The Analysis of the Third Chapter of the 'Jewel of Realization' from the 'String of Golden Beads of Fine Explanation,’ Composed in the Form of Notes to a Teaching by Jetsun Chukyi Gyeltsen

@*, ,RJE BTZUN CHOS KYI RGYAL MTSAN GYI GSUNG ZIN BRIS SU BKOD PA LEGS BSHAD GSER GYI PHRENG BA ZHES BYA BA LAS, SKABS GSUM PA'I MTHA' DPYOD BZHUGS SO, ,

, ,GZHI THAMS CAD YONGS SU SHES PA MED PAR LAM LEGS PAR YONGS SU SHES PA MED PAS THAMS CAD SHES PA NYID, CES SOGS KYI SKABS SU, SBYOR BA DANG, MTHA' BCAD PA GNYIS, DANG PO NI LAM SHES KYI RJES SU GZHI SHES 'CHAD PA'I RGYU MTSAN YOD DE, SKYES BU 'BRING DANG THUN MONG BA'I LAM GYI RIM PAS BSDUS PA'I BDEN GZHI MI RTAG SOGS BCU DRUG RTOGS PA'I LAM MA THOB PAR SKYES BU CHEN PO'I LAM RIM GYIS BSDUS PA'I LAM SHES MI 'THOB PA'I RGYU MTSAN GYIS DE LTAR BSHAD PA'I PHYIR, GNYIS PA LA GSUM LAS, DANG PO NI, KHA CIG ,GZHI GANG ZAG GI BDAG MED PAR MNGON SUM DU RTOGS PA'I NYI TSE BA'I MKHYEN PA, GZHI SHES KYI MTSAN NYID CES GSUNG BA MI 'THAD DE, SANGS RGYAS 'PHAGS PA'I RGYUD LA GZHI SHES YOD PA'I PHYIR, RTAGS BSGRUB ZIN, RONG t'IK PA NA RE, GZHI GANG ZAG GI BDAG MED PAR MNGON SUM DU RTOGS PA'I MKHYEN PA GZHI SHES KYI MTSAN NYID, ZER NA, NYAN THOS 'PHAGS PA'I RGYUD KYI 'DUS BYAS MI RTAG PAR MNGON SUM DU RTOGS PA'I MKHYEN PA CHOS CAN, MTSAN NYID DER THAL, MTSAN BYA DE'I PHYIR, 'DOD NA, NYAN THOS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DES, 'DUS BYAS MI RTAG PAR MNGON SUM DU RTOGS PAR THAL, 'DOD PA'I PHYIR, 'DOD NA, NYAN THOS KYI MTHONG LAM BAR CHAD MED LAM DES; 'DUS BYAS MI RTAG PAR MNGON SUM DU RTOGS PAR THAL, 'DOD PA'I PHYIR, 'DOD NA, NYAN THOS KYI MTHONG LAM BAR CHAD MED LAM CHOS CAN, KHYOD KYIS DE MNGON SUM DU MA RTOGS PAR THAL, KHYOD BAR CHAD

, ,MED LAM YIN PA'I PHYIR, GZHAN YANG, RANG RGYAL GYI MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, CHOS CAN DE YIN PA'I PHYIR, GZHAN YANG, BYANG 'PHAGS KYI RGYUD KYI GANG ZAG GI BDAG MED DON SPYI'I TSUL GYIS RTOGS PA'I BLO CHOS CAN, MTSAN NYID DER THAL, MTSON BYA DE'I PHYIR, RTAGS BSAL SLA, MKHAS PA KHA CIG ,RANG RGYUD LDAN GYI GANG ZAG GI RGYUD KYI BDAG MED MNGON SUM DU RTOGS PA'I SHES RAB KYIS ZIN PA'I YE SHES GANG ZHIG ,NYAN THOS KYI RTOGS RIGS SU GNAS PA, GZHI SHES KYI MTSAN NYID, ZER NA, RANG RGYAL GYI MTHONG LAM SDUG BSNGAL CHOS BZOD CHOS CAN, ZUR PHYI MA DER THAL, MTSON BYA DE'I PHYIR, DER THAL, RANG RGYAL GYI MTHONG LAM BAR CHAD MED LAM YIN PA'I PHYIR, RTZA BAR 'DOD NA, NYAN THOS SLOB PA 'PHAGS PAS GNYIS STONG BSGOM BYA'I GTZO BOR BYED PAR THAL, 'DOD PA'I PHYIR, 'DOD NA, DES GZUNG 'DZIN RDZAS GZHAN DU 'DZIN PA'I RTOG PA SPANG BYA'I GTZO BOR BYED PAR THAL, 'DOD PA'I PHYIR, 'DOD NA, NYAN THOS DGRA BCOM PAS GZUNG 'DZIN RDZAS GZHAN DU 'DZIN PA'I RTOG PA SPANGS PAR THAL, 'DOD PA'I PHYIR, 'DOD NA, RNAM PAR THAR PA CUNG ZAD TZAM ZHIG GIS LHAG PA ZHES SOGS KYI DON MA GRUB PAR THAL, 'DOD PA'I PHYIR, KHA CIG ,THEG DMAN GYI RIGS CAN RJES SU GZUNG BA'I PHYIR DU GTZO BOR SGOM PAR BYED PA'I 'PHAGS RGYUD KYI MKHYEN PA, GZHI SHES KYI MTSAN NYID ZER NA, GANG ZAG GI BDAG

MED MNGON SUM DU RTOGS PA'I THOGS DMAN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, RTAGS SLA, 'DOD NA, DE BYANG SEMS MTHONG LAM PAS THEG DMAN GYI RIGS CAN RJES SU GZUNG BA'I PHYIR DU GTZO BOR SGOM PAR THAL, 'DOD PA'I PHYIR, 'DOD NA, DE BYANG SEMS MTHONG LAM PAS GTZO BOR SGOM PAR THAL, 'DOD PA'I PHYIR, 'DOD NA, BYANG SEMS MTHONG LAM PAS GZHI BDAG MED BSGOM BYA'I GTZO BOR BYED PAR THAL, 'DOD PA'I PHYIR, 'DOD NA, DES GANG ZAG GI BDAG 'DZIN SPANG BYA'I GTZO BOR BYED PAR THAL, 'DOD PA'I PHYIR, KHO NA RE, BYANG SEMS MTHONG LAM PAS THEG DMAN GYI RIGS CAN RJES SU GZUNG BA'I PHYIR DU GANG ZAG GI BDAG MED GTZO BOR SGOM PAR THAL, DES THEG DMAN GYI RIGS CAN RJES SU GZUNG BA'I PHYIR DU GTZO BOR BSGOM PAR BYA BA GCIG GZHI GRUB PA'I PHYIR, ZER NA, MA KHYAB STE, DES THEG DMAN GYI RIGS CAN RJES SU GZUNG BA'I PHYIR DU GANG ZAG GI BDAG 'DZIN SPANG BYA'I GTZO BOR BYED PAR THAL, DES DE'I PHYIR DU GANG ZAG GI BDAG MED GTZO BOR SGOM PA'I PHYIR, 'DOD NA, DES THEG DMAN GYI RIGS CAN RJES SU GZUNG BA'I PHYIR DU 'KHOR BA SPANG BYA'I GTZO BOR BYED PAR THAL, 'DOD PA'I PHYIR, 'DOD NA, DES THEG DMAN GYI RIGS CAN RJES SU GZUNG BA'I PHYIR DU 'KHOR BAR SKYE BA MI LEN PAR THAL, 'DOD PA'I PHYIR, 'DOD NA, DES GZHAN DON DU SKYE BA LEN PA DE THEG CHEN GYI RIGS CAN KHO NA RJES SU GZUNG BA'I PHYIR DU SKYE BA

, ,LEN PAR THAL, 'DOD PA'I PHYIR, 'DOD NA, DE LAS NGO MTSAR CHE BA CI YOD, GZHAN YANG, BYANG SEMS MTHONG LAM PAS THEG DMAN GYI RIGS CAN RJES SU GZUNG BA'I PHYIR DU STONG NYID BSGOM BYA'I GTZO BOR MI BYED PAR THAL, DES THEG DMAN GYI RIGS CAN RJES SU GZUNG BA'I PHYIR DU GANG ZAG GI BDAG MED GTZO BOR SGOM PA'I PHYIR, RTAGS KHAS, 'DOD NA, DES THEG DMAN GYI RIGS CAN RJES SU GZUNG BA'I PHYIR DU BDEN 'DZIN SPANG BYA'I GTZO BOR MI BYED PAR THAL, 'DOD PA'I PHYIR, 'DOD NA, DES THEG DMAN GYI RIGS CAN RJES SU GZUNG BA'I PHYIR DU SHES SGRIB SPANG BYA'I GTZO BOR MI BYED PAR THAL; 'DOD PA'I PHYIR, 'DOD NA, DES DE'I PHYIR DU RDZOGS PA'I BYANG CHUB 'THOB BYA'I GTZO BOR MI BYED PAR THAL, 'DOD PA'I PHYIR, GZHAN YANG, GZHI SHES YIN NA GZHAN DON DU GTZO BOR BSGOM PAR BYA BA'I LAM YIN PAS KHYAB PAR THAL, MTSAN NYID DE 'THAD PA'I PHYIR, 'DOD NA, 'PHAGS PA YIN NA GZHAN DON GTZO BOR DON DU GNYER BA'I GANG ZAG YIN DGOS PAR THAL, 'DOD PA'I PHYIR, 'DOD NA, NYAN THOS MTHONG LAM PA CHOS CAN, DER THAL, DE'I PHYIR, GZHAN YANG, MTSAN NYID DE LTAR 'JOG PA DANG, THEG DMAN 'PHAGS PA'I MKHYEN PA YIN NA GZHI SHES YIN PAS KHYAB ZER BA NANG 'GAL TE, STONG NYID MNGON SUM DU RTOGS PA'I NYAN THOS KYI MTHONG LAM CHOS CAN, MTSAN NYID DER THAL, MTSON BYA DE'I PHYIR, MA GRUB NA SONG, DER THAL, THEG DMAN 'PHAGS PA'I MKHYEN PA YIN PA'I PHYIR, KHYAB PA KHAS, RTAGS GRUB STE, NYAN THOS 'PHAGS

PA'I RGYUD KYI STONG NYID MNGON SUM DU RTOGS PA'I MKHYEN PA YOD PA'I PHYIR, DER THAL, STONG NYID RTOGS PA'I NYAN THOS 'PHAGS PA YOD PA'I PHYIR TE, STONG NYID RTOGS PA'I BYANG SEMS TSOGS LAM PA THEG DMAN LAM DU 'JUG PA YOD PA'I PHYIR, RTZA BAR 'DOD NA, DE CHOS CAN, KHYOD NYAN THOS MTHONG LAM PAS GTZO BOR SGOM PAR THAL, 'DOD PA GANG ZHIG ,KHYOD NYAN THOS MTHONG LAM PA'I MKHYEN PA YIN PA'I PHYIR, 'DOD NA, NYAN THOS MTHONG LAM PAS GTZO BOR STONG NYID SGOM PAR THAL, 'DOD PA'I PHYIR, KHO NA RE, DE CHOS CAN, THEG DMAN GYI RIGS CAN RJES SU GZUNG BA'I PHYIR DU GTZO BOR SGOM PA'I 'PHAGS RGYUD KYI MKHYEN PA YIN PAR THAL, KHYOD STONG NYID RTOGS PA'I NYAN THOS MTHONG LAM PA RJES SU GZUNG BA'I PHYIR DU GTZO BOR BSGOM PAR BYA BA'I 'PHAGS RGYUD KYI MKHYEN PA YIN PA'I PHYIR, MA GRUB NA, STONG NYID RTOGS PA'I NYAN THOS KYI MTHONG LAM DE, STONG NYID RTOGS PA'I NYAN THOS MTHONG LAM PA RJES SU GZUNG BA'I PHYIR DU GTZO BOR BSGOM PAR BYA BA'I 'PHAGS RGYUD KYI MKHYEN PA YIN PAR THAL, STONG NYID RTOGS PA'I NYAN THOS MTHONG LAM PA DES GTZO BOR RANG DON DU STONG NYID SGOM PA'I PHYIR, MA GRUB NA, DE CHOS CAN, KHYOD KYIS GTZO BOR RANG DON DU STONG NYID SGOM PAR THAL, CHOS CAN DE'I PHYIR, DES NA, STONG NYID RTOGS PA'I NYAN THOS MTHONG LAM PA DES GTZO BOR RANG DON DU STONG NYID SGOM, RANG DON DU GTZO BOR STONG NYID MI SGOM ZHES ZER BA LA NANG 'GAL YOD DE, STONG NYID RTOGS PA'I NYAN THOS MTHONG LAM PA DES RANG DON DU GTZO BOR STONG NYID SGOM PAR THAL, DES

, ,KHO RANG RJES SU GZUNG BA'I PHYIR DU GTZO BOR STONG NYID SGOM PA'I PHYIR, MA GRUB NA SONG, DER THAL, STONG NYID RTOGS PA'I NYAN THOS KYI MTHONG LAM DE, STONG NYID RTOGS PA'I RTOGS PA'I NYAN THOS MTHONG LAM PA RJES SU GZUNG BA'I PHYIR DU GTZO BOR BSGOM PAR BYA BA'I 'PHAGS RGYUD KYI MKHYEN PA YIN PA'I PHYIR, 'KHOR GSUM GYI PHRENG BA YIN NO, ,KHA CIG ,THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA DANG, THEG DMAN 'PHAGS PA'I MKHYEN PA GANG RUNG, GZHI SHES KYI MTSAN NYID ZER NA, NYAN THOS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN PA CHOS CAN, MTSON BYA DER THAL, MTSAN NYID DE'I PHYIR; MA GRUB NA, DER THAL, THEG DMAN 'PHAGS PA'I MKHYEN PA YIN PA'I PHYIR, RTAGS GRUB STE, DE 'DRA BA YOD PA'I PHYIR, RTZA BAR 'DOD NA, DE MI 'THUN PHYOGS KYI GZHI SHES YIN PAR THAL, DE GZHI SHES YIN PA'I PHYIR, 'DOD NA, BYANG SEMS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN BA DE GNYEN PO PHYOGS KYI GZHI SHES YIN PAR THAL, 'DOD PA'I PHYIR, GZHAN YANG, STONG NYID MNGON SUM DU RTOGS PA'I NYAN THOS KYI MTHONG LAM DANG SANGS 'PHAGS KYI RGYUD KYI GANG ZAG GI BDAG MED MNGON SUM DU RTOGS PA'I MKHYEN PA GNYIS KA CHOS CAN, MTSAN NYID DER THAL, GZHI SHES YIN PA'I PHYIR, KHYAB PA KHAS, MA GRUB NA SONG, DER THAL, SNGA MA DE YANG GZHI SHES YIN, PHYI MA DE YANG GZHI SHES YIN PA'I PHYIR, DANG PO MA GRUB NA, DE CHOS CAN, GZHI SHES YIN PAR THAL, MTSAN NYID DE'I PHYIR, KHYAB PA KHAS, RTZA BAR

'DOD NA, DE CHOS CAN, THEG DMAN GYI RTOGS RIGS SU GNAS PA'I 'PHAGS RGYAD KYI MKHYEN PA YIN PAR THAL, 'DOD PA GANG ZHIG ,PHYI MA MA YIN PA'I PHYIR, 'DOD NA, SNGA MA DE THEG DMAN GYI RTOGS RIGS SU GNAS PAR THAL LO, KHO NA RE, THEG DMAN 'PHAGS PA'I MKHYEN PA YIN NA GZHI SHES YIN PAS KHYAB PAR THAL, ,THEG CHEN 'PHAGS PA'I MKHYEN PA YIN NA, LA SHES YIN PAS KHYAB PA'I PHYIR, ZER NA, THEG DMAN 'PHAGS BA'I MKHYEN PA YIN NA BDEN 'DZIN GYIS BCINGS PAS KHYAB PAR THAL, THEG CHEN 'PHAGS PA'I MKHYEN PA YIN NA STONG NYID MNGON SUM DU RTOGS PA'I SHES RAB KYIS ZIN PAS KHYAB PA'I PHYIR, KHYAB PA 'GRIG ,'DOD NA, NYAN THOS 'PHAGS PA'I RGYUD KYI TONG NYID MNGON SUM DU RTOGS PA'I MKHYEN PA CHOS CAN, DER THAL, DE'I PHYIR, GZHAN YANG, THEG DMAN 'PHAGS PA'I MKHYEN PA YIN NA, MI 'THUN PHYOGS KYI GZHI SHES YIN PAS KHYAB PAR THAL, DE YIN NA GZHI SHES YIN PAS KHYAB PA'I PHYIR, RTAGS KHAS, 'DOD NA, THEG CHEN 'PHAGS PA'I MKHYEN PA YIN NA, GNYEN PO PHYOGS KYI GZHI SHES YIN DGOS PAR THAL, 'DOD PA'I PHYIR, 'DOD NA, BYANG SEMS MTHONG LAM PA'I RGYUD KYI KUN RDZOB SEMS BSKYED CHOS CAN, DER THAL, DE'I PHYIR, RTAGS SLA, KHO NA RE, THEG DMAN 'PHAGS PA'I MKHYEN PA YIN NA, GZHI SHES YIN PAS KHYAB PAR THAL, THEG DMAN 'PHAGS PA'I MKHYEN PA YIN NA, THEG DMAN GYI RTOGS RIGS SU GNAS PAS KHYAB PA'I PHYIR, MA GRUB NA, THEG DMAN SLOB PA 'PHAGS PA YIN NA THEG DMAN GYI RIGS CAN YIN PAS MA KHYAB PAR THAL, THEG DMAN 'PHAGS PA'I MKHYEN

, ,PA YIN NA THEG DMAN GYI RTOGS RIGS SU GNAS PAS MA KHYAB PA'I PHYIR, ZHES ZER NA, 'PHAGS RGYUD KYI MKHYEN PA YIN NA MKHYEN GSUM GANG RUNG YIN DGOS PAR THAL, THEG DMAN 'PHAGS PA'I MKHYEN PA YON NA BZHI SHES YIN DGOS PA'I PHYIR, RTAGS KHAS, 'DOD NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, DER THAL, DE'I PHYIR, 'DOD MI NUS TE, GZHI SHES KYANG MA YIN, LAM SHES KYANG MA YIN, RNAM MKHYEN YANG MA YIN PA'I PHYIR, DANG PO GRUB STE, THEG DMAN GYI RTOGS RIGS SU MI GNAS PA'I PHYIR TE, THEG CHEN KUN RDZOB SEMS BSKYED YIN PA'I PHYIR, PHYI MA RNAMS SLA, KHA CIG ,GZHI SHES LA DBYE NA, GNYEN PO PHYOGS KYI GZHI SHES DANG, MI 'THUN PHYOGS KYI GZHI SHES GNYIS SU YOD ZER NA, MI 'THUN GNYEN PO'I PHYOGS DAG DANG, ,ZHES PHYOGS KYI SGRA SMOS PA LA DGOS PA MED PAR THAL, DAM BCA' DE 'THAD PA'I PHYIR, GZHAN YANG, BYANG 'PHAGS KYI RGYUD KYI STONG NYID MNGON SUM DU RTOGS PA'I MKHYEN PA GZHI SHES YIN PAR THAL, GZHI SHES LA GNYEN PO PHYOGS KYI GZHI SHES DANG, MI 'THUN PHYOGS KYI GZHI SHES GNYIS SU 'BYED RIGS PA'I PHYIR, KHYAB STE, GNYEN PO PHYOGS KYI GZHI SHES ZHES BA'I GNYEN PO DE STONG NYID MNGON SUM DU RTOGS PA'I YE SHES LA BYED RIGS PA'I PHYIR TE, MI 'THUN PHYOGS KYI GZHI SHES ZHES PA'I MI 'THUN PA DE BDEN 'DZIN LA BYED RIGS PA'I PHYIR, GZHAN YANG, MTSAN 'DZIN GYI GZHI SHES YOD PAR THAL, GNYEN PO'I GZHI

SHES YOD PA'I PHYIR, RTAGS KHAS, 'DOD NA, MI 'THUN PHYOGS KYI GZHI SHES DE MTSAN 'DZIN YIN PAR THAL, 'DOD PA'I PHYIR, 'DOD NA, DE CHOS CAN, SPANG BYA YIN PAR THAL, 'DOD PA'I PHYIR, MKHAS PA KHA CIG, ,THEG DMAN 'PHAGS PA'I RGYUD KYI GZHI SHES YIN NA MI 'THUN PHYOGS KYI GZHI SHES YIN PAS KHYAB, MI 'THUN PHYOGS KYI GZHI SHES YIN NA BDEN 'DZIN GYIS BCINGS PA'I GZHI SHES YIN PAS KHYAB CES GSUNG, STONG NYID MNGON SUM DU RTOGS PA'I NYAN THOS 'PHAGS PA'I RGYUD KYI GZHI SHES CHOS CAN, MI 'THUN PHYOGS KYI GZHI SHES YIN PAR THAL, THEG DMAN 'PHAGS PA'I RGYUD KYI GZHI SHES YIN PA'I PHYIR, KHYAB PA KHAS, 'DOD NA, DE CHOS CAN, BDEN 'DZIN GYIS BCINGS PA'I GZHI SHES YIN PAR THAL, 'DOD PA'I PHYIR, RTAGS KHYAB KHAS, 'DOD NA, DE CHOS CAN, KHYOD GZHI LAM BDEN GRUB TU BDEN ZHEN GYIS 'DOD PA'I GANG ZAG GI RGYUD KYI GZHI SHES YIN PAR THAL, 'DOD PA'I PHYIR, KHYAB STE, RNAM BSHAD SNYING PO RGYAN LAS, BDEN 'DZIN GYIS BCINGS PA'I DON YANG, GZHI DANG LAM BDEN PAR GRUB MA GRUB BRTAGS PA NA BDEN PAR ZHEN PA LAS MI 'DA' BA'I DON TE, SNGAR CHOS KYI GNAS LUGS THOS BSAM GYIS KYANG GTAN LA MA PHAB PA'I DBANG DU BYAS PA'O, ,ZHES GSUNGS PA'I PHYIR, GONG DU 'DOD MI NUS TE, CHOS CAN DE'I PHYIR, KHO NA RE, STONG NYID MNGON SUM DU RTOGS PA'I NYAN THOS DGRA BCOM PA'I RGYUD KYI GZHI SHES DE MI 'THUN PHYOGS KYI GZHI SHES YIN PAR THAL, DE YOD PA GANG ZHIG ,DE GNYEN PO PHYOGS KYI GZHI SHES MA

, ,YIN PA'I PHYIR, ZHES ZER NA, 'DI'I LAN 'OG TU BSHAD PAR BYA'O, ,KHA CIG ,MI 'THUN PHYOGS KYI GZHI SHES DE SKABS GSUM PA'I DNGOS KYI BSTAN BYA'I GTZO BOR GYUR PA'I GZHI SHES YIN ZER NA, SKABS GSUM PA'I MCHED DU BYA BA'I GDUL BYAR GYUR PA'I THEG DMAN GYI RIGS CAN YOD PAR THAL, DAM BCA' 'THAD PA'I PHYIR, 'DOD NA, BSTAN BCOS MNGON RTOGS RGYAN GYI CHED DU BYA BA'I GDUL BYAR GYUR PA'I THEG DMAN GYI RIGS CAN YOD PAR THAL, 'DOD PA'I PHYIR, KHO NA RE, RTZA BA'I DAM BCA' 'THAD DE, SKABS GSUM PAS MI 'THUN PHYOGS KYI GZHI SHES DNGOS KYI BSTAN BYA'I GTZO BOR BYAS NAS BSTAN PA'I PHYIR; DER THAL, SKABS GSUM PAS GZHI SHES MTSON BYED KYI CHOS DGU DNGOS KYI BSTAN BYA'I GTZO BOR BYAS NAS BSTAN PA'I PHYIR NA, MA KHYAB, DER THAL, SKABS GSUM PA'I DNGOS KYI BSTAN BYA'I GTZO BO YOD PA'I PHYIR, KHA CIG ,SKABS GSUM PA'I DNGOS KYI BSTAN BYA'I GTZO BOR GYUR PA'I GZHI SHES YIN NA, GNYEN PO PHYOGS KYI GZHI SHES YIN PAS KHYAB ZER NA, GZHI SHES CHOS CAN, DER THAL, DE'I PHYIR, DER THAL,, SKABS GSUM PAS GZHI SHES DNGOS KYIS BSTAN BYA'I GTZO BOR BYAS NAS BSTAN PA YIN PA'I PHYIR, DER THAL, BSTAN BCOS MNGON RTOGS RGYAN GYIS MNGON PAR RTOGS PA BRGYAD PO DNGOS KYIS BSTAN BYA'I GTZO BOR BYAS NAS BSTAN PA'I PHYIR, KHA CIG ,DMAN LAM SNGON DU MA SONG BA'I BYANG SEMS SGOM LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I MKHYEN PA DE, SKABS

GSUM PA'I DNGOS KYI BSTAN BYA'I GTZO BOR GYUR BA'I GZHI SHES YIN ZER NA, MI RTAG SOGS BCU DRUG GOMS PA LHUN LEN GYI TSUL GYIS SGOM PAR BYED PA'I BYANG SEMS SGOM LAM PA YOD PAR THAL, DAM BCA' DE 'THAD PA'I PHYIR, 'DOD NA, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI MNGON DU BYA BA NI MA YIN PAS, SGOM PA'I LAM NI MA BSTAN TE, ZHES GSUNGS PA MI 'THAD PAR THAL, 'DOD PA'I PHYIR, 'DOD NA, MI RTAG SOGS BCU DRUG GOMS PA LHUR LEN GYIS SGOM PAR BYED PA'I BYANG SEMS SGOM LAM PA YOD PAR THAL LO, ,`RANG LUGS NI, DMAN LAM SNGON DU MA SONG BA'I BYANG SEMS MTHONG LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I MKHYEN PA DE SKABS GSUM PA'I DNGOS KYI BSTAN BYA'I GTZO BOR GYUR PA'I GZHI SHES YIN BYAS PA LA, KHO NA RE, MI RTAG SOGS BCU DRUG GOMS PA LHUR LEN GYI TSUL GYIS SGOM PAR BYED PA'I BYANG SEMS MTHONG LAM PA YOD PAR THAL, 'DOD PA'I PHYIR, ZER NA, 'DI'I LAN MKHAS PA KHA CIG ,THAL 'GYUR PHYI MA LA MA KHYAB STE, RNAM BSHAD SNYING PO RGYAN LAS, PHYI MA MTHONG LAM LA DMIGS KYIS BKAR BA'O, ,ZHES GSUNGS, DE YANG MI 'THAD DE, LAM SGRON GYI t'IKKA LAS, THEG CHEN GYI MTHONG LAM MAN CHAD DU MI RTAG SOGS BCU DRUG GOMS PA LHUR LEN GYI TSUL GYIS SGOM YANG THEG CHEN GYI MTHONG LAM NAS GOMS PA LHUR LEN GYI TSUL GYIS MI SGOM PAR GSUNGS PA'I PHYIR, DER THAL, LAM t'IKKA

, ,LAS; DE YANG MTHONG LAM MAN CHAD DU GOMS PA LHUR LEN GYIS KYANG BSGOM PAR BYA STE, LAS DANG NYON MONGS PA'I DBANG GIS 'KHOR BA'I SDUG BSNGAL RANG MTSAN PA NYAMS SU MYONG NA GZHAN DON LTA ZHOG ,RANG DON GYI YANG MI NUS PAS NYON MONGS PA'I DPAL LEGS PAR GZHOM DGOS PA'I PHYIR TE, BYANG SA LAS, 'KHOR BA'I SDUG BSNGAL LA BYANG CHUB SEMS DPA' RNAMS KYIS, NYAN THOS LAS 'BUM 'GYUR GYIS KYANG SKYO BAR BYA DGOS PAR GSUNGS SO, ,ZHES LAM t'IK TU BSHAD PA'I PHYIR, `RANG LUGS NI, RTZA BAR MA KHYAB CING, PHYI MA MTHONG LAM LA DMIGS KYIS BKAR BA'O, ,ZHES GSUNGS PA'I DON NI, GZHI SHES KYI SKABS 'DIR MI RTAG SOGS BCU DRUG MNGON SUM DU RTOGS PA'I THEG CHEN GYI MTHONG LAM BSTAN KYANG MI RTAG SOGS BCU DRUG GOMS PA LHUR LEN GYI TSUL GYIS SGOM PAR BYED PA'I THEG CHEN GYI SGOM LAM MA BSTAN PA LUNG DE'I DON YIN, DMAN LAM SNGON DU MA SONG BA'I BYANG SEMS TSOGS SBYOR BA RNAMS KYIS MI RTAG SOGS BCU DRUG GOMS PA LHUR LEN GYI SGO NAS SGOM LA, BYANG SEMS KYI MTHONG LAM THOB NAS MI RTAG SOGS BCU DRUG GOMS PA LHUR LEN GYIS MI SGOM, BYAS PA LA KHO NA RE, BYANG SEMS SBYOR LAM PAS MI RTAG SOGS BCU DRUG BSGOM BYA'I GTZO BOR BYAS NAS SGOM PAR THAL, DES MI RTAG SOGS BCU DRUG GOMS PA LHUR LEN GYI TSUL GYIS SGOM PA'I PHYIR, RTAGS KHAS, 'DOD NA, DES GANG ZAG GI BDAG MED BSGOM BYA'I GTZO BOR BYAS NAS SGOM PAR THAL, 'DOD PA'I PHYIR, 'DOD NA, DES

NYON SGRIB SPANG BYA'I GTZO BOR BYAS NAS SPONG PAR THAL, 'DOD PA'I PHYIR, ZER NA, RTZA BAR MA KHYAB STE, LAM DE GOMS PA LHUR LEN GYI TSUL GYIS SGOM ZHES PA'I DON, LAM DE 'BAD RTZOL CHEN POS SGOM ZHES PA'I DON YIN LA, LAM DE 'BAD RTZOL CHEN POS SGOM NA LAM DE BSGOM BYA'I GTZO BOR BYAS NAS SGOM MI DGOS PA'I PHYIR, KHA CIG ,BSHAD MA THAG PA'I LAM t'I KA GI DON MA GO BA LA BRTEN NAS, BYANG SEMS TSOGS SBYOR BAS NYON SGRIB SPANG BYA'I GTZO BOR BYED, CES ZER, 'O NA, DMAN LAM SNGON DU MA SONG PA'I BYANG SEMS TSOGS LAM PA DE NYAN THOS TSOGS LAM PA LAS DBANG PO RTUL BAR THAL, DES TSOGS SBYOR GYI GNAS SKABS SU BSKAL CHEN GRANGS MED DU MAR NYON SGRIB SPANG BYA'I GTZO BOR BYAS NAS SPONG BA LA 'BAD KYANG, MTHONG LAM GYI GNAS SKABS SU NYON SGRIB ZAD PAR MA SPANGS, BRTZON 'GRUS SHIN TU 'BAR PA'I NYAN THOS TSOGS LAM PAS TSE GSUM LA NYON SGRIB ZAD PAR SPANGS PA'I MYANG 'DAS MNGON DU BYED PA'I PHYIR, LAN GYIS BZLOG PAR MI NUS PA'I THAL 'GYUR RO, ,RANG LUGS NI, RANG RGYUD LDAN GYI GANG ZAG GI RGYUD KYI GANG ZAG GI BDAG MED MNGON SUM DU RTOGS PA'I SHES RAB KYIS ZIN PA'I YE SHES GANG ZHIG ,THEG DMAN GYI RTOGS RIGS SU GNAS PA DE GZHI SHES KYI MTSAN NYID, DON BSDU NA, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA, GZHI SHES KYI MTSAN NYID, DE LA DBYE NA, GNYEN PO PHYOGS KYI GZHI SHES DANG, MI 'THUN PHYOGS KYI GZHI SHES GNYIS, SA MTSAMS NI, 'PHAGS PA'I GANG ZAG MTHA' DAG

, ,GI RGYUD LA YOD, RTZOD PA SPONG BA LA KHO NA RE, THEG DMAN GYI RTOGS RIGS SU GNAS PA'I 'PHAGS PA MED PAR THAL, 'PHAGS PA YIN NA THEG DMAN GYI RTOGS RIGS SU MI GNAS DGOS PA'I PHYIR, RTAGS 'BUD, 'DOD NA, THEG DMAN GYI RTOGS RIGS SU GNAS PA'I 'PHAGS PA CHOS CAN, KHYOD YOD PAR THAL, KHYOD KYI MKHYEN PA YOD PA'I PHYIR, MA GRUB NA, DE'I RGYUD KYI MKHYEN PA CHOS CAN, KHYOD YOD PAR THAL, KHYOD GZHI SHES KYI MTSAN NYID YIN PA'I PHYIR, ZHES ZER NA, CHOS CAN SKYON CAN NO, ,` TSU ROL PHA ROL MTHA' LA MIN, ,ZHES SOGS KYI SKABS SU, SBYOR BA DANG, MTHA' BCAD PA GNYIS, DANG PO NI, MI RTAG SOGS BCU DRUG MNGON SUM DU RTOGS PA'I THEG CHEN GYI MTHONG LAM CHOS CAN, SRID MTHA' LA MI GNAS TE, SRID MTHA' 'GOG PAR NUS PA'I SHES RAB KYIS ZIN PA'I THEG CHEN 'PHAGS PA'I MKHYEN PA YIN PA'I PHYIR, DE CHOS CAN, ZHI MTHA' LA MI GNAS TE, ZHI MTHA' 'GOG PAR NUS PA'I SNYING RJES ZIN PA'I THEG CHEN 'PHAGS PA'I MKHYEN PA YIN PA'I PHYIR, SRID ZHI GNYIS KYI BAR NA DON DAM PAR MI GNAS TE, SRID ZHIG BDEN STONG DU MNGON SUM DU RTOGS PA'I SHES RAB KYI ZIN PA'I THEG CHEN 'PHAGS PA'I MKHYEN PA YIN PA'I PHYIR, DE CHOS CAN, SANGS RGYAS DANG BYANG CHUB SEMS DPA' RNAMS KYI RGYUD LA NYE BA YIN TE, DUS GSUM BDEN STONG DU MNGON SUM DU RTOGS PA'I SHE RAB KYIS ZIN PA'I THEG CHEN 'PHAGS PA'I MKHYEN PA YIN PA'I PHYIR, KHA CIG ,'DI'I SBYOR BA LA, GNYEN PO PHYOGS KYI GZHI SHES CHOS CAN, SRID MTHA' LA MI GNAS TE, SRID MTHA' 'GOG PAR NUS PA'I SHES RAB KYIS ZIN PA'I PHYIR, DE CHOS CAN, ZHI MTHA' LA MI GNAS TE, ZHI MTHA' 'GOG PAR NUS PA'I SNYING RJES ZIN PA'I PHYIR, SRID ZHI GNYIS KYI BAR NA MI GNAS TE, SRID ZHI BDEN STONG DU MNGON SUM DU RTOGS PA'I PHYIR, DE CHOS CAN, SANGS RGYAS DANG BYANG

CHUB SEMS DPA' RNAMS KYI RGYUD LA NYE BA YIN TE, DUS GSUM BDEN STONG DU MNGON SUM DU RTOGS PA'I YE SHES YIN PA'I PHYIR, ZER NA, 'DI LA KHA CIG ,NGES PA'I RGYUN ZHUGS SRID PA LAN BDUN PA PA'I RGYUD KYI YID KYI RNAM PAR SHES PA CHOS CAN, SRID MTHA' LA MI GNAS PAR THAL, SRID MTHA' 'GOG PAR NUS PA'I SHES RAB KYIS ZIN PA'I PHYIR, KHYAB PA KHAS, DER THAL, GANG ZAG GI BDAG MED MNGON SUM DU RTOGS PA'I SHES RAB KYIS ZIN PA'I PHYIR, DER THAL, 'PHAGS RGYUD KYI MKHYEN PA YIN PA'I PHYIR, DER THAL, 'PHAGS RGYUD KYI MKHYEN PA YIN PA'I PHYIR, RTZA BAR 'DOD NA, DE CHOS CAN, SRID MTHA' LA GNAS PAR THAL, NGES PA'I RGYUN ZHUGS SRID PA LAN BDUN PA BA SRID MTHA' LA GNAS PA'I PHYIR, MA GRUB NA, DE CHOS CAN, DE LA GNAS PAR THAL, 'DOD PAR LAS NYON GYI DBANG GIS RIGS MTHUN GYI SKYE SRID BDUN LEN PAR NGES PA'I GANG ZAG YIN PA'I PHYIR, ZHES ZER, RANG LUGS KYI SKYON NI, BYANG 'PHAGS KYI RGYUD KYI STONG NYID MNGON SUM DU RTOGS PA'I YE SHES DE GZHI SHES YIN PAR THAL, GNYEN PO PHYOGS KYI GZHI SHES DES SRID ZHI BDEN STONG DU MNGON SUM DU RTOGS PA'I PHYIR, RTAGS KHAS, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL, 'DOD PA'I PHYIR, GZHAN YANG, BYANG 'PHAGS KYI RGYUD KYI GNYEN PO PHYOGS KYI GZHI SHES DES SRID ZHI BDEN STONG DU MNGON SUM DU RTOGS PAR THAL, GNYEN PO PHYOGS KYI GZHI SHES DES SRID ZHI BDEN STONG DU MNGON SUM DU RTOGS PA'I PHYIR, RTAGS KHAS, 'DOD NA, SLOB LAM NA BLO GCIG GIS BDEN GNYIS GCIG CAR

, ,DU MNGON SUM DU RTOGS PA YOD PAR THAL, 'DOD PA'I PHYIR, GZHAN YANG, GNYEN PO PHYOGS KYI GZHI SHES CHOS CAN, SRID ZHI GNYIS KYI BAR NA GNAS PAR THAL, SRID ZHI GNYIS KYI DBUS NA GNAS PA'I PHYIR, DER THAL, THEG CHEN 'PHAGS PA'I MKHYEN PA YIN PA'I PHYIR, DER THAL, CHOS CAN DE'I PHYIR, GZHAN YANG, GNYEN PO PHYOGS KYI GZHI SHES CHOS CAN, MNGON SUM YIN PAR THAL, SRID ZHI BDEN STONG DU MNGON SUM DU RTOGS PA'I YE SHES YIN PA'I PHYIR, RTAGS KHAS, 'DOD NA, DE CHOS CAN, DE MA YIN PAR THAL, BYANG 'PHAGS KYI RGYUD KYI GANG ZAG GI BDAG MED DON SBYI'I TSUL GYIS RTOGS PA'I BLO DE KHYOD YIN PA'I PHYIR, GZHAN YANG, NYAN THOS 'PHAG PA'I RGYUD KYI STONG NYID MNGON SUM DU RTOGS PA'I MKHYEN PA CHOS CAN, SANGS RGYAS DANG BYANG CHUB SEMS DPA' RNAMS KYI RGYUD LA NYE BA YIN PAR THAL, DUS GSUM BDEN STONG DU MNGON SUM DU RTOGS PA'I YE SHES YIN PA'I PHYIR, KHYAB PA KHAS, RTAGS GRUB STE, DE 'DRA BA YOD PA'I PHYIR, 'DOD MI NUS TE, NYAN THOS 'PHAGS PA'I MKHYEN PA YIN PA'I PHYIR, MKHAS PA KHA CIG ,KHYAD PAR GSUM LDAN GYI GZHI SHES PA'I SHER PHYIN CHOS CAN, SANGS RGYAS DANG BYANG CHUB SEMS DPA' RNAMS KYI RGYUD LA NYE BA YIN TE, DUS GSUM BDEN STONG DU MNGON SUM DU RTOGS PA MTHAR PHYIN PA'I YE SHES YIN PA'I PHYIR, GZHI SHES PA'I SHER PHYIN CHOS CAN, KHYAD PAR GSUM DANG LDAN TE, SRID MTHA' LA MI GNAS, ZHI MTHA' LA MI GNAS, SRID ZHI GNYIS KYI BAR NA

DON DAM PAR MI GNAS PA'I YE SHES YIN PA'I PHYIR, DE CHOS CAN, SRID MTHA' LA MI GNAS TE, SRID MTHA' 'GOG BYED KYI YE SHES YIN PA'I PHYIR, DE CHOS CAN, ZHI MTHA' LA MI GNAS TE, ZHI MTHA' 'GOG BYED KYI YE SHES YIN PA'I PHYIR, DE CHOS CAN, SRID ZHI GNYIS KYI BAR NA DON DAM PAR MI GNAS TE, SRID ZHI BDEN MED DU MNGON SUM DU RTOGS PA'I YE SHES YIN PA'I PHYIR, ZHES GSUNG, RE SHIG DPYAD NA, SHES RAB PHA ROL PHYIN PAR 'DOD, ,CES PA'I SKABS NAS DNGOS SU BSTAN PA'I SHER PHYIN DE 'BRAS BU SHER PHYIN LA BYED RIGS PAR THAL, SBYOR BA DE 'THAD PA'I PHYIR, 'DOD NA, DUS GSUM PA'I CHOS RNAMS SKYE BA MED PA'I CHOS MNYAM PA NYID DU RTOGS PAS SANGS RGYAS DANG BYANG CHUB SEMS DPA' RNAMS LA NYE BAR GYUR BAR 'DOD PA'I SHES RAB KYI PHA ROL TU PHYIN PA GANG YIN PA DE NI, ZHES PA'I SKABS NAS DNGOS SU BSTAN PA'I SHER PHYIN DE 'BRAS BU SHER PHYIN LA BYED RIGS PAR THAL, 'DOD PA'I PHYIR, 'DOD NA, RNAM BSHAD SNYING PO RGYAN LAS, LAM SHER PHYIN 'DI LA, MI RTAG SOGS RTOGS PA'I SHES RAB DANG SNYING RJE CHEN PO DANG STONG NYID RTOGS PA SOGS DU MA YOD PA'I LAG RJES MI 'DRA BA SO SOR BZHAG NA, ZHES SOGS BSHAD PA MI 'THAD PAR THAL, 'DOD PA'I PHYIR, GZHAN YANG, SKABS GSUM PA'I DNGOS KYI BSTAN BYA'I GTZO BOR GYUR PA'I GZHI SHES KYANG YIN, 'BRAS BU SHER PHYIN YANG YIN PA'I GZHI MTHUN YOD PAR THAL, SBYOR BA DE 'THAD PA'I PHYIR, 'DOD NA, BYANG SEMS MTHONG LAM PA'I RGYUD KYI MI RTAG SOGS BCU DRUG MNGON SUM

, ,DU RTOGS PA'I YE SHES DE SKABS GSUM PA'I DNGOS KYI BSTAN BYA'I GTZO BOR GYUR PA'I GZHI SHES YIN LA, BYANG SEMS SGOM LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE SKABS GSUM PA'I BSTAN BYA'I GTZO BOR GYUR PA'I GZHI SHES MA YIN PA'I KHYAD PAR BSHAD PA MI 'THAD PAR THAL, 'DOD PA'I PHYIR, GNYIS PA LA MKHAS PA KHA CIG ,LAM SHES GANG ZHIG ;'DIR BSTAN SRID MTHA' 'GOG PAR NUS PA'I SHES RAB KYIS ZIN PA DE SHES PAS SRID LA MI GNAS PA'I LAM SHES KYI MTSAN NYID, LAM SHES GANG ZHIG ,'DIR BSTAN ZHIG MTHA' 'GOG PAR NUS PA'I SNYING RJES ZIN PA DE, SNYING RJES ZHI LA MI GNAS PA'I LAM SHES KYI MTSAN NYID, CES GSUNG, BYANG SEMS MTHONG LAM PA'I KUN RDZOB SEMS BSKYED CHOS CAN, MTSON BYA DANG PO DER THAL, MTSAN NYID DE'I PHYIR, 'DOD NA, DE CHOS CAN, GZHI KUN RDZOB LA LTOS PA'I SRID MTHA' 'GOG BYED KYI RTOGS RIGS SU GNAS PAR THAL, 'DOD PA'I PHYIR, 'DOD NA, THEG DMAN GYI RTOGS RIGS SU GNAS PAR THAL 'DOD PA'I PHYIR, GNYIS PA LA THEG CHEN GYI MTHONG LAM BAR CHAD MED LAM CHOS CAN, MTSON BYA GNYIS PA DER THAL, MTSAN NYID DE'I PHYIR, 'DOD NA, DE CHOS CAN, GZHI KUN RDZOB LA LTOS PA'I ZHI MTHA' 'GOG BYED KYI RTOGS RIGS SU GNAS PAR THAL, 'DOD PA'I PHYIR, 'DOD NA, THABS KHYAD PAR CAN GYI RTOGS RIGS SU GNAS PAR THAL LO, ,'DOD MI NUS TE, BAR CHAD MED

LAM YIN PA'I PHYIR, KHA CIG ,THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA DE, SHES PAS SRID LA MI GNAS PA'I LAM SHES KYI MTSAN NYID, THEG CHEN GYI RTOGS RIGS SU GNAS PA'I THEG CHEN 'PHAGS PA'I MKHYEN PA DE, SNYING RJES ZHI LA MI GNAS PA'I LAM SHES KYI MTSAN NYID ZER NA, BYANG 'PHAGS GYI RGYUD KYI GNYIS STONG MNGON SUM DU RTOGS PA'I MKHYEN PA CHOS CAN, MTSON BYA DANG PO DER THAL, MTSAN NYID DE'I PHYIR, MA GRUB NA, DER THAL, THEG DMAN GYI RTOGS RIGS SU GNAS PA GANG ZHIG THEG CHEN 'PHAGS PA'I MKHYEN PA YIN PA'I PHYIR, DANG PO GRUB STE, RANG RGYAL GYI RTOGS RIGS SU GNAS PA'I PHYIR, TZA BAR 'DOD NA, NYAN THOS KYI RTOGS RIGS SU GNAS PAR THAL LO, ,GNYIS PA LA, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL; MTSAN NYID DE'I PHYIR, RTAGS SLA, 'DOD NA, DE CHOS CAN, THABS KHYAD PAR CAN GYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE, BAR CHAD MED LAM YIN PA'I PHYIR, KHA CIG ,GZHI SHES LA SHES PAS SRID LA MI GNAS PA'I GZHI SHES DANG, SNYING RJES ZHI LA MI GNAS PA'I GZHI SHES GNYIS YOD CES ZER, BYANG SEMS MTHONG LAM PA'I RGYUD KYI SNYING RJES CHEN PO DE, GZHI SHES YIN PAR THAL, SNYING RJES ZHI LA MI GNAS PA'I GZHI SHES YOD PA'I PHYIR, RTAGS KHAS, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL LO, ,'DOD MI NUS TE, THEG

, ,CHEN GYI RTOGS RIGS SU GNAS PA'I PHYIR TE, SNYING RJE CHEN PO YIN PA'I PHYIR, KHO NA RE, SNYING RJES ZHI LA MI GNAS PA'I GZHI SHES YOD PAR THAL, BYANG SEMS MTHONG LAM PA'I RGYUD KYI SNYING RJE CHEN PO DE DE YIN PA'I PHYIR TE, DE'I RGYUD KYI SNYING RJE TSAD MED DE DE YIN PA'I PHYIR TE, DE THEG DMAN GYI RTOGS RIGS SU GNAS PA'I PHYIR TE, SNYING RJE TSAD MED BSGOM BYA'I GTZO BOR BYED PA'I THEG DMAN 'PHAGS PA YOD PA'I PHYIR, DER THAL, SNYING RJE TSAD MED RGYUD LDAN GYI THEG DMAN GYI 'PHAGS PA YOD PA'I PHYIR, ZER NA, 'DIR MA KHYAB, KHO NA RE, SNYING RJES ZHI LA MI GNAS PA'I GZHI SHES YOD PAR THAL, SHES PAS SRID LA MI GNAS PA'I GZHI SHES YOD PA'I PHYIR TE, BYANG 'PHAGS KYI RGYUD KYI MI RTAG SOGS BCU DRUG MNGON SUM DU RTOGS PA'I MKHYEN PA DE DE YIN PA'I PHYIR, MA GRUB NA, DE CHOS CAN, DE YIN PAR THAL, GZHI SHES GANG ZHIG ,GZHI KUN RDZOB LA LTOS PA'I SRID MTHA' 'GOG BYED KYI RTOGS RIGS SU GNAS PA'I PHYIR NA MA KHYAB STE, SHES BYA CHOS CAN, GNYEN PO PHYOGS KYI LAM SHES YOD PAR THAL; SHES PAS SRID LA MI GNAS PA'I GZHI SHES YOD PA'I PHYIR, RTAGS KHAS, 'DOD MI NUS TE, GNYEN PO PHYOGS KYI LAM SHES ZHES PA'I THA SNYAD BYAMS PA'I GSUNG RAB LAS MA BYUNG BA'I PHYIR, GZHAN YANG; MI 'THUN PHYOGS KYI LAM SHES YOD PAR THAL, GNYEN PO PHYOGS KYI LAM SHES YOD PA'I PHYIR, RTAGS KHAS, KHO NA RE, GNYEN PO PHYOGS KYI LAM SHES YOD PAR THAL, THEG CHEN GYI MTHONG LAM DE

DE LTAR YIN PA'I PHYIR, MA GRUB NA, DE CHOS CAN, DER THAL, LAM SHES GANG ZHIG ,GNYEN PO PHYOGS KYI SHES RNAM YIN PA'I PHYIR, ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, BAR CHAD MED PA'I RTZE SBYOR YIN PAR THAL, RTZE SBYOR GANG ZHIG ,BAR CHAD MED LAM YIN PA'I PHYIR, KHYAB PA KHAS, GZHAN YANG, SHES PAS SRID LA MI GNAS SHING, ZHES PA'I GZHUNG 'DIS SHES PAS SRID LA MI GNAS PA'I GZHI SHES BSTAN BYA'I GTZO BOR BYAS NAS BSTAN PAR THAL, SHES PAS SRID LA MI GNAS PA'I GZHI SHES YOD PA'I PHYIR, RTAGS KHAS, 'DOD NA, SNYING RJES ZHI LA MI GNAS DANG, ,ZHES PA'I GZHUNG 'DIS SNYING RJES ZHI LA MI GNAS PA'I GZHI SHES DE LTAR BSTAN PAR THAL LO, ,'DOD NA, DE YOD PAR THAL, 'DOD PA'I PHYIR, 'DOD NA, BKAG ZIN, GZHAN YANG, SHES PAS SRID LA MI GNAS SHING, ,ZHES PA'I GZHUNG 'DIS SHES PAS SRID LA MI GNAS PA'I GZHI SHES BSTAN BYA'I GTZO BOR BYAS NAS MA BSTAN PAR THAL, DES SHES PAS SRID LA MI GNAS PA'I LAM SHES BSTAN BYA'I GTZO BOR BYAS NAS BSTAN PA'I PHYIR TE, DE LAM SHES LA DOGS PA GCOD PA'I GZHUNG YIN PA'I PHYIR, GZHAN YANG, GNYEN PO PHYOGS DANG LAM SHES KYI GZHI MTHUN YIN NA, GNYEN PO PHYOGS KYI LAM SHES YIN DGOS PAR THAL, GNYEN PO PHYOGS KYI LAM SHES YOD PA'I PHYIR; RTAGS KHAS, 'DOD NA, GNYEN PO PHYOGS DANG GZHI SHES KYI GZHI MTHUN YIN NA, GNYEN PO PHYOGS KYI GZHI SHES YIN DGOS PAR THAL, GNYEN PO PHYOGS KYI GZHI SHES YOD PA'I PHYIR, 'DOD NA, NYAN THOS KYI

, ,MTHONG LAM BAR CHAD MED LAM CHOS CAN, DER THAL, DE'I PHYIR, KHYAB PA KHAS, 'DOD NA, THEG CHEN 'PHAGS PA'I MKHYEN PA YIN PAR THAL LO, ,'O NA, SRID ZHI'I MTHA' DE GANG ZHE NA, SRID MTHA' ZHES PA'I SGRA 'JUG PA'I GZHI DE LA DU MA YOD DE, LAS NYON GYIS SRID PAR SKYE BA LEN PA'I CHA DE KUN RDZOB LA LTOS PA'I SRID MTHA', DE NI SHES RAB KYI TSU ROL GYI MTHA' 'KHOR BA DANG ZHES PA'I DON YIN NO,, LAS NYON GYI DBANG GIS 'KHOR BAR SKYE BA LEN PA'I CHA BDEN GRUB DE, DON DAM LA LTOS PA'I SRID MTHA' DANG, LAS NYON GYI DBANG GIS 'KHOR BAR SKYE BA LA MTHA' GCIG TU DOR BYAR BYED PA'I CHA DE, BYANG SEMS LAM LA LTOS PA'I SRID MTHA' YIN, DE NI DNGOS POR DMIGS PA NYID KYIS ZHES SOGS KYI DON YIN, ZHI MTHA' ZHES PA'I SGRA 'JUG PA'I GZHI DE LA DU MA YOD DE, LAS NYON GYI DBANG GIS 'KHOR BAR SKYE BA LEN PA CHAD TZAM GYIS THOB PA'I MYANG 'DAS DE KUN RDZOB LA LTOS PA'I ZHI MTHA' DANG, DE NI SNYING RJES PHA ROL KYI MTHA' MYA NGAN LAS 'DAS PA ZHES PA'I DON YIN, LAS NYON GYI DBANG GIS 'KHOR BAR SKYE BA LEN PA CHAD TZAM GYIS THOB PA'I MYANG 'DAS BDEN GRUB DE, DON DAM LA LTOS PA'I ZHI MTHA' DANG, LAS NYON GYI DBANG GIS 'KHOR BAR SKYE BA LEN PA CHAD TZAM GYIS THOB PA'I MYANG 'DAS LA MTHA' GCIG TU BLANG BYAR BYED PA'I CHA DE, BYANG SEMS LAM LA LTOS PA'I ZHI MTHA' YIN PA'I PHYIR, DE NI DNGOS POR DMIGS PA NYID KYIS ZHES SOGS KYI DON YIN ZHES ZER, 'DI CHES MI 'THAD DE, SHES BYA CHOS CAN, LAS NYON GYI DBANG GIS 'KHOR

BAR SKYE BA LA MTHA' GCIG TU DOR BYAR BYED PA'I GANG ZAG YIN NA, BYANG SEMS LAM LA LTOS PA'I SRID MTHA' LA GNAS PAS KHYAB PAR THAL, DE LTAR DOR BYAR BYED PA'I CHA DE BYANG SEMS LAM LA LTOS PA'I SRID MTHA' YIN PA'I PHYIR; RTAGS KHAS, 'DOD NA, BYANG SEMS SBYOR LAM PA CHOS CAN, DER THAL, DE'I PHYIR, RTAGS GRUB STE, LAM t'IK LAS, MTHONG LAM MAN CHAD DU GOMS PA LHUR LEN GYIS KYANG BSGOM PAR BYA STE, LAS DANG NYON MONGS PA'I DBANG GIS 'KHOR BA'I SDUG BSNGAL RANG MTSAN PA NYAMS SU MYONG NA GZHAN DON LTA ZHOG ,RANG DON YANG JI LTA BA BZHIN DU MI NUS PAS, SKABS 'DIR NYON MONGS PA'I DPAL LEGS PAR GZHOM DGOS PA'I PHYIR, ZHES DANG; BYANG SA LAS, NYAN THOS RNAMS LAS BYANG CHUB SEMS DPAS 'BUM 'GYUR GYIS KYANG SKYO BAR BYA DGOS PAR GSUNGS PA YIN NO, ,ZHES GSUNGS PA'I PHYIR, RTZA BAR 'DOD NA, GSAL PA SONG, NYAN THOS LA SOGS PA LA DUS GSUM MNYAM PA NYID DU SHES PA MED PA'I PHYIR, ZHES SMOS PA LA DGOS PA MED PAR THAL, DNGOS PO DANG DNGOS PO MED PAR DMIGS PA NYID KYIS 'KHOR BA DANG MYA NGAN LAS 'DAS PA LA GNAS PA YIN PAR SHES PAR BYA'O, ,ZHES PA'I SKABS KYI SRID MTHA' DE BYANG SEMS LAM LA LTOS PA'I SRID MTHA' DANG, DE'I SKABS KYI ZHI MTHA' DE BYANG SEMS LAM LA LTOS PA'I ZHI MTHA' LA BYED RIGS PA GANG ZHIG ,BYANG SEMS SBYOR LAM PA BYANG SEMS LAM LA LTOS PA'I SRID MTHA' LA GNAS PA'I PHYIR, LAN GYIS BZLOG PAR MI NUS SO, ,GZHAN YANG, STONG NYID RTOGS PA'I NYAN THOS DGRA BCOM PA BYANG SEMS LAM LA LTOS PA'I SRID MTHA' LA GNAS

, ,PAR THAL, LAS NYON GYI DBANG GIS 'KHOR BAR SKYE BA LA MTHA' GCIG TU DOR BYAR BYED PA'I CHA DE, BYANG SEMS LAM LA LTOS PA'I SRID MTHA' YIN PA'I PHYIR, RTAGS KHAS, 'DOD NA, NYAN THOS DGRA BCOM PA CHOS CAN, DNGOS POR DMIGS PA NYID KYIS 'KHOR BA LA GNAS PA YIN PAR SHES PAR BYA'O, ,ZHES PA'I SKABS NAS DNGOS SU BSTAN PA'I 'KHOR BA'I MTHA' LA GNAS PAR THAL, 'DOD PA GANG ZHIG ,DE'I SKABS NAS BSTAN PA'I SRID MTHA' DE BYANG SEMS LAM LA LTOS PA'I SRID MTHA' YIN PA'I PHYIR, RTAGS KHAS, 'DOD NA, DE CHOS CAN, KHYOD KYIS STONG NYID MNGON SUM DU MA RTOGS PAR THAL LO, ,KHYAB STE, NYAN THOS 'PHAGS PA LA SOGS PA DUS SUM MNYAM PA NYID DU SHES PA MED PAS, ZHES GSUNGS PA'I PHYIR, BLO GZU BOR ZHOG LA LTOS SHIG ,PHYOGS SNGA SMRA BA PO 'DIS, KUN RDZOB LA LTOS PA'I SRID MTHA' LA GNAS NA, LAS NYON GYI DBANG GIS 'KHOR BAR SKYE BA LEN PAS KHYAB PAR SMRA BA YANG MI 'THAD DE, SRID PA THA MA PA'I NYAN THOS SGOM LAM PA CHOS CAN, DER THAL, DE'I PHYIR, MA GRUB NA, DER THAL, KUN RDZOB LA LTOS PA'I SRID ZHI GANG RUNG GI MTHA' LA GNAS PA GANG ZHIG ;KUN RDZOB LA LTOS PA'I ZHI MTHA' LA MI GNAS PA'I PHYIR, DANG PO GRUB STE, THEG DMAN GANG ZAG YIN PA'I PHYIR, KHYAB STE, SRID DANG ZHI BAR LHUNG BA'I PHYIR, ZHES BSHAD PA'I PHYIR, 'DI'I THAD KYI t'IKKA LA GZIGS SHIG ,PHYI MA GRUB STE, THEG DMAN SLOB PA YIN PA'I PHYIR, RTZA BAR 'DOD MI NUS TE, TSE DE LA NYAN THOS DGRA BCOM PA'I 'BRAS BU MNGON DU BYED PA'I GANG ZAG YIN PA'I PHYIR, LAS NYON GYIS 'PHANGS PA'I 'KHOR BA DE KUN RDZOB LA

LTOS PA'I SRID MTHA' YIN, DE LA GNAS PA DE, KUN RDZOB LA LTOS PA'I SRID MTHA' LA GNAS PA'I DON YIN BYAS PA LA KHO NA RE, BDE BA CAN GYI RTEN CAN GYI NYAN THOS TSOGS LAM PA CHOS CAN, LAS NYON GYIS 'PHANGS PA'I 'KHOR BA LA GNAS PAR THAL, KUN RDZOB LA LTOS PA'I SRID MTHA' LA GNAS PA'I PHYIR, KHYAB PA KHAS, RTAGS DER THAL, KUN RDZOB LA LTOS PA'I SRID ZHI GANG RUNG GI MTHA' LA GNAS PA GANG ZHIG ,KUN RDZOB LA LTOS PA'I ZHI MTHA' LA MA GNAS PA'I PHYIR, DANG PO DER THAL, THEG DMAN GANG ZAG YIN PA'I PHYIR, RTAGS GRUB STE, CHOS CAN DE YOD PA'I PHYIR TE, BDE BA CAN GYI RTEN CAN GYI NYAN THOS SLOB PA YOD PA'I PHYIR TE, DE'I RTEN CAN GYI NYAN THOS DGRA BCOM PA YOD PA'I PHYIR ZER NA, MA KHYAB, 'DOD MI NUS TE, CHOS CAN DE'I PHYIR, KHA CIG ,'KHOR BA BDEN PAR 'DZIN PA'I BDEN 'DZIN DE, DON DAM LA LTOS PA'I SRID MTHA' DANG, MYANG 'DAS BDEN PAR 'DZIN PA'I BDEN 'DZIN DE, DON DAM LA LTOS PA'I ZHI MTHA' YIN ZER NA, 'O NA, DON DAM LA LTOS PA'I SRID MTHA' YOD PAR THAL, DAM BCA' 'THAD PA'I PHYIR, 'DOD NA, 'KHOR BA BDEN GRUB DANG, MYANG 'DAS BDEN GRUB YOD PAR THAL, 'DOD PA'I PHYIR, RANG LUGS NI, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DON DAM LA LTOS PA'I ZHI MTHA' YIN BYAS PA LA KHA CIG ,'KHOR BA BDEN GRUB CHOS CAN, DON DAM LA LTOS PA'I SRID MTHA' MA YIN PAR THAL, 'KHOR BA BDEN GRUB MA YIN PA'I PHYIR, DE BZHIN DU GCIG SHOS LA RIGS 'GRE ,ZHES GSUNG, DE YANG,

, ,MI 'THAD DE, 'KHOR BA BDEN GRUB TU ZHEN PA'I BLO RTAG MTHA' MA YIN PAR THAL, 'KHOR BA BDEN GRUB YOD MTHA' MA YIN PA'I PHYIR, MA GRUB NA, DE MA YIN PAR THAL, 'KHOR BA BDEN GRUB DON DAM LA LTOS PA'I SRID MTHA' MA YIN PA'I PHYIR, RTAGS KHAS, KHO NA RE, DON DAM LA LTOS PA'I SRID MTHA' LA GNAS PA'I GANG ZAG MED PAR THAL, DON DAM LA LTOS PA'I SRID MTHA' MED PA'I PHYIR, DER THAL, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DON DAM LA LTOS PA'I ZHI MTHA' YIN PA'I PHYIR, ZER NA, RTZA BAR MA KHYAB, RTAG CHAD KYI MTHA' LA GNAS PA'I GANG ZAG MED PAR THAL; RTAG CHAD KYI MTHA' MED PA'I PHYIR, KHYAB PA KHAS, KHO NA RE, SEMS TZAM PA DE, DON DAM LA LTOS PA'I SRID MTHA' LA GNAS PAR THAL, DON DAM LA LTOS PA'I SRID ZHI'I MTHA' LA GNAS PA'I GANG ZAG YOD PA'I PHYIR, 'DOD NA, DE CHOS CAN, SRID PA BDEN GRUB LA GNAS PAR THAL LO, ,KHYAB STE, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DON DAM LA LTOS PA'I ZHI MTHA' YIN PA'I PHYIR, ZER NA, MA KHYAB STE, BYANG 'PHAGS KYI RGYUD KYI DMIGS MED LA DMIGS PA'I SNYING RJE CHOS CAN, BDEN MED LA DMIGS PAR THAL, BDEN MED LA DMIGS PA'I SNYING RJE YIN PA'I PHYIR, KHYAB STE, DMIGS MED LA DMIGS PA'I SNYING RJE ZHES PA'I DMIGS MED DE BDEN MED LA BYED RIGS PA'I PHYIR, MA GRUB NA DER THAL, t'IK CHEN DGONGS PA RAB GSAL LAS, DMIGS PA MED PA NI MTSAN 'DZIN GYIS GZUNG BA

LTAR GYI ZHEN YUL MED PAR BDAG MED DO, ,ZHES GSUNGS PA'I PHYIR, 'DOD MI NUS TE, CHOS CAN DE'I PHYIR, MKHAS PA KHA CIG ,SANGS RGYAS 'PHAGS PA SRID MTHA' LA GNAS KYANG, SKABS 'DIR BSTAN GYI SRID MTHA' LA MI GNAS, ZHES GSUNG, SHES BYA CHOS CAN, SANGS RGYAS 'PHAGS PA'I RGYUD LA SRID MTHA' YOD PAR THAL, DAM BCA' 'THAD PA'I PHYIR, 'DOD NA, DE'I RGYUD LA GZHI KUN RDZOB LA LTOS PA'I SRID MTHA' YOD PAR THAL; 'DOD PA'I PHYIR, 'DOD NA, GZHI KUN RDZOB LA LTOS PA'I SRID MTHA' 'GOG BYED KYI SHES RAB MED PAR THAL LO, ,'DOD NA, DE YOD PAR THAL, DE 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA DE SHES PAS SRID LA MI GNAS PA'I LAM SHES KYI MTSAN NYID YIN PA'I PHYIR, DER THAL, GZHI KUN RDZOB LA LTOS PA'I ZHI MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MNGON RTOGS SNYING RJES ZHI LA MI GNAS PA'I LAM SHES KYI MTSAN NYID DU 'JOG PA'I PHYIR, DER THAL, SNYING PO RGYAN LAS BSHAD PA'I PHYIR, GZHAN YANG, ,MYANG 'DAS DE SRID MTHA' YIN PAR THAL, SANGS RGYAS 'PHAGS PA SRID MTHA' LA GNAS PA'I PHYIR, RTAGS KHAS, 'DOD NA, THEG DMAN GYI MYANG 'DAS SRID MTHA' YIN PAR THAL LO, ,'DOD NA, THEG DMAN GYI MYANG 'DAS CHOS CAN, DE MA YIN PAR THAL, ZHI MTHA' YIN PA'I PHYIR TE, ZHI MTHA'I MTSAN GZHI GCIG YOD PA'I PHYIR, GAL TE, SANGS RGYAS 'PHAGS PA CHOS CAN, SRID MTHA' LA GNAS PAR THAL, 'KHOR BA'I MTHA' LA GNAS PA'I PHYIR TE, 'KHOR BA'I PHYI MTHA' LA GNAS PA GANG

, ,ZHIG ;DE 'KHOR BA'I MTHA' YIN PA'I PHYIR, DANG PO GRUB STE, 'KHOR BA'I PHYI MTHA' MNGON DU BYAS PA'I GANG ZAG YIN PA'I PHYIR, PHYI MA MA GRUB NA, 'KHOR BA LA MTHA' MED PAR THAL, MA GRUB PA DE'I PHYIR, ZER NA 'DIR MA KHYAB, TSIG TZAM LA RTZOD NA, SANGS RGYAS 'PHAGS PA CHOS CAN, SKABS 'DIR BSTAN GYI SRID MTHA' LA GNAS PAR THAL, SKABS 'DIR BSTAN GYI 'KHOR BA'I MTHA' LA GNAS PA'I PHYIR, DER THAL, SKABS 'DIR BSTAN GYI 'KHOR BA'I PHYI MTHA' LA GNAS PA GANG ZHIG ,SKABS 'DIR BSTAN GYI 'KHOR BA'I PHYI MTHA' DE SKABS 'DIR BSTAN GYI 'KHOR BA'I MTHA' YIN PA'I PHYIR, DANG PO GRUB STE; DE MNGON DU BYAS PA'I GANG ZAG YIN PA'I PHYIR, GNYIS PA MA GRUB NA, SKABS 'DIR BSTAN GYI 'KHOR BA LA MTHA' MED PAR THAL, MA GRUB PA DE'I PHYIR, ZHES SOGS MTSUNGS PA JI LTA BA BZHIN DU BYA'O, ,KHA CIG 'KHOR BA DE 'KHOR BA'I MTHA' YIN PAR THAL, 'KHOR BA'I MTHA' YOD PA GANG ZHIG ,MYANG 'DAS 'KHOR BA'I MTHA' MA YIN PA'I PHYIR, RTAGS PHYI MA KHAS, 'DOD NA, MYANG 'DAS DE MYANG 'DAS KYI MTHA' YIN PAR THAL LO, ,ZER NA MA KHYAB, 'DOD NA, SANGS RGYAS 'PHAGS PA MYANG 'DAS KYI MTHA' LA GNAS PAR THAL LO, ,ZHES ZER NA, 'KHOR BA YIN NA 'KHOR BA'I MTHA' MA YIN DGOS PAR THAL, 'KHOR BA'I MTHA' LA GNAS PA'I GANG ZAG YIN NA, MYANG 'DAS THOB PA'I KHYAB PA'I PHYIR, RTAGS KHAS, 'DOD NA, MYANG 'DAS YIN NA MYANG 'DAS KYI MTHA' MA YIN DGOS PAR THAL, 'DOD PA'I PHYIR, 'DOD NA, THEG DMAN GYI MYANG 'DAS

CHOS CAN, DER THAL, DE'I PHYIR, MKHAS PA KHA CIG ,LAS DANG NYON MONGS PA'I DBANG GIS RGYUN RING POR NYING MTSAMS SBYOR BA DE, SKABS 'DIR BSTAN GYI SRID MTHA' YIN, DE YANG 'GREL PAR, SHES RAB KYIS TSU ROL GYI MTHA' 'KHOR BA DANG, ZHES PAS BSTAN, SRID PAR SKYE BA LA MTHA' GCIG TU DOR BYAR ZHEN PA YANG SKABS 'DIR BSTAN GYI SRID MTHA' YIN, DE NI 'GREL PAR, DNGOS POR DMIGS PA NYID KYIS 'KHOR BA LA GNAS PA YIN PAR SHES PAR BYA'O, ,ZHES PAS BSTAN, SRID PAR SKYE BA CHAD TZAM GYIS THOB PA'I MYANG 'DAS DE SKABS 'DIR BSTAN GYI ZHI MTHA' YIN, DE NI 'GREL PAR, SNYING RJES PHA ROL GYI MTHA' MYA NGAN LAS 'DAS PA STE, ZHES PAS BSTAN, SRID PAR SKYE BA CHAD TZAM GYI MYANG 'DAS LA MTHA' GCIG TU BLANG BYAR BDEN PAR ZHEN PA DE YANG SKABS 'DIR BSTAN GYI ZHI MTHA' YIN, DE NI 'GREL PAR, DNGOS PO MED PAR DMIGS PA NYID KYIS MYA NGAN LAS 'DAS PA LA GNAS PA YIN PAR SHES PAR BYA'O, ,ZHES PAS BSTAN, ZHES GSUNGS, DE RNAMS LA DPYAD NA, NYAN THOS DGRA BCOM SKABS 'DIR BSTAN GYI SRID MTHA' LA GNAS PAR THAL, SRID

, ,PAR SKYE BA LA MTHA' GCIG TU DOR BYAR ZHEN PA SKABS 'DIR BSTAN GYI SRID MTHA' YIN PA'I PHYIR, RTAGS KHAS, 'DOD NA, NYAN THOS DGRA BCOM CHOS CAN, SKABS 'DIR BSTAN GYI TSU ROL GYI MTHA' LA GNAS PAR THAL LO, ,'DOD NA, 'KHOR BA SPANGS PA'I GANG ZAG GI RGYUD LA SKABS 'DIR BSTAN GYI TSU ROL GYI MTHA' YOD PAR THAL, 'DOD PA'I PHYIR, 'DOD NA, RNAM BSHAD SNYING PO RGYAN LAS, TSU ROL NI SO SO SKYE BO LA LTOS TE, TSUR NGOS NA YOD KYI 'KHOR BA CHAD PA'I PHAR NGOS NA MED PA'I DON NO, ,ZHES GSUNGS PA MI 'THAD PAR THAL LO, ,GZHAN YANG, NYAN THOS DGRA BCOM SKABS 'DIR BSTAN GYI TSU ROL GYI MTHA' LA GNAS PAR THAL, DES 'KHOR BA'I MTHA' LA GNAS PA'I PHYIR, RTAGS KHAS, 'DOD NA, DE CHOS CAN, SKABS 'DIR BSTAN GYI PHA ROL GYI MTHA' LA MI GNAS PAR THAL LO, ,GZHAN YANG, LAS DANG NYON MONGS PA'I DBANG GIS RGYUN RING POR NYING MTSAMS SBYOR BA CHOS CAN, KHYOD SKABS 'DIR BSTAN GYI SRID MTHA' MA YIN PAR THAL, TSU ROL THA MAL PA DE KHYOD YIN PA'I PHYIR, SRID PAR SKYE BA LA MTHA' GCIG TU DOR BYAR ZHEN PA CHOS CAN, KHYOD SKABS 'DIR BSTAN GYI SRID MTHA' MA YIN PAR THAL, NYAN THOS DGRA BCOM PA DE KHYOD YIN PA'I PHYIR, MA GRUB NA, NYAN THOS DGRA BCOM PA CHOS CAN, KHYOD DE YIN PAR THAL, KHYOD DE LTAR ZHEN PA'I GANG ZAG YIN PA'I PHYIR, GZHAN YANG, NYAN THOS DGRA BCOM PA'I RGYUD KYI GANG ZAG GI BDAG MED MNGON SUM DU RTOGS PA'I SHES RAB DE RANG LAM DU SRID MTHA' 'GOG PAR NUS PA'I SHES RAB YIN PAR THAL, DE SRID MTHA' 'GOG NUS KYI

SHES RAB YIN PA'I PHYIR TE, NYAN THOS MTHONG LAM PA'I RGYUD LA SRID MTHA' 'GOG NUS KYI SHES RAB YOD PA'I PHYIR, DE'I RGYUD LA 'KHOR BA'I RTZA BA GCOD NUS PA'I SHES RAB YOD PA'I PHYIR, RTZA BAR 'DOD NA, NYAN THOS DGRA BCOM PA'I RGYUD LA SRID MTHA' MED PAR THAL, 'DOD PA'I PHYIR, GZHAN YANG, SRID MTHA' SPANG BYA'I GTZO BOR BYED PA'I GANG ZAG MED PAR THAL, NYAN THOS SLOB PA 'PHAGS PAS KYANG DE SPANG BYA'I GTZO BOR MI BYED, BYANG SEMS 'PHAGS PAS KYANG DE DE LTAR MI BYED PA'I PHYIR, DANG PO MA GRUB NA, NYAN THOS DGRA BCOM PAS SRID MTHA' SPANGS PAR THAL, MA GRUB PA DE'I PHYIR, 'DOD NA, DE SRID MTHA' LA MA GNAS PAR THAL LO, RTZA BA'I RTAGS GNYIS PA MA GRUB NA, BYANG 'PHAGS CHOS CAN, KHYOD KYIS 'KHOR BA SPANG BYA'I GTZO BOR BYED PAR THAL, KHYOD KYIS SRID MTHA' SPANG BYA'I GTZO BOR BYED BA'I PHYIR, RTAGS KHAS, 'DOD MI NUS SO, ,RANG LUGS NI; GZHI KUN RDZOB LA LTOS PA'I SRID MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MNGON RTOGS DE SHES PAS SRID MTHA' LA MI GNAS PA'I LAM SHES KYI MTSAN NYID, DPER NA, GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM LTA BU, GZHI KUN RDZOB LA LTOS PA'I ZHI MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MNGON RTOGS DE, SNYING RJES ZHI MTHA' LA MI GNAS PA'I LAM SHES KYI MTSAN NYID, DPER NA, BYANG SEMS MTHONG LAM PA'I RGYUD KYI SNYING RJE CHEN PO LTA BU, LAS NYON GYIS 'PHANGS PA'I 'KHOR BA DE, 'DIR BSTAN KUN RDZOB LA LTOS PA'I SRID MTHA'

, ,YIN; DES 'PHANGS PA'I 'KHOR BA LA GNAS PA DE, SKABS 'DIR BSTAN KUN RDZOB LA LTOS PA'I SRID MTHA' LA GNAS PA'I DON YIN, DE NI SHES RAB KYIS TSU ROL GYI MTHA' 'KHOR BA RTAG PA'I MTSAN NYID, CES PAS BSTAN, DMAN PA'I MYANG 'DAS 'DIR BSTAN KUN RDZOB LA LTOS PA'I ZHI MTHA' YIN, DE LA GNAS PA DE SKABS 'DIR BSTAN KUN RDZOB LA LTOS PA'I ZHI MTHA' LA GNAS PA'I DON YIN NO; ;DE NI SNYING RJES PHA ROL GYI MTHA' MYA NGAN LAS 'DAS PA CHAD PA'I MYANG 'DAS KYI MTSAN NYID, CES PAS BSTAN, 'KHOR BA BDEN PAR GRUB PA, DON DAM LA LTOS PA'I SRID MTHA' YIN, 'KHOR BA LA DOR BYAR BDEN PAR ZHEN PA SKABS 'DIR BSTAN DON DAM LA LTOS PA'I SRID MTHA' LA GNAS PA'I DON YIN, DE NI DNGOS POR DMIGS PA NYID KYIS 'KHOR BA LA GNAS PA YIN PAR SHES PAR BYA'O, ,ZHES PAS BSTAN, DMAN PA'I MYANG 'DAS LA MTHA' GCIG TU BLANG BYAR BDEN PAR GRUB PA DE, SKABS 'DIR BSTAN DON DAM LA LTOS PA'I ZHI MTHA' YIN, DMAN PA'I MYANG 'DAS LA MTHA' GCIG TU BLANG BYAR BDEN PAR ZHEN PA DE, SKABS 'DIR BSTAN DON DAM LA LTOS PA'I ZHI MTHA' LA GNAS PA'I DON YIN, DE LTAR YANG LAM t'IK LAS, SRID ZHI'I MTHA' LA KUN RDZOB LA LTOS PA DANG DON DAM LA LTOS PA'I DE GNYIS LAS, DANG PO NI, LAS NYON GYI DBANG GIS SRID PAR NYING 'TSAMS SBYAR BA DE, SRID PA'I MTHAR LTUNG BA ZHES BYA LA, SRID PAR SKYE BA CHAD TZAM LAS THOB PA'I MYANG 'DAS ZHI MTHA' DANG, DE THOB PA ZHI BA'I MTHAR LTUNG BA ZHES BYA'O, ,

SRID MTHA' DE GNYIS RIGS CAN GSUM GAS 'GOG LA, ZHI MTHA' DE NYID NI BYANG CHUB SEMS DPA' 'BA' ZHIG GIS SPONG STE, SRID MTHA' SNGA MA BKAG NAS SNYING RJE DANG SMON LAM GYI DBANG GIS SKYE BA BLANG STE MYANG 'DAS SGRUB PAR BYED PA'I PHYIR, DON DAM LA LTOS PA'I SRID ZHI'I MTHAR LTUNG BA NA, SRID ZHI'I DOR BYA DANG BLANG BYAR BDEN PAR ZHEN PA YIN LA, DE BYANG CHUB SEMS DPA'I STONG NYID RTOGS PA'I SHES RAB KYIS SPONG BA YIN LA; NYAN RANG LA CHOS KYI BDAG MED RTOGS PA YOD PAR 'DOD PA LTAR NA DON DAM LA LTOS PA'I SRID MTHAR MA LHUNGS KYANG KUN RDZOB LA LTOS PA'I SRID MTHAR LHUNG PA ZHES BYA'O, ,ZHES GSUNGS, RTZOD PA SPONG BA LA KHO NA RE, GANG ZAG GI BDAG MED MNGON SUM DU RTOGS PA'I SHES RAB DE, GZHI KUN RDZOB LA LTOS PA'I SRID MTHA' 'GOG BYED YIN PAR THAL, MTSAN NYID DANG PO 'THAD PA'I PHYIR, 'DOD NA, GZHI KUN RDZOB LA LTOS PA'I SRID MTHA' 'GOG BYED KYI TSAD MA YOD PAR THAL LO, ,'DOD NA, GZHI KUN RDZOB LA LTOS PA'I SRID MTHA' MED PAR THAL, DE 'GOG BYED KYI TSAD MA YOD PA'I PHYIR, ZER NA MA KHYAB STE, GANG ZAG GI BDAG 'DZIN MED PAR THAL, DE 'GOG BYED KYI TSAD MA YOD PA'I PHYIR, KHYAB PA KHAS, RTAGS GRUB STE, DE MED PAR BYED PA'I TSAD MA YOD PA'I PHYIR TE, RNAM MKHYEN DES DE MED PAR BYAS PA'I PHYIR TE, DES DE SLAR YANG MI SKYE PA'I CHOS CAN DU BYAS PA'I PHYIR, MA GRUB NA, RNAM MKHYEN CHOS CAN, KHYOD KYIS DE DE LTAR BYAS PAR THAL, KHYOD GANG ZAG GI BDAG 'DZIN SPANGS PA'I RNAM GROL LAM YIN PA'I PHYIR, GZHAN YANG, GANG ZAG GI BDAG 'DZIN

, ,'GOG BYED KYI TSAD MA YOD PAR THAL, DE LA GNOD BYED KYI TSAD MA YOD PA'I PHYIR TE, GANG ZAG GI BDAG MED MNGON SUM DU RTOGS PA'I SHES RAB KYIS DE LA GNOD PA'I PHYIR, RNAM 'GREL LAS; DE YI GNOD BYED NI, BDAG MED MTHONG BAS 'GAG PA YIN, ,ZHES GSUNGS PA'I PHYIR, KHO NA RE, BDE BA CAN GYI RTEN CAN GYI NYAN THOS TSOGS LAM PA CHOS CAN, LAS NYON GYIS 'PHANGS PA'I 'KHOR BA LA GNAS PAR THAL, SKABS 'DIR BSTAN KUN RDZOB LA LTOS PA'I SRID MTHA' LA GNAS PA'I PHYIR, KHYAB PA KHAS, MA GRUB NA DER THAL, SKABS 'DIR BSTAN GYI KUN RDZOB LA LTOS PA'I SRID ZHI'I MTHA' GANG RUNG LA GNAS PA GANG ZHIG, KUN RDZOB LA LTOS PA'I ZHI MTHA' LA MI GNAS PA'I PHYIR, DANG PO DER THAL, THEG DMAN GANG ZAG YIN PA'I PHYIR, RTAGS GRUB STE, BDE BA CAN GYI RTEN CAN GYI NYAN THOS SLOB PA YOD PA'I PHYIR TE, DE'I RTEN CAN GYI LHAG BCAS MYANG 'DAS LA GNAS PA'I NYAN THOS DGRA BCOM PA YOD PA'I PHYIR TE, DE'I RTEN CAN GYI LHAG MED PA YOD PA'I PHYIR, ZER NA MA KHYAB, YANG KHO NA RE, RANG RGYAL DGRA BCOM CHOS CAN, ZHI MTHA' LA GNAS PAR THAL, DMAN PA'I MYANG 'DAS LA GNAS PA'I PHYIR, KHYAB PA KHAS, 'DOD NA, SRID PAR SKYE BA CHAD TZAM GYIS THOB PA'I MYANG 'DAS LA GNAS PAR THAL LO, ,'DOD MI NUS TE, GZUGS PHYI ROL DON DU 'DZIN PA'I RTOG PA SPANGS PA'I GANG ZAG YIN PA'I PHYIR ZER NA MA KHYAB, DES NA CHAD PA'I MYANG 'DAS KUN RDZOB LA LTOS PA'I ZHI MTHA' YIN KYANG, DMAN PA'I MYANG 'DAS KUN RDZOB LA LTOS PA'I ZHI MTHA' MIN ZER NA, RANG RGYAL DGRA BCOM DE CHAD PA'I MYANG 'DAS

LA GNAS PAR THAL, DE LAS NYON GYI DBANG GIS SKYE BA DANG SNYING RJE DANG SMON LAM GYI DBANG GIS 'KHOR BAR SKYE BA GNYIS KA RGYUN CHAD PA'I GANG ZAG YIN PA'I PHYIR, KHYAB STE, t'IKKA LAS, CHAD MTHA' YANG LAS NYON GYI DBANG GIS SKYE BA CHAD PAR MA ZAD SNYING RJE DANG SMON LAM GYI DBANG GIS SKYE BA CHAD PAS THOB PA'I MYANG 'DAS SO, ,ZHES GSUNGS PAR LTOS SHIG ,KHO NA RE, SRID PA THA MA PA'I NYAN THOS SGOM LAM PA CHOS CAN, SKABS 'DIR BSTAN GYI SRID MTHA' LA GNAS PAR THAL, LAS NYON GYIS 'PHANGS PA'I 'KHOR BA LA GNAS PA'I PHYIR, KHYAB PA KHAS, 'DOD NA, SKABS 'DIR BSTAN GYI RTAG MTHA' LA GNAS PAR THAL, 'DOD PA'I PHYIR, 'DOD NA, LAS NYON GYI DBANG GIS 'KHOR BAR SKYE BA LEN BAR THAL, 'DOD PA'I PHYIR, KHYAB STE, t'IKKA LAS, RTAG MTHA' YANG LAS NYON GYI DBANG GIS RGYUN RING POR NYING 'TSAMS SBYAR NAS 'JUG PA'I DON YIN GYI RTAG DNGOS KYI MTHA' NI MA YIN NO, ,ZHES GSUNGS PA'I PHYIR, ZER NA MA KHYAB STE, DE RTAG MTHA'I SGRA BSHAD TZAM STON PA'I LUNG YIN PA'I PHYIR, KHO NA RE, 'KHOR BA BDEN GRUB CHOS CAN, DON DAM LA LTOS PA'I SRID MTHA' MA YIN PAR THAL, MED PA'I PHYIR, MYANG 'DAS PA BDEN GRUB CHOS CAN, DON DAM LA LTOS PA'I ZHI MTHA' MA YIN PAR THAL, MED PA'I PHYIR, ZER NA, 'KHOR BA BDEN GRUB CHOS CAN, YOD MTHA' MA YIN PAR THAL, MED PA'I PHYIR, KHYAB PA KHAS, 'DOD NA; 'KHOR BA BDEN GRUB TU 'DZIN PA'I BLO DE YOD PA'I MTHAR 'DZIN MA YIN PAR THAL, 'DOD PA'I PHYIR, 'DOD NA, YOD PA'I MTHAR 'DZIN MED PAR THAL, 'DOD PA'I PHYIR, YANG KHO NA RE, DON DAM LA LTOS PA'I SRID

, ,ZHI'I MTHA' LA GNAS PA'I GANG ZAG MED PAR THAL, DON DAM LA LTOS PA'I SRID ZHI'I MTHA' MED PA'I PHYIR, DER THAL, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DON DAM LA LTOS PA'I ZHI MTHA' YIN PA'I PHYIR, ZER NA RTZA BAR MA KHYAB STE, RTAG CHAD KYI MTHA' LA GNAS PA'I GANG ZAG MED PAR THAL, RTAG CHAD KYI MTHA' MED PA'I PHYIR, KHYAB PA KHAS, DE NI MTSAN MAR DMIGS SGOM NAS, ZHES SOGS KYI SKABS SU SBYOR BA DANG, MTHA' DPYAD PA GNYIS, DANG PO NI, STONG NYID RTOGS MA MYONG BA'I NYAN THOS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, 'BRAS YUM LA RING BA'I GZHI SHES YIN TE, GZHI SHES GANG ZHIG ,SNYING RJE CHEN PO DANG BRAL ZHING BDEN 'DZIN GYIS BCINGS PA'I PHYIR, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, 'BRAS YUM LA NYE BA'I GZHI SHES YIN TE, THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA GANG ZHIG ,SNYING RJE CHEN PO DANG STONG NYID MNGON SUM DU RTOGS PA'I SHES RAB KYIS ZIN PA'I PHYIR, GNYIS PA NI, KHA CIG ,MI RTAG SOGS MNGON SUM DU RTOGS PA'I YE SHES GANG ZHIG ,SNYING RJE CHEN PO DANG BRAL ZHING BDEN 'DZIN GYIS BCINGS PA DE, 'BRAS YUM LA RING BA'I GZHI SHES KYI MTSAN NYID, DE GANG ZHIG ,SNYING RJE CHEN PO DANG, STONG NYID RTOGS PA'I SHES RAB KYIS ZIN PA DE, 'BRAS YUM LA NYE BA'I GZHI SHES KYI MTSAN NYID ZER NA, STONG NYID RTOGS MA MYONG BA'I NYAN THOS 'PHAGS PA'I RGYUD KYI MI RTAG SOGS

DON SPYI'I TSUL GYIS RTOGS PA'I BLO CHOS CAN, ZUR DANG PO DER THAL, MTSON BYA DE'I PHYIR, MA GRUB NA DER THAL, STONG NYID RTOGS MA MYONG PA'I NYAN THOS 'PHAGS PA'I RGYUD KYI GZHI SHES YIN PA'I PHYIR TE, CHOS CAN DE DANG GCIG YIN PA'I PHYIR, 'DOD MI NUS TE, MI RTAG SOGS DON SPYI'I TSUL GYIS RTOGS PA'I BLO YIN PA'I PHYIR, STONG NYID RTOGS PA'I SHES RAB KYIS MA ZIN PA'I NYAN THOS KYI MTHONG LAM BAR CHAD MED LAM CHOS CAN, ZER DANG PO DER THAL; MTSON BYA DE'I PHYIR, DER THAL, CHOS CAN DE'I PHYIR, 'DOD MI NUS TE, BAR CHAD MED LAM YIN PA'I PHYIR, NYAN THOS DGRA BCOM PA'I RTOGS PA SNGON DU SONG BA'I BYANG SEMS SBYOR LAM PA'I RGYUD KYI MI RTAG SOGS MNGON SUM DU RTOGS PA'I YE SHES CHOS CAN, MTSON BYA GNYIS PA DER THAL, MTSAN NYID DE'I PHYIR, DANG PO SLA, GNYIS PA GRUB STE, BYANG SEMS SBYOR LAM PA'I MKHYEN PA YIN PA'I PHYIR, KHA CIG , GZHI SHES GANG ZHIG ,'BRAS YUM SGRUB PA'I THABS MKHAS MA YIN PA LA ZHUGS PA DE, 'BRAS YUM LA RING BA'I GZHI SHES KYI MTSAN NYID, DE GANG ZHIG ,'BRAS YUM SGRUB PA'I THABS MKHAS LA ZHUGS BA DE, 'BRAS YUM LA NYE PA'I GZHI SHES KYI MTSAN NYID; ZER NA SHES BYA CHOS CAN, NYAN THOS KYI THEG PA DE 'BRAS YUM LA THABS MKHAS MA YIN PAR THAL, MTSAN NYID DANG PO 'THAD PA'I PHYIR, 'DOD NA, DAM CHOS PAD DKAR LAS, DRANG SRONG CHEN POS THEG PA GSUM BSTAN PA, RNAM 'DREN RNAMS KYI THABS LA MKHAS PA STE, ZHES BSHAD PA MI 'THAD PAR THAL, 'DOD PA'I PHYIR, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI GZHI SHES CHOS CAN, MTSON BYA

, ,GNYIS PA DER THAL, MTSAN NYID DE'I PHYIR, DANG BO SLA, GNYIS PA GRUB STE, THEG CHEN GYI TSOGS LAM YIN PA'I PHYIR, RTZA BAR 'DOD NA, DE CHOS CAN, THEG CHEN 'PHAGS PA'I MKHYEN PA YIN PAR THAL, 'DOD PA'I PHYIR, KHA CIG ,GZHI SHES GANG ZHIG, SNYING RJE CHEN PO DANG BRAL ZHING BDEN 'DZIN GYIS BCINGS PA DE, 'BRAS YUM LA RING BA'I GZHI SHES KYI MTSAN NYID, GZHI SHES GANG ZHIG, SNYING RJE CHEN PO DANG STONG NYID MNGON SUM DU RTOGS PA'I SHES RAB KYIS ZIN PA DE, 'BRAS YUM LA NYE BA'I GZHI SHES KYI MTSAN NYID ZER NA, MTSAN NYID GNYIS PA MI 'THAD DE, STONG NYID MNGON SUM DU RTOGS PA'I NYAN THOS DGRA BCOM THEG CHEN LAM DU 'JUG KHA MA'I GANG ZAG GI RGYUD KYI GZHI SHES CHOS CAN, MTSON BYA GNYIS PA DER THAL, MTSAN NYID DE'I PHYIR, DANG PO SLA, GNYIS PA MA GRUB NA, DER THAL, DE'I RGYUD LA SNYING RJE CHEN PO YANG YOD, STONG NYID MNGON SUM DU RTOGS PA'I SHES RAB KYANG YOD PA'I PHYIR, DANG PO GRUB STE; DE THEG CHEN LAM DU 'JUG KHA MA'I GANG ZAG YIN PA'I PHYIR, GNYIS BA SLA, RTZA BAR 'DOD NA, DE CHOS CAN, THEG CHEN 'PHAGS PA'I MKHYEN PA YIN PAR THAL LO, ,GZHAN YANG, STONG NYID MNGON SUM DU RTOGS PA'I NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, MTSON BYA PHYI MA DER THAL, MTSAN NYID DE'I PHYIR, RANG LUGS NI, GZHI SHES GANG ZHIG, SNYING RJE CHEN PO DANG BRAL ZHING BDEN 'DZIN GYIS BCINGS PA DE, 'BRAS YUM LA RING BA'I GZHI SHES KYI MTSAN NYID, THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA GANG ZHIG, SNYING RJE CHEN

PO DANG STONG NYID MNGON SUM DU RTOGS PA'I SHES RAB KYIS ZIN PA DE, 'BRAS YUM LA NYE BA'I GZHI SHES KYI MTSAN NYID, DANG PO'I SA 'TSAMS, THEG DMAN GYI MTHONG LAM NAS THEG DMAN GYI MI SLOB LAM GYI BAR NA YOD, GNYIS PA'I SA 'TSAMS, THEG CHEN GYI MTHONG LAM NAS SANGS RGYAS KYI SA'I BAR NA YOD, DANG PO DANG MI 'THUN PHYOGS KYI GZHI SHES DON GCIG, GNYIS PA DANG GNYEN PO PHYOGS KYI GZHI SHES DON GCIG ,RTZOD PA SPONG BA LA MKHAS PA KHA CIG, THEG CHEN LAM DU 'JUG KHA MA'I NYAN THOS DGRA BCOM PA'I RGYUD KYI GZHI SHES CHOS CAN, SNYING RJE CHEN PO DANG BRAL BAR THAL, DE GZHI SHES GANG ZHIG, 'BRAS YUM LA RING BA'I GZHI SHES YIN PA'I PHYIR, DANG PO GRUB STE, CHOS CAN DE YOD PA'I PHYIR, THEG CHEN LAM DU 'JUG KHA MA'I NYAN THOS DGRA BCOM YOD PA'I PHYIR TE, NYAN THOS DGRA BCOM THEG CHEN LAM DU 'JUG KHA MA YOD PA'I PHYIR NA, 'DIR MA KHYAB, RTZA BAR 'DOD MI NUS TE, KHYOD THEG CHEN SEMS BSKYED RANG RGYUD LA SKYE KHA MA'I GANG ZAG YIN PA'I PHYIR, ZHES GSUNGS, THEG CHEN LAM DU ZHUGS PA'I NYAN THOS DGRA BCOM YOD PAR THAL, NYAN THOS DGRA BCOM THEG CHEN LAM DU ZHUGS PA YOD PA'I PHYIR, MA KHYAB NA MA KHYAB 'TSAMS LA KHYAB PA YOD PA BUD, KHO NA RE, THEG CHEN LAM DU ZHUGS PA'I NYAN THOS DGRA BCOM YOD PAR THAL, THEG CHEN GYI TSOGS LAM DU ZHUGS PA'I NYAN THOS DGRA BCOM YOD PA'I PHYIR ZHES ZER NA, THEG CHEN LAM DU ZHUGS PA'I NYAN THOS DGRA BCOM CHOS CAN, KHYOD LAM ZHUGS KYI GANG ZAG YIN PAR THAL, KHYOD THEG CHEN LAM DU ZHUGS PA'I NYAN THOS DGRA BCOM YIN PA'I PHYIR, MA GRUB NA, DE YOD PA 'BUD, 'DOD NA, DE CHOS CAN, KHYOD THEG CHEN GANG ZA

, ,YIN PAR THAL, 'DOD PA'I PHYIR, GZUGS SOGS PHUNG PO STONG NYID DANG, ,ZHE SOGS KYI SKABS SU, ,SBYOR BA DANG, MTHA' DPYAD PA GNYIS, DANG PO NI, STONG NYID RTOGS MA MYONG BA'I NYAN THOS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, MI MTHUN PHYOGS KYI GZHI SHES YIN TE, GZHI SHES GANG ZHIG ,THABS SHES KHYAD PAR CAN DANG BRAL BA'I PHYIR, GNYIS PA NI, KHA CIG ,GZHI SHES GANG ZHIG ,MTSAN 'DZIN GYIS BCINGS PA, MI 'THUN PHYOGS KYI GZHI SHES KYI MTSAN NYID, DE GANG ZHIG ,MTSAN 'DZIN GYI GNYEN PO BYED PA, GNYEN PO PHYOGS KYI GZHI SHES KYI MTSAN NYID ZER NA, STONG NYID MA RTOGS PA'I NYAN THOS DGRA BCOM THEG CHEN LAM DU 'JUG KHA MA'I GANG ZAG GI RGYUD KYI GZHI SHES CHOS CAN, MTSON BYA DANG PO DER THAL, MTSAN NYID DE'I PHYIR, RTAGS GRUB STE, CHOS CAN DE'I PHYIR, RTAGS GRUB STE, CHOS CAN DE'I PHYIR, 'DOD NA, DE CHOS CAN, SNYING RJE CHEN PO DANG BRAL BAR THAL, 'DOD PA'I PHYIR, MTSAN NYID GNYIS PA LA, GNYEN PO PHYOGS KYI GZHI SHES YIN NA STONG NYID MNGON SUM DU RTOGS PAS KHYAB PAR THAL, MTSAN NYID 'THAD PA'I PHYIR, 'DOD NA, BYANG 'PHAGS KYI RGYUD KYI MI RTAG SOGS BCU DRUG MNGON SUM DU RTOGS PA'I YE SHES CHOS CAN, DER THAL, DE'I PHYIR, KHA CIG ,GZHI SHES GANG ZHIG ,THABS SHES KHYAD PAR CAN DANG BRAL BA, MI 'THUN PHYOGS KYI GZHI SHES KYI MTSAN NYID, DE GANG ZHIG ,THABS SHES KHYAD PAR CAN GYIS ZIN PA, GNYEN PO PHYOGS KYI GZHI SHES KYI MTSAN NYID ZER NA, STONG NYID MNGON SUM DU RTOGS PA'I NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI GZHI SHES CHOS

CAN; MTSON BYA GNYIS PA DER THAL, MTSAN NYID DE'I PHYIR, RTAGS SLA, 'DOD NA, DE CHOS CAN, THEG CHEN GYI GZHI SHES YIN PAR THAL, 'DOD PA'I PHYIR, 'DOD NA, DE CHOS CAN, THEG CHEN GYI LAM BDEN YIN PAR THAL, 'DOD PA'I PHYIR, 'DOD NA, STONG NYID MNGON SUM DU RTOGS PA'I NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA DES THEG CHEN GYI LAM BDEN THOB PAR THAL LO, ,'DOD NA, DE CHOS CAN, KHYOD KYIS DE MA THOB PAR THAL, KHYOD THEG CHEN SO SKYE YIN PA'I PHYIR, GZHAN YANG, THEG CHEN GANG ZAG GI RGYUD KYI GZHI SHES YIN NA, THEG CHEN GYI GZHI SHES YIN DGOS PAR THAL, DE THEG CHEN GYI GZHI SHES YIN PA'I PHYIR, 'DOD NA, DE 'DRA'I TSOGS LAM PA'I RGYUD KYI 'GOG BDEN CHOS CAN, THEG CHEN GYI 'GOG BDEN YIN PAR THAL, THEG CHEN GANG ZAG GI RGYUD KYI 'GOG BDEN YIN PA'I PHYIR, KHYAB PA KHAS, 'DOD NA, DE CHOS CAN, RANG 'THOB BYED KYI THABS SU GYUR PA'I THEG CHEN GYI LAM BDEN LA BRTEN NAS THOB PAR THAL, 'DOD PA'I PHYIR, GZHAN YANG, STONG NYID MNGON SUM DU RTOGS PA'I NYAN THOS DGRA BCOM THEG CHEN LAM DU 'JUG KA MA'I GANG ZAG GI RGYUD KYI GZHI SHES CHOS CAN, MTSON BYA GNYIS PA DER THAL, MTSAN NYID DE'I PHYIR, DANG PO SLA, GNYIS PA GRUB STE, DE'I RGYUD LA THABS SHES KHYAD PAR CAN YOD PA'I PHYIR, 'DOD NA, DE CHOS CAN, 'BRAS YUM LA NYE BA'I GZHI SHES YIN PAR THAL LO; ;'DOD NA, THEG CHEN 'PHAGS PA'I MKHYEN PA YIN PAR THAL, 'DOD PA'I PHYIR, KHYAB STE, BYANG CHUB LA NYE BA'I SBYOR BA YIN NA THEG CHEN 'PHAGS PA'I MKHYEN PA YIN DGOS PA'I PHYIR, KHA CIG ,GZHI SHES GANG ZHIG ,BYANG CHUB KYI

, ,SEMS DANG BRAL ZHING BDEN 'DZIN GYIS BCINGS PA DE, MI 'THUN PHYOGS KYI GZHI SHES KYI MTSAN NYID, DE GANG ZHIG ,BYANG CHUB KYI SEMS DANG STONG NYID RTOGS PA'I SHES RAB KYIS ZIN PA DE, GNYEN PO PHYOGS KYI GZHI SHES KYI MTSAN NYID ZER NA, PHYI MA GONG DU BKAG ZIN, DANG PO MI 'THAD DE, STONG NYID RTOGS MA MYONG BA'I NYAN THOS DGRA BCOM PA THEG CHEN LAM DU 'JUG KHA MA'I GANG ZAG GI RGYUD KYI DON SHES CHOS CAN, MTSON BYA DANG PO DER THAL, MTSAN NYID DE'I PHYIR, RTAGS RNAMS GRUB STE, CHOS CAN DE'I PHYIR, 'DOD NA, THEG DMAN 'PHAGS PA'I MKHYEN PA YIN PAR THAL, 'DOD PA'I PHYIR, RANG LUGS NI, GZHI SHES GANG ZHIG ,THABS SHES KHYAD PAR CAN DANG BRAL BA DE, MI 'THUN PHYOGS KYI GZHI SHES KYI MTSAN NYID, THEG DMAN GYI RTOGS RIGS SU GNAS PA'I THEG CHEN 'PHAGS PA'I MNGON RTOGS GANG ZHIG ,THABS SHES KHYAD PAR CAN GYIS ZIN PA DE, GNYEN PO PHYOGS KYI GZHI SHES KYI MTSAN NYID, RTZOD PA SPONG PA LA KHO NA RE, STONG NYID MA RTOGS PA'I NYAN THOS DGRA BCOM PA THEG CHEN LAM DU 'JUG KHA MA'I GANG ZAG GI RGYUD KYI GZHI SHES CHOS CAN, MI 'THUN PHYOGS KYI GZHI SHES YIN PAR THAL MTSAN NYID DE'I PHYIR, DANG PO SLA, GNYIS PA GRUB STE, DE 'DRA'I GANG ZAG GI RGYUD LA THABS SHES KHYAD PAR CAN MED PA'I PHYIR NA MA KHYAB, MA GRUB NA, DER THAL, DE'I RGYUD LA SHES RAB KHYAD PAR CAN MED PA'I PHYIR, RTZA BAR 'DOD NA, THEG DMAN 'PHAGS PA'I MKHYEN PA YIN PAR THAL, 'DOD PA'I PHYIR, SKYON DE SPONG DKA' BA, GZHI SHES GANG ZHIG ,THABS SHES KHYAD PAR CAN DANG BRAL ZHING BDEN 'DZIN GYIS BCINGS PA, MI 'THUN PHYOGS KYI GZHI

SHES KYI MTSAN NYID, GCIG SHOS DE SNGAR LTAR 'JOG ,SBYIN LA SOGS LA NGAR 'DZIN MED, CES SOGS KYI SKABS SU, SBYOR BA NI, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, GNYEN PO PHYOGS KYI GZHI SHES YIN TE, THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA GANG ZHIG ,THABS SHES KHYAD PAR CAN GYIS ZIN PA'I PHYIR, MTHA' DPYOD NI GZUGS SOGS PHUNG PO STONG NYID DANG, ZHES PA'I SKABS SU BSHAD PA BZHIN SHES PAR BYA'O, ,GZUGS SOGS DE MI RTAG SOGS DANG, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, GZHI SHES KYI SKABS SU BSTAN PA'I BYANG SEMS KYI SBYOR BA LA BCU YOD DE, GZUGS SOGS BDEN MED DU RTOGS PA'I BYANG SEMS KYI SBYOR BA SOGS BCU YOD PA'I PHYIR, GNYIS PA LA, KHA CIG ,GZHI KUN RDZOB PA'I SDOD LUGS KYI NGO BO DANG KHYAD PA LA PHYIN CI LOG TU ZHEN PA DANG, DON DAM PA'I SNGON LUGS KYI NGO BO LA PHYIN CI LOG TU ZHEN PA'I GNYEN POR SGOM PA'I SEMS DPA'I RNAL 'BYOR DE, GZHI SHES KYI SBYOR BA'I MTSAN NYID ZER NA, GANG ZAG GI BDAG MED RTOGS PA'I NYAN THOS KYI SBYOR LAM CHOS CAN, SEMS DPA'I RNAL 'BYOR YIN PAR THAL, GZHI SHES KYI SBYOR BA YIN PA'I PHYIR, KHYAB PA KHYAS, RTAGS GRUB STE, GANG ZAG GI BDAG MED RTOGS PA'I NYAN THOS KYI MTHONG LAM DE GZHI SHES YIN PA'I PHYIR, KHA CIG ,DE SEMS DPA'I RGYUD KYI GZHI SHES KYI SBYOR BA'I MTSAN NYID ZER NA, GANG ZAG GI BDAG MED RTOGS PA'I THEG CHEN GYI SBYOR LAM CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, GANG ZAG GI BDAG MED RTOGS PA'I THEG CHEN GYI

, ,MTHONG LAM DE GZHI SHES YIN PA'I PHYIR, 'DOD NA, DE CHOS CAN, DON DAM PA'I SNGON LUGS LA PHYIN CI LOG TU ZHEN PA'I GNYEN POR SGOM PA'I SEMS DPA'I RNAL 'BYOR YIN PAR THAL, 'DOD NA, DE CHOS CAN, STOM NYID SGOM PA'I SEMS DPA'I RNAL 'BYOR YIN PAR THAL LO, ,KHA CIG ,GZHI KUN RDZOB PA'I SDOD LUGS KYI NGO BO DANG KHYAD PAR LA PHYIN CI LOG TU ZHEN PA DANG, DON DAM PA'I SDOD LUGS LA PHYIN CI LOG TU ZHEN PA GANG RUNG GI GNYEN POR SGOM PA'I SEMS DPA'I RNAL 'BYOR DE, SEMS DPA'I RGYUD KYI GZHI SHES SBYOR BA'I MTSAN NYID ZER NA, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL; DON DAM PA'I SDOD LUGS LA PHYIN CI LOG TU ZHEN PA'I GNYEN POR SGOM PA'I SEMS DPA'I RNAL 'BYOR YIN PA'I PHYIR TE, CHOS CAN DE'I PHYIR, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL, 'DOD PA'I PHYIR, KHYAB STE, RNAM BSHAD SNYING PO RGYAN LAS, SKABS 'DIR STONG PA NYID KYI RNAM PA CAN BSHAD PA NI, GANG GIS ZIN PA'I LAM DE NYID BSTAN PA YIN GYI, GZHI SHES SBYOR BA'I MTSON BYED NI GZHI SHES KYI RNAM PA CAN DU SHES PAR BYA'O, ,ZHES GSUNGS, KHA CIG ,GZHI KUN RDZOB PA'I SDOD LUGS KYI NGO BO DANG KHYAD PAR LA PHYIN CI LOG TU ZHEN PA DANG, DON DAM PA'I SDOD LUGS LA PHYIN CI LOG TU ZHEN PA GANG RUNG GI GNYEN POR SGOM PA'I SEMS DPA'I RNAL 'BYOR DE; SKABS 'DIR DNGOS SU BSTAN PA'I GZHI SHES SBYOR BA'I MTSAN NYID ZER NA, GANG ZAG GI BDAG MED RTOGS PA'I THEG CHEN GYI SBYOR LAM CHOS CAN, MTSON BYA DER THAL, MTSAN NYID DE'I PHYIR, MA GRUB NA, DER THAL, GZHI KUN RDZOB

PA'I SDOD LUGS KYI NGO BO DANG KHYAD PAR LA PHYIN CI LOG TU ZHEN PA'I GNYEN POR SGOM PA'I SEMS DPA'I RNAL 'BYOR YIN PA'I PHYIR TE, CHOS CAN DE'I PHYIR, 'DOD NA, DE CHOS CAN, THEG CHEN GYI RTOGS RIGS SU GNAS PA YIN PAR THAL, 'DOD PA'I PHYIR, RANG LUGS NI, GZHI KUN RDZOB PA'I SDOD LUGS KYI NGO BO DANG KHYAD PAR LA PHYIN CI LOG TU ZHEN PA DANG, DON DAM PA'I SDOD LUGS LA PHYIN CI LOG TU ZHEN PA GANG RUNG GI GNYEN POR SGOM PA'I SEMS DPA'I RNAL 'BYOR DE GZHI SHES KYI SKABS SU BSTAN PA'I BYANG SEMS KYI SBYOR BA'I MTSAN NYID, DBYE NA BCU YOD, SA 'TSAMS THEG CHEN GYI TSOGS LAM NAS SA BCU RGYUN MTHA'I BAR NA YOD, GZHUNG 'DI'I SKABS NAS DNGOS SU BSTAN PA'I BYANG SEMS KYI SBYOR BA YIN NA THEG CHEN GYI RTOGS RIGS SU GNAS PAS KHYAB STE, DPER NA STONG NYID DON SBYI'I TSUL GYIS RTOGS PA'I BYANG SEMS KYI SBYOR BA BZHIN, GZHUNG 'DI'I BSTAN BYA'I GTZO BOR GYUR PA'I BYANG SEMS KYI SBYOR BA YIN NA, THEG DMAN GYI RTOGS RIGS SU GNAS PAS KHYAB, DPER NA MI RTAG SOGS BCU DRUG DON SPYI'I TSUL GYIS RTOGS PA'I THEG CHEN GYI SBYOR LAM BZHIN, GZHUNG 'DI'I BSTAN BYA'I GTZO BOR GYUR PA'I THEG CHEN GYI SBYOR BA YIN NA, GZHUNG 'DI'I SHUGS BSTAN GYI SBYOR BA YIN DGOS, GZHUNG DE'I SHUGS BSTAN GYI SBYOR BA YIN NA GZHUNG 'DI'I BSTAN BYA'I GTZO BOR GYUR PA'I SBYOR BA YIN MI DGOS TE, BDEN 'DZIN GYIS BCINGS PA'I NYAN THOS KYI SBYOR LAM DE GZHUNG 'DI'I SHUGS BSTAN GYI SBYOR BA YIN PA'I PHYIR, RTZOD PA SPONG BA LA, KHO NA RE, BYANG SEMS MTHONG LAM PA'I RGYUD KYI SNYING RJE CHEN PO CHOS CAN, MTSAN NYID DER THAL, MTSON BYA DE'I PHYIR, MA GRUB NA, DER THAL, BYANG SEMS KYI SBYOR BA

, ,YIN PA'I PHYIR, 'DOD NA, DE CHOS CAN, KHYOD KYI GZHAL BYAR GYUR PA'I KUN RDZOB BDEN PA DANG, DON DAM BDEN PA GANG RUNG YOD PAR THAL LO, ,'DOD NA, SEMS CAN DE DE'I GZHAL BYA YIN PAR THAL LO, ,'DOD NA, SEMS CAN DE SEMS CAN BDEN STONG DU RTOGS PA'I THEG CHEN GYI MTHONG LAM BAR CHAD MING ? LAM GYI GZHAL BYA YIN PAR THAL, DE DE'I RGYUD KYI SEMS CAN SDUG BSNGAL DANG BRAL BAR 'DOD PA'I RNAM PA CAN GYI BLO DE'I GZHAL BYA YIN PA'I PHYIR, RTAGS KHAS, ZER NA MA KHYAB STE, SEMS CAN DE BYANG SEMS MTHONG LAM PA'I RGYUD KYI SNYING RJE CHEN PO'I GZHAL BYA YIN PAR THAL, DE DE'I YUL YIN PA'I PHYIR, RDZOGS PA'I BYANG CHUB DE BYANG SEMS MTHONG LAM PA'I RGYUD KYI KUN RDZOB SEMS BSKYED KYI YUL YIN PA'I PHYIR, MA GRUB NA, DE'I RGYUD KYI KUN RDZOB SEMS BSKYED CHOS CAN, DE KHYOD KYI YUL YIN PAR THAL, KHYOD RDZOGS PA'I BYANG CHUB DON GNYER GYI BLO YIN PA'I PHYIR TE, CHOS CAN DE'I PHYIR, KHO NA RE, DE'I RGYUD KYI KUN RDZOB SEMS BSKYED DES RDZOGS PA'I BYANG CHUB RTOGS PAR THAL, DE DE'I YUL YIN PA'I PHYIR, RTAGS KHAS, 'DOD NA, DES YE SHES CHOS SKU RTOGS PAR THAL, 'DOD PA'I PHYIR, 'DOD NA, DE YE SHES CHOS SKU 'JAL BYED KYI TSAD MA YIN PAR THAL, 'DOD PA'I PHYIR NA MA KHYAB, 'DOD NA, DE CHOS CAN, KHYOD RJES DPAG TSAD MA YIN PAR THAL, KHYOD BYANG SEMS MTHONG LAM PA'I RGYUD KYI YE SHES CHOS SKU 'JAL BYED KYI TSAD MA YIN PA'I PHYIR, ZER NA, BYANG SEMS MTHONG LAM PA'I RGYUD KYI TSAD MA CHOS CAN, DER THAL, DE'I PHYIR, DE MA RDZOGS DANG RAB RDZOGS DANG, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, RNAM BSHAD SNYING PO RGYAN LAS, GZHAN DBANG BDEN PAR ZHEN PA

YON TAN GYI RTEN DU MA RDZOGS PA YIN TE, YON TAN SKYE BA'I GEGS BYED PA'I PHYIR, GZHAN DBANG BDEN MED DU RTOGS PA'I BLO CHOS CAN, KHYOD LA YON TAN GYI RTEN DU RDZOGS PA ZHES BYA STE, KHYOD LA BRTEN NAS MI 'THUN PHYOGS SPONG NUS SHING YON TAN GONG NAS GONG DU 'PHEL BAR 'GYUR BA'I PHYIR, GSER 'PHRENG LTAR NA, GANG ZAG DANG CHOS KYI BDAG GNYIS CHOS CAN, MA RDZOGS PA ZHES BYA STE, TSAD MAS MA GRUB PA'I PHYIR, BDAG MED GNYIS CHOS CAN, RDZOGS PA ZHES BYA STE; TSAD MAS GRUB PA'I PHYIR, 'DIR MTSAN NYID GSUM GYI RNAM GZHAG 'BYED NA, YONGS GRUB MA YIN PA GANG ZHIG ,DNGOS MED DU DMIGS PA KUN BTAGS KYI MTSAN NYID, DBYE NA, MTSAN NYID YONGS SU CHAD PA'I KUN BTAGS, RNAM GRANGS PA'I KUN BTAGS GNYIS, DANG PO NI, BDAG GNYIS LTA BU, GNYIS PA NI, SHES BYA DANG GZHAL BYA LTA BU, RANG GI RGYU RKYEN LA SKYES PA, GZHAN DBANG GI MTSAN NYID, DBYE NA DAG PA'I GZHAN DBANG DANG, MA DAG PA'I GZHAN DBANG GNYIS, GMTSAN NYID GO SLA, RNAM DAG GI DMIGS PA MTHAR THUG YONGS GRUB KYI MTSAN NYID, SGRAS BRJOD RIGS KYI SGO NAS, 'GYUR MED YONGS GRUB DANG, PHYIN CI MA LOG PA'I YONGS GRUB GNYIS, DANG PO NI, CHOS NYID LTA BU, GNYIS PA NI, CHOS NYID LA MNYAM PAR BZHAG PA'I MNYAM GZHAG YE SHES LTA BU, KHO NA RE, GANG ZAG GI BDAG MED CHOS CAN, YONGS GRUB YIN PAR THAL, RNAM DAG GI DMIGS PA MTHAR THUG YIN PA'I PHYIR, KHYAB PA KHAS, MA GRUB NA, DER THAL, NYON SGRIB RNAM PAR DAG BYED KYI BAR CHAD MED LAM GYI DMIGS PA MTHAR THUG YIN PA'I PHYIR, DER THAL, NYAN THOS KYI MTHONG LAM BAR CHAD MED LAM GYI DMIGS PA MTHAR THUG YIN PA'I PHYIR, ZER NA MA KHYAB, RTZA BAR 'DOD NA, DE CHOS CAN,

, ,DON DAM BDEN PA YIN PAR THAL, 'DOD PA'I PHYIR, ZER NA, GANG ZAG GI BDAG MED CHOS CAN, KHYOD RNAM DAG GI DMIGS PA MTHAR THUG MA YIN PAR THAL, KHYOD LAS RTOGS DKA'I RNAM DAG GI DMIGS PA MTHAR THUG YOD PA'I PHYIR TE, CHOS KYI BDAG MED DE DE YIN PA'I PHYIR, NYAN THOS DGRA BCOM PA'I RGYUD KYI 'GOG BDEN CHOS CAN, SPANGS PA MTHAR THUG YIN PAR THAL, NYAN THOS KYI SPANGS PA MTHAR THUG YIN PA'I PHYIR, KHYAB PA THAL 'GYUR PHYI MA LA KHAS, KHO NA RE, RNAM DAG GI DMIGS PA MTHAR THUG YONGS GRUB KYI MTSAN NYID MA YIN PAR THAL, DE MED PA'I PHYIR TE, RNAM DAG GI DMIGS PA MED PA'I PHYIR, DER THAL, RANG BZHIN RNAM DAG GI DMIGS PA YANG MED, BLO BUR RNAM DAG GI DMIGS PA YANG MED PA'I PHYIR, ZER NA MA KHYAB STE, RNAM DAG SGOM LAM YIN PA MED PAR THAL, RANG BZHIN RNAM DAG SGOM LAM YIN PA YANG MED, BLO BUR RNAM DAG SGOM LAM YIN PA YANG MED PA'I PHYIR, 'KHOR GSUM, THAL 'GYUR DANG PO MI 'THAD DE, RDZAS SU YOD PA MED PAR THAL, LUNG DE'I PHYIR, `GZUGS LA SOGS LA RLO MA MED PA, ,ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, GZHI SHES KYI SKABS SU BSTAN PA'I BYANG SEMS KYI SBYOR BA'I MNYAM NYID LA BZHI YOD DE, GZUGS SOGS BDEN MED DU RTOGS PA'I BYANG SEMS KYI SBYOR BA'I MNYAM NYID SOGS BZHI YOD PA'I PHYIR, GNYIS PA LA KHA CIG ,GZHI'I DBYE BA, MTSAN MTSON DANG YUL YUL CAN LA BDEN ZHEN 'GOG PA'I SEMS DPA'I RNAL 'BYOR, GZHI SHES KYI SBYOR BA'I MNYAM NYID KYI MTSAN NYID, CES ZER NA, GANG ZAG GI BDAG MED RTOGS PA'I NYAN THOS KYI SBYOR LAM CHOS CAN, SEMS DPA'I RNAL 'BYOR YIN

PAR THAL, GZHI SHES SBYOR BA'I MNYAM NYID YIN PA'I PHYIR TE, GZHI SHES SBYOR BA'I 'DZIN STANGS YIN PA'I PHYIR, KHA CIG ,MTSAN NYID DE, SEMS DPA'I RGYUD KYI GZHI SHES SBYOR BA'I MNYAM NYID GYI MTSAN NYID ZER NA, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, CHOS CAN DE'I PHYIR, 'DOD NA, SEMS DPA'I RGYUD KYI GZHI SHES SBYOR BA'I 'DZIN STANGS YIN PAR THAL LO, ,'DOD NA, SEMS DPA'I RGYUD KYI GZHI SHES KYI SBYOR BA YIN PAR THAL, 'DOD PA'I PHYIR, 'DOD NA, THEG DMAN GYI RTOGS RIGS SU GNAS PAR THAL, 'DOD PA'I PHYIR, KHA CIG ,GZHI'I NGO BO DANG DBYE BA DANG MTSAN MTSON DANG YUL YUL CAN LA BDEN ZHEN 'GOG PA'I SBYOR BA'I 'DZIN STANGS DE, SBYOR BA'I MNYAM NYID KYI MTSAN NYID ZER NA, BDEN 'DZIN GYIS BCINGS PA'I NYAN THOS KYI SBYOR LAM CHOS CAN, MTSAN NYID DER THAL, MTSON BYA DE'I PHYIR, DER THAL, NYAN THOS KYI SBYOR BA'I MNYAM NYID YIN PA'I PHYIR TE, NYAN THOS KYI SBYOR BA YIN PA'I PHYIR, RANG LUGS NI, GZHI'I DBYE BA MTSAN MTSON DANG YUL YUL CAN LA BDEN ZHEN 'GOG PA'I SHES RAB KYIS ZIN PA'I SEMS DPA'I RNAL 'BYOR DE, GZHI SHES KYI SKABS SU BSTAN PA'I BYANG SEMS KYI SBYOR BA'I MNYAM NYID KYI MTSAN NYID, DBYE NA BZHI YOD, SA 'TSAMS THEG CHEN GYI TSOGS LAM NAS RGYUN MTHA'I BAR NA YOD, RTZOD PA SPONG BA LA, KHA CIG ,STONG NYID RTOGS MA MYONG BA'I BYANG SEMS TSOGS LAM PA'I RGYUD KYI GANG ZAG GI BDAG MED DON SPYI'I TSUL GYIS RTOGS PA'I BLO CHOS CAN, MTSAN NYID DER THAL, MTSON BYA DE'I PHYIR, DER THAL, BYANG SEMS KYI SBYOR BA YIN PA'I PHYIR, ZHES ZER RO, SDUG

, ,BSNGAL LA SOGS BDEN PA LA, ZHES SOGS KYI SKABS SU, SBYOR BA DANG, MTHA' DPYAD PA GNYIS, DANG PO NI, THEG CHEN GYI MTHONG LAM SHES BZOD SKAD CIG MA BCU DRUG CHOS CAN, SKABS 'DIR DNGOS SU BSTAN PA'I THEG CHEN GYI MTHONG LAM YIN TE, SKABS 'DIR DNGOS SU BSTAN PA'I THEG CHEN GYI BDEN PA MNGON RTOGS YIN PA'I PHYIR, KHA CIG ,SPROL BRAL MNGON SUM DU RTOGS PA'I THEG CHEN GYI BDEN PA MNGON RTOGS DE, SKABS 'DIR DNGOS SU BSTAN PA'I THEG CHEN GYI MTHONG LAM GYI MTSAN NYID ZER NA, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI MTHONG LAM SDUG BSNGAL CHOS BZOD CHOS CAN, MTSON BYA DER THAL, MTSAN NYID DE'I PHYIR; GZHAN YANG, THEG CHEN GYI MTHONG LAM RNAM GROL LAM LAS LANGS PA'I RJES THOB KYI RJES SU SLAR YANG STONG NYID LA RTZE GCIG TU MNYAM PAR BZHAG PA'I THEG CHEN GYI MTHONG LAM MNYAM GZHAG YE SHES CHOS CAN, MTSON BYA DER THAL; MTSAN NYID DE'I PHYIR, RTAGS SLA, 'DOD NA, SKABS 'DIR DNGOS SU BSTAN PA'I THEG CHEN GYI MTHONG LAM DE LA THEG CHEN GYI MTHONG LAM SHES BZOD SKAD CIG MA BCU DRUG TU GRANGS MA NGES PAR THAL, 'DOD PA'I PHYIR, RANG LUGS NI; SPROS BRAL MNGON SUM DU RTOGS PA'I SKABS 'DIR DNGOS SU BSTAN PA'I THEG CHEN GYI BDEN PA MNGON RTOGS DE, SKABS 'DIR DNGOS SU BSTAN PA'I THEG CHEN GYI MTHONG LAM GYI MTSAN NYID, YANG NA, 'DA' BYA'I MTHONG LAM SHUGS LA 'PHEN PAR BYED PA'I SKABS 'DIR DNGOS SU BSTAN PA'I 'DA' BYED KYI THEG CHEN GYI BDEN PA MNGON RTOGS DE, SKABS 'DIR DNGOS SU BSTAN PA'I THEG CHEN GYI MTHONG LAM GYI MTSAN NYID, DBYE NA, BCU DRUG YOD,

RTZOD PA SPONG BA LA, KHO NA RE, THEG CHEN GYI MTHONG LAM CHOS CAN, MTSAN NYID SNGA MA DER THAL, MTSON BYA DE'I PHYIR, MA GRUB NA, DER THAL, SKABS 'DIR DNGOS SU BSTAN PA GANG ZHIG ,THEG CHEN GYI MTHONG LAM YIN PA'I PHYIR, ZER NA MA KHYAB; 'DOD MI NUS TE, MNGON SUM MA YIN PA'I PHYIR TE, KHYOD DANG RTOG PA'I GZHI 'THUN YOD PA'I PHYIR, YANG KHA CIG ,THEG CHEN GYI MTHONG LAM SDUGS SNGAL CHOS BZOD CHOS CAN, MTSAN NYID SNGA MA DER THAL, MTSON BYA DE'I PHYIR, RTAGS GRUB STE, THEG CHEN GYI MTHONG LAM SHES BZOD SKAD CIG MA BCU DRUG SKABS 'DIR DNGOS SU BSTAN PA'I THEG CHEN GYI MTHONG LAM YIN PA'I PHYIR, RTZA BAR 'DOD NA, THEG CHEN GYI MTHONG LAM SDUG BSNGAL CHOS BZOD KYI SHUGS KYI GZHAL BYAR GYUR PA'I MA YIN DGAG YOD PAR THAL, 'DOD PA'I PHYIR, 'DOD MI NUS TE, DE'I GZHAL BYA YIN NA DON DAM BDEN PA YIN DGOS PA'I PHYIR, RTAGS 'BUD, YANG THEG CHEN GYI MTHONG LAM SDUG BSNGAL CHOS BZOD DE 'DA' BYA'I MTHONG LAM MA YIN PAR THAL, MTSAN NYID PHYI MA 'THAD PA'I PHYIR, 'DOD NA, DE 'DA' BYA'I SA MA YIN PAR THAL LO, ,'DOD NA, 'DA' BYA'I SA DGU MED PAR THAL, 'DOD PA'I PHYIR, ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, 'DA' BYA'I MTHONG LAM MA YIN PAR THAL, 'DA' BYED KYI MTHONG LAM YIN PA'I PHYIR, RTAGS GRUB STE, 'DA' BYED KYI MTHONG LAM YOD PA'I PHYIR, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI, ZHES SOGS KYI SKABS SU, GZHAN LUGS DGAG PA DANG, RANG LUGS BZHAG PA GNYIS, DANG PO NI, KHA CIG ,GZHUNG 'DI NYAN THOS RANG RGYUD KYI SGOM LAM MI STON PA'I RGYU MTSAN 'CHAD BYED KYI GZHUNG YIN

, ,ZER BA MI 'THAD DE, MI RTAG SOGS BCU DRUG GOMS PA LHUR LEN GYI TSUL GYIS SGOM PAR BYED PA'I NYAN THOS KYI SGOM LAM MED PAR THAL, GZHUNG 'DI'I MI RTAG SOGS BCU DRUG GOMS PA LHUR LEN GYI TSUL GYIS SGOM PA'I NYAN THOS KYI SGOM LAM SKABS 'DIR MI STON PA'I RGYU MTSAN 'CHAD BYED KYI GZHUNG YIN PA'I PHYIR, KHYAB STE, NYI SNANG LAS, THAMS CAD SHES PA NYID LA SGOM PA'I LAM LOGS SHIG NI MED CE NA, ZHES BSHAD PA'I PHYIR, RTZA RTAGS MA GRUB NA, DAM BCA' DANG 'GAL LO, ,GZHAN YANG, GZHUNG 'DI'I SHUGS KYI BSTAN BYA'I GTZO BOR GYUR PA'I MTHONG LAM DE NYAN THOS RANG RGYUD KYI MTHONG LAM LA BYED RIGS PAR THAL, SKABS 'DIR DNGOS SU MI STON RGYU'I SGOM LAM DE NYAN THOS RANG RGYUD KYI SGOM LAM LA BYED RIGS PA'I PHYIR, RTAGS KHAS, 'DOD NA, GZHUNG 'DI'I SHUGS KYI BSTAN BYA'I GTZO BOR GYUR PA'I MTHONG LAM CHOS CAN, KHYOD BYANG SEMS MTHONG LAM PA'I SHES MTHONG GIS BLTAS NAS 'DA' BAR BYA BA'I MNGON RTOGS MA YIN PAR THAL, KHYOD NYAN THOS KYI MTHONG LAM YIN PA'I PHYIR, 'DOD NA, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI, ZHES BSHAD PA MI 'THAD PAR THAL, 'DOD PA'I PHYIR, KHA CIG ,GZHUNG 'DI SPROS BRAL MNGON SUM DU RTOGS PA'I BYANG SEMS KYI SGOM LAM DNGOS SU MI BSTON PA'I RGYU MTSAN 'CHAD BYED KYI GZHUNG YIN ZER BA MI 'THAD DE, SPROS BRAL MNGON SUM DU RTOGS PA'I THEG CHEN GYI SGOM LAM DE BYANG SEMS SGOM LAM PAS MNGON DU BYA BA'I MNGON RTOGS MA YIN PAR THAL, DAM BCA' 'THAD PA'I PHYIR, 'DOD NA, MNGON DU BYA BA NI MA YIN PAS SGOM PA'I LAM NI MA BSTAN TO, ,

ZHES GSUNGS PA'I PHYIR, 'DOD NA, DES MNGON DU BYA BA'I MNGON RTOGS KYI SGOM LAM GZHI MA GRUB PAR THAL, 'DOD PA'I PHYIR, BDAG GI BLA MA MKHAS PA'I DBANG PO KHA CIG ,GZHUNG 'DI NYAN THOS RANG RGYUD KYI SGOM LAM DNGOS SU MI STON PA'I SHES BYED DU BYED PA DANG SPROS BRAL MNGON SUM DU RTOGS PA'I BYANG SEMS KYI SGOM LAM DNGOS SU MI STON PA'I SHES BYED DU BYED PA MI RIGS TE, DE LTAR BYED PA RNAM BSHAD SNYING PO RGYAN DANG 'GAL BA'I PHYIR, DE LTAR YIN KYANG NYAN THOS RANG RGYUD KYI SGOM LAM DE SKABS 'DIR DNGOS SU MI STON RGYU'I SGOM LAM YIN TE, DE SKABS 'DIR DNGOS SU MA BSTAN PA'I SGOM LAM YIN PA'I PHYIR, DES NA SGOM LAM YIN NA, SKABS 'DIR DNGOS SU MI STON RGYU'I SGOM LAM YIN PAS KHYAB STE, SGOM LAM YIN NA SKABS 'DIR DNGOS SU MA BSTAN PA'I SGOM LAM YIN DGOS PA'I PHYIR TE, DE YIN NA SKABS 'DIR DNGOS SU MA BSTAN DGOS PA'I PHYIR, DE BZHIN DU SGOM LAM YIN NA, SKABS 'DIR STON RGYU'I SGOM LAM YIN PAS KHYAB STE, DE YIN NA SKABS 'DIR SHUGS LA BSTAN PAS KHYAB PA'I PHYIR, DON DE LA DGONGS NAS, RNAM BSHAD SNYING PO RGYAN LAS, GZHI SHES KYI SKABS SU DON GYIS 'PHANGS PA'I SGOM LAM MO, ,ZHES DANG, MNGON RTOGS DRUG GI GO RIM LA LOG RTOG 'GOG PA'I SKABS SU SKABS DANG PO DRUG KAR SBYOR LAM MTHONG LAM SGOM LAM GSUM GA BSTAN PAR GSUNGS PA'I PHYIR, DES NA SKABS 'DIR DNGOS SU MI STON RGYU'I SGOM LAM YOD, SKABS 'DIR MI STON RGYU'I SGOM LAM MED, CES GSUNGS PAS, RNAM BSHAD SNYING PO RGYAN DANG MI 'GAL ZHING, GRUB MTHA' SHIN TU SKYONG BDE BA'I LEGS PAR BSHAD PA YIN KYANG, RE SHIG SGRUB BYED LA DPYAD NA, YANG DAG MTHA' DE 'DIR BSTAN YANG

, ,DAG MTHA' YIN PAR THAL, YANG DAG MTHA' DE SKABS 'DIR BSTAN PA'I PHYIR, MA KHYAB NA, NYAN THOS KYI SGOM LAM SKABS 'DIR DNGOS SU MA BSTAN NA, DE SKABS 'DIR DNGOS SU MI STON RGYU'I SGOM LAM YIN DGOS PA 'BUD, DE BZHIN DU STONG NYID DE MNGON PA GNYIS NAS BSHAD PA'I STONG NYID YIN PAR THAL, STONG NYID DE MNGON PA GNYIS NAS BSHAD PA'I PHYIR, MA KHYAB NA, SNGAR BZHIN 'GRIG ,GZHAN YANG, MI RTAG SOGS BCU DRUG MNGON SUM DU RTOGS PA'I YE SHES CHOS CAN, BYANG SEMS 'PHAGS PAS MNGON DU BYA BA'I MNGON RTOGS YIN PAR THAL, BYANG 'PHAGS KYIS MNGON DU BYAS PA'I MNGON RTOGS YIN PA'I PHYIR, MA GRUB NA, DER THAL, BYANG 'PHAGS KYIS MI RTAG SOGS BCU DRUG MNGON SUM DU RTOGS PA'I YE SHES MNGON DU BYAS PA'I PHYIR, KHYAB PA RNAMS RIM BZHIN SONG, RTAGS GRUB STE, SANGS 'PHAGS KYIS DE MNGON DU BYAS PA'I PHYIR, RTZA BAR 'DOD NA, MNGON DU BYA BA NI MA YIN PAS ZHES BSHAD PA DANG 'GAL LO, ,GAL TE, NYAN THOS KYI SGOM LAM CHOS CAN, SKABS 'DIR DNGOS SU MI STON RGYU'I SGOM LAM YIN PAR THAL, SKABS 'DIR DNGOS SU MA BSTAN PA'I SGOM LAM YIN PA'I PHYIR, MA KHYAB NA, 'GREL PA DON GSAL LAS 'DIR SGOM PA'I LAM NI MA BSTAN TO, ,ZHES 'BYUNG MI RIGS PAR, SGOM PA'I LAM NI MI STON NO, ,ZHES 'BYUNG RIGS PAR THAL, MA KHYAB PA DE'I PHYIR, RTZA RTAGS MA GRUB NA, DER THAL, NYAN THOS KYI SGOM LAM DE SKABS 'DIR DNGOS SU MA BSTAN PA'I PHYIR, YANG NYAN THOS KYI SGOM LAM CHOS CAN, SKABS 'DIR DNGOS SU MI STON RGYU'I SGOM LAM YIN PAR THAL, SKABS 'DI'I 'GREL CHEN LAS, NYAN THOS LA SOGS PA LA YANG JI LTAR

YONGS SU MTHONG BA'I DON NYID YANG DANG YANG DU MNGON DU BYED PA SGOM PA'I LAM YIN PAS GO SLA BA'I PHYIR MA GSUNGS SO, ,ZHES PA'I SKABS NAS DNGOS SU MI STON RGYU'I SGOM LAM YIN PA'I PHYIR, ZER NA MA KHYAB STE, SKABS 'DIR ZHES PA DE LTAR KUN SHES NYID LUGS LA, ,ZHES PA NAS, DE LTAR 'DI DANG YANG 'DI DANG, ZHES PA'I BAR LA 'CHAD DGOS PA'I PHYIR, YANG NYAN THOS KYI SGOM LAM DE SKABS 'DIR DNGOS SU MI STON RGYU'I SGOM LAM YIN PAR THAL; SKABS 'DIR NYAN THOS KYI SGOM LAM DNGOS SU MI STON PA'I RGYU MTSAN CIG 'CHAD RIGS PA'I PHYIR TE, SKABS 'DI'I 'GREL PA LAS, NYAN THOS RNAMS KYIS DE LAS BZLOG PA MI RTAG PA LA SOGS PA'I RNAM PA DAG TU BSGOM PAR BYA BA NI KUN SHES PA NYID LA MTHONG BA'I LAM YIN NO, ,ZHES SOGS GSUNGS PA'I PHYIR NA YANG MA KHYAB BO, ,YANG SGOM LAM YIN NA SKABS 'DIR STON RGYU'I SGOM LAM YIN DGOS GSUNG BA MI 'THAD DE, ,BYANG SEMS KYI SGOM LAM CHOS CAN, DE LTAR KUN SHES NYID LUGS LA, ,ZHES PA NAS, DE LTAR 'DI DANG YANG 'DI DANG, ,ZHES PA'I BAR 'DIR MI STON RGYU'I SGOM LAM MA YIN PAR THAL, SKABS 'DIR STON RGYU'I SGOM LAM YIN PA'I PHYIR, RTAGS KHAS, 'DOD NA, DE'I BAR DER BSTAN PA'I SGOM LAM YIN PAR THAL LO, ,'DOD NA, DE LTAR KUN SHES NYID LUGS LA, ,ZHES PA NAS, DE LTAR 'DI DANG YANG 'DI DANG, ,ZHES PA'I BAR 'DIR SGOM LAM STON BYED KYI MNGON RTOGS RGYAN GYI GZHUNG TSIG YOD PAR THAL, 'DOD PA'I PHYIR, KHA CIG ,MI RTAG SOGS BCU DRUG GOMS PA LHUR LEN GYI TSUL GYIS SGOM PA'I BYANG SEMS KYI SGOM LAM DE SKABS 'DIR DNGOS SU MI STON RGYU'I SGOM LAM YIN ZER NA, DE

, ,CHOS CAN, YOD PAR THAL, SKABS 'DIR DNGOS SU MI STON RGYU'I SGOM LAM YIN PA'I PHYIR, 'DOD NA, MI RTAG SOGS BCU DRUG GOMS PA LHUR LEN GYI TSUL GYIS SGOM PAR BYED PA'I BYANG SEMS KYI SGOM LAM CIG SKABS 'DIR DNGOS SU STON RIGS PAR THAL, 'DOD PA'I PHYIR, KHA CIG ,SKABS 'DIR DNGOS SU MI STON RGYU'I SGOM LAM YIN NA MED PAS KHYAB ZER NA, MI RTAG SOGS BCU DRUG SGOM PAR BYED PA'I BYANG SEMS KYI SGOM LAM CHOS CAN, DER THAL, DE'I PHYIR, RTAGS GRUB STE, GZUGS RTAG MA YIN MI RTAG MIN, ,ZHES SOGS KYI MI RTAG SOGS BCU DRUG RTOGS PA'I BYANG SEMS KYI MTHONG LAM SHUGS LA BSTAN PA LA SKABS 'DIR MI RTAG SOGS BCU DRUG SGOM PA'I BYANG SEMS KYI SGOM LAM CIG STON RIGS SNYAM PA'I DOGS PA GCAD PA'I PHYIR DU GZHUNG 'DI GSUNGS PA'I PHYIR TE, GZHUNG 'DI'I DON GRUB PA'I PHYIR, RTZA BAR 'DOD NA SLA'O, ,SKABS 'DIR RNAM BSHAD SNYING PO RGYAN LAS NI; PHYI MA MTHONG LAM LA DMIGS KYIS BKAR BA'O, ,ZHES SOGS KYI DON NI GONG DU BSHAD ZIN TO, ,GNYIS PA RANG GI LUGS LA, RTZOD PA DANG LAN GNYIS, DANG PO NI, KHO NA RE, SKABS 'DIR MI RTAG SOGS BCU DRUG GOMS PA LHUR LEN GYI TSUL GYIS SGOM PAR BYED PA'I BYANG SEMS KYI SGOM LAM STON RIGS PAR THAL, SKABS 'DIR MI RTAG SOGS BCU DRUG RTOGS PA'I BYANG SEMS KYI MTHONG LAM BSTAN PA'I PHYIR, DPER NA, SKABS GNYIS PAR BYANG CHUB SEMS DPAS MNGON DU BYA BA'I MTHONG LAM BSTAN NAS, DE'I RJES SU BYANG CHUB SEMS DPAS MNGON DU BYA BA'I SGOM LAM BSTAN PA BZHIN BZHES ZER, SKABS 'DIR MI RTAG SOGS BCU DRUG GOMS PA LHUR LEN

GYI TSUL GYIS SGOM PAR BYED PA'I BYANG SEMS KYI SGOM LAM MI STON PA'I RGYU MTSAN YOD DE, BYANG SEMS 'PHAGS PAS MI RTAG SOGS BCU DRUG GOMS PA LHUR LEN GYI TSUL GYIS MI SGOM PA'I PHYIR, MI RTAG SOGS BCU DRUG MNGON SUM DU RTOGS PA'I YE SHES DE BYANG SEMS 'PHAGS PA'I SHES MTHONG GIS BLTAS NAS 'DA' BAR BYA BA'I MNGON RTOGS YIN GYI, BYANG SEMS 'PHAGS PAS MNGON DU BYA BA'I MNGON RTOGS MA YIN PA'I PHYIR; RJE BTZUN CHOS KYI RGYAL MTSAN DPAL BZANG PO'I GSUNG ZIN BRIS SU BKOD PA LEGS BSHAD GSER GYI PHRENG BA ZHES BYA LAS, SKABS GSUM PA'I MTHA' DPYOD BSHAD ZIN TO,, ,,RNAM GROL ZHI BA'I RGYA MTSOR RO GCIG TU; ;GZHOL BA'I MTHA' YAS CHOS TSUL DAR 'BAB KLUNG, ,TSIG GI GZIGS MA RES KYANG DUG GSUM GYI, ,DRI MA YONGS 'KHRUD LEGS BSHAD BDUD RTZI 'DI, ,DPAR DU BSKRUN PA'I RNAM DKAR PHUNG PO'I MTHUS, ,YANG DAG CHOS KYI SGO MO STONG PHRAG BRGYA, ,GDANGS TE RGYUD LNGA'I 'GRO BA MA LUS PA, ,NGES LEGS NOR BU'I MDZOD LA DBANG 'BYOR SHOG ,BOD RGYAL LO 2115 PHYI LO 1988 RAB BYUNG SA 'BRUG LO'I SER BYES DPE MDZOD KHANG NAS 'GRO MGRON GTANG STE DPAR DU BSKRUN PA'O,, ,,SHV'A KYI'I DGE SBYONG CHOS SMRA BA NGAG DBANG BLO BZANG BSTAN 'DZIN RGYA MTSO'I SBYAR BA'O, ,DPAR 'DI SER BYES GRVA TSANG DU BZHUGS,