PA'I SEMS CAN

, ,ZHIG MDUN DU GSAL BAR DMIGS NAS DE LA SEMS SNYOMS BSGOM BAR BYED, DE LA SEMS ME SNYOMS BA NI RANG GI BLOS MTHA' GCIG TU MI MTHUN BAR BZUNG BAS ZHE SDANG SKYES BA YIN, 'DI LA SEMS MA SNYOMS NA BYANG CHUB KYI SEMS SKYE BA'I GNAS MED, GZHAN YANG SPYOD 'JUG LAS, BSKAL BA STONG DU BSAGS PA YI, ,SBYIN DANG BDE GSHEGS MCHOD LA SOGS, ,LEGS SPYAD GANG YIN DE KUN KYANG, ,KHONG KHRO GCIG GIS 'JOMS PAR BYED, CES DANG, DPAL LDAN ZLA BAS, GANG PHYIR RGYAL SRAS RNAMS LA KHROS BA YIS, ,SBYIN DANG KHRIMS BYUNG DGE BA BSKAL PA BRGYAR, ,BSAGS BSKAD CIG GIS 'JOMS DE YI PHYIR, ,MI BZOD LAS GZHAN SDIG BA YOD MA YIN, ZHES GSUNGS BA LTAR, ZHE SDANG DANG KHONG KHRO'I NYES DMIGS BSAMS NAS ZHE SDANG 'GAG BAR BYED BA DANG, GZHAN YANG SNGAR SKYES BU 'BRING GI NGES MED KYI SKABS SU, DBUNG BZANG GIS ZHUS BA'I LUNG DRANGS BA LTAR, DGRA GNYEN BAR MA GANG LA'ANG MTHA' GCIG TU NGES PA MA MCHIS BAS CI'I PHYIR ZHE SDANG BAR BYED SNYAM DU ZHE SDANG BKAG NAS SEMS SNYOMS BA BSGRUB, DE LA SEMS SNYOMS BA NA MA LTA BU'I SEMS CAN CHES YID DU 'ONG BA ZHIG DANG, DGRA LTA BU'I SEMS CAN CHES YID DU MI 'ONG BA ZHIG STE GNYIS MDUN DU GSAL BAR DMIGS NAS; 'DI GNYIS KYI NGOS NAS BDE BA 'DOD CING SDUG BSNGAL MI 'DOD BAR MTSUNGS LA, RANG GI NGOS NAS NI, DE LTA GNYEN DU BZUNG BA 'DIS KYANG 'KHOR BA THOG MA MED BA NAS DGRA'I GTZO BO BYAS PA LA GRANGS KYIS MI CHOD, DA LTA DGRAR BZUNG BA

'DIS KYANG 'KHOR BA THOG MA MED PA NAS MA BYAS TE BRTZE BAS BSKYANGS PA LA GRANGS KYIS MI CHOD BAS, GANG LA NI CHAGS PAR BYA, GANG LA NI CHAGS PAR BYA, NYE RING CHAGS SDANG DANG BRAL BA'I SEMS SNYOMS BA ZHIG BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, DE LA SEMS SNYOMS BA NA, SEMS CAN THAMS CAD LA SEMS SNYOMS PA SGOM PAR BYED, DE'I TSUL NI SEMS CAN THAMS CAD KYI NGOS NAS BDE BA 'DOD CING SDUG BSNGAL MI 'DOD BAR MTSUNGS LA, RANG GI NGOS NAS NI SEMS CAN THAMS CAD GNYEN YIN BAS 'GA' ZHIG LA NYE BAR BZUNGS NAS PHAN 'DOGS PA DANG, 'GA' ZHIG LA RING BAR BZUNGS NAS GNOD BSKYAL BA'I CHA GNYIS MI BYA BAR, NYE RING CHAGS SDANG DANG BRAL BA'I SEMS SNYOMS PA ZHIG BYA'O; ;DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, DE RJES MAR SHES NAS BYANG CHUB KYI SEMS KYI RA SGOM TSUL NI, SPYI BOR BLA MA LHA SGOM BZHIN PA'I NGANG NAS 'DI LTAR BSAM STE, RNAM 'GREL LAS, SKYE BA YONGS SU LEN BAN, ,'BYUNG RDUB DBANG BO BLO DAG NI, ,RANG GI RIGS LA LTOS MED CAN, ZHES GSUNGS BA LTAR, MNGAL DU SKYES MA THAG BA'I RIG BA CHOS CAN, RANG GI NYER LEN DU GYUR BA'I RIG PA SNGA MA SNGON DU SONG STE, RIG PA YIN BA'I PHYIR DPER NA DA LTAR GYI RIG BA BZHIN ZHES RIG BA'I YA MTHA' THUG MED DU BSGRUB BA'I RIGS BA LA BRTEN NAS 'KHOR BA LA THOG MA'I MTHA' MED PAR 'GRUB, DE LA BRTEN NAS SEMS CAN THAMS CAD RANG GI MA SHA STAG YIN SNYAM DU BSGOM PAR BYA STE, DRI BA LHAG BSAM RAB

, ,DKAR GYI DRIS LEN BLO BZANG GZHAD PA'I SGRA DBYANGS LAS, MAR SHES SGOM TSUL RNAM 'GREL LAS, ,SKYE BA YONGS SU LEN PA NA, ZHES SOGS RIG PA'I THOG MA'I MTHA', ,THUG MED BSGRUB PA'I LUNG RIGS KYI, ,THABS MKHAS 'PHRUL GYIS SGOM ZHES GSOL, ,ZHES GSUNGS PA'I PHYIR, 'O NA SEMS CAN THAMS CAD BDAG GI GNYEN YIN PA'I RGYU MTSAN JI LTA BU ZHE NA, 'KHOR BA LA THOG MA MED PAS BDAG GI SKYE BA LA YANG THOG MA MED CING, SKYE BA GCIG NAS GCIG TU BRGYUD DE YUL PHYOGS DANG SA PHYOGS 'DIR MA SKYES BYA BA GCIG KYANG MED, SKYES PA LA GRANGS KYIS MI CHOD, SEMS CAN 'DI'I LUS MA BLANGS BYA BA GCIG KYANG MED, BLANGS PA LA GRANGS KYIS MI CHOD, SEMS CAN 'DIS BDAG GI MA MA BYAS BYA BA GCIG KYANG MED, BYAS BA LA GRANGS KYIS MI CHOD, SEMS CAN RE RES KYANG MI'I RTEN LA BDAG GI MA MA BYAS BYA BA GCIG KYANG MED, BYAS PA LA GRANGS KYIS MI CHOD, DA DUNG YANG BYED PAR 'GYUR, DES NA DRIN GYIS BSKYANGS PA'I MA SHA STAG YIN SNYAM DU BSAM, 'O NA SEMS CAN LA GRANGS MED PAS SEMS CAN THAMS CAD RANG BDAG GI MA MA YIN NO SNYAM NA, SEMS CAN LA GRANGS MED PAS BDAG GI MA MA YIN PAR MI 'GYUR TE, SEMS CAN LA GRANGS MED PA BZHIN DU BDAG GI SKYE BA LA YANG GRANGS MED PAS SEMS CAN THAMS CAD BDAG GI MA CIS KYANG YIN SNYAM DU BSAM, GAL TE BDAG DANG SEMS CAN THAMS CAD PHAN TSUN NGO MI SHES PAS BDAG GI MA MA YIN NO SNYAM NA, BDAG DANG SEMS CAN THAMS CAD

PHAN TSUN NGO MI SHES PAS BDAG GI MA MA YIN PAR MI 'GYUR TE, TSE 'DIR YANG MA BU PHAN TSUN NGO MI SHES PA DU MA 'DUG PAS SO, ,DE YANG DPER NA DGE SLONG MA AUTPA LA'I MDOG RANG GI BU DANG KHYO SHUG TU GYUR CING BU MO DANG CHEN CHUN DU GYUR KYANG NGO MA SHES PA LTA BU DANG, GZHAN YANG SNGAR, PHA SHA ZA ZHING MA LA 'TSOG ,CES SOGS DRANGS PA LTAR, MI ZHIG GI PHA SHI BA NYAR SKYES NAS DE'I SHA KHO RANG GIS ZA ZHING, MA SHI BA KHYI MOR SKYES NAS NYA RUS LA 'KHREN, KHO RANG TSE SNGON MA GSOD MKHAN KHO RANG GI BUR SKYES KYANG NGO MA SHES PA LTA BU'O SNYAM DU BSAM, GAL TE SEMS CAN THAMS CAD TSE RA BAS SNGA MA'I MA YIN KYANG 'DAS ZIN PAS MA YIN PA MI 'THAD DO SNYAM NA, 'O NA KHA SANG GI DUS KYI MA DE YANG DE RING GI DUS SU 'DAS ZIN BSAM MA YIN PAR 'GYUR TE, DES NA KHA SANG GI DUS KYI MA DANG DE RING GI DUS KYI MA GNYIS MA YIN PA LA YANG KHYAD PAR MED, DRIN GYIS BSKYANGS BA LA YANG KHYAD PAR MED, GZHAN YANG LO SNGA MA LA RANG NYID RGYAL PO LTA BUS GSOD LA KHAD LA SROG BSKYABS PA DANG, LO PHYI MA LA SROG BSKYABS PA GNYIS LO SNGA PHYI TZAM MA GTOGS DRIN CHE CHUNG LA KHYAD PAR MED PA DE BZHIN DU BDAG GI TSE SNGA MA'I MA DANG, TSE 'DI'I MA GNYIS MA YIN PA LA YANG KHYAD PAR MED, DRIN GYIS BSKYANGS PA LA YANG KHYAD PAR MED PAS SEMS CAN THAMS CAD BDAG GI MA CIS KYANG YIN SNYAM DU BSAM, DE LTAR MAR SHES NAS DRIN BSAM TSUL NI, SPYI BOR BLA MA LHA SGOM BZHIN PA'I NGANG NAS 'DI LTAR BSAM STE, BDAG GI MA 'DIS TSE 'DI KHO NAR MA ZAD TSE RABS THOG MA MED PA NAS BDAG GI MA GRANGS LAS

, ,'DAS PA BYED BYED BA ZHIG YIN, KHYAD PAR TSE 'DIR YANG DANG POR MNGAL DU BRTZE BAS BSKYANGS, BTZAS PA'I TSE 'JAM PA'I BSTAN LA BZHAG ,SOR MO BCU'I RTZE LA G-YENGS, SHA'I DROD LA BCAR, BRTZE BA'I 'DZUM GYIS BSUS, DGA' BA'I MIG GIS BLTAS, SNA BAS KHAS PHYIS, MI GTZAD PA LAG PAS PHYIS, MA RANG SROG LA BAB PA'I SDUG BSNGAL BYUNG BA LAS, BDAG CUNG ZAD NA BA LA SDUG BSNGAL CHE BAR BYAS, DE'I DUS SU BU'I NAD DE RANG LA SPO BA'I THABS YOD NA, RANG LA LEN PA LA TSAM TSOM MED CING, BU SHI BA LAS RANG SHI BAR 'DA MA, SDIG SDUG GTAM NGAN RANG SROG GANG LA'ANG MA BLTAS PAR SHA THANG THANG DU BSGRUBS PA'I ZAS NOR THAMS CAD BDAG LA BRTZE BAS PHOG ,DE YANG BU 'BOGS PA DANG, BU MO RDZONG PA'AM BU CHOS BYAS PA'I BSHAD STON SOGS KYI PHYIR DU RANG GIS SNGAR ZA MA NUS, 'THUNG MA NUS, GYON MA NUS PA THAMS CAD PHANGS PA MED PAR GTONG NUS, MDOR NA MA RANG GI 'KHYER 'KHOS DANG BSTUN PA'I PHAN PA DANG BDE BA TSAD MED PA BSGRUBS, GNOD PA DANG SDUG BSNGAL TSAD MED PA LAS BSKYABS PAS DRIN SHIN TU CHE SNYAM DU BSAM, 'DI DAG GI SKABS SU RE RE LA DMIGS NAS SGOM DGOS KYI SPYI LA DMIGS NAS BSGOMS PAS MI SKYEN GNAD 'PHYUGS PA YIN, DES NA 'DI DAG GZHI MA LTA BU YIN PAS YUN RING 'GOR BSAM PA MA BYAS PAR MYONG BA THON THON GYI BAR DU SGOM PA GAL CHE, DE YANG MA'I DRIN LHANG LHANG DRAN BA'I TSE, TSE 'DI'I PHA'I STENG DU SPOS NAS SGOM, DE BZHIN DU RE RE NAS KHA SPOS NAS SGOM PA GAL CHE, DE NAS BAR MA'I SEMS

CAN RNAMS LA SGOM, DE'I TSUL NI BAR MA'I SEMS CAN RNAMS MDUN DU GSAL BAR DMIGS NAS, DA LTA BDAG DANG 'DI GNYIS GANG YANG 'BREL MED 'DRA 'DRA ZHIG 'DUG KYANG, 'DIS TSE RABS THOG MA MED PA NAS BDAG GI MA BYAS PA GRANGS LAS 'DAS SHING; MAN MA BYAS RES KYIS TSE 'DI'I MAS JI LTAR DRIN GYIS BSKYANGS PA BZHIN DU DRI NA GYIS BSKYANGS PAS DRIN SHIN TU CHE SNYAM DU BSAM, DE LA MYONG PA THON PA NA DGRA LA DMIGS NAS SGOM, DE'I TSUL NI MDUN DU DGRA'I RNAM PA GSAL BAR DMIGS NAS; DA LTA 'DI DGRAR BZUNG BAS CI ZHIG BYA, 'DIS TSE RABS THOG MA MED PA NAS BDAG GI MA BYAS PA GRANGS LAS 'DAS SHING, MA NAM BYAS RES KYIS PHAN PA DANG BDE BA TSAD MED PA BSGRUBS, GNOD PA DANG SDUG BSNGAL TSAD MED PA LAS BSKYABS, KHYAD PAR BDAG GIS 'DI MED NA CUNG ZAD KYANG SDOD MI TSUGS PA DANG, 'DIS KYANG BDAG MED NA CUNG ZAD KYANG SDOD MI TSUGS PA LTA BU'I YID GCUGS PA GRANGS LAS 'DAS BA BYAS, DA LTA GNAS SKABS 'DI LTAR GYUR PA LAS NGAN PA'I DBANG GIS YIN PAR 'DUG ,GZHAN DU NA DRIN GYIS BSKYANGS PA'I MA SHA STAG YIN SNYAM DU BSAM, DE LA MYONG BA THON PA NA SEMS CAN THAMS CAD KYI DRIN BSAM MO, ,DE LTAR DRIN BSAMS NAS DRIN GZO SGOM TSUL NI, SPYI BOR BLA MA LHA SGOM BZHIN PA'I NGANG NAS 'DI LTAR BSAM STE, THOG MA MED PA NAS DRIN GYIS BSKYANGS PA'I MA RNAMS NYON MONGS PA'I GDON GYIS SEMS DKRUGS NAS SHES PA LA RANG DBANG MA THOB PAR SMYO, MNGON MTHO NGES LEGS KYI LAM BLTA BA'I MIG DANG NI BRAL, DGE BA'I BSHES GNYEN GYI

, ,LONG KHRID NI MED, SKAD CIG RE RER NYES SPYOD KYI DBYEN BCOS PAS NI RDEG 'CHA', SPYIR 'KHOR BA DANG KHYAD PAR NGAN 'GRO 'JIGS SU RUNG BA'I G-YANG KHA 'GRIM PA 'DI RNAMS YAL BAR DOR NA KHREL SHIN TU CHUNG BAS, BDAG GIS DRIN LAN DU 'KHOR BA'I SDUG BSNGAL LAS BSGRAL NAS THAR BA'I BDE BA LA DGOD PAR BYA'O, ,DE LTAR BYED NUS PAR BLA MA LHAS BYIN GYIS BRLABS TU GSOL ZHES SOGS DANG, DE NAS BYAMS PA SGOM TSUL NI, RANG GI MA LTA BU YID DU GANG GCAGS PA GCIG LA DMIGS NAS 'DI LA ZAG MED KYI BDE BA LTA GA LA YOD ZAG BCAS KYI BDE BA TZAM YANG MI 'DUG ,DA LTA BDE BAR RLOMS PA 'DI DAG KYANG SDUG BSNGAL DU 'GYUR NAS 'GRO BAR 'DUG, ,BDE BA ZHIG 'DOD NAS 'BAD 'BAD DUNG DUNG BYAS KYANG PHYI MAR DAN SONG GI SDUG BSNGAL GYI RGYU BYED, TSE 'DIR YANG NGAL ZHING DUB PAS SDUG BSNGAL BAR BYED PA MA GTOGS YANG DAG PA'I BDE BA ZHIG GTAN NAS MI 'DUG, ,DES NA 'DI NYID BDE BA DANG BDE BA'I RGYU DANG LDAN NA CI MA RUNG BDE BA DANG BDE BA'I RGYU DANG LDAN PAR GYUR CIG ,BDE BA DANG BDE BA'I RGYU DANG LDAN PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES GSOL BA BTAB PAS SPYI BO'I BLA MA LHA'I SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS ZHES SOGS DANG, DE LA MYONG BA THON PA NA PHA LA SOGS PA'I GNYEN RNAMS DANG, BAR MA'I SEMS CAN RNAMS DANG, DGRA RNAMS DANG, MTHAR SEMS CAN THAMS CAD KYI BAR SNGAR BZHIN SGOM, BYAMS PA BSGOMS PA'I PHAN YON NI, TSE 'DI

LA 'DZAM BU GLING TZAM LA BYAMS PA BSGOMS NA DE LA DBANG BA'I 'KHOR LOS BSGYUR PA'I RGYAL POR 'GYUR, GLING GNYIS LA SKYE NA DE LA DBANG BA'I ZANGS KYI 'KHOR LOS BSGYUR BA'I RGYAL POR 'GYUR, GSUM LA SKYE NA DE LA DBANG PA'I DNGUL GYI 'KHOR LOS BSGYUR BA'I RGYAL POR 'GYUR, GLING BZHI LA SKYEN DE LA DBANG BA'I GSER GYI 'KHOR LOS BSGYUR PA'I RGYAL POR 'GYUR, STONG GSUM LA SKYEN LHA'I DBANG PO TSANGS PAR 'GYUR, STONG CHUNG DU DANG STONG GNYIS PA BAR MA LA SKYEN DE LA DBANG BA'I BDAG POR 'GYUR, NAM MKHA'I MTHAS KHYAB PA'I SEMS CAN LA SKYE NA DE'I 'BRAS BU RDZOGS PA'I SANGS RGYAS MIN PA GZHAN DU MI 'GYUR GSUNG, SPYIR LAS BDAG GIR BYA BA YIN KYANG BYAMS PA'I MTHU BLA LHAG YIN PAS RNAL MAR SKYES NA GZHAN LA PHAN NUS TE, DPER NA RGYAL PO BYAMS PA'I STOBS LTA BU YIN GSUNG, DES NA TSIG TZAM LAS MA SKYES KYANG RANG GI BSRUNG BA'I MCHOG TU 'GYUR BA YIN, BCOM LDAN 'DAS KYIS BDUD BYE BA DUNG PHYUR BYAMS PA'I TING NGE 'DZIN GYIS BTUL BA YIN PAS; SPYAN SNGA'I ZHAL NAS SMYUG RUM PA LA, NAN LTAR NA PHA ROL PO 'JOMS PA'I THABS LA BYAMS PA TZAM MED PA YIN GSUNGS SKAD, DE BAS NA BYAMS PA BYA BA NI MING THOS PA RANG GIS SNYING SANG SANG 'DUG PA YIN GSUNG, 'DI'I PHAN YON NI, ZHING NI BYE BA KHRAG KHRIG GTAMS SNYED DU, ,MCHOD PA RNAM MANG DPAG MED JI SNYED KYIS, ,SKYES MCHOG RNAMS LA DE YIS RTAG MCHOD PA'I, ,BSOD NAMS DAG LA GRANGS DANG CHAR MI PHOD, CES DANG, MGON PO KLU SGRUB KYIS KYANG, YID BDE BA DANG,

, ,BDE MANG DANG, ,DUG DANG MA TSON GYIS MI TSUGS DANG, ,'BAD PA MED PAR DON THOB DANG, ,BYAMS CHOS YON TAN BRGYAD LDAN DANG, ,GAL TE GROL BAR MA GYUR KYANG, ,TSANGS PA'I 'JIG RTEN SKYE BAR 'GYUR, ,ZHES DANG, RDZI'U CHOS SUM BRGYA'I KHA ZAS DAG ,NYIN RE DUS GSUM BYIN PA BAS, ,BYAMS PA YUD TZAM THANG GCIG GI ,BSOD NAMS NGAG LA CHAR MI PHOD, CES SOGS GSUNGS, DE NAS SNYING RJE SGOM TSUL NI, SPYI BOR BLA MA LHA SGOM BZHIN PA'I NGANG NAS 'DI LTAR BSAM STE; THOG MAR BSHAN PAS GSOD BZHIN PA'I LUG LTA BU'I SDUG BSNGAL GYIS NYAM THAG PA'I 'GRO BA RNAMS LA DMIGS NAS BSGOM, DE'I TSUL NI, MDUN DU DE RNAMS KYI RNAM PA GSAL BAR DMIGS NAS, YAN LAG RNAMS NI BCINGS, BRANG GI BAGS BA NI GSHAGS, BSHAN PA'I LAG PA KHONG BAR BCUG PAS SROG LA BA BA PA NI MNGON SUM DU SHES, MIG BSHAN PA'I GDONG LA RIG RIG TU BLTA ZHING SDUG BSNGAL GYIS NYAM THAG PA'I TSUL BSAMS NAS, DES NA 'DI RNAMS SDUG BSNGAL DANG SDUG BSNGAL GYI RGYU THAMS CAD DANG BRAL NA CI MA RUNG, SDUG BSNGAL DANG SDUG BSNGAL GYI RGYU THAMS CAD DANG BRAL BAR GYUR CIG, ,SDUG BSNGAL DANG SDUG BSNGAL GYI RGYU THAMS CAD DANG BRAL BAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, DE LA MYONG BA THON PA NA DGE 'DUN GYI DKOR LA BAG MED DU SPYOD PA DANG, TSUL 'CHAL DANG, CHOS SPONG MKHAN DANG, LOG LTA CAN DANG, SEMS CAN LA 'TSE ZHING SDIG PA MI DGE BA SNA TSOGS BYED PA LA SKYEN SKYEN

POR BYED PA'I 'GRO BA RNAMS LA DMIGS NAS BSGOM, DE'I TSUL NI, MDUN DU DE DAG GI RNAM PA GSAL BAR DMIGS NAS, DA LTA 'DI DAG GI BYED SPYOD 'DI 'DRAN CHE 'DIR YANG BDE BA NI MI 'DUG, ,SHIM THAG TU NGAN SONG DU SKYE BA LA THE TSOM NI MED, DER SKYES NA NI YUN RING LA SHUGS DRAG PA'I SDUG BSNGAL SNA TSOGS SHIG MYONG DGOS PAR 'DUG, ,DES NA 'DI DAG SDUG BSNGAL DANG SDUG BSNGAL GYI RGYU THAMS CAD DANG BRAL NA CI MA RUNG, SDUG BSNGAL DANG SDUG BSNGAL GYI RGYU THAMS CAD DANG BRAL BAR GYUR CIG, ,SDUG BSNGAL DANG SDUG BSNGAL GYI RGYU THAMS CAD DANG BRAL BAR BYA'O, ,DE LTAR BYED NUS BAR BLA MA LHAS BYIN GYIS BRLAB TU GSOL ZHES SOGS DANG, DE LA MYONG BA SKYES PA NA MA LA SOGS PA GNYEN RNAMS MDUN DU GSAL BAR DMIGS NAS, 'DI DAG TSE 'DI'I 'BAD 'BANG DUNG DUNG GIS DGRA GNYEN GYI SO CHIS BYED BYED NAS SDUG BSNGAL GYI SDUG BSNGAL DANG, 'GYUR PA'I SDUG BSNGAL GNYIS KYIS GDUNGS NAS BDE BA'I BLO CUNG ZAD KYANG MI 'DUG, ,TSE 'DIR YANG BYA BA NGAN PAS BREL NAS DGE BA'I BLO MA SKYES PAS SHI MA THAG TU NGAN SONG DU SKYE BA LA NI THE TSOM MED, DER SKYES NA NI YUN RING LA SHUGS DRAG PA'I SDUG BSNGAL SNA TSOGS MYONG DGOS PA 'DUG ,DES NA 'DI DAG SDUG BSNGAL DANG SDUG BSNGAL GYI RGYU THAMS CAD DANG BRAL NA CI MA RUNG, SDUG BSNGAL DANG SDUG BSNGAL GYI RGYU THAMS CAD DANG BRAL BAR GYUR CIG ,SDUG BSNGAL DANG SDUG BSNGAL GYI RGYU THAMS CAD DANG BRAL BAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, DE LA MYONG BA THON PA NA BAR MA'I SEMS CAN RNAMS DANG,

, ,DGRA RNAMS DANG, MTHAR SEMS CAN THAMS CAD KYI BAR SNGAR BZHIN BSGOM, DE NAS BYAMS PA DANG SNYING RJE LA YID 'GYUR BA'I MYONG BA THON PA NA, LHAG BSAM BSGOM TSUL NI, SPYI BOR BLA MA LHA SGOM BZHIN PA'I NGANG NAS 'DI LTAR BSAM STE, SDUG BSNGAL GYIS MNAR ZHING BDE BAS PHONGS PA'I SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL BA ZHIG BDAG GIS BYA'O, ,BDE BA DANG BDE BA'I RGYU DANG PHRAD BA ZHIG BDAG GIS BYA'O, ,KHYAD PAR MA SEMS CAN THAMS CAD KYIS SGRIB GNYIS BAG CHAGS DANG BCAS PA SPANGS PA'I YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PA ZHIG BDAG GIS BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, DE NAS BYANG CHUB KYI SEMS SGOM TSUL NI, SPYI BOR BLA MA LHA SGOM BZHIN PA'I DANG NAS 'DI LTAR BSAM STE, 'O NA KHYOD LA SEMS CAN THAMS CAD YANG DAG PAR RDZOGS PA'I SANGS RGYAS KYI GO 'PHANG LA 'GOD PA'I NUS PA YOD DAM ZHE NA, DA LTA NI SEMS CAN GCIG KYANG YANG DAG PAR RDZOGS PA'I SANGS RGYAS KYI GO 'PHANG LA 'GOD PA'I NUS PA MI 'DUG ,DER MA ZAD DGRA BCOM PA GNYIS KYI GO 'PHANG THOB KYANG SEMS CAN GYI DON NYI TSE BA MA GTOGS, SEMS CAN THAMS CAD YANG DAG PAR RDZOGS PA'I SANGS RGYAS KYI GO 'PHANG LA 'GOD PA'I NUS PA MED, DE LTA BU'I NUS PA SU LA YOD NA, YANG DAG PAR RDZOGS PA'I SANGS RGYAS LA YOD DE, KHONG GI SKU'I YON TAN MTSAN DBE GSAL RDZOGS KYIS SPRAS PA, GSUNG GI YON TAN 'BAD RTZOL MED PAR YAN LAG

DRUG CU DANG LDAN PA'I GSUNG DBYANGS SKAD CIG RE RES KYANG SEMS CAN THAMS CAD KYI RANG RANG GI SKAD DU CHOS STON NUS PA, THUGS KYI YON TAN SHES BYA JI LTA BA DANG JI SNYED PA THAMS CAD MNGON SUM DU GZIGS SHING, SEMS CAN THAMS CAD LA MA BU GCIG PA LA BRTZE BA LTAR THUGS RJE CHEN PO NYE RING MED BAR 'JUG PAS GDUL BA'I DUS LAS SKAD CIG KYANG MI 'DA' BA 'PHRIN LAS 'BAD MED LHUN GYIS GRUB CING SKU GSUNG THUGS KYI 'OD ZER RE RE TZAM SPROS PAS KYANG SEMS CAN DPAG TU MED PA THAMS CAD MKHYEN PA'I GO 'PHANG LA 'GOD NUS PA LA SOGS PA MDOR NA YON TAN GYI RIGS THAMS CAD DANG LDAN SKYON GYI RIGS THAMS CAD DANG BRAL BA NI YANG DAG PAR RDZOGS PA'I SANGS RGYAS KHO NA YIN, DES NA RANG GZHAN GNYIS KA'I DON MTHAR PHYIN PA ZHIG BYED NA DE LTA BU'I SANGS RGYAS KYI GO 'PHANG ZHIG THOB DGOM PA 'DUG PAS, BDAG GIS MA SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES GSOL BA BTAB PAS SPYI BO'I BLA MA LHA'I SKU LAS SKU GNYIS PA ZHIG MANG ME GCIG LAS GNYIS CHAD KYI TSUL DU BYUNG NAS RANG LA THIM PAS SENG+GE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS BA'I STENG KHAR SNA TSOGS PAD ZLA NYI MA'I DKYIL 'KHOR GYI GDAN LA RANG NYID RGYAL BA SH'AKYA THUB PA SKU MDOG GSER BCOM LTA BU ZHES PA NAS, RDO RJE SKYIL KRUNG GIS BZHUGS PAR GYUR BAR MOS NAS SNGAR 'PHEN PA BTANG BA LTAR SEMS CAN THAMS CAD KYI DON DU SANGS RGYAS KYI GO 'PHANG THOB BYUNG SNYAM PA'I DGA' BA

, ,DANG NGA RGYAL SHUGS CAN BSGOM STE, 'DI LA RTEN 'BREL GYI GNANG KHYAD PAR CAN YOD GSUNG, RANG THUB PA'I DBANG POR GSAL BA'I SKU LAS 'OD ZER BSIL BA'I RANG BZHIN CAN CHU RGYUN LTA BU DPAG TU MED PA 'PHROS, TSANG MYAL BA'I SEMS CAN RNAMS DANG GNAS RNAMS LA PHOG BAS TSA BA'I SDUG BSNGAL THAMS CAD ZHI, GNAS RNAMS KYANG DAG PA'I SNOD KHYAD PAR CAN DU GYUR PA'I MOS PA DANG, 'OD ZER ME DANG NYI MA'I 'OD ZER LTA BU DPAG TU MED PA 'PHROS, GRANG DMYAL BA'I SEMS CAN RNAMS DANG GNAS RNAMS LA PHOG PAS GRANG BA'I SDUG BSNGAL DANG SNOD KYI SGYON SBYANGS, YANG 'OD ZER DPAG TU MED PA 'PHROS, YI DVAGS RNAMS DANG DE'I GNAS RNAMS LA PHOG PAS, BKRES SKOM, GRANG DRO NGAL DUB LA SOGS PA'I SDUG BSNGAL DANG SER SNA DANG DES BSAGS PA'I LA SA SGRIB RNAMS DANG, SNOD KYI SKYON RNAMS KYANG SBYANGS, YANG 'OD ZED DPAG TU MED PA 'PHROS TE MI'I 'GRO BA RNAMS DANG, DAM GROG LA SOGS PA'I SNOD KYI SKYON RNAMS LA PHOG BAS, SKYE RGA NA 'CHI TSOL KRO LA SOGS BA'I MI'I SDUG BSNGAL DANG LAS SGRIB RNAMS KYANG SBYANGS SHING SNOD RNAMS KYANG DAG PA'I ZHING KHAMS SU GYUR, YANG 'OD ZER DPAG TU MED PA 'PHROS TE LHA MA YIN RNAMS KYI 'THAB RTZOD ZHE SBANG PHRAG DOG RNAMS DANG, LHA RNAMS KYI 'CHI 'PHO GNAS 'OG TU LTUNG BA DANG, KHYAB PA 'DU BYED KYI SDUG BSNGAL SBYOD BA SOGS KYI DMIGS BA BYAS NA RANG NYID GANG DU 'TSANG RGYA BA'I ZHING SBYANG BA'I RTEN 'BREL DU YANG 'GYUR GSUNG, MDOR BSDUS DMAR KHRID BDE LAM NAS 'BYUNG BA LTAR BYED NA RANG

THUB PA'I DBANG POR GSAL BA'I DANG NAS LUS LONGS SPYOD DGE RTZA DANG BCAS BA BDUD RTZI SNA LNGA 'OD ZER DANG BCAS PA'I RNAM PAR SPROS NAS SEMS CAN THAMS CAD LA BTANG BAS SEMS CAN THAMS CAD KYIS MNGON MTHO DANG NGES LEGS KYI BDE BA PHUN SUM TSOGS PA THOB PA'I MOS PA BYED DO, ,GSUM PA MJUG TU JI LTAR BYA BA NI SNGAR BZHIN LIN LA, GNYIS PA THUN MTSAMS SU JI LTAR BYA BA'I TSUL NI, THUN MTSAMS SU YANG BYAMS SNYING RJE BYANG CHUB KYI SEMS KYI RNAM GZHAG STON PA'I GSUNG RAB DGONGS 'GREL DANG BCAS PA BLTA BAR BYA'O, ,GNYIS PA BDAG GZHAN MNYAM BRJE'I SGO NAS BYANG CHUB TU SEMS BSKYED PA'I TSUL NI, SPON DU SEMS CAN THAMS CAD LA SEMS SNYOMS PA'I BTANG SNYOMS DANG, MAR SHES DRIN DRAN GSUM SGOM PA TSIG TZAM MA YIN PAR SNGAR RGYU 'BRAS MAN NGAG BA DUN GYI SKABS SU BSHAD PA LTAR, RE RE NAS YID YA MYONG BA MA THON GYI BAR DU BSGOM PA SNGON DU BTANG NAS, RANG DANG RANG GI MTHA' SKOR DU SEMS CAN THAMS CAD GSAL BAR DMIGS NAS BDAG GZHAN BRJE BA'I TSUL; ZHI BA LHAS, GANG ZHIG BDAG DANG GZHAN RNAMS NI, ,MYUR DU BSKYAB PAR 'DOD PA DES, ,BDAG DANG GZHAN DU BRJE BYA BA, ,GSANG BA'I DAM PA SPYAD BAR BYA, ZHES GSUNGS BA LTAR 'DI'I BDAG GZHAN BRJE BA'I DON NI, BDAG GZHAN DANG GZHAN BDAG TU SGOM BA MA YIN GYI, RANG GCES 'DZIN GYI BLO DANG GZHAN YAL BAR 'DOR BA'I BLO GNYIS GO SA BRJES NAS, RANG YAL BAR DOR NAS GZHAN GCES PAR 'DZIN PA'I BLO BSKYED PA YIN PAS, RANG GI BLO YUL DU RANG GZHAN GNYIS GANG

, ,GCES PAR 'DZIN GANG YAL BAR 'DOR SNYAM DU BRTAGS PA NA, RANG GCES PAR 'DZIN CING GZHAN YAL BAR 'DOR BA'I BLONG MA NGAM SHUGS KYIS SKYE LA, DE'I TSE NI 'DI LTAR BSAM STE, RANG GCES PAR BZUNGS NAS GZHAN YAL BAR 'DOR BA NI MI RIGS TE, RANG GZHAN GNYIS KA BDE BA 'DOD CING SDUG BSNGAL MI 'DOD PAR MTSUNGS PA'I PHYIR, DES NA RANG GCES PAR 'DZIN PA BZHIN DU GZHAN GCES PAR 'DZIN DGOS TE, GZHAN GYIS RANG GCES PAR BZUNGS NA RANG DGA' BA BZHIN DU, RANG GIS KYANG GZHAN GCES PAR BZUNGS NA BZHAN DGA' BAR 'GYUR BAS SO, ,GZHAN YANG RANG NYID PHUN SUM TSOGS BZHIG BYED PAR 'DOD NAS 'KHOR BA THOG MA MED PA NAS DA LTA'I BAR DU RANG GCES PAR BZUNGS PAS RANG GZHAN GYI DON GANG YANG MA GRUB PAR MDZAD SDUG BSNGAL SNA TSOGS PA MYONG BAR 'DUG ,DES NA SPYOD 'JUG LAS, 'JIG RTEN BDE BA JI SNYAD PA, ,DE KUN GZHAN BDE 'DOD LAS BYUNG, 'JIG RTEN SDUG BSNGAL JI SNYED PA, ,DE KUN BDAG BDE 'DOD LAS BYUNG, ,MANG DU BSHAD LTA SMOS CI DGOS, ,BYIS PA RANG GI DON BYED DANG, THUB PA GZHAN GYI DON MDZAD PA, ,'DI GNYIS KYI NI KHYAD PAR LTOS, ,BDAG BDE GZHAN GYI SDUG BSNGAL DAG ,YANG DAG BRJE BAR MA BYAS NA, ,SANGS RGYAS NYID DU MI 'GRUB CING, ,'KHOR BA NA YANG BDE BA MED, CES GSUNGS PA LTAR, RANG GCES PAR 'JIN PA NI 'KHOR BA DANG NGAN SONG GI SDUG BSNGAL LA SOGS PA'I RGUD PA KUN GYI 'BYUNG GNAS SU 'DUG PAS RANG GCES 'DZIN MA SKYES BA MI SKYED PA DANG SKYES PA RNAMS SPONG BAR BYED, GZHAN GCES

PAR 'DZIN PA NI YON TAN THAMS CAD KYI 'BYUNG GNAS SU 'DUG PAS GZHAN GCES 'JIN MA SKYES BA GSAR DU SKYED SKYES ZIN RNAMS GONG 'PHEL DU BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, MDOR NA THUB PA'I DBANG POS RANG YAL BAR DOR NAS GZHAN GCES PAR BZUNGS TE GZHAN GYI DON 'BA' ZHIG MDZAD PAS MNGON PAR RDZOGS PAD SANGS RGYAS PA YIN, BDAG GIS KYANG DE LTAR BYAS NA CHES SNGA BAR 'TSANG RGYAB LA DE LTAR MA BYAS PAS DA LTA'I BAR DU 'KHOR BAR 'KHYAMS, DE YANG BDAG CAG GI STON PA 'DI NYID SNGON KHYIM BDAG MDZA' BO'I BU MOR GYUR PA'I TSE RANG GI MA'I MGO RDOG PAS BRDZIS PA'I RNAM SMIN GYIS NYI TSE PA'I DMYAL BAR SLEBS NAS MGO LA LCAGS KYI 'KHOR LO 'KHOR BA NA, BDAG LTA BU'I MA'I MGO RDOG PAS BRDZIS PA MANG PO YOD PAS DE THAMS CAD KYI SDUG BSNGAL YANG NGAL SMIN PAR GYUR CIG SNYAM DU DGONGS MA THAG 'KHOR LO NAM MKHA' LA 'PHAGS LA LTA BU DANG, DA LTA YANG 'JIG RTEN NA RGYAL PO LTA BU RANG DON GTZO BOR MI BYED PAR BLHAN PA DANG MNGA' 'BANGS KYI DON GTZO BOR BYED PA RNAMS KYI BKA' TSAD MAR BYED CING, BLO GZU BOR GNAS PA RNAMS KYIS BSNGAGS PA BRJOD CING RJES SU YI RANG BAR BYED RANG DON GTZO BOR BYED PA RNAMS LA LKOG NAS ZHE KHREL 'DEBS BA LTA BU YIN, DES NA RANG GCES 'DZIN KHONG NA GNAS PHYIN CHAD GZHAN GCES 'DZIN GSAR DU MI SKYE ZHING, SKYES KYANG RGYUN 'THUD MI THUB PAR 'DUG PAS RANG GCES PAR BZUNGS NAS GZHAN YAL BAR 'DOR BA'I BLO MI SKYED PAR RANG YAL BAR DOR NAS GZHAN GCES PAR BZUNGS TE GZHAN GYI SDUG BSNGAL DANG SDIG PA

, ,THAMS CAD BDAG GI RGYUD STENG DU BLANGS, NGANG GI BDE DGE THAMS CAD GZHAN LA BTANG BAS GZHAN SEMS CAN THAMS CAD SDUG BSNGAL NGANG BRAL ZHING BDE BA PHUN SUM TSOGS PA DANG LDAN PA ZHIG BDAG GIS BYA'O, ,DE YANG DA LTA NI BDAG LA DE LTA BU'I NUS PA MI 'DUG ,NUS PA SU LA YOD NA YANG DAG PAR RDZOGS PA'I SANGS RGYAS LA YOD BAS DA DAG GIS MA SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, GNYIS PA SEMS BSKYED CHO GAS BZUNG BA'I TSUL LA GNYIS, SNGOM BA MA THOB PA THOB PAR BYA BA DANG, THOB PA MI NYAMS PAR BSRUNG BA'I TSUL LO, ,DANG PO NI, LAM RIM DU SMON 'JUG RIM CAN DU LEN PA'I DBANG DU MDZAD KYANG, ZHI BA LTA'I LUGS LTAR CIG CAR DU BYAS NA 'JUG PA BDE BAS, DE'I TSUL NI, SNGON 'GRO'I RIM PA SPYI DANG KHYAD PAR DU BSHES GNYEN BSTEN TSUL NAS BYANG CHUB KYI SEMS KYI BAR GYI DNGOS GZHI'I DMIGS PA RGYUD DANG 'DRAS NGES PAR BSKYANGS PA'I 'OG TU SPYI BOR BLA MA LHA SGOM BZHIN PA'I DANG NAS MA SEMS CAN THAMS CAD KYI DON DU MYUR DU YANG DAG PAR RDZOGS PA'I SANGS RGYAS KYI GO 'PHANG PA? RIN PO CHE THOB PAR BYA, DE'I PHYIR DU DUS 'DI NAS BZUNGS TE JI SRID BYANG CHUB SNYING PO LA MCHIS KYI BAR DU RGYAL BA'I SRAS KYI SNGOM PA BZUNGS NAS SPYOD PA RLABS PO CHE RNAMS LA SLOB CING SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SEMS 'DI YANG SANGS RGYAS MTHO BA KYI BAR DU GZUNG

BAR BYA'O SNYAM DU BSAMS NAS, BLA MA THUB PA'I DBANG PO'I RJES SU ZLOS PAR MOS LA, SANGS RGYAS BYANG CHUB SEMS DPA' KUN, ,BDAG LA DGONGS PAR MDZAD DU GSOL, ,JI LTAR SNGON GYI BDE GSHEGS KYIS, ,BYANG CHUB THUGS NI BSKYED PA DANG;; BYANG CHUB SEMS DPA'I BSLAB PA LA, ,DE DAG RIM BZHIN GNAS PA LTAR, ,BDAG KYANG 'GRO LA PHAN DON DU, ,BYANG CHUB SEMS DPA'I BSKYED BGYI ZHING, ,BYANG CHUB SEMS DPA'I BSLAB PA LA, RIM PA BZHIN DU BSLAB PAR BGYI, ZHES LAN GSUM BRJOD PAS GSUM PA RDZOGS PA DANG MNYAM DU BYANG CHUB SEMS DPA'I SNGOM PA THOB PA'I MOS PA BYED, DE NAS, DENG DUS BDAG TSE 'BRAS BU YOD, ,MI YI SRID PA LEGS PAR THOB, ,DE RING SANGS RGYAS RIGS SU SKYES, ,SANGS RGYAS SRAS SUD GYUR TO, ,DA NI BDAG GIS CI NAS KYANG, ,RIGS DANG MTHUN PA'I LAS BRTZAMS TE, ,SKYON MED BTZUN PA'I RIGS 'DI LA, ,RNYOG PAR MI 'GYUR DE LTAR BYA, ZHES SPRO BA BSKYED DO, ,GNYIS PA THOB PA MI NYAMS PAR BSRUNG BA'I TSUL NI, SPYI BOR BLA MA LHA SGOM BZHIN BA'I DANG NAS 'DI LTAR BSAM STE, MA SEMS CAN THAMS CAD KYI DON DU MYUR DU YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU BYANG CHUB KYI SEMS KYI PHAN YON BSAMS NAS NYIN LAN GSUM MTSAN LAN GSUM DU BYANG CHUB KYI SEMS GZUNG ZHING, SEMS CAN GYI NGOS NAS BYED SPYOD CI 'DRA NA YANG, BDAG GI NGOS NAS SEMS CAN GCIG KYANG BLOS MI SPONG, SEMS BA SKYED 'PHEL BA'I PHYIR DU DKON

, ,MCHOG LA MCHOD PA SOGS TSOGS GNYIS BSAG PA LA BRTZON PAR BYA'O, ,BYANG CHUB KYI SEMS KYI PHAN YON NI, ,BYANG CHUB KYI SEMS RGYUD LA LDAN PA'I GANG ZAG DE LA 'KHOR LOS BSGYUR BA'I RGYAL PO LA BSRUNG BA'I BSRUNG MA NYIS 'GYUR GYIS BSRUNG BA DANG, DE LA MI MA YIN GDUG RTZUB CAN GYIS GLAGS BLTAS KYANG GLAGS RNYED PAR MI 'GYUR BA DANG, GANG ZAG GZHAN GYIS MA GRUB PA'I RIG SNGAGS RNAMS KYANG BYANG CHUB KYI SEMS DANG LDAN PA DES MYUR DU 'GRUB PA DANG, GANG ZAG DE YOD PA'I SA PHYOGS SU NAD YAMS DANG MU GE SOGS MI 'BYUNG ZHING BYUNG YANG MYUR DU ZHI BAR 'GYUR BA DANG, GANG ZAG DE NYID 'JIG RTEN LHA DANG BCAS PA RNAMS KYI PHYAG DANG MCHOD PA'I RTEN DU 'GYUR BA YIN TE, SPYOD 'JUG LAS, BYANG CHUB SEMS BSKYED GYUR NA SKAD CIG GIS ZHES SOGS GSUNGS PA'I PHYIR, GZHAN YANG BLA MA SOGS LA KU RE DANG BZHAD GANG KYI PHYIR RDZUN GYIS DBU BSKOR BA DANG, GZHAN DGE BA BYED PA LA 'GYOD PA BSKYED PA DANG, THEG CHEN LA ZHUGS PA'I BYANG SEMS LA ZHES SDANG GIS MI SNYAN PAR SMRA BA DANG, LHAG BSAM MIN PAS G-YO SGYU BYED PA STE, NAG PO'I CHOS BZHI BSTAN PA LA SOGS PA'I SEMS BSKYED NYAMS PA'I RGYU RNAMS SPONG BA DANG, DKAR PO'I CHOS BZHI BSTEN PA LA SOGS PA SEMS BSKYED 'PHEL BA'I RGYU RNAMS LA BSLAB PAR BYA'O, ,MDOR NA RTZA LTUNG BCO BRGYAD DAB NYES BYAS BZHI BCU ZHE DRUG GI NYES PAS NAM YANG MGOS PA'I BYANG CHUB SEMS DPA'I SDOM PA RNAM PAR? DAG PA SROG DANG BSDOS TE JI SRID BYANG CHUB SNYING PO LA MCHIS KYI BAR DU BSRUNG

BAR BYA'O, ,DE LTAR BSRUNG NUS PAR BLA MA LHAS BYIN GYIS BRLAB TU GSOL ZHES SOGS DANG, GNYIS PA SEMS BSKYED NAS SPYOD PA LA BSLAB TSUL LA GNYIS, RGYAL BA'I SRAS KYI SPYOD PA SBYI LA BSLAB TSUL DANG, KHYAD PAR PHAR PHYIN THA MA GNYIS LA BSLAB TSUL LO, ,DANG PO LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'I TSUL LO, ,DANG PO LA SBYOR DNGOS MJUG GSUM LAS, DANG PO SBYOR BA NI, SKYABS GNAS KUN 'DUS BLA MA LHAG PA'I LHA, ,THUB DBANG RDO RJE 'CHANG LA GSOL BA 'DEBS, ZHES PA YAN CHAD SNGAR BZHIN YIN LA, DE NAS BDAG DANG MA SEMS CAN THAMS CAD KYIS ZAB PA DANG RGYA CHE BA'I RGYAL SRAS KYI SPYOD PA RLABS PO CHE RNAMS LA TSUL BZHIN DU SLOB NUS BAR BLA MA LHAS BYIN GYIS BRLAB TU GSOL ZHES SOGS DANG, GNYIS PA DNGOS GZHI LA RANG RGYUD SMIN PAR BYED PA PHAR PHYIN DRUG GI NYAMS LEN DANG, GZHAN RGYUD SMIN PAR BYED PA BSDU BZHI'I NYAMS LEN GNYIS, DANG PO NI, SPYI BOR BLA MA LHA SGOM BZHIN PA'I NGANG NAS 'DI LTAR BSAM STE, MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU RNYED BKUR DANG GRAGS PA SOGS LA MI LTA BAR CHOS KYIS PHONGS PA'I SEMS CAN RNAMS LA DAM PA'I CHOS CI NUS SU STON PA CHOS KYI SBYIN PA DANG, DE YANG RANG NYID CHOS 'CHAD PA POR BSKOS PA MA YIN KYANG, GZHAN GYIS GSUNG RAB KYI TSIG DANG DON 'DRI BA'I TSE BSAM PA BZANG POS TSIG SLOB PA DANG, DON GYI GO BA DBYIS BYIN PAR STON PA DANG, PHA ROL PO SNOD RUNG

, ,DU SHES PA'I TSA 'BREL GTAM GLENG MO'I TSUL GYIS PHA ROL PO LA THOS BSAM SGOM GSUM GYI SHES RAB BSKYED CING GZHAN LA SHES RAB JI TZAM SKYED PA TZAM GYIS, SKYE BA PHYI MAR RANG NYID LA SHES RAB DE SNYED SKYE, SHES RAB NI CHOS SKU'I RGYU'I GTZO BO YIN PAS, 'PHAGS PA KLU SGRUB KYIS, 'DI GNYIS GTZO BO SHES RAB STE, ZHES GSUNGS PA YIN, DES NA RAB TU BYUNG BA RNAMS KYIS SBYIN PA GSUM GYI NANG NAS GTZO BOR CHOS KYI SBYIN PA BYA YI, THOS BSAM SGOM GSUM TSUL KHRIMS RNAMS YAL BAR DOR NAS, G-YO SGYU ZAL ZOG SNA TSOGS KYIS LONGS SPYOD BSGRUBS NAS SBYIN PA BYA BAR MA GNANG STE, BYANG CHUB SEMS DPA'I SO THAR LAS, SH'A RI'I BU DE BZHIN GSHEGS PAS NI RAB TU BYUNG BAS NI ZANG ZING GI SBYIN PA BYA BAR MA GNANG NGO, ZHES DANG, SHA RA BA'I ZHAL NAS, DA NI KHYED LA GTONG BA'I PHAN YON MI BRJOD KYI 'DZIN PA'I NYES DMIGS BRJOD PA YIN, ZHES GSUNGS PA'I PHYIR, 'ON KYANG THOS BSAM SGO MA GSUM RANG GI TSUL KHRIMS SOGS LA MI GNOD PAR RTZOL MED DU BYUNG NA DKON MCHOG GI MCHOD PA, NGAN SLONG LA SBYIN PA, GROGS CHOS LDAN RNAMS LA ZANG ZING GIS PHAN BTAGS NA, RANG LA SKYE BA PHYI MA RNAMS SU CHOS SGRUB PA'I MTHUN RKYEN ZAS GOS GNAS MA LA SOGS CHEGS CHEN POS BSGRUB MI DGOS PAR RTZOL MED DU 'BYUNG BAS DGAG DGOS KYI GNAD SHES NAS SBYIN PA LA BRTZON PAR BYA'O, ,MI 'JIGS PA'I SBYIN PA NI, RGYAL PO DANG CHOM RKUN LA SOGS PA'I MI'I 'JIGS PA DANG, STAG DANG, SENG+GE DANG, DUG SBRUL

DANG; BYA GCAN GZAN LA SOGS PA'I 'JIGS PA LAS SKYOB BA DANG, ME CHU LA SOGS PA 'BYUNG PA'I GNOD PA LAS SKYOB PA, DE YANG THA NA GROG SBUR LA SOGS CHUS KHYER BA DE LAS 'DON PA DANG, 'BU SRIN LA SOGS PA NYI MA DANG MES 'TSIG PAR RTZOM PA NA THABS MKHAS KYIS 'JIGS PA DE DAG LAS SKYOB PA RNAMS DANG, ZANG ZING GI SBYIN PA NI, DBUL ZHING PHONGS PA'I SEMS CAN RNAMS LA LAN DANG RNAM PAR SMIN PA LA RE BA MED PAR SER SNA SPANGS TE JI LTAR 'OS PA'I YO BYAD GTONG BAR BYED PA ZANG ZING GI SBYIN PA YIN, GAL TE LONGS SPYOD BTANG NA RANG NYID PHONGS PAR 'GYUR BAS SBYIN MA NUS SO SNYAM NA, DE LTA MA SBYIN KYANG LUS SROG LONGS SPYOD THAMS CAD CHU'I LBU BA LTAR MI RTAG PAS NAM ZHIG NA NGES PAR 'DOR NI DGOS, 'DOR BA MNYAM PO LA DA LTA SBYIN PAR BTANG NA RANG LA SKYE PA PHYI MA RNAMS SU JI LTAR BTANG BA CHUNG YANG BRGYA 'GYUR DU THOB PAS PHONGS SHING DBUL BAR MI 'GYUR RO SNYAM DU SBYIN PAR BYA STE, SPYOD 'JUG LAS, THAMS CAD GTONG BA CHABS GCIG LA, ,SEMS CAN RNAMS LA BTANG BA MCHOG ,CES DANG, SKYES RABS LAS, SBYIN PAS NOR GYI SNYING PO LEN PAR GSUNGS, ZHES GSUNGS PA'I PHYIR, GZHAN YANG JO BOS 'DI BAS PHYI MA RING BAS PHYI MA'I RGYAGS PHYER NOR RNAMS GTER DU SPOS, ZHES DANG, PAD MA PAS, PHYI MA'I GNAS SU GROGS PO PHAL CHER THAL, ,ZLA GROGS RGYA GAS PHYE YOD DAM DING RIB, ZHES GSUNGS PA LTAR, RAB BYANG CHUB KYI SEMS KYIS ZIN PA, 'BRING 'KHOR BA SBYI LAS YID 'BYUNG BA'I NGES 'BYUNG, THA MA MNGON MTHO'I

, ,RTEN LA LONGS SPYOD KYIS MI PHONGS PAR 'DOD PA'I BSAM PAS ZIN PAR BYAS NAS SBYIN PA LA BRTZON PAR BYA, MDOR NA MA SEMS CAN THAMS CAD KYI DON DU MYUR DU YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYI 'DU LUS LONGS SPYOD DGE RTZA DANG BCAS PA THAMS CAD ZAS 'DOD PA LA ZAS, GOS 'DOD BA LA GOS, SKOM 'DOD PA LA BTUNG BA, GNAS MAL DANG BZHON PA DANG, GZINGS, ZAM PA, GSER, DNGUL, YID BZHIN GYI NOR BU SOGS 'DOD PA RNAMS LA JI LTAR 'DOD PA DE DANG DER YID KYIS SPRUL NAS PHANGS PA MED PAR BTANG BAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, GTONG SEMS SPEL BA NI SBYIN PA'I NYAMS LEN YIN TE, LAM RIM CHEN MO LAS, SBYIN PA'I PHAR PHYIN GYI NYAMS LEN NI, DNGOS SU RDZAS GZHAN LA GTONG BA MED KYANG, GTONG BA'I SEMS SGO DU MA NAS BSKYED CING JE 'PHEL DU GTONG BA'O, ZHES GSUNGS PA'I PHYIR, DE NAS TSUL KHRIMS KYI NYAMS LEN NI, SPYI POR BLA MA LHA SGOM BZHIN PA'I NGANG NAS, MA SEMS CAN THAMS CAD KYI DON DU MYUR DU YANG DAG BAR RDZOGS PA'I SANGS RGYAS KYI GO 'PHANG RIN PO CHA CI NAS KYANG THOB PAR BYA, DE'I PHYIR DU MI DGE BA BCU LA SOGS PA JI LTAR KHAS BLANGS PA'I SDOM PA DANG 'GAL BA'I NYES SPYOD RNAMS SPANGS NAS DGE BA BCU LA GNAS PA NI SDOM PA'I TSUL KHRIMS KYI GTZO BO YIN TE, LUNG RNAMS 'BYED LAS, NGAG RNAMS BSRUNG ZHING YID KYIS RAB BSDAMS TE, ,LUS KYIS MI DGE BA DAG MI BYED CING, ,LAS LAM GSUM

PO 'DI DAG RAB SBYANGS NA, ,DRANG SRONG GSUNG PA'I LAM NI 'THOB PAR 'GYUR, ZHES GSUNGS PA'I PHYIR, GZHAN YANG SBYIN SOGS PHA ROL TU PHYIN PA DRUG DANG, TSUL KHRIMS LA SOGS PA'I DGE BA RNAM BAR DAG PA RANG RGYUD LA MA SKYES PA BSKYED, SKYES PA RNAMS GONG 'PHEL DU BYAS TE, SEMS CAN THAMS CAD KYANG TSUL KHRIMS LA SOGS PA'I DGE PA RNAM PAR DAG PA LA SBYAR NAS SMIN GROL GYI LAM LA DGOD BAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, DE NAS BZOD PA'I NYAMS LEN NI, SPYI BOR BLA MA LHA SGOM BZHIN BA'I NGANG NAS MA SEMS CAN THAMS CAD KYI DON DU MYUR DU YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU SEMS CAN THAMS CAD DGRAR LANGS KYANG KHRO BA'I SEMS SKAD CIG KYANG MI BSKYED PAR GNOD LAN DU PHAN BA BSGRUBS TE RANG GZHAN GYI RGYUD LA BZOD BA'I PHAR GYIN LA SOGS PA SANGS RGYAS KYI CHOS RNAMS YONGS SU RDZOGS PAR BYA'O, ,GZHAN YANG SPYOD 'JUG LAS, GSOD PA'I MI ZHIG LAG BCAD DE, ,GAL TE THAR NA CIS MA LEGS, ,MI YI SDUG BSNGAL TZAM GYIS NI, ,DMYAL BA BRAL NA CIS MA LEGS, ZHES DANG, GZHAN YANG SDUG BSNGAL YON TAN NI, ,SKYOBS DREGS PA SEL BAR BYED, ,'KHOR BA PA LA SNYING RJE SKYE, ,SDIG LA 'DZOM ZHING DGE LA DGA', ZHES GSUNGS PA LTAR, ZAS NOR DANG GNAS MAL SOGS KYIS PHONGS PA DANG NA TSA SOGS MI 'DOD PA'I SDUG BSNGAL THOG TU BAB PA'I TSE SDUG BSNGAL 'DI LTAR MYONG BA SNGAR LAS NGAN PA BSAGS PA'I 'BRAS BU YIN, 'DI LA

, ,BRTEN NAS LAS NGAN MANG PO DAG 'GRO BAS MI 'DOD RGYU MI 'DUG CING KHYAD PAR CHOS PHYIR SDUG BSNGAL BYUNG BA LA BZOD SRAN BSKYED PA LA BRTEN NAS THAMS CAD MKHYEN PA'I LAM LA NYE BAR 'GYUR BAS SDUG BSNGAL 'DI DAG BYUNG BA DANG DU BLANGS TE RANG GZHAN GYI 'KHOR BA DANG NGAN SONG GI SDUG BSNGAL RGYUN GCAD PAR BYA'O, ,GZHAN YANG BLANG DOR GYI GNAS DKAR NAG GI LAS KYI RNAM PAR SMIN PA DANG, DANG BA'I YUL DKON MCHOG GSUM GYI BYIN RLABS DANG, SANGS RGYAS DANG BYANG CHUB SEMS DPA' BDAG NYID CHEN PO RNAMS KYI MTHU BSAM GYIS MI KHYAB PA DANG, MNGON DU BYA BA'I YUL BLA NA MED PA'I BYANG CHUB DANG, 'GOG LAM GNYIS DANG, BDAG MED PA RNAM PA GNYIS DANG, THOS BSAM GYI YUL GSUNG RAB YAN LAG BCU GNYIS DANG, BYANG CHUB SEMS DPA'I BSLAB PA'I GNAS RNAMS LA MOS PA BSKYED NA 'BRAS BU SHIN TU CHE BAS DE LA MOS PAR BYAS NAS, BLA NA MED PA'I BYANG CHUB THOB PA'I PHYIR DU GSUNG RAB YAN LAG BCU GNYIS KYI DON BYANG CHUB SEMS DPA'I BSLAB PA'I GNAS RNAMS LA TSUL BZHIN DU BSLAB PAR BYA'O, ,DE LTAR BYED NUS BAR BLA MA LHAS BYIN GYIS BRLAB TU GSOL ZHES SOGS DANG, DE NAS BRTZON 'GRUS KYI NYAMS LEN NI, SPYI BOR BLA MA LHA SGOM BZHIN PA'I NGANG NAS, MA SEMS CAN THAMS CAD KYI DON DU MYUR DU YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU MTSAN DPE LA SOGS PA SANGS RGYAS KYI CHOS RE RE BSGRUB PA DANG, SBYIN PA LA SOGS PA'I BYANG CHUB SEMS DPA'I CHOS RE RE BSGRUB PA'I PHYIR DU, BAR BSKAL

BRGYAD CUL BSKAL CHEN GCIG ,BSKAL CHEN STONG PHRAG GCIG LA ZHAG GCIG TU BYAS PA'I ZHAG SUM CU LA ZLA BA, DE 'DRA'I ZLA BA BCU GNYIS LA LOR BYAS PA'I BSKAL CHEN GRANGS MED 'BUM PHRAG RE RER MNAR MED DU GNAS NAS SANGS RGYAS KYI GO 'PHANG BSGRUB DGOS NA'ANG BRTZON PA MI 'DOR ZHING SPRO BA BSKYED, 'O NA BDAG GIS YUN DE TZAM DU GNAS PA'I GO CHA'I BRTZON 'GRUS RTZOM MI NUS SO SNYAM NA, RANG RES SKYES BU GSUM GYI LAM GYI RIM BA LA'ANG DAD PA CHEN POS BLO SBYANGS SHING, BDAG GZHAN BRJE BA'I BLO LEGS PAR 'BYONGS PA NA, RGYU MI DGE BA BCU SBANGS BAS 'BRAS BU LUS LA SDUG BSNGAL MI 'BYUNG ZHING, CHOS THAMS CAD RANG BZHIN MED PA'I DON LA MKHAS PAS SEMS LA SDUG BSNGAL MI 'BYUNG, LUS SEMS DGA' BDES RGYAS NA 'KHOR BAR YUN RING DU GNAS KYANG ZHUM ZHING SGYID LUG PAR MI 'GYUR PA'I PHYIR TE, SPYOD 'JUG LAS, SDIG PA SPANGS PHYIR SDUG BSNGAL MED, ,MKHAS PA'I PHYIR NA MI DGA' MED, CES DANG, BYANG CHUB SEMS KYI RTA ZHON NAS, ,BNE NAS BDE BAR 'GRO BA LA;; SEMS YOD SU ZHIG SGYID LUG 'GYUR, ZHES GSUNGS BA'I PHYIR, GZHAN YANG DGE BA'I RTZA BA CHE CHUNG GANG BYAS THAMS CAD SEMS CAN LA GNAS SKABS DANG MTHAR THUG TU PHAN BDE RGYA CHEN 'GRUB PA'I DON DU BSAM PA THAG PAS BSNGOS NA SEMS CAN RE RE LA BRTEN PA'I BSOD NAMS DE SNYED THOB PAR 'BYUNG ZHING, DE'I STENG DU SANGS RGYAS BYANG SEMS RNAMS KYIS BYIN GYIS BRLABS PAS MTHA' MED DU 'PHEL NAS CHOGS GNYIS BDE BLAG TU RDZOGS PAR 'GYUR BAS SGYID LUG

, ,BAR BYA MI DGOS TE, RIN CHEN 'PHRENG BA LAS, DE SKAD BRJOD PA'I BSOD NAMS GANG, ,GAL TE DE NA GZUGS CAN GYUR, ,GANG+G'A'I BYE MA SNYED KYI NI, ,'JIG RTEN KHAMS SU SHONG MI 'GYUR, ,DE NI BCOM LDAN 'DAS KYIS GSUNGS, ,GTAN TSIGS KYANG NI 'DI LA SNANG, ,SEMS CAN KHAMS NI TSAD MED LA, ,PHAN 'DOD DE NI DE 'DRA'O, ZHES GSUNGS PA'I PHYIR, DES NI ZIB PA DANG RGYA CHE BA'I DGE BA'I CHOS RANG RGYUD LA SDUD PHAR BYED CING, GZHAN YANG DGE BA'I LAM LA BKOD NAS BLA NA MED PA'I BYANG CHUB THOB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, DE NAS ?BSAM GTAN GYI NYAMS LEN NI, SPYI BOR BLA MA LHA SGOM BZHIN PA'I NGANG NAS, MA SEMS CAN THAMS CAD KYI DON DU MYUR DU YANG DAG PAR RDZOGS PA'I SANGS RGYAS KYI GO 'PHANG RIN PO CHE THOB PAR BYA, DE'I PHYIR DU NGO BO'I SGO NAS 'JIG RTEN DANG 'JIG RTEN LAS 'DAS PA'I BSAM GTAN, PHYOGS GYI SGO NAS ZHI GNAS DANG LHAG MTHONG DANG DE GNYIS ZUNG DU 'BREL BA'I BSAM GTAN, BYED LAS KYI SGO NAS TSE 'DIR LUS SEMS BDE BAR GNAS PA'I BSAM GTAN, YON TAN GYI RTEN BYED BA'I BSAM GTAN, SEMS CAN GYI DON BYED PA'I BSAM GTAN TE RGYAL BA'I SRAS KYI BSAM GTAN RNAM PA THAMS CAD PA LA BSLAB BAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, DE NAS SHES RAB KYI NYAMS LEN NI, SPYI BOR BLA MA LHA SGOM BZHIN PA'I NGANG NAS, MA SEMS CAN THAMS CAD KYI DON DU MYUR

DU YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU GNAS LUGS RIG PA DON DAM RTOGS BA'I SHES RAB, GNAS LNGA RIG PA KUN THOB RTOGS PA'I SHES RAB, SEMS CAN GYI DON BYA TSUL RTOGS PA'I SHES RAB STE, RGYAL BA'I SRAS KYI SHES RAB RNAM PA THAMS CAD PA LA BSLAB PAR BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL ZHES SOGS DANG, GNYIS PA GZHAN RGYUD SMIN BAR BYED BA BSDU BZHI'I NYAMS LEN NI, SPYI BOR BLA MA LHA SGOM BZHIN PA'I NGANG NAS, MA SEMS CAN THAMS CAD KYI DON DU MYUR DU YANG DAG PAR RDZOGS PA'I SANGS RGYAS KYI GO 'PHANG RIN PO CHE THOB PAR BYA, DE'I PHYIR RU, MDO SDE RGYAN LAS, SBYIN NA TSUNGS DE STON LEN 'JUG DANG, ,BDAG NYID RJES SU 'JUG RNAMS KYIS, ,SNYAN PAR SMRA DANG DON SPYOD DANG, ,DON MTHUN NYID DU 'DOD PA YIN, ZHES GSUNGS PA LTAR; GDUL BYA RNAMS LA GANG LA GANG DGOS KYI YO BYAD BYIN BAS DRIN 'OG TU BCU GNAS 'KHOR DU BSDUS TE LOG BAR SMRA BA RNAMS LUNG RIGS KYIS TSAR BCAD RJES 'DZIN GYI SGO NAS SNYAN PAR SMRA BA DANG, CHOS BSTAN PA'I DON NYAMS SU LEN PA'I DON SPYOD PA DANG, GZHAN LA BSTAN PA LTAR RANG GIS KYANG NYAMS SU LEN PA'I DON MTHUN PA STE GZHAN DON BYED PA'I THABS BZANG PO 'DI RNAMS LA BRTEN NAS SEMS CAN THAMS CAD SMIN GROL GYI LAM LA DGOD BAR BYA'O, ,DE LTAR BYED NUS BAR BLA MA LHAS BYIN GYIS BRLAB TU GSOL ZHES SOGS DANG, GSUM PA MJUG TU JI LTAR BYA BA NI SNGAN BZHIN YIN LA, GNYIS PA THUN MTSAMS SU JI LTAR

, ,BYA BA'I TSUL NI, THUN MTSAMS SU YANG ZAB BA DANG RGYA CHE BA'I RGYAL BA'I SRAS KYI SBYOD BRLAB GA BO CHE RNAMS STON BA'I GSUNG RAB DGONGS 'GREL DANG BCAS BA BLTA BA SOGS SNGAR BZHIN NO, ,GNYIS PA PHAR BYIN THA MA GNYIS LA BSLAB TSUL LA GNYIS, BSAM GTAN GYI NGO BO ZHI GNAS LA BSLAB TSUL DANG, SHES RAB KYI NGO BO LHAG MTHOD LA BSLAB TSUL LO, ,DANG PO LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'I TSUL LO, ,DANG BA LA SBYOR DNGOS MJUG GSUM LAS, DANG BO SBYOR BA NI, SNGON 'GRO'I RIM PA SBYI DANG KHYAD BAR SKYES BU CHUNG 'BRING GI BSAM BA SBYONG BA DANG, GZHAN YANG MDO SDE RGYAN LAS, BLO LDAN GANG DU BSGRUB BA'I YUL, ,LEGS PAR RNYED DANG GNAS BZANG DANG, , SA BZANG BA DANG GROGS BZANG DANG, ,RNAL 'BYOR BDE BA'I YO BYAD LDAN, ZHES GSUNGS PA LTAR, SA BZANG ZHING GROGS BZANG BA'I YID DANG MTHUN PA'I GNAS SU TSUL KHRIMS RNAM BAR DAG PA LA GNAS NAS SKYE BO MANG BO DANG 'GROGS 'DRIS HA CANG CHE BA DANG, 'DOD PA'I 'DUN BA'I RNAM RTOG RAGS BA RNAMS SPANGS TE 'DOD CHUNG CHOG SHES LA GNAS NAS STAN BDE BA LA LUS DRANG POR BSRANG; RKANG BA RDO RJE SKYIL KRUNG, LAG BA GNYIS MNYAM GZHAG GI PHYAG RGYA DANG BCAS RLUNG CHAM LA 'BEBS PA SOGS ZHI GNAS SGRUB PA'I RGYU TSOGS BSTEN BA SNGON DU BTANG NAS, GNYIS BA DNGOS GZHI LA ZHIG NAS SGRUB PA'I DMIGS RTEN DU MA ZHIG GSUNGS KYANG, GTZO BOR SANGS RGYAS RJES SU DRAN PA'I MCHOG TU 'GYUR BA DANG, SNGAGS KYI LHA'I RNAL 'BYOR

SGOM PA'I SNOD RUNG DU 'GYUR BA SOGS DGOS PA DU MA YOD PAS LHA'I SKU LA DMIGS PA LEGS LA, DE'I TSUL NI SPYI BO'I BLA MA LHA'I THUGS KA NAS 'OD ZER SDOM GYI BA THAG LTA BU'I SNE MOR SNA TSOGS PAD ZLA NYI MA'I DKYIL 'KHOR GYI GDAN LA RGYAL BA SH'AKYA THUB PA SKU MDOG GSER BTZO MA ZHES PA NAS, RDO RJE SKYIL KRUNG GIS BZHUGS PA RGYA SRAN GYI TSAD TZAM SPROS NAS RANG GI LTE BA'I THAD KYI MDUN GYI NAM MKHAR BZHUGS PA LA SEMS RTZE GCIG TU DMIGS NAS SGOM PA'AM, YANG NA SPYI BO'I BLA MA LHA LAS BLA MA LHA GNYIS PA ZHIG MAR ME GCIG LAS GNYIS CHAD KYI TSUL DU BYUNG NAS RANG LA THIM PAS SENG+GE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA'I STENG KHAR SNA TSOGS PAD ZLA NYI MA'I DKYIL 'KHOR GYI GDAN LA RANG NYID RGYAL BA SH'AKYA THUB PA SKU MDOG GSER BTZO MA LTA BU ZHES PA NAS, RDO RJE SKYIL KRUNG GIS BZHUGS PA NAM MKHA'I 'JA' TSON LTA BU SNANG LA RANG BZHIN MED PA LA SEMS RTZE GCIG TU DMIGS NAS SGOM, DE'I TSE SER PO SGOM 'DOD PA LA DMAR PO SOGS 'CHAR BA DANG, BZHUGS PA'I RNAM PA SGOM 'DOD PA LA BZHENGS PA'I RNAM PA 'CHAR BA DANG, GCIG SGOM 'DOD PA LA DU MA 'CHAR BA SOGS BYUNG NA, DE DAG GI RJES SU MI 'BRANG BAR RTZA BA'I DMIGS RTEN LA SEMS RTZE GCIG TU DMIGS NAS SGOM, DE YANG DANG PO NAS DVANGS GSAL 'OD KYI RANG BZHIN CAN GYI GSAL PO RANG MA BYUNG YANG, SKU'I DON SPYI CHA PHYED TZAM GSAL BA LA RTZE GCIG TU DMIGS NAS SGOM, DE YANG THUN 'DI TZAM GYI BAR LA BYING RGOD GTAN NAS MA BYUNG BA BYED CING, GAL TE BYUNG NA DE MA THAG TU SPONG SNYAM

, ,BA'I 'DUN PA DRAG PO BTANG NAS SEMS DMIGS RTEN LA RTZE GCIG TU GTANG BA DE NYID BLO'I YUL DU MA BRJED PAR DRAN TZAM BYAS NAS BLO DE'I RGYUN SKYONG BA NI LAS DANG PO PAS SEMS GNAS SGRUB PA'I THABS DAM PA'O, ,DE BZHIN GSHEGS PA'I SKU RGYA SRAN TZAM LA SEMS MA ZIN NA MTSON GANG TZAM DANG, DE LA SEMS MA ZIN NA 'KHYID GANG TZAM LA SEMS 'DZIN, DE YANG RE SHIG DBU DANG PHYAG GNYIS DANG, ZHABS GNYIS DANG, SKU'I LTO BA LA SOGS PA'I DON SPYI CHA PHYED TZAM SHAR BA LA CHOG SHES BYAS NAS SEMS 'DZIN, DE LA SEMS ZIN PA NA RES 'GA' DBU'I GTZUG TOR NAS RIM GYIS MAR GSAL BTAB, RES 'GA' GDAN PAD ZLA NAS RIM GYIS YAR GSAL BTAB STE, BLO GRIMS LHOD RAN PAR BYAS NAS DMIGS RTEN GSAL SING NGE BAR NGES PA'I DANG LA RTZE GCIG TU 'JOG PA GAL CHE STE, DE LTA MIN PA GONG MA 'GA' ZHIG SA RA HAS, 'JUR BUS BCINGS PA'I SEMS NYID NI, ,GLOD NA GROL BAR THE TSOM MED, CES GSUNGS PA LA BRTEN NAS, HA CANG GLOD DRAGS PAS BYING BA PHRA MO ZHUGS PA MI RIG ,PHYI MA 'GA' ZHIG RJE BDAG NYID CHEN POS DRAN BDAR LDAN DANG 'DZIN STANGS SHUGS CAN BSKYED GSUNGS PA LA BRTEN NAS HA CANG BSGRIMS DRAGS PAS GNAS CHA MI RNYED BA YIN TE, SLOB DPON TZANDRA GO MIS, BRTZON PA BSTEN NA RGOD BA 'BYUNG 'GYUR ZHING, ,DE SPANGS NA NI ZHUM PA SKYE BAR 'GYUR, ,'DI YI RIGS PAR MNYAM 'JUG RNYED DKA' NA, ,'DI YIS SEMS DKRUGS PAS NI CI ZHIG

BGYI; ZHES GSUNGS PA'I PHYIR, YANG GANG ZAG GI RIGS 'GA' ZHIG LHA SKU SOGS KYI DMIGS RTEN LAS SEMS LA DMIGS NAS BSGOMS NA 'CHAR SLABS DE'I TSUL NI BZANG PO YONG LA RE BA DANG, NGAN PA BYUNG GIS DOGS PA'I RTOG DPYOD THAMS CAD SPANGS NAS, SEMS LA BCOS BZO GANG YAD MA BYAS PAR DRAN PA GSAL SING NGE BA ZHIG BSKYED LA DE LA SEMS BZUNGS NAS SEMS DMIGS RTEN LA GTAD DO SNYAM PA ZHIG BYAS TE, DRAN PA RANG GI NGO BO MA GTOGS YUL GZHAN GANG LA YANG GSAR DU MI RTOG PA DRAN PA RANG GI NGO BO LA GSAL SING NGE 'JOG ,YUL GZHAN GYI RNAM RTOG SHAR NA RBAD RBAD BCAD NAS SNGAR GYI DMIGS RTEN GYI STENG DU DRAN PA GCIG THOG TU GCIG BSNAN NAS 'JOG GI ,YANG NA RAL SKOR MKHAN BZHIN DU, RNAM RTOG CI SKYES RBAD RBAD GCAD, ,BCAD MTHAR GNAS PA DE YI TSE, ,DRAN PA MA SHOR LHOD KYIS GLOD, ,HRIM GYIS BSGRIMS LA LHOD KYIS GLOD, ,SEMS KYI 'JOGS DE NA GDA', ZHES GSUNGS PA'I DGONGS PA YIN, 'DI LTA BU LAS DANG PO PAS SEMS GNAS SGRUB SLA BA'I THABS DANG, SEMS KYI KUN RDZOB KYI GNAS LUGS NGO SPROD PA YIN GYI, SEMS KYI GNAS LUGS MTHAR THUG NGO SPROD TSUL MA YIN TE, DANG PO'I LAS CAN SEMS GNAS PA, ,SGRUB PA'I RMAD BYUNG THABS MKHAS DANG, ,SEMS KYI KUN RDZOB NGO SPROD TSUL, ,YIN ZHES CHOS KYI RGYAL MTSAN SMRA, ZHES GSUNGS PA'I PHYIR, DES NA SEMS LA DMIGS NAS SGOM TSUL 'DI NYID LAM RIM NAS KYANG GSUNGS SHING, DRAN SHES NA RE BSTEN PA'I TSUL LA MKHAS PA NYID TING NGE 'DZIN JI 'DRA

, ,ZHIG SGRUB KYANG GTZO BO DAM PA YIN TE, LAM RIM CHUNG BA LAS, LHA SKU SOGS KYI DMIGS RTEN GZHAN MI 'JOG PAR SEMS MI RTOG PA TZAM SKYONG BAS KYANG, SEMS YUL GANG LA YANG MI RTOG PAR GZHAG PAR BYA'O ZHES DRAN NAS; DE NAS SEMS MI 'PHRO BA LA MA YANGS PAR BYA LA, MA YENGS PA YANG DMIGS PA MA BRJED PA'I DRAN PA DANG DON GCIG PAS DRAN PA'I SKYONG TSUL LAS MA 'DAS PAS DE LTAR SGOM PA DES KYANG NGES SHES KYI SHUGS THON PA'I DRAN PA BSTEN NO, ZHES GSUNGS PA'I PHYIR, 'O NA DRAN PA'I NGO BO GANG YIN SNYAM NA DMIGS RTEN GANG YIN DE NYID MA BRJED PAR RANG GI SEMS DMIGS RTEN DANG 'DRIS PAR BYED PA'AM 'BYOR BAR BYED PA YIN TE, MNGON PA KUN BTUS LAS, DRAN PA GANG ZHE NA 'DRIS PA'I DNGOS PO LA SEMS KYIS BRJED PA MED PA STE RNAM PAR MI G-YENG BA'I LAS CAN NO, ZHES GSUNGS PA'I PHYIR, MDOR NA TING NGE 'DZIN RNAM PAR DAG PA ZHIG SGOM NA, NYES PA LNGA SPONG 'DU BYED BRGYAD, ,BSTEN PA'I RGYU LAS BYUNG BA'O, ZHES GSUNGS PA LTAR 'DI'I NYES PA LNGA NI, LE LO DANG GDAMS NGAG BRJED PA DANG, BYING RGOD GNYIS GCIG TU BYAS PA DANG, 'DU MI BYED PA DANG, 'DU BYED PA RNAMS YIN TE, DBUS MTHA' LAS, LE LO DANG NI GDAMS NGAG RNAMS, ,BRJED DANG BYING DANG RGOD PA DANG, , 'DU MI BYED DANG 'DU BYED DE, ,'DI DAG NYES PA LNGAR 'DOD DO, ZHES GSUNGS PA'I PHYIR, DE YANG NYES PA LNGA SPONG BA'I GNYAN PO 'DU BYED BRGYAD BSTEN PA SGO NAS BSGRUB DGOS TE, DE YANG TING NGE 'DZIN LA SBYOR PA'I TSE LE LO NYES PA YIN PAS DE'I

GNYEN PO BZHI STE TING NGE 'DZIN GYI YON TAN MTHONG BA'I DAD PA DANG, TING NGE 'DZIN LA DON GNYER GYI 'DUN PA DANG, TING NGE 'DZIN LA RTZOL BA'I BRTZON 'GRUS DANG, RTZOL BA'I 'BRAS BU SHIN SBYANGS SO, ,TING NGE 'DZIN LA BRTZON PA'I TSE GDAMS NGAG BRJED PA NYES PA YIN PAS DE'I GNYEN PO DRAN PA STE, DRAN PA YANG DMIGS RTEN MA BRJED PA GCIG PUS MI CHOG GIS, SEMS DMIGS RTEN LA RTZE GCIG TU DMIGS NAS RIG PA NGAR LDAN DU BYAS PA'I NGES SHES DAM SBRING NGE BA DANG LDAN PA'O, ,TING NGE 'DZIN LA MNYAM BAR BZHAG PA'I TSE BYING RGOD GNYIS NYES PA YIN PAS DE'I GNYEN POR SHES BZHIN TE SHES BZHIN GYIS BYING RGOD 'BYUNG MI 'BYUNG LEGS PAR BRTAGS BAS, BLO RAB KYIS BYING RGOD 'BYUNG BAR BRTZOM PA NA SHES NAS SPONG NUS, 'BRING GIS BYUNG MA THAG PA DANG, THA MAS KYANG BYING RGOD BYUNG NAS RING PO MA LON PAR SHES NAS SPONG DGOS SO, ,'O NA RMUGS BA DANG BYING RGOD GNYIS KYI KHYAD PAR JI LTA BU ZHE NA, DMIGS RTEN MI GSAL BA'I LUS SEMS LCI BA'I RNAM PA CAN NI RMUGS PA YIN LA, RMUGS PA YIN NA GTI MUG GI CHAR GTOGS YIN PAS KHYAB, SEMS LA MUN PA BABS PA LTA BU DANG, SEMS DMIGS RTEN LAS GZHAN DU MI 'PHRO YANG, DVANGS CHAD DANG GSAL CHA MED PA'I DRAN PA'I SHUGS ZHAN DU SONG BA NI BYING BA RAGS PA DANG; DVANGS CHA DANG GSAL SNANG YOD KYANG NGAS GIS RTEN NGES PA'I NGES SHES DAM SBRING NGE BA LAS CUNG ZAD ZHAN DU SONG BA NI BYING BA PHRA MO YIN LA, DE DAG GI GNYER POR DKON MCHOG GSUM GYI YON TAN DRAN PA DANG, SNANG BA'I MTSAN MA YID LA

, ,BYED PA DANG, RLUNG SEMS NAM MKHA' DANG BSRE BA'I GDAMS NGAG RNAMS BYA'O, ,RLUNG SEMS NAM MKHA' DANG BSRE BA'I GDAMS NGAG NI, RANG GI LTE BA'I THAD DU THIG LE DKAR DMAR COG SGONG TZAM ZHIG YOD PA DE SPYI BO NAS RGYANGS KYIS THON NAS NAM MKHA' STONG PA DANG DBYAR MED DU GYUR PA LA RTZE GCIG TU MNYAM PAR 'JOG BA NAM MKHA' SGO 'BYED KYI DBYINGS RIG BSRE BA DANG 'DRA GSUNG; SEMS DMIGS RTEN LA G-YO MED DU MI GNAS PAR CUNG ZAD 'PHRO BA NI RGOD PA PHRA MO YIN, DE'I GNYEN POR DRAN SHES BSTEN NAS BSGOM BAR BYA'O, ,DRAN SHES BSTEN KYANG MI GNAS BAR CHAGS YUL RNAMS LA SEMS 'PHRO BA NI, RGOD PA RAGS PA YIN LA, DE'I GNYEN POR MI RTAG PA DANG, NGAN SONG GSUM DANG 'KHOR BA'I SDUG BSNGAL SGOM BA DANG RGOD BA BA TZAN THABS SU GCOD BA'I GDAMS NGAG RNAMS BYA'O, ,RGOD PA BTZAN THABS SU GCOD BA'I GDAMS NGAG NI, DBUGS PHYI NANG DU RGYU BA KHUG PA RE LA DBUGS RER BYAS PA'I LNGA TZAM GYI BAR BUM YENGS PAR SGOM, DE NAS BCU TZAM DANG, BCO LNGA TZAM DANG, NYI SHU RTZA LNGA TZAM DANG RIM GYIS JE RING DU BTANG NAS MA YENGS PAR SGOM PA'AM, YANG NA STENG RLUNG DKAR PO SNA BUG GNYIS NAS DRANGS TE MAR MNAN, THUR SEL SER PO GYEN DU DRANGS TE LTE BAR KHA SBYOR BUM PA CAN GYI TSUL DU SGOM BA YIN GSUNG, BYING RGOD GNYIS BYUNG BA'I TSE 'DU MI BYED PA NYES PA YIN BAS, DE'I GNYEN POR BYING RGOD BYUNG MA THAG TU RIG PAR BYAS NAS SPONG, DE YANG SEMS DMIGS RTEN LA CHES

CHER BSGRIMS BA'I RIG PA NGAR LDAN DU BYAS BA'I GSAL CHA YOD KYANG RGOD SHAS CHE BAS GNAS CHA RNYED DKA' LA CHER MA BSGRIMS BAR CUNG ZAD GLOD NA GNAS CHA YOD KYANG BYING SHAS CHE BAS GSAL CHA RNYED DKA' BAS, DES NA RANG NYAMS LA DPAGS TE RIG PA 'PHANGS 'DI TZAM ZHIG BSTOD NA RGOD BA SKYE BA 'DUG SNYAM PA LAS CUNG ZAD GLOD, RIG PA 'PHANGS 'DI TZAM ZHIG GLOD NA BYING BA SKYE BAR 'DUG SNYAM PA LAS CUNG ZAD 'PHANGS BSTOD DE RAN PAR BYAS, DE GNYIS KYI MTSAMS SU 'PHRO RGOD LAS SEMS BSLAN TE GNAS CHA 'TSOL, GNAS CHA NAM BYUNG RES KYIS BYING ZON BYAS NAS RIG PA NGAR DANG LDAN PA'I GSAL CHA 'DON, DE GNYIS RE MOS SU BYAS NAS BSKYANGS BAS TING NGE 'DZIN SKYON MED 'GRUB KYI NGES SHES KYI 'DZIN STANGS NGAR LDAN DU BYAS PA'I GSAL CHA MED PA'I DVANGS PA TZAM LA YID BRTAN MI BYA'O, ,DE LTAR BYING RGOD PHRA MO YANG CHOD NAS SEMS TING NGE 'DZIN LA RGYUN CHAGS SU 'JUG PA'I CHO 'DU BYED PA NYES PA YIN PAS DE'I GNYEN POR 'DU MI BYED PAR BTANG SNYOMS SU GLOD NAS 'JOG PA'O;; DE LTA BU'I CHUL GYIS LEGS PAR BSKYANGS BAS SEMS GNAS PA DGU RIM GYIS THOB NAS LUS SEMS SHIN SBYANGS DANG BCAS PA'I ZHI GNAS 'GRUB BAR 'GYUR RO, ,GSUM PA MJUG TU JI LTAR BYA BA'I TSUL NI SNGAR BZHIN YIN LA, GNYIS PA THUN MTSAMS SU JI LTAR BYA BA'I TSUL NI, THUN MTSAMS SU YANG ZHI GNAS KYI RNAM GZHAG STON PA'I GSUNG RAB DGONGS 'GREL DANG BCAS PA LA BLTA BA SOGS SNGAR BZHIN NO, ,GNYIS PA SHES RAB KYI NGO BO LHAG MTHONG LA BSLAB CHUL LA GNYIS, THUN

, ,GYI NGO BO LA JI LTAR BYA BA DANG, THUN MTSAMS SU JI LTAR BYA BA'I TSUL LO, ,DANG PO LA, SBYOR DNGOS MJUG GSUM LAS, DANG PO SBYOR BA NI, ZHI GNAS KYI SKABS SU BSHAD PA DANG 'DRA LA, KHYAD PAR DGE BA'I BSHES GNYEN MKHAS PA TSUL BZHIN DU BSTEN PA LAS LHAG MTHONG GI GDAMS NGAG NYAN BA DANG BLA MA DANG LHAG PA'I LHA DBYER MED DU BYAS NAS GDUNG SHUGS DRAG POS GSOL BA 'DEBS PA DANG BSAG SBYANG LA 'BAD PA SOGS GSUM SGRIL DU BYED PA NI LTA BA RTOGS PA'I SNGON 'GRO MED MI RUNG LTA BU YIN NO, ,GNYIS PA DNGOS GZHI LA GNYIS, GANG ZAG GI BDAG MED GTAN LA PHAB NAS SGOM TSUL DANG, CHOS KYI BDAG MED GTAN LA PHAB NAS SGOM TSUL LO, ,DANG PO NI, RGYAL BA'I GSUNG RAB LAS, BDAG MED GTAN LA 'BEBS PA'I RIGS PA'I RNAM GRANGS DU MA ZHIG GSUNGS KYANG LAS DANG PO PA RNAMS KYIS GNAD BZHI'I SGO NAS GTAN LA PHAB NA 'CHAR SLA BAS, DE'I TSUL NI RANG CAG RNAMS GNYID 'THUG PO LOG BZHIN PA'I GNAS SKABS TSUN CHAD DU NGA NGA SNYAM DU SNYING GI DKYIL DU DAM SGRING SPRID BLOS 'DZIN PA NI NGAR 'DZIN LHAN SKYES YIN LA, DE YANG RANG GIS NYES PA DA LTA BU MA BYAS PA LA GZHAN ZHIG GIS KHYOD KYIS NYIS PA 'DI DANG 'DI LTA BU BYAS SO ZHES BSNYON BTZUGS PA NA, NGES NYES PA DE LTA BU MA BYAS PA LA BSNYON 'DI 'DRA 'DZUGS BA ZHES NGA NGA SNYAM DU SNYING GI DKYIL DU DAM SPRENG SBRING 'CHAR BA'I TSE NGAR 'DZIN LHAN SKYES KYI NGA'I 'DZIN TSUL GSAL BAR YOD LA, DE'I DUS SU SHES PA'I CHA SHAS PHRA MO ZHIG GIS BLO DES DA GANG DU BZUNG, TSUL JI LTAR BZUNG BRTAG PAR

BYA'O;; DE YANG BLO PHYI MA DE SHUGS CHES NA BLO SNGA MA DE YAL NAS STONG SANG ZHIG MA GTOGS GANG YANG MI YONG PAS SHES PA BYINGS NGA'O SNYAM PA'I BLO'I NGO BOR BRED CHAGS SU BSKYED NAS SHES PA'I CHA SHAS PHRA MO ZHIG GIS BRTAG DGOS SO, ,DE LTAR BRTAGS PA'I TSE NGAR 'DZIN LHAN SKYES KYIS NGA GANG DU BZUNG BA'I GNAS NI, RANG GI PHUNG PO LNGA DAD LUS SEMS GNYIS LAS DON GZHAN DU MA YIN CING PHUNG PO LNGA RE RE BA DANG LUS SEMS GNYIS RE RE BA'I STENG DU'ANG MA YIN KYANG PHUNG PO LNGA TSOGS TZAM PA DANG LUS SEMS GNYIS TSOGS TZAM PA SPAM MED BA DE'I STE BA DU RTOG PAS BTAGS PA TZAM MA YIN PAR DANG PO NAS TSUGS THUB TU GRUB PA'I NGA ZHIG YOD PAR 'DZIN PA NI NGAR 'DZIN LHAN SKYES KYI NGA'I 'DZIN TSUL YIN LA, DE'I 'DZIN STANGS KYI YUL GYI NGA DE 'GOG RGYU'I DGAG BYA YIN PAS GZHAN GYIS BSHAD PA'I GO BA DANG TSIG SPYI TZAM MA YIN PAR RANG GI RGYUD STENG DU RJEN CHEN GYIS NGES PAR BYA STE DE RI GNAD DANG PO DGAG BYA'I SNANG TSUL NGES PA'I GNAD YIN NO, ,GNYIS PA KHYAB PA NGES PA'I GNAD NI, NGA'O SNYAM DU SNYING GI DKYIL DU DAM SBRING SBRING 'DZIN PA'I BLO NGOS BZUNG PA LTAR GYI NGA DE RANG GI PHUNG PO LNGA'I STENG NA YOD NA RANG GI PHUNG PO LNGA DANG GCIG TU YOD DAM THA DAD DU YOD, YOD TSUL DE GNYIS LAS GZHAN PA'I YOD TSUL PHUNG GSUM PA GTAN MI SRID DE, CHOS GANG DANG GANG YIN KYANG YANG NA GCIG GI RNAM PAR YOD DGOS YANG NA DU MA'I RNAM PAR YOD DGOS, YOD TSUL DE GNYIS LAS GZHAN PA'I YOD TSUL PHUNG GSUM PA GTAN MI SRID SNYAM DU THAG GCAD PAR BYA'O, ,GSUM PA BDEN PA'I GCIG BRAL

, ,NGES PA'I GNAD NI, DE LTAR BZUNG PA'I NGA DE PHUNG PO LNGA DANG GCIG TU YOD DO SNYAM NA, 'JUG PA LAS, GAL TE PHUNG PO BDAG NA DE PHYIR DE, ,MANG BAS BDAG DE DAG KYANG MANG POR 'GYUR; ZHES GSUNGS PA LTAR, GANG ZAG GCIG LA PHUNG PO LNGA YOD PA BZHIN DU, NGA YANG RGYUD THA DAD PA LNGA YOD BAR 'GYUR LA, YANG NA NGA GCIG YIN PA BZHIN DU PHUNG PO LNGA YANG CHA MED GCIG TU 'GYUR BA SOGS KYI NYES PA DU MA YOD PAS DE LTAR BZUNG BA'I NGA DE PHUNG PO LNGA DANG GCIG MA YIN SNYAM DU BSAM, GZHAN YANG DE LTAR BZUNG BA'I NGA DE PHUNG PO LNGA DANG GCIG TU GRUB NA PHUNG PO LNGA SKYE 'JIG BYED PA BZHIN DU BLO DES BZUNG BA LTAR GYI TSUGS THUB TU GRUB PA'I NGA DE YANG SKYE 'JIG BYED PAR 'GYUR TE, RTZA SHE LAS, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ZHES GSUNGS PA'I PHYIR, PHUNG PO LNGA SKYE 'JIG BYED PA BZHIN DU BLO DES BZUNG BA LTAR GYI TSUGS THUB TU GRUB PA'I NGA DE YANG SKYE 'JIG BYED DO SNYAM NA SKYE 'JIG BYED BA'I NGA DE'I SKAD CIG SNGA PHYI RNAMS GCIG TU GRUB BAM THA DAD DU GRUB, GCIG TU GRUB NA TSE SNGA PHYI'I NGA DANG TSE 'DI'I NGA CHA MED GCIG TU 'GYUR LA, THA DAD DU GRUB NA SPYIR THA DAD TZAM LA 'BREL MED THA DAD YIN MI DGOS KYANG RANG BZHIN GYIS GRUB BA'I THA DAD YIN NA 'BREL PA GTAN NAS MED PA'I THA DAD YIN DGOS TE, 'JUG BA LAS, GANG DAG RANG MTSAN NYID KYIS SO SO BA, ,DE DAG RGYUD GCIG GTOGS PAR RIGS MA YIN, ZHES GSUNGS PA'I PHYIR, TSE SNGA PHYI'I NGA DANG TSE 'DI'I NGA GSUM 'BREL PA GTAN NAS MED

PA'I THA DAD YIN NO SNYAM NA, DE LTAR NA LAS MA BYAS PA DANG PHRANG CING LAS BYAS PA CHUNG ZA BA SOGS KYI NYES BA DU MA YOD PAS, DE LTAR BZUNG BA'I NGA DE PHUNG PO LNGA DANG GCIG TU MA GRUB BO SNYAM DU BSAM, GZHAN YANG DE LTAR BZUNG BA LTAR GYI NGA DE PHUNG PO LNGA DANG GCIG TU GRUB NA, BDEN PAR GRUB PA'I GCIG YIN PAS CHA THAMS CAD NAS THAMS CAD DU GCIG TU 'GYUR LA, DE LTAR NA NGA'AM BDAG PHUNG PO LNGA NYE BAR LEN PA PO DANG PHUNG PO LNGA BDAG GI NYE PAR BLANG BYA MA YIN PA SOGS KYI NYES PA DU MAR 'GYUR TE, RTZA SHE LAS, NYE BAR LEN BA BDAG YIN NA, ,KHYOD KYI BDAG NI MED PAR 'GYUR, ZHES GSUNGS PA'I PHYIR, GZHAN YANG, BDAG PHUNG GNYIS CHA MED KYI GCIG YIN NA SKYES BU'I LUS DE YANG CHA MED DU 'GYUR LA, DE LTAR NA SKYES BU'I LAG PA G-YAS G-YO BA'I TSE G-YON G-YO BAR 'GYUR RAM MI 'GYUR, GAL TE G-YON SKYES BU'I LAG PA G-YAS G-YO BZHI CHA DU LAG PA G-YON MI G-YO BAR MNGON SUM GYIS GRUB PAS GNOD LA, MI G-YON SKYES BU'I LUS DE LA G-YO ME G-YO'I CHA GNYIS YOD BAS CHA BCAS SU 'GYUR BA'I PHYIR TE, RNAM 'GREL LAS, LAG SOGS G-YON THAMS CAD DAG ,G-YO BAR 'GYUR PHYIR 'GAL BA CAN, ,LAS NI GCIG LA MI RUNG PHYIR, ,GZHAN DU THA DAD GRUB PAR 'GYUR, ZHES GSUNGS BA'I PHYIR, GZHAN YANG CHA MED YOD NA DBUS RDUL PHRA MO GCIG LA STENG 'OG PHYOGS BZHI'I RDUL PHRA RAB DRUG GIS CIG CAR DU BSKOR PA'I TSE, DBUS RDUL PHRA MO'I SHAR RDUL LA BLTAS PA'I NGOS NGES NUB RDUL LA BLTAS SAM MA BLTAS, MA BLTAS NA DBUS RDUL PHRA MO

, ,DE LA SHAR RDUL LA BLTAS LA NUB RDUL LA MA BLTAS PA'I CHA GNYIS YOD PAS DE CHA MED YIN PA NYAMS LA, BLTAS NA RDUL PHRAN DE DAG GOS GCIG TU 'GYUR BAS RDUL PHRAN DE DAG GCIG TU 'DRIL BA'I GONG BU'ANG RDUL PHRAN TZAM DU 'GYUR LA, DE LTAR NA RI RAB SOGS KYI RNAM GZHAG THAMS CAD MI 'THAD PAR 'GYUR BA'I PHYIR TE, SUM CU BA LAS, DRUG GIS CIG CAR BSKOR PA NA, ,PHRA RAB RDUL CHA DRUG TU 'GYUR, ,DRUG PO DAG KYANG GO GCIG NA, ,GONG BU'ANG RDUL PHRAN TZAM DU 'GYUR ZHES GSUNGS PA'I PHYIR, BZHI PA BDEN PA'I DU BRAL NGES PA'I GNAD NI, DE LTAR BZUNG BA'I NGA DE PHUNG PO LNGA DANG GCIG TU MA GRUB KYANG PHUNG PO LNGA DANG THA DAD DU GRUB BO SNYAM NA, PHUNG PO LNGA PO YENG GZUGS PHUB SOGS RE RE NAS BSAL BA'I RJES SU 'DI RNAM SHES KYI PHUNG PO'O, ZHES ZUR DU NGOS 'DZIN RGYU YOD PA BZHIN DU, GZUGS PHUNG SOGS RE RE NAS BSAL BA'I RJES SU DE LTAR BZUNG BA'I NGA DE 'DI'O ZHES BSTAN RGYUD GOS PA LA BSTAN RGYU MI 'DUG PAS DE LTAR BZUNG BA'I NGA DE PHUNG PO LNGA DANG THA DAD DU MA GRUB PO SNYAM DU BSAM, DE LTAR BZUNG BA'I NGA DE PHUNG PO LNGA DANG THA DAD DU GRUB NA GZUGS KYI PHUNG PO SOGS RE RE NAS BSAL BA'I RJES SU DE LTAR BZUNG BA'I NGA DE BSTAN RGYUD DGOS TE, DPER NA RTA RANG PONG BU GNYIS 'BREL MED THA DAD YIN PAS, RTA GZHAN ZHIG LA PHUD PA'I SHUL DU BONG BU DE 'DI'O ZHES BSTAN RGYU YOD PA BZHIN YIN PA'I PHYIR TE, RTZA SHE LAS, NGA DAG NI NYE BAR LEN PA LAS, ,GZHAN DU 'THAD PA NYID MA YIN, ,GAL TE GZHAN NA LEN MED PAR, ,BZUNG YOD RIGS NA BZUNG DU

MED; CES GSUNGS PA'I PHYIR, DE LTAR GNAD BZHI'I DPYAD PA BYAS PA LA BRTEN NAS NGAR 'DZIN LHAN SKYES KYIS BZUNG BA LTAR GYI NGA MED PAR NGES PA NA, NGES SHES DE NYID KYI RGYUN BYING RGOD DANG BRAL BAR RTZE GCIG TU BSKYANG BAR BYA'O, ,DE YANG NGES SHES DE NYID SHUGS CUNG ZAD CHUNG DU SONG BA NA LAS DANG PO RNAMS KYIS SNGAR LTAR GNAD BZHI'I DBYAD PA BYAS PA LA BRTEN NAS BDEN MED KYI NGES SHES 'DREN PAR BYED, BLO MTHO BA RNAMS KYIS NI NGAR 'DZIN LHAN SKYES LANG JI LTAR SNANG BA LTAR GRUB MA GRUB DPYAD PA BYAS PA LA BRTEN NAS GNAD BZHI'I DPYAD PA BYAS PA DANG 'DRA BAR BDEN MED KYI NGES BA 'DREN, DE LTAR DPYAD PA BYAS BA'I MTHAR LAS DANG PO PA RNAMS LNGA'AM BDAG PHUNG PO'I STENG NA DON STENG NAS GRUB PA CUNG ZAD KYANG MI 'DUG PAS NGA RIL PO MI 'DUG SNYAM PA'I SKRAG DANG NGA SKYE BZHIG DGOS SHING, DE LTAR SKRAG DANG NGA CHEN PO BYUNG NA DBU MA'I LTA BA DANG POR RNYED BA ZHES BYA'O, ,DE'I TSE NGES DOR NGA RANG BZHIN MED PAR NGES PA'I NGES SHES DAM SBRING DE BA DANG, SNANG DOR DGAG BYA BDEN GRUB BKAG TZAM GYI STONG SANG NGE BA'I KHYAD PAR GNYIS LDAN DU BYAS NAS RTZE GCIG TU SKYONG BA NI MNYAM GZHAG NAM MKHA' LTA BU'I SKYONG TSUL LO, ,RJES THOB TU NGA LA SOGS PA'I CHOS THAMS CAD SGYU MA LTA BU'I RNAM ROL TU BSGOM PAR BYA STE, DE YANG MNYAM GZHAG TU BDEN MED KYI NGES SHES SHUGS DRAG PO DRANGS PA LA BRTEN NAS RJES THOB TU GANG SHAR THAMS CAD SNANG YANG BDEN MED BRDZUN PA SGYU MA LTA BU'I RNAM ROL TU 'CHAR BA LA BSLAB PAR BYA'O, ,GNYIS PA CHOS KYI BDAG MED GTAN LA PHAB NAS SGOM TSUL LA GNYIS, 'DUS BYAS RANG

, ,BZHIN MED PAR GTAN LA PHAB NAS SGOM TSUL DANG, 'DUS MA BYAS RANG BZHIN MED PAR GTAN LA PHAB NAS SGOM TSUL LO, ,DANG PO LA BEM SHES LDAN MIN 'DU BYED GSUM LAS, DANG PO NI, LUS LTA BU LA MTSON NA SHA RUS BRDOS BCAS KYI YAN LAG LNGA TSOGS TZAM GYI LUS 'DI'I STENG DU RTOG PAS BTAGS PA TZAM MA YIN PAR RANG NGOS NAS GRUB PA'I LUS SHIG YOD NA SHA RUS BRDOS BCAS KYI YAN LAG LNGA TSOGS TZAM GYI LUS 'DI DANG GCIG TU GRUB BA MTHA DANG DU GRUB, DANG PO LTAR NA SHA RUS BRDOS BCAS KYI YAN LAG LNGA TSOGS TZAM GYI LUS 'DI PHA MA'I KHU KHRAG LAS GRUB PA YIN PAS RNAM SHES 'JUG PA'I GZHIR GYUR PA'I KHU KHRAG GI THIGS PA DE YANG YAN LAG LNGA TSOGS TZAM GYI LUS SU 'GYUR BA DANG, YAN LAG LNGA YOD PA BZHIN DU LUS KYANG YAN LAG LNGA TSOGS PA'I LUS LNGAR 'GYUR LA, THA DAD DU GRUB NA MGO LA SOGS PA RE RE NAS BSAL BA'I RJES SU LUS DE 'DI'O ZHES BSTAN RGYU DGOS PA LA BSTAN RGYU MI 'DUG PAS DE LTAR BZUNG BA'I LUS GTAN NAS MI 'DUG SNYAM DU NGES SHES DRANGS NAS SNGAR LTAR SKYONG BAR BYED DO, ,GNYIS PA NI, DE RING GI SHES PA LTA BU LA MTSON NA, DE RING GI SNGA DRO'I SHES PA DANG PHYI DRO'I SHES PA GNYIS KYI STENG DU RTOG PAS BTAGS PA TZAM MA YIN PAR RANG NGOS NAS GRUB PA'I DE RING GI SHES PA ZHIG YOD NA DE RING GI SNGA DRO'I SHES PA DANG PHYI DRO'I SHES PA GNYIS GCIG TU GRUB BAM THA DAD DU GRUB GCIG TU GRUB NA DE RING GI SNGA DRO'I SHES PA'I STENG DU PHYI DRO'I SHES PA YOD PAR 'GYUR LA, THA DAD DU GRUB NA

DE RING GI SNGA DRO'I SHES PA DANG PHYI DRO'I SHES PA GNYIS RE RE NAS BSAL BA'I RJES SU DE RING GI SHES BDE 'DI'O ZHES BSTAN RGYU DGOS PA LA MI 'DUG PAS DE LTAR BZUNG BA'I SHES PA DE GTAN NAS MI 'DUG SNYAM DU SNGAR LTAR NGES SHES DRANGS NAS SKYONG BAR BYED DO, ,GSUM PA NI, DUS LO GCIG LTA BU LA MTSON NA LO'I GDAGS GZHI ZLA BA BCU GNYIS PO'I STENG DU RTOG PAS BTAGS PA TZAM MA YIN PAR RANG NGOS NAS GRUB PA'I LO ZHIG YOD NA ZLA BA BCU GNYIS PO DANG GCIG TU GRUB BAM THA DAD DU GRUB, GCIG TU GRUB NA ZLA BA BCU GNYIS YOD PA BZHIN DU LO YANG BCU GNYIS YOD PAR 'GYUR TE, DE LTAR NA LO DE ZLA BA BCU GNYIS PO RE RE DANG GCIG TU 'GYUR ZHING, DE LTAR NA LO GCIG GI DUS SU ZLA BA BCU GNYIS YOD PA BZHIN DU LO YANG BCU GNYIS YOD PAR 'GYUR BA'I PHYIR TE, GAL TE PHUNG PO BDAG NA DE PHYIR DE, ,MANG BAS BDAG DE DAG KYANG MANG POR 'GYUR, ZHES PA, GAL TE ZLA BA LO NA DE PHYIR DE, ,MANG BAS LO DE DAG KYANG MANG POR 'GYUR, ZHES 'DON PA BSGYUR RIGS PA'I PHYIR, THA DAD DU GRUB NA ZLA BA BCU GNYIS PO RE RE NAS BSAL BA'I RJES SU LO DE 'DI'O ZHES BSTAN RGYU DGOS BA LA BSTAN RGYU MI 'DUG PAS DE LTA BU'I LO DE GTAN MI 'DUG SNYAM DU SNGAR LTAR NGES SHES DRANGS NAS SKYONG BAR BYED DO, ,'O NA ZLA BA BCU GNYIS PO RE RE NAS BSAL BA'I RJES SU LO DE 'DI'O ZHES BSTAN RGYU MED NA LO GTAN NAS MED PAR 'GYUR RO ZHE NA MI 'GYUR TE, BTAGS DON BTZAL NAS MA RNYED PA DE BDEN PAR MED PA'I DON YIN GYIS GTAN NAS MED PA'I DON MA YIN PA'I PHYIR, 'O NA LO DE YOD

, ,JI LTAR YIN ZHE NA, ZLA BA BCU GNYIS PO LA BRTEN NAS BTAGS PA'I MING NGAM THA SNYAD TZAM DU YOD CING, THA SNYAD DU YOD PAS YOD GO CHOD PA YIN NO, ,LO ZHES PA'I MING DE YANG BTAGS DON BTZAL NA MI RNYED DE, RIN CHEN 'PHRENG BA LAS; GZUGS KYI DNGOS PO MING TZAM PHYIR, ,NAM MKHA' YANG NI MING TZAM MO, ,'BYUNG MED GZUGS LTA GA LA ZHIG ,DE PHYIR MING TZAM NYID KYANG MED, CES GSUNGS PA'I PHYIR, GNYIS PA 'DUS MA BYAS RANG BZHIN MED PAR GTAN LA PHAB NAS SGOM TSUL NI, NAM MKHA' LTA BU LA MTSON NA NAM MKHA' LA PHYOGS MTSAMS DBUS KYI NAM MKHA' DANG BCAS PA'I CHA DU MA YOD PAS DE RNAMS KYI STENG DU RTOG PAS BTAGS PA TZAM MA YIN PAR TSUGS THUB TU GRUB PA'I NAM MKHA' ZHIG YOD NA DE RNAMS DANG GCIG TU GRUB BAM THA DAD DU GRUB, GCIG TU GRUB NA DE RNAMS DANG CHA MED GCIG YIN PAS, SHAR PHYOGS KYI NAM MKHA' DANG NUB PHYOGS KYI NAM MKHA' GNYIS KYANG GCIG TU 'GYUR LA, DE LTAR NA SHAR PHYOGS KYI NAM MKHA' LAS CHAR 'BAB NA NUB PHYOGS KYI NAM MKHA' LAS KYANG CHAR 'BAB PA SOGS KYI NYES PA DU MA YOD PAS DE RNAMS DANG GCIG TU MA GRUB, THA DAD DU GRUB NA NAM MKHA'I CHA DE RNAMS RE RE NAS BSAL BA'I RJES SU NAM MKHA' DE 'DI'O ZHES BSTAN RGYU DGOS PA LA BSTAN RGYU MI 'DUG PAS RANG NGOS NAS GRUB PA'I NAM MKHA' GTAN NAS MI 'DUG SNYAM DU DPYAD DE BDEN MED KYI NGES SHES DRANGS NAS SKYONG BAR BYED DO, ,MDOR NA NGA DANG PHUNG PO DANG RI RAB KHANG KHYIM LA SOGS PA'I 'KHOR 'DAS KYI CHOS THAMS CAD RTOG PAS

BTAGS TZAM MA YIN PAR RANG NGOS NAS GRUB BRDUL TZAM YANG MED PAR NGES PA'I NGES SHES DE NYID RTZE GCIG TU SKYONG BA NI MNYAM GZHAG NAM MKHA' LTA BU DANG, RJES THOB TU YUL SNANG THAMS CAD RGYU RKYEN TSOGS PA LA BRTEN NAS BYUNG BA'I BDEN MED RDZUN PA'I RANG BZHIN DU SHES PA'I RJES THOB SGYU MA'I RNAL 'BYOR GNYIS LEGS PAR BSKYANGS PA LA BRTEN NAS DPYAD PA BYAS STOBS KYIS DRANGS PA'I LUS SEMS SHIN SBYANGS KYI BDE BAS ZIN PA'I MNYEM GZHAG DE NYID LHAG MTHONG MTSAN NYID BAR 'JOG PA YIN NO, , GSUM PA MJUG TU JI LTAR BYA BA NI SNGAR BZHIN YIN LA, GNYIS PA THUN MTSAMS SU JI LTAR BYA BA'I TSUL NI, THUN MTSAMS SU YANG LHAG MTHONG GI RNAM GZHAG STON PA'I GSUNG RAB DGONGS 'GREL DANG BCAS PA BLTA BA SOGS SNGAR BZHIN NO, ,DA NI LAM SPYI'I BSDU BA CUNG ZAD BRJOD PAR BYA STE, DE YANG LAM 'OG MA 'OG MA BSGOMS KYIN GONG MA GONG MA LA THOB 'DOD CHER 'GRO BA, GONG MA GONG MA MNYAN PA NA 'OG MA LA SGRUB 'DOD CHER 'GRO BA ZHIG DGOS SO, ,DE RNAMS SGOM PA'I TSE YANG RTOG PA SBYANG PAR BYAS NAS BLO CHA MNYAM DGOS TE, 'DI LTAR LAM LA 'KHRID PA'I BSHES GNYAN LA GUS PA CHUNG BAR SNANG NA, LEGS TSOGS KYI RTZA BA 'CHAD PAS BSTEN TSUL LA 'BAD, DE BZHIN DU SGRUB PA LA SPRO SHUGS CHUNG NA DAL 'BYOR GYI SKOR DANG, TSE 'DI LA MNGON ZHEN CHER SONG NA MI RTAG PA DANG NGAN 'GRO'I NYES DMIGS SGOM PA LA GTZO BOR BYA, KHAS BLANGS PA'I BCAS MTSAMS LA G-YEL BAR SNANG NA LAS 'BRAS SGOM PA LA GTZO BOR BYA, 'KHOR BA LA SKYO SHAS CHUNG NA THAR PA DON GNYER TSIG

, ,TZAM DU 'GRO BAS 'KHOR BA'I NYES DMIGS BSAM, CI BYED SEMS CAN GYI DON DU BYED PA'I BLO SHUGS DRAG MI SNANG NA, THEG CHEN GYI RTZA BA 'CHAD BAS SMON SEMS RGYU DANG BCAS PA LA SBYANG, RGYAL SRAS KYI SGOM PA BLANGS NAS SBYOD PA LA SLOB PA NA MTSAN 'DZIN GYI 'CHING BA SHUGS DRAG PAR SNANG NA MTSAN 'DZIN GYI DMIGS GTAD RIG SHES KYIS BSHIG LA NAM MKHA' LTA BU DANG SGYU MA LTA BU'I STONG PA NYID LA SBYANGS, SEMS DMIGS PA LA MI SDOD PAR RNAM G-YENG GI BRAN DU GYUR BAR SNANG NA RTZE GCIG PA'I GNAS CHAL GTZO BOR SBYONG BA GONG MA RNAMS GSUNG STE, DES MTSON NAS MA BSHAD PA RNAMS KYANG SHES PAR BYAS LA DE YANG CHOS BYED PA LA SHES PA GAL CHE BAR 'DUG SNYAM NAS THOS PA TZAM GTZO BOR BYAS PAS MI SHES PA'I RMONGS PA THOS BAS BSAL KYANG, 'DOD CHAGS DANG ZHE SDANG DANG NGA RGYAL DANG PHRAG DOG LA SOGS PA'I NYON MONGS PA GZHAN LA ZON MA BYAS PAS, DE DAG GIS KUN NAS BSLANGS PA'I LAS NGAN PA'I DBANG GIS NGAN 'GROR 'GRO LA, YANG CHOS BYED PA LA RGYUD 'DUL BA GAL CHE BAR 'DUG SNYAM STE, MI SHES PA'I RMONGS PA LA ZON MA BYAS PAR SGOM PA 'BA' ZHIG GTZO BOR BYAD NA LAM GYI GOL SA SHIN TU CHE ZHING, SDOM PA GSUM GYI BCAS MTSAMS RNAMS MI SHES PAS RGYUD LTUNG BAS GOS PAR 'GYUR BAS MDOR NA PHYOGS RE BAR MA SONG BAR RGYUD DGE PA'I PHYOGS THAMS CAD LA PA KOL RUNG ZHIG DGOS SO, ,DE LTAR LAM THUN MONG BAS RGYUD LEGS PAR SBYANGS NAS RANG GI NGOS NAS SEMS CAN GCIG GI SDUG BSNGAL BSAL PA'I PHYIR DU BSKAL BA'I

BAR DU DMYAL BAR GNAS NUS PA'I GO CHA'I BRTZON 'GRUS YOD KYANG, SEMS CAN SDUG BSNGAL GYIS MNAR TSUL BSAMS TSE MNGON PAR RDZOGS PAR SANGS RGYAS NA SKAD CIG RE RE LA YANG SEMS CAN DPAG TU MED PA SDUG BSNGAL LAS SGROL NUS PA 'DUG PAS, DA LTA NYID DU MNGON PAR RDZOGS PAR SANGS RGYAS NA SNYAM PA'I BLO SHUGS DRAG SKYES PA NA NGES PAR RDO RJE THEG PA LA 'JUG DGOS TE, LAM DE LA BRTEN NA BSKAL PA GRANGS MED GSUM LA MI LTOS PAR TSOGS GNYIS BDE BLAG TU RDZOGS PAS SO, ,DE YANG BSHES GNYEN BSTEN TSUL NAS ZHI GNAS LHAG MTHONG GI BAR RNAMS MYONG KHRID DU BYAS TE NYIN RE BZHIN DU THUN BZHI'AM, MA MTHA' THUN GCIG TU BYAS TE LAM GYI RIM PA RNAMS LA YID 'GYUR BA'I MYONG BA 'DON PA NI, DAL BA'I RTEN LA SNYING PO LEN PA'I THABS MCHOG TU GYUR PA YIN NO, ,SMRAS PA, GSUNG RAB KUN GYI GNAD RNAMS GCIG BSDUS PA'I, ,BYANG CHUB LAM GYI RIM PA'I DMAR KHRID 'DI, ,BLO LDAN 'GA' YIS NAN GYIS BSKUL BA DANG, ,BDAG NYID DRAN PA GSO PHYIR BRIS PA LA, ,MA BSHAD LOG PAR BSHAD DANG TSIG SBYOR DMAN, ,SNGA PHYI MA 'BREL HA CANG GSAL BA SOGS, ,NYES BAR GYUR GANG RTZA BRGYUD BLA MA DANG, ,MKHA' 'GRO CHOS SKYOD RNAMS LA BZOD PAR GSOL, ,'DI YI CHED DU SGO GSUM 'BAD PA LAS, ,BYUNG BA'I BSOD NAMS PHUNG PO CI MCHIS PAS, ,TSANG LA MA NOR GO RIMS MA 'CHOL BA'I, ,BKA' GDAMS BSTAN PA PHYOGS MTHAR RGYAS PAR SHOG ,DE YI MTHU LAS MTHA' DAG SKYE DGU'I TSOGS, ,LTAR SNANG LAM GYIS BKRI

, ,BAR MI NUS SHING, ,SHING RTA CHEN PO'I LAM GYI RJES ZHUGS TE, ,KUN MKHYEN RGYAL BA'I GO 'PHANG MYUR THOB SHOG ,KHYAD PAR CHOS KYI RGYAL PO TZONG KHA PA'I, ,BSTAN PA 'DZIN SKYONG SPEL DANG BSRUNG BA LA, ,BRTZON PA'I LHA MI'I MTHU STOBS RAB RGYAS SHING, ,'JIG RTEN BDE LEGS CHEN POS KHYAB PAR SHOG ,CES BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I MYUR LAM ZHES BYA BA 'DI NI, RGYAL DGA' TSAL DBU MDZAD BLO BZANG RGYAL MTSAN SOGS KYIS LAM RIM DMAR KHRID SNYAN NGAG GI TSIG SBYOR GYIS MA BCINGS PA'I SHIN TU GSAL BA, PAn CHEN THAMS CAD MKHYEN PAS MDZAD PA'I DMAR KHRID LAS RGYAS TZAM ZHIG DGOS ZHES NAN TAN CHEN POS SNGA PHYIR BSKUL BA LA BRTEN NAS, DMAR KHRID THAMS CAD MKHYEN PAR BGROD PA'I BDE LAM LA LUNG RIGS KYIS KHA BSKANGS SHING ZHAL NAS BYUNG BA'I MAN NGAG GIS KYANG BRGYAN TE SHIN TU GSAL BAR CHOS SMRA BA'I BTZUN PA BLO BZANG YE SHES KYIS BKA' GDAMS PHO BRANG DU SBYAR BA DGE ZHING BKRA SHIS PAR GYUR CIG, 'DI LTAR BGYIS PA LA YIG 'KHRUL SOGS NONGS PA 'GA' ZHIG 'DUG TSUL LTAR SLAR YANG DMAR KHRID THAMS CAD MKHYEN PAR BGROD PA'I BDE LAM DANG BSTUN PA'I ZHUS DAG DANG RANG NYID KYIS KYANG BKLAGS SHING DAG PAR BGYIS PA'O,, SARBA MANG+GA LAm,, ,,

[BLANK PAGE]