S06814-2 · GMLW-006839

The Excellent Explanation, a Sea of Sport for Those Fortunate Lords of th e Serpentines, Written in Clarification of Difficult Points Found in the Two Treatises upon the “Jewel of Realizations" and Its Commentary

BSTAN BCOS MNGON PAR RTOGS PA’I RGYAN ‘GREL PA DANG BCAS PA’I RNAM BSHAD RNAM PA GNYIS KYI DKA’ BA’I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO

נושאי-מדףSubjects:

PHAR PHYINPERFECTION OF WISDOM (PRAJNA PARAMITA) (MADHYAMIKA SVATANTRIKA SCHOOL)‹›SPYIGENERAL COMMENTARIES‹›SE RA RJE BTZUN CHOS KYI RGYAL MTSANSERA JETSUN CHUKYI GYELTSEN (1469-1546)‹›SPYI DONOVERVIEW

נושאיםTopics:Perfection of Wisdomthe Paths and Levels

מחברauthor

SERA JETSUN CHUKYI GYELTSEN(SE-RA) RJE BTZUN CHOS KYI RGYAL MTSAN1469–1546

נמצא בfound inPERFECTION OF WISDOM (PRAJNA PARAMITA) (MADHYAMIKA SVATANTRIKA SCHOOL)

ז'אנרgenreCommentarytitle: mngon rtogs rgyan gyi 'grel pa rnam gnyis kyi dka' gnas gsal byed

פירוש עלa commentary onThe Ornament of Realizations (Abhisamayalankara) and its commentary - the two treatisesclarifying the difficult points of the rgyan and its 'grel pa

הקלאסיקהthe classicAbhisamayalankara, Maitreyaroot classic being expounded

רמת קושיleveladvanced scholastic

הכותרת אומתה מול הטקסטtitle verified against the textConfirmed 'The Excellent Explanation, a Sea of Sport for the Serpentines', Part 2dka' gnas gsal byed; author Sera Jetsun Chukyi Gyeltsen

הקבציםThe files

S06814-2_BSTAN BCOS MNGON PAR RTOGS PA’I RGYAN ‘GREL PA DANG BCAS PA’I RNAM BSHAD RNAM PA GNYIS KYI DKA’ BA’I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO_ The Excellent Explanation, a Sea of Sport for Th+.TXT/PHAR PHYIN_PERFECTION OF WISDOM (PRAJNA PARAMITA) (MADHYAMIKA SVATANTRIKA SCHOOL)/SPYI_GENERAL COMMENTARIES/SE RA RJE BTZUN CHOS KYI RGYAL MTSAN_SERA JETSUN CHUKYI GYELTSEN (1469-1546)/SPYI DON_OVERVIEW

הטקסטThe text

טיבטיתTibetanS06814-2_BSTAN BCOS MNGON PAR RTOGS PA’I RGYAN ‘GREL PA DANG BCAS PA’I RNAM BSHAD RNAM PA GNYIS KYI DKA’ BA’I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO_ The Excellent Explanation, a Sea of Sport for Th+.TXT1,536,164 תוויםcharacters

*, ,BOD KYI NANG BSTAN DPE TSOGS LTE GNAS,, Tibetan Buddhist Resource Center Text Scan Input Form - Title Page Work: W1KG11733 Image Group: I1KG11740 LCCN: n/a ISBN: n/a Title: MNGON RTOGS RGYAN GYI 'GREL PA RNAM GNYIS KYI DKA' GNAS GSAL BAR BYED PA LEGS BSHAD SKA LA BZANG KLU DBANG GI ROL MTSO, (DGA' LDAN PAR MA,) mngon rtogs rgyan gyi 'grel pa rnam gnyis kyi dka' gnas gsal bar byed pa legs bshad skal bzang klu dbang gi rol mtsho/ (dga' ldan par ma/) Author: CHOS KYI BSHES GNYEN chos kyi bshes gnyen Descriptor: impression from blocks newly carved and preserved at gaden parkhang Original Publication: n/a;n/a Place: dga' ldan/ Publisher: dga' ldan par khang/ Date: 1986 Volume: 2 Total Volumes: 2 TBRC Pages: 2 Introductory Pages: n/a Text Pages: n/a Scanning Information: Scanned at Tibetan Buddhist Resource Center, 150 West 17th St, New York City, NY 10011, US. Comments: 12/2011

001a

, ,BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DKA' BA'I GNAD GSAR BAR BYED PA? LEGS BSHAD SKAL BZANG KLU DBANG GI RONG? MTSO ZHES BYA BA BAS SKABS GNYIS PA'I SPYI DON BZHUGS SO,,

001b

, ,GNYIS PA THOB BYED LAM SHES KYI YAN LAG RGYAS PAR BSHAD PA LA, 'BREL BKOD PAS MTSAMS SBYAR BA DANG, LAM SHES KYI CHOS RGYAS PAR BSHAD PA DANG, SKABS BSDU BA DANG GSUM LAS, DANG PO NI, LUS RNAM GZHAG TU, RNAM KUN MKHYEN NYID LAM SHES NYID, ,CES 'CHAD NA, RNAM MKHYEN GYI RJES SU LAM SHES 'CHAD PA'I RGYU MTSAN GANG ZHE NA, DE'I RGYU MTSAN YOD DE, THEG PA GSUM GYI LAM RDZOGS PAR SGOM PA'I RGYU LAM SHES MA THOB PAR, SKABS DANG POR BSTAN PA'I SEMS BSKYED SOGS CHOS BCU MNGON SUM DU RTOGS PA MTHAR PHYIN PA'I RNAM MKHYEN THOB MI NUS PA'I RGYU MTSAN GYIS DE LTAR BSTAN PA'I PHYIR, ZHES MTSAMS SBYOR BA LA, RNAM PA THAMS

002a

, ,CAD MKHYEN PA NYID RTOGS PA NI LAM SHES PA NYID YONGS SU SHES PA MED NA MED PAS LAM SHES PA NYID, CES GSUNGS, KHO NA RE, SKABS GNYIS PA 'DIR LAM SHES STON MI DGOS TE, SKABS DANG POR BSTAN ZIN PA'I PHYIR, SKABS DANG POR RAB DGA' LA SOGS PA'I SA BCU BSTAN PA'I PHYIR, DPER NA, SKABS DANG POR BYANG SEMS KYI LAM SHES PA'I LAM SHES KYI RGYU NGES 'BYED CHA MTHUN BSTAN ZIN PA'I RGYU MTSAN GYIS DE SKABS GNYIS PAR MA BSHAD PA BZHIN NO, ,RTAGS GRUB STE, 'GREL CHEN LAS; MTHONG BA'I LAM DE'I NGES PAR 'BYED PA'I CHA DANG MTHUN PA NI RNAM PA THAMS CAD MKHYEN PA NYID DU BSHAD PA LAS BZUNG NGO, ,ZHES GSUNGS PA'I PHYIR, ZHES DANG, DE

002b

LTAR YANG 'GREL CHEN LAS, GAL TE DE LTAR YIN NA RAB TU DGA' BA LA SOGS PA'I SA RNAMS DER SMOS PA YIN PAS BYANG CHUB SEMS DPA' RNAMS KYI MTHONG BA LA SOGS PA'I LAM BSTAN PA YIN PA'I PHYIR, YANG CI'I PHYIR BSTAN CE NA, ZHES GSUNGS, RTZOD PA DE'I SKYON MED DE, SKABS GNYIS PAR LAM SHES BSTAN PA LA DGOS PA KHYAD PAR CAN YOD PA'I PHYIR TE, SKABS DANG POR SEMS BSKYED SOGS MNGON SUM DU RTOGS PA MTHAR PHYIN PA'I YE SHES DE NYID DON DU GNYER BYA'I RNAM MKHYEN DU BSTAN PA NA, DE LTA BU'I RNAM MKHYEN DES CHOS THAMS CAD MNGON SUM DU GZIGS MOD, DE LTA BU'I RNAM MKHYEN DE THOB PA LA GNAS LUGS KYI DON GCIG PU BSGOMS PA TZAM GYIS CHOG SNYAM PA DANG, DKON MCHOG GSUM LA SKYABS SU SONG BA TZAM GYIS 'THOB SNYAM PA DANG, 'KHOR BA LAS YID 'BYUNG ZHING SKYO SHES SKYED PA NI NYAN RANG RNAMS LA YOD KYI BYANG CHUB SEMS DPA' RNAMS LA MA YIN TE, BYANG CHUB SEMS DPA' RNAMS GZHAN DON DU 'KHOR BAR BZHUGS DGOS PA'I PHYIR SNYAM PA'I LOG RTOG DE RNAMS BSAL NAS DE LTA BU'I RNAM MKHYEN THOB PA LA THEG PA GSUM GYI LAM RDZOGS PAR SGOM PA'I RGYU LAM SHES THOB PA SNGON DU 'GRO DGOS SO ZHES SHES PAR BYA BA'I PHYIR DU CHOS BCU'I NANG NAS RGYU TZAM ZHIG DRANGS NAS MTHONG SGOM GYI LAM GYIS BSDUS PA'I LAM SHES LOGS SU BSHAD PA'I PHYIR, DE LTAR YANG, 'GREL CHEN LAS, BRJOD PAR BYA STE RGYU DANG 'BRAS BU MA LUS PAR THUGS SU CHUD PA LA LTOS NAS DE BZHIN GSHEGS PA RNAMS KYI RNAM PA

003a

, ,THAMS CAD MKHYEN PA NYID CES BRJOD PA YIN PAS RGYAL BA'I SRAS PO RNAMS KYI LAM NI DE LAS GSUNGS PA MIN NO, ,ZHES DOGS PA BSAL BA'I PHYIR, DE NYID LA RGYU TZAM ZHIG DRANGS NAS BYANG CHUB SEMS DPA' RNAMS KYIS MTHONG BA LA SOGS PA'I LAM GYI BDAG NYID CAN LAM SHES PA NYID LOGS SHIG TU BZHAG PA YIN NO, ,ZHES GSUNGS, DES NA GZHUNG 'DI'I SKABS SU MTHA' DPYAD PA LA, GZHAN LUGS DGAG PA DANG, RANG LUGS GZHAG LA GNYIS LAS, DANG PO LA, RONG t'IKA PA NA RE, LAM GSUM BDEN STONG DU MNGON SUM DU RTOGS PA'I YE SHES, LAM SHES KYI MTSAN NYID CES ZER, DE 'GOG PA LA, RNAM BSHAD LAS, KHA CIG, ,LAM GSUM BDEN STONG DU MNGON SUM DU RTOGS PA'I YE SHES LAM SHES KYI MTSAN NYID DU 'DOD PA MI 'THAD DE, NYAN THOS KYI LAM SHES PA'I LAM SHES KYIS MI RTAG SOGS BCU DRUG MNGON SUM DU MA RTOGS PAR 'GYUR LA, DE LTA NA BYANG CHUB SEMS DPAS SHES MTHONG GIS BLTAS NAS 'DA' BAR BYA BA'I MNGON RTOGS THEG PA CHEN PO'I MTHONG LAM GYI DUS NA BSKYED PA MI RIGS PAR THAL BA DANG, NYAN THOS KYI RIGS CAN RJES SU GZUNG BA'I CHED DU LAM SHES GSUM GYI DANG PO SGOM PA MA YIN PAR THAL BA DANG, MI RTAG SOGS MNGON SUM DU RTOGS PA DE NYID KYIS SPROS BRAL MNGON SUM DU RTOGS PA YIN NA NI, SLOB LAM NA BDEN GNYIS NGO BO THA DAD DU 'DZIN PA'I DRI MA ZAD PAR SPANGS PA YOD PAR THAL BA DANG, MNYAM RJES NGO BO GCIG TU YOD PAR THAL PA SOGS SO,,

003b

GZHAN YANG LAM SHES LA ZHI BA'I MTHA' 'GOG PA'I SNYING RJE CHEN PO LAM SHES KYIS BSDUS PA MED PAR THAL BA DANG, BYANG CHUB SEMS DPA'I THUGS RGYUD KYI DMIGS PA MED PA'I SNYING RJES KYANG STONG NYID MNGON SUM DU MA RTOGS NA LAM SHES LA DES KHYAB PAR 'DOD PA NI MI RIGS PA KHO NA'O, ,ZHES GSUNGS, DON NI, BYANG CHUB SEMS DPA'I RGYUD KYI NYAN THOS KYI LAM SHES PA'I LAM SHES CHOS CAN, MTSAN NYID DER THAL, LAM SHES YIN PA'I PHYIR TE, THEG CHEN 'PHAGS PA'I MKHYEN PA YIN PA'I PHYIR, 'DOD NA, DE CHOS CAN, MI RTAG SOGS BCU DRUG MNGON SUM DU MA RTOGS PAR THAL, LAM GSUM BDEN STONG DU MNGON SUM DU RTOGS PA'I SLOB PA'I RGYUD KYI MKHYEN PA YIN PA'I PHYIR, GZHAN YANG, BYANG SEMS MTHONG LAM PA'I RGYUD LA 'DA' BYA'I MTHONG LAM GCIG MED PAR THAL, DE'I RGYUD LA NYAN THOS KYI RTOGS RIGS SU GNAS PA'I MKHYEN PA MED PA'I PHYIR, DE'I RGYUD KYI MKHYEN PA YIN NA, STONG NYID MNGON SUM DU RTOGS PA'I MKHYEN PA YIN DGOS PA'I PHYIR, GZHAN YANG SLOB LAM NA BLO GCIG GIS BDEN GNYIS CIG CHAR DU DNGOS SU MNGON SUM DU RTOGS PA GCIG YOD PAR THAL, MI RTAG SOGS BCU DRUG MNGON SUM DU RTOGS PA'I THEG CHEN GYI MTHONG LAM DES STONG NYID MNGON SUM DU RTOGS PA'I PHYIR, RTAGS KHAS, 'DOD NA, SLOB LAM NA BDEN GNYIS NGO BO THA DAD DU 'DZIN PA'I DRI MA ZAD PAR SPANGS PA YOD PAR THAL LO, ,GZHAN YANG, BYANG SEMS 'PHAGS PA'I RGYUD KYI SNYING RJE CHEN PO CHOS CAN, MTSAN NYID DER THAL, LAM SHES YIN PA'I

004a

, ,PHYIR; 'DOD NA, DE CHOS CAN, SHES RAB KHYAD PAR CAN GYI RTOGS RIGS SU GNAS PAR THAL, SLOB PA'I RGYUD KYI STONG NYID MNGON SUM DU RTOGS PA'I MKHYEN PA YIN PA'I PHYIR, 'DOD MI NUS TE, THABS KHYAD PAR CAN GYI RTOGS RIGS SU GNAS PA'I PHYIR TE, SNYING RJES ZHI LA MI GNAS PA'I LAM SHES YIN PA'I PHYIR, MA GRUB NA, SNYING RJES ZHI LA MI GNAS PA'I LAM SHES GCIG MED PAR THAL LO, ,GZHAN YANG, DE CHOS CAN, LAM GSUM BDEN PAR 'DZIN PA'I BDEN 'DZIN DANG 'DZIN STANGS DNGOS SU 'GAL BA'I BLO YIN PAR THAL, LAM GSUM BDEN STONG DU MNGON SUM DU RTOGS PA'I YE SHES YIN PA'I PHYIR, 'DOD MI NUS TE, SLOB PA'I RGYUD KYI SNYING RJE YIN PA'I PHYIR, KHYAB STE, RNAM 'GREL LAS, BYAMS SOGS RMONGS DANG 'GAL MED PHYIR, ,SHIN TU NYES PA TSAR GCOD MIN, ,ZHES GSUNGS PA'I PHYIR, KHA CIG ,RNAM BSHAD LAS, SLOB LAM NA MNYAM RJES NGO BO GCIG TU YOD PAR THAL BA DANG, ZHES GSUNGS PA'I DON, BYANG 'PHAGS KYI RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE RJES THOB YE SHES YIN PA'I DON YIN ZHES GSUNGS PA MI 'THAD DE, RANG YUL DU GYUR PA'I KUN RDZOB BDEN PA MNGON SUM DU RTOGS PA'I YE SHES YIN NA, RJES THOB YE SHES YIN PAS KHYAB PAR THAL BA DANG, KUN RDZOB DNGOS YUL DU BYED PA'I SEMS DPA'I RNAL 'BYOR YIN NA, RJES THOB YE SHES YIN DGOS PAR THAL BA'I SKYON YOD PA'I PHYIR, KHO NA RE, BYANG SEMS MTHONG LAM PA'I RGYUD KYI MI RTAG SOGS BCU DRUG

004b

MNGON SUM DU RTOGS PA'I YE SHES DE RJES THOB YE SHES YIN PAR THAL, THEG CHEN MTHONG LAM LA MNYAM RJES GNYIS SU GRANGS NGES PA'I PHYIR TE, DE LA KUN RDZOB DNGOS YUL DU BYED PA'I DE DANG DON DAM DNGOS YUL DU BYED PA'I DE GNYIS SU GRANGS NGES PA'I PHYIR NA MA KHYAB STE, THEG CHEN MTHONG LAM BAR CHAD MED LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DE RJES THOB YE SHES YIN PAR THAL, DE YOD PA GANG ZHIG ,DAM BCA' 'THAD PA'I PHYIR, 'DOD NA, DE'I RGYUD LA RJES THOB YE SHES YOD PAR THAL LO, ,'DOD NA, DE RJES THOB LA GNAS PA'I SEMS DPA' YIN PAR THAL LO, ,'DOD NA, RJES THOB LA GNAS PA'I SEMS DPA'I RGYUD KYI STONG NYID MNGON SUM DU RTOGS PA'I MKHYEN PA DE MNYAM GZHAG YE SHES YIN PAR THAL LO; ;KHO NA RE, THEG CHEN MTHONG LAM RJES THOB YE SHES YIN NA, RANG GI NYER LEN DU GYUR PA'I THEG CHEN GYI MTHONG LAM MNYAM GZHAG YE SHES LAS BYUNG BAS KHYAB PAR THAL, THEG CHEN MTHONG LAM BAR CHAD MED LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DE RJES THOB YE SHES MA YIN PA'I PHYIR, 'DOD NA, RJES THOB YE SHES YIN NA, RANG GI NYER LEN DU GYUR PA'I MNYAM GZHAG YE SHES LAS BYUNG BAS KHYAB PAR THAL, 'DOD PA'I PHYIR NA MA KHYAB, 'DOD NA, DMAN LAM SNGON DU MA SONG BA'I TSOGS LAM SKAD CIG DANG PO LA GNAS PA'I SEMS DPA'I RGYUD KYI KUN RDZOB SEMS BSKYED CHOS CAN, DER THAL, DE'I PHYIR, KUN RDZOB SEMS BSKYED MNGON GYUR PA YIN PA'I PHYIR, CHOS CAN DE YIN PA'I PHYIR, KHA CIG ,

005a

, ,SLOB LAM NA BLO GCIG GIS BDEN GNYIS CIG CHAR DU DNGOS SU RTOGS PA MED ZER BA MI 'THAD DE, DMAN LAM SNGON DU MA SONG BA'I BYANG SEMS SBYOR LAM PA'I RGYUD KYI CHOS NYID LA RTZE GCIG TU MNYAM PAR BZHAG PA'I MNYAM GZHAG YE SHES DES STONG NYID DANG STONG NYID KYI DON SPYI GNYIS KA CIG CHAR DU DNGOS SU RTOGS PA'I PHYIR, KHA CIG ,THEG CHEN 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA YIN NA, MNYAM RJES GNYIS KA YIN PAS KHYAB ZER BA DANG, YANG KHA CIG ,DE YIN NA MNYAM GZHAG YE SHES MA YIN PAS KHYAB ZER NA, DANG PO MI 'THAD DE, THEG CHEN MTHONG LAM BAR CHAD MED LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DE MNYAM RJES GANG YANG MA YIN PA'I PHYIR, GNYIS PA MI 'THAD DE, THEG CHEN 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA YIN NA, MNYAM GZHAG YE SHES MA YIN DGOS PAR THAL, DAM BCA' 'THAD PA'I PHYIR, 'DOD NA, RNAM MKHYEN CHOS CAN; DER THAL, DE'I PHYIR, GZHAN YANG, NYAN THOS 'PHAGS PA'I RGYUD KYI STONG NYID LA RTZE GCIG TU MNYAM PAR BZHAG PA'I MNYAM GZHAG YE SHES DE MNYAM GZHAG YE SHES MA YIN PAR THAL, BYANG SEMS 'PHAGS PA'I RGYUD KYI GANG ZAG GI BDAG MED LA RTZE GCIG TU MNYAM PAR BZHAG PA'I YE SHES DE MNYAM GZHAG YE SHES MA YIN PA'I PHYIR, YANG KHA CIG ,NYAN THOS DGRA BCOM PA'I RTOGS PA SNGON DU SONG BA'I BYANG SEMS KYI TSOGS LAM DE LAM SHES YIN ZER BA MI 'THAD DE, LAM SHES YIN NA,

005b

RANG GI NYER LEN DU GYUR PA'I THEG CHEN GYI SBYOR LAM LAS BYUNG BAS KHYAB PA'I PHYIR, NYAN THOS KYI LAM SHES PA'I LAM SHES LA YANG DES KHYAB, RANG RGYAL GYI LAM SHES PA'I LAM SHES LA YANG DES KHYAB PA'I PHYIR, DANG PO GRUB STE, BDEN PA BZHI YONGS SU SHES PA NI NGES PAR 'BYED PA'I CHA DANG MTHUN PA RTOGS PA SNGON DU 'GRO BA YIN PAS, LAM BRJOD NAS NGES PAR 'BYED PA'I CHA DANG MTHUN PA, ZHES GSUNGS PA'I PHYIR, GNYIS PA GRUB STE, NGES PAR 'BYED PA'I CHA DANG MTHUN PA THOB NA JI SKAD BSHAD PA'I LAM SKYE BAS; ZHES GSUNGS PA'I PHYIR, YANG KHA CIG ,LAM SHES KYI RGYU NGO BO 'BRAS BU GSUM PO GANG RUNG GIS BSDUS PA'I SEMS DPA'I YON TAN, LAM SHES KYI YAN LAG GI MTSAN NYID DU 'DOD PA MI 'THAD DE, SANGS RGYAS KYIS NA LAM SHES KYI YAN LAG YOD PA GANG ZHIG ,LAM MA ZHUGS NA YANG DE YOD PA'I PHYIR, DANG PO GRUB STE, DE NA YAN LAG CAN GYI LAM SHES YOD PA'I PHYIR, GNYIS PA GRUB STE, RGYU THEG CHEN DU RIGS SAD PA DE LAM SHES KYI YAN LAG YIN PA'I PHYIR TE, KHYAB PA DANG, ,ZHES GSUNGS PA'I PHYIR, KHO NA RE, LAM SHES KYI RANG BZHIN DE LAM SHES KYI YAN LAG TU THAL, THEG CHEN DU RIGS SAD PA DE DE YIN PA'I PHYIR, 'DOD NA, LAM SHES KYI NGO BO DE DE YIN PAR THAL, 'DOD PA'I PHYIR, 'DOD NA, LAM SHES DE DE YIN PAR THAL, 'DOD PA'I PHYIR NA MA KHYAB, 'DOD NA, DE CHOS CAN, KHYOD KHYOD KYI YAN LAG MA YIN PAR THAL, KHYOD BDAG MED YIN PA'I PHYIR, ZHES ZER BA DANG, LAM SHES RDZOGS BYED KYI CHA SHAS SU GYUR PA'I SEMS DPA'I YON TAN DE, 'DIR BSTAN LAM SHES KYI YAN

006a

, ,LAG GI MTSAN NYID ZER BA NANG 'GAL TE, 'DIR BSTAN LAM SHES YIN NA, MTSAN NYID DE YIN DGOS PAR THAL, 'DIR BSTAN LAM SHES KYI YAN LAG 'DI? DGOS PA'I PHYIR, 'DOD NA, 'DIR BSTAN LAM SHES CHOS CAN, DER THAL, DE'I PHYIR, 'DOD NA, DE CHOS CAN, 'DIR BSTAN LAM SHES KYI YAN LAG TU THAL, MTSAN NYID DE'I PHYIR, 'DOD NA, DE CHOS CAN, KHYOD KHYOD KYI YAN LAG MA YIN PAR THAL, KHYOD BDAG MED YIN PA'I PHYIR, KHYAB PA KHAS, GZHAN YANG, 'PHAGS LAM CHOS CAN, KHYOD KHYOD KYI YAN LAG MA YIN PAR THAL, KHYOD BDAG MED YIN PA'I PHYIR, KHYAB PA KHAS, 'DOD MI NUS TE, 'PHAGS LAM YAN LAG YIN PA'I PHYIR, KHYAB STE, BYANG CHUB YAN LAG YIN NA, BYANG CHUB KYI YAN LAG YIN DGOS PA'I PHYIR, GNYIS PA RANG LUGS LA, LAM SHES KYI YAN LAG BSHAD PA DANG, YAN LAG CAN GYI LAM SHES BSHAD PA GNYIS LAS, DANG PO LA, MTSAN NYID, DBYE BA, SA MTSAMS GSUM LAS, DANG PO NI, LAM SHES KYI RGYU NGO BO 'BRAS BU GSUM PO GANG RUNG GIS BSDUS SHING SNYING RJE CHEN POS ZIN PA'I YON TAN KHYAD PAR CAN, LAM SHES KYI YAN LAG GI MTSAN NYID, GNYIS PA LA LNGA LAS, BGEGS PA RGYAL MNGON GYUR PA DANG BRAL BA, LHAN CIG BYED RKYEN BYANG CHUB MCHOG TU SEMS BSKYED PA, RGYU THEG PA CHEN POR RIGS SAD PA, RANG BZHIN NYON MONGS SPANG BYA'I GTZO BOR BYAS NAS MI SPONG BA, BYED LAS SEMS CAN SMIN PAR BYED PA SOGS LA MKHAS PA RNAMS SU YOD PA'I PHYIR, GSUM PA NI, THEG CHEN DU RIGS SAD PA

006b

NAS SANGS RGYAS KYI SA'I BAR DU YOD, GNYIS PA LA GSUM LAS, DANG PO NI, RANG RGYUD LDAN GYI GANG ZAG GI RGYUD KYI STONG NYID MNGON SUM DU RTOGS PA'I SHES RAB KYIS ZIN PA'I THEG CHEN 'PHAGS PA'I MKHYEN PA DE LAM SHES KYI MTSAN NYID, GNYIS PA NI, DE LA NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES, BYANG SEMS KYI LAM SHES PA'I LAM SHES GSUM DU YOD DE, DE RE RE LA'ANG RGYU LAM SHES DANG 'BRAS BU LAM SHES GNYIS GNYIS SU YOD, GSUM PA SA MTSAMS THEG CHEN MTHONG LAM NAS SANGS RGYAS KYI SA'I BAR DU YOD DO, ` ,GNYIS PA LAM SHES MTSON BYED KYI CHOS RGYAS PAR 'CHAD PA LA, 'O NA, SKABS GNYIS PA 'DIR LAM SHES MTSON BYED KYI CHOS BCU GCIG GI SGO NAS RGYAS PAR 'CHAD NA, 'CHAD TSUL DE GANG ZHE NA, 'DI LA YANG LAM SHES KYI YAN LAG DANG, YAN LAG CAN GYI LAM SHES GNYIS LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, 'DI YAN CHAD KYI RAB 'BYOR GYI LE'U LAS RNAM MKHYEN BSHAD ZIN PA DANG, DE'I TSE YANG STONG GSUM GYI STONG CHEN PO'I 'JIG RTEN GYI KHAMS 'DI NA RGYAL PO CHEN PO JI SNYED CIG YOD PA DE DAG THAMS CAD KYANG, LHA'I BU STONG PHRAG DU MA DANG LHAN CIG 'KHOR DE NYID DU 'DUS PAR GYUR TO, ,DE BZHIN DU LHA RNAMS KYI DBANG PO BRGYA BYIN RNAMS DANG, MTHA' BRAL PA RNAMS DANG, DGA' LDAN PA RNAMS DANG, 'PHRUL DGA' BA RNAMS DANG, GZHAN 'PHRUL DBANG BYED PA RNAMS DANG, TSANGS 'KHOR NAS TSANGS PA CHEN PO RNAMS KYI BAR DANG, GZHAN YANG, STONG GSUM GYI

007a

, ,STONG CHEN PO'I 'JIG RTEN GYI KHAMS 'DI NA, 'OD CHUNG NAS GNAS GTZANG MA'I RIS KYI LHA RNAMS KYI BAR KYI LHA'I BU BYE BA KHRAG KHRIG BRGYA STONG DU MA DANG LHAN CIG TU 'KHOR DE NYID DU 'DUS PAR GYUR TE, ZHES SOGS GSUNGS, GNYIS PA LA RTZA 'GREL GNYIS LAS, DANG PO NI, MDO DE'I DON 'CHAD PA LA, LHA RNAMS RUNG BAR BYA BA'I PHYIR, ,ZHES SOGS GSUNGS, DE NYID TSIG DON GYI SGO NAS 'CHAD PA LA, LAM SHES PA NYID SKYE BAR RUNG BA NYID DU BSGRUB PA'I PHYIR, ZHES SOGS GSUNGS RTZA 'GREL 'DI RNAMS KYI DON BSDU NA YANG, LAM SHES KYI RTEN DANG, BRTEN PA LAM SHES KYI KHYAD PAR GNYIS LAS, DANG PO NI, RGYAL CHEN BZHI'I RIS KYI LHA RNAMS KYI LAS KYI RNAM PAR SMIN PA LAS BYUNG BA'I 'OD GANG YIN PA DANG, ZHES PA NAS, DE BZHIN GSHEGS PA'I RANG BZHIN GYI 'OD KYI DRUNG NA LHA RNAMS KYI RNAM PAR SMIN PA LAS SKYES PA'I 'OD DE NI LHAM ME MA YIN, LHAN NE MA YIN, LHANG NGER MA YIN GYI DE BZHIN GSHEGS PA'I 'OD 'BA' ZHIG RAB CES BYA'O, ,GTZO BO ZHES BYA'O; ;BLA NA MED PA DANG GONG NA MED PA DANG GONG MA'I YANG GONG MA ZHES BYA'O, ,ZHES DANG, DE NAS LHA RNAMS KYI DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO, ,BTZUN PA RAB 'BYOR STONG GSUM GYI STONG CHEN PO'I 'JIG RTEN GYI KHAMS NA, RGYAL CHEN BZHI'I RIS KYI LHA RNAMS DANG, SUM CU RTZA GSUM PA RNAMS DANG, MTHA' BRAL PA RNAMS DANG, DGA' LDAN PA RNAMS DANG, 'PHRUL DGA' BA RNAMS DANG, GZHAN 'PHRUL DBANG BYED KYI LHA RNAMS NAS

007b

GNAS GTZANG MA'I RIS KYI LHA RNAMS KYI BAR GYI LHA'I BU GANG JI SNYED PA DE DAG THAMS CAD TSE DANG LDAN PA RAB 'BYOR GYIS SHER PHYIN RGYAS PAR BSTAN PA THOS PAR 'DOD NAS, SHER PHYIN NYE BAR BSTAN PA NYAN PA'I PHYIR LHAGS NA, BTZUN PA RAB 'BYOR JI LTAR BYANG CHEN SHER PHYIN LA GNAS PAR BYA, BYANG CHEN SHER PHYIN GANG YIN ZHES BYA BAS BSTAN, DE YANG MDO TSAN DANG PO DES, DE BZHIN GSHEGS PA'I 'OD KYIS 'DOD GZUGS KYI LHA RNAMS KYI 'OD MOG MOG PO STE GZI MED PAR MDZAD PAR BSTAN NAS, MDO TSAN GNYIS PAS, 'DOD GZUGS KYI LHA RNAMS KYI RGYUD LA LAM SHES DNGOS DANG BRGYUD NAS SKYE BA'I SNOD RUNG DU BYAS PAR BSTAN PA YIN TE, GONG DU 'OD ZIL GYIS MNAN PA NA NGA RGYAL BCAGS TE, MTHU KHYAD PAR CAN DE LA DAD NAS SANGS RGYAS THOB PHYIR DU SEMS BSKYED LA, DE LA BRTEN NAS 'DOD PA'I LHA 'GA' ZHIG LAM SHES DNGOS SU DANG, GZUGS KYI LHA RNAMS LAM SHES BRGYUD NAS SKYE BA'I SNOD RUNG DU GYUR PA'I PHYIR, DE'I DON 'CHAD PA LA, LHA RNAMS RUNG BAR BYA BA'I PHYIR, ,'OD KYIS MOG MOG POR MDZAD DANG, ,ZHES DANG, LAM SHES PA NYID SKYE RUNG BA NYID DU BSGRUB PA'I PHYIR, DE BZHIN GSHEGS PA'I RANG BZHIN GYI 'OD DAG GIS LHA LA SOGS PA'I RNAM PAR SMIN PA'I 'OD MOG MOG POR MDZAD PA NI NGA RGYAL BCOM PA'I RGYUD KHO NA LA RTOGS PA SKYE'O ZHES BYA BAR SHES PAR BYA BA'I PHYIR MDZAD DE, DE'I PHYIR TSIG ZUR GYIS RTEN BRJOD PA YIN NO, ,ZHES GSUNGS, DON NI DE BZHIN GSHEGS PA'I RANG BZHIN GYI 'OD KYIS 'DOD GZUGS KYI LHA RNAMS KYI 'OD MOG MOG POR MDZAD PA

008a

, ,CHOS CAN, DGOS PA YOD DE, DE RNAMS THEG CHEN SEMS BSKYED DANG LAM SHES BRGYUD NAS SKYE BA'I SNOD RUNG DU BSGRUB PAR BYA BA'I CHED YIN PA'I PHYIR, LAM SHES SKYE BA'I RTEN DE LA BGEGS NGA RGYAL MNGON GYUR PA DANG BRAL BA GCIG DGOS TE, DE DANG MA BRAL BAR LAM SHES SKYE MI RUNG BA'I PHYIR, ` GNYIS PA BRTEN PA LAM SHES KYI KHYAD PAR LA, SKYE TSUL DANG, NGO BO DANG, BYED LAS KYI KHYAD PAR GSUM LAS, DANG PO LA, GNAS SKABS KYI SKYE TSUL GYI KHYAD PAR DANG, MTHAR THUG GI SKYE TSUL GYI KHYAD PAR GNYIS LAS, DANG PO DE STON PA LA, 'O NA, LAM SHES SKYE BA LA BGEGS NGA RGYAL MNGON GYUR PA DANG BRAL BA DE TZAM GYIS CHOG GAM ZHE NA DES MI CHOG STE, DE LA MTHUN RKYEN BYANG CHUB MCHOG TU SEMS BSKYED PA GCIG DGOS PA'I PHYIR; ZHES 'CHAD PA LA, MDO LAS, DE SKAD CES SMRAS PA DANG, TSE DANG LDAN PA RAB 'BYOR GYIS LHA RNAMS KYI DBANG PO BRGYA BYIN LA 'DI SKAD CES SMRAS SO, ,KO'U SHI KA DE'I PHYIR SANGS RGYAS KYI MTHU DANG SANGS RGYAS KYI BYIN GYIS BRLABS KYIS BYANG CHEN RNAMS KYI SHER PHYIN DANG, BYANG CHEN SHER PHYIN LA JI LTAR GNAS PAR BYA BA NYE BAR BSTAN TE, LHA'I BU GANG DAG GIS BLA NA MED PA YANG DAG PAR RDZOGS PA'I BYANG CHUB TU SEMS MA BSKYED PA DE DAG GIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O, ,GANG YANG DAG PAR SKYON MED PA LA ZHUGS PA DE DAG LA NI BLA MED RDZOGS BYANG DU SEMS BSKYED PA'I MTHU MED DO, ,DE CI'I PHYIR ZHE NA, DE DAG GIS 'KHOR BA'I RGYUN GYI MTSAMS BCAD PA'I PHYIR RO, ,ZHES GSUNGS, DE'I DON

008b

'CHAD PA LA, YUL NGES PA DANG, ZHES DANG, DE YANG BYANG CHUB TU SEMS BSKYED PA KHO NA YIN PAS YUL SO SOR NGES PA YIN NO, ,ZHES GSUNGS, DE'I DON NI, LAM SHES SKYE BA'I RTEN GYI YUL SO SOR NGES PA YIN TE, DE DNGOS SU SKYE BA'I RTEN GYI GANG ZAG YIN NA, BYANG CHUB MCHOG TU SEMS BSKYED PA'I GANG ZAG YIN DGOS PA'I PHYIR, KHO NA RE, LAM SHES DE KHAMS GSUM GANG RUNG GI RTEN LA DNGOS SU MI SKYE BAR THAL, DE 'DOD PA'I RTEN LA DNGOS SU MI SKYE BA'I PHYIR, MA GRUB NA, 'DOD KHAMS PA'I GANG ZAG DE LAM SHES DNGOS SU SKYE BA'I RTEN GYI GANG ZAG TU THAL, 'DOD PA'I PHYIR NA MA KHYAB, KHA CIG ,LAM SHES CHOS CAN, KHYOD DNGOS SU GSAR DU SKYE BA'I RTEN GYI YUL SO SOR NGES PA YIN TE, KHYOD BYANG CHUB MCHOG TU SEMS BSKYED PA'I GANG ZAG KHO NA'I RGYUD LA DNGOS SU GSAR DU SKYE BA'I PHYIR ZER NA, SANGS RGYAS 'PHAGS PA'I RGYUD LA RNAM MKHYEN DNGOS SU GSAR DU SKYE BAR THAL, RNAM MKHYEN RGYUD LDAN GYI GANG ZAG YIN NA, RANG RGYUD LA RNAM MKHYEN DNGOS SU GSAR DU MI SKYE BAS MA KHYAB PA'I PHYIR, LAM SHES RGYUD LDAN LA DE'I PHYIR, MA GRUB NA, BYANG CHUB MCHOG TU SEMS BSKYED PA'I GANG ZAG CHOS CAN, DER THAL, DE'I PHYIR, KHYOD GANG ZAG GANG ZHIG ,LAM SHES KHYOD KYI RGYUD LA YOD PA'I PHYIR, MA GRUB NA, DE CHOS CAN, KHYOD BYANG CHUB MCHOG TU SEMS BSKYED PA'I GANG ZAG GI RGYUD LA YOD PAR THAL, KHYOD BYANG SEMS 'PHAGS PA'I RGYUD LA YOD PA'I PHYIR, ZHES GSUNGS, DES NA GANG YANG DAG PA'I SKYON MED PA LA ZHUGS PA NI, NYAN THOS KYI MTHONG LAM THOB PA'I LAM THAMS CAD LA ZHUGS PA DANG, MTSAMS

009a

, ,BCAD PA NI, NYON MONGS MA LUS PAR SPANGS PAS 'KHOR BAR SKYE BA'I RGYU LOG PA LA BYED PA YIN TE, DE LTAR DU RGYAN SNANG LAS GSUNGS PA'I PHYIR, ` GNYIS PA MTHAR THUG GI SKYE TSUL GYI KHYAD PAR STON PA LA, 'O NA, BYANG CHUB SEMS DPA' LAS GZHAN PA'I RGYUD LA LAM SHES GTAN MI SKYE BA YIN NAM ZHE NA MIN TE, SEMS CAN THAMS CAD KYI RGYUD LA LAM SHES SKYE BA'I PHYIR, DE DAG GI RGYUD LA SANGS RGYAS KYI RIGS KYIS KHYAB PA'I PHYIR, ZHES RGYU RIGS KYI KHYAD PAR STON PA LA, MDO LAS; 'ON KYANG GAL TE DE DAG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED NA DE DAG LA RJES SU YI RANG BAR BYA'O, ,ZHES GSUNGS, DE'I DON 'CHAD PA LA, KHYAB PA DANG, ,ZHES DANG, THEG PA GSUM RNAM PAR BZHAG PA NI DGONGS PA CAN YIN GYI MTSAN NYID PA MA YIN NO, ,ZHES LUGS LAS BYUNG BAS SKYE BO THAMS CAD BLA NA MED PA YANG DAG PAR RDZOGS PA'I BYANG CHUB KYI MTHAR THUG PA CAN YIN TE, DE'I PHYIR 'DOD CHAGS DANG BRAL BA DANG CIG SHOS KYI RNAL 'BYOR PAS KYANG SANGS RGYAS NYID THOB PAR BYA BA'I PHYIR LAM SHES PA NYID BSGOM PAR BYA BA YIN PAS KHYAB PA YIN NO, ,ZHES GSUNGS, 'DI'I SKABS SU, SPYI DON DANG, GZHUNG DON GNYIS LAS, DANG PO LA, MTHAR THUG THEG PA GSUM DU GSUNGS PA LA DRANG NGES SU 'DOD TSUL, NYAN RANG THEG CHEN LAM DU GANG NAS 'JUG PA, 'KHOR BA LA MTHA' YOD MED DPYAD PA DANG GSUM LAS, DANG PO LA YANG, DE LTAR GSUNGS PA NGES DON DU 'DOD PA'I LUGS DANG, DE DRANG DON DU 'DOD PA'I LUGS DANG, ZHAR LA THEG PA'I RNAM GZHAG BSHAD PA'O, ,

009b

DANG PO LA, MDO GANG GI RJES SU 'BRANG BA DANG, DE'I DON JI LTAR BSHAD PA GNYIS LAS, DANG PO NI, MDO SDE DGONGS 'GREL LAS, NYAN THOS KYI RIGS KYI GANG ZAG ZHI BA BGROD PA GCIG PU NI SANGS RGYAS THAMS CAD BRTZON PA DANG LDAN PAR GYUR KYANG BYANG CHUB KYI SNYING PO LA BZHAG STE, BLA MED RDZOGS BYANG THOB PAR BYAR MI NUS SO, ,DE CI'I PHYIR ZHE NA, 'DI LTAR DE NI SNYING RJE SHIN TU CHUNG BA DANG, SDUG BSNGAL GYIS SHIN TU 'JIGS PA'I PHYIR DANG, RANG BZHIN GYI RIGS DMAN PA KHO NA YIN PA'I PHYIR RO, ,ZHES DANG, NYAN THOS BYANG CHUB TU YONGS SU GYUR PA GANG YIN PA DE NI, NGAS RNAM GRANGS KYI BYANG CHUB SEMS DPA' YIN PAR BSTAN TE, 'DI LTAR DE NI NYON MONGS PA'I SGRIB PA LAS RNAM PAR GROL NAS DE BZHIN GSHEGS PA RNAMS KYIS SDUG BSNGAL NAS SHES BYA'I SGRIB PA LAS SEMS SHIN TU RNAM PAR GROL BAR BYED PA'I PHYIR, ZHES MDO DE LAS ZHI BA BGROD PA DANG YONGS SU GYUR PA GNYIS THEG CHEN LAS LDOG MI SRID PA DANG, LDOG SRID PAR GSUNGS PA RNAMS KYI RJES SU 'BRANG NAS 'CHAD DO, ,GNYIS PA LA, RANG LUGS GZHAG PA DANG, DE LA NANG 'GAL SPANG PA DANG, MDO GZHAN DANG 'GAL BA SPANG BA DANG GSUM LAS, DANG PO NI, SEMS TZAM PA RNAMS NA RE, MTHAR THUG THEG PA GSUM DU GRUB PAR GSUNGS PA SGRA JI BZHIN PA YIN TE, MTHAR THUG THEG PA GSUM DU GRUB PA'I PHYIR TE, DE LTAR LUNG GIS KYANG GRUB, RIGS PAS KYANG GRUB PA'I PHYIR, DANG PO GRUB STE, DGONGS 'GREL LAS SNGAR BZHIN GSUNGS PA DANG, LANG GSHEGS LAS RIGS SNGAR GSUNGS PA DANG, BLO GROS MI ZAD PAR BSTAN PA LAS KYANG, GSUM

010a

, ,PO 'DI DAG NI NGES PAR 'BYIN PAR BYED PA'I THEG PA YIN NO, ,'DI LTA STE, NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN PO'O, ,ZHES GSUNGS PA DANG, KHAMS SNA TSOGS PA'I MDO LAS, SEMS CAN RNAMS KHAMS SNA TSOGS PAR GSUNGS PA DANG, DE BZHIN DU MDO SDE DU MA LAS THEG PA GSUM SO SOR GSUNGS PA'I PHYIR, GNYIS PA GRUB STE SEMS CAN THAMS CAD KYI RGYUD KYI THEG PA SO SO'I LAM DU DKRIR RUNG BA'I ZAG MED YE SHES KYI SA BON DON DAM PAR RIGS SO SOR NGES PA'I PHYIR, GZHAN DBANG DANG YONGS GRUB BDEN PAR GRUB PA'I PHYIR DANG, RIGS CHAD KYI SEMS CAN YANG YOD PA'I PHYIR DANG, LHAG MED MYANG 'DAS LA GNAS PA'I DGRA BCOM PA YANG SRID DU SKYE BA LEN PA MED PA'I PHYIR TE, LHAG MED MYANG 'DAS KYI TSE RIG PA RGYUN CHAD PA'I PHYIR TE, DE LTAR YANG, BSDU BA LAS, NYAN THOS BYANG CHUB TU YONGS SU GYUR PA CI PHUNG PO LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING BLA NA MED PA YANG DAG PAR RDZOGS PA'I BYANG CHUB SGRUB PAR BYED DAM, 'ON TE PHUNG PO LHAG MA MED PA'I MYA NGAN LAS 'DAS PA'I DBYINGS LA GNAS SHING BYED CE NA, SMRAS PA PHUNG PO'I LHAG MA DANG BCAS PA'I MYA NGAN LAS 'DAS PA'I DBYINGS LA GNAS SHING DE BYED DE, 'DI LTAR PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA NI, RTZOM PA THAMS CAD DANG 'BAD PA THAMS CAD RGYUN CHAD PA YIN NO, ,ZHES GSUNGS, LHAG BCAS NAS THEG CHEN DU LDOG TSUL YANG YOD

010b

DE; RDZU 'PHRUL GYI MTHUS TSE BSRINGS NAS BYANG CHUB BSGRUB LA, RANG GI LUS MYA NGAN LAS MI 'DA' BAR BYIN GYIS RLOBS SHING SPRUL PA'I LUS KYIS GZHAN DOR LHAG MED DU MYA NGAN LAS 'DA' TSUL BSTAN NAS, LUS SNGA MA LHA RNAMS KYIS KYANG MI MTHONG BAR DBEN PAR GNAS TE TSOGS YONGS SU RDZOGS PAR BYED PA'I PHYIR, DES NA SNGAR BSHAD PA'I MDO SDE DGONGS 'GREL DANG, SHER PHYIN GYI MDO LAS, GANG YANG DAG PA'I SKYON MED PAR ZHUGS PA DE DAG LA NI BYANG CHUB TU SEMS BSKYED PA'I MTHU MED DO, ,DE CI'I PHYIR ZHE NA, DE DAG GIS 'KHOR BA'I RGYUN GYI MTSAMS BCAD PA'I PHYIR, ZHES GSUNGS PA'I MTHAR THUG THEG PA GSUM DU STON PA'I MDO RNAMS NGES DON GYI MDOR 'DI PAS BZHED DE; RGYAN SNANG LAS, 'PHAGS PA THOGS MED KYI ZHAL SNGA NAS DANG, DE'I GZHUNG GI RJES SU 'BRANG BA'I THEG PA SNA TSOGS SU SMRA BA RNAMS NI GZHAN DU BSHAD DE, GANG YANG DAG PA'I SKYON MED PA LA ZHUGS PA ZHES BYA BA'I TSIG GI DON NI NGES PA'I DON DANG, 'ON KYANG GANG YANG GAL TE ZHES BYA BA LA SOGS PA'I TSIG GI DON NI DRANG BA'I DON, KHYAB PA NI SANGS RGYAS KYI RIGS CAN GYI DBANG DU BYAS PA'O, ,ZHES GSUNGS PA'I PHYIR, GNYIS PA DE LA NAD 'GAL SPANG PA LA, GAL TE DE NGES DON DU 'DOD PA MI 'THAD DE, SA SDER DGRA BCOM PA SKYE BA MI LEN PA DANG MTHAR THUG THEG PA GSUM RIGS THA DAD PAR BSHAD PA DANG, RGYUD BLA MA'I 'GREL PAR, DPAL PHRENG GI MDO DRANGS NAS BSAM GYIS MI KHYAB PA'I 'CHI 'PHO DANG

011a

, ,SKYE BA YOD PAR BSTAN PA DANG, DGRA BCOM PA DANG RANG SANGS RGYAS KYI MYA NGAN LAS 'DAS PA'I DBANG DU MDZAD NAS BCOM LDAN 'DAS MYA NGAN LAS 'DAS PA ZHES BGYI BA 'DI NI DE BZHIN GSHEGS PA RNAMS KYI THABS LAGS SO, ,ZHES GSUNGS PA YIN TE, 'DIS NI LAM RING POS DUB PA RNAMS LA 'BROG DGON PA'I DBUS SU GRONG KHYER SPRUL PA BZHIN DU, 'DI NI CHOS KYI DBANG PHYUG DAM PA YANG DAG PAR RDZOGS PA'I SANGS RGYAS RNAMS KYI PHYIR MI LDOG PA'I THABS YIN NO ZHES BSTAN PA YIN NO, ,ZHES THEG PA DMAN PA GNYIS RE ZHIG PA'I LAM DU BSTAN PA DANG, RGYUD BLA MAR, ZHI BA'I LAM LA RAB ZHUGS PA, ,MYA NGAN 'DAS THOB 'DU SHES CAN, ,DAM CHOS PAD MA DKAR LA SOGS,, CHOS KYI DE NYID BSTAN PA YIS, ,DE DAG NGAR 'DZIN LAS LDOG STE, ,THABS DANG SHES RAB YONGS BZUNG BA, ,THEG PA MCHOG LA SMIN MDZAD DE, ,ZHES DANG, PADMA DKAR PO LAS, 'KHOR BA'I SDUG BSNGAL DAG LAS KHYOD THAR YANG, ,KHYOD NI DA DUNG MYA NGAN YONGS MI 'DA', ,SANGS RGYAS THEG PA 'DI NI BTZAL BAR GYIS, ,ZHES PA'I TSIG GIS BSKUL NAS THEG CHEN DU 'DZUD PAR GSUNGS PA DANG 'GAL BA'I PHYIR, ZHES ZER NA, DANG PO DANG MI 'GAL TE, BSDU BA DANG RGYUD BLA MA'I 'GREL PA GNYIS KA'I DGONGS 'GREL DANG, DPAL PHRENG GI DON BKRAL BAS DE GNYIS KA YANG THEG CHEN GYI MDO'I RJES SU 'BRANG BAR MTSUNGS LA, RGYUD BLA MA'I 'GREL PAR GSUNGS PA NI, YONGS SU GYUR PA'I NYAN THOS KYIS SPRUL PA'I

011b

LUS KYIS MYA NGAN LAS 'DAS TSUL BSTAN NAS DANG PO'I LUS KYIS DBEN PAR GNAS PA NA, KHAMS GSUM GYI SKYE 'CHI LAS 'DAS KYANG, SHES SGRIB KYI RTEN BAG LA NYE LA DANG, DES KUN NAS BSLANGS PA'I LAS DANG, DE GNYIS KA LA BSTEN PA'I YID LUS YOD PA LA DGONGS NAS MA RIG BAG CHAGS KYIS DANG, ZAG MED KYI LAS KYI RGYU RKYEN BYAS PA'I YID LUS KYI SKYE BA LEN PAR BSHAD PA TZAM YIN GYI, DGRA BCOM PA SHI NAS RIG PA PHYI MA MTSAMS SBYOR BAR BSTAN PA MA YIN PA'I PHYIR, GNYIS PA DANG YANG MI 'GAL TE, MDO DE DRANGS NAS NYAN RANG LA SPANGS PA NYI TSE LAS MED PA'I PHYIR, SGRIB GNYIS SPANGS PA'I MYANG 'DAS MTSAN NYID PA YOD PA DRANG DON DU BSTAN GYI, NYAN RANG THAMS CAD THEG CHEN DU LDOG PA'I SGO NAS MTHAR THUG THEG PA GSUM DU GSUNGS PA DRANG DON DU STON PA MA YIN PA'I PHYIR, GSUM PA DANG YANG MI 'GAL TE, PAD DKAR LAS DE LTAR GSUNGS PA DES YONGS SU GYUR PA'I NYAN THOS SNGAR BSHAD PA LTAR DANG PO'I LUS KYIS DBEN PAR GNAS PA'I TSE RANG DON LA DGA' BAS LAM SGOM PA LA BAG CHAGS MED PAR GYUR PA DANG SANGS RGYAS BYANG SEMS KYIS BSKUL BAR BYED PAR BSTAN PA YIN PA'I PHYIR, GSUM PA MDO GZHAN DANG 'GAL BA SPANG BA LA, GAL TE MTHAR THUG THEG PA GSUM DU GRUB PAR GSUNGS PA DES DON DU 'DOD PA MI 'THAD DE, PAD DKAR LAS, THEG PA NI GCIG KHO NA'O, ,ZHES MTHAR THUG THEG PA GCIG TU GRUB PAR GSUNGS PA DES DON DANG, GSUM DU GRUB PAR

012a

, ,GSUNGS PA DRANG DON DU GSUNGS PA DANG, SH'A RI'I BU LA SOGS PA'I NYAN THOS CHEN PO RNAMS KYANG SANGS RGYAS SU 'GYUR BAR GSUNGS PA SOGS DANG 'GAL BA'I PHYIR, ZHE NA MI 'GAL TE, MTHAR THUG THEG PA GCIG TU GRUB PAR GSUNGS PA RNAMS NI DRANG DON DGONGS PA CAN YIN PA'I PHYIR, DE'I DGONGS GZHI YOD DE, BGROD BYA'I THEG PA, THEG PA GSUM GA'I 'PHAGS PA RNAMS KYIS CHOS DBYINGS NAM MKHA' LTAR NGO BO THA DAD PA MED PAR MTSUNGS PA DANG, BGROD PA PO'I THEG PA 'PHAGS PA'I GANG ZAG GSUM BDAG MED RTOGS PAR MTSUNGS PA DANG, GANG GI CHED DU BGROD PA'I THEG PA SDUG KUN SPANGS PA'I 'BRAS BU RNAM GROL LAM MTSUNGS PA DANG, NYAN THOS SU RIGS MA NGES PA'I NYAN THOS KHA CIG THEG CHEN LAM DU ZHUGS NAS SANGS RGYAS THOB PAR 'GYUR BA'I RIGS THA DAD PA GNYIS LAM GCIG TU ZHUGS PA'I RIGS THA DAD PAR MTSUNGS PA DANG, NYAN THOS SU RIGS MA NGES PA'I BYANG SEMS 'GA' ZHIG RE ZHIG BYANG SEMS KYI SPYOD PA SPYAD NAS, DE BTANG NAS NYAN THOS LAM DU ZHUGS TE DES MYANG 'DAS THOB PA NA DE BZHIN GSHEGS PAS SNGON BDAG GIS BYANG SEMS KYI SPYOD PA SPYAD PAS SANGS RGYAS SO SNYAM DU DGONGS PA DE BZHIN DU, DE LA YANG SANGS RGYAS KYI MTHUS BDAG SNGON BYANG SEMS KYI SPYOD PA SPYAD PAS TSANG RGYA BAR 'GYUR RO SNYAM PA'I BSAM PA MTSUNGS PA THANG GCIG TZAM RNYED PAS BSAM PA GNYIS THOB PA DANG, SPRUL PA'I NYAN THOS 'GA' ZHIG

012b

GDUL BYA'I DON DU MYA NGAN LAS 'DA' TSUL LAN DU MAR BSTAN PA DANG, SPANGS RTOGS MTHAR PHYIN PA'I THEG PA GCIG TU NGES PA STE BDUN LA DGONGS NAS GSUNGS PA'I PHYIR TE, MDO SDE'I RGYAN LAS, CHOS DANG GANG ZAG RNAM GROL LAM,, MTSUNGS PHYIR RIGS NI THA DAD PHYIR, ,BSAM GNYIS THOB PHYIR SPRUL PA'I PHYIR, ,MTHAR THUG PHYIR NA THEG GCIG NYID, ,CES GSUNGS PA'I PHYIR, DE LTAR GSUNGS PA LA DGOS PA YOD DE, NYAN THOS KYI RIGS MA NGES PA KHA CIG DAG NI THEG CHEN DU KHA DRANGS PA'I PHYIR DANG, GZHAN DAG THEG CHEN DU RIGS MA NGES PA'I BYANG SEMS RDZOGS BYANG LAS MI NYAMS PAR BZUNG BA'I DGOS PA YOD PA'I PHYIR TE, DE NYID LAS, KHA CIG DAG NI DRANGS PHYIR DANG, ,GZHAN YANG KUN DU BZUNG PA'I PHYIR, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG GCIG BSTAN, ,ZHES GSUNGS PA'I PHYIR, NYAN THOS SANGS RGYAS SU GYUR PAR LUNG BSTAN PA DANG YANG MI 'GAL TE, DE NI SPRUL PA'I NYAN THOS SAM YONGS SU GYUR PA'I NYAN THOS LA DGONGS PA'I PHYIR, SPYIR NYAN THOS SU RIGS MA NGES PA LA GNYIS SU YOD DE, THEG DON BDEN PA MNGON SUM DU MTHONG BA DANG, MA MTHONG BA GNYIS SU YOD PA'I PHYIR, BDEN PA MNGON SUM DU MTHONG BA DE LA YANG GNYIS SU YOD DE, 'DOD PA LA 'DOD CHAGS DANG BRAL BA DANG MA BRAL BA GNYIS SU YOD PA'I PHYIR, BDEN PA MNGON SUM DU MA MTHONG BA DE NI CHOS CAN, BDEN PA MNGON SUM DU MTHONG BA LAS DMAN PA YIN TE, DE LAS RDZOGS BYANG SGRUB PA'I RTOGS

013a

, ,PA BUL BA'I PHYIR, BDEN PA MNGON SUM DU RTOGS PA'I NYAN THOS GNYIS CHOS CAN, BSAM GYIS MI KHYAB PAR SGYUR BA'I SKYE BA YANG LEN TE, RANG GIS THOB PA'I 'PHAGS LAM SRID PAR SKYE BA'I RGYU DAG TU SGYUR BAR BYED NUS PAS DE LTAR BYED PA'I PHYIR, DE GNYIS LAS GCIG 'DOD CHAGS DANG MA BRAL BA'I NYAN THOS CHOS CAN, SKYE BA LEN TSUL YOD DE, SMON LAM GYI DBANG GIS SKYE BA RAB TU SGRUB PA'I PHYIR, CIG SHOS PHYIR MI 'ONG BA DANG LDAN PA'I NYAN THOS CHOS CAN, SKYE BA LEN TSUL YOD DE, SPRUL PA'I DBANG GIS SKYE BA RAB TU SGRUB PA'I PHYIR, DE LTAR YANG, MDO SDE'I RGYAN LAS, NYAN THOS MA NGES RNAM GNYIS TE, ,THEG DON MTHONG DANG MA MTHONG DANG, ,DON MTHONG 'DOD CHAGS BRAL BA DANG; ;'DOD CHAGS BRAL MIN 'DIR DMAN PA'O, ,DE GNYIS 'PHAGS PA'I LAM THOB PA, ,SRID PA DAG TU SGYUR BA'I PHYIR, ,BSAM GYIS MI KHYAB SGYUR BA YI, ,SKYE BA DANG NI YANG DAG LDAN, ,GCIG NI SMON LAM DBANG GIS NI, ,SKYE BA RAB TU SGRUB PAR BYED, ,CIG SHOS PHYIR MI 'ONG BA DANG, ,LDAN PHYIR SPRUL PAS RAB TU SGRUB, ,CES GSUNGS PA'I PHYIR, DNGOS LA GNOD BYED YOD DE, GZHAN DBANG DANG YONGS GRUB BDEN PAR GRUB PA'I PHYIR DANG, SNGAR? GYI LUNG DE DAG GIS GNOD PA'I PHYIR, GNYIS PA MTHAR THUG THEG PA GSUM DU GSUNGS PA DRANG DON DU 'DOD PA'I LUGS LA, MDO GANG GI RJES SU 'BRANG BA DANG, JI LTAR RNAM GZHAG BYA BA'I TSUL GNYIS LAS, DANG PO NI, LANG KAR GSHEGS PA LAS, LHA YI

013b

THEG DANG TSANGS PA'I THEG, DE BZHIN DU NI NYAN THOS DANG, ,DE BZHIN GSHEGS DANG RANG RGYAL GYI, ,THEG PA 'DI DAG NGES BSHAD DO, ,JI SRID SEMS NI 'BYUNG GI BAR, ,THEG PA RNAMS LA THUG PA MED, ,SEMS NI YONGS SU GYUR PA NA, ,THEG PA MED CING GROL BA MED, ,THEG PA'I RNAM GZHAG YOD MIN NYID, ,THEG PA GCIG TU NGA SMRA 'O, ,BYIS PA RNAMS YONGS DRANG DON DU, ,THEG PA THA DAD NGA SMRA 'O, ,ZHES DANG, DAM CHOS PAD DKAR DANG, BDEN PA PO'I LE'U SOGS KYI RJES SU 'BRANG NGO; ;GNYIS PA MTHAR THUG THEG PA GSUM DU GSUNGS PA SGRA JI BZHIN PA MA YIN TE, MTHAR THUG THEG PA GCIG TU GRUB PA'I PHYIR TE, DE LTAR LUNG GIS KYANG GRUB, RIGS PAS KYANG GRUB PA'I PHYIR, DANG PO GRUB STE, LANG GSHEGS LAS, BLO GROS CHEN PO NYAN THOS KYI THEG PA PA RNAMS NI NYAN THOS KYI THEG PAS GROL BA MA YIN TE, 'ON KYANG DE DAG GIS NI THEG PA CHEN PO'I MTHAR THUG PA CAN YIN NO, ,ZHES GSUNGS PA DANG, PAD DKAR LAS, DRANG SRONG CHEN POS THEG PA GSUM BSTAN PA; ;RNAM 'DREN RNAMS KYI THABS LA MKHAS PA YIN, ,THEG PA GCIG STE GNYIS SU YOD MA YIN, ,BSTI BA'I DON DU THEG PA GSUM BSTAN TO, ,ZHES DANG, BDEN PA PO'I LE 'UR, 'JAM DPAL DE BZHIN GSHEGS PAS KHA CIG LA NI THEG PA CHEN PO STON PAR 'GYUR LA, KHA CIG LA NI NYAN THOS DANG RANG SANGS RGYAS KYI THEG PA STON PAR 'GYUR NA, DE NI YONGS SU MA DAG PAR 'GYUR, MNGON PAR ZHEN PA'I NYES PAR 'GYUR, 'DU SHES THA DAD PA'I NYES PAR YANG 'GYUR,

014a

, ,THUGS RJE CHEN PO NYES PAR YANG 'GYUR, CHOS LA DPE 'KHYUD BYAS PAR YANG 'GYUR, ZHES GDUL BYA RIGS CAN GSUM GA RANG NYID KYIS BRNYES PA'I GO 'PHANG LA 'GOD PAR GSUNGS PA'I PHYIR DANG, DPAL PHRENG GI MDO LAS, YONGS SU MYA NGAN LAS 'DAS PA ZHES BYA BA NI DE BZHIN GSHEGS PA RNAMS KYI THABS SO, ,ZHES DANG, PHYIR MI LDOG PA'I 'KHOR LO'I MDO LAS, RIGS KYI BU SEMS CAN DE DAG NI DMAN PA LA MOS PA DAG STE, DE DAG THEG PA GCIG LA MI 'JUG PA LA THABS MKHAS PA DE DAG NYE BAR KHRID DE, RIGS KYI BU SANGS RGYAS BCOM LDAN 'DAS RNAMS NI THABS MKHAS PA DANG LDAN PA'O, ,ZHES DANG, BYANG CHUB SEMS 'GREL LAS, THEG PA GNYIS PO DAG KYANG NI, ,THEG PA CHEN POR 'BYUNG BAS NA, ,SRID PA'I LAM GYIS DU BA RNAMS LA, ,NGAL BSO'I DON DE DE NYID MIN, ,ZHES DANG, DPE MED PAR BSTOD PA LAS, CHOS KYI DBYINGS LA DBYER MED PHYIR, ,GTZO BO'I THEG DBYER MA MCHIS KYANG, ,KHYOD KYIS SEMS CAN ZHUGS DON DU, ,THEG PA GSUM DU GSUNGS PA'O, ,ZHES GSUNGS PA'I PHYIR DANG, LHAG MED MYANG 'DAS LA GNAS PA'I THEG DMAN DGRA BCOM PA THEG CHEN LAM DU 'JUG PAR MDO SDE DU MA LAS GSUNGS PA'I PHYIR TE, DE YANG LHAG BCAS MYANG 'DAS LA GNAS PA'I NYAN THOS DGRA BCOM PA DES SKU TSE'I 'DU BYED 'PHO KAR ZAG BCAS KYI LUS 'DIR BOR NAS DAG PA'I ZHING DU PADMA'I SBUBS SU YID KYI RANG BZHIN GYI

014b

LUS BLANGS LA, KHYAB PA 'DU BYED KYI SDUG BSNGAL NYE BAR ZHI BA'I NYER ZHI LA SLAR MI LDANG BAR MNYAM PAR GZHAG PAR BYA'O SNYAM DU 'PHEN PA BTANG BA LA BRTEN NAS DER SKYES MA THAG TU DE LA MNYAM PAR 'JOG PA YIN TE, RGYAN SNANG LAS, NYAN THOS CHEN PO RNAMS KYANG LHAG MA DANG BCAS PA DANG LHAG MA MED PA ZHES BYA BA'I BYANG CHUB GNYIS PO THOB CING, SNYING RJE DANG SHES RAB CHEN PO DANG BRAL BA SRID PA LA SKRAG PA'I YID DANG SNGON GYI 'PHEN PA'I SHUGS KYIS 'PHANGS PA'I TSE YONGS SU ZAD PAS MYA NGAN LAS 'DAS PAR GRAGS PA'I MYA NGAN LAS 'DAS PA'I MING CAN 'DU SHES MED PA KHAMS GSUM PAR SKYE BA LAS 'DAS PA, 'PHO BA'I SEMS KYI RJES THOB LA SANGS RGYAS KYI ZHING YONGS SU DAG PAR ZAG PA MED PA'I DBYINGS LA MNYAM PAR BZHAG PA NYID DANG, PADMA'I SNYING POR SKYE'O, ,ZHES DANG, NYAN THOS DE DAG JI SRID DU, ,SANGS RGYAS RNAMS KYIS MA BSGUL BA, ,DE SRID YE SHES LUS GCIG GIS, ,TING 'DZIN MYOS PAS BRGYAL TE GNAS, ,ZHES DANG; LANG GSHAGS LAS, TING NGE 'DZIN GYI LUS THOB NA, ,BSKAL PA'I BAR DU MI SAD DO, ,ZHES GSUNGS PA'I PHYIR, DE LTAR ZAG MED KYI DBYINGS LA SNYOMS PAR ZHUGS TE GNAS PA DE DAG LA DE BZHIN GSHEGS PA RNAMS KYI 'OD ZER KYIS BSKUL TE RJES THOB TU BZHENGS NAS RGYAL BA RNAMS LAS DAM PA'I CHOS GSAN TE TSOGS GNYIS RGYA CHEN PO GSOG PAR 'GYUR TE, DAM CHOS PAD DKAR LAS, 'KHOR BA'I SDUG BSNGAL DAG LAS KHYOD THAR YANG, ,KHYOD NI DA DUNG MYA NGAN YONGS

015a

, ,MI 'DA', ,SANGS RGYAS THEG PA 'DI NI BTZAL BAR RIGS, ,ZHES DANG, LANG GSHEGS LAS, JI LTAR SKYES BU MYOS PA NI, ,MYOS GYUR MED PA SANGS PA LTAR, ,DE BZHIN DE DAG NGA YI SKU, ,SANGS RGYAS CHOS ZHES BYA BA 'THOB, ,CES DANG, RGYAN SNANG LAS, DE NAS DE RNAMS LA YANG DAG PAR RDZOGS PA'I SANGS RGYAS 'OD DPAG TU MED PA LA SOGS PAS NYON MONGS PA CAN MA YIN PA'I MI SHES PA BSAL BAR BYA BA'I PHYIR, 'OD KYI SNANG BAS SAD PAR MDZAD NAS BYANG CHUB KYI SEMS BSKYED NAS GROL BA'I SKABS SU DMYAL BA LA SOGS RGYU PA DANG 'DRA BAR 'GRO ZHING RIM GYIS BYANG CHUB RIN PO CHE'I TSOGS BSAGS NAS 'JIG RTEN GYI BLA MAR 'GYUR, ZHES LUNG LAS NGES PAR MDZAD PA YIN NO,, ZHES SOGS GSUNGS PA'I PHYIR, MTHAR THUG THEG PA GCIG TU RIGS PAS GRUB STE, SEMS CAN THAMS CAD KYI RGYUD KYI SGRIB PA DE SEMS RGYUD DANG 'BRAL RUNG GI GLO BUR BA YIN ZHING, DE SPONG BA'I THABS STON PA'I SANGS RGYAS KYI MDZAD PA MI 'DOR BA'I PHYIR, MTHAR THUG THEG PA GSUM DU GSUNGS PA'I MDO DANG MI 'GAL TE, DE LTAR GSUNGS PA DRANG DON DGONGS PA CAN YIN PA'I PHYIR, DE LTAR GSUNGS PA'I DGONGS GZHI YOD DE, GNAS SKABS SU MOS PA MI 'DRA BA GSUM DANG KHAMS MI 'DRA BA GSUM THEG PA SO SO'I LAM DU DKRI DGOS PA LA DGONGS PA'I PHYIR, DGOS PA YOD DE, GNYIS STONG BDEN GRUB MA BKAG PAR THEG CHEN LAM DU 'KHRID DGOS PA'I GDUL BYA RNAMS RJES SU BZUNG

015b

BAR BYA BA'I CHED YIN PA'I PHYIR, DED DPON THABS LA MKHAS PAS LAM RING POS DUB PA'I TSONG PHRUG RNAMS DBUGS DBYUNG BA'I PHYIR DU RGYA MTSO'I GLING DU GRONG KHYER SPRUL NAS DBUGS PHYIN PAR BYAS TE SLAR YANG RIN PO CHE'I GLING LA 'KHRID PA LTAR; 'KHOR BA'I SDUG BSNGAL GYIS YUN RING DU DU BA STE, RE ZHIG THEG CHEN LAM DU 'JUG PAR MI 'DOD PA RNAMS THAR PA'I GRONG KHYER DU DBUGS PHYIN PAR BYAS NAS, THEG CHEN DU DRANGS PAR BYA BA'I DGOS PA YOD PA'I PHYIR TE, DE LTAR YANG, DBU MA 'JUG PAR, DE'I PHYIR MKHAS PA RIN PO CHE YI GLING DU CHAS PA'I SKYE TSOGS KYI, ,NGAL BA NYER SEL GRONG KHYER YID 'ONG BAR DU RNAM PAR BKOD PA LTAR, ,KHYOD KYI THEG PA 'DI NI SLOB MA NYE BAR ZHI BA'I TSUL LA YID, ,SBYAR ZHING RNAM PAR DBEN PA'ANG BLOS SBYANGS RNAMS LA LOGS SU GSUNGS, ,ZHES GSUNGS PA'I PHYIR, DNGOS LA GNOD BYED YOD DE, GZHAN DBANG DANG YONGS GRUB BDEN PAR MA GRUB CING MTHAR THUG THEG PA GSUM DU GRUB PAR STON PA'I MDO TSAD LDAN GYIS GNOD PA'I PHYIR, DES NA GANG YANG DAG PA'I SKYON MED PA LA ZHUGS PA ZHES SOGS MTHAR THUG THEG PA GSUM DU GRUB PAR STON PA'I MDO YIN ZHING, 'ON KYANG GANG YANG DE DAG GI, ZHES SOGS KYIS DE DRANG DON DU BKRAL BA YIN TE, NYI SNANG LAS, KHYAB PA NI LAM SHES PA NYID KYI DBANG DU BYAS TE, SEMS BSKYED PA NAS BRTZAMS TE SHES RAB KYI PHA ROL DU PHYIN PA'I PHYOGS GCIG PA YIN NO, ,ZHES KHYAB PA'I DON DANG, GO RIMS DANG LDAN PA'I GANG ZAG GI KHYAD PAR GYIS DON GYI GANG GSUNGS PA YIN PA'O, ,DE LTAR

016a

, ,YIN YANG GAL TE DE DAG GIS BLA MED RDZOGS BYANG DU SEMS BSKYED PAR GYUR NA DE DAG LA RJES SU YI RANG BAR BYA'O, ,ZHES GSUNGS PA NI SNGAR 'DOD CHAGS DANG BRAL PA'I DBANG DU BYAS PAR ZAD PA YIN GYI, 'DIS NI THEG PA GSUM RNAM PAR GZHAG PA NI DGONGS PA CAN YIN GYI MTSAN NYID PA MIN NO ZHES 'CHAD PA YIN NO, ,ZHES DANG, RGYAN SNANG LAS, DE BAS NA THEG PA THAMS CAD NI RNAM PA THAMS CAD DU THEG PA CHEN POR GSAL BAR BSHAD PAR RIG PAR BYA STE, DE LTAR NA PADMA DKAR PO DANG, BDEN PA PO'I LE'U SOGS LAS GSUNGS PA LEGS PAR DRANGS PAR 'GYUR TE, SH'A RI'I BU KHYOD MA 'ONGS PA NA YANG DAG PAR RDZOGS PA'I SANGS RGYAS SU 'GYUR TE, THEG PA NI GCIG STE GNYIS SU MED DO, ,ZHES DANG, LANG KAR GSHEGS PA LAS KYANG, BLO GROS CHEN PO NYAN THOS KYI THEG PA PA RNAMS NI NYAN THOS KYI THEG PAS GROL BA MIN TE, 'ON KYANG DE DAG THEG PA CHEN PO'I MTHAR THUG PA CAN YIN NO, ,ZHES DANG, DE BZHIN DU SLOB DPON N'A GA DZU NA'I ZHAL SNGA NAS DANG, DE'I RJES SU 'BRANG BA'I MTHAR THUG THEG PA GCIG PU'I TSUL DU SMRA BA RNAMS KYIS, BYANG CHUB DAM PA GNYIS THOB NAS, ,SRID PAS SKRAG YID DE DAG LA, ,ZHES PA NAS, BYANG CHUB TU NI TSOGS BSAGS NAS, ,DE YANG 'JIG RTEN 'DREN PAR 'GYUR, ,ZHES GSUNGS PA'I PHYIR, ZHES GSUNGS, ` GSUM PA ZHAR LA THEG PA'I RNAM GZHAG BSTAN PA LA MTSAN NYID, DBYE BA, SA MTSAMS, GSUM DU 'BYED PA'I RGYU MTSAN DANG BZHI LAS, DANG PO NI,

016b

DON GNYIS GANG RUNG KHUR DU 'KHYER BA'I LAM ZHUGS KYI MNGON RTOGS DE THEG PA'I MTSAN NYID, GNYIS PA NI, DE LA THEG CHEN GYI THEG PA DANG, THEG DMAN GYI THEG PA GNYIS SU YOD, THEG PA GANG ZHIG ,CHEN PO BDUN DANG LDAN PAS RAB TU PHYE PA DANG PO'I MTSAN NYID YIN TE, MDO SDE'I RGYAN LAS, DMIGS PA CHE BA NYID DANG NI, ,DE BZHIN SGRUB PA GNYIS DAG DANG, ,YE SHES BRTZON 'GRUS RTZOM PA DANG, ,THABS LA MKHAS PAR GYUR PA DANG, ,YANG DAG 'GRUB PA CHEN PO DANG, ,SANGS RGYAS 'PHRIN LAS CHEN PO STE, ,CHEN PO 'DI DANG LDAN PA'I PHYIR, ,THEG CHEN ZHES NI NGES PAR BRJOD, ,CES GSUNGS PA'I PHYIR, THEG CHEN GYI THEG PA CHOS CAN, CHEN PO BDUN DANG LDAN TE, DMIGS PA MDO SDE LA SOGS PA'I CHOS RGYA CHEN PO DANG LDAN PA, SGRUB PA CHEN PO DON GNYIS SGRUB PA DANG, YE SHES CHEN PO BDAG MED GNYIS RTOGS PA, RTZOM PA CHEN PO GRANGS MED GSUM DU TSOGS GNYIS BSAGS PA, THABS MKHAS CHEN PO 'KHOR BA YONGS SU 'DZIN CING NYON MONGS PA SPANG BYA'I GTZO BOR MI BYED PA, YANG DAG PAR 'GRUB PA CHEN PO STOBS SOGS 'GRUB PA, 'PHRIN LAS CHEN PO MNGON PAR SANGS RGYAS TE SEMS CAN MTHA' YAS PA'I DON BYED PA DANG LDAN PA'I PHYIR, THEG PA GANG ZHIG ,CHEN PO BDUN DANG MI LDAN PAS RAB TU PHYE BA, GNYIS PA'I MTSAN NYID, DBYE NA, NYAN THOS KYI THEG PA, RANG RGYAL GYI THEG PA GNYIS SU YOD, GSUM PA NI, TSOGS LAM NAS SANGS RGYAS KYI SI'I BAR DU YOD, BZHI PA NI, THEG PA LA GSUM

017a

, ,DU 'BYED PA'I RGYU MTSAN YOD DE, THEG CHEN GYI THEG PA DANG, THEG DMAN ME THEG PA GNYIS LAM SPYI'I LUS MI 'DRA ZHING THOB BYA'I 'BRAS BU LA DMAN MCHOG GI RIM PA YOD PAS GNYIS KA'I SGO NAS BZHAG ,NYAN THOS KYI THEG PA DANG, RANG RGYAL GYI THEG PA GNYIS LA LAM SPYI'I LUS MI 'DRA BA'I KHYAD PAR CHER MED KYANG 'BRAS BU LA DMAN MCHOG GI RIM PA YOD PAS DE'I SGO NAS BZHAG PA'I PHYIR, GNYIS PA NYAN RANG THEG CHEN LAM DU 'JUG PA'I TSE GANG NAS 'JUG PA BSHAD PA LA, DGONGS 'GREL GYI RGYA NAG 'GREL CHEN DU, NYAN THOS DGRA BCOM PA THEG CHEN LAM DU 'JUG PA'I TSE SA BRGYAD PA NAS 'JUG PAR BSHAD KYANG TSOGS LAM NAS 'JUG PA 'THAD, CES GSUNGS PA DANG; TSIG GSAL LAS, NYAN THOS DANG RANG SANGS RGYAS DE DAG ZHI BA'I DBYINGS LAS LANGS TE LAM MCHOG SHES PAR BYED PA NA SKABS DANG PO NAS BSTAN PA'I SEMS BSKYED PA THOG MA DANG GNYIS PA DANG GSUM PA DANG POR BYA STE ZHES GSUNGS PA LTAR THEG CHEN GYI TSOGS LAM NAS 'JUG PA YIN TE, SANGS RGYAS THOB PA LA THEG CHEN GYI TSOGS SBYOR GYI GNAS SKABS SU BSKAL CHEN GRANGS MED GCIG DANG, MA DAG SA BDUN DU GRANGS MED GCIG DANG, DAG PA SA GSUM DU GRANGS MED GCIG STE GRANGS MED GSUM DU TSOGS GSOG DGOS PA'I PHYIR, KHA CIG ,DE SA BRGYAD PA NAS 'JUG ZER BA DANG, KHA CIG SA DANG PO NAS 'JUG ZER, MYUR TU SANGS RGYAS THOB PAR 'DOD PAS DANG POR NYAN

017b

THOS LAM DU 'JUG RIGS PAR THAL, DAM BCA' DE GNYIS 'THAD PA GANG ZHIG ,SANGS RGYAS THOB PA LA THEG CHEN GYI TSOGS SBYOR DU GRANGS MED GCIG TSOGS BSAGS DGOS, BRTZON 'GRUS SHIN TU 'BAR BA'I NYAN THOS TSOGS LAM PAS TSE GSUM LA NYAN THOS DGRA BCOM PA'I 'BRAS BU MNGON DU BYED NUS PA'I PHYIR TE, MDZOD LAS, MYUR BA SRID PA GSUM GYI MTHAR, ,ZHES GSUNGS PA'I PHYIR, 'DOD MI NUS TE, NYAN THOS DGRA BCOM PA'I RTOGS PA SNGON DU SONG BA'I BYANG SEMS RNAMS DMAN LAM SNGON DU MA SONG BA'I BYANG SEMS LAS SANGS RGYAS THOB PA CHES BUL BA'I PHYIR TE, MDO SDE'I RGYAN LAS, DE NYID YANG DANG YANG DU NI, ,MYA NGAN 'DAS LA MNGON DGA'I PHYIR, ,RANG SEMS KUN TU 'JUG LDAN PAS, ,RTOGS PA BUL BA YIN PAR 'DOD,, CES GSUNGS PA'I PHYIR, DE YANG THUB DGONGS LTAR NA BSKAL CHEN GRANGS MED PA GCIG GIS BUL LA, DGE BA'I LHAS GRANGS MED BZHI BCUS BUL BAR BSHAD DO, ,KHA CIG ,NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA DE SO SO SKYE BO YIN ZER NA, DES LAM BDEN MA THOB PAR THAL, DAM BCA' 'THAD PA'I PHYIR, KHYAB STE, MDZOD LAS, LAM MA THOB PA SO SO YI, ,SKYE BOR 'DOD DO, ,ZHES GSUNGS PA'I PHYIR, KHA CIG ,DE THEG CHEN 'PHAGS PAR 'DOD PA YANG MI 'THAD DE, DES THEG CHEN GYI 'PHAGS LAM MA THOB PA'I PHYIR, DE THEG CHEN TSOGS LAM PA YIN PA'I PHYIR, KHO NA RE, THEG DMAN TSOGS LAM PA YIN NA THEG DMAN SO SKYE YIN PAS KHYAB PAR THAL LO, ,THEG CHEN LA DE'I PHYIR ZER

018a

, ,NA MA KHYAB, 'DOD NA, SPANG BYA CIG CHAR BA'I RGYUN ZHUGS KYI RTOGS PA SNGON DU SONG BA'I RANG RGYAL TSOGS LAM PA CHOS CAN, DER THAL, DE'I PHYIR, KHO NA RE, LAM LNGA 'GAL BAR THAL, SLOB LAM DANG MI SLOB LAM GNYIS 'GAL BA'I PHYIR, 'DOD NA, TSOGS LAM DANG MI SLOB LAM GNYIS 'GAL BAR THAL, 'DOD PA'I PHYIR NA MA KHYAB, KHO NA RE, DE CHOS CAN, THEG CHEN 'PHAGS PA YIN PAR THAL, THEG CHEN SEMS BSKYED RGYUD LDAN GYI 'PHAGS PA YIN PA'I PHYIR NA MA KHYAB STE, DE CHOS CAN, THEG CHEN DGRA BCOM DU THAL, THEG CHEN SEMS BSKYED THOB PA'I DGRA BCOM YIN PA'I PHYIR, KHYAB PA KHAS, GZHAN YANG, THEG CHEN SEMS BSKYED THOB PA'I 'PHAGS PA YIN NA THEG CHEN 'PHAGS PA YIN PAS KHYAB PAR THAL LO, ,DE THEG CHEN 'PHAGS PA YIN PA'I PHYIR, RTAGS KHAS, 'DOD NA, BYANG SEMS TSOGS LAM PA'I RTOGS PA SNGON DU SONG BA'I NYAN THOS MTHONG LAM PA CHOS CAN, DER THAL, DE'I PHYIR, GZHAN YANG RNAM BSHAD LAS, MTSAN GZHI NI NYAN THOS KYI LAM SHES PA'I LAM SHES SOGS STONG NYID MNGON SUM DU RTOGS PA'I SHES RAB KYIS ZIN PA'I THEG CHEN 'PHAGS PA'I MNGON PAR RTOGS PA MTHA' DAG GO ZHES GSUNGS PA MI 'THAD PAR THAL; BYANG SEMS TSOGS LAM PA'I RGYUD LA LAM SHES YOD PA'I PHYIR, GZHAN YANG, DE NYID LAS, SA MTSAMS NI THEG PA CHEN PO'I MTHONG LAM NAS SANGS RGYAS KYI SA'I BAR DU YOD DO ZHES GSUNGS PA MI 'THAD PAR THAL,

018b

RTAGS SNGA MA DE'I PHYIR, KHO NA RE, RNAM BSHAD LAS, MTSAN NYID NI RANG RGYUD LDAN GYI GANG ZAG GI RGYUD KYI STONG NYID MNGON SUM DU RTOGS PA'I SHES RAB KYIS ZIN PA'I THEG PA CHEN PO'I GANG ZAG GI MNGON PAR RTOGS PA'O ZHES GSUNGS PA MI 'THAD PAR THAL, STONG NYID MNGON SUM DU RTOGS PA'I THEG CHEN GYI TSOGS LAM DE LAM SHES MA YIN PA'I PHYIR NA MA KHYAB, KHA CIG ,NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA DE 'PHAGS PA PHUNG SUM PA YIN TE, DE 'PHAGS PA GANG ZHIG ,THEG CHEN 'PHAGS PA YANG MA YIN, THEG DMAN 'PHAGS PA YANG MA YIN PA'I PHYIR ZER NA MI 'THAD DE, SPANG BYA CIG CHAR BA'I RGYUN ZHUGS KYI RTOGS PA SNGON DU SONG BA'I RANG RGYAL TSOGS LAM PA DE THEG DMAN GYI 'PHAGS PA PHUNG SUM PA YIN PAR THAL, DE THEG DMAN 'PHAGS PA YIN PA GANG ZHIG DE NYAN THOS 'PHAGS PA DANG, RANG RGYAL 'PHAGS PA GANG RUNG MA YIN PA'I PHYIR, KHYAB PA KHAS, 'DOD MI NUS TE, THEG DMAN 'PHAGS PA YIN PA'I PHYIR, KHA CIG ,DE DGRA BCOM MA YIN ZER BA MI 'THAD DE, DE SRID NYON DGU PA SPANGS PA'I 'PHAGS PA YIN PA'I PHYIR, KHYAB STE, MDZOD LAS, DGU PA'I BAR CHAD MED LAM GANG, ,DE NI RDO RJE LTA BU YIN, ,DE ZAD THOB DANG ZAD PA SHES, ,DE'I TSE DE MI SLOB DGRA BCOM, ,ZHES GSUNGS PA'I PHYIR, KHA CIG ,DE MI SLOB PA MA YIN ZER NA, 'PHAGS PA'I SPANGS RTOGS LAS NYAMS PA YOD PAR THAL, NYAN THOS DGRA BCOM MI SLOB PA GANG ZHIG ,DE'I RTOGS PA SNGON DU SONG BA'I BYANG SEMS TSOGS LAM PA SLOB

019a

, ,PA YIN PA'I PHYIR, KHA CIG ,NYAN THOS DGRA BCOM PA YANG SLOB PAR 'DOD PA MI 'THAD DE, DE'I RGYUD LA MI SLOB LA MA YOD PA'I PHYIR TE, DE'I RGYUD LA LAM LNGA PO GANG RUNG YOD, DE'I RGYUD LA LAM DANG PO BZHI PO GANG RUNG MED PA'I PHYIR, GZHAN YANG, MI SLOB PA'I LNGA PHRUGS DANG PHUN TSOGS 'OG MA'I LNGA PHRUGS LA ZLOS SKYON YOD PAR THAL, MI SLOB PA'I RNAM GROL YIN NA MI SLOB PA'I RNAM GROL PHUN TSOGS YIN DGOS PA'I PHYIR TE, MI SLOB PA'I GANG ZAG YIN NA SANGS RGYAS 'PHAGS PA YIN DGOS PA'I PHYIR, ` GSUM PA 'KHOR BA LA MTHA' YOD MED DPYAD PA LA, KHA CIG GIS, SEMS CAN THAMS CAD SANGS RGYA, SEMS CAN THAMS CAD SANGS RGYAS PA'I DUS MI SRID, 'KHOR BA LA MTHA' MED ZER NA, SEMS CAN THAMS CAD SANGS RGYAS PA'I DUS SRID PAR THAL, BYANG SEMS 'PHAGS PA THAMS CAD SANGS RGYAS PA'I DUS SRID PA'I PHYIR TE, BYANG SEMS RGYUN MTHA' PA THAMS CAD SANGS RGYAS PA'I DUS SRID PA'I PHYIR, RGYUN MTHA'I BAR CHAD MED LAM BA SANGS RGYAS PA'I DUS SRID PA'I PHYIR, MA GRUB NA, DE CHOS CAN, DER THAL, KHYOD RANG GI SKAD CIG GNYIS PAR RNAM MKHYEN MNGON DU BYED PA'I GANG ZAG YIN PA'I PHYIR, KHO NA RE, SEMS CAN THAMS CAD SANGS RGYAS PA'I DUS KYI LONGS SKU YOD PAR THAL, SEMS CAN THAMS CAD SANGS RGYAS PA'I DUS SRID PA'I PHYIR, 'DOD NA, DE KHO KHO RANG DU THAL LO, ,'DOD NA, DE CHOS CAN, NGES PA LDA LDAN GYI GZUGS SKU YIN PAR THAL, 'DOD PA'I

019b

PHYIR; 'DOD NA, DE CHOS CAN, KHYOD KYI 'KHOR DU BYUNG BA'I BYANG SEMS 'PHAGS PA YOD PAR THAL, 'DOD PA'I PHYIR, 'DOD NA, SEMS CAN THAMS CAD SANGS RGYAS PA'I DUS NA BYANG SEMS 'PHAGS PA YOD PAR THAL, 'DOD PA'I PHYIR NA; MA KHYAB STE, BYANG SEMS 'PHAGS PA THAMS CAD SANGS RGYAS PA'I DUS NA BYANG SEMS 'PHAGS PA YOD PAR THAL, DE'I DUS NA BYANG SEMS 'PHAGS PA THAMS CAD SANGS RGYAS PA'I DUS KYI LONGS SKU'I 'KHOR DU BYUNG BA'I BYANG SEMS, 'PHAGS PA YOD PA'I PHYIR, KHYAB PA KHAS, KHO NA RE, SEMS CAN THAMS CAD SANGS RGYAS PA'I TSE NA SANGS MA RGYAS PA'I SEMS CAN MED PAR THAL, DE'I TSE SEMS CAN THAMS CAD SANGS RGYAS PA'I PHYIR, 'DOD NA, SEMS CAN THAMS CAD SANGS RGYAS PA'I TSE NA SEMS CAN THAMS CAD SANGS RGYAS PA'I SANGS RGYAS 'PHAGS PA'I 'KHOR DU BYUNG BA'I SEMS CAN MED PAR THAL, 'DOD PA'I PHYIR NA MA KHYAB, KHA CIG RTZA BAR MA KHYAB ZER BA MI 'THAD DE, DE'I TSE NA SEMS CAN YOD PAR THAL, DE'I TSE NA SANGS MA RGYAS PA'I SEMS CAN YOD PA GANG ZHIG ,SANGS MA RGYAS PA'I SEMS CAN DANG, SEMS CAN GNYIS DON GCIG PA'I PHYIR, KHA CIG ,SEMS CAN THAMS CAD SANGS RGYAS PA'I TSE NA SEMS CAN YOD PAR THAL, DE'I TSE NA SEMS CAN SANGS RGYAS 'PHAGS PA YIN PA'I PHYIR TE, DE'I TSE NA SEMS CAN SANGS RGYAS 'PHAGS PAR GYUR ZIN PA'I PHYIR NA MA KHYAB, KHA CIG ,RTZA BAR MA KHYAB ZER BA MI 'THAD DE, DE'I TSE NA SEMS CAN GANG ZAG YIN PAR THAL,

020a

, ,DE'I TSE NA DE SANGS RGYAS 'PHAGS PA YIN PA'I PHYIR, 'DOD NA, DE'I TSE NA DE SROG DBANG RGYUD LDAN GYI GANG ZAG YIN PAR THAL, 'DOD PA'I PHYIR, 'DOD NA, DE'I TSE DE'I RGYUD LA SROG DBANG YOD PAR THAL, 'DOD PA'I PHYIR; 'DOD NA, DE'I TSE NA SEMS CAN YOD PAR THAL LO, ,GZHAN YANG, RIGS GTER LAS, SA BON THOG MTHA' YOD MIN YANG, ,MES BSREGS PA NA PHYI MTHA' MTHONG, ,DE BZHIN 'KHOR BA THOG MED KYANG, ,BDAG MED MTHONG BAS PHYI MTHA' 'GRUB, ,CES GSUNGS PA MI 'THAD PAR THAL, 'KHOR BA'I PHYI MTHA' MED PA'I PHYIR, KHO NA RE, 'KHOR BA'I MTHA' MED PAR THAL, 'KHOR BA DE THOG MA DANG THA MA MED PA STONG PA NYID KYI STONG GZHI CHOS CAN YIN PA'I PHYIR ZER NA MA KHYAB STE, DUS GSUM PO DE MI DMIGS PA YIN PAR THAL, DE MI DMIGS PA STONG PA NYID KYI STONG GZHI CHOS CAN YIN PA'I PHYIR, KHYAB PA KHAS, KHA CIG ,'KHOR BA'I PHYI MTHA' YOD PAR THAL, 'KHOR BA'I MTHA' YOD PA'I PHYIR TE, SRID PA'I MTHA' YOD PA'I PHYIR TE, SRID MTHA' LA GNAS PA'I BYANG SEMS KYI RGYUD KYI 'KHOR BA DE SRID PA'I THA MA YIN PA'I PHYIR, MA GRUB NA, DE CHOS CAN, DER THAL, KHYOD SRID PA THA MA PA YIN PA'I PHYIR ZER NA MI 'THAD DE, SA GNYIS PA PA'I RGYUD LA 'KHOR BA YOD PAR THAL, SRID PA THA MA PA'I BYANG SEMS KYI RGYUD LA DE YOD PA'I PHYIR, 'DOD NA, DE 'KHOR BA PA YIN PAR THAL, 'DOD PA'I PHYIR, 'DOD MI NUS TE, 'JUG PAR, RGYAL SRAS ZLA BA LAS BYUNG SRID MIN SRID PA YI, ,DPAL

020b

GYUR, ZHES GSUNGS PA'I PHYIR, KHO NA RE, SEMS CAN THAMS CAD SANGS RGYAS PA'I TSE NA BYANG SEMS TSOGS LAM PA SANGS RGYAS PAR THAL, DE'I TSE SEMS CAN THAMS CAD SANGS RGYAS PA'I PHYIR, 'DOD MI NUS TE, DE'I TSE NA SANGS RGYAS KYI 'PHRIN LAS 'JUG YUL DU GYUR PA'I BYANG SEMS TSOGS LAM PA YOD PA'I PHYIR, ZHES ZER NA MA KHYAB, DES NA 'KHOR BA LA THOG MA'I MTHA' MED KYANG THA MA'I MTHA' YOD DE, SEMS CAN THAMS CAD SANGS RGYA NGES YIN PA'I PHYIR; SEMS CAN THAMS CAD KYI RGYUD KYI SGRIB PA DE GNYEN POS SPONG RUNG YIN PA'I PHYIR, DE LTAR YANG, 'GREL CHEN LAS, GANG GNYEN PO'I CHOS DANG PHRAD PA NA 'BRI BA'I CHOS CAN DU SNANG BA DE NI GNYEN PO'I PHYOGS SHIN TU 'PHEL BA NA SHIN TU 'GRIB PAR GYUR PA SRID PA YIN TE, DPER NA, GSER GYI DRI MA LA SOGS PA BZHIN NO, ,'KHOR BA YANG BDAG MED PA LA SOGS PA'I MTSAN NYID KYI GNYEN PO'I PHYOGS MNGON DU GYUR PA NA 'GRIB PA'I CHOS CAN YIN NO, ,ZHES GSUNGS PA'I RANG BZHIN GYI GTAN TSIGS KYI STOBS KYIS 'KHOR BA RGYUN CHAD PA YIN NO ZHES 'DOD DO, ,ZHES GSUNGS, KHO NA RE, 'KHOR BA LA MTHA' YOD PA MI 'THAD DE, THOG MA MED PA NAS SANGS RGYAS RE RE BYON PAS KYANG SEMS CAN GRANGS MED PA MYA NGAN LAS 'DAS PA LA BKOD KYANG, SEMS CAN LA ZAD PA'I MTHA' MED PA'I PHYIR, ZHES ZER, DE LTAR YANG, RGYAN SNANG LAS, KHA CIG NA RE, GANG 'DI SANGS RGYAS KYI RIGS 'DI THOG MA MED PA YIN PA'AM, SANGS RGYAS RE RE BYUNG BA

021a

, ,NA SEMS CAN GRANGS MED PA MYA NGAN LAS 'DAS MOD KYI, DE LTAR NA YANG 'KHOR BZAD PA MED PAS MTHA' YAS PA'I PHYIR NAM MKHA' DANG 'DRA STE, RI PO LA SOGS PA'I SGRIB G-YOGS DU MA MOD KYANG NAM MKHA' LA NI YONGS SU ZAD PA MED DO, ,ZHES GSUNGS PA'I PHYIR, LEGS BSHAD GSER PHRENG LTAR NA, 'GREL PA CHE CHUNG GNYIS DANG AA BHYA SOGS KYIS 'KHOR BA MTHA' YOD DU 'DOD KYANG, MTHA' MED KYI PHYOGS 'THAD PA YIN TE, MTHA' YOD RNAMS KYI 'DOD PA'I RIGS PA NI, RNAM 'GREL LAS, 'GRIB DANG PHUL BYUNG SRID PAR 'JUG ,MI MTHUN PHYOGS DANG BCAS NYID PHYIR, ,DE GOMS PA LA BDAG 'GYUR PAS, ,LA LAR ZAG PA ZAD PAR 'GYUR, ,ZHES PA'I DON DU SNANG LA, DE NI SHES RGYUD LA LAR CHAGS SOGS NYES PA DANG BRAL BA BYUNG SRID PA TZAM DU SGRUB PA YIN ZHING, DE NI SEMS CAN RE RE ZHING SANGS RGYAS SGRUB DGOS PAS DE'I SGRUB BYED DU MI 'GYUR BA'I PHYIR, DES NA 'KHOR BA LA MTHA' YOD PA'I SGRUB BYED MTHAR THUG NI DRI MA GLO BUR BA DANG SEMS KYI RANG BZHIN 'OD GSAL BA YIN PAS RKYEN DANG 'PHRAD NA GNYEN PO SKYE RUNG DANG SGRIB PA SPANGS RUNG TZAM YIN LA DE TZAM GYIS 'KHOR BA'I MTHA' YOD PAR SGRUB MI NUS PA'I PHYIR, 'BRAS BU 'BYUNG RUNG 'BYUNG NGES LA 'KHRUL BA'I PHYIR RO, ,GNYIS PA GZHUNG DON NI, BYANG CHUB SEMS DPA' LAS GZHAN PA'I RGYUD LA LAM SHES MI SKYE BA MA YIN TE, SEMS CAN THAMS CAD KYI RGYUD LA SANGS RGYAS KYI RIGS KYIS KHYAB PA'I PHYIR, KHAMS GSUM

021b

LAS 'DOD CHAGS DANG BRAL BA'I NYAN RANG DGRA BCOM PA DANG 'DOD CHAGS DANG MA BRAL BA'I PHYI ROL PA CHOS CAN, KHYOD LA SANGS RGYAS KYI RIGS KYIS KHYAB PA YIN TE, KHYOD SANGS RGYAS THOB PHYIR DU LAM SHES SGOM DGOS KYI GANG ZAG YIN PA'I PHYIR TE, DE RNAMS KYIS SANGS RGYAS THOB PHYIR DU LAM SHES SGOM DGOS TE, SEMS CAN THAMS CAD SANGS RGYAS PA'I DUS SRID PA'I PHYIR TE, MTHAR THUG THEG PA GCIG TU GRUB PA'I PHYIR, MTHAR THUG THEG PA GCIG TU GRUB PA LA MTHAR THUG THEG PA GSUM DU GRUB PAR STON PA'I MDOS MI GNOD DE, DE 'DRA BA DE DRANG DON DGONGS PA CAN YIN GYI NGES DON MTSAN NYID PA NI MA YIN NO, ,ZHES SHING RTA CHEN PO MGON PO KLU SGRUB DANG THOGS MED KYI LUGS LAS 'BYUNG BA'I PHYIR, KHO NA RE, LHAS BYIN TSAD MAS MA DMIGS PA'I SA PHYOGS CHOS CAN, SEMS CAN THAMS CAD SANGS RGYAS PA'I DUS SRID PAR THAL, MTHAR THUG THEG PA GCIG TU GRUB PA'I PHYIR, 'DOD NA, DE CHOS CAN, SEMS CAN THAMS CAD YOD PAR THAL LO, ,'DOD NA, DE CHOS CAN, LHAS BYIN YOD PAR THAL LO, ,'DOD PA'I PHYIR, MA KHYAB NA, LHAS BYIN CHOS CAN, SEMS CAN THAMS CAD YOD NA KHYOD YOD DGOS PAR THAL, KHYOD SEMS CAN THAMS CAD KYI KHONGS SU GTOGS PA'I PHYIR NA MA KHYAB STE, CHOS DE DANG PHAN TSUN THA DAD DU GYUR PA'I LHAS BYIN DANG, RANG RGYUD KYI SGRIB PA SOGS SBYAR NAS SKYON 'PHEN TSUL SHES PAR BYA'O, ` ,GNYIS PA LAM SHES KYI NGO BO STON PA LA, KHYAD PAR GSUM LDAN GYI LAM SHES DE YANG NYON MONGS SPANG BYA'I GTZO BOR MI BYED PA SOGS RANG BZHIN

022a

, ,KHYAD PAR CAN DANG LDAN NO, ,ZHES 'CHAD PA LA, MDO LAS, KHO BOS NI DE DAG GIS DGE BA'I PHYOGS LA BAR CHAD MI BYED DE, ZHES GSUNGS, DE'I DON 'CHAD PA LA, RANG BZHIN DANG NI, ZHES DANG, BYANG CHUB TU SEMS BSKYED PA NI 'KHOR BA JI SRID PAR SEMS CAN GYI DON BYED PAR ZHUGS PA NYID KYIS NYON MONGS PA RNAM PA THAMS CAD DU SPANGS PA MA YIN PA ZHES BYA BA NI RANG BZHIN YIN NO, ,ZHES GSUNGS, DE'I SKABS SU MTHA' DPYAD PA LA, 'O NA, NYON MONGS PA RNAM PA THAMS CAD DU SPANGS PA MA YIN PA, ZHES 'CHAD NA, SKABS 'DIR BSTAN GYI MI SPONG RGYU'I NYON MONGS DE GANG ZHE NA, DE LA BYANG SEMS 'PHAGS PA GZHAN DON DU 'KHOR BAR SKYE BA LEN PA'I RGYU BSHAD PA DANG, DE BRGAL LAN GYI SGO NAS GTAN LA DBAB PA DANG GNYIS LAS, DANG PO LA, BSTAN BCOS LAS GSUNGS TSUL DANG, MDO LAS GSUNGS TSUL GNYIS LAS, DANG PO NI, NYI SNANG LAS, BAG LA NYAL THAMS CAD NAS THAMS CAD DU MED PA NI MA RIG PA DANG LTA BAS BSDUS PA'I BAG LA NYAL YIN GYI, BYANG CHUB SEMS DPA' NI BSAM BZHIN DU SRID PA LEN PA'I PHYIR, 'DOD PA DANG SRID PA'I ZAG PAS BSDUS PA NI MA YIN NO, ,ZHES DANG, BAG LA NYAL KUN 'JOMS PA DANG, ,ZHES PA'I THAD KYI 'GREL CHEN LAS, MA RIG PA DANG LTA BAS BSDUS PA'I BAG LA NYAL SPONG GI 'DOD PA DANG SRID PA'I ZAG PA NI MA YIN TE, BSAM BZHIN DU SRID PAR SKYE BA LEN PA'I PHYIR ZHES DMAN LAM SNGON DU MA SONG BA'I BYANG SEMS 'PHAGS PAS BDEN 'DZIN DU GYUR PA'I MA RIG PA

022b

DANG; 'JIG LTA'I BAG LA NYAL SPANG BYA'I GTZO BOR BYED CING, DES 'DOD PA'I SAS BSDUS KYI 'DOD CHAGS DANG, GZUGS KYI SAS BSDUS KYI 'DOD CHAGS GNYIS PO DE GZHAN DON DU 'KHOR BAR SKYES PA LEN PA'I RGYUR DGOS PAR GSUNGS, GNYIS PA LA BLO GROS RGYA MTSOS ZHUS PA'I MDO LAS GSUNGS TSUL DANG, DPAL PHRENG GI MDO LAS GSUNGS TSUL GNYIS LAS, DANG PO NI, DE NYID LAS, DE DAG GI 'KHOR BA'I RGYU DGE BA'I RTZA BA DANG MTSUNGS PAR LDAN PA'I NYON MONGS PA DE GANG ZHE NA, 'DI LTA STE, BSOD NAMS KYI TSOGS YONGS SU 'TSOL BAS MI NGOMS PA DANG, BSAM BZHIN DU SRID PAR SKYE BA YONGS SU 'DZIN PA DANG, SANGS RGYAS DANG PHRAD PA DON DU GNYER BA DANG, SEMS CAN YONGS SU SMIN PAR BYA BA'I PHYIR MI SKYO BA DANG, DAM PA'I CHOS 'DZIN PA LA BRTZON PA DANG, SEMS CAN GYI BYA BA CI YOD PA LA 'GRUB PA DANG, CHOS LA CHAGS PA'I BSAM PA DANG MA BRAL BA DANG, PHA ROL TU PHYIN PA'I KUN TU SBYOR BA RNAMS MI 'DOR BA STE, ZHES BYANG SEMS 'PHAGS PA GZHAN DON DU 'KHOR BAR SKYE BA LEN PA'I RGYU BRGYAD GSUNGS, 'DI DAG DGE RTZA YIN NA NYON MONGS PA MA YIN PAS DGE RTZA DANG MTSUNGS LDAN GYI NYON MONGS PA ZHES GSUNGS PA MI 'THAD PAR 'GYUR RAM ZHES PA'I DRI BA NI, MDO DE NYID LAS, BCOM LDAN 'DAS GANG GI TSE DGE BA'I RTZA BA LAGS NA DE'I RGYU CI'I SLAD DU NYON MONGS PA ZHES BGYI, ZHES GSUNGS, DE RNAMS NYON MONGS PA DNGOS MIN KYANG NYON MONGS PA'I MING GIS 'DOGS PA'I RGYU MTSAN YOD DE, DE NYON MONGS

023a

, ,BA DANG BYED LAS MTSUNGS PA'I PHYIR TE, NYON MONGS PAS RANG RGYUD LDAN GYI GANG ZAG KHAMS GSUM DU SBYOR BAR BYED LA, 'DIS KYANG DE LTAR SBYOR BAR BYED PA'I PHYIR, ZHES 'CHAD PA LA, BLO GROS RGYA MTSO 'DI LTAR DE LTA BU'I RANG BZHIN GYI NYON MONGS PA DE DAG GIS BYANG CHUB SEMS DPA' KHAMS GSUM DU KUN TU SBYOR BA LA, KHAMS GSUM PA YANG NYON MONGS PA LAS BYUNG BA YIN NO ZHES GSUNGS, BTAGS PA'I DGOS PA MDOS DNGOS SU MA ZIN KYANG DON THOB 'DI YIN TE, BYANG SEMS 'PHAGS PA NI GZHAN DON LHUR LEN PA YIN NO ZHES SHES BAR BYA BA'I CHED YIN PA'I PHYIR TE, DES GZHAN DON DU SRID PAR NYING MTSAMS SBYOR BA'I PHYIR RANG DON DU NYON MONGS PA YANG MI SPONG BAR SHES PAR BYA BA'I CHED YIN PA'I PHYIR, DNGOS LA GNOD BYED YOD DE, DES SEMS NYE BAR NYON MONGS BAR BYED MI NUS PA'I PHYIR, ZHES 'CHAD PA LA, DE NYID LAS, JI SRID KHAMS GSUM KUN TU SBYOR BAS YIN GYI SEMS NYE BAR NYON MONGS PAS NI MA YIN NO, ,ZHES GSUNGS, GNYIS PA NI, MDO DE NYID LAS, BCOM LDAN 'DAS DPER NA LEN PA'I RKYEN GYIS ZAG PA DANG BCAS PA'I LAS KYI RGYU LAS SRID PA GSUM 'BYUNG BA DE BZHIN DU, BCOM LDAN 'DAS MA RIG PA'I BAG CHAGS KYI SA'I RKYEN GYIS, ZAG PA MED PA'I LAS KYI RGYU LAS BYUNG BA DGRA BCOM PA DANG RANG SANGS RGYAS DANG DBANG THOB PA'I BYANG SEMS RNAMS KYI YID KYI RANG BZHIN GYI LUS GSUM 'BYUNG STE, ZHES

023b

GSUNGS PAS KYANG NYON MONGS PA'I BAG CHAGS SAM, MA RIG BAG CHAGS KYIS DANG, ZAG MED KYI LAS RANG RGYU SHES SGRIB TZAM LA BRTEN NAS BYUNG BA'I KUN SLONG GI RTZOL BA PHRA MOR GYUR PA'I SEMS BYUNG SEMS BA GNYIS NYAN RANG DGRA BCOM DAG ZHING DANG DAG SA LA GNAS PA'I BYANG CHUB SEMS DPA' GZHAN DON DU 'KHOR BAR SKYE BA LEN PA'I RGYUR GSUNGS SO, ,GNYIS PA LA BYANG SEMS 'PHAGS PA'I RGYUD KYI SNYING RJE CHEN PO DANG SMON LAM SOGS BYANG SEMS 'PHAGS PAS CHED DU GNYER NAS MI SPONG RGYU'I NYON MONGS YIN ZER BA DANG, KHA CIG SRID PA'I SKYE BA DE DE YIN ZER BA DANG, KHA CIG BLO GROS RGYA MTSOS ZHUS PA'I MDO LAS GSUNGS PA'I BYANG 'PHAGS 'KHOR BAR SKYE BA LEN PA'I RGYU BRGYAD PO DE DE YIN ZER BA RNAMS MI 'THAD DE; BYANG SEMS 'PHAGS PA'I CHED DU GNYER NAS MI SPONG RGYU'I SKABS 'DIR BSTAN GYI NYON MONGS YIN NA, NYON MONGS MTSAN NYID PA YIN DGOS PA'I PHYIR DANG, DE YIN NA, NYAN RANG SLOB PA 'PHAGS PA'I RANG NYID SPANG BYA'I GTZO BOR BYAS NAS SPONG BAS KHYAB PA'I PHYIR TE, NYAN RANG SLOB PA 'PHAGS PAS SKABS 'DIR BSTAN GYI NYON MONGS SPANG BYA'I GTZO BOR BYAS NAS SPONG, BYANG SEMS 'PHAGS PAS DE DE LTAR MI SPONG BA'I RGYU MTSAN GYIS BYANG SEMS 'PHAGS PA'I RGYUD KYI LAM SHES DE NYAN RANG GI LAM LAS RANG BZHIN GYI SGO NAS KHYAD PAR DU 'PHAGS PA YIN TE, NYON MONGS PA RNAM PA THAMS CAD DU SPANGS PA MA YIN PA ZHES BYA BA NI RANG BZHIN YIN NO, ,ZHES DANG, NYI SNANG LAS, RANG BZHIN JI LTAR NYAN THOS LA

024a

, ,SOGS PA'I LAM GYI 'BRAS BU DANG LAM GYI RTOGS PA SO SOR NGES PA DE LTAR BYANG CHUB SEMS DPA' RNAMS KYI LAM SHES PA NYID NI MA YIN TE, NYON MONGS PA RNAM PA THAMS CAD DU SPONG BA MA YIN PA'I PHYIR, ZHES RANG GI NGO BO'I KHYAD PAR DU 'PHAGS PAS GANG GSUNGS PA YIN NO, ,ZHES GSUNGS PA'I PHYIR RO, ,RONG t'IKA BA NA RE, BAG LA NYAL GYI NYON SGRIB DE BYANG SEMS 'PHAGS PAS CHED DU GNYER NAS MI SPONG RGYU'I NYON MONGS PA DANG, MA RIG BAG CHAGS KYIS DE BAG LA NYAL GYI NYON SGRIB MTSAN NYID PAR 'DOD PA MI 'THAD DE, BAG LA NYAL GYI NYON SGRIB DE DES CHED DU GNYER NAS SPONG BA'I PHYIR TE, DE SHES SGRIB YIN PA'I PHYIR TE, MA RIG BAG CHAGS KYIS DE BAG LA NYAL GYI NYON SGRIB YIN PA'I PHYIR, KHA CIG ,NYON MONGS PA'I BAG CHAGS DE BAG LA NYAL GYI NYON SGRIB YIN ZER NA, DE'I BAG LA NYAL GYI NYON SGRIB NYON SGRIB MA YIN PAR THAL, DAM BCA' DE'I PHYIR, 'DOD NA, DE CHOS CAN, DE YIN NA, NYON SGRIB MA YIN PAS KHYAB PAR THAL LO, ,'DOD NA, NYON SGRIB KYI SA BON CHOS CAN, DER THAL, DE'I PHYIR, CHOS CAN DE YIN PA'I PHYIR, 'DOD MI NUS TE, NYAN THOS DGRA BCOM PAS DE SPANGS PA'I PHYIR TE, DES NYON SGRIB MA LUS PAR SPANGS PA'I PHYIR, KHA CIG ,BYANG SEMS 'PHAGS PAS 'KHOR BAR SKYE BA LEN PA'I RGYU'I GTZO BOR GYUR PA'I NYON MONGS YOD ZER NA, LAS NYON GYIS 'KHOR BAR SKYE BA LEN PA'I BYANG 'PHAGS YOD PAR THAL, DAM BCA' 'THAD PA'I PHYIR, 'DOD MI NUS TE, RGYUD BLA MA LAS,

024b

'PHAGS PAS 'CHI DANG NA BA DANG, ,ZHES SOGS GSUNGS PA'I PHYIR, KHO NA RE, DAM BCA' DER THAL, DER GYUR BA'I NYON SGRIB YOD PA'I PHYIR TE, DER GYUR PA'I SHES SGRIB YOD PA'I PHYIR TE, DER GYUR PA'I MA RIG BAG CHAGS KYIS YOD BA'I PHYIR; BYANG 'PHAGS MA RIG BAG CHAGS KYI SA DANG ZAG MED KYI LAS LA BRTEN NAS 'KHOR BAR SKYE BA LEN PA'I PHYIR ZER NA, BYANG SEMS 'PHAGS PA'I NYON MONGS PA'I DBANG GIS 'KHOR BAR SKYE BA LEN PAR THAL, DE NYON SGRIB KYI DBANG GIS DER SKYE BA LEN PA'I PHYIR TE, DE SHES SGRIB KYI DBANG GIS DER SKYE BA LEN PA'I PHYIR, KHYAB PA KHAS, DER THAL, DE SHES SGRIB LA BRTEN NAS DER SKYE BA LEN PA'I PHYIR TE, DE MA RIG BAG CHAGS KYI SA LA BRTEN NAS DER SKYE BA LEN PA'I PHYIR; KHO NA RE, LAS DBANG GIS 'KHOR BAR SKYE BA LEN PA'I BYANG 'PHAGS YOD PAR THAL, DER 'KHOR BAR SKYE BA LEN PA'I RGYUR GYUR PA'I LAS YOD PA'I PHYIR NA MA KHYAB, KHO NA RE, LAS NYON GYIS DBANG GIS BYUNG BA'I BYANG 'PHAGS KYI SKYE BA MED PAR THAL, DE LAS NYON GYI DBANG GIS SKYE BA MI LEN BA'I PHYIR NA MA KHYAB, 'DOD MI NUS TE, BYANG SEMS SBYOR LAM PA TSE DE LA MTHONG LAM THOB PA'I BYANG SEMS MTHONG LAM PA'I SKYE BA DE DE YIN PA'I PHYIR, BYANG SEMS SBYOR LAM BA'I SKYE BA DE DE YIN BA GANG ZHIG ,DE GNYIS LUS RTEN GCIG PA'I PHYIR, ` DES NA RANG LUGS NI, 'DOD PA'I SAS BSDUS KYI 'DOD CHAGS DANG GZUGS KYI SAS BSDUS KYI 'DOD CHAGS DE RNAMS DMAN LAM SNGON DU MA SONG BA'I

025a

, ,BYANG SEMS 'PHAGS PA'I CHED DU GNYER NAS MI SPONG RGYU'I SKABS 'DIR BSTAN GYI NYON MONGS YIN TE, DE 'DOD PA'I KHAMS SU SKYE BA LEN PA'I TSE RANG RGYUD KYI 'DOD PA'I 'DOD CHAGS DE 'KHOR LOS SGYUR BA'I RGYAL PO SOGS KYI TSUL BZUNG NAS SRAS STONG BSKRUN PA SOGS GZHAN DON BYED PA'I YAN LAG TU SGYUR BAR BYED PA DANG, GZUGS SU SKYE BA LEN PA'I TSE RANG RGYUD KYI SRID PA'I ZAG PA DE GZHAN DON BYED PA'I YAN LAG TU SGYUR BAR BYED PA'I PHYIR; DMAN LAM SNGON DU MA SONG BA'I BYANG 'PHAGS CHOS CAN, KHYOD KYI RGYUD KYI LAM SHES DE NYAN RANG GI LAM SHES LAS RANG BZHIN GYI SGO NAS KHYAD PAR DU 'PHAGS PA YIN TE, KHYOD RANG RGYUD KYI 'DOD PA'I ZAG PA DANG SRID PA'I ZAG PA GZHAN DON BYED PA'I YAN LAG TU SGYUR BAR BYED PA'I RGYAL SRAS 'PHAGS PA YIN PA'I PHYIR, GSUM PA BYED LAS KYI KHYAD PAR BSHAD PA NI, GONG DU BSHAD PA DE LTA BU'I RANG BZHIN DANG LDAN PA'I LAM SHES DE YANG DUS MA YIN PAR YANG DAG PA'I MTHA' MNGON DU MI BYED PA SOGS BYED LAS KHYAD PAR CAN DANG LDAN NO, ,ZHES 'CHAD PA LA, MDO LAS, KHYAD PAR DU 'PHAGS PA'I CHOS RNAMS LAS MCHOG TU KHYAD PAR DU 'PHAGS PA'I CHOS RNAMS THOB PAR BYA'O,, ZHES GSUNGS, DE'I DON 'CHAD PA LA, DE YI LAS, ,ZHES DANG, DE'I 'OG TU DE LTA BU'I RANG BZHIN CAN GYI LAS NI YANG DAG PA'I MTHA' MNGON DU MI BYED PA DANG, SHES RAB DANG THABS LA MKHAS PAS SEMS CAN YONGS SU MA BSDUS

025b

PA YONGS SU SDUD PA LA SOGS PAS BYED PA YIN NO, ,ZHES GSUNGS, DMAN LAM SNGON DU MA SONG BA'I BYANG SEMS 'PHAGS PA CHOS CAN, KHYOD KYI RGYUD KYI LAM SHES DE NYAN RANG GI LAM LAS BYED LAS KYI SGO NAS KHYAD PAR DU 'PHAGS PA YIN TE, KHYOD SEMS CAN 'KHOR DU YONGS SU MA BSDUS PA RNAMS YONGS SU SDUD CING SMIN GROL LA 'GOD PAR BYED PA'I RGYAL SRAS 'PHAGS PA YIN PA'I PHYIR TE, RANG DON DU YANG DAG PA'I MTHA' MNGON DU MI BYED PA DANG CHOS THAMS CAD BDEN MED DU RTOGS PA'I SHES RAB DANG, THABS SNYING RJE CHEN PO DANG LDAN PA'I RGYAL SRAS 'PHAGS PA YIN PA'I PHYIR, ` GNYIS PA YAN LAG CAN GYI LAM SHES BSHAD PA LA, LUS RNAM GZHAG TU, MOG MOG POR BYED LA SOGS DANG, ,SLOB MA BSE RU'I LAM GANG DANG, ,ZHES 'CHAD NA, LAM SHES KYI YAN LAG BSHAD PA'I 'OG TU LAM SHES 'CHAD PA'I RGYU MTSAN GANG ZHE NA, DE'I RGYU MTSAN YOD DE, LAM SHES KYI YAN LAG MA THOB PAR LAM SHES MI 'THOB PA'I RGYU MTSAN GYIS DE LTAR BSHAD PA'I PHYIR, 'O NA, LAM SHES DNGOS DE GANG ZHE NA, 'DI LA NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES, BYANG SEMS KYI LAM SHES PA'I LAM SHES DANG GSUM LAS, DANG PO LA LAM SHES DNGOS DANG, DE'I RGYU NGES 'BYED CHA MTHUN GNYIS LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, BRGYA BYIN GYIS BYANG CHEN SHER PHYIN

026a

, ,GANG ZHES RAB 'BYOR LA DRIS PA'I LAN DU, KO'U SHI KA DE LA BYANG CHEN SHER PHYIN GANG ZHE NA, 'DI LA BYANG CHEN RNAM PA THAMS CAD MKHYEN PA NYID DANG LDAN PA'I SEMS BSKYED PAS DE MI DMIGS PA'I TSUL GYIS GZUGS NI MI RTAG PA NYID DU YID LA BYA'O, ,SDUG BSNGAL BA NYID DANG, BDAG MED PA NYID DANG, ZHI BA NYID DANG, NAD NYID DANG, 'BRAS NYID DANG, ZUG RNGU NYID DANG, SDIG PA NYID DANG, PHA ROL NYID DANG, 'JIG PA'I CHOS CAN NYID DANG, G-YO BA NYID DANG, RAB TU 'JIG PA NYID DANG, 'JIG PA NYID DANG, 'GO BA'I NAD NYID DANG, NYE BAR 'TSE BA NYID DU YID LA BYA'O, ,ZHES SOGS GSUNGS PA'I PHYIR, GNYIS PA LA, MTSAMS SBYAR, RTZA BA 'GREL PA'O, ,DANG PO NI, GONG DU DE LTAR LAM SHES KYI RTEN LA SOGS PA'I YAN LAG RNAMS BRJOD PA'I 'OG TU, NYAN THOS KYI LAM SHES PA'I LAM SHES SOGS 'CHAD PA'I RGYU MTSAN YOD DE, LAM SHES KYI SKABS SU BYANG CHUB SEMS DPA'I THEG PA GSUM GYI LAM THAMS CAD RANG RGYUD LA BSKYED NAS LAM THAMS CAD RDZOGS PAR SHES PAR BYA DGOS PA'I RGYU MTSAN GYIS DE LTAR BSTAN PA'I PHYIR, ZHES MTSAMS SBYOR BA LA, DE LTAR RTEN LA SOGS PA BRJOD NAS LAM SHES PA NYID KYI SKABS SU LAM THAMS CAD RDZOGS PAR BYA DGOS PAS NYAN THOS KYI LAM, ZHES GSUNGS, LAM SHES GSUM GYI NANG NAS DANG POR NYAN THOS KYI LAM SHES PA'I LAM SHES 'CHAD PA'I RGYU MTSAN YOD DE, SKYES BU GSUM GYI LAM NYAMS LEN GYI RIM PA DANG MTHUN PAR BSTAN PA'I PHYIR TE, SKYES BU

026b

CHEN PO'I LAM RIM RGYUD LA SKYES PA LA SKYES BU 'BRING DANG THUN MONG BA'I BLO SBYONG BA DE SNGON DU 'GRO DGOS PA SHES PAR BYA BA'I PHYIR DU DE LTAR BSTAN PA'I PHYIR, GNYIS PA LA, MDO DE DAG GI DON BSHAD PA'I SGO NAS NYAN THOS KYI LAM SHES PA'I LAM SHES BSHAD PA LA, LAM SHES NYID KYI TSUL LA NI, ,ZHES SOGS GSUNGS, GSUM PA LA SHES PAR BYA BA'I LAM DANG, DE SHES PAR BYED PA'I TSUL GNYIS LAS, DANG PO LA, KUN NAS NYON MONGS PHYOGS KYI BDEN PA'I RNAM PA DANG, RNAM BYANG PHYOGS KYI BDEN PA'I RNAM PA GNYIS LAS, DANG PO LA, SO SO'I RNAM PA DANG, THUN MONG BA'I RNAM PA GNYIS LAS, DANG PO LA, SDUG BDEN GYI RNAM PA DANG, KUN 'BYUNG BDEN PA'I RNAM PA GNYIS LAS, DANG PO NI, MDO LAS, GZUGS NI MI RTAG PA NYID DU YID LA BYA'O, ,SDUG BSNGAL BA NYID DANG, BDAG MED PA NYID DANG, ZHI BA NYID DANG, ZHES GSUNGS, DE'I DON 'CHAD PA LA, DE LA SDUG BSNGAL GYI BDEN PA'I GO RIMS BZHIN DU, MI RTAG PA DANG, SDUG BSNGAL BA DANG, STONG PA DANG, BDAG MED PA STE, DE DAG GI MTSAN NYID ZHI BA'I RNAM PA BZHI DAG DANG, ZHES GSUNGS, GNYIS PA KUN 'BYUNG BDEN PA'I RNAM PA BZHI STON PA LA, NAD NYID DANG, 'BRAS NYID DANG, ZUG RNGU NYID DANG, SDIG PA NYID DANG, ZHES GSUNGS, DE'I DON 'CHAD PA LA; KUN 'BYUNG BA'I BDEN PA'I RGYU DANG, KUN 'BYUNG BA DANG, RAB TU SKYE BA DANG, RKYEN GYI NGO BO NYID DANG, NAD DANG, 'BRAS DANG, ZUG RNGU DANG, SDIG PA'I RNAM PA RNAMS DANG, ZHES GSUNGS, GNYIS PA THUN MONG BA'I RNAM PA STON PA LA, PHA ROL

027a

, ,NYID DANG, 'JIG PA'I CHOS CAN NYID DANG, G-YO BA NYID DANG, RAB TU 'JIG PA NYID DANG, 'JIG PA NYID DANG, 'GO BA'I NAD NYID DANG, NYE BAR 'TSE BA NYID DU YID LA BYA'O, ,ZHES GSUNGS, DE'I DON BSHAD PA LA, YID 'BYUNG BA DANG, 'DOD CHAGS DANG BRAL BAR BYA BA DANG, 'GOG PA'I PHYIR ZHUGS PA YIN NO, ,ZHES 'BYUNG BA'I PHYIR, SDUG BSNGAL DANG KUN 'BYUNG GI BDEN PA DE DAG NYID SO SO'I YID 'BYUNG BA'I MTSAN NYID DAG GIS PHA ROL DANG 'JIG PA'I CHOS CAN GYI RNAM PA'I NGO BO NYID DAG DANG, 'DOD CHAGS DANG BRAL BA DAG GI NGO BO G-YO BA DANG RAB TU 'JIG PA'I RNAM BA DAG DANG, 'GOG PA'I RANG GI NGO BO 'JIGS PA DANG, NAD 'GO BA DANG, 'TSE BA'I RNAM PA RNAMS DANG, ZHES GSUNGS, GNYIS PA LA 'GOG BDEN GYI RNAM PA DANG, LAM BDEN GYI RNAM PA GNYIS LAS, DANG PO 'GOG BDEN GYI RNAM PA BZHI STON PA LA, RNAM MKHYEN DANG LDAN PA'I SEMS BSKYED PAS DE MI DMIGS PA'I TSUL GYIS MA RIG PA 'GAG PAS 'DU BYED 'GAG PA NI BDAG MED PA NYID DU YID LA BYA'O, ,ZHI BA NYID DANG, DBEN PA NYID DANG, STONG PA NYID DANG, MTSAN MA MED PA NYID DANG, SMON PA MED PA NYID DANG, MNGON PAR 'DU BYA BA MED PA NYID DU YID LA BYA'O, ,ZHES GSUNGS, DE'I DON 'CHAD PA LA, 'GOG PA'I BDEN PA'I 'GOG PA'I RANG GI NGO BO BDAG MED PA DANG, ZHI BA DANG, GYA NOM PA'I RNAM PA'I BDAG NYID DBEN PA DANG, NGES PAR 'BYUNG BA'I MTSAN NYID STONG PA NYID DANG MTSAN MA MED PA DANG SMON PA MED PA MNGON PAR 'DU BYED PA MED

027b

PA'I RNAM PA DAG DANG, ZHES GSUNGS, GNYIS PA LAM BDEN GYI RNAM PA BZHI STON PA LA, BYANG CHEN RNAM MKHYEN DANG LDAN PA'I SEMS BSKYED PAS DE MI DMIGS PA'I TSUL GYIS DRAN PA NYE BAR BZHAG PA BZHI BSGOM MO, ,ZHES PA NAS, MA 'DRES PA BCO BRGYAD KYI BAR DANG, BYANG CHEN RNAM MKHYEN DANG LDAN PA'I SEMS SKYED PAS DE MI DMIGS PA'I TSUL GYIS SBYIN PA'I PHA ROL TU PHYIN PA LA SPYOD, CES SOGS DANG, YANG BYANG CHEN SHER PHYIN LA SPYOD PA'I TSE CHOS GANG GI CHOS RNAMS SBYOR BAR BYED PA DANG, CHOS KYI CHOS RNAMS SNYOMS PAR BYED PA DANG, YONGS SU RDZOGS PAR BYED PA DANG, YONGS SU BYAS PAR BYED PA LA SO SOR BRTAGS PAS BDAG MED PA NA CHOS THAMS CAD NI DE TZAM STE BDAG GAM BDAG GI BA DANG BRAL BA'O; ;ZHES SOGS DANG, YANG BTZUN PA RAB 'BYOR JI LTAR YONGS SU BSNGO BA'I SEMS BYANG CHUB KYI SEMS DANG 'GROGS PA MA YIN, JI LTAR NA BYANG CHUB KYI SEMS YONGS SU BSNGO BA'I SEMS DANG 'GROGS PA MIN, JI LTAR NA YONGS SU BSNGO BA'I SEMS BYANG CHUB KYI SEMS LA MED CING MI DMIGS, JI LTAR NA BYANG CHUB KYI SEMS YONGS SU BSNGO BA'I SEMS LA MED CING MI DMIGS ZHES DRIS PA'I LAN DU KO'U SHI KA YONGS SU BSNGO BA'I SEMS GANG YIN PA DE NI SEMS PA YIN NO ZHES SOGS NAS, BSAM GYIS MI KHYAB PA GANG YIN PA DE NI SEMS MA YIN TE SEMS MA YIN PA DE NI SEMS MA YIN PAS YONGS SU BSNGO BA MED DO, ,KO'U SHI KA 'DI NI BYANG CHEN SHER PHYIN NO, ,ZHES GSUNGS,

028a

, ,DE'I DON BSHAD PA LA, LAM GYI BDEN PA'I LAM DANG, RIGS PA DANG, SGRUB PA DANG, NGES PAR 'BYIN PA'I RNAM PA RNAMS, ZHES GSUNGS, GNYIS PA LAM SHES PAR BYED PA'I TSUL DE STON PA LA, ,NGO BO NYID MI DMIGS PA'I SGO NAS LAM SHES PA NYID KYI SKABS SU NYAN THOS RNAMS KYI LAM YIN PAR BYANG CHUB SEMS DPAS DE LTAR YONGS SU SHES PAR BYA'O, ,ZHES GSUNGS, DE YANG, 'PHAGS PA'I BDEN PA BZHI DAG GIS, ,RNAM PA ZHES PAS SHES PAR BYA BA'I NYAN THOS KYI LAM SHES BSTAN NAS, LAM SHES NYID KYI TSUL LA NI, ,MI DMIGS SGO NAS NI, ,NYAN THOS LAM 'DI SHES PAR BYA, ,ZHES PAS, NYAN THOS KYI LAM SHES PAR BYED PA'I TSUL DE BSTAN NAS, THEG CHEN SEMS BSKYED DANG BSNGO BA GNYIS SHUGS LA BSTAN NO, ,'DI SKABS SU MTHA' CUNG ZAD DPYAD PA LA, RANG ttIKA PA NYAN THOS KYI LAM BDEN STONG DU MNGON SUM DU RTOGS PA'I YE SHES DE NYAN THOS KYI LAM SHES PA'I LAM SHES KYI MTSAN NYID ZER NA, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, KHA CIG ,THEG CHEN 'PHAGS PA'I RGYUD KYI RNAL 'BYOR MNGON SUM GANG ZHIG ,NYAN THOS KYI RTOGS RIGS SU GNAS PA, DE'I MTSAN NYID ZER BA MI 'THAD DE, BYANG 'PHAGS KYI RGYUD KYI GANG ZAG GI BDAG MED DON SPYI'I TSUL GYIS RTOG SA RTOGS PA'I MKHYEN PA DE NYAN THOS KYI LAM SHES PA'I LAM SHES YIN PA'I PHYIR TE, DE YOD PA'I PHYIR TE, DE'I RGYUD KYI

028b

GNYIS STONG DON SPYI'I TSUL GYIS RTOGS PA'I MKHYEN PA YOD PA'I PHYIR TE, DE'I RGYUD LA GNYIS STONG RTOGS PA'I ZAG BCAS SGOM LAM YOD PA'I PHYIR TE, DE'I PHYIR DE DAG GI SHES BYA'I SGRIB PA'I GNYEN PO NYID DU SGOM PA'I LAM ZAG PA DANG BCAS PA DANG ZAG PA MED PA GNYIS YIN PAS LAM RNAM PA GSUM MO, ,ZHES GSUNGS PA'I PHYIR, KHA CIG ,KHYAD CHOS GSUM GYIS ZIN PA'I SGO NAS MI RTAG SOGS BCU DRUG MNGON SUM DU RTOGS PA'I YE SHES GANG ZHIG , GDUL BYA NYAN THOS KYI RIGS CAN RJES SU BZUNG BA'I PHYIR DU SHES PA BYA BA'I MNGON RTOGS, DE'I MTSAN NYID ZER BA MI 'THAD DE, STONG NYID MNGON SUM DU RTOGS PA'I NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE NYAN THOS KYI LAM SHES PA'I LAM SHES MA YIN TE, BYANG SEMS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DES MI RTAG SOGS BCU DRUG MNGON SUM DU MA RTOGS PA'I PHYIR, KHA CIG ,NYAN THOS KYI RTOGS RIGS SU GNAS PA'I THEG CHEN 'PHAGS PA'I MKHYEN PA DE'I MTSAN NYID DU GSUNGS, DE LA KHA CIG ,NYON SGRIB SPANGS PA'I SPANGS PA DON DU GNYER BA'I THEG CHEN MTHONG LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, NYAN THOS KYI SHES RAB KYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE, NYAN THOS KYI

029a

, ,THABS KYI RTOGS RIGS SU GNAS PA'I PHYIR, DER THAL, NYON SGRIB SPANGS PA'I SPANGS PA DON DU GNYER BA'I NYAN THOS KYI MTHONG LAM DE NYAN THOS KYI THABS YIN PA'I PHYIR TE, NYAN THOS KYI SEMS BSKYED DE NYAN THOS KYI THABS YIN PA'I PHYIR, ZHES ZER ZHING, KHO RANG GI LUGS LA NYAN THOS KYI SHES RAB KYI RTOGS RIGS SU GNAS PA'I, ZHES SOGS DANG, DES RANG RGYAL LA RIGS 'DRA ZER NA, NYAN THOS KYI THABS YIN NA, NYAN THOS KYI SHES RAB MA YIN DGOS PAR THAL LO, ,NYAN THOS KYI THABS KYI RTOGS RIGS SU GNAS NA, DE'I SHES RAB KYI RTOGS RIGS SU MI GNAS DGOS PA'I PHYIR, RTAGS KHAS, 'DOD NA, THEG CHEN GYI THABS YIN NA, THEG CHEN GYI SHES RAB MA YIN DGOS PAR THAL LO; ;'DOD NA, THEG CHEN SEMS BSKYED KYI 'KHOR DU BYUNG BA'I SHES RAB CHOS CAN, DER THAL, DE'I PHYIR, RTAGS KHAS, GNYIS PA GRUB STE, CHOS CAN DE YIN PA'I PHYIR, DER THAL, DE YOD PA'I PHYIR, KHA CIG ,NYAN THOS KYI LAM SHES PA'I LAM SHES DANG, RANG RGYAL GYI LAM SHES PA'I LAM SHES GNYIS 'GAL ZER NA, BYANG 'PHAGS KYI RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, NYAN THOS KYI DE MA YIN PAR THAL, RANG RGYAL GYI DE YIN PA'I PHYIR TE, RANG RGYAL GYI RTOGS RIGS SU GNAS PA'I THEG CHEN 'PHAGS PA'I MKHYEN PA YIN PA'I PHYIR, DER THAL, GANG ZAG GI BDAG MED DE RANG RGYAL SLOB PA 'PHAGS PA'I BSGOM BYA'I GTZO BO YIN PA'I PHYIR TE, GANG ZAG GI BDAG

029b

'DZIN DE'I SPANG BYA'I GTZO BO YIN PA'I PHYIR TE, 'KHOR BA'I RTZA BAR GYUR PA'I NYON MONGS CAN GYI MA RIG PA DE DE YIN PA'I PHYIR TE, 'KHOR BA DE DE YIN PA'I PHYIR TE, THAR PA DE DE'I THOB BYA'I GTZO BO YIN PA'I PHYIR TE, DES THAR PA THOB BYA'I GTZO BOR BYED PA'I PHYIR, MA GRUB NA, RANG RGYAL SLOB PA 'PHAGS PA CHOS CAN, KHYOD KYIS THAR PA THOB BYA'I GTZO BOR BYED PAR THAL, KHYOD THEG DMAN SLOB PA YIN PA'I PHYIR, KHO NA RE, BYANG SEMS KYI LAM SHES PA'I LAM SHES DANG, NYAN THOS KYI LAM SHES PA'I LAM SHES GNYIS MI 'GAL BAR THAL, BYANG SEMS KYI RTOGS RIGS DANG NYAN THOS KYI RTOGS RIGS MI 'GAL BA'I PHYIR TE, BYANG SEMS 'PHAGS PA'I BSGOM BYA'I GTZO BO DANG NYAN THOS SLOB PA'I BSGOM BYA'I GTZO BO MI 'GAL BA'I PHYIR TE, BDAG MED DE DE GNYIS GA'I BSGOM BYA'I GTZO BO YIN PA'I PHYIR TE, DE BYANG 'PHAGS KYI DE YIN PA'I PHYIR TE, BYANG 'PHAGS KYIS DE BSGOM BYA'I GTZO BOR BYED PA'I PHYIR, MA GRUB NA, BYANG 'PHAGS CHOS CAN, DER THAL, KHYOD KYIS CHOS KYI BDAG MED BSGOM BYA'I GTZO BOR BYED PA'I PHYIR NA MA KHYAB STE, THEG CHEN GYI MTHONG LAM BAR CHAD MED LAM CHOS CAN, KHYOD KYIS BDAG MED DNGOS SU RTOGS PAR THAL, KHYOD KYIS CHOS KYI BDAG MED DNGOS SU RTOGS PA'I PHYIR, KHYAB PA KHAS; 'DOD NA, BDAG MED CHOS CAN, DON DAM BDEN PA YIN PAR THAL, THEG CHEN MTHONG LAM BAR CHAD MED LAM GYI DNGOS GZHAL YIN PA'I PHYIR, 'DOD MI NUS TE, KUN RDZOB BDEN PA YIN PA'I PHYIR TE, NYAN THOS MTHONG LAM BAR CHAD

030a

, ,MED LAM GYI DNGOS GZHAL YIN PA'I PHYIR TE, DES KHYOD DNGOS SU RTOGS PA'I PHYIR, MA GRUB NA, DE CHOS CAN, DER THAL, GANG ZAG GI BDAG MED DNGOS SU RTOGS PA'I PHYIR, KHYAB PA KHAS, KHO NA RE, NYAN THOS SLOB PA 'PHAGS PA'I THOB BYA'I GTZO BO YIN NA, BYANG SEMS 'PHAGS PA'I DE MA YIN DGOS PAR THAL, DE GNYIS 'GAL PA'I PHYIR TE, DE GNYIS KYI SPANG BYA'I GTZO BO 'GAL BA'I PHYIR, RTAGS KHAS, 'DOD NA, BYANG CHUB GSUM PO GANG RUNG CHOS CAN; DER THAL, DE'I PHYIR TE, DES KHYOD THOB BYA'I GTZO BOR BYED PA'I PHYIR, MA GRUB NA, DE CHOS CAN, DER THAL, THEG DMAN GYI BYANG CHUB THOB BYA'I GTZO BOR BYED PA'I PHYIR NA MA KHYAB STE, THEG CHEN GYI MTHONG LAM BAR CHAD MED LAM CHOS CAN, GANG ZAG GI BDAG MED DANG CHOS KYI BDAG MED GANG RUNG DNGOS SU RTOGS PAR THAL, CHOS KYI BDAG MED DNGOS SU RTOGS PA'I PHYIR, KHYAB PA KHAS, DES MTSON NAS THAR PA CHOS CAN, NYAN THOS SLOB PA'I THOB BYA'I GTZO BO MA YIN PAR THAL, CIG SHOS YIN PA'I PHYIR TE, DES THOB BYA'I GTZO BOR BYED PA'I PHYIR, MA GRUB NA, BYANG SEMS 'PHAGS PA CHOS CAN, DER THAL, RANG GI THOB BYA'I GTZO BOR GYUR PA'I THAR PA THOB BYA'I GTZO BOR BYED PA'I PHYIR, ZER NA MA KHYAB STE, SKABS DANG PO CHOS CAN, KHYOD KYIS LAM SHES DNGOS KYI BSTAN BYA'I GTZO BOR BYED PAR THAL, KHYOD KYIS RANG GI BSTAN BYA'I GTZO BOR GYUR PA'I LAM SHES DNGOS KYI BSTAN BYA'I GTZO BOR BYED PA'I PHYIR, KHYAB PA KHAS, DER THAL, KHYOD KYI DNGOS KYI BSTAN BYA'I GTZO BOR

030b

GYUR PA'I DE YOD PA'I PHYIR TE, RNAM MKHYEN DE DE YIN PA'I PHYIR, KHA CIG ,RANG GI THOB BYA'I GTZO BOR GYUR PA'I THAR BA CHOS CAN, NYAN THOS SLOB PA'I THOB BYA'I GTZO BO MA YIN PAR THAL, BYANG SEMS 'PHAGS PA'I DE YIN PA'I PHYIR TE, DES KHYOD THOB BYA'I GTZO BOR BYED PA'I PHYIR, MA GRUB NA, BYANG SEMS 'PHAGS PA CHOS CAN, RANG GI THOB BYA'I GTZO BOR GYUR PA'I THAR PA THOB BYA'I GTZO BOR BYED PAR THAL, KHYOD KYI THOB BYA'I GTZO BOR GYUR PA'I THAR PA YOD PA'I PHYIR NA, 'DOD DE, CHOS CAN DE DANG GCIG YIN PA'I PHYIR, DE LA RANG RGYAL DANG NYAN THOS KYI MTHONG LAM BAR CHAD MED LAM DANG, THEG CHEN GYI MTHONG LAM BAR CHAD MED LAM SBYAR NAS MTSUNGS PA BYA'O, ,KHO NA RE, NYON SGRIB SPANGS PA'I SPANGS PA CHOS CAN, NYAN THOS SLOB PA'I THOB BYA'I GTZO BO MA YIN PAR THAL, BYANG SEMS 'PHAGS PA'I DE YIN PA'I PHYIR, KHYAB PA KHAS, DER THAL, DES KHYOD THOB BYA'I GTZO BOR BYED PA'I PHYIR, MA GRUB NA, BYANG 'PHAGS CHOS CAN, DER THAL, KHYOD KYIS DE MTHAR THUG THOB BYA'I GTZO BOR BYED PA'I PHYIR NA MA KHYAB, KHO NA RE, RNAM MKHYEN CHOS CAN, BYANG SEMS 'PHAGS PA'I DE MA YIN PAR THAL, CIG SHOS YIN PA'I PHYIR, DE'I THOB BYA GANG ZHIG ,DE'I THOB BYA PHAL BA MA YIN PA'I PHYIR TE, DE'I THOB BYA MTHAR THUG YIN PA'I PHYIR NA MA KHYAB BDEN 'DZIN DE NYAN THOS SLOB PA 'PHAGS PA'I SPANG BYA'I GTZO BO YIN PAR THAL, DE DE'I SPANG BYA GANG ZHIG ,DE DE'I SPANG BYA PHAL BA MA YIN PA'I PHYIR, KHYAB PA 'GRIG ,'DOD NA, BDEN MED DE DE'I BSGOM BYA'I GTZO BO YIN PAR THAL LO, ,

031a

, ,KHO NA RE, SANGS RGYAS 'PHAGS PA'I RGYUD KYI RNAM THAR SGO GSUM GYI MKHYEN PA CHOS CAN, NYAN THOS KYI RTOGS RIGS SU MI GNAS PAR THAL, BYANG SEMS KYI RTOGS RIGS SU GNAS PA'I PHYIR, KHYAB PA KHAS, DER THAL, BYANG SEMS 'PHAGS PA LA YOD PA DANG RJES SU MTHUN PA'I RNAM MKHYEN GYI SHES RNAM YIN PA'I PHYIR ZER NA MA KHYAB, DER THAL, DE'I RGYUD KYI LAM SHES KYI RNAM PA SO BZHI'I NANG TSAN YIN PA'I PHYIR, DES NA, RANG LUGS LA, MTSAN NYID, DBYE BA, SA MTSAMS, BYANG SEMS 'PHAGS PAS NYAN THOS KYI LAM SHES PAR BYED PA'I TSUL LO, ,DANG PO NI, SEMS BSKYED BSNGO BA STONG NYID RTOGS PA'I SHES RAB GSUM GYIS ZIN PA'I SGO NAS GDUL BYA NYAN THOS KYI RIGS CAN RJES SU BZUNG PA'I PHYIR DU SHES PAR BYA BA'I MNGON RTOGS KYI RIGS SU GNAS PA'I THEG CHEN 'PHAGS PA'I MKHYEN PA DE, NYAN THOS KYI LAM SHES PA'I LAM SHES KYI MTSAN NYID, GNYIS PA NI, DE LA BYANG SEMS 'PHAGS PA'I RGYUD KYI DE DANG, SANGS RGYAS 'PHAGS PA'I RGYUD KYI DE GNYIS SU YOD, GSUM PA NI, THEG CHEN MTHONG LAM NAS SANGS RGYAS KYI SA'I BAR DU YOD, BZHI PA NI, BYANG SEMS 'PHAGS PAS NYAN THOS KYI LAM SHES PAR BYED PA'I TSUL YOD DE, DES MI RTAG SOGS BCU DRUG MNGON SUM DU RTOGS PA'I YE SHES DE NYID RANG RGYUD LA BSKYED PA'I SGO NAS SBYOR BA'I DUS SU SEMS BSKYED, DNGOS GZHI'I DUS SU DE DAG GI NGO BO BDEN PAR MI DMIGS PAR RTOGS PA DANG, MJUG TU BSNGO BA STE KHYAD CHOS GSUM LDAN

031b

DU SHES PAR BYED PA'I PHYIR, GZHUNG DON NI, BYANG SEMS 'PHAGS PAS SEMS BSKYED BSNGO BA STONG NYID RTOGS PA'I SHES RAB GSUM GYIS ZIN PA'I SGO NAS MI RTAG SOGS BCU DRUG MNGON SUM DU RTOGS PA'I YE SHES BSGOM PA CHOS CAN, DGOS PA YOD DE, GDUL BYA NYAN THOS KYI RIGS CAN RJES SU GZUNG BAR BYA BA'I CHED YIN PA'I PHYIR, KHO NA RE, BYANG SEMS 'PHAGS PA'I RGYUD KYI STONG NYID MNGON SUM DU RTOGS PA'I SHES RAB CHOS CAN, NYAN THOS KYI LAM SHES PA'I LAM SHES YIN PAR THAL; MTSAN NYID DE'I PHYIR, RTAGS GRUB STE, DE GDUL BYA NYAN THOS KYI RIGS CAN RJES SU BZUNG BA'I PHYIR DU SHES PAR BYA BA'I MNGON RTOGS KYI RIGS SU GNAS PA'I PHYIR, DE GDUL BYA RIGS CAN GSUM GA RJES SU BZUNG BA'I PHYIR DU SHES PAR BYA BA'I MNGON RTOGS KYI RIGS SU GNAS PA'I PHYIR NA MA KHYAB, DER THAL, RDZOGS BYAD SGRUB PA'I THABS SU SHES PAR BYA BA'I MNGON RTOGS KYI RIGS SU GNAS PA'I PHYIR ZHES ZER, ` GNYIS PA DE'I RGYU NGES 'BYED CHA MTHUN 'CHAD PA LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR LEGS SO LEGS SO, ,DE LTAR BYANG CHEN RNAMS LA SHER PHYIN STON CING SPRO BA BSKYED PA RAB 'BYOR KHYOD YANG LEGS SO, ,RAB 'BYOR GYIS GSOL BA, BCOM LDAN 'DAS BDAG CAG GIS NI BKA' DRIN DRAN PAR BGYIS TE, BKA' DRIN MI DRAN PAR MI BGYI'O, ,DE NI 'DI LTAR BCOM LDAN 'DAS SNGON BYANG CHUB

032a

, ,SEMS DPA'I SPYAD PA SPYOD PA'I TSE SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI DRUNG NA GNAS PA'I NYAN THOS DE DAG GIS PHA ROL TU PHYIN PA DRUG LAS GDAMS PA, ZHES SOGS GSUNGS PA'I PHYIR, GNYIS PA LA, MTSAMS SBYAR BA DANG, RTZA BA DANG, 'GREL PA GSUM LAS, DANG PO NI, 'O NA, NYAN THOS KYI LAM SHES PA'I LAM SHES KYI 'OG TU DE'I RGYU NGES 'BYED CHA MTHUN 'CHAD PA'I RGYU MTSAN GANG ZHE NA, DE'I RGYU MTSAN YOD DE, BDEN BZHI MI RTAG SOGS BCU DRUG MNGON SUM DU RTOGS PA'I YE SHES NYAN THOS KYI LAM SHES PA'I LAM SHES DE THOB PA LA, DE'I RGYU NGES 'BYED CHA MTHUN THOB PA SNGON DU 'GRO DGOS PA'I RGYU MTSAN GYIS DE LTAR BSHAD PA'I PHYIR, ZHES MTSAMS SBYOR BA LA, BDEN PA BZHI YONGS SU SHES PA NI NGES PAR 'BYED PA'I CHA DANG MTHUN PA RTOGS PA SNGON DU 'GRO BA CAN YIN PAS LAM BRJOD NAS NGES PAR 'BYED PA'I CHA DANG MTHUN PA, ZHES GSUNGS, GNYIS PA NI; MDO 'DI'I DON 'CHAD PA'I SGO NAS NYAN THOS KYI LAM SHES PA'I LAM SHES KYI RGYU NGES 'BYED CHA MTHUN BZHI STON PA LA, 'PHAGS PA NYAN THOS LAM LA NI, ZHES SOGS GSUNGS, GSUM PA NI, GZUGS LA SOGS PA'I PHUNG PO DANG RANG GI NGO BO NYID KYIS ZHES SOGS GSUNGS, DE YANG, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN DE LA, DROD, RTZE MO, BZOD PA, CHOS MCHOG BZHI YOD PA'I DANG PO DE STON PA LA, KO'U SHI KA GZUGS NI GZUGS KYIS

032b

STONG NGO, ,KO'U SHI KA TSOR BA DANG, 'DU SHES DANG, 'DU BYED DANG, RNAM PAR SHES PA NI RNAM PAR SHES PAS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,KO'U SHI KA GZUGS KYI STONG PA NYID GANG YIN PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I STONG PA NYID GANG YIN PA DANG, BYANG CHUB SEMS DPA'I STONG PA NYID GANG YIN PA DE LA GNYIS SU MED CING GNYIS SU BYAR MED DO, ,ZHES SOGS GSUNGS, DE'I DON 'CHAD PA LA, 'PHAGS PA NYAN THOS LAM LA NI, ,GZUGS LA SOGS PA STONG PA'I PHYIR, ,STONG PA NYID RNAMS DBYER MED PAS, ,DRO BA, ZHES DANG, GZUGS LA SOGS PA'I PHUNG PO RANG RANG GI NGO BO NYID KYIS STONG PA'I PHYIR STONG PA NYID RNAMS PHAN TSUN THA DAD PA MED PA DANG, ZHES GSUNGS, GNYIS PA DE STON PA LA, DE NAS LHA RNAMS KYI DBANG PO BRGYA BYIN GYIS GNAS BRTAN RAB 'BYOR LA 'DI SKAD CES SMRAS SO, ,BTZUN PA RAB 'BYOR JI LTAR NA BYANG CHEN SHER PHYIN LA GNAS PAR MI BYA, RAB 'BYOR GYIS SMAS PA; KO'U SHI KA 'DI LA BYANG CHEN DMIGS PA'I TSUL GYIS GZUGS LA GNAS PAR MI BYA'O, ,TSOR BA DANG 'DU SHES DANG 'DU BYED DANG RNAM PAR SHES PA LA GNAS PAR MI BYA'O, ,ZHES SOGS GSUNGS, DE'I DON 'CHAD PA LA, DE DAG MI DMIGS PAS; ;RTZE MO 'GYUR PA DAG TU 'DOD, ,CES DANG, GZUGS LA SOGS PA SNGA MA BZHIN DU MI DMIGS PA DANG, ZHES GSUNGS, GSUM PA DE STON PA LA, DMIGS PA'I TSUL GYIS GZUGS RTAG CES BYA BAR GNAS PAR MI BYA'O, ,ZHES SOGS

033a

, ,GSUNGS, DE'I DON 'CHAD PA LA, DE LA RTAG LA SOGS TSUL GYIS, ,GNAS PA BKAG PAS BZOD PA RNAMS, ,ZHES DANG, DE BZHIN DU GZUGS LA SOGS PA LA RTAG PA'ANG MA YIN MI RTAG PA YANG MA YIN NO, ,ZHES DMIGS PA'I TSUL GYIS GNAS PA BKAG PA DANG, ZHES GSUNGS, BZHI PA DE STON PA LA, KO'U SHI KA GZHAN YANG BYANG CHEN SA DANG PO LA DMIGS PA'I TSUL GYIS GNAS PAR MI BYA'O, ,ZHES PA NAS, TSE DANG LDAN PA SH'A RI'I BU DE LTAR BYANG CHEN SHER PHYIN LA GNAS PAR BYA STE, GNAS PA MED PA'I TSUL GYIS GNAS PAR 'GYUR RO, ,ZHES PA'I BAR GSUNGS, DE'I DON 'CHAD PA LA, SA BCU DAG LAS BRTZAMS NAS NI, ,MI GNAS RGYAS PAR BSTAN PA YIS, ,CHOS KYI MCHOG TU 'GYUR BSHAD DE, ,CI'I PHYIR ZHE NA SANGS RGYAS KYIS, ,MKHYEN NAS CHOS RNAMS MA GZIGS PHYIR, ,ZHES DANG, GANG GI PHYIR DE BZHIN GSHEGS PAS BYANG CHUB MNGON PAR RDZOGS PAR SANGS RGYAS NAS CHOS RNAMS MA GZIGS PA ZHES BYA BA TSAD MA'I SKYES BU MA DMIGS PA'I GTAN TSIGS KYI 'THAD PAS, SA RAB TU DGA' BA LA SOGS PA LA MI GNAS PA RGYAS PAR JI SKAD DU BSTAN PA ZHES BYA BA'I RNAM PA DE RNAMS KYIS GO RIMS BZHIN DU BDEN PA'I DMIGS PA LA NGES PAR 'BYED PA'I CHA DANG MTHUN PA SKYE'O, ,ZHES BYA BA YIN NO, ,ZHES GSUNGS, GZHUNG DON NI, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN CHOS CAN, KHYOD LA DU MAR YOD DE, KHYOD LA NYAN THOS KYI RTOGS RIGS SU

033b

GNAS PA'I THEG CHEN GYI SBYOR LAM DROD SOGS BZHI YOD PA'I PHYIR, DES NA, NYAN THOS KYI RTOGS RIGS SU GNAS PA'I THEG CHEN GYI DON MNGON RTOGS DE, NYAN THOS KYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID; DE LA DBYE NA BZHIR YOD, KHO NA RE, NYON SGRIB SPANGS PA'I SPANGS PA DON DU GNYER BA'I THEG CHEN SBYOR LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, NYAN THOS KYI SHES RAB KYI RTOGS RIGS SU GNAS PAR THAL, 'DOD PA'I PHYIR, 'DOD MI NUS TE, NYAN THOS KYI THABS KYI RTOGS RIGS SU GNAS PA'I PHYIR ZER NA, BYANG SEMS SBYOR LAM PA'I RGYUD KYI 'KHOR BA MTHA' DAG SDUG BSNGAL GYI RANG BZHIN CAN DU SGOM PA'I BLO CHOS CAN, DER THAL, DE'I PHYIR, DE DER THAL, DE'I RGYUD KYI THAR PA DON GNYER GYI BLO DE NYAN THOS KYI THABS KYI RTOGS RIGS SU GNAS PA'I PHYIR, 'DOD MI NUS TE, DE'I RGYUD KYI 'KHOR BA MTHA' DAG SDUG BSNGAL GYI RANG BZHIN CAN DU RTOGS PA'I BLO DE NYAN THOS KYI SHES RAB KYI RTOGS RIGS SU GNAS PA'I PHYIR TE, DE'I RGYUD KYI SDUG BSNGAL BDEN PA RTOGS PA'I BLO DE NYAN THOS KYI SHES RAB KYI RTOGS RIGS SU GNAS PA'I PHYIR TE, DE'I RGYUD KYI BDEN BZHI MI RTAG SOGS BCU DRUG RTOGS PA'I BLO DE DER GNAS PA'I PHYIR, KHO NA RE, BYANG SEMS SBYOR LAM PA'I RGYUD KYI STONG NYID DON SPYI'I TSUL GYIS RTOGS PA'I BLO CHOS CAN, MTSAN NYID DER

034a

, ,THAL; MTSON BYA DE'I PHYIR TE, NYAN THOS KYI LAM SHES PA'I LAM SHES KYI RGYU GANG ZHIG ,NGES 'BYED CHA MTHUN YIN PA'I PHYIR NA MA KHYAB, RNAM MKHYEN CHOS CAN, NYAN THOS KYI LAM SHES PA'I LAM SHES YIN PAR THAL, NYAN THOS KYI LAM SHES PA GANG ZHIG ,LAM SHES YIN PA'I PHYIR, KHYAB PA 'GRIG ,KHO NA RE, DE CHOS CAN, DER THAL, 'PHAGS PA NYAN THOS LAM LA NI, ,ZHES SOGS KYI SKABS NAS DNGOS SU BSTAN PA'I THEG CHEN GYI NGES 'BYED CHA MTHUN YIN PA'I PHYIR, KHYAB STE, GZHUNG DES NYAN THOS KYI LAM SHES PA'I LAM SHES KYI RGYU NGES 'BYED CHA MTHUN BSTAN PA'I PHYIR NA MA KHYAB BO, ` ,GNYIS PA RANG RGYAL GYI LAM SHES PA'I LAM SHES 'CHAD PA LA, BGROD PA PO RTEN GYI KHYAD PAR DANG, BGROD PAR BYA BA LAM GYI NGO BO DANG, DE'I RGYU NGES 'BYED CHA MTHUN DANG GSUM LAS, DANG PO LA, KHYAD PAR DNGOS DANG, RTZOD PA SPONG BA'O, ,DANG PO LA, MTSAMS SBYAR BA DANG; RTZA BA DANG, 'GREL PA GSUM LAS, DANG PO NI, LUS RNAM GZHAG GI GO RIM DANG BSTUN NA NYAN THOS KYI LAM SHES PA'I LAM SHES KYI MJUG DE MA THAG TU RANG RGYAL GYI LAM SHES PA'I LAM SHES 'CHAD RIGS PA LA, DE LTAR MI 'CHAD PAR RANG RGYAL GYI LAM GYI KHYAD PAR 'CHAD PA'I RGYU MTSAN GANG ZHE NA, DE'I RGYU MTSAN YOD DE, NYAN THOS KYI LAM DANG RANG RGYAL GYI LAM GNYIS LA KHYAD PAR YOD DAM MED, MED NA LOGS SU 'CHAD MI RIGS PAR 'GYUR LA, YOD NA KHYAD PAR DE JI LTA BU ZHE NA, DE NYAN THOS KYI

034b

LAM LAS KHYAD PAR DU MA'I SGO NAS KHYAD PAR DU 'PHAGS PA'I PHYIR, ZHES MTSAMS SBYOR BA LA, NYAN THOS KYI LAM GYI MJUG THOGS SU RANG SANGS RGYAS KYI LAM BRJOD PAR RIGS MOD KYI, NYAN THOS RNAMS LAS DE DAG JI LTAR KHYAD PAR DU 'PHAGS NA GANG GIS NA DE DAG GI LAM GZHAN YIN SNYAM PA'I DOGS PA BSU BAR RE ZHIG KHYAD ZHUGS PA NYID SGRUB PA, ZHES GSUNGS, GNYIS PA LA, MDO LAS GSUNGS TSUL DANG, DE NYID RTZA BAS 'CHAD TSUL GNYIS LAS, DANG PO NI, GONG DU SBYOR LAM GYI SKABS SU CHOS RNAMS LA GNAS PA DANG MI GNAS PA DANG BRAL BA YUM LA GNAS PAR GSUNGS PA LAS 'PHROS TE, DE NAS YANG 'KHOR DE RNAMS LAS LHA'I BU KHA CIG 'DI SNYAM DU SEMS PAR GYUR TE GANG GNOD SBYIN RNAMS KYI SKAD DANG, ZHES SOGS KYIS 'CHAD, GNYIS PA LA, MDO DE DAG GI DON 'CHAD PA LA, RANG BYUNG BDAG NYID RTOGS PA'I PHYIR, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, LUNG LAS, NYAN THOS RNAMS NI GZHAN GYIS BSTAN PA LA BLTOS NAS ZHES SOGS GSUNGS, 'DI LA YANG LAM BGROD PA'I KHYAD PAR DANG, CHOS STON PA'I KHYAD PAR GNYIS LAS, DANG PO DE STON PA LA, MDO LAS, DE NAS YANG 'KHOR DE RNAMS LAS, LHA'I BU KHA CIG 'DI SNYAM DU SEMS PAR GYUR TE GANG GNOD SBYIN RNAMS KYI SKAD DANG, GNOD SBYIN RNAMS KYI TSIG DANG, GNOD SBYIN RNAMS KYIS SMRAS PA DANG, GNOD SBYIN RNAMS KYIS BSNYAD PAR GYUR PA GANG YIN PA DE DAG NI SMRAS PAR GYUR NA SHES PAR RUNG GI ,'PHAGS PA RAB 'BYOR GYIS SHER PHYIN

035a

, ,'CHAD PA DANG, RAB TU BRJOD PA DANG, STON PA DANG, NYE BAR STON PA NI SHES PAR MI RUNG NGO SNYAM PA DANG, DE NAS 'PHAGS PA RAB 'BYOR GYIS LHA'I BU DE DAG GI SEMS KYI RTOG PA SEMS KYIS RIG NAS, LHA'I BU DAG SMRAS PAR GYUR NA SHES PAR MI RUNG NGAM, LHA'I BU DAG GIS SMRAS PA SHES PAR MI RUNG NGO, ,RAB 'BYOR GYIS SMRAS PA, LHA'I BU DAG GANG YI GE GCIG KYANG BRJOD DU MED DE GANG BRJOD DU MI RUNG BA DE NI THOS PAR MI RUNG NGO, ,GANG THOS PAR MI RUNG BA DE NI SHES PAR MI RUNG NGO, ,ZHES GSUNGS, DE YANG MDO TSAN DANG PO DES SHES PA ZAB PA DE BSTAN NAS, YI GE GCIG KYANG ZHES SOGS KYIS MA BRJOD PA ZAB PA DE BSTAN, DE'I DON 'CHAD PA LA, RANG BYUNG BDAG NYID RTOGS PA'I PHYIR, ,GZHAN GYIS BSTAN YANG MI DGOS LA, ,ZHES DANG, LUNG LAS, NYAN THOS RNAMS NI GZHAN GYIS BSTAN PA LA BLTOS NAS RANG GI BYANG CHUB RTOGS PAR 'GYUR LA, GZHAN DAG KYANG BRJOD PA DANG BCAS PA'I CHOS BSTAN PAS DGE BA LA 'JUG PAR BYED DO ZHES 'BYUNG NGO, ,RANG SANGS RGYAS RNAMS NI SNGON THOS PA LA SOGS PA MNGON PAR 'DU BYAS PAS, GZHAN GYIS BSTAN PA LA MI LTOS PAR BDAG NYID KYIS RANG GI BYANG CHUB MNGON PAR RTOGS PAR 'GYUR TE, DE'I PHYIR DE DAG LA SANGS RGYAS LA SOGS PAS BSTAN MI DGOS SO ZHES BYA BA NI KHYAD ZHUGS PA NYID GCIG YIN NO, ,ZHES GSUNGS, GNYIS PA CHOS STON PA'I KHYAD PAR STON PA LA, DE NAS LHA'I BU DE DAG 'DI SNYAM DU SEMS PAR GYUR TE, KYE MA GNAS BRTAN 'PHAGS PA RAB

035b

'BYOR 'DI NI SHER PHYIN GSAL BAR BYED PA STE, ZAB PA BAS KYANG SHIN TU ZAB PAR BYED, PHRA BA BAS KYANG SHIN TU PHRA BA STON PAR BYED PA'O, ,ZHES GSUNGS, DE'I DON 'CHAD PA LA, BSE RU LTA BU'I YE SHES NI, ,ZAB PA NYID DU MNGON PAR BRJOD, ,CES DANG, SGRAR BRJOD PA'I CHOS BSTAN PA'I SGO NAS NYAN PA PO RNAMS KYIS 'CHAD PA PO'I SHES PA'I RTZA LA RTOGS PAR BYED NA, DE DAG NI RANG GI THOB PA'I YE SHES LA SOGS PA'I MTHUS SGRA MED PA'I CHOS BSTAN PAS, GZHAN DAG DGE BA BCU LA SOGS PA LA 'JUG PAR BYED DE, DE'I PHYIR DE DAG GI YE SHES MI RTOGS PA NYID NI KHYAD ZHUGS PA GNYIS PA YIN NO, ,ZHES GSUNGS, DE YANG MDO TSAN DANG PO'I DON MNYAM GZHAG TU BRJOD PA'I YUL MA YIN PA'I DON RTOGS PA NI SHES PA ZAB PA STE RANG LA GZHAN GYIS BSTAN MI DGOS PA DANG, GNYIS PA'I DON RJES THOB TU NGAG GI 'BRAS RTAGS LAS GZHAN GYIS MI RTOGS PA NI MA BRJOD PA ZAB PA STE, RTZA BA'I YANG SGRAS BSDUS PA RANG GIS GZHAN LA BSTAN MI DGOS PA'O, ,ZAB PA DE GNYIS DANG LDAN PA'I BSE RU LTA BU'I RANG RGYAL GYI YE SHES NI ZAB PA YIN NO, ,MDO TSAN GSUM PA'I DON NI, ZAB PA NI NYAN THOS KYI YE SHES YIN TE, GZHAN GYIS BSTAN PA'I SGRA LAS BDEN BZHI RNAM PA BCU DRUG RTOGS PA'I PHYIR, DE BAS ZAB PA NI RANG RGYAL GYI YE SHES LA BYA STE, RANG GI RTOGS PA'I RKYEN 'DI TZAM GYIS KHYAD PAR DU BYAS PA'I PHYIR, PHRA BA NI NYAN THOS KYI YE SHES LA BYA STE, NYON SGRIB TZAM SPANGS PA'I 'BRAS BU NYID YIN PA'I PHYIR, DE BAS PHRA BA NI RANG RGYAL DGRA BCOM PA'I YE SHES LA BYA

036a

, ,STE; GZUGS PHYI ROL DON DU 'DZIN PA'I RTOG PA SPANGS PA'I PHYIR, BRGYAD STONG PAR, RING BA BAS KYANG CHES RING BA, ZHES 'BYUNG BAS, DE LA RING BA NI MU STEGS KYI SPYOD YUL DU MA GYUR PA'I PHYIR NYAN THOS KYI YE SHES DANG, DE LAS CHES RING BA NI NYAN THOS KYI YUL MA YIN PAS RANG RGYAL GYI YE SHES SO, ,'DI'I SKABS SU, SPYI DON DANG, GZHUNG DON GNYIS LAS, DANG PO LA, RIGS KYI KHYAD PAR DANG, LAM BGROD PA'I KHYAD PAR DANG, YANG DAG PAR 'GRUB PA'I KHYAD PAR, TSOGS GSOG TSUL GYI KHYAD PAR, GNAS PA'I KHYAD PAR, RGYU BA'I KHYAD PAR, SGRA BSHAD PA DANG BDUN LAS, DANG PO NI, BSE RU LTA BU'I RANG RGYAL CHOS CAN, KHYAD PAR GSUM DANG LDAN TE, NYON MONGS SHAS CHUNG BAS 'DU 'DZI LA MI DGA' BAR RANG NYID GCIG PU LA DGA' BA DANG, BYANG CHUB SEMS DPA' LA BLTOS TE SNYING RJES CHUNG BAS GZHAN DON RGYA CHEN PO LA MI 'JUG PAR SEMS LAS CHUNG NGUR GNAS PA DANG, DBANG PO 'BRING DU GYUR CING NGA RGYAL SPYOD PA CAN TE SLOB DPON GZHAN LA LTOS MED DU RANG GI BYANG CHUB MNGON DU BYED PA'I KHYAD CHOS GSUM DANG LDAN PA'I PHYIR, GNYIS PA NI, BSE RU LTA BU'I RANG RGYAL GYI LAM LA SLOB TSUL YOD DE, RANG SANGS RGYAS KYI RIGS LA GNAS NAS BSKAL PA BRGYAR SANGS RGYAS 'BYUNG BA MNYES PAR BYAS NAS, RANG BYANG CHUB TU RGYUD SMIN PAR BYED CING, PHYIS RANG GI BYANG CHUB THOB PAR BYA BA'I PHYIR

036b

MKHAS PAR BYA BA'I DNGOS PO DRUG LA MKHAS PAR BYED PA'I PHYIR, DNGOS PO DRUG YOD DE, PHUNG PO DANG, KHAMS DANG, SKYE MCHED DANG, RTEN 'BREL DANG, GNAS DANG GNAS MA YIN PA DANG, BDEN PA LA MKHAS PA RNAMS SU YOD PA'I PHYIR, SBYOR BA SNGON DU BTANG LA 'BRAS BU SNGON DU MA BTANG BA'I TSOGS SPYOD KYI RANG RGYAL LAM LA SLOB TSUL YOD DE, SANGS RGYAS 'BYUNG BA MNYES PAR BYAS SHING, SKYES BU DAM PA LA BRTEN NAS CHOS NYAN PA DANG TSUL BZHIN YID LA BYAS PA LA BRTEN NAS, SNGON MNGON DU MA BYAS PA'I SBYOR LAM DANG PO GSUM RANG RGYUD LA SKYED PAR BYED CING CHOS MNGON PAR RTOGS PA'AM, DGE SBYONG TSUL GYI 'BRAS BU TSE DE LA MNGON DU BYED MI NUS PAS, PHYIS DE NYID THOB PAR BYA BA'I PHYIR MKHAS PAR BYA BA'I DNGOS PO DRUG LA MKHAS PAR BYED PA'I PHYIR; SBYOR BA DANG 'BRAS BU GNYIS KA SNGON DU BTANG BA'I TSOGS SPYOD KYI RANG RGYAL GYI LAM LA SLOB TSUL YOD DE, SANGS RGYAS 'BYUNG BA MNYES PAR BYAS SHING, SKYES BU DAM PA LA BRTEN NAS DAM PA'I CHOS NYAN PA DANG TSUL BZHIN YID LA BYAS PA LA BRTEN NAS CHOS MNGON PAR RTOGS PAR BYED CING DGE SBYONG TSUL GYI 'BRAS BU NI 'THOB LA, DGRA BCOM PA NI THOB MI NUS PAS, 'DAS LAM GYI STOBS KYIS PHYIS DE NYID THOB PAR BYA BA'I PHYIR DU MKHAS PAR BYA BA'I DNGOS PO DRUG LA MKHAS PAR BYED PA YIN PA'I PHYIR, DE YANG GSUM PO DE RANG RGYAL GYI RIGS LA GNAS NAS SANGS RGYAS 'BYUNG BA MNYES PAR BYAS NAS RANG BYANG CHUB TU RGYUD SMIN PAR BYED CING TSOGS LAM MAN CHAD KYI RTOGS PA LA GNAS SHING SRID PA THA MA'I TSE SBYOR

037a

, ,LAM DROD NAS RANG BYANG CHUB KYI BAR STAN THOG GCIG LA MNGON DU BYED PA DANG, SKYE BA GCIG THOGS KYI TSE BZOD PA 'BRING MAN CHAD KYI RTOGS PA LA GNAS SHING DE'I PHYI MA LA LAM LHAG MA MNGON DU BYED PA DANG, DE'I TSE DGE SBYONG TSUL GYIS 'BRAS BU LA GNAS SHING DE'I PHYI MA LA LAM LHAG MA MNGON DU BYED PAR KUN BTUS LAS BSHAD DO, ,GSUM PA NI, LAM GSUM PO DE LA BSLABS PAS 'BRAS BU 'GRUB TSUL LA GSUM LAS, LAM DANG PO 'GRUB TSUL YOD DE, SNGAR BSHAD PA LTAR LAM BSGOMS PA LA BRTEN NAS SANGS RGYAS MI 'BYUNG BA NA SLOB DPON MED PAR BYANG PHYOGS SO BDUN BSGOMS PA LA BRTEN NAS CHOS MNGON PAR RTOGS PAR BYED CING DGRA BCOM PA THOB PAR BYED PA'I PHYIR, LAM PHYI MA GNYIS 'GRUB TSUL YOD DE, SNGAR BSHAD PA LTAR LAM BSGOMS PA LA BRTEN NAS SANGS RGYAS MI 'BYUNG BA NA SLOB DPON MED PAR BYANG PHYOGS SO BDUN BSGOMS PA LA BRTEN NAS CHOS MNGON PAR RTOGS PAR BYED CING DGRA BCOM PA'I BAR DANG, 'BRAS BU LHAG MA NAS DGRA BCOM PA'I BAR DU RIM BZHIN THOB PAR BYED PA'I PHYIR, BZHI PA NI, BSE RU LTA BU'I RANG RGYAL GYIS TSOGS GSOG TSUL GYI KHYAD PAR YOD DE, DES BSKAL CHEN BRGYAR TSOGS GSOG DGOS PA'I PHYIR TE, MDZOD LAS, BSE RU BSKAL BA BRGYA YI RGYUS, ,ZHES DANG, DE'I 'GREL PAR, BSKAL PA CHEN PO BRGYAR BYANG CHUB KYI TSOGS DAG LA SPYAD PAS BSE RU LTA BUR 'GYUR RO, ,ZHES GSUNGS PA'I PHYIR, KHA CIG ,BSE RU LTA BU'I

037b

RANG RGYAL GYIS BSKAL CHEN BRGYAR TSOGS GSOG DGOS PA DANG, TSOGS SPYOD CHEN POS BSKAL CHEN BRGYA'I SUM NYIS DANG, TSOGS SPYOD CHUNG NGU'I RANG RGYAL GYIS BSKAL CHEN BRGYA'I SUM GCIG LA TSOGS GSOG DGOS ZER BA LA, LEGS BSHAD GSER GYI PHRENG BAR DE BKAG NAS, RANG RGYAL GSUM TSOGS GSOG TSUL DUS MTSUNGS PAR BSHAD KYANG, TSOGS SPYOD KYI RANG RGYAL LA MTHA' GCIG TU MA NGES TE, TSE PHYI MA DE NYID LA RANG RGYAL DGRA BCOM PA'I 'BRAS BU MNGON DU BYED PAR NGES PA'I SPANG BYA CIG CHAR PA'I RGYUN ZHUGS YOD PA'I PHYIR TE, KUN BTUS LAS, SANGS RGYAS 'BYUNG BA MED NA RANG RGYAL BAR 'GYUR RO, ,ZHES GSUNGS PA'I PHYIR, KHA CIG, NYAN THOS DGRA BCOM PA RANG RGYAL LAM DU 'JUG PA YOD ZER BA MI 'THAD DE, RTZA BA SHES RAB LAS, RDZOGS SANGS RGYAS RNAMS MA BYUNG ZHING, ,NYAN THOS RNAMS KYANG ZAD PA NA, ,RANG SANGS RGYAS KYI YE SHES NI, ,RTEN PA MED PAR RAB TU SKYE, ,ZHES GSUNGS PA MI 'THAD PAR THAL, NYAN THOS DGRA BCOM PA TSE DE LA RANG RGYAL LAM DU 'JUG PA YOD PA'I PHYIR TE, DE DER 'JUG PA YOD PA GANG ZHIG ,DE TSE 'PHOS NAS DER 'JUG PA MED PA'I PHYIR TE, NYAN THOS DGRA BCOM PA LAS NYON GYI DBANG GIS 'KHOR BAR SKYE BA LEN PA MED PA'I PHYIR, KHA CIG, NYAN THOS DGRA BCOM PA'I RTOGS PA SNGON DU SONG BA'I BSE RU LTA BU'I RANG RGYAL YOD ZER BA MI 'THAD DE, NYAN THOS KYI RTOGS PA SNGON DU SONG BA'I RANG RGYAL YIN NA, TSOGS SPYOD KYI RANG RGYAL YIN DGOS PA'I PHYIR TE, MDZOD 'GREL LAS, RANG

038a

, ,SANGS RGYAS NI RNAM PA GNYIS TE, TSOGS SHING SPYOD PA DANG, BSE RU LTA BU'O, ,DE LA TSOGS SHING SPYOD PA NI NYAN THOS KYI RIGS SU GYUR PA SNGON DU 'GRO BA'I RANG RGYAL BA RNAMS SO, ,ZHES GSUNGS PA'I PHYIR, GZHAN YANG, DE MI 'THAD DE, NYAN THOS DGRA BCOM RANG RGYAL LAM DU 'JUG PA MED PA'I PHYIR TE, PHYIR MI 'ONG DER 'JUG PA MED PA'I PHYIR TE, MDZOD KYI 'GREL BSHAD LAS, GANG GIS RGYUN DU ZHUGS PA DANG, PHYIR 'ONG BA'I 'BRAS BU BSKYED PA LA BDAG NYID KYIS 'DIR DGRA BCOM PA NYID THOB PAR 'GYUR BA DE DAG NI TSOGS SHING SPYOD PA YIN LA, ZHES GSUNGS PA'I PHYIR, LNGA PA LA, THUGS KYI GNAS PA DANG, SKU'I GNAS PA GNYIS LAS, DANG PO NI, RANG SANGS RGYAS GSUM GA CHOS ZAB MO LA MOS PA DANG, RTEN 'BREL ZAB MO LA SO SOR RTOGS PA LHUR LEN PA DANG, RNAM THAR SGO GSUM YID LA BYED CING GNAS PA YIN NO, ,GNYIS PA NI, BSE RU LTA BU'I RANG RGYAL GCIG PUR GNAS SHING, TSOGS SPYOD KYI RANG RGYAL GROGS DANG BCAS TE GNAS PA YIN NO, ,DRUG PA RANG RGYAL RNAMS GRONG DANG GRONG KHYER DU RGYU ZHING GNAS PA'I TSE, LUS SHIN TU BSRUNG PA DANG, DBANG PO RNAMS SHIN TU BSDAMS PA DANG, DRAN PA LA SHIN TU GNAS SHING GRONG KHYER SOGS SU BSOD SNYOMS LA RGYU ZHING RDZU 'PHRUL BSTAN TE, GDUL BYA RNAMS SMIN GROL LA 'GOD PAR MDZAD DO, ,BDUN PA LA, SPYI'I SGRA BSHAD NI, SLOB DPON GZHAN GYI GDAMS NGAG LA LTOS MED DU RANG NYID GCIG PU'I DON DU SANGS RGYAS BA STE, DGRA BCOM PA'I 'BRAS BU THOB PAR

038b

BYED PA'I RGYU MTSAN GYIS RANG SANGS RGYAS ZHES BYA STE, MDO LAS, LUNG MED PAR BDAG GCIG PU'I PHYIR SANGS RGYAS PAS RANG SANGS RGYAS TE, ZHES GSUNGS PA'I PHYIR, BSE RU'I RVA LTA BUR GCIG PUR GNAS PAS NA, BSE RU LTA BU ZHES BYA STE; MDZOD KYI 'GREL BSHAD LAS, BSE RU LTA BU YIN ZHES BYA BA NI, JI LTAR BSE RU DAG GNYIS MED PA DE BZHIN DU DE DAG KYANG KHYIM PA DANG RAB TU BYUNG BA RNAMS DANG, RANG SANGS RGYAS GZHAN DAG DANG MA 'DRES PAR GNAS PAS NA BSE RU LTA BU RNAMS ZHES BYA'O, ,ZHES GSUNGS PA'I PHYIR, GROGS DANG LHAN CIG TU SPYOD PAS NA, TSOGS SHING SPYOD PA ZHES BYA'O, ,GNYIS PA GZHUNG DON NI, RANG RGYAL DGRA BCOM PA CHOS CAN, NYAN THOS LAS LAM BGROD TSUL GYI SGO NAS KHYAD PAR DU 'PHAGS TE, SRID PA THA MA'I TSE SLOB DPON GZHAN GYI GDAMS NGAG LA MI LTOS PAR 'DOD PA'I RTEN LA RANG GI BYANG CHUB MNGON DU BYED PAR NGES PA'I GANG ZAG YIN PA'I PHYIR, DE CHOS CAN, NYAN THOS LAS CHOS STON TSUL GYI SGO NAS KHYAD PAR DU 'PHAGS TE, GTZO BOR RANG GI GDUL BYA LA SGRA MED LUS KYI RNAM 'GYUR GYI SGO NAS CHOS STON PAR BYED PA'I PHYIR, KHO NA RE, TSE PHYI MA DE NYID LA RANG RGYAL DGRA BCOM PA'I 'BRAS BU MNGON DU BYED PAR NGES PA'I SPANG BYA CIG CHAR BA'I RGYUN ZHUGS CHOS CAN, SBYOR BA SNGA MA LA DER THAL, DE'I PHYIR TE, SRID PA THA MA'I TSE SLOB DPON GZHAN GYI GDAMS NGAG LA MI LTOS PAR 'DOD PA'I RTEN LA THEG DMAN GYI BYANG CHUB MNGON DU BYED PAR NGES PA'I GANG ZAG GANG ZHIG,

039a

, ,KHYOD THEG DMAN GANG ZAG YIN PA'I PHYIR NA MA KHYAB, KHA CIG ,BSE RU LTA BU'I RANG RGYAL DGRA BCOM PA CHOS CAN, NYAN THOS LAS LAM BGROD TSUL GYI SGO NAS KHYAD PAR DU 'PHAGS TE, SRID PA THA MA'I TSE SLOB DPON GZHAN GYI GDAMS NGAG LA MI LTOS PAR RANG GI BYANG CHUB MNGON DU BYED PA'I PHYIR ZER BA DANG, 'DOD PA'I RTEN LA RANG GI BYANG CHUB MNGON DU BYAS PA'I PHYIR ZHES BSTAN PA GNYIS LAS, DANG PO MI 'THAD DE, GZUGS MED KYI RTEN CAN GYI PHYIR MI 'ONG GIS MA NGES PA'I PHYIR, GNYIS PA MI 'THAD DE, BSE RU LTA BU'I RANG RGYAL DGRA BCOM PAS SRID PA THA MA'I TSE 'DOD PA'I RTEN LA RANG RGYAL GYI BYANG CHUB MNGON DU MA BYAS PA'I PHYIR TE, DE SRID PA THA MA'I TSE DGRA BCOM PA MA YIN PA'I PHYIR; KHA CIG ,SRID PA THA MA PA YIN NA, DGRA BCOM PA MA YIN DGOS ZER BA MI 'THAD DE, NYAN THOS DGRA BCOM PA'I RTOGS PA SNGON DU SONG BA'I BYANG SEMS RGYUN MTHA' BA DE DGRA BCOM PA YIN PA'I PHYIR, RONG t'IKA PAS, RANG RGYAL SLOB PA MED GSUNGS PA MI 'THAD DE, RANG DON DU THEG DMAN GYI MYANG 'DAS DON DU GNYER BA'I RANG RGYAL YOD PA'I PHYIR, RANG SANGS RGYAS KYANG STE MYA NGAN LAS 'DA' BAR 'DOD PA RNAMS, ZHES GSUNGS PA'I PHYIR DANG, NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ,ZHES BSE RU LTA BU'I RANG RGYAL SBYOR LAM PA YOD PAR BSHAD PA'I PHYIR, KHA CIG, RANG RGYAL YIN NA, DGE SLONG RNAM DAG YIN PAS KHYAB ZER BA MI 'THAD DE, LHAG MED MYANG 'DAS LA

039b

GNAS PA'I RANG RGYAL DGRA BCOM PA YOD PA'I PHYIR, KHA CIG ,DGE SLONG DU GYUR PA'I RANG RGYAL YIN NA, RANG RGYAL DGRA BCOM PA YIN PAS KHYAB ZER BA MI 'THAD DE, RANG RGYAL GYI RIGS CAN GYI KHYIM PAS, KHYIM NAS KHYIM MED PAR RAB TU BYUNG NAS DUR KHROD DU PHYIN TE RUS PA 'DI DAG RGYU CI LAS BYUNG SNYAM DU BSAMS NAS DE MA RIG PA LAS BYUNG BAR SHES TE RTEN 'BREL YAN LAG BCU GNYIS LUGS 'BYUNG LUGS LDOG TU BSGOMS PAS RANG RGYAL DGRA BCOM PA'I 'BRAS BU 'THOB PAR TSAD LDAN GYI GZHUNG LAS GSUNGS PA'I PHYIR, ` GNYIS PA KHYAD PAR DE LA RTZOD PA SPONG BA LA, RTZOD PA DANG, LAN GNYIS LAS, DANG PO NI, GAL TE BSE RU LTA BU'I RANG RGYAL GYIS SGRA MED LUS KYI RNAM 'GYUR GYI SGO NAS CHOS STON PAR BSHAD PA MI 'THAD DE, SGRA MED NA CHOS STON PA 'GAL BA'I PHYIR, ZHES ZER BA'I DOGS PA KHONG NA GNAS PA BSU BA LA, YANG JI LTAR SGRA MED PAR CHOS STON SNYAM PA'I DOGS PA BSU BAR, ZHES GSUNGS, GNYIS PA LA, RTZA 'GREL GNYIS LAS, DANG PO NI; SGRA MED KYANG CHOS STON PA MI 'GAL TE, BSE RU LTA BU'I RANG RGYAL DES SGRA MED LUS KYI RNAM 'GYUR GYI SGO NAS CHOS BSTAN PAS RANG GI GDUL BYA GANG DANG GANG LA RANG RANG GI MOS PA JI LTA JI LTAR NYAN 'DOD PA DE LA BRJOD BYA'I DON DE DANG DE NI NYAN PA PO'I JI LTAR NYAN 'DOD PA DE LTAR SNANG BA'I PHYIR, ZHES BSHAD PA LA, GANG GANG DON NI GANG GANG LA, ,ZHES SOGS GSUNGS, GNYIS PA NI, SGRA MED KYANG CHOS STON PA MI 'GAL TE, DPER NA SANGS RGYAS BZHIN NO, ,'DI LA

040a

, ,YANG RGYU DUS SU SMON LAM 'DEBS TSUL MTSUNGS PA DANG, 'BRAS DUS SU SMON LAM 'GRUB TSUL MTSUNGS PAR BSTAN PA GNYIS, DANG PA NI, SANGS RGYAS KYIS SGRA MED DU CHOS STON PA'I RGYU GANG ZHE NA, DE'I RGYU YOD DE, DE'I RGYUR TSOGS BSAGS SHING SMON LAM BTAB PA'I PHYIR, DE YANG SMON LAM BTAB TSUL YOD DE, SANGS RGYAS BCOM LDAN 'DAS RNAMS SNGON BYANG CHUB SEMS DPAR GYUR PA NA BDAG SANGS RGYAS SU GYUR NAS BRJOD PA'I SGRA LA LTOS PA MED PAR CHOS STON NUS PAR GYUR CIG CES SMON LAM BTAB PA'I PHYIR, DE LTAR SMON LAM 'DEBS PA'I RGYU MTSAN YOD DE, TSIG TU BRJOD PA NI YID PHYI ROL TU RNAM PAR G-YENG PHYED YIN LA, DE YANG RGYUD 'KHRUGS PA STE MA ZHI BAR BYED PAS NYES PA DE MTHONG NAS SMON LAM BTAB PA'I PHYIR, ,DE G-YENG BA YIN PA YANG, RTOG PAS NGO BO LA RNAM PAR MA BRTAGS DPYOD PAS KHYAD PAR LA RNAM PAR MA DPYOD PAR TSIG TU SMRA MI NUS TE, ,RTOG DPYOD DAG KUN SLONG YIN PA'I PHYIR, ZHES 'CHAD PA LA, RNAM PAR MA BRTAGS RNAM PAR MA DPYAD PAR TSIG TU MI SMRA BAS BRJOD PA NI RNAM PAR G-YENG BA YIN LA, DE YANG RGYUD 'KHRUGS PAR BYED PA YIN PAS, BYANG CHUB SEMS DPA' 'DI LTAR SANGS RGYAS SU GYUR NAS BRJOD PA MED PAR CHOS STON PAR GYUR CIG CES SMON LAM BTAB BO, ,ZHES GSUNGS, RANG RGYAL GYIS SGRA MED KYANG CHOS STON PA MI 'GAL TE, SNGAR BZHIN SMON LAM 'DEBS TSUL DE LTAR RANG RGYAL GYIS KYANG BTAB BA DE BAS NA SANGS RGYAS DANG RANG RGYAL GNYIS SGRA

040b

MED DU CHOS STON PA'I RGYU SMON LAM 'DEBS TSUL 'DRA BA'I PHYIR, ZHES 'CHAD PA LA, DE BAS NA SANGS RGYAS DANG 'DRA BA'I PHYIR, ZHES GSUNGS, GNYIS PA NI, SANGS RGYAS KYIS SNGON GYI SMON LAM BTAB PA'I MTHUS SANGS RGYAS KYI GNAS SKABS SU SGRA MED KYANG GDUL BYA'I RGYUD LA JI LTAR 'DOD PA LTAR GYI CHOS STON PA LTAR, RANG RGYAL GYIS KYANG SNGON SGRA MED DU CHOS BSTAN PAS GDUL BYA'I RGYUD LA JI TZAM 'TSAMS PA'I RTOGS PA SKYED NUS PA'I SMON LAM BTAB PA'I MTHUS RANG RGYAL GYI BYANG CHUB THOB PA'I GNAS SKABS SU YANG GTZO BOR RANG GI GDUL BYA LA SGRA MED LUS KYI RNAM 'GYUR GYI SGO NAS CHOS BSTAN NAS GDUL BYA'I RGYUD LA JI TZAM 'TSAMS PA'I RTOGS PA SKYED PAR BYED PA'I PHYIR, ZHES 'CHAD PA LA, SANGS RGYAS DANG 'DRA BA'I RANG SANGS RGYAS NYID KYI GNAS SKABS NA YANG SMON LAM LA SOGS PA'I MTHUS, SGRA MED KYANG GANG ZHIG DON GANG LA RNAM PA JI LTAR NYAN 'DOD PA DE'I RNAM PAR SHES PA LA RNAM PA DE KHO NA LTAR SNANG BAR 'GYUR BAS SGRA MED PAR CHOS STON PA ZHES BYA STE, CHOS STON PA'I SGRA'I DON NI 'DI LTAR BRJOD PAR BYA BA'I CHOS NYAN PA PO'I RNAM PAR SHES PA LA SHIN TU BSKRUN CING BSKYED PA ZHES BYA BA 'DI YIN NO, ,ZHES GSUNGS, DON NI, BSE RU LTA BU'I RANG RGYAL DGRA BCOM PA CHOS CAN, GTZO BOR RANG GI GDUL BYA LA SGRA MED LUS KYI RNAM 'GYUR GYI SGO NAS CHOS BSTAN PAS JI TZAM 'TSAMS PA'I RTOGS PA SKYED PAR NUS TE, SNGON DE LTAR NUS PA'I SMON LAM BTAB PAR SMON LAM LEGS PAR GRUB PA'I PHYIR, DPER NA SANGS RGYAS

041a

, ,BZHIN NO, ` ,GNYIS PA BGRED BYA LAM GYI NGO BO BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS TSE DANG LDAN PA RAB 'BYOR GYIS LHA'I BU DE DAG LA 'DI SKAD CES SMRAS SO, ,LHA'I BU DAG GZUGS NI ZAB PA MA YIN PHRA BA MA YIN ZHES SOGS GSUNGS, GNYIS PA LA, MTSAMS SBYAR BA, RTZA BA, 'GREL BA GSUM LAS, DANG PO NI, DE LTAR NYAN THOS LAS RANG RGYAL KHYAD ZHUGS PA BRJOD NAS, DE'I 'OG TU RNAL MA STE DKYUS MA RANG SANGS RGYAS KYI LAM SHES KYI NGO BO 'CHAD DO, ,ZHES MTSAMS SBYOR BA LA, DE LTAR KHYAD ZHUGS PAR BRJOD NAS KHYAD ZHUGS PA RNAMS KYI LAM NAS KHYAD PAR DU 'PHAGS PA KHO NA YIN PAS RNAL MA RANG SANGS RGYAS KYI LAM, ZHES GSUNGS, GNYIS PA NI, MDO DE'I DON 'CHAD PA'I SGO NAS RANG RGYAL GYI LAM SHES PA'I LAM SHES 'CHAD PA LA, GZUNG DON RTOG PA SPONG PHYIR DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, RANG SANGS RGYAS KYI LAM LA JI SKAD BSHAD PA'I BDEN PA SGOM PA KHO NA DANG, ZHES SOGS GSUNGS, MDO RTZA 'GREL 'DI DAG GI DON LA'ANG, BRTEN PA SPANGS RTOGS KYI KHYAD PAR DANG, RTEN RIGS KYI KHYAD PAR GNYIS LAS, DANG PO LA, GZUGS PHYI ROL DON 'DZIN GYI RTOG PA SPANGS PA'I KHYAD PAR DANG, SHES PA LA BDEN 'DZIN MA SPANGS PA'I KHYAD PAR GNYIS LAS, DANG PO NI, MDO LAS, LHA'I BU DAG GZUGS NI ZAB PA MA YIN,

041b

PHRA BA MA YIN, ZHES PA NAS, RNAM MKHYEN GYI BAR LA SBYAR NAS, LHA'I BU DAG DE LTAR BYANG CHEN SEMS DANG PO BSKYED PA NAS BRJOD PA DANG MNYAN DU MED PA LAS BZUNG STE SHER PHYIN LA GNAS PAR BYA'O, ,ZHES PA'I BAR GYIS GZUNG 'DZIN RDZAS GZHAN GYIS STONG PA'I STONG NYID DE RANG SANGS RGYAS KYI SHES PA LA LTOS TE ZAB PA MA YIN PHRA BA MA YIN PA'I RGYU MTSAN GYIS RANG RGYAL 'PHAGS PA LA GZUNG 'DZIN RDZAS GZHAN DU 'DZIN PA'I RTOG PA SPANGS PA'I SPANGS PA YOD PAR BSTAN NAS, DE'I DON 'CHAD PA LA, GZUNG DON RTOG PA SPONG PHYIR DANG, ,ZHES GSUNGS, GNYIS PA NI, DE NAS LHA'I BU DE DAG 'DI SNYAM DU SEMS PAR GYUR TE, GNAS BRTAN RAB 'BYOR LA CHOS NYAN PA NI RNAM PA JI LTA BU DAG BTZAL BAR BYA SNYAM PA DANG, DE NAS TSE DANG LDAN PA RAB 'BYOR GYIS LHA'I BU DE DAG GI SEMS KYI RNAM PAR RTOG PA SEMS KYIS YONGS SU SHES NAS LHA'I BU DE DAG LA 'DI SKAD CES SMRAS SO, ,LHA'I BU DAG BDAG LA CHOS NYAN PA NI SGYU MA LTA BU DANG SPRUL PA LTA BUR BTZAL BAR BYA'O, ,ZHES PA NAS, LHA'I BU DAG 'DI LTAR RMI LAM LTA BU DANG SGYU MA LTA BU DANG, MYA NGAN LAS 'DAS PA DE LA GNYIS SU MED CING GNYIS SU BYAR MED DO, ,ZHES PA'I BAR GYIS SGYU MA MKHAN GYI RDE SHING RTA GLANG DU MA GRUB PAR MNGON SUM DU RTOGS KYANG, DE LTAR SNANG BA'I SHES PA BDEN MED DU MA RTOGS PA BZHIN DU RANG RGYAL 'PHAGS PAS GZUGS PHYI ROL DON GYIS STONG PAR MNGON SUM DU RTOGS KYANG, DE'I PHYI ROL DON SNANG GI SHES PA BDEN MED DU MA RTOGS PAS SHES PA LA BDEN PAR 'DZIN PA'I BDEN

042a

, ,'DZIN MA SPANGS PAR BSTAN NAS, DE'I DON 'CHAD PA LA, 'DZIN PA MI SPONG PHYIR DANG NI, ,ZHES DANG, RANG SANGS RGYAS KYI LAM LA JI SKAD BSHAD PA'I BDEN PA SGOM PA KHO NA DANG, DNGOS PO JI LTA BA BZHIN DU RTEN CING 'BREL BAR 'BYUNG BA BSGOMS PAS GZUNG BA DANG 'DZIN PA'I DON GYI RNAM PAR RTOG PA DAG GI RIMS BZHIN DU SPANGS PA DANG MA SPANGS PA DANG, ZHES GSUNGS, GNYIS PA RTEN RIGS KYI KHYAD PAR NI, MDO LAS, DE NAS TSE DANG LDAN PA SH'A RI'I BUS; TSE DANG LDAN PA MO'U 'GAL GYI BU CHEN PO DANG, TSE DANG LDAN PA MDZOD LDAN CHEN PO DANG, TSE DANG LDAN PA KA TYA'I BU CHEN PO DANG, TSE DANG LDAN PA BYAMS GANG GI BU DANG, TSE DANG LDAN PA 'OD SRUNG CHEN PO DANG, LHA'I BU BYE BA PHRAG KHRIG BRGYA STONG DU MA DANG, TSE DANG LDAN PA GNAS BRTAN RAB 'BYOR LA 'DI SKAD CES SMRAS SO, ,BTZUN PA RAB 'BYOR SHER PHYIN 'DI LTAR ZAB PA 'DI LTAR BSTAN PAR BYA BA MA YIN PA, ZHES PA NAS, DE NI DE BZHIN GSHEGS PA MA YIN NO, ,ZHES PA'I BAR GSUNGS, DE'I DON 'CHAD PA LA, RTEN GYI BSE RU LTA BU'I LAM, ,ZHES SOGS DANG, RANG SANGS RGYAS KYI THEG PAS BSDUS PA'I RTEN PA'I CHOS KYI GZHI'I KHYAD PAR GYIS KHYAD PAR DU 'PHAGS PA DANG LDAN PA'I CHOS RTOGS PAR BYANG CHUB SEMS DPAS SHES PAR BYA BA'I RNAM PA THAMS CAD SHES PAR NI MA YIN NO ZHES BYA BA NI RANG SANGS RGYAS KYI LAM MO, ,ZHES GSUNGS, DES NA, GZUNG DON RTOG PA SPONG PHYIR DANG, ,ZHES SOGS KYI GZHUNG 'DIS RANG RGYAL

042b

RANG RGYUD KYI LAM DNGOS SU BSTAN NAS, RANG RGYAL GYI LAM SHES PA'I LAM SHES SHUGS LA BSTAN TE, RNAM BSHAD LAS, SKABS 'DIR MDO LAS BSTAN PA'I KHYAD PAR GYI CHOS GSUM NI THEG PA DMAN PA'I GANG ZAG GI RGYUD LA BSKYED PAR BYA BA DANG, BYANG CHUB SEMS DPA'I RGYUD LA BSKYED PAR BYA BA GNYIS KAR BSTAN CING, DE LTAR BSTAN BCOS 'DIR YANG SHES PAR BYA'O, ,ZHES DANG, GSER PHRENG LAS, 'DIR RANG RGYAL GYI LAM MTSAN NYID PA DNGOS SU BSTAN NAS DE MI DMIGS PA'I LAM SHUGS LA BSTAN TO, ,ZHES GSUNGS PA'I PHYIR, 'DI'I SKABS SU SPYI DON DANG, GZHUNG DON GNYIS LAS, DANG PO LA, KHYAD CHOS BSHAD PA DANG, LAM SHES DNGOS BSHAD PA GNYIS LAS, DANG PO LA, BRTEN PA SPANGS RTOGS KYI KHYAD PAR DANG, RTEN RIGS KYI KHYAD PAR GNYIS LAS, DANG PO LA, SPANGS PA LA GZUNG 'DZIN RDZAS GZHAN DU 'DZIN PA'I RTOG PA SPANGS PA'I SPANGS PA DANG, GANG ZAG GI BDAG 'DZIN SPANGS PA'I SPANGS PA GNYIS, RTOGS PA LA YANG GZUNG 'DZIN RDZAS GZHAN GYIS STONG PAR RTOGS PA'I RTOGS PA DANG, GANG ZAG GI BDAG MED RTOGS PA'I RTOGS PA GNYIS LAS GNYIS PA NYAN THOS 'PHAGS PA DANG MTSUNGS PAS GO SLA BA LA DGONGS NAS GZHUNG RTZA BAR DNGOS SU MA GSUNGS LA, SLOB DPON GYIS, RANG SANGS RGYAS KYI LAM LA JI SKAD BSHAD PA'I BDEN BSGOM PA KHO NA DANG, ZHES 'GREL BA'I KHA BKANG NAS GSUNGS SO, ,GNYIS PA LA, SKAB DANG PO'I RTEN GYI GANG ZAG BSHAD PA DANG, SGRUB PA'I DMIGS PA BSHAD PA GNYIS LAS, DANG PO

043a

, ,LA; BSHAD BYA'I LUNG DGOD PA DANG, DE'I DON BSHAD PA'O, ,DANG PO NI, YUM BAR MA LAS, TSE DANG LDAN PA DAG PHYIR MI LDOG PA'I BYANG CHEN RNAMS SAM, BDEN PA MTHONG BA'I GANG ZAG GAM, DGRA BCOM PA ZAG PA ZAD PA BSAM PA YONGS SU RDZOGS PA'AM, SNGON GYI RGYAL BA LA BYA BA BYAS PA SANGS RGYAS MANG PO LA DGE BA'I RTZA BA BSKYED PA DGAG MA, DGE BA'I BSHES GNYEN GYIS ZIN PA'I RIGS KYI BU DANG RIGS KYI BU MO DAG YUM 'DI LTAR ZABS, ZHES GANG ZAG LNGA GSUNGS, BRGYAD STONG PAR, TSE DANG LDAN PA DAG PHYIR MI LDOG PA'I BYANG CHEN RNAMS SAM, LTA BA PHUN SUM TSOGS PA'I GANG ZAG RNAMS SAM, DGRA BCOM PA ZAG PA ZAD PA GANG YIN PA DE DAG SHER PHYIN YANG DAG PAR BSHAD PA 'DI LA YANG DAG PAR 'DZIN PAR 'GYUR RO, ,ZHES GANG ZAG GSUM GSUNGS, MDO SDUD PA LAS, RGYAL SRAS BDEN LA MKHAS DANG PHYIR MI LDOG PA DANG, ,DGRA BCOM DRI MA BSAL ZHING SOM NYI SPANGS PA DANG, ,BZHI PA DGE BA'I BSHES KYIS YONGS SU ZIN PA'O, ,ZHES GANG ZAG BZHI GSUNGS, GNYIS PA NI, YUM BAR MA NAS GSUNGS PA'I GANG ZAG DANG PO DANG, BRGYAD STONG PA NAS GSUNGS PA'I DANG PO DANG, SDUD PAR GSUNGS PA'I GNYIS PA GSUM NI GNAS SKABS RANG RGYAL DU RIGS NGES PA'I RANG RGYAL SBYOR LAM BAR PHYED, DE CHOS CAN, PHYIR MI LDOG PA'I BYANG CHUB SEMS DPA' ZHES BRJOD PA'I RGYU MTSAN YOD DE, GNAS SKABS RANG RGYAL GYI BYANG CHUB LAS PHYIR MI LDOG CING, BYANG CHUB DON DU GNYER PA'I BYANG CHUB

043b

SEMS DPA' SANGS RGYAS DANG BYANG CHUB SEMS DPA' MI 'BYUNG BA'I ZHING DU SEMS CAN GYI DON BYED PA'I BSAM PA DANG LDAN PA'I SEMS DPA' CHEN PO ZHES BRJOD PA'I PHYIR, RGYAN SNANG LAS, PHYIR MI LDOG PA ZHES BYA BA NI NGES PAR 'BYED PA'I CHA RTOGS PAS RANG BYANG CHUB LAS PHYIR MI LDOG PA'O, ,DE NYID KYI RANG GI BYANG CHUB 'DOD PA YIN PAS NA BYANG CHUB SEMS DPA'O, ,LUS KYIS CHOS STON PA'I SANGS RGYAS MI 'BYUNG BA'I ZHING DU SEMS CAN GYI DON BYED PA'I BSAM PA DANG LDAN PAS NA SEMS DPA' CHEN PO'O, ,ZHES GSUNGS PA'I PHYIR, YUM BAR MA NAS GSUNGS PA'I GNYIS PA DANG, BRGYAD STONG PA NAS GSUNGS PA'I GNYIS PA DANG, SDUD PA NAS GSUNGS PA'I DANG PO RNAMS GNAS SKABS RANG RGYAL DU RIGS NGES PA'I RANG RGYAL TSOGS LAM PA LA BYED PA YIN TE, SDUD 'GREL LAS, DE LAS SHES RAB 'BRING GI LTA BA DANG LDAN PAS KUN RDZOB DANG DON DAM PA'I DBYE BA YONGS SU SHES PA'I THABS LA MKHAS PA NI RGYAL BA'I SRAS PO, ZHES GSUNGS PA'I PHYIR, DE GSUM GNAS GSUNGS PA'I GSUM PA RNAMS RANG RGYAL DU RIGS NGES PA'I MTHONG SGOM MI SLOB LAM PA RNAMS LA RIM BZHIN BYED DAM, DE GAR RANG LA BYED PAR SNYAM STE, RGYAN SNANG LAS, DGRA BCOM PA ZAG PA ZAD PA ZHES BYA BA NI RANG GI MTHONG BA'I LAM GYI SGRIB PA SPANGS PA NYID KYIS NA MCHOD PAR 'OS, ,ZHES DANG, SDUD 'GREL LAS, THAMS CAD KYIS MCHOD PAR 'OS PAS NA DGRA BCOM PA STE, ZHES GSUNGS PA'I PHYIR, LHAG MA RNAMS NI GANG ZAG SNGA MA RNAMS KYI KHYAD CHOS LA SBYAR RO, ,GNYIS

044a

, ,PA SGRUB PA'I DMIGS PA NI, RANG RGYAL 'PHAGS PA'I RGYUD KYI SKYE MCHED DRUG GI CHOS NYID LTA BU LA BYED, GNYIS PA LA, KHYAD CHOS GSUM GYIS ZIN PA'I SGO NAS GDUL BYA RANG RGYAL GYI RIGS CAN RJES SU BZUNG BA'I PHYIR DU SHES PAR BYA BA'I MNGON RTOGS KYI RIGS SU GNAS PA'I THEG CHEN 'PHAGS PA'I MKHYEN PA, RANG RGYAL GYI LAM SHES PA'I LAM SHES KYI MTSAN NYID, DE LA DBYE NA GNYIS YOD, SA MTSAMS THEG CHEN GYI MTHONG LAM NAS SANGS RGYAS KYI SA'I BAR DU YOD, GNYIS PA GZHUNG DON NI, BYANG SEMS 'PHAGS PA CHOS CAN, KHYOD KYI SA RANG RGYAL GYI LAM SHES PAR BYED PA'I TSUL YOD DE, KHYOD KYIS DE SEMS BSKYED BSNGO BA STONG NYID RTOGS PA'I SHES RAB GSUM GYIS ZIN PA'I SGO NAS SHES PAR BYED PA'I PHYIR, BSE RU LTA BU'I RANG RGYAL GYI SGOM LAM CHOS CAN, KHYAD CHOS GSUM DANG LDAN TE, GZUGS PHYI ROL DON DU 'DZIN PA'I RTOG PA ZAD PAR SPONG NUS, RANG LAM DU SHES PA LA BDEN PAR 'DZIN PA'I BDEN 'DZIN SPONG MI NUS, RANG RGYAL GYI RIGS LA BRTAN PA'I KHYAD PAR GSUM DANG LDAN PA'I PHYIR, KHO NA RE, BSE RU LTA BU'I RANG RGYAL GYI SGOM LAM DES RANG RGYAL GYI RANG BZHIN GNAS RIGS LA BRTEN PAR THAL, DES RANG RGYAL GYI RIGS LA BRTEN PA'I PHYIR, 'DOD NA, DES DE LA DMIGS PAR THAL, 'DOD PA'I PHYIR, KHYAB? STE, SKABS 'DI'I RTEN DE DMIGS RTEN 'BYED RIGS PA'I PHYIR TE, RTEN PA'I CHOS KYI BYE BRAG GIS, ,ZHES PA'I SKABS KYI RTEN DE DMIGS RTEN LA BYED RIGS PA'I PHYIR NA MA KHYAB,

044b

DES RANG RGYAL GYI RIGS LA BRTEN TSUL YOD DE, MKHA' LA RLUNG BRTEN DE LA CHU YI PHUNG PO BRTEN, ,ZHES GSUNGS PA'I BRTEN TSUL DE LA BYED RIGS PA'I PHYIR, RNAM BSHAD LAS, GZUNG BA BDEN MED DU MNGON SUM DU RTOGS PA'I YE SHES DE NYID LA RANG SANGS RGYAS KYI LAM ZHES BYA LA, DE NYID RANG SANGS RGYAS KYI RGYUD LA YOD PA NI DE'I SKYE MCHED DRUG GI CHOS NYID LA BRTEN, ZHES GSUNGS PA'I PHYIR, KHYAB STE, RANG SANGS RGYAS KYI RGYUD KYI GNYIS STONG MNGON SUM DU RTOGS PA'I YE SHES DE DE'I RGYUD KYI SKYE MCHED DRUG GI CHOS NYID LA BRTEN PAR GSUNGS PA DE DMIGS RTEN LA 'CHAD MI RIGS PA'I PHYIR, KHO NA RE, GZUNG DON RTOG PA SPONG PHYIR DANG, ,ZHES SOGS KYI DON LA, RANG RGYAL GYI LAM SHES PA'I RGYU LAM SHES CHOS CAN, KHYAD CHOS GSUM DANG LDAN TE, GZUGS PHYI ROL DON DU 'DZIN PA'I RTOG PA SPANG BYA'I GTZO BOR BYAS NAS SPONG BA'I RIGS SU GNAS, SHES PA LA BDEN PAR 'DZIN PA'I BDEN 'DZIN SPANG BYA'I GTZO BOR BYAS NAS MI SPONG BA'I RIGS SU GNAS PA YANG YIN, RANG RGYAL GYI RIGS LA BRTEN PA'I KHYAD CHOS DANG LDAN PA'I PHYIR, DES NA 'DI'I SKABS KYI RTEN DE DMIGS RTEN LA BYED PA YIN ZER NA, RANG RGYAL GYI LAM SHES PA'I RGYU LAM SHES DE RANG RGYAL GYI RANG BZHIN GNAS RIGS LA DMIGS PAR THAL, DES DE LA BRTEN PA GANG ZHIG ,'DI'I RTEN DE DMIGS RTEN LA BYED PA'I PHYIR, 'DOD NA, DES DE RTOGS PAR THAL LO, ,KHO NA RE, RANG RGYAL GYI RANG BZHIN GNAS RIGS LA DMIGS NA DE RTOGS PAS KHYAB PAR THAL, RANG RGYAL GYI LAM SHES PA'I LAM

045a

, ,SHES DES DE LA DMIGS NA DE RTOGS PAS KHYAB PA'I PHYIR NA MA KHYAB, 'DOD NA, DE BA DE NA BAR 'DZIN PA'I BDEN 'DZIN CHOS CAN, DER BA LA, DE'I PHYIR, KHO NA RE, DES DE LA DMIGS PAR THAL, GZUGS PHYI ROL DON GYIS STONG PAR RTOGS PA'I THEG CHEN GYI MTHONG LAM NGES DE LA DMIG PA'I PHYIR TE, RANG RGYAL GYI MTHONG LAM BAR CHAD MED LAM GYIS DE LA DMIGS PA'I PHYIR TE, DE DE'I DMIGS PA YIN PA'I PHYIR, MA GRUB NA, DE CHOS CAN, DER THAL, DES SGRO 'DOGS GCAD PAR BYA BA'I GZHI YIN PA'I PHYIR TE, DES PHYI ROL DON DU SGRO 'DOGS GCAD PAR BYA BA'I GZHI YIN PA'I PHYIR TE, KHYOD PHYI ROL DON GYIS STONG PA DE DE'I GZHAL BYA YIN PA'I PHYIR, RTAGS GRUB STE, BDEN BZHI BDEN PAS STONG PA DE THEG CHEN MTHONG LAM BAR CHAD MED LAM GYI GZHAL BYA YIN PA'I PHYIR ZER NA, RANG RGYAL GYI RANG BZHIN GNAS RIGS PHYI ROL DON DU 'DZIN PA'I RTOG PA LHAN SKYES YOD PAR THAL, BDEN BZHI BA DON PAR 'DZIN PA'I RTOG PA LHAN SKYES YOD PA'I PHYIR, KHYAB PA 'GRIG, KHA CIG, BSE RU LTA BU'I RANG RGYAL GYI SGOM LAM CHOS CAN, KHYOD KHYAD CHOS GSUM DANG LDAN TE, RANG LAM DU SHES SGRIB GZUNG RTOG ZAD PAR SPONG DUS, DER ZHES SGRIB 'DZIN RTOG ZAD PAR SPONG MI NUS, RANG RGYAL KYI RIGS LA BRTEN PA'I KHYAD CHOS GSUM DANG LDAN PA'I PHYIR ZER NA, RANG RGYAL DGRA BCOM PAS SHES SGRIB GZUNG RTOG ZAD PAR SPANGS PAR THAL, SBYOR BA 'THAD PA'I PHYIR, 'DOD NA, DES BDEN 'DZIN SPANGS PAR THAL LO, ,RNAM BSHAD LAS, RANG SANGS RGYAS NYAN THOS KYI

045b

SDE SNOD LA DMIGS PA YIN ZHING DBANG PO'I KHYAD PAR GYIS CHOS KYI BDAG MED RTOGS PA'O, ,ZHES GSUNGS PA'I DON LA, KHA CIG, RANG RGYAL 'PHAGS PA YIN NA GZUNG BA CHOS KYI BDAG MED TZAM DU TSAD MAS RTOGS PA'I GANG ZAG YIN DGOS ZER NA, RANG RGYAL DGRA BCOM PAS GZUNG BA CHOS KYI BDEN 'DZIN SPANGS PAR THAL, DAM BCA' 'THAD PA'I PHYIR, 'DOD NA, DES GZUGS BDEN GRUB TU 'DZIN PA'I RTOG PA SPANGS PAR THAL, 'DOD PA GANG ZHIG, DE GZUNG BA CHOS KYI BDEN 'DZIN YIN PA'I PHYIR TE, GZUGS LA DMIGS NAS LONGS SPYAD BYAR BDEN PAR 'DZIN PA'I BDEN 'DZIN DE DE YIN PA'I PHYIR, MA GRUB NA, DE CHOS CAN, DER THAL, SHES SGRIB GZUNG RTOG YIN PA'I PHYIR, GZHAN YANG, GZUNG BA CHOS KYI BDEN 'DZIN DE BDEN 'DZIN MA YIN PAR THAL, GZUGS PHYI ROL DON 'DZIN GYI RTOG PA DE DE YIN PA'I PHYIR, 'DOD MI NUS TE, GZUNG BA CHOS KYI BDAG TU 'DZIN PA'I BLO DE BDEN 'DZIN YIN PA'I PHYIR TE, BUM PA CHOS KYI BDAG TU 'DZIN PA'I BLO DE DE YIN PA'I PHYIR, DES NA LUNG DE'I DON YOD DE, RANG SANGS RGYAS KYI NYAN THOS KYI SDE SNOD LA DMIGS KYANG DBANG PO'I KHYAD PAR GYIS CHOS KYI BDAG MED RAGS PA RTOGS ZHES PA'O, ,KHA CIG SKABS 'DI'I RTEN GYI GANG ZAG RANG RGYAL GYI RIGS LA BRTEN PA LA BYED CING, RANG RGYAL GYI RIGS DE RANG RGYAL SLOB PA'I SEMS GZUNG 'DZIN RDZAS GZHAN GYIS STONG PA LA BYED ZER BA MI 'THAD DE, RNAM BSHAD LAS, 'DI'I SKABS KYI RIGS RANG RGYAL SLOB PA'I SEMS KYI CHOS NYID KYI DBANG DU BYAS NAS

046a

, ,BSHAD PA'I PHYIR DANG, SKABS 'DI'I RTEN LA RANG RGYAL GYI LAM LA GANG ZAG GI BRTEN PA DANG, CHOS NYID RIGS KYI RTEN GNYIS KA YOD PAR MDO LA BSHAD PA'I PHYIR DANG, GSER PHRENG LAS, SLOB DPON 'DIS GANG ZAG DANG DE BZHIN NYID KYI RTEN GNYIS KA MDZAD PA MDO'I DON NO, ,ZHES GSUNGS PA'I PHYIR, KHA CIG ,SEMS TZAM PA DANG RANG SANGS RGYAS GNYIS KYI LTA BA MI MTSUNGS TE, STONG NYID RTOGS PA'I RANG RGYAL YOD, DE RTOGS PA'I SEMS TZAM PA MED PA'I PHYIR ZER BA MI 'THAD DE, DE GNYIS KYI BSGOM BYA'I LTA BA'I GTZO BO LA MTHO DMAN GYI KHYAD PAR MED PA'I PHYIR TE, DE GNYIS KAS GNYIS STONG RTOGS PA'I LTA BA BSGOM BYA'I GTZO BOR BYAS NAS SGOM PA'I PHYIR, ` GSUM PA DE'I RGYU NGES 'BYED CHA MTHUN 'CHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS LHA RNAMS KYI DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,KYE MA GNAS BRTAN RAB 'BYOR 'DI DE LTAR BTAGS PA DANG YANG MI 'GAL BA CHOS NYID KYANG STON PA'I SHES RAB ZAB MO DANG LDAN NO, ,DE NAS BCOM LDAN 'DAS KYIS LHA'I DBANG PO BRGYA BYIN LA BKA' STZAL PA, DE DE BZHIN NO, ,KO'U SHI KA DE DE BZHIN TE, GNAS BRTAN RAB 'BYOR 'DI NI SHES RAB ZAB MO DANG LDAN PA STE, DE LTAR BTAGS PA DANG YANG MI 'GAL LA CHOS NYID KYANG STON NO, ,DE NAS LHA RNAMS KYI DBANG PO BRGYA BYIN GYIS BCOM LDAN 'DAS JI LTAR GNAS BRTAN RAB 'BYOR 'DI BTAGS PA DANG YANG MI

046b

'GAL LA CHOS NYID KYANG STON PA LAGS, ZHES SOGS KYIS 'CHAD, GNYIS PA LA, MTSAMS SBYOR BA, RTZA BA, 'GREL PA GSUM LAS, DANG PO NI, 'O NA RANG RGYAL GYI LAM SHES PA'I LAM SHES KYI 'OG TU DE'I RGYU NGES 'BYED CHA MTHUN 'CHAD PA'I RGYU MTSAN GANG ZHE NA, DE'I RGYU MTSAN YOD DE, DE 'DRA'I LAM SHES THOB PA LA DE'I RGYU NGES 'BYED CHA MTHUN THOB PA SNGON DU 'GRO DGOS PA'I RGYU MTSAN GYIS DE LTAR BSHAD PA'I PHYIR, ZHES MTSAMS SBYOR BA LA, NGES PAR 'BYED PA'I CHA DANG MTHUN PA THOB NA JI SKAD BSHAD PA'I LAM SKYE BAS NGES PAR 'BYED PA'I CHA DANG MTHUN PA, ZHES GSUNGS, GNYIS PA NI, MDO DE'I DON 'CHAD PA LA, BTAGS PA'I CHOS NYID MI 'GAL BAR, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, GZUGS LA SOGS PA'I CHOS KYI ZHES SOGS GSUNGS, DE LA YANG DROD SOGS BZHI YOD PA'I DANG DROD DE STON PA LA, BCOM LDAN 'DAS KYIS BKA' STZAL BA, KO'U SHI KA GZUGS NI BTAGS PA TZAM MO, ,BTAGS PA TZAM GANG YIN PA DE NI CHOS NYID DE DE NI GNAS BRTAN RAB 'BYOR GYIS MI 'GAL BAR BSTAN TO, ,ZHES SOGS KYIS BSTAN NAS, DE'I DON 'CHAD PA LA, BTAGS PA'I CHOS NYID MI 'GAL BAR, ,STON PA'I RNAM PA DROD GYUR PA, ,ZHES DANG, GZUGS LA SOGS PA'I CHOS KYI BRDA LAS BYUNG BA'I BTAGS PA'I CHOS NYID DANG MI GAL BAR RAB TU STON PA DANG, ZHES GSUNGS, RTZE MO DE STON PA LA, GZUGS 'PHEL BAR BYA BA'I PHYIR MI SLOB GZUGS 'GRIB PAR BYA BA'I PHYIR MI SLOB ZHES SOGS KYIS BSTAN, DE'I DON 'CHAD

047a

, ,PA LA; RTZE MOR GYUR PA GZUGS LA SOGS, ,'GRIB BA MED LA SOGS PAS PHYE, ,ZHES DANG, GZUGS LA SOGS PA LA DON DAM PAR 'GRIB PA DANG 'PHEL BA MED PA LA SOGS PA'I DON DU SLOB PA DANG, ZHES GSUNGS, BZOD PA DE STON PA LA, SH'A RI'I BUS SMRAS PA, TSE DANG LDAN PA RAB 'BYOR CI'I PHYIR NA BYANG CHEN GZUGS YONGS SU SHES PAR BYA BA DANG, MED PAR BYA BA'I PHYIR MI SLOB PA YIN ZHES SOGS BRIS PA'I LAN DU, 'DI LTAR GZUGS YONGS SU BZUNG DU MED DE, DE CI'I PHYIR ZHE NA, NANG STONG PA NYID NAS DNGOS PO MED PA'I NGO BO NYID STONG PA NYID KYI PHYIR GZUGS KYI GZUGS YONGS SU GZUNG DU MED PAS SO, ,ZHES SOGS KYIS BSTAN, DE'I DON 'CHAD PA LA, NANG STONG NYID LA SOGS PA YIS, , GZUGS SOGS MI 'DZIN PHYIR BZOD PA, ,ZHES DANG, NGO BO NYID KYIS STONG PA NYID KYI PHYIR GZUGS LA SOGS PA LA NANG DANG PHYI LA SOGS PA STONG PA NYID KYIS YONGS SU MI 'DZIN PA DANG, ZHES GSUNGS, CHOS MCHOG DE STON PA LA, TSE DANG LDAN PA SH'A RI'I BUS SMRAS PA, TSE DANG LDAN PA RAB 'BYOR JI LTAR SLOB PA'I BYANG CHEN CHOS THAMS CAD YONGS SU GZUNG BAR BYA BA DANG, MED PAR BYA BA'I PHYIR MI SLOB NA RNAM MKHYEN DU JI LTAR NGES PAR 'BYUNG BAR 'GYUR, RAB 'BYOR GYIS SMRAS PA, TSE DANG LDAN PA SH'A RI'I BU 'DI LTAR BYANG CHEN SHER PHYIN LA SPYOD BA'I TSE GZUGS SKYE BA MI MTHONG 'GAG PA DANG BLANG BA DANG 'DOR BA DANG KUN NAS NYON MONGS PA DANG RNAM PAR BYANG BA DANG BOGS PA DANG 'DRI BA DANG, 'GRIB BA DANG 'PHEL BA MI MTHONG

047b

NGO; ;DE CI'I PHYIR ZHE NA, TSE DANG LDAN PA SH'A RI'I BU DE NI 'DI LTAR GZUGS GZUGS KYI RANG BZHIN GYIS MED PAS SO, ,ZHES PA NAS, RNAM MKHYEN DU NGES PAR 'BYUNG NGO, ,ZHES GSUNGS, DE'I DON 'CHAD PA LA, GZUGS SOGS SKYE BA MED SOGS KYI,, RNAM PA CAN NI CHOS KYI MCHOG ,CES DANG, GZUGS LA SOGS PA'I SKYE BA DANG 'GAG PA LA SOGS PA MED PA ZHES BYA BA'I RNAM PA RNAMS KYIS GO RIMS BZHIN DU BDEN PA BZHI'I DMIGS PA LA NGES PAR 'BYED PA'I CHA DANG MTHUN PA SKYE BA YIN NO, ,ZHES GSUNGS, GZHUNG DON NI, RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN CHOS CAN, KHYOD LA DU MAR YOD DE, KHYOD LA RANG RGYAL GYIS RTOGS RIGS SU GNAS PA'I THEG CHEN GYI SBYOR LAM DROD SOGS BZHI YOD BA'I PHYIR, DES NA RANG RGYAL GYI RTOGS RIGS SU GNAS PA'I THEG CHEN GYI DON MNGON RTOGS DE, RANG RGYAL GYI LAM SHES PA'I LAM SHES KYI RGYU NGES 'BYED CHA MTHUN GYI MTSAN NYID, DBYE NA, MING DU BTAGS PA YANG MI 'DOR LA CHOS NYID DANG MI 'GAL BAR STON PA'I RNAM PAS SHES PAR BYA BA'I DROD DANG, GZUGS SOGS LA 'GRIB PA MED PA LA SOGS PAS PHYE BA DES KHYAD PAR DU BYAS PA'I RNAM PAS RTOGS PAR BYA BA RTZE MO DANG, GZUGS SOGS NANG STONG PA NYID NAS DNGOS PO MED PA'I NGO BO NYID STONG PA NYID KYI BAR YIN PAS YONGS SU MI 'DZIN PA'I RNAM PAS RTOGS PAR BYA BA BZOD PA DANG, GZUGS SOGS SKYE BA MED PA SOGS KYI RNAM PA CAN GYIS RTOGS PAR BYA BA CHOS MCHOG DANG BZHIR YOD, ` GSUM PA BYANG SEMS KYI LAM SHES

048a

, ,PA'I LAM SHES BSHAD PA LA, SPYI'I MTSAMS SBYOR BA DANG, SO SO'I DON BSHAD PA GNYIS LAS, DANG PO NI, RANG RGYAL GYI LAM GYI MJUG THOGS SU BYANG SEMS KYI LAM SHES BA'I LAM SHES BSHAD PA'I RGYU MTSAN GANG ZHE NA, DE'I RGYU MTSAN YOD DE, DMAN MCHOG GI RIM PA'I DBANG DU BYAS NAS DE LTAR BSTAN PA'I PHYIR, ZHES MTSAMS SBYOR BA LA, RANG SANGS RGYAS KYI LAM GYI MJUG THOGS SU BYANG CHUB SEMS DPA'I LAM, ZHES GSUNGS, GNYIS PA LA, MTHONG LAM BSHAD PA DANG, SGOM LAM BSHAD PA GNYIS LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS LHA RNAMS KYI DBANG PO BRGYA BYIN GYIS TSE DANG LDAN PA SH'A RI'I BU LA SMRAS PA, TSE DANG LDAN PA SH'A RI'I BU SHER PHYIN GANG LAS BTZAL BAR BYA, ZHES DRIS PA DANG, SH'A RI'I BUS SMRAS PA, KO'U SHI KA SHER PHYIN RAB 'BYOR GYI LE'U LAS BTZAL BAR BYA'O, ,ZHES GSUNGS PA LAS 'PHROS NAS, DE NAS LHA RNAMS KYI DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO, ,'PHAGS PA RAB 'BYOR 'PHAGS PA SH'A RI'I BUS 'DI SKAD DU KO'U SHI KA SHER PHYIN NI RAB 'BYOR GYI LE'U LAS BTZAL BAR BYA'O ZHES ZER NA, DE KHYOD KYI MTHUS BYIN GYIS BRLAB PA YIN NAM ZHES SOGS GSUNGS, GNYIS PA LA, MTHONG LAM GYI NGO BO MDOR BSTAN PA DANG, SGOM TSUL GYI RNAM PA RGYAS BAR BSHAD PA DANG, RNAM PA MA BSHAD PAR 'DOD PA DGAG PA'O, ,DANG PO LA, RTZA 'GREL GNYIS LAS,

048b

DANG PO NI, MDO DE'I DON 'CHAD PA'I SGO NAS SKAD CIG MA BCU DRUG MDOR BSTAN GYI SGO NAS BSHAD PA LA, BDEN DANG BDEN LA BZOD PA DANG, ,ZHES SOGS RKANG PA BZHI GSUNGS, DON NI ZAG BCAS KYI BDEN PA GNYIS DANG, ZAG MED KYI BDEN PA GNYIS TE BZHI LA BZOD PA DANG SHES PA'I SKAD CIG MA BZHI BZHIR BSTAN PA'I THEG CHEN GYI MTHONG LAM SKAD CIG MA BCU DRUG CHOS CAN, LAM SHES PA NYID KYI SKABS 'DIR DNGOS SU BSTAN PA'I THEG CHEN GYI MTHONG LAM YIN TE, SKABS 'DIR DNGOS SU BSTAN PA'I 'DI PHYI PHAN YON CHEN PO CAN GYI THEG CHEN GYI BDEN PA MNGON RTOGS YIN PA'I PHYIR, GNYIS PA LA, GANG GIS SGOM PAR BYED PA'I GANG ZAG, ,GANG DU SGOM PA'I GNAS SKABS, GANG BSGOM PAR BYA BA, GANG DANG LDAN PA BSGOM PA DANG BZHI LAS, DANG PO STON PA LA, BYANG CHUB SEMS DPA', ZHES GSUNGS, GNYIS BSTAN PA LA, LAM SHES PA NYID KYI SKABS SU, ZHES GSUNGS, GSUM PA STON PA LA, 'DI DANG GZHAN PA'I YON TAN DAG DANG LDAN PA BSGOM PAR BYA BA NI MTHONG PA'I LAM PHAN YON CHEN PO ZHES BRJOD DO, ,ZHES GSUNGS, BZHI PA STON PA LA, CHOS SHAS PA'I BZOD PA DANG, CHOS SHES BA DANG, RJES SU SHES PA'I BZOD PA DANG, RJES SU SHES PA ZHES BYA BA'I BZOD PA DANG, SHES PA'I SKAD CIG MA BZHI PO SO SOR SDUG BSNGAL LA SOGS PA'I BDEN PA DANG 'BREL BA DAG DANG LDAN PA, ZHES GSUNGS, GNYEN PA LA, MTSAMS SBYAR BA, RTZA BA; 'GREL PA GSUM LAS, DANG PO NI, 'O NA SKAD CIG MA BCU DRUG PO DE SGOM TSUL GYI RNAM BA JI LTA BUR SGOM PAR BYED, CES

049a

, ,DRIS PA'I SGO NAS MTSAMS SBYOR BA LA, RNAM PA JI LTA BUR BSGOM PAR BYA ZHE NA, ZHES GSUNGS, GNYIS PA LA DE'I LAN STON PA LA, DE BZHIN NYID DANG SANGS RGYAS DAG ,CES SOGS GSUNGS, GSUM PA DE NYID TSIG DON GYI SGO NAS 'CHAD PA LA, DON DAM PA'I TSUL NYID KYIS DE BZHIN NYID DANG, ZHES SOGS GSUNGS, 'DI LA YANG RGYAS PAR BSHAD PA DANG, DON BSDU BA GNYIS LAS, DANG PO NI, DON DAM PA'I TSUL ZHES SOGS KYIS BSHAD, GNYIS PA NI, DE LTA BU NI LAM SHES BA NYID KYI SKAD CIG MA DAG YIN NO, ,ZHES 'CHAD, DES NA MDO RTZA 'GREL 'DI DAG GI DON RGYAS BAR BSHAD PA LA YANG, THEG CHEN MTHONG LAM SHES BZOD SKAD CIG MA BCU DRUG TU YOD DE, MDO LAS RTOGS BYA BDEN BZHI'I RNAM PA BCU DRUG BSTAN PAS SHUGS LAS 'PHANGS PA'I SHES BZOD SKAD CIG MA BCU DRUG TU YOD PA'I PHYIR, DE LA YANG, SDUG BDEN GYI RNAM PA, KUN 'BYUNG BDEN PA'I RNAM PA, 'GOG BDEN GYI RNAM PA, LAM BDEN GYI RNAM PA DANG BZHI LAS, DANG PO SDUG BDEN GYI RNAM PA LA BRTEN PA'I THEG CHEN GYI MTHONG LAM SHES BZOD BZHI YOD PA'I DANG PO SDUG BSNGAL CHOS BZOD STON PA LA, DE BZHIN NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG DE BZHIN NYID MI DMIGS SO, ,ZHES SOGS GSUNGS, DE'I DON 'CHAD PA LA, DE BZHIN NYID DANG SANGS RGYAS DAG ,PHAN TSUN BRTEN BRTEN MED PHYIR, ,RNAM GRANGS KHAS MI LEN PA DANG, ,ZHES DANG, DON DAM PA'I TSUL NYID KYI DE BZHIN NYID DANG, SANGS

049b

RGYAS DAG LA RTEN DANG BRTEN PA'I DNGOS PO MED PAS DE'I PHYIR DE DAG PHAN TSUN RNAM GRANGS KYIS GNAS PAR KHAS MI LEN PA DANG, ZHES GSUNGS, SDUG BSNGAL CHOS SHES STON PA LA, DE NAS LHA RNAMS KYI DBANG PO BRGYA BYIN GYIS GNAS BRTAN RAB 'BYOR LA 'DI SKAD CES SMRAS SO, ,RAB 'BYOR BYANG CHEN RNAMS KYI PHAR PHYIN NI CHEN PO STE, 'DI LTAR SHER PHYIN NO ZHES SOGS DANG, KO'U SHI KA GZUGS CHEN PO NYID YIN PA'I PHYIR BYANG CHEN RNAMS KYI PHAR PHYIN DE NI CHEN PO'I ZHES SOGS GSUNGS, DE'I DON 'CHAD PA LA, CHEN PO; ZHES DANG, GZUGS LA SOGS PA CHOS KYI DBYINGS KYI NGO BO NYID KYIS CHEN PO NYID DANG, ZHES GSUNGS, SDUG BSNGAL RJES BZOD STON PA LA, KO'U SHI KA GZUGS TSAD MA MED PA'I PHYIR BYANG CHEN RNAMS KYI PHAR PHYIN NI TSAD MA MED PA'O, ,ZHES SOGS GSUNGS, DE'I DON 'CHAD PA LA, TSAD MA MED BCAS DANG, ,ZHES DANG, DE BZHIN DU DE DAG TSAD MA MED PA NYID DANG, ZHES GSUNGS, SDUG BSNGAL RJES SHES STON PA LA, KO'U SHI KA GZUGS TSAD MED PA'I PHYIR BYANG CHEN RNAMS KYI PHAR PHYIN NI TSAD MED PA'O, ,ZHES SOGS GSUNGS, DE'I DON 'CHAD PA LA, TSAD MED PA DANG, ZHES DANG, SNGA MA BZHIN DU NAM MKHA' TSAD MED PA NYID KYIS DE DAG TSAD MED PA ZHES BYA BA DE LTA BU NI SDUG BSNGAL GYI BDEN PA'I RNAM PA DAG YIN NO, ,ZHES GSUNGS, GNYIS PA KUN 'BYUNG BDEN PA'I RNAM PA LA BRTEN PA'I THEG CHEN GYI MTHONG LAM SHES BZOD SKAD CIG MA BZHI YOD PA'I DANG PO KUN 'BYUNG CHOS BZOD STON PA LA, KO'U SHI KA GZUGS MTHA' YAS PA'I PHYIR BYANG CHEN RNAMS KYI PHAR PHYIN

050a

, ,NI MTHA' YAS SO, ,ZHES SOGS GSUNGS, DE'I DON 'CHAD PA LA, MTHA' MED DANG, ,ZHES DANG, GZUGS LA SOGS PA LA NGO BO NYID MED PA NYID KYIS RTAG PA DANG CHAD PA'I MTHA' NYID LA SOGS PA MED PA DANG, ZHES GSUNGS, KUN 'BYUNG CHOS SHES STON PA LA, DE NAS DBANG PO DANG BCAS PA'I LHA RNAMS DANG TSANGS PA DANG BCAS PA'I LHA RNAMS DANG SKYE DGU'I BDAG PO DANG BCAS PA'I LHA RNAMS DANG, SKYES PA BUD MED DANG BCAS PA DAG GIS LAN GSUM DU CHED DU BRJOD PA NI 'DI LTA STE, AE MA HO; CHOS RNAMS KYI CHOS NYID 'DI NI DE BZHIN GSHEGS PA'I MTHU DANG, ZHES SOGS DANG, BCOM LDAN 'DAS BDAG GIS KYANG BYANG CHEN SHER PHYIN 'DI DANG MA BRAL BA DE NI DE BZHIN GSHEGS PA NYID DU GZUNG BAR BYA'O; ;ZHES SOGS GSUNGS, DE'I DON 'CHAD PA LA, DER GNAS GZUGS LA SOGS PA LA, ,SANGS RGYAS NYID DU NGES 'DZIN DANG, ,ZHES DANG, SHES RAB KYI PHA ROL TU PHYIN PA LA GNAS PA NI CHOS KYI DBYINGS KYI NGO BO NYID KYIS GZUGS LA SOGS PA LA DE BZHIN GSHEGS PA NYID DU NGES PAR 'DZIN PA DANG, ZHES GSUNGS, DE YANG MDO'I TSIG ZIN DANG BSTUN NA, GZUGS SOGS DON DAM PAR MI DMIGS PAR RTOGS PA'I CHOS SHES DER GNAS PA'I BYANG SEMS KYI PHUNG PO LA GZHAN GYIS SANGS RGYAS SU BZUNG DU RUNG BA'I PHAN YON BSTAN PA'O, ,KUN 'GYUR RJES BZOD STON PA LA, DE NAS LHA'I BU DE DAG GIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN RNAMS KYI SHER PHYIN 'DI NI GZUGS MI LEN

050b

MING DOR BA'I TSUL DANG, ZHES SOGS GSUNGS, DE'I DON 'CHAD PA LA, BLANG MED DOR BA MED SOGS DANG, ,ZHES DANG, DE BZHIN DU DE LA GNAS PA NI CHOS THAMS CAD LA BLANG BA DANG DOR BA MED PA SGOM PA LA SOGS PA DANG, ZHES GSUNGS, KUN 'BYUNG RJES SHES STON PA LA, KO'U SHI KA YANG RIGS KYI BU'AM RIGS KYI BU MO DE DAG LA MI 'AM MI MA YIN PA DAG GLAGS RNYED PAR MI 'GYUR RO, ,ZHES SOGS DANG, RIGS KYI BU'AM RIGS KYI BU MO DE DAG GIS MI DMIGS PA'I TSUL GYIS SEMS CAN THAMS CAD KYI DRUNG DU BYAMS PA DANG SNYING RJE DANG DGA' BA DANG BTANG SNYOMS SHIN TU BSGOMS PA'I PHYIR RO, ,ZHES SOGS GSUNGS, DE'I DON 'CHAD PA LA, BYAMS LA SOGS DANG, ZHES DANG, NGO BO NYID MED PAR MOS PA SNGON DU 'GRO BA'I TSAD MED PA BZHI BSGOM PAR BYA'O, ,ZHES BYA BA DE LTA BU NI KUN 'BYUNG BA'I BDEN PA'I RNAM PA DAG YIN NO, ,ZHES GSUNGS, SKAD CIG MA BRGYAD PA 'DIR BYAMS SOGS SGOM PAR GSUNGS PA LA DGOS PA YOD DE, 'DIR SDUG KUN GYI SKYON RDZOGS PAR RIGS SHING; DGU PAR 'GOG PA'I YON TAN MTHONG BA NA SRID PAR GNAS NAS GZHAN DON BYED PA DOR NAS ZHI BA LA GZHOL BAS DE DGAG PAR BYA BA'I CHED YIN PA'I PHYIR, GSUM PA 'GOG BDEN GYI RNAM PA LA BRTEN PA'I THEG CHEN GYI MTHONG LAM SHES BZOD SKAD CIG MA BZHI YOD PA'I DANG PO, 'GOG PA CHOS BZOD STON PA LA, KO'U SHI KA GANG RIGS KYI BU'AM RIGS KYI BU MO GANG SHER PHYIN 'DI 'DZIN CING 'CHANG BA DANG, KLOG CING KUN CHUB PAR BYED PA DANG, ZHES PA NAS, RIGS KYI BU'AM

051a

, ,RIGS KYI BU MO DE DAG GIS NANG STONG PA NYID MI DMIGS PA'I TSUL GYIS SHIN TU BSGOMS PA'I PHYIR RO, ,ZHES SOGS GSUNGS, DE'I DON 'CHAD PA LA, STONG NYID DANG, ,ZHES DANG, GZUGS LA SOGS PA'I NGO BO'I GNYUG MA RANG BZHIN KHO NA'I STONG PA NYID DANG, ZHES GSUNGS, 'GOG PA CHOS SHES STON PA LA, DE NAS LHA RNAMS KYI DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS CI TZAM DU BYANG CHEN SHER PHYIN 'DI 'DZIN PA DANG, 'CHANG BA DANG, KLOG PA'AM, KUN CHUB PAR BYED PA'AM, TSUL BZHIN DU YID LA BGYID PA DE DAG GIS MTHONG BA'I CHOS 'DI NYID LA YON TAN 'DI DAG YONGS SU 'DZIN PAR 'GYUR ZHING, SEMS CAN RNAMS YONGS SU SMIN PAR BGYID BA DANG, SANGS RGYAS KYI ZHING YONGS SU DAG PAR BGYID PA DANG, ZHES SOGS GSUNGS, DE'I DON 'CHAD PA LA, SANGS RGYAS NYID NI 'THOB PA DANG, ,ZHES DANG, CHOS KYI DBYINGS DANG MNYAM PA'I DGE BA'I RTZA BA RNAMS KYI 'BRAS BU DE BZHIN GSHEGS PA NYID 'THOB PA DANG, ZHES GSUNGS, 'GOG PA RJES BZOD STON PA LA, DE NAS LHA RNAMS KYI DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS JI TZAM DU SHER PHYIN ZAB MO 'DI YONGS SU BZUNG NA PHAR PHYIN DRUG PO THAMS CAD YONGS SU BZUNG BAR 'GYUR BA NI 'DI LTA STE, SBYIN PA'I PHAR PHYIN DANG, ZHES SOGS GSUNGS, DE'I DON 'CHAD PA LA, RNAM PAR BYANG KUN YONGS BSDUS DANG, ,ZHES DANG, SHES RAB KYI PHA ROL TU PHYIN

051b

PAR GNYEN PO RNAMS RNAM PA THAMS CAD DU BSDUS PA DANG, ZHES GSUNGS, 'GOG PA RJES SHES STON PA LA, KO'U SHI KA GANG PHYOGS GANG NA RIGS KYI BU'AM RIGS KYI BU MO SHER PHYIN 'DI 'DZIN PA DANG, 'CHANG BA DANG, KLOG PA DANG, ZHES SOGS NAS, SHER PHYIN 'DI LA SEMS RNAM PAR G-YENG BA'AM BRGAL BA'AM BRTZAD PA'AM 'GAL BAR BYA BA'I PHYIR 'ONG BAR MI NUS TE, ZHES PA NAS, GANG NAS BYUNG BA DE DANG DE NYID DU MED PAR 'GYUR ZHING RNAM PAR 'PHEL BAR MI 'GYUR RO, ,ZHES GSUNGS, DE'I DON 'CHAD PA LA, NYAM NGA BA DANG NAD KUN SEL, ,ZHES DANG, DE NYID KYIS PHYI DANG NANG GI 'TSE BA RAB TU ZHI BA ZHES BYA BA DE LTA BU NI 'GOG PA'I BDEN PA'I RNAM PA DAG YIN NO, ,ZHES GSUNGS, BZHI PA LAM BDEN GYI RNAM PA LA BRTEN PA'I THEG CHEN GYI MTHONG LAM SHES BZOD SKAD CIG MA BZHI YOD PA'I DANG PO LAM CHOS BZOD STON PA LA, DE CI'I PHYIR ZHE NA, KO'U SHI KA DE NI 'DI LTAR SHER PHYIN NI CHOS THAMS CAD NYE BAR ZHI BAR BYED PA STE, RNAM PAR 'PHEL BAR BYED PA MA YIN NO, ,ZHES SOGS GSUNGS, DE'I DON 'CHAD PA LA, MYA NGAN 'DAS 'DZIN ZHI NYID DANG, ,ZHES DANG, NGO BO NYID MED PA SGOM PA KHO NAS GZUGS LA SOGS PA DANG, MYA NGAN LAS 'DAS PA LA MNGON PAR ZHEN PA ZHI BA DANG, ZHES GSUNGS, LAM CHOS SHES STON PA LA, DE NAS STONG GSUM GYI STONG CHEN PO'I 'JIG RTEN GYI KHAMS 'DI NA 'JIG RTEN SKYONG BA'I RGYAL PO CHEN PO RNAMS DANG, ZHES PA NAS, RIGS KYI BU'AM RIGS KYI BU MO GANG SHER PHYIN 'DI 'DZIN CING 'CHANG BA DANG, KLOG CING KUN CHUB PAR BYED PA DANG, TSUL BZHIN DU

052a

, ,YID LA BYED PA DE LA RTAG TU RGYUN MI 'CHAD PAR BSRUNG BA DANG, BSKYAB PA DANG, SBA BAR MDZAD DE, ZHES SOGS GSUNGS, DE'I DON 'CHAD PA LA, SANGS RGYAS RNAMS KYIS BSRUNG LA SOGS, ,ZHES DANG, SHES RAB DANG THABS LA MKHAS PA LA ZHUGS PA LA SANGS RGYAS RNAMS KYIS BSRUNG BA DANG BSKYAB PA DANG, SBA BDAG MDZAD PA DANG, ZHES GSUNGS, LAM RJES BZOD STON PA LA, DE'I TSIG BLANG BAR 'OS PA DANG LDAN PAR 'GYUR RO, ,ZHES PA NAS, BDAG KYANG SROG GCOD PA SPONG BAR 'GYUR LA GZHAN YANG SROG GCOD PA SPONG BA LA YANG DAG PAR SKUL BAR 'GYUR, ZHES SOGS GSUNGS, DE'I DON 'CHAD PA LA, SROG MI GCOD PA LA SOGS PA, ,RNAM PA KUN MKHYEN TSUL LA NI, ,BDAG NYID GNAS TE SEMS CAN DAG ,'GOD DANG, ZHES GSUNGS, SANGS RGYAS NYID MNGON PAR 'DOD PAS BDAG NYID SROG GCOD PA SPONG BA LA SOGS PA RNAM PA THAMS CAD MKHYEN PA NYID LA GNAS NAS DE NYID LA GZHAN DAG 'GOD PA DANG, ZHES GSUNGS, LAM RJES SHES STON PA LA, KO'U SHI KA GZHAN YANG BYANG CHEN PHAR PHYIN DRUG LA SPYOD PA'I TSE SBYIN PA YONGS SU GTONG BA GANG YIN PA DE YANG SEMS CAN THAMS CAD DANG THUN MONG DU BYAS SHING MI DMIGS PA'I TSUL GYIS BLA MED RDZOGS BYANG DU YONGS SU BSNGO BAR BYED DO, ,ZHES PA NAS, RNAM MKHYEN GYI SEMS DANG YANG MI 'BRAL BAR DE DAG GIS TSE 'DI DANG TSE RABS GZHAN GYI PHAN YON RAB TU 'THOB PAR 'GYUR RO, ,ZHES GSUNGS, DE'I DON 'CHAD PA LA, SBYIN

052b

PA LA SOGS PA, ,RDZOGS PA'I BYANG CHUB TU BSNGO BA, ,LAM SHES NYID KYI SKAD CIG MA, ,ZHES GSUNGS, SBYIN PA LA SOGS PA MI ZAD PAR BYED 'DOD PAS YANG DAG PAR RDZOGS PA'I BYANG CHUB TU BSNGO BAR BYA'O, ,ZHES BYA BA DE LTA BU NI LAM GYI BDEN PA'I RNAM PA DAG YIN TE, ZHES GSUNGS, MDO LAS, BSRUNG BA DANG, BSKYAB PA DANG, SBA BAR MDZAD DE, ZHES GSUNGS PA'I DON RIM PA LTAR LHAS BYAS PA DANG, 'BYUNG BA LAS GYUR PA DANG, NANG GI BAR CHAD SEL BA'O, ` ,GSUM PA RNAM PA MA BSHAD PAR 'DOD PA DGAG PA LA, KHAS BLANGS BRJOD PA DANG, DE DGAG PA GNYIS LAS, DANG PO NI, RGYAN GYI 'GREL BYED KHA CIG ,DE BZHIN NYID DANG SANGS RGYAS DAG ,CES SOGS KYIS THEG CHEN GYI MTHONG LAM SHES BZOD SKAD CIG MA BCU DRUG BSTAN PA TZAM YIN GYI DE DAG GIS RNAM PA MA BSTAN TE, DE DAG GIS NI RJES SHES KYI PHAN YON 'BA' ZHIG BSTAN PA'I PHYIR, DE BZHIN DU SNGAR BSHAD PA DANG, MA BSHAD PA'I NGES 'BYED CHA MTHUN LA YANG SHES PAR BYA'O, ,RNAM PA RNAMS NI RNAM PA BRGYA BDUN CU RTZA GSUM GYI SKABS SU 'CHAD DO, ,ZHES ZER BA'I PHYOGS SNGA STON PA LA, KHA CIG NI 'DIR TSIG LE'UR BYAS PA'I DON NYE BAR MTSON PA LHUR LEN PA'I GZHUNG GIS RNAM PA'I DON MA BSHAD PAR, MTHONG BA'I LAM GYI SKAD CIG MAD CU DRUG NYE BAR MTSON PA NYI TSE MDZAD PAR ZAD DE, BSHANG PA DANG MA BSHAD PA'I NGES PAR 'BYED PA'I CHA DANG MTHUN PA LA SOGS PA'I DON GYIS TSIG LE'UR BYAS PA RNAMS SU YANG DE BZHIN DU BLTA BAR BA'O, ,ZHES ZER RO, ,ZHES GSUNGS, GNYIS PA LA, RIGS PAS DGAG

053a

, ,PA DANG, LUNG GIS DGAG PA GNYIS LAS, DANG PO NI, DE BZHIN NYID DANG, ZHES SOGS KYI GZHUNG CHOS CAN, KHYOD KYIS MNGON RTOGS KYI RIM PA MA BSTAN PAR THAL, KHYOD KYIS LAM GYI 'DZIN STANGS KYI RNAM PA MA BSTAN PA'I PHYIR, RTAGS KHAS, ZHES 'CHAD PA LA, GZHAN DAG NA RE DE DAG GIS NI SGOM PA'I RIM PA LA SOGS PA MA BSTAN PA'I PHYIR, MNGON PAR RTOGS PA'I RIM PA CUNG ZAD KYANG MA BSTAN TO, ,ZHES GSUNGS, GNYIS PA NI, DMIGS PA DANG NI RNAM PA DANG, ,ZHES PA'I GZHUNG SGRA JI BZHIN DU KHAS BLANG DU MI RUNG BAR THAL, DES THEG CHEN GYI SBYOR LAM GYI RNAM PA MA BSTAN PA'I PHYIR, RTAGS KHAS, ZHES 'CHAD PA LA, GZHAN YANG, DMIGS PA DANG NI RNAM PA DANG; ;ZHES BYA BA LA SOGS PA'I TSIGS SU BCAD PA'I DON KYANG JI LTAR DRANG ZHES ZER RO, ,ZHES GSUNGS, DES NA GZHUNG 'DI'I SKABS SU MTHA' DPYAD PA LA, MTHONG LAM SKYE BA'I RTEN BSHAD PA DAG BRTEN PA MTHONG LAM BSHAD PA GNYIS LAS; DANG PO LA LUS RTEN BSHAD PA DANG, SEMS RTEN BSHAD PA'O, ,DANG PO NI, SGRA MI SNYAN PA DANG, ZA MA MA NING MA GTOGS PA'I GLING GSUM GYI SKYES BA BUD MED DANG, 'DOD LHA RIGS DRUG GI RTEN LA THEG CHEN GYI MTHONG LAM DNGOS SU GSAR DU SKYE BA YOD DE, DE RNAMS KYI RTEN LA DE DNGOS SU GSAR DU SKYE BA'I MTHUN RKYEN TSANG ZHING 'GAL RKYEN DANG BRAL BA YOD PA'I PHYIR, KHAMS GONG MA'I RTEN LA THEG CHEN GYI MTHONG LAM DNGOS SU GSAR DU SKYE BA MED DE, DE RNAMS KYI

053b

RGYUD LA 'KHOR BA LA DMIGS PA'I SKYO SHAS CHUNG BA'I PHYIR TE, BSDU BA LAS, GZUGS DANG GZUGS MED PA'I KHAMS GONG MAR SKYES PAS KYANG DANG POR BDEN PA RNAMS MNGON PAR MI RTOGS TE, 'DI LTAR GNAS DE DAG NI SKYO BAR 'GYUR PA DKA' BA YIN PAS, RE SHIG SKYO BA CHUNG DUS KYANG BDEN PA RNAMS MNGON PAR MI RTOGS NA GANG NA SKYO BA CHUNG YANG THAMS CAD KYI THAMS CAD DU MED PAS LTA SMOS KYANG CI DGOS PA'I PHYIR RO, ,ZHES DANG, MDZOD LAS, GONG NA MTHONG LAM MED; ;MI SKYO; ZHES GSUNGS PA'I PHYIR, DE LTAR NA YANG ZA MA TOG BKOD PA'I MDO LAS 'PHAGS PA 'JIG RTEN DBANG PHYUG GIS YI DVAGS MANG PO BDEN PA MTHONG BA LA BKOD BAR GSUNGS PA DANG MI 'GAL TE, DE NI BDEN PA MTHONG BA'I RGYU THEG CHEN SEMS BSKYED LA BKOD PA LA DGONGS PA YIN PA'I PHYIR, LHA'I BU RAB GNAS KYIS ZHUS PA'I MDO LAS, 'DOD PA DANG GZUGS KYI LHA'I BU BYE BA PHRAG BRGYA CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG PA THOB BO, ,ZHES GSUNGS PA YANG GZUGS KYI LHA RNAMS KYIS THEG CHEN SEMS BSKYED THOB PA DANG, THEG CHEN GYI SBYOR LAM DROD RTZE MO TZAM THOB PA LA DGONGS NAS DE LTAR GSUNGS PA YIN TE, DPER NA LEGS SMON TZAM LA DGONGS NAS KLU'I RTEN LA BSNYEN GNAS KYI SDOM PA YOD PAR BSHAD PA DANG LHA'I DGE BSNYEN SOGS YOD PAR BSHAD PA BZHIN NO, ,DAR t'IKA GI RJES 'BRANG 'GA' ZHIG KHAMS GONG MA'I RTEN LA MTHONG LAM DNGOS SU GSAR DU SKYE BA YOD PAR

054a

, ,'DOD PA MI 'THAD DE, RNAM BSHAD LAS, SGRA MI SNYAN PA DANG ZA MA MA NING MA GTOGS PA'I MI DANG 'DOD LHA'I RTEN LA SKYE YI, GONG MA'I RTEN LA MA YIN TE, KHAMS GSUM LA SKYO SHAS CHUNG BA'I PHYIR, ZHES DANG LAM RIM LAS, SNGON MI'I RTEN LA LAM LA SBYANGS PA'I BAG CHAGS 'JUG PA'I DBANG GIS 'DOD LHA KHA CIG DANG POR BDEN PA MTHONG BA'I RTEN DU RUNG YANG, KHAMS GONG MA'I RTEN LA DANG POR 'PHAGS LAM THOB PA MI SRID CING, ZHES GSUNGS PA DANG 'GAL BA'I PHYIR, NGAN SONG BA DANG SGRA MI SNYAN PA'I RTEN LA DE DNGOS SU GSAR DU SKYE BA MED DE, DE RNAMS RNAM SMIN GYI SGRIB PA SHAS CHEN PO DANG LDAN PA'I PHYIR, GNYIS PA LA, THEG CHEN GYI MTHONG LAM DE BSAM GTAN GYI DNGOS GZHI'I SEMS LA BRTEN NAS DNGOS SU GSAR DU SKYE BA YIN TE, DE DNGOS SU GSAR DU SKYE BA'I SEMS RTEN YOD, DER GYUR PA'I GZUGS MED KYI DNGOS GZHI YANG MED, DER GYUR PA'I BSAM GTAN GYI NYER BSDOGS KYANG MED, DE 'DRA'I 'DOD SEMS KYANG MED BA'I PHYIR; GNYIS PA GRUB STE, BSDU BA LAS, BDEN PA RNAMS MNGON PAR RTOGS PA NI BSAM GTAN RNAMS KHO NA DANG, ZHES DANG, GZUGS MED PA'I SNYOMS PAR ZHUGS PA NI MA YIN TE, 'DI LTAR GZUGS MED PA'I SNYOMS PAR 'JUG PA'I LAM NI ZHI GNAS SHAS CHE BA YIN NA LHAG MTHONG SHAS CHE BA MA YIN PAS, LHAG MTHONG SHAS CHUNG BA'I LAM GYI DANG POR BDEN PA RNAMS MNGON PAR MI RTOGS TE, ZHES GSUNGS PA'I PHYIR, GSUM PA GRUB STE, BYANG SEMS SBYOR LAM PA

054b

YIN NA, BSAM GTAN GYI DNGOS GZHI'I SNYOMS 'JUG THOB PAS KHYAB PA GANG ZHIG ,LAM SLAB? DNGOS GZHI BOR NAS DKA' BA NYER BSDOGS LA BRTEN PA LA DGOS PA MED PA'I PHYIR, BZHI PA GRUB STE, RNAM BSHAD LAS, 'GREL CHEN DU SGOM LAM 'DOD SEMS DANG SRID RTZE'I SEMS LA BRTEN BAR BSHAD KYANG DES MTHONG LAM YANG MTSON MI NUS SAM SNYAM MO, ,ZHES GSUNGS PA'I PHYIR, THEG CHEN GYI MTHONG LAM DNGOS SU GSAR DU SKYE BA'I SEMS RTEN DU GYUR PA'I 'DOD SEMS DANG SRID RTZE'I SEMS DANG BSAM GTAN GYI NYER BSDOGS RNAMS NI MED DE, 'GREL CHEN LAS, GANG YANG 'DOD PA KHAMS DANG SRID RTZE NA, BYANG CHUB LAM GYI YAN LAG SPANGS ZHES BYA BA NI THABS LA MI MKHAS PA'I PHYIR NYAN THOS KYI DBANG DU BYAS PA YIN GYI DE DANG 'DI LA 'GAL BA MED DO ZHES BYA BA NI KHA CIG GI'O, ,ZHES GSUNGS PA'I PHYIR DANG, BSDU BA LAS, BSAM GTAN DANG PO'I NYER BSDOGS MI LCOGS MED PA LA BRTEN NAS MNGON PAR RTOGS PAR 'GYUR GYI ZHES GSUNGS PA'I PHYIR, GNYIS PA MTHONG SGOM GYI RNAM GZHAG BSHAD PA LA, MTSAN NYID, DBYE BA, MTHONG SPANG SPONG TSUL JI LTAR BSTAN PA, SKAD CIG MA DUR SKYE BA DPYAD PA'O, ,DANG PO LA, RANG RGYUD LDAN GYI GANG ZAG GI RGYUD KYI STONG NYID MNGON SUM DU RTOGS PA'I SHES RAB KYIS ZIN PA'I THEG CHEN GYI BDEN PA MNGON RTOGS DE, THEG CHEN GYI MTHONG LAM GYI MTSAN NYID, KHA CIG ,SBYOR LAM CHOS MCHOG GI MJUG THOGS DE MA THAG TU BDEN BZHI'I RNAM PA BCU DRUG LA DMIGS NAS SPROS BRAL MNGON YUM? DU RTOGS PA'I TING NGE 'DZIN SHES RAB MTSUNGS LDAN

055a

, ,DANG BCAS PA GANG ZHIG ,SBYIN SOGS SPYOD PA'I RIGS MTHA' DAG GIS ZIN PA DE, THEG CHEN GYI MTHONG LAM GYI MTSAN NYID, KHA CIG ,DE THEG CHEN THUN MONG MA YIN PA'I MTHONG LAM GYI MTSAN NYID, KHA CIG ,DE SKABS 'DIR DNGOS SU BSTAN PA'I THEG CHEN GYI MTHONG LAM GYI MTSAN NYID ZER BA RNAMS MI 'THAD DE, RIM PA LTAR GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM DANG, BYANG SEMS MTHONG LAM PA'I RGYUD KYI KUN RDZOB SEMS BSKYED DANG, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI MTHONG LAM BAR CHAD MED LAM RNAMS KYIS MA NGES PA'I PHYIR, KHA CIG ,SPROS BRAL MNGON SUM DU RTOGS PA'I THEG CHEN GYI BDEN PA MNGON RTOGS DE, SKABS 'DIR DNGOS SU BSTAN PA'I THEG CHEN GYI MTHONG LAM GYI MTSAN NYID ZER BA MI 'THAD DE, SKABS 'DIR DNGOS SU BSTAN PA'I THEG CHEN GYI MTHONG LAM YIN NA, THEG CHEN GYI MTHONG LAM SHES BZOD SKAD CIG MA BCU DRUG PO GANG RUNG YIN DGOS PA'I PHYIR, KHA CIG ,SRID ZHI GNYIS KA'I MTHA' 'GOG BYED KYI THEG CHEN GYI BDEN PA MNGON RTOGS DE, THEG CHEN GYI MTHONG LAM GYI MTSAN NYID ZER NA, BYANG SEMS MTHONG LAM BA'I RGYUD KYI SNYING RJE CHEN PO CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, DON DAM LA LTOS TE SRID ZHI'I MTHA' 'GOG BYED KYI THEG CHEN GYI BDEN PA MNGON RTOGS SU THAL, 'DOD PA GANG ZHIG ,KUN RDZOB LA LTOS TE DE MA YIN PA'I PHYIR, KUN RDZOB LA LTOS TE SRID

055b

MTHA' 'GOG BYED KYI DE MA YIN PA'I PHYIR TE, BDAG MED PHRA RAGS GANG RUNG MA RTOGS PA'I PHYIR, RTZA BAR 'DOD MI NUS TE, SRID ZHI BDEN STONG DU RTOGS PA'I YE SHES MA YIN PA'I PHYIR, GNYIS PA DBYE BA LA, THEG CHEN GYI MTHONG LAM GYI DBYE BA DNGOS DANG, SKAD CIG MA DUR BSHAD PA'O, ,DANG PO LA, THEG CHEN GYI MTHONG LAM LA DBYE NA, THEG CHEN GYI MTHONG LAM MNYAM GZHAG YE SHES DANG, THEG CHEN GYI MTHONG LAM RJES THOB YE SHES, DE GNYIS GANG RUNG MA YIN PA'I THEG CHEN GYI MTHONG LAM DANG GSUM DU YOD, RANG YUL DU GYUR PA'I BDAG MED LA RTZE GCIG TU MNYAM PAR BZHAG PA'I THEG CHEN GYI BDEN PA MNGON RTOGS DE, DANG PO'I MTSAN NYID, DBYE NA, THEG CHEN GYI MTHONG LAM BAR CHAD MED LAM DANG, THEG CHEN GYI MTHONG LAM RNAM GROL LAM DANG, DE GNYIS GANG RUNG MA YIN PA'I THEG CHEN GYI MTHONG LAM MNYAM GZHAG YE SHES DANG GSUM DU YOD, STONG NYID LA RTZE GCIG TU MNYAM BAR BZHAG PA'I YE SHES GANG ZHIG ,RANG GI NGOS SKAL GYI SPANG BYAR GYUR PA'I BDEN 'DZIN KUN BTAGS KYI DNGOS GNYEN BYED PA'I THEG CHEN GYI BDEN PA MNGON RTOGS DE, DANG PO'I MTSAN NYID, DBYE NA, THEG CHEN GYI MTHONG LAM BZOD PA BRGYAD YOD, DE GANG ZHIG ,RANG DANG MNYAM GZHAG THUN GCIG LAS SKYES PA'I THEG CHEN GYI MTHONG LAM BAR CHAD MED LAM GYI NGOS SKAL GYI SGRIB PA LAS GROL BA'I THEG CHEN GYI BDEN PA MNGON RTOGS, GNYIS PA'I MTSAN NYID, DBYE NA THEG CHEN GYI MTHONG LAM SHES PA BRGYAD YOD, THEG CHEN GYI MTHONG LAM BAR CHAD MED LAM YIN

056a

, ,NA; BDEN 'DZIN KUN BTAGS KYI DNGOS GNYEN BYED PAS MA KHYAB STE, BDEN 'DZIN KUN BTAGS KYI RGYUR GYUR PA'I THEG CHEN GYI MTHONG LAM BAR CHAD MED LAM YOD PA'I PHYIR, BDEN 'DZIN KUN BTAGS SPANGS PA'I THEG CHEN GYI MTHONG LAM MNYAM GZHAG YE SHES YIN NA, THEG CHEN GYI MTHONG LAM RNAM GROL LAM YIN PAS MA KHYAB STE, THEG CHEN GYI MTHONG LAM RJES THOB YE SHES KYI RJES SU SLAR YANG CHOS NYID LA RTZE GCIG TU MNYAM PAR BZHAG PA'I THEG CHEN GYI MTHONG LAM MNYAM GZHAG YE SHES DE THEG CHEN GYI MTHONG LAM BAR CHAD MED LAM DANG RNAM GROL LAM GANG RUNG MA YIN PA'I PHYIR, THEG CHEN GYI MTHONG LAM MNYAM GZHAG YE SHES LAS LANGS PA'I THEG CHEN GYI BDEN PA MNGON RTOGS GANG ZHIG ,RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA, THEG CHEN GYI MTHONG LAM RJES THOB YE SHES KYI MTSAN NYID, DBYE NA, MNYAM GZHAG SHES BZOD SKAD CIG MA BCU DRUG GIS DRANGS PA'I RJES THOB BCU DRUG YOD, KHA CIG ,BDEN 'DZIN KUN BTAGS SPANGS PA'I THEG CHEN GYI BDEN BA MNGON RTOGS, THEG CHEN GYI MTHONG LAM RNAM GROL LAM GYI MTSAN NYID DU 'DOD PA MI 'THAD DE, THEG CHEN GYI MTHONG LAM RJES THOB YE SHES KYIS MA NGES PA'I PHYIR, KHA CIG ,THEG CHEN GYI MTHONG LAM RJES THOB YE SHES LA RTOG PAS KHYAB PAR 'DOD PA MI 'THAD DE, THEG CHEN GYI MTHONG LAM RJES THOB YE SHES LA GNAS PA'I SEMS DPA'I RGYUD KYI GZUGS BDEN STONG SGYU MA LTA BUR

056b

MNGON SUM DU RTOGS PA'I YE SHES DE THEG CHEN GYI MTHONG LAM RJES THOB YE SHES YIN PA'I PHYIR TE, RTAGS SNGAR BZHIN NO, ,KHA CIG GIS, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI MTHONG LAM BAR CHAD MED LAM DE RNAM GROL LAM YIN TE, DE DGE SBYONG TSUL GYI 'BRAS BU YIN PA'I PHYIR NA MA KHYAB, KHO NA RE, DE CHOS CAN, RNAM GROL LAM DU THAL, NYON SGRIB SPANGS PA'I MNYAM GZHAG YE SHES YIN PA'I PHYIR, KHYAB STE, SHES SGRIB SPANGS PA'I MNYAM GZHAG YE SHES YIN NA, RNAM GROL LAM YIN DGOS PA'I PHYIR ZER NA MA KHYAB, GNYIS PA SKAD CIG MA DUR BSHAD PA LA, SDE BA RNAMS LA GRANGS MANG NYUNG GI 'DOD TSUL MANG DU YOD KYANG, GRAGS CHE BA LA, MDZOD LAS, 'DI LA SKAD CIG BCO LNGA NI, , MA MTHONG MTHONG PHYIR MTHONG BA'I LAM, ,ZHES MTHONG LAM SKAD CIG BCO LNGAR BSHAD, YUM GYI RGYAN 'DI DANG KUN BTUS LAS SKAD CIG MA BCU DRUG TU BSHAD DO, ,GSUM PA MTHONG SPANG SPONG TSUL JI LTAR BSTAN PA LA, BSHAD TSUL 'GOD PA DANG, 'THAD MI 'THAD DPYAD PA'O, ,DANG PO LA, CHOS MNGON PA NAS JI LTAR BSHAD PA DANG, RJES 'BRANG RNAMS KYIS JI LTAR BKRAL BA GNYIS LAS, DANG PO NI, MDZOD LAS, CHOS BZOD BZHI 'DOD PA'I SAS BSDUS KYI BDEN PA BZHI'I MTHONG SPANG SPONG BA'I BAR CHAD MED LAM DANG, CHOS SHES BZHI DE SPANGS PA'I RNAM GROL LAM DANG, RJES BZOD BZHI KHAMS GONG MA'I SAS BSDUS KYI BDEN PA BZHI'I MTHONG SPANG SPONG BA'I BAR CHAD MED LAM DANG, RJES SHES BZHI'I SPANGS PA'I RNAM GROL

057a

, ,LAM DU BSHAD LA, KUN BTUS KYI LUGS LA, THEG CHEN GYI MTHONG LAM SDUG BSNGAL CHOS BZOD KYI KHAMS GSUM GA'I SDUG BSNGAL MTHONG SPANG SPONG ZHING, SDUG BSNGAL CHOS SHES DE SPANGS PA'I RNAM GROL LAM DANG, SDUG BSNGAL RJES BZOD KYIS SDUG BSNGAL CHOS BZOD DANG CHOS SHES GNYIS LA DMIGS NAS 'DI NI 'PHAGS PA'I CHOS RNAMS KYI RGYU'O ZHES 'DZIN LA, SDUG BSNGAL RJES SHES KYI RJES BZOD LA DMIGS NAS SNGAR LTAR 'DZIN CING, DES LHAG MA RNAMS LA RIGS 'DRA BAR BSHAD DE, KUN BTUS LAS, SDUG BSNGAL LA CHOS SHES PA'I BZOD PA GANG ZHE NA SNGAR RNAM PAR DPYAD PA'I DBANG DU BYAS NAS SO SOR RANG LA MNGON SUM DU GYUR PA'I ZAG PA MED PA'I SHES RAB STE, GANG GIS SDUG BSNGAL MTHONG BAS SPANG BAR BYA BA'I NYON MONGS PA SPONG BA DE SDUG BSNGAL LA CHOS SHES PA'I BZOD PA ZHES BYA'O, ,CHOS SHES PA GANG ZHE NA, SHES PA GANG GI BZOD PA'I MJUG THOGS SU RNAM PAR GROL BAR MNGON SUM DU BYED PA'O,, SDUG BSNGAL LA RJES SU RTOGS PAR BYED PA'I BZOD PA GANG ZHE NA, SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA 'DI GNYIS 'PHAGS PA'I CHOS RNAMS KYI RGYU'O ZHES SO SO RANG LA MNGON SUM DU GYUR PA'I ZAG PA MED PA'I SHES RAB BO, ,SDUG BSNGAL LA RJES SU RTOGS PAR SHES PA GANG ZHE NA, SDUG BSNGAL LA RJES SU SHES PA'I BZOD PA STE NGES PAR 'DZIN PA'O, ,BDEN PA LHAG MA RNAMS LA YANG BZOD PA DANG SEMS PA RNAMS CI RIGS SU SBYAR BAR SHES

057b

PAR BYA'O ZHES GSUNGS PA'I PHYIR, GNYIS PA LA, DPAL LDAN ZLA BAS MDZAD ZER BA'I PHUNG PO LNGA'I RAB BYED LAS, SPANG BYA'I GRANGS DANG, GNYEN POS SPONG TSUL RNAMS MDZOD LAS BSHAD PA LTAR BSHAD LA, SLOB DPON 'DIS NI SPANG BYA'I GRANGS LA SOGS PA RNAMS KUN BTUS LAS BYUNG BA BZHIN BSHAD, THUB PA DGONGS RGYAN GYI LE'U GNYIS PAR SPANG BYA'I GRANGS GNYEN POS SPONG TSUL BAR CHAD MED LAM DANG RNAM GROL LAM DU 'GYUR TSUL DANG PO BCO LNGA MTHONG LAM DANG, BCU DRUG PA SGOM LAM DU 'DOD PA MDZOD LTAR BSHAD NAS, LE'U GSUM PAR SPANG BYA'I GRANGS KUN BTUS LTAR DANG, GNYEN POS SPONG TSUL DANG LAM GNYIS SU 'JOG TSUL MDZOD LTAR BSHAD PA SOGS MI 'DRA BA DU MA BYUNG NGO, ,GNYIS PA NI, MDZOD LAS DE LTAR GSUNGS PA DE SNGAR KHAMS GONG 'OG GI BDEN PA SO SOR GTAN LA PHAB PA'AM, KHAMS GONG 'OG GI SPANG BYA SPONG BA'I BYED LAS KYI SGO NAS CHOS SHES DANG RJES SHES PHYOGS MTHUN DU BSHAD LA, THUB DGONGS LAS SPANG BYA KUN BTUS LTAR DANG SPONG TSUL MDZOD BZHIN DU BSHAD PA MI 'THAD DE, DE KUN BTUS DANG 'GAL BA'I PHYIR, PHUNG PO LNGA'I RAB BYED CES PA DE DPAL LDAN ZLA BAS MDZAD PA MA YIN TE, DER PHAL CHER BYE BRAG SMRA BA'I 'DOD PA BKOD PA'I BSHAD PA BYAS; DPAL LDAN ZLA BAS DON SMRA GNYIS KYI RNAM GZHAG RNAMS KUN RDZOB TZAM DU GRUB PAR 'DOD PA LA YANG DGAG PA MDZAD PA'I PHYIR, DES NA RANG LUGS NI KUN BTUS SU BSHAD PA LTAR 'THAD DE, LEGS BSHAD GSER GYI PHRENG BAR, CHOS

058a

, ,BZOD NYID KHAMS GSUM GA'I MTHONG SPANG GI GNYEN POR GSUNGS PA'I RJES SU BZANG PO'I ZHABS LA SOGS PA MKHAS PA DU MA ZHIG GIS 'BRANGS SO ZHES GSUNGS PA'I PHYIR, DE'I TSUL YANG, THEG CHEN GYI MTHONG LAM SDUG BSNGAL CHOS BZOD NI SDUG BDEN GYI CHOS NYID LA RTZE GCIG TU MNYAM PAR BZHAG PA'I SGO NAS SDUG BSNGAL MTHONG SPANG GI DNGOS GNYEN BYED PA'I BAR CHAD MED LAM YIN, DE'I CHOS SHES NI DE SPANGS PA'I RNAM GROL LAM DANG, DE'I RJES BZOD NI SNGA MA GNYIS RGYU 'BRAS SU RTOGS PA'I NUS PA THOB PA'I BAR CHAD MED LAM DANG, DE'I RJES SHES NI RJES BZOD DE YUL DU BYED PA'I NUS PA THOB PA'I RNAM GROL LAM YIN, DES SHES BZOD LHAG MA BCU GNYIS LA YANG RIGS 'BRE STE SHES PAR BYA LA, SKAD CIG MA BCU DRUG PO DE THAMS CAD MTHONG LAM YIN TE, MTHONG LAM SKAD CIG MA BCO LNGA KHO NAR 'DOD PA MI RIGS TE, LAM RJES BZOD DANG LAM RJES SHES GNYIS MTHONG LAM YIN MIN MTSUNGS PA'I PHYIR, DE LTAR YANG, RGYAN SNANG LAS, SO SO RANG GI GDUL BYA'I BDEN PA MNGON SUM DU NYAMS SU MYONG BA'I SHES PA ZAG PA MED PA GANG GIS SDUG BSNGAL MTHONG BAS SPANG BAR BYA BA'I NYON MONGS PA SPONG BA DE NI SDUG BSNGAL LA CHOS SHES PA'I BZOD PA ZHES BYA'O; ;SHES PA GANG GIS BZOD PA'I RJES THOGS LA RNAM PAR GROL BA MNGON SUM DU BYED PA DE NI SDUG BSNGAL LA CHOS SHES PA ZHES BYA'O, SDUG BSNGAL LA CHOS SHES PA'I RJES THOGS LA SDUG BSNGAL LA CHOS SHES PA'I BZOD PA

058b

DANG, SDUG BSNGAL LA CHOS SHES PA 'DI NI 'PHAGS PA'I CHOS RNAMS KYI RGYU'O, ,ZHES SO SO RANG LA MNGON SUM DU RJES SU MYONG BA'I SHES PA ZAG PA MED PA GANG YIN PA DE NI SDUG BSNGAL LA RJES SU SHES PA'I BZOD PA ZHES BYA'O, ,SHES PA GANG GIS RJES SU SHES PA'I BZOD PA NGES PAR 'DZIN PA DE NI SDUG BSNGAL LA RJES SU SHES PA ZHES BYA'O, ,ZHES DANG, DE BZHIN DU BDEN PA LHAG MA RNAMS LA YANG BZOD PA DANG SHES PA DAG CI RIGS PAR SHES PAR BYA STE, ZHES DANG, SKAD CIG MA BCU DRUG PO 'DI NYID NI MTHONG BA'I LAM YIN PAR RIGS PA'I PHYIR, SKAD CIG BCO LNGA LA NI LAM LA RJES SU SHES PA'I BZOD PA NGES PAR 'DZIN PAR MI 'GYUR RO, ,ZHES GSUNGS PA'I PHYIR, THEG CHEN GYI MTHONG LAM CHOS BZOD BZHI DANG CHOS SHES BZHI DE BZHIN NYID RTOGS PA'I CHA NAS BSTAN NAS, DE'I RJES BZOD BZHI DANG RJES SHES BZHI YUL CAN YE SHES RTOGS PA'I LDOG CHA NAS BSTAN PA SLOB DPON GYI DGONGS PA YIN TE, 'GREL CHEN LAS, CHOS SHES PA'I BZOD PA DANG CHOS SHES PA NI GZUNG PA RTOGS LA, RJES SU SHES PA DANG RJES SU SHES PA'I BZOD PA NI 'DZIN PA RTOGS SO, ,ZHES DANG, KUN BTUS LAS, DE LA CHOS SHES PA'I BZOD PA DANG CHOS SHES PA RNAMS KYIS NI GZUNG BA RTOGS SO, ,RJES SU SHES PA'I BZOD PA DANG RJES SU SHES PA NI 'DZIN PA RTOGS SO, ,ZHES GSUNGS PA'I PHYIR, THEG CHEN GYI MTHONG LAM SHES BZOD SKAD CIG MA BCU DRUG PO THAMS CAD STONG NYID LA GNYIS SNANG NUB PA'I SGO NAS MTSAN 'DZIN GYI SPROS PA MED PA'I MNYAM GZHAG YE SHES

059a

, ,YIN TE; RGYAN SNANG LAS, BZOD PA DANG SHES PA THAMS CAD LA NI MTSAN MA MED PAR GNAS PA'I RNAL 'BYOR PA KHO NAR SHES PAR BYA'O, ,ZHES DANG, KUN BTUS LAS, BZOD PA DANG SHES PA THAMS CAD LA YANG MTSAN MA MED PAR GNAS PA'I RNAL 'BYOR CAN DU RIG PAR BYA'O, ,ZHES GSUNGS PA'I PHYIR, DES NA THEG CHEN GYI MTHONG LAM BAR CHAD MED LAM DES BDEN BZHI'I CHOS NYID LA GNYIS SNANG NUB PA'I SGO NAS CHOS BZOD BZHI DANG, CHOS BZOD BZHI SHUGS LA RTOGS PA'I SGO NAS RJES BZOD BZHIR BZHAG CING, THEG CHEN GYI MTHONG LAM RNAM GROL LAM DES BDEN BZHI'I CHOS NYID RTOGS PA'I CHA NAS CHOS SHES BZHIS, CHOS SHES BZHI SHUGS LA RTOGS PA'I CHA NAS RJES SHES BZHIR BZHAG PAS, DE BCU DRUG PO DE STONG NYID LA RTZE GCIG TU MNYAM PAR BZHAG PA'I MNYAM GZHAG THUN GCIG YIN TE, RGYAN SNANG LAS, DGONGS PA 'DI NYID KYIS NA RIGS PA'I STOBS KYIS MTHONG BA'I LAM GYI MNGON PAR RTOGS PA NI SKAD CIG MA GCIG YIN PAS BCU DRUG NYID DU BSHAD PA YIN NO, ,ZHES DANG, RNAM BSHAD LAS, BDEN BZHI'I CHOS NYID SNGAR MNGON SUM DU MA RTOGS PA CHU LA CHU BZHAG PA'I TSUL GYIS GSAR DU RTOGS PA NA SNGAR 'KHOR BAR 'DRIS MA MYONG BA'I ZAB MO'I CHOS DE LA SKRAG RIGS PA LA MI SKRAG PAS NA CHOS KYI BZOD PA ZHES BYA LA, DES NA BDEN BZHI'I CHOS NYID 'JAL BA'I LDOG CHA NAS BZOD PA BZHI'O, ,DE'I RJES NAS CHOS NYID LA CHU LA CHU BZHAG TU SONG BA'I BLO DES

059b

SKRAG RIGS PA LA MI SKRAG PAR RTOGS PAS RJES KYI BZOD PA ZHES BYA LA, DE YANG BDEN BZHI'I CHOS NYID KYI YUL CAN LDOG PAS PHYE BA BZHI RTOGS PA'I RJES BZOD BZHI STE, BZOD PA BRGYAD NGO BO GCIG LA LDOG PA THA DAD PA'I TSUL DU YOD LA, DE'I DUS NA GLO BUR DRI BRAL GYI 'GOG BDEN MA THOB PA YIN NO, ,BDEN BZHI'I CHOS NYID RTOGS PA LA LTOS NAS DE DAG GI YUL CAN RTOGS PAR 'JOG PA YIN NO, ,MNYAM GZHAG DE NYID LAS MA LANGS PAR GLO BUR DRI BRAL GYI 'GOG BDEN THOB PA RNAM GROL LAM SKYES PA NA, BDEN BZHI'I CHOS NYID RTOGS PA'I CHOS SHES LDOG PAS PHYE BA BZHI DANG, YUL CAN DE NYID RTOGS PA'I RJES SHES BZHI DANG SHES PA BRGYAD NGO BO GCIG LA LDOG PA THA DAD PA'I TSUL DU YOD PAS, MNYAM GZHAG THUN GCIG GIS BDEN PA MNGON PAR RTOGS PA SKAD CIG BCU DRUG GI BDAG NYID CAN DU SKYE BA YIN NO, ,ZHES GSUNGS PA'I PHYIR, LUNG 'DI DAG GIS THEG CHEN GYI MTHONG LAM BAR CHAD MED LAM GYIS KHO RANG MA RTOGS ZER BA LEGS PAR BKAG GO ,KHO NA RE, THEG CHEN GYI MTHONG LAM BAR CHAD MED LAM GYI GZHAL BYA DON DAM BDEN PA MA YIN PAR THAL, DES KHO RANG RTOGS PA'I PHYIR, 'DOD NA, DE CHOS CAN, DON DAM BDEN PA YIN PAR THAL, DE'I DNGOS GZHAL YIN PA'I PHYIR TE, DES KHYOD DNGOS SU RTOGS PA'I PHYIR; MA GRUB NA, DE CHOS CAN, RANG GI GZHAL BYA DNGOS SU RTOGS PAR THAL, TSAD MA YIN PA'I PHYIR ZER NA MA KHYAB STE, TSUR MTHONG GI RGYUD KYI GZUGS 'DZIN DBANG MNGON CHOS CAN, DER THAL, DE'I PHYIR, 'DOD NA, DE'I GZHAL BYA TSES

060a

, ,CAN; DNGOS PO YIN PAR THAL, DES KHYOD DNGOS SU RTOGS PA'I PHYIR, GZHAN YANG, DES DE RTOGS PAR THAL, BYANG SEMS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA DES KHO RANG RTOGS PA'I PHYIR TE, LAM SGRIGS LAS, NYAN THOS KYI LAM GYI DMIGS PA LA SGRO 'DOGS CHOD PAS DE LA SGRO 'DOGS CHOD PA YIN NO, ,ZHES GSUNGS PA'I PHYIR, DES NA THEG CHEN GYI MTHONG LAM SHES BZOD DE RNAMS BYA RDZOGS KYI SKAD CIG MA YIN TE, 'GREL CHEN LAS, SKAD CIG MA NI SHES BYA LA SHES PA SKYE BA LA YONGS SU BZUNG NGO, ,ZHES DANG, KUN BTUS LAS, SKAD CIG MA NI SHES BYA LA SHES PA 'BYUNG BAR YONGS SU RDZOGS PAR RIG PAR BYA'O, ,ZHES GSUNGS PA'I PHYIR, BZHI PA SKAD CIG MA DUR SKYE BA BSHAD PA LA, 'DOD PA DGOD PA DANG, 'THAD PHYOGS BSTAN PA DANG, LUNG NAS GSUNGS TSUL DANG GSUM LAS, DANG PO LA, 'BRAS BU'I MNGON PAR RTOGS PA LA LTOS NAS SKAD CIG MA GCIG YIN ZHING SO SO'I MNGON PAR RTOGS PA LA LTOS NAS SKAD CIG MA BCU DRUG RIM CAN DU SKYE BAR 'DOD PA DANG, SO SO'I MNGON PAR RTOGS PA YANG CIG CHAR DU SKYE BAR 'DOD PA'I LUGS GNYIS LAS, DANG PO NI, KHA CIG ,BDEN BZHI LA RIM PA LTAR SHES PA DANG, SPONG BA DANG, MNGON DU BYA BA DANG, SGOM PAR BYED PA NI MTHONG LAM GYI BYA BA'I LAS YIN PAS DE'I 'BRAS BU YIN LA, DE'I DBANG DU BYAS NA MTHONG LAM SKAD CIG MA BCU DRUG PO THAMS CAD SKAD CIG MA GCIG YIN TE,

060b

THEG CHEN GYI MTHONG LAM SDUG BSNGAL CHOS BZOD KYI TSE, KUN 'BYUNG MTHONG SPANG RNAMS SPANGS PA'I PHYIR TE, DE'I DUS SU SDUG BSNGAL MTHONG SPANG SPANGS PA'I PHYIR, RTAGS GRUB STE, DE'I DUS SU SDUG BDEN GYI CHOS NYID MNGON SUM DU RTOGS PA'I PHYIR, RTZA BA KHYAB STE, KUN 'BYUNG MTHONG SPANG DE SDUG BSNGAL MTHONG SPANG GI RGYU YIN PA GANG ZHIG ,RGYU KUN 'BYUNG BDEN PA MA SPANGS PAR 'BRAS BU SDUG BDEN SPONG MI NUS PA'I PHYIR TE, MTHUN RKYEN TSANG ZHING 'GAL RKYEN DANG BRAL BA'I RGYU LAS RANG DANG RJES SU MTHUN PA'I 'BRAS BU 'BYUNG BA CHOS NYID KYI RIGS PAS GRUB PA'I PHYIR, DE'I TSE SDUG KUN MTHONG SPANG SPANGS PA'I 'GOG PA MNGON DU BYAS TE, DE'I TSE SDUG KUN MTHONG SPANG SPANGS PA'I PHYIR, DE'I TSE SDUG KUN MTHONG SPANG SPANGS PA'I RNAM GROL LAM MNGON DU BYAS TE, DE'I TSE SDUG KUN SPANGS PA'I 'GOG PA MNGON DU BYAS PA GANG ZHIG ,SDUG KUN SPANGS PA'I 'GOG BDEN DANG RNAM GROL LAM THOB PA LAM BDEN LA RAG LAS PA'I PHYIR, THEG CHEN GYI MTHONG LAM SDUG BSNGAL CHOS BZOD KYI DUS SU SDUG BSNGAL CHOS SHES, SDUG BSNGAL RJES BZOD, SDUG BSNGAL RJES SHES RNAMS KYANG RDZOGS PAR SKYES TE, DUS DER BDEN BZHI'I MTHONG SPANG MA LUS PAR SPANGS PA'I 'GOG BDEN DANG RNAM GROL LAM RDZOGS PAR THOB PA'I PHYIR TE, DUS DER SDUG KUN MTHONG SPANG SPANGS PA'I 'GOG BDEN DANG RNAM GROL LAM GNYIS RDZOGS PAR THOB PA GANG ZHIG ,RGYU MTSAN DU MA NGES PA'I PHYIR, DE'I TSE BDEN PA LHAG MA GSUM GYI SHES BZOD SKAD CIG MA BCU GNYIS RDZOGS PAR SKYES TE,

061a

, ,DE'I TSE SDUG BDEN GYI SHES BZOD SKAD CIG MA BZHI CIG CHAR DU SKYES PA GANG ZHIG ,RIGS PA MTSUNGS PA'I PHYIR, DES NA THEG CHEN GYI MTHONG LAM GYI BYA BA'I MNGON PAR RTOGS PA 'BRAS BU'I MNGON PAR RTOGS PA SKAD CIG MA GCIG KHO NA YIN TE, THEG CHEN GYI MTHONG LAM SDUG BSNGAL CHOS BZOD SKYE BA'I SKAD CIG DE NYID LA THEG CHEN GYI MTHONG LAM SKAD CIG MA BCU DRUG PO RDZOGS PAR SKYE ZHING, BDEN BZHI'I MTHONG SPANG MA LUS PAR SPANGS PA'I 'GOG LAM RNAMS RDZOGS PAR THOB PA'I PHYIR, SO SO'I MNGON PAR RTOGS PA RIM CAN DU SKYE STE, THEG CHEN GYI MTHONG LAM MNYAM GZHAG THUN GCIG LA BDEN BZHI LA DMIGS PA'I LOG ZHUGS BCU DRUG SPONG BA'I NUS PA BCU DRUG RIM CAN DU SKYE BAR 'GYUR BA'I PHYIR, BYANG SEMS MTHONG LAM PA DE NYID LA ZHUGS GNAS KYI RNAM GZHAG 'THAD DE, SO SOR RTOGS PA'I MNGON RTOGS KYI DBANG DU BYAS NAS MNYAM GZHAG THUN GCIG LA LOG ZHUGS BCU DRUG SEL BA'I NUS PA BCU DRUG RIM CAN DU SEL BA'I NUS PA RIM CAN DU THOB PA'I PHYIR ZHES ZER, DE LTAR YANG RGYAN SNANG LAS, RGYU MA TSANG BA MED PAR SPONG MI NUS PA'I PHYIR SDUG BSNGAL MTHONG BAS SPANG BAR BYA BA'I DUS SU KUN 'BYUNG SPONG NGO, ,DE NYID KYIS NA 'GOG PA MNGON DU BYED DO, ,DE YANG GZHAN DU MI 'THAD PA'I LAM SGOM MO, ,KUN 'BYUNG LA SOGS PA LA DE BZHIN NO, ,THEG PA CHEN PO LA NI 'BRAS BU'I MNGON PAR RTOGS PAS SKAD CIG MA GCIG LA MNGON PAR RTOGS PA NI MTHONG BA'I LAM DU BLTA BAR BYA'O, ,BDEN

061b

PA RE RE LA YANG PHYIN CI LOG RNAM PAR BSAL BAS SO SOR RTOGS PA'I MNGON PAR RTOGS PA LA SKAD CIG MA BCU DRUG KHO NAS MNGON PAR SHES PA YIN NO, ,KHA CIG LA NI 'DIR ZHUGS PA NYID LA SOGS PA'I RNAM GZHAG LEGS PAR GNAS SO ZHES ZER RO, ,ZHES GSUNGS, GNYIS PA LA, GZHAN DAG NA RE, THEG CHEN GYI MTHONG LAM SDUG BSNGAL CHOS BZOD KYI DUS DER BDEN BZHI'I CHOS NYID MNGON SUM DU RTOGS ZIN TE, DE'I TSE CHOS THAMS CAD BDEN GRUB KYI DNGOS POR MED PA DANG, BDAG MED PA DANG, STONG PA NYID DU RTOGS PA'I SGOM PA YONGS SU RDZOGS PA YIN PA'I PHYIR TE, DE LTAR YANG RNAM 'GREL LAS, DON GYI DBANG GI NGO BO GCIG ,BDAG NYID MNGON SUM YIN PA LA, ,TSAD MA GZHAN GYI BRTAG BYA GANG, ,MA MTHONG CHA GZHAN CI ZHIG YOD,, CES GSUNGS PA'I RIGS PA LA BRTEN NAS GRUB PA'I PHYIR, DE'I TSE MTHONG SPANG DU GYUR PA'I 'JIG LTA DANG 'DOD CHAGS LA SOGS PA'I NYON MONGS THAMS CAD ZAD PAR SPANGS PA YIN TE, DE'I TSE BDEN 'DZIN KUN BTAGS THAMS CAD ZAD PAR SPANGS PA'I PHYIR, KHYAB STE, 'DOD CHAGS LA SOGS PA'I NYON MONGS PA THAMS CAD DNGOS PO BDEN GRUB TU ZHEN CING ZHEN PA LAS 'BYUNG BA'I PHYIR, THEG CHEN GYI MTHONG LAM SDUG BSNGAL CHOS BZOD DES BDEN 'DZIN KUN BTAGS THAMS CAD SPONG BAR NUS PA'I RGYU MTSAN YOD DE, DE 'DRA BA DE NI BDEN 'DZIN KUN BTAGS KYI ZHEN YUL MED PAR MTHONG BA'I SGO NAS DE YONGS SU SBYONG BA DANG, BDEN BZHI'I RNAM PA LHAG MA RNAMS SDUG BDEN GYI STONG PA BDAG MED RTOGS PA'I SDUG

062a

, ,BSNGAL LA CHOS BZOD THOB PAR BYED PA'I THABS RNAM DAG YIN PA'I PHYIR, SO SO'I MNGON RTOGS LAS KYANG THEG CHEN GYI MTHONG LAM SHES BZOD SKAD CIG MA BCU DRUG SKAD CIG MA GCIG KHO NA YIN TE, SDUG BSNGAL LA CHOS BZOD KYI DUS DER BDEN BZHI'I CHOS NYID MNGON SUM DU RTOGS PA'I ZAG MED KYI YE SHES RDZOGS PAR SKYE BA'I STOBS KYIS BDEN BZHI'I MTHONG SPANG THAMS CAD MA LUS PAR SPANGS PA'I PHYIR ZHES ZER, DE LTAR YANG RGYAN SNANG LAS, GZHAN DAG NI 'JIG TSOGS LA SOGS PA'I LTA BA'I TSOGS DANG, 'DOD CHAGS LA SOGS PA'I NYON MONGS PA'I TSOGS NI DNGOS PO RNAMS YANG DAG PAR KHAS LEN PA'I PHYIN CI LOG GIS KUN NAS BSLANGS PA YIN LA, GROL BA NI DMIGS SU MED PA MTHONG BA DANG; DE'I YONGS SU SBYONG BAR 'GYUR BA NYID KYIS DE'I DON DU RNAM PA LHAG MA GOMS PAR 'GYUR RO, ,JI SKAD DU BSHAD PA'I SGRUB PA'I CHOS THAMS CAD DNGOS PO MED PA'AM, BDAG MED PA'AM STONG PA ZHES SGOM PA'I STOBS RDZOGS PA YIN TE, DON KYI RANG GI NGO BO GCIG ,BDAG NYID MNGON SUM YIN PA LA, ,TSAD MA GZHAN GYI BRTAG BYA GANG, ,MA MTHONG CHA GZHAN CI ZHIG YOD, ,CES GSUNGS PA'I TSUL GYIS RNAM PA THAMS CAD DU RANG GI RTOGS PAR BYED PA'I SHES PA ZAG PA MED PA, CHOS THAMS CAD KYI YUL LAS SKYE BAR 'GYUR RO, ,DE LTAR NA SO SO'I MNGON PAR RTOGS PA LA SKAD CIG MA GCIG LA MNGON PAR RTOGS PA NI MTHONG BA'I LAM YIN NO ZHES ZER RO, ,ZHES GSUNGS, GNYIS PA 'THAD PHYOGS BSTAN PA LA, LUGS DANG PO

062b

DE MI 'THAD DE, SDUG BSNGAL MTHONG SPANG GI DNGOS GNYEN BAR CHAD MED LAM DANG, DE ZAD PAR SPANGS PA'I RNAM GROL LAM GNYIS CIG CHAR DU 'THOB PAR THAL, SDUG BDEN GYI CHOS NYID MNGON SUM DU RTOGS PA'I DUS DER SDUG BSNGAL MTHONG SPANG SPANGS PA'I 'GOG LAM GYI BDEN PA GNYIS RDZOGS PAR THOB PA'I PHYIR, 'ON KYANG SDUG BSNGAL CHOS BZOD KYI DUS DER SDUG BSNGAL MTHONG SPANG SPANGS PA'I 'GOG BDEN MNGON DU BYED 'GYUR GYI DBANG DU BYAS SO ZHE NA, THEG CHEN GYI MTHONG LAM BYA BA'I MNGON RTOGS SKAD CIG MA GCIG YIN LA, SO SO'I RTOGS PA'I MNGON RTOGS SKAD CIG MA BCU DRUG TU DBYE BA BYAS PA DON MED PAR THAL, BYA BA'I MNGON RTOGS KYI DBANG DU BYAS NAS KYANG THEG CHEN GYI MTHONG LAM SKAD CIG MA BCU DRUG TU 'BYED RIGS PA'I PHYIR TE, DE'I DBANG DU BYAS NAS KYANG 'GOG PA MNGON DU BYED PA'I NUS PA DANG, LAM SGOM PA'I NUS PA RNAMS RIM GYIS THOB PAR 'GYUR BA'I PHYIR, MDOR NA 'KHOR GSUM KHAS BLANGS TE, THEG CHEN GYI MTHONG LAM DE NYID KYIS LOG ZHUGS BCU DRUG SPONG BA'I NUS PA BCU DRUG RIM CAN DU THOB PAR 'GYUR BA'I RGYU MTSAN GYIS DE LA SO SOR RTOGS PA'I MNGON PAR RTOGS PA BCU DRUG TU PHYE BA'I PHYIR, DE LTAR YANG RNAM BSHAD LAS, 'DI SLOB DPON GYIS BZHED PA MA YIN ZHING RIGS PAS KYANG MI 'THAD DE, SDUG BSNGAL GYI CHOS NYID GSAR DU RTOGS PA'I DUS SU 'GOG PA MNGON DU BYAS NAS, 'GOG BDEN LA LAM BDEN SNGON DU 'GRO MI DGOS PAR THAL BA DANG, GZHI GCIG GIS BAR CHAD MED LAM DANG RNAM GROL

063a

, ,LAM CIG CHAR DU SKYE BAR THAL BA'I PHYIR RO, ,'ON TE 'GOG PA MNGON DU BYED PAR 'GYUR BA LA ZER NA, SNGA PHYI GNYIS KA LA SKAD CIG MA GCIG DANG BCU DRUG GIS DBYE BA DON MED PAR THAL BA'I PHYIR RO ZHES GSUNGS, LUGS GNYIS PA YANG MI 'THAD DE, SHES BYA CHOS CAN, BYANG SEMS MTHONG LAM PA DE NYID LA MTHONG LAM BAR CHAD MED LAM LA GNAS PA'I TSE RGYUN ZHUGS ZHUGS PA'I MING CAN MTHONG LAM RNAM GROL LAM LA GNAS PA'I TSE RGYUN ZHUGS KYI MING CAN GYI RNAM GZHAG MI 'THAD PAR THAL, THEG CHEN GYI MTHONG LAM BAR CHAD MED LAM DANG THEG CHEN GYI MTHONG LAM RNAM GROL LAM CIG CHAR DU SKYE BA'I PHYIR, RTAGS KHAS, DE LTAR YANG RNAM BSHAD LAS, 'DI BAR CHAD MED LAM DANG RNAM GROL LAM SNGA PHYI RIM CAN DU MI SKYE BAR SKAD CIG MA GCIG TU 'DOD PA YIN TE, GZHAN DU ZHUGS GNAS KYI RNAM GZHAG MI 'THAD PA'I THAL BA 'DI LA 'PHEN PA MI RIGS PA'I PHYIR RO, ,'DI YANG SLOB DPON GYIS BZHED PA MA YIN TE, BZOD PA DANG SHES PA YANG RIM CAN DU SKYE BAR BZHED PA'I PHYIR, ZHES GSUNGS, DES NA RANG LUGS GANG LTAR BZHED SNYAM NA, 'DI LA 'GREL CHEN DU, THEG CHEN GYI MTHONG LAM SDUG BSNGAL CHOS BZOD DE NYID KYIS MNGON SUM DU MA RTOGS PA'I BDEN BZHI'I CHOS NYID SHES BZOD LHAG MA RNAMS KYIS GOMS PAR 'GYUR BA MI 'THAD PAR THAL, THEG CHEN GYI MTHONG LAM SDUG BSNGAL CHOS BZOD SKAD CIG MA GCIG KHO NAS BDEN BZHI'I CHOS NYID KYI RNAM PA THAMS CAD MNGON SUM

063b

DU RTOGS PA'I PHYIR, 'DOD NA, THEG CHEN GYI MTHONG LAM BAR CHAD MED LAM DE NYID LA ZHUGS GNAS KYI RNAM GZHAG MI 'THAD PAR THAL, 'DOD PA'I PHYIR, SNYAM DU DOGS PA BSLANGS TE LEGS PA'I LAM GYI NGES PAR 'BYUNG BA RNAMS 'DON PA LA, DE LTA NA NI SKAD CIG MA GCIG KHO NA LA RNAM PA THAMS CAD RTOGS PA YIN PAS, RNAM PA GZHAN DAG GIS MA MTHONG BA'I LAM SGOM PA GZHAN PA MI 'THAD PA'I PHYIR, ZHUGS PA NYID LA SOGS PA'I GNAS SKABS SU JI SKAD 'GYUR, ZHES NGES PAR 'BYUNG BA'I LEGS PA'I LAM GYIS NGES PAR 'BYUNG BA'I RJES SU 'BRANG BA RNAMS 'DON NO, ,ZHES GSUNGS, DE'I LAN STON PA LA, RGYAN SNANG LAS, DE LTA YIN DU CHUG NA, GZUGS CHOS MTHUN PA MTHONG BA LA, ,NYA PHYIS LA DNGUL RNAM PA LTAR, ,GAL TE 'KHRUL BA'I RGYU MTSAN GYIS, ,YON TAN GZHAN SBYOR MI BYED NA, ,GANG DU YANG RANG 'KHRUL PA'I RGYUS SGRO 'DOGS PA'I RNAM PA GZHAN DGAG PA YIN LA, PHYIN CI LOG LAS BYUNG BA'I NYON MONGS PA DANG BCAS PA DRUNG NAS 'BYIN PA'I RNAM PA GZHAN DAG GI SGOM PA GZHAN YANG YOD PAS BRGYAD PA LA SOGS PA'I GNAS SKABS LEGS PAR GNAS PA YIN LA, DGONGS PA 'DI DANG RIGS PA'I STOBS KYIS MTHONG BA'I LAM GYI MNGON PAR RTOGS PA SKAD CIG MA GCIG YIN ZHING SKAD CIG MA BCU DRUG GI MNGON PAR RTOGS PA NYID DU BSHAD PA YIN NO, ,DE BAS NA RNAM PAR SHES PAS RANG GI NGO BO RNAM PA THAMS CAD DU BZUNG BA NYID YIN NA YANG CHA GANG LA GOMS PA BSAL BAR 'GYUR BA LA SOGS

064a

, ,PAR SGRO 'DOGS PA'I RNAM PA NGES PAR SEL BAR NUS PA DE NYID DU DE DANG 'BREL BA'I SGRIB PA SPONG BA'I TSAD MA YIN GYI GZHAN DU NI MA YIN TE, SKAD CIG MA NYID LA SOGS PA DANG 'DRA'O, ,DE LTAR NA 'PHAGS PA RNAMS SO SO'I SKYE BO RNAMS LAS KHYAD PAR CI ZHIG YOD, CES BRJOD PAR MI BYA STE, CI TZAM GYI RNAM PAS NGES PAR SEL BAR BYED, BSAL BA DE RNAMS KYI SHES PA 'KHRUL BA'I MTSAN MA DANG BRAL BA YIN LA, DE TZAM GYIS NA DE RNAMS KHYAD PAR DU 'PHAGS PA YIN NO ZHES GSUNGS, DON NI, THEG CHEN GYI MTHONG LAM SDUG BSNGAL CHOS BZOD DE NYID KYIS BDEN BZHI'I CHOS NYID MNGON SUM DU RTOGS PA YIN GYI, BYANG SEMS MTHONG LAM PA DE NYID LA BRGYAD PA LA SOGS PA'I MING CAN GYI GNAS SKABS LEGS PAR GNAS PA'I RGYU MTSAN YOD DE, THEG CHEN GYI MTHONG LAM BAR CHAD MED LAM DANG THEG CHEN GYI MTHONG LAM RNAM GROL LAM GNYIS RIM CAN KHO NAR SKYE BA'I PHYIR TE, SDUG BSNGAL CHOS BZOD KYIS BDEN BZHI'I CHOS NYID MNGON SUM DU RTOGS PA'I DUS DER MTHONG SPANG DU GYUR PA'I SGRIB GNYIS MA SPANGS PA'I PHYIR TE, BDEN BZHI'I CHOS NYID MNGON SUM DU RTOGS ZIN NAS MTHONG SPANG SGRIB GNYIS SPONG PHYIR DU BRTZON PA YOD PA'I PHYIR, BDEN BZHI'I CHOS NYID MNGON SUM DU MTHONG NA MTHONG SPANG SGRIB GNYIS SPANGS PAS MA KHYAB STE, 'DUS BYAS MI RTAG PAR MNGON SUM DU MTHONG YANG 'DRA BA GZHAN 'BYUNG GI 'KHRUL BA'I DBANG GIS RTAG PAR SGRO 'DOGS PA YOD PA'I PHYIR TE, 'DRA BA GZHAN 'BYUNG GI 'KHRUL

064b

BA'I DBANG GIS 'KHRUL BA SKYED PA YOD PA'I PHYIR TE, DBYIBS DANG KHA DOG SOGS GZUGS KYI CHOS MTHUN PA LAS NYA PHYIS LAS DNGUL GYI SGRO 'DOGS PA'I 'KHRUL BA SKYE BA YOD PA'I PHYIR, DES NA THEG CHEN GYI MTHONG LAM SHES BZOD SKAD CIG MA BCU DRUG MNYAM GZHAG THUN GCIG LA SKYE YANG LDOG PA'I SGO NAS SKAD CIG MA BCU DRUG NYID DU BSHAD PA'I RGYU MTSAN YOD DE, SLOB DPON GYI DGONGS PA 'DI DANG, DON GYI RANG GI NGO BO GCIG ,CES SOGS KYI RIGS PA'I STOBS LA BRTEN NAS THEG CHEN GYI MTHONG LAM BAR CHAD MED LAM DANG THEG CHEN GYI MTHONG LAM RNAM GROL LAM GNYIS MNYAM GZHAG THUN GCIG LAS SKYE BAR MTHUN PA KHO NA YIN PA'I PHYIR, THEG CHEN GYI MTHONG LAM SDUG BSNGAL CHOS BZOD DES BDEN BZHI'I CHOS NYID MNGON SUM DU RTOGS PA YIN YANG, DES BDEN BZHI'I MTHONG SPANG MA SPANGS PA'I RGYU MTSAN YOD DE, DES BDEN BZHI'I CHOS NYID MNGON SUM DU RTOGS PA'I SGO NAS DES MTHONG SPANG MA LUS PAR BSAL NUS PA DE'I TSE DE MTHONG SPANG DE SPONG NUS KYI GNYEN PO NYID DU RNAM PAR BZHAG CING, MA LUS PAR SPANGS PA'I TSE DE MTHONG LAM RNAM GROL LAM DU GYUR PA'I PHYIR, KHO NA RE, THEG CHEN GYI MTHONG LAM BAR CHAD MED LAM DANG SO SO SKYE BO'I MNGON SUM LA KHYAD PAR MED PAR THAL, DES BDEN BZHI'I CHOS NYID MNGON SUM DU RTOGS KYANG, DES BDEN BZHI'I MTHONG SPANG MA SPANGS PA'I PHYIR, DPER NA, TSUR MTHONG GI RGYUD KYI SGRA 'DZIN DBANG PO'I MNGON SUM GYIS SGRA'I MI RTAG PA MNGON SUM DU MTHONG YANG, DES SGRA MI RTAG PAR MA RTOGS PA BZHIN NO ZHES ZER NA,

065a

, ,SKYON MED DE, DES BDEN BZHI'I CHOS NYID MNGON SUM DU MTHONG BA'I SGO NAS JI LTA BA BZHIN DU BSGOMS PAS BDEN 'DZIN KUN BTAGS KYI SA BON MA LUS PAR SPONG NUS SHING, SO SKYE'I MNGON SUM GYIS SGRA'I MI RTAG PA MTHONG YANG DE MA RTOGS PA'I PHYIR TE, RNAL 'BYOR MNGON SUM LA SNANG LA MA NGES KYI BLO MED CING, SO SKYE'I MNGON SUM LA DE YOD PA'I PHYIR, GZHAN YANG THEG CHEN GYI MTHONG LAM SDUG BSNGAL CHOS BZOD DE NYID SO SKYE'I MNGON SUM DANG KHYAD MED DU THAL BA'I SKYON MED DE, SDUG BSNGAL CHOS BZOD LA GNAS PA'I SEMS DPA' DES NI BDEN BZHI'I CHOS NYID MNGON SUM DU RTOGS SO, ,'KHRUL BA'I MTSAN MA MTHA' DAG DANG BRAL ZHING, SO SO SKYE BO'I RGYUD LA 'KHRUL BA'I MTSAN MA YOD PA'I PHYIR, DES NA DANG POR THEG CHEN GYI MTHONG LAM BZOD PA BRGYAD CIG CHAR DU SKYE, DE RJES THEG CHEN GYI MTHONG LAM SHES PA BRGYAD CIG CHAR DU SKYE BA YIN TE, THEG CHEN GYI MTHONG LAM SDUG BSNGAL CHOS BZOD DE NYID KYI BDEN BZHI'I CHOS NYID MNGON SUM DU RTOGS PA'I SGO NAS BDEN BZHI'I MTHONG SPANG MA LUS PAR SPONG BA'I BAR CHAD MED LAM DANG, THEG CHEN GYI MTHONG LAM SDUG BSNGAL CHOS SHES DE BDEN BZHI'I CHOS NYID MNGON SUM DU RTOGS PA'I SGO NAS BDEN BZHI'I MTHONG SPANG MA LUS BAR SPANGS PA'I RNAM GROL LAM YIN PA'I PHYIR, DANG PO GRUB STE, DES SDUG BSNGAL MTHONG SPANG MA LUS PAR SPONG NUS PA GANG ZHIG ,RGYU MTSAN MTSUNGS PA'I PHYIR TE, DES SDUG BDEN GYI CHOS NYID MNGON SUM DU

065b

RTOGS PA BZHIN DU BDEN PA LHAG MA RNAMS KYIS KYANG CHOS NYID MNGON SUM DU RTOGS PA'I PHYIR TE, SA DANG PO THOB PA'I TSE CHOS KYI DBYINGS CHOS CAN THAMS CAD LA KUN DU 'GRO BA'I TSUL GYIS RTOGS PA'I PHYIR, KHA CIG ,THEG CHEN GYI MTHONG LAM SHES BZOD SKAD CIG MA BCU DRUG PO DE RDZAS BZHIR SKYE BA YIN TE, CHOS BZOD BZHI DANG POR SKYE BAS RDZAS GCIG ,DE RJES CHOS SHES BZHI SKYE BAS RDZAS GCIG ,DE RJES RJES BZOD BZHI SKYE BAS RDZAS GCIG ,DE RJES RJES SHES BZHI SKYES PAS RDZAS GCIG TU SKYE BA'I PHYIR TE, 'GREL CHEN LAS, SDUG BSNGAL LA CHOS SHES PA'I RJES THOGS LA SDUG BSNGAL LA CHOS SHES PA'I BZOD PA DANG SDUG BSNGAL LA CHOS SHES PA 'DI NI 'PHAGS PA'I CHOS RNAMS KYI RGYU'O, ,ZHES SO SO RANG LA MNGON SUM DU GYUR PA'I ZAG PA MED PA'I SHES PA GANG YIN PA DE NI SDUG BSNGAL LA RJES SU SHES PA'I BZOD PA ZHES BYA'O ZHES GSUNGS PA'I PHYIR ZER NA MA KHYAB STE, DE NI BSHAD PA'I RIM PA YIN PA'I PHYIR, DE LTA MA YIN NA RANG DANG RGYUD GCIG TU GYUR PA'I THEG CHEN GYI MTHONG LAM RNAM GROL LAM GYI RJES SU RANG DANG RGYUD GCIG TU GYUR PA'I THEG CHEN GYI MTHONG LAM BAR CHAD MED LAM SKYE BA YOD PAR THAL BA'I SKYON YOD DO, ,KHA CIG ,THEG CHEN GYI MTHONG LAM BZOD PA BRGYAD RIM CAN DU SKYE, SHES PA BRGYAD KYANG RIM CAN DU SKYE ZER PA MI 'THAD DE, THEG CHEN GYI MTHONG LAM BAR CHAD MED LAM YIN NA DE'I BZOD PA BRGYAD KA YIN DGOS PA'I PHYIR, KHA CIG ,THEG CHEN GYI MTHONG LAM LA RGYAS PAR PHYE NA NYI SHU RTZA BZHIR YOD DE, CHOS NYID KYI YUL CAN GYI THEG CHEN GYI MTHONG

066a

, ,LAM CHOS BZOD BZHI DANG, CHOS BZOD BZHI'I YUL CAN GYI RJES BZOD BZHI DANG, RJES BZOD BZHI'I YUL CAN GYI RJES SHES BZHI STE BCU GNYIS RDZAS GCIG TU SKYE, CHOS BZOD BZHI'I RJES SU SKYES PA'I CHOS NYID KYI YUL CAN GYI THEG CHEN GYI MTHONG LAM CHOS SHES BZHI DANG, CHOS SHES BZHI'I YUL CAN GYI RJES BZOD BZHI DANG, RJES BZOD BZHI'I YUL CAN GYI RJES SHES BZHI STE BCU GNYIS RDZAS GCIG TU SKYE BA'I PHYIR, DES NA THEG CHEN GYI MTHONG LAM CHOS BZOD NYAMS SU MYONG BA'I RANG RIG DE THEG CHEN GYI MTHONG LAM CHOS BZOD DANG RDZAS GCIG PA'I RJES BZOD KYI MTSAN GZHI DANG, CHOS BZOD BZHI DANG RDZAS GCIG PA'I RJES BZOD NYAMS SU MYONG BA'I RANG RIG DE CHOS BZOD DANG RDZAS GCIG PA'I RJES SHES KYI MTSAN GZHI, DE BZHIN DU CHOS SHES NYAMS SU MYONG BA'I RANG RIG DE THEG CHEN GYI MTHONG LAM CHOS SHES DANG RDZAS GCIG PA'I RJES BZOD KYI MTSAN GZHI DANG, CHOS SHES DANG RDZAS GCIG PA'I RJES BZOD NYAMS SU MYONG BA'I RANG RIG DE CHOS SHES DANG RDZAS GCIG PA'I RJES SHES KYI MTSAN GZHI YIN ZER BA DANG, NYAN THOS KYI MTHONG LAM BZOD PA BRGYAD RIM CAN DU SKYE, DE'I SHES PA BRGYAD KYANG RIM CAN DU SKYE ZER BA MI 'THAD DE, THEG CHEN GYI MTHONG LAM NYAMS SU MYONG PA'I RANG RIG DE THEG CHEN GYI MTHONG LAM DU THAL, THEG CHEN GYI MTHONG LAM CHOS BZOD NYAMS SU MYONG BA'I RANG RIG DE RJES BZOD DU 'JOG RIGS PA'I PHYIR, RTAGS KHAS, 'DOD MI NUS TE, SEMS CAN GYI RGYUD KYI RANG RIG YIN PA'I PHYIR,

066b

GZHAN YANG, THEG CHEN GYI MTHONG LAM SDUG BSNGAL CHOS BZOD NYAMS SU MYONG BA'I RANG RIG CHOS CAN, STONG NYID LA GNYIS SNANG NUB PA'I BLO YIN PAR THAL, THEG CHEN MTHONG LAM SHES BZOD SKAD CIG MA BCU DRUG PO GANG RUNG YIN PA'I PHYIR, GZHAN YANG, THEG CHEN GYI MTHONG LAM CHOS BZOD DANG CHOS SHES CIG CHAR DU SKYE BAR THAL, DE DANG DE'I RJES SHES CIG CHAR DU SKYE BA'I PHYIR TE, DE'I RJES BZOD NYAMS SU MYONG BA'I RANG RIG DE RJES SHES SU 'JOG PA'I PHYIR, GZHAN YANG, NYAN THOS KYI MTHONG LAM SDUG BSNGAL CHOS BZOD NYAMS SU MYONG BA'I RANG RIG DE NYAN THOS KYI MTHONG LAM SDUG BSNGAL RJES BZOD DU THAL, THEG CHEN LA DE'I PHYIR, 'DOD NA, NYAN THOS KYI MTHONG LAM BZOD PA BRGYAD CIG CHAR DU SKYE BAR THAL LO, ,KHA CIG ,THEG CHEN GYI MTHONG LAM SDUG BSNGAL CHOS BZOD DES BDEN BZHI'I CHOS NYID MNGON SUM DU RTOGS PA'I CHA NAS CHOS BZOD BZHI DANG, CHOS BZOD BZHI'I CHOS NYID MNGON SUM DU RTOGS PA'I CHA NAS RJES BZOD BZHIR BZHAG ZER BA MI 'THAD DE, BDEN BZHI'I CHOS NYID MNGON SUM DU RTOGS PA'I THEG CHEN GYI MTHONG LAM YIN NA, THEG CHEN GYI MTHONG LAM CHOS BZOD BZHI KA YIN DGOS PAR THAL, DAM BCA' 'THAD PA'I PHYIR, KHA CIG ,NYAN THOS KYI MTHONG LAM BZOD PA BRGYAD CIG CHAR KHO NAR SKYE ZER BA MI 'THAD DE, RNAM BSHAD LAS, RNAL 'BYOR PA'I RGYUD LA BDEN PA BZHI LA DMIGS PA'I MTHONG LAM SKYE BA NA RIM PA DE DAG DANG MTHUN PAR SKYE BA'I TSUL GCIG YOD DO, ,ZHES DANG, KUN BTUS LAS, RGYUN DU ZHUGS PA'I 'BRAS BU LA 'JUG PA GANG ZHE NA, GZHAN

067a

, ,YANG NGES PAR 'BYED PA'I CHA DANG MTHUN PA MTHONG BA'I LAM GYI SEMS KYI SKAD CIG MA BCO LNGA LA GNAS PA'I GANG ZAG GO ,ZHES GSUNGS PA RNAMS DANG 'GAL ZHING 'DOD PA'I SAS BSDUS KYI SDUG BSNGAL MTHONG SPANG NYON MONGS SPANGS PA'I GANG ZAG YIN NA, KHAMS GONG MA'I SAS BSDUS KYI MTHONG SPANG NYON MONGS SPANGS PA'I GANG ZAG YIN DGOS PAR THAL BA'I SKYON YOD PA'I PHYIR, KHA CIG ,'DA' BYA'I THEG CHEN GYI MTHONG LAM DANG 'DA' BYED KYI THEG CHEN GYI MTHONG LAM RIM CAN DU SKYE ZER BA MI 'THAD DE, THEG CHEN MTHONG LAM BAR CHAD MED LAM PA'I RGYUD LA 'DA' BYA'I THEG CHEN GYI MTHONG LAM YOD PA'I PHYIR TE, DE'I RGYUD LA GANG ZAG GI BDAG MED MNGON SUM DU RTOGS PA'I MKHYEN PA YOD PA'I PHYIR TE, THEG CHEN GYI MTHONG LAM RNAM GROL LAM PA PA'I RGYUD LA DE YOD PA'I PHYIR TE, DES GANG ZAG GI BDAG MED MNGON SUM DU RTOGS PA'I PHYIR, MA GRUB NA, DE CHOS CAN, GANG ZAG GI BDAG MED MNGON SUM DU RTOGS PA'I GANG ZAG YIN PAR THAL, GANG ZAG GI BDAG 'DZIN KUN BTAGS KYI ZHEN YUL MED PAR MNGON SUM DU RTOGS PA'I GANG ZAG YIN PA'I PHYIR TE, GANG ZAG GI BDAG 'DZIN KUN BTAGS SPANGS PA'I GANG ZAG YIN PA'I PHYIR, KHO NA RE, 'DA' BYA'I THEG CHEN GYI MTHONG LAM CHOS CAN, 'DA' BYED KYI THEG CHEN GYI MTHONG LAM GYI RJES SU SKYES PAR THAL, DE'I RJES SU MNGON GYUR DU SKYES PA'I PHYIR ZER NA MA KHYAB STE, RNAM BSHAD LAS, STONG NYID LA MNYAM PAR BZHAG BZHIN PA'I DUS NA GANG ZAG

067b

DE'I RGYUD LA THEG CHEN SEMS BSKYED KYANG YOD MOD KYI SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I BLO MNGON GYUR DU YOD GA LA DGOS, DE BZHIN DU YON TAN GZHAN RNAMS LA YANG SHES PAR BYA'O, ,ZHES GSUNGS PA MI 'THAD PAR THAL, THEG CHEN MTHONG LAM BAR CHAD MED LAM PA'I RGYUD LA 'DA' BYA'I MTHONG LAM MED PA'I PHYIR, KHA CIG ,THEG CHEN GYI MTHONG LAM BAR CHAD MED LAM DE 'DA' BYA'I THEG CHEN GYI MTHONG LAM YIN TE, DE 'DA' BYA'I SA GANG ZHIG ,DE THEG CHEN GYI MTHONG LAM YIN PA'I PHYIR ZER NA MA KHYAB, DES NA 'DA' BYA'I THEG CHEN GYI MTHONG LAM DANG 'DA' BYED KYI THEG CHEN GYI MTHONG LAM GNYIS CIG CHAR DU SKYE MNGON GYUR DU RIM CAN DU SKYE BA YIN TE, RNAM BSHAD LAS, DE NYID KYIS SGRIB PA GNYIS KUN BTAGS KYI SA BON ZAD PAR BCOM NAS DE'I RJES SU RNAM PA BCU DRUG MNGON SUM DU RTOGS PA'I 'DA' BAR BYA BA'I MTHONG LAM MNGON GYUR DU SKYE BA YIN NO, ,ZHES GSUNGS PA'I PHYIR, GZHAN YANG, THEG CHEN MTHONG LAM BAR CHAD MED LAM PA'I RGYUD KYI MKHYEN PA YIN NA, THEG CHEN GYI MTHONG LAM BAR CHAD MED LAM YIN DGOS PAR THAL, DE'I RGYUD LA 'DA' BYA'I MTHONG LAM MED PA'I PHYIR, 'DOD NA, DE'I RGYUD LA KUN RDZOB SEMS BSKYED MED PAR THAL LO; ;'DOD NA, THEG CHEN MTHONG LAM BAR CHAD MED LAM DE KUN RDZOB SEMS BSKYED KYIS MA ZIN PAR THAL, 'DOD PA'I PHYIR, GSUM PA LUNG LAS GSUNGS TSUL LA, RIGS PA DRUG CU PA LAS, CHOS SHES PA YI MJUG THOGS SU, ,'DI LA BYE

068a

, ,BRAG YOD MA YIN, ,DNGOS PO SHIN TU PHRA BA YANG, ,GANG GIS SKYE BAR RNAM BTAGS PA, ,RNAM PAR MI MKHAS DE YIS NI, RKYEN LAS BYUNG BA'I DON MA MTHONG, ,ZHES PA DANG, DE'I 'GREL PAR YANG DE LTAR BSHAD PAS, RTEN 'BREL GYI CHOS SKYE 'GAG MED PAR SHES PA'I SDUG BSNGAL DANG KUN 'BYUNG DANG LAM GSUM GYI RANG BZHIN YANG SKYE 'GAG MED PAR RTOGS LA RANG BZHIN DE YANG 'GOG PA'I RANG BZHIN YIN PAS BDEN PA BZHI'I RANG BZHIN CIG CHAR RTOGS KYI CHOS SHES KYI MJUG THOGS SU RTOGS PA'I RNAM PA MI 'DRA BA'I TSUL GYIS RIMS CAN DU RTOGS PA MIN NO, ,DE'I PHYIR MNGON RTOGS GCIG TU ZAD DO, ,'ON KYANG SKAD CIG MA BCO LNGA'AM BCU DRUG TU BZHAG PA NI SPROS PA LA DGA' BA LA PHAN GDAGS PA'I PHYIR BZHAG STE, BDEN BZHI'I RANG BZHIN LA MI SKRAG PAS CHOS BZOD, TSUL BZHIN DU RIGS PAS CHOS SHES, RJES SHES KYI TSE YANG DE LTAR MI SKRAG CING RIGS PA'I NUS PA DANG LDAN PAS RJES BZOD DANG RJES SHES SO ZHES BZHED LA, BSDU BA LAS KYANG, JI SKAD DU BSTAN PA GNAS PA RGYAS PA RNAM PAR DAG PA SPROS PA DANG BCAS PA DANG, DON DAM PAR RNAM PAR DAG PA SO SO RANG RIG PA SPROS PA MED PA'O ZHES SOGS KYIS BSTAN PA GNAS PHYIR DU GDUL BYA'I NGO BOR SPROS PA DANG BCAS TE SKAD CIG MA BCU DRUG TU GSUNGS PA DANG, DE BZHIN NYID KYI YUL CAN GYI SEMS GCIG GIS RDZOGS PAR BSHAD PA DANG, KUN BTUS KYI 'GREL PAR YANG BCU DRUG TU BSHAD PA RNAM GZHAG TZAM DU MDZAD PA SOGS DU

068b

MA BYUNG YANG RANG LUGS KYI SNGAR BZHIN KHAS BLANGS PAS LUGS 'DI DANG YANG MI 'GAL BAR SEMS TE THEG CHEN GYI MTHONG LAM SHES BZOD SKAD CIG MA BCU DRUG SPROS PA RNAMS STONG NYID LA RTZE GCIG TU MNYAM PAR BZHAG PA'I BYA RDZOGS KYI SKAD CIG MA GCIG YIN PA'I PHYIR, ` GNYIS PA SGOM LAM BSHAD PA LA, MTSAMS SBYAR BA DANG, DON DNGOS BSHAD PA'O, ,DANG PO NI, LUS RNAM GZHAG TU, MTHONG BA'I LAM, ,BYED PA DANG NI, ZHES 'CHAD NA, THEG CHEN GYI MTHONG LAM GYI RJES SU THEG CHEN GYI SGOM LAM 'CHAD PA'I RGYU MTSAN GANG ZHE NA, DE'I RGYU MTSAN YOD DE, RGYU 'BRAS DON GYI RIM PA'I DBANG DU BYAS NAS DE LTAR BSHAD PA'I PHYIR, ZHES MTSAMS SBYOR BA LA, MTHONG BA'I LAM GYI MJUG THOGS SU SGOM PA'I LAM BRJOD PAR BYA BA YIN PAS, ZHES GSUNGS, GNYIS PA LA, SGOM LAM GYI BYED PA DANG, BYED PA CAN GYI SGOM LAM BSHAD PA GNYIS LAS, DANG PO LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, LAM RJES SHES KYI SKABS SU SHER PHYIN GYI BYANG SEMS RNAMS KYIS RANG GI SKYON RIG PAR BYAS NAS LAM LA SLOB PAR GSUNGS PA LAS 'PHROS NAS DE SKAD CES BKA' STZAL PA DANG, LHA RNAMS KYI DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN 'DI JI LTAR BYANG CHEN RNAMS YONGS SU DUL BA DANG, ZHES SOGS KYIS BSTAN NAS, GNYIS PA LA, MTSAMS SBYAR BA, RTZA BA, 'GREL PA GSUM LAS, DANG PO NI, 'O NA SGOM LAM GYI DANG POR SGOM LAM GYI BYED PA 'CHAD PA'I RGYU MTSAN GANG

069a

, ,ZHE NA; DE'I RGYU MTSAN YOD DE, SGOM LAM GYI BYED PA DE SGOM LAM LAS BRJOD BYA NYUNG BAS DE LTAR BSHAD PA'I PHYIR, DE LTAR BSTON PA LA DGOS PA YOD DE, GDUL BYAS SGOM LAM GYIS BRAS BU'I BYED PA MTHONG NAS SPRO BA BSKYED PAS RGYU SGOM LAM LA GZHUG PAR BYA BA'I DGOS PA YOD PA'I PHYIR, ZHES 'CHAD PA LA, BRJOD PAR BYA BA NYUNG BA NYID DANG GDUL BYA 'BRAS BU LA GZHOL BA NYID DU ZHUGS PA'I PHYIR RE ZHIG DE'I BYED PA, ZHES GSUNGS, GNYIS PA NI, MDO DE'I DON BSHAD PA LA, KUN NAS ZHI DANG THAMS CAD LA, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, RNAM PA THAMS CAD DU SEMS LA RANG DBANG NYID DU BYED PA DANG, ZHES SOGS GSUNGS, 'DI LA YANG BYED PA DRUG YOD PA LAS RANG RGYUD DU GTOGS PA'I BYED PA DANG, GZHAN RGYUD DU GTOGS PA'I BYED PA GNYIS LAS, DANG PO LA, GNAS SKABS KYI BYED PA DANG, MTHAR THUG GI BYED PA GNYIS LAS, DANG PO LA YANG, NANG DU SEMS DUL BAS, PHYI ROL TU GZHAN LA 'DUD PA DANG, NANG DU CHAGS SOGS NYON MONGS ZHI BAS, PHYI ROL TU GZHAN GYI GNOD PAS MI BRDZI BA'I BYED PA DANG BZHI LAS, DANG PO DE STON PA LA, BCOM LDAN 'DAS SHER PHYIN 'DI JI LTAR BYANG CHEN RNAMS YONGS SU DUL BA DANG NGA RGYAL MA MCHIS PAR 'GYUR BA'I DON DU NYE BAR GNAS PA NI NGO MTSAR CHE'O ZHES SOGS GSUNGS, DE'I DON 'CHAD PA LA, KUN NAS ZHI DANG, ZHES DANG, RNAM PA THAMS CAD DU SEMS LA RANG DBANG NYID DU BYED PA DANG, ZHES GSUNGS, GNYIS PA DE STON PA

069b

LA; BCOM LDAN 'DAS 'DI LA BYANG CHEN 'JIG RTEN LAS 'DAS PA'I CHOS LA SPYOD CING SBYIN PA GTONG BA NI SBYIN PA YANG MI DMIGS GTONG BA YANG MI DMIGS LEN PA YANG MI DMIGS TE, BCOM LDAN 'DAS DE LTAR NA SHER PHYIN LA SPYOD PA'I BYANG CHEN YONGS SU DUL BA DANG NGA RGYAL MA MCHIS PA'I SLAD DU NYE BAR GNAS PAR 'GYUR RO, ,ZHES GSUNGS, DE'I DON BSHAD PA LA, THAMS CAD LA, ,'DUD DANG, ZHES DANG, DGE BA'I BSHES GNYEN LA SOGS PA'I SKYE BO THAMS CAD LA 'DUD PA DANG, ZHES GSUNGS, GSUM PA, DE STON PA LA, DE NAS BCOM LDAN 'DAS KYIS LHA RNAMS KYI DBANG PO BRGYA BYIN LA 'DI SKAD CES BKA' STZAL TO, ,KO'U SHI KA RIGS KYI BU'AM RIGS KYI BU MO SHER PHYIN ZAB MO 'DI 'DZIN PA DANG, ZHES PA NAS, BDAG GI 'DOD CHAGS KYI MTSON DANG 'DOD CHAGS KYI MDA' YANG BCOM, GZHAN GYI 'DOD CHAGS KYI MTSON DANG 'DOD CHAGS KYI MDA' YANG BCOM, ZHES SOGS GSUNGS, DE'I DON BSHAD PA LA, NYON MONGS LAS RGYAL DANG, ,ZHES DANG, 'DOD CHAGS LA SOGS PA ZIL GYIS GNON PA DANG, ZHES GSUNGS, BZHI PA DE STON PA LA, KO'U SHI KA GZHAN YANG RIGS KYI BU'AM RIGS KYI BU MO SHER PHYIN ZAB MO 'DI 'DZIN PAR 'GYUR, ZHES PA NAS, DE LA LA LA ZHIG GIS DUG GTOR RAM BYAD BYAS SAM ME'I 'OBS SU GTOR RAM MTSON GYIS BTAB BA MA DUG BLUD DAM CHUR BOR YANG RUNG STE, DE DAG THAMS CAD KYIS DE LA GNOD PAR MI 'GYUR RO, ,DE CI'I PHYIR ZHE NA, KO'U SHI KA 'DI LTA STE SHER PHYIN 'DI NI RIGS SNGAGS CHEN MO'O, ,ZHES SOGS GSUNGS, DE'I DON BSHAD PA LA, GNOD PAS BRDZI BA

070a

, ,MED NYID DANG, ,ZHES DANG, PHA ROL GYIS BYAS PA'I GNOD PA RJES SU SGRUB PA'I YUL MA YIN PA NYID DANG, ZHES GSUNGS, GNYIS PA MTHAR THUG GI BYED PA STON PA LA, DE CI'I PHYIR ZHE NA, DE NI 'DI LTAR BDAG MI DMIGS, GZHAN MI DMIGS PA'I PHYIR RO, ,GZUGS MI DMIGS PA'I PHYIR RO, ,ZHES PA NAS, BLA MED RDZOGS BYANG THOB NAS SEMS CAN THAMS CAD KYI SEMS LA RNAM PAR LTA BAR 'GYUR RO, ,ZHES SOGS GSUNGS, DE'I DON BSHAD PA LA, BYANG CHUB DANG NI; ZHES DANG, YANG DAG PAR RDZOGS PA'I BYANG CHUB SGRUB PA DANG, ZHES GSUNGS, GNYIS PA GZHAN RGYUD DU GTOGS PA'I BYED PA STON PA LA, KO'U SHI KA GZHAN YANG SHER PHYIN 'DI BRIS NAS 'DZIN PAR 'GYUR, ZHES PA NAS, SHER PHYIN 'DI NYID KYI SA'I PHYOGS DE SEMS CAN THAMS CAD KYI MCHOD RTEN DU 'GYUR BAR BYAS TE ME TOG DANG SPOS DAG GIS MCHOD PAR BYA BA DANG BLA MAR BYA BA DANG BSTI? STANG DU BYA BA DANG RIM GROR BYA BA DANG BKUR STIR BYA BAR 'GYUR RO, ,ZHES GSUNGS, DE'I DON BSHAD PA LA, RTEN MCHOD NYID, ,CES DANG, RTEN GYI YUL MCHOD PAR BYA BA NYID DU BYED PA ZHES BYA BA BYED PA RNAM PA DRUG YIN NO, ,ZHES GSUNGS, GZHUNG DON NI, THEG CHEN GYI SGOM LAM GYI BYED PA CHOS CAN, KHYOD LA DU MAR YOD DE, KHYOD LA THEG CHEN GYI SGOM LAM BSGOMS STOBS KYIS SEMS LA RANG DBANG DU BYED PA SOGS DRUG YOD PA'I PHYIR, DES NA RANG THOB BYED KYI THABS SU GYUR PA'I THEG CHEN GYI SGOM LAM BSGOMS STOBS KYIS THOB PA'I PHAN YON DE, THEG CHEN GYI SGOM LAM GYI BYED PA'I MTSAN

070b

NYID; DBYE NA, NANG DU NYON MONGS MNGON GYUR PA ZHI BAS, PHYI ROL TU SKYE BO GZHAN 'DUD PA, NANG DU CHAGS SOGS NYON MONGS PA LA RGYAL PAS, PHYIR ROL DUG MTSON SOGS KYIS GNOD PAS MI TSUGS PA, NANG DU BLA NA MED PA'I BYANG CHUB SGRUB PA LA ZHUGS PAS PHYI ROL TU RANG RGYUD LDAN GYI GANG ZAG GANG DU BZHUGS PA'I GNAS LHA LA SOGS PA'I MCHOD RTEN GYI GNAS SU BYED PA DANG RNAM PA DRUG TU YOD, SA MTSAMS THEG CHEN GYI SGOM LAM SGOM PA'I SKAD CIG GNYIS PA NAS SANGS RGYAS KYI SA'I BAR DU YOD, KHA CIG ,THEG CHEN GYI SGOM LAM GYI BYED PA RGYUD LDAN GYI LAM MA ZHUGS KYI GANG ZAG YOD PAR THAL, MTSAN NYID DE 'THAD PA GANG ZHIG ,MTSAN NYID DE RGYUD LDAN GYI LAM MA ZHUGS KYI GANG ZAG YOD PA'I PHYIR TE, THEG CHEN GYI SGOM LAM SGOM PA'I DE YOD PA'I PHYIR TE, RNAM MKHYEN SGOM PA'I SEMS CAN YOD PA'I PHYIR, RNAM PA DANG LAM DANG GZHI THAMS CAD RNAM PAR SGOM PA'I DBYE BAS ZHES GSUNGS PA'I PHYIR ZER NA MA KHYAB, KHYO RANG GI LUGS LA THEG CHEN GYI SGOM LAM THOB MYONG BA'I GANG ZAG GI RGYUD KYI THEG CHEN GYI SGOM LAM BSGOMS STOBS KYIS THOB PA'I DE DE'I MTSAN NYID ZER NA, MTSOM BYA DE RGYUD LDAN GYI LAM MA ZHUGS KYI GANG ZAG YOD PAR THAL, MTSAN NYID 'THAD PA GANG ZHIG ,MTSAN NYID DE RGYUD LDAN GYI DE YOD PA'I PHYIR TE, THEG CHEN GYI SGOM LAM BSGOMS STOBS KYIS THOB PA'I PHAN YON RGYUD LDAN GYI DE YOD PA GANG ZHIG ,THEG CHEN GYI SGOM LAM YIN NA, THEG CHEN GYI SGOM LAM THOB MYONG BA'I GANG ZAG GI RGYUD KYI THEG CHEN GYI SGOM LAM YIN DGOS PA'I PHYIR,

071a

, ,KHO NA RE, THEG CHEN GYI SGOM LAM CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, DE THOB BYED KYI THABS SU GYUR PA'I THEG CHEN GYI SGOM LAM YOD PA'I PHYIR TE, DE'I RGYUR GYUR PA'I DE YOD PA'I PHYIR ZER NA MA KHYAB, KHA CIG ,SA MTSAMS SA GNYIS PA'I SKAD CIG GNYIS PA NAS 'JOG ZER BA MI 'THAD DE, SA DANG PO PA'I RGYUD LA THEG CHEN GYI SGOM LAM GYI BYED PA YOD PA'I PHYIR TE, DE'I RGYUD LA THEG CHEN GYI SGOM LAM YOD PA'I PHYIR TE, KUN BTUS LAS, BYANG CHUB SEMS DPA' RNAMS KYI SA BCU RNAMS SU SGOM PA'I LAM LA SHES BYA'I SGRIB PA'I GNYEN PO SGOM GYI, ZHES GSUNGS PA'I PHYIR, KHA CIG ,RANG THOB BYED KYI THABS SU GYUR PA'I THEG CHEN GYI SGOM LAM BSGOMS STOBS KYIS THOB PA'I RNAM DKAR GYI YON TAN, DE'I MTSAN NYID, SA MTSAMS LAM MA ZHUGS NAS YOD ZER NA, DE LA KHA CIG ,LONGS SKU'I SEN MO ZANGS MDOG CHOS CAN, RNAM DKAR GYI YON TAN DU THAL, MTSON BYA DE'I PHYIR, 'DOD NA, DGE BA YIN PAR THAL, 'DOD PA'I PHYIR, 'DOD MI NUS TE, LUNG MA BSTAN YIN PA'I PHYIR TE, RNAM SMIN YIN PA'I PHYIR, KHYAB STE, RNAM SMIN LUNG DU MA BSTAN CHOS, ,ZHES GSUNGS PA'I PHYIR ZER NA MA KHYAB, GZHAN YANG, LAM MA ZHUGS NA THEG CHEN GYI SGOM LAM BSGOMS STOBS KYIS THOB PA'I YON TAN YOD PAR THAL, DE NA THEG CHEN GYI SGOM LAM GYI BYED PA YOD PA'I PHYIR, 'DOD NA, DE NA THEG CHEN GYI SBYOR BA BSGOMS STOBS KYIS THOB PA'I YON TAN YOD PAR THAL, 'DOD PA'I PHYIR, 'DOD NA, DE NA THEG CHEN GYI SBYOR BA YOD PAR THAL LO, ,KHO NA RE, LAM MA

071b

ZHUGS NA DE YOD PAR THAL, DE NA DE'I BYED LAS YOD PA'I PHYIR TE, DE NA YE SHES CHOS SKU'I BYED LAS YOD PA'I PHYIR TE, DE NA YE SHES CHOS SKU'I 'PHRIN LAS YOD PA'I PHYIR ZER NA MA KHYAB BO, ` ,GNYIS PA BYED PA CAN GYI SGOM LAM BSHAD PA LA, SPYI'I MTSAMS SBYAR BA DANG, SO SO'I NGO BO BSHAD PA GNYIS PA LA, DANG PO NI, THEG CHEN GYI SGOM LAM GYI BYED PA BSTAN PA'I 'OG TU THEG CHEN GYI SGOM LAM STON PA'I RGYU MTSAN YOD DE, THEG CHEN GYI SGOM LAM GYI BYED PA STON PA'I GZHUNG LAS, THEG CHEN GYI SGOM LAM STON PA'I GZHUNG BRJOD BYA MANG BA'I RGYU MTSAN GYIS DE LTAR BSTAN PA'I PHYIR, THEG CHEN GYI SGOM LAM DE LA YANG GNYIS SU YOD DE, DE LA THEG CHEN GYI ZAG BCAS SGOM LAM DANG, THEG CHEN GYI ZAG MED SGOM LAM GNYIS SU YOD PA'I PHYIR, ZHES MTSAMS SBYOR BA LA, BYED PA'I 'OG TU SGOM PA'I LAM STE, DE YANG ZAG PA DANG BCAS PA DANG ZAG PA MED PA'I BYE BRAG GIS RNAM PA GNYIS SO, ,ZHES GSUNGS, 'DI'I SKABS SU MTHA' DPYAD PA LA, SGOM LAM GYI RTEN BSHAD PA DANG, BRTEN PA SGOM LAM GYI RANG BZHIN BSHAD PA GNYIS LAS, DANG PO LA, LUS RTEN DANG, SEMS RTEN GNYIS LAS, DANG PO NI, GLING GSUM GYI SKYES PA BUD MED 'DOD LHA RIGS DRUG DANG BCAS PA'I RTEN LA THEG CHEN GYI SGOM LAM GSAR DU SKYE BA YOD DE, DE DAG GYI RTEN LA DE DNGOS SU GSAR DU SKYE BA'I MTHUN RKYEN TSANG ZHING 'GAL RKYEN DANG BRAL BA YOD PA'I PHYIR, GZUGS KHAMS PA'I RTEN LA DE DNGOS SU GSAR DU SKYE BA MED DE, KHAMS GONG MA'I RTEN CAN GYI BYANG SEMS MTHONG LAM PA MED PA'I PHYIR, THEG CHEN GYI SGOM LAM SKYES ZIN

072a

, ,GNAS PA'I RTEN LA GZUGS KHAMS PA YOD KYANG GZUGS MED PA MED DE, GZUGS MED KYI RTEN CAN GYI BYANG SEMS 'PHAGS PA MED PA'I PHYIR, GNYIS PA NI, THEG CHEN GYI SGOM LAM GSAR DU SKYE BA'I SEMS RTEN DU GYUR PA'I KHAMS GSUM SA DGU GA YOD DE, 'GREL CHEN LAS, 'DOD PA'I KHAMS DANG GZUGS KYI KHAMS DANG GZUGS MED PA'I KHAMS ZHES SMOS PA NI 'DOD PA LA SOGS PA'I SA DGUS SGOM PA'I LAM GZUNG BAR BYA'O, ,ZHES GSUNGS PA'I PHYIR, GNYIS PA LA; MTSAN NYID, DBYE BA, SA MTSAMS SO, ,DANG PO NI, THEG CHEN GYI RJES LA MNGON RTOGS, THEG CHEN GYI SGOM LAM GYI MTSAN NYID, GNYIS PA NI, DE LA THEG CHEN GYI ZAG BCAS SGOM LAM DANG, THEG CHEN GYI ZAG MED SGOM LAM GNYIS SU YOD, SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS, DANG PO'I MTSAN NYID, DBYE NA, MOS BSNGO RJES SU YI RANG SGOM LAM GSUM DU YOD, DE DANG BRAL BA'I THEG CHEN GYI RJES LA MNGON RTOGS, GNYIS PA'I MTSAN NYID, DBYE NA, RNAM DAG SGOM LAM DANG, SGRUB PA SGOM LAM GNYIS SU YOD, YANG THEG CHEN GYI SGOM LAM LA CHUNG 'BRING CHEN PO'I DBYE BAS DGU YOD CING, RE RE LA YANG BAR CHAD MED LAM, RNAM GROL LAM, RJES THOB YE SHES DANG BCAS PA RNAMS SU YOD TSUL SNGAR BZHIN NO, ,GSUM PA NI, SA DANG PO'I SKAD CIG GNYIS PA NAS RGYUN MTHA'I BAR DU YOD, KHO NA RE, SA GNYIS PA'I YE SHES CHOS CAN, THEG CHEN GYI ZAG BCAS SGOM LAM DU THAL, MTSAN NYID DE'I PHYIR TE, RTOG PA DANG BCAS PA'I THEG CHEN GYI RJES

072b

LA MNGON RTOGS YIN PA'I PHYIR TE, BDEN 'DZIN DANG BCAS PA'I DE YIN PA'I PHYIR ZER NA MA KHYAB, DE DER THAL, SA GNYIS PA PA DE DE DANG BCAS PA'I PHYIR, RTZA BAR 'DOD MI NUS TE, SA GNYIS PA'I BAR CHAD MED LAM DE KHYOD YIN PA'I PHYIR, GZHAN YANG, DE RTOG PA DANG BCAS PAR THAL, DE THEG CHEN SEMS BSKYED DANG BCAS PA'I PHYIR ZER NA MA KHYAB, KHO NA RE, DE CHOS CAN, BDEN PAR 'DZIN PA'I RTOG PA DANG BCAS PAR THAL, BDEN 'DZIN DANG BCAS PA'I PHYIR, 'DOD NA, RTOG PA DANG BCAS PAR THAL, 'DOD PA'I PHYIR ZER NA MA KHYAB STE, SA GNYIS PA'I BAR CHAD MED LAM CHOS CAN, DER THAL, DE'I PHYIR, MA GRUB NA, DE BDEN 'DZIN DANG BRAL BAR THAL, MA GRUB PA DE'I PHYIR, 'DOD NA, DE GLO BUR GYI DRI MA DANG BRAL BAR THAL LO, ,'DOD MI NUS TE, DE RANG GI GZIGS PA'I NGOR RANG NYID DRI MA MTHA' DAG DANG BRAL BA LTAR SNANG YANG DRI MA DANG BRAL BA'I RDZUN PA BSLU BA'I CHOS CAN YIN PA'I PHYIR TE, BYANG 'PHAGS KYI RGYUD KYI BDAG MED MNGON SUM DU RTOGS PA'I MKHYEN PA YIN PA'I PHYIR, KHO NA RE, SA GNYIS BA'I YE SHES DE NYON MONGS DANG BCAS PAR THAL, DE BDEN 'DZIN DANG BCAS PA'I PHYIR, 'DOD NA, GZUGS BDEN STONG SGYU MA LTA BUR GSAL BAR SNANG BA'I SA GNYIS PA'I YE SHES DE YANG NYON MONGS DANG BCAS PAR THAL LO, ,'DOD NA, DE CHOS CAN; ZAG PA DANG BCAS PAR THAL, 'DOD PA'I PHYIR, 'DOD NA, DE CHOS CAN, ZAG BCAS SGOM LAM YIN PAR THAL, ZAG PA DANG BCAS PA'I DE'I YI'I PHYIR ZER NA MA KHYAB, KHO NA RE, SGRA DON 'DRENG DUG 'DZIN PA'I RTOG PA YIN NA, ZAG BCAS YIN DGOS PAR THAL, DE DANG,

073a

, ,BCAS PA'I THEG CHEN GYI RJES LA MNGON RTOGS YIN NA, ZAG BCAS SGOM LAM YIN DGOS PA'I PHYIR, 'DOD NA, MOS PA SGOM LAM CHOS CAN, DER THAL, DE'I PHYIR, 'DOD NA, ZAG BCAS SGOM LAM YIN NA, ZAG BCAS YIN DGOS PAR THAL, 'DOD PA'I PHYIR, 'DOD NA, NYAN THOS DGRA BCOM PA'I RTOGS PA SNGON DU SONG BA'I MOS PA SGOM LAM CHOS CAN, DER THAL, DE'I PHYIR, 'DOD NA, DE CHOS CAN, ZAG PA DANG BCAS PAR THAL, 'DOD PA'I PHYIR ZER NA MA KHYAB, 'DOD NA, NYAN THOS DGRA BCOM PA'I RGYUD LA ZAG PA YOD PAR THAL, 'DOD PA'I PHYIR ZER NA, RNAM BSHAD LAS, 'DI DAG ZAG BCAS SU BZHAG PA NI SGRA DON 'DRES RUNG DU 'DZIN PA'I RTOG PA DANG BCAS PA LA ZAG BCAS SU BZHAG BA YIN GYI SPANG BYAS BSDUS PA'I ZAG BCAS NI MA YIN NO, , ZHES PA DANG, MNGON PA KUN BTUS LAS ZAG BCAS LA SPANG BYAS KHYAB PAR GSUNGS PA SHES BYED DU 'DREN PA NI 'BREL MED DE, DE NI NYON MONGS PA'I ZAG BCAS YIN PAS SO, ,ZHES GSUNGS PA MI 'THAD BAR THAL, ZAG BCAS SGOM LAM YIN NA, ZAG BCAS YIN BAS MA KHYAB PA'I PHYIR, RTAGS KHAS, KHO NA RE, SA GNYIS BA'I YE SHES CHOS CAN, SPANG BYA YIN PAR THAL, NYON MONGS PA'I ZAG BCAS YIN PA'I PHYIR, KHYAB PA SONG, DER THAL, NYON MONGS PA'I ZAG BA DANG BCAS PA'I PHYIR, DE DER THAL, DE NYON MONGS PA DANG BCAS PA'I PHYIR ZER NA, ZAG BCAS YIN NA, SPANG BYA YIN DGOS PAR THAL, ZAG BCAS SGOM LAM YIN NA, ZAG BCAS YIN PAS MA KHYAB PA'I PHYIR, 'DOD NA, NYAN THOS KYI SBYOR LAM CHOS CAN, DER THAL, DE'I PHYIR, RTAGS GRUB STE, NYAN THOS SBYOR LAM PA

073b

ZAG BCAS YIN PA'I PHYIR TE, DE SO SKYE YIN PA'I PHYIR, KHO NA RE, ZAG PA DANG BCAS NA, RTOG PA DANG BCAS PA'I KHYAB PAR THAL, ZAG BCAS SGOM LAM GYI MTSAN NYID 'THAD PA'I PHYIR ZER NA MA KHYAB, 'DOD NA, NYON MONGS 'KHOR DU LDAN PA'I MIG GI RNAM PAR SHES PA CHOS CAN, DER THAL, DE'I PHYIR, RTAGS GRUB STE, NYON MONGS PA DANG BCAS PA'I PHYIR, RTAGS GRUB STE, DE YOD PA'I PHYIR TE, KUN BTUS LAS, 'DOD CHAGS NI 'DOD PA'I KHAMS SU RNAM PAR SHES PA'I TSOGS DRUG DANG MTSUNGS PAR LDAN PAR RIG PAR BYA'O,, ZHES GSUNGS PA'I PHYIR, RTZA BAR 'DOD MI NUS TE, RTOG PA DANG BRAL BA'I PHYIR TE, RTOG MED KYI SHES PA YIN PA'I PHYIR ZHES ZER, RONG t'IKA PAS, BDAG MED MNGON SUM DU RTOGS ZIN GOMS PAR BYED PA'I TING NGE 'DZIN SHES RAB MTSUNGS LDAN DANG BCAS PA, THEG CHEN GYI SGOM LAM GYI MTSAN NYID DU 'DOD PA MI 'THAD DE, BYANG SEMS SGOM LAM PA'I RGYUD KYI KUN RDZOB SEMS BSKYED DANG, MOS PA SGOM LAM RNAMS KYIS MA NGES SHING, YANG DANG YANG DU SEMS PA DANG, ,'JAL DANG NGES RTOG SGOM PA'I LAM, ,ZHES THEG CHEN GYI SGOM LAM DANG RTOG PA'I GZHI MTHUN YOD PAR BSHAD PA'I PHYIR, LO CHEN GYIS, SGRA DON 'DRES RUNG DU 'DZIN PA'I RTOG PA'I ZAG PA DANG BCAS PA'I THEG CHEN GYI RJES LA MNGON RTOGS, THEG CHEN GYI ZAG BCAS SGOM LAM GYI MTSAN NYID, DE DANG BRAL BA'I THEG CHEN GYI RJES LA MNGON RTOGS THEG CHEN GYI ZAG MED SGOM LAM GYI MTSAN NYID, CES GSUNGS, DE LA AANG CHEN PO SOGS DAG SA LA GNAS PA'I SEMS DPA'I RGYUD LA ZAG BCAS SGOM LAM MED PAR THAL, DE'I RGYUD LA SGRA DON 'DRES RUNG DU 'DZIN

074a

, ,PA'I RTOG PA MED PA'I PHYIR TE, SA BRGYAD PAR RTOG PA GNAS GYUR PA'I PHYIR, ZHES BKAG NAS, GZUNG 'DZIN GNYIS SNANG GI RTOG PA DANG BCAS PA'I ZHES SOGS GSUNGS NA, GZUNG 'DZIN GNYIS SNANG GI GNYIS DE GANG LA BYED; GZUNG 'DZIN RDZAS THA DAD DU SNANG BA LA BYED DAM, BDEN SNANG LA BYED, DANG PO LTAR NA RANG RGYAL DGRA BCOM PA'I RTOGS PA SNGON DU SONG BA'I MOS PA SGOM LAM CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, GZUNG 'DZIN RJES THA DAD DU SNANG BA'I GNYIS SNANG SPANGS PA'I PHYIR TE, DER 'DZIN PA'I RTOG PA SPANGS PA'I PHYIR, KHYAB STE, BDEN 'DZIN SPANGS NA BDEN SNANG SPANGS PAS KHYAB PA'I PHYIR, GNYIS PA LTAR NA, GZUGS BDEN STONG SGYU MA LTA BUR GSAL BAR SNANG BA'I SA GNYIS PA'I YE SHES CHOS CAN, THEG CHEN GYI ZAG BCAS SGOM LAM YIN PAR THAL, MTSAN NYID DE'I PHYIR TE, BDEN SNANG DANG BCAS PA'I THEG CHEN GYI RJES LA MNGON RTOGS YIN PA'I PHYIR, KHYAB PA KHAS, DER THAL, THEG CHEN GYI SGOM LAM RJES THOB YE SHES YIN PA'I PHYIR, GZHAN YANG, SA BRGYAD PA PAS RNAM MKHYEN MA RTOGS PAR THAL, DES DE MNGON SUM DU YANG MA RTOGS, DON SPYI'I TSUL GYIS KYANG MA RTOGS PA'I PHYIR, GNYIS PA GRUB STE, DE'I RGYUD LA RNAM MKHYEN 'JAL BA'I RTOG PA MED PA'I PHYIR, RTAGS KHAS, DE LTAR YANG RNAM BSHAD LAS, SA BRGYAD PA YAN CHAD DU RTOG PA MED NA, LKOG GYUR GYI DON CUNG ZAD KYANG YUL DU BYED MI NUS PAR 'GYUR RO, ,ZHES GSUNGS, KHA CIG ,THEG CHEN GYI SGOM LAM GANG ZHIG, MNYAM GZHAG YE

074b

SHES KYI NGO BOR GYUR PA, THEG CHEN GYI ZAG MED SGOM LAM GYI MTSAN NYID, DE GANG ZHIG ,RJES THOB YE SHES KYI NGO BOR GYUR PA, THEG CHEN GYI ZAG BCAS SGOM LAM GYI MTSAN NYID ZER BA MI 'THAD DE, GZUGS BDEN STONG SGYU MA LTA BUR GSAL BAR SNANG BA'I SA GNYIS PA'I YE SHES DE ZAG MED SGOM LAM YIN PA'I PHYIR, KHA CIG ,SGOM SPANG RTOG PA'I DNGOS GNYEN BYED PA'I THEG CHEN GYI RJES LA MNGON RTOGS, THEG CHEN GYI SGOM LAM GYI MTSAN NYID, SGRA DON 'DRES RUNG DU 'DZIN PA'I RTOG PAR GYUR PA'I THEG CHEN GYI RJES LA MNGON RTOGS, THEG CHEN GYI ZAG BCAS SGOM LAM GYI MTSAN NYID, SGRA DON 'DRES RUNG DU 'DZIN PA'I RTOG PA MA YIN PAR GYUR PA'I DE, CIG SHOS KYI MTSAN NYID ZER BA MI 'THAD DE, THEG CHEN GYI SGOM LAM YIN NA, SGOM LAM BAR CHAD MED LAM YIN PAS MA KHYAB PA'I PHYIR DANG, THEG CHEN GYI SGOM LAM DE MTSAN NYID GNYIS PA DE YIN PA'I PHYIR, KHA CIG ,ZAG BCAS SGOM LAM DANG ZAG MED SGOM LAM GANG RUNG LA THEG CHEN GYI SGOM LAM GYIS KHYAB PAR 'DOD PA MI 'THAD DE, NYAN THOS SGOM LAM PA'I RGYUD KYI THAR BA DON DU GNYER BA'I BLO DE ZAG BCAS SGOM LAM DANG, NYAN THOS KYI SGOM LAM BAR CHAD MED LAM DE ZAG MED SGOM LAM YIN PA'I PHYIR, ` GNYIS PA SO SO'I NGO BO BSHAD PA LA, ZAG BCAS SGOM LAM DANG, ZAG MED SGOM LAM GNYIS LAS, DANG PO LA; DBYE BA BSTAN TE MTSAMS SBYAR BA DANG, SO SO'I RANG BZHIN BSHAD PA DANG, BYED LAS KYI SGO NAS MJUG BSDU BA DANG GSUM LAS, DANG PO NI, THEG CHEN GYI SGOM LAM LA ZAG BCAS SGOM LAM DANG ZAG MED SGOM LAM GNYIS SU YOD PA DE'I PHYIR

075a

, ,ZAG BCAS SGOM LAM LA MOS BSNGO RJES SU YI RANG SGOM LAM GSUM DU YOD, CES 'CHAD PA LA, DE'I PHYIR SGOM PA'I LAM ZAG PA DANG BCAS PA MOS PA DANG, BSNGO BA DANG RJES SU YI RANG BA YID LA BYED PA ZHES BYA BA, ZHES GSUNGS, GNYIS PA LA, MOS PA SGOM LAM, BSNGO BA SGOM LAM, RJES SU YI RANG SGOM LAM DANG GSUM LAS, DANG PO LA, MOS PA DNGOS DANG, MOS PA'I PHAN YON DANG GNYIS LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, BYED PA DRUG PA'I SKABS SU SHER PHYIN GYIS PHYOGS MCHOD PA'I GNAS SU BYED PAR GSUNGS PA LAS 'PHROS NAS, DE NAS LHA RNAMS KYI DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS RIGS KYI BU'AM RIGS KYI BU MO GANG LA LAS SHER PHYIN 'DI BRIS SHING GLEGS BAM DU CHUD PAR BGYIS TE BCANGS LA DE LA ME TOG DANG SPOS DANG PHRENG BA DANG BYUGS BA DANG PHYE MA DANG NA BZA' DANG GDUGS DANG RGYAL MTSAN DANG BA DAN DANG KHOR RA KHOR YUG TU MAR ME'I PHRENG BA DANG MCHOD PA MANG PO DAG GIS RIM GRO DANG BLA MA DANG BSTI STANG DANG MCHOD PA BGYID BA DANG GANG LA LAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MYA NGAN LAS 'DAS PA'I SKU GDUNG RNAMS RIN PO CHE SNA BDUN GYI MCHOD RTEN DU BTZAL TE BTZAL NAS KYANG DE DAG LA ME TOG DANG BDUG SPOS DANG DRI DANG PHYE MA DANG BYUGS PA DANG BA DAN MANG PO DAG GIS RIM GRO DANG BLA MA DANG BSTI STANG DANG MCHOD PA

075b

BGYID PA DE DAG LA BSOD NAMS KYI PHUNG PO GANG MANG DU 'PHEL LAGS, ZHES ZHUS PA'I LAN DU, BCOM LDAN 'DAS KYIS BKA' STZAL BA, KO'U SHI KA KHYOD NYID LA DRI YI, JI LTAR 'DOD PA DE LTAR LUNG STON CIG ,CES SOGS GSUNGS, 'DI LA RANG DON MOS PA, GNYIS DON MOS PA, GZHAN DON MOS PA GSUM YOD PA'I DANG PO LA CHUNG 'BRING CHEN PO DGU YOD PA RIM PA BZHIN DU STON PA LA, KO'U SHI KA DE JI SNYAM DU SEMS DE BZHIN GSHEGS PA'I RNAM PA THAMS CAD MKHYEN PA NYID DANG, DE BZHIN GSHEGS PA GNYIS LAM GANG LA BSLABS PAS MNGON DU GRUB PA YIN, BRGYA BYIN GYIS GSOL BA, BCOM LDAN 'DAS SHER PHYIN 'DI NYID LA BSLABS PAS DE BZHIN GSHEGS PA MNGON PAR GRUB PO, ,ZHES PA NAS, BSAM GYIS MI KHYAB PA DANG, MI MNYAM PA DANG, BLA NA MED PA DANG, MI MNYAM PA DANG MNYAM PA'I RNAM PA THAMS CAD MKHYEN PA NYID KYANG 'DI LAS BYUNG NGO, ,ZHES DANG, DE NAS YANG BCOM LDAN 'DAS LA LHA RNAMS KYI DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS 'DZAM BU'I GLING GI MI GANG LAGS PA 'DI RNAMS SHER PHYIN 'DI LA ME TOG DANG, ZHES PA NAS, DE CI'I PHYIR ZHE NA, KO'U SHI KA BLA MED RDZOGS BYANG NI LE LO CAN BRTZON 'GRUS ZHAN PA MOS PA DMAN PA SEMS DMAN PA SHES RAB 'CHAL BA CAN RNAMS KYIS BSGRUB PAR DKA'O, ,ZHES DANG, KO'U SHI KA DE BAS NA RIGS KYI BU'AM RIGS KYI BU MO GZHAN YANG MYUR BA DANG BDE BAR BLA MED RDZOGS BYANG DU MNGON PAR RDZOGS PAR 'TSANG RGYA BAR 'DOD PAS SHER PHYIN, ZHES PA NAS, BYANG CHEN SHER PHYIN 'DI RAB TU SPEL BAR

076a

, ,BYA'O; ;ZHES PA DANG, DE NAS LHA RNAMS KYI DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS RIGS KYI BU'AM RIGS KYI BU MO GANG LA LA SHER PHYIN LA RIM GROR BGYID PA DANG, ZHES PA NAS, MCHOD PAR BGYID NA DE NI BSOD NAMS MANG DU 'PHEL LO, ,ZHES PA DANG, KO'U SHI KA RIN PO CHE'I RANG BZHIN GYI MCHOD RTEN GCIG LTA ZHOG GO? ,KLO'U SHI KA GAL TE RIGS KY BU'AM RIGS KYI BU MO GANG LA LA ZHIG GIS DE BZHIN GSHEGS PA MYA NGAN LAS 'DAS NAS MCHOD PA'I PHYIR 'DZAM BU'I GLING 'DI RIN PO CHE'I RANG BZHIN GYI MCHOD RTEN, ZHES PA NAS, MCHOD PAR BYED NA DE'I BSOD NAMS MANG DU 'PHEL LO, ,ZHES PA DANG, KO'U SHI KA 'DZAM BU'I GLING DE BZHIN GSHEGS PA'I MCHOD RTEN GYIS GANG BA LTA ZHOG GI ZHES PA NAS, BKUR STIR BYAS NA DE'I BSOD NAMS MANG DU 'PHEL LO, ,ZHES PA DANG, KO'U SHI KA GLING BZHI PA'I 'JIG RTEN GYI KHAMS DE BZHIN GSHEGS PA'I MCHOD RTEN GYIS YONGS SU GANG BA LTA ZHOG GI ZHES PA NAS, DE'I BSOD NAMS CHES MANG DU 'PHEL LO, ,ZHES PA DANG, KO'U SHI KA STONG GI 'JIG RTEN GYI KHAMS DE BZHIN GSHEGS PA'I MCHOD RTEN GYIS GANG BA LTA ZHOG GI ZHES PA NAS, DE'I BSOD NAMS CHES MANG DU 'PHEL LO,, ZHES PA DANG, KO'U SHI KA STONG GNYIS PA'I 'JIG RTEN GYI KHAMS DE BZHIN GSHEGS PA'I MCHOD RTEN GYIS GANG BA LTA ZHOG GI ,ZHES PA NAS, DE'I BSOD NAMS CHES MANG DU 'PHEL LO, ,ZHES PA'I BAR GSUNGS, GNYIS PA LA CHUNG 'BRING CHEN PO DGU YOD PA

076b

RIM BZHIN STON PA LA, KO'U SHI KA STONG GSUM GYI STONG CHEN PO'I 'JIG RTEN GYI KHAMS DE BZHIN GSHEGS PA'I MCHOD RTEN GYIS GANG BA LTA ZHOG GI ,ZHES PA NAS, BLA NA MED PA'I SANGS RGYAS KYI YE SHES DANG CHOS KYI 'KHOR LO BSKOR SEMS CAN YONGS SU SMIN PA DANG SANGS RGYAS KYI ZHING YONGS SU DAG PA YOD PAS SO, ,ZHES PA DANG, DE NAS STONG GSUM GYI STONG CHEN PO'I 'JIG RTEN GYI KHAMS 'DI NA RGYAL CHEN BZHI'I RIS KYI LHA RNAMS DANG, 'OG MIN GYI BAR GYI LHA'I BU JI SNYED CIG YOD PA DE DAG GIS LHA RNAMS KYI DBANG PO BRGYA BYIN LA 'DI SKAD CES SMRAS SO, ,GROGS PO SHER PHYIN GZUNG BAR BYA'O, ,ZHES PA NAS, GNYIS SU MED CING GNYIS SU BYAR MED PAR BRJOD DO, ,ZHES PA DANG, DE NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,BCOM LDAN 'DAS 'DI LTAR SHER PHYIN GYI MING YONGS SU SGROG PA DE LTAR SBYIN PA'I, ZHES PA NAS, RNAM MKHYEN GYI BAR GYI YONGS SU 'DREN PA'O, ,ZHES PA DANG, DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE BZHIN GSHEGS PA, ZHES PA NAS, TSE 'DI NYID DANG TSE RABS PHYI MA LA'ANG YON TAN 'DI DAG KYANG 'DOD PAR BYA'O, ,ZHES PA DANG, DE SKAD CES BKA' STZAL PA DANG, DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS RIGS KYI BU'AM RIGS KYI BU MO GANG SHER PHYIN 'DI 'DZIN PAR 'GYUR BA DANG, ZHES PA NAS, TSE 'DI'I YON TAN 'DI DAG KYANG 'DZIN PAR 'GYUR RO, ,ZHES PA DANG,

077a

, ,KO'U SHI KA GZHAN YANG RIGS KYI BU'AM RIGS KYI BU MO GANG SHER PHYIN 'DI 'DZIN PAR 'GYUR BA DANG, ZHES PA NAS, LHA DANG MI DANG LHA MA YIN DU BCAS PA'I SKYE DGU RNAMS KYI YANG YID DU 'ONG BAR 'GYUR RO, ,ZHES PA DANG, SPOBS PA MI PHROGS PA DANG LDAN PAR 'GYUR BA YIN, SBYIN PA'I PHAR PHYIN MI PHROGS PA DANG, ZHES PA NAS, TSE 'DI NYID LA YON TAN 'DI DAG KYANG YONGS SU 'DZIN PAR 'GYUR RO, ,ZHES PA DANG, KO'U SHI KA GZHAN YANG RIGS KYI BU'AM RIGS KYI BU MO GANG SHER PHYIN 'DI BRIS SHING GLEGS BAM DU BYAS TE 'CHANG BAR 'GYUR, ZHES PA NAS, BLA MED RDZOGS BYANG DU YANG DAG PAR ZHUGS PA YIN NO, ,ZHES PA DANG, DE NAS BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS RIGS KYI BU'AM RIGS KYI BU MO DES PHYOGS BCU KUN GYI 'JIG RTEN GYI KHAMS NA SHER PHYIN 'DI BZUNG BA'AM, NAS, RNAM MKHYEN GYI SEMS DANG YANG MI 'BRAL BAR BYA'O, ,ZHES PA'I BAR GSUNGS, GSUM PA LA YANG DGU YOD PA RIM BZHIN STON PA LA, KO'U SHI KA GAL TE RIGS KYI BU'AM RIGS KYI BU MO DE DAG GIS SHER PHYIN 'DI MA BZUNG MA BCANGS, NAS, BSTI STANG DU BYAS MCHOD BAR BYAS PA NI MA YIN NO, ,ZHES PA DANG, DE NAS BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,KO'U SHI KA YONGS SU MA BRTAG YONGS SU MA BZUNG NA KHYOD LA RIGS KYI BU'AM RIGS KYI BU MO GANG LA LA ZHIG GIS, NAS, BRTAG TU MA MCHIS PA DANG BRJOD DU MA MCHIS

077b

PA DANG SMOS SU MA MCHIS PA'I CHOS BSTAN TO, ,ZHES PA DANG, BCOM LDAN 'DAS DE LTA BAS NA SHER PHYIN 'DI NI LHA DANG MI DANG LHA MA YIN DU BCAS PA'I 'JIG RTEN GYI ME TOG DANG, NAS, SANGS RGYAS KYI ZHING NAS SANGS RGYAS KYI ZHING DU MCHI BAR 'GYUR RO; ;ZHES PA DANG, BCOM LDAN 'DAS GZHAN YANG GAL TE STONG GSUM GYI STONG CHEN PO'I 'JIG RTEN GYI KHAMS 'DI DE BZHIN GSHEGS PA'I SKU BYUR BUR BLTAMS PA ZHIG KYANG BTZAL LA, NAS, BCOM LDAN 'DAS 'DI LTAR SHER PHYIN DANG DE BZHIN GSHEGS PA LA GNYIS SU MA MCHIS TE GNYIS SU BGYIR MA MCHIS PA'I PHYIR RO, ,ZHES PA DANG, BCOM LDAN 'DAS GZHAN YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS CHO 'PHRUL RNAM PA GSUM GYI MDO DANG DBYANGS KYI SA BSNYAD PA DANG, NAS, DE CI'I SLAD DU ZHE NA 'DI LAS BYUNG BA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LEGS PA'I PHYIR RO, ,ZHES PA DANG, BCOM LDAN 'DAS GZHAN YANG RIGS KYI BU'AM RIGS KYI BU MO GANG SHER PHYIN 'DI 'DZIN PAR 'GYUR, NAS, DE BAS NA DE BZHIN GSHEGS PA'I SKU DE DAG GI MCHOD PA BRNYES SO, ,ZHES PA DANG, DE NAS YANG LHA'I DBANG PO BRGYA BYIN GYIS GSOL BA, BCOM LDAN 'DAS DE BZHIN GSHEGS PA'I SKU DE DAG NI PHAR PHYIN RIN PO CHE'I SNOD DU GYUR PA'O, ,NAS, CHOS THAMS CAD BRJOD DU MED PA DANG, TSIG GI SPYOD YUL MA YIN PA'I BAR GANG YIN PA 'DI DAG NI 'DUS MA BYAS KYI CHOS NYID CES BYA'O, ,ZHES PA DANG, BCOM LDAN 'DAS KYIS BRGYA BYIN LA

078a

, ,BKA' STZAL PA, KO'U SHI KA DE DE BZHIN NO, ,DE DE BZHIN TE, 'DAS PA'I DUS SU BYUNG BA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS JI SNYED CIG BZHUGS SHING 'TSO SKYONG BDE DAG SHER PHYIN 'DI NYID LA BRTEN TE BLA NA MED PA, NAS, RANG SANGS RGYAS KYI CHOS RNAMS DANG DGRA BCOM PA'I CHOS RNAMS STER BAR BYED PA MA YIN NO, ,ZHES PA DANG, BRGYA BYIN GYIS GSOL BA BCOM LDAN 'DAS 'DI LTA STE SHER PHYIN 'DI NI PHAR PHYIN CHEN PO STE, NAS, KO'U SHI KA DE BZHIN DU PHAR PHYIN LNGA SHER PHYIN GYIS YONGS SU ZIN CING THAMS CAD MKHYEN PA'I YE SHES SU YONGS SU BSNGOS PA RNAMS LA KHYAD PAR RAM BYE BRAG TU MA DMIGS SO, ,ZHES PA'I BAR RNAMS GSUNGS, GNYIS PA LA, MTSAMS SBYAR, RTZA BA, 'GREL BA'O, ,DANG PO NI; ZAG BCAS SGOM LAM GSUM GYI NANG NAS DANG POR MOS PA SGOM LAM 'CHAD PA'I RGYU MTSAN YOD DE, MOS PAS DGE RTZA GSOG PAR BYED PAS DE LTAR BSTAN PA'I PHYIR, ZHES 'CHAD PA LA, ZHES BYA BA RNAMS KYI NANG NAS SGOM PA'I LAM DANG PO MOS PA YID LA BYED PA ZHES BYA BA, ZHES GSUNGS, GNYIS PA LA, MDO TSAN DANG PO DGU'I DON BSHAD PA LA, MOS PA RANG GI DON DANG NI, ,ZHES GSUNGS, MDO TSAN GNYIS PA DGU'I DON BSHAD PA LA, RANG GZHAN DON DANG, ZHES GSUNGS, MDO TSAN PHYI MA DGU'I DON 'CHAD PA LA, GZHAN DON DANG, ,ZHES GSUNGS, MOS PA SGOM LAM GSUM PO DE LA YANG CHUNG 'BRING CHEN PO GSUM GSUM DU YOD CES 'CHAD PA LA, RNAM GSUM ZHES BYA DE YANG NI, ,CHUNG DANG 'BRING DANG CHEN PO STE, ,SO SOR

078b

RNAM PA GSUM DU 'DOD, ,CES GSUNGS, DE DAG LA YANG CHUNG NGU'I CHUNG NGU SOGS KYIS DBYE BAS NYI SHU RTZA BDUN YOD CES 'CHAD PA LA, CHUNG NGU'I CHUNG SOGS DBYE BA YIS, ,DE YANG RNAM GSUM DE LTAR NA, ,RNAM PA NYI SHU BDUN DU 'DOD, ,CES GSUNGS, GSUM PA LA, TSIGS RKANG DANG PO PHYED DANG GSUM GYI DON BSHAD PA'I SGO NAS MOS PA SGOM LAM LA RTZA BA'I SGO NAS GSUM DU PHYE NAS 'CHAD PA LA, RANG DANG GNYIS KA DANG GZHAN GYI DON LA DMIGS PA NYID JI LTAR MOS PA BZHIN MTHONG BA'I DGE BA'I CHOS KYI RTEN YIN NA YANG SGOM PA'I LAM GYI DBANG DU BYAS PA LAS DANG POR MNGON DU MI BYED PA'I NGO BO YANG RNAM PA GSUM MO, ,ZHES GSUNGS, TSIGS RKANG BA RAB PHYED DANG GSUM GYI DON BSHAD PA'I SGO NAS DE LA YAN LAG GI SGO NAS CHUNG 'BRING CHEN PO GSUM GSUM STE DGUR PHYE NAS 'CHAD PA LA, DE DAG KYANG RE RE ZHING CHUNG NGU LA SOGS PA'I BYE BRAG GI RNAM PA GSUM YIN LA, ZHES GSUNGS, TSIG RKANG THA MA GSUM GYI DON BSHAD PA'I SGO NAS DE LA NYING LAG GI SGO NAS DGU PO RE RE LA YANG CHUNG 'BRING CHEN PO GSUM GSUM DU PHYE BAS NYER BDUN DU PHYE STE 'CHAD PA LA, DE YANG SO SOR CHUNG NGU'I CHUNG NGU LA SOGS PA'I DBYE BAS RNAM PA GSUM YIN TE, DE LTAR NA DGU TSAN GSUM GYIS MOS PA RNAM PA NYI SHU RTZA BDUN NO, ,ZHES GSUNGS, GZHUNG DON NI, MOS PA SGOM LAM CHOS CAN, NYI SHU RTZA BDUN YOD DE, RANG DON MOS PA SGOM LAM DGU, GNYIS DON MOS PA SGOM LAM DGU, GZHAN DON MOS PA SGOM LAM DGU RNAMS SU YOD PA'I PHYIR, SKABS 'DIR MTHA' DPYAD PA LA, MOS PA'I YUL,

079a

, ,MOS PA'I NGO BO, MOS PA'I RGYU, MOS PA'I BYED LAS, 'DIR BSTAN MOS PA GTAN LA DBAB PA DANG LNGA LAS, DANG PO NI, GZHUNG LAM 'BRAS BU'I SHER PHYIN GSUM MOS PA SGOM LAM GYI MOS YUL YIN CING, DE YANG GZHUNG LAM GNYIS MOS YUL PHAL BA DANG, 'BRAS BU SHER PHYIN MOS YUL GYI GTZO BO YIN TE, RGYAN SNANG LAS, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,ZHES BYA BA'I TSUL GYI GTZO BOR CHOS KYI SKU'I DE BZHIN GSHEGS PA NYID YUL YIN NO, ,DE BAS NA DE STON PAR BYED PA'I RGYAL BA'I YUM LA MCHOD NA THAMS CAD MKHYEN PA'I YE SHES KYI SKU LA MCHOD PA'I PHYIR BSOD NAMS MANG DU SKYE BA YIN NO, ,ZHES GSUNGS PA'I PHYIR, GNYIS PA LA SPYI'I NGO BO DANG, BYE BRAG GI NGO BO GNYIS LAS, DANG PO NI, SPYIR MOS PA'I NGO BO NI TSAD MED PA'I DON 'DZIN PAR BYED PA'I SEMS BYUNG YUL NGES LA BYA ZHING, SKABS 'DI'I MOS PA NI SHER PHYIN GYI YON TAN LA DMIGS PA'I DANG BA'I DAD PA'AM YID CHES PA'I DAD PA LA BYA STE, TSIG GSAL LAS, 'DI'I NGO BO NI NGES PAR BYA BA'I DNGOS PO LA NGES PAR 'DZIN PA'O, ,ZHES DANG, DAG LDAN LAS, MOS PA NI DAD PA DANG 'DUN PA STE YID CHES PA DANG 'DOD PA'I MTSAN NYID DO, ,ZHES GSUNGS PA'I PHYIR, GNYIS PA NI, 'OG TU 'CHAD PAS SHES SO, ,GSUM PA NI, SHER PHYIN GYI YON TAN RNAMS GTAN LA 'BEB PAR BYED PA'I LUNG RIGS RNAM DAG RNAMS SO, ,BZHI PA NI, MOS PA SGOM LAM DE BYED LAS KHYAD PAR CAN DANG LDAN TE, STON PA GZHAN GYIS BSTAN PA GZHAN LA DKRI BAR MI NUS PA SOGS DANG, BSOD NAMS

079b

KYI PHUNG PO DPAG TU MED PA GSOG PAR BYED PA'I BYED LAS DANG LDAN PA'I PHYIR, LNGA PA LA, MTSAN NYID, DBYE BA, PHYE BA SO SO'I NGO BO, GSUM DU 'BYED PA'I RGYU MTSAN, MOS PA SGOM PA'I DGOS BA, SA MTSAMS DANG DRUG LAS, DANG PO NI, YUM DON GSUM PO GANG RUNG GI 'BYUNG GNAS SU MOS SHING YID CHES PA'I THEG CHEN GYI RJES LA MNGON RTOGS DE MOS PA SGOM LAM GYI MTSAN NYID, GNYIS PA LA, RTZA BA'I SGO NAS DBYE BA, YAN LAG GI SGO NAS DBYE BA, NYING LAG GI SGO NAS DBYE BA, DON BSDU BA BZHI LAS, DANG PO NI, DE LA RTZA BA'I SGO NAS RANG DON MOS PA, GNYIS DON MOS BA, GZHAN DON MOS PA GSUM DU YOD DE, MOS PA RANG GI DON DANG NI, ,RANG GZHAN DON DANG GZHAN DON DANG, ,RNAM GSUM ZHES BYA, ZHES GSUNGS PA'I PHYIR, GNYIS PA NI, DE LA YAN LAG GI SGO NAS DE GSUM PO RE RE LA CHUNG NGU 'BRING CHEN PO GSUM GSUM DU YOD DE, DE YANG NI, ,CHUNG DANG 'BRING DANG CHEN PO STE, ,SO SOR RNAM PA GSUM DU 'DOD, ,CES GSUNGS PA'I PHYIR, GSUM PA NI, DE LA NYING LAG GI SGO NAS GSUM PO DE RE RE LA YANG CHUNG NGU'I CHUNG NGU SOGS GSUM GSUM DU YOD PA'I PHYIR TE, CHUNG NGU'I CHUNG SOGS DBYE BA YIS, ,DE YANG RNAM GSUM, ZHES GSUNGS PA'I PHYIR, BZHI PA NI, DES NA MOS PA SGOM LAM LA NYI SHU RTZA BDUN DU YOD DE, DE LTAR DGU TSAN GSUM YOD PA'I PHYIR TE, DE LTAR NA, ,RNAM PA NYI SHU BDUN DU 'DOD, ,CES GSUNGS PA'I PHYIR, GSUM PA LA, YUM RANG DON GYI 'BYUNG GNAS SU MOS SHING YID CHES PAS RAB TU PHYE BA'I THEG CHEN GYI RJES LA MNGON RTOGS, RANG DON MOS PA SGOM LAM GYI MTSAN NYID, DBYE NA DGU YOD, DES GZHAN GNYIS LA

080a

, ,RIGS 'GRE, BZHI PA LA, MOS PA SGOM LAM LA DE GSUM DU 'BYED PA'I RGYU MTSAN YOD DE, BSAM PAS GZHAN DON LA DMIGS PA KHYAD PAR MED KYANG, SBYOR BAS RANG DON GTZO BOR SGRUB PAS RANG DON MOS PA DANG, GZHAN DON DANG RANG DON GNYIS KA GTZO BOR SGRUB PAS GNYIS DON MOS PA DANG, SBYOR BAS GZHAN DON GTZO BOR SGRUB PAS GZHAN DON MOS PAR BZHAG PA'I PHYIR, KHA CIG ,RANG DON MOS PAS BSAM PA, GZHAN DON SBYOR BAS RANG DON GTZO BOR SGRUB, GNYIS DON MOS PAS BSAM SBYOR GNYIS KAS RANG GZHAN GNYIS KA'I DON CHA MNYAM DU SGRUB, GZHAN DON MOS PAS BSAM SBYOR GNYIS KAS GZHAN DON GTZO BOR SGRUB, CES GSUNGS, DE LTAR YANG NYI SNANG LAS, RANG GI DON GYI MOS PA NI GANG GI RANG GI DON NYID SGRUB PAR BYED CING GZHAN GYI DON YANG CHED DU BYA BA'I RANG BZHIN GYIS DBYE BA'O, ,RANG DANG GZHAN GYI DON NI GANG GI GNYIS KA'I DON SGRUB PAR BYED PA'O, ,GZHAN GYI DON NI GANG GI GZHAN KHO NA'I DON DU 'GYUR PA STE, ZHES GSUNGS PA'I PHYIR, LNGA PA NI, YUM LA MOS PA CHOS CAN, DGOS PA YOD DE, RANG DANG RANG GZHAN GNYIS KA DANG GZHAN GYI DON DU JI LTAR MOS PA SGOM PA BZHIN DU DGE BA'I CHOS DON PHUN SUM TSOGS PA 'THOB PA'I RTEN CAN DU BYED PA'I PHYIR, DRUG PA NI; RANG DON MOS PA MDAG SA BDUN GYI RJES THOB TU GTZO CHE, GNYIS DON MOS PA DAG PAS GSUM GYI RJES THOB TU GTZO CHE, GZHAN DON MOS PA SA BCU PA'I RJES THOB TU GTZO CHE ZHING, SPYIR DE THAMS CAD SA BCU KA NA YOD DO, ,KHO NA RE, THEG CHEN

080b

GYI MOS PA SGOM LAM MED PAR THAL, MTSAN NYID 'THAD PA'I PHYIR, 'DOD MI NUS TE, THEG CHEN GYI MOS PA SNGO RJES SU YI RANG GSUM GYIS BSDUS PA'I SGOM LAM YOD PA'I PHYIR TE, DE GSUM GYIS BSDUS PA'I DGE RTZA YOD PA'I PHYIR NA MA KHYAB STE, THEG CHEN GYI GZHAN DON MOS PA SGOM LAM YOD PAR THAL, THEG CHEN GYI MOS PA SGOM LAM YOD PA'I PHYIR, KHO NA RE, YUM DON GSUM PO GANG RUNG GI 'BYUNG GNAS SU THAL, MTSAN NYID 'THAD PA'I PHYIR, 'DOD NA, DE DE GSUM PO GANG RUNG GI RGYUR THAL, 'DOD PA'I PHYIR, 'DOD MI NUS TE, DE GSUM GANG RUNG RTAG PA YIN PA'I PHYIR ZER NA, SHES BYA CHOS CAN, RANG GI CHA SHAS LA BRTEN NAS SKYES PAR THAL, RANG GI CHA SHAS LA BRTEN LAS GRUB PA'I PHYIR, KHYAB STE, YUM DON GSUM GYI 'BYUNG GNAS YIN NA, DE DE GSUM GYI RGYU YIN DGOS PA'I PHYIR, KHA CIG ,YUM DON GSUM GYI 'BYUNG GNAS SU YID CHES PA'I ZAG PA DANG BCAS PA'I THEG CHEN GYI RJES LA MNGON RTOGS, MOS PA SGOM LAM GYI MTSAN NYID, RANG DON MOS PA SGOM LAM DANG GZHAN DON MOS PA SGOM LAM GNYIS 'GAL ZER NA, YUM RANG DON GYI 'BYUNG GNAS SU YID CHES PA'I ZAG PA DANG BCAS PA'I THEG CHEN GYI RJES LA MNGON RTOGS YIN NA, RANG DON MOS PA SGOM LAM YIN DGOS PAR THAL, MTSAN NYID 'THAD PA'I PHYIR, 'DOD NA, GZHAN DON LA DE DGOS PAR THAL, MTSAN NYID 'THAD PA'I PHYIR, 'DOD NA, YUM DON GSUM GYI 'BYUNG GNAS SU YID CHES PA'I ZAG PA DANG BCAS PA'I THEG CHEN GYI RJES LA MNGON RTOGS CHOS CAN, RANG DON MOS PA SGOM LAM YIN PAR THAL, RTAGS DE'I PHYIR TE,

081a

, ,CHOS CAN DE'I PHYIR, 'DOD MI NUS TE, GZHAN DON MOS PA SGOM LAM YIN PA'I PHYIR, KHYAB PA KHAS, DER THAL, RTAGS SNGA MA DE'I PHYIR TE, CHOS CAN DE'I PHYIR, GZHAN YANG, NYAN THOS DGRA BCOM PA'I RTOGS PA SNGON DU SONG BA'I MOS PA SGOM LAM CHOS CAN, ZAG PA DANG BCAS PA'I THEG CHEN GYI RJES LA MNGON RTOGS YIN PAR THAL, MOS PA SGOM LAM YIN PA'I PHYIR, 'DOD MI NUS TE, DE DANG BRAL BA'I PHYIR, ROD t'IKA PA RANG DON MOS PA SGOM LAM MA DAG SA BDUN GYI RJES THOB KYIS BSDUS TE, DER NYON YID MA SPANGS PA'I NGA RGYAL PHRA MO 'BYUNG BA'I PHYIR TE, GNYIS DON MOS PA SGOM LAM SA BRGYAD PA DANG DGU PAS BSDUS TE, DER NYON YID GNAS GYUR PAS BDAG GZHAN MNYAM PA NYID DU RTOGS PA'I PHYIR, GZHAN DON MOS PA SGOM LAM SA BCU PAS BSDUS TE, DER GZHAN DON BYED TSUL SANGS RGYAS DANG MNYAM PA'I PHYIR, ZHES ZER BA MI 'THAD DE, SA BCU PA PA'I RGYUD LA RANG DON MOS BSGOM LAM YOD PA'I PHYIR TE, RANG DON MOS PA SGOM LAM CHEN PO'I CHEN PO YOD PA'I PHYIR DANG, GZHAN DON MOS PA SGOM LAM CHUNG NGU'I CHUNG NGU YANG YOD PA'I PHYIR, GZHAN YANG, SA BDUN PA PA CHOS CAN, NYON YID SPANGS PAR THAL, NYON YID YOD PA GANG ZHIG ,NYON SGRIB SPANGS PA'I PHYIR, RTAGS KHAS, GZHAN YANG, SA BCU PA PA CHOS CAN, CHOS NYID LA RTZE GCIG DU MNYAM PAR BZHAG BZHIN PA'I NGANG NAS GZHAN DON 'BAD MED LHUN GRUB TU BYED NUS PAR THAL, GZHAN DON BYED TSUL SANGS RGYAS DANG MNYAM PA'I PHYIR, KHA CIG, RANG DON MOS PA SGOM

081b

LAM DANG GZHAN DON MOS PA SGOM LAM GNYIS 'GAL BAR THAL, YUM GTZO BOR RANG DON GYI 'BYUNG GNAS SU YID CHES PA'I THEG CHEN GYI RJES LA MNGON RTOGS DANG, YUM GTZO BOR GZHAN DON GYI 'BYUNG GNAS SU YID CHES PA'I DE GNYIS 'GAL BA'I PHYIR NA MA KHYAB BO, ` ,GNYIS PA MOS PA'I PHAN YON BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MOS PA SGOM LAM GYI SKABS SU SHER PHYIN NI YON TAN DU MA DANG LDAN PAR BSTAN PA LAS 'PHROS NAS, BRGYA BYIN GYIS GSOL PA, BCOM LDAN 'DAS SHER PHYIN 'DI NI YON TAN THAMS CAD YONGS SU RDZOGS PAR BGYI BA'I SLAD DU YON TAN CHEN PO DANG LDAN PA'O, ,ZHES SOGS GSUNGS, 'DI LA YANG, BSTOD PA DANG, BKUR BA DANG, BSNGAGS PA DANG GSUM DU YOD PA LAS, DANG PO BSTOD PA TZAM DGU PO DE STON PA LA, BCOM LDAN 'DAS SHER PHYIN 'DI NI YON TAN THAMS CAD YONGS SU RDZOGS PAR BGYI BA'I SLAD DU YON TAN CHEN PO DANG LDAN PA'O,, BCOM LDAN 'DAS SHER PHYIN 'DI NI TSAD MA MCHIS PA'I YON TAN DANG LDAN PA DANG, BSAM GYIS MI KHYAB PA'I YON TAN DANG LDAN PA'O, ,MI MNYAM PA'I YON TAN DANG LDAN PA'O, ,GZHAL DU MED PA'I YON TAN DANG LDAN PA'O, ,MTHA' YAS PA'I YON TAN DANG LDAN PA'O, ,ZHES PA NAS, DE'I BSOD NAMS CHES 'PHEL BAR 'GYUR RO, ,ZHES PA DANG, KO'U SHI KA GZHAN YANG RIGS KYI BU'AM RIGS KYI BU MO GANG LA LA JI SKAD DU BSTAN PA BZHIN DU GZHAN GYI DRUNG DU SONG STE STON CING, ZHES

082a

, ,SOGS DANG, KO'U SHI KA RIGS KYI BU'AM RIGS KYI BU MO LA LA ZHIG GIS SEMS CAN GCIG GCIG RGYUN DU ZHUGS PA'I 'BRAS BU LA BKOD NA DE'I BSOD NAMS MANG DU 'PHEL GYI 'DZAM BU'I GLING GI SEMS CAN DGE BA BCU'I LAS KYI LAM LA BKOD PAS NI MA YIN NO, ,ZHES SOGS DANG, DE BZHIN DU LAN CIG PHYIR 'ONG BA'I 'BRAS BU LA SEMS CAN GCIG GCIG, CES SOGS DANG, DE BZHIN DU PHYIR MI 'ONG BA'I 'BRAS BU LA, ZHES SOGS DANG, DE BZHIN DU SEMS CAN GCIG GCIG DGRA BCOM PA'I 'BRAS BU LA BZHAG NA, ZHES SOGS DANG, DE BZHIN DU RANG BYANG CHUB LA BZHAG NA, ZHES SOGS DANG, RIGS KYI BU'AM RIGS KYI BU MO LA LA ZHIG 'DZAM BU'I GLING GI SEMS CAN RGYUN DU ZHUGS PA'I 'BRAS BU LA BKOD PA BAS RIGS KYI BU'AM RIGS KYI BU MO LA LA ZHIG GIS SEMS CAN GCIG GCIG BLA MED RDZOGS BYANG LA BZHAG NA DE'I BSOD NAMS CHES MANG DU 'PHEL LO, ,DE CI'I PHYIR ZHE NA, 'DI LTAR SANGS RGYAS KYI TSUL RGYUN MI GCOD PA'I DON DU ZHUGS PA'I PHYIR RO, ,ZHES DANG, DE BZHIN DU LA LA ZHIG 'DZAM BU'I GLING GI SEMS CAN LAN CIG PHYIR 'ONG BA'I 'BRAS BU LA BKOD PA BAS GZHAN GANG LA LA ZHIG GIS SEMS CAN GCIG BLA MED RDZOGS BYANG LA BZHAG NA DE'I BSOD NAMS CHOS MANG DU 'PHEL LO, ,ZHES PA RNAMS GSUNGS, GNYIS PA BKUR BA TZAM DGU BO DE STON PA LA, DE BZHIN DU LA LA ZHIG 'DZAM BU'I GLING GI SEMS CAN PHYIR MI 'ONG BA'I 'BRAS BU LA BKOD PA BAS, ZHES SOGS DANG,

082b

DE BZHIN DU LA LA ZHIG 'DZAM BU'I GLING GI SEMS CAN THAMS CAD DGRA BCOM PA'I 'BRAS BU LA BKOD PA PAS, ZHES SOGS DANG, DE BZHIN DU LA LA ZHIG 'DZAM BU'I GLING GI SEMS CAN THAMS CAD RANG BYANG CHUB LA BKOD PA BAS, ZHES SOGS DANG; KO'U SHIG GZHAN YANG RIGS KYI BU'AM RIGS KYI BU MO LA LA ZHIG GIS 'DZAM BU'I GLING GI SEMS CAN THAMS CAD DGE BA BCU'I LAS KYI LAM LA BKOD PAR GYUR NA KO'U SHI KA DE JI SNYAM DU SEMS, RIGS KYI BU'AM RIGS KYI BU MO DE'I BSOD NAMS DE'I RGYUS MANG DU 'PHEL LAM, BRGYA BYIN GYIS GSOL BA, BCOM LDAN 'DAS MANG NGO, ,BDE BAR GSHEGS PA MANG NGO, ,BCOM LDAN 'DAS KYIS BKA' STZAL PA, KO'U SHI KA DE BAS KYANG RIGS KYI BU'AM RIGS KYI BU MO GANG GIS SHER PHYIN 'DI BRIS NAS GLEGS BAM DU BYAS TE CHUNG NGU NA BRIS PA'AM, ZHES SOGS DANG, KO'U SHI KA RIGS KYI BU'AM RIG KYI BU MO GANG LA LA ZHIG GIS SHER PHYIN GYI DON GZHAN LA RNAM GRANGS DU MAR PHYE STE STON PAR BYED, CES SOGS DANG, KO'U SHI KA RIGS KYI BU'AM RIGS KYI BU MO LA LA ZHIG GIS BDAG NYID KYANG SHER PHYIN 'DI 'DZIN PAR 'GYUR, ZHES SOGS DANG, KO'U SHI KA GAL TE RIGS KYI BU'AM RIGS KYI BU MO LA LAS PHYOGS BCU KUN GYI PHYOGS RE RE ZHING DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TSAD MED GRANGS MED, CES SOGS DANG, KO'U SHI KA GZHAN YANG RIGS KYI BU'AM RIGS KYI BU MO GANG LA LAS BSKAL PA TSAD MED GRANGS MED GZHAL DU MED PA'I

083a

, ,DMIGS PA MED PA'I TSUL GYIS SBYIN PA'I PHAR PHYIN DANG, ZHES SOGS DANG, KO'U SHI KA 'DZAM BU'I GLING GI SEMS CAN JI SNYED PA DE DAG RIGS KYI BU'AM RIGS KYI BU MO GANG LA LAS RGYUN DU ZHUGS PA'I 'BRAS BU LA BKOD NA, KO'U SHI KA DE JI SNYAM DU SEMS, RIGS KYI BU'AM RIGS KYI BU MO DE'I BSOD NAMS CHOS MANG DU 'PHEL LAM, BRGYA BYIN GYIS GSOL PA, BCOM LDAN 'DAS MANG NGO, ,BDE BAR GSHEGS PA MANG NGO, ,BCOM LDAN 'DAS KYIS BKA' STZAL PA, KO'U SHI KA DE PAS KYANG RIGS KYI BU'AM RIGS KYI BU MO GANG GI SHER PHYIN 'DI DON DANG LDAN, ZHES PA NAS, DE CI'I PHYIR ZHE NA, SHER PHYIN 'DI LA RGYUN DU ZHUGS PA RNAMS YOD PAR 'GYUR RO, ,ZHES PA RNAMS GSUNGS, GSUM PA BSNGAGS PA TZAM LA DGU YOD PA DE RNAMS STON PA LA, KO'U SHI KA GZHAN YANG 'DZAM BU'I GLING GI SEMS CAN JI SNYED PA DE DAG RIGS KYI BU 'AM RIGS KYI BU MO GANG LA LA ZHIG GIS PHYIR 'ONG BA'I 'BRAS BU LA BKOD NA, ZHES SOGS DANG, JI SNYED PA PHYIR MI 'ONG BA'I 'BRAS BU LA BKOD, CES SOGS DANG, DGRA BCOM PA NYID LA BKOD, CES SOGS DANG, KO'U SHI KA GZHAN YANG PHYOGS BCU'I PHYOGS RE RE ZHIG GANG GLA'I KLUNG GI BYE MA SNYED KYI 'JIG RTEN GYI KHAMS KYI SEMS CAN JI SNYED PA DE DAG THAMS CAD RIGS KYI BU'AM RIGS KYI BU MO GANG LA LAS RANG SANGS RGYAS NYID LA RAB TU BKOD NA, ZHES SOGS DANG, KO'U SHI KA GZHAN YANG RIGS KYI BU'AM RIGS KYI BU MO

083b

LA LAS 'DZAM BU'I GLING GI SEMS CAN JI SNYED PA DE DAG BLA NA MED PA YANG DAG PAR RDZOGS PA'I BYANG CHUB TU YANG DAG PAR BSKUL BAR BYAS NA, ZHES SOGS DANG, GLING CHEN PO BZHI BA'I 'JIG RTEN GYI KHAMS KYI SEMS CAN JI SNYED PA, ZHES SOGS DANG, STONG SPYI PHUD KYI 'JIG RTEN GYI SEMS CAN JI SNYED PA DANG, ZHES DANG, STONG GNYIS PA BAR MA'I 'JIG RTEN GYI SEMS CAN JI SNYED PA DANG, STONG GSUM GYI, ZHES SOGS DANG, KO'U SHI KA GZHAN YANG 'DZAM BU'I GLING GI SEMS CAN JI SNYED PA DE DAG RIGS KYI BU'AM RIGS KYI BU MO LA LA ZHIG GIS PHYIR MI LDOG PA'I SA LA BKOD PA BAS KYANG ZHES PA NAS, DE DAG LA NI DE TZAM DU CHOS BSTAN KYANG MI DGOS KYI 'DI NI 'KHOR BA LAS 'BYUNG BAR 'DOD LA SNYING RJE CHEN POS MNAR BA'I PHYIR RO, ,ZHES GSUNGS PA'I BAR RNAMS GSUNGS, DE GSUM GYI DON BSDUS TE STON PA LA, DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTA JI LTAR BYANG CHEN BLA MED RDZOGS BYANG DU NYE BAR 'GYUR BA DE LTA DE LTAR BYANG CHEN SHER PHYIN LA GDAMS SHING RJES SU BSTAN PAR BGYI'O, ,ZHES PA NAS, NYAN THOS KYI THEG PA DANG RANG SANGS RGYAS KYI THEG PA DANG THEG PA CHEN PO 'JIG RTEN DU 'BYUNG BAR 'GYUR RO, ,ZHES PA'I BAR GSUNGS, GNYIS PA LA, MTSAMS SBYOR; RTZA BA; 'GREL PA GSUM LAS, DANG PO NI, MOS PA SGOM LAM GYI 'OG TU DE'I PHAN YON 'CHAD PA'I RGYU MTSAN YOD DE, MOS PA SGOM PA'I GANG ZAG DE SPRO BA BSKYED PAR BYA BA'I CHED YIN PA'I PHYIR, ZHES 'CHAD PA LA,

084a

, ,DE SGOM PAS BYANG CHUB SEMS DPA' SPRO BA BSKYED PA'I PHYIR DE LTAR MOS PA LA SANGS RGYAS LA SOGS PAS BSTOD PA LA SOGS PA MDZAD DO, ,ZHES BSTOD PA DANG BKUR BA DANG BSDAGS PA, ZHES GSUNGS, GNYIS PA NI; ,MDO DE'I DON 'CHAD PA'I SGO NAS MOS PA SGOM PA'I PHAN YON DE STON PA LA, SHES RAB PHA ROL PHYIN PA LA, ,ZHES SOGS GSUNGS, GSUM PA NI, RTZA BA'I DON BKRAL BA DANG, RANG BZHIN NGOS BZUNG BA GNYIS LAS, DANG PO DE STON PA LA, JI LTAR MOS PA BZHIN MTHONG BA'I CHOS KYI MTSAN NYID KYI SHES RAB KYI PHA ROL TU PHYIN PA LA ZHUGS PA'I MOS PA YID LA BYED PA DANG PO DANG GNYIS PA DANG GSUM PA STE, GNAS SKABS DGU DAG TU SO SOR RNAM PA DGU PO GO RIMS BZHIN DU GONG NAS GONG DU MNGON PAR DGA' BAR BYED CING BSTOD PA DANG BKUR PA DANG BSDAGS PAR 'DOD DE, ZHES GSUNGS, GNYIS PA STON PA LA, DES NA BSTOD PA LA SOGS PA 'DI DAG NI DON YANG DAG PA JI LTA BA BZHIN DU RTOGS PA'I MTSAN NYID CAN YIN GYI GCAM? BU'I NGO BO NI MIN NO, ,ZHES GSUNGS, GZHUNG DON NI, MOS PA SGOM LAM GYI PHAN YON CHOS CAN, DU MAR YOD DE, BSTOD PA DGU, BKUR BA DGU, BSDAGS PA DGU RNAMS SU YOD PA'I PHYIR, DES NA RANG THOB BYED KYI THABS SU GYUR PA'I MOS PA SGOM LAM BSGOMS STOBS KYIS THOB PA'I YON TAN TE, MOS PA SGOM LAM GYI PHAN YON GYI MTSAN NYID, DBYI NA MOS PA SGOM LAM DANG PO DGU SGOM PA'I SKABS SU BSTOD PA DGU, BAR BA DGU SGOM PA'I SKABS

084b

SU BKUR BA DGU, THA MA DGU SGOM PA'I SKABS SU BSNGAGS PA DGU RNAMS SU YOD, SA MTSAMS MOS PA SGOM LAM SGOM PA'I SKAD CIG GNYIS PA NAS SANGS RGYAS KYI SA'I BAR DU YOD, ` GNYIS PA BSNGO BA SGOM LAM STON PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MOS PA'I PHAN YON GYI SKABS SU SHER PHYIN YOD PAS MNGON MTHO DANG NGES LEGS THAMS CAD YOD PAR GSUNGS PA LAS 'PHROS NAS DE NAS BYANG CHEN BYAMS PAS GNAS BRTAN RAB 'BYOR LA SMRAS PA, BTZUN PA RAB 'BYOR BYANG CHEN RJES SU YI RANG BA DANG LDAN PA'I, ZHES SOGS GSUNGS, GNYIS PA LA MTSAMS SBYAR BA, RTZA BA; 'GREL PA GSUM LAS, DANG PO NI, MOS PA SGOM LAM GYI 'OG TU BSNGO BA SGOM LAM STON PA'I RGYU MTSAN YOD DE, MOS PAS BSAGS PA'I DGE RTZA RNAMS BSNGO BAS RDZOGS BYANG DU BSNGO BAR BYED PA'I RGYU MTSAN GYIS DE LTAR BSHAD PA'I PHYIR, ZHES 'CHAD PA LA, DE LTAR MOS PA LA BSNGO BA 'BYUNG BAS GNYIS PA BSNGO BA YID LA BYED PA ZHES BYA BA, ZHES GSUNGS, GNYIS PA NI, MDO DE'I DON 'CHAD PA LA, GONGS SU BSNGO BA KHYAD PAR CAN, ,ZHES SOGS GSUNGS, DE YANG, YONGS SU BSNGO BA KHYAD PAR CAN, ,ZHES BAS BSNGO BA KHYAD PAR CAN DE BSTAN NAS, BSNGO BA'I BYED LAS DE STON PA LA, DE YI BYED PA MCHOG YIN NO, ,ZHES GSUNGS, BSNGO BA'I NGO BO BCU GCIG STON BA LA, GZHUNG LHAG MA RNAMS GSUNGS, DE YANG, DE NI DMIGS MED RNAM PA CAN, ,ZHES PAS BSNGO BYA'I RDZAS LA BDEN ZHEN?

085a

, ,DGAG PA DE BSTAN, PHYIN CI MA LOG MTSAN NYID DO, ,ZHES PAS BSNGO BYED KYI SEMS LA BDEN ZHEN DGAG PA DE BSTAN, DBEN DANG, ZHES PAS BSNGO BA PO LA BDEN ZHEN DGAG PA DE BSTAN, SANGS RGYAS BSOD NAMS TSOGS, ,RANG BZHIN DRAN PA'I SPYOD YUL CAN, ,ZHES PAS RANG BZHIN GYI DGE RTZA LA BDEN ZHEN DGAG PA DE BSTAN, THABS BCAS, ZHES PAS PHYIN DRUG GI DGE RTZA LA BZANG NGAN DU BDEN ZHEN DGAG PA DE BSTAN, MTSAN MA MED PA DANG, ,ZHES PAS BSNGO BA THAMS CAD LA 'KHOR GSUM DU BDEN ZHEN DGAG PA DE BSTAN, SANGS RGYAS RJES SU YI RANG DANG, ,ZHES SOGS KYIS THA SNYAD DU RTEN 'BREL SGYU MA LTA BUR SHES NAS DGE RTZA SANGS RGYAS KYI SAR BSNGO ZHING 'KHOR BA'I RGYUR MI BSNGO BA DE BSTAN, CHUNG DANG, ZHES SOGS KYIS BSNGO BA'I DBYE BA DE BSTAN TO, ,GSUM PA LA, BSNGO BA'I GRANGS, GANG DU BSNGO BA, GANG GI CHED DU BSNGO BA, DGOS PA GANG GI PHYIR DU BSNGO BA, GANG GIS BSNGO BA'O, ,DANG PO NI; RNAM PA BCU GNYIS BYED DO, ,ZHES 'CHAD GNYIS PA NI, BLA NA MED PA YANG DAG PAR RDZOGS PA'I BYANG CHUB TU BSNGO BA, ZHES BSHAD, GSUM PA NI, SEMS CAN THAMS CAD KYI DON DU, ZHES 'CHAD, BZHI PA NI, MI ZAD PAR BYA BA'I PHYIR, ZHES 'CHAD, LNGA PA NI, MI DMIGS PA LA DMIGS PA THEG PA GSUM GYI GDUL BYAR GSUNGS PA'I SEMS CAN RNAMS LA LAM NYE BAR STON PA'I RGYU'I NGO BO BYED PA DANG LDAN PA RNAMS KYIS, ZHES 'CHAD, 'O NA BSNGO BA RNAM PA BCU GNYIS BYED DO, ,ZHES

085b

'CHAD NA BCU GNYIS PO GANG ZHE NA, DANG PO BSNGO BA KHYAD PAR CAN DE STON PA LA, MDO LAS, BTZUN PA RAB 'BYOR BYANG CHEN RJES SU YI RANG BA DANG LDAN PA'I BSOD NAMS BYA BA'I DNGOS PO GANG YIN PA SEMS CAN THAMS CAD THUN MONG DU BYAS TE DE YANG MI DMIGS PA'I TSUL GYIS BLA MED RDZOGS BYANG DU YONGS SU BSNGO BA GANG YIN PA DANG, SEMS CAN THAMS CAD KYI RJES SU YI RANG BA DANG LDAN PA'I BSOD NAMS BSAGS PA'I DNGOS PO DANG NYAN RANG GI THEG PA LA ZHUGS PA RNAMS KYI DGE BA'I RTZA BA RNAMS KYI NANG NAS 'DI NYID RAB CES BYA'O, ,DAM PA ZHES BYA'O, ,ZHES SOGS GSUNGS, DE'I DON BSHAD PA LA, YONGS SU BSNGO BA KHYAD PAR CAN, ,ZHES DANG, JI SKAD BSHAD PA'I MOS PA KHYAD PAR CAN DANG, ZHES DANG, DE LTAR MING DU BTAGS PA'I YID LA BYED PA'I GO RIMS BZHIN DU BLA NA MED PA'I BYANG CHUB DANG, ZHES GSUNGS, BSNGO BA'I BYED PA STON PA LA, DE CI'I PHYIR ZHE NA NYAN THOS DANG RANG SANGS RGYAS KYI THEG PA PA RNAMS KYI SBYIN PA LAS BYUNG BA DANG, ZHES PA NAS, BLA MED RDZOGS BYANG DU YONGS SU BSNGO'O, ,ZHES GSUNGS, DE'I DON 'CHAD PA LA, DE YI BYED PA MCHOG YIN NO, ,ZHES DANG, BLA NA MED PA'I BYANG CHUB LA GNAS PA RNAMS MI DMIGS PA LA DMIGS PA THEG PA GSUM GYI GDUL BAR BYA BA'I SEMS CAN LA LAM NYE PAR STON PA'I RGYU'I NGO BO BYED PA DANG LDAN PA RNAMS KYI, ZHES GSUNGS, RTZA 'GREL 'DI GNYIS BSNGO BA THAMS CAD KYI BYED PAR SBYAR RO, ,GNYIS PA DMIGS PA MED PA'I YONGS SU BSNGO BA STON PA LA, DE NAS TSE DANG LDAN PA RAB 'BYOR GYIS BYANG

086a

, ,CHEN BYAMS PA LA 'DI SKAD CES SMRAS SO, ,BYAMS PA GANG YANG BYANG CHEN 'DI NAS SHAR PHYOGS KYI 'JIG RTEN GYI KHAMS KYI SANGS RGYAS BCOM LDAN 'DAS TSAD MED GRANGS MED GZHAL TU MED PA DANG, ZHES PA NAS, DE BZHIN GSHEGS PA THAMS CAD KYI TSUL KHRIMS LA SOGS PA NI RIGS KYI BU 'AM RIGS KYI BU MO DE DAG GIS JI LTAR MTSAN MAR BYAS TE, BLA MED RDZOGS BYANG DU YONGS SU BSNGO BA DE BZHIN DU DNGOS PO DE DAG DANG DMIGS PA DE DAG DMIGS SU YOD PA MA YIN NO, ,ZHES SOGS GSUNGS, DE'I DON BSHAD PA LA, DE NI DMIGS MED RNAM PA CAN, ,ZHES DANG, MI DMIGS PA DANG, ZHES DANG, TSUL KHRIMS LA SOGS PA'I PHUNG PO DANG, ZHES GSUNGS, GSUM PA PHYIN CI MA LOG PA'I MTSAN NYID KYI YONGS SU BSNGO BA STON PA LA, BYAMS PAS SMRAS PA, BTZUN PA RAB 'BYOR GAL TE THEG PA LA GSAR DU ZHUGS PA'I BYANG CHEN SANGS RGYAS BCOM LDAN 'DAS NYAN THOS KYI DGE 'DUN DANG BCAS PA DE DAG GI DGE BA'I RTZA BA DE DAG THAMS CAD LA SEMS SHING, ZHES SOGS GSUNGS, DE'I DON 'CHAD PA LA, PHYIN CI MA LOG MTSAN NYID DO, ,ZHES DANG, PHYIN CI MA LOG PA DANG, ZHES DANG, BSNGO BAR BYED PA'I SEMS DANG, ZHES GSUNGS, BZHI PA DBEN PAR SHES PA'I BSNGO BA STON PA LA, GAL TE BYANG CHEN BSOD NAMS BYA BA'I DNGOS PO MNGON PAR 'DU BYAS TE PHUNG PO DANG KHAMS DANG SKYE MCHED KYI DBEN PAR 'DU SHES, ZHES SOGS GSUNGS, DE'I DON BSHAD PA LA, DBEN DANG, ZHES DANG, DBEN

086b

PA DANG, ZHES DANG, BDAG LA SOGS PA DANG LDAN PA'I DNGOS PO DANG, ZHES GSUNGS, LNGA PA SANGS RGYAS KYI BSOD NAMS KYI RIGS DANG RANG BZHIN RJES SU DRAN PA'I BSNGO BSTON PA LA, GZHAN YANG BYANG CHEN SANGS RGYAS BCOM LDAN 'DAS NYAN THOS KYI DGE 'DUN DANG BCAS PA YONGS SU MYA NGAN LAS 'DAS PA DE DAG GI DGE BA'I RTZA BA DE DAG THAMS CAD RJES SU DRAN PAR BYAS NAS 'DI LTAR YONGS SU BSNGO BAR BYA STE, ZHES SOGS GSUNGS, DE'I DON BSHAD PA LA, SANGS RGYAS BSOD NAMS TSOGS, ,RANG BZHIN DRAN PA'I SPYOD YUL CAN, ,ZHES GSUNGS, DE BZHIN GSHEGS PAS DGE BA'I RTZA BA'I TSOGS KYI RANG BZHIN DRAN PA DANG, ZHES DANG, DUS GSUM GYI SANGS RGYAS KYI DGE BA DANG, ZHES GSUNGS, DRUG PA THABS LA MKHAS PA DANG BCAS PA'I YONGS SU BSNGO BA STON PA LA, BYAMS PAS SMRAS PA BTZUN PA RAB 'BYOR JI LTAR NA BYANG CHEN DGE BA'I RTZA BA DE DAG MTSAN MAR MI BYED CING BLA MED RDZOGS BYANG DU YONGS SU BSNGO BA YIN, ZHES SOGS GSUNGS, DE'I DON BSHAD PA LA, THABS BCAS, ZHES DANG, THABS LA MKHAS PA DANG BCAS PA DANG, ZHES DANG, SBYIN PA LA SOGS PA DANG, ZHES GSUNGS, BDUN PA 'KHOR GSUM DU DMIGS PA'I MTSAN MA MED PA'I YONGS SU BSNGO BA STON PA LA, 'DI LTA STE DPER NA KHA ZAS BSOD PA KHO DOG PHUN SUM TSOGS PA DRI PHUN SUM TSOGS PA ZHIG YOD KYANG DUG DANG 'DRES PAR GYUR NA KHA DOG DANG DRI DANG RO YID DU 'ONG BA YANG YIN MOD KYI, ZHES SOGS GSUNGS, DE'I DON BSHAD PA LA, MTSAN

087a

, ,MA MED PA DANG, ,ZHES DANG, MTSAN MA DANG, ZHES GSUNGS, BRGYAD PA SANGS RGYAS RJES SU GNANG BA'I BSNGO BA STON PA LA, BYAMS PAS SMRAS PA JI LTAR 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS RNAMS KYI DGE BA'I RTZA BA RNAMS LA RJES SU YI RANG STE YONGS SU BSNGO BAR BYA, ZHES SOGS GSUNGS, DE'I DON BSHAD PA LA, SANGS RGYAS RJES SU YI RANG DANG, ,ZHES DANG, SANGS RGYAS KYIS GNANG BA DANG, ZHES DANG, LAM THAMS CAD DANG, ZHES GSUNGS, DGU PA KHAMS GSUM DU MA ZHEN PA'I BSNGO BA STON PA LA, GZHAN YANG BYANG CHUB SEMS DPA'I THEG PA LA GSAR DU ZHUGS PA'I RIGS KYI BU'AM RIGS KYI BU MOS SHER PHYIN LA SPYOD PA'I TSE DGE BA RNAMS 'DI LTAR YONGS SU BSNGO BAR BYA STE, JI LTAR GZUGS GANG 'DOD PA'I KHAMS DANG GZUGS KYI KHAMS DANG GZUGS MED PA'I KHAMS SU MA GTOGS PA DE NI 'DAS PA MA YIN MA 'ONGS PA MA YIN DA LTAR BYUNG BA YANG MA YIN TE, DE NI MTSAN MA'I TSUL LAM DMIGS PA'I TSUL GYIS YONGS SU BSNGO BAR MI NUS SO, ,ZHES SOGS GSUNGS, DE'I DON BSHAD PA LA, KHAMS GSUM GTOGS PA MA YIN DANG, ,ZHES DANG, KHAMS GSUM PAR MA GTOGS PA DANG, ZHES DANG, 'DOD PA LA SOGS PA'I KHAMS DANG, ZHES GSUNGS, BCU PA BSOD NAMS CHEN PO 'BYUNG BA'I BSNGO BA CHUNG DU STON PA LA, DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR LEGS SO LEGS SO KHYOD DE LTAR BYANG CHEN RNAMS KYI YONGS SU BSNGO

087b

PA'I PHUNG PO GANG YIN PA MTSAN MA MED PA'I TSUL DANG, ZHES PA NAS, BSNGO BA DE NI RAB CES BYA'O, ,DAM PA ZHES BYA'O, ,GTZO BO ZHES BYA'O, ,MCHOG CES BYA'O, ,RAB MCHOG CES BYA'O, ,PHUL DU PHYIN PA ZHES BYA'O, ,BLA NA MED PA ZHES BYA'O, ,GONG NA MED PA ZHES BYA'O, ,ZHES GSUNGS, BSOD NAMS CHEN PO 'BYUNG BA'I BSNGO BA 'BRING STON PA LA, RAB 'BYOR GZHAN YANG STONG GSUM GYI STONG CHEN PO'I 'JIG RTEN GYI KHAMS 'DI NA SEMS CAN JI SNYED CIG YOD PA DE DAG RGYUN DU ZHUGS PAR GYUR TE; ZHES SOGS GSUNGS, BSOD NAMS CHEN PO 'BYUNG BA'I BSNGO BA CHEN PO STON PA LA, RAB 'BYOR GZHAN YANG STONG GSUM GYI STONG CHEN PO'I 'JIG RTEN GYI KHAMS NA SEMS CAN JI SNYED CIG YOD PA DE DAG THAMS CAD ZLA MED RDZOGS BYANG DU YANG DAG PAR ZHUGS TE, ZHES PA NAS, 'DI LTAR BYANG CHEN LA RIM GROR BYED PA DANG BLA MAR BYED PA STI STANG DU BYED MCHOD PAR BYED PA DE DAG NI DMIGS PA CAN YIN DGOS SO, ,ZHES GSUNGS, MDO TSAN GSUM PO DE'I DON BSHAD PA LA; CHUNG DANG 'BRING DANG CHEN PO YI, ,BSNGO BA GZHAN NI RNAM GSUM PO, ,BSOD NAMS CHE 'BYUNG BDAG NYID DO, ,ZHES DANG, CHUNG NGU DANG 'BRING DANG CHEN PO STE BSOD NAMS CHEN PO 'BYUNG BA ZHES BYA BA, ZHES DANG, DGE BA BCU LA SOGS PA'I LAS KYI LAM DANG, RGYUN DU ZHUGS PA LA SOGS PA DANG, BLA NA MED PA'I BYANG CHUB LA GNAS PA RNAMS, ZHES GSUNGS, YANG YONGS SU BSNGO BA'I BYED PA STON PA LA, DE NAS RGYAL PO CHEN PO BZHI RGYAL CHEN BZHI'I RIS KYI LHA'I BU STONG

088a

, ,PHRAG NYI SHU DANG 'GROGS TE THAL MO SBYAR NAS DGA' BA'I YID KYIS BCOM LDAN 'DAS LA 'DI SKAD CES GSOL TO, ,KYE MA BCOM LDAN 'DAS THABS MKHAS PA GANG YIN PA 'DIS DMIGS SU MA MCHIS PA'I TSUL DANG, ZHES SOGS NAS, BYANG CHEN DMIGS SU MED PA'I TSUL GYI YONGS SU BSNGO BA 'DI NI RAB CES BYA'O, ,BLA NA MED PA'I BAR ZHES BYA'O, ,ZHES GSUNGS SO, ,GZHUNG DON NI, SA GNYIS PA PA'I RGYUD KYI BSNGO BA CHOS CAN, NYAN RANG GI BSNGO BA LAS KHYAD PAR DU 'PHAGS PA YIN TE, RANG GZHAN GYI DGE RTZA RDZOGS BYANG GI YAN LAG TU SGYUR BAR BYED PA'I SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS YIN PA'I PHYIR, SPYI DON LA, BSNGO BYA'I RDZAS, BSNGO BA'I SEMS, BSNGO BA'I DBANG PO, BSNGO BA'I CHED DU BYA BA, BSNGO BA'I DGOS PA, BSNGO BA SGOM LAM DNGOS DANG DRUG LAS, DANG PO NI, DUS GSUM GYI DGE RTZA THAMS CAD BSNGO BA'I RDZAS YIN TE, DE THAMS CAD RDZOGS BYANG DU BSGYUR BYA YIN PA'I PHYIR, GNYIS PA NI, BYANG SEMS SGOM LAM PA'I RGYUD KYI THABS SHES KHYAD PAR CAN DE, 'DIR BSTAN BSNGO BYED KYI SEMS YIN TE, DE DGE RTZA THAMS CAD RDZOGS BYANG DU SGYUR BAR BYED PA'I THABS RNAM DAG YIN PA'I PHYIR, DES NA 'KHOR GSUM BDEN PAR MI RTOG PA'I SHES RAB KYIS ZIN PA'I SGO NAS RANG GZHAN GYI DGE RTZA RDZOGS BYANG DU SGYUR BAR BYED PA'I SEMS PA DANG, MI ZAD PAR 'DOD PA'I 'DUN PA CI RIGS PAS BSDUS PA BSNGO BA'I NGO BO YIN TE, MDO SDE'I RGYAN LAS, BSTAN PA RNAMS KYI SMON LAM

088b

NI; ;SEMS PA 'DUN DANG BCAS PA STE, ,ZHES GSUNGS PA'I PHYIR, GSUM PA NI, SANGS RGYAS BYANG SEMS GONG MA RNAMS BSNGO BA'I DBANG PO YIN TE, DE JI LTAR BSNGO BA'I DON MYUR DU BYIN GYIS RLOB PA PO YIN PA'I PHYIR, BZHI PA NI, SANGS RGYAS KYI BSTAN PA DANG SEMS CAN GYI CHED DU DGE RTZA MI ZAD PAR BYA BA'I PHYIR DU BSNGO BAR BYA BA YIN TE, SPYOD 'JUG LAS, DNGOS SAM YANG NA BRGYUD KYANG RUNG, ,SEMS CAN DON LAS GZHAN MI SPYAD, ,SEMS CAN KHO NA'I DON GYI PHYIR, ,THAMS CAD BYANG CHUB RGYUR BSNGO'O, ,ZHES DANG, RJE SANGS RGYAS GNYIS PAS, RGYAL SRAS SMON LAM GANG G'A'I KLUNG RNAMS NI, ,DAM CHOS 'DZIN PA'I SMON LAM NANG 'DUS PAR, ,GSUNGS PHYIR DGE RTZA JI SNYED BSAGS PA RNAMS, ,KUN KYANG BSTAN PA RGYAS PA'I CHED DU BSNGOS, ,ZHES DANG, BLO GROS RGYA MTSOS ZHUS PA'I MDO LAS, JI LTAR RGYA MTSO CHE NANG CHU THIGS LHUNG, ,RGYA MTSO MA ZAD PAR DU DE MI 'DZAD, ,DE BZHIN BYANG CHUB RGYUR BSNGOS DGE BA YANG, ,BYANG CHUB MA THOB PAR DU DE MI 'DZAD, ,CES GSUNGS PA'I PHYIR, LNGA PA NI, DGE RTZA BLA MED RDZOGS BYANG DU BSNGOS PA CHOS CAN, DGOS PA KHYAD PAR CAN DANG LDAN TE, 'BRAS BU DMAN PA PHUL BYUNG DU 'GYUR BA DANG, RNAM SMIN GYI 'BRAS BU LA LONGS SPYOD PAS MI ZAD PAR 'GYUR BA SOGS KYI DGOS PA YOD PA'I PHYIR, DES NA BSNGO BA LA SMON LAM GYIS KHYAB KYANG, SMON LAM LA BSNGO BAS MA KHYAB STE, BDAG GIS RDZOGS PA'I SANGS RGYAS KYI GO 'PHANG THOB PAR BYA'O SNYAM PA'I 'DUN PA DE SMON LAM YIN ZHING BSNGO BA MA YIN PA'I PHYIR, DRUG PA

089a

, ,LA; RANG GZHAN GANG RUNG GI DGE RTZA RDZOGS BYANG GI YAN LAG TU SGYUR BAR BYED PA'I SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS, BSNGO BA SGOM LAM GYI MTSAN NYID, DBYE NA BCU GNYIS SU YOD, SA MTSAMS SA DANG PO NAS RGYUN MTHA'I BAR DU YOD, KHO NA RE, RANG GZHAN GYI DGE RTZA RDZOGS BYANG GI YAN LAG TU SGYUR BAR BYED PA'I BSNGO BA SGOM LAM DE KHO KHO RANG DU THAL, KHO YOD PA'I PHYIR, 'DOD NA, DE CHOS CAN, RANG GZHAN GYI DGE RTZA RDZOGS BYANG GI YAN LAG TU SGYUR BYED DU THAL, 'DOD PA'I PHYIR, 'DOD NA, RANG GZHAN GYI DGE RTZA RDZOGS BYANG GI YAN LAG TU THAL, 'DOD PA'I PHYIR ZER NA MA KHYAB, GZHAN YANG, NYAN THOS DGRA BCOM PA'I DGE RTZA RDZOGS BYANG GI YAN LAG TU SGYUR BAR BYED PA'I BSNGO BA SGOM LAM YOD PAR THAL, MTSAN NYID 'THAD PA'I PHYIR, 'DOD MI NUS TE, DE GNYIS RGYUD THA DAD YIN PA'I PHYIR ZER NA, RTAGS MA GRUB BO, ,KHA CIG ,RANG GZHAN GYI DGE RTZA RDZOGS BYANG GI RGYUR SGYUR BAR BYED PA'I THEG CHEN GYI RJES LA MNGON RTOGS ZHES ZER NA, DE LA KHA CIG ,DE MI 'THAD DE, RANG GZHAN GYI DGE RTZA RDZOGS BYANG GI RGYUR SGYUR BAR BYED PA'I THEG CHEN GYI SGOM LAM MED PA'I PHYIR TE, RDZOGS BYANG GI RGYU MED PA'I PHYIR, ZHES ZER RO, ,KHA CIG ,RANG GZHAN GYI DGE RTZA RDZOGS BYANG GI YAN LAG TU SGYUR BAR BYED PA, ZHES SOGS ZER NA, RANG GI DGE RTZA RDZOGS BYANG GI YAN LAG TU SGYUR BAR BYED PA'I BSNGO BA SGOM LAM CHOS CAN, MTSAN NYID DER THAL, MTSON BYA

089b

DE'I PHYIR, 'DOD NA, DE CHOS CAN, GZHAN GYI DGE RTZA RDZOGS BYANG GI YAN LAG TU SGYUR BAR BYED PA'I DER THAL LO, ,'DOD NA, RANG GI DGE RTZA GZHAN GYI DGE RTZA YIN PAR THAL LO, ,KHA CIG ,RANG RGYUD KYI DGE RTZA RDZOGS BYANG GI YAN LAG TU SGYUR BAR BYED PA'I ZAG PA DANG BCAS PA'I THEG CHEN GYI RJES LA MNGON RTOGS, DE'I MTSAN NYID ZER, NYAN THOS DGRA BCOM PA'I RTOGS PA SNGON DU SONG BA'I MOS PA SGOM LAM CHOS CAN, ZAG PA DANG BCAS PAR THAL, MTSON BYA DE'I PHYIR; 'DOD NA SLA, GZHAN YANG, NYAN THOS SGOM LAM PAS ZAS PHUL BA'I BSOD NAMS RDZOGS BYANG DU BSNGO BAR BYED PA'I BYANG SEMS SGOM LAM PA'I RGYUD KYI BSNGO BA CHOS CAN, MTSAN NYID DER THAL, BSNGO BA SGOM LAM YIN PA'I PHYIR; RTAGS GRUB CING 'DOD MI NUS TE, CHOS CAN DE DANG GCIG YIN PA'I PHYIR, ` GSUM PA RJES SU YI RANG SGOM LAM STON PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, BSNGO BA'I SKABS SU DGE RTZA RNAMS GCIG TU BSDUS NAS RJES SU YI RANG BAR BYA BAR GSUNGS PA LAS 'PHROS NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS 'DI SKAD DU RIGS KYI BU'AM RIGS KYI BU MO GANG GIS RJES SU YI RANG BA DANG YONGS SU BSNGO BAR BYA BA'I BSOD NAMS KYI PHUNG PO DGE BA'I RTZA BA DE DAG THAMS CAD GCIG TU BSDUS SHING BSDOMS TE GZHAL NA RJES SU YI RANG BA'I RAB KYI RJES SU YI RANG BA

090a

, ,ZHES BKA' STZAL NA JI TZAM GYIS NA RJES SU YI RANG BA RAB DANG GONG NA MED PA'I BAR DU 'GYUR BA LAGS, BCOM LDAN 'DAS KYIS BKA' STZAL PA, RIGS KYI BU'AM RIGS KYI BU MO DE 'DAS PA DANG MA BYON PA DANG DA LTAR BYUNG BA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NYAN THOS KYI DGE 'DUN DANG BCAS PA RNAMS DANG RANG SANGS RGYAS DANG BCAS PA DANG SEMS CAN THAMS CAD KYI DGE BA'I RTZA BA THAMS CAD DON DAM PAR DMIGS PA LA SOGS PA SPROS PA'I MTHA' DANG BRAL PA'I SGO NAS RJES SU YI RANG BAR BYA'O, ,RJES SU YI RANG NAS BLA MED RDZOGS BYANG DU YONGS SU BSNGO'O, ,ZHES PA NAS, THABS MKHAS PAS DGE BA'I RTZA BA DE DAG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O, ,ZHES PA'I BAR GYIS BSTAN, GNYIS PA LA, MTSAMS SBYAR, RTZA BA; 'GREL BA GSUM LAS, DANG PO NI, BSNGO BA SGOM LAM GYI 'OG TU RJES SU YI RANG SGOM LAM 'CHAD PA'I RGYU MTSAN YOD DE, MOS PAS BSAGS PA'I DGE RTZA BSNGO BAS RDZOGS BYANG DU BSNGOS PA LA, RJES SU YI RANG BA'I DGA' BAS GONG DU 'PHEL BAR 'GYUR BA'I RGYU MTSAN GYIS DE LTAR BSTAN PA'I PHYIR, ZHES 'CHAD PA LA, DE LTAR LEGS PAR BSNGOS PA'I DNGOS PO MNGON PAR SPEL BAR BYA BA YIN PAS GSUM PA RJES SU YI RANG BA YID LA BYED PA ZHES BYA BA, ZHES GSUNGS, GNYIS PA NI, MDO DE'I DON BSHAD PA LA, THABS DANG MI

090b

DMIGS PA DAG GIS, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, RAB TU DGA' BA'I SEMS KYIS KUN RDZOB TU THABS KYI DGE BA'I RTZA BA RNAMS DMIGS NAS DON DAM PAR MI DMIGS PA NYID KYIS RJES SU YI RANG BAR BYA BA DAG YIN NO, ,ZHES GSUNGS, GSUM PA MJUG BSDU BSTON PA LA, DE LA BSDUS PA'I DON NI MOS PA YID LA BYED PAS NI 'BYUNG KHUNGS DAG NAS GSER GYI GAR BU BZHIN DU BSOD NAMS MNGON PAR 'DU BYED DO, ,BSNGO BA YID LA BYED PAS NI, DE GSER MGAR GYI RGYAN BZHIN DU YANG DAG PAR RDZOGS PA'I BYANG CHUB KYI YAN LAG TU BYED DO, ,RJES SU YI RANG BA YID LA BYED PAS NI RANG DANG GZHAN GYI BSOD NAMS BYAS PA MNYAM PA NYID 'THOB BO ZHES BYA BA 'DI YIN NO ZHES GSUNGS, KHA CIG ,RANG GZHAN GYI DGE RTZA LA DGA' BA SGOM PA'I ZAG PA DANG BCAS PA'I THEG CHEN GYI RJES LA MNGON RTOGS DE, RJES SU YI RANG SGOM LAM GYI MTSAN NYID ZER BA MI 'THAD DE, RANG GI DGE RTZA LA DGA' BA SGOM PA'I RJES SU YI RANG SGOM LAM DANG, NYAN THOS DGRA BCOM PA'I RTOGS PA SNGON DU SONG BA'I RJES SU YI RANG SGOM LAM RNAMS KYIS MA NGES PA'I PHYIR, KHA CIG ,RANG GZHAN GYI DGE RTZA LA DGA' BA SGOM PAS RAB TU PHYE BA'I ZAG PA DANG BCAS PA'I THEG CHEN GYI RJES LA MNGON RTOGS, RJES SU YI RANG SGOM LAM GYI MTSAN NYID ZER BA DANG, THEG CHEN GYI ZAG BCAS SGOM LAM YIN NA, THEG CHEN GYI ZAG BCAS SGOM LAM GSUM GA YIN

091a

, ,PAS KHYAB ZER BA NANG 'GAL TE, GANG ZAG GI BDAG MED DON SPYI'I TSUL GYIS RTOGS PA'I THEG CHEN GYI SGOM LAM CHOS CAN, DE GSUM GA YIN PAR THAL, RTAGS DE'I PHYIR, 'DOD NA, DE CHOS CAN, MTSAN NYID DER THAL, RJES SU YI RANG SGOM LAM YIN PA'I PHYIR, 'DOD NA, DE CHOS CAN, KHYOD KYI YUL DU GYUR PA'I DGE BA YOD PAR THAL, 'DOD PA'I PHYIR, GZHAN YANG, DE GSUM PO LA BYED LAS MI 'DRA BA'I KHYAD PAR MED PAR THAL, DE GSUM YIN KHYAB MNYAM YIN PA'I PHYIR, THEG CHEN GYI ZAG BCAS SGOM LAM YIN NA, DE GSUM GA YIN DGOS PA'I PHYIR, RANG LUGS NI, RANG GZHAN GANG RUNG GI DGE RTZA LA DGA' BA SGOM PA'I SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS, RJES SU YI RANG SGOM LAM GYI MTSAN NYID, DBYE NA GNYIS SU YOD, SA MTSAMS SA DANG PO NAS RGYUN MTHA'I BAR DU YOD, GZHUNG DON NI, SA GNYIS PA PA'I RGYUD KYI RANG GZHAN GYI DGE RTZA LA DGA' BA SGOM PA'I YE SHES CHOS CAN, RJES SU YI RANG SGOM LAM YIN TE, RANG GZHAN GYI DGE RTZA LA DGA' BA SGOM PA'I SGRA DON 'DRES RUNG DU 'DZIN PA'I RTOG PA DANG BCAS PA'I THEG CHEN GYI RJES LA MNGON RTOGS YIN PA'I PHYIR, ` GNYIS PA ZAG MED SGOM LAM LA THUN MONG BA'I MTSAMS SBYAR BA DANG, SO SO'I NGO BO BSHAD PA'O, ,DANG PO NI, ZAG BCAS SGOM LAM GYI 'OG TU ZAG MED SGOM LAM 'CHAD PA'I RGYU MTSAN YOD DE, ZAG BCAS

091b

SGOM LAM GYIS TSOGS GNYIS BSAGS PA LAS SGRIB GNYIS 'JOMS PAR NUS PA'I ZAG MED SGOM LAM 'BYUNG BA'I RGYU MTSAN GYIS DE LTAR BSHAD PA'I PHYIR DANG, DMAN MCHOG GI RIM PA'I DBANG DU BYAS NAS KYANG DE LTAR BSHAD PA'I PHYIR; ZAG MED SGOM LAM DE LA YANG GNYIS SU YOD DE, SGRUB PA SGOM LAM DANG, RNAM DAG SGOM LAM GNYIS SU YOD PA'I PHYIR, ZHES 'CHAD PA LA, ZAG PA DANG BCAS PA'I 'OG TU ZAG PA MED PA'I SGOM PA'I LAM STE, DE YANG RNAM PA GNYIS SO, ,ZHES GSUNGS, KHA CIG ,THEG CHEN GYI ZAG MED SGOM LAM GANG ZHIG ,GZHAN DBANG SGYU MA LTA BU DNGOS YUL DU BYED PA'I RJES THOB DAG PA 'JIG RTEN PA'I YE SHES SU DMIGS PA, SGRUB PA SGOM LAM GYI MTSAN NYID, DE GANG ZHIG , CHOS NYID YONGS GRUB NAM MKHA' LTA BU DNGOS YUL DU BYED PA'I MNYAM GZHAG YE SHES SU DMIGS PA, RNAM DAG SGOM LAM GYI MTSAN NYID, ZER BA MI 'THAD DE, GANG ZAG GI BDAG MED MNGON SUM DU RTOGS PA'I THEG CHEN GYI SGOM LAM DE GNYIS GANG RUNG YIN PA'I PHYIR TE, DE THEG CHEN GYI ZAG MED SGOM LAM YIN PA'I PHYIR DANG, SA GNYIS PA'I BAR CHAD MED LAM DE SGRUB PA SGOM LAM YIN PA'I PHYIR, KHA CIG ,BDAG MED KYI NGO BOR GYUR PA'I THEG CHEN GYI RJES LA MNGON RTOGS, SGRUB PA SGOM LAM GYI MTSAN NYID DANG, RNAM GROL LAM GYI NGO BOR GYUR PA'I DE, RNAM DAG SGOM LAM GYI MTSAN NYID ZER NA MI 'THAD DE, GANG ZAG GI BDAG MED MNGON SUM DU RTOGS PA'I THEG CHEN GYI SGOM LAM DE GNYIS

092a

, ,GANG RUNG YIN PA'I PHYIR, KHA CIG ,THEG CHEN GYI ZAG MED SGOM LAM GANG ZHIG ,RTOGS PA MTHAR THUG GI LAG RJES 'JOG BYED KYI RTOGS RIGS SU GNAS PA, SGRUB PA SGOM LAM GYI MTSAN NYID, DE GANG ZHIG ,SPANGS PA MTHAR THUG GI LAG RJES 'JOG BYED KYI RTOGS RIGS SU GNAS PA, RNAM DAG SGOM LAM GYI MTSAN NYID ZER BA MI 'THAD DE, GANG ZAG GI BDAG MED RTOGS PA'I THEG CHEN SGOM LAM DE DE GNYIS GANG RUNG GANG ZHIG ,MTSAN NYID DE GNYIS GANG RUNG YIN NA, THEG CHEN GYI RTOGS RIGS SU GNAS PAS KHYAB PA'I PHYIR, KHA CIG ,THA SNYAD DPYOD BYED KYI RTOGS RIGS SU GNAS PA'I THEG CHEN GYI ZAG MED RJES LA MNGON RTOGS, SGRUB PA SGOM LAM GYI MTSAN NYID DANG, MTHAR THUG DPYOD BYED KYI RTOGS RIGS SU GNAS PA'I DE, CIG SHOS KYI MTSAN NYID ZER BA MI 'THAD DE, SA GNYIS PA'I BAR CHAD MED LAM DE SGRUB PA SGOM LAM YIN PA'I PHYIR TE, GZUGS LA SOGS PA PHYIN CI MA LOG PAR MTHONG BA NI NGO BO NYID DO, ZHES GSUNGS PA'I PHYIR DANG, RNAM DAG SGOM LAM DANG SGRUB PA SGOM LAM GNYIS YIN KHYAB MNYAM YIN PA'I PHYIR, KHA CIG ,RANG YUL DU GYUR PA'I KUN RDZOB BDEN PA'I RNAM PA SHAR RANG YUL DU GYUR PA'I DON DAM BDEN PA'I RNAM PA MA SHAR BA'I THEG CHEN GYI RJES LA MNGON RTOGS, SGRUB PA SGOM LAM GYI MTSAN NYID DANG, DE LAS ZLOG PA CIG SHOS KYI MTSAN NYID ZER BA YANG SDAMS KHEGS SO, ,GZHAN YANG, SPONG BA'I SGRUB PA DANG

092b

GNYEN PO'I SGRUB PA GNYIS 'GAL BAR THAL, SGRUB PA SGOM LAM DANG RNAM DAG SGOM LAM GNYIS 'GAL BA'I PHYIR, 'DOD MI NUS TE, THEG CHEN GYI MTHONG LAM BAR CHAD MED LAM DE DE GNYIS KA YIN PA'I PHYIR, KHO NA RE, DE GNYIS 'GAL BAR THAL, DANG PO DE YIN NA, RJES THOB YE SHES YIN DGOS, GNYIS PA DE YIN NA, MNYAM GZHAG YE SHES YIN DGOS PA'I PHYIR, DANG PO GRUB STE, RGYUD BLA MA LAS, RNAM PA KUN GYI MCHOG LDAN PA, ,SANGS RGYAS SKU NI NGES THOB PA, ,DE NI RJES LAS THOB PA YI, ,YE SHES 'BRAS BU YIN PAR 'DOD, ,CES DANG, MDO SDE'I RGYAN LAS, THUB PAS GSUNGS PA'I DAM CHOS LEGS BZHAG PA, ,RTZA BA CHOS KYI DBYINGS LA BLO GROS BZHAG ,DRAN SKU RTOGS PA TZAM RIG RTEN PA DAG ,MYUR DU YON TAN RTOGS PA'I PHA ROL 'GRO, ,ZHES GSUNGS PA'I PHYIR, GNYIS PA GRUB STE, RGYUD BLA MAR, CHU MTSO SOGS BZHIN 'DOD CHAGS SOGS, ,GLO BUR NYON MONGS DAG PA NI, ,MDOR NA MI RTOG YE SHES KYI; ;LAS KYI 'BRAS BU YIN PAR 'DOD, ,CES DANG, MDO SDE'I RGYAN LAS, BLO DANG LDAN PAS MI RTOG YE SHES NI, ,RTAG TU KUN LAS MNYAM PAR SONG BA YI, ,DE LA BRTEN PA'I NYES PA'I TSANG TSING DAG ,DUG SMAN CHEN POS DUG BZHIN SEL BAR MDZAD, ,CES GSUNGS, ZHES ZER NA MA KHYAB STE, LUNG DANG PO GNYIS NI RJES THOB KYI SGRUB PA SGOM LAM RTOGS PA MTHAR THUG GI LAG RJES 'JOG BYED DANG, PHYI MA GNYIS NI MNYAM GZHAG GI RNAM DAG SGOM LAM SPANGS

093a

, ,PA MTHAR THUG GI LAG RJES 'JOG BYED DU BSTAN PA TZAM YIN PA'I PHYIR, KHO NA RE, DE GNYIS 'GAL BAR THAL, GTZO BOR RTOGS PA MTHAR THUG GI LAG RJES 'JOG BYED KYI RTOGS RIGS DANG, GTZO BOR SPANGS PA MTHAR THUG GI LAG RJES 'JOG BYED KYI RTOGS RIGS GNYIS 'GAL BA'I PHYIR TE, DANG PO DE YIN NA, SHES BYA JI SNYED PA LA DMIGS PA'I RTOGS RIGS YIN DGOS, GNYIS PA DE YIN NA, SHES BYA JI LTA BA LA DMIGS PA'I RTOGS RIGS YIN DGOS PA'I PHYIR ZER NA, SA GNYIS PA'I BAR CHAD MED LAM CHOS CAN, GTZO BOR RTOGS PA MTHAR THUG GI LAG RJES 'JOG BYED KYI RTOGS RIGS SU MI GNAS PAR THAL, GTZO BOR CIG SHOS SU GNAS PA'I PHYIR; KHYAB PA KHAS, DER THAL, GTZO BOR MI GNAS PA'I MYA NGAN LAS 'DAS PA THOB BYED KYI RTOGS RIGS SU GNAS PA'I PHYIR TE, THEG CHEN GYI RTOGS RIGS SU GNAS PA'I MKHYEN PA YIN PA'I PHYIR, RTZA BAR 'DOD MI NUS TE, GTZO BOR THAMS CAD MKHYEN PA THOB BYED KYI RTOGS RIGS SU GNAS PA'I PHYIR TE, THEG CHEN GYI RTOGS RIGS SU GNAS PA'I MKHYEN PA YIN PA'I PHYIR, DES NA RANG LUGS NI, ZAG MED KYI THEG CHEN GYI RJES LA MNGON RTOGS GANG ZHIG ;RANG GI THOB BYAR GYUR PA'I RTOGS PA MTHAR THUG GI LAG RJES 'JOG BYED DE, SGRUB PA SGOM LAM GYI MTSAN NYID, DBYE NA LNGAR YOD, DE GANG ZHIG ,RANG GI THOB BYAR GYUR PA'I SPANGS PA MTHAR THUG GI LAG RJES 'JOG BYED DE,

093b

RNAM DAG SGOM LAM GYI MTSAN NYID, DBYE NA DGU YOD, DE GNYIS DON GCIG STE, LEGS BSHAD GSER PHRENG LAS, DES NA MNYAM GZHAG ZAG MED GCIG NYID YUL THOB TSUL GYI SGO NAS THOB BYA 'GRUB PAR BYED PA DANG, SPANG BYA 'JOMS TSUL GYI SGO NAS DRI MA SEL BAR BYED PA GNYIS KYI LDOG CHA NAS BSTAN PAS 'DI GNYIS DNGOS PO THA DAD PAR MI BSAM MO, ,ZHES GSUNGS PA'I PHYIR DANG, DES NA GNYIS KA LA YANG BAR CHAD MED LAM DANG RNAM GROL LAM GNYIS YOD DO, ,ZHES GSUNGS PA'I PHYIR, SA MTSAMS SA DANG PO NAS BCU PA'I BAR DU YOD, ZAG MED SGOM LAM ZHES PA'I ZAG MED DE SGRA DON 'DRES RUNG DU 'DZIN PA'I RTOG PA DANG BRAL BA'I THEG CHEN GYI SGOM LAM LA BYED PA YIN TE, DE DANG BCAS PA'I THEG CHEN GYI SGOM LAM LA ZAG BCAS SGOM LAM DU SNGAR BSHAD PA LTAR YIN PA'I PHYIR, SPYIR ZAG BCAS LA DU MA YOD DE, MDZOD LAS, LAM MA GTOGS PA'I 'DUS BYAS RNAMS, ,ZAG BCAS ZHES LAM BDEN MA YIN PA'I 'DUS BYAS THAMS CAD LA ZAG BCAS SU BSHAD PA DANG, RTZA BA'I 'GREL PA TSIG GSAL LAS, MA RIG PA'I BAG CHAGS KYIS BSLAD PA'I SHES PA LA ZAG BCAS SU BSHAD PA DANG, KUN BTUS LAS, ZAG PA DE'I BDAG NYID DANG, ZAG PA DANG 'BREL BA DANG, ZAG PAS BCINGS PA DANG, ZAG PA'I RJES SU 'BREL BA DANG, ZAG PA'I RJES SU MTHUN PA DANG, ZAG PA'I RGYU LAS BYUNG BA'I PHYIR ZAG PA DANG BCAS PAR

094a

, ,BLTA'O, ,ZHES ZAG PA'I SGO DRUG PO GANG RUNG DANG 'BREL BA LA ZAG BCAS SU 'JOG PAR BSHAD PA DANG, MDZOD 'GREL LAS, DMIGS PA DANG MTSUNGS LDAN GANG RUNG GI SGO NAS ZAG PA RGYAS SU DUNG BA LA ZAG BCAS SU BSHAD PA DU MA YOD PA'I PHYIR, ` GNYIS PA SO SO'I DON BSHAD PA LA, SGRUB PA SGOM LAM BSHAD PA DANG, RNAM DAG SGOM LAM BSHAD PA GNYIS LAS, DANG PO LA MDO LAS GSUNGS TSUL DANG, BSTAN BCOS KYI 'GREL TSUL GNYIS LAS, DANG PO NI, GONG DU MI DMIGS PAR RTOGS PA'I SHER PHYIN GYI DGE BA BSNGO BA DANG RJES SU YI RANG BAR GSUNGS PA LAS 'PHROS NAS, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN NI SNANG BAR BGYID PA'O, ,BCOM LDAN 'DAS SHER PHYIN NI PHYAG BGYI BAR 'OS PA STE, BCOM LDAN 'DAS SHER PHYIN LA BDAG PHYAG 'TSAL LO ZHES SOGS GSUNGS, GNYIS PA LA MTSAMS SBYAR BA DANG, RTZA BA DANG, 'GREL PA GSUM LAS, DANG PO NI, DANG POR BSHAD PA'I RIM PAS YON TAN MNGON PAR SGRUB PA'I MTSAN NYID CAN GYI SGRUB PA SGOM LAM 'CHAD DE, THEG CHEN GYI ZAG MED SGOM LAM DE LA SGRUB PA SGOM LAM DANG, RNAM DAG SGOM LAM GNYIS SU YOD PA DE'I PHYIR, ZHES MTSAMS SBYOR BA LA, DE'I PHYIR DANG POR MNGON PAR SGRUB PA'I MTSAN NYID KYI SGOM PA'I LAM ZHES GSUNGS, GNYIS PA

094b

NI; MDO DE'I DON 'CHAD PA'I SGO NAS SGRUB PA SGOM LAM LNGA 'CHAD PA LA, DE YI NGO BO NYID MCHOG NYID, ,CES SOGS GSUNGS, GSUM PA DE NYID TSIG DON GYI SGO NAS 'CHAD PA LA, GZUGS LA SOGS PA, ZHES SOGS GSUNGS, MDO RTZA 'GREL 'DI DAG GI DON BSDU NA, GANG GIS SGRUB PAR BYED PA'I RANG BZHIN DANG, GANG BSGRUB PAR BYA BA LA LTOS PA'I NUS PA GNYIS LAS, DANG PO LA YANG, NGO BO DBANG BTZAN PAR BYAS PA SGRUB PA SGOM LAM DE'I NGO BO NYID DANG, 'BRAS BU DBANG BTZAN PAR BYAS PA SGRUB PA SGOM LAM GYI MCHOG NYID DANG, BYED LAS DBANG BTZAN PAR BYAS PA SGOM LAM DE YIS CHOS RNAMS KUN LA MNGON PAR 'DU MI BYED PA DANG GSUM LAS, DANG PO DE STON PA LA, MDO LAS, DE NAS TSE DANG LDAN PA SH'A RI'I BUS, ZHES PA NAS, BCOM LDAN 'DAS SHER PHYIN NI DNGOS PO MA MCHIS PA'I NGO BO NYID STONG PA NYID CHOS THAMS CAD NGO BO NYID KYIS YANG DAG PAR STON PAR BGYID PA'O, , ZHES PA'I BAR GSUNGS, DE'I DON BSHAD PA LA, DE YI NGO BO NYID, CES DANG, GZUGS LA SOGS PA PHYIN CI MA LOG PAR MTHONG BA NI NGO BO NYID DO, ,ZHES GSUNGS, GNYIS PA DE STON PA LA, BCOM LDAN 'DAS SHER PHYIN LA JI LTAR GNAS PAR BGYI, BCOM LDAN 'DAS KYIS BKA' STZAL PA, SH'A RI'I BU STON PA LA JI LTA BA DE BZHIN DU SHER PHYIN LA GNAS PAR BGYI'O, ,ZHES PA NAS, MI MNYAM PA MED PA ZHES BYA'O, ,MI MNYAM PA DANG MNYAM PA ZHES BYA'O, ,

095a

, ,ZHES GSUNGS, DE'I DON 'CHAD PA LA, MCHOG NYID, ,CES DANG, GZHAN GYIS SANGS RGYAS NYID MI 'THOB PA NI MCHOG NYID DO, ,ZHES GSUNGS, GSUM PA DE STON PA LA, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN DE JI LTAR MNGON PAR BSGRUB PAR BGYI, BCOM LDAN 'DAS KYIS BKA' STZAL PA, SH'A RI'I BU GZUGS MNGON PAR BSGRUB PA MED PA'I PHYIR SHER PHYIN MNGON PAR BSGRUB PAR BYA'O, ,ZHES PA NAS, 'JIG PA MED PAS SHER PHYIN MNGON PAR BSGRUB PAR BYA'O, ,ZHES GSUNGS, DE'I DON 'CHAD PA LA, KUN LA MNGON PAR 'DU MI BYED, ,CES DANG, CHOS THAMS CAD KYI KHYAD PAR SKYE BA MED PAR RTOGS PAR SBYOR BA NI KUN LA MNGON PAR 'DU MI BYED PA'O, ,ZHES GSUNGS, GNYIS PA GANG BSGRUB PAR BYA BA LA LTOS PA'I NUS PA LA GNAS SKABS KYI YON TAN DBANG BTZAN PAR BYAS PA CHOS THAMS CAD DMIGS PA MED PA'I MNGON PAR RTOGS PA LA GTOD PAR BYED PA DANG, MTHAR THUG GI YON TAN DBANG BTZAN PAR BYAS PA DON CHEN PO NYID DU BYED PA DANG GNYIS LAS, DANG PO DE STON PA LA, SH'A RI'I BUS GSOL PA, BCOM LDAN 'DAS DE LTAR MNGON PAR BSGRUB PA'I SHER PHYIN CHOS GANG ZHIG GTOD PAR BGYI, BCOM LDAN 'DAS KYIS BKA' STZAL PA, SH'A RI'I BU DE LTAR MNGON PAR BSGRUB PA'I SHER PHYIN NI CHOS GANG

095b

YANG GTOD PAR MI BYED DO, ,NAM CHOS GANG YANG GTOD PAR MI BYED PA DE'I TSE SHER PHYIN GYI GRANGS SU 'GRO'O, ,ZHES PA NAS, RNAM MKHYEN GYI BAR LA YID CHES PA MA YIN NO, ,ZHES GSUNGS, DE'I DON 'CHAD PA LA, CHOS RNAMS DMIGS SU MED PAR NI, ,GTOD PAR BYED PA, ZHES GSUNGS, DE'I DON 'CHAD PA LA, DE LTA BU'I NGO BO NYID LA SOGS PA DANG LDAN PA'I LAM CHOS RNAMS MI DMIGS PA NYID DU RNAL 'BYOR BA'I RGYUD LA SKYED PA NI GTOD PAR BYED PA'O, , ZHES GSUNGS, GNYIS PA DE STON PA LA, RAB 'BYOR GYIS GSOL BA, BCOM LDAN 'DAS 'DI LTA STE SHER PHYIN 'DI NI PHA ROL TU PHYIN PA CHEN MO'O, ,ZHES PA NAS, BCOM LDAN 'DAS RNAM GRANGS DES NA 'DI LTA STE SHER PHYIN 'DI NI BYANG CHEN RNAMS KYI PHA ROL TU PHYIN PA CHEN MO'O, ,ZHES PA'I BAR GSUNGS, DE'I DON 'CHAD PA LA, DON CHEN NYID, ,CES DANG, DON CHEN PO SANGS RGYAS NYID DU BYED PA'I PHYIR DON CHEN PO NYID DO, ,ZHES GSUNGS, GZHUNG DON NI, SGRUB PA SGOM LAM CHOS CAN, KHYAD CHOS LNGA DANG LDAN TE, NGO BO'I KHYAD PAR, 'BRAS BU'I KHYAD PAR, BYED LAS DANG 'BREL BA'I KHYAD PAR, GNAS SKABS KYI YON TAN DANG 'BREL BA'I KHYAD PAR, MTHAR THUG GI YON TAN DANG 'BREL BA'I KHYAD PAR RNAMS DANG LDAN PA'I PHYIR, DE CHOS CAN, NGO BO'I KHYAD PAR DANG LDAN TE, GZUGS SOGS KYI CHOS THAMS CAD LA PHYIN CI MA LOG PAR BDEN PA'I SPROS PA THAMS CAD DANG BRAL BAR MNGON SUM DU MTHONG BA'I KHYAD

096a

, ,PAR DANG LDAN PA'I PHYIR, DE CHOS CAN, 'BRAS BU'I KHYAD PAR DANG LDAN TE, KHYOD KYIS MA ZIN PAR SBYIN SOGS GZHAN ZAG BCAS KYIS SANGS RGYAS MI 'THOB PA'I PHYIR, DE CHOS CAN, BYED LAS DANG 'BREL BA'I KHYAD PAR DANG LDAN TE, KUN BYANG GI CHOS THAMS CAD KYI KHYAD PAR LA SKYE 'JIG DANG DMIGS PA DON DAM PAR MED PAR RTOGS NAS SBYOR BA'AM SGRUB PAR BYED PA'I PHYIR, DE CHOS CAN, GNAS SKABS KYI YON TAN DANG 'BREL BA'I KHYAD PAR DANG LDAN TE, KHYAD CHOS SNGA MA GSUM PO DE DANG LDAN PA'I YON TAN GYIS CHOS THAMS CAD LA MTSAN MAR MI DMIGS PA NYID DU RNAL 'BYOR PA SGOM LAM PA'I RGYUD LA SKYED PAR BYED PA'I PHYIR, DE CHOS CAN, MTHAR THUG GI YON TAN DANG 'BREL BA'I KHYAD PAR DANG LDAN TE, THOB BYA'I DON DAM 'BRAS BU CHEN PO SANGS RGYAS THOB PA NYID DU BYED PA'I PHYIR, ` GNYIS PA RNAM DAG SGOM LAM LA, RNAM DAG GI RGYU DANG, RNAM DAG DNGOS GNYIS LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BYANG CHEN GANG SHER PHYIN ZAB MO 'DI LA MOS PAR 'GYUR BA DE GANG NAS SHI 'PHOS TE 'DIR MCHIS PA LAGS, JI TZAM NAS RDZOGS BYANG DU ZHUGS, JI TZAM NAS DE BZHIN GSHEGS PA RNAMS LA BSNYEN BKUR, JI TZAM NAS

096b

PHYIN DRUG LA SPYAD, CES SOGS DRIS PA'I LAN DU MDO 'DI DAG GSUNGS, GNYIS PA LA, MTSAMS SBYAR BA; RTZA BA; 'GREL PA GSUM LAS, DANG PO NI, SGRUB PA SGOM LAM GYI 'OG TU RNAM DAG SGOM LAM 'CHAD PA'I RGYU MTSAN YOD DE, DON GYI RIM PA'I DBANG GIS DE LTAR BSHAD PA'I PHYIR, 'O NA RNAM DAG SGOM LAM GYI SNGON DU DE'I MTHUN RKYEN DANG 'GAL RKYEN SOGS BSHAD PA'I RGYU MTSAN GANG ZHE NA DE'I RGYU MTSAN YOD DE, MTHUN RKYEN GANG ZHIG YONGS SU BZUNG BA DANG, 'GAL RKYEN GANG ZHIG YONGS SU BOR BAS 'THOB PAR 'GYUR BA'I RNAM DAG SGOM LAM 'DI'I SKYE BA'I RGYU DANG MI SKYE BA'I RGYU GANG ZHIG YIN SNYAM PA'I THE TSOM BSAL BA SNGON DU BTANG BA'I SGO NAS DE BSTAN PAR BYA BA'I CHED YIN PA'I PHYIR, ZHES 'CHAD PA LA, DE'I 'OG TU GANG ZHIG YONGS SU BZUNG BA DANG BOR BAS 'THOB PAR 'GYUR BA 'DI'I SKYE BA DANG MI SKYE BA'I RGYU GANG ZHIG YIN SNYAM PA'I THE TSOM BSAL BA'I SGO NAS GNYIS PA SHIN TU RNAM PAR DAG PA'I MTSAN NYID, CES GSUNGS, GNYIS PA NI, MDO DE'I DON 'CHAD PA LA, SANGS RGYAS BSTEN DANG SBYIN SOGS DANG, ,ZHES SOGS GSUNGS, GSUM PA DE NYID TSIG DON GYI SGO NAS 'CHAD PA LA, SANGS RGYAS MNYES PAR BYED PA DANG, ZHES SOGS GSUNGS, MDO RTZA 'GREL 'DI DAG GI DON BSDU NA, SKYE BA'I RGYU DANG, MI SKYE BA'I RGYU GNYIS LAS, DANG PO LA YANG, PHYI'I RKYEN SANGS RGYAS

097a

, ,LA SOGS PA'I DGE BA'I BSHES GNYEN BSTEN CING MNYES PAR BYED PA, NANG GI RKYEN SBYIN SOGS PHAR PHYIN NYAMS SU LEN PA, ZHI LHAG ZUNG 'BREL GYI THABS LA MKHAS PA DANG GSUM LAS, DANG PO DE STON PA LA, SH'A RI'I BU BYANG CHEN DE NI PHYOGS BCU'I 'JIG RTEN GYI KHAMS KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TSAD MED GRANGS MED PA BSNYEN BKUR NAS 'DIR 'ONG ZHING 'DIR SKYE BA STE, ZHES GSUNGS, DE'I DON 'CHAD PA LA, SANGS RGYAS BSTEN DANG, ZHES DANG, SANGS RGYAS MNYES PAR BYED PA DANG, ZHES GSUNGS, GNYIS PA DE STON PA LA, SH'A RI'I BU BYANG CHEN BSKAL PA BYE BA KHRAG KHRIG BRGYA STONG TSAD MED PA NAS BLA NA MED PA YANG DAG PAR RDZOGS PA'I BYANG CHUB DANG YANG DAG PAR LDAN PAR 'GYUR PA STE, SEMS DANG PO BSKYED PA NAS SBYIN PA'I PHAR PHYIN LA SPYAD, CES SOGS GSUNGS, DE'I DON 'CHAD PA LA, SBYIN SOGS DANG, ,ZHES DANG, SBYIN PA LA SOGS PA'I PHA ROL TU PHYIN PA RDZOGS PAR BYED PA DANG, ZHES GSUNGS, GSUM PA DE STON PA LA, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN GANG SHER PHYIN ZAB MO 'DI LA BRTZON PAR BYED PA DE YUN RING PO JI SRID GCIG NAS SPYOD PA LAGS, BCOM LDAN 'DAS KYIS BKA'

097b

STZAL PA, RAB 'BYOR DE NI RNAM PAR PHYE ZHING LUNG BSTAN PAR BYA BA YIN TE, RAB 'BYOR BYANG CHEN GANG SEMS DANG PO BSKYED PA NAS NYE BAR BZUNG STE SHER PHYIN ZAB MO 'DI LA DE MI DMIGS PA'I TSUL GYIS BRTZON PAR BYED PA DANG, ZHES SOGS GSUNGS, DE'I DON BSHAD PA LA, THABS LA MKHAS PA GANG YIN PA, ,'DI LA MOS PA'I RGYU DAG YIN, ,ZHES DANG, ZHIG NAS LA MKHAS PA ZHES BYA BA NI SKYE BA'I RGYU DAG YIN NO, ,ZHES GSUNGS, GNYIS PA LA YANG, SNGON DGE BA MA BYAS PAS BDUD KYIS GNOD PA BYAS PA DANG, CHOS ZAB MO LA MA MOS PA DANG, BDEN 'DZIN GYIS BCINGS PA DANG, MI DGE BA'I BSHES GNYEN GYI DBANG DU SONG BA DANG BZHI LAS, CHOS KYIS 'PHONGS PA'I RGYU'I LAS DE STON PA LA, RAB 'BYOR GZHAN YANG THEG PA CHEN PO'I RIGS KYI BU'AM RIGS KYI BU MO GANG GIS SANGS RGYAS BRGYA PHRAG MANG PO DANG SANGS RGYAS STONG PHRAG MANG PO DANG, SANGS RGYAS BYE BA PHRAG KHRIG STONG PHRAG MANG PO MTHONG BAR 'GYUR TE, DE DAG GI DRUNG DU DMIGS PA'I TSUL GYIS SBYIN PA BYIN PAR 'GYUR BA DANG, ZHES SOGS GSUNGS PA LAS, RAB 'BYOR GYIS GSOL BA, BCOM LDAN 'DAS SKYES BU GLEN PA GANG SHER PHYIN 'DI SLAR SPONG BAR 'GYUR BA RNAM PA DU ZHIG GIS SHER PHYIN ZAB MO 'DI SLAR SPONG PAR 'GYUR, BCOM LDAN 'DAS KYIS BKA' STZAL PA, RAB 'BYOR SKYES BU GLEN PA DE DAG RNAM PA BZHIS SHER PHYIN PHYIR SPONG BAR 'GYUR, ZHES GSUNGS NAS, MI SKYE

098a

, ,BA'I RGYU DANG PO DE STON PA LA, BZHI GANG ZHE NA 'DI LTA STE SKYES BU GLEN PA DE DAG BDUD KYIS BYIN GYIS BRLAB PAR 'GYUR BA DANG, ZHES GSUNGS, DE'I DON BSHAD PA LA, CHOS KYIS 'PHONGS PA'I RGYU DAG NI; ;BDUD KYI THIBS KYIS NON PA DANG, ,ZHES DANG, BDUD KYIS GNOD PA BYAS PA DANG, ZHES GSUNGS, GNYIS PA DE STON PA LA, CHOS ZAB MO LA MOS PA MED PAR 'GYUR ZHING RAB TU DAD PAR MI 'GYUR BA DANG, ZHES GSUNGS, DE'I DON 'CHAD PA LA, ZAB MO'I CHOS LA MA MOS DANG, ,ZHES DANG, CHOS ZAB MO LA MA MOS PA DANG, ZHES GSUNGS, GSUM PA DE STON PA LA, PHUNG PO LA SOGS PA MNGON PAR ZHEN PAR 'GYUR BA DANG, ZHES GSUNGS, DE'I DON 'CHAD PA LA, PHUNG PO LA SOGS MNGON ZHE NA DANG, ,ZHES DANG, DNGOS POR 'DZIN PA DANG, ZHES GSUNGS, BZHI PA DE STON PA LA, SDIG PA'I GROGS PO'I LAG TU SONG BAS ZHE SDANG GI SPYOD PA CAN BDAG BSTOD CING GZHAN SMOD PAR 'GYUR BA YIN TE, ZHES PA NAS, SDIG PA'I GROGS PO'I LAG TU LHUNG BA BDUD KYI DBANG DU GYUR PA LE LO CAN BRTZON 'GRUS BTANG BA DRAN PA NYAMS PA SHES BZHIN DANG MI LDAN PA RNAMS KYIS MOS PAR DKA'O, ,ZHES GSUNGS, DE'I DON 'CHAD PA LA, SDIG PA'I GROGS POS YONGS ZIN PA'O, ,ZHES DANG, MI DGE BA'I GROGS PO DANG 'GROGS PA ZHES BYA BA NI MI SKYE BA'I RGYU DAG YIN NO, ,ZHES GSUNGS, GZHUNG

098b

DON NI, RNAM DAG SGOM LAM GYI MTHUN RKYEN DE LA DU MAR YOD DE, PHYI'I RKYEN SANGS RGYAS LA SOGS PA'I DGE BA'I BSHES GNYEN LA BSTEN PA, NANG GI RKYEN SBYIN SOGS NYAMS SU LEN PA, ZHI LHAG ZUNG 'BREL GYI THABS LA MKHAS PA RNAMS SU YOD PA'I PHYIR, DE'I 'GAL RKYEN DE LA YANG DU MAR YOD DE, SNGON DGE BA MA BYAS PAS BDUD GYIS GNOD PA BYAS PA, CHOS ZAB MO LA MA MOS PA, PHUNG PO SOGS BDEN GRUB TU 'DZIN PA, MI DGE BA'I BSHES GNYEN DANG SDIG GROGS KYI DBANG DU SONG BA RNAMS SU YOD PA'I PHYIR, RANG GI 'BRAS BUR GYUR PA'I RNAM DAG SGOM LAM THOB BYED KYI THABS SU GYUR PA'I RNAM DKAR GYI YON TAN DE, RNAM DAG SGOM LAM GYI MTHUN RKYEN GYI MTSAN NYID; DBYE NA GSUM DU YOD, RNAM DKAR GYI RNAM DAG SGOM LAM THOB PA LA BAR DU GCOD PAR BYED PAS RAB TU PHYE BA'I RKYEN DE, RNAM DAG SGOM LAM GYI 'GAL RKYEN GYI MTSAN NYID, DBYE NA BZHIR YOD DO, ` ,GNYIS PA RNAM DAG DNGOS LA, RNAM DAG SPYIR BSTAN PA DANG, BYE BRAG TU BSHAD PA GNYIS LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, RAB 'BYOR GZHAN YANG GZUGS RNAM PAR DAG PA GANG YIN PA DE NI 'BRAS BU RNAM PAR DAG PA NYID DO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA RNAM PAR DAG PA GANG YIN PA DE NI 'BRAS BU RNAM PAR DAG PA'O, ,KHAMS

099a

, ,DANG SKYE MCHED DANG RTEN CING 'BREL BAR 'BYUNG BA RNAM PAR DAG PA GANG YIN PA DE NI 'BRAS BU RNAM PAR DAG PA'O, ,ZHES PA NAS, RNAM MKHYEN GYI BAR LA SBYAR NAS, RAB 'BYOR GZHAN YANG GZUGS RNAM PAR DAG PA GANG YIN PA DE NI 'BRAS BU RNAM PAR DAG PA NYID DO, ,'BRAS BU RNAM PAR DAG PA GANG YIN PA DE NI SHER PHYIN RNAM PAR DAG PA, SHER PHYIN RNAM PAR DAG PA GANG YIN PA DE NI GZUGS RNAM PAR DAG PA STE, DE LTAR NA GZUGS RNAM PAR DAG PA DANG, 'BRAS BU RNAM PAR DAG PA DANG, SHER PHYIN RNAM PAR DAG PA GANG YIN PA 'DI LA GNYIS SU MED CING GNYIS SU BYAR MED DE THA MI DAD CING MA CHAD PA'O, ,ZHES PA NAS, 'BRAS BU RNAM PAR DAG PA GANG YIN PA DE NI SHER PHYIN RNAM PAR DAG PA, SHER PHYIN RNAM PAR DAG PA DE NI RNAM MKHYEN RNAM PAR DAG PA STE, DE LTAR NA RNAM MKHYEN RNAM PAR DAG PA DANG, 'BRAS BU RNAM PAR DAG PA DANG, SHER PHYIN RNAM PAR DAG PA GANG YIN PA 'DI LA GNYIS SU MED CING GNYIS SU BYAR MED DE THA MI DAD CING MA CHAD PA'O, ,ZHES PA'I BAR GYIS BSTAN TO, ,GNYIS PA LA, MTSAMS SBYAR, RTZA BA; 'GREL PA GSUM LAS, DANG PO NI, DE LTAR RNAM DAG SGOM LAM 'THOB PA'I RGYU DANG MI 'THOB PA'I RGYU BSHAD NAS, RNAM DAG SGOM LAM DNGOS DE GANG ZHE NA, SKABS SU BAB PA'I RNAM DAG DNGOS DE SPYIR BSTAN PA'I SGO NAS 'CHAD DO ZHES MTSAMS SBYOR BA LA, DE LTAR 'THOB PA DANG MI 'THOB PA'I RGYU

099b

DAG BSHAD NAS SKABS SU BAB PA'I RNAM PAR DAG PA SPYIR, ZHES GSUNGS, GNYIS PA MDO DE'I DON 'CHAD PA LA, 'BRAS BU DAG PA GZUGS LA SOGS, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA; 'PHAGS PA'I GANG ZAG GI DGE SBYONG GI TSUL GYIS 'BRAS BU GANG YIN PA DE, MI MTHUN PA'I PHYOGS THAMS CAD DANG GRAL BA NYID KYI RNAM PAR DAG PA GANG YIN PA DE NYID GZUGS LA SOGS PA RNAM PAR DAG PA YIN TE, 'BRAS BU DANG GZUGS LA SOGS PA RNAM PAR DAG PA NI, GZUGS LA SOGS PA LA BDAG TU MNGON PAR ZHEN PA LA SOGS PA DANG BRAL BAS RAB TU PHYE BA NYID KYIS GANG GI PHYIR DE DAG GI RNAM PAR DAG PA THA MI DAD CING GCAD DU MED PA NYID DE, RANG DANG SPYI'I MTSAN NYID THA DAD PA NYID MA YIN PA DE'I PHYIR DE LTAR RNAM PAR DAG PAR BRJOD DO, ,ZHES GSUNGS, 'DI'I SKABS SU MTHA' DPYAD PA LA, CHOS CAN DGAG GZHI GSUM GYI NGO BO DANG, BSGRUB BYA DAG PA GSUM GCIG YIN PA DANG, SGRUB BYED GNYIS MED SOGS BZHIR PHYE BA'I DON BSHAD PA'O, ,DANG PO NI, DAG LDAN LAS, GANG GI DAG PA ZHE NA, SHES RAB KYI PHA ROL TU PHYIN PA STE SGOM PA'I LAM GYI ZHES BYA BA'I DON TO,, ZHES DANG, SHES RAB KYI PHA ROL TU PHYIN PA RNAM PAR DAG PA NYID NI DE'I DMIGS PA DANG, DE'I 'BRAS BU RNAM PAR DAG PA YIN TE, SHER PHYIN SGOM LAM DANG, GZUGS SOGS DE'I YUL DANG, 'BRAS BU DE'I 'BRAS BU LA

100a

, ,BSHAD, NYI SNANG LAS, 'PHAGS PA'I GANG ZAG GANG YIN PA'I DGE SBYONG GI 'BRAS BU GANG YIN PA'I 'BRAS BU DE NI ZHES BAR CHAD MED LAM GYI 'BRAS BU RNAM GROL LAM LA BSHAD CING, SLOB DPON YANG DE DANG MTHUN LA, 'ON KYANG 'BRAS BU DANG SHER PHYIN GNYIS GCIG TU 'CHAD DE, RGYAN SNANG LAS, RGYUN DU ZHUGS PA LA SOGS PA'I 'BRAS BU SHER PHYIN RNAM PAR DAG PA YIN LA, ZHES GSUNGS PA'I PHYIR, GNYIS PA NI; YUL LA ZHEN PA SKYE BA DE SRID DU MA DAG PAR 'JOG PA GANG GI TSE GNYEN POS ZHEN PA SPANGS PA DE'I TSE DGAG BYA'I DRI MA GCIG LAS MED PAS YUL YUL CAN GNYIS KA'ANG DRI MA DE MI SKYE BA'I DAG PA YIN MIN DU KHYAD PAR MED PA YIN TE, DE LTAR 'PHAGS SENG GNYIS KAS BZHED PA'I PHYIR, GSUM PA NI, GNYIS SU MED PA NI GZUNG 'DZIN GNYIS SU MED PA DANG, GNYIS SU BYAR MED PA NI LDEM POR DGONGS PAS GNYIS SU BYAR MI NUS PA STE BLOS KYANG GZUNG 'DZIN GNYIS SU BYAR MI NUS ZHES PA'O, ,DBYER MED PA'AM THA MI DAD PA NI RANG BZHIN MI 'DRA BA DU MA MED PA'O, ,GCAD DU MED PA NI YAN LAG GAM CHA SHAS DU MA MED PA'O, ,'DI DAG NI LEGS BSHAD GSER GYI PHRENG BA'I BZHED PA BKOD PA'O; ;DES NA DON BSDU NA, RNAM MKHYEN CHOS CAN, KHYOD RANG RGYUD LDAN GYI GANG ZAG GI RGYUD KYI DRI MAS RNAM PAR DAG PA NA, KHYOD KYI YUL GZUGS SOGS KYANG KHYOD RGYUD LDAN GYI GANG ZAG GI RGYUD KYI DRI MAS RNAM PAR DAG

100b

PA YIN TE, KHYOD DES RNAM PAR DAG PA'I DAG PA DE DANG, KHYOD KYI YUL GZUGS SOGS DES RNAM PAR DAG PA'I DAG PA GNYIS PO DE NGO BO THA MI DAD CING RIGS GCIG PA'I PHYIR, KHO NA RE, RNAM MKHYEN RGYUD LDAN GYI GANG ZAG GI RGYUD LA SGRIB PA MED PAR THAL, SBYOR BA 'THAD PA'I PHYIR, 'DOD NA, RNAM MKHYEN RGYUD LDAN GYI GANG ZAG DE SANGS RGYAS 'PHAGS PA YIN PAR THAL, 'DOD PA'I PHYIR, 'DOD NA, DE YIN NA SANGS RGYAS 'PHAGS PA YIN DGOS, PAR THAL, 'DOD PA'I PHYIR, 'DOD NA, GANG ZAG CHOS CAN, DER THAL, DE'I PHYIR, ZER NA RTAGS MA GRUB PO, ,GZHAN YANG, RNAM MKHYEN SANGS RGYAS 'PHAGS PA'I RGYUD KYI DRI MAS DAG PA DE GLO BUR RNAM DAG TU THAL, SBYOR BA 'THAD PA'I PHYIR ZER NA MA KHYAB, 'DOD NA, SANGS RGYAS 'PHAGS PA'I RGYUD LA DRI MA YOD PAR THAL LO, ,SKABS 'DIR t'IKA'I RJES 'BRANG KHA CIG ,SA BRGYAD PA'I RNAM GROL LAM CHOS CAN, KHYOD RANG GI NGOS SKAL GYI DRI MAS DAG PA NA KHYOD KYI YUL GZUGS SOGS DE YANG RANG GI NGOS SKAL GYI DRI MAS DAG PA YIN TE, KHYOD DE LTAR DAG PA'I DAG PA DANG KHYOD KYI YUL DE DES DAG PA'I DAG PA GNYIS DAG BYA GCIG GIS DBEN PA'I DAG PA RIGS MTSUNGS YIN PA'I PHYIR; DE DES DAG PA NA DE'I YUL DE YANG DES DAG PA YIN TE, DE GNYIS KA DE'I NGOS SKAL GYI DRI MAS DAG PA'I PHYIR TE, DE GNYIS KA DE'I NGOS SKAL GYI DRI MA DANG BRAL BA'I PHYIR TE, DE GNYIS KA GANG ZAG GI BDAG DANG BRAL BA GANG

101a

, ,ZHIG ;DE DANG DE GNYIS MED MTSUNGS YIN PA'I PHYIR TE, DE 'DRA'I DRI MA MED PA'I PHYIR ZHES ZER ZHING, SA BRGYAD PA'I RNAM GROL LAM DE RANG GI NGOS SKAL GYI DRI MAS DAG PA YIN TE, DE'I NGOS SKAL GYI DRI MA MED PA'I PHYIR ZHES ZER NA, RE ZHIG SA BRGYAD PA'I RNAM GROL LAM DES KHYOD SPANGS PAR THAL, KHYOD SGRIB PA GANG ZHIG ,SA BRGYAD PA'I RNAM GROL LAM DE KHYOD KYIS DAG PA'I PHYIR ZHES PA'I THAL 'GYUR LA KHYAB PA YOD PAR THAL; SA BRGYAD PA'I RNAM GROL LAM DE SHES SGRIB KYIS MA DAG PA'I PHYIR, 'DOD NA SONG, RANG GI NGOS SKAL GYI SGRIB PA CHOS CAN, DER THAL, DE'I PHYIR, DANG PO GRUB STE, DE YOD PA'I PHYIR TE, DE SPONG DGOS KYI GANG ZAG YOD PA'I PHYIR, 'DOD NA, DE CHOS CAN, RGYUN MTHA'I BAR CHAD MED LAM DE KHYOD KYI DNGOS GNYEN MA YIN PAR THAL, 'DOD PA'I PHYIR, 'DOD NA, SHES BYA CHOS CAN, DE DER THAL, SHES BYA DANG GCIG GANG ZHIG ,DE'I DNGOS GNYEN BAR CHAD MED LAM GCIG YOD PA'I PHYIR, KHO NA RE, SA BRGYAD PA'I RNAM GROL LAM CHOS CAN, KHYOD RANG GI NGOS SKAL GYI DRI MAS DAG PAR THAL, KHYOD KYI NGOS SKAL GYI DRI MA MED PA GANG ZHIG, KHYOD BDEN GRUB KYIS DAG PA'I PHYIR, 'DOD NA, DNGOS 'GAL ZER NA, MI 'GRO STE, GONG DU DE RANG GI NGOS SKAL GYI DRI MAS MA DAG PAR KHAS BLANGS, 'DIR DE KHO RANG GI NGOS SKAL GYI DRI MAS DAG PAR KHAS BLANGS PA'I PHYIR, KHA CIG ,'BRAS BU RNAM GROL LAM CHOS CAN, KHYOD

101b

DRI MAS RNAM PAR DAG PA NA, KHYOD KYI YUL GZUGS SOGS KYANG DRI MAS RNAM PAR DAG PA YIN TE, KHYOD DRI MAS DAG PA'I DAG PA DE DANG, KHYOD KYI YUL GZUGS SOGS DRI MAS DAG PA'I DAG PA DE GNYIS RANG MTSAN LA RDZAS THA DAD MA YIN ZHING SPYI MTSAN LA LDOG PA SO SOR BCAD DU MED PA'I PHYIR ZHES ZER NA, RNAM MKHYEN DRI MAS DAG PA NA DE'I YUL GZUGS SOGS KYANG DRI MAS DAG PAR THAL, SBYOR BA DE'I PHYIR, 'DOD NA, RNAM MKHYEN DRI MAS DAG PA NA DE'I YUL SO SKYE YANG DRI MAS DAG PAR THAL, 'DOD PA'I PHYIR, 'DOD NA, SEMS CAN THAMS CAD 'BAD MED DU GROL BAR THAL LO, ,RONG t'I KA PA NA RE, 'BRAS BU RNAM GROL LAM CHOS CAN, KHYOD RANG RGYU BAR CHAD MED LAM GYIS BSAL BA'I DRI MAS DAG PA NA, KHYOD KYI YUL SOGS KYANG DES DAG PA YIN TE, KHYOD DES DAG PA'I DAG PA DE DANG, KHYOD KYI YUL GZUGS SOGS DES DAG PA'I DAG PA GNYIS RANG MTSAN LA RDZAS THA DAD MA YIN ZHING SPYI MTSAN LA LDOG PA SO SOR GCAD DU MED PA'I PHYIR, ZHES ZER BA MI 'THAD DE, RNAM MKHYEN RGYUN MTHA'I BAR CHAD MED LAM GYIS BSAL BA'I DRI MAS DAG PA NA, DE'I YUL GZUGS SOGS DES DAG PAR THAL BA SNGAR BZHIN NO; ;GZHAN YANG, DAG PA DE GNYIS KYI LDOG PA SO SOR GCAD DU YOD PAR THAL, DE GNYIS KYI LDOG PA SO SOR TSAD MAS GCAD DU YOD PA'I PHYIR TE, DE GNYIS KYI LDOG PA YOD PA'I PHYIR TE, DE GNYIS YOD PA'I PHYIR TE, SBYOR

102a

, ,BA 'THAD PA'I PHYIR, KHA CIG ,SA GSUM PA'I RNAM GROL LAM CHOS CAN, KHYOD RANG RGYU BAR CHAD MED LAM GYI NGOS SKAL GYI DRI MAS DAG PA NA KHYOD LA GANG ZAG GI GZUGS KYI PHUNG PO DE YANG DES DAG PA YIN TE; ZHES SOGS SNGAR BZHIN ZER NA, 'BRAS BU DAG PA GZUGS LA SOGS, ,ZHES PA'I GZUGS DE GANG ZAG GI GZUGS PHUNG LA BYED RIGS PAR THAL, SBYOR BA 'THAD PA'I PHYIR, 'DOD NA, 'BRAS BU RNAM PAR DAG PA GANG YIN PA DE GZUGS RNAM PAR DAG PA ZHES PA'I GZUGS DE YANG DE LA BYED RIGS PAR THAL, 'DOD PA'I PHYIR, 'DOD NA, PHYI SNOD KYI 'JIG RTEN DE GZUGS NAS RNAM MKHYEN GYI BAR GYI CHOS RNAMS KYI NANG DU MA 'DUS PAR THAL LO; ;GZHAN YANG RNAM GROL LAM YIN NA, RANG RGYU BAR CHAD MED LAM GYI NGOS SKAL GYI SGRIB PA SPANGS PAS KHYAB PAR THAL, SBYOR BA DE'I PHYIR, 'DOD NA, NYAN THOS KYI SGOM LAM RNAM GROL LAM CHOS CAN, DER THAL, DE'I PHYIR; 'DOD MI NUS TE, DE'I RGYUR GYUR PA'I RGYUN MTHA'I BAR CHAD MED LAM YOD PA'I PHYIR TE, DER GYUR PA'I RNAM MKHYEN YOD PA'I PHYIR, 'BRAS BU RNAM GROL LAM CHOS CAN, KHYOD DRI MA BDEN GRUB KYIS DAG PA NA, KHYOD KYI YUL GZUGS SOGS KYANG DES RNAM PAR DAG PA YIN TE, KHYOD DANG KHYOD KYI YUL GZUGS SOGS GNYIS DRI MA BDEN GRUB KYIS DAG MA DAG GI KHYAD PAR DON STENG NAS YOD PA MA YIN ZHING, DE 'DRA'I KHYAD PAR

102b

TSAD MAS KYANG DPYAD DU MED PA'I PHYIR, DES NA 'DI'I DAG PA RANG BZHIN RNAM DAG LA BYED GSUNGS, RE ZHIG ,GZHUNG 'DIS GLO BUR RNAM DAG BSTAN BYA'I GTZO BOR BYAS NAS MA BSTAN PAR THAL, SBYOR BA DE GZHUNG 'DI'I BSTAN DON YONGS RDZOGS KYI SBYOR BA YIN PA'I PHYIR, 'DOD NA, GZUGS LA SOGS PA BDAG TU MNGON PAR ZHEN PA LA SOGS PA DANG BRAL BAS RAB TU PHYE BA NYID KYIS, ZHES GSUNGS PA MI 'THAD PAR THAL LO, ,GZHAN YANG, NYON MONGS SHES BYA LAM GSUM GYIS, ,ZHES SOGS KYI SKABS KYI DAG PA DE YANG RANG BZHIN RNAM DAG LA BYED RIGS PAR THAL, 'BRAS BU DAG PA GZUGS LA SOGS, ,ZHES SOGS KYI SKABS KYI DE DE LA BYED RIGS PA'I PHYIR, 'DOD NA, NYON SGRIB SPANGS PA'I SPANGS PA DE DE'I SKABS NAS BSTAN PA'I DAG PA MA YIN PAR THAL LO, ,KHO NA RE, DE DER THAL, 'BRAS BU RNAM PAR DAG PA GANG YIN PA DE NI GZUGS RNAM PAR DAG PA, ZHES PA'I SKABS KYI DAG PA DE DE LA BYED RIGS PA'I PHYIR ZER NA MA KHYAB, DER THAL, MDO DES STONG NYID DNGOS KYI BSTAN BYA'I GTZO BOR BYAS NAS BSTAN PA'I PHYIR, KHA CIG ,GZHUNG 'DIS RANG BZHIN RNAM DAG DANG GLO BUR RNAM DAG GNYIS KA BSTAN TE, DAG LDAN LAS, SHER PHYIN RNAM PAR DAG PA NI DE'I DMIGS PA DANG DE'I 'BRAS BU RNAM PAR DAG PA GANG YIN PA STE, ZHES GSUNGS PA'I PHYIR, ZHES ZER BA MI 'THAD DE, SLOB DPON GYIS 'GREL PAR RANG BZHIN RNAM DAG LA SBYAR BA'I BSHAD PA MA BYUNG BA'I PHYIR RO, ` ,

103a

, ,GNYIS PA BYE BRAG TU BSHAD PA LA, LAM GYI DBYE BA DNGOS DANG, MTHAR THUG GI LAM GYI KHYAD PAR RO, ,DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, RAB 'BYOR GZHAN YANG BDAG RNAM PAR DAG PA GANG YIN PA DE NI GZUGS RNAM PAR DAG PA, ZHES SOGS GSUNGS, GNYIS PA LA, MTSAMS SBYAR BA, RTZA BA; 'GREL PA GSUM LAS, DANG PO NI, GONG DU BSHAD PA DE LTAR RNAM PAR DAG PA SO SOR MA PHYE BAR SPYIR BSTAN NAS DA NI SO SOR PHYE STE 'CHAD DO, ,ZHES MTSAMS SBYOR BA LA, RNAM PAR DAG PA SPYIR BRJOD NAS KHYAD PAR DU, ZHES GSUNGS, GNYIS PA MDO DE'I DON BSHAD PA LA, NYON MONGS SHES BYA LAM GSUM GYI, ,ZHES SOGS GSUNGS, GSUM PA DE NYID TSIG DON GYI SGO NAS 'CHAD PA LA, 'DOD CHAGS LA SOGS PA'I NYON MONGS PA DANG, ZHES SOGS GSUNGS, MDO RTZA 'GREL 'DI DAG GI DON LA YANG, NYAN THOS KYI RNAM DAG DANG, RANG RGYAL GYI RNAM DAG DANG, BYANG SEMS KYI RNAM DAG DANG, SANGS RGYAS KYI RNAM DAG SHIN TU BA DANG BZHI LAS, DANG PO NI, RAB 'BYOR GZHAN YANG BDAG RNAM PAR DAG PA GANG YIN PA DE NI GZUGS RNAM PAR DAG PA, ZHES PA NAS, DE LTAR NA 'DOD CHAGS DANG ZHE SDANG DANG GTI MUG YONGS SU DAG PA DANG, GZUGS NAS RNAM MKHYEN GYI BAR DU YONGS SU DAG PA GANG YIN PA 'DI LA GNYIS SU MED DE, GNYIS SU BYAR MED DE THA MI DAD CING MA CHAD PA'O, ,ZHES PA'I BAR GYIS BSTAN, GNYIS PA DE STON PA LA, RAB 'BYOR

103b

GZHAN YANG GZUGS RNAM PAR DAG PA GANG YIN PA DE NI 'BRAS BU RNAM PAR DAG PA, 'BRAS BU RNAM PAR DAG PA GANG YIN PA DE NI SHER PHYIN RNAM PAR DAG PA, ZHES PA NAS, DE LTAR NA RGA SHI DANG MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA DANG 'KHRUG PA RNAM PAR DAG PA DANG RNAM MKHYEN RNAM PAR DAG PA 'DI LA GNYIS SU MED CING GNYIS SU BYAR MED DE THA MI DAD CING MA CHAD PA'O, ,ZHES PA'I BAR GSUNGS, GSUM PA DE STON PA LA, RAB 'BYOR GZHAN YANG SHER PHYIN RNAM PAR DAG PAS BSAM GTAN GYI PHA ROL TU PHYIN PA RNAM PAR DAG PA, ZHES PA NAS, DE LTAR NA SANGS RGYAS KYI CHOS MA 'DRES PA RNAM PAR DAG PA DANG, RNAM MKHYEN RNAM PAR DAG PA 'DI LA GNYIS SU MED CING GNYIS SU BYAR MED DE THA MI DAD CING MA CHAD PA'O, ,ZHES PA'I BAR GSUNGS, MDO DE DAG GI DON 'CHAD PA LA, NYON MONGS SHES BYA LAM GSUM GYIS, ,NYAMS PHYIR SLOB MA BSE RU DANG, ,RGYAL SRAS RNAMS KYI DAG PA STE, ,SANGS RGYAS RNAM KUN SHIN TU BA, ,ZHES DANG, 'DOD CHAGS LA SOGS PA'I NYON MONGS PA DANG, DE DANG SHES BYA'I SGRIB PA'I PHYOGS GCIG PO BZUNG BA'I DON GYI RNAM PAR RTOG PA DANG, THEG PA GSUM GYI LAM GYI SGRIB PA GSUM SPANGS PA'I PHYIR GO RIMS BZHIN DU NYAN THOS DANG RANG SANGS RGYAS DANG BYANG CHUB SEMS DPA' RNAMS KYI DAG PA YIN NO, ,NYON MONGS PA DANG SHES BYA'I SGRIB PA BAG CHAGS DANG BCAS PA RNAM PA THAMS CAD DU SPANGS PA'I PHYIR SHIN TU RNAM PAR DAG PA CHOS

104a

, ,KYI DBYINGS LAS BYUNG BA NYID NI BLA NA MED PA'I SANGS RGYAS KYI YIN PAR 'DOD DO, ,ZHES GSUNGS, GZHUNG DON NI, NYAN THOS DGRA BCOM PA'I RGYUD KYI 'GOG BDEN CHOS CAN, NYAN THOS KYI RNAM DAG YIN TE, NYON SGRIB SPANGS PA'I NYAN THOS KYI BRAL BA YIN PA'I PHYIR, RANG RGYAL DGRA BCOM PA'I RGYUD KYI 'GOG BDEN CHOS CAN, RANG RGYAL GYI RNAM DAG YIN TE, GZUGS PHYI ROL DON DU 'DZIN PA'I RTOG PA SPANGS PA'I RANG RGYAL GYI BRAL BA YIN PA'I PHYIR, BYANG SEMS SGOM LAM PA'I RGYUD KYI 'GOG BDEN CHOS CAN, BYANG SEMS KYI RNAM DAG YIN TE, THEG PA GSUM GYI LAM GYI SPANG BYA CI RIGS PA SPANGS PA'I BYANG SEMS KYI BRAL BA YIN PA'I PHYIR, SANGS RGYAS 'PHAGS PA'I RGYUD KYI 'GOG BDEN CHOS CAN, RNAM DAG SHIN TU BA YIN TE, SGRIB GNYIS BAG CHAGS DANG BCAS PA ZAD PAR SPANGS PA'I BRAL BA YIN PA'I PHYIR, DES NA, RANG THOB BYED KYI THABS SU GYUR PA'I BAR CHAD MED LAM GYI SGRIB PA SPANGS PA'I SO SOR BRTAGS 'GOG ,RNAM DAG GI MTSAN NYID, DBYE NA, NYAN THOS KYI RNAM DAG ,RANG RGYAL GYI RNAM DAG ,BYANG SEMS KYI RNAM DAG ,RNAM DAG SHIN TU BA DANG BZHI LAS, RANG THOB BYED KYI THABS SU GYUR PA'I BAR CHAD MED LAM GYI NGOS SKAL GYI SGRIB PA SPANGS PA'I NYAN THOS KYI BRAL BA, DANG PO'I MTSAN NYID, DE DANG NYAN THOS KYI 'GOG BDEN DON GCIG ,DE 'DRA'I RANG RGYAL GYI BRAL BA DE, RANG RGYAL GYI RNAM DAG GI MTSAN NYID, DE DANG RANG RGYAL GYI BRAL BA DON GCIG ,DE 'DRA'I

104b

BYANG SEMS KYI BRAL BA, BYANG SEMS KYI RNAM DAG GI MTSAN NYID, DE DANG BYANG SEMS KYI 'GOG BDEN DON GCIG ,SGRIB GNYIS MA LUS PAR SPANGS PA'I BRAL BA, RNAM DAG SHIN TU BA'I MTSAN NYID, DE DANG SANGS RGYAS KYI SA'I 'GOG BDEN DON GCIG ,SA MTSAMS NYAN THOS KYI MTHONG LAM NAS SANGS RGYAS KYI SA'I BAR DU YOD, KHA CIG ,NYON SGRIB SPANGS PA'I NYAN THOS KYI RGYUD KYI BRAL BA, DANG PO'I MTSAN NYID, GZUGS PHYI ROL DON DU 'DZIN PA'I RTOG PA SPANGS PA'I ZHES SOGS GNYIS PA'I MTSAN NYID, LAM GSUM GYI SGRIB PA CI RIGS PA SPANGS PA'I BYANG SEMS KYI RGYUD KYI BRAL BA, GSUM PA'I MTSAN NYID ZER NA, THEG CHEN GYI RNAM DAG YIN NA, THEG CHEN GYI MYANG 'DAS YIN DGOS PAR THAL, THEG DMAN LA DE DGOS PA'I PHYIR TE, NYAN THOS LA YANG DE DGOS, RANG RGYAL LA YANG DE DGOS PA'I PHYIR, RTAGS GNYIS KA GRUB STE, MTSAN NYID DE RNAMS 'THAD PA'I PHYIR, RTZA BAR 'DOD NA, BYANG SEMS SGOM LAM PA'I RGYUD KYI 'GOG BDEN CHOS CAN, DER THAL, DE'I PHYIR, GZHAN YANG, BYANG SEMS MTHONG LAM PA'I RGYUD KYI 'GOG BDEN CHOS CAN, MTSAN NYID GSUM PA DER THAL, MTSON BYA DE'I PHYIR, 'DOD NA, LAM GSUM GYI SGRIG PA CI RIGS PA RGYUD LDAN GYI BYANG 'PHAGS MED PAR THAL LO, ,RONG t'I KA PAS, NYON SGRIB SPANGS PA'I RNAM GROL LAM, NYAN THOS KYI RNAM DAG GI MTSAN NYID DU 'DOD PA SOGS MI 'THAD DE, NYAN THOS DGRA BCOM PA'I RGYUD KYI 'GOG BDEN RNAM GROL LAM YIN PAR THAL

105a

, ,BA DANG, NYAN THOS KYI RGYUD KYI 'GOG BDEN GYIS NYON SGRIB SPANGS PAR THAL BA SOGS KYI SKYON YOD PA'I PHYIR, DES MTSAN NYID PHYI MA RNAMS LA RIGS 'DRA'O, ,KHO NA RE, BYANG SEMS KYI RNAM DAG DANG SGOM LAM GYI GZHI MTHUN YOD PAR THAL, RNAM DAG SGOM LAM YOD PA'I PHYIR ZER NA MA KHYAB STE, RNAM DAG SGOM LAM YIN NA RNAM DAG YIN DGOS PAR THAL, DE RNAM DAG YIN PA'I PHYIR, 'DOD NA, SGRUB PA SGOM LAM YIN NA SGRUB PA YIN DGOS PAR THAL LO, ,'DOD NA, SA GNYIS PA'I BAR CHAD MED LAM CHOS CAN, DER THAL, DE'I PHYIR, 'DOD MI NUS TE, MA YIN DGAG YIN PA'I PHYIR, RTAGS GRUB STE, TSE DPAG MED DANG, 'PHAGS PA THOGS MED RNAMS MA YIN DGAG YIN PA'I PHYIR TE, DE LTAR DU DRANG NGES RNAM 'BYED LAS BSHAD PA'I PHYIR, KHO NA RE, RNAM DAG YIN NA, 'GOG BDEN YIN DGOS PAR THAL, DE 'GOG BDEN YIN PA'I PHYIR, 'DOD NA, BUM PA'I CHOS NYID CHOS CAN, DER THAL, DE'I PHYIR, RANG BZHIN RNAM DAG YIN PA'I PHYIR ZER NA MA KHYAB PO; ;'DOD NA, DE CHOS CAN, MYANG 'DAS YIN PAR THAL, RANG BZHIN GYI MYANG 'DAS YIN PA'I PHYIR, 'KHOR GSUM, ` GNYIS PA MTHAR THUG GI LAM GYI KHYAD PAR BSHAD PA LA, LAM GYI KHYAD PAR DNGOS DANG, RTZOD PA SPONG BA'O, ,DANG PO LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO LA, RNAM DAG SGOM LAM CHUNG NGU SKOR GSUM PO DE STON PA LA, RAB 'BYOR GZHAN YANG SHER PHYIN RNAM PAR DAG PA GANG YIN PA DE NI GZUGS RNAM

105b

PAR DAG PA, ZHES PA NAS, DE LTAR NA SBYIN PA'I PHA ROL TU PHYIN PA RNAM PAR DAG PA DANG, RNAM PAR SHES PA RNAM PAR DAG PA DANG, RNAM MKHYEN RNAM PAR DAG PA 'DI LA GNYIS SU MED CING GNYIS SU BYAR MED DE THA MI DAD CING MA CHAD PA'O, ,ZHES DANG; RAB 'BYOR GZHAN YANG NANG STONG PA NYID RNAM PAR DAG PA DANG DNGOS PO MED PA'I NGO BO NYID STONG PA NYID KYI BAR RNAM PAR DAG PA GANG YIN PA DE NI RNAM MKHYEN RNAM PAR DAG PA STE, ZHES SOGS DANG, RAB 'BYOR GZHAN YANG 'DUS BYAS RNAM PAR DAG PAS 'DUS MA BYAS RNAM PAR DAG PA, ZHES PA NAS, DE LTAR NA 'DAS PA DANG MA 'ONGS PA RNAM PAR DAG PA DANG, DA LTAR BYUNG BA RNAM PAR DAG PA GANG YIN PA 'DI LA GNYIS SU MED CING GNYIS SU BYAR MED DE THA MI DAD CING MA CHAD PA'O, ,ZHES PA'I BAR GSUNGS, DE 'BRING SKOR GSUM PO DE STON PA LA, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS RNAM PAR DAG PA 'DI NI ZAB PO, ,BCOM LDAN 'DAS KYIS BKA' STZAL PA, SHIN TU RNAM PAR DAG PA'I PHYIR RO, ,ZHES SOGS DANG, SH'A RI'I BUS GSOL PA, BCOM LDAN 'DAS RNAM PAR DAG PA NI SNANG BAR GYUR PA'O, ,BCOM LDAN 'DAS KYIS BKA' STZAL PA, SH'A RI'I BU SHIN TU RNAM PAR DAG PA'I PHYIR RO, , ZHES SOGS DANG, SH'A RI'I BUS GSOL BA BCOM LDAN 'DAS RNAM PAR DAG PA NI MTSAMS SBYOR BA MA MCHIS PA'O, ,BCOM LDAN 'DAS KYIS BKA' STZAL PA, SHIN TU RNAM PAR DAG PA'I PHYIR RO, ,ZHES PA NAS, DE BZHIN DU RNAM MKHYEN

106a

, ,GYI BAR DU 'PHO BA MED CING MTSAMS SBYOR BA MED PA NI RNAM PAR DAG PA'O, ,ZHES PA'I BAR GSUNGS, DE CHEN PO SKOR GSUM PO DE STON PA LA, SH'A RI'I BUS GSOL PA, BCOM LDAN 'DAS RNAM PAR DAG PA NI NYON MONGS PA MA MCHIS PA'O, ,ZHES SOGS DANG, SH'A RI'I BUS GSOL PA, BCOM LDAN 'DAS RNAM PAR DAG PA NI THOB PA DANG MNGON PAR RTOGS PA MA MCHIS PA'O, ,ZHES SOGS DANG, SH'A RI'I BUS GSOL PA, BCOM LDAN 'DAS RNAM PAR DAG PA NI MNGON PAR MTHAR THUG PA'O, ,ZHES PA NAS, DE BZHIN DU RNAM MKHYEN GYI BAR DU MNGON PAR MTHAR THUG PA NI RNAM PAR DAG PA'O, ,ZHES PA'I BAR GSUNGS, GNYIS PA LA, DRI BA DANG, LAN GNYIS LAS, DANG PO NI, GONG DU BYANG SEMS KYI RNAM DAG GTZO BO YIN PAS DE SMOS PA'I ZHAR LA, SANGS RGYAS RNAM KUN SHIN TU BA, ,ZHES SANGS RGYAS KYI RNAM DAG SHIN TU BA DANG, NYON MONGS SHES BYA LAM GSUM GYIS, ,NYAMS PHYIR SLOB MA BSE RU DANG, ,ZHES NYAN THOS DANG RANG RGYAL GYI RNAM DAG DE SHIN TU BA MA YIN PAR BSHAD PA'I RGYU MTSAN CI YIN ZHES PA'I DRI BA STON PA LA, LAM SHES PA NYID KYI SKABS SU RNAM PAR DAG PA SMOS PA'I ZHAR LA SANGS RGYAS DANG NYAN THOS LA SOGS PA'I RNAM PAR DAG PA GO RIMS BZHIN DU SHIN TU BA DANG CIG SHOS SU BSHAD PA DE JI LTA BU YIN ZHE NA, ZHES GSUNGS, GNYIS PA LA, RTZA 'GREL GNYIS LAS, DANG PO NI, MDO TSAN DGU PO DE'I DON BSHAD PA'I SGO NAS SANGS RGYAS KYI RNAM DAG DE RNAM DAG SHIN TU BA, GZHAN RNAMS SHIN TU

106b

BA MA YIN PA'I RGYU MTSAN BSHAD PA LA, SA DGU LA NI CHEN PO YIN, ,ZHES SOGS DANG, GSUM PA DE NYID TSIG DON GYI SGO NAS 'CHAD PA LA, 'DOD PA'I KHAMS DANG BSAM GTAN DANG GZUGS MED PA'I SNYOMS PAR 'JUG PA DAG STE, SA DGU LA MI MTHUN PA'I PHYOGS CHEN PO'I CHEN PO LA SOGS PA RNAM PA DGU'I GNYEN PO'I NGO BOR GO RIMS BZHIN DU LAM CHUNG NGU'I CHUNG NGU LA SOGS PA RNAM PA DGU RNAM PA THAMS CAD DANG, CIG SHOS SU RNAM PAR DAG PA'I RGYU YIN PA'I PHYIR RNAM PAR DAG PA SHIN TU BA DANG CIG SHOS ZHES BYA'O, ,ZHES GSUNGS, GZHUNG DON NI, SANGS RGYAS KYI RNAM DAG NI RNAM DAG SHIN TU BA YIN PA DANG, NYAN RANG GI RNAM DAG DE RNAM DAG SHIN TU BA MA YIN PA'I KHYAD PAR 'THAD DE, THEG CHEN GYI SGOM LAM BAR CHAD MED LAM CHUNG NGU'I CHUNG NGU SOGS DGU PO DE RANG RANG GI SGRIB PA GNYIS KA'I DNGOS GNYEN BAR CHAD MED LAM YIN, NYAN RANG GI BAR CHAD MED LAM CHUNG NGU'I CHUNG NGU SOGS DE LTAR MA YIN PA'I PHYIR, KHA CIG ,SA GNYIS PA'I BAR CHAD MED LAM DE BDEN 'DZIN CHEN PO'I CHEN PO'I DNGOS GNYEN YIN PA NAS, SA BCU PA'I BAR CHAD MED LAM DE BDEN 'DZIN CHUNG NGU'I CHUNG NGU'I DNGOS GNYEN BAR CHAD MED LAM YIN ZHES ZER, DE LA KHA CIG ,RANG GI NGOS SKAL GYI BDEN 'DZIN CHEN PO'I CHEN PO'I DNGOS GNYEN YIN NA, BDEN 'DZIN CHEN PO'I CHEN PO'I DNGOS GNYEN YIN DGOS PAR THAL, DAM BCA' DE'I PHYIR, 'DOD NA, SA DANG PO'I SGOM LAM BAR CHAD MED LAM CHOS CAN, DER THAL, DE'I PHYIR, ZHES ZER, RANG LUGS LA,

107a

, ,RTEN GANG GIS DBANG DU BYAS TE BSHAD PA DANG, BYANG SEMS KYI SGOM LAM BAR CHAD MED LAM DGUS SPANG BYA JI LTAR SPONG BA'I TSUL BSHAD PA'O, ,DANG PO NI, 'DOD PA LA SOGS PA'I SA DGU SGOM LAM GYI RTEN YIN ZHING, 'DIR RNAM DAG SGOM LAM GYI RTEN DU BSHAD PAR BYA BA YIN TE, 'GREL CHEN LAS, 'DOD PA'I KHAMS DANG GZUGS KYI KHAMS DANG GZUGS MED PA'I KHAMS SU ZHES SMOS PAS NA, 'DOD PA'I KHAMS LA SOGS PA'I SA DGUS SGOM PA'I LAM GZUNG BAR BYA'O, ,GANG YANG 'DOD PA KHAMS DANG SRID RTZE NA, ZHES SOGS GSUNGS PA'I PHYIR, DE'I DON NI, GZUGS MED DANG PO GSUM DANG BSAM GTAN SA DRUG STE DGU DANG, KHAMS GSUM SA DGU LA BRTEN PA'I LUGS GNYIS BSHAD CING RNAM PA KUN TU YANG 'DI GNYIS 'DAM GA CAN DU MDZAD PA'I PHYI MA NI MNGON PA GONG 'OG GNYIS DANG MTHUN LA ZHES GSER PHRENG LAS BSHAD DO, ,GNYIS PA NI, BYANG SEMS KYI SGOM LAM BAR CHAD MED LAM DGUS SGOM SPANG BDEN 'DZIN GYI RNAM PAR RTOG PA DGU SPONG BA'I TSUL YOD DE, DANG POR BYANG SEMS KYI SGOM LAM CHUNG NGU SKOR GSUM, DE RJES DE 'BRING SKOR GSUM, DE RJES DE CHEN PO SKOR GSUM SKYE LA, DE RNAMS KYIS GO RIMS BZHIN DU SGOM SDANG BDEN 'DZIN CHEN PO SKOR GSUM DANG, 'BRING SKOR GSUM DANG, CHUNG NGU SKOR GSUM SPONG BAR BYED PA'I PHYIR, GNYEN PO CHUNG RIM DANG SPANG BYA CHE RIM NAS 'JOG PA'I RGYU MTSAN YOD DE, GNYEN PO LA DMAN MCHOG GI RIM PA DANG SPANG BYA SPONG

107b

DKA' SLA'I RIM PA YOD PAS DE LTAR BZHAG PA'I PHYIR, GNYIS PA LA RTZOD PA SPONG BA DANG, LAN GNYIS LAS, DANG PO NI, SGOM SPANG CHE RIM DGU'I GNYEN PO CHUNG RIM NAS 'BYUNG BA'I THEG CHEN GYI SGOM LAM DGU PO DE DRI MA DAG BYED YIN PA'I RGYU MTSAN GYIS JI LTAR NA DE DAG GIS 'BRAS BU SANGS RGYAS KYI RNAM DAG DE NYE BAR MA BTAGS PA'I RNAM DAG SHIN TU BA YIN TE MA YIN PAR THAL, SPANG GNYEN GYI RIM PA DE MI 'THAD PA'I PHYIR TE, SPANG BYA CHEN PO GNYEN PO CHEN PO DANG, CHUNG NGU GNYEN PO CHUNG NGUS SPONG DGOS PA'I PHYIR, ZHES PA'I DOGS PA KHONG NAS BSU BA LA, JI LTAR SHIN TU BA YIN ZHE NA, ZHES GSUNGS, GNYIS PA LA, MDO LAS GSUNGS TSUL DANG, BSTAN BCOS KYI 'GREL TSUL GNYIS LAS, DANG PO NI, SH'A RI'I BUS GSOL PA, BCOM LDAN 'DAS RNAM PAR DAG PA NI 'DOD PA'I KHAMS SU SKYE BA MA LAGS SO, ,ZHES SOGS KYIS 'CHAD, GNYIS PA NI, DE LA KLAN KA SPANGS PA YIS, ,ZHES SOGS RTZA 'GREL RNAMS GSUNGS, 'DI LA YANG, GNYEN PO BYED TSUL, YUL RTOGS TSUL, RTZOD PA SPONG BA DANG GSUM LAS, DANG PO DE STON PA LA, SH'A RI'I BUS GSOL BA BCOM LDAN 'DAS RNAM PAR DAG PA NI 'DOD PA'I KHAMS SU SKYE BA MA LAGS SO, ,BCOM LDAN 'DAS KYIS BKA' STZAL PA; SH'A RI'I BU SHIN TU RNAM PAR DAG PA'I PHYIR RO, ,ZHES PA NAS, BCOM LDAN 'DAS KYIS BKA' STZAL PA, SH'A RI'I BU GZUGS MED PA'I KHAMS RANG BZHIN GYIS MI SKYE BA'I PHYIR RNAM PAR DAG PA MI SKYES SO, ,ZHES GSUNGS, DE'I DON 'CHAD

108a

, ,PA LA; KHAMS GSUM GYI, ,GNYEN PO NYID DU 'DOD PA YIN, ,ZHES DANG, MTHA' DAG GI GNYEN PO'I NGO BO NYID YIN PA'I PHYIR, SANGS RGYAS KYI RNAM PAR DAG PA SHIN TU BA YIN PAR RNAM PAR BZHAG GO ,ZHES GSUNGS, GNYIS PA DE STON PA LA, SH'A RI'I BUS GSOL PA, BCOM LDAN 'DAS RNAM PAR DAG PA NI MA 'TSAL MA MCHIS PA'O, ,BCOM LDAN 'DAS KYIS BKA' STZAL PA, SH'A RI'I BU SHIN TU RNAM PAR DAG PA'I PHYIR RO, ,ZHES PA NAS, SH'A RI'I BU RANG GI MTSAN NYID STONG PA NYID KYIS PHYIR CHOS THAMS CAD MI SHES SO, ,ZHES GSUNGS, DE'I DON 'CHAD PA LA, LAM NI 'JAL DANG GZHAL BYA DAG ,MNYAM PA NYID KYIS, ZHES DANG, KHAMS GSUM PA'I RNAM PA CAN GYI SHES PA DANG SHES BYA DAG MI DMIGS PA NYID KYIS MNYAM PA NYID GANG YIN PA DE NYID, CES GSUNGS, GSUM PA DE STON PA LA, SH'A RI'I BUS GSOL BA, BCOM LDAN 'DAS SHER PHYIN NI RNAM MKHYEN LA SMAN PAR MI BGYID GNOD PAR MI BGYID DO, ,BCOM LDAN 'DAS KYIS BKA' STZAL PA, SH'A RI'I BU SHIN TU RNAM PAR DAG PA'I PHYIR RO, ,ZHES PA NAS, BCOM LDAN 'DAS KYIS BKA' STZAL PA, LAM GYI RNAM PA SHES PA NYID KYI PHYIR RAB 'BYOR 'DI NI BYANG CHEN RNAMS KYI SHER PHYIN YIN NO, ,ZHES GSUNGS, DE'I DON 'CHAD PA LA, DE LA KLAN KA SPANGS PA YIS, ,ZHES DANG, DE LA GNYEN PO NI CHEN PO'I CHEN PO LA SOGS PA MI MTHUN PA'I PHYOGS NI CHUNG NGU'I CHUNG NGU LA SOGS PAR RIGS SO ZHES BYA BA'I KLAN KA GOS LA CHAGS PA'I DRI MA PHRA MO BSAL BA LA BTZO BLAG MKHAN CHE THANG DU 'BAD PA'I DPES SPANGS PA'I SGO

108b

NAS SGOM PA'I LAM SHIN TU BA JI SKAD DU BSTAN PA DE, ZHES GSUNGS, GZHUNG DON NI, RDZOGS PA'I SANGS RGYAS KYI RNAM DAG DE RNAM DAG SHIN TU BA YIN TE, GZHAL BYA DANG, 'JAL BYED THAMS CAD BDE STONG SPROS BRAL DU RTOGS PA'I RGYUN MTHA'I BAR CHAD MED LAM DE KHAMS GSUM GA'I SGRIB PA MTHA' DAG GI DNGOS GNYEN YIN PA'I PHYIR, KHO NA RE, SKABS 'DIR SPANG GNYEN GYI RNAM GZHAG 'JOG TSUL DE MI 'THAD DE, DE LA DGOS NUS MED PA'I PHYIR TE, GNYIS 'THUNG STOBS LDAN 'DUL BA LA GSHED MA STOBS LDAN DGOS PA BZHIN DU, SPANG BYA CHEN PO SPONG BA LA GNYEN PO CHEN PO DGOS PA'I PHYIR ZER NA, SKYON MED DE, GOS KYI DRI MA PHRA MO SEL BA LA BTZO BLAG MKHAN 'BAD RTZOL CHEN PO DGOS KYI, DRI MA RAGS PA SEL BA LA BTZO BLAG MKHAN 'BAD RTZOL CHEN PO MI DGOS PA LTAR, SPANG BYA PHRA MO SPONG BA LA GNYEN PO CHEN PO DGOS PA'I PHYIR, KHO NA RE, SKABS 'DIR SPANG GNYEN GYI RNAM GZHAG MI 'THAD PAR THAL, SPANG GNYEN DON DAM PAR MED PA'I PHYIR NA MA KHYAB STE, DE BDEN PAR MED KYANG BDEN GNYIS KYI THABS MKHAS LA BRTEN NAS, GNYEN PO BAR CHAD MED LAM GYI SPANG BYA MTHA' DAG SPANGS PA'I DGA' BA DE LA LONGS SPYOD PAR 'GYUR BA'I PHYIR, GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS PAR BSHAD PA GSER GYI PHRENG BA ZHES BYA BA DANG RNAM BSHAD SNYING PO'I RGYAN CES BYA BA GNYIS KYI DKA' BA'I GNAS GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS

109a

, ,GNYIS PA'I DKA' BA'I GNAS LEGS PAR BSHAD PA'O,, ` ,,SMRAS PA, MTHA' GNYIS RNAM PAR DAG PA'I LE'U YI, ,SPAS DON RIM PA LAM SHES MTSON PA'I CHOS, ,BCU GCIG GSAL BYED LAM SHES LE'U YI, , 'GREL BA'I DKA' GNAD RNAM BSHAD RNAM GNYIS KYI, ,LEGS PAR BSHAD PA'I GANGG'A'I CHU RGYUN NI, ,RJE BTZUN MKHYEN PA'I GTER LAS LEGS 'ONGS? PA, ,YONGS 'DZIN DAM PA'I ZHAL GYI BUM BZANG LAS, ,LEGS PAR BYUNG BA JI BZHIN YI GER BKOD, ,'DIR 'BAD DGE BAS LUS CAN THAMS CAD KYI, ,PHAN BDE'I 'BYUNG GNAS SANGS RGYAS BSTAN PA NI, ,LHAR BCAS 'GRO BA'I GTZUG NA LHAM ME BAR, ,SRID MTHA'I BAR DU YUN RING GNAS GYUR CIG ,BDAG KYANG DED NAS TSE RABS THAMS CAD DU, ,RGYAL BA'I BSTAN LA YID CHES DAD PA YIS, ,THOS BSAM SGOM PAS TSUL BZHIN RAB 'BAD DE, ,KUN MKHYEN RGYAL BA'I GO 'PHANG THOB GYUR CIG, ` YUM GSUM RGYAN GYIS GONGS DON CHU GTER KLONG, ,SGROL LA RNAM BSHAD RNAM GNYIS GRU BO CHER, ,YANG GSAL ME LONG SKYA BAS LEGS BSKUL TE, ,BSHAD SGRUB NYAMS LEN PHA ROL PHYIN RDZOGS SHOG ,DNGOS BRGYAD ZAB DON GNAD KUN MA 'DRES PAR, ,LEGS PHYE PHAR PHYIN GZHUNG 'DI DON GNYER CAN, ,BLO GSAL CHO GAS LA SMAN SLAD PAR DU BSKRUN, ,DGE 'DI RGYAL BSTAN 'PHEL BA'I RGYUR GYUR CIG, ,,DGA'

109b

LDAN DGE BSHES BYAMS PA BLO GROS KYI THUGS DGONGS LTAR RJE BTZUN CHOS KYI RGYAL MTSAN GYI PHAR PHYIN YIG CHA KHAG PAR GZHI SLAR YANG GSAR BSKRUN BYAS SHING, PAR BRKO'I SBYIN BDAG NI BSLAB GSUM NOR BU'I MDZOD 'DZIN DGA' SHAR AA LAG THUB BSTAN 'JAM DBYANGS, DGA' BYANG AA LAG BYAMS PA, DGA' BYANG AA LAG BLO BZANG SHES RAB, DGA' BYANG AA LAG DGE 'DUN 'OD ZER, DGA' BYANG AA LAG BLO BZANG KUN DGA' DANG, RGYAL BA'I BSTAN LA MI PHYED PA'I DAD PA DANG, GTONG BA'I SGO 'PHAR 'BYED PA DGA' BYANG RGAN BLO BZANG BKRA SHIS, LUNG RTOGS YON TAN GYI BDAG NYID AA LAG SHING ZA SKAL BA ZANG BCAS DANG, GZHAN YANG DGA' BYANG 'PHYONGS RGYAS GNYER BLO BZANG 'JAM DBYANGS, AAR BAN DKON MCHOG SKYABS SOGS MDO SMAD WA SHUL WA YAN SDE SHOG DANG, NU MA RU BA SDE SHOG SOGS GONG GSAL PAR BRKO'I SBYIN BDAG RNAMS KYIS CHOS SBYIN 'DZAD MED KYIS PAR GZHI'I MTHUN RKYEN RGYU DNGOS SBYOR GNANG MDZAD PA DANG, PAR BRKO'I 'GAN 'KHUR BA DGE SKUL LO? THUB BSTAN, CHUNG BDAG, RGAN BLO BZANG RGYA MTSO, RGAN BLO BZANG BKRA SHIS BCAS KYIS PAR BRKO'I BYED SGOR 'GAN 'KHUR GNANG BA BCAS LA BRTEN 1986 LOR RJE BTZUN CHOS KYI RGYAL MTSAN GYI PHAR PHYIN ROL MTSO ZUR BKOL BCAS KYI PAR GZHI

110a

, ,SLAR YANG GSAR SKRUN BYAS PA'I DGE RTZA 'DIS 'JAM MGON RGYAL PA GNYIS PA'I RING LUGS PHYOGS DUS GNAS SKABS KUN TU DAR RGYAS YUN RING DU GNAS PAR GYUR CIG, ,,PAR GZHI KHAG ZHUS DAG BYED PO NI DGE MING BKRA SHIS RIN CHEN GYIS BGYIS PA'O,, ,,PAR 'DI DGA' LDAN PAR KHANG DU BZHUGS,, ,,

110b

[BLANK PAGE]

001a

, ,BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DKA' BA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS GSUM PA'I SPYI DON BZHUGS SO, ,

001b

, ,GSUM PA THOB BYED LAM SHES DE NYID RNAM PAR DAG BYED GZHI SHES KYI YAN LAG RGYAS PAR BSHAD PA LA GSUM, 'BREL BKOD PAS MTSAMS SBYAR, GZHI SHES MTSON BYED KYI CHOS RGYAS PAR BSHAD, SKABS BSDU BA'O, ,DANG PO NI, LUS RNAM GZHAG TU, LAM SHES NYID, ,DE NAS THAMS CAD SHES PA NYID, ,CES BSHAD NA, LAM SHES BSHAD PA'I RJES SU GZHI SHES BSHAD PA'I RGYU MTSAN GANG ZHE NA, DE'I RGYU MTSAN YOD DE, SKYES BU 'BRING DANG THUN MONG BA'I LAM RIM GYIS BSDUS PA'I MI RTAG SOGS BCU DRUG RTOGS PA'I LAM MA THOB PAR; SKYES BU CHEN PO'I LAM RIM GYIS BSDUS PA'I LAM SHES MI 'THOB PA'I RGYU MTSAN GYIS DE LTAR BSHAD PA'I PHYIR, ZHES MTSAMS SBYAR BKOD PA LA, GZHI THAMS CAD YONGS SU SHES

002a

, ,PA MED PAR LAM LEGS PAR YONGS SU SHES PA MED PAS THAMS CAD SHES PA NYID, CES GSUNGS, KHO NA RE, SKABS GSUM PA 'DIR GZHI SHES BSHAD MI RIGS TE, SKABS GNYIS PAR MI RTAG SOGS BCU DRUG MNGON SUM DU RTOGS PA'I YE SHES BSTAN ZIN PA'I PHYIR, ZHES ZER NA, SKYON MED DE, SKABS GNYIS PAR SEMS BSKYED BSNGO BA STONG NYID RTOGS PA'I SHES RAB GSUM GYIS ZIN PA'I YE SHES DE NYID LAM SHES SU BSTAN NAS, DE 'DRA'I LAM SHES RGYUD LA SKYE BA LA, THEG CHEN SEMS BSKYED RGYUD LA SKYE BA SNGON DU 'GRO DGOS, DE'I SNGON DU SNYING RJE CHEN PO DANG, DE'I SNGON DU SKYES BU 'BRING DANG THUN MONG BA'I LAM GYI RIM PA LA BLO SBYONG BA SNGON DU 'GRO DGOS PAS, GZUGS NI MI RTAG PA NYID DU YID LA BYA'O, ,ZHES SOGS KYIS MDO'I BSTAN DON DU GYUR PA'I MI

002b

RTAG SOGS RTOGS PA'I YE SHES DE NYID RTZAL DU BTON NAS 'CHAD PA'I PHYIR, DE LTAR YANG, RGYAN SNANG LAS, LAM SHES PA'I SKABS SU NYAN THOS LA SOGS PA'I LAM YANG BSHAD PAS, THAMS CAD SHES PA NYID BSHAD PA MA YIN NAM, CI'I PHYIR YANG THAMS CAD SHES PA NYID LOGS SHIG TU BSTAN CE NA, DE BRJOD PAR BYA STE, DE LA, LAM SHES NYID KYI TSUL LA NI, ,'PHAGS PA'I BDEN PA BZHI DAG GI ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES MI DMIGS PAR SGOM PA LA SOGS PA'I LAM BYANG CHUB SEMS DPAS BSGOM PAR BYA'O, ,ZHES BSHAD PA YIN NO, ,DE BAS NA MI RTAG PA LA SOGS PA'I RNAM PAS 'PHAGS PA RNAMS KYIS GZHI MA LUS PAR YONGS SU SHES PA YIN PA'I DON DU THAMS CAD SHES PA NYID LOGS SHIG TU BSHAD PAR BZUNG NGO, ,ZHES GSUNGS PA'I PHYIR, 'O NA SKABS GSUM PA'I BSTAN BYA'I GTZO BOR GYUR PA'I GZHI SHES DE GANG LA BYED, MI RTAG SOGS BCU DRUG RTOGS PA'I YE SHES DE DE YIN NAM, SLOB DPON SANGS RGYAS YE SHES ZHABS LA SOGS PA RNAMS KYIS RNAM MKHYEN GYI RGYU'I GO LAS MI MTHUN PHYOGS SHES PA'I PHYIR DU GSUNGS PA'I MI MTHUN PHYOGS KYI GZHI SHES DE DE YIN NAM, GZHI BDEN STONG DU MNGON SUM DU RTOGS PA'I YE SHES LA KHA CIG GNYEN PO GZHI SHES KYI THA SNYAD DU BYAS PA DE YIN, PHYI MA LTAR NA MI 'THAD DE, GZHI BDEN STONG DU MNGON SUM DU RTOGS PA'I YE SHES LA 'PHAGS SENG GNYIS KYIS GNYEN PO GZHI SHES KYI THA SNYAD MA MDZAD PA'I PHYIR, GNYIS PA LTAR NA YANG MI 'THAD DE, BYANG SEMS 'PHAGS PAS MI MTHUN PHYOGS KYI GZHI SHES RANG RGYUD LA BSKYED NAS MI BSGOM PA'I PHYIR DANG, SKABS GSUM PA'I

003a

, ,CHED DU BYA BA'I GDUL BYA THEG DMAN GYI RIGS CAN MED PA'I PHYIR, KHA CIG ,GANG ZAG GI BDAG MED MNGON SUM DU RTOGS PA'I NYI TSE BA'I MKHYEN PA, GZHI SHES KYI MTSAN NYID ZER BA MI 'THAD DE, SANGS RGYAS 'PHAGS PA'I RGYUD LA GZHI SHES YOD PA'I PHYIR, RONG t'IKA PAS, GZHI GANG ZAG GI BDAG GI SKYE BA MED PAR MNGON SUM DU RTOGS PA'I YE SHES, GZHI SHES KYI MTSAN NYID DU 'DOD PA MI 'THAD DE, NYAN THOS 'PHAGS PA'I RGYUD KYI 'DUS BYAS MI RTAG PAR MNGON SUM DU RTOGS PA'I MKHYEN PA DANG, RANG RGYAL GYI MTHONG LAM BAR CHAD MED LAM DANG, BYANG SEMS 'PHAGS PA'I RGYUD KYI GANG ZAG GI BDAG MED DON SPYI'I TSUL GYIS RTOGS PA'I MKHYEN PA RNAMS KYIS MA NGES PA'I PHYIR, KHA CIG ,GDUL BYA THEG DMAN GYI RIGS CAN RJES SU BZUNG BA'I PHYIR DU GTZO BOR SGOM PAR BYED PA'I 'PHAGS RGYUD KYI MKHYEN PA, GZHI SHES KYI MTSAN NYID ZER NA, GANG ZAG GI BDAG MED MNGON SUM RTOGS PA'I THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, DE BYANG SEMS MTHONG LAM PAS, ,DUL BYA THEG DMAN GYI RIGS CAN RJES SU BZUNG BA'I PHYIR DU GTZO BOR SGOM PAR THAL LO, ,'DOD PA'I PHYIR, 'DOD NA, DE BYANG SEMS MTHONG LAM PA GTZO BOR SGOM PAR THAL LO, , 'DOD PA'I PHYIR, 'DOD NA, BYANG SEMS MTHONG LAM PAS GANG ZAG GI BDAG MED GTZO BOR SGOM PAR THAL LO, ,'DOD NA, DES GANG ZAG GI BDAG 'DZIN GTZO BOR SPONG BAR THAL LO, ,KHO NA RE, BYANG SEMS MTHONG LAM PAS THEG DMAN GYI

003b

RIGS CAN RJES SU BZUNG BA'I PHYIR DU GANG ZAG GI BDAG MED GTZO BOR SGOM PAR THAL, DES DE'I PHYIR GTZO BOR BSGOM PAR BYA BA'I MNGON RTOGS GCIG YOD PA'I PHYIR NA MA KHYAB STE, DES DE'I PHYIR DU GANG ZAG GI BDAG 'DZIN SPANG BYA'I GTZO BOR BYED PAR THAL, DES DE'I PHYIR DU GANG ZAG GI BDAG MED GTZO BOR SGOM PA'I PHYIR, 'DOD NA, DES DE'I PHYIR DU 'KHOR BA SPANG BYA'I GTZO BOR BYED PAR THAL, 'DOD PA'I PHYIR, 'DOD NA, DES DE'I PHYIR DU 'KHOR BAR SKYE BA MI LEN PAR THAL LO, ,GZHAN YANG, DES DE'I PHYIR DU RDZOGS BYANG THOB BYA'I GTZO BOR MI BYED PAR THAL, DES DE'I PHYIR DU BDEN 'DZIN SPANG BYA'I GTZO BOR MI BYED PA'I PHYIR TE, DES DE'I PHYIR DU STONG NYID BSGOM BYA'I GTZO BOR MI BYED PA'I PHYIR TE, DES DE'I PHYIR DU GANG ZAG GI BDAG MED BSGOM BYA'I GTZO BOR BYED PA'I PHYIR, GZHAN YANG, GZHI SHES YIN NA, GZHAN DON DU GTZO BOR SGOM PAR BYED PA'I LAM YIN PAS KHYAB PAR THAL, MTSAN NYID 'THAD PA'I PHYIR, 'DOD NA, 'PHAGS PA YIN NA GZHAN DON GTZO BOR DON DU GNYER BA'I GANG ZAG YIN PAS KHYAB PAR THAL LO,, GZHAN YANG, MTSAN NYID DE LTAR 'JOG PA DANG THEG DMAN 'PHAGS PA'I MKHYEN PA LA GZHI SHES KYIS KHYAB PAR 'DOD PA MI 'THAD DE, STONG NYID MNGON SUM DU RTOGS PA'I NYAN THOS KYI MTHONG LAM CHOS CAN, MTSAN NYID DER THAL, MTSON BYA DE'I PHYIR, DE DER THAL, DE YOD PA'I PHYIR TE, STONG NYID MNGON SUM DU RTOGS PA'I NYAN THOS 'PHAGS PA YOD PA'I PHYIR, 'DOD NA, DE CHOS CAN, KHYOD NYAN THOS MTHONG LAM PAS GTZO BOR SGOM PAR THAL, 'DOD PA GANG ZHIG ,NYAN THOS KYI MTHONG LAM YIN PA'I PHYIR, 'DOD NA, DES GTZO

004a

, ,BOR STONG NYID SGOM PAR THAL LO, ,KHO NA RE, DE CHOS CAN, MTSAN NYID DER THAL, STONG NYID RTOGS PA'I NYAN THOS MTHONG LAM BA RJES SU BZUNG BA'I PHYIR DU GTZO BOR SGOM PAR BYED PA'I 'PHAGS RGYUD KYI MKHYEN PA YIN PA'I PHYIR, DE DER THAL; STONG NYID RTAGS PA'I NYAN THOS MTHONG LAM PA DES GTZO BOR RANG DON DU STONG NYID SGOM PA'I PHYIR, MA GRUB NA, DE CHOS CAN, KHYOD KYIS GTZO BOR RANG DON DU STONG NYID SGOM PA THAL, KHYOD CHOS CAN DE YIN PA'I PHYIR, DES NA STONG NYID RTOGS PA'I NYAN THOS MTHONG LAM PA DES GTZO BOR RANG DON DU STONG NYID SGOM, RANG DON DU GTZO BOR STONG NYID MI SGOM ZER BA NANG 'GAL TE, DES RANG DON DU GTZO BOR STONG NYID SGOM PAR THAL, DES KHO RANG RJES SU BZUNG BA'I PHYIR GTZO BOR STONG NYID SGOM PA'I PHYIR TE, STONG NYID RTOGS PA'I NYAN THOS KYI MTHONG LAM DE STONG NYID RTOGS PA'I NYAN THOS KYI MTHONG LAM PA RJES SU BZUNG BA'I PHYIR DU GTZO BOR BSGOM PAR BYA BA'I 'PHAGS RGYUD KYI MKHYEN PA YIN PA'I PHYIR, RTAGS KHAS, GZHAN YANG, NYAN THOS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN PA DE MI MTHUN PHYOGS KYI GZHI SHES SU THAL, DE GZHI SHES YIN PA'I PHYIR, 'DOD NA, BYANG SEMS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN PA DE GNYEN PO PHYOGS KYI GZHI SHES YIN PAR THAL LO, ,KHO NA RE; THEG DMAN 'PHAGS PA'I RGYUD KYI MKHYEN PA YIN NA, GZHI SHES YIN DGOS PAR THAL, THEG CHEN 'PHAGS PA'I RGYUD KYI MKHYEN PA YIN NA, LAM SHES YIN PAS KHYAB PA'I PHYIR ZER NA MA KHYAB STE, THEG DMAN 'PHAGS PA'I RGYUD KYI MKHYEN PA YIN NA,

004b

BDEN 'DZIN GYIS BCINGS PAS KHYAB PAR THAL, THEG CHEN 'PHAGS PA'I RGYUD KYI MKHYEN PA YIN NA, BDEN MED RTOGS PA'I SHES RAB KYIS ZIN PAS KHYAB PA'I PHYIR, KHYAB PA 'GRIG ,GZHAN YANG, 'PHAGS PA'I RGYUD KYI MKHYEN PA YIN NA, MKHYEN GSUM GANG RUNG YIN DGOS PAR THAL, THEG DMAN 'PHAGS PA'I RGYUD KYI MKHYEN PA YIN NA, GZHI SHES YIN PAS KHYAB PA'I PHYIR, RTAGS KHAS, 'DOD NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, DER THAL; DE'I PHYIR, 'DOD MI NUS TE, GZHI SHES YANG MA YIN, LAM SHES YANG MA YIN, RNAM MKHYEN YANG MA YIN PA'I PHYIR, DANG PO GRUB STE, THEG CHEN SEMS BSKYED YIN PA'I PHYIR, GNYIS PA GRUB STE, THEG CHEN SKYE'I MKHYEN PA YIN PA'I PHYIR, KHA CIG ,GZHI SHES LA DBYE NA, GNYEN PO GZHI SHES DANG MI MTHUN PHYOGS KYI GZHI SHES GNYIS SU YOD ZER BA MI 'THAD DE, MI MTHUN GNYEN PO'I PHYOGS DAG DANG, ,ZHES PHYOGS KYI SGRA SMOS PA LA DGOS PA YOD PA'I PHYIR, GZHAN YANG, BYANG 'PHAGS KYI RGYUD KYI STONG NYID MNGON SUM DU RTOGS PA'I MKHYEN PA DE GZHI SHES SU THAL, DAM BCA' 'THAD PA'I PHYIR, KHYAB STE, GNYEN PO'I PHYOGS DAG DANG, ,ZHES PA'I GNYEN PO DE STONG NYID MNGON SUM DU RTOGS PA'I YE SHES LA BYED RIGS PA'I PHYIR TE, MI MTHUN PHYOGS KYI GZHI SHES ZHES PA'I MI MTHUN PA DE BDEN 'DZIN LA BYED RIGS PA'I PHYIR, GZHAN YANG, MTSAN 'DZIN GYI GZHI SHES YOD PAR THAL, GNYEN PO GZHI SHES YOD PA'I PHYIR, 'DOD NA, MI MTHUN PHYOGS KYI GZHI SHES DE MTSAN 'DZIN YIN PAR THAL, 'DOD PA'I PHYIR, KHA CIG ,THEG DMAN

005a

, ,'PHAGS PA'I RGYUD KYI GZHI SHES YIN NA, MI MTHUN PHYOGS KYI GZHI SHES KYIS KHYAB, MI MTHUN PHYOGS KYI GZHI SHES LA BDEN 'DZIN GYIS BCINGS PA'I GZHI SHES KYIS KHYAB ZER NA, STONG NYID MNGON SUM DU RTOGS PA'I NYAN THOS 'PHAGS PA'I RGYUD KYI GZHI SHES CHOS CAN, DANG PO LA DER THAL, DE'I PHYIR, 'DOD NA, DE CHOS CAN, GNYIS PA DER THAL, DE'I PHYIR, 'DOD NA, DE CHOS CAN, GZHI LAM RNAM GSUM BDEN GRUB TU BDEN ZHEN GYIS 'DOD PA'I GANG ZAG GI RGYUD KYI GZHI SHES SU THAL; 'DOD PA'I PHYIR, KHYAB STE, RNAM BSHAD LAS, BDEN 'DZIN GYIS BCINGS PA'I DON NI GZHI DANG LAM LA BDEN PAR GRUB MA GRUB BRTAGS PA NA BDEN PAR ZHEN PA LAS MI 'DA' BA'I DON TE, SNGAR CHOS KYI GNAS LUGS THOS BSAM GYIS KYANG GTAN LA MA BAB PA'I DBANG DU BYAS PA'O, ,ZHES GSUNGS PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG ,MI MTHUN PHYOGS KYI GZHI SHES DE SKABS GSUM PA'I BSTAN BYA'I GTZO BOR GYUR PA'I GZHI SHES YIN TE, SKABS GSUM PAS DE BSTAN BYA'I GTZO BOR BYAS NAS BSTAN PA'I PHYIR TE, DES GZHI SHES MTSON BYED KYI CHOS DGU BSTAN BYA'I GTZO BOR BYAS NAS BSTAN PA'I PHYIR ZER NA MA KHYAB STE, SKABS DANG POS STONG NYID BSTAN BYA'I GTZO BOR BYAS NAS BSTEN PAR THAL, DES SGRUB PA'I RTEN RANG BZHIN GNAS RIGS DE LTAR BSTAN PA'I PHYIR TE; DES RNAM MKHYEN MTSON BYED KYI CHOS BCU BSTAN BYA'I GTZO BOR BYAS NAS BSTAN PA'I PHYIR, KHYAB PA KHAS, 'DOD MI NUS TE, RNAM BSHAD LAS, BSTAN BCOS MNGON PAR RTOGS PA'I RGYAN 'DIR STONG PA NYID KYI DON YANG DANG YANG DU BSTEN MOD KYI BSTAN LA DBAB BYA'I GTZO

005b

BO NI; ZHES SOGS GSUNGS PA'I PHYIR, KHA CIG ,SKABS GSUM PA'I DNGOS BSTAN BSTAN BYA'I GTZO BOR GYUR PA'I GZHI SHES YIN NA, GNYEN PO PHYOGS KYI GZHI SHES YIN PAS KHYAB ZER BA MI 'THAD DE, GZHI SHES DE DE YIN PA'I PHYIR TE, DES GZHI SHES DNGOS BSTAN BSTAN BYA'I GTZO BOR BYAS NAS BSTAN PA'I PHYIR TE, MNGON RTOGS RGYAN GYIS MNGON PAR RTOGS PA BRGYAD DNGOS KYI BSTAN BYA'I GTZO BOR BYAS NAS BSTAN PA'I PHYIR, KHA CIG ,DMAN LAM SNGON DU MA SONG BA'I BYANG SEMS SGOM LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I MKHYEN PA DE SKABS GSUM PA'I DNGOS KYI BSTAN BYA'I GTZO BOR GYUR PA'I GZHI SHES YIN ZER BA MI 'THAD DE, MI RTAG SOGS BCU DRUG GOMS PA LHUR LEN GYI TSUL GYIS SGOM PA'I BYANG SEMS MTHONG LAM PA MED PA'I PHYIR TE, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI MNGON DU BYA BA NI MA YIN TE, SGOM PA'I LAM NI MA BSTAN TO, ,ZHES GSUNGS PA'I PHYIR DANG, LAM BSGRIGS LAS, DE YANG MTHONG LAM MAN CHAD DU GOMS PA LHUR LEN GYIS KYANG GOMS PAR BYA STE, LAS DANG NYON MONGS PA'I DBANG GIS 'KHOR BA'I SDUG BSNGAL RANG MTSAN PA NYAMS SU MYONG NA GZHAN DON LTA ZHOG RANG DON YANG MI NUS PAS NYON MONGS PA'I DPAL LEGS PAR GZHOM DGOS PA'I PHYIR, BYANG? LAS 'KHOR BA'I SDUG BSNGAL LAS BYANG CHUB SEMS DPA' RNAMS NYAN THOS LAS 'BUM 'GYUR GYIS KYANG SKYO BAR BYA DGOS PAR GSUNGS PA'I PHYIR GSUNGS SO, ,ZHES THEG CHEN GYI MTHONG LAM MAN CHAD DU MI RTAG SOGS BCU DRUG GOMS PA LHUR LEN GYI TSUL GYIS BSGOMS KYANG MTHONG LAM THOB

006a

, ,NAS DE LTAR MI SGOM PAR GSUNGS PA'I PHYIR, DES NA DMAN LAM SNGON DU MA SONG BA'I BYANG SEMS MTHONG LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I MKHYEN PA DE SKABS GSUM PA'I DNGOS KYI BSTAN PHYIR GTZO BOR GYUR PA'I GZHI SHES YIN LA, GZHI SHES KYI SKABS 'DIR MI RTAG SOGS BCU DRUG MNGON SUM DU RTOGS PA'I THEG CHEN GYI MTHONG LAM BSTAN KYANG, MI RTAG SOGS BCU DRUG GOMS PA LHUR LEN GYI TSUL GYIS GOMS PAR BYED PA'I THEG CHEN GYI MTHONG LAM MA BSTAN TE, RNAM BSHAD LAS, PHYI MA NI MTHONG LAM LA DMIGS KYIS BKAR BA'O, ,ZHES GSUNGS PA'I PHYIR, DMAN LAM SNGON DU MA SONG BA'I BYANG SEMS TSOGS SBYOR BAS MI RTAG SOGS BCU DRUG GOMS PA LHUR LEN GYI TSUL GYIS GOMS PAR BYED KYANG, MI RTAG SOGS BCU DRU BSGOM BYA'I GTZO BOR MI BYED DE, LAM DE GOMS PA LHUR LEN GYI TSUL GYIS SGOM ZHES PA'I DON LAM DE 'BAD RTZOL CHEN POS SGOM ZHES PA'I DON YIN LA, LAM DE 'BAD RTZOL CHEN POS SGOM NA LAM DE BSGOM BYA'I GTZO BOR BYAS NAS SGOM PAS MA KHYAB PA'I PHYIR, KHA CIG ,LAM BSGRIGS KYI LUNG DE'I DON DU BSAMS NAS, BYANG SEMS TSOGS SBYOR BAS NYON SGRIB SPANG BYA'I GTZO BOR BYED ZER NA, DMAN LAM SNGON DU MA SONG BA'I BYANG SEMS TSOGS LAM DE NYAN THOS TSOGS LAM PA LAS DBANG PO RTUL BAR THAL, DES TSOGS SBYOR GYI GNAS SKABS SU BSKAL CHEN DU MAR NYON SGRIB SPANG BYA'I GTZO BOR BYED KYANG MTHONG LAM GYI SKABS SU NYON SGRIB ZAD PAR MA SPANGS, BRTZON 'GRUS SHIN TU 'BAR BA'I NYAN THOS TSOGS LAM PAS TSE GSUM LA NYON SGRIB ZAD

006b

PAR SPANGS PA'I MYANG 'DAS MNGON DU BYED PA'I PHYIR, DES NA GZHI SHES LA MTSAN NYID, DBYE BA, SA MTSAMS, ZHAR LA SKYES BU GSUM GYI LAM GYI RNAM GZHAG BSHAD PA'O, ,DANG PO NI, RANG RGYUD LDAN GYI GANG ZAG GI RGYUD KYI GANG ZAG GI BDAG MED MNGON SUM DU RTOGS PA'I SHES RAB KYIS ZIN PA'I YE SHES GANG ZHIG ,THEG DMAN GYI RTOGS RIGS SU GNAS PA, GZHI SHES KYI MTSAN NYID, GNYIS PA NI, DE LA GNYEN PO PHYOGS KYI GZHI SHES DANG, MI MTHUN PHYOGS KYI GZHI SHES GNYIS SU YOD, GSUM PA NI, 'PHAGS PA MTHA' DAG GI RGYUD LA YOD, BZHI PA LA, RANG NYID NGAN SONG GI SDUG BSNGAL LAS THAR NAS MNGON MTHO'I BDE BA TZAM BSGRUB PA'I PHYIR DU BRTZON BZHIN PA'I GANG ZAG DE SKYES BU CHUNG NGU DANG, RANG NYID 'KHOR BA'I SDUG BSNGAL MTHA' DAG LAS THAR PA'I BDE BA TZAM BSGRUB PA'I PHYIR DU BRTZON BZHIN PA'I GANG ZAG DE SKYES BU 'BRING DANG, SEMS CAN THAMS CAD 'KHOR BA'I SDUG BSNGAL MTHA' DAG LAS BSGRAL BA'I PHYIR DU BRTZON BZHIN PA'I GANG ZAG DE SKYES BU CHEN PO YIN NO, ,DE GSUM GYI LAM GO RIMS BZHIN DU, MNGON MTHO'I BDE BA TZAM SGRUB PAR BYED PA DANG, THAR PA'I BDE BA TZAM SGRUB PAR BYED PA DANG, SEMS CAN THAMS CAD KYI DON DU RNAM MKHYEN SGRUB PAR BYED PA'I BSAM PA RNAMS YIN LA, BSAM PA DE RNAMS SKYES PA'I TSAD YOD DE, RANG NYID NGAN SONG GI SDUG BSNGAL DANG; 'KHOR BA'I SDUG BSNGAL DANG, SEMS CAN THAMS CAD 'KHOR BA'I SDUG BSNGAL MTHA' DAG DANG 'BRAL BAR 'DOD PA'I BSAM PA RNAMS LA MYONG BA THOB PA NA BLO DE RNAMS SKYES PAR 'JOG PA'I PHYIR, BSAM PA DE RNAMS SKYED PA'I THABS YOD DE, NGAN SONG GNYIS

007a

, ,DMIGS RIG PA DANG, 'KHOR BA MTHA' DAG GI NYES DMIGS RIG PA DANG, SEMS CAN RNAMS DRIN CAN SHA STAG TU MTHONG BA'I SGO NAS DE RNAMS 'KHOR BA'I SDUG BSNGAL GYIS MNAR TSUL BSAM PA LA BRTEN NAS BLO DE RNAMS SKYE BA'I PHYIR, ` GNYIS PA GZHI SHES MTSON BYED KYI CHOS RGYAS PAR BSHAD PA LA, 'O NA SKABS GSUM PA 'DIR GZHI SHES 'CHAD NA 'CHAD TSUL DE GANG ZHE NA, 'DI LA YANG GZHI SHES KYI RANG BZHIN DANG, NYE RING DU 'JOG PA'I RGYU MTSAN DANG, SPANG BYA DANG GNYEN PO'I RAB DBYE DANG, JI LTAR NYAMS SU LEN PA'I TSUL DANG, DE LTAR NYAMS SU BLANGS PA'I 'BRAS BU DANG, MKHYEN GSUM GYI MJUG BSDU BSHAD PA DANG DRUG LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, GONG DU, 'DI NI BYANG CHEN RNAMS KYI SHER PHYIN YIN NO, ,ZHES GSUNGS PA LAS 'PHROS NAS, RAB 'BYOR GYIS GSOL BA, BCOM LDAN 'DAS BYANG CHEN RNAMS KYI SHER PHYIN NI TSUL ROL GYI MTHA' MA LAGS, ZHES SOGS GSUNGS, GNYIS PA LA; RTZA 'GREL GNYIS LAS, DANG PO NI, MDO DE'I DON 'CHAD PA LA, TSU ROL PHA ROL MTHA' LA MIN, ,ZHES SOGS GSUNGS, GNYIS PA LA, RJES 'GRO'I SGO NAS BSTAN PA'I THEG CHEN GYI GZHI SHES DANG, LDOG 'GRO'I SGO NAS BSTAN PA'I THEG DMAN GYI GZHI SHES GNYIS LAS, DANG PO NI, TSU ROL PHA ROL ZHES SOGS KYI RKANG PA GNYIS KYIS, THABS SHES KHYAD PAR CAN GNYIS KYIS ZIN PA'I SGO NAS MI RTAG SOGS BCU DRUG MNGON SUM DU RTOGS PA'I YE SHES SGOM TSUL DE NYID DNGOS SU BSTAN NAS, DUS RNAMS MNYAM PA NYID SHES

007b

PHYIR; ;ZHES SOGS KYIS SGOM TSUL DE NYID 'BRAS YUM SGRUB PA'I NYE LAM DU DNGOS SU BSTAN PA NAS, DE'I DON 'CHAD PA LA, DUS GSUM PA'I CHOS RNAMS SKYE BA MED PA'I RNAM PAR MNYAM PA NYID DU RTOGS PAS, SANGS RGYAS DANG BYANG CHUB SEMS DPA' RNAMS LA NYE BAR GYUR PAR 'DOD PA'I SHES RAB KYI PHA ROL TU PHYIN PA GANG YIN PA DE NI, ZHES SOGS GSUNGS, DE YANG, MDO LAS, BCOM LDAN 'DAS BYANG CHEN RNAMS KYI SHER PHYIN NI TSU ROL GYI MTHA' MA LAGS, PHA ROL GYI MTHA' MA LAGS, GNYIS KA'I BAR NA MI DMIGS PA LAGS SO, ,BCOM LDAN 'DAS KYIS BKA' STZAL PA, RAB 'BYOR SHIN TU RNAM PAR DAG PA'I PHYIR RO, ,ZHES PAS 'KHOR BA DANG MYANG 'DAS LA DON DAM PAR MI GNAS PA DE BSTAN NAS, DE'I DON 'CHAD PA'I SGO NAS THABS SHES KHYAD PAR CAN GNYIS KYIS ZIN PA'I SGO NAS MI RTAG SOGS BCU DRUG MNGON SUM DU RTOGS PA'I YE SHES SGOM TSUL DE DNGOS SU STON PA LA, TSU ROL PHA ROL MTHA' LA MIN, ,DE DAG PAR NA MI GNAS PA, ,ZHES GSUNGS, DE'I DON 'CHAD PA LA, SHES RAB KYIS TSU ROL GYI MTHA' 'KHOR BA DANG, SNYING RJES PHA ROL GYI MTHA' MYA NGAN LAS 'DAS PA STE, GO RIMS BZHIN DU RTAG PA DANG CHAD PA'I MTSAN NYID DANG DE DAG GI BAR NA YANG MI GNAS PAS SRID PA DANG ZHI BA LA MI GNAS PA YIN NO, , ZHES GSUNGS, RAB 'BYOR GYIS GSOL BA, BCOM LDAN 'DAS CI'I SLAD DU BYANG CHEN RNAMS KYI SHER PHYIN NI TSU ROL GYI MTHA' PHA LAGS, PHA ROL GYI MTHA' MA LAGS, GNYIS KA'I BAR NA MI DMIGS TE SHIN TU RNAM PAR DAG PA'I PHYIR LAGS SO, ,BCOM LDAN 'DAS

008a

, ,KYIS BKA' STZAL PA, RAB 'BYOR DUS GSUM GYI CHOS THAMS CAD MNYAM PA NYID KYI PHYIR RO, ,ZHES PAS DUS GSUM MNYAM PA NYID DU SHES PA DE BSTAN NAS, DE'I DON BSHAD PA'I SGO NAS SNGAR GYI SGOM TSUL DE NYID 'BRAS YUM SGRUB PA'I NYE LAM DU DNGOS SU STON PA LA, DUS RNAMS MNYAM PA NYID SHES PHYIR, ,SHES RAB PHA ROL PHYIN PAR 'DOD, ,CES GSUNGS, DE'I DON 'CHAD PA LA, DUS GSUM PA'I CHOS RNAMS ZHES SOGS GSUNGS, GNYIS PA LA, RTZA BA'I RKANG PA DANG PO GNYIS KYIS THABS SHES KHYAD PAR CAN GNYIS DANG BRAL BA'I SGO NAS MI RTAG SOGS BCU DRUG MNGON SUM DU RTOGS PA'I YE SHES SGOM TSUL SHUGS LA BSTAN NAS, DE'I DON BSHAD PA LA, RANG GI RTOGS PA TZAM GYIS SHES RAB KYI PHA ROL TU PHYIN PA SNYING BRTZE BA DANG SHES RAB DANG BRAL BA'I SGO NAS DNGOS PO DANG DNGOS PO MED PAR DMIGS PA NYID KYIS 'KHOR BA DANG MYA NGAN LAS 'DAS PA LA GNAS PA YIN PAR SHES PAR BYA'O, ,ZHES GSUNGS, RKANG PA PHYI MA GNYIS KYIS SGOM TSUL DE NYID 'BRAS YUM SGRUB PA'I RING LAM DU SHUGS LA BSTAN NAS, DE'I DON 'CHAD PA LA, NYAN THOS LA SOGS PA LA DUS GSUM MNYAM PA NYID DU SHES PA MED PA'I PHYIR, YANG DAG PA'I SHER PHYIN DANG RING BAR 'GYUR BAS, ZHES GSUNGS, KHO NA RE, SKABS 'DIR THABS SHES KHYAD PAR CAN DANG BRAL BA'I THEG DMAN GYI GZHI SHES 'CHAD MI RIGS TE, DE TSU ROL PHA ROL MTHA' LA MIN, ,ZHES SOGS KYI SGRAS MA ZIN PA'I PHYIR ZHE NA, SKYON MED DE, GZHI SHES BSHAD PA'I SKABS SU THEG CHEN GYI GZHI SHES DE 'KHOR

008b

'DAS PAR GSUM DU DON DAM PAR MI GNAS PA DANG, DUS GSUM MNYAM PA NYID DU RTOGS PA'I SHES RAB KYIS ZIN PAR DNGOS SU BSTAN PA DE LAS BZLOG STE SHUGS LA BSTAN PAS SHUGS BSTAN LA YOD PA'I PHYIR, ZHES 'CHAD PA LA, KUN SHES PA NYID KYI SKABS LAS BZLOG STE BSTAN PAS, ZHES GSUNGS, GZHUNG DON NI, MI RTAG SOGS BCU DRUG MNGON SUM DU RTOGS PA'I THEG CHEN GYI MTHONG LAM CHOS CAN, SRID MTHA' LA MI GNAS TE, SRID MTHA' 'GOG BYED KYI SHES RAB KYIS ZIN PA'I THEG CHEN 'PHAGS PA'I MKHYEN PA YIN PA'I PHYIR, DE CHOS CAN, ZHI MTHA' LA MI GNAS TE, ZHI MTHA' 'GOG BYED KYI SNYING RJES ZIN PA'I THEG CHEN 'PHAGS PA'I MKHYEN PA YIN PA'I PHYIR, DE CHOS CAN, SRID ZHI GNYIS KYI BAR NA DON DAM PAR MI GNAS TE, SRID ZHI BDEN STONG DU MNGON SUM DU RTOGS PA'I SHES RAB KYIS ZIN PA'I THEG CHEN 'PHAGS PA'I MKHYEN PA YIN PA'I PHYIR, DE CHOS CAN, SANGS RGYAS DANG BYANG CHUB SEMS DPA' RNAMS KYI RGYUD LA NYE BA YIN TE, DUS GSUM BDEN STONG DU MNGON SUM DU RTOGS PA'I SHES RAB KYIS ZIN PA'I THEG CHEN 'PHAGS PA'I RGYUD KYI MKHYEN PA YIN PA'I PHYIR, KHA CIG ,GNYEN PO GZHI SHES CHOS CAN, SRID MTHA' LA MI GNAS TE, SRID MTHA' 'GOG NUS KYI SHES RAB KYIS ZIN PA'I PHYIR, ZHI MTHA' LA MI GNAS TE, ZHI MTHA' 'GOG NUS KYI SNYING RJES ZIN PA'I PHYIR, SRID ZHI GNYIS KYI BAR NA MI GNAS TE, SRID ZHI BDEN STONG DU MNGON SUM DU RTOGS PA'I PHYIR, SANGS RGYAS DANG BYANG CHUB SEMS DPA'I RGYUD LA NYE BA YIN TE, DUS GSUM BDEN STONG DU MNGON SUM DU RTOGS PA'I PHYIR, ZHES ZER NA,

009a

, ,NGES PA'I RGYUN ZHUGS SRID PA LAN BDUN PA PA'I YID KYI RNAM PAR SHES PA CHOS CAN, SRID MTHA' LA MI GNAS PAR THAL, RTAGS DE'I PHYIR TE, GANG ZAG GI BDAG MED MNGON SUM DU RTOGS PA'I SHES RAB KYIS ZIN PA'I PHYIR TE, 'PHAGS PA'I RGYUD KYI MKHYEN PA YIN PA'I PHYIR, 'DOD MI NUS TE, NGES PA'I RGYUN ZHUGS SRID PA LAN BDUN PA PA SRID MTHA' LA GNAS PA'I PHYIR, GZHAN YANG, BYANG 'PHAGS KYI RGYUD KYI STONG NYID MNGON SUM DU RTOGS PA'I MKHYEN PA DE GZHI SHES SU THAL, GNYEN PO GZHI SHES KYIS SRID ZHI BDEN STONG DU MNGON SUM DU RTOGS PA'I PHYIR, RTAGS KHAS, GZHAN YANG, BYANG 'PHAGS KYI RGYUD KYI GNYEN PO GZHI SHES KYIS SRID ZHI BDEN STONG DU MNGON SUM DU RTOGS PAR THAL, GNYEN PO GZHI SHES LA DE'I PHYIR, RTAGS KHAS, 'DOD NA, SLOB LAM DU BLO GCIG GIS BDEN GNYIS CIG CHAR DU DNGOS SU MNGON SUM DU RTOGS PA YOD PAR THAL LO, ,GZHAN YANG, GNYEN PO GZHI SHES CHOS CAN, SRID ZHI GNYIS KYI BAR NA GNAS PAR THAL, DE GNYIS KYI DBUS NA GNAS PA'I PHYIR TE, THEG CHEN 'PHAGS PA'I MKHYEN PA YIN PA'I PHYIR, GZHAN YANG, NYAN THOS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN PA CHOS CAN, SANGS RGYAS DANG BYANG CHUB SEMS DPA'I RGYUD LA NYE BAR THAL, DUS GSUM BDEN STONG DU MNGON SUM DU RTOGS PA'I YE SHES YIN PA'I PHYIR, KHYAB PA KHAS, KHA CIG ,KHYAD PAR GSUM LDAN GYI GZHI SHES PA'I SHER PHYIN CHOS CAN, SANGS RGYAS DANG BYANG CHUB SEMS

009b

DPA'I RGYUD LA NYE BA YIN TE, DUS GSUM BDEN STONG DU MNGON SUM DU RTOGS PA MTHAR PHYIN PA'I YE SHES YIN PA'I PHYIR, GZHI SHES PA'I SHER PHYIN CHOS CAN, KHYAD PAR GSUM DANG LDAN TE, SRID MTHA' LA MI GNAS, ZHI MTHA' LA MI GNAS, SRID ZHI GNYIS KYI BAR DU DON DAM PAR MI GNAS PA'I PHYIR, SRID MTHA' LA MI GNAS TE, SRID MTHA' 'GOG BYED KYI YE SHES YIN PA'I PHYIR, ZHI MTHAR MI GNAS TE, ZHI MTHA' 'GOG BYED KYI YE SHES YIN PA'I PHYIR, SRID ZHI GNYIS KYI BAR NA DON DAM PAR MI GNAS TE, SRID ZHI BDEN STONG DU MNGON SUM DU RTOGS PA'I YE SHES YIN PA'I PHYIR, ZHES ZER NA, SHES RAB PHA ROL PHYIN PAR 'DOD, ,CES PA'I SKABS NAS DNGOS SU BSTAN PA'I SHER PHYIN DE 'BRAS BU SHER PHYIN LA BYED RIGS PAR THAL, SBYOR BA 'THAD PA'I PHYIR, 'DOD NA, DUS GSUM PA'I CHOS RNAMS SKYE BA MED PA'I RNAM PAR MNYAM PA NYID DU RTOGS PAS SANGS RGYAS DANG BYANG CHUB SEMS DPA' RNAMS LA NYE BAR GYUR PAR 'DOD PA'I SHES RAB KYI PHA ROL TU PHYIN PA GANG YIN PA DE NI, ZHES PA'I SKABS NAS DNGOS SU BSTAN PA'I SHER PHYIN DE 'BRAS BU SHER PHYIN LA BYED RIGS PAR THAL, 'DOD PA'I PHYIR, 'DOD MI NUS TE, RNAM BSHAD LAS, LAM SHER PHYIN 'DI LA MI RTAG SOGS RTOGS PA'I SHES RAB DANG, SNYING RJE CHEN PO DANG, STONG NYID RTOGS PA LA SOGS PA DU MA YOD PA'I NANG NAS LAG RJES MI 'DRA BA SO SOR BZHAG NA, ZHES GSUNGS PA'I PHYIR DANG, GSER PHRENG LAS KYANG, 'DIR NYE RING DU GYUR PA'I YUM 'BRAS YUM LA 'DOD PA NI RGYA CHUNG STE, TSIGS BCAD 'DIS ZIN PA'I YUM DE BYANG SEMS LA YOD PAR MDO 'GREL THAMS CAD LAS GSUNGS PAS SO, ,DES NA RGYAL BA'I

010a

, ,YUM ZHES 'BYUNG YANG SRAS KYI GTZO BO BRJOD PA YIN NO, ,ZHES GSUNGS PA'I PHYIR, KHA CIG ,LAM SHES GANG ZHIG ,'DIR BSTAN SRID MTHA' 'GOG NAS KYI SHES RAB KYIS ZIN PA, SHES PAS SRID LA MI GNAS PA'I LAM SHES KYI MTSAN NYID, DE GANG ZHIG ,'DIR BSTAN ZHI MTHA' 'GOG NUS KYI SNYING RJES ZIN PA, SNYING RJES ZHI LA MI GNAS PA'I LAM SHES KYI MTSAN NYID ZER BA MI 'THAD DE, BYANG SEMS MTHONG LAM PA'I RGYUD KYI SNYING RJE CHEN PO DE MTSON BYA DANG PO DE MA YIN PA'I PHYIR TE, DE GZHI KUN RDZOB LA LTOS PA'I SRID MTHA' 'GOG BYED KYI RTOGS RIGS SU MI GNAS PA'I PHYIR TE, DE THEG DMAN GYI RTOGS RIGS SU MI GNAS PA'I PHYIR, GZHAN YANG, THEG CHEN GYI MTHONG LAM BAR CHAD MED LAM CHOS CAN, MTSON BYA GNYIS PA DER THAL, MTSAN NYID DE'I PHYIR TE, THEG CHEN 'PHAGS PA'I MKHYEN PA YIN PA'I PHYIR, 'DOD MI NUS TE, GZHI KUN RDZOB LA LTOS PA'I ZHI MTHA' 'GOG BYED KYI RTOGS RIGS SU MI GNAS PA'I PHYIR TE, THABS KHYAD PAR CAN GYI RTOGS RIGS SU MI GNAS PA'I PHYIR, KHA CIG ,THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA, DANG PO'I MTSAN NYID, THEG CHEN GYI RTOGS RIGS SU GNAS PA'I DE GNYIS PA'I MTSAN NYID DU 'JOG PA MI 'THAD DE, DANG PO LA, BYANG 'PHAGS KYI RGYUD KYI GNYIS STONG MNGON SUM DU RTOGS PA'I MKHYEN PA DANG, GNYIS PA LA THEG CHEN GYI MTHONG LAM BAR CHAD MED LAM GYIS MA NGES PA'I PHYIR, KHA CIG ,GZHI SHES LA SHES PAS SRID LA MI GNAS PA'I GZHI SHES

010b

DANG; SNYING RJES ZHI LA MI GNAS PA'I GZHI SHES GNYIS SU YOD ZER BA MI 'THAD DE, BYANG SEMS MTHONG LAM PA'I RGYUD KYI SNYING RJE CHEN PO DE GZHI SHES SU THAL, DAM BCA' 'THAD PA'I PHYIR, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL LO, ,'DOD MI NUS TE, CHOS CAN DE YIN PA'I PHYIR, KHO NA RE, DE THEG DMAN GYI RTOGS RIGS SU GNAS PAR THAL, SNYING RJE TSAD MED DE THEG DMAN GYI RTOGS RIGS SU GNAS PA'I PHYIR TE, SNYING RJE TSAD MED GTZO BOR SGOM PA'I THEG DMAN GYI GANG ZAG YOD PA'I PHYIR TE, DE RGYUD LDAN GYI DE YOD PA'I PHYIR ZER NA MA KHYAB, KHO NA RE, DAM BCA' DER THAL, BYANG 'PHAGS KYI RGYUD KYI MI RTAG SOGS BCU DRUG MNGON SUM DU RTOGS PA'I YE SHES DE SHES PAS SRID LA MI GNAS PA'I GZHI SHES YIN PA'I PHYIR, MA GRUB NA, DE CHOS CAN; DER THAL, GZHI SHES GANG ZHIG ,GZHI KUN RDZOB LA LTOS TE SRID MTHA' 'GOG BYED KYI RTOGS RIGS SU GNAS PA'I PHYIR ZER NA MA KHYAB STE, SHES BYA CHOS CAN, GNYEN PO PHYOGS KYI LAM SHES YOD PAR THAL, SHES PAS SRID LA MI GNAS PA'I GZHI SHES YOD PA'I PHYIR, RTAGS KHAS, 'DOD NA, CI MTHUN PHYOGS KYI LAM SHES YOD PAR THAL LO, ,'DOD MI NUS TE, DE 'DRA'I THA SNYAD BYAMS PA'I GZHUNG LAS MA BSHAD PA'I PHYIR, GZHAN YANG, SHES PAS SRID LA MI GNAS SHING, ,ZHES PA'I GZHUNG 'DIS SHES PAS SRID LA MI GNAS PA'I GZHI SHES BSTAN BYA'I GTZO BOR BYAS NAS BSTAN PAR THAL, DE YOD PA'I PHYIR, RTAGS KHAS, 'DOD MI NUS TE, DE LAM SHES LA DOGS PA DPYOD PA'I GZHUNG YIN PA'I PHYIR, KHA CIG ,SRID MTHA'I ZHES PA'I SGRA 'JUG PA'I 'JUG

011a

, ,GZHI DE LA DU MA YOD DE, LAS NYON GYI DBANG GIS SRID PAR SKYE BA LEN PA'I CHA DE KUN RDZOB LA LTOS PA'I SRID MTHA' YIN, DE NI, SHES RAB KYIS TSU ROL GYI MTHA' 'KHOR BA DANG, ZHES PAS BSTAN, DE 'DRA'I CHA BDEN PAR GRUB PA DE DON DAM LA LTOS PA'I SRID MTHA' YIN, LAS NYON GYI DBANG GIS SRID PAR SKYE BA LA MTHA' GCIG TU DOR BYAR BYED PA'I CHA DE BYANG SEMS LAM LA LTOS PA'I SRID MTHA' YIN, DE NI DNGOS POR DMIGS PA NYID KYIS 'KHOR BA LA GNAS PA YIN PAR SHES PAR BYA'O, ,ZHES PAS BSTAN, ZHI MTHA' ZHES PA'I SGRA 'JUG PA'I 'JUG GZHI DE LA DU MA YOD DE, LAS NYON GYIS 'KHOR BAR SKYE BA CHAD TZAM GYIS THOB PA'I MYANG 'DAS DE KUN RDZOB LA LTOS PA'I ZHI MTHA' YIN, DE NI, SNYING RJES PHA ROL GYI MTHA' MYA NGAN LAS 'DAS PA STE, ZHES PAS BSTAN, DE 'DRA'I MYANG 'DAS BDEN GRUB DON DAM LA LTOS PA'I ZHI MTHA' YIN, DE 'DRA'I MYANG 'DAS LA MTHA' GCIG TU BLANG BYAR BYED PA DE BYANG SEMS LAM LA LTOS TE ZHI MTHA' YIN, DE NI, DNGOS PO MED PAR DMIGS PA NYID KYIS MYA NGAN LAS 'DAS PA LA GNAS PA YIN PAR SHES PAR BYA'O, ,ZHES PAS BSTAN, ZHES ZER NA, SHES BYA CHOS CAN, LAS NYON GYI DBANG GIS SRID PAR SKYE BA LA MTHA' GCIG TU DOR BYAR BYED PA'I GANG ZAG YIN NA BYANG SEMS LAM LA LTOS TE SRID MTHA' LA GNAS PA'I GANG ZAG YIN DGOS PAR THAL, DE 'DRA'I CHA DE BYANG SEMS LAM LA LTOS TE SRID MTHA' YIN PA'I PHYIR, 'DOD NA, BYANG SEMS SBYOR LAM PA CHOS CAN, DER THAL, DE'I PHYIR, RTAGS GRUB STE, LAM BSGRIGS LAS, DE YANG

011b

MTHONG LAM MAN CHAD DU GOMS PA LHUR LEN GYIS KYANG, ZHES SOGS GSUNGS PA'I PHYIR, 'DOD NA, NYAN THOS LA SOGS PA LA DUS GSUM MNYAM PA NYID DU SHES PA MED PA'I PHYIR, ZHES SOGS SGRA SMOS PA LA DGOS PA MED PAR THAL, DNGOS PO DANG DNGOS PO MED PAR DMIGS PA NYID KYIS ZHES SOGS KYI SKABS KYI SRID MTHA' DE BYANG SEMS LAM LA LTOS PA'I SRID MTHA' DANG, DE'I SKABS KYI ZHI MTHA' DE BYANG SEMS LAM LA LTOS PA'I ZHI MTHA' LA BYED RIGS PA GANG ZHIG ,'DOD PA'I PHYIR, GZHAN YANG, STONG NYID RTOGS PA'I NYAN THOS DGRA BCOM PA DE BYANG SEMS LAM LA LTOS TE SRID MTHA' LA GNAS PAR THAL, LAS NYON GYIS 'KHOR BAR SKYE BA LA MTHA' GCIG TU DOR BYAR BYED PA DE BYANG SEMS LAM LA LTOS TE SRID MTHA' YIN PA'I PHYIR, RTAGS KHAS; 'DOD NA, DE CHOS CAN, DNGOS POR DMIGS PA NYID KYIS 'KHOR BA LA GNAS PA YIN PAR SHES PAR BYA'O, ,ZHES PA'I SKABS NAS DNGOS SU BSTAN PA'I 'KHOR BA LA GNAS PAR THAL, 'DOD PA GANG ZHIG ,DE'I SKABS KYI SRID MTHA' DE BYANG SEMS LAM LA LTOS PA'I PHYIR, RTAGS KHAS, 'DOD NA, DE CHOS CAN, KHYOD KYIS STONG NYID MNGON SUM DU MA RTOGS PAR THAL, 'DOD PA'I PHYIR, KHYAB STE, NYAN THOS LA SOGS PA LA DUS GSUM MNYAM PA NYID DU SHES PA MED PA'I PHYIR, ZHES GSUNGS PA'I PHYIR, KHA CIG ,KUN RDZOB LA LTOS TE SRID MTHA' LA GNAS PA'I GANG ZAG YIN NA, LAS NYON GYIS 'KHOR BAR SKYE BA LEN PAS KHYAB ZER NA, SRID PA THA MA PA'I NYAN THOS SGOM LAM PA CHOS CAN, DER THAL, DE'I PHYIR TE, KUN RDZOB LA

012a

, ,LTOS PA'I SRID ZHI GANG RUNG GI MTHA' LA GNAS, KUN RDZOB LA LTOS PA'I ZHI MTHA' LA MI GNAS PA'I PHYIR, DANG PO GRUB STE, THEG DMAN GYI GANG ZAG YIN PA'I PHYIR, KHYAB STE, SRID DANG ZHI BAR LTUNG BA'I PHYIR, ,ZHES GSUNGS PA'I PHYIR, GNYIS PA GRUB STE, THEG DMAN SLOB PA YIN PA'I PHYIR, 'DOD MI NUS TE, TSE DE LA DGRA BCOM PA'I 'BRAS BU MNGON DU BYAD PA'I GANG ZAG YIN PA'I PHYIR, KHA CIG ,'KHOR BA BDEN PAR 'DZIN PA'I BDEN 'DZIN DON DAM LA LTOS PA'I SRID MTHA' DANG, MYANG 'DAS BDEN PAR 'DZIN PA'I BDEN 'DZIN DON DAM LA LTOS PA'I ZHI MTHA' YIN ZER NA, MI 'THAD DE, DON DAM LA LTOS PA'I SRID ZHI'I MTHA' MED PA'I PHYIR TE, 'KHOR BA BDEN GRUB DANG MYANG 'DAS BDEN GRUB MED PA'I PHYIR, KHO NA RE; DON DAM LA LTOS PA'I SRID ZHI'I MTHA' LA GNAS PA'I GANG ZAG MED PAR THAL, ,DON DAM LA LTOS PA'I SRID ZHI'I MTHA' MED PA'I PHYIR ZER NA MA KHYAB STE, RTAG CHAD KYI MTHA' LA GNAS PA'I GANG ZAG MED PAR THAL, RTAG CHAD KYI MTHA' MED PA'I PHYIR, KHYAB PA KHAS, KHO NA RE, SEMS TZAM PA DE DON DAM LA LTOS TE SRID ZHI'I MTHA' LA GNAS PAR THAL, DE LA GNAS PA'I GANG ZAG YOD PA'I PHYIR, 'DOD NA, DE CHOS CAN, SRID ZHI BDEN GRUB LA GNAS PAR THAL, 'DOD PA'I PHYIR, KHYAB STE, 'KHOR BA BDEN GRUB DON DAM LA LTOS PA'I SRID MTHA' DANG, MYANG 'DAS BDEN GRUB DON DAM LA LTOS PA'I ZHI MTHA' YIN PA'I PHYIR ZER NA MA KHYAB STE, BYANG SEMS 'PHAGS PA'I RGYUD KYI DMIGS MED LA DMIGS PA'I SNYING RJE CHOS CAN,

012b

BDEN MED LA DMIGS PAR THAL, DMIGS MED LA DMIGS PA'I SNYING RJE YIN PA'I PHYIR, KHYAB STE, DMIGS MED LA DMIGS PA'I SNYING RJE ZHES PA'I DMIGS PA MED PA DE, BDEN MED LA BYED RIGS PA'I PHYIR, KHYAB PA KHAS, KHA CIG ,SANGS RGYAS 'PHAGS PA DE SRID MTHA' LA GNAS KYANG, SKABS 'DIR BSTAN GYI SRID MTHA' LA MI GNAS ZER NA, SHES BYA CHOS CAN, SANGS RGYAS 'PHAGS PA'I RGYUD LA SRID MTHA' YOD PAR THAL, DAM BCA' DE'I PHYIR, 'DOD NA, DE'I RGYUD LA KUN RDZOB LA LTOS PA'I SRID MTHA' YOD PAR THAL LO, ,'DOD NA, DE'I RGYUD LA GZHI KUN RDZOB LA LTOS TE SRID MTHA' 'GOG BYED KYI SHES RAB MED PAR THAL, 'DOD PA'I PHYIR, GZHAN YANG, MYANG 'DAS DE SRID MTHA' YIN PAR THAL, DAM BCA' 'THAD PA'I PHYIR, 'DOD NA, THEG DMAN GYI MYANG 'DAS DE YANG DER THAL LO, ,'DOD MI NUS TE, ZHI MTHA' YIN PA'I PHYIR, KHO NA RE, SANGS RGYAS 'PHAGS PA CHOS CAN, SRID MTHA' LA GNAS PAR THAL, 'KHOR BA'I MTHA' LA GNAS PA'I PHYIR TE, 'KHOR BA'I PHYI MTHA' LA GNAS PA GANG ZHIG ,DE 'KHOR BA'I MTHA' YIN PA'I PHYIR, DANG PO GRUB STE, DE MNGON DU BYAS PA'I GANG ZAG YIN PA'I PHYIR, GNYIS PA GRUB STE, 'KHOR BA'I MTHA' GCIG YOD PA'I PHYIR ZER NA MA KHYAB STE, SANGS RGYAS 'PHAGS PA CHOS CAN, SKABS 'DIR BSTAN GYI SRID MTHA' LA GNAS PAR THAL, SKABS 'DIR BSTAN GYI 'KHOR BA'I MTHA' LA GNAS PA'I PHYIR, ZHES SOGS MTSUNGS PA SNGAR BZHIN BYA'O, ,KHO NA RE, 'KHOR BA DE 'KHOR BA'I MTHA' YIN PAR THAL, 'KHOR BA'I MTHA' YOD PA GANG ZHIG ,MYANG 'DAS DE DE MA

013a

, ,YIN PA'I PHYIR, 'DOD NA, MYANG 'DAS DE MYANG 'DAS KYI MTHA' YIN PAR THAL, 'DOD PA'I PHYIR NA MA KHYAB, 'DOD NA, SANGS RGYAS 'PHAGS PA DE MYANG 'DAS KYI MTHA' LA GNAS PAR THAL LO, ,ZER NA, 'KHOR BA YIN NA 'KHOR BA'I MTHA' MA YIN DGOS PAR THAL, 'KHOR BA'I MTHA' LA GNAS PA'I GANG ZAG YIN NA MYANG 'DAS THOB PAS KHYAB PA'I PHYIR, 'DOD NA, MYANG 'DAS YIN NA MYANG 'DAS KYI MTHA' MA YIN DGOS PAR THAL LO, ,KHA CIG ,LAS NYON GYI DBANG GIS RGYUN RING POR NYING MTSAMS SBYOR BA SKABS 'DIR BSTAN GYI SRID MTHA' YIN, DE NI, SHES RAB KYIS TSU ROL GYI MTHA' 'KHOR BA RTAG PA'I MTSAN NYID, CES PAS BSTAN, SRID PAR SKYE BA LA MTHA' GCIG TU DOR BYAR BYED PA DE YANG SKABS 'DIR BSTAN GYI SRID MTHA' YIN, DE NI, DNGOS POR DMIGS PA NYID KYIS 'KHOR BA LA GNAS PA YIN PAR SHES PAR BYA'O, ,ZHES PAS BSHAD, SRID PAR SKYE BA CHAD TZAM GYIS THOB PA'I MYANG 'DAS DE SKABS 'DIR BSTAN GYI ZHI MTHA' YIN, DE NI, SNYING RJES PHA ROL GYI MTHA' MYA NGAN LAS 'DAS PA CHAD PA'I MTSAN NYID, CES PAS BSHAD, DE 'DRA'I MYANG 'DAS LA MTHA' GCIG TU BLANG BYAR ZHEN PA DE YANG SKABS 'DIR BSTAN GYI ZHI MTHA' YIN, DE NI, DNGOS PO MED PAR DMIGS PA NYID KYIS MYA NGAN LAS 'DAS PA LA GNAS PA YIN PAR SHES PAR BYA'O, ,ZHES PAS BSHAD, ZHES GSUNGS, SHES BYA CHOS CAN, NYAN THOS DGRA BCOM PA DE SKABS 'DIR BSTAN GYI SRID MTHA' LA GNAS PAR THAL, SKABS 'DIR BSTAN GYI SRID MTHA' GNYIS PA DE

013b

'THAD PA'I PHYIR, 'DOD NA, DE CHOS CAN, SKABS 'DIR BSTAN GYI TSU ROL 'KHOR BA'I MTHA' LA GNAS PAR THAL LO, ,'DOD NA, 'KHOR BA SPANGS PA'I GANG ZAG GI RGYUD LA SKABS 'DIR BSTAN GYI SRID MTHA' YOD PAR THAL LO, ,'DOD MI NUS TE, ,RNAM BSHAD LAS, TSU ROL NI SO SO SKYE BO LA LTOS PA STE, TSUR NGOS NA YOD KYI 'KHOR BA SPANGS PA'I PHAR NGOS NA MED PA'I DON NO, ,ZHES GSUNGS PA'I PHYIR, GZHAN YANG, DE CHOS CAN, SKABS 'DIR BSTAN GYI TSU ROL GYI MTHA' LA MI GNAS PAR THAL, SKABS 'DIR BSTAN GYI PHA ROL GYI MTHA' LA GNAS PA'I PHYIR, GZHAN YANG, LAS DANG NYON MONGS PA'I DBANG GIS RGYUN RING POR NYING MTSAMS SBYOR BA CHOS CAN, KHYOD SKABS 'DIR BSTAN GYI SRID MTHA' MA YIN PAR THAL, TSUR MTHONG THA MAL PA KHYOD YIN PA'I PHYIR; RTAGS SLA, SRID PAR SKYE BA LA MTHA' GCIG TU DOR BYAR ZHEN PA YANG CHOS CAN, SKABS 'DIR BSTAN GYI SRID MTHA' MA YIN PAR THAL, NYAN THOS DGRA BCOM PA KHYOD YIN PA'I PHYIR, MA GRUB NA, DE CHOS CAN, DER THAL, KHYOD DE LA MTHA' GCIG TU DOR BYAR ZHEN PA'I GANG ZAG YIN PA'I PHYIR, GZHAN YANG, SRID MTHA' SPANG BYA'I GTZO BOR BYED PA'I GANG ZAG MED PAR THAL, NYAN THOS SLOB PA 'PHAGS PAS DE LTAR MI BYED PA'I PHYIR TE, NYAN THOS DGRA BCOM PAS DE MA SPANGS PA'I PHYIR TE; DE'I RGYUD LA SRID MTHA' YOD PA'I PHYIR TE, DE SRID MTHA' LA GNAS PA'I PHYIR, ` RANG LUGS LA, 'DIR BSTAN LAM SHES GNYIS BSHAD PA DANG, 'DIR BSTAN SRID ZHI'I MTHA' LA GNAS PA'I DON BSHAD PA'O, ,DANG PO NI, GZHI KUN

014a

, ,RDZOB LA LTOS PA'I SRID MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA, SHES PAS SRID LA MI GNAS PA'I LAM SHES KYI MTSAN NYID, DPER NA, GANG ZAG GI BDAG MED MNGON SUM DU RTOGS PA'I THEG CHEN GYI MTHONG LAM LTA BU, GZHI KUN RDZOB LA LTOS TE ZHI MTHA' 'GOG BYED KYI RTOGS RIGS SU GNAS PA'I THEG CHEN 'PHAGS PA'I MKHYEN PA, SNYING RJES ZHI LA MI GNAS PA'I LAM SHES KYI MTSAN NYID, DPER NA, BYANG SEMS MTHONG LAM PA'I RGYUD KYI SNYING RJE CHEN PO LTA BU'O, ,GNYIS PA LA, LAS NYON GYIS 'PHANGS PA'I 'KHOR BA DE SKABS 'DIR BSTAN GYI KUN RDZOB LA LTOS TE SRID MTHA' DANG, DE LA GNAS BA SKABS 'DIR BSTAN GYI KUN RDZOB LA LTOS TE SRID MTHA' LA GNAS PA'I DON YIN DE NI; SHES RAB KYIS TSU ROL GYI MTHA' 'KHOR BA RTAG PA'I MTSAN NYID, CES PAS BSTAN, DMAN PA'I MYANG 'DAS DE SKABS 'DIR BSTAN GYI KUN RDZOB LA LTOS TE ZHI MTHA' DANG, DE LA GNAS PA 'DIR BSTAN KUN RDZOB LA LTOS TE ZHI MTHA' LA GNAS PA'I DON YIN, DE NI; SNYING RJES PHA ROL GYI MTHA' MYA NGAN LAS 'DAS PA CHAD PA'I MTSAN NYID, CES PAS BSHAD, 'KHOR BA BDEN GRUB DON DAM LA LTOS TE SRID MTHA' DANG, 'KHOR BA LA MTHA' GCIG TU DOR BYAR BDEN PAR ZHEN PA 'DIR BSTAN DON DAM LA LTOS TE SRID MTHA' LA GNAS PA'I DON YIN, DE NI, DNGOS POR DMIGS PA NYID KYIS 'KHOR BA LA GNAS PA YIN PAR SHES PAR BYA'O, ,ZHES PAS BSHAD, MYANG 'DAS BDEN GRUB DE 'DIR BSTAN DON DAM LA LTOS TE ZHI MTHA' DANG, DMAN PA'I MYANG 'DAS LA MTHA' GCIG TU

014b

BLANG BYAR BDEN PAR ZHEN PA DON DAM LA LTOS TE ZHI MTHA' LA GNAS PA'I DON YIN, DE NI, DNGOS PO MED PAR DMIGS PA NYID KYIS MYA NGAN LAS 'DAS PA LA GNAS PA YIN PAR SHES PAR BYA'O, ,ZHES PAS BSHAD, DE LTAR YANG, LAM BSGRIGS LAS, SRID ZHI'I MTHA' LA KUN RDZOB LA LTOS PA DANG DON DAM LA LTOS PA GNYIS LAS, DANG PO NI LAS NYON GYI DBANG GIS SRID PAR NYING MTSAMS SBYAR BA SRID PA'I MTHAR LHUNG BA YIN LA, SRID PAR SKYE BA CHAD TZAM LAS THOB PA'I MYANG 'DAS ZHI MTHA' DANG, DE THOB PA ZHI BA'I MTHAR LHUNG BA ZHES BYA'O, ,SRID MTHA' DE NYID RIGS CAN GSUM GIS 'GOG LA, ZHI BA'I MTHA' DE NYID BYANG CHUB SEMS DPA' KHO NAS SPONG STE, SRID MTHA' SNGA MA BKAG NAS SNYING RJE DANG SMON LAM GYI DBANG GIS SKYE BA BLANGS TE MYANG 'DAS SGRUB PAR BYED PA'I PHYIR, DON DAM LA LTOS PA'I SRID ZHI'I MTHAR LHUNG BA NI, SRID ZHI LA DOR BYA DANG BLANG BYAR BDEN PAR 'DZIN PA YIN LA, DE BYANG CHUB SEMS DPAS STONG NYID RTOGS PA'I SHES RAB KYIS SPONG LA, NYAN RANG LA CHOS KYI BDAG MED RTOGS PA YOD PAR 'DOD PA LTAR NA, DON DAM LA LTOS PA'I MTHAR MA LHUNG YANG, KUN RDZOB LA LTOS PA'I MTHAR LHUNG BA ZHES BYA'O, ,ZHES GSUNGS, KHO NA RE, GANG ZAG GI BDAG MED RTOGS PA'I SHES RAB DE GZHI KUN RDZOB LA LTOS TE SRID MTHA' 'GOG BYED YIN PAR THAL, MTSAN NYID DANG PO 'THAD PA'I PHYIR, 'DOD NA, DE 'GOG BYED KYI TSAD MA YOD PAR THAL LO, ,'DOD NA, GZHI KUN RDZOB LA LTOS TE SRID MTHA' MED PAR THAL, 'DOD PA'I PHYIR ZER NA MA KHYAB STE, GANG ZAG GI BDAG 'DZIN MED PAR THAL, DE LA GNOD BYED KYI TSAD MA YOD PA'I PHYIR, KHYAB PA

015a

, ,KHAS; DER THAL, GANG ZAG GI BDAG MED RTOGS PA'I SHES RAB DES DE LA GNOD PA'I PHYIR TE, RNAM 'GREL LAS, DE YI GNOD BYED NI, ,BDAG MED MTHONG BAS 'GAL BA YIN, ,ZHES GSUNGS PA'I PHYIR, KHO NA RE, RANG RGYAL DGRA BCOM PA CHOS CAN, ZHI MTHA' LA GNAS PAR THAL, DMAN PA'I MYANG 'DAS LA GNAS PA'I PHYIR, KHYAB PA KHAS, 'DOD NA, DE CHOS CAN, SRID PAR SKYE BA CHAD TZAM GYIS THOB PA'I MYANG 'DAS LA GNAS PAR THAL, 'DOD PA'I PHYIR, 'DOD MI NUS TE, GZUGS PHYI ROL DON DU 'DZIN PA'I RTOG PA SPANGS PA'I GANG ZAG YIN PA'I PHYIR ZER NA, DE CHAD PA'I MYANG 'DAS LA GNAS PAR THAL, DE LAS NYON GYI DBANG GIS SKYE BA DANG SNYING RJE DANG SMON LAM GYI DBANG GIS SKYE BA LEN PA GNYIS KA RGYUN CHAD PA'I GANG ZAG YIN PA'I PHYIR, KHYAB STE, RNAM BSHAD LAS, CHAD MTHA' YANG LAS NYON GYI DBANG GIS SKYE BA RGYUN CHAD PAR MA ZAD, SNYING RJE DANG SMON LAM GYI DBANG GIS SKYE BA CHAD PA'I MYANG 'DAS SO, ,ZHES GSUNGS PA'I PHYIR, KHO NA RE, SRID PA THA MA PA'I NYAN THOS SGOM LAM PA CHOS CAN, SKABS 'DIR BSTAN GYI SRID MTHA' LA GNAS PAR THAL, LAS NYON GYIS 'PHANGS PA'I 'KHOR BA LA GNAS PA'I PHYIR, KHYAB PA KHAS, 'DOD NA, SKABS 'DIR BSTAN GYI RTAG MTHA' LA GNAS PAR THAL, 'DOD PA'I PHYIR, 'DOD NA, DE CHOS CAN, LAS NYON GYI DBANG GIS 'KHOR BAR SKYE BA LEN PAR THAL, 'DOD PA'I PHYIR, KHYAB STE, RNAM BSHAD LAS, RTAG MTHA' YANG LAS NYON GYI DBANG GIS RGYUN RING POR NYING MTSAMS SBYAR NAS 'JUG PA'I DON YIN GYI, RTAG DNGOS KYI

015b

MTHA' NI MA YIN NO, ,ZHES GSUNGS PA'I PHYIR ZER NA MA KHYAB STE, DE RTAG MTHA'I SGRA BSHAD TZAM STON PA'I LUNG YIN PA'I PHYIR, KHO NA RE, 'KHOR BA BDEN GRUB CHOS CAN, DON DAM LA LTOS TE SRID MTHA' MA YIN PAR THAL, MED PA'I PHYIR, MYANG 'DAS BDEN GRUB CHOS CAN, DON DAM LA LTOS TE ZHI MTHA' MA YIN PAR THAL, MED PA'I PHYIR ZER NA, 'KHOR BA BDEN GRUB CHOS CAN, YOD MTHA' MA YIN PAR THAL, MED PA'I PHYIR, KHYAB PA KHAS, 'DOD NA, 'KHOR BA BDEN GRUB TU 'DZIN PA'I BLO DE YOD PA'I MTHAR 'DZIN MA YIN PAR THAL LO, ` ,GNYIS PA NYE RING DU 'JOG PA'I RGYU MTSAN STON PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, RAB 'BYOR GYIS GSOL BA, BCOM LDAN 'DAS GAL TE THEG CHEN GYI RIGS KYI BU'AM RIGS KYI BU MO THABS MI MKHAS PAS SHER PHYIN LA DMIGS PA'I TSUL DU SHES PAR BGYID NA SHER PHYIN 'DI 'DOR BAR 'GYUR RING DU BGYID DO, ,ZHES PA NAS, DE SHER PHYIN LA RLOM SEMS SU BYED PAS SHER PHYIN 'DI 'DOR BAR 'GYUR RING DU BYED PAR 'GYUR RO, ,ZHES DANG, RAB 'BYOR GYIS GSOL BA, BCOM LDAN 'DAS BYANG CHUB RNAMS CHAGS PA DANG CHAGS PA MA MCHIS PAR SHER PHYIN 'DI LA LEGS PAR BSHAD PA DANG LEGS PAR MTHAR PHYIN PA'I BAR NI NGO MTSAR CHE'O, ,ZHES GSUNGS, GNYIS PA LA RTZOD PA DANG, LAN GNYIS LAS, DANG PO NI, KHO NA RE, DUS GSUM MNYAM PA NYID DU RTOGS PA YOD MED KYI RGYU MTSAN GYIS, NYAN RANG RNAMS LA YANG DAG PA'I YUM RING BA DANG, BYANG SEMS DANG SANGS RGYAS LA NYE BAR 'GYUR BA MA YIN PAR THAL, GZHI RTEN 'BREL

016a

, ,GYI DON RTOGS PA DE YANG NYAN THOS SOGS THAMS CAD LA THUN MONG DU YOD PA'I PHYIR, KHYAB STE, YUM LA NYE BAR 'JOG PA'I RGYU MTSAN DUS GSUM MNYAM PA NYID DU SHES PA'I DON NI, GZHI RTEN 'BREL GYI DON RTOGS PA KHO NA YIN CING DE LAS GZHAN MED PA'I PHYIR, RTAGS DANG PO GRUB STE, 'PHAGS PA KLU SGRUB KYI 'JIG RTEN LAS 'DAS PAR BSTOD PA LAS, RTEN CING 'BREL BAR 'BYUNG BA GANG YIN PA, ,DE NI KHYOD KYIS STONG PA NYID DU BZHED, ,CES 'BYUNG BA'I PHYIR, ZHES 'CHAD PA LA; LUGS LAS, RTEN CING 'BREL BAR 'BYUNG BA GANG, ,DE NYID KHYOD NI STONG PAR BZHED, ,CES 'BYUNG BA'I PHYIR, DUS GSUM MNYAM PA NYID DU SHES PA NI GZHI RTOGS PA KHO NA YIN LA, DE YANG THAMS CAD LA YOD PA NYID MA YIN NAM, JI LTAR NA NYAN THOS DANG BYANG CHUB SEMS DPA' LA SOGS PA LA YANG DAG PA'I SHES RAB KYI PHA ROL TU PHYIN PA RING BA DANG CIG SHOS SU 'GYUR ZHE NA, ZHES GSUNGS, GNYIS PA LA, RTZA 'GREL GNYIS LAS, DANG PO LA YANG, THEG DMAN 'BRAS YUM LA RING BAR BSTAN PA DANG, THEG CHEN NYE BAR BSTAN PA GNYIS LAS, DANG PO NI, MDO TSAN DANG PO DE'I DON BSHAD PA'I SGO NAS YUM LA BDEN PAR CHAGS PA'I NYES DMIGS DE STON PA LA, DE NI MTSAN MAR DMIGS SGO NAS, ,THABS MA YIN PAS RING BA STE, ,ZHES GSUNGS, GNYIS PA NI, MDO TSAN GNYIS PA DE'I DON BSHAD PA'I SGO NAS YUM LA BDEN PAR MA CHAGS PA'I YON TAN DE STON PA LA, DE NI THABS LA MKHAS PA YIS, ,YANG DAG NYE BA NYID DU BSHAD, ,CES GSUNGS, GNYIS PA LA, TSIGS RKANG DANG PO GNYIS KYI DON

016b

BSHAD PA LA, SGYU MA MKHAN GYIS SPRUL PA'I DNGOS PO SNANG BA LA DE'I RANG GI NGO BO MI SHES PAS DNGOS POR MNGON PAR ZHEN PA NYID KYIS NGO BO NYID MED PAR MI SNANG BA BZHIN DU, DGE BA'I BSHES GNYEN LA SOGS PA THABS MKHAS DANG BRAL BA'I PHYIR DNGOS PO MTSAN MA DANG LDAN PAR RTOGS PAS NYAN THOS LA SOGS PA DNGOS PO'I NGO BO MI SHES PA RNAMS LA MNYAM PA NYID KYI YE SHES DE MED DE, DE'I PHYIR DE DAG LA RGYAL BA'I YUM RING BAR GYUR TO, ,ZHES GSUNGS, ,TSIGS RKANG PHYI MA GNYIS KYI DON BSHAD PA LA, BYANG CHUB SEMS DPA' DUS RING MO ZHIG NAS DGE BA'I BSHES GNYEN YANG DAG PAR MGU BAR BYAS PA'I MAN NGAG PHYIN CI MA LOG PA CAN BDEN PA GNYIS LA BRTEN PA'I THOS PA LA SOGS PA'I SHES PA SKYE BA'I THABS LA MKHAS PAS, DNGOS POR MNGON PAR ZHEN PA'I 'KHRUL PA'I MTSAN MA BSAL BA RNAMS LA NI, GZUGS LA SOGS PA'I CHOS YONGS SU SHES PA DE NYID MNYAM PA NYID DU YONGS SU SHES PA YIN TE, DE'I PHYIR DE DAG LA YUM 'DI YANG DAG PAR NYE BAR GYUR PAS, ZHES GSUNGS, DE DAG GI DON BSDUS TE STON PA LA; THABS MA YIN PAS NI RING BA NYID YIN LA, THABS KYIS NI MI RING BA NYID YIN NO, ,ZHES GSUNGS, GZHUNG DON NI, STONG NYID MA RTOGS PA'I NYAN THOS 'PHAGS PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, 'BRAS YUM LA RING BA'I GZHI SHES YIN TE, GZHI SHES GANG ZHIG ,SNYING RJE CHEN PO DANG BRAL ZHING MTSAN 'DZIN GYIS BCINGS PA'I PHYIR, BYANG SEMS MTHONG LAM PA'I RGYUD KYI MI RTAG SOGS BCU DRUG MNGON SUM DU RTOGS PA'I MKHYEN PA CHOS CAN, 'BRAS YUM LA NYE BA'I GZHI SHES

017a

, ,YIN TE, GZHI SHES GANG ZHIG ,SNYING RJE CHEN PO DANG STONG NYID MNGON SUM DU RTOGS PA'I SHES RAB KYIS ZIN PA'I THEG CHEN 'PHAGS PA'I RGYUD KYI MKHYEN PA YIN PA'I PHYIR, DES NA, GZHI SHES GANG ZHIG ,SNYING RJE CHEN PO DANG BRAL ZHING BDEN 'DZIN GYIS BCINGS PA, 'BRAS YUM LA RING BA'I GZHI SHES KYI MTSAN NYID, DE DANG MI MTHUN PHYOGS KYI GZHI SHES DON GCIG ,THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA GANG ZHIG ,SNYING RJE CHEN PO DANG STONG NYID MNGON SUM DU RTOGS PA'I SHES RAB KYIS ZIN PA, 'BRAS YUM LA NYE BA'I GZHI SHES KYI MTSAN NYID, DE DANG GNYEN PO PHYOGS KYI GZHI SHES DON GCIG ,DANG PO'I SA MTSAMS THEG DMAN GYI MTHONG LAM NAS THEG DMAN GYI MI SLOB LAM GYI BAR DU YOD, GNYIS PA'I SA MTSAMS THEG CHEN GYI MTHONG LAM NAS SANGS RGYAS KYI SA'I BAR DU YOD, KHA CIG ,MI RTAG SOGS BCU DRUG MNGON SUM DU RTOGS PA'I YE SHES GANG ZHIG ,SNYING RJE CHEN PO DANG BRAL ZHING BDEN 'DZIN GYIS BCINGS PA, DANG PO'I MTSAN NYID, DE GANG ZHIG ,SNYING RJE CHEN PO DANG STONG NYID MNGON SUM DU RTOGS PA'I SHES RAB KYIS ZIN PA, GNYIS PA'I MTSAN NYID ZER BA MI 'THAD DE, DANG PO LA, STONG NYID MA RTOGS PA'I NYAN THOS 'PHAGS PA'I RGYUD KYI GANG ZAG GI BDAG MED DON SPYI'I TSUL GYIS RTOGS PA'I MKHYEN PA DANG, DE'I RGYUD KYI NYAN THOS KYI MTHONG LAM BAR CHAD MED LAM RNAMS KYIS MA NGES, GNYIS PA LA, NYAN THOS DGRA BCOM PA'I RTOGS PA SNGON DU SONG BA'I BYANG SEMS SBYOR LAM PA'I RGYUD KYI MI RTAG SOGS BCU DRUG

017b

MNGON SUM DU RTOGS PA'I YE SHES KYIS MA NGES PA'I PHYIR, KHA CIG ,GZHI SHES GANG ZHIG ,'BRAS YUM SGRUB PA'I THABS MKHAS MA YIN PA LA ZHUGS PA, DANG PO'I MTSAN NYID DANG, DE GANG ZHIG ,DE LA ZHUGS PA, CIG SHOS KYI MTSAN NYID ZER NA, SHES BYA CHOS CAN, NYAN THOS KYI THEG PA DE 'BRAS YUM SGRUB PA'I THABS MKHAS MA YIN PAR THAL, MTSAN NYID 'THAD PA'I PHYIR, 'DOD NA, DAM CHOS PADMA DKAR PO LAS, DRANG SRONG CHEN PO THEG PA GSUM BSTAN PA, ,RNAM 'DREN RNAMS KYI THABS LA MKHAS PA STE, ,ZHES SOGS GSUNGS PA MI 'THAD PAR THAL LO, ,GZHAN YANG, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI GZHI SHES CHOS CAN, MTSON BYA GNYIS PA DER THAL, MTSAN NYID DE'I PHYIR, GNYIS PA GRUB STE, THEG CHEN GYI TSOGS LAM YIN PA'I PHYIR, KHA CIG ,GZHI SHES GANG ZHIG ,SNYING RJE CHEN PO DANG BRAL ZHING BDEN 'DZIN GYIS BCINGS PA, DANG PO'I MTSAN NYID, DE GANG ZHIG ,SNYING RJE CHEN PO DANG STONG NYID MNGON SUM DU RTOGS PA'I SHES RAB KYIS ZIN PA DE, CIG SHOS KYI MTSAN NYID ZER NA, STONG NYID MNGON SUM DU RTOGS PA'I NYAN THOS DGRA BCOM PA'I RTOGS PA SNGON DU SONG BA'I THEG CHEN LAM DU 'JUG KHA MA'I GANG ZAG GI RGYUD KYI GZHI SHES CHOS CAN, MTSON BYA GNYIS PA DER THAL, MTSAN NYID DE'I PHYIR, GNYIS PA GRUB STE, DE'I RGYUD LA SNYING RJE CHEN PO YANG YOD, STONG NYID MNGON SUM DU RTOGS PA'I SHES RAB KYANG YOD PA'I PHYIR, DANG PO DER THAL, THEG CHEN GYI LAM DU 'JUG KHA MA'I GANG

018a

, ,ZAG YIN PA'I PHYIR, ` GSUM PA SPANG BYA DANG GNYEN PO'I RAB DBYE LA, GZHI LAM LA MTSAN 'DZIN GYI SPANG GNYEN DANG, 'BRAS BU LA MTSAN 'DZIN GYI SPANG GNYEN DANG, DE DAG GI MJUG BSDU BA DANG GSUM LAS, DANG PO LA, SPANG BYA DANG GNYEN PO GNYIS LAS, DANG PO LA, MDO LAS GSUNGS TSUL DANG, BSTAN BCOS KYI 'GREL TSUL GNYIS LAS, DANG PO NI, GONG DU BYANG CHEN CHAGS PA DANG CHAGS PA MA MCHIS PAR SHER PHYIN 'DI LA LEGS PAR BSHAD PA DANG LEGS PAR MTHAR PHYIN PA'I BAR NI NGO MTSAR CHE'O, ,ZHES GSUNGS PA LAS 'PHROS TE, DE NAS TSE DANG LDAN PA SH'A RI'I BUS RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR BYANG CHEN RNAMS SHER PHYIN LA SPYOD PA'I TSE CHAGS PA DANG BCAS PA NI GANG YIN, CHAGS PA MA MCHIS PA NI GANG YIN, RAB 'BYOR GYIS SMRAS PA, TSE DANG LDAN PA SH'A RI'I BU 'DI LA BYANG CHEN THABS MI MKHAS PAS GZUGS STONG ZHES BYA BAR 'DU SHES NA CHAGS PA'O, ,ZHES SOGS DANG, BYANG CHEN THABS MI MKHAS PAS 'DAS PA'I CHOS RNAMS LA 'DAS PA'I CHOS ZHES BYA BAR 'DU SHES NA CHAGS PA'O, ,ZHES SOGS DANG, GZHAN YANG, BYANG CHEN DMIGS PA'I TSUL GYIS SEMS DANG PO BSKYED PA NAS NYE BAR BZUNG STE SBYIN PA'I PHAR PHYIN LA SPYOD NA CHAGS PA'O, ,ZHES PA NAS, RNAM MKHYEN GYI BAR LA SPYOD NA CHAGS PA'O, ,ZHES GSUNGS, GNYIS PA LA, MTSAMS SBYAR, RTZA BA, 'GREL PA GSUM LAS, DANG PO NI, GONG GI TSUL DE LTAR NYAN THOS DANG RANG RGYAL RNAMS

018b

'BRAS YUM LA RING BAR GYUR PA'I SGRUB BYED MTSAN MAR DMIGS PA NYID GNYEN PO PHYOGS KYI GZHI SHES KYI MI MTHUN PHYOGS YIN PAS DE NYID BSTAN PAR BYA'O, ,ZHES MTSAMS SBYOR BA LA, DE LTAR NYAN THOS LA SOGS PA'I YUM RING BAR GYUR PA'I SGRUB PA NYID MI MTHUN PA'I PHYOGS YIN PAR, ZHES GSUNGS, GNYIS PA LA, MDO DE'I DON BSHAD PA'I SGO NAS MI MTHUN PHYOGS KYI GZHI SHES STON PA LA, GZUGS SOGS PHUNG PO STONG NYID DANG, ,ZHES SOGS GSUNGS, GSUM PA NI, TSIG DON GYI SGO NAS BSHAD PA LA, GZUGS LA SOGS PA DUS GSUM PA'I CHOS ZAG PA DANG BCAS PA DANG ZAG PA MED PA DANG, GNYIS KA'I NGO BO DNGOS POR MA GYUR PA THAMS CAD LA DNGOS POR DMIGS PA NYID KYIS GZHAN GYIS KUN BTAGS PA'I BDAG LA SOGS PA STONG PA NYID DU LTA BA DANG, SGRUB PA'I 'DU SHES NI DE DAG GI GNYEN PO YIN NA YANG PHYIN CI LOG TU ZHUGS PA NYID KYIS SPANG BAR BYA BA YIN PA'I PHYIR, MI MTHUN PA'I PHYOGS YIN NO, ,ZHES GSUNGS, GZHUNG DON NI, STONG NYID MA RTOGS PA'I NYAN THOS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, MI MTHUN PHYOGS KYI GZHI SHES YIN TE, GZHI SHES GANG ZHIG ,THABS SHES KHYAD PAR CAN DANG BRAL ZHING, BDEN 'DZIN GYIS BCINGS PA'I PHYIR, SKABS 'DIR BSTAN GYI MI MTHUN PHYOGS LA DU MA YOD DE, GZUGS NAS RNAM MKHYEN GYI BAR GYI PHUNG PO RNAMS DANG, SBYIN PA NAS RNAM MKHYEN GYI BAR LA STONG ZHES MTSAN MAR 'DU SHES PA DANG, DUS GSUM DU GTOGS PA'I CHOS RNAMS LA DE DAG TU MTSAN MAR 'DU SHES PA DANG, SBYIN SOGS

019a

, ,DRUG DANG BYANG CHOS SO BDUN NAS, RNAM MKHYEN GYI BAR RNAMS LA SPYOD PA STE LAM DU MTSON MAR 'DU SHES PA RNAMS SU YOD PA'I PHYIR, GZHI SHES GANG ZHIG ,THABS SHES KHYAD PAR CAN DANG BRAL ZHING, BDEN 'DZIN GYIS BCINGS PA; MI MTHUN PHYOGS KYI GZHI SHES KYI MTSAN NYID, KHO NA RE, STONG NYID MA RTOGS PA'I NYAN THOS DGRA BCOM PA'I RTOGS PA SNGON DU SONG BA'I THEG CHEN LAM DU 'JUG KHA MA'I GANG ZAG GI RGYUD KYI GZHI SHES CHOS CAN, MTSON BYA DER THAL, MTSAN NYID DE'I PHYIR, GNYIS PA GRUB STE, DE'I RGYUD LA THABS SHES KHYAD PAR CAN MED PA'I PHYIR TE, DE'I RGYUD LA STONG NYID RTOGS PA'I SHES RAB MED PA'I PHYIR ZER NA MA KHYAB, KHA CIG ,GZHI SHES GANG ZHIG ,BDEN 'DZIN GYIS BCINGS PA, MI MTHUN PHYOGS KYI GZHI SHES KYI MTSAN NYID, DE GANG ZHIG ,MTSAN 'DZIN GYI GNYEN PO BYED PA DE, GNYEN PO PHYOGS KYI GZHI SHES KYI MTSAN NYID ZER NA, STONG NYID MA RTOGS PA'I NYAN THOS DGRA BCOM PA'I RTOGS PA SNGON DU SONG BA'I THEG CHEN LAM DU 'JUG KHA MA'I GANG ZAG GI RGYUD KYI GZHI SHES CHOS CAN, MTSON BYA DANG PO DER THAL, MTSAN NYID DE'I PHYIR TE, CHOS CAN DE YIN PA'I PHYIR, 'DOD NA, DE CHOS CAN, SNYING RJE CHEN PO DANG BRAL BAR THAL LO, ,GZHAN YANG, GNYEN PO PHYOGS KYI GZHI SHES YIN NA, STONG NYID MNGON SUM DU RTOGS PAS KHYAB PAR THAL, DE YIN NA, BDEN 'DZIN GYI GNYEN PO BYED PAS KHYAB PA'I PHYIR, RTAGS KHAS, KHA CIG ,GZHI SHES GANG ZHIG ,BYANG CHUB KYI SEMS DANG BRAL ZHING BDEN 'DZIN GYIS BCINGS PA, DANG PO'I MTSAN NYID, DE GANG ZHIG ,BYANG CHUB KYI SEMS DANG

019b

STONG NYID MNGON SUM DU RTOGS PA'I SHES RAB KYIS ZIN PA, CIG SHOS KYI MTSAN NYID ZER BA MI 'THAD DE, DANG PO LA, STONG NYID MA RTOGS PA'I NYAN THOS DGRA BCOM PA'I RTOGS PA SNGON DU SONG BA'I THEG CHEN LAM DU 'JUG KHA MA'I GANG ZAG GI RGYUD KYI GZHI SHES DANG; GNYIS PA LA STONG NYID MNGON SUM DU RTOGS PA'I BYANG SEMS TSOGS LAM PA'I RGYUD KYI GZHI SHES KYIS MA NGES PA'I PHYIR, ` GNYIS PA GZHI LAM LA MTSAN 'DZIN GYI GNYEN PO BSHAD PA LA, MDO LAS GSUNGS TSUL DANG, BSTAN BCOS KYI 'GREL TSUL GNYIS LAS, DANG PO NI, TSE DANG LDAN PA SH'A RI'I BU GANG YANG 'DI SKAD DU BYANG CHEN RNAMS SHER PHYIN LA SPYOD PA'I TSE, MA CHAGS PA NI GANG YIN ZHES ZER BA NI, TSE DANG LDAN PA SH'A RI'I BU 'DI LA BYANG CHEN THABS MKHAS PAS SHER PHYIN LA SPYOD PA'I TSE 'DI SNYAM DU GZUGS LA GZUGS ZHES BYA BAR 'DU SHES PA MED DO, ,ZHES SOGS DANG, 'DAS PA'I CHOS RNAMS LA 'DAS PA'I CHOS ZHES BYA BAR 'DU SHES PA MED DO, ,ZHES SOGS DANG, BYANG CHEN THABS MKHAS PAS SHER PHYIN LA SPYOD PA'I TSE 'DI SNYAM DU BDAG GIS SBYIN PA ZHIG BYIN, 'DI LA SBYIN PA BYIN, SBYIN PA 'DI LTA BU ZHIG SBYIN NO, ,ZHE'AM, ZHES PA NAS, TSE DANG LDAN PA SH'A RI'I BU DE DAG NI BYANG CHEN THABS MKHAS PAS SHER PHYIN LA SPYOD PA'I TSE MA CHAGS PA'O, ,ZHES SOGS GSUNGS, GNYIS PA LA GSUM LAS, DANG PO NI, BYANG CHUB SEMS DPA' RNAMS KYIS 'BRAS YUM LA NYE BA'I RGYU MTSAN DE NI MTSAN MAR MI DMIGS PA NI SPANG BYA LAS BZLOG STE GNYEN PO YIN PAR STON NO, ,ZHES MTSAMS SBYOR BA LA, BYANG CHUB SEMS DPA' RNAMS KYI BZLOG STE GNYEN PO YIN PAR, ZHES GSUNGS SO, ,GNYIS

020a

, ,PA LA; SPYIR LTA SGOM LA LTOS PA'I SPANG GNYEN DANG, SPYOD PA LA LTOS PA'I SPANG GNYEN GNYIS LAS, DANG PO'I SPANG BYA SNGAR BSHAD PA DE YIN LA, DE'I GNYEN PO DE BSTAN PA'I SGO NAS MDO DE'I DON BSHAD PA LA, SBYIN LA SOGS LA NGAR 'DZIN MED, ,GZHAN DAG DE LA SBYOR BYED PA, ,DE NI CHAGS PA'I MTHA' 'GOG PAS, ,ZHES GSUNGS, DE YANG GZHUNG 'DIS SPANG BYA THA MA'I GNYEN PO DNGOS SU BSTAN NAS DANG PO GNYIS KYI GNYEN PO SHUGS LA BSTAN TO, , GNYIS PA'I SPANG BYA DE STON PA LA, MDO LAS, DE NAS LHA RNAMS KYI DBANG PO BRGYA BYIN GYIS RAB 'BYOR LA 'DI SKAD CES SMRAS SO, ,BTZUN PA RAB 'BYOR RNAM GRANGS GANG GIS NA BYANG CHEN RNAMS KYIS CHAGS PAR 'GYUR BA YIN, RAB 'BYOR GYIS SMRAS PA; KO'U SHI KA 'DI LA BYANG CHEN SEMS SU 'DU SHES PA DANG, SBYIN PAR 'DU SHES PA DANG, ZHES PA NAS, SANGS RGYAS KYI CHOS MA 'DRES PA BCO BRGYAD DU 'DU SHES PA DANG, SANGS RGYAS BCOM LDAN 'DAS SU 'DU SHES PA DANG, SANGS RGYAS LA SKYED PA'I DGE BA'I RTZA BA DAG TU 'DU SHES NAS DGE RTZA DE DAG GCIG TU BSDUS NAS BSDOMS SHING GZHAL NAS BLA MED RDZOGS BYANG DU BSNGO BAR BYED PA 'DI, KO'U SHI KA BYANG CHEN RNAMS KYIS CHAGS PA STE, ZHES SOGS GSUNGS, DE'I GNYEN PO STON PA LA, KO'U SHI KA GZHAN YANG BYANG CHEN GYIS GZHAN ZHIG BLA MED RDZOGS BYANG DU YANG DAG PAR BSTAN PAR 'DOD PA DANG LEN DU ZHUGS PAR 'DOD PA DANG GZENGS STOD PAR 'DOD PA DANG RAB TU DGA' BAR BYA BAR 'DOD PAS YANG DAG PA JI LTA BA BZHIN DU RJES SU SONG BA'I YID

020b

GYIS GZHAN LA YANG DAG PAR BSTAN PAR BYA'O, ,ZHES PA NAS, DE LTAR RIGS KYI BU'AM RIGS KYI BU MO DES CHAGS PA'I MTHA' THAMS CAD YONGS SU SPONG BAR 'GYUR BA YIN NO, ,ZHES GSUNGS, DE'I DON BSHAD PA LA, GZHAN DAG DE LA SBYOR BYED PA, ,DE NI CHAGS PA'I MTHA' 'GOG PAS, ,ZHES GSUNGS, DE YANG GZHUNG 'DIS GNYEN PO DNGOS SU BSTAN NAS SPANG BYA SHUGS LA BSTAN PA YIN NO, ,GSUM PA NI, TSIGS RKANG DE GSUM GYI TSIG DON BSHAD PA LA, 'KHOR GSUM RNAM PAR DAG PAS SBYIN PA LA SOGS PA LA BDAG MED PAR RTOGS PAS RANG DANG GZHAN SBYOR BA NI YANG DAG PAR ZHUGS PA'I PHYIR DANG, CHAGS PA'I TSOGS KYI GNAS THAMS CAD DGAG PAS BLANG BAR BYA BA YIN PA'I PHYIR, RNAM PA THAMS CAD DU GNYEN PO YIN NO, ,ZHES GSUNGS, MDO LAS SPANG GNYEN 'DI DAG, SO SOR GSUNGS KYANG 'GREL PA 'DIS GNYEN PO RNAMS GCIG TU MDZAD CING SPANG BYA DANG PO'I GNYEN PO MA ZIN PAR GSUNGS PA LA DGOS PA YOD DE, RIM PA LTAR TSIG TSOGS SKYUNGS PA DANG SHUGS KYIS GO NUS PA LA DGONGS PA'I PHYIR, GZHUNG DON NI, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, GNYEN PO PHYOGS KYI GZHI SHES YIN TE, THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA GANG ZHIG ,THABS SHES KHYAD PAR CAN GNYIS KYIS ZIN PA'I PHYIR, 'DIR BSTAN GNYEN PO DE LA DU MA YOD DE, PHUNG PO LNGA LA GZUGS LA SOGS PA'O SNYAM DU MNGON PAR ZHEN PA MED PA DANG, DUS GSUM LA 'DAS SOGS SU MNGON PAR ZHEN PA MED PA DANG, SBYIN PA NAS RNAM MKHYEN GYI BAR LA NGAR 'DZIN PA

021a

, ,STE BDAG GIS 'DI LA SPYAD PAR BYA'O 'DI THOB PAR BYA'O SNYAM DU MNGON PAR ZHEN PA MED PA RTOGS PA RNAMS SU YOD PA'I PHYIR, SKABS 'DIR BSTAN GYI SPYOD PA LA LTOS PA'I SPANG BYA YOD DE, BSNGO BAR BYED PA'I SEMS DANG BSNGO BYA'I DGE BA LA MTSAN MAR ZHAN PAS RDZOGS BYANG DU BSNGO BA'I MTSAN BCAS KYI SPYOD PA RNAMS SU YOD PA'I PHYIR, DE'I GNYEN PO YANG YOD DE, RANG NYID KYIS BDAG NI SBYIN PA BYIN PA'O TSUL KHRIMS SRUNG BA'O ZHES SOGS SU MNGON PAR RLOM PA BKAG NAS SPYOD PA DE LTA BU LA GDUL BYA GZHAN DAG KYANG SBYOR BAR BYED PA DE'I SGO NAS RANG GZHAN GYI CHAGS PA'I MTHA' THAMS CAD 'GEG PAR BYED PA YIN PA'I PHYIR, DES NA, 'KHOR GSUM DU DMIGS PA DANG BRAL BAS SBYIN SOGS LA SPYOD PA PO DANG THOB PA PO BDAG MED PAR RTOGS NAS RANG DE LA GNAS SHING GDUL BYA GZHAN DE LA SBYOR BAR BYED PA'I BYANG SEMS MTHONG LAM PA'I MKHYEN PA CHOS CAN, NYAN RANG GI LAM LTAR RE 'GA' BA'I GNYEN PO MA YIN PAR RNAM PA THAMS CAD DU GNYEN PO YIN TE, BLANG BAR BYA BA 'BA' ZHIG YIN PA'I PHYIR TE, GZUGS SOGS KYI GNAS LUGS LA YANG DAG PAR ZHUGS PA'I PHYIR DANG, CHAGS PA MNGON ZHEN GYI TSOGS KYI GNAS SA BON THAMS CAD GNYEN POS BKAG PA'I PHYIR, THEG DMAN GYI RTOGS RIGS SU GNAS PA'I THEG CHEN 'PHAGS PA'I MKHYEN PA GANG ZHIG ,THABS SHES KHYAD PAR CAN GYIS ZIN PA, GNYEN PO PHYOGS KYI GZHI SHES KYI MTSAN NYID, KHA CIG ,GZHI SHES GANG ZHIG ,THABS SHES KHYAD PAR CAN GYIS ZIN PA, DE'I MTSAN NYID ZER NA, STONG NYID MNGON SUM DU

021b

RTOGS PA'I NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI GZHI SHES CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, THEG CHEN GYI GZHI SHES SU THAL, 'DOD PA'I PHYIR, 'DOD NA, THEG CHEN GANG ZAG GI RGYUD KYI GZHI SHES YIN NA, THEG CHEN GYI GZHI SHES YIN DGOS PAR THAL, 'DOD PA'I PHYIR, 'DOD NA, THEG CHEN GANG ZAG GI RGYUD KYI LAM BDEN YIN NA, THEG CHEN GYI LAM BDEN YIN DGOS PAR THAL, 'DOD PA'I PHYIR, GZHAN YANG, STONG NYID MNGON SUM DU RTOGS PA'I NYAN THOS DGRA BCOM PA'I RTOGS PA SNGON DU SONG BA'I THEG CHEN LAM DU 'JUG KHA MA'I GANG ZAG GI RGYUD KYI GZHI SHES CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, DE'I RGYUD LA THABS SHIS KHYAD PAR CAN YOD PA'I PHYIR, ` GNYIS PA 'BRAS BU LA MTSAN 'DZIN GYI SPANG GNYEN BSHAD PA LA, CHAGS PA'I NGO BO, CHAGS PA YIN PA'I RGYU MTSAN, CHAGS PA'I GNYEN PO, RGYU MTSAN LAS 'PHROS DON NO, ,DANG PO LA, MDO BSTAN BCOS GNYIS LAS, DANG PO NI, DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR KHYOD BYANG CHEN RNAMS LA CHAGS PA'I MTHA' 'DI DAG MDOR STON PA LEGS SO LEGS SO, ,RAB 'BYOR DE BAS NA YANG CHAGS PA'I MTHA' PHRA BRGYAS PAR BSTAN PAR BYA STE SHIN TU LEGS PAR NYON LA YID LA ZUNGS SHIG DANG BSHAD PAR BYA'O, ,BCOM LDAN 'DAS DE LTAR BGYI'O, ,ZHES TSE DANG LDAN PA RAB 'BYOR BCOM LDAN 'DAS LA PHYIR NYAN TO, ,BCOM LDAN 'DAS KYIS DE LA 'DI SKAD

022a

, ,CES BKA' STZAL TO, ,RAB 'BYOR 'DI LA RIGS KYI BU 'AM RIGS KYI BU MO BLA MED RDZOGS BYANG DU YANG DAG PAR ZHUGS PAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTSAN MAR YID LA BYED NA, RAB 'BYOR CI TZAM MTSAN MAR GYUR PA DE TZAM DU CHAGS PA'O, ,ZHES PA NAS, DE RNAMS GZHAN RNAMS KYI DGE BA'I RTZA BA YANG MTSAN MAR YID LA BYAR MED PA'I PHYIR RO, ,ZHES GSUNGS, GNYIS PA LA RTZA 'GREL GNYIS LAS, DANG PO NI, MDO DE'I DON BSHAD PA LA, RGYAL LA SOGS LA CHAGS PA PHRA, ,ZHES GSUNGS, GNYIS PA NI, DE NYID TSIG DON GYI SGO NAS BSHAD PA LA, DE BZHIN GSHEGS PA LA SOGS PA LA PHYAG 'TSAL BA LA SOGS PA NI BSOD NAMS KYI TSOGS KYI RGYU YIN PA NYID KYIS GNYEN PO YIN MOD KYI, CHAGS PA PHRA MO'I NGO BO NYID KYIS RNAM PA THAMS CAD DU MA YIN PAS, MI MTHUN PA'I PHYOGS YIN NO, ,ZHES GSUNGS, GZHUNG DON NI, DE BZHIN GSHEGS PA LA SKYABS GNAS YANG DAG TU BDEN PAR BZUNG BA'I SGO NAS PHYAG 'TSAL BA DANG BSTOD PA DANG, DE DAG GI DGE BA LA MTSAN MAR BZUNG BA'I SGO NAS RDZOGS BYANG DU BSNGO BA RNAMS CHOS CAN, BYANG SEMS LAM GYI GOL SA MI MTHUN PHYOGS YIN TE; DE'I GZHOM BYA YIN PA'I PHYIR, GAL TE DE RNAMS GNYEN PO YIN PAS SPANG BYAR 'GAL LO ZHE NA, BSOD NAMS KYI TSOGS KYI RGYU YIN PA NYID KYIS LAS SGRIB SOGS 'GA' ZHIG GI GNYEN PO YIN MOD KYI RNAM PA THAMS CAD DU GNYEN PO MA YIN

022b

PAS SKYON MED DE, CHAGS PA DE ZHEN PA PHRA MO'I NGO BO NYID YIN PA'I PHYIR, ` GNYIS PA CHAGS PA YIN PA'I RGYU MTSAN STON PA LA, MDO BSTAN BCOS GNYIS LAS, DANG PO NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN NI ZAB BO, ,BCOM LDAN 'DAS KYIS BKA' STZAL BA, RAB 'BYOR CHOS THAMS CAD RANG BZHIN GYIS DBEN PA'I PHYIR RO, ,RAB 'BYOR GYIS GSOL BA, BCOM LDAN 'DAS SHER PHYIN LA PHYAG 'TSAL LO, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR MA BYAS MNGON PAR 'DUS MA BYAS PA STE DE NI SUS KYANG MNGON PAR RDZOGS PAR 'TSANG RGYA BAR BYA BAR MI NUS SO, ,ZHES GSUNGS, GNYIS PA LA GSUM LAS; DANG PO NI, CHAGS PA PHRA MO MI MTHUN PHYOGS YIN PA'I RGYU MTSAN JI LTAR ZHE NA, NGO BOR MA ZAD DE'I RGYU MTSAN GZHAN YANG YOD DO, ,ZHES MTSAMS SBYOR BA LA, YANG JI LTAR CHAGS PA PHRA MO MI MTHUN PA'I PHYOGS YIN ZHE NA, ZHES GSUNGS, GNYIS PA NI, MDO DE'I DON BSHAD PA LA, CHOS KYI LAM NI RANG BZHIN GYIS, ,DBEN PA'I PHYIR NA DE ZAB NYID, ,CES GSUNGS, GSUM PA NI, DE'I DON BSHAD PA LA, GANG GI PHYIR CHOS KYI RIGS RNAMS NGO BO NYID KHO NAS STONG PAS, DE DAG ZAB PA NYID YIN PA DE'I PHYIR, DE BZHIN GSHEGS PA LA DMIGS PA YANG MI MTHUN PA'I PHYOGS YIN NO, ,ZHES GSUNGS, GZHUNG DON NI, DE BZHIN GSHEGS PA LA BDEN PAR DMIGS PA YANG CHAGS PA PHRA MO YIN PAS MI MTHUN PHYOGS YIN TE, RGYU

023a

, ,MTSAN GANG GI PHYIR NA CHOS KYI RIGS RNAMS BDEN PA'I NGO BO NYID KHO NAS STONG BAS DE DAG GI GNAS LUGS DE ZAB PA NYID YIN PA DE'I PHYIR, DE BZHIN GSHEGS PA LA DMIGS PA YANG ZHES YANG SGRA SMOS PA LA DGOS PA YOD DE, GZUGS SOGS LA BDEN PAR DMIGS PA MI MTHUN PHYOGS YIN PAR MA ZAD, DE BZHIN GSHEGS PA LA BDEN PAR DMIGS PA YANG MI MTHUN PHYOGS YIN NO, ,ZHES BSTAN PAR BYA BA'I CHED YIN PA'I PHYIR, ` GSUM PA CHAGS PA'I GNYEN PO STON PA LA, MDO BSTAN BCOS GNYIS LAS, DANG PO NI, RAB 'BYOR GYIS GSOL BA, BCOM LDAN 'DAS CHOS THAMS CAD NI MNGON PAR RDZOGS PAR BYANG CHUB PAR DKA'O, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR CHOS THAMS CAD KYI RANG BZHIN GNYIS MA YIN TE, RAB 'BYOR CHOS KYI RANG BZHIN NI GCIG TU ZAD DO, ,CHOS KYI RANG BZHIN GANG YIN PA RANG BZHIN NI MA YIN NO, ,GANG RANG BZHIN MA YIN PA DE NI RANG BZHIN NO, ,GANG RANG BZHIN YIN PA DE NI MNGON PAR 'DUS MA BYAS PA'O, ,RAB 'BYOR 'DI LTAR BYANG CHEN GYIS CHOS KYI RANG BZHIN GCIG PU RANG BZHIN MA YIN PA MNGON PAR 'DUS MA BYAS PA SHES SHING MTHONG NA CHAGS PA'I MTHA' THAMS CAD YONGS SU SPANGS PA YIN NO, ,ZHES GSUNGS, GNYIS PA LA GSUM LAS, DANG PO NI, DE BZHIN GSHEGS PA LA SKYABS GNAS SU BDEN PAR ZHEN PA DE CHAGS PA PHRA MO YIN NA DE GNYEN

023b

PO GANG GIS TSUL JI LTAR SPONG, ZHES MTSAMS SBYOR BA LA, 'O NA JI LTAR SPONG ZHE NA, ZHES GSUNGS, GNYIS PA NI, MDO DE'I DON BSHAD PA LA, CHOS RNAMS RANG BZHIN GCIG PAR NI, ,SHES PAS CHAGS PA SPONG BA YIN, ,ZHES GSUNGS, GSUM PA NI, DE NYID TSIG DON GYI SGO NAS BSHAD PA LA, GZUGS LA SOGS PA'I CHOS THAMS CAD RANG BZHIN GCIG PA KHO NA STE, 'DI LTA STE RANG BZHIN MED PA ZHES SHES PA DANG SHES BYA MNYAM PA NYID DU GCIG PAR YONGS SU SHES PA NI CHAGS PA SPONG BA YIN NO, ,ZHES GSUNGS, GZHUNG DON NI, DE LTA BU'I CHAGS PA PHRA MO DE SPONG BA'I GNYEN PO DANG SPONG TSUL YOD DE, CHOS THAMS CAD BDEN PA'I RANG BZHIN MED PAR RANG BZHIN GCIG TU SHES PAS NI CHAGS PA DE SPONG BA'I PHYIR, BYANG SEMS 'PHAGS PA'I RGYUD KYI STONG NYID MNGON SUM DU RTOGS PA'I MKHYEN PA CHOS CAN, 'BRAS BU LA BDEN ZHEN SPONG BA YIN TE, DE'I DNGOS GNYEN BYED PA'I RIGS SU GNAS PA'I PHYIR, KHA CIG ,BYANG SEMS LAM LA LTOS TE GO LAS MI MTHUN PHYOGS YIN NA, MI MTHUN PHYOGS YIN DGOS ZER NA, NYAN THOS TSOGS LAM PA'I RGYUD KYI RANG NYID GCIG PU ZHI BDE DON GNYER GYI BLO CHOS CAN, DER THAL, DE'I PHYIR TE, CHOS CAN DE YIN PA'I PHYIR, 'DOD MI NUS TE, GNYEN PO PHYOGS YIN PA'I PHYIR TE, THAR LAM YIN PA'I PHYIR, KHA CIG ,BYANG SEMS LAM LA LTOS TE SPANG BYA YIN NA, SPANG BYA YIN DGOS ZER NA, GZHI LAM LA DMIGS PA'I MTSAN 'DZIN CHOS CAN, DER THAL, DE'I PHYIR TE, BYANG SEMS LAM GYI GZHOM BYA YIN PA'I PHYIR, DE DER

024a

, ,THAL; PHYIN DRUG NYAMS LEN GYI SPYOD PA KHYAD PAR CAN LA RANG GNAS NAS GZHAN DAG DE LA 'GOD PAR BYED PA'I BYANG 'PHAGS KYI MKHYEN PA DE DE'I DNGOS GNYEN BYED PA'I RIGS SU GNAS PA'I PHYIR RO, ` ,BZHI PA RGYU MTSAN LAS 'PHROS DON LA, ZAB PA'I RGYU MTSAN DANG, RTOGS DKA' BA'I RGYU MTSAN GNYIS LAS, DANG PO LA, MDO BSTAN BCOS GNYIS LAS, DANG PO NI, RAB 'BYOR GYIS GSOL BA, BCOM LDAN 'DAS SHER PHYIN NI RTOGS PAR DKA'O BCOM LDAN 'DAS KYIS BKA' STZAL PA, RAB 'BYOR DE LTAR SHER PHYIN NI SUS KYANG MA MTHONG MA THOS MA NGES RNAM PAR MA NGES MNGON PAR SANGS MA RGYAS BAS SO, ,ZHES GSUNGS, GNYIS PA LA GSUM LAS, DANG PO NI, DBEN PA'I PHYIR NA DE ZAB NYID; ;CES BSHAD NA, CHOS RNAMS KYI GNAS SAM RANG BZHIN ZAB PA'I RGYU MTSAN GANG ZHE NA, ZHES MTSAMS SBYOR BA LA, YANG JI LTAR CHOS RNAMS RANG BZHIN GYIS ZAB PA YIN ZHE NA, ZHES GSUNGS, GNYIS PA NI, MDO DE'I DON BSHAD PA LA; MTHONG BA LA SOGS BKAG PA YIS, ,DE NI RTOGS PAR DKA' BAR BSHAD, ,CES GSUNGS, GSUM PA NI, DE NYID TSIG DON GYI SGO NAS BSHAD PA LA, GANG GI PHYIR RNAM PAR SHES PA THAMS CAD KYI DMIGS PA'I DON BSAL BAS RANG BZHIN DE RTOGS PAR DKA' BA NYID DU BSHAD PA DE'I PHYIR DE ZAB PA NYID YIN NO, ,ZHES GSUNGS, GZHUNG DON NI, CHOS THAMS CAD KYI GNAS LUGS ZAB PA'I RGYU MTSAN YOD DE, DE RTOGS PAR DKA' BA YIN BA'I PHYIR, CHOS THAMS CAD

024b

BDEN STONG CHOS CAN, RTOGS PAR DKA' BA YIN TE, TSUR MTHONG GI MNGON SUM GYI YUL LAS 'DAS SHING, RIGS SHES KYI RNYED DON YIN PA'I PHYIR, ` GNYIS PA LA, MDO BSTAN BCOS GNYIS LAS, DANG PO NI, RAB 'BYOR GYIS GSOL BA, BCOM LDAN 'DAS SHER PHYIN NI BSAM GYIS MI KHYAB BO, ,BCOM LDAN 'DAS KYIS BKA' STZAL PA, RAB 'BYOR DE NI 'DI LTAR SHER PHYIN NI SUS KYANG RNAM PAR MA SHES TE, GZUGS DANG TSOR BA DANG 'DU SHES DANG 'DU BYED RNAMS DANG RNAM PAR SHES BSAM SHES SO, ,ZHES PA NAS, BCOM LDAN 'DAS KYIS BKA' STZAL PA, RAB 'BYOR CHOS THAMS CAD MI DMIGS PA'I PHYIR SHER PHYIN NI BYED PA PO MED PA'O, ,ZHES GSUNGS, GNYIS PA LA GSUM LAS, DANG PO NI, 'O NA, DE NI RTOGS PAR DKA' BAR BSHAD, ,CES BSHAD NA, YANG CHOS THAMS CAD KYI GNAS LUGS SAM RANG BZHIN DE RTOGS PAR DKA' BA'I RGYU MTSAN GANG ZHE NA, ZHES MTSAMS SBYOR BA LA, YANG DE LTAR RTOGS PAR DKA' BA NYID CI YIN ZHE NA, ZHES GSUNGS, GNYIS PA NI, MDO DE'I DON BSHAD PA LA, GZUGS LA SOGS PAR MI SHES PHYIR, ,DE NI BSAM MI KHYAB PAR 'DOD, ,CES GSUNGS, GSUM PA DE NYID TSIG DON GYI SGO NAS BSHAD PA LA, GANG GI PHYIR GZUGS LA SOGS PA NAS SANGS RGYAS KYI CHOS MA 'DRES PA'I RNAM PA'I BAR GYI RANG BZHIN YONGS SU MI SHES PAS BSAM PA LAS 'DAS PA NYID DU 'DOD PA DE'I PHYIR, DE NI RTOGS PAR DKA' BA NYID YIN NO, ,ZHES GSUNGS, GZHUNG DON NI, CHOS THAMS CAD BDEN STONG CHOS

025a

, ,CAN; THA SNYAD PA'I BLOS RTOGS PAR DKA' BA'I RGYU MTSAN YOD DE, THA SNYAD PA'I BSAM PA'I YUL LAS 'DAS PA STE BSAM GYIS MI KHYAB PA'I PHYIR TE, GZUGS NAS MA 'DRES PA'I BAR GYI CHOS THAMS CAD KYI RANG BZHIN GNAS LUGS DE, THA SNYAD PA'I BLOS YONGS SU MI SHES PA STE DNGOS YUL DU BYED PAR MI NUS PA'I PHYIR, ` GSUM PA DE DAG GI MJUG BSDU BA LA, MTSAMS SBYAR BA DANG, RTZA BA, 'GREL PA GSUM LAS, DANG PO NI, GONG GI TSUL DE LTAR MI MTHUN PHYOGS KYI GZHI SHES DANG GNYEN PO PHYOGS KYI GZHI SHES GNYIS BRJOD ZIN NAS, DA NI DE'I MJUG BSDU BSTAN PAR BYA'O, ,ZHES MTSAMS SBYOR BA LA, DE LTAR MI MTHUN PA'I PHYOGS LA SOGS PA BRJOD NAS MJUG BSDU BAR, ZHES GSUNGS, GNYIS PA LA SNGAR BSHAD PA DE DAG GI DON BSDUS TE STON PA LA, DE LTAR KUN SHES NYID LUGS LA, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, THAMS CAD SHES PA NYID KYI SKABS SU DE LTAR BSHAD PA'I TSUL GYIS GO RIMS BZHIN DU NYAN THOS DANG BYANG CHUB SEMS DPA' LA SOGS PA'I MI MTHUN PA'I PHYOGS DANG GNYEN PO'I RAB TU DBYE BA SHES PAR BYA'O, ,ZHES GSUNGS, GZHUNG DON NI, SNGAR THAMS CAD SHES PA NYID CES SOGS KYI SKABS SU JI SKAD BSHAD PA'I MI MTHUN PA'I PHYOGS DANG GNYEN PO'I RAB DBYE RNAMS SKABS 'DIR YANG SHES PAR BYA BA YIN TE, 'BRAS YUM LA RING BA'I GZHI SHES DANG, DE LA NYE BA'I GZHI SHES

025b

GNYIS, GZUGS SOGS PHUNG PO STONG NYID DANG, ,ZHES SOGS DANG, SBYIN LA SOGS LA NGAR 'DZIN MED, ,CES SOGS KYI SKABS SU JI SKAD BSHAD PA LTAR SHES PAR BYA BA YIN PA'I PHYIR, 'DIR BSTAN GYI GZHI SHES CHOS CAN, KHYOD LA GNYIS SU DBYER RUNG STE, KHYOD LA GNYEN PO PHYOGS KYI GZHI SHES DANG MI MTHUN PHYOGS KYI GZHI SHES GNYIS SU YOD PA'I PHYIR, SKABS 'DIR SPANG GNYEN GYI RNAM DBYE RGYAS PAR MI STON PA'I RGYU MTSAN YOD DE, SNGAR GONG DU RGYAS PAR BSTAN ZIN PA DE LTAR 'DIR YANG SHES PAR BYA BA YIN PA'I PHYIR, ` BZHI PA JI LTAR NYAMS SU LEN PA'I TSUL LA, GZHI SHES KYI SBYOR BA'I NGO BO DANG, RNAM PA'O, ,DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, RAB 'BYOR GYIS GSOL BA, BCOM LDAN 'DAS BYANG CHEN SHER PHYIN LA SPYOD PAS JI LTAR SPYAD PAR BGYI, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN SHER PHYIN LA SPYOD PA'I TSE GAL TE GZUGS LA MI SPYOD NA SHER PHYIN LA SPYOD DO, ,ZHES SOGS GSUNGS, GNYIS PA LA GSUM LAS, DANG PO NI, GONG DU DA LTAR MI MTHUN PA'I PHYOGS DANG GNYEN PO GNYIS BRJOD NAS DE'I 'OG TU GZHI SHES SBYOR BA'I LAM STON PA'I RGYU MTSAN YOD DE, SPANG GNYEN DE DAG GI MTSAN NYID SHES NAS DE DAG MI DMIGS PAR RNAM PAR SGOM PA'I SBYOR BA DE GANG ZHE NA, DE'I LAN DU BSTAN DGOS PA'I PHYIR, ZHES MTSAMS SBYOR BA LA, DE LTAR MI MTHUN PA'I PHYOGS LA SOGS PA BRJOD NAS DE DAG RNAM PAR BSGOM PA'I SBYOR BA KYANG YIN ZHE NA,

026a

, ,SBYOR BA, ZHES GSUNGS, GNYIS PA NI, MDO DE'I DON BSHAD PA LA, GZUGS SOGS DE MI RTAG SOGS DANG, ,ZHES SOGS GSUNGS, GSUM PA LA, DNGOS BSTAN SEMS DPA'I RNAL 'BYOR DANG, DES SHUGS LA 'PHANGS TSUL GNYIS LAS, DANG PO NI, GZUGS LA SOGS PA'I ZHES SOGS KYIS BSHAD, GNYIS PA NI, SHUGS KYIS NA NYAN THOS LA SOGS PA NI JI SKAD BSHAD PA LAS BZLOG STE SBYOR BA YIN NO, ,ZHES BSHAD, DE YANG DANG PO LA, GZHI SHES SBYOR BA LA BCU YOD PA'I, DANG PO GZUGS SOGS KYI SBYOR BA DE STON PA LA, MDO LAS, 'DI LA BYANG CHEN SHER PHYIN LA SPYOD PA'I TSE GZUGS LA MI SPYOD NA SHER PHYIN LA SPYOD DO, ,ZHES PA NAS, RNAM MKHYEN LA MI SPYOD NA SHER PHYIN LA SPYOD DO, ,ZHES GSUNGS, DE'I DON BSHAD PA LA, GZUGS SOGS, ZHES DANG, GZUGS LA SOGS PA'I CHOS THAMS CAD DANG, ZHES GSUNGS, GNYIS PA GZUGS SOGS DE DAG LA MI RTAG PA LA SOGS PA'I SBYOR BA STON PA LA, GAL TE GZUGS RTAG CES BYA BA'AM MI RTAG CES BYA BAR MI SPYOD NA SHER PHYIN LA SPYOD DO, ,ZHES PA NAS, SANGS RGYAS KYI CHOS MA 'DRES PA DANG RNAM MKHYEN GYI BAR DE NI MED DO, ,ZHES GSUNGS, DE'I DON BSHAD PA LA, DE MI RTAG SOGS DANG, ZHES DANG, DE DAG NYID KYI MI RTAG PA DANG, STONG PA NYID LA SOGS PA DANG, ZHES GSUNGS, GSUM PA GZUGS SOGS DE MA RDZOGS PA DANG YONGS SU RDZOGS PA'I SBYOR BA STON PA LA,

026b

RAB 'BYOR GZHAN YANG BYANG CHEN GAL TE GZUGS YONGS SU MA RDZOGS PA DANG, YONGS SU RDZOGS PA'O ZHES BYA BAR MI SPYOD NA, ZHES PA NAS, RNAM PA THAMS CAD MKHYEN PA NYID YIN PAS SO ZHES BYA BA DE LTAR MI SPYOD NA SHER PHYIN LA SPYOD DO, , ZHES GSUNGS, DE'I DON BSHAD PA LA, DE MA RDZOGS DANG RAB RDZOGS DANG, ,ZHES DANG, SO SOR MA RDZOGS PA DANG RDZOGS PA NYID DANG, ZHES GSUNGS, BZHI PA GZUGS SOGS DE LA CHAGS PA MED PA'I SBYOR BA STON PA LA, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE LTAR BYANG CHEN RNAMS LA CHAGS PA DANG MA CHAGS PA LEGS PAR BSTAN PA 'DI NGO MTSAR CHE'O, ,ZHES SOGS DANG, BYANG TSE GZUGS CHAGS PA DANG BCAS PA DANG MA CHAGS PA'O ZHES BYA BAR MI SPYOD NA SHER PHYIN LA SPYOD DO, ,ZHES PA NAS, BLA MED RDZOGS BYANG CHAGS PA DANG BCAS PA DANG MA CHAGS PA'O ZHES BYA BAR 'DU SHES PA MED DE, ,ZHES GSUNGS, DE'I DON BSHAD PA LA, DE LA CHAGS PA MED NYID LA, ,SPYOD PA BKAG PA'I SBYOR BA DANG, ,ZHES DANG, CHAGS PA MED PA DANG, ZHES GSUNGS, LNGA PA GZHAN DU MI 'GYUR BA'I SBYOR BA STON PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE LTAR SHER PHYIN ZAB MO 'DI BSTAN KYANG YONGS SU MI 'GRIB MA BSTAN KYANG YONGS SU MI 'GRIB, BSTAN KYANG MI 'PHEL, MA BSTAN KYANG MI 'PHEL BA NGO MTSAR CHE'O, ,ZHES PA

027a

, ,NAS; NAM MKHA' LA NI BSNGAGS PA BRJOD KYANG MI 'PHEL, BSNGAGS PA MA YIN PA BRJOD KYANG MI 'GRIB BO, ,ZHES GSUNGS, DE'I DON BSHAD PA LA, MI 'GYUR, ZHES DANG, GZHAN DU MI 'GYUR BA DANG, ZHES GSUNGS, DRUG PA BYED PA PO MED PA'I SBYOR BA STON PA LA, RAB 'BYOR 'DI LTA STE, DPER NA SGYU MA'I SKYES BU NI BSNGAGS PA BRJOD KYANG 'PHEL BA MED DO, ,BSNGAGS PA MA YIN PA BRJOD KYANG YONGS SU 'GRIB PA MED DO, ,BSNGAGS PA BRJOD KYANG CHAGS PAR 'GYUR BA MED DO, ,BSNGAGS PA MA YIN PA BRJOD KYANG KHONG KHRO BAR 'GYUR BA MED DO, ,RAB 'BYOR DE BZHIN DU CHOS RNAMS KYI CHOS NYID GANG YIN PA DE BSTAN KYANG DE BZHIN MA BSTAN KYANG DE BZHIN NO, ,ZHES GSUNGS, DE'I DON BSHAD PA LA; BYED PA PO MED NYID DANG, ,ZHES DANG, BYED PA PO MED PA NYID DANG, ZHES GSUNGS, BDUN PA CHED DU BYA BA BYA DKA' BA DANG, SBYOR BA BYA DKA' BA DANG, BYED PA BYA DKA' BA NYID KYI SBYOR BA RNAMS STON PA LA, RAB 'BYOR GYIS GSOL BA, BCOM LDAN 'DAS BYANG CHEN SHER PHYIN LA SPYOD PA'I TSE SHER PHYIN BSTAN PA NA SEMS ZHUM PA DANG G-YENG BAR MI 'GYUR BA DANG, ZHES PA NAS, BYANG CHEN NAM MKHA' DANG MNYAM PA'I CHOS RNAMS KYI SLAD DU GO CHA BGOS PAS SO, ,ZHES DANG, BCOM LDAN 'DAS SEMS CAN RNAMS KYI DON DU GO CHA 'TSAL BA DE DAG NI NAM MKHA' BAR SNANG LA BTEGS PAR 'TSAL BA'O, ,ZHES DANG, BCOM LDAN 'DAS BYANG CHEN GANG SEMS CAN RNAMS KYI SLAD DU BLA MED RDZOGS BYANG 'CHAL BA DE

027b

DAG BRTZON 'GRUS CHEN PO THOB PA'O, ,ZHES PA NAS, DE DAG NI NAM MKHA' YONGS SU 'GRO BAR 'TSAL BA LAGS ZHES ZER MCHI'O, ,ZHES PA'I BAR GSUNGS, DE'I DON BSHAD PA LA, BYA DKA' RNAM GSUM SBYOR BA DANG, ,ZHES DANG, GO RIMS BZHIN DU THAMS CAD MKHYEN PA NYID GSUM GYI BDAG NYID KYI CHED DU BYA BA DANG SBYOR BA DANG BYED PA RNAMS KYI BYA DKA' BA NYID DANG, ZHES GSUNGS, BRGYAD PA 'BRAS BU THOB PAS 'BRAS YOD 'DOD PA'I SBYOR BA STON PA LA, DE NAS DGE SLONG GZHAN ZHIG 'DI SNYAM DU GYUR TE, GANG LA CHOS GANG YANG SKYE BA'AM 'GAG PA MED LA TSUL KHRIMS KYI PHUNG PO GDAGS SU YOD, CES PA NAS, DKON MCHOG GSUM DU GDAGS SU YOD, CHOS KYI 'KHOR LO BSKOR BAR GDAGS SU YOD PA'I BCOM LDAN 'DAS MA SHER PHYIN MA LA PHYAG 'TSAL LO SNYAM PA DANG, ZHES GSUNGS, DE'I DON BSHAD PA LA, SKAL BA JI BZHIN 'BRAS THOB PAS, ,'BRAS YOD 'DOD PA DE DANG NI, ,ZHES GSUNGS PA DANG, SKAL BA JI LTA BA BZHIN DU 'BRAS BU 'THOB PAS MI STONG BA NYID DANG, ZHES GSUNGS, DGU PA GZHAN GYI RKYEN GYIS MI 'PHROGS PA'I SBYOR BA STON PA LA, ,LHA RNAMS KYI DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO, ,BTZUN PA RAB 'BYOR BYANG CHEN GANG SHER PHYIN ZAB MO 'DI LA BRTZON PAR BYED PA ZHIG YOD NA DE GANG LA BRTZON PAR BYED PA YIN, RAB 'BYOR GYIS SMRAS PA, KO'U SHI KA SHER PHYIR ZAB MO 'DI LA BSLAB PAR BYA BAR SEMS PA DE DAG NI NAM MKHA' LA BRTZON PA'O, ,ZHES SOGS DANG,

028a

, ,RIGS KYI BU'AM RIGS KYI BU MO JI SKAD BSHAD PA'I SHER PHYIN LA GNAS NA DE NYID DE'I BSRUNG BA DANG BSKYAB PA DANG SPA BAR 'GYUR RO, ,ZHES PA NAS, DE NI BSAM PA LTAR MI 'GRUB CING, DUB PA'I SKAL BA CAN DU 'GYUR RO; ;ZHES GSUNGS, DE'I DON BSHAD PA LA, GZHAN LA RAG LAS MED GANG DANG, ,ZHES DANG, GZHAN GYI RKYEN GYIS MI 'PHROGS PA NYID DANG, ZHES GSUNGS, BCU PA SHES BYED SNANG BA RNAM BDUN SHES PA'I SBYOR BA STON PA LA, BRGYA BYIN GYIS SMRAS PA, BTZUN PA RAB 'BYOR JI TZAM GYIS NA BYANG CHEN SHER PHYIN LA SPYOD PA NA CHOS THAMS CAD RMI LAM LTA BU DANG, SGYU MA LTA BU DANG, SMIG RGYU LTA BU DANG, SGRA BRNYAN LTA BU DANG, GZUGS BRNYAN LTA BU DANG, DRI ZA'I GRONG KHYER LTA BU DANG, SPRUL PA LTA BUR CHOS THAMS CAD YONGS SU SHES PAR 'GYUR BA YIN, RAB 'BYOR GYIS SMRAS PA, KO'U SHI KA GANG GI TSE BYANG CHEN RMI LAM RLOM SEMS SU MI BYED, RMI LAM GYIS RLOM SEMS SU MI BYED, RMI LAM DAG GI RLOM SEMS SU MI BYED, RMI LAM LA RLOM SEMS SU MI BYED, DE BZHIN DU SPRUL PA'I BAR DU, ZHES PA NAS, SPRUL PA LTA BU'I BAR DU YONGS SU SHES PAR 'GYUR BA YIN NO, ,ZHES GSUNGS, DE'I DON BSHAD PA LA, SNANG BA RNAM BDUN SHES BYED DO, ,ZHES DANG, YONGS SU 'GYUR BA DANG, MNYAM DU TSOGS PA DANG, 'GREL PA DANG, RKYEN DANG, MA 'PHOS PA DANG, RTEN MED PA DANG, BYED PA PO MA YIN PA RNAMS SU SHES PA LA SNANG BA BDUN LA SGRUB PA'I YONGS SU SHES PA BSAL BA'I SGO NAS, BYANG CHUB

028b

SEMS DPA' RNAMS KYI DE DANG DE LA SBYOR BA RNAM PA BCU RJES SU 'GRO BA'I SGO NAS BSTAN PAS, ZHES GSUNGS, GZHUNG DON NI, GZHI SHES KYI SKABS SU BSTAN PA'I BYANG SEMS KYI SBYOR BA CHOS CAN, KHYOD LA DU MA YOD DE, KHYOD LA GZUGS SOGS BDEN MED DU RTOGS PA'I BYANG SEMS KYI SBYOR BA SOGS BCU YOD PA'I PHYIR, DES NA GZHI KUN RDZOB PA'I NGO BO DANG KHYAD PAR LA PHYIN CI LOG TU ZHEN PA DANG, DON DAM PA'I SDOD LUGS KYI NGO BO DANG KHYAD PAR LA PHYIN CI LOG TU ZHEN PA GANG RUNG GI GNYEN PO SGOM PAR BYED PA'I SEMS DPA'I RNAL 'BYOR, GZHI SHES KYI SKABS NAS BSTAN PA'I BYANG SEMS KYI SBYOR BA'I MTSAN NYID, DBYE NA BCU YOD DE, BYA DKA' RNAM GSUM LA BYA DKA' BA'I SBYOR BA ZHES GCIG TU BYAS PAS BCUR YOD PA'I PHYIR, SBYOR BA BCUR 'BYED PA'I RGYU MTSAN YOD DE, SBYOR BA'I YUL BCUR YOD PA'I SGO NAS DE LTAR PHYE BA YIN PA'I PHYIR, NYI KHRI SNANG BA LAS, SPYOD PA BKAG PA'I SBYOR BA DANG, ,ZHES PA SBYOR BA DANG PO BZHI NYID LA SBYOR BA MDO'I TSIG ZIN DANG MTHUN TE, MDO LAS GZUGS SOGS DANG, DE RTAG MI RTAG SOGS DANG, DE RDZOGS MA RDZOGS DANG, DE CHAGS BCAS CHAGS MED PA DE LTAR MI SPYOD NA, SHER PHYIN LA SPYOD, CES BZHI PO DE LA SPYOD PA BKAG GI ,LHAG MA RNAMS LA DNGOS SU DE MA BKAG PA'I PHYIR, 'GREL PA 'DIR RKANG PA DE THAMS CAD KYI MTHAR SBYAR TE, DON GYIS THOB PA LA DGONGS PA'I PHYIR, DES NA BYANG SEMS KYI SBYOR BA DE LA BCUR YOD DE, YUL GYI SGO NAS PHYE BA BZHI, NGO BO'I SGO NAS PHYE BA GSUM, BYED LAS KYI SGO NAS PHYE BA GNYIS, SHES

029a

, ,BYED KYI SGO NAS PHYE BA GCIG RNAMS SU YOD PA'I PHYIR, DANG PO GRUB STE, KUN RDZOB BDEN PA LA DMIGS PA GSUM, DON DAM BDEN PA LA DMIGS PA GCIG YOD PA'I PHYIR, DANG PO GRUB STE, KHYAD GZHI GZUGS SOGS NAS RNAM MKHYEN GYI BAR GYI CHOS THAMS CAD LA BDEN ZHEN BKAG PA'I SBYOR BA, GZUGS NAS RNAM MKHYEN GYI BAR DE DAG GI KHYAD CHOS MI RTAG PA DANG STONG PA NYID DANG BDE SDUG SOGS LA BDEN ZHEN BKAG PA'I SBYOR BA, GZUGS SOGS DE DAG RE RE LA YON TAN GYI RTEN DU RDZOGS MA RDZOGS LA BDEN ZHEN BKAG PA'I SBYOR BA DANG GSUM DU YOD PA'I PHYIR, GNYIS PA GRUB STE, GZUGS SOGS LA MNGON ZHEN GYI DMIGS PA YOD MED KYI CHAGS BCAS CHAGS MED LA BDEN ZHEN BKAG PA'I SBYOR BA DE DE YIN PA'I PHYIR, RTZA RTAGS GNYIS PA GRUB STE, TSIG GI SGO NAS BSTAN MA BSTAN GYIS 'PHEL 'GRIB KYI SGO NAS GZHAN DU MI 'GYUR BA'I GTZO BO'I YUM RNAM PAR MI RTOG PA'I YE SHES TE LAS SU BYA BA LA BDEN ZHE NA BKAG PA'I SBYOR BA, BSNGAGS PA DANG BSNGAGS PA MA YIN PA BRJOD PAS RJES SU CHAGS PA DANG KHONG KHRO BA SOGS SU BYED PA PO MED PA NYID CHOS RNAMS KYI RANG BZHIN TE BYED PA PO LA BDEN ZHEN BKAG PA'I SBYOR BA, RNAM MKHYEN GYI BDAG NYID NI CHED DU BYA BA'I SGO NAS BYA DKA' BA DANG, LAM SHES KYI BDAG NYID NI SBYOR BA'I SGO NAS BYA DKA' BA DANG, GZHI SHES KYI BDAG NYID NI STON PAR BYED PA'I SGO NAS BYA DKA' BA STE BYA DKA' RNAM GSUM LA BDEN ZHEN BKAG PA'I SBYOR BA'AM

029b

BYA BA 'BRAS BU LA BDEN ZHEN BKAG PA'I SBYOR BA GCIG RNAMS SU YOD PA'I PHYIR, GSUM PA GRUB STE, SHER PHYIN LA BSLAB PAS RANG NYID SKAL BA JI LTA BA BZHIN DU 'BRAS BU 'THOB PAS 'BRAS YOD 'DOD PA STE 'BRAS BU 'THOB PAS MI STONG PA NYID LA BDEN ZHEN BKAG PA'I SBYOR BA DANG, SHER PHYIN GYI RNAL 'BYOR LA BRTZON PA'I GANG ZAG LA DE NYID SRUNG BA'I MCHOG YIN PAS BSRUNG MA GZHAN GYI RKYEN GYIS MI 'GRO BA'AM RAG MA LAS PA LA BDEN ZHEN BKAG PA'I SBYOR BA RNAMS SU YOD PA'I PHYIR; BZHI PA GRUB STE, SHES PA LA SNANG BA'I SNANG BA BDUN LA BDEN ZHEN BKAG PA'I SBYOR BA DE DE YIN PA'I PHYIR, DES NA GZHUNG 'DI DAG GI SKABS NAS DNGOS SU BSTAN PA'I SBYOR BA YIN NA, THEG CHEN GYI RTOGS RIGS SU GNAS PAS KHYAB STE, DPER NA, STONG NYID DON SPYI'I TSUL GYIS RTOGS PA'I BYANG SEMS KYI SBYOR LAM LTA BU, 'DI'I BSTAN BYA'I GTZO BOR GYUR PA'I BYANG SEMS KYI SBYOR BA YIN NA, ,THEG DMAN GYI RTOGS RIGS SU GNAS PAS KHYAB STE, DPER NA MI RTAG SOGS BCU DRUG DON SPYI'I TSUL GYIS RTOGS PA'I THEG CHEN GYI SBYOR LAM LTA BU, 'DI'I BSTAN BYA'I GTZO BOR GYUR PA'I SBYOR BA YIN NA, 'DI'I SHUGS BSTAN GYI SBYOR BA YIN PAS KHYAB KYANG, 'DI'I SHUGS BSTAN GYI DE LA DES MA KHYAB STE, BDEN 'DZIN GYIS BCINGS PA'I NYAN THOS KYI SBYOR LAM DE 'DI'I SHUGS BSTAN GYI SBYOR BA YIN PA'I PHYIR, SA MTSAMS NI, THEG CHEN GYI TSOGS LAM NAS RGYUN MTHA'I BAR DU YOD, KHO NA RE, BYANG SEMS MTHONG LAM PA'I RGYUD KYI

030a

, ,SNYING RJE CHEN PO CHOS CAN, MTSAN NYID DER THAL, MTSON BYA DE'I PHYIR TE, BYANG SEMS KYI SBYOR BA YIN PA'I PHYIR, 'DOD NA, DE CHOS CAN, KHYOD KYI GZHAL BYAR GYUR PA'I KUN RDZOB BDEN PA DANG DON DAM BDEN PA GANG RUNG YOD PAR THAL, 'DOD PA'I PHYIR, 'DOD NA, SEMS CAN DE DE'I GZHAL BYA YIN PAR THAL, 'DOD PA'I PHYIR, 'DOD NA, SEMS CAN DE SEMS CAN BDEN MED DU RTOGS PA'I THEG CHEN GYI MTHONG LAM BAR CHAD MED LAM GYI GZHAL BYA YIN PAR THAL, DE DE'I RGYUD KYI SEMS CAN SDUG BSNGAL DANG BRAL 'DOD KYI RNAM PA CAN GYI BLO DE'I GZHAL BYA YIN PA'I PHYIR ZER NA MA KHYAB STE, DE DE'I GZHAL BYA YIN PAR THAL, DE DE'I YUL YIN PA'I PHYIR TE, DE DE'I RGYUD KYI KUN RDZOB SEMS BSKYED KYI YUL YIN PA'I PHYIR TE, RDZOGS PA'I BYANG CHUB DE DE'I YUL YIN PA'I PHYIR, MA GRUB NA, DE CHOS CAN, DE KHYOD KYI YUL YIN PAR THAL, KHYOD RDZOGS PA'I BYANG CHUB DON GNYER GYI BLO YIN PA'I PHYIR TE, CHOS CAN DE'I PHYIR, KHO NA RE, DE'I RGYUD KYI KUN RDZOB SEMS BSKYED DES RDZOGS PA'I BYANG CHUB RTOGS PAR THAL, RDZOGS PA'I BYANG CHUB DE DE'I YUL YIN PA'I PHYIR, 'DOD NA, DES YE SHES CHOS SKU RTOGS PAR THAL, 'DOD PA'I PHYIR, 'DOD NA, DE YE SHES CHOS SKU 'JAL BYED KYI TSAD MA YIN PAR THAL, 'DOD PA'I PHYIR NA MA KHYAB, 'DOD NA, DE CHOS CAN, KHYOD RJES SU DPAG PA'I TSAD MA YIN PAR THAL, KHYOD BYANG SEMS MTHONG LAM PA'I RGYUD KYI YE SHES CHOS SKU 'JAL BYED KYI TSAD MA YIN PA'I PHYIR ZER NA, BYANG

030b

SEMS MTHONG LAM PA'I RGYUD KYI TSAD MA CHOS CAN, DER THAL, DE'I PHYIR, KHA CIG ,GZHI KUN RDZOB PA'I SDOD LUGS KYI NGO BO DANG KHYAD PAR LA PHYIN CI LOG TU ZHEN PA DANG DON DAM PA'I SDOD LUGS KYI NGO BO DANG KHYAD PAR LA PHYIN CI LOG TU ZHEN PA'I GNYEN POR SGOM PAR BYED PA'I SEMS DPA'I RNAL 'BYOR, GZHI SHES SBYOR BA'I MTSAN NYID ZER BA MI 'THAD DE, GANG ZAG GI BDAG MED RTOGS PA'I NYAN THOS KYI SBYOR LAM DE GZHI SHES SBYOR BA YIN PA'I PHYIR, KHA CIG ,DE SEMS DPA'I RGYUD KYI GZHI SHES SBYOR BA'I MTSAN NYID ZER NA, GANG ZAG GI BDAG MED RTOGS PA'I THEG CHEN GYI SBYOR LAM CHOS CAN, DON DAM PA'I SDOD LUGS KYI NGO BO DANG KHYAD PAR LA PHYIN CI LOG TU ZHUGS PA'I GNYEN POR SGOM PAR BYED PA'I SEMS DPA'I RNAL 'BYOR YIN PAR THAL, MTSON BYA DE'I PHYIR, KHYAB PA KHAS, 'DOD NA, DE CHOS CAN, STONG NYID SGOM PA'I SEMS DPA'I RNAL 'BYOR DU THAL LO, ,KHA CIG ,DE GANG RUNG GI GNYEN POR SGOM PA'I SEMS DPA'I RNAL 'BYOR, DE'I MTSAN NYID ZER NA, THEG CHEN GYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DER THAL, DON DAM PA'I SDOD LUGS LA PHYIN CI LOG TU ZHEN PA'I GNYEN POR SGOM PA'I SEMS DPA'I RNAL 'BYOR YIN PA'I PHYIR TE, CHOS CAN DE'I PHYIR, 'DOD NA, DE CHOS CAN, THEG DMAN GYI RTOGS RIGS SU GNAS PAR THAL, 'DOD PA'I PHYIR, KHYAB STE, RNAM BSHAD LAS, SKABS 'DIR STONG PA NYID KYI RNAM PA CAN GYI LAM BSHAD PA NI GANG GIS

031a

, ,ZIN PA'I LAM DE NYID BSTAN PA YIN GYI GZHI SHES KYI SBYOR BA'I MTSON BYED NI GZHI SHES KYI RNAM PA CAN DU SHES PAR BYA'O, ,ZHES GSUNGS PA'I PHYIR, KHA CIG ,DE SKABS 'DIR DNGOS SU BSTAN PA'I SBYOR BA'I MTSAN NYID ZER NA, GANG ZAG GI BDAG MED RTOGS PA'I THEG CHEN GYI SBYOR LAM CHOS CAN, MTSON BYA DER THAL, MTSAN NYID DE'I PHYIR TE, GZHI KUN RDZOB PA'I SDOD LUGS KYI NGO BO DANG KHYAD PAR LA PHYIN CI LOG TU ZHEN PA'I GNYEN POR SGOM PAR BYED PA'I SEMS DPA'I RNAL 'BYOR YIN PA'I PHYIR TE, CHOS CAN DE'I PHYIR, 'DOD NA, DE CHOS CAN, THEG CHEN GYI RTOGS RIGS SU GNAS PAR THAL LO, ` ,DE MA RDZOGS DANG RAB RDZOGS DANG, ,ZHES PA'I DON NI, RNAM BSHAD LTAR NA, GZHAN DBANG LA BDEN PAR ZHEN PA CHOS CAN, KHYOD LA YON TAN GYI RTEN DU MA RDZOGS PA ZHES BYA STE, KHYOD KYIS MTHAR THUG GI YON TAN 'BYUNG BA LA GEGS BYED PA'I PHYIR, GZHAN DBANG BDEN MED DU RTOGS PA'I BLO CHOS CAN; KHYOD LA YON TAN GYI RTEN DU RDZOGS PA ZHES BYA STE, KHYOD LA BRTEN NAS MI MTHUN PHYOGS SPONG NUS SHING YON TAN GONG NAS GONG DU 'PHEL BAR 'GYUR BA'I PHYIR, GSER PHRENG LTAR NA, BDAG GNYIS CHOS CAN, MA RDZOGS PA ZHES BYA STE, TSAD MAS MA GRUB PA'I PHYIR, BDAG MED GNYIS CHOS CAN, RDZOGS PA ZHES BYA STE, TSAD MAS GRUB PA'I PHYIR, SKABS 'DIR MTSAN NYID GSUM GYI RNAM GZHAG CUNG ZAD CIG BSHAD NA, YONGS GRUB MA YIN PA'I

031b

'DUS MA BYAS, KUN BTAGS KYI MTSAN NYID, DBYE NA, MTSAN NYID YONGS SU CHAD PA'I KUN BTAGS DANG, RNAM GRANGS PA'I KUN BTAGS GNYIS LAS, DANG PO NI, BDAG GNYIS LTA BU, GNYIS PA NI, SHES BYA DANG GZHAL BYA LTA BU, RANG GI RGYU RKYEN LAS SKYES PA GZHAN DBANG GI MTSAN NYID, DBYE NA DAG PA'I GZHAN DBANG DANG MA DAG PA'I GZHAN DBANG GNYIS LAS, DANG PO NI, DAG PA'I SNOD BCUD KYI 'JIG RTEN LTA BU, GNYIS PA NI, MA DAG PA'I SNOD BCUD KYI 'JIG RTEN LTA BU, RNAM DAG GI DMIGS PA MTHAR THUG ,YONGS GRUB KYI MTSAN NYID, DE LA SGRAS BRJOD RIGS KYI SGO NAS 'GYUR MED YONGS GRUB DANG, PHYIN CI MA LOG PA'I YONGS GRUB GNYIS LAS, DANG PO NI, STONG NYID LTA BU, GNYIS PA NI, STONG NYID RTOGS PA'I 'PHAGS PA'I MNYAM GZHAG LTA BU, RTOG PA LA GZUGS SU SNANG BA GZUGS KYI KUN BTAGS YIN, DE DANG KUN BTAGS KYI GZUGS DON GCIG ,SNGO SER LA SOGS PA RNAMS RNAM PAR DAG PA'I GZUGS, DE DANG GZUGS KYI GZHAN DBANG DON GCIG ,GZUGS BDEN PAS STONG PA DE, GZUGS KYI CHOS NYID DANG CHOS NYID KYI GZUGS YIN, DE DANG GZUGS KYI YONGS GRUB DON GCIG GO ` ,SNANG BA RNAM BDUN SHES BYED DO, ,ZHES PA'I DON NI, CHOS THAMS CAD CHOS CAN, BDEN PAR MED DE, RTEN 'BREL YIN PA'I PHYIR, DPER NA RMI LAM DANG, SGYU MA DANG, SMIG RGYU DANG, SGRA BRNYAN DANG, GZUGS BRNYAN DANG, DRI ZA'I GRONG KHYER DANG, SPRUL PA BZHIN NO, ,DPE BDUN PO DE CHOS CAN, BDEN

032a

, ,PAR MED DE, SNANG TSUL DANG GNAS TSUL CUNG ZAD KYANG MI MTHUN PA'I PHYIR TE, DPER NA NAM MKHA'I PADMO BZHIN NO, ,DPE RNAM PA BDUN PO DE LA BRTEN NAS CHOS THAMS CAD BDEN MED DU RTOGS PA'I SEMS DPA'I RNAL 'BYOR CHOS CAN, 'DIR BSTAN SEMS DPA'I RGYUD KYI SBYOR BA YIN TE, SNGAR GYI MTSAN NYID DE'I PHYIR, DES NA SBYOR BA 'DI DAG RJES THOB GTZO CHE STE, RNAM PAR MI RTOG PA LA 'JUG PA'I GZUNGS LAS, RNAM PAR MI RTOG PA'I YE SHES KYIS NI CHOS THAMS CAD NAM MKHA'I DKYIL DANG MTSUNGS PAR MTHONG NGO, ,DE'I RJES LA THOB PAS NI CHOS THAMS CAD SGYU MA DANG SMIG RGYU DANG RMI LAM LA SOGS PA DANG MTSUNGS PAR MTHONG NGO, ,ZHES GSUNGS PA'I PHYIR, DE YANG SEMS DPA'I RJES THOB YE SHES LA PHYI NANG GI DNGOS PO RNAMS RMI LAM LTA BU SOGS SU SNANG ZHING SNANG BA'I RGYU MTSAN NI RIM PA LTAR, BAG CHAGS KYI RNAM SHES DE DANG DER YONGS SU 'GYUR BAR SNANG BAS RMI LAM LTA BU DANG; MIG BSLAD PA'I SNGAGS DANG SMAN MNYAM DU 'TSOGS PA LAS BYUNG BAS SGYU MA LTA BU DANG, BDEN PAR SNANG YANG BDEN PAR MED PHYIR 'GAL BA SNANG BAS SMIG RGYU LTA BU DANG, RKYEN LA RAG LAS TE SNANG BAS SGRA BRNYAN LTA BU DANG, SHES BYA'I TSUL GZUGS BRNYAN 'JOG BYED LTA BU'I GANG GI BAG CHAGS KYIS JI LTAR 'PHANGS PA LAS MA 'PHOS PA'AM MI 'DA' BAR SNANG BAS NA MIG YOR LTA BU DANG, 'DI LA MDOR GZUGS BRNYAN ZHES BYA BA DANG, RGYAN SNANG

032b

DU MIG YOR ZHES BYA LA, GNOD 'JOMS CHUNG BA LAS RAB RIB CAN LA SKRA SHAD 'DZAG PAR SNANG BA LA BSHAD CING, BSHAD SBYAR LAS BAG 'DRA'I RTZE MO ZHES 'BYUNG BAS, KHA CIG MGAL ME MYUR DU BSKOR BA SOGS LA BSHAD DO, , GNAS PAR BYA BA'I RTEN MED PAR SNANG BAS DRI ZA'I GRONG KHYER LTA BU DANG, LUS NGAG GI BYED PA DE KHO NAR RGYU DANG BRAL BAR SNANG BAS SPRUL PA LTA BU STE DPE BDUN PO DES CHOS THAMS CAD BDEN MED DU GTAN LA 'BEBS SO, ` ,GNYIS PA SBYOR BA'I RNAM PA'AM MNYAM NYID LA, MDO BSTAN BCOS GNYIS LAS, DANG PO NI, SNANG BA RNAM BDUN LA BDEN ZHEN BKAG PA LA 'PHROS NAS, RAB 'BYOR GYIS SMRAS PA, KO'U SHI KE GZHAN YANG BYANG CHEN SHER PHYIN LA SPYOD PA'I TSE GZUGS RLOM SEMS SU MI BYED, GZUGS KYI RLOM SEMS SU MI BYED, GZUGS BDAG GI RLOM SEMS SU MI BYED, GZUGS LA RLOM SEMS SU MI BYED, CES PA NAS, SPRUL PA LA RLOM SEMS SU MI BYED DO, ,ZHES GSUNGS, DON NI, GZUGS DON DAM PAR MA GRUB PAS GZUGS SO ZHES MI RLOM PA DANG, GZUGS 'DIS DNGOS PO 'DI LTA BU ZHIG SGRUB BO ZHES MI RLOM PA DANG, GZUGS LA RJE KHOL GYI DNGOS POR MI RLOM PA DANG, GZUGS LA PHAN GNOD 'DI LTA BU ZHIG BYA ZHES MI RLOM ZHES PA'O, ,GNYIS PA LA GSUM LAS, DANG PO NI, SBYOR DANG DE YI MNYAM NYID DANG, ,ZHES BSHAD NA, GZHI SHES KYI SBYOR BA'I 'OG TU DE'I MNYAM NYID 'CHAD PA'I RGYU MTSAN GANG ZHE NA, DE'I RGYU

033a

, ,MTSAN YOD DE, YUL YUL CAN RNAMS MNYAM PA NYID DU RTOGS PA'I SGO NAS SBYOR BA BSGOM DGOS PAS DE LTAR BSHAD PA'I PHYIR, ZHES MTSAMS SBYOR BA LA, MNYAM PA NYID KYI SGO NAS SBYOR BA BSGOM DGOS PAS, SBYOR BA'I 'OG TU MNYAM PA NYID, CES GSUNGS, GNYIS PA MDO DE'I DON BSHAD PA LA, GZUGS LA SOGS LA RLOM MED PA, ,RNAM BZHI DE YI MNYAM PA NYID, ,CES GSUNGS, GSUM PA DE NYID TSIG DON GYI SGO NAS BSHAD PA LA, GZUGS LA SOGS PA LA MNGON PAR ZHEN PA DANG, SNGON PO LA SOGS PA'I MTSAN MA DANG SPROS PA DANG, RTOGS PA'I RLOM PA RNAMS RNAM PA THAMS CAD DU MI DMIGS PA NI SBYOR BA'I MNYAM PA NYID YIN PAS MNYAM PA NYID YIN NO, ,ZHES GSUNGS, GZHUNG DON NI, GZHI SHES KYI SKABS NAS BSTAN PA'I SEMS DPA'I SBYOR BA'I MNYAM NYID CHOS CAN, KHYOD LA BZHIR YOD DE, KHYOD LA GZUGS NAS RNAM MKHYEN GYI BAR GYI CHOS RNAMS LA DE DANG DE'O ZHES MNGON PAR ZHEN PA DANG, SNGO SER LA SOGS PA'I GZUGS SOGS KYI THA SNYAD KYI RGYU MTSAN MA LA RLOM PA DANG, GZUGS SOGS KYI DBYE BA'I SPROS PA LA RLOM PA DANG, NGES 'BYED CHA MTHUN SOGS RTOGS PA'I RLOM PA RNAMS BKAG PAS RTOGS PA PO DANG SHES BYA'I CHOS THAMS CAD DON DAM PAR MI DMIGS PAR RTOGS PA'I SEMS DPA'I SBYOR BA'I MNYAM NYID RNAMS SU YOD PA'I PHYIR, DES NA, GZHI'I NGO BO DANG DBYE BA DANG MTSAN MTSON DANG YUL YUL CAN SOGS LA BDEN ZHEN 'GOG PA'I

033b

SEMS DPA'I RNAL 'BYOR DE, GZHI SHES KYI SKABS NAS DNGOS SU BSTAN PA'I BYANG SEMS KYI SBYOR BA'I MNYAM NYID KYI MTSAN NYID, DBYE NA BZHI YOD, SA MTSAMS THEG CHEN GYI TSOGS LAM NAS RGYUN MTHA'I BAR DU YOD, KHO NA RE, STONG NYID MA RTOGS PA'I BYANG SEMS TSOGS LAM PA'I RGYUD KYI GANG ZAG GI BDAG MED RTOGS PA'I BLO CHOS CAN, MTSAN NYID DER THAL, MTSON BYA DE'I PHYIR TE, BYANG SEMS KYI SBYOR BA YIN PA'I PHYIR ZER NA MA KHYAB, KHA CIG ,GZHI'I NGO BO DANG DBYE BA DANG YUL YUL CAN DANG MTSAN MTSON SOGS LA BDEN ZHEN 'GOG PA'I SEMS DPA'I RNAL 'BYOR, GZHI SHES SBYOR BA'I MNYAM NYID KYI MTSAN NYID ZER NA, MI 'THAD DE, GANG ZAG GI BDAG MED RTOGS PA'I NYAN THOS KYI SBYOR LAM DE GZHI SHES SBYOR BA'I MNYAM NYID YIN PA'I PHYIR TE; DE GZHI SHES SBYOR BA'I 'DZIN STANGS YIN PA'I PHYIR, KHA CIG ,DE SEMS DPA'I RGYUD KYI GZHI SHES SBYOR BA'I MNYAM NYID KYI MTSAN NYID ZER BA MI 'THAD DE, THEG CHEN GYI MTHONG LAM BAR CHAD MED LAM GYIS MA NGES PA'I PHYIR, KHA CIG ,DE 'DRA'I SBYOR BA'I 'DZIN STANGS DE, SBYOR BA'I MNYAM NYID KYI MTSAN NYID ZER BA MI 'THAD DE, BDEN 'DZIN GYIS BCINGS PA'I NYAN THOS KYI SBYOR LAM DE SBYOR BA'I MNYAM NYID YIN PA'I PHYIR TE, DE NYAN THOS KYI SBYOR BA'I MNYAM NYID YIN PA'I PHYIR TE, DE NYAN THOS KYI SBYOR BA YIN PA'I PHYIR, ` LNGA PA DE LTAR NYAMS SU BLANGS PA'I 'BRAS BU LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MNYAM PA NYID RDZOGS PA DANG, DE NAS SANGS RGYAS KYI

034a

, ,MTHUS STONG GSUM GYI STONG CHEN PO'I 'JIG RTEN GYI KHAMS 'DI NA RGYAL CHEN BZHI'I RIGS KYI LHA RNAMS DANG, SUM CU RTZA GSUM PA'I LHA RNAMS DANG, 'THAB BRAL BA RNAMS DANG, DGA' LDAN PA RNAMS DANG, 'PHRUL DGA' BA RNAMS DANG, GZHAN 'PHRUL DBANG BYED PA RNAMS DANG, TSANGS 'KHOR BA RNAMS DANG, TSANGS PA'I MDUN NA 'DON PA RNAMS DANG, TSANGS CHEN PA RNAMS DANG, GNAS GTZANG MA'I RIGS KYI LHA'I BU GANG JI SNYED CIG YOD PA DE DAG THAMS CAD LHA RDZAS KYI TZAN DAN GYI PHYE MAS BCOM LDAN 'DAS LA GTOR ZHING BCOM LDAN 'DAS GA LA BA DER DONG STE LHAGS NAS, ZHES PA NAS, SHES RAB KYI PHA ROL TU PHYIN PA 'DI NYID 'CHAD PAR 'GYUR RO, ,ZHES PA'I BAR GYI SKAD CIG MA BCU DRUG SPYIR BSTAN NAS, DE DAG SO SOR PHYE STE 'CHAD PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS RNAM PA GANG DAG DANG, ZHES SOGS GSUNGS, DE YANG 'KHOR DE DAG 'DUS PA DANG, SANGS RGYAS KYI MTHUS DE DAG GI PHYOGS BCU THAMS CAD DU SANGS RGYAS STONG GIS SHER PHYIN 'DI YI GE DANG MING 'DI NYID DANG RAB 'BYOR DANG BRGYA BYIN GYIS ZHU BA BYAS NAS STON PA MTHONG BAR BYAS SO, ,DE NAS DE BZHIN GSHEGS PAS RAB 'BYOR LA BYAMS PA LA SOGS PA BSKAL BZANG 'DI LA 'TSANG RGYA BA DE DAG THAMS CAD KYANG SA PHYOGS 'DI NYID DU SANGS RGYAS TE SHER PHYIN STON PAR GSUNGS PA'I TSE, BYAMS PAS JI LTAR STON PA RAB 'BYOR

034b

GYIS DRIS PA'I LAN DU SKAD CIG MA BCU DRUG SO SOR STON PA'I MDO RNAMS GSUNGS, DE LA SANGS RGYAS STONG DANG BYAMS PA SOGS PA SKAL BZANG GI SANGS RGYAS RNAMS RNAM PA 'DI LTAR CHAD LHAG MED PAR SHER PHYIN STON PAR GSUNGS PA'I DGOS PA YOD DE, MTHONG LAM SKAD CIG MA BCU DRUG LAS GZHAN MED PAR BYA BA LA DBANG PO BSTAN PA'I CHED YIN PA'I PHYIR, 'KHOR BA 'JIG LA SOGS PA 'DAS PA MA SMOS PA'I DGOS PA YOD DE, DE'I BSTAN PA RDZOGS PAR SHES PAR BYA BA'I CHOD YIN PA'I PHYIR, BYAMS PA SOGS MA 'ONGS PA BRJOD PA'I DGOS PA YOD DE, SEMS CAN GYI DON GYI DGOS PA BSTAN PA'I CHED YIN PA'I PHYIR, GRANGS STONG GI NGES PA MDZAD PA'I DGOS PA YOD DE, MI MDZAD KYI ZHING DU BSKAL PA BZANG PO LA SANGS RGYAS STONG NYID DU GRAGS PAS DGAG SGRUB MED PAR BYA BA'I CHED YIN PA'I PHYIR, GNYIS PA LA, MTSAMS SBYAR BA DANG, DON BSHAD PA GNYIS LAS, DANG PO NI, MNYAM NYID DANG, ,NYAN THOS LA SOGS MTHONG BA'I LAM; ;ZHES BSHAD NA, SBYOR BA'I MNYAM NYID KYI 'OG TU MTHONG LAM BSHAD PA'I RGYU MTSAN GANG ZHE NA, DE'I RGYU MTSAN YOD DE, SBYOR BA'I MNYAM NYID BZHI PO DE SO SOR MA 'DRES PAR RTOGS NAS MTHONG BA'I LAM BSGOM DGOS PAS DE LTAR BSHAD PA'I PHYIR, ZHES BSHAD PA LA, SBYOR BA'I MNYAM PA NYID SO SOR RTOGS NAS MTHONG BA'I LAM BSGOM DGOS PAS MTHONG BA'I LAM, ZHES GSUNGS, GNYIS PA LA MTHONG LAM MDOR BSTAN PA DANG, RNAM PA RGYAS PAR

035a

, ,BSHAD PA DANG, SGOM LAM MI STON PA'I 'THAD PA BSHAD PA'O, ,DANG PO LA, RTZA 'GREL GNYIS LAS, DANG PO NI, MDO DE'I DON BSHAD PA'I SGO NAS THEG CHEN GYI MTHONG LAM SKAD CIG MA BCU DRUG MDOR BSTAN GYI TSUL GYIS BSHAD PA LA, SDUG BSNGAL LA SOGS BDEN PA LA, ,ZHES SOGS GSUNGS, GNYIS PA DE NYID TSIG DON GYI SGO NAS BSHAD PA LA, BDEN PA SO SO LA CHOS SHES PA'I BZOD PA DANG, CHOS SHES PA DANG; RJES SU SHES PA'I BZOD PA DANG RJES SU SHES PA STE, DE LTAR SKAD CIG MA BCU DRUG GI BDAG NYID NI THAMS CAD SHES PA NYID KYI SKABS SU MTHONG BA'I LAM YIN NO, ,ZHES GSUNGS, GSUM PA LA GSUM LAS, DANG PO NI; YE SHES SKAD CIG MA BCU DRUG GI BDEN BZHI'I RNAM PA RTOGS PAR BYED TSUL DE GANG ZHES DRI BA'I SGO NAS MTSAMS SBYOR BA LA, BDEN PA'I RNAM PA GANG YIN ZHE NA, ZHES GSUNGS, GNYIS PA LA BSHAD PA DANG, BSDU BA GNYIS LAS; DANG PO NI, GZUGS RTAG MA YIN MI RTAG MIN, ,ZHES SOGS KYIS BSHAD, GNYIS PA NI, KUN SHES NYID KYI SKAD CIG MA, ,ZHES BSHAD, GSUM PA LA DNGOS BSTAN BYANG SEMS KYI MTHONG LAM DANG, SHUGS BSTAN GYI MTHONG LAM GNYIS LAS, DANG PO LA, SO SOR BSHAD PA DANG, DON BSDU BA GNYIS LAS, DANG PO NI, NGO BO NYID MED PA'I PHYIR, ZHES SOGS KYIS BSHAD, GNYIS PA NI, DE LTA BU'I RNAM PA CAN GYI KUN SHES PA NYID KYI SKAD CIG MA DE DAG NI BYANG

035b

CHUB SEMS DPA' RNAMS KYI MTHONG BA'I LAM YIN NO, ,ZHES BSHAD, GNYIS PA STON PA LA, NYAN THOS RNAMS KYI DE LAS BZLOG PA MI RTAG PA LA SOGS PA'I RNAM PA DAG TU BSGOM PAR BYA BA NI KUN SHES PA NYID LA MTHONG BA'I LAM YIN NO, ,ZHES BSHAD, DE YANG RNAM PA BCU DRUG SO SOR BSHAD PA LA, SDUG BDEN DANG, KUN 'BYUNG BDEN PA DANG, 'GOG BDEN DANG, LAM BDEN GYI RNAM PA DANG BZHI LAS, DANG PO LA, MI RTAG SDUG BSNGAL STONG BDAG MED BZHI'I DANG PO DE STON PA LA, BCOM LDAN 'DAS RNAM PA GANG DAG DANG RTAGS GANG DAG DANG MTSAN MA GANG DAG GI BYAN CHEN BYAMS PA BLA MED RDZOGS BYANG DU MNGON PAR SANGS RGYAS NAS SHER PHYIN 'DI NYID STON PAR 'GYUR, BCOM LDAN 'DAS KYIS BKA' STZAL PA, RAB 'BYOR BYANG CHEN BYAMS PA BLA MED RDZOGS BYANG DU MNGON PAR SANGS RGYAS NAS GZUGS RTAG CES BYA BA'AM MI RTAG CES BYA BAR CHOS STON PAR MI 'GYUR RO, ,ZHES PA NAS, DE LTAR BYUNG BA ZHES BYA BAR CHOS STON PAR MI 'GYUR RO, ,ZHES GSUNGS, DE'I DON BSHAD PA LA, GZUGS RTAG MA YIN MI RTAG MIN, ,ZHES DANG, NGO BO NYID MED PA'I PHYIR GZUGS LA SOGS PA RTAG PA DANG MI RTAG PA NYID DANG BRAL BAS NA RTAG PA YANG MA YIN MI RTAG PA YANG MA YIN PA DANG, ZHES GSUNGS, GNYIS PA STON PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN BYAMS PA BLA MED RDZOGS BYANG DU MNGON PAR SANGS RGYAS NAS JI LTAR CHOS STON PAR 'GYUR, BCOM LDAN 'DAS

036a

, ,KYIS BKA' STZAL PA, GZUGS SHIN TU RNAM PAR DAG GO ZHES SHIN TU RNAM PAR DAG PA'I CHOS STON PAR 'GYUR RO, ,ZHES PA NAS, RNAM MKHYEN GYI BAR DU SHIN TU RNAM PAR DAG GO ZHES BYA BAR CHOS STON PAR 'GYUR RO; ;ZHES GSUNGS, DE'I DON BSHAD PA LA, MTHA' LAS 'DAS DANG, ZHES DANG, SDUG BSNGAL BA DANG SDUG BSNGAL BA MA YIN PA DANG BRAL BA NYID KYIS RTAG PA DANG CHAD PA'I MTHA' DANG BRAL BA DANG, ZHES GSUNGS, GSUM PA STON PA LA; RAB 'BYOR GYIS GSOL BA, BCOM LDAN 'DAS SHER PHYIN NI YONGS SU DAG PA'O, ,BCOM LDAN 'DAS KYIS BKA' STZAL PA, RAB 'BYOR GZUGS YONGS SU DAG PA'I PHYIR SHER PHYIN YONGS SU DAG PA'O, ,ZHES PA NAS, RNAM MKHYEN GYI BAR DU YONGS SU DAG PA'I PHYIR SHER PHYIN YONGS SU DAG PA'O, ,ZHES GSUNGS, DE'I DON BSHAD PA LA, RNAM DAG DANG, ,ZHES DANG, STONG PA DANG MI STONG PA DANG BRAL BA'I PHYIR RNAM PAR DAG PA DANG, ZHES GSUNGS, BZHI PA DE STON PA LA, RAB 'BYOR GYIS GSOL BA, BCOM LDAN 'DAS JI LTAR NA GZUGS YONGS SU DAG PA'I SLAD DU SHER PHYIN YONGS SU DAG PA LAGS, GZUGS KYI SKYE BA MED PA DANG 'GAG PA MED PA DANG KUN NAS NYON MONGS PA MED PA DANG RNAM PAR BYANG BA MED PA NI GZUGS YONGS SU DAG PA'O, ,ZHES PA NAS, RNAM MKHYEN GYI BAR GYI SKYE BA MED PA DANG 'GAG PA MED PA DANG KUN NAS NYON MONGS PA MED PA DANG RNAM PAR BYANG BA MED PA NI RNAM MKHYEN GYI YONGS SU

036b

DAG PA'O, ,ZHES GSUNGS, DE'I DON BSHAD PA LA, MA SKYES MA 'GAG LA SOGS DANG, ,ZHES DANG, BDAG DANG BDAG MED PA'I NGO BO NYID MA YIN PAS MA SKYES BA DANG MA 'GAG PA DANG KUN NAS NYON MONGS PA MA YIN PA DANG RNAM PAR BYANG BA MA YIN PA ZHES BYA BA LA SOGS PA NI SDUG BSNGAL GYI BDEN PA'I RNAM PA DAG YIN NO, ,ZHES GSUNGS, GNYIS PA LA, RGYU KUN 'BYUNG RAB SKYE, RKYEN GYI RNAM PA BZHI LAS, DANG PO DE STON PA LA, RAB 'BYOR GZHAN YANG NAM MKHA' YONGS SU DAG PA'I PHYIR SHER PHYIN YONGS SU DAG PA'O, ,ZHES PA NAS, RNAM MKHYEN GYI BAR NAM MKHA' LTAR SKYE BA MED PA DANG 'GAG PA MED PA DANG KUN NAS NYON MONGS PA MED PA DANG RNAM PAR BYANG BA MED PA'I PHYIR SHER PHYIN YONGS SU DAG PA'O, ,ZHES GSUNGS, DE'I DON BSHAD PA LA, MKHA' 'DRA, ZHES DANG, RGYU DANG RGYU MA YIN PA GSOG NYID KYI PHYIR NAM MKHA' DANG 'DRA BA DANG, ZHES GSUNGS, GNYIS PA STON PA LA, RAB 'BYOR GZHAN YANG NAM MKHA' GOS PA MED PA'I PHYIR SHER PHYIN YONGS SU DAG PA'O, ,ZHES PA NAS, RNAM MKHYEN GYI BAR DU GOS PA MED PA'I PHYIR SHER PHYIN YONGS SU DAG PA'O, ,ZHES GSUNGS, DE'I DON BSHAD PA LA, CHAGS PA SPANGS PA DANG, ,ZHES DANG, KUN 'BYUNG BA DANG KUN 'BYUNG BA MED PA DANG MI LDAN PA'I PHYIR, NYON MONGS PA DANG NYE BA'I NYON MONGS PA THAMS CAD SPANGS PA DANG, ZHES GSUNGS, GSUM PA STON PA LA, RAB 'BYOR GZHAN YANG NAM MKHA' BZUNG DU MED PA'I PHYIR, ZHES

037a

, ,PA NAS, RNAM MKHYEN GYI BAR DU BZUNG DU MED PA'I PHYIR SHER PHYIN YONGS SU DAG PA'O, ,ZHES GSUNGS, DE'I DON BSHAD PA LA, YONGS SU 'DZIN LAS GROL BA DANG, ,ZHES DANG, RAB TU SKYE BA DANG RAB TU MI SKYE BA DANG MA 'BREL BAS YONGS SU 'DZIN PA LAS GROL BA DANG, ZHES GSUNGS, BZHI PA STON PA LA, RAB 'BYOR GZHAN YANG NAM MKHA' LA THA SNYAD MED PA'I PHYIR, ZHES PA NAS, NAM MKHA' LTAR GZUGS NAS RNAM MKHYEN GYI BAR LA THA SNYAD MED PA'I PHYIR SHER PHYIN YONGS SU DAG PA'O, ,ZHES GSUNGS, DE'I DON BSHAD PA LA, NGO BO NYID KYIS BRJOD MED DANG, ,ZHES DANG, RKYEN DANG RKYEN MA YIN PA LAS RNAM PAR GROL BA'I PHYIR, RANG GI NGO BOS BRJOD DU MED PA ZHES BYA BA NI KUN 'BYUNG BA'I BDEN PA'I RNAM PA YIN NO, ,ZHES GSUNGS, GSUM PA LA, 'GOG PA ZHI BA GYA NOM NGES PAR 'BYUNG BA'I RNAM PA BZHI'I DANG PO STON PA LA, RAB 'BYOR GZHAN YANG NAM MKHA' BRJOD DU MED PA'I PHYIR, ZHES PA NAS, NAM MKHA' LTAR GZUGS NAS RNAM MKHYEN GYI BAR BRJOD DU MED PA'I PHYIR SHER PHYIN YONGS SU DAG PA'O, ,ZHES GSUNGS, DE'I DON BSHAD PA LA, GANG PHYIR 'DI DON BRJOD PA YIS, ,GZHAN LA SBYIN DU MED PA DANG, ,ZHES DANG, GANG GI PHYIR 'GOG PA DANG 'GOG PA MED PA DANG MA 'BREL BA DE'I PHYIR, 'GOG PA'I BDEN PA'I DON TSIG TU BRJOD PAS RGYUD GZHAN LA SBYIN DU MED PA DANG, ZHES GSUNGS, GNYIS PA STON PA LA, RAB 'BYOR GZHAN YANG NAM MKHA' DMIGS SU

037b

MED PA'I PHYIR, ZHES PA NAS, NAM MKHA' LTAR GZUGS NAS RNAM MKHYEN BYE BAR DMIGS SU MED PA'I PHYIR SHER PHYIN YONGS SU DAG PA'O, ,ZHES GSUNGS, DE'I DON BSHAD PA LA, DMIGS PA MED PA'I BYED PA DANG, ,ZHES DANG, ZHI BA DANG MA ZHI BA MED PAS DMIGS PA MED PAR BYED PA DANG, ZHES GSUNGS, GSUM PA STON PA LA, RAB 'BYOR GZHAN YANG CHOS THAMS CAD SKYE BA MED PA DANG 'GAG PA MED PA DANG KUN NAS NYON MONGS PA MED PA DANG RNAM PAR BYANG BA MED PA'I PHYIR SHER PHYIN, ZHES PA NAS, GZUGS NAS RNAM MKHYEN GYI BAR DU SHIN TU RNAM PAR DAG PA'I PHYIR SHER PHYIN YONGS SU DAG PA'O, ,ZHES GSUNGS, DE'I DON BSHAD PA LA, SHIN TU RNAM DAG ,CES DANG, GYA NOM PA DANG, GYA NOM PA MA YIN PA DANG BRAL BA'I PHYIR MTHA' GNYIS LAS 'DAS SHING RNAM PAR DAG PA DANG, ZHES GSUNGS, BZHI PA STON PA LA, RAB 'BYOR GYIS GSOL BA, BCOM LDAN 'DAS RIGS KYI BU'AM RIGS KYI BU MO LA LA ZHIG GI SHER PHYIN 'DI 'DZIN PA DANG, ZHES SOGS DANG, BCOM LDAN 'DAS DE LA NI MIG GI NAD 'BYUNG BAR MI 'GYUR RO, ,RNA BA'I NAD DANG, SNA'I NAD DANG, LCE'I NAD DANG, LUS KYI NAD DANG, YID KYI NAD 'BYUNG BAR MI 'GYUR RO, ,ZHES PA NAS, RAB 'BYOR DE CI'I PHYIR ZHE NA, 'DI LTAR SHER PHYIN 'DI NI RIN PO CHE CHEN PO YIN PA'I PHYIR RO, ,ZHES GSUNGS, DE'I DON BSHAD PA LA, NAD MI 'BYUNG, ,ZHES DANG, NGES PAR 'BYUNG BA DANG NGES PAR 'BYUNG BA MED PA YANG MED PA'I PHYIR NAD THAMS CAD MI SKYE BA ZHES BYA BA NI 'GOG PA'I BDEN PA'I RNAM PA YIN NO, ,ZHES GSUNGS,

038a

, ,BZHI BA LA, LAM RIG PA SGRUB PA NGES 'BYIN BZHI'I DANG PO DE STON PA LA, RAB 'BYOR DE LA SHER PHYIN RIN PO CHE LA BRTEN PAR GYUR NA DMYAL BA LAS YONGS SU GROL BAR 'GYUR RO, ,ZHES PA NAS, DE BAS NA SHER PHYIN 'DI NI PHA ROL TU PHYIN PA RIN PO CHE ZHES BRJOD DO, ,ZHES GSUNGS, DE'I DON BSHAD PA LA, NGAN SONG CHAD DANG, ZHES DANG, LAM DANG LAM MA YIN PA DANG BRAL BA'I PHYIR NGAN SONG CHAD PA DANG, ZHES GSUNGS, GNYIS PA STON PA LA, RAB 'BYOR PHAR PHYIN RIN PO CHE DE LA CHOS GANG YANG SKYE BA'AM 'GAG BA'AM KUN NAS NYON MONGS PA'AM RNAM PAR BYANG BA'AM YONGS SU BZUNG BA'AM DOR BA MED DO, ,ZHES PA NAS, RAB 'BYOR RNAM GRANGS DES NA 'DI LTA STE SHER PHYIN 'DI NI PHAR PHYIN RIN PO CHE'O, ,ZHES GSUNGS, DE'I DON BSHAD PA LA, 'BRAS BU NI, ,MNGON DU BYA LA MI RTOG NYID, ,CES DANG, RIGS PA DANG RIGS PA MA YIN PA DANG MA 'DRES PA'I PHYIR 'BRAS BU MNGON SUM DU BYA BA'I DON GYIS THABS LA RNAM PAR MI RTOG PA NYID DANG, ZHES GSUNGS; GSUM PA STON PA LA, RAB 'BYOR PHAR PHYIN RIN PO CHE LA CHOS GANG GIS KYANG GOS PA MED DE, DE CI'I PHYIR ZHE NA, DE NI 'DI LTAR GANG DAG GIS GOS PAR GYUR PA'I CHOS DE DAG NI DMIGS SU MED PA'I PHYIR TE, RAB 'BYOR DE'I PHYIR NA PHAR PHYIN RIN PO CHE 'DI NI GOS PA MED PA'O, ,ZHES GSUNGS, DE'I DON BSHAD PA LA, MTSAN MA DAG DANG MA 'BREL DANG, ,ZHES DANG, SGRUB

038b

BA DANG SGRUB PA MA YIN PA LAS RNAM PAR GROL BA NYID KYIS CHOS THAMS CAD KYI MTSAN MA DAG DANG MA 'BREL BA DANG, ZHES GSUNGS, BZHI PA DE STON PA LA, RAB 'BYOR GAL TE BYANG CHEN DE LTAR RNAM PAR MI SHES TE, DE LTAR RNAM PAR RTOGS PAR MI BYED CING DE LTAR MI DMIGS TE, DE LTAR 'PHRO BAR YANG MI BYED NA SHER PHYIN LA SPYOD SHER PHYIN SGOM PA'O, ,ZHES PA NAS, RNAM MKHYEN NYID KYANG RJES SU THOB PAR 'GYUR RO, ,ZHES GSUNGS, DE'I DON BSHAD PA LA, DNGOS DANG MING DANG GNYIS PO LA, ,SHES PA SKYE BA MED PA NI, ,ZHES DANG, NGES BAR 'BYIN PA DANG NGES PAR 'BYIN PA MA YIN PA MED PA NYID KYIS BRJOD PAR BYA BA DANG RJOD PAR BYED PA'I NGO BO'I MTSAN NYID SHES BYA DANG SGRA GNYIS LA SHES PA SKYE BA MED PA ZHES BYA BA NI LAM GYI BDEN PA YIN TE, ZHES GSUNGS, GZHUNG DON NI, THEG CHEN GYI MTHONG LAM SHES BZOD SKAD CIG MA BCU DRUG CHOS CAN, SKABS 'DIR DNGOS SU BSTAN PA'I THEG CHEN GYI MTHONG LAM YIN TE, SKABS 'DIR DNGOS SU BSTAN PA'I THEG CHEN GYI BDEN PA MNGON RTOGS YIN PA'I PHYIR, BDEN BZHI'I RNAM PA BCU DRUG SPROS BRAL DU MNGON SUM DU RTOGS PA'I SKABS 'DIR DNGOS SU BSTAN PA'I THEG CHEN GYI BDEN PA MNGON RTOGS DE SKABS 'DIR DNGOS SU BSTAN PA'I THEG CHEN GYI MTHONG LAM GYI MTSAN NYID, YANG 'DA' BA'I MTHONG LAM SHUGS LA 'PHEN PAR BYED PA'I SKABS 'DIR DNGOS SU BSTAN PA'I 'DA' BYED KYI BDEN PA MNGON RTOGS SKABS 'DIR DNGOS SU BSTAN PA'I THEG

039a

, ,CHEN GYI MTHONG LAM GYI MTSAN NYID, DBYE NA, SHES BZOD SKAD CIG MA BCU DRUG TU YOD, KHO NA RE, THEG CHEN GYI MTHONG LAM CHOS CAN, MTSAN NYID DER THAL, MTSON BYA DE'I PHYIR TE, SKABS 'DIR DNGOS SU BSTAN PA GANG ZHIG ,THEG CHEN GYI MTHONG LAM YIN PA'I PHYIR ZER NA MA KHYAB, 'DOD MI NUS TE, MNGON SUM MA YIN PA'I PHYIR TE, KHYOD DANG RTOG PA'I GZHI MTHUN YOD PA'I PHYIR, KHA CIG ,THEG CHEN GYI MTHONG LAM SDUG BSNGAL CHOS BZOD CHOS CAN, MTSAN NYID GNYIS PA DER THAL, MTSON BYA DE'I PHYIR, 'DOD NA, DE CHOS CAN, 'DA' BYA'I MTHONG LAM MA YIN PAR THAL, 'DOD PA'I PHYIR, 'DOD NA, DE 'DA' BYA'I SA MA YIN PAR THAL, 'DOD PA'I PHYIR ZER NA MA KHYAB, KHA CIG ,SPROS BRAL MNGON SUM DU RTOGS PA'I THEG CHEN GYI BDEN PA MNGON RTOGS, SKABS 'DIR DNGOS SU BSTAN PA'I THEG CHEN GYI MTHONG LAM GYI MTSAN NYID ZER BA MI 'THAD DE, SKABS 'DIR DNGOS SU BSTAN PA'I MTHONG LAM YIN NA, DANG PO NYID NAS THEG CHEN DU RIGS NGES PA'I MTHONG LAM YIN DGOS PA'I PHYIR DANG, THEG CHEN GYI MTHONG LAM RJES THOB YE SHES KYI RJES SU SLAR YANG CHOS NYID LA RTZE GCIG TU MNYAM PAR BZHAG PA'I THEG CHEN GYI MTHONG LAM DE SKABS 'DIR DNGOS SU BSTAN PA'I DE MA YIN PA'I PHYIR, ` GSUM BSGOM LAM MI STON PA'I RGYU MTSAN 'CHAD PA LA, NYAN THOS KYI LAM NI BYANG CHUB SEMS DPAS YONGS SU SHES PAR BYA BA

039b

YIN GYI MNGON DU BYA BA NI MA YIN PAS SGOM PA'I LAM NI MA BSTAN TO, ,ZHES GSUNGS, 'DI'I DON LA DGAG GZHAG GNYIS LAS, DANG PO NI, MKHAS PA KHA CIG ,GZHUNG 'DI NYAN THOS RANG RGYUD KYIS? BSDUS PA'I SGOM LAM MI STON BA'I RGYU MTSAN 'CHAD BYED KYI GZHUNG YIN GSUNGS PA MI 'THAD DE, MI RTAG SOGS BCU DRUG GOMS PA LHUR LEN GYI TSUL GYIS SGOM PAR BYED PA'I NYAN THOS KYI SGOM LAM PA GCIG MED PAR THAL, GZHUNG 'DI MI RTAG SOGS BCU DRUG RTOGS PA'I NYAN THOS KYI SGOM LAM MI STON PA'I RGYU MTSAN 'CHAD BYED KYI GZHUNG YIN PA'I PHYIR, KHYAB STE, NYI SNANG LAS, THAMS CAD SHES PA NYID LA SGOM PA'I LAM MED PA'I PHYIR, ZHES GSUNGS PA'I PHYIR, GZHAN YANG GZHUNG 'DI'I SHUGS BSTAN GTZO BOR GYUR PA'I MTHONG LAM DE, NYAN THOS RANG RGYUD KYIS BSDUS PA'I MTHONG LAM LA BYED RIGS PAR THAL, SKABS 'DIR DNGOS SU MI STON RGYU'I SGOM LAM DE NYAN THOS RANG RGYUD KYI SGOM LAM LA BYED RIGS PA'I PHYIR RTAGS KHAS, 'DOD NA, GZHUNG 'DI'I SHUGS BSTAN GTZO BOR GYUR PA'I MTHONG LAM CHOS CAN, KHYOD BYANG CHUB SEMS DPAS SHES MTHONG GIS BLTAS NAS 'DA' BAR BYED PA'I MNGON RTOGS MA YIN PAR THAL, KHYOD NYAN THOS KYI MTHONG LAM YIN PA'I PHYIR, 'DOD NA, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI ZHES GSUNGS PA MI 'THAD PAR THAL LO, ,KHA CIG ,GZHUNG 'DI SPROS BRAL MNGON SUM DU RTOGS PA'I THEG

040a

, ,CHEN GYI SGOM LAM MI STON PA'I RGYU MTSAN 'CHAD BYED DU 'DOD PA MI 'THAD DE, DE BYANG CHUB SEMS DPAS MNGON DU BYA BA'I MNGON RTOGS YIN PA'I PHYIR, KHYAB STE, MNGON DU BYA BA NI MA YIN PAS SGOM PA'I LAM NI MA BSTAN TO, ,ZHES GSUNGS PA'I PHYIR, MKHAS PA KHA CIG ,GZHUNG 'DI NYAN THOS RANG RGYUD KYI SGOM LAM MI STON PA'I RGYU MTSAN DU BYED PA DANG, SPROS BRAL MNGON SUM DU RTOGS PA'I BYANG SEMS KYI SGOM LAM MI STON PA'I RGYU MTSAN DU 'CHAD PA MI RIGS TE, DE SNYING PO'I RGYAN DANG 'GAL BA'I PHYIR, DE LTAR YIN KYANG, NYAN THOS RANG RGYUD KYIS BSDUS PA'I SGOM LAM DE SKABS 'DIR DNGOS SU MI STON RGYU'I SGOM LAM YIN TE, DE SKABS 'DIR DNGOS SU MA BSTAN PA'I SGOM LAM YIN PA'I PHYIR, DES NA SGOM LAM YIN NA, SKABS 'DIR DNGOS SU MI STON RGYU'I SGOM LAM YIN PAS KHYAB STE, DE YIN NA, SKABS 'DIR DNGOS SU MA BSTAN PA'I SGOM LAM YIN DGOS PA'I PHYIR TE, DE YIN NA, SKABS 'DIR DNGOS SU MA BSTAN DGOS PA'I PHYIR, DE BZHIN DU SGOM LAM YIN NA, SKABS 'DIR STON RGYU'I SGOM LAM YIN PAS KHYAB STE, DE YIN NA, SKABS 'DIR SHUGS LA BSTAN PAS KHYAB PA'I PHYIR, DON 'DI LA DGONGS NAS, RNAM BSHAD LAS, SKABS GSUM PAR DON GYIS 'PHANGS PA'I SGOM LAM MO, ,ZHES DANG, MNGON RTOGS DRUG GI GO RIMS LA LOG RTOG 'GOG PA'I SKABS SU YANG SKABS DANG PO DRUG KA SBYOR MTHONG SGOM GSUM BSTAN PAR GSUNGS

040b

PA'I PHYIR, ZHES GSUNGS PA RE ZHIG SGRUB BYED LA DPYAD NA, YANG DAG MTHA' DE 'DIR BSTAN YANG DAG MTHA' YIN PAR THAL, DE SKABS 'DIR BSTAN PA'I PHYIR, KHYAB STE, NYAN THOS KYI SGOM LAM DE SKABS 'DIR DNGOS SU MA BSTAN NA DE SKABS 'DIR DNGOS SU MI STON RGYU'I SGOM LAM YIN DGOS PA'I PHYIR, DE BZHIN DU STONG NYID DE YANG MNGON PA GNYIS NAS BSHAD PA'I STONG NYID YIN PAR THAL, DE MNGON PA GNYIS NAS BSHAD PA'I PHYIR, KHYAB PA SNGAR BZHIN, GZHAN YANG, MI RTAG SOGS BCU DRUG MNGON SUM GYI RTOGS PA'I YE SHES CHOS CAN, BYANG SEMS 'PHAGS PAS MNGON DU BYA BA'I MNGON RTOGS YIN PAR THAL, DES MNGON DU BYAS PA'I MNGON RTOGS YIN PA'I PHYIR TE, DES MNGON DU BYAS PA'I PHYIR, KHYAB PA RIM BZHIN SONG, GAL TE NYAN THOS KYI SGOM LAM CHOS CAN, SKABS 'DIR DNGOS SU MI STON RGYU'I SGOM LAM DU THAL, RGYAN SNANG LAS, NYAN THOS LA SOGS PA LA YANG JI LTAR MTHONG BA'I DON DE NYID YANG DANG YANG DU MNGON DU BYED PA SGOM PA'I LAM YIN PAS GO SLA BA'I PHYIR MA GSUNGS SO, ,ZHES PA'I SKABS NAS DNGOS SU MI STON RGYU'I SGOM LAM YIN PA'I PHYIR ZER NA MA KHYAB, SKABS 'DI ZHES PA, DE LTAR KUN SHES NYID LUGS LA, ,ZHES PA DANG, DE LTAR 'DI DANG YANG 'DI DANG, ,ZHES PA'I BAR 'DI LA 'CHAD DGOS PA'I PHYIR, GZHAN YANG, BYANG SEMS KYI SGOM LAM CHOS CAN, DE LTAR KUN SHES NYID LUGS LA, ,ZHES DANG, DE LTAR 'DI DANG YANG 'DI DANG, ,ZHES PA'I BAR 'DIR STON RGYU'I SGOM

041a

, ,LAM YIN PAR THAL, SKABS 'DIR STON RGYU'I SGOM LAM YIN PA'I PHYIR, RTAGS KHAS, 'DOD NA, DE'I BAR DER SGOM LAM STON BYED KYI MNGON RTOGS RGYAN GYI GZHUNG TSIG GCIG YOD PAR THAL LO, ,KHA CIG ,MI RTAG SOGS BCU DRUG GOMS PA LHUR LEN GYI TSUL GYIS SGOM PA'I BYANG SEMS KYI SGOM LAM DE SKABS 'DIR DNGOS SU MI STON RGYU'I SGOM LAM YIN ZER NA, DE CHOS CAN, YOD PAR THAL, SKABS 'DIR DNGOS SU MI STON RGYU'I SGOM LAM YIN PA'I PHYIR, KHA CIG ,SKABS 'DIR DNGOS SU MI STON RGYU'I SGOM LAM YIN NA, MED PAS KHYAB ZER NA, MI RTAG SOGS BCU DRUG SGOM PAR BYED PA'I BYANG SEMS KYI SGOM LAM CHOS CAN, DER THAL, DE'I PHYIR, RTAGS GRUB STE, GZUGS RTAG MA YIN MI RTAG MIN, ,ZHES SOGS KYIS MI RTAG SOGS BCU DRUG SGOM PAR BYED PA'I BYANG SEMS KYI MTHONG LAM SHUGS LA BSTAN NAS, SKABS 'DIR MI RTAG SOGS BCU DRUG SGOM PA'I BYANG SEMS KYI SGOM LAM GCIG STON RIGS SNYAM PA'I DOGS PA BCAD PA'I PHYIR DU GZHUNG 'DI GSUNGS PA'I PHYIR, GNYIS PA RANG LUGS LA, BSHAD BYA'I LUNG 'GOD PA DANG, DE'I DON BSHAD PA GNYIS LAS, DANG PO NI, RGYAN SNANG LAS, CI'I PHYIR LAM SHES PA LA JI SKAD BSTAN PA DE BZHIN DU THAMS CAD SHES PA NYID LA YANG SGOM PA'I LAM LOGS SHIG PA MED CE NA, NYAN THOS DANG RANG SANGS RGYAS KYI PHUN SUM TSOGS PA NI BYANG CHUB SEMS DPA'I SHES PA DANG MTHONG BAS BLTAS NAS 'DA' BAR BYA'O,,

041b

ZHES GSUNGS PAS, MNGON DU BYA BA MA YIN PA'I PHYIR BYANG CHUB SEMS DPA' RNAMS LA MA BSTAN TO, ,NYAN THOS LA SOGS PA LA YANG JI LTAR YONGS SU MTHONG BA'I DON DE NYID YANG DANG YANG DU MNGON DU BYED PA SGOM PA'I LAM YIN PAS GO SLA BA'I PHYIR MA GSUNGS SO, ,ZHES GSUNGS, GNYIS PA LA, RTZOD PA DANG LAN GNYIS LAS, DANG PO NI, KHO NA RE, LAM SHES KYI SKABS SU STONG NYID MNGON SUM DU RTOGS PA'I THEG CHEN GYI MTHONG LAM BSTAN PA'I RJES SU STONG NYID RTOGS PA'I THEG CHEN GYI SGOM LAM BSTAN PA BZHIN DU, 'DIR YANG MI RTAG SOGS BCU DRUG RTOGS PA'I THEG CHEN GYI MTHONG LAM BSTAN PA'I RJES SU MI RTAG SOGS BCU DRUG RTOGS PA'I THEG CHEN GYI SGOM LAM STON RIGS SO ZHES ZER NA, GNYIS PA NI, DE MI RIGS TE, SKABS 'DIR MI RTAG SOGS BCU DRUG RTOGS PA'I THEG CHEN GYI SGOM LAM MI STON PA'I RGYU MTSAN YOD DE, BYANG SEMS 'PHAGS PAS MI RTAG SOGS BCU DRUG GOMS PA LHUR LEN GYI TSUL GYIS MI SGOM PA'I PHYIR TE, MI RTAG SOGS BCU DRUG MNGON SUM DU RTOGS PA'I YE SHES BYANG CHUB SEMS DPAS SHES PA DANG MTHONG BAS BLTAS NAS 'DA' BAR BYA BA'I MNGON RTOGS YIN GYI, DES MNGON DU BYA BA'I MNGON RTOGS MA YIN PA'I PHYIR TE, MDO LAS, NYAN THOS DANG RANG SANGS RGYAS KYI PHUN SUM TSOGS PA NI BYANG CHUB SEMS DPAS SHES PA DANG MTHONG BAS BLTAS NAS 'DA' BAR BYA'O, ,ZHES GSUNGS PA'I PHYIR, BYANG SEMS KYI SBYOR

042a

, ,LAM DE YANG SKABS 'DIR MA BSTAN PA'I RGYU MTSAN YOD DE, DE SNGAR BSHAD ZIN PA YIN PA'I PHYIR, 'DI DANG MTHUN PAR NYI SNANG LAS KYANG GSUNGS PA YIN TE, NYI SNANG LAS, YANG CI'I DON GYIS LAM SHES PA NYID BZHIN THAMS CAD SHES PA NYID LA SGOM PA'I LAM LOGS SHIG PA MED CE NA, NYAN THOS DANG RANG SANGS RGYAS KYI PHUN SUM TSOGS PA NI BYANG CHUB SEMS DPAS SHES PA DANG MTHONG BAS BLTAS NAS 'DA' BAR BYA'O, , ZHES GSUNGS PAS 'DI NI GZHAN GTZO BOR BYED PA'I PHYIR RO, ,ZHES BYA BAR DGONGS PA YIN NO, ,ZHES SOGS GSUNGS PA'I PHYIR, DON 'DI RNAM BSHAD GNYIS KA'I DGONGS PA YIN TE, SNYING PO'I RGYAN LAS NI PHYI MA MTHONG LAM LA DMIGS KYIS BKAR BA'O, ,ZHES SOGS DANG, LEGS PAR BSHAD PA'I GSER GYI PHRENG BAR, GZHI SHES KYI SKABS SU BYANG SEMS LA MTHONG LAM LAS LOGS PAR BYANG SEMS KYI SGOM PA'I LAM NI MA BSTAN TO, ,RGYU MTSAN NI NYAN THOS DANG RANG SANGS RGYAS RNAMS KYI LAM NI BYANG SEMS KYIS MTSAN NYID KYI SHES NAS 'DA' BAR BYA BA YIN GYI BSGOMS TE MNGON DU BYA BA NI MA YIN PAS SO, ,ZHES GSUNGS PA'I PHYIR, ` DRUG PA MKHYEN GSUM GYI MJUG BSDU BA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, RAB 'BYOR GZHAN YANG SHER PHYIN 'DI NI CHOS GANG LA YANG THOB PAR BYED PA MA YIN, MI THOB PAR BYED PA MA YIN, ZHES PA NAS, DA LTAR BYUNG BAR BYED PA MA

042b

YIN NO, ,ZHES DANG, RAB 'BYOR YANG SHER PHYIN 'DI NI 'DOD PA'I KHAMS LAS SHIN TU 'DA' BAR BYED PA'AM GNAS PAR BYED PA MA YIN, ZHES PA NAS, RNAM PA THAMS CAD MKHYEN PA NYID STER BAR BYED PA'AM 'PHROGS PAR BYED PA MA YIN, ZHES DANG; RAB 'BYOR GZHAN YANG SHER PHYIN 'DI NI SANGS RGYAS KYI CHOS RNAMS STER BAR BYED PA'AM 'PHROGS PAR BYED PA MA YIN, ZHES PA NAS, CHOS BSTAN PA 'DI LA GANG SU YANG SBYIN PA'I GNAS SU 'GYUR BA MA MCHIS SO, ,ZHES GSUNGS, GNYIS PA LA GSUM LAS, DANG PO NI, GONG DU DE LTAR MKHYEN GSUM RDZOGS PAR BSTAN NAS, DE'I 'OG TU MKHYEN GSUM GYI MJUG SDUD GSUNGS, ZHES MTSAMS SBYOR BA LA, DE LTAR RGYAS PAR BSTAN NAS DON MTHA' DAG SDUD PAR BYED PA NYID KYIS THAMS CAD MKHYEN PA NYID GSUM MJUG BSDU BAR, ZHES GSUNGS, GNYIS PA NI, MDO TSAN GSUM PO DE'I DON BSHAD PA'I SGO NAS MKHYEN GSUM GYI MJUG SDUD STON PA LA, DE LTAR 'DI DANG YANG 'DI DANG, ,ZHES SOGS GSUNGS; GSUM PA DE NYID TSIG DON GYI SGO NAS BSHAD PA LA, BSHAD MA THAG PA'I TSUL DU RNAM PA THAMS CAD MKHYEN PA NYID 'DI DANG, LAM SHES PA NYID 'DI DANG, THAMS CAD SHES PA NYID 'DI STE, DE LTAR LE'U GSUM GYI RNAM PA GSUM PO YONGS SU RDZOGS PAR MDZAD PA YIN NO, ,DE YANG GZHUNG DON NI, MKHYEN GSUM RGYAS PAR BSHAD PA'I MJUG DE MA THAG TU MKHYEN GSUM GYI MJUG BSDU MDZAD PA'I RGYU MTSAN YOD DE, TSAN MA GSUM PO 'DI TZAM GYIS

043a

, ,KYANG THAR PA DANG THAMS CAD MKHYEN PA DON DU GNYER BA'I SKYES BU'I 'DOD DON THAMS CAD SGRUB NUS SO ZHES SHES PAR BYA BA'I CHED YIN PA'I PHYIR, MKHYEN GSUM LA MJUG BSDU MDZAD NAS MNGON RTOGS GZHAN RNAMS LA DE DNGOS SU MI MDZAD PA'I RGYU MTSAN YOD DE, MKHYEN GSUM NI MNGON PAR RTOGS PA BRGYAD KYI DON MTHA' DAG SDUD PAR BYED PA NYID KYI GTZO BO YIN PAS, DE LA MJUG SDUD MDZAD PA'I MNGON RTOGS GZHAN RNAMS LA YANG DON GYIS GO BAR 'GYUR BA'I PHYIR, MDO TSAN DANG PO DE CHOS CAN, GZHI SHES RDZOGS PAR BSTAN PA YIN TE, SPYOD PA KHYAD PAR CAN GYI LE'U'I MJUG SDUD STON BYED KYI GZHUNG YIN PA'I PHYIR, MDO TSAN GNYIS PA DE CHOS CAN, LAM SHES RDZOGS PAR BSTAN PA YIN TE, MTHA' GNYIS RNAM DAG GI LE'U'I MJUG SDUD STON BYED KYI MDO YIN PA'I PHYIR, MDO TSAN GSUM PA DE CHOS CAN, RNAM MKHYEN RDZOGS PAR BSTAN PA YIN TE, RAB 'BYOR GYI LE'U'I MJUG SDUD STON BYED KYI MDO YIN PA'I PHYIR, ` GSUM PA SKABS BSDU PA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA RNAM BSHAD RNAM PA GNYIS KYI DKA' BA'I GNAS GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS GSUM PA'I LEGS PAR BSHAD PA'O,, ` ,,SMRAS PA, SPYOD PA KHYAD PAR CAN GYI LE'U YI, ,MDO YI SPAS DON

043b

GZHI SHES MTSON BYED PA'I, ,CHOS DGU GSAL BYED GZHI SHES SKABS KYIN, ,RTZA 'GREL DGONGS PA RNAM BSHAD RNAM GNYIS KYIS, ,JI LTAR BKRAL BZHIN RJE BTZUN BLA MA YIS, ,LEGS PAR BSHAD PA YONGS 'DZIN DAM PA YI, ,GSUNG LAS BYUNG BA JI BZHIN YI GER BKOD, ,'BRANG MED RNAM DKAR PHUNG PO CI MCHIS PA, ,RGYAL BA GNYIS PA'I BSTAN DANG BSTAN 'DZIN RNAMS, ,LHA DANG BCAS PA'I SKYE DGU THAMS CAD KYI, ,BSOD NAMS ZHING DU YUN RING GNAS PA DANG, ,'GRO RNAMS KUN MKHYEN THOB PAR BYA PHYIR BSNGO, ,BDAG KYANG DENG NAS TSE RABS THAMS CAD DU, ,RGYAL BA GNYIS PA'I BSTAN LA YID CHES PA'I, ,DAD PA RNYED NAS RAB TU BYUNG GYUR TE, ,RGYAL BA'I BSTAN LA THOS BSAM BYED PAR SHOG, ,, ` YUM GSUM RGYAN GYI DGONGS DON CHU GTER KLONG, ,SGROL LA RNAM BSHAD RNAM GNYIS GRU BO CHER, ,YANG GSAL ME LONG SKYA BAS LEGS BSKUL TE, ,BSHAD SGRUB NYAMS LEN PHA ROL PHYIN RDZOGS SHOG, ,DNGOS BRGYAD ZAB DON GNAD KUN MA 'DRES PAR, ,LEGS PHYE PHAR PHYIN GZHUNG 'DI DON GNYER CAN, ,BLO GSAL TSOGS LA SMAN SLAD PAR DU BSKRUN, ,DGE 'DIS RGYAL BSTAN 'PHEL BA'I RGYUR GYUR CIG, ,, ,,DGA' LDAN DGE BSHES BYAMS PA BLO GROS KYI THUGS DGONGS LTAR RJE BTZUN CHOS KYI RGYAL MTSAN GYI PHAR PHYIN YIG CHA KHAG PAR GZHI SLAR YANG GSAR BSKRUN BYAS SHING,

044a

, ,PAR BRKO'I SBYIN BDAG NI BSLAB GSUM NOR BU'I MDZOD 'DZIN DGA' SHAR AA LAG THUB BSTAN 'JAM DBYANGS, DGA' BYANG AA LAG BYAMS PA, DGA' BYANG AA LAG BLO BZANG SHES RAB; DGA' BYANG AA LAG DGE 'DUN 'OD ZER, DGA' BYANG AA LAG BLO BZANG KUN DGA' DANG, RGYAL BA'I BSTAN LA MI PHYED PA'I DAD PA DANG, GTONG BA'I SGO 'PHAR 'BYED PA DGA' BYANG DGEN BLO BZANG BKRA SHIS, LUNG RTOGS YON TAN GYI BDAG NYID AA LAG SHING ZA SKAL BZANG BCAS DANG, GZHAN YANG DGA' BYANG 'PHYONGS RGYAS GNYER BLO BZANG 'JAM DBYANGS, AAR BAN DKON MCHOG SKYABS SOGS MDO SMAD WA SHUL WA YAN SDE SHOG DANG, NU MA RU BA SDE SHOG SOGS GONG GSAL PAR BRKO'I SBYIN BDAG RNAMS KYIS CHOS SBYIN 'DZAD MED KYIS PAR GZHI'I MTHUN RKYEN RGYU DNGOS SBYOR GNAD MDZAD PA DANG, PAR BRKO'I 'GAN 'KHUR BA DGE SKUL THUB BSTAN, RGAN BLO BZANG RGYA MTSO, CHUNG BDAG ,RGAN BLO BZANG BKRA SHIS BCAS KYIS PAR BRKO'I BYED SGOR 'GAN 'KHUR GNANG BA BCAS LA BRTEN 1986 LOR RJE BTZUN CHOS KYI RGYAL MTSAN GYI PHAR PHYIN ROL MTSO ZUR BKOL BCAS KYI BAR GZHI SLAR YANG GSAR BSKRUN BYAS PA'I DGE RTZA 'DIS 'JAM MGON RGYAL BA GNYIS PA'I RING LUGS PHYOGS DUS GNAS SKABS KUN TU DAR RGYAS YUN RING DU GNAS PAR GYUR CIG, ,,PAR GZHI KHAG ZHUS DAG BYED PO NI DGE MING BKRA SHIS RIN CHEN GYIS BGYIS PA'O, ,PAR 'DI DGA' LDAN PAR KHANG DU BZHUGS

044b

[BLANK PAGE]

001a

, ,BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DKA' BA'I GNAS GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS BZHI PA'I SPYI DON BZHUGS SO,,

001b

, ,GNYIS PA 'JUG PA SBYOR BZHI'I YAN LAG RGYAS PAR BSHAD PA LA, DBANG DU BYA BA RGYU 'BRAS KYI YAN LAG RGYAS PAR BSHAD PA DANG, BRTAN PA RGYU 'BRAS KYI YAN LAG RGYAS PAR BSHAD PA GNYIS LAS, DANG PO LA GNYIS, DBANG DU BYED PA'I RGYU RNAM KUN GYI YAN LAG RGYAS PAR BSHAD PA DANG, DBANG DU BYA BA'I 'BRAS BU RTZE SBYOR GYI YAN LAG RGYAS PAR BSHAD PA GNYIS LAS, DANG PO LA 'BREL BRJOD PAS MTSAMS SBYAR, RNAM KUN GYI CHOS RGYAS PAR BSHAD PA, SKABS BSDU BA'O, ,DANG PO NI LUS RNAM GZHAG TU, DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, ,ZHES BSHAD NA, MKHYEN GSUM GYI RJES SU SBYOR BZHI 'CHAD PA'I RGYU MTSAN GANG ZHE NA, DE'I RGYU MTSAN YOD DE,

002a

, ,SKABS DANG PO GSUM DU MKHYEN GSUM GYI RNAM PA SHES NAS BSGOM PAR BYA BA'I MKHYEN GSUM GYI RNAM PA DE NYID SBYOR BA KHYAD PAR CAN GYIS ZIN DGOS SHING, DE LA YANG SBYOR BA DE SHES DGOS PAS MKHYEN GSUM GYI RJES SU SBYOR BZHI 'CHAD PA'I PHYIR, SBYOR BA BZHI'I NANG NAS RNAM RDZOGS SBYOR BA DANG POR 'CHAD PA'I RGYU MTSAN YOD DE, SKABS BDUN PA'I BSTAN BYA'I GTZO BOR GYUR PA'I MKHYEN GSUM GYI RNAM PA LA BRTAN PA THOB PA'I SKAD CIG MA'I SBYOR BA THOB PA LA, SKABS DRUG PA'I BSTAN BYA'I GTZO BOR GYUR PA'I MKHYEN GSUM GYI RNAM PA LA BRTAN PA THOB DON DU SGOM PA'I MTHAR GYIS SBYOR BA THOB PA SNGON DU 'GRO DGOS, DE LA YANG SKABS LNGA PA'I BSTAN BYA'I GTZO BOR GYUR PA'I MKHYEN GSUM GYI RNAM PA LA DBANG THOB PA'I

002b

'BRAS BU RTZE MO'I SBYOR BA THOB PA SNGON DU 'GRO DGOS, DE LA YANG SKABS BZHI PA'I BSTAN BYA'I GTZO BOR GYUR PA'I MKHYEN GSUM GYI RNAM PA LA DBANG THOB DON? DU SGOM PA'I RGYU RNAM RDZOGS SBYOR BA THOB PA SNGON DU 'GRO DGOS PA'I RGYU MTSAN GYIS DE LTAR BSTAN PA'I PHYIR, ZHES MTSAMS SBYOR BA LA, THAMS CAD MKHYEN PA NYID GSUM YONGS SU SHES PA NI DBANG DU BYA BA'I PHYIR YANG RNAM PA THAMS CAD DANG LAM DANG GZHI SHES PA BSDU BA'I SGO NAS THAMS CAD MKHYEN PA NYID GSUM SGOM PAR BYED PAS RNAM PA KUN MNGON PAR RDZOGS PAR RTOGS PA, ZHES GSUNGS, KHO NA RE, SKABS 'DIR MKHYEN GSUM GYI RNAM PA 'CHAD MI RIGS PAR THAL, SKABS DANG PO GSUM DU MKHYEN GSUM GYI RNAM PA BSTAN ZIN PAS ZLOS SKYON YOD PA'I PHYIR, ZHEN SKYON MED DE, SKABS DANG PO GSUM DU MKHYEN GSUM GYI RNAM PA SO SOR BSHAD, SKABS 'DIR MKHYEN GSUM GYI RNAM PA BSDUS NAS BSTAN PAS STON TSUL LA MI 'DRA BA'I KHYAD PAR YOD PA'I PHYIR DANG; SKABS DANG PO GSUM DU MKHYEN GSUM GYI THUN MONG MA YIN PA'I NGO BO SHES PA'I SGO NAS BSTAN, SKABS 'DIR ZHI LHAG ZUNG 'BREL GYI SBYOR BAS SGOM PA'I DBANG DU BYAS NAS BSTAN PAS DGOS PA MI 'DRA BA'I KHYAD PAR YOD PA'I PHYIR, DE LTAR; RGYAN SNANG LAS, YANG THAMS CAD MKHYEN PA NYID GSUM DANG RNAM PA KUN MNGON PAR RDZOGS PAR RTOGS PA'I KHYAD PAR GANG ZHIG YIN ZHE NA, KHO NA RE, THAMS CAD MKHYEN PA NYID GSUM NI JI SKAD BSHAD PA'I RNAM PA'I YUL SO SOR NGES

003a

, ,PA YIN LA, RNAM KUN MNGON PAR RDZOGS PAR RTOGS PA NI RNAM PA MA LUS PA'I YUL CAN YIN NO, ,ZHES 'DOD DO, ,GZHAN DAG NI, THAMS CAD MKHYEN PA NYID GSUM NI MTSAN NYID PA NYID DU RNAM PAR BZHAG PA YIN LA, RNAM PA KUN MNGON PAR RDZOGS PAR RTOGS PA NI SBYOR BA PA YIN NO, ,ZHES ZER RO, ,LA LA NI RNAM PA KUN MNGON PAR RDZOGS PAR RTOGS PA NI MI MTHUN PA'I PHYOGS DANG GNYEN PO RNAM PAR BZHAG PAS RAB TU PHYE BA YIN LA, ZHES SOGS GSUNGS, DON BSDU NA, SKABS DANG PO GSUM DU MKHYEN GSUM GYI RNAM PA BSTAN PA DANG, SKABS 'DIR DE LTAR BSTAN PA LA ZLOS SKYON MED DE, SKABS DANG PO GSUM DU MKHYEN GSUM GYI RNAM PA SO SOR BSTAN, SKABS 'DIR DE BSDUS NAS BSTAN PA'I PHYIR, SKABS 'DIR MKHYEN GSUM GYI RNAM PA BSDUS NAS BSTAN PA CHOS CAN, DGOS PA YOD DE, MKHYEN GSUM GYI RNAM PA BSDUS NAS BSGOM PAR BYA BA'I CHED YIN PA'I PHYIR, BYANG SEMS TSOGS LAM BAS MKHYEN GSUM GYI RNAM PA BSDUS NAS SGOM PA CHOS CAN, DGOS PA YOD DE, MKHYEN GSUM GYI RNAM PA SGOM PA LA DBANG THOB PAR BYA BA'I CHED YIN PA'I PHYIR, ` DES NA, MKHYEN GSUM GYI RNAM PA BSDUS NAS SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, RNAM RDZOGS SBYOR BA'I MTSAN NYID, DBYE NA, BRGYA BDUN CU RTZA GSUM DU YOD, SA MTSAMS THEG CHEN GYI TSOGS LAM NAS RGYUN MTHA'I BAR DU YOD, MKHYEN GSUM GYI RNAM PA

003b

ZHI LHAG ZUNG 'BREL GYI SBYOR BA'I NYAMS LEN DU BSDUS NAS SGOM PA MKHYEN GSUM GYI RNAM PA BSDUS SGOM GYI DON YIN NO, ,KHO NA RE, RNAM RDZOGS SBYOR BA THOB NA ZHI LHAG ZUNG 'BREL THOB DGOS PAR THAL, DAM BCA' 'THAD PA'I PHYIR, 'DOD NA, BYANG CHUB KYI SEMS LA MYONG BA SKYE BA LA ZHI LHAG ZUNG 'BREL THOB DGOS PAR THAL, 'DOD PA'I PHYIR, 'DOD MI NUS TE, LAM RIM LAS, MI RTAG PA DANG 'KHOR BA'I NYIS DMIGS DANG BYANG CHUB KYI SEMS SBYANGS PA LA YID 'GYUR GYI MYONG BA SKYE BA YANG ZHI GNAS LA RAGS LAS BA HA CANG THAL CHOS PAR 'GYUR RO, ,ZHES GSUNGS PA'I PHYIR, ZHES ZER NA, MKHAS PA KHA CIG THAL 'GYUR GNYIS PA LAM KHYAB CES GSUNGS, KHA CIG ,RTZA BAR MA KHYAB STE, NGAN SONG GI RTEN LA ZHI LHAG ZUNG 'BREL GSAR DU SKYE BA YOD PAR THAL, DE'I RTEN LA RNAM RDZOGS SBYOR BA GSAR DU SKYE BA YOD PA'I PHYIR, ZHES GSUNGS, KHA CIG ,MKHYEN GSUM GYI RNAM PA LA DBANG THOB PA'I PHYIR DU MKHYEN GSUM GYI RNAM PA BSDUS NAS SGOM PAR BYED PA'I SEMS DPA'I RNAL 'BYOR, RNAM RDZOGS SBYOR BA'I MTSAN NYID ZER BA MI 'THAD DE, RNAM RDZOGS SBYOR BA YIN NA, MKHYEN GSUM GYI RNAM PA LA DBANG MA THOB PAS MA KHYAB PA'I PHYIR, RTZE SBYOR YIN NA, MKHYEN GSUM GYI RNAM PA LA DBANG THOB PAS KHYAB PA'I PHYIR TE; SKAD CIG SBYOR YIN NA, DE LA BRTAN PA THOB PAS KHYAB PA'I PHYIR, KHA CIG ,KHYEN GSUM GYI RNAM PA BSDUS NAS SGOM PAR BYED PA'I SEMS DPA'I RNAL 'BYOR DE'I MTSAN NYID ZER NA, THEG CHEN GYI MTHONG LAM BAR CHAD MED LAM CHOS

004a

, ,CAN; MTSAN NYID DER THAL, MTSON BYA DE'I PHYIR, 'DOD NA, GZHI SHES KYI RNAM PA SGOM PA'I SEMS DPA'I RNAL 'BYOR DU THAL, 'DOD PA'I PHYIR, 'DOD MI NUS TE, CHOS CAN DE'I PHYIR, KHA CIG ,RNAM PA BRGYA BDUN CU RTZA GSUM BDEN STONG SPROS BRAL DU ZHI LHAG ZUNG 'BREL GYI SBYOR BAS RNAM THAR SGO GSUM DU BSDUS NAS SGOM PAR BYED PA MKHYEN GSUM BSDUS SGOM GYI MTSAN NYID YIN ZER BA MI 'THAD DE, NYER LEN GYI PHUNG PO MI RTAG SDUG BSNGAL SOGS SU SGOM PA'I RNAM RDZOGS SBYOR BA YOD PA'I PHYIR TE, RTAG PA LA SOGS PAR 'DZIN PA'I MI MTHUN PA'I PHYOGS YI GNYAN PO'I CHOS NYID KYI NGO BO NYID MI RTAG PA LA DMIGS PA'I YE SHES KYI BYE BRAG RNAMS RNAM PA NYID DU RNAM PAR BZHAG PA NI MI 'THAD DE, ZHES GSUNGS PA'I PHYIR, GZHAN YANG, STONG NYID LA DMIGS PA'I ZHI LHAG ZUNG 'BREL THOB PA'I DANG PO NYID NAS THEG CHEN DU RIGS NGES KYI BYANG SEMS TSOGS LAM PA YOD PAR THAL, DAM BCA' 'THAD BA'I PHYIR, 'DOD NA SLA, GZHAN YANG, BYANG SEMS TSOGS LAM PA YIN NA STONG NYID RTOGS PAS KHYAB PAR THAL, DAM BCA' 'THAD PA'I PHYIR, 'DOD MI NUS TE, THEG CHEN GYI RIGS CAN DBANG RTUL RNAMS KYIS DANG POR BYANG CHUB TU SEMS BSKYED DE, DE RJES STONG NYID RTOGS PA'I LTA BA RANG RGYUD LA 'TSOL BAR BYED PA YIN TE, DBU MA RGYAN LAS, YANG DAG DAD PA'I RJES 'BRANG BA, ,RDZOGS PA'I BYANG CHUB SEMS BSKYED NAS, ,THUB PA'I BRTUL ZHUGS BLANGS BYAS TE, ,DE NI

004b

YANG DAG SHES 'TSOL BRTZON, ,ZHES GSUNGS PA'I PHYIR, ` GNYIS PA LA, 'ON SKABS BZHI PA 'DIR RNAM RDZOGS SBYOR BA 'CHAD NA 'CHAD TSUL DE GANG ZHE NA, 'DI LA SKABS BZHI PA'I BSTAN BYA'I GTZO BOR GYUR PA'I RNAM RDZOGS SBYOR BA RANG RGYUD LA SKYED PA DANG, RGYUD LA BSKYED NAS SGOM PA'I RIM PA GNYIS LAS, DANG PO LA, SBYOR BA'I RNAM PA, SBYOR BA SGOM PA PO'I GANG ZAG ,SBYOR BA RANG GI NGO BO, SBYOR BA'I SNGON 'GRO'I CHOS DANG BZHI LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO, SBYOD PA KHYAD PAR CAN GYI LE'U RDZOGS PA DANG, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS 'DI LTA STE, SHER PHYIN 'DI NI MA MCHIS PA'I PHA ROL TU PHYIN PA'O, ,BCOM LDAN 'DAS KYIS BKA' STZAL PA, RAB 'BYOR NAM MKHA' MED PA'I PHYIR RO, ,ZHES PA NAS, RAB 'BYOR GYIS GSOL BA, BCOM LDAN 'DAS SHER PHYIN 'DI NI MI G-YO BA'I PHA ROL TU PHYIN PA'O, ,BCOM LDAN 'DAS KYIS BKA' STZAL PA, RAB 'BYOR CHOS KYI DBYINGS GNAS PA NYID KYI PHA ROL TU PHYIN PA'O, ,ZHES PA DANG, RAB 'BYOR GYIS GSOL BA, BCOM LDAN 'DAS 'DI LTA STE, SHER PHYIN 'DI NI 'DOD CHAGS DANG BRAL BA'I PHA ROL TU PHYIN PA'O, ,BCOM LDAN 'DAS KYIS BKA' STZAL PA, 'DOD CHAGS DMIGS SU MED PA'I PHYIR RO, ,ZHES PA NAS, RAB 'BYOR GYIS GSOL BA, BCOM LDAN 'DAS 'DI LTA STE, SHER PHYIN 'DI NI DNGOS PO MED

005a

, ,PA'I NGO BO NYID STONG PA NYID KYI PHA ROL TU PHYIN PA'O, ,BCOM LDAN 'DAS KYIS BKA' STZAL PA, DNGOS PO MED PA'I NGO BO NYID STONG PA NYID DMIGS SU MED PA'I PHYIR RO, ,ZHES PA DANG, RAB 'BYOR GYIS GSOL BA, BCOM LDAN 'DAS 'DI LTA STE STE, SHER PHYIN 'DI NI DRAN PA NYE BAR BZHAG PA'I PHA ROL TU PHYIN PA'O, ,BCOM LDAN 'DAS KYIS BKA' STZAL PA, RAB 'BYOR LUS DANG TSOR BA DANG SEMS DANG CHOS DMIGS SU MED PA NYID KYI PHYIR RO, ,ZHES PA NAS, RAB 'BYOR GYIS GSOL BA, BCOM LDAN 'DAS 'DI LTA STE, SHER PHYIN 'DI NI 'PHAGS PA'I LAM GYI PHA ROL TU PHYIN PA'O, ,BCOM LDAN 'DAS KYIS BKA' STZAL PA, 'PHAGS PA'I LAM YAN LAG BRGYAD DMIGS SU MED PA NYID KYI PHYIR RO, , ZHES PA DANG, RAB 'BYOR GYIS GSOL BA, BCOM LDAN 'DAS 'DI LTA STE, SHER PHYIN 'DI NI STONG PA NYID KYI PHA ROL TU PHYIN PA'O, ,BCOM LDAN 'DAS KYIS BKA' STZAL PA, LTA BAS BYAS PA'I RNAM PA DMIGS SU MED PA'I PHYIR RO, ,ZHES PA NAS; RAB 'BYOR GYIS GSOL BA, BCOM LDAN 'DAS 'DI LTA STE, SHER PHYIN 'DI NI YE SHES KYI PHA ROL TU PHYIN PA'O, ,BCOM LDAN 'DAS KYIS BKA' STZAL PA, MI SHES PA DMIGS SU MED PA NYID KYI PHYIR RO, ,ZHES PA DANG, RAB 'BYOR GYIS GSOL BA, BCOM LDAN 'DAS 'DI LTA STE, SHER PHYIN 'DI NI STOBS BCU'I PHA ROL TU PHYIN PA'O, ,BCOM LDAN 'DAS KYIS BKA' STZAL PA, CHOS THAMS CAD DMIGS SU MED PA NYID KYI PHYIR RO, ,ZHES PA NAS, RAB 'BYOR

005b

GYIS GSOL BA, BCOM LDAN 'DAS 'DI LTA STE, SHER PHYIN 'DI NI SANGS RGYAS KYI PHA ROL TU PHYIN PA'O, ,BCOM LDAN 'DAS KYIS BKA' STZAL PA, CHOS THAMS CAD RNAM PA THAMS CAD DU MNGON PAR 'TSANG RGYA PA NYID KYI PHYIR RO, ,ZHES PA'I BAR RNAMS GSUNGS, GNYIS PA LA, MDOR BSTAN PA DANG, RGYAS PAR BSHAD PA DANG, DON BSDU BA'O, ,DANG PO LA, RTZA BAS BSTAN TSUL DANG 'GREL PAS BSHAD TSUL GNYIS LAS, DANG PO NI, MDO'I DON BSHAD PA'I SGO NAS RNAM PA BRGYA BDUN CU RTZA GSUM MDOR BSTAN GYI SGO NAS BSHAD PA LA, GZHI SHES PA YI BYE BRAG RNAMS, ,ZHES SOGS GSUNGS, GNYIS PA LA, DE NYID MTSAN NYID KYI SGO NAS BSHAD PA LA, RTAG PA LA SOGS PAR 'DZIN PA, ZHES SOGS GSUNGS, DE YANG, GZHI SHES PA YI BYE BRAG RNAMS, ,RNAM PA ZHES BYA MTSAN NYID DE, ,ZHES PAS RNAM PA'I NGO BO MDOR BSTAN NAS, DE'I DON BSHAD PA LA, RTAG PA LA SOGS PAR 'DZIN PA MI MTHUN PA'I PHYOGS KYI GNYEN PO'I CHOS NYID KYI NGO BO NYID MI RTAG PA LA SOGS PA LA DMIGS PA'I YE SHES KYI BYE BRAG RNAMS RNAM PA NYID DU RNAM PAR BZHAG PA NI MTSAN NYID DE, ZHES GSUNGS, KUN MKHYEN NYID NI RNAM GSUM PHYIR, ,DE NI RNAM PA GSUM DU 'DOD, ,CES PAS RNAM PA'I DBYE BA MDOR BSTAN NAS; DE'I DON BSHAD PA LA, DE DAG KYANG THAMS CAD MKHYEN PA NYID GSUM GYI BYE BRAG GI RNAM PA GSUM KHO NAR BZHED DO, ,ZHES GSUNGS, GZHUNG DON NI, MKHYEN GSUM GANG RUNG GI RNAM PA SHAR BA'I SGO NAS SGOM PAR BYED PA'I SHES RAB

006a

, ,KYIS ZIN PA'I SEMS DPA'I RNAL 'BYOR CHOS CAN, SEMS DPA'I RGYUD KYI GNYEN PHYOGS SHES RNAM GYI MTSAN NYID YIN TE, DE'I 'JOG BYED YIN PA'I PHYIR, SKABS 'DIR BSTAN GYI SHES RNAM DE LA GSUM DU YOD DE; DE LA GZHI SHES KYI SHES RNAM, LAM SHES KYI SHES RNAM, RNAM MKHYEN GYI SHES RNAM GSUM DU YOD PA'I PHYIR, RANG GI MI MTHUN PHYOGS 'JOMS? PAR NUS PA'I MKHYEN PA CHOS CAN, SKABS 'DIR BSTAN GYI GNYEN PHYOGS SHES RNAM GYI MTSAN NYID YIN TE, DE'I 'JOG BYED YIN PA'I PHYIR, DE'I SEMS DPA'I RGYUD KYI DE LA RIGS 'BRE'O, ,DE LTAR YANG, RNAM BSHAD LAS, MKHYEN GSUM GANG RUNG GI RNAM PA SHAR NAS SGOM PAR BYED PA'I YE SHES ZHES BYA BA NI, SKABS 'DIR BSTAN GYI GNYEN PO'I MTSAN NYID, GNYEN POR 'JOG PA'I YE SHES KYI RNAM PA DE NI RIGS BSDU NA GSUM DU 'DOD PA'I PHYIR, ZHES GSUNGS PA'I PHYIR, KHO NA RE, RNAM PA ZHES BYA MTSAN NYID DE, ,ZHES PA'I MTSAN NYID DE MTSON BYA LA BYED RIGS PAR THAL, SBYOR BA 'THAD PA'I PHYIR, 'DOD MI NUS TE, NYI SNANG LAS, BYE BRAG NI MI MTHUN PA'I PHYOGS GANG GI GNYEN PO'I MTSAN NYID GANG YIN PA STE, DPER NA RTAG PAR 'DZIN PA LA MI RTAG PA BZHIN NO,, ZHES PA DANG, RGYAN SNANG LAS, SHES BYA'I BYE BRAG RNAMS RNAM PA NYID DU RNAM PAR BZHAG PA NI SPYI'I MTSAN NYID YIN NO, ,ZHES PA DANG, 'DIR YANG RNAM PA NYI DU RNAM PAR BZHAG PA NI MTSAN NYID DE, ZHES DANG, RNAM BSHAD LAS,

006b

MTSAN NYID DU 'CHAD PA NI SKABS 'DIR RNAM PA'I DBYE BA RGYAS PAR BSHAD PA 'DIS CI BYED MA SHES PAS GZHUNG GI DON LOG PAR BSHAD PA YIN PA'I PHYIR, ZHES GSUNGS PA'I PHYIR ZER NA, SKYON MED DE, RNAM PA ZHES BYA MTSAN NYID DE, ,ZHES PA'I MTSAN NYID MTSON BYAR KHAS BLANGS NA SKYON DER 'GYUR YANG KHAS MA BLANGS PA'I PHYIR, KHA CIG ,BYE BRAG RNAM PA'I MTSAN NYID ZER NA MI 'THAD DE, GZHI GRUB NA RNAM PA YIN DGOS PA'I PHYIR, KHA CIG ,GZHI'AM SHES PA'I KHYAD PAR GANG ZHIG RNAM RDZOGS SBYOR BA'I BSGOM BYAR GYUR PA RNAM PA'I MTSAN NYID, GZHI'I KHYAD PAR GANG ZHIG DANG, SHES PA'I KHYAD PAR GANG ZHIG CES SOGS SBYAR NAS, DON RNAM DANG SHES RNAM GYI MTSAN NYID, SHES RNAM GANG ZHIG ,BLANG BYA RNAM BYANG PHYOGS SU GTOGS PA, GNYEN PHYOGS SHES RNAM GYI MTSAN NYID, DE GANG ZHIG ,DOR BYA KUN NAS NYON MONGS PHYOGS SU GTOGS PA, MI MTHUN PHYOGS KYI SHES RNAM GYI MTSAN NYID ZER NA, GZHI CHOS CAN, GZHI'I KHYAD PAR DU THAL, DON RNAM YIN BA'I PHYIR, KHYAB PA KHAS, 'DOD NA, DE CHOS CAN, KHYOD KHYOD KYI KHYAD PAR MA YIN PAR THAL, KHYOD BDAG MED YIN PA'I PHYIR, GZHAN YANG, SHES PA CHOS CAN, SHES PA'I KHYAD PAR DU THAL, SHES RNAM YIN PA'I PHYIR, 'DOD NA, DE CHOS CAN, SHES PA DANG THA DAD DU THAL LO, ,MTSAN NYID PHYI MA LA, KHA CIG ,NYAN THOS KYI SBYOR LAM CHOS CAN, MI MTHUN PHYOGS KYI GZHI SHES SU THAL, MTSAN NYID DE'I PHYIR, GNYIS PA GRUB STE, SDUG BDEN YIN PA'I PHYIR, MA

007a

, ,GRUB NA, DER THAL, NYAN THOS SBYOR LAM PA SDUG BDEN YIN PA'I PHYIR NA MA KHYAB, KHA CIG ,KHYAD PAR GYI CHOS RNAM PA'I MTSAN NYID ZER NA, RNAM MKHYEN CHOS CAN, RNAM MKHYEN GYI KHYAD CHOS SU THAL, , RNAM MKHYEN GYI RNAM PA YIN PA'I PHYIR, KHYAB PA KHAS, DER THAL, RNAM MKHYEN GYI SHES RNAM YIN PA'I PHYIR, GZHAN YANG, GANG ZAG GI BDAG 'DZIN CHOS CAN, GANG ZAG GI BDAG GI KHYAD CHOS SU THAL, DE'I RNAM PA YIN PA'I PHYIR, KHYAB PA KHAS, DER THAL, DE'I RNAM PAR SKYES PA'I PHYIR, DE'I RNAM PA SHAR BA'I BLO YIN PA'I PHYIR, GZHAN YANG, RNAM MKHYEN 'DZIN PA'I RTOG PA CHOS CAN, RNAM MKHYEN GYI KHYAD CHOS SU THAL, RNAM MKHYEN GYI RNAM PA YIN PA'I PHYIR TE, DE'I RNAM PAR SKYES PA'I PHYIR TE, DE'I RNAM PA SHAR BA'I BLO YIN PA'I PHYIR, 'DOD MI NUS TE RTOG PA YIN PA'I PHYIR, GZHAN YANG, DE RNAM MKHYEN GYI RNAM PA YIN PAR THAL, BUM 'DZIN RTOG PA BUM PA'I RNAM PA YIN PA'I PHYIR TE, BUM PA'I RNAM PA YOD PA'I PHYIR, BUM PA BUM PA'I RNAM PA MA YIN PA'I PHYIR, KHO NA RE, RNAM MKHYEN 'DZIN PA'I RTOG PA CHOS CAN, RNAM MKHYEN GYI SHES RNAM DU THAL, RNAM MKHYEN GYI RNAM PA YIN PA'I PHYIR, 'DOD NA, DE CHOS CAN, RNAM MKHYEN YIN PAR THAL, 'DOD PA'I PHYIR NA, RNAM MKHYEN GYI DON RNAM YIN NA, RNAM MKHYEN MA YIN DGOS PAR THAL, RNAM MKHYEN GYI RNAM PA YIN NA RNAM MKHYEN GYI SHES RNAM

007b

YIN DGOS PA'I PHYIR, 'DOD NA, RNAM MKHYEN CHOS CAN, DER THAL, DE'I PHYIR, GZHI GRUB PA'I PHYIR, GZHAN YANG, MKHYEN GSUM GYI RNAM PA YIN NA, MKHYEN GSUM YIN DGOS PAR THAL, MKHYEN GSUM YIN PA YOD PA GANG ZHIG RNAM MKHYEN GYI RNAM PA YIN NA, RNAM MKHYEN YIN DGOS PA'I PHYIR, 'DOD NA, MKHYEN GSUM CHOS CAN, DER THAL, DE'I PHYIR, MKHYEN GSUM GYI GZUNG RNAM YIN PA'I PHYIR, MA GRUB NA, MKHYEN GSUM CHOS CAN, KHYOD KHYOD KYI GZUNG RNAM YIN PAR THAL, KHYOD GZHAN RIG GI SHES PA YIN PA'I PHYIR, 'DOD NA, DE CHOS CAN, RNAM MKHYEN DU THAL, MKHYEN GSUM YIN PA'I PHYIR, GZHAN YANG, LAM BDEN GYI RNAM PA YIN NA, LAM BDEN YIN DGOS PA DANG, SDUG BDEN GYI RNAM PA YIN NA, SDUG BDEN YIN DGOS PAR THAL, RNAM MKHYEN LA DE'I PHYIR, 'DOD NA SLA, GZHAN YANG, THEG CHEN GYI MTHONG LAM BAR CHAD MED LAM NYAMS SU MYONG BA'I RANG RIG CHOS CAN, THEG CHEN GYI MTHONG LAM BAR CHAD MED LAM YIN PAR THAL, DE'I RNAM PA YIN PA'I PHYIR, DER THAL, DE'I 'DZIN RNAM YIN PA'I PHYIR, KHO NA RE, RNAM MKHYEN GYI DON RNAM YIN NA, RNAM MKHYEN GYI RNAM PA YIN DGOS PAR THAL, RNAM MKHYEN GYI RNAM PA YIN NA, RNAM MKHYEN GYI SHES RNAM YIN PAS MA KHYAB PA'I PHYIR, 'DOD NA, BUM PA CHOS CAN, DER THAL, DE'I PHYIR, 'DOD NA, DE CHOS CAN, SHES PA'I RNAM PA YIN PAR THAL, 'DOD PA'I PHYIR, 'DOD NA, SHES RNAM

008a

, ,DU THAL, 'DOD PA'I PHYIR NA LAN 'OG TU 'CHAD, KHA CIG ,RANG YUL GYI RNAM PA SHAR BA'I SGO NAS RANG GI LOGS PHYOGS KYI SGRO 'DOGS LA GNOD BYED KYI LAM ZHUGS KYI MKHYEN PA, 'DIR BSTAN GNYEN PHYOGS SHES RNAM GYI MTSAN NYID, DE'I SGO NAS DE LA GNOD BYED KYI 'PHAGS RGYUD KYI MKHYEN PA, SKABS 'DIR DNGOS SU BSTAN PA'I GNYEN PHYOGS SHES RNAM GYI MTSAN NYID, DE'I SGO NAS DE LA GNOD BYED KYI BYANG SEMS KYI RGYUD KYI MKHYEN PA, 'DIR BSTAN BSTAN BYA'I GTZO BOR GYUR PA'I GNYEN PHYOGS SHES RNAM GYI MTSAN NYID ZER NA, THEG CHEN GYI MTHONG LAM BAR CHAD MED LAM CHOS CAN, RANG YUL GYI RNAM PA SHAR BAR THAL, 'DIR BSTAN GNYEN PHYOGS SHES RNAM YIN PA'I PHYIR, KHYAB PA KHAS, 'DOD NA, DE'I YUL CHOS CAN, KHYOD DE'I DNGOS YUL YIN PAR THAL, DE LA KHYOD KYI RNAM PA SHAR BA'I PHYIR, 'DOD NA, DE CHOS CAN, DON DAM BDEN PA YIN PAR THAL LO, ,GZHAN YANG, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI KUN RDZOB SEMS BSKYED CHOS CAN, MTSON BYA DER THAL, MTSAN NYID DE'I PHYIR, 'DOD MI NUS TE, MKHYEN GSUM GANG RUNG MA YIN PA'I PHYIR, KHYAB STE, SKABS 'DIR DNGOS SU BSTAN PA'I SHES RNAM LA DE GSUM DU GRANGS NGES PA'I PHYIR TE, KUN MKHYEN NYID NI RNAM GSUM PHYIR, ,ZHES GSUNGS PA'I PHYIR, GZHAN YANG, RNAM MKHYEN CHOS CAN, MTSAN NYID DER THAL, MTSON BYA

008b

DE'I PHYIR, RTAGS GRUB STE, KUN MKHYEN NYID NI RNAM GSUM PHYIR, ,ZHES PA'I GZHUNG 'DIS RNAM MKHYEN BSTAN BYA'I GTZO BOR BYAS NAS BSTAN PA'I PHYIR TE, DES MKHYEN GSUM BSTAN BYA'I GTZO BOR BYAS NAS BSTAN PA'I PHYIR, RTAGS GRUB STE, MED PA'I RNAM PA NAS BZUNG STE, ,ZHES PA NAS, SUM CU RTZA DGU DAG TU BZHED, ,CES PA'I BAR GYIS MKHYEN GSUM BSTAN BYA'I GTZO BOR BYAS NAS BSTAN PA'I PHYIR, GZHAN YANG, NYAN THOS DGRA BCOM PA'I RTOGS PA SNGON DU SONG BA'I BYANG SEMS KYI TSOGS LAM CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, CHOS CAN DE'I PHYIR, 'DOD NA, DE CHOS CAN, DMAN LAM SNGON DU MA SONG BA'I MKHYEN PA YIN PAR THAL, 'DOD PA'I PHYIR, KHYAB STE, MTSAN MED RAB TU SBYIN LA SOGS, ,ZHES PA'I GZHUNG GI BSTAN BYA'I GTZO BOR GYUR PA'I THAR PA CHA MTHUN YIN NA, DANG PO NYID NAS THEG CHEN DU RIGS NGES PA'I BYANG SEMS KYI TSOGS LAM YIN DGOS PA'I PHYIR TE, RNAM PA THAMS CAD RTOGS 'DI LA; ;ZHES SOGS GSUNGS PA LA DGOS PA YOD PA'I PHYIR, KHA CIG ,MKHYEN GSUM GANG RUNG GI RNAM PA SHAR NAS SGOM PAR BYED PA'I SEMS DPA'I RNAL 'BYOR GNYEN PHYOGS SHES RNAM GYI MTSAN NYID ZER BA MI 'THAD DE, RNAM MKHYEN DE GNYEN PHYOGS SHES RNAM YIN PA'I PHYIR TE, 'PHAGS RGYUD KYI MKHYEN PA YIN PA'I PHYIR, KHA CIG ,DE SEMS DPA'I RGYUD KYI GNYEN PHYOGS SHES RNAM GYI MTSAN NYID ZER BA MI 'THAD DE, THEG CHEN GYI MTHONG LAM BAR CHAD MED LAM GYIS MA NGES PA'I

009a

, ,PHYIR; KHA CIG ,RNAM PA LA DON RNAM DANG SHES RNAM GNYIS SU YOD PA'I DON RNAM BSGOM BYA YIN, SHES RNAM BSGOM BYA MIN ZHES ZER, KHA CIG ,SHES RNAM BSGOM BYA YIN, DON RNAM BSGOM BYA MIN, ZHES ZER, 'DI 'GOG PA LA, RNAM BSHAD LAS, KHA CIG DON RNAM DANG SHES RNAM GNYIS SU PHYE NAS BSGOM BYA GANG YIN MI MTHUN PA SO SOR 'DOD PA LA NI SNYING PO CUNG ZAD KYANG MED DE, MI RTAG PA RTOGS PA'I YE SHES BSGOM BYAR 'DOD PA DES KYANG MI RTAG PA BSGOM BYAR KHAS LEN DGOS LA, MI RTAG PA BSGOM BYAR 'DOD PA DES KYANG DE RTOGS KYI YE SHES BSGOM BYAR KHAS MI LEN NA GZHI STOR BAR 'GYUR BA'I PHYIR RO, ,ZHES GSUNGS, DON NI, LUGS DANG PO MI 'THAD DE, MI RTAG PA SGOM PA'I GANG ZAG YIN NA, MI RTAG PA RTOGS PA'I BLO SGOM PA'I GANG ZAG YIN DGOS PA'I PHYIR DANG, SNYING RJE CHEN PO YANG BSGOM BYA YIN PA'I PHYIR, GNYIS PA YANG MI 'THAD DE, 'DUS BYAS MI RTAG PAR RTOGS PA'I BLO SGOM PA'I GANG ZAG YIN NA, 'DUS BYAS MI RTAG PA SGOM PA'I GANG ZAG YIN DGOS PA'I PHYIR DANG, STONG NYID YANG BSGOM BYA YIN PA'I PHYIR TE, DE BYANG 'PHAGS KYI BSGOM BYA'I GTZO BO YIN PA'I PHYIR, KHA CIG ,RNAM PA YIN NA SHES RNAM YIN PAS KHYAB CING, DON RNAM ZHES PA SHES BYA LA MI SRID CING GZHUNG LUGS CHEN MO RNAMS SU YANG MA GSUNGS PA'I PHYIR ZHES ZER, DE LA ROD t'IKA BA NA RE, DE NI MI RIGS TE, YUL RNAM CAN NI THA DAD PAR, ,BLO YI RTOGS PA THA DAD PHYIR, ,ZHES PAS DON RNAM BSTAN PA'I PHYIR DANG, MDO LAS,

009b

RNAM PA GANG DAG DANG RTAGS GANG DAG DANG, ZHES RNAM PA'I SGRAS PHYI ROL GYI DON BZUNG BA YIN PA'I PHYIR, 'ON KYANG 'DIR BSTAN PA NI SHES RNAM KHO NA DANG MI MTHUN PHYOGS KYI GNYEN POR GSUNGS PA'I PHYIR DANG, MDO LAS, MA MCHIS PA'I PHA ROL TU PHYIN PA DANG, MI G-YO BA'I PHA ROL TU PHYIN PA DANG, ZHES PHA ROL TU PHYIN PA'I SGRAS GSUNGS PA DANG BSTAN BCOS LAS KYANG MDOR BSTAN DU YE SHES KYI BYE BRAG TU GSUNGS SHING RGYAS BSHAD KYIS DE NYID RGYAS PAR BSTAN PA'I PHYIR, ZHES ZER, LUGS SNGA MA MI 'THAD DE; NYER LEN GYI PHUNG PO MI RTAG PA RNAM PA YIN PA'I PHYIR TE, MED PA'I RNAM PA NAS BZUNG STE, ,ZHES GSUNGS PA'I PHYIR, GNYIS PA YANG MI 'THAD DE, SKABS 'DIR DON RNAM BRGYA BDUN CU RTZA GSUM BSTAN PA'I PHYIR TE, BSTAN BCOS MNGON RTOGS RGYAN GYIS DE BSTAN PA'I PHYIR, RANG LUGS KYI MTSAN NYID SOGS SBYOR BA LAS SHES PAR BYA'O, ,DES NA RNAM PA'I NGOS 'DZIN, MDO LAS GSUNGS TSUL, BSTAN BCOS SU BSDUS TSUL, JI LTAR SGOM TSUL LO, ,DANG PO NI, 'DIR BSTAN PA SGOM BYA'I RNAM PA LA GNYIS SU YOD DE, DE LA RTOGS BYA BDEN BZHI DANG RTOGS PA PO MKHYEN GSUM LA YOD PA'I CHOS KYI KHYAD PAR GYIS DON RNAM DANG SHES RNAM GNYIS SU YOD PA'I PHYIR TE, GSER PHRENG LAS, TSIG GSAL LAS, RNAM PA NI BYE BRAG STE SANGS RGYAS KYI SA LA SOGS PA LA CHOS KYI BYE BRAG JI SNYED GCIG YOD PA STON PA'O, ,ZHES PA LTAR KUN NAS NYON MONGS DANG RNAM BYANG GI CHOS KYI KHYAD PAR DAM GSAL BA'I DBYE BA RNAMS SO, ,ZHES GSUNGS PA'I PHYIR, GNYIS PA NI, MDO LAS, SHER PHYIN 'DI NI

010a

, ,MA MCHIS PA'I PHA ROL TU PHYIN PA'O, ,ZHES PA NAS, RAB 'BYOR CHOS THAMS CAD RNAM PA THAMS CAD DU MNGON PAR 'TSANG RGYA BA NYID KYI PHYIR RO, ,ZHES PA'I BAR DU, RAB 'BYOR GYIS SHER PHYIN 'DI NI 'DI DANG 'DI'I PHA ROL TU PHYIN PA'O; ;ZHES DAM BCA' RNAMS BZHAG CING BCOM LDAN 'DAS KYIS DE'I 'THAD PA BKA' STZAL TO, ,DE YANG RNAM PA NYER BDUN DANG SO DRUG LA DAM BCA' DANG 'THAD PA'I MDO DE DAG DANG GRANGS MNYAM PA YOD LA, RNAM MKHYEN GYI RNAM PA SO BDUN LA SDE TSAN BDUN PO RE RE LA RE RE STE MDO TSAN BDUN DANG, SO BZHI LA, RNAM THAR BRGYAD LA GCIG ,SNYOMS 'JUG DGU LA GCIG ,SPONG LAM LA GCIG ,GZHAN BCU GSUM LA RE RE STE BCU DRUG DANG, SO DGU LA THA MA GSUM LA RE RE, GZHAN SDE TSAN BZHI LA RE RE STE MDO TSAN BDUN YOD DE LA RAB 'BYOR GYIS SHES RNAM DANG, DE BZHIN GSHEGS PAS DON RNAM BSTAN PAR KHA CIG GIS 'DOD KYANG, DE GNYIS KAS DON RNAM DANG, SHES RNAM CI RIGS PAR GSUNGS TE, DPER NA MA MCHIS PAS DON RNAM DANG DE'I PHAR PHYIN GYIS SHES RNAM SGRAS ZIN LA BSTAN LA, NAM MKHA' MED PA'I PHYIR ZHES PAS DNGOS SU RTAG PA MED PA'I DON RNAM DANG, SHUGS LA DE MED PAR RTOGS PA'I SHES RNAM BSTAN PA BZHIN YIN PA'I PHYIR, GSUM PA NI, MNGON RTOGS RGYAN LAS RJE BTZUN GYIS, MED PA'I RNAM PA NAS BZUNG STE, ,ZHES SOGS KYIS 'DI NAS 'DI'I BAR GYIS GZHI SHES DANG RNAM MKHYEN GYI RNAM PA BSTAN NO ZHES SA GCOD MDZAD LA, LAM SHES KYI RNAM PA LAS GCOD DNGOS SU MA MDZAD PA'I

010b

RGYU MTSAN YOD DE, GZHI SHES DANG RNAM MKHYEN LA THOG MTHA' BZUNG BAS DE'I BAR GYI DE LAM SHES KYI RNAM PA YIN NO ZHES GO SLA BA LA DGONGS NAS DNGOS SU MA MDZAD PA'I PHYIR, LAM SHES KYI RNAM PA LAS GCOD DON GYI THOB PA YIN TE, 'DOD CHAGS BRAL BA NAS BZUNG STE, ,DNGOS MED NGO BO NYID KYI BAR, ,ZHES PA DON 'THOB LAS 'BYUNG BA'I PHYIR, BZHI PA NI, 'O NA SHES RNAM DANG DON RNAM 'DI DAG LAS BSGOM PAR BYA BA GANG ZHE NA, SHES RNAM BRGYA BDUN CU RTZA GSUM GYIS DON RNAM BRGYA DON GSUM LA SGRO 'DOGS BCAD NAS BSGOM PAR BYA BA YIN PAS, DON RNAM DANG SHES RNAM GNYIS KA BSGOM PAR BYA BA YIN TE, DPER NA 'DUS BYAS MI RTAG PAR SGOM PA NA DE RTOGS PA'I BLO SGOM PA BZHIN YIN PA'I PHYIR, 'ON KYANG 'DIR BSGOM BYA'I GTZO BO SHES RNAM LA BZHED PA GSER PHRENG LAS BSHAD DE, DE NYID LAS, 'ON KYANG GZHUNG NAS SBYOR BAS RNAM PA SGOM PAR GSUNGS PA'I DGONGS PA NI GTZO BOR SHES PA'I RNAM PA NYID SGOM PAR SNANG STE, ZHES DANG, DE LTAR NA BDAG MED PA DANG SNYING RJE SGOM ZHES PA LTAR YUL SGOM PA DANG, YUL CAN DE'I BDAG NYID DU BLO SGOM PAR BYED PA GNYIS LAS 'DIR PHYI MA GTZO BOR BZUNG NGO, ZHES GSUNGS PA'I PHYIR, ` GNYIS PA RNAM PA RGYAS PAR BSHAD PA LA, MTSAMS SBYAR BA DANG, DON BSHAD PA GNYIS LAS, DANG PO NI, MKHYEN GSUM GYI RNAM PA RNAMS SO SOR MA PHYE BAR SPYIR BSTAN NAS DA NI SO SOR PHYE NAS KHYAD PAR DU 'CHAD DO ZHES BSHAD PA LA, RNAM PA RNAMS SPYIR BSTAN NAS, DA NI KHYAD PAR DU, ZHES GSUNGS, GNYIS PA LA, GZHI SHES KYI RNAM PA RGYAS PAR

011a

, ,BSHAD PA DANG, LAM SHES KYI RNAM PA RGYAS PAR BSHAD PA DANG, RNAM MKHYEN GYI RNAM PA RGYAS PAR BSHAD PA DANG GSUM LAS, DANG PO LA, MTSAMS SBYAR BA DANG, MDOR BSTAN, RGYAS BSHAD, DON BSDU BA'O, ,DANG PO NI, MKHYEN GSUM GYI RNAM PA BSTAN PA DE LA RE ZHIG DANG POR GZHI SHES KYI RNAM PA 'CHAD, CES STON PA LA, DE LA THAMS CAD SHES PA NYID KYI DBANG DU BYAS NAS ZHES GSUNGS, 'DI PHYI 'GREL NA YOD KYANG MTSAMS SBYAR LA BLANG STE, NYI SNANG DU 'DI 'DI'I MTSAMS SBYAR DU MDZAD CING, DE NYID SLOB DPON GYIS KYANG BKOD PA DANG, RGYAN SNANG DU YANG MTSAMS SBYOR DU MDZAD PA'I PHYIR, ZHES GSER PHRENG LAS GSUNGS SO, ,GNYIS PA LA, SNGAR BSHAD PA'I MDO TSAN DANG PO DE'I DON BSHAD PA'I SGO NAS GZHI SHES KYI RNAM PA NYER BDUN 'CHAD PA LA, MED PA'I RNAM PA NAS BZUNG STE, ,ZHES SOGS GSUNGS, GSUM PA LA, BDEN PA DANG PO GSUM DANG, LAM BDEN GYI RNAM PA'O, ,DANG PO LA, MDO LAS, MED PA'I RNAM PA NAS SKYE BA MED PA'I RNAM PA'I BAR RNAM PA BCU GNYIS PO DE STON PA LA, MED PA DANG, MI SKYE BA DANG, DBEN PA DANG, MI RDZI BA DANG, GNAS MED PA DANG, NAM MKHA' DANG, BRJOD DU MED PA DANG, MING MED PA DANG, 'GRO BA MED PA DANG, MI 'PHROGS PA DANG, MI ZAD PA DANG, SKYE BA MED PA'I RNAM PA STE BCU GNYIS NI GO RIMS BZHIN DU SDUG BSNGAL LA SOGS PA'I BDEN PA GSUM GYI MI RTAG PA LA SOGS PA'I MTSAN NYID DAG YIN NO, ,ZHES GSUNGS, GNYIS PA LA, RTEN LAM GYI RAB DBYE DANG, BRTEN PA RNAM PA'I

011b

RAB DBYE, GRANGS KYI SGO NAS DON BSDU BA DANG GSUM LAS, DANG PO NI, NYON MONGS PA'I SGRIB PA'I GNYEN PO NYID DU ZAG PA MED PA'I LAM GCIG DANG, THAMS CAD SHES PA NYID GYIS RANG SANGS RGYAS RNAMS KYANG BSDUS PAS DE'I PHYIR DE DAG GI SHES BYA'I SGRIB PA'I GNYEN PO NYID DU SGOM PA'I LAM ZAG PA DANG BCAS PA DANG, ZAG PA MED PA GNYIS YIN PAS LAM RNAM PA GSUM MO, ,ZHES GSUNGS, GNYIS PA LA, BZHIR DBYE BA, LNGAR DBYE BA, DRUG TU DBYE BA DANG GSUM LAS, DANG PO NI, LAM GSUM PO DE'I NANG NAS DANG PO ZAG MED LA YOD PA'I RNAM PA BZHI PO DE STON PA LA, DE LA DANG PO LA BYED PA PO MED PA DANG, SHES PA BO MED PA DANG, 'PHO BA MED PA DANG, 'DUL BA MED PA'I RNAM PA STE, BZHI NI GO RIMS BZHIN DU LAM LA SOGS PA'I MTSAN NYID DAG YIN NO; ;ZHES GSUNGS, GNYIS PA LAM GNYIS PA ZAG BCAS LA YOD PA'I RNAM PA LNGA PO STON PA LA, GNYIS PA LA RMI LAM DANG, SGRA BRNYAN DANG, MIG YOR DANG, SMIG RGYU DANG, SGYU MA'I RNAM PA STE LNGA NI GO RIMS BZHIN DU, NGO BO NYID MED PA DANG, MA SKYES PA DANG, MA 'GAGS PA DANG, GZOD MA NAS ZHIN DANG, RANG BZHIN GYIS MYA NGAN LAS 'DAS PA'I MTSAN NYID SBYOR SHES BYA'I SGRIB PA'I GNYEN POR GYUR PA DAG YIN NO, ,ZHES GSUNGS, GSUM PA NI, LAM GSUM PA ZAG MED LA YOD PA'I RNAM PA DRUG PO 'CHAD PA LA, GSUM PA LA KUN NAS NYON MONGS PA MED PA DANG, RNAM PAR BYANG BA MED PA DANG, GOS BA MED PA DANG, SPROS PA MED PA DANG, RLOM PA MED PA DANG, MI G-YO BA'I RNAM PA STE DRUG NI GO RIMS BZHIN DU SHES BYA'I SGRIB PA KUN NAS

012a

, ,NYON MONGS PA DANG, RNAM PAR BYANG BA DANG, NYON MONGS PA'I BAG CHAGS DANG, GZUGS LA SOGS PA'I SPROS PA DANG, RANG GI RTOGS PA DANG, YONGS SU NYAMS PAR RNAM PAR RTOGS PA RNAMS KYI SO SOR NGES PA'I GNYEN PO GYUR, PA DAG YIN NO, ,ZHES GSUNGS, GSUM PA LA GRANGS KYI SGO NAS DON BSDU BA LA, DE LTAR NA LAM GYI BDEN PA LA RNAM PA BCO LNGA STE, ZHES GSUNGS, BZHI PA DON BSDU BA LA, SPYIR NA THAMS CAD SHES PA NYID KYI RNAM PA NYI SHU RTZA BDUN YIN NO, ,ZHES GSUNGS, GZHUNG DON NI, GZHI SHES KYI RNAM PA DE LA NYER 'DUN YOD DE, BDEN PA DANG PO GSUM LA BRTEN PA'I GZHI SHES KYI RNAM PA BCU GNYIS, LAM BDEN LA BRTEN BA'I GZHI SHES KYI RNAM PA BCO LNGA RNAMS SU YOD PA'I PHYIR, DES NA GZHI SHES KYI RNAM PA SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, SEMS DPA'I RGYUD KYI GZHI SHES KYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS KYI GNYEN PO'I MTSAN NYID, GZHI SHES KYI BSGOM BYA'I RNAM PAR GYUR PA'I 'PHAGS RGYUD KYI MKHYEN PA GANG ZHIG ,THEG DMAN GYI RTOGS RIGS SU GNAS PA, GZHI SHES KYI SHES RNAM KYI MTSAN NYID, DBYEN NA BDEN PA GSUM LA SO SOR BZHI BZHI, LAM BDEN LA BRTEN PA'I RNAM PA BCO LNGA STE NYER BDUN DU YOD, DANG PO GRUB STE, SDUG BDEN GYI RNAM PA MI RTAG SDUG BSNGAL STONG BDAG MED BZHI RTOGS PA'I RNAM PA BZHI, KUN 'BYUNG BDEN PA'I RNAM PA RGYU KUN 'BYUNG RAB SKYE RKYEN BZHI RTOGS PA'I RNAM PA BZHI, 'GOG BDEN GYI RNAM PA, 'GOG PA, ZHI BA, GYA NOM PA,

012b

NGES BAR 'BYUNG BA BZHI RTOGS PA'I RNAM PA BZHI RNAMS SU YOD PA'I PHYIR, PHYI MA BCO LNGA 'OG TU 'CHAD; KHA CIG ,GZHI SHES KYI DMIGS PA'I CHOS LA LOG PHYOGS SU SGO 'DOGS PA'I SGRO 'DOGS 'GOG BAR BYED PA'I SEMS DPA'I RNAL 'BYOR, GZHI SHES KYI SHES RNAM GYI MTSAN NYID ZER NA, THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, GZHI SHES KYI RNAM PA SGOM PA'I SEMS DPA'I RNAL 'BYOR YIN PA'I PHYIR, DER THAL, DE YOD PA'I PHYIR, 'DOD NA, DE CHOS CAN, GZHI SHES SU THAL LO, ,KHA CIG ,DE 'DRA'I GZHI SHES KYI 'DZIN STANGS SU DMIGS PA, DE'I RNAM PA'I MTSAN NYID ZER NA, GZHI SHES 'DZIN PA'I RTOG PA CHOS CAN, GZHI SHES KYI 'JIG STANGS SU THAL, GZHI SHES KYI RNAM BA YIN PA'I PHYIR, 'DOD NA; DE CHOS CAN, GZHI SHES SU THAL LO, ,'DOD MI NUS TE, DE RGYUD LDAN GYI LAM MA ZHUGS KYI GANG ZAG YOD PA'I PHYIR, KHA CIG ,DMAN PA'I RIGS CAN RJES SU BZUNG BA'I PHYIR DU GTZO BOR BSGOM PAR BYA BA'I 'PHAGS RGYUD KYI MKHYEN PA, GZHI SHES KYI SHES RNAM GYI MTSAN NYID ZER NA, BYANG 'PHAGS KYI RGYUD KYI DMAN PA'I RIGS CAN SDUG BSNGAL DANG 'BRAL BAR 'DOD BA'I SNYING RJE CHEN PO CHOS CAN, MTSON BYA DER THAL, MTSAN NYID DE'I PHYIR, CHOS CAN DE DANG GCIG YIN PA'I PHYIR, KHA CIG ,THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA DE, SKABS 'DIR BSTAN GYI GZHI SHES KYI SHES RNAM GYI MTSAN NYID ZAR BA MI 'THAD DE, SKABS 'DIR BSTAN GYI DE LA BYANG SEMS 'PHAGS BA'I RGYUD KYI DE DANG, THEG DMAN 'PHAGS

013a

, ,PA'I RGYUD KYI DE GNYIS SU GRANGS NGES PA'I PHYIR TE, DE LA THAMS CAD MKHYEN PA NYID GSUM GYI RNAM PA NI NYAN THOS DANG BYANG CHUB SEMS DPA'I BYE BRAG GIS GO RIMS BZHIN DU ZAG PA MED PA DANG ZAG PA DANG BCAS PA DAG KYANG YIN NO, , ZHES GSUNGS PA'I PHYIR, NYON MONGS PA'I SGRIB BA'I GNYEN PO NYID DU ZHES SOGS GSUNGS YOD PA'I DON NI GZHI SHES KYI LAM BDEN GYI RNAM PA LA GSUM DU YOD DE, NYON SGRIB KYI GNYEN PO'I RIGS SU GNAS PA'I ZAG MED MTHONG LAM GCIG, GZUGS PHYI ROL DON DU 'DZIN PA'I RTOG PA'I GNYEN PO'I RIGS SU GNAS PA'I SGOM LAM ZAG BCAS GCIG ,DE'I GNYEN PO'I RIGS SU GNAS PA'I MTHONG LAM ZAG MED GCIG STE GSUM DU YOD PA'I PHYIR, DANG PO DE LA BZHI YOD DE, DE LA LAM BDEN GYI RNAM PA'I LAM RIGS PA SGRUB PA NGES 'BYIN BZHI RTOGS PA'I RNAM PA BZHI YOD PA'I PHYIR, GNYIS PA DE LA LNGA YOD DE, GZUNG BA RMI LAM LTA BU DANG, SGRA BRNYAN LTA BU DANG, MIG YOR LTA BU DANG, SMIG RGYU LTA BU DANG, SGYU MA LTA BUR, RIMS PA BZHIN BDEN PA'I NGO BO NYID MED BA DANG, DON DAM PAR MA SKYES PA DANG, MA 'GAGS PA DANG, GZOD MA NAS SPROS PA NYE BAR ZHI BA DANG, RANG BZHIN GYIS YONGS SU MYA NGAN LAS 'DAS PA STE DAG PAR RTOGS PA'I RNAM PA LNGA YOD PA'I PHYIR, GSUM PA DE LA DRUG TU YOD DE, PHYI'I GZUNG BA DOR BYA KUN NAS NYON MONGS PA'I DNGOS PO MED PA DANG, DE BLANG BYA RNAM BAR BYANG BA'I DNGOS PO MED PA DANG, DE'I RANG BZHIN GOS PA MED PA 'OD GSAL BA DANG, DE GZUGS SGRA LA SOGS PA'I RAB TU DBYE BA'I SPROS PA MED PA DANG,

013b

DE DON DAM PAR STONG PAR RTOGS PA LA RLOM PAR BYAR MED PA NYID DANG, DE BDEN PA'I STONG PA'I STONG NYID MI G-YO BA STE SRID PA JI SRID KYI BAR DU GNAS PAR RTOGS PA'I RNAM PA DRUG TU YOD BA'I PHYIR, SKABS 'DIR GZUGS PHYI ROL DON DU 'DZIN PA'I RTOG BA'I GNYEN PO 'CHAD PA SKABS SU MA BABS PA'I SKYON MED DE, GZHI SHES KYIS RANG RGYAL 'PHAGS PA'I MNGON RTOGS BSDUS PA'I PHYIR, DES NA, NYON SGRIB DANG SHES SGRIB GANG RUNG GANG ZHIG GTZO BOR THAR PA THOB PA LA BAR DU GCOD BYED KYI SGRIB PA'I RIGS SU GNAS PA, NYON SGRIB KYI MTSAN NYID, DBYE NA, RTZA NYON DRUG, NYE NYON NYI SHU RNAMS SU YOD, DE GANG ZHIG ,GTZO BOD THAMS CAD MKHYEN BA THOB PA LA BAR DU GCOD BYED KYI SGRIB PA'I RIGS SU GNAS PA, SHES SGRIB KYI MTSAN NYID, DBYE NA, PHRA RAGS GNYIS SU YOD DE, BDEN 'DZIN DANG, ZUGS PHYI ROL DON 'DZIN GYI RTOG PA GNYIS SU YOD PA'I PHYIR, KHO NA RE, SBYI SHES BYA'I SGRIB PA'I GNYEN PO, ZHES PA'I SKABS NAS BSTAN PA'I SHES SGRIB YIN NA, SHES SGRIB YIN DGOS PAR THAL, GZUGS PHYI ROL DON 'DZIN GYI RTOG PA DE SHES SGRIB YIN PA'I PHYIR, 'DOD NA, RANG BZHIN GYIS YONGS SU MYA NGAN LAS 'DAS PA, ZHES PA'I SKABS NAS BSTAN PA'I RANG BZHIN GYI MYANG 'DAS YIN NA, RANG BZHIN GYI MYANG 'DAS YIN DGOS PAR THAL, 'DOD PA'I PHYIR NA MA KHYAB STE, 'GRO LA CHAGS PAS KUN CHAGS MDZAD, ,CES PA'I SKABS NAS BSTAN PA'I CHAGS PA YIN NA, CHAGS PA YIN DGOS PAR THAL, BSTAN BCOS CHEN PO'I RNAM BSHAD MDZAD, ,CES PA'I SKABS NAS BSTAN PA'I BSTAN BCOS YIN NA,

014a

, ,BSTAN BCOS YIN DGOS PA'I PHYIR, KHYAB PA 'GRIG ,KHA CIG ,GZHI SHES KYI LAM BDEN GYI RNAM PA LA DU MA YOD DE, DE LA NYON SGRIB KYI DNGOS GNYEN DU GYUR PA'I ZAG MED MTHONG LAM GCIG ,SHES SGRIB GZUNG RTOG GI DNGOS GNYEN DU GYUR PA'I SGOM LAM ZAG BCAS GCIG ,DER GYUR PA'I MTHONG LAM ZAG MED GCIG YOD PA'I PHYIR ZER BA MI 'THAD DE, NYON SGRIB KYI DNGOS GNYEN YIN NA, SGOM LAM BAR CHAD MED LAM YIN DGOS, SHES SGRIB GZUNG RTOG GI DNGOS GNYEN YIN NA, SGOM LAM ZAG MED YIN DGOS PA'I PHYIR, KHO NA RE, STONG NYID LA RTZE GCIG TU MNYAM PAR BZHAG PA'I THEG CHEN GYI SBYOR LAM CHOS CAN, SGOM LAM BA CHAD MED LAM YIN PAR THAL, SHES SGRIB GZUNG RTOG GI DNGOS GNYEN YIN BA'I PHYIR TE, BDEN 'DZIN GYI DNGOS GNYEN YIN PA'I PHYIR, DE LA DNGOS SU GNOD BYED GANG ZHIG, DE'I GNYEN PO YIN PA'I PHYIR ZER NA MA KHYAB, THEG CHEN GYI MTHONG LAM BAR CHAD MED LAM CHOS CAN, BDEN 'DZIN GYI DNGOS GNYEN BAR CHAD MED LAM YIN PAR THAL, DE'I DNGOS GNYEN GANG ZHIG ,BAR CHAD MED LAM YIN PA'I PHYIR, DANG PO GRUB STE, DE LA DNGOS SU GNOD BYED GANG ZHIG ,DE'I GNYEN PO YIN PA'I PHYIR, KHYAB PA KHAS, GZHAN YANG, NYON SGRIB KYI DNGOS GNYEN YIN NA, GZHI SHES YIN DGOS PAR THAL, SBYOR BA 'THAD PA'I PHYIR, 'DOD NA, DMAN LAM SNGON DU MA SONG BA'I RGYUN MTHA'I BAR CHAD MED LAM CHOS CAN, DER THAL, DE'I PHYIR, KHO NA RE, DE CHOS CAN, GANG ZAG GI BDAG 'DZIN DANG DMIGS PA GCIG LA

014b

DMIGS NAS 'DZIN STANGS DNGOS 'GAL DU ZHUGS PA'I BLO YIN PAR THAL, DE'I DNGOS GNYEN YIN PA'I PHYIR ZER NA MA KHYAB, 'DOD NA, GANG ZAG GI BDAG MED KYI RNAM PA CAN GYI BLO YIN PAR THAL, 'DOD PA'I PHYIR NA, GANG ZAG MI RTAG PA MA YIN PAR 'DZIN PA'I RTOG PA'I DNGOS GNYEN BAR CHAD MED LAM CHOS CAN, DE DANG DMIGS PA GCIG LA DMIGS NAS 'DZIN STANGS DNGOS 'GAL DU ZHUGS PAR THAL, DE'I DNGOS GNYEN YIN PA'I PHYIR, KHYAB PA KHAS, RTAGS GRUB STE, DE YOD PA'I PHYIR GANG ZAG RTAG GCIG RANG DBANG CAN DU 'DZIN PA'I RTOG PA'I DNGOS GNYEN BAR CHAD MED LAM YOD PA'I PHYIR TE, GANG ZAG GI BDAG 'DZIN KUN BTAGS KYI DNGOS GNYEN BAR CHAD MED LAM YOD PA'I PHYIR, 'DOD NA, DE CHOS CAN, GANG ZAG MI RTAG PA'I RNAM PA CAN GYI BLO YIN PAR THAL LO, ,GZHAN YANG, LDAN MIN LA DMIGS PA'I KHONG KHRO'I DNGOS GNYEN PAR CHAD MED LAM CHOS CAN, KHONG KHRO DE DANG DMIGS PA GCIG LA DMIGS NAS 'DZIN STANGS DNGOS 'GAL DU ZHUGS PAR THAL, DE'I DNGOS GNYEN BAR CHAD MED LAM YIN PA'I PHYIR, KHYAB PA KHAS, RTAGS GRUB STE, DE YOD PA'I PHYIR TE, KHONG KHRO'I DNGOS GNYEN BAR CHAD MED LAM YOD PA'I PHYIR TE, RTZA NYON DRUG GI DE YOD PA'I PHYIR, GZHAN YANG, RNAM BSHAD LAS, 'DA' BYED KYI MTHONG LAM DE NYID KYI RNAM PA BCU DRUG SPROS BRAL DU MNGON SUM DU RTOGS KYANG, RNAM PA BCU DRUG RTOGS PA MA YIN NO, ,DE NYID KYI SGRIB PA GNYIS KUN BTAGS KYI SA BON ZAD PAR BCOM NAS ZHES DANG, SPANG BYA'I SA BON LA DNGOS SU GNOD BYED KYI GNYEN PO STONG NYID RTOGS PA'I SHES RAB

015a

, ,YIN KYANG, MKHYEN GSUM GYI RNAM PA LA PHYIN CI LOG TU ZHUGS PA'I SGRO 'DOGS JI SNYED PA DE SNYED KYI GNYEN POR DE'I DMIGS RNAM GYI LOG PHYOGS 'DZIN PA'I RNAM PA MTHA' DAG ZHI LHAG ZUNG 'BREL GYI SGO NAS BSGOM PAR BYA BA YIN NO, ,ZHES GSUNGS PA MI 'THAD PAR THAL, DMAN LAM SNGON DU MA SONG BA'I THEG CHEN GYI MTHONG LAM BAR CHAD MED LAM DES GANG ZAG GI BDAG 'DZIN KUN BTAGS KYI DNGOS GNYEN MI BYED, DE 'DRA BA'I RGYUN MTHA'I BAR CHAD MED LAM DES GANG ZAG GI BDAG 'DZIN LHAN SKYES KYI DNGOS GNYEN MI BYED PA'I PHYIR, RTAGS KHAS, KHO NA RE, DMAN LAM SNGON DU MA SONG BA'I BYANG SEMS RGYUN MTHA' PA CHOS CAN, KHYOD KYIS NYON SGRIB SPANG BYA'I GTZO BOR BYED PAR THAL, KHYOD KYIS DE'I DNGOS GNYEN BSGOM BYA'I GTZO BOR BYED PA'I PHYIR TE, KHYOD KYIS DER GYUR PA'I RGYUN MTHA'I BAR CHAD MED LAM BSGOM BYA'I GTZO BOR BYED PA'I PHYIR NA MA KHYAB STE, DMAN LAM SNGON DU MA SONG BA'I MTHONG LAM SDUG BSNGAL CHOS BZOD PA CHOS CAN, KHYOD KYIS GANG ZAG GI BDAG 'DZIN KUN BTAGS SPANG BYA'I GTZO BOR BYED PAR THAL, KHYOD KYIS DE SPANGS PA'I THEG CHEN GYI MTHONG LAM RNAM GROL LAM THOB BYA'I GTZO BOR BYED PA'I PHYIR, RTAGS KHAS, GZHAN YANG, GZUGS PHYI ROL DON 'DZIN GYI RTOG PA DE SHES SGRIB GZUNG RTOG TU THAL, SBYOR BA 'THAD PA'I PHYIR, 'DOD NA, DE CHOS CAN, RANG GI DMIGS YUL DU GYUR PA'I GZUNG BA LA DMIGS NAS LONGS SPYAD BYAR BDEN PAR ZHEN PA'I ZHEN RIG TU THAL, 'DOD PA'I PHYIR, 'DOD NA, DES?

015b

CHOS CAN, BDEN 'DZIN DU THAL LO, ,DES GZUNG PA CHOS KYI BDEN 'DZIN ZHES SOGS ZER BA YANG KHEGS SO, ,KHA CIG ,NYON SGRIB KYI GNYEN POR GYUR PA'I LAM ZAG MED DE THEG PA GSUM GA'I GANG ZAG GI RGYUD LA YOD, GZUGS PHYI ROL DON DU 'DZIN PA'I RTOG PA'I GNYEN POR GYUR PA'I LAM ZAG MED RANG RGYAL DANG BYANG SEMS KHO NA'I RGYUD LA YOD, SHES SGRIB KYI GNYEN POR GYU PA'I LAM ZAG MED BYANG SEMS KHO NA'I RGYUD LA YOD ZER BA MI 'THAD DE, GZUGS PHYI ROL DON DU 'DZIN PA'I RTOG PA'I GNYEN POR GYUR PA'I LAM ZAG MED RGYUD LDAN GYI NYAN THOS 'PHAGS PA YOD PA'I PHYIR TE, GNYIS STONG MNGON SUM DU RTOGS PA'I DE YOD PA'I PHYIR DANG, SANGS RGYAS 'PHAGS PA'I RGYUD LA SHES SGRIB KYI GNYIN PO YOD PA'I PHYIR, RNAM MKHYEN DE GNYEN PO'I YON TAN DANG LDAN PA'I PHYIR, DE LAM BDEN YIN PA'I PHYIR, KHYAB STE, DAG GSAL GNYEN PO'I PHYOGS NYID KYI, ,ZHES GSUNGS PA'I PHYIR, KHA CIG ,SGRIB PA GANG ZHIG ,GTZO BOR THAR PA THOB PA LA BAR DU GCOD BYED, NYON SGRIB KYI MTSAN NYID, DE GANG ZHIG GTZO BOR THAMS CAD MKHYEN PA THOB PA LA BAR DU GCOD BYED, SHES SGRIB KYI MTSAN NYID ZER BA MI 'THAD DE, GZUGS PHYI ROL DON DU 'DZIN PA'I RTOG PA SHES SGRIB YIN PA'I PHYIR, DE SGRIB PA GANG ZHIG, SGRIB PA LA SHES SGRIB DANG NYON SGRIB GNYIS SU GRANGS NGES, DE NYON SGRIB MA YIN PA'I PHYIR, GNYIS PA GRUB STE, DBUS MTHAR, NYON MONGS PA YI SGRIB PA DANG, ,SHES BYA'I SGRIB PA GNYIS SU BSTAN, ,DER NI SGRIB PA THAMS CAD DO, ,DE ZAD NA NI GROL BAR 'GYUR, ,ZHES GSUNGS PA'I PHYIR,

016a

, ,GSUM PA MA GRUB NA, DE CHOS CAN, NYAN THOS DGRA BCOM PAS KHYOD SPANGS PAR THAL LO, ,KHO NA RE, DE CHOS CAN, NYON SGRIB TU THAL, GTZO BOR THAR PA THOB PA LA BAR DU GCOD BYED KYI SGRIB PA YIN PA'I PHYIR TE, GTZO BOR RANG RGYAL GYI DE'I PHYIR NA MA KHYAB, BDEN 'DZIN CHOS CAN, DER THAL, GTZO BOR THEG CHEN GYI DE'I PHYIR NA MA KHYAB BO, ,KHO NA RE, SGRIB PA LA DE GNYIS SU GRANGS NGES PA MI 'THAD PAR THAL, SNYOMS 'JUG GI SGRIB PA DE SGRIB PA GANG ZHIG, DE NYON SGRIB KYANG YIN?, SHES SGRIB KYANG MA YIN PA'I PHYIR, DANG PO GRUB STE, DE YOD PA'I PHYIR, GNYIS PA MA GRUB NA, DE CHOS CAN, SHES RAB RKYANG BA'I CHA LAS RNAM GROL GYI NYAN THOS DGRA BCOM PAS KHYOD SPANGS PAR THAL LO, ,GSUM PA MA GRUB NA, DE CHOS CAN, GNYIS KA'I CHA LAS RNAM GROL GYI NYAN THOS DGRA BCOM PAS KHYOD SPANGS PAR THAL LO, ,ZER NA, DMAN PA'I SGRIB PA YIN NA, SGRIB PA YIN DGOS PAR THAL, SNYOMS 'JUG GI SGRIB PA YIN NA, SGRIB PA YIN DGOS PA'I PHYIR, KHO NA RE, SGRIB PA'I DNGOS GNYEN BAR CHAD MED LAM LA THEG DMAN GYI BAR CHAD MED LAM DANG THEG CHEN GYI BAR CHAD MED LAM GNYIS SU GRANGS NGES PAR THAL, SGRIB PA LA NYON SGRIB DANG SHES SGRIB GNYIS SU GRANGS NGES PA'I PHYIR NA MA KHYAB, KHO NA RE, THAR PA YIN NA, NYAN THOS KYI THAR PA YIN DGOS PAR THAL, GTZO BOR THAR PA THOB PA LA BAR DU GCOD BYED KYI SGRIB PA YIN NA, GTZO BOR NYAN THOS KYI THAR PA THOB PA LA BAR DU GCOD BYED KYIS GRIB PA YIN DGOS PA'I PHYIR, GZUGS PHYI ROL DON DU 'DZIN PA'I RTOG PA DE DE

016b

MA YIN PA'I PHYIR, RTAGS KHAS, ZER NA, RTZA BAR MA KHYAB STE, THAR PA YIN NA, THEG CHEN GYI THAR PA YIN DGOS PAR THAL, RTAGS RIGS 'GRE'O, ,KHO NA RE, RANG RGYAL SLOB PAS SHES SGRIB SPANG BYA'I GTZO BOR BYED PAR THAL, GZUGS PHYI ROL DON 'DZIN GYI RTOG PA SHES SGRIB YIN PA'I PHYIR NA MA KHYAB, KHA CIG ,MED PA'I RNAM PA NAS BZUNG STE, ,ZHES SOGS KYI SKABS NAS DNGOS SU BSTAN PA'I GZHI SHES YIN NA, NYAN THOS KYI RTOGS RIGS SU GNAS PAS KHYAB ZER BA MI 'THAD DE, GNYIS STONG DON SPYI'I TSUL GYI RTOGS PA'I BYANG SEMS KYI SGOM LAM DANG, GNYIS STONG MNGON SUM DU RTOGS PA'I BYANG SEMS KYI MTHONG LAM RNAMS DE YIN PA'I PHYIR, RTAGS GRUB STE, DE DAG GI SHES BYA'I SGRIB PA'I GNYEN PO NYID DU SGOM PA'I LAM ZAG PA DANG BCAS PA DANG ZAG PA MED PA GNYIS YIN PAS ZHES GSUNGS PA'I PHYIR, ` GNYIS PA LA YANG, MTSAMS SBYAR, BSTAN, BSHAD, DON BSDU BA BZHI LAS, DANG PO NI, GZHI SHES KYI RNAM PA DE'I 'OG TU LAM SHES KYI RNAM PA RNAMS 'CHAD DO, ,ZHES MTSAMS SBYOR BA LA, DE'I 'OG TU LAM SHES PA NYID KYI RNAM PA, ZHES GSUNGS, GNYIS PA NI, SNGAR BSHAD PA'I MDO TSAN GNYIS PA DE'I DON BSHAD PA'I SGO NAS, LAM SHES KYI RNAM PA SO DRUG MDOR BSTAN GYIS SGO NAS BSHAD PA LA, DON THOB KYI DBANG DU BYAS PAS; 'DOD CHAGS BRAL BA NAS BZUNG STE, ,DNGOS MED NGO BO NYID KYI BAR, ,RGYU DANG LAM DANG SDUG BSNGAL DANG, ,ZHES SOGS GSUNGS, GSUM PA LA, GO RIMS LA RTZOD PA SPANG BA DANG, GO RIMS CAN GYI RNAM PA BSHAD PA'O, ,DANG PO 'CHAD PA LA,

017a

, ,KUN NAS NYON MONGS PA DANG CIG SHOS KYI PHYOGS LA BRTEN NAS KUN 'BYUNG BA DANG LAM GYI BDEN PA DAG NI RGYU YIN LA, SDUG BSNGAL BA DANG 'GOG PA'I BDEN PA DAG NI 'BRAS BU YIN PA'I PHYIR DON GYI SGO NAS BSTAN TE, ZHES GSUNGS, GNYIS PA LA, GRANGS KYI SGO NAS YOD PA MDOR BSTAN PA DANG, NGO BO'I SGO NAS YOD CHOS RGYAS PAR BSHAD PA GNYIS LAS, DANG PO STON PA LA KUN 'BYUNG BA DANG, LAM DANG, SDUG BSNGAL BA DANG, 'GOG PA'I BDEN PA LA GRANGS BZHIN DU RNAM PA BRGYAD DANG ZHES BYA BA LA SOGS PA KHONG DU CHUD PAR BYA'O ZHES GSUNGS, GNYIS PA LA, KUN 'BYUNG BDEN PA'I RNAM PA BRGYAD SPANG GNYEN GYI SGO NAS BSHAD PA DANG, LAM BDEN GYI RNAM PA BDUN DAM BCA' DANG 'THAD PA'I SGO NAS BSHAD PA DANG, SDUG BDEN GYI RNAM PA LNGA RANG SPYI'I MTSAN NYID KYI SGO NAS BSHAD PA DANG, 'GOG BDEN GYI RNAM PA BCU DRUG PHAN YON GYI SGO NAS BSHAD PA'O, ,DANG PO NI, DE LA 'DOD CHAGS DANG BRAL BA DANG, MI GNAS PA DANG, ZHI BA DANG, 'DOD CHAGS MED PA DANG, ZHE SDANG MED PA DANG, GTI MUG MED PA DANG, NYON MONGS PA MED PA DANG, SEMS CAN MED PA'I RNAM PA DAG NI GO RIMS BZHIN DU RGYU GANG YIN PA STE, 'DUN PA DANG, 'DOD CHAGS DANG, DGA' BA DANG, KUN 'BYUNG BA GANG YIN PA STE, 'DOD CHAGS DANG; ZHE SDANG DANG, GTI MUG DANG, RAB TU SKYE BA GANG YIN PA STE KUN TU RTOG PA DANG, RGYEN GANG YIN PA STE SEMS CAN DU MNGON PAR ZHEN PA, DE RNAMS KYI GNYEN POR GYUR PA GSUM DANG GSUM DANG GCIG DANG GCIG STE, DE LTAR NA RGYU'I BDEN

017b

PA'I RNAM PA BRGYAD YIN NO, ,ZHES BSHAD, GNYIS PA STON PA LA, TSAD MED PA DANG, MTHA' GNYIS DANG MA 'BREL BA DANG, THA MI DAD PA DANG, MCHOG TU 'DZIN PA MED PA DANG, RNAM PAR MI RTOG PA DANG, GZHAL DU MED PA DANG, CHAGS PA MED PA'I RNAM PA DAG NI GO RIMS BZHIN DU SEMS CAN THAMS CAD LA GO SKABS 'BYED PA'I LAM DANG, JI LTAR SEMS CAN THAMS CAD LA GO SKABS 'BYED PA DANG, RIGS PA GANG YIN PA DANG, JI LTAR RIGS PA YIN PA DANG, SGRUB PA GANG YIN PA DANG, JI LTAR SGRUB PA YIN PA DANG, NGES PAR 'PHYIN PA GANG YIN PA DE RNAMS KYI NGO BO NYID GNYIS DANG GNYIS DANG GNYIS DANG GCIG STE, DE LTAR NA LAM GYI BDEN PA'I RNAM PA BDUN YIN NO, ,ZHES GSUNGS, GSUM BDE STON PA LA, MI RTAG PA DANG, SDUG BSNGAL BA DANG, STONG PA DANG, BDAG MED PA'I RNAM PA DANG, LNGA PA MTSAN NYID MED PA'I RNAM PA'I NGO BO NYID RNAMS TE, DE LTAR NA SDUG BSNGAL GYI BDEN PA'I RNAM PA LNGA YIN NO, ,ZHES GSUNGS, BZHI PA STON PA LA, 'GOG PA'I RNAM PA'I NGO BO NYID NI NANG DANG, PHYI DANG, GNYIS KA'I DNGOS PO RNAMS 'GAGS PAS, NANG DANG, PHYI DANG, GNYIS KA'I STONG PA NYID KYI RNAM PA STE GSUM DANG, ZHI BA'I RNAM PA'I NGO BO NYID BTAGS PA'I BDAG STONG PA DANG, SNOD KYI 'JIG RTEN DANG, DON DAM PA DANG, 'DUS BYAS DANG, 'DUS MA BYAS DANG, RTAG PA DANG CHAD PA'I MTHA' DANG, 'KHOR BA THOG MA DANG THA MA MED PA DANG, RTOGS PA'I CHOS DOR BA MED PA LA MNGON PAR ZHEN PA 'GAGS PAS, STONG PA DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA'

018a

, ,LAS 'DAS PA DANG, THOG MA DANG THA MA MED PA DANG, DOR BA MED PA STONG PA NYID KYI RNAM PA STE BRGYAD DANG, GYA NOM PA'I RNAM PA GZHAN GYIS KUN BTAGS PA'I BYED PA PO 'GAGS PAS, RANG BZHIN STONG PA NYID KYI RNAM PA DANG, NGES PAR 'BYUNG BA'I RNAM PA YUL DU 'KHRUL BA'I BDAG NYID BTAGS PA, MTSAN NYID DANG, DUS SU 'KHRUL BA RNAMS 'GAGS PAS, CHOS THAMS CAD DANG, RANG GI MTSAN NYID DANG, MI DMIGS PA STONG PA NYID KYI RNAM PA STE GSUM DANG, NGES PAR 'BYUNG BA'I RNAM PA KHO NA NGO BO NYID 'GAGS PAS, DNGOS PO MED PA'I NGO BO NYID STONG PA NYID KYI RNAM PA GCIG STE, DE LTAR NA 'GOG PA'I BDEN PA'I RNAM PA NI BCU DRUG YIN LA, ZHES GSUNGS, BZHI PA DON BSDU BA NI, SPYIR NA LAM SHES PA NYID KYI RNAM PA SUM CU RTZA DRUG YIN NO, ,ZHES GSUNGS, GZHUNG DON NI, SKABS 'DIR BSTAN GYI LAM SHES KYI RNAM PA DE LA SO DRUG YOD DE, DE LA KUN 'BYUNG BDEN PA LA BRTEN PA'I LAM SHES KYI RNAM PA BRGYAD, LAM BDEN LA BRTEN PA'I DE BDUN, SDUG BDEN LA BRTEN PA'I LNGA, 'GOG BDEN LA BRTEN PA'I RNAM PA BCU DRUG RNAMS SU YOD PA'I PHYIR, DES NA LAM SHES KYI RNAM PA SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, SEMS DPA'I RGYUD KYI LAM SHES KYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS KYI GNYEN PO'I MTSAN NYID, RANG THOB BYED KYI THABS SU GYUR PA'I LAM SHES KYI SBYOR BA BSGOMS STOBS KYIS THOB PA'I THEG CHEN 'PHAGS

018b

PA'I RGYUD KYI GNYEN PHYOGS SHES RNAM GANG ZHIG, RANG SRAS BYANG SEMS 'PHAGS PA'I BZHED DON SGRUB NUS PA DE, LAM SHES KYI SHES RNAM GYI MTSAN NYID, DBYE NA SO DRUG YOD DE, 'DOD CHAGS DANG BRAL BA'I RNAM PA NAS, SEMS CAN MED PA'I RNAM PA'I BAR KUN 'BYUNG BDEN PA'I RNAM PA BZHI LA BRTEN PA'I LAM SHES KYI SHES RNAM BRGYAD DANG, TSAD MED PA'I RNAM PA NAS, CHAGS PA MED PA'I RNAM PA'I BAR LAM BDEN GYI RNAM PA BZHI LA BRTEN PA'I LAM SHES KYI SHES RNAM BDUN DANG, MI RTAG PA'I RNAM PA NAS, MTSAN NYID MED PA'I NGO BO NYID KYI RNAM PA'I BAR SDUG BDEN GYI RNAM PA BZHI LA BRTEN PA'I LAM SHES KYI SHES RNAM LNGA DANG, NANG STONG PA NYID KYI RNAM PA NAS, DNGOS PO MED PA'I NGO BO NYID STONG PA NYID KYI RNAM PA'I BAR, 'GOG BDEN GYI RNAM PA BZHI LA BRTEN PA'I LAM SHES KYI SHES RNAM BCU DRUG RNAMS SU YOD PA'I PHYIR, DANG PO GRUB STE, RGYU'I RNAM PA LA BRTEN PA'I 'DOD CHAGS DANG BRAL BA'I RNAM PA, MI GNAS PA'I RNAM PA, ZHI BA'I RNAM PA GSUM, KUN 'BYUNG BA'I RNAM PA LA BRTEN PA'I 'DOD CHAGS MED PA'I RNAM PA, ZHE SDANG MED PA'I RNAM PA, GTI MUG MED PA'I RNAM PA GSUM, RAB SKYE'I RNAM PA LA BRTEN PA'I NYON MONGS MED PA'I RNAM PA, RKYEN GYI RNAM PA LA BRTEN PA'I SEMS CAN MED PA'I RNAM PA RNAMS SU YOD PA'I PHYIR, GNYIS PA GRUB STE, LAM GYI RNAM PA LA BRTEN PA TSAD MED PA'I RNAM PA DANG, MTHA' GNYIS DANG MA 'BREL PA'I RNAM PA GNYIS, RIGS PA'I RNAM PA LA BRTEN PA THA MI DAD PA'I RNAM PA, MCHOG TU 'DZIN PA MED PA'I RNAM PA GNYIS DANG, SGRUB PA'I RNAM PA LA

019a

, ,BRTEN PA RNAM PAR MI RTOG PA'I RNAM PA DANG, GZHAL DU MED PA'I RNAM PA GNYIS, NGES 'BYIN GYI RNAM PA LA BRTEN PA CHAGS PA MED PA'I RNAM PA RNAMS SU YOD PA'I PHYIR, GSUM PA GRUB STE, MI RTAG SDUG BSNGAL STONG BDAG MED BZHI LA BRTEN PA'I RNAM PA BZHI, DE BZHI LA THUN MONGS KHYAB PA'I MTSAN NYID MED PA'I NGO BO NYID KYI RNAM PA GCIG RNAMS SU YOD PA'I PHYIR, BZHI PA GRUB STE, 'GOG PA'I RNAM PA LA BRTEN PA'I NANG STONG PA NYID DANG, PHYI STONG PA NYID DANG, PHYI NANG STONG PA NYID LA BRTEN PA'I SHES RNAM GSUM, ZHI BA'I RNAM PA LA BRTEN PA'I STONG PA NYID STONG PA NYID DANG, CHEN PO STONG PA NYID DANG, DON DAM PA STONG PA NYID DANG, 'DUS BYAS STONG PA NYID DANG, 'DUS MA BYAS STONG PA NYID DANG, MTHA' LAS 'DAS PA STONG PA NYID DANG; THOG MA DANG THA MA MED PA STONG PA NYID DANG, DOR BA MED PA STONG PA NYID KYI RNAM PA BRGYAD DANG, GYA NOM PA'I RNAM PA LA BRTEN PA RANG BZHIN STONG PA NYID KYI RNAM PA GCIG DANG, NGES 'BYUNG GI RNAM PA LA BRTEN PA CHOS THAMS CAD STONG PA NYID DANG, RANG GI MTSAN NYID STONG PA NYID DANG, MI DMIGS PA STONG PA NYID KYI RNAM PA GSUM DANG, 'GOG BDEN GYI NGO BO'I RNAM PA GANG NGES PAR 'BYUNG BA'I RNAM PA LA BRTEN PA DNGOS PO MED PA'I NGO BO NYID KYI STONG PA NYID KYI BAR RNAMS SU YOD PA'I PHYIR, KHA CIG ,LAM SHES KYI RTOGS PAR BYA BA, LAM SHES KYI RNAM PA'I MTSAN NYID ZER NA, LAM DES RTOGS PAR BYA BA, LAM DE'I MTSAN NYID YIN PAR THAL, MTSAN NYID 'THAD PA'I PHYIR, 'DOD NA, THEG CHEN GYI MTHONG LAM BAR CHAD MED LAM 'DZIN PA'I RTOG

019b

PA CHOS CAN, DE'I RTOGS PAR BYA BA YIN PAR THAL, DE'I RNAM PA YIN PA'I PHYIR, 'DOD NA, GZHI GRUB NA DE'I GZHAL BYA YIN DGOS PAR THAL LO, ,KHA CIG ,LAM SHES KYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS 'GOG PAR BYED PA'I YE SHES, LAM SHES KYI SHES RNAM KYI MTSAN NYID ZER NA, THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, LAM SHES KYI RNAM PA SGOM PA'I YE SHES YIN PA'I PHYIR, KHA CIG ,DE 'GOG PAR BYED PA'I LAM SHES KYI 'DZIN STANGS SU DMIGS PA, LAM SHES KYI SHES PA'I MTSAN NYID ZER NA, LAM SHES 'DZIN PA'I RTOG PA CHOS CAN, LAM SHES KYI 'DZIN STANGS SU THAL, MTSON BYA DE'I PHYIR, KHA CIG ,LAM SHES KYI SBYOR BA'I BSGOM BYA'I RNAM PAR GYUR PA'I GNYEN PHYOGS SHES RNAM GANG ZHIG ;BYANG 'PHAGS KYI BZHED DON PHUN TSOGS SGRUB DUS KYI MNGON RTOGS KYI RIGS SU GNAS PA, LAM SHES KYI SHES RNAM GYI MTSAN NYID ZER NA, GANG ZAG GI BDAG MED RTOGS PA'I THEG CHEN GYI MTHONG LAM CHOS CAN, ZUR PHYI MA DER THAL, MTSON BYA DE'I PHYIR, LAM SHES YIN PA'I PHYIR, 'DOD NA, DE CHOS CAN, GZHAN DON GTZO BOR BSGRUB PA'I MNGON RTOGS KYI RIGS SU GNAS PAR THAL LO, ,'DOD NA, DE CHOS CAN, THEG CHEN GYI RTOGS RIGS SU GNAS PAR THAL LO, ,GZHAN YANG, BYANG SEMS TSOGS LAM PA'I RGYUD KYI STONG NYID MNGON SUM DUS RTOGS PA'I MKHYEN PA CHOS CAN, MTSON BYA DER THAL, MTSAN NYID DE'I PHYIR, KHA CIG ,MKHYEN GSUM GANG RUNG GI RNAM PA SGOM PAR BYED PA'I THEG CHEN 'PHAGS PA'I MKHYEN PA, SKABS 'DIR BSTAN GYI

020a

, ,LAM SHES KYI SHES RNAM GYI MTSAN NYID ZER BA MI 'THAD DE, RNAM MKHYEN GYIS MA NGES PA'I PHYIR, ` GSUM PA LA, MTSAMS SBYAR, RTZA BA, 'GREL PA GSUM LAS, DANG PO NI, LAM SHES KYI RNAM PA BSHAD PA DE'I 'OG TU RNAM MKHYEN GYI RNAM PA 'CHAD, CES MTSAMS SBYOR BA LA, DE'I 'OG TU RNAM PA THAMS CAD MKHYEN PA NYID KYI RNAM PA, ZHES GSUNGS, GNYIS PA NI, SNGAR BSHAD PA'I MDO TSAN PHYI MA GSUM PO DE'I DON BSHAD PA LA, DRAN PA NYER GZHAG NAS BZUNG STE, ,ZHES SOGS GSUNGS, GSUM PA LA, MDOR BSTAN PA DANG, RGYAS PAR BSHAD PA GNYIS LAS, DANG PO NI, DRAN PA NYE BAR BZHAG PA NAS BZUNG STE, SANGS RGYAS KYI RNAM PA'I MTHAR THUG PA RNAMS NI THAMS CAD MKHYEN PA NYID GSUM GYIS BSDUS PA'I LAM YIN PA'I SGO NAS, RNAM PA THAMS CAD MKHYEN PA NYID KYIS 'PHAGS PA'I GANG ZAG THAMS CAD BSDUS PA'I PHYIR, GRANGS BZHIN DU NYAN THOS RNAMS LA RNAM PA SUM CU RTZA BDUN DANG, BYANG CHUB SEMS DPA' RNAMS LA SUM CU RTZA BZHI DANG, SANGS RGYAS RNAMS LA SUM CU RTZA DGUR BZHED DO, ,ZHES BYA BA YIN NO, ,ZHES BSHAD, GNYIS PA LA SLOB MA NYAN THOS LA YOD PA DANG RJES SU MTHUN PA'I RNAM MKHYEN GYI RNAM PA DANG, BYANG CHUB SEMS DPA' LA YOD PA DANG RJES SU MTHUN PA'I RNAM MKHYEN GYI RNAM PA DANG, SANGS RGYAS KYI THUN MONG MA YIN PA'I RNAM MKHYEN GYI RNAM PA RGYAS PAR BSHAD PA DANG GSUM, DANG PO DE BSTAN PA'I SGO NAS SNGAR BSHAD PA'I MDO TSAN DANG PO DE'I DON BSHAD PA LA, DE LA THAMS CAD SHES PA

020b

NYID LA, ZHES SOGS GSUNGS, GNYIS PA DE BSTAN PA'I SGO NAS MDO TSAN GNYIS PA DE'I DON BSHAD PA LA, LAM SHES PA NYID LA GNYEN PO'I LAM ZHES SOGS GSUNGS, GSUM PA DE BSTAN PA'I SGO NAS MDO TSAN GSUM PA DE'I DON BSHAD PA LA, RNAM PA THAMS CAD MKHYEN PA NYID KYI RNAM PA NI ZHES SOGS GSUNGS, GSUM PA DON BSDU PA LA, NGO BO'I DON BSDU BA DANG, GRANGS KYI DON BSDU BA DANG GNYIS LAS, DANG PO DE STON PA LA DE LA THAMS CAD SHES PA NYID KYI RNAM PA NI NYAN THOS DANG BYANG CHUB SEMS DPA'I BYE BRAG GIS, GO RIMS BZHIN DU ZAG PA MED PA DANG ZAG PA DANG BCAS PA DAG KYANG YIN NO, ,LAM SHES PA NYID KYI RNAM PA NI BYANG CHUB SEMS DPA' RNAMS KYIS NYON MONGS PA SHIN TU MA SPANGS PA'I PHYIR ZAG PA DANG BCAS PA KHO NA YIN NO, ,RNAM PA THAMS CAD MKHYEN PA NYID KYI LAM GYI RNAM PA NI YANG DAG PAR RDZOGS PA'I SANGS RGYAS KYIS NYON MONGS PA DANG SHES BYA'I SGRIB PA'I BAG CHAGS DANG BCAS TE RNAM PA THAMS CAD DU SPANGS PAS CHOS THAMS CAD LA MNGA' PA SGYUR BA'I PHYIR ZAG PA MED PA KHO NA DAG YIN TE, ZHES GSUNGS, GNYIS PA STON PA LA, RNAM PA RNAMS GCIG TU BSDOMS NA RNAM PA BRGYA DANG BDUN CU RTZA GSUM YOD DO, ,ZHES GSUNGS, DE DAG GI NANG NAS, DRAN PA NYER GZHAG NAS BZUNG STE, ,ZHES SOGS KYI SKABS SU, GZHUNG DON NI, RNAM MKHYEN GYI SHES RNAM DE LA BRGYA DANG BCU YOD DE, DE LA SLOB MA NYAN THOS LA YOD PA DANG RJES SU MTHUN PA'I RNAM MKHYEN GYI SHES RNAM SO BDUN, BYANG SEMS 'PHAGS PA LA YOD PA DANG RJES SU MTHUN PA'I RNAM MKHYEN GYI SHES RNAMS SO BZHI, SANGS RGYAS 'PHAGS PA LA YOD PA DANG

021a

, ,RJES SU MTHUN PA'I DE SO DGU RNAMS SU YOD PA'I PHYIR, DES NA, RANG THOB BYED KYI THABS SU GYUR PA'I RNAM MKHYEN GYI SBYOR BA BSGOMS PA STOBS KYIS THOB PA'I SHES RNAM MTHAR THUG GANG ZHIG ,RANG SRAS SANGS RGYAS 'PHAGS PA'I BZHED DON PHUN TSOGS SGRUB PAR NUS PA, RNAM MKHYEN GYI SHES RNAM GYI MTSAN NYID, DBYE NA BRGYA DANG BCU YOD, RNAM MKHYEN GYI RNAM PA SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, SEMS DPA'I RGYUD KYI RNAM MKHYEN GYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS KYI GNYEN PO'I MTSAN NYID, KHA CIG ,RNAM MKHYEN GYI SHES RNAM LA BRGYA DANG BCUR YOD DE, NYIN THOS 'PHAGS PA LA YOD PA DANG RJES SU MTHUN PA'I DE SO BDUN, BYANG SEMS 'PHAGS PA LA YOD PA DANG RJES SU MTHUN PA'I SO BZHI, SANGS RGYAS KHO NA'I RTOGS RIGS SU GNAS PA'I DE SO DGU RNAMS SU YOD PA'I PHYIR, ZHES ZER NA, DE DAG GI RNAM MKHYEN GYI SHES RNAM DU GYUR PA'I DE BZHIN NYID KYI RNAM PA SANGS RGYAS KHO NA'I RTOGS RIGS SU GNAS PAR THAL, SBYOR BA 'THAD PA'I PHYIR, 'DOD NA, JI LTA BA RTOGS PA'I RNAM MKHYEN DER THAL, 'DOD PA'I PHYIR, 'DOD NA, DE BYANG SEMS GYI RTOGS RIGS SU MI GNAS PAR THAL, 'DOD PA'I PHYIR, 'DOD NA, DE BYANG SEMS KYI LAM SHES PA'I LAM SHES MA YIN PAR THAL LO, ,KHA CIG ,RNAM MKHYEN GYI RNAM PA YIN NA RNAM MKHYEN YIN DGOS ZER NA, BDEN 'DZIN GYI RNAM PA YIN NA BDEN 'DZIN YIN DGOS PAR THAL, DAM BCA' 'THAD PA'I PHYIR, 'DOD NA, SANGS RGYAS 'PHAGS PA'I RGYUD LA

021b

BDEN 'DZIN GYI RNAM PA MED PAR THAL LO, ,'DOD MI NUS TE, DE'I RGYUD LA BDEN 'DZIN GYI RNAM PA DANG LDAN PA'I BLO YOD PA'I PHYIR, DE'I RGYUD LA BDEN 'DZIN GYI RNAM LDAN DU SKYES PA'I BLO YOD PA'I PHYIR, DE'I RGYUD LA BDEN 'DZIN GYI RNAM PA CAN GYI BLO YOD PA'I PHYIR; DE'I RGYUD LA BDEN 'DZIN GYI RNAM PA SHAR BA'I BLO YOD PA'I PHYIR, GZHAN YANG, DE BZHIN NYID KYI RNAM PA YIN NA, DE BZHIN NYID YIN DGOS PAR THAL, RNAM MKHYEN LA DE'I PHYIR, 'DOD NA SLA, KHA CIG ,RNAM MKHYEN GYI DMIGS PA'I CHOS LA LOG PHYOGS SU SGRO 'DOGS PA'I SGRO 'DOGS 'GOG PAR BYED PA'I YE SHES, RNAM MKHYEN GYI SHES RNAM GYI MTSAN NYID ZER NA, THEG CHEN GYI TSOGS LAM CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE SNGAR BZHIN NO, ` ,DE LA THAMS CAD SHES PA NYID LA DANG POR DNGOS PO LA YONGS SU RTOG PA'I LAM ZHES SOGS KYI GZHUNG 'DIS SLOB MA NYAN THOS LA YOD PA DANG RJES SU MTHUN PA'I RNAM MKHYEN GYI RNAM PA BSHAD PA'I SGO NAS, DRAN PA NYER GZHAG NAS BZUNG STE, ,ZHES SOGS TSIG DON GYI SGO NAS 'CHAD TSUL GANG ZHE NA, DE'I TSUL YOD DE, 'DIS DRAN PA NYER GZHAG ,CES SOGS KYI DON BSHAD PA'I SGO NAS BYANG PHYOGS SO BDUN PO DE SDE TSAN BDUN GYI SGO NAS 'CHAD PAR BYED PA'I PHYIR, 'O NA SDE TSAN BDUN PO DE GANG ZHE NA, 'DI LA BYANG CHOS SO BDUN SPYIR BSTAN PA DANG, SO SO'I NGO BO BSHAD PA GNYIS LAS, DANG PO LA, KHAMS DANG SA'I GO RIMS, LAM GANG DU SGOM PA, DBYE BA, BSDU PA'AM RDZAS BTAGS KYI KHYAD PAR, GRANGS NGES PA, SGRA BSHAD PA'O, ,DANG PO NI, BSAM

022a

, ,GTAN DANG POR BYANG CHOS SO BDUN PO THAMS CAD YOD CING NYER BSDEGS MI LCOGS MED PA NA DGA' BA MA GTOGS SO DRUG DANG, BSAM GTAN GNYIS PAR YANG DAG PA'I RTOG PA MA GTOGS SO DRUG DANG, BSAM GTAN GSUM PA DANG BZHI PA NA DGA' BA DANG RTOG PA MA GTOGS SO LNGA, GZUGS MED DANG PO GSUM DU YANG DAG PA'I NGAG ,LAS KYI MTHA', DGA' BA, RTOG PA MA GTOGS SO GSUM DANG, 'DOD KHAMS DANG SRID RTZE NA, BYANG CHUB KYI YAN LAG BDUN DANG, 'PHAGS LAM YAN LAG BRGYAD MA GTOGS NYER GNYIS SU YOD DE, MDZOD LAS, BSAM GTAN DANG PO NA THAMS CAD, ,MI LCOGS MED NA DGA' MA GTOGS, ,GNYIS PA NA NI RTOG MA GTOGS, ,GNYIS NA DE GNYIS MA GTOGS PA'ANG, ,BSAM GTAN BAR NA'ANG GZUGS MED PA, ,GSUM NA'ANG DE DANG TSUL YAN LAG ,BYANG CHUB DANG NI LAM YAN LAG ,MA GTOGS 'DOD KHAMS SRID RTZE NA, ,ZHES GSUNGS PA'I PHYIR, DE YANG MDZOD PA'I LUGS YIN PAS GTZO CHE BA'I DBANG DU BYAS PA YIN GYI MTHA' GCIG TU MA NGES TE, 'DOD SEMS DANG SRID RTZE'I SEMS LA BRTEN NAS BYANG CHUB KYI YAN LAG SKYE BA YOD PAR SNGAR BSHAD ZIN PA'I PHYIR, GNYIS PA NI, GTZO CHE BA'I DBANG DU BYAS NA, SDE TSAN DANG PO GSUM GO RIMS BZHIN DU TSOGS LAM CHUNG 'BRING CHEN PO GSUM DU SGOM, DBANG STOBS GNYIS RIMS PA BZHIN DU, DROD RTZE DANG, BZOD MCHOG GNYIS SU SGOM, BYANG CHUB KYI YAN LAG MTHONG LAM DANG, 'PHAGS LAM YAN LAG

022b

SGOM LAM DU SGOM PA YOD DE, 'BUS MTHAR, DBANG PO RNAMS DANG STOBS RNAMS LA, ,NGES 'BYOD? CHA MTHUN GNYIS GNYIS SO, ,ZHES DANG, MDO SDE'I RGYAN LAS, RGYAL SRAS BYANG CHUB PHYOGS MTHUN PA, ,RNAM PA SNA TSOGS THAMS CAD NI, ,RTAG TU MTHONG BA'I LAM DE DANG, ,LHAN CIG TU NI THOB PAR 'DOD, ,CES DANG, MDZOD LAS, SDE TSAN BDUN NI GO RIMS BZHIN, ,LAS NI DANG PO BDAG DANG, ,NGES 'BYED CHA MTHUN RNAMS DANG NI, ,SGOM DANG MTHONG LA RAB? CU PHYE, ,ZHES GSUNGS PA'I PHYIR; MDZOD LAS SGOM LAM BYANG CHUB KYI YAN LAG 'JOG PA'I RGYU MTSAN YOD DE, SGOM LAM DE MTHONG LAM LAS BYANG CHUB LA NYE BA'I PHYIR, MTHONG LAM NI SGOM LAM LAS CHES MYUR BAR 'GRO BA'I PHYIR 'PHAGS LAM YAN LAG TU BZHAG PA'I PHYIR, ZHES BRJOD DO, ,GSUM PA NI, BYANG CHUB KYI PHYOGS DANG MTHUN PA'I CHOS DE LA SO BDUN YOD DE, DE LA DRAN PA NYER GZHAG BZHI, YANG DAG SPONG BA BZHI, RDZU 'PHRUL GYI RKANG PA BZHI, DBANG PO LNGA, STOBS LNGA, BYANG CHUB KYI YAN LAG BDUN, 'PHAGS LAM YAN LAG BRGYAD RNAMS SU YOD PA'I PHYIR, BZHI PA NI, CHOS SO BDUN PO DE RDZAS RIGS KYI SGO NAS BCUR 'DU BA YIN TE, DAD PA, BRTZON 'GRUS, DRAN PA, SHES RAB, TING NGE 'DZIN, BTANG SNYOMS, DGA' BA, YANG DAG PA'I RTOG PA, TSUL KHRIMS, SHIN TU SBYANGS PA RNAMS SU 'DU BA'I PHYIR TE, MDZOD LAS, MING GI SGO NAS RDZAS SU BCU, ,DAD DANG BRTZON 'GRUS DRAN PA DANG, ,SHES RAB TING 'DZIN BTANG SNYOMS DGA', ,RTOG DANG TSUL

023a

, ,KHRIMS SHIN TU SBYANGS, ,ZHES DANG, DRAN PA NYER GZHAG SHES RAB STE, ,BRTZON 'GRUS YANG DAG 'JOG CES BYA, ,RDZU 'PHRUL RKANG PA TING 'DZIN TO, ,GTZO BOR SMOS PA DE DAG NI, ,SBYOR BYUNG YON TAN KUN KYANG YIN,, ZHES GSUNGS PA'I PHYIR, LNGA PA NI, BYANG CHOS DE LA SO BDUN DU GRANGS NGES TE, TSOGS LAM NAS SANGS RGYAS KYI SA'I BAR GYI MNGON RTOGS KYI RDZAS RIGS LA DER GRANGS NGES PA'I PHYIR, DRUG PA NI, SO BDUN PO 'DI LA BYANG CHUB KYI PHYOGS DANG MTHUN PA ZHES BRJOD PA'I RGYU MTSAN YOD DE, ZAD MI SKYE SHES PA'I YE SHES NI BYANG CHUB YIN LA, DE SKYE BA DANG RJES SU MTHUN PA'I RGYU MTSAN GYIS DE LTAR BSHAD PA'I PHYIR TE, MDZOD LAS, ZAD DANG MI SKYE SHES PA NI, ,BYANG CHUB DE DANG MTHUN NYID PHYIR, ,SUM CU RTZA BDUN DE PHYOGS MTHUN, ,ZHES GSUNGS PA'I PHYIR, ` GNYIS PA SO SO'I NGO BO BSHAD PA LA, DNGOS PO LA RTOG PA'I LAM DANG, RTZOL BA LAS BYUNG BA'I LAM DANG, TING NGE 'DZIN SBYOR BA'I LAM DANG, MNGON PAR RTOGS PAR SBYOR BA'I LAM DANG, MNGON PAR RTOGS PA DANG 'BREL BA'I LAM DANG, MNGON PAR RTOGS PA'I LAM DANG, RNAM PAR NGES PAR 'BYIN PA'I LAM DANG BDUN LAS, DANG PO DE STON PA LA, DANG POR DNGOS PO LA YONGS SU RTOG PA'I LAM LA, BDEN PA BZHI LA 'JUG PAR BYA BA'I PHYIR, LUS DANG, TSOR BA DANG, SEMS DANG, CHOS RANG DANG SPYI'I MTSAN NYID KYIS YONGS SU BRTAGS PA DRAN PA NYE BAR BZHAG PA'I RNAM PA BZHI'O, ,ZHES

023b

GSUNGS, GZHUNG DON NI, DNGOS PO LA YONGS SU RTOG PA'I LAM CHOS CAN, DU MAR YOD DE, LUS DRAN PA NYE BAR BZHAG PA, TSOR BA DRAN PA NYE BAR BZHAG PA, SEMS DRAN PA NYE BAR BZHAG PA, CHOS DRAN PA NYE BAR BZHAG PA RNAMS SU YOD PA'I PHYIR, MTHA' DPYAD PA LA, DMIGS YUL, SGOM TSUL, BSGOMS PA'I DGOS PA, NGO BO, DBYE BA, SA MTSAMS, SGRA BSHAD, THEG CHEN GYI DRAN PA NYER GZHAG MCHOG TU BSGRUB PA'O, ,DANG PO NI, DRAN PA NYER GZHAG GI DMIGS YUL YOD DE, LUS TSOR SEMS CHOS BZHI PO DE DE YIN PA'I PHYIR, LUS LA GSUM DU YOD DE, DBANG RTEN MA YIN PA'I GZUGS SGRA SOGS LNGA LTA BU PHYI'I LUS DANG, MIG SOGS DBANG PO LNGA LTA BU NANG GI LUS DANG, DBANG RTEN BYED PA'I GZUGS SOGS LNGA LTA BU GNYIS KA'I LUS RNAMS SU YOD PA'I PHYIR, TSOR BA LA GSUM DU YOD DE, BDE SDUG BTANG SNYOMS GSUM DU YOD PA'I PHYIR, SEMS NI RNAM PAR SHES PA LA BYED LA, CHOS NI TSOR BA MA YIN PA'I SEMS BYUNG THAMS CAD DANG, LDAN MIN 'DU BYED DANG 'DUS MA BYAS KYI CHOS THAMS CAD LA BYED DE, KUN BTUS LAS, DRAN PA NYE BAR BZHAG PA RNAMS KYI DMIGS PA GANG ZHE NA, LUS DANG, TSOR BA DANG, SEMS DANG, CHOS RNAMS SO, ,ZHES GSUNGS PA'I PHYIR, BZHI PO DE DMIGS PAR 'JOG PA'I RGYU MTSAN YOD DE, BYIS PA RNAMS LUS LA BDAG GI RTEN DANG, TSOR BA LA BDAG GI LONGS SPYOD KYI GZHI DANG, SEMS LA BDAG GI DNGOS PO DANG, CHOS LA BDAG CHAGS SOGS KUN NAS NYON

024a

, ,MONGS PA DANG, DAD SOGS RNAM BYANG DU MNGON PAR ZHEN PA SPANG BA'I CHED YIN PA'I PHYIR TE, KUN BTUS LAS, DE LA YANG BDAG GI GNAS KYI DNGOS PO DANG, BDAG GI LONGS SPYOD KYI GZHI DANG, BDAG GI DNGOS PO DANG, BDAG KUN NAS NYON MONGS PA DANG RNAM PAR BYANG BA'I DNGOS PO'O, ,ZHES GSUNGS PA'I PHYIR, GNYIS PA LA, THUN MONG BA DANG, THUN MONG MA YIN PA GNYIS LAS, DANG PO NI, JI LTAR SGOM TSUL YOD DE, LUS TSOR SEMS CHOS BZHI LA RANG SPYI'I MTSAN NYID GNYIS GNYIS KYIS BRTAGS NAS SGOM PAR BYED PA YIN PA'I PHYIR TE, MDZOD LAS, LUS TSOR SEMS DANG CHOS RNAMS LA, ,MTSAN NYID GNYIS SU YONGS BRTAGS PAS, ,DRAN PA NYER GZHAG BSGOM PAR BYA, ,ZHES GSUNGS PA'I PHYIR, DE YANG, MI RTAG SDUG BSNGAL STONG BDAG MED SPYI'I MTSAN NYID DANG, 'DUS BYAS THAMS CAD MI RTAG PA, ZAG BCAS THAMS CAD SDUG BSNGAL BA, CHOS THAMS CAD STONG ZHING BDAG MED PA ZHES KHYAD GZHI KHYAD CHOS LA SBYAR BA RNAMS SPYI'I MTSAN NYID DU BSHAD DE, MDZOD 'GREL LAS, DE DAG GI RANG GI MTSAN NYID NI RANG GI NGO BO'O, ,SPYI'I MTSAN NYID NI 'DUS BYAS RNAMS MI RTAG PA NYID DANG, ZAG BCAS RNAMS SDUG BSNGAL BA NYID DANG; CHOS THAMS CAD STONG PA DANG BDAG MED PA NYID DO, ,ZHES GSUNGS PA'I PHYIR, DE'I PHYIR RANG MTSAN YANG LUS LA 'BYUNG BA DANG 'BYUNG 'GYUR GYI LUS KYI NGO BO DANG, TSOR BA LA MYONG BA'I NGO BO DANG, SEMS LA DMIGS

024b

BYED KYI NGO BO DANG, CHOS LA SEMS BYUNG LA SOGS PA RANG RANG GI NGO BO GANG YIN PA DER LTA BA'O, ,MTSON TZAM MO, ,GNYIS PA LA, DMIGS PA DANG, YID BYED DANG, 'THOB PA GSUM LAS, DANG PO YOD DE, NYAN RANG RNAMS KYI RANG GI LUS SOGS KHO NA DANG, BYANG SEMS RNAMS KYIS RANG GZHAN GNYIS KA'I LUS LA DMIGS PA'I PHYIR, GNYIS PA YOD DE, NYAN RANG RNAMS KYIS MI RTAG SOGS SU YID LA BYED LA, BYANG SEMS RNAMS KYIS CHOS KYI MTSAN MA DER MI DMIGS PAR SGOM PAR BYED PA'I PHYIR, GSUM PA YOD DE, NYAN RANG RNAMS KYIS ZAG BCAS KYI LUS SOGS DANG BRAL BA KHO NA'I PHYIR SGOM LA, BYANG SEMS RNAMS KYIS DE DANG 'BRAL MI 'BRAL GNYIS KA'I PHYIR MA YIN GYI MI GNAS PA'I MYANG 'DAS SGRUB PA'I PHYIR DU SGOM PAR BYED PA'I PHYIR, GSUM PA NI, DE LTAR BSGOMS PA'I DGOS PA YOD DE, BDEN BZHI'I BLANG DOR LA 'JUG PAR BYA BA'I CHED DU YIN PA'I PHYIR TE, LUS DRAN PA NYER GZHAG SGOM PAS ZAG BCAS KYI LUS GNAS NGAN LEN GYI SDUG BSNGAL GYI NGO BOR SHES PA DANG, TSOR BA DRAN PA NYER GZHAG BSGOMS PAS TSOR BA BDE SDUG NI 'BRAL BA DANG MI 'BRAL BAR 'DOD PA'I SRED PA'I RGYU YIN PA'I PHYIR 'BRAS BU'I SGO NAS RTOG LA SRED PA YANG KUN 'BYUNG GI GTZO BO YIN PAS DE SPONG BAR BYED PA DANG; SEMS DRAN PA NYER GZHAG BDAG TU 'DZIN PA'I GZHI SEMS LA MI RTAG SOGS SU DPYAD PAS DER ZHEN PA LDOG LA, DES NA BDAG CHAD PAR DOGS PA MED PAS 'GOG PA MNGON DU BYED PA LA MI SKRAG PA DANG, CHOS DRAN PA NYER GZHAG BSGOMS

025a

, ,PAS KUN NYON GYI CHOS THAMS CAD LA MI MTHUN PA DANG, RNAM BYANG GI CHOS THAMS CAD DE'I GNYEN POR SHES PA NA DE NYID NYER 'TSE LAS LDOG PA'I THABS SU SHES NAS SKYED PAR BYED PA'I TSUL DES BDEN BZHI LA 'JUG PA'I PHYIR, DBUS MTHA' LAS, GNAS NGAN LEN PHYIR SRED RGYU'I PHYIR, ,GZHI YI PHYIR DANG MA RMONGS PHYIR, ,BDEN PA BZHI LA 'JUG BYA BAS, ,DRAN PA NYE BAR BZHAG PA SGOM, ,ZHES GSUNGS PA'I PHYIR, BZHI PA NI, LUS TSOR SEMS CHOS BZHI LA RANG SPYI'I MTSAN NYID GNYIS GNYIS KYIS BRTAGS NAS SGOM PAR BYED PA'I DRAN PA DANG SHES RAB GANG RUNG GIS BSDUS PA'I LAM ZHUGS KYI MKHYEN PA, DRAN PA NYER GZHAG GI MTSAN NYID YIN TE, KUN BTUS LAS; NGO BO NYID GANG ZHE NA SHES RAB DANG DRAN PA'O, ,ZHES DANG, MDZOD LAS, DRAN PA NYER GZHAG SHES RAB STE, ,ZHES GSUNGS PA'I PHYIR, LNGA PA NI, DE LA DBYE NA, LUS DRAN PA NYER GZHAG SOGS BZHIR YOD, DRUG PA NI, TSOGS LAM NAS SANGS RGYAS KYI SA'I BAR DU YOD DO, ,BDUN PA NI, SHES RAB KYIS DMIGS PA'I YUL DRAN PAS NYE BAR BZHAG STE MI BRJED PAR BYED PAS NA DRAN PA NYER GZHAG CES BYA'O, ,BRGYAD PA NI, THEG CHEN GYI DRAN PA NYER GZHAG CHOS CAN, THEG DMAN GYI DRAN NYE LAS MCHOG TU GYUR TE, DE LA SGOM PA RNAM PA BCU BZHIS MCHOG TU GYUR PA'I PHYIR, THEG PA CHEN PO LA DMIGS PA, SHES RAB LA BRTEN PA, LOG ZHUGS BCU DRUG GI GNYEN PO BYED PA, BDEN BZHI SGOM PA LA

025b

'JUG PA, RANG GZHAN THAMS CAD KYI LUS SOGS LA DMIGS PA, LUS SOGS STONG PA NYID DU YID LA BYED PA, ZAG BCAS KYI LUS DANG BRAL NAS ZAG MED KYI LUS 'THOB PA, PHYIN DRUG NYAMS SU LEN PA DANG MTHUN PA, NYAN RANG SOGS RJES SU 'DZIN PA DANG MTHUN PA, LUS SGYU MA, TSOR BA RMI LAM, SEMS NAM MKHA', CHOS SPRIN LTAR SHES PA, BSAM BZHIN DU SRID PAR 'KHOR LOS SGYUR BA SOGS SU SKYE BA, RANG BZHIN GYI DBANG PO RNO BAS DRAN NYE SGOM PA NA THEG DMAN YID BYED SOGS DANG MA 'DRES PAR SGOM PA, LHAG MED KYI MYANG 'DAS 'GRUB PA RNAMS DANG LDAN PA'I PHYIR TE, MDO SDE'I RGYAN LAS, BLO LDAN DRAN PA NYER GZHAG PA, ,SGOM PA RNAM PA BCU BZHI YIS, ,MTSUNGS PA MED PA'I PHYIR NA DE, ,DE LAS GZHAN LAS KHYAD PAR 'PHAGS, ,ZHES GSUNGS PA'I PHYIR DANG, BRTEN DANG GNYEN PO DAG DANG NI, ,DE BZHIN DU NI 'JUG PA DANG, ,DMIGS PA DANG NI YID BYED DANG, ,THOB PA SGOM PA KHYAD PAR 'PHAGS, ,MTHUN PA RJES SU 'JUG PA DANG, ,YONGS SU SHES DANG SKYE BA DANG, ,CHEN PO DANG NI MCHOG NYID DANG, ,SGOM DANG YANG DAG 'GRUB PAS GZHAN, ,ZHES GSUNGS PA'I PHYIR, MTSON TZAM MO, ,RGYAS PAR GZHAN DU SHES PAR BYA'O, ` ,SDE TSAN GNYIS PA DE STON PA LA DNGOS PO LA YONGS SU RTOG PA'I LAM DE'I 'OG TU RTZOL BA LAS BYUNG BA'I LAM 'CHAD PA'I RGYU MTSAN YOD DE, LUS SOGS KYI DNGOS PO LA RANG SPYI'I MTSAN NYID KYI SGO NAS BRTAGS TE ZHUGS PA LA SPANG GNYEN LA

026a

, ,'DOR LEN BYED PA'I BRTZON 'GRUS 'BYUNG BA'I PHYIR, ZHES 'CHAD PA LA, DE'I 'OG TU ZHUGS PA LA BRTZON 'GRUS 'BYUNG BAS RTZOL BA LAS BYUNG BA'I LAM LA MI DGE BA DANG, DGE BA SKYES PA DANG MA SKYES PA DAG GO RIMS BZHIN DU YANG DAG PAR SPONG BA DANG MI BSKYED PA DANG, SPEL PA DANG, SKYE BA'I RGYU'I BRTZON 'GRUS YANG DAG PAR SPONG BA'I RNAM PA BZHI'O, ,ZHES GSUNGS, GZHUNG DON NI, RTZOL PA LAS BYUNG BA'I LAM CHOS CAN, DU MAR YOD DE; DGE BA'I CHOS MA SKYES PA SKYED PA'I, SKYES PA SPEL BA'I, MI DGE BA'I CHOS MA SKYES PA MI BSKYED PA'I, SKYES PA SPONG BA'I YANG DAG SPONG BA RNAMS SU YOD PA'I PHYIR, MTHA' DPYAD PA LA, DMIGS YUL, JI LTAR SGOM PA'I TSUL; DGOS PA, NGO BO, DBYE BA, SA MTSAMS, SGRA BSHAD PA, THEG CHEN GYI YANG DAG PAR SPONG BA MCHOG TU BSGRUB PA'O, ,DANG PO YOD DE, DGE BA RNAM BYANG DANG MI DGE BA KUN NAS NYON MONGS PA SKYES MA SKYES BZHI PO DE DE'I DMIGS YUL YIN PA'I PHYIR, GNYIS PA YOD DE, MI DGE BA'I CHOS MA SKYES PA MI BSKYED PA DANG, SKYES PA RNAMS SPONG BA DANG, DGE BA'I CHOS MA SKYES PA SKYED PA DANG, SKYES PA RNAMS SPEL BA'I PHYIR DU 'DUN BA SKYED, 'BAD, BRTZON 'GRUS RTZOM, SEMS RAB TU 'DZIN, SEMS RAB TU 'JOG PAR BYED PA'I PHYIR, MDO LAS, 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,SEMS RAB TU 'JOG GO ,ZHES GSUNGS

026b

PA'I PHYIR DANG, KUN BTUS LAS, SGOM PA GANG ZHE NA 'DUN PA BSKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,SEMS RAB TU 'JOG GO ,ZHES GSUNGS PA'I PHYIR, GSUM PA YOD DE, MI MTHUN PHYOGS MA LUS PA NYAMS PAR BYED PA DANG, GNYEN PO'I PHYOGS MA LUS PA 'PHEL BAR BYED PA DANG, DRAN PA NYER GZHAG GI DRI MA SBYONG BA DANG, RDZU 'PHRUL GYI RKANG PA MYUR DU 'DREN PA'I DGOS PA YOD PA'I PHYIR, DBUS MTHAR, MI MTHUN PHYOGS DANG GNYEN PO RNAMS, ,RNAM PA THAMS CAD YONGS SHES NA, ,DE DAG SPANG PHYIR BRTZON 'GRUS NI, ,RNAM PA BZHI DAG RAB TU 'BYUNG, ,ZHES GSUNGS PA'I PHYIR, BZHI PA NI, SPANG GNYEN LA 'DOR LEN BYED PA LA SPRO BA'I BRTZON 'GRUS SU GYUR PA'I LAM ZHUGS KYI MKHYEN PA, YANG DAG SPONG BA'I MTSAN NYID YIN TE, KUN BTUS LAS, NGO BO NYID GANG ZHE NA, BRTZON 'GRUS SO, ,ZHES DANG, MDZOD LAS, BRTZON 'GRUS YANG DAG 'JOG CES BYA, ,ZHES GSUNGS, LNGA PA NI, DE LA BZHIR YOD DO, ,DRUG PA NI, TSOGS LAM NAS SANGS RGYAS KYI SA'I BAR DU YOD DO, ,BDUN PA NI, SPANG BYA YANG DAG PAR SPONG BAS NA YANG DAG SPONG BA ZHES BYA'O, ,BRGYAD PA NI THEG CHEN GYI YANG DAG SPONG BA DE THEG DMAN GYI YANG DAG SPONG BA LAS KHYAD PAR DU 'PHAGS PA YIN TE, MDO SDE'I RGYAN LAS, BRTAN PA RNAMS KYI YANG DAG SPONG, ,LUS CAN KUN DANG MTSUNGS PA MED, ,DRAN PA NYE BAR BZHAG PA YIS, ,NYES PA RNAMS KYI GNYEN POR SGOM, ,ZHES GSUNGS PA'I PHYIR, GSUM PA

027a

, ,NI; RTZOL BA LAS BYUNG BA'I LAM DE'I 'OG TU TING NGE 'DZIN YONGS SU SBYONG BA'I LAM 'CHAD PA'I RGYU MTSAN YOD DE, SPANG GNYEN LA 'DOR LEN BYED PA'I BRTZON 'GRUS DANG LDAN PA NI TING NGE 'DZIN GYIS SEMS LAS SU RUNG BA STE, YON TAN KHYAD PAR CAN SKYE BA'I GZHI BYED PA'I PHYIR, ZHES 'CHAD PA LA, BRTZON 'GRUS DANG LDAN PA NI SEMS LAS SU RUNG BA NYID DU BYED PAS, TING NGE 'DZIN YONGS SU SBYONG BA'I LAM LA, 'DUN PA DANG, BRTZON 'GRUS DANG, SEMS PA DANG, DPYOD PA'I TING NGE 'DZIN SBYONG BA'I 'DU BYED DANG LDAN PA'I RDZU 'PHRUL GYI RKANG PA'I RNAM PA BZHI'O, ,ZHES GSUNGS, GZHUNG DON NI, TING NGE 'DZIN YONGS SU SBYONG BA'I LAM CHOS CAN, DU MAR YOD DE, 'DUN PA'I RDZU 'PHRUL GYI RKANG PA, BRTZON 'GRUS KYI RDZU 'PHRUL GYI RKANG PA, SEMS PA'I RDZU 'PHRUL GYI RKANG PA, DPYOD PA'I RDZU 'PHRUL GYI RKANG PA RNAMS SU YOD PA'I PHYIR, MTHA' DPYAD PA LA, DMIGS YUL, SGOM TSUL, DGOS PA, NGO BO, DBYE BA, SA MTSAMS, SGRA BSHAD PA, THEG CHEN GYI RDZU 'PHRUL GYI RKANG PA MCHOG TU BSGRUB PA'O, ,DANG PO YOD DE, LUS GCIG DU MAR SGYUR BA DANG DU MA GCIG TU SGYUR BA SOGS RDZU 'PHRUL GYI BYA BA DE DE YIN TE; KUN BTUS LAS, RDZU 'PHRUL GYI RKANG PA RNAMS KYI DMIGS PA GANG ZHE NA TING NGE 'DZIN GYIS BSGRUBS PA'I BYA BA'O, ,ZHES GSUNGS PA'I PHYIR, GNYIS PA YOD DE, NYES PA LNGA'I GNYEN POR SPONG BA'I 'DU BYED BRGYAD BRTEN PAR

027b

BYED PA YIN TE, DBUS MTHAR, NYES PA LNGA SPONG 'DU BYED BRGYAD, ,BRTEN PA'I RGYU LAS BYUNG BA'O, ,ZHES DANG, KUN BTUS LAS, SGOM PA GANG ZHE NA 'DU BYED BRGYAD GOMS PAR BYED PA STE, ZHES GSUNGS PA'I PHYIR, NYES PA LNGA YOD DE; TING NGE 'DZIN SGOM PA LA 'JUG PA'I GEGS LE LO, SGOM PA'I SBYOR BA'I DUS SU GDAMS NGAG BRJED PA'I NYES PA, DNGOS SU SGOM PA'I DUS SU BYING RGOD, BYING RGOD BYUNG BA'I TSE GNYEN PO 'DU MI BYED PA, BYING RGOD DANG BRAL NAS TING NGE 'DZIN LA 'BAD MED LHUN GRUB TU 'JUG PA'I TSE GNYEN PO 'DU BYED PA RNAMS SU YOD PA'I PHYIR TE, DE NYID LAS, LE LO DANG NI GDAMS NGAG RNAMS, BRJED DANG BYING DANG RGOD PA DANG, ,'DU MI BYED DANG 'DU BYED DE, ,'DI DAG NYES PA LNGAR 'DOD DO, ,ZHES GSUNGS PA'I PHYIR, SPONG BA'I 'DU BYED BRGYAD YOD DE, 'DUN PA, RTZOL BA, DAD PA, SHIN TU SBYANGS PA, DRAN PA, SHES BZHIN, SEMS PA, BTANG SNYOMS RNAMS SU YOD PA'I PHYIR, DANG PO BZHI LE LO'I GNYEN PO DANG, PHYI MA BZHI NYES PA PHYI MA BZHI'I GNYEN PO YIN TE, DBUS MTHAR, GNAS DANG DE LA GNAS PA DANG, ,RGYU DANG 'BRAS BU NYID DU'O, ,DMIGS PA BRJED PAR MA GYUR DANG, ,BYING DANG RGOD DANG RTOG PA DANG, , DE SLONG MNGON PAR 'DU BYED DANG, ,ZHI TSE RNAL DU 'JOG PA'O, ,ZHES GSUNGS PA'I PHYIR, DE YANG, DANG PO BZHI NI MNGON PAR 'DOD PA DANG, BRTZON 'GRUS DANG, MNGON PAR YID CHES PA DANG, LUS SEMS LUS SU RUNG BA

028a

, ,YIN LA, DE BZHI YANG RIMS PA LTAR RTEN DANG BRTEN PA DANG, RGYU DANG 'BRAS BUR BZHAG STE, MNGON PAR 'DOD PA NI RTZOL BA'I SNGON DU 'GRO BAS DE'I RTEN DANG, DE'I PHYIR RTZOL BA NI BRTEN PA DANG, RTEN 'DUN PA'I RGYU, DAD PA STE, RGYU 'BRAS LA YID CHES PA'I DAD PA YOD NA MNYAM PAR 'JOG PA'I BYA BA 'DOD PA'I PHYIR, BRTEN PA RTZOL BA'I 'BRAS BU NI SHIN TU SBYANGS PA YIN TE, BRTZON 'GRUS BRTZAMS PAS LUS SEMS SHIN SBYANGS KYI BDE BA SKYE BA'I PHYIR; GSUM PA NI, SPRUL SGYUR SNA TSOGS PA BYED PA DANG, 'JIG RTEN DANG 'JIG RTEN LAS 'DAS PA'I PHUN TSOGS THAMS CAD THOB PAR 'GYUR BA'I DGOS PA KHYAD PAR CAN YOD PA'I PHYIR TE, BYAMS ZHUS KYI LE'UR, BCOM LDAN 'DAS DE DAG GI 'BRAS BU GANG LAGS ZHES BGYI, BYAMS PA SEMS RNAM PAR DAG PA'I 'BRAS BU'O, ,SHES RAB RNAM PAR DAG PA'I 'BRAS BU'O, ,ZHES GSUNGS PA'I PHYIR, BZHI PA NI, NYES PA LNGA'I GNYEN POR SPONG BA'I 'DU BYED BRGYAD BRTEN PA'I TING NGE 'DZIN DU GYUR PA'I LAM ZHUGS KYI MKHYEN PA, RDZU 'PHRUL GYI RKANG PA'I MTSAN NYID YIN TE, KUN BTUS LAS, NGO BO NYID GANG ZHE NA TING NGE 'DZIN TO, ,ZHES DANG, MDZOD LAS, RDZU 'PHRUL RKANG PA TING 'DZIN TO, ,ZHES GSUNGS PA'I PHYIR, LNGA PA NI, DE LA, 'DUN PA, BRTZON 'GRUS, SEMS PA, DPYOD PA'I RDZU 'PHRUL GYI RKANG PA BZHIR YOD DE, DANG PO NI, GUS SBYOR GYI BRTZON 'GRUS LA BRTEN NAS SEMS RTZE GCIG PA LA REG PA DANG, GNYIS

028b

PA NI; RGYUN SBYOR GYI BRTZON 'GRUS LA BRTEN NAS SEMS RTZE GCIG PA LA REG PA DANG, GSUM PA NI, SNGON GOMS PA'I TING NGE 'DZIN LA BRTEN NAS SEMS RTZE GCIG PA LA REG PA DANG, BZHI PA NI, TSE 'DIR GZHAN GYIS BSTAN PA'I SHES RAB LA BRTEN NAS SEMS RTZE GCIG PA LA REG PA'I TING NGE 'DZIN YIN TE, KUN BTUS LAS, GROGS GANG ZHE NA, 'DUN PA DANG, BRTZON 'GRUS DANG, SEMS DANG, DPYOD PA DANG, ZHES SOGS GSUNGS PA'I PHYIR; DRUG PA NI, SNGAR BZHIN NO, ,BDUN PA NI, RDZU 'PHRUL GYI SGO NAS SANGS RGYAS KYI ZHING RAB 'BYAMS SU 'GRO BAR NUS PA'I RKANG PA DANG LDAN PAS NA RDZU 'PHRUL GYI RKANG PA ZHES BYA'O, ,BRGYAD PA NI, THEG CHEN GYI RDZU 'PHRUL GYI RKANG PA DE THEG DMAN GYI DE LAS KHYAD PAR DU 'PHAGS TE, MDO SDE'I RGYAN LAS, BRTAN PA RNAMS KYI RDZU 'PHRUL GYI, ,RKANG PA MTSAN NYID MCHOG LDAN BZHI, ,BDAG NYID DANG NI GZHAN DAG GIS, ,DON KUN 'GRUB PAR SKYE BA'O, ,ZHES GSUNGS PA'I PHYIR, ` BZHI PA NI, TING NGE 'DZIN YONGS SU SBYONG BA'I LAM GYI 'OG TU MNGON PAR RTAGS PAR SBYOR BA'I LAM 'CHAD PA'I RGYU MTSAN YOD DE, 'DUN PA SOGS KYIS SEMS YONGS SU SBYANG BA BYAS PA LA BDEN PA MNGON PAR RTOGS BYED DRO BA DANG RTZE MO 'BYUNG BAS DE LTAR BSHAD PA'I PHYIR, ZHES 'CHAD PA LA, SEMS YONGS SU SBYANG BA BYAS PA LA DRO BA DANG RTZE MO'I SBYOR BA 'BYUNG BAS MNGON PAR RTOGS PAR SBYOR BA'I LAM LA DRO BA

029a

, ,DANG RTZE MO'I NGO BO NYID, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI DBANG PO'I RNAM PA'O, ,GZHUNG DON NI, MNGON PAR RTOGS PAR YONGS SU SBYOR BA'I LAM CHOS CAN, DU MAR YOD DE, BYANG PHYOGS SO BDUN GYI NANG TSAN DU GYUR PA'I DANG SOGS DBANG PO LNGA YOD PA'I PHYIR, 'DI LA YANG SNGAR BZHIN BRGYAD LAS, DANG PO, DMIGS YUL YOD DE, BDEN PA BZHI PO DE DE YIN PA'I PHYIR TE, 'DI DAG 'PHAGS LAM GYI SBYOR BAS BSDUS PAS BDEN BZHI'I RNAM PA CAN YIN PA'I PHYIR TE, KUN BTUS LAS, DBANG PO RNAMS KYI DMIGS PA GANG ZHE NA, 'PHAGS PA'I BDEN PA BZHI RNAMS SO, ,ZHES GSUNGS PA'I PHYIR, GNYIS PA SGOM TSUL YOD DE, BSGOMS BYUNG GI RNAL 'BYOR LA BRTEN NAS BDEN BZHI'I BLANG DOR LA YID CHES PA'I DAD PAS DMIGS RNAM MI BRJED PAR 'DZIN PA'I DRAN PA RGYUN LDAN DU SGOM PAR BYED PA'I PHYIR TE, KUN BTUS LAS, SGOM PA GANG ZHE NA DAD PA'I DBANG PO NI BDEN PA RNAMS LA MNGON PAR YID CHES PA'I DAD TSUL GYIS SGOM PAR 'GYUR RO, ,ZHES SOGS GSUNGS PA'I PHYIR, GSUM PA DGOS PA YOD DE, DROD RTZE MYUR DU RDZOGS PA DANG, BZOD MCHOG MYUR DU 'THOB PAR 'GYUR BA'I DGOS PA YOD PA'I PHYIR TE, DE NYID LAS, 'BRAS BU GANG ZHE NA BDEN PA MYUR DU RTOGS PAR BYED PA DANG, DRO BAR GYUR PA DANG, RTZE MOR GYUR PA DANG, BZOD PA DANG, CHOS KYI MCHOG RNAMS NYE BAR SGRUB BO,,

029b

ZHES GSUNGS PA'I PHYIR, BZHI PA NGO BO YOD DE, RANG 'BRAS 'PHAGS LAM SKYED PA LA RANG DBANG DU GYUR PA'I MKHYEN PA, BYANG PHYOGS SA BDUN GYI NANG TSAN DU GYUR PA'I DBANG PO'I MTSAN NYID, LNGA PA DBYE BA LA, DAD PA'I DBANG PO, BRTZON 'GRUS KYI DBANG PO, DRAN PA'I DBANG PO, TING NGE 'DZIN GYI DBANG PO, SHES RAB KYI DBANG PO DANG LNGA YOD DE, DE NYID LAS, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB BO, ,ZHES GSUNGS PA'I PHYIR, DE YANG; DANG PO NI, BDEN BZHI'I BLANG DOR LA YID CHES PA'I DAD PA DANG, GNYIS PA NI, BDEN BZHI RTOGS PAR BYA BA LA SPRO BA DANG, GSUM PA NI, DE'I DBANG DU BYAS PA'I DMIGS RNAM MI BRJED PAR 'DZIN PA DANG, BZHI PA NI, DE'I DON LA SEMS RTZE GCIG PA DANG, LNGA PA NI, DE DAG SO SOR RAB TU RNAM PAR 'BYED PA'O, ,DRUG PA SA MTSAMS NI, SBYOR LAM DROD NAS SANGS RGYAS KYI SA'I BAR DU YOD, BDUN PA SGRA BSHAD PA NI, RANG 'BRAS 'PHAGS LAM SKYED PA LA RANG DBANG DU GYUR PAS NA DBANG PO ZHES BYA'O, ` ,LNGA PA NI, MNGON PAR RTOGS PAR SBYOR BA'I LAM GYI 'OG TU MNGON PAR RTOGS PA DANG 'BREL BA'I LAM 'CHAD PA'I RGYU MTSAN YOD DE, DROD DANG RTZE MO'I NGO BOR GYUR PA'I DBANG PO LNGA THOB PA LAS, BZOD PA DANG CHOS MCHOG GI NGO BO STOBS LNGA 'BYUNG BAS DE LTAR BSHAD PA'I PHYIR, ZHES 'CHAD PA LA, DRO BA LA SOGS PA THOB PA LA BZOD PA DANG CHOS KYI MCHOG 'BYUNG BAS MNGON PAR RTOGS PA DANG 'BREL BA'I LAM LA

030a

, ,BZOD PA DANG CHOS MCHOG GI NGO BO NYID, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI STOBS DANG RNAM PA LNGA'O, ,ZHES GSUNGS, GZHUNG DON NI, MNGON PAR RTOGS PA DANG 'BREL BA'I LAM DE LA DU MA YOD DE; DE LA BYANG PHYOGS SO BDUN GYI NANG TSAN DU GYUR PA'I DAD SOGS STOBS LNGA YOD PA'I PHYIR, MTHA' DPYAD PA LA, DMIGS YUL SNGA MA BZHIN NO, ,SGOM TSUL YOD DE, SNGA MA SNGA MA RGYUR YOD PAS, PHYI MA PHYI MA LA 'JUG PA'I PHYIR, DGOS PA YOD DE; MTHONG LAM SKYED PA DANG SBYOR LAM PHYI MA GNYIS MYUR DU RDZOGS PA'I DGOS PA YOD PA'I PHYIR, NGO BO YOD DE, RANG GI MI MTHUN PHYOGS KYIS RDZI BAR MI NUS PA'I MKHYEN PA DE, BYANG PHYOGS SO BDUN GYI NANG TSAN DU GYUR PA'I RNAM BYANG GI STOBS KYI NGO BO YIN PA'I PHYIR, DE LA DBYE NA, DER GYUR PA'I DAD PA'I STOBS, BRTZON 'GRUS KYI STOBS, DRAN PA'I STOBS, TING NGE 'DZIN GYI STOBS, SHES RAB KYI STOBS RNAMS SU YOD DO, ,SA MTSAMS SBYOR LAM BZOD PA NAS SANGS RGYAS KYI SA'I BAR DU YOD DO, ,CI'I PHYIR STOBS ZHES BYA ZHE NA, RANG GI MI MTHUN PHYOGS KYIS RDZI BAR MI NUS PA'I DON GYIS DE SKAD CES BYA'O, ,DBANG STOBS GNYIS LA KHYAD PAR YOD DE, RNAM BYANG GI DBANG PO DE MA DAD PA SOGS KYI MI MTHUN PHYOGS DANG GNYEN PO 'DRES PAR 'BYUNG ZHING, CIG SHOS DE DANG MA 'DRES PAR GNYEN PO'I NGO BOR 'BYUNG BA'I PHYIR TE, 'GREL CHEN LAS, DBANG PO LNGA DANG STOBS LNGA LA KHYAD PAR CI YOD CE NA, MA DAD PA LA SOGS PA MI MTHUN PA'I PHYOGS DANG, DAD PA LA

030b

SOGS PA GNYEN PO GNYIS SU 'DRES PAR 'BYUNG BA NI DBANG PO ZHES BYA'O, ,MI MTHUN PA'I PHYOGS KYIS MA 'DRES PAR GNYEN PO 'BA' ZHIG 'BYUNG BA NI STOBS ZHES BYA'O, ,ZHES GSUNGS PA'I PHYIR, ` DRUG PA NI, MNGON PAR RTOGS PA DANG 'BREL BA'I LAM GYI 'OG TU MNGON PAR RTOGS PA'I LAM 'CHAD PA'I RGYU MTSAN YOD DE, MNGON RTOGS DANG SBYOR BA DANG DE'I 'BREL BA'I LAM GYI NGO BO DROD SOGS BZHI THOB PA LAS, MNGON PAR RTOGS PA'I LAM GYI NGO BO BDEN PA MNGON SUM DU GSAR DU MTHONG BA'I LAM 'BYUNG BAS DE LTAR BSHAD PA'I PHYIR, ZHES 'CHAD PA LA, DRO BA LA SOGS PA BZHI RTOGS PA LA BDEN PA MTHONG BA'I LAM 'BYUNG BAS MNGON PAR RTOGS PA'I LAM LA DRAN PA DANG, CHOS RAB TU RNAM PAR 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG GI RNAM PA BDUN NO, ,ZHES GSUNGS, GZHUNG DON NI, SKABS 'DIR BSTAN GYI MNGON PAR RTOGS PA'I LAM CHOS CAN, DU MAR YOD DE, DRAN PA YANG DAG BYANG CHUB KYI YAN LAG ,CHOS RAB TU RNAM 'BYED YANG DAG BYANG CHUB KYI YAN LAG ,BRTZON 'GRUS YANG DAG BYANG CHUB KYI YAN LAG DGA' BA YANG DAG BYANG CHUB KYI YAN LAG ;SHIN TU SBYANGS PA YANG DAG BYANG CHUB KYI YAN LAG ,TING NGE 'DZIN YANG DAG BYANG CHUB KYI YAN LAG ,BTANG SNYOMS YANG DAG BYANG CHUB KYI YAN LAG RNAMS SU YOD PA'I PHYIR, 'DI LA YANG DMIGS YUL, SGOM TSUL, DGOS

031a

, ,PA; NGO BO; DBYE BA, YAN LAG TU 'GYUR TSUL, SA MTSAMS, SGRA BSHAD PA, YAN LAG DPE DANG SBYAR BA'O, ,DANG PO YOD DE, 'PHAGS PA'I BDEN PA BZHI PO DE DE YIN PA'I PHYIR TE, KUN BTUS LAS, BYANG CHUB KYI YAN LAG RNAMS KYI DMIGS PA GANG ZHE NA, 'PHAGS PA'I BDEN PA BZHI PO DAG GI YANG DAG PA JI LTA BA NYID DO, ,ZHES GSUNGS PA'I PHYIR, GNYIS PA YOD DE, DRAN PA YANG DAG BYANG CHUB KYI YAN LAG GIS SDUG BDEN LA DMIGS NAS DE'I DBEN PA TSOL ZHING GNAS, KUN 'BYUNG LA DMIGS NAS DE'I 'DOD CHAGS DANG BRAL BA TSOL ZHING GNAS, 'GOG BDEN LA DMIGS NAS DE MNGON DU BYED PA TSOL ZHING GNAS, LAM BDEN LA DMIGS NAS DE SGOM PA TSOL ZHING GNAS PAR BYED PA'I PHYIR TE, DE NYID LAS, SGOM PA GANG ZHE NA, DRAN PA YANG DAG BYANG CHUB KYI YAN LAG ,DBEN PA LA GNAS PA, 'DOD CHAGS DANG BRAL BA LA GNAS PA, 'GOG PA LA GNAS PA, RNAM PAR SPONG BAS YONGS SU SGYUR BA SGOM PA'O, ,DRAN PA YANG DAG BYANG CHUB KYI YAN LAG JI LTA BAR BTANG SNYOMS YANG DAG BYANG CHUB KYI YAN LAG GI BAR LA YANG DE BZHIN NO, ,ZHES GSUNGS PA'I PHYIR, GSUM PA YOD DE, MTHONG SPANG MA LUS PAR SPONG BA'I DGOS PA YOD PA'I PHYIR, DE NYID LAS, 'BRAS BU GANG ZHE NA MTHONG BAS SPANG BAR BYA BA'I NYON MONGS PA RNAMS SPONG BA'O, ,ZHES GSUNGS PA'I PHYIR, BZHI PA NI, RANG GI 'BRAS BUR GYUR PA'I BYANG CHUB KYI RGYU BYED PA'I

031b

'PHAGS RGYUD KYI MKHYEN PA, BYANG CHUB YAN LAG GI MTSAN NYID, LNGA PA NI, DE LA BDUN DU YOD DE, KUN BTUS LAS, DRAN PA DANG, CHOS RAB TU RNAM PAR 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG, TING NGE 'DZIN DANG, BTANG SNYOMS SO, ,ZHES GSUNGS PA'I PHYIR, DRUG PA NI, YAN LAG BDUN PO DE YANG LNGAR 'DU STE, DANG PO DE GNAS KYI YAN LAG DANG, GNYIS PA DE RANG BZHIN GYI YAN LAG DANG, GSUM PA NGES 'BYUNG GI YAN LAG DANG, BZHI PA PHAN YON GYI YAN LAG DANG, THA MA GSUM NYON MONGS MED PA'I YAN LAG YIN PA'I PHYIR TE, DE NYID LAS, DRAN PA NI GNAS KYI YAN LAG GO ,CHOS RAB TU RNAM PAR 'BYED PA NI NGO BO NYID KYI YAN LAG GO , BRTZON 'GRUS NI NGES 'BYUNG GI YAN LAG GO ,DGA' BA NI PHAN YON GYI YAN LAG GO ,SHIN TU SBYANGS PA DANG, TING NGE 'DZIN DANG, BTANG SNYOMS KUN NAS NYON MONGS PA MED PA'I YAN LAG GO ,ZHES DANG, DBUS MTHAR, RANG BZHIN YAN LAG GNAS YAN LAG ,GSUM PA NGES 'BYUNG YAN LAG STE, ,BZHI PA PHAN YON YAN LAG YIN, ,RNAM GSUM NYON MONGS MED YAN LAG ,CES GSUNGS PA'I PHYIR, ,BDUN PA NI, MTHONG LAM NAS YOD DO, BRGYAD PA NI, RANG GI 'BRAS BUR GYUR PA'I BYANG CHUB KYI RGYU YIN PAS NA BYANG CHUB YAN LAG ZHES BYA'O, ,DGU PA NI, YAN LAG BDUN PO 'DI 'KHOR LOS SGYUR BA'I RGYAL PO'I RIN PO CHE SNA BDUN DANG CHOS MTSUNGS PA YIN TE, DE RIMS BZHIN DU SHES BYA MA RGYAL BA RNAMS

032a

, ,LAS RGYAL BAR BYED PA DANG, MTSAN 'DZIN GYI RTOG PA THAMS CAD 'JOMS PAR BYED PA DANG, MNGON SHES LA SOGS PA'I YON TAN RNAMS SGRUB PAR BYED PA DANG, CHOS KYI RNAM PA RNAM PAR 'PHEL BAS SEMS DGA' BAR BYED PA DANG, GNAS NGAN LEN GYI SGRIB PA LAS THAR PA'I SHIN TU SBYANGS PA'I BDE BA SKYED PA DANG, TING NGE 'DZIN LA BRTEN NAS 'DOD DON THAMS CAD SGRUB PA DANG, MNYAM GZHAG LA BRTEN NAS SPANG BYA RNAMS 'JOMS SHING RJES THOB LA BRTEN NAS RIGS PA'I YON TAN LEN PA'I PHYIR TE, MDO SDE'I RGYAN LAS, SHES BYA MA RGYAL LA RGYAL PHYIR, ,DRAN PA DAG NI KUN TU SPYOD, ,'DI YI RNAM 'BYED RTOGS PA YIS, ,MTSAN MA THAMS CAD 'JOMS PAR BYED, , 'DI YI BRTZON 'GRUS MA LUS PA, ,MYUR DU RTOGS PAR BYA PHYIR 'JUG ,CHOS KYI SNANG BA RNAM 'PHEL NI, ,DGA' BAS RTAG TU RGYAS PAR 'GYUR, ,SGRIB PA KUN LAS THAR PA'I PHYIR, ,SHIN TU SBYANGS PA'I BDE BA THOB, ,TING NGE 'DZIN LA BSAM PA'I DON, ,'BYOR BA NYE BAR SKYE BAR 'GYUR, ,BTANG SNYOMS KYI NI THAMS CAD DU, ,'DI NI JI LTAR 'DOD BZHIN GNAS, ,RJES LA THOB DANG MI RTOG PA'I, ,GNAS PA MCHOG GI RTAG TU GNAS, ,YON TAN DE LTA'I SEMS DPA' NI,, 'KHOR LOS SGYUR DANG 'DRA BAR 'JUG ,RTAG TU RIN CHEN BDUN LTA BU'I, ,BYANG CHUB YAN LAG RNAMS KYIS BSKOR, ,ZHES GSUNGS PA'I PHYIR, ` BDUN PA NI, MNGON PAR RTOGS PA'I LAM GYI 'OG TU RNAM PAR DAG PAR NGES

032b

PAR 'BYIN PA'I LAM 'CHAD PA'I RGYU MTSAN YOD DE, BDEN PA SNGAR MA MTHONG BA MNGON SUM DU GSAR DU MTHONG BA'I LAM THOB PA LAS SGOM LAM GYI NGO BO RNAM PAR DAG PAR NGES 'BYIN GYI LAM 'BYUNG BAS DE LTAR BSHAD PA'I PHYIR, ZHES 'CHAD PA LA, BDEN PA MTHONG BA YONGS SU SHES PA LA SGOM PA'I LAM 'BYUNG BAS RNAM PAR DAG PAR NGES PAR 'BYIN PA'I LAM LA YANG DAG PA'I LTA BA DANG, RTOG PA DANG, NGAG DANG, LAS KYI MTHA' DANG, 'TSO BA DANG, RTZOL BA DANG; DRAN PA DANG, TING NGE 'DZIN 'PHAGS PA'I LAM YAN LAG BRGYAD KYI RNAM PA BRGYAD DE, ZHES GSUNGS, GZHUNG DON NI, RNAM PAR DAG PA NGES PAR 'BYIN PA'I LAM CHOS CAN, DU MAR YOD DE, YANG DAG PA'I LTA BA 'PHAGS PA'I LAM YAN LAG SOGS BRGYAD DU YOD PA'I PHYIR, 'DI LA YANG SNGA MA LTAR DGU LAS, DANG PO DMIGS YUL YOD DE, BDEN PA BZHI PO DE DE YIN PA'I PHYIR TE, KUN BTUS LAS, LAM GYI YAN LAG RNAMS KYI DMIGS PA GANG ZHE NA; DE'I 'OG TU 'PHAGS PA'I BDEN PA BZHI PO RNAMS KYI YANG DAG PA JI LTA BA'O, ,ZHES GSUNGS, GNYIS PA SGOM TSUL YOD DE, SNGAR BZHIN YIN PA'I PHYIR TE, DE NYID LAS, SGOM PA NI BYANG CHUB KYI YAN LAG BZHIN NO, ,ZHES GSUNGS PA'I PHYIR, GSUM PA DGOS PA YOD DE, SGOM SPANG SPONG BA DANG, MNYAM GZHAG TU MTHONG BA'I DON RJES THOB TU YONGS SU DPYOD PAR BYED PA DANG, DAM CHOS GO BAR BYED PA DANG, GZHAN YID CHES PAR BYED PA DANG, RTZA BA'I

033a

, ,NYON MONGS PA'I SGRIB PA DANG, YON TAN LA DBANG 'BYOR BA'I SGRIB PA RNAM PAR DAG PAR BYED PA'I 'BRAS BU DANG LDAN PA'I PHYIR TE, DE NYID LAS, 'BRAS BU GANG ZHE NA, YONGS SU DPYOD PA DANG, GZHAN GO BAR BYED PA DANG, ZHES SOGS GSUNGS PA'I PHYIR, BZHI PA NGO BO NI, RANG 'BRAS 'PHAGS LAM GYI RGYUR GYUR PA'I 'PHAGS RGYUD KYI MKHYEN PA, 'PHAGS LAM YAN LAG GI MTSAN NYID, LNGA PA DBYE BA NI, YANG DAG PA'I LTA BA 'PHAGS PA'I LAM YAN LAG DANG, YANG DAG PA'I RTOG PA 'PHAGS PA'I LAM YAN LAG DANG, YANG DAG PA'I NGAG 'PHAGS PA'I LAM YAN LAG DANG, YANG DAG PA'I LAS KYI MTHA' 'PHAGS PA'I LAM YAN LAG DANG, YANG DAG PA'I 'TSO BA 'PHAGS PA'I LAM YAN LAG DANG, YANG DAG PA'I RTZOL BA 'PHAGS PA'I LAM YAN LAG DANG, YANG DAG PA'I DRAN PA 'PHAGS PA'I LAM YAN LAG DANG, YANG DAG PA'I TING NGE 'DZIN 'PHAGS PA'I LAM YAN LAG GI BAR BRGYAD DU YOD DE, KUN BTUS LAS, YANG DAG PA'I LTA BA DANG, ZHES SOGS GSUNGS PA'I PHYIR, DRUG PA YAN LAG TU 'DU TSUL NI, BRGYAD PO DE YANG BZHIR 'DU BA YIN TE, KUN BTUS LAS, YANG DAG PA'I LTA BA NI YONGS SU DPYOD PA'I YAN LAG GO ,YANG DAG PA'I RTOG PA NI GZHAN LA GO BAR BYED PA'I YAN LAG GO ,YANG DAG PA'I NGAG DANG, LAS KYI MTHA' DANG, 'TSO BA NI GZHAN YID CHES BAR BYED PA'I YAN LAG STE, LTA BA DANG,

033b

TSUL KHRIMS DANG, 'TSO BA RNAM PAR DAG PA'I PHYIR RO, ,YANG DAG PA'I RTZOL BA NI, NYON MONGS PA'I SGRIB PA RNAM PAR DAG PA'I YAN LAG GO ,YANG DAG PA'I DRAN PA NI, NYON MONGS PA SBYONG BA'I YAN LAG GO ,YANG DAG PA'I TING NGE 'DZIN NI YON TAN KHYAD PAR CAN LA SGRIB PA RNAM PAR SBYONG BA'I YAN LAG GO ,ZHES GSUNGS PA'I PHYIR, PHYI MA GSUM YAN LAG GCIG TU 'DREN NO, ,DBUS MTHAR, YONGS SU DPYOD DANG PO BYED DANG, ,RNAM GSUM GZHAN YID CHES PAR BYED, ,MI MTHUN PHYOGS KYI GNYEN POR NI, ,LAM GYI YAN LAG 'DI BRGYAD DO, ,LTA DANG TSUL KHRIMS YO BYAD BSNYUNGS, ,GZHAN LA RNAM PAR RIG BYED 'DOD, ,NYON MONGS NYE BA'I NYON MONGS DBANG, ,MI MTHUN PHYOGS KYI GNYEN PO'O; ;ZHES DANG, MDO SDE'I RGYAN LAS, DE YI 'OG TU JI LTA BUR, ,RTOGS PA'I RJES SU 'JUG PA SKYE, ,RNAM GZHAG BZHIN NI RTOGS PA DANG, ,RNAM PAR BZHAG LA 'JUG PA DANG, ,LAS GSUM RNAM PAR DAG PA DANG, ,SHES BYA DAG DANG LAM DAG NI, ,YON TAN KHYAD PAR CAN GYI NI, ,SGRIB PA'I GNYEN POR SGOM PA'O, ,ZHES GSUNGS PA'I PHYIR, DE YANG DON BSDU NA, YANG DAG PA'I LTA BA NI, YONGS SU DPYOD PA'I YAN LAG YIN TE, DE MNYAM GZHAG GI RTOGS PA YONGS SU DPYOD PA YIN PA'I PHYIR, RTOG PA GO BAR BYED PA'I YAN LAG YIN TE, NGES KUN NAS BSLANGS NAS NGAG GIS GO BAR BYED PA'I PHYIR, DE'I 'OG MA GSUM GZHAN YID CHES PA'I YAN LAG YIN TE, NGAG GI THA SNYAD DANG 'BREL BA'I

034a

, ,GTAM GYIS LTA BA RNAM DAG TU BYED, LAS KYI MTHA' BYA BA MA YIN PA MI BYED PAS TSUL KHRIMS RNAM DAG TU BYED, 'TSO BAS CHOS GOS SOGS JI LTAR GNANG BA BZHIN LONGS SPYOD PAS YO BYAD BSNYUNGS PA LA YID CHES PAR BYED PA'I PHYIR, PHYI MA GSUM GNYEN PO'I YAN LAG TU 'DU STE, RTZOL BAS SGOM SPANG GI NYON MONGS PA DANG, DRAN PAS NYE NYON BYING RGOD DANG, TING NGE 'DZIN GYIS MNGON SHES SOGS YON TAN KHYAD PAR CAN SGRUB PAS RANG GI MI MTHUN PHYOGS KYI GNYEN PO BYED PA'I PHYIR, BDUN PA SA MTSAMS NI, GTZO CHE BAR SGOM LAM NAS YOD, BRGYAD PA SGRA BSHAD PA NI, RANG GI 'BRAS BUR GYUR PA'I 'PHAGS LAM GYI YAN LAG STE RGYU BYED PAS NA 'PHAGS LAM YAN LAG CES BYA'O, ,DGU PA YAN LAG DPE DANG SBYAR BA LA, MDO LAS GSUNGS TSUL DANG, RGYUD BLA MAR GSUNGS TSUL GNYIS LAS, DANG PO NI, 'PHAGS LAM YAN LAG BRGYAD PO 'DI 'KHOR LOS SGYUR BA'I RGYAL PO'I 'KHOR LO RIN PO CHE DANG CHOS MTSUNGS PA YIN TE, DE GDUL BYA'I RGYUD LA RIM GYIS 'PHO BA DE 'KHOR LO YUL GZHAN NAS GZHAN DU 'PHO BA DANG CHOS MTSUNGS, YANG DAG PA'I LTA BA RTOG PA, RTZOL PA DRAN PA BZHI NI, LHAG PA SHES RAB KYI BSLAB BAR 'DUS PAS DES RANG GI MI MTHUN PHYOGS 'JOMS PAS NA GCOD PAR BYED PA'I RTZIBS DANG CHOS MTSUNGS, YANG DAG PA'I NGAG LAS KYI MTHA' 'TSO BA GSUM LHAG PA TSUL KHRIMS KYI BSLAB PAR 'DUS

034b

PAS DE GSUM NI YON TAN KUN GYI GZHI RTEN BYED PAS RTEN PAR BYED PA'I LTE BA DANG CHOS MTSUNGS, YANG DAG PA'I TING NGE 'DZIN NI LHAG PA TING NGE 'DZIN GYI BSLAB PA YIN PAS NGES SEMS DMIGS PA LA SDUD PAR BYED PAS NA SDUD PAR BYED PA'I MU KHYUD DANG CHOS MTSUNGS PA'I PHYIR TE, MDZOD LAS, CHOS KYI 'KHOR LO MTHONG BA'I LAM, ,MYUR BAR 'GRO SOGS RTZIBS SOGS KYIS, ,ZHES GSUNGS PA'I PHYIR, GNYIS PA NI, YAN LAG BRGYAD DANG LDAN PA'I CHU NI 'BAB PA'I CHU YI SNOD KYI DBYE BAS MNGAR BA DANG SKYUR BA DANG SHIN TU KHA BA'I RO DANG LDAN PAR 'GYUR BA BZHIN DU, 'PHAGS LAM YAN LAG BRGYAD PO DE YANG, THEG PA CHE 'BRING CHUNG GSUM DANG 'BREL BA'I BYE BRAG GIS RAB 'BRING THA GSUM DU 'GYUR BA YIN TE, RGYUD BLA MAS, JI LTAR BSIL DANG ZHIM DANG 'JAM PA DANG, ,YANG BA'I CHU NI SPRIN DE LAS 'THON PA, ,SA LA BA TSVA LA SOGS GNAS 'BREL BAS, ,SHIN TU MANG PO'I ROR NI 'GYUR BA BZHIN, ,DE BZHIN 'PHAGS LAM YAN LAG BRGYAD CHU'I CHAR, ,RANG BRTZE SPRIN GYI SNYING PO LAS 'THON PA, ,'GRO BA'I RGYUD KYI GNAS KYI DBYE BA LAS, ,RNAM PA MANG PO'I RO DANG LDAN PAR 'GYUR, ,ZHES GSUNGS PA'I PHYIR, BYANG CHUB YAN LAG DANG 'PHAGS LAM YAN LAG GNYIS 'DIR MTHONG LAM DANG SGOM LAM LA DNGOS SU BZHAG KYANG, MTHONG LAM NAS BYANG PHYOGS SO BDUN RDZOGS PAR 'THOB STE, MDO SDE'I RGYAN LAS, RGYAL SRAS BYANG CHUB PHYOGS MTHUN PA, ,RNAM PA SNA TSOGS

035a

, ,THAMS CAD NI, ,RTAG TU MTHONG BA'I LAM DE DANG, ,LHAN CIG TU NI THOB PAR 'DOD, ,CES DANG, SA ZHUGS PA LA BYANG CHUB KYI, ,YAN LAG RNAM PAR BZHAG PA BRJOD, ,CES GSUNGS PA'I PHYIR, DE DAG GI DON BSDUS NAS BSHAD PA LA, DE LTAR NA SLOB MA RNAMS LA KUN SHES PA NYID KYI LAM GYI RTEN CAN GYI SUM CU RTZA BDUN YIN NO, ,ZHES GSUNGS, ` GNYIS PA LAM SHES KYI RNAM PA STON PA LA SO SOR BSHAD PA DANG, DON BSDU BA GNYIS LAS, DANG PO NI, LAM SHES PA NYID LA, ZHES SOGS KYIS 'CHAD, GNYIS PA NI, DE LTAR NA BYANG CHUB SEMS DPA' RNAMS LA LAM SHES PA NYID KYI LAM GYI RTEN CAN GYI RNAM PA SUM CU RTZA BZHI'O, ,ZHES BSHAD, DE YANG; DANG PO LA, GNYEN PO'I LAM, SPRUL PA'I LAM, MTHONG CHOS LA BDER GNAS KYI LAM, 'JIG RTEN PA'I LAM, SPONG BA'I LAM, SANGS RGYAS KYI LAM DANG DRUG LAS, DANG PO DE STON PA LA, LAM SHES PA NYID LA GNYEN PO'I LAM LTA BAS BYAS PA'I GNYEN PO DANG, DE'I RGYU MTSAN GYIS RNAM PAR RTOG PA'I GNYEN PO DANG, KHAMS GSUM PO LA SMON PA'I GNYEN PO ZHES BYA BA DE LTA BU'I NGO BO NYID LA GO RIMS BZHIN DU STONG PA DANG BDAG MED PA'I RNAM PA'I NGO BO NYID NI RNAM PAR THAR PA'I SGO DANG PO'O, ,'GOG PA DANG LAM GYI BDEN PA'I NGO BO NYID NI GNYIS PA'O, ,MI RTAG PA DANG SDUG BSNGAL BA DANG KUN 'BYUNG BA'I BDEN PA'I RNAM PA'I NGO BO NYID NI GSUM PA STE, DE LTAR NA RNAM

035b

PAR THAR PA'I SGO GSUM GYI RNAM PA GSUM MO, ,ZHES GSUNGS, GZHUNG DON NI, RANG GI BSAL BYAR GYUR PA'I SGRO 'DOGS KYI ZHEN YUL MED PAR RTOGS PA'I SGO NAS RANG GI BSAL BYAR GYUR PA'I SGRO 'DOGS 'JOMS PAR NUS PAS RAB TU PHYE BA'I MKHYEN PA CHOS CAN, 'DIR BSTAN GNYEN PO'I LAM GYI MTSAN NYID YIN TE, DE'I 'JOG BYED CHOS GSUM TSANG BA YIN PA'I PHYIR, 'DIR BSTAN GNYEN PO'I LAM CHOS CAN, KHYOD LA GSUM DU YOD DE, KHYOD LA RNAM THAR SGO GSUM GYI MKHYEN PA GSUM DU YOD PA'I PHYIR, MTHA' DPYAD PA LA, MDZOD LAS GSUNGS TSUL DANG, MDO SDE'I RGYAN LAS GSUNGS TSUL DANG, KUN BTUS LAS GSUNGS TSUL DANG GSUM LAS, DANG PO NI, MDZOD LAS, MTSAN MED ZHI BA'I RNAM PA DANG, ,STONG NYID BDAG MED STONG NYID DU, ,'JUG PA'O SMON PA MED PA NI, ,DE LAS GZHAN BDEN RNAM PA DANG, ,ZHES 'GOG BDEN GYI RNAM PA BZHI, GZUGS SOGS DON LNGA DANG, PHO MO DANG 'DUS BYAS KYI MTSAN NYID GSUM STE MTSAN MA BCU PO DE LA DMIGS PA'I TING NGE 'DZIN NI RNAM PAR THAR PA'I SGO MTSAN MA MED PA DANG, SDUG BSNGAL GYI STONG BDAG MED LA DMIGS PA'I TING NGE 'DZIN NI RNAM PAR THAR PA'I SGO STONG PA NYID KYI TING NGE 'DZIN DANG, DE RNAMS LAS GZHAN PA'I BDEN PA'I RNAM PA LA DMIGS PA'I TING NGE 'DZIN NI RNAM PAR THAR PA'I SGO SMON PA MED PA'I TING NGE 'DZIN DU BSHAD DE, ,GNYIS PA NI, DE NYID LAS, TING 'DZIN GSUM GYI SPYOD YUL NI, ,BDAG MED RNAM

036a

, ,PA GNYIS PO DANG, ,BDAG TU LTA BA'I RTEN DANG NI, ,DE DAG NYER ZHI YIN ZHES BYA, ,RNAM PAR MI RTOG RGYAB KYIS PHYOGS, ,RTAG TU DGA' DANG LDAN PA'O, ,ZHES RNAM PAR THAR PA'I SGO STONG PA NYID, MTSAN MA MED PA, SMON PA MED PA RNAMS GO RIMS BZHIN DU, BDAG MED PA GNYIS DANG, MI RTAG SDUG BSNGAL KUN 'BYUNG GI PHUNG PO SDUG BDEN NYE BAR ZHI BA'I MYANG 'DAS LA DMIGS NAS GO RIMS BZHIN DU BDAG TU RNAM PAR MI RTOG PA DANG, RGYAB KYIS PHYOGS PA DANG, DGA' BA DANG LDAN PA'I RNAM PA CAN DU GSUNGS SO, ,GSUM PA NI, KUN BTUS LAS, RNAM PA BCU'I NANG NAS STONG PA NYID KYI RNAM PA DU ZHE NA GNYIS SO, ,SMON PA MED PA'I RNAM PA DU ZHE NA DRUG GO ,MTSAN MA MED PA'I RNAM PA DU ZHE NA BRGYAD DO, ,ZHES SDUG BDEN GYI STONG BDAG MED GNYIS DANG, MI RTAG SDUG BSNGAL KUN 'BYUNG GI RNAM PA BZHI STE DRUG DANG, 'GOG BDEN DANG LAM BDEN GYI RNAM PA BRGYAD LA DMIGS PA'I TING NGE 'DZIN RNAMS LA RIMS BZHIN RNAM PAR THAR PA'I SGO STONG PA NYID DANG, SMON PA MED PA DANG, MTSAN MA MED PA ZHES 'GREL PA 'DI DANG MTHUN PAR GSUNGS SO, ,CHOS RNAMS KYI NGO BO RGYU 'BRAS GSUM BDEN STONG DU RTOGS PA'I TING NGE 'DZIN LA RNAM PAR THAR PA'I SGO STONG PA NYID DANG, SMON PA MED PA DANG, MTSAN MA MED PA'I TING NGE 'DZIN DU GSUNGS PA YANG YOD DE, RNAM THAR SGO GSUM SHES PA DANG, ,ZHES GSUNGS PA'I PHYIR, SA

036b

MTSAMS TSOGS LAM NAS YOD DO, ,KHO NA RE, GANG ZAG GI BDAG MED RTOGS PA'I THEG CHEN TSOGS LAM CHOS CAN, 'DIR BSTAN GNYEN PO'I LAM DU THAL, MTSAN NYID DE'I PHYIR, 'DOD NA, DE CHOS CAN, BYANG CHUB SEMS DPA' LA YOD PA DANG RJES SU MTHUN PA'I LAM SHES KYI SHES RNAM DU THAL, 'DOD PA'I PHYIR NA MA KHYAB, ` GNYIS PA DE STON PA LA, SPRUL PA'I LAM LA GZUGS KYI 'DU SHES RNAM PAR MA BSHIG PA DANG, RNAM PAR BSHIG PA'I PHYIR GO RIMS BZHIN DU NANG GZUGS CAN DANG, GZUGS CAN MA YIN PAS PHYI ROL GYI GZUGS RNAMS LA LTA'O ZHES BYA BA SPRUL PA'I SGRIB PA'I GNYEN POR RNAM PAR THAR PA 'DI GNYIS DANG, GZUGS SDUG PA DANG MI SDUG PA SPRUL BA LA GO RIMS BZHIN DU DGA' BA DANG MI DGA' BA'I KUN NAS NYON MONGS PA DE DAG GI GNYEN POR SDUG PA'I RNAM PAR THAR PA'I SGO LUS KYIS MNGON SUM BYAS NAS RDZOGS PAR BYAS TE GNAS SO ZHES BYA BA RNAM PAR THAR PA GCIG STE DE LTAR NA RNAM PAR THAR PA'I SGO RNAM PA GSUM MO, ,ZHES GSUNGS, GZHUNG DON NI, SPRUL PA'I LAM CHOS CAN, RNAM PA GSUM DU YOD DE, GZUGS CAN GZUGS LA LTA BA'I RNAM THAR, GZUGS MED GZUGS LA LTA BA'I RNAM THAR, GEGS SEL SDUG PA'I RNAM THAR RNAMS SU YOD PA'I PHYIR, MTHA' DPYAD PA LA, RNAM THAR GYI RTEN, BRTEN PA RNAM THAR GYI RANG BZHIN, DE'I SGOM TSUL, NGES TSIG ,DGOS PA'O, ,DANG PO LA,

037a

, ,LUS RTEN NI, THEG CHEN GYI TSOGS LAM THOB PA'I BYANG SEMS DANG, PHYIR MI 'ONG LUS MNGON BYED DANG, GNYIS KA'I CHA LAS RNAM GROL GYI NYAN THOS DGRA BCOM PA RNAMS KYIS RNAM THAR SGOM STE, 'DI DAG GIS BSAM GZUGS BRGYAD THOB PA'I PHYIR DU GZUGS KYI RNAM THAR GSUM GZUGS KYI RTEN LA BSGOMS NAS GZUGS MED KYI RNAM THAR BZHI KHAMS GSUM GA'I RTEN LA SGOM PA YOD PA'I PHYIR TE, MDZOD LAS, GZUGS MED CES BYA KHAMS GSUM GYI, ,RTEN CAN LHAG MA MI LAS SKYE, ,ZHES GSUNGS PA'I PHYIR, DE YANG GTZO CHE BA YIN GYI DE LA MIS KHYAB PA MA YIN NO, ,'GOG PA'I RNAM THAR KHAMS GSUM GA'I RTEN LA SGOM PA YOD PA'I PHYIR; SEMS RTEN NI RAB MTHA'I BSAM GTAN BZHI SOGS LA BRTEN NAS SKYE BA YIN NO, ,GNYIS PA LA MTSAN NYID, DBYE BA, SA MTSAMS GSUM LAS, DANG PO NI, RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS SNYOMS 'JUG GI SGRIB PA CI RIGS LAS GROL ZHING SPRUL SGYUR SNA TSOGS STON PAR NUS PAS RAB TU PHYE BA'I MKHYEN PA, SKABS 'DIR BSTAN GYI SPRUL PA'I LAM GYI MTSAN NYID, GNYIS PA NI, DE LA GSUM DU YOD DO, ,GSUM PA NI, THEG CHEN GYI DBANG DU BYAS NA TSOGS LAM NAS YOD DO, ,GSUM PA NI, RAB MTHA'I BSAM GTAN GYI DNGOS GZHI LA BRTEN NAS RNAL 'BYOR PA RANG NYID LA GZUGS CAN GYI 'DU SHES

037b

NYE BAR BZHAG STE, GZUGS RNAMS LA BZANG NGAN CHE CHUNG SOGS JI LTAR 'DOD PA BZHIN DU SGOM PAR BYED PA DANG, RNAL 'BYOR PA RANG NYID LA GZUGS CAN MA YIN PA'I 'DU SHES NYE BAR BZHAG STE SNGAR BZHIN SGOM PA DANG, PHYI ROL GYI GZUGS LA DMIGS PA'I CHAGS SDANG GI RTOG PA DANG, SDUG MI SDUG LA SOGS PA'I GZUGS RNAMS LA LTOS TE NGO BO NYID KYIS GRUB PAR RTOG PA'I RNAM PA BSAL NAS GZUGS SNANG THAMS CAD SDUG PAR JI LTAR 'DOD PA BZHIN DU SGOM PAR BYED, GZUGS MED KYI RNAM THAR 'GOG PA'I RNAM THAR RNAMS KYI SNYOMS 'JUG LNGA PO DE DAG JI LTAR SGOM PA BZHIN DU SGOM PAR BYED DO, ,BZHI PA NI, 'DI LA RNAM PAR THAR BA ZHES BRJOD PA'I RGYU MTSAN YOD DE, SNYOMS 'JUG GI SGRIB PA 'GA' ZHIG LAS RNAM PAR THAR PA'I RGYU MTSAN GYIS DE LTAR BRJOD PA'I PHYIR, LNGA PA NI, 'DI LTA BU BSGOMS PA CHOS CAN, DGOS PA KHYAD PAR CAN YOD DE, SPRUL SGYUR LA GEGS BYED KYI SGRIB PA SOGS LAS RNAM PAR THAR TE RANG GZHAN GYI DON BDE BLAG TU 'GRUB PA'I DGOS PA YOD PA'I PHYIR, ` GSUM PA DE STON PA LA, MTHONG BA'I CHOS LA BDE BAR GNAS PA'I LAM LA THAR PA DANG MTHUN PAR GNAS PA'I LAM GYI RANG BZHIN LA GZUGS MED PA'I SNYOMS PAR 'JUG PA'I RNAM PA BZHI DANG, ZHI BAR GNAS PA'I LAM GYI RANG BZHIN LA 'DU SHES DANG TSOR BA 'GOG PA'I RNAM PA GCIG STE, DE LTAR NA RNAM PA LNGA'O, ,ZHES BSHAD, GZHUNG DON NI, MTHONG CHOS LA BDER GNAS KYI LAM LA LNGA YOD DE, DE LA

038a

, ,GZUGS MED KYI RNAM THAR BZHI, 'GOG PA'I RNAM THAR GCIG RNAMS SU YOD PA'I PHYIR, BYANG SEMS 'PHAGS PAS 'DI LA SNYOMS PAR ZHUGS PA CHOS CAN, DGOS PA YOD DE, RANG NYID MTHONG CHOS LA BDE BAR GNAS PA'I SGO NAS GZHAN SMIN GROL LA 'GOD PA'I DGOS PA YOD PA'I PHYIR, DES NA RNAM THAR THOB ZIN PA'I GANG ZAG GI RGYUD KYI RAGS PA'I NYON MONGS BAS MA BSLAD PA'I MKHYEN PA, MTHONG CHOS LA BDER GNAS KYI LAM GYI MTSAN NYID; DBYE NA LNGA YOD, 'GOG SNYOMS DANG 'GOG PA'I RNAM THAR DON MI GCIG STE, RNAM BSHAD LAS, RNAM PAR THAR PA BRGYAD NI BYANG CHUB SEMS DPA' 'PHAGS PA RNAMS KYIS 'DAS LAM GYI NGO BOR SKYED NUS PA DANG, 'GOG SNYOMS 'DAS LAM GYI STOBS KYIS THOB PA'I 'JIG RTEN PA'I LAM DU BSHAD PAS SO, ,ZHES GSUNGS PA'I PHYIR, ` BZHI PA DE STON PA LA, 'JIG RTEN LAS 'DAS PA'I LAM LA BSAM GTAN BZHI DANG GZUGS MED PA DANG, 'GOG PA LA SNYOMS PAR ZHUGS PA DAG STE DGU'O, ,ZHES GSUNGS, GZHUNG DON NI, 'JIG RTEN LAS 'DAS PA'I LAM LA SGRAS BRJOD RIGS KYI SGO NAS DU MAR YOD DE, DE LA 'DAS LAM DU GYUR PA'I BSAM GTAN BZHI, DER GYUR PA'I GZUGS MED BZHI, 'GOG PA'I SNYOMS 'JUG RNAMS SU YOD PA'I PHYIR, SKABS 'DIR MTHA' DPYAD PA LA, NYAN THOS SDE PA'I LUGS BSHAD PA DANG, SEMS TZAM PA'I LUGS DANG, THAL 'GYUR BA'I LUGS

038b

DANG; RANG RGYUD PA'I LUGS DANG BZHI LAS, DANG PO LA, BSHAD BYA'I LUNG 'GOD BA DANG, LUNG GI DON BSHAD PA GNYIS LAS, DANG PO LA, MDZOD LAS, 'DU SHES MED PAR 'DU SHES, ,MED PAR SEMS DANG SEMS BYUNG RNAMS,, 'GOG PA'O RNAM SMIN DE 'BRAS CHE, ,DE BZHIN 'DU SHES MED SNYOMS 'JUG ,BSAM GTAN THA MAR 'BYUNG 'DOD PAS, ,DGE BA'O SKYES NAS MYONG 'GYUR NYID, ,'PHAGS PA'I MA YIN DUS GCIG 'THOB, ,'GOG PA ZHES PA'ANG DE BZHIN NYID, ,'DI GNAS DON DU SRID RTZER SKYE, ,DGE BA'O GNYIS SU MYONG 'GYUR DANG, ,MA NGES 'PHAGS PA'I SBYOR BAS 'THOB, ,THUB PA'I BYANG CHUB KYIS THOB BYA, ,DANG POR MA YIN SKAD CIG MA, ,SUM CU RTZA BZHIS THOB PHYIR RO, , GNYIS KA 'DOD DANG GZUGS RTEN CAN, ,'GOG PA DANG POR MI NANG DU, ,ZHES GSUNGS, GNYIS PA LA, 'DU SHES MED PA PA DANG 'DU SHES MED PA'I SNYOMS 'JUG 'GOG PA'I SNYOMS 'JUG BSHAD PA DANG GSUM LAS, DANG PO NI; 'DU SHES MED PA PA DE KHYAD CHOS DU MA DANG LDAN TE, RANG RKYA THUB PA'I RDZAS SU YOD PA, SEMS SEMS BYUNG MNGON GYUR PA MED PA, LUS KYI PHUNG PO'I STENG DU MTSUNGS LDAN RAGS PA MTHA' DAG BKAG PA, 'DU SHES MED PA'I SNYOMS 'JUG GI RNAM SMIN GYI 'BRAS BU YIN PA, 'BRAS BU CHE BA'I NANG DU GTOGS SHING DE'I SAS BSDUS PA'I PHYIR, GNYIS PA NI, 'DU SHES MED PA'I SNYOMS 'JUG DE YANG KHYAD CHOS DU MA DANG LDAN TE, DGAG GZHI GZUGS

039a

, ,KYI STENG DU MTSUNGS LDAN RAGS PA MTHA' DAG 'GOG PA'I RANG RKYA THUB PA'I RDZAS SU YOD PA, BSAM GTAN BZHI PA'I SAS BSDUS PA, 'KHOR BA LAS NGES PAR 'BYUNG 'DOD KYI BSAM PAS DE LA SNYOMS PAR ZHUGS PA, KUN SLONG DGE BA'I STOBS KYIS THOB PAS NGO BO DGE BA YIN PA, SKYES GNAS MYONG 'GYUR KHO NAR GTOGS PA, SO SKYES SGOM ZHING 'PHAGS PAS SGOM PA MA YIN PA, RANG GI THOB BYA'I CHOS DANG LHAN CIG TU THOB PA'I KHYAD CHOS DANG LDAN PA'I PHYIR, GSUM PA LA, DGAG BYA GANG 'GOG PA, YID LA BYED PA GANG GIS SNYOMS PAR 'JUG PA, SA GANG LA BRTEN NAS SNYOMS PAR 'JUG PA, DGE SOGS GSUM GANG YIN DPYAD PA, MYONG 'GYUR GSUM GANG YIN DPYAD PA, SKYE 'PHAGS SU'I RGYUD LA YOD PA DPYAD PA, THOB TSUL, KHAMS GANG DU SNYOMS PAR 'JUG PA DPYAD PA'O, ,DANG PO NI, 'DU SHES MED PA DANG 'DU SHES MED PA'I SNYOMS 'JUG GNYIS PO DE LA SNYOMS PAR ZHUGS NAS MA LANG GI BAR DU SEMS SEMS BYUNG RAGS PA 'GOG PA DE BZHIN DU, 'GOG PA'I SNYOMS 'JUG DES KYANG SEMS SEMS BYUNG RAGS PA 'GOG PAR BYED DE, DE'I TSOR 'DU RAGS PA 'GOG PA'I PHYIR, KHYAB STE, TSOR 'DU GNYIS PO DE SEMS BYUNG KUN 'GRO YIN PA'I PHYIR, RTAGS GRUB STE, DE TSOR 'DU RAGS PA 'GOG PA'I SNYOMS 'JUG YIN PA'I PHYIR TE, 'GOG PA ZHES PA'ANG DE BZHIN NYID, ,CES GSUNGS PA'I PHYIR, GNYIS PA NI, TSOR 'DU RAGS PAS YID SKYO NAS TSE DE LA TSOR

039b

'DU RAGS BA ZHI NAS SEMS BDE BA LA GNAS PA'I PHYIR DU SNYOMS PAR ZHUGS TE, 'DI GNAS DON DU, ZHES GSUNGS PA'I PHYIR, GSUM PA NI, 'GOG PA LA DANG POR SNYOMS PAR 'JUG PA'I TSE SRID RTZE'I SEMS NAS 'JUG STE, 'GOG SNYOMS DE SRID RTZE'I SAS BSDUS YIN PA'I PHYIR TE, SRID RTZER SKYE, ,ZHES GSUNGS PA'I PHYIR, BZHI PA NI, 'GOG SNYOMS DE DGE SOGS GSUM GYI NANG NAS DGE BA YIN TE, DE KUN SLONG GI DGE BA YIN PA'I PHYIR TE, DGE BA'O, ,ZHES GSUNGS PA'I PHYIR, LNGA PA NI, 'GOG SNYOMS SU GYUR PA'I SKYES GNAS MYONG 'GYUR YOD DE, 'GOG SNYOMS THOB PA'I PHYIR MI 'ONG 'GA' ZHIG 'GOG PA LAS MA NYAMS PAR SRID RTZER SKYE BA YOD PA'I PHYIR, DE'I LAN GRANGS GZHAN LA MYONG 'GYUR YOD DE; 'GOG SNYOMS THOB PA'I PHYIR MI 'ONG 'GA' ZHIG 'GOG PA LAS NYAMS NAS GZUGS KHAMS SU SKYES, DE NAS SHI 'PHOS TE SRID RTZER SKYE BA LEN PA YOD PA'I PHYIR, DE'I RNAM SMIN 'BYIN PAR MA NGES PA YOD DE, PHYIR MI 'ONG MTHONG CHOS ZHI'I RGYUD KYI 'GOG SNYOMS DANG, GNYIS KA'I CHA LAS RNAM GROL GYI NYAN THOS DGRA BCOM PA'I RGYUD KYI 'GOG SNYOMS RNAMS DE YIN PA'I PHYIR TE, GANG ZAG DE GNYIS LAS NYEN GYIS 'KHOR BAR SKYE BA MI LEN PA'I PHYIR TE, GNYIS SU MYONG 'GYUR DANG, ,MA NGES, ZHES GSUNGS PA'I PHYIR, DRUG PA NI, 'GOG SNYOMS DE 'PHAGS RGYUD LA YOD CING SO SKYE'I RGYUD LA MED DE, SO SKYES BDAG CHAD KYI DOGS PAS 'JIGS PAS 'GOG PA LA SNYOMS PAR 'JUG MI NUS PA'I

040a

, ,PHYIR; DES 'DU SHES MED PA'I SNYOMS 'JUG LA MTSUNGS TE, 'DU SHES MED PA'I SNYOMS 'JUG DE SBYOR BA'I TSE BDAG GI RTEN LUS LA DMIGS SHING, 'GOG SNYOMS KYI SBYOR BA'I TSE SRID RTZE'I SEMS LA BRTEN NAS GZUNG BYA LA GNYIS SNANG NUB PA'I PHYIR TE, 'PHAGS PA'I, ZHES GSUNGS PA'I PHYIR, BDUN PA LA, SPYIR BTANG LA 'GOG PA'I SNYOMS 'JUG DE SBYOR BAS THOB PA YIN TE, DE SBYOR BYUNG GI YON TAN YIN PA'I PHYIR, DMIGS BSAL LA SANGS RGYAS 'PHAGS PA'I RGYUD KYI 'GOG SNYOMS DE SBYOR BAS THOB PA MA YIN TE, DE ZAD MI SKYE SHES PA'I YE SHES BRNYES PA'I ZHAR LA THOB PA'I PHYIR DANG, DE'I RGYUD LA SBYOR BYUNG GI YON TAN MED PA'I PHYIR, THAMS CAD MKHYEN PAR GRUB PAR BSTOD PA LAS; DGE BA MTHAR PHYIN KHYOD LA NI, ,SBYOR BA LAS BYUNG CUNG ZAD MED, ,CES GSUNGS PA'I PHYIR, DE LTAR YANG, SBYOR BAS THOB, ,THUB PA'I BYANG CHUB KYIS THOB BYA, ,ZHES GSUNGS, DE LA NUB PHYOGS KYI KHA CHE BYE BRAG TU SMRA PA KHA CIG SRID RTZE'I SEMS THOB PA'I BYANG SEMS KYIS BSAM GTAN BZHI PA'I RAB MTHA' LA BRTEN NAS MTHONG LAM MNGON DU BYED, DE RJES SRID RTZE'I SEMS LA BRTEN NAS 'GOG PA LA SNYOMS PAR 'JUG ,DE RJES SRID RTZE'I SGOM SPANG DGU RIMS KYIS SPANGS NAS BYANG CHUB MNGON DU BYED PAS, MTHONG LAM SHES BZOD SKAD CIG MA BCU DRUG DANG, SRID RTZE'I SGOM SPANG DGU'I DNGOS GNYEN BAR CHAD MED LAM DGU DANG, DE DGU SPANGS PA'I RNAM GROL LAM DGU STE ZAG MED KYI CHOS SUM CU RTZA BZHI BAR MA CHAD DU

040b

MNGON DU BYAS NAS BYANG CHUB MNGON DU BYED BAR BZHED PA'I PHYIR TE, DANG POR MA YIN SKAD CIG MA, ,SUM CU RTZA BZHIS THOB PHYIR RO, ,ZHES GSUNGS PA'I PHYIR, BRGYAD PA NI, 'GOG SNYOMS PHAL CHER 'DOD GZUGS KYI RTEN LA THOB PA GTZO CHE ZHING, DE'I NANG NAS KYANG PHAL CHER DANG POR MI'I RTEN LA GSAR DU THOB PA GTZO CHE BA YIN TE, GNYIS KA 'DOD DANG GZUGS RTEN CAN, ,'GOG PA DANG POR MI NANG DU, ,ZHES GSUNGS PA'I PHYIR, KHO NA RE, 'GOG SNYOMS YIN NA, 'DOD GZUGS GANG RUNG GI RTEN LA THOB PAS KHYAB PAR THAL, GZUGS MED KYI RTEN LA 'GOG PA LA SNYOMS PAR ZHUGS PA MED PA'I PHYIR TE, DE'I RTEN LA 'GOG PA LA SNYOMS PAR 'JUG PA'I TSE SNYOMS PAR ZHUGS MA THAG TU 'DUS BYAS KYI 'JUG PA RGYUN CHAD PA'I PHYIR, DE'I TSE SEMS SEMS BYUNG 'GOG DGOS PA GANG ZHIG ,DE'I TSE LUS MED PA'I PHYIR ZER NA, GZUGS MED KYI RTEN LA DE YOD PAR THAL, 'GOG SNYOMS THOB PA'I PHYIR MI 'ONG 'GOG PA LAS MA NYAMS PAR SRID RTZER SKYE BA BLANGS PA YOD PA'I PHYIR DANG, 'GOG SNYOMS THOB PA'I PHYIR MI 'ONG LUS MNGON BYED 'GOG PA LAS NYAMS NAS GZUGS KHAMS SU SKYE BA BLANGS, DE NAS SHI 'PHOS TE SRID RTZER SKYE BA BLANGS PA YOD PA'I PHYIR, KHA CIG ,GZUGS MED KYI RTEN LA 'GOG PA LA SNYOMS PAR ZHUGS PA YOD KYANG, DE'I TSE 'DUS BYAS KYI 'JUG PA RGYUN CHAD ZER NA, GZUGS MED KYI RTEN LA 'GOG PA LA SNYOMS PAR 'JUG PA MED PAR THAL, DE'I TSE 'DUS BYAS KYI 'JUG PA MED PA'I PHYIR, KHA CIG ,DE'I TSE

041a

, ,'DUS BYAS KYI 'JUG PA RGYUN CHAD PAR THAL, LHAG MED MYANG 'DAS KYI TSE 'DUS BYAS KYI 'JUG PA RGYUN CHAD PA'I PHYIR TE, DE'I TSE BDAG RGYUN CHAD PA'I PHYIR, DBU MA 'JUG PAR, MYA NGAN 'DAS TSE NGES PAR BDAG CHAD 'GYUR, ,ZHES GSUNGS PA'I GZHUNG 'DI NYAN THOS SDE PA LA MI 'DOD PA THAL BAR 'PHEN PA'I GZHUNG YIN PA'I PHYIR NA, MA KHYAB BO, ,GNYIS PA LA YANG, BSHAD BYA'I LUNG DGOD PA DANG, DE'I DON BSHAD PA GNYIS LAS, DANG PO NI, KUN BTUS LAS, 'DU SHES MED PA'I SNYOMS PAR 'JUG PA GANG ZHE NA, DGE RGYAS KYI 'DOD CHAGS DANG BRAL BA STENG MA'I 'DOD CHAGS DANG MA BRAL BAS 'BYUNG BA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BRTAN PA MA YIN PA RNAMS 'GOG PA LA 'DU SHES MED PA'I SNYOMS PAR 'JUG PA ZHES GDAGS SO, ,'GOG PA'I SNYOMS PAR 'JUG PA GANG ZHE NA, CI YANG MED KYI SKYE MCHED LA 'DOD CHAGS DANG BRAL LA SRID PA'I RTZE MO LA GYEN DU PHYOGS PA ZHI BAR GNAS PA'I SEMS SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS BRTAN PA MIN PA RNAMS DANG BRTAN PA DE DAG LAS KHA CIG 'GOG PA LA 'GOG PA'I SNYOMS PAR 'JUG PA ZHES GDAGS SO, ,ZHES GSUNGS, GNYIS PA LA, 'DU SHES MED PA'I SNYOMS 'JUG DANG 'GOG PA'I SNYOMS 'JUG BSHAD PA GNYIS LAS, DANG PO NI, 'DU SHES MED PA'I SNYOMS 'JUG DE KHYAD CHOS DU MA DANG LDAN TE, DGE RGYAS KYI 'DOD CHAGS DANG BRAL LA, BSAM GTAN BZHI

041b

PA'I 'DOD CHAGS DANG MA BRAL BA DANG, 'KHOR BA LAS NGES PAR 'BYUNG 'DOD KYI KUN SLONG GIS SNYOMS PAR ZHUGS PA KUN GZHI'I STENG DU RANG GI DGAG BYA TSOGS DRUG BKAG PA'I 'DU BYED KYI PHUNG PO LA BTAGS PA'I BTAGS YOD YIN PA'I PHYIR, DES NA KUN GZHI'I STENG DU TSOGS DRUG RAGS PA BKAG PA'I SO SKYE'I RGYUD KYI SNYOMS 'JUG TU GYUR PA'I LDAN MIN 'DU BYED DU DMIGS PA, 'DU SHES MED PA'I SNYOMS 'JUG GI MTSAN NYID, GNYIS PA LA, GANG ZAG GANG GIS SNYOMS PAR 'JUG PA, SA GANG LA BRTEN NAS SNYOMS PAR 'JUG PA, LAM GANG LA BRTEN NAS SNYOMS PAR 'JUG PA, YID LA BYED PA GANG GIS SNYOMS PAR 'JUG PA, DGAG GZHI GANG GI STENG DU DGAG BYA GANG 'GOG PA, NGO BO GANG YIN DPYAD PA'O, ,DANG PO NI, RGYUN ZHUGS ZHUGS PA, PHYIR 'ONG GI ZHUGS PA, 'BRAS BU RIMS KYIS PA'I PHYIR MI 'ONG GI ZHUGS PA, 'GOG SNYOMS MA THOB BA'I PHYIR MI 'ONG SHES RAB RKYANG BAS RNAM PAR GROL BA'I NYAN THOS DGRA BCOM PA RNAMS KYIS 'GOG PA LA SNYOMS PAR ZHUGS PA MED DE, DE RNAMS KYIS SRID RTZE'I SEMS MA THOB PA'I PHYIR, SO SKYE RNAMS DE LA SNYOMS PAR MI 'JUG STE, DE LA SNYOMS PAR 'JUG PA LA SRID RTZE'I MTHONG SPANG NYON MONGS SPANGS DGOS PA GANG ZHIG ,SO SKYES DE MA SPANGS PA'I PHYIR, DES NA THEG DMAN GYI DBANG DU BYAS NA PHYIR MI 'ONG LUS MNGON BYED DANG, GNYIS KA'I CHA LAS RNAM GROL GYI NYAN THOS DGRA BCOM PA, 'GEG SNYOMS THOB PA'I RANG RGYAL 'PHAGS PA, THEG CHEN GYI DBANG DU BYAS NA 'GOG SNYOMS THOB PA'I THEG DMAN

042a

, ,'PHAGS PA'I RTOGS PA SNGON DU SONG BA'I BYANG SEMS TSOGS LAM PA, DMAN LAM SNGON DU MA SONG BA'I SA DANG PO'I SKAD CIG GNYIS PA NAS 'GOG PA LA SNYOMS PAR 'JUG STE, CI YANG MED KYI SKYE MCHED LA 'DOD CHAGS DANG BRAL LA, ZHES GSUNGS PA'I PHYIR, GNYIS PA NI, 'GOG PA LA DANG POR SNYOMS BAR 'JUG PA'I TSE SRID RTZE'I SEMS LA BRTEN NAS SNYOMS PAR 'JUG STE, BSAM GZUGS BRGYAD KYI NANG NAS SRID RTZE'I SEMS PHRA ZHING DE LAS KYANG PHRA BAR BYAS NAS 'JUG PA'I PHYIR TE, MDZOD LAS, 'GOG PA'I SNYOMS PAR 'JUG PA'O, ,PHRA BA PHRA BA'I MJUG THOGS SU, ,ZHES GSUNGS PA'I PHYIR, PHYIS NI NGES PA MED DE, BSAM GZUGS BRGYAD KA LA 'GOG PA SPEL NAS SNYOMS PAR ZHUGS PA'I THOD RGAL GYI SNYOMS 'JUG YOD PA'I PHYIR, GSUM PA NI, DANG POR 'GOG PA LA SNYOMS PAR 'JUG PA'I TSE 'DAS LAM LA BRTEN NAS SNYOMS PAR 'JUG PA YIN TE, DE LA SNYOMS PAR ZHUGS PA LA SRID RTZE'I MTHONG SPANG NYON MONGS SPONG DGOS SHING NYON YID 'GOG DGOS PA'I PHYIR, 'JIG RTEN PA'I LAM GYIS DE DAG SPANGS MI NUS PA'I PHYIR, DE LTAR YANG, SRID PA'I RTZE MO LA GYEN DU PHYOGS PA, ZHES GSUNGS PA'I PHYIR, DES NA SRID PA'I RTZE MO LA GYEN DU PHYOGS PA ZHES BYA YI, SRID RTZE LA 'DOD CHAGS DANG BRAL BA ZHES NI MI BYA STE, SRID RTZE LA 'DOD CHAGS DANG MA BRAL BA'I PHYIR MI 'ONG LUS MNGON BYED DE LA SNYOMS PAR ZHUGS PA YOD PA'I PHYIR, DE LA 'DOD CHAGS DANG MA

042b

BRAL BA ZHES MI BYA STE, DE LA 'DOD CHAGS DANG BRAL BA'I NYAN THOS DGRA BCOM DE LA SNYOMS PAR ZHUGS PA YOD PA'I PHYIR, BZHI PA NI, TSOR 'DU RAGS PAS YID SKYO NAS TSE 'DIR TSOR 'DU RAGS BA ZHI NAS YID BDE BA LA GNAS PA'I PHYIR DU SNYOMS PAR 'JUG STE, ZHI BAR GNAS PA'I SEMS SNGON DU BTANG NAS, ZHES SOGS GSUNGS PA'I PHYIR, LNGA PA NI, DGAG GZHI KUN GZHI'I RNAM SHES DANG ME LONG LTA BU'I YE SHES CI RIGS PA'I STENG DU DGAG BYA TSOGS BDUN RAGS PA 'KHOR BCAS 'GOG PA YIN NO, ,'O NA SEMS DANG SEMS LAS BYUNG BA'I CHOS BRTAN PA MIN PA ZHES SOGS KYI DON GANG ZHE NA, 'JUG SHES DRUG LA BRTAN PA MIN PA ZHES SOGS BSHAD PA'I RGYU MTSAN YOD DO, GNYID 'THUG PO LEG PA DANG BRGYAL BA LA SOGS PA'I GNAS SKABS SU MNGON GYUR DU MI 'BYUNG BA'I RGYU MTSAN GYIS DE LTAR BRJOD PA'I PHYIR, NYON YID LA BRTAN PA ZHES BRJOD PA'I RGYU MTSAN YOD DE, NYON YID DE GNAS SKABS GSUM MA GTOGS 'KHOR BA'I GNAS SKABS THAMS CAD DU MNGON GYUR DU 'BYUNG BA'I PHYIR, GNAS SKABS GSUM NI, 'GOG PA LA SNYOMS PAR ZHUGS PA, 'DAS LAM MNGON DU GYUR PA, MI SLOB LAM MNGON DU GYUR PA'I GNAS SKABS SO, ,DRUG PA NI; 'GOG SNYOMS DE ZAG BCAS DANG ZAG MED GNYIS KYI NANG NAS ZAG MED YIN TE, BSDU BA LAS, 'GOG PA'I SNYOMS PAR 'JUG PA NI ZAG PA MED PAR BRJOD PAR BYA STE, NYON MONGS PA DANG BRAL BA'I PHYIR DANG, MTSUNGS PAR MI

043a

, ,LDAN PA'I PHYIR DANG, DMIGS PA MED PA'I PHYIR DANG, NYON MONGS PA MI SKYED PA'I PHYIR DANG, ZHES GSUNGS PA'I PHYIR, RDZAS YOD DANG BTAGS YOD GNYIS KYI NANG NAS BYE BRAG SMRA PA KHA CIG RDZAS YOD DU 'DOD KYANG BTAGS YOD YIN TE, BSDU BA LAS, BTAGS PA'I YOD PAR RIG PAR BYA STE, RDZAS YOD DU NI MA YIN NO, ,ZHES GSUNGS PA'I PHYIR, DES NA 'GOG SNYOMS YIN NA RANG THOB BYED KYI THABS SU GYUR PA'I 'DAS LAM LA BRTEN NAS THOB PAS KHYAB STE, KUN BTUS LAS, 'GOG PA'I SNYOMS PAR ZHUGS PAS NI 'JIG RTEN LAS 'DAS PA STE, ZHES GSUNGS PA'I PHYIR, 'GOG SNYOMS PHAL CHER DANG POR MI'I RTEN LA THOB PA GTZO CHE STE, MI RNAMS KYI NANG DU MNGON PAR SGRUB BO, , ZHES GSUNGS PA'I PHYIR, 'DOD GZUGS GNYIS NA TSOR 'DU RAGS PAS YID SKYO NAS YID BDE BA LA GNAS PA'I PHYIR DU 'GOG PA LA SNYOMS PAR ZHUGS PA YOD LA, GZUGS MED NA DE LTAR SNYOMS PAR ZHUGS PA MED DE, DE LTAR SGRUB NUS KYANG MI RNAMS KYI NANG DU DANG, GZUGS KYI KHAMS SU SNYOMS PAR 'JUG GI ,GZUGS MED PA'I KHAMS SU NI DE 'DRA BA MED DE, ZHI BA'I RNAM PAR THAR PA LA GNAS PA RNAMS LA NI 'DI LA 'DI'I RTZOL BA MED PA'I PHYIR, ZHES GSUNGS PA'I PHYIR, GZUGS MED KYI RTEN LA SPYIR 'GOG PA LA SNYOMS PAR 'JUG PA YOD DE, 'GOG SNYOMS THOB PA'I PHYIR MI 'ONG 'GOG PA LAS MA NYAMS PAR SRID RTZER SKYE BA LEN PA YOD PA'I PHYIR, DES NA DGAG GZHI'I YID KYI RNAM SHES DANG ME

043b

LONG LTA BU'I YE SHES CI RIGS KYI STENG DU DGAG BYA TSOGS BDUN RAGS PA 'GOG PA'I 'PHAGS RGYUD KYI SNYOMS 'JUG TU GYUR PA'I LDAN MIN 'DU BYED DU DMIGS PA, 'GOG SNYOMS KYI MTSAN NYID, GSUM PA LA, RANG THOB BYED KYI THABS SU GYUR PA'I 'DAS LAM DANG SRID RTZE'I DNGOS GZHI'I SEMS LA BRTEN NAS SRID RTZE LA 'DOD CHAGS DANG BRAL BA'I RIGS SU GNAS PA'I CHOS NYID LA RTZE GCIG TU MNYAM PAR BZHAG PA'I YE SHES, 'GOG SNYOMS KYI MTSAN NYID, DBYE NA, THUN MONG MA YIN PA'I 'GOG SNYOMS DANG, THUN MONG BA'I DE GNYIS LAS, SHER PHYIN GYI NYAMS LEN CHES LHAG PAS KHYAD PAR DU BYAS PA'I CHOS NYID LA MNGON SUM DU MNYAM PAR BZHAG PA'I YE SHES, DANG PO'I MTSAN NYID YIN TE, SA BCU PA LAS, KYE RGYAL BA'I SRAS DAG BYANG CHUB SEMS DPA' SA DRUG PA YAN CHAD 'GOG PA LA SNYOMS PAR 'JUG STE, ZHES DANG, RIN CHEN PHRENG BAR, 'GOG PA THOB PA RGYAS PA'I PHYIR, ,DE YI RNAM PAR SMIN PAS NA, ,LHA'I RGYAL PO RAB 'PHRUL 'GYUR, , ZHES GSUNGS PA DANG, DBU MA 'JUG PAR, SHES RAB GNAS PAS 'GOG PA THOB PAR 'GYUR, ,ZHES GSUNGS PA'I PHYIR, BZHI PA LA, 'GOG SNYOMS KYI RTEN BSHAD PA DANG, BRTEN PA 'GOG SNYOMS KYI RANG BZHIN BSHAD PA GNYIS LAS, DANG PO LA, LUS RTEN DANG SEMS RTEN GNYIS LAS, SO SKYE, RGYUN ZHUGS, PHYIR 'ONG, SHES RAB RKYANG GROL GYI NYAN THOS DGRA BCOM PA RNAMS 'GOG PA LA SNYOMS PAR MI 'JUG STE, DANG POS 'DAS LA MA MA THOB, GZHAN RNAMS KYIS SRID RTZE'I

044a

, ,DNGOS GZHI MA THOB PA'I PHYIR, PHYIR MI 'ONG LUS MNGON BYED DANG, GNYIS KA'I CHA LAS RNAM PAR GROL BA'I NYAN THOS DGRA BCOM PA RNAMS 'GOG PA LA SNYOMS PAR 'JUG STE, BSDU BA LAS, 'DI LAS SLOB PA PHYIR MI 'ONG LUS MNGON DU BYED PA DANG, MI SLOB PA GNYIS KA'I CHA LAS RNAM PAR GROL BA YANG SNYOMS PAR 'JUG GO ,ZHES GSUNGS PA'I PHYIR, DMAN LAM SNGON DU MA SONG BA'I SA DANG PO'I SKAD CIG GNYIS PA NAS DE LA SNYOMS PAR ZHUGS TE, MTHONG LAM RTZE SBYOR GYI MDO LAS, DE RNAM PAR THAR PA BRGYAD DANG MTHAR GYIS GNAS PA'I SNYOMS PAR 'JUG PA DGU PO DE DAG CHES RNAM PAR PHYE STE, SENG GE RNAM PAR BSGYINGS PA'I TING NGE 'DZIN LA SNYOMS PAR 'JUG GO ,ZHES GSUNGS PA'I PHYIR, GNYIS PA NI, SRID RTZE'I DNGOS GZHI SNYOMS 'JUG TU GYUR PA'I ZHI GNAS DANG, 'DAS LAM GYI NGO BOR GYUR PA'I LHAG MTHONG LA BRTEN NAS 'GOG PA LA SNYOMS PAR 'JUG PA YIN TE, DE LA SNYOMS PAR ZHUGS PA LA SRID RTZE'I DNGOS GZHI THOB DGOS SHING, SRID RTZE'I MTHONG SPANG NYON MONGS SPANGS DGOS PA'I PHYIR, CHOS SBYIN MA'I MDO LAS, DGE SLONG 'GOG PA LA SNYOMS PAR ZHUGS PAS CHOS GNYIS LA GCES SPRAS SU BYA DGOS TE, GNYIS GANG ZHE NA ZHI GNAS DANG LHAG MTHONG NGO, ,ZHES DANG, KUN BTUS LAS, 'GOG PA'I SNYOMS PAR 'JUG PA NI GANG ZHE NA CI YANG MED KYI SKYE MCHED LA 'DOD CHAGS DANG BRAL LA SRID PA'I RTZE MO LA GYEN DU PHYOGS PA,

044b

ZHES DANG, MDZOD LAS, PHRA BA PHRA BA'I MJUG THOGS SU, ,ZHES GSUNGS PA'I PHYIR, PHYIS NI NGES PA MED DE, RGYAL SRAS THABS LA MKHAS PA RNAMS KYIS SA DGU LA BRTEN NAS SNYOMS PAR ZHUGS PA YOD PA'I PHYIR TE, 'GOG DANG BCAS PA'I SNYOMS 'JUG DGUR, ,ZHES SOGS GSUNGS PA'I PHYIR, 'GOG SNYOMS GSAR DU SKYE BA'I RTEN GYI GANG ZAG LA GTZO CHER MI YIN PA DGOS TE, MDZOD LAS, 'GOG PA DANG POR MI NANG DU'O, ,ZHES DANG, KUN BTUS LAS, MI RNAMS KYI NANG DU MNGON PAR SGRUB PO, ,ZHES GSUNGS PA'I PHYIR, KHYAB PA NGES PA MA YIN TE, RGYAL PO'I SRAS SU 'GOG SNYOMS SKYES ZIN GNAS PA'I RTEN LA GLING GSUM GYI MI DANG 'DOD LHA DRUG TSANGS CHEN MA GTOGS GZUGS KHAMS GNAS RIGS BCU DRUG STE NYER LNGAR BSHAD PAS, 'DOD LHA'I RTEN LA 'GOG SNYOMS GSAR DU SKYE BA YOD PA'I PHYIR, KHA CIG ,'GOG SNYOMS YIN NA DANG POR MI'I RTEN LA THOB PA SNGON DU SONG BAS KHYAB ZER NA, 'DOD LHA'I RTEN CAN GYI PHYIR MI 'ONG GI RGYUD KYI 'GOG SNYOMS CHOS CAN, DER THAL, DE'I PHYIR, 'DOD NA, MI'I RTEN LA 'GOG SNYOMS THOB PA'I PHYIR MI 'ONG 'DOD LHAR LAS NYON GYIS SKYES PA YOD PAR THAL LO, ,'DOD MI NUS TE, 'DOD PAR LAS NYON GYIS SKYE BA LEN PA'I PHYIR MI 'ONG MED PA'I PHYIR, KHA CIG ,GZUGS KHAMS PA'I GANG ZAG GI RGYUD KYI 'GOG SNYOMS LA DES KHYAB ZER BA MI 'THAD DE, 'DOD LHA'I RTEN LA 'GOG SNYOMS THOB PA'I PHYIR MI 'ONG LUS MNGON BYED KYI RTOGS,

045a

, ,PA SNGON DU SONG BA'I GZUGS KHAMS PA'I GANG ZAG GI RGYUD KYI 'GOG SNYOMS KYIS MA NGES PA'I PHYIR, KHA CIG ,GZUGS KHAMS PA'I GANG ZAG GI RGYUD LA 'GOG SNYOMS SNGAR MED GSAR DU SKYE BA YOD PAR THAL, DE'I RGYUD KYI 'GOG SNYOMS DE, DE'I RTEN LA GSAR DU SKYES PA'I PHYIR, DE GSAR DU SKYES PA'I PHYIR, MA KHYAB NA, DE 'DOD PA'I RTEN LA GSAR DU SKYES PAR THAL, DE GSAR DU SKYES PA GANG ZHIG ,DE GZUGS KHAMS PA'I GANG ZAG GI RTEN LA GSAR DU MI SKYES PA'I PHYIR, 'DOD NA, DE 'DOD PA'I RTEN LA SKYES PAR THAL, 'DOD PA'I PHYIR, 'DOD NA, DE 'DOD PA'I RTEN LA YOD PAR THAL LO, ,ZER NA, 'DOD PA'I RTEN CAN GYI SANGS RGYAS 'PHAGS PA'I RGYUD KYI RNAM MKHYEN DE 'DOD PA'I RTEN LA GSAR DU SKYES PAR THAL BA SOGS KYIS MTSUNGS PA BYA'O, ,KHA CIG ,'GOG PA LA SNYOMS PAR ZHUGS PA'I SEMS YIN NA, SRID RTZE'I SEMS YIN PAS KHYAB PAR 'DOD PA MI 'THAD DE, 'GOG PA LA SNYOMS PAR ZHUGS PA'I BSAM GZUGS BRGYAD KA YOD PA'I PHYIR TE, BSAM GZUGS BRGYAD LA 'GOG PA SPEL NAS SNYOMS PAR 'JUG PA'I THOD RGAL GYI SNYOMS 'JUG YOD PA'I PHYIR DANG, PHYIR MI 'ONG GI RGYUD KYI 'GOG PA LA SNYOMS PAR ZHUGS PA'I YE SHES DE SRID RTZE'I SEMS MA YIN PA'I PHYIR, GNYIS PA LA, MTSAN NYID, DBYE BA, SA MTSAMS, 'GOG SNYOMS KYI RNAM GZHAG BSHAD PA'O, ,DANG PO NI, DGAG GZHI YID KYI RNAM SHES PHRA MO'I

045b

STENG DU DGAG BYA MTSUNGS LDAN RAGS PA BKAG PAS RAB TU PHYE BA'I RIGS SU GNAS PA'I 'PHAGS RGYUD KYI SNYOMS 'JUG TU GYUR PA'I LDAN MIN 'DU BYED, 'GOG SNYOMS KYI MTSAN NYID, GNYIS PA NI, RTEN GYI SGO NAS NYAN THOS RANG RGYAL THEG CHEN GYI 'GOG SNYOMS DANG GSUM DU YOD, NGO BO'I SGO NAS MTHAR GYIS PA'I SNYOMS 'JUG TU GYUR PA'I 'GOG SNYOMS DANG, THONG RGAL DU GYUR PA'I 'GOG SNYOMS GNYIS SU YOD, RNAM SMIN MYONG TSUL GYI SGO NAS SKYES NAS MYONG 'GYUR, LAN GRANGS GZHAN LA MYONG 'GYUR, RNAM SMIN 'BYIN PAR MA NGES PA'I DE DANG GSUM DU YOD, GSUM PA NI, PHYIR MI 'ONG LUS MNGON BYED NAS SANGS RGYAS KYI SA'I BAR DU YOD, BZHI PA LA, GANG ZAG GANG GIS SNYOMS PAR 'JUG PA, SA GANG LA BRTEN PA, LAM GANG LA BRTEN PA, YID LA BYED PA GANG GIS, DGAG BYA GANG 'GOG PA, NGO BO GANG YIN DPYAD PA, DUS JI SRID DU SNYOMS PAR 'JUG PA, KHAMS GANG DU SNYOMS PAR 'JUG PA'O, ,DANG PO GSUM LUS RTEN DANG SEMS RTEN GYI SKABS SU SONG BA LTAR RO, ,BZHI PA NI, THEG DMAN PA RNAMS TSOR 'DU RAGS PAS YID SKYO NAS, SDUG BSNGAL DANG YID MI BDE BA LA SOGS PA'I TSE RAB DANG, 'DU BYED PHYIN CI LOG RNAMS NAD DANG 'BRAS DANG ZUG RNGU'I RNAM PAR MTHONG ZHING, DE DAG NYE BAR ZHI BA'I 'GOG PA NI MYA NGAN LAS 'DAS PA LTA BUR GZIGS PA'I SGO NAS SNYOMS PAR 'JUG STE, MYA NGAN LAS 'DAS PA'I DON DU 'DI LA SNYOMS PAR 'JUG PA'I PHYIR TE, KUN BTUS

046a

, ,LAS; ZHI BAR GNAS PA'I 'DU SHES SNGON DU BTANG BA'I YID LA BYED PA DAG GIS, ZHES GSUNGS PA'I PHYIR, THEG CHEN PA RNAMS NI BYAMS PA DANG SNYING RJE'I BSAM PAS SNYOMS PAR 'JUG PA'I PHYIR, DE GZHAN DON KHO NAR DE LA SNYOMS PAR 'JUG PA'I PHYIR TE, DE TING NGE 'DZIN GYI RTZAL RDZOGS PAR THOB NAS, GZHAN LA PHYIN CI MA LOG PAR BSTAN PA'I DON DU DE LA SNYOMS PAR 'JUG PA'I PHYIR, LNGA PA NI, 'DOD KHAMS SU 'GOG PA LA SNYOMS PAR 'JUG PA'I TSE 'GOG SNYOMS KYI DGAG BYANG GYUR PA'I RNAM SHES TSOGS DRUG DANG, GZUGS KHAMS SU TSOGS BZHI, GZUGS MED KHAMS SU RNAM SHES GCIG PU 'GOG PAR 'GYUR RO, ,'DOD KHAMS NA RNAM SHES TSOGS DRUG , GZUGS KHAMS NA SNA LCE'I RNAM SHES MA GTOGS TSOGS BZHI, GZUGS MED KHAMS NA DBANG SHES THAMS CAD MA GTOGS RNAM SHES GCIG PU YOD PA'I PHYIR, DRUG PA NI, 'GOG SNYOMS DE, ZAG BCAS ZAG MED GNYIS KYI NANG NAS ZAG MED YIN TE, BSDU BA LAS, 'GOG PA'I SNYOMS PAR 'JUG PA NI ZAG PA MED PAR BRJOD PAR BYA STE, ZHES GSUNGS PA'I PHYIR, DE RDZAS BTAGS GNYIS KYI NANG NAS BTAGS YOD YIN TE, DE NYID LAS, BTAGS PA'I YOD PAR RIG PAR BYA STE, ZHES GSUNGS PA'I PHYIR, DE DGE SOGS GSUM GYI NANG NAS DGE BA YIN TE, KUN SLONG GI DGE BA YIN PA'I PHYIR TE, KUN SLONG GI DGE BA'I STOBS KYIS THOB PA'I PHYIR TE, MDZOD LAS, DGE BA'O,,

046b

ZHES GSUNGS PA'I PHYIR, BDUN PA NI, THEG DMAN PA RNAMS RANG GI 'PHEN PA CI TZAM BTANG PA'I BAR DU SNYOMS PAR 'JUG PA YIN LA, BYANG CHUB SEMS DPA' RNAMS MTHA' GCIG TU MA NGES TE, DES GDUL BYA'I BSAM PA DANG MTHUN PAR SNYOMS PAR 'JUG PA'I PHYIR TE, DPER NA, BYANG CHUB SEMS DPA' CHOS 'PHAGS KYIS RTAG TU DU LA DAM PA'I CHOS LA DKON PA DANG ZAB PA SOGS KYI 'DU SHES SKYED PA'I PHYIR DU LO BDUN GYI BAR DU TING NGE 'DZIN GCIG LA SNYOMS PAR 'JUG PA LTAR YIN TE, 'GREL CHEN LAS, LO BDUN GYI BAR DU ZHES BYA BA NI KHA CIG NA RE, DA LTAR RANG NYID SNYING RJE LAS, ,NYAMS MIN CHOS LA SER SNA MED, ,DPE MKHYUD MED CING MI NUS MED, ,DA NI SDUG BSNGAL RANG BZHIN MIN, ,NGA YI BSTAN PA MA ZAD PAR, ,KHYOD LA RE BA'ANG YOD MIN GYI, ,'DUL BAS NGAS SHES MI NUS SHING, ,GUS DANG BCAS PA'ANG MED PAS NA, ,DE NI BSTAN PAR MI BYA BAR, ,MKHYEN CING BSGOM PAR BYA BA'I PHYIR, ,ZLA BA PHYED DANG GSUM DAG TU, ,BCOM LDAN NANG DU YANG DAG 'JOG ,CES BYA BA'I RIGS PAS RTAG TU DU'I BSAM PA YONGS SU DAG PA NYID SAD PAR BYA BA'I DON DU SO BDUN GYI BAR DU SNYOMS PAR 'JUG PA NYID KYIS GNAS PA YIN NO, ,ZHES 'DOD DO, ,GZHAN DAG NI MTHONG BA'I LAM RTOGS PA'I DON GYI YAN LAG BDUN RTOGS LA RNAM PA THAMS CAD DU YONGS SU SBYANG BAR BYA BA'I DON YIN NO ZHES 'CHAD DO, ,ZHES GSUNGS PA'I PHYIR DANG, MDO NYI MA'I SNYING PO LAS, DE 'GOG PA'I SNYOMS PAR 'JUG PA LA SNYOMS

047a

, ,PAR 'JUG PAR BYED DE, DE'I BSAM PA JI LTA BA BZHIN DU 'GOG PA LA NYIN ZHAG GCIG 'DA' BAR BYED DO, ,ZHES BYA BAS NA BSKAL PA DPAG TU MED PA'I BAR DU 'DA' BAR BYED DO, ,ZHES PA DANG, BYANG CHUB SEMS DPA' NI NYI MA BDUN LAS LHAG BAR 'GOG PA LA SNYOMS PAR 'JUG PA MED DE, GZHAN DU NA RGYAL SRAS KYI SPYOD PA DOR BAR 'GYUR BA'I PHYIR, ZHES DANG, SNYING RJE PAD DKAR LAS, SKYE BA GCIG GIS THOGS PA'I BYANG CHUB SEMS DPA' 'GOG PA LA SNYOMS PAR ZHUGS PA'I SEMS KYIS BAR GYI BSKAL PA BCU LA THUG GI BAR DU 'DA' BAR BYED DO, ,ZHES SOGS MANG DU GSUNGS PA'I PHYIR, KHA CIG ,'PHAGS RGYUD KYI YE SHES LA 'GOG SNYOMS KYIS KHYAB PAR 'DOD PA MI 'THAD DE, RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LAM GYIS MA NGES PA'I PHYIR, KHA CIG ,CHOS NYID LA RTZE GCIG TU MNYAM PAR BZHAG PA'I MNYAM GZHAG YI SHES LA 'GOG SNYOMS KYIS KHYAB PAR 'DOD PA MI 'THAD DE, DMAN LAM SNGON DU MA SONG BA'I BYANG SEMS SBYOR LAM PA'I RGYUD KYI CHOS NYID LA RTZE GCIG TU MNYAM PAR BZHAG PA'I MNYAM GZHAG YI SHES KYIS MA NGES PA'I PHYIR, KHA CIG ,DGAG GZHI GZUGS PHUNG GI STENG DU DGAG BYA MTSUNGS LDAN 'KHOR BCAS BKAG PA'I SNYOMS 'JUG DE, 'GOG SNYOMS KYI MTSAN NYID ZER NA, 'DU SHES MED PA'I SNYOMS 'JUG CHOS CAN, MTSON BYA DER THAL, MTSAN NYID DE'I PHYIR, DER THAL, 'GOG PA'I

047b

SNYOMS 'JUG DE DE YIN PA'I PHYIR, DE GNYIS SEMS MED KYI SNYOMS 'JUG TU MTSUNGS PA'I PHYIR, 'DOD NA, DE CHOS CAN, 'PHAGS RGYUD KYI SNYOMS 'JUG TU THAL, 'DOD PA'I PHYIR, KHYAB STE, MDZOD LAS, 'PHAGS PAS, ZHES GSUNGS PA'I PHYIR, 'DOD MI NUS TE, CHOS CAN DE'I PHYIR, KHYAB STE, 'PHAGS PAS MA YIN, ZHES GSUNGS PA'I PHYIR, KHA CIG ,DE'I STENG DU 'PHAGS RGYUD KYI SNYOMS 'JUG BSNAN NAS DE'I MTSAN NYID ZER NA, PHYIR MI 'ONG LUS MNGON BYED KYI RGYUD KYI 'GOG SNYOMS CHOS CAN, MTSAN NYID DER THAL, MTSON BYA DE'I PHYIR, 'DOD NA, DE'I RGYUD LA YID KYI RNAM SHES MED PAR THAL LO, ,'DOD MI NUS TE, DE'I RGYUD LA YID DBANG YOD PA'I PHYIR TE, DE'I RGYUD LA SROG DBANG YOD PA'I PHYIR, KHYAB STE, MDZOD LAS, BTANG SNYOMS DANG NI SROG DANG NI, ,YID DANG LDAN LA NGES GSUM LDAN, ,ZHES GSUNGS PA'I PHYIR, KHA CIG ,DGAG GZHI KUN GZHI'I RNAM SHES KYI STENG DU DGAG BYA TSOGS DRUG BKAG PA'I 'PHAGS RGYUD KYI SNYOMS 'JUG ,DE'I MTSAN NYID ZER BA MI 'THAD DE, KUN GZHI'I RNAM SHES MED PA'I PHYIR, KHA CIG ,DE KUN GZHI KHAS LEN PA'I SEMS TZAM PA'I LUGS KYI DE'I MTSAN NYID ZER, DE LA KHA CIG ,NYAN THOS DGRA BCOM PA'I RGYUD KYI 'GOG SNYOMS CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, DE'I RGYUD LA KUN GZHI MED PA'I PHYIR TE, DES KUN GZHI SPANGS PA'I PHYIR TE, DE DGRA BCOM PA YIN PA'I PHYIR, KHYAB STE, SUM CU PA LAS,

048a

, ,DGRA BCOM NAS NI DE LDOG PA, ,ZHES GSUNGS PA'I PHYIR NA, MA KHYAB STE, LHAG BCAS MYANG 'DAS LA GNAS PA'I NYAN THOS DGRA BCOM PAS SDUG BDEN SPANGS PAR THAL, DE'I KUN GZHI SPANGS PA'I PHYIR, KHYAB STE, KUN GZHI DE LAS NYON GYI 'BRAS BU'I GTZO BO YIN PA'I PHYIR, GZHAN YANG, NYAN THOS DGRA BCOM PAS SHES SGRIB SPANGS PAR THAL, DES SHES SGRIB KYI SA BON GYI CHAR GYUR PA'I KUN GZHI SPANGS PA'I PHYIR, KHA CIG ,NYAN THOS DGRA BCOM PA'I RGYUD LA KUN GZHI YOD KYANG DE'I RGYUD LA NYON SGRIB KYI BAG CHAGS BSGO GZHIR GYUR PA'I KUN GZHI MED ZER PA MI 'THAD DE, DE'I RGYUD LA KUN GZHI YOD PA'I PHYIR, DE'I RGYUD LA NYON SGRIB KYI BAG CHAGS BSGO GZHI YOD PA'I PHYIR TE, DE'I RGYUD LA SHES SGRIB YOD PA'I PHYIR, RANG LUGS KYI SKYON NI, SANGS RGYAS 'PHAGS PA'I RGYUD KYI 'GOG SNYOMS CHOS CAN, MTSAN NYID DER THAL, MTSON BYA DE'I PHYIR, 'DOD NA, DE'I RGYUD LA KUN GZHI YOD PAR THAL LO, ,ROD t'IKA PA NA RE, DGAG GZHI BDAG MED KYI STENG DU DGAG BYA MTSAN 'DZIN GYI SPROS PA CI RIGS BKAG PA'I 'PHAGS RGYUD KYI SNYOMS 'JUG DE, DE'I MTSAN NYID, 'GOG SNYOMS LA 'DAS LAM GYIS KHYAB ZER NA, RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DGAG GZHI GANG ZAG GI BDAG MED KYI STENG DU DGAG BYA GANG ZAG GI BDAG 'DZIN KUN BTAGS BKAG PA'I 'PHAGS RGYUD KYI SNYOMS 'JUG YIN PA'I PHYIR,

048b

RTAGS GRUB STE, DE GANG ZAG GI BDAG 'DZIN KUN BTAGS KYI DNGOS GNYEN YIN PA'I PHYIR, KHA CIG ,RANG GI DGAG GZHI'I STENG DU RANG GI DGAG BYA BKAG PA'I LDAN MIN 'DU BYED DU GYUR PA'I 'PHAGS RGYUD KYI SNYOMS 'JUG , DE'I MTSAN NYID ZER NA, 'PHAGS RGYUD KYI SNYOMS 'JUG CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, DE LDAN MIN 'DU BYED YIN PA'I PHYIR TE, DE SHES PA MA YIN PA'I PHYIR, MA GRUB NA, DE CHOS CAN; KHYOD YIN NA SHES PA YIN DGOS PAR THAL, KHYOD SHES PA YIN PA'I PHYIR, 'DOD NA, 'GOG PA'I SNYOMS 'JUG CHOS CAN, DER THAL, DE'I PHYIR, RTZA BAR 'DOD NA, DE CHOS CAN, KHYOD THOB NA 'GOG SNYOMS THOB PAS KHYAB PAR THAL, KHYOD 'GOG SNYOMS YIN PA'I PHYIR, 'DOD NA, RGYUN ZHUGS CHOS CAN, DER THAL, DE'I PHYIR, KHA CIG ,'GOG PA'I SNYOMS 'JUG CHOS CAN, SHES PA YIN PAR THAL, SNYOMS 'JUG YIN PA'I PHYIR NA MA KHYAB, 'DOD NA; DE CHOS CAN, SHES PA MA YIN PAR THAL, SEMS MED KYI SNYOMS 'JUG YIN PA'I PHYIR, RTAGS GRUB STE, MDZOD LAS, SEMS MED SNYOMS PAR 'JUG GNYIS DANG, ,ZHES GSUNGS PA'I PHYIR, KHA CIG ,MTHAR GNAS SNYOMS 'JUG DGU PO GANG RUNG GANG ZHIG ,LDAN MIN 'DU BYED DU GYUR PA'I 'PHAGS RGYUD KYI SNYOMS 'JUG DE, DE'I MTSAN NYID ZER NA, GNYIS KA'I CHA LAS RNAM PAR GROL BA'I NYAN THOS DGRA BCOM PA'I RGYUD KYI GTZO BO SEMS SU GYUR PA'I BSAM GTAN

049a

, ,DANG PO'I DNGOS GZHI SNYOMS 'JUG DANG, DE'I RGYUD KYI SEMS BYUNG DU GYUR PA'I BSAM GTAN DANG PO'I DNGOS GZHI SNYOMS 'JUG GNYIS KA CHOS CAN, MTSON BYA DER THAL, MTSAN NYID DE'I PHYIR, DANG PO GANG ZHIG, GNYIS PA YIN PA'I PHYIR, DANG PO GRUB STE, BSAM GTAN DANG PO'I DNGOS GZHI SNYOMS 'JUG YIN PA'I PHYIR, GNYIS PA GRUB STE, LDAN MIN 'DU BYED GANG ZHIG ,'PHAGS RGYUD KYI SNYOMS 'JUG YIN PA'I PHYIR, DANG PO GRUB STE, MTSUNGS LDAN MA YIN PA'I 'DU BYED KYI PHUNG PO YIN PA'I PHYIR TE, 'DU BYED KYI PHUNG PO GANG ZHING, ,MTSUNGS LDAN 'DU BYED KYI PHUNG PO MA YIN PA'I PHYIR, DANG PO GRUB STE, PHUNG PO LNGA PO GANG RUNG GANG ZHIG ,GZUGS PHUNG YANG MA YIN, TSOR BA'I PHUNG PO YANG MA YIN, 'DU SHES KYI PHUNG PO YANG MA YIN, RNAM PAR SHES PA'I PHUNG PO YANG MA YIN PA'I PHYIR, DANG PO GRUB STE, DNGOS PO YIN PA'I PHYIR, GNYIS PA GRUB STE, GZUGS CAN MA YIN PA'I PHYIR, GSUM PA DANG BZHI PA GRUB STE, SEMS BYUNG MA YIN PA'I PHYIR, LNGA PA GRUB STE, GTZO SEMS MA YIN PA'I PHYIR, KHA CIG ,THEG CHEN 'PHAGS PA'I RGYUD KYI 'GOG SNYOMS LA 'DAS LAM GYIS KHYAB ZER NA, SA DRUG PA BA'I RGYUD KYI BSAM GZUGS BRGYAD LA 'GOG PA SPEL NAS LUGS MTHUN DU SNYOMS PAR 'JUG PA'I YAR SONG THOD RGAL GYI GNAS KYI NANG TSAN DU GYUR PA'I 'GOG PA CHOS CAN, DER THAL, DE'I PHYIR, 'DOD NA, DE STONG NYID LA RTZE GCIG TU MNYAM PAR BZHAG PA'I

049b

MNYAM GZHAG YE SHES SU THAL LO, ,'DOD NA, DE'I GNAS KYI NANG TSAN DU GYUR PA'I BSAM GZUGS BRGYAD PO DE STONG NYID LA RTZE GCIG TU MNYAM PAR BZHAG PA'I YE SHES SU THAL, DE MNYAM GZHAG YE SHES YIN PA'I PHYIR, 'DOD NA, DE'I SPEL GZHI BSAM GZUGS BRGYAD DANG SPEL CHOS 'GOG PA BRGYAD LA MI 'DRA BA'I KHYAD PAR MED PAR THAL, DE RNAMS CHOS NYID LA RTZE GCIG TU MNYAM PAR BZHAG PA'I YE SHES SU MTSUNGS PA'I PHYIR, KHA CIG ,'GOG SNYOMS CHOS CAN, 'DAS LAM MA YIN PAR THAL, LDAN MIN 'DU BYED YIN PA'I PHYIR, GZHAN YANG, DE CHOS CAN, SHES PA YIN PAR THAL, 'DAS LAM YIN PA'I PHYIR, 'DOD MI NUS TE, LDAN MIN 'DU BYED YIN PA'I PHYIR, ZHES ZER BA MI 'THAD DE, RNAM MKHYEN CHOS CAN, 'DAS LAM MA YIN PAR THAL, LDAN MIN 'DU BYED YIN PA'I PHYIR, KHYAB PA KHAS, ,DER THAL, MTSUNGS LDAN MIN PA'I 'DU BYED YIN PA'I PHYIR TE, 'DU BYED KYI PHUNG PO GANG ZHIG ,MTSUNGS LDAN 'DU BYED MA YIN PA'I PHYIR, ZHES SOGS SNGAR BZHIN SGRUB, GZHAN YANG RANG RIG CHOS CAN, SHES PA MA YIN PAR THAL, LDAN MIN 'DU BYED YIN PA'I PHYIR, KHYAB PA KHAS, DER THAL, MTSUNGS LDAN MA YIN PA'I 'DU BYED YIN PA'I PHYIR TE, 'DU BYED KYI PHUNG PO GANG ZHIG MTSUNGS LDAN 'DU BYED MA YIN PA'I PHYIR TE, SEMS BYUNG MA YIN PA'I PHYIR, DANG PO GRUB STE, PHUNG PO LNGA PO GANG RUNG GANG ZHIG ,GZUGS PHUNG SOGS GANG YANG MA YIN PA'I PHYIR, RTAGS SNGAR BZHIN NO, ,BRGYAD PA NI, KHAMS

050a

, ,GSUM GA'I RTEN LA 'GOG PA LA SNYOMS PAR 'JUG PA YOD DE, BYE BSHAD RANG 'GREL LAS, BRTAN PA MIN PA RNAMS ZHES BYA BA NI, 'GOG PA'I SNYOMS 'JUG PA RNAMS KYI RNAM PAR SHES PA'I TSOGS DRUG DANG, BZHI DANG GCIG STE, 'DOD PA DANG GZUGS DANG GZUGS MED PA'I KHAMS SU GO RIMS BZHIN NO, ,ZHES GSUNGS PA'I PHYIR, ` LNGA PA SPONG PA'I LAM 'CHAD PA LA, SPONG BA'I LAM LA BAR CHAD MED PA'I LAM GYI RNAM PA BDEN PA BZHIS BSDUS PA NYON MONGS PA DANG MI LDAN PA'I MTSAN NYID BZHI'O, ,ZHES GSUNGS, GZHUNG DON NI, SKABS 'DIR BSTAN GYI SPONG BA'I LAM CHOS CAN, DU MAR YOD DE, BDEN PA BZHI LA DMIGS PA'I BAR CHAD MED PA'I LAM GYI RNAM PA BZHI YOD PA'I PHYIR, DES NA RANG GI NGOS SKAL GYI SPANG BYAR GYUR PA'I SGRIB PA'I DNGOS GNYEN BYED PA'I ZAG MED YE SHES, BAR CHAD MED LAM GYI MTSAN NYID, RANG GI DNGOS KYI NYER LEN DU GYUR PA'I BAR CHAD MED LAM GYI NGOS SKAL GYI SGRIB PA LAS GROL BA'I MNYAM GZHAG YE SHES, RNAM GROL LAM GYI MTSAN NYID YIN NO, ` ,DRUG PA SANGS RGYAS KYI LAM STON PA LA, SANGS RGYAS NYID KYI LAM LA SBYIN PA LA SOGS PA'I PHA ROL TU PHYIN PA RNAM PA BCU STE, ZHES GSUNGS, GZHUNG DON NI, SKABS 'DIR BSTAN GYI SANGS RGYAS NYID KYI LAM LA BCUR YOD DE, DE LA SBYIN PA'I PHAR PHYIN NAS, YE SHES KYI PHAR PHYIN GYI BAR BCU YOD PA'I PHYIR, DES NA, SANGS RGYAS KYI SAR BGROD PAR BYED PA'I LAM GYI RIGS SU GNAS PA'I MKHYEN

050b

PA; SANGS RGYAS KYI LAM GYI MTSAN NYID, DBYE NA PHAR PHYIN BCU NYAMS SU LEN PA'I SBYOR PA BCU YOD DO, ` ,GSUM PA SANGS RGYAS KYI THUN MONG MA YIN PA'I RNAM MKHYEN GYI RNAM PA SO DGU PO DE 'CHAD PA LA, MDOD BSTAN, RGYAS BSHAD DON BSDU BA'O, ,DANG PO NI, RNAM PA THAMS CAD MKHYEN PA NYID KYI RNAM PA NI SHIN TU PHUL DU BYUNG BA'I PHYIR THUN MONG MA YIN PA'I LAM GCIG PU KHO NA YIN TE, ZHES BSHAD, GZHUNG DON NI, SANGS RGYAS KYI STOBS SOGS SDE TSAN BDUN PO CHOS? THUN MONG MA YIN PA'I RNAM MKHYEN GYI RNAM PA YIN TE, SHIN TU PHUL DU BYUNG BA MTHAR THUG PA'I YE SHES YIN PA'I PHYIR, RANG THOB BYED KYI THABS SU GYUR PA'I RNAM MKHYEN GYI SBYOR BA BSGOMS STOBS KYIS THOB PA'I SHES RNAM MTHAR THUG GANG ZHIG? ? RANG SRAS SANGS RGYAS 'PHAGS PA'I BZHED DON PHUN TSOGS SGRUB PAR NUS PA, RNAM MKHYEN GYI SHES RNAM GYI MTSAN NYID, DBYE NA, SANGS RGYAS KYI STOBS BCU, MI 'JIGS PA BZHI, SO SO YANG DAG PAR RIG PA BZHI, SANGS RGYAS KYI CHOS MA 'DRES ? BRGYAD, DE BZHIN NYID KYI RNAM PA, RANG BYUNG GI RNAM PA, SANGS RGYAS NYID KYI RNAM PA RNAMS SU YOD, KHA CIG ,RNAM MKHYEN GYI RNAM PA GANG ZHIG ,RANG GI RIGS 'DRA MTSAN NYID PA 'PHAGS PA 'OG MA'I RGYUD LA MED PA, THUN MONG MA YIN PA'I RNAM MKHYEN RNAM PA'I MTSAN NYID, DE GANG ZHIG ,RANG GI RIGS 'DRA MTSAN NYID PA 'PHAGS PA 'OG MA'I RGYUD LA YOD PA, THUN MONG PA'I RNAM MKHYEN GYI RNAM PA'I MTSAN NYID ZER NA, SANGS RGYAS 'PHAGS PA'I RGYUD KYI STOBS BCU PO CHOS CAN, ZUR GNYIS

051a

, ,DER THAL, MTSON BYA DANG PO DE'I PHYIR, 'DOD MI NUS TE, STOBS BCU'I NYER LEN MTSAN NYID PA 'PHAGS PA 'OG MA'I RGYUD LA YOD PA'I PHYIR, KHA CIG ,DE GANG ZHIG ,RANG GI SDE TSAN MTSAN NYID PA 'PHAGS PA 'OG MA'I RGYUD LA MED PA'I RIGS SU GNAS PA, DANG PO'I MTSAN NYID, DE GANG ZHIG ,RANG GI SDE TSAN MTSAN NYID PA 'PHAGS PA 'OG MA'I RGYUD LA YOD PA'I RIGS SU GNAS PA, GNYIS PA'I MTSAN NYID ZER NA, BYANG SEMS 'PHAGS PA'I RGYUD LA DRAN PA NYER GZHAG BZHI YOD PA'I RGYU MTSAN GYIS SANGS RGYAS 'PHAGS PA'I RGYUD KYI DRAN PA NYER GZHAG BZHI PO DE RANG GI SDE TSAN MTSAN NYID PA 'PHAGS PA 'OG MA'I RGYUD LA YOD PA'I RIGS SU GNAS PAR SONG BAR THAL, DE DE'I RIGS SU GNAS PA'I PHYIR, MA GRUB NA, DE CHOS CAN, DER THAL, THUN MONG BA'I RNAM MKHYEN GYI RNAM PA YIN PA'I PHYIR, KHYAB PA KHAS, DER THAL, THUN MONG BA'I RNAM MKHYEN GYI RNAM PA YOD PA'I PHYIR, 'DOD NA, SANGS RGYAS 'PHAGS PA'I RGYUD KYI SO SO YANG DAG PAR RIG PA BZHI PO DE RANG GI SDE TSAN MTSAN NYID PA 'PHAGS PA 'OG MA'I RGYUD LA YOD PA'I RIGS SU GNAS PAR THAL, BYANG SEMS 'PHAGS PA'I RGYUD LA SO SO YANG DAG PAR RIG PA BZHI YOD PA'I PHYIR, KHYAB PA 'GRIG ,DER THAL, MDO SDE'I RGYAN LAS, SO SO YANG DAG RIG BLO BZANG, ,SA DE LEGS PA'I BLO GROS YIN, ,ZHES GSUNGS PA'I PHYIR, 'DOD MI NUS TE, THUN MONG MA YIN PA'I RNAM MKHYEN GYI RNAM PA YIN PA'I PHYIR, KHYAB PA KHYAS?, GZHAN YANG, THUN MONG BA'I RNAM MKHYEN YOD PAR THAL,

051b

DE'I SHES RNAM YOD PA'I PHYIR, RTAGS KHAS, 'DOD NA, NYAN THOS DANG THUN MONG BA'I RNAM MKHYEN YOD PAR THAL, 'DOD PA'I PHYIR, 'DOD MI NUS TE, RNAM MKHYEN YIN NA SANGS RGYAS KYI THUN MONG MA YIN PA'I YON TAN YIN DGOS PA'I PHYIR, DES NA THUN MONG PA'I RNAM MKHYEN GYI SHES RNAM MED KYANG, DE'I RNAM PA NI YOD DE, DE 'DZIN PA'I RTOG PA DE DE'I RNAM PA YIN PA'I PHYIR RO, ` ,GNYIS PA RGYAS PAR BSHAD PA LA, YON TAN GYI RAB DBYE, DE DAG GI RANG BZHIN, DE GANG GI YIN PA, DE GANG GI CHED DU YIN PA'O, ,DANG PO LA, STOBS BCU, MI 'JIGS PA BZHI, SO SO YANG DAG PAR RIG PA BZHI, SANGS RGYAS KYI CHOS MA 'DRES PA BCO BRGYAD DANG BZHI LAS, DANG PO NI, DE LA NI GNAS DANG GNAS MA YIN PA DANG, LAS KYI RNAM PAR SMIN PA DANG, MOS PA SNA TSOGS DANG, 'JIG RTEN GYI KHAMS DU MA DANG, DBANG PO MCHOG DANG MCHOG MA YIN PA DANG, THAMS CAD DU 'GRO BA'I LAM DANG, KUN NAS NYON MONGS PA DANG RNAM GAR BYAD BA DANG, SNGON GYI GNAS RJES SU DRAN PA DANG, 'CHI 'PHO DANG SKYE BA DANG, ZAG PA ZAD PA MKHYEN PA'I STOBS KYI RNAM PA BCU DANG, ZHES BSHAD, GZHUNG DON NI, SANGS RGYAS KYI STOBS DE LA BCUR YOD DE, DE LA GNAS DANG GNAS MIN PA MKHYEN PA'I STOBS NAS ZAG PA ZAD PA MKHYEN PA'I STOBS KYI BAR BCU YOD PA'I PHYIR; DES NA RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS RANG GI MI MTHUN PHYOGS ZIL GYIS GNON NUS PAS RAB TU PHYE BA'I MTHAR THUG GI MKHYEN PA, SANGS RGYAS KYI STOBS KYI MTSAN NYID, DA LA DBYE NA, SKU'I STOBS, GSUNG GI

052a

, ,STOBS, THUGS KYI STOBS DANG GSUM DU YOD, DANG PO NI, DE BZHIN GSHEGS PA'I SKU LA SRED MED KYI BU'I STOBS MNGA' BA STE, RGYUD BLA MAR, SRED MED BU YI STOBS LAS MKHREGS PA'I SKU, ,ZHES DANG, MDZOD LAS; SKU LA SRED MED BU YI STOBS, ,GZHAN DAG TSIGS NA GLANG CHEN SOGS, ,BDUN BCUS BLAGS PA'I STOBS YIN NO, ,ZHES GSUNGS PA'I PHYIR, GNYIS PA NI, DE BZHIN GSHEGS PA LA GSUNG DBYANGS YAN LAG DRUG CU MNGA' BA STE, MDO SDE'I RGYAN LAS, BDE GSHEGS GSUNG NI MTHA' YAS PAS, ,YAN LAG DRUG CU BSAM MI KHYAB, ,CES GSUNGS PA'I PHYIR, GSUM PA LA BCU YOD DE, GNAS DANG GNAS MIN PA MKHYEN PA'I STOBS, LAS KYI RNAM PAR SMIN PA MKHYEN PA'I STOBS, MOS PA SNA TSOGS PA MKHYEN PA'I STOBS, 'JIG RTEN GYI KHAMS DU MA MKHYEN PA'I STOBS, DBANG PO MCHOG DANG MCHOG MA YIN PA MKHYEN PA'I STOBS, THAMS CAD DU 'GRO BA'I LAM MKHYEN PA'I STOBS, KUN NAS NYON MONGS PA DANG RNAM PAR BYANG BA MKHYEN PA'I STOBS, SNGON GYI GNAS RJES SU DRAN PA MKHYEN PA'I STOBS, 'CHI 'PHO BA DANG SKYE BA MKHYEN PA'I STOBS, ZAG PA ZAD PA SHES PA'I STOBS RNAMS SU YOD PA'I PHYIR TE, RGYUD BLA MAR, GNAS DANG GNAS MIN LAS RNAMS KYI, ,RNAM SMIN DANG NI DBANG PO DANG, ,KHAMS RNAMS DANG NI MOS PA DANG, ,KUN 'GRO'I LAM DANG BSAM GTAN SOGS, ,NYON MONGS DRI MA MED PA DANG, ,GNAS NI RJES SU DRAN PA DANG, ,LHA YI MIG DANG ZHI BA

052b

DAG ;MKHYEN PA'I STOBS NI RNAM PA BCU, ,ZHES GSUNGS PA'I PHYIR, DE DAG LA CI'I PHYIR STOBS ZHES BYA ZHE NA, RANG GI MI MTHUN PHYOGS KYIS BRDZI BAR MI NUS PA BRGYA BYIN GYI RDO RJE DANG 'DRA BA'I RGYU MTSAN GYIS DE LTAR BRJOD PA'I PHYIR TE, DE NYID LAS, STOBS NYID MA RIG SGRIB LA RDO RJE BZHIN, ,ZHES GSUNGS PA'I PHYIR, DE YANG STOBS DANG PO DRUG PO DE BRGYA BYIN GYI RDO RJE DANG 'DRA BA YIN TE, DES LHA MIN GYI GO CHA DANG 'DRA BA'I SHES BYA'I SGRIB PA 'JOMS PAR BYED PA'I PHYIR, DE'I 'OG MA GSUM NI BRGYA BYIN GYI RDO RJE DANG 'DRA BA YIN TE, DE GSUM RTZIGS PA DANG 'DRA BA'I SNYOMS 'JUG GI SGRIB PA 'JOMS PAR BYED PA'I PHYIR, DE'I 'OG MA GCIG NI BRGYA BYIN GYI RDO RJE DANG 'DRA BA YIN TE, DES SHING LJON PA DANG 'DRA BA'I NYON SGRIB 'JOMS PAR BYED PA'I PHYIR, DE LTAR YANG, DE NYID LAS, STOBS SOGS RNAMS LAS STOBS DRUG DANG, ,GSUM DANG GCIG GIS GO RIMS BZHIN, ,SHES BYA SNYOMS PAR 'JUG PA DANG, ,BAG CHAGS BCAS PA KUN BSAL BAS, ,GO CHA RTZIGS PA SHING BZHIN DU, ,PHUGS DANG GZHIG DANG BCAD PHYIR RO, ,ZHES GSUNGS PA'I PHYIR, ` GNYIS PA DE STON PA LA, NGA NI SANGS RGYAS SO ZHES BDAG NYID ZHAL GYIS 'CHES PA DANG, 'DOD CHAGS LA SOGS PA BAR CHAD BYED PA NYID DU BRJOD PA DANG, THAMS CAD SHES PA NYID LA SOGS PA'I LAM NGES PAR 'BYUNG BA NYID DU RAB TU BSTAN PA DANG, BDAG NYID KYI ZAG PA ZAD PA NYID DU ZHAL GYIS BZHES PA LA RGOL BA PO MED PAS MI 'JIGS PA'I RNAM PA BZHI DANG, ZHES GSUNGS, GZHUNG DON NI, MI 'JIGS PA DE LA

053a

, ,BZHIR YOD DE, DE LA RANG DON GYI DBANG DU BYAS NAS SPANGS PA PHUN TSOGS LA MI 'JIGS PA, RTOGS PA PHUN TSOGS LA MI 'JIGS PA, GZHAN DON GYI DBANG DU BYAS NAS BAR DU GCOD PA'I CHOS BSTAN PA LA MI 'JIGS PA, NGES PAR 'BYUNG BA'I LAM BSTAN PA LA MI 'JIGS PA RNAMS SU YOD PA'I PHYIR, RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS DAM PA'I CHOS STON PA LA 'KHOR GYI NANG DU BAG TSA BA MED PAS RAB TU PHYE BA'I MTHAR THUG GI MKHYEN PA, MI 'JIGS PA'I MTSAN NYID, DBYE NA, 'KHOR GYI DBUS SU NGA NI SANGS RGYAS SO ZHES KHAS BLANGS PA LA CHOS MTHUN GYI RGOL BA MED PAS RANG DON RTOGS PA PHUN TSOGS DAM BCAS PA LA MI 'JIGS PA DANG, BDAG NYID KYI ZAG PA ZAD PA STE SGRIB PA MA LUS PAR SPANGS PAR KHAS BLANGS PA LA DE MED PAS RANG DON SPANGS PA PHUN TSOGS SU DAM BCAS PA LA MI 'JIGS PA DANG, 'DOD CHAGS LA SOGS PA'I SGRIB PA 'DI DAG THEG PA GSUM GYI BAR CHAD BYED PAR BRJOD PA LA DE MED PAS GZHAN DON BAR DU GCOD PA'I CHOS LA MI 'JIGS PA DANG, THAMS CAD SHES PA NYID DANG LAM SHES KYI LAM GYIS 'KHOR BA DANG, THEG DMAN LAS NGES PAR 'BYUNG BA NYID DU BSTAN PA LA DE MED PAS GZHAN DON NGES PAR 'BYUNG BA'I LAM BSTAN PA LA MI 'JIGS PA DANG BZHIR YOD DO, ,CI'I PHYIR MI 'JIGS PA ZHES BYA ZHE NA, SENG GE DANG CHOS MTSUNGS PA'I DON GYIS MI 'JIGS PA ZHES BYA STE, RGYUD BLA MAR, MI 'JIGS RNAM BZHI 'KHOR DBUS SENG GE BZHIN, ,ZHES DANG, DE'I RGYAS

053b

BSHAD DU, CHOS SKU RDZOGS PAR BYANG CHUB DANG, ,GEGS NI 'GOG PAR BYED PA DANG, ,LAM STON PA DANG 'GOG STON PA, ,MI 'JIGS PA NI RNAM PA BZHI, ,ZHES SOGS GSUNGS PA'I PHYIR, ` GSUM PA DE STON PA LA, RNAM GRANGS DANG, CHOS KYI DON DANG, YUL GYI SKAD DANG, CHOS RAB TU DBYE BA'I YUL LA GO RIMS BZHIN DU, CHOS DANG, DON DANG, NGES PA'I TSIG DANG, SPOBS PA SO SO YANG DAG PAR RIG PA'I RNAM PA BZHI DANG, ZHES GSUNGS, DON NI, SO SO YANG DAG PAR RIG PA DE LA BZHIR YOD DE, DE LA CHOS DANG DON SO SO YANG DAG PAR RIG PA, NGES PA'I TSIG DANG SPOBS PA SO SO YANG DAG PAR RIG PA RNAMS SU YOD PA'I PHYIR, RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS BSHAD BYA DANG 'CHAD BYED LA CHAGS THOGS SPANGS PAS RAB TU PHYE BA'I MTHAR THUG GI MKHYEN PA, RNAM MKHYEN GYI SHES RNAM DU GYUR PA'I SO SO YANG DAG PAR RIG PA'I MTSAN NYID, DBYE NA, GSUNG RAB YAN LAG BCU GNYIS SOGS RJOD BYED KYI MING GI RNAM GRANGS KYI YUL LA RO MYANG BA'I CHAGS PA DANG SHES SGRIB KYI THOGS PA MI MNGA' BAR 'JUG PA'I CHOS SO SO YANG DAG PAR RIG PA'I RNAM PA DANG, YAN LAG BCU GNYIS KYI BRJOD BYA'I CHOS RNAMS KYI RANG SPYI'I MTSAN NYID KYI YUL LA SNGAR BZHIN DON SO SO YANG DAG PAR RIG PA DANG, 'GRO BA DRUG TU GTOGS PA'I SKAD DAM YUL SO SO'I SKAD KYI YUL LA SNGAR BZHIN NGES PA'I TSIG SO SO YANG DAG PAR RIG PA DANG, GZHAN LA BSTAN PA'I PHYIR CHOS LA SOGS PA

054a

, ,MNGON DU GYUR PA'I CHOS RNAMS KYI RDZAS YOD DANG BTAGS YOD SOGS KYI NGO BO DANG RNAM PA'I RAB DBYE'I YUL LA, SNGAR BZHIN SPOBS PA SO SO YANG DAG PAR RIG PA RNAMS SU YOD DE, MDO SDE'I RGYAN LAS, RTEN DANG BRTEN PA BSHAD BYA DANG, ,GSUNG DANG LEGS PA 'TSAD BYED LA, ,BLO GROS THOGS PA MI MNGA' BA'I, ,LEGS STON KHYOD LA PHYAG 'TSAL LO, ,ZHES GSUNGS PA'I PHYIR, ` BZHI PA DE STON PA LA, 'KHRUL BA DANG, CA CO DANG, DRAN PA NYAMS PA DANG, THUGS MNYAM PAR MA BZHAG PA DANG, THA DAD PA NYID KYI 'DU SHES DANG, SO SOR MA BRTAGS PA'I BTANG SNYOMS MI MNGA' BA'I RNAM PA DRUG DANG, 'DUN PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR GROL BA LAS NYAMS PA MI MNGA' BA'I RNAM PA DRUG DANG, SKU DANG GSUNG DANG THUGS KYI 'PHRIN LAS RNAMS YE SHES SNGON DU 'GRO ZHING YE SHES KYI RJES SU 'BRANG BA'I RNAM PA GSUM DANG, 'DAS PA DANG, MA 'ONGS PA DANG; DA LTAR BYUNG BA LA, MA CHAGS MA THOGS PA'I YE SHES KYI RNAM PA GSUM STE, DE LTAR SANGS RGYAS KYI CHOS MA 'DRES PA BCO BRGYAD KYI RNAM PA DAG DANG, ZHES GSUNGS, GZHUNG DON NI, SANGS RGYAS KYI CHOS MA 'DRES PA DE LA BCO BRGYAD DU YOD DE, SPYOD PAS BSDUS PA DRUG ,RTOGS PAS BSDUS PA DRUG ,'PHRIN LAS KYIS BSDUS PA GSUM, YE SHES KYIS BSDUS PA GSUM RNAMS SU YOD PA'I PHYIR, 'DI'I SKABS SU SPYIR BSTAN PA DANG, DUS GSUM GYI RNAM GZHAG BYE BRAG

054b

TU BSHAD PA GNYIS LAS, DANG PO NI, RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS 'PHAGS CHUNG 'OG MA RNAMS DANG YON TAN GYI RIGS DANG SDE TSAN CUNG ZAD KYANG MA 'DRES PAS RAB TU PHYE BA'I MTHAR THUG PA'I MKHYEN PA, SANGS RGYAS KYI CHOS MA 'DRES PA'I MTSAN NYID, DBYE NA, SPYOD PAS BSDUS PA DRUG ,RTOGS PAS BSDUS PA DRUG ,'PHRIN LAS KYIS BSDUS PA GSUM, YE SHES KYIS BSDUS PA GSUM STE BCO BRGYAD YOD, DANG PO GRUB STE, SPRUL NAG PO RDOG PAS BRDZI BA SOGS 'KHRUL BA MI MNGA' BA'I LUS KYI LAS DAG PA DANG, LAM STOR NAS CA CO'I SGRA 'BYIN PA SOGS MI MNGA' BA'I DAG GI LAS DAG PA DANG, BRJED NAS BYA BA SHOR BA SOGS KYI DRAN PA NYAMS PA MI MNGA' BA DANG, SNYOMS PAR ZHUGS RUNG MA ZHUGS RUNG DUS THAMS CAD DU THUGS MNYAM PAR MA BZHAG PA MI MNGA' BA DANG, 'KHOR 'DAS SAM SRID ZHI LA DON DAM PAR MI MTHUN PA DANG ZHI BAR 'DZIN PA NYID KYI THA DAD PA'I 'DU SHES MI MNGA' BA DANG, SEMS CAN 'DUL BA'I DUS LA SOGS PA SO SOR MA BRTAGS PAR 'DOR BA'I BTANG SNYOMS MI MNGA' BA'I RNAM PA STE YID KYI LAS DAG PA RNAMS SU YOD PA'I PHYIR, GNYIS PA GRUB STE, DE BZHIN GSHEGS PA DUS THAMS CAD DU SEMS CAN GYI DON MDZAD PA DANG, BYAMS PA DANG THUGS RJE CHEN PO LA SOGS PA'I CHOS LA RGYUN MI 'CHAD PAR 'DOD PA 'BYUNG BA'I 'DUN PA NYAMS PA MI MNGA' BA'I RNAM PA DANG, SEMS CAN RE RE'I PHYIR 'JIG RTEN GYI KHAMS GRANGS MED DU GSHEGS PA'I BRTZON 'GRUS NYAMS PA MI MNGA' BA DANG, SANGS RGYAS NAS DUS

055a

, ,GSUM GYI SEMS CAN THAMS CAD KYI SEMS KYI SPYOD PA DANG DE 'DUL BA'I THABS SOGS DRAN LAM DU BZHAG PAS PHYIS DE LA BSAM MI DGOS PA'I DRAN PA NYAMS PA MI MNGA' BA DANG, CHOS THAMS CAD KYI DE BZHIN NYID LA MNYAM PAR 'JOG PA'I TING NGE 'DZIN NYAMS PA MI MNGA' BA DANG, SEMS CAN GYI SEMS KYI SPYOD PA DANG CHOS STON PA MKHYEN PA MI ZAD PA'I SHES RAB NYAMS PA MI MNGA' BA DANG, 'KHOR BA JI SRID PAR SEMS CAN GYI DON MDZAD PA LA MI ZAD PA'I RNAM PAR GROL PA LAS NYAMS PA MI MNGA' BA'I RNAM PA STE DRUG TU YOD PA'I PHYIR, GSUM PA GRUB STE, 'OD 'GYED PA SOGS KYIS SEMS CAN 'DUL BA'I SKU'I 'PHRIN LAS, SEMS CAN GYI BSAM PA SOGS DANG MTHUN PAR 'DOMS PA'I GSUNG GI 'PHRIN LAS, BAG CHAGS MA LUS PAR SPANGS SHING BYAMS PA CHEN PO DANG LDAN PA'I THUGS KYI 'PHRIN LAS RNAMS YE SHES SNGAR BYUNG GI RGYU LAS BYUNG BAS YE SHES SNGON DU 'GRO ZHING, YE SHES DANG LHAN CIG TU RGYU BAS YE SHES KYI RJES SU 'BRANG BA'I RNAM PA STE GSUM DU YOD PA'I PHYIR, BZHI PA GRUB STE, 'DAS PA DANG MA 'ONGS PA DANG DA LTAR BYUNG BA'I CHOS THAMS CAD LA BZHENGS TZAM GYI MKHYEN PAS MA CHAGS SHING, THAMS CAD MKHYEN PAS MA THOGS PA'I YE SHES KYI RNAM PA GSUM DU YOD PA'I PHYIR, DE LTAR YANG, RGYUD BLA MAR, 'KHRUL DANG CA CO MI MNGA' STE, ,RTOGS PA DRAN PA NYAMS MI MNGA', ,'DU SHES SNA TSOGS KYANG MI MNGA', ,MA BRTAGS BTANG SNYOMS MI MNGA' STE, ,'DUN PA BRTZON 'GRUS DRAN

055b

PA DANG, ,SHES RAB RNAM GROL RNAM GROL GYI, ,YE SHES GZIGS PA NYAMS MI MNGA', ,LAS NI YE SHES SNGON 'GRO DANG, ,DUS LA YE SHES SGRIB PA MED, ,DE LTAR BCO BRGYAD 'DI DAG GZHAN, ,STON PA'I MA 'DRES YON TAN YIN, ,ZHES GSUNGS PA'I PHYIR, CI'I PHYIR MA 'DRES PA ZHES BYA ZHE NA, 'DUS MA BYAS KYI NAM MKHA' DE 'BYUNG BZHI DANG MTSAN NYID MA 'DRES PAR GNAS PA BZHIN DU, 'PHAGS CHUNG 'OG MA RNAMS DANG YON TAN GYI RIGS DANG SDE TSAN CUNG ZAD KYANG MA 'DRES PAS NA DE LTAR RJOD PA'I PHYIR TE, RGYUD BLA MAR, DE BZHIN GSHEGS PA'I MA 'DRES NAM MKHA' BZHIN DU NI, ,ZHES GSUNGS PA'I PHYIR, ` GNYIS PA DUS GSUM GYI RNAM GZHAG BYE BRAG TU BSHAD PA LA, DBUS MTHA' RTZA 'GREL LAS GSUNGS TSUL, KUN BTUS LAS GSUNGS TSUL, RTZA 'JUG BZHI GSUM LAS GSUNGS TSUL, RANG LUGS DANG BZHI LAS, DANG PO NI, DU BA MTSAN GZHI, ME DE NYID RANG DUS SU 'DAS ZIN PAR MTSON, ME'I RGYU BUD SHING DANG ME GNYIS KA RANG DUS SU LONGS SPYOD ZIN PAR 'DAS PAR DMIGS PA, BUD SHING MTSON, DU BA DE NYID RANG DUS SU MA 'ONGS PAR MTSON, DE RANG DUS SU LONGS MA SPYAD CING RANG DUS SU DE'I RGYU LA LONGS SPYOD BZHIN PAR DMIGS PA, TSA ZHING BSREG PA MTSAN GZHI, RANG DUS SU ME DA LTAR BAR MTSON, RANG DUS SU ME'I RGYU LA LONGS SPYAD ZIN ME DE NYID LA LONGS SPYOD BZHIN PAR DMIGS PA, ZHES PA STE, DBUS MTHAR, 'BRAS BU RGYU DANG DPYAD ZIN DANG, ,DE BZHIN MA SPYAD

056a

, ,GZHAN YIN NO, ,ZHES DANG, DE'I 'GREL PAR, GZHAN GANG ZHE NA DUS GSUM MO, ,CI RIGS SU SBYAR TE, 'BRAS BU DANG RGYU SPYAD ZIN PA'I PHYIR 'DAS PA'I DUS SU DMIGS PA'O, ,'BRAS BU DANG RGYU MA SPYAD PA'I PHYIR MA 'ONGS PA'O, ,RGYU SPYAD LA 'BRAS BU MA SPYAD PA'I PHYIR DA LTAR BYUNG BA'I DUS SU RIG PAR BYA'O, ,ZHES GSUNGS PA'I PHYIR, GNYIS PA NI, DUS DER BYUNG ZIN GANG ZHIG ,DUS DER 'GAGS PAR DMIGS PA DE, DUS DER 'DAS PA'I MTSAN NYID, DUS DER RANG RGYU LAS SKYE BZHIN BA GANG ZHIG ,DUS DER MA BYUNG BAR DMIGS PA, DUS DER MA 'ONGS PA'I MTSAN NYID, DUS DER SKYES ZIN MA 'GAGS PA, DUS DER DA LTAR BA'I MTSAN NYID, DE LTAR YANG KUN BTUS LAS, JI LTAR NA 'DAS PA YIN, 'DAS PA RNAMS NI DU ZHIG ,CI'I PHYIR 'DAS PAR BTAGS SHE NA, BYUNG BA 'GAGS PA'I MTSAN NYID DANG, RGYU DANG 'BRAS BU SPYAD ZIN PA DANG, ZHES SOGS DANG, JI LTAR NA MA 'ONGS PA YIN, MA 'ONGS PA RNAMS NI DU ZHIG ,CI'I PHYIR MA 'ONGS PAR BTAGS SHE NA, RGYU YOD KYANG MA BYUNG BA DANG, RANG NYID MA SLOB PA DANG, RGYU DANG 'BRAS BU MA SPYAD PA DANG, ZHES DANG, JI LTAR NA DA LTAR BYUNG BA YIN, DA LTAR BYUNG BA RNAMS NI DU ZHIG ,CI'I PHYIR DA LTAR BYUNG BAR BTAGS SHE NA, BYUNG BA MA 'GAGS PA'I MTSAN NYID DANG, RGYU DANG 'BRAS BU SPYAD ZIN PA DANG, SPYAD MA ZIN PA DANG, ZHES SOGS GSUNGS PA'I PHYIR, GSUM PA LA MYU GU CHOS CAN, SA BON GYI DUS SU MA 'ONGS PA YIN TE, SA BON DA LTAR BA'I DUS SU KHYOD

056b

SKYE BZHIN PA GANG ZHIG ,DUS DER KHYOD MA PHYIN PA'I PHYIR, SA BON CHOS CAN, MYU GU'I DUS SU 'DAS PA YIN TE, KHYOD MYU GU DA LTAR BA'I DUS SU SKYES ZIN 'GAGS PA'I PHYIR, MYU GU CHOS CAN, KHYOD MYU GU'I DUS SU DA LTAR BA YIN TE, KHYOD MYU GU'I DUS SU SKYES PA GANG ZHIG ,KHYOD DER MA 'GAGS PA'I PHYIR, DUS GSUM GYI RNAM PAR BZHAG PA LA, DA LTAR BA NYID GTZO BO YIN TE, SA BON GYI DUS SU MYU GU MA 'ONGS PA DANG, MYU GU DA LTAR BA'I DUS SU SA BON 'DAS ZIN PAR GZHAG PAR BYA BA YIN GYI, DE GNYIS RANG RANG GI DA LTAR BA'I DUS SU MA 'ONGS PA DANG 'DAS PAR GZHAG PAR BYA BA MA YIN TE, RANG RANG GI DA LTAR BA'I DUS SU DMIGS PA KHO NA YIN TE, RTZA SHE LAS, DA LTAR BYUNG DANG MA 'ONGS PA, ,GAL TE 'DAS LA LTOS GYUR NA, ,DA LTAR BYUNG DANG MA 'ONGS PA, ,'DAS PA'I DUS NA YOD PAR 'GYUR, ,ZHES SOGS DANG, 'JUG PAR YANG, GANG PHYIR RANG BZHIN GYIS TE MI 'GAGS PA, ,ZHES SOGS DANG, BZHI BRGYA PA'I 'GREL PAR YANG, DE LA MA 'ONGS PA NI DA LTAR GYI DUS SU MA PHYIN PA'O, , 'DAS PA NI DE NYID LAS 'DAS PA'O, ,DA LTAR BYUNG BA NI SKYES LA MA 'GAGS PA'O, ,DA LTAR BYUNG BA NI DA LTAR DMIGS BYA'I GTZO BO YIN NO, ,DER MA 'ONGS PA DANG RGAL BA DAG GIS MA 'ONGS PA DANG 'DAS PA'I DUS GNYIS RNAM PAR 'JOG PA NI GTZO BO MA YIN NO, ,ZHES GSUNGS PA'I PHYIR, BZHI PA NI, SNGAR BSHAD PA DE THAMS CAD RIGS PA DANG LDAN YANG, RANG LUGS GO BDE BAR BRJOD NA, DUS DER ZHIG PA, DUS DER 'DAS PA'I MTSAN NYID, DUS DER 'DAS MA 'ONGS DA LTAR

057a

, ,GSUM PO GANG RUNG GANG ZHIG ,DUS DER MA SKYES PA DANG MA 'GAGS PA'I GZHI MTHUN, DUS DER MA 'ONGS PA'I MTSAN NYID, DUS DER SKYES PA DANG DUS DER MA 'GAGS PA'I GZHI MTHUN, DUS DER DA LTAR BA'I MTSAN NYID, DES NA, DU BA MTSAN GZHI, ME DE NYID RANG DUS SU 'DAS PA'I DUS MTSON, ME DE NYID DANG DE'I RGYU RNAMS RANG DUS SU LONGS SPYOD CING 'GAGS PA'I DUS SU DMIGS PA, BUD SHING MTSAN GZHI, ME DE NYID RANG DUS SU MA 'ONGS PA'I DUS MTSON, ME DE NYID DANG DE'I 'BRAS BU RNAMS RANG DUS SU LONGS MA SPYAD CING SKYE BZHIN PA'I DUS SU DMIGS PA, TSA ZHING BSREGS PA MTSAN GZHI, ME DE NYID RANG DUS SU DA LTAR BA'I DUS MTSON, ME DE NYID RANG DUS SU SKYES LA MA 'GAGS PA'I DUS SU DMIGS PA ZHES BYA LA, CHOS DE'I 'DAS PA YIN NA, CHOS DE LA LTOS TE MA 'ONGS PA YIN DGOS TE, DE YIN NA CHOS DE'I DUS SU MA 'ONGS PA YIN DGOS PA'I PHYIR, CHOS DE'I MA 'ONGS PA YIN NA, CHOS DE LA LTOS TE 'DAS PA YIN DGOS TE, DE YIN NA, CHOS DE'I DUS SU 'DAS PA YIN DGOS PA'I PHYIR TE, KHA SANG GI LAM DE DE RING GI LAM LA LTOS TE 'DAS ZIN PA'I LAM DANG, DE RING GI LAM NI KHA SANG GI LAM LA LTOS TE MA 'ONGS PA'I LAM DANG, KHA SANG GI LAM DE DE RING GI DUS SU ZHIG ,DE RING GI LAM NI KHA SANG GI DUS SU MA SKYES SHING SKYE BZHIN PA TZAM YIN PA'I PHYIR TE, RTZA BA SHES RAB LAS, RE ZHIG SONG LA MI 'GRO STE, ,ZHES SOGS GSUNGS PA'I PHYIR, KHA CIG ,SKYES LA

057b

'GAGS PA 'DAS PA'I MTSAN NYID, DPER NA, MANG POS BKUR BA'I RGYAL PO LTA BU, SKYES LA MA 'GAGS PA DA LTAR BA'I MTSAN NYID, DPER NA, DA LTA'I MI BZHIN, SKYE BYED KYI RGYU YOD KYANG MA SKYES PA, MA 'ONGS PA'I MTSAN NYID, DPER NA, DUNG 'KHOR LOS SGYUR BA'I RGYAL PO BZHIN, ZER NA, MANG POS BKUR BA'I RGYAL PO CHOS CAN, SKYES PAR THAL, 'DAS PA'I PHYIR, RTAGS KHAS, 'DOD NA, DE CHOS CAN, BYAS PA YIN PAR THAL LO, ,'DOD MI NUS TE, DGAGS PA YIN PA'I PHYIR TE, 'DAS PA YIN PA'I PHYIR, RTAGS KHAS, DUNG 'KHOR LOS SGYUR BA'I RGYAL PO CHOS CAN, MA SKYES PAR THAL, MA 'ONGS PA YIN PA'I PHYIR, RTAGS KHAS, 'DOD MI NUS TE, DNGOS PO YIN PA'I PHYIR RO, ,KHA CIG ,RANG NYID DUS GANG DU 'JOG PA DNGOS PO GANG GI RANG DUS LA LTOS NAS BZHAG DGOS PA'I LTOS SAR GYUR PA'I DNGOS PO DE'I DUS SU THAL ZIN PA, 'DAS PA'I MTSAN NYID, RANG NYID DUS GANG DU 'JOG PA DNGOS PO GANG GI RANG DUS LA LTOS NAS BZHAG DGOS PA'I LTOS SAR GYUR PA'I DNGOS PO DE'I DUS SU MA SLEB PA, MA 'ONGS PA'I MTSAN NYID, SKYES LA MA 'GAGS PA YANG YIN, RANG NYID KYI DON SPYI 'CHAR BA RANG DUS SU THAL ZIN PA DANG, RANG DUS SU MA SLEB PA'I CHOS GZHAN GYI DON SPYI 'CHAR BA LA MI LTOS PA YANG YIN PA'I GZHI MTHUN PAR DMIGS PA, DA LTAR BA'I MTSAN NYID ZER NA, 'DAS PA YIN PA YOD PAR THAL, MTSAN NYID 'THAD PA'I PHYIR, 'DOD NA, BUM PA ZHIG PA 'DAS PA YIN PAR THAL, 'DOD PA'I PHYIR, 'DOD NA, DE CHOS CAN, MTSAN NYID

058a

, ,DANG PO DER THAL, 'DAS PA YIN PA'I PHYIR, KHYAB PA LAS, 'DOD NA, DE BUM PA'I DUS SU THAL ZIN PAR THAL, 'DOD PA'I PHYIR, 'DOD MI NUS TE, DE BUM PA'I DUS SU MA SLEB PA'I PHYIR, GZHAN YANG, BUM PA MA 'ONGS PA DE MA 'ONGS PA YIN PAR THAL, MA 'ONGS PA YIN PA YOD PA'I PHYIR, 'DOD NA, DE CHOS CAN, MTSAN NYID DER THAL, MA 'ONGS PA YIN PA'I PHYIR, 'DOD NA, DE BUM PA'I DUS SU MA SLEB PAR THAL, 'DOD PA'I PHYIR; 'DOD MI NUS TE, DE BUM PA'I DUS SU THAL ZIN PA'I PHYIR, DER THAL, BUM PA SKYE BZHIN PA BUM PA'I DUS SU THAL ZIN PA'I PHYIR, MA GRUB NA, BUM PA CHOS CAN, KHYOD SKYE BZHIN PA KHYOD KYI DUS SU THAL ZIN PAR THAL, KHYOD DNGOS PO YIN PA'I PHYIR, ` GNYIS PA YON TAN DE DAG GI RANG BZHIN STON PA LA, SANGS RGYAS THAMS CAD KYIS BSHAD PA'I DE BZHIN NYID DANG, ZHES GSUNGS, GZHUNG DON NI, DE BZHIN NYID LA SLAR MI LDANG BA'I TSUL GYIS MNYAM PAR BZHAG PA'I YE SHES CHOS CAN, RNAM MKHYEN GYI SHES RNAM DU GYUR PA'I DE BZHIN NYID KYI RNAM PA'I MTSAN NYID YIN TE, DE'I 'JOG BYED YIN PA'I PHYIR, SANGS RGYAS THAMS CAD KYIS BSHAD PA'I DE BZHIN NYID DRI MA MA LUS PAR DAG PAS RANG BZHIN GYIS MYA NGAN LAS 'DAS PA YIN PA'I PHYIR TE, SANGS RGYAS 'BYUNG PA RNAMS GDUL BYA'I KHYAD PAR 'GA' ZHIG GIS THEG PA GCIG DANG GSUM DU STON PA TZAM MA GTOGS DE BZHIN NYID MI STON PA MI SRID PA'I PHYIR, ` GSUM PA

058b

DE DAG GANG GI YIN PA STON PA LA, CHOS THAMS CAD LA MNGA' BSGYUR BA'I RANG BYUNG DANG, ZHES GSUNGS, DON NI, RNAM MKHYEN CHOS CAN, RNAM MKHYEN GYI SHES RNAM DU GYUR PA'I RANG BYUNG GI RNAM PA YIN TE, CHOS 'KHOR MA LUS PAR SKOR BA LA DBANG BSGYUR BA THOB PAS RAB TU PHYE BA'I MTHAR THUG PA'I YE SHES YIN PA'I PHYIR, RTAGS DE DE'I MTSAN NYID YIN NO, ` ,BZHI PA DE GANG GI CHED DU YIN PA STON PA LA, RNAM PA THAMS CAD MNGON PAR RDZOGS PAR BYANG CHUB PA'I SANGS RGYAS NYID KYI RNAM PA GSUM STE, ZHES GSUNGS, DON NI, RNAM MKHYEN CHOS CAN, 'DIR BSTAN SANGS RGYAS NYID KYI RNAM PA YIN TE, JI LTA BA DANG JI SNYED PA'I CHOS THAMS CAD RNAM PA KUN MNGON PAR STE MNGON DU PHYOGS PAR RDZOGS PAR STE YANG DAG PAR BYANG CHUB PA STE RTOGS PA'I MTHAR THUG PA'I YE SHES YIN PA'I PHYIR, RTAGS DE GSAL BA DE'I MTSAN NYID DO, ` ,GSUM PA DON BSDU BA LA, DE LTAR NA SANGS RGYAS RNAMS KYI RNAM PA THAMS CAD MKHYEN PA NYID KYI LAM GYI RTEN CAN GYI RNAM PA NI SUM CU RTZA DGU'O, ,ZHES GSUNGS, ` DE LA THAMS CAD SHES PA NYID KYI RNAM PA NI, ZHES SOGS KYI DON NI, NYAN THOS 'PHAGS PA'I RGYUD KYI GZHI SHES KYI RNAM PA NYER BDUN LA NYON MONGS PA'I ZAG PA MED PA ZHES BRJOD PA'I RGYU MTSAN YOD DE, NYAN THOS SLOB PA 'PHAGS PAS NYON SGRIB SPANG BYA'I GTZO BOR BYED PAS DE LTAR RJOD PA'I PHYIR, BYANG SEMS 'PHAGS PA'I RGYUD KYI GZHI SHES KYI RNAM PA NYER BDUN LA NYON MONGS PA'I ZAG PA DANG

059a

, ,BCAS PA ZHES BTAGS NAS STON PA'I RGYU MTSAN YOD DE, BYANG SEMS 'PHAGS PAS NYON SGRIB SPANG BYA'I GTZO BOR BYAS NAS MI SPONG BA'I PHYIR, BYANG SEMS 'PHAGS PA'I RGYUD KYI LAM SHES KYI RNAM PA SO DRUG LA NYON MONGS PA'I ZAG BCAS SU BTAGS NAS STON PA'I RGYU MTSAN YOD DE, RTAGS DE'I PHYIR, RNAM MKHYEN GYI SHES RNAM BRGYA DANG BCU CHOS CAN, ZAG MED KHO NA YIN TE, SGRIB GNYIS BAG CHAGS DANG BCAS PA SPANGS PA'I PHYIR, KHA CIG , NYAN THOS 'PHAGS PA'I RGYUD KYI GZHI SHES LA NYON MONGS PA'I ZAG MED KYIS KHYAB, BYANG SEMS 'PHAGS PA'I RGYUD KYI GZHI SHES YIN NA NYON MONGS PA'I ZAG BCAS YIN PAS KHYAB ZER NA, GNYIS PA LA NYAN THOS DGRA BCOM PA'I RTOGS PA SNGON DU SONG BA'I BYANG SEMS MTHONG LAM PA'I RGYUD KYI GZHI SHES CHOS CAN, DER THAL, DE'I PHYIR, 'DOD MI NUS TE, DES NYON SGRIB MA LUS PAR SPANGS PA'I PHYIR, GZHAN YANG, BYANG SEMS MTHONG LAM PA'I RGYUD KYI GANG ZAG GI BDAG MED MNGON SUM DU RTOGS PA'I MKHYEN PA CHOS CAN, DER THAL, DE'I PHYIR, 'DOD NA, DE CHOS CAN, NYON SGRIB SPANG DGOS YIN PAR THAL LO, ,KHA CIG ,RANG RGYAL SLOB PA 'PHAGS PAS NYON SGRIB SPANG BYA'I GTZO BOR BYAS NAS MI SPONG ZER BA MI 'THAD DE, RNAM BSHAD LAS, NYAN THOS DANG RANG SANGS RGYAS RNAMS NI NYON MONGS SPANG BYA'I GTZO BOR BYAS NAS SPONG LA, DE'I RGYUD KYI GZHI SHES LA ZAG MED CES BYA'O, ,ZHES GSUNGS PA'I PHYIR, ` GNYIS PA SBYOR BA PO GANG ZAG BSHAD PA

059b

LA; MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, GONG DU RNAM PA GSUNGS PA DANG, DE NAS LHA RNAMS KYI DBANG PO BRGYA BYIN 'DI SNYAM DU GYUR TE, SHER PHYIN 'DI RIGS KYI BU'AM RIGS KYI BU MO GANG GI RNA LAM DU GRAGS PAR GYUR PA DE DAG KYANG SNGON GYI RGYAL BA LA BSNYEN BKUR BYAS PA'O, ,ZHES SOGS GSUNGS, GNYIS PA LA, MTSAMS SBYAR, RTZA BA, 'GREL PA GSUM LAS, DANG PO NI, LUS RNAM GZHAG TU, RNAM PA SBYOR BAR BCAS RNAMS DANG; ;ZHES BSHAD NA, SBYOR BA'I RNAM PA'I 'OG TU SBYOR BA SGOM PA PO'I GANG ZAG 'CHAD PA'I RGYU MTSAN GANG ZHE NA, DE'I RGYU MTSAN YOD DE, GONG DU BSTAN PA'I RNAM MKHYEN GYI RNAM PA DE DAG KYANG SBYOR BA KHYAD PAR CAN GYIS ZIN DGOS SHING, DE YANG SBYOR BA SGOM PA PO'I GANG ZAG MED PAR SGOM MI NUS PA'I RGYU MTSAN GYIS DE LTAR BSTAN PA'I PHYIR, ZHES 'CHAD PA LA, SBYOR BA KHYAD PAR CAN DAG GIS RNAM PA RNAMS BSGOM DGOS NA DE DAG KYANG SBYOR BA PO MED PAR BRJOD PAR MI NUS PAS MNYAN PA LA SOGS PA'I SNOD SBYOR BA PO, ZHES GSUNGS, GNYIS PA NI, MDO DE'I DON BSHAD PA LA, SANGS RGYAS RNAMS LA LHAG PAR BYAS, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, 'DAS PA DANG DA LTAR BYUNG BA'I SANGS RGYAS RNAMS LA, ZHES SOGS GSUNGS, MDO RTZA 'GREL 'DI RNAMS KYI DON LA YANG, YUM NYAN PA, LEN PA, 'DZIN PA, TSUL BZHIN YID LA BYED PA'O, ,DANG PO NI, MDO LAS, SHER PHYIN 'DI NI RIGS KYI BU'AM RIGS

060a

, ,KYI BU MO GANG GI RNA LAM DU GRAGS PAR GYUR PA DE DAG KYANG SNGON GYI RGYAL BA LA BSNYEN BKUR BYAS PA'O, ,SHER PHYIN 'DI NI GANG GI RNA LAM DU GRAGS PAR GYUR PA DE DAG KYANG DE BZHIN GSHEGS PA LA DGE BA'I RTZA BA BSKYED PA'O; ;ZHES SOGS GSUNGS, DE'I DON BSHAD PA LA, SANGS RGYAS RNAMS LA LHAG PAR BYAS, ,ZHES SOGS RKANG PA BZHI DANG, 'DAS PA DANG DE LTAR BYUNG BA'I SANGS RGYAS RNAMS LA SPYIR DGE BA'I RTZA BA BSKRUN CING SBYANGS PA DANG, GO RIMS BZHIN DU JI LTA BAR RNAM PA'I MTSAN NYID CAN GYI YUM 'DI'I GZHUNG NYAN PA'I SNOD NYID YIN PAR SANGS RGYAS LA SOGS PA BZHED DO, ,ZHES GSUNGS, GNYIS PA STON PA LA, SHER PHYIN 'DI NI RIGS KYI BU'AM RIGS KYI BU MO GANG GI RNA LAM DU GRAGS PAR GYUR PA DE DAG NI SHER PHYIN BZUNG BAR BYAS, BCAD PAR BYAS, KLAGS PAR BYAS, KUN CHUB PAR BYAS NAS KYANG DE KHO NA NYID DU SGRUB PAR BYED PA 'BYUNG BAR 'GYUR TE, DE DAG NI SANGS RGYAS MANG PO LA BSNYEN BKUR BYAS PA'O; ;ZHES SOGS GSUNGS, DE'I DON BSHAD PA LA, SANGS RGYAS BRTEN DANG LEN PA YI, ,SNOD DU DAM PA RNAMS BZHED DO, ,ZHES DANG, DE BZHIN GSHEGS PA RNAMS LA LUS LA SOGS PA'I BSNYEN BKUR GYIS MNYES PAR BYAS PA DANG; 'DZIN PA'I SNOD NYID YIN PAR SANGS RGYAS LA SOGS PA BZHED DO, ,ZHES GSUNGS, GSUM PA STON PA LA, SHER PHYIN 'DI GANG GI RNA LAM DU GRAGS PAR GYUR PA BDAG NI, SNGON GYI DE BZHIN GSHEGS PA DGRA BCOM PA YANG DAG

060b

PAR RDZOGS PA'I SANGS RGYAS RNAMS LA YONGS SU DRIS SHING YONGS SU ZHUS YONGS SU BRTEN CING BSNYEN BKUR BA'O, ,ZHES SOGS GSUNGS, DE'I DON BSHAD PA LA, KUN 'DRI DANG, ,'DZIN PA YI, ,SNOD DU DAM PA RNAMS BZHED DO, ,ZHES DANG; THE TSOM GYI DON YONGS SU 'DRI BA DANG, DON MI BRJED PA'I, ZHES GSUNGS, BZHI PA STON PA LA, SHER PHYIN 'DI GANG GI RNA LAM DU GRAGS PAR GYUR PA DE DAG NI, SNGON GYI SANGS RGYAS BYE BA MANG PO LA SBYIN PA'I PHAR PHYIN SPYAD PA'O, ,TSUL KHRIMS KYI PHAR PHYIN SPYAD PA'O, ,BZOD PA'I PHAR PHYIN SPYAD PA'O, ,BRTZON 'GRUS KYI PHAR PHYIN SPYAD PA'O, ,BSAM GTAN GYI PHAR PHYIN SPYAD PA'O, ,DE DAG GIS SANGS RGYAS BYE BA MANG PO LA SHER PHYIN SPYAD PA'O, ,ZHES SOGS GSUNGS, DE'I DON BSHAD PA LA, SBYIN DANG TSUL KHRIMS SOGS SPYOD PAS, ,ZHES DANG, SOGS PAS BSTAN PA, TSUL BZHIN YID LA BYED PA YI, ,SNOD DU DAM PA RNAMS BZHED DO, ,ZHES DANG, SBYIN PA LA SOGS PA'I PHA ROL TU PHYIN PA BCU SGRUB PA DANG LDAN PA, DGE BA'I BSHES GNYEN DAG GIS BYIN GYIS BRLABS PA RNAMS NI TSUL BZHIN YID LA BYED PA'I SNOD YIN PAR SANGS RGYAS LA SOGS PA BZHED DO, ,ZHES GSUNGS, GZHUNG DON NI, BYANG SEMS TSOGS LAM BA CHOS CAN; YUM NYAN PA'I SNOD YIN TE, THEG PA CHEN PO'I DGE BA'I BSHES GNYEN GYI MGON DANG BCAS SHING, SNGON SANGS RGYAS RNAMS LA LHAG PAR BYA BA BYAS PA LA SOGS PA'I PHYI NANG GI RKYEN GNYIS DANG LDAN PA'I SEMS DPA' YIN PA'I PHYIR, KHO NA RE,

061a

, ,BYANG SEMS TSOGS LAM PA YIN NA YUM NYAN PA'I SNOD YIN DGOS PAR THAL, SBYOR BA 'THAD PA'I PHYIR NA MA KHYAB, 'DOD NA, SEMS TZAM PAR GYUR PA'I BYANG SEMS TSOGS LAM PA CHOS CAN, DER THAL, DE'I PHYIR, ZHES ZER, DES NA, PHYI NANG GI RKYEN GNYIS DANG LDAN PA'I SKABS 'DIR DNGOS SU BSTAN PA'I SEMS DPA', SKABS 'DIR DNGOS SU BSTAN PA'I SBYOR BA SGOM PA PO'I RTEN GYI GANG ZAG GI MTSAN NYID, DBYE NA, DE BZHIN GSHEGS PA LA DMIGS TE GTZUG LAG KHANG BYED PA SOGS SANGS RGYAS RNAMS LA LHAG BAR BYA BA BYAS PA DANG, BSOD SNYOMS 'BUL BA SOGS SANGS RGYAS DE DAG LA DGE RTZA BSKRUN PA DANG, THEG CHEN GYI DGE BA'I BSHES GNYEN GYI MGON GYIS YONGS SU ZIN PA'I KHYAD PAR GSUM LDAN GYIS SGO NAS, YUM GYI TSIG GTZO BOR NYAN PA'I SNOD DANG, SANGS RGYAS MANG PO BSTEN TE BSNYEN BKUR BA'I SGO NAS YUM GYI TSIG BLO LA LEN PA'I SNOD DANG, SANGS RGYAS RNAMS LA BSNYEN BKUR NAS THE TSOM GYI DON KUN 'DRI BA'I DON MI BRJED PAR 'DZIN PA'I SNOD DANG, SANGS RGYAS RNAMS KYI DRUNG DU BSNYEN PAS SBYIN SOGS SPYOD BA'I MTSAN NYID KYIS TSUL BZHIN YID LA BYED PA'I SNOD DE BZHIR YOD, SBYOR BA SGOM PA PO'I GANG ZAG YIN NA BYANG SEMS YIN PAS MA KHYAB STE, NYAN THOS TSOGS LAM PA DE SBYOR BA SGOM PA PO'I GANG ZAG YIN PA'I PHYIR, RNAM RDZOGS SBYOR BA SGOM PA'I LAM MA ZHUGS KYI GANG ZAG MED DE, DE YIN NA BYANG CHUB SEMS DPA' YIN DGOS PA'I PHYIR, ` GSUM PA SBYOR BA RANG GI NGO BO 'CHAD PA LA, MDO BSTAN

061b

BCOS GNYIS LAS, DANG PO NI, SBYOR BA PO'I SKABS SU BRGYA BYIN GYIS BCOM LDAN 'DAS LA JI LTAR BYANG CHEN SHER PHYIN LA GNAS PA DANG SBYOR BA LAGS ZHES DRIS PA'I LAN DU, KO'U SHI KA SPOBS PA 'DI YANG SANGS RGYAS KYI BYIN GYIS RLABS KYIS 'BYUNG NGO,, KO'U SHI KA DE'I PHYIR NYON LA YID LA ZUNGS SHIG DANG DE NGAS KHYOD LA BSHAD PAR BYA'O, ,ZHES SKABS PHYE NAS GSUNGS SO, ,GNYIS PA LA GSUM LAS, DANG PO NI, RNAM PA SBYOR BAR BCAS RNAMS DANG, ,ZHES BSHAD NA, SBYOR BA PO'I 'OG TU SBYOR BA 'CHAD PA'I RGYU MTSAN GANG ZHE NA, DE LTAR SBYOR BA PO'I GANG ZAG DES SBYOR BA SGOM DGOS PAS DE LTAR BSTAN PA'I PHYIR, ZHES MTSAMS SBYOR BA LA, DE LTAR SBYOR BA PO BSTAN NAS SBYOR BA ZHES GSUNGS, GNYIS PA NI, THEG CHEN GYI SBYOR BA LA NYI SHUR PHYE NAS BSHAD PA LA, GZUGS LA SOGS LA MI GNAS PHYIR, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, GZUGS LA SOGS PA LA NGO BO NYID MED PA NYID CES SOGS GSUNGS, DE DAG GI DON BSDUS NAS 'CHAD PA LA, SBYOR BA NYI SHU YIN NO ZHES GSUNGS, 'DI LA YANG SBYOR BA RANG GI NGO BO'I SGO NAS DBYE NA, SBYOR BA SKYED TSUL DANG, SKYES PA'I SBYOR BA GNYIS LAS, DANG PO LA, GZUGS LA SOGS PA LA MI GNAS PA'I SBYOR BA, GNAS PA LA SBYOR BA BSHAD PA'I SBYOR BA, ZAB PA'I SBYOR BA, GTING DPAG DKA' BA'I SBYOR BA, TSAD MED PA'I SBYOR BA DANG LNGA LAS, DANG PO DE STON PA LA, MDO LAS, KO'U SHI KA 'DI LA BYANG CHEN SHER PHYIN LA SPYOD PA'I TSE GZUGS LA MI GNAS TE, GANG GI TSE GZUGS LA

062a

, ,MI GNAS PA DE'I TSE GZUGS LA RNAL 'BYOR DU BYED DO, ,ZHES SOGS GSUNGS, DE'I DON BSHAD PA LA, GZUGS LA SOGS LA MI GNAS PHYIR, ,ZHES DANG, GZUGS LA SOGS PA LA NGO BO NYID MED PA NYID KYIS MI GNAS PA DANG, ZHES GSUNGS PA DE LTAR RTOGS PA RNAMS KYIS GRANGS BZHIN DU GZUGS LA SOGS PA'I SA LA MI GNAS PA DANG, ZHES GSUNGS, GNYIS PA STON PA LA, KO'U SHI KA BYANG CHEN GZUGS LA SBYOR BAR GYI BYED DE, GANG GI TSE GZUGS LA SBYOR BAR MI BYED PA DE'I TSE GZUGS LA RNAL 'BYOR DU BYED DO, ,ZHES SOGS GSUNGS, DE'I DON BSHAD PA LA, DE LA SBYOR BA BKAG PA'I PHYIR, ,ZHES DANG, DE DAG LA MI SBYOR BA NYID SBYOR BA YIN PA DANG, MI SBYOR BA DANG, ZHES GSUNGS, GSUM PA STON PA LA, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN ZAB BO, ,BCOM LDAN 'DAS KYIS BKA' STZAL PA, SH'A RI'I BU GZUGS KYI DE BZHIN NYID ZAB PA'I PHYIR SHER PHYIN ZAB BO, ,ZHES SOGS GSUNGS, DE'I DON BSHAD PA LA, DE YI DE BZHIN NYID ZAB PHYIR, ,ZHES DANG, GZUGS LA SOGS PA DE DAG NYID DE BZHIN NYID KYI NGO BO NYID KYIS ZAB PA DANG ZAB PA'I SBYOR BA DANG; ZHES GSUNGS, BZHI PA STON PA LA, SH'A RI'I BUS GSOL BA, BCOM LDAN 'DAS SHER PHYIN GTING DPAG DKA'O, ,BCOM LDAN 'DAS KYIS BKA' STZAL PA, SH'A RI'I BU GZUGS GTING DPAG DKA' BA'I PHYIR, SHER PHYIN GTING

062b

DPAG DKA'O, ,ZHES SOGS GSUNGS, DE'I DON BSHAD PA LA, DE RNAMS GTING DPAG DKA' BA'I PHYIR, ,ZHES DANG, GTING DPAG DKA' BA DANG, GTING DPAG DKA' BA'I SBYOR BA DANG, ZHES GSUNGS, LNGA PA STON PA LA, SH'A RI'I BUS GSOL BA, BCOM LDAN 'DAS SHER PHYIN TSAD MA MCHIS PA'O, ,BCOM LDAN 'DAS KYIS BKA' STZAL PA, SH'A RI'I BU GZUGS TSAD MED PA'I PHYIR SHER PHYIN TSAD MED DO, ,ZHES SOGS GSUNGS, DE'I DON BSHAD PA LA, DE DAG TSAD NI MED PHYIR DANG, ,ZHES DANG, TSAD MED PA ZHES BYA BA, TSAD MED PA'I SBYOR BA STE LNGA DANG, ZHES GSUNGS, GNYIS PA SKYES PA'I SBYOR BA LA, TSEGS CHEN YUN RING RTOGS DKA'I SBYOR BA, LUNG BSTAN THOB PA'I SBYOR BA, PHYIR MI LDOG PA'I SBYOR BA, NGES PAR 'BYUNG BA'I SBYOR BA, BAR CHAD MED PA'I SBYOR BA, BYANG CHUB LA NYE BA'I SBYOR BA, MYUR BA'I SBYOR BA, GZHAN DON GYI SBYOR BA, 'PHEL 'GRIB MED PA'I SBYOR BA, CHOS DANG CHOS MIN SOGS MI MTHONG BA'I SBYOR BA, GZUGS SOGS BSAM GYIS MI KHYAB PA MI MTHONG BA'I SBYOR BA, RNAM PAR MI RTOG PA'I SBYOR BA, 'BRAS BU RIN CHEN 'BYIN BYED KYI SBYOR BA, RNAM PAR DAG PA'I SBYOR BA, SA MTSAMS KYI SBYOR BA DANG BCO LNGA LAS, DANG PO STON PA LA, SH'A RI'I BUS GSOL BA, BCOM LDAN 'DAS SHER PHYIN 'DI LTAR ZAB PA 'DI LTAR GTING DPAG DKA' BA TSAD MA MCHIS PA'O, ,DE LTAR NA, BCOM LDAN 'DAS SHER PHYIN 'DI NI BYANG CHEN THEG PA LA GSAR DU ZHUGS PA'I MDUN DU BRJOD PAR MI BYA STE, DE DAG SHER PHYIN ZAB MO

063a

, ,'DI THOS NAS DNGANG BAR 'GYUR, KUN TU SKRAG PAR 'GYUR, KUN TU SKRAG PAS ZIN PAR 'GYUR DU MCHIS PAS SO, ,ZHES SOGS GSUNGS, DE'I DON BSHAD PA LA, TSOGS CHEN YUN RING RTOGS DKA'I PHYIR, ,ZHES DANG, SHES RAB KYI PHA ROL TU PHYIN PA LA SKRAG PA DANG, ZHES BYA BA'I SGRUB PA DANG LDAN PA RNAMS KYI GO RIMS BZHIN DU TSOGS CHEN POS YUN RING PO ZHIG NAS MNGON PAR RDZOGS PAR 'TSANG RGYA BA DANG, ZHES GSUNGS, GNYIS PA STON PA LA, BRGYA BYIN GYIS SMRAS PA, BTZUN PA SH'A RI'I BU BYANG CHEN LUNG MA BSTAN PA SHER PHYIN ZAB MO 'DI THOS NAS DNGANGS PAR MI 'GYUR, KUN TU SKRAG PAR MI 'GYUR, KUN TU SKRAG PAS ZIN PAR MI 'GYUR BA NI YOD DO, , ZHES SOGS NAS, BYANG CHEN SHER PHYIN ZAB MO 'DI THOS NAS DNGANGS PAR MI 'GYUR, KUN TU SKRAG PAR MI 'GYUR, KUN TU SKRAG PAS ZIN PAR MI 'GYUR BA DE DAG NI RING POR MA THOGS PAR BLA MED RDZOGS BYANG DU LUNG BSTAN PA 'THOB PAR 'GYUR TE, DE NI DE BZHIN GSHEGS PA GCIG GAM GNYIS SAM GSUM LAS MI 'DA' BAR DE NAS BLA MED RDZOGS BYANG DU LUNG BSTAN PA 'THONG PAR 'GYUR RO, ,ZHES SOGS GSUNGS, DE'I DON BSHAD PA LA, LUNG BSTAN, ZHES DANG, MI SKRAG PA ZHES BYA BA LA SOGS PA'I SGRUB PA DANG LDAN PA NI, LUNG BSTAN PA 'THOB PA DANG, ZHES GSUNGS, GSUM PA STON PA LA, BCOM LDAN 'DAS RIGS KYI BU'AM RIGS KYI BU MO SHER PHYIN ZAB MO NYAN PA THOS PAR 'GYUR

063b

TE; THOS NAS KYANG BSGRUB PAR 'GYUR BA DE DAG NI DGE BA'I RTZA BA YONGS SU SMIN PAR 'GYUR RO, ,ZHES PA NAS, TSUL BZHIN YID LA BGYID PA DE DAG NI BLA MED RDZOGS KYANG DU LUNG BSTAN PAR 'GYUR BA'AM, PHYIR MI LDOG PAR 'GYUR BA LAGS SO; ;ZHES GSUNGS, DE'I DON BSHAD PA LA, PHYIR MI LDOG PA NYID DANG, ZHES DANG, YANG DAG PAR 'DZIN PA ZHES BYA BA'I SGRUB PA DANG LDAN PA NI PHYIR MI LDOG PA NYID DANG, ZHES GSUNGS, BZHI PA STON PA LA, BCOM LDAN 'DAS 'DI LTA STE, DPER NA, SKYES BU LA LA 'BROG DGON PA DPAG TSAD BRGYA BA ZHIG NAS BYUNG BA'AM 'BROG DGON PA DPAG TSAD NYIS BRGYA DANG, DPAG TSAD SUM BRGYA DANG, DPAG TSAD BZHI BRGYA DANG, DPAG TSAD LNGA BRGYA NAS 'BYUNG BA ZHIG MCHIS LA, SNGAR MCHIS PA'I GRONG DANG, GRONG KHYER DANG, GRONG RDAL DANG, KHAMS DANG, RGYAL PO'I PHO BRANG 'KHOR GYI SNGA LTAS, BA LANG GI RDZI'AM, BZA' SHING GI RA BA'AM, NAGS TSAL LAM, SKYED MOS TSAL MTHONG NGAM, ZHES SOGS GSUNGS, DE'I DON BSHAD PA LA, NGES 'BYUNG, ZHES DANG, BAR CHAD KYI CHOS SPONG BA ZHES BYA BA'I SGRUB PA DANG LDAN PA NI NGES PAR 'BYUNG BA DANG, ZHES GSUNGS, LNGA PA STON PA LA, SH'A RI'I BUS GSOL BA, BCOM LDAN 'DAS 'DI LTA STE, DPER NA, SKYES BU LA LA ZHIG RGYA MTSO CHEN PO KHUMS 'TSAL BAR 'GYUR LA, DE RGYA MTSO CHEN PO KHUMS BA'I SLAD DU JI LTA JI LTAR RGYA MTSO CHEN PO MCHIS PA DE LTA DE LTAR SDONG PO'AM SDONG PO MTSAN MA'AM RI'AM RI'I MTSAN MA MTHONG NA DES 'DI NAS RGYA MTSO

064a

, ,CHEN PO RING STE, ZHES SOGS GSUNGS, DE'I DON BSHAD PA LA, BAR CHAD MED BCAS DANG, ,ZHES DANG, RTAG TU CHOS SGOM PA ZHES BYA BA'I SGRUB PA DANG LDAN PA NI, BAR CHAD MED PA DANG, ZHES GSUNGS, DRUG PA STON PA LA, BCOM LDAN 'DAS 'DI LTA STE, DPER NA DPYID KYI DUS LA BAB STE RTZI SHING LO MA DANG 'DAB MA RNAMS LHAGS NAS KHA DOG 'GYUR BA'I TSE 'DZAM BU GLING PA'I MI RNAMS KYIS RING POR MI THOGS PAR LO MA DANG ME TOG DANG 'BRAS BU 'BYUNG BAR 'GYUR RO, ,ZHES SOGS GSUNGS, DE'I DON BSHAD PA LA, BYANG CHUB NYE DANG, ZHES DANG, ZAG PA MED PA'I CHOS GSAR GYI RTEN NYID DANG ZHES GSUNGS, YANG DAG PAR MNGON PAR RDZOGS PA'I BYANG CHUB LA NYE BA'I SBYOR BA DANG, ZHES GSUNGS, BDUN PA STON PA LA, BCOM LDAN 'DAS 'DI LTA STE, DPER NA BUD MED SBRUM MA JI LTA JI LTAR BTZAR NYE BAR GYUR PA DE LTA DE LTAR LUS 'GYUR CING LUS LA SDUG BSNGAL DRAG PO DANG NYAM CHUNG BAR 'GYUR TE, ZHES SOGS GSUNGS, DE'I DON BSHAD PA LA, MYUR BA DANG, ,ZHES DANG, 'BRAS BU CHOS KYI SKU MNGON PAR 'GRUB PA ZHES BYA BA'I MYUR DU MNGON PAR RDZOGS PAR BYANG CHUB PA'I SBYOR BA DANG, ZHES GSUNGS, BRGYAD PA STON PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BYANG CHEN DE DAG DE LTAR YONGS SU BZUNG BA NI NGO MTSAR CHE'O, ,BCOM

064b

LDAN 'DAS KYIS BKA' STZAL BA, RAB 'BYOR DE NI 'DI LTAR BYANG CHEN SKYE BO MANG PO LA PHAN PA DANG, ZHES SOGS GSUNGS, DE'I DON BSHAD PA LA, GZHAN DON ZHES DANG, CHOS KYI 'KHOR LO RAB TU SKOR BA'I SGRUB PA DANG LDAN PA'I GZHAN DON GYI SBYOR BA DANG, ZHES GSUNGS, DGU BA STON PA LA, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,DE LTAR BYANG CHEN YON TAN MANG PO DANG LDAN PA DE DAG SEMS CAN THAMS CAD KYI SLAD DU SHER PHYIN LA SPYOD CING BLA MED RDZOGS BYANG DU MNGON PAR 'TSANG RGYA BA NI NGO MTSAR CHE'O, ,BDE BAR GSHEGS PA NGO MTSAR CHE'O, ,BCOM LDAN 'DAS JI LTAR BYANG CHEN RNAMS KYIS SHER PHYIN SGOM PA YONGS SU RDZOGS PAR 'GYUR BA LAGS, BCOM LDAN 'DAS KYIS BKA' STZAL PA, RAB 'BYOR BYANG CHEN NAM MKHA' GZUGS KYI 'PHEL BA YANG DAG PAR RJES SU MI MTHONG BA DE'I TSE, ZHES SOGS GSUNGS, DE'I DON BSHAD PA LA, 'PHEL MED 'GRIB MED PHYIR; ;ZHES DANG, 'PHEL BA DANG 'GRIB PA MI MTHONG BA'I SGRUB PA DANG LNGAR BA NI 'PHEL BA DANG 'GRIB PA MED PA'I SBYOR BA DANG, ZHES GSUNGS, BCU PA STON PA LA, RAB 'BYOR GZHAN YANG BYANG CHEN CHOS ZHES BYA BAR YANG DAG PAR RJES SU MI MTHONG NGO, ,CHOS MIN PA ZHES BYA BAR YANG DAG PAR RJES SU MI MTHONG NGO, ,ZHES SOGS GSUNGS, DE'I DON BSHAD PA LA, CHOS DANG CHOS MIN SOGS MI MTHONG, ,ZHES DANG, 'DOD PA'I KHAMS SU MI DMIGS PA'I SBYOR BA DANG

065a

, ,LDAN PA NI, CHOS DANG CHOS MA YIN PA LA SOGS PAR MI DMIGS PA'I SBYOR BA DANG, ZHES GSUNGS, BCU GCIG PA STON PA LA, RAB 'BYOR GYIS GSOL BA, BCOM LDAN 'DAS BSAM GYIS MI KHYAB PA BSTAN TO, ,BCOM LDAN 'DAS KYIS BKA' STZAL PA, RAB 'BYOR GZUGS BSAM GYIS MI KHYAB PA'I PHYIR BSAM GYIS MI KHYAB PA BSTAN TO, ,ZHES SOGS GSUNGS, DE'I DON BSHAD PA LA, GZUGS SOGS BSAM MI KHYAB MI MTHONG, ,ZHES DANG, GZUGS LA SOGS PA BSAM GYIS MI KHYAB PA'I RNAM PAR RLOM PA MED PA'I SGRUB PA DANG LDAN PA NI, GZUGS LA SOGS PA BSAM GYIS MI KHYAB PA'I RNAM PA 'GOG PA'I SBYOR BA DANG, ZHES GSUNGS, BCU GNYIS PA STON PA LA, RAB 'BYOR GYIS GSOL BA, BCOM LDAN 'DAS SHER PHYIN ZAB MO 'DI LA MOS PAR 'GYUR BA SU LAGS, BCOM LDAN 'DAS KYIS BKA' STZAL PA, RAB 'BYOR BYANG CHEN GANG SNGON PHYIN DRUG LA SPYAD PAR GYUR PA, DE BZHIN GSHEGS PA LA DGE BA'I RTZA BA BSKYED PAR GYUR PA, SANGS RGYAS MANG PO LA BSNYEN BKUR BYAS PA, DGE BA'I BSHES GNYEN GYIS YONGS SU BZUNG BAR GYUR PA DE DAG NI SHER PHYIN ZAB MO 'DI LA MOS PAR 'GYUR RO, ,ZHES PA NAS, RNAM MKHYEN GYI BAR DU ZAB PA'I PHYIR SHER PHYIN ZAB BO, ,ZHES GSUNGS, DE'I DON BSHAD PA LA, GZUGS SOGS DE YI MTSAN MA DANG, ,DE YI NGO BO RNAM MI RTOG ,CES DANG, GZUGS DANG DE'I MTSAN MA

065b

DANG DE'I NGO BO NYID DU RNAM PAR MI RTOG PA'I SGRUB PA DANG LDAN PA NI, GZUGS LA SOGS PA'I DNGOS POR RNAM PAR MI RTOG PA'I SBYOR BA DANG, ZHES GSUNGS, BCU GSUM PA STON PA LA, RAB 'BYOR GYIS GSOL BA, BCOM LDAN 'DAS SHER PHYIN 'DI NI RIN PO CHE'I PHUNG PO STE, RGYUN DU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID DANG, RANG BYANG CHUB NYID DANG, BLA NA MED PA YANG DAG PAR RDZOGS PA'I BYANG CHUB RIN PO CHE SBYIN PAR BYED PA'O, ,ZHES SOGS GSUNGS, DE'I DON BSHAD PA LA, 'BRAS BU RIN CHEN SBYIN BYED DANG, ,ZHES DANG, 'BRAS BU DANG PO MTHONG BA'I SGRUB PA DANG LDAN PA NI, 'BRAS BU RIN PO CHE SBYIN PA'I SBYOR BA DANG, ZHES GSUNGS, BCU BZHI PA STON PA LA, RAB 'BYOR GYIS GSOL BA, BCOM LDAN 'DAS SHER PHYIN 'DI NI CHOS THAMS CAD RNAM PAR DAG PA'I PHUNG PO CHEN PO LAGS SO, ,BCOM LDAN 'DAS KYIS BKA' STZAL PA, GZUGS RNAM PAR DAG PA'I PHYIR, ZHES SOGS GSUNGS, DE'I DON BSHAD PA LA, DE NI DAG PA, ZHES DANG, GZUGS RNAM PAR DAG PA'I SGRUB PA DANG LDAN PA NI RNAM PAR DAG PA'I SBYOR BA DANG, ZHES GSUNGS, BCO LNGA PA STON PA LA, RAB 'BYOR GYIS GSOL BA, BCOM LDAN 'DAS SHER PHYIN JI TZAM DU ZAB BA 'DI BSTAN PA'I TSE BAR CHAD MANG DU 'BYUNG BA NI NGO MTSAR CHE'O, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, RAB 'BYOR SHER PHYIN ZAB MO 'DI NI BAR CHAD MANG NGO, ,ZHES PA NAS, TSUL

066a

, ,BZHIN DU YID LA BYED PA DANG SGOM PA RNAMS LA BAR CHAD BYA BAR MI NUS SO, ,ZHES GSUNGS, DE'I DON BSHAD PA LA, MTSAMS DANG BCAS, ,ZHES DANG, LO SKOR DU MNGON PAR BRTZON PAR MI 'DOR BA ZHES BYA BA'I SGRUB PA DANG LDAN PA NI, SA MTSAMS SBYOR BA DANG RNAM PA BCO LNGA STE, ZHES GSUNGS, GZHUNG DON DRIL NA, SKABS 'DIR BSTAN GYI BYANG SEMS KYI SBYOR BA DE LA NYI SHUR YOD DE, DE LA SBYOR BA RANG GI NGO BO'I SKO NAS DBYE NA, SBYOR BA SKYED TSUL GYI SGO NAS LNGA, SKYES PA'I SBYOR BA'I SGO NAS BCO LNGAR YOD PA'I PHYIR, SPYI'I DON LA, MTSA NYID, DBYE BA, GO RIMS, SA MTSAMS SO, ,DANG PO NI, STONG NYID LA DMIGS PA'I ZHI LHAG ZUNG 'BREL GYIS ZIN PA'I SKABS 'DIR DNGOS SU BSTAN PA'I SEMS DPA'I RNAL 'BYOR, GZHUNG 'DI'I DNGOS BSTAN BSTAN BYA'I GTZO BOR GYUR PA'I SBYOR BA'I MTSAN NYID, GNYIS PA LA, DE LA DBYE NA BCU DGU YOD, SKABS 'DIR DNGOS SU BSTAN PA'I DE LA NYI SHUR YOD DE, SBYOR BA RANG GI NGO BO'I SGO NAS PHYE BA LNGA, RTEN GYI GANG ZAG GI SGO NAS PHYE BA BRGYAD, SBYOR BA RDZOGS PA'I THABS KYI SGO NAS PHYE BA BZHI, 'BRAS BU DANG DUS KYI SGO NAS PHYE BA GSUM DU YOD PA'I PHYIR, DANG PO GRUB STE, GZUGS NAS SANGS RGYAS KYI CHOS MA 'DRES PA'I BAR LA MNGON PAR ZHEN NAS MI GNAS PA'I SBYOR BA, GZUGS SOGS DE LA MNGON PAR ZHEN NAS SBYOR BA BKAG PA'I SBYOR BA, GZUGS SOGS DE'I DE BZHIN NYID ZAB PAR RTOGS PA'I SBYOR BA, GZUGS SOGS

066b

DE RNAMS KYI RANG BZHIN GTING DPAG DKA' BAR RTOGS PA'I SBYOR BA, GZUGS SOGS DE DAG GI RANG BZHIN TSAD MED PAR RTOGS PA'I SBYOR BA RNAMS SU YOD PA'I PHYIR, GNYIS PA GRUB STE, 'CHAD PA'I TSEGS CHEN POS DUS YUN RING MO ZHIG NAS BYANG CHUB RTOGS SHING 'THOB PA'I SBYOR BA, CHOS NYID LA MI DNGANGS PA SOGS DANG LDAN ZHING RMI LAM NA YANG PHYIN DRUG NYAMS SU LEN PA NI DE BZHIN GSHEGS PA GSUM LAS MI 'DA' BAR LUNG BSTAN THOB PA'I SBYOR BA, YUM GYI RTOGS PA RANG LA BYUNG BA DE 'DZIN PA SOGS KYIS PHYIR MI LDOG PAR BYED PA'I SBYOR BA, RNAM MKHYEN GYI BAR CHAD KYI CHOS LAS NGES PAR 'BYUNG BA'I SBYOR BA, YUM 'DZIN PA SOGS KYI LUNG BSTAN PA DANG NYE BA BAR CHAD MED PA DANG BCAS PA'I SBYOR BA, RDZOGS PA'I BYANG CHUB DANG NYE BA'I SBYOR BA, RDZOGS BYANG DU MYUR DU BYANG CHUB PA'I SBYOR BA, SKYE BO LA PHAN BDE'I PHYIR DU CHOS 'KHOR SKOR ZHING BSKUL PA'I GZHAN DON GYI SBYOR BA RNAMS SU YOD PA'I PHYIR, GSUM PA GRUB STE, CHOS RNAMS KYI YIN TSUL 'PHEL 'GRIB MED PAR MTHONG BA'I SBYOR BA, CHOS DKAR PO'I LAS DANG CHOS MIN NAG PO'I LAS LA SOGS PA DON DAM PAR MI MTHONG BA'I SBYOR BA, GZUGS LA SOGS PA LA BSAM GYIS MI KHYAB PAR MI RLOM PA'I SBYOR BA, GZUGS SOGS DANG DE'I MTSAN MA DANG DE'I NGO BOR MI ZHEN PA'I RNAM PAR MI RTOG PA'I SBYOR BA RNAMS SU YOD PA'I PHYIR, BZHI PA GRUB STE, 'BRAS BU RIN PO CHE DRUG GZHAN LA SBYIN PA'I SBYOR BA, GNAS NGAN LEN PHRA MO DAG PAR BYED PA'I SBYOR BA, SA MTSAMS KYI

067a

, ,SBYOR BA RNAMS SU YOD PA'I PHYIR, GSUM PA NI, SBYOR BA 'DI DAG GI GO RIMS YANG 'DI LTAR STON PA'I RGYU MTSAN YOD DE, GZUGS SOGS KYI CHOS THAMS CAD LA MNGON ZHEN MED PAS GNAS PA MI SBYOR BA'I SBYOR BA LA BRTZON PAS NI, GZUGS SOGS KYI GNAS LNGA ZAB PA DANG GTING DPAG DKA' BA DANG TSAD MED PA RTOGS PAR 'GYUR LA, DE NAS YANG DAG PA MA YIN PA'I SBYOR BA BYED PA GZUGS SOGS LA MNGON PAR ZHEN PA NYID KYI LAS DANG PO PAS NI TSEGS CHEN POS BYANG CHUB 'THOB LA, DE LAS GZHAN PAS NI LUNG BSTAN PA DANG PHYIR MI LDOG PA'I SA BDE BLAG TU THOB NAS NGES PAR 'BYUNG BA DANG MI 'BRAL BAR RDZOGS BYANG LA NYE BA DANG MYUR DU RDZOGS BYANG 'THOB PAR 'GYUR LA; DE NAS GZHAN GYI DON BYED CING 'PHEL BA MED PA DANG 'GRIB PA MED PA'I SBYOR BA 'THOB LA, DE NAS CHOS DANG CHOS MIN SOGS SPYI DANG, GZUGS SOGS BSAM GYIS MI KHYAB PA SOGS KHYAD PAR LA 'DU SHES THAMS CAD SPANGS PA'I RNAM PAR MI RTOG PA NI 'BRAS BU RIN PO CHE SBYIN PAS MCHOG TU RNAM PAR DAG PA'I MTHAR THUG PAR GYUR PA NI SNGA MA KHO NAR LO SKOR GYI SBYOR BAS SEMS RGYUD SBYOR BAR BYED PA'I PHYIR, DES NA SBYOR BA'I GO RIMS MNGON RTOGS KYIS PHYE BA YIN LA, DE YANG SKYE RIMS DANG PO LA DRUG PA'I GONG DU SKYES PA MIN TE, SBYOR BA DRUG PA LAS DANG PO PA'I SBYOR BA YIN PA'I PHYIR, DES NA SBYOR BA DANG PO LNGAS SPYIR SBYOR BA SKYED TSUL BSTAN TE, SBYOR BA SKYED PA NA YUL YUL CAN DU MA ZHEN PA

067b

DGOS PAS DANG PO GNYIS DANG, YUL RTOGS TSUL GSUM 'BYUNG BAR PHYI MA GSUM GYIS BSTAN PA'I PHYIR, DE DAG NI RGYAN SNANG GI BZHED PA GSER PHRENG LAS 'BYUNG BA LTAR RO, ,BZHI PA NI, SKABS 'DIR DNGOS SU BSTAN PA'I SBYOR BA'I SA MTSAMS THEG CHEN GYI TSOGS LAM NAS RGYUN MTHA'I BAR DU YOD, SKABS 'DIR GTZO BOR DNGOS SU BSTAN PA'I SBYOR BA'I SA MTSAMS, THEG CHEN GYI SBYOR LAM DROD NAS RGYUN MTHA'I BAR DU 'JOG ,KHA CIG ,YUL YUL CAN GZHI LAM RNAM GSUM BDEN STONG SPROS BRAL DU SGOM PA'I ZHI LHAG ZUNG 'BREL GYI SEMS DPA'I RNAL 'BYOR, SKABS 'DIR DNGOS SU BSTAN PA'I SBYOR BA'I MTSAN NYID, KHA CIG ,DE SKABS 'DIR GTZO BOR DNGOS SU BSTAN PA'I SBYOR BA'I MTSAN NYID ZER BA MI 'THAD DE, DANG PO LA SKABS 'DIR DNGOS SU BSTAN PA'I TSEGS CHEN YUN RING RTOGS DKA'I SBYOR BAS MA NGES, GNYIS PA LA NYAN THOS DGRA BCOM PA'I RTOGS PA SNGON DU SONG BA'I THEG CHEN GYI MTHONG LAM SDUG BSNGAL CHOS BZOD KYIS MA NGES PA'I PHYIR, DANG PO GRUB STE, DE STONG NYID LA SKRAG PA'I SEMS DPA'I RNAL 'BYOR YIN PA'I PHYIR TE, SHES RAB KYI PHA ROL TU PHYIN PA LA SKRAG PA DANG, ZHES GSUNGS PA'I PHYIR, BUDDHA SHRIS, SBYOR BA DANG PO LNGA RANG BZHIN DANG, THA MA BCO LNGA GNAS SKABS KYI SBYOR BA YIN GSUNG PA MI 'THAD DE, DE LTAR NA SBYOR BA THA MA YIN NA DANG PO YIN DGOS PA'I PHYIR, GZHON NU DPAL GYIS, DANG PO LNGA TSOGS LAM DANG LHAG MA RNAMS SBYOR LAM NAS SA BCU PA'I BAR DU 'JOG PAR BSHAD PA DANG, CHOS KYI

068a

, ,BSHES GNYEN GYIS, NYI SHU PO THAMS CAD SBYOR LAM GYIS BSDUS PAR BSHAD PA GNYIS MI 'THAD DE, SBYOR LAM DU CHOS NYID LA BSGOMS BYUNG GI MYONG BA THON PAS CHOS NYID LA SKRAG PA SKYE BA MI SRID NA, TSEGS CHEN YUN RING RTOGS DKA'I SBYOR BA DE LA 'JOG PA 'GAL BA'I PHYIR, SHER 'BYUNG GIS DANG PO LNGA SBYOR LAM DANG, DE NAS GCIG MTHONG LAM, LHAG MA RNAMS SGOM LAM GYIS BSDUS PAR BSHAD PA DE BAS KYANG MI 'THAD DE, THEG CHEN GYI MTHONG LAM SDUG BSNGAL CHOS BZOD TSEGS CHEN YUN RING RTOGS DKA'I SBYOR BA DANG, RGYUN MTHA' NAS SA MTSAMS KYI SBYOR BA 'JOG PA GNYIS 'GAL BA'I PHYIR, ` BZHI PA SBYOR BA'I SNGON 'GRO'I CHOS LA, THOB BYA YON TAN, DOR BYA SKYON, SHES BYA MTSAN NYID, RGYUD LA BRTEN BYA THAR PA CHA MTHUN BSHAD PA DANG BZHI LAS, DANG PO LA, MDO BSTAN BCOS GNYIS LAS, DANG PO NI, SBYOR BA THA MA'I SKABS SU SHER PHYIN SGOM PA LA BDUD KYIS BAR CHAD BYA MI NUS PAR GSUNGS PA LAS 'PHROS NAS, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS SU'I MTHUS BYANG CHEN SHER PHYIN ZAB MO 'DI 'BRI BA DANG, BSTAN PA DANG, 'CHANG BA DANG, KLOG PA DANG, KHA TON DU BGYID PA DANG, SGOM PA DAG LA BDUD SDIG CAN GYIS BAR CHAD BGYI BAR MI NUS PA LAGS, BCOM LDAN 'DAS KYIS BKA' STZAL PA, SH'A RI'I BU SANGS RGYAS KYI MTHUS BYANG CHEN SHER PHYIN ZAB MO 'DI 'BRI BA DANG, ZHES SOGS

068b

GSUNGS, GNYIS PA LA GSUM LAS, DANG PO NI, 'O NA LUS RNAM GZHAG TU, RNAM PA SBYOR BAR BCAS RNAMS DANG, ,YON TAN, ZHES BSHAD NA, SBYOR BA'I 'OG TU SBYOR BA'I YON TAN 'CHAD PA'I RGYU MTSAN GANG ZHE NA RGYU MTSAN YOD DE, SBYOR BA'I YON TAN MTHONG BA STE SHES PA SNGON DU BTANG NA, DE'I RGYU SBYOR BA RNAMS LA SHIN TU GOMS PAR BYED PA'I PHYIR, ZHES MTSAMS SBYOR BA LA, YON TAN MTHONG BA SNGON DU BTANG NA SBYOR BA RNAMS LA SHIN TU GOMS PAR BYED PAS SBYOR BA'I 'OG TU DE DAG GI YON TAN ZHES GSUNGS, GNYIS PA NI, MDO DE'I DON BSHAD PA'I SGO NAS SBYOR BA'I YON TAN DE STON PA LA, BDUD KYI MTHU BCOM LA SOGS PA, ,YON TAN RNAM PA BCU BZHI'O, ,ZHES GSUNGS, GSUM PA NI, DE NYID TSIG DON GYI SGO NAS BSHAD PA LA, BDUD KYI MTHU BCOM PA DANG, ZHES SOGS GSUNGS, 'DI LA YANG SBYOR BA'I DBYE BA DANG, RGYU MTSAN GNYIS LAS, DANG PO NI, BDUD KYI MTHU BCOM PA DANG, ZHES PA NAS, NGES PAR 'THOB PA ZHES BYA BA'I YON TAN RNAMS TE, ZHES PA'I BAR GYIS 'CHAD, GNYIS PA NI, GRANGS BZHIN DU SANGS RGYAS RNAMS KYIS BYIN GYIS BRLABS PA DANG, ZHES PA NAS, SHES RAB KYI PHA ROL TU PHYIN PA TSANG BAR RNYED PA ZHES BYA BA DE DAG PHYIN CI MA LOG PA'I SBYOR BA LA MNGON PAR DGA' BA LAS 'BYUNG ZHING 'THOB PA YON TAN BCU BZHI YIN NO, ,ZHES GSUNGS, DE YANG YON TAN BCU BZHI YOD PA'I DANG PO SANGS RGYAS KYI MTHUS SHER PHYIN SGOM PA LA TSE 'DIR BDUD KYI MTHU BCOM PA'I YON TAN STON PA LA, SANGS RGYAS KYI MTHUS BYANG CHEN SHER PHYIN ZAB MO 'DI 'BRI BA DANG, STON

069a

, ,PA DANG, 'CHANG BA DANG, KLOG PA DANG, KHA TON BYED PA DANG, TSUL BZHIN DU YID LA BYED PA DANG, SGOM PA RNAMS LA SANGS RGYAS BCOM LDAN 'DAS DE RNAMS KYI MTHUS BDUD SDIG TO CAN GYIS BAR CHAD BYA BAR MI NUS PA YIN NO; ;DE CI'I PHYIR ZHE NA, SH'A RI'I BU PHYOGS BCU'I 'JIG RTEN GYI KHAMS TSAD MED GRANGS MED PA DAG NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TSAD MED PA GRANGS MED PA JI SNYED CIG BZHUGS SHING 'TSO SKYONG BA'I SANGS RGYAS DE SNYED KYANG, BYANG CHEN SHER PHYIN ZAB MO 'DI 'BRI BA DANG, STON PA DANG, 'CHANG BA DANG, KLOG PA DANG, KHA TON BYED PA DANG, TSUL BZHIN DU YID LA BYED PA DANG, SGOM PA RNAMS LA DGONGS PA MDZAD PA NI CHOS NYID YIN NO ZHES GSUNGS, DE'I DON BSHAD PA LA, BDUD KYI MTHU BCOM PA ZHES BYA BA'I YON TAN TE, GRANGS BZHIN DU SANGS RGYAS RNAMS KYIS BYIN GYIS BRLABS PA ZHES BYA BA DE DAG PHYIN CI MA LOG PA'I SBYOR BA LA MNGON PAR DGA' BA LAS 'BYUNG ZHING 'THOB PAS, ZHES GSUNGS, GNYIS PA, DE LA SANGS RGYAS KYIS DGONGS SHING MKHYEN PA'I YON TAN STON PA LA, SH'A RI'I BU RIGS KYI BU'AM RIGS KYI BU MO SHER PHYIN ZAB MO 'DI 'BRI BA DANG, 'CHANG BA DANG, KLOG PA DANG, KHA TON TU BYED PA DANG, TSUL BZHIN DU YID LA BYED PA DES BDAG NI SANGS RGYAS KYI MTHUS SHER PHYIN ZAB MO 'DI 'BRI'O, ,'CHANG NGO, ,KLOG GO ,KHA TON TU BYED DO, ,TSUL BZHIN DU YID LA BYED DO, ,SGOM MO ZHES BYA BAR KHONG DU CHUD PAR BYA'O, ,ZHES SOGS GSUNGS,

069b

DE'I DON BSHAD PA LA, SANGS RGYAS KYIS DGONGS SHING MKHYEN PA NYID KYI YON TAN TE, DGONGS PA ZHES BYA BA, ZHES SOGS GSUNGS, 'DIS 'OG MA RNAMS LA RIGS 'GRE'O, ,GSUM PA DE LA, SANGS RGYAS KYIS MNGON SUM DU MDZAD PA'I YON TAN DE STON PA LA, SH'A RI'I BUS GSOL BA, BCOM LDAN 'DAS BYANG CHEN GANG SHER PHYIN ZAB MO 'DI 'BRI BAR 'GYUR, ZHES PA NAS, RIGS KYI BU'AM RIGS KYI BU MO DE DAG NI SHA'I SPYAN GYIS GZIGS SO, ,ZHES GSUNGS, DE'I DON BSHAD PA LA; SANGS RGYAS KYIS MNGON SUM DU MDZAD PA DANG, ZHES DANG, YE SHES KYIS GZIGS PA DANG, ZHES GSUNGS, BZHI PA YANG DAG PAR RDZOGS PA'I BYANG CHUB DANG NYE BA'I YON TAN STON PA LA, THEG CHEN GYI RIGS KYI BU'AM RIGS KYI BU MO DE DAG GIS KYANG BLA MED RDZOGS BYANG DU NYE BAR 'GYUR RO, ,ZHES BYA BAR RIG PAR BYA'O, ,ZHES GSUNGS, DE'I DON BSHAD PA LA, YANG DAG PAR RDZOGS PA'I BYANG CHUB DANG NYE BAR GYUR BA DANG, ZHES DANG, NYE BAR 'GYUR PA DANG, ZHES GSUNGS, LNGA PA DON CHEN PO NYID LA SOGS PA'I YON TAN STON PA LA, SH'A RI'I BU GANG YANG RIGS KYI BU'AM RIGS KYI BU MO SHER PHYIN ZAB MO 'DI BRIS SHING GLEGS BAM DU CHUD PAR BYA STE 'CHAD PAR 'GYUR BA'I BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG LA YANG SH'A RI'I BU SHER PHYIN ZAB MO 'DI LA MOS PA MANG BAR 'GYUR RO, ,ZHES SOGS GSUNGS, DE'I DON BSHAD PA LA, DON CHEN PO NYID LA SOGS PA DANG, ZHES DANG, PHAN YON CHEN PO DANG, ZHES GSUNGS,

070a

, ,DRUG PA YUL LA DPYAD PA'I YON TAN STON PA LA, SH'A RI'I BU SHER PHYIN 'DI DE BZHIN GSHEGS PA MYA NGAN LAS 'DAS NAS LHO PHYOGS KYI RGYUD DU DAR BAR 'GYUR TE, ZHES SOGS GSUNGS, DE'I DON BSHAD PA LA, YUL DPYAD PA DANG, ZHES DANG, BYA BA BYED PA DANG, ZHES GSUNGS, BDUN PA ZAG PA MED PA'I CHOS THAMS CAD YONGS SU RDZOGS PAR BYED PA'I YON TAN STON PA LA, SH'A RI'I BU BYANG CHEN RIGS KYI BU'AM RIGS KYI BU MO GANG YIN PA DE DAG KYANG SHER PHYIN ZAB MO 'DI BSTAN PA'I TSE DNGANGS PAR MI 'GYUR SKRAG PAR MI 'GYUR, KUN TU SKRAG PAS ZIN PAR MI 'GYUR TE, ZHES SOGS GSUNGS, DE'I DON BSHAD PA LA, ZAG PA MED PA'I YON TAN THAMS CAD RDZOGS PA DANG, ZHES DANG, GNYEN PO'I CHOS YONGS SU RDZOGS PA DANG, ZHES GSUNGS, BRGYAD PA SMRA BA'I SKYES BU'I YON TAN STON PA LA, DE CI'I PHYIR ZHE NA, DE NI 'DI LTAR RIGS KYI BU'AM RIGS KYI BU MO DE DAG LA NGAS RNAM MKHYEN DANG LDAN PA'I GTAM BRJOD PA'I PHYIR RO, ,ZHES SOGS GSUNGS, DE'I DON BSHAD PA LA, SMRA BA'I SKYES BU NYID DANG, ZHES DANG, RNAM PA THAMS CAD MKHYEN PA NYID KYI GTAM BRJOD PA DANG, ZHES GSUNGS, DGU PA MI PHYED PA'I YON TAN STON PA LA, SH'A RI'I BU RIGS KYI BU'AM RIGS KYI BU MO DE DAG NI MNYAM PAR BZHAG PAR 'GYUR TE, DE DAG NI BDUD DAM BDUD KYI RIGS KYI LHA RNAMS KYIS BLA MED RDZOGS BYANG LA PHYIR LDOG MI NUS NA SDIG TO LA MOS PA DANG SDIG TO'I SPYOD PA CAN SHER PHYIN ZAB MO 'DI SPONG BA GZHAN GYIS

070b

LTA SMOS, ZHES GSUNGS, DE'I DON BSHAD PA LA, MI PHYED PA DANG, ZHES DANG, GROGS MDZAD PA DANG, ZHES GSUNGS, BCU PA DGE BA'I RTZA BA THUN MONG MA YIN PA SKYED PA'I YON TAN STON PA LA, SH'A RI'I BU BYANG CHUB SEMS DPA'I THEG PA PA'I RIGS KYI BU'AM RIGS KYI BU MO DE DAG SHER PHYIN ZAB MO 'DI THOS NAS DGA' BA DANG, DANG BA DANG, RAB TU MGU BA RGYA CHEN PO SKYE BAR 'GYUR RO, ,DE YANG BLA MED RDZOGS BYANG LAS BRTZAMS PA'I DGE BA'I RTZA BA'I CHOS LA SKYE BO MANG PO 'GOD PAR 'GYUR RO, ,ZHES GSUNGS, DE'I DON BSHAD PA LA, DGE BA'I RTZA BA THUN MONG MA YIN PA SKYED PA DANG, ZHES DANG, DGA' BRGYA CHEN PO SKYED PA DANG, ZHES GSUNGS, BCU GCIG PA DAM BCAS PA JI LTA BA BZHIN DU SGRUB PA'I YON TAN STON PA LA, RIGS KYI BU'AM RIGS KYI BU MO DE DAG GIS NI NGA'I MDUN DU 'DI SKAD DU BCOM LDAN 'DAS BDAG GI BLA MED RDZOGS BYANG LAS BRTZAMS PA'I DGE BA'I RTZA BA LA SROG CHAGS BRGYA PHRAG MANG PO DANG SROG CHAGS STONG PHRAG MANG PO DANG, SROG CHAGS BYE BA KHRAG KHRIG BRGYA STONG PHRAG MANG PO RAB TU 'GOD PAR BGYI'O, ,ZHES SOGS GSUNGS, DE'I DON BSHAD PA LA, DAM BCAS PA'I DON JI LTA BA BZHIN DU SGRUB PA DANG, ZHES DANG, DE'I DAM BCAS PA'I TSIG LA RJES SU YI RANG BA DANG, ZHES GSUNGS, BCU GNYIS PA 'BRAS BU CHEN PO YONGS SU 'DZIN PA'I YON TAN STON PA LA, SH'A RI'I BU DES NA RIGS KYI BU'AM RIGS KYI BU MO GZUGS DANG SGRA DANG DRI DANG RO DANG REG DANG CHOS LA MOS PA BRLABS PO CHER 'GYUR RO, ,ZHES SOGS GSUNGS, DE'I DON BSHAD

071a

, ,PA LA; 'BRAS BU RGYA CHEN PO YONGS SU 'DZIN PA DANG, ZHES DANG, CHOS ZAB MO MNGON PAR 'DOD PA DANG, ZHES GSUNGS, BCU GSUM PA SEMS CAN GYI DON SGRUB PA'I YON TAN DE STON PA LA, DE LTAR PHYI'AM NANG GI DNGOS PO THAMS CAD SEMS CAN DE DAG NYID LA YONGS SU GTONG BAR 'GYUR TE, DGE BA'I RTZA BA DE NYID KYI SANGS RGYAS KYI ZHING GANG DAG ,CES SOGS GSUNGS, DE'I DON BSHAD PA LA, SEMS CAN GYI DON SGRUB PA DANG, ZHES DANG, SEMS CAN GYI DON BYED PA DANG, ZHES GSUNGS, BCU BZHI PA SHER PHYIN MA RNYED PA DANG MA TSANG BA ZLOG PA TSANG BA RNYED PA'I YON TAN STON PA LA, BCOM LDAN 'DAS GANG YANG BYANG CHEN PHAR PHYIN DRUG PO 'DI DAG GI SLAD DU, BRTZON PAR BGYID PA DE DAG KYANG PHAR PHYIN DRUG PO 'DI DAG 'TSOL BAR 'GYUR BA DANG, ZHES PA NAS, PHAR PHYIN DRUG LA 'JUG PA LAS BRTZON 'GRUS NYAMS PAR MI 'GYUR RO, ,ZHES GSUNGS, DE'I DON BSHAD PA LA, NGES PAR 'THOB PA ZHES BYA BA'I YON TAN TE, SHES RAB KYI PHA ROL TU PHYIN PA TSANG BAR RNYED PA ZHES BYA BA DE DAG PHYIN CI MA LOG PA'I SBYOR BA LA MNGON PAR DGA' BA LAS 'BYUNG ZHING 'THOB PAS, ZHES GSUNGS, GZHUNG DON NI, THEG CHEN GYI SBYOR BA'I YON TAN CHOS CAN, KHYOD LA DU MA YOD DE, KHYOD LA THEG CHEN GYI SBYOR BA BSGOMS STOBS KYIS TSE 'DIR BDUD KYI MTHU BCOM PA NAS, SKYE BA PHYI MAR SHER PHYIN LA SPYOD PAR NGES PAR 'BYUNG BA'I BAR RNAMS SU YOD PA'I PHYIR, SPYI DON LA, MTSAN NYID, DBYE BA, SA MTSAMS DANG GSUM LAS,

071b

DANG PO LA, RANG THOB BYED KYI THABS SU GYUR PA'I THEG CHEN GYI SBYOR BA BSGOMS STOBS KYIS THOB PA'I YON TAN, THEG CHEN GYI SBYOR BA'I YON TAN GYI MTSAN NYID, SBYOR BA'I YON TAN YIN NA THEG CHEN GYI SBYOR BA'I YON TAN YIN PAS MA KHYAB STE, NYAN THOS KYI SBYOR BA'I YON TAN YOD PA'I PHYIR, GNYIS PA NI, DE LA DBYE NA BCU BZHI YOD DE, SBYOR BA SGOM PA'I GNAS SKABS SU BDUD KYI MTHU BCOM PA'I PHYIR DU SANGS RGYAS RNAMS KYIS BYIN GYIS BRLABS PA DANG, SBYOR BA'I NUS PA SKYED PA'I DON DU DE BZHIN GSHEGS PAS DGONGS PA DANG, DE'I KHYAD PAR SKYED PA'I DON DU SANGS RGYAS RNAMS KYI YE SHES KYIS GZIGS PA DANG, DE BZHIN GSHEGS PA DANG NYE BAR 'GYUR BA DANG, YUM BRIS TE BCANGS PA'I PHAN YON CHEN PO DANG, DE BZHIN GSHEGS PA'I BYA BA BYED PA DANG, SGRIB GNYIS KYI GNYEN PO'I CHOS YONGS SU RDZOGS PA DANG, DE BZHIN GSHEGS PA RNAMS LAS RNAM MKHYEN GYI GTAM BRJOD RNYED PA DANG, DE BZHIN GSHEGS PA DANG 'GROGS PA SOGS DANG, 'JIG RTEN PA'I CHOS 'TSOL BA'I DGA' BA SOGS DANG, SEMS CAN GYI DON MDZAD PAR DAM BCAS PA LA DE BZHIN GSHEGS PAS RJES SU YI RANG BAR MDZAD PA DANG, CHOS ZAB MO DANG RGYA CHE BA MNGON PAR 'DOD CING LHAG PAR MOS PA DANG, SEMS CAN GYI DON BYED PA'I NUS PA KHYAD PAR CAN TSE 'PHOS KYANG SHER PHYIN TSANG BAR RNYED PA RNAMS SU YOD PA'I PHYIR, GSUM PA NI, THEG CHEN GYI TSOGS LAM SKAD CIG GNYIS PA NAS SANGS RGYAS KYI SA'I BAR DU YOD DO, ,KHO NA RE, RNAM MKHYEN CHOS

072a

, ,CAN; MTSON BYA DER THAL, MTSAN NYID DE'I PHYIR, 'DOD NA, DE CHOS CAN, BYANG SEMS KYI YON TAN DU THAL, 'DOD PA'I PHYIR NA MA KHYAB, YANG DE CHOS CAN, GNAS SKABS KYI YON TAN DU THAL, THEG CHEN GYI SBYOR BA'I YON TAN YIN PA'I PHYIR NA MA KHYAB STE, DE CHOS CAN, BYANG SEMS KYI BYED PA YIN PAR THAL, THEG CHEN GYI SGOM LAM GYI BYED PA YIN PA'I PHYIR, KHYAB PA 'GRIG ,RGYUN MTHA'I BAR CHAD MED LAM CHOS CAN, MTHAR THUG GI YUM DU THAL, SANGS RGYAS 'PHAGS PA'I YUM YIN PA'I PHYIR, KHYAB PA 'GRIG ,SANGS RGYAS 'PHAGS PA CHOS CAN, GNAS SKABS KYI SKYABS YIN PAR THAL, BYANG SEMS KYI SKYABS YIN PA'I PHYIR, KHYAB PA KHAS, KHO NA RE, MTSAN NYID DE MI 'THAD DE, MTSAN NYID DE RGYUD LDAN GYI LAM MA ZHUGS KYI GANG ZAG YOD PA'I PHYIR, DES NA THEG CHEN GYI SBYOR BA THOB MYONG BA'I GANG ZAG GI RGYUD KYI THEG CHEN GYI SBYOR BA BSGOMS STOBS KYIS THOB PA'I PHAN YON DE, THEG CHEN GYI SBYOR BA'I YON TAN GYI MTSAN NYID ZER BA MI 'THAD DE, MTSAN NYID DE RGYUD LDAN GYI LAM MA ZHUGS KYI GANG ZAG YOD PA'I PHYIR TE, THEG CHEN GYI SBYOR BA SGOM PA'I DE YOD PA GANG ZHIG ,THEG CHEN GYI SBYOR BA YIN NA, THEG CHEN GYI SBYOR BA THOB MYONG BA'I GANG ZAG GI RGYUD KYI THEG CHEN GYI SBYOR BA YIN DGOS PA'I PHYIR, DANG PO DNGOS, KHO NA RE, RNAM RDZOGS SBYOR BA SKAD CIG DANG PO LA GNAS PA'I SEMS DPA'I RGYUD LA THEG CHEN GYI SBYOR BA'I YON TAN MED PAR THAL, SA MTSAMS DE 'THAD

072b

PA'I PHYIR, 'DOD MI NUS TE, DE'I RGYUD LA THEG CHEN GYI SBYOR BA MI RTAG PA YOD PA GANG ZHIG ,DE DE'I YON TAN YIN PA'I PHYIR, DE DE'I KHYAD CHOS YIN TE, RNAM 'GREL LAS, DE'I PHYIR DNGOS PO MTHONG BA YI, ,ZHES GSUNGS PA'I PHYIR NA MA KHYAB STE; SHES BYA CHOS CAN, TSOGS LAM SKAD CIG DANG PO LA GNAS PA'I SEMS DPA'I RGYUD LA THEG CHEN GYI SBYOR BA'I PHAN YON YOD PAR THAL, DE'I RGYUD LA DE'I YON TAN YOD PA'I PHYIR, 'DOD NA, DE'I RGYUD LA DE'I 'BRAS BU YOD PAR THAL LO, , KHO NA RE, LAM MA ZHUGS KYI GANG ZAG GI RGYUD KYI MNGON MTHO'I GO 'PHANG DE SANGS RGYAS KYI YON TAN DU THAL, DE SANGS RGYAS LA BRTEN NAS THOB PA'I YON TAN YIN PA'I PHYIR, KHYAB STE, THEG CHEN GYI SBYOR BA LA BRTEN NAS THOB PA'I YON TAN YIN NA; THEG CHEN GYI SBYOR BA'I YON TAN YIN DGOS PA'I PHYIR, RTAGS KHAS, 'DOD NA, DE CHOS CAN, SANGS RGYAS 'PHAGS PA'I RGYUD KYIS BSDUS PAR THAL, 'DOD PA'I PHYIR NA MI MTSUNGS SO, ` ,GNYIS PA DOR BYA'I SKYON 'CHAD PA LA, MDO DANG BSTAN BCOS GNYIS LAS, DANG PO NI, GONG DU SHER PHYIN SGOM PA LA YON TAN MANG DU 'BYUNG BAR GSUNGS PA LAS 'PHROS NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS RIGS KYI BU'AM RIGS KYI BU MO BLA MED RDZOGS BYANG LA YANG DAG PAR GNAS PA DANG, PHAR PHYIN DRUG LA LEGS PAR SPYOD PAR 'GYUR BA DANG, SEMS CAN YONGS SU SMIN PAR BYED PAR 'GYUR BA DANG, SANGS RGYAS KYI ZHING YONGS SU

073a

, ,DAG PAR BYED PAR 'GYUR BA DE DAG GI YON TAN YONGS SU BRJOD PA NI 'DI DAG LAGS NA, BCOM LDAN 'DAS RIGS KYI BU'AM RIGS KYI BU MO DE DAG LA BAR DU GCOD PA JI LTA BU ZHIG 'BYUNG BAR 'GYUR BA LAGS, BCOM LDAN 'DAS KYIS BKA' STZAL PA, RAB 'BYOR SPOBS PA HA CANG 'PHYI STE, ZHES SOGS GSUNGS, GNYIS PA LA GSUM LAS, DANG PO NI, YON TAN SKYON NI ZHES BSHAD NA, SBYOR BA'I YON TAN GYI 'OG TU SBYOR BA'I SKYON BSHAD PA'I RGYU MTSAN GANG ZHE NA, DE'I RGYU MTSAN YOD DE, SPANG BYA BDUD LAS GANG ZHIG YONGS SU SPANGS PAS SBYOR BA RNAMS BSGOM PAR BYA BA'I BAR CHAD BYED PA'I SKYON GANG DAG YIN ZHE NA, DE BSTAN PAR BYA BA'I PHYIR DE LTAR GSUNGS PA'I PHYIR, ZHES MTSAMS SBYOR BA LA, DE'I 'OG TU YANG GANG ZHIG YONGS SU SPANGS PAS SBYOR BA RNAMS BSGOM PAR BYA BA SBYOR BA'I BAR CHAD BYED PA'I SKYON GANG DAG CIG YIN ZHE NA, DE DAG GI BAR CHAD DU GYUR PA'I SKYON, ZHES GSUNGS, GNYIS PA NI, MDO DE'I DON BSHAD PA'I SGO NAS SBYOR BA'I SKYON DE LA ZHE DRUG TU PHYE NAS BSHAD PA LA, SKYON NI BCU TSAN BZHIR BCAS PA, ,DRUG TU NGES PAR RTOGS PAR BYA, ,ZHES GSUNGS, GSUM PA NI; DE NYID TSIG DON GYI SGO NAS BSHAD PA LA, TSEGS CHEN POS THOB PA DANG, ZHES SOGS GSUNGS, 'DI LA YANG, SBYOR BA MA SKYES PA SKYED PA DANG SKYES PA GNAS PA LA 'GAL RKYEN NYE BAR GNAS PA NYER GSUM DANG,

073b

MTHUN RKYEN MA TSANG BA NYER GSUM LAS, DANG PO LA, RANG LA BRTEN PA DANG, GZHAN LA BRTEN PA GNYIS LAS, DANG PO LA, DON YONGS SU SHES PA LA BAR GCOD DANG, SGO GSUM GYI BYA BA LA DANG, THEG CHEN LA 'JUG PA'I BAR GCOD DO, , DANG PO LA, YUM DON LA RING MO ZHIG NAS NGES PA SKYE BA TSOGS CHEN POS THOB PA DANG, YUM SHES PAR 'DOD PA'I SPOBS PA HA CANG MYUR BA GNYIS LAS, DANG PO DE STON PA LA, RAB 'BYOR SPOBS PA HA CANG 'PHYI STE SKYE NA RAB 'BYOR DE NI BYANG SEMS KYIS BDUD KYI LAS SU RIG PAR BYA'O, ,ZHES SOGS GSUNGS, DE'I DON BSHAD PA LA, TSEGS CHEN POS 'THOB PA DANG, ZHES GSUNGS, GNYIS PA STON PA LA, RAB 'BYOR GZHAN YANG SHIN TU MYUR BAS SPOBS PA SKYE BAR 'GYUR LA DES KYANG NGA RGYAL DU BYED NA BYANG CHEN GYIS BDUD KYI LAS SU RIG PAR BYA'O, ,ZHES SOGS GSUNGS, DE'I DON BSHAD PA LA, SPOBS PA HA CANG MYUR BA DANG, ZHES GSUNGS, GNYIS PA LA, LUS KYI GNAS NGAN LEN DANG; SEMS KYI GNAS NGAN LEN DANG, RIGS PA MA YIN PAS BSKYED PA'I KHA TON BYED PA SOGS DANG GSUM YOD PA RIMS BZHIN STON PA LA, RAB 'BYOR YANG GLAL ZHING SHER PHYIN 'DI 'DRI BAR 'GYUR NA RAB 'BYOR 'DI YANG BYANG CHEN GYIS BDUD KYI LAS SU RIG PAR BYA'O, ,ZHES SOGS DANG, RAB 'BYOR GZHAN YANG SEMS G-YENGS SHING 'DRI BAR 'GYUR NA, ZHES SOGS DANG, RAB 'BYOR GZHAN YANG GLAL ZHING STAN LAS LANGS NAS 'GRO BAR 'GYUR NA RAB

074a

, ,'BYOR 'DI YANG, ZHES SOGS GSUNGS, DE'I DON BSHAD PA LA, LUS KYI GNAS NGAN LEN DANG, SEMS KYI GNAS NGAN LEN DANG, RIGS PA MA YIN PAS BSKYED PA'I KHA TON BYED PA LA SOGS PA DANG, ZHES GSUNGS, GSUM PA LA, THEG CHEN LAS NYAMS PA'I RGYU DANG, THEG CHEN LAS G-YENG BA'I RGYU GNYIS LAS, DANG PO LA, YUM LAS PHYIR PHYOGS PA'I RGYU MTSAN 'DZIN PA, RNAM MKHYEN GYI RGYU LAS NYAMS PA, GYA NOM PA'I YUM GYI RO MYANG BA LAS NYAMS PA, THEG MCHOG LAS NYAMS PA, CHED DU BYA BA LAS NYAMS PA, RGYU DANG 'BRAS BU 'BREL BA LAS NYAMS PA, GONG NA MED PA'I GNAS LAS NYAMS PA DANG BDUN RIGS BZHIN STON PA LA, DE SKAD CES BKA' STZAL PA DANG; TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GANG GI GANG 'DI SKAD DU BDAG GIS 'DI'I RO MA RNYED DO ZHES ZER ZHING, DE STAN LAS LANGS NAS 'GRO BAR 'GYUR NA, RAB 'BYOR 'DI YANG BYANG CHEN GYIS BDUD KYI LAS SU RIG PAR BYA'O, ,ZHES BKA' STZAL NA, BCOM LDAN 'DAS CI'I SLAD DU 'DI'I RO MA RNYED BAR GYUR PA LAGS, BCOM LDAN 'DAS KYIS BKA' STZAL PA, 'DI LTAR SNGON SHES RAB KYI PHAR PHYIN LA MA SPYAD, BSAM GTAN GYI PHAR PHYIN LA MA SPYAD, BRTZON 'GRUS KYI PHAR PHYIN LA MA SPYAD, BZOD PA'I PHAR PHYIN LA MA SPYAD, TSUL KHRIMS KYI PHAR PHYIN LA MA SPYAD LA, RAB 'BYOR 'DI LTAR SNGON YANG SBYIN PA LA MA SPYAD DE, RAB 'BYOR DE'I PHYIR PHAR PHYIN 'DI BSTAN

074b

PA'I TSE RO MI RNYED DE STAN LAS LANGS NAS 'GRO BAR 'GYUR RO, ,ZHES SOGS DANG, THAMS CAD MKHYEN PA NYID KYI YE SHES YONGS SU SGRUB PA'I SHER PHYIN POR ZHING MDO SDE GANG DAG THAMS CAD MKHYEN PA NYID KYI YE SHES YONGS SU MI SGRUB PA DE DAG BTZAL BAR BYA BAR SEMS SHING DE DAG LA KUN CHUD PAR BYA BAR SEMS PAR 'GYUR TE, ZHES SOGS DANG, RAB 'BYOR 'DI LTA STE, DPER NA, KHYI JO BO LA ZAN NAR MA BOR NAS LAS MI LA ZAN BTZAL BAR SEMS PA DANG 'DRA BA DE BZHIN DU RAB 'BYOR MA 'ONGS PA NA THEG PA CHEN PO'I RIGS KYI BU DANG, ZHES SOGS DANG, RAB 'BYOR 'DI LTA STE, MI LA LA ZHIG GLANG PO CHE DON DU GNYER BAR 'GYUR LA DES GLANG PO CHE RNYED NAS GLANG PO CHE'I RJES BTZAL BAR BYA BAR SEMS BAR 'GYUR NA, ZHES SOGS DANG, RAB 'BYOR 'DI LTA STE, DPER NA, MI LA LA ZHIG RGYA MTSO CHEN PO BLTA BAR 'DOD PAR GYUR TE, RGYA MTSO CHEN PO MTHONG NAS BA LANG GI RJES BTZAL BAR SEMS SHING, DES BA LANG GI RJES MTHONG NAS KYANG RGYA MTSO CHEN PO NI TSAD 'DI TZAM MO SNYAM DU 'GYUR NA, ZHES SOGS DANG, RAB 'BYOR 'DI LTA STE, DPER NA, PHYVA MKHAN NAM PHYVA MKHAN GYI SLOB MAS RNAM PAR RGYAL BA'I KHANG BZANG ZHIG BYA BAR 'DOD PAR GYUR TE, DES NYI MA DANG ZLA BA'I GZHAL MED KHANG LA TSAD BZUNG BAR BYA BAR SEMS PAR GYUR NA, ZHES SOGS DANG, RAB 'BYOR GZHAN YANG 'DI LTA STE, DPER NA, SKYES BU LA LA ZHIG GIS KHAMS KYI RGYAL PHRAN MTHONG NAS 'DI SNYAM DU KHA DOG DANG DBYIBS KYIS 'KHOR LOS SGYUR BA'I RGYAL PO YANG KHAMS KYI RGYAL

075a

, ,PHRAN 'DI JI 'DRA 'DI 'DRA'O SNYAM DU SEMS PA DE, ZHES SOGS GSUNGS, DE'I DON BSHAD PA LA, PHYIR PHYOGS PA'I RGYU MTSAN 'DZIN PA NYID DANG, RGYU LA MNGON PAR ZHEN PA NYAMS PA DANG, GYA NOM PA'I RO MYANG BA NYAMS PA DANG, RNAM PA THAMS CAD DU THEG PA'I MCHOG KUN TU 'DZIN PA NYAMS PA DANG, RTAG TU CHAD DU BYA BA NYAMS PA ZHES BYA BA BCU TSAN DANG PO'O, ,RGYU DANG 'BRAS BU 'BREL BA NYAMS PA DANG, GONG NA MED PA NYAMS PA DANG, ZHES GSUNGS, GNYIS PA LA YANG, YUL RNAM PA MANG PO LA RNAM PAR RTOG PA'I SPONGS PA 'BYUNG BA DANG, YI GER 'BRI BA LA MNGON PAR ZHEN PA DANG, DNGOS PO MED PA LA MNGON PAR ZHEN PA DANG, BRIS PA'I YI GE SHER PHYIN DU MNGON PAR ZHEN PA DANG, YI GE MED PA LA DER MNGON PAR ZHEN PA DANG, YUL LA SOGS PA YID LA BYED PA DANG, RNYED BKUR DANG TSIGS SU BCAD PA'I RO MYANG BA DANG, LAM MA YIN PA LA THABS MKHAS PA 'TSOL BA DANG, BRGYAD YOD PA RIMS BZHIN STON PA LA, RAB 'BYOR GZHAN YANG RIGS KYI BU DANG RIGS KYI BU MO DE DAG SHER PHYIN ZAB MO 'DI YI GER 'DRI BA'I TSE SPOBS PA MANG PO 'BYUNG BAR 'GYUR TE, ZHES SOGS DANG, RAB 'BYOR GYIS GSOL BA, BCOM LDAN 'DAS SHER PHYIN BRI BAR NUS LAGS SAM, BCOM LDAN 'DAS KYIS BKA' STZAL PA, RAB 'BYOR DE LTA MA YIN NO, ,DE CI'I PHYIR ZHE NA, SHES RAB KYI PHA ROL TU PHYIN PA'I NGO BO NYID YOD PA MA YIN PA'I PHYIR, ZHES

075b

SOGS DANG, RAB 'BYOR THEG CHEN GYI RIGS KYI BU DANG RIGS KYI BU MOS SHER PHYIN 'DI DNGOS PO MED CES BYA BAR 'DU SHES NA 'DI YANG DE DAG GIS BDUD KYI LAS SU RIG PAR BYA'O, ,ZHES DANG, RAB 'BYOR GYIS GSOL BA, BCOM LDAN 'DAS THEG CHEN GYI RIGS KYI BU DANG RIGS KYI BU MO SHER PHYIN ZAB MO 'DI YI GER 'BRI ZHING BRIS NAS SHER PHYIN ZAB MO 'DI BDAG GIS BRIS SO ZHES MCHIS NA DE NI SHER PHYIN ZAB MO 'DI BRIS PA'I YI GE LA MNGON PAR ZHEN PA LAGS, BCOM LDAN 'DAS DE DAG GIS 'DI YANG BDUD KYI LAS SU RIG PAR BYA'O, ,ZHES DANG, DE CI'I PHYIR ZHE NA, BCOM LDAN 'DAS SHER PHYIN 'DI NI YI GE MA MCHIS PA'O, ,ZHES SOGS DANG, RAB 'BYOR GZHAN YANG RIGS KYI BU DANG RIGS KYI BU MO GANG SHER PHYIN ZAB MO 'DI BRIS PA'I TSE YUL YID LA BYED NA RAB 'BYOR 'DI YANG, ZHES SOGS DANG, RAB 'BYOR GZHAN YANG BYANG CHUB SEMS DPA'I THEG PA PA'I RIGS KYI BU DANG RIGS KYI BU MO SHER PHYIN ZAB MO 'DI 'DRI BA DANG STON PA DANG KHA TON TU BYED PA NGANG TSUL BZHIN DU YID LA BYED PA'I TSE KHE DANG BKUR STI DANG TSIGS SU BCAD PA DANG, ZHES SOGS DANG, RAB 'BYOR GZHAN YANG BYANG CHEN DE RNAMS SHER PHYIN ZAB MO 'DI 'DRI BA DANG LUNG 'BOGS PA DANG KHA TON TU BYED PA DANG, TSUL BZHIN DU YID LA BYED PA'I TSE BDUD SDIG TO CAN DAG MDO SDE ZAB MO NYE BAR BSNYEN PAR BYED DE, ZHES SOGS GSUNGS, DE'I DON BSHAD PA LA, YUL RNAM PA MANG PO LA RNAM PAR RTOG PA'I SPOBS PA 'BYUNG BA DANG, YI GER 'DRI

076a

, ,BA LA MNGON PAR ZHEN PA DANG, DNGOS PO MED PA LA MNGON PAR ZHEN PA DANG, YI GE LA MNGON PAR ZHEN PA DANG, YI GE MED PA LA MNGON PAR ZHEN PA DANG, YUL LA SOGS PA YID LA BYED PA DANG, RNYED PA DANG BKUR STI DANG TSIGS SU BCAD PA'I RO MYANG BA DANG, LAM MA YIN PAS THABS LA MKHAS PA 'TSOL BA ZHES BYA BA NI BCU TSAN GNYIS PA'O, ,ZHES GSUNGS, GNYIS PA LA, 'GAL RKYEN GZHAN LA BRTEN PA LA, BDUD KYIS 'BYED PA'I SBYOR BA DANG, BCOS MNYE BAR SGRUB PA DANG, YUL JI LTA BA BZHIN MA YIN PA LA DGA' BA BSKYED PA DANG GSUM RIMS BZHIN DU STON PA LA, RAB 'BYOR GZHAN YANG BDUD SDIG TE CAN DAG DGE SLONG GI CHA BYAD DU BYAS SHING CI NAS KYANG THABS MKHAS PA GANG DANG GANG GIS SHER PHYIN ZAB MO 'DI SU YANG 'DRI BAR MI 'GYUR BA DANG 'DZIN PAR MI 'GYUR BA DANG, KUN CHUB PAR MI 'GYUR BA DANG, 'CHAD PAR MI 'GYUR BA DANG, KLOG PAR MI 'GYUR BA DANG, KHA TON TU BYED PAR MI 'GYUR BA DANG, TSUL BZHIN DU YID LA BYA BAR MI 'GYUR BA'I THABS DE DANG DE LA SBYOR RO, ,ZHES SOGS DANG, RAB 'BYOR GZHAN YANG SHER PHYIN ZAB MO 'DI 'BRI BA DANG SGOM PA'I BAR GYI TSE BAR CHAD DU 'GYUR BA'I BDUD KYI LAS MANG DU 'BYUNG BAR 'GYUR TE, BDUD KYI LAS DE DAG KYANG BYANG CHEN GYIS SPANG BAR BYA'O, ,ZHES SOGS DANG, RAB 'BYOR GZHAN YANG BDUD SDIG TO CAN DAG SANGS RGYAS KYI CHA BYAD DU LUS GSER GYI KHA DOG DANG, 'OD 'DOMS GANG BAR BYAS TE, BYANG CHUB SEMS DPA'I DRUNG DU 'ONG

076b

STE MTHONG NAS 'DOD PA SKYED PAS, ZHES SOGS GSUNGS, DE'I DON BSHAD PA LA, BDUD KYIS 'BYED PA'I SBYOR BA DANG, BCOS MA NYE BAR SGRUB PA DANG, YUL JI LTA BA BZHIN MA YIN PAR DGA' BA BSKYED PA ZHES BYA BA GZHAN GSUM STE ZHES GSUNGS, GZHUNG 'DI RNAMS MJUG TU YOD KYANG SKABS 'DIR LEN PA'I RGYU MTSAN YOD DE, DON GYI 'BREL DBANG BTZAN PAR BYAS PA YIN PA'I PHYIR, ZHES LEGS PAR BSHAD PA GSER GYI 'PHRENG BA LAS GSUNGS SO, ,GNYIS PA MTHUN RKYEN MTSANG BA NYER GSUM LAS, RANG GZHAN GNYIS KA LA BRTEN PA DANG, RANG KHO NA LA BRTEN PA DANG GNYIS LAS, DANG PO LA, SNGA MA NYAN PA PO DANG 'BREL BA DANG, SNGA MA 'CHAD PA PO DANG 'BREL BA GNYIS LAS, DANG PO NI, NYAN PA PO SNGA MA DANG; 'CHAD PA PO PHYI MA DANG MNGON PAR 'BREL BAS CHOS SPYOD LAS NYAMS PA BCU BZHIR YOD DE, 'DUN PA DANG SNYOMS LAS KYIS NYAMS PA, 'DUN PA'I YUL THA DAD PA LAS NYAMS PA, RNYED BKUR DANG 'DOD PA CHE BA DANG CHUNG BA NYID KYIS TSOGS PA DANG MI LDAN PA DANG, SBYANGS PA'I YON TAN DANG LDAN PA DANG MI LDAN PAS TSOGS PA DANG MI LDAN PA DANG, DGE BA DANG DGE BA MA YIN PA'I CHOS NYID KYIS TSOGS PA DANG LDAN MI LDAN DANG, GTONG BA DANG SER SNA BYED PAS TSOGS PA DANG LDAN MI LDAN DANG, GTONG BA DANG MI LEN PAS TSOGS PA DANG LDAN MI LDAN DANG, MGO SMOS PAS GO BA DANG RNAM PAR SPROS PAS GO BAS TSOGS PA DANG LDAN MI LDAN DANG, MDO LA SOGS PA'I CHOS SHES PAS TSOGS PA DANG LDAN MI LDAN

077a

, ,DANG; PHAR PHYIN DRUG DANG LDAN PA DANG MI LDAN PAS TSOGS PA DANG LDAN MI LDAN DANG, THABS MKHAS PA DANG MI MKHAS PAS TSOGS PA DANG LDAN MI LDAN DANG, GZUNGS THOB PA DANG MA THOB PAS TSOGS PA DANG MI LDAN PA DANG, YI GER 'DRI BAR 'DOD PA DANG MI 'DOD PAS TSOGS PA DANG MI LDAN PA DANG, 'DOD PA LA 'DUN PA LA SOGS PA DANG MA BRAL BAS TSOGS PA DANG MI LDAN PA RNAMS SU YOD PA'I PHYIR, DE RNAMS RIMS BZHIN STON PA LA, RAB 'BYOR GANG CHOS NYAN PA NI SHER PHYIN 'DI 'DRI BA DANG, LUNG 'BOGS PA DANG, KHA TON TU BYA BAR 'DUN PAR 'GYUR LA, CHOS SMRA BA NI PHYI BSHOL BYED PAR 'GYUR NA RAB 'BYOR 'DI YANG BYANG CHEN GYIS BDUD KYI LAS SU RIG PAR BYA'O,, ZHES DANG, RAB 'BYOR GZHAN YANG CHOS SMRA BA NI SHER PHYIN ZAB MO 'DI 'DRI BA DANG, ZHES SOGS DANG, RAB 'BYOR GZHAN YANG CHOS SMRA BA NI RNYED PA DANG, BKUR STI DANG, TSIGS SU BCAD PA DANG, BLA MA LHUR LEN PA DANG, ZHES SOGS DANG, RAB 'BYOR GZHAN YANG CHOS SMRA BA NI DGON PA BA BSOD SNYOMS PA PHYAG DAR KHROD PA, ZHES SOGS DANG, RAB 'BYOR GZHAN YANG NYAN PA NI DAD CING DGE BA'I CHOS SHER PHYIN ZAB MO 'DI 'DRI BAR 'DOD, CES SOGS DANG, RAB 'BYOR GZHAN YANG CHOS SMRA BA NI BDOG PA THAMS CAD YONGS SU GTONG BAR 'GYUR ZHING SEMS LA CHAGS PA MED PA, ZHES SOGS DANG, RAB 'BYOR GZHAN YANG CHOS NYAN PA NI CHOS SMRA BA LA CHOS GOS DANG ZAS DANG MAL CHA DANG NAD

077b

GYI RKYEN RTZI DANG YO BYAD YONGS SU GTONG BAR 'DOD PAR 'GYUR LA CHOS SMRA BA NI LEN PAR 'DOD PAR MI 'GYUR NA, ZHES SOGS DANG, RAB 'BYOR GZHAN YANG CHOS SMRA BA NI MGO SMOS PAS GO LA, CHOS NYAN PA NI RNAM PAR SPROS PAS GO ZHING TSIG LHUR LEN PAR 'GYUR NA, RAB 'BYOR 'DI YANG SHER PHYIN 'DI 'DRI BA DANG, ZHES SOGS DANG, RAB 'BYOR GZHAN YANG CHOS SMRA BA NI MDO DANG DBYINGS KYIS BSNYAD PA DANG, ZHES SOGS DANG, RAB 'BYOR GZHAN YANG CHOS SMRA BA NI PHAR PHYIN DRUG DANG LDAN PAR 'GYUR LA, ZHES SOGS DANG, RAB 'BYOR GZHAN YANG CHOS SMRA BA NI PHAR PHYIN DRUG LA THABS MKHAS PAR 'GYUR LA CHOS NYAN PA NI PHAR PHYIN DRUG LA THABS MI MKHAS PAR GYUR NA, ZHES SOGS DANG, RAB 'BYOR GZHAN YANG CHOS SMRA BA NI GZUNGS THOB PAR 'GYUR LA, ZHES SOGS DANG, RAB 'BYOR GZHAN YANG CHOS SMRA BA'I NI 'DRI BAR 'DOD GLAG PAR 'DOD KHA TON TU BYA BAR 'DOD TSUL BZHIN DU YID LA BYA BA'I BAR DU 'DOD PAR 'GYUR LA, ZHES SOGS DANG, RAB 'BYOR GZHAN YANG CHOS SMRA BA NI 'DOD PA'I SRED PA DANG, GNOD SEMS DANG, SNYOMS PA DANG, GNYID DANG, RGOD PA DANG, 'GYOD PA DANG, THE TSOM DANG BRAL BAR GYUR LA, ZHES SOGS GSUNGS, DE'I DON BSHAD PA LA, GRANGS BZHIN DU NYAN PA PO DANG 'CHAD PA PO DAG SNGA MA DANG PHYI MA GANG YANG KHYAB PA DANG MNGON PAR 'BREL BAS, 'DUN PA DANG, SNYOMS LAS KYIS NYAMS PA DANG, 'DUN PAS YUL THA DAD PAS NYAMS PA DANG, 'DOD CHEN CHUNG BA DANG 'DOD CHEN CHUNG BA MA YIN PA

078a

, ,NYID KYIS NYAMS PA DANG, SBYANGS PA'I YON TAN DANG LDAN PA DANG MI LDAN PA DAG DANG, DGE BA DANG DGE BA MA YIN PA'I CHOS NYID DANG, GTONG BA DANG SER SNA BYED PA DANG, SBYIN PA DANG MI LEN PA DANG, MGO SMOS PAS GO BA DANG RNAM PAR SPROS PAS GO BA NYID DANG, MDO LA SOGS PA'I CHOS MNGON PAR SHES PA DANG MNGON PAR MI SHES PA NYID DANG, PHA ROL TU PHYIN PA DRUG DANG LDAN PA DANG MI LDAN PA ZHES BYA BA NI BCU TSAN GSUM PA'O, ,DE KHO NA BZHIN DU THABS DANG THABS MA YIN PA LA MKHAS PA DANG, GZUNGS THOB PA DANG MA THOB PA DANG, YI GER 'DRI 'DOD PA DANG YI GER 'DRI MI 'DOD PA DAG DANG, 'DOD PA'I 'DUN PA DANG BRAL BA DANG MA BRAL BA NYID CES BYA BA BZHI DANG, ZHES GSUNGS, GNYIS PA LA SNGA MA 'CHAD PA PO DANG 'BREL BA LA, 'CHAD PA PO SNGA MA DANG, NYAN PA PO PHYI MA DANG 'BREL BAS SKYON DU 'GYUR BA BDUN YOD DE, GCIG PU NYID DANG 'KHOR LA DGA' BA NYID KYIS TSOGS PA DANG MI LDAN PA NYID DANG, RJES SU 'BREL BAR 'DOD PA NYID DANG SKABS MI 'BYED PAS TSOGS PA DANG MI LDAN PA DANG, ZANG ZING CUNG ZAD TZAM 'DOD PA DANG DE SBYIN PAR MI 'DOD PA GNYIS KYIS TSOGS PA DANG MI LDAN PA DANG, SROG GI BAR CHAD DU 'GYUR BAR 'GRO BAR 'DOD PA DANG MI 'DOD PAS TSOGS PA DANG MI LDAN PA DANG, MU GE BYUNG BA DANG LO LEGS KYI PHYOGS SU 'GRO BAR 'DOD PA DANG MI 'DOD PAS TSOGS PA DANG MI LDAN PA DANG, RKUN PO LA SOGS PA'I RGYU MTSAN GYIS 'GRO BAR 'DOD PA DANG MI 'DOD PAS

078b

TSOGS PA DANG MI LDAN PA DANG, KHYIM LA LTA BAS TSOGS PA DANG MI LDAN PA RNAMS SU YOD PA'I PHYIR, DE RNAMS RIMS BZHIN STON PA LA, RAB 'BYOR GZHAN YANG CHOS SMRA BA NI GCIG PU STE ZLA MED CING BDAG GIS BYED PAR 'GYUR BA YIN LA; CHOS NYAN PA NI 'KHOR GYI NANG NA GNAS PAR 'GYUR NA, ZHES SOGS DANG, RAB 'BYOR GZHAN YANG CHOS SMRA BA NI 'DI LTAR SU NGA'I RJES SU 'BRANG BAR 'GYUR BA DE LA SHER PHYIN ZAB MO 'DI 'DRI BA DANG, KLOG PA DANG, KHA TON TU BYED PA DANG; TSUL BZHIN DU YID LA BYED PA DANG SGOM PA SBYIN NO ZHES ZER ZHING CHOS NYAN PA NI RJES SU 'BRANG BAR MI 'GYUR NA, ZHES SOGS DANG, RAB 'BYOR GZHAN YANG CHOS SMRA BA NI ZANG ZING CUNG ZAD TZAM GYI PHYIR SHER PHYIN ZAB MO 'DI 'DRI BA DANG LUNG 'BOGS PA DANG SGOM PA'I BAR DU SBYIN PAR 'GYUR LA, CHOS NYAN PA NI ZANG ZING CUNG ZAD TZAM GYI PHYIR GRONG DU 'GROR 'DOD PAR MI 'GYUR NA, ZHES SOGS DANG, RAB 'BYOR GZHAN YANG CHOS SMRA BA NI GANG NA SROG GI BAR CHAD DU 'GYUR BA'I PHYOGS DER 'GROR 'DOD PAR 'GYUR LA, CHOS NYAN PA NI DER 'GRO MI 'DOD PAR 'GYUR NA, ZHES SOGS DANG, RAB 'BYOR GZHAN YANG CHOS SMRA BA NI GANG NA MU GE DANG CHU MED PA'I PHYOGS DER 'GRO BAR 'DOD PAR 'GYUR LA, ZHES SOGS DANG, RAB 'BYOR GZHAN YANG DGE SLONG CHOS SMRA BA NI GANG NA RKUN POS 'JIGS PA DANG, ZHES SOGS DANG, RAB 'BYOR GZHAN YANG DGE SLONG CHOS SMRA BA NI GANG NA BSOD SNYOMS GTONG BA'I KHYIM GTZO BOR BYED PAR 'GYUR TE, ZHES SOGS GSUNGS, DE'I DON BSHAD PA

079a

, ,LA; 'CHAD PA PO DANG NYAN PA PO DAG SNGA MA DANG PHYI MA GANG YANG RUNG BA 'BREL PAS GRANGS BZHIN DU GCIG PU DANG, 'KHOR LA MNGON PAR DGA' BA NYID DANG, GO SKABS MI 'BYED PA NYID DANG, RJES SU 'BREL BAR 'DOD PA NYID DANG, ZANG ZING CUNG ZAD TZAM 'DOD PA NYID DANG, DE SBYIN PAR MI 'DOD PA NYID DANG, SROG GI BAR CHAD DU 'GYUR BA DANG MI 'GYUR BA'I PHYOGS SU 'GRO BA DANG MI 'GRO BA ZHES BYA BA BZHI STE BCU TSAN BZHI PA'O, ,DE BZHIN DU MU GE BYUNG BA'I PHYOGS SU 'GRO BA DANG MI 'GRO BA DANG, CHOM RKUN PA LA SOGS PAS DKRUGS PA'I PHYOGS SU 'GRO BA DANG MI 'GRO BA DANG, KHYIM LTA BAS YID MI BDE BA ZHES BYA BA GSUM DANG, ZHES GSUNGS, 'DIR BCU BZHI DANG BDUN LA RIMS PA LTAR SNGA MA NYAN PA PO DANG, PHYI MA 'CHAD PA PO DANG 'BREL BAR BSTAN PA'I RGYU MTSAN YOD DE, SKYON DE GNYIS KA YANG 'CHAD PA PO DANG NYAN PA PO GNYIS KA LA 'BYUNG BAS GO RIMS MA NGES PAR BSTAN PA'I CHED YIN PA'I PHYIR, GNYIS PA RANG KHO NA LA BRTEN PA LA, NGAN 'GROR 'GRO BA LAS PHYIR PHYOGS PA DANG, BDE 'GROR 'GRO BA LAS PHYOGS PA GNYIS RIMS BZHIN STON PA LA, RAB 'BYOR GZHAN YANG SHER PHYIN ZAB MO 'DI 'DRI BA DANG SGOM PA'I BAR GYI TSE LA LA ZHIG DER 'ONG STE, SEMS CAN DMYAL BA RNAMS KYI MI BSNGAGS PA BRJOD PAR 'GYUR, ZHES SOGS DANG, RAB 'BYOR GZHAN YANG SHER PHYIN ZAB MO 'DI 'DRI BA DANG TSUL BZHIN DU YID LA BYED PA'I BAR GYI TSE LA LA ZHIG DER 'ONG

079b

NAS RGYAL CHEN BZHI'I RIGS KYI LHA RNAMS KYI LEGS PA BRJOD, CES SOGS GSUNGS, DE'I DON BSHAD PA LA, NGAN SONG GI 'GRO BA LAS PHYIR PHYOGS PA DANG, BDE 'GROR 'GRO BA LA YID BDE BA STE GNYIS DANG, ZHES GSUNGS, 'DI GONG DU YOD KYANG 'DIR BSHAD PA'I RGYU MTSAN YOD DE, SNGA MA RNAMS RIGS MTHUN PAS PHYOGS GCIG TU BSHAD PAR BYA BA'I CHED YIN PA'I PHYIR, SKYON DE DAG SEL BYED KYI GNYEN PO DE STON PA LA, MDO LAS, RAB 'BYOR GZHAN YANG SHER PHYIN 'DI LA BAR CHAD MANG DU 'BYUNG STE RIGS KYI BU'AM RIGS KYI BU MO SHER PHYIN ZAB MO 'DI 'CHANG BA DANG, ZHES PA NAS, RTAG TU RGYUN MA 'CHAD PAR BSRUNG BA DANG BSKYAB PA DANG SBA BA MDZAD PAR 'GYUR RO, ,ZHES GSUNGS, DON NI, NOR BU RIN PO CHE LA DGRA MANG BA'I DPES SBYOR BA PO LA BAR CHAD MANG YANG PHYOGS BCU'I SANGS RGYAS BYANG SEMS KYIS RTAG TU DGONGS PAR MDZAD NAS BSRUNG BA SOGS BYED PAS SBYOR BA LAS MI NYAMS PAR 'GYUR TE, DPER NA, BU MANG PO YOD PA'I MAN BAR GYUR PA NA DE THAMS CAD KYIS DE LA RIM GRO SGRUB PA LTAR YIN PA'I PHYIR, GZHUNG 'GREL 'DI DAG NI LEGS PAR BSHAD PA GSER GYI PHRENG BA SGRA SOR BZHAG PA'O, ,GZHUNG DON LA GSER PHRENG GI LUGS DANG, SNYING PO'I RGYAN GYI LUGS GNYIS LAS, DANG PO NI, SHES BYA CHOS CAN, THEG CHEN GYI SBYOR BA SGOM PA'I SKYON NAM BAR CHAD DE LA ZHE DRUG YOD DE, DE LA SBYOR BA MA SKYES PA SKYED PA'AM, SKYES PA GNAS PA'AM, RDZOGS PA LA 'GAL RKYEN NYE BAR GNAS PA NYER GSUM, MTHUN RKYEN MA TSANG BA NYER GSUM STE ZHE

080a

, ,DRUG TU YOD PA'I PHYIR, GNYIS PA NI, SHES BYA CHOS CAN, THEG CHEN GYI SBYOR BA SGOM PA'I SKYON LA ZHE DRUG YOD DE, DE LA SBYOR BA'I 'GAL RKYEN RANG LA BRTEN PA NYI SHU, RANG GZHAN GANG RUNG LA BRTEN PA MTHUN RKYEN MA TSANG BA NYER GSUM, SBYOR BA'I 'GAL RKYEN GZHAN LA BRTEN PA GSUM RNAMS SU YOD PA'I PHYIR, DANG PO GRUB STE, DE LA SPOBS PA'I DBANG DU BYAS PA GNYIS, GNAS NGAN LEN GYI DBANG DU BYAS PA GSUM, THEG CHEN LAS NYAMS BYED KYI RGYU'I DBANG DU BYAS PA BDUN, THEG CHEN LA G-YENG BA'I RGYU'I DBANG DU BYAS PA BRGYAD RNAMS SU YOD PA'I PHYIR, GNYIS PA GRUB STE, SLOB DPON LA BRTEN PA BCU BZHI, RANG NYID LA BRTEN PA GNYIS, GNYIS KA LA BRTEN PA BDUN YOD PA'I PHYIR, GSUM PA GRUB STE, BDUD KYIS 'BYED PA'I SBYOR BA, BCOS MA NYE BAR SGRUB PA, YUL JI LTA BA MA YIN PA SOGS LA DGA' BA BSKYED PA DANG GSUM DU YOD PA'I PHYIR, SPYI DON LA, MTSAN NYID, DBYE BA, SA MTSAMS GSUM LAS, DANG PO NI, SBYOR BA SKYE BA DANG GNAS PA DANG RDZOGS PA GANG RUNG LA BAR DU GCOD BYED KYI BDUD LAS, SBYOR BA'I SKYON GYI MTSAN NYID, KHA CIG ,SBYOR BA SKYE BA DANG GNAS PA LA BAR DU GCOD BYED KYI BDUD LAS DE, DE'I MTSAN NYID ZER NA, BYANG SEMS TSOGS LAM PA'I RGYUD KYI SBYOR BA'I SKYON CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, SBYOR BA SKYE BA LA BAR DU GCOD BYED DU THAL, 'DOD PA'I PHYIR, 'DOD NA, DE'I RGYUD LA SBYOR BA SKYE BA LA BAR DU GCOD

080b

BYED YOD PAR THAL LO, ,'DOD NA, DE'I RGYUD LA SBYOR BA SKYES MA ZIN PAR THAL, 'DOD PA'I PHYIR, GNYIS PA NI, DE LA DBYE NA ZHE DRUG YOD DE, DE LA SBYOR BA'I 'GAL RKYEN NYE BAR GNAS PA NYER GSUM, MTHUN RKYEN MA TSANG BA NYER GSUM DU YOD PA'I PHYIR, DANG PO LA YANG 'GAL RKYEN RANG LA BRTEN PA NYI SHU, GZHAN LA BRTEN PA GSUM DU YOD LA, DANG PO LA YANG, DON YONGS SU SHES PA LA BAR DU GCOD PA'I DBANG DU BYAS NAS, SBYOR BA SGOM PA'I DUS SU TSEGS CHEN POS YUN RING MO NAS YUM SHES PA 'THOB PA'I SPOBS PA 'PHYI BA DANG, SNGON DANG PHYI MTHA' MA BRTAGS PAR YUM SHES PA'I SPOBS PA MYUR DU SKYE ZHING DES RLOM PA GNYIS BZHAG ,SGO GSUM GYI BYA BA LA BAR DU GCOD PA'I DBANG DU BYAS NAS, LUS KYI GNAS NGAN LEN GLAL BA DANG HA HA ZHES RGOD PA SOGS KYIS 'DRI BA DANG, NGAG GI GNAS NGAN LEN GNYEN BA SHES SOGS LA SEMS RNAM PAR G-YENG BA SOGS DANG, RIGS PA MA YIN PAS GLAL BA SOGS DANG, GNYEN BSHES LA SEMS G-YENG BA SOGS KYIS 'CHAD PA DANG GSUM DU BZHAG ,THEG CHEN LA 'JUG PA'I BAR CHAD KYI DBANG DU BYAS NA, BYANG SEMS KYI SKYON MED PAR MA ZHUGS PA LUNG MI STON PAS LUNG MA BSTAN PA NA BDAG LUNG MA BSTAN TO, ,GANG DU SKYE BA'I GRONG LA SOGS PA MA BRJOD DO SNYAM DU YUM LAS PHYIR PHYOGS PA DANG, YUM 'DI BOR NAS DMAN PA'I SDE SNOD LA 'JUG PA DRUG STE THEG CHEN GYI RGYU LAS NYAMS PA BDUN DANG, DRUG PO DE YANG RIMS BZHIN SHING GI RTZA BA DOR NAS YAL GA DAG 'TSOL BA

081a

, ,DANG; KHYI NI JO BO LA ZAN SLONG BA DOR NAS MI 'ONG BA LA RE BA DANG, GRANG PO CHE RNYED NAS DE'I MTSAN NYID SHES PAR MI BYED PAR, DE'I RJES DE'I MTSAN NYID SHES PAR 'DOD PA DANG, NOR BU 'DOD PA 'GA' ZHIG RGYA MTSO MTHONG NAS, RGYA MTSO DANG RMIG RJES KYI CHU SNYOMS PA NA DES TSIM NAS RGYA MTSOR MI 'JUG PA DANG, NYI ZLA'I KHANG PA'I TSAD KYIS RNAM PAR RGYAL BA'I KHANG BZANG BYED 'DOD PA DANG, KHAMS KYI RGYAL PHRAN MTHONG NAS 'KHOR LO SGYUR RGYAL 'DI LTA BU'O SNYAM PA DANG, ZHAG DRUG CU PA'I ZAS RNYED NAS KHA ZAS RO BRGYA BA POR BA DANG, NOR BU RIN PO CHE RIN THANG MED PA RNYED NAS NOR BU 'CHID BU DANG SNYOMS PA'I DPES YUM SHER PHYIN POR NAS DMAN PA'I SDE SNOD LA 'JUG PAR BSTAN TO, ,GZUGS SGRA LA SOGS PA'I YUL MANG PO LA ZHEN NAS RNAM RTOG GI SPOBS PA DU MA 'BYUNG BA DANG, YI GE 'BRI BA LA YUM DU MNGON PAR ZHEN PA DANG, DNGOS PO MED PA TZAM LA YUM DU MNGON PAR ZHEN PA DANG, YI GE BRIS ZIN PA TZAM LA YUM DU MNGON PAR ZHEN PA DANG, YI GE MED PA KHO NA LA YUM DU MNGON PAR ZHEN PA DANG, YUL DANG GRONG LA SOGS PA YID LA BYED PA DANG, RIN PO CHE THOB PA SOGS KYI RNYED PA, DPAL GYI DAR DPYANGS BCINGS PA SOGS KYI BKUR STI, TSIGS SU BCAD PA'I SNYAN PA'I RO MYANG BA DANG, SANGS RGYAS THOB PA'I LAM MA YIN PA BDUD KYIS BSTAN PA'I SDE SNOD LAS THABS MKHAS PA 'TSOL BA STE, THEG CHEN LAS G-YENG BA'I RGYU BRGYAD BZHAG PA'I PHYIR, GNYIS PA GZHAN LA BRTEN PA LA YANG BDUD

081b

DGE SLONG GI CHA BYAD DU 'ONGS NAS NGED KYI MDO SDE 'DI NYID YUM YIN GYI RGYAS 'BRING BSDUS GSUM MIN NO ZHES CHOS DANG GANG ZAG GI BAR DU DBYE NA BCU GNAS 'BYED PA DANG, YUM LTAR SNANG BA'I MDO SDE STON PA DANG, BDUD NYID SANGS RGYAS SU? SPRUL NAS DE LA 'DOD PA SKYED DU BCUG PA STE GSUM BZHAG GO ,GNYIS PA LA YANG, RANG GZHAN GNYIS KA DANG, RANG KHO NA LA BRTEN PA GNYIS LAS, DANG PO LA, SNGA MA NYAN PA PO DANG, SNGA MA 'CHAD PA PO DANG 'BREL BA GNYIS LAS, DANG PO'I DBANG DU BYAS NAS, NYAN PA PO 'DRI BA SOGS LA 'DUN PA CHE LA, 'CHAD PA PO SNYOMS LAS CHE BAS TSOGS PAS CHOS SPYOD LAS NYAMS PA DANG, NYAN PA PO YUL 'DIR NYAN 'DOD LA CIG SHOS YUL GZHAN DU 'CHAD 'DOD PAS 'DUN PA'I YUL THA DAD PA DANG, CHOS GOS SOGS LA 'DOD PA CHUNG ZHING CHOG SHES PA DANG, DE LAS BZLOG PA DANG, BSOD SNYOMS SOGS SBYANGS PA'I YON TAN DANG LDAN MI LDAN DAG GIS DANG, DGE ZHING 'DUN PA'I CHOS CAN GYIS DANG, DE LAS BZLOG STE YUM 'DRI ZHING DON DU GNYER BAR MI 'DOD PA DANG, YO BYAD GZHAN LA GTONG BA DANG DE LA SER SNA BYED PA DANG, CHOS GOS SOGS 'CHAD PA PO LA SBYIN 'DOD PA DANG DES MI LEN PAS DANG, CHOS KYI TSIG MGO SMOS PAS THAMS CAD GO ZHING TSIG LHUR MI LEN PA DANG, RNAM PAR SPROS PAS GO ZHING TSIG LHUR LEN PA NYID KYIS DANG, MDO LA SOGS PA'I GSUNG RAB YAN LAG BCU GNYIS KYI CHOS MNGON PAR SHES PA DANG DE MI SHES PA DANG, SBYIN SOGS KYI PHAR PHYIN DRUG DANG LDAN ZHING DE LA SLOB PAR

082a

, ,'DOD PA DANG DE LAS BZLOG PAS DANG, PHAR PHYIN THABS LA MKHAS SHING DE DON DU GNYER BA DANG DE LAS BZLOG PAS DANG, TSIG DON MI BRJED PA'I GZUNGS THOB PA DANG MA THOB PA DAG GIS DANG, YUM YI GER 'DRI BA SOGS LA 'DOD PA DANG MI 'DOD PA DAG GIS DANG, 'DOD PA'I 'DUN PA SOGS SGRIB PA LNGA DANG BRAL BA DANG MA BRAL BA NYID KYIS TSOGS PAS CHOS SPYOD LAS NYAMS PA STE BCU BZHI BZHAG ,GNYIS PA'I DBANG DU BYAS NAS, GCIG PUS DBEN PA DANG 'KHOR GYIS 'DU 'DZI LA SOGS LA DGA' BA NYID KYIS DANG, NYAN PA PO 'CHAD PA PO'I RJES SU 'BRANG BAR 'DOD BZHIN DU DE'I GO SKABS MI 'BYED PA NYID DANG, NYAN PA PO'I PHYI BZHIN DU RJES SU 'BRANG BA STE 'BRANG BAR 'DOD PA NYID KYIS DANG; ZANG ZING CUNG ZAD TZAM GYI PHYIR CHOS STON 'DOD PA DANG DE SBYIN PAR 'DOD PA NYID KYIS DANG, GANG NA SROG GI BAR CHAD DU 'GYUR BA'I PHYOGS SU 'GRO BAR 'DOD PA DANG DER 'GRO BAR MI 'DOD PAS DANG, GANG NA MU GE SOGS DANG CHOM RKUN SOGS YOD PA'I PHYOGS SU 'GRO BAR 'DOD MI 'DOD GNYIS DANG, 'CHAD PA PO GTZO BOR MDZA' PO SOGS KYI KHYIM LA LTA LA NYAN PA PO YID MI BDE BA TSOGS PAS CHOS SPYOD LAS NYAMS PA BDUN BZHAG ,GNYIS PA'I DBANG DU BYAS NAS, NGAN SONG GSUM GYI SDUG BSNGAL BRJOD NA GZHAN DON DU NGAN SONG GI 'GRO BAR 'GRO BA LA PHYIR PHYOGS PA STE MI MOS SHING SKYO BA DANG, LHA RNAMS DANG ZHI BA TZAM GYI BSNGAGS PA BRJOD NA BDE 'GROR 'GRO BA DANG RGYUN ZHUGS SOGS MNGON

082b

DU BYED PA LA RANG DON DU YID BDE SKYE BA GNYIS SU BZHAG PA'I PHYIR, GSUM PA NI, LAM MA ZHUGS NAS SA BDUN PA'I BAR DU YOD DO, ` ,GSUM PA SHES BYA'I MTSAN NYID BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, SBYOR BA'I SKYON GYI SKABS SU DE BZHIN GSHEGS PA THAMS CAD KYIS SBYOR BA SGOM PA PA LA DGONGS PA MDZAD PA'I MTHAR 'THAD PAR YUM 'DI NI DE BZHIN GSHEGS PA RNAMS SKYED PA DANG DE LA 'JIG RTEN STON PA YIN PAR GSUNGS PA RNAMS LAS, RAB 'BYOR GYIS GSOL BA, BCOM LDAN 'DAS KYIS GANG 'DI SKAD DU SHER PHYIN DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS SKYED PAR BYED PA'O 'JIG RTEN STON PAR BYED PA'O, ,ZHES BKA' STZAL LAGS NA, BCOM LDAN 'DAS JI LTAR SHER PHYIN NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS SKYED PAR BGYID PA LAGS, JI LTAR 'JIG RTEN STON PA YIN, ZHES DRIS PA'I LAN DU, BCOM LDAN 'DAS KYIS BKA' STZAL PA, RAB 'BYOR SHER PHYIN ZAB MO 'DIS DE BZHIN GSHEGS PA'I STOBS BCU SKYED DO, ,ZHES SOGS GSUNGS, GNYIS PA LA, MTSAMS SBYOR BA DANG, DON BSHAD PA GNYIS LAS, DANG PO NI, LUS RNAM GZHAG TU, YON TAN SKYON NI MTSAN NYID BCAS, ,ZHES BSHAD NA, SBYOR BA'I SKYON GYI 'OG TU SBYOR BA'I MTSAN NYID 'CHAD PA'I RGYU MTSAN GANG ZHE NA, DE'I RGYU MTSAN YOD DE, YON TAN BLANG BA DANG

083a

, ,SKYON DOR BA'I SGO NAS SBYOR BA RNAMS BSGOM PAR BYA BA LA NI SBYOR BA'I MTSAN NYID SHES PA SNGON DU 'GRO DGOS PA CAN YIN PAS DE LTAR 'CHAD PA'I PHYIR, ZHES BSHAD PA LA, GO RIMS BZHIN DU YON TAN DANG SKYON BLANG BA DANG DOR BAS SBYOR BA RNAMS BSGOM PAR BYA BA NI MTSAN NYID SHES PA SNGON DU 'GRO BA CAN YIN PAS SKYON GYI 'OG TU DE DAG GI MTSAN NYID, CES GSUNGS, GNYIS PA LA NGO BO'I SGO NAS MDOR BSTAN, DBYE BA'I SGO NAS RGYAS PAR BSHAD, GRANGS KYI SGO NAS DON BSDU BA'O, ,DANG PO LA, RTZA 'GREL GNYIS LAS, DANG PO NI, MDO DE'I DON BSHAD PA'I SGO NAS SBYOR BA'I MTSAN NYID MDOR BSTAN GYI TSUL GYIS BSHAD PA LA, GANG GIS MTSON DE MTSAN NYID DU, ,ZHES SOGS GSUNGS, GNYIS PA NI, DE NYID TSIG DON GYI SGO NAS BSHAD PA LA, BYED PAR SGRUB PAS 'DIS SBYOR BA RNAMS MTSON PAR BYED PAS NA, SHES PA DANG, KHYAD PAR DANG, BYED PA DANG, LAS SU SGRUB PAS DE RNAMS MTSON PAR BYA BA YIN PAS NGO BO NYID KYI MTSAN NYID DE, MTSAN NYID NI RNAM PA BZHIR SHES PAR BYA'O, ,ZHES GSUNGS, GZHUNG DON NI, RANG GI THOB BAR GYUR PA'I 'BRAS BU SHER PHYIN THOB BYED KYI THABS SU GYUR PA'I ZHI LHAG ZUNG 'BREL GYI SEMS DPA'I RNAL 'BYOR CHOS CAN, KHYOD LA MTSAN NYID CES STON PA'I RGYU MTSAN YOD DE, KHYOD LA MA SHER PHYIN GYI RNAL 'BYOR MTSON BYED YIN PA'I PHYIR, SKABS 'DIR BSTAN GYI THEG CHEN GYI SBYOR BA'I MTSAN NYID CHOS CAN, KHYOD LA SGRAS BRJOD RIGS KYI SGO NAS DBYE NA DU MA

083b

YOD DE, KHYOD LA THEG CHEN SBYOR BA'I SHES MTSAN, KHYAD MTSAN, BYED MTSAN, NGO BO NYID MTSAN RNAMS SU YOD PA'I PHYIR, SPYI'I DON LA, MTSAN MTSON GYI RNAM GZHAG ,MTSAN NYID SHES PA SNGON DU 'GRO TSUL, DE'I SA MTSAMS BSTAN PA DANG GSUM LAS, DANG PO LA, DGAG GZHAG GNYIS LAS, DANG PO NI, KHA CIG ,THEG CHEN GYI SBYOR BA'I MTSAN NYID CHOS CAN, KHYOD LA DU MAR YOD DE, KHYOD LA SHES MTSAN, KHYAD MTSAN, BYED MTSAN, NGO BO NYID MTSAN RNAMS SU YOD PA'I PHYIR ZER NA, SHES MTSAN DE THEG CHEN GYI SBYOR BA'I MTSAN NYID DU THAL, SBYOR BA 'THAD PA'I PHYIR, 'DOD NA, THEG CHEN GYI MTHONG LAM CHOS CAN, SHES MTSAN DU THAL, THEG CHEN GYI SBYOR BA YIN PA'I PHYIR, KHYAB PA KHAS, 'DOD MI NUS TE, MTSAN NYID MA YIN PA'I PHYIR, DES GZHAN LA RIGS 'GRE'O, ,KHA CIG ,SNYING RJE CHEN PO DANG STONG NYID RTOGS PA'I SHES RAB SOGS THABS SHES KYI RIGS RDZOGS PAS ZIN PA'I SEMS DPA'I RNAL 'BYOR, LAM SHER PHYIN GYI RNAL 'BYOR GYI MTSAN NYID ZER BA MI 'THAD DE, STONG NYID RTOGS MA MYONG BA'I BYANG SEMS TSOGS LAM PA'I RGYUD KYI KUN RDZOB SEMS BSKYED KYIS MA NGES PA'I PHYIR, KHO NA RE, MTSAN NYID 'THAD PAR THAL, RNAM BSHAD LAS, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI, LAM SHER PHYIN GYI RNAL 'BYOR DU MTSON, SNYING RJE CHEN PO DANG STONG NYID RTOGS PA'I SHES RAB SOGS THABS SHES KHYAD

084a

, ,PAR CAN GYI RIGS RDZOGS PAS ZIN PA'I SEMS DPA'I YE SHES SO, ,ZHES GSUNGS PA'I PHYIR NA MA KHYAB STE, DE NI GTZO CHE BA'I DBANG DU BYAS PA YIN PA'I PHYIR, KHA CIG ,THEG CHEN GYI SBYOR BA'I NUS PA MTSON BYED KYI RTOGS PA, THEG CHEN GYI SBYOR BA'I MTSAN NYID KYI MTSAN NYID, DBYE NA, SHES MTSAN, KHYAD MTSAN, BYED MTSAN, NGO BO NYID MTSAN RNAMS SU YOD ZER NA, THEG CHEN GYI RTOGS RIGS SU GNAS PA'I SEMS DPA'I RNAL 'BYOR CHOS CAN, MTSON BYA DER THAL, MTSAN NYID DE'I PHYIR, SHES MTSAN YIN PA'I PHYIR TE, SEMS DPA'I RGYUD KYI GZHI SHES SBYOR BA'I SHES MTSAN YIN PA'I PHYIR, 'DOD NA, THEG CHEN GYI TSOGS LAM CHOS CAN, THEG CHEN GYI RTOGS RIGS SU GNAS PA'I SEMS DPA'I RNAL 'BYOR DU THAL, THEG CHEN GYI SBYOR BA YIN PA'I PHYIR, KHYAB PA KHAS, GZHAN YANG, SHES MTSAN DE MTSAN NYID YIN PAR THAL, THEG CHEN GYI SBYOR BA'I MTSAN NYID LA BZHIR 'BYED RIGS PA'I PHYIR, 'DOD NA, SHES PA'I MTSAN NYID DE MTSAN NYID DU THAL LO, ,KHO NA RE, SKYON SNGA MA DE MI 'JUG STE, MTSON BYA BZHI KHYAB PA SGO pBZHI RTZI BA GANG DU YANG MA BSHAD PA'I PHYIR, GZHAN YANG, MI RTAG PA BUM PA SPYI'I MTSAN NYID DANG, LTO LDIR BA BUM PA'I RANG GI MTSAN NYID DU THAL, BUM PA'I RANG GI MTSAN NYID DANG BUM PA'I SPYI'I MTSAN NYID YOD PA'I PHYIR, 'DOD NA, KA BA CHOS CAN, BUM PA YIN PAR THAL, MI RTAG PA YIN PA'I PHYIR, KHYAB PA KHYOD LTAR NA SONG, THEG CHEN GYI

084b

RTOGS RIGS SU GNAS PA'I SEMS DPA'I RNAL 'BYOR CHOS CAN, KHYOD SHES PA'I MTSAN NYID DU THAL, KHYOD SHES MTSAN YIN PA'I PHYIR, KHYAB STE, SHES PA'I MTSAN NYID THAMS CAD MKHYEN PA NYID GSUM GYI DBYE BAS THA DAD PA DANG, ZHES GSUNGS PA'I PHYIR, 'DOD NA, SGRA 'DZIN RTOG PA CHOS CAN, THEG CHEN GYI RTOGS RIGS SU GNAS PA'I RNAL 'BYOR DU THAL, SHES PA YIN PA'I PHYIR, KHYAB PA KHYOD LTAR NA YOD, CES ZER NA, THAL 'GYUR PHYI MA GNYIS LA RTZA BAR MA KHYAB, MTSON TSUL LA KHA CIG ,BYANG SEMS KYI SBYOR BA NYI SHU MTSAN NYID YIN LA, DE NI, GZUGS LA SOGS LA MI GNAS PHYIR, ,ZHES PAS BSTAN, CHOS SKU'I RGYU MTHUN GYI SBYOR BA NI MTSON BYA YIN LA, DE NI, NYON MONGS RTAGS DANG MTSAN MA DANG, ,ZHES SOGS KYIS BSTAN, DON GNYIS PHUN TSOGS SGRUB BYED KYI SEMS DPA'I RNAL 'BYOR MTSAN NYID YIN LA, DE NI, BSAM MI KHYAB SOGS KHYAD PAR GYIS, ,ZHES SOGS DANG, PHAN DANG BDE DANG SKYOB PA DANG, ,ZHES SOGS KYIS BSTAN, MTSAN MTSON GZHI GSUM DANG, MTSAN NYID MTSAN GZHI'I STENG DU NGES BYED KYI BLO NI, DE BZHIN GSHEGS PA 'BYUNG BA DANG, ,ZHES SOGS DANG, STONG NYID MTSAN MA MED BCAS DANG, ,ZHES SOGS DANG, DE NI NYID KYI CHOS BSTEN NAS, ,ZHES SOGS KYIS BSTAN, BYED PA NI BYANG SEMS KYI SBYOR BA NYI SHU MTSAN GZHI, CHOS SKU'I RGYU MTHUN GYI SBYOR BA YIN PAR MTSON, DON GNYIS PHUN TSOGS SGRUB BYED KYI SEMS DPA'I RNAL 'BYOR YIN PA, ZHES

085a

, ,MTSON PAR BYED PA YIN NO, ,ZHES ZER, DE 'GOG PA LA, RNAM BSHAD LAS, SNGAR BSHAD PA'I SBYOR BA NYI SHU PO YANG MTSAN GZHIR RUNG MOD KYI, SLOB DPON SENG GE BZANG POS RTZA BA'I DGONGS PA BKRAL BA LTAR NA NI, NGO BO NYID BCU DRUG MTSAN NYID DANG MTSON BYA GNYIS KAR STON PAR GSAL LA, DE BZHIN DU SHES PA BCU DRUG PHRAG GSUM GYIS KYANG MKHYEN PA GSUM GYIS SBYOR BA'I MTSAN NYID BSTAN PAR CHOS SHIN TU GSAL BAS MTSAN GZHI LA MTSAN NYID NGES BYED KYI TSAD MA BSTAN PAR 'CHAD PA SOGS 'THAD PAR MI SEMS SO, ,ZHES GSUNGS, DON NI, SHES BYA CHOS CAN, NYON MONGS RTAGS DANG MTSAN MA DANG, ,ZHES SOGS KYIS MTSON BYA KHO NA BSTAN PA MI 'THAD DE, DES MTSAN NYID DANG MTSON BYA GNYIS KA BSTAN PA YIN PA'I PHYIR TE, DE LTAR NGO BO NYID BCU DRUG JI LTA BA BZHIN DU THAMS CAD MKHYEN PA NYID GSUM GYI SBYOR BA DAG KYANG MTSON PAS NA, ZHES SOGS GSUNGS PA'I PHYIR, GZHAN YANG, DE BZHIN GSHEGS PA 'BYUNG BA DANG, ,ZHES SOGS MTSAN NYID MA BSTAN PA MI 'THAD DE, DE BZHIN GSHEGS PA 'BYUNG BA DANG, ,ZHES SOGS KYIS SEMS DPA'I RGYUD KYI GZHI SHES SBYOR BA'I MTSAN NYID BSTAN, STONG NYID MTSAN MA MED BCAS DANG, ,ZHES SOGS KYIS LAM SHES SBYOR BA'I MTSAN NYID BSTAN, DE NI NYID KYI CHOS BSTAN NAS, ,ZHES SOGS KYIS RNAM MKHYEN SBYOR BA'I MTSAN NYID BSTAN PA'I PHYIR, DANG PO GRUB STE, SHES PA'I

085b

RNAM PA'I BYE BRAG BCU DRUG GIS TSUL BZHIN DU THAMS CAD SHES PA NYID KYI SBYOR BA RNAMS JI LTA BA BZHIN DU MTSON PAS NA SHES PA'I MTSAN NYID THAMS CAD SHES PA NYID KYIS BSDUS PA YIN NO, ,ZHES GSUNGS PA'I PHYIR, GNYIS PA GRUB STE, SHES PA'I RNAM PA'I KHYAD PAR BCU DRUG GIS JI LTA BA BZHIN DU LAM SHES PA NYID KYI SBYOR BA DAG KYANG MTSON PAS NA SHES PA'I MTSAN NYID LAM SHES PA NYID KYIS BSDUS PA YIN NO, ,ZHES GSUNGS PA'I PHYIR, GSUM PA GRUB STE, SHES PA'I RNAM PA'I BYE BRAG BCU DRUG GIS JI LTA BA BZHIN DU RNAM PA THAMS CAD MKHYEN PA NYID KYIS SBYOR BA DAG KYANG MTSON BAS NA, SHES PA'I MTSAN NYID RNAM PA THAMS CAD MKHYEN PA NYID KYIS BSDUS PA YIN NO, ,ZHES GSUNGS PA'I PHYIR, KHA CIG , MKHYEN GSUM GYI SBYOR BA MTSAN GZHI, SANGS RGYAS 'PHAGS PA'I RGYUD KYI MKHYEN GSUM SKYED BYED YIN PA ZHES MTSON, ZHES GSUNGS, DE 'GOG PA LA, RNAM BSHAD LAS, SANGS RGYAS 'PHAGS PA'I RGYUD KYI MKHYEN GSUM SKYED BYED DU MTSON PA SOGS KYANG 'PHAGS SENG GNYIS KA'I 'GREL PA'I TSIG DON LA MI GSAL, ZHES GSUNGS, DON NI, DE MI 'THAD DE, MKHYEN GSUM GYI SBYOR BA TSAD MAS NGES NAS, DES RNAM MKHYEN SKYED BYED DU TSAD MAS MA NGES PA'I GANG ZAG MED PA'I PHYIR TE; MKHYEN GSUM GYI SBYOR BA TSAD MAS NGES PA'I GANG ZAG YIN NA, DE RNAM MKHYEN GYI RGYUR TSAD MAS NGES PA'I GANG ZAG YIN DGOS PA'I PHYIR, RTAGS 'BUD DO, ,DE LTAR YANG, RNAM BSHAD LAS, BYED PA'I MTSAN NYID MTSAN GZHI DANG BCAS

086a

, ,PA SOGS SANGS RGYAS KYI GZHAN DON PHUN TSOGS SKYED BYED YIN KYANG TSUL DE LTAR DU MTSON PA NI MA YIN TE, LAM SHER PHYIN GYI RNAL 'BYOR TZAM DANG, MKHYEN PA GSUM GYI SBYOR BA TZAM TSAD MAS NGES NA, DE'I RJES SU RNAM MKHYEN GYI RGYUR THAG CHOD DGOS PA'I PHYIR, ZHES GSUNGS, GNYIS PA RANG GI LUGS LA, MTSAN GZHI, MTSON BYA, MTSAN NYID, JI LTAR MTSON TSUL LO, ,DANG PO NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI YIN LA, DE NI, NYON MONGS RTAGS DANG MTSAN MA DANG, ,ZHES SOGS KYIS BSTAN, GNYIS PA LA, SPYI DANG, KHYAD PAR GNYIS LAS, DANG PO NI SBYOR BA'I MTSAN NYID CES PA'I SBYOR BA NI LAM SHER PHYIN GYI RNAL 'BYOR YIN LA, DE'I MTSAN NYID LA SBYOR BA'I MTSAN NYID CES BYA'O, ,GNYIS PA'I DBANG DU BYAS NA, SEMS DPA'I RGYUD KYI GZHI SHES SBYOR BA, LAM SHES SBYOR BA, RNAM MKHYEN SBYOR BA, NYAN RANG GI SBYOR BA LAS KHYAD PAR DU 'PHAGS PA'I SBYOR BA, GZHAN DON BYED PA'I BYED LAS KHYAD PAR CAN DANG LDAN PA'I SBYOR BA RNAMS LA SKABS 'DIR MTSON BYA ZHES BSHAD DO, ,GSUM PA LA, SPYI DANG BYE BRAG GNYIS LAS, DANG PO'I DBANG DU BYAS NA, RANG GI THOB BYAR GYUR PA'I 'BRAS BU SHER PHYIN THOB BYED KYI THABS SU GYUR PA'I ZHI LHAG ZUNG 'BREL GYI SEMS DPA'I RNAL 'BYOR LTA BU'O, ,GNYIS PA'I DBANG DU BYAS NA, DE BZHIN GSHEGS PA 'BYUNG PA SOGS GZHI SHES KYI RNAM PA GANG YANG RUNG BA LA DMIGS PA'I THEG DMAN GYI RTOGS

086b

RIGS SU GNAS PA'I SEMS DPA'I RNAL 'BYOR DANG, STONG NYID MTSAN MED SOGS LAM SHES KYI RNAM PA GANG RUNG LA DMIGS PA'I SEMS DPA'I RNAL 'BYOR DANG, DE BZHIN GSHEGS PA NYID KYI MTHONG CHOS LA BDE BAR GNAS PA SOGS RNAM MKHYEN GYI RNAM PA GANG RUNG LA DMIGS PA'I SEMS DPA'I RNAL 'BYOR DANG, BSAM MI KHYAB SOGS KYIS KHYAD PAR DU BYAS PA'I SEMS DPA'I RNAL 'BYOR DANG, PHAN BDE SKYOB SOGS KYI BYED LAS KHYAD PAR CAN DANG LDAN PA'I SEMS DPA'I RNAL 'BYOR RNAMS SKABS 'DIR MTSAN NYID YIN NO, ,BZHI PA LA, SPYI'I NGOS 'DZIN DANG, SO SO'I NGOS 'DZIN GNYIS LAS, DANG PO NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI, LAM SHER PHYIN GYI RNAL 'BYOR DU MTSON, RANG GI THOB BYAR GYUR PA'I 'BRAS BU SHER PHYIN THOB BYED KYI THABS SU GYUR PA'I ZHI LHAG ZUNG 'BREL GYI SEMS DPA'I RNAL 'BYOR YIN PA'O, ,GNYIS PA NI, NYON MONGS RTAGS DANG MTSAN MA DANG, ,ZHES SOGS KYI SKABS NAS DNGOS SU BSTAN PA'I SEMS DPA'I RNAL 'BYOR DANG PO BZHI MTSAN GZHI, SEMS DPA'I RGYUD KYI GZHI SHES SBYOR PAR MTSON, DE BZHIN GSHEGS PA 'BYUNG BA SHES PA SOGS GZHI SHES KYI RNAM PA GANG RUNG LA DMIGS PA'I THEG DMAN GYI RTOGS RIGS SU GNAS PA'I SEMS DPA'I RNAL 'BYOR YIN PA, DE YANG, NYON MONGS RTAGS DANG MTSAN MA DANG, ,MI MTHUN PHYOGS DANG GNYEN PO DANG, ,DBEN DANG, ZHES PAS MTSAN GZHI DANG, DE BZHIN GSHEGS PA 'BYUNG BA DANG, ,ZHES SOGS

087a

, ,KYIS MTSAN NYID BSTAN NO, ,DKA' DANG, ZHES SOGS KYI SKABS NAS DNGOS SU BSTAN PA'I GZHAN DON GYI GO CHA BYA DKA' BA SOGS SGRUB PA'I SEMS DPA'I RNAL 'BYOR LNGA MTSAN GZHI, LAM SHES KYI SBYOR BAR MTSON, , STONG NYID MTSAN MED SOGS LAM SHES KYI RNAM PA GANG RUNG LA DMIGS PA'I SEMS DPA'I RNAL 'BYOR LEN PA, DE YANG, DKA' DANG NGES PA DANG, ,CHED DU BYA DANG MI DMIGS DANG, ,MNGON PAR ZHEN PA BKAG PA DANG, ,ZHES PAS, MTSAN GZHI DANG; STONG NYID MTSAN MA MED SOGS DANG, ,ZHES SOGS KYIS MTSAN NYID DE BSTAN NO, ,DMIGS PA ZHES SOGS KYI SKABS NAS DNGOS SU BSTAN PA'I GZHI LAM GYI KHYAD PAR SOGS RNAM MKHYEN GYI RNAM PA GANG RUNG LA DMIGS PA'I SEMS DPA'I RNAL 'BYOR BDUN MTSAN GZHI, RNAM MKHYEN GYI SBYOR BAR MTSON, DE BZHIN GSHEGS PA NYID KYI MTHONG BA? CHOS LA BDE BAR GNAS PA SOGS RNAM MKHYEN GYI RNAM PA GANG RUNG LA DMIGS PA'I SEMS DPA'I RNAL 'BYOR YIN PA, DE YANG, DMIGS PA ZHES BYA GANG YIN DANG, ,ZHES SOGS KYIS MTSAN GZHI DANG, DE NI NYID NI CHOS BSTEN NAS, ,ZHES SOGS MTSAN NYID DE BSTAN NO, ,NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG MTSAN GZHI, DE NYAN RANG GI SBYOR BA LAS KHYAD PAR DU 'PHAGS PA'I SBYOR BAR MTSON, BSAM MI KHYAB SOGS KYIS KHYAD PAR DU BYAS PA'I SEMS DPA'I RNAL 'BYOR YIN PA, DE YANG, BSAM MI KHYAB SOGS, ZHES SOGS KYIS MTSAN GZHI BSTAN, DE BCU DRUG MTSAN

087b

GZHI; GZHAN DON SGRUB PA'I BYED LAS KHYAD PAR CAN DANG LDAN PA'I SBYOR BAR MTSON, PHAN BDE SKYOB SOGS KYI BYED LAS KHYAD PAR CAN DANG LDAN PA'I SEMS DPA'I RNAL 'BYOR YIN PA, DE YANG, PHAN DANG, ZHES SOGS KYIS MTSAN NYID DE BSTAN NO,, MTSAN GZHI RNAMS, NYON MONGS RTAGS DANG, ZHES SOGS KYIS BSTAN, KHA CIG ,BYANG SEMS KYI SBYOR BA THOB PA LA ZHI LHAG ZUNG 'BREL THOB DGOS PAR THAL, MTSAN NYID DBANG PO 'THAD PA'I PHYIR, 'DOD NA, BYANG CHUB KYI SEMS LA YID 'GYUR GYI MYONG BA SKYE BA LA ZHI GNAS MTSAN NYID BA THOB DGOS PAR THAL, 'DOD PA'I PHYIR NA MA KHYAB, KHO NA RE, BYANG SEMS SBYOR LAM PA'I RGYUD KYI GANG ZAG GI BDAG MED RTOGS PA'I SHES RAB CHOS CAN, MTSAN NYID DER THAL, MTSON BYA DE'I PHYIR, 'DOD NA, THABS YIN PAR THAL, 'DOD PA'I PHYIR, 'DOD MI NUS TE, SHES RAB YIN PA'I PHYIR NA MA KHYAB STE, SBYIN PA'I GO SGRUB KYI NANG TSAN DU GYUR PA'I SHES RAB CHOS CAN, DER THAL, DE'I PHYIR, RTAGS GRUB STE, DE YOD PA'I PHYIR TE, SBYIN PA'I GO SGRUB YOD PA'I PHYIR; 'DOD MI NUS TE, SBYIN PA'I GO SGRUB YIN PA'I PHYIR, GNYIS PA NI, THEG CHEN GYI RIGS CAN GCIG NGES PAR BLA MED RDZOGS BYANG DON DU GNYER BA NA DE'I RGYUR YUM GYI RNAL 'BYOR LA 'JUG LA, DE'I TSE DE LA RTOGS PA MTHAR THUG SKYED PA'I NUS PA YOD MED DPYOD DGOS PAS DE LA SHES MTSAN DANG, DE LA YANG GZHAN DON MTHAR THUG SKYED PA'I NUS PA MI SNANG NA RTOGS PA TZAM THEG CHEN GYI DON DU GNYER BYA'I GTZO BO MA YIN PAS DE SHER PA LA BYED MTSAN DANG, NUS PA DE GNYIS NYAN RANG GI LAM LA YANG YOD NA DKA' BA

088a

, ,BU? PAR? SPYAD DGOS PA'I THEG CHEN GYI LAM LA 'JUG PA LDOG PAS, DE MED PAR SHES PA LA KHYAD MTSAN DANG, SBYOR BA DE RANG GI NGO BO SPANGS RTOGS JI LTA BU DANG LDAN PA SHES PAR BYED PA LA MTSON NYID THA MA BSTAN DGOS PA'I MTSAN NYID SHES PA SBYOR BA SGOM PA'I SNGON DU 'GRO BA'I TSUL DE YIN NO, ,'DIS MTSAN NYID BSTAN LA PHANG? BA'I DGOS PA DANG GRANGS NGES YANG BSTAN TO, ,GSUM PA NI, THEG CHEN GYI TSOGS LAM NAS RGYUN MTHA'I BAR DU YOD, SBYOR BA SGOM RES KYIS 'DI SNGON DU BTANG NAS SGOM DGOS PA'I PHYIR, ` GNYIS PA DBYE BA'I SGO NAS RGYAS PAR BSHAD PA LA, SHES MTSAN, KHYAD MTSAN, BYED MTSAN, NGO BO NYID MTSAN DANG BZHI LAS, DANG PO LA, BZHI SHES SBYOR BA'I SHES MTSAN, LAM SHES SBYOR BA'I SHES MTSAN, RNAM MKHYEN SBYOR BA'I SHES MTSAN DANG GSUM LAS, DANG PO LA MTSAMS SBYOR, RTZA BA, 'GREL BA GSUM LAS, DANG PO NI, THEG CHEN GYI SBYOR BA'I MTSAN NYID LA SGRAS BRJOD RIGS KYI SGO NAS BZHIR PHYE BA DE LA SHES MTSAN LA MKHYEN GSUM GYI DBYE BA GSUM YOD PA'I NANG NAS RE ZHIG DANG POR SEMS DPA'I RGYUD KYI GZHI SHES SBYOR BA'I SHES MTSAN DE 'CHAD PAR BYED DO, ,ZHES MTSAMS SBYOR BA LA, DE SHES PA'I PHYIR, THAMS CAD MKHYEN PA NYID GSUM GYI DBYE BAS THA DAD PA LA RE ZHIG THAMS CAD SHES PA NYID KYI SGO NAS, ZHES GSUNGS, GNYIS PA NI, DE BZHIN GSHEGS PA 'BYUNG BA DANG, ,ZHES SOGS KYIS BSTAN, GSUM PA NI, DE NYID TSIG DON GYI SGO NAS BSHAD PA LA, DE BZHIN GSHEGS PA 'BYUNG BA, ZHES SOGS GSUNGS, 'DI LA YANG

088b

GZHI SHES KYI RNAM PA BCU DRUG YOD PA'I DANG PO DE BZHIN GSHEGS PAS SEMS DPA'I RGYUD KYI GZHI SHES SBYOR BA LAS DE BZHIN GSHEGS PA'I STOBS SOGS 'BYUNG BA SHES PA DE STON PA LA, MDO LAS, RAB 'BYOR SHER PHYIN ZAB MO 'DIS DE BZHIN GSHEGS PA'I STOBS BCU BSKYED DO, ,ZHES SOGS GSUNGS, DE'I DON BSHAD PA LA, DE BZHIN GSHEGS PA 'BYUNG BA DANG, ,ZHES DANG, DE BZHIN GSHEGS PA 'BYUNG BA DANG, ZHES GSUNGS, GNYIS PA GZHI SHES KYI SBYOR BA'I SHER PHYIN LA BRTEN NAS DE BZHIN GSHEGS PAS 'JIG RTEN DON DAM PAR 'JIG PA MED PAR SHES PA DE STON PA LA, RAB 'BYOR GYIS GSOL BA, BCOM LDAN 'DAS DE BZHIN GSHEGS PAS GSUNGS PA'I 'JIG RTEN GANG LAGS, BCOM LDAN 'DAS KYIS BKA' STZAL PA, RAB 'BYOR PHUNG PO LNGA NI DE BZHIN GSHEGS PAS 'JIG RTEN DU GSUNGS SO, ,ZHES SOGS DAS, SHER PHYIN 'DI NI PHUNG PO LNGA PO 'DI DAG 'JIG PAR STON PA MA YIN, RAB TU 'JIG PAR STON PA MA YIN, ZHES SOGS GSUNGS, DE'I DON BSHAD PA LA, 'JIG RTEN 'JIG MED BDAG NYID DANG, ,ZHES DANG, 'JIG RTEN 'JIG PA MED PA DANG, ZHES GSUNGS, GSUM PA, SEMS CAN GYI SEMS KYI SPYOD PA THAMS CAD SHES PA DE STON PA LA, RAB 'BYOR SEMS CAN TSAD MED GRANGS MED SEMS CAN GZHAL DU MED PA'I SEMS DANG SPYOD PA RAB TU MKHYEN PA DANG, ZHES SOGS GSUNGS, DE'I DON BSHAD PA LA, SEMS CAN SEMS KYI SPYOD PA DANG, ,ZHES DANG, SEMS CAN GYI SEMS KYI SPYOD PA DANG, ZHES GSUNGS, BZHI PA SEMS BSDUS PA DANG SEMS RNAM PAR G-YENG

089a

, ,BA SHES PA NI, RAB 'BYOR GZHAN YANG SEMS CAN GDAGS PAS GDAGS PAR 'GYUR BA GZUGS YOD PA'AM, ZHES PA NAS, DE BZHIN GSHEGS PAS SEMS CAN DE DAG GI SEMS BSDUS PA DANG SEMS RNAM PAR G-YENG BA NI BDAG NYID KYI YANG DAG PA JI LTA BA BZHIN DU RAB TU MKHYEN TO, ,ZHES PAS BSTAN, DE'I DON BSHAD PA LA, DE BSDUS PA DANG PHYIR BLTAS DANG, ,ZHES DANG, SEMS BSDUS PA DANG, SEMS RNAM PAR G-YENG BA DANG, ZHES GSUNGS, LNGA PA SEMS MI ZAD PA'I RNAM PA SHES PA NI, RAB 'BYOR GANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS SEMS CAN DE DAG GI SEMS BSDUS PA DANG SEMS RNAM PAR G-YENG BA DANG, MI ZAD PA NYID DU YANG DAG PA JI LTA BA BZHIN DU RAB TU MKHYEN TE, ,ZHES SOGS KYIS BSHAD, DE'I DON BSHAD BA LA, MI ZAD PA YI RNAM PA DANG, ,ZHES DANG, SEMS MI ZAD PA'I RNAM PA DANG, ZHES GSUNGS, DRUG PA SEMS 'DOD CHAGS DANG BCAS PA DANG BRAL BA DANG; ZHE SDANG DANG BCAS PA DANG BRAL BA DANG, GTI MUG DANG BCAS PA DANG BRAL BA RNAMS SPROS BRAL GYI NGO BOR SHES PA GSUM STON PA LA, RAB 'BYOR GZHAN YANG DE BZHIN GSHEGS PAS SEMS CAN DE DAG GI SEMS 'DOD CHAGS DANG BCAS PA'I SEMS LA 'DOD CHAGS DANG BCAS PA'I SEMS ZHES BYA BAR YANG DAG PA JI LTA BA BZHIN DU RAB TU MKHYEN TO, ,ZHES PA NAS, SEMS GTI MUG DANG BRAL BA LA GTI MUG DANG BRAL BA'I SEMS ZHES BYA BAR YANG DAG PA JI LTA BA

089b

BZHIN DU RAB TU MKHYEN TO, ,ZHES PA'I BAR GSUNGS, DE'I DON BSHAD PA LA, CHAGS BCAS SOGS DANG, ZHES DANG, SEMS 'DOD CHAGS DANG BCAS PA LA SOGS PA DANG, SOGS PA ZHES BYA BA'I SGRAS BSDUS PA SEMS 'DOD CHAGS DANG BRAL BA DANG, ZHES GSUNGS, DGU PA SEMS RGYA CHEN PO SHES PA STON PA LA, RAB 'BYOR GZHAN YANG DE BZHIN GSHEGS PAS SHER PHYIN ZAB MO 'DI LA BRTEN NAS SEMS CAN PHA ROL DANG GANG ZAG PHA ROL RNAMS KYI SEMS RGYA CHE BA LA SEMS RGYA CHE BA ZHES BYA BAR YANG DAG PA JI LTA BA BZHIN DU RAB TU MKHYEN TO, ,ZHES SOGS GSUNGS, DE'I DON BSHAD PA LA, RGYA CHEN DANG, ,ZHES DANG, SEMS RGYA CHEN PO DANG, ZHES GSUNGS, BCU PA SEMS CHEN POR GYUR PA SHES PA NI, RAB 'BYOR GZHAN YANG DE BZHIN GSHEGS PAS SHER PHYIN ZAB MO 'DI LA BRTEN NAS SEMS CAN PHA ROL DANG GANG ZAG PHA ROL RNAMS KYI SEMS CHEN POR GYUR PA LA SEMS CHEN POR GYUR BA ZHES BYA BAR YANG DAG PA JI LTA BA BZHIN DU RAB TU MKHYEN TO, ,ZHES SOGS KYIS BSHAD, DE'I DON BSHAD PA LA, CHEN POR GYUR DANG, ZHES DANG, SEMS CHEN POR GYUR PA DANG, ZHES GSUNGS, BCU GCIG PA SEMS TSAD MED PA SHES PA DE STON PA LA, SEMS TSAD MED PA, ZHES SOGS GSUNGS, DE'I DON BSHAD PA LA, TSAD MED DANG, ,ZHES DANG, SEMS TSAD MED PA DANG, ZHES GSUNGS, BCU GNYIS BA SEMS BSTAN DU MED PA SHES PA NI, SEMS BSTAN DU MED PA LA, ZHES SOGS KYIS BSTAN, DE'I DON BSHAD PA LA, RNAM SHES BSTAN DU

090a

, ,MED PA DANG, ,ZHES DANG, SEMS BSTAN DU MED PA DANG, ZHES GSUNGS, BCU GSUM PA SEMS BLTAR MED PA SHES PA NI, SEMS BA LTAR MED PA LA, ZHES SOGS KYIS BSTAN NAS, DE'I DON BSHAD PA LA, SEMS BLTAR MED DANG, ZHES DANG, SEMS BLTAR MED PA DANG, ZHES GSUNGS, BCU BZHI PA SEMS G-YO BA LA SOGS PA SHES PA NI, SEMS G-YO BA DANG, 'DU BA DANG, BKRAM PA DANG, BTZUM? PA LA YANG DAG PA JI LTA BA, ZHES SOGS KYIS BSTAN NAS, DE'I DON BSHAD PA LA, SHES PA STE, ,G-YO BA LA SOGS ZHES BYA DANG, ,ZHES DANG, SEMS G-YO BA LA SOGS PA DANG, ZHES GSUNGS, BCO LNGA PA SEMS G-YO BA LA SOGS PA DE DAG DE BZHIN NYID KYI RNAM PA CAN DU SHES PA NI, RAB 'BYOR GZHAN YANG DE BZHIN GSHEGS PAS SHER PHYIN ZAB MO 'DI LA BRTEN NAS GZUGS MKHYEN TO, ,GZUGS JI LTAR MKHYEN CE NA, DE BZHIN NYID DANG MA NOR BA DE BZHIN NYID DANG 'GYUR BA MED PA DANG RNAM PAR RTOG PA MED PA DANG MTSAN MA MED PA DANG, ,BAD PA MED PA DANG SPROS PA MED PA DANG, DMIGS SU MED PA, JI LTA BA DE LTAR MKHYEN TO, ,ZHES SOGS KYIS BSTAN NAS, DE'I DON BSHAD PA LA, DE LAS GZHAN YANG DE DAG NI, ,DE BZHIN NYID KYI RNAM PAR SHES, ,ZHES DANG, G-YO BA LA SOGS PA DE BZHIN NYID KYI RNAM PA CAN DANG, ZHES GSUNGS, BCU DRUG PA DE BZHIN GSHEGS PAS DE BZHIN NYID RANG GIS RTOGS PA LTAR GDUL BYA GZHAN LA BSTAN CING BTAGS PA'AM

090b

'DOGS PA SHES PA LA, DE BZHIN NYID DU 'DOGS PA DANG, DE BZHIN NYID DU THUGS SU CHUD PA DANG DE BZHIN NYID MCHOG TU MKHYEN PA DANG DE BZHIN NYID YANG DAG PAR STON PA'I GZHI SHES GCIG TU BYED DE STON PA LA, RAB 'BYOR GZHAN YANG G-YO BA DANG 'DU BA DANG BKRAM PA DANG, BCUM? PA'I DE BZHIN NYID GANG YIN PA DE NI PHUNG PO DANG KHAMS DANG SKYE MCHED DANG RTEN CING 'BRAL BAR 'BYUNG BA'I DE BZHIN NYID DO, ,ZHES SOGS DANG, DE BZHIN NYID DU 'DOGS PAR MDZAD DO, ,ZHES DANG, YUM 'DI LA BRTEN NAS DE BZHIN NYID 'DI MNGON PAR SANGS RGYAS SO, ,ZHES DANG, DE BZHIN NYID MNGON PAR SANGS RGYAS PAS NA DE BZHIN GSHEGS PA ZHES BYA'O, ,ZHES DANG, MNGON PAR SANGS RGYAS NAS GSUNGS SO, ,ZHES SOGS KYI MDO PHYI MA BZHIS SHES PA BZHI PO DE BSTAN NO, ,DE'I DON BSHAD PA LA, THUB PAS DE BZHIN NYID RTOGS TE, ,GZHAN LA BSTAN PA ZHES BYA 'DI, ,ZHES DANG, DE BZHIN GSHEGS PAS DE BZHIN NYID RTOGS PA DE GZHAN LA BSTAN CING BTAGS PA ZHES BYA BA 'DI RNAMS KYI SHES PA'I RNAM PA'I BYE BRAG BCU DRUG GIS, ZHES GSUNGS, DE YANG SHES PA BZHI PO DE RTZA BAS GNYIS PA DANG BZHI PA DNGOS SU BSTAN NAS 'GREL PAS GSUM PA MA GTOGS TSIG ZIN LA BSTAN TO, ,DE DAG GI DON BSDUS NAS STON PA LA, THAMS CAD SHES PA NYID SKABS KYI, ,SHES PA'I MTSAN NYID BSDUS PA YIN, ,ZHES DANG, TSUL BZHIN DU THAMS CAD SHES PA NYID KYI SBYOR BA RNAMS JI LTA BA BZHIN MTSON PAS NA, SHES PA'I MTSAN NYID THAMS CAD SHES PA NYID KYIS BSDUS PA YIN NO,

091a

, ,ZHES GSUNGS, GZHUNG DON NI, CHAGS SOGS NYON MONGS MNGON GYUR PA DANG, CHAGS SOGS DE'I RTAGS TE 'BRAS BU SGO GSUM GYI GNAS NGAN LEN DANG, CHAGS SOGS DE'I MTSAN MA STE RGYU DNGOS PO'I GNAS TSUL JI LTA BA BZHIN MA YIN PAR YID LA BYED PA GANG ZAG BDE BAR 'DZIN PA SOGS DANG, 'DOD CHAGS DANG 'DOD CHAGS MED PA SOGS MI MTHUN PHYOGS DANG GNYEN PO DAG LA MNGON PAR ZHEN PAS DBEN PA'I SEMS DPA'I RNAL 'BYOR BZHI CHOS CAN, SEMS DPA'I RGYUD KYI GZHI SHES SBYOR BA YIN TE, DE BZHIN GSHEGS PA 'BYUNG BA SOGS GZHI SHES KYI RNAM PA GANG RUNG LA DMIGS PA'I THEG DMAN GYI RTOGS RIGS SU GNAS PA'I SEMS DPA'I RNAL 'BYOR YIN PA'I PHYIR, RTAGS DE GSAL BA DE'I MTSAN NYID, KHA CIG ,DE BZHIN GSHEGS PA 'BYUNG BA SOGS GZHI SHES KYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR DE, DE'I MTSAN NYID ZER NA, RGYUN MTHA'I BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, DE GANG YANG RUNG BA BDEN STONG DU MNGON SUM DU RTOGS PA'I SEMS DPA'I RNAL 'BYOR YIN PA'I PHYIR, KHA CIG ,DE BZHIN GSHEGS PA 'BYUNG BA SOGS GZHI SHES KYI YUL BCU DRUG PO GANG RUNG GI RNAM PA CAN GYI SEMS DPA'I RNAL 'BYOR, DE'I MTSAN NYID ZER NA, GNYIS STONG DON SPYI'I TSUL GYIS RTOGS PA'I THEG CHEN GYI SBYOR LAM CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE,

091b

CHOS CAN DE DANG GCIG YIN PA'I PHYIR, KHA CIG ,DE SKABS 'DIR DNGOS SU BSTAN PA'I DE'I MTSAN NYID ZER NA, NYAN THOS DGRA BCOM PA'I RTOGS PA SNGON DU SONG BA'I BYANG SEMS SBYOR LAM PA'I RGYUD KYI GANG ZAG GI BDAG MED RTOGS PA'I MKHYEN PA CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, DER BSDUS PA DANG PHYIR BLTAS DANG, ,ZHES GSUNGS PA'I PHYIR, 'DOD MI NUS TE, CHOS CAN DE'I PHYIR, GZHAN YANG, RGYUN MTHA'I BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, 'JIG RTEN DON DAM PAR 'JIG PA MED PAR MNGON SUM DU RTOGS PA'I SEMS DPA'I RNAL 'BYOR YIN PA'I PHYIR RO, ,DES NA SEMS DPA'I RGYUD KYI GZHI SHES SBYOR BA'I YUL DE LA BCU DRUG TU YOD DE, DE LA DE BZHIN GSHEGS PA 'BYUNG BA SHES PA NAS, DE BZHIN GSHEGS PAS DE BZHIN NYID KYI RNAM PA RTOGS PA SHES PA'I BAR DU YOD PA'I PHYIR, DE DAG GI NANG NAS, SHES PA STE, ,G-YO BA LA SOGS ZHES BYA DANG, ,ZHES PA'I DON NI, LTA NGAN RNAMS 'KHRUL GZHI LA BRTEN NAS 'BYUNG ZHING GANG ZAG GI BDAG MED PAR SHES PA'I SEMS DPA'I RNAL 'BYOR CHOS CAN, SEMS DPA'I RGYUD KYI GANG ZAG GI BDAG MED RTOGS PA'I GZHI SHES SBYOR BA'I MTSAN NYID YIN TE, DE'I 'JOG BYED YIN PA'I PHYIR, 'DI'I SKABS SU SPYI DON LA, LTA NGAN GYI DBYE BA, BSDU BA, GANG ZAG GANG GI YIN PA, SGRA BSHAD PA'O, ,DANG PO NI, SNGON 'DZAM BU'I GLING 'DIR MU STEGS KYI STON PA RTOG GE BA DRUG ,RJES SGROG PA DRUG ,SNYOMS 'JUG PA DRUG STE BCO BRGYAD KYI BSTAN

092a

, ,PA DAR BA'I DUS SU LTA NGAN DRUG CU RTZA GNYIS KYI RNAM GZHAG BYUNG BAR TSANGS PA'I DRA BA'I MDO LAS GSUNGS PA YIN TE, DE LA SNGON GYI MTHAR RTOG PA'I LTA BA BCO BRGYAD DANG, PHYI MA'I MTHAR RTOG PA'I LTA BA ZHE BZHI GSUNGS PA'I PHYIR, DANG PO GRUB STE, RTAG PAR SMRA BA RNAMS KYI BZHI, KHA CIG RTAG PAR SMRA BA RNAMS KYI BZHI, RGYU MED PAR SMRA BA RNAMS KYI GNYIS, MTHA' DANG LDAN MI LDAN RNAMS KYI BZHI, LHA SPONG MI SPONG RNAMS KYI BZHI GSUNGS PA'I PHYIR; DE'I YANG, DANG PO NI, PHYI ROL PA'I BSAM GTAN PA 'GA' ZHIG GIS SNGON GNAS RJES DRAN GYI MNGON SHES LA BRTEN NAS BAR BSKAL NYI SHU DANG, BZHI BCU DANG, BRGYAD CU DRAN PA DANG, LHA'I MIG GI MNGON SHES LA BRTEN NAS SEMS CAN KHA DOG BZANG BA DANG NGAN PA RNAMS DE DANG DER SKYES PA MTHONG NAS BDAG DANG 'JIG RTEN RTAG PAR SMRA BA RNAMS YIN NO, ,GNYIS PA NI, TSANGS CHEN GYI 'KHOR 'GA' ZHIG MIR SKYES TE MNGON SHES BSGRUBS NAS BLTAS PAS TSANGS PA CHEN PO MA SHI BAR MTHONG NAS TSANGS PA CHEN PO NI RTAG LA LHA GZHAN RNAMS NI MI RTAG GO SNYAM PA DANG, TSANGS PA CHEN PO'I 'BYUNG BA CHEN PO RNAMS NI MI RTAG CING SEMS MA 'GAGS PAR MTHONG NAS 'BYUNG BA RNAMS NI MI RTAG LA SEMS RTAG PAR LTA BA DANG, 'DOD LHA RTZE BAS RAB TU BSLUS PA ZHIG SHI NAS MIR SKYES TE MNGON SHES BSGRUBS NAS BLTAS PAS RANG GI SNGAR GYI BLA BO RNAMS MA SHI BAR MTHONG NAS LHA RTZE BAS BSLUS PA RNAMS NI MI RTAG LA

092b

GZHAN RNAMS RTAG PAR LTA BA DANG, LHA GROGS LA YID 'KHRUL BA KHA CIG SHI NAS MIR SKYES TE MNGON SHES BSGRUBS NAS BLTAS PAS GZHAN RNAMS MA SHI BAR MTHONG NAS, LHA GROGS LA YID 'KHRUL BA DAG MI RTAG LA GZHAN RNAMS RTAG GO SNYAM DU LTA BA RNAMS SO, ,GSUM PA NI, GZUGS MED NAS SHI 'PHOS NAS 'DOD LHAR SKYE BA'I DRANG SRONG 'GA' ZHIG GIS MNGON SHES BSGRUBS NAS BLTAS PAS RANG GI LUS KYI RGYU SNGA MA GANG YIN MA MTHONG NAS RANG GI LUS RGYU MED GLO BUR DU BYUNG BAR LTA BA BSAM GTAN LA BRTEN PA DANG, CHAR DANG RLUNG SOGS GLO BUR DU 'BYUNG ZHING SHING RNAMS LA RES 'GA' ME TOG DANG 'BRAS BU BRGYUD DE GLO BUR DU 'BYUNG BAR LTA BA RTOG GE LA BRTEN PA GNYIS SO, ,BZHI PA NI, PHYI ROL PA'I DRANG SRONG MNGON SHES DANG LDAN PA 'GA' ZHIG GIS 'JIG RTEN GYI MTHA' 'CHAD PAR 'GYUR RO, ,'ON TE 'CHAD PAR 'GYUR SNYAM DU YANG DAG PAR 'TSOL BA NA 'JIG PA'I BSKAL PA DRAN PA'I TSE MTHA' YOD PA'I 'DU SHES 'BYUNG, 'CHAGS PA'I BSKAL PA DRAN PA'I TSE MTHA' MED PA'I 'DU SHES 'BYUNG, YANG DE DAG YUL RGYA MTSO'I MTHA' YANG DAG PAR 'TSOL BA NA 'OG TU MNAR MED MAN CHAD LAS MA MTHONG ZHING, STENG DU BSAM GTAN BZHI PA YAN CHAD LAS MA MTHONG ZHING, THAD KAR THAMS CAD PHA ROL ZAD PA'I MTHA' MA MTHONG BA DE'I TSE 'OG DANG STENG DU MTHA' YOD PA'I 'DU SHES 'BYUNG, THAD KAR MTHA' MED PA'I 'DU SHES 'BYUNG BA'O, ,LNGA PA NI, BLO MA BYANG BA DANG, RTOG PA MNGON PA'I NGA RGYAL CAN DANG, BLO BYANG BA RNAM PAR MA NGES

093a

, ,PA DANG, SHES PA CAN ZHING KUN TU RMONGS PA BZHI LAS MNGON PAR MTHO BA'I LAM DGE BA DANG MI DGE BA DANG, NGES LEGS KYI LAM BDEN PA BZHI LAS BRTZAMS TE DRI BA DRIS PA NA DRI BA RNAMS LA LAN GSAL PO MI 'DEBS PAR GTAM RLUNG LA SKUR ZHING BDAG GIS LHA MI SPONG BA YIN NO SNYAM DU LTA BA'O, ,DE DAG MDOR BSDUS PA'I SDOM NI, RTAG DANG KHA CIG RGYU MED DANG, ,MTHA' LDAN DE BZHIN LHA MI SPONG, ,ZHES PA'O, ,GNYIS PA NI, 'DU SHES YOD PAR SMRA BA RNAMS KYI BCU DRUG ,MED PAR SMRA BA RNAMS KYI BRGYAD, GNYIS MIN DU SMRA BA RNAMS KYI BRGYAD, CHAD PAR SMRA BA RNAMS KYI BDUN, TSE 'DI NYID LAS GROL BAR SMRA BA RNAMS KYI LNGA RNAMS SU YOD, DANG PO BCU DRUG YOD DE, BDAG GZUGS DANG LDAN PA DANG, MI LDAN PA DANG, GNYIS KA DANG, GNYIS KA MA YIN PA DANG, BDAG MTHA' DANG LDAN PA DANG, MI LDAN PA DANG, GNYIS KA YIN PA DANG, GNYIS KA MA YIN PAR 'DU SHES PA RNAMS KYI LTA NGAN DANG, BDAG BDE BA YIN PA DANG, SDUG BSNGAL YIN PA DANG, GNYIS KA YIN PA DANG, GNYIS KA MA YIN PAR 'DU SHES PA CAN GYI BZHI DANG, BDAG GCIG PU YIN PA DANG, THA DAD YIN PA DANG, CHUNG NGU YIN PA DANG, TSAD MED PAR 'DU SHES PA CAN GYI BZHI RNAMS YIN NO, ,GNYIS PA NI; BDAG GZUGS CAN YIN PAR 'DU SHES MED, CES PA NAS BDAG MTHA' DANG LDAN MI LDAN GNYIS KA MA YIN PAR 'DU SHES MED PA'I BAR BRGYAD DO, ,GSUM PA NI, SNGA MA BRGYAD PO DE NYID LA 'DU SHES YOD PA YANG MA YIN, MED PA

093b

YANG MA YIN PAR ZHES SOGS SBYAR NAS LTA BA BRGYAD PO DE YIN NO, ,BZHI PA NI, 'DOD PA'I MI DANG LHA DANG GZUGS KHAMS PA DANG GZUGS MED SKYE MCHED RIGS BZHI STE BDUN PO RNAMS MA SHI'I BAR DU NAD DANG 'BRAS DANG ZUG RNGU DANG BCAS PA YIN LA; SHI NAS YE MED DU LTA BA BDUN PO DE YIN NO, ,LNGA PA NI, 'DOD PA'I YON TAN LA 'DZEM MED DU SPYOD PAS TSE 'DI LA GROL BAR LTA BA DANG, BSAM GTAN BZHI THOB PAS TSE 'DI NYID LAS GROL BAR LTA BA BZHI STE LNGA'O, ,DE DAG MDOR BSDUS PA'I SDOM NI, 'DU SHES YOD SMRA BCU DRUG DANG, ,MED DANG GNYIS MIN BRGYAD BRGYAD DANG, ,CHAD PAR SMRA BA RNAMS KYI BDUN, ,TSE 'DI NYID LA GROL BA'I LNGA, ,ZHES PA'O, ,LTA NGAN DRUG CU RTZA GNYIS PO 'DI DAG DON DRUG GI SGO NAS SHES PAR BYA STE, RGYU, SNGON DU 'GRO BA, RTEN, DUS, LTA BA LA BRTEN PA, SKYES PA'I GNAS RNAMS KYIS SHES PAR BYA BA YIN PA'I PHYIR TE, DANG PO NI, 'JIG TSOGS LA LTA BA DANG, GNYIS PA NI, DAM PA MA YIN PA'I CHOS LA SOGS PA THOS PA SNGON DU SONG BA'O, ,GSUM PA NI; BSTAN DANG RTOG GE LA BRTEN PA DANG, BZHI PA NI, 'DAS PA DANG DA LTAR BA'I DUS LA DMIGS NAS SNGON GYI MTHAR RTOG PA DANG MA 'ONGS PA'I DUS LA DMIGS NAS PHYI MA'I MTHAR RTOG PA DANG, LNGA PA NI, RTAG CHAD KYI LTA BA DANG, MYA NGAN LAS 'DAS PA LA BRTEN PA'I LTA BA'O, ,DRUG PA NI, BSAM GTAN SOGS LA BRTEN NAS SKYE BAR BSHAD DO, ,RTZA BA SHES RAB LAS LTA NGAN DRUG CU RTZA GNYIS PO DE DAG BCU DRUG TU BSDUS NAS BSHAD DE, SNGON GYI MTHA' LA BRTEN PA'I LTA BA BRGYAD, PHYI MA'I MTHA'

094a

, ,LA BRTEN PA'I LTA BA BRGYAD DU GSUNGS PA'I PHYIR, DANG PO GRUB STE, BDAG 'DAS PA'I DUS NA BYUNG BAR LTA BA DANG, MA BYUNG BAR LTA BA DANG, GNYIS KAR LTA BA DANG, GNYIS KA MA YIN PAR LTA BA DANG, BDAG RTAG PAR LTA BA DANG; MI RTAG PAR LTA BA DANG, GNYIS KAR LTA BA DANG, GNYIS KA MA YIN PAR LTA BA RNAMS SU GSUNGS PA'I PHYIR, GNYIS PA GRUB STE, BDAG MA 'ONGS PA'I DUS NA 'BYUNG BAR LTA BA DANG, MI 'BYUNG BAR LTA BA DANG, GNYIS KAR LTA BA DANG, GNYIS KA MA YIN PAR LTA BA DANG, BDAG MTHA' DANG LDAN PAR LTA BA DANG, MI LDAN PAR LTA BA DANG, GNYIS KAR LTA BA DANG, GNYIS KA MA YIN PAR LTA BA RNAMS SU YOD PA'I PHYIR TE, RTZA BA SHES RAB LAS, 'DAS DUS BYUNG MA BYUNG ZHES DANG, , 'JIG RTEN RTAG PA LA SOGS PAR, ,LTA BA GANG YIN DE DAG NI, ,SNGON GYI MTHA' LA BRTEN PA YIN, ,MA 'ONGS DUS GZHAN 'BYUNG 'GYUR DANG, ,MI 'BYUNG 'JIG RTEN MTHA' SOGS BAR, ,LTA BA GANG YIN DE DAG NI, ,PHYI MA'I MTHA' LA BRTEN PA YIN, ,ZHES GSUNGS PA'I PHYIR, DE RNAMS BCU BZHIR YANG GSUNGS TE, SNGON GYI MTHA' LA BRTEN PA BZHI, PHYI MA'I MTHA' LA BRTEN PA BZHI, MYANG 'DAS LA BRTEN PA BZHI, LUS SROG LA BRTEN PA GNYIS SU GSUNGS PA'I PHYIR TE, DE NYID LAS, GANG 'DAS PHAN CHAD MTHA' SOGS DANG, ,RTAG LA SOGS PAR LTA BA DAG ,MYA NGAN 'DAS DANG PHYI MTHA' DANG, ,SNGON GYI MTHA' LA BRTEN PA'O, ,ZHES GSUNGS PA'I PHYIR, DE YANG DANG PO NI, BDAG DANG 'JIG RTEN

094b

RTAG PAR BDEN PAR LTA BA DANG, MI RTAG PAR BDEN PAR LTA BA DANG, GNYIS KAR BDEN PAR LTA BA DANG, GNYIS KA MA YIN PAR BDEN PAR LTA BA RNAMS SO, ,GNYIS PA NI, BDAG DANG 'JIG RTEN MTHA' DANG LDAN PAR BDEN PAR LTA BA, DE DANG MI LDAN PAR LTA BA DANG, GNYIS KAR LTA BA DANG, GNYIS KA MA YIN PAR BDEN PAR LTA BA RNAMS SO, ,GSUM PA NI, GROL BA'I BDAG GRONGS PHAN CHAD DU 'BYUNG BAR LTA BA DANG, MI 'BYUNG BAR LTA BA DANG, GNYIS KAR LTA BA DANG, GNYIS KA MA YIN PAR BDEN PAR LTA BA RNAMS SO, ,BZHI PA NI, LUS SROG RDZAS THA DAD DU BDEN PAR LTA BA DANG, RDZAS GCIG TU BDEN PAR LTA BA RNAMS SO, ,GNYIS PA BSDU BA NI, DE THAMS CAD BSDU NA, G-YO BA, 'DU BA, BKRAM PA, BCUM PA'I LUNG MA BSTAN GYI LTA BA BZHIR 'DU STE, MDO LAS, SEMS G-YO BA DANG 'DU BA DANG BKRAM PA DANG BCUM PA YANG DAG PA JI LTA BA BZHIN DU RAB TU MKHYEN TO, ,ZHES GSUNGS PA'I PHYIR, GSUM PA NI, BDAG DANG 'JIG RTEN RTAG PAR BDEN PAR LTA BA DANG, MTHA' DANG MI LDAN PA STE SKYE BA PHYI MA PHAN CHAD DU 'BYUNG BAR LTA BA DANG, DE BZHIN GSHEGS PA GRONGS PHAN CHAD 'BYUNG BAR BDEN PAR LTA BA GSUM NI GRANGS CAN GYI LTA BA YIN CING, DE RNAMS LA G-YO BA'I LUNG MA BSTAN GYI LTA BA ZHES BYA STE, DE RNAMS RANG YUL LA SGRUB PA'I RNAM PAS 'JUG PA'I PHYIR, DE MI RTAG PAR LTA BA DANG, MTHA' DANG LDAN PA STE SKYE BA PHYI MA PHAN CHAD MI 'BYUNG BAR LTA BA DANG, DE BZHIN GSHEGS PA GRONGS PHAN CHAD DU MI

095a

, ,'BYUNG BAR BDEN PAR LTA BA GSUM NI RGYANG 'PHEN GYI LTA BA YIN CING, DE RNAMS LA 'DU BA'I LUNG MA BSTAN GYI LTA BA ZHES BYA STE, DE RNAMS RANG YUL LA DGAG PA'I RNAM PAS 'JUG PA'I PHYIR, MTHA' DE GNYIS KA YIN PAR BDEN PAR LTA BA GSUM NI GCER BU PA'I LTA BA YIN CING, DE RNAMS LA BKRAM PA'I LTA BA ZHES BYA STE, DE RNAMS RANG YUL LA DGAG SGRUB GNYIS KA CHA MNYAM DU 'JUG PA'I PHYIR, MTHA' GNYIS GANG YANG BRJOD DU MED PAR BDEN PAR LTA BA GSUM NI GNAS MA BU PA'I LTA BA YIN CING, DE LA BCUM PA'I LTA BA ZHES BYA STE, DE RNAMS RANG YUL LA DGAG SGRUB GNYIS KA BKAG PAS 'JUG PA'I PHYIR, LUS SROG RDZAS GCIG TU BDEN PAR LTA BA BYE BRAG PA'I RGYUD LA YOD CING, RDZAS THA DAD DU BDEN PAR LTA BA GRANGS CAN GYI RGYUD LA YOD DE, BYE BRAG PAS GANG ZAG GI BDAG GZUGS BEM POR 'DOD CING GRANGS CAN GYIS SHES RIG DU 'DOD PA'I PHYIR, BDAG NI GANG ZAG GI BDAG DANG, 'JIG RTEN NI DE'I LONGS SPYOD BYAR GYUR PA'I SNOD KYI 'JIG RTEN YIN CING GROL BA'I BDAG NI DE BZHIN GSHEGS PAS KYANG GANG ZAG GI BDAG GI RNAM GRANGS SU 'DOD DO, ,GNYIS MIN DU LTA BA'I DON NI RANG BZHIN RTAG LA GNAS SKABS MI RTAG PAR LTA BA'O, ,BZHI PA NI 'DI RNAMS LA LUNG MA BSTAN GYI LTA BA ZHES BRJOD PA'I RGYU MTSAN YOD DE, 'DI DAG GIS JI LTAR BZUNG BA'I DON BCOM LDAN 'DAS LA ZHUS PAS LAN LUNG MA BSTAN PA'I DON GYIS DE LTAR BSHAD PA'I PHYIR, LAN LUNG MI STON PA'I RGYU MTSAN YOD

095b

DE; GANG ZAG GI BDAG MED PAR BSTAN PA'I SGO NAS DE'I LAN STON DGOS PA GANG ZHIG ,'DI RNAMS ZHU BA PO DE DAG GANG ZAG GI BDAG MED STON PA'I SNOD DU MI RUNG BA'I PHYIR, DANG PO GRUB STE, ZHU BA PO DE RNAMS KHYAD GZHI GANG ZAG GI BDAG LAS BRTZAMS PA'I ZHU BA YIN PA'I PHYIR, GNYIS PA GRUB STE, RIN CHEN PHRENG BAR, 'JIG RTEN MTHA' DANG LDAN NAM ZHES, ,ZHUS NA RGYAL BA MI GSUNGS BZHUGS, GANG PHYIR DE LTAR ZAB PA'I CHOS, ,SNOD MIN 'GRO LA MI GSUNGS PA, ,DE YI PHYIR NA MKHAS RNAMS KYIS, ,KUN MKHYEN THAMS CAD MKHYEN PAR SHES, ,ZHES GSUNGS PA'I PHYIR, DES NA GROL BA DON GNYER RNAMS KYIS LTA NGAN GYIS MA GOS PA LA 'BAD RIGS TE, DKON MCHOG BRTZEGS PA LAS, 'OD SRUNG 'JIG TSOGS LA LTA BA'I RI BO TZAM NI SLA YI, MNGON PA'I NGA RGYAL CAN GANG STONG PA NYID DU LTA BA NI DE LTA MA YIN NO, ,ZHES DANG, RTZA SHES LAS, RGYAL BA RNAMS KYIS STONG PA NYID, ,LTA KUN NGES PAR 'BYIN PAR GSUNGS, ,GANG DAG STONG PA NYID LTA BA, ,DE DAG SGRUB TU MED PAR GSUNGS, ,ZHES GSUNGS PA'I PHYIR DANG, RGYUD BLA MAR, NYON MONGS RMONGS BDAG RNAMS KYIS 'PHAGS LA SKUR BA DANG, ,DES GSUNGS CHOS LA BRNYAS GANG DE KUN ZHEN LTAS BYAS, ,ZHES SOGS GSUNGS PA'I PHYIR, KHO NA RE, RGYANG 'PHEN GYIS GROL BA'I BDAG KHAS LEN PAR THAL, PHYI MA'I MTHA' LA BRTEN PA'I LTA BA BZHI'I MTSAN GZHI 'THAD PA GANG ZHIG ,DE'I LTA BA GNYIS PA RGYANG 'PHEN LA SBYOR RIGS PA'I PHYIR NA MA KHYAB, 'DOD MI

096a

, ,NUS TE, DES THAR PA KHAS MI LEN PA'I PHYIR, KHA CIG ,BDAG DANG 'JIG RTEN MI RTAG PAR BDEN PAR LTA BA'I LTA BA CHOS CAN, KHYOD KYI ZHEN YUL MED PAR RTOG PA'I THEG CHEN GYI MTHONG LAM BAR CHAD MED LAM DE SEMS DPA'I RGYUD KYIS ZHI SHES SBYOR BA YIN PAR THAL, KHYOD 'DIR BSTAN LUNG MA BSTAN GYI LTA PA YIN PA'I PHYIR, 'DOD NA, BDAG DANG 'JIG RTEN BDAG MED DU RTOGS PA'I DE YANG DER THAL LO, GZHAN YANG, DE BZHIN GSHEGS PA GRONGS PA YOD PAR THAL, DOM BCA' 'THAD PA'I PHYIR, 'DOD NA, DE BZHIN GSHEGS PA SHI BA YOD PAR THAL LO, ,ZHES BKAG NAS KHO RANG GI LUGS LA, RTAG PAS KHYAD PAR DU BYAS PA'I BDAG DANG 'JIG RTEN RANG RKYA THUB PA'I RDZAS YOD DU LTA BA DANG, DE BZHIN DU MI RTAG PA DANG, GNYIS KA DANG, GNYIS KA MA YIN PAS KHYAD PAR DU BYAS PA'I BDAG DANG 'JIG RTEN RANG RKYA THUB PA'I RDZAS YOD DU LTA BA'I LTA BA RNAMS SNGON GYI MTHA' LA BRTEN PA DANG, MTHA' DANG LDAN PA DANG, MI LDAN PA DANG, GNYIS KA DANG, GNYIS KA MA YIN PAS KHYAD PAR DU BYAS PA'I BDAG DANG 'JIG RTEN RANG RKYA THUB PA'I RDZAS YOD DU LTA BA RNAMS PHYI MA'I MTHA' LA BRTEN PA DANG, BDEN PAS STONG ZHING SKYE BA PHYI MA PHAN CHAD DU 'BYUNG BAS KHYAD PAR DU BYAS PA'I SO SKYE THA MAL PA RANG RKYA THUB PA'I RDZAS YOD DU LTA BA DANG, DE BZHIN DU MI 'BYUNG BA DANG, GNYIS KA DANG, GNYIS KA MA YIN PAS KHYAD PAR DU, ZHES SOGS MYANG 'DAS KYI

096b

MTHA' LA BRTEN PA DANG, RDZAS GCIG PAS KHYAD PAR DU BYAS PA'I SKYES BU RANG SKYA THUB PA'I RDZAS YOD DU LTA BA DANG, RDZAS THA DAD PAR KHYAD PAR DU BYAS PA'I DE DER LTA BA GNYIS LUS SROG LA BRTEN PA'I LUNG MA BSTAN GYI LTA BA YIN, ZHES ZER NA, G-YO BA LA SOGS ZHES BYA DANG, ,ZHES PA'I SKABS NAS DNGOS SU BSTAN PA'I SEMS DPA'I SBYOR BA YIN NA, GZHI SHES SBYOR BA YIN DGOS PAR THAL, KHYOD KYI THAL 'GYUR DANG PO LA KHYAB 'BREL YOD PA'I PHYIR, 'DOD NA, DE BZHIN GSHEGS PA 'BYUNG BA DANG, ,ZHES SOGS LA DER THAL, 'DOD PA'I PHYIR, 'DOD NA, 'JIG RTEN DON DAM PAR 'JIG PA MED PAR RTOGS PA'I BYANG SEMS KYI SBYOR BA CHOS CAN, DER THAL, DE'I PHYIR, RTAGS GRUB STE, 'JIG RTEN 'JIG MED BDAG NYID DANG, ,ZHES GSUNGS PA'I PHYIR, GZHAN YANG, GRANGS CAN GYIS BDEN PAS STONG ZHING SKYE BA PHYI MA PHAN CHAD DU 'BYUNG BAS KHYAD PAR DU BYAS PA'I SO SKYE THA MAL PA RANG RKYA THUB PA'I RDZAS YOD DU KHAS LEN PAR THAL, DAM BCA' DE RNAMS 'THAD PA GANG ZHIG MYANG 'DAS KYI MTHA' LA BRTAN PA'I LUNG MA BSTAN GYI LTA BA DANG PO GRANGS CAN GYI RGYUD LA YOD PA'I PHYIR, 'DOD NA, DE 'DRA'I SO SKYE THA MAL PA KHAS LEN PAR THAL LO, ,'DOD NA, DES DE KHO KHO RANG DU KHAS LEN PAR THAL LO, ,'DOD NA, DES SO SKYE THA MA BAR BDEN STONG DU KHAS LEN PAR THAL, 'DOD PA'I PHYIR, GZHAN YANG, LUNG MA BSTAN GYI LTA BA BCU BZHI LA 'DZIN STANGS

097a

, ,MI MTHUN PA'I KHYAD PAR MED PAR THAL, DE RNAMS RANG RKYA THUB PA'I RDZAS YOD DU 'DZIN PA'I RNAM PA CAN DU MTSUNGS PA'I PHYIR TE, DAM BCA' 'THAD PA'I PHYIR, KHA CIG GANG ZAG GI BDAG DANG, 'JIG RTEN RTAG PA DANG MI RTAG PA DANG, GNYIS KA DANG, GNYIS KA MA YIN PAR RDZAS YOD DU LTA BA RNAMS SNGON GYI MTHA' LA BRTEN PA DANG, DE MTHA' DANG LDAN PA DANG, MI LDAN PA DANG, GNYIS KA DANG, GNYIS KA MA YIN PAR RDZAS YOD DU LTA BA RNAMS PHYI MA'I MTHA' LA BRTEN PA DANG, GROL BA'I GANG ZAG GI BDAG GRONGS PHAN CHAD 'BYUNG MI 'BYUNG GNYIS KA DANG, GNYIS KA MA YIN PAR RDZAS YOD DU LTA BA RNAMS MYANG 'DAS KYI MTHA' LA BRTEN PA DANG, LUS SROG RDZAS THA DAD DU BDEN PAR LTA BA DANG, RDZAS GCIG TU BDEN PAR LTA BA GNYIS LUS SROG LA BRTEN PA'I LTA BA YIN ZER NA, GNAS MA BU'I SDE BA DES, GANG ZAG GI BDAG DANG 'JIG RTEN RTAG MI RTAG GANG DU YANG BRJOD DU MED PA'I RDZAS YOD DU GRUB PAR KHAS LEN PAR THAL, DAM BCA' 'THAD PA GANG ZHIG ,SNGON GYI MTHA' LA BRTEN PA'I LUNG MA BSTAN GYI LTA BA BZHI PA GNAS MA BU PA'I RGYUD LA YOD PA'I PHYIR, 'DOD NA, DES SNOD KYI 'JIG RTEN RANG RKYA THUB PA'I RDZAS YOD DU KHAS LEN PAR THAL, 'DOD PA GANG ZHIG ,SKABS 'DIR BSTAN GYI 'JIG RTEN DE SNOD KYI 'JIG RTEN LA BYED PAR GSER PHRENG LAS GSUNGS PA'I PHYIR, 'DOD MI NUS TE, DES DE BTAGS YOD DU KHAS LEN PA'I PHYIR TE, DES BUM PA BTAGS YOD DU KHAS LEN PA'I PHYIR TE, BYE BRAG SMRA PAS DE LTAR KHAS LEN PA GANG ZHIG ,MTSUNGS

097b

PA'I PHYIR, KHA CIG ,BDAG DANG 'JIG RTEN RTAG PAR LTA ,MI RTAG PAR LTA BA, GNYIS KAR LTA BA, GNYIS KA MA YIN PAR LTA BA BZHI SNGON GYI MTHA' DANG, DE MTHA' DANG LDAN PA DANG, MI LDAN PA DANG, GNYIS KA DANG, GNYIS KA MA YIN PAR LTA BA BZHI PHYI MA'I MTHA' DANG, GROL BA'I BDAG GRONGS PHAN CHAD 'BYUNG BA DANG, MI 'BYUNG BA DANG, GNYIS KA DANG, GNYIS KA MA YIN PAR LTA BA BZHI MYANG 'DAS KYI MTHA' LA BRTEN PA DANG, LUS SROG RDZAS GCIG DANG, RDZAS THA DAD DU LTA BA GNYIS NI LUS SROG LA BRTEN PA'I LUNG MA BSTAN GYI LTA BA YIN ZER NA, BDAG DANG 'JIG RTEN MI RTAG PAR LTA BA'I LTA BA CHOS CAN, LUNG MA BSTAN GYI LTA BA MA YIN PAR THAL, LTA BA RNAM DAG YIN PA'I PHYIR, RTAGS GRUB STE, BDAG DANG 'JIG RTEN MI RTAG PA YIN PA'I PHYIR, DE BZHIN DU; DE RTAG MI RTAG GNYIS KA MA YIN PAR LTA BA LA RIGS 'GRE'O, ,GZHAN YANG, BDAG DANG 'JIG RTEN MTHA' DANG LDAN PAR THAL, DE MTHA' DANG MI LDAN PA MA YIN PA'I PHYIR, MA GRUB NA, DER LTA BA'I LTA BA DE LTA BA RNAM DAG TU THAL LO, ,RTZA BAR 'DOD NA; DES RIGS 'GRE'O, ,DES GZHAN RNAMS LA SHES BAR BYA'O, ,KHA CIG ,LUS SROG RDZAS THA DAD DU LTA BA'I LTA BA DE LTA BA RNAM DAG TU THAL, DE RDZAS THA DAD YIN PA'I PHYIR TE, LUS SEMS RDZAS THA DAD YIN PA'I PHYIR, MA GRUB NA, LUS ZHIG PA NA SEMS ZHIG PAR 'GYUR BAR THAL LO, ,'DOD NA, SKYE BA PHYI MA MED PAR THAL LO ZER NA, MI 'THAD DE, LUS SEMS GNYIS GCIG MA YIN PAR THAL, DE GNYIS RDZAS THA DAD YIN PA'I PHYIR, 'DOD NA, LUS SHES PA'I BDAG NYID MA YIN PAR

098a

, ,THAL; 'DOD PA'I PHYIR, GZHAN YANG, LUS SROG RDZAS THA DAD DU 'DOD PA MI 'THAD DE, SROG RLUNG YIN LA RLUNG LUS KYI BYE BRAG YIN PA'I PHYIR RO, ` ,GNYIS PA LAM SHES SBYOR PA'I SHES MTSAN BSHAD PA LA, MTSAMS SBYAR, RTZA BA; 'GREL BA GSUM LAS, DANG PO NI, GZHI SHES SBYOR BA'I SHES MTSAN BSHAD PA DE'I 'OG TU LAM SHES SBYOR BA'I SHES MTSAN 'CHAD PA'I RGYU MTSAN YOD DE, SKYE RIMS KYI DBANG GIS DE LTAR BSHAD PA'I PHYIR, ZHES 'CHAD PA LA, DE'I 'OG TU LAM SHES PA NYID GYI SGO NAS, ZHES GSUNGS, GNYIS PA NI, LAM SHES SBYOR BA'I SHES MTSAN DE STON PA LA, STONG NYID MTSAN MA MED BCAS DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, STONG PA DANG; ZHES SOGS GSUNGS, 'DI LA YANG LAM SHES SBYOR BA'I YUL BCU DRUG YOD PA'I DANG PO CHOS THAMS CAD STONG PA NYID DU SHES PA DANG, RGYU'I MTSAN MA MED PAR SHES PA DANG, 'BRAS BU LA SMON PAR BYAR MED PA SHES PA GSUM STON PA LA, MDO LAS, DE NAS STONG GSUM GYI STONG CHEN PO'I 'JIG RTEN GYI KHAMS 'DI NA 'DOD PA NA SPYOD PA DANG GZUGS NA SPYOD PA'I LHA'I BU GANG JI SNYED PA DE DAG THAMS CAD LHA RDZAS KYI TZAN DAN GYI PHYE MA BZUNG NAS BCOM LDAN 'DAS GA LA BA DER DONG STE PHYIN NAS BCOM LDAN 'DAS KYI ZHABS GNYIS LA SPYI BOS PHYAG 'TSAL TE PHYOGS GCIG TU 'KHOD DE, 'KHOD NAS LHA'I BU DE DAG GIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN ZAB MO 'DI BSHAD NA SHER PHYIN GYI MTSAN NYID

098b

JI LTA BU LAGS, BCOM LDAN 'DAS KYIS BKA' STZAL BA, LHA'I BU DAG SHER PHYIN ZAB MO 'DI'I MTSAN NYID NI STONG PA NYID DO, ,LHA'I BU DAG SHER PHYIN ZAB MO 'DI'I MTSAN NYID NI MTSAN MA MED PA'O, ,LHA'I BU DAG SHER PHYIN ZAB MO 'DI'I MTSAN NYID NI SMON PA MED PA'O, ,ZHES GSUNGS, DE'I DON BSHAD PA LA, STONG NYID MTSAN MA MED BCAS DANG, ,SMON PA RNAM PAR SPANGS PA DANG, ,ZHES DANG, STONG PA DANG, MTSAN MA MED PA DANG, SMON PA MED PA DANG, ZHES GSUNGS, BZHI PA RTEN 'BREL LUGS 'BYUNG GIS SKYE BA MED PAR DANG, LUGS LDOG GIS 'GAGS PA MED PA DANG, SOGS SGRAS BSTEN LA KUN NAS NYON MONGS PA MED PA DANG, DRI MA DANG BRAL BA'I RNAM PAR BYANG PA MED PA DANG, BLANG DOR GYI DNGOS PO MED PA DANG, MYA NGAN LAS 'DAS PA'I NGO BO NYID SHES PA DANG, CHOS KYI DBYINGS KYI DNGOS PO GNAS PA'I RTEN MED PAR SHES PA BDUN DANG, DE DAG KYANG NAM MKHA'I MTSAN NYID LTAR SHES PA'I RNAM PA BRGYAD STAN PA LA, LHA'I BU DAG SHER PHYIN ZAB MO 'DI'I MTSAN NYID SKYE BA MED PA'O, ,MTSAN NYID 'GAG PA MED PA'O, ,MTSAN NYID KUN NAS NYON MONGS PA MED PA'O, ,MTSAN NYID RNAM PAR BYANG BA MED PA'O, ,MTSAN NYID DNGOS PO MED PA'O, ,MTSAN NYID RANG BZHIN MED PA'O, ,MTSAN NYID RTEN MED PA'O, , MTSAN NYID NAM MKHA'O, ,ZHES SOGS GSUNGS, DE'I DON BSHAD PA LA, SKYE MED 'GAG PA MED SOGS DANG, ,ZHES DANG, SKYES MED PA DANG, 'GAG PA MED PA DANG, SOGS PA ZHES BYA BA'I SGRAS BSDUS PA, KUN NAS NYON MONGS PA MED

099a

, ,PA DANG, RNAM PAR BYAD BA MED PA DANG, DNGOS PO MED PA DANG, NGO BO NYID DANG, RTEN MED PA DANG, NAM MKHA' MTSAN NYID DANG, ZHES GSUNGS, MDO LAS, NGO BO NYID MED PA'O, ,ZHES 'BYUNG YANG, NGO BO NYID SHES PA ZHES BYA BA RIGS TE, NYI SNANG LAS, NGO BO NYID SHES PA ZHES DANG, RGYAN SNANG LAS, MYA NGAN LAS 'DAS PA'O, ,ZHES BYA BA NI NGO BO NYID SHES PA'O, ,ZHES GSUNGS PA'I PHYIR, BCU GNYIS PA LHA MI SOGS KYI CHOS NYID RNAM PAR 'KHRUGS PA'AM DOR BA MED PAR SHES PA DANG, RGYU RKYEN GYIS MNGON PAR 'DU MI BYED PAR SHES PA DANG, CHOS NYID RNAM PAR MI RTOG PAR SHES PA DANG, CHOS RNAMS KYI MTSAN NYID KYI RAB TU DBYE BA SHES PA DANG, DON DAM PAR MTSAN NYID THAMS CAD MED PAR SHES PA DANG LNGA STON PA LA, LHA'I BU DAG MTSAN NYID DE DAG NI LHA DANG MI DANG LHA MA YIN DU BCAS PA'I 'JIG RTEN GYIS DKRUGS PAR NUS PA MED DO, ,ZHES SOGS DANG, LHA'I BU DAG MTSAN NYID DE DAG NI GZUGS KYIS 'DUS BYAS BA MA YIN NO, ,ZHES SOGS DANG, LHA'I BU DAG MTSAN NYID DE DAG NI MI'AM MI MA YIN PA'I ZAG PA DANG BCAS PA 'AM ZAG PA MED PA'AM 'JIG RTEN PA'AM 'JIG RTEN LAS 'DAS PA'AM 'DUS BYAS SAM 'DUS MA BYAS KYIS YIN NA, , ZHES SOGS DANG, BCOM LDAN 'DAS KYIS BKA' STZAL PA, LHA'I BU DAG DE BZHIN GSHEGS PA RNAMS BYUNG YANG RUNG MA BYUNG YANG RUNG STE, CHOS KYI DBYINGS 'DI GNAS PA'I PHYIR TE, DE LTAR MTSAN NYID GNAS PA DE YANG DAG PA JI LTA BA BZHIN

099b

DU GNAS PA DE LTAR DE BZHIN GSHEGS PAS MNGON PAR SANGS RGYAS TE, DE'I PHYIR DE BZHIN GSHEGS PA DE BZHIN GSHEGS PA ZHES BRJOD DO, ,ZHES SOGS DANG, DE NAS BCOM LDAN 'DAS KYIS 'DOD PA'I SPYOD PA DANG GZUGS NA SPYOD PA'I LHA'I BU RNAMS LA BKA' STZAL PA, LHA'I BU DAG GZUGS KYI MTSAN NYID NI GZUGS SU RUNG BA STE, DE NI DE BZHIN GSHEGS PAS MTSAN NYID MED PAR MNGON PAR SANGS RGYAS SO, ,ZHES SOGS GSUNGS, DE'I DON BSHAD PA LA, CHOS NYID RNAM PAR 'KHRUGS MED DANG, ,'DU MI BYED DANG RNAM MI RTOG RAB DBYE MTSAN NYID MED NYID LA, ,ZHES DANG, CHOS NYID RNAM PAR 'KHRUGS PA MED PA DANG, 'DU MI BYED PA DANG, RNAM PAR MI RTOG PA DANG, RAB TU DBYE BA DANG, MTSAN NYID MED PA ZHES BYA BA 'DI RNAMS KYI ZHES GSUNGS, DE DAG GI DON BSDUS TE STON PA LA, LAM SHES NYID KYI SKABS KYI NI, ,SHES PA'I MTSAN NYID BSDUS PA YIN, ,ZHES DANG, SHES PA'I RNAM PA'I KHYAD PAR BCU DRUG GIS JI LTA BA BZHIN DU LAM SHES PA NYID KYI SBYOR BA DAG MTSON PAS NA SHES PA'I MTSAN NYID LAM SHES PA NYID KYIS BSDUS PA YIN NO, ,ZHES GSUNGS, GZHUNG DON NI, DON DAM PAR SEMS CAN GYI DON DU GO CHA BGOS PA MED LA THA SNYAD DU DE THAMS CAD MYA NGAN LAS 'DA' BAR GO BGOS PA'I GZHAN DON GYI GO CHA BYA DKA' BA SGRUB PA DANG, THEG PA GZHAN DU MI LTUNG BA'I MTSAN NYID KYI THEG CHEN DU MTHA' GCIG TU GNAS NGES PA DANG, BSKAL PA GRANGS MED PAR BSGRUB PAR BYA BA'I CHEN PO GSUM GYI CHED DU BSGRUB PA'I CHED DU BYA BA DANG,

100a

, ,BSGOM BYA SGOM PA PO SGOM CHOS RNAMS DON DAM PAR MI DMIGS PAR RTOGS PA'I MI DMIGS PA DANG, CHOS THAMS CAD LA DNGOS POR MNGON PAR ZHEN PA MTHA' DAG BKAG PA'I MNGON ZHEN BKAG PA'I SEMS DPA'I RGYUD KYI NGO BO NYID KYI RNAL 'BYOR LNGA CHOS CAN, LAM SHES SBYOR BA YIN TE, STONG NYID MTSAN MED SOGS LAM SHES KYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR YIN PA'I PHYIR, RTAGS DE GSAL BA DE'I MTSAN NYID DO, ,KHO NA RE, STONG NYID MTSAN MA MED SOGS LAM SHES KYI RNAM PA YIN PAR THAL, MTSAN NYID 'THAD PA'I PHYIR, 'DOD NA, DE CHOS CAN, LAM SHES KYI 'DZIN STANGS SU THAL, 'DOD PA'I PHYIR NA MA KHYAB, KHA CIG ,STONG NYID MTSAN MA MED SOGS LAM SHES KYI YUL BCU DRUG GANG RUNG GI RNAM PA CAN GYI SEMS DPA'I RNAL 'BYOR, DE'I MTSAN NYID ZER BA MI 'THAD DE, BYANG SEMS TSOGS LAM PA'I RGYUD KYI KUN RDZOB SEMS BSKYED KYIS MA NGES PA'I PHYIR, LAM SHES KYI SBYOR BA'I YUL DE LA BCU DRUG YOD DE, DE LA CHOS THAMS CAD KYI NGO BO BDEN PAS STONG PA'I STONG NYID NAS, DON DAM PAR MTSAN NYID THAMS CAD MED PA'I BAR RNAMS SU YOD PA'I PHYIR, ` GSUM PA RNAM MKHYEN GYI SBYOR BA'I SHES MTSAN DE STON PA LA GSUM LAS, DANG PO NI; LAM SHES SBYOR BA'I SHES MTSAN BSHAD PA'I 'OG TU RNAM MKHYEN SBYOR BA'I SHES MTSAN STON PA'I RGYU MTSAN YOD DE, SKYE BA'I RIMS PA'I DBANG DU BYAS NAS DE LTAR BSHAD PA'I PHYIR, ZHES MTSAMS SBYOR BA LA, DE'I 'OG TU RNAM PA

100b

THAMS CAD MKHYEN PA NYID KYI SGO NAS, ZHES GSUNGS, GNYIS PA NI, RNAM MKHYEN SBYOR BA'I SHES MTSAN DE STON PA LA, DE NI NYID KYI CHOS BRTEN NAS, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, DE BZHIN GSHEGS PA DE NYID KYI CHOS LA, ZHES SOGS GSUNGS, 'DI LA YANG RNAM MKHYEN SBYOR BA'I YUL DE LA BCU DRUG TU YOD PA'I, DANG PO NI, DE BZHIN GSHEGS PA NYID KYI MTHONG CHOS LA BDE BAR GNAS PA SHES PA DANG, YUM STON PA NI NYID KYIS KHRI BSHAMS PA SOGS MDZAD NAS GUS PAR BYA BA SHES PA DANG, BKA' BSGRUB PAR BYA BA NYID DU BKUR PAS BLA MAR BYA BAR SHES PA DANG, YON TAN BRJOD PA SOGS KYIS MNYES PAR BYA BAR SHES PA DANG, RIN PO CHE'I ME TOG GTOR BA SOGS MCHOD PAR BYA BAR SHES PA LNGA RIMS BZHIN DU STON PA LA, DE NAS BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR SHER PHYIN 'DI NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SKYED PAR BYED PA'O, ,'JIG RTEN 'DI'I STON PAR BYED PA'O, ,DE'I PHYIR DE BZHIN GSHEGS PA RNAMS SHER PHYIN GYI CHOS 'DI LA BRTEN CING GNAS SO, ,DE LTAR CHOS 'DI LA RIM GRO MDZAD, BLA MAR MDZAD, BSTI STANG DU MDZAD, MCHOD PAR MDZAD, RJED PAR MDZAD, ,KUR STIR MDZAD, RAB 'BYOR 'DI NI SHER PHYIN ZHES SOGS GSUNGS, DE'I DON BSHAD PA LA, DE NI NYID KYI CHOS BRTEN NAS, ,GNAS DANG GUS PAR BYA BA DANG, ,BLA MA NYID DANG MNYES PA DANG, ,DE LA MCHOD DANG, ZHES

101a

, ,DANG; DE BZHIN GSHEGS PA DE BZHIN NYID KYI CHOS LA MNGON PAR BRTEN NAS GNAS PA DANG, GUS PAR BYA BA DANG, BLA MAR BYA BA DANG, MNYES PAR BYA BA DANG, MCHOD PAR BYA BA DANG, ZHES GSUNGS, DRUG PA, DE KHO NAR SKYE 'JIG DANG RANG GI NGO BO STONG PAS GUS PAR BYA BA SOGS DE LTAR BYED PA MED PA NYID SHES PA DANG, YUL THAMS CAD DU THOGS MED DU 'GRO BA'AM 'JUG PA SHES PA DANG, GZUGS SOGS KYI DON DE KHO NAR MA MTHONG BA NYID THA SNYAD DU DE KHO NA MTHONG BAR STON PAR MDZAD PA SHES PA DANG, GSUM PO DE RIMS BZHIN STON PA LA, RAB 'BYOR GZHAN YANG DE BZHIN GSHEGS PAS BYED PA PO MED PA'I PHYIR CHOS THAMS CAD MA BYAS ZHES BYA BAR MNGON PAR SANGS RGYAS SO, ,LUS PA MED PAR MA BYAS ZHES BYA BAR MNGON PAR SANGS RGYAS SO, ,RAB 'BYOR 'DI YANG DE BZHIN GSHEGS PAS BYAS PA MKHYEN PA DANG BYAS PA RIG PAR BLTA BAR BYA'O, ,RAB 'BYOR GZHAN YANG DE BZHIN GSHEGS PAS SHER PHYIN LA BRTEN TE, DE BZHIN GSHEGS PAS BYA BYED MED PA CAN SHES PA CHOS THAMS CAD LA 'JUG PA MED PA'I BRNGAS 'JUG STE, RAB 'BYOR RNAM GRANGS DES NA SHER PHYIN DE BZHIN GSHEGS PA'I SKYED PAR BYED PA'O, ,'JIG RTEN 'DI'I STON PAR BYED PA'O, ,RAB 'BYOR GYIS GSOL BA, BCOM LDAN 'DAS GANG GI TSE CHOS THAMS CAD SHES PA PO MA MCHIS SHING MTHONG BA PO MA MCHIS PA DE'I TSE JI LTAR NA SHER PHYIN DE BZHIN GSHEGS PA'I SKYED PAR BYED PA LAGS, BCOM LDAN 'DAS KYIS BKA' STZAL PA, RAB 'BYOR

101b

DE DE BZHIN NO, ,DE DE BZHIN TE, RAB 'BYOR GANG GI TSE GZUGS LA DMIGS PA'I RNAM PAR SHES PA MI BSKYED PA DE'I TSE GZUGS KYI MTHONG BA MED PAR STON PAR BYED DO, ,ZHES SOGS GSUNGS, DE'I DON BSHAD PA LA, BYED MED DANG, ,KUN TU 'JUG MKHYEN GANG YIN DANG, ,MA MTHONG STON PAR MDZAD PA DANG, ,ZHES GSUNGS PA DANG, BYED PA MED PA NYID DANG, THAMS CAD DU 'GRO BA DANG, MA MTHONG BA'I DON STON PA DANG, ZHES GSUNGS, DGU PA PHUNG SOGS KYI 'JIG RTEN STONG PA NYID KYI RNAM PA CAN DU SHES PA DANG, GDUL BYA 'KHOR DU BSDUS PA LA 'JIG RTEN RANG GI DNGOS PO STONG PA NYID DU BRJOD PA SHES PA DANG, RGYUD SMIN PA'I GDUL BYA LA 'JIG RTEN STONG PA NYID DU SHES PAR MDZAD PA SHES PA DANG, RNAM PAR GROL BA'I GDUL BYA LA 'JIG RTEN STONG PA NYID DU MNGON SUM GYI MTHONG BAR MDZAD PA SHES PA BZHI STON PA LA, RAB 'BYOR GZHAN YANG JI LTAR SHER PHYIN DE BZHIN GSHEGS BSKYED PAR BYED PA DANG 'JIG RTEN STON PAR BYED PA YIN ZHE NA, RAB 'BYOR 'DI LA SHER PHYIN NI 'JIG RTEN STONG NGO ZHES BRJOD PAR MDZAD DO, ,JI LTAR 'JIG RTEN STONG NGO ZHES BYA BAR BRJOD PAR MDZAD CE NA, PHUNG PO LNGA'I 'JIG RTEN STONG NGO ZHES BYA BAR BRJOD PAR MDZAD DO, ,ZHES SOGS DANG, RAB 'BYOR GZHAN YANG SHER PHYIN 'DI LA 'JIG RTEN STONG ZHES BYA BAR SHES PAR MDZAD DO, ,ZHES SOGS DANG, RAB 'BYOR GZHAN YANG SHER PHYIN 'DI LA 'JIG RTEN STONG ZHES BYA BAR STON PAR MDZAD DO, ,ZHES SOGS GSUNGS, DE YANG MDO 'DI LAS, 'JIG RTEN STONG NYID KYI RNAM PA SHES PA LA MDO DNGOS SU MED CING, 'JIG RTEN STONG PA NYID DU BRJOD PA DANG,

102a

, ,DER SHES PA DANG, DER STON PAR MDZAD PA GSUM LA MDO DNGOS SU YOD CING, DE BZHIN DU LE'U BRGYAD MA DANG, NYI SNANG LAS KYANG, 'JIG RTEN STONG PA NYID KYI RNAM PA CAN DU SHES PA LA MDO MA SBYAR, BRGYAD STONG PAR, DE LTAR 'JIG RTEN STONG PA'O, ,DE LTAR 'JIG RTEN BRJOD PA'O, ,DE LTAR 'JIG RTEN SHES PA'O, ,DE LTAR 'JIG RTEN YANG DAG PAR STON TE, ZHES GSUNGS PA BZHI PO 'DI BZHI DANG SBYOR BA RGYAN SNANG LAS GSUNGS PA LTAR RO, ,DE'I DON BSHAD PA LA, 'JIG RTEN STONG NYID RNAM PA DANG, ,BRJOD DANG SHES MDZAD MNGON SUM MDZAD, ,CES PA DANG, 'JIG RTEN STONG PA NYID KYI RNAM PA DANG, 'JIG RTEN STONG PA NYID DU BRJOD PA DANG, 'JIG RTEN STONG PA NYID DU SHES PAR MDZAD PA DANG, 'JIG RTEN STONG PA NYID DU MTHONG BAR MDZAD PA DANG, ZHES GSUNGS, BCU PA PHUNG PO LNGA'I DE KHO NA NYID BSAM GYIS MI KHYAB PA NYID DU STON PAR SHES PA DANG, PHUNG PO LNGA'I CHOS NYID SPROS PA THAMS CAD ZHI BA NYID DU STON PA DANG, YUL 'JIG RTEN ZAG BCAS KYI PHUNG PO LNGA 'GOG PA SHES PA DANG, YUL CAN PHUNG PO LNGA LA BLANG DOR RAM 'JIG RTEN PHA ROL DANG TSU ROL GYI 'DU SHES 'GOG PA SHES PA BZHI STON PA LA, RAB 'BYOR GZHAN YANG SHER PHYIN DE BZHIN GSHEGS PAS 'JIG RTEN BSAM GYIS MI KHYAB CES BYA BAR STON STE, ZHES SOGS DANG, DE BZHIN DU RNAM PAR DBEN ZHES BYA BA DANG SHIN TU STONG ZHES BYA BA DANG, RANG BZHIN STON ZHES BYA BAR STON TO, ,ZHES DANG, RAB 'BYOR GZHAN YANG SHER PHYIN DE BZHIN GSHEGS PA LA 'JIG RTEN STON PA GYIS CES BYA BAR STON TO, ,ZHES

102b

SOGS DANG, RAB 'BYOR GZHAN YANG SHER PHYIN ZAB MO 'DI YANG DE BZHIN GSHEGS PA LA 'JIG RTEN 'DI'I 'DU SHES DANG 'JIG RTEN PHA ROL GYI 'DU SHES YANG MI 'GYUR BA DE LTAR 'JIG RTEN STON TO, ,DE CI'I PHYIR ZHE NA, DE NI 'DI LTAR GANG GIS 'JIG RTEN 'DI'I 'DU SHES DANG 'JIG RTEN PHA ROL GYI 'DU SHES SU 'GYUR BA'I CHOS DE LTA BU MED DO, ,ZHES GSUNGS, DE'I DON BSHAD PA LA, BSAM MI KHYAB DANG ZHI NYID DANG, ,'JIG RTEN 'DU SHES 'GOG PA LA, ,ZHES DANG, BSAM GYIS MI KHYAB PA NYID DU STON PA DANG, ZHI BA NYID DU STON PA DANG, 'JIG RTEN 'GOG PA DANG, 'DU SHES 'GOG PA ZHES BYA BA 'DI RNAMS KYI, ZHES GSUNGS, DE DAG GI DON BSDUS TE STON PA LA, RNAM PA KUN MKHYEN TSUL LA NI, ,SHES PA'I MTSAN NYID CES BSHAD DO, ,ZHES DANG, SHES PA'I RNAM PA'I BYE BRAG BCU DRUG GI JI LTA BA BZHIN DU RNAM PA THAMS CAD MKHYEN PA NYID KYI SBYOR BA DAG MTSON PAS NA, SHES PA'I MTSAN NYID RNAM PA THAMS CAD MKHYEN PA NYID KYIS BSDUS PA YIN NO ZHES GSUNGS, GZHUNG DON NI, THAMS CAD SHES PA NYID DANG, LAM SHES KYI YUL DU BYAS PA'I DNGOS PO'I KHYAD PAR GZHI LAM GYI RNAM PA DANG DE BZHIN NYID LA DMIGS PA DANG, CHOS THAMS CAD GZUNG BYA DANG GZUNG BYA MA YIN PAR ZHEN NAS BZUNG MI BZUNG GI MTHA' BRAL DU RTOGS PA'I MI MTHUN PA DANG, CHOS THAMS CAD LA YE SHES KYIS THOGS MED DU SHES PA'I THOGS PA MED PA DANG, GZUNG 'DZIN MI DMIGS PAS RTEN YOD PAR RTOGS PA'I GZHI MED PA DANG, DE BZHIN NYID YIN PA NYID KYI 'GRO 'ONG MED PAR RTOGS PA'I 'GRO BA MED PA DANG, GZUGS SOGS NGO BO NYID

103a

, ,MED PA'I SKYE BA MED PAR RTOGS PA'I SKYE MED DANG, DNGOS PO DANG DNGOS MED DANG GNYIS KA DANG GNYIS KA MA YIN PA'I PHUNG KHAMS KYI NGO BO DE BZHIN NYID MI DMIGS PA'I PHYIR RTOGS PA NI, DE BZHIN NYID MI DMIGS PA STE RNAM MKHYEN ?? GYI RNAM PA GANG YANG RUNG BA LA DMIGS PA'I SEMS DPA'I RGYUD KYI NGO BO NYID KYI RNAL 'BYOR BDUN CHOS CAN, RNAM MKHYEN GYI SBYOR BA YIN TE, DE BZHIN GSHEGS PA NYID KYI MTHONG CHOS LA BDE BAR GNAS PA SOGS RNAM MKHYEN GYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR YIN PA'I PHYIR, RTAGS DE GSAL BA DE'I MTSAN NYID YIN NO, ,RNAM MKHYEN GYI SBYOR BA'I YUL DE LA BCU DRUG YOD DE, RNAM MKHYEN GYI SBYOR BA LA BRTEN NAS DE BZHIN GSHEGS PA NYID KYI MTHONG CHOS LA BDE BAR GNAS PA NAS, PHUNG PO LNGA LA BLANG DOR RAM 'JIG RTEN PHA ROL DANG TSU ROL GYI 'DU SHES 'GOG PA SHES PA'I BAR BCU DRUG TU YOD PA'I PHYIR, KHA CIG ,DE BZHIN GSHEGS PA NYID KYI MTHONG CHOS LA BDE BAR GNAS PA DE RNAM MKHYEN GYI RNAM PA YIN PAR THAL, MTSAN NYID 'THAD PA'I PHYIR, 'DOD NA, DE CHOS CAN, RNAM MKHYEN DU THAL, 'DOD PA'I PHYIR NA MA KHYAB BO, ` ,GNYIS PA KHYAD MTSAN BSHAD PA LA, MTSAMS SBYAR BA DANG, DON BSHAD PA GNYIS LAS, DANG PO NI; SNGAR GYI DE LTAR TSIGS SU BCAD PA DGU SA SHES MTSAN GYI SBYOR BA SPYIR BSTAN NAS, SHES MTSAN DE'I 'OG TU BAR SKABS KYI TSIGS BCAD BZHI SA KHYAD PAR GYI MTSAN NYID 'CHAD DE, SHES BA'I MTSAN NYID KYI RNAM PAS SPYIR SANGS RGYAS KYI YE

103b

SHES SKYED BYED DU YONGS SU SHES PAR BYED PA'I SBYOR BA DE RNAMS KYI KHYAD PAR JI LTA BU YIN PA DE SHES PAR BYA BA'I CHED YIN PA'I PHYIR, ZHES 'CHAD PA LA, DE LTAR BAR SKABS KYI TSIGS SU BCAD PA DGUS SHES PA'I MTSAN NYID SPYI'I NGO BO NYID DU BRJOD NAS, SHES PA'I RNAM PAS YONGS SU BCAD PA RNAMS KYI KHYAD PAR SHES PAR BYA BA YIN PAS, SHES PA'I MTSAN NYID KYI 'OG TU BAR SKABS KYI TSIGS SU BCAD PAS KHYAD PAR GYI MTSAN NYID, CES GSUNGS, GNYIS PA NI, SEMS DPA'I RGYUD KYI NGO BO NYID BCU DRUG PO DE NYID SBYOR BA LAS KHYAD PAR DU 'PHAGS PAR STON PA LA, BSAM MI KHYAB SOGS KHYAD PAR GYIS, ,ZHES SOGS GSUNGS, 'DI LA YANG KHYAD CHOS GRANGS KYI SGO NAS MDOR BSTAN, DE NYID NGO BO'I SGO NAS RGYAS PAR BSHAD, DMAN LAM DNGOS SU MI STON PA'I 'THAD PA BSHAD PA'O, ,DANG PO LA, RTZA 'GREL GNYIS LAS, DANG PO NI, BSAM MI KHYAB SOGS KHYAD PAR GYIS, ,ZHES SOGS RKANG BA BZHI DANG, GNYIS PA NI, DE'I DON BSHAD PA LA, BSAM GYIS MI KHYAB PA DANG, MI MNYAM PA LA SOGS PA'I KHYAD PAR GYIS KHYAD PAR DU BYAS PA'I SDUG BSNGAL LA SOGS PA'I BDEN PA'I YUL CAN CHOS DANG RJES SU SHES PA'I BZOD PA DANG SHES PA'I MTSAN NYID BCU DRUG GIS LAM SHES PA NYID LA SOGS PA'I SBYOR BA DAG MTSON PAS NA, KHYAD PAR GYI MTSAN NYID YIN NO, ,ZHES GSUNGS, GNYIS PA LA GSUM LAS, DANG PO NI, 'O NA BSAM GYIS MI KHYAB PA LA SOGS PA'I KHYAD PAR BYED CHOS DE GANG YIN, ZHES DRIS PA'I SGO NAS MTSAMS SBYOR BA LA, YANG BSAM GYIS

104a

, ,MI KHYAB PA LA SOGS PA'I KHYAD PAR GANG ZHE NA, ZHES GSUNGS, GNYIS PA NI, SNGAR GYI TSIGS BCAD DE'I DON RGYAS PAR BSHAD PA LA, BSAM MI KHYAB DANG MI MNYAM DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, YANG DAG PAR RDZOGS PA'I SANGS RGYAS LA SOGS PAS, ZHES SOGS GSUNGS, 'DI LA YANG, KHYAD PAR GYI NGO BO DANG, KHYAD PAR DU 'PHAGS PA GNYIS LAS, DANG PO LA YANG, SDUG BSNGAL DANG, KUN 'BYUNG DANG; 'GOG PA DANG, LAM MNGON GYI SKAD CIG MA'I KHYAD PAR BZHI LAS, DANG PO LA, SANGS RGYAS KYI YE SHES BZHI'I RGYU BYED CING, RTOG GE BA'I SPYOD YUL LAS 'DAS PAS BSAM GYIS MI KHYAB PA DANG, DPE ZLAR RUNG BA'I MTSUNGS PA MED, LAM MNYAM PA DANG, DE KHO NAR TSAD MAS GZHAL BA LAS YANG DAG PAR 'DAS PA DANG, SGRAR BRJOD PA LA SOGS PA'I GRANGS KYIS BGRANGS PA LAS YANG DAG PAR 'DAS PA'I SDUG BDEN GYI RANG BZHIN BZHI RTOGS PA'I KHYAD PAR BZHI STON PA LA, RAB 'BYOR GYIS GSOL BA, BCOM LDAN 'DAS SHER PHYIN 'DI NI BYA BA CHEN POS NYE BAR GNAS SO, ,BCOM LDAN 'DAS SHER PHYIN NI BSAM GYIS MI KHYAB PA'I BYA BA DANG, MNYAM PA MA MCHIS PA'I BYA BA DANG, GZHAL DU MA MCHIS PA'I BYA BA DANG, GRANGS MA MCHIS PA'I BYA BA DANG, MI MNYAM PA DANG MNYAM PA'I BYA BAS NYE BAR GNAS SO, ,ZHES SOGS GSUNGS, DE'I DON BSHAD PA LA, BSAM MI KHYAB DANG MI MNYAM DANG, ,GZHAL DANG BGRANGS LAS YANG DAG 'DAS, ,ZHES DANG,

104b

YANG DAG PAR RDZOGS PA'I SANGS RGYAS LA SOGS PAS LEGS PAR YONGS SU BZUNG BA'I SHES RAB KYI STOBS KYIS BSAM GYIS MI KHYAB PA NYID DANG, MI MNYAM PA NYID DANG, GZHAL BA LAS YANG DAG PAR 'DAS PA DANG, BGRANGS PA LAS YANG DAG PAR 'DAS PA DANG, ZHES GSUNGS, GNYIS PA LA YANG, RGYAL PO BTANG SNYOMS SU GNAS NAS BLON POS DE'I BYA BA BYED PA LTAR YUM GYIS MI RTOG BZHIN DU 'PHAGS PA'I GANG ZAG THAMS CAD KYI SPANGS RTOGS KYI YON TAN THAMS CAD SDUD PA DANG, SKYES BU MKHAS PAS RIG PAR BYA BA'I DON JI BZHIN DU SHES PA DANG, THUN MONG MA YIN PA'I KHYAD PAR NYAN RANG GI SPYOD YUL MA YIN PA'I DNGOS PO ZAB PA DANG RGYA CHE BA YONGS SU SHES PA DANG, MA NOR BA MYUR BA'I KHYAD PAR SHES PA SDE KUN 'BYUNG BDEN PA'I YUL CAN CHOS BZOD SOGS SKAD CIG MA NI 'KHYAD PAR STON PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN 'DI ZAB STE, BCOM LDAN 'DAS SHER PHYIN 'DI BYA BA CHEN POS NYE BAR GNAS SO, ,BCOM LDAN 'DAS SHER PHYIN 'DI NI BYA BA TSAD MA MCHIS PA DANG, BYA BA MI MNYAM PA DANG, BYA BA GZHAL DU MA MCHIS PA DANG, BYA BA GRANGS MED PA DANG, BYA BA MI MNYAM PA DANG MNYAM PA'I SLAD DU NYE BAR GNAS SO, ,DE SKAD CES GSOL BA DANG, BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, RAB 'BYOR SHER PHYIN 'DI NI BYA BA CHEN POS NYE BAR GNAS SO, ,RAB 'BYOR SHER

105a

, ,PHYIN 'DI NI BYA BA TSANG MED PA DANG, BYA BA MI MNYAM PA DANG, BYA BA GZHAL DU MED PA DANG, BYA BA GRANGS MED PA DANG, BYA BA MI MNYAMS DANG MNYAM PAS NYE BAR GNAS SO, ,DE CI'I PHYIR ZHE NA, RAB 'BYOR SHER PHYIN ZAB MO 'DI NI PHAR PHYIN SNGA DANG YANG DAG PAR LDAN PA'O, ,ZHES SOGS DANG, DE NAS 'DOD PA NA SPYOD PA DANG, GZUGS NA SPYOD PA'I LHA'I BU DE DAG GIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN ZAB CING BLTA BAR DKA' BA RTOGS PAR DKA' BA BRTAG TU MA MCHIS PA, ,RTOG GE PA'I SPYOD YUL MA LAGS PA STE, SHER PHYIN NI ZHI BA PA PHRA BA 'DZANGS PA MKHAS PA RNAM PAR SHES PAS RIG PAR BGYI BA STE BYANG SEMS GANG YUM 'DI LA MOS PAR 'GYUR BA DE DAG NI NGES PAR SNGON GYI RGYAL BA LA BGYI BA BGYIS PA'O, ,ZHES SOGS DANG, BCOM LDAN 'DAS GAL TE STONG GSUM GYI STONG CHEN PO'I 'JIG RTEN GYI KHAMS KYI SEMS CAN GANG JI SNYED PA DE DAG THAMS CAD DOD PA'I RJES SU 'BRANG BA DANG, BRGYAD PA DANG, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PAR GYUR, RANG SANGS RGYAS SU GYUR TE DE DAG THAMS CAD KYI SHES PA DANG SPANGS PA GANG JI SNYED PA DANG, SHER PHYIN ZAB MO 'DI LA GDUGS GCIG TU BZOD NAS MOS PA DANG BGRANG BA'I TSUL DE LTAR SHER PHYIN LA BZOD CING MOS NA 'DI NYID DE DAG LAS MCHOG DANG GTZO BOR KHUMS LEGS SO, ,ZHES SOGS DANG, LHA'I BU DAG

105b

RIGS KYI BU'AM RIGS KYI BU MO GANG LA LAS SHES PHYEN ZAB MO 'DI NYIN CING THOS NAS 'GRO BA DANG, BRIS NAS LUNG 'BOGS PA DANG, TSUL BZHIN DU YID LA BGYI PA'I RIGS KYI BU'AM RIGS KYI BU MO DE DAG NI SHIN TU MYUR BAR MYA NGAN NGA LAS 'DA' BAR 'DOD PAR BYA YI, ,NYAN THOS KYI THEG PA PA RNAMS DANG, RANG SANGS RGYAS KYI THEG PA PA RNAMS DANG, SHES PHYIN DANG BRAL PA'I MDO SDE GZHAN LA SPYOD PA DAG NI MA YIN NO, ,ZHES SOGS GSUNGS, DE'I DON BSHAD PA LAS 'PHAGS PA KUN SDUD MKHAS PA YIS, ,RIG BYA THUN MONG MIN SHES NYID, ,SHES MYUR, ZHES DANG, 'PHAGS PA'I GANG ZAG THAMS CAD SDUD PA DANG, SKYES BU MKHAS PAS RIG PAR BYA BA NYID DANG, NYAN THOS LA SOGS PA'I SPYOD YUL MA YIN PA'I DNGOS PO YONGS SU SHES PA DANG, RANG GI LUGS LA LTAS PA'I MNGON PAR SHES PA SHIN TU MYUR BA'I SHES PA DANG, ZHES GSUNGS, GSUM PA LA, KUN RDZOB KYI BDEN PA'I NGO BOR CHOS THAMS CAD BRI BA MED PA DANG, DON DAM PA'I BDEN PA'I NGO BOR CHOS THAMS CAD GANG BA MED PAR SGRO SKUR DANG BRAL BAR MKHYEN PA DANG, SBYIN PA PO SOGS LTA BA'I 'KHOR GSUM GYI DRI MA RNAM PAR DAG PAR SBYIN SOGS LA MOS PA DANG YID LA BYED PAS, RTAG TU RAB TU BSGRUB PAR KHYAD PAR SHES PA DANG; YANG DAG PAR 'KHOR GSUM RNAM DAG GI SBYOR BAS BSKAL BA DU MAR BSGRUBS NAS THOB PAR BYA BA'I BSOD NAMS DANG YE SHES SNGAR PHYIN CI MA LOG PAR 'GRUB PA'I KHYAD PAR SHES PA DANG, ZHEN PAS RNAM PAR MI RTOG PAR SBYIN SOGS KYI

106a

, ,CHOS THAMS CAD LA DMIGS NAS SHER PHYIN MI 'DOR BAR 'DZIN PA'I DMIGS PA'I KHYAD PAR SHES PA STE 'GOG BDEN GYI YUL CAN GYI CHOS BZOD SOGS BZHI'I KHYAD PAR STON PA LA, DE NAS 'DOD PA NA SPYOD PA DANG GZUGS NA SPYOD PA'I LHA'I BU DE DAG GIS CHED DU BRJOD PAS CHED DU BRJOD DE, BCOM LDAN 'DAS SHER PHYIN 'DI NI PHA ROL TU PHYIN PA CHEN PO STE, ZHES PA NAS, SHER PHYIN ZAB MO GANG LA BSLAB CING BYANG CHEN RNAMS BLA MED RDZOGS BYANG DU MNGON PAR 'TSANG RGYA YANG SHER PHYIN ZAB MO 'DI 'BRI BA'AM 'PHEL BAR YANG 'TSAL BAR MI GDA'O, ,ZHES DANG, DE NAS 'DOD PA NA SPYOD PA DANG GZUGS NA SPYOD PA'I LHA'I BU DE DAG GIS BCOM LDAN 'DAS KYI ZHABS GNYIS LA SPYI POS PHYAG 'TSAL TE, G-YAS PHYOGS SU LAN GSUM BSKOR TE BCOM LDAN 'DAS KYI SPYAN SNGA NAS DONG STE, ZHES PA NAS, DPER NA BA DRUS MA BE'U MI 'DOR BA LTAR RAB 'BYOR BYANG CHEN SHER PHYIN ZAB MO 'DI KHONG DU CHUD PAR BYA BA DANG, 'CHANG PA DANG, KLOG PA DANG, YONGS SU BSAM PA DANG, YID KYIS RTOGS PAR BYA BA DANG, LTA BAS LEGS PAR RTOGS PAR MA BYAS PA DE SRID DU CHOS SMRA BA DE GTONG BAR MI 'GYUR RO, ,ZHES SOGS DANG, RAB 'BYOR GYIS GSOL BA, BCOM LDAN 'DAS BYANG CHEN SANGS RGYAS KYI ZHING GZHAN DU SANGS RGYAS BCOM LDAN 'DAS GZHAN DAG LA BSNYEN BKUR BGYIS SHING DE NAS SHI 'PHOS TE 'DIR SKYES PA GANG SHER PHYIN ZAB MO THOS MA THAG TU MOS PAR 'GYUR RO, ,ZHES SOGS

106b

DANG; RAB 'BYOR 'DI LTA STE, DPER NA RGYA MTSO CHEN POR GRU ZHIG PA NA SKYES BU GANG SHING DAM RKYAL BA'AM ROL MI 'JU MI 'DZIN NA, ZHES PA NAS, DE DAG NI BAR MA DOR BYANG CHUB LAS YONGS SU NYAMS PAR MI 'GYUR TE, DE DAG NI NYAN THOS KYIS DANG RANG SANGS RGYAS KYI SA LAS 'DAS TE, SEMS CAN YONGS SU SMIN PAR BYAS NAS SANGS RGYAS KYI ZHING YONGS SU DAG PAR BYAS TE BLA MED RDZOGS BYANG DU MNGON PAR 'TSANG RGYA BAR 'GYUR RO, ,ZHES GSUNGS, DE'I DON BSHAD PA LA, BRI DANG GANG MED DANG; ;SGRUB DANG YANG DAG 'GRUB PA DANG, ,DMIGS PA, ZHES DANG, KUN RDZOB DANG DON DAM PA'I BDEN PA LA BRTEN PA'I CHOS THAMS CAD BRI BA MED PA DANG, GANG BA MED PA'I NGO BO DANG, 'KHOR GSUM RNAM PAR DAG PAS SBYIN PA LA SOGS PA'I PHA ROL TU PHYIN PA RTAG TU RAB TU SGRUB PA DANG, YANG DAG PA'I SBYOR BAS BSKAL PA DU MAR BSGRUBS PA'I BSOD NAMS DANG YE SHES YANG DAG PAR 'GRUB PA DANG, RNAM PAR MI RTOG PAR CHOS THAMS CAD LA DMIGS PA DANG, ZHES GSUNGS, BZHI PA LA, RTEN GYI KHYAD PAR SHES PA DANG, MA TSANG BA MED PA'I KHYAD PAR DANG, YONGS SU BZUNG PA'I KHYAD PAR DANG, RO MYANG BA MED PA'I KHYAD PAR SHES PA STE LAM BDEN GYI YUL CAN GYI CHOS BZOD SOGS BZHI'I KHYAD PAR STON PA LA, RAB 'BYOR 'DI LTA STE, DPER NA BUD MED SKYES PA LA LA ZHIG BUM PA SOM BTANG BAS CHU BZUNG BAR BYA BAR SEMS NA, ZHES PA NAS, BYANG CHEN DE NI 'DI LTA STE NYAN THOS KYI SA'AM RANG SANGS RGYAS KYI SAR BAR MDOR NYE ZHOR MI 'GYUR TE, DE NI MA SMAS MA NYAMS PAR BLA MED RDZOGS BYANG DU

107a

, ,MNGON PAR 'TSANG RGYA'O, ,ZHES DANG, RAB 'BYOR 'DI LTA STE, DPER NA RGYA MTSO'I GRU MA BSDAMS SHING TSAG DAM MA BYAS PAR RDZAS BTZUGS TE CHU LA BTANG NA, ZHES PA NAS, BYANG CHEN DE NI NYAN THOS DANG RANG SANGS RGYAS KYI SAR MI LTUNG NGO, ,ZHES DANG, RAB 'BYOR 'DI LTA STE, DPER NA LO BRGYA NYI SHU LON PA NA GYA BA RGAS PA 'CHAL BA ZHIG YOD LA, ZHES PA NAS, BYANG CHEN DE LTAR THABS MKHAS PAS YONGS SU BZUNG BAS BLA MED RDZOGS BYANG 'GRUB PAR 'GYUR RO, ,ZHES DANG, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS LAS DANG PO PA'I BYANG CHEN JI LTAR SHER PHYIN LA BSLAB PAR BGYI, ZHES PA NAS, RIGS KYI BU KHYOD SHER PHYIN LA SPYOD PA'I TSE GZUGS LA 'DOD PA MA SKYED CIG ,RIGS KYI BU CHOS THAMS CAD NGO BO NYID KYIS STONG PA'I PHYIR RO, ,ZHES GSUNGS, DE'I DON BSHAD PA LA, RTEN DANG BCAS PA DANG, ,MTHA' DAG PA DANG YONGS 'DZIN DANG, ,RO MYANG MED DANG KHYAD PAR NI, , ZHES DANG, CHOS KYI DBYINGS KYI NGO BO NYID SEMS DPA'I RTEN DANG, SMON LAM LA SOGS PA'I PHA ROL TU PHYIN PA YONGS SU RDZOGS PA'I RGYU'I TSOGS PA DANG, DGE BA'I BSHES GNYEN GYIS THABS KYIS YONGS SU BZUNG BA DANG, MNGON PAR ZHEN PA'I RO MYANG BA MED PA DANG, BCU DRUG GI BDAG NYID CES BYA BA NI GO RIMS BZHIN DU SDUG BSNGAL LA SOGS PA'I BDEN PA'I SKAD CIG MA RNAMS KYI KHYAD PAR YIN TE, ZHES GSUNGS, GNYIS PA NI, GANG GIS LAM NI GZHAN DAG LAS, ,KHYAD DU 'PHAGS

107b

PAS KHYAD PAR LAM, ,ZHES DANG, GANG GIS NYAN THOS LA SOGS PA'I LAM RNAMS LAS BYANG CHUB SEMS DPA' LA SOGS PA'I LAM SHES PA NYID LA SOGS PA GNYIS NI, KHYAD PAR GYI LAM YIN PAR KHYAD ZHUGS SO, ,ZHES BSHAD, GSUM PA NI, DE'I PHYIR DE DAG NI JI SKAD BSHAD PA'I KHYAD PAR DANG BRAL BA'I MNGON PAR ZHEN PA LA SOGS PA'I SKYO BA'I MTSAN NYID KYIS GO SLA BA'I PHYIR MA BSHAD DO, ,ZHES PAS 'CHAD DO, ,GZHUNG DON NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG CHOS CAN, NYAN RANG GI SBYOR BA LAS KHYAD PAR DU 'PHAGS PA'I SBYOR BA YIN TE, BSAM GYIS MI KHYAB BA SOGS KYIS KHYAD PAR DU BYAS PA'I SEMS DPA'I RNAL 'BYOR YIN PA'I PHYIR, RTAGS DE GSAL BA DE'I MTSAN NYID, THEG CHEN GYI SBYOR BA'I KHYAD MTSAN DE LA BCU DRUG TU YOD DE, DE LA BDEN BZHI'I YUL CAN GYI SHES BZOD SKAD CIG MA BCU DRUG GI KHYAD PAR GYI MTSAN NYID BCU DRUG TU YOD PA'I PHYIR, KHA CIG ,BDEN BZHI'I GNAS LUGS BSAM GYIS MI KHYAB PA SOGS RNAM MKHYEN GYI RNAM PA GANG YANG RUNG BA LA DMIGS PA'I SEMS DPA'I RNAL 'BYOR DE, NYAN RANG GI SBYOR BA LAS KHYAD PAR DU 'PHAGS PA'I SBYOR BA'I MTSAN NYID ZER NA, BYANG SEMS MTHONG LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, 'DOD NA, STONG NYID RTOGS PAR THAL LO, ,KHO NA RE, DE CHOS CAN, KHYOD RANG GI MTSAN NYID DER THAL, MTSON BYA DE'I PHYIR, 'DOD NA, DES RTOG GE PA'I BLOS BSAM GYIS MI KHYAB PA'I CHOS NYID RTOGS PAR THAL, 'DOD PA'I

108a

, ,PHYIR NA MA KHYAB, KHO NA RE, GZHUNG 'DIS SEMS DPA'I RGYUD KYI GZHI SHES SBYOR BA DE NYAN RANG GI SBYOR BA LAS KHYAD PAR DU 'PHAGS PA'I SBYOR BAR DNGOS SU BSTAN PAR THAL, SBYOR BA DE 'THAD PA'I PHYIR NA MA KHYAB, 'DOD MI NUS TE, RNAM BSHAD LAS, GZHI SHES SBYOR BA TZAM NI RANG GI LDOG PAS NYAN RANG GI SBYOR BA LAS KHYAD PAR BYED MI NUS SHING, SBYOR BA GZHAN GNYIS KYI NGO BO'I LDOG PAS KYANG KHYAD PAR DU ZHUGS PA RTOGS PA'I CHED DU'O, ,ZHES GSUNGS PA'I PHYIR; ZHES ZER RO, ` ,GSUM PA BYED MTSAN STON PA LA, GSUM LAS, DANG PO NI, THEG CHEN GYI SBYOR BA'I KHYAD MTSAN GYI 'OG TU DE'I BYED MTSAN STON PA'I RGYU MTSAN YOD DE, KHYAD MTSAN GYIS NYAN RANG GI SBYOR BA LAS KHYAD PAR DU 'PHAGS PAR SHES PAR BYA BA'I SBYOR BA RNAMS KYIS GZHAN LA PHAN PA SGRUB PA'I BYED PA DE GANG ZHE NA DE BSTAN PA'I PHYIR DU BAR SKABS KYI TSIGS SU BCAD PA GNYIS GSUNGS PA'I PHYIR, ZHES MTSAMS SBYOR BA LA, KHYAD PAR GYI MTSAN NYID KYIS RNAM PAR BCAD PA RNAMS KYI BYED PA GANG YIN ZHE NA BAR SKABS KYI TSIGS SU BCAD PA GNYIS KYIS BYED PA'I MTSAN NYID, CES GSUNGS, GNYIS PA NI, BYED MTSAN DE LA BCU GCIG TU PHYE NAS STON PA LA, PHAN DANG BDE DANG SKYOB PA DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, MA 'ONGS PA'I PHAN PA DANG, ZHES SOGS GSUNGS, 'DI LA YANG SEMS DPA'I RGYUD KYI GZHI SHES SBYOR BA'I BYED MTSAN DANG, LAM SHES SBYOR BA'I BYED PA DANG, RNAM MKHYEN

108b

SBYOR BA'I BYED PA DANG GSUM YOD PA'I, DANG PO LA, MA 'ONGS PA STE TSE PHYI MA'I PHAN PA'I BYED PA DANG, TSE 'DI'I BDE BA'I BYED PA DANG, SKYOB PA'I BYED PA DANG GSUM STON PA LA, RAB 'BYOR GYIS GSOL BA, BCOM LDAN 'DAS CHOS THAMS CAD RANG GI MTSAN NYID KYIS STONG PA LA BYANG CHEN GANG BLA MED RDZOGS BYANG DON DU GNYER ZHING, BLA MED RDZOGS BYANG DU MNGON PAR 'TSANG RGYA BA NI DKA' BA BGYID PA'O, ,BCOM LDAN 'DAS KYIS BKA' STZAL BA, RAB 'BYOR DE DE BZHIN NO, ,DE DE BZHIN TE, RAB 'BYOR CHOS THAMS CAD RANG GI MTSAN NYID KYIS STONG PA LA BYANG CHEN GANG BLA MED RDZOGS BYANG DON DU GNYER ZHING BLA MED RDZOGS BYANG 'DOD PA NI DKA' BA BYED PA'O, ,RAB 'BYOR 'ON KYANG BYANG CHEN RNAMS 'JIG RTEN LA PHAN PA'I PHYIR YANG DAG PAR ZHUGS PA'O; ;ZHES SOGS DANG, RAB 'BYOR JI LTAR NA BYANG CHEN 'JIG RTEN LA BDE BA'I PHYIR ZHUGS PA YIN ZHE NA, RAB 'BYOR 'DI LA BYANG CHEN BLA MED RDZOGS BYANG DU MNGON PAR 'TSANG RGYA BAR 'DOD PAS SEMS CAN RNAMS SDUG BSNGAL BA DANG YID MI BDE BA DANG 'KHRUGS PA RNAMS LAS YONGS SU DGROL ZHING, MI 'JIGS PA'I THANG BDE BA MYA NGAN LAS 'DAS PA LA RAB TU 'GOD DO, ,ZHES SOGS DANG, RAB 'BYOR JI LTAR NA BYANG CHEN BLA MED RDZOGS BYANG DU MNGON PAR 'TSANG RGYA BAR 'DOD CING 'JIG RTEN GYI SKYOB PA BYED PA YIN ZHE NA, RAB 'BYOR 'DI LA BYANG CHEN BLA MED RDZOGS BYANG DU MNGON PAR 'TSANG RGYA BAR 'DOD PAS 'KHOR BA NA YOD PA'I SDUG BSNGAL GANG CI YANG RUNG STE DE DAG LAS SEMS CAN RNAMS YONGS SU SKYOB CING, DE DAG SPANGS PA'I CHOS STON TE, DE DAG

109a

, ,GIS KYANG CHOS DE THOS NAS RIMS KYIS THEG PA GSUM GYI YONGS SU MYA NGAN LAS 'DA' BAR 'GYUR RO, ,ZHES SOGS GSUNGS, DE'I DON BSHAD PA LA, PHAN DANG BDE DANG SKYOB PA DANG, ,ZHES DANG, MA 'ONGS PA'I PHAN PA DANG, TSE 'DI'I BDE BA DANG, SDUG BSNGAL MED PA'I RNAM PAR SMIN PA MA YIN PA'I CHOS NYID NYE BAR BSGRUB PA'I DON GYIS, THAMS CAD SHES PA NYID KYI PHAN PA LA SOGS PA'I DBYE BA GSUM MO, ,ZHES GSUNGS, GNYIS PA LA YANG, SKYABS KYI BYED PA, GNAS KYI BYED PA, DBUNG GNYEN GYI BYED PA, GLING GI BYED PA, YONGS SU 'DREN PA'I BYED PA, LHUN GYIS GRUB PA'I BYED PA DANG, THEG PA GSUM GYI NGES PAR 'BYUNG BA'I 'BRAS BU MNGON DU MI BYED PA DANG BDUN STON PA LA, RAB 'BYOR JI LTAR BYANG CHEN BLA MED RDZOGS BYANG DU MNGON PAR 'TSANG RGYA BAR 'DOD PAS 'JIG RTEN GYI SKYABS SU 'GYUR BA YIN ZHE NA, RAB 'BYOR 'DI LA BYANG CHEN BLA MED RDZOGS BYANG DU MNGON PAR SANGS RGYAS NAS, SEMS CAN SKYE BA DANG, RGA BA DANG, NA BA DANG; 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA'I CHOS CAN RNAMS SKYE BA NAS 'KHRUGS PA LAS YONGS SU SGROL ZHING PHUNG PO MA LUS PA'I MYA NGAN LAS 'DAS PA LA RAB TU 'GOD DO; ;ZHES SOGS DANG, RAB 'BYOR JI LTAR BYANG CHEN SEMS CAN RNAMS KYI GNAS SU GYUR PA YIN ZHE NA, RAB 'BYOR 'DI LA BYANG CHEN BLA MED RDZOGS BYANG DU MNGON PAR SANGS RGYAS NAS SEMS CAN RNAMS CHOS THAMS CAD 'DRE BA MED PAR CHOS

109b

STON TO, ,ZHES SOGS DANG, RAB 'BYOR JI LTAR BYANG CHEN BLA MED RDZOGS BYANG DU MNGON PAR 'TSANG RGYA BAR 'DOD PAS 'JIG RTEN GYI DPUNG GNYEN DU 'GYUR BA YIN ZHE NA, RAB 'BYOR 'DI LA BYANG CHEN BLA MED RDZOGS BYANG DU MNGON PAR SANGS RGYAS NAS SEMS CAN RNAMS LA CHOS 'DI LTAR STON TE, GZUGS KYI PHA ROL TU PHYIN PA GANG YIN PA DE NI GZUGS MA YIN NO, ,ZHES SOGS DANG, RAB 'BYOR JI LTAR NA BYANG CHEN BLA MED RDZOGS BYANG DU MNGON PAR SANGS RGYAS NAS 'JIG RTEN GYI GLING YIN ZHE NA, RAB 'BYOR 'DI LTA STE, DPER NA CHU KLUNG CHEN PO RNAMS SAM RGYA MTSO CHEN PO RNAMS SAM CHUS YONGS SU BCAD PA'I GNAS GANG YIN PA DE NI GLING ZHES BRJOD DO, ,RAB 'BYOR DE BZHIN DU GZUGS NI SNGON GYI MTHA' DANG PHYI MA'I MTHA' YONGS SU CHAD PA'O, ,ZHES SOGS DANG, RAB 'BYOR JI LTAR NA BYANG CHEN BLA MED RDZOGS BYANG DU MNGON PAR SANGS RGYAS NAS, 'JIG RTEN YONGS SU 'DREN PAR BYED PA YIN ZHE NA, RAB 'BYOR 'DI LA BYANG CHEN SEMS CAN RNAMS KYI RIS LA THUGS RJE CHEN PO BSKYED DE, BLA MED RDZOGS BYANG DU MNGON PAR SANGS RGYAS NAS SEMS CAN RNAMS LA GZUGS KYI SKYE BA MED PA DANG, 'GAGS PA MED PA DANG, KUN NAS NYON MONGS PA MED PA DANG, RNAM PAR BYANG BA MED PA'I CHOS STON TE, ZHES SOGS DANG, RAB 'BYOR JI LTAR NA BYANG CHEN BLA MED RDZOGS BYANG DU SANGS RGYAS NAS SEMS CAN RNAMS KYI RTEN BYED PA YIN ZHE NA, RAB 'BYOR 'DI LA BYANG CHEN BLA MED RDZOGS BYANG DU SANGS RGYAS NAS SEMS CAN RMONGS PA RTEN MED

110a

, ,PA RNAMS KYI RTEN BYED PA YIN TE, GZUGS NI NAM MKHA'I DANG TSUL CAN NO ZHES BYA BAR SEMS CAN RNAMS LA CHOS STON TO, ,ZHES SOGS DANG, RAB 'BYOR CHOS THAMS CAD NI SKYE BA MED PA'I NGANG TSUL CAN TE DE DAG NI NGANG TSUL DE LAS MI 'DA'O, ,ZHES SOGS GSUNGS, DE'I DON BSHAD PA LA, MI RNAMS KYI NI SKYABS DAG DANG, ,GNAS DANG DPUNG GNYEN GLING DANG NI, ,YONGS 'DREN PA ZHES BYA BA STE, ,LHUN GYIS GRUB DANG THEG GSUM GYIS, , 'BRAS BU MNGON SUM MI BYED DAG ,CES DANG, GTAN DU PHAN PA DANG, SDUG BSNGAL GYI RGYU BZLOG PA DANG, 'KHOR BA DANG MYA NGAN LAS 'DAS PA MNYAM PA NYID DU RTOGS PA DANG, RANG DANG GZHAN GYIS DON RTOGS PA'I RTEN GYI NGO BO DANG, GZHAN GYI DON SGRUB PA DANG, SEMS CAN GYI DON LHUN GYIS GRUB PAR 'JUG PA DANG, THEG PA GSUM GYIS NGES PAR 'BYUNG BA'I 'BRAS BU MNGON SUM DU MI BYED PA ZHES BYA BA 'DI RNAMS DUS JI LTA BA BZHIN DU YANG DAG PAR NYE BAR SGRUB PA'I DON GYIS LAM SHES PA NYID KYI SKYABS LA SOGS PA'I BYED PA BDUN NO ZHES GSUNGS, GSUM PA LA, RTEN GYI MDZAD PA GCIG PU STON PA LA, RAB 'BYOR CHOS THAMS CAD NI GZUGS KYI NGANG TSUL CAN TE DE DAG NI NGANG TSUL DE LAS MI 'DA'O, ,ZHES PA NAS, DGE BA'I BSHES GNYEN GYIS YONGS SU BZUNG BA DE DAG SHER PHYIN ZAB MO 'DI LA MOS PAR 'GYUR RO, ,ZHES GSUNGS, DE'I DON BSHAD PA LA, THA MA RTAN GYI MDZAD PA STE, ,ZHES DANG, RNAM PA

110b

THAMS CAD MKHYEN PA NYID KYI CHOS THAMS CAD STON PA NYE BAR BSGRUB PA'I DON GYIS, RNAM PA THAMS CAD MKHYEN PA NYID LA NI RTEN GYI MDZAD PA GCIG STE, ZHES GSUNGS, DE DAG GI DON BSDUS NAS STON PA LA, 'DI NI BYED PA'I MTSAN NYID YIN, , ZHES DANG, DE LTAR NA BYED PA'I RNAM PA DAG GIS JI LTA BA BZHIN DU THAMS CAD MKHYEN PA NYID GSUM GYI SBYOR BA DAG MTSON PAS NA BYED PA'I MTSAN NYID YIN NO, ,ZHES GSUNGS, GZHUNG DON NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG CHOS CAN, GZHAN DON SGRUB PA'I BYED LAS KHYAD PAR CAN DANG LDAN PA'I SBYOR BA YIN TE, PHAN BDE SKYOB SOGS KYI BYED LAS KHYAD PAR CAN DANG LDAN PA'I SEMS DPA'I RNAL 'BYOR YIN PA'I PHYIR, RTAGS DE GSAL BA DE'I MTSAN NYID YIN NO, ,THEG CHEN GYI SBYOR BA'I BYED MTSAN DE LA BCU GCIG TU YOD DE, DE LA GZHI SHES KYI SBYOR BA'I DBANG DU BYAS PA'I BYED PA GSUM, LAM SHES KYI SBYOR BA'I DBANG DU BYAS PA'I BYED PA BDUN, RNAM MKHYEN GYI SBYOR BA'I DBANG DU BYAS PA GCIG RNAMS SU YOD PA'I PHYIR, ` BZHI PA NGO BO NYID MTSAN BSHAD PA LA GSUM LAS, DANG PO NI, 'O NA BYED MTSAN BCU GCIG GIS GZHAN DON PHUN TSOGS SKYED NUS SU SHES PAR BYAS PA'I SBYOR BA RNAMS KYI NGO BO NYID GANG ZHE NA, NGO BO NYID DE NYID BAR SKABS KYI TSIGS SU BCAD PA GSUM GYIS STON PA'I PHYIR, ZHES MTSAMS SBYOR BA LA, BYED PA'I MTSAN NYID KYIS SHES PAR BYAS PA RNAMS KYI NGO BO NYID GANG YIN ZHE NA, BAR SKABS KYI TSIGS SU BCAD PA GSUM GYIS NGO BO NYID KYI MTSAN NYID,

111a

, ,CES GSUNGS, GNYIS PA NI, NGO BO NYID MTSAN BCU DRUG PO DE STON PA LA, NYON MONGS RTAGS DANG MTSAN MA DANG, ,ZHES SOGS GSUNGS, GSUM PA DE NYID TSIG DON GYI SGO NAS BSHAD PA LA, 'DOD CHAGS LA SOGS PA'I NYON MONGS PA DANG, ZHES SOGS GSUNGS, RTZA 'GREL 'DI DAG GI DON LA NGO BO NYID SO SO'I DON BSHAD PA DANG, DON BSDUS TE MTSON TSUL BSHAD PA DANG GNYIS LAS, DANG PO LA, GZHI SHES KYI SBYOR BA'I NGO BO NYID MTSAN, LAM SHES KYI SBYOR BA'I NGO BO NYID MTSAN, RNAM MKHYEN GYI SBYOR BA'I NGO BO NYID MTSAN DANG GSUM LAS, DANG PO LA CHAGS SOGS NYON MONGS MNGON GYUR PAS DBEN PA, DE'I RTAGS TE 'BRAS BU GNAS NGAN LEN GYIS DBEN PA, DE'I MTSAN MA STE RGYU DNGOS PO'I GNAS TSUL JI LTA BA BZHIN MA YIN PAR YID LA BYED PA GTZANG BDE? SOGS SU 'DZIN PA DANG PHUNG PO SOGS LA BDEN PAR 'DZIN PAS DBEN PA, 'DOD CHAGS DANG 'DOD CHAGS MED PA DANG ZHE SDANG DANG ZHE SDANG MED PA DANG GTI MUG DANG GTI MUG MED PA MI MTHUN PHYOGS DANG GNYEN PO DAG LA ZHEN PAS DBEN PA'I NGO BO NYID BZHI STON PA LA, RAB 'BYOR GYIS GSOL BA, BCOM LDAN 'DAS BYANG CHEN SHER PHYIN ZAB MO 'DI LA 'TSAL BAR 'GYUR BA DE DAG NI RTAGS DANG RNAM PA DANG MTSAN MA DANG RANG BZHIN JI LTA BU ZHIG TU 'GYUR, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR BYANG CHEN DE DAG NI 'DOD CHAGS RNAM PAR BSAL BAS DBEN PA'I RANG BZHIN DU 'GYUR BA DE DAG NI RTAG SDANG RNAM PA DANG MTSAN MA DANG RANG BZHIN JI LTA BU ZHIG TU 'GYUR, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR BYANG CHEN DE DAG NI 'DOD CHAGS RNAM PAR BSAL BAS DBEN PA'I RANG BZHIN DU 'GYUR RO, ,BYANG

111b

CHEN DE DAG NI ZHE SDANG DANG GTI MUG GI MTSAN MAS DBEN PA'I RANG BZHIN DU 'GYUR RO, ,RAB 'BYOR BYANG CHEN DE DAG NI 'DOD CHAG DANG 'DOD CHAGS MED PAS DBEN PA'I RANG BZHIN DU 'GYUR RO, ,ZHES SOGS GSUNGS, DE'I DON BSHAD PA LA NYON MONGS RTAGS DANG MTSAN MA DANG, ,MI MTHUN PHYOGS DANG GNYEN PO DANG, ,DBEN DANG, ZHES DANG, 'DOD CHAGS LA SOGS PA'I NYON MONGS PA DANG, DE'I RTAGS LUS KYI GNAS NGAN LEN DANG, DE'I MTSAN MTSUNGS BZHIN MA YIN PA YID LA BYED PA LA SOGS PA DANG, 'DOD CHAGS DANG 'DOD CHAGS MED PA LA SOGS PA MI MTHUN PA'I PHYOGS DANG GNYEN PO DAG STONG PA NYID KYIS THAMS CAD SHES PA NYID KYI DBEN PA'I NGO BO NYID BZHI'O, ,ZHES GSUNGS, GNYIS PA LA, DON DAM PAR SEMS CAN GYI DON DU GO CHA BGOS PA MED LA THA SNYAD DU SEMS CAN THAMS CAD MYA NGAN LAS BZLA BAR GO BGOS PA'I DKA' BA NYID KYI NGO BO NYID DANG, THEG DMAN DU MI LTUNG BA'I NGO BO NYID KYIS THEG CHEN DU MTHA' GCIG TU NGES PA'I NGO BO NYID DANG; YUN RING POR BSGRUB PAR BYA BA CHEN PO GSUM GYI CHED DU BSGRUB PA'I CHED DU BYA BA'I NGO BO NYID DANG, BSGOM BYA SGOM PA PO SGOM CHOS GSUM DON DAM PAR MI DMIGS PAR RTOGS PA'I MI DMIGS PA'I NGO BO NYID DANG, YUM NAS RNAM MKHYEN GYI BAR LA DNGOS POR MNGON PAR ZHEN PA MTHA' DAG BKAG PA'I MNGON ZHEN MED PA'I NGO BO NYID DANG LNGA STON PA LA, RAB 'BYOR GYIS GSOL BA, BCOM LDAN 'DAS BYANG CHEN GANG GIS SEMS CAN THAMS CAD YONGS SU MYA NGAN LAS BZLA

112a

, ,BAR BGYI'O, ,ZHES GO CHA 'DI 'TSAL KYANG DE LA SEMS CAN DANG SEMS CAN DU GDAGS PA MI DMIGS PA DE DAG NI DKA' BA BGYID PAR 'GYUR PA'O, ,ZHES SOGS DANG, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA BKAL STZAL BA, RAB 'BYOR KHYOD KYIS DON GANG ZHIG MTHONG NAS 'DI SKAD DU BYANG CHEN GO CHA CHEN PO BGOS SHING SHER PHYIN ZAB MO 'DI LA SBYOD PA DES NYAN THOS KYI SA'AM RANG SANGS RGYAS KYI SA'I GNAS GZHAN GNYIS SU DOGS PAR MI BYA'O, ,ZHES DANG, RAB 'BYOR GYIS GSOL BA, BCOM LDAN 'DAS 'DI LTAR BYANG CHEN GYIS SEMS CUNG ZAD NYI TSE BZHIG GI SLAD DU GO CHA 'TSAL BA MA LAGS TE, SEMS CAN THAMS CAD YONGS SU MYA NGAN LAS BZLA BAR BYA'O ZHES DE LTAR GO CHA 'TSAL BA'I BYANG CHEN DE NYAN THOS KYI SA'AM RANG SANGS RGYAS KYI SAR LTUNG BA'I GNAS DANG SKABS MA MCHIS SO, ,ZHES SOGS DANG, BYANG CHEN GYIS NI SEMS CAN THAMS CAD YONGS SU MYA NGAN LAS BZLA BA DANG RNAM MKHYEN NYID KYI YE SHES KYI DON DU GO CHA BGOS SO, ,ZHES SOGS DANG, RAB 'BYOR GYIS GSOL BA, BCOM LDAN 'DAS SHER PHYIN ZAB PA STE, DE NI SUS KYANG BSGOM PAR MI BGYI CI YANG BSGOM PAR MI BGYI JI LTAR YANG BSGOM PAR MI BGYI'O, ,ZHES SOGS DANG, RAB 'BYOR SHER PHYIN ZAB MO 'DIR PHYIR MI LDOG PA'I BYANG CHEN YONGS SU BRTAG PAR BYA STE BYANG CHEN GANG CHEN GANG ZHIG SHER PHYIN ZAB MO 'DI LA MNGON PAR ZHEN PAR MI BYED PA DE NI PHYIR MI LDOG PA'I BYANG CHEN DU YONGS SU BRTAG PAR BYA'O, ,ZHES SOGS GSUNGS

112b

DE'I DON BSHAD PA LA, DKA' DANG NGES PA DANG, ,CHED DU BYA DANG MI DMIGS DANG, ,MNGON PAR ZHEN PA BKAG PA DANG, ,ZHES DANG, DON DAM DANG MED PA'I SEMS CAN MYA NGAN LAS BZLA BAR DKA' BA DANG, THEG PA GZHAN DU MI LTUNG BA'I MTSAN NYID KYI MTHA'I GCIG TU NGES PA DANG, YUN RING PO NAS BSGRUB PAR BYA BA MCHOG NYID KYI CHED DU BYA BA DANG, BSGOM PAR BYA BA DANG SGOM PA PO'I CHOS MI DMIGS PA DANG, DNGOS POR MNGON PAR ZHEN PA MTHA' DAG BKAG PA ZHES BYA BA DE LTA BU DAG NI LAM SHES PA NYID KYI NGO BO NYID LNGA'O, ,ZHES GSUNGS, GSUM PA LA YANG, GZHI SHES DANG LAM SHES KYI YUL DU BYAS PA'I DNGOS PO'I KHYAD PAR GZHI LAM GYI RNAM PA DANG DE BZHIN NYID LA DMIGS PA'I NGO BO NYID DANG, 'JIG RTEN MNGON ZHEN CAN GYI GZUNG BYA DANG GZUNG BYA MA YIN PA ZHEN PA LAS BZLOG STE GZUGS NAS RNAM MKHYEN GYI BAR GYI CHOS THAMS CAD LA ZHEN NAS BZUNG MI BZUNG GI MTHA' BRAL DU RTOGS PAS 'JIG RTEN THAMS CAD DANG MI MTHUN PA'I NGO BO NYID DANG, GZUGS SOGS THAMS CAD LA YE SHES KYIS THOGS PA MED BAR SHES BA'I NGO BO NYID DANG, GZUNG BA DANG 'DZIN PA DON DAM PAR MI DMIGS PAS RTEN NAM GZHI MED PAR RTOGS PA'I NGO BO NYID DANG, DE BZHIN NYID YIN PA NYID KYIS 'ONG BA DANG 'GRO BA MED PAR RTOGS PA'I NGO BO NYID DANG, GZUGS LA SOGS PA'I NGO BO NYID MED PA'I STONG PA NYID YIN PAS SKYE BA MED PAR RTOGS PA'I NGO BO NYID DANG, DNGOS PO DANG DNGOS PO MED PA DANG GNYIS KA DANG GNYIS MIN GYI PHUNG SUM GYI NGO BO DE BZHIN NYID MI DMIGS PAR RTOGS

113a

, ,PA'I NGO BO NYID DANG BDUN RIMS BZHIN STON PA LA, RAB 'BYOR GYIS GSOL BA, BYANG CHEN SHER PHYIN ZAB MO 'DI BSTAN PA'I TSE MI DANG NGAS KUN TU MI SKRAD, ,KUN TU SKRAG PAS ZIN PAR MI 'GYUR ZHING ZHUM PAR MI 'GYUR, YONGS SU ZHUM PAR MI 'GYUR, DE'I YID PHYIR PHYOGS PAR MI 'GYUR NA, BCOM LDAN 'DAS BYANG CHEN DE SHER PHYIN ZAB MO JI LTAR BRTAG PAR BGYI, BCOM LDAN 'DAS KYIS BKA' STZAL BA, RAB 'BYOR BYANG CHEN DES RNAM MKHYEN LA GZHOL BA'I BSAM PAS SHER PHYIN ZAB MO 'DI LA BRTAG PAR BYA'O, ,ZHES SOGS DANG, LHA'I BU DAG NAM MKHA' ZAB PA'I PHYIR CHOS 'DI ZAB BO, ,LHA'I BU DAG DE BZHIN NYID ZAB PA'I PHYIR DANG, ZHES SOGS DANG, RAB 'BYOR GYIS GSOL BA, BCOM LDAN 'DAS CHOS 'DI NI GZHAN THAMS CAD DANG RJES SU MTHUN PA STE, BCOM LDAN 'DAS CHOS GANG YANG RNAM PA DANG RJES SU MTHUN PA LAGS SHE NA, BCOM LDAN 'DAS CHOS 'DI NI SHER PHYI DANG RJES SU MTHUN PA'O, ,ZHES PA NAS, CHOS 'DI DAG NI GANG LA YANG THOGS PA MA MCHIS PA STE, ZHES SOGS DANG, CHOS 'DI NI GZHI MA MCHIS PA DANG LDAN PA STE, GZUGS KYI GZHI MA DMIGS PA'I SLAD DU DANG, ZHES SOGS DANG, DE NAS 'DOD PA NA SPYOD PA DANG GZUGS NA SPYOD PA'I LHA'I BU RNAMS KYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GNAS BRTAN RAB 'BYOR 'DI NI BCOM LDAN 'DAS KYI RJES SU SKYES SO, ,DE CI'I SLAD DU ZHE NA, DE NA 'DI LTAR GNAS BRTAN RAB 'BYOR NI CI DANG CI STON PA DE THAMS CAD STONG

113b

PA NYID DANG MTSAN MA MA MCHIS PA DANG SMON PA MA MCHIS PA LAS BRTZAM SHING STON PA'O, ,ZHES SOGS DANG, DE NAS GNAS BRTAN RAB 'BYOR GYIS LHA'I BU DE DAG GI GTAM GYIS RJES SU 'BREL BAR BYAS TE, DE LTAR LHA'I BU DAG GNAS BRTAN RAB 'BYOR NI GZUGS KYI RJES SU MA SKYES GZUGS KYI DE BZHIN NYID KYI RJES SU MA SKYES GZUGS KYI DE BZHIN NYID LAS GZHAN GYI RJES SU MA SKYES SO, ,ZHES SOGS DANG, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, , BCOM LDAN 'DAS DE BZHIN NYID DANG MA NOR BA DE BZHIN NYID DANG GZHAN MA YIN PA DE BZHIN NYID DANG CHOS NYID DANG CHOS KYI DBYINGS DANG, CHOS GNAS PA NYID DANG CHOS NGES PA NYID DANG, YANG DAG PA'I MTHA' 'DI ZAB PA STE, DE LA GZUGS DANG GZUGS KYI DE BZHIN NYID MI DMIGS TE, GANG GI TSE GZUGS NYID MI DMIGS PA DE'I TSE GZUGS KYI DE BZHIN NYID DMIGS PA LTA GA? LA 'GYUR ZHES PA NAS, DE NI NYAN THOS KYI SA'AM RANG SANGS RGYAS KYI SAR LTUNG NGO, ,ZHES PA'I BAR RNAMS GSUNGS, DE'I DON BSHAD PA LA, DMIGS PA ZHES BYA BA GANG YIN DANG, ,MI MTHUN THOGS PA MED DANG DE, ,GZHI MED 'GRO MED SKYE MED DANG, ,DE BZHIN NYID NI MI DMIGS DANG, ,ZHES DANG, THAMS CAD SHES PA NYID DANG LAM SHES PA NYID KYIS BSDUS PA'I DNGOS PO'I KHYAD PAR LA DMIGS PA DANG, 'JIG RTEN GYI SGRUB PA'I 'DZIN PA LA SOGS PA LAS BZLOG STE BSTAN PAS MI MTHUN PA DANG, GZUGS LA SOGS PA THOGS PA MED PAR SHES PA DANG, SHES BYA DANG SHES PA MI DMIGS PAS

114a

, ,GZHI MED PA DANG, DE BZHIN NYID KYIS 'GRO BA MED PA DANG, GZUGS LA SOGS PA NGO BO NYID MED PAS SKYE BA MED PA DANG, DNGOS PO DANG DNGOS PO MED PA LA SOGS PA GSUM GYI NGO BO DE BZHI NYID MI DMIGS PA ZHES BYA BA DE LTA BU NI RNAM PA THAMS CAD MKHYEN PA NYID KYI NGO BO NYID BDUN NO, ,ZHES GSUNGS, GNYIS PA DE STON PA LA, NGO BO NYID BCU DRUG BDAG NYID, ,MTSON BYA LTA BUR MTSON PAS NA, ,MTSAN NYID BZHI BAR BZHED PA YIN, ,ZHES DANG, DE LTAR NA NGO BO NYID BCU DRUG GIS JI LTA BA BZHIN DU THAMS CAD MKHYEN PA NYID GSUM GYI SBYOR BA DAG MTSAN NYID DANG LDAN PA BZHIN DU MTSON PAS, DE LTAR NA BZHI PA NGO BO NYID KYI MTSAN NYID DU BZHED DO, ,ZHES GSUNGS, GSUM PA GRANGS KYI SGO NAS DON BSDU BA LA, DE LTAR NA SPYIR GCIG TU BSDOMS NA NI MTSAN NYID DGU BCU RTZA GCIG TU 'GYUR RO, ,ZHES GSUNGS, GZHUNG DON NI, NYON MONGS RTAGS SOGS KYIS DBEN PA'I SEMS DPA'I RNAL 'BYOR BCU DRUG CHOS CAN, KHYOD LA MTSAN NYID KYI SGRAS STON PA'I RGYU MTSAN YOD DE, KHYOD SBYOR BA BCU DRUG MTSON PAR BYED PA'I GZHI YIN PAS NA DE LTAR BSTAN PA'I PHYIR, THEG CHEN GYI SBYOR BA'I NGO BO NYID MTSAN DE LA BCU DRUG TU YOD DE, DE LA GZHI SHES SBYOR BA'I NGO BO NYID BZHI; LAM SHES SBYOR BA'I NGO BO NYID LNGA, RNAM MKHYEN SBYOR BA'I NGO BO NYID BDUN DU YOD PA'I PHYIR, DANG PO GRUB STE, DE LA NYON MONGS DANG, NYON MONGS KYI RTAGS DANG, NYON MONGS KYI MTSAN MA DANG, MI MTHUN PHYOGS DANG GNYEN PO'I PHYOGS DAG

114b

GIS DBEN PA'I NGO BO NYID BZHI YOD PA'I PHYIR, GNYIS PA GRUB STE, DE LA BYA DKA' BA NYID KYI NGO BO NYID DANG, MTHA' GCIG TU NGES PA'I NGO BO NYID DANG, CHED DU BYA BA'I NGO BO NYID DANG, MI DMIGS PA'I NGO BO NYID DANG, MNGON PAR ZHEN PA MED PA'I NGO BO NYID LNGA YOD PA'I PHYIR, GSUM PA GRUB STE, DE LA DMIGS PA'I NGO BO NYID DANG, 'JIG RTEN THAMS CAD DANG MI MTHUN PA'I NGO BO NYID DANG, THOGS PA MED PA'I NGO BO NYID DANG, GZHI MED PA'I NGO BO NYID DANG, 'GRO BA MED PA'I NGO BO NYID DANG, SKYE BA MED PA'I NGO BO NYID DANG; DE BZHIN NYID MI DMIGS PA'I NGO BO NYID MTSAN DANG BDUN DU YOD PA'I PHYIR, KHO NA RE, BYANG SEMS MTHONG LAM PA'I RGYUD KYI GANG ZAG GI BDAG MED RTOGS PA'I MKHYEN PA DE NYON MONGS RTAGS SOGS KYIS DBEN PA'I SEMS DPA'I RNAL 'BYOR DU THAL; NGO BO NYID MTSAN DE LA NYON MONGS RTAGS SOGS KYIS DBEN PA'I SEMS DPA'I RNAL 'BYOR SOGS BCU DRUG TU 'BYED RIGS PA'I PHYIR, 'DOD NA, DE CHOS CAN, DE MA YIN PAR THAL, NYON MONGS RTAGS SOGS DANG BCAS PA'I PHYIR NA MA KHYAB, DER THAL, NYON MONGS DANG BCAS PA'I PHYIR, ZHES ZER RO, ,DES NA, SPYIR THEG CHEN GYI SBYOR BA'I MTSAN NYID KYI SGRAS BRJOD RUNG DE LA DGU BCU RTZA GCIG TU YOD DE, DE LA SHES MTSAN ZHE BRGYAD DANG, KHYAD? MTSAN BCU DRUG ,BYED? MTSAN BCU GCIG ,NGO BO NYID MTSAN BCU DRUG TU YOD PA'I PHYIR, ` BZHI PA RGYUD LA BRTEN BYA THAR PA CHA MTHUN BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE BZHIN NYID KYI LE'UR BYANG SEMS

115a

, ,NYAMS PA'I CHOS CAN DRUG CU DMAN PA'I DGRA BCOM DU GYUR PAR GSUNGS PA'I 'THAD PAR DE DAG GIS SANGS RGYAS LNGA BRGYA BSNYEN BKUR ZHING SBYIN SOGS LA SPYAD KYANG SHER PHYIN DANG THABS MKHAS KYIS MA ZIN PAS SO, ,ZHES GSUNGS PA LAS 'PHROS NAS, SH'A RI'I BU 'DI LA BYANG CHEN THOG MAR SEMS BSKYED PA NAS NYE BAR BZUNG STE RNAM MKHYEN GYI SEMS DANG MA BRAL BAR SBYIN PA GTONG BA DANG, TSUL KHRIMS SRUNG BA DANG, BZOD PA SGOM PA DANG, BRTZON 'GRUS RTZOM PA DANG, BSAM GTAN LA MNYAM PAR 'JOG CING MTSAN MAR MI BYED DE, DRAN PA NYE BAR BZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG LAM RNAMS BSGOMS SHING MTSAN MAR MI BYED, RNAM MKHYEN GYI BAR DU SGOM ZHING MTSAN MAR MI BYED, DE YANG SHER PHYIN DANG THABS MKHAS PA DANG, ZHES SOGS GSUNGS, GNYIS PA LA MTSAMS SBYAR BA DANG, DON BSHAD PA GNYIS LAS, DANG PO NI, YON TAN SKYON NI MTSAN NYID BCAS, ,THAR DANG; ZHES BSHAD NA, SBYOR BA'I MTSAN NYID KYI 'OG TU THAR BA CHA MTHUN 'CHAD PA'I RGYU MTSAN GANG ZHE NA, DE'I RGYU MTSAN YOD DE, THAR PA CHA MTHUN GYI DGE BA DANG LDAN PA STE RGYUD LA SKYES PA KHO NA LA JI SKAD BSHAD PA'I SBYOR BA RNAMS MTSAN NYID KYI SGO NAS SHES PAR BYED PA 'BYUNG BAS DE LTAR BSHAD PA'I PHYIR, ZHES 'CHAD PA LA, THAR PA'I CHA DANG MTHUN PA'I DGE BA'I RTZA BA DANG LDAN PA KHO NA LA JI SKAD BSHAD PA'I SBYOR BA YONGS SU SHES PA 'BYUNG BAS, THAR PA'I CHA DANG MTHUN PA, ZHES GSUNGS,

115b

GNYIS PA LA NGO BO DANG, DBYE BA GNYIS LAS, DANG PO LA, RTZA 'GREL GNYIS LAS, DANG PO NI, MDO DE'I DON BSHAD PA'I SGO NAS, THAR PA CHA MTHUN GYI NGO BO NYID STON PA LA, MTSAN MED RAB TU SBYIN LA SOGS, ,ZHES SOGS GSUNGS, GNYIS PA NI, DE NYID TSIG DON GYI SGO NAS BSHAD PA LA, MTSAN MA MED PAR DMIGS PA'I SHES PA'I RNAM PAS, SBYIN PA LA SOGS PA'I PHA ROL TU PHYIN PA NAS RNAM PA THAMS CAD MKHYEN PA NYID LA THUG PA RNAMS RANG GI RGYUD LA BSKYED PAR MKHAS PA NI, RNAM PA THAMS CAD MNGON PAR RDZOGS PAR RTOGS PA 'DI LA THAR PA'I CHA DANG MTHUN PA YIN PAR 'DOD DO, ,ZHES GSUNGS, GNYIS PA LA GSUM LAS, DANG PO NI, SANGS RGYAS SOGS DMIGS DAD PA DANG, ,ZHES SOGS BAR SKABS KYI TSIGS SU BCAD PA GNYIS GSUNGS PA CHOS CAN, DGOS PA YOD DE, SBYIN SOGS RANG RGYUD LA SKYED PAR MKHAS PA DE GANG YIN ZHE NA, DE BSTAN PA'I PHYIR GSUNGS PA'I PHYIR, ZHES MTSAMS SBYOR BA LA, MKHAS PA DE GANG YIN ZHE NA, DE BSTAN PA'I PHYIR BAR SKABS KYI TSIGS SU BCAD PA, ZHES GSUNGS, GNYIS PA NI, SANGS RGYAS SOGS DMIGS DAD PA DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, DAD PA DANG BRTZON 'GRUS DANG, ZHES SOGS GSUNGS, DE YANG, NGO BO DANG, RGYUD KYI SGO NAS DBYE PA GNYIS LAS, DANG PO LA, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI BDAG NYID CAN GYI THAR PA CHA MTHUN LNGA RIMS BZHIN STON PA LA, MDO LAS, DE YANG SHAR PHYIN DANG THABS MKHAS PA DANG MA BRAL BAR DUS

116a

, ,GSUM GYI SANGS RGYAS DANG 'DAS PA DANG MA BYON PA DANG DA LTAR BYUNG BA'I SANGS RGYAS BCOM LDAN 'DAS DE RNAMS KYI TSUL KHRIMS KYI DANG TING NGE 'DZIN GYI DANG SHES RAB KYI DANG RNAM PAR GROL BA'I DANG RNAM PAR GROL BA'I YE SHES GZIGS PA'I PHUNG PO DE THAMS CAD YID LA SEMS KYANG MTSAN MAR MI BYED, DE STONG PA NYID KYI TING NGE 'DZIN LA MTSAN MAR MI BYED, MTSAN MA MED PA'I TING NGE 'DZIN LA MTSAN MAR MI BYED, SMON PA MED PA'I TING NGE 'DZIN LA MTSAN MAR MI BYED DE, SH'A RI'I BU BYANG CHEN DE NI NYAN THOS DANG RANG SANGS RGYAS KYI SA LA GNAS PAR MI 'GYUR ZHING, DE NI MA SMAS MA NYAMS PAR BLA MED RDZOGS BYANG DU MNGON PAR 'TSANG RGYA BAR 'GYUR BAR RIG PAR BYA'O, ,DE CI'I PHYIR ZHE NA, DE NI 'DI LTAR BYANG CHEN DES THOG MA SEMS BSKYED PA NAS NYE BAR BZUNG STE, SBYIN PA BYIN YANG MTSAN MAR MI BYED DE, ZHES SOGS DANG, SH'A RI'I BUS GSOL BA, BCOM LDAN 'DAS KYIS GSUNGS PA'I DON 'TSAL BA LTAR NA BCOM LDAN 'DAS BYANG CHEN SHER PHYIN DANG THABS MKHAS PA DANG MA BRAL BA'I BSAM PA CAN GANG YIN PA DE'I BLA MED RDZOGS BYANG NI THE TSOM MA MCHIS SO, ,ZHES DANG, DE CI'I SLAD DU ZHE NA, BCOM LDAN 'DAS DE NI 'DI LTAR BYANG CHEN DES SEMS DANG PO BSKYED PA NAS NYE BAR BZUNG STE, GANG MNGON PAR 'TSANG RGYA BA DANG, GANG DU MNGON PAR 'TSANG RGYA BAR BGYI BA'I GZUGS NAS RNAM MKHYEN NAM CHOS GANG YANG DMIGS PA MA MCHIS SO, ,ZHES SOGS DANG, DE NAS 'DOD PA

116b

NA SPYOD PA DANG GZUGS NA SPYOD PA'I LHA'I BU DE DAG GIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN CHOS THAMS CAD RNAM PA THAMS CAD DU MNGON PAR 'TSANG RGYA BAR YANG BGYI LA CHOS DE DAG KYANG MA MCHIS SHING MI DMIGS PAS BLA MED RDZOGS BYANG NI 'BYUNG BAR DKA'O, ,ZHES PA NAS, LHA'I BU DAG NGAS KYANG CHOS THAMS CAD RNAM PA THAMS CAD DU MNGON PAR SANGS RGYAS TE, GANG MNGON PAR 'TSANG RGYA'AM, GANG GIS MNGON PAR 'TSANG RGYA'AM, GANG ZHIG MNGON PAR 'TSANG RGYA PA'I CHOS GANG YANG MI DMIGS SO, ,DE CI'I PHYIR ZHE NA, LHA'I BU DAG CHOS THAMS CAD NI SHIN TU RNAM PAR DAG PA'I PHYIR RO, ,ZHES GSUNGS, DE'I DON BSHAD PA LA, SANGS RGYAS SOGS DMIGS DAD PA DANG, ,SBYIN SOGS SPYOD YUL BRTZON 'GRUS DANG, , BSAM PA PHUN TSOGS DRAN PA DANG, ,RNAM PAR MI RTOG TING 'DZIN DANG, ,CHOS RNAMS RNAM PA THAMS CAD DU, ,SHES PA'I SHES RAB DANG RNAM LNGA, ,ZHES DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KHYAD PAR CAN DBANG PO'I NGO BO NYID MA YIN PA GRANGS BZHIN DU SANGS RGYAS DANG, SBYIN PA DANG, BSAM PA PHUN SUM TSOGS PA DANG, RNAM PAR MI RTOG PA DANG, CHOS THAMS CAD KYI RNAM PA THAMS CAD YONGS SU SHES PA LA SOGS PA'I YUL RNAM PA LNGA LA MKHAS PA YIN NO ZHES GSUNGS, GNYIS PA LA, DAD SOGS RNON PO'AM CHEN POS NI RDZOGS BYANG THOB SLA LA, DAD SOGS RTUL PO'AM CHUNG NGUS NI DE THOB DKA' BA DANG, DAD SOGS 'BRING DANG GSUM RIM BZHIN STON PA LA, MDO LAS, DE NAS TSE DANG LDAN PA

117a

, ,RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GANG 'DI SKAD DU BLA MED RDZOGS BYANG NI 'BYUNG BAR DKA'O, ,ZHES GSUNGS PA BCOM LDAN 'DAS KYIS JI LTAR GSUNGS PA'I DON BDAG GIS 'TSAL BA DANG BDAG SEMS PA LTAR NA, BCOM LDAN 'DAS BLA MED RDZOGS BYANG NI MNGON PAR 'TSANG RGYA BAR BGYI BAR MI DKA'O, ,DE CI'I SLAD DU ZHE NA, BCOM LDAN 'DAS DE NI 'DI LTAR GANG YANG MNGON PAR RDZOGS PAR 'TSANG RGYA BA MA MCHIS, GANG GIS KYANG MNGON PAR RDZOGS PAR 'TSANG RGYA BA MA MCHIS, GANG YANG MNGON PAR 'TSANG RGYA BAR BGYI BA MA MCHIS TE, BCOM LDAN 'DAS CHOS THAMS CAD NI STONG PA'O, ,BCOM LDAN 'DAS RNAM GRANGS DES NA BYANG CHEN GYIS BLA MED RDZOGS BYANG DU MNGON PAR 'TSANG RGYA BAR SLA'O, ,ZHES SOGS DANG, DE NAS TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR RNAM GRANGS DES NA BLA MED RDZOGS BYANG DU MNGON PAR 'TSANG RGYA BAR DKA' STE, DE CI'I PHYIR ZHE NA, TSE DANG LDAN PA RAB 'BYOR DE NI 'DI LTAR NAM MKHA' NI 'DI SNYAM DU BDAG GIS BLA MED RDZOGS BYANG DU MNGON PAR 'TSANG RGYA BAR 'GYUR SNYAM DU MI SEMS SO, ,ZHES SOGS DANG, DE NAS TSE DANG LDAN PA RAB 'BYOR GYIS TSE DANG LDAN PA SH'A RI'I BU LA SMRAS PA, TSE DANG LDAN PA SH'A RI'I BU DE JI SNYAM DU SEMS, GZUGS BLA MED RDZOGS BYANG LAS LDOG GAM, TSE DANG LDAN PA SH'A RI'I BUS SMRAS PA, TSE DANG LDAN PA RAB 'BYOR DE NI MA YIN NO, ,ZHES PA NAS, BCOM LDAN 'DAS KYIS BKA' STZAL PA, RAB 'BYOR

117b

BYANG CHEN BLA MED RDZOGS BYANG DU NGES PAR 'BYUNG BAR GYUR RO, ,ZHES PA'I BAR GSUNGS, DE'I DON BSHAD PA LA, RDZOGS PA'I BYANG CHUB RNON PO YIS, ,RTOGS SLA RTUL POS RTOGS DKAR BZHED, ,CES DANG, DE LTA MOD KYI THAMS CAD KYIS BLA NA MED PA'I BYANG CHUB THOB PA MA YIN TE, 'DI LTAR DAD PA LA SOGS PA CHEN PO RNON POS NI BLA NA MED PA YANG DAG PAR RDZOGS PA'I BYANG CHUB RTOGS PAR SLA LA, DE DAG NYID RTUL POS NI RTOGS PAR DKA'O ZHES BYA BA 'DI NI CHOS NYID YIN PAS SHUGS KYIS NA 'BRING PO RNAMS KYIS NI RANG SANGS RGYAS KYI BYANG CHUB RTOGS LA, CHUNG NGU RNAMS KYIS NI NYAN THOS KYI BYANG CHUB RTOGS SO ZHES BYA BA 'DI 'PHANGS PA YIN NO, ,ZHES GSUNGS, GZHUNG 'DI DAG GI SKABS SU SPYI DON DANG, GZHUNG DON GNYIS LAS, DANG PO LA, TSOGS LAM GYI RTEN, BRTEN PA TSOGS LAM GYI RANG BZHIN, RTAGS, SGRA BSHAD PA'O, ,DANG PO LA LUS RTEN DANG, SEMS RTEN GNYIS LAS, DANG PO NI, THEG CHEN GYI TSOGS LAM DE 'GRO BA RIGS DRUG GI RTEN LA GSAR DU SKYE BA YOD LA, THEG DMAN GYI TSOGS LAM NI GLING GSUM GYI SKYE BA DANG BUD MED KHO NA'I RTEN LA GSAR DU SKYE BAR BYE BRAG SMRA BA BZHED DE, MDZOD 'GREL LAS, MI RNAMS KYI NANG KHO NA DANG GLING GSUM NAS 'PHEN GYI GZHAN NAS NI MA YIN TE, CI RIGS PAR SHES RAB DANG SKYO BA MED PA'I PHYIR, ZHES GSUNGS PA'I PHYIR, GNYIS PA NI, BSAM GTAN GYI DNGOS GZHI THOB PA RNAMS KYIS BSAM GTAN GYI DNGOS GZHI DANG, DE MA THOB PA RNAMS KYIS BSAM GTAN GYI NYER BSDOGS

118a

, ,DANG; DE YANG MA THOB PA RNAMS KYIS 'DROD SEMS LA BRTEN NAS BSKYED PA YIN NO, ,GNYIS PA LA NGO BO NI, 'DI LA THOS BSAM GTZO CHE YANG SGOM BYUNG YANG YOD DE, KUN BTUS LAS, DE LA TSOGS KYI LAM GANG ZHE NA, SO SO SKYE BO'I TSUL KHRIMS DANG, DBANG PO'I SGO SDOM PA DANG, ZAS KYI TSOD RIGS PA DANG, NAM GYI CHA STOD SMAD LA MI NYAL BAR RNAL 'BYOR LA BRTZON PA DANG, SHES BZHIN DU GNAS PAR MNGON PAR DGA' BA DANG, YANG RGYUR GYUR PA'I DGE BA GZHAN THOS PA DANG, BSAM PA DANG, SGOM PA LAS BYUNG BA'I SHES RAB KYANG RUNG STE, DE GOMS PAS BDEN PA RNAMS MNGON PAR RTOGS PAR 'GYUR BA DANG, RNAM PAR THAR PA'I GNAS KYI SNOD NYID DU 'GYUR RO, ,ZHES GSUNGS PA'I PHYIR, MDZOD LAS, THOS BSAM LAS BYUNG LAS GSUM MO, ,ZHES SGO GSUM GA'I LAS DANG THOS BSAM NYID DU BSHAD LA, NYI SNANG LAS, 'DI DAG THAMS CAD KYANG THOS PA DANG BSAM PA'I RANG BZHIN CAN YIN PAR SHES PAR BYA STE, THOG MA KHO NAR BSTAN PA LA 'JUG PA'I RGYU YIN PA'I PHYIR RO, ,ZHES GSUNGS PA NI, SGOM BYUNG GTZO BOR MA GYUR PA LA DGONGS SO, ,DES NA RNAM MKHYEN RANG RGYUD LA SGRUB PA LA MKHAS PA'I SEMS DPA'I CHOS MNGON RTOGS, SKABS 'DIR DNGOS SU BSTAN PA'I THAR PA CHA MTHUN GYI MTSAN NYID, DBYE NA CHUNG 'BRING CHEN PO GSUM DU YOD, KHA CIG ,DE THEG CHEN GYI THAR PA CHA MTHUN GYI MTSAN NYID ZER BA MI 'THAD DE, NYAN THOS LAM DU 'JUG PAR NGES PA'I THEG CHEN GYI TSOGS LAM GYIS MA NGES PA'I PHYIR, GSUM PA NI, SPYIR THAR PA

118b

DON GNYER GYI BLO BCOS MA MA YIN PA NAM SKYES PA NA THAR PA CHA MTHUN THOB PAR 'JOG LA, THEG CHEN GYI THAR PA CHA MTHUN THOB PA'I RTAGS NI, MDZOD 'GREL LAS, GANG LA 'KHOR BA'I NYES DMIGS DANG BDAG MED PA DANG MYA NGAN LAS 'DAS PA'I YON TAN BRJOD PA'I GTAM THOS NA SPU ZING ZHES BYED PA DANG, MCHI MA 'KHRUGS ZHES BYED PA DE LA NI, THAR PA'I CHA DANG MTHUN PA'I DGE BA'I RTZA BA YOD PAR SHES PAR BYA STE, DBYAR MYU GU SKYES PA LAS YUL GYI GSEB NA SA BON YOD PAR SHES PA BZHIN NO, ,ZHES GSUNGS PA LTAR RO, ,THEG CHEN GYI TSOGS LAM KHYAD PAR CAN NI 'OG NAS 'CHAD PA'I ZAG MED KYI YE SHES SDE TSAN NYER GCIG GIS BSDUS PA'I MNGON PAR RTOGS PA'I RIGS MTHA' DAG LA THOS BSAM GYIS SGRO 'DOGS BCAD NAS DE'I RJES SU DE NYAMS SU BLANGS PAS MNGON PAR RTOGS PA KUN LA MYONG BA KHYAD PAR CAN SKYES PA NA, THEG CHEN GYI TSOGS LAM KHYAD PAR CAN DANG GRANGS MED GSUM NAS 'TSANG RGYA BA'I LAM GYI THOG MAR GYUR PA'I THEG CHEN GYI THAR PA CHA MTHUN DANG, SKABS 'DIR DNGOS SU BSTAN PA'I THEG CHEN GYI THAR PA CHA MTHUN RNAMS THOB PAR 'JOG PA YIN NO, ,DER MA ZAD ZAB DON LA MI SKRAG PA DANG, MI DNGANGS PA DANG, SKRAG PAR MI 'GYUR BA SOGS KYANG THEG CHEN GYI TSOGS LAM KHYAD PAR CAN THOB PA'I RTAGS SU NYI SNANG LAS BSHAD DE, DE NYID LAS, GANG GIS DE MNGON PAR BYED PA THAR BA'I CHA DANG MTHUN PA 'DI'I RTAGS NI RNAM PA GSUM STE, 'DI LTA STE SEMS MI ZHUM PA MI DNGANGS PA'I MTSAN NYID DANG, MI 'GONG BA MI SKRAG PA'I MTSAN NYID DANG, YID

119a

, ,LA 'GYOD PA MED PA SKRAG PAR MI 'GYUR BA'I MTSAN NYID NI, ZHES GSUNGS PA'I PHYIR, BZHI PA NI, RANG RANG GI BYANG CHUB THOB PA'I PHYIR DU TSOGS GSOG PA'I LAM GYI THOG MA YIN PAS NA TSOGS LAM DANG, THAR PA THOB PA DANG RJES SU MTHUN PA'I LAM YIN PAS THAR PA CHA MTHUN ZHES BYA STE, NYI SNANG LAS, 'DIR THAR PA NI BRAL BA'I KHYAD PAR YIN LA DE'I CHA LA PHAN PAS NA THAR PA'I CHA DANG MTHUN PA YIN NO, ,ZHES GSUNGS PA'I PHYIR, GNYIS PA NI, BYANG SEMS TSOGS LAM PA DBANG RNON GYI RGYUD KYI MKHYEN PA CHOS CAN, SKABS 'DIR DNGOS SU BSTAN PA'I THEG CHEN GYI THAR PA CHA MTHUN YIN TE, RNAM MKHYEN RANG RGYUD LA SGRUB PA LA MKHAS PA'I SEMS DPA'I CHOS MNGON RTOGS YIN PA'I PHYIR; KHO NA RE, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI TSOGS LAM CHOS CAN, SBYOR BA LA, DER THAL, DE'I PHYIR NA MA KHYAB STE, MDO SDE'I RGYAN LAS, DE NYID YANG DANG YANG DU NI, ,RANG SEMS KUN TU 'JUG LDAN PA, ,MYA NGAN 'DAS LA MNGON DGA'I PHYIR, ,RTOGS PA BUL BA YIN PAR 'DOD, ,CES GSUNGS PA'I PHYIR, BYANG SEMS TSOGS LAM PA DBANG RNON CHOS CAN, DANG SOGS YUL LNGA NYAMS SU LEN BA LA MKHAS PA YIN TE, DAM PA'I CHOS LA DMIGS PA'I DAD BA, DGE BA'I CHOS MTHA' DAG NYAMS SU LEN PA'I BRTZON 'GRUS, BSAM PA PHUN TSOGS THEG CHEN SEMS BSKYED, RNAM PAR MI RTOG PA'I TING NGE 'DZIN, JI LTA BA DANG JI SNYED PA LA DMIGS PA'I SHES

119b

RAB RNAMS NYAMS SU LEN PA LA MKHAS PA'I PHYIR, THEG CHEN GYI THAR PA CHA MTHUN DE LA NGO BO'I SGO NAS LNGAR YOD DE, DAD SOGS DBANG PO LNGAS BSDUS PA LNGA YOD PA'I PHYIR, DE YANG YIN TE, THEG CHEN THUN MONG MA YIN PA'I SKYABS 'GRO'I DBANG DU BYAS NAS LAM GYI RTZA BA DAD PA LA MKHAS PA DANG, SPYOD PA SPYI LA SLOB PA'I DBANG DU BYAS NAS BRTZON 'GRUS LA MKHAS PA DANG, SPYOD PA'I RTEN SEMS BSKYED PA'I DBANG DU BYAS NAS BSAM PA PHUN TSOGS LA MKHAS PA DANG, PHAR PHYIN THA MA GNYIS LA SLOB PA'I DBANG DU BYAS NAS TING NGE 'DZIN DANG SHES RAB LA MKHAS PA RNAMS SU YOD PA'I PHYIR, RGYAN GYI CHED DU BYA BA'I GDUL BYA CHOS CAN, KHYOD LA GNYIS SU YOD DE, KHYOD LA DBANG PO RNO RTUL GNYIS SU YOD PA'I PHYIR, KHA CIG ,RGYAN GYI CHED DU BYA BA'I GDUL BYA LAM MA ZHUGS KYI GANG ZAG YOD ZER BA MI 'THAD DE, DE YIN NA BYANG CHUB SEMS DPA' YIN DGOS PA'I PHYIR TE, BYANG CHUB SEMS DPA' RANG DANG GZHAN GYI DON PHUN SUM TSOGS BSGRUB PA CI LA YANG MA RAG PAR CHAS SHING BRTZAMS PA DAG , CES GSUNGS PA'I PHYIR DANG, RDZOGS PA'I BYANG CHUB RNON PO YIS, ,ZHES SOGS DANG, SANGS RGYAS SOGS DMIGS DAD PA DANG, ,ZHES SOGS KYI SKABS NAS DNGOS SU BSTAN PA'I RGYAN GYI CHED DU BYA BA'I GDUL BYA YIN NA BYANG CHUB SEMS DPA' YIN DGOS PA'I PHYIR, RTAGS 'BUD DO, ,RGYAN GYI CHED DU BYA BA'I GDUL BYAR GYUR PA'I BYANG 'PHAGS MED DE, DE YIN NA SA DANG PO MA THOB DGOS PA'I PHYIR, CHOS KYI DBYINGS KUN TU 'GRO BA RTOGS PA'I MTSAN NYID PA RAB TU DGA' BA LA SOGS PA

120a

, ,RTOGS PA'I RIMS PAS RNAM PA THAMS CAD MNGON SUM DU BYED PAR 'GYUR BA, ZHES GSUNGS PA'I PHYIR, KHA CIG ,'PHAGS PA GROL SDE RGYAN GYI CHED DU BYA BA'I GDUL BYA YIN ZER BA MI 'THAD DE, DE DE'I CHED DU BYA BA'I GDUL BYA DBANG RNON CHOS KYI RJES 'BRANG YANG MA YIN, DBANG RTUL DAD PA'I RJES 'BRANG YANG MA YIN PA'I PHYIR, RTAGS GNYIS KA GRUB STE, DES LAM RJES SHES THOB PA'I PHYIR, KHYAB STE, LAM RJES SHES THOB NA DE GNYIS GANG RUNG MA YIN DGOS PA'I PHYIR TE, MDZOD LAS, DE TSE DBANG PO RNO RTUL DANG, ,DAD PAS MOS DANG MTHONG BAS THOB, ,CES GSUNGS PA'I PHYIR, KHA CIG ,RGYAN GYI CHED DU BYA BA'I GDUL BYA DBANG RTUL YIN NA STONG NYID RTOGS PAS MA KHYAB ZER BA MI 'THAD DE, DE YIN NA DAD SOGS YUL LNGA NYAMS SU LEN PA LA MKHAS PAS KHYAB PA'I PHYIR TE, SANGS RGYAS SOGS DMIGS DAD PA DANG, ,ZHES GSUNGS PA'I PHYIR, ` GNYIS PA SBYOR PA KHYAD PAR CAN RGYUD LA SKYES PA'I SGOM RIMS BSHAD PA LA, SBYOR BA KHYAD PAR CAN SKYES PA'I DUS DANG, SKYES PA'I RTEN GYI GANG ZAG DANG, GANG ZAG DE'I SGOM RIMS DANG GSUM LAS, DANG PO LA, DNGOS DANG, ZLOS PA SPANG BA GNYIS LAS, DANG PO LA YANG, MTSAMS SBYAR, RTZA BA, 'GREL PA GSUM LAS, DANG PO NI, LUS RNAM GZHAG TU, THAR DANG NGES 'BYED CHA MTHUN DANG, ,ZHES BSHAD NA, THAR PA CHA MTHUN GYI 'OG TU NGES 'BYED CHA MTHUN 'CHAD PA'I RGYU MTSAN GANG ZHE NA, DE'I RGYU MTSAN

120b

YOD DE, THAR PA CHA MTHUN RGYUD LA SKYES PA'I GZHAN DON LA SPRO BA CAN LA NGES 'BYED CHA MTHUN 'BYUNG BA'I RGYU MTSAN GYIS DE LTAR BSHAD PA'I PHYIR, ZHES 'CHAD PA LA, THAR PA'I CHA DANG MTHUN PA SKYES PA'I SPRO BA CAN LA NGES PAR 'BYED PA'I CHA DANG MTHUN PA 'BYUNG BAS, ZHES GSUNGS, GNYIS PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN BLA MED RDZOGS BYANG DU NGES PAR 'BYUNG BAR 'TSAL BAS JI LTAR GNAS PAR BGYI, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN BLA MED RDZOGS BYANG DU MNGON PAR 'TSANG RGYA BAR 'DOD PAS SEMS CAN RNAMS KYI DRUNG DU SEMS MNYAM PA NYID DU GNAS PAR BYA, ZHES SOGS GSUNGS, GNYIS PA NI, DE'I DON BSHAD PA LA, DRO BA RNAMS KYI DMIGS PA 'DIR, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA; RNAM PA THAMS CAD MNGON PAR RDZOGS PAR RTOGS PA, ZHES SOGS GSUNGS, DE LA YANG SO SOR BSHAD PA DANG, DON BSDU BA GNYIS LAS, DANG PO LA, DROD, RTZE MO, BZOD PA, CHOS MCHOG DANG BZHI LAS, DANG PO LA YANG CHUNG 'BRING CHEN PO GSUM GYI RNAM PA GSUM RIMS BZHIN STON PA LA, MDO LAS, BYANG CHEN BLA MED RDZOGS BYANG DU MNGON PAR 'TSANG RGYA BAR 'DOD PAS SEMS CAN RNAMS KYI DRUNG DU SEMS MNYAM PA NYID DU GNAS PAR BYA, SEMS CAN THAMS

121a

, ,CAD KYI DRUNG DU MNYAM PA'I SEMS BSKYED PAR BYA YI, MI MNYAM PA'I SEMS BSKYED PAR MI BYA, ZHES PA NAS, SEMS CAN THAMS CAD KYI DRUNG DU BYAMS PA CHEN PO BSKYED PAR BYA, SEMS CAN THAMS CAD LA SNYING RJE CHEN PO BSKYED PAR BYA, ZHES PA NAS, SEMS CAN THAMS CAD KYI DRUNG DU NGA RGYAL BCOM PA'I SEMS BSKYED PAR BYA, SEMS CAN THAMS CAD LA G-YO BA MED PAR DMIGS PAR BYA'O, ,ZHES PA'I BAR DANG, SEMS CAN THAMS CAD KYI DRUNG DU PHAN PA'I SEMS BSKYED PAR BYA YI, GNOD PA'I SEMS BSKYED PAR MI BYA'O, ,ZHES PA NAS, SEMS CAN THAMS CAD KYI DRUNG DU KHONG KHRO BA MED PA'I SEMS BSKYED PAR BYA'O, ,SEMS CAN THAMS CAD KYI DRUNG DU MI 'TSE BA'I SEMS BSKYED PAR BYA'O, ,SEMS CAN THAMS CAD LA MI 'TSE BA'I SEMS KYIS DMIGS PAR BYA'O, ,ZHES PA'I BAR DANG, BYANG CHEN BLA MED RDZOGS BYANG DU NGES PAR 'BYUNG BAR 'DOD PAS SEMS CAN THAMS CAD KYI DRUNG DU MA'I 'DU SHES BSKYED PAR BYA'O, ,PHA'I 'DU SHES BSKYED PAR BYA'O, ,SPUN ZLA'I 'DU SHES BSKYED PAR BYA'O, ,SRING MO'I 'DU SHES BSKYED PAR BYA'O, ,BU'I 'DU SHES BSKYED PAR BYA'O, ,BU MO'I 'DU SHES BSKYED PAR BYA'O, ,GROGS DANG YID BRTAN PA DANG GNYEN DANG SNAG GI GNYEN MTSAMS KYI SEMS BSKYED PAR BYA'O, ,ZHES PA NAS, GNYEN MTSAMS KYI SEMS KYIS DMIGS PAR BYA'O, ,ZHES PA'I BAR GSUNGS, DE'I DON BSHAD PA LA, DRO BA RNAMS KYI DMIGS PA

121b

'DIR, ,SEMS CAN THAMS CAD YIN PAR SNGAGS, ,DE DAG NYID LA SEMS MNYAM SOGS, ,RNAM PA DAG NI BCUR BSHAD DO, ,ZHES DANG, RNAM PA THAMS CAD MNGON PAR RDZOGS PAR RTOGS PA 'DI LA MNYAM PA DANG, BYAMS PA DANG; PHAN PA DANG, KHONG KHRO BA MED PA DANG, RNAM PAR 'TSE BA MED PA'I SEMS KYI RNAM PA LNGA DANG, PHA DANG MA'I SEMS DANG, SPUN DANG SRING MO'I SEMS DANG, BU DANG BU MO'I SEMS DANG, BSHES DANG GROGS KYI SEMS DANG, GNYEN DANG SNAG GI GNYEN MTSAMS KYI SEMS KYI RNAM PA GZHAN LNGAS SEMS CAN LA DMIGS PA NI DRO BAR GYUR PA YIN PAR BZHED DO, ,ZHES GSUNGS, DE YANG SEMS DANG PO GNYIS NI DROD CHUNG NGU'I RNAM PA STE, TSE 'DI LA GZHAN LA PHAN PA SGRUB PAR 'DOD PA'I PHYIR, DE NAS SEMS GSUM NI DROD 'BRING GI RNAM PA STE, TSE PHYI MA LA GZHAN LA PHAN PAR 'DOD PA'I PHYIR, DE NAS SEMS ZUNG LNGA NI DROD CHEN PO'I RNAM PA STE, TSE 'DI PHYI GNYIS KA LA GZHAN LA PHAN PA SGRUB 'DOD PA'I PHYIR; GNYIS PA CHUNG 'BRING CHEN PO'I RNAM PA GSUM RIMS BZHIN STON PA LA, BDAG NYID KYANG SROG GCOD PA LAS LDOG PAR BYA, GZHAN YANG SROG GCOD PA LAS LDOG PA LA YANG DAG PAR BSKUL BAR BYA, SROG GCOD PA LAS LDOG PA'I LEGS PA BRJOD PAR BYA, GZHAN GANG DAG SROG GCOD PA LAS LDOG PA DE DAG GI LEGS PA BRJOD PA DANG MTHUN PAS DGA' BAR BYA STE, ZHES SOGS DANG, BDAG NYID KYANG SBYIN PA'I PHA ROL TU PHYIN PA YONGS SU RDZOGS PAR

122a

, ,BYA; ZHES SOGS DANG, BDAG NYID KYANG NANG STONG PA NYID BSGOM PAR BYA, ZHES SOGS GSUNGS, DE'I DON BSHAD PA LA, BDAG NYID SDIG PA LAS LDOG CING, ,SBYIN LA SOGS LA GNAS PAS GZHAN, ,DE DAG LA NI 'GOD PA DANG, ,BSNGAGS PA BRJOD DANG MTHUN PA NYID, ,RTZE GYUR, ZHES DANG, MDOR NA MI DGE BA DANG DGE BA LA GRANGS BZHIN DU SPONG BA DANG LEN PA'I SGO NAS LDOG PA DANG ZHUGS PA'I BDAG NYID CAN, DE'I SGO NAS GZHAN RNAMS SDIG PA LAS LDOG PA DANG, DGE BA LA GNAS PA DAG LA SBYOR BA'I RNAM PA GNYIS DANG, GZHAN BDAG NYID DE BZHIN NYID DU ZHUGS PA LA BSNGAGS PA BRJOD PA DANG MTHUN PAR BYED PA RNAM PA GNYIS PO CHOS KYI RAB TU DBYE BAS NI RNAM PA MTHA' YAS PA ZHES BYA BA DE RNAMS KYIS SEMS CAN LA DMIGS PA NI RTZE MOR GYUR PA YIN NO, ,ZHES GSUNGS, GSUM PA LA YANG, CHUNG 'BRING CHEN PO'I DMIGS RNAM GSUM RIMS BZHIN STON PA LA, BDAG NYID KYANG SDUG BSNGAL YONGS SU SHES PAR BYA, KUN 'BYUNG SPANG BAR BYA, 'GOG PA MNGON DU BYA, LAM BSGOM PAR BYA'O, ,ZHES SOGS DANG, BDAG NYID KYANG RGYUN DU ZHUGS PA'I 'BRAS BU MNGON DU BYA BA'I PHYIR SHES PA BSKYED DE YANG DAG PA'I MTHA' MNGON DU MI BYA'O, ,ZHES SOGS DANG, BDAG NYID KYANG BYANG CHUB SEMS DPA'I SKYON MED PAR 'JUG PAR BYA, ZHES SOGS GSUNGS, DE'I DON BSHAD PA LA, DE BZHIN BZOD PA NI, ,RANG GZHAN RTEN CAN BDEN SHES PA, ,ZHES DANG,

122b

RTZE MOR GYUR PA LA RANG DANG GZHAN GYI RTEN GYI DBYE BAS DMIGS PA DANG RNAM PA DAG JI LTA BA DE BZHIN DU SBYOR BA DANG BSNGAGS PA BRJOD PA DANG MTHUN PA NYID KYI RNAM PA RNAMS KYIS RANG DANG GZHAN GYI RTEN GYI SDUG BSNGAL LA SOGS PA'I BDEN PA LA DMIGS PA NI BZOD PA YIN NO, ,ZHES GSUNGS, BZHI PA LA YANG CHUNG 'BRING CHEN PO'I DMIGS RNAM GSUM RIMS BZHIN STON PA LA, BDAG NYID KYANG SEMS CAN YONGS SU SMIN PAR BYA, BDAG NYID KYANG SANGS RGYAS KYI ZHING YONGS SU DAG PAR BYA, ZHES SOGS DANG, BDAG NYID KYANG BYANG CHUB SEMS DPA'I MNGON PAR SHES PA BSKYED PAR BYA, ZHES SOGS DANG, BDAG NYID KYANG RNAM MKHYEN GYI YE SHES BSKYED PAR BYA, ZHES PA NAS, BYANG CHUB SEMS DPA'I GNAS PA 'DI BSHAD PA'I TSE BYANG CHUB SEMS DPA' NYIS STONG GIS MI SKYES PA'I CHOS LA BZOD PA THOB PAR 'GYUR RO, ,ZHES PA'I BAR GSUNGS, DE'I DON BSHAD PA LA, CHOS MCHOG DE BZHIN SEMS CAN RNAM PA, ,SMIN BYED SOGS KYIS SHES PAR BYA, ,ZHES DANG, SNGA MA BZHIN DU RANG DANG GZHAN GYI RTEN CAN KHO NA SMIN PAR BYED PA DANG GROL BAR BYED PA LA SOGS PA'I RNAM PA DAG GIS SEMS CAN LA DMIGS PA NI CHOS KYI MCHOG YIN TE, ZHES GSUNGS, GNYIS PA DON BSDU BA LA, DE LTAR NA NGES PAR 'BYED PA'I CHA DANG MTHUN PA YIN NO, ,ZHES GSUNGS, GZHUNG DON NI, THEG CHEN GYI SBYOR LAM CHOS CAN, SEMS CAN THAMS CAD LA DMIGS PA YIN TE, SEMS CAN THAMS CAD LA SEMS MNYAM PAR LTA BA LA SOGS PA'I SGO NAS DMIGS PA'I PHYIR, DE YANG

123a

, ,THEG CHEN GYI SBYOR LAM DROD KYIS SEMS CAN THAMS CAD LA SEMS MNYAM PA SOGS BCU'I SGO NAS DMIGS PA YIN TE, DRONG CHUNG DUS SEMS CAN THAMS CAD LA CHAGS SDANG GI RIS SU MA CHAD PAR MNYAM PA'I SEMS DANG, DA LTA PHAN PA'I DON SGRUB PA'I BYAMS PA'I SEMS KYI RNAM PAS DMIGS, DROD 'BRING GIS MA 'ONGS PA'I PHAN PA SGRUB PAR 'DOD PA PHAN PA'I DANG, NGA RGYAL BCOM PAS GZHAN BDE BA KHONG KHRO BA MED PA'I DANG, THO MI MTSAMS PA RNAM PAR 'TSE BA MED PA'I SEMS KYIS RNAM PAS DMIGS, DROD CHEN POS SKYES PA DANG BUD MED RANG LAS RGAN PA LA PHA MA'I DANG, MNYAM PA LA SPUN DANG SRING MO'I DANG, RANG BAS GZHON PA LA BU DANG BU MO'I DANG, PHAN 'DOGS PA'I BSHES DANG, YID BRTAN PA'I GROGS DANG, RUS GCIG PA'I GNYEN DANG, RUS MI GCIG PA'I SNAG GI GNYEN MTSAMS KYI SEMS KYI RNAM PAS DMIGS PA'I PHYIR, THEG CHEN GYI SBYOR LAM RTZE MOS SEMS CAN THAMS CAD LA SEMS RNAM PA GSUM GYI DMIGS PA YIN TE, DES MI DGE BA SPONG BA LA BDAG NYID GNAS PA DE'I SGO NAS GDUL BYA GZHAN SDIG PA LAS LDOG PA LA SBYOR BA'I RNAM PA DANG, SBYIN SOGS DGE BA LA BDAG NYID GNAS NAS DE'I SGO NAS GDUL BYA GZHAN DGE BA LA GNAS PA LA SBYOR BA'I RNAM PA GCIG DANG, GDUL BYA GZHAN MA BSKUL BAR DGE SDIG GI 'DOR LEN LA BDAG NYID ZHUGS PA LA NGAG GIS BSNGAGS PA BRJOD PA DANG, SEMS KYI DGA' BAS

123b

MTHUN PAR BYED PA'I RNAM PA GNYIS TE GSUM GYI SGO NAS DMIGS PA'I PHYIR, DE YANG RTZE MO CHUNG NGU'I SKABS SU RANG NYID SROG GCOD PA SOGS LAS LDOG PA LA GNAS NAS, GDUL BYA GZHAN DE LA 'GOD PA DANG, ZHUGS TZAM LA DE LAS LDOG PA'I BSNGAGS PA BRJOD PA DANG, MA BSKUL BAR ZHUGS PA LA BSNGAGS PA BRJOD CING 'DUN PAS DGA' BAR BYED LA, DE 'BRING GI TSE RANG NYID SBYIN PA SOGS PHAR PHYIN DRUG LA GNAS NAS GDUL BYA GZHAN DE LA 'GOD PA SOGS SNGAR BZHIN DANG; DE CHEN PO'I TSE BDAG NYID NANG STONG PA NYID NAS, RTEN 'BREL LUGS MTHUN DANG LUGS MI MTHUN DU SGOM PA LA GNAS NAS GZHAN DE LA 'GOD PA SOGS SNGAR BZHIN YIN PA'I PHYIR, THEG CHEN GYI SBYOR LAM BZOD PAS KYANG SEMS CAN THAMS CAD LA SEMS RNAM PA GSUM GYI SGO NAS DMIGS PA YIN TE, DE CHUNG NGU'I TSE BDAG NYID BDEN BZHI SHES PA LA GNAS NAS, GZHAN DE LA 'GOD PA SOGS RNAM PA GSUM DANG, DE 'BRING GI TSE BDAG NYID RGYUN ZHUGS SOGS KYI 'BRAS BU SHES KYANG MNGON DU MI BYA BA LA GNAS NAS GZHAN DE LA 'GOD PA SOGS RNAM PA GSUM DANG, DE CHEN PO'I TSE BDAG NYID BYANG SEMS KYI MTHONG LAM GYI RGYU LA GNAS NAS GZHAN DE LA 'GOD PA SOGS KYI SGO NAS DMIGS PA'I PHYIR, CHOS MCHOG GIS KYANG SEMS CAN THAMS CAD LA SEMS GSUM GYI SGO NAS DMIGS PA YIN TE, DE CHUNG NGU'I TSE BDAG NYID SEMS CAN SMIN PAR BYED PA SOGS LA GNAS NAS GZHAN DE LA 'GOD PA'I RNAM PA DANG GZHAN MA BSKUL

124a

, ,BAR ZHUGS PA LA NGAG GIS BSNGAGS PA BRJOD PA'I RNAM PA DANG, SEMS KYI DGA' BAS MTHUN PAR BYED PA'I RNAM PA GSUM GYIS DMIGS, DE 'BRING GI TSE RANG NYID BYANG CHUB SEMS DPA'I MNGON SHES SKYED PA LA GNAS NAS GZHAN DE LA 'GOD PA SOGS GSUM GYIS DMIGS, DE CHEN PO'I TSE RANG NYID RNAM MKHYEN SKYED PA DANG BAG CHAGS KYIS MTSAMS SBYOR BA'I NYON MONGS SPONG BA SOGS LA GNAS NAS GZHAN DE LA 'GOD PA SOGS GSUM GYI SGO NAS DMIGS PA'I PHYIR, DON BSDU NA SKABS 'DIR DNGOS SU BSTAN PA'I THEG CHEN GYI NGES 'BYED CHA MTHUN CHOS CAN, GTZO BOR RJES THOB KYI NGO BOR GYUR PA YIN TE, BSAM SBYOR PHUN SUM TSOGS PA BCU DGUS SEMS CAN LA DMIGS PA DE LTA NA STE DE'I PHYIR, DES NA GTZO BOR THABS KYI CHAS KHYAD PAR DU BYAS PA'I SKABS 'DIR DNGOS SU BSTAN PA'I SEMS DPA'I DON MNGON RTOGS, SKABS 'DIR DNGOS SU BSTAN PA'I THEG CHEN GYI NGES 'BYED CHA MTHUN GYI MTSAN NYID, KHA CIG ,GTZO BOR THABS KYI CHAS KHYAD PAR DU BYAS PA'I SEMS DPA'I DON MNGON RTOGS, THEG CHEN GYI NGES 'BYED CHA MTHUN GYI MTSAN NYID ZER NA, THEG CHEN GYI SBYOR LAM MNYAM GZHAG YE SHES CHOS CAN, MTSAN NYID DER THAL, MTSON BYA DE'I PHYIR, KHA CIG ,DE SKABS 'DIR DNGOS SU BSTAN PA'I DE'I MTSAN NYID ZER NA, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI SBYOR LAM RJES THOB YE SHES CHOS CAN,

124b

MTSON BYA DER THAL, MTSAN NYID DE'I PHYIR, ` GNYIS PA ZLOS PA SPONG BA LA, RNAM PA DANG LAM DANG GZHI THAMS CAD RNAM PAR SGOM PA'I DBYE BAS GO RIMS BZHIN DU RNAM PA THAMS CAD MKHYEN PA NYID LA SOGS PA MNGON PAR RTOGS PA RNAM PA GSUM LA 'JIG RTEN PA'I NGES PAR 'BYED PA'I CHA DANG MTHUN PA RTOGS PA SNGON DU 'GRO BAS 'JIG RTEN LAS 'DAS PA'I MTHONG BA DANG SGOM PA'I LAM RTOGS PA YIN LA RNAM PA KUN MNGON PAR RDZOGS PAR RTOGS PA LA SOGS PA GSUM LA NI SGOM PA GONG NAS GONG GI GNAS SKABS KYI KHYAD PAR GYIS, RNAM PA THAMS CAD DU KHYAD PAR GYI LAM GYIS BSDUS PA'I YE SHES ZAG PA MED PA CHUNG NGU DANG 'BRING DANG CHEN PO RIMS KYIS SKYES PA YIN PAS CIG CHAR SKYE BA DGAG PAR BYA BA'I PHYIR NGES PAR 'BYED PA'I CHA LA SOGS PA'I THA SNYAD DU GSUNGS PA YIN PAR SHES PAR BYA'O, ,ZHES SOGS KYIS BSHAD, 'DI'I SKABS SU PHYOGS SNGA MA 'GOD PA DANG, DE DGAG PA GNYIS LAS, DANG PO NI, LAM KYONG BA'I RNAM GZHAG RANG LUGS LA KHAS LEN PA'I RGYA GAR GYI 'GREL BYED KHA CIG GIS, RNAM MKHYEN TSOGS LAM 'BA' ZHIG TU DANG, LAM SHES SA GNYIS PA NAS DRUG PA'I BAR 'BA' ZHIG ,GZHI SHES SA BDUN PA 'BA' ZHIG ,RNAM RDZOGS SBYOR BA SA BRGYAD PA 'BA' ZHIG , RTZE SBYOR SA DGU BA DANG BCU PA'I DKYIL STOD 'BA' ZHIG ,MTHAR GYIS SBYOR BA SA BCU PA'I DKYIL SMAD 'BA' ZHIG ,SKAD CIG SBYOR RGYUN MTHA' KHO NAR, CHOS SKU SANGS RGYAS KYI SA KHO NAR SGOM ZHES ZER, GNYIS PA DE 'GOG PA LA GZHUNG

125a

, ,'DI GSUNGS, GZHUNG 'DI'I SBYOR TSUL LA YANG, BLA MA GSER GLING BAS GZHUNG GONG MA'I 'JIG RTEN PA 'OG MA LA SBYOR ZHING, 'OG MA'I ZAG PA MED PA DANG THA SNYAD DU ZHES PA GONG MA LA SBYOR BAR GSUNGS, DE YANG, DANG PO NI, RNAM PA DANG LAM DANG GZHI THAMS CAD RNAM PAR SGOM PA'I DBYE BAS GO RIMS BZHIN DU THAMS CAD MKHYEN PA NYID GSUM LA SOGS PA MNGON PAR RTOGS PA RNAM PA GSUM LA 'JIG RTEN PA'I NGES PAR 'BYED PA'I CHA DANG MTHUN PA; ZAG PA MED PA RTOGS PA SNGON DU 'GRO BAS 'JIG RTEN LAS 'DAS PA'I MTHONG BA DANG SGOM PA ZHES SBYAR LA, GNYIS PA NI, RNAM PA KUN MNGON PAR RDZOGS PAR RTOGS PA LA SOGS PA GSUM LA SGOM PA GONG NAS GONG GI GNAS SKABS KYI RNAM PA THAMS CAD DU KHYAD PAR GYI LAM GYIS BSDUS PA'I ZAG PA MED PA CHUNG NGU DANG 'BRING DANG CHEN PO RIMS KYIS SKYE BAS CIG CHAR SKYE BA DGAG PAR BYA BA'I PHYIR NGES PAR 'BYED PA'I CHA LA SOGS PA'I THA SNYAD DU GSUNGS PA YIN NO, ,ZHES SBYAR BA'I DON NI, SKABS DANG PO GSUM DU SBYOR MTHONG SGOM GSUM BSTAN PA DANG, SBYOR BA DANG PO GSUM DU SBYOR MTHONG SGOM GSUM BSTAN PA LA DGOS PA YOD DE, DE LA RNAM BCAD DANG YONGS GCOD KYI DGOS PA GNYIS GNYIS SU YOD PA'I PHYIR, SKABS DANG POR SBYOR MTHONG SGOM GSUM BSTAN PA LA RNAM BCAD DANG YONGS GCOD KYI DGOS PA YOD DE, RNAM BCAD LA RNAM MKHYEN GYI RNAM PA DE TSOGS SBYOR GYI GNAS SKABS 'BA' ZHIG TU SGOM GYI DE LAS GZHAN DU MI

125b

SGOM SNYAM PA'I LOG RTOG BKAG NAS, YONGS GCOD LA DE SBYOR MTHONG SGOM GSUM GA'I GNAS SKABS SU SGOM DGOS SO ZHES SHES PAR BYA BA'I CHED YIN PA'I PHYIR, SKABS GNYIS PAR DE GSUM BSTAN PA LA RNAM BCAD YONGS GCOD KYI DGOS PA YOD DE, RNAM BCAD LA LAM SHES KYI RNAM PA DE SA DANG PO NAS DRUG PA'I BAR 'BA' ZHIG TU SGOM GYI, DE LAS GZHAN DU MI SGOM SNYAM PA'I LOG RTOG BKAG NAS YONGS GCOD LA DE SBYOR MTHONG SGOM GSUM GA'I GNAS SKABS SU SGOM DGOS SO ZHES SHES PAR BYA BA'I CHED YIN PA'I PHYIR, SKABS GSUM PAR DE GSUM BSTAN PA LA DGOS PA YOD DE, RNAM BCAD LA GZHI SHES KYI RNAM PA DE SA BDUN PA 'BA' ZHIG TU SGOM ZHING DE LAS GZHAN DU MI SGOM SNYAM PA'I LOG RTOG BKAG NAS YONGS GCOD LA SNGAR BZHIN YIN PA'I PHYIR, SKABS BZHI PAR DE GSUM BSTAN PA LA DGOS PA YOD DE, RNAM BCAD LA RNAM RDZOGS SBYOR BA SA BRGYAD PA 'BA' ZHIG TU SGOM ZHING DE LAS GZHAN DU MI SGOM SNYAM PA'I LOG RTOG BSAL NAS YONGS GCOD LA SNGAR BZHIN YIN PA'I PHYIR, SKABS LNGA PAR DE GSUM BSTAN PA LA DGOS PA YOD DE, RNAM BCAD LA RTZE SBYOR SA DGU PA DANG BCU PA'I DKYIL STONG 'BA' ZHIG TU SGOM ZHING, DE LAS GZHAN DU MI SGOM SNYAM PA'I LOG RTOG BSAL NAS YONGS GCOD LA SNGAR BZHIN YIN PA'I PHYIR, SKABS DRUG PAR DE GSUM BSTAN PA LA RNAM BCAD DANG YONGS GCOD KYI DGOS PA YOD DE, RNAM BCAD LA MTHAR GYIS SBYOR BA SA BCU PA'I DKYIL SMAD 'BA' ZHIG TU SGOM GYI DE LAS GZHAN DU MI SGOM SNYAM PA'I LOG RTOG BKAG NAS,

126a

, ,YONGS GCOD LA DE SBYOR MTHONG SGOM GSUM GA'I GNAS SKABS SU SGOM DGOS SO ZHES SHES PAR BYA BA'I CHED YIN PA'I PHYIR, KHA CIG ,GZHUNG 'DI'I DON LA SKABS DANG PO GSUM DU SBYOR MTHONG SGOM GSUM BSTAN PA DANG; SBYOR BA DANG PO GSUM DU SBYOR MTHONG SGOM GSUM BSTAN PA LA ZLOS SKYON MED DE, SKABS DANG PO GSUM DU BSTAN PA'I SBYOR MTHONG SGOM GSUM DE GSUM MTSAN NYID PA YIN PA LA, PHYI MA GSUM GYI DE GSUM BTAGS PA BA YIN PA'I PHYIR; RNAM RDZOGS SBYOR BA'I SKABS NAS BSTAN PA'I SBYOR MTHONG SGOM GSUM RIM PA BZHIN DU SA BRGYAD PA'I YE SHES CHUNG 'BRING CHEN PO GSUM LA BYED, RTZE SBYOR GYI SKABS KYI DE GSUM PO DE SA DGU PA'I DE GSUM YIN, MTHAR GYIS SBYOR BA'I SKABS KYI DE GSUM DE RIM PA BZHIN SA BCU PA'I DE GSUM LA BYED RIGS PA'I PHYIR, ZHES ZER NA, SKABS 'DI'I SBYOR LAM GYI SKABS KYI 'GREL CHEN LAS, DE LTAR 'OG NAS 'CHAD PA'I RTZE MO'I SBYOR BA'I MNGON PAR RTOGS PAS BSDUS PA MTHONG BA DANG SGOM PA'I LAM GYI SPANG BAR BYA BA'I RNAM PAR RTOG PA BZHI PO RNAMS KYI GRANGS JI LTA BA BZHIN DU NGES PAR 'BYED PA'I CHA DANG MTHUN PA 'DI DAG KUN NAS NYON MONGS PA LA BRTEN NAS BRJOD PAR BYA'O, ,ZHES GSUNGS PA MI 'THAD PAR THAL, SKABS 'DI'I BSTAN BYA'I GTZO BOR GYUR PA'I RTZE SBYOR DANG, MTHONG SPANG RTOG PA'I DNGOS GNYEN BAR CHAD MED LAM JI BZHIN DU MED PA'I PHYIR, DE DANG MTHONG LAM RTZE SBYOR JI BZHIN DU MED PA'I PHYIR TE, DAM BCA' 'THAD PA'I PHYIR,

126b

GZHAN YANG, GZUGS LA SOGS LAS LDOG SOGS RTAGS, ,ZHES SOGS SBYOR LAM PA PHYIR MI LDOG PA'I RTAGS 'CHAD BYED MA YIN PAR THAL, DE SGOM LAM BA PHYIR MI LDOG PA'I RTAGS 'CHAD BYED YIN PA'I PHYIR TE, RNAM RDZOGS SBYOR BA'I SKABS NAS BSTAN PA'I SBYOR LAM PA DE SGOM LAM PA YIN TE, DES MTSON NAS, MTHONG BA'I LAM LA BZOD PA DANG, ,ZHES SOGS MTHONG LAM PA PHYIR MI LDOG PA'I RTAGS 'CHAD BYED MA YIN PAR THAL BA DANG, DE NI RGYUN CHAGS YIN PA'I PHYIR; ;ZHES SOGS KYIS SA BRGYAD PA'I YE SHES CHEN PO LA DGUR 'BYED RIGS PAR BSTAN PAR THAL BA DANG, RMI LAM NA YANG CHOS RNAMS KUN, ,ZHES SOGS DROD KYI RTZE SBYOR 'CHAD BYED MA YIN PAR THAL BA DANG, 'JUG PA DANG NI LDOG PA LA, ,ZHES SOGS MTHONG SPANG RTOG PA 'CHAD BYED MA MIN PAR THAL BA DANG, STONG GSUM SKYE BO NYAN THOS DANG, ,ZHES SOGS BAR CHAD MED PA'I RTZE SBYOR 'CHAD BYED KYI GZHUNG MA YIN PAR THAL BA SOGS SHES PAR BYA'O, ,GZHAN YANG; DRO BA RNAMS KYI DMIGS PA 'DIR, ,ZHES SOGS KYI SKABS NAS BSTAN PA'I SBYOR LAM DE SBYOR LAM MTSAN NYID PA YIN PAR THAL, MTSAN MED RAB TU SBYIN LA SOGS, ,ZHES SOGS KYI SKABS NAS DNGOS SU BSTAN PA'I TSOGS LAM DE TSOGS LAM MTSAN NYID PA YIN PA'I PHYIR, GZHAN YANG, 'GREL CHEN LAS, SLOB PA PHYIR MI LDOG PA'I DGE 'DUN BSHAD ZIN TO, ,DA NI MI SLOB PA'I DGE 'DUN GYI MTSAN NYID BSHAD PAR BYA STE, ZHES PA'I SKABS KYI SLOB PA DE BYANG 'PHAGS

127a

, ,LA BYED RIGS PAR THAL, DE'I SKABS KYI MI SLOB PA DE SA BRGYAD PA BA LA BYED RIGS PA'I PHYIR, RNAM RDZOGS SBYOR BA'I SKABS NAS BSTAN PA'I SBYOR MTHONG SGOM GSUM DE SA BRGYAD PA'I YE SHES CHUNG 'BRING CHEN PO GSUM LA BYED RIGS PA'I PHYIR, KHO NA RE, SO SKYE'I GNAS SKABS SU BDEN BZHI MNGON SUM DU RTOGS PA DANG, SGRIB PA'I DNGOS GNYEN DANG, MKHYEN GSUM GYI CHOS RDZOGS PA YOD PAR THAL, RANG GZHAN RTEN CAN BDE NA SHES PA, ,ZHES DANG; BAG LA NYAL KUN 'JOMS PA DANG, ,ZHES DANG, KUN MKHYEN NYID GSUM CHOS RNAMS KYI, ,ZHES PA RNAMS KYI SKABS KYI SBYOR LAM RNAMS SBYOR LAM MTSAN NYID PA YIN PA'I PHYIR NA MA KHYAB STE, SO SKYE'I GNAS SKABS SU SGO GSUM DAG PA DANG, ZHING DAG PA DANG, DPA' BAR 'GRO BA'I TING NGE 'DZIN SGOM PA DANG, SANGS RGYAS KYIS MNGON SUM DU LUNG STON PA DANG, BDEN 'DZIN GYI RLOM PA ZAD PA DANG, RNAM PAR MI RTOG PA'I TING NGE 'DZIN YOD PAR THAL, DAG DANG DE DAG MTSAN MA MED, ,CES DANG, TING 'DZIN DE YI BYED PA NYID, ,LUNG STON PA DANG RLOM? PA ZAD, ,GSUM PO PHAN TSUN NGO BO GCIG ,TING 'DZIN RNAM PAR MI RTOG PA, ,ZHES PA'I SKABS KYI SBYOR LAM DE SBYOR LAM MTSAN NYID PA YIN PA'I PHYIR DANG, RNAM PAR MI RTOG TING 'DZIN DANG, ,ZHES PA'I SKABS KYI TSOGS LAM DE TSOGS LAM MTSAN NYID PA YIN PA'I PHYIR, KHYAB PA KHAS, KHA CIG ,SBYIN PA LA SOGS RE RER NI, ,ZHES PA'I SKABS KYI MTHONG LAM RTZE SBYOR DES BCU PA'I YE

127b

SHES YIN TE, 'GREL CHEN LAS, DE LTA BU'I RNAM PAR RTOG PA NI SNGON YID DU SPANG BAR 'GYUR BA JI LTAR RAB KYI MTHAR THUG PA RTOGS PA'I GNAS SKABS 'DI LA SPONG BAR BSTAN CE NA, DE NI NYES PA MED DE, GANG GIS PHYIR DGONGS PA NGES PAR 'GREL PA'I MDO LAS GSUNGS PA'I PHYIR, ZHES GSUNGS PA'I PHYIR ZER NA MI 'THAD DE, MTHONG LAM RTZE SBYOR GYI SPANG BYA RTOG PA MNGON DU GYUR PA SBYOR LAM GYI SKABS SU SPANGS ZIN NAS RAB KYI MTHAR THUG PA MTHONG LAM RTZE SBYOR GYIS MTHONG SPANG RTOG PA SPONG BA MI 'THAD CES PA'I RTZOD LAN BTAB PA YIN PA'I PHYIR, DE LTAR MA YIN NA, RNAM PA THAMS CAD MNGON PAR RDZOGS PAR RTOGS PA THOB PA LA RAB KYI MTHAR PHYIN PA'I RTOGS PA 'BYUNG BAS, ZHES PA'I RAB MTHA' DE YANG SA BCU BA LA BYED RIGS PAR 'GYUR RO, ,DE LTAR YANG RNAM BSHAD LAS, RAB KYI MTHAR PHYIN PA'I SBYOR BA TZAM GYIS SA BCU PA'I YE SHES 'BA' ZHIG LA 'CHAD PA NI DON MA YIN NO, ,ZHES GSUNGS, KHO NA RE, SBYOR BA DANG PO GSUM GYI SKABS KYI SBYOR LAM DE SBYOR LAM MA YIN TE, DE ZAG MED KYI YE SHES YIN PA'I PHYIR TE, DE ZAG PA MED PA CHUNG NGU DANG 'BRING DANG CHEN PO ZHES GSUNGS PA'I PHYIR DANG, DE'I SKABS NAS BSTAN PA'I SBYOR MTHONG SGOM GSUM GANG RUNG YIN NA DAG SA'I YE SHES YIN DGOS TE, DE GANG RUNG YIN NA KHYAD PAR GYI LAM YIN DGOS PA'I PHYIR, RNAM PA THAMS CAD DU KHYAD PAR GYI LAM GYIS BSDUS PA'I ZAG PA MED PA'I PHYIR, ZHES GSUNGS PA'I PHYIR, ZHES ZER BA MI 'THAD DE, DE NI 'DZIN STANGS LA NYON MONGS PA'I ZAG PA MED PA DANG, NYAN RANG

128a

, ,GI LAM LAS KHYAD PAR DU 'PHAGS PA'I LAM LA KHYAD PAR GYI LAM ZHES BTAGS NAS BSTAN PA'I PHYIR, DES NA GZHUNG 'DI ZLOS SPONG KHO NA LA SBYOR BA MI 'THAD DE, DE LTAR NA SKABS DANG PO GSUM DU SBYOR MTHONG SGOM GSUM LAN GSUM GSUM DU BSTAN PA LA ZLOS SKYON YOD PAR THAL, DE GSUM DU BSTAN PA'I SBYOR MTHONG SGOM GSUM SBYOR MTHONG SGOM GSUM MTSAN NYID PA YIN PA'I PHYIR, RTAGS KHAS SO, ` ,GNYIS PA SBYOR BA KHYAD PAR CAN SKYES PA'I RTEN GYI GANG ZAG BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO; ;BCOM LDAN 'DAS PHYIR MI LDOG PA'I BYANG CHEN GYI RNAM PA NI GANG LAGS, RTAGS NI GANG LAGS, MTSAN MA NI GANG LAGS, BCOM LDAN 'DAS JI LTAR NA BDAG CAG GIS BYANG CHEN 'DI NI PHYIR MI LDOG PA'O, ,ZHES BGYI PAR 'TSAL BAR BGYI, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR 'DI LA SO SO SKYE BO'I SA DANG, NYAN THOS KYI SA DANG, RANG SANGS RGYAS KYI SA DANG, BYANG CHUB SEMS DPA'I SA DANG, DE BZHIN GSHEGS PA'I SAR BSHAD PA DE DAG THAMS CAD KYI DE BZHIN NYID LA 'GYUR BA MED CING RNAM PAR RTOG PA MED PA GNYIS SU BYAR MED DO, ,ZHES PA NAS BYANG CHEN PHYIR MI LDOG PAR RIG PAR

128b

BYA'O; ;ZHES PA'I BAR GYIS PHYIR MI LDOG PA'I RTAGS SPYIR BSTAN NAS, DE DAG SO SOR PHYE STE 'CHAD PA LA, RAB 'BYOR GYIS GSOL BA, BCOM LDAN 'DAS RNAM PA CI TZAM DANG RTAGS CI TZAM DANG, ZHES SOGS GSUNGS, GNYIS PA LA, MTSAMS SBYAR BA DANG, DON BSHAD PA GNYIS LAS, DANG PO NI, LUS RNAM GZHAG TU, NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,ZHES BSHAD NA, NGES 'BYED CHA MTHUN GYI 'OG TU PHYIR MI LDOG PA'I RTAGS 'CHAD PA'I RGYU MTSAN CI YIN ZHE NA, DE'I RGYU MTSAN YOD DE, SNGAR JI SKAD BSHAD PA'I NGES 'BYED CHA MTHUN LAS PHYIR MI LDOG PA'I RTAGS RNAMS 'BYUNG BAS DE LTAR BSHAD PA'I PHYIR, ZHES 'CHAD PA LA, PHYIR MI LDOG PA'I BYANG CHUB SEMS DPA'I DGE 'DUN LA JI SKAD BSHAD PA'I NGES PAR 'BYED PA'I CHA DANG MTHUN PA 'BYUNG BAS PHYIR MI LDOG PA'I BYANG CHUB SEMS DPA'I DGE 'DUN GYI MTSAN NYID, CES GSUNGS, GNYIS PA LA, RTAGS KYI YOD PA'I SGO NAS MDOR BSTAN, YOD CHOS KYI RTAGS KYI NGO BO RGYAS PAR BSHAD PA, RTAGS DANG RTAGS CAN GNYIS KYI DON BSDUS PA DANG GSUM LAS, DANG PO LA RTZA 'GREL GNYIS LAS, DANG PO NI, MDO DE'I DON MDOR BSTAN GYI SGO NAS BSHAD PA LA, NGES 'BYED YAN LAG NAS BZUNG STE, ,ZHES SOGS GSUNGS, GNYIS PA DE NYID TSIG DON GYI SGO NAS BSHAD PA LA, DPA' BO GANG DAG NGES PAR 'BYED PA'I CHA DANG MTHUN PA BZHI DANG, MTHONG BA'I LAM DANG SGOM PA'I LAM 'CHAD PAR 'GYUR BA LA, DE DANG DE RTOGS PA'I

129a

, ,TSUL GYIS GNAS PA DE DAG NI BYANG CHUB SEMS DPA' SLOB PA PHYIR MI LDOG PA'I DGE 'DUN YIN NO, ,ZHES GSUNGS, GZHUNG DON NI, PHYIR MI LDOG PA'I RTAGS THOB PA'I BYANG CHUB SEMS DPA' DE LA GSUM DU YOD DE, DE LA PHYIR MI LDOG PA'I RTAGS THOB PA'I BYANG SEMS SBYOR LAM PA DBANG RNON, BYANG SEMS MTHONG LAM PA DBANG 'BRING, DAG SA LA GNAS PA'I BYANG SEMS DBANG RTUL RNAMS SU YOD PA'I PHYIR, SPYI DON LA PHYIR MI LDOG PA'I GANG ZAG GI NGO BO; DBYE BA, PHYIR MI LDOG PA'I DON, PHYIR MI LDOG PA'I RTAGS, RTAGS DES PHYIR MI LDOG PAR MTSON TSUL BSHAD PA'O, ,DANG PO NI, GZUGS SOGS LA BDEN ZHEN MNGON GYUR PA LDOG PA SOGS RTAGS ZHE BZHI PO GANG RUNG RANG RGYUD LA THOB PA'I SEMS DPA', PHYIR MI LDOG PA'I RTAGS THOB PA'I BYANG SEMS KYI DGE 'DUN GYI MTSAN NYID, KHA CIG ,DE BLA MED RDZOGS BYANG LAS PHYIR MI LDOG PA'I DGE 'DUN GYI MTSAN NYID DU 'DOD PA MI 'THAD DE, SANGS RGYAS 'PHAGS PA DANG DMAN LAM SNGON DU MA SONG BA'I BYANG SEMS TSOGS LAM PAS MA NGES PA'I PHYIR, DE SLOB PA PHYIR MI LDOG PA'I DGE 'DUN GYI MTSAN NYID DU 'DOD PA MI 'THAD DE, NYAN THOS DGRA BCOM PA'I RTOGS PA SNGON DU SONG BA'I SA BRGYAD PA PAS MA NGES PA'I PHYIR, KHA CIG ,DE 'DRA'I RJES THOB LUS NGAG GI SPYOD PA KHYAD PAR CAN DANG LDAN PA'I SEMS DPA', PHYIR MI LDOG PA'I RTAGS THOB PA'I BYANG SEMS KYI DGE 'DUN GYI MTSAN NYID ZER BA MI 'THAD

129b

DE; PHYIR MI LDOG PA'I RTAGS THOB PA'I BYANG SEMS SBYOR LAM PA'I RTOGS PA SNGON DU SONG BA'I MTHONG LAM SDUG BSNGAL CHOS BZOD PAS MA NGES PA'I PHYIR, GNYIS PA LA, PHYIR MI LDOG PA'I RTAGS THOB PA'I BYANG SEMS SBYOR LAM PA SOGS GSUM DU YOD, BLA MED RDZOGS BYANG LAS PHYIR MI LDOG PA'I BYANG SEMS YIN NA, PHYIR MI LDOG PA'I RTAGS THOB PA'I BYANG SEMS YIN PAS MA KHYAB STE, DANG PO NYID NAS THEG CHEN DU RIGS NGES PA'I BYANG SEMS TSOGS LAM PA DE BLA MED RDZOGS BYANG LAS PHYIR MI LDOG PA'I DGE 'DUN YIN CING, DES PHYIR MI LDOG PA'I RTAGS MA THOB PA'I PHYIR TE, TSIG GSAL LAS, RIGS RGYUD NGES PA'I RGYU MTSAN GTZO BOR MDZAD PA ZHIG NA THAR PA'I CHA DANG MTHUN PA'I DGE BA'I RTZA BA 'DI YANG PHYIR MI LDOG PAR BRJOD MOD KYANG, RANG GI RTOGS PA DANG 'TSAMS PAR GZHAN YID CHES PAR BYED PA'I YON TAN RNAMS 'DI LA MED PAS NA DE'I PHYIR DANG, RANG LA DNGOS PO DES KYANG NGES PAR BYED PA'I RTAGS BZUNG SLA BA YANG MED PA'I PHYIR, THA SNYAD GDAGS PA'I GZHIR MA GYUR PAS NA 'DI PHYIR MI LDOG PA'O, ,ZHES GANG DU YANG MA GSUNGS TE, ZHES DE PHYIR MI LDOG PA YOD KYANG PHYIR MI LDOG PA'I RTAGS THOB PA MED PAR BSHAD PA DE LEGS PAR BSHAD PA GSER PHRENG LAS GSUNGS PA'I PHYIR, DE DANG MTHUN PAR, RNAM BSHAD LAS KYANG, GANG ZAG GI KHYAD PAR 'GA' ZHIG RANG GIS MA SHES PA YIN KYANG THEG PA CHEN PO'I TSOGS LAM NAS BZUNG STE LAM GZHAN DU CUNG ZAD

130a

, ,KYANG MI 'GRO STE, THEG PA CHEN PO'I SEMS BSKYED LAS NYAMS PA MI SRID PAS BLA NA MED PA'I BYANG CHUB NGES PAR 'THOB PAR 'GYUR BA YIN KYANG, PHYIR MI LDOG PA'I RTAGS DANG LDAN PAR MI BRJOD LA, DE BZHIN DU; SBYOR BA'I SNGON DU SNYING RJE DANG, ,BZOD PA DANG NI MOS PA DANG, ,DGE LA YANG DAG SPYOD PA NI, ,RIGS KYI RTAGS SU SHES PAR BYA, ,ZHES GSUNGS PA LTAR, SBYOR BA SGOM PA'I SNGON DU SEMS CAN LA DMIGS PA'I SNYING RJE CHE BA DANG, BZOD PA RGYA CHEN PO DANG LDAN PA DANG, THEG PA CHEN PO'I CHOS RGYA CHEN PO LA MOS PA DANG, SBYIN PA LA SOGS PA'I DGE BA RGYA CHEN PO LA SPYOD PA DANG LDAN PA NI THEG CHEN GYI RIGS DANG LDAN PA YIN YANG, PHYIR MI LDOG PA'I RTAGS THOB PAR MI BZHAG GO ,DES NA 'CHAD PAR 'GYUR BA'I RTAGS DE DAG DANG LDAN NA PHYIR MI LDOG PA'I RTAGS THOB PAR BZHAG LA, DE YANG DBANG PO RNON POS NI SBYOR LAM DROD NAS DANG, 'BRING POS MTHONG LAM DANG, DBANG PO JI LTAR BU LA YANG SA BRGYAD PA NAS 'THOB PAR RNAM PAR BZHAG GO ,ZHES GSUNGS PA'I PHYIR, DE BZHIN DU THEG CHEN RIGS NGES KYI SNYING RJE CHEN PO RGYUD LDAN GYI LAM MA ZHUGS KYI GANG ZAG DE YANG BLA MED RDZOGS BYANG LAS PHYIR MI LDOG PA YIN NO, ,KHO NA RE, DES BLA MED RDZOGS BYANG LA PHYIR MI LDOG PA'I RTAGS THOB PAR THAL, DE BLA MED RDZOGS BYANG LAS PHYIR MI LDOG PAR SGRUB PA'I RTAGS YANG DAG YOD PA'I PHYIR NA MA KHYAB BO, ,BYANG SEMS SBYOR LAM

130b

PA DBANG RNON YIN NA, SBYOR LAM PA PHYIR MI LDOG PA'I RTAGS THOB PAS NI MA KHYAB STE, SBYOR LAM DROD KYI YE SHES SKAD CIG DANG PO LA GNAS PA'I SEMS DPA' DBANG RNON DES DE MA THOB PA'I PHYIR, DES BYANG SEMS SBYOR LAM PA'I RGYUD KYI RJES THOB LUS NGAG GI SPYOD PA KHYAD PAR CAN MA THOB PA'I PHYIR, BYANG SEMS MTHONG LAM PA DBANG 'BRING YIN NA, MTHONG LAM PA PHYIR MI LDOG PA'I RTAGS THOB BAS MA KHYAB STE, MTHONG LAM SDUG BSNGAL CHOS BZOD LA GNAS PA'I SEMS DPA' DBANG 'BRING DES DE MA THOB PA'I PHYIR, DES MTHONG LAM RJES THOB YE SHES MA THOB PA'I PHYIR, DES NA PHYIR MI LDOG PA'I RTAGS THOB PA'I BYANG SEMS MTHONG LAM PA YIN NA, MTHONG LAM PA PHYIR MI LDOG PA'I RTAGS THOB PAS MA KHYAB STE, PHYIR MI LDOG PA'I RTAGS THOB PA'I BYANG SEMS SBYOR LAM PA'I RTOGS PA SNGON DU SONG BA'I MTHONG LAM SDUG BSNGAL CHOS BZOD PA DES DE MA THOB PA'I PHYIR, KHA CIG ,BYANG SEMS SGOM LAM PA YIN NA; PHYIR MI LDOG PA'I RTAGS THOB PAS KHYAB STE, RNAM BSHAD 'LAS, DBANG PO JI LTAR BUL YANG SA BRGYAD PA NAS THOB PAR RNAM PAR BZHAG GO ,ZHES GSUNGS PA'I PHYIR, DE LTA MA YIN NA SANGS RGYAS 'PHAGS PAS BYANG SEMS RGYUN MTHA' BAS THOB PA'I YON TAN MTHA' DAG THOB MA MYONG BAR THAL, SA GNYIS PA LA GNAS PA'I SEMS DPA' DBANG RTUL DES BYANG SEMS MTHONG LAM PA DBANG 'BRING GIS THOB PA'I YON TAN MTHA' DAG THOB MA MYONG BA'I

131a

, ,PHYIR NA MA KHYAB STE, GSAL BA KHYOD RANG GI DER THAL, BYANG SEMS MTHONG LAM PA DBANG RTUL DES BYANG SEMS SBYOR LAM PA DPA' RNON GYIS THOB PA'I YON TAN MTHA' DAG THOB MA MYONG BA'I PHYIR, KHYAB PA KHAS, MA GRUB NA, DES PHYIR MI LDOG PA'I RTAGS THOB PAR THAL LO, ,GZHAN YANG, SA GNYIS PA LA GNAS PA'I BYANG SEMS DE MTHONG LAM PA DBANG 'BRING GI RTOGS PA SNGON DU SONG BA YIN PAR THAL, DES CIG SHOS KYIS THOB PA'I YON TAN MTHA' DAG THOB PA'I PHYIR; RTAGS KHAS, DES NA PHYIR MI LDOG PA'I RTAGS THOB PA'I BYANG SEMS KYI SA MTSAMS THEG CHEN GYI SBYOR LAM DROD NAS RGYUN MTHA'I BAR DU YOD DO, ,GSUM PA NI, BSAM PA'I SGO NAS RANG NYID 'BA' ZHIG GI PHYIR DU THAR PA DON GNYER GYI BSAM PA MNGON GYUR PA SKYE BA'I GO SKABS BCOM PA DANG, SBYOR BA'I SGO NAS THABS SHES KHYAD PAR CAN GYI RTOGS PA BRTAN PO DANG LDAN PA NA PHYIR MI LDOG PA'I RTAGS THOB PAR 'JOG PA YIN NO, ,RANG NYID 'BA' ZHIG GI PHYIR DU THAR PA DON GNYER GYI BSAM PA MNGON GYUR DU SKYE MI SRID PA'I GANG ZAG YIN NA BSAM PA'I SGO NAS PHYIR MI LDOG PA'I RTAGS THOB PAS MA KHYAB STE, BYANG SEMS SBYOR LAM PA DBANG RTUL DE DE 'DRA'I GANG ZAG YIN PA'I PHYIR, DE 'DRA'I BSAM PA MNGON GYUR BRGYUD LDAN GYI BYANG SEMS SBYOR LAM PA MED PA'I PHYIR, THEG CHEN SEMS BSKYED DOR BA'I DE MED BA'I PHYIR, THABS SHES KYI RTOGS PA BRTAN PO THOB NA SBYOR BA'I SGO NAS DE THOB PAS MA KHYAB

131b

STE; THEG CHEN GYI SBYOR LAM BZOD PA LA GNAS PA'I SEMS DPA' DBANG RTUL DES DE THOB PA'I PHYIR, DES THEG CHEN GYI SBYOR LAM BZOD PA THOB PA'I PHYIR, RONG t'IKA PAS MA DAGS BDUN GYI GNAS SKABS SU SBYOR BA'I SGO NAS PHYIR MI LDOG PA'I RTAGS THOB KYANG BSAM PA'I SGO NAS DE MA THOB STE, RANG NYID 'BA' ZHIG GI PHYIR DU THAR PA DON GNYER GYI BLO RGYUD LDAN GYI BYANG 'PHAGS YOD PA'I PHYIR, RGYUD RDO RJE RTZE MO LAS, JI SRID SA BRGYAD MA THOB PAR, ,DE SRID THEG PA DMAN PAS 'JIGS, ,ZHES GSUNGS PA'I PHYIR, ZHES ZER NA, THEG CHEN SEMS BSKYED LAS NYAMS PA'I BYANG 'PHAGS YOD PAR THAL, DAM BCA' DE'I PHYIR, KHO NA RE, STONG NYID RTOGS PA'I SHES RAB LAS NYAMS PA'I BYANG 'PHAGS YOD PAR THAL, BDEN 'DZIN MNGON GYUR PA RGYUD LDAN GYI BYANG 'PHAGS YOD PA'I PHYIR NA MA MTSUNGS SO, ,KHO NA RE, SBYOR LAM BZOD PA LA GNAS PA'I SEMS DPA' DBANG RTUL CHOS CAN, RANG NYID 'BA' ZHIG GI PHYIR DU THAR PA DON GNYER GYI BSAM PA MNGON GYUR PA SKYE PA'I GO SKABS ZAD PAR BCOM PA'I GANG ZAG TU THAL, DE 'DRA'I BSAM PA MNGON GYUR BA RGYUD LA SKYE MI SRID PA'I GANG ZAG YIN PA'I PHYIR, RTAGS KHAS, ZER NA, RGYUN MTHA'I BAR CHAD MED LA MA RGYUD LA SKYE KHA MA'I GANG ZAG CHOS CAN, RANG RGYUD LA SHES SGRIB MNGON GYUR PA SKYE BA'I GO SKABS ZAD PAR BCOM PAR THAL, DE RANG RGYUD LA SKYE MI SRID PA'I GANG ZAG YIN PA'I PHYIR, KHYAB PA KHAS, 'DOD NA, DE SPANGS PAR THAL LO, ,BZHI PA NI, RANG

132a

, ,GANG LA LDAN PA'I GANG ZAG BLA MED RDZOGS BYANG LAS PHYIR MI LDOG PAR YID CHES BAR BYED PA'I SGRUB BYED RNAM DAG DE, PHYIR MI LDOG PA'I RTAGS KYI NGO BO YIN, DE LA DBYE NA, SBYOR LAM PA PHYIR MI LDOG PA'I RTAGS NYI SHU, MTHONG LAM PA PHYIR MI LDOG PA'I RTAGS BCU DRUG ,SGOM LAM PA PHYIR MI LDOG PA'I RTAGS BRGYAD DE ZHE BZHIR YOD DO, ,LNGA PA NI, BYANG SEMS SBYOR LAM PA DBANG RNON CHOS CAN, SHES RAB KHYAD PAR CAN DANG LDAN TE, STONG NYID RIGS PA'I RNAM GRANGS MTHA' YAS PA'I SGO NAS STON PA SOGS LUS NGAG GI THA SNYAD KHYAD PAR CAN DANG LDAN PA'I SEMS DPA' YIN PA'I PHYIR, DE CHOS CAN, THABS KHYAD PAR CAN DANG LDAN TE, SEMS CAN GYI SDUG BSNGAL SHES MI BZOD PA'I LUS KYI BA SPU LDANG BA DANG MIG NAS MCHI MA 'KHRUGS PA SOGS LUS KYI RTAGS KHYAD PAR CAN DANG LDAN PA'I SEMS DPA' YIN PA'I PHYIR, DE CHOS CAN, RANG NYID 'BA' ZHIG GI PHYIR DU THAR PA DON GNYER GYI BSAM PA MNGON GYUR PA SKYE BA'I GO SKABS ZAD PAR BCOM PA'I SGO NAS RGYU NUS PA MTHU CAN GYI RDZOGS PA'I BYANG CHUB 'BYUNG BA YIN TE, THABS SHES KHYAD PAR CAN GYI RTOGS PA BRTAN PO DANG LDAN PA'I THEG CHEN GYI NGES 'BYED CHA MTHUN LA GNAS PA'I SEMS DPA' YIN PA'I PHYIR, KHA CIG ,RTAGS 'DI RNAMS MNYAM GZHAG GI RTOGS PA LAS RJES THOB KYI THA SNYAD 'BYUNG RUNG DU SGRUB PA RANG BZHIN GYI RTAGS DANG, RJES THOB KYI RTAGS DANG

132b

LDAN PA LAS MNYAM GZHAG GI RTOGS PA DPOG PA'I 'BRAS RTAGS GNYIS ZHES BSHAD PA MI 'THAD DE, MDO BSTAN BCOS GNYIS KAR BAR MA CHAD DU PHYIR MI LDOG PA KHO NA RTAGS KYI DPAG BYAR GSUNGS PA DANG, RGYAN SNANG LAS KYANG, RGYU TSOGS PA LAS 'BRAS BU 'BYUNG RUNG SGRUB PA'I RANG BZHIN GYI RTAGS LTAR BSHAD PA'I PHYIR, DES NA RTAGS DE DANG DE RJES THOB TU LDAN PAR MTHONG BA LAS BAR MA CHAD DU BLA MED RDZOGS BYANG 'BYUNG NGES PAR DPOG PA YIN TE, MYU GU'I RGYU TSOGS GRANGS TSANG MTHONG BA NA DE LAS MYU GU 'BYUNG RUNG DU NGES PA LTAR, PHYIR MI LDOG PA'I GANG ZAG GIS KYANG RANG RGYUD LA SNGAR BSHAD PA'I RTAGS DE DAG DANG LDAN PAR MTHONG BA NA, DA NI BDAG GIS BLA MED RDZOGS BYANG THEG PA GZHAN GYIS BAR MA CHAD DU 'THOB PAR NGES SO SNYAM DU BLO SKYE BA DANG, GANG ZAG GZHAN GYIS KYANG MDO LAS BSHAD PA'I LUS NGAG GI KUN SPYOD RNAMS DANG LDAN ZHING DE YANG RING DU 'DRIS KYANG SPYOD LAM BRTAGS THUB PAR MTHONG BA NA, DE LAS PHA ROL PO DE PHYIR MI LDOG PAR LUNG LA BRTEN NAS DPOG PA TZAM LA DE'I NGO BOR RTAGS SU BSHAD KYI, 'DI DAG LA TSUL GSUM TSAD MAS NGES PA'I RTAGS KYI RNAM GZHAG NI BYAR MI RUNG STE, GZHAN RGYUD JI LTA BA BZHIN MKHYEN PA'I RNAL 'BYOR PA LA NI RTAGS KYIS SGRUB PA LA DGOS PA MED LA, RTOGS PA DMA' BA DAG GIS NI LUS NGAG GI THA RNYAD TZAM ZHIG LA DPOG NA 'KHRUL ZHING, THA SNYAD KHYAD PAR CAN PHYIR MI LDOG PA'I RTOGS PA LA MI 'KHRUL BA NI MA NGES TE,

133a

, ,PHYIR MI LDOG PA'I NANG GI RTOGS PA NI GANG ZAG DE LA SHIN TU LKOG TU GYUR PA'I PHYIR, ` GNYIS PA YOD CHOS KYI RTAGS KYI NGO BO RGYAS PAR BSHAD PA LA, MTSAMS SBYAR BA DANG, DON BSHAD PA GNYIS LAS; DANG PO NI, PHYIR MI LDOG PA'I RTAGS THOB PA'I GANG ZAG GSUM PO DE'I MTSAN NYID MA 'DRES PA THA DAD PA RNAMS GANG YIN ZHES DRI BA'I SGO NAS MTSAMS SBYOR BA LA, DE RNAMS KYI MTSAN NYID MA 'DRES PA GANG YIN ZHE NA, ZHES GSUNGS, GNYIS PA LA SBYOR LAM PA PHYIR MI LDOG PA'I RTAGS BSHAD PA, MTHONG LAM PA PHYIR MI LDOG PA'I RTAGS BSHAD PA, SGOM LAM PA PHYIR MI LDOG PA'I RTAGS BSHAD PA DANG GSUM LAS, DANG PO LA, MDOR BSTAN, RGYAS BSHAD GNYIS, DANG PO LA GSUM LAS, DANG PO NI, DE DAG GI DANG POR SBYOR LAM PA PHYIR MI LDOG PA'I RTAGS 'CHAD PA'I RGYU MTSAN YOD DE, SKYE BA'I RIM PA'I DBANG DU BYAS NAS DE LTAR BSTAN PA'I PHYIR, ZHES MTSAMS SBYOR BA LA, RE SHIG BAR SKABS KYI TSIGS SU BCAD PA GCIG GIS NGES PAR 'BYED PA'I CHA DANG MTHUN PA LA GNAS PA RNAMS KYI MTSAN NYID, CES GSUNGS, GNYIS PA NI, SBYOR LAM PA PHYIR MI LDOG PA'I RTAGS MDOR BSTAN GYI SGO NAS BSHAD PA LA, GZUGS LA SOGS LAS LDOG SOGS RTAGS, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, GZUGS LA SOGS PA LAS LDOG PA DANG, THE TSOM MED PA LA SOGS PA'I RNAM PA RNAM PA NYI SHUS NGES

133b

PAR 'BYED PA'I CHA DANG MTHUN PA LA GNAS PA RNAMS KYI PHYIR MI LDOG PA'I MTSAN NYID SHES PAR BYA BA YIN NO, ,ZHES GSUNGS, DON NI, THEG CHEN GYI SBYOR LAM RJES THOB YE SHES THOB PA'I DROD LA GNAS PA'I SEMS DPA' DBANG RNON CHOS CAN, BLA MED RDZOGS BYANG LAS PHYIR MI LDOG PA YIN TE, GZUGS SOGS LA BDEN ZHEN MNGON GYUR PA LDOG PA SOGS RTAGS NYI SHU PO GANG RUNG RANG RGYUD LA THOB PA'I SEMS DPA' YIN PA'I PHYIR, SBYOR LAM PA PHYIR MI LDOG PA'I RTAGS DE LA NYI SHUR YOD DE, DE LA GZUGS SOGS LA BDEN ZHEN MNGON GYUR PA LDOG PA NAS, KUN SPYOD LA SANGS RGYAS DGYES PA ZHES BYA BA'I BAR NYI SHUR YOD PA'I PHYIR, ` GNYIS PA RGYAS PAR BSHAD PA LA GSUM LAS, DANG PO NI, GZUGS LA SOGS LAS LDOG PA DANG, ,ZHES SOGS KYI TSIGS BCAD DRUG GSUNGS PA CHOS CAN, DGOS PA YOD DE, GZUGS SOGS LAS LDOG PA LA SOGS PA'I MTSAN NYID DE DAG GANG YIN ZHE NA, DE'I LAN BSTAN PAR BYA BA'I CHED YIN PA'I PHYIR; ZHES MTSAMS SBYOR BA LA, YANG LDOG PA LA SOGS PA'I MTSAN NYID DE DAG GANG YIN ZHE NA, DE DAG BSTAN PA'I PHYIR BAR SKABS KYI TSIGS SU BCAD PA DRUG PO, ,ZHES GSUNGS, GNYIS PA NI, RTAGS NYI SHU PO DE RGYAS PAR BSHAD PA LA, GZUGS LA SOGS LAS LDOG PA DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, NGO BO NYID MED PA NYID KYIS, ZHES SOGS GSUNGS, 'DI LA YANG, DROD, RTZE

134a

, ,MO; BZOD PA, CHOS MCHOG LA GNAS PA'I RTAGS DANG BZHI LAS, DANG PO LA YANG, GZUGS SOGS LA BDEN ZHEN MNGON GYUR PA LDOG PA DANG, SKYABS GNAS LA THE TSOM MNGON GYUR PA ZAD PA DANG, MI KHOM PAR SKYE BA ZAD PA DANG, BDAG NYID DGE BA BCU LA GNAS SHING GZHAN DE LA 'GOD PA DANG, BDAG GI BDE BA DANG GZHAN GYI SDUG BSNGAL BRJE BA NYID KYIS SEMS CAN GZHAN RGYUD LA DMIGS TE SBYIN SOGS DRUG SGOM ZHING DE DAG GI BSAM PA YONGS SU RDZOGS PAR BYAS NAS DGE BA BYANG CHUB TU YONGS SU BSNGO BA DANG, ZAB MO SPROS BRAL GYI DON LA SOM NYI MED PA DANG, SGO GSUM GYI KUN SPYOD GZHAN LA PHAN PA'I PHYIR ZHUGS PA'I BYAMS PAS ZIN PA'I LUS NGAG YID GSUM GYI LAS DANG, TSUL KHRIMS KYI PHUNG PO'I BAR CHOD 'DOD YON LA 'DUN PA DANG, GZHAN LA ZHE SDANG BA GNYIS DANG, SHES RAB KYI PHUNG PO'I BAR CHOD SEMS YUL LA SDUD PA'I GNYID DANG, SEMS LAS SU MI RUNG BA'I RMUGS PA STE GCIG DANG, TING NGE 'DZIN GYI PHUNG PO'I BAR CHOD RGOD PA DANG 'GYOD PA STE GCIG DANG, BDEN PA LA THE TSOM ZA BA'I SGRIB PA STE LNGA DANG MI 'GROGS PA DANG, MA RIG PA DANG LTA BA'I BAG LA NYAL NYAMS SMAD PA'I SGO NAS 'DZOMS PA DANG, SPYOD LAM BZHI LA DRAN SHES DANG LDAN PA DANG, CHOS GOS SOGS LONGS SPYOD KYI YONGS SU SPYOD PA GTZANG BA DANG BCU GCIG RIM PA BZHIN DU STON PA LA, MDO LAS, RAB 'BYOR GYIS GSOL BA, BCOM LDAN

134b

'DAS RNAM PA JI TZAM DANG RTAGS JI TZAM DANG MTSAN MA JI TZAM GYIS BYANG CHEN 'DI PHYIR MI LDOG PAR RIG PAR BGYI, BCOM LDAN 'DAS KYIS BKA' STZAL PA, RAB 'BYOR CHOS THAMS CAD NI RNAM PA MED PA, RTAGS MED PA, MTSAN MA MED PA'O, , ZHES PA NAS, BYANG CHEN GANG GZUGS LAS PHYIR MI LDOG PA DANG NAS BLA MED RDZOGS BYANG LA PHYIR MI LDOG PA DE NI RAB 'BYOR BYANG CHEN PHYIR MI LDOG PAR RIG PAR BYA'O, ,ZHES SOGS DANG, RAB 'BYOR GANG BYANG CHEN DGE SBYONG DANG BRAM ZE 'DI DAG NI SHES PAR BYA BA SHES PA'O, ,BLTA BAR BYA BA MTHONG BA'O, ,YANG DAG PA'I LTA BA RAB TU SHES PA RAB TU SHES PAR BYED PA'O, ,ZHES 'DI LA PHYI ROL PA'I DGE SBYONG DANG BRAM ZE GZHAN DAG GI NGO BOR MI BLTA STE, DE NI GNAS MED CING THE TSOM MI ZA'O, ,RAB 'BYOR GANG PHYIR MI LDOG PA'I BYANG CHEN NI LOG PAR LTUNG BAR MI 'GYUR SEMS CAN DMYAL BAR MI SKYE STE, ZHES SOGS DANG, RAB 'BYOR GANG PHYIR MI LDOG PA'I BYANG CHEN DGE BA BCU'I LAS KYI LAM LA YANG DAG PAR BSKUL ZHING SPYOD DO, ,BDAG NYID KYANG SROG GCOD PA LAS LDOG ,CES SOGS DANG, RAB 'BYOR GZHAN YANG PHYIR MI LDOG PA'I BYANG CHEN GANG GI TSE SBYIN PA'I PHAR PHYIN LA GNAS PA DENG? NAS SHER PHYIN LA GNAS PA DE'I TSE SEMS CAN THAMS CAD KYI DON DU SBYIN PA YONGS SU GTONG, ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN DE CHOS ZAB MO LA DOGS PA DANG YID GNYIS DANG THE TSOM MED DO, ,ZHES SOGS DANG, RAB 'BYOR GANG PHYIR MI LDOG PA'I BYANG CHEN LUS KYI

135a

, ,LAS 'JAM PA DANG LDAN PA YIN, NGAG GI LAS 'JAM PA DANG LDAN PA YIN, YID KYI LAS 'JAM PA DANG LDAN PA YIN TE, ZHES SOGS DANG, RAB 'BYOR GANG PHYIR MI LDOG PA'I BYANG CHEN 'DI LTA STE, 'DOD PA LA 'DUN PA DANG GNOD SEMS DANG RMUGS PA DANG GNYID DANG RGOD PA DANG 'GYOD PA DANG THE TSOM GYI SGRIB PA LNGA PO 'DI DAG DANG LHAN CIG MI GNAS TE, ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN NI BAG LA NYAL THAMS CAD KYI THAMS CAD DU MED DE, ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN NI 'GRO ZHING 'ONG YANG 'KHRUL BA'I SEMS KYIS MI 'GRO STE 'GRO'AM 'ONG NA YANG DRAN PA NYE BAR BZHAG CING 'ONG STE, ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN NI GOS LONGS SPYOD PA LA SPRO BA MED PA SMAD DU MED PA YIN TE, ZHES SOGS GSUNGS, DE'I DON BSHAD PA LA, GZUGS LA SOGS LAS LDOG PA DANG, ,ZHES PA NAS, GOS LA SOGS PA GTZANG BA DANG, ,ZHES PA'I BAR DANG, NGO BO NYID MED PA NYID KYIS GZUGS LA SOGS PA'I CHOS LAS LDOG PA DANG, SHES NAS DAD PA THOB PAS THE TSOM ZAD PA DANG, SMON LAM GRUB PAS LOG PAR LTA BA DANG, DMYAL BA DANG, YI DVAGS DANG, DUD 'GROR SKYE BA DANG, SANGS RGYAS KYI BKA' MI THOS PA DANG, YUL 'THA' 'KHOB TU SKYE BA DANG, DBANG PO MA TSANG BA DANG, GLEN PA DANG LKUGS PA'I DNGOS PO DANG, LHA TSE

135b

RING POR SKYE BA ZHES BYA BA MI KHOM PA BRGYAD ZAD PA DANG, SNYING RJES BDAG DANG GZHAN DGE BA'I CHOS LA SBYOR BA DANG, BDAG DANG GZHAN DU BRJE BA NYID KYIS SEMS CAN GZHAN GYI YUL LA YONGS SU BSNGOS PA'I SBYIN PA LA SOGS PA, CHOS YANG DAG PAR RTOGS PAS ZAB MO'I DON LA YANG SOM NYI MI BYED PA DANG, GZHAN LA PHAN PA NYID DU ZHUGS PAS BYAMS PAS LUS DANG NGAG DANG YID KYI LAS DANG, SBYOR BA PHUN SUM TSOGS PAS SGRIB PA LNGA PO, 'DOD PA LA 'DUN PA DANG GNOD SEMS DANG GNYID DANG RMUGS PA DANG RGOD PA DANG 'GYOD PA DANG THE TSOM DAG DANG MI 'GROGS PA DANG, GNYEN PO RNAM PAR SGOM PA NYID KYIS MA RIG PA LA SOGS PA'I BAG LA NYAL THAMS CAD 'JOMS PA DANG, RTAG TU MNYAM PAR BZHAG PA NYID KYIS DRAN PA DANG SHES BZHIN DANG LDAN PA DANG, GTZANG SBRA KUN TU SPYOD PA NYID KYIS GOS LA SOGS PA YONGS SU SPYOD PA GTZANG BA ZHES BYA BA RNAM PA BCU GCIG DANG, ZHES GSUNGS, GNYIS PA RTZE MO LA GNAS PA'I RTAGS KYI RNAM PA LA; LUS LA SRIN BU'I RIGS BRGYAD KHRI MI 'BYUNG BA DANG, SEMS LA GYA GYU MED CING NYAN RANG GI YID BYED LAS 'DA' BA DANG, RNYED BKUR LA MI LTA BAR SBYANGS PA'I YON TAN BCU GNYIS YANG DAG PAR LEN PA DANG, SBYIN SOGS DRUG KHYAD PAR CAN BSGRUBS PAS DE DAG GI MI MTHUN PHYOGS SER SNA SOGS MED PA DANG, CHOS DBYINGS SU CHOS THAMS CAD YANG DAG PAR 'DUS SHING DE LAS MI 'DA' BAR CI BYED THAMS CAD CHOS NYID DANG MI 'GAL ZHING MTHUN PAR SHER PHYIN

136a

, ,GYI RNAL 'BYOR DANG LDAN PAR 'GRO BA DANG, SEMS CAN GZHAN GYI DON DU DMYAL BA'I SDUG BSNGAL YANG 'TSOL ZHING 'DOD PA STE DRUG RIM BZHIN STON PA LA, RAB 'BYOR GANG BYANG CHEN GANG GI LUS LA SRIN BU'I RIGS STONG PHRAG BRGYAD CU GNAS SHING, LUS LA ZAB YOD PA DE DAG KYANG PHYIR MI LDOG PA'I BYANG CHEN DE'I LUS LA THAMS CAD NAS THAMS CAD DU MED DO, ,ZHES SOGS DANG, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR BYANG CHEN DE'I LUS YONGS SU DAG PA LAGS, NGAG YONGS SU DAG PA LAGS, SEMS YONGS SU DAG PA LAGS, BCOM LDAN 'DAS KYIS BKA' STZAL PA, JI LTA JI LTAR BYANG CHEN GYI DGE BA'I RTZA BA DE DAG RNAM PAR 'PHEL BA DE LTA DE LTAR DGE BA'I RTZA BA DE DAG GIS LUS MI DRANG BA NYID DANG, NGAG MI DRANG BA NYID DANG, SEMS MI DRANG BA NYID DE, LUS DANG NGAG DANG SEMS KYI GYA GYU YONGS SU SBYONG BAR BYED DO, ,ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN KHE DANG BKUR STI LHUR LEN PA MA YIN, CHOS GOS GSUM PA'I BAR DU LHUR LEN PA MA YIN ZHING, DE SBYANGS PA'I YON TAN BCU GNYIS KYANG YANG DAG PAR BLANGS TE SPYOD DO, ,ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN LA SER SNA'I SEMS SKYE BA MED DO, ,ZHES SOGS DANG, RAB 'BYOR GANG BYANG CHEN PHYIR MI LDOG PA NI BLO

136b

BRTAN PA YIN, GUS PAR GZHAN LA CHOS NYAN PA YIN, GZHAN LA CHOS GANG THOS PA DE DAG KYANG SHER PHYIN LA SBYOR BA YIN, ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN GYI DRUNG DU BDUD SDIG TO CAN GYIS SEMS CAN DMYAL BA CHEN PO BRGYAD MANG POR SPRUL NAS SEMS CAN DMYAL BA CHEN PO DE RE RE NA YANG BYANG CHUB SEMS DPA' BRGYA PHRAG MANG PO DANG, BYANG CHUB SEMS DPA' STONG PHRAG MANG PO DANG, BYANG CHUB SEMS DPA' BRGYA STONG PHRAG MANG PO DANG, BYANG CHUB SEMS DPA' BYE BA KHRAG KHRIG BRGYA STONG PHRAG MANG PO BSREGS SHING BTZO BA DANG, ZHES PA NAS, BYANG CHEN GYI SEMS MI 'KHRUG CING DOGS PA MED THE TSOM MED NA BYANG CHEN DE NI SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GIS LUNG BSTAN PAR RIG PAR BYA'O, ,ZHES SOGS GSUNGS, DE'I DON BSHAD PA LA, LUS LA SRIN BU RNAMS MI 'BYUNG, ,ZHES PA NAS, SEMS CAN DON DU DMYAL 'TSOL DANG, ,ZHES DANG, DGE BA'I RTZA BA 'JIG RTEN LAS MNGON PAR 'PHAGS PA NYID KYIS LUS LA SRIN BU'I RIGS BRGYAD KHRI MI 'BYUNG BA DANG, DGE BA'I RTZA BA RNAM PAR DAG PAS SEMS GYA GYU MED PA DANG, RNYED PA DANG BKUR STI LA SOGS PA LA MI LTA BA NYID KYIS PHYAG DAR KHROD PA NYID LA SOGS PA SBYANGS PA'I YON TAN YANG DAG PAR LEN PA DANG, SBYIN PA LA SOGS PA'I KHYAD PAR SGRUB PAS DE DAG DANG 'GAL BA SER SNA DANG 'CHAL BA'I TSUL KHRIMS LA SOGS

137a

, ,PA MED PA DANG, CHOS THAMS CAD YANG DAG PAR SDUD PA NYID KYIS CHOS NYID DANG MI 'GAL BAR SHES RAB KYI PHA ROL TU PHYIN PA DANG LDAN PAR 'GRO BA DANG, 'GRO BA BDAG NYID KYIR BYAS PA NYID KYIS GZHAN GYI DON DU DMYAL BA 'DOD PA ZHES BYA BA RNAM PA DRUG DANG, ZHES GSUNGS, GSUM PA BZOD PA LA GNAS PA'I RTAGS KYI RNAM PA LA, BDUD KYIS DMAN PA'I LAM DU DKRIS KYANG DKRIR MI THUB PA DANG, LAM LTAR BCOS PA STON PA'I BDUD LA BDUD NYID DU RTOGS PA'I RNAM PA STE GNYIS STON PA LA, RAB 'BYOR GZHAN YANG GAL TE BYANG CHEN GYI DRUNG DU BDUD SDIG TO CAN DGE SLONG GI CHA BYAD DU 'ONGS NAS 'DI SKAD DU GANG KHYOD KYIS SNGON 'DI LTAR BDAG GI SBYIN PA'I PHAR PHYIN YONGS SU SBYANG BAR BYA'O, ,ZHES PA NAS, NYAN THOS KYI THEG PA'AM RANG SANGS RGYAS KYI THEG PA PAS BLA MED RDZOGS BYANG GI CHOS LAS PHYIR MI LDOG NA BYANG CHEN DE NI NGES PA YIN TE, ZHES SOGS DANG; RAB 'BYOR GZHAN YANG BYANG CHEN GYI DRUNG DU BDUD SDIG TO CAN DGE SLONG GI CHA BYAD DU 'ONGS NAS 'DI SKAD DU RNAM MKHYEN LA SPYOD PA 'DI NI 'KHOR BAR SPYOD PA YIN PAS 'DI NYID DU KHYOD KYIS SDUG BSNGAL MTHAR PHYIN PAR GYIS SHIG ;CES PA NAS, BDUD SDIG TO CAN DES BYANG CHEN LA LAM GYI GZUGS BRNYAN STON TE GANG 'KHOR BAR SPYOD PA'I 'JIG RTEN PA'I RNAM PAS LAM GYI GZUGS BRNYAN YANG NA RUS PAR 'DU SHES PA YANG NA BSAM GTAN DANG PO NAS

137b

'DU SHES MED 'DU SHES MED MIN GYI BAR DU STON CING, ZHES SOGS GSUNGS, DE'I DON BSHAD PA LA, GZHAN GYIS DKRI BAR MI BTUB DANG, ,LAM GZHAN NYE BAR STON BDUD LA, ,BDUD CES BYA BAR RTOGS PA DANG, ,ZHES DANG, RTOGS PA LA YID CHES PA'I CHOS NYID KYIS GZHAN GYIS DKRIR MI BTUB PA DANG, SANGS RGYAS NYID KYI THABS SHES PA LA MKHAS PA NYID KYIS LAM LTAR BCOS PA NYE BAR STON PA'I BDUD LA BDUD NYID DU RTOGS PA ZHES BYA BA RNAM PA GNYIS DANG, ZHES GSUNGS, BZHI PA CHOS MCHOG LA GNAS PA'I RTAGS KYI RNAM PA KUN TU SPYOD PA THAMS CAD LA SANGS RGYAS DGYES PA DE STON PA LA, RAB 'BYOR GZHAN YANG PHYIR MI LDOG PA'I BYANG CHEN SHER PHYIN LA SPYOD PA'I TSE 'DI SNYAM DU GAL TE DE BZHIN GSHEGS PAS JI SKAD DU BSTAN PA DE LTAR BSLAB PA LA SPYOD PA DE DANG MA BRAL ZHING SHER PHYIN DANG LDAN PA'I YID LA BYED PA 'DI DAG GIS SPYOD PA DE NI SBYIN PA'I PHAR PHYIN LAS YONGS SU MI NYAMS, ZHES SOGS GSUNGS, DE'I DON BSHAD PA LA; SANGS RGYAS DGYES PA'I SPYOD PA STE, ,ZHES DANG, 'KHOR GSUM RNAM PAR DAG PAS SPYOD PA THAMS CAD LA SANGS RGYAS DGYES PA ZHES BYA BA RNAM PA GCIG GIS, ZHES GSUNGS, DE DAG GI DON BSDUS NAS BSHAD PA LA, RTAGS NI NYI SHU 'DI DAG GIS, ,DROD DANG RTZE MO BZOD BCAS DANG, ,CHOS MCHOG RNAMS LA GNAS PA YI, ,RDZOGS PA'I BYANG CHUB LAS MI LDOG ,CES DANG, GO RIMS BZHIN DU DRO BA DANG, RTZE MO DANG, BZOD PA DANG, CHOS KYI MCHOG RNAMS LA

138a

, ,GNAS PA'I BYANG CHUB SEMS DPA' BLA NA MED PA'I BYANG CHUB LAS PHYIR MI LDOG PA YIN PAR RTAGS NYI SHU PO 'DI DAG GIS SHES PAR BYA'O, ,ZHES GSUNGS, GZHUNG DON NI, SBYOR LAM PA PHYIR MI LDOG PA'I RTAGS DE LA NYI SHU YOD DE, DE LA DROD LA GNAS PA'I PHYIR MI LDOG PA'I RTAGS KYI RNAM PA BCU GCIG ,RTZE MO LA GNAS PA'I DRUG ,BZOD PA LA GNAS PA'I GNYIS, CHOS MCHOG LA GNAS PA'I GCIG RNAMS SU YOD PA'I PHYIR, DES NA RANG GANG LA LDAN PA'I BYANG SEMS SBYOR LAM PA PHYIR MI LDOG PAR YID CHES PAR BYED PA'I SGRUB BYED RNAM DAG DE, SBYOR LAM PA PHYIR MI LDOG PA'I RTAGS KYI MTSAN NYID, DE LA DBYE NA, DROD, RTZE MO, BZOD PA, CHOS MCHOG LA GNAS PA'I PHYIR MI LDOG PA'I RTAGS DANG BZHI YOD, DANG PO LA YANG BCU GCIG TU YOD DE, GZUGS SOGS LA BDEN ZHEN MNGON GYUR PA LDOG PA DANG, SKYABS GNAS LA THE TSOM MNGON GYUR PA ZAD PA, MI KHOM PA BRGYAD DU SKYE BA ZAD PA, BDAG GZHAN DGE BA'I CHOS LA SBYOR BA, SEMS CAN GZHAN GYI YUL LA DMIGS TE SBYIN SOGS BSGOMS SHING DE DAG GI BSAM PA RDZOGS PAR BYAS TE DGE RTZA RDZOGS BYANG DU BSNGO BA, ZAB MO'I CHOS LA SOM NYI MED PA, BYAMS PA'I SGO GSUM GYI LAS DANG LDAN PA, SGRIB PA LNGA DANG MI 'GROGS PA, MA RIG PA SOGS KYI BAG LA NYAL 'JOMS PA, DRAN PA DANG SHES BZHIN DANG LDAN PA, GOS LA SOGS PA YONGS SU SPYOD PA GTZANG BA RNAMS YOD PA'I PHYIR,

138b

GNYIS PA DE LA DRUG TU YOD DE, LUS LA SRIN BU'I RIGS BRGYAD KHRI MI 'BYUNG BA DANG, SEMS LA GYA GYU MED PA DANG, SBYANG BA'I YON TAN YANG DAG PAR LEN PA DANG, SER SNA LA SOGS PA'I SEMS MI BSKYED PA DANG, CHOS NYID DANG MI 'GAL BAR SHER PHYIN GYI RNAL 'BYOR DANG LDAN PAR RTOGS PA DANG, GZHAN DON DU DMYAL BA'I SDUG BSNGAL 'TSOL BA RNAMS SU YOD PA'I PHYIR, GSUM PA LA GNYIS YOD DE, GZHAN BDUD KYIS THEG DMAN GYI LAM DU DKRI BAR MI BTUB PA DANG, LAM LTAR STON PA'I BDUD LA BDUD DU RTOGS PA RNAMS SU YOD PA'I PHYIR, BZHI PA LA GCIG YOD DE, SGO GSUM GYI KUN TU SPYOD PA THAMS CAD LA SANGS RGYAS DGYES PA DE DE YIN PA'I PHYIR, KHO NA RE, BYANG SEMS SBYOR LAM PA DES PHYIR MI LDOG PA'I RTAGS THOB PAR THAL, SBYOR LAM PA PHYIR MI LDOG PA'I RTAGS YOD PA'I PHYIR NA MA KHYAB, DER THAL, MTSAN NYID 'THAD PA'I PHYIR ZER NA, 'O NA DROD LA GNAS PA'I SEMS DPA' DBANG RNON GYIS PHYIR MI LDOG PA'I RTAGS THOB PAR THAL, DE'I PHYIR MI LDOG PA'I RTAGS YOD PA'I PHYIR, ` GNYIS PA MTHONG LAM PA PHYIR MI LDOG PA'I RTAGS BSHAD PA LA, MTSAMS SBYOR BA DANG, DON BSHAD PA GNYIS LAS, DANG PO NI, SBYOR LAM PA PHYIR MI LDOG PA'I RTAGS KYI 'OG TU MTHONG LAM PA PHYIR MI LDOG PA'I RTAGS 'CHAD PA'I RGYU MTSAN DE, RGYUD LA SKYE RIMS KYI DBANG DU BYAS NAS DE LTAR BSTAN PA'I PHYIR, ZHES 'CHAD PA LA, NGES PAR 'BYED PA'I CHA DANG MTHUN

139a

, ,PA'I PHYIR MI LDOG PA'I MTSAN NYID KYI 'OG TU MTHONG BA'I LAM GYI PHYIR MI LDOG PA'I MTSAN NYID, CES GSUNGS, GNYIS PA LA RTAGS KYI GRANGS MDOR BSTAN PA DANG, NGO BO RGYAS PAR BSHAD PA GNYIS LAS, DANG PO LA GSUM LAS, DANG PO NI, MTHONG BA'I LAM LA BZOD PA DANG, ,ZHES SOGS BAR SKABS KYI TSIGS SU BCAD PA GCIG GSUNGS PA CHOS CAN, DGOS PA YOD DE, MTHONG LAM PA PHYIR MI LDOG PA'I RTAGS KYI MTSAN NYID GRANGS KYI SGO NAS MDOR BSTAN GYI TSUL DU BSHAD PAR BYA BA'I CHED YIN PA'I PHYIR, ZHES MTSAMS SBYOR BA LA, BAR SKABS KYI TSIGS SU BCAD PA GCIG GIS GSUNGS PA, ZHES GSUNGS, GNYIS PA NI MTHONG LAM PA PHYIR MI LDOG PA'I RTAGS BCU DRUG MDOR BSTAN GYI TSUL GYIS 'CHAD PA LA, MTHONG BA'I LAM LA BZOD PA DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, SDUG BSNGAL LA SOGS PA'I BDEN PA'I SGO NAS CHOS DANG RJES SU SHES PA'I BZOD PA DANG, SHES PA'I SKAD CIG MA BCU DRUG NI, BYANG CHUB SEMS DPA' MTHONG BA'I LAM LA GNAS PA RNAMS KYI PHYIR MI LDOG PA'I MTSAN NYID YIN NO, ,ZHES GSUNGS, DON NI, THEG CHEN GYI MTHONG LAM RJES THOB YE SHES THOB PA'I MTHONG LAM PA DBANG 'BRING CHOS CAN, BLA MED RDZOGS BYANG LAS PHYIR MI LDOG PA YIN TE, THEG CHEN GYI MTHONG LAM SHES BZOD SKAD CIG MA BCU DRUG GIS

139b

DRANGS PA'I RJES THOB LUS NGAG GI SPYOD PA KHYAD PAR CAN THOB PA'I SEMS DPA' YIN PA'I PHYIR, ` GNYIS PA LA GSUM LAS, DANG PO NI, GZUGS SOGS 'DU SHES LDOG PA DANG, ,ZHES SOGS BAR SKABS KYI TSIGS SU BCAD PA LNGA GSUNGS PA CHOS CAN, DGOS PA YOD DE, MTHONG LAM PA PHYIR MI LDOG PA'I RTAGS KYI RNAM PA'AM MTSAN NYID DE DAG JI LTA BU YIN ZHES DRI BA'I LAN DU RNAM PA BCU DRUG BSTAN PAR BYA BA'I CHED YIN PA'I PHYIR, ZHES MTSAMS SBYOR BA LA, SKAD CIG MA'I RNAM PA JI 'DRA BA ZHIG MTSAN NYID YIN ZHE NA, RNAM PA RNAMS BAR SKABS KYI TSIGS SU BCAD PA LNGAS GSUNGS PA NI, ZHES GSUNGS, GNYIS PA NI, MTHONG LAM PA PHYIR MI LDOG PA'I RTAGS BCU DRUG RGYAS PAR BSHAD PA LA, GZUGS SOGS 'DU SHES LDOG PA DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, RANG GI MTSAN NYID STONG PA NYID KYIS ZHES SOGS GSUNGS, 'DI LA YANG BDEN PA SO SO'I RNAM PA RGYAS PAR BSHAD PA DANG, DON BSDUS TE BSHAD PA'I RTAGS NGOS BZUNG BA'O, ,DANG PO LA, SDUG BDEN, KUN 'BYUNG BDEN PA, 'GOG BDEN, LAM BDEN GYI RNAM PA DANG BZHI LAS, DANG PO LA, SDUG BDEN GYI RNAM PA'I SHES BZOD SKAD CIG MA BZHI PO DE RIMS BZHIN STONG PA LA, MDO LAS, DE SKAD CES BKA' BSTZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS PHYIR MI LDOG PA'I BYANG CHEN CI LAS SLAR LDOG

140a

, ,BA'I SLAD DU PHYIR MI LDOG PA ZHES BGYI BA LAGS, BCOM LDAN 'DAS KYIS BKA' STZAL PA, RAB 'BYOR DE NI GZUGS KYI 'DU SHES LAS PHYIR LDOG GO ,ZHES SOGS DANG, RAB 'BYOR GZHAN YANG BYANG CHEN DE'I DRUNG DU BDUD SDIG CAN NYE BAR 'ONGS TE MOS PA BZLOG CING RNAM MKHYEN NI NAM MKHA' DANG MTSUNGS PA DNGOS PO NGO BO NYID RANG GI MTSAN NYID KYIS STONG PA'O, ,ZHES PA NAS, DE SEMS BRTAN PA DANG SEMS MI G-YO BA DANG SEMS MI 'PHROGS PA DANG LDAN PAS PHAR PHYIN DRUG LA SPYOD NA BYANG CHUB SEMS DPA'I SKYON MED PA LA 'JUG PAR 'GYUR RO, ,ZHES DANG, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SLAR MI LDOG PA'I BYANG CHEN LA PHYIR MI LDOG PA ZHES BGYI'AM, 'ON TE SLAR MI LDOG PA'I BYANG CHEN LA PHYIR MI LDOG PA ZHES BGYI, BCOM LDAN 'DAS KYIS BKA' STZAL PA, RAB 'BYOR PHYIR MI LDOG PA'I BYANG CHEN NI PHYIR MI LDOG PA ZHES BYA'O, ,BYANG CHEN GANG NYAN THOS KYI SA'AM RANG SANGS RGYAS KYI SA LAS PHYIR MI LDOG PA DE NI RAB 'BYOR PHYIR MI LDOG PA'I BYANG CHUB SEMS DPA' YIN TE, ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN 'DOD PA NAS BSAM GTAN DANG PO LA SNYOMS PAR 'JUG GO ,BSAM GTAN BZHI PA'I BAR LA SNYOMS PAR 'JUG GO ,'GOG PA'I BAR LA SNYOMS PAR 'JUG GO ,ZHES PA NAS, BSAM GTAN GYI 'BRAS BU YONGS SU MI 'DZIN TO, ,

140b

'GOG PA'I BAR GYI SNYOMS PAR 'JUG PA'I 'BRAS BU YONGS SU MI 'DZIN TO, ,ZHES SOGS GSUNGS, DE'I DON BSHAD PA LA, GZUGS SOGS 'DU SHES LDOG PA DANG, ,SEMS BRTAN THEG PA DMAN DAG LAS, ,RNAM LOG BSAM GTAN LA SOGS PA'I, ,YAN LAG YONGS SU ZAD PA DANG, ,ZHES DANG, RANG GI MTSAN NYID STONG PA NYID KYIS GZUGS LA SOGS PA'I CHOS SU RTOG PA LAS LDOG PA DANG, SANGS RGYAS LA SOGS PA'I BYIN GYIS BRLABS PAS BLA NA MED PA'I BYANG CHUB KYI SEMS BRTAN PA NYID DANG, THEG PA CHEN PO'I CHOS KHYAD PAR CAN BSGRUBS PAS NYAN THOS DANG RANG SANGS RGYAS KYI THEG PA LAS SEMS RNAM PAR LOG PA DANG, CHOS RAB TU RNAM PAR 'BYED PA'I MTHUS BSAM GTAN DANG GZUGS MED PA'I SNYOMS PAR 'JUG PA LA SOGS PAR SKYE BA'I YAN LAG YANG DAG PAR YONGS SU ZAD PA ZHES BYA BA BZHI NI SDUG BSNGAL GYI RNAM PA YIN NO, ,ZHES GSUNGS, GNYIS PA LA, KUN 'BYUNG BDEN PA'I SHES BZOD BZHI'I RNAM PA STON PA LA, RAB 'BYOR GZHAN YANG PHYIR MI LDOG PA'I BYANG CHEN NI BYANG CHUB YID LA BYED PA DANG LDAN, DE BYANG CHUB KYI SEMS DANG MI BRAL ZHING GZUGS LHUR LEN PA MA YIN NO, ,ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN NI KHYIM GYI NANG NA GNAS KYANG THABS MKHAS PAS SEMS CAN RNAMS YONGS SU SMIN PAR BYA BA'I PHYIR 'DOD PA'I YON TAN LNGA LA GNAS NAS SEMS CAN RNAMS LA SBYIN PA YONGS SU GTONG STE, ZHES SOGS DANG,

141a

, ,RAB 'BYOR GZHAN YANG PHYIR MI LDOG PA'I BYANG CHEN NI KHYIM GYI NANG NA GNAS KYANG 'DZAM BU'I GLING RIN PO CHE SNA BDUN GYIS YONGS SU BKANG BAR BYAS TE SBYIN PA YONGS SU GTONG NGO, ,ZHES SOGS DANG, DE'I SEMS BYANG CHUB YID LA BYED PA NAS BLA MED RDZOGS BYANG GI BAR DU RNAM PAR G-YENG BAR MI BYED DE, ZHES SOGS GSUNGS, DE'I DON BSHAD PA LA, LUS SEMS YANG BA NYID DANG NI, ,'DOD LA SPYOD LA THABS MKHAS DANG, , RTAG TU TSANGS PAR SPYOD NYID DANG, ,'TSO BA RNAM PAR DAG NYID DANG, ,ZHES DANG, MI DGE BA DANG BRAL BA NYID KYIS LUS DANG SEMS YANG BA DANG, SEMS CAN GDUL BA'I THABS MKHAS PA'I MTHUS MNGON PAR ZHEN PA MED PAR 'DOD PA LA NYE BAR SPYOD PA DANG, YUL GYI NYES DMIGS MTHONG BAS RTAG TU TSANGS PAR SPYOD PA NYID DANG, SKYES BU DAM PA'I CHOS NYID KYIS 'TSO BA'I YO BYAD YANG DAG PAR RNAM PAR DAG PA NYID CES BYA BA BZHI NI KUN 'BYUNG BA'I RNAM PA YIN NO, ,ZHES GSUNGS, GSUM PA LA, 'GOG BDEN GYI RNAM PA'I SHES BZOD BZHI STON PA LA, RAB 'BYOR GZHAN YANG PHYIR MI LDOG PA'I BYANG CHEN NI PHYIR MI LDOG PAR RIG PAR BYA BA'I RNAM PA DE DAG DANG, RTAGS DE DAG DANG, MTSAN MA DE DAG BSTAN GYI SHIN TU LEGS PAR NYON LA YID LA ZUNGS SHIG DANG NGAS BSHAD DO, ,BCOM LDAN 'DAS DE LTAR BGYI'O, ,ZHES GSOL NAS TSE DANG LDAN PA RAB 'BYOR BCOM LDAN

141b

'DAS KYI SLAD NYAN TO, ,BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' BSTZAL TO, ,RAB 'BYOR 'DI LA BYANG TSE BYANG CHUB YID LA BYED PA DANG MI 'BRAL BA YIN TE, ZHES PA NAS PHUNG PO'I SBYOR BA DANG RJES SU SBYOR BAR MI GNAS KHAMS DANG SKYE MCHED DANG RTEN CING 'BREL PAR 'BYUNG BA'I YAN LAG GI SBYOR BA DANG RJES SU SBYOR BAR MI GNAS TE, DE CI'I PHYIR ZHE NA, DE NI 'DI LTAR STONG PA NYID LA GNAS NAS CHOS GANG YANG DAM PA'AM MCHOG TU YANG DAG PAR RJES SU MA MTHONG BA'I PHYIR, ZHES DANG, RKUN PO'I GTAM GYI SBYOR BA DANG RJES SU SBYOR BAR MI GNAS TE, DE CI'I PHYIR ZHE NA, DE NI 'DI LTAR BYANG CHEN RANG BZHIN GYIS STONG PA'I CHOS RNAMS LA GANG YANG 'PHROG PA'AM MI 'PHROG PA YANG DAG PAR RJES SU MI MTHONG BA'I PHYIR RO, ,ZHES DANG, DMAG GI GTAM GYI SBYOR BA DANG RJES SU SBYOR BAR MI GNAS TE, DE CI'I PHYIR ZHE NA, DE NI 'DI LTAR TE RANG BZHIN STONG PA NYID LA GNAS PAS CHOS GANG YANG NYUNG NGU'AM MANG POR YANG DAG PAR RJES SU MI MTHONG BA'I PHYIR RO, ,ZHES DANG, G-YUL GYI GTAM GYI SBYOR BA DANG RJES SU SBYOR BAR MI GNAS TE, DE CI'I PHYIR ZHE NA, DE NI 'DI LTAR CHOS NYID LA GNAS PAS CHOS GANG YANG RJES SU CHAGS PA'AM KHONG KHRO BAR YANG DAG PAR RJES SU MI MTHONG BA'I PHYIR RO, ,ZHES SOGS GSUNGS, DE'I DON BSHAD PA LA, PHUNG SOGS BAR CHAD BYED RNAMS DANG, ,TSOGS DANG DBANG SOGS BCAS PA YI, ,G-YUL 'GYED, SBYOR DANG RJES SU SBYOR BA YI, ,GNAS PA SO

142a

, ,SOR BKAG PA DANG, ,ZHES DANG, STONG PA NYID LA GNAS PA NYID KYIS PHUNG PO DANG SKYE MCHED DANG KHAMS RNAMS LA SBYOR BA DANG RJES SU SBYOR BA DAG TU MI BYA'O ZHES DE LTAR SBYOR BA DANG RJES SU SBYOR BA'I GNAS PA SO SOR BKAG PA DANG, MI MTHUN PA'I PHYOGS BSAL BA NYID KYIS RTOGS PA'I BAR CHAD BYED PA'I CHOS RNAMS LA SNGA MA BZHIN DU SBYOR BA DANG RJES SU SBYOR BA'I GNAS PA SO SOR BKAG PA DANG, RNAM PAR RTOG PA'I SKYON YONGS SU SHES PA NYID KYIS BYANG CHUB KYI TSOGS SBYIN PA LA SOGS PA LA SNGA MA BZHIN DU SBYOR BA DANG RJES SU SBYOR BA'I GTAM LA GNAS PA SO SOR BKAG PA DANG, GZUNG BA 'DZIN PA DAG SPANG BAR BYA BA NYID KYIS DBANG PO DANG RTEN GRONG KHYER LA SOGS PA'I G-YUL 'GYED PA LA SNGA MA BZHIN DU SBYOR BA DANG RJES SU SBYOR BA'I GNAS PA RJES SU BKAG PA ZHES BYA BA BZHI NI 'GOG PA'I RNAM PA YIN NO, ,ZHES GSUNGS, BZHI PA LA LAM BDEN GYI RTOGS PA'I YUL CAN GYI RNAM PA BZHI STON PA LA, DE SBYIN PA'I PHAR PHYIN LA SPYOD CING SER SNA'I GTAM GYI SBYOR BA DANG RJES SU SBYOR BA LA MI GNAS SO, ,ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN SHER PHYIN LA SPYOD PA NA NANG STONG PA NYID LA GNAS PA DANG, DNGOS PO MED PA'I NGO BO NYID STONG PA NYID KYI BAR LA GNAS PA DANG, ZHES SOGS DANG, RAB 'BYOR GZHAN YANG CHOS THAMS CAD RANG GI MTSAN NYID KYIS STONG PA LA CHOS GANG YANG SKYE BA'AM 'GAG PA'AM KUN NAS NYON MONGS BA'AM RNAM PAR BYANG BAR

142b

YANG DAG PAR RJES SU MI MTHONG BA'I BYANG CHEN DE NI, ZHES SOGS DANG, RAB 'BYOR GAL TE BDUD SDIG TO CAN BDUD KYIS BYIN GYIS BRLABS PA'I SKYES BU ZHIG BYANG CHEN GYI DRUNG DU SANGS RGYAS KYI CHA BYAD DU NYE BAR 'ONGS NAS 'DI SKAD DU RIGS KYI BU KHYOD NYAN THOS NYID DU LUNG BSTAN GYI, ZHES PA NAS, DRIS KYANG LAN ZAD PAR MI 'GYUR BA'I SO SOR YANG DAG PAR RIG PA MNGON PAR BSGRUB BO, ,ZHES SOGS GSUNGS, DE'I DON BSHAD PA LA, SER SNA LA SOGS LA, ,SBYOR DANG RJES SU SBYOR BA DANG, ,GNAS PA SO SOR BKAG PA DANG, ,CHOS NI RDUL TZAM MI DMIGS NYID, ,RANG GI SA LA NGES PA NYID, ,SA GSUM LA NI GNAS PA DANG, ,CHOS KYI DON DU SROG GTONG BA, ,ZHES DANG, SBYIN PA LA SOGS PA'I KHYAD PAR RTOGS PAS SER SNA DANG 'CHAL BA'I TSUL KHRIMS LA SOGS PA LA SBYOR BA DANG RJES SU SBYOR BA'I GNAS PA SO SOR BKAG PA DANG, CHOS THAMS CAD RNAM PAR THAR PA'I SGO GSUM GYI NGO BO YIN PAS RTOGS PA'I CHOS RDUL TZAM YANG MI DMIGS PA DANG, MNGON PAR YID CHES PA THOB PAS THAMS CAD MKHYEN PA NYID GSUM GYI BDAG NYID KYI RANG GI SA GSUM LA JI LTA BA BZHIN DU NGES PA NYID KYIS GNAS PA DANG, GCIG TU GZHOL BA NYID KYIS RNAM PA THAMS CAD MKHYEN PA NYID LA SOGS PA'I CHOS KYI DON DU SROG GTONG BA ZHES BYA BA BZHI NI LAM GYI RNAM PA YIN TE, ZHES GSUNGS, GNYIS PA DON BSDUS TE BSHAD PA'I RTAGS NGOS BZUNG BA LA, DE 'DRA'I SKAD CIG BCU DRUG NI, ,BLO LDAN MTHONG

143a

, ,BA'I LAM GNAS KYI, ,PHYIR MI LDOG PA'I RTAGS DAG YIN, ,ZHES DANG, DE LTAR NA BZOD PA DANG SHES PA'I SKAD CIG MA RNAM PA BCU DRUG GIS BSDUS PA 'DI RNAMS YANG DAG PAR THOB PA NA, DAG PA 'JIG RTEN PA GZUNG BA DANG 'DZIN PAR MNGON PAR ZHEN PA'I RNAM PA CAN RJES KYIS SEMS KYI BSDUS PAS RANG DANG MTHUN PA'I 'BRAS BU GZUGS LA SOGS PA'I 'DU SHES PA LDOG PA LA SOGS PA BSKYED PA'I PHYIR, BYANG CHUB SEMS DPA' MTHONG BA'I LAM LA GNAS PA'I PHYIR MI LDOG PA'I MTSAN NYID DAG YIN NO, ,RNAL 'BYOR PA RNAMS KYI THA SNYAD NI SEMS CAN GDUL BA'I DGOS PA'I DBANG MA GTOGS PAR THAMS CAD DU RTOGS PA DANG MTHUN PA KHO NA YIN NO ZHES SHES PAR BYA BA'I PHYIR NYE BAR BRTAGS NAS BSHAD DE, DE LTA MA YIN NA RNAL 'BYOR PA'I RGYUD LA SO SOR RANG GIS RIG PA'I SKAD CIG MA RNAMS JI LTAR GZHAN YID CHES PAR BYED PA'I MTSAN NYID DAG YIN, ZHES GSUNGS, GZHUNG DON NI, MTHONG LAM PA PHYIR MI LDOG PA'I RTAGS DE LA BCU DRUG TU YOD DE, DE LA MTHONG LAM MNYAM GZHAG SHES BZOD SKAD CIG MA BCU DRUG GIS DRANGS PA'I, GZUGS SOGS KYI CHOS LA MTSAN MAR ZHEN PA'I SGO NAS DE DAG TU 'DU SHES PA LDOG PA SOGS RJES THOB LUS NGAG GI SPYOD PA KHYAD PAR CAN BCU DRUG TU YOD PA'I PHYIR, RJES THOB LUS NGAG GI SPYOD PA KHYAD PAR CAN BCU DRUG PO DE LA MNYAM GZHAG SHES BZOD KYI MING GIS BTAGS NAS STON PA'I RGYU

143b

MTSAN YOD DE, DE RNAMS MNYAM GZHAG SHES BZOD DE DANG DE'I 'BRAS BU YIN PAS DE LTAR BSTAN PA'I PHYIR, BTAGS PA'I DGOS PA YOD DE, 'PHAGS PA RNAMS KYI RJES THOB LUS NGAG GI THA SNYAD RNAMS NI RNAM PA THAMS CAD DU MNYAM GZHAG GI RTOGS PA DANG MTHUN PA KHO NA YIN NO, ,ZHES SHES PAR BYA BA'I CHED YIN PA'I PHYIR, 'O NA DE GNYIS RNAM PA THAMS CAD DU MTHUN PAR NGES SAM ZHE NA, DE MA NGES TE, CHAGS SDANG CAN GYI SEMS CAN 'GA' ZHIG GDUL BA'I DGOS PA'I DBANG GIS MI MTHUN PAR STON PA YOD PA'I PHYIR, DPUNG BZANG GIS ZHUS PA LAS, RANG GI RANG BZHIN CHAGS DANG SDANG BRAL YANG, ,CHAGS SEMS CAN LA CHAGS PA LTAR STON DANG, ,GDUG PA GDUL PHYIR KHRO LA KHROR STON PA, ,BYANG CHUB MCHOG GNAS DE LA PHYAG 'TSAL LO, ,ZHES GSUNGS PA LTAR YIN PA'I PHYIR, DNGOS LA GNOD BYED YOD DE, MTHONG LAM MNYAM GZHAG BCU DRUG PO DE GANG ZAG GZHAN NGOR BYANG SEMS MTHONG LAM BA BLA MED RDZOGS BYANG LAS PHYIR MI LDOG PAR YID CHES PA'I SGRUB BYED DU MI RIGS PA'I PHYIR TE, RNAL 'BYOR PA 'PHAGS PA'I RGYUD KYI MNYAM GZHAG SHES BZOD SKAD CIG MA RNAMS RNAL 'BYOR PA SO SO RANG GIS RIG GI , GDUL BYA GZHAN GYIS MI RIG PA'I PHYIR, MTHA' DPYAD PA LA, PHYIR MI LDOG PA'I RTAGS DNGOS DANG, DBANG PO'I RNAM GZHAG BYE BRAG TU BSHAD PA'O, ,DANG PO NI, RANG GANG LA LDAN PA'I BYANG SEMS MTHONG LAM PA DBANG 'BRING BLA MED RDZOGS

144a

, ,BYANG LAS PHYIR MI LDOG PAR YID CHES PA'I SGRUB BYED RNAM DAG ,MTHONG LAM PA PHYIR MI LDOG PA'I RTAGS KYI NGO BO YIN, DE LA DBYE NA BCU DRUG TU YOD DE, SDUG BSNGAL GYI BDEN PA RTOGS PA'I YUL CAN GYI RNAM PA BZHI, KUN 'BYUNG BDEN PA'I DE BZHI, 'GOG BDEN GYI DE BZHI, LAM BDEN GYI DE BZHI RNAMS SU YOD PA'I PHYIR, DANG PO LA BZHI YOD DE, CHOS THAMS CAD LA BDEN PAR ZHEN PA'I SGO NAS GZUGS NAS SANGS RGYAS KYI BAR GYI CHOS SU BTAGS PA SA BON DANG BCAS PA LAS LDOG PA'I SDUG BSNGAL CHOS BZOD DANG, SANGS RGYAS BYANG SEMS KYI BYIN RLABS KYIS BYANG CHUB MA THOB BAR DU BDUD KYIS SEMS BSKYED LAS DBYE BAR MI NUS PAR BLA MED BYANG CHUB KYI SEMS BRTAN PA'I CHOS SHES DANG, THEG CHEN GYI CHOS KHYAD PAR CAN SEMS BSKYED DANG SHES RAB SOGS BSGRUBS PAS NYAN RANG GI THEG PA 'DOD PA LAS SEMS LOG CING RNAM MKHYEN YID BYED DANG MI MTHUN PA'I RJES BZOD DANG, GZUGS SOGS KYI CHOS THAMS CAD BDEN PA'I SKYE BA MED PAR MI RTOG YE SHES KYIS RAB TU RNAM PAR 'BYED PA'I MTHUS 'JIG RTEN PA'I BSAM GZUGS DANG 'GOG SNYOMS LA 'JUG KYANG DE DAG GI DBANG GIS MI SKYE BAR SEMS CAN 'DUL BA DANG MTHUN PAR SKYE BA 'DZIN NUS PA'I RJES THOB BZHIS DRANGS PA'I RJES THOB LUS NGAG GI THA SNYAD KHYAD PAR CAN BZIR YOD PA'I PHYIR, GNYIS PA LA BZHI YOD DE, MTHONG CHOS RTOG PA DANG BRAL BA NYID KYIS LUS SEMS LAS SU MI RUNG

144b

BA'I LCI BA DANG BRAL BAS LUS SEMS YANG BA'I KUN 'BYUNG CHOS BZOD DANG, KHYIM NA GNAS PA SOGS SEMS CAN 'DUL BA'I THABS LA MKHAS PA'I MTHUS MNGON ZHEN MED PAR KHYIM GYI 'DOD YON LA NYE BAR SPYOD PA'I CHOS SHES DANG, KHYIM GYI YUL LA CHAGS PA'I NYES DMIGS MTHONG BA RANG GZHAN DON DU KHYIM NA MI GNAS PAR TSE RABS THAMS CAD DU RTAG TU TSANGS PAR SPYOD PA'I RJES BZOD DANG, SEMS MI G-YENG BA DANG DBANG 'TSANG BA THOB PAR SBYANG CHUB KYI SEMS MI BRJED PA LA DBANG THOB PA'I SKYES BU DAM PA'I CHOS NYID DAM NGANG TSUL GYIS 'TSO BA YONGS SU DAG PA STE BUD MED DBANG DU SDUD PA SOGS RJES SHES BZHIN DRANGS PA'I DE BZHIN YOD PA'I PHYIR, GSUM PA LA BZHI YOD DE; PHUNG KHAMS SKYE MCHED DANG RTEN 'BREL LA DNGOS POR ZHEN PA'I SBYOR BA DANG RGYUN DU ZHEN PA'I RJES SU SBYOR BA'I GNAS PA PHUNG SOGS LA SO SOR BKAG STE STONG NYID RTOGS PA LA GNAS NAS CHOS GANG LA YANG DMAN MCHOG TU YANG DAG PAR LTA BA MED PA'I 'GOG PA CHOS BZOD DANG, MTHONG LAM GYI RTOGS PA'I BAR CHAD BYED PA'I CHOS DGE BA 'PHROG PAS RKUN PO LTA BU RNAMS KYI GTAM LA DGE PHYOGS 'PHROG MI 'GROG TU NGO BOR ZHEN PA SOGS SNGAR BZHIN SO SOR BKAG PA STE, RANG BZHIN GYIS STONG PAS 'PHROG GAM MI 'PHROG TU MA GRUB PAR RTOGS PA'I 'GOG PA CHOS SHES DANG, BYANG CHUB KYI RGYU'I TSOGS DMAG LTA BU'I GTAM LA MANG NYUNG DU DNGOS POR ZHEN PA SOGS BKAG PA'I 'GOG

145a

, ,PA RJES BZOD DANG, GNOD BYED GNYEN PO DANG GNOD BYA SPANG BYA GNYIS SU G-YUL 'GYED PA LA CHAGS SDANG NGAM BLANG DOR DU DNGOS POR ZHEN PA SOGS SNGAR BZHIN SO SOR BKAG PA'I 'GOG PA RJES SHES KYIS DRANGS PA'I DE BZHIR YOD PA'I PHYIR, BZHI PA LA BZHI YOD DE, SBYIN SOGS KYI KHYAD PAR 'KHOR GSUM DANG BRAL BAR RTOGS PAS SER SNA SOGS LA SPANG BYAR DNGOS POR ZHEN PA SOGS SNGAR BZHIN SO SOR BKAG PA'I CHOS BZOD DANG, CHOS THAMS CAD BDEN PAS STONG ZHING SKYE 'GAG DANG KUN BYANG DU GRUB PA'I TSUL GYIS RNAM PAR THAR PA'I SGO GSUM GYI NGO BO NYID YIN PAR MTHONG BAS, RTOGS PA'I CHOS BYANG CHUB PHYIR LDOG MI LDOG GI CHOS CHEN PO LTA ZHOG RDUL TZAM YANG MI DMIGS PAR RTOGS PA'I CHOS SHES DANG, RANG GI SA LA MNGON PAR YID CHES PA THOB PAS GZHI LAM RNAM GSUM BDEN PA'I SKYE MCHED DU RTOGS PA'I MKHYEN GSUM GYI BDAG NYID KYI RIG PA GSUM LA MTHA' GCIG TU NGES PA NYID KYIS GNAS PA'I RJES BZOD DANG, MTHA' GCIG TU THEG CHEN LA GZHOL ZHING PHUL DU BYANG BA'I SEMS BSKYED BRTAN PA NYID KYIS RNAM MKHYEN LA SOGS PA STON PA'I CHOS KYI DON GYI LUS KYI PHYOGS GCIG DANG MTHA' DAG GTONG PA DANG BDAG DANG SROG GTONG BA'I RJES SHES BZHIS DRANGS PA'I RJES THOB LUS NGAG GI SPYOD PA KHYAD PAR CAN BZHI YOD PA'I PHYIR, RONG t'IKA PA NA RE, BYANG SEMS KYI MTHONG LAM SHES BZOD SKAD CIG MA BCU DRUG PO DE BYANG SEMS

145b

MTHONG LAM PA DBANG 'BRING PHYIR MI LDOG PA'I DGE 'DUN DU SGRUB PA'I RANG DON SKABS KYI RTAGS YANG DAG DANG, RJES THOB LUS NGAG GI SPYOD PA KHYAD PAR CAN BCU DRUG PO DE DE SGRUB KYI GZHAN DON SKABS KYI RTAGS YANG DAG YIN TE, BYANG SEMS MTHONG LAM PA DBANG 'BRING RDZOGS BYANG LAS PHYIR MI LDOG PAR SGRUB PA'I RTAGS CHOS KYI 'BREL BA DE BYANG SEMS RANG RGYUD KYI STENG DU NGES DGOS PA'I PHYIR, ZHES GSUNGS, DE LTAR YANG, RONG t'IKA PAS, RTAGS KYI NGO BO NI MNYAM GZHAG DANG RJES THOB GNYIS LAS, PHYIR MI LDOG PAR YID CHES PA'I RGYU MTSAN 'DI GNYIS KHO NAR ZAD PA'I PHYIR MNYAM GZHAG NI RTAG TU MI BZUNG STE, JI LTAR GZHAN YID CHES PAR BYED PA YIN PA'I PHYIR ZHES 'BYUNG BAS SO, ,ZHE NA; DE NI GZHAN NGOR MNYAM GZHAG KHO NA RTAGS SU MI 'GYUR BAR STON PA YIN GYI THAMS CAD RTAGS SU MI 'GOD PA MA YIN TE, RANG NGOR GDON MI ZA BAR RTAGS SU 'GYUR BA'I PHYIR, ZHES DANG, YANG RANG DON DANG GZHAN DON GNYIS KA YANG RTAGS SU 'GYUR, ZHES DANG, GNYIS KA LA KHYAB PA RANG RGYUD LA GTAN LA PHAB PA DAG STE, ZHES GSUNGS, 'O NA, MNYAM GZHAG SHES BZOD SKAD CIG MA BCU DRUG GIS DRANGS NAS SKYES PA'I RJES THOB LUS NGAG GI SPYOD PA KHYAD PAR CAN CHOS CAN, KHYOD KYI RTAGS KYIS BYANG SEMS MTHONG LAM PA DBANG 'BRING RDZOGS BYANG LAS PHYIR MI LDOG PAR SGRUB PA'I RTAGS CHOS KYI 'BREL BA DE BYANG SEMS MTHONG LAM PA RANG RGYUD KYI STENG DU TSAD MAS NGES PAR THAL, KHYOD DE SGRUB KYI

146a

, ,RTAGS YANG DAG YIN PA'I PHYIR TE, DE SGRUB KYI GZHAN DON SKABS KYI RTAGS YANG DAG YIN PA'I PHYIR, RTAGS KHYAB GRUB STE, RONG t'IKA PAS, MNYAM RJES GNYIS KA LAS GZHAN LA RTAGS SU GZUNG BYA NI RJES THOB YIN PAS SHES BZOD KYI MING GIS NYE BAR BTAGS NAS RJES THOB YANG BZHED DE, ZHES GSUNGS PA'I PHYIR, 'DOD NA, KHYOD BYANG SEMS MTHONG LAM PA'I RGYUD LA YOD PAR THAL LO, ,'DOD NA, DE'I RGYUD LA RJES THOB YE SHES YOD PAR THAL LO, ,'DOD NA, DE'I RGYUD KYI RJES THOB YE SHES DE BYANG SEMS MTHONG LAM DU THAL, 'DOD PA'I PHYIR, 'DOD NA, DE CHOS CAN, MTHONG LAM MNYAM GZHAG YE SHES SU THAL, THEG CHEN GYI MTHONG LAM YIN PA'I PHYIR, KHYAB PA GRUB MTHA' LA SONG, GZHAN YANG, BYANG SEMS MTHONG LAM PA DBANG 'BRING CHOS CAN, KHYOD BYANG SEMS MTHONG LAM PA DBANG 'BRING RDZOGS BYANG LAS PHYIR MI LDOG THE TSOM ZA BA'I GANG ZAG TU THAL, THEG CHEN GYI MTHONG LAM SHES BZOD SKAD CIG MA BCU DRUG PO DE KHYOD KYI NGOR DE SGRUB KYI RANG DON SKABS KYI RTAGS YANG DAG YIN PA'I PHYIR, RTAGS KHAS, 'DOD NA, DE'I RGYUD LA DE 'DRA'I THE TSOM MNGON GYUR DU YOD PAR THAL, 'DOD PA'I PHYIR, 'DOD NA, MNYAM GZHAG LA GNAS PA'I BYANG CHUB SEMS DPA'I RGYUD LA DE MNGON GYUR DU YOD PAR THAL, 'DOD PA GANG ZHIG ,MTHONG LAM PA YIN NA MNYAM GZHAG PA YIN DGOS PA'I PHYIR, RTAGS GRUB MTHA' LA SONG, ` GNYIS

146b

PA LA; DBANG SOGS BCAS PA YI, ,G-YUL 'GYED, SBYOR DANG RJES SU SBYOR BA YI, ,GNAS PA SO SOR BKAG PA DANG, ,ZHES BSHAD NA, DBANG PO JI LTA BU ZHE NA, 'DI LA DGAG BYA DBANG PO'I NGO BO, KHAMS GANG DU 'GOG TSUL DANG GNYIS LAS, DANG PO LA DBANG PO, DBANG RTEN, DBANG YUL, BDAG TU 'DZIN PA DANG BZHI LAS, DANG PO LA DBYE BA, SO SO'I NGO BO, BSDU BA, SGRA BSHAD PA, GRANGS NGES PA'I RGYU MTSAN, DBANG PO'I THOB GTONG, DBANG PO LDAN TSUL, THA MA GSUM GYIS MTSAMS BSHAD PA DANG BRGYAD LAS, DANG PO NI, DBANG PO LA DBYE NA NYER GNYIS SU YOD DE, KUN NAS NYON MONGS PHYOGS KYI DBANG PO BCU BZHI, RNAM BYANG PHYOGS KYI DBANG PO BRGYAD YOD PA'I PHYIR, DANG PO GRUB STE, MIG SOGS DBANG PO DRUG ,PHO MO'I DBANG PO GNYIS, SROG GI DBANG PO, TSOR BA BDE BA DANG YID BDE BA GNYIS, SDUG BSNGAL DANG YID MI BDE GNYIS, BTANG SNYOMS KYI DBANG PO RNAMS SU YOD PA'I PHYIR, GNYIS PA GRUB STE, DAD PA, BRTZON 'GRUS, DRAN PA; TING NGE 'DZIN, SHES RAB KYI DBANG PO, MI SHES PA KUN SHES PAR BYED PA'I DBANG PO, KUN SHES KYI DBANG PO, KUN SHES LDAN PA'I DBANG PO RNAMS SU YOD PA'I PHYIR, DBANG PO THAM GSUM PO 'DI MI 'GAL TE, MI SHES PA KUN SHES PAR BYED PA'I DBANG PO DANG, KUN SHES LDAN PA'I DBANG PO YANG MI 'GAL, KUN SHES LDAN PA'I DBANG PO DANG KUN SHES KYI DBANG PO YANG MI 'GAL BA'I PHYIR, DANG PO GRUB STE, MTHONG LAM DANG MI SLOB LAM MI 'GAL BA'I PHYIR, GNYIS

147a

, ,PA GRUB STE, SGOM LAM DANG MI SLOB LAM MI 'GAL BA'I PHYIR, KHO NA RE, 'PHAGS RGYUD KYI MKHYEN PA YIN NA ZAG MED KYI DBANG PO GSUM PO GANG RUNG YIN DGOS PAR THAL, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI TSOGS LAM DE KUN SHES LDAN PA'I DBANG PO YIN PA'I PHYIR NA MA KHYAB, 'DOD NA, THEG DMAN MTHONG LAM BA TZAM GYI RTOGS PA SNGON DU SONG BA'I THEG CHEN GYI TSOGS LAM CHOS CAN, DER THAL, DE'I PHYIR, 'DOD MI NUS TE, MI SHES PA KUN SHES PAR BYED PA'I DBANG POS KYANG MA BSDUS, KUN SHES KYI DBANG POS KYANG MA BSDUS, KUN SHES LDAN PA'I DBANG POS KYANG MA BSDUS PA'I PHYIR, DANG PO GRUB STE, MTHONG LAM MA YIN PA'I PHYIR, GNYIS PA GRUB STE; SGOM LAM MA YIN PA'I PHYIR, GSUM PA GRUB STE, MI SLOB LAM MA YIN PA'I PHYIR, KHO NA RE, ZAG MED KYI DBANG PO GSUM 'GAL BAR THAL, DE GSUM THA DAD GANG ZHIG ,DE GSUM GYI GZHI MTHUN MED PA'I PHYIR, GNYIS PA DER THAL, MI SHES PA KUN SHES PA'I DBANG PO DANG, KUN SHES KYI DBANG PO'I GZHI MTHUN MED PA'I PHYIR, MTHONG LAM DANG SGOM LAM GYI GZHI MTHUN MED PA'I PHYIR, ZHES ZER, KHA CIG ,BYANG SEMS KYI SBYOR LAM YIN NA MI SHES PA KUN SHES PA'I DBANG PO YIN PAS KHYAB STE, DE LTAR KUN BTUS DANG, GTAN LA DBAB PA BSDU BA LAS GSUNGS PA'I PHYIR NA MA KHYAB STE, ZAG MED KYI DBANG PO YIN NA SO SKYE'I SHES PA MA YIN DGOS PA'I PHYIR, KHA CIG ,LAM RJES SHES DE KUN SHES KYI DBANG PO

147b

YIN TE, DE LTAR MDZOD 'GREL LAS GSUNGS PA'I PHYIR ZER BA MI 'THAD DE, KUN SHES KYI DBANG PO YIN NA SGOM LAM YIN DGOS PA'I PHYIR, DES NA, SHES RAB YIN NA SHES RAB KYI DBANG PO YIN PAS MA KHYAB STE, 'JIG LTA SHES RAB YIN PA'I PHYIR TE, DE SHES RAB NYON MONGS CAN YIN PA'I PHYIR, TING NGE 'DZIN YIN NA TING NGE 'DZIN GYI DBANG PO YIN PAS MA KHYAB STE, BSAM GTAN DANG PO'I DNGOS GZHI SNYOMS 'JUG NYON MONGS CAN DU GYUR PA'I TING NGE 'DZIN DE MA YIN PA'I PHYIR TE; DE DGE BA MA YIN PA'I PHYIR, DE BZHIN DU DRAN PA YIN NA DRAN PA'I DBANG PO YIN PAS MA KHYAB STE, DRAN PA NYON MONGS CAN YOD PA'I PHYIR, KHO NA RE, SHES RAB YIN NA SHES RAB KYI DBANG PO YIN DGOS PAR THAL, DAD PA YIN NA DAD PA'I DBANG PO YIN PAS KHYAB, BRTZON 'GRUS YIN NA YANG BRTZON 'GRUS KYI DBANG PO YIN PAS KHYAB PA'I PHYIR NA MA KHYAB, GNYIS PA NI, KHA CIG ,LUS SHES 'KHOR GYI TSOR BA BDE BA GANG ZHIG ,SIM PAR NYAMS SU MYONG BA, BDE BA'I DBANG PO'I MTSAN NYID ZER BA MI 'THAD DE, MIG SHES 'KHOR GYI TSOR BA BDE BA DE BDE BA'I DBANG PO YIN PA'I PHYIR, DE BDE BA YIN PA'I PHYIR, CHOS CAN DE'I PHYIR, KHO NA RE, DE CHOS CAN, LUS SHES 'KHOR GYI TSOR BA YIN PAR THAL, LUS TSOR YIN PA'I PHYIR ZER NA MA KHYAB, KHO NA RE, DE CHOS CAN, RANG GI RTEN DU GYUR PA'I LUS DBANG LA BRTEN NAS BYUNG BAR THAL, LUS TSOR YIN PA'I PHYIR NA MA KHYAB, KHA CIG ,LUS SHES 'KHOR GYI TSOR BA GANG ZHING, ,GDUNG BAR NYAMS SU MYONG BA, TSOR

148a

, ,BA SDUG BSNGAL GYI MTSAN NYID, RANG DANG MTSUNGS LDAN GYI DBANG SHES 'KHOR DU BYUNG BA'I TSOR BA GANG ZHIG ,SIM PAR NYAMS SU MYONG BA, BDE BA'I DBANG PO'I MTSAN NYID, DE GANG ZHIG ,GDUNG BAR NYAMS SU MYONG BA, SDUG BSNGAL GYI DBANG PO'I MTSAN NYID ZER NA, BSAM GTAN GSUM PA'I SAS BSDUS KYI SEMS TSOR BDE BA CHOS CAN, MTSAN NYID GNYIS PA DER THAL, MTSON BYA DE'I PHYIR, RTAGS GRUB STE, BSAM GTAN GSUM PA'I SEMS TSOR BDE BA YOD PA'I PHYIR, SEMS KYI DE NI BDE DBANG PO, ,ZHES GSUNGS PA'I PHYIR, 'DOD NA, LUS TSOR YIN PAR THAL LO, ,'DOD MI NUS TE, SEMS TSOR YIN PA'I PHYIR TE, CHOS CAN DE'I PHYIR, KHA CIG ,LUS TSOR GANG ZHIG ;SIM PAR MYONG BA BDE BA'I DBANG PO'I MTSAN NYID, DE GANG ZHIG ,GDUNG BAR NYAMS SU MYONG BA SDUG BSNGAL GYI DBANG PO'I MTSAN NYID ZER NA, DANG PO SNGA MA DES KHEGS, GNYIS PA LA, TSOR BA YID MI BDE CHOS CAN, MTSAN NYID DER THAL, MTSON BYA DE'I PHYIR, SDUG BSNGAL YIN PA'I PHYIR, KHA CIG ,DROD DANG RNAM SHES KYI RTEN BYED PA'I TSE DE, SROG DBANG GI MTSAN NYID ZER NA, GZUGS MED PA'I GANG ZAG GI SROG GI DBANG PO CHOS CAN, MTSAN NYID DER THAL, MTSON BYA DE'I PHYIR, 'DOD MI NUS TE, GZUGS MED NA DROD MED PA'I PHYIR TE, DE NA GZUGS SOGS KYI SKYE MCHED MED PA'I PHYIR, KHA CIG ,LUS DBANG GI PHYOGS GCIG GANG ZHIG ,RANG RGYUD LDAN GYI GANG

148b

ZAG PHOR MTSON PAR BYED PA, PO'I DBANG PO'I MTSAN NYID, DE BZHIN DE MOR MTSON PAR BYED PA, MO'I DBANG PO'I MTSAN NYID ZER NA, MTSAN GNYIS PA'I MO'I DBANG PO CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, RANG RGYUD LDAN GYI GANG ZAG PHO YIN PAR THAL LO, ,GNYIS PA LA NGES RIGS 'GRE'O, ,GZHAN YANG, GZUGS KHAMS PA'I GANG ZAG GI RGYUD LA PHO'I DBANG PO YOD PAR THAL, DE'I RGYUD LA MTSAN NYID DE YOD PA'I PHYIR, GZUGS KHAMS PA'I GANG ZAG TU GYUR PA'I PHO YOD PA'I PHYIR, 'DOD MI NUS TE, PHO MO'I DBANG PO GANG RUNG YIN NA, 'DOD PA'I SAS BSDUS YIN DGOS PA'I PHYIR, KHA CIG ,RANG GI BDAG 'BRAS SU GYUR PA'I MIG GI RNAM PAR SHES PA'I BDAG RKYEN DU GYUR PA'I NANG GI RDUL DVANGS PA MIG DBANG GI MTSAN NYID ZER NA, SANGS RGYAS 'PHAGS PA'I MIG DBANG CHOS CAN, MTSAN NYID KYI ZUR PHYI MA DER THAL, MTSON BYA DE'I PHYIR, 'DOD MI NUS TE, SANGS RGYAS KYI SA NA RDUL MED PA'I PHYIR, GZHAN YANG, GNYID 'THUG PO LOG BZHIN PA'I GANG ZAG GI RGYUD KYI MIG DBANG CHOS CAN, ZUR DANG PO DER THAL, MTSON BYA DE'I PHYIR, 'DOD NA, DE CHOS CAN, RTEN BCAS KYI MIG DBANG GZUGS CAN PA YIN PAR THAL LO, ,'DOD MI NUS TE, DE MTSUNGS KYI MIG DBANG YIN PA'I PHYIR TE, CHOS CAN DE'I PHYIR, RANG LUGS NI, RANG GI BDAG 'BRAS SU GYUR PA'I MIG GI RNAM PAR SHES PA'I BDAG RKYEN DU GYUR PA'I NANG GI GZUGS CAN DVANGS BA'AM, RANG GI BDAG 'BRAS SU

149a

, ,GYUR PA'I MIG GI RNAM PAR SHES PA'I BDAG RKYEN BYED PA'I RTEN BCAS KYI MIG DBANG GZUGS CAN PA DANG MIG DBANG GZUGS CAN PA GANG RUNG GIS BSDUS PA, MIG GI DBANG PO'I MTSAN NYID, DBYE NA RTEN BCAS KYI MIG DBANG GZUGS CAN PA DANG, DE MTSUNGS KYI DE GNYIS, DANG PO NI, MIG GI RNAM PAR SHES PA GZUGS LA LTA BZHIN PA'I MIG GI DBANG PO LTA BU, GNYIS PA NI, GNYID 'THUG PO LOG BZHIN PA'I GNAS SKABS KYI MIG DBANG LTA BU; DES DBANG PO PHYI MA BZHI LA RIGS 'GRE'O, ,RANG GI BDAG 'BRAS SU GYUR PA'I RNAM PAR SHES PA'I BDAG RKYEN DU GYUR PA'I GTZO BO RNAM RIG DE, YID KYI DBANG PO'I MTSAN NYID, YID KYI DBANG PO DANG YID KYI SKYE MCHED DON GCIG, PHO MO'I DBANG PO GANG RUNG GANG ZHIG ,RANG RGYUD LDAN GYI GANG ZAG PHOR MTSON PAR BYED PA'I RIGS SU GNAS PA, PHO'I DBANG PO'I MTSAN NYID, DE GANG ZHIG ,RANG RGYUD LDAN GYI GANG ZAG MOR MTSON PAR BYED PA'I RIGS SU GNAS PA MO'I DBANG PO'I MTSAN NYID, DROD DANG RNAM SHES CI RIGS PA'I RTEN BYED PA'I TSE DE, SROG GI DBANG PO'I MTSAN NYID, LUS TSOR BDE BA'I DBANG PO DANG, BSAM GTAN GSUM PA'I SAS BSDUS KYI TSOR BA BDE BA'I DBANG PO GANG RUNG GIS SAS BSDUS PA'I TSOR BA GANG ZHIG ,SIM PAR MYONG BA, TSOR BA LNGA'I NANG TSAN DU GYUR PA'I TSOR BA BDE BA'I DBANG PO'I MTSAN NYID, DE LA DBYE NA LUS TSOR BDE BA'I DBANG PO DANG, SEMS TSOR BDE BA'I DBANG PO GNYIS YOD,

149b

RANG DANG MTSUNGS LDAN GYI DBANG PO'I RNAM PAR SHES PA'I 'KHOR DU BYUNG BA'I TSOR BA GANG ZHIG ,SIM PAR MYONG BA, DANG PO'I MTSAN NYID, DBYE NA MIG GI RNAM PAR SHES PA'I 'KHOR DU BYUNG BA'I TSOR BA BDE BA'I DBANG PO SOGS LNGA, LUS TSOR GANG ZHIG ,GDUNG BAR NYAMS SU MYONG BA, TSOR BA LNGA'I NANG TSAN DU GYUR PA'I TSOR BA SDUG BSNGAL GYI DBANG PO'I MTSAN NYID, SEMS TSOR GANG ZHIG ,GDUNG BAR NYAMS SU MYONG BA, YID MI BDE'I DBANG PO'I MTSAN NYID, BSAM GTAN GNYIS PA YAN CHAD KYI SAS BSDUS KYI SEMS TSONG GANG ZHIG ,SIM PAR MYONG BA, YID BDE'I DBANG PO'I MTSAN NYID, TSOR BA GANG ZHIG ,SIM GDUNG BAR MAR NYAMS SU MYONG BA, BTANG SNYOMS KYI DBANG PO'I MTSAN NYID, DAD PA'I DBANG PO YIN NA DAD PA YIN PAS MA KHYAB STE, DAD PA YIN NA, SEMS BYUNG YIN PAS KHYAB, DAD PA'I DBANG POR GYUR PA'I GTZO BO SEMS YOD PA'I PHYIR, DES BRTZON 'GRUS DANG, DRAN PA DANG, TING NGE 'DZIN DANG, SHES RAB RNAMS LA RIGS 'GRE'O, ,ZAG MED KYI DBANG PO GSUM 'OG TU 'CHAD DO, ,GSUM PA NI, KUN NAS NYON MONGS PHYOGS KYI DBANG PO BCU GCIG PO DE BSDU NA BZHIR 'DU STE, MNGAL DU 'JUG PA'I RTEN, ZHUGS PA'I SKYE BA, SKYES PA'I GNAS PA, GNAS PA'I LONGS SPYOD DANG BZHIR 'DU BA'I PHYIR, RNAM BYANG GI DBANG PO BRGYAD PO DE YANG BZHIR 'DU STE, RNAM BYANG LA 'JUG PA'I RTEN DANG, ZHUGS PA'I SKYE BA, SKYES PA'I GNAS PA, GNAS PA'I LONGS SPYOD DANG BZHIR 'DU

150a

, ,BA'I PHYIR, BZHI PA NI, MIG GI DBANG PO SOGS LNGA PO CHOS CAN, KHYOD LA DBANG PO ZHES BRJOD PA'I RGYU MTSAN YOD DE, KHYOD KYIS GO RIMS BZHIN DU GZUGS LA SOGS PA'I DON LNGA LA DMIGS PA LA DBANG BYED PA'I RGYU MTSAN GYIS DE LTAR BSHAD PA'I PHYIR, YID CHOS CAN, KHYOD LA DBANG PO ZHES BRJOD PA'I RGYU MTSAN YOD DE, KHYOD KYI CHOS THAMS CAD LA DMIGS PA LA DBANG BYED PA'I RGYU MTSAN GYIS DE LTAR BSHAD PA'I PHYIR, PHO MO'I DBANG PO GNYIS CHOS CAN, KHYOD LA DBANG PO ZHES BRJOD PA'I RGYU MTSAN YOD DE, PHO MO'I NGO BO DANG KHYAD PAR LA DBANG BYED PAS DE LTAR BSHAD PA'I PHYIR, SROG GI DBANG PO CHOS CAN, KHYOD LA DBANG PO ZHES BRJOD PA'I RGYU MTSAN YOD DE; SKYE NAS MA SHI BAR DU LUS KYI RIGS MTHUN GNAS PA LA DBANG BYED PAS DE LTAR BSHAD PA'I PHYIR, 'JIG RTEN PA'I KUN NAS NYON MONGS PHYOGS KYI BSDUS PA'I TSOR BA LNGA CHOS CAN, KHYOD LA DBANG PO ZHES BRJOD PA'I RGYU MTSAN YOD DE, NYON MONGS PA'I CHOS LA LHAG PAR DBANG BYED PA'I PHYIR, 'JIG RTEN PA'I DGE BAS BSDUS PA'I DAD SOGS DBANG PO LNGA CHOS CAN, KHYOD LA DBANG PO ZHES BRJOD PA'I RGYU MTSAN YOD DE, RNAM BYANG GI CHOS LA DMIGS PA LA DBANG BYED PA'I PHYIR, MTHONG LAM DU GYUR PA'I DAD SOGS DBANG PO LNGA YID TSOR BA BDE BA YID BDE BTANG SNYOMS TE DGU LA, DBANG PO ZHES BRJOD PA'I RGYU MTSAN YOD DE, KUN SHES KYI DBANG PO THOB PA DANG, MTHONG SPANG SPONG BA LA DBANG BYED PA'I PHYIR, SGOM LAM DU

150b

GYUR PA'I DE DGU LA DBANG PO ZHES BRJOD PA'I RGYU MTSAN YOD DE, KUN SHES LDAN PA'I DBANG PO THOB PA DANG, SGOM SPANG SPONG BA LA DBANG BYED PA'I PHYIR, MI SLOB LAM DU GYUR PA'I DE DGU LA DBANG PO ZHES BRJOD PA'I RGYU MTSAN YOD DE, LHAG MED MYANG 'DAS THOB PA DANG, MTHONG CHOS BDER GNAS LA DBANG BYED PA'I PHYIR, DE LTAR YANG, MDZOD LAS, RANG GI DON DANG THAMS CAD LA, ,DMIGS PAR DBANG BYED PHYIR DBANG DRUG ,PHO NYID MO NYID LA DBANG PHYIR, ,LUS LA PHO DBANG MO DBANG DAG ;RIGS GNAS KUN NAS NYON MONGS DANG, ,RNAM PAR BYANG LA DBANG BYED PHYIR, ,SROG DANG TSOR BA RNAMS DANG NI, ,DAD SOGS DBANG PO LNGAR 'DOD DO, ,MYA NGAN 'DAS SOGS GONG NAS GONG, ,THOB PA LA NI DBANG BYED PHYIR, ,KUN SHES BYED DANG KUN SHES DANG, ,DE BZHIN KUN SHES LDAN DBANG PO, ,ZHES GSUNGS PA'I PHYIR, LNGA PA NI, KUN NAS NYON MONGS PHYOGS KYI DBANG PO LA BCU BZHIR GRANGS NGES PA'I RGYU MTSAN YOD DE, 'KHOR BAR 'JUG PA'I RTEN GYI DBANG DU BYAS NAS MIG SOGS DBANG PO DRUG BZHAG ,DER SKYES PA'I RTEN GYI DBANG DU BYAS NAS PHO MO'I DBANG PO DANG, DER GNAS PA'I DBANG DU BYAS NAS SROG GI DBANG PO BZHAG ,BDE SDUG LA LONGS SPYOD PA'I DBANG DU BYAS NAS TSOR BA'I DBANG PO LNGA BZHAG PA'I PHYIR, RNAM BYANG GI DBANG PO LA BRGYAD DU GRANGS NGES PA'I RGYU MTSAD YOD DE, RNAM BYANG LA 'JUG PA'I DBANG DU BYAS NAS DAD SOGS DBANG PO LNGA BZHAG ,DER SKYES PA'I DBANG DU BYAS NAS MI SHES PA KUN SHES PA'I DBANG PO DANG, DER

151a

, ,GNAS PA'I DBANG DU BYAS NAS KUN SHES KYI DBANG PO DANG, RNAM BYANG LA LONGS SPYOD PA'I DBANG DU BYAS NAS KUN SHES LDAN PA'I DBANG PO BZHAG PA'I PHYIR, DE LTAR YANG, MDZOD LAS, YANG NA 'JUG PA'I RTEN DANG NI, ,SKYE DANG GNAS DANG NYER SPYOD LAS, ,BCU BZHI DE BZHIN LDOG PA LA, ,DBANG PO RNAMS NI GZHAN YIN NO, ,ZHES GSUNGS PA'I PHYIR, DRUG PA THOB GTONG BSHAD PA LA, THOB TSUL DANG, GTONG TSUL BSHAD PA GNYIS LAS, DANG PO NI, MDZOD LAS, 'DOD PAR DANG POR RNAM SMIN GNYIS, ,RNYED DE RDZUS TE SKYE BAS MIN, ,DE NI DRUG GAM BDUN NAM BRGYAD, ,GZUGS NA DRUG GO GONG MAR GCIG ,CES GSUNGS LA, DE'I DON NI, 'DOD PA'I MNGAL SKYES KYI SKYE SRID KYI GNAS SKABS SU RNAM SMIN GYI DBANG PO GNYIS GSAR DU RNYED PA YIN TE, LUS KYI DBANG PO DANG SROG GI DBANG PO GNYIS GSAR DU RNYED PA'I PHYIR, DE'I RGYUD LA YID KYI DBANG PO DANG BTANG SNYOMS KYI DBANG PO GNYIS YOD KYANG DE GSAR DU THOB PA MA YIN TE, DE GNYIS SKYE SRID KYI NYON MONGS CAN GYI DBANG POR SONG BA'I PHYIR, 'DOD KHAMS PA'I MTSAN MED KYI RDZUS SKYES KYI SKYE SRID KYI GNAS SKABS SU RNAM SMIN GYI DBANG PO DRUG GSAR DU RNYED DE, MIG SOGS DBANG PO LNGA, SROG DBANG STE DRUG GSAR DU RNYED PA'I PHYIR, 'DOD KHAMS PA'I MTSAN BCAS KYI RDZUS SKYES KYI SKYE SRID KYI GNAS SKABS SU RNAM SMIN GYI DBANG PO LNGA GSAR DU RNYED PA YIN TE, MIG SOGS DBANG PO DANG PO LNGA, SROG

151b

GI DBANG PO, PHO MO GANG RUNG GI DBANG PO STE BDUN GSAR DU RNYED PA'I PHYIR, 'DOD KHAMS PA'I MTSAN GNYIS PA'I RDZUN SKYES KYI SKYE SRID KYI GNAS SKABS SU RNAM SMIN GYI DBANG PO BRGYAD GSAR DU RNYED PA YIN TE, MIG SOGS DBANG PO LNGA, SROG GI DBANG PO, PHO MO'I DBANG PO GNYIS TE BRGYAD GSAR DU RNYED PA'I PHYIR, GZUGS KHAMS PA'I GANG ZAG GI SKYE SRID KYI SKABS SU RNAM SMIN GYI DBANG PO DRUG GSAR DU RNYED PA YIN TE, MIG SOGS DBANG PO LNGA, SROG GI DBANG PO STE DRUG GSAR DU RNYED PA'I PHYIR, GZUGS MED KYI SKYE SRID KYI SKABS SU, RNAM SMIN GYI DBANG PO GCIG KHO NA GSAR RU RNYED PA YIN TE, SROG GI DBANG PO GCIG KHO NA RNYED PA'I PHYIR, GNYIS PA NI, MDZOD LAS, GZUGS MED DAG TU 'CHI BA NI,, SROG DANG YID DANG BTANG SNYOMS NYID, ,'GAG PAR 'GYUR RO GZUGS NA BRGYAD, ,'DOD PAR BCU 'AM DGU 'AM BRGYAD, RIMS KYIS 'CHI BA DAG LA BZHI, ,DGE LA THAMS CAD DAG TU LNGA, ,ZHES GSUNGS, DON NI, GZUGS MED PA'I GANG ZAG LUNG MA BSTAN GYI 'CHI SEMS KYIS 'CHI BA'I TSE DBANG PO GSUM CIG CHAR DU 'GAG PA YIN TE, SROG YID BTANG SNYOMS GSUM CIG CHAR DU 'GAG PA'I PHYIR, GZUGS KHAMS PA'I GANG ZAG LUNG MA BSTAN GYI 'CHI SEMS KYIS 'CHI BA'I TSE DBANG PO BRGYAD CIG CHAR DU 'GAG PA YIN TE, MIG SOGS DBANG PO LNGA, NGES LDAN GYI DBANG PO GSUM CIG CHAR DU 'GAG PA'I PHYIR, 'DOD KHAMS PA'I MTSAN GNYIS PA'I RDZUS SKYES LUNG MA BSTAN GYI 'CHI

152a

, ,SEMS KYIS 'CHI BA'I TSE DBANG PO BCU CIG CHAR DU 'GAG PA YIN TE, MIG SOGS DBANG PO DANG PO LNGA, NGES LDAN GYI DBANG PO GSUM, PHO MO'I DBANG PO GNYIS TE BCU CIG CHAR DU 'GAG PA'I PHYIR, 'DOD KHAMS PA'I MTSAN BCAS KYI RDZUS SKYES DES 'CHI BA'I TSE DBANG PO DGU CIG CHAR DU 'GAG PA YIN TE, MIG SOGS DBANG PO DANG PO LNGA, NGES LDAN GYI DBANG PO GSUM, PHO MO GANG RUNG GI DBANG PO GCIG STE DGU CIG CHAR DU 'GAG PA'I PHYIR, 'DOD KHAMS PA'I MTSAN MED KYI RDZUS SKYES DES 'CHI BA'I TSE DBANG PO BRGYAD CIG CHAR DU 'GAG BA YIN TE, MIG SOGS DBANG PO LNGA, NGES LDAN GYI DBANG PO GSUM STE BRGYAD CIG CHAR DU 'GAG PA'I PHYIR, 'DOD PA'I MNGAL SKYES NGES 'CHI BA'I TSE DBANG PO BZHI CIG CHAR DU 'GAG PA YIN TE, LUS SROG YID BTANG SNYOMS KYI DBANG PO BZHI CIG CHAR DU 'GAG PA'I PHYIR, 'DOD PA'I MNGAL SKYES DGE SEMS KYIS 'CHI BA'I TSE DBANG PO DBU CIG CHAR DU 'GAG PA YIN TE, DAD SOGS DBANG PO LNGA CIG CHAR DU 'GAG PA GING? ZHIG ,DE'I STENG DU SROG YID LUS BTANG SNYOMS KYI DBANG PO STE DBU CIG CHAR DU 'GAG PA YIN PA'I PHYIR 'O NA, DGE SBYONG TSUL GYI 'BRAS BU DE DBANG PO DUS 'THOB CE NA, MDZOD LAS, 'BRAS BU THA MA GNYIS DGUS 'THOB, ,GNYIS NI BDUN DANG BRGYAD DANG DGUS, ,BCU GCIG DAG GIS DGRA BCOM NYID, ,'GA' ZHIG DAG NI SRID PHYIR RO, ,ZHES GSUNGS, DON NI, 'BRAS BU THOG MA RGYUN ZHUGS DANG, THA MA DGRA BCOM PA'I 'BRAS BU

152b

GNYIS DBANG PO DGU DGUS 'THOB STE, RGYUN ZHUGS KYI 'BRAS BU NI DAD SOGS DBANG PO LNGA, YID DBANG, BSAM GTAN DANG PO'I NYER BSDOGS KYI NGO BOR GYUR PA'I BTANG SNYOMS KYI DBANG PO, RGYAS BZOD PAR CHAD MED LAM GYI NGO BOR GYUR PA'I MI GES PA KUN SHES PA'I DBANG PO, LAM RJES SHES KYI NGO BOR GYUR PA'I KUN SHES KYI DBANG PO STE DGUS 'THOB PA'I PHYIR, MDZOD KYI LUGS SO, ,DGRA BCOM PA'I 'BRAS BU NI, DAD SOGS DBANG PO LNGA, YID DBANG STE DRUG ,BTANG SNYOMS KYI DBANG PO YID BDE'I DBANG PO SEMS TSOR BDE BA'I DBANG PO GSUM PO GANG RUNG GCIG DANG, RDO RJE LTA BU'I TING NGE 'DZIN GYI NGO BOR GYUR PA'I KUN SHES KYI DBANG PO DANG, MI SLOB LAM GYI NGO BOR GYUR PA'I KUN SHES LDAN PA'I DBANG PO STE DGU LA BRTEN NAS 'GRO BA STE, BSAM GTAN DANG PO'I NYER BSDOGS DANG, BSAM GTAN DANG PO'I DNGOS GZHI SNYOMS 'JUG KHYAD PAR CAN DANG, BSAM GTAN BZHI PA YAN CHAD KYI DNGOS GZHI SNYOMS 'JUG GANG RUNG LA BRTEN NAS THOB NA BTANG SNYOMS KYI DBANG PO DANG, BSAM GTAN DANG PO'I DNGOS GZHI SNYOMS 'JUG TZAM PO BA DANG, BSAM GTAN GNYIS PA'I DNGOS GZHI SNYOMS 'JUG GANG RUNG LA BRTEN NAS THOB NA YID BDE BA'I DBANG PO DANG, GSUM PA'I DNGOS GZHI SNYOMS 'JUG LA BRTEN NAS THOB NA, SEMS TSOR BDE BA'I DBANG PO LA BRTEN NAS 'THOB PA'I PHYIR, PHYIR 'ONG GI 'BRAS BU DE DBANG PO BDUN LA BRTEN NAS 'THOB PA YOD DE, 'JIG RTEN PA'I LAM LA BRTEN NAS DNGOS SU THOB PA'I 'BRAS BU RIMS KYIS BA'I PHYIR 'ONG GI 'BRAS BU DE DAD SOGS

153a

, ,DBANG PO LNGA, YID KYI DBANG PO, BTANG SNYOMS KYI DBANG PO STE BDUN LA BRTEN NAS 'THOB PA'I PHYIR, 'JIG RTEN PAS 'DRA BA'I LAM LA BRTEN NAS DNGOS SU THOB PA'I PHYIR 'ONG GI 'BRAS BU DE DBANG PO BRGYAD LA BRTEN NAS THOB PA YOD DE, DAD SOGS LNGA, YID, BTANG SNYOMS, KUN SHES KYI DBANG PO DANG BRGYAD LA BRTAN NAS 'THOB PA'I PHYIR, 'BRAS BU THOD RGAL BA'I PHYIR 'ONG GI 'BRAS BU DE DBANG PO DGU LA BRTEN NAS THOB PA YOD DE, DAD SOGS DBANG PO LNGA, YID; BSAM GTAN DANG PO'I NYER BSDOGS KYI NGO BOR GYUR PA'I BTANG SNYOMS KYI DBANG PO, RGYOS BZOD BAR CHAD MED LAM GYI NGO BOR GYUR PA'I MI SHES PA KUN SHES PA'I DBANG PO, LAM RJES SHES KYI NGO BOR GYUR PA'I KUN SHES KYI DBANG PO STE DGU LA BRTEN NAS 'THOB PA'I PHYIR, 'BRAS BU RIMS KYIS PA'I PHYIR MI 'ONG GI 'BRAS BU DBANG PO BDUN DANG BRGYAD LA BRTEN NAS 'THOB PA YOD DE, PHYIR 'ONG LTAR YIN PA'I PHYIR, CHAGS BRAL SNGON SONG GI PHYIR MI 'ONG GI 'BRAS BU DBANG PO DGU LA BRTEN NAS THOB PA YOD DE, DAD SOGS LNGA, YID, BTANG SNYOMS, SEMS TSOR BDE BA'I DBANG PO GSUM PO GANG RUNG GCIG ,RGYOS BZOD BAR CHAD MED LAM GYI NGO BOR GYUR PA'I MI SHES PA KUN SHES PA'I DBANG PO, LAM RJES SHES KYI NGO BOR GYUR BA'I KUN SHES KYI DBANG PO STE DGU LA BRTEN NAS 'THOB PA'I PHYIR, KHO NA RE, NYAN THOS DGRA BCOM PA'I 'BRAS BU DE DBANG PO DGU LA BRTEN NAS THOB PA MI 'THAD DE, DE DBANG PO BCU GCIG LA BRTEN NAS THOB PAR BSTAN

153b

BCOS YE SHES LA 'JUG PAR BSHAD PA'I PHYIR NA MA KHYAB STE, DE NI DGRA BCOM PA 'GA' ZHIG NYAMS PA SOR CHUD PA TZAM LA DGONGS PA'I PHYIR, BDUN PA LA, NGES LDAN DANG, SRID LDAN GYI DBANG PO GNYIS LAS, DANG PO NI, MDZOD LAS, BTANG SNYOMS DANG NI SROG DANG NI, ,YID DANG LDAN LA NGES GSUM LDAN, ,BDE LUS LDAN LA BZHI DAG DANG, ,MIG SOGS LDAN LA LNGA DANG LDAN, ,YID BDE LDAN LA SDUG BSNGAL LDAN, ,BDUN DANG MO YI DBANG SOGS LDAN, ,BRGYAD DANG KUN SHES LDAN PA YI, ,DBANG POR LDAN LA BCU GCIG LDAN, ,KUN SHES BYED PA'I DBANG LDAN LA, ,BCU GSUM DAG DANG LDAN PA YIN, ,ZHES GSUNGS, DON NI, BTANG SNYOMS SROG YID GSUM PO GANG RUNG GCIG DANG LDAN NA DE GSUM GA DANG LDAN PAS KHYAB STE, DE GSUM NGES LDAN GYI DBANG PO YIN PA'I PHYIR, BDE BA'I DBANG PO DANG, LUS KYI DBANG PO GANG RUNG DANG LDAN NA DBANG PO BZHI DANG LDAN PAS KHYAB STE, NGES LDAN GSUM DANG DBANG PO GNYIS GANG RUNG DANG LDAN PAS KHYAB PA'I PHYIR, MIG SOGS DBANG PO LNGA PO GANG RUNG DANG LDAN NA DBANG PO LNGA DANG LDAN PAS KHYAB STE, NGES LDAN GSUM, LUS KYI DBANG PO, MIG SOGS GANG RUNG GCIG STE LNGA DANG LDAN PAS KHYAB PA'I PHYIR, YID BDE'I DBANG PO DANG LDAN NA DBANG PO LNGA DANG LDAN PAS KHYAB STE, NGES LDAN GSUM, LUS DBANG KHO RANG STE LNGA DANG LDAN PAS KHYAB PA'I PHYIR, SDUG BSNGAL GYI DBANG PO DANG LDAN NA DBANG PO BDUN DANG LDAN PAS KHYAB STE, NGES

154a

, ,LDAN GSUM, TSOR BA BDE BA'I DBANG PO, SDUG BSNGAL GYI DBANG PO, YID BDE'I DBANG PO, LUS KYI DBANG PO RNAMS DANG LDAN PAS KHYAB PA'I PHYIR, PHO MO'I DBANG PO GNYIS DANG, YID MI BDE'I DBANG PO GANG RUNG GCIG DANG LDAN NA DBANG PO BRGYAD DANG LDAN PAS KHYAB STE, SNGA MA BDUN DANG, DE GSUM GANG RUNG GCIG DANG LDAN PAS KHYAB PA'I PHYIR, KUN SHES KYI DBANG PO DANG, KUN SHES LDAN PA'I DBANG PO GANG RUNG GCIG DANG LDAN NA DBANG PO BCU GCIG DANG LDAN PAS KHYAB STE, DAD SOGS LNGA, YID, YID BDE, BDE BA'I DBANG PO, BTANG SNYOMS KYI DBANG PO STE GDAGS GZHI'I DBANG PO DGU'I STENG DU, SROG GI DBANG PO, KHO RANG GNYIS GANG RUNG GCIG DANG LDAN PAS KHYAB PA'I PHYIR, MI SHES PA KUN SHES PA'I DBANG PO DANG LDAN NA DBANG PO BCU GSUM DANG LDAN PAS KHYAB STE, GDAGS GZHI'I DBANG PO DGU, LUS KYI DBANG PO, SROG GI DBANG PO, BTANG SNYOMS KYI DBANG PO; KHO RANG DANG LDAN PA'I KHYAB PA'I PHYIR, GNYIS PA NI, MDZOD LAS, DGE MED NANG NA NYUNG LDAN PA, ,LUS TSOR SROG YID BRGYAD DANG LDAN, ,GZUGS MED GYIS PA'ANG DE BZHIN TE, ,BTANG SNYOMS SROG YID DGE RNAMS DANG, , MANG POR LDAN LA BCU DGU STE, ,DRI MA MED RNAMS MA GTOGS SO, ,MTSAN GNYIS 'PHAGS PA CHAGS BCAS TE, ,MTSAN GCIG DRI MED GNYIS MA GTOGS, ,ZHES GSUNGS, DON NI, DGE RTZA CHAD PA'I GANG ZAG GI RGYUD LA DBANG

154b

PO BRGYAD DANG LDAN PA SRID DE, TSOR BA SOGS LNGA, LUS SROG YID DBANG STE BRGYAD DANG LDAN PA SRID PA'I PHYIR, GZUGS MED PA'I SO SKYE 'GA' ZHIG LA'ANG DBANG POR RGYAD DANG LDAN PA SRID DE, DAD SOGS LNGA, BTANG SNYOMS SROG YID BRGYAD DANG LDAN PA SRID PA'I PHYIR, SO SKYE PHAL CHE BA DBANG PO BCU DGU DANG LDAN PA SRID DE, DRI MED KYI DBANG PO GSUM MA GTOGS BCU DGU DANG LDAN PA SRID PA'I PHYIR, DE YANG GTZO BOR MTSAN GNYIS PA'I SO SKYE'I DBANG DU BYAS PA YIN TE, MTSAN GNYIS PA YIN NA DRI MED KYI DBANG PO GSUM DANG MI LDAN PAS KHYAB PA'I PHYIR TE, DE YIN NA 'PHAGS PA MA YIN DGOS PA'I PHYIR, CHAGS BCAS KYI 'PHAGS PA 'GA' ZHIG KYANG DBANG PO BCU DGU DANG LDAN PA SRID DE, PHO MO'I DBANG PO GANG RUNG GCIG ,DRI MED KYI DBANG PO GSUM PO GANG RUNG STE GZHAN BCU BDUN RNAMS DANG LDAN PA SRID PA'I PHYIR, BRGYAD PA THA MA GSUM GYIS MTSAMS BSHAD PA LA, MDZOD PAS GSUNGS TSUL, KUN BTUS LAS GSUNGS TSUL; NYI KHRI LAS GSUNGS TSUL, BSDU BA LAS BSHAD TSUL LO, ,DANG PO NI, MTHONG LAM DU GYUR PA'I DAD SOGS DBANG PO DGU NI MI SHES PA KUN SHES PA'I DBANG PO DANG, 'JIG RTEN LAS 'DAS BA'I SGO LAM DU GYUR PA'I DE DGU NI KUN SHES KYI DBANG PO DANG, MI SLOB LAM DU GYUR PA'I DE DGU NI KUN SHES LDAN PA'I DBANG POR 'JOG GO ,DAD SOGS DGU YANG, DAD PA, BRTZON GRUS, DRAN PA, TING NGE 'DZIN, SHES RAB, YID, YID BDE, TSOR BA BDE BA, BTANG SNYOMS

155a

, ,KYI DBANG PO RNAMS SO, ,DE LTAR YANG MDZOD LAS, MTHONG SGOM MI SLOB LAM LA DGU, ,GSUM YIN GSUM NI DRI MA MED, ,CES GSUNGS PA'I PHYIR, GNYIS PA NI, SBYOR LAM DANG MTHONG LAM DANG PO BCO LNGAS BSDUS PA'I DAD SOGS DBANG PO DGU PO DE, MI SHES PA KUN SHES PAR BYED PA'I DBANG PO, LAM RJES SHES NAS 'JIG RTEN LAS 'DAS PA'I SGOM LAM DU GYUR PA'I DE DGU PO DE KUN SHES KYI DBANG PO, MI SLOB LAM DU GYUR PA'I DE DGU PO DE KUN SHES LDAN PA'I DBANG POR 'JOG STE, KUN BTUS LAS, MI SHES PA KUN SHES PAR BYED PA'I DBANG PO GANG ZHE NA, SBYOR BA'I LAM DANG MTHONG BA'I LAM GYIS SKAD CIG MA BCO LNGA LA DBANG BYED PA'O, ,KUN SHES PA'I DBANG PO GANG ZHE NA MTHONG BA'I LAM GYI SEMS KYI SKAD CIG BCU DRUG PA LA BRTEN NAS SLOB PA'I LAM THAMS CAD LA DBANG BYED PA'O, ,KUN SHES LDAN PA'I DBANG PO GANG ZHE NA MI SLOB LAM LA DBANG BYED PA'O, ,ZHES GSUNGS PA'I PHYIR, GSUM PA NI, RGYUN ZHUGS ZHUGS PA DANG BYANG SEMS KYI MOS SPYOD KYIS BSDUS PA'I DAD SOGS LNGA MI SHES PA KUN SHES PA'I DBANG PO DANG, RGYUN ZHUGS PHYIR 'OD PHYIR MI 'ONGS DANG PO NAS DGU PA'I BAR GYI DAD SOGS LNGA KUN SHES PA'I DBANG PO DANG, NYAN RANG DGRA BCOM PA, SA BCU PA DANG, DE BZHIN GSHEGS PA'I RGYUD KYI DAD SOGS LNGA PO DE KUN SHES LDAN PA'I DBANG POR 'JOG STE, NYI KHRI LAS, DE LA MI SHES PA KUN SHES PAR BYED PA'I

155b

DBANG PO GANG ZHE NA, SLOB PA'I GANG ZAG MNGON PAR RTOGS PAR GYUR PA RNAMS KYI DAD PA'I DBANG PO SNANG PA MED CING 'DUL BAR BYED PA GANG YIN PA'O, ,ZHES DANG, DE LA KUN SHES PA'I DBANG PO GANG ZHE NA, SLOB PA'I GANG ZAG KUN SHES PA DANG LDAN PA RNAMS KYI DAD PA'I DBANG PO NAS SHES RAB KYI DBANG PO'I BAR TE, ZHES DANG, DE LA KUN SHES LDAN PA'I DBANG PO GANG ZHE NA, MI SLOB PA'I GANG ZAG DGRA BCOM PA DANG, RANG SANGS RGYAS DANG, BYANG CHUB SEMS DPA' DANG; DE BZHIN GSHEGS PA RNAMS KYI DAD PA'I DBANG PO NAS SHES RAB KYI DBANG PO'I BAR STE, ZHES GSUNGS PA'I PHYIR, BZHI PA LA, THEG DMAN GYI DBANG DU BYAS PA DANG, THEG CHEN GYI DBANG DU BYAS PA GNYIS LAS, DANG PO NI, SBYOR LAM PA RGYUN ZHUGS ZHUGS PA'I RGYUD KYI DAD SOGS LNGA MI SHES PA KUN SHES PA'I DBANG PO DANG, RGYUN ZHUGS KYI 'BRAS BU NAS BZUNG STE, SGOM LAM RDO RJE LTA BU'I TING NGE 'DZIN GYI BAR GYIS BSDUS PA'I DAD SOGS LNGA KUN SHES PA'I DBANG PO DANG, MI SLOB LAM DU GYUR PA'I DAD SOGS LNGA KUN SHES LDAN PA'I DBANG POR 'JOG STE, BSDU BA LAS, MI SHES PA KUN SHES PAR BYED PA'I DBANG PO'I DON GANG ZHE NA, SMRAS PA BDEN PA MNGON PAR RTOGS PA LA BRTZON PA DE DAG GI PHYOGS LA BDUN PA NAS BZUNG STE SBYOR BA'I LAM THAMS CAD LA DBANG PO LNGA'I DON GANG YIN PA DE NYID 'DI'I DON YIN PAR BLTA BAR BYA'O, ,KUN SHES PA'I DBANG PO'I DON GANG ZHE NA, SMRAS PA RGYUN DU ZHUGS PA'I 'BRAS BU NAS BZUNG

156a

, ,STE; RDO RJE LTA BU'I TING NGE 'DZIN GYI BAR GYI DBANG PO LNGA'I DON GANG YIN PA DE NYID 'DI'I DON YIN PAR BLTA BAR BYA'O, ,KUN SHES LDAN PA'I DBANG PO'I DON GANG ZHE NA, SMRAS PA MI SLOB LAM NAS BZUNG STE, PHUNG PO LHAG MA MED PA'I MYA NGAN LAS 'DAS PA'I DBYINGS KYI BAR GYI DBANG PO LNGA'I DON GANG YIN PA DE NYID 'DI'I DON YIN PAR BLTA BAR BYA'O, ,ZHES GSUNGS PA'I PHYIR, MTHONG LAM DU GYUR PA'I MI SHES PA KUN SHES PAR BYED PA'I DBANG PO MED PA MA YIN TE, DE NYID LAS, MI SHES PA KUN SHES PAR BYED PA'I DBANG PO NI DGE SBYONG TSUL GYI 'BRAS BU LA THAG RING ZHING 'JIG RTEN PA'I RNAM PAR RTOG PA GANG YIN PA DE NI ZAG PA DANG BCAS PA YIN LA, DGE SBYONG TSUL GYI 'BRAS BU DANG THAG MI RING ZHING 'JIG RTEN LAS 'DAS PA'I RNAM PAR RTOG PA GANG YIN PA DE NI ZAG PA MED PA YIN PAR BLTA BAR BYA'O, ,ZHES GSUNGS PA'I PHYIR, GNYIS PA NI, THEG CHEN GYI MOS SPYOD KYIS BSDUS PA'I DAD SOGS LNGA DANG PO DANG, SA DANG PO NAS DGU PA'I BAR GYI DE GNYIS PA DANG, SA BCU PA BA DANG, DE BZHIN GSHEGS PA'I THUGS RGYUD KYI DE GSUM PA YIN PA'I PHYIR TE, DE NYID LAS, BYANG CHUB SEMS DPA' RNAMS KYI MI SHES PA KUN SHES PAR BYED PA'I DBANG PO LA SOGS PA JI LTAR RNAM PAR BZHAG CE NA, SMRAS PA MOS PA LA SPYOD PA'I SA NI DANG POR RNAM PAR BZHAG GO ,DE LAS GZHAN LHAG PA'I BSAM PA RNAM PAR DAG PA LA NI GNYIS PA'O, ,DE BZHIN GSHEGS PA LA NI DBANG PO GSUM PA RNAM PAR DAG PAR BLTA BAR BYA'O,,

156b

ZHES GSUNGS PA'I PHYIR, GNYIS PA, DBANG RTEN NI, 'BYUNG BA BZHI DANG 'BYUNG 'GYUR GYI GZUGS DANG DBANG PO THA MI DAD PAR 'JUG PA RNAMS SO, ,GSUM PA DBANG YUL NI, GZUGS NAS CHOS KYI BAR GYI YUL DRUG PO RNAMS YIN NO, ,BZHI PA BDAG TU 'DZIN TSUL LA GNYIS YOD DE, NGAR 'DZIN PA'AM BDAG TU 'DZIN PA DANG, DE'I 'KHOR NGA YI BAR 'DZIN PA'AM BDAG GI BAR 'DZIN PA GNYIS SU YOD PA'I PHYIR, DE GNYIS LA RGYAL PO DANG BLON PO'I SGRAS GSUNGS PA'I RGYU MTSAN YOD DE, BDAG DANG BDAG GI BA LA DBANG SGYUR BYED DANG BSGYUR BA RU RTOGS PA YOD PA LA DGONGS NAS GSUNGS PA'I PHYIR, GNYIS PA KHAMS GANG DU 'JOG PA LA YUL GYI DBANG DU BYAS NA 'DOD KHAMS NA YUL DRUG GA YOD, GZUGS KHAMS NI DRI RO MA GTOGS YUL BZHI YOD, GZUGS MED NA CHOS KHAMS KHO NA YOD DO, ,DBANG PO'I NGO BO'I DBANG DU BYAS NA, 'DOD KHAMS NA KUN NAS NYON MONGS PHYOGS KYI DBANG PO BCU BZHI TSANG BAR YOD, GZUGS KHAMS NA PHO MO DANG SDUG BSNGAL GYI DBANG PO YID MI BDE'I DBANG PO RNAMS MA GTOGS KUN NAS NYON MONGS PHYOGS KYI DBANG PO BCU YOD, GZUGS MED KHAMS NA GZUGS CAN GYI DBANG PO LNGA DANG, BDE BA DANG YID BDE MA GTOGS SROG YID BTANG SNYOMS KYI DBANG PO GSUM YOD DE, MDZOD LAS, DRI MED MA GTOGS 'DOD PAR GTOGS, ,PHO MO'I DBANG DANG SDUG BSNGAL DAG ,MA GTOGS GZUGS GTOGS GZUGS CAN DANG, ,BDE BA'ANG MA GTOGS GZUGS MED GTOGS, ,ZHES GSUNGS PA'I

157a

, ,PHYIR; DES NA 'DOD KHAMS NA DBANG PO BCU DRUG YOD DE, DER DRI MED GSUM MA GTOGS LHAG MA THAMS CAD YOD PA'I PHYIR, GZUGS KHAMS NA BCO LNGA YOD DE, DER DRI MED GSUM PHO MO'I DBANG PO GNYIS TSOR BA SDUG BSNGAL YID MI BDE GNYIS TE BDUN MA GTOGS LHAG MA THAMS CAD YOD PA'I PHYIR, DBANG PO'I MTSON TSUL LA, DBANG PO DE GRONG GI DPES STON PA'I RGYU MTSAN YOD DE, GRONG DES SKYE BO'I RTEN BYED PA BZHIN DU, MIG SOGS DBANG PO LNGA PO DES KYANG RNAM PAR SHES PA'I RTEN BYED PA'I PHYIR, DBANG RTEN DE GRONG KHYER GYI DPES STON PA'I RGYU MTSAN YOD DE, GRONG KHYER DES GRONG GI RTEN BYED PA BZHIN DU, DBANG RTEN GYI KYANG DBANG PO'I RTEN BYED PA'I PHYIR, DBANG YUL DE GRONG RDAL GYI DPES STON PA'I RGYU MTSAN YOD DE, GRONG RDAL DE SKYES BUS 'JUG PA SOGS BYED PA'I YUL YIN PA BZHIN DU, DBANG YUL GZUGS SGRA DRI RO REG BYA RNAMS KYANG RNAM PAR SHES PA 'JUG PA SOGS KYI YUL YIN PAS DE LTAR BSTAN PA'I PHYIR, RNAM PAR SHES PA LA BDAG GI SGRAS STON PA'I RGYU MTSAN YOD DE, SEMS BYUNG LA DBANG SGYUR BA SOGS YIN PA'I RGYU MTSAN GYIS DE LTAR BSTAN PA'I PHYIR, SEMS BYUNG LA GANG ZAG GI SGRAS STON PA'I RGYU MTSAN YOD DE, RNAM PAR SHES PA'I DBANG BSGYUR BYA YIN PA'I RGYU MTSAN GYIS DE LTAR BSTAN PA'I PHYIR, DES NA GRONG DANG GRONG KHYER DANG GRONG RDAL SOGS KYI KHYAD PAR YOD DE, MA LA YA LA SOGS PA'I YUL DANG, KHYIM GCIG LA SOGS PA NI GRONG DANG,

157b

BZO'I BYE BRAG BCO BRGYAD YOD PA NI GRONG KHYER DANG, TSONG PA MANG PO YOD PA NI GRONG RDAL DANG, RIGS BZHI GNAS PA'I YUL LA LJONGS ZHES BYA BA YIN PA'I PHYIR, DON NI, 'GOG PA RJES SHES THOB PA'I RJES THOB LA GNAS PA'I SEMS DPA' DBANG 'BRING CHOS CAN, BLA MED RDZOGS BYANG LAS PHYIR MI LDOG PA YIN TE, 'GOG PA RJES BZOD KYIS DRANGS PA'I RJES THOB LUS NGAG GI SPYOD PA KHYAD PAR CAN DANG LDAN PA'I SEMS DPA' YIN PA'I PHYIR, DES SHES BZOD GZHAN BCO LNGA LA RIGS 'GRE'O, ` , GSUM PA SKOM LAM PA PHYIR MI LDOG PA'I RTAGS BSHAD PA LA, MTSAMS SBYAR BA DANG, DON BSHAD PA GNYIS LAS, DANG PO NI, MTHONG LAM PA PHYIR MI LDOG PA'I RTAGS DE'I 'OG TU SGOM LAM PA PHYIR MI LDOG PA'I RTAGS 'CHAD PA'I RGYU MTSAN YOD DE, MDOR BSTAN GYI GO RIMS DANG BSTUN PAR BSHAD PA'I PHYIR, ZHES 'CHAD PA LA, DE'I 'OG TU SGOM PA'I LAM LA GNAS PA'I PHYIR MI LDOG PA'I MTSAN NYID YIN PA LAS ZHES GSUNGS, GNYIS PA LA, ZHAR BYUNG DANG, DKYUS MA'I DON NO,, DANG PO LA, SGOM LAM GYI KHYAD PAR DANG, KHYAD GZHI'I SGOM LAM DANG, DE'I RAB DBYE DANG GSUM LAS, DANG PO LA GSUM LAS, DANG PO NI, MDOR BSTAN DANG BSTUN NA DANG POR RTAGS 'CHAD RIGS NA'ANG DE DAG GI SGOM LAM GYI KHYAD PAR DANG POR 'CHAD PA'I RGYU MTSAN YOD DE, KHYAD PAR CAN SGOM LAM NGES PA LA DE'I KHYAD PAR NGES DGOS PA SHES PAR BYA BA'I CHED YIN PA'I PHYIR TE, DPAL CHOS KYI GRAGS PA'I LUGS LAS, KHYAD PAR DANG NI KHYAD PAR GZHI, ,'BREL DANG 'JIG

158a

, ,RTEN GZHUNG LUGS NI, ,BZUNG NAS DE DAG BSDOMS BYA STE, ,DE LTAR RTOGS KYI GZHAN DU MIN, ,DPER DBYUG CAN BZHIN, ZHES KHYAD PAR DU BYED CHOS DBYUG PA BLOS MA BZUNG BAR KHYAD PAR CAN DBYUG PA CAN 'DZIN PA'I BLO MI SKYE'O ZHES 'BYUNG BA'I PHYIR, ZHES MTSAMS SBYOR BA LA, LUGS LAS KHYAD PAR MA BZUNG BAR KHYAD PAR CAN GYI BLO MI SKYE'O ZHES 'BYUNG BA'I PHYIR RE SHIG SGOM PA'I LAM GYI KHYAD PAR, ZHES GSUNGS, GNYIS PA NI, SGOM PA'I LAM NI ZAB PA STE, ,ZHES SOGS GSUNGS PA'I PHYIR, GSUM PA DE NYID TSIG DON GYI SGO NAS BSHAD PA LA, STONG PA NYID LA SOGS, ZHES SOGS GSUNGS, 'DI LA YANG, ZAB PA SGOM LAM GYI KHYAD PAR BSTAN PA DANG, ZAB PA RANG GI NGO BO DANG; ZAB PA'I RGYU MTSAN DANG GSUM LAS, DANG PO NI, MDO LAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS RNAM PA GANG DAG DANG RTAGS GANG DAG DANG MTSAN MA GANG DAG GIS PHYIR MI LDOG PA'I BYANG CHEN RAB TU DBYE BAR BGYIS, PHYIR MI LDOG PA'I BYANG CHEN GYI RNAM PA DANG RTAGS DANG MTSAN MA RNAMS BSKAL PA GANGG'A'I KLUNG GI BYE MA SNYED DU STON PAR SPYOD LAGS NA, BCOM LDAN 'DAS BYANG CHEN PHAR PHYIN DRUG LA SPYOD PA'I TSE GANG LA GNAS SHING DRAN PA NYE BAR BZHAG PA BZHI YONGS SU RDZOGS PAR BGYI BA DANG, ZHES PA NAS, SANGS RGYAS KYI CHOS MA 'DRES PA RNAMS YONGS

158b

SU RDZOGS PAR BGYID PA'I GNAS ZAB MO RNAMS LEGS PAR BSTAN DU GSOL, ,ZHES PA'I BAR GYIS BSTAN, DE'I DON BSHAD PA LA, SGOM PA'I LAM NI ZAB PA STE, ,ZHES DANG, ZAB MO NYID DANG LDAN PA'I PHYIR SGOM PA'I LAM ZAB PA YIN NO; ;ZHES GSUNGS, GNYIS PA DE STON PA LA, BCOM LDAN 'DAS KYIS BKA' STZAL PA, RAB 'BYOR LEGS SO LEGS SO RAB 'BYOR DE LTAR KHYOD PHYIR MI LDOG PA'I BYANG CHEN RNAMS KYI DON DU DE BZHIN GSHEGS PA LA GNAS ZAB MO RNAMS ZHU BAR SEMS PA NI LEGS SO, ,RAB 'BYOR GZUGS ZAB MO ZHES BYA BA 'DI NI STONG PA NYID KYI TSIG BLA DVAGS SO, ,'DI NI MTSAN MA MED PA'O, ,ZHES SOGS GSUNGS, DE'I DON BSHAD PA LA, ZAB MO STONG PA NYID LA SOGS; ;ZHES DANG, STONG PA NYID LA SOGS PA YIN LA, ZHES GSUNGS, GSUM PA DE STON PA LA, GSOL BA, BCOM LDAN 'DAS GZUGS KYI DE BZHIN NYID JI LTA BU LAGS, ZHES PA NAS, GZUGS KYI DE BZHIN NYID NI DE LA GZUGS KYANG MED LA GZUGS LAS GUD NA YANG DE BZHIN NYID MED DE GZUGS KYI DE BZHIN NYID NI DE LTA BU'O, ,ZHES SOGS GSUNGS, DE'I DON BSHAD PA LA, ZAB PA DE NI SGRO 'DOGS DANG, ,SKUR BA'I MTHA' LAS GROL BA NYID, ,CES DANG, STONG PA NYID LA SOGS PA LA YANG GZUGS MED LA, STONG PA NYID LA SOGS PA GZUGS LAS GZHAN PA YANG MA YIN PAS, GO RIMS BZHIN DU STONG PA NYID LA SOGS PA LA SGRO 'DOGS DANG SKUR BA'I MTHA' LAS GROL BA NYID GANG YIN PA DE NI

159a

, ,ZAB MO STE, ZHES GSUNGS, GZHUNG DON NI, THEG CHEN GYI SGOM LAM CHOS CAN, ZAB PA ZHES BRJOD PA YIN TE, ZAB MO STONG PA NYID MNGON SUM DU RTOGS PA'I SHES RAB KYIS ZIN PA'I THEG CHEN GYI RJES LA MNGON RTOGS YIN PA'I PHYIR, 'DIR BSTAN ZAB PA'I NGO BO YANG YOD DE, STONG PA NYID DANG, MTSAN MA MED PA, SMON PA MED PA, MNGON PAR 'DU BYA BA MED PA, SKYE BA MED PA, 'GAG PA MED PA, 'DOD CHAGS DANG BRAL BA, 'GOG PA, ZHI BA; DE BZHIN NYID, YANG DAG MTHA' RNAMS 'DIR BSTAN ZAB MO YIN PA'I PHYIR, STONG PA NYID LA SOGS PA BCU GCIG PO DE CHOS CAN, ZAB PA YIN TE, SGRO SKUR GYI MTHA' DANG BRAL BA'I DE BZHIN NYID YIN PA'I PHYIR, ` GNYIS PA KHYAD GZHI SGOM LAM BSHAD PA LA YANG GSUM LAS, DANG PO NI, GONG DU DE LTAR SGOM LAM GYI KHYAD PAR BYED CHOS BSTAN NAS DA NI KHYAD PAR GYI GZHI SGOM LAM RANG GI NGO BO STON NO, ,ZHES MTSAMS SBYOR BA LA, DE LTAR KHYAD PAR BSTAN PAS KHYAD PAR GYI GZHI, ZHES GSUNGS, GNYIS PA NI, KHYAD GZHI SGOM LAM GYI NGO BO STON PA LA, MTSAN NYID, MTSAN GZHI, PHAN YON GSUM RIMS BZHIN STON PA LA, MDO LAS, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR GANG GI TSE BYANG CHEN SHER PHYIN LA JI LTAR BYA BA BZHIN DU BDAG GIS 'DI LTAR GNAS PAR BGYI'O, ,SHER PHYIN LA

159b

JI LTAR NYE BAR GNAS PA BZHIN BDAG GIS 'DI LTAR BSLAB PAR BYA'O, ,SHER PHYIN LA JI LTAR BSHAD PA BZHIN BDAG GIS 'DI LTAR BSLAB PAR BYA'O, ,SHER PHYIN LA JI LTAR BSHAD PA BZHIN BDAG GIS 'DI LTAR BSGRUB PAR BYA'O SNYAM PAS SHER PHYIN DANG LDAN PA'I GNAS PA ZAB MO 'DI DAG LA SEMS PAR YANG 'GYUR, 'JAL BAR 'GYUR, NGES PAR RTOG PAR 'GYUR NA, ZHES DANG, DE DE BZHIN DU SGRUB PAR BYED, DE DE BZHIN DU NGES PAR RTOGS PAR BYED, DE DE BZHIN DU NYE BAR RTOGS PAR BYED, CES SOGS DANG, RAB 'BYOR 'DI LTA STE, DPER NA SKYES BU 'DOD CHAGS LA SPYOD CING RNAM PAR RTOG PA ZHIG GIS BUD MED GZUGS BZANG ZHING MDZES PA BLTA NA SDUG PA 'GA' ZHIG DANG DUS BTAB LA, BUD MED DE YANG GZHAN GYIS YONGS SU BZUNG BA ZHIG STE, ZHES PA NAS, RGYU'I BAR DU YANG NYE BAR MI 'GRO'O, ,ZHES PA'I BAR GSUNGS, DE'I DON BSHAD PA LA, NGES 'BYED YAN LAG DANG MTHONG BA'I, ,LAM DANG SGOM PA'I LAM NYID LA, ,MANG DANG MANG DU SEMS PA DANG, ,'JAL DANG NGES RTOG SGOM PA'I LAM, ,ZHES GSUNGS, GSUM PA NI, DE NYID TSIG DON GYI SGO NAS BSHAD PA LA, THOS PA DANG BSAM PA DANG BSGOMS PA LAS BYUNG BA'I SHES RAB DAG GAM, TING NGE 'DZIN GYI SBYOR BA DANG DNGOS DANG RJES LAS BYUNG BA'I SHES RAB KYIS GO RIMS BZHIN DU NGES PAR 'BYED PA'I YAN LAG LA SOGS PA GSUM LA NGES PAR MTHONG BA'I DON YANG DANG YANG DU SEMS PA DANG, 'JAL BA DANG NGES PAR RTOG PA NGAG NI SGOM PA'I LAM RGYUN

160a

, ,CHAGS PA YIN NO, ,ZHES GSUNGS, GZHUNG DON NI, NGES 'BYED YAN LAG GI GNAS SKABS SU THOS PA'I DON LA DPYOD PA'I RIGS PA BZHIS YANG DANG YANG DU SEMS PA DANG, MTHONG LAM GYI GNAS SKABS SU BSAM PA'I DON LA MNYAM PAR 'JOG BZHIN PA'I ZHI GNAS DGUS YANG DANG YANG DU 'JAL BA DANG, SGOM LAM GYI GNAS SKABS SU DON DGU PO DE 'BYED PA DANG, RAB TU RNAM PAR 'BYED PA DANG, YONGS SU RTOG PA DANG, YONGS SU DPYOD PA'I LHAG MTHONG BZHIS YANG DANG YANG DU NGES PAR RTOG PA'I SBYOR MTHONG SGOM GSUM GYI SKABS SU RTOGS ZIN RGYUN CHAGS SU 'BYUNG BA'I THEG CHEN GYI RJES LA MNGON RTOGS CHOS CAN, SKABS 'DIR BSTAN GYI THEG CHEN GYI SGOM LAM GYI MTSAN NYID YIN TE, DE'I 'JOG BYED YIN PA'I PHYIR, ` GSUM PA DE'I RAB DBYE BSHAD PA LA, DBYE BA DNGOS DANG, PHYE BA LA RTZOD PA SPANG BA DANG GNYIS LAS, DANG PO LA GSUM LAS, DANG PO NI, DE LTA BU'I KHYAD GZHI SGOM LAM DE LA GRANGS KYI SGO NAS RNAM PA DU ZHIG YOD, CES DRI BA'I SGO NAS MTSAMS SBYOR BA LA, DE RNAM PA DU ZHIG CE NA, ZHES GSUNGS, GNYIS PA LA MI MTHUN PHYOGS CHE 'BRING CHUNG DGU DANG, GNYEN PO'I PHYOGS CHUNG 'BRING CHE DGU YOD PA'I, DANG PO NI, MI MTHUN PHYOGS CHEN PO'I CHEN PO DANG, GNYEN PO CHUNG NGU'I CHUNG NGU GNYIS RIM BZHIN STON PA LA, RAB 'BYOR GZHAN YANG BYANG CHEN SHER PHYIN DANG BRAL BAS BSKAL BA GANGG'A'I KLUNG GI PHYE MA SNYED KYI SANGS RGYAS DKON MCHOG DANG, ZHES SOGS DANG, BCOM

160b

LDAN 'DAS KYIS BKA' BSTZAL PA, RAB 'BYOR DE BAS KYANG BYANG CHEN SHER PHYIN ZAB MO JI SKAD DU BSTAN PA 'DI LA BRTZON PAR BYED NA DE'I BSOD NAMS CHES MANG DU 'PHEL LO, ,ZHES SOGS GSUNGS, DE CHEN PO'I 'BRING DANG, CIG SHOS CHUNG NGU'I 'BRING GNYIS STON PA LA, RAB 'BYOR DE JI SNYAM DU SEMS, BYANG CHEN SHER PHYIN DANG BRAL BAS BSKAL PA GANGG'A'I KLUNG GI BYE MA SNYED DU 'DUG CING RGYUN DU ZHUGS PA LA YON PHUL NA, ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE BAS KYANG RIGS KYI BU'AM RIGS KYI BU MO SHER PHYIN ZAB MO JI SKAD DU BSTAN PA 'DI LA BRTZON PAR BYED NA, DE'I BSOD NAMS MANG DU 'PHEL LO, ,ZHES SOGS GSUNGS, DE CHEN PO'I CHUNG NGU DANG, CIG SHOS CHUNG NGU'I CHEN PO GNYIS STON PA LA, RAB 'BYOR DE JI SNYAM DU SEMS, BYANG CHEN SHER PHYIN DANG BRAL BA GANG ZHIG BSKAL PA GANGG'A'I KLUNG GI BYE MA SNYED DU 'DUG CING SBYIN PA BYIN NA, ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE BAS KYANG RIGS KYI BU'AM RIGS KYI BU MO GANG JI LTAR BSTAN PA'I SHER PHYIN ZAB MO 'DI LA GNAS TE NYI MA GCIG SBYIN PA BYIN PA DANG, ZHES SOGS GSUNGS, DE 'BRING GI CHEN PO DANG, CIG SHOS 'BRING GI CHUNG NGU GNYIS STON PA LA, RAB 'BYOR DE JI SNYAM DU SEMS, BYANG CHEN SHER PHYIN DANG BRAL BA GANG ZHIG BSKAL PA GANGG'A'I KLUNG GI BYE MA SNYED DU CHOS KYI SBYIN PA BYIN NA, ZHES SOGS DANG, BCOM LDAN 'DAS KYIS BKA' STZAL PA,

161a

, ,RAB 'BYOR DE BAS KYANG RIGS KYI BU'AM RIGS KYI BU MO GANG GIS SHER PHYIN 'DI LA JI SKAD DU BSHAD PA BZHIN DU NYI MA GCIG GNAS TE CHOS KYI SBYIN PA BYIN NA, ZHES SOGS GSUNGS, DE 'BRING GI 'BRING DANG, CIG SHOS 'BRING GI 'BRING GNYIS STON PA LA, RAB 'BYOR DE JI SNYAM DU SEMS, SHER PHYIN DANG BRAL BA'I BYANG CHEN GANG ZHIG GIS BSKAL PA GANGG'A'I KLUNG GI BYE MA SNYED DU GNAS TE, DRAN NYE BZHI DANG, ZHES SOGS DANG, BCOM LDAN 'DAS KYIS BKA' BSTZAL PA, RAB 'BYOR DE BAS KYANG RIGS KYI BU'AM RIGS KYI BU MO GANG GIS JI LTAR BSTAN PA'I SHER PHYIN LA GNAS TE DRAN NYE BZHI DANG, ZHES SOGS GSUNGS, DE 'BRING GI CHUNG NGU DANG, CIG SHOS 'BRING GI CHEN PO GNYIS STON PA LA, RAB 'BYOR DE JI SNYAM DU SEMS, BYANG CHEN SHER PHYIN DANG BRAL BA GANG GIS BSKAL PA GANGG'A'I KLUNG GI BYE MA SNYED DU GNAS TE ZANG ZING GI SBYIN PA DE DANG, ZHES SOGS DANG, BCOM LDAN 'DAS KYIS BKA' BSTZAL PA, RAB 'BYOR DE BAS KYANG RIGS KYI BU'AM RIGS KYI BU MO SHER PHYIN ZAB MO 'DI LA JI SKAD BSTAN PA BZHIN DU GNAS TE NYI MA 'GA' ZHIG ZANG ZING GI SBYIN PA DE DANG, ZHES SOGS GSUNGS, DE CHUNG NGU'I CHEN PO DANG, CIG SHOS CHEN PO'I CHUNG NGU GNYIS STON PA LA, RAB 'BYOR DE JI SNYAM DU SEMS, RIGS KYI BU'AM RIGS KYI BU MO SHER PHYIN DANG BRAL BA GANG LA LAS BSKAL PA GANG G'A'I KLUNG GI BYE MA SNYED DU GNAS TE, 'DAS PA DANG MA BYON

161b

PA DANG, DA LTAR BYUNG BA'I SANGS RGYAS BCOM LDAN 'DAS NYAN THOS KYI DGE 'DUN DANG BCAS PA DANG BYANG CHUB SEMS DPA'I DGE 'DUN DANG BCAS PA RNAMS KYI DGE BA'I RTZA BA GANG JI SNYED PA DE THAMS CAD LA RJES SU YI RANG NAS BLA MED RDZOGS BYANG DU YONGS SU BSNGO NA, ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE BAS KYANG RIGS KYI BU'AM RIGS KYI BU MO GANG GYIS SHER PHYIN ZAB MO JI SKAD DU BSTAN PA 'DI LA GNAS TE NYI MA 'GA' ZHIG DGE BA'I RTZA BA DE, ZHES SOGS GSUNGS, DE CHUNG NGU'I 'BRING DANG, CIG SHOS CHEN PO'I 'BRING GNYIS STON PA LA, GSOL BA, BCOM LDAN 'DAS MNGON PAR 'DU BGYI BA THAMS CAD NI RNAM PAR BRTAGS PA'O, ,ZHES BCOM LDAN 'DAS KYIS BKA' STZAL PA, DE JI LTAR RIGS KYI BU'AM RIGS KYI BU MO DE'I BSOD NAMS CHES MANG DU 'PHEL BAR 'GYUR LAGS, ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE; MNGON PAR 'DU BYED PAS YANG DAG PA'I LTA BA BSKYED PA'AM SKYON MED PAR 'JUG PA'AM, ZHES SOGS GSUNGS, MI MTHUN PHYOGS CHUNG NGU'I CHUNG NGU DANG, GNYEN PO CHEN PO'I CHEN PO GNYIS STON PA LA, RAB 'BYOR BYANG CHEN DE NI STONG PA NYID DE DAG LA GNAS SHING JI LTA JI LTAR MNGON PAR 'DU BYED PA, ZHES SOGS NAS, BSOD NAMS 'PHEL BAR 'GYUR RO, ,ZHES PA'I BAR GYIS MI MTHUN PHYOGS DNGOS SU BSTAN NAS GNYEN PO SHUGS LA BSTAN, DE'I DON

162a

, ,BSHAD PA LA, DE NI RGYUN CHAGS YIN PA'I PHYIR, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, BYANG CHUB SEMS DPA' RNAMS KYI, ZHES SOGS GSUNGS, 'DI LA YANG, SPANG GNYEN GYI RIM PA LA RTZOD PA SPANG BA DANG, SPANG BYA'I NGO BO LA RTZOD PA SPANG BA GNYIS LAS, DANG PO NI, MUN PA SHIN TU CHEN PO NI SNANG BA CHUNG NGUS SEL LA, CHUNG NGU NI CHEN POS SEL TO ZHES BYA BA'I DPES RNAM PAR RTOG PA CHEN PO DANG, 'BRING DANG CHUNG NGU RNAMS RE RE ZHING CHEN PO DANG 'BRING DANG CHUNG NGU'I BYE BRAG GIS THA DAD PA'I PHYIR, DE DAG GI GNYEN PO CHUNG NGU DANG 'BRING DANG CHEN PO RNAMS KYANG RE RE ZHING CHUNG NGU DANG 'BRING DANG CHEN PO'I BYE BRAG GIS THA DAD PA'I PHYIR, ZHES GSUNGS, GNYIS PA NI, BYANG CHUB SEMS DPA' RNAMS KYI NYON MONGS PA NI RNAM PAR RTOG PA'O, ,ZHES 'BYUNG BA'I PHYIR, ZHES BSHAD, TSIG DON DNGOS DE 'CHAD PA LA, DE LTAR NA DON DAM PAR STONG PA NYID KYI MTSAN NYID KYI RNAM PA'I SGO NAS RNAM PAR RTOG PA'I GNYEN PO'I DBYE BA LAS GRANGS BZHIN DU, 'DOD PA'I KHAMS LA SOGS PA SA DGU DAG TU RNAM PA DGU RGYUN CHAGS SU 'BYUNG BA'I PHYIR SGOM PA'I LAM YIN NO, ,ZHES GSUNGS, GZHUNG DON NI RIM BZHIN, THEG CHEN GYI SGOM LAM CHOS CAN, KHYOD LA DU MAR DBYER RUNG STE, KHYOD LA THEG CHEN GYI SGOM LAM CHUNG NGU'I CHUNG NGU NAS, DE CHEN PO'I CHEN PO'I BAR DGUR DBYER YOD PA'I PHYIR, DE LA DE DGUR GRANGS NGES PA YANG YIN TE, DE BSKAL PA GRANGS

162b

MED GNYIS SU SKAD CIG SNGA PHYI RGYUN CHAGS SU 'BYUNG BA'I PHYIR, THEG CHEN GYI SGOM LAM DE LA CHUNG 'BRING CHEN PO'I DBYE BA'I RNAM PA DGUR 'BYED PA'I RGYU MTSAN YOD DE, 'DOD PA NAS SRID RTZE'I BAR GYI KHAMS GSUM SA DGU'I SGOM SPANG GI GNYEN POR GRANGS MED GNYIS SU RGYUN CHAGS SU 'BYUNG BA'I PHYIR, SGOM LAM DGUR 'BYED TSUL YOD DE, SGOM SPANG RNAM PAR RTOG PA'I GNYEN PO'I DBYE BA LAS SPANG BYA DGU'I GNYEN POR GRANGS BZHIN DU SGOM LAM DGUR PHYE BA'I PHYIR, SGOM SPANG RNAM PAR RTOG PA'I RTZA BA'I DBYE BA CHE 'BRING CHUNG NGU RNAMS RE RE ZHING CHE 'BRING CHUNG NGU'I BYE BRAG GIS THA DAD PA DGU YOD PA'I PHYIR, SPANG BYA DE DAG GI GNYEN PO SGOM LAM CHUNG 'BRING CHEN PO RNAMS KYANG RE BZHIN CHUNG 'BRING CHEN PO'I BYE BRAG GIS THA DAD PA DGUR YOD PA'I PHYIR, KHO NA RE, GNYEN PO CHUNG RIMS NAS SKYE BAS, SPANG BYA CHE RIMS NAS 'GOG PA MI 'THAD DE, SPANG BYA CHUNG NGU LA GNYEN PO CHEN PO MI DGOS, CHEN PO CHUNG NGUS SPONG MI NUS PA'I PHYIR TE, DPER NA, RDE'U NI MDZUB MO RES KYANG GTOR NUS LA RI BO NI DE LTAR MA YIN PA BZHIN NO, ,ZHES ZER NA, SKYON MED DE, SPANG DKA' SLA LA CHA CHUNG NGU 'JOG NA DE LTA YIN KYANG 'DIR NI DRI MA PHRA RAGS LA CHUNG BA DANG CHE BAR 'JOG PA'I PHYIR TE, KHRUS MKHAN GYIS GOS KYI DRI MA RAGS PA SNGON LA BSAL NAS PHRA BA RJES SU SEL BA DANG, MUN PA SHIN TU CHEN PO RAGS PA NI SNANG BA CHUNG NGU SGRON ME'I 'OD KYIS KYANG SEL LA, MUN PA CHUNG NGU PHRA BA 'GA' ZHIG MI SNANG BA

163a

, ,CHEN PO NYI 'OD LTA BUS SEL DGOS PAR TSAD MAS GRUB PA'I PHYIR, KHO NA RE, THEG CHEN GYI SGOM LAM LA SGOM SPANG RTOG PA'I GNYEN PO'I DBYE BAS DGUR PHYE NAS NYON SGRIB KYI GNYEN PO NI DBYE BAS DER MI 'BYED PA MI 'THAD DE, SGOM SPANG LA NYON SGRIB KYANG MOD PA'I PHYIR NA, SKYON MED DE, NYON SGRIB DE SGOM SPANG RTOG PA'I NANG DU 'DUS PA'I PHYIR, BYANG CHUB SEMS DPA' RNAMS KYI SPANG BYA NYON MONGS NI RNAM PAR RTOG PA'O, ,ZHES RGYAN 'GREL LAS 'BYUNG BA'I PHYIR, ? GNYIS PA PHYE BA LA RTZOD PA SPONG BA LA, GNYEN PO'I GRANGS NGES PA DANG, BYED PA LA RTZOD PA SPONG BA GNYIS LAS, DANG PO LA RTZON LAN GNYIS LAS, DANG PO LA MDO DANG, BSTAN BCOS GNYIS LAS, DANG PO LA, GANGS MED SOGS SU NYE BAR MTSON PA'I MTSAN NYID DANG, GRANGS MED LA RTZON PA DNGOS GNYIS RIMS BZHIN STON PA LA, GSOL BA, BCOM LDAN 'DAS GRANGS MA MCHIS PA DANG GZHAL DU MA MCHIS PA DANG TSAD MA MCHIS PA LA BYE BRAG CI MCHIS, THA DAD DU BGYI BA GANG ZHIG MCHIS, BCOM LDAN 'DAS KYIS BKA' STZAL PA, RAB 'BYOR GRANGS MED CES BYA BA NI GANG 'DUS BYAS KYI KHAMS SAM 'DUS MA BYAS KYI KHAMS SU BGRANG BAR NYE BAR MI 'GRO'O, ,ZHES SOGS DANG, GSOL BA, BCOM LDAN 'DAS RNAM GRANGS GANG GIS NA GZUGS KYANG GRANGS MA MCHIS GZHAL DU MA MCHIS TSAD MA MCHIS PAR 'GYUR BA LAS, ZHES SOGS

163b

GSUNGS, GNYIS PA NI, DE'I DON BSHAD PA LA, RGYAL BA'I YUM DE DANG DE LAS RNAM PA RE RE'I DBANG DU MDZAD DE, BSOD NAMS GRANGS MED PA DANG, GZHAL DU MED PA DANG, TSAD MED PA SKYE BAR GSUNGS PA'I PHYIR, BYE BRAG RNAM PA MANG BA MA YIN NAM, JI LTAR RNAM PA DGU ZHES BYA ZHE NA, ZHES GSUNGS, DON NI, KHO NA RE, THEG CHEN GYI SGOM LAM GYI BYE BRAG LA DBYE BA NI GRANGS RNAM PA DGU LAS MANG BA MA YIN NAM YIN PAR THAL, RGYAL BA'I YUM GSUM PO DE DANG DE LAS THEG CHEN GYI SGOM LAM GYI RNAM PA RE RE'I DBANG DU MDZAD DE, BSOD NAMS GRANGS MED GZHAL DU MED TSAD MED GSUM SKYE BAR GSUNGS PA'I PHYIR, KHYAB STE, 'BRAS BU'I MANG NYUNG RGYU'I RJES SU BYED PA'I PHYIR, RTZA RTAGS GRUB STE, JI LTA JI LTAR BYANG CHEN SHER PHYIN DANG MA BRAL BA DE LTA DE LTAR GRANGS MED GZHAL DU MED TSAD MED PA'I BSOD NAMS 'PHEL BAR 'GYUR RO, ,ZHES SGOM LAM DGUS SHER PHYIN DANG MA BRAL BA LA DE LTAR SKYE BAR GSUNGS PA'I PHYIR, 'DOD NA, RNAM PA DGUR BZHED DO, ,ZHES JI LTAR NA GRANGS RNAM PA DGU ZHES BYA STE DER MA NGES SO ZHE NA, ` GNYIS PA LAN LA, MDO DANG BSTAN BCOS GNYIS LAS, DANG PO NI, BCOM LDAN DAS KYIS BKA' STZAL BA, RAB 'BYOR DE DE BZHIN NO, ,DE DE BZHIN TE, CHOS DE DAG LA DON NAM YI GE THA DAD DU BYA BAR DMIGS SO, ,RAB 'BYOR 'ON KYANG BRJOD DU MED PA'I DON LA, DES LAS MI ZAD PA ZHES BYA BA'AM, GRANGS MED PA ZHES BYA BA'AM, GZHAL DU MED PA ZHES BYA BA'AM, TSAD MED PA ZHES BYA BA'AM, STONG PA ZHES BYA BA NAS

164a

, ,MYA NGAN LAS 'DAS PA ZHES MNGON PAR BRJOD PA GANG YIN PA 'DI DE BZHIN GSHEGS PA'I THUGS RJE CHEN PO'I RGYU MTHUN GYIS BSTAN PA YIN NO, ,ZHES GSUNGS, GNYIS PA LA, RTZA 'GREL GNYIS LAS, DANG PO NI, MDO DE'I DON BSHAD PA LA, GRANGS MED LA SOGS BSTAN PA RNAMS, ,ZHES SOGS GSUNGS, DE YANG RKANG PA DANG PO GNYIS NYI SNANG DU RTZOD PA DANG, PHYI MA GNYIS LAN DU MDZAD PA'I RJES SU 'BRANG NAS LE'U BRGYAD MA, RNAM GROL SDE, SHER SGRON; SHINTA PA, ZLA 'OD RNAMS SU YANG DE LTAR BSHAD, 'GREL PA CHE CHUNG GNYIS DANG DE'I RJES 'BRANG RNAMS DANG RATNA KIRTIS RTZOD PA KHONG NAS BTON TE BZHI KA LAN DU MDZAD LA, 'DI LTAR NA SGOM LAM THA MAR GRANGS MED SOGS GSUM SKYE BAR GSUNGS PA LA DE GSUM GYI MTSAN NYID JI 'DRA BA ZHUS PA'I LAN DU PHYIN CI LOG GI SGRO 'DOGS 'GOG PA'I SGO NAS MI 'DRA BA GSUNGS PA NI, RAB 'BYOR GRANGS MED ZHES BYA BA NI GANG 'DUS BYAS KYI KHAMS SAM 'DUS MA BYAS KYI KHAMS SU BGRANG BAR NYE BAR MI 'GRO'O, ,GZHAL DU MED PA ZHES BYA BA NI DUS GSUM LA TSAD MI DMIGS PA'O, ,TSAD MED PA ZHES BYA BA NI, GANG ZAG GI RNAM PA GZHAN GANG GIS KYANG TSAD BZUNG BAR MI NUS PA'O, ,ZHES GSUNGS PA DANG, GZUGS SOGS CHOS THAMS CAD KYANG DE LTAR YIN PA'I RNAM GRANGS YOD DAM ZHES ZHUS PA'I LAN DU YOD PAR ZHAL GYIS BZHES PA DANG, GANG GIS DE LTAR 'GYUR BA'I RNAM GRANGS DE ZHUS PA'I LAN DU, STONG PA NYID KYIS DE LTAR YIN PAR GSUNGS PA LA, STONG PA NYID

164b

GANG LAGS PA DE NI DE BAS TE GRANGS MA MCHIS PA YANG DE LAGS, TSAD MA MCHIS PA YANG DE LAGS TE, BCOM LDAN 'DAS STONG PA NYID LA ZAD PA MI DMIGS, GRANGS KYANG MI DMIGS, GZHAL BA YANG MI DMIGS, TSAD KYIS MI DMIGS TE, BCOM LDAN 'DAS DE BAS NA CHOS DE DAG LA DON NAM YI GE THA DAD DU BGYI BA MI DMIGS SO, ,ZHES STONG NYID LA DBYE BA MED PAS DE LA DON DAM PAR GRANGS MED SOGS KYI KHYAD PAR MED PAS, DON DANG YI GE'I SGO NAS THA DAD DU BRTAGS PAR MI NUS PAR BRTZAD PA DE BSDUS PA NI, GRANGS MED LA SOGS BSTAN PA RNAMS, ,ZHES SOGS, STONG NYID YIN PA'I RGYU MTSAN GYIS GRANGS MED SOGS SU BRJOD NAS RNAM PA GSUM DU BRJOD NA 'GAL BA SNYAM DU BSAM PA'O, ,GNYIS PA NI, DE NYID TSIG DON GYI SGO NAS BSHAD PA LA, GRANGS MED PA DANG, GZHAL DU MED PA DANG, TSAD MED PA BSTAN PA'I TSIG TU BRJOD PA'I NGO BO RNAMS KYI NI, DON DAM PAR NA SGOM PA'I LAM JI SKAD BSHAD PA'I MTSAN NYID CAN DON GCIG TU RAB TU SBYOR BA LA LDOG PA LA LTOS NAS NYE BAR BSKYED PA'I THA DAD PA NYID KYI NGO BOR DBYE BAR BYA BA BZOD PA MA YIN NA, ,KUN RDZOB TU NI BSHAD PA'I CHOS KYI NGO BO NYID JI SKAD BSHAD CING BSTAN PA DE DAG BYIS PA'I SKYE BO RNAMS LA 'BRAS BU CHEN PO SKYE BA RAB TU STON PA NYID KYIS DMIGS PA MED PA'I THUGS RJE CHEN PO'I RANG BZHIN GYI CHOS KYI DBYINGS KYI RGYU MTHUN PAR GYUR PA YIN PAR DE BZHIN GSHEGS PA BZHED PAS MANG PO NYID

165a

, ,DU THAL BAR MI 'GYUR RO, ,ZHES GSUNGS, GZHUNG DON NI, THEG CHEN GYI SGOM LAM GYI 'BRAS BU GRANGS MED SOGS 'BYUNG NA THEG CHEN GYI SGOM LAM LA DGUR GRANGS MA NGES MI DGOS PAR THAL, THEG CHEN GYI SGOM LAM GYI 'BRAS BU DON DAM PAR MA GRUB CING THA SNYAD DU SGOM LAM DGU PO RE RES 'BRAS BU GRANGS MED 'BYIN PAR SANGS RGYAS KYIS GZIGS PA'I PHYIR, THEG CHEN GYI SGOM LAM DON DAM PAR 'BRAS BU GRANGS MED SOGS BSKYED PA'I RGYU MTSAN GYIS THEG CHEN GYI SGOM LAM LA DGUR GRANGS MA NGES MI DGOS PAR THAL, THEG CHEN GYI SGOM LAM GYI 'BRAS BU DON DAM PAR MA GRUB PA'I PHYIR, THA SNYAD DU THEG CHEN GYI SGOM LAM GYI 'BRAS BU GRANGS MED SOGS BSKYED PAR BSTAN PA CHOS CAN, DGOS PA YOD DE, KHYOD LA BRTEN NAS GDUL BYAS SGOM LAM GYI 'BRAS BU LA SGO BA SKYES NAS RGYU SGOM LAM LA 'JUG PAR 'GYUR PA'I DGOS PA YOD PA'I PHYIR, ` GNYIS PA BYED PA LA RTZOD PA SPANG BA LA, RTZOD PA DANG, LAN GNYIS LAS; DANG PO LA GSUM LAS, DANG PO NI, KHO NA RE, SGOM LAM GYI SPANG GNYEN LA NYAMS THOB CUNG ZAD KYANG MI BYED PAR THAL, CHOS THAMS CAD DON DAM PAR MI DMIGS PA GANG ZHIG ,CHOS THAMS CAD DON DAM PAR MI DMIGS PA'I MTSAN NYID YIN PA NYID KYIS DE LA GOMS PA KHYAD PAR DU 'GO BA'I PHUL DU BYUNG BA PHYIR MED PAS KHYAB PA'I PHYIR, ZHES SKYE BO BLO DMAN PA'I NGOR DOGS PA BSU BA YIN NO, ,ZHES MTSAMS SBYOR BA LA, STONG PA NYID KYI

165b

MTSAN NYID KYIS GOMS PA PHUL DU BYUNG BA BYAR MED PA MA YIN NAM, DE'I PHYIR CUNG ZAD KYANG MI BYED PA KHO NA'O SNYAM PA'I SKYE BO BLO DMAN PA'I DOR DOGS BA BSU BAR, ZHES SOGS GSUNGS, GNYIS PA LA, BRJOD DU MED PA LA NYAMS PA DANG 'PHEL BA MED PA'I RTZOD PA DE STON PA LA, MDO LAS, GSOL BA, BCOM LDAN 'DAS CHOS RNAMS KYI CHOS NYID DE BZHIN GSHEGS PAS BSTAN LA CHOS NYID DE YANG BRJOD DU MA MCHIS PA NI NGO MTSAR CHE'O, ,ZHES PA NAS, BCOM LDAN 'DAS GAL TE BRJOD DU MA MCHIS PA'I DON LA 'PHEL BA DANG YONGS SU 'GRIB PA MA MCHIS NA SBYIN PA'I PHAR PHYIN LA YANG 'PHEL BA DANG YONGS SU 'GRIB PA MA MCHIS PAR 'GYUR RO, ,ZHES SOGS GSUNGS, DE'I DON BSHAD PA LA, DNGOS PO BRJOD DU MED PA LA, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, CHOS NYID KYI RANG GI NGO BOR 'DOD PA'I LAM GYI DNGOS POS, NGO BO NYID MED PA NYID KYIS YANG DAG PAR NA DE NYID DANG, GZHAN NYID DANG GNYIS KA DANG, GNYIS KA MA YIN PA NYID DU BRJOD DU MED PA LA SGOM PA PHUL DU PHYIN PAR BYAR MED PA'I PHYIR, MI MTHUN PA'I PHYOGS DANG GNYEN PO DAG GO RIMS BZHIN DU BRAL BA DANG SKYE BAR MI RUNG NGO, ,DE BAS NA SGOM PA ZHES BYA BA'I LAM GYIS MI MTHUN PA'I PHYOGS KYI NGO BO NI CI ZHIG POR, RNAM PAR BYANG BA NI CI ZHIG 'THOB STE, CUNG ZAD KYANG MI BYED PA NYID PAS NYE BAR 'GOD PAR MI BYA BA KHO NA'O, ,ZHES GSUNGS, GZHUNG DON NI, THEG CHEN GYI SGOM LAM CHOS CAN,

166a

, ,KHYOD KYIS SPANG BYA NYAMS PA DANG, GNYEN PO 'PHEL BA'I BYA BA MI BYED PAR THAL, KHYOD BDEN PA'I DNGOS POR MED PA'I PHYIR, KHYAB STE, BDEN PA'I DNGOS POR BRJOD DU MED PA LA SPANG BYA NYAMS PA DANG GNYEN PO 'PHEL BAR MI RUNG BA'I PHYIR ZHES ZER, ` GNYIS PA LA, LAN DNGOS DANG, DE LA RTZOD PA SPANG BA'O, ,DANG PO LA GSUM LAS, DANG PO NI, SPANG GNYEN LA BOR THOB MI BYED PA'I TSUL DE LTAR MA YIN TE, RGYU MTSAN 'OG NAS 'BYUNG BA LTAR YIN PA'I PHYIR, ZHES MTSAMS SBYOR BA LA, DE LTA MA YIN TE, 'DI LTAR ZHES GSUNGS, GNYIS PA LA, SNANG TSOD DU NYAMS 'PHEL BYED PAR BSTAN PA DANG, RANG BZHIN LA NYAMS 'PHEL MED PAR BSTAN PA'O, DANG PO NI, MDO LAS, BCOM LDAN 'DAS KYIS BKA' STZAL PA, RAB 'BYOR DE DE BZHIN NO, ,DE DE BZHIN TE, BRJOD DU MED PA'I DON LA NI 'PHEL BA DANG YONGS SU 'GRIB PA MED DO, ,ZHES SOGS GSUNGS, DE'I DON BSHAD PA LA, BYANG CHUB JI LTA DE BZHIN DU, ,'DI NI 'DOD PA'I DON SGRUB BYED, ,CES GSUNGS, GNYIS PA NI, GSOL BA, BCOM LDAN 'DAS BLA MED RDZOGS BYANG JI LTA BU LAGS, BCOM LDAN 'DAS KYIS BKA' STZAL PA, RAB 'BYOR CHOS THAMS CAD KYI DE BZHIN NYID JI LTA BA DE BZHIN DU BLA NA MED PA YANG DAG PAR RDZOGS PA'I BYANG CHUB BO, ,ZHES SOGS GSUNGS, DE'I DON BSHAD PA LA, BYANG CHUB DE BZHIN NYID MTSAN NYID, ,DE YANG DE YI MTSAN

166b

NYID BZHED, ,CES GSUNGS, GSUM PA NI, GZHUNG DE RNAMS TSIG DON GYI SGO NAS BSHAD PA LA, JI LTAR KHYAD PAR DU BYAR MED PA'I DE BZHIN NYID KYI BYANG CHUB SPROS PA MED PA'I YE SHES KYI BDAG NYID CHOS KYI SKU LA SOGS PA'I RANG BZHIN GYI SANGS RGYAS KYI BDAG PO TZAM GYIS, GDUL BYA'I SKYE BO RNAMS KYI BSOD NAMS DANG YE SHES KYI RJES SU MTHUN PAR DON KHYAD PAR CAN SNANG BA'I SEMS BSKYED PA'I SGO NAS MNGON PAR 'DOD PA'I DON BYED PA DE BZHIN DU BSGOMS PAS GLO BUR GYI DRI MA DANG BRAL BA'I SGO NAS MNGON SUM DU BYAS PA'I LAM DE NYID KYI MTSAN NYID 'DI YANG KUN RDZOB TU MNGON PAR 'DOD PA'I DON GYI BYA BA BYED DO, ,DON DAM PAR NI NYAMS PA DANG 'PHEL BA DGAG 'I TSUL DU BZHED PAS DE'I TSE SBYOR BA MED PA NYID SBYOR BA YIN PA'I PHYIR NYES PA MED DO, ,ZHES GSUNGS, GZHUNG DON NI, THEG CHEN GYI SGOM LAM DON DAM PAR 'PHEL 'GRIB MED NA, THEG CHEN GYI SGOM LAM GYIS SPANG BYA NYAMS PA DANG, GNYEN PO 'PHEL BA'I BYA BA BYED PA MED MI DGOS PAR THAL, THEG CHEN GYI SGOM LAM DON DAM PAR 'PHEL 'GRIB MED KYANG THA SNYAD DU THEG CHEN GYI SGOM LAM GYIS SPANG BYA NYAMS PA DANG, GNYEN PO 'PHEL BA'I BYA BA BYED PA'I PHYIR, DPER NA, BLA NA MED PA'I BYANG CHUB STE YE SHES CHOS SKU DON DAM PAR 'PHEL 'GRIB MED KYANG THA SNYAD DU GDUL BYA'I DON BYED PA DE BZHIN YIN PA'I PHYIR, KHA CIG ,THEG CHEN GYI SGOM LAM DON DAM PAR MED KYANG THA SNYAD DU GDUL BYA'I 'DOD DON SGRUB NUS TE,

167a

, ,RTOGS PA YE SHES CHOS SKU LA DE'I PHYIR ZER NA, SEMS TZAM PAS YE SHES CHOS SKU BDEN MED DU KHAS LEN PAR THAL, SBYOR BA 'THAD PA'I PHYIR, 'DOD MI NUS TE, DES DE BDEN GRUB TU KHAS LEN PA'I PHYIR; DES BDEN GNYIS BDEN GRUB TU KHAS LEN PA'I PHYIR, DES NA RTZA 'GREL 'DI DAG GI DON LA, RGYAN SNANG DU RKANG PA DANG PO GNYIS KYI KUN RDZOB TU KHYAB PA MA GRUB PA'I LAN DU MDZAD NAS, PHYI MA GNYIS BYANG CHUB DANG LAM GYI YIN LUGS JI LTA BA BZHIN DU STON PA LA SBYAR TE SO SOR BSHAD DO, ,'GREL PA 'DIR NI RKANG PA GSUM PA DANG PO'I GONG DU BLANGS NAS DPE DANG, BZHI PA GNYIS PA'I GONG DU BLANGS NAS DON DU MDZAD NAS LHAN CIG TU BYAS TE KUN RDZOB TU KHYAB PA MA GRUB PA'I LAN, BYANG CHUB DANG LAM LA DON DAM PAR DON BYED PA MED PA'I RGYU MTSAN DE BZHIN NYID KYI RANG BZHIN YIN PA DNGOS SU BSTAN PAS RGYU MTSAN CAN GYI SHUGS LA BSTAN LA, RKANG PA DANG PO'I 'GREL PA NI, JI LTAR KHYAD PAR DU BYAR MED PA, SANGS RGYAS KYI BDAG PO, ZHES PA NAS, DE BZHIN DU ZHES PA'I BAR RO, ,GSUM PA'I 'GREL PA NI, DE BZHIN NYID KYI, ZHES PA NAS, RANG BZHIN GYIS ZHES PA'O, ,BZHI PA'I 'GREL PA NI, DE BZHIN NYID KYI MTSAN NYID 'DI YANG, ZHES PA'O, ,GNYIS PA'I 'GREL PA NI, DE'I LHAG MA RNAMS SO, ,'DI LA YANG, KUN RDZOB TU KHYAB PA MA GRUB PA, DON DAM DU 'DOD LAN, DE GNYIS KYI DON BSDU BA'O, ,DANG PO LA, DPE 'GOD PA DANG DON SBYAR BA GNYIS LAS,

167b

DANG PO NI, JI LTAR KHYAD PAR DU BYAR MED PA'I, ZHES SOGS KYIS BSHAD, GNYIS PA NI, BSGOMS PAS GLO BUR GYI ZHES SOGS KYIS BSHAD, GNYIS PA NI, DON DAM PAR NI, ZHES SOGS KYIS BSHAD, GSUM PA NI, DE'I TSE, ZHES SOGS KYIS BSHAD, DON NI, RIM PA LTAR YE SHES CHOS SKU DON DAM PAR 'PHEL 'GRIB MED KYANG THA SNYAD DU GDUL BYA'I DON BYED PA MI 'GAL TE, DE DON DAM PAR 'PHEL 'GRIB MED KYANG THA SNYAD DU SNGAR SLOB LAM GYI GNAS SKABS SU GOMS PA'I KUN RDZOB DANG DON DAM BYANG CHUB KYI SEMS LA BRTEN NAS GDUL BYA'I DON BYED PA'I PHYIR, THEG CHEN GYI SGOM LAM DON DAM PAR 'PHEL 'GRIB MED NA, DES SPANG BYA NYAMS PA DANG, GNYEN PO 'PHEL BA'I BYA BA MI BYED PAR THAL, DE LTAR YIN KYANG DES THA SNYAD DU DE 'DRA'I BYA BA BYED PA'I PHYIR, DPER NA YE SHES CHOS SKU DON DAM PAR 'PHEL 'GRIB MED KYANG DES THA SNYAD DU GDUL BYA'I DON BYED PA BZHIN NO, ,THEG CHEN GYI SGOM LAM GYIS SPANG BYA NYAMS PA DANG, GNYEN PO 'PHEL BA'I BYA BA MI BYED PAR THAL, DE DON DAM PAR 'PHEL 'GRIB MED PA'I PHYIR, ZHES PA'I THAL 'GYUR CHOS CAN, KHYOD DBU MA PA LA GNOD BYED KYI THAL 'GYUR YANG DAG MA YIN TE; DES KHYOD LA THA SNYAD DU KHYAB PA MED LAN THEBS PAR MA ZAD DON DAM PAR 'DOD LAN DON MTHUN THEBS PA'I PHYIR, DES NA THEG CHEN GYI SGOM LAM DE LA SGOM SPANG GI GNYEN PO DGUR 'BYED MI RIGS PA'I NYES PA MED DE, THEG

168a

, ,CHEN GYI SGOM LAM DES DON DAM PAR SPANG GNYEN NYAMS 'PHEL MI BYED CING THA SNYAD DU DE NYAMS 'PHEL BYED PA'I PHYIR, ` GNYIS PA DE LA RTZOD PA SPANG BA LA, RTZOD PA DANG, LAN GNYIS LAS, DANG PO LA GSUM, LAS; DANG PO NI, SEMS NI SNGA MAS BYANG CHUB PAR, ,ZHES SOGS GSUNGS PA CHOS CAN, DGOS PA YOD DE, DON DAM DU NYAMS 'PHEL MED PAS DON DAM PAR GZHAN DON BYED PAR MA ZAD KUN RDZOB TU YANG BYANG CHUB THOB PA'I DON BYED PAR MI RUNG NGO SNYAM PA'I DOGS PA BSU BAR BYA BA'I PHYIR DU GSUNGS PA'I PHYIR, ZHES MTSAMS SBYOR BA LA, DE LTA YIN NA YANG KUN RDZOB TU YANG DON BYED PAR MI RUNG NGO SNYAM PA'I DOGS PA BSU BAR, ZHES GSUNGS, GNYIS PA NI; MDO LAS, GSOL BA, BCOM LDAN 'DAS CI LAGS SEMS DANG PO BSKYED PAS BYANG CHEN BLA MED RDZOGS BYANG DU MNGON PAR 'TSANG RGYA'AM, 'ON TE SLAD MA BSKYED PAS BYANG CHEN BLA MED RDZOGS BYANG DU MNGON PAR 'TSANG RGYA, ZHES PA NAS, BCOM LDAN 'DAS DE LTAR SEMS DANG SEMS LAS BYUNG BA'I CHOS RNAMS MI 'GROGS NA, JI LTAR DGE BA'I RTZA BA RNAMS TSOGS SU 'GYUR, DGE BA'I RTZA BA MA BSAGS PAR NI BLA MED RDZOGS BYANG DU MNGON PAR 'TSANG RGYA BAR MI NUS SO, ,ZHES GSUNGS, DE'I DON BSHAD PA LA, SEMS NI SNGA MAS BYANG CHUB PAR, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, SNGA PHYIR GYUR PA'I SEMS, ZHES

168b

SOGS GSUNGS, DE YANG MDO DANG RTZA BAR RGOL PA GNYIS LAS MA BYUNG YANG SLOB DPON GYIS ZHIB TU MTHA' DPYAD PAR DGONGS NAS GNYIS KHA BSKANGS NAS BZHIR MDZAD DE, ,'DI LA YANG THAL BA 'GOD PA DANG, RTAGS SGRUB PA GNYIS LAS; DANG PO NI, DE BAS NA JI LTAR DON KHYAD PAR CAN SNANG BA'I SEMS BSKYED PA'I SGO NAS DON BYED CE NA, ZHES PAS BSHAD, GNYIS PA LA SKAD CIG RE RE LA BRTAGS PA DANG, SKAD CIG DU MA LA BRTAGS PA'I RTZOD PA GNYIS LAS; DANG PO DE STON PA LA, SNGA PHYIR GYUR PA'I SEMS RE RE LA SANGS RGYAS KYI BYANG CHUB SGRUB PAR BYED PA'I RNAM PA THAMS CAD MKHYEN PA NYID LA SOGS PA'I DON MTHA' DAG MI SNANG BA'I PHYIR, RE RES BYANG CHUB PAR NI RIGS PA MA YIN NO,, ZHES GSUNGS, GNYIS PA LA, SKAD CIG DU MA CIG CHAR DU SKYED PA DANG, RIM CAN SKYED PA LA BRTAGS PA'I RTZOD PA GNYIS LAS, DANG PO DE STON PA LA, 'DOD PA'I DON SGRUB PAR BYED PA SNANG BA'I SEMS CIG CHAR BYUNG BA MANG PO NYID KYIS KYANG MA YIN TE, SEMS CAN RNAMS NI RNAM PAR SHES PA'I RGYUD RE RE BA'O ZHES 'BYUNG BAS MI SRID PA'I PHYIR RO, ,ZHES GSUNGS, GNYIS PA DE STON PA LA, BLA NA MED PA'I SANGS RGYAS KYI BYANG CHUB SGRUB PAR BYED PA DRAN PA NYE BAR BZHAG PA LA SOGS PA SANGS RGYAS KYI CHOS MA 'DRES PA BCO BRGYAD KYI BAR RTOGS PAR 'GYUR BA'I RANG GI NGO BO RIMS KYIS 'BYUNG BA SEMS BYUNG BA SNGA PHYIR GYUR PA MANG PO NYID KYIS KYANG MA YIN TE, DE BYUNG MA THAG TU RJES SU 'GRO BA

169a

, ,MED PA NYID DU 'JIG PAS NA PHAN TSUN 'BREL BA MED PA'I PHYIR, ZHES GSUNGS, GZHUNG DON NI, KHO NA RE, LAM DUS KYI KUN RDZOB DANG DON DAM PA'I BYANG CHUB KYI SEMS KYIS BYANG CHUB SKYED PA MI 'THAD PAR THAL; DE 'DRA'I SEMS SKAD CIG SNGA MA KHO NAS KYANG BYANG CHUB THOB PAR RIGS PA MA YIN LA, DER MA ZAD DE 'DRA'I SEMS SKAD CIG PHYI MA KHO NAS KYANG BYANG CHUB THOB PAR RIGS PA MA YIN PA'I PHYIR TE, DE 'DRA'I SEMS SNGA PHYI RNAMS 'PHRAD PA MED PA'I PHYIR, KHA CIG ,SKABS 'DI'I SEMS BSKYED DE SA BCU PA'I SEMS ZAG MED BCU LA BYED DE, SKABS 'DI'I MDO LAS, SEMS DPA' CHEN PO 'DI SA BCU PO 'DI LA SLOB PA NA, ZHES GSUNGS PA'I PHYIR ZER BA MI 'THAD DE, DE'I SA BCU PO DE DKAR PO RNAM MTHONG GIS NAS BYAS PA RTOGS PA'I SA'I BAR BDUN DANG, RANG RGYAL DANG BYANG SEMS KYI SA STE BCU LA MDO DE NYID LAS BSHAD CING, NYI SNANG LAS KYANG SA BCU PO DE SEMS BSKYED KYI YUL DU BSHAD KYI NGO BOR MA BSHAD PA'I PHYIR, DES NA 'DIR SEMS BSKYED ZHES PA THEG CHEN GYI TSOGS LAM NAS SA BCU PA'I BAR GYI SEMS BSKYED LA BYA'O, ,KHO NA RE, THEG CHEN GYI SGOM LAM DON DAM PAR 'PHEL 'GRIB MED KYANG DES THA SNYAD DU SPANG GNYEN NYAMS 'PHEL BYED PA'I DPER, KUN RDZOB DANG DON DAM PA'I BYANG CHUB KYI SEMS BSKYED PA'I SGO NAS BLA MED BYANG CHUB SGRUB PA'I DON BSHAD PA 'GOD PA MI 'THAD PAR THAL, SEMS BSKYED KYIS BLA MED BYANG CHUB MI

169b

'THOB PAR BSHAD PA'I PHYIR, DE YANG YIN TE, DE SKAD CIG SNGA PHYI RE RE KHO NAS KYANG BYANG CHUB MI 'THOB, DE SKAD CIG SNGA PHYI GNYIS CIG CHAR DU 'TSOGS PAS KYANG DE MI 'THOB, DE SKAD CIG SNGA PHYI DU MA RIMS KYIS BYUNG BAS BYA BA? DE MI 'THOB PA'I PHYIR, DANG PO GRUB STE, SKAD CIG SNGA MA KHO NAS 'THOB NA PHYI MA DON MED DU 'GYUR ZHING, PHYI MA KHO NAS 'THOB NA SNGA MA DON MED DU 'GYUR BA'I PHYIR, GNYIS PA GRUB STE, DE SKAD CIG SNGA PHYI DU MA CIG CHAR DU 'TSOGS LA MI SRID PA'I PHYIR TE, MDO LAS, SEMS CAN RNAMS NI RNAM PAR SHES PA'I RGYUD RE RE BA'O, ,ZHES 'BYUNG BA'I PHYIR, KHYAB STE, SEMS BSKYED NI YID SHES YIN LA, SEMS CAN GYI RGYUD LA YID KYI RNAM PAR SHES PA RIGS MTHUN RDZAS THA DAD PA DU MA CIG CHAR DU 'BYUNG BA MED PA'I PHYIR, GSUM PA GRUB STE, DE SNGA MAS PHYI MA LA NUS PA 'JOG PA DANG, PHYI MAS NUS PA DE GSOS 'DEBS PA MA YIN PA'I PHYIR TE, DE SKAD CIG SNGA PHYI BDEN PAR MA GRUB PA'I PHYIR, ZHES ZER, GNYIS PA LAN LA GSUM LAS, DANG PO NI, MAR ME'I, ZHES SOGS RKANG PA GNYIS GSUNGS PA CHOS CAN, DGOS PA YOD DE, SEMS BSKYED SKAD CIG SNGA PHYI GANG RUNG RE RE KHO NA DANG, SKAD CIG SNGA PHYI DU MA CIG CHAR DANG RIMS KYIS SKYES NAS LHAN CIG TU 'TSOGS PA'I DU MAS BYANG CHUB MI 'THOB NA BYANG CHUB MI 'THOB PAR BRTZAD PA DE NI YANG DAG PA MA YIN PAS DE'I LAN BSTAN PAR BYA BA'I CHED DU YIN PA'I PHYIR, ZHES MTSAMS SBYOR

170a

, ,PA LA; DE NI YANG DAG PA MA YIN PAS, ZHES GSUNGS, GNYIS PA NI, MDO LAS, BCOM LDAN 'DAS KYIS BKA' STZAL PA, RAB 'BYOR DON 'DI NYID SHES PAR BYA BA'I DON DU KHYED LA DPE BSTAN PAR BYA STE, 'DI NI SKYES BU MKHAS PA LA LAS DON DPES YONGS SU SHES PAR 'GYUR RO, ,RAB 'BYOR DE JI SNYAM DU SEMS, 'BRU MAR GYI MAR ME 'BAR BAS SNYING PO TSIG PAR 'GYUR NA, ME LCE DANG PO DANG 'PHRAD PAS SNYING PO DE 'TSIG GAM, ZHES SOGS GSUNGS, DE'I DON BSHAD PA LA, MAR ME DPE YI TSUL GYIS NI, ,ZAB MO'I CHOS NYID RNAM PA BRGYAD, ,CES GSUNGS, GSUM PA NI, DE NYID TSIG DON GYI SGO NAS BSHAD PA LA, JI LTAR ME LCE DANG; ZHES SOGS GSUNGS, RTZA 'GREL 'DI RNAMS KYI DON LA YANG, DNGOS KYI DON DANG, DE GZHAN YANG MTSON PA'I TSUL LO, ,DANG PO NI, MAR ME DPE YI TSUL GYIS NI, ,ZHES DANG, JI LTAR ME LCE DANG SNYING PO 'PHRAD PA'I SKAD CIG MA DANG PO LA, RANG GI RGYUS PHAN TSUN GYI SGO NAS DUS MNYAM PA PHRAD PA BSKYED PAS KHYAD PAR CAN DU MA BYAS PA'I PHYIR, SKAD CIG MA GNYIS PA MED PAR RGYU DANG 'BRAS BU'I MTSAN NYID SREG PAR BYED PA DANG, BSREG PAR BYA BA MED LA, DE BZHIN DU ME LCE DANG SNYING PO KHYAD PAR CAN SKYE BA SKAD CIG MA GNYIS PA LA YANG, RTAG TU YOD PA LA SOGS PAR THAL BAR 'GYUR BAS SKAD CIG MA DANG PO MED PAR KUN RDZOB TU YANG 'BYUNG BA MED PA'I PHYIR, ZHES SOGS

170b

KYIS BSHAD, GNYIS PA NI, ZAB MO'I CHOS NYID RNAM PA BRGYAD, ,CES DANG, JI SKAD SMOS PA'I DPE KHO NAS ZAB MO'I CHOS NYID RNAM PA BRGYAD KYANG KHONG DU CHUD PAR BYA BA YIN PAS, ZHES BSHAD, DANG PO LA YANG, DPE 'GOD PA DANG, DPE DON SBYAR BA GNYIS LAS, DANG PO LA, LTOS MED DU MI BSREGS PA DANG, LTOS NAS BSREGS PA GNYIS, DANG PO LA, SKAD CIG DANG POS MI BSREGS PA DANG, GNYIS PAS MI BSREGS PA GNYIS LAS, DANG PO NI, JI LTAR; ZHES SOGS KYIS BSHAD, GNYIS PA NI, DE BZHIN DU ME LCE DANG, ZHES PA NAS, KUN RDZOB TU 'BYUNG BA MED PA'I PHYIR, RGYU DANG 'BRAS BU'I MTSAN NYID SREG PAR BYED PA DANG, BSREG PAR BYA BA MED DO, ,ZHES BSHAD, GNYIS PA NI; GANG GI PHYIR DE LTA YIN PA DE 'PHYIR GANG GI TSE RKYEN NYID 'DI PA TZAM GYI BDAG NYID KYI RTEN CING 'BREL PAR 'BYUNG BA'I CHOS NYID KYIS MA BRTAGS GCIG PUR NYAMS DGA' BA NYID DU RGYU DANG 'BRAS BU 'BREL BA'I STOBS KYIS GNYIS KA 'PHRAD PA'I KHYAD PAR CAN GYI SKAD CIG DANG PO LA LTOS NAS DES BYAS PA MTHU PHUL DU PHYIN PA DANG LDAN PA'I KHYAD PAR CAN SKAD CIG MA GNYIS PA LA SOGS PA YOD NA, DE'I TSE RGYU MED PAR ZHIG KYANG RGYU DANG 'BRAS BU DAG GO RIMS BZHIN DU DUS MNYAM DU SKYE BA DANG 'JIG PAR DMIGS PAS SREG PAR BYED PA DANG BSREG PAR BYA BA YOD DO, ,ZHES BSHAD, GNYIS PA NI, DE BAS NA SKAD CIG MA DANG POS KYANG ME LCE'I SKAD CIG MA GNYIS PA LA MA LTOS PAR SNYING PO MI

171a

, ,BSREGS LA, SKAD CIG MA GNYIS PAS KYANG ME LCE'I SKAD CIG MA DANG PO LA MA LTOS PAR SNYING PO MI BSREGS PA ZHES BYA BA MAR ME'I DPE'I TSUL SKAD CIG MA SNGA PHYIR GYUR PA GNYIS YUL GCIG LA NYE BAR SPYOD BA SHES PAR BYED PA LHUR LEN PAS SKAD CIG SNGA MA BZHIN DU BYANG CHUB SGRUB PAR BYED PA DNGOS PO TSAD YOD PA ZHIG SNANG BA'I RNAM PAR SHES PA SNGA MA LA BRTEN NAS, DE LA SNANG BA'I DON GYIS DBEN PA LHAG PAR KHYAD PAR DU 'PHAGS PA'I DON SNANG BA'I RNAM PAR SHES PA PHYI MA SKYE BAS BYANG CHUB 'THOB PAR RIGS SO, ,ZHES BRJOD, GZHUNG DON NI, RIMS PA LTAR THEG CHEN SEMS BSKYED SKAD CIG SNGA PHYI BDEN PAR MED NA, DE GNYIS BSDOMS PAS RANG 'BRAS BYANG CHUB MI SKYED PAR THAL BA'I SKYON MED DE, DE GNYIS BDEN PAR MED KYANG DE SKAD CIG SNGA PHYI RIMS BZHIN DU 'BYUNG BA RNAMS PHAN TSUN LTOS NAS RANG 'BRAS SKU GSUM SKYED PA'I PHYIR, DPER NA, MAR ME SKAD CIG SNGA PHYI PHAN TSUN LTOS NAS SDONG BU SNUN LDAN SREG PAR BYED PA BZHIN NO, ,DPE'I SGO NAS LAN MDZAD PA CHOS CAN, DGOS PA YOD DE, KHYOD LA BRTEN NAS SKYE 'GAG ZAB PA SOGS ZAB MO RNAM PA BRGYAD BDE BLAG TU RTOGS PAR BYA BA'I CHED YIN PA'I PHYIR, MAR ME SKAD CIG DANG PO CHOS CAN, KHYOD MAR ME SKAD CIG GNYIS PA LA LTOS MED DU SDONG BU SNUM LDAN RDZOGS PAR SREG NUS MA YIN TE, KHYOD SDONG BU SNUM LDAN RDZOGS PAR SREG PA MAR ME SKAD CIG GNYIS PA LA LTOS PA'I PHYIR, MAR ME

171b

SKAD CIG GNYIS PA CHOS CAN, KHYOD MAR ME SKAD CIG DANG PO LA LTOS MED DU SDONG BU SNUM LDAN RDZOGS PAR SREG NUS MA YIN TE, KHYOD MAR ME SKAD CIG DANG PO LA LTOS MED DU MI 'BYUNG BA'I PHYIR, MA GRUB NA, DE CHOS CAN, RTAG TU SKYE BA'AM SKYES PA'I SKABS MI SRID PA GANG RUNG YIN PAR THAL, RGYU MED DU 'BYUNG BA'I PHYIR, RTAGS KHAS, MAR ME DANG SDONG BU BSREG BYA SREG BYED DU 'THAD DE, MAR ME RIMS KYIS SKYES STOBS KYIS SDONG BU RIMS KYIS RDZOGS PAR BSREGS PA'I PHYIR, THEG CHEN SEMS BSKYED SNGA PHYI RIMS KYIS 'BYUNG BA RNAMS PHAN TSUN LTOS NAS RANG 'BRAS SKU GSUM SKYED PA YIN TE, DPER NA, MAR ME SKAD CIG SNGA PHYI LTOS NAS SDONG BU SREG PA BZHIN YIN PA'I PHYIR, THEG CHEN SEMS BSKYED KYIS RANG 'BRAS SKU GSUM SKYED PA'I DPER, MAR ME SMOS PA CHOS CAN, DGOS PA YOD DE, KHYOD LA BRTEN NAS ZAB MO RNAM PA BRGYAD BDE BLAG TU RTOGS PAR 'GYUR BA'I PHYIR, ` GNYIS PA DKYUS MA'I DON BSHAD PA LA GSUM LAS, DANG PO NI, SKYE BA DANG NI, ZHES SOGS GSUNGS PA CHOS CAN, DGOS PA YOD DE, ZAB MO'I CHOS NYID RNAM PA BRGYAD, ,CES SNGAR MING TZAM BYUNG BA'I ZAB MO RNAM PA BRGYAD PO DE YUL CHOS CAN GANG LA YOD PA YIN ZHE NA, DE'I LAN BSTAN PAR BYA BA'I PHYIR DU DMIGS PA'I PHYIR DANG, SGOM LAM LA GNAS PA'I BYANG SEMS PHYIR MI LDOG PA RNAMS KYI RTAGS KYI MTSAN NYID BRJOD PAR BYA BA'I CHED YIN PA'I PHYIR, ZHES MTSAMS

172a

, ,SBYOR BA LA, SGOM PA'I LAM LA GNAS PA'I BYANG CHUB SEMS DPA' PHYIR MI LDOG PA RNAMS KYI MTSAN NYID BRJOD PA'I PHYIR, ZAB MO RNAM PA BRGYAD YUL GANG LA YIN ZHE NA, ZHES GSUNGS, GNYIS PAS, SKYE BA ZAB PA, 'GAG PA ZAB PA, DE BZHIN NYID ZAB PA, SHES BYA ZAB PA, SHES PA ZAB PA, SPYOD PA ZAB PA, GNYIS SU MED PA ZAB PA, THABS LA MKHAS PA ZAB PA BRGYAD RIMS BZHIN DU STON PA LA, MDO LAS, GSOL PA; BCOM LDAN 'DAS DE LTAR SEMS DANG PO BSKYED PAS KYANG BYANG CHEN BLA MED RDZOGS BYANG DU MNGON PAR 'TSANG RGYA BA MA LAGS, ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, GANG SKYE BA DE 'GAG PA'I CHOS CAN YIN NAM, RAB 'BYOR GYIS GSOL BA, BCOM LDAN 'DAS 'GAG PA'I CHOS CAN MA LAGS SO, ,ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, DE BZHIN NYID JI LTA BA DE KHO NA LTAR GNAS PAR 'GYUR RAM, GSOL BA, BCOM LDAN 'DAS DE BZHIN NYID JI LTA BA DE KHO NAR GNAS PAR 'GYUR RO, ,ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, DE BZHIN NYID SEMS YIN NAM, GSOL BA, BCOM LDAN 'DAS DE NI MA LAGS SO, ,ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, DE BZHIN NYID KYI DE BZHIN NYID YANG DAG PAR RJES SU

172b

MTHONG NGAM, GSOL BA, BCOM LDAN 'DAS DE NI MA LAGS SO, ,ZHES SOGS DANG, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, DE LTAR SPYOD PA DE SHER PHYIN ZAB MO LA SPYOD PA YIN NAM, GSOL BA; BCOM LDAN 'DAS GANG SPYOD PA DE LTAR SPYOD PA DE NI SHER PHYIN ZAB MO LA SPYOD PA'O, ,ZHES SOGS DANG, BCOM LDAN 'DAS KYIS BKA' STZAL PA, RAB 'BYOR BYANG CHEN GANG SHER PHYIN LA SPYOD PA DE GANG LA SPYOD PA YIN, GSOL BA, DE NI GANG LA GNYIS KYI YONGS SU RGYU BA MA MCHIS PA'I DON DAM PA LA SPYOD DO, ,ZHES SOGS DANG, BCOM LDAN 'DAS KYIS BKA' STZAL PA, RAB 'BYOR BYANG CHEN GYIS MTSAN MA MED PA'I 'DU SHES RNAM PAR BSHIG PA YIN, GSOL BA; BCOM LDAN 'DAS BYANG CHEN SHER PHYIN LA SPYOD PA DE NI 'DI LTAR MTSAN MA RNAM PAR GZHIG PAR BYA'O, ,MTSAN MA MED PA RNAM PAR GZHIG PAR BYA'O SNYAM DU MI SBYOR RO, ,ZHES PA NAS, RAB 'BYOR DE LTAR BYANG CHEN SHER PHYIN LA SPYOD PA'I TING NGE 'DZIN GSUM LA GNAS TE SEMS CAN RNAMS YONGS SU SMIN PAR BYED DO, ,ZHES PA'I BAR GSUNGS, DE'I DON BSHAD PA LA, SKYE BA DANG NI 'GAG PA DANG, ,ZHES SOGS GSUNGS, GSUM PA LA, ZAB MO'I NGO BO DANG, DE RTOGS PA RTAGS SU 'GYUR TSUL DANG GNYIS LAS, DANG PO NI, SKAD CIG SNGA MA DANG PHYI MA DAG GIS KYANG MA YIN NGO BO NYID MED PAS KYANG MA YIN LA SGOM PAS RTOGS PAR BYA BA'I DON KHYAD PAR DU 'PHAGS PA BSKYED DO ZHES BYA BRTEN

173a

, ,CING 'BREL BAR 'BYUNG BA DANG, DNGOS PO THAMS CAD BYUNG BA NYID NAS RANG BZHIN GYIS NGO BO NYID MED LA KUN RDZOB TU YANG 'GAG GO ZHES BYA BA 'GAG PA DANG, GNAS SKABS THAMS CAD DU DE BZHIN NYID GONGS KYANG DE MNGON DU MI BYED CES BYA BA DE BZHIN NYID DANG, DE BZHIN NYID KYI RANG BZHIN GYI CHOS THAMS CAD LA SBYIN PA LA SOGS PA RNAM PA DU MA RJES SU SGRUB PA ZHES BYA BA SHES BYA DANG, DE BZHIN NYID KYI NGO BO NYID KYIS MTHONG BA MED PA NYID MTHONG BA YIN NO ZHES BYA BA SHES PA DANG, CHOS NYID KYIS THAMS CAD LA SPYOD PA MED PA NYID SPYOD PA'O ZHES BYA BA SPYOD PA DANG, GNYIS SU MED PA'I NGO BO NYID DU THAMS CAD SGRUB BO ZHES BYA BA GNYIS SU MED PA DANG, TSOGS THAMS CAD YONGS SU RDZOGS PA LA DE'I 'BRAS BU SANGS RGYAS NYID MI 'THOB PA ZHES BYA BA THABS LA MKHAS PA STE, ZHES BSHAD, GNYIS PA NI, BSAM GYIS MI KHYAB PA'I RNAM PAR THAR PA THOB PA'I SGO NAS PHAN TSUN 'GAL BA'I DON SGRUB PAS ZAB PA NYID YIN NO, ,ZHES BSHAD, GZHUNG DON NI, SA BRGYAD PA'I RJES THOB LA GNAS PA'I SEMS DPA' CHOS CAN, BLA MED RDZOGS BYANG LAS PHYIR MI LDOG PA YIN TE, SKYE BA ZAB PA SOGS ZAB MO RNAM PA BRGYAD THUGS SU CHUD PAS DRANGS PA'I RJES THOB LUS NGAG GI SPYOD PA KHYAD PAR CAN THOB PA'I SEMS DPA' YIN PA'I PHYIR, SKABS 'DIR BSTAN GYI ZAB MO RNAM PA BRGYAD YOD DE, DE LA 'DUS BYAS DANG, 'DUS MA BYAS, YUL YUL CAN

173b

DANG; SPYOD PA'I ZAB PA RNAMS KYI DBANG DU BYAS NAS BRGYAD DU YOD PA'I PHYIR, DANG PO'I DBANG DU BYAS NAS SKYE BA'AM RTEN 'BREL LA ZAB PA DANG, 'GAG PA LA ZAB PA DANG, GNYIS PA'I DBANG DU BYAS NAS, DE BZHIN NYID LA ZAB PA DANG, GSUM PA'I DBANG DU BYAS NAS SHES BYA LA ZAB PA DANG, SHES PA LA ZAB PA DANG, BZHI PA'I DBANG DU BYAS NAS SPYOD PA LA ZAB PA DANG, GNYIS SU MED PA LA ZAB PA DANG, THABS LA MKHAS PA LA ZAB PA RNAMS SU YOD PA'I PHYIR, SKYE BA SOGS BRGYAD PO DE DAG ZAB PA NYID YIN PAR BZHAG STE, DON LA MI 'GAL YANG, MNGON ZHEN CAN GYI BLO NGAR SKYE BA SOGS DE DAG PHAN TSUN 'GAL BA 'DUS PA LTA BUR SNANG BA'I PHYIR, BYANG SEMS SGOM LAM PAS DE DAG MI 'GAL BAR RTOGS PA'I RGYU MTSAN YOD DE, DES MTHAR 'DZIN CAN GYI BSAM GYIS MI KHYAB PA'I RNAM PAR THAR PA THOB PA'I PHYIR, DES NA ZAB MO RNAM PA BRGYAD THUGS SU CHUD PAS DRANGS PA'I RJES THOB LUS NGAG GI SPYOD PA KHYAD PAR CAN THOB PA'I RDZAS LA MNGON RTOGS LA GNAS PA'I SEMS DPA', PHYIR MI LDOG PA'I RTAGS THOB PA'I BYANG SEMS SGOM LAM PA'I MTSAN NYID, RANG GANG LA LDAN PA'I BYANG SEMS SGOM LAM PA BLA MED RDZOGS BYANG LAS PHYIR MI LDOG PAR YID CHES PAR BYED PA'I SGRUB BYED RNAM DAG DE, SGOM LAM PA PHYIR MI LDOG PA'I RTAGS KYI MTSAN NYID, DBYE NA MNYAM GZHAG TU ZAB MO RNAM PA BRGYAD RTOGS PA DANG RJES SU MTHUN PA'I RJES THOB LUS NGAG GI THA SNYAD KHYAD PAR

174a

, ,CAN BRGYAD DU YOD, SA BRGYAD PA'I RJES THOB LA GNAS PA'I SEMS DPA' CHOS CAN, SKYE BA LA ZAB PA THUGS SU CHUD PA YIN TE, SEMS BSKYED SKAD CIG SNGA PHYI RE RE BA DANG DU MA CIG CHAR DU 'TSOGS PA SOGS KYIS BYANG CHUB MI SKYED, DE LAM BRTEN PAR YANG BYANG CHUB SKYED PA MIN KYANG SEMS BSKYED DE BSGOMS PAS RTOGS SHING THOB PAR BYA BA'I DON KHYAD PAR DU 'PHAGS PA BLA MED BYANG CHUB BSKYED PAR THUGS SU CHUD PA'I RJES LA MNGON RTOGS LA GNAS PA'I SEMS DPA' YIN PA'I PHYIR, DE CHOS CAN, 'GAG PA LA ZAB PA THUGS SU CHUD PA YIN TE, THA SNYAD DU DNGOS PO THAMS CAD RANG RGYUD LAS BYUNG TZAM NYID NAS 'GAG ZIN PAS SLAR YANG DGAG TU MED CING DON DAM PAR NGO BO NYID MED PAS DON DAM DU 'GAG PA MED KYANG KUN RDZOB TU 'GAG GO ZHES BYA BAR THUGS SU CHUD PA'I DE YIN PA'I PHYIR, DE CHOS CAN, DE BZHIN NYID LA ZAB PA THUGS SU CHUD PA YIN TE, LAM GYI GNAS SKABS THAMS CAD DU SHES RAB KYIS DE BZHIN NYID GOMS PAR BYED KYANG SNYING RJES DE BZHIN NYID RANG DON DU MNGON DU MI BYED PA'I DE YIN PA'I PHYIR, DE CHOS CAN, SHES BYA LA ZAB PA THUGS SU CHUD PA YIN TE, CHOS THAMS CAD DE BZHIN NYID KYI RANG BZHIN LA SBYIN SOGS SGRUB TU MED KYANG, KUN RDZOB TU SBYIN SOGS PHAR PHYIN RNAM PA DRUG RJES SU SGRUB PAR BYED PA'I DE YIN PA'I PHYIR, DE CHOS CAN, SHES PA LA ZAB PA THUGS SU CHUD DE, CHOS THAMS

174b

CAD SPROS PA MTHA' DAG DANG BRAL BA'I DE BZHIN NYID KYI NGO BO NYID YIN PA NYID KYIS MI RTOG YE SHES KYIS SPROS PA MTHONG BA MED PA DE NYID DE KHO NA NYID MTHONG BA YIN NO ZHES THUGS SU CHUD PA'I DE YIN PA'I PHYIR, DE CHOS CAN, SPYOD PA LA ZAB PA THUGS SU CHUD DE, CHOS NYID LA GNAS PA NI CHOS THAMS CAD LA MTSAN MAR SPYOD PA MED PA NYID YIN LA, DE NYID THA SNYAD DU SBYIN SOGS LA SPYOD PA'O ZHES THUGS SU CHUD PA'I DE YIN PA'I PHYIR, DE CHOS CAN, GNYIS SU MED PA LA ZAB PA THUGS SU CHUD PA YIN TE, MTSAN MA DANG MTSAN MA MED PA'I 'DU SHES KYIS SPYOD PA GNYIS SU MED PA'I NGO BO NYID DU RTOGS PAS BSGRUB BYA DANG SGRUB BYED GNYIS MED KYANG LAM THAMS CAD BSGRUBS PA'O ZHES THUGS SU CHUD PA'I DE YIN PA'I PHYIR SKYE? DE CHOS CAN, THABS LA MKHAS PA LA ZAB PA THUGS SU CHUD PA YIN TE, KUN RDZOB TU BSOD NAMS DANG YE SHES KYI TSOGS YONGS SU RDZOGS LA DON DAM PAR DE'I 'BRAS BU SANGS RGYAS NYID 'THOB PA MED DO ZHES BYA BAR THUGS SU CHUD PA'I RJES LA MNGON RTOGS LA GNAS PA'I SEMS DPA' YIN PA'I PHYIR, KHO NA RE, SA GSUM PA'I BAR CHAD MED LAM LA GNAS PA'I SEMS DPA' DBANG RNON CHOS CAN, MTSAN NYID DER THAL, MTSON BYA DANG PO DE'I PHYIR, KHYOD KYIS THEG CHEN GYI SGOM LAM RJES THOB YE SHES THOB PA GANG ZHIG ,KHYOD BYANG SEMS SGOM LAM PA DBANG RNON YIN PA'I PHYIR, 'DOD NA, DE CHOS CAN, KUN RDZOB THUGS SU CHUD PA'I GANG ZAG TU THAL, 'DOD PA'I PHYIR, 'DOD MI NUS TE,

175a

, ,CHOS NYID LA GNYIS SNANG NUB PA'I SEMS DPA' YIN PA'I PHYIR ZER NA, DE'I RGYUD LA KUN RDZOB RTOGS PA'I BLO MED PAR THAL, DE KUN RDZOB THUGS SU MA CHUD PA'I GANG ZAG YIN PA'I PHYIR, GZHAN YANG, DES DE BZHIN NYID ZAB MO THUGS SU CHUD PAR THAL, DES ZAB MO RNAM PA BRGYAD THUGS SU CHUD PA'I PHYIR, RTAGS KHAS SO, ,GSUM PA RTAGS DANG RTAGS CAN GYI SGO NAS DON BSDU BA LA, SLOB PA PHYIR MI LDOG PA'I TSOGS MTSAN NYID DANG BCAS PA BSHAD ZIN TO, ,ZHES GSUNGS, ` GSUM PA SBYOR BA KHYAD PAR CAN RGYUD LA SKYE BA'I GANG ZAG DES SGOM PA'I LAM GYI RIM PA BSHAD PA LA, BRTEN PA SANGS RGYAS THOB PAR BYED PA'I RGYU DANG, RTEN ZHING DE DAG PAR BYED PA'I RGYU DANG, SANGS RGYAS KYI ZHING DER DON MDZAD PA'I RGYU BSHAD PA DANG GSUM LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, THABS MKHAS LA ZAB PAR RNAM THAR SGO GSUM LA GNAS NAS SEMS CAN SMIN PAR BYED PAR GSUNGS PA LAS 'PHROS NAS, DE NAS TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR BYANG CHEN GANG RMI LAM DU STONG PA NYID DANG, MTSAN MA MED PA DANG, SMON PA MED PA'I TING NGE 'DZIN GSUM LA SNYOMS PAR 'JUG NA CI SHER PHYIN GYI RNAM PAR 'PHEL LAM, RAB 'BYOR GYIS SMRAS PA, TSE DANG LDAN PA SH'A RI'I BU GAL TE NYIN PAR

175b

BSGOMS PAS RNAM PAR 'PHEL NA RMI LAM NA BSGOMS PAS KYANG RNAM PAR 'PHEL LO, ,ZHES PA NAS, BLA MED RDZOGS BYANG DU MNGON PAR 'TSANG RGYA BAR 'GYUR SNYAM MO, ,ZHES GSUNGS, GNYIS PA LA GSUM LAS, DANG PO NI, LUS RNAM GZHAG TU, SLOB PA PHYIR MI LDOG PA'I TSOGS, ,SRID DANG ZHIB MNYAM NYID DANG, ,ZHES BSHAD NA, PHYIR MI LDOG PA'I RTAGS KYI 'OG TU SRID ZHI MNYAM NYID KYI SBYOR BA SOGS 'CHAD PA'I RGYU MTSAN GANG ZHE NA, DE'I RGYU MTSAN YOD DE, PHYIR MI LDOG PA'I RTAGS THOB PA'I BYANG SEMS KYIS NI SANGS RGYAS NYID THOB PAR BYA BA'I PHYIR DU SRID ZHI MNYAM NYID DU SGOM PA LA 'BAD DGOS PAR SHES PAR BYA BA'I CHED YIN PA'I PHYIR, ZHES MTSAMS SBYOR BA LA; SLOB PA'I TSOGS KYI CHOS THOB PA SANGS RGYAS NYID THOB PAR BYA BA'I PHYIR 'BAD PAS, SANGS RGYAS NYID THOB PA'I RGYU MTSAN 'KHOR BA DANG MYA NGAN LAS 'DAS PA MNYAM PA NYID, CES GSUNGS, GNYIS PA NI, MDO DE'I DON BSHAD PA LA, CHOS RNAMS RMI LAM 'DRA BA'I PHYIR, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, 'KHOR BA DANG RNAM PAR BYANG BA, ZHES SOGS GSUNGS, 'DI LA YANG, DNGOS KYI DON DANG, KLAN KA SPANG BA GNYIS LAS, DANG PO NI, CHOS RNAMS RMI LAM 'DRA BA'I PHYIR, ,SRID DANG ZHI BAR MI RTOG PA, ,ZHES DANG, 'KHOR BA DANG RNAM PAR BYANG BA MI MTHUN PA DANG GNYEN PO RNAMS SNANG BRNYAN TZAM GYI DNGOS PO RMI LAM DANG

176a

, ,'DRA BA NYID DU RTOGS PA'I PHYIR 'KHOR BA DANG MYA NGAN LAS 'DAS PA DAG LA THA DAD PA NYID DU RNAM PAR MI RTOG PAS NA MNYAM PA NYID DO, ,ZHES GSUNGS, GNYIS PA LA, RTZOD PA DANG, LAN GNYIS LAS, DANG PO LA LAS MED PA DANG, 'BRAS BU DON DAM DU THAL BA DANG, LUGS DANG 'GAL BA DANG, RMI LAM NA LAS LA SOGS PA YOD PAR THAL BA'I KLAN KA BZHI STON PA LA, LAS MED LA SOGS KLAN KA YI, ,ZHES DANG, RMI LAM DANG 'DRA BA NYID YIN NA MI DGE BA BCU DANG SBYIN PA LA SOGS PA MED PAS, GNYID MA LOG PA'I GNAS SKABS NA YANG GNYID LOG PA'I GNAS SKABS BZHIN DU 'GYUR BA MA YIN NAM, ZHES GSUNGS, GNYIS PA NI, LAN NI SKAD BSHAD PAR ZAD, ,CES DANG, ZHES BYA BA'I KLAN KA RNAMS KYI LAN NI, ZHES SOGS GSUNGS, 'DI LA YANG, DON MI 'THAD PA DANG, DPE MA GRUB PA'I LAN DANG, DPE GRUB PA'I DON NO, ,DANG PO LA, THA DAD 'GOD PA DANG; NYES SPONG GI LAN GNYIS LAS, DANG PO NI, JI LTAR PHYI ROL GYI DON DU SMRA BA'I LUGS LA SKAD CIG MA NYID KYIS RGYU MED PAR 'JIG PAR NGES PA YIN PAR THAL, GRUB PA'I MTHA' LAS KYANG, 'JIG RTEN GYI TSOGS LAS LAS SKYES, ,ZHES 'BYUNG BA'I PHYIR, ZHES BSHAD, GNYIS PA LA DPE 'GOD PA DANG, DON LA SBYOR BA'O, ,DANG PO NI, JI LTAR PHYI ROL DON DU SMRA BA'I LUGS LA DON DAM PAR SUS KYANG SU YANG BSAD PA YANG MIN, MA

176b

BSAD PA YANG MA YIN, SUS KYANG SU'I NOR BLANGS PA YANG MED, MA BLANGS PA YANG MA YIN, ZHES BYA BA LA SOGS PA'I PHYOGS LA RGYUN 'JUG PA DANG 'GAL BA'I DNGOS PO BSKYED PA LA, GSOD PA LA SOGS PAR RTOG PA'I SGO NAS TSUL BZHIN MA YIN PA'I YID LA BYED PA LA SOGS PA DANG LDAN PA LA MI DGE BA LA SOGS PA DANG 'DRA BAR SROG GCOD PA LA SOGS PA RNAM PAR 'JOG PA DE BZHIN DU, ZHES BSHAD, GNYIS PA NI, DNGOS PO RMI LAM DANG 'DRA YANG PHYIN CI LOG GI 'CHING BA MTHA' DAG MA NYAMS PA RNAMS LA DE DANG MTHUN PA'I DON GYI DNGOS PO LA SOGS PA LA MNGON PAR ZHEN PAS ZHES BYA BA LA SOGS PA'I LAN DE DANG DE PHYOGS GZHAN NAS GSUNGS SO, ,ZHES BYA BAR KHONG DU CHUD PAR BYA'O, , ZHES BSHAD, GNYIS PA DPE MA GRUB PA'I LAN LA YANG LUNG GZHAN GYIS DANG, MDO 'DI NYID KYI DON BSHAD PAS DPE MA GRUB PAR BSTAN PA GNYIS LAS, DANG PO NI, GZHAN YANG, RMI LAM SEMS NI GNYID KYIS NYAMS, ,DES NA 'BRAS BU 'DRA MA YIN, ,ZHES BYA BAS DPE MA GRUB BO, ,ZHES BSHAD, GNYIS PA NI, DE BZHIN DU RMI LAM NA YANG DGE BA DANG MI DGE BA SPYAD PA NI SAD PA'I GNAS SKABS NA KYE MA BYAS SO LEGS PAR BYAS SO, ,ZHES RJES SU YI RANG NA, RJES KYI GNAS SKABS KYI SEMS KYIS MNGON PAR ZHEN PA'I GSOS KYIS YONGS SU GSOS TE, ZHES BSHAD, GSUM PA NI, DE'I PHYIR YANG DPE MA GRUB PAS 'KHOR BA DANG MYA NGAN LAS 'DAS PA NI MNYAM PA NYID DO, ,ZHES BSHAD, DE

177a

, ,RAG NI GSER PHRENG LAS GSUNGS PA LTAR RO, ,GZHUNG DON NI, DAG PA SA GSUM GYI YE SHES CHOS CAN, SRID ZHI MNYAM NYID KYI SBYOR BA YIN TE, SRID ZHI BDEN STONG DU MNGON SUM DU RTOGS PA'I SHES RAB KYIS ZIN PA'I SGO NAS RJES THOB KYI GNAS SKABS SU BDEN 'DZIN MNGON GYUR PA SKYE BA'I GO SKABS ZAD PAR BCOM PA'I DAG SA'I YE SHES YIN PA'I PHYIR, SRID ZHI CHOS CAN, BDEN PAR MED DE, RTEN 'BREL YIN PA'I PHYIR, DPER NA RMI LAM BZHIN NO, ,DNGOS SMRA BAS DBU MA PA LA NYIN PAR LAS GSOG PA MI 'THAD PAR THAL, LAS 'BRAS DON DAM PAR MA GRUB PA'I PHYIR, DPER NA RMI LAM BZHIN, ZHES 'PHANGS PA'I THAL 'GYUR 'DI CHOS CAN, KHYOD DBU MA PA LA SUN 'BYIN YANG DAG MA YIN PAR THAL, DBU MA PAS KHYOD LA KHYAB PA MA GRUB PA'I LAN DON MTHUN THEBS PA'I PHYIR RO, ,SKABS 'DIR MTHA' DPYAD PA LA, DNGOS KYI DON DANG, KLAN KA SPANG BA GNYIS LAS, DANG PO NI, SRID ZHI BDEN STONG DU MNGON SUM DU RTOGS PA'I SHES RAB KYIS ZIN PA'I SGO NAS RJES THOB KYI GNAS SKABS SU BDEN 'DZIN MNGON GYUR PA SKYE BA'I GO SKABS ZAD PAR BCOM PA'I DAG SA'I YE SHES, SRID ZHI MNYAM NYID KYI SBYOR BA'I MTSAN NYID, KHO NA RE, SA BRGYAD PA'I YE SHES CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, RJES THOB KYI GNAS SKABS SU BDEN 'DZIN MNGON GYUR PA MI SKYED PAR THAL, 'DOD PA'I PHYIR NA MA KHYAB, 'DOD MI NUS TE, SA BRGYAD PA'I RJES THOB

177b

LA GNAS PA'I SEMS DPA'I RGYUD LA BDEN 'DZIN MNGON GYUR PA YOD PA'I PHYIR, KHO NA RE, THEG CHEN GYI SGOM LAM CHEN PO'I CHUNG NGU LA GNAS PA'I SEMS DPA'I RGYUD LA BDEN 'DZIN MNGON GYUR PA MED PAR THAL, SA BRGYAD PA'I YE SHES LA GNAS PA'I SEMS DPA'I RGYUD LA DE MED PA'I PHYIR TE, MTSAN NYID 'THAD PA'I PHYIR, 'DOD MI NUS TE, NYAN THOS KYI SGOM LAM CHEN PO'I CHUNG NGU LA GNAS PA'I NYAN THOS 'PHAGS PA'I RGYUD LA GANG ZAG GI BDAG 'DZIN MNGON GYUR PA YOD PA'I PHYIR NA MA KHYAB, KHA CIG ,SRID ZHI BDEN STONG DU MNGON SUM DU RTOGS PA'I SEMS DPA'I RNAL 'BYOR, DE'I MTSAN NYID ZER BA MI 'THAD DE, THEG CHEN GYI MTHONG LAM BAR CHAD MED LAM GYIS MA NGES PA'I PHYIR, KHA CIG ,DE 'DRA'I DAG SA'I YE SHES DE DE'I MTSAN NYID ZER NA MI 'THAD DE, SA BRGYAD PA PA'I RGYUD KYI KUN RDZOB SEMS BSKYED KYIS MA NGES PA'I PHYIR, KHA CIG ,DAG SA'I YE SHES GANG ZHIG ,GTZO BOR YE SHES CHOS SKU'I LAG RJES 'JOG BYED KYI RIGS SU GNAS PA DE DE'I MTSAN NYID ZER NA, SA BRGYAD PA PA'I RGYUD KYI SBYIN PA'I NYAMS LEN GYI BYA BA CHOS CAN, ZUR GNYIS PA DER THAL, MTSON BYA DE'I PHYIR, DAG SA'I YE SHES YIN PA'I PHYIR, 'DOD NA, DE CHOS CAN, YE SHES KYI TSOGS YIN PAR THAL LO, ,'DOD MI NUS TE, CHOS CAN DE DANG GCIG YIN PA'I PHYIR, GNYIS PA LA, LAS 'BRAS MED PA DANG, LAS 'BRAS DON DAM DU THAL BA DANG, LUNG DANG 'GAL BA DANG, RMI LAM NA LAS GSOG PA'I KLAN KA SPANG BA'O,,

178a

, ,DANG PO LA, RTZOD PA DANG LAN GNYIS LAS, DANG PO NI, SH'A RI'I BUS SMRAS PA, TSE DANG LDAN PA RAB 'BYOR BYANG CHEN GYI RMI LAM DU LAS GANG GI BYAS PA'I LAS DE LA SOGS PA'AM 'BRI BAR 'GYUR BA YOD DAM, ZHES SOGS KYIS BSHAD, DON NI, CHOS THAMS CAD BDEN PAR MED PA RMI LAM DANG 'DRA NA, STONG PA DANG RTEN 'BYUNG 'GAL BAR 'DZIN PA'I LOG RTOG GCOD PA'I CHED DU NYIN PAR YANG SBYOR DNGOS MJUG GSUM GYIS BSDUS PA'I LAS LAM RDZOGS PA MED PAR THAL, LAS 'BRAS DON DAM PAR MED PA'I PHYIR, DPER NA RMI LAM BZHIN, GNYIS PA NI, RAB 'BYOR GYIS SMRAS PA, TSE DANG LDAN PA SH'A RI'I BU JI LTAR BCOM LDAN 'DAS KYIS CHOS THAMS CAD RMI LAM LTA BUR GSUNGS PA DE LTAR NA DE LA SOGS PA'AM 'BRI BAR 'GYUR BA MED DO, ,DE CI'I PHYIR ZHE NA, RMI LAM GYI CHOS GANG LA YANG SOGS PA'AM 'BRI BA MI DMIGS PA'I PHYIR RO, ,'ON TE SAD NAS RNAM PAR RTOG NA DE LA SOGS PA'AM 'BRI BAR YANG 'GYUR RO, ,ZHES SOGS KYIS BSHAD, DON NI, SH'A RI'I BU'I SUN 'BYIN DE SUN 'BYIN YANG DAG MA YIN PAR THAL, DE LA DON DAM LA LTOS NAS 'DOD LAN DANG, KUN RDZOB LA LTOS NAS KHYAB PA MED LAN THEBS PA'I PHYIR, DANG PO GRUB STE, RMI LAM BDEN PAR MED PAS DE'I CHOS LA DON DAM PAR 'BRI 'PHEL MI BYED PA'I PHYIR, GNYIS PA GRUB STE, RMI LAM NA YANG SPYOD PA LAS SAD NAS YI RANG NA 'BRI 'PHEL YOD PA'I PHYIR, DES NA KHYAB

178b

PA DANG DPE YANG MA GRUB BO, ,GNYIS PA LA, RTZOD LAN GNYIS LAS, DANG PO NI, RAB 'BYOR GYIS SMRAS PA, NYIN PAR SROG BCAD PA DANG RMI LAM NA SROG BCAD PA DE LA 'DI SNYAM DU DE BDAG GIS BSAD, DE BDAG GIS BSAD PA LEGS SO ZHES MNGON ZHEN DRAG POS GSOS BTAB PA LA LAS LAM RDZOGS PAR MTSUNGS PAR 'DOD PA SH'A RI'I BUS DE LA JI SKAD ZER ZHES RTZOD PA'I SKABS PHYE BA DANG, SH'A RI'I BUS SMRAS PA, 'O NA RMI LAM NA GSAD BYA GSOD BYED SBYIN BYA SBYIN BYED SOGS LAS LAM YONGS SU RDZOGS PA GCIG YOD PAR THAL, SAD RMI GNYIS KA MTSUNGS PA'I PHYIR, 'DOD NA, RMI LAM DU DGE SLONG GIS MI BSAD PA RMIS PAS SDOM PA NYAMS PA GCIG YOD PAR THAL LO, ,ZHES ZER, GNYIS PA NI, SMRAS PA; TSE DANG LDAN PA RAB 'BYOR DMIGS PA MED PAR LAS MI SKYED DE LAS NI DMIGS PA DANG BCAS PA KHO NAR SKYE'O, ,DMIGS PA MED PAR SEMS MI 'BYUNG STE, SEMS NI DMIGS PA DANG BCAS PA KHO NAR SKYE'O, ,RAB 'BYOR GYIS SMRAS PA TSE DANG LDAN PA SH'A RI'I BU DE DE BZHIN TE, DMIGS PA MED PAR LAS MI SKYE'O, ,DMIGS PA MED PAR SEMS MI 'BYUNG NGO, ,ZHES SOGS KYIS BSHAD, DON NI, SH'A RI'I BU'I SUN 'BYIN DE SUN 'BYIN YANG DAG MA YIN TE, DGE SLONG GIS MI BSAD PAS SDOM PA NYAMS PA NI BCOM LDAN 'DAS KYIS BCAS PA'I DBANG GIS YIN GYI, BCOM LDAN 'DAS KYIS RMI LAM DU BSLAB PA MA BCAS PA'I PHYIR, DPER NA, MI TSANGS SPYOD KYI LTANG BAR 'DRA YANG 'CHAB SEMS SKYES NA DGE SLONG DU MI

179a

, ,RUNG LA, MA SKYES NA 'CHAB LAS KYI BSLAB PA BYIN NAS DGE SLONG DU 'JOG PA BZHIN NO, ,GSUM PA LA, RTZOD PA DANG LAN GNYIS LAS, DANG PO NI, TSE DANG LDAN PA RAB 'BYOR LAS THAMS CAD DANG SEMS PA THAMS CAD DBEN PA'O ZHES BCOM LDAN 'DAS KYIS GSUNGS NA, DE JI LTAR DMIGS PA DANG BCAS PAR LAS SKYES TE, DMIGS PA MED PAR MA YIN ZHES SOGS KYIS BSHAD, DON NI, SH'A RI'I BUS SMRAS PA, RAB 'BYOR SAD RMIS GNYIS SU LAS LAM YONGS SU RDZOGS PA YOD PA MI 'THAD DE, MDO LAS, LAS DANG SEMS PA THAMS CAD DBEN PAR GSUNGS PA DANG 'GAL BA'I PHYIR, ZHES ZER, GNYIS PA NI, RAB 'BYOR GYIS SMRAS PA, TSE DANG LDAN PA SH'A RI'I BUS MTSAN MAR BYAS NAS DMIGS PA DANG BCAS PAR LAS SKYE STE DMIGS PA MED PAR MA YIN, ZHES SOGS KYIS BSHAD, DON NI, RAB 'BYOR GYIS SMRAS PA, MDO DANG 'GAL BA DE LTAR MA YIN PAR THAL, MDO LAS DE LTAR GSUNGS PA DE LAS DANG SEMS PA DON DAM PAR MED PA LA DGONGS LA, LAS DANG SEMS PA KUN RDZOB TU YOD PA'I PHYIR RO, ,BZHI PA LA RTZOD PA DANG LAN GNYIS LAS, DANG PO NI, SH'A RI'I BUS SMRAS PA, RAB 'BYOR GAL TE BYANG CHEN RMI LAM DU SBYIN PA BYIN, ZHES SOGS KYIS BSHAD, DON NI, SH'A RI'I BU NA RE, RMI LAM DU BYANG SEMS SBYIN PA NAS SHES RAB KYI BAR BSGOMS TE, DGE BA'I RTZA BA DE YANG RDZOGS BYANG DU BSNGOS NA TSOGS GNYIS YONGS SU RDZOGS PA YIN PAR THAL, RMI LAM NA LAS LAM YONGS SU

179b

RDZOGS PA YOD PA'I PHYIR, 'DOD MI NUS TE, RMI LAM GYI LAS LAM DE YANG DAG KUN RDZOB MA YIN PA'I PHYIR, ZHES ZER, GNYIS PA LA RAB 'BYOR GYIS LAN DON GYIS BTAB ZIN PA DANG, BYAMS PA LA KHA 'PHANG PA'I TSUL GNYIS LAS,, DANG PO NI, RAB 'BYOR GYIS 'DIR LAN DNGOS SU MI 'DEBS PA'I RGYU MTSAN YOD DE, DE'I LAN GONG DU BTAB ZIN PA'I PHYIR, GNYIS PA NI, TSE DANG LDAN PA SH'A RI'I BU BYANG CHEN BYAMS PA SKYE BA GCIG GIS THOGS PA BCOM LDAN 'DAS KYIS PHYIR MI LDOG PAR LUNG BSTAN PA 'DI MNGON DU GYUR NA, 'DI LA DRIS SHIG DANG 'DIS LAN LDON PAR 'GYUR RO, ,ZHES SOGS KYIS BSHAD, KHA CIG ,BYAMS PAS LAN DNGOS SU MA BTAB BAR 'DOD PA MI 'THAD DE, RAB 'BYOR GYIS LAN BTAB PA LTAR BYAMS PAS KYANG BDAG GIS NI GANG LA LAN KLON PA DANG, GANG GIS LAN KLAN PA DANG, GANG LA LAN PA'I CHOS DE LTA BU YANG DAG PAR RJES SU MI MTHONG NGO, ,ZHES SRID ZHI MNYAM NYID KYI SBYOR BA SPYIR GSUNGS PA'I PHYIR; RNAM BSHAD LTAR NA, DGE MI DGE'I LAS LAM RDZOGS PA MED PAR THAL BA SPANG BA DANG, RMI LAM DU YANG LAS LAM YONGS SU RDZOGS PA YOD PAR THAL BA SPANG BA DANG, LUNG DANG 'GAL BA SPANG BA DANG, HA CANG THAL BA SPANG BA DANG BZHI RIMS BZHIN SBYOR, BSTAN BCOS SU KLAN KA PHYI MA GSUM GYIS LAN DNGOS SU MA BSTAN PA'I RGYU MTSAN YOD DE, KLAN KA'I GTZO BO LAS LAM MED PA YIN PAS DE LA LAN BTAB PAS LAN GZHAN RNAMS

180a

, ,KYANG GO NUS PA LA DGONGS NAS MA GSUNGS PA'I PHYIR RO, ` ,GNYIS PA LA YANG, MDO DANG BSTAN BCOS GNYIS LAS, DANG PO NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR NA BYANG CHEN PHYIN DRUG YONGS SU RDZOGS PAR BGYID CING RNAM MKHYEN DANG YANG NYE BAR 'GYUR BA LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR 'DI LA BYANG CHEN SHER PHYIN LA SPYOD PA'I TSE SEMS CAN BKRES PA RNAMS MTHONG ZHING, SEMS CAN SKOM PA DANG GOS NGAN? PA DANG, ZAS DANG GOS DANG MAL CHAS PHONGS PA DAG MTHONG NA 'DI LTAR YONGS SU BRTAG PAR BYA STE, CI NAS KYANG BDAG BLA MED RDZOGS BYANG DU MNGON PAR SANGS RGYAS PA'I SANGS RGYAS KYI ZHING DE NA SEMS CAN RNAMS KYI NYES PA 'DI DAG THAMS CAD DU THAMS CAD MI 'BYUNG ZHING MI SRID PA DANG, ZHES PA NAS, KUN DGA' BO'I SRING MO 'DI BLA MED RDZOGS BYANG GI DON DU YONGS SU SBYANGS PA BYAS PA'O, ,ZHES GSUNGS, GNYIS PA LA GSUM LAS, DANG PO NI, LUS RNAM GZHAG TU, SRID DANG ZHI BA MNYAM NYID DANG, ,ZHING DAG BLA NA MED PA NI, ,ZHES BSHAD, SRID ZHI MNYAM NYID KYI SBYOR BA'I 'OG TU ZHING DAG SBYOR BA 'CHAD PA'I RGYU MTSAN GANG ZHE NA, DE'I RGYU MTSAN YOD DE, SRID ZHI MNYAM NYID DU BSGOMS PAS MA 'ONGS PA NA RANG GI SANGS RGYAS KYI ZHING DU SANGS RGYAS SU 'GYUR BAS DE LTAR BSHAD PA'I PHYIR, ZHES MTSAMS SBYOR BA LA, GNYIS KA MNYAM PA NYID DU RNAM PAR SGOM PA

180b

NI RANG GI SANGS RGYAS KYI ZHING DU SANGS RGYAS SU 'GYUR BAS, DE'I 'OG TU SANGS RGYAS KYI ZHING YONGS SU DAG PA, ZHES GSUNGS, GNYIS PA NI, MDO DE'I DON BSHAD PA LA, SEMS CAN 'JIG RTEN DE BZHIN DU, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, SEMS CAN DANG SNOD KYI 'JIG RTEN GYI BYE BRAG GIS, SANGS RGYAS KYI ZHING RNAM PA GNYIS LA GO RIMS BZHIN DU BKRES PA DANG SGOM PA DANG, RDO BA DANG TSER MAL SOGS PA NYID KYIS MA DAG PA GANG YIN PA DE'I GNYEN POR LHA'I NYE BAR SPYAD PA DANG, GSER GYI SA PHYOGS LA SOGS PA DAG PA BSKYED PA'I SGO NAS RNAM PAR DAG PA NI SANGS RGYAS KYI ZHING RNAM PAR DAG PA'O, ,ZHES GSUNGS, GZHUNG DON NI, SA BRGYAD PA'I YE SHES CHOS CAN, ZHING DAG PA'I SBYOR BA YIN TE, SANGS RGYAS KYI SNOD BCUD KYI ZHING KHYAD PAR CAN 'GRUB PA'I SMON LAM LA SOGS PA'I DGE RTZA'I NUS PA MTHU CAN DU GYUR PA'I DAG SA'I RNAL 'BYOR YIN PA'I PHYIR, RANG GANG DU SANGS RGYAS PA'I SANGS RGYAS KYI ZHING KHYAD PAR CAN 'GRUB PA'I SMON LAM LA SOGS PA'I RGYU'I DGE RTZA'I NUS PA MTHU CAN DU GYUR PA'I DAG SA'I RNAL 'BYOR DE, ZHING DAG SBYOR BA'I MTSAN NYID, DBYE NA, SNOD KYI ZHING DAG SBYOR BA DANG, BCUD KYI ZHING DAG SBYOR BA GNYIS SU YOD, KHA CIG ,DAG SA'I YE SHES GANG ZHIG ,GTZO BOR GZUGS SKU'I LAG RJES 'JOG BYED KYI RIGS SU GNAS PA DE DE'I MTSAN NYID ZER NA, SA BRGYAD PA'I BAR CHAD MED LAM CHOS CAN, ZUR GNYIS PA DER THAL, MTSON BYA DE'I PHYIR TE, DAG SA'I YE SHES YIN PA'I

181a

, ,PHYIR; 'DOD NA, DE MA YIN PAR THAL, GTZO BOR CHOS SGU'I LAG RJES 'JOG BYED KYI RTOGS RIGS SU GNAS PA'I PHYIR TE, THEG CHEN GYI SGOM LAM BAR CHAD MED LAM YIN PA'I PHYIR RO, ` ,GSUM PA LA YANG, MDO LAS GSUNGS TSUL DANG, BSTEN BCOS KYIS 'GREL TSUL GNYIS LAS, DANG PO NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN LA SPYOD PA'I BYANG CHEN JI LTAR STONG NYID LA YONGS SU 'DRIS PAR BGYI, JI LTAR STONG PA NYID KYI TING NGE 'DZIN LA SNYOMS PAR 'JUG PAR BGYI, JI LTAR MTSAN MA MED PA'I TING NGE 'DZIN LA SNYOMS PAR 'JUG PAR BGYI, JI LTAR SMON PA MED PA'I TING NGE 'DZIN LA SNYOMS PAR 'JUG PAR BGYI, JI LTAR BYANG CHOS RNAMS KYI BAR LA 'DRIS PAR BGYI, JI LTAR BYANG CHOS RNAMS BSGOM PAR BGYI, ZHES PAS THABS MKHAS KYI YUL DE BSTAN NAS, THABS MKHAS KYI SBYOR BA DE STON PA LA, DE SKAD CES GSOL BA DANG, BCOM LDAN 'DAS KYIS 'DI SKAD CES BKA' STZAL TO, ,RAB 'BYOR 'DI LA BYANG CHEN GZUGS STONG ZHES BYA BAR BRTAG PAR BYA'O, ,ZHES SOGS GSUNGS, GNYIS PA LA GSUM LAS, DANG PO NI, LUS RNAM GZHAG TU, ZHING DAG BLA NA MED PA NI, ,RNAM KUN MNGON RDZOGS RTOGS PA STE; ;DE NI THABS MKHAS BCAS PA YIN, ,ZHES BSHAD NA, ZHING DAG SBYOR BA'I 'OG TU THABS MKHAS SBYOR BA 'CHAD PA'I RGYU MTSAN GANG ZHE NA, DE'I RGYU MTSAN YOD DE, RANG SANGS RGYAS PA'I SANGS RGYAS KYI ZHING RNAM DAG TU BSGRUBS PA NI GZHAN

181b

DON BSGRUB PA'I THABS MKHAS PAS GDUL BYA'I SKAL BA JI LTA BA BZHIN DU SANGS RGYAS KYI MDZAD PA BYA DGOS PAS DE LTAR BSHAD PA'I PHYIR, ZHES MTSAMS SBYOR BA LA, RANG GI SANGS RGYAS KYI ZHING RNAM PAR DAG PA BSGRUBS PA NI THABS MKHAS PAS SKAL BA JI LTA BA BZHIN DU SANGS RGYAS KYI MDZAD PA BYA DGOS PAS THABS LA MKHAS PA, ZHES GSUNGS, GNYIS PA NI, MDO DE'I DON BSHAD PA LA, YUL DANG SBYOR BA CAN 'DI NI, ,ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA LA, BAR CHAD KYI CHOS LAS, ZHES SOGS GSUNGS, 'DI LA YANG, SBYOR BA'I YUL DANG, YUL CAN SBYOR BA'I NGO BO DANG, SO SO'I DBYE BA, YUL DANG DNGOS PO'I SGO NAS DON BSDU BA'O, ,DANG PO NI, NYI SNANG DANG LE BRGYAD MAR RNAM THAR GSUM DANG, BYANG PHYOGS SDE TSAN BDUN TE BCU DANG, LE MANGS SU MTHAR GNAS DGU DANG, STOBS DANG MA 'DRES PA SOGS YUL DU GSUNGS SO, ,DE'I DON BSHAD PA LA, YUL DANG, ZHES SOGS GSUNGS, GNYIS PA NI, SHES RAB KYIS CHOS THAMS CAD LA 'DRIS PAR BYED KYANG SNYING RJES DE DAG GIS 'BRAS BU RANG DON DU MI BYED PAS MTHA' GNYIS LA MI GNAS PA'I NYAMS LEN SNGAR BSHAD PA YUL DU YOD PA CAN GYI SBYOR BA YIN TE, MDO LAS, MNYAM PAR MA BZHAG SEMS CAN KHAMS LA SNYING RJE 'JUG ,BAR SKABS DER YANG SANGS RGYAS CHOS LAS YONGS MI NYAMS, ,ZHES GSUNGS PA'I PHYIR, DE'I DON BSHAD PA LA, SBYOR BA CAN 'DI NI, ,ZHES GSUNGS, GSUM PA LA THABS LA MKHAS PA'I SBYOR BA DE LA YUL GYI

182a

, ,SGO NAS BCU YOD PA'I DANG PO BAR CHAD KYI CHOS RNAMS LAS YANG DAG PAR RGAL BA'I THABS MKHAS DE STON PA LA, RAB 'BYOR 'DI LTA STE, DPER NA, SKYES BU ZHIG DPA' BA DANG RTUL PHOD PA DANG, RTZAL CHE BA SHIN TU BRTAN PA DANG, GZUGS MDZES PA DANG BYAD BZHIN BZANG ZHING KHO LAG BZANG PO MCHOG TU RGYAS PA DANG LDAN PA 'PHONG RTZAL MCHOG TU BYA BA MTSON CHA SRA BA THOGS PA RGYU RTZAL DRUG CU RTZA BZHI PO THAMS CAD YONGS SU RDZOGS PA BZO'I GNAS DANG, LAS KYI GNAS THAMS CAD RTOGS PAR RIGS PA, 'GRO BA MANG PO'I NYID DU 'ONG ZHING SDUG PA NI BYA BA GANG DANG GANG RTZOM YANG THAMS CAD DU RNYED PA CHEN PO DANG LDAN TE, ZHES SOGS GSUNGS, DE'I DON BSHAD PA LA, DGRA RNAMS LAS NI 'DAS PA DANG, ,ZHES DANG, BAR CHAD KYI CHOS LAS YANG DAG PAR RGAL BAS LHA LA SOGS PA'I BDUD LAS 'DAS PA DANG, ZHES GSUNGS, GNYIS PA MI GNAS PAR GNAS PA'I DE STON PA LA, RAB 'BYOR 'DI LTA STE, DPER NA 'DAB CHAGS BYA NI, BAR SNANG LA RGYU ZHING SA LA MI LTUNG STE, NAM MKHA' BAR SNANG LA GNAS KYANG DE LA GNAS PA MED DO, ,ZHES SOGS GSUNGS, DE'I DON BSHAD PA LA, MI GNAS, ZHES DANG, CHOS THAMS CAD MNYAM PA NYID RNAM PAR BSGOMS PAS MI GNAS PAR GNAS PA DANG, ZHES GSUNGS, GSUM PA SMON LAM GYI SHUGS KYIS 'PHANG BA'I DE NI, RAB 'BYOR 'DI LTA STE, DPER NA SKYES BU MTHU DANG LDAN PA 'PHONG RTZAL GYI SLOB DPON DU GYUR BA 'PHONGS

182b

RTZAL BSLAB PA LA SHIN TU BYANG BA GCIG YOD LA, DES MDA' GNAM DU 'PHANG STE MDA' GZHAN GCIG NAS GCIG TU BRGYUD DE MDA' SNGA MA DES LA LTUNG DU MA BCUG STE, ZHES SOGS GSUNGS, DE'I DON BSHAD PA LA, JI BZHIN SHUGS DANG NI; ;ZHES DANG, SMON LAM GRUB PAS GZHAN GYI DON SNGON GYI SHUGS KYIS 'PHANGS PA BYED PA DANG, ZHES GSUNGS, BZHI PA THUN MONG MA YIN PA'I DE NI, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN GANG CHOS NYID 'DI LA SLOB PA YANG DAG PA'I MTHA' LA SLOB PA, DE BZHIN NYID LA SLOB PA, CHOS KYI DBYINGS RANG GI MTSAN NYID STONG PA NYID KYI BAR LA SLOB PA, RNAM PAR THAR PA'I SGO GSUM LA SLOB PA'I BAR MA DOR BLA MED RDZOGS BYANG LAS NYAMS PAR MI 'GYUR BA NI DKA' BA BGYID PA STE, ZHES SOGS KYIS BSHAD, DE'I DON BSHAD PA LA, THUN MONG MA YIN MTSAN NYID DANG, ,ZHES DANG, DKA' BA SPYOD PA THAMS CAD SHIN TU GOMS PA NYID KYIS THUN MONG MA YIN PA DANG, ZHES GSUNGS, LNGA PA LA MA CHAGS PA'I DE NI, RAB 'BYOR GZHAN YANG BYANG CHEN GANG GI TSE 'DI LTA STE NANG STONG PA NYID DANG PHYI STONG PA NYID DANG DNGOS PO MED PA'I NGO BO NYID STONG PA NYID KYI BAR DANG; ZHES SOGS KYIS BSTAN, DE'I DON BSHAD PA LA, MA CHAGS PA DANG, ZHES DANG, CHOS DKAR PO RNAM PAR DAG PAS CHOS THAMS CAD LA 'DZIN PA MED PA DANG, ZHES GSUNGS, DRUG PA MI DMIGS PA'I DE NI, RAB 'BYOR GANG BYANG

183a

, ,CHEN 'DI SNYAM DU 'DI DAG NI YUN RING POR PHYIN CI LOG BZHI LA SPYOD SPYOD PA RTAG PAR 'DU SHES PA DANG, BDE BAR 'DU SHES PA DANG, SDUG PAR 'DU SHES PA LA SPYOD SPYOD PA YIN GYI DE DAG GI PHYIR DU BYANG CHUB TU SPYAD PAR BYA'O; ;ZHES SOGS KYIS BSTAN, DE'I DON BSHAD PA LA, MI DMIGS DANG, ,ZHES DANG, RNAM PAR THAR PA'I SGO STONG PA NYID KYIS MI DMIGS PA DANG, ZHES GSUNGS, BDUN PA MTSAN MA MED PA'I PHYIR, RAB 'BYOR GANG GI TSE 'DI SNYAM DU SEMS CAN 'DI DAG YUN RING PO NAS MTSAN MA LA SPYOD SPYOD PA STE, BUD MED KYI MTSAN MA'AM, ZHES SOGS KYIS BSTAN, DE'I DON BSHAD PA LA, MTSAN MA, ZHES DANG, RNAM PAR THAR PA'I SGO MTSAN MA MED PA NYID KYIS MTSAN MA MED PA DANG, ZHES GSUNGS, BRGYAD PA SMON PA MED PA'I DE NI, RAB 'BYOR GANG GI TSE 'DI SNYAM DU SEMS CAN 'DI DAG NI YUN RING PO NAS SMON LAM LA SPYOD SPYOD PA STE, ZHES SOGS KYIS BSTAN, DE'I DON BSHAD PA LA, SMON LAM ZAD PA DANG, ,ZHES DANG, RNAM PAR THAR PA'I SGO SMON PA MED PA NYID KYIS SMON PA MED PA DANG, ZHES GSUNGS, DGU BA PHYIR MI LDOG PA'I RTAGS KYI DE STON PA LA, RAB 'BYOR BYANG CHEN DE LTAR SPYOD CING BYANG CHOS 'DI DAG LA YONGS SU 'DRIS PAR BYED PA DE DAG LA, ZHES SOGS GSUNGS, DE'I DON BSHAD PA LA, DE YI RTAGS DANG, ZHES DANG, DRI BA SNGON DU BTANG BA CAN PHYIR MI LDOG PA'I CHOS BRJOD PAS PHYIR MI LDOG PA'I RTAGS DANG, ZHES GSUNGS,

183b

BCU PA YUL TSAD MED PA LA THABS MKHAS DE STON PA LA, GSOL BA, BCOM LDAN 'DAS GANG GIS PHYIR MI LDOG PAR 'GYUR BA'I RNAM GRANGS DE LTA BU MCHIS SAM, BCOM LDAN 'DAS KYIS BKA' STZAL PA, RAB 'BYOR DE NI YOD DE, ZHES PA NAS, BYANG CHEN DE DANG DE DAG NI LHA DANG MI DANG LHA MA YIN DU BCAS PA'I 'JIG RTEN GYIS MI 'PHROGS PA YIN NO ZHES GSUNGS, DE'I DON BSHAD PA LA, TSAD MED PA, ,ZHES DANG, YUL THAMS CAD SHES PA NYID KYIS TSAD MED PA STE; ZHES GSUNGS, BZHI PA NI, THABS LA MKHAS PA RNAM PA BCU, ,ZHES DANG, SHES RAB KYI PHA ROL TU PHYIN PA'I YUL RNAM PA BCU MNGON SUM DU BYA BA LA DUS DANG DUS MA YIN PA SHES PA'I SBYOR BA NI THABS LA MKHAS PA YIN NO, ,ZHES BSHAD DE, GZHUNG DON NI, THABS MKHAS SBYOR BA DE LA BCUR YOD DE, DE LA YUL GYI SGO NAS BCUR YOD PA'I PHYIR, THABS MKHAS SBYOR BA'I YUL DE LA BCUR YOD DE, DE LA RNAM PAR THAR PA GSUM DANG, BYANG CHOS SDE TSAN BDUN RNAMS SU YOD PA'I PHYIR, MTHA' DPYAD PA LA, THABS MKHAS SBYOR BA SPYIR BSTAN PA DANG, BDUD BZHI BCOM TSUL BYE BRAG TU BSHAD PA GNYIS LAS, DANG PO NI, 'BAD RTZOL RAGS PA ZHI BA'I SGO NAS 'PHRIN LAS PHUN TSOGS LHUN GYIS GRUB PA'I DAG SA'I RNAL 'BYOR DE, THABS MKHAS SBYOR BA'I MTSAN NYID, DBYE NA, BDUD BZHI MNGON DU GYUR PA LAS 'DAS PA'I THABS MKHAS SBYOR BA, MI GNAS PAR GNAS PA'I SBYOR BA, GDUL BYA GZHAN GYI DON SNGON GYI SMON LAM JI LTAR BTAB

184a

, ,PA'I SHUGS KYIS 'PHANG PA LTAR BYED PA'I SBYOR BA, NYAN RANG DANG THUN MONG MA YIN PA'I SBYOR BA, CHOS THAMS CAD LA 'DZIN PA MED PAR MA CHAGS PA'I SBYOR BA, MI DMIGS PA'I SBYOR BA, MTSAN MA MED PA'I SBYOR BA, SMON LAM ZAD PA'I SBYOR BA, SNGAR BSHAD PA'I PHYIR MI LDOG PA'I RTAGS BRGYAD PO DES MTSON PAR BYED PA'I SBYOR BA, TSAD MED PA'I THABS MKHAS SBYOR BA DANG BCUR YOD, KHO NA RE, SA BRGYAD PA'I BAR CHAD MED LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, GTZO BOR SPRUL SKU'I LAG RJES 'JOG BYED YIN PAR THAL, 'DOD PA'I PHYIR NA MA KHYAB, KHA CIG ,DAG SA'I RNAL 'BYOR GANG ZHIG ,GTZO BOR SPRUL SKU'I LAG RJES 'JOG BYED KYI RTOGS RIGS SU GNAS PA DE'I MTSAN NYID ZER NA, SA BRGYAD PA'I BAR CHAD MED LAM CHOS CAN, ZUR GNYIS PA DER THAL, MTSON BYA DE'I PHYIR, 'DOD MI NUS TE, SNGAR BZHIN NO, ,KHA CIG ,'PHRIN LAS PHUN TSOGS SGRUB PA'I RGYU'I DGE RTZA'I NUS PA MTHU CAN DU GYUR PA'I DAG SA'I YE SHES DE DE'I MTSAN NYID ZER BA MI 'THAD DE, SA BRGYAD PA NAS 'PHRIN LAS PHUN TSOGS YOD PA'I PHYIR, GNYIS PA LA, BDUD BZHI SO SO'I NGO BO, BDUD BZHIR 'JOG PA'I RGYU MTSAN, SGRA DON, BDUD BZHI BCOM PA'I SA MTSAMS DANG BZHI LAS, DANG PO LA, KHA CIG ,RANG RGYUD LAS NYON GYI DBANG GIS BYUNG BA'I ZAG BCAS KYI PHUNG PO GANG ZHIG ,GTZO BOR DMAN PA'I LHAG MED MYANG 'DAS

184b

THOB PA LA BAR DU GCOD PA'I SGRIB PA'I RIGS SU GNAS PA, PHUNG PO'I BDUD KYI MTSAN NYID, SEMS RAB TU MA ZHI BAR BYED PA'I SEMS BYUNG GANG ZHIG ,GTZO BOR DMAN PA'I LHAG MED MYANG 'DAS THOB PA LA BAR DU GCOD PA'I SGRIB PA'I RIGS SU GNAS PA, NYON MONGS PA'I BDUD KYI MTSAN NYID, SROG GI DBANG PO RANG DBANG MED PAR 'GAG PAR BYED PA'I CHA GANG ZHIG ,GTZO BOR GNYIS KA'I CHA LAS RNAM GROL GYI DGRA BCOM THOB PA LA BAR DU GCOD PA'I SGRIB PA'I RIGS SU GNAS PA; 'CHI BDAG GI BDUD KYI MTSAN NYID, BDUD GZHAN GSUM LAS 'DA' BAL BAR DU GCOD BYED GANG ZHIG, BDUD BZHI'I NANG TSAN YIN PA DE, LHA'I BU'I BDUD KYI MTSAN NYID ZER NA, SO SKYE'I RGYUD KYI NYON MONGS CHOS CAN, PHUNG PO'I BDUD DU THAL, NYER LEN GYI PHUNG PO YIN PA'I PHYIR, KHYAB STE, NYAN SAR, DE LA PHUNG PO'I BDUD NI NYE BAR LEN PA'I PHUNG PO LNGA'O, ,ZHES GSUNGS PA'I PHYIR, 'DOD NA, DE CHOS CAN, ZUR GNYIS PA DER THAL, 'DOD PA'I PHYIR, 'DOD MI NUS TE, MTSAN NYID GNYIS PA'I ZUR GNYIS PA DE'I PHYIR, NYON MONGS PA'I BDUD YIN PA'I PHYIR, KHYAB PA KHAS, MTSAN NYID GNYIS PA MI 'THAD DE, NYON MONGS DANG MTSUNGS LDAN GYI GTZO BO SEMS DANG, NYON MONGS PA'I SA BON RNAMS NYON MONGS PA'I BDUD YIN PA'I PHYIR, GZHAN YANG, LHAG MED MYANG 'DAS LA GNAS PA'I NYAN THOS DGRA BCOM PAS PHUNG PO'I BDUD BCOM PA DANG, GNYIS KA'I CHA LAS RNAM GROL GYI NYAN THOS DGRA BCOM PAS 'CHI BDAG GI BDUD BCOM PAR THAL,

185a

, ,MTSAN NYID DANG PO DANG GSUM PA 'THAD PA'I PHYIR, 'DOD MI NUS TE, PHUNG PO'I BDUD BCOM NA MA RIG BAG CHAGS KYI SA DANG ZAG MED KYI LAS LA BRTEN NAS BYUNG BA'I YID LUS SPANGS PAS KHYAB PA, 'CHI BDAG GI BDUD BCOM NA, BSAM GYIS MI KHYAB PA'I 'CHI 'PHO SPANG DGOS PA'I PHYIR, GZHAN YANG, MTSAN NYID BZHI PA LA, 'DOD CHAGS CHOS CAN, MTSON BYA DER THAL, MTSAN NYID DE'I PHYIR, DANG PO GRUB STE, SA BRGYAD PA THOB PA LA BAR DU GCOD BYED YIN PA'I PHYIR, GNYIS PA GRUB STE, NYON MONGS PA'I BDUD YIN PA'I PHYIR, GZHAN YANG, THEG CHEN GYI MTHONG LAM RNAM GROL LAM LA GNAS PA'I SEMS DPA' YIN NA, 'CHI BDAG GI BDUD BCOM PAS KHYAB BAR THAL, DE YIN NA LAS NYON GYI DBANG GIS 'KHOR BAR SKYE 'CHI SPANGS PAS KHYAB PA GANG ZHIG ,MTSAN NYID 'THAD PA'I PHYIR, RANG LUGS NI, BDUD BZHI'I NANG TSAN GANG ZHIG ,RANG RGYU LAS DANG NYON MONGS PA LA BRTEN NAS BYUNG BA'I ZAG BCAS KYI PHUNG PO DANG MA RIG BAG CHAGS KYI SA LA BRTEN DGOS PA GANG RUNG, PHUNG PO'I BDUD KYI MTSAN NYID, DBYE NA, PHRA RAGS GNYIS LAS, DANG PO NI, MA RIG BAG CHAGS KYI SA LA BRTEN NAS BYUNG BA'I YID LUS LTA BU, GNYIS PA NI, NYER LEN GYI PHUNG PO LNGA LTA BU, DE GANG ZHIG ,GTZO BOR THAR PA THOB PA LA BAR DU GCOD BYED KYI SGRIB PA'I RIGS SU GNAS PA, NYON MONGS PA'I BDUD KYI MTSAN NYID, DBYE NA, PHRA RAGS GNYIS LAS, DANG PO NI, NYON SGRIB KYI SA BON LTA BU, GNYIS PA NI,

185b

RTZA NYON DRUG DANG, NYE NYON NYI SHU LTA BU, DE GANG ZHIG ,SROG GI DBANG PO RANG DBANG MED PAR 'GAG PAR BYED PA'I CHA'I RIGS SU GNAS PA, 'CHI BDAG GI BDUD KYI MTSAN NYID, DBYE NA, PHRA RAGS GNYIS LAS, DANG PO NI, BSAM GYIS MI KHYAB PA'I 'CHI 'PHO LTA BU, GNYIS PA NI, LAS NYON GYIS SROG GI DBANG PO RANG DBANG MED PAR 'GAG PAR BYED PA'I CHA LTA BU, DE GANG ZHIG ,BDUD GZHAN GSUM LAS 'DA' BA LA BAR DU GCOD CING, 'DOD LHA'I RIGS SU GTOGS PA; LHA'I BU'I BDUD KYI MTSAN NYID, DPER NA, GZHAN 'PHRUL DBANG BYED KYI BDAG PO DGA' RAB DGANG PHYUG LTA BU, 'DIS BAR DU GCOD PA'I TSUL YOD DE, GDUL BYA THAR PA DANG THAMS CAD MKHYEN PA SGRUB PA LA ZHUGS PA LA MNGON SHES KYIS BLTAS TE, NYON MONGS PA 'DOD CHAGS ZHE SDANG GTI MUG NGA RGYAL PHRAG DOG GI MDA' LNGA SO SOR 'PHEN PA'I PHYIR, DES NA 'DI LA ME TOG MDA' CAN DANG, ME TOG GZHU CAN DANG, MDA' LNGA PA SOGS KYI MING BTAGS SO, ,DE LTAR YANG, NYAN SAR, DE LA PHUNG PO'I BDUD NI NYE BAR LEN PA'I PHUNG PO LNGA'O, ,NYON MONGS PA'I BDUD NI KHAMS GSUM NA SPYOD PA'I NYON MONGS PA RNAMS YIN NO, ,'CHI BDAG GI BDUD NI SEMS CAN DE DANG DE DAG SEMS CAN GYI RIS DE DANG DE NAS 'CHI BA'I DUS BYED PA GANG YIN PA'O, ,LHA'I BU'I BDUD NI PHUNG PO DANG NYON MONGS PA DANG 'CHI BDAG GI BDUD LAS 'DA' BAR BYA BA'I DGE BA'I PHYOGS LA BRTZON PA DE DAG LA BAR DU GCOD PA'I RNAM PAR G-YENG BAR

186a

, ,BYA BA'I 'DOD PA'I KHAMS SU SKYES PA'I LHA'I BU DBANG PHYUG THOB PA DAG NYE BAR 'ONGS PA GANG YIN PA DE NI LHA'I BU'I BDUD CES BYA'O, ,ZHES GSUNGS, GNYIS PA NI, BDUD DE LA BZHIR 'JOG PA'I RGYU MTSAN YOD DE, GANG 'CHI BA'I DBANG DU BYAS NAS PHUNG PO'I BDUD DANG, GANG GIS 'CHI BA'I DBANG DU BYAS NAS NYON MONGS PA'I BDUD DANG, 'CHI BA'I NGO BO'I DBANG DU BYAS NAS 'CHI BDAG GI BDUD DANG, DE GSUM LAS 'DA' BA LA BAR DU GCOD PA'I DBANG DU BYAS NAS LHA'I BU'I BDUD BZHAG PA'I PHYIR TE, NYAN SAR, DE LA GANG 'CHI BA DANG, GANG GIS 'CHI BA DANG, 'CHI BA DE GANG YIN PA DANG, BAR CHAD KYI DNGOS PO GANG GIS 'CHI BA LAS YANG DAG PAR MI 'DA' BAR BYED PA DE DAG GI DBANG DU BYAS NAS BDUD BZHIR RNAM PAR BZHAG PA YIN TE, ZHES GSUNGS PA'I PHYIR, GSUM PA NI, MYA NGAN LAS 'DAS PA LA GEGS BYED PAS NA BDUD CES BYA'O, ,BZHI PA LA, GSER PHRENG LAS, NYON MONGS PA'I BDUD SA BRGYAD PA NAS DANG, 'CHI BA'I BDUD LA LAS NYON GYI DBANG GIS 'CHI BA SA DANG PO NAS MED KYANG YID LUS KYI 'CHI 'PHO BA SANGS RGYAS MA THOB PAR DU MI LDOG PAS 'CHI BDAG GI BDUD DANG, PHUNG PO'I BDUD SANGS RGYAS MA THOB PAR DU DANG, LHA'I BU'I BDUD KYANG DE GSUM LA BAR CHAD BYED PAS DE GSUM JI SRID 'JUG PA DE SRID DU YOD DO, ,RGYUD BLA MAR YANG, 'CHI MED ZHI BA'I GNAS THOB LA, ,'CHI BDUD RGYU BA MED PHYIR RO,,

186b

ZHES THUB PA'I SKU RTAG PA'I SGRUB BYED DU GSUNGS SO, ,ZHES GSUNGS KYANG, RANG LUGS NI RNAM BSHAD LTAR KHAS BLANGS TE, DE YANG, THEG DMAN GYI DBANG DU BYAS NA MTHONG LAM THOB NAS LHA'I BU'I BDUD BCOM STE, SKYABS GNAS LA THE TSOM ZA BA'I THE TSOM GYI DNGOS GNYEN THOB PA'I PHYIR, DGRA BCOM THOB NAS NYON MONGS PA'I BDUD BCOM STE, NYON SGRIB ZAD PAR SPANGS PA'I PHYIR, GNYIS KA'I CHA LAS RNAM GROL GYI DGRA BCOM THOB NAS 'CHI BDAG GI BDUD RAGS PA BCOM STE, 'BAD RTZOL RAGS PA DANG BCAS PA'I SGO NAS SKYE 'CHI BYED PA SPANGS PA'I PHYIR, LHAG MED MYANG 'DAS THOB NAS PHUNG PO'I BDUD RAGS PA BCOM STE, LAS NYON GYI DBANG GIS BYUNG BA'I ZAG BCAS KYI PHUNG SPANGS PA'I PHYIR TE, RNAM BSHAD LAS, THEG PA DMAN PA RNAMS MTHONG LAM THOB NAS LHA'I BU'I BDUD LAS 'DAS SHING, DGRA BCOM THOB NAS NYON MONGS PA'I BDUD LAS 'DA'O, ,GNYIS KA'I CHA LAS RNAM PAR GROL BAS 'CHI BDAG GI BDUD BCOM STE, TSE'I 'DU BYED BYIN GYIS BRLABS PA LA DBANG BA'I PHYIR, PHUNG PO'I BDUD LAS LHAG MED MYANG 'DAS THOB NAS 'DA'O, ,ZHES GSUNGS PA'I PHYIR, THEG CHEN GYI DBANG DU BYAS NA, PHYIR MI LDOG P'I RTAGS THOB NAS LHA'I BU'I BDUD BCOM STE, DKON MCHOG GSUM LA YID CHES PA'I DAD PA THOB PA'I SGO NAS PHYIR MI LDOG PA'I LUS NGAG GI SPYOD PA KHYAD PAR CAN THOB PA'I PHYIR, SA BRGYAD PA NAS NYON MONGS PA'I BDUD DAGS PA BCOM STE, DER

187a

, ,NYON SGRIB SPANGS PA'I PHYIR, DER 'CHI BDAG GI BDUD RAGS PA BCOM STE, DER 'BAD RTZOL RAGS PA DANG BCAS PA'I SGO NAS 'CHI BYED KYI 'CHI BDAG GI BDUD SPANGS PA'I PHYIR, DER PHUNG PO'I BDUD RAGS PA BCOM STE, 'BAD RTZOL RAGS PA DANG BCAS PA'I SGO NAS, MA RIG BAG CHAGS KYI SA DANG ZAG MED KYI LAS LA BRTEN NAS BYUNG BA'I YID LUS SPANGS PA'I PHYIR TE, RNAM BSHAD LAS, THEG PA CHEN PO'I PHYIR MI LDOG PA'I RTAGS THOB NAS LHA'I BU'I BDUD LAS 'DAS SHING, SA BRGYAD PA THOB NAS BDUD GZHAN GSUM RAGS PA LAS 'DA' LA BDUD BZHI MA LUS PAR BCOM PA NI SANGS RGYAS PA NA'O, ,ZHES DANG, SA BDUN PA MAN CHAD NAS KYANG 'BAD PAS BSGRUBS NA, MA RIG BAG CHAGS KYI SA DANG ZAG PA MED PA'I LAS LA BRTEN NAS YID KYI RANG BZHIN GYI LUS LEN NUS MOD KYI NGAM NGAM SHUGS KYIS 'GRUB PA NI NYAN RANG DGRA BCOM PA DANG DBANG THOB PA'I BYANG CHUB SEMS DPA' RNAMS YIN PAR SHES PAR BYA'O, ,ZHES GSUNGS PA'I PHYIR, BDUD BZHI MA LUS PAR BCOM PA DANG SANGS RGYAS PA DUS MNYAM STE, 'CHI BDAG GI BDUD BCOM NA BSAM GYIS MI KHYAB PA'I 'CHI 'PHO SPANGS PAS KHYAB, PHUNG PO'I BDUD BCOM NA, MA RIG BAG CHAGS KYI SA DANG ZAG MED KYI LAS LA BRTEN NAS BYUNG BA'I YID LUS MI LEN PAS KHYAB PA'I PHYIR, LUNG 'DI DAG GI DON MA GO BA KHA CIG ,THEG DMAN GYI MTHONG LAM NAS LHA'I BU'I BDUD BCOM

187b

STE; DKON MCHOG GSUM LA SHES NAS DAD PA THOB PA'I PHYIR, DMAN PA'I LHAG BCAS MYANG 'DAS THOB NAS NYON MONGS PA'I BDUD BCOM STE, NYON SGRIB MA LUS PAR SPANGS PA'I PHYIR, GNYIS KA'I CHA LAS RNAM GROL GYI DGRA BCOM THOB NAS 'CHI BDAG GI BDUD BCOM STE, TSE'I 'DU BYED BYIN GYIS BRLABS PA LA DBANG PA'I PHYIR, DMAN PA'I LHAG MED MYANG 'DAS THOB NAS PHUNG PO'I BDUD BCOM STE, LAS NYON GYI DBANG GIS GLANG BA'I ZAG BCAS KYI PHUNG PO SPANGS PA'I PHYIR, ZHES ZER ZHING, THEG CHEN GYI DBANG DU BYAS NA BDUD BZHI MA LUS PAR BCOM PA DANG SANGS RGYAS PA DUS MNYAM PA'I PHYIR, ZHES ZER BA NANG 'GAL TE, BDUD BZHI MA LUS PAR BCOM PA'I THEG CHEN GYI GANG ZAG YIN NA SANGS RGYAS 'PHAGS PA YIN DGOS PAR THAL, DAM BCA' PHYI MA DE'I PHYIR, 'DOD NA, LHAG MED MYANG 'DAS THOB PA'I GNYIS KA'I CHA LAS RNAM GROL GYI NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA CHOS CAN, DER THAL, DE'I PHYIR, RTAGS GRUB STE, DE 'DRA'I NYAN THOS DGRA BCOM PA DES BDUD BZHI MA LUS PAR BCOM PA'I PHYIR, MA GRUB NA, DE CHOS CAN, DER THAL, LHA'I BU'I BDUD BCOM PA GANG ZHIG ,NYON MONGS PA'I BDUD BCOM, PHUNG PO'I BDUD BCOM, 'CHI BDAG GI BDUD KYANG BCOM PA'I PHYIR, RTAGS RNAMS DAM BCA'I STENG DU SGRUB, RONG t'IKA PA NA RE, THEG CHEN GYI MTHONG

188a

, ,LAM NAS LHA'I BU'I BDUD BCOM STE, DKON MCHOG GSUM LA MNGON PAR RTOGS PA THOB PA'I YID CHES BRTAN PO THOB PA'I PHYIR, LHAG BCAS MYANG 'DAS THOB NAS NYON MONGS PA'I BDUD BCOM STE, 'KHOR BAR 'CHING BYED KYI NYON MONGS MA LUS PAR SPANGS PA'I PHYIR, BSAM GTAN GYI RAB MTHA' THOB NAS 'CHI BDAG GI BDUD BCOM STE, TSE 'DOR LEN LA DBANG THOB PA'I PHYIR, LHAG MED MYANG 'DAS THOB NAS PHUNG PO'I BDUD BCOM STE, NYER LEN GYI PHUNG PO BOR ZHING LEN PA MED PA'I PHYIR, THEG CHEN GYI SBYOR LAM NAS LHA'I BU'I BDUD BCOM STE, DKON MCHOG GSUM LA ZHE NAS DAD PA THOB PA'I PHYIR, THEG CHEN MTHONG LAM NAS 'CHI BDAG GI BDUD BCOM STE, LAS NYON GYIS SKYE 'CHI SPANGS PA'I PHYIR, SA BRGYAD PA NAS PHUNG PO'I BDUD BCOM STE, RNAM PAR GROL BA'I SKU MNGON DU BYED PA'I NUS PA THOB PA'I PHYIR, ZHES ZER BA MI 'THAD DE, RAB MTHA'I BSAM GTAN THOB PA'I SO SKYE YOD PA'I PHYIR DANG, SA BDUN PA NAS RNAM PAR GROL BA'I SKU MNGON DU BYED PA'I NUS PA THOB PA'I PHYIR, GZHAN RNAMS SNGAR GYI RIGS PAS KHEGS SO, ,KHA CIG ,DKON MCHOG GSUM LA ZHE NAS DAD PA THOB NA LHA'I BU'I BDUD BCOM PAS KHYAB, TSE'I 'DU BYED BYIN GYIS BRLABS PA LA DBANG THOB NA 'CHI BDAG GI BDUD RAGS PA BCOM PAS KHYAB, LAS NYON GYI DBANG GIS BYUNG BA'I ZAG BCAS KYI PHUNG PO SPANGS NA PHUNG PO'I

188b

BDUD RAGS PA BCOM PAS KHYAB ZER BA MI 'THAD DE, DANG PO LA, DKON MCHOG GSUM GYI YON TAN LA TSAD MAS DRANGS PA'I NGES PA RNYED PA'I DMAN LAM SNGON DU MA SONG BA'I BYANG SEMS TSOGS LAM PAS MA NGES, GNYIS PA LA DMAN LAM SNGON DU MA SENG BA'I SA DANG PO PAS MA NGES, GSUM PA LA SA GSUM PA PAS MA NGES PA'I PHYIR, RTAGS PHYI MA GRUB STE, DBU MA 'JUG PA LAS, DE YI TSE NA BSKAL PA BRGYAR GNAS SHING, ,ZHES DE 'DRA'I SA DANG PO PA DES TSE SKAD CIG MA GCIG KYANG BSKAL PA BRGYAR BYIN GYIS BRLABS NUS PAR GSUNGS PA'I PHYIR DANG, RGYUD BLA MAR, 'PHAGS PAS 'CHI DANG RGA BA DANG, ,ZHES SOGS KYIS BSHAD, THEG CHEN GYI MTHONG LAM RNAM GROL LAM NAS LAS NYON GYI DBANG GIS BYUNG BA'I ZAG BCAS GYI PHUNG PO SPANGS PAR BSHAD PA'I PHYIR, DES NA SA BCU PA'I YE SHES CHOS CAN, BDUD BZHI MNGON GYUR PA LAS 'DAS PA YIN TE, BDUD KYIS BAR CHAD BYA BAR NUS PA SOGS BAR CHAD KYI CHOS LA RNAL 'BYOR GYI STOBS KYIS YANG DAG PAR BRGAL BA'I DAG SA'I YE SHES YIN PA'I PHYIR, GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DKA' BA'I GNAS GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS BZHI PA'I LEGS PAR BSHAD PA'O,, ,,

189a

, ,SMRAS PA, DE BZHIN NYID KYI LE'U'I SGOS PA'I DON, ,RNAM KUN MTSON BYED CHOS BCU GCIG DANG BCAS, ,GSAL BYED RNAM RDZOGS SBYOR BA'I SKABS KYI NI, ,RTZA 'GREL DON RNAMS TSUL BZHIN RAB BSHAD PA'I, RNAM BSHAD RNAM PA GNYIS KYI DKA' BA'I GNAD, ,RJE BTZUN BLA MA'I GSUNGS BZHIN YONGS 'DZIN GYIS, ,LEGS PAR BSHAD PA JI BZHIN YI GER 'GOD, ,DGE BAS BDAG GZHAN DON GNYIS MYUR 'GRUB SHOG, ,, ` YUM GSUM RGYAN GYI DGONGS DON CHU GTER KLONG, ,SGROL LA RNAM BSHAD RNAM GNYIS GRU BO CHER, ,YANG GSAL ME LONG SKYA BAS LEGS BSKUL TE, ,BSHAD SGRUB NYAMS LEN PHA ROL PHYIN RDZOGS SHOG ,DNGOS BRGYAD ZAB DON GNAD KUN MA 'DRES PAR, ,LEGS PHYE PHAR PHYIN GZHUNG 'DI DON GNYER CAN, ,BLO GSAL TSOGS LA SMAN SLAD PAR DU BSKRUN, ,DGE 'DIS RGYAL BSTAN 'PHEL PA'I RGYUR GYUR CIG, ,,DGA' LDAN DGE BSHES BYAMS PA BLO GROS KYI THUGS DGONGS LTAR RJE BTZUN CHOS KYI RGYAL MTSAN GYI PHAR PHYIN YIG CHA KHAG PAR BZHI SLAR YANG GSAR BSKRUN BYAS SHING, PAR BRKO'I SBYIN BDAG NI BSLAB MA GSUM

189b

NOR BU'I MDZOD 'DZIN DGA' SHAR AA LAG THUB BSTAN 'JAM DBYANGS, DGA' BYANG AA LAG BYAMS PA, DGA' BYANG AA LAG BLO BZANG SHES RAB, DGA' BYANG AA LAG DGE 'DUN 'OD ZER, DGA' BYANG AA LAG BLO BZANG KUN DGA', DANG, RGYAL BA'I BSTAN LA MI PHYED PA'I DAD PA DANG, GTONG BA'I SGO 'PHAR 'BYENG PHA DGA' BYANG RGAN BLO BZANG BKRA SHIS, LUNG RTOGS YON TAN GYI BDAG NYID AA LAG SHING ZA SKAL BZANG BCAS DANG, GZHAN YANG DGA' BYANG 'PHYONGS RGYAS GNYER BLO BZANG 'JAM DBYANGS, AAR BAN DKON MCHOG SKYABS SOGS MDO SMAD WA SHAL WA YAN SDE SHOG DANG, NU MA RU BA SDE SHOG SOGS GONG GSAL PAR BRKO'I SBYIN BDAG RNAMS KYIS CHOS SBYIN 'DZAD MED KYIS PAR GZHI'I MTHUN RKYEN RGYU DNGOS SBYOR GNANG MDZAD PA DANG, PAR BRKO'I 'GAN 'KHUR BA DGE SKUL THUB BSTAN, RGAN BLO BZANG RGYA MTSO, CHUNG BDAG ,RGAN BLO BZANG BKRA SHIS BCAS KYIS PAR BRKO'I BYED SGOR 'GAN 'KHUR GNANG BA BCAS LA BRTEN 1986 LOR RJE BTZUN CHOS KYI RGYAL MTSAN GYI PHAR PHYIN ROL MTSO ZUR BKOL BCAS KYI PAR GZHI SLAR YANG GSAR BSKRUN BYAS PA'I DGE RTZA 'DIS 'JAM MGON RGYAL BA GNYIS PA'I RING LUGS PHYOGS DUS GNAS SKABS KUN TU DAR RGYAS YUN RING DU GNAS PAR GYUR

190a

, ,CIG, ,,PAR GZHI KHAG ZHUS DAG BYED PO NI DGE MING BKRA SHIS RIN CHEN GYIS BGYIS PA'O,, ,,PAR 'DI DGA' LDAN PAR KHANG DU BZHUGS,,

190b

[BLANK PAGE]

001a

, ,BSTAN BCOS MNGON PAR RTOGS PA'I RGYAN 'GREL BA DANG BCAS PA'I RNAM BSHAD RNAM PA GNYIS KYI DKA' BA'I GNAN? GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS LNGA PA'I SPYI DON BZHUGS SO,,

001b

, ,GNYIS PA DBANG DU BYA BA'I 'BRAS BU RTZE SBYOR GYI YAN LAG RGYAS PAR BSHAD PA LA, 'BREL BRJOD PAS MTSAMS SBYAR, RTZE SBYOR MTSON BYED KYI CHOS RGYAS PAR BSHAD; SKABS BSDU BA'O, ,DANG PO NI, LUS RNAM GZHAG TU, RNAM KUN MNGON RDZOGS RTOGS PA DANG, ,RTZE MOR PHYIN DANG, ZHES 'CHAD NA, RNAM RDZOGS SBYOR BA'I 'OG TU RTZE SBYOR 'CHAD PA'I RGYU MTSAN GANG ZHE NA, DE'I RGYU MTSAN YOD DE, MKHYEN GSUM GYI RNAM PA LA DBANG THOB DON DU SGOM PA'I RNAM RDZOGS SBYOR BA LAS, MKHYEN GSUM GYI RNAM PA LA DBANG THOB PA'I RTZE MO'I SBYOR BA 'BYUNG BA'I RGYU MTSAN GYIS DE LTAR BSHAD PA'I PHYIR, ZHES 'CHAD PA LA, RNAM PA THAMS CAD MNGON PAR RDZOGS PAR RTOGS PA THOB PA LA RAB KYI MTHAR PHYIN PA'I RTOGS PA 'BYUNG BAS, GO SLA BAR BYA

002a

, ,PA'I PHYIR RTAGS LA SOGS PA BSNYAD PA SNGON DU 'GRO BA'I RTZE MO'I MNGON PAR RTOGS PA, ZHES GSUNGS, RTZE SBYOR RTAGS KYI SGO NAS GSUNGS PA CHOS CAN, DGOS PA YOD DE, GO SLA BAR BYA BA'I CHED YIN PA'I PHYIR, KHO NA RE, RNAM RDZOGS SBYOR BA DE RTZE SBYOR GYI RGYU YIN PAR THAL, SBYOR BA 'THAD PA'I PHYIR, 'DOD MI NUS TE, RTZE SBYOR RNAM RDZOGS SBYOR BA'I BYE BRAG YIN PA'I PHYIR TE, MTHAR GYIS SBYOR BA DE RNAM RDZOGS SBYOR BA'I BYE BRAG YIN PA'I PHYIR NA MA KHYAB STE, RNAM RDZOGS SBYOR BA DANG RTZE SBYOR GNYIS RGYU 'BRAS YIN PAR THAL, DE GNYIS KYI RIM PA DE RGYU 'BRAS DON GYI RIMS PA YIN PA'I PHYIR TE, RNAM BSHAD LAS, DBANG DU BYA BA RGYU 'BRAS BSHAD, CES DANG, GSER PHRENG LAS, RNAM KUN DANG RTZE SBYOR RGYU 'BRAS YIN LA, ZHES GSUNGS PA'I PHYIR, KHO

002b

NA RE; LAM SHES DANG, RNAM MKHYEN RGYU 'BRAS YIN PAR THAL, RNAM RDZOGS SBYOR BA DANG RTZE SBYOR RGYU 'BRAS YIN PA'I PHYIR, 'DOD NA, LAM SHES RNAM MKHYEN GYI NYER LEN DU THAL, DE'I RGYU YIN PA'I PHYIR, 'DOD NA, DE CHOS CAN, SEMS CAN GYI RGYUD KYI SHES PA YIN PAR THAL, RNAM MKHYEN GYI NYER LEN DU GYUR PA'I SHES PA YIN PA'I PHYIR, GZHAN YANG, RNAM RDZOGS SBYOR BA DE RTZE SBYOR SKAD CIG DANG PO'I RGYU YIN PAR THAL, DE RTZE SBYOR GYI RGYU YIN PA'I PHYIR, 'DOD NA, DE'I NYER LEN DU GYUR PA'I SHES PA YIN PAR THAL, 'DOD PA'I PHYIR, 'DOD NA, DE CHOS CAN, BYANG SEMS TSOGS LAM PA'I RGYUD KYI SHES PA YIN PAR THAL, 'DOD PA'I PHYIR, ZHES ZER, KHA CIG ,RNAM BSHAD LAS SBYOR BA DANG PO GNYIS KYANG SKYE BA'I RIM PA DANG, PHYI MA GNYIS KYANG SKYE BA'I RIM PA YIN NO, ,SBYOR BA DANG PO DANG GSUM PA YANG SKYE BA'I RIM PA DANG, MKHYEN GSUM DANG SBYOR BZHI BSHAD PA'I RIM PA'O, ,ZHES GSUNGS PA'I DON DU BSAMS NAS, RNAM RDZOGS SBYOR BA DANG MTHAR GYIS SBYOR BA GNYIS KYI RIM PA SKYE BA'I RIM PA YIN ZER BA MI 'THAD DE, RNAM RDZOGS SBYOR BA THOB NA MTHAR GYIS SBYOR BA THOB PA'I KHYAB PA'I PHYIR, DES NA DE'I DON SKABS KYI BSTAN BYA'I GTZO BO LA SBYOR BA YIN NO, ,KHA CIG ,MKHYEN GSUM BSDUS SGOM RAB TU GYUR PA'I SEMS DPA'I RNAL 'BYOR, RTZE SBYOR GYI MTSAN NYID ZER NA, THEG CHEN GYI TSOGS LAM CHEN PO CHOS CAN, MTSON BYA DER THAL, MTSAN NYID DE'I PHYIR, MKHYEN GSUM BSDUS SGOM THEG CHEN GYI TSOGS LAM CHUNG

003a

, ,'BRING GNYIS LAS RAB TU GYUR PA'I SEMS DPA'I RNAL 'BYOR YIN PA'I PHYIR TE, CHOS CAN DE'I PHYIR, KHA CIG ,STONG NYID RTOGS PA'I SGOM BYUNG GI SHES RAB KYIS ZIN PA'I MKHYEN GSUM BSDUS SGOM THEG CHEN GYI TSOGS LAM LAS RAB TU GYUR PA'I SEMS DPA'I RNAL 'BYOR, DE'I MTSAN NYID ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, MKHYEN GSUM GYI RNAM PA SGOM PA'I SEMS DPA'I RNAL 'BYOR DU THAL LO, ,KHA CIG ,DES ZIN PA'I SEMS DPA'I RNAL 'BYOR, DE'I MTSAN NYID ZER NA, STONG NYID MNGON SUM DU RTOGS PA'I THEG CHEN GYI TSOGS LAM CHOS CAN, MTSON BYA DER THAL, , MTSAN NYID DE'I PHYIR, KHA CIG ,THEG CHEN GYI SBYOR LAM GYI RTOGS PA THOB PA'I SGO NAS RNAM PA BRGYA BDUN CU RTZA GSUM LA SGOM PA RAB TU GYUR PA'I SEMS DPA'I RNAL 'BYOR, DE'I MTSAN NYID ZER NA, THEG CHEN GYI MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, ` DES NA RANG LUGS LA, RTZE SBYOR GYI RTEN BSHAD PA DANG, BRTEN PA RTZE SBYOR GYI RANG BZHIN BSHAD PA GNYIS LAS, DANG PO LA, LUS RTEN DANG; SEMS RTEN GNYIS LAS, DANG PO NI, SBYOR LAM RTZE SBYOR NI GLING GSUM GYI MI DANG 'DOD LHA'I RTEN LA GSAR DU SKYE BA YOD DE, THEG CHEN GYI SBYOR LAM LA DE'I PHYIR, MTHONG LAM RTZE SBYOR YANG DE DANG 'DRA STE, THEG

003b

CHEN GYI MTHONG LAM LA DE'I PHYIR, SGOM LAM RTZE SBYOR YANG DE DANG 'DRA STE, THEG CHEN GYI SGOM LAM LA DE'I PHYIR, BAR CHAD MED PA'I RTZE SBYOR DNGOS SU GSAR DU SKYE BA'I LUS RTEN CAN GYI GANG ZAG YIN NA, GZUGS KYI RTEN CAN YIN DGOS TE; BYANG SEMS RGYUN MTHA' BA YIN NA DE YIN DGOS PA'I PHYIR, GNYIS PA NI, SBYOR LAM RTZE SBYOR DANG, MTHONG LAM RTZE SBYOR GNYIS BSAM GTAN GYI DNGOS GZHI SEMS LA BRTEN NAS SKYE LA, SGOM LAM RTZE SBYOR DANG BAR CHAD MED PA'I RTZE SBYOR GNYIS DNGOS SU GSAR DU SKYE BA'I SEMS RTEN DU GYUR PA'I KHAMS GSUM SA DGU KA YOD DO, ,GNYIS PA LA MTSAN NYID, DBYE BA, SA MTSAMS DANG GSUM LAS, DANG PO NI, THEG CHEN GYI SBYOR LAM DROD KYI RTOGS PA 'THOB PA'I SGO NAS MKHYEN GSUM BSDUS SGOM RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR, RTZE SBYOR GYI MTSAN NYID, GNYIS PA LA SBYOR LAM RTZE MO SOGS BZHI YOD, YANG DE LA SBYOR BA'I LAM, BAR CHAD MED PA'I LAM; RNAM PAR GROL BA'I LAM, KHYAD PAR GYI LAM DANG BZHIR YOD DE, MDZOD LAS, MDOR NA LAM NI RNAM BZHI STE, ,KHYAD PAR CAN DANG RNAM GROL DANG, ,BAR CHAD MED DANG SBYOR ZHES BYA, ,ZHES DANG, DE'I 'GREL PAR SBYOR BA'I LAM NI GANG GI MJUG THOGS SU BAR CHAD MED PA'I LAM SKYE BA'O, BAR CHAD MED PA'I LAM NI GANG GIS SGRIB PA RAB TU SPONG BAR 'GYUR BA'O, ,RNAM PAR GROL BA'I LAM NI, DES SPANG BAR BYA BA'I SGRIB PA LAS NGES PAR GROL BA DANG DANG PO NYID NAS

004a

, ,SKYES PA YIN NO, ,KHYAD PAR GYI LAM NI DE DAG LAS GZHAN PA'I LAM GANG YIN PA'O, ,ZHES DANG, KUN BTUS LAS, SBYOR BA'I LAM GANG ZHE NA GANG GIS NYON MONGS PA SPONG BA'O, ,BAR CHAD MED PA'I LAM GANG ZHE NA, GANG GIS 'OG TU BAR CHAD MED PAR NYON MONGS PA SPONG BAR 'GYUR BA'O, ,RNAM PAR GROL BA'I LAM GANG ZHE NA, GANG GIS NYON MONGS PA SPANGS NAS RNAM PAR GROL BA MNGON DU BYED PA'O, ,KHYAD PAR GYI LAM GANG ZHE NA NYON MONGS PA'I RNAM PA DE DAG LAS GZHAN PA LA SBYOR BA DANG, BAR CHAD MED PA DANG RNAM PAR GROL BA'I LAM NI KHYAD PAR GYI LAM MO, ,ZHES GSUNGS PA'I PHYIR, DE YANG MTHONG LAM RTZE SBYOR LTA BU LA MTSON NA BYANG SEMS KYI SBYOR LAM BZHI, BYANG SEMS KYI MTHONG LAM BZOD PA BRGYAD, DE'I SHES PA BRGYAD, SA GNYIS PA'I YE SHES RNAMS RIM PA BZHIN DU DE'I LAM RNAM PA BZHIR 'JOG GO ,KHA CIG ,MTSAN NYID GCIG LA BKAR NA, SA GSUM PA'I BAR CHAD MED PA'I LAM RNAM PA BZHI KA YIN TE, DE SA BZHI PA'I SBYOR BA NYER BSDOGS KYI LAM DANG, SA GSUM PA'I 'JUG PA BAR CHAD MED LAM, SA GNYIS PA LA LTOS TE RNAM GROL LAM, SA DANG PO LA LTOS TE KHYAD PAR GYI LAM YIN PA'I PHYIR, ZHES ZER, DES NA RANG GI NYER LEN BYAS PA LAS BYUNG BA'I YE SHES DE NYID THOB BYED KYI THABS KYI GTZO BO GANG ZHIG ,RANG GI NGOS SKAL GYI SPANG BYAR GYUR PA'I SGRIB PA'I SPONG GNYEN DU DMIGS PA, SBYOR BA'I LAM GYI MTSAN NYID, RANG GI NGOS SKAL GYI

004b

SPANG BYAR GYUR PA'I SGRIB PA'I SA BON DNGOS SU 'JOMS BYED KYI ZAG MED YE SHES SU DMIGS PA, BAR CHAD MED PA'I LAM GYI MTSAN NYID, RANG GI DNGOS KYI NYER LEN DU GYUR PA'I BAR CHAD MED LAM GYI NGOS SKAL GYI SGRIB PA LAS GROL BA'I ZAG MED YE SHES SU DMIGS PA, RNAM PAR GROL BA'I LAM GYI MTSAN NYID, RANG GI NYER LEN DU GYUR PA'I RNAM GROL LAM DE NYID YON TAN SNGAR LAS KHYAD PAR DU BYED PA'I ZAG MED YE SHES SU DMIGS PA, KHYAD PAR GYI LAM GYI MTSAN NYID; GSUM PA NI, THEG CHEN GYI SBYOR LAM DROD NAS RGYUN MTHA'I BAR DU YOD DO, ` ,GNYIS PA LA, SBYOR LAM, MTHONG LAM, SGOM LAM, BAR CHAD MED PA'I RTZE SBYOR DANG BZHI LAS, DANG PO LA, SO SO'I NGO BO DANG, DON BSDU BA'O, ,DANG PO LA DROD, RTZE MO, BZOD PA, CHOS MCHOG GI RTZE SBYOR DANG BZHI LAS, DANG PO LA, MDO DANG BSTAN BCOS GNYIS LAS, DANG PO NI, THABS MKHAS SU PHYIR MI LDOG PAR GSUNGS PA'I PHYIR MI LDOG PA'I RTAGS BSTAN PAR BZHED NAS, DE NAS BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR GAL TE BYANG CHEN RMI LAM NA YANG, ZHES SOGS GSUNGS, GNYIS PA LA RTZA 'GREL GNYIS LAS, DANG PO NI, MDO DE'I DON 'CHAD PA LA, RMI LAM NA YANG CHOS RNAMS KUN, ,ZHES GSUNGS, GNYIS PA NI, DE NYID TSIG DON GYI SGO NAS 'CHAD PA LA, SHIN TU GOMS PA'I PHYIR, ZHES SOGS GSUNGS, DE YANG DROD KYI RTZE SBYOR THOB PA'I RTAGS BCU GNYIS

005a

, ,YOD PA'I DANG PO BZHI STON PA LA, RAB 'BYOR GAL TE BYANG CHEN RMI LAM NA YANG CHOS THAMS CAD RMI LAM DANG 'DRA BA NYID DU LTA LA, CHOS THAMS CAD SGRA BRNYAN DANG 'DRA BA DANG, MIG YOR DANG 'DRA BA DANG, SPRUL BA DANG 'DRA BA DANG, DRI ZA'I GRONG KHYER DANG 'DRA BAR LTA YANG MNGON DU MI BYED NA RAB 'BYOR 'DI NI PHYIR MI LDOG PA'I BYANG CHEN GYI PHYIR MI LDOG PA'I MTSAN NYID DU RIG PAR BYA'O, ,ZHES DANG, RAB 'BYOR GZHAN YANG BYANG CHEN RMI LAM NA YANG NYAN THOS KYI SA'AM, RANG SANGS RGYAS KYI SA'AM, KHAMS GSUM LA 'DOD PA'I SEMS MI BSKYED LEGS PA'I SEMS MI BSKYED NA RAB 'BYOR 'DI NI, ZHES SOGS DANG, RAB 'BYOR GZHAN YANG BYANG CHEN RMI LAM NA YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHAM 'BRING BRGYA PHRAG DU MA DANG, ZHES SOGS DANG, RAB 'BYOR GZHAN YANG BYANG CHEN RMI LAM NA YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NAM MKHA' LA YAR 'PHAGS SHING DGE SLONG GI DGE 'DUN LA CHOS STON PA DANG, ZHES SOGS GSUNGS, DE'I DON 'CHAD PA LA, SHIN TU GOMS PA'I PHYIR, RMI LAM GYI GNAS SKABS NA YANG CHOS THAMS CAD RMI LAM DANG 'DRA BA LA SOGS PAR LTA BA DANG, NYAN THOS LA SOGS PA'I SA LA DGA' BA'I SEMS NI BSKYED PA DANG, DE BZHIN GSHEGS PA LA SOGS PA MTHONG BA DANG, SANGS RGYAS KYI RDZU 'PHRUL GYI RNAM PAR 'PHRUL BA DMIGS PA DANG, ZHES

005b

GSUNGS, DE'I 'OG MA BZHI STON PA LA, RAB 'BYOR GZHAN YANG GAL TE BYANG CHEN RMI LAM NA YANG GRONG KHYER BCOM PA'AM ME SHOR BA'AM, GCAN GZAN KHRO BO MTHONG BA'AM, ZHES SOGS DANG, RAB 'BYOR GZHAN YANG PHYIR MI LDOG PA'I BYANG CHEN BLA MED RDZOGS BYANG DU MNGON PAR SANGS RGYAS NAS DE'I SANGS RGYAS BA'I ZHING NA NGAN SONG GSUM PO THAMS CAD DU THAMS CAD RNAM PA THAMS CAD DU RNAM PA THAMS CAD MED PAR 'GYUR BA JI LTAR RIG PAR BYA ZHE NA, GAL TE BYANG CHEN RMI LAM DU YANG SEMS CAN DMYAL BA'I SEMS CAN MTHONG BA'AM, ZHES SOGS DANG, RAB 'BYOR GZHAN YANG GAL TE BYANG CHEN RMI LAM MAM SAD PA'I TSE GRONG KHYER TSIG PAR GYUR PA NA, BDAG GNYID LOG PAR GYUR PA'AM SAD PA'I RNAM PA GANG DAG DANG, ZHES SOGS DANG, RAB 'BYO GZHAN YANG RNAM PA GANG DAG DANG RTAGS GANG DAG DANG MTSAN MA GANG DAG GIS PHYIR MI LDOG PA'I BYANG CHEN DU RIG PAR BYA'O, ,RNAM PA DE DAG DANG RTAGS DE DAG DANG MTSAN MA DE DAG BSTAN PAR BYA'O, ,RAB 'BYOR GAL TE BUD MED DAM SKYES PA LA LA ZHIG MI MA YIN PAS BYIN GYIS BRLABS NA DE LA BYANG CHEN 'DI SNYAM DU, ZHES SOGS GSUNGS, DE'I DON 'CHANG PA LA, DAM PA'I CHOS STON PA'I SEMS SKYE BA DANG, DMYAL BA LA SOGS PA'I SEMS CAN MTHONG BA SNGON DU 'GRO BA RANG GI SANGS RGYAS KYI ZHING DU NGAN SONG SPONG BA RJES SU DRAN PA DANG GRONG KHYER LA SOGS PA TSIG PA RAB TU ZHI BAR BYED PA'I BDEN PA'I BYIN BRLABS GRUB PA DANG, GNOD SBYIN LA SOGS PA MI

006a

, ,MA YIN PA MED PAR BYED PA'I BDEN PA'I TSIG GRUB PA DANG, ZHES GSUNGS, THA MA BZHI STON PA LA BYANG CHEN RNAM MKHYEN NYID KYANG YONG SU MA BTANG LA BLA MED RDZOGS BYANG YANG YONGS SU MA BTANG NA BYANG CHEN BSAM PA THAG PA NI, ZHES SOGS DANG, RAB 'BYOR DE BAS NA BYANG CHEN GZHAN GYI DRING MI 'JOG PAR 'DOD PA DANG GZHAN GYI DRING MI 'JOG PA LA GNAS PAR 'DOD PA DANG, ZHES SOGS DANG, RAB 'BYOR GYIS GSOL BA, BCOM LDAN 'DAS SHER PHYIN GYI MTSAN NYID JI LTA BU LAGS, BCOM LDAN 'DAS KYIS BKA' STZAL PA, RAB 'BYOR NAM MKHA' LTAR CHAGS PA MED PA'I MTSAN NYID NI SHER PHYIN NO, ,ZHES SOGS DANG, GSOL BA BCOM LDAN 'DAS BYANG CHEN DE LTAR SPYOD PA NI GZUGS LA MI SPYOD CES PA NAS RNAM MKHYEN DU NYE BAR GYUR PA LAGS SO, ,ZHES GSUNGS, DE'I DON 'CHAD PA LA, RANG NYID MNGON PAR SHES PAS PHA ROL GNON PA'I DGE BA'I BSHES GNYEN BRTEN PA DANG, RNAM PA THAMS CAD DU SHES RAB KYI PHA ROL TU PHYIN PA LA SLOB PA DANG, CHOS THAMS CAD LA MNGON PAR ZHEN PA MED PA DANG, SANGS RGYAS KYI BYANG CHUB LA NYE BAR GYUR PA ZHES BYA BA RNAM PA BCU GNYIS NI RTZE MO'I MNGON PAR RTOGS PA THOB PA'I GNAS SKABS KYI KHYAD PAR GYI RTAGS YIN NO, ,ZHES GSUNGS, GZHUNG DON NI, RTZE SBYOR THOB PA'I RTAGS BCU GNYIS MDO LAS GSUNGS PA YIN TE, RMI LAM NA YANG CHOS THAMS CAD RMI LAM LTA BUR ZHI LHAG ZUNG 'BREL GYI LTA BA SOGS RTAGS BCU GNYIS MDO LAS GSUNGS

006b

PA'I PHYIR, RTZE SBYOR THOB PA'I RTAGS BCU GNYIS PO GANG RUNG THOB PA'I THEG CHEN GYI NGES 'PHYED CHA MTHUN DANG PO DE, DROD KYI RTZE SBYOR GYI MTSAN NYID, RTZE SBYOR THOB PA'I RTAGS DE LA BCU GNYIS SU YOD DE, RMI LAM NA YANG CHOS THAMS CAD RMI LAM LTA BU SOGS SU LTA BA'I RTAGS DANG, NYAN RANG GIS DANG KHAMS GSUM LA THOB PAR 'DOD PA'I DGA' BA MI SKYED PA'I RTAGS DANG, DE BZHIN GSHEGS PA SOGS MTHONG BA'I RTAGS DANG, SANGS RGYAS KYI RDZU 'PHRUL GYI RNAM PAR 'PHRUL BA SOGS DMIGS PA'I RTAGS DANG, RMI LAM LTA BU'I CHOS STON PA'I SEMS SKYE BA'I RTAGS DANG, RANG GI SANGS RGYAS KYI ZHING NA NGAN SONG SPONG BA RJES SU DRAN PA'I RTAGS DANG, GRONG KHYER LA SOGS PA TSIG PA RAB TU ZHI BAR BYED PA'I BDEN PA'I BYIN BRLABS GRUB PA'I RTAGS DANG, GNOD SBYIN SOGS MI MA YIN MED PAR BYED PA'I BDEN PA'I TSIG GRUB PA'I RTAGS DANG, RANG GI MNGON PAR SHES PAS PHA ROL GNON PA'I DGE BA'I BSHES GNYEN BSTEN PA'I RTAGS DANG, RNAM PA THAMS CAD DU SHER PHYIN LA SLOB PA'I RTAGS DANG, THAMS CAD LA MNGON ZHEN MED PA'I RTAGS DANG, SANGS RGYAS KYI BYANG CHUB LA NYE BAR 'GYUR PA'I RTAGS RNAMS SU YOD PA'I PHYIR, RTAGS BCU GNYIS PO DE'I DANG PO BRGYAD 'BRAS RTAGS DANG THA MA BZHI RANG BZHIN GYI RTAGS SU LO CHEN BZHED, MDO LAS DANG PO DRUG RMI LAM DANG BDUN PA SAD RMI GNYIS GANG RUNG DANG SBYAR NAS LHAG MA RNAMS LA DE GNYIS GANG GI YANG THA SNYAD MA MDZAD, BUDDHA SHRIS DANG PO DRUG RMI LAM DANG, BDUN PA DANG BRGYAD PA SAD

007a

, ,RMI GNYIS KA DANG, THA MA BZHI SAD PA'I RTAGS SU BZHED, DES NA 'BRAS RANG GI RTAGS CI RIGS PAR YOD DO, ,KHA CIG RTAGS BCU GNYIS DANG LDAN PA'I THEG CHEN GYI NGES 'BYED CHA MTHUN DANG PO DE, DROD KYI RTZE SBYOR GYI MTSAN NYID ZER, DE LA KHA CIG ,BSAM GTAN DANG PO PA'I RGYUD KYI THEG CHEN GYI SBYOR LAM DROD KYI YE SHES CHOS CAN, MTSAN NYID DER THAL, MTSON BYA DE'I PHYIR, 'DOD NA, BSAM GTAN DANG PO BA'I RGYUD LA RMI LAM YOD PAR THAL LO, ,'DOD MI NUS TE, DE'I RGYUD LA GNYID MED PA'I PHYIR TE, MDZOD LAS, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,CES GSUNGS PA'I PHYIR NA MA KHYAB STE, BSAM GTAN DANG PO PA'I RGYUD LA YUL LA SHES PA RANG DBANG MED PAR SDUD PAR BYED PA'I NYON MONGS CAN GYI GNYID MED KYANG LUS SEMS BRTAS PAR BYED PA'I DGE BAR GYUR PA'I GNYID YOD PA'I PHYIR TE, DPER NAS DANG PO PA'I RGYUD LA GNYID SNGA MA MED KYANG PHYI MA YOD PA BZHIN NO, ,DE LTA MA YIN NA DROD LA GNAS PA'I SEMS DPA' DBANG RNON YIN NA, RANG RGYUD LA GNYID MED PA'I KHYAB PAS SBYOR BA PHYIR MI LDOG PA'I RTAGS KYI SKABS SU, BYAMS LUS SOGS DANG SGRIB PA NI, ,RNAM PA LNGA DANG MI 'GROGS DANG; ;ZHES DROD NAS GNYID LA SOGS PA'I SGRIB PA LNGA DANG MI 'GROGS PAR BSHAD PA'I PHYIR, KHYAB PA 'GRIG GO ,RANG LUGS KYI SKYON NI THEG CHEN GYI SBYOR LAM DROD KYI YE SHES SKAD CIG DANG PO CHOS CAN, MTSAN NYID DER THAL, MTSON BYA DE'I PHYIR, 'DOD NA,

007b

DE CHOS CAN, THEG CHEN GYI SBYOR LAM RJES THOB YE SHES THOB PAR THAL LO, ` ,GNYIS PA LA, MDO DANG BSTAN BCOS GNYIS LAS, DANG PO NI, RTAGS GSUNGS PA'I 'OG TU BSOD NAMS GANG LAS 'PHEL TSUL BCOM LDAN 'DAS KYIS BKA' STZAL PA, RAB 'BYOR GAL TE 'DZAM BU'I GLING GI SEMS CAN, ZHES SOGS GSUNGS, GNYIS PA LA GSUM LAS DANG PO NI, LUS RNAM GZHAG TU, DE YI RTAGS DANG RNAM 'PHEL DANG, ,ZHES 'CHANG NA, RTAGS KYI 'OG TU RNAM 'PHEL 'CHAD PA'I RGYU MTSAN GANG ZHE NA, DE'I RGYU MTSAN YOD DE, DE LTAR RTAGS BCU GNYIS KYIS THOB PAR MTSON PA'I RTZE MO DE'I BSOD NAMS RNAM PAR 'PHEL BA DU ZHIG YOD CE NA DE'I LAN BSTAN PAR BYA BA'I CHED YIN PA'I PHYIR, ZHES MTSAMS SBYOR BA LA, DE LTAR RTAGS KYIS MTSON PA'I RNAM PAR 'PHEL BA RNAM PA DU ZHIG YOD CE NA RNAM PAR 'PHEL BA, ZHES GSUNGS, GNYIS PA NI, MDO DE'I DON 'CHAD PA LA, 'DZAM BU'I GLING GI SKYE BO SNYED, ,CES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, 'DZAM BU'I GLING LA SOGS ZHES SOGS GSUNGS, 'DI LA PHYI GTZO BOR GYUR PA'I BSOD NAMS RNAM PAR 'PHEL BA BRGYAD DANG, NANG GTZO BOR GYUR PA'I BSOD NAMS RNAM PAR 'PHEL BA BRGYAD LAS, DANG PO DE STON PA LA, MDO LAS, RAB 'BYOR GAL TE 'DZAM BU'I GLING GI SEMS CAN JI SNYED PA DE DAG THAMS CAD SNGA PHYI MED PAR MI'I LUS THOB PAR GYUR TE BLA MED RDZOGS BYANG DU MNGON SANGS RGYAS PAR GYUR LA DE DAG NAM 'TSO'I BAR DU BZHUGS PA LA

008a

, ,RIGS KYI BU'AM RIGS KYI BU MO LA ZHIG GIS RIM GROR BYAS, BKUR STIR BYAS, BSTI STANG DU BYAS, MCHOD PAR BYA STE, DE DAG DE YANG BLA MED RDZOGS BYANG DU YONGS SU BSNGOS NA RAB 'BYOR DE CI SNYAM DU SEMS, RIGS KYI BU'AM RIGS KYI BU MO DE'I RGYUD LA BSOD NAMS MANG DU 'PHEL LAM, GSOL BA BCOM LDAN 'DAS MANG NGO, ,BDE BAR GSHEGS PA MANG NGO, ,BCOM LDAN 'DAS KYIS BKA' STZAL PA, RAB 'BYOR DE BAS KYANG RIGS KYI BU'AM RIGS KYI BU MO GANG SHER PHYIN 'DI GZHAN LA STON PA DANG NAS, SHER PHYIN DANG LDAN PA'I YID LA BYED PAS RNAM PAR DPYOD NA DE'I BSOD NAMS CHES MANG DU 'PHEL LO, ,ZHES SOGS DANG, DE'I SHER PHYIN DANG LDAN PA'I GTAM BRJOD NAS SHER PHYIN DANG LDAN PA'I YID LA BYED PA'I YID LA BYA STE, ZHES SOGS DANG, GSOL BA BCOM LDAN 'DAS GAL TE SHER PHYIN RANG BZHIN GYIS STONG ZHING RANG BZHIN GYIS DPEN PA LAGS NA, BCOM LDAN 'DAS JI LTAR BYANG CHEN SHER PHYIN YANG DAG PAR SGRUB PA'I BLA MED RDZOGS BYANG DU MNGON 'TSANG RGYA BAR 'GYUR BA LAGS, ZHES SOGS DANG, RAB 'BYOR GYIS GSOL BA, BCOM LDAN 'DAS CI LAGS CHOS THAMS CAD MI SKYE BA'I SLAD DU BYANG CHEN BLA MED RDZOGS BYANG DU LUNG BSTAN PAR 'GYUR RAM; BCOM LDAN 'DAS KYIS BKA' STZAL PA, RAB 'BYOR DE NI MA YIN NO, ,ZHES SOGS DANG, DE NAS LHA'I DBANG POS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN SHIN TU DBEN PA'I SLAD

008b

DU ZAB PA'O, ,BLTA DKA' BA'O, ,ZHES SOGS DANG, DE LTAR SLOB PA'I BYANG CHEN GYI DRUNG DU RGYAL PO CHEN PO BZHI DAG KYANG 'GRO BAR SEMS TE, ZHES SOGS DANG, DE NAS TSE LDAN KUN DGA' BO 'DI SNYAM DU SEMS PAR GYUR TE, LHA'I DBANG PO BRGYA BYIN 'DI RANG GI SPOBS PAS SHER PHYIN ZAB MO 'DI'I YON TAN DANG LEGS PA BRJOD DAM, 'ON TE, SANGS RGYAS KYI MTHUS STON SNYAM PA DANG, DE NAS BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO,, ZHES SOGS DANG, KUN DGA' BOS GSOL BA, BCOM LDAN 'DAS JI LTAR BYANG CHEN BYANG CHUB SEMS DPA'I THEG PA PA DAG DANG GNAS PAR BGYI, ZHES SOGS GSUNGS, DE'I DON 'CHAD PA LA, 'DZAM BU'I GLING LA SOGS PA STONG GSUM GYI 'JIG RTEN GYI KHAMS KYI SEMS CAN JI SNYED KYIS DE BZHIN GSHEGS PA LA MCHOD PA PAS LHAG PA DANG, KHYAD PAR DU SHER PHYIN YID LA BYED PA DANG, MI SKYE BA'I CHOS LA BZOD PA THOB PA DANG BYANG CHUB PAR BYA BA DANG BYANG CHUB PAR BYED PA'I CHOS RNAMS MI DMIGS PA DANG, DGE BA BCU LA SOGS PA DANG, GZUGS MED PA'I SNYOMS PAR 'JUG PA THOB PA LAS KHYAD PAR DU 'PHAGS PA DANG, LHA'I RIS THAMS CAD NYE BAR 'ONG BA DANG, BDUD THAMS CAD ZIL GYIS GNON PA DANG, STON PA DANG 'DRA BAR SKYE BO LA MTSUNGS PAR GNAS PA ZHES BYA BA BSOD NAMS RNAM PA BRGYAD DANG, ZHES GSUNGS, ` PHYI MA BRGYAD STON PA LA, GSOL BA BCOM LDAN 'DAS CI LAGS, BYANG CHEN GZUGS BAS PAR BGYI BA'I SLANG DU SLOB NA RNAM

009a

, ,MKHYEN DU SLOB PA LAGS SAM, ZHES SOGS DANG, RAB 'BYOR 'DI LTA STE DPER NAS CHEN PO'I PHYOGS GANG NA 'DZAM BU'I CHU KLUNG GI GSER GYIS LE SBRAM 'BYUNG BA DE LTA BU NI NYUNG NGO, ,RAB 'BYOR DE BZHIN DU 'DI LTA STE SHER PHYIN GYI BSLAB PA 'DI LA SLOB PA'I SEMS CAN DE LTA BU YANG NYUNG STE, SEMS CAN NYAN THOS KYI SA'AM, RANG SANGS RGYAS KYI SA LA GNAS PAR GYUR PA DE LTA BU NI DE BAS CHES MANG NGO, ,ZHES DANG, RAB 'BYOR 'DI LTA STE, DPER NA SEMS CAN GANG 'KHOR LOS SGYUR BA'I RGYAL POR 'GYUR BA'I LAS YANG DAG PAR BLANGS TE GNAS PA DE LTA BU NI NYUNG STE, ZHES SOGS DANG, RAB 'BYOR GZHAN YANG BYANG CHEN SHER PHYIN LA SPYOD PA'I TSE SER SNA DANG LDAN PA'I SEMS SKYE'O, , ZHES SOGS DANG, GZUGS DANG LDAN PA'I SEMS MI SKYE'O, ,TSOR BA DANG ZHES SOGS DANG, RAB 'BYOR 'DI LTA STE, DPER NA 'JIG TSOGS SU LTA BA'I NAG DU LTA BA'I RNAM PA DRUG CU RTZA GNYIS PO THAMS CAD 'DUS PA YIN TE, RAB 'BYOR DE BZHIN DU SHER PHYIN ZAB MO 'DI DA? PHAR PHYIN THAMS CAD 'DUS SO, ,ZHES SOGS DANG, RAB 'BYOR SHER PHYIN ZAB MO 'DI LA SLOB PA'I BYANG CHEN NI SEMS CAN THAMS CAD KYI MCHOG TU 'GYUR BA LA SLOB PA YIN NO, ,ZHES SOGS DANG, GAL TE YANG 'DI SNYAM DU, 'DI NI SHER PHYIN NO, ,SHER PHYIN 'DI'O, ,SHER PHYIN 'DIS RNAM MKHYEN NYID BSGRUB PAR BYA'O SNYAM STE, ZHES SOGS GSUNGS, DE'I DON 'CHAD PA LA, YANG RNAM PA THAMS CAD DU THABS LA MKHAS PA'I

009b

BSLAB PA YONGS SU DAG PA DANG, SANGS RGYAS KYI RIGS CAN DU 'GYUR BA DANG, 'BRAS BU SANGS RGYAS NYID 'THOB PA'I RGYU MTSAN DANG, PHA ROL TU PHYIN PA'I MI MTHUN PA'I PHYOGS KYI SEMS MI SKYE BA DANG, GZUGS LA SOGS PA DANG LDAN PAR RTOGS PA'I SEMS RAB MI SKYE BA DANG, PHA ROL TU PHYIN PA KUN BSDUS PA SHES PA DANG, PHUN SUM TSOGS PA THAMS CAD THOB PA DANG, YANG DAG PAR RDZOGS PA'I BYANG CHUB LA NYE BAR GYUR PA ZHES BYA BA BSOD NAMS GZHAN RNAM PA BRGYAD, ME TOG LA SOGS PA SANGS RGYAS MCHOD PA'I DGE BA LA SOGS PA RNAM PA MANG PO DPER MDZAD NAS GONG NAS GONG DU KHYAD PAR DU 'PHAGS PA NYID KYIS GNAS SKABS BCU DRUG GI NGO BO NYID NI RNAM PAR 'PHEL BA YIN NO, ,ZHES GSUNGS, GZHUNG DON NI RTZE MO'I RTZE SBYOR LA GNAS PA'I SEMS DPA' CHOS CAN, BSOD NAMS RNAM PAR 'PHEL BA BCU DRUG THOB STE, PHYI GTZO BOR GYUR PA'I BSOD NAMS RNAM 'PHEL BRGYAD, NANG GTZO BOR GYUR PA'I BSOD NAMS RNAM 'PHEL BRGYAD THOB PA'I SEMS DPA' YIN PA'I PHYIR, STONG GSUM GYI SEMS CAN GYI GRANGS DANG MNYAM PA'I SANGS RGYAS MCHOD PA LAS LHAG PA'I BSOD NAMS RNAM PAR 'PHEL BA BCU DRUG TSANG BA'I THEG CHEN GYI NGES 'BYED CHA MTHUN GNYIS PA, RTZE MO'I RTZE SBYOR GYI MTSAN NYID, PHYI GTZO BOR GYUR PA'I BSOD NAMS RNAM PAR 'PHEL BA DE LA BRGYAD DU YOD DE, ,STONG GSUM GYI SEMS CAN GYI SANGS RGYAS MCHOD PA LAS LHAG PA'I RNAM PAR 'PHEL BA, KHYAD PAR DU SHER PHYIN YID LA BYED

010a

, ,PA'I RANG BZHIN GYI RNAM PAR 'PHEL BA, KHYAD PAR DU 'PHAGS PA'I MI SKYE BA'I CHOS LA BZOD PA THOB PA'I RANG BZHIN GYI RNAM PAR 'PHEL BA, BYANG CHUB PAR BYA BA DANG BYANG CHUB PAR BYED PA'I CHOS MI DMIGS PA'I MTSAN NYID RNAM PAR 'PHEL BA, KHYAD PAR CAN GYI DGE RTZA DANG LDAN PA'I BDAG NYID KYI RNAM PAR 'PHEL BA, LHA'I RIS THAMS CAD DU NYE BAR 'ONG ZHING MI 'AM LHA'I RIS THAMS CAD KYIS SRUNG BA'I RANG BZHIN GYI RNAM PAR 'PHEL BA, BDUD THAMS CAD ZIL GYIS GNON PA'I RANG GI NGO BO RNAM PAR 'PHEL BA, STON PA DANG SKYE BO LA MTSUNGS PAR GNAS PA'I MTSAN NYID KYI RNAM PAR 'PHEL BA RNAMS SU YOD PA'I PHYIR, NANG GTZO BOR GYUR PA'I BSOD NAMS RNAM PAR 'PHEL BA DE LA YANG BRGYAD DU YOD DE, RNAM PA THAMS CAD DU THABS MKHAS PAS BSLAB PA YONGS SU DAG PA'I RANG GI NGO BO RNAM PAR 'PHEL BA, SANGS RGYAS KYI RANG BZHIN DU 'GYUR BA'I MTSAN NYID RNAM PAR 'PHEL BA, 'BRAS BU SANGS RGYAS NYID 'THOB PA'I RGYU MTSAN GYI BDAG NYID RNAM PAR 'PHEL BA, PHA ROL TU PHYIN PA'I MI MTHUN PHYOGS KYI SEMS MI SKYE BA'I RANG BZHIN GYI RNAM PAR 'PHEL BA, GZUGS SOGS DANG DANG PAR RTOGS PA'I SEMS KYI SKYE BA'I RANG GI NGO BO RNAM PAR 'PHEL BA, PHA ROL TU PHYIN PA THAMS CAD BSDUS PA SHES PA'I MTSAN NYID RNAM PAR 'PHEL BA, PHUN SUM TSOGS PA THAMS CAD 'THOB PA'I RANG BZHIN GYI RAM PAR 'PHEL BA, YANG DAG PAR RDZOGS BYANG LA NYE BAR GYUR PA'I RANG BZHIN GYI RNAM PAR 'PHEL BA RNAMS SU

010b

YOD PA'I PHYIR, GSUM PA LA YANG, MDO BSTAN BCOS GNYIS LAS, DANG PO NI, RNAM 'PHEL GSUNGS PA DANG, DE NAS LHA'I DBANG PO BRGYA BYIN GYIS 'DI SNYAM DU, BYANG CHEN SBYIN PA'I PHAR PHYIN DANG, TSUL KHRIMS KYI ZHES PA NAS ZAG PA MED PA'I CHOS RNAMS YONGS SU RDZOGS PAR GYUR CIG ,CES DANG, BCOM LDAN 'DAS BDAG NI GANG ZAG BYANG CHUB SEMS DPA'I THEG PA BA BLA MED RDZOGS BYANG DU YANG DAG PAR ZHUGS PA SLAR LDOG PAR 'GYUR BAR SEMS 'GA' TZAM YANG SKYE BA MA MCHIS SO, ,ZHES PA NAS, YONGS SU MYA NGAN LAS ZLO BAR 'GYUR ZHES RTOGS TE, ZHES GSUNGS, GNYIS PA LA GSUM LAS, DANG PO NI, LUS RNAM GZHAG TU, RNAM 'PHEL DANG, BRTAN DANG, ZHES 'CHAD NA, RNAM 'PHEL GYI 'OG DU NGES BRTAN GSUNGS PA'I RGYU MTSAN GANG ZHE NA, DE'I RGYU MTSAN YOD DE, SNGAR BSHAD PA DE LTAR BSOD NAMS RNAM PAR 'PHEL BA'I RTZE MOS RNAM PAR SPEL BA'I RTOGS PA LA RANG DBANG DU GYUR PA MTHAR PHYIN PA'I MTSAN NYID RNAMS NI NGES PAR BRTAN PA YIN PAS DE LTAR BSHAD PA'I PHYIR, ZHES MTSAMS SBYOR BAS LA, DE LTAR RNAM PAR 'PHEL BA'I RNAM PAR SPEL BA'I RANG DBANG DU GYUR PA MTHAR PHYIN PA'I MTSAN NYID RNAMS NI NGES PAR BRTAN PA YIN PAS NGES PAR BRTAN PA, ZHES GSUNGS, GNYIS PA NI, MDO DE'I DON 'CHAD PA LA, KUN MKHYEN NYID GSUM, ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, DE LTAR YANG DAG PA'I, ZHES SOGS GSUNGS, 'DI LA RANG DON RTOGS PAS BSDUS

011a

, ,PA KUN MKHYEN NYID GSUM GYI CHOS RNAMS KYI RTOGS RIGS YONGS SU RDZOGS PA DANG, SEMS CAN GYI DON YONGS SU MI GTONG BA'I NGES BRTAN GNYIS LAS, DANG PO NI, MDO TSAN DANG POS BSTAN NAS, DE'I DON 'CHAD PA LA, KUN MKHYEN NYID GSUM CHOS RNAMS KYI, ,YONGS SU RDZOGS PA BLA MED PA, ,ZHES DANG, RNAM PA THAMS CAD MKHYEN PA NYID LA SOGS PA JI SKAD BSHAD PA'I THAMS CAD MKHYEN PA NYID GSUM GYI CHOS SEMS BSKYED PA LA SOGS PA GONG DU SMOS PA RNAMS YONGS SU RDZOGS PA BLA NA MED PA NI, NGES PAR BRTAN PA YIN NO, ,ZHES GSUNGS, GNYIS PA NI, MDO TSAN GNYIS PAS BSTAN NAS, DE'I DON 'CHAD PA LA, SEMS CAN DON YONGS MI GTONG BA, ,ZHES DANG, DE LTAR YANG DAG PA'I THABS LA MKHAS PA'I STOBS KYIS RNAM PAR MI RTOG PA RTOGS PA'I GNAS SKABS NA SNYING RJE CHEN PO MNGON DU BYED PA'I NGO BOS SEMS CAN GYI DON YONGS SU MI GTONG BA'I MTSAN NYID, CES GSUNGS, GZHUNG DON NI, THEG CHEN GYI SBYOR LAM BZOD PA CHOS CAN, BRTAN PA'I RTZE SBYOR YIN TE, THABS SHES KYI RTOGS PA BRTAN PO THOB PA'I THEG CHEN GYI NGES 'BYED CHA MTHUN GSUM PA YIN PA'I PHYIR, MKHYEN GSUM RJES MTHUN PA THOB PA'I THEG CHEN GYI NGES 'BYED CHA MTHUN GSUM PA DE; BZOD PA'I RTZE SBYOR GYI MTSAN NYID, KHO NA RE, BZOD PA LA GNAS PA'I SEMS DPA' DES SANGS RGYAS KYI SBYAN RJES MTHUN PA THOB PAR THAL, DES MKHYEN GSUM RJES MTHUN PA THOB PA'I PHYIR NA MA KHYAB, RNAM BSHAD LAS, MKHYEN GSUM GYI

011b

RTOGS RIGS RDZOGS PAR THOB PA TZAM GYIS DAG SA LA SBYOR BA HA CANG THAL LO, RTOGS PA'I NGO BO RDZOGS PA LA BYED NA DE BAS KYANG MI 'THAD DE, ZHES GSUNGS PA'I DON NI, SNGA MA KHA CIG ,RTZE SBYOR GYI SKABS NAS BSTAN PA'I SBYOR MTHONG SGOM GSUM SA DGU PA'I YE SHES CHUNG 'BRING CHEN PO GSUM LA BYED DE, DE'I SKABS KYI SBYOR LAM DE DAG SA'I YE SHES LA BYED RIGS PA'I PHYIR, KUN MKHYEN NYID GSUM CHOS RNAMS KYI, ,ZHES DE'I SKABS KYI SBYOR LAM BZOD PA DES MKHYEN GSUM GYI RTOGS PA RDZOGS PAR THOB PAR BSHAD PA'I PHYIR ZER NA, 'O NA MKHYEN GSUM GYI RTOGS PA RDZOGS PA'I DON DE GANG LA BYED, MKHYEN GSUM GYI RTOGS RIGS RDZOGS PA LA BYED DAM, MKHYEN GSUM GYI RTOGS PA'I NGO BO RDZOGS PA LA BYED, DANG PO LTAR NA, DE TZAM GYIS DAG PAS LA SBYOR BA MI 'THAD DE, SA BDUN PA MAN CHAD DU YANG DE RDZOGS PAR THOB PA YOD PA'I PHYIR, GNYIS PA LTAR NA, SA DGU PA'I SKABS SU MKHYEN GSUM GYI RTOGS PA RDZOGS PAR THOB PA YOD PAR THAL, RTZE SBYOR GYI SKAB NAS BSTAN PA'I SBYOR LAM BZOD PA DE SA DGU PA'I YE SHES GANG ZHIG, DES MKHYEN GSUM GYI RTOGS PA RDZOGS PAR THOB PA'I PHYIR DANG, DE'I DON MKHYEN GSUM GYI RTOGS PA'I NGO BO RDZOGS PA LA BYED RIGS PA'I PHYIR, KHO NA RE, DMAN LAM SNGON DU MA SONG BA'I SA BDUN PA PAS GZHI SHES KYI RTOGS RIGS RDZOGS PAR THOB PAR THAL, 'DOD PA'I PHYIR, 'DOD NA, DES NYAN RANG GI RTOGS RIGS RDZOGS PAR THOB BAR THAL, 'DOD PA'I PHYIR ZER NA MA KHYAB BO, ` ,BZHI PA LA YANG MDO DANG BSTAN BCOS GNYIS LAS, DANG PO NI, BSTAN PA PHYI MA

012a

, ,LAS 'PHROS NAS BRGYA BYIN GYIS GSOL BA, BCOM LDAN 'DAS DE LTAR THEG PA LA GSAR DU ZHUGS PA'I BYANG CHEN DE DAG GI SEMS BSKYED PAR GYUR PA DE DAG LA RJES SU YI RANGS PAR BGYID PA DANG, SKYE BA GCIG GIS THOGS PA'I BYANG CHEN RNAMS KYI SEMS BSKYED PA DE DAG LA RJES SU YI RANG BAR BGYID NA RIGS KYI BU'AM RIGS KYI BU MO DE DAG GI BSOD NAM CI ZHIG 'PHEL BAR 'GYUR, BCOM LDAN 'DAS KYIS BKA' STZAL PA, KO'U SHIKA? GLING CHEN PO BZHI PA'I 'JIG RTEN GYI KHAMS SRANG LA GZHAL BA'I TSAD NI BZUNG DU YANG SRID KYANG, DE DAG GI RJES SU YI RANG BA DANG LDAN PA'I BSOD NAM NI TSAD MED DO, ,ZHES PA NAS JI LTAR SEMS GZHAN DU MI RGYU BA DE LTAR YONGS SU BSNGO BAR BYA'O, ,ZHES PA'I BAR GSUNGS GNYIS PA LA GSUM LAS, DANG PO NI, LUS RNAM GZHAG TU, BRTAN DANG SEMS KUN GNAS PA DANG, ,ZHES 'CHAD NA, NGES BRTAN GYI 'OG TU SEMS KUN TU GNAS PA'I RTZE SBYOR 'CHAD PA'I RGYU MTSAN GANG ZHE NA, DE'I RGYU MTSAN YOD DE, DE LTAR NGES PAR BRTAN PAR BYED PA'I BZOD PA'I NGES PAR BSTAN PAR 'GYUR PA'AM BYAS PA'I MTSAN NYID CAN NI SEMS KUN TU GNAS PA'I RTZE SBYOR YIN PAS NA DE LTAR BSHAD PA'I PHYIR, ZHES MTSAMS SBYOR BA LA, DE LTAR NGES BAR BRTAN PAR BYED PAS NGES PAR BRTAN PAR 'GYUR BA'I MTSAN NYID NI SEMS KUN TU GNAS PA YIN PA SEMS KUN TU GNAS PA, ZHAS GSUNGS, GNYIS PA NI, MDO DE'I DON 'CHAD PA LA, GLENG BZHI PA DANG STONG DAG DANG, ZHES SOGS GSUNGS, GSUM PA NI, DE NYID TSIG DON GYI SGO NAS BSHAD PA

012b

LA, TSAD SRID PA NI SRANG TSAD KYIS GZHAL BAR NUS SO, ,ZHES BYA BA'I TSUL GYIS GLING BZHI PA LA SOGS PA STONG GSUM PA'I 'JIG RTEN GYI KHAMS RNAMS KYIS PHA ROL TU PHYIN PA LA SOGS PA THAMS CAD KYI NGO BO NYID TING NGE 'DZIN GYI BSOD NAMS DANG YE SHES KYI SO SOR DPER MDZAD NAS DE DAG LAS KHYAD PAR DU 'PHAGS SHING TSAD LAS 'DAS PA'I BSOD NAMS MANG PO NYID KYIS TING NGE 'DZIN GYI MTSAN NYID BRJOD PA NI SEMS KUN TU GNAS PA YIN NO, ,ZHES GSUNGS, GZHUNG DON NI, MDO LAS, CHOS MCHOG GI RTZE SBYOR DNGOS SU BSTAN PA YIN TE, MDO LAS DE BSOD NAMS MANG POS MTSON TE BSTAN PA'I PHYIR TE, DNGOS SU SEMS DANG PO BSKYED PA, SPYOD PA LA ZHUGS PA, PHYIR MI LDOG PA, SKYE BA GCIG GIS THOGS PA'I DGE BA'I RTZA BA LA RJES SU YI RANGS PA'I BSOD NAMS, GLING BZHI DANG, STONG DANG PO DANG, STONG BAR BA DANG, STONG GSUM GYI STONG CHEN PO'I 'JIG RTEN GYI KHAMS KYI SA'I DKYIL 'KHOR SRANG LA GZHAL BA DANG, CHU THIG SKRA'I RTZE MOS BLANGS PA'I GRANGS BZUNG BAR NUS PA DPER MDZAD NAS DE DAG LAS CHOS KHYAD PAR DU 'PHAGS PAR BSTAN PAS MTSON NAS BSTAN PA'I PHYIR TE, MDO SDUD PA LAS, MI LDOG BYANG CHUB MCHOG LA RAB TU ZHUGS PA YI, ,SEMS BSKYED PA LA BSAM PA THAG PAS YI RANGS PA, ,STONG GSUM RI RAB SRANG LA GZHAL BAS TSAD BZUNG RUNG, ,RJES SU YI RANGS DGE BA DE NI DE LTA MIN, ,ZHES GSUNGS PA'I PHYIR, 'DI'I BYANG SEMS BZHI PO DE YANG, SA DANG PO DANG, SA GNYIS PA NAS SA BDUN PA'I BAR DANG, SA BRGYAD PA YAN CHAD DANG, SA BCU PA PA LA 'PHAGS PAS

013a

, ,BZHED DE, NYI SNANG LAS, THEG PA LA GSAR DU ZHUGS PA DANG, SPYOD PA LA ZHUGS PA DANG, PHYIR MI LDOG PA DANG, SKYE BA GCIG GIS THOGS PA ZHES BYA BA NI, CI RIGS PAR RNAM PAR RTOG PA BZHI'I GNYEN PO'I PHYOGS MTHONG BA DANG, SGOM PA'I LAM LA RTOGS PA PO RNAM PA BZHI, ZHES SOGS GSUNGS PA'I PHYIR, RGYA GAR PA KHA CIG SBYOR LAM RTZE SBYOR BZHI LA GNAS PA'I BYANG SEMS BZHI LA BZHED, SLOB DPON GYIS MOS SPYOD DANG, MA DAG SA BDUN DANG, DAG PA SA GSUM DANG, SA BCU PA LA GNAS PA'I RANG NYID NGO BO RTOGS PA'I DBYE BA BSHAD PA YIN NO, ,ZHES 'DOD DO, ,DE LA THEG PA LA DANG POR ZHUGS PA NI MOS PA'I SPYOD PA'O, ,SPYOD PA LA ZHUGS PA NI RAB TU DGA' BA LA SOGS PA'I SA BDUN LA GNAS PA'O, ,PHYIR MI LDOG PA NI MI G-YO BA LA SOGS PA'I SA GSUM LA GNAS PA'O, ,SKYE BA GCIG GIS THOGS PA NI SA BCU PA PA'O, ,SHES GZHAN DAG 'CHAD DO, ,ZHES GSUNGS, DES NA RANG GI 'BRAS BUR GYUR PA'I MTHONG LAM SKYED PA'I NUS PA SMIN PA'I TING NGE 'DZIN MTHA' YAS PA'I SEMS KUN TU GNAS PA THOB PA'I THEG CHEN GYI NGES 'BYED CHA MTHUN BZHI PA, CHOS MCHOG GI RTZE SBYOR GYI MTSAN NYID, DON BSDU NA, THEG CHEN GYI SBYOR LAM CHOS MCHOG CHOS CAN, CHOS MCHOG GI RTZE SBYOR YIN TE, MDO LAS, BSOD NAMS MANG POS MTSON NAS BSTAN PA'I THEG CHEN GYI NGES 'BYED CHA MTHUN BZHI PA YIN PA'I PHYIR, GNYIS PA MDO BSDU BA LA, RTAGS LA SOGS PA DE DAG NI GO RIM BZHIN DU DRO BA LA SOGS PA NGES PAR 'BYED PA'I CHA DANG MTHUN PA BZHI'I

013b

NGO BO YIN PAR KHONG DU CHUD PAR BYA'O, ,ZHES GSUNGS, ` GNYIS PA MTHONG LAM RTZE SBYOR BSHAD PA LA, MTSAMS SBYAR BA DANG, DON BSHAD PA'O, DANG PO NI, LUS RNAM GZHAG TU, SEMS KUN GNAS PA DANG, MTHONG ZHES BYA DANG, ZHES 'CHAD NA, SBYOR LAM RTZE SBYOR GYI 'OG TU MTHONG LAM RTZE SBYOR 'CHAD PA'I RGYU MTSAN GANG ZHE NA, DE'I RGYU MTSAN YOD DE, SKYES PA'I RIM PA DANG BSTUN NAS DE LTAR BSHAD PA'I PHYIR, ZHES 'CHAD PA LA, NGES PAR 'BYED PA'I CHA DANG MTHUN PA'I 'OG TU MTHONG BA'I LAM YIN TE, ZHES GSUNGS, GNYIS PA LA, SPANG BYA RTOG PA DANG, DE'I GNYEN PO MTHONG LAM RTZE SBYOR GNYIS LAS, DANG PO LA, MTSAMS SBYAR BA DANG, DON BSHAD PA GNYIS LAS, DANG PO NI, MTHONG LAM RTZE SBYOR GYI DANG POR DE'I MI MTHUN PHYOGS MTHONG SPANG RTOG PA 'CHAD PA'I RGYU MTSAN YOD DE, MTHONG LAM RTZE SBYOR LA DE'I MI MTHUN PHYOGS SHUGS BSTAN GYI GNYEN PO DANG BCAS PA RNAM PA BZHI YOD PAS DE BSTAN PAR BYA BA'I PHYIR, ZHES 'CHAD PA LA, DE LA MI MTHUN PA'I PHYOGS GNYEN PO DANG BCAS PA RNAM PA BZHI YOD PAS, ZHES GSUNGS, GNYIS PA LA YANG, MDOR BSTAN PA DANG, RGYAS PAR BSHAD PA DANG, GNYEN PO MTSON TSUL LO, ,DANG PO LA, GZUNG RTOG MDOR BSTAN PA DANG, 'DZIN RTOG MDOR BSTAN PA GNYIS LAS, DANG PO LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MDO LAS PHYIR MI LDOG PA RNAMS DANG SKYE BA GCIG GIS THOGS PA DE DAG GIS DGE RTZA LA RJES SU YI RANG NAS BLA MED RDZOGS BYANG DU BSNGO BAR JI LTAR, 'DU

014a

, ,SHES SU MI 'GYUR BA DANG, GNYIS SU MED PA'I 'DU SHES SU MI 'GYUR BA DE LTAR YONGS SU BSNGO BAR BYA'O, ,ZHES MTHONG SPANG 'JUG PA GZUNG RTOG GNYEN PO'I SGO NAS MDOR BSTAN, DE NAS TSE DANG LDAN PA SH'A RI BUS TSE LDAN RAB 'BYOR LA 'DI SKAD CES SMRAS SO, ,TSE LDAN RAB 'BYOR CI SHER PHYIN 'BA' ZHIG RNAM PAR MI RTOG PA YIN NAM, 'ON TE BSAM GTAN GYI PHAR PHYIN DANG, BRTZON 'GRUS KYI PHAR PHYIN DANG, BZOD PA'I PHAR PHYIN DANG, TSUL KHRIMS KYI PHAR PHYIN DANG, SBYIN PA'I PHAR PHYIN YANG RNAM PAR MI RTOG PA YIN, RAB 'BYOR GYIS SMRAS PA, TSE LDAN SH'A RI BU, SHER PHYIN RNAM PAR MI RTOG PA'O, ,BSAM GTAN GYI PHAR PHYIN YANG RNAM PAR MI RTOG PA'O, ,ZHES SOGS KYIS LDOG PA GZUNG RTOG GNYEN PO'I SGO NAS MDOR BSTAN, ` GNYIS PA LA GSUM LAS, DANG PO NI, 'O NA MTHONG SPANG RTOG PA BZHI PO GANG ZHE NA, RE ZHIG DANG POR MTHONG SPANG GZUNG RTOG GNYIS MDOR BSTAN GYI SGO NAS 'CHAD, CES MTSAMS SBYOR BA LA, RE ZHIG MI MTHUN PA'I PHYOGS GZUNG BAR RNAM PAR RTOG PA GNYIS PO, ZHES GSUNGS, GNYIS PA NI, MDO DE GNYIS KYI DON 'CHAD PA LA, 'JUG PA DANG NI LDOG PA LA, ,ZHES SOGS GSUNGS, GSUM PA LA RTOG PA'I NGO BO, MI MTHUN PHYOGS SU BSTAN PA, DBYE BA, 'KHRUL BAR BSGRUB PA DANG BZHI LAS, DANG PO LA DMIGS PA DANG, RNAM PA GNYIS LAS, DANG PO STON PA LA, 'DUG PA DANG LDOG PA MI DMIGS PA DANG, DMIGS PA'I NGO BO NYID DAG LA GO RIMS BZHIN DU, ZHES GSUNGS, GNYIS PA

014b

STON PA LA, BYANG CHUB SEMS DPA' DANG NYAN THOS LA SOGS PA'I CHOS LEN PA DANG 'DOR BA'I SGO NAS GZUNG BA'O ZHES GZUNG BAR RNAM PAR RTOG PA, ZHES GSUNGS, GNYIS PA STON PA LA, NYON MONGS PA DANG 'DRA BA MI MTHUN PA'I PHYOGS SU GYUR PA, ZHES GSUNGS, GSUM PA DE STON PA LA, YUL GYI DBYE BAS SO SOR RNAM PA DGU YOD PA NI, ZHES GSUNGS, BZHI PA DE STON PA LA, DNGOS PO DANG MA 'BREL BAR 'JUG PA NYID KYIS PHYIN CI LOG TU SNANG BA'I PHYIR, YUL JI LTA BA BZHIN MA YIN PA'I RANG GI NGO BO DAG TU SHES PAR BYA'O, ,ZHES GSUNGS, GZHUNG DON NI, MTHONG SPANG DU GYUR PA'I SHES SGRIB GZUNG RTOG CHOS CAN, KHYOD LA DU MAR YOD DE, KHYOD LA MTHONG SPANG SHES SGRIB 'JUG PA GZUNG RTOG DANG, MTHONG SPANG SHES SGRIB LDOG PA GZUNG RTOG GNYIS SU YOD PA'I PHYIR, DE GNYIS KYI DMIGS YUL YOD DE, BYANG SEMS LAM GYI 'JUG YUL MTSAN MAR DMIGS PA DANG, DE'I LDOG YUL MTSAN MAR DMIGS PA'I NGO BO NYID SOGS RIM BZHIN DE GNYIS KYI DMIGS PA YIN PA'I PHYIR, DE GNYIS KYI RNAM PA YOD DE, DANG PO DE BYANG SEMS DANG SANGS RGYAS KYI CHOS LEN PAR 'DOD PA'I SGO NAS BLANG BYA'O GZUNG BA'O SNYAM DU ZHEN PA YIN, GNYIS PA NI, NYAN THOS DANG RANG RGYAL GYI CHOS 'DOR BAR 'DOD PA'I SGO NAS DOR BYA'I GZUNG BA'O SNYAM DU ZHEN PA YIN PA'I PHYIR, DE GNYIS NI MTHONG LAM RTZE SBYOR GYI MI MTHUN PHYOGS YIN TE, DE'I SPANG BYA YIN PA'I PHYIR, DPER NA MTHONG SPANG NYON MONGS 'DRA BA'I PHYIR RO, ,RTOG PA DE GNYIS CHOS CAN, SO SOR DGU DGUR YOD DE,

015a

, ,YUL GYI DBYE BAS DE LTAR YOD PA'I PHYIR, BCO BRGYAD PO DE DAG NI YUL JI LTA BA BZHIN MA YIN PAR 'DZIN PA'I NGO BO DAG TU SHES PAR BYA STE, RANG YUL PHYIN CI LOG TU SNANG BA'I PHYIR TE, DHA DU RA ZOS PA'I RGYU MTSAN GYIS NAM MKHA' LA GSER GYIS GANG BA KHAS LEN PA LA 'JUG PA LTAR ZHEN YUL GYI DNGOS PO DANG MA 'BREL BAR 'JUG PA STE, ZHEN PA LTAR YUL MI GNAS PA'I RIG PA YIN PA'I PHYIR, DES NA RANG GI DMIGS YUL DU GYUR PA'I BYANG SEMS LAM GYI 'JUG BYA LA DMIGS NAS LONGS SPYAD BYAR BDEN PAR 'DZIN PA'I BDEN 'DZIN KUN BTAGS MTHONG SPANG SHES SGRIB 'JUG PA GZUNG RTOG GI MTSAN NYID, DBYE NA YUL GYI SGO NAS DGUR YOD, RANG GI DMIGS YUL DU GYUR PA'I BYANG SEMS LAM GYI LDOG BYA LA DMIGS NAS LONGS SPYAD BYAR BDEN PAR ZHEN PA'I BDEN 'DZIN KUN BTAGS, MTHONG SPANG SHES SGRIB LDOG PA GZUNG RTOG GI MTSAN NYID, DBYE NA YUL GYI SGO NAS DGUR YOD DO, ,KHA CIG ,THEG PA CHEN PO'I LAM 'BRAS BU DANG BCAS PA LA DMIGS NAS 'JUG BYAR BDEN PAR ZHEN PA'I ZHEN RIG SHES SGRIB 'JUG PA GZUNG RTOG GI MTSAN NYID, THEG CHEN GYI LAM 'BRAS BU DANG BCAS PA LA DMIGS NAS LDOG BYAR BDEN PAR ZHEN PA'I ZHEN RIG ,SHES SGRIB LDOG PA GZUNG RTOG GI MTSAN NYID ZER NA, THEG CHEN GYI TSOGS LAM LA DMIGS NAS LONGS SPYAD BYAR BDEN PAR ZHEN PA'I ZHEN RIG CHOS CAN, MTSAN NYID DANG PO DER THAL, MTSON BYA DE'I PHYIR, RANG GI DMIGS YUL DU GYUR PA'I BYANG SEMS LAM GYI 'JUG BYA

015b

LA DMIGS NAS LONGS SPYAD BYAR BDEN PAR ZHEN PA'I ZHEN RIG YIN PA'I PHYIR TE, CHOS CAN DE'I PHYIR, 'DOD NA, DE CHOS CAN, THEG PA CHEN PO'I LAM 'BRAS BU DANG BCAS PA DE KHYOD KYI DMIGS YUL DU THAL LO, ,'DOD MI NUS TE, DE'I DMIGS YUL DANG 'DZIN STANGS KYI YUL GNYIS SU PHYE BA'I DMIGS YUL YIN NA THEG CHEN GYI TSOGS LAM YIN DGOS PA'I PHYIR, GZHAN YANG, NYAN THOS KYI TSOGS LAM LA DMIGS NAS LONGS SPYAD BYAR BDEN PAR ZHEN PA'I ZHEN RIG CHOS CAN, MTSAN NYID GNYIS PA DER THAL, MTSON BYA DE'I PHYIR TE, RANG GI DMIGS YUL DU GYUR PA'I BYANG SEMS LAM GYI LDOG BYA LA DMIGS NAS LONGS SPYAD BYAR BDEN PAR ZHEN PA'I ZHEN RIG YIN PA'I PHYIR TE, CHOS CAN DE'I PHYIR, 'DOD NA, SNGA MAS RIGS 'GRE'O, ,KHA CIG ,DE'I STENG DU RANG GI DMIGS YUL DU GYUR PA'I ZHES BSNAN NAS 'JOG PA YANG MI 'THAD DE, STONG NYID LA DMIGS NAS LONGS SPYAD BYAR BDEN PAR ZHEN PA'I ZHEN RIG DANG, MA RIG PA LA DMIGS NAS LONGS SPYAD BYAR BDEN PAR ZHEN PA'I ZHEN RIG GNYIS KYIS MA NGES PA'I PHYIR, STONG NYID DE BYANG SEMS LAM GYI 'JUG BYA DANG, MA RIG PA DE BYANG SEMS LAM GYI LDOG BYA YIN PA'I PHYIR TE, DANG PO DE DE'I BSGOM BYA DANG, GNYIS PA DE DE'I SPANG BYA YIN PA'I PHYIR RO, ,KHA CIG ,BYANG SEMS LAM GYI 'JUG BYA LA DMIGS NAS, ZHES SOGS DANG, DE'I LDOG BYA LA DMIGS NAS, ZHES SOGS ZER NA SKYON SNGA MA DE 'PHEN NO, ,'DOD NA, BYANG SEMS LAM GYI 'JUG BYA DE DE'I DMIGS YUL DU THAL BA SOGS RIGS 'GRE'O, ,KHA CIG ,RANG GI DMIGS YUL DU

016a

, ,GYUR PA'I 'JUG BYA'I CHOS LA DMIGS NAS LONGS SPYAD BYAR BDEN PAR ZHEN PA ZHES SOGS DANG, DER GYUR PA'I LDOG BYA'I CHOS LA DMIGS NAS ZHES SOGS ZER NA, NYAN THOS KYI TSOGS LAM LA DMIGS NAS LONGS SPYAD BYAR BDEN PAR ZHEN PA'I ZHEN RIG CHOS CAN, MTSON BYA DANG PO DER THAL, MTSAN NYID DE'I PHYIR, RTAGS GRUB STE, NYAN THOS KYI TSOGS LAM DE 'JUG BYA'I CHOS YIN PA'I PHYIR TE, DE THAR LAM YIN PA'I PHYIR RO, ,KHA CIG ,RANG GI DMIGS YUL DU GYUR PA'I 'JUG BYA'I CHOS LA DMIGS NAS GZUNG BAR BDEN PAR ZHEN PA'I RAB TU PHYE BA'I BDEN 'DZIN KUN BTAGS, MTHONG SPANG SHES SGRIB 'JUG PA GZUNG RTOG GI MTSAN NYID, DER GYUR PA'I BYANG SEMS LAM GYI 'JUG PHYA'I CHOS LA DMIGS NAS ZHES SOGS SKABS 'DIR DNGOS SU BSTAN PA'I DE'I MTSAN NYID, DER GYUR PA'I LDOG BYA'I CHOS LA DMIGS NAS ZHES SOGS, MTHONG SPANG SHES SGRIB LDOG PA GZUNG RTOG GI MTSAN NYID, DER GYUR PA'I BYANG SEMS LAM GYI LDOG BYA'I CHOS LA ZHES SOGS, SKABS 'DIR DNGOS SU BSTAN PA'I DE'I MTSAN NYID ZER NA, SHES SGRIB 'JUG PA GZUNG RTOG YIN NA, RANG GI DMIGS YUL DU GYUR PA'I BYANG SEMS LAM GYI 'JUG BYA'I CHOS LA DMIGS PAS KHYAB PAR THAL, MTHONG SPANG SHES SGRIB LDOG PA GZUNG RTOG YIN NA, DER GYUR PA'I BYANG SEMS LAM GYI LDOG BYA'I CHOS LA DMIGS PAS KHYAB PA'I PHYIR, RTAGS KHAS, 'DOD NA, NYAN THOS KYI TSOGS LAM LA DMIGS NAS 'JUG BYA'I GZUNG BAR BDEN PAR ZHEN PA'I BDEN 'DZIN KUN BTAGS CHOS CAN, MTSON BYA

016b

DER THAL, MTSAN NYID DE'I PHYIR, RTAGS GRUB STE, NYAN THOS KYI TSOGS LAM DE 'JUG BYA'I GZUNG BA YIN PA'I PHYIR TE, DE NYAN THOS KYI LAM GYI 'JUG BYA'I GZUNG BA YIN PA'I PHYIR, 'DOD MI NUS TE, NYAN THOS KYI TSOGS LAM DE BYANG SEMS LAM GYI 'JUG BYA MA YIN PA'I PHYIR, GZHAN YANG, NYAN THOS KYI TSOGS LAM LA DMIGS NAS BYANG SEMS LAM GYI LDOG BYA'I GZUNG BAR BDEN PAR ZHEN PA'I BDEN 'DZIN KUN BTAGS CHOS CAN, MTSAN NYID DER THAL, MTSON BYA DE'I PHYIR, 'DOD NA, NYAN THOS KYI TSOGS LAM LDOG BYA'I GZUNG BA YIN PAR THAL LO, ` GNYIS PA LA YANG, MDO LAS GSUNGS TSUL DANG, BSTAN BCOS KYIS 'GRAL TSUL GNYIS LAS, DANG PO NI, MDO LAS, DE NAS TSE LDAN SH'A RI BUS TSE LDAN RAB 'BYOR LA 'DI SKAD CES SMRAS SO, ,KYE MA TSE LDAN RAB 'BYOR BYANG CHEN GZHAN YANG SHER PHYIN LA SPYOD PA NI SNYING PO LA SPYOD PA'O, ,DE SKAD CES SMRAS PA DANG, TSE LDAN RAB 'BYOR GYIS TSE LDAN SH'A RI BU LA 'DI SKAD CES SMRAS SO, ,KYE MA TSE LDAN SH'A RI BU BYANG CHEN GZHAN YANG SHER PHYIN LA SPYOD PA DE NI SNYING PO MED PA LA SPYOD PA'O, ,DE CI'I PHYIR ZHE NA, TSE LDAN SH'A RI BU SHER PHYIN SNYING PO MED PA'O, ,ZHES SOGS KYIS MTHONG SPANG SHES SGRIB RDZAS 'DZIN RTOG PA GNYEN PO'I SGO NAS MDOR BSTAN, DE NAS BCOM LDAN 'DAS KYIS TSE LDAN RAB 'BYOR LA 'DI SKAD CES BKA' STZAL TO, ,RAB 'BYOR CI'I PHYIR BYANG CHEN SHER PHYIN LA ZHUM PAR MI 'GYUR BA YIN, GSOL BA BCOM LDAN 'DAS CHOS THAMS CAD MA MCHIS PA'I SLAD DU BYANG CHEN SHER PHYIN LA ZHUM PAR MI 'GYUR RO, ,ZHES PA NAS DE

017a

, ,BZHIN NYID 'DI LA NI GANG YANG GNAS PAR 'GYUR PA MED DE, DE LA GNAS SHING BLA MED RDZOGS BYANG DU MNGON 'TSANG RGYA BAR 'GYUR BA SU YANG MED NA, DE LA GNAS SHING CHOS STON PAR 'GYUR PA LTA CI SMOS TE DE NI GNAS MED DO, ,ZHES PAS BTAGS 'DZIN RTOG PA GNYEN PO'I SGO NAS BSTAN NO, ,GNYIS PA LA GSUM LAS, DANG PO NI, DE LTAR RNAM PAR RTOG PA BZHI'I GZUNG BA'I RNAM PAR RTOG PA'I PHYOGS GNYIS MDOR BSTAN NAS, DE'I 'OG TU 'DZIN PA'I RNAM PAR RTOG PA'I PHYOGS GNYIS MDOR BSTAN GYI SGO NAS 'CHAD, CES MTSAMS SBYOR BA LA, DE LTAR GZUNG BAR RNAM PAR RTOG PA'I PHYOGS GNYIS BSTAN NAS 'DZIN PAR RNAM PAR RTOG PA GNYIS PO, ZHES GSUNGS, GNYIS PA NI, MDO DE'I DON 'CHAD PA LA, SO SO'I SKYE BO 'PHAGS DBYE BAS, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, SO SO'I SKYE BO DANG, ZHES SOGS GSUNGS, 'DI LA YANG RTOG PA'I NGO BO, SPANG BYAR BSTAN PA, DBYE BA, 'KHRUL BAR BSGRUB PA'O, ,DANG PO NI, SO SO'I SKYE BO 'PHAGS DBYE BAS, ,SEMS CAN RDZAS DANG BTAGS YOD PAR, ,RNAM RTOG 'DZIN PA DAG DU 'DOD, ,CES DANG, SO SO'I SKYE BO DANG 'PHAGS PA'I GANG ZAG DAG GI GO RIMS BZHIN DU SKYES BU RDZAS DANG BTAGS PAR YOD PA'I RTEN CAN GYI 'DZIN PA DAG YOD PAS 'DZIN PAR RNAM PAR RTOG PA, ZHES 'CHAD, GNYIS PA NI, GEGS BYED PA YIN PA'I PHYIR MI MTHUN PA'I PHYOGS SU GYUR PA, ZHES 'CHAD, GSUM PA NI, DE DAG SO SOR DGU BDAG NYID, ,CES DANG, YUL GYI DBYE BAS SO SOR RNAM PA DGU

017b

YOD PA NI, ZHES 'CHAD, BZHI BA NI, GAL TE GZUNG DON DE BZHIN MED, ,DE DAG GANG GI 'DZIN PAR 'DOD, ,DE LTAR DE DAG 'DZIN PA YI, ,NGO BOS STONG PA'I MTSAN NYID DO, ,ZHES DANG, GANG GI TSE DE DAG GI YUL GYI DNGOS POR GYUR PA, GZUNG BA'I DON DAG DE BZHIN DU GZUNG BA'I NGO BOR YOD PA MA YIN ZHES BYA BA, DE'I TSE GANG GI YANG 'DZIN PA MA YIN TE, DE'I PHYIR DE DAG NI 'DZIN PA'I NGO BOS DBEN PA'I NGO BO YIN PAS, PHYIN CI LOG TU SNANG BA'I PHYIR YUL JI LTA BA BZHIN MA YIN PA'I RANG GI NGO BO DAG TU SHES PAR BYA'O, ,ZHES GSUNGS, GZHUNG DON RIMS PA LTAR, MTHONG SPANG SHES SGRIB 'DZIN RTOG CHOS CAN, KHYOD LA DU MAR DBYER RUNG STE, KHYOD LA MTHONG SPANG SHES SGRIB RDZAS 'DZIN RTOG PA DANG, DE BTAGS 'DZIN RTOG PA GNYIS SU YOD PA'I PHYIR TE, KHYOD LA SO SO'I SKYE BO DANG 'PHAGS PA'I DBYE BA'I DE DE'I 'DZIN PA GNYIS SU YOD PA'I PHYIR RO, ,RTOG PA DE GNYIS CHOS CAN, MTHONG LAM RTZE SBYOR GYI SPANG BYA YIN TE, DE SKYE PA LA GEGS BYED PA YIN PA'I PHYIR, DPER NA MTHONG SPANG NYON SGRIB BZHIN NO, ,RTOG PA DE GNYIS CHOS CAN, SO SOR DU MAR YOD DE, YUL GYI SGO NAS DGU DGUR YOD PA'I PHYIR, 'DI DAG LA RTOG PA ZHES BRJOD PA'I RGYU MTSAN YOD DE, RTOG PA DE DAG RANG GIS JI LTAR ZHEN PA DE LTAR 'DZIN PA'I NGO BOS MTSAN NYID CAN YIN PA'I PHYIR TE, RTOG PA DE DAG ZHEN PA LTAR GYI YUL GANG GI 'DZIN PAR 'DOD, DE 'DZIN PA MA YIN PA'I PHYIR RO, ,RGYU MTSAN GANG GI PHYIR NA RTOG PA DES GZUNG BA'I DON RNAMS GZUNG BA DE BZHIN DU MED PA'I PHYIR RO, ,MTHA' DPYAD PA LA,

018a

, ,DNGOS KYI DON DANG, RTZOD PA SPANG BA GNYIS LAS, DANG PO NI, RANG GI DMIGS YUL DU GYUR PA'I RDZAS 'DZIN LA DMIGS NAS LONGS SPYOD BYED DU BDEN PAR ZHEN PA'I BDEN 'DZIN KUN BTAGS, MTHONG SPANG SHES SGRIB RDZAS 'DZIN RTOG PA'I MTSAN NYID; DER GYUR PA'I BTAGS 'DZIN LA DMIGS NAS LONGS SPYOD BYED DU BDEN PAR ZHEN PA'I BDEN 'DZIN KUN BTAGS, MTHONG SPANG SHES SGRIB BTAGS 'DZIN RTOG PA'I MTSAN NYID, DE GNYIS LA SO SOR YUL GYI SGO NAS DBYE NA DGU DGUR YOD DO, ,KHA CIG ;RANG GI DMIGS YUL DU GYUR PA'I GANG ZAG RANG RKYA THUB PA'I RDZAS YOD DU 'DZIN PA'I 'DZIN PA LA DMIGS NAS LONGS SPYOD BYED DU BDEN PAR ZHEN PA'I BDEN 'DZIN KUN BTAGS DE, SKABS 'DIR DNGOS SU BSTAN PA'I MTHONG SPANG SHES SGRIB RDZAS 'DZIN RTOG PA'I MTSAN NYID, DER GYUR PA'I SKYES BU BTAGS YOD DU 'DZIN PA'I 'DZIN PA LA DMIGS NAS ZHES SOGS, SKABS 'DIR DNGOS SU BSTAN PA'I MTHONG SPANG SHES SGRIB BTAGS 'DZIN RTOG PA'I MTSAN NYID ZER NA, LHAS BYIN RANG RKYA THUB PA'I RDZAS YOD DU 'DZIN PA'I 'DZIN PA LA DMIGS NAS LONGS SPYOD BYED DU BDEN PAR ZHEN PA'I BDEN 'DZIN KUN BTAGS CHOS CAN, MTSAN NYID DANG PO DER THAL, MTSON BYA DE'I PHYIR, 'DOD NA, DE'I DMIGS YUL YANG YIN GANG ZAG RANG RKYA THUB PA'I RDZAS YOD DU 'DZIN PA'I 'DZIN PA YANG YIN PA'I GZHI MTHUN YOD PAR THAL, 'DOD PA'I PHYIR, 'DOD NA, LHAS BYIN RANG RKYA THUB PA'I RDZAS YOD DU 'DZIN PA'I 'DZIN PA DE GANG ZAG DER 'DZIN PA'I 'DZIN PA YIN PAR THAL, 'DOD PA'I PHYIR, 'DOD NA,

018b

DE CHOS CAN, GANG ZAG KHYOD KYI DMIGS YUL DANG 'DZIN STANGS KYI YUL GNYIS SU PHYE BA'I DMIGS YUL YIN PAR THAL, 'DOD PA'I PHYIR, 'DOD NA, GANG ZAG DE LHAS BYIN DU THAL LO, ,GZHAN YANG, SHES SGRIB RDZAS 'DZIN RTOG PA DANG, SHES SGRIB BTAGS 'DZIN RTOG PA GNYIS 'GAL BAR THAL, MTSAN NYID DE GNYIS 'THAD PA'I PHYIR, 'DOD NA, BKAG ZIN, KHA CIG ,RDZAS 'DZIN LA DMIGS NAS ZHES SOGS DANG BTAGS 'DZIN LA DMIGS NAS ZHES SOGS ZER NA, GANG ZAG RDZAS YOD DU 'DZIN PA'I 'DZIN PA LA DMIGS NAS LONGS SPYOD BYED DU BDEN PAR ZHEN PA'I BDEN 'DZIN KUN BTAGS CHOS CAN, MTSAN NYID DANG PO DER THAL, MTSON BYA DE'I PHYIR, 'DOD NA, RDZAS 'DZIN DE KHYOD KYI DMIGS YUL DU THAL LO, ,RONG? t'IKA PA NA RE, 'PHAGS RGYUD LA GANG ZAG RANG RKYA THUB PA'I RDZAS YOD DU 'DZIN PA'I BLO MED DE, 'PHAGS PA YIN NA GANG ZAG GI BDAG MED MNGON SUM DU RTOGS DGOS PA'I PHYIR, THEG CHAN 'PHAGS PA'I RGYUD LA CHOS KYI BDAG 'DZIN MED DE, DE YIN NA CHOS KYI BDAG MED MNGON SUM DU RTOGS DGOS PA'I PHYIR ZER NA, BYANG 'PHAGS KYI RGYUD LA NYON YID MED PAR THAL, DE'I RGYUD LA GANG ZAG GI BDAG 'DZIN MED PA'I PHYIR, 'DOD MI NUS TE, NYON YID DE SA BDUN PA'I BAR DU 'BYUNG BA'I PHYIR, RTAGS KHAS, GNYIS PA LA, RTZOD PA, LAN; LAN LA RTZOD PA SPANG BA DANG GSUM LAS, DANG PO NI, KHA CIG ,SO SO'I SKYE BO 'PHAGS DBYE BAS, ,ZHES RDZAS 'DZIN SO SKYE'I RTEN CAN DANG, BTAGS 'DZIN RTOG PA 'PHAGS PA'I RTEN CAN DU BSHAD PA MI 'THAD PAR THAL, SO SKYE'I RGYUD KYI

019a

, ,'DZIN RTOG LA RDZAS 'DZIN RTOG PAS MA KHYAB, 'PHAGS RGYUD KYI 'DZIN RTOG LA BTAGS 'DZIN RTOG PAS MA KHYAB PA'I PHYIR, DANG PO GRUB STE, SO SKYE LA GANG ZAG RANG RKYA THUB PA'I RDZAS YOD KYIS STONG PAR RTOGS PA YOD PA'I PHYIR TE, DE LA CHOS THAMS CAD BDAG MED PAR RTOGS PA YOD PA'I PHYIR, GNYIS PA GRUB STE, 'PHAGS RGYUD LA NGAR 'DZIN YOD PA'I PHYIR TE, DE LA NGA ZHES 'BYUNG BA YOD PA'I PHYIR TE, DGE SLONG DAG MTSAN MO 'DAS NAS NANG BAR GYI DUS SU NGAS SROG CHAGS LCE SPYANG SKAD 'BYIN PA'I SGRA THOS, ZHES PA DANG, NGA DE'I TSE DE'I DUS NA RI DVAGS KYI RGYAL PO SENG GE YAN LAG MA SMAD PA ZHES BYA BAR GYUR TO, ,ZHES GSUNGS PA'I PHYIR ZHES ZER, GNYIS PA NI, RTZOD PA DE DAG MI 'THAD DE, RDZAS 'DZIN SO SKYE'I RTEN CAN DANG; BTAGS 'DZIN 'PHAGS PA'I RTEN CAN DU GSUNGS PA NI, GANG ZAG RANG RKYA THUB PA'I RDZAS YOD DU 'DZIN PA'I BLO'I ZHEN YUL MYONG STOBS KYIS KHEGS PA NI SO SO SKYE BO RNAMS LA MED CING, 'PHAGS PA LA YOD PAS DE LTAR GSUNGS PA YIN PA'I PHYIR, GZHAN YANG RTZOD PA DE NI SNYING PO MED PA YIN TE, RDZAS 'DZIN SO SKYE LA BSHAD CING BTAGS 'DZIN DE LA MA BSHAD PA NI SO SKYES CHOS THAMS CAD BDAG MED DU SHES PA NI MOS PA YID BYED KYIS BTAGS PA TZAM DU RTOGS PA YIN, BTAGS 'DZIN 'PHAGS PA LA BSHAD PA NI, DE KHO NA NYID YID BYED KYIS BTAGS PA TZAM DU RTOGS PA LA 'DOD PA'I PHYIR, DE LTAR YANG, NYI SNANG LAS DE DAG NI MOS PA YID LA BYED PA YIN LA, 'DIR NI DE KHO NA NYID YID LA BYED PA LA BRJOD PAR 'DOD PA YIN PAS SNYING PO MED

019b

DO; ;ZHES GSUNGS PA'I PHYIR, GZHAN YANG, RTZOD PA DE MI 'THAD DE, 'PHAGS PA NGA DE'I TSE ZHES SOGS KYI TSIG NI GZHAN GYIS KHONG DU CHUD PA'I THABS SU BSTAN PA THA SNYAD PA YIN GYI, NGAR 'DZIN PA MTSAN NYID PA YOD NAS MA YIN PA'I PHYIR, DE LTAR YANG; DE NYID LAS, DE'I TSIG NI THA SNYAD PA YIN GYI DON DAM PA NI MA YIN PAS SNYING PO MED DO, ,ZHES GSUNGS PA'I PHYIR, RTZOD LAN 'DI DAG NYI SNANG LAS BKOD PA GSER PHRENG DU BSHAD PA'O, ,KHO NA RE, 'PHAGS PA BYAMS PA'I RGYUD LA SHES SGRIB BTAGS 'DZIN RTOG PA YOD PAS, 'DIR YANG, MTHONG SPANG LA RTOG PA DE BSHAD PA MI 'THAD CING SGOM SPANG RDZAS 'DZIN GYI RTOG PA MI 'THAD PAR 'GYUR TE, 'DZIN RTOG DANG PO SO SKYE DANG GNYIS PA 'PHAGS PA KHO NA LA YOD PA'I PHYIR, ZHES ZER, 'DI'I LAN LA KHA CIG ,DE LTAR BSHAD PA RDZAS 'DZIN DANG BTAGS 'DZIN LA YIN GYI, RTOG PA GNYIS NI 'DZIN PA DE GNYIS YUL DU BYED PA'I RTOG PA YIN PAS DE LA MA YIN NO, ,ZHES ZER BA MI 'THAD DE, RTZOD PA'I SKABS SU RTOG PA DANG PO DANG GNYIS PA'I RNAM GZHAG MA BYAS SO, ,ZHES RTOG PA GNYIS LA BRTZAD CING RTZA BAR YANG RNAM RTOG GNYIS SKYE 'PHAGS GNYIS LA SGRAS ZIN PAR YOD PAR BSTAN PA LA RTZOD PA 'DI BYUNG BA'I PHYIR, DES NA SO SKYE DANG MTHONG SPANG LA BTAGS 'DZIN RTOG PA YOD PAR GSUNGS PA NI MOS PA YID BYED KYI DBANG DU BYAS PA YIN TE, BTAGS 'DZIN LA YID BYED GNYIS KYIS SGO NAS GNYIS SU MDZAD PA'I PHYIR, RTZA BAR BTAGS 'DZIN RTOG PA 'PHAGS PA'I RTEN CAN DU GSUNGS PA'I RGYU MTSAN YOD DE, DE KHO NA NYID KYI YID BYED LA DGONGS

020a

, ,NAS GSUNGS PA'I PHYIR, GSUM PA NI, KHO NA RE, SEMS CAN RDZAS DANG BTAGS YOD PAR, ,ZHES 'DZIN RTOG SEMS CAN DU RTOG PAR BSHAD PA 'DI GANG ZAG DANG CHOS GNYIS SU PHYE BA'I GANG ZAG YIN NAM, 'ON TE, DE GANG ZAG TU BTAGS PA'I GZHI SEMS RGYUD KYIS ZIN PA'I CHOS TZAM LA BYED, DANG PO LTAR NA YUL CAN GYI RTOG PA DE NYON SGRIB YIN PAR THAL, DAM BCA' DE'I PHYIR, 'DOD NA, RTOG PA DE GNYIS NYAN RANG GI SPANG BYA'I GTZO BO YIN PAR THAL, 'DOD PA'I PHYIR, 'DOD MI NUS TE, 'DI DAG BYANG SEMS LAM GYI THUN MONG MA YIN PA'I SPANG BYA YIN PA'I PHYIR, GZHAN YANG, NYAN RANG GIS GZUNG RTOG GNYIS KYANG SPONG NUS PAR THAL, DES 'DZIN RTOG GNYIS SPONG NUS PA'I PHYIR, 'DOD NA, DES GZUNG 'DZIN RDZAS GZHAN GYI RNAM RTOG BZHI KA SPONG NUS PAR THAL LO, ,GNYIS PA LTAR NA GZHUNG LAS SEMS CAN DANG GANG ZAG TU RTOG PAR BSHAD PA DANG, NYI SNANG GI RTZOD LAN LA NGAR 'DZIN YOD MED KYI RDZAS 'DZIN YOD MED DU BSHAD PA MI 'THAD PAR 'GYUR RO, ,ZHE NA, SPYIR 'DZIN RTOG LA GANG ZAG DANG CHOS TZAM LA 'DZIN PA SO SOR ZHEN PA GNYIS YOD CING GNYIS KA'ANG BYANG SEMS KYIS SPONG DGOS PA'I PHYIR, GNYIS KA'I RNAM GZHAG KHAS BLANGS TE, MDOR BSTAN DU GANG ZAG TU RTOG PA RTZA BAR BSHAD CING, RGYAS BSHAD DU NYI SNANG LAS BSHAD PA RNAMS SHES SGRIB KYI RTOG PAR SNANG BA'I PHYIR RO, ,DES NA SKYE 'PHAGS GNYIS KA'I GANG ZAG GIS BDAG MED RTOGS KYANG MNGON DU GYUR MA GYUR GNYIS LAS, DE GNYIS KYIS 'DZIN PA LA SO SOR RDZAS BTAGS KYI 'DZIN PAR 'JOG PA LTAR CHOS BDAG MED

020b

PAR MNGON SUM DU RTOGS MA RTOGS KYI KHYAD PAR GYIS KYANG SKYE 'PHAGS KYI 'DZIN PA LA CHOS TZAM LA RDZAS DANG BTAGS PA'I LONGS SPYOD PA POR 'DZIN PA'I SHES SGRIB KYI 'DZIN PA GNYIS KYANG SHES PAR BYA'O, ,DE LTAR SKYE 'PHAGS GNYIS KYI 'DZIN PA LA RDZAS BTAGS KYI 'DZIN PA GNYIS SU PHYE BA YANG GTZO CHE BA YIN TE, GZHAN DU NA 'PHAGS RGYUD LA RDZAS 'DZIN RTOG PA MED PAR THAL BA'I SKYON YOD PA'I PHYIR, 'DI DAG NI GSER PHRENG SGRAS ZIN LTAR BKOD PAS DPYAD PAR BYA DGOS SO, ` , GNYIS PA RGYAS PAR 'CHAD PA LA, GZUNG RTOG RGYAS PAR 'CHAD PA DANG, 'DZIN RTOG RGYAS PAR 'CHAD PA GNYIS LAS, DANG PO LA, 'JUG PA GZUNG RTOG RGYAS BAR 'CHAD PA DANG, LDOG PA GZUNG RTOG RGYAS PAR 'CHAD PA GNYIS LAS, DANG PO LA, MDO DANG BSTAN BCOS GNYIS LAS, DANG PO NI, DE NAS TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR SGYU MA LTA BU'I SEMS BLA MED RDZOGS BYANG DU MNGON PAR 'TSANG RGYA BAR 'GYUR BA LAGS, ZHES SOGS KYIS 'CHAD, GNYIS PA LA GSUM LAS, DANG PO NI, NGO BO NYID DANG RIGS DANG NI, ,ZHES SOGS GSUNGS PA CHOS CAN, DGOS PA YOD DE, GZUNG BA'I RNAM PAR RTOG PA DANG PO 'JUG PA GZUNG RTOG LA JI LTAR RNAM PA DGUR YOD PA YIN ZHE NA, DE'I LAN BSTAN PAR BYA BA'I CHED YIN PA'I PHYIR, ZHES MTSAMS SBYOR BA LA, GZUNG BA'I RNAM PAR RTOG PA DANG PO 'JUG PA'I RTEN CAN JI LTAR RNAM PA DGU YIN ZHE NA, ZHES GSUNGS, GNYIS PA NI, MDO DE'I DON 'CHAD PA LA, NGO BO NYID DANG

021a

, ,RIGS DANG NI, ,ZHES SOGS GSUNGS, GSUM PA LA RTOG PA'I NGO BO DANG, GNYEN PO GNYIS LAS, DANG PO NI, DBEN PAS, ZHES SOGS KYIS 'CHAD, GNYIS PA NI, MTHONG BA'I LAM GYI SBYOR BA'I GNAS SKABS KYI SPANG BAR BYA BAR BZHED PA YIN NO, ,ZHES GSUNGS, DANG PO LA YANG YUL RNAM PA DGU PO DE LA BYANG SEMS LAM GYI 'JUG BYA SPYI DANG, KHYAD PAR GNYIS LAS, DANG PO BYANG CHUB RGYU 'BRAS KYIS DBEN PA'I NGO BO NYID LA RTOG PA DE STON PA LA, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, SGYU MA LTA BU'I SEMS DE KHYOD KYIS YANG DAG PAR MTHONG NGAM, GSOL BA BCOM LDAN 'DAS DE NI MA LAGS TE, BCOM LDAN 'DAS BDAG GIS SGYU MA YANG YANG DAG PAR RJES SU MA MTHONG STE, ZHES SOGS GSUNGS, DE'I DON 'CHAD PA LA, NGO BO NYID DANG, ZHES DANG, DBEN PAS DBEN PA MA RTOGS PA'I NGO BO NYID DANG, ZHES GSUNGS, GNYIS PA KHYAD PAR LA RGYU DANG, LAM DANG, 'BRAS BU GSUM LAS, DANG PO RGYU THEG CHEN GYI RIGS LA RNAM PAR RTOG PA DE STON PA LA, BCOM LDAN 'DAS 'DI LTA STE, DPER NA NAM MKHA' NI 'DI LTAR BDAG LA LA DANG NI NYE'O ZHES BGYI BAR MI SEMS SO, ,DE CI'I SLAD DU ZHE NA, BCOM LDAN 'DAS NAM MKHA' LA BYE BRAG MA MCHIS SHING MI G-YO PA DANG, RNAM PAR RTOG PA MA MCHIS PA'I SLAD DU STE, ZHES GSUNGS, DE'I DON 'CHAD PA LA, RIGS DANG NI, ,ZHES DANG, SA MI G-YO BA LA SOGS PA LA 'JUG PAS SANGS RGYAS KYI RIGS SU NGES PA DANG, ZHES GSUNGS, GNYIS PA LA LAM

021b

KYI NGO BO DANG, YUL; MI MTHUN PHYOGS SEL BA'I NUS PA DANG GSUM LAS, DANG PO THEG CHEN GYI 'PHAGS LAM YANG DAG PAR GRUB PA LA RNAM PAR RTOG PA STON PA LA, BCOM LDAN 'DAS 'DI LTA STE, DPER NA, SGYU MA'I SKYES BU NI 'DI LTAR BDAG LA SGYU MA NI RING NGO, ,SGYU MA'I MKHAN PO NI NYE'O, ,SKYE BO'I TSOGS 'DI LTAR 'DUS PA NI BDAG LA NYE'O ZHE'AM, RING NGO ZHES BGYI BAR MI SEMS SO, ,ZHES SOGS GSUNGS, DE'I DON 'CHAD PA LA, LAM NI YANG DAG GRUB PA DANG, ,ZHES DANG, SGYU MA LTA BUR RTOGS PAS MTHONG BA LA SOGS PA'I LAM YANG DAG PAR GRUB PA DANG, ZHES GSUNGS, GNYIS PA YIN LUGS SHES PA SOGS DMIGS PA LA RNAM PAR RTOG PA NI, BCOM LDAN 'DAS 'DI LTA STE, DPER NA GZUGS NI 'DI LTAR BDAG LA DMIGS PA GANG GI GZUGS NI 'BYUNG BA DE NI NYE LA, ME LONG DANG SNOD CHUS GANG BA'I NANG DU BYUNG BA DE NI BDAG LA RING NGO ZHES BGYI BAR MI SEMS SO, ,ZHES GSUNGS SO, ,DE'I DON 'CHAD PA LA, SHES PA'I DMIGS PA MA 'KHRUL DANG, ,ZHES DANG, SNANG BRNYAN TZAM DU ZAD PAS SHES PA'I DMIGS PA MA 'KHRUL BA DANG, ZHES GSUNGS, GSUM PA SPANG GNYEN LA 'DOR LEN BYED PA'I MI MTHUN PHYOGS DANG, GNYEN PO PHYOGS LA RNAM PAR RTOG PA NI, BCOM LDAN 'DAS 'DI LTA STE, DPER NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA NI SDUG PA'AM MI SDUG PAR 'GYUR BA GANG YANG MA MCHIS SO, ,ZHES SOGS KYIS 'CHAD, DE'I DON 'CHAD PA LA, MI MTHUN PHYOGS DANG GNYEN PO DANG, ,

022a

, ,ZHES DANG, YON TAN DANG SKYON MTHONG BA SNGON DU 'GRO BA'I BLANG BAR BYA BA DANG, DOR BAR BYA BA NYID KYIS GNYEN PO DANG MI MTHUN PA'I PHYOGS DANG, ZHES GSUNGS, GSUM PA LA, RANG DON GZHAN DON GNYIS LAS; DANG PO YUL MNGON DU BYAS PA'I RANG DON LA RNAM PAR RTOG PA NI, BCOM LDAN 'DAS 'DI LTA STE, DPER NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI RNAM PAR RTOG PA THAMS CAD SPANGS PA'O, ,ZHES SOGS GSUNGS, DE'I DON 'CHAD PA LA, RANG GIS RTOGS DANG, ZHES DANG, DRI MA THAMS CAD DANG BRAL BA NYID KYIS RANG GIS RTOGS PA DANG, ZHES GSUNGS, GNYIS PA LA BYED PA PO'I NUS PA DANG, BYA BA'I LAS DANG, BYA BA'I 'BRAS BU DANG GSUM LAS, DANG PO NI, SEMS CAN GYI DON BYED PA LA RNAM PAR RTOG PA NI, BCOM LDAN 'DAS 'DI LTA STE, DPER NA, DE BZHIN GSHEGS PA'I SPRUL BA 'DI LTAR NGA LA NYAN THOS DANG RANG SANGS RGYAS KYIS NI RING NGO, ,BLA NA MED PA YANG DAG PAR RDZOGS PA'I SANGS RGYAS KYIS NI NYE'O, ,ZHES DGYI BAR MI DMIGS SO, ,ZHES SOGS GSUNGS, DE'I DON 'CHAD PA LA, BYED PA DANG, ,ZHES DANG, DMAN ZHING GYA NOM PA MA YIN PA NYID KYIS NYAN THOS LA SOGS PA'I SA THAG SRID PAR BYED PA DANG, ZHES GSUNGS, GNYIS PA DON BYED PA DE'I BYA BA'I LAS LA RNAM PAR RTOG PA NI, BCOM LDAN 'DAS 'DI LTA STE, DPER NA, DE BZHIN GSHEGS PAS SPRUL PA ZHIG MDZAD PA NA DE NI DON GANG GI SLAD DU SPRUL BA'I DON DE SBYOR TE SPRUL PA NI MI RTOG RNAM PAR MI RTOG GO ,BCOM LDAN 'DAS DE BZHIN DU SHER PHYIN YANG DON GANG GI SLAD DU BRJOD PA'I

022b

DON DE YANG BGYID LA SHER PHYIN DE NI MI RTOG RNAM PAR MI RTOG GO ,ZHES PAS BSTAN, DE'I DON 'CHAD PA LA, DE YI LAS, ZHES DANG, BSAM PA JI LTA BA DANG MTHUN PAR SPRUL PAS SEMS CAN GYI DON GYI LAS DANG, ZHES GSUNGS, GSUM PA DON BYA BA'I 'BRAS BU MYANG 'DAS LA RNAM PAR RTOG PA DE STON PA LA, BCOM LDAN 'DAS 'DI LTA STE, DPER NA, SHING MKHAN NAM SHING MKHAN GYI SLOB MA MKHAS PA ZHIG GIS BUD MED KYI GZUGS SAM SKYES PA'I GZUGS SAM GLANG PO CHE'I GZUGS SAM RTA'I GZUGS SAM GLANG GI GZUGS KYI 'KHRUL 'KHOR ZHIG SBYAR NA DE DON GANG GI SLAD DU BGYI BA'I DON DE SGRUB KYANG, ZHES SOGS GSUNGS, DE'I DON 'CHAD PA LA, BYA'I 'BRAS BU LA, ,ZHES DANG, YANG DAG PA'I THABS LA MKHAS PA'I STOBS KYIS SKYE BO THAMS CAD MYA NGAN LAS 'DAS PA LA 'GOD PAR BYA BA'I 'BRAS BU LA SKYON MED PA NYID KYIS, ZHES GSUNGS, DE DAG GI DON BSDUS NAS STON PA LA, 'JUG PA'I PHYOGS KYI RTEN CAN GYI, ,RNAM RTOG DE NI RNAM DGUR 'DOD, ,CES DANG, GZUNG BAR BYA BA NYID DU 'JUG PAR BYA'O, ,ZHES BYA BA GZUNG BA'I RNAM PAR RTOG PA DANG PO 'JUG PA'I PHYOGS KYI RTEN CAN RNAM PA DGU PO, ZHES GSUNGS, GZHUNG DON NI, 'DIR BSTAN SHES SGRIB 'JUG PA GZUNG RTOG CHOS CAN, KHYOD LA RNAM PA DGUR YOD DE, KHYOD LA YUL GYI SGO NAS DBYE NA RNAM PA DGUR YOD PA'I PHYIR, DE'I YUL DE LA YANG DGUR YOD DE, DON DAM PAR RGYU PHAR PHYIN DRUG GIS DBEN PA'I 'BRAS BU BLA MED BYANG CHUB KYI DBEN PA MA RTOGS PA'I DON RGYA DE LA BRTEN NAS 'BRAS BU DE 'THOB PA'I NGO BO NYID DANG, SA MI G-YO BA

023a

, ,SOGS GSUM LA DNGOS SU 'JUG PA'I SANGS RGYAS KYI RIGS SU NGES PA DANG, CHOS THAMS CAD BDEN STONG SGYU MA LTA BUR RTOGS PA'I MTHONG LAM SOGS YANG DAG PAR GRUB PA DANG, CHOS THAMS CAD GZUGS BRNYAN TZAM DU ZAD PAR RTOGS PAS THEG CHEN GYI SHES PA'I DMIGS PA MA 'KHRUL BA DANG, YON TAN DANG SKYON MTHONG BA SNGON DU BTANG BA'I SGO NAS BLANG BYA DANG DOR BYAR BYED PA NYID KYIS GNYEN PO DANG MI MTHUN PHYOGS SKYED PA DANG SEL BA DANG, MKHYEN GSUM YUL BCAS SHES PA LA SGRIB PA'I DRI MA THAMS CAD DANG BRAL BAS RANG GI YUL JI BZHIN DU RTOGS PA DANG, RGYU DMAN ZHING 'BRAS BU GYA NOM PA MA YIN PAS NYAN THOS SOGS KYIS THAG SRING BAR BYED PA DANG, GDUL BYA'I BSAM PA DANG MTHUN PAR SPRUL NAS DON BYED PAS SEMS CAN GYI DON BYED PA'I LAS DANG, YANG DAG PA'I THABS SHES DANG SNYING RJE SKYED PA LA MKHAS PAS STOBS KYIS GDUL BYA'I SKYE BO THAMS CAD MYANG 'DAS LA 'GOD PAR BYA BA'I 'BRAS BU STE DGU YOD PA'I PHYIR, DE DAG LA RTOG PA'I TSUL YOD DE, DNGOS POR DMIGS PA DANG GZHAN DON MI SGRUB PA'I SKYON MED PA NYID KYI STE DER MTHONG NAS 'DI NI BDAG GI BLANG BYA'I GZUNG BA'O, ,ZHES BDEN PAR ZHEN PAR BYED PA YIN PA'I PHYIR RO, ,RTOG PA DE RNAMS CHOS CAN, MTHONG LAM GYI SPANG BYA YIN TE, MTHONG LAM GYI SBYOR BA STE THOB PA YONGS SU RDZOGS PA'I GNAS SKABS KYI SPANG BYAR SANGS RGYAS BZHED PA'I PHYIR, GNYIS PA LA YANG MDO DANG BSTAN BCOS GNYIS LAS, DANG PO NI, DE NAS TSE LDAN RAB 'BYOR GYIS BCOM LDAN

023b

'DAS LA 'DI SKAD CES GSOL TO, ,BCOM LDAN 'DAS BYANG CHEN GANG THABS LA MKHAS PA DE YUN RING JI SRID GCIG NAS YANG DAG PAR ZHUGS PA LAGS, ZHES SOGS KYIS BSTAN, GNYIS PA LA GSUM LAS, DANG PO NI, 'O NA MTHONG SPANG SHES SGRIB LDOG PA GZUNG RTOG DGU PO DE GANG YIN ZHES DRI BA'I SGO NAS MTSAMS SBYOR BA LA, GZUNG BA'I RNAM PAR RTOG PA GNYIS PA LDOG PA'I RTEN CAN JI LTAR RNAM PA DGU YIN ZHE NA, ZHES GSUNGS, GNYIS PA NI, DE'I DON 'CHAD PA LA, SRID DANG ZHI BAR LTUNG BA'I PHYIR, ,ZHES SOGS GSUNGS, GSUM PA LA SPANG BYA RTOG PA DANG, SPONG BYED GNYEN PO GNYIS LAS, DANG PO NI, 'KHOR BA DANG, ZHES SOGS KYIS 'CHAD, GNYIS PA NI, BYANG CHUB SEMS DPA' RNAMS KYI MTHONG BA'I LAM GYI SEMS DANG SEMS LAS BYUNG BA 'JUG PA'I GNAS SKABS KYI SPANG BAR BYA BAR BZHED PA YIN NO, ,ZHES 'CHAD, DANG PO LA YANG RTOG PA'I NGO BO DANG, YUL GNYIS LAS, DANG PO DE STON PA LA, RNAM RTOG DGU YI BDAG NYID 'DI, ,LDOG PA'I PHYOGS KYI RTEN CAN TE, ,NYAN THOS LA SOGS YID LAS 'BYUNG, ,ZHES DANG, GZUNG BAR RNAM PAR RTOG PA GNYIS PA LDOG PA'I PHYOGS KYI RTEN CAN NYAN THOS DANG RANG SANGS RGYAS KYI RGYUD LA BLANG BAR BYA BA NYID DU 'BYUNG BA RNAM PA DGU PO, ZHES GSUNGS, GNYIS PA YUL DE LA DGUR YOD DE, DE LA LAM DMAN PA LNGA DANG, 'BRAS BU DMAN PA BZHI YOD PA'I PHYIR, DANG PO LA YANG RTOGS PA DMAN PA, YONGS 'DZIN DMAN PA, LAM DMAN PA, DBANG PO DMAN PA, THABS MKHAS DMAN

024a

, ,PA DANG LNGA LAS, DANG PO LA RNAM PAR RTOG PA DE STON PA LA, BCOM LDAN 'DAS KYIS BKA' STZAL PA, RAB 'BYOR THABS MKHAS DE LTA BU DANG LDAN PA'I BYANG CHEN DE NI BSKAL PA BYE BA KHRAG KHRIG GRANGS MED PA NAS YANG DAG PAR ZHUGS PA YIN NO, ,ZHES SOGS GSUNGS, DE'I DON 'CHAD PA LA, SRID DANG ZHI BAR LTUNG BA'I PHYIR, ,RTOGS PA DMAN PA NYID DANG NI, ,ZHES DANG, 'KHOR BA DANG MYA NGAN LAS 'DAS PA GANG YANG RUNG BA ZHIG TU LTUNG BA NYID KYIS RTOGS PA DMAN PA NYID DANG, ZHES GSUNGS, GNYIS PA LA RNAM PAR RTOG PA DE STON PA LA, RAB 'BYOR 'DI LTA STE, DPER NA KHYIM THABS MED PA'I BUD MED RNAMS NI 'PHYON MA PA RNAMS KYIS TSUGS PAR SLA BA YIN NO, ,RAB 'BYOR DE BZHIN DU PHAR PHYIN LNGA YANG SHER PHYIN DANG BRAL NA BDUD KYI RIS KYI LHA RNAMS KYIS TSUGS PAR SLA BA YIN NO, ,ZHES GSUNGS, DE'I DON 'CHAD PA LA, YONGS SU 'DZIN PA MED PA DANG, ,ZHES DANG, DGE BA'I BSHES GNYEN THABS LA MKHAS PA DANG BRAL BA NYID KYIS YONGS SU 'DZIN PA MED PA DANG, ZHES GSUNGS, GSUM PA LA RNAM PAR RTOG PA DE STON PA LA, RAB 'BYOR 'DI LTA STE, DPER NA G-YUL NGOR 'GRO BA'I SKYES BU GO CHA TSANG BAR GYON PA MTSON CHA TSANG BA THAMS CAD G-YUL NGO NA 'DUG PA'I TSE RGYAL PO'I ZLA'AM PHYIR RGOL BA DANG DGRA RNAMS KYIS THUB PAR DKA'O, ,RAB 'BYOR DE BZHIN DU PHAR PHYIN LNGA YANG SHER PHYIN DANG MA BRAL NA BDUD DAM BDUD KYI RIS KYI LHA RNAMS DANG GANG ZAG LHAG PA'I NGA RGYAL CAN NAM BYANG CHUB SEMS DPA' GDOL PA RNAMS

024b

KYIS THUB PAR DKA'O, ,ZHES GSUNGS, DE'I DON 'CHAD PA LA, LAM GYI RNAM PA MA TSANG DANG, ,ZHES DANG, SHES BYA'I SGRIB PA MTHA' DAG GI GNYEN PO MA YIN PA NYID KYIS SGRUB PA'I LAM MA TSANG BA DANG, ZHES GSUNGS, BZHI PA LA RNAM PAR RTOG PA DE STON PA LA, RAB 'BYOR 'DI LTA STE, DPER NA MKHAR GYI RGYAL PO RNAMS NI 'KHOR LOS SGYUR BA'I RGYAL PO'I RJES SU MTHUN PAR SGRUB CING NANG NUB BSNYEN BKUR BYA BA'I PHYIR 'ONG BAR BYED DO, ,RAB 'BYOR DE BZHIN DU PHAR PHYIN LNGA YANG SHER PHYIN GYIS YONGS SU ZIN NA RNAM MKHYEN NYID GANG NA BDER 'DONG NGO, ,ZHES GSUNGS, DE'I DON 'CHAD PA LA, GZHAN GYI RKYEN GYIS 'GRO BA DANG, ,ZHES DANG, DE BZHIN GSHEGS PA LA SOGS PA'I GDAMS NGAG LA LTOS PA DANG BCAS PA NYID KYIS GZHAN GYI RKYEN KYIS 'GRO BA NYID DANG, ZHES GSUNGS, LNGA PA DE STON PA LA, RAB 'BYOR 'DI LTA STE, DPER NA CHU KLUNG PHRA MO JI SNYED GCIG YOD PA DE DAG THAMS CAD NI CHU KLUNG CHEN PO GANG GLA? GANG NA BA DER 'DONG STE, DE DAG CHU KLUNG GANG GLA? DANG 'GROGS TE RGYA MTSO CHEN PO'I NANG DU 'DOD DO, ,RAB 'BYOR DE BZHIN DU PHAR PHYIN LNGA YANG, ZHES SOGS GSUNGS, DE'I DON 'CHAD PA LA, CHED DU BYA BA LOG PA DANG, ,ZHES DANG, SEMS CAN THAMS CAD KYI MCHOG NYID KYI SEMS CHEN PO NYID LA SOGS PA LA MI 'JUG PA NYID KYIS CHED DU BYA BA LOG PA DANG, ZHES GSUNGS, GNYIS PA LA YANG, SPANGS PA DMAN PA, RTOGS PA DMAN PA, GZHAN DON GYI BYA BA DMAN PA, MYANG 'DAS DMAN PA DANG BZHI LAS, DANG PO LA RNAM PAR RTOG PA DE STON PA LA, RAB

025a

, ,'BYOR 'DI LTA STE, DPER NA SKYES BU'I LAG PA G-YAS PA NI DGOS PA THAMS CAD BYED DO, ,RAB 'BYOR DE BZHIN DU SHER PHYIN YANG DE LTAR BLTA STE PHAR PHYIN LNGA NI LAG PA G-YON PA JI LTA BA BZHIN DU LTA'O, ,ZHES GSUNGS, DE'I DON 'CHAD PA LA, NYE TSE BA DANG, ZHES DANG, NYON MONGS PA'I SGRIB PA'I GNYEN PO NYID KYIS NYE TSE BA'I LAM GYI BYED PA DANG, ZHES GSUNGS, GNYIS PA LA RNAM PAR RTOG PA DE STON PA LA, RAB 'BYOR 'DI LTA STE, DPER NA CHU KLUNG PHRA MO RNAMS KYI CHU DANG CHU KLUNG CHEN PO RNAMS KYI CHU JI SNYED CIG YOD PA DE THAMS CAD KYANG RGYA MTSO CHEN POR PHYIN NAS 'DI LTA STE LAN TSVA'I NGOR RO GCIG PAR 'GYUR RO, ,RAB 'BYOR DE BZHIN DU PHAR PHYIN LNGA YANG SHER PHYIN GYIS YONGS SU ZIN NA RNAM MKHYEN NYID KYI NGOR RO GCIG PAR 'GYUR RO, ,ZHES GSUNGS, DE'I DON 'CHAD PA LA, SNA TSOGS NYID, ,CES DANG, DMIGS PA DANG BCAS PA NYID KYIS 'BRAS BU DANG PO LA SOGS PA RTOGS PA THA DAD PA NYID DANG, ZHES GSUNGS, GSUM PA DE STON PA LA, RAB 'BYOR 'DI LTA STE, DPER NA 'KHOR LOS SGYUR BA'I RGYAL PO'I DPUNG GI TSOGS YAN LAG BZHI DANG LDAN PA'I MDUN DU NI 'KHOR LO RIN PO CHE 'GRO ZHING 'DUG STE GANG DU 'KHOR LOS SGYUR BA'I RGYAL PO ZAS KYI DON DU 'DUG PAR 'GYUR BA NA 'KHOR LOS SGYUR BA'I RGYAL PO'I DPUNG GI TSOGS THAMS CAD YONGS SU TSIM PAR BYED CING 'KHOR LO RIN PO CHE GNAS NAS G-YO BA MED DO, ,RAB 'BYOR DE BZHIN DU PHAR PHYIN LNGA PO 'DI SHER PHYIN GYIS YONGS SU DKRI BA YIN TE RNAM MKHYEN NYID GANG NA BA DER 'DONG ZHING DER

025b

GNAS SO, ,DER GNAS PAR GYUR NAS KYANG DE LAS MI 'DA'O, ,ZHES GSUNGS, DE'I DON 'CHAD PA LA, GNAS DANG 'JUG LA RMONGS PA DANG, ,ZHES DANG, MA RIG PA'I BAG LA NYAL BA THAMS CAD MA SPANGS PA NYID KYIS GNAS PA DANG 'GRO BA MI SHES PA DANG, ZHES GSUNGS, BZHI PA LA RNAM PAR RTOG PA STON PA LA, RAB 'BYOR 'DI LTA STE, DPER NA 'KHOR LOS SGYUR BA'I RGYAL PO'I 'KHOR LO RIN PO CHE DE DANG, BLON PO RIN PO CHE DE DANG, KHYIM BDAG RIN PO CHE DE DANG, BUD MED RIN PO CHE DE DANG, NOR BU RIN PO CHE DE DANG, GLANG PO RIN PO CHE DE DANG, RTA RIN PO CHE DE DAG NI DPUNG GI TSOGS YAN LAG BZHI'I MDUN DU 'DONG NGO, ,RAB 'BYOR DE BZHIN DU SHER PHYIN 'DI YANG PHAR PHYIN LNGA PO 'DI DAG GI MDUN DU 'GRO STE, ZHES PA NAS, RAB 'BYOR DE NAS 'DI LTAR SHER PHYIN 'DI NI DGE BA'I CHOS THAMS CAD YONGS SU BZUNG ZHING MI GNAS PA'I TSUL GYIS RNAM MKHYEN NYID GANG NA BA DER GNAS PAR 'GYUR BA'I PHYIR RO, ,ZHES GSUNGS, DE'I DON 'CHAD PA LA, RJES LA 'GRO ZHES BYA BA LA, ,ZHES DANG, THEG PA CHEN PO THAMS CAD SDUD PAR BYED PA NYID KYIS RNAM PA THAMS CAD MKHYEN PA NYID MYA NGAN LAS 'DAS PA THAMS CAD KYI MJUG TU 'GRO BA LA NYES PA DANG BCAS PA NYID KYIS GZUNG BAR BYA BA MA YIN PA NYID DU LDOG PAR BYA'O, ,ZHES GSUNGS, GZHUNG DON NI, 'DIR BSTAN SHES SGRIB LDOG PA GZUNG RTOG CHOS CAN, KHYOD LA DGUR YOD DE, KHYOD KYI YUL DE LA RNAM PA DGUR YOD PA'I PHYIR, DE'I YUL DE LA RNAM PA DGUR YOD DE, NYAN RANG GI LAM 'BRAS RTOGS PA DMAN PA, BDAG RKYEN YONGS

026a

, ,'DZIN DMAN PA, DON GNYIS SGRUB PA'I THABS DMAN PA, SPANGS RTOGS KHYAD PAR CAN LAS NYAMS PA, LAM 'BRAS KHYAD PAR CAN THOB PA LAS NYAMS PA DANG LNGA YOD PA'I PHYIR, GSUM PA LA YANG, GZHAN DON SGRUB PA'I THABS DMAN PA BYANG CHUB SGRUB PA'I LAM GYI RNAM PA'I CHA MA TSANG BA DANG, RANG DON SGRUB PA'I THABS DMAN PA SRID PA THA MA'I TSE YANG GZHAN GYI RKYEN GYIS 'GRO BA DANG, GNYIS KA'I DON SGRUB PA'I THABS DMAN PA CHED DU BYA BA LOG PA DANG GSUM DU YOD LA, BZHI PA LA YANG, SPANGS PA DMAN PA LAM GYI SPANG BYA SPONG BA'I BYED PA STE NYI TSE BA DANG, RTOGS PA DMAN PA RGYUN ZHUGS NAS DGRA BCOM PA'I BAR RTOGS PA SNA TSOGS PA'AM THA DAD PA NYID YOD LA, LNGA PA LA YANG LAM KHYAD PAR CAN THOB PA LAS NYAMS PA RNAMS ZHEN DU ZHUGS NAS RGYUN DU GNAS PA DANG DANG POR 'JUG PA'AM 'GRO BA LA RMONGS PAS MI SHES PA DANG, 'BRAS BU KHYAD PAR CAN 'THOB PA LAS NYAMS PA RJES LA 'GRO BA DANG GNYIS SU YOD PA'I PHYIR; PHYI MA 'DI LA YANG, GANG GI BDUN TU 'GRO BA DANG, GANG MJUG TU 'GRO BA DANG, GANG DU 'GRO BA DANG, DE'I RGYU MTSAN DANG BZHI LAS, DANG PO YOD DE, THEG CHEN GYI MYANG 'DAS THAMS CAD THOB PA'I MJUG TU 'GRO BA YIN PA'I PHYIR, GNYIS PA YOD DE, THEG CHEN GYI GANG ZAG RNAMS 'GRO BA YIN PA'I PHYIR, GSUM PA YOD DE, RNAM MKHYEN DU 'GRO BA YIN PA'I PHYIR, BZHI PA YOD DE, THEG PA GSUM GYI NANG NAS THEG PA CHEN PO KHO NA THEG PA GSUM GYI SPANGS RTOGS KYI YON TAN

026b

GYI RIGS THAMS CAD YAR LDAN DU SDUD PAR BYED PA'I PHYIR, DES NA 'DI'I MDOR RTOG PA GNYIS PA DANG DRUG PA'I SKABS MA GTOGS PAR GNYEN PO 'BA' ZHIG SGRAS ZIN LA BSTAN PA'I SHUGS LA 'PHANGS PA'I RTOG PA'I YUL DGU BSTAN BCOS SU GSUNGS SO, ,RTOG PA DE DAG GIS YUL LA RTOG TSUL YANG YOD DE, DRANG PO'I LAM MED PAR YON POS 'GRO BA'AM GZHAN DON MI SGRUB CING MTSAN MAR DMIGS PA'I NYES PA DANG BCAS PA NYID KYIS TE, DER MTHONG NAS 'DI NI BDAG GIS GZUNG BAR BYA BA YIN PA'I PHYIR LDOG PAR BYA BA NYID DU 'JUG PAR BYA'O ZHES RTOG PAR BYED PA'I PHYIR, RTOG PA DE RNAMS CHOS CAN, MTHONG SPANG YIN TE, BYANG SEMS RNAMS KYI MTHONG LAM GYI SEMS DANG SEMS LAS BYUNG BA 'JUG PA STE RTOG PA RGYAS PA'I DNGOS PO'I GNAS SKABS KYI SPANG BAR BYA BAR SANGS RGYAS BZHED PA'I PHYIR, ` GNYIS PA LA YANG, RDZAS 'DZIN RTOG PA RGYAS PAR BSHAD PA DANG, BTAGS 'DZIN RTOG PA RGYAS PAR BSHAD PA DANG GNYIS LAS, DANG PO LA, MDO DANG BSTAN BCOS GNYIS LAS, DANG PO NI, GSOL PA BCOM LDAN 'DAS SHER PHYIN NI CHOS GANG YANG YONGS SU 'DZIN PA'AM GTONG BA MA MCHIS SAM, ZHES SOGS GSUNGS, GNYIS PA LA GSUM LAS, DANG PO NI, MTHONG SPANG SHES SGRIB RDZAS 'DZIN RTOG PA DE LA DGUR YOD NA DE DAG GANG YIN ZHES DRI BA'I SGO NAS MTSAMS SBYOR BA LA, SO SO SKYE BO'I 'DZIN PA'I RNAM PAR RTOG PA DANG PO SKYES BU RDZAS SU YOD PA'I RTEN CAN JI LTAR RNAM PA DGU YIN ZHE NA, ZHES GSUNGS, GNYIS PA NI, MDO DE'I

027a

, ,DON 'CHAD PA LA, 'DZIN PA DANG NI 'DOR BA DANG, ,ZHES SOGS GSUNGS, GSUM PA LA SPANG BYA RTOG PA DANG, SPONG BYED GNYEN PO GNYIS LAS, DANG PO NI, KUN RDZOB TU SGYU MA BZHIN DU, ZHES SOGS KYIS 'CHAD, GNYIS PA NI, MTHONG BA'I LAM GYI SBYOR BA'I GNAS SKABS KYI SPANG BAR BYA BAR BZHED PA YIN NO, ,ZHES 'CHAD, DANG PO LA YANG, RTOG PA'I NGO BO DANG, YUL GYI DBYE BA GNYIS LAS, DANG PO NI, 'DZIN PA DANG POR SHES PAR BYA, ,ZHES DANG, 'DZIN PAR RNAM PAR RTOG PA DANG PO RNAM PA DGU, ZHES GSUNGS, GNYIS PA LA YANG, RGYU ZHEN MED KYI LAM LAS NYAMS PA DANG, 'BRAS BU RNAM MKHYEN MI 'THOB PA GNYIS LAS, DANG PO LA SPYOD PA LA ZHEN PA DANG, SHES BYA LA ZHEN PA DANG, SPANG GNYEN LA ZHEN PA DANG GSUM LAS; DANG PO LA YANG, KUN SLONG DANG, NGO BO DANG, NYES DMIGS DANG GSUM LAS, DANG PO 'DZIN PA DANG GTONG BA'I RNAM PAR RTOG PA DE STON PA LA, GSOL PA BCOM LDAN 'DAS SHER PHYIN CHOS GANG YANG YONGS SU 'DZIN PA'AM GTONG BA MA MCHIS SAM, BCOM LDAN 'DAS KYIS BKA' STZAL PA, RAB 'BYOR DE NI MA YIN TE, SHER PHYIN CHOS GANG YANG YONGS SU 'DZIN PA'AM GTONG BA YOD DO, ,ZHES SOGS GSUNGS, DE'I DON 'CHAD PA LA, 'DZIN PA DANG NI 'DOR BA DANG, ,ZHES DANG; KUN RDZOB TU SGYU MA BZHIN DU 'DZIN PA DANG GTONG BA DANG, ZHES GSUNGS, GNYIS PA YID LA BYED PA LA DE STON PA LA, BCOM LDAN 'DAS JI LTAR GZUGS YONGS SU MA BZUNG MA BTANG BA LAGS, JI LTAR NA TSOR BA DANG 'DU SHES DANG

027b

'DU BYED RNAMS DANG, RNAM PAR SHES PA YONGS SU MA BZUNG MA BTANG BA LAGS, JI LTAR RNAM MKHYEN GYI BAR DU YONGS SU MA BZUNG MA BTANG BA LAGS, BCOM LDAN 'DAS KYIS BKA' STZAL PA, RAB 'BYOR GZUGS YID LA MI BYED PAS GZUGS YONGS SU MA BZUNG MA BTANG BA YIN NO, ,ZHES GSUNGS, DE'I DON 'CHAD PA LA, YID LA BYED DANG, ZHES DANG, YANG DAG PA NYID DU YID LA MI BYED PAR YID LA BYED PA DANG, ZHES GSUNGS, GSUM PA KHAMS GSUM LA CHAGS PA DANG 'BREL BA LA DE STON PA LA, BCOM LDAN 'DAS CI'I SLAD DU DE LTAR GZUGS YID LA MA BGYIS, DE LTAR TSOR BA DANG 'DU SHES DANG 'DU BYED RNAMS DANG RNAM PAR SHES PA YID LA MA BGYIS, ZHES PA NAS, BCOM LDAN 'DAS KYIS BKA' STZAL PA; YID LA BYED PAS NI GAL TE 'DOD PA'I KHAMS, GAL TE GZUGS KYI KHAMS, GAL TE GZUGS MED PA'I KHAMS SU 'DRE BAR 'GYUR TE, YID LA BYED PA MED PAS NI GANG DU YANG 'DRE BAR MI 'GYUR RO, ,DE BAS NA RAB 'BYOR BYANG CHEN? CHOS GANG DANG YANG 'DRE BAR MI BYA'O, ,ZHES GSUNGS, DE'I DON 'CHAD PA LA, KHAMS RNAMS NI, ,GSUM PO DAG DANG NYER 'BREL DANG, ,ZHES DANG, CHOS NYID KYI KHAMS GSUM CHAR DANG NYE BAR 'BREL BA DANG, ZHES GSUNGS, GNYIS PA LA YANG DNGOS POR ZHEN PA DANG, RGYUN DU ZHEN PA DANG, THA SNYAD DU ZHEN PA GSUM LAS, DANG PO GNAS PA LA ZHEN PA DE STON PA LA, GSOL PA BCOM LDAN 'DAS BYANG CHEN SHER PHYIN LA DE LTAR SPYOD PA DE GANG LA GNAS PAR 'GYUR, BCOM LDAN 'DAS KYIS BKA' STZAL PA, RAB 'BYOR DE LTAR SPYOD

028a

, ,PA'I BYANG CHEN NI GZUGS LA GNAS PAR MI 'GYUR RO, ,ZHES SOGS GSUNGS, DE'I DON 'CHAD PA LA, GNAS DANG, ZHES DANG, STONG PA NYID DU MI GNAS PAS GNAS PA DANG, ZHES DANG, GNYIS PA DNGOS PO LA MA NOR BAR ZHEN PA DE STON PA LA, GSOL BA BCOM LDAN 'DAS CI'I SLAD DU RNAM MKHYEN NYID LA YANG GNAS PAR MI 'GYUR BA LAGS, BCOM LDAN 'DAS KYIS BKA' STZAL PA, MNGON PAR CHAGS PA MED PA'I PHYIR GANG LA YANG GNAS PAR MI 'GYUR RO, ,ZHES SOGS GSUNGS, DE'I DON 'CHAD PA LA, MNGON PAR ZHEN PA DANG, ,ZHES DANG, DNGOS PO LA MNGON PAR MA ZHEN PAS THAMS CAD LA MNGON PAR ZHEN PA DANG, ZHES GSUNGS, GSUM PA DNGOS POR BTAGS PA LA RNAM PAR RTOG PA DE STON PA LA, GAL TE BYANG CHEN 'DI SNYAM DU SEMS SHING GANG DE LTAR SPYOD PA DANG, DE LTAR SGOM PA DE NI SHER PHYIN LA SPYOD DO, ,DE NI SHER PHYIN LA SGOM STE, BDAG NI SHER PHYIN LA SPYOD DO, ,ZHES SOGS GSUNGS, DE'I DON 'CHAD PA LA, CHOS KYI DNGOS PO BTAGS PA DANG, ,ZHES DANG, RDZAS SU YOD PA MED PAS CHOS THAMS CAD BTAGS PA DANG, ZHES GSUNGS, GSUM PA LA SPANG BYA DANG, GNYEN PO LA ZHEN PA GNYIS LAS, DANG PO CHAGS PA LA RNAM PAR RTOG PA DE STON PA LA, DE NAS TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR BYANG CHEN SHER PHYIN LA SPYOD PA'I TSE SKYON 'DI DAG MA MCHIS PAR 'GYUR BA LAGS, BCOM LDAN 'DAS KYIS BKA' STZAL PA, RAB 'BYOR NAM BYANG CHEN 'DI SNYAM

028b

DU CHOS THAMS CAD NI MED PA STE YONGS SU MA BZUNG BA'O, ,DE LTAR CHOS THAMS CAD MED CING YONGS SU MA BZUNG BA NI MNGON PAR 'TSANG RGYA BAR MI NUS SO, ,ZHES BYA BAR YANG DAG PAR SHES TE, ZHES SOGS GSUNGS, DE'I DON 'CHAD PA LA, CHAGS PA DANG NI ZHES DANG, DE KHO NA NYID SHES PA'I MA CHAGS PAS MNGON PAR MA ZHEN PA SNGON DU 'GRO BA'I CHAGS PA DANG, ZHES GSUNGS, GNYIS PA GNYEN PO LA RNAM PAR RTOG PA DE STON PA LA, GSOL BA BCOM LDAN 'DAS SHER PHYIN SHER PHYIN DANG MA BRAL BA LAGS SAM; ZHES PA NAS, RNAM MKHYEN GYI BAR YANG RNAM MKHYEN NYID DANG MA BRAL BA ZHIG LAGS NA NI, ZHES GSUNGS, DE'I DON BSHAD PA LA, GNYEN PO DANG, ,ZHES DANG, MNYAM PA NYID SGOM PA'I GNYEN PO NYID KYIS GNYEN PO DANG, ZHES GSUNGS, GNYIS PA JI LTAR 'DOD PA BZHIN DU 'GRO BA LAS THOGS PA'I RNAM PAR RTOG PA STON PA LA, 'O NA NI SHER PHYIN YANG JI LTAR MNGON PAR BSGRUB PAR BGYI, BSAM GTAN GYI PHAR PHYIN DANG, BRTZON 'GRUS KYI PHAR PHYIN DANG, BZOD PA'I PHAR PHYIN DANG, TSUL KHRIMS KYI PHAR PHYIN DANG, SBYIN PA'I PHAR PHYIN DANG, RNAM MKHYEN NYID KYI BAR YANG JI LTAR MNGON PAR BSGRUB PAR BGYI, BCOM LDAN 'DAS KYIS BKA' STZAL PA, RAB 'BYOR 'DI LA BYANG TSE GZUGS SHES PA'AM 'DI NI GZUGS SO, ,'DI'I GZUGS SO; ;ZHES BYA BAR MNGON PAR CHAGS PA MED PA NAS, RNAM MKHYEN NYID GANG NA BDER GNAS PAR 'GYUR RO, ,ZHES GSUNGS, DE'I DON 'CHAD PA LA, JI LTAR 'DOD BZHIN 'GRO NYAMS LA, ,ZHES DANG, SHES RAB KYI PHA ROL TU PHYIN PA YANG DAG PAR MA SHES PA

029a

, ,NYID KYIS JI LTAR 'DOD PA BZHIN DU 'GRO BA THOGS PA LA DON DAM PA'I DNGOS POR MNGON PAR ZHEN PAS, ZHES GSUNGS, GZHUNG DON NI, SKABS 'DIR BSTAN GYI SHES SGRIB RDZAS 'DZIN RTOG PA CHOS CAN, KHYOD LA DBYE NA DGUR YOD DE, KHYOD KYI YUL DE LA DGUR YOD PA'I PHYIR, DE LA DGUR YOD PA YIN TE, RNAM MKHYEN GYI RGYU LAS NYAMS PA BRGYAD DANG, 'BRAS BU RNAM MKHYEN LAS NYAMS PA GCIG STE DGUR YOD PA'I PHYIR, DANG PO GRUB STE, DE LA SPYOD PA LA ZHEN PA GSUM, SHES BYA LA ZHEN PA GSUM, SPANG GNYEN LA ZHEN PA'I DBANG DU BYAS PA GNYIS RNAMS SU YOD PA'I PHYIR, DANG PO GRUB STE, KUN RDZOB TU SGYU MA YUL LA 'DOR LEN BYED PA LTAR YON TAN 'DZIN PA PO SKYON 'DOR BA'I KUN SLOD DANG, CHOS THAMS CAD LA YANG DAG PAR SGYU MA LTAR YID LA MI BYED PAR BDEN PAR YID LA BYED PA PO NGO BO DANG, MTSAN MAR YID LA BYAS PA'I CHOS NYID KYIS KHAMS GSUM PO DANG NYE BAR 'BREL BA STE, DE DAG TU DMIGS PA PO NYES DMIGS GSUM DU YOD PA'I PHYIR, GNYIS PA GRUB STE, STONG PA NYID ZHEN MED DU MI GNAS PAS GZUGS SOGS LA ZHEN NAS GNAS PA PO DANG, DNGOS PO BDEN PAR MA ZHEN PA'I TSUL GYIS CHOS THAMS CAD LA MNGON PAR ZHEN PA STE YUL DU BYED PA PO DANG, DON DAM PAR RJES SU YOD PA'I CHOS MED PAS GZUGS SOGS KYI CHOS THAMS CAD THA SNYAD DU BTAGS PA TZAM DU RTOG PA PO DANG GSUM DU YOD PA'I PHYIR, GSUM PA GRUB STE, DE KHO NA NYID SHES PA'I 'KHOR GSUM DU MA CHAGS PAS MNGON PAR MA ZHEN PA SNGON DU 'GRO BA'I SGO

029b

NAS PHYIN DRUG LA CHAGS SHING NAN TAN DU BYED PA PO DANG, SRID ZHI MNYAM NYID DU BSGOMS PA'I GNYEN PO NYID KYIS DE LA BLANG DOR DU 'DZIN PA'I GNYEN PO BYED PA PO DANG GNYIS SU YOD PA'I PHYIR, GNYIS PA GRUB STE, SHER PHYIN YANG DAG PHAR PHYIN CI MA LOG PAR MA SHES PA NYID KYIS SBYIN SOGS LNGAS JI LTAR 'DOD PA BZHIN DU 'GRO BA THOGS PA PO DE DE YIN PA'I PHYIR, RTOG PA DE DAG GIS YUL DE DAG LA RTOG TSUL YOD DE, YUL DGU PO DE DAG DANG LDAN PA'I GANG ZAG GAM SHES RGYUD LA 'DI NI RDZAS SU YOD PA'I BDAG GO ,SNYAM DU DON DAM PA'I DNGOS POR MNGON PAR ZHEN PAS 'DZIN PA'I PHYIR, RTOG PA DE DGU CHOS CAN, MTHONG SPANG YIN TE, MTHONG LAM RTZE MO'I SBYOR BA NYER BSDOGS KYI GNAS SKABS KYI SPANG BYA YIN PA'I PHYIR, 'DIS MDO LAS GNYEN PO DGU DNGOS SU BSTAN NAS GSUNGS LA, DE YANG GSUM PA DRUG PA BDUN PA LA SPANG GNYEN GNYIS KA GSUNGS, DE'I SHUGS LA 'PHANGS PA'I CHOS DGU RDZAS 'DZIN RTOG PA'I YUL DU BSTAN BCOS SU GSUNGS SO, ` ,GNYIS PA LA YANG, MDO DANG BSTAN BCOS GNYIS LAS, DANG PO NI, RAB 'BYOR 'DI LTA STE, DPER NA KHA LO SGYUR BA NI, ZHES SOGS GSUNGS, GNYIS PA LA GSUM LAS, DANG PO NI, MTHONG SPANG SHES SGRIB BTAGS 'DZIN RTOG PA DE LA DGUR YOD NA, DE DAG GANG YIN ZHES DRI BA'I SGO NAS MTSAMS SBYOR BA LA, 'DZIN PAR RNAM PAR RTOG PA GNYIS PA SKYES BU BTAGS PAR YOD PA'I RTEN CAN JI LTAR RNAM PA DGU YIN ZHE NA, ZHES GSUNGS, GNYIS PA NI, MDO DE'I DON 'CHAD PA LA, CHED BZHIN NGES PAR MI

030a

, ,'BYUNG DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, NYAN THOS LA SOGS PA'I NGES PAR 'BYUNG BA, ZHES SOGS GSUNGS, 'DI LA YANG, SPANG BYA RNAM RTOG DANG, SPONG BYED GNYEN PO GNYIS LAS, DANG PO NI, NYAN THOS ZHES SOGS KYIS 'CHAD, GNYIS PA NI, MTHONG PA'I LAM GYI SEMS DANG SEMS LAS BYUNG BA 'JUG PA'I GNAS SKABS KYI SPANG BAR BYA BAR BZHED PA YIN NO, ,ZHES 'CHAD, DANG PO LA YANG, RTOG PA'I NGO BO DANG, YUL GYI DBYE BA GNYIS LAS, DANG PO NI, 'DZIN PA'I RNAM RTOG GZHAN YIN NO, ,ZHES DANG, 'DZIN PAR RNAM PAR RTOG PA GNYIS PA RNAM PA DGU, ZHES GSUNGS, GNYIS PA LA, BTAGS 'DZIN RTOG PA'I YUL DGUR YOD PA DE YANG GSUM DU 'DU STE, DON DU GNYER BYA MI 'THOB PA DANG, PHYIN CI LOG TU RTOG PAS ZIN PA DANG, YANG DAG PA'I LAM DANG 'GAL BA GSUM DU 'DUS PA'I PHYIR, DE'I DANG PO CHED DU BYA BA JI LTA BA BZHIN DU NGES PAR MI 'BYUNG BA LA RNAM PAR RTOG PA NI, RAB 'BYOR 'DI LTA STE, DPER NA KHA LO SGYUR PA NI, RTA ZUNG BZHI PA'I SHING RTA LA ZHON ZHING LAM MNYAM PA NAS 'GRO'O, ,DE BZHIN DU PHAR PHYIN LNGAS KHA LO SGYUR PA SHER PHYIN YANG RNAM MKHYEN NYID GANG NA BA DER LAM MNYAM PA NAS 'GRO'O,, ZHES 'CHAD, DE'I DON 'CHAD PA LA, CHED BZHIN NGES PAR MI 'BYUNG DANG, ,ZHES DANG, NYAN THOS LA SOGS PA'I NGES PAR 'BYUNG BA NYID KYIS CHED DU BYA BA JI LTA BA BZHIN DU NGES PAR MI 'BYUNG BA DANG, ZHES GSUNGS, GNYIS PA LA LAM LA

030b

PHYIN CI LOG DANG, SHES BYA LA PHYIN CI LOG GNYIS LAS, DANG PO LAM LA LAM MA YIN PAR NGES PAR 'DZIN PA LA RNAM PAR RTOG PA NI, GSOL BA BCOM LDAN 'DAS BYANG CHEN RNAMS KYI LAM NI GANG LAGS, LAM DANG LAM MA YIN PA NI, GANG LAGS, BCOM LDAN 'DAS KYIS BKA' STZAL PA, RNAM MKHYEN NYID THOB PAR BYA BA LA NYAN THOS KYI LAM NI BYANG CHEN RNAMS KYI LAM YIN NO, ,RANG SANGS RGYAS KYI LAM NI BYANG CHEN RNAMS KYI LAM YIN NO, ,RNAM MKHYEN NYID THOB PAR BYA BA LA SHER PHYIN SNGON DU 'GRO BA'I PHAR PHYIN DRUG NI BYANG CHEN RNAMS KYI LAM DANG LAM MA YIN PA'O, ,ZHES 'CHAD, DE'I DON 'CHAD PA LA, LAM LA LAM MIN NGES 'DZIN DANG, ,ZHES DANG, RANG GI MNGON PAR 'DOD PA'I LAM MED PAS LAM GZHAN LA LAM MA YIN PAR NGES PAR 'DZIN PA DANG, ZHES GSUNGS, GNYIS PA LA DGAG SGRUB TU BDEN PAR 'DZIN PA DANG, CHOS DANG LDAN MI LDAN BDEN PAR 'DZIN PA DANG, GNAS KYI DON BDEN PAR 'DZIN PA DANG GSUM LAS, DANG PO SKYE BA DANG 'GAG PA LA RNAM PAR RTOG PA DE STON PA LA, GSOL BA BCOM LDAN 'DAS DE LTA NA SHER PHYIN 'DI LA LAM DANG LAM MA LAGS PA STON PA NI BYANG CHEN RNAMS DON CHEN PO'I SLAD DU NYE BAR GNAS SO, ,BCOM LDAN 'DAS KYIS BKA' STZAL PA, RAB 'BYOR DE DE BZHIN NO DE DE BZHIN TE, ZHES SOGS GSUNGS, DE'I DON 'CHAD PA LA, 'GOG DANG BCAS PAS SKYE BA DANG, ,ZHES DANG, RGYU DANG 'BRAS BU KUN RDZOB KYI NGO BOS SKYE BA DANG 'GAG PA DANG, ZHES GSUNGS, GNYIS PA LDAN PA DANG MI LDAN PA LA RNAM PAR RTOG PA DE STON PA LA,

031a

, ,GSOL PA BCOM LDAN 'DAS BYANG CHEN GYIS JI LTAR PHAR PHYIN DRUG LA BRTZON PAR BGYI, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN GYIS GZUGS DANG LDAN PA'ANG MA YIN MI LDAN PA'ANG MA YIN ZHES BYA BAR BRTAG PAR BYA STE, RAB 'BYOR DE LTAR BYANG CHEN PHAR PHYIN DRUG LA BRTZON PAR BYA'O, ,ZHES SOGS GSUNGS, DE'I DON 'CHAD PA LA, DNGOS PO LDAN DANG MI LDAN DANG, ,ZHES DANG, BAR CHAD MED PA DANG CIG SHOS SU SNANG BA NYID KYIS DNGOS PO MTHA' DAG LDAN PA DANG MI LDAN PA DANG, ZHES GSUNGS, GSUM PA GZUGS LA SOGS PA LA GNAS PA'I RNAM PAR RTOG PA STON PA LA, RAB 'BYOR GANG BYANG CHEN GYIS GZUGS LA GNAS PAR BYA'O, ,ZHES BRTZON PAR MI BYA'O; ;ZHES SOGS GSUNGS, DE'I DON 'CHAD PA LA, GNAS DANG, ZHES DANG, NAM MKHA' LA GNAS PA'I BYA DANG 'DRA BA NYID KYIS GZUGS LA SOGS PA LA GNAS PA DANG, ZHES GSUNGS, GSUM PA LA YANG, DMAN PA'I RIGS NYAMS PA, MTHUN RKYEN MTSANG BA, 'GAL RKYEN GYIS ZIN PA'O, ,DANG PO RIGS RNAM PAR 'JIG PA LA RNAM PAR RTOG PA STON PA LA, RAB 'BYOR 'DI LTA STE, DPER NA SKYES BU ZHIG SHING THOG AA MRA'AM PA NA SA BZA' BAR 'DOD NA, DES SHING THOG AA MRA'AM PA NA SA BSKYED PAR BYA'O, ,BSKYED NAS KYANG DUS DUS SU CHUS BCU'O, ,GNOD PA BSAL LO, ,ZHES SOGS GSUNGS, DE'I DON 'CHAD PA LA, RIGS NI 'JIG PA DANG, ,ZHES DANG, BYANG CHUB KYI SEMS BSKYED PA LA SOGS PA'I

031b

SGO NAS NYAN THOS LA SOGS PA'I RIGS 'JIG PA DANG, ZHES GSUNGS, GNYIS PA LA 'BRAS BU KHYAD PAR CAN LA DON GNYER MED PA DANG, DE'I RGYU SHER PHYIN MED PA'O, ,DANG PO DON DU GNYER BA MED PA LA RNAM PAR RTOG PA DE STON PA LA, RAB 'BYOR DE LTA BAS NA BYANG CHEN GZHAN GYI DRING MI 'JOG PAR 'DOD PA DANG, SANGS RGYAS KYI ZHING YONGS SU SBYANGS PAR 'DOD PA DANG, SNYING PO BYANG CHUB LA 'DUG PAR 'DOD PA DANG, CHOS KYI 'KHOR LO BSKOR BAR 'DOD PAS SHER PHYIN LA BSLAB PAR BYA'O, ,GSOL BA, BCOM LDAN 'DAS SHER PHYIN GYIS SHER PHYIN LA BSLAB PAR BYA'O, ,ZHES GSUNG NGAM, BCOM LDAN 'DAS KYIS BKA' STZAL PA, RAB 'BYOR SHER PHYIN GYIS SHER PHYIN LA BSLAB PAR BYA'O, ,ZHES SMRA'O, ,CHOS THAMS CAD LA DBANG DU 'GYUR BAR 'DOD PAS SHER PHYIN LA BSLAB PAR BYA'O, ,ZHES SMRA'O, ,ZHES GSUNGS, DE'I DON 'CHAD PA LA, DON DU GNYER DANG, ZHES DANG, DE BZHIN NYID LAS KHYAD PAR DU 'PHAGS PA'I CHOS MED PAS 'DOD PA MED PA DANG, ZHES GSUNGS, GNYIS PA RGYU MED PA LA RNAM PAR RTOG PA NI, DE CI'I PHYIR ZHE NA, GANG GI CHOS THAMS CAD LA DBANG DU 'GYUR BA'I SA THOB PAR 'GYUR BDE NI SHER PHYIN NO, ,ZHES SOGS GSUNGS, DE'I DON 'CHAD PA LA, RGYU MED DANG, ,ZHES DANG, DON DAM PA'I BDEN PA LA BRTEN NAS RGYU MED PA DANG, ZHES GSUNGS, GSUM PA PHYIR RGOL PA'I CHOS LA DMIGS PA'I RNAM PAR RTOG PA DE STON PA LA, RAB 'BYOR 'DI LTA STE, DPER NA 'PHONG GI SLOB DPON LAG TSONG DANG 'BYOR BA'I GZHU THOGS PA NI DGRA DANG PHYIR RGOL PA RNAMS KYIS NI THUB PAR DKA'O, ,RAB 'BYOR DE BZHIN DU BLANG

032a

, ,CHEN SHER PHYIN LA SPYOD PA YANG BDUD DAM BDUD KYI RIS KYI LHA RNAMS KYIS THUB PAR DKA'O, ,ZHES PA NAS, RNAM MKHYEN NYID KYI BAR DU DGONGS PA MI MDZAD DO, ,ZHES GSUNGS, DE'I DON 'CHAD PA LA, PHYIR RGOL BA NI DMIGS PA LA; ;ZHES DANG, SER SNA SHIN TU GOMS PAR BYAS PA'I CHOS NYID KYIS BDUD LA SOGS PA PHYIR RGOL BA'I DNGOS PO DMIGS PA LA BTAGS PA'I DNGOS POR MNGON PAR ZHEN PA NYID KYIS, ZHES GSUNGS, GZHUNG DON NI, SKABS 'DIR BSTAN GYI SHES SGRIB BTAGS 'DZIN RTOG PA CHOS CAN, KHYED LA DGUR YOD DE, KHYOD KYI YUL DE LA DGUR YOD PA'I PHYIR, DE'I YUL DE LA DGUR YOD DE, NYAN RANG GI BYANG CHUB NGES PAR 'BYUNG BA NYID KYIS CHED DU BYA BA CHEN PO GSUM JI LTA BA BZHIN DU NGES PAR MI 'BYUNG BA'I SKYES BU DANG, THEG CHEN GYI LAM LA NYAN RANG GI MNGON PAR 'DOD PA'I NYER ZHI'I THABS TZAM GYI LAM MED PAR MTHONG NAS LAM GZHAN THEG CHEN LA LAM YANG DAG MA YIN PAR NGES PAR 'DZIN PA PO DANG, RGYU SKYE BA DANG 'BRAS BU 'GAG PA KUN RDZOB BTAGS PA TZAM GYI NGES 'BYED BYED PAR RTOG PA PO DANG, BAR CHAD MED PAR SNANG BA STE DON DAM DU DBYE BA MED PAR RTOG PAS GZUGS KYI DNGOS PO MTHA' DAG LA LDAN PA STE, DBYE BA MED PAR SHES PA DANG BAR CHAD MED PA DON DAM DE'I CIG SHOS SU SNANG BA STE KUN RDZOB TU DBYE BA YOD PAR RTOG PAS GZUGS SOGS KYI DNGOS PO MTHA' DAG LA MI LDAN PA STE DBYE BA MED PAR SHES PA SNGON DU 'GRO BAS DBYE BA YOD PAR SHES PA PO DANG, NAM MKHA' LA GNAS PA'I BYA RTEN MED PAR GNAS PA DANG 'DRA BA

032b

NYID KYIS GZUGS SOGS KYI CHOS RNAMS LAM ZHEN PAR GNAS PA PO DANG, BLA MED BYANG CHUB KYI SEMS BSKYED CING GDAMS NGAG BZUNG BA'I SGO NAS NYAN THOS LA SOGS PA'I RIGS TE ZHI BA TZAM DON GNYER GYI BLO 'JIG CING LDOG PA PO DANG, DE KHO NAR DE BZHIN NYID DANG DE LAS KHYAD PAR DU 'PHAGS PA STE GZHAN PA'I CHOS GANG YANG 'TSANG RGYA BA MED PAS, SANGS RGYAS 'DOD CING DON DU GNYER BA MED PAR RTOG PA PO DANG, DON DAM PA'I BDEN PA LA BRTEN NAS TE, DE'I NGO BOR CHOS STON PA SOGS KYI RGYU MED PAR RTOG PA PO DANG, SER SNA SOGS PHYIN DRUG GI MI MTHUN PHYOGS SHIN TU GOMS PAR BYAS PA'I CHOS NYID DAM STOBS KYIS BDUD BZHI DANG SA GNYIS KYIS PHYIR RGOL BA'I DNGOS PO DMIGS PA STE YOD PA RNAMS SU YOD PA'I PHYIR, RTOG PA DE DAG GIS YUL DGU PO DE LA RTOG TSUL YOD DE, MI MTHUN PA DANG GNYEN PO'I CHOS DE RNAMS DANG LDAN PA'I SHES RGYUD LA 'DI NI BTAGS PAR 'DOD PA'I SA DAG TU BDEN NO SNYAM DU BTAGS PA'I DNGOS POR MNGON PAR ZHEN NAS 'DZIN PA'I PHYIR, 'DI DAG KYANG MDO LAS, GNYEN PO DNGOS SU BSTAN PA'I SHUGS LA 'PHANGS PA BSTAN BCOS SU BKOD PA'O, ,RTOG PA DE RNAMS CHOS CAN, MTHONG SPANG YIN TE, MTHONG LAM RTZE SBYOR GYI SEMS DANG SEMS LAS BYUNG BA 'JUG PA STE, DNGOS PO'I GNAS SKABS KYI SPANG BAR BYA BA YIN PA'I PHYIR RO, ,GSUM PA GNYEN PO MTSON TSUL STON PA LA, DE LTAR NA BAR SKABS KYI TSIGS SU BCAD PA DGUS RNAM PA BZHI NYID LAS SO SOR MTHONG BA'I LAM GYI MI MTHUN PA'I PHYOGS RNAM PA DGU YIN LA, DE DAG SPANG BA NYID DU GNYEN PO RNAM PA

033a

, ,BZHI YANG DE BZHIN DU DBYE BAS THA DAD DO ZHES BYA BAR KHONG DU CHUD PAR BYA'O, ,ZHES GSUNGS, GZHUNG DON NI, MTHONG SPANG RTOG PA LA BZHIR DBYER YOD PAR MA ZAD, DE'I GNYEN PO MTHONG LAM RTZE SBYOR DE LA YANG RNAM PA BZHIR YOD DE, MTHONG SPANG RTOG PA'I DBYE BAS GNYEN PO'I DBYE BA 'THAD PA'I PHYIR, ` GNYIS PA MTHONG SPANG RTOG PA'I GNYEN PO BSHAD PA LA, ZHAR BYUNG DANG, DKYUS MA GNYIS LAS, DANG PO LA, MTHONG LAM RTZE SBYOR GYI GROGS DANG, DE'I 'BRAS BU GNYIS LAS, DANG PO LA GSUM LAS, DANG PO NI, 'DIR BAR SKABS KYI TSIGS SU BCAD PA GCIG GSUNGS PA CHOS CAN, DGOS PA YOD DE, SNGAR BSHAD PA DE LTAR MTHONG LAM RTZE SBYOR GYI MI MTHUN PHYOGS DANG GNYEN PO DANG BCAS PA BZHI YOD PA DE DAG DNGOS SHUGS CI RIGS PAR BSTAN ZIN NAS, DE'I 'OG TU MTHONG LAM RTZE SBYOR DE RGYU GANG DANG BCAS PA NAS BYANG CHUB CHEN PO 'GRUB PAR BYED PA'AM SKYED PAR BZHED PA'I RGYU GANG YIN PA DE BSTAN PAR BYA BA'I CHED YIN PA'I PHYIR, ZHES MTSAMS SBYOR BA LA, DE LTAR MTHONG BA'I LAM LA MI MTHUN PA'I PHYOGS GNYEN PO DANG BCAS PA BSTAN NAS, BYANG CHUB CHEN PO 'GRUB PAR BYED PA'I MTHONG BA'I LAM RGYU GANG DANG BCAS PAR BZHED PA'I RGYU GANG YIN PA DE BAR SKABS KYI TSIGS SU BCAD PA, ZHES GSUNGS, GNYIS PA LA, MDO LAS GSUNGS TSUL, BSTAN BCOS KYIS 'GREL TSUL GNYIS LAS, DANG PO NI, DE NAS LHA RNAMS KYI DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,BCOM LDAN

033b

'DAS SHER PHYIN 'DI NI ZAB PA STE, BCOM LDAN 'DAS BYANG CHEN BLA MED RDZOGS BYANG DU MNGON 'TSANG RGYA BAR 'TSAL BA DE DAG NI DGA' BA BGYID PA'O, ,DE CI'I PHYIR ZHE NA, BCOM LDAN 'DAS DE BZHIN NYID LA GNAS PA ZHES BGYI BA NI 'GA' YANG MA MCHIS TE BLA MED RDZOGS BYANG DU MNGON PAR 'TSANG RGYA BA YANG MA MCHIS, CHOS STON PA YANG 'GA' YANG MA MCHIS MOD KYI, DE LTA NA YANG ZHUM PAR MI 'GYUR ZHING NEM NUR DU 'GYUR BA'AM RMONGS PAR 'GYUR BA MA MCHIS PA'I SLAD DU'O, ,ZHES PA NAS, RNAM MKHYEN NYID KYI YE SHES RJES SU THOB NAS BAG CHAGS KYI MTSAMS SBYOR BA'I NYON MONGS PA THAMS CAD SPANGS TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO, ,ZHES PA'I BAR GYIS MTHONG LAM RTZE SBYOR GYI PHAN YON DE BSTAN NAS, MTHONG LAM RTZE SBYOR GYI GROGS SAM RGYU STON PA LA, DE NAS 'KHOR DE'I NANG NA, ZHES SOGS GSUNGS, GNYIS PA NI, MDO DE'I DON 'CHAD PA LA, BYANG CHUB LA GZHAN STON PA DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, 'CHAD PAR 'GYUR BA'I MTSAN NYID, CES SOGS GSUNGS, 'DI LA YANG GZHAN RGYUD SBYONG BA DANG, RANG GI RGYUD SBYONG BA GNYIS LAS, DANG PO LA 'BRAS BU RTOGS PA'I CHOS LA 'GOD PA DANG, RGYU LUNG GI CHOS LA 'GOD PA GNYIS LAS, DANG PO NI, DE NAS 'KHOR DE'I NANG NAS SUM CU RTZA GSUM PAS LHA RNAMS ME TOG MAN DHA RA BA MANG PO THOGS TE BCOM LDAN 'DAS LA GTOR TO, ,MNGON PAR GTOR TO RAB TU GTOR TO, ,DGE SLONG BRGYA PHRAG DRUG CU

034a

, ,RTZA GSUM YANG STAN LAS LANGS NAS BLA GOS PHRAG PA GCIG TU GZAR, PUS MO G-YAS PA'I LTA NGA SA LA BTZUGS TE, BCOM LDAN 'DAS GA LA BA DER LOGS SU THAL MO SBYAR BAS BTUD NAS BCOM LDAN 'DAS LA MIG MI 'DZUM PAR LTA ZHING PHYAG 'TSAL LO, ,DGE SLONG DE DAG GIS THAL MO SBYAR TE BTUD PA'I TSE SANGS RGYAS KYI MTHUS SNYIM PAR ME TOG MAN DHA RA BAS GANG BAR GYUR NAS, 'DZUM PA MDZAD PA'I RGYU MTSAN CI LAGS ZHES GSOL TO, ,DE SKAD CES GSOL BA DANG BCOM LDAN 'DAS KYIS TSE LDAN KUN DGA' BO LA 'DI SKAD CES BKA' STZAL TO, ,KUN DGA' BO DGE SLONG BRGYA PHRAG DRUG CU PO 'DI DAG BSKAL PA DPE SKAR MA LTA BU LA BLA MED RDZOGS BYANG DU MNGON PAR 'TSANG RGYA STE, ME TOG SIL MA ZHES BYA BA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SHA STAG 'JIG RTEN DU 'BYUNG BAR 'GYUR RO, ,ZHES PA NAS, BYANG CHEN RNAM PAR SPYOD PA'I DAM PAS RNAM PAR SPYOD PAR 'DOD PAS SHER PHYIN LA SPYOD PAR BYA'O, ,BYANG CHEN DE BZHIN GSHEGS PA'I RNAM PAR SPYOD PAS RNAM PAR SPYOD PAR 'DOD PA'I SHER PHYIN LA BSLAB PAR BYA'O, ,ZHES GSUNGS, DE'I DON 'CHAD PA LA, BYANG CHUB LA GZHAN STON PA DANG, ,ZHES DANG, 'CHAD PAR 'GYUR BA'I MTSAN NYID CAN GYI BYANG CHUB LA GZHAN DAG MTHONG BA'I LAM LA SOGS PA STON PAS RAB TU 'GOD PA NI GCIG YIN NO, ,ZHES GSUNGS, GNYIS PA DE STON PA LA, KUN DGA' BO RIGS KYI BU'AM RIGS KYI BU MO SHER PHYIN ZAB MO 'DI LA SPYOD PA'I RIGS KYI BU'AM RIGS KYI BU MO DE 'DI LTAR

034b

BDAG NI MI'I NANG NAS SHI 'PHOS NAS 'DIR SKYE BA 'AM, ZHES PA NAS, KUN DGA' BO DE BAS NA SHER PHYIN ZAB MO 'DI KHYOD LA GTAD DE, KUN DGA' BO GAL TE KHYOD KYI NGAS CHOS JI SNYED GCIG BSHAD PA LAS SHER PHYIN MA GTOGS PAR NGAS CHOS BSTAN PA DE DAG THAMS CAD BZUNG STE KUN CHUB BAR BYAS NAS, DE'I 'OG TU CHUD GZAN TE BOR YANG, DE TZAM GYIS KUN DGA' BO KHYOD LA SKYON DU NGA MI BRTZI'I KUN DGA' BO GAL TE KHYOD KYIS SHER PHYIN ZAB MO 'DI BZUNG STE KUN CHUB PAR BYAS NAS, DE'I 'OG TU TSIG GCIG TZAM CHUD GZAN NAM BOR BAR GYUR NA, DE TZAM GYIS NI KUN DGA' BO KHYOD LA NGAS SKYON DU BZUNG NGO, ,ZHES SOGS GSUNGS, DE'I DON 'CHAD PA LA, DE YI RGYU NI YONGS GTOD DANG, ,ZHES DANG, BYANG CHUB KYI RGYU MTSAN KHO NAR DE DAG LA YANG DAG PA'I TSIG DANG DON LA SOGS PA'I SGO NAS SHER PHYIN YANG DAG PAR SO SOR GTOD PA NI GNYIS PA YIN NO, ,ZHES GSUNGS, GNYIS PA LA BYANG CHUB CHEN PO THOB PAR BYED PA'I BAR CHAD MED PA'I RGYU DE STON PA LA, KUN DGA' BO GAL TE KHYOD KYIS GANG ZAG NYAN THOS KYIS THEG PA PA RNAMS LA NYAN THOS KYI SA LAS BRTZAMS TE, CHOS BSTAN PA DE'I STONG GSUM GYI STONG CHEN PO'I 'JIG RTEN GYI KHAMS KYI SEMS CAN GANG JI SNYED PA DE DAG THAMS CAD DGRA BCOM PA NYID MNGON DU BYED PAR GYUR KYANG DA DUNG YANG KHYOD KYIS NGAS NYAN THOS KYI BYA BA BYAS BAR MI 'GYUR GYI, KUN DGA' BO GAL TE KHYOD KYIS BYANG CHEN LA SHER PHYIN DANG LDAN PA'I TSIG 'GA' ZHIG BRJOD PA DE BSTAN KYANG NYAN THOS KHYOD KYIS NGA DGYES PAR BYAS PA YIN TE, NYAN THOS KHYOD KYIS NYAN THOS KYI BYA

035a

, ,BA BYAS BAR 'GYUR RO NAS, KUN DGA' BO DE BAS NA GANG ZAG NYAN THOS KYI THEG PA BA GANG BYANG CHEN LA CHUNG NGU NA NYI MA GCIG SHER PHYIN DANG LDAN PA'I CHOS STON NA, DE'I BSOD NAMS CHES MANG DU 'PHEL BAR 'GYUR RO, ,ZHES SOGS GSUNGS, DE'I DON 'CHAD PA LA, DE THOB BAR CHAD MED PA'I RGYU, ,BSOD NAMS MANG PO'I MTSAN NYID DO, ,ZHES DANG, BYANG CHUB THOB PAR BYED PA'I BAR CHAD MED PA'I RGYU SHES RAB KYI PHA ROL TU PHYIN PA RANG GIS BSGOMS PA LA SOGS PA'I BSOD NAMS CHES MANG BA'I MTSAN NYID NI GSUM PA YIN NO, ,ZHES GSUNGS, GZHUNG DON NI, BYANG SEMS SBYOR LAM PAS SKAL LDAN GYI GDUL BYA GZHAN DAG LA MTHONG LAM DANG, SGOM LAM GYI RTOGS PA SKYED BYED DU LUNG BSTAN PA CHOS CAN, 'CHAD PAR 'GYUR BA'I DRI MA ZAD SKYE BDEN MED DU SHES PA'I MTSAN NYID CAN GYI BYANG CHUB SKYED PA'AM 'THOB PA'I RGYU YIN TE, DE'I SKYED BYED YIN PA'I PHYIR, BYANG SEMS SBYOR LAM PAS SKAL LDAN GYI GDUL BYA LA GZHUNG SHER PHYIN BSTAN PA CHOS CAN, MTHONG LAM RTZE SBYOR 'THOB PA'I RGYU YIN TE, DE SKYED PAR BYED PA'I BSOD NAMS KYI TSOGS YIN PA'I PHYIR, THEG CHEN GYI SBYOR LAM CHOS MCHOG CHEN PO, MTHONG LAM RTZE SBYOR GYI RGYU YIN TE, DE'I SKYED BYED KYI YE SHES KYI TSOGS YIN PA'I PHYIR, BYANG SEMS SBYOR LAM PA'I BYANG CHUB THOB PAR BYED PA'I BAR CHAD MED PA STE NGES PA'I RGYU MTHONG LAM GYI SHER PHYIN MNYAM GZHAG TU RANG GIS SGOM PA DANG RJES THOB TU GZHAN LA BSTAN PA CHOS CAN, THEG CHEN DGRA BCOM PA'I BSOD NAMS CHES KHYAD PAR DU 'PHAGS

035b

PA YIN TE, STONG GSUM GYI SEMS CAN RGYUN ZHUGS NAS DGRA BCOM PA'I BAR LA BKOD PA LAS KYANG BSOD NAMS CHES MANG BA'I MTSAN NYID CAN YIN PA'I PHYIR, RGYU GSUM PA STON PA'I SKABS KYI MDO LAS DE BZHIN GSHEGS PA MI BSKYOD PA'I ZHING BSTAN NAS SLAR YANG MI SNANG BAR BYAS PA LA DGOS PA YOD DE, MTHONG LAM GYI TSE PHYIN CI LOG GI RTOG PA MTHA' DAG NUB BAR BSTAN PA'I CHED YIN PA'I PHYIR, GNYIS PA MTHONG LAM RTZE SBYOR GYI 'BRAS BU BSTAN PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, ZAD PA DANG SKYE BA MED PA SHES PA'I BYANG CHUB CHEN PO DE STON PA LA, GSOL BA BCOM LDAN 'DAS CI'I SLAD DU SHER PHYIN LA TSAD MA DANG 'BREL BA MA MCHIS PA LAGS, BCOM LDAN 'DAS KYIS BKA' STZAL BA, KUN DGA' BO MI ZAD PA'I PHYIR SHER PHYIN LA TSAD MA DANG 'BREL BA MED DO, ,KUN DGA' BO DBEN PA'I PHYIR, ZHES PA NAS, KUN DGA' BO SHER PHYIN ZAD PAR BYA BAR SEMS PA DE NI NAM MKHA' ZAD PAR BYA BAR SEMS SU ZAD DE, SHER PHYIN NI MA ZAD MI ZAD ZAD PAR MI 'GYUR RO, ,ZHES SOGS GSUNGS, BYANG CHUB CHEN PO LA YID CHES PAR BYED PA'I RGYU STON PA LA, DE NAS BCOM LDAN 'DAS KYIS LJAGS KYI DBANG PO BKRAM STE ZHAL GYI DKYIL 'KHOR THAMS CAD LJAGS KYI DBANG POS BKAB NAS KUN DGA' BO LA BKA' STZAL BA, KUN DGA' BO DE JI SNYAM DU SEMS, LCE'I DBANG PO 'DI LTA BU DANG LDAN PA LA LOG PAR SMRA BA'AM, GZHAN DU SMRA BAR 'GYUR RO, ,GSOL BA BCOM LDAN 'DAS MA LAGS SO, ,BDE BAR GSHEGS PA MA

036a

, ,LAGS SO, ,BCOM LDAN 'DAS KYIS BKA' STZAL PA, KUN DGA' BO DE BAS NA SHER PHYIN 'DI 'KHOR BZHI LA LEGS PAR STON, ZHES SOGS GSUNGS, ZAD PA SHES PA DANG, MI SKYE BA SHES PA'I BYANG CHEN STON PA LA, DE NAS TSE LDAN RAB 'BYOR 'DI SNYAM DU SEMS PAR GYUR TE, SHER PHYIN YANG ZAB, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BYANG CHUB KYANG ZAB NA, BDAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA DE 'DRI'O SNYAM STE, DE NAS TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN NI MI BAS SO, ,BCOM LDAN 'DAS KYIS BKA' STZAL PA, RAB 'BYOR NAM MKHA' MI ZAD PA'I PHYIR SHER PHYIN MI ZAD PA'O, ,GSOL BA BCOM LDAN 'DAS JI LTAR SHER PHYIN MNGON PAR BSGRUB PAR BGYI, BCOM LDAN 'DAS KYIS BKA' STZAL PA, RAB 'BYOR GZUGS MI ZAD PA'I PHYIR SHER PHYIN MNGON PAR BSGRUB PAR BYA'O, ,ZHES SOGS GSUNGS, GNYIS PA LA, DON LA GNAS PA'I BYANG CHEN BSTAN, RTOG PAS BTAGS PA'I BYANG CHEN DGAG PA'O, ,DANG PO LA GSUM LAS, DANG PO NI, 'DIR BAR SKABS KYI TSIGS SU BCAD PA GCIG GSUNGS PA CHOS CAN, DGOS PA YOD DE, 'BRAS BU GANG GI DON DU MTHONG LAM SNGAR BSHAD PA'I RGYU DE LTA BU GSUM DANG BCAS PAR BZHED PA'I 'BRAS BU BYANG CHUB CHEN PO DE GANG YIN ZHE NA, DE'I LAN BSTAN PAR BYA BA'I CHED YIN PA'I PHYIR, ZHES MTSAMS SBYOR BA LA, GANG GI DON DU MTHONG BA'I LAM RGYU DE LTA BU

036b

DANG BCAS PAR BZHAD PA'I BYANG CHUB CHEN PO DE GANG YIN ZHEN BAR SKABS KYI TSIGS SU BCAD PAS BYANG CHUB CHEN PO, ZHES GSUNGS, GNYIS PA NI, MDO DE'I DON 'CHAD PA LA, DRI MA ZAD DANG MI SKYE BA'I, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, NYON MONGS PA DANG, ZHES SOGS GSUNGS, 'DI LA YANG, RTAGS 'GOD PA DANG, PHYOGS BSGRUB PA GNYIS LAS, DANG PO DE STON PA LA, DRI MA RNAMS ZAD PA DANG MI SKYE BA'I SHES PA CHOS THAMS CAD PHYIN CI MA LOG PAR RTOGS PA'I MTSAN NYID CHOS KYI SKU LA SOGS PA JI LTA BA BZHIN GYI BDAG NYID NI BYANG CHUB CHEN PO YIN PAR BRJOD DO, ,ZHES GSUNGS, GNYIS PA LA LUNG GI SA BSGRUB PA DANG, RIGS PAS BSGRUB PA GNYIS LAS, DANG PO DE STON PA LA, NYON MONGS PA DANG SHES BYA'I SGRIB PA'I DRI MA SKYES PA DANG MA SKYES PA NYID DU BRTAGS PA RNAMS NI, CHOS KYI DBYINGS LAS MA GTOGS PAR, ,'DI LTAR CHOS YOD MA YIN TE, ,ZHES 'BYUNG BAS CHOS KYI DBYINGS KYI NGO BO NYID RNAMS NAM MKHA' BZHIN DU 'GAG PA DANG SKYE BA MED PA'I PHYIR RAM, ZHES GSUNGS, GNYIS PA STON PA LA; GCIG DANG DU MA'I NGO BO NYID DANG RGYU DANG 'BRAS BU'I TSAD MA LA SOGS PAS 'THAD PA'I DNGOS PO MED PAS NAM MKHA'I PADMO BZHIN DU 'GAG PA DANG SKYE BA MED PA'I PHYIR GO RIMS BZHIN DU, ZHES GSUNGS, RNAM MKHYEN CHOS CAN, BYANG CHUB CHEN PO YIN TE, ZAD PA DANG MI SKYE BA SHES PA'I MTHAR THUG PA'I YE SHES YIN PA'I PHYIR, DE CHOS CAN, ZAD PA SHES PA'I YE SHES YIN TE, SGRIB GNYIS DON DAM BAR ZAD PA MED PAR MNGON SUM DU RTOGS PA MTHAR PHYIN PA'I YE SHES YIN PA'I PHYIR, DE CHOS CAN, MI SKYE

037a

, ,BA SHES PA'I YE SHES YIN TE, SGRIB GNYIS DON DAM PAR SKYE BA MED PAR MNGON SUM DU RTOGS PA MTHAR PHYIN PA'I YE SHES YIN PA'I PHYIR, SGRIB PA GNYIS CHOS CAN, DON DAM PAR SKYE 'GAG MED PA YIN TE, DON DAM PAR MA GRUB PA CHOS DBYINGS SPROS BRAL GYI NGO BO NYID YIN PA'I PHYIR, DPER NA NAM MKHA' LA SKYE 'GAG MED PA BZHIN NO, ,RTAGS GRUB STE, DBUS MTHA' LAS, CHOS KYI DBYINGS LAS MA GTOGS PAR, ,'DI LTAR CHOS YOD MA YIN TE, ,ZHES GSUNGS PA'I PHYIR, DE GNYIS CHOS CAN, BDEN PAR MED DE, BDEN PAR GRUB PA'I GCIG DANG BDEN PAR GRUB PA'I DU MA GANG RUNG DU MA GRUB PA'I PHYIR, DPER NA NAM MKHA'I PADMO BZHIN NO, ,DE GNYIS CHOS CAN, DON DAM PAR MI SKYE STE, DON DAM PAR BDAG DANG GZHAN DANG GNYIS KA DANG RGYU MED GANG RUNG LAS MI SKYE BA'I PHYIR, DPER NA NAM MKHA'I PADMO BZHIN NO, ,DE GNYIS CHOS CAN, DON DAM PAR MI SKYE STE, DON DAM PAR YOD PAR YANG MI SKYE, DON DAM PAR MED PAR YANG MI SKYE, YOD MED GNYIS KAR YANG MI SKYE, DON DAM PAR YOD MED GNYIS KA MA YIN PAR YANG MI SKYE BA'I PHYIR, DPER NA NAM MKHA'I PADMO BZHIN, DE LTAR YANG STONG NYID BDUN CU PAR, YOD PA SOGS PHYIR SKYE BA YIN, ,MED PA MED PHYIR SKYES MA YIN, ,CHOS MI MTHUN PHYIR YOD MED MIN, ,SKYE BA MED PHYIR GZHAN 'GAG MED, ,CES GSUNGS, DE GNYIS CHOS CAN, DON DAM PAR MED DE, RTEN 'BREL YIN PA'I PHYIR, DPER NA SGYU MA BZHIN NO, ,DES NA DRI MA ZAD SKYE BDEN MED DU MNGON SUM DU RTOGS PA MTHAR PHYIN PA'I YE SHES DANG LDAN PA'I SKYABS GNAS MTHAR

037b

THUG BYANG CHUB CHEN PO'I MTSAN NYID, DE LTA BU'I YE SHES, SKABS 'DIR DNGOS SU BSTAN PA'I BYANG CHUB CHEN PO'I MTSAN NYID YIN, KHO NA RE, NGO BO NYID SKU CHOS CAN, MTSAN NYID DANG PO DER THAL, MTSON BYA DE'I PHYIR, 'DOD NA, DE CHOS CAN, YE SHES DANG LDAN PAR THAL, 'DOD PA'I PHYIR, 'DOD NA, DE CHOS CAN, SEMS DANG LDAN PAR THAL, 'DOD PA'I PHYIR, 'DOD NA, DE CHOS CAN, SEMS LDAN DU THAL, 'DOD PA'I PHYIR NA MA KHYAB STE, SANGS RGYAS 'PHAGS PA CHOS CAN, ,SEMS CAN YIN PAR THAL, SEMS DANG BCAS PA'I PHYIR, KHYAB PA 'GRIG ,KHA CIG ,DRI MA ZAD SKYE BDEN MED DU MNGON SUM DU RTOGS PA'I YE SHES, BYANG CHUB CHEN PO'I MTSAN NYID ZER BA MI 'THAD DE, THEG CHEN GYI MTHONG LAM SDUG BSNGAL CHOS BZOD KYIS MA NGES PA'I PHYIR, KHA CIG ,DE 'DRA BA'I YE SHES MTHAR THUG ,DE'I MTSAN NYID ZER BA MI 'THAD DE, 'BRAS BU CHOS SKU YIN NA, BYANG CHUB CHEN PO YIN DGOS PA'I PHYIR, KHA CIG ,NYAN THOS DGRA BCOM PA NYAN THOS KYI BYANG CHUB CHEN PO YIN PAR THAL, LONGS SKU THEG CHEN GYI BYANG CHUB CHEN PO YIN PA'I PHYIR ZER NA, LONGS SKU BYANG CHUB CHEN PO YIN PAR THAL, NGO BO NYID SKU DE YIN PA'I PHYIR TE, 'GOG PA LA STONG PA NYID SKYE BA DANG 'GAG PA DANG, ZHES PA'I THAD KYI RNAM PA SANGS RGYAS KYI SPANGS PA MTHAR THUG BYANG CHUB TU BSHAD PA'I PHYIR DANG; RGYUD BLA MAR, BZO DANG SKYE BA BYANG CHUB CHE, ,ZHES BYANG CHUB CHEN PO'I SPRUL SKU BSHAD PA'I PHYIR, KHO NA RE, BYANG CHUB CHEN PO YIN NA, RNAM MKHYEN YIN DGOS PAR THAL, CHOS KYI SKU LA SOGS PA, ZHES SOGS DANG, MDZOD LAS, ZAD DANG MI SKYE

038a

, ,SHES PA NI, ,BYANG CHUB DE DANG MTHUN PA'I PHYIR, ,SUM CU RTZA BDUN DE PHYOGS MTHUN, ,ZHES DANG, RGYAN SNANG LAS, DRI MA ZAD PA DANG SKYE BA MED PAS ZAD PA DANG SHES PA'I BDAG NYID CAN GYI CHOS THAMS CAD PHYIN CI MA LOG PAR RTOGS PA'I MTSAN NYID, CHOS SKU SHES RAB KYI PHA ROL TU PHYIN PA JI LTA BA'I BDAG NYID NI BYANG CHUB CHEN PO YIN PAR BRJOD PAR BYA'O, ,ZHES BSTAN PA YIN NO, ,ZHES DANG, RNAM BSHAD LAS, CHOS THAMS CAD KYI GNAS LUGS PHYIN CI MA LOG BAR RTOGS PA'I MTSAN NYID CHOS KYI SKU LA SOGS PA SKU GSUM JI LTA BA BZHIN GYI BDAG NYID RNAM MKHYEN NI CHOS CAN, BYANG CHUB CHEN PO YIN PAR BRJOD DE, ZHES GSUNGS PA'I PHYIR ZER NA MA KHYAB STE, DE NI GTZO CHE BA LA DGONGS PA'I PHYIR, DE LTA MA YIN NA CHOS KYI SKU LA SOGS PA ZHES SOGS KYIS SOGS SGRA SMOS PA MI 'THAD PAR THAL, DE'I SOGS KHONG NAS SKU LHAG MA RNAMS 'DON PA MA YIN PA'I PHYIR TE, SKU GSUM BYANG CHUB CHEN PO MA YIN PA'I PHYIR, DE LTAR YANG, GSER PHRENG LAS, KHA CIG ,'BUM PA'I RGYA DPE LA SOGS SGRA MED PAS DE MA DAG PAR 'DOD PA NI MI 'THAD DE, TSIG GSAL LAS SKU LHAG MA SOGS KHONG NAS BTON ZHING RTOGS DKAR YANG SOGS SGRA YOD PAS SO, ,ZHES GSUNGS PA'I PHYIR, KHA CIG ,GNAS SKABS KYI BYANG CHUB CHEN PO MED ZER BA MI 'THAD DE, BYANG CHUB KYI RGYU MTSAN KHO NAR, ZHES SOGS DANG, BYANG CHUB THOB PAR BYED PA'I RGYU SHES RAB KYI PHA ROL TU PHYIN PA LA SOGS PA RANG GIS SGOM PA, ZHES SOGS DANG, RNAM BSHAD LAS, BYANG SEMS SBYOR

038b

LAM PA'I GNAS SKABS DANG MTHA'I BYANG CHUB KYI RGYU MTSAN KHO NAR GDUL BYA DE DAG LA GNAS LUGS STON PA'I YANG DAG PA'I TSIG DANG, ZHES GSUNGS PA MI 'THAD PAR THAL, THEG CHEN GYI SBYOR LA CHOS MCHOG SKAD CIG THA MA DE GNAS SKABS KYI BYANG CHUB CHEN PO THOB PAR BYED PA'I BAR CHAD MED PA'I RGYU YANG MA YIN, DE MTHAR THUG GI DE YANG MA YIN PA'I PHYIR, KHO NA RE, BYANG SEMS MTHONG LAM PA'I RGYUD KYI 'GOG BDEN DE GNAS SKABS KYI MYANG 'DAS SU THAL, THEG CHEN GYI MTHONG LAM DE GNAS SKABS KYI BYANG CHUB CHEN PO YIN PA'I PHYIR, 'DOD NA, BYANG SEMS MTHONG LAM PA GNAS SKABS KYI DGRA BCOM PA YIN PAR THAL, 'DOD PA'I PHYIR NA MA KHYAB STE, BYANG CHUB LA GZHAN STON PA DANG, ,ZHES PA'I SKABS KYI BYANG CHUB DE MTHAR THUG GI BYANG CHEN KHO NA LA BYED RIGS PAR THAL, GNAS SKABS KYI BYANG CHEN MED PA'I PHYIR, 'DOD MI NUS TE, RNAM BSHAD LAS, MTHA'I BYANG CHUB KYI RGYU YANG STON PA YIN MOD KYI GNAS SKABS KYI BYANG CHUB CHEN PO MTHONG LAM RTZE SBYOR GYI RGYU STON PA LA NGES PAR SBYAR BAR BYA BA KHO NA YIN NO, ,ZHES GSUNGS PA'I PHYIR, GNYIS PA LA DNGOS SMRA BAS LUGS DGAG PA DANG, NGO BO NYID MED PAR SMRA BA'I LUGS GZHAG PA GNYIS LAS, DANG PO LA RIGS PA DANG 'GAL BAS DGAG PA DANG, KHAS BLANGS DANG 'GAL PAS DGAG PA GNYIS LAS, DANG PO LA GSUM LAS, DANG PO NI, SGRIB GNYIS DON DAM PAR SKYE 'GAG BYED PAR RTOGS PA'I YE SHES DE BYANG CHUB POR MI RUNG BAR THAL, SGRIB GNYIS LA DON DAM PAR ZAD SKYE MED PA'I PHYIR, SGRIB GNYIS BDEN STONG

039a

, ,DU BSGRUBS ZIN PA DE'I PHYIR, ZHES MTSAMS SBYOR BA LA, GANG GI PHYIR DE LTA YIN PA DE'I PHYIR, GANG DAG DNGOS PO 'JIG PA'I BSAM PAS ZAD PA LA ZAD DO SNYAM PAS SHES PA DANG, DNGOS PO MI SKYES PA'I BSAM PAS MI SKYE BA LA MI SKYE 'O SNYAM PA'I SHES PA NI ZAD PA DANG MI SKYE BA'I SHES PA YIN PAR BRJOD CING BYANG CHUB KYANG ZAD PA DANG MI SKYE BA SHES PA YIN PAR BRJOD PA DE DAG LA ZAD PA DANG MI SKYE BA MED PA KHO NAS SHES PA DE RUNG BA MA YIN NO ZHES PAR SKABS KYI TSIGS SU BCAD PAS GSUNGS PA, ZHES GSUNGS, GNYIS PA NI, 'GOG PA MED PA'I RANG BZHIN LA, ,ZHES SOGS KYIS BSHAD, GSUM PA NI, DE NYID TSIG DON GYI SGO NAS 'CHAD PA LA, SKYES PA DANG MA SKYES PA DAG GO RIMS BZHIN DU ZAD PA DANG SKYE BA'I GEGS BYED PA'I MTSAN NYID KYI 'GOG PA DANG BRAL BA DON DAM PAR DE BZHIN NYID KYI NGO BO'I RANG BZHIN YIN NA, DNGOS PO LA LOG PAR MNGON PAR ZHEN PA KHYOD KYIS MTHONG BA'I LAM GYI STOBS KYIS RNAM PAR RTOG PA LA SOGS PA'I NGO BO SKYE BA NI CI ZHIG ZAD, MI SKYE BA'I CHOS CAN MA SKYES PA NI CI ZHIG SKYES TE, CUNG ZAD KYANG MED PA KHO NA YIN PAS DE'I PHYIR KHO BO CAG GI GZHUNG LUGS KHO NA KHAS BLANG BAR BYA'O SNYAM DU DGONGS PA YIN NO, ,ZHES GSUNGS, GZHUNG DON NI, SHES BYA CHOS CAN, GNYEN PO MTHONG ZHES BYA BA'I LAM GYIS DNGOS SMRA BA 'DOD PA LTAR GYI MTHONG SPANG RNAM PAR RTOG PA'I RIGS SNGAR YOD CI ZHIG ZAD PAR BYAS SHING SKYE 'GYUR MI SKYE BAR BYAS NAS SKYE MED KYI RNAM PA CI ZHIG 'THOB STE, DE LTA BU'I ZAD THOB BYED PA MED PAR THAL, SKYES ZIN

039b

DANG SKYE 'GYUR GYI DRI MA MA GRUB STE 'GOG PA MED PA'I SPROS BRAL GYI RANG BZHIN YIN PA'I PHYIR, DES NA ZAD PA DANG MI SKYO BA SHES PA'I YE SHES THOB PAR 'DOD NA, KHO BO CAG DBU MA BA'I GZHUNG LUGS LA CHOS THAMS CAD BDEN PA'I RANG BZHIN MED PAR STON PA 'DI KHO NA KHAS BLANG BAR BYA DGOS TE, DNGOS PO RNAMS BDEN PA'I RANG BZHIN MED PA LA LOG PAR TE BDEN PA'I RANG BZHIN DANG BCAS PAR ZHEN PA DNGOS SMRA BA KHYED KYIS BTAGS PA LTAR GYI DRI MA ZAD PA DANG MI SKYE BA'I TSUL CUNG ZAD KYANG MED PA KHO NA YIN PA DE'I PHYIR; RTAGS GRUB STE, KHYOD KYIS BTAGS PA LTAR GNYEN PO MTHONG BA'I LAM GYI STOBS KYIS SPANG BYA RNAM PAR RTOG PA SHES SGRIB DANG NYON SGRIB KYI NGO BO SNGAR SKYES ZIN BDEN PAR GRUB PA CI ZHIG ZAD PA DANG, SNGAR MA SKYES PA SKYE 'GYUR GYI DRI MA BDEN PAR MED PA NI PHYIS MI SKYE BA'I CHOS CAN DER BYAS PA CI ZHIG SKYE BA'AM 'THOB STE, ZAD THOB MA ZAD MI SKYE BAR BYAS PA NYID THOB PA MED PA'I PHYIR TE, SKYES ZIN GYI DRI MA RNAMS ZAD PA'I MTSAN NYID KYI 'GOG PA DANG, MA SKYES PA SKYE 'GYUR GYI DRI MA RNAMS SKYI BA'I GEGS BYED PA'I MTSAN NYID KYI 'GOG PA DANG BRAL BA DON DAM PAR DE BZHIN NYID SPROS BRAL GYI NGO BO'I RANG BZHIN YIN PA'I PHYIR, ` GNYIS PA LA, RTZA BA'I DON BLANGS TE BSHAD BYA 'GOD, RTZA BA'I DON MDO TZAM DU BSTAN, DE NYID PHYI 'GREL GYIS RGYAS PAR 'CHAD PA'O, ,DANG PO NI, DBU MA'I GZHUNG LA CHOS THAMS CAD BDEN MED DU STON PA KHAS LEN PA DE LTA MA YIN TE, GZUGS SOGS KYI CHOS THAMS CAD YANG DAG PAR BDEN PAR YOD PAR KHAS LEN NA, BCOM LDAN 'DAS

040a

, ,KYIS NYON MONGS PA DANG SHES BYA'I SGRIB PA'I RNAM PAR RTOG PA RNAM PA THAMS CAD DU STE MA LUS PAR SPANGS PAR NGO MTSAR CHE BA'I GNAS TE MI SRID PAR THAL, SGRIB PA GNYIS YANG DAG PAR GRUB PA'I PHYIR, ZHES BAR SKABS KYI TSIGS SU BCAD PAS GSUNGS PA YIN NO, ,ZHES MTSAMS SBYOR BA LA, DE LTA MA YIN TE, CHOS YANG DAG PAR YOD PAR KHAS LEN NA, BCOM LDAN 'DAS KYIS NYON MONGS PA DANG SHES BYA'I SGRIB PA RNAM PAR RTOG PA RNAM PA THAMS CAD DU SPANGS PA NGO MTSAR CHE BA'I GNAS YIN NO, ,ZHES PAR SKABS KYI TSIGS SU BCAD PAS GSUNGS PA, ZHES GSUNGS, GNYIS PA NI, DBU MA PA LAS GZHAN DNGOS SMRA BA RNAMS KYIS GZUNG 'DZIN DANG RANG RIG GI CHOS RNAMS KYANG DON DAM PAR YOD PA LA STE DER KHAS LEN CING STON PA SANGS RGYAS LA YANG SHES BYA'I SGRIB PA ZAD PAR BRJOD PA GANG YIN PA DE LA KHO BO BYAMS MGON GYIS MTSAR DU'AM BZHAD GANG DU BRTZIS TE, 'GAL BA KHAS BLANGS PA'I PHYIR, ZHES 'CHAD PA LA, GZHAN GYI CHOS RNAMS KYANG YOD LA, ,ZHES SOGS GSUNGS, DES NA SEMS TZAM PAS SGRIB PA GNYIS BDEN GRUB TU KHAS BLANGS NAS STON PA SANGS RGYAS KYIS SGRIB PA SPANGS PAR DAM BCAS PA LA RJE BTZUN BYAMS MGON GYIS MTSAR DU BRTZIS PA'I RGYU MTSAN YOD DE, SGRIB PA GNYIS BDEN PAR GRUB NA STON PA SANGS RGYAS KYIS SGRIB PA MA SPANGS DGOS PA'I PHYIR, KHA CIG ,DNGOS SMRA PAS CHOS THAMS CAD BDEN GRUB TU KHAS BLANGS NAS STON PAS SGRIB PA SPANGS PAR KHAS BLANGS PA LA RJE BTZUN BYAMS MGON GYIS MTSAR DU BRTZIS PA'I RGYU MTSAN

040b

YOD DE, CHOS THAMS CAD BDEN PAR GRUB NA STON PAS SGRIB PA MA SPANGS DGOS PA'I PHYIR, ZHES ZER BA NA, SEMS TZAM PAS CHOS THAMS CAD BDEN GRUB TU KHAS BLANGS PAR THAL, DAM BCA' 'THAD PA'I PHYIR, 'DOD MI NUS TE, DES KUN BTAGS BDEN MED DU KHAS BLANGS PA'I PHYIR RO, GSUM PA LA, KHAS BLANGS 'GAL BA'I RGYU MTSAN DANG, KHAS BLANGS 'GAL BA DNGOS SO, ,DANG PO LA, DBU MA'I LTABS SGRIB PA RDZOGS PAR SPONG NUS PA DANG, DNGOS SMRA BAS LTA BAS SGRIB PA RDZOGS PAR SPANGS MI NUS PAR BSTAN PA'O; ;DANG PO LA, NYON SGRIB SPONG TSUL DANG, SHES SGRIB SPONG TSUL GNYIS LAS, DANG PO LA, CHOS RNAMS BDEN MED DU GTAN LA YANG PA DANG, DE SGOM TSUL, BSGOMS PAS BDAG LTA SPONG TSUL LO, ,DANG PO NI, BSAM BYUNG GI RIGS PAS GANG ZAG GI BDAG MED GTAN LA 'BEB TSUL YOD DE, NYER LEN GYI PHUNG PO CHOS CAN, TSOGS RGYUN GANG LA YANG BTAGS TZAM MA YIN PA'I GANG ZAG GI BDAG GIS STONG STE, SKYE 'JIG CAN YIN PA'I PHYIR, KHYAB STE, GANG ZAG GI BDAG YIN NA, SKYE 'JIG MI BYED PA'I KHYAB PA'I PHYIR, ZHES PA'I RIGS PA LA BRTEN NAS GTAN LA 'BEBS PA'I PHYIR, ZHES 'CHAD PA LA, DE LA SKYE BA DANG 'JIG PAS STONG PA'I PHYIR, ZHES GSUNGS, GNYIS PA NI, SGOM BYUNG GI RNAL 'BYOR LA BRTEN NAS GANG ZAG GI BDAG MED SGOM TSUL YOD DE, DANG POR BSAM BYUNG GI RIGS PAS GANG ZAG GI BDAG MED GTAN LA PHAB NAS, DES RJES SU MNYAM GZHAG TU ZHI GNAS LA BRTEN NAS GANG ZAG GI BDAG MED DO SNYAM DU SGOM PAR BYED PA'I PHYIR, ZHES 'CHAD PA LA, BDAG MED DO SNYAM DU

041a

, ,BSGOMS PAS BDAG TU MNGON PAR ZHEN PA YONGS SU BOR NAS DES DBEN PA'I PHUNG PO LA SOGS PA RTEN CING 'BREL BAR 'BYUNG BA SKYE BA DANG 'JIG PA'I CHOS CAN LA YANG DAG PAR DMIGS TE, ZHES GSUNGS, GSUM PA NI, DE LTAR BSGOMS PA CHOS CAN, DGOS PA YOD DE, GANG ZAG GI BDAG TU MNGON PAR ZHEN PA LDOG PAR 'GYUR BA'I PHYIR DANG, NYAN THOS KYI RIGS GZHAN RJES SU BZUNG BA DANG, NYAN THOS KYI LAM LA SHES MTHONG GIS BLTAS NAS 'DA' BAR BYA BA'I CHED YIN PA'I PHYIR, DANG PO GRUB STE, DE LTAR BSGOMS PAS BDAG LTA DANG DMIGS YUL PHUNG PO GCIG LA DMIGS SHING 'DZIN STANGS DNGOS SU 'GAL BA'I SGO NAS PHUNG PO'I GNAS LUGS LA ZHUGS PA'I PHYIR, ZHES 'CHAD PA LA, BDAG TU MNGON PAR ZHEN PA YONGS SU BOR NAS, ZHES GSUNGS, GNYIS PA LA GZUNG BA DANG, 'DZIN PA LA ZHEN PA DANG, GNYIS MED LA ZHEN PA'I SHES SGRIB SPONG TSUL LO, ,DANG PO LA MNYAM GZHAG TU SGOM PA'I RIM PA DANG, RJES THOB TU YID LA BYED PA'I RIM PA GNYIS LAS, DANG PO LA, GNYIS STONG GTAN LA 'BEB TSUL; DE JI LTAR NYAMS SU LEN TSUL, DE LTAR NYAMS SU BLANGS PAS RTOG PA SPONG TSUL LO, ,DANG PO NI, BSAM BYUNG GI RIGS PA LA BRTEN NAS GNYIS STONG GTAN LA 'BEB TSUL YOD DE, SNGON PO DANG SNGON 'DZIN TSAD MA CHOS CAN, RDZAS GZHAN MA YIN TE, LHAN CIG DMIGS NGES YIN PA'I PHYIR, ZHES PA'I RTAGS LA BRTEN NAS GTAN LA 'BEB PA'I PHYIR, ZHES 'CHAD PA LA, SNGON PO DANG DE'I BLO DAG LHAN CIG DMIGS PA NGES PA'I PHYIR, ZHES GSUNGS, GNYIS PA NI, SGOM BYUNG GI RNAL

041b

'BYOR LA BRTEN NAS GNYIS STONG SGOM TSUL YOD DE, DANG POR BSAM BYUNG GI RIGS PAS GNYIS STONG GTAN LA PHABS NAS, DE'I RJES SU MNYAM GZHAG TU ZHI GNAS LA BRTEN NAS KHAMS GSUM PO 'DI NI SEMS TZAM YIN GYI PHYI ROL GYI DON NI MED DO SNYAM DU SGOM PA'I PHYIR ZHES 'CHAD PA LA, 'DI NI SEMS TZAM KHO NA YIN GYI PHYI ROL GYI DON NI MED DO ZHES BYA BA YID LA BYED CING, ZHES GSUNGS, GSUM PA NI, DE LTAR BSGOMS PA CHOS CAN, DGOS PA YOD DE, DE LTAR BSGOMS PA LA BRTEN NAS 'DZIN PA LA BDEN ZHEN ZLOG MI NUS KYANG, GZUGS SOGS PHYI ROL DON DU SNANG BA'I GNYIS SNANG 'KHRUL BAR KHONG DU CHUD PAR BYA BA'I CHED YIN PA'I PHYIR, ZHES 'CHAD PA LA, 'DZIN PA'I RNAM PA CAN GYI SEMS LA MNGON PAR ZHEN PA YONGS SU MA BOR BAS, PHYI ROL GYI DON DU MNGON PAR ZHEN PA SPANGS TE, ZHES GSUNGS, GNYIS PA NI, RJES THOB TU YID LA BYED PA'I RIM PA YOD DE, GZUNG PA RDZAS GZHAN MED NA DE SNANG BA'I 'DZIN PA MA 'KHRUL BA MED DO SNYAM DU NGES PAR SEMS PAS 'DZIN PA'I RNAM PA'I MTSAN NYID RNAM PAR RIG PA MA 'KHRUL BAR 'DZIN PA BSAL TE, GNYIS STONG MNGON SUM DU RTOGS PA'I GNYIS MED KYI YE SHES 'BA' ZHIG BA 'DI YANG DAG PA STE MA 'KHRUL BA YIN PAR KHONG DU CHUD PAR BYA BA'I CHED YIN PA'I PHYIR, ZHES 'CHAD PA LA, GZUNG BA MED NA 'DZIN PA MED DO SNYAM DU NGES PAR SEMS PAS 'DZIN PA'I RNAM PA'I MTSAN NYID RNAM PAR RIG PA TZAM DE YANG BSAL TE, GNYIS SU MED PA'I YE SHES 'BA' ZHIG 'DI YANG DAG PAR YOD PA'I NGO BO YIN NO SNYAM DU NGES PAR BYAS NAS, ZHES

042a

, ,GSUNGS, RNAL 'BYOR GYI SA GNYIS PA 'DI LA MNYAM RJES GNYIS SU 'JOG PA'I RGYU MTSAN YOD DE, STONG NYID PHRA MO RTOGS PA'I DBANG DU BYAS NAS MNYAM GZHAG TU BDEN STONG MNGON SUM DU RTOGS PA NA RJES THOB TU RTEN 'BYUNG SGYU MAR MYONGS STOBS KYIS RTOGS PA LTAR, MNYAM GZHAG TU GZUNG 'DZIN RDZAS GZHAN GYIS STONG PAR MNGON SUM DU RTOGS PA NA, RJES THOB TU SNGOR SNANG DBANG PO'I SHES PA LA SOGS PA GZHAN DBANG MA 'KHRUL BAR 'DZIN PA ZLOG CING 'KHRUL BAR MYONG STOBS KYIS RTOGS NUS PA'I RGYU MTSAN GYIS DE LTAR BZHAG PA'I PHYIR, LEGS PAR BSHAD PA GSER GYI PHRENG BA LAS SNGA MA GZUNG BA BDEN MED DU GTAN LA 'BEBS PA DANG, PHYI MA 'DZIN PA BDEN MED DU GTAN LA 'BEB PA LA BSHAD NAS RNAL 'BYOR GYIS BZHIR BSHAD DO, ,PHYI LA LA YANG BDEN MED GTAN LA 'BEBS TSUL DANG, DE RTOGS NAS SGOM TSUL, SGOM PAS ZHEN PA SPONG TSUL LO, ,DANG PO NI, BSAM BYUNG GI RIGS PA LA BRTEN NAS BDEN MED GTAN LA 'BEBS TSUL YOD DE, GNYIS MED KYI YE SHES CHOS CAN, BDEN PAR MED DE, RTEN 'BREL YIN PA'I PHYIR, DPER NA SGYU MA BZHIN ZHES PA'I RTAGS LA BRTEN NAS BDEN MED GTAN LA 'BEBS PA'I PHYIR, ZHES 'CHAD PA LA, DE YANG RTEN CING 'BREL BAR 'BYUNG BA YIN PA'I PHYIR, SGYU MA BZHIN DU NGO BO NYID MED PA STE, ZHES GSUNGS, GNYIS PA NI, SGOM BYUNG GI RNAL 'BYOR LA BRTEN NAS GNYIS MED KYI YE SHES BDEN MED DU SGOM TSUL YOD DE, DANG POR BSAM BYUNG GI RIGS PAS DE BDEN MED DU GTAN LA PHAB NAS, DE'I

042b

RJES SU MNYAM GZHAG TU ZHI GNAS LA BRTEN NAS DNGOS PO DANG DNGOS PO MED PA DANG, GNYIS KA DANG GNYIS KA MA YIN PAR RNAM PAR BRTAG PAR BYA BA'I NGO BO DANG BRAL BA YIN NO SNYAM DU SGOM PAR BYED PA YIN PA'I PHYIR, ZHES 'CHAD PA LA, YANG DAG PAR NA GCIG TU DNGOS PO DANG DNGOS PO MED PA LA SOGS PAR BRTAG PA'I NGO BO DANG BRAL BA YIN NO, ,SNYAM DU BSGOMS PAS, ZHES GSUNGS GSUM PA NI, DE LTAR BSGOMS PA CHOS CAN, DGOS PA YOD DE, NYON MONGS PA DANG SHES BYA'I SGRIB PA SPANG BAR BYA BA'I CHED YIN PA'I PHYIR, ZHES 'CHAD PA LA, BSGOMS PA'I STOBS GRUB GRUB PA NA KHA CIG LA NOR BU DANG DNGUL LA SOGS PA'I SHES PA BZHIN DU 'KHRUL BA'I MTSAN MA MTHA' DAG SPANGS PA SGYU MA LTA BU'I BDAG NYID DU SNANG BA'I BLO RNAM PAR MI RTOG PA SO SO RANG GIS RIG PAR BYA BA CI ZHIG LTAR YANG DAG PAR SKYES NA, RNAL 'BYOR PAS SHES BYA'I SGRIB PA YANG DAG PAR SPONG NGO, ,ZHES GSUNGS, GNYIS PA DNGOS SMRA PAS LTA BAS SGRIB PA RDZOGS PAR SPONG MI NUS PAR BSTAN PA LA, KHAS BLANGS BRJOD PA DANG, DE DGAG PA GNYIS LAS, DANG PO NI, GAL TE GZUNG 'DZIN DANG, GNYIS MED KYI YE SHES BDEN PA'I NGO BO NYID KYIS STONG PA DE LTA MA YIN TE, DE DAG DON DAM PAR GRUB PA'I PHYIR, ZHES 'CHAD PA LA DE LTA MA YIN TE, ZHES SOGS GSUNGS, GNYIS PA NI, BAG CHAGS SOGS KYI DRI MA DE DAG LA RANG RANG GI GNYEN PO BSGOMS PAS GNOD PA CUNG ZAD KYANG MI BYED BAR THAL DE RNAMS DON DAM PAR YOD PA'I PHYIR, DPER NA NAM MKHA' LA GNOD

043a

, ,PAR BYAR MED PA BZHIN NO, ,ZHES 'CHAD PA LA, SHES BYA'I MTSAN NYID RNAMS GAL TE DON DAM PAR YOD PA NYID DU GYUR NA, DE'I TSE GNYEN PO BSGOMS PAS NAM MKHA' BZHIN DU DE DAG LA CUNG ZAD KYANG MI BYED DO, , ZHES GSUNGS, SGRIB GNYIS SPONG BYED KYI GNYEN PO GSAR DU SKYE BA MED PA DANG, SGRIB GNYIS SPANG DU MED PA'I NGO BO 'DZIN PAR THAL, SGRIB GNYIS BDEN PAR GRUB PA'I PHYIR, DPER NA 'DUS MA BYAS KYI NAM MKHA' DUS THAMS CAD DU THOGS BCAS KYI REG BYA BKAG TZAM GYI NGO BO 'DZIN PA BZHIN NO, ,ZHES 'CHAD PA LA, DUS THAMS CAD DU NAM MKHA' RDZAS MED PA TZAM GYI NGO BO 'DZIN PA BZHIN DU BSKYED DU MED PA DANG, SPANG DU MED PA'I RANG GI NGO BO 'DZIN PA'I PHYIR, SKAD CIG MA'I CHOS SHES PA TZAM GYI NGO BO DANG, ZHES GSUNGS, GNYIS PA KHAS BLANGS DANG 'GAL BA DNGOS DE STON PA LA, BCOM LDAN 'DAS KYIS SHES SGRIB SPANGS PA DANG, GZUNG 'DZIN DANG GNYIS MED YE SHES DON DAM PAR YOD PAR KHAS LEN PA DE LA NI KHO BO RJE BTZUN BYAMS MGON GYIS MTSAR DU BRTZIS PA'I RGYU MTSAN YOD DE, DES PHAN TSUN 'GAL BA'I DON KHAS LEN CING DAM BCAS PA'I PHYIR TE, DNGOS SMRA BA GZHAN DAG GIS BTAGS PA LTAR NA DNGOS POR MNGON PAR ZHEN PA'I PHYIN CI LOG GI RTOG PA DE DE DAG MI LDOG PAS SPANG DU MI RUNG BA'I PHYIR, DRI MA BDEN PAR GRUB NA SPANG DU MI RUNG BA'I PHYIR, ZHES 'CHAD PA LA, DE'I PHYIR GZHAN DAG GIS DNGOS POR MNGON PAR ZHEN PA'I PHYIN CI LOG MI LDOG PAS, BCOM LDAN

043b

'DAS KYIS SHES BYA'I SGRIB PA RNAM PA THAMS CAD DU SPANGS BA GANG YIN PA DANG, CHOS RNAMS KYANG YOD PAR KHAS LEN PA GANG YIN PA DE NI PHAN TSUN 'GAL BA'I DON KHAS LEN PAS KHO BO SNGO MTSAR DU BRTZIS SO, ,ZHES BYA BA YIN NO, ,ZHES GSUNGS, GZHUNG 'DI DAG GI SKABS SU, KHA CIG ,RNAL 'BYOR GYIS DE LA GANG ZAG GI BDAG MED RTOGS PA'I RNAL 'BYOR GYIS, GZUNG MED RTOGS PA'I DE, 'DZIN MED RTOGS PA'I DE, SPROS BRAL RTOGS PA'I DE BZHI YOD PA'I, DANG PO NYAN THOS SDE PA, GNYIS PA SEMS TZAM RNAM BDEN PA, GSUM PA SEMS TZAM RNAM RDZUN PA, BZHI PA DBU MA PA LA SBYOR ZER NA, GZUNG PA RDZAS GZHAN MED PAR TSAD MAS NGES PA'I GANG ZAG YIN NA, 'DZIN PA RDZAS GZHAN MED PAR TSAD MAS NGES PA'I GANG ZAG YIN PAS MA KHYAB PAR THAL, DAM BCA' 'THAD PA'I PHYIR, 'DOD MI NUS TE, SNGON PO SNGOR SNANG DBANG SHES LAS RDZAS GZHAN MA YIN PAR TSAD MAS NGES PA'I GANG ZAG YIN NA, SNGOR SNANG DBANG SHES SNGON PO LAS RDZAS GZHAN MA YIN PAR TSAD MAS NGES PA'I GANG ZAG YIN DGOS PA'I PHYIR TE, DE YIN NA SNGON PO DANG SNGOR SNANG DBANG SHES RDZAS GZHAN MA YIN PAR TSAD MAS NGES PA'I GANG ZAG YIN DGOS PA'I PHYIR, KHA CIG ,DE LA BZHIR PHYE NAS GZUNG MED RTOGS PA ZHES PA GZUNG BA RANG BZHIN MED PAR RTOGS PA DANG, 'DZIN MED RTOGS PA ZHES PA 'DZIN PA RANG BZHIN MED PAR RTOGS PA LA BYED, RNAL 'BYOR GYI SA DANG PO NYAN THOS SDE PA, GNYIS PA RANG SANGS RGYAS, GSUM PA SEMS TZAM PA'I LTA BA, BZHI PA DBU MA PA'I LTA BA LA SBYOR ZER BA

044a

, ,MI 'THAD DE, SEMS TZAM PA DANG RANG SANGS RGYAS KYI BSGOM BYA'I LTA BA'I GTZO BO LA MTHO DMAN GYI KHYAD PAR MED PA'I PHYIR, GZHAN YANG, RNAL 'BYOR GYI SA LA BZHIR 'BYED PA DE MI 'THAD DE, GZHI GRUB PA GCIG GI STENG DU BDEN MED TSAD MAS GRUB NA, DE GZHI GZHAN GYI STENG DU BDEN PAR YOD MED BLO KHA PHYOGS PA TZAM GYIS BDEN MED DU RTOGS NUS PA'I PHYIR TE, BZHI BRGYA PAR, GANG GI DNGOS GCIG DE BZHIN NYID MTHONG BA, ,ZHES SOGS GSUNGS PA'I PHYIR, GZHAN YANG SEMS TZAM PAS YANG DAG MA YIN PA'I KUN RTOG BDEN MED DU TSAD MAS GRUB PAR THAL, DES 'DZIN PA TSAD MAS GRUB PA'I PHYIR, RTAGS KHAS, 'DOD MI NUS TE, DES DE BDEN GRUB TU 'DOD PA'I PHYIR, YANG DAG MA YIN KUN RTOG YOD, , CES GSUNGS PA 'DI SEMS TZAM PA'I RANG GZHUNG YIN PA'I PHYIR, GZHAN YANG SEMS TZAM PAS CHOS KYI BDAG 'DZIN BDEN MED DU RTOGS PAR THAL, DES 'DZIN PA BDEN MED DU RTOGS PA'I PHYIR, 'DOD NA, DES SGRIB PA BDEN MED DU RTOGS PAR THAL LO, ,'DOD MI NUS TE, GZHAN GYI CHOS RNAMS KYANG YOD LA, ,ZHES GSUNGS PA'I PHYIR, BDEN MED RTOGS PA'I RNAL 'BYOR GYI SA LA GSUM DU YOD DE, DE LA GANG ZAG GI BDAG MED RTOGS PA'I DE DANG, GNYIS STONG RTOGS PA'I DE DANG BDEN MED RTOGS PA'I DE DANG GSUM DU GRANGS NGES PA'I PHYIR, BSGOM BYA BDAG MED LA GSUM DU GRANGS NGES TE, SPANG BYA BDAG 'DZIN LA GSUM DU GRANGS NGES PA'I PHYIR ZER NA, BDEN MED RTOGS PA'I RNAL 'BYOR GYIS YIN NA, BDAG MED

044b

RTOGS PA'I RNAL 'BYOR GYIS YIN DGOS PAR THAL, DAM BCA' 'THAD PA'I PHYIR, 'DOD NA, THEG CHEN GYI MTHONG LAM BAR CHAD MED LAM CHOS CAN, DER THAL, DE'I PHYIR, GZHAN YANG BDEN 'DZIN YIN NA, BDAG 'DZIN YIN DGOS PAR THAL, BDAG 'DZIN LA GSUM DU GRANGS NGES PA'I PHYIR, RTAGS KHAS, 'DOD NA, NYAN THOS DGRA BCOM PAS BDAG 'DZIN MA SPANGS PAR THAL LO, ,KHA CIG ,RNAL 'BYOR GYI SA DE LA GANG ZAG GI BDAG MED LA DMIGS PA'I RNAL 'BYOR GYI SA DANG, SEMS TZAM LA DMIGS PA'I DE DANG, DE BZHIN NYID LA DMIGS PA'I DE DANG, SNANG MED LA DMIGS PA'I DE DANG BZHIR YOD, DE RNAMS LAM GANG DU SGOM PA'ANG YOD DE, TSOGS LAM GYI GNAS SKABS SU DANG PO DE GTZO BOR SGOM, DROD RTZE GNYIS KYI GNAS SKABS SU KHAMS GSUM PO 'DI SEMS TZAM GYI BDAG NYID YIN GYI PHYI ROL GYI DON MED DO SNYAM DU MNYAM GZHAG TU SEMS TZAM LA DMIGS PA'I RNAL 'BYOR GYI SA SGOM, BZOD MCHOG GNYIS KYI GNAS SKABS SU DE BZHIN NYID LA DMIGS PA'I RNAL 'BYOR GYI SA SGOM PA'I PHYIR TE, BZOD PA'I DGAG BYA PHYI ROL GYI SNANG BA MED KYANG, SHES PA'I BDAG NYID CAN GYI SNANG BA RDZOGS PAR MA THOB LA, DE KHO NA NYID KYI PHYOGS GCIG LA ZHUGS PA ZHES BYA LA, CHOS MCHOG GI GNAS SKABS SU SHES PA'I BDAG NYID CAN GYI SNANG BA PHRA ZHING PHRA BA YOD KYANG, MTHONG LAM BAR CHAD MED LAM GYI GNAS SKABS SU DGAG BYA PHYI ROL DON GYI SNANG BA MED KYANG SHES PA'I BDAG NYID KYI SNANG BA PHRA ZHING PHRA BA NUB NAS GZUNG 'DZIN RDZAS GZHAN GYIS STONG PAR MNGON

045a

, ,SUM DU RTOGS SHING, DE NYID LA SNANG MED KYI RNAL 'BYOR GYI SA ZHES BYA LA, RNAL 'BYOR SPYOD PA'I RANG RGYUD PA'I, DE BZHIN NYID LA DMIGS PA'I RNAL 'BYOR GYI SA DANG, GNYIS STONG RTOGS PA'I RNAL 'BYOR GYI SA GNYIS SNANG MED KYI RNAL 'BYOR GYI SA'I NANG DU 'DU BAR BZHED, CES ZER NA BYANG SEMS TSOGS LAM PAS GANG ZAG GI BDAG MED BSGOM BYA'I GTZO BOR BYED PAR THAL, DAM BCA' DANG PO 'THAD PA'I PHYIR, GZHAN YANG, GNYIS STONG RTOGS PA'I THEG CHEN GYI SBYOR LAM MNYAM GZHAG YE SHES KYI 'DZIN STANGS KYI YUL DU GYUR PA'I 'DUS BYAS YOD PAR THAL, DAM BCA' GNYIS PA DE'I PHYIR, MTHONG LAM BAR CHAD MED LAM GYI GNAS SKABS SU DGAG BYA PHYI ROL DON GYI SNANG BA MED CING CHOS CAN SHES PA'I BDAG NYID CAN GYI SNANG BA NUB NAS, GNYIS STONG MNGON SUM DU RTOGS PA'I YE SHES CHOS CAN, DE YANG RTEN CING 'BREL BAR 'BYUNG BA YIN PA'I PHYIR, ZHES SOGS KYI SKABS NAS DNGOS SU BSTAN PA'I RNAL 'BYOR GYI SA YIN PAR THAL, SKABS 'DIR DNGOS SU BSTAN PA'I RNAL 'BYOR GYI SA BZHI PA YIN PA'I PHYIR, 'DOD NA, DE CHOS CAN, SPROS BRAL RTOGS PA'I DE YIN PAR THAL LO, ,GZHAN YANG, DE'I SKABS NAS DNGOS SU BSTAN PA'I RNAL 'BYOR GYI SA RGYUD LDAN GYI SO SKYE MED PAR THAL; SNANG MED RTOGS PA'I DE RGYUD LDAN GYI DE MED PA GANG ZHIG ,DE'I SKABS NAS DNGOS SU BSTAN PA'I RNAL 'BYOR GYI SA DE LA BYED RIGS PA'I PHYIR, GNYIS PA SONG, DANG PO DER THAL, DE'I SA MTSAMS MTHONG LAM NAS 'JOG PA'I

045b

PHYIR; RTAGS KHAS, 'DOD NA, STONG NYID RTOGS PA'I SO SKYE MED PAR THAL LO, ,GZHAN YANG, GANG ZAG GI BDAG MED RTOGS PA'I RNAL 'BYOR GYI SA DE GANG ZAG GI BDAG MED MNGON SUM DU RTOGS PA'I DE LA BYED RIGS PAR THAL, SNANG MED LA DE'I PHYIR TE; DE'I MA MTHA'I SA MTSAMS 'THAD PA'I PHYIR, KHA CIG ,GANG ZAG GI BDAG MED RTOGS PA'I SEMS DPA'I RNAL 'BYOR, RNAL 'BYOR GYI SA DANG PO'I MTSAN NYID ZER NA, GANG ZAG GI BDAG MED RTOGS PA'I NYAN THOS KYI TSOGS LAM CHOS CAN, MTSAN NYID DER THAL, MTSON BYA DE'I PHYIR TE, CHOS CAN DE DANG GCIG YIN PA'I PHYIR, KHA CIG ,DE RTOGS PA'I LAM ZHUGS KYI MKHYEN PA ZER NA, STONG NYID RTOGS PA'I RNAM MKHYEN CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, NYAN THOS KYI RTOGS RIGS SU GNAS PAR THAL LO, ,KHA CIG ,NYAN THOS KYI RTOGS RIGS SU GNAS PA'I LAM ZHUGS KYI MKHYEN PA DE, GANG ZAG GI BDAG MED RTOGS PA'I RNAL 'BYOR GYI SA'I MTSAN NYID ZER NA, NYAN THOS TSOGS LAM PA'I RGYUD KYI THAR PA DON GNYER GYI BLO CHOS CAN, MTSON BYA DER THAL, MTSAN NYID DE'I PHYIR TE, CHOS CAN DE'I PHYIR, KHA CIG ,NYAN THOS KYI SHES RAB KYI RTOGS RIGS SU GNAS PA'I LAM ZHUGS KYI MKHYEN PA 'DIR BSTAN RNAL 'BYOR GYI SA DANG PO'I MTSAN NYID ZER NA, 'DUS BYAS MI RTAG PAR RTOGS PA'I THEG CHEN GYI MTHONG LAM CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, GANG ZAG GI BDAG MED RTOGS PA'I RNAL 'BYOR GYI SA YIN PAR THAL LO, ,

046a

, ,RANG LUGS NI RANG GI 'BRAS BUR GYUR PA'I YON TAN DU MA'I RTEN BYED PA'I LAM ZHUGS KYI MKHYEN PA RNAL 'BYOR GYI SA'I MTSAN NYID, DBYE NA, RTEN GYI SGO NAS, NYAN THOS, RANG RGYAL, THEG CHEN GYI DE DANG GSUM DU YOD, YUL GYI SGO NAS GANG ZAG GI BDAG MED RTOGS PA'I RNAL 'BYOR GYI SA DANG, GNYIS STONG RTOGS PA'I RNAL 'BYOR GYI SA DANG, BDEN STONG RTOGS PA'I RNAL 'BYOR GYI SA DANG GSUM DU YOD, SA MTSAMS TSOGS LAM NAS SANGS RGYAS KYI SA'I BAR DU YOD DO, ` ,GNYIS PA NGO BO NYID MED PAR SMRA BA'I LUGS GZHAG PA LA GSUM LAS, DANG PO NI, DE LTAR GZUNG 'DZIN SOGS DON DAM PAR YOD PAR 'DOD PA'I PHYOGS BSAL NAS, DE'I 'OG TU THAR PA RDZOGS BYANG 'DOD PA RNAMS KYIS DNGOS PO THAMS CAD BDEN MED DU STON PA'I LUGS 'DI KHO NA KHAS BLANG BAR BYA'O, ,ZHES BAR SKABS KYI TSIGS SU BCAD PAS GNAS PA'I PHYOGS TE LUNG RIGS KYIS NGES PA'I GRUB MTHA' GSUNGS PA CHOS CAN, DGOS PA YOD DE, CHOS THAMS CAD BDEN PAR MED PAR 'DOD PA'I PHYOGS BRTAN PO MDZAD PAR BYA BA'I CHED YIN PA'I PHYIR, ZHES MTSAMS SBYOR BA LA, DE LTAR YOD PA'I PHYOGS BSAL NAS NGO BO NYID MED PA'I PHYOGS BRTAN POR MDZAD PAS THAR PA 'DOD PA RNAMS KYIS 'DI KHO NA KHAS BLANG BAR BYA'O, ,ZHES PAR SKABS KYI TSIGS SU BCAD PAS GNAS PA'I PHYOGS, ZHES GSUNGS, GNYIS PA NI, 'DI LA BSAL BYA CI YANG MED, ,CES SOGS KYIS 'CHAD, GSUM PA NI, GANG GI PHYIR, ZHES SOGS KYIS 'CHAD, 'DI

046b

LA YANG, SGRO SKUR DANG BRAL BA'I GZHI DBU MA, SGRO SKUR DU MI 'DZIN PA'I LAM DBU MA, LAM DES THOB PA'I 'BRAS BU DBU MA DANG GSUM LAS, DANG PO NI, KHAMS RANG BZHIN GYIS RNAM PAR DAG PA 'DI LA BDAG GNYIS SNGAR YOD GSAR DU BSAL BAR BYA BA DANG, BDAG MED GNYIS SNGAR MED GSAR DU GZHAG PAR BYA BA CUNG ZAD KYANG MED DE, BDAG GNYIS PO DE DANG PO NAS YOD MA MYONG ZHING BDAG MED GNYIS KYI RANG BZHIN YIN PA'I PHYIR, ZHES 'CHAD PA LA, 'DI LA BSAL BYA CI YANG MED, ,GZHAG PAR BYA BA CUNG ZAD MED, ,CES DANG, GANG GI PHYIR DNGOS POR MNGON PAR ZHEN PA LAS GROL BAR MI 'THAD PA DE'I PHYIR CHOS GANG LA YANG SKUR BA 'DEBS PA DANG SGRO 'DOGS PA'I NGO BOS BSAL BA DANG, BZHAG PA MA BYAS PAR, ZHES GSUNGS, GNYIS PA NI, DE KHO NA NYID MNGON SUM DU RTOGS PA'I YE SHES CHOS CAN, YANG DAG PA'I LTA BA YIN TE, GNAS LUGS MNGON SUM DU RTOGS PA'I LTA BA YIN PA'I PHYIR, ZHES 'CHAD PA LA, YANG DAG NYID LA YANG DAG LTA, ,ZHES DANG, GZUGS LA SOGS PA RTEN CING 'BREL BAR 'BYUNG BA KUN RDZOB TU YANG DAG PAR YOD PA'I NGO BO 'DI NYID LA RANG BZHIN MED PA LA SOGS PA'I NGO BOR BRTAG PAR BYA STE, ZHES GSUNGS, GSUM PA NI, THABS SHES KHYAD PAR CAN GNYIS KYIS ZIN PA'I SGO NAS GNAS LUGS BSGOMS PA CHOS CAN, DGOS PA YOD DE, SANGS RGYAS KYI GO 'PHANG THOB PAR 'GYUR BA'I DGOS PA YOD PA'I PHYIR, ZHES 'CHAD PA LA, YANG DAG MTHONG NAS RNAM PAR GROL, ,ZHES DANG, DE LTAR NA SGYU MA'I GLANG POS SGYU MA'I GLANG PO GZHAN ZHIG

047a

, ,PHAM PAR BYAS PA BZHIN DU PHYIN CI LOG LDOG PAS DE KHO NA NYID MTHONG NA RNAM PAR GROL BAR 'GYUR RO, ,ZHES GSUNGS, DES NA, 'DI LA BSAL BYA CI YANG MED, ,CES SOGS KYI GZHUNG 'DI MNGON RTOGS RGYAN GYI RANG GZHUNG YIN BYAS PA LA KHO NA RE, DE 'DRA'I GZHUNG YIN NA DE YIN DGOS PAR THAL, DAM BCA' 'THAD PA'I PHYIR, 'DOD NA, RGYUD BLA MA'I NANG TSAN DU GYUR PA'I DE 'DRA'I GZHUNG CHOS CAN, DER THAL, DE'I PHYIR, RTAGS GRUB STE, DE YOD PA'I PHYIR ZER NA MA KHYAB, DE BZHIN DU, THEG BSDUS KYI NANG TSAN DU GYUR PA'I DE 'DRA'I GZHUNG CHOS CAN, DER THAL, DE'I PHYIR, RTAGS GRUB STE, DE YOD PA'I PHYIR NA MA KHYAB PO, ` ,GNYIS PA DKYUS MA BSHAD PA LA GNYIS, DNGOS DANG JI LTA BUR SGOM PA'I TSUL, SPANG BLANG LA DBANG BYED TSUL LO, ,DANG PO LA, MDO DANG BSTAN BCOS GNYIS LAS, DANG PO NI, DE NAS TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS JI LTAR BYANG CHEN SHER PHYIN LA SPYOD PA'I SBYIN PA'I PHAR PHYIN SGOM PA YONGS SU RDZOGS PAR 'GYUR BA LAGS, TSUL KHRIMS KYI PHAR PHYIN DANG, BZOD PA'I PHAR PHYIN DANG, BRTZON 'GRUS KYI PHAR PHYIN DANG, BSAM GTAN GYI PHAR PHYIN DANG, SHER PHYIN SGOM PA YONGS SU RDZOGS PAR 'GYUR BA LAGS, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN SBYIN PA YONGS SU GTONG BA'I TSE RNAM MKHYEN NYID DU YONGS SU BSNGO ZHING SBYIN PA DE DAG YONGS SU GTONG STE,

047b

RAB 'BYOR DE LTAR BYANG CHEN SBYIN PA'I PHAR PHYIN YONGS SU RDZOGS PAR 'GYUR RO, ,RAB 'BYOR 'DI LA BYANG CHEN SBYIN PA YONGS SU GTONG ZHING RNAM MKHYEN NYID DU YONGS SU BSNGO BA'I TSE, SEMS CAN RNAMS LA BYAMS PA'I LUS KYI LAS DANG, BYAMS PA'I DAG GI LAS DANG, BYAMS PA'I YID KYI LAS NYE BAR GNAS PAR 'GYUR TE, DGE BA'I RTZA BA DE DAG KYANG NYAN THOS DANG RANG SANGS RGYAS SU MI BSNGO YI, SEMS CAN THAMS CAD DANG THUN MONG DU BYAS NAS BLA MED RDZOGS BYANG DU YONGS SU BSNGO STE, DE JI LTAR GANG GIS YONGS SU BSNGO BA DANG, GANG YONGS SU BSNGO BA DANG, GANG DU YONGS SU BSNGO BA'I 'DU SHES GSUM MI 'JUG PA DE LTAR YONGS SU BSNGO'O, ,RAB 'BYOR DE LTAR BYANG CHEN SBYIN PA'I PHAR PHYIN LA GNAS PAS TSUL KHRIMS KYI PHAR PHYIN YONGS SU 'DZIN PA YIN NO, ,ZHES SOGS GSUNGS, GNYIS PA LA GSUM LAS, DANG PO NI, DE LTAR LUS RNAM GZHAG GI SDOM GYIS MA BSDUS PAS ZHAR LA 'ONGS PA'I TSIGS BCAD DE DAG BRJOD NAS RNAL MA'AM DKYUS MA MTHONG LAM RTZE SBYOR RANG GI NGO BO DE NYID 'CHAD DO, ,ZHES MTSAMS SBYOR BA LA, DE LTAR ZHAR LA 'ONGS PA BRJOD NAS RNAL MA MTHONG BA'I LAM NYID, CES GSUNGS, GNYIS PA NI, MDO DE'I DON 'CHAD PA LA, SBYIN PA LA SOGS RE RER NI, , ZHES SOGS GSUNGS, GSUM PA LA, MTHONG LAM RTZE SBYOR DNGOS DANG, DE'I BYED PA GNYIS LAS, DANG PO DE STON PA LA, SBYIN PA LA SOGS PA PHA ROL TU PHYIN PA DRUG PO DAG SO SOR SBYIN PA LA SOGS PA'I NGO BO RE RER SNGA MA BZHIN

048a

, ,DU PHAN TSUN BSDUS PA GANG YIN PA SKAD CIG MA GCIG PA SDUG BSNGAL LA CHOS SHES PA'I BZOD PAS BSDUS PA 'KHOR GSUM RNAM PAR DAG PAS RAB TU PHYE BA RNAM PA SUM CU RTZA DRUG CAN SKYES PA GANG YIN PA DE NI RTZE MO'I MNGON PAR RTOGS PA 'DIR MTHONG BA'I LAM YIN NO, ,ZHES GSUNGS, GNYIS PA DE STON PA LA, DE SKYES NA 'DOD PA DANG GZUGS DANG GZUGS MED PA'I KHAMS KYI DBYE BAS RNAM PAR RTOG PA BZHI PO SO SOR RNAM PA DGU NYID KYIS GZUNG BA DANG; 'DZIN PA'I RNAM PAR RTOG PA BRGYA RTZA BRGYAD SPANGS PAS, DE DAG GIS BSDUS PA'I RNAM PAR RTOG PA SKYED PAR BYED PA'I BAG CHAGS KYI NYON MONGS PA BRGYA RTZA BRGYAD SPANGS BA RTEN CING 'BREL BAR 'BYUNG BA'I CHOS NYID KYIS 'THOB BO, ,ZHES GSUNGS, GZHUNG DON NI, SBYIN PA LA SOGS PA DRUG PO RE RER NI SBYIN SOGS DRUG PO DE DAG PHAN TSUN DU BSDUS NAS NYAMS SU LEN PA'I SHES RAB KYIS ZIN PA'I MTHONG LAM SKAD CIG MA GCIG PA SDUG BSNGAL CHOS BZOD KYIS BSDUS PA DE CHOS CAN, RTZE MO'I MNGON PAR RTOGS PA'I SKABS 'DIR MTHONG LAM YIN TE, MTHONG SPANG RTOG PA'I SA BON GYI DNGOS GNYEN BYED PA'I RIGS SU GNAS PA'I THEG CHEN GYI BDEN PA MNGON RTOGS YIN PA'I PHYIR, 'DIR BSTAN MTHONG LAM RTZE SBYOR CHOS CAN, BYED LAS KHYAD PAR CAN DANG LDAN TE, KHYOD BSGOMS STOBS KYIS MTHONG SPANG GZUNG 'DZIN GYI RNAM RTOG BRGYA RTZA BRGYAD SA BON DANG BCAS PA SPONG NUS PA DE RTEN 'BREL GYI STOBS KYIS 'THOB PA'I PHYIR, MTHONG SPANG GZUNG 'DZIN GYI

048b

RNAM RTOG CHOS CAN, KHYOD LA BRGYA RTZA BRGYAD DU DBYER RUNG STE, KHYOD LA KHAMS GSUM GYI DBYE BAS BRGYA RTZA BRGYAD DU YOD PA'I PHYIR RO, ,MTHONG SPANG RTOG PA'I SA BON GYI DNGOS GNYEN BYED PA'I RIGS SU GNAS PA'I THEG CHEN GYI BDEN PA MNGON RTOGS DE; MTHONG LAM RTZE SBYOR GYI MTSAN NYID, DBYE NA MTHONG LAM SHES BZOD SKAD CIG MA BCU DRUG TU YOD CING, RJES THOB TU NYAMS SU LEN PA'I SGO NAS MTHONG LAM RTZE SBYOR GYI NGO BOR GYUR PA'I SBYIN SOGS DRUG PO RE RE LA YANG SBYIN SOGS DRUG DRUG STE SO DRUG TU YOD DO, ,KHA CIG ,MTHONG SPANG RTOG PA'I SA BON DNGOS SU 'JOMS BYED GYI THEG CHEN GYI BDEN PA MNGON RTOGS, MTHONG LAM RTZE SBYOR GYI MTSAN NYID ZER NA, THEG CHEN GYI MTHONG LAM RNAM GROL LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, BAR CHAD MED LAM DU THAL LO, ,KHA CIG ,DE SKABS 'DIR DNGOS SU BSTAN PA'I MTHONG LAM RTZE SBYOR GYI MTSAN NYID ZER NA, MTHONG LAM RTZE SBYOR CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE; SKABS 'DIR MTHONG LAM RTZE SBYOR DNGOS SU BSTAN PA'I PHYIR, ` GNYIS PA JI LTAR SGOM PA'I TSUL LAM SPANGS PA LA DBANG BYED TSUL BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MTHONG LAM RTZE SBYOR GYI MDOR, PHAR PHYIN DRUG RE RE LA GNAS NAS GZHAN LNGA LNGA 'DZIN PAR GSUNGS PA'I SHER PHYIN LA GNAS NAS BSAM GTAN 'DZIN PA'I SKABS SU, DE RNAM PAR THAR PA BRGYAD DANG MTHAR GYIS GNAS PA'I SNYOMS

049a

, ,PAR 'JUG PA DGU PO DE DAG CHES RNAM PAR PHYE STE SENG GE RNAM PAR BSGYINGS PA'I TING NGE 'DZIN LA SNYOMS PAR 'JUG GO ,TING NGE 'DZIN DE LA GNAS NAS RTEN CING 'BREL BAR 'BYUNG BA LUGS DANG MTHUN PA DANG LUGS DANG MI MTHUN PA LA SO SOR RTOGS SO, DE LA YAN LAG BCU GNYIS GANG DAG CE NA, RAB 'BYOR DE LA BYANG CHEN MA RIG PA'I RKYEN GYIS 'DU BYED CES SO SOR RTOGS SO, ZHES SOGS GSUNGS, NYI SNANG DANG, LE'U BRGYAD MA DANG, NYI KHRI RNAM 'GREL LTAR NA DRUG TSAN DRUG GI MTHONG LAM RTZE SBYOR DE NYID 'DI'I SENG GE RNAM BSGYINGS KYI TING NGE 'DZIN YIN TE, DE GSUM LAS DRUG TSAN DRUG GI MDO MA GTOGS 'DI LA MDO SBYAR BA MED PA'I PHYIR, DAG LDAN LAS DRUG TSAN DRUG GI THA MAL GNAS NAS BSAM GTAN GYI BAR LNGA 'DZIN PAR MDO LAS GSUNGS PA DE TSIGS BCAD 'DIS BSDUS PA DANG, SENG GE RNAM BSGYINGS NI DRUG TSAN DRUG GI MDO RDZOGS PA'I 'OG TU THOD RGAL GYI SBYOR BA LA BSHAD PA'I SENG GE RNAM BSGYINGS DE YIN PAR BSHAD PA MI 'THAD DE, DRUG TSAN DRUG GI SKABS SU MDO LAS GSUNGS PA LTAR SNGAR DRANGS PA DE NYID TSIGS BCAD DANG TSIGS LHUG PA'I KHYAD PAR MA GTOGS JI LTA BA BZHIN 'BYUNG ZHING, DRUG TSAN DRUG RDZOGS RJES SU GSUNGS PA'I SENG GE RNAM BSGYINGS KYI SKABS SU RTEN 'BREL LA RTOG TSUL MDO LA MED PA'I PHYIR, DES NA SENG GE RNAM BSGYINGS LA GNYIS GSUNGS PA'I DANG PO MTHONG LAM RTZE SBYOR LA DBANG BA'I PHYIR DANG, GNYIS PA THOD RGAL LA 'JUG PA'I CHED DU YIN TE, DE LTAR DU 'PHAGS PA DANG SLOB DPON

049b

GYIS BZHED PA NYID MDO DANG BSTAN CHOS KYI DGONGS PA YIN PA'I PHYIR, MTHONG LAM RTZE SBYOR NYID LA SNYOMS PAR 'JUG PA LA SENG GE RNAM BSGYINGS LA SNYOMS PAR 'JUG PA'I MING GIS BSTAN PA YIN TE, DE NYID YANG DANG YANG DU SGOM PAR BYED DO, ,ZHES GSUNGS PA'I PHYIR, BRGYAD STONG BAR SHER PHYIN LA GNAS NAS DANG PO LNGA'I SGOM PA RDZOGS PAR GSUNGS PA DES GZHAN LNGA LA GNAS PA YANG MTSON PAR BYAS NAS MTHONG LAM RTZE SBYOR GYI MDOR SBYAR ZHING, DE'I 'OG TU, THABS MKHAS PAS THAMS CAD SGOM PA YONGS SU RDZOGS PAR 'GYUR TE, BYANG CHEN SHER PHYIN LA SPYOD PA DE LA BDUD KYI LAS GANG CI DAG 'BYUNG BAR 'GYUR BA DE DAG THAMS CAD 'BYUNG BA'I TSE RAB TU SHES PAR 'GYUR TE, ZHES GSUNGS PA 'DI'I MDO LA RGYAN SNANG DU MDZAD DO, ,GNYIS PA LA GSUM LAS, DANG PO NI, MTHONG LAM RTZE MO'I NGO BO DE NYID YANG DANG YANG DU SGOM PAR BYED DO, ,ZHES BAR SKABS KYI TSIGS SU BCAD PAS GSUNGS PA CHOS CAN, DGOS PA YOD DE, MTHONG LAM RTZE SBYOR DE LA RTOGS PA RANG DBANG DU BYA BA'I CHED YIN PA'I PHYIR, ZHES MTSAMS SBYOR BA LA, DE LA DBANG DU BYA BA'I PHYIR DE NYID YANG DANG YANG DU SGOM PAR BYED DO, ,ZHES BAR SKABS KYI TSIGS SU BCAD PAS GSUNGS PA, ZHES GSUNGS, GNYIS PA NI, MDO DE'I DON BSHAD PA LA, DE NAS SENG GE RNAM BSGYINGS PA'I, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, MTHONG BA'I LAM THOB PA'I, ZHES SOGS GSUNGS, 'DI LA YANG MNYAM GZHAG GIS BSDUS PA'I MTHONG LAM RTZE SBYOR DANG, DE'I RJES

050a

, ,LA THOB PA'I MTHONG LAM RTZE SBYOR GNYIS LAS, DANG PO DE STON PA LA, DE NAS SENG GE RNAM BSGYINGS PA'I, ,TING NGE 'DZIN LA SNYOMS ZHUGS NAS, ,ZHES DANG, MTHONG BA'I LAM THOB PA'I RNAL 'BYOR PA DE NYON MONGS PA DANG SHES BYA'I SGRIB PA'I 'JIGS PA MED PA'I PHYIR TING NGE 'DZIN SENG GE RNAM PAR BSGYINGS PA LA SNYOMS PAR ZHUGS NAS, ZHES GSUNGS, GNYIS PA DE STON PA LA, RTEN CING 'BREL 'BYUNG LUGS MTHUN DANG, ,LUGS MI MTHUN LA RTOG PAR BYED; ;CES DANG, DUS PHYIS RTEN CING 'BREL BAR 'BYUNG BA LA MA RIG PA'I RKYEN GYIS 'DU BYED RNAMS SO, ,ZHES BYA BA LA SOGS PA LUGS DANG MTHUN PA DANG, SKYE BA 'GAGS PAS RGA SHI 'GAG GO ZHES BYA BA LA SOGS PA LUGS DANG MI MTHUN PAR YANG DAG PAR RTOGS SO, ZHES GSUNGS, 'DI'I SKABS SU GZHUNG DON DANG, MTHA' DPYAD PA GNYIS LAS, DANG PO LA, MTHONG LAM RTZE SBYOR LA GNAS PA'I SEMS DPA' CHOS CAN, SPANGS PA LA DBANG BYED PA'I BYED LAS DANG LDAN PA YIN TE, MNYAM GZHAG TU SENG GE RNAM PAR BSGYINGS PA'I TING NGE 'DZIN LA SNYOMS PAR ZHUGS NAS, DE'I RJES THOB TU RTEN 'BREL LUGS MTHUN DANG LUGS MI MTHUN LA RTOG PA'I BDEN PA MNGON RTOGS LA GNAS PA'I SEMS DPA' YIN PA'I PHYIR, MTHONG LAM RNAM GROL LAM LA GNAS PA'I SEMS DPA' CHOS CAN, SENG GE RNAM PAR BSGYINGS PA'I TING NGE 'DZIN LA SNYOMS PAR 'JUG PA YIN TE, SHES SGRIB KUN BTAGS KYI SA BON DNGOS SU SPANGS PA'I SGO NAS MTHONG SPANG SGRIB GNYIS KYI 'JIGS

050b

PA MED PA'I BDEN PA MNGON RTOGS LA GNAS PA'I SEMS DPA' YIN PA'I PHYIR, BYANG SEMS MTHONG LAM PA CHOS CAN, RJES THOB TU RTEN 'BREL LUGS MTHUN DANG LUGS MI MTHUN LA RTOGS PAR BYED PA YIN TE, BDEN BZHI'I GNAS TSUL KHONG DU CHUD PA'I BDEN PA MNGON RTOGS LA GNAS PA'I SEMS DPA' YIN PA'I PHYIR, KHA CIG ,MTHONG LAM RNAM GROL LAM LA GNAS PA'I SEMS DPA' DES MNYAM GZHAG TU SENG GE RNAM PAR BSGYINGS PA'I TING NGE 'DZIN LA MNYAM PAR BZHAG PA CHOS CAN, DGOS PA YOD DE, MTHONG SPANG SGRIB GNYIS KYI 'JIGS PA MED PAR BYA BA'I CHED YIN PA'I PHYIR, BYANG SEMS MTHONG LAM PAS RJES THOB TU RTEN 'BREL LUGS MTHUN DANG LUGS MI MTHUN LA RTOG PA CHOS CAN, DGOS PA YOD DE, BDEN BZHI'I GNAS TSUL KHONG DU CHUD PAR BYA BA'I CHED YIN PA'I PHYIR, ZHES ZER BA MI 'THAD DE, MTHONG LAM RNAM GROL LAM LA GNAS PA'I SEMS DPA' DES MTHONG SPANG SGRIB GNYIS SPANGS ZIN PA'I PHYIR DANG, BYANG SEMS MTHONG LAM PAS BDEN BZHI'I GNAS TSUL KHONG DU CHUD ZIN PA'I PHYIR, RONG t'IKA PA NA RE, SKABS 'DI'I SENG GE RNAM BSGYINGS KYI TING NGE 'DZIN DE SGOM LAM RTZE SBYOR YIN TE, DE NAS SENG GE RNAM BSGYINGS PA'I, ,ZHES PA'I DE NAS DE, MTHONG LAM RTZE SBYOR BSTAN ZIN PA DE NAS SGOM LAM RTZE SBYOR 'CHAD CES PA'I DON YIN PA'I PHYIR, ZHES ZER BA MI 'THAD DE, DE LA DBANG DU BYA BA'I PHYIR DE NYID YANG DANG YANG DU SGOM PAR BYED DO, ,ZHES PAR SKABS KYI TSIGS SU BCAD PAS GSUNGS PA, ZHES DANG, THOD RGAL GYI MTSAMS SBYOR DU, DE

051a

, ,LTAR MTHONG BA'I LAM BRJOD NAS, ZHES GSUNGS PA'I PHYIR, ` GNYIS PA LA, RTEN 'BREL SPYI'I RNAM GZHAG BSHAD PA DANG, KUN NAS NYON MONGS PHYOGS KYI RTEN 'BREL BYE BRAG TU BSHAD PA GNYIS LAS, DANG PO LA; MTSAN NYID, DBYE BA, ZAB PA'I RGYU MTSAN, SGRA DON DANG BZHI LAS, DANG PO NI, RANG GI CHA SHAS LA LTOS NAS GRUB PA, RTEN 'BREL GYI MTSAN NYID YIN, GZHI GRUB NA RTEN 'BREL YIN PAS KHYAB STE, GZHI GRUB NA RTEN CING 'BREL BAR 'BYUNG BA YIN PAS KHYAB PA'I PHYIR TE, RTZA SHE LAS, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN PA, ,DE PHYIR STONG PA MA YIN PA'I, ,CHOS 'GA' YOD PA MA YIN NO, ,ZHES GSUNGS PA'I PHYIR, GNYIS PA NI, SPYIR RTEN 'BREL LA DBYE NA; NGO BO LA LTOS PA'I RTEN 'BREL DANG, THA SNYAD RNAM 'JOG GI RTEN 'BREL GNYIS LAS, DANG PO NI, ME LA BRTEN NAS DU BA 'BYUNG BA DANG, SA BON LA BRTEN NAS MYU GU 'BYUNG BA LTA BU, GNYIS PA NI, PHA RI LA LTOS TE TSU RI 'JOG PA DANG, RING PO LA LTOS TE THUNG NGU 'JOG PA LTA BU'O, ,YANG DE LA 'DUS BYAS KYI RTEN 'BREL DANG, 'DUS MA BYAS KYI RTEN 'BREL GNYIS LAS, RANG GI RGYUR GYUR PA'I RKYEN GSUM GA LAS BYUNG BA GANG ZHIG ,RANG GI CHA SHAS LA LTOS NAS GRUB PA, DANG PO'I MTSAN NYID, DE LA DBYE NA, PHYI'I RTEN 'BREL DANG, NANG GI RTEN 'BREL GNYIS, RGYUD KYIS MA BSDUS PA GANG ZHIG ,RANG GI CHA SHAS LA LTOS NAS GRUB PA, DANG PO'I MTSAN NYID, DPER NA, SNOD KYI 'JIG RTEN LTA BU, RGYUD KYIS BSDUS PA GANG ZHIG ,RANG GI CHA

051b

SHAS LA LTOS NAS GRUB PA, GNYIS PA'I MTSAN NYID, DPER NA, BCUD KYI SEMS CAN LTA BU, DE LA DBYE NA, KUN NAS NYON MONGS PHYOGS KYI RTEN 'BREL DANG, RNAM BYANG PHYOGS KYI RTEN 'BREL GNYIS SU YOD, RANG RGYU LAS MA BYUNG BA GANG ZHIG ,RANG GI CHA SHAS LA LTOS NAS GRUB PA, GNYIS PA'I MTSAN NYID, DPER NA, SHES BYA LTA BU'O, ,YANG RTEN 'BREL GYI RAB DBYE BRGYAD DU KUN BTUS LAS GSUNGS TE, DE NYID LAS, RAB TU DBYE BAS JI LTA BU ZHE NA, RNAM PAR SHES PA 'BYUNG BA'I RAB TU DBYE BA DANG, 'CHI 'PHO BA DANG SKYE BA'I RAB TU DBYE BA DANG, PHYI'I LO TOG 'BYUNG BA'I RAB TU DBYE BA DANG, 'JIG PA DANG 'CHAGS PA'I RAB TU DBYE BA DANG, ZAS KYIS BSTAN PA'I RAB TU DBYE BA DANG, 'DOD PA DANG MI 'DOD PA'I 'GRO BA RNAM PAR 'BYED PA'I RAB TU DBYE BA DANG, RNAM PAR DAG PA'I RAB TU DBYE BA DANG, MTHU STOBS KYI RAB TU DBYE BAS KYANG RAB TU DBYE BAR BLTA'O, ,ZHES 'BRAS BU GTZO BOR GYUR PA'I KUN NAS NYON MONGS PHYOGS KYI RTEN 'BREL GYI DBANG DU BYAS PA DANG, RGYU GTZO BOR GYUR PA'I KUN NAS NYON MONGS PHYOGS KYI RTEN 'BREL GYI DBANG DU BYAS PA'I RAB DBYE BRGYAD DU GSUNGS PA'I PHYIR, GSUM PA NI, 'DUS BYAS KYI RTEN 'BREL RNAMS CHOS CAN, KHYAD CHOS LNGA'I SGO NAS ZAB PA YIN TE, RGYUS ZAB, MTSAN NYID ZAB, SKYE BAS ZAB, GNAS PAS ZAB; 'BYUNG BAS ZAB PA'I PHYIR, DANG PO GRUB STE, DE RNAMS RGYU MED DANG BLO SNGON DU GTONG BA'I BYED PA PO MED KYANG GLO BUR DU 'BYUNG BA'I PHYIR, GNYIS PA GRUB STE, GANG ZAG GI BDAG GIS STONG YANG GANG ZAG GI BDAG TU YOD PA LTAR SNANG BA'I RTEN

052a

, ,'BREL YIN PA'I PHYIR, GSUM PA GRUB STE, RKYEN GZHAN LA RAG LAS TE MA 'DRES PAR 'BYUNG YANG RKYEN DE DAG GI BLO SNGON DU GTANG STE BYED PA MED PA'I PHYIR, BZHI PA GRUB STE, SKAD CIG RE RE LA 'JIG KYANG GNAS PA LTAR SNANG BA'I PHYIR; LNGA PA GRUB STE, RANG GI RGYU LAS 'BYUNG YANG BDAG GZHAN LA SOGS PA 'BYUNG TSUL GYI MTHA' BZHI'I SGO NAS BRTAGS NA RTOGS PAR DKAR BA'I PHYIR, DE LTAR YANG, KUN BTUS LAS, ZAB PAS JI LTA BU ZHE NA, RGYUS ZAB PA DANG, MTSAN NYID KYIS ZAB PA DANG; SKYE BAS ZAB PA DANG, GNAS PAS ZAB PA DANG, 'BYUNG BAS ZAB PAS KYANG ZAB PAR BLTA'O, ,ZHES GSUNGS PA'I PHYIR, BZHI PA NI, SNOD BCUD KYI 'JIG RTEN RNAMS CHOS CAN, KHYOD LA RTEN 'BREL ZHES BRJOD PA'I RGYU MTSAN YOD DE, BRTEN PA'AM, 'PHRAD PA'AM, LTOS NAS GRUB PA'I RGYU MTSAN GYIS DE LTAR BRJOD PA'I PHYIR, DE YANG RTEN 'BREL GYI SKAD DONG, PRA T'I TYA SA MUDRA P'A TA ZHES 'BYUNG BA'I PRA T'I TYA BRTEN PA DANG, 'PHRAD PA DANG, LTOS PA LA 'JUG CING, SA MUDRA P'A TA 'BYUNG BA LA 'JUG PA'I PHYIR, KUN BTUS LAS RTEN 'BREL GYI SGRA DON BCU GCIG TU GSUNGS TE, DE NYID LAS, DON GYIS JI LTA BU ZHE NA, BYED PA PO MED PA'I DON NI RTEN CING 'BREL BAR 'BYUNG BA'I DON DANG, RGYU DANG BCAS PA LAS 'BYUNG BA'I DON DANG, SEMS CAN MED PA'I DON DANG, GZHAN GYI DBANG GIS DON DANG, G-YO BA MED PA'I DON DANG, MI RTAG PA'I DON DANG, SKAD CIG MA'I DON DANG, RGYU DANG 'BRAS BU RGYUN MI 'CHAD PA'I DON DANG, RGYU DANG 'BRAS BU MTHUN PA'I DON DANG, RGYU DANG 'BRAS BU SNA TSOGS PA'I DON DANG, RGYU DANG 'BRAS BU SO

052b

SOR NGES PA'I DON NI RTEN CING 'BREL BAR 'BYUNG BA'I DON NO, ,ZHES GSUNGS PA'I PHYIR, DE LTAR SGRA DON BCU GCIG GSUNGS PA'I RGYU MTSAN YOD DE, MI RTAG PA DANG, SDUG BSNGAL BA DANG, STONG PA DANG, BDAG MED PA'I DON BZHI STON PAR 'DOD NAS DE LTAR GSUNGS PA'I PHYIR TE, DANG POS STONG PA'I DON DANG, GSUM PAS BDAG MED PA'I DON DANG, THA MA GSUM GYIS SDUG BSNGAL BA'I DON DANG, LHAG MA DRUG GIS MI RTAG PA'I DON BSTAN PA'I PHYIR RO, ,GNYIS PA LA, SKAD CIG MA'I RTEN 'BREL 'DOD PA'I LUGS, GNAS SKABS KYI RTEN 'BREL 'DOD PA'I LUGS, 'BREL BA CAN GYI RTEN 'BREL 'DOD PA'I LUGS, RANG LUGS DANG BZHI LAS, DANG PO NI, RANG SDE KHA CIG ,RTEN 'BREL YAN LAG BCU GNYIS PO DUS SKAD CIG MA GCIG LAS GRUB PA YIN TE, 'DOD CHAGS KYI KUN NAS BSLANGS TE SEMS CAN GYI SROG BCAD PA'I TSE, DE'I GNAS SKABS KYI RMONGS PA GANG YIN PA DE MA RIG PA'I RTEN 'BREL, DE'I GNAS SKABS KYI SEMS PA GANG YIN PA DE 'DU BYED KYI RTEN 'BREL, DE'I GNAS SKABS KYI DNGOS PO RNAMS SO SOR RIG PA GANG YIN PA DE RNAM SHES KYI RTEN 'BREL, DE'I GNAS SKABS KYI PHUNG PO LNGA PO DE MING GZUGS KYI RTEN 'BREL, DE'I GNAS SKABS KYI PHUNG PO LNGA LA YOD PA'I DBANG PO DRUG PO DE SKYE MCHED DRUG GI RTEN 'BREL, DE RNAMS 'DUS PA REG PA'I RTEN 'BREL, REG PA NYAMS SU MYONG BA TSOR BA'I RTEN 'BREL, TSOR BA DE LA CHAGS PA'I SRED PA DE SRED PA'I RTEN 'BREL, SRED PA DE DANG MTSUNGS LDAN GYI KUN DKRIS DE LEN PA'I RTEN 'BREL, DE'I GNAS SKABS KYI LUS NGAG GI BYA BA DE SRID

053a

, ,PA'I RTEN 'BREL, DE RNAMS SKYES PA SKYE BA'I RTEN 'BREL, DE RNAMS SMIN PA RGA BA'I RTEN 'BREL, DE RNAMS ZHIG PA SHI BA'I RTEN 'BREL DU 'JOG PA'I PHYIR, DE LTA BU DE LA SKAD CIG MA'I RTEN 'BREL ZHES BRJOD PA'I RGYU MTSAN YOD DE; DE BCU GNYIS PO DUS SKAD CIG MA GCIG LA GRUB PAS DE LTAR BRJOD PA'I PHYIR, ZHES ZER RO, ,GNYIS PA NI, KHA CHE BYE BRAG SMRA PA NA RE, KHO BO CAG GNAS SKABS KYI RTEN 'BREL 'DOD PA YIN TE, TSE SNGA MA NAS 'DIR 'ONGS 'DI NAS PHYI MAR 'GRO BA'I TSE GSUM LA RDZOGS PA'I RTEN 'BREL YAN LAG BCU GNYIS LTA BU LA MTSON NA, TSE SNGA MA NAS 'DIR 'ONG BAR BYED PA'I LAS KUN NAS SLONG BAR BYED PA'I GNAS SKABS KYI PHUNG PO LNGA PO DE MA RIG PA'I RTEN 'BREL, DE 'DRA'I LAS GSOG PAR BYED PA'I GNAS SKABS KYI PHUNG PO LNGA PO DE 'DU BYED KYI RTEN 'BREL, TSE 'DIR MNGAL DU NYING MTSAMS SBYAR MA THAG PA'I GNAS SKABS KYI DE LNGA PO DE RNAM SHES KYI RTEN 'BREL, DE'I SKAD CIG GNYIS PA NAS BZUNG STE DBANG PO DRUG TSANG BAR MA DONG PA'I GNAS SKABS KYI DE LNGA PO MING GZUGS KYI RTEN 'BREL, DBANG PO DRUG TSANG BAR DOD PA NAS BZUNG STE MIG DBANG SOGS LA BRTEN NAS MIG SHES SOGS KYIS RANG GI YUL 'DZIN MI NUS PA'I BAR GYI DE LNGA PO DE SKYE MCHED DRUG GI RTEN 'BREL, YUL DBANG RNAM SHES GSUM 'DUS NAS YUL GYI 'GYUR BA SPYOD NUS PA NAS BZUNG STE TSOR BA BDE SDUG BTANG SNYOMS GSUM GYI RGYU ZAS LA SOGS PA SHES MI NUS PA TSUN CHAD KYI DE LNGA PO DE RIG PA'I RTEN 'BREL, DE SHES NUS PA NAS BZUNG STE 'KHRIG PA SPYOD MI NUS PA TSUN CHAD KYI DE LNGA PO DE TSOR

053b

BA'I RTEN 'BREL DE NUS PA NAS BZUNG STE 'KHRIG PA'I YUL BUD MED 'TSOL BA LA MA ZHUGS PA'I GNAS SKABS KYI DE LNGA PO SRID PA'I RTEN 'BREL DE LA ZHUGS PA NAS BZUNG STE SKYE BA PHYI MAR 'GRO BA'I LAS KUN NAS SLONG BAR BYED PA'I GNAS SKABS KYI DE LNGA PO LEN PA'I RTEN 'BREL, DER 'GRO BA'I LAS GSOG PAR BYED PA'I GNAS SKABS KYI DE LNGA PO SRID PA'I RTEN 'BREL, SKYE BA PHYI MAR MNGAL DU NYING MTSAMS SBYAR MA THAG PA'I GNAS SKABS KYI DE LNGA PO SKYE BA'I RTEN 'BREL, DE'I SKAD CIG GNYIS PA NAS BZUNG STE 'KHRIG PA SPYOD MI NUS PA'I GNAS SKABS KYI DE LNGA PO DE RGA SHI'I RTEN 'BREL YIN PA'I PHYIR RO, ,TSE SNGA MA NAS 'DIR 'ONG BA'I LAS KUN NAS SLONG BAR BYED PA'I GNAS SKABS KYI PHUNG PO LNGA PO DE MA RIG PA'I RTEN 'BREL DU 'JOG PA'I RGYU MTSAN YOD DE, DE'I GNAS SKABS SU MA RIG PA GTZO CHE BAS DE LTAR BZHAG PA'I PHYIR TE, DPER NA, RGYAL PO 'KHOR BCAS BYON PA LA RGYAL PO BYON ZHES BRJOD PA BZHIN NO, ,DE LTAR YANG, MDZOD LAS, MA RIG NYON MONGS SNGON GNAS SKABS, ,'DU BYED DAG NI SNGON LAS KYI, ,RNAM SHES MTSAMS SBYOR PHUNG PO YIN, ,MING DANG GZUGS NI DE PHAN CHAD, ,SKYE MCHED DRUG DOD TSUN CHAD DO, ,DE NI GSUM 'DUS TSUN CHAD DO, ,REG PA BA DE SDUG LA SOGS PA'I, ,RGYU SHES NUS PA TSUN CHAD DO, ,TSOR 'KHRIG TSUN CHAD SRED PA NI; ;LONGS SPYOD 'KHRIG PA CHAGS CAN GYI, ,NYE BAR LEN PA LONGS SPYOD RNAMS, ,THOB PAR BYA PHYIR YONGS RGYUG PA, ,DE SRID 'BRAS BU 'BYUNG 'GYUR PHYIR, ,LAS BYED DE NI SRID PA YIN, ,NYING MTSAMS SBYOR BA SKYE BA YIN, ,TSOR BA'I BAR NI RGA SHI YIN,,

054a

, ,'DI NI GNAS SKABS BAR 'DOD LO, ,GTZO BO'I PHYIR NA YAN LAG BSGRAGS, ,ZHES GSUNGS, DE LTA BU'I YAN LAG BCU GNYIS PO DE RGYU 'BRAS TSANG GNYIS SU 'DU BA YIN TE, MA RIG PA DANG 'DU BYED GNYIS TSE SNGA MA NAS 'DIR 'ONG BA'I RGYU DANG, RNAM SHES NAS TSOR BA'I BAR DE'I 'BRAS BU STE, TSE SNGA MA NAS 'DIR 'ONG BA'I RGYU 'BRAS TSAR GCIG DANG, SRED LEN SRID PA GSUM 'DI NAS PHYI MAR 'GRO BA'I RGYU DANG, SKYE RGA GNYIS DE'I 'BRAS BU STE 'DI NAS PHYI MAR 'GRO BA'I RGYU 'BRAS TSAR GCIG STE GNYIS SU 'DU BA'I PHYIR, SEMS CAN RNAMS LAS NYON GYIS 'KHOR BAR SKYE BA LEN PA LA RGYU 'BRAS TSAR DE GNYIS PO GANG RUNG GCIG GIS CHOG STE, MA RIG PA DANG 'DU BYED GNYIS KYIS RANG 'BRAS RNAM SMIN RNAM SHES NAS TSOR BA'I BAR 'BYIN PA YANG SRED LEN SRID PA GSUM LA RAG MA LAS, DE GSUM GYIS RANG 'BRAS RNAM SMIN SKYE RGA GNYIS 'BYIN PA YANG CIG SHOS GNYIS LA RAG MA LAS PA'I PHYIR, DES NA TSE SNGA MA NAS 'DIR 'ONGS 'DI NAS PHYI MAR 'GRO BA'I RTEN 'BREL YAN LAG BCU GNYIS KYI NANG TSAN DU GYUR PA'I MA RIG PA'I RTEN 'BREL YIN NA, TSE SNGA MA'I SNGA MA NAS SNGA MAR 'ONG SNGA MA NAS 'DIR SKYE BA BLANGS PA'I SRED LEN GANG RUNG GI RTEN 'BREL YIN PAS KHYAB, DE'I NANG TSAN DU GYUR PA'I 'DU BYED KYI RTEN 'BREL YIN NA, DE 'DRA'I SRID PA'I RTEN 'BREL YIN PAS KHYAB, DE'I NANG TSAN DU GYUR PA'I RNAM SHES KYI RTEN 'BREL YIN NA, DE 'DRA'I SKYE BA'I RTEN 'BREL YIN PAS KHYAB, DE'I

054b

NANG TSAN DU GYUR PA'I MING GZUGS NAS TSOR BA'I BAR GYI RTEN 'BREL GANG RUNG YIN NA, DE 'DRA'I RGA SHI'I RTEN 'BREL YIN PAS KHYAB, DE'I NANG TSAN DU GYUR PA'I SRID LEN GANG RUNG GI RTEN 'BREL YIN NA, 'DI NAS PHYI MAR 'GRO PHYI MA NAS PHYI MA'I PHYI MAR SKYE BA BLANGS PA'I MA RIG PA'I RTEN 'BREL YIN PAS KHYAB, DE'I NANG TSAN DU GYUR PA'I SRID PA'I RTEN 'BREL YIN NA, DE 'DRA'I 'DU BYED KYI RTEN 'BREL YIN PAS KHYAB, DE'I NANG TSAN DU GYUR PA'I SKYE BA'I RTEN 'BREL YIN NA, DE 'DRA'I RNAM SHES KYI RTEN 'BREL YIN PAS KHYAB, DE'I NANG TSAN DU GYUR PA'I RGA SHI'I RTEN 'BREL YIN NA, DE 'DRA'I MING GZUGS NAS TSOR BA'I RTEN 'BREL GYI BAR GANG RUNG YIN PAS KHYAB BO, ,DES NA DE 'DRA'I RTEN 'BREL YAN LAG BCU GNYIS PO DE LA RGYAS PAR DBYE NA BCU DRUG TU 'GYUR TE, TSE SNGA MA NAS 'DIR 'ONG BA'I 'BRAS BU DE LA RNAM SHES NAS TSOR BA'I BAR LNGA YOD PA LTAR, 'DI NAS PHYI MAR 'GRO BA'I 'BRAS BU SKYE RGA GNYIS PO DE LA YANG DE LTAR YOD LA, 'DI NAS PHYI MAR 'GRO BA'I RGYU NYON MONGS PA DE LA SRED LEN GNYIS SU YOD PA LTAR, SNGA MA NAS 'DIR 'ONG BA'I RGYU MA RIG PA DE LA YANG DE GNYIS SU YOD PAS, TSE SNGA MA NAS 'DIR 'ONG BA'I RGYU DE LA GSUM 'BRAS BU DE LA LNGA; 'DI NAS PHYI MAR 'GRO BA LA YANG DE LTAR YOD PAS, BCU DRUG TU 'GYUR BA'I PHYIR RO, ,BSDU NA BRGYAD DU 'DU STE, TSE 'DI NAS PHYI MAR 'GRO BA'I 'BRAS BU DE SKYE RGA GNYIS SU 'DU BA BZHIN DU, TSE SNGA MA NAS 'DIR 'ONG BA'I 'BRAS BU

055a

, ,LNGA PO DE YANG DE GNYIS SU 'DU LA, SNGA MA NAS 'DIR 'ONG BA'I RGYU MA RIG PA DE NYON MONGS PA GCIG PUR 'DU BA BZHIN DU, 'DI NAS PHYI MAR 'GRO BA'I RGYU SRED LEN GNYIS PO DE YANG NYON MONGS GCIG PUR 'DU BAS, TSE SNGA MA NAS 'DIR 'ONG BA'I RGYU DE LA GNYIS, 'BRAS BU DE LA GNYIS, 'DI NAS PHYI MAR 'GRO BA LA YANG DE LTAR TE BRGYAD DU 'DU BA'I PHYIR TE, MDZOD LAS, GNYIS KYI RGYU 'BRAS MDOR BSDUS PA, ,BAR MA'I RJES SU DPAG PA LAS, , ZHES GSUNGS PA'I PHYIR, DE 'DRA'I YAN LAG BCU GNYIS PO DE RDZOGS TSUL YOD DE, MA RIG PA DANG 'DU BYED GNYIS TSE SNGA MA LA DANG, RNAM SHES SOGS BRGYAD TSE 'DI DANG, SKYE RGA GNYIS TSE PHYI MA LA RDZOGS PA'I PHYIR TE, DE NYID LAS; SNGON DANG PHYI MTHAR GNYIS GNYIS DANG, ,BAR DU BRGYAD YONGS RDZOGS LDAN LO, ,ZHES GSUNGS PA'I PHYIR, DE 'DRA'I YAN LAG BCU GNYIS PO DE LA GNAS SKABS KYI RTEN 'BREL ZHES BRJOD PA'I RGYU MTSAN YOD DE, PHUNG PO LNGA'I GNAS SKABS LA BZHAG PA'I RTEN 'BREL YIN PAS DE LTAR BRJOD PA'I PHYIR, GSUM PA NI, MDO SEMS GNYIS KAS 'BREL BA CAN GYI RTEN 'BREL 'DOD CING, DE DANG 'DUS BYAS KYI RTEN 'BREL DON GCIG ,DES NA 'BREL BA CAN GYI RTEN 'BREL ZHES BRJOD PA'I RGYU MTSAN YOD DE, RGYU DANG 'BRAS BU 'BREL BAR 'BYUNG BA'I RTEN 'BREL YIN PAS DE LTAR BRJOD PA'I PHYIR, DE GNYIS KYIS RTEN 'BREL LA 'DUS BYAS KYIS KHYAD BA KHAS LEN PA'I PHYIR, RTEN 'BREL GYI

055b

SKAD DOD PRA T'I TYA SA MU DRA P'A TA, ZHES 'BYUNG BA'I PRA T'I TYA ZHES PA PHRANG BA LA 'JUG LA, 'PHRAD PA'I DON YANG RGYU RKYEN DANG 'PHRAD PA LA 'DOD, SA MU DRA P'A TA ZHES PA 'BYUNG BA LA 'JUG LA, 'BYUNG BA'I DON SKYE BA LA 'DOD PA'I PHYIR KHO NA RE, SEMS TZAM? PAS RTEN 'BREL LA 'DUS BYAS KYIS KHYAB PAR 'DOD PA MI 'THAD DE, DES 'DUS MA BYAS KYI RTEN 'BREL KHAS LEN PA'I PHYIR TE, DES RNAM BYANG GI RTEN 'BREL KHAS LEN PA'I PHYIR NA MA KHYAB STE, DES GZUGS LA 'DUS BYAS KYIS KHYAB PA KHAS MI LEN PAR THAL, DES 'DUS MA BYAS KYI GZUGS KHAS LEN PA'I PHYIR TE, DES CHOS NYID KYI GZUGS KHAS LEN PA'I PHYIR, KHYAB PA KHAS, GZHAN YANG, RNAM BYANG GI RTEN 'BREL YIN NA, 'DUS MA BYAS KYI RTEN 'BREL YIN DGOS PAR THAL, KHYOD KYI MA KHYAB PA DE LA KHYAB PA YOD PA'I PHYIR RO, ,BZHI PA LA, BSHAD BYA'I LUNG 'GOD PA DANG, DE'I DON BSHAD PA GNYIS LAS, DANG PO NI, SA LU LJANG BA'I MDO LAS, DGE SLONG DAG SUS RTEN CING 'BREL PAR 'BYUNG BA MTHONG BA DES CHOS MTHONG NGO, ,SUS CHOS MTHONG BA DES SANGS RGYAS MTHONG NGO, ,ZHES BYA BA'I RTEN CING 'BREL BAR 'BYUNG BA DE GANG ZHE NA, RTEN CING 'BREL BAR 'BYUNG BA ZHES BYA BA NI 'DI LTA STE, 'DI YOD PAS 'DI 'BYUNG, 'DI SKYES PA'I PHYIR 'DI SKYES TE, 'DI LTA STE, MA RIG PA'I RKYEN GYIS 'DU BYED, 'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHED DRUG ,SKYE MCHED DRUG

056a

, ,GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI, RGA SHI'I RKYEN GYIS MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA RNAMS 'BYUNG BAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PA 'DI 'BYUNG BAR 'GYUR RO, ,DE LA MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG ,MING DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI 'GAG ,RGA SHI 'GAGS PAS MYA NGAN DANG; SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA RNAMS 'GAG PAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PA 'DI 'GAG PAR 'GYUR RO, ,ZHES GSUNGS, GNYIS PA LA, MDO'I TSIG DON BSHAD PA DANG, KUN NAS NYON MONGS PHYOGS KYI RTEN 'BREL BYE BRAG TU BSHAD PA GNYIS LAS, DANG PO NI, DGE SLONG DAG ,CES PA NAS, SANGS RGYAS MTHONG NGO, ,ZHES PA'I BAR GYIS RTEN 'BREL SPYI'I RNAM BZHAG DE BSTAN NAS, 'DI YOD PAS, ZHES PA

056b

NAS; 'BYUNG BAR 'GYUR RO, ,ZHES PA'I BAR GYIS KUN NAS NYON MONGS PHYOGS KYI RTEN 'BREL LUGS 'BYUNG DNGOS SU BSTAN NAS LUGS LDOG SHUGS LA BSTAN, DE LAM RIG PA, ZHES PA NAS, 'GAG PAR 'GYUR RO, ,ZHES PA'I BAR GYIS RNAM BYANG PHYOGS KYI RTEN 'BREL LUGS 'BYUNG DNGOS SU BSTAN NAS LUGS LDOG SHUGS LA BSTAN TO, ,DE LTAR BSTAN PA LA CHOS CAN, DGOS PA YOD DE, 'KHOR BAR 'JUG LDOG LA RMONGS PA RNAMS RMONGS PA DE DANG BRAL BAR BYA BA'I CHED YIN PA'I PHYIR TE, DE NYID LAS, GANG GIS 'KHOR BAR 'JUG PA DANG LDOG PA LA RMONGS PA RNAMS RMONGS PA DE DANG BRAL BAR BYA BA'I PHYIR, LUGS SU 'BYUNG BA DANG LUGS SU MI 'BYUNG BA GNYIS KYIS KUN NAS NYON MONGS PA DANG RNAM BYANG GI PHYOGS LAS BRTZAMS TE RTEN CING 'BREL BAR 'BYUNG BA GSUNGS, ZHES GSUNGS PA'I PHYIR, GNYIS PA LA, SPYI'I MTSAN NYID, SO SO'I DBYE BSDU, GO RIMS NGES TSUL, GRANGS NGES PA'I TSUL, RKYEN DU 'GYUR TSUL, RANG RANG GI BYED LAS, TSE DU LA RDZOGS PA, SA MTSUNGS PA'I RNAM GZHAG ,JI LTAR SGOM PA'I TSUL, DE LTAR BSGOMS PA'I 'BRAS BU DANG BCU LAS, DANG PO NI, RANG GI RGYUR GYUR PA'I RKYEN GSUM LAS BYUNG BA GANG ZHIG ,SDUG KUN GANG RUNG DU GYUR PA'I 'KHOR BA, KUN NAS NYON MONGS PHYOGS KYI RTEN 'BREL GYI MTSAN NYID, MTSAN NYID KYI ZUR DU 'KHOR BA SMOS PA'I DGOS PA YOD DE, MA DAG PA'I SNOD KYI 'JIG RTEN DE KUN NAS NYON MONGS PHYOGS KYI RTEN 'BREL YIN PA GCAD PAR BYA BA'I CHED YIN PA'I PHYIR DANG, LHAG BCAS MYANG 'DAS PA'I RGYUD KYI GZUGS PHUNG DE DE YIN PA GCAD

057a

, ,PAR BYA BA'I CHED YIN PA'I PHYIR, DANG PO GRUB STE, DE DE MA YIN PA'I PHYIR TE, KUN NAS NYON MONGS PHYOGS KYI RTEN 'BREL YIN NA, NANG GI RTEN 'BREL YIN DGOS PA'I PHYIR RO, ,GNYIS PA GRUB STE, DE DE MA YIN PA'I PHYIR TE, DE'I RGYUD LA KUN NAS NYON MONGS PHYOGS KYI RTEN 'BREL MED PA'I PHYIR TE, DES DE SPANGS PA'I PHYIR TE, DES YAN LAG BCU GNYIS PO THAMS CAD SPANGS PA'I PHYIR TE, RNAL 'BYOR SPYOD PA'I SA LAS, ,DGRA BCOM PAS YAN LAG DU ZHIG SPANGS SHE NA, KHAMS GSUM NA SPYOD PA THAMS CAD DO, ,ZHES GSUNGS PA'I PHYIR, RKYEN GSUM YANG YOD DE, G-YO BA MED PA'I RKYEN, NUS PA'I RKYEN, MI RTAG PA'I RKYEN RNAMS SU YOD PA'I PHYIR, DES NA 'DUS BYAS KYI RTEN 'BREL GYI MTSAN NYID STON PA'I TSE G-YO BA MED PA'I RKYEN LAS BYUNG BA ZHES SMOS PA'I DGOS PA YOD DE, SNOD BCUD KYI 'JIG RTEN RNAMS DBANG PHYUG SOGS GZHAN GYI BLO'I G-YO BA SNGON DU BTANG NAS BYAS PA MA YIN PAR DE RNAMS RANG GI RGYUR GYUR PA'I G-YO BA MED PA'I RKYEN LAS BYUNG BA YIN NO, ,ZHES SHES PAR BYA BA'I CHED YIN PA'I PHYIR TE, MDO LAS, 'DI YOD PAS 'DI 'BYUNG, ZHES DANG, KUN BTUS LAS, MTSAN NYID JI LTA BU ZHE NA G-YO BA MED PA'I RKYEN LAS BYUNG BA DANG, ZHES GSUNGS PA'I PHYIR, YANG DE STON PA NA, MI RTAG PA'I RKYEN LAS BYUNG BA DANG ZHES SMOS PA LA DGOS PA YOD DE, DE RNAMS DBANG PHYUG RTAG PA DANG SDUG BSNGAL RTAG PA SOGS KYIS BYAS PA MA YIN PAR DE RNAMS RANG GI RGYUR GYUR PA'I MI RTAG

057b

PA'I RKYEN LAS BYUNG BA YIN NO ZHES SHES PAR BYA BA'I CHED YIN PA'I PHYIR TE, MDO LAS, 'DI SKYES PA'I PHYIR 'DI SKYE STE, ZHES DANG, KUN BTUS LAS, MI RTAG PA'I RKYEN LAS BYUNG BA DANG, ZHES GSUNGS PA'I PHYIR, YANG DE STON PA NA, NUS PA'I RKYEN LAS BYUNG BA DANG ZHES SMOS PA LA DGOS PA YOD DE, DE RNAMS RANG GI RGYUR GYUR PA'I RKYEN DANG PO GNYIS LAS 'BYUNG BAR MA ZAD RGYU YIN MIN THAMS CAD LAS 'BRAS BU YIN MIN THAMS CAD 'BYUNG NGAM SNYAM PA'I LOG RTOG BKAG NAS 'DUS BYAS KYI RTEN 'BREL RNAMS RANG SKYED PAR NUS PA'I RANG DANG RIGS MTHUN PA'I RGYU LAS BYUNG BA YIN NO ZHES SHES PAR BYA BA'I CHED YIN PA'I PHYIR TE, MDO LAS, 'DI LTA STE ME RIG PA'I RKYEN GYIS 'DU BYED, CES DANG, KUN BTUS LAS, NUS PA'I RKYEN LAS BYUNG BA DANG, ZHES GSUNGS, DE RNAMS RANG SKYED PAR NUS PA'I RANG DANG RIGS MTHUN PA'I RGYU LAS BYUNG BA'I DPE NI, MA RIG PA LA BRTEN NAS 'DU BYED KYI RTEN 'BREL 'BYUNG YANG, BDAG MED RTOGS PA'I SHES RAB LA BRTEN NAS DE MI 'BYUNG BA BZHIN NO, ,GNYIS PA LA, DBYE BA, SO SO'I NGO BO; BSDU BA DANG GSUM LAS, DANG PO NI, KUN NAS NYON MONGS PHYOGS KYI RTEN 'BREL DE LA RTZA BA'I SGO NAS DBYE NA GNYIS SU YOD DE, DENG GYUR PA'I SDUG KUN GNYIS SU YOD PA'I PHYIR, DE LA YAN LAG GI SGO NAS DBYE NA BCU GNYIS SU YOD DE, MA RIG PA'I RTEN 'BREL NAS RGA SHI'I RTEN 'BREL GYI BAR BCU GNYIS SU YOD PA'I PHYIR TE, KUN BTUS LAS, YAN LAG RNAM PAR DBYE BAS JI LTA BU ZHE NA, YAN LAG BCU GNYIS RNAMS TE, RTEN CING 'BREL BAR 'BYUNG BA'I YAN

058a

, ,LAG BCU GNYIS NI, MA RIG PA DANG, ZHES SOGS GSUNGS PA'I PHYIR, DE LA NYING LAG GI SGO NAS DBYE NA MTHA' YAS PA ZHIG YOD DE, MA RIG PA'I RTEN 'BREL DE LA 'PHEN BYED DGE BA'I LAS KYI KUN SLONG DU GYUR PA'I MA RIG PA DANG, 'PHEN BYED MI DGE BA'I DE DANG, 'PHEN BYED MI G-YO BA'I DE DANG GSUM YOD PA'I PHYIR, 'DU BYED KYI RTEN 'BREL LA YANG, 'DOD PA'I BDE 'GRO'I RNAM SMIN GYI PHUNG PO 'PHEN PAR BYED PA'I BSOD NAMS KYI LAS, NGAN 'GRO'I DE 'PHEN PAR BYED PA'I BSOD NAMS MA YIN PA'I LAS, KHAMS GONG MA'I DE 'PHEN PAR BYED PA'I MI G-YO BA'I LAS SOGS DU MA YOD PA'I PHYIR, GNYIS PA LA, MA RIG PA NAS RGA SHI'I BAR BCU GNYIS YOD PAS, DANG PO MA RIG PA LA, KHA CIG ,RIG PA YE SHES KYI 'GAL ZLA MI MTHUN PHYOGS SU GYUR PA'I RIG PA, MA RIG PA'I MTSAN NYID DU 'DOD PA MI 'THAD DE, GANG ZAG GI BDAG 'DZIN DU GYUR PA'I YID KYI RNAM PAR SHES PA CHOS CAN, MTSON BYA DER THAL, MTSAN NYID DE'I PHYIR TE, GANG ZAG GI BDAG MED RTOGS PA'I DE YIN PA'I PHYIR TE, GANG ZAG GI BDAG 'DZIN YIN PA'I PHYIR, 'DOD NA, DE SEMS BYUNG DU THAL LO, ,KHA CIG ,RIG PA YE SHES KYI 'GAL ZLA MI MTHUN PHYOGS SU GYUR PA'I SEMS BYUNG DE'I MTSAN NYID ZER NA, DBANG SHES SU GYUR BA'I MA RIG PA CHOS CAN, MTSAN NYID DER THAL, MTSON BYA DE'I PHYIR, RTAGS GRUB STE, DE YOD PA'I PHYIR TE, RANG DANG MTSUNGS LDAN GYI MIG GI RNAM PAR SHES PA'I 'KHOR DU BYUNG BA'I MA RIG PA YOD PA'I

058b

PHYIR TE, KUN BTUS LAS, 'DOD CHAGS NI 'DOD PA'I KHAMS SU RNAM PAR SHES PA'I TSOGS DRUG DANG MTSUNGS PAR LDAN PAR RIG PAR BYA'O, ,'DOD CHAGS JI LTA BAR MA RIG PA YANG DE BZHIN NO, ,ZHES GSUNGS PA'I PHYIR, 'DOD NA, DE CHOS CAN YID SHES SU THAL, 'DOD PA'I PHYIR, KHYAB STE, GANG ZAG GI BDAG MED RTOGS PA'I RIG PA YE SHES KYI 'GAL ZLA MI MTHUN PHYOGS SU GYUR PA'I RIG PA YIN NA YANG YID SHES YIN DGOS, CHOS KYI BDAG MED RTOGS PA'I DE LA YANG DE YIN DGOS PA'I PHYIR, DANG PO GRUB STE, DE YIN NA GANG ZAG GI BDAG 'DZIN YIN DGOS PA'I PHYIR, GNYIS PA GRUB STE, DE YIN NA CHOS KYI BDAG 'DZIN YIN DGOS PA'I PHYIR, KHA CIG ,RIG PA YE SHES KYI 'GAL ZLA MI MTHUN PHYOGS SU GYUR PA'I RANG STOBS KYIS RMONGS PA'I SEMS BYUNG DE, DE'I MTSAN NYID ZER NA, GANG ZAG GI BDAG 'DZIN DU GYUR PA'I TSOR BA DE MA RIG PA MA YIN PAR THAL, DE'I MTSAN NYID KYI ZUR DU RANG STOBS KYIS RMONGS PA ZHES SMOS PA LA DGOS PA YOD PA'I PHYIR, 'DOD NA, DE CHOS CAN, DE YIN PAR THAL, RIG PA YE SHES KYI 'GAL ZLA MI MTHUN PHYOGS SU GYUR PA'I SEMS BYUNG YIN PA'I PHYIR, KHYAB STE, RNAM 'GREL LAS, RIG PA'I MI MTHUN PHYOGS PHYIR DANG, ,SEMS BYUNG NYID KYIS DMIGS PA'I PHYIR, ,LOG PAR DMIGS NYID MA RIG PA, ,ZHES GSUNGS PA'I PHYIR, GONG DU MA GRUB NA, DE CHOS CAN, DER THAL, GANG ZAG GI BDAG MED RTOGS PA'I DE YIN PA'I PHYIR TE,

059a

, ,GANG ZAG GI BDAG 'DZIN DU GYUR PA'I SEMS BYUNG YIN PA'I PHYIR, KHO NA RE, DE NYON MONGS CAN GYI MA RIG PA YIN PAR THAL, DE MA RIG PA YIN PA'I PHYIR, 'DOD NA, DE CHOS CAN, RTZA NYON YIN PAR THAL LO, ,'DOD MI NUS TE, KUN 'GRO YIN PA'I PHYIR NA MA KHYAB, DER THAL, TSOR BA YIN PA'I PHYIR NA, 'JIG LTA CHOS CAN, RTZA NYON MA YIN PAR THAL, YUL NGES YIN PA'I PHYIR, KHYAB PA KHAS, DER THAL, SHES RAB YIN PA'I PHYIR TE, SHES RAB NYON MONGS CAN YIN PA'I PHYIR, 'DOD NA, DE CHOS CAN, RTZA NYON YIN PAR THAL, NYON MONGS CAN GYI MA RIG PA YIN PA'I PHYIR, RTAGS GRUB STE, RNAM 'GREL LAS, NYES PA RNAM PA THAMS CAD DAG, 'JIG TSOGS LTA LAS SKYES PA STE, ,DE MA RIG STE DE LAS CHAGS, ,DE LAS DE SDANG LA SOGS 'BYUNG, ,ZHES GSUNGS PA'I PHYIR, ,KHA CIG ,'PHEN BYED LAS KYI KUN SLONG DU GYUR PA'I MA RIG PA DE, YAN LAG BCU GNYIS KYI NANG TSAN DU GYUR BA'I MA RIG PA'I MTSAN NYID ZER BA MI 'THAD DE, TSUR MTHONG LHAS BYIN GYI RGYUD KYI YAN LAG BCU GNYIS KYI NANG TSAN DU GYUR PA'I MA RIG PA CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, 'PHEN BYED LAS KYI RGYU YIN PAR THAL LO, ,KHA CIG ,RANG GIS KUN NAS BSLANGS PA'I ZHES SOGS ZER BA MI 'THAD DE, NYON MONGS CAN MA YIN PA'I MA RIG PAS KUN NAS BSLANGS PA'I 'PHEN BYED KYI LAS

059b

GSOG PA YOD PA'I PHYIR TE, NYON MONGS CAN MA YIN PA'I SEMS KYIS KUN NAS BSLANGS TE 'PHEN BYED KYI LAS GSOG PA YOD PA'I PHYIR TE, DES KUN NAS BSLANGS TE LAS GSOG PA YOD PA'I PHYIR TE, 'PHEN BYED DGE PA'I LAS YOD PA'I PHYIR, KHA CIG ,'KHOR BA'I RTZA BAR GYUR PA'I MA RIG PA, DE'I MTSAN NYID ZER BA MI 'THAD DE, CHOS KYI BDAG 'DZIN DU GYUR PA'I MA RIG PA DE 'KHOR BA'I RTZA BA YIN PA'I PHYIR TE, CHOS KYI BDAG 'DZIN 'KHOR BA'I RTZA BA YIN PA'I PHYIR TE, DRANG NGES RNAM 'BYED LAS, CHOS KYI BDAG 'DZIN GYIS GANG ZAG GI BDAG 'DZIN GYI GZHI BYED PA NI NYAN RANG LA CHOS KYI BDAG MED RTOGS PA MED PAR 'DOD PA'I DBU MA PA RNAMS KYIS KYANG BZHED LA, DE LA CHOS KYI BDAG 'DZIN ZAD NA GANG ZAG GI BDAG 'DZIN LDOG KYANG CHOS KYI BDAG 'DZIN MA ZAD NA GANG ZAG GI BDAG 'DZIN MI LDOG PA MA YIN TE, 'KHOR BA'I GZHI RTZA MTHAR THUG PA DE MA LOG KYANG 'KHOR BA LAS GROL BA MI 'GAL TE, ZHES GSUNGS PA'I PHYIR, KHO NA RE, NYAN THOS DGRA BCOM PAS 'KHOR BA MA SPANGS PAR THAL, DES 'KHOR BA'I RTZA BA MA SPANGS PA'I PHYIR NA MA KHYAB STE, SDUG BSNGAL SPANGS PA DANG SDUG BSNGAL GYI RTZA BA SPANGS PA DUS MNYAM PAR THAL, 'KHOR BA SPANGS PA DANG 'KHOR BA'I RTZA BA SPANGS PA DUS MNYAM PA'I PHYIR, RTAGS KHAS 'DOD NA, GANG ZAG GI BDAG 'DZIN SPANGS PA'I GANG ZAG YIN NA, SDUG BSNGAL GYI RTZA BA SPANGS PA'I GANG ZAG YIN DGOS PAR THAL, DE YIN NA 'KHOR BA'I RTZA BA SPANGS PA'I GANG ZAG YIN DGOS PA'I PHYIR, RTAGS KHAS, 'DOD NA, LHAG BCAS MYANG 'DAS LA GNAS PA'I

060a

, ,NYAN THOS DGRA BCOM PAS RIM BZHIN GSHAGS, KHO NA RE, BYANG SEMS 'PHAGS PAS 'KHOR BA SPANG BYA'I GTZO BOR BYED PAR THAL, DES 'KHOR BA'I RTZA BA SPANG BYA'I GTZO BOR BYED PA'I PHYIR ZER NA MA KHYAB, DER THAL, CHOS KYI BDAG 'DZIN 'KHOR BA'I RTZA BA YIN PA'I PHYIR RO, ,KHO NA RE, 'KHOR BA'I RTZA BA 'DZIN STANGS MI MTHUN PA GNYIS YOD PAR THAL, GANG ZAG GI BDAG 'DZIN 'KHOR BA'I RTZA BA YIN PA GANG ZHIG, CHOS KYI BDAG 'DZIN YANG DE YIN PA'I PHYIR, 'DOD MI NUS TE, 'JUG PA'I t'IKA CHEN LAS DE MED PAR BSHAD PA'I PHYIR NA MA KHYAB STE, DE NI 'DZIN STANGS 'GAL BA'I 'KHOR BA'I RTZA BA MI MTHUN PA GNYIS MED PA LA DGONGS PA'I PHYIR, GZHAN YANG, MTSAN NYID DE MI 'THAD DE, 'KHOR BA'I RTZA BAR GYUR PA'I MA RIG PA KUN BTAGS MED, YAN LAG BCU GNYIS KYI NANG TSAN DU GYUR PA'I DE YOD PA'I PHYIR, DANG PO GRUB STE, LHAG MTHONG LAS, SEMS CAN RNAMS 'KHOR BAR 'CHING BYED NI LHAN SKYES KYI MA RIG PA YIN PA'I PHYIR, KUN BTAGS KYI MA RIG PA NI GRUB MTHA' SMRA BA DE DAG KHO NA LA YOD PAS, 'KHOR BA'I RTZA BAR MI 'THAD PA'I PHYIR, 'DI'I DMIGS PA NI SHIN TU GNAD CHE BAR YOD DO, ,ZHES GSUNGS PA'I PHYIR, GNYIS PA GRUB STE, MTHONG SPANG DU GYUR PA'I DE YOD PA'I PHYIR TE, RGYUN ZHUGS KYIS SPANGS PA'I DE YOD PA'I PHYIR TE, RNAL 'BYOR SPYOD BA'I SA LAS, RGYUN DU ZHUGS PAS YAN LAG DU ZHIG SPANGS SHE NA, THAMS CAD KYI PHYOGS GCIG PA STE GANG YANG

060b

RIL SPANGS PA NI MA YIN NO, ,ZHES GSUNGS PA'I PHYIR, KHA CIG ,RIG PA YE SHES KYI 'GAL ZLA MI MTHUN PHYOGS SU GYUR PA'I RANG STOBS KYIS RMONGS PA'I SEMS BYUNG GANG ZHIG ,RANG DANG RTEN 'BREL TSAR GCIG TU GTOGS PA'I 'PHEN BYED LAS KYI KUN SLONG BYED PA, YAN LAG BCU GNYIS KYI NANG TSAN DU GYUR PA'I MA RIG PA'I MTSAN NYID, DBYE NA, BSOD NAMS MA YIN PA'I LAS KUN NAS SLONG BAR BYED PA'I LAS 'BRAS LA RMONGS PA'I MA RIG PA DANG, BSOD NAMS DANG MI G-YO BA'I LAS KUN NAS SLONG BAR BYED PA'I DE KHO NA NYID LA RMONGS PA'I MA RIG PA DANG GNYIS SU YOD ZER BA NANG 'GAL TE, LAS 'BRAS LA RMONGS PA'I MA RIG PA DANG YAN LAG BCU GNYIS KYI NANG TSAN DU GYUR PA'I MA RIG PA'I GZHI MTHUN YOD PAR THAL, DAM BCA' 'THAD PA'I PHYIR, 'DOD NA, RGYU DGE BA SPYAD PA LAS 'BRAS BU BDE BA MI 'BYUNG BAR 'DZIN PA'I SEMS BYUNG RMONGS PA YANG YIN DE YANG YIN PA'I GZHI MTHUN YOD PAR THAL, 'DOD PA'I PHYIR; 'DOD NA, DE 'DRA'I GZHI MTHUN PA DE CHOS CAN, ZUR DANG PO DER THAL, MTSON BYA DE'I PHYIR, RTAGS KHAS, 'DOD NA, BDAG MED RTOGS PA'I RIG PA YE SHES KYI DER THAL, 'DOD PA'I PHYIR, 'DOD NA, RGYU DGE BA SPYAD PA LAS 'BRAS BU BDE BA 'BYUNG BAR 'DZIN PA'I SEMS BYUNG DES BDAG MED RTOGS PAR THAL LO, ,GZHAN YANG, DE 'DRA'I GZHI MTHUN MED PAR THAL, YAN LAG BCU GNYIS KYI NANG TSAN DU GYUR PA'I MA RIG PA DE YIN NA, DE KHO NA NYID LA

061a

, ,RMONGS PA'I MA RIG PA YIN DGOS PA'I PHYIR, DON GSANG RNAM BSHAD LAS, YAN LAG BCU GNYIS KYI NANG TSAN DU GYUR PA'I MA RIG PA DE MTHONG SPANG YIN GSUNGS, DE LA KHA CIG ,DE CHOS CAN, SPANG BYA KUN BTAGS YIN PAR THAL, MTHONG SPANG YIN PA'I PHYIR, 'DOD NA, BYA RI DVAGS SOGS KYI RGYUD LA KHYOD MED PAR THAL LO ZER NA MI 'THAD DE, RANG RGYU MI DGE BA'I LAS KYI RNAM SMIN GYI 'BRAS BUR GYUR PA'I NGAN SONG PA'I GZUGS PHUNG CHOS CAN, SPANG BYA KUN BTAGS SU THAL, MTHONG SPANG YIN PA'I PHYIR, RTAGS GRUB STE, DE 'DRA'I NGAN SONG BA'I PHUNG KHAMS SKYE MCHED GSUM GA MTHONG SPANG YIN PA'I PHYIR TE, KUN BTUS LAS, NGAN SONG PA'I PHUNG PO DANG KHAMS DANG SKYE MCHED RNAMS MTHONG BAS SPANG BAR BYA BAR BLTA BAR BYA'O, ,ZHES GSUNGS PA'I PHYIR, NGAN SONG BA'I PHUNG KHAMS SKYE MCHED THAMS CAD MTHONG SPANG MA YIN TE, DE'I RGYUD KYI NGAR 'DZIN LHAN SKYES DE DE'I RGYUD KYI PHUNG PO YIN PA'I PHYIR, KHA CIG ,DE CHOS CAN, RGYUN ZHUGS KYIS SPANGS PAR THAL, MTHONG SPANG DU GYUR PA'I MA RIG PA YIN PA'I PHYIR ZER BA MI 'THAD DE, BDEN 'DZIN KUN BTAGS SU GYUR PA'I MA RIG PA YOD PA'I PHYIR; DES NA, DE CHOS CAN, RGYUN ZHUGS KYIS SPANGS PAR THAL, MTHONG SPANG DU GYUR PA'I NYON MONGS CAN GYI MA RIG PA YIN PA'I PHYIR, KHA CIG ,DE YIN NA SGOM SPANG YIN PAS KHYAB STE, DE YIN NA NYON YID 'KHOR GYI

061b

MA RIG PA YIN DGOS PA'I PHYIR ZER NA, DE CHOS CAN, KHYOD DANG MTHONG SPANG GI GZHI MTHUN MED PAR THAL, KHYOD YIN NA SGOM SPANG YIN DGOS PA'I PHYIR, KHA CIG ,DE LA DBYE NA, DGE BAR GYUR PA'I YAN LAG BCU GNYIS KYI NANG TSAN GYI MA RIG PA DANG, MI DGE BAR GYUR PA'I DE GNYIS SU YOD CING, LUNG MA BSTAN DU GYUR PA'I DE MED, DANG PO YOD DE, 'PHEN BYED DGE BA'I LAS KYI KUN SLONG DU GYUR PA'I DE YOD PA'I PHYIR, GNYIS PA YOD DE, 'PHEN BYED MI DGE BA'I LAS KYI KUN SLONG DU GYUR PA'I DE YOD PA'I PHYIR ZER NA, DE'I NANG TSAN DU GYUR PA'I LUNG MA BSTAN GYI DE YOD PAR THAL, BSAM GTAN GNYIS PAR SKYE BA'I YAN LAG BCU GNYIS KYI NANG TSAN DU GYUR PA'I MA RIG PA DE LUNG MA BSTAN YIN PA'I PHYIR, MA GRUB NA, DE CHOS CAN, DER THAL, KHAMS GONG MA'I SAS BSDUS KYI NYON MONGS YIN PA'I PHYIR, KHYAB STE, MDZOD LAS, GONG MA THAMS CAD LUNG MA BSTAN, ,ZHES GSUNGS PA'I PHYIR, RTAGS GRUB STE; BSAM GTAN DANG PO'I SAS BSDUS KYI DE YIN PA'I PHYIR TE, CHOS CAN DE'I PHYIR, KHO NA RE, DE MED PAR THAL, DES KUN NAS BSLANGS PA'I LAS MED PA'I PHYIR TE, DE 'DRA'I DGE BA'I LAS KYANG MED, DE 'DRA'I MI DGE BA'I LAS KYANG MED PA'I PHYIR, DANG PO MA GRUB NA, DE 'DRA'I DGE BA'I LAS CHOS CAN, KHYOD RANG KUN NAS SLONG BYED KYI LUNG MA BSTAN GYIS KUN NAS BSLANGS PA'I LAS YIN PAR THAL, CHOS CAN DE'I PHYIR, 'DOD NA, DE CHOS CAN, KUN SLONG GI

062a

, ,LUNG MA BSTAN DU THAL, 'DOD PA'I PHYIR, 'DOD NA, LUNG MA BSTAN DU THAL LO, ,'DOD MI NUS TE, DGE BA'I LAS YIN PA'I PHYIR, GNYIS PA DES RIGS 'GRE ZER NA, MDZOD LAS, RAB TU 'JUG BYED DGE SOGS LAS, ,RJES 'JUG BYED KYANG RNAM GSUM 'GYUR, ,ZHES GSUNGS PA MI 'THAD PAR THAL, RGYU'I KUN SLONG DGE BAS KUN NAS BSLANGS SHING DUS KYI KUN SLONG LUNG MA BSTAN GYIS KUN NAS BSLANGS PA'I LAS MED PA'I PHYIR, MA GRUB NA, DE KHO KHO RANG DU THAL, DE YOD PA'I PHYIR, 'DOD NA, DE CHOS CAN, RANG RGYU KUN NAS SLONG BYED LUNG MA BSTAN GYIS KUN NAS BSLANGS PA'I LAS SU THAL, CHOS CAN DE'I PHYIR, 'DOD NA, SNGAR BZHIN MTSUNGS PA BYA'O, ,GZHAN YANG, DGE BAR GYUR PA'I YAN LAG BCU GNYIS KYI NANG TSAN GYI MA RIG PA CHOS CAN, NYAN THOS DGRA BCOM PAS SPANGS PAR THAL, YAN LAG BCU GNYIS KYI NANG TSAN DU GYUR PA'I MA RIG PA YIN PA'I PHYIR, 'DOD MI NUS TE, SHES SGRIB YIN PA'I PHYIR TE, NYON MONGS CAN MA YIN PA'I MA RIG PA YIN PA'I PHYIR TE, NYON MONGS CAN MA YIN PA GANG ZHIG ,MA RIG PA YIN PA'I PHYIR, DANG PO GRUB STE, DGE BA YIN PA'I PHYIR, KHA CIG ,'PHAGS RGYUD LA YAN LAG BCU GNYIS KYI NANG TSAN DU GYUR PA'I MA RIG PA YOD ZER NA, DES KUN NAS BSLANGS TE 'PHEN BYED KYI LAS GSOG PA YOD PAR THAL, DE YOD PA'I PHYIR, 'DOD NA, 'PHAGS PA'I RTEN LA 'PHEN BYED KYI LAS GSAR DU

062b

GSOG PA YOD PAR THAL LO, ,'DOD MI NUS TE, RTEN 'BREL MDO 'GREL LAS, BDEN PA MTHONG LA 'PHEN PA MED, ,CES GSUNGS PA'I PHYIR, KHO NA RE, 'PHAGS RGYUD LA 'PHEN BYED KYI LAS YOD PAR THAL, LHAG BCAS MYANG 'DAS PA'I RGYUD LA DE YOD PA'I PHYIR TE, DE 'PHEN BYED KYI LAS KYI DBANG GIS 'KHOR BAR GNAS PA'I PHYIR ZER NA MA KHYAB STE, DE'I RGYUD LA SNGON SO SKYE'I GNAS SKABS SU BSAGS PA'I LAS YOD PAR THAL, DE DE'I DBANG GIS 'KHOR BAR GNAS PA'I PHYIR, KHYAB PA KHAS, RTAGS GRUB STE, RNAM 'GREL LAS, 'DOD CHAGS BRAL BA'I GNAS PA NI, ,BRTZE BA'AM YANG NA LAS KYIS YIN, ,ZHES GSUNGS PA'I PHYIR, KHO NA RE, 'PHAGS PA'I RTEN LA DE YOD PAR THAL, 'PHAGS PA'I RTEN LA GNAS GTZANG DU SKYE BA'I 'PHEN BYED KYI LAS GSAR DU GSOG PA YOD PA'I PHYIR TE, DER SKYE BA'I 'PHEN BYED KYI LAS GSAR DU GSOG PA YOD PA GANG ZHIG ,SO SKYE'I RTEN LA DE GSAR DU GSOG PA MED PA'I PHYIR TE, DE GSOG PA LA BSAM GTAN GYI DNGOS GZHI SNYOMS 'JUG ZAG MED THOB DGOS PA'I PHYIR TE, GNAS GTZANG DU SKYE BA LA BSAM GTAN GYI SPEL SGOM THOB DGOS PA'I PHYIR ZHES ZER, 'DI LA KHA CIG ,GNAS GTZANG DU SKYE BA'I 'PHEN BYED KYI LAS YOD KYANG DE'I LAS GSAR DU GSOG PA MED DE, DPER NA, GNAS GTZANG DU SKYE 'GYUR GYI PHYIR MI 'ONG 'GA' ZHIG GIS SNGON SO SKYE'I GNAS SKABS SU 'BRAS BU CHE BA LTA BUR SKYE 'GYUR GYI LAS BSAGS

063a

, ,PA DE NYID BSAM GTAN GYI SPEL SGOM BYAS PA LA BRTEN NAS GNAS GTZANG DU SKYE BA'I RGYUR SGYUR BAR BYED PA'I PHYIR ZHES ZER BA MI 'THAD DE, DER SKYE BA'I 'PHEN BYED KYI LAS GSOG PA YOD PAR THAL, DER SKYE BA'I 'PHEN BYED KYI LAS YOD PA'I PHYIR, MA KHYAB NA 'OG TU 'GOG ,RTAGS GRUB STE, DER SKYE BA'I 'DU BYED KYI RTEN 'BREL YOD PA'I PHYIR, MA GRUB NA, DER SKYE BA'I 'PHEN BYED KYI RGYU MED PAR THAL, MA GRUB PA GANG ZHIG ,DER SKYE BA'I MA RIG PA'I RTEN 'BREL YANG MED, DER SKYE BA'I RNAM SHES KYI RTEN 'BREL YANG MED PA'I PHYIR, DANG PO GRUB STE, DER SKYE BA'I 'PHEN BYED LAS KYI KUN SLONG DU GYUR PA'I MA RIG PA MED PA'I PHYIR, GNYIS PA GRUB STE, DER SKYE BA'I 'PHEN BYED LAS KYI BAG CHAGS BSGOS MA THAG PA'I GTZO BO YID KYI RNAM RIG MED PA'I PHYIR, GZHAN YANG, BSAM GTAN GYI SPEL SGOM BYAS PA LA BRTEN NAS GNAS GTZANG DU SKYE BA'I 'GRUB BYED KYI RGYUR BSGYUR DU RUNG BA'I 'BRAS BU CHE BAR SKYE BA'I 'PHEN BYED KYI LAS DE GNAS GTZANG DU SKYE BA'I 'PHEN BYED KYI LAS YIN PAR THAL, DER SKYE BA'I 'PHEN BYED KYI LAS YOD PA'I PHYIR, 'DOD NA, DE CHOS CAN, KHYOD BSAGS PAS GNAS GTZANG DU SKYE BA'I 'PHEN BYED KYI LAS BSAGS PAR 'GRO BAR THAL, KHYOD DER SKYE BA'I 'PHEN BYED KYI LAS YIN PA'I PHYIR, 'DOD NA, DER SKYE BA'I 'PHEN BYED KYI LAS BSAGS PA YOD PAR THAL LO, ,KHO NA RE,

063b

MDZOD 'GREL LAS, RTA RNAMS KYI NANG DU GANG YIN PA BONG BU RNAMS KYIS KYANG DE YIN NO, ,ZHES GSUNGS PA MI 'THAD PAR THAL, RTAR SKYE 'GYUR GYI 'PHEN BYED KYI LAS DE NYID BONG BUR SKYE 'GYUR GYI SRED LEN GNYIS KYIS GSOS BTAB PA LA BRTEN NAS BONG BUR SKYE BA LEN PA ZHIG MED PA'I PHYIR, MA GRUB NA, BONG BUR SKYE 'GYUR GYI 'PHEN BYED KYI LAS BSAGS PA SNGON DU MA SONG BAR BONG BUR SKYE BA LEN PA YOD PAR THAL, 'DOD PA'I PHYIR NA MA KHYAB, 'DOD NA, GNAS GTZANG DU SKYE BA'I 'PHEN BYED KYI LAS BSAGS PA SNGON DU MA SONG BAR GNAS GTZANG DU SKYE BA LEN PA YOD PAR THAL LO ZER NA, RTAR SKYE 'GYUR GYI 'PHEN BYED KYI LAS DANG BONG BUR SKYE 'GYUR GYI 'PHEN BYED KYI LAS GNYIS 'GAL BAR THAL, MA KHYAB MTSAMS LA KHYAB PA'I PHYIR, 'DOD NA, DE LTAR SKYE BA LEN BA ZHIG MED PAR THAL LO, ,GZHAN YANG, MDZOD 'GREL LAS, DOM RNAMS KYI GANG YIN PA DRED MO RNAMS KYIS KYANG DE YIN NO, , ZHES GSUNGS PA MI 'THAD PAR THAL, DOM DU SKYE 'GYUR GYI 'PHEN BYED KYI LAS DE NYID DRED MOR SKYE 'GYUR GYI SRED LEN GNYIS KYIS GSOS BTAB PA LA BRTEN NAS DRED MOR SKYE BA LEN PA ZHIG MED PA'I PHYIR, MA GRUB NA SONG, DE LTAR SKYE BA BLANGS PA'I DRED MO'I MING GZUGS KYI RTEN 'BREL CHOS CAN, KHYOD RANG 'PHEN BYED KYI LAS KYI 'PHANGS 'BRAS SU THAL, KHYOD YAN LAG BCU GNYIS KYI NANG TSAN DU GYUR PA'I DRED MO'I MING GZUGS KYI RTEN 'BREL YIN PA'I

064a

, ,PHYIR; 'DOD NA, DE LTAR SKYE BA BLANGS PA'I TSE DRED MO'I MING GZUGS KYI RTEN 'BREL DE 'PHEN BYED KYI LAS YOD PAR THAL LO, ,'DOD NA, DE'I TSE DRED MO'I SKYE BA 'PHEN BYED KYI LAS YOD PAR THAL LO, ,'DOD NA; DOM GYI SKYE BA 'PHEN BYED KYI LAS DANG DRED MO'I SKYE BA 'PHEN BYED KYI LAS KYI GZHI MTHUN YOD PAR THAL LO, ,'DOD NA DNGOS, KHA CIG ,'JIG LTA YAN LAG BCU GNYIS KYI NANG TSAN DU GYUR PA'I MA RIG PA YIN, YAN LAG BCU GNYIS KYI NANG TSAN GYI DE DANG 'KHOR BA'I RTZA BAR GYUR PA'I DE GNYIS DON GCIG ,SA GZHAN NAS SHI 'PHOS TE SRID RTZER SKYE BA'I TSE MA RIG PA CI YANG MED KYI SAR GTOGS ZER BA NANG 'GAL TE, BDEN PA MTHONG LA 'PHEN PA MED, ,CES GSUNGS PA MI 'THAD PAR THAL, 'PHAGS RGYUD LA 'PHAN BYED KYI LAS YOD PA'I PHYIR TE, 'PHAGS RGYUD LA 'PHEN BYED KYI LAS KYI KUN SLONG DU GYUR PA'I MA RIG PA YOD PA'I PHYIR TE, 'PHAGS RGYUD LA YOD PA'I YAN LAG BCU GNYIS KYI NANG TSAN DU GYUR PA'I MA RIG PA YOD PA'I PHYIR TE, 'JIG LTA DE DE YIN PA'I PHYIR TE, DE 'PHAGS RGYUD LA YOD PA GANG ZHIG ,DE YAN LAG BCU GNYIS KYI NANG TSAN DU GYUR PA'I MA RIG PA YIN PA'I PHYIR, DANG PO GRUB STE, 'PHAGS RGYUD LA 'JIG LTA LHAN SKYES YOD PA'I PHYIR, GZHAN YANG, DE GNYIS DON MI GCIG PAR THAL, YAN LAG BCU GNYIS KYI NANG TSAN DU GYUR PA'I MA RIG PA

064b

SPANGS PA'I PHYIR MI 'ONG YOD, CIG SHOS SPANGS PA'I DE MED PA'I PHYIR, DANG PO DER THAL, CI YANG MED MAN CHAD KYI SAS BSDUS KYI MA RIG PA SPANGS PA'I DE YOD PA GANG ZHIG ,DE YIN NA CI YANG MED MAN CHAD KYI SAS BSDUS YIN DGOS PHYIR, DANG PO GRUB STE, SRID NYON BRGYAD PA SPANGS PA'I DE YOD PA'I PHYIR, GNYIS PA GRUB STE, SRID RTZE'I SAS BSDUS KYI YAN LAG BCU GNYIS KYI NANG TSAN DU GYUR PA'I MA RIG PA MED PA'I PHYIR TE, SA GZHAN NAS SHI 'PHOS TE SRID RTZER SKYE BA DE'I TSE MA RIG PA CI YANG MED MAN CHAD KYI SRAS BSDUS PA YIN PA'I PHYIR, RTAGS KHAS SO, ` ,RANG LUGS LA, MA RIG PA SPYI'I RNAM BZHAG BSHAD PA DANG, SKABS 'DIR BSTAN GYI MA RIG PA BYE BRAG TU BSHAD PA GNYIS LAS, DANG PO NI, SPYIR MA RIG PA DE LA GRUB MTHA' SMRA BA'I 'DOD TSUL MI 'DRA BA DU MA 'ONGS TE, BYE BRAG SMRA BAS NI MDZAD PA BKAG TZAM LA MI MDZA' BA DANG BDEN PA PA BKAG TZAM LA RDZUN TSIG TU MI 'JOG PA BZHIN DU, RIG PA BKAG TZAM LA MA RIG PAR MI 'JOG PAS, RIG PA YE SHES KYI 'GAL ZLA MI MTHUN PHYOGS SU GYUR PA'I SEMS BYUNG RMONGS PA GCIG LA MA RIG PAR 'JOG LA, RIG PA YE SHES DE YANG DGE BA BCU GCIG GI NANG TSAN GYI GTI MUG MED PA'I SEMS BYUNG LA BRJOD PAS, DE'I 'GAL ZLA MI MTHUN PHYOGS SU GYUR PA'I SEMS BYUNG LA MA RIG PAR 'JOG PA'I PHYIR, 'JIG LTA DANG MA RIG PA RNAM PA THAMS CAD DU 'GAL TE, MA RIG PA DE RANG YUL LA RMONGS PAS RANG YUL LA DPYOD PA'I RNAM PAS MI

065a

, ,'JUG ,'JIG LTA SHES RAB YIN PAS RANG YUL LA DPYOD PA'I RNAM PAS 'DUG PA'I PHYIR, DE GNYIS 'GAL BAR LUNG GIS GRUB STE, LUNG LAS, 'JIG TSOGS LA LTA BA DANG MTSUNGS PAR LDAN PA'I MA RIG PA ZHES 'JIG LTA MA RIG PA DANG MTSUNGS LDAN DU GSUNGS PA'I PHYIR, DE LTAR YANG, MDZOD LAS, MA RIG MI MDZA' RDZUN SOGS BZHIN, ,KUN SBYOR SOGS TSIG PHYIR 'GAL TE, ,SHES RAB NGAN PA'O MIN LTA PHYIR, ,LTA BA DE DANG MTSUNGS LDAN PHYIR,, SHES RAB NYON MONGS BSTAN PHYIR RO, ,ZHES GSUNGS, MDO SDE PAS GANG ZAG GI BDAG MED RTOGS PA'I RIG PA YE SHES KYI 'GAL ZLA MI MTHUN PHYOGS SU GYUR PA'I SEMS BYUNG MA RIG PAR 'DOD DE, RNAM 'GREL LAS, RIG PA'I MI MTHUN PHYOGS PHYIR DANG, ,ZHES SOGS GSUNGS PA'I PHYIR, DES 'JIG LTA MA RIG PAR YANG 'DOD DE, DE NYID LAS, NYES PA RNAM PA THAMS CAD DAG ,CES SOGS GSUNGS PA'I PHYIR, MDO LAS 'JIG LTA MA RIG PA DANG MTSUNGS LDAN DU GSUNGS PA DANG MI 'GAL TE, 'JIG LTA MA RIG PA'I PHYOGS GCIG YIN PAS DE LTAR BRJOD PA'I PHYIR, DPER NA, PA LA SHA DANG LDAN PA'I NAGS TSAL BZHIN NO, ,BYE MDO GNYIS KAS MA RIG PA LA KUN LHAN GNYIS SU 'DOD CING BYE BRAG SMRA BAS 'JIG LTA LA KUN BTAGS KYIS KHYAB PA KHAS LEN TE, DES LTA BA'I KUN SBYOR LNGA GA KUN BTAGS SU KHAS LEN PA'I PHYIR DANG, RGYUN ZHUGS KYIS 'JIG LTA SPANGS PAR YANG 'DOD PA'I PHYIR, DES NA RANG YUL

065b

LA RMONGS PA'I RNAM PAS 'JUG PA'I SEMS BYUNG, MA RIG PA'I MTSAN NYID, DE LA NGO BO'I SGO NAS DBYE NA, NYON MONGS CAN GYI MA RIG PA DANG, NYON MONGS CAN MA YIN PA'I MA RIG PA GNYIS, BDAG RKYEN GYI SGO NAS DBANG SHES SU GYUR PA'I MA RIG PA DANG, YID SHES SU GYUR PA'I MA RIG PA GNYIS, 'DZIN STANGS KYI SGO NAS LOG SHES SU GYUR PA'I MA RIG PA DANG, DE MA YIN PAR GYUR PA'I DE GNYIS, RTEN GYI SGO NAS KHAMS GSUM GYI MA RIG PA GSUM, DMIGS PA'I SGO NAS LAS 'BRAS LA RMONGS PA'I MA RIG PA DANG, DE KHO NA NYID LA RMONGS PA'I MA RIG PA GNYIS, GNYEN PO'I SGO NAS MTHONG SPANG DU GYUR PA'I MA RIG PA DANG, SGOM SPANG DU GYUR PA'I MA RIG PA GNYIS SU YOD DO, ,GNYIS PA LA, MTSAN NYID, DBYE BA, NGO BO GANG YIN DPYAD PA'O, ,DANG PO NI, RANG DANG RTEN 'BREL TSAR GCIG TU GTOGS PA'I 'PHEN BYED LAS KYI KUN SLONG DU GYUR PA'I DE KHO NA NYID LA RMONGS PA'I SEMS BYUNG, YAN LAG BCU GNYIS KYI NANG TSAN DU GYUR PA'I MA RIG PA'I MTSAN NYID, DE DANG MA RIG PA'I RTEN 'BREL DON GCIG ,DE LA YAN LAG BCU GNYIS KYI NANG TSAN DU GYUR PA'I MA RIG PA YIN LA, 'KHOR BA'I RTZA BAR GYUR PA'I MA RIG PA MA YIN PA, DE YIN LA SNGA MA MA YIN PA, GNYIS KA YIN PA, GNYIS KA MA YIN PA DANG BZHI LAS, DANG PO NI, RGYUN ZHUGS KYIS SPANGS PA'I YAN LAG BCU GNYIS KYI NANG TSAN DU GYUR PA'I MA RIG PA LTA BU, GNYIS PA NI, CHOS KYI BDAG 'DZIN DU GYUR PA'I MA RIG PA LTA BU, GSUM PA NI,

066a

, ,TSUR MTHONG THA MAL PA'I RGYUD KYI YAN LAG BCU GNYIS KYI NANG TSAN DU GYUR PA'I MA RIG PA LTA BU, YAN LAG BCU GNYIS KYI NANG TSAN DU GYUR PA'I MA RIG PA DANG LAS 'BRAS LA RMONGS PA'I MA RIG PA'I GZHI MTHUN MED DE, DE YIN NA DE KHO NA NYID LA RMONGS PA'I MA RIG PA YIN DGOS PA'I PHYIR TE, KUN BTUS LAS, RMONGS PA NI RNAM PA GNYIS TE 'BRAS BU RNAM PAR SMIN PA LA RMONGS PA DANG DE KHO NA NYID LA RMONGS PA'O, ,DE LA 'BRAS BU RNAM PAR SMIN PA LA RMONGS PAS NI BSOD NAMS MA YIN PA'I LAS MNGON PAR 'DU BYED DO, ,DE KHO NA NYID LA RMONGS PAS NI BSOD NAMS DANG MI G-YO BA'I LAS MNGON PAR 'DU BYED DO, ,ZHES GSUNGS PA DANG MI 'GAL TE, 'BRAS BU RNAM PAR SMIN PA LA ZHES SOGS KYIS LAS 'BRAS LA RMONGS PA'I MA RIG PA DES BSOD NAMS MA YIN PA'I LAS DE'I DUS KYI KUN SLONG BYED PAR BSTAN PA TZAM YIN GYI DE'I RGYU'I KUN SLONG BYED PAR BSTAN PA MA YIN PA'I PHYIR, DES DE KHO NA NYID LA RMONGS PAS, ZHES SOGS LA MI MTSUNGS TE, LAS DE'I DUS KYI KUN SLONG YIN NA, LAS DE DANG MTSUNGS LDAN YIN DGOS PA GANG ZHIG ,BSOD NAMS DANG MI G-YO BA'I LAS DANG MTSUNGS LDAN GYI DE KHO NA NYID LA RMONGS PA'I MA RIG PA MED PA'I PHYIR TE, BSOD NAMS DANG MI G-YO BA'I LAS GANG RUNG YIN NA, DGE BA YIN DGOS PA'I PHYIR, GNYIS PA NI, DE LA KHAMS GSUM GYI DE GSUM DU YOD, GSUM PA NI, YAN LAG BCU GNYIS KYI NANG

066b

TSAN DU GYUR PA'I MA RIG PA DE, DGE SOGS GSUM GYI NANG NAS LUNG MA BSTAN, SPANG BYA GNYIS KYI NANG NAS NGO BO SGOM SPANG, PHUNG PO LNGA'I NANG NAS 'DU BYED KYI PHUNG PO YIN, GANG ZAG SU'I RGYUD LA YOD NA SO SKYE'I RGYUD LA YOD CING, 'PHAGS RGYUD LA MED DE, 'PHAGS RGYUD LA 'PHEN BYED KYI LAS MED PA'I PHYIR, ` GNYIS PA 'DU BYED KYI RTEN 'BREL LA YANG, KHA CIG ,YANG SRID PHYI MA 'PHEN BYED KYI LAS, 'DU BYED KYI RTEN 'BREL GYI MTSAN NYID ZER NA, TSUR MTHONG LHAS BYIN GYI RGYUD KYI 'DU BYED KYI RTEN 'BREL CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, YANG SRID PHYI MA'I RGYU YIN PAR THAL LO, ,KHA CIG ,RANG GI RGYUR GYUR PA'I MA RIG PAS KUN NAS BSLANGS SHING RANG GI 'BRAS BUR GYUR PA'I YANG SRID PHYI MA 'PHEN BYED KYI LAS DE, DE'I MTSAN NYID ZER NA, NGAN SONG BA'I RNAM SMIN GYI PHUNG PO 'PHEN BYED KYI LAS CHOS CAN, ZUR GNYIS PA DER THAL, MTSON BYA DE'I PHYIR TE, CHOS CAN DE'I PHYIR, 'DOD NA, DE CHOS CAN, KHYOD KYI 'BRAS BUR GYUR BA'I YANG SRID PHYI MA DE KHYOD KYI 'PHANGS 'BRAS SU THAL LO, ,'DOD NA, DE'I 'BRAS BUR GYUR PA'I DE CHOS CAN, KHYOD NGAN SONG BA'I GANG ZAG GI RGYUD KYIS BSDUS BAR THAL, KHYOD DE'I 'PHANGS 'BRAS YIN PA'I PHYIR, 'DOD MI NUS TE, KHYOD DANG BDE 'GRO'I SRID PA'I GZHI MTHUN YOD PA'I PHYIR, KHA CIG ,RANG GI RGYUR GYUR PA'I MA RIG PAS KUN NAS BSLANGS SHING RANG GI 'PHANG BYAR GYUR PA'I YANG SRID PHYI MA 'PHEN

067a

, ,BYED KYI LAS DE, DE'I MTSAN NYID ZER NA, DE LA KHA CIG ,TSE DE LA DGRA BCOM PA'I 'BRAS BU THOB PAR NGES PA'I SO SKYE'I RGYUD KYI DMYAL BA'I RNAM SMIN GYI PHUNG PO 'PHEN BYED KYI LAS CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, KHYOD KYI 'PHANG BYAR GYUR PA'I YANG SRID PHYI MA YOD PAR THAL LO, ,'DOD NA, DGRA BCOM PA LAS NYON GYIS DMYAL BAR SKYE BA LEN PA YOD PAR THAL LO ZER NA MA KHYAB, 'DOD NA, DE CHOS CAN, KHYOD KYI 'PHANG BYAR GYUR PA'I DE YOD PAR THAL, DMYAL BA'I RNAM SMIN GYI PHUNG PO DE DE YIN PA'I PHYIR, KHYOD DE 'PHEN BYED KYI LAS YIN PA'I PHYIR, KHA CIG ,'DU BYED KYI RTEN 'BREL DU GYUR PA'I GZUGS PHUNG YOD DE, DER GYUR PA'I LUS NGAG YID GSUM GYI LAS YOD PA GANG ZHIG ,LUS NGAG GI LAS GZUGS PHUNG YIN PA'I PHYIR TE, MDZOD LAS, SEMS PA YID KYI LAS YIN TE, ,DES BSKYED LUS DANG NGAG GI LAS, ,ZHES DANG, LUS RNAM RIG BYED DBYIBS SU 'DOD,, NGAG RNAM RIG BYED NI NGAG SGRA, ,ZHES GSUNGS PA'I PHYIR ZER NA MA KHYAB STE, LAS YIN NA SEMS BYUNG SEMS PA YIN DGOS PA'I PHYIR TE, LHAG MTHONG CHEN MO LAS, SEMS PA'I LAS NI RANG DANG MTSUNGS PAR LDAN PA'I SEMS YUL RNAMS LA G-YO ZHING SKUL BAR BYED PA'I SEMS BYUNG YID KYI LAS SO, ,BSAM PA'I LAS NI SEMS PA DES KUN NAS BSLANGS SHING LUS NGAG GI LAS TE, DE LA RIG BYED DANG RIG BYED MA YIN PA GNYIS SU BYAS NAS GZUGS

067b

CAN KHO NAS BYE BRAG SMRA BAS 'DOD PA LA, SLOB DPON DBYIG GNYEN GYIS DE BKAG NAS, LUS NGAG GI RIG BYED DANG MNYAM DU 'JUG PA'I SEMS PA LA BYED PAS GNYIS KA'ANG SEMS PAR BSHAD DO, ,ZHES GSUNGS PA'I PHYIR, KHO NA RE, LAS DANG GZUGS PHUNG GI GZHI MTHUN YOD PAR THAL, DGE BA'I LAS DANG GZUGS PHUNG GI GZHI MTHUN YOD PA GANG ZHIG ,MI DGE BA'I LAS DANG DE'I GZHI MTHUN YOD PA'I PHYIR, DANG PO GRUB STE, BKA' BRGYAD STONG PA DE DGE BA'I LAS YIN PA'I PHYIR TE, DE DGE BA YIN PA'I PHYIR ZER NA MA KHYAB, GNYIS PA GRUB STE, RDZUN TSIG DE MI DGE BA'I LAS YIN PA'I PHYIR TE, DE MI DGE BA YIN PA'I PHYIR ZER NA MA KHYAB BO, ` ,RANG LUGS LA, 'DU BYED KYI RTEN 'BREL BSHAD PA DANG, LAS KYI RNAM GZHAG SPYIR BSTAN PA'O, ,DANG PO LA, MTSAN NYID, DBYE BA, NGO BO GANG YIN DPYAD PA'O, ,DANG PO NI, RANG DANG RTEN 'BREL TSAR GCIG TU GTOGS PA'I MA RIG PAS KUN NAS BSLANGS SHING RANG GI 'PHANG BAR GYUR PA'I YANG SRID PHYI MA 'PHEN BYED KYI SEMS BYUNG SEMS PA DE, YAN LAG BCU GNYIS KYI NANG TSAN GYI 'DU BYED KYI RTEN 'BREL GYI MTSAN NYID, DE DANG 'DU BYED KYI RTEN 'BREL DON GCIG ,GNYIS PA NI, DE LA 'DU BYED KYI RTEN 'BREL DU GYUR PA'I BSOD NAMS KYI LAS, DER GYUR PA'I BSOD NAMS MA YIN PA'I LAS, DER GYUR PA'I MI G-YO BA'I LAS DANG GSUM YOD, DANG PO LA YANG, DER GYUR PA'I GLING BZHI'I MI DANG 'DOD LHA RIGS DRUG TU SKYE BA'I 'PHEN BYED KYI LAS RNAMS SU YOD, GNYIS

068a

, ,PA LA YANG, NGAN SONG GSUM DU SKYE BA'I 'PHEN BYED KYI LAS RNAMS SU YOD, GSUM PA LA YANG, GZUGS KHAMS GNAS RIGS BCU BDUN DANG GZUGS MED RIGS BZHIR SKYE BA'I 'PHEN BYED KYI LAS RNAMS SU YOD DO, ,GSUM PA NI, YAN LAG BCU GNYIS KYI NANG TSAN DU GYUR PA'I 'DU BYED KYI RTEN 'BREL DE YIN NA, PHUNG PO LNGA'I NANG NAS 'DU BYED KYI PHUNG PO YIN DGOS PA'I PHYIR TE, DE YIN NA MTSUNGS LDAN 'DU BYED KYI PHUNG PO YIN DGOS PA'I PHYIR TE, DE YIN NA SEMS BYUNG SEMS PA YIN DGOS PA'I PHYIR, DGE SOGS GSUM GYI NANG NAS NGO BO LUNG MA BSTAN DANG, SPANG BYA GNYIS KYI NANG NAS NGO BO SGOM SPANG YIN NO, ,GNYIS PA NI, LAS LA SPYIR NGO BO'I SGO NAS SEMS PA'I LAS DANG, BSAM PA'I LAS GNYIS SU YOD DE, KUN BTUS LAS, LAS GANG ZHE NA, SEMS PA'I LAS DANG, BSAM PA'I LAS TE, 'DI NI LAS KYI MTSAN NYID MDOR BSDUS PA'O, ,ZHES GSUNGS PA'I PHYIR; DE GNYIS KYI KHYAD PAR YANG YOD DE, YID KYI LAS DE SEMS PA'I LAS DANG, LUS NGAG GI LAS GNYIS PO DE BSAM PA'I LAS YIN PA'I PHYIR TE, MDZOD LAS, SEMS PA YID KYI LAS YIN TE, ,DES BSKYED LUS DANG NGAG GI LAS, ,ZHES GSUNGS PA'I PHYIR, YANG LAS LA 'JUG TSUL GYI SGO NAS LUS NGAG YID GSUM GYI LAS GSUM DU YOD DE, DGE MI DGE GANG YIN KYANG RUNG DANG POR 'DI DANG 'DI BYA'O ZHES THOG MAR YID KHO NA LA

068b

SEMS SHING LUS NGAG GI GNAS SKABS SU MA THON PA'I SEMS BYUNG SEMS PA DE, YID KYI LAS DANG, SEMS BYUNG SEMS ? KUN NAS BSLANGS TE LUS NGAG GI GNAS SKABS SU THON PA'I SEMS BYUNG SEMS PA DE, LUS NGAG GI LAS SU SO SOR 'JOG PA'I PHYIR, DE YANG LUS KYI RIG BYED DANG MNYAM DU 'JUG PA'I SEMS BYUNG SEMS PA DE, LUS KYI LAS DANG, NGAG GI RIG BYED DANG MNYAM DU 'JUG PA'I SEMS BYUNG SEMS PA DE, DAG GI LAS SU 'JOG GO ,LUS KYI LAS LA DRUG TU YOD DE, SROG GCOD PA, MA BYIN PAR LEN PA, MI TSANGS PAR SPYOD PA STE LUS KYI MI DGE BA'I LAS GSUM, DE LAS BZLOG PA'I LUS KYI DGE BA'I LAS GSUM STE DRUG TU YOD PA'I PHYIR, NGAG GI LAS LA BRGYAD DU YOD DE, RDZUN, PHRA MA, TSIG RTZUB, NGAG 'KHYAL TE NGAG GI MI DGE BA'I LAS BZHI, DE LAS BZLOG PA'I NGAG GI DGE BA'I LAS BZHI STE BRGYAD YOD PA'I PHYIR, YID KYI LAS LA, BRNAB SEMS DANG; GNOD SEMS, LOG LTA RNAMS MED DE, DE RNAMS LAS MA YIN PA'I PHYIR TE, DE NYON MONGS YIN PA'I PHYIR, DE LTAR YANG, MDZOD LAS, GSUM LAM BDUN NI LAS KYANG YIN, ,ZHES DANG, BRNAB SEMS LA SOGS LAS MIN YANG, ,ZHES GSUNGS, YANG LAS LA RGYU'I SGO NAS, ZAG BCAS KYI LAS DANG ZAG MED KYI LAS GNYIS, DE GNYIS GANG DUR MA YIN PA'I LAS DANG GSUM LAS, DANG PO NI, RANG RGYU NYON MONGS TZAN

069a

, ,GYIS KUN NAS BSLANGS PA'I SEMS BYUNG SEMS PA LTA BU, ZAG BCAS KYI BSAL BYED LAS KYI SGO NAS, 'PHEN BYED KYI LAS, 'GRUB BYED KYI LAS, RDZOGS BYED KYI LAS DANG GSUM LAS, DANG PO NI, RNAM SMIN GYI NGO BO 'BYIN RUNG TZAM DU BYED PA'I LAS LTA BU, GNYIS PA NI, RNAM SMIN GYI NGO BO 'GRUB NGES SU BYED PA'I LAS LTA BU, GSUM PA NI, 'PHEN BYED LAS GYIS 'PHANGS SHING 'GRUB BYED LAS KYIS 'GRUB BAR BYAS PA'I RTEN DE LA BDE SDUG SO SOR 'BYIN PAR BYED PA'I LAS LTA BU, DES NA 'PHEN BYED DGE BAS 'PHANGS SHING RDZOGS BYED DGE BAS RDZOGS PA, 'PHEN BYED MI DGE BAS 'PHANGS SHING RDZOGS BYED MI DGE BAS RDZOGS PA, 'PHEN BYED DGE BAS 'PHANGS SHING RDZOGS BYED MI DGE BAS RDZOGS PA, 'PHEN BYED MI DGE BAS 'PHANGS SHING RDZOGS BYED DGE BAS RDZOGS PA DANG BZHI LAS, DANG PO NI, 'DOD PA'I LHA DANG MI PHAL CHER LTA BU, GNYIS PA NI, NGAN SONG BA PHAL CHER LTA BU, GSUM PA NI, MI'I RTEN LA LONGS SPYOD CHUNG ZHING TSE THUNG LAN DMANG BA LTA BU, BZHI PA NI, KLU'I RTEN LA LONGS SPYOD PA DPAG MED 'BYUNG BA LTA BU'O, ,YANG ZAG BCAS KYI LAS LA RNAM SMIN 'BYUNG TSUL GYI SGO NAS, MTHONG CHOS LA MYONG 'GYUR GYI LAS, SKYE GNAS GZHAN LA MYONG 'GYUR GYI LAS, LAN GANGS GZHAN LA MYONG 'GYUR GYI LAS, RNAM SMIN 'BYIN PAR MA NGES PA'I LAS DANG BZHI LAS, DANG PO NI, LAS BSAGS PA'I TSE DE LA

069b

RNAM SMIN 'BYIN PAR NGES PA'I LAS LTA BU, GNYIS PA NI, LAS BSAGS PA'I TSE PHYI MA DE NYID LA RNAM SMIN 'BYIN PAR NGES PA'I LAS LTA BU, GSUM PA NI, LAS BSAGS PA'I TSE PHYI MA'I PHYI MA NAS RNAM SMIN 'BYIN PAR NGES BA'I LAS LTA BU, BZHI PA NI, SKAD CIG GNYIS PAR GNYEN PO STOBS BZHI'I BSHAGS PAS 'DAG NGES KYI SROG GCOD KYI LAS LTA BU, YANG DE LA RNAM SMIN MYONG TSUL GYI SGO NAS, BDE BA MYONG 'GYUR GYI LAS, SDUG BSNGAL MYONG 'GYUR GYI LAS, BTANG SNYOMS MYONG 'GYUR GYI LAS DANG GSUM LAS, DANG PO NI, BSAM GTAN GSUM PA MAN CHAD KYI SAS BSDUS KYI DGE BA'I LAS LTA BU, GNYIS PA NI, MI DGE BA'I LAS LTA BU, GSUM PA NI, BSAM GTAN BZHI PA YAN CHAD KYI SAS BSDUS KYI LAS LTA BU, YANG DE LA KHAMS DANG BSAM PA'I SGO NAS, BSOD NAMS KYI LAS, BSOD NAMS MA YIN PA'I LAS, MI G-YO BA'I LAS DANG GSUM LAS, DANG PO NI, 'DOD PA'I BDE 'GRO'I SKYE PA 'PHEN 'GRUB KYI LAS LTA BU, GNYIS PA NI, NGAN 'GRO'I DE LTA BU, GSUM PA NI, KHAMS GONG MA'I DE LTA BU, KHAMS GONG MA'I SKYE BA 'PHEN 'GRUB KYI LAS LA MI G-YO BA ZHES BRJOD PA'I RGYU MTSAN YOD DE, KHAMS GONG MA'I SKYE BA 'PHEN BYED KYI LAS DE RNAM G-YENG GIS MI G-YO BA'AM, DE'I SKYE BA 'PHEN BYED KYI LAS DE DANG RDZOGS BYED KYI LAS DES RNAM SMIN KHAMS GZHAN DANG SA GZHAN DU MI G-YO BA STE MI 'BYIN PA'I RGYU MTSAN GYIS DE LTAR BRJOD PA'I PHYIR, 'DOD PA'I SKYE BA

070a

, ,'PHEN 'GRUB KYI LAS RNAMS G-YO BA YIN TE, MCHOD SBYIN BRLABS PO CHE BTANG BA'I RNAM SMIN GYI 'BRAS BU LONGS SPYOD PHUN SUM TSOGS PA DE GTONG BA PO TSUL KHRIMS RNAM PAR DAG PA DANG LDAN NA BDE 'GRO'I RTEN LA 'BYUNG YANG, TSUL KHRIMS 'CHAL BA'I DBANG GIS NGAN 'GRO'I RTEN LA 'BYUNG BA YOD PA'I PHYIR, GNYIS PA ZAG MED KYI LAS NI, RANG RGYU NYON MONGS TZAM GYIS KUN NAS BSLANGS PA MA YIN PAR RANG RGYU SHES SGRIB LA BRTEN NAS BYUNG BA'I KUN SLONG GI RTZOL BA PHRA MOR GYUR PA'I SEMS BYUNG SEMS PA LTA BU, 'DI NYAN RANG DGRA BCOM RNAMS DAG ZHING DU SKYE BA LEN PA'I RGYU DANG, DAG SA LA GNAS PA'I SEMS DPA' RNAMS GZHAN DON DU 'KHOR BAR SKYE BA LEN PA'I RGYUR DGOS PAR BSHAD DO,, GSUM PA DE GNYIS GANG RUNG MA YIN PA'I LAS NI, MNYAM GZHAG RNAM PAR MI RTOG PA'I YE SHES KYI NGO BOR GYUR PA'I LAS LTA BU'O, ,YANG LAS LA RNAM SMIN DKAR BA'I LAS, RNAM SMIN GNAS PA'I LAS, DKAR NAG 'DRES MA'I LAS DANG GSUM LAS, DANG PO NI, BSAM SBYOR GNYIS KA DGE BAS BYAS PA'I LAS LTA BU, GNYIS PA NI, BSAM SBYOR GNYIS KA MI DGE BAS BYAS PA'I LAS LTA BU, GSUM PA NI, BSAM PA DGE BAS BYAS LA SBYOR BA MI DGE BAS BYAS PA'I LAS LTA BU, YANG LAS LA BYAS LA MA BSAGS PA, BSAGS LA MA BYAS PA, BYAS BSAGS GNYIS KA TSANG BA, DE GNYIS KA MA TSANG BA'I LAS DANG BZHI LAS, DANG PO NI, RMI LAM

070b

DU BYAS PA'I LAS DANG, RANG NYID BYED 'DOD MED KYANG GZHAN GYIS DBANG MED DU BYED DU BCUG PA'I LAS LTA BU, GNYIS PA NI, SROG GCOD KYI LAS KYIS SBYOR BA BYAS TE PHA ROL PO LA MTSON BSNUN KYANG PHA ROL PO MA SHI BA'I LAS LTA BU, GSUM PA NI, BSAM BZHIN DU SROG GCOD KYI LAS BYAS TE MTHAR THUG GRUB PA'I LAS LTA BU, BZHI PA NI, SROG GCOD KYI SBYOR BA YID LA BSAMS TE, DE RJES 'DUN PA LOG PA'I LAS LTA BU'O, ,YANG LAS LA, SDOM PA'I LAS, SDOM MIN GYI LAS, BAR MA'I LAS DANG GSUM LAS, DANG PO NI, DGE TSUL SLONG GI SDOM PA LTA BU, GNYIS PA NI, RANG NYID RGYUD LA LDAN NA SDOM PA MTHA' DAG RGYUD LA SKYE BA LA BAR DU GCOD CING SGRIB PA RGYUN CHAGS SU 'BYUNG BA'I LAS LTA BU, 'DI BSHAN PA DANG BTZON SRUNG GI RGYUD LA YOD DO, ,GSUM PA NI, BSAM RAB BYUNG GI TSUL KHRIMS LTA BU'O, ` ,GSUM PA RNAM SHES KYI RTEN 'BREL BSHAD PA LA, KHA CIG ,RANG DANG RTEN 'BREL TSAR GCIG TU GTOGS PA'I 'PHEN BYED KYI LAS NUS PA MTHU CAN DU MA GYUR PA'I GNAS SKABS KYI GTZO BO YID KYI RNAM RIG GANG ZHIG ,RNAM SMIN BYUNG MA ZIN PA'I 'PHEN BYED LAS KYI BAG CHAGS 'DZIN PA, RNAM SHES KYI RTEN 'BREL GYI MTSAN NYID ZER NA, MIR SKYE 'GYUR GYI 'PHEN BYED KYI LAS KYI BAG CHAGS 'DZIN PA'I RNAM SHES KYI RTEN 'BREL YIN NA, MIR SKYE BA'I CHA RKYEN DU GYUR PA'I RNAM SHES KYI RTEN 'BREL YIN DGOS PAR THAL, MTSAN NYID 'THAD PA'I PHYIR, 'DOD NA, DUD 'GRO LA DER THAL, MTSAN

071a

, ,NYID 'THAD PA'I PHYIR, 'DOD NA, MIR SKYE BA'I RNAM SHES KYI RTEN 'BREL DANG, DUD 'GROR SKYE BA'I RNAM SHES KYI RTEN 'BREL GYI GZHI MTHUN YOD PAR THAL, DE GNYIS 'DOD PA GANG ZHIG ,YID KYI RNAM PAR SHES PA GCIG GI STENG DU MIR SKYE 'GYUR GYI 'PHEN BYED KYI LAS KYI BAG CHAGS DANG, DUD 'GROR SKYE 'GYUR GYI DE GNYIS KA SRID PA'I PHYIR, RNAM PAR SHES PA GCIG GI STENG DU DGE MI DGE'I LAS KYI BAG CHAGS GNYIS KA SRID PA'I PHYIR, 'DOD NA, MIR SKYE BA'I 'PHEN BYED KYI LAS DANG, DUD 'GROR SKYE BA'I 'PHEN BYED KYI LAS KYI GZHI MTHUN YOD PAR THAL LO, ,'DOD MI NUS TE, DANG PO DE YIN NA DGE BA YIN DGOS, GNYIS PA DE YIN NA MI DGE BA YIN DGOS PA'I PHYIR, RTAGS 'BUD DO, KHO NA RE, DE 'DRA'I GZHI MTHUN YOD PAR THAL, MIR SKYE BA'I 'PHEN BYED KYI LAS KYI BAG CHAGS 'DZIN PA'I RNAM SHES KYI RTEN 'BREL DANG, DUD 'GROR SKYE BA'I DE'I GZHI MTHUN YOD PA'I PHYIR NA MA KHYAB, KHO NA RE, MTSAN NYID DE 'THAD PAR THAL, MI'I RTEN LA LHAR SKYE BA'I LAN GRANGS GZHAN LA MYONG 'GYUR GYI LAS BSAGS, DE'I RJES SU LAS GZHAN GYI DBANG GIS NGAN SONG DU SKYES PA BLANGS, DE'I RJES SNGAR GYI LAS DE'I DBANG GIS LHAR SKYE BA'I TSE NGAN SONG BA'I GANG ZAG DE'I RGYUD LA MI'I RTEN LA BSAGS PA'I LHAR SKYES PA'I RNAM SHES KYI RTEN 'BREL YOD PA'I PHYIR TE, LHAR SKYE BA'I RNAM SHES

071b

KYI RTEN 'BREL DE LHA'I SRID BA'I RTEN 'BREL MNGON DU MA GYUR PA'I BAR DU 'BYUNG BA'I PHYIR TE, RTEN 'BREL MDO 'GREL LAS, 'DU BYED KYI RKYEN GYIS RNAM PAR SHES PA DE GANG GI BAR DU 'BYUNG ZHE NA, SRID PA LA THUG GI BAR DU'O, ,ZHES GSUNGS PA'I PHYIR ZER NA MA KHYAB, YANG SNGAR GYI DAM BCA' DE DANG MA RIG PA DANG RNAM SHES GNYIS LAS GANG DU BSAGS PA'I SA DER GTOGS ZER BA NANG 'GAL TE, BSAM GTAN DANG PO'I RTEN LA BSAM GTAN BZHI PAR SKYE BA'I LAN GRANGS GZHAN LA MYONG 'GYUR GYI LAS BSAGS, DE'I RJES SU LAS GZHAN GYI DBANG GIS NGAN SONG DU SKYE BA'I NGAN SONG BA'I GANG ZAG DE'I RGYUD LA BSAM GTAN BZHI PAR SKYE BA'I RNAM SHES KYI RTEN 'BREL YOD PAR THAL, SNGAR GYI DAM BCA' DE'I PHYIR, 'DOD NA, DE'I RGYUD LA BSAM GTAN DANG PO'I SAS BSDUS KYI SEMS YOD PAR THAL, DE'I RGYUD LA BSAM GTAN DANG PO'I RTEN LA BSAGS PA'I BSAM GTAN BZHI PAR SKYE BA'I RNAM SHES KYI RTEN 'BREL YOD PA GANG ZHIG ,DE BSAM GTAN DANG PO'I SAS BSDUS YIN PA'I PHYIR, RTAGS DON GYIS SONG, 'DOD NA, NGAN SONG BA'I GANG ZAG YIN NA, BSAM GTAN DANG PO'I SEMS RGYUD LDAN GYI GANG ZAG YIN DGOS PAR THAL LO, ,GZHAN YANG, RNAM SHES KYI RTEN 'BREL DE LA RNAM PAR SHES PA'I TSOGS DRUG YOD PAR THAL, RTEN 'BREL MDO 'GREL LAS, 'DU BYED KYI RKYEN GYIS RNAM PAR SHES PA DE GANG ZHE NA, MIG GI RNAM PAR SHES PA DANG, DE BZHIN DU RNA BA DANG, SNA DANG,

072a

, ,LCE DANG, LUS DANG, YID KYI RNAM PAR SHES PA'O, ,ZHES GSUNGS PA'I PHYIR, KHYAB PA KHAS, GZHAN YANG, 'PHEN BYED KYI LAS DE RANG DUS SU NUS PA MTHU CAN DU GYUR PA MA YIN PAR THAL, RNAM SHES KYI RTEN 'BREL YIN NA, 'PHEN BYED KYI LAS NUS PA MTHU CAN DU MA GYUR PA'I GNAS SKABS KYI GTZO BO YID KYI RNAM RIG YIN DGOS PA'I PHYIR, RTAGS KHAS, 'DOD MI NUS TE, DE RANG DUS SU RANG 'BRAS SKYE PA LA NUS PA MTHU CAN DU GYUR PA YIN PA'I PHYIR, KHA CIG ,RNAM SHES KYI RTEN 'BREL LA RGYU DUS KYI RNAM SHES KYI RTEN 'BREL DANG, 'BRAS DUS KYI DE GNYIS SU YOD DE, DE LTAR LAM RIM DANG GSER PHRENG LAS BSHAD PA'I PHYIR ZER BA MI 'THAD DE, DE YIN NA RGYU DUS KYI DE YIN DGOS PA'I PHYIR TE, DE YIN NA YAN LAG GSUM PA RNAM SHES KYI RTEN 'BREL YIN DGOS PA'I PHYIR, RANG LUGS NI, RANG DANG RTEN 'BREL TSAR GCIG TU GTOGS PA'I 'PHEN BYED LAS KYI BAG CHAGS BSGOS MA THAG PA'I GTZO BO YID KYI RNAM RIG DE, RNAM SHES KYI RTEN 'BREL GYI MTSAN NYID, DE DANG YAN LAG BCU GNYIS KYI NANG TSAN GYI RNAM SHES DON GCIG ` ,BZHI PA MING GZUGS KYI RTEN 'BREL LA MTSAN NYID, DBYE BA GNYIS LAS, DANG PO NI, RANG DANG RTEN 'BREL TSAR GCIG TU GTOGS PA'I 'PHEN BYED LAS KYI 'PHANGS 'BRAS KYANG YIN, SKYE SRID DU NYING MTSAMS SBYAR MA THAG PA NAS BZUNG STE, DBANG PO DRUG TSANG BAR MA DOD GONG GI PHUNG PO'I RIGS SU GNAS PA YANG YIN PA'I GZHI

072b

MTHUN PAR GYUR PA'I KUN NAS NYON MONGS PHYOGS KYI RTEN 'BREL DE, RDZUS SKYES LAS GZHAN PA'I MING GZUGS CI RIGS PA'I RTEN 'BREL GYI MTSAN NYID, GNYIS PA NI, DE LA YAN LAG BCU GNYIS KYI NANG TSAN DU GYUR PA'I MING GI RTEN 'BREL DANG, DER GYUR PA'I GZUGS KYI RTEN 'BREL GNYIS SU YOD, MNGAL SKYES KYI DBANG DU BYAS NA, TSUR MTHONG THA MAL PA MNGAL DU NYING MTSAMS SBYAR MA THAG PA NAS BZUNG STE, DBANG PO DRUG TSANG BAR MA DOD PA'I GNAS SKABS KYI RNAM SMIN GYI PHUNG POR GYUR PA'I TSOR SOGS PHUNG PO PHYI MA BZHI LTA BU DANG PO DANG, DE'I GNAS SKABS KYI GZUGS PHUNG DE GNYIS PA YIN, MI'I DBANG DU BYAS NA, MIR CHAGS PA'I GNAS SKABS KYI TSOR SOGS PHYI MA BZHI DANG PO DANG, DE'I GNAS SKABS KYI GZUGS PHUNG GNYIS PA YIN NO, ,MIR CHAGS PA DANG MI'I KHYAD PAR YOD DE, MI LA GNAS SKABS BCU YOD PA'I MNGAL GYI GNAS SKABS PHYED DANG LNGA YAN CHAD MIR CHAGS PAR 'JOG PA'I PHYIR, GNAS SKABS BCU YANG YOD DE, MER MER PO, NUR NUR PO, LTAR LTAR PO, 'KHRANG 'GYUR, YAN LAG 'GYUS PA STE MNGAL GYI GNAS SKABS LNGA DANG, BYIS PA, GZHON NU, DAR MA, DAR YOL, RGAN PO STE BTZAS PA'I GNAS SKABS LNGA YOD PA'I PHYIR, RANG DANG RTEN 'BREL TSAR GCIG TU GTOGS PA'I 'PHEN BYED LAS KYI 'PHANGS 'BRAS KYANG YIN, DBANG PO DRUG TSANG BAR DOD PA NAS BZUNG STE, YUL DBANG RNAM SHES GSUM 'DUS NAS YUL GYI 'GYUR BA SPYOD MI

073a

, ,NUS PA'I GNAS SKABS KYI RNAM SMIN GYI PHUNG PO'I RIGS SU GNAS PA YANG YIN PA'I GZHI MTHUN PAR GYUR PA'I KUN NAS NYON MONGS PHYOGS KYI RTEN 'BREL, LNGA PA SKYE MCHED DRUG CI RIGS PA'I RTEN 'BREL GYI MTSAN NYID; DBYE NA, DER GYUR PA'I MIG GI SKYE MCHED NAS, YID KYI SKYE MCHED KYI BAR DRUG YOD, RANG DANG RTEN 'BREL TSAD GCIG TU GTOGS PA'I 'PHEN BYED LAS KYI 'PHANGS 'BRAS KYANG YIN, YUL DBANG RNAM SHES GSUM 'DUS NAS YUL GYI 'GYUR BA SPYOD NUS PA NAS BZUNG STE, TSOR BA BDE SDUG BTANG SNYOMS GSUM GYI RGYU ZAS LA SOGS PA SHES MI NUS PA'I GNAS SKABS KYI RNAM SMIN GYI PHUNG PO'I RIGS SU GNAS PA YANG YIN PA'I GZHI MTHUN PAR GYUR PA'I SEMS BYUNG DE; DRUG PA REG PA'I RTEN 'BREL GYI MTSAN NYID, DER GYUR PA'I MIG GI 'DUS TE REG PA SOGS DRUG YOD, DE YANG YIN, DE SHES NUS PA NAS BZUNG STE, SIM GDUNG BAR MA CI RIGS NYAMS SU MYONG BA'I GNAS SKABS KYI RNAM SMIN GYI PHUNG PO'I RIGS SU GNAS PA YANG YIN PA'I GZHI MTHUN PAR GYUR PA'I SEMS BYUNG DE, BDUN PA TSOR BA'I RTEN 'BREL GYI MTSAN NYID, DBYE NA, DER GYUR PA'I MIG GI 'DUS TE REG PA LAS BYUNG BA'I TSOR BA SOGS DRUG YOD DO, ,KHO NA RE, RDZUS SKYES LA MING GZUGS KYI RTEN 'BREL YOD PAR THAL, RDZUS SKYES LAS GZHAN PA'I ZHES SMOS PA LA DGOS PA YOD PA'I PHYIR, 'DOD NA, RTEN 'BREL MDO 'GREL LAS, RDZUS TE SKYES PA LA NI RNAM PAR SHES PA'I RKYEN GYIS SKYE MCHED DRUG CES BYA YI, RNAM PAR SHES PA'I RKYEN GYIS MING DANG

073b

GZUGS ZHES MI BYA'O, ,ZHES GSUNGS PA MI 'THAD PAR THAL, 'DOD PA'I PHYIR NA MA KHYAB, ,KHO NA RE, RDZUS SKYES KYI MING GZUGS KYI RTEN 'BREL CHOS CAN, MING GZUGS KYI RTEN 'BREL MA YIN PAR THAL, SKYE MCHED DRUG GI RTEN 'BREL YIN PA'I PHYIR NA MA KHYAB, DER THAL, MTSAN NYID DE'I PHYIR, DANG PO GRUB STE, MING GZUGS KYI RTEN 'BREL YIN PA'I PHYIR, GNYIS PA GRUB STE, RDZUS SKYES LA DBANG PO DRUG CIG CAR DU 'BYUNG PA'I PHYIR ZER NA, MNGAL DU NYID MTSAMS SBYAR MA THAG PA'I GNAS SKABS KYI RNAM SMIN GYI PHUNG PO CHOS CAN, MING GZUGS KYI RTEN 'BREL MA YIN PAR THAL, SKYE BA'I RTEN 'BREL YIN PA'I PHYIR, KHYAB PA KHAS, RTAGS GRUB STE, SKYE BA'I RTEN 'BREL DANG MING GZUGS KYI RTEN 'BREL GNYIS CIG CAR DU 'BYUNG BA'I PHYIR, GZHAN YANG, 'PHANGS 'BRAS DANG GRUB 'BRAS 'GAL BAR THAL, MING GZUGS KYI RTEN 'BREL DANG SKYE BA'I TEN 'BREL 'GAL BA'I PHYIR, RTAGS KHAS, 'DOD NA, SKYE RGA GNYIS CHOS CAN, GRUB 'BRAS MA YIN PAR THAL, 'PHANGS 'BRAS YIN PA'I PHYIR TE, KHYOD RANG DANG RTEN 'BREL GCIG TU GTOGS PA'I MA RIG PA 'DU BYED RNAM SHES GSUM GYI 'PHANGS 'BRAS YIN PA'I PHYIR TE, KHYOD DE GSUM GYI 'BRAS BU GANG ZHIG ,DE GSUM 'PHEN BYED KYI RGYU YIN PA'I PHYIR, GZHAN YANG, MING GZUGS NAS TSOR BA'I BAR GYI RTEN 'BREL CHOS CAN, 'PHANGS 'BRAS MA YIN PAR THAL, GRUB 'BRAS YIN PA'I PHYIR, KHYAB PA KHAS, DER THAL, RANG RTEN BREL TSAR GCIG TU GTOGS PA'I SRED LEN SRID PA GSUM GYI GRUB 'BRAS YIN PA'I PHYIR, DE GSUM GYI 'BRAS BU GANG

074a

, ,ZHIG ,DE GSUM KHYOD 'GRUB BYED KYI RGYU YIN PA'I PHYIR, KHO NA RE, 'PHEN BYED KYI RGYU DANG 'GRUB BYED KYI RGYU MI 'GAL BAR THAL, 'PHANGS 'BRAS DANG GRUB 'BRAS MI 'GAL BA'I PHYIR ZER NA MA KHYAB, 'DOD NA, 'PHEN BYED KYI LAS DANG 'GRUB BYED KYI LAS MI 'GAL BAR THAL LO, ,KHO NA RE, MA RIG PA 'DU BYED RNAM SHES KYI RTEN 'BREL GSUM CHOS CAN, 'GRUB BYED KYI RGYU YIN PAR THAL, RANG DANG RTEN 'BREL TSAR GCIG TU GTOGS PA'I SKYE RGA GNYIS KYI 'GRUB BYED KYI RGYU YIN PA'I PHYIR TE; DE GNYIS KYI RGYU GANG ZHIG ,DE GNYIS GRUB 'BRAS YIN PA'I PHYIR, KHYAB PA 'GRIG ZER NA MI MTSUNGS, DE BZHIN DU, SRED LEN SRID PA GSUM CHOS CAN, 'PHEN BYED KYI RGYU YIN PAR THAL, RANG DANG RTEN 'BREL TSAR GCIG TU GTOGS PA'I MING GZUGS NAS TSOR BA'I BAR GYI 'PHEN BYED KYI RGYU YIN PA'I PHYIR TE, DE RNAMS KYI RGYU GANG ZHIG ,DE RNAMS 'PHANGS 'BRAS YIN PA'I PHYIR ZER NA MA KHYAB, KHO NA RE, RDZUS SKYES KYI SKYE MCHED DRUG GI RTEN 'BREL CHOS CAN, RANG DANG RTEN 'BREL TSAR GCIG TU GTOGS PA'I MING GZUGS KYI RTEN 'BREL LAS BYUNG BAR THAL, SKYE MCHED DRUG GI RTEN 'BREL YIN PA'I PHYIR ZER NA MA KHYAB, 'DOD MI NUS TE, DE DANG DUS MNYAM YIN PA'I PHYIR, KHO NA RE, MING GZUGS KYI RTEN BREL YIN PA MED PAR THAL, MING GZUGS CI RIGS PA'I RTEN 'BREL GYI MTSAN NYID CES BSHAD PA LA DGOS PA YOD PA'I PHYIR NA MA KHYAB, MING GZUGS CI RIGS PA'I RTEN 'BREL YIN NA, MI GZUGS KYI RTEN 'BREL YIN DGOS PAR THAL, DE YIN PA YOD PA'I PHYIR ZER NA MA

074b

KHYAB; 'DOD NA, GZUGS MED KHAMS NA MING GZUGS KYI RTEN 'BREL YOD PAR THAL, DE NA MING GZUGS CI RIGS PA'I RTEN 'BREL YOD PA GANG ZHIG ,'DOD PA'I PHYIR, DES SKYE MCHED DRUG CI RIGS PA LA RIGS 'GRE ZER BA MI 'THAD DE, MNGAL DU NYID MTSAMS SBYAR MA THAG PA'I GNAS SKABS KYI RNAM SMIN GYI PHUNG PO LNGA PO DE MING GZUGS KYI RTEN 'BREL DANG, MNGAL DU NYID MTSAMS SBYAR NAS DBANG PO DRUG TSANG BAR DOD MA THAG PA'I GNAS SKABS KYI MIG SOGS DBANG PO DRUG PO DE SKYE MCHED DRUG GI RTEN 'BREL YIN PA'I PHYIR, KHO NA RE, DANG PO DE CHOS CAN, MING GI RTEN 'BREL DU THAL, MING GZUGS KYI RTEN 'BREL YIN PA'I PHYIR ZER NA MA KHYAB STE, MING GZUGS CHOS CAN, MING GI LDOG PA YIN PAR THAL, MING GZUGS KYI LDOG PA YIN PA'I PHYIR; KHYAB PA KHAS, 'DOD NA, DE CHOS CAN, SHES PA YIN PAR THAL LO, ,DES GNYIS PA LA RIGS 'GRE'O, ,KHA CIG ,MING GZUGS KYI RTEN 'BREL LA GNAS PA'I NYAN THOS DGRA BCOM PA YOD ZER NA, MNGAL DU NYID MTSAMS SBYAR MA THAG PA'I GNAS SKABS KYI RNAM SMIN GYI PHUNG PO LA GNAS PA'I DE YOD PAR THAL, DAM BCA' DE'I PHYIR, 'DOD NA, SKYE SRID LA GNAS PA'I DE YOD PAR THAL LO, ,'DOD NA, SRID PA LA GNAS PA'I DE YOD PAR THAL LO, ,KHO NA RE, DAM BCA' 'THAD PAR THAL; DE 'DRA'I LHAG BCAS MYANG 'DAS PA YOD PA'I PHYIR TE, LHAG BCAS MYANG 'DAS PA'I RGYUD LA MING GZUGS KYI RTEN 'BREL YOD PA'I PHYIR TE, DE'I RGYUD LA 'PHEN BYED LAS KYI 'PHANGS 'BRAS YOD PA'I PHYIR TE, DE'I RGYUD LA LAS NYON GYIS 'PHANGS

075a

, ,PA'I RNAM SMIN GYI PHUNG PO YOD PA'I PHYIR NA MA KHYAB, DER THAL, DE'I RGYUD KYI GZUGS PHUNG DE RANG RGYUD LA NYON GYI DBANG GIS BYUNG BA'I ZAG BCAS YIN PA'I PHYIR TE, DE SDUG BDEN YIN PA'I PHYIR, GZHAN YANG, DE'I RGYUD LA DE YOD PAR THAL, DE'I RGYUD LA RGA SHI'I RTEN 'BREL YOD PA'I PHYIR TE, DE'I RGYUD LA RNAM SMIN GYI PHUNG PO NA TSOD GZHAN DU 'GYUR BA YANG YOD, SROG GI DBANG PO RANG DBANG MED PAR 'GAG PA'I CHA YANG YOD PA'I PHYIR ZER NA MA KHYAB, DES NA, RANG DANG RTEN 'BREL TSAR MI GCIG PA'I TSOR BA GSUM PO GANG RUNG BA SRED PA'I SGO NAS RANG DANG RTEN 'BREL TSAR GCIG TU GTOGS PA'I 'PHEN BYED KYI LAS KYI BAG CHAGS DANG POR GSOS 'DEBS PAR BYED PA'I 'DOD CHAGS DE, BRGYAD PA SRED PA'I RTEN 'BREL GYI MTSAN NYID, SPYIR 'DOD CHAGS DANG SRED PA DON GCIG ,SRED PA LA 'DOD SRED, 'JIG SRED, SRID SRED DANG GSUM LAS, DANG PO NI, BDE BA DANG 'PHRAD PAR 'DOD PA'I 'DOD CHAGS LTA BU, GNYIS PA NI, SDUG BSNGAL DANG 'BRAL BAR 'DOD PA'I 'DOD CHAGS LTA BU, GSUM PA NI, RNAM SMIN GYI PHUNG PO LA CHAGS PA'I 'DOD CHAGS LTA BU, SNGAR GYI SRED PA'I RTEN 'BREL DE LHAG PAR 'PHEL TE 'PHEN BYED LAS KYI BAG CHAGS GSOS 'DEBS PA LA NUS PA MTHU CAN DU GYUR PA'I 'DOD CHAGS DE, DGU PA LEN PA'I RTEN 'BREL GYI MTSAN NYID, DBYE NA, DER GYUR PA'I 'DOD PA NYE BAR LEN PA, LTA BA NYE BAR LEN PA, TSUL ZHUGS MCHOG 'DZIN NYE BAR LEN PA, BDAG TU LTA BA NYE BAR LEN PA DANG BZHI LAS, DANG PO NI,

075b

'DOD YON LNGA LA CHAGS PA'I 'DOD CHAGS LTA BU, GNYIS PA NI, LTA NGAN DRUG CU RTZA GNYIS LA CHAGS PA'I 'DOD CHAGS LTA BU, GSUM PA NI, ZAS GCOD PA DANG, MI LNGA BSTEN PA DANG, BA LANG DANG KHYI PHAG SOGS KYI KUN SPYOD LA CHAGS PA'I 'DOD CHAGS LTA BU, BZHI PA NI, GANG ZAG GI BDAG 'DZIN DANG, NGA'O SNYAM PA'I NGA RGYAL LA CHAGS PA'I 'DOD CHAGS LTA BU, ` SNGAR GYI SRED LEN DE GNYIS KYIS 'PHEN BYED LAS KYI BAG CHAGS GSOS BTAB STE YANG SRID 'GRUB PAR BYED PA'I 'GRUB BYED KYI LAS DE, BCU PA SRID PA'I RTEN 'BREL GYI MTSAN NYID, SPYIR SRID PA DANG 'KHOR BA DON GCIG ,DBYE NA, BAR SRID, SKYE SRID, SNGON DUS KYI SRID PA, 'CHI SRID DANG BZHI LAS, DANG PO NI, TSE SNGA MA'I 'CHI SRID DANG TSE 'DI'I SKYE SRID GNYIS KYI BAR DU BYUNG BA'I SRID PA LTA BU, GNYIS PA NI, MNGAL DU NYID MTSAMS SBYAR MA THAG PA'I GNAS SKABS KYI RNAM SMIN GYI PHUNG PO LTA BU, GSUM PA NI, SKYE SRID GRUB PA'I SKAD CIG GNYIS PA NAS 'CHI SRID MA GRUB PA'I BAR GYI SRID PA LTA BU, SPYIR SNGON DUS KYI SRID PA DANG SKYE SRID GNYIS MI 'GAL TE, GZUGS SU NYER 'GRO'I PHYIR MI 'ONG SKYES 'DA' BA LA GSUM GSUNGS PA'I MNGON PAR 'DU BYED DANG BCAS TE 'DA' BA DES GZUGS KYI SNGON DUS KYI SRID PA'I RTEN LA MYANG 'DAS MNGON DU BYED PA'I PHYIR, SRID PA LA BZHIR PHYE BA'I DE GNYIS 'GAL TE, NYON MONGS DANG NYE BA'I NYON MONGS PA BZHIN NO, ,SNGON DUS KYI SRID PA LA DU MA YOD DE, SMAN LA, LHA RNAMS KYI MTHU LA, 'KHRIG PA'I BSAM PA TZAM LA, KHU KHRAG LA

076a

, ,BRTEN NAS BYUNG BA DANG BZHI LAS, DANG PO NI, RGYAL PO SDONG DUM LTA BU, GNYIS PA NI, RGYAL PO SRID SGRUB LTA BU, GSUM PA NI, SHAR PHYOGS MNGON DGA'I 'JIG RTEN KHAMS KYI MI LTA BU, BZHI PA NI, DA LTAR GYI MI THA MAL PA LTA BU'O, ,'CHI SRID NI, TSE 'DI NAS PHYI MAR 'GRO KHA MA'I SRID PA LTA BU, ` SNGAR GYI SRID PA'I RTEN BREL GYI MTHUS SKYE SRID DU NYID MTSAMS SBYAR MA THAG PA'I GNAS SKABS KYI RNAM SMIN GYI PHUNG PO'I RIGS SU GNAS PA'I KUN NAS NYON MONGS PHYOGS KYI RTEN 'BREL, BCU GCIG PA SKYE BA'I RTEN 'BREL GYI MTSAN NYID, DBYE NA, DER GYUR PA'I RDZUS SKYES, DROD GSHER SKYES, MNGAL SKYES, SGONG SKYES DANG BZHI YOD, 'GRO BA GANG LA SKYE GNAS DU YOD CE NA, MI DANG DUD 'GRO LA SKYE GNAS BZHI KA YOD, DMYAL BA LHA BAR SRID KYI SEMS CAN RNAMS LA RDZUS SKYES KYIS KHYAB, YI DVAGS PHAL CHER RDZUS SKYES DANG, MNGAL SKYES KYANG YOD DO, ,DE LTAR YANG MDZOD LAS, DER NI SGO NGA LAS SKYES SOGS, , SEMS CAN SKYE GNAS BZHI DAG TU, ,MI DANG DUD 'GRO RNAM PA BZHI, ,DMYAL BA RNAMS DANG LHA RNAMS DANG, ,SRID PA BAR MA RDZUS TE SKYES, ,YI DVAGS MNGAL NAS SKYE BA'ANG YIN, ,ZHES GSUNGS PA'I PHYIR, ,MI LA RDZUS SKYES YOD DE, BSKAL BA DANG PO'I MI RNAMS RDZUS SKYES YIN PA'I PHYIR, MI LA DROD GSHER SKYES YOD DE, RGYAL PO SPYI BO SKYES DE DE YIN PA'I PHYIR, MI LA SGO NGA SKYES YOD DE, GRU CHAG PA'I TSONG PA KHRUNG KHRUNG MO DANG 'GROGS PAS SGO NGA GNYIS BYUNG BA LAS GNAS BRTAN

076b

GRAGS PA DANG NYE BA'I GRAGS SU GYUR PAR 'DUL BA LUNG LAS BSHAD PA'I PHYIR, DUD 'GRO LA SKYE GNAS BZHI KA YOD DE, SKYE GNAS BZHI DANG LDAN PA'I MKHA' LDING GIS SKYE GNAS BZHI DANG LDAN PA'I KLU ZA BAR LUNG LAS BSHAD PA'I PHYIR, YI DVAGS LA MNGAL SKYES YOD DE, YI DVAGS MO ZHIG GIS 'PHAGS PA 'JIG RTEN DBANG PHYUG LA, 'PHAGS PA, BDAG LA NYIN MO BU LNGA DANG, ,DE BZHIN MTSAN MO BU LNGA RNAMS, ,SKYES NAS ZA BAR 'GYUR MOD KYI, ,'ON KYANG BDAG LA TSIM PA MED,, CES BSHAD PA GANG ZHIG ,RDZUS SKYES LA RO ZA RGYU MED PA'I PHYIR, KHO NA RE, LHA LA RDZUS SKYES KYIS MA KHYAB PAR THAL, RDZUS SKYES LA SKYE 'CHI BYED PA'I TSE DBANG PO LNGA DANG YAN LAG DANG NYING LAG CIG CAR DU 'BYUNG BA DANG CIG CAR DU 'GAG PAR BYED PA GANG ZHIG GZUGS MED LA DE MED PA'I PHYIR ZER NA MA KHYAB STE, DE LTAR BSHAD PA DE 'DOD GZUGS KYI RDZUS SKYES GTZO CHE BA LA DGONGS PA'I PHYIR, BAR SRID KYI SEMS CAN DE 'GRO BA RIGS DRUG PO GANG RUNG MA YIN TE, MDZOD 'GREL LAS, SKYE GNAS BZHIS 'GRO BA LNGA BSDUS KYANG 'GRO BA LNGAS SKYE GNAS BZHI MA BSDUS TE, GANG ZHIG MA BSDUS NA, SRID PA BAR MA'O, ,ZHES GSUNGS PA'I PHYIR, DE LTA NA'ANG GZUGS KYI BAR SRID PA DE GZUGS KHAMS PA NI YIN TE; GZUGS KYI BAR DO PA DE GZUGS KHAMS PA YIN PA'I PHYIR TE, GZUGS KYI BAR DO'I RTEN LA MYANG 'DAS MNGON DU BYED PA'I GANG ZAG YIN, GZUGS KYI RTEN LA MYANG 'DAS MNGON DU BYED PA'I GANG ZAG YIN DGOS PA'I PHYIR, ` BCU

077a

, ,GNYIS PA RGA SHI'I RTEN 'BREL NI, SKYE SRID GRUB PA'I SKAD CIG GNYIS PA NAS 'CHI SRID MA GRUB PA'I BAR GYI RNAM SMIN GYI PHUNG PO NA TSOD GZHAN DU GYUR PA'I CHA LA, RGA BA'I RTEN 'BREL DANG, RNAM SMIN GYI PHUNG PO RIGS MTHUN DOR BA'I CHA LA, SHI BA'I RTEN 'BREL DU 'JOG GO ,RGA SHI GNYIS YAN LAG GCIG TU 'DREN PA'I RGYU MTSAN YOD DE, DE GNYIS 'JIG RTEN GRAGS TSOD LTAR GI RIM DES MED DU 'BYUNG BA'I RGYU MTSAN GYIS GCIG TU BGRANGS PA'I PHYIR, DES NA MA RGAS PAR 'CHI BA YOD PAR GSUNGS PA'I DGONGS PA YANG 'JIG RTEN GYI GRAGS TSOD LTAR SKRA DKAR BA DANG GNYER MA MANG BA LA SOGS PA'I RGAS PA MED PAR 'CHI BA YOD PA LA DGONGS PA YIN GYI, MA RGAS PAR 'CHI BA MED DE, RGA BA'I RTEN 'BREL DE SKYE SRID GRUB PA'I SKAD CIG GNYIS PA NAS 'BYUNG BA'I PHYIR, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA SOGS YAN LAG BCU GNYIS KYI YAN LAG TU MI 'DREN PA'I RGYU MTSAN YOD DE, LAS NYON GYIS SKYE 'CHI BYED PA THAMS CAD LA DE RNAMS 'BYUNG BA'I NGES PA MED PA'I RGYU MTSAN GYIS DE LTAR MA BGRANGS PA'I PHYIR, DE NGES PA YANG MED DE, TSUL KHRIMS DANG LDAN PA'I DGE SLONG 'GA' ZHIG YID BDE BZHIN DU 'CHI BA YOD PA'I PHYIR, DE RNAMS DE'I YAN LAG TU MI 'DREN KYANG, DE LTAR GSUNGS PA LA DGOS PA YOD DE, GDUL BYA RNAMS 'KHOR BA LAS SKYO BA BSKYED PAR BYA BA'I CHED YIN PA'I PHYIR, DE LTAR NA SDUG BSNGAL GYI PHUNG PO CHEN PO 'BA' ZHIG PA 'DI 'BYUNG BAR 'GYUR RO, ,ZHES GSUNGS PA LA CHOS CAN, DGOS PA YOD

077b

DO?; SKYE BA SNGA PHYIR 'GRO 'ONG BYED PA'I GANG ZAG GI BDAG MED LA NYER LEN GYI PHUNG PO LA BTAGS PA'I NGA'AM BDAG NI LAS 'BRAS KYI RTEN DU RTOGS PAR BYA BA'I DGOS PA YOD PA'I PHYIR, KHA CIG ,'DOD GZUGS NA RGAS NAS 'CHI BA YOD KYANG, GZUGS MED NA DE MED DE, DE NA RGA BA'I RTEN 'BREL MED PA'I PHYIR TE, DE NA 'DU BYED RNYING PA DANG DE DANG BCAS PA'I RGA BA MED PA'I PHYIR, ZHE NA, ,SKYON MED DE, DE NA DE MED KYANG DE RNAMS KYI RNAM SMIN GYI PHUNG PO GNAS SKABS GZHAN DU 'GYUR BA YOD PAS DE RGAS PA'I RTEN 'BREL DU BZHAG PAS CHOG PA'I PHYIR TE, GSER PHRENG LAS, 'DOD GZUGS NA YAN LAG BCU GNYIS TSANG BAR YOD DE, 'DU BYED RNYING BA DANG DE DANG BCAS PA'I RGA BA YOD CING GZHAN YANG YOD PAS SO, ,GZUGS MED NA YAN LAG BZHI PA'I PHYED DANG LNGA PA'I DBANG PO DANG PO LNGA MED CING GZHAN RNAMS YOD PAR SHES PAR BYA'O, ,ZHES GSUNGS PA'I PHYIR, ` GSUM PA BSDU BA LA, YAN LAG BZHIR BSDU BA, NYON MONGS GSUM DU BSDU BA, SDUG KUN GNYIS SU BSDU BA, RGYU 'BRAS TSAR GNYIS SU BSDU BA DANG BZHI LAS, DANG PO NI, RTEN 'BREL YAN LAG BCU GNYIS PO DE YAN LAG BZHIR 'DU BA YIN TE, MA RIG PA, 'DU BYED, RNAM SHES KYI RTEN 'BREL GSUM, 'PHEN BYED KYI YAN LAG MING GZUGS NAS TSOR BA'I BAR RNAMS, 'PHANGS PA'I YAN LAG ,SRED LEN SRID PA GSUM 'GRUB BYED KYI YAN LAG, SKYE RGA GNYIS GRUB PA'I YAN LAG TU 'DU BA'I PHYIR TE, KUN BTUS LAS, YAN LAG MDOR BSDUS PA JI LTA BU ZHE NA, 'PHEN PA'I YAN

078a

, ,LAG DANG, 'PHANGS PA'I YAN LAG DANG, MNGON PAR 'GRUB PAR BYED PA'I YAN LAG DANG, MNGON PAR GRUB PA'I YAN LAG GO ,'PHEN PA'I YAN LAG GANG ZHE NA, MA RIG PA DANG, 'DU BYED DANG, RNAM PAR SHES PA'O,, 'PHANGS PA'I YAN LAG GANG ZHE NA, MING DANG GZUGS DANG, SKYE MCHED DRUG DANG, REG PA DANG, TSOR BA'O, ,MNGON PAR 'GRUB PAR BYED PA'I YAN LAG GANG ZHE NA, SRED PA DANG, LEN PA DANG, SRID PA'O, ,MNGON PAR GRUB PA'I YAN LAG GANG ZHE NA, SKYE BA DANG, RGA SHI'O, ,ZHES GSUNGS PA'I PHYIR, GNYIS PA NI, YAN LAG BCU GNYIS PO DE NYON MONGS GSUM DU 'DU BA YIN TE, MA RIG PA, SRED PA, LEN PA'I RTEN 'BREL GSUM, NYON MONGS PA'I KUN NAS NYON MONGS PAR 'DU; 'DU BYED, SRID PA'I RTEN 'BREL GNYIS, LAS KYI KUN NAS NYON MONGS PAR 'DU, LHAG MA BDUN SKYE BA'I KUN NAS NYON MONGS PA'AM, TSE'I KUN NAS NYON MONGS PA'AM, SDUG BSNGAL GYI KUN NAS NYON MONGS PAR 'DU BA'I PHYIR TE; DBU MA RTEN 'BREL SNYING PO LAS, DANG PO BRGYAD PA DGU NYON MONGS, ,GNYIS PA BCU PA LAS YIN TE, ,LHAG MA BDUN NI SDUG BSNGAL YIN, ,ZHES DANG, MDZOD LAS, NYON MONGS GSUM MO LAS GNYIS SO, ,BZHI BDUN DE BZHIN 'BRAS BU YIN, ,ZHES GSUNGS PA'I PHYIR, KUN BTUS LAS, MA RIG PA GANG YIN PA DANG, SRED PA GANG YIN PA DANG, LEN PA GANG YIN PA 'DI NI NYON MONGS PA'I KUN NAS NYON MONGS PAR BSDU'O, ,'DU BYED GANG YIN PA DANG, RNAM PAR

078b

SHES PA GANG YIN PA DANG, SRID PA GANG YIN PA 'DI NI LAS KYI KUN NAS NYON MONGS PAR BSDU'O, ,LHAG MA RNAMS NI TSE'I KUN NAS NYON MONGS PAR BSDU'O, ,ZHES RNAM SHES KYI RTEN 'BREL LAS KYI KUN NAS NYON MONGS PAR BSHAD PA DE, RGYU DUS KYI RNAM SHES KYI RTEN 'BREL DE 'PHEN BYED LAS KYI BAG CHAGS BSGOS PA'I GZHI YIN PAS DE LA LAS KYI SGRAS BTAGS PA YIN GYI, DE LAS MA YIN TE, DE GTZO BO SEMS YIN PA'I PHYIR, GSUM PA NI, YAN LAG BCU GNYIS PO DE SDUG KUN GNYIS SU 'DU BA YIN TE, MA RIG PA, 'DU BYED, SRED LEN SRID PA RNAMS KUN 'BYUNG BDEN PA DANG, GZHAN RNAMS SDUG BSNGAL BDEN PA YIN PA'I PHYIR, BZHI PA NI, YAN LAG BCU GNYIS PO DE RGYU 'BRAS TSAR GNYIS SU 'DU BA YIN TE, 'PHEN BYED KYI RGYU 'BRAS DANG, 'GRUB BYED KYI RGYU 'BRAS GNYIS SU 'DU BA'I PHYIR TE, MA RIG PA NAS TSOR BA'I BAR DANG PO DANG, SRED PA NAS RGA SHI'I BAR GNYIS PA YIN PA'I PHYIR, GSUM PA LA, RTEN 'BREL TSAR GCIG GIS BSDUS PA'I YAN LAG BCU GNYIS PO DE'I GO RIMS NGES PA'I TSUL YOD DE, DANG POR MA RIG PA'I RTEN 'BREL 'BYUNG, DE RJES 'DU BYED, DE RJES RNAM SHES, DE RJES SRED PA, DE RJES LEN PA, DE RJES SRID PA'I RTEN 'BREL 'BYUNG, DE RJES MING GZUGS, DE RJES SKYE MCHED DRUG, DE RJES REG PA, DE RJES TSOR BA'I RTEN 'BREL 'BYUNG LA, SKYE BA'I RTEN 'BREL DE MING GZUGS KYI RTEN 'BREL GRUB PA DANG DUS MNYAM DU 'BYUNG, RGA SHI'I RTEN 'BREL DE MING GZUGS KYI RTEN 'BREL GRUB PA'I SKAD CIG GNYIS PA NAS 'BYUNG BA'I

079a

, ,PHYIR; DE YANG YIN TE, MA RIG PAS KUN NAS BSLANGS TE LAS BSAGS, LAS KYI BAG CHAGS RNAM SHES KYI STENG DU BZHAG PA LAS BAG CHAGS CAN GYI RNAM SHES KYI RTEN 'BREL DE 'BYUNG, 'PHEN BYED LAS KYI BAG CHAGS DE NYID SRED PAS DANG POR GSOS 'DEBS PAR BYED PAS DE RJES SRED PA'I RTEN 'BREL 'BYUNG, SRED PA DE LHAG PAR 'PHEL BA LAS LEN PA'I RTEN 'BREL 'BYUNG BAS DE RJES LEN PA'I RTEN 'BREL 'BYUNG, SRED LEN GNYIS KYIS 'PHEN BYED LAS KYI BAG CHAGS GSOS BTAB STE YANG SRID 'GRUB BYED KYI LAS NUS PA MTHU CAN GYI SRID PA 'BYUNG, DE'I SKYE BA PHYI MA LA 'BRAS BU DRUG PO DE 'BYUNG BA'I PHYIR, KHO NA RE, MDO LAS TSOR BA'I RKYEN GYIS SRED PA ZHES GSUNGS PA MI 'THAD PAR THAL, RTEN 'BREL TSAR GCIG GI TSOR BA LAS RTEN 'BREL TSAR GCIG PO DE'I SRED PA MI 'BYUNG BA'I PHYIR ZHES ZER NA MA KHYAB STE, RTEN 'BREL TSAR GZHAN GYI TSOR BA LAS DE DANG TSAR MI GCIG PA'I SRED PA 'BYUNG BA LUNG DE'I DON YIN PA'I PHYIR TE, LHAG MTHONG LAS, 'GRUB BYED KYI SRED PA DANG DES SKYED PA'I TSOR BA GNYIS RTEN 'BREL TSAR MI GCIG PAS, SRED PA SKYED PA'I TSOR BA NI TSAR GZHAN GCIG GI 'BRAS BU'I SKABS SO, ,ZHES GSUNGS PA'I PHYIR, ` BZHI PA LA; KUN NAS NYON MONGS PHYOGS KYI RTEN 'BREL LA YAN LAG BCU GNYIS SU GRANGS NGES PA'I RGYU MTSAN YOD DE, SEMS CAN RNAMS LAS NYON GYIS 'KHOR BAR SKYE BA LEN PA LA, 'PHEN BYED KYI RGYU, 'PHANGS PA'I 'BRAS BU, 'GRUB

079b

BYED KYI RGYU, GRUB PA'I 'BRAS BU DANG BZHIR GRANGS NGES SHING, DANG PO'I DBANG DU BYAS NAS MA RIG PA, 'DU BYED, RNAM SHES GSUM BZHAG, GNYIS PA'I DBANG DU BYAS NAS MING GZUGS SOGS BZHI BZHAG ,GSUM PA'I DBANG DU BYAS NAS SRED LEN SRID PA GSUM BZHAG ,BZHI PA'I DBANG DU BYAS NAS SKYE RGA GNYIS BZHAG PA'I PHYIR, DANG PO'I DBANG DU BYAS NAS GSUM PO DER 'JOG PA'I RGYU MTSAN YOD DE, 'PHEN BYED KYI LAS KYI DBANG DU BYAS NAS 'DU BYED KYI RTEN 'BREL DANG; LAS DE'I KUN SLONG GI DBANG DU BYAS NAS MA RIG PA'I RTEN 'BREL DANG, LAS DE'I BAG CHAGS BSGOS PA'I GZHI'I DBANG DU BYAS NAS RNAM SHES KYI RTEN 'BREL BZHAG PA'I PHYIR, GNYIS PA'I DBANG DU BYAS NAS DE BZHIR 'JOG PA'I RGYU MTSAN YOD DE, 'PHEN PA LA LUS 'PHEN PA DANG, LONGS SPYOD 'PHEN PA GNYIS SU YOD PAS, LUS DANG POR 'PHEN PA'I DBANG DU BYAS NAS MING GZUGS DANG, LUS RDZOGS PAR 'PHEN PA'I DBANG DU BYAS NAS SKYE MCHED DRUG DANG, LONGS SPYOD LA LONGS SPYOD KYI RGYU DANG LONGS SPYOD DNGOS GNYIS LAS, DANG PO'I DBANG DU BYAS NAS REG PA DANG, GNYIS PA'I DBANG DU BYAS NAS TSOR BA'I RTEN 'BREL BZHAG PA'I PHYIR, GSUM PA'I DBANG DU BYAS NAS GSUM PO DER 'JOG PA'I RGYU MTSAN YOD DE, 'GRUB BYED KYI LAS DNGOS KYI DBANG DU BYAS NAS SRID PA DANG, LAS DE LA GSOS 'DEBS PA'I DBANG DU BYAS NAS SRED LEN GNYIS KYI RTEN 'BREL BZHAG PA'I PHYIR, BZHI PA'I DBANG DU BYAS NAS DE GNYIS SU 'JOG PA'I RGYU MTSAN YOD

080a

, ,DE; GRUB PA'I 'BRAS BU DNGOS KYI DBANG DU BYAS NAS SKYE BA DANG, DE'I NYES DMIGS KYI DBANG DU BYAS NAS RGA SHI'I RTEN 'BREL BZHAG PA'I PHYIR, 'O NA, SEMS CAN RNAMS LAS NYON GYIS 'KHOR BAR SKYE BA LEN PA LA 'PHEN BYED KYI YAN LAG SOGS BZHI PO DER NGES NA, 'PHEN TSUL DANG 'GRUB TSUL DE GANG ZHE NA, DE STON PA LA RTEN 'BREL MDO 'GREL LAS, GANG GIS 'PHEN DANG JI LTAR GANG, ,DE 'GRUB BYED DANG DE LA YANG, ,NYES PA GANG YIN DE DAG RNAMS, , YAN LAG BCU GNYIS RNAMS KYIS BSTAN, ,ZHES MDOR BSTAN NAS, DE NYID RGYAS PAR 'CHAD PA LA, GNYIS KYI YAN LAG GCIG GIS DANG, ,RNAM PA BZHIS DANG GNYIS KYIS DANG, ,GCIG GIS GCIG GIS GCIG GIS NI, ,DON BDUN DAG TU RAB TU BSTAN, ,ZHES GSUNGS, YAN LAG DE DAG NGOS 'DZIN PA LA, BDEN PA JI BZHIN MI SHES PHYIR, ,LAS KYIS SEMS LA BSGOS PHYIR DANG, ,YAN LAG BZHI NI RIM GYIS 'PHEN, ,DE YI SA BON YONGS BRTAS PHYIR, ,'PHANGS PA BZHIN DU SKYES PA YIS, ,TSOR BAS BSKYED PAS SRED PA LAS, ,LEN PA 'BYUNG BAS DE YIS LAS, ,BSGOS PA MNGON DU GYUR PA YIN, ,GRUB PA SKYE YIN DE LA YANG, ,RGA SOGS NYES DMIGS GANG GI PHYIR, ,BDEN PA MTHONG LA 'PHEN PA MED; ;SRED DANG BRAL LA YANG SRED MED, ,CES GSUNGS, DON NI, 'PHEN TSUL DANG, 'GRUB TSUL GNYIS LAS, DANG PO LA, 'PHEN PA'I YAN LAG DANG, 'PHANGS PA'I YAN LAG GNYIS LAS, DANG PO NI, GANG GIS 'PHEN DANG, ZHES

080b

BAS RTEN 'BREL YAN LAG BCU GNYIS KYI NANG TSAN DU GYUR PA'I 'PHEN BYED KYI YAN LAG MDOR BSTAN NAS, DE NYID RGYAS PAR 'CHAD PA LA, GNYIS KYI YAN LAG GCIG GIS DANG, ,ZHES GSUNGS SHING, 'PHEN BYED KYI YAN LAG GSUM PO NGOS 'DZIN PA LA, BDEN PA JI BZHIN MI SHES PHYIR, ,LAS KYIS SEMS LA BSGOS PHYIR DANG, ,ZHES GSUNGS, DON NI, MING GZUGS NAS TSOR BA'I BAR BZHI PO DE GANG GIS 'PHEN PAR BYED PA'I YAN LAG BZHAG TU YOD DE, BDEN PA JI LTA BA BZHIN DU MI SHES SHING DE KHO NA NYID LA RMONGS PA'I MA RIG PA DANG, LAS 'DU BYED DANG GNYIS KYI YAN LAG 'OG MA GCIG STE, YAN LAG BCU GNYIS KYI NANG TSAN DU GYUR PA'I SEMS RNAM SHES KYI STENG DU 'PHEN BYED KYI LAS DE'I BAG CHAGS BSGOS PA'I TSUL GYIS MING GZUGS SOGS 'PHEN PAR BYED PA'I PHYIR, JI LTAR GANG, ZHES PAS GANG 'PHANGS PA'I YAN LAG MDOR BSTAN NAS, DE NYID RGYAS PAR 'CHAD PA LA, RNAM PA BZHIS DANG, ZHES GSUNGS SHING, 'PHANGS PA'I YAN LAG BZHI NGOS 'DZIN PA LA, YAN LAG BZHI NI RIM GYIS 'PHEN, ,DE YI SA BON YONGS BRTAS PHYIR, ,'PHANGS PA BZHIN DU SKYES PA YIS, ,ZHES GSUNGS, DON NI, 'PHEN BYED KYI YAN LAG GSUM PO DES GANG 'PHANGS PA'I YAN LAG BZHAG TU YOD DE, DE LA MING GZUGS SOGS RNAM PA BZHI YOD PA'I PHYIR, 'PHANGS PA'I DON YOD DE, RNAM SHES KYI STENG DU 'PHEN BYED LAS KYI BAG CHAGS BZHAG PA DE NYID SRED LEN GYI RKYEN DANG 'PHRAD NA MING GZUGS

081a

, ,SOGS YAN LAG BZHI PO DE SNGAR GYI 'PHEN BYED KYI LAS DE SA JI LTAR 'PHANGS PA BZHIN DU 'BYUNG BAR BYED PA DE 'PHANGS PA'I DON YIN PA'I PHYIR, GNYIS PA LA, 'GRUB BYED KYI YAN LAG DANG, GRUB PA'I YAN LAG GNYIS LAS, DANG PO NI, DE 'GRUB BYED DANG, ZHES PAS 'GRUB BYED KYI YAN LAG MDOR BSTAN NAS, DE NYID RGYAS PAR 'CHAD PA LA, GNYIS KYIS DANG, ,GCIG GIS, ZHES GSUNGS SHING, YAN LAG GSUM PO DE NGOS 'DZIN PA LA, TSOR BAS BSKYED PAS SRED PA LAS, ,LEN PA 'BYUNG BAS DE YIS LAS, ,BSGOS PA MNGON DU GYUR PA YIN, ,ZHES GSUNGS, DON NI, SKYE RGA SOGS 'GRUB BYED KYI YAN LAG DE BZHAG TU YOD DE, RANG GI RGYUR GYUR PA'I TSOR BAS BSKYED PA'I SRED PA LAS LEN PA 'BYUNG BAS SRED LEN DE GNYIS KYIS, RNAM SHES KYI STENG DU 'PHEN BYED LAS KYI BAG CHAGS BSGOS PA DE GSOS BTAB STE YANG SRID 'GRUB PA'I LAS NUS PA MTHU CAN DU GYUR PA'I SRID PA GCIG GIS TE DE DANG GSUM PO DE 'GRUB BYED KYI YAN LAG YIN PA'I PHYIR, GNYIS PA NI, DE LA YANG, ,NYES PA GANG YIN DE DAG RNAMS, ,ZHES PAS YAN LAG MDOR BSTAN NAS, DE NYID RGYAS PAR 'CHAD PA LA, GCIG GIS GCIG GIS NI, ,ZHES GSUNGS SHING, YAN LAG GNYIS PO DE NGOS 'DZIN PA LA, GRUB PA SKYE YIN DE LA YANG, ,RGA SOGS NYES DMIGS GANG GIS PHYIR, ,ZHES GSUNGS, DON NI, SRED LEN SRID PA GSUM PO DES GRUB PA'I 'BRAS BU BZHAG TU YOD DE, 'PHEN BYED KYI LAS KYIS RNAM

081b

SHES KYI STENG DU BAG CHAGS DE NYID SRED LEN GNYIS KYIS GSOS BTAB PAS LAS NUS PA MTHU CAN DU GYUR PA'I SRID PA'I RTEN 'BREL GYIS GRUB PAR BYAS PA'I GCIG SKYE BA'I RTEN 'BREL DANG, SKYE BA DE'I NYES DMIGS KYI DBANG DU BYAS PA'I GCIG RGA SHI'I RTEN 'BREL GNYIS PO DE GRUB PA'I 'BRAS BU YIN PA'I PHYIR, BDEN PA MNGON SUM DU MTHONG BA'I 'PHAGS RGYUD LA 'DU BYED KYI RTEN 'BREL MED DE, 'PHAGS PA'I RTEN LA 'PHEN BYED KYI LAS GSAR DU GSOG PA MED PA'I PHYIR, SRED PA DANG BRAL BA DGRA BCOM PA'I RGYUD LA YAN LAG BCU GNYIS PO THAMS CAD MED DE, DGRA BCOM PAS YANG SRID DU SKYE BA'I LAS KYI SA BON ZAD PAR SPANGS PA'I PHYIR, 'O NA, SEMS CAN RNAMS LAS NYON GYI DBANG GIS 'KHOR BAR SKYE BA LEN PA LA RGYU 'BRAS TSAR GNYIS SU DGOS NA, GNYIS PO DE SKYE BA LEN THEBS GCIG GI DBANG DU BYAS SAM GNYIS KYI DBANG DU BYED ZER NA, KHA CIG GNYIS KYI DBANG DU BYED ZER BA MI 'THAD DE, DE LTAR NA MING GZUGS NAS TSOR BA'I BAR LA 'GRUB BYED KYI RGYU MED PA DANG, SKYE RGA GNYIS LA 'PHEN BYED KYI RGYU MED PAR THAL BA'I SKYON YOD PA'I PHYIR TE, MING GZUGS NAS TSOR BA'I BAR RANG DANG RTEN 'BREL TSAR GCIG TU GTOGS PA'I SRED LEN SRID PA GSUM LAS MA BYUNG, SKYE RGA GNYIS RANG DANG RTEN 'BREL TSAR GCIG TU GTOGS PA'I MA RIG PA 'DU BYED RNAM SHES KYI RTEN 'BREL GSUM LAS MA BYUNG BA'I PHYIR, RANG LUGS NI, SKYE BA LEN THEBS GCIG GI DBANG DU BYAS PA YIN TE, 'PHEN BYED KYI RGYUS 'PHANGS PA DE NYID 'GRUB BYED KYI RGYUS

082a

, ,DE NYID DU GRUB PAR BYAS SHING, 'GRUB BYED KYI RGYUS GRUB PA DE NYID 'PHEN BYED KYI RGYUS KYANG 'PHANGS PA'I PHYIR, ` LNGA PA LA, YAN LAG SNGA MA SNGA MAS PHYI MA PHYI MA'I RKYEN BZHI CI RIGS PAR BYED PA YOD DO, RIG PAR GYUR BA'I YAN LAG SNGA MAS RIG PAR GYUR PA'I YAN LAG PHYI MA'I RKYEN BZHI KA BYED PA YOD, DES GZUGS CAN DU GYUR BA'I YAN LAG PHYI MA'I RGYU RKYEN GCIG PU BYED PA YOD, GZUGS CAN DU GYUR BA'I YAN LAG SNGA MAS GZUGS CAN DU GYUR PA'I YAN LAG PHYI MA'I RGYU RKYEN DANG BDAG RKYEN GNYIS KA BYED PA YOD, DES RIG PAR GYUR PA'I YAN LAG PHYI MA'I DE MA THAG RKYEN MA GTOGS BDAG RKYEN DANG DMIGS RKYEN DANG RGYU RKYEN GSUM GA BYED PA YOD PA'I PHYIR, DE LTAR YANG KUN BTUS LAS; YAN LAG RKYEN NYID DU RNAM PAR BZHAG PA JI LTA BU ZHE NA, BAG CHAGS DANG, SHUGS DANG, YID LA BYED PA DANG, LHAN CIG TU 'BYUNG BAS KYANG YAN LAG RKYEN NYID DU RNAM PAR BZHAG PAR RIG PAR BYA'O, ,DE LA YANG CI RIGS SU SBYAR RO; ;ZHES GSUNGS PA'I PHYIR, DE YANG MA RIG PA LTA BU LA MTSON NA, MA RIG PA'I BAG CHAGS LAS 'DU BYED SKYE BAS MA RIG PA DE'I RGYU RKYEN DANG, DE'I 'PHEN PA'I SHUGS KYIS DE RGYUN CHAGS PAR 'JUG PAS DE DE'I DE MA THAG RKYEN DANG, RLONGS PA'I DUS NA MCHOG MA YIN PA LA DER YID LA BYED PAR DMIGS PA LA 'JUG PAS DE DE'I DMIGS RKYEN DANG, DE'I DBANG GIS DE DANG MTSUNGS LDAN DU 'BYUNG BA RNAMS DMIGS PA LA PHYIN CI LOG TU BYED PAS DE DE'I BDAG RKYEN

082b

YIN PA'I PHYIR ZHES PA'I DON NO, ,DRUG PA LA, KUN BTUS LAS, MA RIG PA CI'I LAS CAN ZHE NA, SRID PA LAS SEMS CAN RMONGS PAR BYED PA DANG, 'DU BYED RNAM SHES KYI RKYEN KYANG YIN NO, ,'DU BYED CI'I LAS CAN ZHE NA, 'GRO BA RNAMS SU SEMS CAN DAG RNAM PAR 'BYED PA DANG, RNAM PAR SHES PA'I RKYEN KYANG YIN NO, ,RNAM PAR SHES PA CI'I LAS CAN ZHE NA, SEMS CAN RNAMS KYI 'CHING BA 'DZIN PA DANG, MING DANG GZUGS KYI RKYEN KYANG YIN NO, ,MING DANG GZUGS CI'I LAS CAN ZHE NA; SEMS CAN RNAMS LUS LEN DU 'JUG PA DANG, SKYE MCHED DRUG GI RKYEN KYANG YIN NO, ,SKYE MCHED DRUG CI'I LAS CAN ZHE NA, SEMS CAN RNAMS LUS RDZOGS PAR LEN DU 'JUG PA DANG, REG PA'I RKYEN KYANG YIN NO, ,REG PA CI'I LAS CAN ZHE NA, YUL GYI LONGS SPYOD LA SEMS CAN RNAMS 'JUG PA DANG, TSOR BA'I RKYEN KYANG YIN NO, ,TSOR BA CI'I LAS CAN ZHE NA, SKYE BA'I LONGS SPYOD LA SEMS CAN RNAMS 'DZUD PA DANG, SRED PA'I RKYEN KYANG YIN NO, ,SRED PA CI'I LAS CAN ZHE NA; SEMS CAN RNAMS KYI SKYE BA 'DREN PA DANG, LEN PA'I RKYEN KYANG YIN NO, ,LEN BA CI'I LAS CAN ZHE NA, YANG SRID LEN PA'I PHYIR SEMS CAN RNAMS RNAM PAR SHES PA NYE BAR LEN PA DANG BCAS PAR BYED PA DANG, SRID PA'I RKYEN KYANG YIN NO, , SRID BA CI'I LAS CAN ZHE NA, YANG SRID LA SEMS CAN RNAMS MNGON PAR PHYOGS PAR BYED PA DANG, SKYE BA'I RKYEN KYANG YIN NO, ,SKYE BA CI'I LAS CAN ZHE NA, MING DANG, GZUGS DANG, SKYE MCHED DRUG DANG, REG PA DANG, TSOR BA'I RIMS

083a

, ,KYIS SEMS CAN RNAMS MNGON PAR 'GRUB PAR BYED PA DANG, RGA SHI'I RKYEN KYANG YIN NO, ,RGA SHI CI'I LAS CAN ZHE NA, YANG DANG YANG DU 'TSED PAR 'GYUR BA DANG SROG 'GYUR BA LA SEMS CAN RNAMS SBYAR RO; ;ZHES GSUNGS, 'DI'I DON LA, 'DRA BA'I BYED LAS DANG, MI 'DRA BA'I BYED LAS GNYIS LAS, DANG PO YOD DE, MA RIG PAS 'DU BYED BSKYED PA NAS, TSOR BAS RANG GI 'BRAS BUR GYUR PA'I SRED PA BSKYED PA SOGS YAN LAG SNGA MA SNGA MAS PHYI MA PHYI MA SKYED PAR BYED PA YIN PA'I PHYIR RO, ,GNYIS PA YOD DE, MA RIG PAS YUL GYI GNAS TSUL MTHONG BA LA RMONGS PA'AM SGRIB PA'I SGO NAS 'GRO BA RNAMS NYON MONGS PAR BYED, 'DU BYED KYIS YANG SRID PHYI MA'I SA BON 'DEBS PA'I SGO NAS 'GRO BA RNAMS NYON MONGS PAR BYED, RNAM SHES KYIS YANG SRID DU 'KHRID PA'I SGO NAS 'GRO BA RNAMS NYON MONGS PAR BYED, MING GZUGS KYIS LUS KUN 'DZIN PA'I SGO NAS 'GRO BA RNAMS NYON MONGS PAR BYED, SKYE MCHED DRUG GIS LUS RDZOGS PA'I SGO NAS 'GRO BA RNAMS NYON MONGS PAR BYED, REG PAS YUL GYI 'GYUR BA LA SPYOD PA'I SGO NAS 'GRO BA RNAMS NYON MONGS PAR BYED, TSOR BAS RNAM SMIN GYI 'BRAS BU LA LONGS SPYOD PA'I SGO NAS 'GRO BA RNAMS NYON MONGS PAR BYED, SRED PAS YANG SRID LA CHAGS PA'I SGO NAS 'GRO BA RNAMS NYON MONGS PAR BYED, LEN PAS YANG SRID DU SKYE BA LA SBYOR BA'I SGO NAS 'GRO BA RNAMS NYON MONGS

083b

PAR BYED, SRID PAS YANG SRID DU SKYE BA LA MNGON DU PHYOGS PA'I SGO NAS 'GRO BA RNAMS NYON MONGS PAR BYED, SKYE RGA GNYIS KYIS SDUG BSNGAL BA'I SGO NAS 'GRO BA RNAMS NYON MONGS PAR BYED PA'I PHYIR, DE LTAR YANG DBUS MTHA' LAS; SGRIB PA'I PHYIR DANG 'DEBS PA'I PHYIR, ,'KHRID PA'I PHYIR DANG KUN 'DZIN PHYIR, ,RDZOGS BYED PHYIR DANG GSUM SPYOD PHYIR, ,NYE BAR SPYOD PHYIR SDUD PA'I PHYIR, ,SBYOR BA'I PHYIR DANG MNGON 'DU'I PHYIR, ,DU KHA: 'I PHYIR NA 'GRO NYON MONGS, ,ZHES GSUNGS, BDUN PA LA, KHA CIG ,RTEN 'BREL YAN LAG BCU GNYIS PO DE TSE GNYIS KHO NA LA RDZOGS TE, MA RIG PA SOGS RGYU DRUG PO DE YANG NGES PAR TSE DANG PO LA RDZOGS, 'BRAS BU DRUG PO DE TSE GNYIS PA LA RDZOGS PA YIN PA'I PHYIR ZER NA, MI 'THAD DE, MI'I RTEN LA TSE STOD LA MA RIG PA'I DBANG GIS LHAR SKYE BA'I 'PHEN BYED KYI LAS BSAGS, LAS KYI BAG CHAGS RNAM SHES KYI STENG DU BZHAG PA DE NYID, TSE DE LA SRED LEN GNYIS KYIS GSOS 'DEBS MA NUS PAR LAS GZHAN GYI DBANG GIS NGAN SONG DU SKYES, RTEN DE LA SNGAR GYI LAS DE SRED LEN GNYIS KYIS GSOS BTAB STE LHAR SKYE BA GCIG YOD PA'I PHYIR TE, LHAR SKYE BA'I LAN GRANGS GZHAN LA MYONG 'GYUR GYI LAS YOD PA'I PHYIR, KHA CIG ,TSAR MI GCIG PA'I DBANG DU BYAS NA RTEN 'BREL YAN LAG BCU GNYIS PO DE TSE GCIG LA RDZOGS PA YOD DE, NAM MKHA' MTHA' YAS NAS RNAM SHES MTHA' YAS SU SKYE,

084a

, ,RNAM SHES MTHA' YAS NAS CI YANG MED DU SKYE BA DE'I TSE NAM MKHA' MTHA' YAS NAS RNAM SHES MTHA' YAS SU SKYE BA'I 'BRAS BU'I RTEN 'BREL DRUG PO DE DANG, RNAM SHES MTHA' YAS NAS CI YANG MED DU SKYE BA'I RGYU'I RTEN 'BREL DRUG PO DE RNAM SHES MTHA' YAS KYI RTEN DE LA RDZOGS PA'I PHYIR TE, DE NAS DER SKYE BA LA BAR DO BRGYUD MI DGOS PA'I PHYIR, 'DOD GZUGS GNYIS NA JI LTAR MYUR YANG TSE GSUM LA NGES PAR RDZOGS DGOS TE,, MI NAS SHI 'PHOS NAS MIR SKYE BA'I TSE SRED LEN SRID PA GSUM GYI CHA GCIG TSE SNGA MA'I 'CHI SRID KYI GNAS SKABS NA YOD CING, CHA GCIG TSE PHYI MA'I BAR SRID KYI GNAS SKABS NA YOD PA'I PHYIR, BUL NA TSE BZHI PHAN CHAD LA RDZOGS PA YOD DE, 'DOD LHA'I RTEN LA BSAM GTAN DANG POR SKYE BA'I 'PHEN BYED KYI LAS BSAGS, DE NAS LAS GZHAN GYI DBANG GIS NGAN SONG DU SKYE BA'I TSE DE'I RTEN LA BSAM GTAN DANG POR SKYE BA'I RNAM SHES KYI RTEN 'BREL YOD PA'I PHYIR ZHES ZER NA, RNAM SHES MTHA' YAS NAS CI YANG MED DU SKYE BA'I RGYU'I RTEN 'BREL YIN NA, RNAM SHES MTHA' YAS KYI RTEN LA 'BYUNG BAS KHYAB PAR THAL, DAM BCA' DANG PO DE'I PHYIR, 'DOD MI NUS TE, 'DOD LHA'I RTEN LA RNAM SHES MTHA' YAS NAS CI YANG MED DU SKYE BA 'PHEN BYED KYI LAS YOD PA'I PHYIR TE, DE'I RTEN LA DE 'DRA'I LAS GSOG PA YOD PA'I PHYIR TE, DE'I RTEN LA CI YANG MED DU SKYE BA'I LAS GSOG PA YOD PA'I PHYIR, GZHAN YANG, MIR SKYE BA'I 'PHEN BYED KYI

084b

LAS YIN NA, LAN GRANGS GZHAN LA MYONG 'GYUR GYI LAS YIN DGOS PAR THAL, DE YIN NA RANG DANG RANG GI 'BRAS BU'I BAR DU TSE RABS GZHAN GYIS CHOD PAS KHYAB PA'I PHYIR TE, 'DOD GZUGS GNYIS NA JI LTAR MYUR YANG TSE GSUM LA RDZOGS DGOS PA'I PHYIR, GZHAN YANG, RANG DANG RTEN 'BREL TSAR GCIG TU GTOGS PA'I 'PHEN BYED KYI LAS SNGON DU SONG BA'I MA RIG PA'I RTEN 'BREL YOD PAR THAL, DE 'DRA'I SRID PA'I RTEN 'BREL SNGON DU SONG BA'I LEN BA'I RTEN 'BREL YOD PA'I PHYIR TE, MI NAS SHI 'PHOS NAS MIR SKYE BA DE'I TSE SRED LEN SRID PA GSUM GYI CHA GCIG TSE SNGA MA'I 'CHI SRID KYI GNAS SKABS NA YOD CING CHA GCIG TSE PHYI MA'I BAR SRID KYI GNAS SKABS NA YOD PA'I KHYAD PAR 'THAD PA'I PHYIR, RANG LUGS NI, YAN LAG BCU GNYIS PO DE TSE GNYIS LA RDZOGS PA YOD DE, MI'I RTEN LA TSE STOD LA MA RIG PAS KUN NAS BSLANGS TE LHAR SKYE BA'I 'PHEN BYED KYI LAS BSAGS, LAS KYI BAG CHAGS RNAM SHES KYI STENG DU BZHAG PA DE NYID TSE SMAD LA SRED LEN GNYIS KYIS GSOS BTAB PA LA BRTEN NAS LAS NUS PA MTHU CAN GYI SRID PA GRUB STE, DE'I SKYE BA PHYI MA LA LHAR SKYES TE 'BRAS BU DRUG PO DE MNGON DU GYUR PA GCIG YOD PA'I PHYIR, TSE GSUM LA RDZOGS PA YANG YOD DE, SNGAR GRUB ZIN PA'I PHYIR, DE LTAR YANG, KUN BTUS KYI DAR t'IKA LAS, YAN LAG BCU GNYIS PO 'DI DAG SKYE GNAS MYONG 'GYUR GYI LAS BSAGS PA YIN NA TSE GNYIS LA RDZOGS

085a

, ,SHING; DE MIN NA TSE GSUM LA RDZOGS DGOS PAS 'PHEN BYED DANG 'PHANGS PA'I 'BRAS BU'I BAR DU TSE RABS GRANGS LAS 'DAS PAS CHOD KYANG, RTEN 'BREL GZHAN GYI TSAR YIN GYI DE'I TSAR MIN NO, ,'GRUB BYED KYI RGYU DANG GRUB PA'I 'BRAS BU'I BAR DU TSE RABS GZHAN GYIS CHOD PA MI SRID DO, ,ZHES GSUNGS PA'I PHYIR, GZHAN YANG, DE TSE GNYIS LA RDZOGS PA YOD DE, MTSAMS MED KYI LAS BSAGS PA'I 'BRAS BU DMYAL BAR SKYE BA DE LAS BSAGS PA'I TSE PHYI MA DE LA NGES PAR MYONG DGOS PA'I PHYIR TE, DE LA MTSAMS MED KYI LAS ZHES BSHAD PA LA DGOS PA YOD PA'I PHYIR, DE LTAR NA'ANG, TSE GCIG LA MTSAMS MED KYI LAS DU MA BSAGS PA MED PAR MI 'GYUR TE, TSE GCIG LA MTSAMS MED KYI LAS DU MA BYAS PA'I GANG ZAG DE TSE PHYI MAR DMYAL BA'I RTEN LA TSE RING LA LUS CHE ZHING SDUG BSNGAL CHES LHAG PAR MYONG BAR 'GYUR PA'I PHYIR, DE LTA NA NI, LAS DU MAS LUS GCIG 'PHEN PA YOD PAR MI 'GYUR TE, DE'I MTSAMS MED KYI LAS DANG PO DE 'PHEN BYED KYI LAS DANG PHYI MA RNAMS RDZOGS BYED KYI LAS SU 'DOD PA'I PHYIR, YAN LAG BCU GNYIS PO DE JI LTAR BU LA YANG TSE GSUM LA NGES PAR RDZOGS DGOS TE, 'PHEN BYED KYI RGYU GSUM PO DE YANG TSE GCIG LA RDZOGS, 'GRUB BYED KYI RGYU GSUM PO DE YANG TSE GCIG LA RDZOGS, 'BRAS BU DRUG PO DE YANG TSE GCIG LA RDZOGS DGOS PA'I PHYIR, DE LTAR NA, 'PHEN BYED KYI LAS GCIG GI 'PHANGS 'BRAS YIN NA TSE GCIG GIS BSDUS PA'I MA KHYAB STE, MI'I SKYE

085b

SRID DANG BAR SRID GNYIS PO DE 'PHEN BYED KYI LAS GCIG GIS 'PHANGS PA'I PHYIR TE, MDZOD LAS, DE NI 'PHEN PA GCIG PA'I PHYIR, ,ZHES GSUNGS PA'I PHYIR, DE 'DRA'I SKYE SRID YIN NA YANG TSE GCIG GIS BSDUS PAS MA KHYAB STE, 'PHEN BYED KYI LAS GCIG GIS MI'I SKYE SRID DU MA 'PHEN PA YOD PA'I PHYIR TE, KUN BTUS LAS, LAS GCIG GIS LUS DU MA 'PHEN PA YANG YOD, LAS GCIG GI MI LUS GCIG 'PHEN PA YANG YOD PA'I PHYIR, ZHES GSUNGS, KHA CIG ,LAS GCIG GIS LUS DU MA 'PHEN PA MED ZER NA, DE YOD PAR THAL, LAS GCIG GIS MI'I LUS DANG DRI ZA'I LUS GNYIS KA 'PHEN PA YOD PA'I PHYIR, LAS GCIG GIS MI'I SKYE SRID KYI LUS DANG BAR SRID KYI LUS GNYIS KA 'PHEN PA YOD PA'I PHYIR, KHO NA RE, 'PHEN BYED KYI LAS GCIG GIS LUS 'PHAGS PO'I LUS DANG BA BLANG SPYOD PA'I LUS GNYIS KA 'PHEN PA YOD PAR THAL, 'PHEN BYED KYI LAS GCIG GIS LUS DU MA 'PHEN PA YOD PA'I PHYIR, 'DOD NA, DANG POR LUS 'PHAGS PO'I SKYE BA 'PHEN CING DE RJES SU BA GLANG SPYOD PA'I SKYE BA 'PHEN BYED KYI LAS CHOS CAN, SKYES GNAS MYONG 'GYUR GYI LAS YIN PAR THAL, RANG GI RNAM SMIN SKYE BA PHYI MA DE NYID LA 'BYIN PAR NGES PA'I LAS YIN PA'I PHYIR, 'DOD MI NUS TE, LAN GRANGS GZHAN LA MYONG 'GYUR GYI LAS YIN PA'I PHYIR TE, RANG GI RNAM SMIN SKYE BA GSUM PA PHAN CHAD LA 'BYIN PA'I LAS YIN PA'I PHYIR ZER NA, THAMS CAD YOD SMRA'I MDO BSLAB BTUS SU DRANGS PA LAS, DGE SLONG DAG DGE SLONG GIS 'DI LTA STE SKRA DANG

086a

, ,SEN MO'I MCHOD RTEN LA PHYAG 'TSAL TE SEMS DANG BAR BYAS PA LA LTOS, BTZUN PA DE LTAR LAGS SO, ,DGE SLONG DAG DGE SLONG 'DIS JI TZAM NON PA'I 'OG DPAG TSAD BRGYAD KHRI NAS GSER GYI 'KHOR LO LA THUG GI BAR BYE MA JI SNYED CIG YOD PA DE SNYED KYI GRANGS DANG MNYAM PA'I 'KHOR LOS SGYUR BA'I RGYAL SRID STONG 'GYUR BA LONGS SPYOD PAR 'GYUR RO, ,ZHES GSUNGS PA MI 'THAD PAR THAL, 'PHEN BYED DGE BA'I LAS GCIG GIS 'KHOR LOS SGYUR BA'I RGYAL PO'I SKYE BA BRGYA STONG LA SOGS PA 'PHEN PA MED PA'I PHYIR, RTAGS KHAS, GZHAN YANG, BLO GROS RGYA MTSOS ZHUS PA'I MDO LAS, JI LTAR RGYA MTSO CHE NANG CHU THIGS LHUNG, ,ZHES SOGS GSUNGS PA MI 'THAD PAR THAL, LAS RANG NYID KYI RNAM SMIN GYI 'BRAS BU LA LONGS SPYOD PAS ZAD PAR MI 'GYUR BA'I LAS MED PA'I PHYIR TE, LAS RANG GI 'BRAS BU TSE RABS DU MA'I BAR DU 'BYIN PA'I LAS MED PA'I PHYIR TE, LAS RANG GI RNAM SMIN GYI 'BRAS BU LAS RANG NYID BSAGS PA'I SKYE BA PHYI MA DE NAS BZUNG STE TSE RABS DU MA'I BAR DU 'BYIN PA MED PA'I PHYIR, MA GRUB NA, DE KHO KHO RANG DU THAL, DE YOD PA'I PHYIR, 'DOD NA, DE CHOS CAN, SKYES GNAS MYONG 'GYUR GYI LAS YIN PAR THAL, RANG GI RNAM SMIN SKYE BA PHYI MA DE NYID LA 'BYIN PA'I LAS YIN PA'I PHYIR, 'DOD MI NUS TE, LAN GRANGS GZHAN LA MYONG 'GYUR GYI LAS YIN PA'I PHYIR, KHYAB PA KHAS, DER THAL, RANG GI RNAM SMIN SKYE BA YANG PHYI LA 'BYIN PA'I LAS YIN PA'I

086b

PHYIR RO, (KHO NA RE, DER THAL, RANG GI RNAM SMIN GYI 'BRAS BU SKYE BA DU MA'I BAR DU 'BYIN RGYU YOD PA'I PHYIR NA MA KHYAB, 'PHEN BYED KYI LAS GCIG GIS 'DOD LHA RIGS DRUG TU RIM GYIS SKYE? BA'I? TSE SUM CU RTZA) GSUM GYI 'BRAS BU'I RTEN 'BREL DRUG DANG, RGYAL CHEN RIS BZHI'I 'BRAS BU'I RTEN 'BREL DRUG PO DE 'PHEN BYED KYI LAS GCIG GIS 'PHANGS 'BRAS SU THAL, 'PHEN BYED KYI LAS GCIG GIS DE LTAR SKYE BA YOD PA'I PHYIR, RTAGS SO, 'DOD NA, DE'I TSE DE GNYIS RTEN 'BREL TSAR GCIG TU GTOGS PAR THAL, 'DOD PA'I PHYIR NA MA KHYAB, 'DOD NA, DE'I TSE SUM CU RTZA GSUM GYI SKYE BA'I RTEN 'BREL CHOS CAN; RANG DANG RTEN 'BREL TSAR GCIG TU GTOGS PA'I RGA SHI'I RTEN 'BREL SNGON DU MA SONG BAR THAL, SKYE BA'I RTEN 'BREL YIN PA'I PHYIR, 'DOD MI NUS TE, DE 'DRA'I RGYAL CHEN RIS BZHI'I SKYE BA'I RTEN 'BREL SNGON DU SONG BA'I PHYIR, RTAGS GRUB STE, DE GNYIS RTEN 'BREL TSAR GCIG TU GTOGS PA'I PHYIR, RTAGS KHAS SO, KHO NA RE, DE LTAR SKYE BA'I TSE SUM CU RTZA GSUM GYI SKYE BA'I RTEN 'BREL CHOS CAN, KHYOD RGYAL CHEN RIS BZHI'I SKYE BA'I RTEN 'BREL DANG RTEN 'BREL TSAR GCIG TU GTOGS PAR THAL, KHYOD DANG TSAR GCIG TU GTOGS PA'I 'DU BYED KYI RTEN 'BREL DE RGYAL CHEN RIS BZHI'I DE DANG RTEN 'BREL TSAR GCIG TU GTOGS PA'I PHYIR ZER NA MA KHYAB, KHO NA RE, RGYAL CHEN RIS BZHIR SKYE 'GYUR GYI SRID PA'I RTEN 'BREL DANG, SUM CU RTZA GSUM DU SKYE 'GYUR GYI SRID PA'I RTEN 'BREL GYI GZHI MTHUN YOD PAR THAL, DE GNYIS SU SKYE 'GYUR GYI 'DU BYED KYI RTEN 'BREL GYI GZHI MTHUN YOD PA'I PHYIR ZER NA MA KHYAB STE, GNAS GTZANG DU SKYE BA'I 'PHEN BYED KYI LAS DANG, 'BRAS

087a

, ,BU CHE BAR SKYE BA'I 'PHEN BYED KYI LAS KYI GZHI MTHUN MED PAR THAL, 'DOD LHA RIGS DRUG LA DE'I PHYIR, RTAGS KHAS, 'DOD MI NUS TE, RNAM BSHAD LAS, SNGON SO SO SKYE BO'I DUS SU BSAM GTAN BZHI PAR 'PHEN BYED KYI LAS BSAGS PA DE NYID BSAM GTAN BZHI PA DAG PA PA BSGOMS PAS GNAS GTZANG DU SKYE BA'I RGYUR SGYUR PAR BYED PA'I PHYIR, BDEN PA MTHONG NAS YANG SRID 'PHEN BYED KYI LAS GSAR DU GSOG PAR THAL BA'I SKYON MED DO, ,ZHES DANG, GSER PHRENG LAS, GAL TE BDEN PA MTHONG BA LA 'PHEN PA MED NA, PHYIR MI 'ONG SPEL MA SGOM PA DES GNAS GTZANG MAR SKYE BA MI RIGS TE, DER SKYE BA LA BSAM GTAN ZAG MED KYANG SKYE DGOS LA SO SKYE'I DUS SU ZAG MED MA THOB CING 'PHAGS PA'I TSE LAS MA BSAGS PA'I PHYIR ZHE NA, DE LA 'BRAS BU CHE BAR SKYE BA'I LAS THOG MED NAS YOD LA DE SPEL MAS GNAS GTZANG DU SKYE BA'I RGYUR BSGYUR BAS NYES PA MED CES DON GSANG LAS 'CHAD PA LTAR KHAS BLANGS SO, ,ZHES GSUNGS PA'I PHYIR, DES NA MDZOD LAS, GCIG GIS SKYE BA GCIG 'PHEN GYI, ,YONGS RDZOGS BYED PA DU MA YIN, ,ZHES GSUNGS PA DANG MI 'GAL TE, DE NI 'PHEN BYED KYI LAS GCIG GIS LUS GCIG 'PHEN PA YOD CING, RDZOGS BYED KYI LAS LA DU MA DGOS PA'I DON YIN PA'I PHYIR RO, ,KHO NA RE, 'GRUB BYED KYI RGYU LA SRED LEN SRID PA GSUM YOD PA'I SRED PA'I RTEN 'BREL MNGON DU GYUR NAS, LEN PA'I RTEN

087b

'BREL MNGON DU MA GYUR PA'I GNAS SKABS DER 'CHI 'PHO BA MED PAR THAL, RTEN 'BREL YAN LAG BCU GNYIS PO DE JI LTAR BUL YANG TSE GSUM LA RDZOGS DGOS PA'I PHYIR, 'DOD NA, SRED LEN GNYIS MNGON DU GYUR NAS SRID PA MNGON DU MA GYUR PA'I GNAS SKABS DER 'CHI 'PHO BA MED PAR THAL LO, ,'DOD NA, SKYE BA MNGON DU GYUR NAS RGA SHI'I MNGON DU MA GYUR PA'I GNAS SKABS DER 'CHI 'PHO BA MED PAR THAL, 'DOD PA'I PHYIR, 'DOD NA, SRID PA MNGON DU GYUR NAS SKYE BA MNGON DU MA GYUR PA'I GNAS SKABS DER 'CHI 'PHO BA MED PAR THAL, 'DOD PA'I PHYIR ZER NA MA KHYAB, BRGYAD PA LA, KHA CIG ,MA RIG PA DANG RNAM SHES GNYIS LAS GANG DU BSAGS PA'I BSAGS SA DER GTOGS TE, MA RIG PA DE NYON YID 'KHOR GYI MA RIG PA DANG, RNAM SHES KUN GZHI'I RNAM SHES LA BYED RIGS PA GANG ZHIG ,DE GNYIS RTEN GANG DU SKYES PA'I SKYES SA DER GTOGS PA'I PHYIR TE, SUM CU PA LAS, GANG DU SKYES PA DE YI 'O, ,ZHES GSUNGS PA'I PHYIR, 'DU BYED GANG DU SKYE 'GYUR GYI SAR GTOGS TE, SA GZHAN GYI LAS KYIS SA GZHAN GYI RNAM SMIN 'PHEN PA MED PA'I PHYIR, 'BRAS DUS KYI RNAM SHES KYI RTEN 'BREL SOGS 'BRAS BU'I RTEN 'BREL RNAMS GANG DU SKYE 'GYUR GYI SAR GTOGS TE, 'DU BYED DER GTOGS PA GANG ZHIG ,SA GZHAN GYI LAS KYIS SA GZHAN GYI RNAM SMIN 'PHEN PA MED PA'I PHYIR, SRED LEN SRID PA GSUM GANG GI SAR GTOGS SHE NA, DON GSANG RNAM BSHAD LAS, SKYE BA'I SA PA GANG YIN PA MNGON PAR 'GRUB PA'I NYON MONGS PA YANG NGES PAR DE'I SA PA KHO NA YIN NO, ,ZHES GSUNGS PAS SRED LEN GNYIS

088a

, ,GANG DU SKYE 'GYUR GYI SAR GTOGS ZHES GSUNGS PA 'DI 'OG SA NAS GONG SAR SKYE BA LA 'GRIG KYANG GONG SA NAS 'OG SAR SKYE BA LA MI 'GRIG STE, BSAM GTAN DANG PO NAS 'DOD LHAR SKYE BA DE'I TSE SRED LEN GNYIS PO DE 'DOD PA'I SAR GTOGS MA YIN PAR THAL, BSAM GTAN DANG PO'I SAR GTOGS PA'I PHYIR TE, DE'I TSE DE 'DOD PA'I SAR GTOGS MA YIN TE, BSAM GTAN DANG PO'I RTEN LA 'DOD NYON MED PA'I PHYIR TE, GONG SA'I RTEN LA 'DOD NYON MED PA CHOS MNGON PA'I SPYI SKAD YIN PA'I PHYIR, ZHES GSUNGS, RE ZHIG ,NYON YID YOD PAR THAL, DAM BCA' 'THAD PA'I PHYIR, 'DOD NA, DMAN LAM SNGON DU MA SONG BA'I SBYOR LAM CHOS MCHOG 'BRING LA GNAS PA'I SEMS DPA'I RGYUD LA DE YOD PAR THAL, 'DOD PA GANG ZHIG ,NYON YID DE GNAS SKABS GSUM MA GTOGS 'KHOR BA'I GNAS SKABS THAMS CAD DU 'BYUNG BAR BSHAD PA'I PHYIR, 'DOD MI NUS TE, DE'I RGYUD LA BDEN 'DZIN MED PA'I PHYIR, RNAM PA NI RNAM PAR RTOG PA THAMS CAD DU MI 'THAD PAS, ZHES GSUNGS PA'I PHYIR ZER, GZHAN YANG, SA GZHAN GYI LAS KYIS SA GZHAN GYI RNAM SMIN GRUB PA YOD PAR THAL, SA GZHAN GYI NYON MONGS PAS SA GZHAN GYI RNAM SMIN 'GRUB PA YOD PA'I PHYIR TE, BSAM GTAN DANG PO NAS 'DOD PAR SKYE BA'I TSE SRED LEN GNYIS PO DE BSAM GTAN DANG PO'I SAR GTOGS PA'I PHYIR, RTAGS KHAS, 'DOD NA, SA GZHAN GYI LAS KYIS SA GZHAN GYI RNAM SMIN 'PHEN

088b

PA YOD PAR THAL LO, ,GZHAN YANG, BSAM GTAN DANG PO PA'I RGYUD LA 'DOD NYON YOD PAR THAL, BSAM GTAN DANG PO NAS 'DOD PAR 'CHI 'PHO KHA MA'I GANG ZAG GI RGYUD LA DE YOD PA'I PHYIR TE, BSAM GTAN DANG PO NAS DMYAL BAR 'CHI 'PHO KHA MA'I GANG ZAG GI RGYUD LA DE YOD PA'I PHYIR TE, DE'I RGYUD LA 'DOD PA'I MI DGE BA'I LAS YOD PA'I PHYIR TE, DE'I RGYUD LA MI DGE BA'I LAS YOD PA GANG ZHIG ,DE YIN NA 'DOD PA'I MI DGE BA'I LAS YIN DGOS PA'I PHYIR TE, KHAMS GONG MA'I SAS BSDUS KYI MI DGE BA MED PA'I PHYIR, DANG PO GRUB STE, DE'I RGYUD LA DMYAL BA'I RNAM SMIN 'GRUB BYED KYI LAS YOD PA'I PHYIR, MA GRUB NA, DE CHOS CAN, KHYOD KYI RGYUD LA DE YOD PAR THAL, KHYOD LAS NYON GYIS DMYAL BAR 'CHI 'PHO KHA MA'I GANG ZAG YIN PA'I PHYIR, GZHAN YANG, BSAM GTAN BZHI PA'I BAR DO BA'I RTEN LA MI DGE BA MED PAR THAL, KHAMS GONG MA'I RTEN LA MI DGE BA MED PA'I PHYIR, RTAGS KHAS, 'DOD NA, BSAM GTAN BZHI PA'I DNGOS GZHI'I SNYOMS 'JUG THOB LAM NYAMS PA'I GANG ZAG 'GA' ZHIG BSAM GTAN BZHI PA'I DNGOS GZHI LA THAR BAR 'KHRUL NAS, BSAM GTAN BZHI PA'I BAR DO GRUB PA NA THAR PA LA YID BRTAN MI RUNG BA'I LOG LTA SKYES PA'I DBANG GIS NGAN 'GROR SKYE BA YOD PAR MDO LAS GSUNGS PA MI 'THAD PAR THAL LO, ,GZHAN YANG, BSAM GTAN DANG PO NAS 'DOD PAR 'CHI 'PHO KHA MA'I GANG ZAG GI RGYUD LA 'DOD PA'I MI DGE BA YOD PAR THAL, DE NAS DER SKYES MA THAG PA'I

089a

, ,GANG ZAG GI RGYUD KYI MI DGE BA'I SEMS DE LA RANG GI NYER LEN DU GYUR PA'I SEMS BCU LA BRTEN NAS BYUNG BA GCIG YOD PA'I PHYIR TE, MDZOD LAS, MI DGE BA NI BCU DAG LAS, ,ZHES SOGS GSUNGS PA'I PHYIR, KHO NA RE, BSAM GTAN DANG PO NAS 'DOD PAR 'CHI 'PHO KHA MA'I GANG ZAG GI RGYUD LA 'DOD PA'I 'DOD CHAGS YOD PAR THAL, DE'I RGYUD LA 'DOD NYON YOD PA'I PHYIR, 'DOD NA, DE CHOS CAN, KHYOD KYI RGYUD LA DE MED PAR THAL, KHYOD 'DOD PA LA 'DOD CHAGS DANG BRAL BA'I GANG ZAG YIN PA'I PHYIR TE, KHYOD BSAM GTAN GYI DNGOS GZHI SNYOMS 'JUG THOB LA MA MNYAM PA'I GANG ZAG YIN PA'I PHYIR ZER NA MA KHYAB STE, DMAN LAM SNGON DU MA SONG BA'I BYANG 'PHAGS CHOS CAN, KHYOD KYI RGYUD LA 'DOD NYON MED PAR THAL, KHYOD 'DOD PA LA 'DOD CHAGS DANG BRAL BA'I GANG ZAG YIN PA'I PHYIR TE, BSAM GTAN GYI DNGOS GZHI'I SNYOMS 'JUG THOB PA'I GANG ZAG YIN PA'I PHYIR, KHYAB PA KHAS, 'DOD MI NUS TE, KHYOD RANG RGYUD KYI 'DOD PA'I NYON MONGS GZHAN DON BYED PA'I YAN LAG TU SGYUR BAR BYED PA'I RGYAL SRAS 'PHAGS PA YIN PA'I PHYIR, KHA CIG ,MA RIG PA MA GTOGS YAN LAG LHAG MA RNAMS SA MTSUNGS TE, DE RNAMS GANG DU SKYE 'GYUR GYI SAR GTOGS PA'I PHYIR, MA RIG PA LA MU BZHI YOD DE, SKYES KHO NAR GTOGS PA, 'CHI SA KHO NAR GTOGS PA, DE GNYIS KA'I SAR GTOGS PA, DE GNYIS KA MA YIN PA'I SAR GTOGS PA DANG BZHI YOD PA'I PHYIR, DANG PO GRUB STE, BSAM GTAN

089b

DANG PO SOGS GANG YANG RUNG BA NAS 'DOD PAR SKYES DE'I TSE MA RIG PA SKYE SA KHO NAR GTOGS PA'I PHYIR, DE'I TSE DE 'DOD PA'I SAR GTOGS PA'I PHYIR, GNYIS PA GRUB STE, 'DOD PA NAS BSAM GTAN DANG POR SKYE BA DE'I TSE MA RIG PA DE 'CHIS KHO NAR GTOGS PA'I PHYIR TE, DE'I TSE MA RIG PA DE 'DOD PA'I SAR GTOGS PA'I PHYIR, GSUM PA GRUB STE, 'DOD PA NAS 'DOD PAR SKYE BA DE'I TSE DE DE GNYIS KA'I SAR GTOGS PA'I PHYIR TE, DE'I TSE DE 'DOD PA'I SAR GTOGS PA'I PHYIR, BZHI PA GRUB STE, 'DOD PA NAS BSAM GTAN GNYIS PAR SKYE BA DE'I TSE DE DE GNYIS KA MA YIN PA'I SAR GTOGS PA'I PHYIR TE, DE'I TSE DE BSAM GTAN DANG PO'I SAR GTOGS PA'I PHYIR ZER NA, 'DOD PA NAS 'DOD PAR SKYE BA DE'I TSE YAN LAG BCU GNYIS KYI NANG TSAN DU GYUR PA'I MA RIG PA DE YIN NA SKYE 'CHI GNYIS KA'I SAR GTOGS PAS KHYAB PAR THAL, DAM BCA' DE'I PHYIR, 'DOD NA, DUD 'GRO NAS 'DOD LHAR SKYE BA DE'I TSE MA RIG PA DE DE GNYIS KA'I SAR GTOGS PAR THAL, 'DOD PA'I PHYIR, 'DOD NA, DE'I TSE MA RIG PA DE DUD 'GRO'I MA RIG PA YIN PAR THAL, DE'I TSE DE 'CHI SAR GTOGS PA'I PHYIR, 'DOD MI NUS TE, DE'I TSE DE 'DOD LHA'I MA RIG PA YIN PA'I PHYIR TE, DE'I TSE DE DE'I SKYE SAR GTOGS PA'I PHYIR, KHA CIG ,MA RIG PA DANG RNAM SHES GNYIS LAS GANG DU BSAGS PA'I BSAGS SAR GTOGS ZER NA, BSAM GTAN DANG PO'I DNGOS GZHI'I SNYOMS 'JUG MA THOB

090a

, ,PAR BSAM GTAN GNYIS PA'I NYER BSDOGS SGOM PA YOD PAR THAL, DE MA THOB PAR DE'I 'PHEN BYED KYI LAS GSAR DU GSOG PA YOD PA'I PHYIR TE, 'DOD PA LA 'DOD CHAGS MNGON GYUR PA DANG MA BRAL BAR DE GSAR DU GSOG PA YOD PA'I PHYIR TE, BSAM GTAN GNYIS PA'I RNAM SMIN 'PHEN BYED KYI LAS GSAR DU GSOG BZHIN PA'I 'DOD LHA'I RTEN CAN GYI GANG ZAG DE'I RGYUD LA 'DOD NYON MNGON GYUR PA YOD PA'I PHYIR TE, DE'I RGYUD KYI BSAM GTAN GNYIS PA'I RNAM SMIN 'PHEN BYED KYI LAS KYI KUN SLONG DU GYUR PA'I MA RIG PA DE 'DOD PA'I SAS BSDUS YIN PA'I PHYIR, RTAGS SONG, KHA CIG ,SA DGU PO GANG RUNG NAS 'DOD PAR SKYE BA DE'I TSE MA RIG PA 'DOD PA'I SAS BSDUS YIN TE, 'DOD PA'I RNAM SMIN 'PHEN BYED KYI LAS KYI KUN SLONG DU GYUR PA'I NYON MONGS CAN GYI MA RIG PA DE 'DOD PA'I SAS BSDUS YIN PA'I PHYIR TE, DE DE DANG BSAM GTAN DANG PO'I SAS BSDUS GANG RUNG GANG ZHIG , GNYIS PA MA YIN PA'I PHYIR TE, 'DOD PA'I RNAM SMIN 'PHEN BYED KYI LAS DE 'DOD PA LA 'DOD CHAGS DANG MA BRAL BA'I GANG ZAG GI RTEN LA GSOG DGOS PA GANG ZHIG ,'DOD PA LA 'DOD CHAGS DANG MA BRAL BA'I GANG ZAG GI RGYUD LA BSAM GTAN DANG PO YAN CHAD KYI SAS BSDUS KYI NYON MONGS MED PA'I PHYIR, DANG PO DER THAL, NGAN 'GRO'I RNAM SMIN 'PHEN BYED KYI LAS DE DE'I RTEN LA GSOG DGOS PA GANG ZHIG ,RGYU MTSAN MTSUNGS PA'I PHYIR, DANG PO GRUB

090b

STE; DE DE LA 'DOD CHAGS DANG BRAL BA'I GANG ZAG GI RGYUD LA GSOG PA MED PA'I PHYIR TE, DE'I RGYUD LA NGAN SONG BA'I RNAM SMIN 'PHEN BYED KYI LAS MED PA'I PHYIR TE, DE'I RGYUD LA BSOD NAMS MA YIN PA'I LAS MED PA'I PHYIR TE, DE'I RGYUD LA MI DGE BA'I LAS MED PA'I PHYIR TE, DE'I RGYUD LA MI DGE BA'I SEMS MED PA'I PHYIR, KHYAB STE, MI DGE BA'I SEMS YIN NA, RANG GI 'KHOR DU BYUNG BA'I MI DGE BA'I LAS YOD DGOS PA'I PHYIR, RTAGS GRUB STE, DE'I RGYUD LA 'DOD PA'I MI DGE BA'I SEMS MED PA'I PHYIR, KHYAB STE, MI DGE BA'I SEMS YIN NA 'DOD PA'I MI DGE BA'I SEMS YIN DGOS PA'I PHYIR, KHAMS GONG MA'I SAS BSDUS KYI MI DGE BA'I SEMS MED PA'I PHYIR TE, DE'I MI DGE BA'I LAS MED PA'I PHYIR, GONG GI RTAGS GRUB STE, DE'I RGYUD LA 'DOD NYON MED PA'I PHYIR, MA GRUB NA, DE CHOS CAN, DER THAL, KHYOD 'DOD PA LA 'DOD CHAGS DANG BRAL BA'I GANG ZAG YIN PA'I PHYIR, RTZA RTAGS GNYIS PA GRUB STE, DE'I RGYUD LA BSAM GTAN DANG PO'I SAS BSDUS KYI NYON MONGS MED PA'I PHYIR TE, DE'I RGYUD LA BSAM GTAN DANG PO'I DNGOS GZHI'I SAS BSDUS KYI NYON MONGS MED PA GANG ZHIG ,DE YIN NA BSAM GTAN DANG PO'I DNGOS GZHI'I SAS BSDUS KYI NYON MONGS YIN DGOS PA'I PHYIR TE, DE'I NYER BSDOGS KYI SAS BSDUS KYI NYON MONGS MED PA'I PHYIR TE, NYER BSDOGS NYON MONGS CAN MED PA'I PHYIR, DANG PO GRUB STE, DE'I RGYUD LA BSAM GTAN DANG PO'I DNGOS GZHI'I SAS BSDUS KYI NYON MONGS

091a

, ,DANG MTSUNGS LDAN DU GYUR PA'I SEMS MED PA'I PHYIR, KHYAB STE, DE YIN NA RANG DANG MTSUNGS LDAN GYI BSAM GTAN DANG PO'I DNGOS GZHI'I SAS BSDUS KYI SEMS KYI 'KHOR DU BYUNG BAS KHYAB PA'I PHYIR TE, DE YIN NA BSAM GTAN DANG PO'I SAS BSDUS KYI SEMS BYUNG YIN DGOS PA'I PHYIR TE, NYON MONGS YIN NA, SEMS BYUNG YIN DGOS PA'I PHYIR, GONG GI RTAGS GRUB STE, DE'I DNGOS GZHI'I SEMS THOB LA MA NYAMS PA'I GANG ZAG YIN NA 'DOD PA LA 'DOD CHAGS DANG BRAL BAS KHYAB PA'I PHYIR, DE BZHIN DU SA DGU PO GANG RUNG NAS BSAM GTAN DANG POR SKYE BA DE'I TSE MA RIG PA 'DOD PA'I SAS BSDUS YIN TE, BSAM GTAN DANG PO'I RNAM SMIN 'PHEN BYED KYI LAS KYI KUN SLONG DU GYUR PA'I NYON MONGS CAN GYI MA RIG PA DE DE YIN PA'I PHYIR TE, BSAM GTAN DANG PO'I NYER BSDOGS KYI SAS BSDUS PA'I 'JIG RTEN PA'I BAR CHAD MED LAM GYI KUN SLONG DU GYUR PA'I MA RIG PA DE 'DOD PA'I SAS BSDUS GANG ZHIG ,BSAM GTAN DANG PO'I RNAM SMIN 'PHEN BYED KYI LAS YIN NA, DE'I NYER BSDOGS KYI SAS BSDUS KYI 'JIG RTEN PA'I BAR CHAD MED LAM 'KHOR DANG BCAS PAS BSDUS PAS KHYAB PA'I PHYIR, DANG PO DER THAL, DE 'DOD PA'I SAS BSDUS DANG BSAM GTAN DANG PO'I SAS BSDUS GANG RUNG GANG ZHIG ,GNYIS PA MA YIN PA'I PHYIR TE, DE DE'I NYER BSDOGS KYI SAS BSDUS KYANG MA YIN, DE DE'I DNGOS GZHI'I SAS BSDUS KYANG MA YIN PA'I PHYIR,

091b

DANG PO DER THAL, DE'I NYER BSDOGS KYI SAS BSDUS KYI NYON MONGS MED PA'I PHYIR, GNYIS PA GRUB STE, DE'I DNGOS GZHI THOB PA'I GANG ZAG GI RGYUD LA DE MED PA'I PHYIR TE, DE 'DRA'I GANG ZAG GIS BSAM GTAN DANG PO'I NYER BSDOGS SGOM PA MED PA'I PHYIR TE, DES DE BSGOM PA LA DGOS PA MED PA'I PHYIR, GZHAN YANG, DE 'DOD PA'I SAS BSDUS YIN PAR THAL, BSAM GTAN DANG PO'I NYER BSDOGS SKAD CIG DANG PO'I KUN SLONG DU GYUR PA'I NYON MONGS CAN GYI MA RIG PA DE DE YIN PA'I PHYIR, DE DE DANG BSAM GTAN DANG PO'I SAS BSDUS GANG RUNG GANG ZHIG ,GNYIS PA MA YIN PA'I PHYIR TE, DE'I KUN SLONG LA GNAS PA'I GANG ZAG YIN NA DE'I NYER BSDOGS SKAD CIG DANG PO TZAM YANG MA THOB PA'I GANG ZAG YIN DGOS, DE MA THOB PA'I GANG ZAG GI RGYUD LA BSAM GTAN DANG PO'I SAS BSDUS KYI NYON MONGS MED PA'I PHYIR, MA GRUB NA, DE CHOS CAN, KHYOD KYI RGYUD LA DE MED PAR THAL, KHYOD KYI RGYUD LA DE'I SAS BSDUS KYI SHES PA MED PA'I PHYIR TE, CHOS CAN DE'I PHYIR, ZHES ZER NA, DMAN LAM SNGON DU MA SONG BA'I BYANG 'PHAGS CHOS CAN, KHYOD 'DOD PA LA 'DOD CHAGS DANG BRAL BA'I GANG ZAG TU THAL, KHYOD BSAM GTAN DANG PO'I DNGOS GZHI'I SEMS THOB LA MA NYAMS PA'I GANG ZAG YIN PA'I PHYIR, KHYAB PA KHAS, 'DOD NA, DE CHOS CAN, KHYOD KYI RGYUD LA 'DOD PA'I 'DOD CHAGS MED PAR THAL, 'DOD PA'I PHYIR, KHYAB PA KHAS, GZHAN YANG,

092a

, ,BSAM GTAN GNYIS PA'I RNAM SMIN 'PHEN BYED KYI LAS KYI KUN SLONG LA GNAS PA'I PHYI ROL PA CHOS CAN, 'DOD PA LA 'DOD CHAGS DANG BRAL BA'I GANG ZAG TU THAL, BSAM GTAN GNYIS BA'I RNAM SMIN 'PHEN BYED KYI LAS KYI KUN SLONG LA GNAS PA'I GANG ZAG YIN PA'I PHYIR, KHYAB PA KHAS, RTAGS GRUB STE, DE YOD PA'I PHYIR TE, BSAM GTAN GNYIS PA'I RNAM SMIN 'PHEN BYED KYI LAS GSOG BZHIN PA'I PHYI ROL PA YOD PA'I PHYIR TE, DER SKYE BA LEN PA'I DE YOD PA'I PHYIR, RANG LUGS LA, SA DGU NAS SA DGUR SKYE BA BRGYAD CU GYA GCIG LAS, SA DGU PO GANG YANG RUNG BA NAS, 'DOD PAR SKYE BA DE'I TSE YAN LAG BCU GNYIS PO DE SA MTSUNGS TE, DE'I TSE DE THAMS CAD 'DOD PA'I SAR GTOGS PA'I PHYIR, SA DGU PO GANG RUNG NAS BSAM GTAN DANG POR SKYE BA DE'I TSE MA RIG PA MA GTOGS LHAG MA RNAMS SA MTSUNGS TE, DE'I TSE DE THAMS CAD BSAM GTAN DANG PO'I SAR GTOGS PA'I PHYIR, DE'I TSE MA RIG PAS MI MTSUNGS TE, DE'I TSE MA RIG PA 'DOD PA'I SAS BSDUS YIN PA'I PHYIR, SA DGU PO GANG RUNG NAS BSAM GTAN GNYIS BAR SKYE BA DE'I TSE MA RIG PA MA GTOGS YAN LAG LHAG MA THAMS CAD SA MTSUNGS TE, DE'I TSE DE THAMS CAD BSAM GTAN GNYIS PA'I SAR GTOGS PA'I PHYIR, DE'I TSE MA RIG PAS MI MTSUNGS TE, DE'I TSE MA RIG PA BSAM GTAN DANG PO'I SAR GTOGS PA'I PHYIR, SA DGU PO GANG RUNG NAS SRID RTZER

092b

SKYE BA DE'I TSE MA RIG PA MA GTOGS YAN LAG GZHAN THAMS CAD SA MTSUNGS TE, DE'I TSE DE THAMS CAD SRID RTZE'I SAS BSDUS PA'I PHYIR, DE'I TSE MA RIG PAS MI MTSUNGS TE, DE'I TSE MA RIG PA CI YANG MED KYI SAS BSDUS PA'I PHYIR, DES BAR BA RNAMS LA RIGS 'GRE, DE DAG GI SGRUB BYED NI, SA DGU PO GANG RUNG NAS 'DOD PAR SKYE BA DE'I TSE MA RIG PA 'DOD PA'I SAR GTOGS TE, 'DOD PA'I RNAM SMIN 'PHEN BYED KYI LAS KYI KUN SLONG DU GYUR PA'I MA RIG PA DE 'DOD PA'I SAS BSDUS YIN PA'I PHYIR TE, DE DE DANG BSAM GTAN DANG PO'I SAS BSDUS GANG RUNG GANG ZHIG ,GNYIS PA MA YIN PA'I PHYIR TE, 'JIG RTEN PA'I SGOM SPANG DU GYUR PA'I 'DOD NYON MA SPANGS PA'I GANG ZAG GI RTEN LA 'DOD PA'I RNAM SMIN 'PHEN BYED KYI LAS GSOG PA YOD PA GANG ZHIG ,DE'I RGYUD LA BSAM GTAN DANG PO'I SAS BSDUS KYI NYON MONGS MED PA'I PHYIR, DANG PO DER THAL, DES NGAN 'GRO'I RNAM SMIN 'PHEN BYED KYI LAS GSOG PA YOD PA GANG ZHIG ,MTSUNGS PA'I PHYIR, DANG PO GRUB STE, DE DANG BRAL BA'I GANG ZAG GIS DE GSOG PA MED PA'I PHYIR TE, DE'I RGYUD LA NGAN 'GRO'I RNAM SMIN 'PHEN BYED KYI LAS MED PA'I PHYIR, RTZA RTAGS GNYIS PA GRUB STE, DE'I RGYUD LA BSAM GTAN DANG PO'I DNGOS GZHI'I SAS BSDUS KYI NYON MONGS MED PA'I PHYIR, KHYAB STE, DE'I NYER BSDOGS KYI SAS BSDUS KYI NYON MONGS MED PA'I PHYIR, RTAGS GRUB STE, BSAM GTAN DANG PO'I DNGOS GZHI'I

093a

, ,SEMS THOB LA MA NYAMS PA'I GANG ZAG YIN NA, 'JIG RTEN PA'I SGOM SPANG DU GYUR PA'I 'DOD NYON SPANGS PAS KHYAB PA'I PHYIR, SA DGU PO GANG RUNG NAS BSAM GTAN DANG POR SKYE BA DE'I TSE MA RIG PA 'DOD PA'I SAS BSDUS YIN TE, BSAM GTAN DANG PO'I NYER BSDOGS SKAD CIG DANG PO'I KUN SLONG DU GYUR PA'I NYON MONGS CAN GYI MA RIG PA DE DE YIN PA GANG ZHIG ,DE YIN NA DE'I NYER BSDOGS SKAD CIG DANG PO'I KUN SLONG GIS BSDUS PAS KHYAB PA'I PHYIR, GZHAN YANG, DE 'DOD PA'I SAS BSDUS YIN TE, DE DE DANG BSAM GTAN DANG PO'I SAS BSDUS GANG RUNG GANG ZHIG ,GNYIS PA MA YIN PA'I PHYIR TE, BSAM GTAN DANG PO'I RNAM SMIN 'PHEN BYED KYI LAS DE 'JIG RTEN PA'I SGOM SPANG DU GYUR PA'I 'DOD NYON MA SPANGS PA'I GANG ZAG GI RTEN LA GSOG PA GANG ZHIG ,DE'I RGYUD LA BSAM GTAN DANG PO'I SAS BSDUS KYI NYON MONGS MED PA'I PHYIR TE, DE'I RGYUD LA BSAM GTAN DANG PO'I DNGOS GZHI'I SAS BSDUS KYI DE MED PA GANG ZHIG ,DE'I NYER BSDOGS KYI SAS BSDUS KYI NYON MONGS MED PA'I PHYIR TE, NYER BSDOGS NYON MONGS CAN MED PA'I PHYIR, DANG PO GRUB STE, BSAM GTAN DANG PO'I DNGOS GZHI'I SEMS THOB LA MA NYAMS PA'I GANG ZAG YIN NA, 'JIG RTEN PA'I SGOM SPANG DU GYUR PA'I 'DOD NYON SPANGS PAS KHYAB PA'I PHYIR, RTZA RTAGS DANG PO DER THAL, DE DANG BRAL BA'I GANG ZAG GIS DE GSOG PA MED PA'I PHYIR TE, DES DE'I NYER BSDOGS SGOM PA MED

093b

PA'I PHYIR TE, DES DE BSGOM PA LA DGOS PA MED PA'I PHYIR, SA DGU PO GANG RUNG NAS BSAM GTAN GNYIS PAR SKYE BA'I TSE MA RIG PA BSAM GTAN DANG PO'I SAS BSDUS YIN TE, BSAM GTAN GNYIS PA'I RNAM SMIN 'PHEN BYED KYI LAS KYI KUN SLONG DU GYUR PA'I MA RIG PA DE DE YIN PA'I PHYIR TE, DE DE DANG BSAM GTAN GNYIS PA'I SAS BSDUS GANG RUNG GANG ZHIG ,GNYIS PA MA YIN PA'I PHYIR TE, BSAM GTAN GNYIS PA'I RNAM SMIN 'PHEN BYED KYI LAS DE 'JIG RTEN PA'I SGOM SPANG DU GYUR PA'I BSAM GTAN DANG PO'I 'DOD CHAGS MA SPANGS PA'I GANG ZAG GI RTEN LA GSOG DGOS PA GANG ZHIG ,DE'I RGYUD LA BSAM GTAN GNYIS PA'I SAS BSDUS KYI NYON MONGS MED PA'I PHYIR, DANG PO DER THAL, ,DE DANG BRAL BA'I GANG ZAG GIS DE GSOG PA MED PA'I PHYIR TE, DE SPANGS PA'I GANG ZAG YIN NA, BSAM GTAN GNYIS PA'I DNGOS GZHI'I SNYOMS 'JUG THOB PA'I GANG ZAG YIN DGOS, DE THOB PA'I GANG ZAG GIS DE GSOG PA MED PA'I PHYIR TE, DES DE'I NYER BSDOGS SGOM PA MED PA'I PHYIR, GNYIS PA DER THAL, DE'I RGYUD LA DE'I NYER BSDOGS KYI DE YANG MED, DE'I DNGOS GZHI'I DE YANG MED PA'I PHYIR, DANG PO SLA, GNYIS PA DER THAL, DE'I RGYUD LA DE'I DNGOS GZHI'I SAS BSDUS KYI SHES PA MED PA'I PHYIR TE, DE'I DNGOS GZHI'I SEMS THOB LAM NYAMS? PA'I GANG ZAG YIN NA DE SPANGS PAS KHYAB

094a

, ,PA'I PHYIR, DES GZHAN RNAMS LA RIGS 'GRE'O, ,SA DGU PO GANG RUNG NAS 'DOD PAR SKYE BA DE'I TSE 'DU BYED DE 'DOD PA'I SAS BSDUS YIN TE, DE'I TSE DE 'DOD PA'I RNAM SMIN 'PHEN BYED KYI LAS GANG ZHIG ,SA GZHAN GYI LAS KYIS SA GZHAN GYI RNAM SMIN 'PHEN PA MED PA'I PHYIR, DE'I TSE RNAM SHES KYI RTEN 'BREL DE DE YIN TE, DE 'DOD PA'I RNAM SMIN 'PHEN BYED KYI LAS KYI BAG CHAGS BSGOS PA'I GZHIR GYUR PA'I GTZO BO YID KYI RNAM RIG YIN PA'I PHYIR, DE'I TSE MING GZUGS SOGS BZHI PO DE DE YIN TE, DE RNAMS 'DOD PA'I RNAM SMIN 'PHEN BYED KYI LAS KYI 'PHANGS 'BRAS GANG ZHIG ,SA GZHAN GYI LAS KYIS SA GZHAN GYI RNAM SMIN 'PHEN PA MED PA'I PHYIR, DE'I TSE SRED LEN GNYIS PO DE 'DOD PA'I SAR GTOGS TE, DE GNYIS 'DOD PA'I RNAM SMIN 'PHEN BYED KYI LAS KYI BAG CHAGS GSOS 'DEBS PAR BYED PA'I NYON MONGS GANG ZHIG ,SA GZHAN GYI NYON MONGS PAS SA GZHAN GYI RNAM SMIN 'PHEN BYED KYI LAS KYI BAG CHAGS GSOS 'DEBS PA MED PA'I PHYIR, DE'I TSE SRED PA'I RTEN 'BREL DE DE YIN TE, DE 'DOD PA'I RNAM SMIN 'GRUB BYED KYI LAS GANG ZHIG ,SA GZHAN GYI LAS KYIS SA GZHAN GYI RNAM SMIN 'GRUB PA MED PA'I PHYIR, DE'I TSE SKYE RGA GNYIS PO DE DER GTOGS TE, DE 'DOD PA'I RNAM SMIN 'GRUB BYED KYI LAS KYI GRUB

094b

'BRAS GANG ZHIG ,SA GZHAN GYI LAS KYIS SA GZHAN GYI RNAM SMIN 'GRUB PA MED PA'I PHYIR, DES LHAG MA GZHAN LA RIGS 'GRE'O, ` ,DGU PA NI, KUN BTUS LAS, LUGS DANG MTHUN PA DANG LUGS DANG MI MTHUN PAS JI LTA BU ZHE NA, KUN NAS NYON MONGS PA'I LUGS DANG MTHUN PA DANG, LUGS DANG MI MTHUN PA DANG, RNAM PAR BYANG BA'I LUGS DANG MTHUN PA DANG, LUGS DANG MI MTHUN PAS KYANG RTEN CING 'BREL BAR 'BYUNG BA'I LUGS DANG MTHUN PA DANG LUGS DANG MI MTHUN PAR BLTA'O, ,ZHES GSUNGS, DON NI, KUN NAS NYON MONGS PHYOGS KYI RTEN 'BREL YAN LAG BCU GNYIS PO DE LUGS MTHUN DANG LUGS MI MTHUN DU SGOM TSUL YOD DE; MA RIG PA'I RKYEN GYIS 'DU BYED 'BYUNG BA NAS, TSOR BA LAS RANG GI 'BRAS BUR GYUR PA'I SRED PA 'BYUNG BA SOGS SU SGOM PA LUGS MTHUN DANG, RGA SHI BYUNG RGA SHI GANG LAS BYUNG NA DE SKYE BA LAS BYUNG, ZHES PA NAS, SRED PA RANG GI RGYUR GYUR PA'I TSOR BA'I RKYEN GYIS BYUNG BA SOGS SU SGOM PA NI LUGS LDOG TU SGOM PA'I RIM PA YIN PA'I PHYIR, RNAM BYANG PHYOGS KYI RTEN 'BREL LUGS 'BYUNG LDOG TU SGOM TSUL YOD DE, MA RIG PA 'GAG PAS 'DU BYED 'GAG PA SOGS SU SGOM PA NI LUGS 'BYUNG DU SGOM PA DANG, RGA SHI 'GAG GO RGA SHI GANG 'GAG PAS 'GAG NA SKYE BA 'GAG PAS SO SNYAM PA SOGS SU SGOM PA NI LUGS LDOG TU SGOM PA'I RIM PA YIN PA'I

095a

, ,PHYIR; KUN BTUS KYI 'GREL PAR, RGA SHI RGA SHI, KUN 'BYUNG RGA SHI, 'GOG PA RGA SHI, 'GOG PA DER 'GRO BA'I LAM, ZHES SOGS SU SBYAR BA RNAMS BDEN PA RNAM GZHAG GI KUN NAS NYON MONGS PHYOGS KYI RTEN 'BREL LUGS LDOG TU BSHAD PA YIN TE, SA'I DNGOS GZHIR, CI'I PHYIR RTEN CING 'BREL BAR 'BYUNG BA LUGS RGA SHI NAS BZUNG STE LUGS LAS LDOG PA'I GO RIMS SU BSTAN CE NA, BDEN PA'I TSUL BSTAN PA'I DBANG DU BYAS PA YIN TE, 'DI LTAR SKYE BA DANG RGA SHI NI SDUG BSNGAL GYI BDEN PA LAS RAB TU PHYE BA YIN NO, ,ZHES SOGS GSUNGS PA'I PHYIR, 'DI'I DON NI, RGA SHI BYUNG DE GANG LAS BYUNG NA SKYE BA LAS SO, ,ZHES SOGS DANG, RGA SHI 'GAG CES SOGS SU RTOG PA'I DGOS PA YOD DE, SDUG BDEN DANG SDUG BDEN 'GAGS PA'I 'GOG BDEN LA MKHAS PAR BYA BA'I CHED YIN PA'I PHYIR TE, SKYE RGA GNYIS PO DE SDUG BDEN YIN PA'I PHYIR TE, DE GNYIS LAS NYON GYI RNAM SMIN MTHAR THUG PA YIN PA'I PHYIR, MA RIG PA'I RKYEN GYIS 'DU BYED 'BYUNG BA SOGS DANG; MA RIG PA 'GAG PAS 'DU BYED 'GAG PA SOGS SU RTOG PA'I DGOS PA YOD DE, KUN 'BYUNG DANG LAM LA MKHAS PAR BYA BA'I PHYIR TE, MA RIG PA DANG 'DU BYED GNYIS NI KUN 'BYUNG BDEN PA YIN LA, DE 'GOG BYED NI LAM BDEN YIN PA'I PHYIR; BCU PA NI, DE LTAR RTOGS ZIN GOMS PAR BYAS PA LA PHAN YON KHYAD PAR CAN YOD DE, 'KHOR BAR 'JUG LDOG LA MKHAS SHING DE LA 'DOR LEN BYAS PAS PHAN BDE MA LUS PA'I 'BYUNG GNAS SANGS RGYAS KYI GO 'PHANG THOB PAR 'GYUR BA'I

095b

PHAN YON KHYAD PAR CAN YOD PA'I PHYIR, ` GSUM PA SGOM LAM RTZE SBYOR BSHAD PA LA, RTEN SGOM LAM, SPANG BYA RNAM RTOG ,BRTEN PA YON TAN DANG GSUM LAS, DANG PO LA, MDO DANG BSTAN BCOS GNYIS LAS, DANG PO NI, MTHONG LAM RTZE SBYOR SENG GE RNAM BSGYINGS KYI TING NGE 'DZIN GSUNGS PA LAS 'PHROS NAS, RAB 'BYOR BYANG CHEN GYI TING NGE 'DZIN SENG GE RNAM PAR BSGYINGS PA DE GANG ZHE NA, RAB 'BYOR 'DI LA BYANG CHEN 'DOD PAS DBEN PA, ZHES SOGS GSUNGS, GNYIS PA LA GSUM LAS, DANG PO NI, DE LTAR MTHONG LAM RTZE SBYOR BSHAD ZIN NAS DE'I 'OG TU SGOM LAM RTZE SBYOR 'CHAD PA'I DGOS PA YOD DE, SGOM LAM GYI SPANG BYA SPONG BA DANG YON TAN BSKYED PA NI DE DAG GI RTEN SGOM LAM RTOGS PA SNGON DU BTANG BA YIN NA GO SLA BAS DE LTAR BSHAD PA'I PHYIR, ZHES MTSAMS SBYOR BA LA, DE LTAR MTHONG BA'I LAM BRJOD NAS MI MTHUN PA'I PHYOGS SPONG BA LA SOGS PA NI RTEN GRUB PA SNGON DU 'GRO BA YIN NA GO SLA BAS RTEN SGOM PA'I LAM, ZHES GSUNGS, GNYIS PA NI, MDO DE'I DON 'CHAD PA LA, 'GOG DANG BCAS PA'I SNYOMS 'JUG DGUR, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, BYANG CHUB SEMS DPA' RNAMS NI; ZHES SOGS GSUNGS, 'DI LA YANG SBYOR BA DANG, DNGOS GZHI DANG, DON BSDU BA DANG GSUM LAS, DANG PO NI, RAB 'BYOR 'DI LA BYANG CHEN 'DOD PAS DBEN SDIG TO MI DGE BA'I CHOS KYIS DBEN PA RTOG PA DANG BCAS PA DPYOD PA DANG BCAS PA

096a

, ,DBEN PA LAS SKYES PA'I DGA' BA DANG BDE BA CAN BSAM GTAN DANG PO NYE BAR BSGRUBS TE GNAS SO, ,BSAM GTAN DANG PO LAS LANGS NAS BSAM GTAN GNYIS PA LA SNYOMS PAR 'JUG GO ,ZHES PA NAS, 'DU SHES MED 'DU SHES MED MIN GYI SKYE MCHED LAS LANGS NAS 'GOG PA LA SNYOMS PAR 'JUG GO ,'GOG PA LAS LANGS NAS 'DU SHES MED 'DU SHES MED MIN GYI SKYE MCHED LA SNYOMS PAR 'JUG GO ,ZHES PA NAS, BSAM GTAN GNYIS PA LAS LANGS NAS BSAM GTAN DANG PO LA SNYOMS PAR 'JUG GO ,ZHES GSUNGS, DE'I DON 'CHAD PA LA, 'GOG DANG BCAS PA'I SNYOMS 'JUG DGUR, ,RNAM PA GNYIS SU SONG 'ONGS NAS, ,ZHES DANG, BYANG CHUB SEMS DPA' RNAMS NI BSAM GTAN DANG PO NAS BZUNG STE 'GOG PA'I BAR DU SONG NAS DE'I 'OG TU 'GOG PA NAS BZUNG STE, BSAM GTAN DANG PO'I BAR DU 'ONGS TE, DE LTAR LUGS DANG MTHUN PA DANG, LUGS DANG MI MTHUN PA RNAM PA GNYIS KYIS BSAM GTAN BZHI DANG GZUGS MED PA BZHI DANG 'GOG PA'I MTSAN NYID KYI SNYOMS PAR 'JUG PA DGU LA SONG ZHING 'ONGS NAS, ZHES GSUNGS, GNYIS PA LA, SONG BA YAR SONG DANG, 'ONG BA MAR 'ONG GNYIS LAS, DANG PO LA, 'GOG PA MA SPEL BA DANG, SPEL BA GNYIS LAS, DANG PO NI, DE SENG GE RNAM PAR BSGYINGS PA'I TING NGE 'DZIN 'DI RNAM PAR DBYE BA BYAS NAS THOD RGAL GYI TING NGE 'DZIN LA SNYOMS PAR 'JUG GO ,RAB 'BYOR BYANG CHEN GYI TING NGE 'DZIN GYI THOD RGAL GANG ZHE NA, RAB 'BYOR 'DI

096b

LA BYANG CHEN 'DOD PAS DBEN NAS, BDE BA CAN BSAM GTAN DANG PO NYE BAR BSGRUBS TE GNAS SO, ,BSAM GTAN DANG PO LAS LANGS NAS BSAM GTAN GNYIS PA LA SNYOMS PAR 'JUG GO ,NAS, 'DU SHES MED 'DU SHES MED MIN GYI SKYE MCHED LAS LANGS NAS 'GOG PA LA SNYOMS PAR 'JUG GO ,ZHES GSUNGS, DE'I DON BSTAN BCOS RTZA 'GREL GYIS SHUGS LA BSTAN, GNYIS PA NI, BSAM GTAN DANG PO LAS LANGS NAS 'GOG PA LA SNYOMS PAR 'JUG GO ,DE LAS LANGS NAS BSAM GTAN GNYIS PA LA SNYOMS PAR 'JUG GO ,DE LAS LANGS NAS 'GOG PA LA SNYOMS PAR 'JUG GO ,ZHES PA NAS, 'GOG PA LAS LANGS NAS 'DU SHES MED 'DU SHES MED MIN GYI SKYE MCHED LA SNYOMS PAR 'JUG GO , DE LAS LANGS NAS 'GOG PA LA SNYOMS PAR 'JUG GO ,ZHES GSUNGS, DE'I DON, GCIG DANG GNYIS GSUM BZHI DANG LNGA, ,ZHES SOGS KYIS SHUGS LA BSTAN, DE'I DON 'CHAD PA LA, YANG BSAM GTAN DANG PO LA SNYOMS PAR ZHUGS TE, DE LAS LANGS NAS 'GOG PA LA'O, ,DE BZHIN DU 'DU SHES MED 'DU SHES MED MIN GYI SKYE MCHED KYI BAR LAS 'GOG PA LA SNYOMS PAR ZHUGS TE, ZHES GSUNGS, GNYIS PA DE STON PA LA, DE 'GOG PA LAS LANGS NAS MNYAM PAR MA BZHAG PA'I SEMS MNGON DU BYED DO, ,DE LAS LANGS NAS 'GOG PA MNGON DU BYED DO, ,DE LAS LANGS NAS MNYAM PAR MA BZHAG PA'I SEMS MNGON DU BYED DO, ,DE LAS LANGS NAS 'DU SHES MED 'DU SHES MED MIN GYI SKYE MCHED MNGON DU

097a

, ,BYED DO, ,DE LAS LANGS NAS MNYAM PAR MA BZHAG PA'I SEMS MNGON DU BYED DO, ,ZHES PA NAS, BSAM GTAN DANG PO LAS LANGS NAS MNYAM PAR MA BZHAG PA'I SEMS MNGON DU BYED DO, ,ZHES GSUNGS, DE'I DON 'CHAD PA LA, 'DOD PAR GTOGS PA'I RNAM PAR SHES, ,ZHES SOGS DANG, DE LAS LANGS NAS DE MA THAG PA'I SNYOMS PAR 'JUG PA LA DMIGS TE, ,'DOD PA NA SPYOD PA'I RNAM PAR SHES PA MTSAMS KYI NGO BOR BZHAG NAS THABS MKHAS PA'I STOBS KYIS LANGS TE, RNAM PAR SHES PA MNYAM PAR MA BZHAG PA DE LTA BU DE MNGON DU BYAS NAS, DE'I 'OG TU 'GOG PA LA'O, ,DE NAS MNYAM PAR MA BZHAG PA LA'O, ,DE'I 'OG TU 'GOG PA GCIG PU BOR LA 'DU SHES MED 'DU SHES MED MIN GYI SKYE MCHED LA'O, ,DE NAS MNYAM PAR MA BZHAG PA LA'O, ,DE NAS GNYIS POR LA CI YANG MED PA'I SKYE MCHED LA'O, ,DE NAS MNYAM PAR MA BZHAG PA LA'O, ,DE BZHIN DU BRGYAD KYI BAR DU BOR NAS BSAM GTAN DANG PO LA'O, ,DE NAS MNYAM PAR MA BZHAG PA LA'O, ,ZHES GSUNGS, GSUM PA DON BSDU BA LA, ,DE LTAR GCIG LA SOGS PA BOR NAS 'GOG PA'I SNYOMS PAR 'JUG PA LA THUG PA'I BAR DU MI 'DRA BA'I SGO NAS 'GRO BAS NA MI 'DRA BAR 'GRO BA THOD RGAL GYI SNYOMS PAR 'JUG PA LA DBANG BA NYID KYI MTSAN NYID MNGON SUM DU BYED PAS NA SGOM PA'I LAM YIN NO, ,ZHES GSUNGS, GZHUNG DON NI, BYANG SEMS SGOM LAM PA'I RGYUD KYI THOD RGAL GYI SNYOMS 'JUG CHOS CAN, SGOM

097b

LAM RTZE SBYOR YIN TE, SGOM SPANG RTOG PA'I DNGOS GNYEN BYED PA'I RIGS SU GNAS PA'I THEG CHEN GYI RJES LA MNGON RTOGS YIN PA'I PHYIR, RTAGS DE GSAL BA DE'I MTSAN NYID, KHA CIG ,SGOM SPANG RTOG PA'I DNGOS GNYEN BYED PA'I THEG CHEN GYI RJES LA MNGON RTOGS, DE'I MTSAN NYID ZER NA, SA GNYIS PA'I BA CHAD MED LAM CHOS CAN, MTSAN NYID DER THAL, MTSON BYA DE'I PHYIR, 'DOD NA, SA GSUM PA BA DES SGOM SPANG RTOG PA SPANGS PAR THAL, 'DOD PA'I PHYIR, GZHAN YANG, BYANG SEMS SGOM LAM PA'I RGYUD KYI KUN RDZOB SEMS BSKYED CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, THEG CHEN GYI SGOM LAM BAR CHAD MED LAM DU THAL LO, ,KHA CIG ,THOD RGAL GYI SNYOMS 'JUG DE LA CHUNG 'BRING CHEN PO GSUM DU YOD DE, SBYOR BA SENG GE RNAM BSGYINGS SNGON DU BTANG NAS MTHAR GNAS SNYOMS 'JUG DGU LA BAR DU GANG YANG MA SPEL BAR LUGS MTHUN KHO NAR SNYOMS PAR 'JUG PA'I SNYOMS 'JUG DE THOD RGAL GYI SNYOMS 'JUG CHUNG NGU YIN, THOD RGAL GYI SNYOMS 'JUG CHUNG NGU SNGON DU BTANG NAS, BSAM GZUGS BRGYAD LA 'GOG PA SPEL NAS LUGS MTHUN DU SNYOMS PAR 'JUG PA'I SNYOMS 'JUG DE THOD RGAL GYI SNYOMS 'JUG 'BRING YIN, THOD RGAL GYI SNYOMS 'JUG CHUNG 'BRING GNYIS SNGON DU BTANG NAS, MTHAR GNAS SNYOMS 'JUG DGU LA 'DOD SEMS SPEL NAS LUGS MI MTHUN DU SNYOMS PAR 'JUG PA'I SNYOMS 'JUG DE THOD RGAL GYI SNYOMS 'JUG CHEN PO YIN PA'I PHYIR,

098a

, ,ZER NA, MTSAN GZHI DANG PO DE CHOS CAN, KHYOD SPEL GZHI SPEL CHOS MI 'DRA BAR SPEL BA'I SNYOMS 'JUG YIN PAR THAL, KHYOD THOD RGAL GYI SNYOMS 'JUG YIN PA'I PHYIR, KHYAB STE, DE LTAR GCIG LA SOGS PA BOR NAS, ZHES SOGS GSUNGS PA'I PHYIR, 'DOD MI NUS TE, CHOS CAN DE'I PHYIR, GZHAN YANG, DE THOD RGAL GYI SNYOMS 'JUG MA YIN PAR THAL, DE THOD RGAL GYI SBYOR BA YIN PA'I PHYIR, DE DE'I NYE SBYOR YIN PA'I PHYIR TE, MTHAR GNAS SNYOMS 'JUG DGU LA BAR DU GANG YANG MA SPEL BAR LUGS MTHUN DANG LUGS MI MTHUN GNYIS KAR DU SNYOMS PAR 'JUG PA'I SNYOMS 'JUG DE DE'I RING SBYOR YIN PA'I PHYIR, KHO NA RE, DE THOD RGAL GYI SNYOMS 'JUG TU THAL, SBYOR BA SENG GE RNAM BSGYINGS BSHAD PA'I 'OG TU MDO LAS, BYANG CHEN TING NGE 'DZIN GYI THOD RGAL GANG ZHE NA, ZHES MTSAMS SBYOR NAS, MTHAR GNAS SNYOMS 'JUG DGU LA BAR DU GANG YANG MA SPEL BAR LUGS MTHUN KHO NAR SNYOMS PAR 'JUG PA'I SNYOMS 'JUG DE THOD RGAL GYI SNYOMS 'JUG TU BSHAD PA'I PHYIR ZER NA MA KHYAB STE, DE THOD RGAL GYI RGYU YIN PAS THOD RGAL TZAM DU BSHAD PA'I PHYIR, DE LTA MA YIN NA BSAM GZUGS BRGYAD PO DE SGOM LAM RTZE SBYOR YIN PAR THAL, DE DER BSHAD PA'I PHYIR, KHYAB PA KHAS, 'GOG SNYOMS DE 'DAS LAM YIN PAR THAL, DE 'DAS LAM DU BSHAD PA'I PHYIR, KHYAB PA KHAS, SEMS GNAS PA'I THABS DGU PO DE ZHI GNAS SU THAL, KUN BTUS LAS, ZHI GNAS GANG ZHE NA, NANG NYID DU 'JOG PA DANG, ZHES GSUNGS PA'I PHYIR,

098b

KHYAB PA KHAS, KHO NA RE, DE THOD RGAL GYI SNYOMS 'JUG YIN PAR THAL, THOD RGAL GYI SNYOMS 'JUG CHUNG NGU YOD PA'I PHYIR TE, DE'I SNYOMS 'JUG 'BRING YOD PA'I PHYIR TE, BSAM GZUGS BRGYAD LA 'GOG PA SPEL NAS LUGS MTHUN DU SNYOMS PAR 'JUG PA'I YAR SONG THOD RGAL GYI SNYOMS 'JUG DE THOD RGAL GYI SNYOMS 'JUG 'BRING YIN PA'I PHYIR TE, DE THOD RGAL GYI SNYOMS 'JUG YIN PA'I PHYIR ZER NA MA KHYAB STE, MTHAR GNAS SNYOMS 'JUG DGU LA BAR DU GANG YANG MA SPEL BAR LUGS MTHUN DU SNYOMS PAR 'JUG PA'I SNYOMS 'JUG DE SPEL GZHI SPEL CHOS MI 'DRA BAR SPEL BA'I THOD RGAL GYI SNYOMS 'JUG CHUNG NGU YIN PAR THAL, DE 'DRA'I DE CHUNG NGU YOD PA'I PHYIR TE, DE 'DRA'I DE 'BRING YOD PA'I PHYIR TE, BSAM GZUGS BRNYAD LA 'GOG PA SPEL NAS LUGS MTHUN DU SNYOMS PAR 'JUG PA'I YAR SONG THOD RGAL GYI SNYOMS 'JUG DE DE 'DRA'I DE 'BRING YIN PA'I PHYIR TE, DE SPEL GZHI SPEL CHOS MI 'DRA BAR SPEL BA'I THOD RGAL GYI SNYOMS 'JUG YIN PA'I PHYIR, KHYAB PA KHAS, KHA CIG ,SPEL GZHI SPEL CHOS MI 'DRA BAR SPEL BA'I SNYOMS 'JUG THOD RGAL GYI SNYOMS 'JUG GI MTSAN NYID ZER NA, PHYIR MI 'ONG GI RGYUD KYI BSAM GTAN GYI SPEL SGOM CHOS CAN, MTSON BYA DER THAL, MTSAN NYID DE'I PHYIR, 'DOD NA, SGOM LAM RTZE SBYOR DU THAL LO, ,KHA CIG ,DE 'DRA'I THEG CHEN GYI RJES LA MNGON RTOGS THOD RGAL GYI TING NGE 'DZIN GYI MTSAN NYID ZER NA, THOD RGAL GYI TING NGE 'DZIN DANG MTSUNGS LDAN GYI GTZO BO SEMS CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, TING NGE 'DZIN DU THAL LO, ,KHA CIG ,SBYOR BA SENG GE RNAM BSGYINGS

099a

, ,KYI GNAS LA BCU BDUN DU YOD DE, DE LA YAR SONG BSAM GZUGS BRGYAD, MAR 'ONG BSAM GZUGS BRGYAD, BAR GYI 'GOG PA DANG BCU BDUN DU YOD PA'I PHYIR, THOD RGAL CHUNG NGU'I GNAS DE LA DGU YOD DE, DE LA MTHAR GNAS SNYOMS 'JUG DGUR YOD PA'I PHYIR, YAR SONG THOD RGAL GYI GNAS LA BCU BDUN DU YOD DE, YAR SONG BSAM GZUGS BRGYAD, MAR 'ONG BSAM GZUGS BRGYAD, SRID RTZE'I NUD CHUNG DANG BCU BDUN YOD PA'I PHYIR, MAR 'ONG THOD RGAL GYI GNAS DE LA BCO BRGYAD DU YOD DE, YAR SONG MTHAR GNAS SNYOMS 'JUG DGU; MAR 'ONG MTHAR GNAS SNYOMS 'JUG DGU YOD PA'I PHYIR ZER NA, SBYOR BA SENG GE RNAM BSGYINGS KYI GNAS LA BCO BRGYAD YOD PAR THAL, DE LA YAR SONG MTHAR GNAS SNYOMS 'JUG DGU ,MAR 'ONG MTHAR GNAS SNYOMS 'JUG DGU YOD PA GANG ZHIG ,DE'I YAR SONG GI GNAS KYI NANG TSAN DU GYUR PA'I 'GOG PA DE YIN NA, DE'I MAR 'ONG GI GNAS KYI NANG TSAN DU GYUR PA'I 'GOG PA YIN PAS MA KHYAB PA'I PHYIR, DANG PO MA GRUB NA, DE'I GNAS DE LA YAR SONG MTHAR GNAS SNYOMS 'JUG DGU YOD PAR THAL, DE YAR SONG MTHAR GNAS SNYOMS 'JUG DGU LA SNYOMS PAR 'JUG PA'I SNYOMS 'JUG YIN PA'I PHYIR TE, CHOS CAN DE'I PHYIR, DE LA MAR 'ONG MTHAR GNAS SNYOMS 'JUG DGU YANG YOD PAR THAL, DE MAR 'ONG MTHAR GNAS SNYOMS 'JUG DGU LA SNYOMS PAR 'JUG PA'I SNYOMS 'JUG YIN PA'I PHYIR TE, CHOS CAN DE'I PHYIR, PHYI MA MA GRUB NA, DE'I YAR SONG GI GNAS KYI NANG TSAN DU GYUR PA'I SRID RTZE'I DNGOS GZHI DE YIN NA, DE'I MAR 'ONG GI GNAS KYI NANG TSAN DU GYUR PA'I DE YIN DGOS PAR THAL, MA

099b

GRUB PA DE'I PHYIR, 'DOD NA, DE'I GNAS DE LA BCU BDUN MED PAR THAL LA, ,GZHAN YANG, BYANG CHUB SEMS DPA' RNAMS NI BSAM GTAN DANG PO NAS BZUNG STE 'GOG PA'I BAR DU SONG NAS DE'I 'OG TU 'GOG PA NAS BZUNG STE BSAM GTAN DANG PO'I BAR DU 'ONGS NAS ZHES 'GOG PA GNYIS BSHAD PA MI 'THAD PAR THAL, DE'I YAR SONG GI GNAS KYI NANG TSAN GYI 'GOG PA DANG, DE'I MAR 'ONG GI GNAS KYI NANG TSAN DU GYUR PA'I 'GOG PA THA DAD PA GNYIS MED PA'I PHYIR, GZHAN YANG, SRID RTZE'I NUD CHUNG DE YAR SONG THOD RGAL GYI GNAS MA YIN PAR THAL, DE DANG DE'I RJES SU BYUNG BA'I 'DOD SEMS GNYIS YAR SONG DANG MAR 'ONG GI MTSAMS 'DZIN YIN PA'I PHYIR TE, MNYAM GZHAG MIN PA'I MTSAMS BZUNG STE, ,ZHES GSUNGS PA'I PHYIR, GZHAN YANG, DE DE'I GNAS MA YIN PAR THAL, DE DE'I GNAS KYI NANG TSAN DU GYUR PA'I SPEL GZHI YANG MA YIN, DE DE'I SPEL CHOS YANG MA YIN PA'I PHYIR, DANG PO GRUB STE, DE'I SPEL GZHI LA BSAM GZUGS BRGYAD DU GRANGS NGES PA'I PHYIR DANG, DE'I RJES SU BYUNG BA'I DE'I SPEL CHOS MED PA'I PHYIR, GNYIS PA GRUB STE, DE'I SNGA ROL TU BYUNG BA'I 'GOG PA DE DE'I SPEL GZHI MA YIN PA'I PHYIR, KHA CIG ,SA LNGA PA MAN CHAD DU THOD RGAL GYI TING NGE 'DZIN LA SNYOMS PAR 'JUG PA MED ZER NA, DE YOD PAR THAL, THOD RGAL GYI TING NGE 'DZIN LA SNYOMS PAR 'JUG PA'I SA GNYIS PA PA YOD PA'I PHYIR TE, PHYIR MI LDOG PA 'KHOR LO'I MDO LAS, BSKAL PA CHEN PO GNYIS KYI NGES PAR 'BYUNG BA'I BYANG CHEN TING NGE 'DZIN LA THOD RGAL DU SNYOMS PAR 'JUG PA'O, ,ZHES GSUNGS PA'I PHYIR, RANG LUGS LA, MDO LAS GSUNGS TSUL, BSTAN BCOS KYIS BSDUS TSUL, THOD RGAL GYI RANG BZHIN BSHAD

100a

, ,PA DANG GSUM LAS, DANG PO NI, SKABS 'DIR MDO LAS BAR DU GANG YANG MA SPEL BAR MTHAR GNAS SNYOMS 'JUG DGU LA LUGS MTHUN DANG LUGS MI MTHUN GNYIS KAR DU SNYOMS PAR 'JUG PA'I SBYOR BA SENG GE RNAM BSGYINGS DANG; DE DGU LA BAR DU GANG YANG MA SPEL BAR LUGS MTHUN KHO NAR SNYOMS PAR 'JUG PA'I SNYOMS 'JUG GCIG DANG, BSAM GZUGS BRGYAD LA 'GOG PA SPEL NAS LUGS MTHUN DU SNYOMS PAR 'JUG PA'I YAR SONG THOD RGAL GYI SNYOMS 'JUG DANG, MTHAR GNAS SNYOMS 'JUG DGU LA 'DOD SEMS SPEL NAS LUGS MI MTHUN DU SNYOMS PAR 'JUG PA'I MAR 'ONG THOD RGAL GYI SNYOMS 'JUG GCIG RNAMS BSTAN CING DE LAS MANG BA RGYAS 'BRING BSDUS GSUM DU MA GSUNGS SO, ,GNYIS PA NI, 'GOG DANG BCAS PA'I SNYOMS 'JUG DGUR, ,RNAM PA GNYIS SU SONG 'ONG NAS, ,ZHES DANG, BYANG CHUB SEMS DPA' RNAMS NI, ZHES SOGS KYIS, SBYOR BA SENG GE RNAM BSGYINGS DE DNGOS SU BSTAN, 'DOD PAR GTOGS PA'I RNAM PAR SHES, , MNYAM BZHAG MIN PA'I MTSAMS BZUNG STE, ,ZHES DANG, 'DOD NA SPYOD PA'I RNAM PAR SHES PA, ZHES SOGS KYIS MTSAMS 'DZIN GYI 'DOD SEMS DNGOS SU BSTAN, GCIG DANG GNYIS GSUM BZHI DANG LNGA, ,DRUG DANG BDUN DANG BRGYAD PA RGAL NAS,, 'GOG PA'I BAR DU MI 'DRAR 'GRO, ,ZHES DANG, DE'I 'OG TU 'GOG PA LA'O, ,ZHES SOGS KYIS, MTHAR GNAS SNYOMS 'JUG DGU LA 'DOD SEMS SPEL NAS SNYOMS PAR 'JUG PA'I MAR 'ONG THOD RGAL GYI SNYOMS 'JUG DE DNGOS SU BSTAN, GZHUNG RTZA

100b

BAR MTHAR GNAS SNYOMS 'JUG DGU LA BAR TU GANG YANG MA SPEL BAR LUGS MTHUN KHO NAR SNYOMS PAR 'JUG PA'I SNYOMS 'JUG DANG, BSAM GZUGS BRGYAD LA 'GOG PA SPEL BA'I YAR SONG THOD RGAL GYI SNYOMS 'JUG GNYIS GO SLA BA LA DGONGS NAS SHUGS LA BSTAN, 'GREL PAR YANG, SNGA MA DE SBYOR BA SENG GE RNAM BSGYINGS BSTAN PA'I SHUGS LA BSTAN NAS, GNYIS PA DE STON PA LA, YANG BSAM GTAN DANG PO LA SNYOMS PAR ZHUGS TE, ZHES SOGS GSUNGS, THOD RGAL DU NI SNYOMS 'JUG PA, ,ZHES DANG; 'GOG PA'I BAR DU MI 'DRAR 'GRO, ,ZHES DANG, DE LTAR GCIG LA SOGS PA BOR NAS, ZHES SOGS KYIS, DE RNAMS KYI DON BSDUS DANG THOD RGAL GYI SGRA BSHAD DE BSTAN NO, ,KHA CIG ,GCIG DANG GNYIS GSUM BGYI DANG LNGA, ,DRUG DANG BDUN DANG BRGYAD BRGAL NAS; ;ZHES PA MAR 'ONG THOD RGAL GYI SNYOMS 'JUG DNGOS SU BSTAN PA MI 'THAD DE, DES YAR SONG THOD RGAL GYI SNYOMS 'JUG DNGOS SU BSTAN PA'I PHYIR TE, 'GOG PA'I BAR DU MI 'DRAR 'GRO, ,ZHES PA'I 'GOG PA DE THOD RGAL GYI SPEL CHOS KYI 'GOG PA LA BYED RIGS PA'I PHYIR, DE RIGS PA'AM, DE DE'I SPEL GZHI'I 'GOG PA LA BYED RIGS PA GANG RUNG GANG ZHIG ,PHYI MA MA YIN PA'I PHYIR TE, SPEL GZHI'I 'GOG PA DE MAR 'ONG THOD RGAL GYI GNAS KYI DANG PO GANG ZHIG ,'DI'I SKABS SU, 'GOG PA'I BAR DU, ZHES RDZOGS TSIG SMOS PA'I PHYIR, ZHES ZER BA MI 'THAD DE, DE LTAR GCIG LA SOGS PA BOR NAS 'GOG PA'I SNYOMS PAR 'JUG PA LA THUG GI BAR DU, ZHES PA'I 'GOG PA DE SPEL CHOS KYI 'GOG PA LA BYED RIGS PAR THAL, DE DE LA BYED PA'AM, DE SPEL GZHI'I 'GOG PA LA BYED PA

101a

, ,GANG RUNG GANG ZHIG ,PHYI MA MA YIN PA'I PHYIR TE, SPEL GZHI'I 'GOG PA MAR 'ONG THOD RGAL GYI GNAS KYI DANG PO GANG ZHIG ,DE'I SKABS SU 'GOG PA LA THUG GI BAR DU ZHES RDZOGS TSIG SMOS PA'I PHYIR, GSUM PA DNGOS, RTZA BA 'DOD NA, DE'I 'GOG PA DE 'GOG PA THA MAL BYED RIGS PAR THAL, 'DOD PA'I PHYIR, 'DOD NA, DE LTAR GCIG LA SOGS PA BOR NAS, ZHES PA'I BOR DE 'GOG PA LA MI BYED PAR BSAM GTAN DANG PO LA BYED RIGS PAR THAL LO, ,'DOD NA, DE'I 'OG TU 'GOG PA GCIG POR LA, ZHES GSUNGS PA MI 'THAD PAR THAL LO, ,GZHAN YANG, GZHUNG DES YAR SONG THOD RGAL GYI DNGOS GZHI SNYOMS 'JUG DNGOS SU BSTAN PA MI 'THAD DE, DE LTAR NA YAR SONG THOD RGAL DE'I SNGON DU MTSAMS 'DZIN GYI 'DOD SEMS 'GRO DGOS PAR THAL, DES DE LTAR BSTAN PA GANG ZHIG ,'DOD PAR GTOGS PA'I RNAM PAR SHES, ,MNYAM GZHAG MIN PA'I MTSAMS BZUNG STE, ,GCIG DANG GNYIS GSUM BZHI DANG LNGA, ,ZHES SOGS KYI SKABS NAS DNGOS SU BSTAN PA'I THOD RGAL GYI SNYOMS 'JUG DES MTSAMS 'DZIN GYI 'DOD SEMS MNGON DU BYED PAR BSHAD PA'I PHYIR, GSUM PA LA, THOD RGAL GYI SBYOR BA DANG, DNGOS GZHI DANG, DE'I RNAM GZHAG BSHAD PA GSUM LAS, DANG PO LA MTSAN NYID, DBYE BA, SA MTSAMS DANG GSUM LAS; DANG PO NI, RANG GI THOB BYAR GYUR PA'I THOD RGAL GYI DNGOS GZHI SNYOMS 'JUG THOB DON DU MTHAR GNAS SNYOMS 'JUG DGU LA BAR DU GANG YANG MA SPEL BAR SNYOMS PAR 'JUG PA'I THEG CHEN GYI RJES LA MNGON RTOGS, THOD RGAL GYI SBYOR BA'I MTSAN

101b

NYID; DBYE NA RING SBYOR DANG, NYE SBYOR GNYIS LAS, DANG PO NI, BYANG SEMS SA GNYIS PA PA'I RGYUD KYI MTHAR GNAS SNYOMS 'JUG DGU LA BAR DU GANG YANG MA SPEL BAR LUGS MTHUN DANG LUGS MI MTHUN GNYIS KAR DU SNYOMS PAR 'JUG PA'I SNYOMS 'JUG LTA BU, DE'I GNAS LA BCO BRGYAD YOD DE, BSAM GTAN DANG PO NAS 'GOG PA'I BAR DGU, 'GOG PA NAS BSAM GTAN DANG PO'I BAR DGU YOD PA'I PHYIR, GNYIS PA NI, DE LTA BU'I SBYOR BA SENG GE RNAM BSGYINGS DE SNGON DU BTANG NAS, MTHAR GNAS SNYOMS 'JUG DGU LA BAR DU GANG YANG MA SPEL BAR LUGS MTHUN KHO NAR SNYOMS PAR 'JUG PA'I SNYOMS 'JUG LTA BU, DE'I GNAS DE LA DGUR YOD DE, DE LA MTHAR GNAS SNYOMS 'JUG DGU YOD PA'I PHYIR, MDO LAS 'DI THOD RGAL GYI SNYOMS 'JUG TU BSHAD CING DE DANG MTHUN PAR GSER PHRENG DU GSUNGS PAS 'DIR YANG GONG DU GZHUNG 'GREL GYI SKABS SU DE DANG MTHUN PAR BYAS PA YIN LA, DE THOD RGAL GYI SNYOMS 'JUG DNGOS MA YIN TE, DE THOD RGAL GYI SNYOMS 'JUG YIN NA, DE TING NGE 'DZIN LA THOD RGAL DU SNYOMS PAR 'JUG PA'I SNYOMS 'JUG YIN DGOS PA LA, DE DE MA YIN PA'I PHYIR TE, DE BAR DU GANG YANG MA BCUGS PAR MTHAR CHAGS SU SNYOMS PAR 'JUG PA'I SNYOMS 'JUG YIN PA'I PHYIR, DE LTAR YANG RNAM BSHAD LAS, BAR DU GANG YANG MA BCUGS PA'I YAR SONG NI DKYUS SA BSTAN PA TZAM YIN GYI, THOD RGAL GYI DNGOS GZHI MA YIN TE, SPEL GZHI SPEL CHOS MI 'DRA BAR SPEL BA THOD RGAL DU GSUNGS PA'I PHYIR, ZHES GSUNGS PA'I PHYIR, GSUM PA NI, SA DANG PO NAS GNYIS PA'I BAR DU YOD

102a

, ,DE; SA DANG PO NAS THOD RGAL GYI SBYOR BA THOB NAS SA GNYIS PAR DE'I DNGOS GZHI THOB PA YIN PA'I PHYIR, GNYIS PA LA MTSAN NYID, DBYE BA, SA MTSAMS, SGRA BSHAD PA DANG BZHI LAS, DANG PO NI, RANG THOB BYED KYI THABS SU GYUR PA'I THOD RGAL GYI SBYOR BA BSGOMS STOBS KYIS THOB PA'I SNYOMS 'JUG GANG ZHIG ,SPEL GZHI SPEL CHOS MI 'DRA BAR SPEL BAS RAB TU PHYE BA'I THEG CHEN GYI RJES LA MNGON RTOGS, THOD RGAL GYI DNGOS GZHI SNYOMS 'JUG GI MTSAN NYID, GNYIS PA NI, DE LA YAR SONG THOD RGAL GYI SNYOMS 'JUG DANG, MAR 'ONG THOD RGAL GYI SNYOMS 'JUG GNYIS LAS, SPEL GZHI BSAM GZUGS BRGYAD DANG SNYOMS 'JUG DGU PO GANG RUNG LA SPEL CHOS 'GOG PA DANG 'DOD SEMS GANG RUNG SPEL NAS LUGS MTHUN DU SNYOMS PAR 'JUG PA'I THEG CHEN GYI RJES LA MNGON RTOGS, DANG PO'I MTSAN NYID, DE LA DBYE NA, 'GOG PA SPEL CHOS SU BYAS PA'I YAR SONG THOD RGAL GYI SNYOMS 'JUG DANG, 'DOD SEMS SPEL CHOS SU BYAS PA'I DE GNYIS LAS, SPEL GZHI BSAM GZUGS LA SPEL CHOS 'GOG PA SPEL NAS SNYOMS PAR 'JUG PA'I THEG CHEN GYI RJES LA MNGON RTOGS, DANG PO'I MTSAN NYID, DE'I GNAS DE LA BCU DRUG YOD DE, DE LA SPEL GZHI BSAM GZUGS BRGYAD DANG SPEL CHOS 'GOG PA BRGYAD YOD PA'I PHYIR, SPEL GZHI SNYOMS 'JUG DGU PO GANG RUNG, SPEL CHOS 'DOD SEMS SPEL NAS LUGS MTHUN DU SNYOMS PAR 'JUG PA'I THEG CHEN GYI RJES LA MNGON RTOGS, GNYIS PA'I MTSAN NYID, DE'I GNAS DE LA BCO BRGYAD YOD DE, DE'I SPEL GZHI SNYOMS 'JUG DGU DANG

102b

SPEL CHOS 'DOD SEMS DGU YOD PA'I PHYIR, SPEL GZHI SNYOMS 'JUG DGU DANG BSAM GZUGS BRGYAD PO GANG RUNG LA SPEL CHOS 'DOD SEMS DANG 'GOG PA GANG RUNG SPEL NAS LUGS MI MTHUN DU SNYOMS PAR 'JUG PA'I THEG CHEN GYI RJES LA MNGON RTOGS, GNYIS PA'I MTSAN NYID, DBYE NA, 'DOD SEMS SPEL CHOS SU BYAS PA'I DE DANG, 'GOG PA SPEL CHOS SU BYAS PA'I DE GNYIS LAS, SPEL GZHI SNYOMS 'JUG DGU LA SPEL CHOS 'DOD SEMS SPEL NAS LUGS MI MTHUN DU SNYOMS PAR 'JUG PA'I THEG CHEN GYI RJES LA MNGON RTOGS, DANG PO'I MTSAN NYID, 'DI'I GNAS LA BCO BRGYAD YOD DE, SPEL GZHI SNYOMS 'JUG DGU DANG SPEL CHOS 'DOD SEMS DGU YOD PA'I PHYIR, SPEL GZHI BSAM GZUGS BRGYAD LA 'GOG PA SPEL NAS LUGS MI MTHUN DU SNYOMS PAR 'JUG PA'I THEG CHEN GYI RJES LA MNGON RTOGS, GNYIS PA'I MTSAN NYID, DE'I GNAS LA BCU DRUG YOD DE, SPEL GZHI BSAM GZUGS BRGYAD DANG SPEL CHOS 'GOG PA BRGYAD YOD PA'I PHYIR, GSUM PA NI, SA GNYIS PA NAS YOD LA, YA MTHA' SA BRGYAD PA MA THOB PAR DU YOD DE, SA BRGYAD PA YAN CHAD DU THOD RGAL LA SNYOMS PAR 'JUG PA LA DGOS PA MED PA'I PHYIR TE, DER TING NGE 'DZIN LA RTZAL LEGS PAR BYANG NAS 'DOD DGUR SNYOMS PAR 'JUG PA'I PHYIR TE, BSKAL PA GRANGS MED PA GCIG GIS NGES PAR 'BYUNG BA'I BYANG CHUB SEMS DPA' DANG DE BZHIN GSHEGS PA 'DI LA SNYOMS PAR 'JUG PA MED DE, DGA' MGUR SNYOMS PAR 'JUG PA'I PHYIR RO, ,BZHI PA NI, SPEL GZHI SPEL CHOS MI 'DRA BAR SPEL ZHING, RIM PA

103a

, ,'CHOL BAR SNYOMS PAR 'JUG PA'I DON GYIS DE LTAR BRJOD PA YIN NO, ,GSUM PA LA, THOD RGAL GYI GNAS RNAMS KYI NGO BO NGOS BZUNG BA, GRANGS NGES, SPEL GZHI, SPEL CHOS, MU BZHIR BRTZI TSUL, SPEL TSUL, SPEL BA'I DGOS PA'O, ,DANG PO NI, THOD RGAL GYI GNAS KYI NANG TSAN GYI BSAM GZUGS RNAMS NI STONG NYID LA GNYIS SNANG NUB PA'I YE SHES DANG, 'GOG SNYOMS NI LDAN MIN 'DU BYED DANG, 'DOD SEMS NI 'DOD PA'I GZUGS SOGS SNANG BA'I RNAM PA CAN GYI RJES THOB YE SHES KYI STENG NAS 'JOG PA YIN NO, ,GNYIS PA NI, SKABS 'DIR DNGOS SU BSTAN PA'I YAR SONG THOD RGAL GYI GNAS LA BCU DRUG DANG, MAR 'ONG THOD RGAL GYI GNAS LA BCO BRGYAD YOD, RGYAS PAR DBYE NA DE RE RE LA SO SOR SO BZHI RE YOD, GSUM PA NI, YAR SONG THOD RGAL GYI SPEL GZHI DE LA BRGYAD DU YOD DE, DE LA BSAM GZUGS BRGYAD DU YOD PA'I PHYIR, MAR 'ONG THOD RGAL GYI SPEL GZHI DE LA DGUR YOD DE, DE LA SNYOMS 'JUG DGUR YOD PA'I PHYIR; BZHI PA NI, SPEL CHOS DE LA GNYIS SU YOD DE, DE LA 'GOG SNYOMS DANG, 'DOD SEMS GNYIS SU YOD PA'I PHYIR, LNGA PA NI, YAR SONG GI BSAM GTAN DANG PO DANG, MAR 'ONG GI 'GOG PA GNYIS PO DE SPEL GZHI KHO NA YIN PA'I MU DANG, MAR SONG MTHA'I 'GOG PA DANG, MAR 'ONG MTHA'I 'DOD SEMS GNYIS SPEL CHOS KHO NA YIN PA'I MU, DE LAS GZHAN RNAMS SPEL GZHI SPEL CHOS GNYIS KA YIN PA'I MU DANG, MTHAR GYIS GNAS PA'I SNYOMS 'JUG RNAMS GNYIS KA MA YIN PA'I

103b

MU YIN NO, ,DANG PO GRUB STE, DE GNYIS KYI SPEL GZHIR GYUR PA'I THOD RGAL GYI GNAS MED PA'I PHYIR, GNYIS PA GRUB STE, DE GNYIS SPEL BAR BYAS PA'I THOD RGAL GYI GNAS MED PA'I PHYIR, GSUM PA GRUB STE, YAR SONG GI BSAM GTAN GNYIS PA LTA BU SPEL GZHI DANG SPEL CHOS GNYIS KA YIN PA'I PHYIR, DE SPEL GZHI YIN TE, DE YAR SONG GI 'GOG PA'I SPEL GZHI YIN PA'I PHYIR TE, DE BSAM GTAN GNYIS PA LAS LANGS NAS 'GOG PA LA SNYOMS PAR 'JUG PA'I 'GOG PA'I SPEL GZHI YIN PA'I PHYIR, DE SPEL CHOS YIN TE, BSAM GTAN DANG PO LAS LANGS TE 'GOG? PA LA SNYOMS PAR 'JUG PA'I SPEL CHOS YIN PA'I PHYIR TE, DE 'DRA'I 'GOG PA DE DE'I SPEL GZHI YIN PA'I PHYIR TE, BSAM GTAN DANG PO DE DE 'DRA'I 'GOG PA'I SPEL GZHI YIN PA GANG ZHIG ,RGYU MTSAN MTSUNGS PA'I PHYIR, DRUG PA LA, MDO'I DNGOS BSTAN DANG MTHUN PAR TZAM PO PA'I SPEL TSUL DANG, PHYIS DBANG THOB NAS SPEL TSUL GNYIS LAS, DANG PO LA, YAR SONG BSAM GZUGS BRGYAD LA 'GOG PA SPEL TSUL DANG, MAR 'ONG MTHAR GNAS SNYOMS 'JUG DGU LA 'DOD SEMS SPEL TSUL GNYIS LAS, DANG PO NI, SBYOR BA GNYIS SNGON DU BTANG NAS, DANG POR BSAM GTAN DANG PO LA SNYOMS PAR 'JUG ,DE LAS LANGS NAS 'GOG PA LA, DE NAS BSAM GTAN GNYIS PA LA, DE BZHIN DU SRID RTZE LAS LANGS NAS 'GOG PA LA, DE LAS LANGS NAS SRID RTZE'I NUD CHUNG MNGON DU BYED PA'I PHYIR, GNYIS PA NI, SRID RTZE'I NUD CHUNG DANG, MTSAMS 'DZIN GYI 'DOD SEMS SNGON DU BTANG NAS, 'GOG PA LA

104a

, ,SNYOMS PAR 'JUG ,DE NAS 'DOD SEMS MNGON DU BYED, DE NAS SRID RTZE LA, DE NAS 'DOD SEMS NAS BSAM GTAN DANG PO LA, DE NAS 'DOD SEMS MNGON DU BYED PA'I PHYIR, 'O NA YAR SONG GI 'GOG PA THA MA'I TSE SRID RTZE'I NUD CHUNG? BYED PA'I RGYU MTSAN YOD DE, BYANG SEMS DBANG RTUL KHA GCIG YAR SONG GI 'GOG PA THA MA'I RJES DE MA THAG TU MTSAMS 'DZIN GYI 'DOD SEMS MNGON DU BYED MI NUS PA LA DES DE MNGON DU BYAS NAS DE RJES SU MTSAMS 'DZIN GYI 'DOD SEMS MNGON DU BYED MI NUS PA'I RGYU MTSAN GYIS DE LTAR BYED PA'I PHYIR, 'O NA YAR SONG GI 'GOG PA THA MA'I RJES SU 'DOD SEMS MNGON DU BYED MI NUS, MAR 'ONG GI 'GOG PA THA MA'I RJES DE MA THAG TU DE MNGON DU BYED NUS PA'I RGYU MTSAN GANG ZHE NA, KHA CIG ,DE'I RGYU MTSAN YOD DE, YAR SONG GI TSE TING NGE 'DZIN LA RTZAL MA BYANG, MAR 'ONG GI TSE RTZAL BYANG BA YIN PA'I PHYIR ZHES ZER BA MI 'THAD DE, DE'I TSE YAR SONG DANG MAR 'ONG GI MTSAMS 'DZIN GYI 'DOD SEMS TZAM MNGON DU BYAS PA MA GTOGS TING NGE 'DZIN GYI RIGS MI 'DRA BA LA SNYOMS PAR MA ZHUGS PA'I PHYIR DANG, 'DOD SEMS TZAM MNGON DU BYAS PAS TING NGE 'DZIN LA RTZAL BYANG BAR YANG MI 'GYUR BA'I PHYIR, KHA CIG ,DE'I RGYU MTSAN YOD DE, YAR SONG GI TSE BYANG SEMS DBANG PO RTUL, MAR 'ONG GI TSE DBANG PO RNO BA'I RGYU MTSAN GYIS YIN PA'I PHYIR ZHES ZER BA MI 'THAD DE, BYANG SEMS GCIG NYID YAR SONG GI 'GOG PA LA SNYOMS PAR 'JUG ,DE RJES MAR 'ONG GI 'GOG PA LA SNYOMS PAR 'JUG PAS, DE LA DBANG PO RNO

104b

RTUL GYIS KHYAD PAR MI 'THAD PA'I PHYIR, DES NA, DE'I RGYU MTSAN YOD DE, YAR SONG GI 'GOG PA NI KHAMS GSUM GYI SEMS KYI NANG NAS PHRA BA MTHAR THUG PA SRID RTZE'I SEMS KYIS DE MA THAG RKYEN BYAS PAS, DE LAS LANGS MA THAG TU KHAMS GSUM GYI SEMS KYI NANG NAS RAGS PA MTHAR THUG PA 'DOD SEMS MNGON DU BYED MI NUS, MAR 'ONG GI 'GOG PA THA MA DE KHAMS GSUM GYI SEMS KYI NANG NAS RAGS PA MTHAR THUG PA 'DOD SEMS KYIS DE MA THAG RKYEN BYAS PAS, DE LAS LANGS MA THAG TU MNGON DU BYED NUS PA'I PHYIR, RGYAS 'BRING BSDUS GSUM LAS SRID RTZE'I NUD CHUNG? MA BSHAD PAR, KHRI BRGYAD STONG PAR DE BSHAD PA'I RGYU MTSAN YOD DE, BYANG SEMS DBANG RNON PHAL CHE BAS SRID RTZE'I NUD CHUNG BYAS PA LA MI LTOS PAR MTSAMS 'DZIN GYI 'DOD SEMS MNGON DU BYED NUS PAS RGYAS 'BRING BSDUS GSUM LAS DE MA BSHAD CING, BYANG SEMS DBANG RTUL GYIS DE LA MA LTOS PAR DE MNGON DU BYED MI NUS PAS, KHRI BRGYAD STONG PAR DE BSHAD PA'I PHYIR, SRID RTZE'I NUD CHUNG BYAS PA'I DON YANG, YAR SONG GI 'GOG PA THA MA LAS LANGS TE SNGAR DE MA THAG TU SNYOMS PAR 'JUG PA'I SRID RTZE'I DNGOS GZHI LA DMIGS TE SNYOMS PAR 'JUG PA YIN PA'I PHYIR, GNYIS PA NI, PHYIS DBANG THOB NAS NGES PA MED DE, MTHAR GNAS SNYOMS 'JUG DGU LA 'DOD SEMS SPEL NAS LUGS MTHUN DU SNYOMS PAR 'JUG PA YANG YOD, BSAM GZUGS BRGYAD LA 'GOG PA SPEL NAS LUGS LDOG TU SNYOMS PAR 'JUG PA YANG YOD PA'I PHYIR TE, GSER PHRENG LAS, YAR 'GOG PA

105a

, ,DANG; MAR 'DOD SEMS SPEL BA CI ZHE NA, DBANG THOB PA RNAMS KYI DGA' MGUR SPYOD PAS MCHOG YIN PA'I PHYIR, 'DI NI MTSON PA TZAM MO, ,ZHES GSUNGS PA'I PHYIR, BDUN PA NI, BSAM GTAN SPEL GOMS BYAS PA CHOS CAN, DGOS PA YOD DE, TING NGE 'DZIN LA RTZAL BYANG BAR BYA BA'I CHED YIN PA'I PHYIR, 'O NA, 'GOG PA DANG 'DOD SEMS KHO NA SPEL BA'I RGYU MTSAN CI YIN ZHE NA, DE'I RGYU MTSAN YOD DE, 'GOG SNYOMS DES KHAMS GSUM GYI SEMS KYI NANG NAS SHIN TU PHRA BAR BYAS NAS SNYOMS PAR 'JUG ,'DOD SEMS DE KHAMS GSUM GYI SEMS KYI NANG NAS RAGS PA MTHAR THUG PA YIN PAS, KHAMS GSUM GYI SEMS PHRA RAGS GNYIS SPEL BA'I TING NGE 'DZIN LA RTZAL BYANG TSUL CHES LHAG PAR GYUR PA'I DGOS PA YOD PA'I PHYIR, DES NAS DANG PO'I SGOM LAM LA GNAS PA'I BYANG SEMS 'PHAGS PAS SBYOR BA SENG GE RNAM BSGYINGS KYI TING NGE 'DZIN LA SNYOMS PAR 'JUG PA CHOS CAN, DGOS PA YOD DE, THOD RGAL GYI SNYOMS 'JUG THOB PAR BYA BA'I CHED YIN PA'I PHYIR, THOD RGAL GYI SBYOR BA GNYIS SNGON DU BTANG BA'I SA GNYIS PA PA CHOS CAN, YAR SONG THOD RGAL DU SNYOMS PAR 'JUG PA YIN TE, BSAM GZUGS BRGYAD LA 'GOG PA SPEL NAS LUGS MTHUN DU SNYOMS PAR 'JUG PA'I BYANG SEMS SGOM LAM PA YIN PA'I PHYIR, DE 'DRA'I BYANG SEMS SGOM LAM PA DES YAR SONG THOD RGAL LA SNYOMS PAR 'JUG PA'I RJES SU SRID RTZE'I NUD CHUNG BYAS PA CHOS CAN, DGOS PA YOD DE, MTSAMS 'DZIN GYI 'DOD SEMS MNGON DU BYED PA LA DPA' BAR BYA BA'I CHED YIN

105b

BA'I PHYIR, DES MTSAMS 'DZIN GYI 'DOD SEMS MNGON DU BYAS PA CHOS CAN, DGOS PA YOD DE, MAR 'ONG THOD RGAL LA SNYOMS PAR 'JUG PAR BYA BA'I CHED YIN PA'I PHYIR, SRID RTZE'I NUD CHUNG DANG MTSAMS 'DZIN GYI 'DOD SEMS SNGON DU BTANG BA'I SA GNYIS PA BA CHOS CAN, MAR 'ONG THOD RGAL DU SNYOMS PAR 'JUG PA YIN TE, MTHAR GNAS SNYOMS 'JUG DGU LA 'DOD SEMS SPEL NAS LUGS LDOG TU SNYOMS PAR 'JUG PA'I BYANG SEMS SGOM LAM PA YIN PA'I PHYIR RO, ` , GNYIS PA SPANG BYA RTOG PA BSHAD PA LA, MTSAMS SBYAR BA, DON BSHAD PA, GNYEN PO MTSON TSUL DANG GSUM LAS, DANG PO NI, SGOM LAM RTZE SBYOR DE BSHAD PA'I 'OG TU SGOM SPANG RTOG PA BSHAD PA LA DGOS PA YOD DE, SGOM LAM RTZE SBYOR DE LA SPANG BYA SPONG BA'I PHYIR, MI MTHUN PHYOGS RTOG PA RNAM PA BZHI BRJOD DGOS PA'I PHYIR, ZHES 'CHAD PA LA, DE LTAR SGOM PA'I LAM BRJOD NAS DE LA SPANG BA'I PHYIR MI MTHUN PA'I PHYOGS RNAM PA BZHI BRJOD DGOS PAS, ZHES GSUNGS, GNYIS PA LA, GZUNG RTOG DANG, 'DZIN RTOG BSHAD PA'O, ,DANG PO LA SGOM SPANG SHES SGRIB 'JUG PA GZUNG RTOG DANG, DE LDOG PA GZUNG RTOG GNYIS LAS, DANG PO LA, MDO DANG, BSTAN BCOS GNYIS LAS, DANG PO NI, RAB 'BYOR GYIS GSOL PA, BCOM LDAN 'DAS BYANG CHEN GYIS GNAS MANG POR YANG BSLAB PAR BGYI BA GANG LA YANG BSLAB PAR MI BGYI'O, ,ZHES SOGS GSUNGS, GNYIS PA LA, GSUM LAS, DANG PO NI, SGOM SPANG RTOG PA BZHI YOD PA'I NANG NAS RE SHIG DANG POR SGOM SPANG

106a

, ,SHES SGRIB GZUNG RTOG DGU PO DE 'CHAD DO, ,ZHES MTSAMS SBYOR BA LA, RE SHIG GZUNG BA'I RNAM PAR RTOG PA DANG PO, ZHES GSUNGS, GNYIS PA NI, MDO DE'I DON BSHAD PA LA, MDOR BSDUS RGYAS DANG SANGS RGYAS KYI; ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, MDOR BSDUS PA, ZHES SOGS GSUNGS, 'DI LA YANG RTOG PA'I YUL, NGO BO, GNYEN PO DANG GSUM LAS, DANG PO NI, MDOR BSDUS RGYAS DANG SANGS RGYAS KYI; ;ZHES DANG, MDOR BSDUS PA, ZHES SOGS KYIS 'CHAD, GNYIS PA NI, GZUNG BA'I RNAM RTOG 'DI GCIG STE, ,ZHES DANG, GZUNG BA'I RNAM PAR RTOG PA DANG PO GNAS SKABS 'DIR SPANG BAR BYA BA NYID KYIS, ZHES 'CHAD, GSUM PA NI, SBYOR BA'I RNAM PA'I SPYOD YUL CAN, ,ZHES DANG, SGOM PA'I LAM GYI SBYOR BA'I GNAS SKABS KYI YUL CAN RNAM PA DGU'O, ,ZHES GSUNGS, DANG PO LA YANG YUL RNAM PA DGU YOD PA DE BSDU NA GSUM DU 'DU BA YIN TE, SHES BYA, SHES PA PO, SHES BYED KYI LAM DANG GSUM DU 'DU BA'I PHYIR, DE YANG DANG PO'I DBANG DU BYAS PA'I CHOS MDOR BSDUS PA DANG RGYAS PA LA RNAM PAR RTOG PA GNYIS STON PA LA, BCOM LDAN 'DAS KYIS BKA' STZAL PA, RAB 'BYOR DE DE BZHIN NO, DE DE BZHIN TE, RAB 'BYOR BYANG CHEN GYIS GNAS MANG POR YANG BSLAB PAR BYA BA STE GANG LA YANG BSLAB PAR BYA'O, ,DE CI'I PHYIR ZHE NA, DE NI 'DI LTAR GANG LA BYANG CHEN BSLAB PAR BYA BA'I CHOS DE DAG MI DMIGS SO, ,ZHES PA NAS, DE BZHIN GSHEGS PAS CHOS DE DAG MDO DANG

106b

RGYAS PAR BSTAN NA DE BYANG CHEN BLA MED RDZOGS BYANG DU MNGON 'TSANG RGYA BAR 'TSAL BAS PHAR PHYIN DRUG PO 'DI DAG MDO DANG RGYAS PAR KUN CHUB PAR BGYI'O, ,ZHES SOGS GSUNGS, GAL TE JI SKAD DU BSTAN PA'I SHER PHYIN LA SLOB CING BSLABS NAS KYANG SBYIN PA'I PHAR PHYIN DANG, ZHES PA NAS, 'JIG RTEN GYI KHAMS GRANGS MED PA DAG NA SANGS RGYAS BCOM LDAN 'DAS GANG JI SNYED CIG BZHUGS SHING 'TSO SKYONG BA DANG CHOS STON PA DE DAG KYANG BYANG CHEN SHER PHYIN LA SPYOD PA DE DAG LA DGONGS PA MDZAD DO, ,ZHES SOGS GSUNGS, DE'I DON 'CHAD PA LA, MDOR BSDUS RGYAS DANG, ZHES DANG, MDOR BSDUS PA LA DGA' BA'I SEMS CAN RJES SU 'DZIN PAS CHOS MDOR BSDUS PA DANG, RGYAS PA LA DGA' BA'I SEMS CAN RJES SU 'DZIN PAS CHOS RGYAS PA DANG, ,ZHES GSUNGS, GNYIS PA'I DBANG DU BYAS NAS, SANGS RGYAS KYIS YONGS SU BTANG STE GZUNG BA LA RNAM PAR RTOG PA DE STON PA LA, MDO DON GNYIS PA 'DI GSUNGS, DE'I DON 'CHAD PA LA, SANGS RGYAS KYIS, ,BTANG BAS YONGS SU MA BZUNG DANG, ,ZHES DANG, JI SKAD BSHAD PA BZHIN DON LA NAN TAN MI BYED PAS SANGS RGYAS KYIS BTANG STE YONGS SU MA BZUNG BA DANG, ZHES GSUNGS, GSUM PA'I DBANG DU BYAS PA LA DRUG YOD PA'I DANG PO, SBYOR BA'I LAM MED PA'I RNAM PAR RTOG PA DANG, MTHONG BA'I LAM MED PA'I RNAM PAR RTOG PA DANG, SGOM PA'I LAM MED PA'I RNAM PAR RTOG PA GSUM STON PA LA, BYANG CHEN GANG DE LTAR BSTAN PA'I SHER PHYIN LA GNAS PA 'DI NI PHYIR MI LDOG PAR RIG PAR BYA STE, ZHES

107a

, ,SOGS DANG, SHER PHYIN MNGON PAR BSGRUB PA DANG, ZHES DANG, SHER PHYIN SGOM PAR BYED PA STE, DE LA PHAN YON 'DI DAG YOD PAR RIG PAR BYA'O, ,ZHES SOGS GSUNGS, DE'I DON 'CHAD PA LA, DUS GSUM YON TAN MED PA DANG, ,ZHES DANG, BYUNG BA 'GAGS PA NYID KYIS SBYOR BA'I LAM GYI YON TAN MED PA DANG, YANG DAG PAR SKYE BA'I RGYU DANG MI LDAN PAS MTHONG BA'I LAM GYI YON TAN MED PA DANG, MA 'ONGS PA MED PA NYID KYIS SGOM PA'I LAM GYI YON TAN MED PA DANG, ZHES GSUNGS, BZHI PA SBYOR BA'I LAM MI SHES PA'I RNAM PAR RTOG PA DANG, MTHONG BA'I LAM MI SHES PA'I RNAM PAR RTOG PA DANG, SGOM PA'I LAM MI SHES PA'I RNAM PAR RTOG PA GSUM STON PA LA, GSOL BA BCOM LDAN 'DAS JI LTAR SHER PHYIN LA SPYAD PAR BGYI, JI LTAR SHER PHYIN LA MNGON PAR BSGRUB PAR BGYI, JI LTAR SHER PHYIN BSGOM PAR BGYI, BCOM LDAN 'DAS KYIS BKA' STZAL PA, GZUGS ZHI BA DANG GZUGS RAGS PA DANG, GZUGS GSOG DANG GZUGS SNYING PO MED PAS SHER PHYIN LA SPYAD PAR BYA'O, ,ZHES SOGS DANG, GANG YANG 'DI SKAD DU SHER PHYIN MNGON PAR BSGRUB PAR BYA ZER BA NI NAM MKHA' STONG PA NYID MNGON PAR BSGRUB PAS SHER PHYIN MNGON PAR BSGRUB PAR BYA'O, ,ZHES DANG, GANG YANG 'DI SKAD DU JI LTAR SHER PHYIN BSGOM PAR BYA ZHES ZER BA NI NAM MKHA' STONG PA NYID DU SGOM PAS SHER PHYIN LA BSGOM PAR BYA'O, ,ZHES GSUNGS, DE'I DON 'CHAD PA LA, LEGS

107b

PA'I LAM NI RNAM GSUM LA, ,ZHES DANG, PHYIN CI LOG ZHI PA NYID LA SOGS PAS MYA NGAN LAS 'DAS PAR SBYOR BA'I LAM DANG, STONG PA NYID MNGON PAR SGRUB PA NYID KYIS MTHONG BA'I LAM DANG, RANG BZHIN MED PAR SGOM PAR BYED PA NYID KYIS SGOM PA'I LAM LA, ZHES GSUNGS, GZHUNG DON NI, 'DIR BSTAN SGOM SPANG SHES SGRIB 'JUG PA GZUNG RTOG CHOS CAN, KHYOD LA DU MAR YOD DE, KHYOD LA YUL GYI SGO NAS DGU YOD PA'I PHYIR, KHYOD KYI YUL DE LA DGUR YOD PA'I PHYIR TE, CHOS GSUNG RAB MDOR BSDUS MI SHES PA'I RNAM PAR RTOG PA DANG, RGYAS PA MI SHES PA'I RNAM PAR RTOG PA DANG, SANGS RGYAS KYIS BTANG BA MED PA'I MI SHES PA'I RNAM PAR RTOG PA DANG, SBYOR BA'I LAM MED PA'I MI SHES PA'I RNAM PAR RTOG PA DANG, MTHONG BA'I LAM MED PA'I MI SHES PA'I RNAM PAR RTOG PA DANG, SGOM PA'I LAM MED PA'I MI SHES PA'I RNAM PAR RTOG PA DANG, SBYOR BA'I LAM MI SHES PA'I RNAM PAR RTOG PA DANG, MTHONG BA'I LAM MI SHES PA'I RNAM PAR RTOG PA DANG, SGOM PA'I LAM MI SHES PA'I RNAM PAR RTOG PA RNAMS SU YOD PA'I PHYIR, RTOG PA DE DAG GIS YUL DGU PO DE DAG LA RTOG TSUL YOD DE, RGYAN SNANG LAS, SGYU MA LTA BUR BDAG GIS 'JUG PAR BYA'O ZHES DE LTAR 'JUG PA'I PHYOGS LA BRTEN PA'I GZUNG BA'I RNAM PAR RTOG PA, ZHES GSUNGS PA LTAR SGYU MA LTA BUR 'JUG BYAR ZHEN PA YIN PA'I PHYIR, RTOG PA DE RNAMS CHOS CAN, SGOM LAM RTZE SBYOR GYI SPANG BAR BYA BA YIN TE, SGOM LAM RTZE SBYOR THOB LA YONGS SU

108a

, ,MA RDZOGS PA NYER BSDOGS KYI GNAS SKABS 'DIR SPANG BAR BYA BA NYID YIN PA'I PHYIR, ` GNYIS PA SGOM SPANG SHES SGRIB LDOG PA GZUNG RTOG BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MDO LAS, RAB 'BYOR GYIS GSOL BA BCOM LDAN 'DAS BYANG CHEN SHER PHYIN LA YUN RING PO JI SRID GCIG TU SPYAD NA SHER PHYIN LA SPYAD PAR 'GYUR, ZHES SOGS GSUNGS, GNYIS PA LA GSUM LAS, DANG PO NI, DE LTAR GZUNG RTOG DANG PO BSTAN NAS GZUNG RTOG GNYIS PA LDOG PA GZUNG RTOG DGU 'CHAD DO, ,ZHES MTSAMS SBYOR BA LA, DE LTAR DANG PO BSTAN NAS GZUNG BA'I RNAM PAR RTOG PA GNYIS PA, ZHES GSUNGS, GNYIS PA NI, MDO DE'I DON 'CHAD PA LA, GNYIS PA SEMS DANG SEMS BYUNG RNAMS, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, DGE BA'I BSHES GNYEN LA SOGS PA DANG, ZHES SOGS GSUNGS, 'DI LA YANG, RTOG PA'I YUL, NGO BO, GNYEN PO DANG GSUM LAS, DANG PO NI, SEMS MI SKYED DE BYANG CHUB KYI, ,ZHES SOGS DANG, DGE BA'I BSHES GNYEN LA SOGS PA, ZHES SOGS KYIS 'CHAD, GNYIS PA NI; GNYIS PA, ZHES DANG, GZUNG BA'I RNAM PAR RTOG PA GNYIS PA, ZHES 'CHAD, GSUM PA NI, SEMS DANG SEMS BYUNG RNAMS, ,'JUG PA'I YUL CAN YIN BZHED DE, ,ZHES DANG, GNAS SKABS DON SPANG BAR BYA BA NYID GYIS SGOM

108b

PA'I LAM GYI SEMS DANG SEMS LAS BYUNG BA 'JUG PA'I GNAS SKABS KYI YUL CAN RNAM PA DGU'O, ,ZHES GSUNGS, DANG PO LA YANG YUL GYI SGO NAS RNAM PA DGU YOD PA'I PHYIR, DANG PO BYANG CHUB KYI SEMS MI SKYED PA'I RNAM PAR RTOG PA DE STON PA LA, BCOM LDAN 'DAS KYIS BKA' STZAL PA SEMS DANG PO BSKYED PA NAS NYE BAR BZUNG STE, ZHES GSUNGS, DE'I DON 'CHAD PA LA, SEMS MI SKYE DANG, ZHES DANG, DGE BA'I BSHES GNYEN LA SOGS PA DANG BRAL BAS BYANG CHUB KYI SEMS MI SKYE BA DANG, ZHES GSUNGS, GNYIS PA, BYANG CHUB KYI SNYING PO THOB BYAR YID LA MI BYED PA DE STON PA LA, SNYING PO BYANG CHUB LA 'DUG GI BAR DU SHER PHYIN LA SPYAD PAR BYA'O, ,DE LTAR MNGON PAR BSGRUB PAR BYA'O, ,DE LTAR BSGOM PAR BYA'O, ,ZHES GSUNGS, DE'I DON 'CHAD PA LA, BYANG CHUB KYI, ,SNYING PO YID LA MI BYED DANG, ,ZHES DANG, SANGS RGYAS LA DMIGS PA'I BSOD NAMS KHYAD PAR DU 'PHAGS PA MED PAS BYANG CHUB KYI SNYING PO YID LA MI BYED PA DANG, ZHES GSUNGS, GSUM PA NYAN THOS KYI THEG PA THOB BYAR YID LA BYED PA DANG, BZHI PA RANG SANGS RGYAS KYI THEG PA THOB BYAR YID LA BYED PA GNYIS STON PA LA, GSOL BA BCOM LDAN 'DAS JI LTAR SEMS GZHAN GYI GO SKABS MI 'BYED PAS SHER PHYIN LA SPYAD PAR BGYI, BCOM LDAN 'DAS KYIS BKA' STZAL PA, YID LA BYA BA GZHAN GYI GO SKABS MI 'BYED PAS SHER PHYIN LA SPYAD PAR BYA'O, ,SHER PHYIN MNGON PAR BSGRUB PAR BYA'O, ,SHER PHYIN LA BSGOM PAR BYA'O, ,ZHES GSUNGS,

109a

, ,DE'I DON 'CHAD PA LA, THEG PA DMAN PA YID BYED DANG, ,ZHES DANG, NYAN THOS KYI RIGS CAN NYID KYI PHYIR DE'I THEG PA YID LA BYED PA DANG, RANG SANGS RGYAS KYI RIGS CAN NYID KYI PHYIR DE'I THEG PA MNGON DU BYED PA DANG, ZHES GSUNGS, LNGA PA YANG DAG PAR RDZOGS PA'I BYANG CHUB THOB BYAR YID LA MI BYED PA'I RNAM PAR RTOG PA STON PA LA, RAB 'BYOR RNAM MKHYEN NYID YID LA BYA BA MI 'DOR BAS JI LTAR SEMS DANG SEMS LAS BYUNG BA'I CHOS RNAMS MI 'JUG PA DE LTAR SHER PHYIN LA SPYAD PAR BYA, SHER PHYIN MNGON PAR BSGRUB PAR BYA, SHER PHYIN LA BSGOM PAR BYA'O, ,ZHES SOGS GSUNGS, DE'I DON 'CHAD PA LA, RDZOGS PA'I BYANG CHUB YID MI BYED, ,CES DANG, SHER PHYIN SGRUB PA MED PAS YANG DAG PAR RDZOGS PA'I BYANG CHUB YID LA MI BYED PA DANG, ZHES GSUNGS, DRUG BSGOM PA'I RNAM PAR RTOG PA DE STON PA LA, GSOL BA, BCOM LDAN 'DAS 'O NA CI LA SGOM PAR BYED PAS RNAM MKHYEN NYID 'THOB BAM, BCOM LDAN 'DAS KYIS BKA' STZAL PA RAB 'BYOR DE NI MA YIN NO, ,ZHES GSUNGS, DE'I DOG 'CHAD PA LA, SGOM DANG, ZHES DANG, DMIGS PA DANG BCAS PA NYID KYIS SGOM PA DANG, ZHES GSUNGS, 'DUN PA SGOM PA MED PA'I RNAM PAR RTOG PA DE STON PA LA, GSOL BA 'O NA CI LAGS MA BSGOMS PAS RNAM MKHYEN NYID 'THOB BAM, BCOM LDAN 'DAS KYIS BKA' STZAL BA RAB 'BYOR DE NI MA YIN NO, ,ZHES GSUNGS, DE'I DON 'CHAD PA LA, SGOM PA MED PA DANG, ,ZHES DANG, DMIGS PA MED PA NYID KYIS SGOM

109b

PA MED PA DANG, ZHES DANG, BRGYAD PA BSGOMS PAS KYANG MA YIN MA BSGOMS PAS KYANG MA YIN PA'I RNAM PAR RTOG PA DE STON PA LA, GSOL BA 'O NA CI LAGS, BSGOMS KYANG BSGOMS LAM BSGOMS KYANG MA BSGOMS PAS RNAM MKHYEN NYID 'THOB BAM ,BCOM LDAN 'DAS KYIS BKA' STZAL PA, DE NI MA YIN NO, ,GSOL BA 'O NA CI LAGS BSGOMS PA YANG MA LAGS MA BSGOMS PA YANG MA LAGS PAS RNAM MKHYEN NYID 'THOB BAM, BCOM LDAN 'DAS KYIS BKA' STZAL PA, DE NI MA YIN NO, ,ZHES GSUNGS, DE'I DON 'CHAD PA LA; DE DAG LAS NI LDOG NYID DANG, ,ZHES DANG, DMIGS PA YANG MED MA DMIGS PA YANG MED PAS SGOM PA YANG MED SGOM PA MED PA YANG MA YIN PA DANG, ZHES GSUNGS, DGU PA DON JI LTA BA BZHIN MA YIN PA'I RNAM PAR RTOG PA DE STON PA LA, GSOL BA BCOM LDAN 'DAS 'O NA RNAM MKHYEN JI LTAR 'THOB PAR BGYI, BCOM LDAN 'DAS KYIS BKA' STZAL PA, DE BZHIN NYID JI LTA BA BZHIN NO, ,GSOL BA DE BZHIN NYID JI LTA BU LEGS, BCOM LDAN 'DAS KYIS BKA' STZAL PA YANG DAG PA'I MTHA' JI LTA BA BZHIN NO, ,GSOL BA YANG DAG PA'I MTHA' JI LTA BU LAGS, BCOM LDAN 'DAS KYIS BKA' STZAL BA CHOS KYI DBYINGS JI LTA BA BZHIN NO, ,ZHES GSUNGS, DE'I DON 'CHAD PA LA, JI BZHIN DON MIN RNAM RTOG PA, , ZHES DANG, PHYIN CI LOG TU MNGON PAR ZHEN PAS DON JI LTA BA BZHIN MA YIN PA NYID LA, ZHES GSUNGS, GZHUNG DON NI, SKABS 'DIR BSTAN GYI SGOM SPANG SHES SGRIB 'JUG PA GZUNG RTOG CHOS CAN, KHYOD LA RNAM PA DGUR DBYER YOD DE, KHYOD

110a

, ,LA YUL GYI SGO NAS RNAM PA DGUR YOD PA'I PHYIR TE, KHYOD LA BYANG CHUB KYI SNYING PO YID LA MI BYED PA'I RNAM PAR RTOG PA NAS, DON JI LTA BA BZHIN MA YIN PA'I RNAM PAR RTOG PA'I BAR DGUR YOD PA'I PHYIR, YUL DGUR YOD DE; THEG DMAN GYI TSOGS LAM GYI DBANG DU BYAS PA GNYIS, THEG DMAN GYI SBYOR LAM GYI DBANG DU BYAS PA GNYIS, THEG DMAN GYI MTHONG LAM GYI DBANG DU BYAS PA GCIG, THEG DMAN GYI SGOM LAM GYI DBANG DU BYAS PA GCIG, THEG DMAN GYI MI SLOB LAM GYI DBANG DU BYAS PA GCIG DE DAG PAS ZLOG PA'I DBANG DU BYAS PA GCIG ,PHYIN CI LOG TU GOL BA'I DBANG DU BYAS PA GCIG STE DGUR YOD PA'I PHYIR, RTOG PA DGU PO DES YUL DGU PO DE LA RTOG TSUL YOD DE, DNGOS POR ZHEN PA'I SGO NAS 'DI NI BDAG GI LDOG BYA'O SNYAM DU RTOG PA'I PHYIR, RTOG PA DE RNAMS CHOS CAN, SGOM LAM RTZE SBYOR GYI SPANG BYA YIN TE, SGOM LAM RTZE SBYOR THOB PA YONGS SU RDZOGS PA'I GNAS SKABS KYI SPANG BAR BYA BA NYID YIN PA'I PHYIR, ` GNYIS PA 'DZIN RTOG BSHAD PA LA, RDZAS 'DZIN RTOG PA DANG, BTAGS 'DZIN RTOG PA GNYIS LAS, DANG PO LA, MDO DANG BSTAN BCOS GNYIS LAS, DANG PO NI, GSOL BA BCOM LDAN 'DAS CHOS KYI JI LTA BU LAGS, ZHES SOGS KYIS 'CHAD, GNYIS PA LA GSUM LAS, DANG PO NI, DE LTAR GZUNG RTOG DANG PO BSTAN ZIN NAS, 'DZIN RTOG DANG PO RDZAS 'DZIN RTOG PA DE YUL GYI SGO NAS DGUR PHYE NAS 'CHAD DO, ,ZHES MTSAMS SBYOR BA LA, DE

110b

LTAR GNYIS PA BSTAN NAS 'DZIN PA'I RNAM PAR RTOG PA DANG PO, ZHES GSUNGS, GNYIS PA NI, MDO DE'I DON 'CHAD PA LA, SEMS CAN BTAGS PA'I SPYOD YUL DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, RDZAS SU YOD PAR, ZHES SOGS GSUNGS, DE LA YANG RTOG PA'I NGO BO, YUL, 'DZIN STANGS, GNYEN PO DANG BZHI LAS, DANG PO NI, 'DZIN PAR BYED PA DANG POR STE, ,SHES PAR BYA BA BSGRAGS PA YIN, ,ZHES PAS 'CHAD DO,, GNYIS PA NI, SEMS CAN, ZHES SOGS DANG, RDZAS SU YOD PAR, ZHES SOGS KYIS 'CHAD, GSUM PA NI, SNGA MA BZHIN DU 'DZIN PAR RNAM PAR RTOG PA, ZHES SOGS KYIS 'CHAD, BZHI PA NI, SGOM PA'I LAM GYI SBYOR BA'I GNAS SKABS KYI YUL CAN RNAM PA DGU'O, ,ZHES 'CHAD, GNYIS PA LA YANG, YUL DANG, YUL CAN DANG, LAM GYI DBANG DU BYAS PA DANG GSUM LAS, DANG PO LA, GANG ZAG GI BDAG MED KYI DBANG DU BYAS PA'I SEMS CAN DU BTAGS PA'I RNAM PAR RTOG PA DANG, CHOS KYI BDAG MED KYI DBANG DU BYAS PA CHOS SU BTAGS PA'I RNAM PAR RTOG PA GNYIS STON PA LA, GSOL BA BCOM LDAN 'DAS CHOS KYI JI LTA BU LAGS, BCOM LDAN 'DAS KYIS BKA' STZAL PA, BDAG GI KHAMS DANG SEMS CAN GYI KHAMS DANG SROG GI KHAMS DANG GANG ZAG GI KHAMS JI LTAR BZHIN NO, ,ZHES SOGS DANG, GSOL BA BCOM LDAN 'DAS 'O NA BYANG CHEN SHER PHYIN LA SPYOD PAS GZUGS BSLAB PA DANG RNAM MKHYEN GYI BAR LA BSLAB PAR BGYI'AM, ZHES GSUNGS, DE'I DON

111a

, ,'CHAD PA LA, SEMS CAN BTAGS PA'I SPYOD YUL DANG, ,CHOS BTAGS PA DANG, ZHES DANG, RDZAS SU YOD PAR MI SKYE BAS SEMS CAN DU BTAGS PA DANG, SNANG BA TZAM DU ZAD PA'I PHYIR CHOS SU BTAGS PA DANG, ZHES GSUNGS, GNYIS PA LA, YUL CAN GYI DBANG DU BYAS PAS STONG PA NYID MA YIN PA'I RNAM PAR RTOG PA STON PA LA, BCOM LDAN 'DAS KYIS BKA' STZAL PA GZUGS LA 'BRI BA DANG BSNAN BA MED PAR BSLAB PAR BYA'O, ,ZHES SOGS GSUNGS, DE'I DON 'CHAD PA LA, STONG MIN NYID, ,CES DANG, THAMS CAD DU 'GRO BA'I PHYIR RNAM PA THAMS CAD MKHYEN PA NYID LA SOGS PA'I CHOS STONG PA MA YIN PA NYID DANG, ZHES GSUNGS, GSUM PA LA, 'PHAGS LAM DANG, BYIS PA'I LAM GNYIS LAS, DANG PO LA THABS SHES GNYIS LAS, DANG PO'I DBANG DU BYAS NAS THEG DMAN GYI SHES RAB KYI DBANG DU BYAS PA'I CHOS THAMS CAD LA CHAGS PA'I RNAM PAR RTOG PA DANG, THEG CHEN GYI SHES RAB KYI DBANG DU BYAS PA'I CHOS RAB TU RNAM PAR 'BYED PA'I RNAM PAR RTOG PA STON PA LA, GSOL PA BCOM LDAN 'DAS GAL TE DE LTAR BYANG CHEN SHER PHYIN LA SPYOD PA'I TSE DMIGS PA LA YANG MI CHAGS MI DMIGS PA LA YANG MI CHAGS NA 'O NA JI LTAR BYANG CHEN SHER PHYIN LA SPYOD PAS SA NAS SA YONGS SU RDZOGS PAR BGYI, ZHES SOGS DANG, GSOL BA BCOM LDAN 'DAS GAL TE DE LTAR BYANG CHEN SHER PHYIN DMIGS SU MA MCHIS PA STE, GANG YANG BYANG CHUB TU SPYOD PA DE YANG DMIGS SU MA MCHIS PA

111b

LAGS NA, BLA MED RDZOGS BYANG GI BAR DU DMIGS PAR 'GYUR BA DE LTAR CHOS RNAMS RAB TU DBYE BAR BGYI'O, ,ZHES GSUNGS, DE'I DON 'CHAD PA LA, CHAGS DANG RAB 'BYED BDAG NYID DANG, ,ZHES DANG, RNAM PA THAMS CAD DU MNGON PAR ZHEN PA MA SPANGS PAS CHOS LA CHAGS PA DANG, NGO BO NYID MED PAR RTOGS PAS TSES RAB TU RNAM PAR 'BYED PA DANG, ZHES GSUNGS, GNYIS PA LA YANG, THEG DMAN GYI THABS KYI DBANG DU BYAS PA'I DNGOS PO'I CHED DU BYA BA SGRUB PAR BYED PA'I RNAM PAR RTOG PA DANG, THEG CHEN GYI DE'I DBANG DU BYAS PA'I THEG PA GSUM GYIS NGES PAR 'BYUNG BA'I RNAM PAR RTOG PA GNYIS STON PA LA, GSOL PA BCOM LDAN 'DAS DE LTAR BYANG CHEN GZUGS KYANG MI DMIGS, ZHES SOGS DANG, GSOL BA BCOM LDAN 'DAS GAL TE DE LTAR CHOS THAMS CAD MA BGYIS PA STE, MNGON PAR 'DU MA BGYIS PA LAGS NA, 'O NA JI LTAR NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN PO DANG THEG PA GSUM PO 'DI DAG RNAM PAR DGOD PAR 'GYUR, BCOM LDAN 'DAS KYIS BKA' STZAL PA, RAB 'BYOR 'DU MA BYAS MNGON PAR 'DU MA BYAS PA'I CHOS RNAMS LA NI RNAM PAR DGOD PA GANG YANG DMIGS SU MED DE, ZHES SOGS GSUNGS, DE'I DON 'CHAD PA LA; DNGOS POR BYED DANG THEG GSUM DANG, ,ZHES DANG, CHED DU BYA BA MI BYED PAS DNGOS PO'I CHED DU BYA BA BYED PA DANG, GZUGS LA SOGS PA LA MI DMIGS PA'I PHYIR THEG PA GSUM GYIS NGES PAR 'BYUNG BA DANG, ZHES GSUNGS

112a

, ,GNYIS PA LA YANG, LTA BA'I DBANG DU BYAS PA'I YON YONGS SU MA DAG PA LA RNAM PAR RTOG PA DANG, SPYOD PA'I DBANG DU BYAS PA'I SPYOD PA RNAM PAR 'KHRUGS PA LA RNAM PAR RTOG PA GNYIS STON PA LA, GSOL BA BCOM LDAN 'DAS GAL TE DE LTAR SPRUL PA DANG DE BZHIN GSHEGS PA LA KHYAD PAR MA MCHIS NA YON YONGS SU DAG PAR YANG JI LTAR 'GYUR NAS, DE BZHIN GSHEGS PA LA YON BSTABS PA DANG DE'I SPRUL PA LA YON BSTABS PA NI DE LTAR DON CHE'O, ,RAB 'BYOR RNAM GRANGS DES NA DE LTAR CHOS RNAMS KYI CHOS NYID BTZAN PAR BYAS PA DE BZHIN GSHEGS PA'I SPRUL PA LA BYE BRAG GANG YANG MED PAR RIG PAR BYA'O, ,ZHES DANG, RAB 'BYOR DE LTAR BYANG CHEN CHOS RNAMS KYI CHOS NYID KHONG DU CHUD PAR BYAS SHING SHER PHYIN LA SPYAD PAR BYA'O NAS, CHOS THAMS CAD MING MA MCHIS SHING MTSAN MA MA MCHIS PA LA JI LTAR MING DANG MTSAN MAS THA SNYAD DU MDZAD, CES GSUNGS, DE'I DON 'CHAD PA LA, YON NI DAG PA MA YIN DANG, ,SPYOD PA RNAM PAR 'KHRUGS PA LA, ,ZHES DANG, YANG DAG PAR RAB TU MA ZHUGS PA NYID KYIS YON MA DAG PA DANG, SBYIN PA LA SOGS PAR DMIGS TE SGRUB PAS SPYOD PA RNAM PAR 'KHRUGS PA LA, ZHES GSUNGS, GZHUNG DON NI, SKABS 'DIR BSTAN GYI SGOM SPANG SHES SGRIB RDZAS 'DZIN RTOG PA CHOS CAN, KHYOD LA RNAM PA DGUR YOD DE, KHYOD LA YUL GYI SGO NAS DBYE BAS RNAM PA DGUR YOD PA'I PHYIR, KHYOD LA SEMS CAN DU BTAGS PA LA RNAM PAR RTOG

112b

NAS; SPYOD PA RNAM PAR 'KHRUGS PA LA RNAM PAR RTOG PA'I BAR DGUR YOD PA'I PHYIR, RTOG PA DE DAG GIS YUL DGU PO DE LA RTOG TSUL YOD DE, YUL DGU PO DE DAG DANG LDAN PA'I CHOS LA RDZAS YOD KYIS 'DZIN PA PO'I BDAG GO SNYAM DU ZHEN NAS 'DZIN PA'I PHYIR, RTOG PA DE RNAMS CHOS CAN, SGOM LAM RTZE SBYOR GYI SPANG BYA YIN TE, SGOM LAM RTZE SBYOR THOB LA YONGS SU MA RDZOGS PA'I SBYOR BA NYER BSDOGS KYI GNAS SKABS SU SPANG BAR BYA BA YIN PA'I PHYIR, ` GNYIS PA LA, MDO DANG BSTAN BCOS GNYIS LAS, DANG PO NI, BTAGS 'DZIN RTOG PA SPYIR BSTAN PA LA, BCOM LDAN 'DAS KYIS BKA' STZAL PA, RAB 'BYOR THA SNYAD NI MING DANG MTSAN MA LA MNGON PAR ZHEN PA YIN TE, RAB 'BYOR 'DI NI MING LA THA SNYAD BYED PA MIN CING MTSAN MA DANG MNGON PAR ZHEN PA LA THA SNYAD DU BYED PA YANG MA YIN NO, ,NAS, MING DANG MTSAN MA DE LA SKYE BA DANG 'JIG PA DANG GNAS PA LAS GZHAN DU 'GYUR BA MA YIN NO, ,ZHES GSUNGS, DE SO SOR STON PA LA, GSOL PA RNAM MKHYEN NYID RNAM MKHYEN NYID CES BYA'AM, ZHES SOGS GSUNGS, GNYIS PA LA, MTSAMS SBYAR DANG, DON BSHAD PA'O, ,DANG PO NI, DE LTAR 'DZIN RTOG DANG PO RDZAS 'DZIN RTOG PA BSTAN NAS DE'I 'OG TU 'DZIN RTOG GNYIS PA BTAGS 'DZIN RTOG PA DE STON NO, ,ZHES 'CHAD PA LA, DE LTAR DANG PO BSTAN NAS 'DZIN PA'I RNAM PAR RTOG PA GNYIS PA, ZHES GSUNGS, GNYIS PA LA MDOR BSTAN DANG, RGYAS BSHAD GNYIS LAS, DANG PO LA, RTZA 'GREL GNYIS LAS, DANG PO NI,

113a

, ,MDO DE'I DON MDOR BSTAN GYI SGO NAS 'CHAD PA LA, SEMS CAN BTAGS DANG DE RGYU YI, ,ZHES SOGS GSUNGS, GNYIS PA NI, DE NYID TSIG DON GYI SGO NAS 'CHAD PA LA, MI MTHUN PA'I PHYOGS, ZHES SOGS GSUNGS, DE LA YANG, RTOG PA'I DBYE BA, MI MTHUN PHYOGS SU BSTAN PA, YUL DANG GSUM LAS, DANG PO NI, GZHAN RNAM PA DGU, ZHES DANG, RNAM PA DGU'O, ,ZHES 'CHAD, GNYIS PA NA, DE YIS RNAM 'JOMS PAS, ,SGOM PA'I LAM DANG 'BREL BA YI, ,MI MTHUN PHYOGS, ZHES DANG, SGOM PA'I LAM GYIS YANG DAG PAR SPANG BAR BYA BA YIN PA'I PHYIR DE DANG 'BREL BA, ZHES SOGS KYIS 'CHAD, GSUM PA NI, SEMS CAN BTAGS DANG DE RGYU YI, ,YUL CAN, ZHES DANG, MI MTHUN PA'I PHYOGS 'DZIN PA'I RNAM PAR RTOG PA GNYIS PA SEMS CAN DU BTAGS PA DANG, DER RNAM PAR BZHAG PA'I RGYU SNANG BA TZAM GYI YUL CAN, ZHES 'CHAD, GZHUNG DON NI, SGOM SPANG SHES SGRIB RDZAS 'DZIN RTOG PA LAS GZHAN DE BTAGS 'DZIN RTOG PA CHOS CAN; KHYOD LA RNAM PA DGUR DBYER YOD DE, KHYOD LA YUL GYI SGO NAS DGUR YOD PA'I PHYIR, RTOG PA DE RNAMS CHOS CAN, SGOM LAM RTZE SBYOR DANG SPANG GNYEN DU 'BREL TE, SGOM LAM RTZE SBYOR DE'I RNAM PAR 'JOMS PAR BYED PA'I PHYIR, DE'I YUL YANG YOD DE, SKYE 'PHAGS KYI SEMS CAN DU THA SNYAD DU BTAGS PA DANG BTAGS PA DER RNAM PAR 'JOMS PA'I RGYU MTSAN GNYIS KYI YUL CAN YIN PA'I PHYIR, ` GNYIS PA LA GSUM LAS, DANG PO NI, 'DIR BAR SKABS KYI TSIGS BCAD

113b

GNYIS GSUNGS PA CHOS CAN, DGOS PA YOD DE, BTAGS 'DZIN RTOG PA DE JI LTAR RNAM PA DGU YIN ZHE NA, DE'I LAN BSTAN PAR BYA BA'I CHED YIN PA'I PHYIR, ZHES MTSAMS SBYOR BA LA, JI LTAR RNAM PA DGU YIN ZHE NA, BAR SKABS KYI TSIGS SU BCAD PA RNAM PA GNYIS KYIS GSUNGS PA, ZHES GSUNGS, GNYIS PA NI, MDO DE'I DON RGYAS PAR BSHAD PA LA, BDAG NYID JI BZHIN KUN MKHYEN NYID, ,CES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, RNAM PA THAMS CAD, CES SOGS GSUNGS, DE LA YANG, RTOG PA'I YUL, NGO BO, 'DZIN STANGS, GNYEN PO'O, ,DANG PO NI, BDAG NYID JI BZHIN KUN MKHYEN NYID, ,CES SOGS DANG, RNAM PA THAMS CAD, CES SOGS KYIS 'CHAD, GNYIS PA NI, RNAM PAR RTOG PA THA MAR BZHED,, CES DANG, SNGA MA BZHIN DU 'DZIN PA'I RNAM PAR RTOG PA THA MA, ZHES GSUNGS, GSUM PA NI, SGOM PA'I LAM GYI SEMS DANG SEMS LAS BYUNG BA 'JUG PA'I GNAS SKABS KYI YUL CAN RNAM PA DGUR BZHED PA YIN NO, ,ZHES 'CHAD, DANG PO LA YANG YUL GYI SGO NAS DGU YOD DE, BYANG SEMS LAM GYI SGRIB PA'I DBANG DU BYAS PA GSUM, NGO BO'I DBANG DU BYAS PA GCIG ,DMIGS PA'I DBANG DU BYAS PA GNYIS, KHYAD PAR GYI DBANG DU BYAS PA GCIG, SPANG BYA'I DBANG DU BYAS PA GCIG, LAM GYI RNAM PA'I DBANG DU BYAS PA GCIG RNAMS SU YOD PA'I PHYIR, DANG PO LA, RNAM MKHYEN SKYED PA'I SGRIB PA SEL BA'I THABS LA KUN DU RMONGS PA'I RNAM PAR RTOG PA DANG, LAM SHES SKYED PA'I SGRIB PA SEL BA'I THABS LA KUN DU RMONGS PA'I RNAM PAR RTOG

114a

, ,BA DANG, THAMS CAD SHES PA NYID SKYED PA'I SGRIB PA SEL BA'I THABS LA KUN TU RMONGS PA'I RNAM PAR RTOG PA GSUM STON PA LA, BCOM LDAN 'DAS KYIS BKA' BSTZAL PA, RNAM PA THAMS CAD MKHYEN PA NYID RNAM PA THAMS CAD MKHYEN PA NYID CES SMRA'O, ,NAS, BCOM LDAN 'DAS CI'I SLAD DU RNAM PA THAMS CAD MKHYEN PA NYID DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI LAGS, ZHES SOGS DANG, RAB 'BYOR GYIS GSOL GA BCOM LDAN 'DAS CI'I SLAD DU LAM SHES PA NYID BYANG CHUB SEMS DPA' RNAMS KYI LAGS, ZHES SOGS DANG, RAB 'BYOR GYIS GSOL BA, BCOM LDAN 'DAS CI'I SLAD DU THAMS CAD SHES PA NYID NYAN THOS DANG RANG SANGS RGYAS RNAMS KYI LAGS, ZHES SOGS GSUNGS, DE'I DON 'CHAD PA LA, BDAG NYID JI BZHIN KUN MKHYEN NYID, ,GSUM GYI SGRIB PA RNAM GSUM DANG, ,ZHES DANG, RNAM PA THAMS CAD YONGS SU MA SHES PAS RNAM PA THAMS CAD MKHYEN PA NYID KYI SGRIB PA LA KUN DU RMONGS BA DANG, LAM THAMS CAD YONGS SU MA SHES PAS LAM SHES PA NYID KYI SGRIB PA LA KUN DU RMONGS PA DANG, GZHI THAMS CAD YONGS SU MA SHES PAS THAMS CAD SHES PA NYID KYI SGRIB BA LA KUN DU RMONGS PA DANG, ZHES GSUNGS, GNYIS PA, SGRIB PA THAMS CAD ZHI BAR BYED PA'I LAM GYI NGO BO LA KUN DU RMONGS PA'I RNAM PAR RTOG PA DE STON PA LA, GSOL BA BCOM LDAN 'DAS CI LAGS BYANG CHEN GYI LAM LA GNAS TE YANG DAG PA'I MTHA'

114b

MNGON DU BGYI'AM, BCOM LDAN 'DAS KYIS BKA' STZAL PA MA YIN NO, ,NAS, SHER PHYIN 'DIS CHOS THAMS CAD KYI MCHOG GI TSUL BYED DE CHOS DE DAG KUN LA YANG 'KHOR BA MA DMIGS PAS DE'I PHYIR SHER PHYIN CES BYA'O, ,ZHES GSUNGS, DE'I DON 'CHAD PA LA, ZHI LAM, ZHES DANG, SHER PHYIN YONGS SU MA SHES PAS THAMS CAD ZHI BA'I LAM LA KUN DU RMONGS PA DANG, ZHES GSUNGS, GSUM PA LA, GZUGS SOGS SHES BYA DANG DE BZHIN NYID SOGS DANG LDAN PA DANG MI LDAN PA LA KUN DU RMONGS PA'I RNAM PAR RTOG PA DANG, SDUG BSNGAL SOGS BDEN BZHI'I GNAS LUGS KYI DON LA KUN DU RMONGS PA'I RNAM PAR RTOG PA STON PA LA, RAB 'BYOR GZHAN YANG SHER PHYIN 'DIR DE BZHIN NYID KYANG CHUD YANG DAG PA'I MTHA' YANG CHUD CHOS KYI DBYINGS KYANG CHUD DE, ZHES SOGS DANG, RAB 'BYOR GZHAN YANG BYANG CHEN SHER PHYIN 'DI'I DON SPYAD PAS MI RTAG PA'I DON NYID LA SPYAD PAR BYA'O, ,ZHES SOGS GSUNGS, DE'I DON 'CHAD PA LA, DE BZHIN NYID SOGS DANG, ,MTSUNGS PAR LDAN DANG MI LDAN DANG, ,ZHES DANG, SDUG BSNGAL LA SOGS DANG, ,ZHES DANG, GZUGS LA SOGS PA'I SHES BYA DANG, DE BZHIN NYID DAG YONGS SU MA SHES PAS DE BZHIN NYID LA SOGS PA DANG MTSUNGS PAR LDAN PA DANG MI LDAN PA LA KUN DU RMONGS PA DANG, ZHES DANG, DON LA SGRA JI BZHIN DU 'DZIN PA NYID KYIS SDUG BSNGAL LA SOGS PA'I BDEN PA LA KUN DU RMONGS PA DANG, ZHES GSUNGS, BZHI PA

115a

, ,LAM GZHAN DANG MI MNYAM ZHING THUN MONG MA YIN PA LA KUN DU RMONGS PA'I RNAM PAR RTOG PA DE STON PA LA, RAB 'BYOR GZHAN YANG SHER PHYIN NI CHOS THAMS CAD KYI SPOBS PA THAMS CAD DANG SNANG BA THAMS CAD SKYED PA STE, NAS, SHER PHYIN DE NI BDUD DAM BDUD KYI RIS KYI LHA RNAMS GANG ZAG NYAN THOS DANG RANG SANGS RGYAS KYI THEG PA NAS MU STEGS CAN GZHAN GYI BAR DANG SDIG PA'I GROGS PO RNAMS KYIS MI CHOD MI 'PHROG PA STE, ZHES SOGS GSUNGS, DE'I DON 'CHAD PA LA, MI MNYAM, ZHES DANG, BDUD LA SOGS PA'I RANG GI NGO BO YONGS SU MA SHES PAS MI MNYAM PA NYID LA KUN TU RMONGS PA DANG, ZHES GSUNGS, LNGA PA SPANG BYA KUN NAS NYON MONGS PA'I RANG BZHIN LA RMONGS PA'I RNAM PAR RTOG PA STON PA LA, GSOL BA BCOM LDAN 'DAS GAL TE SHER PHYIN ZAB MO 'DI LA DON DANG DON MA LAGS PA MI DMIGS NA, 'O NA JI LTAR BYANG CHEN SHER PHYIN ZAB MO 'DI'I DON LA SPYAD PAR BGYI, BCOM LDAN 'DAS KYIS BKA' STZAL PA RAB 'BYOR BYANG CHEN SHER PHYIN ZAB MO 'DI LA SPYOD PAS 'DI LTAR SPYAD PAR BYA'O, ,'DOD CHAGS BDAG GI DON ZHE 'AM, DON MIN ZHES SPYAD PAR MI BYA'O, ,ZHES SOGS GSUNGS, DE'I DON 'CHAD PA LA, NYON MONGS RNAMS KYI RANG BZHIN DANG, ,ZHES DANG, 'DOD CHAGS LA SOGS PA'I NGO BO NYID YONGS SU MA SHES PAS NYON MONGS PA'I RANG BZHIN LA KUN DU RMONGS PA DANG, ZHES GSUNGS, DRUG PA GZUNG 'DZIN RDZAS GZHAN GYI

115b

STONG PA LA KUN DU RMONGS PA LA RNAM PAR RTOG PA STON PA LA, GSOL BA BCOM LDAN 'DAS CI LAGS GNYIS SU MA MCHIS PA'I CHOS GNYIS SU MA MCHIS PA'I CHOS THOB PAR BGYI'AM, BCOM LDAN 'DAS KYIS BKA' STZAL PA YIN NO; ;NAS, RNAM PAR SHES PA DMIGS SU MED CING THOB PA MED DO, ,ZHES GSUNGS, DE'I DON 'CHAD PA LA, GNYIS SU MED LA KUN RMONGS LA, ,ZHES DANG, GZUNG BA DANG 'DZIN PA'I MTSAN NYID YONGS SU MA SHES PAS GNYIS SU MED PA LA KUN DU RMONGS PA LA, ZHES GSUNGS, GZHUNG DON NI, SKABS 'DIR BSTAN GYI SGOM SPANG SHES SGRIB BTAGS 'DZIN RTOG PA CHOS CAN, KHYOD LA DGUR YOD DE, KHYOD KYI YUL DE LA DGUR YOD PA'I PHYIR, RNAM MKHYEN SKYED PA'I SGRIB PA SEL BA'I THABS LA KUN DU RMONGS GNAS, CHOS KYI BDAG MED RAGS PA LA KUN DU RMONGS PA'I BAR DGUR YOD PA'I PHYIR, RTOG PA DGU TSAN BZHI PO DE DAG MDO LAS GNYEN PO DNGOS SU BSTAN NAS SHUGS LA 'PHANGS PA BSTAN BCOS SU GSUNGS PA'O, ,GZHUNG 'DI DAG GI SKABS SU MTHA' DPYAD PA LA, KHA CIG ,RANG GI DMIGS YUL DU GYUR PA'I MDO RGYAS KYI GSUNG RAB BRJOD BYA DANG BCAS PA LA DMIGS NAS LONGS SPYAD BYAR BDEN PAR ZHE NA PA'I BDEN 'DZIN LHAN SKYES SGOM SPANG SHES SGRIB 'JUG PA GZUNG RTOG GI MTSAN NYID, ZER NA, THEG CHEN GYI MTHONG LAM BAR CHAD MED LAM LA DMIGS NAS LONGS SPYAD BYAR BDEN PAR 'DZIN PA'I BDEN 'DZIN LHAN SKYES CHOS CAN,

116a

, ,MTSAN NYID DER THAL, MTSON BYA DE'I PHYIR, RTAGS GRUB STE, LEGS PA'I LAM NI RNAM GSUM LA, ,ZHES GSUNGS PA'I PHYIR, DES NA, RANG GI DMIGS YUL DU GYUR PA'I GZUNG BA LA DMIGS NAS LONGS SPYAD BYAR BDEN PAR ZHEN PA'I BDEN 'DZIN LHAN SKYES, SGOM SPANG SHES SGRIB GZUNG RTOG GI MTSAN NYID, DBYE NA, SGOM SPANG SHES SGRIB 'JUG PA GZUNG RTOG DANG, DE LDOG PA GZUNG RTOG GNYIS SU YOD, RANG GI DMIGS YUL DU GYUR PA'I 'DZIN PA LA DMIGS NAS LONGS SPYOD BYED DU BDEN PAR ZHEN PA'I BDEN 'DZIN LHAN SKYES SGOM SPANG SHES SGRIB 'DZIN RTOG GI MTSAN NYID, DBYE NA, DE RDZAS 'DZIN RTOG PA DANG, DE BTAGS 'DZIN RTOG PA GNYIS SU YOD, MTSAN NYID SOGS SNGAR BZHIN NO, ,DES NA MDOR BSDUS PA'I GSUNG RAB LA DMIGS NAS LONGS SPYAD BYAR BDEN PAR ZHEN PA'I RTOG PA LHAN SKYES CHOS CAN, SGOM LAM RTZE SBYOR GYI SPANG BYA YIN TE, DE'I GZHOM BYA YIN PA'I PHYIR, DES LHAG MA BRGYAD LA RIGS 'GRE, NYAN THOS KYI TSOGS LAM DU THEG CHEN SEMS BSKYED MI SKYE BAR MTHONG NAS DE LA LDOG BYAR BDEN PAR ZHEN PA'I RTOG PA LHAN SKYES CHOS CAN, RTAGS CHOS SNGAR BZHIN, DES LHAG MA BRGYAD LA RIGS 'GRE, SEMS CAN GYI PHUNG PO LA BTAGS PA'I 'DZIN PA LA DMIGS NAS LONGS SPYOD BYED DU BDEN PAR ZHEN PA'I BDEN 'DZIN LHAN SKYES CHOS CAN, RTAGS CHOS SNGAR BZHIN, DES LHAG MA BRGYAD LA RIGS 'GRE, ZHI BA BGROD PA GCIG PU BA'I NYAN

116b

THOS KYI TSOGS LAM BA CHOS CAN, RNAM MKHYEN THOB PA'I SGRIB PA SPONG BA LA KUN DU RMONGS PA YIN TE, BDEN GNYIS JI LTA BA BZHIN MI SHES PA'I NYAN THOS YIN PA'I PHYIR, BTAGS 'DZIN RTOG PA LA BSTAN BSHAD SBYAR NAS RDZAS 'DZIN RTOG PA LA DE MA SBYAR BA'I RGYU MTSAN YOD DE, BTAGS 'DZIN RTOG PA LA BSTAN BSHAD SBYAR BAS RDZAS 'DZIN RTOG PA LA DE LTAR SBYAR BAR GO NUS PA'I PHYIR, MTHONG LAM RTZE SBYOR GYI TSE MTHONG SPANG RTOG PA SNGAR BSTAN NAS SGOM LAM RTZE SBYOR GYI TSE DE LAS ZLOG STE BSTAN PA'I RGYU MTSAN YOD DE, MTHONG LAM RTZE SBYOR GYI RJES SU MTHONG SPANG RTOG PA MI 'BYUNG ZHING, SGOM LAM RTZE SBYOR GYI RJES SU SGOM SPANG RTOG PA 'BYUNG BA'I RGYU MTSAN GYIS DE LTAR BSHAD PA'I PHYIR; 'O NA BAR CHAD MED PA'I RTZE SBYOR GYI SNGA ROL TU SGOM SPANG RTOG PA 'CHAD MI RIGS PAR THAL, DE'I RJES SU BSAL BYA LOG SGRUB 'BYUNG BA'I PHYIR ZER NA MA KHYAB, KHA CIG ,SGOM LAM RTZE SBYOR GYI 'JUG PA BAR CHAD MED LAM DANG SBYOR BA NYER BSDOGS KYI LAM DON GCIG ZER NA, MTHONG LAM RTZE SBYOR GYI DE GNYIS DON GCIG PAR THAL, DAM BCA' DE'I PHYIR, 'DOD NA, THEG CHEN GYI SBYOR LAM DROD SOGS BZHI CHOS CAN, MTHONG LAM RTZE SBYOR GYI 'JUG PA BAR CHAD MED LAM YIN PAR THAL, DE'I SBYOR BA NYER BSDOGS KYI LAM YIN PA'I PHYIR, KHYAB PA KHAS, RTAGS GRUB STE, MDZOD LAS, MDOR NA LAM NI RNAM BZHI STE, ,ZHES SOGS DANG, DE'I 'GREL BAR, SBYOR BA NI GANG GI MJUG THOGS SU

117a

, ,BAR CHAD MED PA'I LAM SKYE BA'O, ,ZHES GSUNGS PA'I PHYIR, KHA CIG ,DE GNYIS 'GAL ZER NA, MTHONG LAM RTZE SBYOR DE GNYIS 'GAL BAR THAL, DAM BCA' 'THAD PA'I PHYIR, 'DOD NA, MTHONG LAM RTZE SBYOR GYI SBYOR BA NYER BSDOGS YIN NA MTHONG LAM RTZE SBYOR YIN DGOS PAR THAL, 'DOD PA'I PHYIR, 'DOD NA, BYA RDZOGS KYI SKAD CIG MA'I THUNG MTHA' GCIG LA MKHYEN GSUM GYI RNAM PA BRGYA BDUN CU RTZA GSUM GO RIMS MA 'CHOL BAR DNGOS YUL DU BYED PA'I SA BCU PA'I YE SHES CHOS CAN, DER THAL, DE'I PHYIR, RTAGS GRUB STE, RNAM BSHAD LAS, SKAD CIG SBYOR SGOM PA'I SKABS SU, JI LTAR SKYES BUS ZO CHUN RGYUD, ,CES PA'I DPE LTAR NA ZAG MED KYI CHOS GCIG MNGON DU GYUR PA NA LHAG MA RNAMS LA RTZOL MI DGOS PAR DKYUS GCIG LA GO RIMS MA 'TSOL BAR MNGON DU GYUR PA'O, ,DE NI RGYUN MTHA'I SBYOR BA'I LAM GYI TSE YIN GYI, BAR CHAD MED LAM PA'I TSE NI ZHES GSUNGS PA'I PHYIR, 'DOD NA, DE 'DRA'I SA BCU PA'I YE SHES DE RGYUN MTHA'I SNGA LOGS NA YOD PAR THAL, DE YOD PA GANG ZHIG ,DE RGYUN MTHA'I YE SHES MA YIN PA'I PHYIR, 'DOD NA, MTHAR GYIS SBYOR DU THAL, 'DOD PA'I PHYIR, 'DOD NA, MKHYEN GSUM GYI RNAM PA LA BRTAN PA THOB PA'I MTHAR GYI SBYOR YOD PAR THAL LO, ,GZHAN YANG, THEG CHEN GYI MTHONG LAM BAR CHAD MED LAM CHOS CAN, MTHONG LAM RTZE SBYOR GYI 'JUG PA BAR CHAD MED LAM MA YIN PAR THAL, DE'I SBYOR BA NYER BSDOGS KYI LAM YIN PA'I

117b

PHYIR; RTAGS GSAL GNYIS KA GRUB STE, THEG CHEN GYI MTHONG LAM SDUG BSNGAL CHOS BZOD DES MTHONG SPANG 'JUG PA GZUNG RTOG DANG, DE RDZAS 'DZIN RTOG PA GNYIS KA'I SA BON SPONG BA'I DBANG DU BYAS NAS DE MTHONG LAM RTZE SBYOR GYI SBYOR BA NYER BSDOGS DANG, MTHONG SPANG LDOG PA GZUNG RTOG DANG, BTAGS 'DZIN RTOG PA GNYIS KYI SA BON SPONG BA'I DBANG DU BYAS NAS DE'I 'JUG PA BAR CHAD MED LAM DU BZHAG PA'I PHYIR TE, RNAM BSHAD LAS, SA BON SPANG BA'I DBANG DU BYAS NAS SPANG BYA'I DBANG KYIS GNYEN PO'I MING SO SOR BSHAD PA YIN NO, ,DNGOS SU NA MTHONG LAM RTZE SBYOR BAR CHAD MED LAM DE NYID KYIS MTHONG SPANG GZUNG 'DZIN GYI RNAM PAR RTOG PA BZHI KA'I SA BON DUS GCIG TU SPONG BA YIN GYI RIM CAN DU SPONG BAR 'DOD PA LA RIGS PA DU MAS GNOD PAR SHES PAR BYA'O, ,ZHES GSUNGS PA'I PHYIR, GSUM PA GNYEN PO MTSON TSUL BSHAD PA LA, SGOM PA'I LAM GYI MI MTHUN PHYOGS RNAM PA BZHI PO DE DAG SPANG BA NYID DU GNYEN PO RNAM PA BZHI YANG DE'I DBYE BAS 'THAD DE ZHES BYA BAR KHONG DU CHUD PAR BYA'O, ,ZHES GSUNGS, SGOM SPANG GZUNG 'DZIN GYI RNAM PAR RTOG PA BZHI'I DBYE BAS GNYEN PO SGOM LAM RTZE SBYOR BA YANG RNAM PA BZHIR DBYER YOD DE, SPANG BYA'I DBYE BAS GNYEN PO'I DBYE BA 'THAD PA'I PHYIR, ` GSUM PAR RTEN PA YON TAN STON PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI,

118a

, ,DE NAS TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SHER PHYIN ZAB BO, ,BCOM LDAN 'DAS BYANG CHEN BLA MED RDZOGS BYANG DU ZHUGS PA YANG DKA' BA BGYID PA STE; SEMS CAN ZHES BGYI BA'AM, SEMS CAN DU GDAGS PA NI GANG YANG MI DMIGS NA DE DAG NI SEMS CAN RNAMS KYI SLAD DU BLA MED RDZOGS BYANG DU YANG DAG PAR ZHUGS SO, ,NAS, SKYES BU LA LA ZHIG SDONG PO SKYED PAR 'DOD DE; SKYES BU DES DE'I RTZA BA LA DMIGS PA DE BZHIN DU YAL GA DANG LO MA DANG ME TOG DANG 'BRAS BU LA DMIGS TE, SKYES BU DES SDONG PO BSKYED PAR 'DOD PAS DUS DUS SU CHU BRAN TE, YAL GA DANG, LO MA DANG, ME TOG DANG, 'BRAS BU PHUN SUM TSOGS PAR GYUR, ZHES SOGS GSUNGS, GNYIS PA LA GNYIS LAS, DANG PO NI, 'DIR BAR SKABS KYI TSIGS SU BCAD PA GNYIS GSUNGS PA CHOS CAN, DGOS PA YOD DE, SNGA MA MTHONG LAM RTZE SBYOR GYI SKABS SU BSTAN PA BZHIN DU SGOM SPANG GI RNAM RTOG MNGON GYUR PA BRGYA RTZA BRGYAD SPANGS PA DANG DUS MNYAM PA KHO NAR RTOG PA DE DAG GIS RGYUR BSDUS PA'I NYON MONGS PA'I BAG LA NYAL BRGYA RTZA SPANGS PA'I MTHUS THEG PA GSUM GYI YON TAN PHUN SUM TSOGS PA'I RIGS THAMS CAD BYANG SEMS SGOM LAM LA GNAS PA LA BRTEN TO ZHES SHES PAR BYA BA'I CHED YIN PA'I PHYIR, ZHES MTSAMS SBYOR BA LA, SNGA MA BZHIN DU RNAM PAR RTOG PA BRGYA RTZA BRGYAD SPANGS PA DANG DUS

118b

MNYAM PA KHO NAR DE DAG GIS BSDUS PA NYON MONGS PA BRGYA RTZA BRGYAD SPANGS PAS YON TAN PHUN SUM TSOGS PA THAMS CAD BYANG CHUB SEMS DPA' SGOM PA'I LAM LA GNAS PA LA BRTEN TO ZHES BYA BA BAR SKABS KYI TSIGS SU BCAD PA DAG GIS GSUNGS PA, ZHES GSUNGS, GNYIS PA NI, MDO DE'I DON 'CHAD PA LA, YAMS NAD 'DI RNAMS ZAD NAS NI, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, SGOM PA'I LAM GOMS PAS, ZHES SOGS GSUNGS, 'DI LA YANG, GANG LA RTEN PA DANG, GANG BRTEN PA DANG, DPE DANG, RTEN NUS PA'I RGYU MTSAN DANG, RGYU MTSAN DE'I DPE BSTAN PA DANG LNGA LAS, DANG PO NI, 'BRAS BU MCHOG GIS SBA BA YI, ,SEMS DPA' CHEN PO DE LA NI, ,RNAM PA KUN TU RTEN PAR BYED, ,CES DANG, BYANG CHUB SEMS DPA' SGOM PA'I LAM LA GNAS PA 'BRAS BU RAB KYI MTHAR PHYIN PA THOB PA DE DAG GIS MDZES PAR GYUR PA LA RNAM PA THAMS CAD DU MNGON DU 'ONG BA'I RNAM PAS RTEN PAR BYED DO, ,ZHES SOGS KYIS 'CHAD DO, ,GNYIS PA NI, RNAM PA KUN TU 'GRO BA YI, ,BDE SGRUB YON TAN PHUN TSOGS KUN, ,ZHES DANG, SNYING RJE'I GZHAN GYI DBANG DU GYUR PA'I RNAM PA THAMS CAD DU 'GRO BA'I BDE BSKYED PAR MKHAS PA'I YON TAN PHUN SUM TSOGS PA THEG PA GSUM GYIS BSDUS PA THAMS CAD, CES PAS 'CHAD, GSUM PA NI, RGYA MTSO CHE LA CHU BO BZHIN, ,ZHES DANG, RGYA MTSO CHEN PO LA CHU BO DAG BZHIN DU, ,ZHES PAS 'CHAD, ,BZHI PA NI, YAMS NAD 'DI RNAMS ZAD NAS NI, ,ZHES DANG, SGOM PA'I

119a

, ,LAM LA GOMS PAS RNAM PAR RTOG PA'I RIGS BZHI PO 'TSE BAR BYED PA NYID KYIS YAMS KYI NANG DU GYUR PA 'DI RNAMS ZAD NAS GEGS BYED PA MED PAS, ZHES PAS 'CHAD, LNGA PA NI, YUN RING PO LON NAS DBUGS PHYIN LTAR, ,ZHES DANG, DGA' BAS DBUGS PHYIN PA THOB PA BZHIN DU, ZHES GSUNGS, GZHUNG DON NI, RTEN PAR BYED, ,CES PA BSHAD PA'I GZHIR DRANGS LA, GANG LA RTEN PAR BYED NAS BCU RGYUN MTHA' LA GNAS PA'I SEMS DPA' LA'O, ,GANG RTEN PAR BYED NA, RNAM PA THAMS CAD DU 'GRO BA'I BDE BA MNGON MTHO DANG DES LEGS SKYED PA LA MKHAS PA'I YON TAN PHUN SUM TSOGS PA THAMS CAD DO, ,TSUL JI LTAR NA YON TAN GYI RNAM PA THAMS CAD 'BAD RTZOL RAGS PA LA LTOS PAR MNGON DU 'ONG BA'I RNAM PAS SO, ,DPER NA, RGYA MTSO CHEN POR CHU BO BZHI 'KHOR DANG BCAS PA BAB PA BZHIN NO, ,DE LTAR RTEN NUS PA'I RGYU MTSAN NI, SGOM LAM RTZE SBYOR LA RING DU GOMS PAR BYAS PAS SGOM SPANG RTOG PA'I RIGS BZHI PO RGYUD LA NYER 'TSE BYED PA NYID KYI YAMS NAD DANG 'DRA BAR GYUR PA MNGON DU GYUR PA 'DI DAG ZAD PAR SPANGS NAS YON TAN DE DAG BRTEN PA LA GEGS BYED PA MED PAS SO, ,RGYU MTSAN DE'I DPE NI; NAD PA YUN RING NAS NAD KYIS GZIR BA DE LAS GROL TE DGA' BAS DBUGS PHYIN PAS NGAL BSOS PA THOB PA BZHIN NO, ,DON DRIL NA, RGYUN MTHA' BAR CHAD MED LAM LA GNAS PA'I SEMS DPA' CHOS CAN, THEG PA GSUM GYI SPANGS

119b

RTOGS KYI YON TAN GYI RIGS THAMS CAD RANG RGYUD LA BRTEN PA'I RGYU MTSAN YOD DE, DE RANG RGYUD LA BRTEN PA'I MTHUN RKYEN TSANG ZHING 'GAL RKYEN DANG BRAL BA'I PHYIR, 'GAL RKYEN DANG BRAL BA'I DPE NI, NAD PA RIMS NAD LEGS PAR BYANG STE DGA' BAS DBUGS PHYIN PA THOB PA BZHIN NO, ,MTHUN RKYEN TSANG BA'I DPE NI, RGYA MTSO CHEN POR CHU BO BZHI PO NGANG GIS 'DU BA BZHIN NO, ,KHA CIG ,THEG CHEN GYI SGOM LAM CHEN PO'I CHEN PO LA GNAS PA'I SEMS DPA' CHOS CAN, THEG PA GSUM GYI SPANGS RTOGS KYI YON TAN GYI RIGS RANG RGYUD LA BRTEN PA'I RGYU MTSAN YOD DE, DE LTAR BRTEN PA'I MTHUN RKYEN TSANG ZHING 'GAL RKYEN YAMS NAD DANG 'DRA BA'I SHES SGRIB RTOG PA ZAD PAR SPANGS PA'I PHYIR ZER NA, THEG CHEN GYI SGOM LAM CHEN PO'I CHEN PO LA GNAS PA'I SEMS DPA' DES SHES SGRIB RTOG PA ZAD PAR SPANGS PAR THAL, SBYOR BA 'THAD PA'I PHYIR, 'DOD NA, DE CHOS CAN, SHES SGRIB SPANGS PAR THAL LO, ,KHO NA RE, SHES SGRIB RTOG PA'I BAG CHAGS DANG SHES SGRIB LA SPANG DKA' SLA'I KHYAD PAR MED PAR THAL, KHYOD KYI THAL 'GYUR DE LA KHYAB 'BREL YOD PA'I PHYIR, 'DOD NA, BDEN 'DZIN DANG BDEN 'DZIN GYI BAG CHAGS LA SPANG DKA' SLA'I KHYAD PAR MED PAR THAL, 'DOD PA'I PHYIR, 'DOD PA BDEN 'DZIN MNGON GYUR PA DANG, BDEN 'DZIN GYI SA BON LA SPANG DKA' SLA'I KHYAD PAR MED PAR THAL, 'DOD PA'I PHYIR ZER NA BSAM MA KHYAB PA SNGAR BSHAD ZIN TO, ` ,BZHI PA BAR CHAD MED PA'I RTZE SBYOR LA, NGO BO, RGYU, SPANG BYA'O, ,DANG PO LA, MDO DANG, BSTAN BCOS

120a

, ,GNYIS LAS, DANG PO NI, GONG DU YON TAN STON PA'I SKABS SU RANG GIS SEMS SKYED CING GZHAN YANG DE LHAR SKYED DU GZHUG GO ZHES GSUNGS PA LAS 'PHROS NAS, GSOL BA BCOM LDAN 'DAS BYANG CHEN SEMS DANG PO BSKYED PA SEMS CAN THAMS CAD KYI DON DU BLA MED RDZOGS BYANG DU MNGON 'TSANG RGYA BAR 'TSAL BAR 'DOD PA DES, BSOD NAMS CI TZAM ZHIG 'PHEL BAR 'GYUR, BCOM LDAN 'DAS KYIS BKA' STZAL PA, RAB 'BYOR GAL TE STONG GSUM GYI STONG CHEN PO'I 'JIG RTEN GYI KHAMS KYI SEMS CAN JI SNYED PA DE DAG THAMS CAD NYAN THOS KYI SA LA GNAS PAR 'GYUR NAS GRANGS SU YANG MI BZOD CHAR YANG MI BZOD BGRANG BAR YANG MI BZOD DPER YANG MI BZOD RGYUR YANG MI BZOD DO, ,ZHES PAS BAR CAD MED PA'I RTZE SBYOR? BSOD NAMS MANG POS MTSON NAS BSTAN, RNAM PA THAMS CAD MKHYEN PA NYID KYI MTSAN NYID DE STON PA LA, GSOL BA BCOM LDAN 'DAS BYANG CHEN SEMS DANG PO BSKYED PAS CI YID LA BGYI, BCOM LDAN 'DAS KYIS BKA' STZAL PA, RNAM MKHYEN NYID LA BYA'O, ,ZHES GSUNGS, GNYIS PA LA GSUM LAS, DANG PO NI, SGOM LAM RTZE SBYOR GYI 'OG TU BAR CHAD MED PA'I RTZE SBYOR? BCAD PA'I RGYU MTSAN YOD DE, SGOM RTZE'I RJES SU RANG GI 'BRAS BUR GYUR PA'I BAR CHAD MED RTZE SKYE BAS DE LTAR BSHAD PA'I PHYIR, ZHES MTSAMS SBYOR BA LA, SGOM PA'I LAM GYI RJES LA BAR CHAD MED PA'I LAM YIN PAS, BAR CHAD MED PA'I TING NGE 'DZIN,

120b

ZHES GSUNGS, GNYIS PA NI, MDO DE'I DON 'CHAD PA LA, STONG GSUM SKYE BO NYAN THOS DANG, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, 'GA' ZHIG GI ,ZHES SOGS GSUNGS, DE YANG MDO TSAN DANG PO'I DON 'CHAD PA LA, STONG GSUM SKYE BO NYAN THOS DANG, ,ZHES SOGS DANG, 'GA' ZHIG GIS STONG GSUM GYI STONG CHEN PO'I 'JIG RTEN GYI KHAMS KYI SEMS CAN RNAMS NYAN THOS DANG RANG SANGS RGYAS DANG BYANG CHUB SEMS DPA'I SKYON MED PA LA BKOD NAS BSOD NAMS BSKYED PA GANG YIN PA DE DPER MDZAD NAS DE BAS KHYAD PAR DU 'PHAGS PAR BSOD NAMS MANG BA NYID KYIS, ZHES GSUNGS, MDO TSAN GNYIS PA'I DON 'CHAD PA LA, SANGS RGYAS NYID KYI BAR MED DE, ,ZHES SOGS DANG, RNAM MKHYEN NYID GANG YIN PA DE SANGS RGYAS NYID YIN PAS SANGS RGYAS NYID 'THOB PA'I BAR CHAD MED PA'I TING NGE 'DZIN GANG YIN PA DE NI 'DIR BAR CHAD MED PA'I TING NGE 'DZIN CES BYA'O; ;ZHES GSUNGS, GZHUNG DON I, RGYU MTHA'I BAR CHAD MED LAM CHOS CAN, BAR CHAD MED PA'I RTZE SBYOR YIN TE, MKHYEN GSUM BSDUS BSGOMS RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR MTHAR THUG GANG ZHIG ,RANG GI 'BRAS BUR GYUR PA'I RNAM MKHYEN DNGOS SU SKYED BYED YIN PA'I PHYIR, RTAGS DE GSAL BA DE'I MTSAN NYID, MDO LAS BAR CHAD MED PA'I RTZE SBYOR BSOD NAMS MANG POS MTSON NAS BSTAN PA YIN TE,

121a

, ,STONG GSUM GYI SEMS CAN THAMS CAD NYAN THOS DANG RANGS SANGS RGYAS KYI SA LA BKOD PA'I DGE BA DPER MDZAD NAS DE BAS KYANG BSOD NAMS CHES MANG BAS MTSON NAS BSTAN PA'I PHYIR, DE LTAR STON PA'I RGYU MTSAN YOD DE, DE'I 'BRAS BU RNAM MKHYEN DE BSOD NAMS MANG BAS DE LTAR BSTAN PA'I PHYIR, KHO NA RE, RGYUN MTHA'I BAR CHAD MED LAM SKAD CIG DANG PO CHOS CAN, ZUR GNYIS PA DER THAL, BAR CHAD MED RTZE YIN PA'I PHYIR, 'DOD MI NUS TE, KHYOD DANG KHYOD KYI DNGOS 'BRAS BU GYUR PA'I RNAM MKHYEN GNYIS KYI BAR DU RGYUN MTHA'I BAR CHAD MED LAM SKAD CIG GNYIS PAS CHOS PA'I PHYIR TE, KHYOD CHOS CAN DE'I PHYIR NA MA KHYAB STE, DNGOS PO YIN NA, RANG GI 'BRAS BUR GYUR PA'I RNAM MKHYEN DNGOS SU SKYED BYED YIN DGOS PA'I PHYIR, KHA CIG ,MKHYEN GSUM BSDUS BSGOMS RAB TU GYUR PA'I SEMS DPA'I RNAL 'BYOR GANG ZHIG ,RANG 'BRAS RNAM MKHYEN DNGOS SU SKYED BYED DE'I MTSAN NYID ZER, KHA CIG ,DE 'DRA'I SHES RAB KYIS ZIN PA'I ZHES SOGS ZER BA MI 'THAD DE, DANG PO LA RGYUN MTHA'I BAR CHAD MED LAM DANG, GNYIS PA LA THEG CHEN GYI SBYOR LAM GYIS MA NGES PA'I PHYIR, KHA CIG ,DE GANG ZHIG SHES SGRIB KYI DNGOS GNYEN BYED PA DE'I MTSAN NYID ZER NA, RGYUN MTHA'I BAR CHAD MED LAM PA'I RGYUD KYI KUN RDZOB SEMS BSKYED CHOS CAN, ZUR GNYIS PA DER THAL, MTSON BYA DE'I PHYIR TE, RGYUN MTHA'I YE SHES YIN PA'I PHYIR, KHA CIG ,DE GANG ZHIG ,RANG 'BRAS

121b

RNAM MKHYEN NYER LEN GYI SGO NAS DNGOS SU SKYED BYED DE'I MTSAN NYID ZER NA, RGYUN MTHA'I BAR CHAD MED LAM SKAD CIG DANG PO CHOS CAN, ZUR GNYIS PA DER THAL, MTSON BYA DE'I PHYIR, 'DOD MI NUS TE, KHYOD DANG KHYOD KYI NYER LEN BYAS PA LAS BYUNG BA'I RNAM MKHYEN GNYIS KYI BAR DU RGYUN MTHA'I BAR CHAD MED LAM SKAD CIG GNYIS PAS CHOD PA'I PHYIR TE, KHYOD CHOS CAN DE'I PHYIR, KHA CIG ,DE 'DRA'I SEMS DPA'I RNAL 'BYOR MTHAR THUG GANG ZHIG, RANG 'BRAS RNAM MKHYEN NYER LEN GYI SGO NAS 'BYIN PA DE DE'I MTSAN NYID ZER NA, BYANG CHUB SEMS DPA' CHOS 'PHAGS KYI RGYUD KYI RGYUN MTHA'I BAR CHAD MED LAM CHOS CAN, ZUR GNYIS PA DER THAG MTSON BYA DE'I PHYIR, 'DOD NA, DE CHOS CAN, KHYOD KYI 'BRAS BUR GYUR PA'I RNAM MKHYEN DE KHYOD KYI NYER LEN BYAS PA LAS BYUNG BAR THAL, 'DOD PA'I PHYIR, 'DOD NA, DE'I 'BRAS BUR GYUR PA'I RNAM MKHYEN CHOS CAN, STON PA SH'AKYA THUB PA'I RGYUD LA KHYOD MED PAR THAL, KHYOD BYANG CHUB SEMS DPA' CHOS 'PHAGS KYI RGYUD KYI RGYUN MTHA'I BAR CHAD MED LAM GYIS NYER LEN BYAS PA LAS BYUNG BA'I SHES PA YIN PA'I PHYIR, 'DOD NA, DE'I RGYUD KYI RGYUN MTHA'I BAR CHAD MED LAM CHOS CAN, STON PA SH'AKYA THUB PA'I RGYUD LA KHYOD KYI 'BRAS BUR GYUR PA'I RNAM MKHYEN YOD PAR THAL, KHYOD DNGOS PO YIN PA'I PHYIR RO, ` ,GNYIS PA LA MDO BSTAN BCOS GNYIS LAS, DANG PO NI, GSOL BA BCOM LDAN 'DAS RNAM MKHYEN NYID KYI DNGOS PO JI LTA BU ZHIG MCHIS, DMIGS PA JI LTA BU ZHIG MCHIS, DBANG BSGYUR BA

122a

, ,JI LTA BU ZHIG MCHIS, RNAM PA JI LTA BU ZHIG MCHIS, MTSAN NYID JI LTA BU ZHIG MCHIS, BCOM LDAN 'DAS KYIS BKA' STZAL PA, RAB 'BYOR RNAM MKHYEN NYID CES BYA BA NI DNGOS PO MED PA MTSAN NYID MED PA MTSAN MA MED PA BYED PA MED PA SKYE BA MED PA 'BYUNG BA MED PA STE, RAB 'BYOR GANG YANG 'DI SKAD DU RNAM MKHYEN NYID KYI DMIGS PA JI LTA BU, DBANG BSGYUR BA JI LTA BU, MTSAN NYID JI LTA BU, ZHES ZER BA NI, RAB 'BYOR RNAM MKHYEN NYID KYI DMIGS PA NI DNGOS PO MED PA BDAG PO NI DRAN PA RNAM PA NI ZHI BA MTSAN NYID MED PA YIN TE, RAB 'BYOR 'DI NI RNAM MKHYEN NYID KYI DMIGS PA'O, ,'DI NI DBANG BSGYUR BA'O, ,'DI NI RNAM PA'O, ,'DI NI MTSAN NYID DO, ,ZHES GSUNGS GNYIS PA LA GSUM LAS, DANG PO NI, 'DIR BAR SKABS KYI TSIGS SU BCAD PA GCIG GSUNGS PA CHOS CAN, DGOS PA YOD DE, BAR CHAD MED LAM PA'I TING NGE 'DZIN DE'I DMIGS PA'I YUL DANG BDAG PO DANG RNAM PA RNAMS JI LTA BU ZHE NA, DE'I LAN BSTAN PAR BYA BA'I TSED YIN PA'I PHYIR, ZHES MTSAMS SBYOR BA LA, DE'I DMIGS PA LA SOGS PA JI LTA BU ZHIG YIN ZHE NA, BAR SKABS KYI TSIGS SU BCAD PAS DMIGS PA LA SOGS PA GSUNGS PA, ZHES GSUNGS, GNYIS PA NI, MDO DE'I DON 'CHAD PA LA, 'DI YI DMIGS PA DNGOS MED DE, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, BAR CHAD MED LAM PA'I TING NGE

122b

'DZIN 'DI'I DMIGS PA'I RKYEN GYI CHOS THAMS CAD DNGOS PO MED PAR DMIGS PA YIN NO, ,BDAG PO'I RKYEN NI DRAN PA YIN NO, ,RNAM PA NI RANG BZHIN GYIS ZHI BA NYID YIN NO, ,GNAS 'DI LA NI GTING DPAG DKA' BA'I PHYIR RAB TU SMRA BA THABS LA MKHAS PA MA RTOGS PA RNAMS KYI KLAN KA'I RGOL BA BRGYUD MAR 'BYUNG BAS THABS LA MKHAS PAS DE DAG BSAL BAR BYA STE, 'DIS NI 'DI'I ZAB PA NYID BSNYAD DO SNYAM DU DGONGS PA YIN NO, ,ZHES GSUNGS, GZHUNG DON NI, BAR CHAD MED PA'I RTZE SBYOR CHOS CAN, KHYAD CHOS GSUM DANG LDAN TE, DMIGS PA'I KHYAD PAR, BDAG PO'I KHYAD PAR, RNAM PA'I KHYAD PAR GSUM DANG LDAN PA'I PHYIR, PHUNG PO BDEN MED CHOS CAN, BAR CHAD MED PA'I RTZE SBYOR GYI DMIGS PA YIN TE, DE'I SGRO 'DOGS GCAD PAR BYA BA'I GZHI YIN PA'I PHYIR, BAR CHAD MED PA'I RTZE SBYOR DE'I DE MA THAG RKYEN LA YOD PA'I THEG CHEN SEMS BSKYED CHOS CAN, BAR CHAD MED PA'I RTZE SBYOR GYI BDAG RKYEN YIN TE, BAR CHAD MED PA'I RTZE SBYOR RANG DBANG DU SKYED BYED YIN PA'I PHYIR, BAR CHAD MED PA'I RTZE SBYOR CHOS CAN, RNAM PA GNYIS SNANG GI SPROS PA NYE BAR ZHI BA NYID DANG LDAN TE, PHUNG SOGS BDEN MED DU MNGON SUM DU RTOGS PA'I SEMS DPA'I RNAL 'BYOR MTHAR THUG YIN PA'I PHYIR, BAR CHAD MED RTZE'I DMIGS PA CHOS CAN, KHYOD LA DNGOS SMRA PA KLAN KA 'BYUNG BA'I RGYU MTSAN YOD DE, KHYOD BDEN GNYIS KYI RNAM DBYE LA MI MKHAS PA'I DNGOS SMRA PAS RTOGS PAR DKA' BA'I ZAB DON YIN

123a

, ,PA'I PHYIR, KHO NA RE, GZHUNG 'DI'I BAR RTZE'I DMIGS RNAM BSTAN PAR THAL, SBYOR BA DANG PO 'THAD PA'I PHYIR, 'DOD MI NUS TE, DES RNAM MKHYEN GYI DMIGS RNAM BSTAN PA'I PHYIR TE, RNAM PA THAMS CAD MKHYEN PA NYID KYI DMIGS PA NI, ZHES GSUNGS PA'I PHYIR ZER NA MA KHYAB, GZHAN YANG, SANGS RGYAS NYID KYI BAR MED DE, ,ZHES PAS BAR CHAD MED RTZE'I DE MA THAG RKYEN BSTAN LA, 'DI YI DMIGS PA DNGOS MED DE, ,ZHES PAS, DE'I DMIGS RNAM BSTAN PA'I PHYIR, 'DOD MI NUS TE, DES RNAM MKHYEN GYI DE BSTAN PA'I PHYIR TE, DE NI RNAM PA KUN MKHYEN NYID, ,CES GSUNGS PA'I PHYIR ZER NA MA KHYAB BO, ` ,GSUM PA LA, MDO LAS GSUNGS TSUL DANG; BSTAN BCOS KYIS 'GREL TSUL GNYIS LAS, DANG PO NI, MDO LAS, GSOL BA BCOM LDAN 'DAS CI LAGS RNAM MKHYEN NYID 'BA' ZHIG DNGOS PO MA MCHIS PA LAGS SAM, ZHES SOGS GSUNGS, GNYIS PA LA GSUM LAS, DANG PO NI, BAR CHAD MED PA'I RTZE SBYOR GYI 'OG TU BSAL BYA LOG RTOG 'CHAD PA'I RGYU MTSAN YOD DE, BDEN GNYIS TSUL BZHIN 'BYED PA'I BLO SHES RAB KYI NOR CAN BYANG SEMS RNAMS KYI LOG PAR RTOG PA JI LTA BU ZHIG BSAL BAS TING NGE 'DZIN DE BA SKYED PAR BYA ZHES BSTAN PAR BYA BA'I CHED YIN PA'I PHYIR, ZHES MTSAMS SBYOR BA LA, BLO'I NOR CAN RNAMS KYI LOG PAR RTOG PA JI LTA BU ZHIG BSAL BAS TING NGE 'DZIN DE BSKYED PAR BYA

123b

ZHE NA; TING NGE 'DZIN GYI 'OG TU LOG PAR RTOG PA, ZHES GSUNGS, GNYIS PA NI, MDO DE'I DON 'CHAD PA LA, DMIGS PA 'THAD DANG DE YI NI, ,ZHES GSUNGS, GSUM PA NI, DE NYID TSIG DON GYI SGO NAS 'CHAD PA LA, 'DUS BYAS DANG ZHES SOGS GSUNGS, GSER PHRENG LTAR NA BSAL BYA LOG RTOG LA BSTAN BSHAD GNYIS LAS, DANG PO NI, RAB TU SMRA RNAMS BRGYUD MAR RGOL, ,ZHES DANG, GNAS 'DI LA NI, ZHES SOGS RTZA 'GREL GYIS BSTAN NAS, GNYIS PA DE STON PA LA, DMIGS PA 'THAD DANG, ZHES SOGS RTZA 'GREL GYIS BSTAN, 'DI LA BSAL BYA LOG RTOG ,SEL BYED KYI LAN, BSAL NAS TING NGE 'DZIN SKYE TSUL DANG GSUM LAS, DANG PO NI, 'DUS BYAS DANG, ZHES SOGS KYIS 'CHAD, GNYIS PA NI, DE BAS NA KUN RDZOB DANG DON DAM PA'I SGO CAN GYI KLAN KA LA GO RIMS BZHIN DU DON DAM PA DANG KUN RDZOB KYI SGO NAS LAN GDAB DGOS PAS, ZHES PAS 'CHAD, GSUM PA NI, BYANG CHUB SEMS DPA' DGE BA 'DOD PA RNAMS KYI BDEN PA GNYIS KA LA BRTEN PA'I THABS LA MKHAS PAS RNAM PA STONG DU BSAL BA SNGON DU 'GRO BA'I DES PA RNAM PA THAMS CAD DU YANG DAG PAR BSKYED NAS BAR CHAD MED PA'I TING NGE 'DZIN BSKYED PAR BYA'O, ,ZHES PAS 'CHAD, DANG PO LA YANG BSAL BYA LOG RTOG GI DBYE GZHI, DBYE NGO BCU DRUG ,BCU DRUG TU 'BYED PA'I RGYU MTSAN, SO SO'I NGO BO'O, ,DANG PO NI, RNAM PA KUN MKHYEN NYID RTEN CAN, ,ZHES DANG, RNAM PA THAMS CAD MKHYEN PA NYID KYI RTEN CAN, ZHES 'CHAD, GNYIS

124a

, ,PA NI; RNAM PA BCU DRUG DAG TU BZHED, ,CES DANG, LOG PAR RTOG PA BCU DRUG GO ,ZHES 'CHAD, GSUM PA NI, JI SKAD BSHAD PA'I YUL CAN NYID KYIS, ZHES 'CHAD, BZHI PA LA BCU DRUG YOD PA'I, DANG PO DMIGS PA 'THAD PA LA LOG PAR RTOG PA DE STON PA LA, MDO LAS, GSOL BA BCOM LDAN 'DAS CI LAGS RNAM MKHYEN NYID 'BA' ZHIG DNGOS PO MA MCHIS PA LAGS SAM, 'ON TE GZUGS KYANG DNGOS PO MA MCHIS PA LAGS, NAS, 'DUS BYAS DANG 'DUS MA BYAS KYI KHAMS KYANG DNGOS PO MED DO, ,ZHES SOGS GSUNGS, DE'I DON 'CHAD PA LA, DMIGS PA 'THAD DANG, ZHES DANG, 'DUS BYAS DANG, ZHES SOGS GSUNGS, 'DI LA YANG, YUL GANG LA RTOG PA, TSUL JI LTAR RTOG PA, DE LTAR RTOG PA'I RGYU MTSAN, LOG PAR RTOG MKHAN GYI GANG ZAG DANG BZHI LAS, DANG PO NI, DMIGS PA 'THAD PA DANG, ZHES PAS 'CHAD, GNYIS PA NI, PHAN TSUN 'GAL BA'I DON SGRUB PAS MI 'THAD PA NYID KYIS THE TSOM GYI NGO BO ZHES 'CHAD, GSUM PA NI, 'DUS BYAS DANG 'DUS MA BYAS KYI KHAMS DAG DNGOS PO MED PA NYID KYIS, ZHES 'CHAD, BZHI PA NI, SMRA BA RNAMS KYI LOG RTOG PA, ,ZHES DANG, SKYE BO BYANG CHUB SEMS DPA'I THABS LA MKHAS PA MI SHES PA'I RAB TU SMRA BA NYID THAMS CAD KYI LOG PAR RTOG PA ZHES 'CHAD, RTOG TSUL DANG, RTOG MKHAN GNYIS 'OG MA KUN LA SBYAR RO, ,GNYIS PA DMIGS PA DE'I NGO BO NYID LA LOG PAR RTOG PA DE STON PA LA, RAB 'BYOR 'DI

124b

LTAR YANG CHOS THAMS CAD NI STONG PA NYID KYI NGO BO NYID CHOS THAMS CAD NI DNGOS PO MED PA'I NGO BO NYID DU RIG PAR BYA'O, ,ZHES SOGS GSUNGS, DE'I DON 'CHAD PA LA, GANG LA RTOG PA'I YUL NI, DE YI NI, ,NGO BO NYID NGES GZUNG BA DANG,, ZHES DANG, DMIGS PA'I NGO BO NYID NGES PAR GZUNG BA DANG, ZHES 'CHAD, DE LTAR RTOG PA'I RGYU MTSAN NI, RNAM PA THAMS CAD DU MED PA'I PHYIR, ZHES PAS 'CHAD, 'OG MA RNAMS LA DE BZHIN SBYAR RO, ,GSUM PA RNAM MKHYEN NYID KYI YE SHES LA LOG PAR RTOG PA DE STON PA LA, DES SANGS RGYAS KYI SPYAN GYIS STONG GSUM GYI STONG CHEN PO'I 'JIG RTEN GYI KHAMS LA RNAM PAR LTA NA DNGOS PO MED PAR YANG MI DMIGS NA DNGOS PO YOD PAR LTA SMOS KYANG CI DGOS, ZHES SOGS GSUNGS, DE'I DON 'CHAD PA LA, RNAM KUN MKHYEN NYID YE SHES DANG, ,ZHES DANG, DNGOS PO DANG DNGOS PO MED PA MI DMIGS PAS RNAM MKHYEN NYID KYI YE SHES DANG, ZHES GSUNGS, BZHI PA BDEN GNYIS LA LOG PAR RTOG PA DE STON PA LA, GSOL BA BCOM LDAN 'DAS CI LAGS, 'JIG RTEN GYI KUN RDZOB KYANG GZHAN LA DON DAM PA YANG GZHAN ZHIG LAGS SAM, BCOM LDAN 'DAS KYIS BKA' STZAL PA, RAB 'BYOR 'JIG RTEN GYI KUN RDZOB KYANG GZHAN ZHIG LA DON DAM PA YANG GZHAN ZHIG ZHES BYA BA YANG MED DE, 'JIG RTEN GYI KUN RDZOB KYI DE BZHIN NYID GANG YIN PA DE NYID DON DAM PA'I DE BZHIN NYID YIN, ZHES SOGS GSUNGS, DE'I DON 'CHAD PA LA, DAM PA'I DON DANG KUN RDZOB DANG, ,ZHES DANG, DE BZHIN NYID KYI

125a

, ,NGO BO NYID KYIS KUN RDZOB DANG DON DAM PA'I BDEN PA GNYIS DANG, ZHES GSUNGS, LNGA PA SBYOR BA'I NGO BO LA LOG PAR RTOG PA DE STON PA LA, DE NAS TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHUB SEMS DPA'I SPYOD PA BYANG CHUB SEMS DPA'I SPYOD PA ZHES BGYI NA DE SKAD DU BYANG CHUB SEMS DPA'I SPYOD PA ZHES PA GANG GI TSIG BLA DVAGS LAGS, NAS, GZUGS STONG PA ZHES BYA BAR SPYOD DE CI NAS KYANG BLO RNAM PA GNYIS SU MI 'GYUR BA DE LTAR SPYOD DO, ,ZHES SOGS GSUNGS, DE'I DON 'CHAD PA LA, SBYOR DANG, ZHES DANG, SBYIN PA LA SOGS PA MI DMIGS PAS SBYOR BA DANG, ZHES GSUNGS, DRUG PA SANGS RGYAS DKON MCHOG LA LOG PAR RTOG PA, BDUN PA CHOS DKON MCHOG LA LOG PAR RTOG PA, BRGYAD PA DGE 'DUN DKON MCHOG LA LOG PAR RTOG PA GSUM STON PA LA, DE SKAD CES BKA' STZAL PA DANG, TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS SANGS RGYAS SANGS RGYAS ZHES BGYI NA SANGS RGYAS ZHES BGYI BA DE GANG GI TSIG BLA DVAGS LAGS, BCOM LDAN 'DAS KYIS BKA' STZAL PA, RAB 'BYOR YANG DAG PA'I DON GYI SANGS RGYAS ZHES BYA STE, NAS, YANG DAG PA'I DON DU RTOGS PAS DE'I PHYIR SANGS RGYAS ZHES BYA'O, ,ZHES DANG, RAB 'BYOR GYIS GSOL BA BCOM LDAN 'DAS BYANG CHUB SEMS DPA' BYANG CHUB SEMS DPA' ZHES BGYI NA BYANG CHUB SEMS DPA'

125b

ZHES BGYI BA DE GANG GI TSIG BLA DVAGS LAGS, BCOM LDAN 'DAS KYIS BKA' STZAL PA, BYANG CHUB SEMS DPA' ZHES BYA BA DE NI STONG PA NYID KYI TSIG BLA DVAGS LAGS SO, ,NAS, BYANG CHUB SEMS DPA' ZHES BYA BA NI MING DANG MTSAN MA TZAM STE DE'I PHYIR BYANG CHUB SEMS DPA' ZHES BYA'O, ,ZHES DANG, GSOL BA BCOM LDAN 'DAS BYANG CHEN GANG BYANG CHUB 'DI'I DON DU SPYOD PA DE CI PHA ROL TU PHYIN PA DRUG LA SPYOD PA DANG STONG PA NYID THAMS CAD LA SPYOD PA DANG, NAS, RAB 'BYOR BYANG CHEN SHER PHYIN LA SPYOD PA'I BYANG CHUB NI CHOS GANG YANG TSOGS SU GYUR BA'AM 'GRIB PAR BYA BA'AM 'GOD PAR BYA BA'AM 'PHEL BAR BYA BA'AM SKYE BAR BYA BA'AM 'GAG PAR BYA BA'AM KUN NAS NYON MONGS PAR BYA BA'AM RNAM PAR BYANG BAR 'GYUR BA'I PHYIR DMIGS PA'I TSUL GYIS NYE BAR GNAS PA MA YIN NO, ,ZHES SOGS GSUNGS, DE'I DON 'CHAD PA LA, DKON MCHOG GSUM PO DANG, ,ZHES DANG, RTOGS PAR BYA BA MED PAS SANGS RGYAS DKON MCHOG DANG, MING DU BTAGS PA TZAM DU ZAD PAS CHOS DKON MCHOG DANG, GZUGS LA SOGS PAR DMIGS PA BKAG PAS DGE 'DUN DKON MCHOG DANG, ZHES GSUNGS, DGU PA SPYOD PA'I KHYAD PAR THABS MKHAS LA LOG PAR RTOG PA STON PA LA, GSOL BA BCOM LDAN 'DAS BYANG CHEN THABS MKHAS PA DANG LDAN PAS RNAM MKHYEN NYID 'THOB PAR 'GYUR BA'I THABS DE GANG LAGS, BCOM LDAN 'DAS KYIS BKA' STZAL PA, BYANG CHEN SEMS DANG PO BSKYED PA NAS NYE BAR BZUNG STE

126a

, ,SBYIN PA'I PHA ROL TU PHYIN PA LA SPYOD, NAS, DE RNAM MKHYEN NYID DANG LDAN PA'I YID LA BYA BA DE DANG LDAN PAS SBYIN PA LA YANG SBYIN PA'I 'DU SHES SU MI 'GYUR LEN PA LA YANG LEN PA'I 'DU SHES SU MI 'GYUR GTONG BA LA YANG GTONG PA'I 'DU SHES SU MI 'GYUR RO, ,ZHES SOGS GSUNGS, DE'I DON 'CHAD PA LA, THABS BCAS, ZHES DANG, SBYIN PA LA SOGS PAR MI DMIGS PAS THABS LA MKHAS PA DANG, ZHES GSUNGS, BCU PA DE BZHIN GSHEGS PA'I MNGON PAR RTOGS PA LA LOG PAR RTOG PA DE STON PA LA, GSOL BA BCOM LDAN 'DAS CI LAGS, DNGOS PO MA MCHIS PAS DNGOS PO MA MCHIS PA MNGON PAR 'TSANG RGYA BAR BGYI BAR NUS SAM, BCOM LDAN 'DAS KYIS BKA' STZAL PA, RAB 'BYOR DE NI MA YIN NO, ,NAS, DE LTAR DNGOS PO MA MCHIS PAS DE MNGON PAR RTOGS PAR MI 'GYUR, DNGOS PO KYANG DE MNGON PAR RTOGS PAR MI 'GYUR, DNGOS PO KYANG DNGOS PO MA MCHIS PA MNGON PAR RTOGS PAR MI 'GYUR, DNGOS PO MA MCHIS PAS KYANG DNGOS PO MNGON PAR RTOGS PAR MI 'GYUR NA, BCOM LDAN 'DAS CI'I SLAD DU THOB PA MA MCHIS SHING MNGON PAR RTOGS PA MA MCHIS PA GCIG TU MI 'GYUR RAM, ZHES SOGS GSUNGS, DE'I DON 'CHAD PA LA, THUB PA'I RTOGS PA DANG, ,ZHES DANG, DNGOS PO DANG DNGOS PO MED PA DANG GNYIS KA'I NGO BO RTOGS PA BKAG PAS DE BZHIN GSHEGS PA'I MNGON PAR RTOGS PA DANG, ZHES GSUNGS, BCU GCIG PA PHYIN CI LOG LA LOG PAR RTOG PA STON PA LA, GSOL BA BCOM LDAN 'DAS BYANG CHEN GYI SPROS PA GANG LAGS, BCOM LDAN 'DAS KYIS BKA' STZAL PA,

126b

GZUGS RTAG CES BYA BA'AM, MI RTAG CES BYA BA NI BYANG CHEN GYI SPROS PA'O, ,ZHES SOGS GSUNGS, DE'I DON 'CHAD PA LA, PHYIN CI LOG NI, ZHES DANG, SPROS PA RNAM PAR BZHAG PA'I MI RTAG PA NYID LA SOGS PA NYID KYIS RTAG PA LA SOGS PAR PHYIN CI LOG PA DANG, ZHES GSUNGS, BCU GNYIS PA LAM GYI NGO BO LA LOG PAR RTOG PA DE STON PA LA, GSOL BA BCOM LDAN 'DAS GAL TE BYANG CHEN LAM THAMS CAD YONGS SU RDZOGS PAR BGYI STE BYANG CHUB SEMS DPA'I SKYON MA MCHIS PA LA 'JUG PAR BGYI NA, BCOM LDAN 'DAS 'DI LTAR BRGYAD PA'I LAM YANG GZHAN, ZHES PA NAS, BYANG CHEN BRGYAD PAR 'GYUR STE RGYUN DU ZHUGS PA'I 'BRAS BU THOB PA'AM, LAN CIG PHYIR 'ONG PA'I 'BRAS BU THOB PA'AM, PHYIR MI 'ONG PA'I 'BRAS BU THOB PA'AM, DGRA BCOM PA NYID THOB PA'AM, RANG BYANG CHUB THOB PAR GYUR NAS BYANG CHUB SEMS DPA'I SKYON MED PAR 'JUG PA'I GNAS DANG SKABS MED DE, DE NI GNAS MA YIN NO, ,ZHES SOGS GSUNGS, DE'I DON 'CHAD PA LA, LAM BCAS DANG, ,ZHES DANG, LAM RNAM PAR BSGOMS PA'I 'BRAS BU MNGON SUM DU MI BYED PAS LAM DANG, ZHES GSUNGS, BCU GSUM PA GNYEN PO LA LOG PAR RTOG PA DANG, BCU BZHI PA SPANG BYA MI MTHUN PHYOGS LA LOG PAR RTOG PA GNYIS STON PA LA, RAB 'BYOR 'ON KYANG 'DI LTAR GZUGS GANG YIN PA DANG, NAS, JI TZAM GYIS RNA 'PHAGS PA'I CHOS 'DUL BA ZHES BGYI, BCOM LDAN 'DAS KYIS BKA' STZAL PA, RAB 'BYOR 'DI LA NYAN THOS RNAMS DANG, RANG SANGS RGYAS RNAMS DANG, BYANG CHUB SEMS DPA' RNAMS DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS

127a

, ,RNAMS NI 'DOD CHAGS DANG LDAN PA YANG MA YIN BRAL BA YANG MA YIN, ZHES SOGS GSUNGS, DE'I DON 'CHAD PA LA, GNYEN PO MI MTHUN PHYOGS DAG DANG, ,ZHES DANG, DOR BA DANG BLANG BA MED PAS MI MTHUN PA'I PHYOGS DANG GNYEN PO DAG DANG, ZHES GSUNGS, BCO LNGA PA CHOS RNAMS KYI RANG SPYI'I MTSAN NYID LA LOG PAR RTOG PA DE STON PA LA, RAB 'BYOR 'DI NI BYANG CHEN RNAMS KYI GZUGS MED PA BSTAN DU MED PA THOGS PA MED PA MTSAN NYID MED PAR MTSAN NYID GCIG PA'I PHA ROL TU PHYIN PA STE, CHOS 'DI DAG NI SNGON CHAD KYANG MTSAN NYID MED LA DA LTAR MTSAN NYID MED PAS NA DE'I PHYIR BYANG CHEN GYI MTSAN NYID LA YANG BSLAB PAR MI BYA, MTSAN NYID MED PA LA YANG BSLAB PAR MI BYA'O, ,ZHES SOGS GSUNGS, DE'I DON 'CHAD PA LA, MTSAN NYID DANG NI, ZHES DANG, CHOS CAN MED PAS CHOS KYI MTSAN NYID DANG, ZHES GSUNGS, BCU DRUG PA CHOS RNAMS KYI DANG SPYI'I MTSAN NYID SGOM PA'I LAM LA LOG PAR RTOG PA DE STON PA LA, GSOL BA BCOM LDAN 'DAS GAL TE CHOS THAMS CAD MTSAN NYID MA MCHIS SHING MTSAN NYID THA DAD PA YANG MA LAGS NA, DE JI LTAR BYANG CHEN GYIS SHER PHYIN SGOM PA MCHIS PAR 'GYUR, ZHES PA NAS, BLA MED RDZOGS BYANG DU MNGON PAR SANGS RGYAS TE SEMS CAN RNAMS KYANG PHUNG PO GSUM DU LUNG BSTAN TO, ,ZHES GSUNGS DE'I DON 'CHAD PA LA, YUL GANG LA RTOG PA, TSUL JI LTAR DU RTOG PA, DE LTAR RTOG PA'I RGYU MTSAN, LOG PAR RTOG MKHAN GYI GANG ZAG DANG BZHI LAS, DANG PO NI, SGOM PA LA, ,ZHES DANG, SGOM PA LA, ZHES 'CHAD, GNYIS PA NI, PHAN TSUN 'GAL BA'I DON SGRUB PAS

127b

MI 'THAD PA NYID KYIS THE TSOM GYI NGO BO, ZHES 'CHAD, GSUM PA NI, RANG DANG SPYI'I MTSAN NYID MI 'THAD PAS, ZHES 'CHAD, BZHI PA NI, SMRA BA RNAMS KYI LOG RTOG PA, ,ZHES DANG, SKYE BO BYANG CHUB SEMS DPA'I THABS LA MKHAS PA MI SHES PA'I RAB TU SMRA BA NYID THAMS CAD KYI LOG PAR RTOG PA, ZHES PAS 'CHAD DO, ,GZHUNG DON NI, SKABS 'DIR BSTAN GYI BSAL BYA LOG RTOG CHOS CAN, BCU DRUG TU YOD DE, YUL GYI SGO NAS DE LTAR YOD PA'I PHYIR, RNAM MKHYEN GYI DMIGS PA'AM BAR RTZE'I DMIGS PA MI 'THAD PAR THAL, 'DUS BYAS DANG 'DUS MA BYAS KYI KHAMS DAG DON DAM PAR MA GRUB PA'I PHYIR, ZHES PA'I THAL 'GYUR CHOS CAN, KHYOD DBU MA PA LA GNOD BYED KYI THAL 'GYUR YANG DAG MA YIN PAR THAL, KHYOD LA DBU MA PAS KHYAB PA MA GRUB PA'I LAN DON MTHUN THEBS PA'I PHYIR, RANG GZHAN GYI DON GNYIS PHUN SUM TSOGS PA DON DU GNYER BA'I BYANG CHUB SEMS DPA' CHOS CAN, BDEN GNYIS KYI RNAM DBYE LA MKHAS PA SNGON DU BTANG NAS BAR CHAD MED PA'I RTZE SBYOR GYI TING NGE 'DZIN BSKYED PAR BYA BA YIN TE, LOG RTOG BCU DRUG BSAL NAS BAR CHAD MED PA'I TING NGE 'DZIN BSKYED PAR BYA BA YIN PA'I PHYIR, MDOR NA, DE CHOS CAN, BDEN GNYIS KYI RNAM DBYE LA MKHAS PAR BYA DGOS TE, KUN RDZOB SGO CAN GYI KLAN KA LA DON DAM GYI SGO NAS LAN GDAB DGOS, DON DAM SGO CAN GYI KLAN KA LA KUN RDZOB KYI SGO NAS LAN GDAB DGOS PA'I PHYIR, DES NA, BDEN GNYIS NGO BO GCIG TU 'DU MI RUNG BAR 'DZIN PA'I SA BON DANG MNGON GYUR PA GANG RUNG GIS BSDUS PA, 'DIR BSTAN BSAL BYA LOG SGRUB KYI MTSAN NYID, DBYE NA, BAR CHAD MED RTZE'I

128a

, ,DMIGS PA LA LOG PAR RTOG PA, DE'I NGO BO NYID DAM RNAM PA LA LOG PAR RTOG PA, 'BRAS BU LA LOG PAR RTOG PA, BDEN GNYIS LA LOG PAR RTOG PA, SBYOR BA'I NGO BO LA LOG PAR RTOG PA, SPYOD PA'I RTEN SKYABS 'GRO YUL DANG BCAS PA DKON MCHOG GSUM LA LOG PAR RTOG PA GSUM, SPYOD PA'I KHYAD CHOS LA LOG PAR RTOG PA, MNGON RTOGS LA LOG PAR RTOG PA, SPANG BYA LA LOG PAR RTOG PA, LAM GYI NGO BO LA LOG PAR RTOG PA, SPANG GNYEN GYI RNAM DBYE LA LOG PAR RTOG PA GNYIS, CHOS RNAMS KYI RANG SPYI'I MTSAN NYID LA LOG PAR RTOG PA, RANG SPYI'I MTSAN NYID SGOM PA LA LOG PAR RTOG PA DANG BCU DRUG TU YOD, KHO NA RE, SEMS TZAM PAS 'DIR BSTAN BDEN GNYIS NGO BO GCIG TU 'DU MI RUNG BAR KHAS LEN PAR THAL, MTSAN NYID 'THAD PA'I PHYIR, 'DOD NA, DES BDEN GNYIS NGO BO GCIG TU KHAS MI LEN PAR THAL, 'DOD PA'I PHYIR NA MA KHYAB, KHA CIG ,BDEN GNYIS 'GAL BAR 'DZIN PA'I BLO MNGON GYUR PA DANG SA BON GANG RUNG GIS BSDUS PA, 'DIR BSTAN BSAL BYA LOG SGRUB KYI MTSAN NYID, ZER NA, BDEN GNYIS 'GAL BAR 'DZIN PA'I BLO DE 'DIR BSTAN BSAL BYA LOG RTOG YIN PAR THAL, MTSAN NYID 'THAD PA'I PHYIR, 'DOD NA, DE CHOS CAN, LOG SHES SU THAL, 'DOD PA'I PHYIR, 'DOD NA, BDEN GNYIS MI 'GAL BAR THAL LO, ,KHA CIG ,DE 'DIR BSTAN BSAL BYA LOG RTOG GI MTSAN NYID ZER BA MI 'THAD DE, 'DIR BSTAN BSAL BYA LOG RTOG YIN NA SHES PA YIN PAS KHYAD PA'I PHYIR, KHA CIG ,BDEN GNYIS NGO BO GCIG LA GZHI MTHUN DU 'DU MI RUNG BAR 'DZIN PA'I BLO MNGON GYUR

128b

PA DANG SA BON GANG RUNG GIS BSDUS PA, 'DIR BSTAN BSAL BYA LOG SGRUB KYI MTSAN NYID ZER NA, BDEN GNYIS NGO BO GCIG LA GZHI MTHUN DU 'DU RUNG BAR THAL, MTSAN NYID 'THAD PA'I PHYIR, KHA CIG ,BDEN PAR MED PA DANG THA SNYAD DU YOD PA 'GAL BAR 'DZIN PA'I BLO MNGON DU GYUR PA DANG SA BON GANG RUNG GIS BSDUS PA DE'I MTSAN NYID ZER NA, SEMS TZAM PAS DE GNYIS 'GAL BAR KHAS LEN PAR THAL, MTSAN NYID 'THAD PA'I PHYIR, 'DOD MI NUS TE, DES KUN BTAGS BDEN PAR MED CING THA SNYAD DU YOD PAR KHAS LEN PA'I PHYIR, KHA CIG ,BAR CHAD MED PA'I RTZE SBYOR DANG RNAM MKHYEN GYI DMIGS PA CHOS CAN, BDEN PAR YOD PAR THAL, THA SNYAD DU YOD PA'I PHYIR, ZHES PA'I THAL 'GYUR DE SKABS 'DIR BSTAN GYI KUN RDZOB SGO CAN GYI KLAN KA DANG, DE CHOS CAN, THA SNYAD DU MED PAR THAL, DON DAM PAR MED PA'I PHYIR, ZHES PA'I THAL 'GYUR DE SKABS 'DIR BSTAN GYI DON DAM SGO CAN GYI KLAN KA YIN, ZHES ZER BA MI 'THAD DE, THAL 'GYUR DE GNYIS DBU MA PA LA GNOD BYED KYI THAL 'GYUR RNAM DAG TU KHAS LEN PA'I DNGOS SMRA BA MED PA'I PHYIR, DE LTAR BYE BRAG SMRA BAS KYANG KHAS MI LEN, DE LTAR MDO SDE PAS KYANG KHAS MI LEN, DE LTAR SEMS TZAM PAS KYANG KHAS MI LEN PA'I PHYIR, DANG PO GRUB STE, DES THAL 'GYUR DE'I KHYAB PA RANG LA TSAD MAS MA GRUB PAR KHAS LEN PA'I PHYIR, DES BUM PA KUN RDZOB TU YOD CING DON DAM PAR MED PAR KHAS LEN PA'I PHYIR TE, MDZOD LAS, GANG LA BCOM DANG BLO YI GZHAN, ,BSAL NA DE BLO MI 'JUG PA, ,BUM CHU BZHIN DU KUN RDZOB TU, ,YOD DE DON DAM YOD GZHAN NO, ,ZHES GSUNGS PA'I PHYIR, GNYIS PA GRUB STE, DES SPYI MTSAN BDEN ? ??

129a

, ,CING THA SNYAD DU YOD PAR KHAS LEN PA'I PHYIR, GSUM PA GRUB STE, DES DE 'DRA'I THAL 'GYUR GYI KHYAB PA RANG LUGS LA TSAD MAS GRUB PAR KHAS MI LEN PA'I PHYIR TE, DES KUN BTAGS DON DAM PAR MED CING THA SNYAD DU YOD PAR KHAS LEN PA'I PHYIR, DES NA 'DIR BSTAN KLAN KA DANG, DE'I LAN LA DOGS PA DPYAD PA GNYIS LAS, DANG PO LA, SPYIR KLAN KA LA BZHIR YOD DE, DE LA THAL RTAGS RIGS MTHUN GNYIS DANG, DE RIGS MI MTHUN GNYIS SU YOD PA'I PHYIR, DANG PO GRUB STE, KUN RDZOB RTAGS SU BKOD NAS KUN RDZOB THAL BAR 'PHEN PA DANG, DON DAM RTAGS SU BKOD NAS DON DAM THAL BAR 'PHEN PA GNYIS SU YOD PA'I PHYIR, GNYIS PA GRUB STE, KUN RDZOB RTAGS SU BKOD NAS DON DAM DANG, DON DAM RTAGS SU BKOD NAS KUN RDZOB THAL PAR 'PHEN PA GNYIS SU YOD PA'I PHYIR, 'GREL PAR GNYIS GSUNGS PA DANG MI 'GAL TE, DE NI GTZO CHE BA LA DGONGS PA'I PHYIR, DE LA DANG PO NI LAM GSUM BSGOM PA LA DGOS PA MED PAR THAL, LAM GNYIS KYI 'BRAS BU NYID MYANG 'DAS MNGON DU MI BYED PA'I PHYIR, ZHES PA LTA BU'O, ,GNYIS PA NI, DON DAM PAR BAR CHAD MED RTZE'I DMIGS PA MI 'THAD PAR THAL, DON DAM PAR YUL GNYIS MED PA'I PHYIR, ZHES PA LTA BU, GSUM PA NI, SA BON CHOS CAN, BLO LA SNANG BA'I DBANG GIS BZHAG PA MA YIN PAR RANG GI SDOD LUGS KYI NGOS NAS MYU GU SKYED PAR THAL, RANG NGOS NAS MYU GU SKYED PA'I PHYIR, ZHES PA LTA BU, BZHI PA NI, THAL 'GYUR DE PHYI NANG LOG PA LTA BU'O, ,DES NA 'GREL BAR BSHAD PA RNAMS LA, DGU PA DANG, BCU PA DANG, BCU GNYIS PA GSUM NI KUN RDZOB RIGS

129b

MI MTHUN YIN LA, GZHAN RNAMS LA KUN RDZOB DANG DON DAM RIGS MI MTHUN GNYIS KA YOD DE, THAL BA'I RJES SU 'GRO LDOG GI RIM PAS DE LTAR YOD PA'I PHYIR, DON DAM GYI RIGS MI MTHUN TSIG ZIN LA MED KYANG MTHA' 'GEGS LA BKOD PA'O, ,ZHES GSER PHRENG LAS BSHAD PA'O, ,DES NA DBU MA PA'I KUN RDZOB KYI KHAS BLANGS RTAGS SU BKOD NAS DON DAM SUN 'BYIN PAR BYED PA'I SUN 'BYIN LTAR SNANG, SKABS 'DIR DNGOS SU BSTAN PA'I KUN RDZOB SGO CAN GYI KLAN KA'I MTSAN NYID, DBU MA PA'I DON DAM GYI KHAS BLANGS RTAGS SU BKOD NAS KUN RDZOB SUN 'BYIN PAR BYED PA'I SUN 'BYIN LTAR SNANG, SKABS 'DIR DNGOS SU BSTAN PA'I DON DAM SGO CAN GYI KLAN KA'I MTSAN NYID, GNYIS PA LA, RTOGS DKAR, DGU PA LA BDEN PA GNYIS KA DANG, BCU GCIG PA KUN RDZOB LA YANG LOG GNYIS SU PHYE BA DANG, GZHAN THAMS CAD LA KUN RDZOB KYI LAN 'DEBS PAR BSHAD PA MI 'THAD DE, DGU PA LA BDEN GNYIS KYI LAN 'DEBS TSUL DE GZHAN RNAMS LA YANG MTSUNGS PAR SNANG BA'I PHYIR RO, ,DES NA KUN RDZOB SGO CAN GYI KLAN KA LA DON DAM DANG, DON DAM SGO CAN GYI KLAN KA LA KUN RDZOB KYI SGO NAS LAN 'DEBS LA, KUN RDZOB RIGS MTHUN LA KUN RDZOB DANG, DON DAM RIGS MTHUN LA DON DAM GYI SGO NAS LAN 'DEBS PAR LEGS PAR BSHAD PA GSER GYI PHRENG BA LAS BSHAD DO,, ` ,,GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA DANG RNAM BSHAD SNYING PO'I RGYAN RNAM

130a

, ,PA GNYIS KYI DGONGS PA GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS LNGA PA'I LEGS PAR BSHAD PA'O, ,SMRAS PA, BSLAB PA YONGS SU DAG PA'I LE'U YI, ,MDO YI SRAS DON RTZE SBYOR MTSON PA'I CHOS, ,BZHI BRAG GNYIS PO RTZA BAS BKRAL BA BZHIN, ,'GREL BA'I DGONGS PA RNAM BSHAD RNAM GNYIS KYI, ,LEGS PAR BSHAD PA'I DKA' BA'I GNAS RNAMS KUN, ,RJE BTZUN MKHYEN PA'I GTER GYI LEGS BSHAD RNAMS, ,YONGS 'DZIN RNAMS KYI GSUNG BZHIN YI GER BKOD, ,'DIR 'BAD RNAM DKAR GANGS KYI SA 'DZIN LA, ,MTSAN MO'I MGON GYI 'OD KYIS PHOG PA BZHIN, ,GSAL BAR MTSON PA'I DUS GSUM DGE TSOGS RNAMS, ,RJE BTZUN RGYAL BA GNYIS PA'I BSTAN PA NI; ;SRID MTHA'I BAR DU GNAS PAR BYA PHYIR BSNGO, ,BDAG KYANG DENG NAS RGYAL BA GNYIS PA YI, ,BSTAN LA YID CHES DAD PA RNYED GYUR NAS, ,THOS BSAM SGOM PAS TSUL BZHIN RAB 'BAD DE, ,KUN MKHYEN RGYAL BA'I GO 'PHANG MYUR THOB SHOG, ,, ` YUM GSUM RGYAN GYI DGONGS DON CHU GTER KLONG, ,SGROL LA RNAM BSHAD RNAM GNYIS GRU BO CHER, ,YANG GSAL ME LONG SKYABS LEGS BSKUL TE, ,BSHAD SGRUB NYAMS LEN PHA ROL PHYIN RDZOGS

130b

SHOG ,DNGOS BRGYAD ZAB DON GNAD KUN MA 'DRES PAR, ,LEGS PHYE PHAR PHYIN GZHUNG 'DI DON GNYER CAN, ,BLO GSAL TSOGS LA SMAN SLAD PAR DU BSKRUN, ,DGE 'DIS RGYAL BSTAN 'PHEL BA'I RGYUR GYUR CIG , DGA' LDAN DGE BSHES BYAMS PA BLO GROS KYI THUGS DGONGS LTAR RJE BTZUN CHOS KYI RGYAL MTSAN GYI PHAR PHYIN YIG CHA KHAG PAR GZHI SLAR YANG GSAR BSKRUN BYAS SHING, PAR BRKO'I SBYIN BDAG NI BSLAB GSUM NOR BU'I MDZOD 'DZIN DGA' SHAR AA LAG THUB BSTAN 'JAM DBYANGS, DGA' BYANG AA LAG BYAMS PA, DGA' BYANG AA LAG BLO BZANG SHES RAB, DGA' BYANG AA LAG DGE 'DUN 'OD ZER, DGA' BYANG AA LAG BLO BZANG KUN DGA' DANG, RGYAL BA'I BSTAN LA MI PHYED PA'I DAD PA DANG, GTONG BA'I SGO 'PHAR 'BYED PA DGA' BYANG RGAN BLO BZANG BKRA SHIS, LUNG RTOGS YON TAN GYI BDAG NYID AA LAG SHING BSKAL BZANG BCAS DANG, GZHAN YANG DGA' BYANG 'PHYONGS RGYAS GNYER BLO BZANG 'JAM DBYANGS, AAR BAN DKON MCHOG SKYABS SOGS MDO SMAD WA SHUL WA YAN SDE SHOG DANG, NU MA RU BA SDE SHOG SOGS GONG GSAL PAR BRKO'I SBYIN BDAG RNAMS KYIS CHOS SBYIN 'DZAD MED KYIS BAR GZHI'I MTHUN RKYEN RGYU DNGOS SBYOR GNANG MDZAD PA DANG, PAR BRKO'I 'GAN 'KHUR BA DGE SKUL

131a

, ,THUB BSTAN, RGAN BLO BZANG RGYA MTSO, CHUNG BDAG ,RGAN BLO BZANG BKRA SHIS BCAS KYIS PAR BRKO'I BYED SGOR 'GAN 'KHUR GNANG BA BCAS LA BRTEN 1986 LOR RJE BTZUN CHOS KYI RGYAL MTSAN GYI PHAR PHYIN ROL MTSO ZUR BKOL BCAS KYI PAR GZHI SLAR YANG GSAR SKRUN BYAS PA'I DGE RTZA 'DIS 'JAM MGON RGYAL BA GNYIS PA'I RING LUGS PHYOGS DUS GNAS SKABS KUN TU DAR RGYAS YUN RING DU GNAS PAR GYUR CIG, ,,PAR GZHI KHAG ZHUS DAG BYED PO NI DGE MING BKRA SHIS RIN CHEN GYIS BGYIS PA'O,, ,,PAR 'DI DGA' LDAN PAR KHANG DU BZHUGS,, ,,

131b

[BLANK PAGE]

001a

001b

, ,GNYIS PA BRTAN BA RGYU 'BRAS KYI YAN LAG RGYAS PAR BSHAD PA LA, BRTAN PA'I RGYU MTHAR GYIS SBYOR GYI YAN LAG RGYAS BAR BSHAD PA, BRTAN PA'I 'BRAS BU SKAD CIG SBYOR GYI YAN LAG RGYAS BAR BSHAD PA DANG GNYIS LAS, DANG PO LA, 'BREL BKOD PAS MTSAMS SBYAR BA, MTHAR GYIS SBYOR MTSON BYED KYI CHOS RGYAS PAR BSHAD PA, SKABS BSDU BA DANG GSUM LAS, DANG PO NI; LUS RNAM GZHAG TU, RTZE MOR PHYIN DANG MTHAR GYIS PA, ,ZHES 'CHAD NA, RTZE SBYOR GYI 'OG TU MTHAR GYIS SBYOR 'CHAD PA'I RGYU MTSAN GANG ZHE NA, DE'I RGYU MTSAN YOD DE, RTZE SBYOR THOB PAS MKHYEN GSUM GYI RNAM PA GO RIMS NGES CAN DU SGOM DGOS SO, ,ZHES SHES PAR BYA BA'I CHED YIN PA'I PHYIR, DE LTAR BSGOMS PA CHOS CAN, DGOS PA YOD DE, MKHYEN GSUM GYI RNAM PA LA BRTAN PA THOB PAR BYA BA'I CHED DU YIN

002a

, ,PA'I PHYIR, ZHES MTSAMS SBYOR BA LA, RTZE MO'I MNGON PAR RTOGS PA THOB PA SO SO BA DANG BSDUS PA NYID DU RTOGS PA'I DON RNAMS GO RIMS BZHIN DU BLAGS NAS BRTAN POR BYA BA'I PHYIR RNAM PAR SGOM PAR BYED PAS MTHAR GYIS BA'I MNGON PAR RTOGS PA, ZHES GSUNGS, GNYIS PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, LOG ZHUGS BCU DRUG PA'I MDOR, CHOS THAMS CAD DNGOS PO MED PA'I NGO BO NYID DU RTOGS NAS 'TSANG RGYA BAR GSUNGS PA LAS 'PHROS NAS, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GAL TE DE LTAR BYANG CHEN POS THAMS CAD DNGOS PO MA MCHIS PA'I NGO BO NYID LA BSAM GTAN BZHI DANG MNGON PAR SHES PA LNGAS BLA

002b

MED RDZOGS BYANG DU MNGON 'TSANG RGYA NA, BCOM LDAN 'DAS DE JI LTAR DNGOS PO MA MCHIS PA'I NGO BO NYID LA BYANG CHEN MTHAR GYIS SPYOD PA DANG, MTHAR GYIS SLOB PA DANG, MTHAR GYIS NAN TAN TU BGYI BA, GANG GIS BLA MED RDZOGS BYANG DU MNGON 'TSANG RGYA BAR 'GYUR BA'I MTHAR GYIS SPYOD PA DANG, MTHAR GYIS SLOB PA DANG, MTHAR GYIS NAN TAN DU BGYI BA MCHIS PAR 'GYUR, BCOM LDAN 'DAS KYIS BKA' STZAL PA, RAB 'BYOR 'DI LTAR BYANG CHEN THOG MAR SANGS RGYAS BCOM LDAN 'DAS RNAMS DANG, ZHES PA NAS, SHER PHYIN DANG PHAR PHYIN DRUG LA SPYOD DO, ,ZHES PA'I BAR GYIS MTHAR GYIS SBYOR MDOR BSTAN NAS, DE RGYAS BAR 'CHAD PA LA, RAB 'BYOR GZHAN YANG BYANG CHEN, ZHES SOGS GSUNGS, GNYIS LAS, RTZA 'GREL GNYIS LAS, DANG PO NI, MDO DE'I DON 'CHAD PA LA, SBYIN BA SHES RAB BAR DAG DANG, ZHES SOGS GSUNGS, GNYIS PA NI, DE NYID TSIG DON GYI SGO NAS 'CHAD PA LA, PHA ROL TU PHYIN PA BZHI NI, ZHES SOGS GSUNGS, MDO RTZA 'GREL 'DI RNAMS KYI DON BSDU NA, LAM GYI MTHAR GYIS PA DANG; LAM KHYAD PAR DU BYED PA'I MTHAR GYIS PA DANG, LAM DAG BYED KYI MTHAR GYIS PA DANG GSUM LAS, DANG PO LA, SBYIN SOGS PHAR PHYIN DRUG GI MTHAR GYIS SBYOR DRUG YOD PA RIM BZHIN STON PA LA, RAB 'BYOR GZHAN YANG BYANG CHEN SEMS DANG PO BSKYED PA NAS NYE BAR BZUNG STE SBYIN PA'I PHAR PHYIN LA SPYOD PA'I TSE BDAG KYANG SBYIN PA GTONG, ZHES SOGS DANG, RAB 'BYOR GZHAN YANG BYANG CHEN SEMS DANG PO BSKYED PA NAS NYE BAR BZUNG STE BDAG KYANG TSUL KHRIMS KYI PHAR PHYIN LA SPYOD

003a

, ,DO; ;ZHES SOGS DANG, RAB 'BYOR GZHAN YANG BYANG CHEN SEMS DANG PO BSKYED PA NAS NYE BAR BZUNG STE BDAG KYANG BZOD PA'I PHAR PHYIN LA SPYOD DO, ,ZHES SOGS DANG, RAB 'BYOR GZHAN YANG BYANG CHEN SEMS DANG PO BSKYED PA NAS NYE BAR BZUNG STE BDAG KYANG DGE BA'I CHOS RNAMS LA BRTZON 'GRUS RTZOM MO, ,ZHES SOGS DANG, RAB 'BYOR GZHAN YANG BYANG CHEN SEMS DANG PO BSKYED PA NAS NYE BAR BZUNG STE BDAG KYANG TSAD MED PA DANG BSAM GTAN DANG GZUGS MED PA'I SNYOMS PAR 'JUG PA LA MNYAM PAR 'JOG GO ,ZHES SOGS DANG, RAB 'BYOR GZHAN YANG BYANG CHEN SEMS DANG PO BSKYED PA NAS NYE BAR BZUNG STE BDAG NYID KYANG SHER PHYIN LA SPYOD CING SBYIN PA YONGS SU GTONG NGO, ,ZHES SOGS GSUNGS, DE'I DON 'CHAD PA LA; SBYIN PA SHES RAB BAR DAG DANG, ,ZHES DANG, PHA ROL TU PHYIN PA BZHI NI SHES RAB KYI PHA ROL TU PHYIN PA'I NANG DU 'DU BA'I PHYIR, SBYIN PA'I PHA ROL TU PHYIN PA LA SOGS PA 'KHOR GSUM RNAM PAR DAG PAS RAB TU PHYE BA DRUG RNAM PA THAMS CAD DU YONGS SU RDZOGS PAS SA BCU YANG DAG PAR SGRUB PAR BYED PA DANG, ZHES GSUNGS, GNYIS PA LA YANG SANGS RGYAS RJES SU DRAN PA, CHOS RJES SU DRAN PA, DGE 'DUN RJES SU DRAN PA, TSUL KHRIMS RJES SU DRAN PA, GTONG BA RJES SU DRAN PA, LHA RJES SU DRAN PA'I MTHAR GYIS SBYOR DRUG TU YOD PA RIM PA BZHIN DU STON PA LA, RAB 'BYOR GZHAN YANG BYANG CHEN MTHAR GYIS PA'I BYA BA DANG, MTHAR GYIS PA'I SLOB PA DANG, MTHAR GYIS PA'I SGRUB PA LA BSLABS TE SEMS DANG PO BSKYED PA NAS NYE BAR BZUNG STE RNAM MKHYEN

003b

DANG LDAN PA'I BYA BAS CHOS THAMS CAD DNGOS PO MED PA'I NGO BO NYID DU LHAG PAR MOS PAS SANGS RGYAS RJES SU DRAN PA SGOM MO, ,ZHES SOGS DANG, RAB 'BYOR JI LTAR BYANG CHEN CHOS RJES SU DRAN PA SGOM PA YIN ZHE NA, RAB 'BYOR 'DI LA BYANG CHEN SHER PHYIN LA SPYOD PA'I TSE CHOS RJES SU DRAN PA SGOM PA NA, DGE BA'I CHOS YID LA MI BYED MI DGE BA'I CHOS YID LA MI BYED LUNG DU MA BSTAN PA'I CHOS YID LA MI BYED, CES SOGS DANG, RAB 'BYOR JI LTAR BYANG CHEN DGE 'DUN RJES SU DRAN PA SGOM PA YIN ZHE NA, RAB 'BYOR 'DI LA BYANG CHEN SHER PHYIN LA SPYOD PA'I TSE DGE 'DUN RJES SU DRAN PA BSGOMS TE, BCOM LDAN 'DAS KYI NYAN THOS KYI DGE 'DUN TSUL KHRIMS DANG TING NGE 'DZIN DANG SHES RAB DANG RNAM PAR GROL PA DANG RNAM PAR GROL BA'I YE SHES MTHONG BA'I PHUN SUM TSOGS PA'I SKYES BU ZUNG BZHI GANG ZAG LA BRGYAD PO DE DAG DNGOS PO MED PA'I NGO BO NYID DU YID LA BYED DO, ,ZHES SOGS DANG, RAB 'BYOR JI LTAR BYANG CHEN TSUL KHRIMS RJES SU DRAN PA SGOM PA YIN ZHE NA, RAB 'BYOR 'DI LA BYANG CHEN SHER PHYIN LA SPYOD PA'I TSE TSUL KHRIMS RJES SU DRAN PA SGOM PA NA TSUL KHRIMS MA NYAMS PA SKYON MED PA, ZHES SOGS DANG, RAB 'BYOR JI LTAR BYANG CHEN SHER PHYIN LA SPYOD PA'I TSE GTONG BA RJES SU DRAN PAR 'GYUR TE, RAB 'BYOR 'DI LA BYANG CHEN SHER PHYIN LA SPYOD PA'I TSE GTONG BA RJES SU DRAN PA SGOM PA NI DNGOS PO MED PA'I NGO BO NYID KYI TSUL GYIS GTONG BA RJES SU DRAN PAR BYA STE, ZHES SOGS DANG, RAB 'BYOR JI LTAR BYANG CHEN LHA RJES SU DRAN PA SGOM PA YIN ZHE NA,

004a

, ,RAB 'BYOR 'DI LA BYANG CHEN SHER PHYIN LA SPYOD PA'I TSE LHA RJES SU DRAN PA SGOM PA NA RGYAL CHEN BZHI'I RIS KYI LHAR SKYES PA DANG, ZHES SOGS GSUNGS, DE'I DON 'CHAD PA LA, SANGS RGYAS LA SOGS DRAN DANG CHOS, ,ZHES DANG, DRAN PA NYE BAR BZHAG PA LA SOGS PA DANG, BYANG CHUB KYI YAN LAG GI RNAM PA DANG, 'PHAGS PA'I LAM YAN LAG BRGYAD PA STE, DON DAM PAR DRAN PA MED PA MTSAN NYID KYI SANGS RGYAS RJES SU DRAN PA RNAM PA GSUM PO GO RIM BZHIN DU NGES PAR 'BYED PA'I CHA DANG MTHUN PA DANG MTHONG BA DANG SGOM PA'I LAM RJOD PAR BYED PA DANG DE BZHIN DU DGE BA DANG MI DGE BA DANG LUNG DU MA BSTAN PA'I CHOS RJES SU DRAN PA DANG, SNGA MA BZHIN DU BYANG CHUB SEMS DPA' 'PHAGS PA PHYIR MI LDOG PA'I DGE 'DUN RJES SU DRAN PA DANG, DE BZHIN DU TSUL KHRIMS DANG GTONG BA DANG LHA RJES SU DRAN PA DANG, ZHES GSUNGS, GSUM PA STON PA LA, RAB 'BYOR GZHAN YANG BYANG CHEN SHER PHYIN LA SPYOD PA MTHAR GYIS PA'I BYA BA YONGS SU RDZOGS PAR 'DOD PA DANG MTHAR GYIS PA'I SLOB PA DANG MTHAR GYIS PA'I SGRUB PA YONGS SU RDZOGS PAR BYA BAR 'DOD PAS SEMS DANG PO BSKYED PA NAS NYE BAR BZUNG STE RNAM MKHYEN DANG LDAN PA'I YID LA BYA BAS DNGOS PO MED PA'I NGO BO NYID KYI TSUL GYIS NANG STONG PA NYID LA BSLAB PAR BYA'O, ,ZHES PA NAS, BDUD KYI RIS KYI LHA RNAMS KYIS TSUGS PAR DKA' BA YIN NO ZHES GSUNGS, DE'I DON 'CHAD PAR, DNGOS MED NGO BO NYID KYIS NI, ,MTHAR GYIS PA YI BYA BAR

004b

BZHED, ,CES DANG, GZUGS LA SOGS PA'I CHOS THAMS CAD DNGOS PO MED PA'I NGO BO NYID DU KHONG DU CHUD PAS RTOGS PA GANG YIN PA DE NI 'DIR MTHAR GYIS PA'I BYA BAR BZHED PA YIN NO, ,ZHES GSUNGS, MTHAR GYIS SBYOR SGOM TSUL YOD DE, BYA RDZOGS KYI SKAD CIG MA'I THUNG MTHA' GCIG LA MKHYEN GSUM GYI RNAM PA BRGYA BDUN CU RTZA GSUM GO RIMS NGES CAN DU SGOM PA LA BRTAN PA THOB DON DU DE RNAMS DKYUS GCIG LA SGOM PA DE DE'I DON YIN PA'I PHYIR, DE LTAR SGOM PA YANG CHOS BCU GSUM GYIS ZIN PA'I SGO NAS TSOGS LAM GYI SKABS SU SGOM PA MTHAR GYIS SPYOD PA DANG, SBYOR LAM GYI SKABS SU SGOM PA MTHAR GYIS SLOB PA, MTHONG SGOM GYI SKABS SU SGOM PA MTHAR GYIS NAN TAN DU BGYI BA YIN TE, NYI SNANG LAS, DE LA SEMS BSKYED PAR SHES PAR BYA BA'I DON DU NI SPYOD PA SMOS SO, ,NGES PAR 'BYED PA'I CHA DANG MTHUN PA SHES PAR BYA BA'I DON DU NI SLOB PA SMOS SO, ,MTHONG BA'I LAM DANG SGOM PA'I LAM SHES PAR BYA BA'I DON DU NI NAN TAN TU BYA BA SMOS TE, MNGON PAR RTOGS PA'I GO RIMS SHES PAR BYA BA'I DON DU NI GSUM TSAR SMOS PA YIN NO, ,ZHES GSUNGS PA'I PHYIR, SO SO BA DANG BSDUS PA NYID, ,CES PA'I DON LA, SLOB DPON CHEN POS SHES BYA JI SNYED PA LA SO SO BA DANG JI LTA BA LA BSDUS PA ZHES BSHAD, RTOG GI SNANG BAR DANG PO LUGS 'BYUNG DANG GNYIS PA LUGS LDOG LA BSHAD, RNAM BSHAD GNYIS DANG, 'BUM PHRAG GSUM PA RNAMS SKABS DANG PO GSUM GYI GNAS SKABS SU MKHYEN GSUM GYI RNAM PA

005a

, ,BSTAN PA LA SO SO BA DANG, SKABS BZHI PAR DE BSTAN PA LA BSDUS PA ZHES PA'I DON DU BSHAD DO, ,DES NA MKHYEN GSUM GYI RNAM PA SGOM PA LA BRTAN PA THOB DON DU MKHYEN GSUM GYI RNAM PA SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR GANG ZHIG ,RGYUN MTHA'I SNGA LOGS TSUN CHAD KYIS BSDUS PA, MTHAR GYIS SBYOR GYI MTSAN NYID, DBYE NA PHAR PHYIN DRUG GI MTHAR GYIS SBYOR BA DRUG ,RJES DRAN DRUG GI MTHAR GYIS SBYOR BA DRUG ,DNGOS MED NGO BO NYID KYI MTHAR GYIS SBYOR BA DANG BCU GSUM DU YOD, SBYIN PA NYAMS LEN GYI BYA BAS ZIN PA'I MKHYEN GSUM GYI RNAM PA LA BRTAN PA THOB DON DU MKHYEN GSUM GYI RNAM PA RIM GYIS SGOM PA'I SHES RAB KYIS ZIN PA'I SEMS DPA'I RNAL 'BYOR GANG ZHIG ,RGYUN MTHA'I SNGA LOGS TSUN CHAD KYIS BSDUS PA, SBYIN PA'I MTHAR GYIS SBYOR GYI MTSAN NYID, DES PHAR PHYIN LHAG MA LNGA LA RIGS 'GRE'O, ,SANGS RGYAS RJES DRAN GYI NYAMS LEN GYI BYA BAS ZIN PA'I, ZHES SOGS, SANGS RGYAS RJES DRAN GYI MTHAR GYIS SBYOR GYI MTSAN NYID, DES CHOS, DGE 'DUN, TSUL KHRIMS, GTONG BA, LHA RJES DRAN RNAMS LA RIGS 'GRE'O, ,SA MTSAMS THEG CHEN GYI TSOGS LAM NAS RGYUN MTHA'I SNGA LOGS KYI BAR DU YOD, KHA CIG ,MKHYEN GSUM GYI RNAM PA GO RIM NGES CAN DU SGOM PA'I SEMS DPA'I RNAL 'BYOR, MTHAR GYIS SBYOR BA'I MTSAN NYID ZER BA, MI 'THAD DE, DE GO RIM 'CHOL BAR SGOM PA'I DE YOD PA'I PHYIR, KHA CIG ,DE LTAR SGOM PA'I SHES RAB KYIS ZIN PA'I ZHES

005b

SOGS ZER BA MI 'THAD DE, THEG CHEN GYI TSOGS LAM DE MTHAR GYIS SBYOR YIN PA'I PHYIR, KHA CIG ,MKHYEN GSUM GYI RNAM PA SGOM PA'I SEMS DPA'I RNAL 'BYOR, DE'I MTSAN NYID ZER BA MI 'THAD DE, THEG CHEN GYI MTHONG LAM BAR CHAD MED LAM DANG, MKHYEN GSUM GYI RNAM PA SGOM PA'I RGYUN MTHA'I YE SHES KYIS MA NGES PA'I PHYIR, KHA CIG ,MTHAR GYIS SBYOR BA'I CHOS BCU GSUM RIM CAN DU SGOM PA DE MTHAR GYIS SBYOR SGOM PA'I DON YIN ZER BA MI 'THAD DE, 'GREL PA DANG 'GAL BA'I PHYIR TE, RGYAN GYI DON DRUG TU BSDUS PA'I SKABS SU MTHAR GYIS SBYOR BAS MKHYEN GSUM GYI RNAM PA RIM CAN DU SGOM PA DE DE'I SGOM TSUL DU BSHAD PA'I PHYIR TE, DES NA RTOGS PA'I DNGOS PO NGES PAR BYA BA'I PHYIR SO SO BA DANG MTHA' DAG TU RNAM PAR SGOM PA'I DON GZHUNG SRONG BAR BYED PA'I MTHAR GYIS PA'I MNGON PAR RTOGS PA NI RNAM PA THAMS CAD MKHYEN PA NYID GSUM GYI GO RIM GYI GNAS SKABS YIN NO, ,ZHES GSUNGS PA'I PHYIR, GZHUNG DON NI, MTHAR GYIS SBYOR CHOS CAN, DU MAR YOD DE, BCU GSUM DU YOD PA'I PHYIR, GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DKA' BA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS DRUG PA'I DKA' BA'I GNAS LEGS PAR BSHAD PA'O,, ,,SMRAS PA, BSLAB PA LA NI RIM GYIS 'JUG PA YI, ,LE'U'I MDO YI SPAS DON MTHAR GYIS PA, ,MTSON

006a

, ,BYED CHOS RNAMS GSAL BYED MTHAR GYIS PA'I, ,SKABS KYI RTZA 'GREL DON RNAMS JI BZHIN DU, ,LEGS PAR BSHAD PA RJE BTZUN MKHYEN PA'I GTER, ,GSUNG GI GNAD RNAMS YONGS 'DZIN DAM PA YI, ,GSUNG LAS BYUNG BA JI BZHIN YI GER BKOD, ,DGE BA'I BDAG GZHAN SANGS RGYAS MYUR THOB SHOG, ,, ` YUM GSUM RGYAN GYI DGONGS DON CHU GTER KLONG, ,SGROL LA RNAM BSHAD RNAM GNYIS GRU PO CHER, ,YANG GSAL ME LONG SKYABS LEGS BSKUL TE, ,BSHAD SGRUB NYAMS LEN PHA ROL PHYIN RDZOGS SHOG , DNGOS BRGYAD ZAB DON GNAD KUN MA 'DREN PAR, ,LEGS PHYE PHAR PHYIN GZHUNG 'DI DON GNYER CAN, ,BLO GSAL TSOGS LA SMAN SLAD PAR DU BSKRUN, ,DGE 'DI RGYAL BSTAN 'PHEL BA'I RGYUR GYUR CIG ,DGA' LDAN DGE BSHES BYAMS PA BLO GROS KYI THUGS DGONGS LTAR RJE BTZUN CHOS KYI RGYAL MTSAN GYI PHAR PHYIN YIG CHA KHAG PAR GZHI SLAR YANG GSAR BSKRUN BYAS SHING, PAR BRKO'I SBYIN BDAG NI BSLAB GSUM NOR BU'I MDZOD 'DZIN DGA' SHAR AA LAG THUB BSTAN 'JAM DBYANGS, DGA' BYANG AA LAG BYAMS PA, DGA' BYANG AA LAG BLO BZANG SHES RAB, DGA'

006b

BYANG AA LAG DGE 'DUN 'OD ZER, DGA' BYANG AA LAG BLO BZANG KUN DGA' DANG, RGYAL BA'I BSTAN LA MI BYED YI DAD PA DANG, GTONG BA'I SGO 'PHAR 'BYED PA DGA' BYANG BLO BZANG BKRA SHIS, LUNG RTOGS YON TAN GYI BDAG NYID AA LAG SHING ZA SKAL BZANG BCAS DANG, GZHAN YANG DGA' BYANG 'PHYONGS RGYAS GNYER BLO BZANG 'JAM DBYANGS, AAR BAN DKON MCHOG SKYANGS SOGS MDO SMAD WA SHUL WA YAN SDE SHOG DANG, NU MA RU PA SDE SHOG SOGS GONG GSAL PAR BRKO'I SBYIN BDAG RNAMS KYIS CHOS SBYIN MDZAD MED KYIS PAR GZHI'I MTHUN RKYEN RGYU DNGOS SBYOR GNANG MDZAD PA DANG, PAR BRKO'I 'GAN 'KHUR BA DGE SKUL THUB BSTAN, RGAN BLO BZANG RGYA MTSO, CHUNG BDAG ,RGAN BLO BZANG BKRA SHIS BCAS KYIS PAR BRKO'I BYED SGOR 'GAN 'KHUR GNANG BA BCAS LA BRTEN 198? LOR RJE BTZUN CHOS KYI RGYAL MTSAN GYI PHAR PHYIN ROL MTSO ZUR BKOL BCAS KYI PAR GZHI SLAR YANG GSAR BSKRUN BYAS PA'I DGE RTZA 'DIS 'JAM MGON RGYAL BA GNYIS PA'I RING LUGS PHYOGS DUS GNAS SKABS KUN TU DAR RGYAS YUN RING DU GNAS PAR GYUR CIG, ,,PAR

007a

, ,GZHI KHAG ZHUS DAG BYED PO NI DGE MING BKRA SHIS RIN CHEN GYIS BGYIS PA'O,, ,,PAR 'DI DGA' LDAN PAR KHANG DU BZHUGS,, ,,

007b

[BLANK PAGE]

001a

, ,BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DGA' BA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS BDUN PA'I SPYI DON BZHUGS SO, ,

001b

, ,GNYIS PA BRTAN PA'I 'BRAS BU SKAD CIG SBYOR BSHAD PA LA, 'BREL BRJOD PAS MTSAMS SBYAR BA DANG, SKAD CIG MA MTSON BYED KYI CHOS RGYAS PAR BSHAD PA; SKABS BSDU BA DANG GSUM LAS, DANG PO NI, LUS RNAM GZHAG TU, MTHAR GYIS PA, ,SKAD CIG GCIG MNGON RDZOGS BYANG CHUB, ,CES 'CHAD NA, MTHAR GYIS SBYOR GYI RJES SU SKAD CIG SBYOR BSHAD PA'I RGYU MTSAN GANG ZHE NA, DE'I RGYU MTSAN YOD DE, MKHYEN GSUM GYI RNAM PA SGOM PA'I MTHAR GYIS SBYOR NYAMS SU BLANGS PAS, MKHYEN GSUM GYI RNAM PA SGOM PA LA BRTAN PA THOB PA'I SKAD CIG SBYOR 'BYUNG BA'I RGYU MTSAN GYIS DE LTAR BSHAD PA'I PHYIR, ZHES 'CHAD PA LA, MTHAR GYIS PA'I MNGON PAR RTOGS PA RNAM PAR SGOM PA NI SHIN TU GOMS PAR BYA

002a

, ,PA'I PHYIR DE DAG NYID SKAD CIG MA GCIG GIS SGOM PAS SKAD CIG MA GCIG PA'I MNGON PAR RDZOGS PAR BYANG CHUB PA YIN TE, ZHES GSUNGS, GNYIS PA LA, 'O NA SKAD CIG SBYOR MTSON BYED KYI CHOS LA DU YOD CE NA, DE LA YANG BZHIR YOD DE, MTSAN NYID KYIS TE LDOG PAS PHYE BA BZHIR YOD PA'I PHYIR, ZHES 'CHAD PA LA, DE YANG MTSAN NYID KYIS RNAM PA BZHI YOD PAS, ZHES GSUNGS, 'O NA BZHI PO DE GANG ZHE NA, 'DI LA YANG YON TAN MNGON DU BYED PA'I SKAD CIG MA DANG, YUL GYI RANG BZHIN RTAGS TSUL GYI DBANG DU BYAS PA'I SKAD CIG SBYOR GNYIS LAS, DANG PO LA, RNAM PAR SMIN PA MA YIN PA'I SKAD CIG SBYOR DANG, RNAM PAR SMIN PA'I SKAD CIG SBYOR GNYIS LAS, DANG PO LA, MDO LAS GSUNGS TSUL

002b

DANG; BSTAN BCOS KYIS 'GREL TSUL GNYIS LAS, DANG PO NI, MTHAR GYIS SBYOR BCU GSUM PA'I SKABS SU BYANG CHEN SHER PHYIN LA SPYOD PA'I TSE PHYIN DRUG MI DMIGS PAR BSGOMS PAR GSUNGS PA LAS 'PHROS NAS, DE SKAD CES BKA' STZAL PA DANG, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN PHA ROL TU PHYIN PA LA SPYOD PA'I TSE JI LTAR SEMS BSKYED PA GCIG GIS PHAR PHYIN DRUG PO YONGS SU 'DZIN PA LAGS, ZHES PA NAS, JI LTAR DPE BYAD BZANG PO BRGYAD CU YONGS SU 'DZIN PA LAGS, ZHES PA'I BAR GYIS SKAD CIG SBYOR SPYIR BSTAN NAS BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN SBYIN PA YONGS SU GTONG BA DE SHES RAB KYI PHA ROL TU PHYIN PAS YONGS SU BZUNG BA LAS GZHAN DU MA YIN NO, ,ZHES PA NAS, CHOS THAMS CAD MTSAN MA MED PA LA MTSAN MO DANG BRAL BA'I SEMS KYI TING NGE 'DZIN GYIS PHAR PHYIN DRUG PO YONGS SU RDZOGS PAR BYED DO, ,ZHES PA'I BAR GYIS DANG PO DE BSTAN NAS, GNYIS PA LA, MTSAMS SBYAR, DON BSHAD PA GNYIS LAS, DANG PO NI, SKAD CIG SBYOR BZHI'I NANG NAS DANG POR RNAM PAR SMIN PA MA YIN PA'I ZAG MED KYI CHOS THAMS CAD SKAD CIG MA GCIG PA'I MTSAN NYID KYI SGO NAS RTOGS PA'I SKAD CIG MA GCIG PA'I MNGON PAR RDZOGS PAR BYANG CHUB PA'I SKAD CIG SBYOR 'CHAD DO, ,ZHES MTSAMS SBYOR BA LA, DANG PO RNAM PAR SMIN PA MA YIN PA ZAG PA MED PA'I CHOS THAMS CAD SKAD CIG MA GCIG PA'I MTSAN NYID

003a

, ,KYIS SKAD CIG MA GCIG PA'I MNGON PAR RDZOGS PAR BYANG CHUB PA, ZHES GSUNGS, GNYIS PA LA, DNGOS KYI DON DANG, DE MTSON PA'I DPE BSHAD PA'O, ,DANG PO LA, RTZA BA, 'GREL PA GNYIS LAS, DANG PO NI, MDO DE'I DON 'CHAD PA'I SGO NAS RNAM PAR SMIN PA MA YIN PA'I SKAD CIG SBYOR DE STON PA LA, SBYIN PA LA SOGS RE RES KYANG, ,ZHES SOGS GSUNGS, GNYIS PA NI, DE NYID TSIG DON GYI SGO NAS 'CHAD PA LA, LUGS LAS CHOS KYI DBYINGS KYI RANG GI NGO BO NYID, ,DNGOS GCIG DNGOS PO KUN GYI NGO BO NYID, ,DNGOS KUN DNGOS PO GCIG GI NGO BO NYID, ,GANG GIS DNGOS GCIG DE BZHIN NYID MTHONG BA, ,DE YIS DNGOS KUN DE BZHIN NYID DU MTHONG, ,ZHES 'BYUNG BA'I PHYIR, MANG POS GCIG BSDUS PA 'BA' ZHIG TU MA ZAD KYI, 'ON KYANG SBYIN PA LA SOGS PA'I YE SHES KYI DMIGS PAR BYA BA'I SKAD CIG MA GCIG PO DNGOS PO SO SOR NGES PAR 'DZIN PA'I PHYIN CI LOG DANG BRAL BA'I NGO BOS SBYIN PA LA SOGS PA NAS DPE BYAD BZANG PO BRGYAD CU'I BAR GYI MTSAN NYID KYI CHOS RNAMS BSDUS PA'I PHYIR THUB PA BYANG CHUB SEMS DPA'I RTOGS PA NI SKAD CIG MA GCIG PA'I MNGON PAR RDZOGS PAR BYANG CHUB PA'O, ,ZHES BYA BAR SHES PAR BYA'O, ,ZHES GSUNGS, GNYIS PA LA MTSAMS SBYOR BA, RTZA BA, 'GREL PA GSUM LAS, DANG PO NI, JI LTAR NA ZAG MED KYI YE SHES GCIG DMIGS PA NA DE DANG RIGS MTHUN PA'I ZAG MED THAMS CAD YUL DU BSDUS PA YIN ZHE NA, DE LTAR DU 'JIG RTEN

003b

LA GRAGS PA'I DPES STON NO, ,ZHES 'CHAD PA LA, YANG JI LTAR NA ZAG PA MED PA'I YE SHES GCIG DMIGS NA ZAG PA MED PA THAMS CAD BSDUS PA YIN ZHE NA, 'JIG RTEN PA'I DPES, ZHES GSUNGS, GNYIS PA DPE DNGOS STON PA LA, JI LTAR SKYES BUS ZO CHUN RGYUD, ,CES SOGS GSUNGS, GSUM PA DE NYID TSIG DON GYI SGO NAS 'CHAD PA LA, DPER NA SKYES BU RDOG THABS GCIG GIS BSKYOD NA BZO BO MKHAS PAS SNGON BZO LEGS PAR BYAS PA'I MTHUS ZO CHUN GYI RGYUD THAMS CAD CIG CHAR DUS GCIG TU 'GUL BA DE BZHIN DU, SNGON GYI SMON LAM GYI 'PHEN PA DANG, CHOS KYI DBYINGS KYI MTHUS SKAD CIG MA GCIG KHO NA LA ZAG PA MED PA'I YE SHES GCIG DMIGS NA RIGS MTHUN PA THAMS CAD MNGON DU BYED PA YIN NO, ,ZHES GSUNGS, GNYIS PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, RAB 'BYOR GYIS GSOL BA, BCOM LDAN 'DAS JI LTAR BYANG CHEN SHER PHYIN LA SPYOD PA'I TSE MTSAN MA MED PA'I CHOS LA GNAS NAS SHER PHYIN YONGS SU RDZOGS PAR 'GYUR BA LAGS, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN SHER PHYIN LA SPYOD PA'I TSE YANG DAG PA'AM YONGS SU GRUB PA'I CHOS GANG YANG YANG DAG PAR RJES SU MTHONG BA MED DO, ,GZUGS YANG DAG PA'AM YONGS SU GRUB PA YANG DAG PAR RJES SU MI MTHONG NGO, ,ZHES PA NAS, SANGS RGYAS KYI CHOS MA 'DRES PA BCO BRGYAD KYI BAR DU YONGS SU RDZOGS PAR 'GYUR RO,,

004a

, ,ZHES GSUNGS, GNYIS PA LA, MTSAMS SBYOR, RTZA BA, 'GREL PA GSUM LAS, DANG PO NI, DE LTAR SKAD CIG SBYOR DANG PO BSTAN NAS GNYIS PA RNAM PAR SMIN PA'I CHOS NYID KYI GNAS SKABS KYI ZAG MED KYI CHOS THAMS CAD SKAD CIG MA GCIG PA'I MTSAN NYID KYI SGO NAS RTOGS PA'I SKAD CIG MA GCIG PA'I MNGON PAR RDZOGS PAR BYANG CHUB PA'I SBYOR BA 'CHAD DO, ,ZHES 'CHAD PA LA, DE LTAR DANG PO BSTAN NAS GNYIS PA RNAM PAR SMIN PA'I CHOS NYID KYI GNAS SKABS KYI ZAG PA MED PAR CHOS THAMS CAD SKAD CIG MA GCIG PA'I MTSAN NYID KYI SKAD CIG MA GCIG PA'I MNGON PAR RDZOGS PAR BYANG CHUB PA, ZHES GSUNGS, GNYIS PA NI, MDO DE'I DON 'CHAD PA LA, GANG TSE CHOS DKAR THAMS CAD KYI, ,ZHES SOGS GSUNGS, GSUM PA NI, DE NYID TSIG DON GYI SGO NAS 'CHAD PA LA, GANG GI TSE BYANG CHUB SEMS DPAS GNYEN PO BSGOMS PAS MI MTHUN PA'I PHYOGS THAMS CAD DANG BRAL BAS NA RNAM PAR BYANG BA'I PHYOGS RNAM PAR SMIN PA'I CHOS NYID KYI GNAS SKABS DRI MA THAMS CAD DANG BRAL BAS STON GA'I ZLA BA'I 'OD BZHIN DU DKAR BA'I NGO BO NYID SKYES PA DE'I TSE SKAD CIG MA GCIG KHO? NA LA RNAM PAR SMIN PA'I GNAS SKABS SU GYUR PA'I ZAG PA MED PA RNAMS RTOGS PA'I YE SHES NI SHES RAB KYI PHA ROL TU PHYIN PA'I SKAD CIG MA GCIG PA'I MNGON PAR RDZOGS PAR BYANG CHUB PA YIN NO, ,ZHES GSUNGS, GNYIS PA LA, MTSAN NYID MED PA'I SKAD CIG SBYOR DANG, GNYIS SU

004b

MED PA'I SKAD CIG SBYOR GNYIS LAS, DANG PO LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO; ;BCOM LDAN 'DAS DE LTAR CHOS THAMS CAD DBYER MA MCHIS SHING MTSAN MA MA MCHIS LA RANG GI MTSAN NYID KYIS STONG PA NYID LAGS NA JI LTAR PHA ROL TU PHYIN PA DRUG PO SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA SGOM PA YONGS SU RDZOGS PAR 'GYUR, BCOM LDAN 'DAS KYIS BKA' STZAL PA, RAB 'BYOR BYANG CHEN SHER PHYIN LA SPYOD PA'I TSE RMI LAM LTA BU'I NYE BAR LEN PA'I PHUNG PO LNGA LA GNAS SHING SBYIN PA YONGS SU GTONG NGO, ,TSUL KHRIMS SRUNG NGO, ,BZOD PA SGOM MO, ,BRTZON 'GRUS RTZOM MO, ,TING NGE 'DZIN SGOM MO, ,SHES RAB SGOM MO; ;ZHES PA NAS, CHOS THAMS CAD SGRA BRNYAN LTA BU DANG, MIG YOR LTA BU DANG, SMIG RGYU LTA BU DANG, SGYU MA LTA BU DANG, SPRUL PA LTA BUR YONGS SU SHES SO, ,ZHES GSUNGS, GNYIS PA LA MTSAMS SBYAR BA, RTZA BA, 'GREL BA GSUM LAS, DANG PO NI, DE LTAR SKAD CIG SBYOR GNYIS PA BSTAN NAS SKAD CIG SBYOR GSUM PA MTSAN NYID MED PA'I CHOS THAMS CAD SKAD CIG MA GCIG PA'I MTSAN NYID KYI SGO NAS RTOGS PA'I SKAD CIG MA GCIG PA'I MNGON PAR RDZOGS PAR BYANG CHUB

005a

, ,PA'I SBYOR BA 'CHAD DO, ,ZHES 'CHAD PA LA, DE LTAR GNYIS PA BSTAN NAS GSUM PA MTSAN NYID MED PAR CHOS THAMS CAD SKAD CIG MA GCIG PA'I MTSAN NYID KYI SKAD CIG MA GCIG PA'I MNGON PAR RDZOGS PAR BYANG CHUB PA, ZHES GSUNGS, GNYIS PA MDO DE'I DON 'CHAD PA'I SGO NAS MTSAN NYID MED PA'I SKAD CIG SBYOR STON PA LA, SBYIN PA LA SOGS SPYOD PA YIS, ,ZHES SOGS GSUNGS, GSUM PA DE NYID TSIG DON GYI SGO NAS 'CHAD PA LA, SNGON CHOS THAMS CAD RMI LAM LTA BUR GOMS PAS TSOGS GNYIS NYAMS SU MYONG BAR BYAS NAS RTOGS PA'I GNAS SKABS NA NYE BAR LEN PA'I PHUNG PO LA SOGS PA RMI LAM GYI NGO BO NYID KYI CHOS THAMS CAD LA, SBYIN PA LA SOGS PA'I PHAR PHYIN DRUG BSGRUBS PAS GNAS TE, SBYIN PA LA SOGS PA'I NGO BO NYID NGES PAR RTOGS PA'I RNAM PA CAN, SKAD CIG MA GCIG KHO NAS CHOS THAMS CAD NI MTSAN NYID MED PA'O ZHES KUN NAS NYON MONGS PA DANG RNAM PAR BYANG BA'I NGO BO'I CHOS RNAMS MTSAN NYID MED PA NYID DU SHES PAS NA, SKAD CIG MA GCIG PA'I MNGON PAR RDZOGS PAR BYANG CHUB PA YIN NO, ,ZHES GSUNGS, GNYIS PA LA, MDO DANG, BSTAN BCOS GNYIS LAS, DANG PO NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN SHER PHYIN LA SPYOD PA'I TSE JI LTAR NA CHOS THAMS CAD RMI LAM LTA BUR YANG DAG PA JI LTA BA BZHIN YONGS SU BTZAL BA LAGS, BCOM LDAN 'DAS KYIS BKA'

005b

STZAL PA, RAB 'BYOR BYANG CHEN SHER PHYIN LA SPYOD PA'I TSE RMI LAM MI MTHONG, RMI LAM MTHONG BA YANG MI MTHONG, ZHES PA NAS, RAB 'BYOR DE LTAR BYANG CHEN MTSAN MA MED PA'I TSUL GYIS SHER PHYIN LA BSLAB PAR BYA'O, ,ZHES GSUNGS, GNYIS PA LA; MTSAMS SBYAR BA, RTZA BA, 'GREL PA GSUM LAS, DANG PO NI, DE LTAR SKAD CIG SBYOR GSUM PA BSTAN NAS BZHI PA GNYIS SU MED PA'I MTSAN NYID DU CHOS THAMS CAD SKAD CIG MA GCIG PA'I MTSAN NYID KYI SGO NAS RTOGS PA'I MNGON PAR RDZOGS PAR BYANG CHUB PA'I SKAD CIG SBYOR 'CHAD DO, ,ZHES MTSAMS SBYOR BA LA, DE LTAR GSUM PA BSTAN NAS BZHI PA GNYIS SU MED PA'I MTSAN NYID DU CHOS THAMS CAD SKAD CIG MA GCIG PA'I MTSAN NYID KYI MNGON PAR RDZOGS PAR BYANG CHUB PA, ZHES GSUNGS, GNYIS PA LA, MDO DE'I DON 'CHAD PAR, RMI LAM DANG NI DE MTHONG NYID, ,CES SOGS GSUNGS, GSUM PA DE NYID TSIG DON GYI SGO NAS 'CHAD PA LA, YUN RING MO ZHIG NAS BAR CHAD MED PAR GNYIS SU SNANG BA SPONG BA LA GOMS PA DANG DU GYUR PAS GNYIS SU SNANG BA'I BAG CHAGS DRUNGS BYUNG BA'I BYANG CHUB SEMS DPA' GANG GI TSE GZUNG BA DANG 'DZIN PA'I TSUL DU RMI LAM LA GZUNG BA DANG RMI LAM MTHONG BA LA 'DZIN PAR MI MTHONG BA DE'I TSE CHOS THAMS CAD KYANG DE LTA BU'I CHOS NYID YIN NO ZHES CHOS RNAMS KYI DE KHO NA NYID GNYIS SU MED PA SKAD CIG MA GCIG KHO NAS RTOGS PAS NA SKAD CIG MA GCIG PA'I MNGON PAR RDZOGS PAR BYANG CHUB PA YIN NO, ,ZHES GSUNGS, GZHUNG DON NI, SKAD CIG SBYOR

006a

, ,CHOS CAN, KHYOD LA DU MAR YOD DE, KHYOD LA RNAM PAR SMIN PA MA YIN PA'I SKAD CIG SBYOR DANG, RNAM PAR SMIN PA'I SKAD CIG SBYOR DANG, MTSAN NYID MED PA'I SKAD CIG SBYOR DANG, GNYIS SU MED PA'I SKAD CIG SBYOR RNAMS SU MED PA'I PHYIR, KHA CIG ,ZAG MED RNAM PAR SMIN PA MA YIN PA'I YON TAN GYI RIGS RNAMS BYA RDZOGS KYI SKAD CIG MA GCIG LA MNGON DU BYED NUS PA'I SEMS DPA'I RNAL 'BYOR DE, RNAM PAR SMIN PA MA YIN PA'I SKAD CIG SBYOR GYI MTSAN NYID, ZAG MED RNAM PAR SMIN PA'I YON TAN GYI RIGS RNAMS BYA RDZOGS KYI SKAD CIG MA GCIG LA MNGON DU BYED NUS PA'I SEMS PA'I RNAL 'BYOR DE, RNAM PAR SMIN PA'I SKAD CIG SBYOR GYI MTSAN NYID, STONG NYID MNGON SUM DU RTOGS PA'I SHES RAB KYIS ZIN PA'I SEMS DPA'I RNAL 'BYOR DE, MTSAN NYID MED PA'I SKAD CIG SBYOR GYI MTSAN NYID, GNYIS STONG MNGON SUM DU RTOGS PA'I SHES RAB KYIS ZIN PA'I SEMS DPA'I RNAL 'BYOR DE, GNYIS SU MED PA'I SKAD CIG SBYOR GYI MTSAN NYID ZER BA RNAMS MI 'THAD DE, DE 'DRA'I MTHAR GYIS SBYOR BA YOD PA'I PHYIR, DES NA, MKHYEN GSUM GYI RNAM PA LA BRTAN PA THOB PA'I SEMS DPA'I RNAL 'BYOR MTHAR THUG DE, SKAD CIG SBYOR GYI MTSAN NYID, DBYE NA, RNAM PAR SMIN PA MA YIN PA'I SKAD CIG SBYOR DANG, RNAM PAR SMIN PA'I SKAD CIG SBYOR DANG; MTSAN NYID MED PA'I SKAD CIG SBYOR DANG, GNYIS SU MED PA'I SKAD CIG SBYOR DANG BZHI YOD, BYA RDZOGS KYI SKAD CIG MA'I THUNG MTHA' GCIG LA ZAG MED RNAM PAR SMIN PA MA YIN PA'I CHOS GCIG MNGON DU BYAS PA NA DE DANG RIGS MTHUN PA'I CHOS THAMS CAD MNGON DU BYED NUS

006b

PA'I NUS PA THOB PA'I SGO NAS SHES SGRIB KYI DNGOS GNYEN BYED PA'I RIGS SU GNAS PA'I SEMS DPA'I RNAL 'BYOR MTHAR THUG DE, DANG PO'I MTSAN NYID, BYA RDZOGS KYI SKAD CIG MA'I THUNG MTHA' GCIG LA ZAG MED RNAM PAR SMIN PA'I CHOS GCIG MNGON DU BYAS PA NA DE DANG RIGS MTHUN PA'I CHOS THAMS CAD MNGON DU BYED NUS PA'I NUS PA THOB PA'I SGO NAS SHES SGRIB KYI DNGOS GNYEN BYED PA'I RIGS SU GNAS PA'I SEMS DPA'I RNAL 'BYOR MTHAR THUG DE, GNYIS PA'I MTSAN NYID, STONG NYID MNGON SUM DU RTOGS PA'I SHES RAB KYIS ZIN PA'I SGO NAS SHES SGRIB KYI DNGOS GNYEN BYED PA'I RIGS SU GNAS PA'I SEMS DPA'I RNAL 'BYOR MTHAR THUG DE, GSUM PA'I MTSAN NYID, GZUNG 'DZIN RDZAS GZHAN GYIS STONG PAR MNGON SUM DU RTOGS PA'I SHES RAB KYIS ZIN PA'I SGO NAS SHES SGRIB KYI DNGOS GNYEN BYED PA'I RIGS SU GNAS PA'I SEMS DPA'I RNAL 'BYOR MTHAR THUG DE, BZHI PA'I MTSAN NYID, RGYUN MTHA'I BAR CHAD MED LAM CHOS CAN, RNAM PAR SMIN PA MA YIN PA'I SKAD CIG SBYOR YIN TE, SBYIN PA LA SOGS PA'I NGO BOR GYUR PA'I YE SHES DMIGS PAR BYA BA'I SKAD CIG MA GCIG PO STE, RE RE'I NGO BO YUL DU BYAS PAS KYANG SBYIN SOGS NAS DPE BYAD BRGYAD CU'I BAR GYI MTSAN NYID KYI ZAG MED KYI CHOS RNAMS BYA RDZOGS KYI SKAD CIG MA GCIG LA YUL DU BYED PA'I SHES RAB KYIS ZIN PA'I SEMS DPA'I RNAL 'BYOR MTHAR THUG YIN PA'I PHYIR, DE CHOS CAN, BYA RDZOGS KYI SKAD CIG MA GCIG PA'I THUNG MTHA' GCIG LA ZAG MED RNAM PAR SMIN PA MA YIN PA'I CHOS GCIG MNGON

007a

, ,DU BYAS PA NA DE DANG RIGS MTHUN PA'I ZAG MED KYI CHOS THAMS CAD MNGON DU BYED NUS PA'I RGYU MTSAN YOD DE, SNGON BYA RDZOGS KYI SKAD CIG MA DANG LDAN PA'I SHES RAB KYIS CHOS THAMS CAD RTOGS PAR GYUR CIG CES SMON LAM BTAB PA'I SMON LAM GYI DON GRUB CING CHOS THAMS CAD CHOS DBYINGS SU THA MI DAD PA'I PHYIR, DPER NA SNGON BZO BO MKHAS PAS ZO CHUN GYI 'KHOR LO LEGS PAR BCOS PA DE SKYES BU'I RTZOL BAS RDOG THABS KYIS BSKYOD PA NA THAMS CAD 'BAD MED DU 'KHOR BA LTAR YIN PA'I PHYIR, RGYUN MTHA'I BAR CHAD MED LA MA CHOS CAN, RNAM PAR SMIN PA'I SKAD CIG SBYOR YIN TE, BYA RDZOGS KYI SKAD CIG MA GCIG KHO NA LA RANG RGYUD LA RNAM PAR SMIN PA'I GNAS SKABS SU GYUR PA'I ZAG PA MED PA'I CHOS RNAMS RTOGS PA'I SEMS DPA'I RNAL 'BYOR MTHAR THUG YIN PA'I PHYIR, DE CHOS CAN, MTSAN NYID MED PA'I SKAD CIG SBYOR YIN TE, BYA RDZOGS KYI SKAD CIG MA GCIG LA KUN BYANG GI CHOS THAMS CAD DON DAM PAR MTSAN NYID MED PAR MNGON SUM DU RTOGS PA'I SEMS DPA'I RNAL 'BYOR MTHAR THUG YIN PA'I PHYIR, DE CHOS CAN, GNYIS SU MED PA'I SKAD CIG SBYOR YIN TE, GZUNG 'DZIN RDZAS GZHAN GYIS STONG PAR MNGON SUM DU RTOGS PA'I SHES RAB KYIS ZIN PA'I SEMS DPA'I RNAL 'BYOR MTHAR THUG YIN PA'I PHYIR, 'DI'I RNAM PAR SMIN PA MA YIN PA DANG YIN PA'I DON GANG ZHE NA, TSIG GSAL LAS, RNAM PAR SMIN PA NI GSUM STE, SA DANG PO LA 'JIG RTEN LAS 'DAS PA DANG, SA BRGYAD PA LA MTSAN MA MED PA DANG, SANGS

007b

RGYAS KYI SA LA BSAM GYIS MI KHYAB CING LHUN GYIS GRUB PAR RNAM PAR SMIN PA'O, ,RNAM PAR SMIN PA MA YIN PA NI MTHONG LAM MA SKYES PA'I RGYUD KYI GZUNG 'DZIN GYIS BSDUS PA'I CHOS JI SNYED PA'O, ,ZAG MED NI DE DAG ZAG MED MA YIN KYANG, DE DAG GI RANG BZHIN NI ZAG MED YIN TE, BYIS PAS BYANG CHUB MI SHES KYANG, ,DE NYID DE LA RAB TU GNAS, ,ZHES PA LTAR RO, ,ZHES 'CHAD, RTOGS DKAR, PHYI ROL GYI RGYU RKYEN GYIS MNGON PAR 'DU MA BYAS PA RNAM PAR SMIN PA MA YIN PA DANG, 'TSANG RGYA BA'I 'BRAS BU STER BA LA MNGON DU PHYOGS SHING RAB TU GYUR PA NI RNAM PAR SMIN PA'I DON DU BSHAD, MKHAS PA SNGA MA RNAMS SA DANG PO NAS BDUN PA'I BAR 'BAD RTZOL LA LTOS PAS RNAM PAR MA SMIN PA DANG, SA BRGYAD PA YAN CHAD NI DE LA MI LTOS BAR 'BYUNG BAS RNAM PAR SMIN PA'O, ,ZHES 'CHAD, RE ZHIG LUGS DANG PO MI 'THAD DE, CHOS NYID LA BYED NA CHOS NYID LA DBYER MED PAS SA DANG PO BZHAG DGOS LA, CHOS CAN LA BYED NA RNAM PAR MA SMIN PA LA ZAG MED MI 'THAD PA'I PHYIR ZHES GSER PHRENG LAS BSHAD, LUGS GNYIS PA YANG MI 'THAD DE, DE LTAR NA DANG PO NI ZAG MED RNAMS LA RNAM PAR SMIN PA'I DON MED PA'I RGYU MTSAN SMRA DGOS PA'I PHYIR, GSUM PA LTAR NA YANG MI 'THAD DE, MDO 'GREL RNAMS SU MTSAN DPE DANG STOBS DANG MA 'DRES PA RNAMS 'CHAD PAS, SA BDUN PA MAN CHAD LA MI 'GRIG PA'I PHYIR, DES NA SKAD CIG SBYOR 'DI BZHI LDOG PA THA DAD PA TZAM YIN PAS, YUL CAN RNAM PAR SMIN PA YIN MIN MI RUNG BAS YUL LA BYA ZHING, DE YANG GCIG GI YUL GNYIS KA'I YUL YIN PAS MDO BSTAN BCOS NAS BSTAN TSOD KYI YUL LA RNAM

008a

, ,PAR SMIN PA DANG, RNAM PAR SMIN PA MA YIN PA GNYIS SU DBYE STE, DANG PO'I YUL NI RANG GI RGYUD LA NUS PA MTHAR THUG PA MA SMIN PA DANG, PHYI MA'I YUL NI RANG GI RGYUD LA DE LTAR SKYES PA'I GNAS SKABS KYI DBANG DU BYAS NAS BZHAG PA'I PHYIR; ZHES LEGS PAR BSHAD PA GSER GYI PHRENG BA LAS BSHAD PA'I PHYIR, KHA CIG ,RGYUN MTHA'I SBYOR BA'I LAM DE SKAD CIG SBYOR MIN ZHES ZER NA, DE DE YIN PAR THAL, MKHYEN GSUM GYI RNAM PA BRGYA DANG BDUN CU RTZA GSUM SGOM PAR BYED PA'I SKAD CIG SBYOR YOD PA'I PHYIR, KHYAB STE, SNYING PO'I RGYAN LAS, DE YANG RGYUN MTHA'I SBYOR BA'I TSE YIN GYI RGYUN GYI THA MA'I TSE CHOS NYID LA GNYIS SNANG NUB PA'O, ,DE LA, JI LTAR SKYES BUS ZO CHUN RGYUD, ,CES SOGS GSUNGS PA'I PHYIR, GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DKA' BA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS BDUN PA'I LEGS PAR BSHAD PA'O,, ,,SMRAS PA, BSLAB PA YONGS SU RDZOGS PA'I LE'U YI, ,MDO YI SBAS DON SKAD CIG SBYOR BA NI, ,MTSON BYED CHOS BZHI GSAL BAR BYED PA YI, ,RGYAN GYI SKABS KYI DON RNAMS CHES GSAL BAR, ,JI BZHIN 'GREL PA 'GREL PA'I GNAD DON RNAMS, ,LEGS PAR BSHAD PA'I RNAM BSHAD RNAM GNYIS KYI, ,DGONGS PA JI BZHIN RJE BTZUN BLA MA

008b

YI; ;ZHAL GYI BUM BZANG LAS 'ONGS BDUD RTZI'I RGYUN, ,YONGS 'DZIN DAM PA'I GSUNG BZHIN YI GER BKOD, ,DGE BAS BDAG DANG MTHA' YAS SEMS CAN RNAMS, ,KUN MKHYEN RGYAL BA'I GO 'PHANG MYUR THOB NAS,, SA GSUM 'GRO BA 'DREN PA'I DPAL GYUR CIG, ,, , ` YUM GSUM RGYAN GYI DGONGS DON CHU GTER KLONG, ,SGROL LA RNAM BSHAD RNAM GNYIS GRU BO CHER, ,YANG GSAL ME LONG SKYA BAS LEGS BSKUL TE, ,BSHAD SGRUB NYAMS LEN PHA ROL PHYIN RDZOGS SHOG, DNGOS BRGYAD ZAB DON GNAD KUN MA 'DRES PAR, ,LEGS PHYE PHAR PHYIN GZHUNG 'DI DON GNYER CAN, ,BLO GSAL TSOGS LA SMAN SLAD PAR DU BSKRUN, ,DGE 'DI RGYAL BSTAN 'PHEL BA'I RGYUR GYUR CIG ,DGA' LDAN DGE BSHES BYAMS PA BLO GROS KYI THUGS DGONGS LTAR RJE BTZUN CHOS KYI RGYAL MTSAN GYI PHAR PHYIN YIG CHA KHAG PAR GZHI SLAR YANG GSAR BSKRUN BYAS SHING, PAR BRKO'I SBYIN BDAG NI BSLAB GSUM NOR BU'I MDZOD 'DZIN DGA' SHAR AA LAG THUB BSTAN 'JAM DBYANGS, DGA' BYANG AA LAG BYAMS PA, DGA' BYANG AA LAG BLO BZANG SHES RAB, DGA' BYANG AA LAG DGE 'DUN 'OD ZER, DGA' BYANG BLO BZANG KUN DGA' DANG, RGYAL BA'I BSTAN LA MI PHYED PA'I

009a

, ,DAD PA DANG, GTONG BA'I SGO 'PHAR 'BYED PA DGA' BYANG DGEN BLO BZANG BKRA SHIS, LUNG RTOGS YON TAN GYI BDAG NYID AA LAG SHING ZA SKAL BZANG BCAS DANG, GZHAN YANG DGA' BYANG 'BYONGS RGYAS GNYER BLO BZANG 'JAM DBYANGS, AA BAN DKON MCHOG SKYABS SOGS MDO SMAD WA SHUL WA YAN SDE SHOG DANG, NU MA RU BA SDE SHOG SOGS GONG GSAL PAR BRKO'I SBYIN BDAG RNAMS KYIS CHOS SBYIN 'DZAD MED KYIS BAR GZHI'I MTHUN RKYEN RGYU DNGOS SBYOR GNANG MDZAD PA DANG, PAR BRKO'I 'GAN 'KHUR BA DGE SKUL THUB BSTAN, DGEN BLO BZANG RGYA MTSO, DGEN CHUNG BDAG ,DGEN BLO BZANG BKRA SHIS BCAS KYIS PAR BRKO'I BYED SGOR 'GAN 'KHUR GNANG BA BCAS LA BRTEN 1986 LOR RJE BTZUN CHOS KYI RGYAL MTSAN GYI PHAR PHYIN ROL MTSO ZUR BKOL BCAS KYI PAR GZHI SLAR YANG GSAR SKRUN BYAS PA'I DGE RTZA 'DIS 'JAM MGON RGYAL BA GNYIS PA'I RING LUGS PHYOGS DUS GNAS SKABS KUN TU DAR RGYAS YUN RING DU GNAS PAR GYUR CIG, ,,PAR GZHI KHAG ZHUS DAG BYED PO NI DGE MING BKRA SHIS RIN CHEN GYIS BGYIS PA'O,, ,,PAR 'DI DGA' LDAN PAR KHANG DU BZHUGS,, ,,

009b

[BLANK PAGE]

001a

001b

, ,GSUM PA 'BRAS BU CHOS SKU'I YAN LAG RGYAS PAR BSHAD PA LA, 'BREL BKOD PAS MTSAMS SBYAR, CHOS SKU MTSON BYED KYI CHOS RGYAS PAR BSHAD, SKABS BSDU BA DANG GSUM LAS, DANG PO NI, SKAD CIG SBYOR GYI 'OG TU 'BRAS BU CHOS SKU 'CHAD PA'I RGYU MTSAN YOD DE, SKAD CIG MA GCIG GIS MNGON PAR RDZOGS PAR BYANG CHUB PA'I SBYOR BA RNAM PAR BSGOMS PA'I SKAD CIG MA GNYIS PA LA 'BRAS BU CHOS KYI SKUR MNGON PAR RDZOGS PAR BYANG CHUB PA'I RGYU MTSAN GYIS DE LTAR BSHAD PA'I PHYIR, DE YANG MDO'I 'BREL GYI DBANG DU BYAS NA, SKAD CIG SBYOR BZHI PA'I SKABS SU MDO LAS, BYANG SEMS KYIS MTSAN MA MED PA'I TSUL GYIS YUM LA BSLAB PAR BYA BAR GSUNGS NAS GZHAN YANG BYANG CHEN ZAG MED KYI CHOS RMI LAM LTA BU MTSAN NYID KYIS STONG PA LA BSLAB PAR GSUNGS PAS NGO BO

002a

, ,NYID SKU GSUNGS, BSTAN BCOS KYI 'BREL GYI DBANG DU BYAS NA, LUS RNAM GZHAG TU, SKAD CIG GCIG MNGON RDZOGS BYANG CHUB, ,CHOS KYI SKU DANG, ZHES BSHAD NA, SKAD SBYOR GYI RJES SU 'BRAS BU CHOS SKU 'CHAD PA'I RGYU MTSAN GANG ZHE NA, SKAD SBYOR BSGOMS PAS 'BRAS BU CHOS SKU 'THOB PA'I RGYU MTSAN GYIS DE LTAR BSHAD PA'I PHYIR, DE LTAR YANG, SKAD CIG MA GCIG PA'I MNGON PAR RDZOGS PAR BYANG CHUB PA RNAM PAR BSGOMS PA'I SKAD CIG MA GNYIS PA LA CHOS KYI SKUR MNGON PAR RDZOGS PAR BYANG CHUB PA YIN TE, ZHES GSUNGS, GNYIS PA NI, 'O NA SKABS BRGYAD PA 'DIR 'BRAS BU CHOS SKU DE RGYAS BAR 'CHAD NA 'CHAD TSUL DE GANG ZHE NA, 'DI LA, BYED PA PO SKU'I RANG BZHIN BSHAD PA DANG, BYA BA 'PHRIN LAS KYI RANG BZHIN BSHAD PA GNYIS LAS, DANG PO LA, NGO BO NYID

002b

SKU; YE SHES CHOS SKU, LONGS SPYOD RDZOGS SKU, SPRUL SKU'I RANG BZHIN BSHAD PA DANG BZHI LAS, DANG PO DE STON PA LA, THUB PA'I NGO BO NYID SKU NI, ,ZHES SOGS GSUNGS, GNYIS PA DE STON PA LA, BYANG CHUB PHYOGS MTHUN TSAD MED DANG, ,ZHES SOGS GSUNGS, GSUM PA DE STON PA LA, MTSAN NI SUM CU RTZA GNYIS DANG, ,ZHES SOGS GSUNGS, BZHI PA DE STON PA LA, GANG GIS SRID PA JI SRID PAR, ,ZHES SOGS GSUNGS, GNYIS PA BYA BA 'PHRIN LAS KYI RANG BZHIN STON PA LA, DE BZHIN 'KHOR BA JI SRID 'DI'I, ,ZHES SOGS GSUNGS, 'O NA, THUB PA'I NGO BO NYID SKU NI, ,ZHES SOGS KYIS NGO BO NYID SKU DE 'CHAD NA 'CHAD TSUL DE GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, GONG DU SKAD CIG SBYOR BZHI PA'I SKABS SU, RAB 'BYOR DE LTAR NA BYANG CHUB SEMS DPA' SEMS DPA' CHEN PO MTSAN MA MED PA'I TSUL GYIS SHES RAB KYI PHA ROL TU PHYIN PA LA BSLAB PAR BYA'O, ,ZHES GSUNGS NAS, NGO BO NYID SKU STON PA LA, RAB 'BYOR GZHAN YANG ZAG PA MED PA'I CHOS RMI LAM LTA BU DNGOS PO DANG MI LDAN PA DNGOS PO MED PA'I RANG BZHIN CAN GYI MTSAN NYID KYIS STONG PA RNAM PA THAMS CAD DU YONGS SU DAG PAR GYUR PA DE DAG THAMS CAD KYI RANG BZHIN GANG YIN PA MTSAN NYID GCIG PO 'DI LTA STE MTSAN NYID MED PA DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI YIN PAR RIG PAR BYA STE, RAB 'BYOR DE LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA BSLAB PAR BYA'O, ,ZHES GSUNGS, GNYIS PA LA, RTZA BA'I BSTAN TSUL DANG, 'GREL PA'I BSHAD TSUL GNYIS LAS, DANG PO

003a

, ,MDO DE'I DON 'GREL PA'I SGO NAS SKU DANG PO NGO BO NYID SKU DE 'CHAD PA LA, THUB PA'I NGO BO NYID SKU NI, ,ZHES SOGS SHO LO KA GCIG GSUNGS, GNYIS PA LA, MTSAMS SBYAR GYI SGO NAS 'CHAD PA LA, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PAS, DANG PO NGO BO NYID KYI SKU, ZHES GSUNGS, TSIG DON GYI SGO NAS 'CHAD PA LA, THUB PA SANGS RGYAS ZHES SOGS GSUNGS, BRGAL LAN GYI SGO NAS 'CHAD PA LA, SKU LHAG MA GSUM BO, ZHES SOGS GSUNGS, DE YANG, THUB PA'I NGO BO NYID SKU NI, ,ZHES PAS KHYAD GZHI NGO BO NYID SKU DE BSTAN NAS, DE NYID TSIG DON GYI SGO NAS 'CHAD PA LA, THUB PA SANGS RGYAS BCOM LDAN 'DAS KYI NGO BO NYID KYI SKU NI, ZHES GSUNGS, ZAG PA MED PA'I CHOS GANG DAG ,THOB 'GYUR, ZHES PAS, NGO BO NYID SKU'I LDAN PA'I KHYAD PAR DE BSTAN NAS; DE'I DON 'GREL PA LA, DRAN PA NYE BAR BZHAG PA LA SOGS PA YE SHES KYI BDAG NYID, 'JIG RTEN LAS 'DAS PA'I CHOS KYI DBYINGS KYI NGO BO NYID KYI ZAG PA MED PA'I, ZHES GSUNGS, RNAM KUN RNAM DAG PA, ,ZHES PAS, DE'I 'BREL BA'I KHYAD PAR DE BSTAN NAS; DE'I DON 'GREL PA LA, DRI MA RNAMS BLO BUR BA NYID KYIS RNAM PA THAMS CAD DU RNAM PAR DAG CING, ZHES GSUNGS, DE DAG RANG BZHIN MTSAN NYID CAN, ,ZHES PAS, DE'I NGO BO'I KHYAD PAR DE BSTAN NAS, DE'I DON 'GREL PA LA, RANG BZHIN GYIS DBEN PA'I MTSAN NYID DU GYUR PA GANG DAG YIN PA DE DAG GI RANG GI NGO BO NYID SKYE BA MED PA'I NGO BO NYID NI 'DI YIN TE, ZHES GSUNGS, NGO BO NYID SKU'I SGRA DON DE STON PA LA, BCOS MA MA YIN PA'I DON GYIS, ZHES GSUNGS, NGO BO NYID SKU GANG LA BRTEN NAS THOB PA DE CHAD PA LA, 'JIG RTEN LAS

003b

'DAS PA'I LAM GYIS 'THOB KYI, ZHES GSUNGS, THOB TSUL DE 'CHAD PA LA, BYAS PA NI MA YIN PAS RNAM PAR SHES PA SGYU MA LTA BUS CHOS THAMS CAD RTOGS PAS THOB PA YIN NO, ,ZHES GSUNGS, DE RNAMS KYI NANG NAS, SKAD CIG MA GCIG PA'I MNGON PAR RDZOGS PAR BYANG CHUB PA RNAM PAR BSGOMS PA'I SKAD CIG MA GNYIS PA LA CHOS KYI SKUR MNGON PAR RDZOGS PAR BYANG CHUB PA YIN TE, ZHES PA'I SKABS SU, MTHA' DPYAD PA LA, KHA CIG ,SKAD CIG SBYOR GYI RJES SU CHOS SKU 'CHAD PA'I RGYU MTSAN YOD DE, CHOS SKU DE SKAD SBYOR BSGOMS STOBS KYIS THOB PA'I PHYIR, CHOS SKU LA DBYE NA BZHIR YOD DE, NGO BO NYID SKU, YE SHES CHOS SKU, LONGS SKU, SPRUL SKU RNAMS SU YOD PA'I PHYIR, ZHES ZER NA, LONGS SKU DE CHOS SKU YIN PAR THAL, KHYOD KYI SBYOR BA 'THAD PA'I PHYIR, 'DOD NA, DE CHOS CAN, GTZO BOR RANG THOB BYED KYI THABS SU GYUR PA'I YE SHES KYI TSOGS BSGOMS STOBS KYIS THOB PAR THAL, CHOS SKU YIN PA'I PHYIR, 'DOD MI NUS TE, GTZO BOR RANG THOB BYED KYI THABS SU GYUR PA'I BSOD NAMS KYI TSOGS BSGOMS STOBS KYIS THOB PA'I PHYIR TE, GZUGS SKU YIN PA'I PHYIR, KHYAB STE, RIN CHEN PHRENG BAR SANGS RGYAS RNAMS KYI GZUGS KYI SKU, ,BSOD NAMS TSOGS LAS 'KHRUNGS PA STE, ,CHOS KYI SKU DE MDOR BSDUS NA, ,RGYAL PO YE SHES TSOGS LAS 'KHRUNGS, ,ZHES GSUNGS PA'I PHYIR, KHO NA RE, 'BRAS BU CHOS CAN, GTZO BOR YE SHES KYI TSOGS BSGOMS STOBS KYIS BYUNG BA MA YIN PAR THAL, GTZO BOR RANG THOB BYED KYI THABS SU GYUR PA'I BSOD NAMS KYI TSOGS BSGOMS STOBS KYIS BYUNG BA'I PHYIR, KHYAB PA KHAS, MA GRUB NA, DE CHOS CAN, DER THAL, RANG THOB BYED KYI THABS SU GYUR PA'I BSOD NAMS

004a

, ,KYI TSOGS YOD PA'I PHYIR ZER NA MA KHYAB, GZHAN YANG TSOGS GNYIS BSGOMS STOBS KYIS THOB PA'I SANGS RGYAS KYI SKU CHOS CAN, GTZO BOR RANG THOB BYED KYI THABS SU GYUR PA'I BSOD NAMS KYI TSOGS BSGOMS STOBS KYIS THOB PA MA YIN PAR THAL, GTZO BOR RANG THOB BYED KYI THABS SU GYUR PA'I YE SHES KYI TSOGS BSGOMS STOBS KYIS THOB PA'I PHYIR, KHYAB PA KHAS, DER THAL, GTZO BOR DER GYUR PA'I TSOGS GNYIS BSGOMS STOBS KYIS THOB PA'I PHYIR ZER NA MA KHYAB STE, BYANG SEMS TSOGS PHAM PA CHOS CAN, GZHI SHES KYI RNAM PA BSGOM BYA'I GTZO BOR BYED PAR THAL, MKHYEN GSUM GYI RNAM PA BSGOM BYA'I GTZO BOR BYED PA'I PHYIR, KHYAB PA 'GRIG ,DE DER THAL, DE 'DRA BA ZHIG YOD PA'I PHYIR, GZHAN YANG, BYANG SEMS MTHONG LAM? PA CHOS CAN, GANG ZAG GI BDAG MED BSGOM BYA'I GTZO BOR BYED PAR THAL, BDAG MED GNYIS KA BSGOM BYA'I GTZO BOR BYED PA'I PHYIR, KHYAB PA 'GRIG ,RTAGS GRUB STE, DE 'DRA BA YOD PA'I PHYIR, KHO NA RE, LONGS SKU CHOS CAN, CHOS SKU YIN PAR THAL, 'BRAS BU CHOS SKU YIN PA'I PHYIR ZER NA MA KHYAB, 'BRAS BU GRUB PA'I DUS MTSAMS LA KHA CIG ,BYANG SEMS RGYUN MTHA' BAS CHOS NYID LA RTZE GCIG TU MNYAM PAR BZHAG BZHIN PA'I NGANG NAS SHES BYA JI SNYED PA THAMS CAD MNGON SUM DU RTOGS PA DANG, DES YE SHES CHOS SKU MNGON DU BYAS PA DUS MNYAM ZER NA, BYANG SEMS RGYUN MTHA' BAS CHOS NYID LA RTZE GCIG TU MNYAM PAR BZHAG BZHIN PA'I NGANG NAS SHES BYA JI SNYED PA MNGON SUM DU RTOGS PAR THAL, DAM BCA' DE'I PHYIR, 'DOD MI NUS TE, RGYUN MTHA'I

004b

BAR CHAD MED LAM PA DES SHES BYA JI SNYED PA MNGON SUM DU RTOGS PA'I PHYIR TE, DE'I RGYUD LA DE MNGON SUM DU RTOGS PA'I BLO YOD PA'I PHYIR TE, DE'I RGYUD LA RGYUN MTHA'I BAR CHAD MED LAM MNGON SUM DU RTOGS PA'I BLO YOD PA'I PHYIR TE, DE'I RGYUD LA DE NYAMS SU MYONG BA'I RANG RIG YOD PA'I PHYIR, KHO NA RE, SLOB LAM NA BLO GCIG GIS BDEN GNYIS DUS CIG CHAR DU MNGON SUM DU RTOGS PA YOD PAR THAL, DON GANG ZAG GIS BDEN GNYIS CIG CHAR DU MNGON DUM DU RTOGS PA YOD PA'I PHYIR ZER NA MA KHYAB, KHA CIG JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR RNAM MKHYEN YOD DE, SNYING PO'I RGYAN LAS, DE NAS SKAD CIG MA GNYIS PA LA RNAM GROL LAM SKYES PA'I TSE SHES BYA JI LTA BA LA GNYIS SNANG NUB NAS CHU LA CHU BZHAG PA BZHIN SONG BA DE'I GZIGS NGOR SHES BYA JI SNYED PA THAMS CAD LAG MTHIL DU SKYU RU RA BZHAG PA LTAR MNGON SUM DU GZIGS PA DE'I TSE, ZHES SOGS GSUNGS PA'I PHYIR ZER NA, JI LTA BA RTOGS PA'I RNAM MKHYEN GYIS PHUNG SOGS KYI CHOS NYID GZIGS PA'I GZIGS NGOR PHUNG PO LNGA GZIGS PAR THAL, DAM BCA' DE'I PHYIR, 'DOD MI NUS TE, MDO SDUD PAR, GZUGS RNAMS MI MTHONG TSOR BA DAG KYANG MI MTHONG ZHING, ,'DU SHES MTHONG BA MED LA SEMS YID MTHONG BA MED, ,GANG LA RNAM PAR SHES DANG SEMS YID MTHONG MED PA, ,'DI NI CHOS MTHONG YIN ZHES DE BZHIN GSHEGS PAS BSTAN, ,ZHES GSUNGS PA'I PHYIR, GZHAN YANG, JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR JI SNYED PA MA GZIGS PAR THAL, DES PHUNG SOGS KYI

005a

, ,GNAS LUGS GZIGS PA'I GZIGS NGOR PHUNG SOGS MA GZIGS PA'I TSUL GYIS PHUNG SOGS KYI GNAS LUGS GZIGS PA'I PHYIR TE, 'JUG 'GREL LAS, DNGOS PO BYAS PA CAN LA MA RIG PAR RANG BZHIN 'BA' ZHIG MNGON SUM DU MDZAD PA DE NYID THUGS SU CHUD PAS DE'I PHYIR SANGS RGYAS ZHES BRJOD DO, ,ZHES DANG, MDO LAS, MA MTHONG BA NI MTHONG BA DAM PA'O, ,ZHES GSUNGS PA'I PHYIR, KHO NA RE, JI LTA BA RTOGS PA'I RNAM MKHYEN GYIS JI SNYED PA MA GZIGS PAR THAL; DES JI LTA BA GZIGS PA'I GZIGS NGOR JI SNYED PA MA GZIGS PA'I PHYIR ZER NA MA KHYAB, KHO NA RE, KHYOD CHOS CAN, KHYOD DON DAM BDEN PA YIN PAR THAL, JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR KHYOD YOD PA'I PHYIR ZHES PA'I THAL 'GYUR LA KHYAB PA YOD PAR THAL, DES JI LTA BA GZIGS PA GZIGS NGOR JI SNYED PA MED PA'I PHYIR ZER NA MA KHYAB, 'DOD NA, YOD PA CHOS CAN, DER THAL, DE'I PHYIR, GZHAN YANG, SNYING PO'I RGYAN LAS, SANGS RGYAS NI RTAG TU DE BZHIN NYID LA MNYAM PAR BZHAG PA YIN LA, DE'I GZIGS PA'I NGO BOR MA GRUB PA'I DON NO ZHE NA DE YANG MI 'THAD PAR SNGAR BSHAD ZIN TO, ,ZHES GSUNGS PA MI 'THAD PAR THAL, GZUGS SKU GNYIS KYI CHOS NI GZIGS PA'I RNAM MKHYEN GYIS GZUGS SKU GNYIS KYI CHOS NYID GZIGS PA'I GZIGS NGOR GZUGS SKU GNYIS MA GZIGS PA'I PHYIR ZER NA MA KHYAB STE, DES DE GNYIS KYI CHOS NYID LA MNYAM PAR BZHAG BZHIN PA'I NGANG NAS DE GNYIS GZIGS PA LUNG DE'I DON YIN PA'I PHYIR, KHA CIG ,

005b

BYANG SEMS RGYUN MTHA' PAS SKU BZHI PO RIM CAN DU MNGON DU BYED PA YIN TE, DES DANG POR NGO BO NYID SKU DANG YE SHES CHOS SKU GNYIS MNGON DU BYED, DE RJES LONGS SKU DANG SPRUL SKU GNYIS MNGON DU BYED PA'I PHYIR, ZHES ZER NA SHES BYA CHOS CAN, CHOS SKU MNGON DU BYAS NAS GZUGS SKU MNGON SUM BYAS PA'I SANGS RGYAS 'PHAGS PA YOD PAR THAL, DAM BCA' DE'I PHYIR, 'DOD NA, YE SHES KYI TSOGS MTHAR PHYIN NAS BSOD NAMS KYI TSOGS MTHAR MA PHYIN PA'I SANGS RGYAS 'PHAGS PA YOD PAR THAL, 'DOD PA'I PHYIR, KHYAB STE, YE SHES KYI TSOGS MTHAR PHYIN PA DANG CHOS SKU THOB PA DUS MNYAM, BSOD NAMS KYI TSOGS MTHAR PHYIN PA DANG GZUGS SKU THOB PA DUS MNYAM PA'I PHYIR, RTAGS GNYIS KA GRUB STE, RIGS PA DRUG CU PA LAS, DGE BA 'DI BAS SKYE BO KUN, ,ZHES SOGS DANG, RIN CHEN PHRENG BAR, SANGS RGYAS RNAMS KYI GZUGS KYI SKU, ,ZHES GSOGS GSUNGS PA'I PHYIR, KHO NA RE, RNAM BSHAD LAS, SOGS SGRAS CHOS SKUS LONGS SKU'I BDAG RKYEN DANG, LONGS SKUS SPRUL SKU'I BDAG RKYEN BYED PAR SDUD DO, ,ZHES GSUNGS PA MI 'THAD PAR THAL, BYANG SEMS RGYUN MTHA' PAS SKU BZHI RIM CAN DU MNGON DU MI BYED PA'I PHYIR ZER NA MA KHYAB STE, CHOS SKUS RANG 'BRAS LONGS SKU'I BDAG RKYEN BYED PA DANG, LONGS SKUS RANG 'BRAS SPRUL SKU'I BDAG RKYEN BYED PA LUNG DE'I DON YIN PA'I PHYIR, GZHAN YANG, SNYING PO'I RGYAN LAS, LONGS SKUS BDAG RKYEN BYAS NAS MDZAD PA BCU GNYIS KYI SGO NAS GDUL BYA RJES SU 'DZIN PA'I MCHOG GI SPRUL PA'I SKU DE'I TSE TSOGS PA GCIG TU MED KYANG, ZHES SOGS GSUNGS PA MI

006a

, ,'THAD PAR THAL, LONGS SKU DANG DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I SPRUL SKU MED PA'I PHYIR, BYANG SEMS RGYUN MTHA' PAS LONGS SKU DANG SPRUL SKU GNYIS RIM BZHIN DU MNGON DU BYED PA YIN PA'I PHYIR TE, DAM BCA' DE'I PHYIR, KHO NA RE, LONGS SKU DANG DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I SPRUL SKU CHOS CAN, KHYOD SPRUL PA PO'I SANGS RGYAS 'PHAGS PA YOD PAR THAL, KHYOD SPRUL SKU YIN PA'I PHYIR ZER NA MA KHYAB, 'DOD MI NUS TE, BYANG SEMS RGYUN MTHA' PA YANG DE SPRUL PA PO MA YIN, LONGS SKU DE YANG DE MA YIN PA'I PHYIR, DANG PO SLA, GNYIS PA GRUB STE, DE DE DANG DUS MNYAM YIN PA'I PHYIR, 'O NA, BYE BRAG SMRA BAS STON PA SH'AKYA THUB PA SPRUL PA PO'I SANGS RGYAS 'PHAGS PA YOD PAR KHAS LEN PAR THAL, DES DE SPRUL SKUR KHAS LEN PA'I PHYIR, KHYAB PA 'GRIG ,DER THAL, DES SPRUL SKU KHAS LEN PA'I PHYIR, 'DOD MI NUS TE, DES RGYAL PO GZHON NU DON GRUB SRID PA THA MA PA'I GANG ZAG TU KHAS LEN PA'I PHYIR, KHO NA RE, BYANG SEMS RGYUN MTHA' PA 'OG MIN GYI RTEN LA GSAR DU SANGS RGYAS PA'I TSE, DE'I SPRUL PA 'DOD KHAMS NA YOD PA RNAMS KYANG DE DANG DUS MNYAM DU SANGS RGYAS PAR THAL, LONGS SKU DANG DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I SPRUL SKU YOD PA'I PHYIR, RTAS KHAS, 'DOD NA, DE'I TSE DE 'DOD PA'I RTEN LA SANGS RGYAS BAR THAL, 'DOD PA GANG ZHIG ,DE'I TSE NA DE 'DOD KHAMS NA YOD PA'I PHYIR ZER NA MA KHYAB STE, DE'I TSE DE 'OG MIN GYI RTEN LA SANGS RGYAS PA'I PHYIR TE,

006b

DE 'OG MIN GYI RTEN CAN ZIN PA'I PHYIR, DE DER THAL, DE YOD, DE 'DOD PA'I RTEN CAN MA YIN PA'I PHYIR, KHO NA RE, BYANG SEMS RGYUN MTHA' PA'I SPRUL BAR GYUR PA'I 'DOD PA'I RTEN CAN GYI GANG ZAG YOD PAR THAL, DE 'DOD PA'I RTEN CAN GYI GANG ZAG TU SPRUL BA YOD PA'I PHYIR ZER NA MA KHYAB STE, DE BZHIN GSHEGS PA RI DVAGS RU RU SPRUL PA'I SPRUL PA DE, RI DVAGS KYI RTEN CAN YIN PAR THAL, BYANG SEMS RGYUN MTHA' PA 'DOD RTEN CAN DU SPRUL PA'I GANG ZAG DE 'DOD PA'I RTEN CAN YIN PA'I PHYIR, RTAGS KHAS, 'DOD NA, DE DUD 'GRO'I RTEN CAN YIN PAR THAL, 'DOD PA'I PHYIR, 'DOD MI NUS TE, SANGS RGYAS KYI SPRUL PA YIN PA'I PHYIR, GZHAN YANG, DE BZHIN GSHEGS PA CHU DANG ZAM PA DANG GRONG KHYER SOGS SU SPRUL PA'I SPRUL PA DE RNAMS RIM PA BZHIN DU CHU DANG ZAM PA SOGS SU 'DOD RIGS PAR THAL, DE BZHIN GSHEGS PA DE RNAMS SU SPRUL PA YOD PA'I PHYIR, KHYAB PA 'GRIG ,'DOD MI NUS TE, DE SANGS RGYAS YIN PA'I PHYIR, RTAGS GRUB STE, MDO SDE'I RGYAN LAS, SANGS RGYAS SPRUL PA DPAG MED PA, ,SPRUL PA'I SKUR NI 'DOD PA STE, ,ZHES GSUNGS PA'I PHYIR, MKHAS PA'I DBANG PO KHA CIG MA KHYAB STE, LUNG DE SANGS RGYAS KYI SPRUL PAR GYUR PA'I GZUGS SKU YIN NA SANGS RGYAS YIN PAS KHYAB PA BSTAN PA'I PHYIR, DE LTA MA YIN NA, BYANG SEMS RGYUN MTHA' BA CHU DANG ZAM PA SOGS SU SPRUL PA'I SPRUL PA DE BYANG SEMS RGYUN MTHA' BA YIN PAR THAL, SANGS RGYAS KYIS CHU DANG ZAM PA SOGS SU SPRUL PA'I SPRUL PA DE RNAMS RIM PA BZHIN DU SANGS RGYAS YIN PA'I PHYIR ZER

007a

, ,NA MI MTSUNGS SO, ,GZHAN YANG, DBU MA 'JUG PAR, BA SPU'I KHUNG BUR BYANG CHUB SEMS DPA' RNAMS, ,LHAN CIG RDZOGS SANGS RGYAS SKU GRANGS 'DAS DANG, ,DE BZHIN LHA DANG LHA MIN MI DAG KYANG, ,SKAD CIG SKAD CIG LA NI STON PAR NUS, ,ZHES GSUNGS PA MI 'THAD PAR THAL, BYANG SEMS SA BCU PA NAS RANG GI BA SPU'I KHUNG BU RE RER RDZOGS PA'I SANGS RGYAS KYI SKU 'KHOR BYANG SEMS GRANGS LAS 'DAS PAS BSKOR? BA RE RE SPRUL PA MED PA'I PHYIR TE, DE RDZOGS PA'I SANGS RGYAS KYI SKUR SPRUL PA MED PA'I PHYIR, MA GRUB NA, DE CHOS CAN, DE'I SPRUL PAR GYUR PA'I RDZOGS PA'I SANGS RGYAS YOD PAR THAL, MA GRUB PA DE'I PHYIR, KHYAB PA KHAS, DE BZHIN DU, BYANG SEMS 'PHAGS PA DUD 'GROR SPRUL PA SOGS RIGS 'GRE'O,, ` RANG LUGS LA, 'BRAS BU 'GRUB? PA'I DUS MTSAMS BSHAD PA DANG, SKU'I RNAM GZHAG BSHAD PA DANG GNYIS LAS, DANG PO LA, BSHAD BYA'I LUNG 'GOD PA DANG, DE'I DON BSHAD PA GNYIS LAS, DANG PO NI, RNAM BSHAD SNYING PO'I RGYAN LAS, SA BCU RGYUN GYI THA MA'I BAR CHAD MED LAM DE NYID DE BZHIN NYID LA CHU LA CHU BZHAG TU MNYAM PAR BZHAG BZHIN PA NA, BAR CHAD MED LAM GYI DUS DE'I TSE, MNYAM GZHAG DE'I GZIGS DON SHES BYA JI SNYED PA'I RNAM PA CUNG ZAD KYANG MI 'CHAR TE, BDEN GNYIS NGO BO THA DAD DU 'DZIN PA'I DRI MA ZAD PAR MA SPANGS PA'I PHYIR, 'ON KYANG DE'I TSE ZAG PA MED PA'I YE SHES SDE TSAN NYI SHU RTZA GCIG PO'I MNGON PAR RTOGS PA'I RIGS MA LUS PA THOB PA'I BDAG NYID DU GNAS PA YIN NO, ,DE NAS SKAD CIG GNYIS PA

007b

LA RNAM GROL LAM SKYES PA'I TSE SHES BYA JI LTA BA LA GNYIS SNANG NUB NAS CHU LA CHU BZHAG TU SONG BA DER GZIGS PA'I NGOR SHES BYA JI SNYED PA THAMS CAD LAG MTHIL DU SKYU RU RA BZHAG PA LTAR MNGON SUM DU GZIGS PA DE'I TSE SHES SGRIB ZAD PAR SPANGS PA DANG, YANG DAG PA'I MTHA' MNGON DU BYAS PA DANG, CHOS KYI SKU MNGON DU BYAS PA DANG, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB BA ZHES BYA'O, ,SA BCU RGYUN MTHA' LA GNAS PA'I TSE MTSAN DPES SPRAS PA'I SKU DE NYID KYI RIGS 'DRA PHYI MA CHOS SKU THOB PA'I TSE MTSAN NYID LNGA LDAN DANG, YON TAN LNGA LDAN DANG, NGES PA LNGA LDAN GYI LONGS SPYOD RDZOGS PA'I SKU 'GRUB LA, LONGS SKUS BDAG RKYEN BYAS NAS MDZAD PA BCU GNYIS KYI SGO NAS GDUL BYA RJES SU 'DZIN PA'I MCHOG GI SPRUL PA'I SKU DE'I TSE TSOGS PA GCIG TU MED KYANG, SANGS RGYAS KYI SPRUL PA'I SKU'I BYE BRAG 'GA' ZHIG LONGS SPYOD RDZOGS PA'I SKU DANG DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I TSUL DU THOB PAR SHES PAR BYA'O, ,ZHES GSUNGS, GNYIS PA NI, LAM LA BSLABS PA'I 'BRAS BU MTHAR THUG SANGS RGYAS KYI SKU YIN LA, DE DNGOS SU THOB PA'I RTEN NI BYANG SEMS RGYUN MTHA' PA YIN GYI, DES SANGS RGYAS KYI GZUGS KYI SKU MTHAR THUG BA DE GNAS 'OG MIN DU MNGON DU BYED PA YIN TE, 'JUG PAR, 'OG MIN DU NI GANG GI DON DU 'BAD GYUR GO 'PHANG MCHOG ZHI BA, ,YON TAN MTHA' DAG MTHAR THUG MTSUNGS PA MED PA DE NI KHYOD KYIS BRNYES, ,ZHES GSUNGS PA'I PHYIR, 'O NA SKABS 'DI'I 'OG MIN DE GANG LA

008a

, ,BYED ZER NA, KHA CIG GNAS GTZANG LNGA'I NANG TSAN DU GYUR PA'I 'OG MIN LA BYED ZER BA MI 'THAD DE, DE LANG GSHEGS DANG 'GAL BA'I PHYIR, KHA CIG ,SNGAGS BLA MED KYI CHED DU BYA BA'I GDUL BYA RIN PO CHE LTA BU'I GANG ZAG DES 'DZAM BU'I GLING PA'I MI'I RTEN LA LONGS SKU MNGON DU BYED PAS DE GANG DU SANGS RGYAS PA'I 'DZAM BU'I GLING GI GNAS DE 'OG MIN YIN, ZHES SMRA BA MI 'THAD DE, SNGAGS BLA MED LA DE 'DRA'I GANG ZAG YOD PAR BSHAD KYANG SKABS 'DIR DE LTAR KHAS MI LEN PA'I PHYIR, DES NA BYANG SEMS RGYUN MTHA' PA GANG DU SANGS RGYAS PA'I LONGS SKU'I RTZA BA'I GNAS 'OG MIN NI, GZUGS KHAMS GNAS RIG BCU BDUN LAS GZHAN PA'I GZUGS KHAMS KYI GNAS BEE d'URYA'I SA GZHI LA GSER GYIS MIG MANG RIS SU BRIS PA SNOD BCUD KYI 'BYOR BA PHUN SUM TSOGS PA DANG LDAN ZHING BYANG SEMS 'PHAGS PA YAN CHAD KHO NA BZHUGS PA'I GNAS GCIG LA BYED PAR PHAL CHEN LAS GSUNGS LA RANG LUGS KYANG DE LTAR KHAS LEN TE, LANG GSHEGS LAS, GTZANG MA'I GNAS LNGA SPANGS PA YI, ,'OG MIN GNAS NI NYAMS DGA' BA, ,YANG DAG SANGS RGYAS DER SANGS RGYA, ,SPRUL PA PO GCIG 'DIR SANGS RGYA, ,ZHES DANG, 'DOD PA KHAMS DANG GZUGS MED DU, ,SANGS RGYAS RNAM PAR SANGS MI RGYA, ,GZUGS KYI KHAMS KYI 'OG MIN DU, ,'DOD CHAGS BRAL KHYOD MNGON SANGS RGYA, ,ZHES GSUNGS PA'I PHYIR, DES NA BYANG SEMS RGYUN MTHA' PAS CHOS SKU MNGON DU BYAS PA'I DUS YOD DE, SA BCU'I RGYUN GYI THA

008b

MA'I BAR CHAD MED LAM DE'I SKAD CIG GNYIS PA LA DES DRANGS PA'I RNAM GROL LAM SKYES PA DE'I TSE SHES BYA JI LTA BA LA GNYIS SNANG NUB NAS CHU LA CHU BZHAG PA LTAR DU SONG BA'I BAR CHAD MED LAM DES SHES BYA JI SNYED PA THAMS CAD LAG MTHIL DU? SKYU RU RA RLON PA BZHAG PA LTAR GSAL SIL DE MNGON SUM DU RTOGS PA DE'I TSE, BYANG SEMS RGYUN MTHA' PAS SHES SGRIB ZAD PAR SPANGS PA, YANG DAG MTHA' MNGON DU BYAS PA, CHOS SKU MNGON DU BYAS PA, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA ZHES BYA BA YIN PA'I PHYIR TE, SA BCU RGYUN GYI THA MA'I BAR CHAD MED LAM DES CHOS THAMS CAD KYI DE BZHIN NYID LA CHU LA CHU BZHAG PA LTAR MNYAM PAR BZHAG PA'I MNYAM GZHAG DE'I GZIGS NGOR SHES BYA JI SNYED PA'I RNAM PA CUNG ZAD KYANG MI 'CHAR TE, RGYUN MTHA'I BAR CHAD MED LAM PA DES BDEN GNYIS NGO BO THA DAD DU 'DZIN PA'I DRI MA ZAD PAR MA SPANGS PA'I PHYIR, 'ON KYANG DE'I TSE RGYUN MTHA'I BAR CHAD MED LAM PA DES, ZAG MED KYI YE SHES SDE? TSAN NYER GCIG PO'I MNGON PAR RTOGS PA MTHA' DAG GI RIGS TE DNGOS KYI NYER LEN DU GYUR PA'I YE SHES THOB PA YIN TE, DES JI LTA BA MKHYEN PA'I RNAM MKHYEN DANG, JI SNYED PA MKHYEN PA'I RNAM MKHYEN GNYIS KA'I DNGOS KYI NYER LEN DU 'GYUR PA'I YE SHES THOB PA'I PHYIR, SA BCU RGYUN GYI THA MA LA GNAS PA'I TSE, RGYUN MTHA' PAS MTSAN DPES SPRAS PA'I BYANG SEMS KYI SKU THOB LA, RGYUN MTHA' PA'I RGYUD LA SHES SGRIB SPANGS PA'I LAM SKYES PA'I TSE, MTSAN DPES

009a

, ,SPRAS PA'I BYANG SEMS KYI SKU DE'I RIGS 'DRA PHYI MA DES PA LNGA LDAN GYI LONGS SPYOD RDZOGS PA'I SKUR GYUR LA, DE'I RGYUD KYI CHOS DBYINGS DE YANG DE DANG DUS MNYAM DU MTSAN NYID LNGA LDAN DANG YON TAN LNGA LDAN GYI NGO BO NYID SKUR GYUR CING, RGYUN MTHA' PA'I SPRUL PA 'JIG RTEN GYI KHAMS DPAG TU MED PAR YOD PA RNAMS KYANG DE DANG DUS MNYAM DU SPRUL SKUR GYUR PA YIN TE, BYANG SEMS RGYUN MTHA' PAS SKU GSUM CIG CHAR DU MNGON DU BYED PA'I PHYIR; RGYU MTHA' PA DE DANG RGYUD GCIG TU GYUR PA'I LONGS SKUS BDAG RKYEN BYAS NAS MDZAD PA BCU GNYIS KYI SGO NAS GDUL BYA RJES SU 'DZIN PA'I MCHOG GI SPRUL PA'I SKU DE'I TSE TSOGS PA GCIG TU MED DE, DE'I TSE MCHOG GI SPRUL SKU DE LONGS SKU DANG DNGOS RGYU TSOGS PA GCIG LA RAG LAS KYI 'BREL BA MA GRUB PA'I PHYIR, DE LTAR MA GRUB KYANG, DE'I SPRUL SKU 'GA' ZHIG DE DANG DUS MNYAM DU THOB PA YIN TE, BYANG SEMS RGYUN MTHA' PA 'OG MIN DU LONGS SKU MNGON DU BYAS PA DANG DUS MNYAM DU, DE'I SPRUL PA 'DOD KHAMS NA BZHUGS PA RNAMS KYIS KYANG 'DOD KHAMS SU SPRUL SKU MNGON DU BYED PA'I PHYIR, ` GNYIS PA SKU'I RNAM GZHAG BSHAD PA LA, KHA CIG ,SBYOR BZHI BSGOMS STOBS KYIS THOB PA'I 'BRAS BU MTHAR THUG 'BRAS BU CHOS SKU'I MTSAN NYID ZER NA, DE LA KHA CIG ,LONGS SKU'I SEN MO ZANGS MDOG CHOS CAN, MTSON BYA DER THAL, MTSAN NYID DE'I PHYIR, 'DOD NA, DE SANGS RGYAS YIN PAR THAL LO, ,'DOD NA, DE GZUGS SKU YIN PAR THAL,

009b

'DOD PA'I PHYIR, 'DOD NA, DE CHOS CAN, GANG ZAG TU THAL, 'DOD PA'I PHYIR, 'DOD MI NUS TE, KHA DOG YIN PA'I PHYIR, ZHES BKAG NAS, KHO RANG GI LUGS LA, SBYOR BZHI BSGOMS STOBS KYIS THOB PA'I SANGS RGYAS SU DMIGS PA, 'BRAS BU CHOS SKU'I MTSAN NYID ZER NA, LONGS SKU'I SEN MO ZANGS MA DOG CHOS CAN, YON TAN MA YIN PAR THAL, MTHAR THUG GI YON TAN YANG MA YIN, GNAS SKABS KYI YON TAN YANG MA YIN PA'I PHYIR, DANG PO MA GRUB NA, SANGS RGYAS SU THAL, MA GRUB PA DE'I PHYIR, GZHAN YANG, SHES BYA CHOS CAN, LONGS SKU'I DBU SKRA BUNG BA LTAR NAG NAG PO YIN PAR THAL, LONGS SKU'I SEN MO ZANGS MDOG DMAR PO YIN PA'I PHYIR TE, DE KHA DOG YIN PA'I PHYIR, RTAGS KHAS, 'DOD NA, DE CHOS CAN, NAG PO MED NA KHYOD MED DGOS PAR THAL LO, ,GZHAN YANG, LONGS SKU'I LPAGS PA GSER MDOG SER PO YIN PAR THAL, DE'I SEN MO ZANGS MDOG DMAR PO YIN PA'I PHYIR, 'DOD NA, RGYAL BA SMAN GYI BLA LA LPAGS PA GSER MDOG MED PAR THAL LO, ,GZHAN YANG, SBYOR BZHI'I SNGA ROL TU BYUNG BA'I RNAM MKHYEN YANG CHOS CAN, MTSAN NYID DER THAL, MTSON BYA DE'I PHYIR, RTAGS GSAL GNYIS KA GRUB STE, CHOS CAN DE YIN PA'I PHYIR, RANG LUGS LA, BYED PA PO SKU'I RANG BZHIN DANG, BYA BA 'PHRIN LAS KYI RANG BZHIN GNYIS LAS, DANG PO LA, NGO BO, DBYE BA, SO SO'I NGO BO NGOS BZUNG BA'O, ,DANG PO NI, YON TAN GYI CHA SHAS DU MA 'DUS PA'AM TSOGS PA MTHAR THUG PAS NA SKU ZHES BYA STE, SAm SKRiTA'I SKAD LA SKU'I SKAD DOD K'A YA ZHES PA BSAGS PA'AM 'TSOGS PA LA 'JUG PA'I

010a

, ,PHYIR; DES NA RANG THOB BYED KYI THABS SU GYUR PA'I SBYOR BZHI BSGOMS STOBS KYIS THOB PA'I 'BRAS BU MTHAR THUG, 'BRAS BU CHOS SKU'I MTSAN NYID, GNYIS PA LA, GNYIS SU DBYE BA, GSUM DU DBYE BA, LNGAR DBYE BA, BZHIR DBYE BA DANG BZHI LAS, DANG PO NI, 'BRAS BU CHOS SKU LA DBYE NA, RANG DON CHOS SKU DANG, GZHAN DON GZUGS SKU GNYIS SU YOD DE, RIN CHEN PHRENG BAR, SANGS RGYAS RNAMS KYI GZUGS SKU 'DIR, ,BSOD NAMS TSOGS LAS BYUNG BA STE, ,CHOS KYI SKU NI MDOR BSDUS NA,, RGYAL PO YE SHES TSOGS LAS 'KHRUNGS, ,ZHES GSUNGS PA' PHYIR, YANG DE LA, RANG DON CHOS SKU DAM PA DANG, GZHAN DON GZUGS SKU DAM PA GNYIS SU YANG YOD DE, RIGS PA DRUG CU PAR, DGE BA 'DI YIS SKYE BO KUN, ,BSOD NAMS YE SHES TSOGS BSAGS TE, , BSOD NAMS YE SHES LAS BYUNG BA'I, ,DAM PA GNYIS NI THOB PAR SHOG, CES GSUNGS PA'I PHYIR, YANG DE LA, RANG DON DON DAM PA'I SKU DANG, GZHAN DON KUN RDZOB PA'I SKU GNYIS SU YANG DBYER YOD DE, RGYUD BLAR, RANG DON GZHAN DON DON DAM SKU DANG NI, ,DE LA BRTEN PA KUN RDZOB SKU NYID DE, ,ZHES GSUNGS PA'I PHYIR, GNYIS PA NI, YANG DE LA, NGO BO NYID SKU, LONGS SKU, SPRUL SKU GSUM DU YANG YOD DE, MDO SDE'I? RGYAN LAS, SKU GSUM DAG GIS SANGS RGYAS KYI, ,SKU BSDUS PAR NI SHES BYA STE, ,SKU GSUM DAG GIS RANG GZHAN GYI, ,DON 'DI RTEN DANG BCAS PAR BSTAN, ,ZHES LONGS SKU RANG DON SPRUL SKU GZHAN DON GYI SKU DANG, NGO BO NYID SKU DE GNYIS KYI RTEN DU GSUNGS PA'I PHYIR DANG, RGYUD BLAR YANG, DE DBYE ZAB DANG RGYA CHE DANG, ,BDAG NYID CHEN PO'I YON TAN GYI, ,CHOS GYIS RAB DBYE RANG

010b

BZHIN LA, ,SOGS PA'I SKU GSUM DAG GIS 'JUG, CES DANG, NYI SNANG LAS, DE NI CHOS KYI SKU BRJOD PAR BYA BA YIN LA, DE NI RNAM PA GSUM DU RIG PAR BYA STE, NGO BO NYID KYI SKU DANG, LONGS SPYOD RDZOGS PA'I SKU DANG, SPRUL PA'I SKU'O, ,ZHES GSUNGS PA'I PHYIR DANG, YANG DE LA, RANG DON CHOS SKU DANG LONGS SKU SPRUL SKU GSUM DU YANG DBYER YOD DE, RGYAN SNANG LAS, YUM GYI BSHAD SBYAR BYAS PA LAS BYUNG BDAG GI DGE BA'I SA BON LAS, ,RNAM PA KUN GYI MCHOG TU GYUR PA'I SKU NI GSUM PA NGES PAR THOB PAR SHOG ,CES GSUNGS PA'I PHYIR, GSUM PA LA, 'BRAS BU CHOS SKU LA LNGAR GRANGS NGES PAR 'GREL BYED KHA CIG BZHED DE, TSIG GSAL LAS, YANG KHA CIG LONGS SPYOD RDZOGS PA'I SKU LA MNGON PAR RDZOGS PAR BYANG CHUB PAS BCU PA'I BYANG CHUB SEMS DPA' RNAMS 'BA' ZHIG GI SNANG BA'I LAM DU GYUR PA LONGS SPYOD RDZOGS PA CHEN PO'I SKU JI SKAD BSHAD PA'I YE SHES RNAMS KYI GZHIR GYUR PA DANG, SA RAB TU DGA' BA LA SOGS PA LA GNAS PA'I SNANG BA'I LAM DU GYUR PA SPRUL PA'I SKU LA LONGS SPYOD RDZOGS PAR BTAGS PA DANG, SPRUL PA'I SKU STE LNGAR 'DOD DO,, GZHAN DAG NI SPRUL PA'I SKU LA RNAM PAR SMIN PA DANG, RNAM PAR SMIN PA MA YIN PA'I DBYE BAS SKU LNGAR STON PAR BZHED DO, ,ZHES NGO BO NYID SKU, YE SHES CHOS SKU, LONGS SKU CHEN PO, LONGS SKU BTAGS PA BA, SPRUL SKU STE LNGA DANG, YANG SNGA MA GNYIS KYI STENG DU LONGS SKU, RNAM PAR SMIN PA'I SPRUL SKU, RNAM PAR SMIN PA MA YIN PA'I SPRUL SKU STE LNGAR BSHAD LA, RTOGS DKAR YANG, MTSAN YANG DAG PAR BRJOD PA LAS, SANGS RGYAS SKU LNGA'I BDAG NYID CAN, ,ZHES SMOS PA DE YANG 'THAD PA KHO NA YIN TE, SPRUL PA'I SKU'I DBYE BA RNAM PAR

011a

, ,SMIN PA'I SKU YIN PA'I PHYIR RO, ,ZHES DANG, SLOB DPON 'JAM DPAL GRAGS PAS, NGO BO NYID KYI SKU DANG, CHOS KYI SKU DANG, YE SHES KYI SKU STE CHOS KYI SKU'I DBYE BA GSUM DANG, LONGS SPYOD RDZOGS PA'I SKU DANG, SPRUL SKU'O, , ZHES DANG, SLOB DPON SGEG PA'I RDO RJES, NGO BO NYID DANG, LONGS SPYOD RDZOGS PA DANG, RNAM PAR SMIN PA DANG, SPRUL PA DANG, CHOS KYI SKU'O, ,ZHES GSUNGS PA'I PHYIR, BZHI PA LA, BZHIR BZHED PA DANG, DE MI BZHED PA'I LUGS DGOD, 'THAD PA'I PHYOGS BRTAG PA'O, ,DANG PO NI, RGYAN SNANG DANG 'GREL PA 'DI GNYIS SU SKABS BRGYAD PA'I DNGOS BSTAN GYI GTZO BO'I SANGS RGYAS KYI SKU LA NGO BO NYID SKU, YE SHES CHOS SKU, LONGS SKU, SPRUL SKU BZHI'I DBYE BA BSTAN PA YIN TE, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN TE, ZHES DANG, DE LTAR SKU DANG PO BSTAN NAS GNYIS PA CHOS KYI SKU, ZHES SOGS GSUNGS PA'I PHYIR DANG, DE'I PHYIR PHYOGS GZHAN NAS SKU BZHIR GSUNGS PA THAMS CAD MI 'GAL BAR SHES PAR BYA'O, ,ZHES DANG, DE DANG MTHUN PAR RTOGS DKA' DANG, TSIG GSAL LAS KYANG GSUNGS, SHER 'BYUNG DANG BUDDHA SHRIS KYANG SKU BZHIR BSHAD LA, GZHON NU DPAL GYIS KYANG SKU GSUM DU 'DOD PA BKAG NAS BZHIR BSHAD DO, ,GNYIS PA NI, 'PHAGS PA GROL SDES SKABS BRGYAD PA'I DNGOS BSTAN GYI GTZO BOR GYUR BA'I SANGS RGYAS KYI SKU LA NGO BO NYID SKU, LONGS SKU, SPRUL SKU GSUM DU BZHED DE, NYI SNANG LAS, DA NI CHOS KYI SKU BRJOD PAR BYA BA YIN LA, DE NI RNAM PA GSUM DU RIG PAR BYA STE, ZHES SOGS GSUNGS PA'I

011b

PHYIR; DE DANG MTHUN PAR NYI KHRI'I RNAM 'GREL LAS BSHAD CING, SNYING PO MCHOG LAS KYANG, MNGON PAR RTOGS PA BRGYAD PA NI CHOS KYI SKU'O, ,DE'I DNGOS PO YANG RNAM PA BZHI STE, SKU GSUM DANG MDZAD PA'O, ,ZHES DANG, DE DANG MTHUN PAR THUB DGONGS SU YANG, DE'I PHYIR 'JIG RTEN LAS 'DAS PA'I BYANG CHUB KYI PHYOGS LA SOGS PA RNAMS SGYU MA LTA BU'I GNYIS SU MED PA'I YE SHES KYI NGO BO NI CHOS KYI SKU STE BZHI PA'O ZHES GANG DU YANG RNAM PAR BZHAG PA MED KYI, RNAM PAR BZHAG PA DE NI SENG GE BZANG PO'I RANG DBANG LAS TE SPANG BAR BYA'O, ,ZHES GSUNGS PA'I PHYIR, GSUM PA NI, LUGS DE GNYIS KYI NANG NAS SLOB DPON GYI LUGS 'DI NYID RANG LUGS SU KHAS BLANG BAR BYA STE, DE'I RGYU MTSAN NI 'OG TU GRANGS NGES KYI SKABS SU 'CHAD PAR 'GYUR BA'I PHYIR RO, ,GSUM PA LA, SKU SO SO'I NGO BO DANG, YE SHES KYI SKU'O, ,DANG PO LA, NGO BO NYID SKU, YE SHES CHOS SKU, LONGS SKU, SPRUL SKU DANG BZHI YOD PA 'OG TU RANG RANG GI SKABS SU BSHAD PAR BYA'O, ,GNYIS PA LA, YE SHES KYI NGO BO, DE'I RGYU, DE SKUR BSTAN PA'O,, DANG PO LA, SPYIR SANGS RGYAS KYI YE SHES LA, CHOS DBYINGS YE SHES, ME LONG LTA BU'I YE SHES, MNYAM PA NYID KYI YE SHES, SO SOR RTOGS PA'I YE SHES, BYA BA SGRUB PA'I YE SHES DANG LNGAR MKHAS PA MANG POS GSUNGS KYANG, 'PHAGS PA SANGS RGYAS KYI SA LAS, SHIN TU 'DUS PA SANGS RGYAS KYI SA NI RNAM PA LNGAS BSDUS TE, LNGA GANG ZHE NA, CHOS KYI DBYINGS RNAM PAR DAG PA DANG, ME LONG LTA BU'I YE SHES DANG, MNYAM PA NYID KYI YE SHES DANG, SO SOR RTOGS PA'I YE SHES DANG, BYA BA NAN TAN GYI YE SHES YIN NO, ,ZHES LNGAR

012a

, ,GSUNGS PA'I DANG PO LA CHOS KYI DBYINGS RNAM PAR DAG PA DANG, ZHES PA MA GTOGS YE SHES KYI MING GIS MA GSUNGS PAS DANG PO NGO BO NYID SKU YIN PAR GSER PHRENG LAS BSHAD PA LTAR YIN PAS, SANGS RGYAS KYI YE SHES LA PHYI MA BZHIR PHYE BA YIN LA, DE DANG MTHUN PAR MDO SDE'I RGYAN LAS KYANG BSHAD DE, DE NYID LAS, ME LONG YE SHES MI G-YO STE, ,YE SHES GSUM NI DE LA BRTEN, ,MNYAM PA NYID DANG SO SOR RTOGS, ,BYA BA SGRUB PA KHO NA'O, ,ZHES GSUNGS PA'I PHYIR, DE'I DON NI, ME LONG YE SHES DE LA MI G-YO BA ZHES BRJOD PA'I RGYU MTSAN YOD DE, DE DUS RGYUN MI 'CHAD DU 'BYUNG BAS DE LTAR BRJOD PA'I PHYIR, MNYAM NYID YE SHES SO SOR RTOGS PA'I YE SHES BYA SGRUB YE SHES GSUM CHOS CAN, KHYOD KYI RTEN MED PA MA YIN TE, KHYOD ME LONG LTA BU'I YE SHES LA BRTEN PA'I PHYIR, ME LONG LTA BU'I YE SHES DE KHYAD CHOS LNGA'I SGO NAS 'CHAD PA LA, DE NYID LAS, ME LONG YE SHES NGA YI MED, ,YONGS SU MA CHAD RTAG TU LDAN, ,SHES BYA KUN LA MA RMONGS PA, ,RTAG TU DE LA MNGON PHYOGS MIN, , ZHES GSUNGS, DON NI, ME LONG LTA BU'I YE SHES CHOS CAN, KHYAD CHOS LNGA DANG LDAN TE, NGA DANG NGA YI BA DANG GZUNG BA DANG 'DZIN PA'I RNAM PAR RTOG PA MED PA'I PHYIR NGA YI BA RANG BZHIN GYIS MED PA'I KHYAD PAR, SHAR LA SOGS PA'I YUL GYI SGO NAS RIS YONGS SU MA CHAD PA'I KHYAD PAR, DUS KYI SGO NAS RTAG TU LDAN PA'I KHYAD PAR, RTAG TU SGRIB PA DANG BRAL BAS SHES BYA THAMS CAD LA MA RMONGS PAR 'JUG PA'I KHYAD PAR, RTAG TU YUL RE RE BA DE KHO NA LA MNGON SUM DU PHYOGS PA MIN PA'I KHYAD CHOS RNAMS DANG LDAN PA'I

012b

PHYIR; DE'I SGRA DON NI, DE NYID LAS, YE SHES KUN GYI RGYU MTSAN PHYIR, ,YE SHES 'BYUNG GNAS CHEN PO 'DRA, ,LONGS SPYOD RDZOGS PA'I SANGS RGYAS NYID, ,YE SHES GZUGS BRNYAN 'BYUNG PHYIR RO, ,ZHES GSUNGS, DON NI, DE CHOS CAN, YE SHES KYI 'BYUNG GNAS CHEN PO DANG 'DRA STE, YE SHES PHYI MA GSUM PO KUN GYI RGYU MTSAN MTHAR THUG YIN PA'I PHYIR, DE CHOS CAN, LONGS SPYOD RDZOGS PA'I SANGS RGYAS NYID CES GDAGS SU RUNG STE, DE'I GDAGS GZHI MTHAR THUG YIN PA'I PHYIR, DE CHOS CAN, ME LONG LTA BU ZHES BRJOD PA'I RGYU MTSAN YOD DE, YE SHES GZHAN GSUM GYI GZUGS BRNYAN 'BYUNG BA'I RTEN DU GYUR PA'I MTHAR THUG PA'I MKHYEN PA YIN PA'I PHYIR, MNYAM NYID YE SHES DE KHYAD CHOS GSUM GYI SGO NAS 'CHAD PA LA, DE NYID LAS, SGOM PA DAG PA SEMS CAN LA, ,MNYAM PA NYID KYI YE SHES 'DOD, ,MI GNAS ZHI BAR ZHUGS PA NI, ,MNYAM NYID YE SHES YIN PAR 'DOD, ,DUS RNAMS KUN TU BYAMS PA DANG, ,THUGS RJE CHEN PO DAG DANG LDAN, ,ZHES GSUNGS, DON NI, MNYAM NYID YE SHES CHOS CAN, RGYU'I KHYAD PAR DANG LDAN TE, BYANG SEMS KYI DUS SU BDAG GZHAN MNYAM PA NYID BSGOMS PA DRI MAS DAG PA LAS THOB PA'I MTHAR THUG PA'I MKHYEN PA YIN PA'I PHYIR, DE CHOS CAN, NGO BO'I KHYAD PAR DANG LDAN TE, SRID ZHI MTHA' LA MI GNAS PAR ZHUGS PA'I MTHAR THUG PA'I MKHYEN PA YIN PA'I PHYIR, DE CHOS CAN, BYED LAS KYI KHYAD PAR DANG LDAN TE, DUS RNAMS KUN TU BYAMS PA DANG THUGS RJE CHEN PO DAG DANG LDAN ZHING SEMS CAN RNAMS LA MOS PA JI LTA BA BZHIN DU SNGO SER LA SOGS PA'I SGO NAS SANGS RGYAS KYI SKU NI NGES PAR

013a

, ,STON PA'I PHYIR, SO SOR RTOGS PA'I YE SHES KHYAD CHOS GSUM GYI SGO NAS 'CHAD PA LA, DE NYID LAS, SO SOR RTOGS PA'I YE SHES NI, ,SHES BYA KUN LA RTAG MI THOGS, ,TING NGE 'DZIN DANG GZUNGS RNAMS KYI, ,GTER DANG 'DRA BA KHO NA YIN, ,ZHES GSUNGS, DON NI, SO SOR RTOGS PA'I YE SHES CHOS CAN, NGO BO'I KHYAD PAR DANG LDAN TE, SHES BYA KUN LA RTAG TU THOGS PA MI MNGA' BA'I MKHYEN PA YIN PA'I PHYIR, DE CHOS CAN, YON TAN GYI KHYAD PAR DANG LDAN TE, TING NGE 'DZIN DANG GZUNGS KYI YON TAN RNAMS KYI GTER DANG 'DRA BA KHO NA YIN PA'I PHYIR, DE CHOS CAN, BYED LAS KYI KHYAD PAR DANG LDAN TE, SANGS RGYAS KYI 'KHOR GYI DKYIL 'KHOR RNAMS SU RDZU 'PHRUL GYI 'BYOR BA THAMS CAD STON PAR MDZAD CING, THE TSOM THAMS CAD GCOD PA'I CHOS KYI CHAR CHEN PO 'BEB PAR MDZAD PA'I MKHYEN PA YIN PA'I PHYIR, BYA BA SGRUB PA'I YE SHES SGRA DON GYI SGO NAS 'CHAD PA LA, DE NYID LAS, BYA BA SGRUB PA'I YE SHES NI, ,KHAMS RNAMS KUN TU SNA TSOGS ZHING, ,DPAG MED BSAM YAS SPRUL PA YIS, ,SEMS CAN DON KUN SGRUB PA'O, ,ZHES GSUNGS, DON NI, BYA BA SGRUB PA'I YE SHES CHOS CAN, KHYOD LA BYA BA SGRUB PA ZHES BRJOD PA'I RGYU MTSAN YOD DO, 'JIG RTEN GYI KHAMS RNAMS KUN TU SKU SNA TSOGS ZHING GRANGS DPAG TU MED PA SPRUL PAS GDUL BYA BSAM GYIS MI KHYAB PA'I SEMS CAN GYI DON SGRUB PA'I MTHAR THUG PA'I MKHYEN PA YIN PA'I PHYIR, GNYIS PA DE'I RGYU STON PA LA, DE NYID LAS, 'DZIN PA'I PHYIR DANG SEMS MNYAM PHYIR, ,YANG DAG CHOS RAB STON PHYIR DANG, ,BYA BA SGRUB PA NYID KYI PHYIR, ,YE

013b

SHES BZHI PO YANG DAG 'BYUNG, ,ZHES GSUNGS, DON NI, SHES BYA CHOS CAN, YE SHES BZHI PO DE YANG DAG PAR 'BYUNG BA'I RGYU MED PA MA YIN TE, DAM PA'I CHOS PHYIN CI MA LOG PAR 'DZIN PA DANG, SEMS MNYAM PA NYID SGOM PA DANG, CHOS YANG DAG PAR RAB TU STON PA DANG, GDUL BYA'I BYA BA SGRUB PAS YE SHES BZHI PO DE GO RIM BZHIN DU 'BYUNG BA'I PHYIR RO, ,GSUM PA NI, YE SHES BZHI PO DE CHOS CAN, YE SHES CHOS SKU YIN TE, GNAS GYUR MTHAR PHYIN PA'I YE SHES YIN PA'I PHYIR, DES NA, SANGS RGYAS SH'AKYA THUB PA CHOS CAN, KHYOD MIG SOGS DBANG PO LNGA PO DANG DON LNGA PO KUN LA 'JUG PA DANG, LNGA PO THAMS CAD KYI YON TAN BRGYA PHRAG BCU GNYIS BCU GNYIS 'BYUNG BA'I 'BYOR PA DAM PA THOB PAR 'GYUR TE, KHYOD DBANG PO LNGA ZAG BCAS RNAMS GNAS GZHAN DU GYUR BA MTHAR THUG PA'I SKYES BU YIN PA'I PHYIR TE, MDO SDE'I RGYAN LAS, DBANG PO LNGA NI GZHAN GYUR NA, ,DON KUN 'JUG DANG THAMS CAD LA, ,YON TAN BRGYA PHRAG BCU GNYIS 'BYUNG, ,'BYOR BA DAM PA THOB PAR 'GYUR, ,ZHES GSUNGS PA'I PHYIR, YON TAN BRGYA PHRAG BCU GNYIS NI, SNA TSAN LAS BSHAD PA NI MIG GI DBANG SHES LA YANG PHYOGS BZHI STENG 'OG GI YUL DRUG LA 'JUG PA'I DBANG SHES DRUG TU PHYE NAS DRUG PO RE RES KYANG PHYOGS BCU BCU'I SGRA DRI RO REG BYA STE YUL BZHI PO DE LA BCU BCU STE YUL BZHI BCU RE LA 'JUG PAS BZHI BCU TSAN PA DRUG BSDOMS PAS NYIS BRGYA DANG BZHI BCU STE MIG SHES KYIS GZUGS MTHONG BA MI 'DREN PA'I RGYU MTSAN YOD DE, DE SANGS RGYAS KHO NA'I YON TAN MA YIN PA'I PHYIR, DE BZHIN DU, RNA BA; SNA; LCE;

014a

, ,LUS KYI DBANG SHES BZHI LA YANG DRUG DRUG TU PHYE NAS DRUG PO RE RES KYANG RIM PA BZHIN DU PHYOGS BCU BCU'I GZUGS DRI RO REG BYA BZHI DANG, GZUGS SGRA RO REG BYA BZHI DANG, GZUGS SGRA DRI REG BYA BZHI DANG, GZUGS SGRA DRI RO BZHI LA RIM PA BZHIN DU 'JUG PAS DE LTAR PHYE BAS BZHI PO RE RE LA YANG BZHI BCU PA DRUG YOD PAS SNGA MA DANG BSDOMS PAS YON TAN BRGYA PHRAG BCU GNYIS SU 'GYUR BA YIN PA'I PHYIR, GLANG THANG PA MTSAN SO GNYIS DANG DPE BYAD BRGYAD CU LA 'DOD LA, 'GA' ZHIG SA DANG PO'I YON TAN BRGYA PHRAG BCU GNYIS LA 'DOD LA, RJE BTZUN CHA PA NA RE, DE LTAR GRAGS KYANG SUS KYANG MTHONG BA DANG RTOGS PA MED CES 'GREL BSHAD LA ZUR ZA MDZAD KYANG, 'GREL BSHAD LAS 'BYUNG BA LTAR LEGS SHING, SNA TSAN GYIS BSHAD PA CUNG ZAD MDO DANG MTHUN PAR SNANG NGO, ,STON PA SH'AKYA THUB PA CHOS CAN, DBANG PO LNGA'I 'BYOR BA DANG MTHUN PAR RNAM PAR MI RTOG PA'I YE SHES SHIN TU DRI MA MED PA LA 'BYOR BA DAM PA THOB PAR 'GYUR TE, NYON MONGS PA DANG BCAS PA'I YID KYI RNAM PAR SHES PA GNAS GZHAN DU GYUR PA MTHAR THUG PA'I SKYES BU YIN PA'I PHYIR TE, DE LTAR YANG DE NYID LAS, YID NI GNAS GZHAN GYUR PA NA, ,'BYOR DANG MTHUN SPYOD MI RTOG PA'I, ,YE SHES SHIN TU DRI MED PA, ,'BYOR BA DAM PA THOB PAR 'GYUR,, ZHES GSUNGS PA'I PHYIR, YANG DE CHOS CAN, JI LTAR 'DOD PA BZHIN DU ZAS GOS LA SOGS PA'I LONGS SPYOD DAG STON PA'I BCUD DAG PA DANG SNOD KYI ZHING DAG PA LA 'BYOR BA DAM PA THOB PAR 'GYUR TE, DON LNGA DER 'DZIN GYI SHES PA ZHES? ?

014b

PA GNAS GZHAN DU GYUR BA MTHAR THUG PA'I SKYES BU YIN PA'I PHYIR TE, DE NYID LAS, DON BCAS 'DZIN PA GZHAN GYUR NA, ,JI LTAR 'DOD BZHIN LONGS SPYOD DANG, ,BRTAN PHYIR ZHING NI DAG PA LA, ,'BYOR PA DAM PA THOB PAR 'GYUR, ,ZHES GSUNGS PA'I PHYIR, YANG DE CHOS CAN, RNAM PA THAMS CAD DU RTAG TU YE SHES DANG 'PHRIN LAS RNAMS KUN LA THOGS PA MED PA LA 'BYOR BA DAM PA THOB PAR 'GYUR TE, RNAM RTOG GNAS GZHAN DU GYUR PA MTHAR THUG PA'I SKYES BU YIN PA'I PHYIR TE, DE NYID LAS, RNAM RTOG GZHAN DU GYUR NA NI; ;DUS RNAMS RTAG TU YE SHES DANG, ,LAS RNAMS KUN LA THOGS MED LA, ,'BYOR BA DAM PA THOB PAR 'GYUR, ,ZHES GSUNGS PA'I PHYIR, YANG DE CHOS CAN, SANGS RGYAS KYI DRI MA MED PA'I GNAS LA NI GNAS SHING MI GNAS PA'I MYA NGAN LAS 'DAS PA LA 'BYOR BA DAM PA THOB PAR 'GYUR TE, KUN BYANG GI CHOS KUN GYI RTEN DU GYUR PA'I RNAM PAR SHES PA GNAS GZHAN DU GYUR PA MTHAR THUG PA'I SKYES BU YIN PA'I PHYIR TE, DE NYID LAS, RTEN NI GZHAN DU GYUR PA NA, ,SANGS RGYAS DRI MED GNAS LA NI, ,MI GNAS MYA NGAN 'DAS PA YI, ,'BYOR BA DAM PA THOB PAR 'GYUR, ,ZHES GSUNGS PA'I PHYIR, YANG DE CHOS CAN, SANGS RGYAS KYI ZAG MED KYI BDE BAR GNAS PA DANG, MO MTHONG BA'I TSE NYON MONGS PA MED PA LA 'BYOR BA DAM PA THOB PAR 'GYUR TE, 'KHRIG PA'I 'DOD CHAGS DANG BCAS PA'I SHES PA GNAS GZHAN DU GYUR PA MTHAR THUG PA'I SKYES BU YIN PA'I PHYIR TE, DE NYID LAS, 'KHRIG PA GZHAN DU GYUR NA NI, ,SANGS RGYAS BDE BAR GNAS PA DANG, ,MO MTHONG NYON MONGS MED PA LA, ,'BYOR BA DAM PA THOB PAR 'GYUR, ,ZHES

015a

, ,GSUNGS PA'I PHYIR, YANG DE CHOS CAN, NAM MKHA' MDZOD CHAR 'BEB PA SOGS KYI BSAM PA'I DON 'BYOR BA DANG GZUGS RNAM PAR 'BYED PA STE THOGS MED DU 'GRO BA LA 'BYOR BA DAM PA THOB PAR 'GYUR TE, NAM MKHA'I 'DU SHES GNAS GZHAN DU GYUR PA MTHAR THUG PA'I SKYES BU YIN PA'I PHYIR TE, DE NYID LAS, NAM MKHA'I 'DU SHES GZHAN GYUR NA, ,BSAM PA'I DON NI 'BYOR BA DANG, ,'GRO GZUGS RNAM PAR 'BYED PA LA, ,'BYOR BA DAM PA THOB PAR 'GYUR, ,ZHES GSUNGS PA'I PHYIR, DES NA, TZANTRA GO MIS, GANG YANG KUN GZHI'I RNAM PAR SHES, ,ME LONG YE SHES NYID GYUR PA, ,ZHES DANG, NYON MONGS CAN YID GNAS GYUR PA, ,MNYAM NYID YE SHES BRJOD PAR BYA, ,SO SOR RTOGS PA'I YE SHES NI, ,YID KYI RNAM SHES DE NYID DO, ,ZHES DANG; DBANG PO LNGA YI RNAM SHES GANG, ,DE NI DON KUN YONGS 'DZIN PHYIR, ,SEMS CAN KUN GYI DON DU NI, ,BYA BA SGRUB PA TZAM NYID THOB, ,CES GSUNGS PA'I DON YANG 'DI BZHIN DU BSHAD PAR BYA'O, ,DE'I TSUL NI, SANGS RGYAS 'PHAGS PA'I THUGS RGYUD KYI YID KYI RNAM PAR SHES PA CHOS CAN, ME LONG LTA BU'I YE SHES YIN TE, KUN BYANG GI CHOS THAMS CAD KYI GZHI RTEN DU GYUR PA'I YID KYI RNAM PAR SHES PA GNAS GZHAN DU GYUR PA MTHAR THUG PA'I YE SHES YIN PA'I PHYIR, DE CHOS CAN, MNYAM PA NYID KYI YE SHES YIN TE, NYON MONGS PA DANG BCAS PA'I YID KYI RNAM PAR SHES PA GNAS GZHAN DU GYUR PA MTHAR THUG PA'I YE SHES YIN PA'I PHYIR, DE CHOS CAN, SO SOR RTOGS PA'I YE SHES YIN TE, SEMS CAN GYI RGYUD KYI YID KYI RNAM SHES GNAS GZHAN DU

015b

GYUR PA MTHAR PHYIN PA'I YE SHES YIN PA'I PHYIR, SANGS RGYAS 'PHAGS PA'I RGYUD KYI DBANG SHES LNGA CHOS CAN, BYA BA SGRUB PA'I YE SHES YIN TE, DRI MA DANG BCAS PA'I DBANG SHES LNGA GNAS GZHAN DU GYUR PA MTHAR PHYIN PA'I YE SHES YIN PA'I PHYIR, SANGS RGYAS 'PHAGS PA'I THUGS RGYUD KYI SEMS KYI CHOS NYID CHOS CAN, NGO BO NYID SKU YIN TE, GNAS GYUR MTHAR PHYIN PA'I CHOS NYID YIN PA'I PHYIR, KHO NA RE, SEMS CAN GYI SEMS KYI CHOS NYID 'GYUR BAR THAL, DE ZAG MED DU 'GYUR BA'I PHYIR ZER NA, SKYON MED DE, CHOS NYID KYI NGO BO LA 'GYUR BA MED KYANG GLO BUR DRI MAS DAG RUNG YIN PA'I PHYIR TE, DPER NA, NAM MKHA'I RANG BZHIN LA RDUL MA ZHUGS KYANG GLO BUR GYI RDUL DANG BRAL BA DANG, GSER GYI RANG BZHIN LA G-YANG MA ZHUGS KYANG GLO BUR GYI G-YA' DANG BRAL BA DANG, CHU'I RANG BZHIN LA RNYOG PA MED KYANG GLO BUR GYI RNYOG PA DANG BRAL BA BZHIN NO, ,DE LTAR YANG, MDO SDE'I RGYAN LAS, DE NI NAM MKHA' CHU GSER LTAR, ,NYON MONGS PA LA RNAM DAG 'DOD, ,CES GSUNGS PA'I PHYIR, ` GNYIS PA BYA BA 'PHRIN LAS KYI RANG BZHIN BSHAD PA LA, KHA CIG ;SANGS RGYAS KYI 'PHRIN LAS SANGS RGYAS KYI SA KHO NAR YOD KYI GDUL BYA'I RGYUD LA MED DE, SANGS RGYAS KYI SKU GSUNG THUGS KYI 'PHRIN LAS GSUM G-YANG KUN SLONG GI RNAM PAR RTOG PA LA MI LTOS PA DANG, RGYUN MI 'CHAD PAR 'BANG MED LHUN GRUB TU 'JUG PAR BYED PAR DPE'I SGO NAS RGYUD BLA MAR BSTAN PA'I PHYIR TE, DE NYID LAS, BRGYA BYIN RDA SPRIN TSANGS PA DANG, ,ZHES SOGS GSUNGS PA'I PHYIR ZHES ZER NA, SANGS RGYAS KYI 'PHRIN LAS LA BYA BA YUL LA YOD PA'I 'PHRIN LAS DANG BYED PA PO LA YOD PA'I 'PHRIN LAS

016a

, ,GNYIS SU 'BYED MI RIGS PAR THAL, GDUL BYA'I RGYUD LA SANGS RGYAS KYI 'PHRIN LAS MED PA'I PHYIR, RTAGS KHAS, GZHAN YANG, STON PA SH'AKYA THUB PA'I BSTAN PA JI SRID GNAS KYI BAR DU DE'I 'PHRIN LAS GNAS PA MI 'THAD PAR THAL, GDUL BYA'I RGYUD LA SANGS RGYAS KYI 'PHRIN LAS MED PA'I PHYIR, 'DOD NA SLA, GZHAN YANG, DE BZHIN 'KHOR BA JI SRID 'DI'I, ,ZHES GSUNGS PA MI 'THAD PAR THAL, SANGS RGYAS KYI 'PHRIN LAS 'KHOR BA MA STONG GI BAR DU RGYUN MI 'CHAD DU MI 'BYUNG BA'I PHYIR TE, DAM BCA' 'THAD PA'I PHYIR, GZHAN YANG, GDUL BYA'I RGYUD LA SANGS RGYAS KYI 'PHRIN LAS YOD PAR THAL, DE'I RGYUD LA SANGS RGYAS KYI BSTAN PA YOD PA'I PHYIR TE, DE'I RGYUD LA LUNG RTOGS KYI DAM CHOS YOD PA'I PHYIR, RONG t'IKA PA NA RE, GDUL BYA'I RGYUD LA SHES PA'I CHAR GYUR PA'I SANGS RGYAS KYI 'PHRIN LAS MED DE, DAG LDAN LAS, MDZAD PA DANG MDZAD PA CAN THAMS CAD THA MI DAD PA'I PHYIR CHOS KYI SKUR RNAM PAR BZHAG ,CES GSUNGS PA'I PHYIR, 'O NA, GDUL BYA LAM LA 'GOD PA'I SANGS RGYAS KYI 'PHRIN LAS MED PAR THAL, SANGS RGYAS KYIS GDUL BYA LAM LA BKOD NAS RGYUD LA SKYES PA'I LAM DE SANGS RGYAS KYI 'PHRIN LAS MA YIN PA'I PHYIR TE, DAM BCA' 'THAD PA'I PHYIR, 'DOD NA, SANGS RGYAS 'PHAGS PAS GDUL BYA LAM LA 'GOD PA'I 'PHRIN LAS MI MDZAD PAR THAL LO, ,DES NA LUNG DE'I DON NI, BYED PA PO LA YOD PA'I 'PHRIN LAS KYI DBANG DU BYAS PA'AM, CHOS SKU MTSON BYED KYI 'PHRIN LAS NGOS 'DZIN PA'I DBANG DU BYAS PA YIN PA'I PHYIR TE, RGYAN SNANG LAS, CHOS KYI SKU NI THOB BYA MTHAR

016b

THUG PA YIN PAS, SKABS BRGYAD PAR SGRUB PA MI 'THAD DE, DER LAM LA SLOB PA'I BYA BA DANG BRAL BA'I PHYIR, ZHES GSUNGS PA'I PHYIR RO, ,DES NA SANGS RGYAS KYI 'PHRIN LAS ZHES PA SANGS RGYAS KYI BYA BA YIN LA, BYA BA DE NYID KYANG BYED PA PO LA YOD PA DANG, GDUL BYA LA YOD PA'I BAR LAM SOGS NI BYA BA YUL LA YOD PA'I 'PHRIN LAS YIN LA, DE'I PHYIR SANGS RGYAS KYIS GDUL BYA LAM DANG LAM GYI RTEN LA 'GOD PA NI GNYIS KA LA YOD LA, BKOD PA'I CHA NI GDUL BYA LA YOD DE, DPER NA, SKYES BU SHING GSHEG PA'I RTZOL BA NI SKYES BU LA YOD CING, SHING DUM BU DUM BUR GSHAGS PA'I CHA YUL SHING LA YOD PA BZHIN YIN PA'I PHYIR, GDUL BYA LAM GYI RTEN LA 'GOD PA NAS 'BRAS BU MYANG 'DAS LA 'GOD PA'I BAR NYER BDUN, SANGS RGYAS KYI 'PHRIN LAS SU BSHAD PA MI 'THAD PAR 'GYUR RO ZHE NA, SKYON MED DE, BKOD PA'I CHA DANG 'GOD PA'I THABS SANGS RGYAS KYI 'PHRIN LAS NYER BDUN SANGS RGYAS YIN PA'I PHYIR, SPYI DON RGYAS PAR 'OG TU 'CHAD DO, ,NGAG DON NI, SKAD SBYOR GYI RJES SU 'BRAS BU CHOS SKU 'CHAD PA'I RGYU MTSAN YOD DE, SKAD CIG MA'I SBYOR BA'I STOBS KYIS 'BRAS BU CHOS SKU 'THOB PA'I RGYU MTSAN GYIS DE LTAR BSHAD PA'I PHYIR, 'BRAS BU CHOS SKU YANG CHOS CAN, RNAM PA BZHIR YOD DE, NGO BO NYID SKU, YE SHES CHOS SKU, LONGS SKU, SPRUL SKU RNAMS SU YOD PA'I PHYIR, ` THUB PA'I NGO BO NYID SKU NI, ,ZHES SOGS KYI SKABS SU, KHA CIG ,NGO BO NYID SKU SANGS RGYAS MA YIN ZER NA, SPANGS PA MTHAR THUG SANGS RGYAS MA YIN PAR THAL, DAM BCA' DE'I PHYIR, 'DOD NA, RTOGS PA MTHAR THUG SANGS RGYAS MA YIN PAR THAL, 'DOD PA'I PHYIR, 'DOD NA, LONGS SKU SANGS RGYAS MA

017a

, ,YIN PAR THAL LO, ,GZHAN YANG, SPANGS PA KHYAD PAR GSUM LDAN GYI BDER GSHEGS MED PAR THAL, DAM BCA' DE'I PHYIR, 'DOD NA, RNAM 'GREL LAS, RGYU SPANGS YON TAN GSUM BDER GSHEGS, ,ZHES GSUNGS PA MI 'THAD PAR THAL LO, ,KHO NA RE, NGO BO NYID SKU CHOS CAN, MA RIG PA'I GNYID SANGS SHING SHES BYA LA BLO GROS RGYAS PAR THAL, SANGS RGYAS YIN PA'I PHYIR ZER NA MA KHYAB STE, SKAM LAS SKYES PA'I ? CHOS CAN, MTSO LAS SKYES PAR THAL, MTSO SKYES YIN PA'I PHYIR, KHYAB PA 'GRIG ,GZHAN YANG, STON PA SH'AKYA THUB PA CHOS CAN, SHES RGYUD NYON MONGS PAS GANG ZHING ZAG PA DANG BCAS PA YIN PAR THAL, GANG ZAG YIN PA'I PHYIR, KHYAB PA 'GRIG GO ,KHA CIG ,NGO BO NYID SKU 'DUS MA BYAS MA YIN TE, DE SLOB PA'I DUS SU MED CING PHYIS SANGS RGYAS KYI DUS SU YOD PA'I RES 'GA' BA YIN PA'I PHYIR ZER NA MA KHYAB STE, RES 'GA' BA'I RTAG PA YOD PA'I PHYIR TE, YUL DUS 'GA' ZHIG NA MED CING YUL DUS LA LAR YOD PA'I RTAG PA YOD PA'I PHYIR, RTAGS SLA, KHA CIG ,DBYINGS RANG BZHIN GYIS RNAM PAR DAG PA LA SPANG BYA GLO BUR GYI DRI MA MTHA' DAG DANG BRAL BAS KHYAD PAR DU BYAS PA'I DE BZHIN NYID, NGO BO NYID SKU'I MTSAN NYID, ZER NA, SANGS RGYAS 'PHAGS PA'I THUGS RGYUD KYI 'GOG BDEN CHOS CAN, DE BZHIN NYID YIN PAR THAL, NGO BO NYID SKU YIN PA'I PHYIR, KHYAB PA KHAS, DER THAL, CHOS CAN DE'I PHYIR, 'DOD NA, CHOS NYID DU THAL LO, ,'DOD NA, DE CHOS CAN, DON DAM BDEN PA YIN PAR THAL, 'DOD PA'I PHYIR, 'DOD MI NUS TE, KUN RDZOB BDEN PA YIN PA'I PHYIR TE, 'GOG BDEN YIN

017b

PA'I PHYIR, KHO NA RE, SKYON MED DE, 'GOG BDEN DON DAM BDEN PA YIN PA'I PHYIR ZER NA, 'GOG BDEN CHOS CAN, KHYOD MNGON SUM DU RTOGS PA'I GANG ZAG YIN NO, ? PA MNGON SUM DU RTOGS PA'I GANG ZAG YIN DGOS PAR THAL, KHYOD DON DAM BDEN PA YIN PA'I PHYIR, 'DOD NA, STONG NYID MA RTOGS PA'I NYAN THOS DGRA BCOM PA CHOS CAN, DER THAL, DE'I PHYIR, DER THAL, BDEN BZHI MI RTAG SOGS BCU DRUG MNGON SUM DU RTOGS PA'I PHYIR TE, DGRA BCOM PA YIN PA'I PHYIR, 'DOD NA, DE CHOS CAN, STONG NYID RTOGS PAR THAL LO, ,KHO NA RE, NGO BO NYID SKU YIN NA, DON DAM BDEN PA YIN DGOS PAR THAL, DE YIN NA, CHOS NYID YIN DGOS PA'I PHYIR TE, DE CHOS NYID YIN PA'I PHYIR TE, DE CHOS NYID KYI SKU YIN PA'I PHYIR TE, SKU LHAG MA GSUM PO DON DAM PAR CHOS NYID KYI NGO BO, ZHES GSUNGS PA'I PHYIR ZER NA MA KHYAB STE, DE RANG BZHIN RNAM DAG GI CHAR GYUR PA'I NGO BO NYID SKU LA DGONGS PA'I PHYIR, DE LA KHA CIG ,YE SHES CHOS SKU CHOS CAN, DON DAM PA YIN PAR THAL, DON DAM PA'I SKU YIN PA'I PHYIR, KHYAB PA 'GRIG ,STON PA SH'AKYA THUB PA CHOS CAN, GZUGS YIN PAR THAL, GZUGS SKU YIN PA'I PHYIR, ZHES ZER RO, ,KHO NA RE, 'GOG BDEN GYI RNAM PA LA STONG NYID BCU DRUG TU 'BYED PA MI RIGS PAR THAL, 'GOG BDEN YIN NA KUN RDZOB BDEN PA YIN DGOS PA'I PHYIR, 'DOD NA, 'GOG PA'I RNAM PA'I NGO BO NYID NI NANG DANG PHYI DANG GNYIS KA'I DNGOS PO RNAM PAR DAG PAS, NANG DANG PHYI DANG GNYIS KA'I STON PA NYID KYI RNAM PA GSUM DANG, ZHES GSUNGS PA MI 'THAD PAR THAL, 'DOD PA'I PHYIR ZER NA MA KHYAB STE, LUNG DES STONG NYID BCU DRUG GLO BUR

018a

, ,GYI DRI MA DANG BRAL BA'I BRAL CHA LA 'GOG BDEN GYI RNAM PAR BSTAN PA YIN PA'I PHYIR, KHO NA RE, SANGS RGYAS 'PHAGS PA'I RGYUD KYI 'GOG BDEN CHOS CAN, DON DAM BDEN PA YIN PAR THAL, MTHAR THUG DPYOD PA'I RIGS SHES DE KHYOD LA MTHAR THUG DPYOD PA'I RIGS SHES SU SONG BA'I PHYIR, DE DER THAL, BDEN GNYIS LAS, RIGS PA'I RJES 'BRANG NGO BO'I PHYIR, ,ZHES GSUNGS PA'I PHYIR ZER NA MA KHYAB STE, LUNG DES RANG BZHIN RNAM DAG GI CHAR GYUR PA'I NGO BO NYID SKU DE YIN PAR BSTAN PA'I PHYIR; KHA CIG ,DAG PA GNYIS LDAN GYI 'GOG BDEN MTHAR THUG ,NGO BO NYID SKU'I MTSAN NYID ZER NA, SANGS RGYAS 'PHAGS PA'I RGYUD KYI CHOS NYID CHOS CAN, MTSAN NYID DER THAL, MTSON BYA DE'I PHYIR, 'DOD NA, DE CHOS CAN, 'GOG BDEN MTHAR? THUG TU THAL LO, ,'DOD NA, DE CHOS CAN, 'GOG BDEN YIN PAR THAL, 'DOD PA'I PHYIR, KHO NA RE, STON PA SH'AKYA THUB PA CHOS CAN, DER THAL, DE'I PHYIR TE, SPANGS PA MTHAR THUG YIN PA'I PHYIR TE, SPANGS PA MTHAR PHYIN YIN PA'I PHYIR ZER NA MA KHYAB STE, DE CHOS CAN, RTOGS PA YIN PAR THAL, RTOGS PA MTHAR THUG YIN PA'I PHYIR TE, RTOGS PA MTHAR PHYIN YIN PA'I PHYIR, KHYAB PA KHAS, DER THAL, SPANGS RTOGS MTHAR PHYIN PA'I GANG ZAG YIN PA'I PHYIR, KHA CIG ,SGRIB GNYIS ZAD PAR SPANGS PA'I 'DUS MA BYAS KYI SKU, DE'I MTSAN NYID ZER NA, 'BRAS BU CHOS SKU CHOS CAN, MTSON BYA DER THAL, MTSAN NYID DE'I PHYIR, RTAGS SLA'O, ,KHA CIG ,SANGS RGYAS KYI CHOS NYID NGO BO NYID SKU MA YIN ZER NA, DE DE YIN PAR THAL, SEMS CAN GYI CHOS NYID RANG BZHIN GNAS RIGS YIN PA'I PHYIR

018b

TE; DRI MA DANG BCAS PA'I SEMS KYI CHOS NYID RANG BZHIN GNAS RIGS YIN PA'I PHYIR, KHO NA RE, SANGS RGYAS KYI CHOS NYID CHOS CAN, KHYOD SANGS RGYAS 'PHAGS PA KHO NA'I MNGON SUM GYI SPYOD YUL YIN PAR THAL, KHYOD NGO BO NYID SKU YIN PA'I PHYIR, KHYAB STE, RGYUD BLAR, 'BA' ZHIG BAG CHAGS BCAS SPANGS PHYIR, ,ZHES GSUNGS PA'I PHYIR ZER NA MA KHYAB STE, LUNG DES NGO BO NYID SKU YIN NA, SANGS RGYAS 'PHAGS PA KHO NA'I RGYUD LA YOD PAS KHYAB PAR BSTAN PA'I PHYIR, DE LTA MA YIN NA LAM SGRIG LAS THEG DMAN LA CHOS KYI BDAG MED PHRA MO MNGON SUM DU RTOGS PA YOD PAR 'DOD PA LTAR NA NI NYAN THOS 'PHAGS PAS KYANG SANGS RGYAS KYI DON DAM PA'I CHOS KYI SKU MNGON SUM DU RTOGS PA YIN PA'I PHYIR TE, ZHES GSUNGS PA MI 'THAD PAR THAL, RANG BZHIN RNAM DAG GI CHAR GYUR PA'I NGO BO NYID SKU MNGON SUM DU RTOGS PA'I NYAN THOS 'PHAGS PA MED PA'I PHYIR TE, DE 'DRA'I SEMS CAN MED PA'I PHYIR TE, NGO BO NYID SKU YIN NA, SANGS RGYAS 'PHAGS PA KHO NA'I MNGON SUM GYI SPYOD YUL YIN DGOS PA'I PHYIR, RTAGS KHAS, GZHAN YANG, SANGS RGYAS KYI CHOS NYID DE YON TAN MA YIN PAR THAL; DE MTHAR THUG GI YON TAN YANG MA YIN, GNAS SKABS KYI YON TAN YANG MA YIN PA'I PHYIR, DANG PO GRUB STE, DE NGO BO NYID SKU MA YIN PA'I PHYIR, GNYIS PA GRUB STE, DE RGYUD LDAN GYI SEMS CAN MED PA'I PHYIR KHO NA RE SANGS RGYAS BDEN STONG NGO BO NYID SKU YIN PAR THAL, SANGS RGYAS KYI CHOS NYID DE YIN PA'I PHYIR ZER NA MA KHYAB, 'DOD NA, DE CHOS CAN, KHYOD RGYUD LDAN GYI SEMS CAN MED PAR THAL LO, ,'DOD MI NUS TE, SEMS CAN GYI RGYUD LA SANGS RGYAS BDEN STONG YOD PA'I PHYIR TE, DE'I RGYUD LA DE BDEN

019a

, ,GRUB MED PA'I PHYIR, KHO NA RE, SANGS RGYAS KYI CHOS NYID YIN NA, NGO BO NYID SKU YIN DGOS PAR THAL, DE NGO BO NYID SKU YIN PA'I PHYIR ZER NA MA KHYAB STE, SANGS RGYAS KYI CHOS NYID YIN NA, SEMS CAN GYI RGYUD LA MED PAS KHYAB PAR THAL, SEMS CAN GYI RGYUD LA DE MED PA'I PHYIR, KHYAB PA KHAS, RTAGS SLA, 'DOD NA, SANGS RGYAS BDEN STONG CHOS CAN, DER THAL, DE'I PHYIR, ` RANG LUGS LA, NGO BO NYID SKU LA MTSAN NYID, DBYE BA, SA MTSAMS, YON TAN RGYAS PAR BSHAD PA DANG BZHI LAS, DANG PO NI, DAG PA GNYIS LDAN GYI DBYINGS MTHAR THUG ,NGO BO NYID SKU'I MTSAN NYID, GNYIS PA NI, DE LA DBYE NA, RANG BZHIN RNAM DAG GI CHAR GYUR PA'I NGO BO NYID SKU DANG, GLO BUR RNAM DAG GI CHAR GYUR PA'I NGO BO NYID SKU GNYIS, DANG PO NI, SANGS RGYAS 'PHAGS PA'I RGYUD KYI CHOS NYID LTA BU, GNYIS PA NI, DE'I RGYUD KYI 'GOG BDEN LTA BU, GSUM PA NI, SANGS RGYAS KYI SA KHO NAR YOD DO, ,BZHI PA LA, NGO BO NYID SKU DE MTSAN NYID LNGA LDAN DANG, YON TAN LNGA LDAN DU THEG PA CHEN PO'I RGYUD BLA MAR GSUNGS TE, DE NYID LAS, DE LA SANGS RGYAS RNAMS KYI NI, ,NGO BO NYID SKU MTSAN NYID LNGA, ,MDOR NA YON TAN LNGA DANG NI, ,LDAN PA NYID DU RIG PAR BYA, ,ZHES GSUNGS PA'I PHYIR, NGO BO NYID SKU CHOS CAN, MTSAN NYID LNGA DANG YANG LDAN TE, SKYE 'JIG DANG BRAL BA 'DUS MA BYAS PA DANG, SPANGS RTOGS KYI YON TAN DANG NGO BO DBYER MED PA DANG, SGRO SKUR GYI MTHA' GNYIS SPANGS PA DANG, NYON MONGS PA DANG SHES BYA'I SGRIB PA DANG SNYOMS 'JUG GI SGRIB PA GSUM LAS GROL BA DANG,

019b

RANG BZHIN GYI 'OD GSAL BA'I YON TAN DANG DANG LDAN PA'I PHYIR, PHYI MA GRUB STE, RANG BZHIN GYIS DRI MA MED CING JI LTA BA BZHIN DU RNAM PAR RTOG PAS RTOG PA MED CING, RNAL 'BYOR BA STE SANGS RGYAS RNAMS KYI MNGON SUM GYI SPYOD YUL YIN ZHING, RANG BZHIN GYIS DRI MA RNAM PAR DAG PA'I DBYINGS MTHAR THUG YIN PA'I PHYIR, DE LTAR YANG, RGYUD BLAR, 'DUS MA BYAS SHING RNAM DBYER MED, ,MTHA' GNYIS DAG NI RNAM PAR SPANGS, ,NYON MONGS SHES BYA SNYOMS 'JUG GI ,SGRIB GSUM LAS NI NGES GROL TE, ,DRI MED RNAM PAR RTOG MED DANG, ,RNAL 'BYOR RNAMS KYI YUL YIN PHYIR, ,CHOS DBYINGS NGO BO NYID KYIS NI, ,DAG PA'I PHYIR NA 'OD GSAL BA'O, ,ZHES GSUNGS PA'I PHYIR, DE CHOS CAN, YON TAN LNGA DANG YANG LDAN TE, GZHAL DU MED PA'I YON TAN, GRANGS KYI MTHA' MED PA'I YON TAN, MU BZHIR RTOG GE PA'I BLOS BSAM DU MED PA'I YON TAN, MNYAM PA MED PA'I YON TAN, DRI MA DAG PA'I MTHAR THUG PA'I YON TAN RNAMS DANG LDAN PA'I PHYIR, GZHAL DU MED PA LA SOGS PA'I YON TAN RNAMS DANG GO RIMS BZHIN DU LDAN TE, RGYA CHE BA DANG, GRANGS MED PA DANG, JI LTA BA BZHIN DU RTOG GE BA'I MNGON SUM GYI SPYOD YUL MA YIN PA DANG, SANGS RGYAS 'BA' ZHIG GI RGYUD LA YOD PA DANG, NYON MONGS PA BAG CHAGS DANG BCAS PA MA LUS PAR SPANGS PA'I RGYU MTSAN GYIS DE DANG LDAN PAR BZHAG PA'I PHYIR TE, RGYUD BLAR, GZHAL MED GRANGS MED BSAM MED PA, ,MNYAM MED DAG PA'I MTHAR THUG PA'I, ,YON TAN RNAMS DANG YANG DAG PAR, ,NGO BO NYID KYI SKU LDAN TE, ,RGYA CHE'I PHYIR DANG GRANGS MED PHYIR, ,RTOG GE'I YUL NI MIN PHYIR DANG, ,

020a

, ,'BA' ZHIG BAG CHAGS BCAS SPANGS PHYIR, ,GZHAL MED LA SOGS GO RIMS BZHIN, ,ZHES GSUNGS PA'I PHYIR, NGAG DON NI, NGO BO NYID SKU CHOS CAN, KHYAD CHOS GSUM DANG LDAN TE, LDAN PA'I KHYAD PAR, BRAL BA'I KHYAD PAR, NGO BO'I KHYAD PAR GSUM DANG LDAN PA'I PHYIR, ` SKU LHAG MA GSUM PO DON DAM PAR CHOS NYID KYI NGO BO YANG DAG PA'I KUN RDZOB TU SNANG BA JI LTAR MOS PAS RAB TU PHYE BA NI, SANGS RGYAS DANG BYANG CHUB SEMS DPA' DANG NYAN THOS LA SOGS PA'I SPYOD YUL DU RNAM PAR BZHAG PA YIN NO, ,ZHES PA'I SKABS SU, GZHUNG 'DIS, THUB PA'I NGO BO NYID SKU NI, ,ZHES SOGS BRGAL LAN GYI SGO NAS BSHAD NA 'CHAD TSUL DE GANG ZHE NA, MTSAMS SBYAR DU, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN PAS, ZHES BSHAD PA LA, 'O NA, CHOS CAN GYI SKU LHAG MA GSUM PO DE CHOS NYID KYI SKU DANG NGO BO THA DAD YIN NAM, NGO BO GCIG YIN, DANG PO LTAR NA, DE GNYIS CHOS CHOS CAN MIN PAR 'GYUR, GNYIS PA LTAR NA DE GNYIS THA DAD DU BSTAN PA DANG 'GAL LO ZHE NA, DE'I LAN STON PA LA GZHUNG 'DI GSUNGS, DE YANG CHOS CAN GYI SKU LHAG MA GSUM PO DE CHOS NYID KYI SKU DANG NGO BO THA DAD MA YIN KYANG, DE GSUM DE DANG THA DAD DU BSTAN PA LA SKYON MED DE, DE LTAR BSTAN PA LA RGYU MTSAN DANG, DGOS PA KHYAD PAR CAN GNYIS YOD PA'I PHYIR, CHOS CAN GYI SKU LHAG MA GSUM PO CHOS CAN, CHOS KYI SKU DANG NGO BO THA DAD MA YIN TE, CHOS NYID KYI SKU'I NGO BO YIN PA'I PHYIR, ZHES 'CHAD PA LA, SKU LHAG MA GSUM PO DON DAM PAR CHOS NYID KYI NGO BO, ZHES GSUNGS, DE

020b

GSUM DE DANG NGO BO THA DAD MA YIN KYANG, DE DANG THA DAD DU STON PA'I RGYU MTSAN YOD DE, GDUL BYA'I MOS PA'I DBANG GIS DE LTAR BZHAG PA'I PHYIR, ZHES 'CHAD PA LA, YANG DAG PA'I KUN RDZOB TU SNANG BA JI LTAR MOS PAS RAB TU PHYE BA NI, ZHES GSUNGS, DE LTAR BSTAN PA LA DGOS PA YOD DE, YE SHES CHOS SKU DE SANGS RGYAS 'PHAGS PA NANG PHAN TSUN KHO NA'I MNGON SUM GYI SPYOD YUL DANG, LONGS SPYOD RDZOGS PA'I SKU DE SAR GNAS KYI BYANG SEMS YAN CHAD KHO NA'I MNGON SUM GYI SPYOD YUL DANG, MCHOG GI SPRUL PA'I SKU DE SO SO SKYE BO LAS DAG YAN CHAD KHO NA'I MNGON SUM GYI SPYOD YUL YIN NO ZHES SHES PAR BYA BA'I CHED DU YIN PA'I PHYIR, ZHES 'CHAD PA LA, SANGS RGYAS DANG BYANG CHUB SEMS DPA' DANG NYAN THOS LA SOGS PA'I SPYOD YUL DU RNAM PAR BZHAG PA YIN NO, , ZHES GSUNGS, DE GZUNG DE DANG NGO BO THA DAD MA YIN PA'I SHES BYED 'GOD PA LA, LUGS LAS, GANG PHYIR DBEN PAR BAN GYUR LA, ,THA MI DAD PA NYID DU 'DOD, ,CES GSUNGS, KHO NA RE, YE SHES CHOS SKU CHOS CAN, KHYOD SANGS RGYAS 'PHAGS PA KHO NA'I YUL YIN PAR THAL, SANGS RGYAS 'PHAGS PA KHO NA'I MNGON SUM GYI YUL YIN PA'I PHYIR ZER NA MA KHYAB, DER THAL, DE KHO NA'I MNGON SUM GYI SPYOD YUL YIN PA'I PHYIR, RTAGS KHAS, 'DOD NA, DE MA YIN PAR THAL, SEMS CAN GYI YUL YIN PA'I PHYIR TE; GZHI GRUB PA'I PHYIR, ZER NA, GANG ZAG GI BDAG MED CHOS CAN, KHYOD 'PHAGS PA KHO NA'I YUL YIN PAR THAL, DE KHO NA'I MNGON SUM GYI YUL YIN PA'I PHYIR, KHYAB PA KHAS, RTAGS GRUB STE, GANG ZAG GI BDAG MED MNGON SUM DU RTOGS PA'I

021a

, ,GANG ZAG YIN NA, 'PHAGS PA'I GANG ZAG YIN DGOS PA'I PHYIR, 'DOD MI NUS TE, SO SO SKYE BO'I YUL YIN PA'I PHYIR TE, DE'I GZHAL BYA YIN PA'I PHYIR TE, GZHI GRUB PA'I PHYIR RO, ,KHO NA RE, YE SHES CHOS SKU MNGON SUM DU RTOGS PA'I SEMS CAN MED PAR THAL, DE SANGS RGYAS 'PHAGS PA KHO NA'I MNGON SUM GYI YUL YIN PA'I PHYIR, RTAGS KHAS, 'DOD MI NUS TE, BYANG 'PHAGS KYIS YE SHES CHOS SKU MNGON SUM DU RTOGS PA'I PHYIR TE, DES YE SHES CHOS SKU MI RTAG PAR MNGON SUM DU RTOGS PA'I PHYIR TE, DES YE SHES CHOS SKU RTAG STONG DU MNGON SUM DU RTOGS PA'I PHYIR TE, DES YE SHES CHOS SKU RTAG GCIG RANG DBANG CAN GYIS STONG PAR MNGON SUM DU RTOGS PA'I PHYIR ZER NA MA KHYAB, DER THAL, DES YE SHES CHOS SKU GANG ZAG GI BDAG MED DU MNGON SUM DU RTOGS PA'I PHYIR, KHA CIG ,BYANG 'PHAGS KYI RGYUD LA YE SHES CHOS SKU MI RTAG PAR RTOGS PA'I MNGON SUM YOD ZER NA, DE 'DRA'I MNGON SUM DES YE SHES CHOS SKU MNGON SUM DU RTOGS PAR THAL, DE YE SHES CHOS SKU LA MNGON SUM GYI TSAD MA YIN PA'I PHYIR TE, DE YE SHES CHOS SKU MI RTAG PA LA MNGON SUM GYI TSAD MA GANG ZHIG ,YE SHES CHOS SKU DANG YE SHES CHOS SKU MI RTAG PA GNYIS YUL DUS RANG BZHIN GANG LA LTOS KYANG GRUB BDE RDZAS GCIG YIN PA'I PHYIR, 'DOD NA, YE SHES CHOS SKU MNGON SUM DU RTOGS PA'I BYANG 'PHAGS YOD PAR THAL LO, ,GZHAN YANG, BYANG SEMS 'PHAGS PA'I RGYUD KYI YE SHES CHOS SKU MI RTAG PAR MNGON SUM DU RTOGS PA'I YE SHES DE, YE SHES CHOS SKU LA SNANG LA

021b

MA NGES KYI BLO YIN PAR THAL, DE LA YE SHES CHOS SKU SNANG BA GANG ZHIG ,DES YE SHES CHOS SKU MA RTOGS PA'I PHYIR, DANG PO GRUB STE, DE LA YE SHES CHOS SKU MI RTAG PA SNANG BA GANG ZHIG ,DE DANG DE GNYIS YUL DUS RANG BZHIN GANG LA LTOS KYANG GRUB BDE RDZAS GCIG YIN PA'I PHYIR, 'DOD MI NUS TE, 'PHAGS RGYUD LA SNANG LA MA NGES KYI BLO MED PA'I PHYIR TE, RNAM 'GREL LAS, BLO GROS CHEN POS MTHONG NYID LAS, ,RNAM PA THAMS CAD NGES PAR BYED, ,CES GSUNGS PA'I PHYIR, KHO NA RE, MCHOG GI SPRUL PA'I SKU MNGON SUM DU MTHONG BA'I SO SKYE DE YIN NA SO SKYE LAS DAG YIN DGOS PAR THAL, KHYOD KYI SBYOR BA 'THAD PA'I PHYIR, 'DOD NA, DGE SLONG LHAS BYIN CHOS CAN, DER THAL, DE'I PHYIR TE, STON PA SH'AKYA THUB PA MNGON SUM DU MTHONG BA'I SO SKYE YIN PA'I PHYIR, 'DOD NA, LAS MA DAG PA'I SO SKYE MED PAR THAL, 'DOD PA'I PHYIR ZER NA, SKYON MED DE, SKABS 'DI'I LAS DAG PA DE, MCHOG GI SPRUL SKU MNGON SUM DU MTHONG BA LA SGRIB BYED KYI LAS SGRIB MNGON GYUR PAS DAG PA LA BYED PA'I PHYIR, ` BYANG CHUB PHYOGS MTHUN TSANG MED DANG, ZHES SOGS KYI SKABS SU, GZHUNG 'DIS YE SHES CHOS SKU 'CHANG NA 'CHANG TSUL DE GANG ZHE NA, 'DI LA YANG MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, GONG DU, ZAG PA MED PA'I CHOS THAMS CAD; CES GSUNGS PA LAS 'PHROS NAS, 'O NA ZAG PA MED PA'I CHOS DE GANG ZHE NA, DE'I LAN STON PA LA MDO 'DI GSUNGS PA YIN TE, RAB 'BYOR GYIS GSOL BA, BCOM LDAN 'DAS ZAG PA MED PA'I CHOS DE DAG KYANG GANG LAGS, BCOM LDAN

022a

, ,'DAS KYIS BKA' STZAL PA, BYANG CHUB KYI PHYOGS KYI CHOS SUM CU RTZA BDUN DANG, TSAD MED PA BZHI DANG, RNAM PAR THAR PA BRGYAD DANG, MTHAR GYIS GNAS PA'I SNYOMS PAR 'DUG PA DGU DANG, ZAD PAR GYI SKYE MCHED BCU DANG, ZIL GYIS GNON PA'I SKYE MCHED BRGYAD DANG, NYON MONGS MED PA'I TING NGE 'DZIN DANG, SMON GNAS MKHYEN PA DANG, MNGON PAR SHES PA DRUG DANG, SO SO YANG DAG PAR RIG PA BZHI DANG, RNAM PA THAMS CAD DU YONGS SU DAG PA BZHI DANG, DBANG BCU DANG, STOBS BCU DANG, MI 'JIGS PA BZHI DANG, BSRUNG BA MED PA GSUM DANG, DRAN PA NYE BAR BZHAG PA GSUM DANG, BSNYEL BA MI MNGA' BA'I CHOS NYID DANG, BAG CHAGS YANG DAG PAR BCOM PA DANG, THUGS RJE CHEN PO DANG, SANGS RGYAS KYI CHOS MA 'DRES PA BCO BRGYAD DANG, RNAM PA THAMS CAD MKHYEN PA NYID DANG, LAM GYI RNAM PA SHES PA NYID DANG, THAMS CAD SHES PA NYID DE, RAB 'BYOR 'DI DAG NI ZAG PA MED PA'I CHOS THAMS CAD CES BYA'O, ,ZHES GSUNGS, GNYIS PA LA, RTZA BA'I BSTAN TSUL DANG, 'GREL PA'I BSHAD TSUL GNYIS LAS, DANG PO LA, DNGOS KYI DON DANG, DE'I KHYAD PAR, DE LA RTZOD PA SPANG BA DANG GSUM LAS, DANG PO LA, YE SHES CHOS SKU DE THA DAD PA'I SKUR BSTAN PA, THA MI DAD PAR 'DOD PA DGAG PA, THA DAD LA RTZOD PA SPANG BA'O, ,DANG PO NI, MDO DE DAG GI DON 'CHAD PA'I SGO NAS SKU GNYIS PA YE SHES CHOS SKU DE STON PA LA, BYANG CHUB PHYOGS MTHUN TSAD MED DANG, ,ZHES SOGS GSUNGS, DE YANG RGYUD BTZAN PA'I DBANG DU BYAS NAS SANGS RGYAS

022b

KYI THUN MONG MA YIN PA'I YON TAN DANG, MTSAN NYID BTZAN PA'I DBANG DU BYAS NAS NYAN THOS DANG RTOGS RIGS THUN MONG DANG YON TAN STON PA LA, BYANG CHUB PHYOGS MTHUN TSAD MED DANG, ,ZHES PA NAS, MNGON SHES SO SO YANG DAG RIG ,CES PA'I BAR GSUNGS, RGYUD BTZAN PA'I DBANG DU BYAS NAS SANGS RGYAS KYI THUN MONG MA YIN PA'I YON TAN DANG, MTSAN NYID BTZAN PA'I DBANG DU BYAS NAS BYANG SEMS DANG RTOGS RIGS THUN MONG BA'I YON TAN DE STON PA LA, RNAM PA THAMS CAD DAG BZHI DANG, ,DBANG BCU DANG NI, ZHES GSUNGS, RGYUD DANG MTSAN NYID GNYIS KA BTZAN PA'I DBANG DU BYAS NAS SANGS RGYAS KYI THUN MONG MA YIN PA'I YON TAN DE 'CHAD PA LA, STOBS BCU DANG, ,ZHES PA NAS, CHOS KYI SKU ZHES BRJOD PA YIN, ,ZHES PA'I BAR GSUNGS, GNYIS PA NI; GZHAN DAG NA RE, ZHES SOGS KYIS BSHAD, GSUM PA NI, KHO NA RE, NGO BO NYID LONGS, ZHES SOGS KYIS BSHAD PA GNYIS PA DE'I KHYAD PAR LA, NYON MONGS MED PA'I KHYAD PAR DANG, SMON GNAS MKHYEN PA'I KHYAD PAR GNYIS LAS, DANG PO DE STON PA LA; NYAN THOS NYON MONGS MED PA'I LTA, ,ZHES SOGS GSUNGS, GNYIS PA DE STON PA LA, SANGS RGYAS SMON GNAS MKHYEN PA NI, ,ZHES SOGS GSUNGS, GSUM PA LA, CHOS SKU KHYAD PA LA RTZOD PA SPANG BA DANG, RTAG PA LA RTZOD PA SPANG BA GNYIS LAS; DANG PO LA, DON DNGOS DANG, DPES BSGRUB PA GNYIS LAS, DANG PO DE STON PA LA, RGYU NI YONGS SU SMIN GYUR NAS, ,ZHES SOGS GSUNGS, GNYIS PA STON PA LA, LHA YI RGYAL POS CHUR PHAB KYANG, ,ZHES SOGS GSUNGS, GNYIS PA

023a

, ,STON PA LA, DE LTAR MDZAD PA RGYA CHE'I PHYIR, ZHES SOGS GSUNGS SO, ,GNYIS PA, MTSAMS SBYAR GYI SGO NAS 'CHAD PA LA, DE LTAR SKU DANG PO BSTAN NAS GNYIS PA CHOS KYI SKU SPROS PA MED PA'I YE SHES KYI BDAG NYID ZAG PA MED PA'I DRAN PA NYE BAR BZHAG PA LA SOGS PA'I NGO BO, ZHES GSUNGS, TSIG DON GYI SGO NAS 'CHAD PA LA, DRAN PA NYE BAR BZHAG PA LA SOGS PA NAS, ZHES PA NAS, SNGAR BSHAD PA DAG KYANG YIN NO, ,ZHES PA'I BAR GSUNGS, BSDUS DON GYI SGO NAS 'CHAD PA LA, BYANG CHUB KYI PHYOGS DANG MTHUN PA LA SOGS PA SPROS PA MED PA'I YE SHES KYI BDAG NYID GNAS GYUR PAS THAMS CAD KYANG CHOS KYI SKUR MNGON PAR BRJOD PA YIN NO ZHES GSUNGS PA NI KHA CIG GI'O, , ZHES GSUNGS, BRGAL LAN GYI SGO NAS 'CHAD PA LA, GZHAN DAG NA RE, THUB PA'I NGO BO NYID SKU NI, ,ZHES PA NAS, SKU NI GSUM KHO NA'O, ,ZHES ZER RO, ,ZHES PA'I BAR GSUNGS, DGOS DON GYI SGO NAS 'CHAD PA LA, GZHAN DAG NA RE, DGOS PA NYER BAR BSTAN PA'I SHUGS KYIS TSIG LE'UR BYAS PA SBYAR BA'I NGOR RAM, YE SHES KHO NA DANG MDZAD PA SBYAR BA'I PHYIR DE SKAD GSUNGS PA YIN TE, DE'I PHYIR PHYOGS GZHAN NAS SKU BZHIR GSUNGS PA THAMS CAD MI 'GAL BAR 'GYUR RO, ,ZHES ZER RO, , ZHES GSUNGS PA'I PHYIR, DES NA 'DI'I DON BSDU NA, 'O NA, DRAN PA NYE BAR BZHAG PA LA SOGS PA, ZHES SOGS KYIS TSIG DON GYI SGO NAS 'CHAD TSUL DE GANG ZHE NA, 'DI LA MDO RTZA 'GREL SBYAR NAS BSHAD NA, MDO LAS, BYANG CHUB KYI PHYOGS KYI CHOS SUM

023b

CU RTZA BDUN DANG, ZHES PAS SANGS RGYAS KYI SA'I BYANG PHYOGS SO BDUN PO DE BSTAN NAS DE'I DON 'CHAD PA LA, BYANG CHUB PHYOGS MTHUN, ZHES DANG, DRAN PA NYE BAR BZHAG PA LA SOGS PA NAS, 'PHAGS PA'I LAM YAN LAG BRGYAD PA'I BAR BYANG CHUB KYI PHYOGS RNAMS DANG, ZHES GSUNGS, DES BSTAN TSUL RIGS 'GRE ZHING, TSAD MED PA BZHI DANG, ZHES PA'I DON 'CHAD PA LA, TSAD MED DANG, ,ZHES DANG, SNGA MA BZHIN DU BYAMS PA LA SOGS PA TSAD MED PA TSANGS PA'I GNAS PA RNAMS DANG, ZHES GSUNGS RNAM PAR THAR PA BRGYAD DANG, ZHES PA'I DON 'CHAD PA LA, RNAM PAR THAR DANG, ZHES DANG, NANG GZUGS CAN DANG GZUGS CAN MA YIN PAR 'DU SHES PAS PHYI ROL GYI GZUGS RNAMS LA LTA BA ZHES BYA BA GNYIS DANG, SDUG PA'I RNAM PAR THAR PA LUS KYIS MNGON SUM DU BYAS TE RDZOGS PAR BYAS NAS GNAS PA ZHES BYA BA GCIG DANG, NAM MKHA' DANG RNAM SHES DANG, CI YANG MED PA DANG 'DU SHES MED 'DU SHES MED MIN GYI SKYE MCHED CES BYA BA BZHI DANG, 'DU SHES DANG TSOR BA 'GOG PA ZHES BYA BA GCIG STE, DE LTAR RNAM PAR THAR PA BRGYAD DANG, ZHES GSUNGS, MTHAR GYIS GNAS PA'I SNYOMS PAR 'JUG PA DGU DANG, ZHES PA'I DON 'CHAD PA LA, MTHAR GYIS NI, ,SNYOMS 'JUG DGU YI BDAG NYID DANG, ,ZHES DANG, GZUGS KYI KHAMS KYI BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, 'GOG PA'I SNYOMS PAR 'JUG PA ZHES BYA BA MTHAR GYIS GNAS PA'I SNYOMS PAR 'JUG PA DGU DANG, ZHES GSUNGS, ZAD PAR GYI SKYE MCHED BCU DANG, ZHES PA'I DON 'CHAD PA LA, ZAD PAR BCU YI BDAG NYID DANG,,

024a

, ,ZHES DANG, SA DANG, CHU DANG, ME DANG, RLUNG DANG, SNGON PO DANG, SER PO DANG, DMAR PO DANG, DKAR PO DANG, NAM MKHA' DANG, RNAM PAR SHES PA ZHES BYA BA ZAD PAR RNAM PA BCU DANG, ZHES GSUNGS, ZIL GYIS GNON PA'I SKYE MCHED BRGYAD DANG, ZHES PA'I DON 'CHAD PA LA, ZIL GYIS GNON PA'I SKYE MCHED NI, ,RAB TU DBYE BAS RNAM BRGYAD DANG, ,ZHES DANG, NANG GZUGS DANG GZUGS MED PAR 'DU SHES PA DAG GIS SO SOR CHUNG NGU DANG CHEN PO'I RNAM PA DAG TU PHYI ROL GYI GZUGS RNAMS LA LTA ZHING DE DAG ZIL GYIS MNAN NAS SHES ZHES BYA BA BZHI DANG, NANG GZUGS MED PAR 'DU SHES PA DAG KHO NAS SNGON PO DANG, SER PO DANG, DMAR PO DANG, DKAR PO DAG ZIL GYIS MNAN NAS MTHONG ZHES BYA BA RNAM PA BZHI STE, DE LTAR ZIL GYIS GNON PA'I SKYE MCHED RNAM PA BRGYAD DANG, ZHES GSUNGS, NYON MONGS MED PA'I TING NGE 'DZIN DANG, ZHES PA'I DON 'CHAD PA LA, NYON MONGS MED DANG, ZHES DANG, PHA ROL GYI RGYUD DU GTOGS PA'I NYON MONGS PA'I DGRA'I RGYUN DRUNG 'BYIN PA'I TING NGE 'DZIN ZHES BYA BA GANG YIN PA NYON MONGS PA MED PA DANG, ZHES GSUNGS, SMON GNAS MKHYEN PA DANG, ZHES PA'I DON 'CHAD PA LA, SMON MKHYEN DANG, ,ZHES DANG, YANG DAG PAR MTSAN MA THAMS CAD DANG BRAL ZHING CHAGS PA BCOM PA THE TSOM SEL BAR MDZAD PA'I SMON LAM GRUB PAS 'KHOR BA JI SRID PA DANG RNAM PAR GROL BA JI SRID PA'I GNAS SKABS SU 'JUG PA ZHES BYA BA SMON GNAS MKHYEN PA DANG, ZHES GSUNGS, MNGON PAR SHES PA DRUG

024b

DANG; ZHES PA'I DON 'CHAD PA LA, MNGON SHES, ZHES DANG, SNGAR BSHAD PA'I MNGON PAR SHES PA DRUG DANG, ZHES GSUNGS, SO SO YANG DAG PAR RIG PA BZHI DANG, ZHES PA'I DON 'CHAD PA LA, SO SO YANG DAG RIG ,CES DANG, SO SO YANG DAG PAR RIG PA BZHI DANG, ZHES GSUNGS, RNAM PA THAMS CAD DU YONGS SU DAG PA BZHI DANG, ZHES PA'I DON 'CHAD PA LA, RNAM PA THAMS CAD DAG BZHI DANG, ,ZHES DANG, RTEN DANG DMIGS PA DANG THUGS DANG YE SHES YONGS SU DAG PA ZHES BYA BA DAG PA BZHI DANG, ZHES GSUNGS, DBANG BCU DANG, ZHES PA'I DON 'CHAD PA LA, DBANG BCU DANG NI, ZHES DANG, TSE DANG, SEMS DANG, YO BYAD DANG, LAS DANG, SKYE BA DANG, MOS PA DANG, SMON LAM DANG, RDZU 'PHRUL DANG, YE SHES DANG, CHOS LA DBANG BA ZHES BYA BA DBANG BCU DANG, ZHES GSUNGS, STOBS BCU DANG, ZHES PA'I DON 'CHAD PA LA, STOBS BCU DANG, ,ZHES DANG, SNGAR BSHAD PA'I STOBS BCU DANG, ZHES GSUNGS, MI 'JIGS PA BZHI DANG, ZHES PA'I DON 'CHAD PA LA, MI 'JIGS PA NI BZHI DAG DANG, , ZHES DANG, MI 'JIGS PA BZHI DANG, ZHES GSUNGS, BSRUNG BA MED PA RNAM PA GSUM DANG, ZHES PA'I DON 'CHAD PA LA, BSRUNG BA MED PA RNAM GSUM DANG, ,ZHES DANG, DE BZHIN GSHEGS PA'I SKU DANG GSUNG DANG THUGS KYI SPYOD PA YONGS SU DAG PA STE, 'DI LA PHYIN CI LOG GI KUN TU SPYOD PA GZHAN GYIS YONGS SU SHES PA'I BSNYENGS PAS BCAS PAR BYA'O SNYAM PA'I DGONGS PA MI MNGA'O ZHES BYA BA BSRUNG BA MED PA RNAM PA GSUM DANG, ZHES GSUNGS, DRAN PA NYE BAR BZHAG PA RNAM PA

025a

, ,GSUM DANG, ZHES PA'I DON 'CHAD PA LA, DRAN PA NYER GZHAG RNAM GSUM DANG, ,ZHES DANG, CHOS STON PA NA NYAN PAR 'DOD PA DANG, NYAN PAR MI 'DOD PA DANG, GNYIS KA DAG LA GO RIMS BZHIN DU RJES SU CHAGS PA DANG, KHONG KHRO BA DANG, GNYIS KAS DBEN PA KHO NAR BTANG SNYOMS SU DRAN PA DANG LDAN PAR GNAS SO ZHES BYA BA DRAN PA NYE BAR BZHAG PA RNAM PA GSUM DANG, ZHES GSUNGS, BSNYEL BA MI MNGA' BA'I CHOS NYID DANG, ZHES PA'I DON 'CHAD PA LA, BSNYEL BA MI MNGA'I CHOS NYID DANG, ,ZHES DANG, SEMS CAN GYI DON MDZAD PA'I DUS LAS MI 'DA' BA'I MTSAN NYID CES BYA BA BSNYEL BA MI MNGA' BA'I CHOS NYID DANG, ZHES GSUNGS, BAG CHAGS YANG DAG PAR BCOM PA DANG, ZHES PA'I DON 'CHAD PA LA; BAG CHAGS YANG DAG BCOM PA DANG, ,ZHES DANG, NYON MONGS PA DANG SHES BYA'I SGRIB PA'I BAG LA NYAL GYI NGO BO'I SA BON SPANGS PAS BAG CHAGS YANG DAG PAR BCOM PA DANG, ZHES GSUNGS, THUGS RJE CHEN PO DANG, ZHES PA'I DON 'CHAD PA LA; SKYE LA THUGS RJE CHEN PO DANG, ,ZHES DANG, SKYE BO MTHA' DAG LA PHAN PA'I BSAM PA NYID CES BYA BA'I SKYE BO LA THUGS RJE CHEN PO NYID DANG, ZHES GSUNGS, SANGS RGYAS KYI CHOS MA 'DRES PA BCO BRGYAD DANG, ZHES PA'I DON 'CHAD PA LA, THUB PA KHO NA'I MA 'DRES CHOS, ,BCO BRGYAD BSHAD PA GANG YIN DANG, ,ZHES DANG, SANGS RGYAS KYI CHOS MA 'DRES PA BCO BRGYAD DANG, ZHES GSUNGS, RNAM PA THAMS CAD MKHYEN PA NYID DANG, ZHES PA'I DON 'CHAD PA LA, RNAM PA THAMS CAD MKHYEN

025b

NYID DANG, ,ZHES DANG, RNAM PA THAMS CAD MKHYEN PA NYID DANG, ZHES GSUNGS, LAM GYI RNAM PA SHES PA NYID DANG, THAMS CAD SHES PA NYID DANG, ZHES PA'I DON 'CHAD PA LA, 'GREL PAR, DANG ZHES BYA BA'I SGRAS BSDUS PA LAM SHES PA NYID LA SOGS PA SNGAR BSHAD PA DAG KYANG YIN TE, ZHES GSUNGS, 'DI'I SKABS SU, KHA CIG ,SANGS RGYAS 'PHAGS PA'I THUGS RGYUD KYI MTHAR GNAS SNYOMS 'JUG DGU PO DE, YE SHES CHOS SKU YIN ZER NA, DE'I RGYUD KYI 'GOG SNYOMS DE YE SHES CHOS SKU YIN PAR THAL, DAM BCA' 'THAD PA'I PHYIR, 'DOD NA, DE CHOS CAN, SHES PA YIN PAR THAL, 'DOD PA'I PHYIR, KHA CIG ,SANGS RGYAS 'PHAGS PA'I RGYUD KYI MTHAR GNAS SNYOMS 'JUG DGU LA MNYAM PAR BZHAG PA'I YE SHES DE, YE SHES CHOS SKU YIN ZER, DE LA KHA CIG ,SANGS RGYAS 'PHAGS PA'I RGYUD LA MTHAR GNAS SNYOMS 'JUG DGU LA MNYAM PAR BZHAG PA'I YE SHES YOD PAR THAL, DAM BCA' DE'I PHYIR, 'DOD NA, DE'I RGYUD LA 'GOG PA LA MNYAM PAR BZHAG PA'I YE SHES YOD PAR THAL, 'DOD PA'I PHYIR, 'DOD NA, DE'I RGYUD LA 'GOG SNYOMS YOD PAR THAL, 'DOD PA'I PHYIR, 'DOD MI NUS TE, DE'I RGYUD LA TSOR 'DU RAGS PA BKAG PA'I SNYOMS 'JUG MED PA'I PHYIR ZER NA, MA KHYAB STE, 'GOG SNYOMS YIN NA TSOR 'DUS RAGS PA BKAG PA'I SNYOMS 'JUG YIN PAS MA KHYAB PA'I PHYIR RO, ,DES NA JI LTA BA DANG JI SNYED PA LA LTOS NAS GZIGS PA MTHAR THUG PA'I YE SHES DE, YE SHES CHOS SKU'I MTSAN NYID, DE DANG SANGS RGYAS KYI SA'I SHES PA DON GCIG ,DBYE NA, SDE TSAN GYI

026a

, ,SGO NAS SANGS RGYAS KYI SA'I ZAG MED KYI YE SHES SDE TSAN NYER GCIG YOD, RGYAS PAR PHYE NA, RTZABS DNGOS SU BSTAN PA BRGYA DANG ZHE BZHI, RNAM PA THAMS CAD MKHYEN NYID DANG, ,ZHES PA'I DANG ZHES PA'I SGRAS BSDUS PA GNYIS TE; BRGYA DANG ZHE DRUG YOD DE, SNGAR BSHAD PA'I BYANG PHYOGS SO BDUN, TSAD MED BZHI, RNAM PAR THAR PA BRGYAD, MTHAR GNAS SNYOMS 'JUG DGU, ZAD PAR GYI SKYE MCHED BCU, ZIL GNON BRGYAD, NYON MONGS MED PA'I TING NGE 'DZIN, SMON GNAS MKHYEN PA'I TING NGE 'DZIN, MNGON SHES DRUG, SO SO YANG DAG PAR RIG PA BZHI, LUS NGAG PA DMIGS PA DAG PA THUGS DAG PA YE SHES YONGS SU DAG PA STE YONGS SU DAG PA BZHI, TSE; SEMS, YO BYAD, 'BRAS BU, SKYE BA, MOS PA, SMON LAM, RDZU 'PHRUL, YE SHES, CHOS LA DBANG BA STE DBANG BCU DANG, SNGAR BSHAD PA'I STOBS BCU DANG, MI 'JIGS PA BZHI DANG, SKU GSUNG THUGS YONGS SU DAG PAS BSRUNG BA MED PA GSUM DANG, CHOS BSTAN PA LA GUS PAS NYAN PA LA CHAGS PA DANG, MI NYAN PA LA KHONG KHRO BA DANG; GNYIS KA 'DRES MA LA CHAGS SDANG GNYIS KAS DBEN PA'I DRAN PA NYE BAR BZHAG PA GSUM DANG, SEMS CAN GYI DON RTAG TU RGYUN MI 'CHAD PA'I BSNYEL BA MI MNGA' BA DANG, SGO GSUM GYI BAG CHAGS TE SGRIB GNYIS KYI SA BON SPANGS PA DANG, GDUL BYA'I PHAN BDE SGRUB PA'I SNYING RJE CHEN PO DANG, SNGAR BZHIN MA 'DRES PA BCO BRGYAD DANG, RGYU 'BRAS GTZO BO'I CHOS BCU MNGON SUM DU RTOGS PA'I RNAM PA THAMS CAD MKHYEN PA NYID DANG, SGRAS BSDUS PA LAM SHES PA NYID DANG, THAMS CAD SHES PA NYID RNAMS SU

026b

YOD PA'I PHYIR RO, ,DES NA, YE SHES CHOS SKU YIN NA RNAL 'BYOR MNGON SUM DANG, YID SHES YIN PAS KHYAB PA MED DE, SANGS RGYAS 'PHAGS PA'I MIG SHES DE YE SHES CHOS SKU YIN PA'I PHYIR, DE YIN NA GZHAN RIG GI SHES PA YIN PAS KYANG MA KHYAB STE, SANGS RGYAS 'PHAGS PA'I RGYUD KYI RANG RIG DE YE SHES CHOS SKU YIN PA'I PHYIR, DES NA, SANGS RGYAS KYI SA'I ZAG MED KYI YE SHES SDE TSAN NYER GCIG PO CHOS CAN, YE SHES CHOS SKU YIN TE, JI LTA BA DANG JI SNYED PA LA LTOS NAS GZIGS PA MTHAR THUG PA'I YE SHES YIN PA'I PHYIR, DE CHOS CAN, KHYOD BYED LAS KHYAD PAR CAN DANG LDAN PA YIN TE, RANG 'BRAS GZUGS SKU GNYIS KYI SNANG BA BSKYED PA'I SGO NAS 'OD ZER 'GYED PA DANG CHOS STON PA'I BYA BA BYED PA'I PHYIR, DE CHOS CAN, SPANGS PA'I KHYAD PAR DANG LDAN TE, ZAG MED DU GNAS GYUR PA YIN PA'I PHYIR, DE CHOS CAN, NGO BO'I KHYAD PAR DANG LDAN TE, SEMS DANG SEMS LAS BYUNG BA'I KHYAD PAR DANG LDAN PA'I PHYIR, 'O NA, ZAG MED KYI YE SHES SDE TSAN NYER GCIG PO DE SO SOR BSHAD NA JI LTAR YIN ZHE NA, DE YANG SDE TSAN DANG PO BZHI PO DE SNGAR BSTAN ZIN PA LTAR YIN LA, ` LNGA PA ZAD PAR GYI TING NGE 'DZIN BSHAD PA LA, ZAD PAR GYI NGO BO, DBYE BA, RTEN, SPYOD TSUL, MTSAN MA, DE YID LA BYED PA'I TSUL, BYED LAS, SKYE MCHED GZHAN LA ZAD PAR MI 'JOG PA'I RGYU MTSAN, NGES TSIG DANG DGU LAS, DANG PO NI, RANG GI BDAG RKYEN DU GYUR PA'I DNGOS GZHI'I SEMS LA BRTEN NAS RANG GI DMIGS YUL JI LTAR BZHENG PA LTAR SPRO BAR NUS PAS RAB TU PHYE BA'I RIG PA, ZAD PAR GYI SKYE MCHED KYI NGO BO, DE LA SHES RAB DANG TING

027a

, ,NGE 'DZIN CI RIGS SU YOD, MDZOD 'GREL LAS, DANG PO BRGYAD MA CHAGS PA'I DGE BA DANG THA MA GNYIS GZUGS MED DANG PO GNYIS KYI DNGOS GZHI DAG PA BA LA BSHAD DO, ,GNYIS PA NI, ZAD PAR SA, CHU; ME; RLUNG; SNGON PO, SER PO; DMAR PO, DKAR PO, NAM MKHA', RNAM SHES KYI ZAD PAR GYI TING NGE 'DZIN DANG BCU YOD, GSUM PA NI, DANG PO BRGYAD BSAM GTAN BZHI PA DANG THA MA GNYIS GZUGS MED DANG PO GNYIS KYI DNGOS GZHI LA BRTEN NAS SKYE BA YIN TE MDZOD LAS; ZAD PAR BCU PO BRGYAD MA CHAGS, ,BSAM GTAN MTHA' NA SPYOD YUL NI, ,'DOD PA'O GNYIS NI GZUGS MED DAG ,CES GSUNGS PA'I PHYIR, BZHI PA NI, SNGAR SBYANG BA BYAS PAS 'GRUB TSUL DANG, MA BYAS PA'I SBYONG TSUL LO, ,DANG PO NI; SNGAR GOMS PAR BYAS PAS NI SO SO'I DMIGS STEN MTHONG BA TZAM GYIS DE DANG DE'I TING NGE 'DZIN MNGON DU 'GYUR BA YIN TE, 'DI LTAR, CHU KLUNG SOGS SU CHU MTHONG BA TZAM LAS 'BAD PA MA BYAS PAR ZAD PAR CHU'I TING NGE 'DZIN 'BYUNG NGO, ,DE BZHIN DU NAGS KYI ME 'BAR ZHING DU BA 'THUL BA DANG, RLUNG GIS BSKYONG PA'I 'OD MA DANG 'KHRI SHING GI LO MA LA SOGS PA RNAMS LA RLUNG 'DI NI GNAS 'DIR RAB TU RGYU BA YIN NO, ,ZHES KUN TU LTA BA TZAM DANG, ME TOG DANG NOR BU DANG GOS LA SOGS PA SNGON PO BTING BA DANG, DE DAG NYID SER PO DANG, DMAR PO DANG, DKAR POR GYUR PA DANG, TSON MO STENG DNGUL ZLA BA'I DKYIL 'KHOR SOGS DANG, SKAR KHUNG NANG NA SHING GI LO MA'I GSEB NAS ZLA BA DANG NYI 'OD BYUNG BAS SA GZHI LA SKYED PA'I 'OD KYI THIG LE LA LTA BA DANG, SKAR KHUNG

027b

DANG RTZIG PA'I BU GA MTHONG BA NA RIM PA LTAR ZAD PAR ME LA SOGS PA'I TING NGE 'DZIN MNGON DU 'GYUR RO, ,GNYIS PA LA, DMIGS RTEN BYED TSUL DANG, DE LA YID GTOD PA'I TSUL LO, ,DANG PO NI, SNGON PO SOGS KYI KHA DOG GI DBYE BA DANG BRAL BA'I CHU DRI MA MED PAS SNONG? GNAD? MA LEGS PAR BKANG PA DANG, SNUM ZHING RNYING PO DANG BCAS PA'I SHING DU MA BUR GTUB NAS SHING DRUNG NGAM MGRON KHANG YANG RUNG STE RJES SU MTHUN PA'I GNAS SU SPUNGS TE MTHA' RTZIG PAS BSKOR BA LA MTHO GANG SOR BZHI TZAM GYI BU GA BYAS LA ME SPAR TE, 'OG TU SHING DANG, STENG DU DU BA DANG, BAR DU ME 'BAR BAR BYAS PA DANG, YAN LAG GIS PHYOGS GANG DU RLUNG GIS REG PAR 'GYUR BA'I SKAR KHUNG DANG RTZIG PA'I BU GA BYAS PA DANG, RAS RNGA BO CHE'I MTHIL LTAR BRGYANGS PA LA NI MTHA' MI MTHUN PAS BCAD DE, SNGON PO DANG, SER PO DANG, DMAR PO DANG, DKAR PO SOGS BYAS PA DANG, BUM NANG DU MAR ME SPAR TE KHA BCAD CING BU GA MI CHE BAR BTONG NAS, DE'I 'OD KYIS RTZIG NGOS LA PHOG PA'I SNANG BA'I DKYIL 'KHOR YUN RING BAR BYAS PA DANG, RTZIG PA SNAM BU SOGS KYIS G-YOGS PA'I GNAS SU MTHO GANG SOR BZHI TZAM GYI BU GA BTOD PA MTHONG BA'I YUL DU BYA'O, ,GNYIS PA NI, DMIGS RTEN DE DAG MTHONG BA'I GNAS YID DANG MTHUN PAR STAN BDE BA LA 'DUG STE, SA SA CHU CHU ZHES SOGS BCU PO SO SO'I MING TZAM LA DMIGS NAS YANG YANG GOMS PAR BYA BA'O, ,LNGA PA NI, LBU BA DANG CHU BUR 'DRES PA'I CHU G-YO BA'I RNAM PA CAN DANG, ME CHAD CING CHAD CING LTUNG BA DANG, 'GAL DU MA DANG, THAL BA DANG, SOL BA RNAMS LA CUNG ZAD GNAS PA DANG, 'O MA BSKOL 'PHOG MA THAG PA'I RLANGS PA 'THUL BA LTA BUR

028a

, ,GNAS PA DANG, ME TOG SNGON PO GE SAR DANG SDONG BU MED PA LTA BU STE, SER PO SOGS GSUM LA'ANG DE BZHIN TE, SA'AM RTZIG PAR SKYES BA'I 'OD KYI DKYIL 'KHOR LTAR DNGOS PO 'GA' ZHIG KHO NA GSAL BA DANG, RTZIG MTHA' LA SOGS PA'I BUG LTAR SNANG LA BLOS SKYED KYANG MI 'PHEL BA LTAR SNANG BA RNAMS NI MA GRUB PA'I MTSAN MA'O, ,NAM MKHA' LA GNAS PA'I NOR BU'I RLUNG G-YAB DANG, NOR BU'I RANG BZHIN GYI ME LONG GI DKYIL 'KHOR LTA BU MI G-YO BA'I RNAM PA CAN DU SNANG BA DANG; NAM MKHA' LA GNAS PA'I ZLA BA'I DKYIL 'KHOR DMAR PO ZLUM PO DANG, GSER GYI RLUNG G-YAB DANG, DE'I KA BA LTA BUR GNAS PA DANG, 'DUG PA LTAR MI G-YO BAR GNAS PA MTHONG BA DANG, DMIGS RTEN ZAD PAR GYI DKYIL 'KHOR LAS 'PHAGS NAS NOR BU'I RLUNG G-YAB LTA BU NAM MKHA' LA SNANG STE GZHAN GSUM LA'ANG DE LTAR DANG, SNANG BA'I TSOGS STUG PO RAB TU DANG BA DANG 'DRA PAR THAMS CAD LA GSAL BA DANG, NAM MKHA'I DKYIL 'KHOR LTA BUR GYUR NAS GNAS SHING BLOS SKYED NA NI 'PHEL BAR SNANG BA RNAMS ZAD PAR CHU LA SOGS PA DGU'I GRUB PA'I MTSAN MA'O, ,SA LA SNGAR SBYANGS PAS 'GRUB TSUL DANG, MA SBYANGS PAS SBYONG BA'I DMIGS RTEN DANG GRUB MA GRUB KYI MTSAN MA MA GSUNGS PA'I RGYU MTSAN NI DPYAD DGOS PAR SNANG NGO, ,DRUG BA NI; DE LTAR MTSAN MA DE DAG BYUNG BA'I TSE KHA DOG LA SO SOR RTOG PA DANG MTSAN MA YID LA BYED PA SPANGS TE, DE DANG DE'I MING TZAM LA GSAL BAR DMIGS NAS BSGOM PAR BYA'O, ,BDUN PA NI, GCIG TU GYUR NAS MANG POR GYUR PA DANG, NAM

028b

MKHA' DANG CHU LA SAR SPRUL NAS RKANG PAS 'GRO BA SOGS BYED PA DANG, SA LA BYI'U 'DZUL BYED CING STENG DU 'BYUNG BA DANG, CHU'I CHAR 'BEB PA DANG, SA DANG RI BO SOGS CHU BO DANG RGYA MTSOR SPRUL BA DANG, DU BA 'THUL ZHING ME 'BAR BA DANG ME MDAG GIS CHAR 'BEBS PA DANG GANG 'DOD PA DE SREG PA DANG, MYA NGAN LAS 'DA' BA NA LUS MES SREG PA DANG, LHA'I MIG GIS YUL SNANG BAR BYED PA DANG, RLUNG LTAR MGYOGS PAR 'GRO ZHING RLUNG GI CHAR 'BEB PA DANG, GZUGS SNGON POR SPRUL ZHING MUN PAR BYED PA SOGS DANG, GZUGS SER POR SPRUL ZHING GSER DU BSGYUR BA DANG, GZUGS DMAR POR SPRUL BA SOGS DANG, GZUGS DKAR POR SPRUL ZHING GNYID RMUGS RING DU BYED, MUN PA 'JIG PAR BYED, LHA'I MIG GIS YUL SNANG BAR BYED PA DANG, GZUGS GSAL BA DANG GNYID RMUGS RING DU BYED PA SOGS DANG BSGRIBS PA RNAMS 'BYED CING SA DANG RI BO SOGS KYI NANG NAS NAM MKHAR SPRUL ZHING SPYOD LAM BYED PA DANG, RTZIG PA SOGS LA THAD KAR 'GRO BAR BYED PA RNAMS ZAD PAR CHU LA SOGS PA'I BYED LAS SO, ,SA'I DNGOS GZHIR GSER LA SOGS PA GANG MOS MOS SU ZAD PAR GYIS BSGYUR BA RNAMS DE KHO NA BZHIN DU 'GYUR ZHING GSER LA SOGS PAS KYANG DE DANG DE'I BYA BA BYED NUS PAR BSHAD DO, ,BRGYAD PA NI, GZUGS DANG REG BYA GNYIS LA ZAD PAR BZHAG NAS GZUGS CAN GZHAN BRGYAD LA ZAD PAR MI 'JOG PA'I RGYU MTSAN CI YIN ZHE NA, DE'I RGYU MTSAN YOD DE, GZUGS REG GNYIS NI BDAG GZHAN GNYIS KA DANG, GZUGS CAN GYI SEMS CAN GYI KHAMS THAMS CAD NA YOD PA DANG, DBANG PO LNGA GZHAN RGYUD LA MED PA DANG, DRI

029a

, ,RO GNYIS GZUGS KHAMS NA MED PAS MA BZHAG CING, SGRA LA RIGS 'DRA'I RGYUN MED PAS MA BZHAG PA'I PHYIR RO, ,GZUGS MED PA NA NI NAM MKHA' THAMS CAD DU 'GRO BA DANG, RNAM SHES KYANG YUL ZAD PAR GYI SPYOD YUL CAN YIN PAS BZHAG GO ,GZUGS MED PHYI MA GNYIS LA MI BZHAG STE, GSUM PAS NI DMIGS PA GCOD, BZHI PAS SEMS NANG DU BSDUS PAS MI GSAL BA'I PHYIR, DGU PA NI, NYI SNANG LAS, RGYUN MI 'CHAD PAR KHYAB PAR SPRO BAS NA ZAD PAR GYI SKYE MCHED DO, ,ZHES GSUNGS PA LTAR RO, ,SDE TSAN DRUG PA ZIL GNON GYI SKYE MCHED NI, RANG GI BDAG RKYEN DU GYUR PA'I DNGOS GZHI'I SEMS LA BRTEN NAS ZAD PAR GYI DMIGS YUL RNAMS JI LTAR 'DOD PA BZHIN ZIL GYIS GNON PAR NUS PAS RAB TU PHYE BA'I RIG PA, ZIL GNON GYI TING NGE 'DZIN GYI MTSAN NYID, DBYE NA NANG RNAL 'BYOR PA RANG NYID LA GZUGS CAN DU 'DU SHES PA'I SGO NAS PHYI ROL GYI GZUGS CHUNG NGU STE SEMS CAN RNAMS LA DE DAG GI RNAM PA DGU DAG TU LTA ZHING GZUGS DE DAG ZIL GYIS MNAN NAS SHES SHING MTHONG NGO, ,DE LTAR 'DU SHES PA'I ZIL GNON GYI SKYE MCHED DANG, DE'I SGO NAS PHYI ROL GYI GZUGS CHEN PO STE GZHAL MED KHANG DANG RI LA SOGS PA LA DE DAG GI RNAM PA ZHES SOGS SNGAR BZHIN BYAS PA'I DANG, NANG RNAL 'BYOR PA RANG LA GZUGS MED PAR 'DU SHES PA'I SGO NAS PHYI ROL GYI GZUGS CHUNG NGU DANG CHEN PO ZHES SOGS SNGAR BZHIN SBYAR BA GNYIS TE DBYIBS ZIL GNON GYI SKYE MCHED BZHI DANG, NANG RNAL 'BYOR PA RANG LA GZUGS MED PAR 'DU SHES

029b

PA'I SGO NAS PHYI ROL GYI GZUGS SNGON PO RNAMS LA DE DAG GI RNAM PAR LTA ZHING DE DAG ZIL GYIS MNAN NAS SHES ZIL GYIS MNAN NAS MTHONG DE LTAR 'DU SHES PA DANG, DE BZHIN DU SER PO, DMAR PO, DKAR PO RNAMS LA SBYAR BAS KHA DOG ZIL GNON GYI SKYE MCHED BZHI STE BRGYAD DU YOD DO, ,SA MTSAMS LAM MA ZHUGS NAS YOD DE, ,'DI DAG MDO LAS, NANG GZUGS MED PAR 'DU SHES PAS PHYI ROL GYI GZUGS SNGON PO KHA DOG SNGON PO SNGON PO LTA BUR STON PA 'OD SNGON PO 'BYUNG BA RNAMS LA BLTA STE, DPER NA YUL BA RA n'A SI'I RAS PHUN SUM TSOGS PA SNGON PO KHA DOG SNGON PO SNGON PO LTA BUR STON PA 'OD SNGON PO 'BYUNG BA DE BZHIN DU NANG GZUGS MED PAR 'DU SHES PAS PHYI ROL GYI GZUGS SNGON PO KHA DOG SNGON PO SNGON PO LTA BUR STON PA 'OD SNGON PO 'BYUNG BA RNAMS LA BLTA ZHING DE DAG ZIL GYIS MNAN NAS SHES ZIL GYIS MNAN NAS MTHONG STE, DE LTAR 'DU SHES PAR GYUR PA 'DI NI ZIL GYIS GNON PA'I SKYE MCHED LNGA PA'O, ,ZHES PAS BSTAN, DE BZHIN DU, SER PO DONG KHA, DMAR PO BAN DU DZI KA'I ME TOG ,DKAR PO SKAR MA PA BA SANGS DANG SBYAR NAS GSUNGS, DE LA NANG GZUGS NAS BLTA STE'I BAR MDOR BSTAN DANG, DPER NA MAN CHAD RGYAS BSHAD YIN LA, DE YANG DE BZHIN DU YAN CHAD DPE DANG, PHYIN CHAD DON NO; ;DE LA SNGON PO NI MDOR BSTAN NO, ,KHA DOG SNGON PO NI LHAN SKYES SO, ,SNGON PO LTA BUR STON PA NI SBYAR BYUNG GI SNGON PO'O, ,'OD SNGON PO 'GYUR BA DE GNYIS KA LA 'OD GSAL PO 'BYUNG BA STE THUN MONG BA'O, ,ME TOG NI LHAN SKYES DANG RAS SBYAR BYUNG

030a

, ,GI DPE'O, ,BDUN PA DANG BRGYAD PA GNYIS 'OG TU 'CHAD, DGU PA DANG BCU PA NI SNGAR BSHAD ZIN PA LTAR RO, ,SDE TSAN BCU GCIG PA NI, RANG GI BDAG RKYEN DU GYUR PA'I BSAM GTAN GYI DNGOS GZHI LA BRTEN NAS LUS 'DOR LEN SOGS LA DBANG 'BYOR BA THOB PAS RAB TU PHYE BA'I RIG PA DE, YONGS SU DAG PA'I MTSAN NYID, DBYE NA, LUS 'DOR LEN LA DBANG THOB PA'I RTEN DANG, MED PA YOD PAR SPRUL TE BSGYUR BA LA DBANG THOB PA DMIGS PA DANG, SKAD CIG RE RE LA TING NGE 'DZIN GRANGS MED PA LA 'JUG PA'I THUGS DANG, GZUNGS KYI SGO DPAG TU MED PA LA DBANG 'BYOR BA YE SHES YONGS SU DAG PA STE BZHI YOD, SDE TSAN BCU GNYIS PA NI, RANG GI BDAG RKYEN DU GYUR PA'I BSAM GTAN GYI DNGOS GZHI LA BRTEN NAS TSE'I 'DU BYED 'DOR BA JI LTAR 'DOD PA BZHIN BYED PA LA SOGS PAS RAB TU PHYE BA'I RIGS SU GNAS PA'I RIG PA, 'DIR BSTAN DBANG GI NGO BO, DBYE NA, TSE'I 'DU BYED 'DOR LEN JI LTAR 'DOD PA BZHIN BYED PAS BSDUS PA'I TSE LA DBANG BA DANG, JI LTAR 'DOD PA BZHIN SEMS TING NGE 'DZIN LA 'JUG PAS BSDUS PA'I SEMS LA DBANG BA DANG, BSAM PA JI LTA BA BZHIN DU YO BYAD NYE BAR GNAS PAR BYED PAS BSDUS PA'I YO BYAD LA DBANG BA DANG, LUS NGAG GI LAS JI LTAR 'DOD PA BZHIN NYE BAR BSGYUR BAS BSDUS PA'I LAS LA DBANG BA DANG, 'GRO BA GANG DU JI LTAR 'DOD PA BZHIN SKYE BAS BSDUS PA'I SKYE BA LA DBANG BA DANG, SA SOGS GSER SOGS KYI DNGOS POR JI LTAR MOS PA BZHIN DU BSGYUR BAS BSDUS PA'I MOS PA LA DBANG BA DANG, JI

030b

LTAR MOS PA BZHIN DU 'GRUB PAS BSDUS PA'I SMON LAM LA DBANG BA DANG, MNGON SHES KYIS BSDUS PA'I RDZU 'PHRUL LA DBANG BA DANG, JI LTAR 'DOD PA BZHIN YE SHES MNGON DU BYED PAS BSDUS PA'I YE SHES LA DBANG BA DANG, GSUNG RAB YAN LAG BCU GNYIS JI LTAR 'DOD PA BZHIN STON NUS PAS BSDUS PA'I CHOS LA DBANG BA DANG BCU YOD PA'I PHYIR, DE LA DANG PO GSUM PO DE SBYIN PA'I 'BRAS BU YIN TE, LONGS SPYOD BYIN PAS TSE'I RGYUR GYUR PA DANG, DE BZHIN GSHEGS PAS SEMS CAN GYI DON BSAM PA BZHIN DU SEMS KYI RJES SU GTZO BOR 'JUG PA DANG, BSAM PA BZHIN DU YO BYAD SBYIN PAS DE GSUM 'BYUNG BA'I PHYIR, LAS DANG SKYE BA LA DBANG BA GNYIS NI TSUL KHRIMS KYI 'BRAS BU YIN TE, SEMS CAN RNAMS LUS NGAG GI LAS SKYON MED PA LA BSAM PA BZHIN DU BSKUL BA DANG TSUL LDAN GYIS SMON LAM 'GRUB PA'I PHYIR, MOS PA LA DBANG BA BZOD PA'I 'BRAS BU YIN TE, SEMS CAN GYI MOS PA'I RJES SU ZHUGS PA'I PHYIR, SMON LAM LA DBANG BA NI, BRTZON 'GRUS KYI 'BRAS BU YIN TE, SNGON SEMS CAN GYI DON DU BRTZON PA MA BTANG BA'I PHYIR, RDZU 'PHRUL LA DBANG BA BSAM GTAN GYI 'BRAS BU YIN TE, SNGON SEMS CAN GYI DGONGS PA JI LTA BA BZHIN MNYAM PAR BZHAG PA'I PHYIR, THA MA GNYIS YUM GYI 'BRAS BU YIN TE, SNGON SEMS CAN GYI 'DOD PA BZHIN DU YE SHES MNGON DU BYED PA DANG 'DOD PA DANG MTHUN PAR MDO SOGS LA SBYAR BA'I PHYIR, BCU GSUM PA DANG BCU BZHI PA NI SNGAR BSHAD PA LTAR RO, ,SDE TSAN BCO LNGA PA NI, DE BZHIN GSHEGS PA'I SKU GSUNG THUGS KYI SPYOD PA CES SPYOD PA MTHA' DAG GIS YONGS SU DAG

031a

, ,PA STE DE'I DE BZHIN GSHEGS PA 'DI LA PHYIN CI LOG GI KUN SPYOD NGAN PA GANG ZAG GZHAN GYIS YONGS SU SHES KYIS DOGS PA'I BSNYENGS PA'AM 'JIGS PAS BCAB STE GSANG BAR BYA'O SNYAM PA'I DGONGS PA MI MNGA' BA'I MKHYEN PA GSUM MO, ,SDE TSAN BCU DRUG PA NI, SANGS RGYAS KYI DRAN PA NYER GZHAG GSUM YOD DE, RANG GI BDAG RKYEN DU GYUR PA'I BSAM GTAN GYI DNGOS GZHI LA BRTEN NAS CHOS STON PA NA GUS PAS NYAN PA LA RJES SU CHAGS PA MED PAR DRAN PA DANG LDAN PA DANG, DE LAS BZLOG PA LA KHONG KHRO BA MED PAR DRAN PA DANG LDAN PA DANG, DE GNYIS KA LA CHAGS SDANG GNYIS KAS DBEN PA KHO NAR BTANG SNYOMS SU DRAN PA DANG LDAN PA'I DRAN PA NYER GZHAG GSUM DU YOD PA'I PHYIR, SDE TSAN BCU BDUN PA NI; RANG GI BDAG RKYEN DU GYUR PA'I BSAM GTAN GYI DNGOS GZHI LA BRTEN NAS SEMS CAN GYI DON MDZAD DGONGS PA NA DE'I DUS LAS MI 'DA' BAR BYED PA'I MKHYEN PA, BSNYEL BA MI MNGA' BA'I CHOS NYID KYI YE SHES KYI NGO BO, SDE TSAN BCO BRGYAD PA NI, DE LA BRTEN NAS SGRIB GNYIS KYI BAG CHAGS YANG DAG PAR BCOM PA STE SPANGS PA'I MKHYEN PA, BAG CHAGS YANG DAG PAR BCOM PA'I YE SHES KYI NGO BO, SDE TSAN BCU DGU PA NI, DE LA BRTEN NAS NYIN MTSAN LAN DRUG TU SEMS CAN GYI DON LA SO SOR RTOGS PAR BYED PA'I BRTZE BA, 'DIR BSTAN SKYE BO LA THUGS RJE CHEN PO'I NGO BO, SDE TSAN NYI SHU PA NI SNGAR BSHAD PA LTAR RO, ,SDE TSAN NYER GCIG PA DANG, RTZA BA'I DANG ZHES PA'I SGRAS BSDUS PA LAM SHES DANG SOGS

031b

PAS GZHI SHES GSUM NI SNGAR BSHAD PA LTAR YIN NO, ,DES NA, BYANG CHUB PHYOGS MTHUN TSAD MED DANG, ,ZHES SOGS RTZA 'GREL RNAMS KYI DON BSDU NA, SNGAR LTAR DU, DNGOS KYI DON DANG, DE'I KHYAD PAR BSHAD PA, DE LA RTZOD PA SPANG BA GSUM LAS, DANG PO LA, YE SHES CHOS SKU THA DAD PA'I SKUR BSTAN PA, THA MI DAD PAR 'DOD PA DGAG PA, THA DAD PA LA RTZOD PA SPANG BA DANG GSUM LAS, DANG PO 'DI YAN CHAD KYIS BSHAD NAS, GNYIS PA STON PA LA, GZHAN DAG NA RE, THUB PA'I NGO BO NYID SKU NI, ,ZHES SOGS GSUNGS, 'DI LA YANG 'DOD PA BRJOD PA DANG, DE DGAG PA GNYIS LAS, DANG PO NI, GZHAN DAG NA RE, THUB PA'I NGO BO NYID SKU NI, ,ZAG PA MED PA'I CHOS GANG DAG ,THOB GYUR RNAM KUN RNAM DAG PA, ,DE DAG RANG BZHIN MTSAN NYID CAN; ;ZHES BYA BA'I SGRA JI BZHIN DU 'JIG RTEN LAS 'DAS PA'I ZAG PA MED PA'I CHOS RNAMS KHO NA KHAS BLANGS NAS NGO BO NYID KYI SKU NI DE DAG GI RANG BZHIN SKYE BA MED PA NYID GANG YIN PA DE'I MTSAN NYID CAN YIN TE, DE NYID KYANG CHOS NYID KYI SKU YIN PAS CHOS KYI SKU'O ZHES NGO BO'I RKYEN MA NOR BAR BYAS NAS BSTAN TO ZHES RNAM PAR BSHAD NAS, CHOS KYI SKU GANG DAG GI RANG BZHIN GYI MTSAN NYID CAN YIN PA'I ZAG PA MED PA'I CHOS DE DAG KYANG GANG DAG CIG YIN ZHE NA, BYANG CHUB PHYOGS MTHUN TSAD MED DANG,, ZHES BYA BA LA SOGS PA'I TSIG LE'UR BYAS PA LAS 'JUG PAR BYED DO, ,ZHES PAS 'CHAD, GNYIS PA NI, GZHAN DAG NA RE, DE DAG GI LTAR NA RNAL 'BYOR PA'I KUN RDZOB TU DON KHYAD PAR CAN SNANG BA BSKYED PA'I SGO NAS, GNAS YONGS SU GYUR PAS GYUR

032a

, ,PA; CHOS STON PA LA SOGS PA'I DON GYI BYA BA MDZAD PA GNYIS SU MED PA'I SEMS DANG SEMS LAS BYUNG BA, GDON MI ZA BAR KHAS BLANG DGOS PA RNAMS JI LTAR BSDUS ZHES ZER RO, ,ZHES PAS 'CHAD, GSUM PA LA RTZOD PA DANG, LAN GNYIS KYI, DANG PO NI, KHA CIG NA RE, NGO BO NYID LONGS RDZOGS BCAS DANG, ,DE BZHIN GZHAN PA SPRUL PA NI, ,CHOS SKU MDZAD PA DANG BCAS TE, ,RNAM PA BZHIR NI YANG DAG BRJOD, ,CES BYA BA'I TSIG LE'UR BYAS PA LAS NGO BO NYID CES BYA BA'I SGRA'I MJUG THOGS SU CHOS KYI SKU ZHES BYA BA'I SGRA MI 'BYUNG BAS SKU NI GSUM KHO NA'O ZHES ZER RO, ,ZHES PAS 'CHAD, GNYIS PA NI, GZHAN DAG NA RE, DGOS PA NYE BAR BSTAN PA'I SHUGS KYIS TSIG LE'UR BYAS PA SBYAR BA'I NGOR RAM, YE SHES KHO NA DANG MDZAD PA SBYAR BA'I PHYIR DE SKAD DU GSUNGS PA YIN TE, DE'I PHYIR PHYOGS GZHAN NAS SKU BZHIR GSUNGS PA THAMS CAD MI 'GAL BAR 'GYUR RO ZHES ZER RO, ,ZHES PAS 'CHAD, DES NA 'DI DAG GI DON NI, SKU BZHIR 'DOD PA LAS GZHAN 'PHAGS PA GROL SDE'I RJES 'BRANG SKU GSUM DU 'DOD PA DAG NI, BYANG CHUB PHYOGS MTHUN TSAD MED DANG, ,ZHES SOGS YE SHES CHOS SKU BSTAN BYA'I GTZO BOR BYAS NAS BSTAN PA MI 'THAD DE, DES NGO BO NYID SKU BSTAN BYA'I GTZO BOR BYAS NAS BSTAN PA'I PHYIR TE, THUB PA'I NGO BO NYID SKU NI, ,ZAG PA MED PA'I CHOS GANG DAG ,CES PAR ZAG MED KYI YE SHES SDE TSAN NYER GCIG PO DE NGO BO NYID SKU'I LDAN PA'I YON TAN DU DNGOS SU BSTAN NAS, DE'I

032b

YON TAN DU GYUR PA'I YE SHES DE 'CHAD PA LA, BYANG CHUB PHYOGS MTHUN TSAD MED DANG, ,ZHES SOGS GSUNGS PA'I PHYIR, 'O NA, CHOS KYI SKU ZHES BRJOD PA YIN, ,ZHES MI 'BYUNG BAR, CHOS NYID SKU ZHES BRJOD PA YIN, ,ZHES 'BYUNG RIGS PAR THAL LO, ,ZHE NA, SKYON MED DE, SDEB SBYOR GYI DBANG GIS CHOS NYID KYI SKU'I SKAD DOD DHARMA TA KshA YE ZHES 'BYUNG BA'I NGO BO'I RKYEN TA PHYIS TE MI MNGON PAR BYAS NAS CHOS NYID KYI SKU LA CHOS KYI SKU ZHES BRJOD PA YIN PA'I PHYIR, ZHES 'CHAD PA LA, GZHAN DAG NA RE, ZHES SOGS GSUNGS, DES NA SANGS RGYAS KYI SKU LA NGO BO NYID SKU, LONGS SKU, SPRUL SKU GSUM DU GRANGS NGES PA YIN TE, ZAG MED KYI YE SHES SDE TSAN NYER GCIG PO DE NGO BO NYID SKUS BSDUS PA'I PHYIR, DES NA DON DRIL NA, 'PHAGS PA GROL SDES YE SHES CHOS SKU BZHED KYANG, DES SKABS BRGYAD PA'I BSTAN BYA'I GTZO BOR GYUR PA'I YE SHES CHOS SKU MI BZHED DO, ,SKU GSUM DU 'DOD PA LAS GZHAN SKU BZHIR 'DOD PA DAG NA RE, SANGS RGYAS KYI SKU LA NGO BO NYID LONGS SPRUL GSUM DU GRANGS NGES PAR BZHED PA DE DAG GI LTAR NA, KHYAD PAR GSUM LDAN GYI SANGS RGYAS KYI YE SHES CHOS CAN, SANGS RGYAS KYI SKU MA YIN PAR THAL, SANGS RGYAS KYI SKU LA GSUM PO DER GRANGS NGES PA GANG ZHIG ,NGO BO NYID SKU YANG MA YIN, LONGS SPYOD RDZOGS SKU YANG MA YIN, SPRUL SKU YANG MA YIN PA'I PHYIR, KHYAD PAR GSUM NI, SANGS RGYAS KYI SA'I ZAG MED YE SHES SDE TSAN NYER GCIG CHOS CAN, KHYAD PAR GSUM DANG LDAN TE, NGO BO'I KHYAD PAR SEMS DANG SEMS LAS BYUNG BA,

033a

, ,SPANGS PA'I KHYAD PAR ZAG MED DU GNAS GYUR PA, BYED LAS KYI KHYAD PAR RNAL 'BYOR PA'I KUN RDZOB STE RJES THOB TU DON KHYAD PAR CAN GZUGS SKU GNYIS SU SNANG BA BSKYED PA'I SGO NAS GDUL BYA LA CHOS STON PA LA SOGS PAS 'OD 'GYED PA'I DON GYI BYA BA MDZAD PA'I PHYIR, KHYAD CHOS PHYI MA 'DIS 'PHAGS PA GROL SDES KHYAD PAR GSUM LDAN GYI YE SHES KHAS LEN DGOS PA'I RGYU MTSAN BSTAN TE, YON TAN DE DAG MED NA BDAG RKYEN MED PA'I PHYIR BDAG 'BRAS CHOS STON PA SOGS MED PAR THAL BA'I SKYON YOD PA'I PHYIR, GAL TE KHO NA RE, RTEN CING 'BREL BAR 'BYUNG BA GANG, ,DE NYID KHYOD NI STONG PAR BZHED, ,CES PA'I TSUL GYIS CHOS NYID KYI BDAG NYID CAN GYI SKU BSTAN PA NYID KYIS GNYIS SU MED PA'I YE SHES KYI BDAG NYID CAN GYI SKU BSTAN PA YIN PAS, YE SHES CHOS SKU DE NGO BO NYID SKUS BSDUS SO ZER NA, DE LTAR NA LONGS SPRUL GNYIS KYANG DE LTAR BSTAN DGOS PAS SKU LA SOGS PAR STON MI DGOS PAR 'GYUR TE, RIGS PA MTSUNGS PA'I PHYIR, GAL TE LONGS SPRUL GNYIS PO DE RNAL 'BYOR BA'I KUN RDZOB TU SKU LA SOGS PAR BZHAG STE, GSUNG RAB LAS SKU GSUM DU BRJOD PA'I PHYIR ZHE NA, 'O NA GNYIS SU MED PA'I YE SHES KYI SKU YANG LONGS SPRUL BZHIN DU SKU LOGS SU BZHAG DGOS PAR THAL, GSUNG RAB LAS SKU BZHIR YANG BRJOD PA'I PHYIR, ZHES PA'I LAN STON PA LA, GZHAN DAG NA RE, DE DAG GI LTAR NA, ZHES SOGS GSUNGS, GSUM PA THA DAD PA LA RTZOD PA SPANG BA LA,

033b

RTZOD PA DANG, LAN GNYIS LAS, DANG PO NI, SKU GSUM DU 'DOD PA KHA CIG NA RE, BYANG CHUB PHYOGS MTHUN TSAD MED DANG, ,ZHES SOGS KYIS YE SHES CHOS SKU BSTAN BYA'I GTZO BOR BYAS NAS BSTAN PA MI 'THAD DE, DES DE LTAR BSTAN NA, NGO BO NYID LONGS RDZOGS BCAS DANG, ,ZHES PA'I NGO BO NYID CES PA'I SGRA'I MJUG THOGS SU CHOS KYI SKU ZHES 'BYUNG RIGS PA LA, DE LTAR MA BYUNG BA'I PHYIR ZHES ZER NA MI 'THAD DE, CHOS SKU MDZAD PA DANG BCAS PA, ,ZHES PAS YE SHES CHOS SKU BSTAN PA'I PHYIR, KHO NA RE, DE MI 'THAD DE, MDOR BSTAN DANG RGYAS BSHAD GNYIS GO RIMS MI MTHUN PA'I PHYIR, ZHES ZER, GNYIS PA NI, SKU BZHIR 'DOD PA GZHAN DAG NI, NGO BO NYID KYI SGRA'I MJUG THOGS SU CHOS SKU'I SGRA MI 'BYUNG BA NI KHYED KYI SGRUB BYED DU MI RUNG STE, DGOS PA RNAM PA GSUM GYI PHYIR LUS RNAM GZHAG TU SKU GSUM GYI MJUG THOGS SU YE SHES CHOS SKU DANG SANGS RGYAS KYI MDZAD PA 'PHRIN LAS SBYAR NAS GSUNGS PA'I PHYIR, DPER NA DGOS PA'I DBANG GIS LUS DANG YAN LAG MI MTHUN PA YONGS 'DZIN DANG RTOG PA BZHIN NO, ,LUS RNAM GZHAG TU, CHOS SKU MDZAD PA DANG BCAS PA, ,ZHES YE SHES CHOS SKU DE SKU GSUM GYI MJUG THOGS SU SANGS RGYAS KYI 'PHRIN LAS DANG SBYAR NAS BSHAD PA LA DGOS PA GSUM YANG YOD DE; SNGAR BSHAD PA'I KHYAD PAR GSUM LDAN GYI YE SHES DE SKU GZHAN GSUM DU MI 'DU ZHING CHOS SKUR 'DU DGOS PA'I SHUGS KYIS TE CHED DU SKU GZHAN GSUM BSHAD PA'I 'OG TU CHOS SKU GSUNGS PA'I PHYIR DANG, RGYAN GYI TSIGS BCAD SDEB SBYOR SLA BA'I

034a

, ,CHED DU YIN PA'I PHYIR DANG, YE SHES CHOS SKU KHO NA DANG MDZAD PA 'PHRIN LAS BYA BA DANG BYED PA POR SBYAR BAR BYA BA'I DGOS PA YOD PA'I PHYIR RO, ,'O NA RGYAS BSHAD DU'ANG MA DOR BSTAN BZHIN MI 'CHAD PA CI ZHE NA, DE'I RGYU MTSAN YOD DE, SKU BZHI GTZO BO'I RIM PAS BSTAN PA DANG, SKU DANG PO GNYIS CHOS CHOS CAN GYI 'BREL PA BSGRUB PA'I PHYIR DU YIN PA'I PHYIR, ZHES PA TSIG GSAL LAS BSHAD DO, ,DES NA PHYOGS GZHAN SNGAGS KYI THEG PA NAS SKU BZHIR GSUNGS PA THAMS CAD DANG MI 'GAL ZHING MTHUN PAR 'GYUR TE, SKU BZHIR 'DOD PA LA GNOD BYED MED CING SGRUB BYED YOD PA'I PHYIR RO, ,GZHUNG 'DI DAG GI DON LA KHA CIG ,KHYAD PAR GSUM LDAN GYI SANGS RGYAS KYI YE SHES CHOS CAN, SANGS RGYAS KYI SKU MA YIN PAR THAL, NGO BO NYID SKU LONGS SKU SPRUL SKU GSUM PO GANG RUNG MA YIN PA'I PHYIR, KHYAB PA 'PHAGS PAS SANGS RGYAS KYI SKU LA DE GSUM DU GRANGS NGES PAR KHAS BLANGS PA'I STENG DU SONG, ZHES ZER ZHING, 'PHAGS PA GROL SDES YE SHES CHOS SKU KHAS MI LEN ZHES BYA BA NANG 'GAL TE, DES YE SHES CHOS SKU KHAS LEN PAR THAL, DES KHYAD PAR GSUM LDAN GYI SANGS RGYAS KYI YE SHES DE YE SHES CHOS SKUR KHAS LEN PA'I PHYIR TE, DES DE SANGS RGYAS KYI SKUR KHAS LEN PA'I PHYIR, MA GRUB NA, DE CHOS CAN, KHYOD SANGS RGYAS KYI SKU MA YIN PAR THAL, NGO BO NYID SKU, LONGS SKU, SPRUL SKU GSUM PO GANG RUNG MA YIN PA'I PHYIR, ZHES PA'I THAL 'GYUR 'DI 'PHAGS PA GROL SDE LA MI 'DOD PA THAL BAR 'PHEN PA'I THAL 'GYUR YANG DAG MA YIN PAR THAL, DES DE LA 'DOD

034b

LAN DON MTHUN THOB PA'I PHYIR TE, DES KHYAD PAR GSUM LDAN GYI SANGS RGYAS KYI YE SHES SANGS RGYAS KYI SKUR KHAS MI LEN PA'I PHYIR, RTAGS KHAS, GZHAN YANG, DES YE SHES CHOS SKU KHAS LEN PAR THAL, DES STONG PHRAG BRGYA PA LAS, GZUGS KYI SKU DANG CHOS KYI SKU DANG YE SHES KYI SKU MTHONG BAR 'TSAL BA DANG SHES PAR 'TSAL BAS SHES RAB KYI PHA ROL TU PHYIN PA LA BRTZON PAR BYA'O, ,ZHES BYA BA SGRA JI BZHIN DU KHAS LEN PA'I PHYIR DANG, NYI SNANG LAS, GANG DAG GIS RNAM PA THAMS CAD DU SHIN TU RNAM PAR DAG PA'I NGO BO NYID CHOS KYI SKUR GYUR PA ZAG PA MED PA'I YE SHES DE DAG KYANG GANG YIN ZHE NA, BYANG CHUB PHYOGS MTHUN TSAD MED DANG, ,ZHES GSUNGS PA'I PHYIR, GZHAN YANG, DE SANGS RGYAS KYI SA'I ZAG MED KYI YE SHES SDE TSAN NYER GCIG PO DE YE SHES CHOS SKUR KHAS LEN PAR THAL, RGYAN SNANG LAS, RTEN CING 'BREL PAR 'BYUNG BA GANG, ,DE NYID KHYOD NI STONG PAR BZHED, ,CES GSUNGS PA'I TSUL GYIS BDAG NYID CAN GYI SKU BSTAN PA YIN NO ZHE NA, DE LTAR NA RIGS PA DE MTSUNGS PA NYID KYIS LONGS SPYOD RDZOGS PA DANG, SPRUL PA'I SKU GNYIS KYANG LOGS SHIG TU BSTAN PAR BYA BA MA YIN PAR 'GYUR RO, ,ZHES GSUNGS PA'I GZHUNG 'DI 'PHAGS PA GROL SDE'I BZHED PA BSKYAR NAS DE 'GOG BYED KYI GZHUNG YIN PA'I PHYIR, DES NA 'PHAGS SENG GNYIS KAS SANGS RGYAS KYI SKU THAMS CAD NGO BO NYID SKU LONGS SKU SPRUL SKU GSUM DU 'DUS PAR BZHED DE, 'PHAGS PAS DE LTAR BZHED PA GANG ZHIG ,SLOB DPON SENG GE BZANG POS KYANG DE LTAR BZHED PA'I PHYIR TE, DES YE SHES

035a

, ,CHOS SKU DE NGO BO NYID SKUS BSDUS PAR BZHED PA'I PHYIR TE, RGYAN SNANG LAS, RNAM PA KUN GYI MCHOG DANG LDAN PA'I SKU NI GSUM PO KHO NA NGES PAR THOB PAR SHOG ,CES GSUNGS PA'I PHYIR DANG, RNAM BSHAD LAS, ZAG PA MED PA'I YE SHES SDE TSAN NYER GCIG GIS BSDUS PA'I YE SHES CHOS KYI SKU NI SNGAGS KYI PHYOGS NAS KYANG SKU BZHI PAR GSUNGS LA, RGYAL BA'I SRAS PO SENG GE BZANG POS KYANG SKU BZHI PAR MDZAD PA NI DBYE BSDU TZAM YIN GYI, GSUM DU MA 'DUS PAR BZHED PA NI MA YIN TE, ZHES SOGS GSUNGS PA'I PHYIR, DES NA 'PHAGS SENG GNYIS SKU'I GRANGS NGES LA RTZOD TSUL YOD DE, 'PHAGS PAS SANGS RGYAS KYI SKU LA NGO BO NYID SKU LONGS SKU SPRUL SKU GSUM DU GRANGS NGES PAR BZHED, SLOB DPON GYIS DE LA NGO BO NYID SKU, YE SHES CHOS SKU, LONGS SKU, SPRUL SKU BZHIR GRANGS NGES PAR BZHED PA'I PHYIR, DANG PO GRUB STE, NYI SNANG LAS, DA NI CHOS KYI SKU BRJOD PAR BYA BA YIN TE, DE YANG RNAM PA GSUM DU RIG PAR BYA STE, ZHES GSUNGS PA'I PHYIR, 'PHAGS PAS YE SHES CHOS SKU BZHED KYANG, DES SKABS BRGYAD PA'I BSTAN BYA'I GTZO BOR GYUR PA'I YE SHES CHOS SKU MI BZHED DE, NGES MNGON RTOGS RGYAN GYI BSTAN BYA'I GTZO BOR GYUR PA'I MNGON RTOGS LA, MKHYEN GSUM DANG SBYOR BZHI STE BDUN DU GRANGS NGES PAR BZHED PA'I PHYIR TE, NYI KHRI RNAM 'GREL LAS, MNGON RTOGS BDAG NYID BDUN YIN PHYIR, ,SHES RAB PHA ROL PHYIN PAR 'DOD, ,CES GSUNGS PA'I PHYIR, RONG t'IKA PA NA RE, SLOB DPON KYIS SKU BZHI'I RNAM GZHAG GSUNGS PA DE MKHAN

035b

PO YANG DAG RNAM SNANG MDZAD KYI BZHED PA BKOD PA YIN GYI, SLOB DPON GYI RANG LUGS MA YIN ZER BA MI 'THAD DE, DE YANG NGO BO NYID KYI SKU LA SOGS PA'I DBYE BAS RNAM PA BZHI YIN TE, ZHES DANG, DE LTAR SKU DANG PO BSTAN NAS GNYIS PA CHOS KYI SKU ZHES DANG; DE LTAR SKU GNYIS PA BSTAN NAS, ZHES DANG, DE LTAR SKU GSUM PA BSTAN NAS BZHI PA SPRUL PA'I SKU, ZHES GSUNGS PA RNAMS SLOB DPON GYI RANG GZHUNG RNAM DAG MA YIN PAR THAL, DAM BCA' 'THAD PA'I PHYIR, 'DOD NA, SKABS BRGYAD PA'I 'GREL PA'I GZHUNG TSIG RNAMS DE MA YIN PAR THAL, 'DOD PA'I PHYIR, ` NYAN THOS NYON MONGS MED PA'I LTA, ,ZHES SOGS KYI SKABS SU, GZHUNG 'DIS SANGS RGYAS KYI NYON MONGS MED PA'I KHYAD PAR BSHAD NA TSUL JI LTA BU ZHE NA; 'DI LA MTSAMS SBYAR, RTZA BA, 'GREL PA GSUM LAS, DANG PO NI, GONG DU, NYON MONGS MED DANG, ZHES BSHAD NA, SANGS RGYAS KYI NYON MONGS MED PA'I TING NGE 'DZIN DANG NYAN THOS KYI NYON MONGS MED PA'I TING NGE 'DZIN LA KHYAD PAR YOD DAM MED CE NA DE GNYIS LA KHYAD PAR YOD DO ZHES MTSAMS SBYAR GYI SGO NAS 'CHAD PA LA, NYAN THOS LA SOGS PA'I NYON MONGS MED PA'I TING NGE 'DZIN LAS SANGS RGYAS KYI NYON MONGS MED PA'I TING NGE 'DZIN KHYAD PAR DU BYA BA'I PHYIR BAR SKABS KYI TSIGS SU BCAD PA, ZHES GSUNGS, GNYIS PA NI, DE LA KHYAD PAR YOD TSUL DE STON PA LA, NYAN THOS NYON MONGS MED PA'I LTA, ,ZHES SOGS GSUNGS, GSUM PA NI, DE'I DON 'CHAD PA LA, NYAN THOS LA SOGS PA'I NYON MONGS PA MED

036a

, ,PA'I TING NGE 'DZIN NI BDAG MTHONG BA LAS 'GA' ZHIG GI NYON MONGS PA SKYE BAR GYUR NA MI RUNG NGO ZHES MI'I NYON MONGS PA SKYE BA YONGS SU SPONG BA NYID YIN NO, ,DE BZHIN GSHEGS PA RNAMS KYI NYON MONGS PA MED PA'I TING NGE 'DZIN NI, GRONG LA SOGS PAR SKYE BO MTHA' DAG GI NYON MONGS PA'I RGYUN DRUNG LA 'BYIN PAR MDZAD PA YIN NO, ,ZHES GSUNGS, NGAG DON NI, NYAN THOS LA SOGS PA'I NYON MONGS MED PA'I TING NGE 'DZIN LAS SANGS RGYAS KYI NYON MONGS MED PA'I TING NGE 'DZIN BYED LAS KYI SGO NAS KHYAD PAR DU 'PHAGS PA YIN TE, SNGA MAS GRONG SOGS SU MIS MTSON PA'I SEMS CAN GANG DAG GIS NYAN THOS RANG NYID MTHONG BA NA RANG NYID LA DMIGS PA'I NYON MONGS SKYE BA SPONG BAR 'DOD PA TZAM GYIS DE TZAM ZHIG ZIL GYIS GNON, PHYI MAS NI SEMS CAN 'DI BDAG LA DMIGS NAS NYON MONGS RGYUN DU GNAS PAR MA GYUR CIG CES DE LA LHAG PAR GZIGS PAR BZHED CING GRONG SOGS SU GSHEGS NAS SEMS CAN DE'I NYON MONGS RNAMS RGYUN GCOD PAR BYED PA'I BYED LAS DANG LDAN PA'I PHYIR TE, DAG LDAN LAS, NYAN THOS RNAMS KYIS GRONG SOGS SU GANG DAG MTHONG BAR GYUR PA NI DE'I NYON MONGS SKYE BAR SHES PA'I TSE SEMS CAN MTHONG BA NYID ZLOG PAR BYED KYI, NYON MONGS MNGON DU GYUR ZIN ZLOG PAR MI BYED PA NI, NYAN THOS KYI NYON MONGS MED PA'I TING NGE 'DZIN DANG, MTHONG BA MI ZLOG GI MTHONG BA YOD KYANG DE DAG GI NYON MONGS RGYUN GCOD PA NI, DE BZHIN GSHEGS PA'I NYON MONGS MED PA'O, ,ZHES BSHAD, 'DI GNYIS

036b

LTAR NA NYAN THOS KYIS NI DMIGS RKYEN DU GYUR DOGS NAS SEMS CAN DE DAG GI DRUNG DU MI 'GRO BAR MNGON NO, ,DES NA, RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS, RANG RGYUD LDAN GYI GANG ZAG DE LA DMIGS PA'AM GANG ZAG GZHAN LA DMIGS PA'I NYON MONGS CHUNG NGU ZIL GYIS GNON NUS PAS RAB TU PHYE BA'I DGRA BCOM PA'I RGYUD KYI TING NGE 'DZIN, NYON MONGS MED PA'I TING NGE 'DZIN GYI NGO BO, DBYE NA, NYON MONGS MED PA'I NYAN THOS KYI TING NGE 'DZIN DANG, NYON MONGS MED PA'I DE BZHIN GSHEGS PA'I TING NGE 'DZIN GNYIS SU YOD, SA MTSAMS, RAB MTHA'I BSAM GTAN THOB PA'I DGRA BCOM PA MTHA' DAG GI RGYUD LA YOD DO, ` ,SANGS RGYAS SMON GNAS MKHYEN PA NI, ,ZHES SOGS KYI SKABS SU, GZHUNG 'DIS SMON GNAS MKHYEN PA'I KHYAD PAR 'CHAD TSUL GANG ZHE NA 'DI LA GSUM LAS, DANG PO NI, GONG DU, SMON MKHYEN DANG, ,ZHES BSHAD NA, SANGS RGYAS KYI SMON GNAS MKHYEN PA DANG NYAN THOS KYI DE GNYIS LA KHYAD PAR YOD DAM MED CE NA, DE GNYIS LA KHYAD PAR YOD PAR GZHUNG 'DIS 'CHAD CES MTSAMS SBYOR BA LA, NYAN THOS LA SOGS PA'I SMON GNAS SHES PA BAS, DE BZHIN GSHEGS PA'I SMON GNAS MKHYEN PA KHYAD PAR DU BSTAN PA'I PHYIR BAR SKABS KYI TSIGS SU BCAD PA, ZHES GSUNGS, GNYIS PA NI, DE GNYIS KYI KHYAD PAR DE GANG ZHE NA, DE STON PA LA, SANGS RGYAS SMON GNAS MKHYEN PA NI, ,ZHES SOGS GSUNGS, GSUM PA NI, DE'I DON 'GREL PA LA, DE BZHIN GSHEGS PA'I SMON GNAS MKHYEN PA NI, MTSAN

037a

, ,MA MED PA NYID DU RANG GI NGANG GIS 'JUG PA DANG, DNGOS PO LA MNGON PAR MA ZHEN PAS GZUGS LA SOGS PA LA CHAGS PA DANG BRAL BA DANG NYON MONGS PA DANG SHES BYA'I SGRIB PA BAG CHAGS DANG BCAS TE SPANGS PAS SHES BYA THAMS CAD LA THOGS PA MED PA DANG, 'KHOR BA JI SRID PAR GNAS PA'I PHYIR RTAG TU GNAS PA DANG, YANG DAG PA'I SO SOR RIG PA BRNYES PAS 'DRI BA'I LAN 'DEBS PAR MDZAD PA YIN PAR BZHED DO, ,NYAN THOS LA SOGS PA YI NI BZLOG PA NYID KYIS DE LTA MA YIN NO; ;ZHES GSUNGS, DON NI, DE BZHIN GSHEGS PA'I SMON GNAS MKHYEN PA CHOS CAN, NYAN THOS KYI SMON GNAS MKHYEN PA LAS KHYAD CHOS LNGA'I SGO NAS KHYAD PAR DU 'PHAGS PA YIN TE, 'BAD RTZOL MED PAR RANG GI NGANG GIS 'JUG PAS LHUN GYIS GRUB BA, RGYUN MI 'CHAD PAS CHAGS PA SPANGS PA, SHES BYA THAMS CAD LA 'JUG PAS THOGS PA MED PA, 'KHOR BA MA STONG GI BAR DU GZHAN DON DU GNAS PAS RTAG TU GNAS PA, ZHUS PA'I LAN THAMS CAD 'DEBS PAS DRI BA'I LAN LDON PA'I KHYAD CHOS LNGAS KHYAD PAR DU 'PHAGS PA'I PHYIR, JI LTAR LAN LDON PA NI, BDEN SMRAS ZHUS PA LAS, JI LTAR SEMS CAN KUN GYIS DES TSIG GIS, ,MANG PO DAG GIS DUS GCIG ZHU ZHUS KYANG, ,SEMS KYI SKAD CIG GCIG LA THUGS CHUD NAS,, GSUNG DBYANGS GCIG GIS SO SOR LAN YANG 'DEBS, ,ZHES GSUNGS PA LTAR RO, ,YE SHES BRGYA ZHE DRUG LAS 'DI GNYIS LA KHYAD PAR 'CHAD PA NI GZHAN RNAMS LA YANG MTSON PA'I CHED YIN TE, DE THAMS CAD KYANG SGRIB GNYIS BAG CHAGS DANG

037b

BCAS PA SPANGS PAS RAB TU PHYER YIN PA'I PHYIR, DES NA, RANG GI BDAG RKYEN DU GYUR PA'I RAB MTHA'I BSAM GTAN LA BRTEN NAS CHAGS THOGS SPANGS PAS RAB TU PHYE BA'I MTHAR THUG PA'I MKHYEN PA, SANGS RGYAS KYI SMON GNAS MKHYEN PA'I MTSAN NYID YIN NO, ` ,RGYU NI YONGS SU SMIN GYUR NAS, ,ZHES SOGS KYI DON NI, SANGS RGYAS 'PHAGS PA 'DI DUS RTAG TU NYE RING DANG BRAL BA'I THUGS RJE CHEN PO'I NGANG LA BZHUGS KYANG, DE BZHIN GSHEGS PA'I SKU DE GDUL BYA 'GA' ZHIG LA DNGOS SU SNANG BA DANG, GZHAN DAG LA DNGOS SU MI SNANG BA MI 'THAD PAR THAL BA'I SKYON MED DE, SKU DNGOS SU SNANG MI SNANG GDUL BYA RANG NGOS NAS SKAL BA DANG LDAN MI LDAN YIN GYI, ,SANGS RGYAS KYI THUGS RJE'I NYE RING GI DBANG GIS MA YIN PA'I PHYIR TE, DPER NA; LHA'I RGYAL POS CHAR BAB KYANG SA BON MA RUL BA LA MYU GU 'BYUNG GI ,SA BON RUL BA LA MYU GU MI 'BYUNG BA BZHIN NO, ` ,DE LTAR MDZAD PA RGYA CHE'I PHYIR, ,ZHES SOGS KYI DON NI, YE SHES CHOS SKU DE SANGS RGYAS KHO NA'I RGYUD LA YOD KYANG, DE LA KHYAB PA DANG, ZHES BRJOD PA'I RGYU MTSAN YOD DE, DE'I 'PHRIN LAS SEMS CAN THAMS CAD LA KHYAB PA'I RGYU MTSAN GYIS DE LTAR BRJOD PA'I PHYIR, DE SKAD CIG RE RE LA SKYE 'JIG BYED KYANG, DE LA RTAG GNAS DANG ZHES BSHAD PA MI 'THAD PAR THAL BA'I SKYON MED DE, DE 'KHOR BA MA STONG GI BAR DU RGYUN MI 'CHAD PA'I RGYU MTSAN GYIS DE LTAR BRJOD PA'I PHYIR, ` MTSAN NI SUM CU RTZA GNYIS DANG, ,ZHES SOGS KYI SKABS SU, GZHUNG 'DI DAG GIS LONGS SPYOD RDZOGS PA'I SKU DE 'CHAD NA 'CHAD TSUL

038a

, ,DE GANG ZHE NA, 'DI LA YANG, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MDO LAS, RAB 'BYOR GZHAN YANG SHES RAB KYI PHA ROL TU PHYIN PA 'DI LA BSLABS SHING CHOS NYID DE DAG THAMS CAD THOB NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, RNAM PA THAMS CAD NAS THAMS CAD DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI SKYES BU CHEN PO'I MTSAN SUM CU RTZA GNYIS KYIS BRGYAN PA, DPE BYAD BZANG PO BRGYAD CUS BRGYAN PA, BYANG CHUB SEMS DPA' SEMS DPA' CHEN PO RNAMS LA THEG PA MCHOG GI LONGS SPYOD BLA NA MED PA'I DGA' BA DANG BDE BA DANG TSIM PA DANG RAB TU DGA' BA STON PAR MDZAD PAR 'GYUR RO, ,RAB 'BYOR DE LTAR BYANG CHEN SHER PHYIN LA BSLAB PAR BYA'O, ,ZHES GSUNGS, GNYIS PA LA, RTZA BA'I BSTAN TSUL DANG, 'GREL BA'I BSHAD TSUL GNYIS LAS, DANG PO NI, MDO DE'I DON BSHAD PA'I SGO NAS LONGS SPYOD RDZOGS PA'I SKU'I RANG BZHIN MDOR BSTAN GYI SGO NAS 'CHAD PA LA, MTSAN NI SUM CU RTZA GNYIS DANG, ,ZHES SOGS SHO LO KA GCIG GSUNGS, DE NYID YON TAN GYI SGO NAS RGYAS PAR 'CHAD PA LA, PHYAG ZHABS 'KHOR LO'I MTSAN DANG RUS SBAL ZHABS, ,ZHES SOGS GSUNGS, GNYIS PA LA, 'O NA YE SHES CHOS SKU'I RJES SU LONGS SPYOD RDZOGS PA'I SKU 'CHAD PA'I RGYU MTSAN GANG ZHE NA, DE'I RGYU MTSAN YOD DE, YE SHES CHOS SKUS GDUL BYA'I MIG SHES RANG 'BRAS LONGS SKU'I SNANG BA SKYED PAR BYED PA'I RGYU MTSAN GYIS DE

038b

LTAR BSHAD PA'I PHYIR, ZHES MTSAMS SBYAR GYI SGO NAS 'CHAD PA LA, DE LTAR SKU GNYIS BSTAN NAS, GSUM PA LONGS SPYOD RDZOGS PA'I SKU GZUGS KYI SKU'I NGO BO NYID MTSAN DANG DPE BYAD 'BAR BA, ZHES GSUNGS, DE NYID TSIG DON GYI SGO NAS 'CHAD PA LA; MTSAN SUM CU RTZA GNYIS DANG, DPE BYAD BZANG PO BRGYAD CU'I NGO BO NYID 'DI NI BYANG CHUB SEMS DPA' CHEN PO SA BCU PA LA ZHUGS PA RNAMS DANG THABS GCIG TU THEG PA CHEN PO'I CHOS KYI LONGS SPYOD KYI DGA' BA DANG BDE BA SHIN TU KHA NA MA THOB MED PA NYE BAR SPYOD PA'I PHYIR, SANGS RGYAS BCOM LDAN 'DAS RNAMS KYI LONGS SPYOD RDZOGS PA'I SKU YIN NO, ,ZHES GSUNGS, GNYIS PA YON TAN GYI SGO NAS RGYAS PAR BSHAD PA LA, MTSAN DANG, DPE BYAD GNYIS LAS, DANG PO NI, 'O NA, MTSAN NI SUM CU RTZA GNYIS DANG, ,ZHES BSHAD NA, MTSAN SUM CU RTZA GNYIS PO DE DAG GANG YIN ZHES MTSAMS SBYOR BA LA, MTSAN SUM CU RTZA GNYIS PO DE DAG GANG DAG CIG YIN ZHEN PAR SKABS KYI TSIGS SU BCAD PA LNGA NI, ZHES GSUNGS, MTSAN SUM CU RTZA GNYIS PO DE DAG SO SOR 'CHAD PA LA, PHYAG ZHABS, ZHES SOGS GSUNGS, DE NYID TSIG DON GYI SGO NAS 'CHAD PA LA, BLA MA SKYEL BA DANG BSU BA LA SOGS PAS PHYAG DANG ZHABS 'KHOR LO'I MTSAN DANG LDAN PA NYID DANG, ZHES PA NAS, KHONG KHRO BA LA SOGS PA MED PAR BLTAS PAS RDZIM PA'I LTA BU NYID DO, ,ZHES PA'I BAR GSUNGS, DE YANG, PHYAG ZHABS 'KHOR LO'I MTSAN DANG, ZHES PA'I DON 'CHAD PA LA, BLA MA SKYEL BA DANG, ZHES SOGS GSUNGS, RUS SBAL ZHABS, ,ZHES PA'I DON 'CHAD PA LA,

039a

, ,SDOM PA YANG DAG PAR BLANGS PA LA BRTAN PA NYID KYIS RUS SBAL BZHIN DU ZHABS SHIN TU GNAS PA NYID DANG, ZHES GSUNGS, PHYAG DANG ZHABS SER DRA PAS 'BREL BA DANG, ,ZHES PA'I DON 'CHAD PA LA, BSDU BA'I DNGOS PO BZHI BSTEN PAS PHYAG DANG ZHABS KYI SOR MO NGANG PA'I RGYAL PO LTA BUR DRA BAS 'BREL BA NYID DANG, ZHES GSUNGS, PHYAG NI ZHABS BCAS 'JAM ZHING GZHON SHA CHAGS, ,ZHES PA'I DON 'CHAD PA LA, BZA' BA DANG BCA' BA LA SOGS PA GYA NOM PA BYIN PAS PHYAG DANG ZHABS 'JAM ZHING GZHON SHA CHAGS PA NYID DANG, ZHES GSUNGS, 'DI YI SKU NI BDUN DAG MTHO BA DANG, ,ZHES PA'I DON 'CHAD PA LA, BSDAG PA LA SOGS PA SHIN TU GYA NOM PA BYIN PAS PHYAG DANG, ZHES SOGS GSUNGS, SOR MO RING DANG, ZHES PA'I DON 'CHAD PA LA, BSAD PAR BYA BA THAR PAR BYAS PAS SOR MO RING BA NYID DANG, ZHES GSUNGS, RTING YANGS, ZHES PA'I DON 'CHAD PA LA, 'TSO BA LA PHAN BTAGS PA NYID KYIS RTING PA YANGS PA NYID DANG, ZHES GSUNGS, DES MTSON NAS RTZA 'GREL SBYOR TSUL SHES PAR BYA'O, ,'O NA MTSAN DE DAG SKYED PA'I RGYU DE GANG ZHE NA, DE MDOR BSTAN GYI SGO NAS STON PA LA, 'DI LA MTSAN NI GANG GANG GI ,ZHES SOGS SHO LO KA GCIG GSUNGS, DE NYID TSIG DON GYI SGO NAS 'CHAD PA LA, MTSAN GANG GI SGRUB PAR BYED PA'I RGYU GANG YIN PA DE RAB TU RDZOGS PAS MTSAN SUM CU RTZA GNYIS PO 'DI DAG 'BYUNG NGO, ,ZHES GSUNGS, DE NYID RGYAS PAR 'CHAD PA LA, BLA MA

039b

SKYEL LA SOGS PA DANG, ,ZHES SOGS GSUNGS SO, ,GNYIS PA DPE BYAD BZANG PO BRGYAD CU 'CHAD PA LA, 'O NA, DPE BYAD BRGYAD CU'I BDAG NYID 'DI, ,ZHES 'CHAD NA, DPE BYAD BRGYAD CU PO DE GANG YIN ZHE NA, DE STON PA LA, THUB PA'I SEN MO ZANGS MDOG DANG, ,ZHES PA NAS, SANGS RGYAS DPE BYAD BZANG POR BZHED, ,CES PA'I BAR GSUNGS, 'O NA MTSAN DPE GNYIS KYI GO RIM 'DI LTAR STON PA'I RGYU MTSAN GANG ZHE NA, DE'I RGYU MTSAN YOD DE, MTSAN RNAMS GTZO BO DANG, DPE BYAD RNAMS 'KHOR YIN PAS DE LTAR DU BSHAD PA'I PHYIR ZHES KHA CIG ZER RO, ,DE NYID 'GREL PAS 'CHAD TSUL LA YANG, MTSAMS SBYAR GYI SGO NAS 'CHAD PA LA, DE LTAR MTSAN RNAMS BRJOD NAS BAR SKABS KYI TSIGS SU BCAD PA BCU GNYIS KYIS DPE BYAD BZANG PO GSUNGS PA, ZHES GSUNGS, TSIG DON GYI SGO NAS 'CHAD PA LA, 'DU BYED THAMS CAD LA 'DOD CHAGS DANG BRAL BA NYID KYIS SEN MO ZANGS KYI MDOG LTA BU NYID DANG, ZHES PA NAS, RNAM PA THAMS CAD DU MDZES PAR GYUR PA NYID KYIS PHYAG DANG ZHABS DPAL GYI BE'U BKRA SHIS DANG G-YUNG DRUNG 'KHYIL PAS BRGYAN PA NYID YIN NO, ,ZHES PA'I BAR GSUNGS, DES NA 'DI'I SKABS SU, KHA CIG ,LONGS SKU LA LONGS SKU CHEN PO DANG, LONGS SKU BTAGS PA BA GNYIS LAS, DANG PO NI, SA BCU PA LA GNAS PA'I BYANG SEMS 'PHAGS PA SHA STAG GIS BSKOR BA'I LONGS SKU STE, 'DI LONGS SKU MTSAN NYID PA YIN, GNYIS PA NI, SA DANG PO YAN CHAD LA GNAS PA'I BYANG SEMS SHA STAG GIS BSKOR BA'I GZUGS SKU STE, 'DI NI LONGS SKU BTAGS

040a

, ,PA PHA DANG SPRUL SKU MTSAN NYID PA YIN, 'DI LTA BU'I SPRUL SKU 'DI LONGS SKU DANG DNGOS RGYU TSOGS PA CHAR GCIG LA RAG LAS KYI 'BREL BA GRUB PA'I TSUL GYIS THOB PA'I SPRUL SKU YIN ZER NA, LONGS SKU YIN NA, 'KHOR NGES PA BYANG SEMS SA BCU PA PA SHA STAG GIS BSKOR BAS KHYAB PAR THAL, KHYOD KYI DAM BCA' DE 'THAD PA'I PHYIR, 'DOD NA, LONGS SKU'I SKU DNGOS KYI GDUL BYA DE YIN NA, BYANG SEMS SA BCU PA BA YIN DGOS PAR THAL, 'DOD PA'I PHYIR, 'DOD NA, YE SHES CHOS SKU DE SANGS RGYAS 'PHAGS PA NANG PHAN TSUN KHO NA'I MNGON SUM GYI SPYOD YUL YIN PA DANG, LONGS SKU DE SAR GNAS KYI BYANG SEMS YAN CHAD KHO NA'I MNGON SUM GYI SPYOD YUL YIN PA DANG, MCHOG GI SPRUL PA'I SKU DE SO SO SKYE BO LAS DAG YAN CHAD KHO NA'I MNGON SUM GYI SPYOD YUL YIN PA'I KHYAD PAR MI 'THAD PAR THAL, LONGS SPYOD RDZOGS PA'I SKU MNGON SUM DU RTOGS PA'I SA DGU PA MAN CHAD LA GNAS PA'I BYANG 'PHAGS MED PA'I PHYIR TE, LONGS SPYOD RDZOGS PA'I SKU DNGOS SU MTHONG PA'I DE MED PA'I PHYIR TE, LONGS SPYOD RDZOGS PA'I SKU'I SKU DNGOS KYI GDUL BYAR GYUR PA'I DE 'DRA BA MED PA'I PHYIR, RTAGS KHAS, 'DOD NA, JI LTAR MOS PAS RAB TU PHYE BA NI SANGS RGYAS DANG BYANG CHUB SEMS DPA' DANG NYAN THOS LA SOGS PA'I SPYOD YUL DU RNAM PAR BZHAG PA YIN NO ZHES GSUNGS PA MI 'THAD PAR THAL, 'DOD PA'I PHYIR, GZHAN YANG, DE 'DRA'I SPRUL SKU DE CHOS CAN, KHYOD SPRUL SKU MA YIN PAR THAL, KHYOD LONGS SKU YIN PA'I PHYIR TE, KHYOD NGES PA LNGA

040b

LDAN GYI GZUGS SKU YIN PA'I PHYIR TE, KHYOD SKU NGES PA MTSAN DPE GSAL RDZOGS KYIS SPRAS PA DANG, GNAS NGES PA 'OG MIN KHO NAR BZHUGS PA DANG, 'KHOR NGES PA BYANG 'PHAGS SHA STAG GIS BSKOR BA DANG, CHOS NGES PA THEG CHEN GYIS CHOS 'BA' ZHIG GSUNGS PA DANG, DUS NGES PA 'KHOR BA MA STONG GI BAR DU BZHUGS PA'I GZUGS SKU YIN PA'I PHYIR, DANG PO DANG THA MA GNYIS SLA, BAR BA GSUM GRUB STE, DE 'DRA BA'I SPRUL SKU GCIG YOD PA'I PHYIR, KHO NA RE, LONGS SPYOD RDZOGS PA'I SKU'I SKU DNGOS KYI GDUL BYA YIN NA BYANG SEMS SA BCU PA PA YIN DGOS PAR THAL, 'GREL PAR, BYANG CHUB SEMS DPA' CHEN PO SA BCU PA LA ZHUGS PA RNAMS DANG THABS GCIG TU THEG PA CHEN PO'I CHOS KYI LONGS SPYOD KYIS, ZHES GSUNGS PA'I PHYIR NA MA KHYAB STE, MTSAN GZHI BZUNG BA TZAM YIN PA'I PHYIR, KHO NA RE, LONGS SKU YIN NA, 'KHOR NGES PA BYANG SEMS 'PHAGS PA SHA STAG GIS BSKOR BAS MA KHYAB STE, RGYAL BA 'OD DPAG MED DE LONGS SPYOD RDZOGS PA'I SKU YIN PA'I PHYIR TE, DE DANG RGYAL BA MI 'KHRUGS PA SOGS LONGS SKUR BSHAD PA'I PHYIR ZER NA MA KHYAB, RGYAL BA 'OD DPAG MED CHOS CAN, 'OG MIN GYI RTEN CAN GYI GANG ZAG YIN PAR THAL, LONGS SPYOD RDZOGS PA'I SKU YIN PA'I PHYIR, 'DOD NA, GZUGS KYI RTEN CAN GYI GANG ZAG TU THAL, 'DOD PA'I PHYIR, 'DOD NA, BDE BA CAN DE GZUGS KHAMS YIN PAR THAL, 'DOD PA'I PHYIR, 'DOD MI NUS TE, DE KHAMS GSUM GANG RUNG DU MA GTOGS PA'I PHYIR TE, DE DAG PA'I ZHING YIN PA'I PHYIR, KHO

041a

, ,NA RE; LONGS SKU'I 'KHOR GYI BYANG SEMS DE SA BCU PA LA GNAS PA'I BYANG SEMS KHO NA LA BYED RIGS TE, GZHUNG MANG PO LAS SA BCU PA LA GNAS PA'I BYANG SEMS ZHES 'BYUNG ZHING, 'GREL BSHAD TSIG GSAL LAS KYANG DE DANG MTHUN PAR BSHAD PA'I PHYIR, ZHES ZER NA MA KHYAB BO, ,DES MTSON NAS GZHAN YANG SHES PAR BYA'O, ,KHA CIG ,GZUGS SKU GNYIS GDUL BYA'I GZHAN SNANG TZAM YIN GYI SANGS RGYAS RANG SNANG LA MED DO ZHE NA, GZUGS SKU GNYIS CHOS CAN; KHYOD GTAN NAS MED PAR THAL, KHYOD THAMS CAD MKHYEN PA'I YE SHES KYIS MA GZIGS PA'I PHYIR, MA GRUB NA, SANGS RGYAS RANG SNANG LA YOD PAR THAL LO, ,KHO NA RE, SANGS RGYAS 'PHAGS PAS CHOS NYID LA RTZE GCIG TU MNYAM PAR BZHAG PA'I MNYAM GZHAG YE SHES KYI GZIGS NGOR GZUGS SKU GNYIS MED PA DE DE GNYIS SANGS RGYAS RANG SNANG LA MED PA'I DON YIN ZHES ZER NA, DE 'DRA'I MNYAM GZHAG YE SHES CHOS CAN, KHYOD KYI GZIGS NGOR GZUGS SKU GNYIS YOD PAR THAL, KHYOD KYIS SHES BYA JI SNYED PA THAMS CAD LAG MTHIL DU SKYU RU RA BZHAG PA LTAR MNGON SUM DU GZIGS PA'I PHYIR, KHA CIG ,GZUGS SKU GNYIS SANGS RGYAS RANG RGYUD KYIS MA BSDUS ZER NA, GZUGS SKU GNYIS GANG ZAG SU GANG GI RGYUD KYIS MA BSDUS PA YIN NAM, DE GDUL BYA'I RGYUD KYIS BSDUS, DANG PO LTAR NA, BYANG SEMS 'PHAGS PAS SBYIN PA GTONG BA DANG TSUL KHRIMS BSRUNG BA SOGS RANG RGYUD LA GOMS PAR BYAS PA LAS 'BRAS BU MTHAR THUG THOB PA

041b

MI SRID PAR THAL, BSOD NAMS KYI TSOGS GOMS PA'I 'BRAS BU MTHAR THUG PA DE GANG ZAG GANG GI RGYUD KYIS THOB PA MI SRID PA'I PHYIR TE, GZUGS SKU GNYIS GANG ZAG SU GANG GI RGYUD KYIS BSDUS PA MI SRID PA'I PHYIR, KHO NA RE, SKYON MED DE, SA BCU RGYUN MTHA'I BAR DU RANG RGYUD KYIS BSDUS PA'I TSOGS GNYIS GOMS PAR BYAS PAS SANGS RGYAS PA'I TSE RIG PA RGYUN CHAD NAS DE BZHIN NYID RNAM PAR DAG PA'I RANG BZHIN 'BA' ZHIG TU 'GYUR BA YIN NO ZHE NA, 'O NA RGYANG 'PHEN GYIS 'CHI KHA TSUN CHAD DU RIG PA YOD KYI DE PHAN CHAD NA MED PAR KHAS BLANGS PA LA GNOD PA CUNG ZAD KYANG MED PAR THAL, DAM BCA' DE'I PHYIR, GNYIS PA LTAR NA, GANG ZAG LHAS BYIN GYI GTONG SEMS DANG SPONG SEMS MTHAR THUG PA NA, DE DANG RGYUD THA DAD DU GYUR PA'I MCHOD SPYIN TSE RING BA DANG LONGS SPYOD CHE BA'I MTHAR THUG PAR 'DOD RIGS PAR THAL, GZUGS SKU GNYIS GDUL BYA'I RGYUD KYIS BSDUS PA'I PHYIR, KHA CIG ,GZUGS SKU GNYIS SANGS RGYAS MA YIN ZER NA, NGAG SMRA DE DAG SMRA BA'I SKYES BU PHA ROL BO KUN MKHYEN MA YIN PAR SGRUB PA'I RTAGS YANG DAG TU THAL, DAM BCA' DE'I PHYIR, KHO NA RE, DAM BCA' DER THAL, SUM BRGYA PAR, GANG DAG NGA LA GZUGS SU MTHONG, ,GANG DAG NGA LA SGRAR SHES PA, ,LOG PA'I LAM DU ZHUGS PA STE, ,SKYE BO DE DANG, NGA MI MTHONG,, ZHES GSUNGS PA'I PHYIR NA MA KHYAB STE, GZUGS SKU GNYIS SANGS RGYAS MIN PA'I SHES BYED DU LUNG DE 'DREN MI RIGS PA'I PHYIR TE, LUNG DE GSUNG BA PO BCOM LDAN 'DAS MA YIN PA'I PHYIR TE, DE SANGS RGYAS MA YIN PA'I PHYIR TE, GZUGS

042a

, ,SKU GNYIS SANGS RGYAS MA YIN PA'I PHYIR, KHA CIG ,SANGS RGYAS KYI SA NA BEM POS BSDUS PA'I RDUL PHRA RAB BSAGS PA'I LUS YOD ZER NA, SHES BYA CHOS CAN, DE MED PAR THAL, YE SHES CHOS SKU DE GDUL BYA'I SNANG DOR GZUGS SKUR SNANG BA YIN PA'I PHYIR TE, YE SHES CHOS SKU DE GDUL BYA LA GZUGS SKUR SNANG BA'I PHYIR TE, SNYING PO'I RGYAN LAS, MCHOG GI SPRUL PA'I SKU NYID YE SHES CHOS KYI SKU NYID SO SO SKYE BO 'GA' ZHIG LA MTSAN DPES SPRAS PA'I GZUGS KYI SKUR SNANG BA DGA' LDAN GYI GNAS NAS 'PHO BA LA SOGS PA'I RIM PAS BYANG CHUB KYI SHING DRUNG DU MNGON PAR RDZOGS PAR 'TSANG RGYA BA'I TSUL BSTAN PA DE NYID DO, ,ZHES PA DANG, DES NA SANGS RGYAS KYI YE SHES NYID GDAGS PA'I GZHIR BYAS NAS GZUGS KYI SKUR RNAM PAR BZHAG PA YIN GYI, BEM POS BSDUS PA'I RDUL PHRA RAB BSAGS PA'I LUS NI CUNG ZAD KYANG MED PAR SHES PAR BYA'O, ,ZHES GSUNGS PA'I PHYIR, GZHAN YANG, BEM PO YOD PAR THAL, DAM BCA' DE'I PHYIR, 'DOD NA, PHYI DON YOD PAR THAL LO, ,KHA CIG ,GZUGS SKU GNYIS SANGS RGYAS RANG RGYUD KYIS BSDUS PA'I SHES PA YIN ZHES ZER NA, SHES BYA CHOS CAN, DE GNYIS RNAM MKHYEN YIN PAR THAL, DAM BCA' DE'I PHYIR, 'DOD NA, DE CHOS CAN, YE SHES CHOS SKU YIN PAR THAL LO, ,'DOD NA, DE CHOS CAN, SANGS RGYAS KHO NA'I MNGON SUM GYI SPYOD YUL DU THAL LO, ,KHA CIG ,GZUGS SKU GNYIS SANGS RGYAS MA YIN TE, GAL TE YIN NA, BEEd'URYA'I SA GZHI GTZANG MA LA SHAR BA'I

042b

BRGYA BYIN GYI GZUGS BRNYAN DE BRGYA BYIN YIN PAR THAL, GDUL BYA'I MIG SHES LA GZUGS SKUR SNANG BA'I GZUGS SKU GNYIS SANGS RGYAS YIN PA'I PHYIR NA MA KHYAB, KHYAB PAR THAL, RGYUD BLAR, JI LTAR BEEd'UR SA GZHI GTZANG MA LA, ,LHA DBANG LUS KYI GZUGS BRNYAN 'CHAR BA BZHIN, ,DE BZHIN 'GRO BA'I SA GZHI GTZANG MA LA, ,THUB PA'I DBANG PO'I SKU YI GZUGS BRNYAN 'CHAR, ,ZHES GSUNGS PA'I PHYIR NA MA KHYAB STE, LUNG DES BEEd'URYA'I SA GZHI GTZANG MA LA BRGYA BYIN GYI GZUGS BRNYAN SHAR BA BZHIN DU, GDUL BYA LAS DAG PA'I MIG SHES LA GZUGS SKU SNANG BA DE BSTAN PA'I PHYIR, KHA CIG ,MCHOG GI SPRUL SKU DE LONGS SKU'I GZUGS BRNYAN YIN TE, RGYUD BLA MAR, GZUGS BRNYAN GYI NI RANG BZHIN PHYIR, ,SPRUL PA GSER GYI GZUGS LTA BU, ,ZHES GSUNGS PA'I PHYIR NA MA KHYAB STE, LUNG DES ZLA BAS BDAG RKYEN BYAS NAS CHU'I NANG DU ZLA BA'I GZUGS BRNYAN 'CHAR BA BZHIN DU, LONGS SKUS BDAG RKYEN BYAS NAS GDUL BYA LAS DAG PA LA SPRUL SKU'I SNANG BA 'CHAR BA DE BSTAN PA'I PHYIR, GZHAN YANG, MCHOG GI SPRUL SKU'I BYAD BZHIN DE LONGS SKU'I BYAD BZHIN YIN PAR THAL, DAM BCA' DE'I PHYIR, 'DOD NA, DE CHOS CAN, BYAD BZHIN GYI GZUGS BRNYAN YIN PAR THAL, 'DOD PA'I PHYIR, 'DOD MI NUS TE, BYANG BZHIN YIN PA'I PHYIR, KHA CIG ,LONGS SKU DANG DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I SPRUL SKU DE 'OG MIN KHO NAR BZHUGS ZER NA, DE'I CHED DU BYA BA'I GDUL BYA DE LONGS SKU'I CHED DU BYA BA'I GDUL BYA YIN PAR THAL, DAM BCA' DE'I PHYIR, 'DOD MI NUS TE, DE SPRUL SKU'I CHED DU BYA BA'I GDUL BYA YIN PA'I PHYIR TE, CHOS CAN DE'I

043a

, ,PHYIR; KHA CIG ,LONGS SKU'I GNAS 'OG MIN DE GNAS GTZANG LNGA'I NANG TSAN GYI 'OG MIN LA BYED ZER NA, LONGS SKU'I CHED DU BYA BA'I GDUL BYA PHYIR MI 'ONG YOD PAR THAL, DAM BCA' 'THAD PA GANG ZHIG ,GNAS GTZANG LNGA'I NANG TSAN DU GYUR PA'I 'OG MIN GYI RTEN CAN GYI PHYIR MI 'ONG YOD PA'I PHYIR TE, GZUGS SU NYER 'GRO'I PHYIR MI 'ONG 'OG MIN MTHAR THUG 'GRO YOD PA'I PHYIR, KHA CIG ,LONGS SKU BZHUGS PA'I GNAS 'OG MIN DE GZUGS KHAMS MA YIN TE, LONGS SKU DE GZUGS KHAMS KYI RTEN CAN MA YIN PA'I PHYIR, MA GRUB NA, GZUGS KHAMS KYI RTEN LA LCE'I RNAM PAR SHES PA YOD PAR THAL, MA GRUB PA DE'I PHYIR, KHYAB STE, LONGS SKU'I RGYUD LA LCE'I RNAM SHES YOD PA'I PHYIR TE, 'DI LA RO MI ZHIM PAR MCHOG SNANG, ,ZHES GSUNGS PA'I PHYIR, 'DOD NA, DE NA DRI RO YOD PAR THAL, 'DOD PA'I PHYIR, 'DOD MI NUS TE, KUN BTUS LAS, DE NA DRI DANG RO NI RANG BZHIN GYIS MED DE, KHAM ZAS LA 'DOD CHAGS DANG BRAL BA'I PHYIR, ZHES GSUNGS PA'I PHYIR ZER NA, GZUGS KHAMS NA MI DGE BA MED PAR THAL, MDZOD LAS, DE LAS 'GYONG GNYID MI DGE RNAMS, ,BSAM GTAN DANG PO DAG NA MED, ,CES GSUNGS PA'I PHYIR, KHYAB PA KHAS, KHO NA RE, SKYON MED DE, GZUGS KYI SAS BSDUS KYI MI DGE BA MED PA LUNG DE'I DON YIN PA'I PHYIR ZER NA, LUNG SNGA MA LA YANG DE DANG MTSUNGS SO, ,GZHAN YANG, GZUGS KHAMS NA LCE'I RNAM SHES YOD PAR THAL, DE NA SNA'I RNAM SHES YOD PA'I PHYIR TE, GZUGS KYI

043b

BAR SRID KYI RTEN LA SNA'I RNAM PAR SHES PA YOD PA GANG ZHIG ,DE 'DRA BA DE GZUGS KHAMS PA YIN PA'I PHYIR, DANG PO MA GRUB NA, DE CHOS CAN, KHYOD KYI RGYUD LA SNA'I RNAM SHES YOD PAR THAL, KHYOD DRI ZA YIN PA'I PHYIR TE, KHYOD BAR SRED KYI SEMS CAN YIN PA'I PHYIR; KHYAB STE, MDZOD LAS, MI LDOG DE NI DRI ZA'O, ,ZHES GSUNGS PA'I PHYIR, ` RANG LUGS LA, LONGS SKU LA MTSAN NYID, MTSAN GZHI, KHYAD CHOS YON TAN RGYAS PAR BSHAD PA DANG GSUM LAS, DANG PO NI, NGES PA LNGA DANG LDAN PA'I MTHAR THUG PA'I GZUGS SKU, LONGS SKU'I MTSAN NYID, NGES PA LNGA YANG YOD DE, GNAS NGES PA 'OG MIN STUG PO BKOD PA KHO NAR BZHUGS PA, 'KHOR NGES PA BYANG 'PHAGS SHA STAG GIS BSKOR BA, CHOS NGES PA THEG CHEN GYI CHOS 'BA' ZHIG GSUNGS PA, SKU NGES PA MTSAN DPE GSAL RDZOGS KYIS SPRAS PA, DUS NGES PA 'KHOR BA MA STONG GI BAR DU BZHUGS PA RNAMS SU YOD PA'I PHYIR TE, TSIG GSAL LAS, GZHAN GANG DAG LAS LONGS SPYOD RDZOGS PA'I SKU MYA NGAN LAS 'DA' BAR BSHAD PA DE DAG NI SNGAR BSHAD PA LTAR SPRUL PA'I SKU LA LONGS SPYOD RDZOGS PA'I SKUR BTAGS PA'I DBANG DU BYAS PA YIN GYI, LONGS SPYOD RDZOGS PA'I SKU YE SHES RNAM PAR DAG PA'I GZHIR GYUR PA NA NAM YANG MYA NGAN LAS MI 'DA' BA'I SKAD CIG MA'I RGYUN CAN NYID DU NI GNAS PAR GSUNGS SO, ,ZHES GSUNGS PA'I PHYIR, NGES PA LNGA'I THA SNYAD BYED PA YANG MDO DANG BSTAN BCOS RNAMS SU PHYOGS RE TZAM BSTAN PA SNA BSDUS NAS BYAS PA YIN GYI, DE RNAMS PHYOGS GCIG TU BSDOMS NAS

044a

, ,STON PA'I TSAD LDAN GYI GZHUNG MED DE, LEGS BSHAD GSER PHRENG LAS, 'DI LA NGES PA LNGA LDAN DU SMRA BA NI, DON BSDUS SGRON MER, NGES PA BZHI STE 'KHOR DANG NI, ,GNAS DANG STON PA CHOS SU STE, ,ZHES PA TZAM LAS MA MTHONG LA, 'DIS NI KHUNGS MI THUB CING DER MA ZAD THEG BSDUS LTAR NA DE LA GNOD PA YANG SNANG BAS DPYAD PAR BYA'O, ,ZHES GSUNGS PA'I PHYIR, THEG BSDUS KYI GNOD PA NI, THEG BSDUS LAS RGYAL BA 'OD DPAG MED LONGS SKUR BSHAD PAS SO, ,SKABS 'DI'I MDOS KYANG GNAS NGES PA MA GTOGS NGES PA BZHI BSTAN LA, RTZA BAR SKU NGES PA DANG CHOS NGES PA GNYIS DNGOS SU BSTAN NAS 'GREL PAR DE'I STENG DU 'KHOR NGES PA DANG GSUM DNGOS SU BSTAN TO, ,'DI'I 'KHOR GYI BYANG 'PHAGS DE GANG LA BYED CE NA, GZHUNG KHA CIG LAS, SA BCU PA LA GNAS PA, ZHES 'BYUNG LA, DE DANG MTHUN PAR SLOB DPON CHEN POS KYANG BZHED LA, NYI SNANG DANG NYI KHRI RNAM 'GREL LAS NI, BYANG CHEN SA CHEN PO LA BZHUGS PA RNAMS ZHES PA TZAM LAS MA GSUNGS LA, RANG LUGS NI SA THOB PA'I BYANG SEMS THAMS CAD LA BYED PA YIN TE, GZHUNG KHA CIG LAS, SA BCU LA GNAS PA, ZHES 'BYUNG ZHING, RGYAN SNANG LAS, BYANG CHEN SA LA BZHUGS PA RNAMS DANG, ZHES DANG, SHER SGRON DANG GRAGS CHAR YANG DE LTAR BSHAD CING, DAG LDAN LAS KYANG, BYANG SEMS SA THOB PA RNAMS KYI RDZOGS PAR LONGS SPYOD PA'O, ,ZHES GSUNGS PA'I PHYIR, DE DANG MTHUN PAR DPAL

044b

LDAN ZLA BAS KYANG BZHED DE, SKYABS 'GRO BDUN CU PA LAS, SANGS RGYAS RNAMS KYI GZUGS SKU NI, ,MTSAN DANG DPE BYAD RAB 'BAR ZHING, ,SKYE BO RNAMS LAS SNA TSOGS GZUGS, ,RANG MOS DBANG GIS 'DZIN PAR BYED, ,BSOD NAMS TSOGS NI DPAG MED LAS, ,BYUNG BA DE NI RGYAL BA'I SRAS, ,SA BCU LA NI GNAS RNAMS KYIS, ,DE LTA BU YI SKUR GZIGS SO, ,'DI DE CHOS RDZOGS LONGS SPYOD LAS, ,RGYAL SRAS RNAMS KYI SPYAD BYA'O, ,ZHES SOGS GSUNGS PA'I PHYIR, GNYIS PA NI, 'OG MIN GYI RTEN CAN GYI RGYAL BA RDO RJE 'CHANG LTA BU'O, ,GSUM PA LA, RGYUD BLAR GSUNGS TSUL DANG, MDO SDE'I RGYAN LAS GSUNGS TSUL DANG, SANGS RGYAS KYI MTSAN DPE'I YON TAN BYE BRAG TU BSHAD PA'O, , DANG PO NI, LONGS SPYOD RDZOGS PA'I SKU CHOS CAN, KHYAD CHOS LNGA DANG LDAN TE, SKU STON PA DANG, GSUNG BRJOD PA DANG, THUGS MDZAD PA RGYUN MI 'CHAD PA GSUM DANG, DE DAG LA 'BAD RTZOL GYI MNGON PAR 'DU BYED PA MED PA DANG, RGYUD THA DAD PA LTA BU DU MAR SNANG YANG DE LTAR DU MA GRUB PAR STON PA'I KHYAD PAR LNGA DANG LDAN PA'I PHYIR, RTAGS DANG PO GNYIS GRUB STE, DRANG NGES SNA TSOGS PA'I CHOS LA RDZOGS PAR LONGS SPYOD PA'I RANG BZHIN GANG ZHIG ,GSUNG GI CHOS RGYUN MI 'CHAD DU SNANG BA'I GZUGS SKU YIN PA'I PHYIR, GSUM PA GRUB STE, THUGS RJE CHEN PO DAG PA'I RGYU MTHUN PA'I BYANG CHEN RNAMS DANG, BRGYUD NAS RIGS CAN GSUM GA'I 'GRO DON RGYUN MI 'CHAD DU MDZAD PA'I PHYIR, BZHI PA GRUB STE, BSHAD MA THAG PA'I

045a

, ,YON TAN GSUM PO DE LA 'BAD RTZOL GYI RNAM RTOG MED CING GDUL BYA'I 'DOD PA JI LTA BA BZHIN DU YONGS SU SKOR BAR MDZAD PA'I PHYIR, LNGA PA GRUB STE, YID BZHIN GYI NOR BU'I MTHUN PA'I NGO BO DANG KHA DOG SNA TSOGS SU MA GRUB KYANG, TSON SNA TSOGS DANG 'PHRAD PA NA NOR BU DE RANG GI KHA DOG DNGOS MA YIN PAR, TSON DE DANG DE'I KHA DOG TU SNANG BA LTAR, RANG GI BSAM PA SNA TSOGS PA'I 'GRO BA'I RKYEN SNA TSOGS PA'I DBANG GIS KHYAB BDAG LONGS SKU RANG GI SKU DNGOS MA YIN PAR SNA TSOGS SU SNANG YANG SNANG BA LTAR MA GRUB PA'I GZUGS SKU YIN PA'I PHYIR, DE LTAR YANG, RGYUD BLA MA LAS, BRJOD STON MDZAD RGYUN MI 'CHAD DANG, ,MNGON PAR 'DU BYED MED PA DANG, ,DE YI NGO BO MIN STON LA, ,'DIR NI SNA TSOGS RNAM LNGAR BRJOD, ,JI LTAR TSON NI SNA TSOGS KYIS; ;NOR BU DE DNGOS MIN SNANG LTAR, ,DE BZHIN 'GRO RKYEN SNA TSOGS KYIS, ,KHYAB BDAG DE DNGOS MIN PAR SNANG, ,ZHES GSUNGS PA'I PHYIR, GNYIS PA NI, LONGS SPYOD RDZOGS PA'I SKU CHOS CAN, KHYAD CHOS DRUG DANG LDAN TE, KHAMS KUN TU KUN TU BZANG PO LA SOGS PA'I 'KHOR YONGS SU SDUD PA'I KHYAD PAR, BEEd'URYA LA SOGS PA'I ZHING GI KHYAD PAR, DBANG PO'I TOG LA SOGS PA'I MTSAN GYI KHYAD PAR, CHE CHUNG LA SOGS PA'I SKU'I KHYAD PAR, BLO GROS MI ZAD PA LA SOGS PA CHOS LA RDZOGS PAR LONGS SPYOD PA'I KHYAD PAR, MDZAD PA 'PHRIN LAS DAG GI THA DAD PA'I KHYAD PAR RNAMS DANG LDAN PA'I PHYIR TE, DE LTAR YANG, MDO SDE'I RGYAN LAS, LONGS SPYOD RDZOGS PA KHAMS KUN TU, ,'KHOR YONGS SDUD DANG ZHING DANG MTSAN, ,SKU DANG CHOS

045b

RDZOGS LONGS SPYOD DANG, ,MDZAD PA DAG GI THA DAD DE, ,ZHES GSUNGS PA'I PHYIR, GSUM PA LA, NGO BO, DBYE BA, SANGS RGYAS KYI MTSAN DPE MCHOG TU BSGRUB PA, THOB BYED KYI RGYU BSHAD PA'O, ,DANG PO NI, RANG GI BDAG RKYEN DU GYUR PA'I BSAM GTAN GYI DNGOS GZHI'I SEMS LA BRTEN NAS DE BZHIN GSHEGS PA RNAMS SKYES BU DAM PAR MTSON PAR BYED PA'AM, DE BZHIN GSHEGS PA'I THUGS RGYUD KYI YON TAN GZHAN DAG GI GO BYED GANG RUNG DU GYUR PA'I RNAM DKAR GYI YON TAN DE, SANGS RGYAS KYI MTSAN DPE'I YON TAN GYI MTSAN NYID YIN TE, MDO SDE'I RGYAN LAS, LUS CAN RNAMS KYIS KHYOD MTHONG NA, ,SKYES BU DAM PA LEGS PAR MTHONG, ,MTHONG BA TZAM GYIS RAB DANG BAR, ,MDZAD PA KHYOD LA PHYAG 'TSAL LO, ,ZHES GSUNGS PA'I PHYIR DANG, KUN BTUS LAS, MTSAN DANG DPE BYAD BZANG PO RNAMS KYIS LAS CI MDZAD CE NA, MTHONG MA THAG TU SKYES BU CHEN PO NYID DU YID CHES PAR MDZAD PA'O, ,ZHES GSUNGS PA'I PHYIR, GNYIS PA NI, DE LA DBYE NA, MTSAN DANG DPE BYAD KYI YON TAN GNYIS LAS; RANG GI BDAG RKYEN DU GYUR PA'I BSAM GTAN GYI DNGOS GZHI LA BRTEN NAS DE BZHIN GSHEGS PA RNAMS SKYES BU DAM PAR MTSON PAR BYED PA'I RNAM DKAR GYI YON TAN, SANGS RGYAS KYI MTSAN BZANG GI YON TAN GYI MTSAN NYID, DE LA BRTEN NAS DE BZHIN GSHEGS PA'I THUGS RGYUD KYI YON TAN RNAM DAG GDUL BYA GZHAN DAG LA GO BAR BYED PA'I RNAM DKAR GYI YON TAN, SANGS RGYAS KYI DPE BYAD KYI YON TAN GYI MTSAN NYID, 'O NA MTSAN DPE 'DI DAG GZUGS SHES LDAN MIN 'DU BYED

046a

, ,GSUM PO GANG YIN ZER NA, 'DI LA MKHAS PA KHA CIG DE RNAMS LA SHES PA DANG RNAM SMIN GYI CHAR GYUR PA'I DBYIBS DANG KHA DOG SOGS DU MA YOD DE, KUN BTUS LAS, MTSAN DANG DPE BYAD BZANG PO GANG ZHE NA, BSAM GTAN LA BRTEN NAS MTSAN DANG DPE BYAD BZANG POS BRGYAN PA'I SKU STON PA DANG YANG DAG PAR 'BYOR BA'I TING NGE 'DZIN DANG SHES RAB GANG YIN PA DANG, DE DAG DANG MTSUNGS PAR LDAN PA'I SEMS DANG SEMS LAS BYUNG BA'I CHOS RNAMS DANG, DE DAG LAS BYUNG PA'I RNAM PAR SMIN PA'O, ,ZHES GSUNGS PA'I PHYIR, ZHES GSUNGS, KHA CIG ,DE RNAMS SHES PA YIN ZER NA, MTSAN DPE RNAMS YE SHES CHOS SKU YIN PAR THAL, DE SHES PA YIN PA'I PHYIR, 'DOD NA, DE CHOS CAN, SANGS RGYAS 'PHAGS PA KHO NA'I MNGON SUM GYI SPYOD YUL DU THAL, 'DOD PA'I PHYIR, 'DOD MI NUS TE, BYANG 'PHAGS KYI MNGON SUM GYI SPYOD YUL YIN PA'I PHYIR, DE DER THAL, SANGS RGYAS KYI MTSAN DPE DE RNAMS BYANG 'PHAGS KYI MNGON SUM GYI SPYOD YUL YIN PA'I PHYIR TE, GZUGS SKU GNYIS PO DE DE YIN PA'I PHYIR, KHA CIG ,DE RNAMS KHA DOG DANG DBYIBS CI RIGS KYIS BSDUS PA'I GZUGS YIN TE, DE RNAMS MIG SHES KYI GZUNG BYA YIN PA'I PHYIR TE, DE RNAMS MNGON SUM DU MTHONG BA'I SEMS CAN YOD PA'I PHYIR, ZHES GSUNGS, DE YANG MI 'THAD DE, DER GYUR PA'I SHES PA YOD PA'I PHYIR, RTAGS 'OG TU SGRUB BO, ,DANG PO LA DBYE NA SO GNYIS SU YOD DE, DE LA PHYAG ZHABS KYI 'KHOR LO'I MTSAN DANG, RUS SBAL GYI LTO BZHIN ZHABS MTHIL MNYAM PA DANG,

046b

PHYAG ZHABS KYI SOR MO RNAMS NGANG PA LTAR DRA BAR 'BREL BA DANG, PHYAG ZHABS RNAMS 'JAM ZHING GZHON SHA CHAGS PA DANG, PHYAG ZHABS KYI RGYA BA BZHI DANG PHRAG PA'I THAL GONG GNYIS DANG LTAG PA'I RGYAB STE, BDUN SHES KHENGS TE MTHO BA DANG, SOR MO RNAMS RING BA DANG, ZHABS MTHIL GYI BZHI CHA PHYIR 'PHAGS PA'I RTING PA YANGS PA DANG, SKU CHE ZHING DRANG BA DANG, ZHABS KYI LHANG DANG LONG BU CHER MI MNGON PA DANG, SKU'I SPU RNAMS RE RE NAS GYEN DU PHYOGS PA STE BCU DANG, ZHABS KYI BYIN PA ZLUM ZHING RGYAS PA RI DVAGS AE NA YA'I 'DRA BA DANG, PHYAG RING ZHING MDZES PA DANG, 'DOMS KYI SBA BA SPUBS SU NUB PA DANG, LPAGS PA'I MDOG GSER LTAR DAG CING GSAL BA DANG, LPAGS PA SRAB CING 'JAM PA DANG, BA SPU'I KHUNG BU RE RE NAS SPU GNYIS GNYIS MED PAR RE RE G-YAS SU 'KHYIL BA DANG, SMIN MTSAMS SU MDZOD SPUS BRGYAN PA DANG, RO STOD SENG GE LTAR RGYAS PA DANG, DPUNG MGO BUM PA'I MGRIN PA LTAR ZLUM PA DANG, DPUNG MGO PHAN TSUN GYI BAR THAL GONG RGYAS PA STE BCU DANG, RO MCHOG TU SNANG ZHING MKHYEN PA DANG, SKU'I YAN MAN DANG 'DOM MNYAM PA N+YA GRO TA LTAR CHU ZHENG GAB PA DANG, DBU GTZUG TOR DANG LDAN PA DANG, LJAGS RING ZHING MDZES PA DANG, GSUNG SHES SHING RNAM PAR SHES PAR 'GYUR BA DANG, MNYAM PAR 'OS SHING MI MTHUN PA MED PA DANG, ZAB CING RJES SU SGROGS PA DANG, BTANG MI ZA ZHING RNAR SNYAN PA DANG, MA 'KHRUGS SHING GSAL BA'I YAN LAG LNGA LDAN GYI TSANGS DBYANGS DANG LDAN PA DANG, 'GRAM PA ZLUM ZHING RGYAS PA SENG GE'I 'DRA BA DANG, TSE MAS SHIN TU DKAR

047a

, ,PA DANG, TSEMS TSAD MNYAM PA DANG, BAR MTSAMS MA DOD PA'I TSEMS THAGS BZANG BA DANG, TSEMS BZHI BCU TSANG BA DANG, DKAR NAG GI CHA MA 'DRES PA SOGS KYI SPYAN NOR BU MTHON MTHONG DANG 'DRA BA DANG, STENG 'OG GI RDZI MA RNAMS LEGS PAR GZHOL ZHING MA 'DRES PA BA'I RDZIM LTA BU DANG BCU GNYIS TE SO GNYIS SU YOD PA'I PHYIR RO, ,GNYIS PA DPE BYAD LA DBYE NA BRGYAD CU YOD DE, LONGS SKU'I SEN MO ZANGS KYI MDOG LTA BU DANG, SEN MO'I MDOG SNUM PA DANG, SEN MO SHANG SHONG MED PAR MTHO BA DANG, SOR MO RNAMS ZLUM PA DANG, SOR MO RNAMS RGYAS PA DANG, SOR MO BYIN GYIS PHRA BA DANG, LUS KYI RTZA PHYI NAS MI MNGON PA DANG, RTZA LA MDUD PA MED PA DANG, ZHABS KYI LONG BU CHUNG BA MI MNGON PA DANG, ZHABS RING THUNG MED PAR MNYAM PA STE BCU DANG, SENG GE'I STABS SU GSHEGS PA DANG, GLANG PO CHE'I STABS SU GSHEGS PA DANG, NGANG PA LTAR NAM MKHAR GSHEGS PA DANG, KHYU MCHOG GI STABS SU SEMS CAN GYI SNA 'DREN PAR 'DOD PA'I GNAS SU GSHEGS PA DANG, G-YAS PHYOGS SU LDOG CING GSHEGS PA DANG, MDZES PAR GSHEGS PA DANG, MI G-YO BAR GSHEGS PA DANG, SHA RGYAS SHING 'GYING LEGS PAS SKU 'KHRIL BAG CHAGS PA DANG, GTZANG ZHING DAG PAS SKU BYI DOR BYAS PA LTA BU DANG, SKU RING THUNG DANG PHRA SPOM SOGS THAD KAR MA 'CHOL BAS RIM PAR 'TSAMS PA STE BCU DANG, SKU RNAM PAR DAG PAS GTZANG BA DANG, SKU 'JAM PA NYID DANG, SKU RNAM PAR DAG PA NYID DANG LDAN PA DANG, MTSAN RDZOGS PA DANG, SKU'I KHYON CHE ZHING KHO LAG YANGS PA DANG, GOM PA CHA CHUNG

047b

MED PAS SNYOMS PA DANG, SPYAN GNYIS RA RI SOGS MED PAR DAG PA DANG, SKU SHIN TU GZHON SHA CAN DANG, SKU SHA ZHUM PA MED PA DANG, SKU SHA RGYAS PA STE BCU DANG, SKU SHA MI LHOD PAS SKU SHIN TU GRIM PA DANG, PHYAG ZHABS SOGS YAN LAG DANG SOR TSIGS SOGS NYING LAG RING THUNG SOGS CHA PHYED PAS SHIN TU RNAM PAR 'BYES PA DANG, GZIGS PA GLO BUR GYI DRI MA'I RAB RIB MED PAR RNAM PAR DAG PA DANG, SKU'I PHYAL ZLUM PA DANG, RKENG SKABS 'TSAM PAS SKU SKABS PHYIN PA DANG, RKED PA HA CANG MI RING BAS SKU MA RNYONGS PA NYID DANG, SKU'I PHYAL PHYANG DE BA MTHO DMAN MED PA DANG, LTE BA GTING ZAB PA DANG, LTE BA'I RI MO G-YAS PHYOGS SU 'KHYIL BA DANG, SPYOD LAM KUN NAS MDZES PA DANG LDAN PA STE BCU DANG, SGO GSUM GYI KUN SPYOD GTZANG BA DANG, SKU LA SME BA DANG NAG PAGS MED PA DANG, PHYAG SHING BAL LTAR 'JAM PA DANG, PHYAG GI RI MO MDANGS GSAL BA DANG, PHYAG GI RI MO ZAB PA DANG, DE RING BA DANG, ZHAL HA CANG MI RING BA DANG, ZHAL LA GZUGS KYI GZUGS BRNYAN SNANG BA MCHU BIM PA LTAR DMAR BA DANG, LJAGS MNYEN PA DANG, LJAGS SRAB PA STE BCU DANG, LJAGS DMAR BA DANG, GSUNG 'BRUG GI SGRA DANG LDAN PA DANG, GSUNG SNYAN CING MNYEN LA 'JAM PA DANG, MCHE BA ZLUM PA DANG, MCHE BA RNO BA DANG, MCHE BA DKAR BA DANG, MCHE BA RING THUNG MED PAR MNYAM PA DANG, MCHE BA BYIN GYIS PHRA BA DANG, SHANGS GZENGS MTHO BA DANG, SHANG SA SNABS SOGS KYIS DAG PA'I GTZANG BA STE BCU DANG, SPYAN YANGS PA DANG, RDZIM MDZES SHING SDUG PA DANG, SPYAN DKAR NAG MA

048a

, ,'DRES PAR 'BYES SHING PADMA'I 'DAB MA RDZOGS PA LTA BU DANG, SMIN TSUGS RING BA DANG, SMIN MA 'JAM PA DANG, SMIN MA SNUM PA DANG, SMIN MA'I SPU RING THUNG MED PAS MNYAM PA DANG, PHYAG RING ZHING RGYAS PA DANG, SNYAN RING THUNG DANG CHE CHUNG MED PAR MNYAM LA DANG, SGRA LA 'JUG PA BYED PA SOGS SNYAN GYI DBANG PO MI NYAMS PA STE BCU DANG, DPRAL BA LEGS PAR 'BYES PAS SKRA MTSAMS LEGS PAR DOD PA DANG, DPRAL PA DBYES CHE BAS RGYAS PA DANG, DBU GDUGS LTAR SHIN TU RGYAS PA DANG, DBU SKRA BUNG BLTAR GNAG PA DANG, DBU SKRA BAR MTSAMS MED PAR STUG PA DANG, DBU SKRA 'JAM PA DANG, DBU SKRA MA 'DI NGES PA DANG, DBU SKRA MI RTZUB CING MI BSHOR BA DANG, DBU SKRA DRI ZHIM PA DANG, PHYAG DANG ZHABS KYI MTHE BONG LA RDO RJE'I RI MO LTA BU DPAL GYI BE'U DANG DE GNYIS KYI MTHIL LA RI MO GRU BZHI PA'I BKRA SHIS DANG DE'I MTHA' SRIN LAG LA SOGS PA'I ZHABS NA RI MO BDUN G-YAS SU 'KHYIL BA'I RGYAN G-YUNG DRUNG 'KHYIL BAS BSTAN PA DANG BCU STE BRGYAD CUR YOD PA'I PHYIR, DPAL BE'U THUGS NA YOD PAR GSUNGS PA YANG YOD DO, ,GSUM PA LA, KHO NA RE, MTSAN DPE 'DI DAG LONGS SPYOD RDZOGS SKU DANG SBYAR NAS BSHAD PA MI 'THAD DE, RGYUD BLAR, MTHONG NA TSIM BYED YON TAN GANG, ,SUM CU RTZA GNYIS ZHES BYA BA, ,SPRUL PA CHOS LA RDZOGS PAR NI; ;LONGS SPYOD RDZOGS SKU GNYIS LA BRTEN, ,ZHES GSUNGS, MTSAN SO GNYIS PO DE LONGS SKU DANG SPRUL SKU GNYIS KA LA YOD PAR BSHAD PA'I PHYIR ZHE NA, SKYON MED DE, SPRUL SKU LA DE YOD KYANG MTSAN DPE DE RNAMS KYI RGYUD LA SPYOD PA'I RNAM SMIN GYI 'BRAS BU DE 'OS? NI

048b

LONGS SKU'I MTSAN DPE YIN PAS NA DE RNAMS LONGS SKU DANG SBYAR NAS GSUNGS PA'I PHYIR, YANG, RIN CHEN PHRENG PAR, 'KHOR LOS SGYUR BA THAMS CAD LA, ,'DI DAG YOD PAR 'DOD MOD KYI, ,DAG DANG MDZES DANG GSAL BA NI, ,SANGS RGYAS RNAMS KYI CHAR MI PHOD,, CES GSUNGS PA'I PHYIR DANG,? MDZOD LAS, THUB MTSAN YUL NA GNAS PA DANG, ,GSAL LA RDZOGS PAS 'PHAGS PA YIN, ,ZHES GSUNGS PA'I PHYIR, 'O NA, MTSAN DANG, DPE BYAD GNYIS LA KHYAD PAR CI YOD CE NA, DE GNYIS LA KHYAD PAR YOD DE, MTSAN BZANG RNAMS GTZO BO DANG, DPE BYAD RNAMS 'KHOR YIN PAS GTZO 'KHOR GYI KHYAD PAR YOD PA'I PHYIR, GTZO 'KHOR DU 'GYUR TSUL YANG YOD DE, SEN MO ZANGS? MDOG NAS SOR MO BYIN GYIS PHRA BA'I BAR GYI DPE BYAD DRUG NI, PHYAG SOR RING BA'I MTSAN GYI 'KHOR DANG, DBU RGYAS PA DANG, DBU SKRA BUNG BA LTAR GNAG NAS DRI ZHIM PA DANG LDAN PA'I BAR GYI DPE BYAD DRUG DANG BDUN NI, GTZUG TOR DANG SPU GYEN DU PHYOGS PA DANG, SPU G-YAS SU 'KHYIL BA'I MTSAN GYI 'KHOR DANG, DPRAL BA 'BYES PA DANG DBYES? CHE BA GNYIS DANG SHANGS MTHOB DANG DAG? PA GNYIS TE BRGYAD KYI DPE BYAD RNAMS NI MDZOD SPU'I MTSAN GYI 'KHOR DANG, SPYAN YANGS SOGS SPYAN GYI DPE BYAD BZHI, SMIN TSUGS RING BA SOGS BZHI DANG BRGYAD NI SPYAN MTHON MTHING LTA BU'I MTSAN GYI 'KHOR DANG, RDZIM STUG PA'I DPE BYAD NI RDZIM PA'I RDZIM LTA BU'I MTSAN GYI 'KHOR DANG; GZIGS PA SGRIB MED DAG PA LA SPYAN MDZES PAR 'DZUM PA ZHES ZER RO, ,SNYAN MNYAM SOGS GNYIS KYI DPE BYAD NI 'GRAM PA SENG GE'I 'DRA BA'I 'KHOR DANG, ZHAL HA CANG MI RING BA SOGS GNYIS DANG, LJAGS MNYEN SOGS GSUM STE LNGA NI LJAGS

049a

, ,RING BA DANG RO BRO BA'I MCHOG MKHYEN PA GNYIS KYI 'KHOR DANG, GSUNG 'BRUG GI SGRA DANG, 'JAM MNYEN RNAMS TSANGS DBYANGS KYI 'KHOR DANG, MCHE BA ZLUM PA SOGS MCHE BA'I LNGA NI SHIN TU DKAR BA SOGS TSEMS KYI MTSAN BZHI'I 'KHOR DANG, RTZA MI MNGON PA DANG, MDUD PA MED PA, LONG BU MI MNGON PA, SKU GZHON SHA CAN, PHYAG 'JAM PA PHYAG RIS KYI GSUM STE BRGYAD NI, PHYAG ZHABS 'JAM ZHING GZHON SHA CHAGS PA DANG ZHABS LONG MI MNGON PA'I 'KHAR DANG, ZHABS MNYAM PA NI BYIN PA AE N+YA'I 'DRA BA DANG, RUS SBAL ZHABS KYI 'KHOR DANG, SENG GE SOGS GSHEGS STABS BDUN DANG GOM SNYOMS DANG BRGYAD NI SOR MO DRA BAS 'BREL BA DANG RTING BA YANGS PA GNYIS KYI 'KHOR DANG, SKU 'KHRIL BAG CHAGS PA NAS, DAG PA'I BAR BDUN DANG, MTSAN RDZOGS PA, KHO LAG YANGS PA, SKU MA ZHUM PA SOGS GSUM DANG, YAN LAG RNAM 'BYES SKU ZLUM PA NAS, PHYAL PHYANG NGE BA'I BAR BZHI DANG, KUN NAS LTA NA SDUG PA NAS, SME BA GNAG BAG MED PA'I BAR GSUM STE BCU DGU NI, SKU CHE ZHING DRAN BA BDUN MTHO BA, GSER MDOG 'DRA BA, LPAGS PA SRAB PA, DPUNG MGO ZLUM PA, THAL GONG RGYAS PA, RO STOD SENG GE 'DRA BA, CHU ZHENG GAB PA RNAMS KYI 'KHOR DANG, LTE BA ZAB PA DANG, G-YAS SU 'KHYIL BA GNYIS GSANG GNAS SPUBS SU NUB PA'I 'KHOR DANG, PHYAG RING ZHING RGYAS PA, PHYAG RING ZHING MDZES PA'I 'KHOR DANG, DPAL BE'U DANG BKRA SHIS NYA G-YUNG DRUNG 'KHYIL BA SOGS NI 'KHOR LO'I MTSAN DANG DRA BAS 'BREL BA'I 'KHOR YIN PA'I PHYIR,

049b

BZHI PA SHER PHYIN GYI MDO LAS NI, SNGON SLOB PA'I GNAS SKABS SU BLA MA LA SKYEL BSU LA SOGS PA BYAS PA NAS, KHONG KHRO BA LA SOGS PA MED PAR BLTAS PA'I DBANG PO GNYIS LA GOMS PAR BYAS PAS PHYAG ZHABS 'KHOR LO'I MTSAN NAS, RDZI MA PA'I RDZI MA LTA BU'I BAR MTSAN SO GNYIS DANG, 'DU BYED THAMS CAD LA 'DOD CHAGS DANG BRAL BA NAS, RNAM PA THAMS CAD DU MDZES PAR GYUR PA'I BAR BRGYAD CU LA GAMS PAR BYAS PAS DPE BYAD BRGYAD CU GRUB PAR BSHAD LA, DE DANG MTHUN PAR 'GREL PA 'DIR YANG BSHAD DO; ;MDO BSKAL BZANG LAS NI MTSAN SO GNYIS PO RE RE YANG PHAR PHYIN DRUG GI RGYU LAS BYUNG BAR BSHAD CING, DE YANG MDZOD SPU LTA BU LA MTSON NA, KHA DOG DKAR BA DANG, G-YAS SU 'KHYIL BA DANG, SPA ZHING ZIL GYIS MI NON PA DANG, DRANG NA KHRU GSUM LA SOGS PA RING BAR GNAS PA DANG, SHIN TU 'KHYIL ZHING LEGS PAR GNAS PA DANG, 'OD MTHA' YAS PAS KHYAB PA RNAMS RIM PA LTAR PHAR PHYIN DRUG GI 'BRAS BUR GSUNGS SO, ,DES NA RANG RGYAL SOGS 'GRUB PA'I BSOD NAMS BCU 'GYUR GYI TSOGS KYIS THUB PA'I BA SPU'I BU GA GCIG 'GRUB LA, BA SPU BU GA THAMS CAD 'GRUB PA'I BSOD NAMS BRGYA 'GYUR GYI TSOGS KYIS DPE BYAD GCIG 'GRUB PA DANG, DPE BYAD THAMS CAD 'GRUB PA'I BSOD NAMS BRGYA 'GYUR GYIS MTSAN GCIG 'GRUB PA DANG; MTSAN THAMS CAD 'GRUB PA'I BSOD NAMS STONG 'GYUR GYI TSOGS KYIS MDZOD SPU 'GRUB PA DANG, MDZOD SPU SKYED PA'I BSOD NAMS STONG PHRAG BRGYAR BSGYUR BA'I TSOGS KYIS GTZUG TOR 'GRUB LA, DE SKYED PA'I BSOD NAMS BYE BA 'BUM

050a

, ,PHRAG BRGYAR BSGYUR NAS SANGS RGYAS KYI GSUNGS DBYANGS YAN LAG DRUG CU 'GRUB PA YIN TE, RIN CHEN PHRENG BA LAS, BSOD NAMS BSAM GYIS MI KHYAB PAS, ,JI LTAR SANGS RGYAS MTSAN 'BYUNG BA, , THEG PA CHEN PO'I LUNG BSTAN LAS, ,RGYAL PO CHEN PO DE BZHIN GSON, ,RANG SANGS RGYAS KUN 'BYUNG BA DANG, ,SLOB DANG MI SLOB LAS 'BYUNG DANG, ,'JIG RTEN MA LUS KUN BSOD NAMS, ,'JIG RTEN BZHIN DU DPAG MED GANG DE BCUR BSGRES PAR GYUR PA YI, ,BA SPU'I BU GA GCIG 'GRUB STE, ,SANGS RGYAS BA SPU'I BU GA NI, ,THAMS CAD DE DANG 'DRA BAR 'BYUNG, ,BA SPU'I BU GA THAMS CAD NI, ,SKYED PAR BYED PA'I BSOD NAMS GANG, ,DE DAG BRGYAR NI BSGYUR BA YIS, ,DPE BYAD BZANG PO GCIG TU BZHED, ,BSOD NAMS JI SNYED DE SNYED KYIS, ,RGYAL PO DPE BYAD BZANG PO NI, ,RE RE MTHAR PHYIN DE LTA BUR, ,BRGYAD CU'I BAR DU 'BYUNG BAR 'GYUR, ,DPE BYAD BZANG PO BRGYAD CU DAG , 'GRUB PA'I BSOD NAMS TSOGS GANG YIN, ,DE DAG BRGYAS NI BSGYUR BA YIS, ,SKYES BU CHEN PO'I MTSAN GCIG GO ,MTSAN NI SUM CU 'GRUB PA'I RGYU, ,BSOD NAMS RGYA CHEN GANG YIN PA, ,DE DAG STONG DU BSGYUR BA YIS, ,ZLA BA NYA 'DRA'I MDZOD SPU'O, ,MDZOD SPU YI NI BSOD NAMS DAG ,STONG PHRAG BRGYAR NI BSDOMS PA YIS, ,SPYI GTZUG LTAR NI MI SNANG BA, ,SKYOB PA'I GTZUG TOR SKYED PAR BYED, ,GTZUG TOR BSOD NAMS BYE BA NI, ,GRANGS MED

050b

RGYA CHEN BCU PO DAG ,SANGS RGYAS GSUNG GI SGRA DBYANGS NI, ,YAN LAG DRUG CU SKYED PA'I MCHOG ,CES GSUNGS PA'I PHYIR, RJE BTZUN CHA PHAN RE, SANGS RGYAS KYI MTSAN DPE DE RNAMS THOB BYA MTHAR THUG YIN KYANG SANGS RGYAS KYI SKU MA YIN TE; DE RNAMS SANGS RGYAS MA YIN PA'I PHYIR TE, DE BEM PO YIN PA'I PHYIR TE, DBU SKRA BUNG BA LTAR NAG DE NAG PO YIN PA'I PHYIR ZHES GSUNGS, 'O NA, BEM PO YOD PAR THAL, SANGS RGYAS KYI MTSAN DPE DE RNAMS BEM PO YIN PA'I PHYIR, RTAGS KHAS, 'DOD NA, PHYI DON BEM PO YOD PAR THAL, 'DOD PA'I PHYIR, 'DOD NA, PHYI DON YOD PAR THAL LO, ,'DOD MI NUS TE, 'GREL PAR, SNGON PO DANG DE'I BLO DAG LHAN GCIG DMIGS PA NGES PA'I PHYIR, 'DI NI SEMS KHO NA YIN GYI, PHYI ROL GYI DON NI MED DO, ,ZHES GSUNGS PA'I PHYIR, GZHAN YANG, DE RNAMS BEM PO MA YIN PAR THAL, SANGS RGYAS KYI YE SHES NYID GDUL BYA LAS DAG PA'I DBANG SHES LA MTSAN DPER SHAR BA TZAM YIN PA'I PHYIR, BYAS PA LA KHO NA RE, GDUL BYA'I DBANG SHES LOG SHES SU THAL, SANGS RGYAS KYI YE SHES MTSAN DPE MA YIN PA GANG ZHIG ,DE GDUL BYA LAS DAG GIS MTSAN DPER SNANG BA'I PHYIR NA MA KHYAB, DE RDUL PHRAN BSAGS PA'I GZUGS SU MED DE, LONGS SKU LA 'BYUNG BZHIS BSDUS PA'I GZUGS MED PA'I PHYIR TE, RGYUD BLAR, 'BYUNG MED GZUGS STON LTA DANG GTAM BZANG NI, ,ZHES SOGS GSUNGS PA'I PHYIR, SPRUL SKU'I MTSAN DPE RNAMS BEM PO YIN TE, SPRUL SKU'I GDUNG RUS RING BSREL SOGS KHA DOG DBYIBS BSDUS KYIS GZUGS SU TSAD MAS GRUB PA'I PHYIR,

051a

, ,ZHES ZER BA MI 'THAD DE, BEM PO MED PA'I PHYIR DANG, KHA DOG DANG DBYIBS BSDUS KYIS GZUGS YIN NA BEM PO YIN PAS MA KHYAB PA'I PHYIR, GZHAN YANG, SPRUL SKU'I RGYUD LA BEM POS BSDUS PA'I GZUGS YOD PAR THAL; DAM BCA' DE'I PHYIR, 'DOD NA, SANGS RGYAS KYI SA NA BEM POS BSDUS PA'I TSUL PHRA RAB BSAGS PA'I GZUGS YOD PAR THAL LO, ,KHA CIG ,SANGS RGYAS KYI MTSAN DPE GANG RUNG YIN NA, MIG SHES KYI GZUNG BYA YIN PAS KHYAB STE, MTSAN RNAMS RANG RGYUD LDAN GYI GANG ZAG SKYES BU CHEN POR MTSON BYED DANG, DPE BYAD RNAMS RANG RGYUD LDAN GYI GANG ZAG LA NANG NA YON TAN KHYAD PAR CAN YOD PA DAG ,GZHAN LA GO BAR BYED PA'I PHYIR ZER NA MA KHYAB STE, MTSAN DPE DE RNAMS LA GZUGS KYI SKYE MCHED KYIS BSDUS PA DANG, SGRA DANG, DRI DANG, REG BYA'I SKYE MCHED KYIS BSDUS PA YANG YOD PA'I PHYIR, DANG PO SLA, GNYIS PA GRUB STE, GSUNG TSANGS DBYANGS KYI MTSAN BZANG DE DE YIN PA'I PHYIR, RTAGS SLA, GSUM PA GRUB STE, DBU SKRA DRI ZHIM PO SKYES BU'I YID 'PHROGS PAR BYED PA'I MTSAN BZANG YOD PA'I PHYIR, BZHI PA GRUB STE, DBU SKRA 'JAM PA'I MTSAN BZANG YOD PA'I PHYIR, DES NA GONG DU KUN BTUS KYI LUNG DRANGS PA LTAR SHES PA YOD PAR BZHED NA, 'DI LA RO MI ZHIM PA RO MCHOG SNANG, ,ZHES PA'I MTSAN BZANG DE SHES PA YIN PAR BZHED DAM SNYAM MO, ,'DI LA KHA CIG ,SANGS RGYAS KYI LJAGS SHES LA RO MI ZHIM PA ZHIM PAR SNANG ZHE NA, RE ZHIG ,RO MI ZHIM PA RO ZHIM PAR SNANG BA CHOS CAN, KHYOD SNANG

051b

BA LTAR GRUB PAR THAL, KHYOD SANGS RGYAS 'PHAGS PA'I LJAGS SHES LA SNANG BA LTAR GRUB PA'I PHYIR TE, KHYOD DE LA SNANG BA GANG ZHIG ,DE LA SNANG BA DE LA SNANG BA LTAR GRUB PA'I PHYIR, MA GRUB NA, SANGS RGYAS 'PHAGS PA'I LJAGS SHES CHOS CAN, KHYOD LA SNANG BA KHYOD LA SNANG BA LTAR GRUB PAR THAL, KHYOD MA 'KHRUL BA'I SHES PA YIN PA'I PHYIR, RTZA BAR 'DOD NA, RO MI ZHIM PA RO ZHIM PA YIN PAR THAL LO, ,DES NA LUNG DE'I DON NI, GANG ZAG PHAL BA'I LJAGS SHES LA RO MI ZHIM PAR SNANG BA'I RO DE SANGS RGYAS 'PHAGS PA'I LJAGS SHES KYI STENG DU BZHAG PA NA DE'I THUGS RJE'I DBANG GIS GNAS GYUR NAS RO ZHIM PA'I MCHOG TU GYUR PA YIN TE, DPER NA, STON PA SANGS RGYAS KYIS RTA CHAS KYI NAS RUL BA BZHES PA'I TSE KUN DGA' BOS SEMS KHRAL BYAS PA LA SANGS RGYAS KYI TSEMS KYI BAR NAS, NAS RUL BA BTON NAS KUN DGA' BO LA BYIN PAS DES ZOS PA DANG SNGAR MA MYONG BA'I RO ZHIM PA GCIG MYANG BA BZHIN NO, ,'DI LA BRTEN NAS DPYAD PAR BYA BA MANG DU SNANG YANG MANG DOGS PAS RE ZHIG BZHAG GO , DES NA MTSAN DPE DE RNAMS PHAL CHE BA GZUGS KYI PHUNG POS BSDUS PA YIN ZHING, RO MCHOG SNANG BA'I MTSAN NI LDAN MIN 'DU BYED DU 'DOD DGOS SAM DPYAD PAR BYA'O, ,KHO NA RE, LONGS SKU'I MTSAN DPE RNAMS RNAM SMIN GYI 'BRAS BU YIN PAR THAL, DE RNAMS RNAM SMIN GYI 'BRAS BU DNGOS YIN PA'I PHYIR, RTAGS KHAS, 'DOD NA, DE CHOS CAN, LUNG MA BSTAN YIN PAR THAL, 'DOD PA'I PHYIR, KHYAB STE, RNAM SMIN LUNG DU MA BSTAN CHOS, ,ZHES GSUNGS PA'I PHYIR ZER NA MA

052a

, ,KHYAB STE, ZAG BCAS KYI RNAM SMIN GYI 'BRAS BU YIN NA LUNG MA BSTAN YIN DGOS PA LUNG DE'I DON YIN PA'I PHYIR, DE LTAR MA YIN NA, YE SHES CHOS SKU CHOS CAN, DER THAL, DE'I PHYIR, RTAGS GRUB STE, DE LA DE'I 'BRAS BU YIN PAS CHOS KYI SKU MDZAD PA DANG BCAS PA NI THAMS CAD MKHYEN PA NYID GSUM GYI RNAM PAR SMIN PA YIN NO, ,ZHES GSUNGS PA'I PHYIR, GZHAN YANG, SANGS RGYAS KYI GSUNG DBYANGS YAN LAG DRUG CU CHOS CAN, DER THAL, DE'I PHYIR, RTAGS GRUB STE, RGYUD BLAR, BRAL DANG RNAM PAR SMIN PA'I 'BRAS BU NI, ,YON TAN DBYE BAS DRUG CU BZHI 'DI DAG ,CES GSUNGS PA'I PHYIR, KHO NA RE, SBYOR BA BZHI PO RNAM SMIN GYI RGYU YIN PAR THAL, YE SHES CHOS SKU RNAM SMIN GYI 'BRAS BU YIN PA'I PHYIR, 'DOD MI NUS TE, RNAM SMIN GYI RGYU LA MI DGE BA DANG DGE BA ZAG BCAS GNYIS SU GRANGS NGES PA'I PHYIR TE, MDZOD LAS, RNAM SMIN RGYU NI MI DGE BA DANG, ,DGE BA ZAG BCAS RNAMS KHO NA, ,ZHES GSUNGS PA'I PHYIR ZER NA MA KHYAB STE, 'KHOR BAS BSDUS PA'I RNAM SMIN GYI RGYU LA DE GNYIS SU GRANGS NGES PA LUNG DE'I DON YIN PA'I PHYIR, ` GANG GIS SRID PA JI SRID PAR, ,ZHES SOGS KYI SKABS SU, GZHUNG 'DI SA SPRUL SKU 'CHAD NA 'CHAD TSUL DE GANG ZHE NA; 'DI LA YANG MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MDO LAS, RAB 'BYOR GZHAN YANG SHES RAB KYI PHA ROL TU PHYIN PA 'DI LA SLOB PA NI, CHOS DE DAG THAMS CAD RTOGS PAR BYAS NAS

052b

BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS PHYOGS BCU'I 'JIG RTEN GYI KHAMS DPAG TU MED PA MTHA' MED PAR DUS THAMS CAD DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SPRUL PA SNA TSOGS KYI SPRIN GYIS SEMS CAN THAMS CAD KYI DON MDZAD DE, RAB 'BYOR DE LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA BSLAB PAR BYA'O, ,ZHES GONG DU GSUNGS PA'I ZAG MED KYI CHOS DE RNAMS THOB PAR BYAS NAS SANGS RGYAS TE SPRUL PA BYED PAR GSUNGS SO, ,GNYIS PA LA, RTZA BAS BSTAN TSUL DANG, 'GREL PAS 'CHAD TSUL GNYIS LAS, DANG PO NI, MDO DE'I DON BSHAD PA'I SGO NAS SKU BZHI NGA SPRUL SKU DE 'CHAD PAR BYED PA LA, GANG GIS SRID PA JI SRID PAR, ,ZHES SOGS SHO LO KA GCIG GSUNGS, GNYIS PA NI, LUS RNAM GZHAG TU, NGO BO NYID LONGS RDZOGS BCAS DANG, ,DE BZHIN GZHAN PA SPRUL PA NI, ,ZHES 'CHAD NA, LONGS SKU'I RJES SU SPRUL SKU 'CHAD PA'I RGYU MTSAN DE GANG ZHE NA, DE'I RGYU MTSAN YOD DE, LONGS SKUS GDUL BYA'I MIG SHES LA RANG 'BRAS SPRUL SKU'I SNANG BSKYED PAR BYED PA'I RGYU MTSAN GYIS DE LTAR DU BSHAD PA'I PHYIR, YANG NA SKABS BRGYAD PA 'DIR SKU BZHI'I RIM PA 'DI LTAR 'CHAD PA'I RGYU MTSAN YOD DE, NGO BO NYID SKU DE RTEN DANG SKU LHAG MA GSUM PO BRTEN PA YIN PAS NGO BO NYID SKU DANG POR BSTAN, SKU GSUM GYI NANG NAS YE SHES CHOS SKUS RANG 'BRAS LONGS SKU'I BDAG RKYEN DANG, LONGS SKUS KYANG RANG 'BRAS SPRUL SKU'I BDAG RKYEN BYED PAS NA DE LTAR BSHAD PA'I PHYIR DANG, DE GSUM

053a

, ,DMAN MCHOG GI RIM PA'I DBANG DU BYAS NAS KYANG DE LTAR 'CHAD RIGS TE, YE SHES CHOS SKU DE SANGS RGYAS 'PHAGS PA KHO NA'I MNGON SUM GYI SPYOD YUL YIN, LONGS SPYOD RDZOGS SKU DE SAR GNAS GYI BYANG SEMS YAN CHAD KHO NA'I MNGON SUM GYI SPYOD YUL YIN, MCHOG GI SPRUL SKU DE SO SKYE LAS DAG YAN CHAD KYI MNGON SUM GYI SPYOD YUL YIN PA'I PHYIR, ZHES MTSAMS SBYOR BA LA, DE LTAR SKU GSUM BSTAN NAS, BZHI PA SPRUL PA'I SKU BYIS PA'I SKYE BO THAMS CAD DANG THUN MONG BA, ZHES GSUNGS, TSIG DON GYI SGO NAS 'CHAD PA LA, SH'AKYA THUB PA LA SOGS PA'I GZUGS GANG GIS 'KHOR BA JI SRID PAR 'JIG RTEN GYI KHAMS THAMS CAD DU SEMS CAN RNAMS KYI 'DOD PA'I DON MNYAM PA NYID DU MDZAD PA'I SKU DON RGYUN CHAGS PA NYID KYIS SANGS RGYAS BCOM LDAN 'DAS KYI SPRUL PA'I SKU RGYUN MI 'CHAD PA YIN NO, ,ZHES GSUNGS, 'DI'I SKABS SU KHA CIG ,NGES PA LNGA DANG MI LDAN PA'I GZUGS SKU MTHAR THUG SPRUL SKU'I MTSAN NYID ZER, DE LA KHA CIG ,GZUGS SKU CHOS CAN, MTSON BYA DER THAL, MTSAN NYID DE'I PHYIR, NGES PA LNGA DANG MI LDAN PA GANG ZHIG ,GZUGS SKU MTHAR THUG YIN PA'I PHYIR, DANG PO MA GRUB NA, DE CHOS CAN, LONGS SKU YIN PAR THAL, NGES PA LNGA DANG LDAN PA'I GZUGS SKU MTHAR THUG YIN PA'I PHYIR TE, NGES PA LNGA DANG LDAN PA GANG ZHIG ,GZUGS SKU MTHAR THUG YIN PA'I PHYIR, DANG PO DNGOS, 'DOD NA, DE CHOS CAN, KHYOD LONGS SKU MA YIN PAR THAL, MCHOG GI SPRUL SKU KHYOD YIN

053b

PA'I PHYIR, ZHES ZER RO, ,YANG KHA CIG ,NGES PA LNGA DANG MI LDAN PA'I GZUGS SKU MTHAR THUG CHOS CAN, KHYOD YIN NA SPRUL SKU YIN DGOS PAR THAL, KHYOD SPRUL SKU'I MTSAN NYID YIN PA'I PHYIR, RTAGS KHAS, 'DOD NA NGES PA LNGA DANG MI LDAN PA'I GZUGS SKU CHOS CAN, MTHAR THUG YIN PAR THAL, MTHAR THUG GI YON TAN YIN PA'I PHYIR TE, SANGS RGYAS YIN PA'I PHYIR, 'DOD NA, DE CHOS CAN, SPRUL SKU YIN PAR THAL, 'DOD PA'I PHYIR, 'KHOR GSUM KHAS, ZHES ZER NA, MI 'THAD DE, SANGS RGYAS DKON MCHOG YIN NA MTHAR THUG GI SKYABS YIN DGOS PAR THAL, DE YIN NA SKYABS GNAS MTHAR THUG YIN DGOS PA'I PHYIR, 'DOD NA, DE CHOS CAN, MTHAR THUG GI SKYABS YIN PAR THAL, SANGS RGYAS DKON MCHOG YIN PA'I PHYIR, KHYAB PA KHAS, DER THAL, SANGS RGYAS SANGS RGYAS DKON MCHOG YIN PA'I PHYIR, MA KHYAB NA, SANGS RGYAS CHOS CAN, DKON MCHOG YIN PAR THAL, SANGS RGYAS DKON MCHOG YIN PA'I PHYIR, RTAGS KHAS, CHOS CAN SONG, KHA CIG ,LONGS SPRUL GANG RUNG GANG ZHIG ;NGES PA LNGA DANG MI LDAN PA'I GZUGS SKU DE SPRUL SKU'I MTSAN NYID ZER BA DANG, GNAS 'OG MIN STUG PO BKOD PA KHO NAR BZHUGS PA'I SPRUL SKU YOD ZER BA NANG 'GAL TE, DE CHOS CAN, MTSAN NYID DER THAL, SPRUL SKU YIN PA'I PHYIR, DE DER THAL; DE YOD PA'I PHYIR, 'DOD MI NUS TE, NGES PA LNGA LDAN GYI GZUGS SKU YIN PA'I PHYIR, NGES PA LNGA DANG LDAN PA GANG ZHIG ,GZUGS SKU YIN PA'I PHYIR, DANG PO GRUB STE, DE 'KHOR NGES PA BYANG 'PHAGS SHA STAG GI BSKOR BA GANG ZHIG ,DE GNAS

054a

, ,'OG MIN KHO NAR BZHUGS, CHOS NGES PA THEG CHEN GYI CHOS 'BA' ZHIG GSUNGS, DES NGES PA 'KHOR BA MA STONG GI BAR DU BZHUGS, SKU MTSAN DPE GSAL RDZOGS KYIS SPRAS PA YIN PA'I PHYIR, DANG PO GRUB STE, DE'I 'KHOR DU GYUR PA'I SO SKYE MED PA'I PHYIR, MA GRUB NA, 'OG MIN GYI RTEN CAN GYI SO SKYE YOD PAR THAL, MA GRUB PA GANG ZHIG ,DE GNAS 'OG MIN KHO NAR BZHUGS PA'I GZUGS SKU YIN PA'I PHYIR, RTAGS KHAS, GNYIS PA DNGOS, GSUM PA GRUB STE, DE LA CHOS DNGOS SU NYAN PA'I GDUL BYA THEG DMAN GYI RIGS CAN MED PA'I PHYIR, RTAGS GRUB ZIN, GZHAN YANG, DE 'DRA'I SPRUL SKU DE'I SKU DNGOS KYI GDUL BYA DE LONGS SKU'I SKU DNGOS KYI GDUL BYA YIN PAR THAL, DE 'DRA'I SPRUL SKU BZHUGS PA'I GNAS DE LONGS SKU BZHUGS PA'I GNAS YIN PA'I PHYIR, DE 'DRA'I SPRUL SKU DE DANG LONGS SKU GNYIS LA KHYAD PAR MED PAR THAL, 'DOD PA'I PHYIR, KHO NA RE, GNAS 'OG MIN KHO NAR BZHUGS PA'I SPRUL SKU YOD PAR THAL, ,LONGS SKU DANG DNGOS RGYA TSOGS PA TSAR GCIG LA RAG LAS KYI 'BRAL BA GRUB PA'I SPRUL SKU YOD PA'I PHYIR, ZER NA MA KHYAB, KHO NA RE, DE 'DRA'I SPRUL SKU DE GNAS 'OG MIN KHO NAR BZHUGS PAR THAL, DE GNAS 'OG MIN DU BZHUGS PA'I PHYIR TE, DE 'OG MIN DU SANGS RGYAS PA'I PHYIR TE, DE 'OG MIN GYI RTEN LA SANGS RGYAS PA'I PHYIR ZER NA MA KHYAB, KHA CIG ,LONGS SKU DANG DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I SPRUL SKU MED DE, BYANG SEMS RGYUN MTHA' PAS NGANG

054b

POR LONGS SKU MNGON DU BYAS NAS, DE RJES SPRUL SKU MNGON DU BYED PA YIN PA'I PHYIR ZER NA, RNAM BSHAD LAS, SANGS RGYAS KYI SPRUL BA'I BYE BRAG 'GA' ZHIG LONGS SPYOD RDZOGS PA'I SKU DANG DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I TSUL GYIS THOB PAR SHES PAR BYA'O, ,ZHES GSUNGS PA MI 'THAD PAR THAL, DAM BCA' DE'I PHYIR, BYAS PA LA KHO NA RE, LONGS SPYOD RDZOGS PA'I BU DANG DNGOS RGYU TSOGS PA TSAR GCIG LA REG LAS KYI 'BREL BA GRUB PA'I TSUL GYIS THOB PA'I SPRUL SKU YOD KYANG, DE DANG DNGOS RGYU TSOGS PA TSAR GCIG LA RAG LAS KYI 'BREL BA GRUB PA'I SPRUL SKU MED PA'I PHYIR, ZHES ZER NA, LUNG DE'I LNGA LOGS DE MA THAG ,LONGS SKUS BDAG RKYEN BYAS NAS MDZAD PA BCU GNYIS KYI SGO NAS GDUL BYA RJES SU 'DZIN PA'I MCHOG GI SPRUL PA'I SKU DE'I TSE TSOGS PA GCIG TU MED KYANG SANGS RGYAS KYI SPRUL BA'I BYE BRAG 'GA' ZHIG ZHES PA'I KYANG SGRA SMOS PA LA DGOS NUS GANG YANG MED PAR THAL, BYANG SEMS RGYUN MTHA' BAS LONGS SKU MNGON DU BYAS MA THAG PA'I TSE DANG RGYUD GCIG TU GYUR PA'I SPRUL SKU MED PA'I PHYIR, RTAGS KHAS, KHA CIG ,SPRUL SKU DE LONGS SKU'I GZUGS BRNYAN YIN GYI SANGS RGYAS MA YIN ZER NA, DE BZHIN GSHEGS PA LA NGAN SEMS KYIS KHRAG BYUNG BA'I MTSAMS MED KYI LAS BSAGS PA GCIG MED PAR THAL, GZUGS SKU SANGS RGYAS MA YIN PA'I PHYIR TE, DAM BCA' DE'I PHYIR, GZHAN YANG, GDUL BYA LA CHOS 'KHOR BA BA'I SANGS RGYAS MED PAR THAL, GZUGS SKU SANGS RGYAS MA YIN PA'I PHYIR TE, DAM BCA' DE'I

055a

, ,PHYIR; GZHAN YANG, BYANG 'PHAGS LA DNGOS SU SNANG BA'I SANGS RGYAS MED PAR THAL, DAM BCA' DE'I PHYIR, DAR t'IKA GI RJES 'BRANG KHA CIG ,MCHOG GI SPRUL SKU DE LONGS SKU'I GZUGS BRNYAN YIN ZER NA, MCHOG GI SPRUL SKU CHOS CAN, GZUGS BRNYAN YIN PAR THAL, LONGS SKU'I GZUGS BRNYAN YIN PA'I PHYIR, RTAGS KHAS, 'DOD NA, DE CHOS CAN, RANG SNANG YUL DU BYED PA'I BLO LA SNANG BA LTAR MA GRUB PAR 'JIG RTEN RANG GA PAS RTOGS NUS PAR THAL, KHYOD MNGON SUM DU MTHONG BA'I SO SKYE MED PA GANG ZHIG ,KHYOD GZUGS BRNYAN YIN PA'I PHYIR, KHYAB STE, GZUGS BRNYAN DE RANG SNANG YUL DU BYED PA'I GLO LA SNANG BA LTAR DU MA GRUB PAR 'JIG RTEN RANG GA PAS RTOGS NUS PA'I PHYIR, 'DOD NA, GZUGS DE RANG SNANG YUL DU BYED PA'I BLO LA SNANG BA LTAR MA GRUB PAR 'JIG RTEN RANG GA PAS RTOGS NUS PAR THAL LO, ,SANGS RGYAS KYI SPRUL PA SANGS RGYAS KYI SPRUL SKU MA YIN PA SOGS SNGAR BSHAD ZIN TO, ,RANG LUGS LA SANGS RGYAS KYI SPRUL SKU'I MTSAN NYID, DBYE BA, RGYAL BA'I SPRUL SKU RNAMS KYI MDZAD PA'I GTZO BO BSHAD PA, DES GDUL BYA SMIN GROL LA 'GOD TSUL BSHAD PA'O, ,DANG PO NI, NGES PA LNGA DANG MI LDAN PAS RAB TU PHYE BA'I MTHAR THUG PA'I GZUGS SKU DE, SPRUL SKU'I MTSAN NYID, GNYIS PA NI, DE LA DBYE NA, BZO BA SPRUL SKU, SKYE BA SPRUL SKU, BYANG CHUB CHEN PO'I SPRUL SKU STE GSUM DU PHAL CHE BAS BZHED LA, KUN MKHYEN BU SOGS DANG BDAG GI BLA MA RIN PO CHES NI, DE'I STENG DU MYA NGAN LAS 'DAS

055b

PA SOGS MDZAD PA BCU GNYIS KYI SGO NAS GDUL BYA RJES SU 'DZIN PA'I MCHOG GI SPRUL SKU STE BZHIR MDZAD, DANG PO NI, DRI ZA'I RGYAL PO RAB DGA' 'DUL BA'I PHYIR DU DRI ZA'I PI WANG LEN PA'I GZUGS SU SPRUL PA'I DE BZHIN GSHEGS PA LTA BU, GNYIS PA NI; DE BZHIN GSHEGS PA RI DVAGS RU RUR SPRUL PA'I DE BZHIN GSHEGS PA LTA BU, GSUM PA NI, RGYAL BA 'OD DPAG MED DANG, RGYAL BA MI 'KHRUGS PA LTA BU, BZHI PA NI, BDAG CAG GI STON PA LTA BU'O, ,DE LTAR YANG, MDO SDE'I RGYAN LAS BZO DANG SKYE BA BYANG CHUB CHE, ,MYA NGAN 'DAS PA RTAG STON PAS, ,SANGS RGYAS SPRUL PA'I SKU 'DI NI, ,RNAM PAR GROL BA'I THABS CHEN PO, ,ZHES DANG, DE'I 'GREL PAR, SPRUL PA'I SKU DE NI RTAG TU 'DUL BA'I DON DU PI WANG LEN PA LA SOGS PA, BZO DANG SKYE BA DANG, MNGON PAR RDZOGS PAR BYANG CHUB PA DANG, MYA NGAN LAS 'DAS PA STON PA DAG GIS RNAM PAR GROL BA'I THABS CHEN PO YIN PA'I PHYIR, GZHAN GYI DON PHUN SUM TSOGS PA'I MTSAN NYID DU RIG PAR BYA'O, ,ZHES GSUNGS PA'I PHYIR, SPYIR SANGS RGYAS KYI SPRUL SKU DPAG TU MED PA GCIG YOD DE, DE BZHIN GSHEGS PA SEMS CAN RNAMS KYI GANG DANG GANG 'DOD PA'I DNGOS PO SNA TSOGS PAR SPRUL PA RNAMS KYANG SANGS RGYAS KYI SPRUL SKU YIN PA'I PHYIR TE, MDO SDE'I RGYAN LAS, SANGS RGYAS SPRUL PA DPAG MED PA, ,ZHES SOGS GSUNGS PA'I PHYIR, GSUM PA NI, MCHOG GI SPRUL SKU'I MDZAD PA'I GTZO BO RNAMS BSDU NA BCU GNYIS SU 'DUL, 'DI LA YANG MDO BSTAN BCOS RNAMS SU 'DREN TSUL DU MA ZHIG BYUNG STE, MDO

056a

, ,KHA CIG TU DAM PA'I CHOS NUB PA YANG MDZAD PA BCU GNYIS KYI YA GYAL GCIG TU BGRANGS LA, DE'I DON NI GDUL BYA'I DON DU MI 'GYUR BAR GZIGS NAS DAM PA'I CHOS BSDUS PA LA DAM PA'I CHOS NUB PA'I MDZAD PA ZHES BYA'O, ,RIN CHEN PHRENG BAR, BDAG CAG GI STON PA YUM 'DUL BA'I PHYIR DU SUM CU RTZA GSUM DU BYON NAS SLAR 'DZAM BU'I GLING DU 'BYON PA NA LHA RNAMS KYIS RI RAB LA BEEd'URYA'I THEM SKAS BTZUGS PA SOGS LHA BABS KYI MDZAD PA YANG MDZAD PA BCU GNYIS KYI YA GYAL GCIG TU 'DREN TE, DE NYID LAS, SNYING PO'I DBANG DU GYUR PA RNAMS, ,GSHEGS DANG BLTAMS DANG ROL BA DANG, ,NGES 'BYUNG DKA' BA SPYOD PA DANG, ,BDUD SDE BCOM DANG BYANG CHUB DANG, ,DE BZHIN LHA LAS BABS PA DANG, ,CHOS KYI 'KHOR LO MYA NGAN LAS, ,'DAS PA STON PA'I MDZAD PA YIN, ,ZHES GSUNGS PA'I PHYIR, RGYUD BLAR, THUGS RJE CHEN POS 'JIG RTEN MKHYEN, ,'JIG RTEN KUN LA GZIGS NAS NI, ,CHOS KYI SKU LAS MA G-YOS PAR; ;SPRUL PA'I RANG BZHIN SNA TSOGS KYIS, ,SKYE BA MNGON PAR SKYE BA DANG, ,DGA' LDAN GNAS NAS 'PHO BA DANG, ,LHUMS SU ZHUGS DANG BLTAMS PA DANG, ,BZO BA'I GNAS LA MKHAS PA DANG, ,BTZUN MO'I 'KHOR DGYES ROL PA DANG, ,NGES 'BYUNG DKA' BA SPYOD PA DANG, ,BYANG CHUB SNYING POR GSHEGS PA DANG, ,BDUD SDE BCOM DANG RDZOGS PAR NI, ,BYANG CHUB CHOS KYI 'KHOR LO DANG, ,MYA NGAN 'DAS PAR GSHEGS MDZAD RNAMS,,

056b

YONGS SU MA DAG ZHING RNAMS SU, ,SRID PA JI SRID GNAS PAR STON, ,ZHES GSUNGS LA, 'DI'I DON DAR t'IKA TU, STON PA DGA' LDAN NAS 'PHO BA'I MDZAD PA DE MDZAD PA BCU GNYIS KYI DANG POR 'DREN PA'I TSUL GCIG DANG, STON PA DAM PA TOG DKAR DU SKYE BA BZHES PA'I SKYE BA MNGON PAR SKYE BA'I MDZAD PA DE MDZAD PA DANG POR 'DREN PA'I TSUL GCIG DANG GNYIS SU GSUNGS PAS, RANG LUGS PHYI MA LTAR 'DREN PA YIN TE, BDAG CAG GI STON PA 'DI SNGON BRAM ZE'I KHYE'U BLA MAR GYUR PA DE TSE 'PHOS NAS DGA' LDAN DU DAM PA TOG DKAR DU SKYE BA BZHES PA NI MDZAD PA DANG PO SKYE BA MNGON PAR SKYE BA'I MDZAD PA DANG, DGA' LDAN NAS GLANG PO CHE THAL DKAR GYI GZUGS KYIS 'DZAM BU'I GLING DU BYON PA NI MDZAD PA GNYIS PA DGA' LDAN NAS 'PHO BA'I MDZAD PA DANG, 'DZAM BU'I GLING DU YUM GSO SBYONG LA GNAS PA'I TSE GLO G-YAS PA NAS ZHUGS TE MNGAL DU ZLA BA BCU RDZOGS PAR BZHUGS PA'I TSUL BSTAN PA NI MDZAD PA GSUM PA LHUMS SU ZHUGS PA'I MDZAD PA DANG, DE NAS BKRA SHIS LUMBI'I TSUL DU YUM GYI GLO G-YAS PA NAS BLTAMS TE LHA TSANGS PA DANG BRGYA BYIN GYIS KA SHI KA'I RAS KYI STENG DU BLANGS NAS SKU KHRUS GSOL BA SOGS MDZAD PA BZHI PA BLTAMS PA'I MDZAD PA DANG, DE NAS SGYU RTZAL SOGS BZO BA'I RIG BYED KYI GNAS MTHA' DAG LA MKHAS PAR BYAS PA NI MDZAD PA LNGA PA BZO BA'I GNAS LA MKHAS PA'I MDZAD PA DANG, DE NAS SA 'TSOM KHAB TU BZHES TE BTZUN MO RNAMS DANG RTZE DAGS ROL BA'I TSUL BSTAN

057a

, ,PA NI MDZAD PA DRUG PA BTZUN MO'I 'KHOR DGYES ROL PA'I MDZAD PA DANG, DE NAS MCHOD RTEN RNAM DAG GI DRUNG DU RANG NYID KYIS RAB TU BYUNG BAR MDZAD PA NI MDZAD PA BDUN PA NGES PAR 'BYUNG BA'I MDZAD PA DANG, DE NAS CHU BO NE RANYDZA NA'I 'GRAM DU TIL 'BRU BZHI, RGYA SHUG 'BRU BZHI, 'BRAS 'BRU DRUG RNAMS LA BRTEN NAS LO DRUG DKA' SPYAD MDZAD PA'I TSUL BSTAN PA NI MDZAD PA BRGYAD PA DKA' BA SPYAD PA'I MDZAD PA DANG, DE NAS BYANG CHUB SNYING PO STA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I TSUL BSTAN PA'I PHYIR DU MA GA TA RDO RJE GDAN GYI BYANG CHUB KYI SHING DRUNG DU GSHEGS NAS SROD LA DGA' RAB DBANG PHYUG LA SOGS PA'I BDUD BCOM, GUNG LA MNYAM PAR BZHAG PAR MDZAD PA NI MDZAD PA DGU PA BYANG CHUB SNYING POR GSHEGS TE BDUD SDE BCOM PA'I MDZAD PA DANG, 'DREN TSUL SNGA MA LTAR NA 'DI SO SOR GNYIS SU 'DREN NO, ,DE NAS THO RANGS KYI CHA LA MNGON PAR RDZOGS PAR 'TSANG RGYA BA'I TSUL BSTAN PA NI MDZAD PA BCU PA RDZOGS PAR BYANG CHUB PA'I MDZAD PA DANG, DE NAS YUL WA RA n'A SI SOGS SU GDUL BYA LA CHOS GSUNGS PA NI MDZAD PA BCU GCIG PA CHOS 'KHOR BSKOR BA'I MDZAD PA DANG, DE NAS GRONG KHYER RTZVA MCHOG TU SEMS CAN RTAG 'DZIN CAN RNAMS SKYO BA BSKYED DE LAM LA BRTZON PAR BYA BA'I PHYIR DU MYA NGAN LAS 'DA' TSUL BSTAN PA NI MDZAD PA BCU GNYIS PA MYA NGAN LAS 'DAS PA'I MDZAD PA YIN PA'I PHYIR, 'O NA MDZAD PA BCU GNYIS PO DE CIG CHAR DU MDZAD DAM RIM CAN DU MDZAD CE NA,

057b

BDAG CAG GI STON PAS SPYIR MDZAD PA BCU GNYIS PO THAMS CAD CIG CAR DU MDZAD PA YIN TE, DES MI MJED 'JIG RTEN GYI KHAMS 'DI NYID DU SKYE BA MNGON PAR SKYE BA'I MDZAD PA STON PA DANG, 'JIG RTEN GYI KHAMS GZHAN DANG GZHAN DU DGA' LDAN NAS 'PHO BA'I MDZAD PA NAS, MYA NGAN LAS 'DAS PA'I MDZAD PA STON PA'I BAR RNAMS DUS MNYAM DU BSTAN PA'I PHYIR TE, MDO SDE'I RGYAN LAS, DE NI CIG CAR LA LAR SGO MANG BRGYA NAS CHOS KYI 'KHOR LO DANG, ,LA LAR SKYE BA MI MNGA' LA LAR SKYE BA'I SPYOD PA SNA TSOGS DANG; ;LA LAR BYANG CHUB DANG NI LA LAR DE NI MYA NGAN 'DAS STON KYANG, ,DE NI GNAS DE LAS KYANG RNAM PAR G-YO MI MNGA' LA MDZAD PA THAMS CAD MDZAD, ,CES DANG, DE BZHIN GSHEGS PA'I YON TAN DANG YE SHES BSAM GYIS MI KHYAB PAR YUL 'JUG PA BSTAN PA'I MDO LAS, 'JAM DPAL DE BZHIN GSHEGS PA 'DI SEMS CAN LA LA DAG GI NI 'KHOR BA 'DI NYID RAB TU BYUNG BA LA SOGS PA DANG, KHYIM NAS MNGON PAR 'BYUNG BAR SHES SO, ,LA LA DAG GI NI RAB TU BYUNG BA DANG, ,LA LA DAG GI NI DKA' BA SPYAD PA LA GNAS PA DANG, LA LA DAG GI NI BYANG CHUB KYI SNYING POR 'GRO BA DANG, LA LA DAG GI NI BYANG CHUB KYI SNYING PO LA 'DUG PA DANG, LA LA DAG GI NI BDUD BCOM PA DANG, LA LA DAG GI NI MNGON PAR RDZOGS PAR SANGS RGYAS PA DANG, LA LA DAG GI NI TSANGS PA DANG BRGYA BYIN DANG 'JIG RTEN SKYONG BA RNAMS KYIS GSOL BA BTAB PA DANG, LA LA DAG GI NI CHOS KYI 'KHOR LO RAB TU SHES SO, ,ZHES SOGS DANG, DGONGS 'GREL GYI 'GREL CHEN LAS, 'JIG RTEN GYI KHAMS THAMS CAD DU SPRUL

058a

, ,PA'I SKUS DANG PO DGA' LDAN GYI GNAS NAS BABS PA NAS THAMS CAD YONGS SU MYA NGAN LAS 'DAS PA CHEN PO'I STON PA'I BAR GYI SANGS RGYAS KYI MDZAD PA BCU GNYIS LA SOGS PA CIG CAR DU STON, ZHES DANG, PHAL CHEN LAS; DE BZHIN GSHEGS PAS PHYOGS BCU'I 'JIG RTEN GYI KHAMS CHOS KYI DBYINGS KYI KLAS PA NAM MKHA'I MTHAS GTUGS PA RAB 'BYAMS RGYA MTSO THAMS CAD DU 'JIG RTEN GYI KHAMS RE RE DANG, GLING RE RE DANG, SKRA'I KHYON TZAM RE RE LA YANG DGA' LDAN GYI GNAS NAS 'CHI 'PHO BA DANG, LHUMS SU 'JUG PA DANG, ZHES PA NAS, SKYES PA'I RABS THAMS CAD DU'ANG LHUN GYIS GRUB PAS RNAM PAR MI RTOG BZHIN DU CIG CAR KUN TU SNANG NGO, ,ZHES GSUNGS PA'I PHYIR, 'ON KYANG ZHING 'DI NYID DU DGA' LDAN DU SKYE BA MNGON PAR SKYE BA'I MDZAD PA NAS, GRONG KHYER RTZVA MCHOG TU MYA NGAN LAS 'DAS PA'I TSUL BSTAN PA'I BAR RNAMS RIM CAN DU BSTAN PA YIN NO, ,BZHI PA NI, SANGS RGYAS KYI SPRUL SKU RNAMS KYIS GDUL BYA SMIN GROL LA 'GOD PA'I TSUL YOD DE, DES GDUL BYA RNAMS LA RANG RANG GI SKAL BA DANG 'TSAM PAR MI RTAG SDUG BSNGAL STONG BDAG MED SOGS KYI SGRAS CHOS BSTAN PA'I SGO NAS SKYE BA BSKYED DE, RIM GYIS THEG PA GSUM GYI MYA NGAN LAS 'DAS PA LA 'GOD PAR MDZAD PA'I PHYIR TE, RGYUD BLA MAR; MI RTAG SDUG BSNGAL STONG BDAG MED, ,ZHI BA'I SGRA YIS THABS MKHYEN PAS, ,SRID GSUM SEMS CAN SKYO BA SKYED NAS, ,MYA NGAN 'DAS LA RAB 'JUG MDZAD, ,CES SOGS GSUNGS PA'I PHYIR, ` DE BZHIN 'KHOR BA JI SRID 'DI'I,

058b

ZHES SOGS KYI SKABS SU, GZHUNG 'DIS SANGS RGYAS KYI BYA BA 'PHRIN LAS KYI RANG BZHIN RGYAS PAR 'CHAD NA 'CHAD TSUL GANG ZHE NA, 'DI LA MDO LAS GSUNGS TSUL, BSTAN BCOS KYIS 'GREL TSUL GNYIS LAS, DANG PO NI, SKAD CIG SBYOR BZHI'I SKABS SU CHOS THAMS CAD RMI LAM LTA BUR MTSAN NYID KYIS STONG PAR GSUNGS PA LAS 'PHROS NAS GSUNGS PA YIN TE, MDO LAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS CHOS THAMS CAD RMI LAM LTA BU DNGOS PO MA MCHIS PA'I NGO BO NYID RANG GI MTSAN NYID KYIS STONG PA RNAMS LA 'DI DAG NI DAG PA'I CHOS SO, ,'DI DAG NI 'JIG RTEN PA'I CHOS SO, ,ZHES SOGS DRIS PA'I LAN DU RAB 'BYOR 'DI LA BYIS PA THOS PA DANG MI LDAN PA SO SO SKYE BOS NI RMI LAM YANG DMIGS LA, RMI LAM MTHONG BA YANG DMIGS SO, ,ZHES SOGS NAS, DE LA SBYIN PA'I PHA ROL TU PHYIN PA YONGS SU RDZOGS PA DES PHYI NANG GI DNGOS PO BCAD CING GTUB KYANG BDAG LA SU YANG GTUB BAM BCAD DO SNYAM PA'I SEMS MI 'BYUNG NGO, ,ZHES PA'I BAR GYIS MDOR BSTAN NAS, DE NYID RGYAS PAR 'CHAD PA LA, RAB 'BYOR NGAS 'DI NAS SANGS RGYAS KYI SPYAN GYIS 'JIG RTEN LA RNAM PAR GZIGS NA, ZHES SOGS GSUNGS, GNYIS PA LA, MTSAMS SBYAR DANG, RTZA BA, 'GREL PA GSUM LAS, DANG PO LA, BSHAD ZIN GYIS MTSAMS SBYAR DANG, 'CHAD 'GYUR GYIS MTSAMS SBYAR GNYIS LAS, DANG PO NI, DE LTAR NGO BO NYID KYI SKU'I BDAG NYID BSGOMS PA'I STOBS LAS BYUNG BA SANGS RGYAS LA SOGS PA'I YUL NYID DU YE SHES LA SOGS PA LA LTOS NAS RAB TU

059a

, ,BTAGS PA'I SKU GSUM BSTAN NAS, ZHES 'CHAD, DON NI, DE LTAR RAB TU BRTAGS PA STE BLOS JI LTAR MOS PA BZHIN DU PHYE BA'I SKU GSUM BSTAN TE, BYANG CHUB PHYOGS MTHUN TSAD MED DANG, ,ZHES SOGS GSUM DU BSHAD PA LTAR PHYE NAS BSTAN PA'I PHYIR TE, NGO BO NYID KYI SKU'I BDAG NYID DON DAM BDEN PA BSGOMS PA'I STOBS KYIS SANGS RGYAS KYI MNGON SUM GYI YUL DU YE SHES LA LTOS NAS YE SHES CHOS SKU DANG, DE BSGOMS STOBS KYIS BYANG SEMS KYI MNGON SUM GYI YUL DU MTSAN DPER SNANG BA SKYED PA'I NUS PA LA LTOS NAS LONGS SKU DANG, DE LA MOS PA TZAM DANG CUNG ZAD BSGOMS PAS NYAN THOS DANG SOGS PAS SO SKYE'I MNGON SUM GYI YUL DU SPRUL PA SKYED PA'I NUS PA LA LTOS NAS SPRUL SKUR BTAGS NAS BSTAN PA'I PHYIR, GNYIS PA NI, KUN RDZOB TU YE SHES KHO NA LONGS SPYOD RDZOGS PA'I SKU LA SOGS PAR SNANG BA SKYED PA'I SGO NAS DON BYA BA MDZAD PAS NA, GDUL BYA'I SKYE BO'I SNANG BA LA BRTEN PA'I LAS DE'I BDAG PO LA BRTEN NAS BYUNG BA RNAMS NI CHOS KYI SKU'I YIN NO,, ZHES 'CHAD, DON NI, DE LTAR SKU GSUM BSTAN ZIN NAS DE'I 'OG TU SKAL BA DANG LDAN PA'I GDUL BYA'I DAG PA'I SNANG BA LA BRTEN PA STE DE'I NGO BOR YE SHES CHOS SKU'I 'PHRIN LAS BSTAN PA YIN TE, YE SHES CHOS SKU DE'I BDAG PO'I RKYEN BYAS PA LAS BYUNG BA RNAMS NI YE SHES CHOS SKU DE'I 'PHRIN LAS YIN PA'I PHYIR TE, RNAL 'BYOR PA'I KUN RDZOB STE KUN RDZOB TU YE SHES CHOS KYI SKU KHO NA LONGS SPYOD RDZOGS PA'I SKU DANG, SOGS PAS SPRUL SKUR SNANG BA GDUL BYA LA BSKYED PA'I SGO NAS DE DAG GI DON BYA BA MDZAD

059b

PA'I PHYIR, GNYIS PA LA, DUS KYI SGO NAS MDOR BSTAN, DBYE BA'I SGO NAS RGYAS PAR BSHAD, GRANGS KYI SGO NAS MJUG BSDU BA DANG GSUM LAS, DANG PO NI, DE BZHIN 'KHOR BA JI SRID 'DI'I, ,LAS NI RGYUN MI 'CHAD PAR 'DOD, , CES 'CHAD, GNYIS PA STON PA LA, 'GRO RNAMS ZHI BA'I LAS DANG NI, ,ZHES PA NAS, MYA NGAN 'DAS LA 'GOD PA STE, ,ZHES PA'I BAR GSUNGS, GSUM PA STON PA LA, CHOS KYI SKU YI 'PHRIN LAS NI, ,RNAM PA NYI SHU BDUN DU BZHED, ,CES GSUNGS, GSUM PA LA, 'PHRIN LAS KYI DBYE BA, DE'I DUS, RIM PA DES GZHAN YANG MTSON PA'O, ,DANG PO NI, DANG POR 'GRO BA BZANG PO DANG, ZHES PA NAS, DE BZHIN GSHEGS PA'I SAL MYA NGAN LAS 'DA' BA LA 'GOD PAR MDZAD DE; ZHES PA'I BAR GSUNGS, GNYIS PA NI, DE LTAR NA CHOS KYI SKU BZHIN DU 'DI'I 'PHRIN LAS RNAM PA NYI SHU RTZA BDUN YANG 'KHOR BA JI SRID PAR BZHED PA ZHES BYA BA NI MDZAD PA YIN NO, ,ZHES 'CHAD, GSUM PA NI, SEMS BSKYED PA DANG PO DANG THA MA LAS BSTAN PA'I GO RIMS BSTAN PA'I RIM PAS LHAG MA BAR GYI TSIG GI DON RNAMS KYI GO RIMS KYANG KHONG DU CHUD PAR BYA STE, TSIG MANGS SU DOGS PAS BDAG GIS NI MA BRIS SO, ,ZHES 'CHAD, 'DI'I SKABS SU 'PHAGS PA LTAR NA SPRUL SKU'I 'PHRIN LAS DANG, SLOB DPON LTAR NA YE SHES CHOS SKU'I 'PHRIN LAS LA MTSAN NYID, DBYE BA, GZHUNG GIS BSTAN TSUL, 'PHRIN LAS 'JUG TSUL, 'PHROS DON NO, ,DANG PO NI, RANG GI BDAG RKYEN DU GYUR PA'I YE SHES CHOS

060a

, ,SKUS BDAG RKYEN BYAS PA LAS BYUNG BA'I RNAM DKAR GYI YON TAN, YE SHES CHOS SKU'I 'PHRIN LAS KYI MTSAN NYID, GNYIS PA NI, DE LA DBYEN BYA BA YUL LA YOD PA'I 'PHRIN LAS DANG, BYED PA PO LA YOD PA'I 'PHRIN LAS GNYIS SU YOD, RGYAS PAR DBYE NA, LAM GYI RTEN LA 'GOD PA NAS LAM GYI 'BRAS BU LA 'GOD PA'I BAR NYER BDUN DU YOD, SA MTSAMS, LAM MA ZHUGS NAS SANGS RGYAS KYI SA'I BAR DU YOD, GSUM PA NI, MDO TSAN DANG POS 'PHRIN LAS MDOR BSTAN NAS, DE'I DON 'CHAD PA LA, DE BZHIN 'KHOR BA JI SRID 'DI'I, ,LAS NI RGYUN MI 'CHAD PAR 'DOD, ,CES GSUNGS, DES NA 'PHRIN LAS NYER BDUN PO DE LA YANG, GDUL BYA LAM GYI RTEN LA 'GOD PA DANG, LAM LA 'GOD PA DANG, LAM GYI 'BRAS BU LA 'GOD PA'I 'PHRIN LAS DANG GSUM LAS, DANG PO NI, SKYES BU 'BRING GI BSAM PA THAR PA DON GNYER LA 'GOD PA'I 'PHRIN LAS DE STON PA LA, MDO LAS, RAB 'BYOR NGAS 'DI NAS SANGS RGYAS KYI SPYAN GYIS 'JIG RTEN LA RNAM PAR GZIGS NA SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DAG NA BYANG CHEN DAG CHED DU BSAMS TE SEMS CAN DMYAL BA DAG TU 'DOD ZHING SEMS CAN DMYAL BA'I SDUG BSNGAL ZHI BAR BYAS NAS, RDZU 'PHRUL GYI CHO 'PHRUL DANG KUN BRJOD PA'I CHO 'PHRUL DANG RJES SU BSTAN PA'I CHO 'PHRUL DANG CHO 'PHRUL RNAM PA GSUM PO DE DAG GIS SEMS CAN DMYAL PA'I SEMS CAN DE DAG LA CHOS STON CING RDZU 'PHRUL GYI CHO 'PHRUL GYIS SEMS CAN DMYAL BA BA'I

060b

SDUG BSNGAL ZHI BAR BYAS TE, KUN BRJOD PA'I CHO 'PHRUL DANG RJES SU BSTAN PA'I CHO 'PHRUL GYIS CHOS STON PA DANG, ZHES PA NAS, 'PHAGS PA'I CHOS 'JIG RTEN PA'I SBYIN PA LA BKOD NAS RNAM PA THAMS CAD MKHYEN PA NYID KYI BAR LA BKOD PA YIN NO, ,ZHES PA'I BAR GYIS 'GRO BA LNGA'I SDUG BSNGAL ZHI BAR MDZAD PA'I 'PHRIN LAS DE BSTAN NAS, DE'I DON 'CHAD PA LA, 'GRO RNAMS ZHI BA'I LAS DANG NI, ,ZHES DANG, DANG POR 'GRO BA BZANG PO DANG BZANG PO MA YIN PA LA MNGON PAR ZHEN PA MED PAR GNAS PA'I MTSAN NYID 'GRO BA RAB TU ZHI BA'I 'PHRIN LAS MDZAD NAS, ZHES GSUNGS, GNYIS PA LA, TSOGS LAM LA 'GOD PA, SBYOR LAM LA 'GOD PA, MTHONG LAM LA 'GOD PA, SGOM LAM LA 'GOD PA DANG BZHI LAS, DANG PO LA, BSDU PA BZHI LA 'GOD PA, BDEN BZHI SHES PA LA 'GOD PA, GZHAN DON GYI BSAM PA LA 'GOD PA, SPYOD PA LA 'GOD PA, DON GNYIS SGRUB PA'I GZHI LA 'GOD PA DANG LNGA LAS, DANG PO NI, MDO LAS, RAB 'BYOR BYANG CHEN 'JIG RTEN LAS 'DAS PA'I CHOS KYI SBYIN PA SO SO SKYE BO THAMS CAD DANG THUN MONG MA YIN PA GANG ZHE NA, 'DI LTA STE DRAN PA NYE BAR BZHAG PA BZHI DANG, ZHES PA NAS, RAB 'BYOR DE YANG BYANG CHEN RNAMS KYI NGO MTSAR RMAD DU BYUNG BA'I CHOS SO, ,ZHES PA'I BAR GYIS BSTAN NAS, DE'I DON 'CHAD PA LA, BSDU RNAM BZHI LA 'GOD PA DANG, ,ZHES DANG, SBYIN PA LA SOGS PA BSDU BA'I DNGOS PO BZHI LA BKOD DE, ZHES GSUNGS, GNYIS PA NI, MDO LAS, RAB 'BYOR GZHAN YANG BYANG CHEN SHER PHYIN LA SPYOD PA'I TSE BYANG CHEN

061a

, ,GZHAN DAG LA 'DI SKAD DU 'DOMS SHING 'DI SKAD DU STON TO, ,RIGS KYI BU KHYOD TSUR SHOG YI GE MNGON PAR SGRUB PA LA MKHAS PAR GYIS SHIG ,YI GE GCIG LA MKHAS PAR GYIS SHIG ,YI GE GNYIS NAS YI GE BZHI BCU RTZA GNYIS KYI BAR LA MKHAS PAR GYIS SHIG ,CES PA NAS, 'DI NI BLA NA MED PA YANG DAG PAR RDZOGS PA'I BYANG CHUB KYI BAR ZHES BYA BAR CHOS STON TO, ,ZHES PA'I BAR GYIS BSHAD NAS, DE'I DON 'CHAD PA LA, KUN NAS NYON MONGS BCAS PA YI, ,RNAM PAR BYANG BRTOGS PA DANG, ,ZHES DANG, THOS PA LAS BYUNG BA LA SOGS PA'I SHES PAS MI MTHUN PA'I PHYOGS DANG GNYEN PO DOR BA DANG BLANG BAR BYA BA'I SGO NAS RTOGS PAR MDZAD NAS, ZHES GSUNGS, GSUM PA NI, RAB 'BYOR 'DI LTA STE DPER NA SGYU MA'I MKHAN PO'AM SGYU MA'I MKHAN PO'I MCHAN BU MKHAS PA ZHIG GIS RDZAS KYI RNAM PA 'GA' ZHIG LA BRTEN TE, GZUGS KYI BYE BRAG SNA TSOGS PA 'DI LTA STE, GLANG PO'I GZUGS SAM, ZHES PA NAS, THABS MKHAS PAS SEMS CAN RNAMS YONGS SU SMIN PAR BYED KYANG SEMS CAN DU MI DMIGS SEMS CAN DU GDAGS PA YANG MI DMIGS SO ZHES PA'I BAR GYIS BSTAN NAS, DE'I DON 'CHAD PA LA, SEMS CAN RNAMS DON JI BZHIN GYIS, ,DON DANG, ZHES DANG, SGYU MA MKHAN BZHIN DU RJES SU CHAGS PA LA SOGS PAS RNAM PAR DBEN PA NYID KYIS SEMS CAN GYI DON TE GZHAN GYI DON BYAMS PA LA SOGS PA'I MTSAN NYID JI LTA BA'I BDAG NYID LA BKOD DE, ZHES GSUNGS, BZHI PA NI, DE BDAG KYANG SBYIN PA GTONG PA

061b

YIN; GZHAN SBYIN PA LA YANG DAG PAR BSKUL BA YIN, SBYIN PA'I LEGS PA BRJOD PA YIN, GZHAN GANG SBYIN PA GTONG BA DE DAG GI LEGS PA BRJOD CING MTHUN PAS DGA' BAR SPYOD PA YIN, ZHES PA NAS, GZHAN GANG SHES RAB BSGOMS PA DE DAG GI LEGS PA BRJOD CING MTHUN PAS DGA' BAR SPYOD PA YIN, ZHES PA'I BAR GSUNGS, DE'I DON 'CHAD PA LA, PHA ROL PHYIN DRUG DANG, ,ZHES DANG, DE RJES LA RANG GI DON 'KHOR GSUM RNAM PAR DAG PAS RAB TU PHYE BA'I PHA ROL TU PHYIN PA DRUG LA GOMS PA LA'O,, ZHES GSUNGS, LNGA PA NI, BDAG KYANG DGE BA BCU'I LAS KYI LAM YANG DAG PAR 'DZIN, ZHES PA NAS, SEMS CAN GANG DAG SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU SGRUB PAR BYED PA DE DAG GI LEGS PA BRJOD CING MTHUN PAS DGA' BAR SPYOD PA YIN, ZHES PA'I BAR GYIS BSTAN, DE'I DON 'CHAD PA LA, SANGS RGYAS LAM DANG, ZHES DANG, DE'I 'OG TU RANG DANG GZHAN GYI DON GYI MTSAN NYID SANGS RGYAS KYI LAM STE, DGE BA BCU'I LAS KYI LAM LA'O, ,ZHES GSUNGS, GNYIS PA NI, RAB 'BYOR GAL TE CHOS KYI DBYINGS SNGON JI LTAR PHYIS KYANG DE LTAR MA YIN NAM, BAR DU YANG DE BZHIN DU MIN DU ZIN NA NI, BYANG CHEN SHER PHYIN LA SPYOD PA'I TSE THABS MKHAS PAS SEMS CAN RNAMS LA CHOS KYI DBYINGS STON PAR MI 'GYUR, SEMS CAN RNAMS YONGS SU SMIN PAR BYED PAR MI 'GYUR, SANGS RGYAS KYI ZHING YONGS SU DAG PAR MI 'GYUR TE, RAB 'BYOR CHOS KYI DBYINGS DE SNGON JI LTAR PHYIS KYANG DE BZHIN BAR DU YANG DE BZHIN YIN PAS, DE'I PHYIR BYANG CHEN SHER PHYIN LA SPYOD PA'I TSE THABS

062a

, ,MKHAS PAS SEMS CAN RNAMS LA CHOS KYI DBYINGS STON NO, ,ZHES PA NAS, BLA NA MED PA YANG DAG PAR RDZOGS PA'I BYANG CHUB LA THE TSOM ZA BAR 'GYUR BA LTA GA LA 'ONG, ZHES PA'I BAR GSUNGS, DE'I DON 'CHAD PA LA, RANG BZHIN GYIS, ,STONG PA NYID DANG, ZHES DANG, DE NAS CHOS THAMS CAD RANG BZHIN GYIS STONG PA NYID GOMS PA LA'O, ,ZHES GSUNGS, GSUM PA NI, RAB 'BYOR DE BZHIN GSHEGS PA'I SPRUL PAS DGE SLONG NGAM DGE SLONG MA'AM DGE BSNYEN NAM DGE BSNYEN MA LA BSKAL BA BYE BA KHRAG KHRIG BRGYA STONG DU MAR RGYUN DU CHOS BSTAN NA, RAB 'BYOR DE CI SNYAM DU SEMS, SPRUL PA DE DAG LA RGYUN DU ZHUGS PA'I 'BRAS BU THOB PAR 'GYUR BA'I SKAL BA YOD DAM, ZHES PA NAS, RANG BZHIN DE YANG NYE BAR ZHI BA STE CHOS GANG YANG 'PHEL BA'AM 'GRIB PAR BYED PA'AM SKYE BA'AM 'GAG PA'AM KUN NAS NYON MONGS PA'AM RNAM PAR BYANG BA'AM THOB PA'AM MNGON PAR RTOGS PAR BYED PA MED DO, ,ZHES PAS BSTAN, DE'I DON 'CHAD PA LA; GNYIS ZAD DANG, ,ZHES DANG, DE'I RJES LA SBYIN PA'I PHA ROL TU PHYIN PA LA BRTEN NAS SA DANG PO CHOS KYI DBYINGS KUN TU 'GRO BA RTOGS PA'I MTSAN NYID GNYIS SU MED PA'I CHOS LA'O, ,ZHES GSUNGS, BZHI PA LA, CHOS THAMS CAD BRDA TZAM DU RTOGS PA'I SA GNYIS PA NAS LNGA PA'I BAR LA 'GOD PA, GZUNG 'DZIN GNYIS KYI RNAM PAR CHOS RNAMS DMIGS SU MED PA DRUG PA LA, LUS CAN GYI RGYUD SGRIB PA SPANG RUNG DANG GNYEN PO SKYE RUNG DU YONGS SU SMIN PAR BYED PA

062b

SA BDUN PA LA, SA BRGYAD PA LA, SA DGU PA LA, SA BCU PA LA 'GOD PA'I 'PHRIN LAS DANG DRUG LAS, DANG PO NI, MDO LAS, RAB 'BYOR DE YANG 'JIG RTEN GYIS THA SNYAD DU BTAGS PA'I CHOS NYID NYE BAR BZUNG NA BYANG CHEN BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA YI, DON DAM PAR NI GZUGS SAM, TSOR BA'AM, ZHES BA NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE SEMS CAN RNAMS KYI DON BYED DO, ,ZHES PAS BSTAN NAS, DE'I DON 'CHAD PA LA, BRDA DANG, ZHES DANG, DE NAS TSOGS YONGS SU RDZOGS PA'I RGYUR GYUR PAS SA GNYIS PA LA SOGS PAR TSUL KHRIMS LA SOGS PA'I PHA ROL TU PHYIN PA'I CHOS THAMS CAD BRDAR BTAGS PA'I SHES PA LA 'GOD DO, ,ZHES GSUNGS, GNYIS PA NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN PHA ROL TU PHYIN PA DRUG LA SPYOD PA DANG, STONG PA NYID BCU BZHI DANG, BYANG CHUB KYI PHYOGS KYI CHOS SUM CU RTZA BDUN LA SPYOD PA DANG, ZHES PA NAS, DE'I PHYIR BYANG CHEN SHER PHYIN LA SPYOD PA'I TSE THABS MKHAS PAS CHOS THAMS CAD DNGOS PO MED PAR MTHONG NAS BLA NA MED PA YANG DAG PAR RDZOGS PA'I BYANG CHUB TU YANG DAG PAR 'JUG GO ,ZHES PA'I BAR GYIS BSTAN, DE'I DON 'CHAD PA LA, DMIGS PA MED PA DANG, ,ZHES DANG, DE BZHIN DU RIMS KYIS SHER PHYIN LA BRTEN NAS SA DRUG PA LA SHES PA DANG, SHES BYA'I DNGOS POR MNGON PAR MA ZHEN PA'I

063a

, ,MTSAN NYID CHOS THAMS CAD DMIGS SU MED PA LA'O, ,ZHES GSUNGS, GSUM PA NI, GSOL BA, BCOM LDAN 'DAS THABS MKHAS PA GANG GIS BYANG CHEN CHOS THAMS CAD DNGOS PO MED PAR MTHONG NAS BLA NA MED PA YANG DAG PAR RDZOGS PA'I BYANG CHUB TU 'JUG PA'I THABS MKHAS PA DE GANG LAGS, BCOM LDAN 'DAS KYIS BKA' STZAL PA, SH'A RI'I BU 'DI LA BYANG CHEN SHER PHYIN LA SPYOD PA'I TSE CHOS GANG YANG GANG LA THOGS PAR 'GYUR BA'I DNGOS PO'AM, GANG LA THOGS PAR 'GYUR NAS, ZHES PA NAS, BYANG CHUB KYI LAM YONGS SU RDZOGS PAR BYED PA DANG, SANGS RGYAS KYI ZHING YONGS SU DAG PAR BYED PA'I TSE SEMS CAN RNAMS YONGS SU SMIN PAR BYED DE, SEMS CAN LA LA ZHIG DMIGS PAR BYAS SHING GDUL BAR BYA BA DE LTA BU'I SEMS CAN GANG YANG MI DMIGS SO, ,ZHES PA'I BAR GYIS BSTAN, DE'I DON 'CHAD PA LA, LUS CAN RNAMS NI YONGS SMIN DANG, ,ZHES DANG, DE'I 'OG TU SA BDUN PA LA THABS KYI PHA ROL TU PHYIN PA'I STOBS KYIS SEMS CAN YONGS SU SMIN PAR BYED PA LA'O, ,ZHES GSUNGS, BZHI PA LA, SPYOD PA KHYAD PAR CAN LA 'GOD PA DANG, BDEN 'DZIN MNGON DU GYUR PA ZHI PA LA 'GOD PA GNYIS LAS, DANG PO NI, DE NAS TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN BYANG CHUB KYI LAM GANG LA SPYAD DE SEMS CAN RNAMS YONGS SU SMIN PAR BYA BA DANG SANGS RGYAS KYI ZHING YONGS SU DAG PAR BGYI BA'I BYANG CHEN BYANG CHUB KYI LAM GANG

063b

LAGS, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN SEMS DANG PO BSKYED PA NAS NYE BAR BZUNG STE, SBYIN PA'I PHA ROL TU PHYIN PA LA SPYOD, CES PA NAS, SANGS RGYAS NAS CHOS RNAM PAR 'GOD PAR BYAS SHING SEMS CAN RNAMS LA CHOS STON TO, ,ZHES PA'I BAR GYIS BSTAN, DE'I DON 'CHAD PA LA, BYANG CHUB SEMS DPA'I LAM DANG NI, ,ZHES DANG, DE NAS STOBS KYI PHA ROL TU PHYIN PA'I STOBS KYIS SA BRGYAD PA LA NYAN THOS LA SOGS PA DANG THUN MONG MA YIN PA'I BYANG CHUB SEMS DPA'I LAM LA'O, ,ZHES GSUNGS, GNYIS PA NI, RAB 'BYOR DE LA BYANG CHEN BYANG CHUB KYI LAM LA SPYOD PAS 'DI LTAR THOG MA NYID DU 'DI LTAR YONGS SU BRTAG PAR BYA STE, MNGON PAR 'DU BYA BA MA GTOGS PAR 'DI LA CHOS GANG YANG NGO BO NYID KYIS DMIGS SU MED DO, ,ZHES BYA BAR YONGS SU BRTAG PAR BYA'O, ,ZHES PA NAS, BYANG CHUB KYI LAM BSKYED DE, LAM DES SEMS CAN 'KHOR BA LAS YONGS SU THAR PAR BYED DO, ,ZHES PA'I BAR GYIS BSTAN TO, ,DE'I DON 'CHAD PA LA, MNGON PAR ZHEN PA ZLOG PA DANG, ,ZHES DANG, DE NAS DE NYID LA CHOS THAMS CAD LA MNGON PAR ZHEN PA SPANGS PA LA'O, ,ZHES GSUNGS, LNGA PA BYANG CHUB THOB PA LA 'GOD PA NI, GSOL PA, BCOM LDAN 'DAS CI LAGS, SKYES PAR GYUR PA'I LAM GYIS BYANG CHUB THOB PAR 'GYUR BA LAGS SAM, BCOM LDAN 'DAS KYIS BKA' STZAL PA, MA YIN NO, ,ZHES PA NAS, SANGS RGYAS PHYIN CHAD DE BZHIN GSHEGS PA THAMS CAD GZIGS PA CHOS THAMS CAD LA DBANG BSGYUR

064a

, ,BZHES BYA'O, ,ZHES PA'I BAR GYIS BSTAN, DE'I DON 'CHAD PA LA, BYANG CHUB THOB DANG, ZHES DANG, DE'I RJES LA SA DGU PA LA SMON LAM GYI PHA ROL TU PHYIN PA'I MTHUS BYANG CHUB THOB PA LA'O, ZHES GSUNGS, DRUG PA LAS BCU THOB MA THAG PA LA, SKYE BA GCIG GIS THOGS PA LA, SRID PA THA MA PA LA 'GOD PA'I 'PHRIN LAS GSUM LAS, DANG PO SANGS RGYAS KYI ZHING DAG PA LA 'GOD PA NI, RAB 'BYOR GYIS GSOL PA, BCOM LDAN 'DAS GAL TE CHOS THAMS CAD RANG BZHIN GYIS DBEN PA LAGS NA JI LTAR BYANG CHEN SANGS RGYAS KYI ZHING YONGS SU DAG PAR BGYI, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN DANG PO SEMS BSKYED PA NAS NYE BAR BZUNG STE, BDAG DANG GZHAN GYI LUS KYI GNAS NGAN LEN DANG, NGAG GI GNAS NGAN LEN DANG, YID KYI GNAS NGAN LEN YONGS SU SPYOD STE, DE YONGS SU DAG PAR BYAS NAS SANGS RGYAS KYI ZHING YONGS SU DAG PAR BYED DO, ,ZHES PA NAS, BLA NA MED PA YANG DAG PAR RDZOGS PA'I BYANG CHUB TU NGES PAR 'GYUR RO, ,ZHES PA'I BAR GYIS BSTAN, DE'I DON 'CHAD PA LA, SANGS RGYAS ZHING, ,RNAM PAR DAG DANG, ZHES DANG, DE'I 'OG TU YE SHES KYI PHA ROL TU PHYIN PA'I STOBS KYIS SA BCU PA LA SANGS RGYAS KYI ZHING SNA TSOGS PA RNAM PAR DAG PA LA BKOD NAS, ZHES GSUNGS, GNYIS PA LA, SKYE BA PHYI MAR 'TSANG RGYA BAR NGES PA LA 'GOD PA, GZHAN DON LHUN GRUB LA 'GOD PA, SANGS RGYAS KYI CHOS LHAG MA RDZOGS PA LA 'GOD PA DANG

064b

GSUM LAS, DANG PO NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN NGES PA ZHES BGYI'AM MA NGES PA ZHES BGYI, BCOM LDAN 'DAS KYIS BKA' STZAL PA, RAB 'BYOR BYANG CHEN NGES PA STE MA NGES PA MA YIN NO, ,GSOL PA, NYAN THOS KYI PHUNG PO'AM RANG SANGS RGYAS KYI PHUNG PO'AM PHUNG PO GANG DU NGES PA LAGS, BCOM LDAN 'DAS KYIS BKA' STZAL PA, RAB 'BYOR BYANG CHEN NI NYAN THOS KYI PHUNG PO'AM RANG SANGS RGYAS KYI PHUNG POR NGES PA MA YIN GYI, RAB 'BYOR BYANG CHEN NI SANGS RGYAS KYI PHUNG POR NGES PA'O, ,ZHES PA NAS, DE LTA BU'I LUS YONGS SU 'DZIN PA NI THABS SHIN TU MKHAS PA STE, DE NI NGO MTSAR CHE'O, ,ZHES PA'I BAR GYIS BSTAN NAS, DE'I DON 'CHAD PA LA, NGES PA DANG, ,ZHES DANG, YANG DE NYID LA SKYE BA GCIG GIS THOGS PA'I RANG GI NGO BO YANG DAG PAR RDZOGS PA'I BYANG CHUB TU SO SOR NGES PA DANG, ZHES GSUNGS, GNYIS PA NI, BCOM LDAN 'DAS BYANG CHEN CHOS DKAR PO GANG DANG GANG LA GNAS SHING DE DANG DE LTA BU'I THABS MKHAS PA BGYID KYANG LAS DE LTA BUS MI GOS PAR BGYID PA LAGS, BCOM LDAN 'DAS KYIS DKA' STZAL PA, RAB 'BYOR SHER PHYIN LA GNAS SHING BYANG CHEN THABS MKHAS PA LA SPYOD DE, THABS MKHAS PA DE DAG GIS PHYOGS BCU RE RE'I 'JIG RTEN GYI KHAMS GANG G'A'I KLUNG GI BYE MA SNYED DU SEMS CAN RNAMS KYI DON BYED KYANG NGES DE LA GANG YANG REG PAR 'GYUR BA MED DO, ,ZHES PA NAS, RNAM GRANGS DES NA BYANG CHEN SHER PHYIN LA GNAS SHING DE LTA

065a

, ,BU'I THABS MKHAS PA LA SPYAD PA'I RIG PAR BYA'O, ,ZHES PA'I BAR GYIS BSTAN, DE'I DON 'CHAD PA LA, SEMS CAN DON NI TSAD MED DANG, ,ZHES DANG, PHYOGS BCU'I 'JIG RTEN GYI KHAMS KYI SEMS CAN GYI DON DANG 'JIG RTEN GYI KHAMS THAMS CAD DU SANGS RGYAS KYI DRUNG DU NYE BAR 'GRO BA LA SOGS PA'I YON TAN LA BKOD DE, ZHES GSUNGS, GSUM PA NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO,, BCOM LDAN 'DAS BYANG CHEN SHER PHYIN? LA SPYOD CING CHOS THAMS CAD STONG PA NYID LA GNAS TE PHYOGS BCU'I PHYOGS RE RE'I 'JIG RTEN GYI KHAMS GANG G'A'I KLUNG GI BYE MA SNYED DAG TU MCHI BA DANG, 'JIG RTEN GYI KHAMS DE DAG NA SANGS RGYAS BCOM LDAN 'DAS GANG JI SNYAD CIG BZHUGS SHING 'TSO SKYONG BA DANG, CHOS STON PA DE DAG LA BSNYEN BKUR BYED PA DANG CHOS NYAN CING SANGS RGYAS BCOM LDAN 'DAS DE DAG LA DGE BA'I RTZA BA BSKYED PA'I MNGON PAR SHES PA'I PHA ROL TU PHYIN PA MNGON PAR BSGRUBS PA LAGS, DE SKAD CES GSOL BA DANG, BCOM LDAN 'DAS KYIS TSE LDAN RAB 'BYOR LA 'DI SKAD CES BKA' STZAL TO, ,RAB 'BYOR 'DI LA BYANG CHEN SHER PHYIN LA SPYOD PA'I TSE PHYOGS BCU'I PHYOGS RE RE'I 'JIG RTEN GYI KHAMS GANG G'A'I KLUNG GI BYE MA SNYED DE DAG NGO BO NYID KYIS STONG PAR MTHONG NGO, ,ZHES PA NAS, LAM GYI YAN LAG DANG MI LDAN PA'I BYANG CHEN LA BLA NA MED PA YANG DAG PAR RDZOGS PA'I BYANG CHUB MED DO, ,ZHES PA'I BAR GYIS BSTAN, DE'I DON 'CHAD PA

065b

LA; SANGS RGYAS BSTEN SOGS YON TAN DANG, ,ZHES DANG, 'JIG RTEN GYI KHAMS THAMS CAD DU SANGS RGYAS KYI DRUNG DU NYE BAR 'GRO BA LA SOGS PA'I YON TAN LA BKOD DE, ZHES GSUNGS, GSUM PA SRID PA THA MAL 'GOD PA LA, NUS PA'I KHYAD PAR, RTOGS PA'I KHYAD PAR, SPANGS PA'I KHYAD PAR, DAG PA'I RGYU TSOGS KYI KHYAD PAR LA 'GOD PA DANG BZHI LAS, DANG PO LA, BYANG CHUB 'DREN PAR BYED PA LA 'GOD PA DANG, LAM CHUD MI ZA BA LA 'GOD PA GNYIS LAS, DANG PO NI, RAB 'BYOR GYIS GSOL PA, BCOM LDAN 'DAS BYANG CHEN LAM GYI YAN LAG YONGS SU RDZOGS PAR BGYIS SHING BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR BA'I LAM DE DAG GANG LAGS, BCOM LDAN 'DAS KYIS BKA' STZAL PA, RAB 'BYOR DGE BA'I CHOS THAMS CAD NI BYANG CHEN GYI LAM GYI YAN LAG GO ,ZHES PA NAS, RAB 'BYOR DE NI BYANG CHEN DANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI KHYAD PAR RO, ,ZHES PA'I BAR GYIS BSTAN, DE'I DON 'CHAD PA LA, BYANG CHUB YAN LAG ,CES DANG, DE LTA BU'I RIM PA YANG DE NYID LA KHYAD PAR GYI LAM GYI RANG GI NGO BO BYANG CHUB MTHA' DAG 'DREN PAR BYED PA'I CHOS KYI MTSAN NYID BYANG CHUB KYI YAN LAG DANG, ZHES GSUNGS, GNYIS PA NI, RAB 'BYOR GYIS GSOL PA, BCOM LDAN 'DAS GAL TE CHOS THAMS CAD RANG GI MTSAN NYID KYIS STONG PA LAGS NA, RANG GI MTSAN NYID KYIS STONG PA'I CHOS DE DAG LA 'DI NI SEMS

066a

, ,CAN DMYAL BA'O, ,ZHES PA NAS, BYANG CHUB SEMS DPA'I SPYAD PA SPYOD CING BLA NA MED PA YANG DAG PAR RDZOGS PAR BYANG CHUB TU MNGON PAR RDZOGS PAR 'TSANG RGYA'O, ,MNGON PAR RDZOGS PAR SANGS RGYAS NAS RGYUD LNGA'I 'KHOR BA LAS SEMS CAN RNAMS YONGS SU 'GROL TO, ,ZHES PA'I BAR GYIS BSTAN, DE'I DON 'CHAD PA LA, LAS RNAMS NI, ,CHUD MI ZA DANG, ZHES DANG, LAS DANG 'BRAS BUR 'BREL PA CHUD MI ZA BA DANG, ZHES GSUNGS, GNYIS PA LA, BDEN BZHI MTHONG BA JI SNYED PA RTOGS PA LA 'GOD PA DANG, 'KHOR 'DAS MNYAM PA NYID DU JI LTA BA RTOGS PA LA 'GOD PA GNYIS LAS, DANG PO NI, RAB 'BYOR GYIS GSOL BA, BCOM LDAN 'DAS GAL TE CHOS THAMS CAD RANG GI MTSAN NYID KYIS STONG PA LAGS NA JI LTAR BYANG CHEN BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, RGYUD LNGA'I SEMS CAN RNAMS YONGS SU 'DREN PA LAGS, BCOM LDAN 'DAS KYIS BKA' STZAL PA, RAB 'BYOR 'DI LA BYANG CHEN BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE SDUG BSNGAL DANG SDUG BSNGAL KUN 'BYUNG DANG SDUG BSNGAL 'GOG PA DANG SDUG BSNGAL 'GOG PAR 'GRO BA'I LAM SEMS CAN RNAMS LA CHOS STON TO, ,ZHES PA NAS, GZHAN DU YANG DAG PA JI LTA BA BZHIN DU SEMS CAN RNAMS KYIS MI SHES MI MTHONG BAS DE'I PHYIR BYANG CHEN SHER PHYIN LA SPYOD CING THABS MKHAS PAS SEMS CAN RNAMS LA CHOS STON TO, ,ZHES PA'I BAR GYIS BSTAN, DE'I DON 'CHAD PA LA, BDEN MTHONG DANG,,

066b

ZHES DANG, DNGOS PO THAMS CAD YANG DAG PA JI LTA BA BZHIN RTOGS PA DANG, ZHES GSUNGS, GNYIS PA NI, RAB 'BYOR GYIS GSOL BA, BCOM LDAN 'DAS GAL TE DE LTAR SO SO SKYE BO RNAMS KYI CHOS MNYAM PA NYID GANG LAGS PA DE NYID DAD PA'I RJES SU 'BRANG BA RNAMS DANG, CHOS KYI RJES SU 'BRANG BA RNAMS DANG BRGYAD PA RNAMS DANG RGYUN DU ZHUGS PA RNAMS DANG LAN CIG PHYIR 'ONG BA RNAMS DANG PHYIR MI 'ONG BA RNAMS DANG DGRA BCOM PA RNAMS DANG RANG SANGS RGYAS RNAMS BYANG CHEN RNAMS KYI MNYAM PA NYID DE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI MNYAM PA NYID LAGS NA, BCOM LDAN 'DAS MTSAN NYID MI 'DRA BA'I CHOS 'DI LTA STE, GZUGS DANG, TSOR BA DANG, ZHES PA NAS, 'DUS BYAS KYI KHAMS KYI 'DU SHES DANG BRAL BAR BYED CING, 'DUS BYAS KYI KHAMS KYI 'DU SHES DANG BRAL NAS 'DUS MA BYAS KYI DBYINGS STONG PA YIN YANG 'DUS MA BYAS KYI DBYINGS SU 'GOD PA YANG DE BZHIN GSHEGS PA'I PHA ROL TU PHYIN PA'I MTHAR THUG PAR RIG PAR MI 'GYUR RO, ,ZHES PA'I BAR GYIS BSTAN, DE'I DON 'CHAD PA LA, 'DUS BYAS 'DUS MA BYAS PA LA, ,THA DAD YONGS SU MI SHES DANG, ,ZHES DANG, STONG PA NYID KYI NGO BO NYID KYIS 'DUS BYAS DANG 'DUS MA BYAS THA MI DAD PAR YONGS SU SHES PA LA BKOD NAS, ZHES GSUNGS, 'DI 'DIR BSHAD PA NI DON 'BREL DBANG BTZAN PAR BYA BA'O, ,GSUM PA LA, PHYIN CI LOG ZAD PA LA 'GOD PA DANG, PHYIN CI LOG GI GZHI ZAD PA LA 'GOD PA GNYIS LAS, DANG PO NI, DE NAS BYANG CHEN BYAMS PAS BCOM LDAN 'DAS LA 'DI SKAD CES

067a

, ,GSOL TO, ,BCOM LDAN 'DAS GAL TE CHOS THAMS CAD DNGOS PO MA MCHIS PA'I NGO BO NYID LAGS NA, BCOM LDAN 'DAS DE'I TSE SHER PHYIN LA SPYOD PA'I BYANG CHEN BYANG CHUB SEMS DPA'I BSLAB PA LA SLOB PAR 'TSAL BAS GZUGS LA JI LTAR BSLAB PAR BGYI, ZHES PA NAS, MI RTAG PA LA RTAG PA'I 'DU SHES SU GYUR PA, SDUG BSNGAL BA LA BDE BA'I 'DU SHES SU GYUR PA, BDAG MED PA LA BDAG GI 'DU SHES SU GYUR PA, MI SDUG PA LA SDUG PA'I 'DU SHES SU GYUR PA DNGOS PO LA MNGON PAR ZHEN PA RNAMS DNGOS PO LAS RNAM PAR 'GROL TO, ,ZHES PAS BSTAN, DE'I DON 'CHAD PA LA, PHYIN CI LOG NI SPANGS PA DANG, ,ZHES DANG, PHYIN CI LOG THAMS CAD SPANGS PA DANG, ZHES GSUNGS, GNYIS PA NI, RAB 'BYOR GYIS GSOL BA; BCOM LDAN 'DAS CI LAGS, BYIS PA SO SO SKYE BO RNAMS LA DNGOS POR ZHEN NAS MNGON PAR ZHEN PAR GYUR PA DE LTA BU'I DNGOS PO DE BZHIN MA NOR BA DE BZHIN ZHES BGYI BA MA MCHIS SAM, DE STE MA MCHIS NA NI MNGON PAR 'DU BGYID PAR YANG JI LTAR 'GYUR, SUG LAS DES KYANG SHUL RGYUD LNGA'I 'KHOR BA LAS CI STE MI 'GROL, BCOM LDAN 'DAS KYIS BKA' STZAL PA, PHYIN CI LOG MA GTOGS PAR GANG LA GNAS TE, BYIS PA SO SO SKYE BO RNAMS LAS MNGON PAR 'DU BYED PA'I DNGOS PO NI CHUNG DU NA SKRA'I RTZE MO'I CHA SHAS GSHAGS PA TZAM YANG MED DO, ,ZHES PA NAS, JI LTAR YANG DAG PAR MTHONG BA LA KUN NAS NYON MONGS PA'AM RNAM PAR BYANG BAR 'GYUR BA MED PA DE BZHIN DU KUN NAS NYON MONGS PA DANG RNAM PAR BYANG BA MED DO,,

067b

ZHES PA'I BAR GYIS BSTAN, DE'I DON 'CHAD PA LA, DE GZHI MED PA'I TSUL DANG NI, ,ZHES DANG, PHYIN CI LOG GZHI MED PAR SPANGS PA'I YE SHES DANG, ZHES GSUNGS, BZHI PA LA, RANG BZHIN RNAM DAG GI CHOS SKU'I RGYU TSOGS DRI MAS RNAM PAR BYANG BA LA 'GOD PA, GLO BUR RNAM DAG GI RGYU TSOGS LA 'GOD PA GNYIS LAS, DANG PO NI, DE NAS TSE LDAN RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS YANG DAG PA MTHONG BA LA KUN NAS NYON MONGS PAR 'GYUR PA'AM RNAM PAR BYANG BAR GYUR PA MA MCHIS PA DE BZHIN DU, YANG DAG PA MA MTHONG BA LA YANG KUN NAS NYON MONGS PA DANG RNAM PAR BYANG BAR 'GYUR BA MA MCHIS TE, ZHES PA NAS, DE NI BRJOD DU MED CING SMOS SU MED PA STE SGRA DANG TSIG THAMS CAD KYI LAM LAS 'DAS PA'I CHOS SO, ,ZHES PA'I BAR GYIS BSTAN, DE'I DON 'CHAD PA LA, RNAM PAR BYANG DANG, ZHES DANG, RANG BZHIN GYIS YONGS SU DAG PA'I MTSAN NYID KYIS BYANG CHUB SEMS DPA' RNAM PAR BYANG BA DANG, ZHES GSUNGS, GNYIS PA NI; GSOL BA, BCOM LDAN 'DAS GAL TE CHOS THAMS CAD RMI LAM LTA BU SGRA BRNYAN LTA BU MIG YOR LTA BU SMIG RGYU LTA BU SGYU MA LTA BU SPRUL PA LTA BU LAGS NA, JI LTAR BYANG CHUB SEMS DPA' SEMS DPA' CHEN PO CHOS THAMS CAD RMI LAM LTA BU DANG, ZHES PA NAS, DE DAG LA CHOS MNYAM PA NYID CES BYA BA GZHAN GANG YANG MED DO, ,ZHES PA'I BAR GYIS BSTAN NAS, DE'I DON 'CHAD PA LA, TSOGS DANG NI, ,ZHES DANG, DRI MA THAMS CAD DANG BRAL BA'I RNAM PAR BYANG BA'I RGYU'I TSOGS DANG, ZHES GSUNGS,

068a

, ,GSUM PA LAM GYI 'BRAS BU MI GNAS PA'I MYANG 'DAS DE BZHIN GSHEGS PA'I SA LA 'GOD PA NI, GSOL BA BCOM LDAN 'DAS DE CIS STONG PA LAGS, BCOM LDAN 'DAS KYIS BKA' STZAL PA, 'DU SHES THAMS CAD NI STONG STE, RAB 'BYOR LA LA ZHIG GIS SPRUL PA ZHIG SPRUL PA NA DE LA GANG STONG PA NYID MA YIN PA DE LTA BU'I DNGOS PO GANG YANG YOD DAM, GSOL BA, BCOM LDAN 'DAS DE NI MA LAGS SO, ,ZHES PA NAS, DE LA YONGS SU SHES PAR BYA BA'I NGO BO NYID STONG PA NYID CES GSUNGS PA LTA YOD PAR 'GYUR RE SKAN, ZHES PA'I BAR GYIS BSTAN NAS, DE'I DON 'CHAD PA LA, MYA NGAN 'DAS LA 'GOD PA STE, ,ZHES DANG, DE BZHIN GSHEGS PA'I SA LA MYA NGAN LAS 'DA' BA LA BKOD PAR MDZAD DE, ZHES GSUNGS SO; ;DES SLOB DPON GYI LUGS DE SONG NAS, 'PHAGS PA LTAR NA SPRUL SKU'I 'PHRIN LAS LA, LAM LA 'GOD PA DANG, LAM GYI 'BRAS BU LA 'GOD PA GNYIS LAS, DANG PO LA, TSOGS LAM, SBYOR LAM, MTHONG LAM, SGOM LAM LA 'GOD PA DANG BZHI LAS, DANG PO LA BSAM PA PHUN TSOGS LA 'GOD PA, GZHAN RGYUD SMIN BYED SBYOR BA PHUN TSOGS LA 'GOD PA, BDEN BZHI RTOGS PA LA 'GOD PA DANG GSUM LAS, DANG PO NI, 'GRO RNAMS ZHI BA'I LAS DANG NI, ,ZHES PAS 'CHAD, GNYIS PA NI; BSDU RNAM BZHI LA 'GOD PA DANG, ZHES PAS 'CHAD, GSUM PA NI, KUN NAS NYON MONGS BCAS PA DANG, ,RNAM PAR BYANG BA RTOGS PA DANG, ,ZHES PAS 'CHAD, GNYIS PA LA, BSAM PA PHUN TSOGS LA 'GOD PA, GZHAN RGYUD SMIN BYED

068b

SBYOR BA PHUN TSOGS LA 'GOD PA, LTA BA RNAM PAR DAG PA LA 'GOD PA'O, ,DANG PO NI, SEMS CAN RNAMS DON JI BZHIN GYIS, ,DON DANG, ZHES PAS 'CHAD, GNYIS PA LA, DNGOS DANG, GNYIS DON GYI SPYOD PA LA 'GOD PA GNYIS LAS, DANG PO NI, PHA ROL PHYIN DRUG DANG, ,ZHES PAS 'CHAD, GNYIS PA NI, SANGS RGYAS LAM DANG, ZHES PAS 'CHAD, GSUM PA NI, RANG BZHIN GYIS, ,STONG PA NYID DANG, ZHES PAS 'CHAD, GSUM PA NI, GNYIS ZAD DANG, ,ZHES PAS 'CHAD, BZHI PA LA, SA GNYIS PA SOGS GNYIS LA 'GOD PA, BZHI PA SOGS GSUM LA 'GOD PA, SA BDUN PA LA 'GOD PA, BRGYAD PA LA 'GOD PA, DGU PA LA 'GOD PA, SA BCU PA LA 'GOD PA'O, ,DANG PO NI, BRDA DANG, ZHES PAS 'CHAD, GNYIS PA NI, DMIGS PA MED PA DANG, ,ZHES PAS 'CHAD, GSUM PA NI, LUS CAN RNAMS NI YONGS SMIN DANG, ,ZHES PAS 'CHAD, BZHI PA LA, LAM GSUM SHES PA'I LAM SHES LA 'GOD PA, BDEN 'DZIN ZHI BA LA 'GOD PA, SANGS RGYAS DKON MCHOG BTAGS PA PA LA 'GOD PA, SANGS RGYAS KYI ZHING DAG PA'I SBYOR BA LA 'GOD PA'O, ,DANG PO NI, BYANG CHUB SEMS DPA'I LAM DANG NI, ,ZHES PAS 'CHAD, GNYIS PA NI, MNGON PAR ZHEN PA ZLOG PA DANG, ,ZHES PAS 'CHAD, GSUM PA NI, BYANG CHUB THOB DANG, ZHES PAS 'CHAD, BZHI PA NI, SANGS RGYAS ZHING, ,RNAM PAR DAG DANG, ZHES PAS 'CHAD, LNGA PA LA, RANG NYID 'TSANG RGYA BAR NGES PA LA 'GOD PA, GZHAN RGYUD SMIN PA LA 'GOD PA DANG GNYIS LAS, DANG PO NI, NGES PA DANG, ,ZHES PAS 'CHAD, GNYIS PA

069a

, ,NI; SEMS CAN DON DANG TSAD MED DANG, ,ZHES PAS 'CHAD, DRUG PA LA, SA BCU PAS BSDUS PA'I BSHES GNYEN BSTEN TSUL LA 'GOD PA, RTOGS PA GONG NAS GONG DU 'PHEL BA LA 'GOD PA GNYIS LAS, DANG PO NI, SANGS RGYAS BSTEN SOGS YON TAN DANG, ,ZHES PAS 'CHAD, GNYIS PA LA, BYANG CHUB YAN LAG THOB PA LA 'GOD PA, LAS 'BRAS CHUD MI ZA BA LA 'GOD PA, BDEN BZHI RTOGS PA LA 'GOD PA, PHYIN CI LOG ZAD PA LA 'GOD PA, GZHI MED PA LA 'GOD PA, RNAM BYANG RDZOGS PA LA 'GOD PA, TSOGS RDZOGS PA LA 'GOD PA, SRID ZHI MNYAM NYID RTOGS PA LA 'GOD PA DANG BRGYAD LAS, DANG PO NI, BYANG CHUB YAN LAG, CES PAS 'CHAD, GNYIS PA NI, LAS RNAMS NI, ,CHUD MI ZAD DANG, ZHES PAS 'CHAD, GSUM PA NI, BDEN MTHONG DANG, ,ZHES PAS 'CHAD, BZHI PA NI, PHYIN CI LOG NI SPANGS PA DANG, ,ZHES PAS 'CHAD, LNGA PA NI, DE GZHI MED PA'I TSUL DANG NI, ,ZHES PAS 'CHAD, DRUG PA NI, RNAM PAR BYANG DANG, ZHES PAS 'CHAD, BDUN PA NI, TSOGS DANG NI, ,ZHES PAS 'CHAD, BRGYAD PA NI, 'DUS BYAS 'DUS MA BYAS PA LA, ,THA DAD YONGS SU MI SHES DANG, ,ZHES PAS 'CHAD, GNYIS PA NI, MYA NGAN 'DAS LA 'GOD PA STE, ,ZHES PAS 'CHAD DO; ;'O NA GONG DU SA BCU THOB MA THAG PA'I TSEN SANGS RGYAS KYI ZHING DAG PA'I SNANG BA 'BYUNG BAR BSHAD NA, DE'I TSUL GANG ZHE NA, DE NI 'OD ZER CHEN PO'I DBANG BSKUR THOB NAS 'BYUNG BA YIN LA, 'DI LA SNANG BAS 'PHRIN LAS

069b

SGRUB PA DANG, MCHOD PAS DBANG BSKUR THOB PA GNYIS LAS, DANG PO LA, SNOD DAG PA'I SNANG BA DANG, BCUD DAG PA'I SNANG BA DANG, 'PHRIN LAS SGRUB TSUL DANG GSUM LAS, DANG PO NI, SA BCU THOB MA THAG PA'I TSE TING NGE 'DZIN GRANGS MED PA 'BUM PHRAG BCU THOB PA'I RJES LA, TING NGE 'DZIN THAMS CAD MKHYEN PA'I YE SHES DANG KHYAD PAR MED PAR DBANG BSKUR BA DANG LDAN PA ZHES BYA BA, THOB MA THAG TU STONG GSUM 'BUM PHRAG BCU'I RGYA DANG MNYAM PA'I PADMA RIN PO CHE DU MAS SPRAS PA'I GDAN DANG, DE'I 'KHOR DU STONG GSUM 'BUM PHRAG BCU'I RDUL GYI GRANGS DANG MNYAM PA'I PADMAS GANG BA'I SNANG BA'I SNANG BA 'BYUNG NGO, ,GNYIS PA LA, DE NAS RANG NYID GDAN DE LA 'TSAMS SHING RKYEN DU 'BAB PAR 'DUG LA, 'KHOR GYI PADMA LAS DGU PA MAN CHAD KYI BYANG SEMS BZHUGS PAS BSKOR TE 'DUG PA'I SNANG BA 'BYUNG NGO, ,GSUM PA NI, BYANG SEMS DE'I ZHABS MTHIL GNYIS DANG PUS MO'I LHA NGA GNYIS DANG LTE BA DANG RTZIB LOGS GNYIS DANG PHYAG MTHIL GNYIS LAS 'OD ZER GRANGS MED PA 'BUM PHRAG BCU BCU SPROS PAS RIM PA BZHIN DU YI DVAGS DANG, DMYAL BA DANG, DUD 'GRO DANG, MI DANG, LHA DANG, LHA MA YIN GYI GNAS THAMS CAD SNANG BAR BYAS NAS SDUG BSNGAL THAMS CAD ZHI BAR BYED DO, ,PHRAG PA GNYIS DANG RGYAB MGUL GNYIS DANG ZHAL GYI SGO NAS 'OD ZER GRANGS MED PA 'BUM PHRAG BCU BCU SPROS PAS RIM PA BZHIN DU PHYOGS BCU'I NYAN THOS DANG, RANG RGYAL DANG, SEMS DANG PO BSKYED PA NAS SA DGU BA'I BAR GYI GNAS GSUM

070a

, ,PA RNAMS SNANG BAR BYAS SHING CHOS SNANG BA'I SGO DANG, ZHI BA'I TING NGE 'DZIN GYI SGO'I TSUL DANG, SHES RAB DANG THABS MKHAS PA'I TSUL YANG RIM PA BZHIN DU NYE BAR SGRUB BO, ,GNYIS PA LA, MCHOD PA DANG, DBANG BSKUR BA GNYIS LAS, DANG PO NI, BYANG SEMS DE'I MDZOD SPU NAS 'OD ZER GRANGS MED PA 'BUM PHRAG BCU SPROS PAS PHYOGS BCU'I BDUD THAMS CAD ZIL GYIS MNAN TE DBANG BSKUR THOB PA'I BYANG SEMS RNAMS SNANG BAR BYAS TE, DE DAG GI LUS LA NUB PAR BYED DO, ,BYANG SEMS DE'I SPYI GTZUG NAS 'OD ZER GRANGS MED STONG GSUM GRANGS MED PA 'BUM PHRAG BCU'I RDUL DANG MNYAM PA 'PHROS NAS PHYOGS BCU'I DE BZHIN GSHEGS PA'I DKYIL 'KHOR THAMS CAD SNANG BAR BYAS; 'JIG RTEN LAN BCUR BSKOR NAS STENG GI NAM MKHA' LA 'OD ZER GYI DRA BA'I DKYIL 'KHOR DU BYAS TE, DE BZHIN GSHEGS PA MCHOD SEMS CAN GYI DON BYAS NAS, DE BZHIN GSHEGS PA RNAMS KYI ZHABS KYI MTHIL DU NUB PAR BYED DO, ,GNYIS PA DBANG BSKUR BA NI, PHYOGS BCU'I RGYAL BA SRAS BCAS DE DAG GIS BYANG SEMS DE DBANG BSKUR BA'I DUS LA BABS PAR GZIGS NAS PHYOGS BCU NAS SA DGU PA MAN CHAD LA GNAS PA'I BYANG SEMS MTHA' YAS PA 'ONGS NAS, BYANG SEMS DE LA LTA ZHING MCHOD DE, TING NGE 'DZIN STONG PHRAG BCU BCU LA SNYOMS PAR 'JUG GO ,BYANG SEMS DBANG BSKUR BA THOB PA RNAMS KYIS DPAL BE'U DANG RDO RJE DANG BKRA SHIS LAS BDUD KYI DGRA LAS RNAM

070b

PAR RGYAL BA ZHES BYA BA'I 'OD ZER GCIG 'KHOR 'OD ZER GRANGS MED PA 'BUM PHRAG BCU BCU DANG BCAS PA BYUNG STE, PHYOGS BCU SNANG BAR BYAS CHO 'PHRUL MU MED PA BSTAN TE, BYANG SEMS DE'I DPAL BE'U DANG RDO RJE DANG BKRA SHIS RNAMS SU RIM PA BZHIN DU NUB PAS, BYANG SEMS DE'I MTHU STOBS SNGAR LAS KYANG LHAG PAR 'PHEL BAR 'GYUR RO, ,DE BZHIN GSHEGS PA RNAMS KYI MDZAD SPU NAS KYANG THAMS CAD MKHYEN PA'I MNGON SHES DANG LDAN PA ZHES BYA BA'I 'OD ZER GCIG 'KHOR 'OD ZER GRANGS MED PA 'BUM PHRAG BCU BCU DANG BCAS PA BYUNG STE PHYOGS BCU THAMS CAD SNANG BAR BYAS, 'JIG RTEN LAN BCU BSKOR NAS, NGAN SONG BA THAMS CAD KYI SDUG BSNGAL ZHI BAR BYAS SHING BDUD THAMS CAD ZIL GYIS MNAN NAS BYANG SEMS DE'I SPYI BOR NUB LA 'KHOR GYI 'OD ZER RNAMS NI 'KHOR RNAMS KYI SPYI BOR NUB PAR 'GYUR ZHING, 'OD ZER DE DAG GIS PHOG MA THAG TU BYANG SEMS DE DAG GIS SNGON MA THOB PA'I TING NGE 'DZIN STONG PHRAG BCU BCU 'THOB CING, 'OD ZER DE DAG KYANG BYANG SEMS DE'I MGO LA DUS GCIG TU NUB PAR 'GYUR RO, ,'DI DAG GI SGO NAS RJE BTZUN BTZONG KHA PA CHEN POS BYAMS PA MGON PO LA BSTOD PA'I TSIGS BCAD MANG DU YOD KYANG MANG DOGS NAS MA DRANGS SO, ,CHOS KYI SKU YI 'PHRIN LAS NI, ,ZHES SOGS RTZA 'GREL LAS, CHOS SKU'I 'PHRIN LAS CHOS CAN, KHYOD LA NYER BDUN DU YOD DE, KHYOD LA GDUL BYA LAM GYI RTEN LA 'GOD PA'I 'PHRIN LAS NAS LAM GYI 'BRAS BU MYANG 'DAS LA 'GOD PA'I BAR NYER BDUN DU YOD PA'I PHYIR,

071a

, ,SEMS BSKYED PA DANG PO THA MA'I ZHES SOGS LA, 'GREL PA 'DIR DANG POR SEMS BSKYED DANG THA MAR 'PHRIN LAS LAS MTSAMS KYI SKYE RIMS BRJOD NAS BAR BA DON BDUN CU LHAG MA RNAMS KYIS MTSAMS DNGOS SU MI SMOS PA'I RGYU MTSAN YOD DE, THOG MTHA' GNYIS LA BRTEN NAS BAR BA RNAMS KYANG GO NUS PA LA DGONGS NAS DNGOS SU MA SMOS PA'I PHYIR, BZHI PA 'PHRIN LAS 'JUG TSUL BSHAD PA LA, RGYUD BLA MA LAS GSUNGS TSUL DANG, MDO SDE'I RGYAN LAS GSUNGS TSUL, 'JUG TSUL DE DPES SGRUB PA DANG GSUM LAS, DANG PO LA, 'PHRIN LAS LHUN GRUB TU 'JUG TSUL DANG, RGYUN MI 'CHAD DU 'JUG TSUL GNYIS LAS, DANG PO LA, SPYIR BSTAN PA DANG, SO SOR BSHAD PA GNYIS LAS, DANG PO NI, THUB PA SANGS RGYAS BCOM LDAN 'DAS KYI 'PHRIN LAS DUS RTAG TU LHUN GRUB TU 'JUG PA YIN TE, SEMS CAN GANG GI RGYUD LA THABS GANG GIS GDUL BYA 'DUL BA'I BYA BA GANG YUL GANG DU DUS GANG GI TSE BDUL DGOS PA'I 'PHRIN LAS SGRUB PA LA 'BAD RTZOL GYI RNAM RTOG SKYE BA MED PAR 'PHRIN LAS NGANG GIS 'JUG PA'I PHYIR, DE LTAR YANG RGYUD BLA MAR, GANG GI GANG GIS 'DUL BA YI, ,BYA GANG GANG DU GANG GI STE, ,DE YI RNAM RTOG SKYE MED PHYIR; ;THUB PA RTAG TU LHUN GYIS GRUB, ,CES GSUNGS PA'I PHYIR, GNYIS PA NI, SANGS RGYAS KYI 'PHRIN LAS LHUN GRUB TU 'JUG PA YIN TE, RIGS DANG SA BON LA SOGS PA GDUL BYA'I KHAMS NI GANG GI RGYUD LA 'DUL BA'I THABS MANG PO GANG DAG

071b

GIS GDUL BYA 'DUL BA'I BYA BA GANG DGOS PA DANG YUL GANG DU NI DUS GANG GI TSE 'DUL DGOS PA'I YUL DANG DUS DE DAG JI LTA BA BZHIN DU 'BAD RTZOL NYE BAR ZHI BA'I SGO NAS 'PHRIN LAS LHUN GRUB TU 'JUG PA'I PHYIR TE, DE NYID LAS, GDUL BYA'I KHAMS NI GANG ZHIG GI ,'DUL BA'I THABS MANG GANG DAG GIS, ,GDUL BYA'I BYA GANG GANG DU NI, ,GANG TSE YUL DANG DUS DE DAG ,CES GSUNGS PA'I PHYIR, GNYIS PA LA, MDOR BSTAN, RGYAS PAR BSHAD, SPYI'I DON BSDU BA'O,, DANG PO NI, SANGS RGYAS KYI 'PHRIN LAS RGYUN MI 'CHAD DU 'JUG PA'I RGYU MTSAN YOD DE, BYANG CHUB CHEN PO NGES PAR 'BYIN PA DANG, NGES 'BYIN DE'I RTEN DANG, RTEN DE'I 'BRAS BU DANG, 'BRAS BU DE YONGS SU 'DZIN BYED DANG, 'BRAS BU DE THOB PA LA GEGS BYED KYI SGRIB PA DANG, SGRIB PA DE SPONG BYED KYI GNYEN PO RKYEN RNAMS LA 'BAD RTZOL GYI RNAM RTOG MED PAR 'PHRIN LAS NGANG GIS 'JUG PA'I PHYIR TE, DE NYID LAS, NGES 'BYIN DE YI RTEN PA DANG, ,DE 'BRAS DE YI YONGS 'DZIN DANG, ,DE SGRIB DE SPYOD RGYAN LAS NI, ,RNAM PAR RTOG PA MED PHYIR RO, ,ZHES GSUNGS PA'I PHYIR, GNYIS PA LA DON DRUG NGOS BZUNG BA DANG, DPE DRUG BKOD PA DANG, DPE DON CHOS MTHUN BSHAD PA DANG GSUM LAS, DANG PO NI, NGES PAR 'BYIN PA NAS, RKYEN GYI BAR DRUG PO DE YANG BZHAG TU YOD DE, SA BCU PO DE BYANG CHUB CHEN PO NGES PAR 'BYIN BYED DANG, TSOGS GNYIS PO DE BYANG CHEN NGES PAR 'BYIN BYED DE'I RTEN NAM RGYU DANG, BYANG CHUB KYI MCHOG RDZOGS PA'I BYANG CHUB

072a

, ,NI DE GNYIS KYI 'BRAS BU DANG, SEMS CAN GYI RGYUD LA YOD PA'I RIGS DE BYANG CHUB CHEN PO DE YONGS SU 'DZIN PAR BYED PA DANG, NYON MONGS PA DANG NYE BA'I NYON MONGS PA BAG CHAGS DANG BCAS PA'I BYANG CHUB CHEN PO THOB PA LA GEGS BYED KYI SGRIB PA DANG, SGRIB PA DE RNAMS 'JOMS PAR BYED PA'I RKYEN DANG BYANG CHUB CHEN PO'I RKYEN NI SANGS RGYAS KYI THUGS RJE CHEN PO YIN PA'I PHYIR TE, DE NYID LAS, NGES PAR 'BYIN PA SA BCU STE, ,TSOGS GNYIS DAG NI DE YI RGYU, ,DE 'BRAS BYANG CHUB MCHOG YIN TE, ,BYANG CHUB SEMS CAN YONGS SU 'DZIN, ,DE SGRIB MTHA' YAS NYON MONGS DANG, ,NYE BA'I NYON MONGS BAG CHAGS SO, ,DUS KUN DU NI DE 'JOMS PA'I, ,RKYEN NI THUGS RJE CHEN PO YIN, , ZHES GSUNGS PA'I PHYIR, GNYIS PA NI, 'PHRIN LAS RGYUN MI 'CHAD DU 'JUG PA'I GNAS DRUG PO DE RNAMS DPE JI LTAR SHES PAR BYA BA YANG YOD DE, DRUG PO DE DAG RNAMS GO RIMS BZHIN DU RGYA MTSO DANG NYI MA DANG NAM MKHA' DANG GTER DANG SPRIN DANG RLUNG BZHIN DU SHES PAR BYA BA YIN PA'I PHYIR TE, DE NYID LAS, GNAS DRUG PO 'DI DAG RNAMS, ,GO RIMS JI BZHIN RGYA MTSO DANG, ,NYI MA DANG NI NAM MKHA' GTER, ,SPRIN DANG RLUNG BZHIN SHES PAR BYA, ,ZHES GSUNGS PA'I PHYIR,, GSUM PA NI, SA BCU PA DE RGYA MTSO DANG 'DRA STE, YE SHES KYI CHUS RGYAS PAR BYED PA DANG, YON TAN RIN PO CHE DPAG TU MED PA DANG LDAN PA'I PHYIR TE, DE NYID LAS, SHES CHU YON TAN RIN CHEN DANG, ,LDAN PHYIR SA RNAMS RGYA MTSO BZHIN,,

072b

ZHES GSUNGS PA'I PHYIR, TSOGS GNYIS PO DE NYI MA DANG 'DRA STE, DE GNYIS SEMS CAN THAMS CAD KYI NYER 'TSO'I GNAS SU GYUR PA YIN PA'I PHYIR, DE NYID LAS, SEMS CAN THAMS CAD NYER 'TSO'I PHYIR, ,TSOGS GNYIS DAG NI NYI MA BZHIN, ,ZHES GSUNGS PA'I PHYIR, BYANG CHUB CHEN PO NI NAM MKHA' DANG 'DRA STE, DE YON TAN RIN PO CHE MTHA' DBUS MED PA'I BDAG NYID YIN PA'I PHYIR TE, DE NYID LAS, RGYA TSA MTHA' DANG DBUS MED PHYIR, ,BYANG CHUB NAM MKHA'I KHAMS BZHIN NO, ,ZHES GSUNGS PA'I PHYIR, BYANG CHUB TU 'GYUR RUNG GI SEMS CAN GYI RGYUD KYI RANG BZHIN GNAS RIGS NI GTER DANG 'DRA STE, DE YANG DAG PAR RDZOGS PA'I SANGS RGYAS KYI CHOS NYID RANG BZHIN RNAM PAR DAG PA YON TAN THAMS CAD 'BYUNG RUNG STE DE NYID KYI GNAS YIN PA'I PHYIR TE, DE NYID LAS, YANG DAG RDZOGS SANGS CHOS NYID PHYIR, ,SEMS CAN KHAMS NI GTER DANG 'DRA, ,ZHES GSUNGS PA'I PHYIR, SEMS CAN GYI RGYUD KYI NYON MONGS DANG NYE BA'I NYON MONGS BAG CHAGS DANG BCAS PA NI SPRIN DANG 'DRA STE, DE RNAMS GLO BUR BA DANG, BSGRIB BYA LA KHYAB PA DANG, BDEN PA'I RANG BZHIN DU MA GRUB PA'I PHYIR TE, DE NYID LAS, GLO BUR KHYAB DANG MA GRUB PHYIR, ,DE YI NYON MONGS SPRIN TSOGS BZHIN, ,ZHES GSUNGS PA'I PHYIR, SANGS RGYAS KYI THUGS RJE MI ZAD PA RLUNG DANG 'DRA STE, DE SGRIB PA DE 'THOR BAR NI NYE BAR GNAS PA YIN PA'I PHYIR TE, DE NYID LAS, DE 'THOR BAR NI NYER GNAS PHYIR, ,THUGS RJE MI ZAD RLUNG DANG

073a

, ,'DRA; ;ZHES GSUNGS PA'I PHYIR, GSUM PA NI, SANGS RGYAS KYI 'PHRIN LAS RGYUN MI 'CHAD DU 'JUG PA YIN TE, SA BCU DANG TSOGS GNYIS KYIS BSDUS PA'I RKYEN GZHAN GYI DBANG GIS NGES PAR 'BYUNG BA GZHAN DON RGYUN MI 'CHAD PA'I RGYU'I KHYAD PAR DANG, BDAG DANG SEMS CAN MTSUNGS PAR CHOS NYID KYI BDAG NYID DU GNAS PAR GZIGS NAS BYANG CHUB CHEN PO DANG SEMS CAN GYI KHAMS GNYIS TE GZHAN DON RGYUN MI 'CHAD PA'I NGO BO'I KHYAD PAR DANG, NYON MONGS PA DANG NYE BA'I NYON MONGS PA BAG CHAGS DANG BCAS PA 'JOMS PAR BYED PA'I RKYEN THUGS RJE CHEN PO STE GZHAN DON RGYUN MI 'CHAD PA'I 'BRAS BU'I KHYAD PAR DANG GSUM GYI SGO NAS MDZAD PA YONGS SU MA RDZOGS PA'I PHYIR, DE NYID LAS, GZHAN GYI DBANG GIS NGES 'BYUNG DANG, ,BDAG DANG SEMS CAN MTSUNGS GZIGS DANG, ,MDZAD PA YONGS SU MA RDZOGS PHYIR, ,'KHOR BA SRID DU MDZAD MI 'CHAD, ,CES GSUNGS PA'I PHYIR, GNYIS PA MDO SDE'I RGYAN LAS GSUNGS TSUL LA LHUN GRUB TU 'JUG TSUL DANG, RGYUN MI 'CHAD DU 'JUG TSUL GNYIS LAS, DANG PO NI, SANGS RGYAS KYI 'PHRIN LAS 'BAD MED LHUN GRUB TU 'JUG PA YIN TE, DPER NA LHA'I RNGA BO CHE DAG MA BRDUNGS BAR YANG SNGON GYI SMON LAM GYI MTHUS CHOS KYI SDOM BZHI SOGS STON PA'I SGRA KUN TU 'BYUNG BAR BYED PA DANG, NOR BU RIN PO CHES 'BAD RTZOL MED PAR RANG GI 'OD KUN TU STON PA LTAR, SANGS RGYAS RNAMS KYANG 'BAD RTZOL GYI GZO DANG RNAM RTOG GI RGYU BA MED PAR GDUL BYA LA DAM PA'I

073b

CHOS 'CHAD CING PHAN BDE LA BGOD PA'I 'PHRIN LAS NGANG GIS 'JUG PA'I PHYIR TE, MDO SDE'I RGYAN LAS, JI LTAR RNGA DAG MA BRDUNGS BAR, ,SGRA NI KUN TU 'BYUNG BA LTAR, ,DE BZHIN RGYAL BA GZO MED PAR, ,BSHAD PA DAG NI KUN TU 'BYUNG, ,JI LTAR NOR BU 'BAD MED BAR, ,RANG GI 'OD NI STON PA LTAR, ,SANGS RGYAS RNAMS KYANG GZO MED PAR, ,DE BZHIN MDZAD PA NGES PAR STON, ,ZHES GSUNGS PA'I PHYIR, GNYIS PA NI, SANGS RGYAS KYI 'PHRIN LAS RGYUN MI 'CHAD DU 'BYUNG BA YIN TE; DPER NA NAM MKHA' LA SNOD BCUD KYI 'JIG RTEN GYI BYA BA RGYUN MI 'CHAD PA DANG, NAM MKHA' LA SNOD BCUD KYI 'JIG RTEN GYI BYA BA SNGA MA NYAMS PA STE 'JIG CING PHYI MA BYUNG BA STE 'CHAGS PA LTAR, SANGS RGYAS RNAMS KYANG CHOS KYI DBYINGS LAS MA G-YOS PAR GDUL BYA PHAN BDE LA 'GOD PA'I 'PHRIN LAS RGYUN MI 'CHAD PAR 'BYUNG BA'I PHYIR TE, DE NYID LAS, JI LTAR MKHA' LA 'JIG RTEN GYI, ,BYA BA RGYUN MI 'CHAD PAR SNANG, ,DE BZHIN ZAG MED DBYINGS NA YANG, ,RGYAL BA'I MDZAD PA RGYUN MI 'CHAD, ,JI LTAR MKHA' LA RTAG TU NI, ,BYA BA NYAMS SHING 'BYUNG BA LTAR, ,DE BZHIN ZAG MED DBYINGS NA YANG, ,SANGS RGYAS 'PHRIN LAS SKYE ZHING 'BRI, ,ZHES GSUNGS PA'I PHYIR, DES NA SANGS RGYAS RNAMS KYI MDZAD PA 'PHRIN LAS THAMS CAD SEMS CAN GYI PHAN BDE SGRUB PA LA GCIG TU 'JUG PA YIN TE, DPER NA 'DUS MA BYAS KYI NAM MKHA' LA NGO BO MI 'DRA BA'I DBYE BA MED CING, NAM MKHAR NYI MA'I DKYIL 'KHOR DU MA CIG CAR DU SHAR YANG 'OD ZER RNAMS NAM MKHA' DE

074a

, ,NYID DU 'DRES SHING LO THOG SMIN PA DANG, 'DAM SKAM PA DANG, KU MU DA KHA ZUM PAR BYED PA'I BYA BA 'DRES PA BZHIN DU, SANGS RGYAS KYI CHOS SKU LA NGO BO MI 'DRA PA'I DBYE BA MED CING, SANGS RGYAS RNAMS KYI 'PHRIN LAS KYIS GDUL BYA'I PHAN BDE SGRUB CING SDUG BSNGAL SEL BAR BYED PAR MDZAD PA GCIG TU 'DRES PA YIN PA'I PHYIR TE, DE NYID LAS, JI LTAR NYI MA'I DKYIL 'KHOR GYI, ,'OD ZER DPAG TU MED 'DRES SHING, ,RTAG TU BYA BA GCIG LA 'JUG ,'JIG RTEN LA YANG SNANG BAR BYED, ,DE BZHIN ZAG MED DBYINGS NA YANG, ,SANGS RGYAS DPAG TU MED 'DRES SHING, ,MDZAD PA GCIG NI MDZAD PA LA, ,YE SHES SNANG BA MDZAD PAR 'DOD, ,CES GSUNGS PA'I PHYIR, GSUM PA LA, BSTAN BSHAD GNYIS LAS, DANG PO NI, SANGS RGYAS RNAMS KYI 'PHRIN LAS 'BAD MED LHUN GRUB RGYUN MI 'CHAD DU 'JUG PA YIN TE, BRGYA BYIN GYI GZUGS KYI DPES SANGS RGYAS KYI GZUGS SKU LHUN GRUB RGYUN MI 'CHAD DU 'BYUNG BA DANG, LHA'I RNGA BO CHE'I DPES SANGS RGYAS KYI GSUNG LHUN GRUB RGYUN MI 'CHAD DU 'BYUNG BA DANG, CHAR SPRIN GYI DPES SANGS RGYAS KYI THUGS LHUN GRUB RGYUN MI 'CHAD DU 'BYUNG BA DANG, TSANGS PA'I SPRUL PA'I DPES SANGS RGYAS KYI SKU DANG GSUNG GI 'PHRIN LAS GNYIS DANG, NYI MA'I DPES SANGS RGYAS KYI THUGS KYI 'PHRIN LAS LHUN GRUB RGYUN MI 'CHAD DU 'BYUNG BA DANG, NOR BU RIN PO CHE'I DPES SANGS RGYAS KYI THUGS KYI GSANG

074b

BA LHUN GRUB RGYUN MI 'CHAD DU 'BYUNG BA DANG, SGRA BRNYAN GYI DPES SANGS RGYAS KYI GSUNG GI GSANG BA LHUN GRUB RGYUN MI 'CHAD DU 'BYUNG BA DANG, NAM MKHA'I DPES SANGS RGYAS KYI SKU'I GSANG BA LHUN GRUB RGYUN MI 'CHAD DU 'BYUNG BA DANG, SA GZHI RIN PO CHE'I DPES DE THAMS CAD KYI RTEN THUGS RJE CHEN PO 'BAD MED LHUN GRUB RGYUN MI 'CHAD DU 'BYUNG BA DE MTSON PA YIN PA'I PHYIR TE, RGYUD BLA MAR, BRGYA BYIN RNGA SPRIN TSANGS PA DANG, ,NYI MA NOR BU RIN CHEN BZHIN, ,DE BZHIN GSHEGS PA SGRA BRNYAN BZHIN, ,NAM MKHA' DANG NI SA BZHIN NO, ,ZHES GSUNGS PA'I PHYIR, ,GNYIS PA LA DGU LAS, DANG PO GZUGS SGYU BRGYA BYIN GYI DPES MTSON TSUL NI, SANGS RGYAS KYI GZUGS SKU BRGYA BYIN GYI GZUGS DANG 'DRA BA YIN TE, DPER NA LHA'I DBANG PO BRGYA BYIN GYI LUS GCIG NYID BEEd'URYA'I SA GZHI GTZANG MA DU MAR GZUGS BRNYAN RE RE 'CHAR BA LTAR, 'GRO BA THA DAD PA MANG PO'I DAD SOGS KYI SEMS KYI SNANG BA DAG PA LA GZUGS SKU'I SNANG BA 'CHAR BA'I PHYIR TE, DE NYID LAS; JI LTAR BEEd'UR SA GZHI GTZANG MA LA, ,LHA DBANG LUS KYI GZUGS BRNYAN SNANG BA LTAR, ,DE BZHIN 'GRO SEMS SA GZHI GTZANG MA LA, ,THUB PA'I DBANG PO'I SKU YI GZUGS BRNYAN 'CHAR, ,ZHES GSUNGS PA'I PHYIR, GNYIS PA GSUNG LEGS PAR 'DOMS PA LHA'I RNGA BO CHE'I DPES BSTAN PA NI, SANGS RGYAS KYI GSUNG LHA'I RNGA BO CHE DANG 'DRA BA YIN TE, DPER NA SUM CU RTZA GSUM LA SOGS PA'I LHA GNAS DAG NA LHA'I RNGA BO CHE RNAMS MA BRDUNGS BAR SNGON GYI SMON LAM LA

075a

, ,SOGS PA LAS DKAR PO'I MTHU LAS CHOS KYI SDOM BZHI LA SOGS PA STON PA'I SGRA 'BYUNG BA LTAR, THUB PA SANGS RGYAS BCOM LDAN 'DAS RNAMS KYIS CHOS STON PA'I 'BAD RTZOL RNAM RTOG MED PAR 'GRO BA RANG RANG GI LAS DANG SKAL BA DANG 'TSAM PAR CHOS STON PAR MDZAD PA'I PHYIR TE, DE NYID LAS, JI LTAR LHAN LHA RNAMS KYIS, ,RNGA SGRA RANG GI LAS LAS BYUNG, ,DE BZHIN 'JIG RTEN THUB PA'I CHOS, ,GSUNG BA RANG GI LAS LAS BYUNG, ,ZHES GSUNGS PA'I PHYIR, GSUM PA THUGS CHAR SPRIN GYI DPES BSTAN PA NI, SANGS RGYAS KYI THUGS CHAR SPRIN DANG 'DRA BA YIN TE, DPER NA DBYAR GYI DUS NA SPRIN 'KHRIGS PA LAS 'JIG RTEN GYI LO THOG PHUN SUM TSOGS PAR 'GYUR PA'I RGYU CHU'I CHAR SA LA RGYUN DU 'BEBS PA LTAR, SANGS RGYAS KYI THUGS RJE'I SPRIN LAS KYANG 'GRO BA'I DGE BA'I LO THOG GI RGYUR GYUR PA'I DAM PA'I CHOS KYI CHAR RGYUN MI 'CHAD PAR 'BAD RTZOL GYI RNAM RTOG MED PAR 'BAB PA'I PHYIR TE, DE NYID LAS, JI LTAR DBYAR GYI DUS NA SPRIN; ;LO THOG PHUN SUM TSOGS PA'I RGYU, ,CHU YI PHUNG PO 'BAD MED PAR, ,SA LA RGYUN DU 'BEBS PA LTAR, ,DE BZHIN THUGS RJE'I SPRIN LAS NI, ,RGYAL BA'I DAM CHOS CHU YI CHAR, ,'GRO BA'I DGE BA'I LO THOG RGYU, ,RNAM PAR RTOG PA MED PAR 'BAB, ,CES GSUNGS PA'I PHYIR, BZHI PA DE BZHIN GSHEGS PA'I SKU DANG GSUNG GI 'PHRIN LAS GNYIS TSANGS PA'I DPES BSTAN PA NI, DE BZHIN GSHEGS PA'I SKU DANG GSUNG GI 'PHRIN LAS GNYIS TSANGS PA'I SPRUL PA

075b

DANG 'DRA BA YIN TE, DPER NA TSANGS PA DE RANG GI GNAS NAS 'PHO BA MED PAR YANG LHA'I GNAS GZHAN DANG GZHAN DU TSANGS PA'I SNANG BA DU MA 'BAD MED DU STON PA LTAR, THUB PA SANGS RGYAS RNAMS KYANG CHOS KYI SKU LAS MA G-YOS PAR 'JIG RTEN GYI KHAMS RNAMS SU SKAL BA DANG LDAN PA'I GDUL BYA RNAMS LA SPRUL PA DPAG TU MED PA DAG GIS DAM PA'I CHOS 'BAD PA MED PAR STON PA'I PHYIR TE, DE NYID LAS, JI LTAR TSANGS PA TSANGS PA YI, ,GNAS LAS 'PHO BA MED BZHIN DU, ,LHA YI GNAS NAS THAMS CAD DU, ,SNANG BA 'BAD MED STON PA LTAR, ,DE BZHIN THUB PA CHOS SKU LAS, ,SKYOD PA MED PAR KHAMS KUN TU, ,SKAL LDAN RNAMS LA 'BAD MED PAR, ,SPRUL PA DAG GIS STON PAR MDZAD, ,CES GSUNGS PA'I PHYIR, LNGA PA THUGS KYI 'PHRIN LAS NYI MA'I DPES BSTAN PA NI, DE BZHIN GSHEGS PA'I THUGS KYI 'PHRIN LAS NYI MA DANG 'DRA BA YIN TE, DPER NA NYI MA'I 'OD ZER GYIS GDUNGS PA'I TSE DUS GCIG TU PADMA KHA 'BYED PA DANG, KU MU TA KHA ZUM PAR BYED PA DANG, LO THOG SMIN PAR BYED PA LA SOGS PA RNAMS DUS GCIG 'BYUNG YANG NYI MA'I 'OD ZER LA CHU SKYES BYE BAR BYED PA'I YON TAN DANG KU MU TA ZUM PAR BYED PA'I SKYON DE DANG DE BYED PA'I RNAM PAR RTOG PA MED PA BZHIN DU, DE BZHIN GSHEGS PAS KYANG GDUL BYA RNAMS KYI DBANG PO DANG 'TSAM PAR MNGON MTHO DANG NGES LEGS KYI GO 'PHANG LA 'GOD PA'I CHOS STON KYANG GDUL BYA 'GA' ZHIG LAS DBANG GIS MNGON

076a

, ,MTHO DANG 'GA' ZHIG LAS DBANG GIS NGES LEGS LA 'GOD PAR BYED PA YIN GYI, DE BZHIN GSHEGS PA LA DE DANG DE'I RNAM PAR RTOG PA MED PAR 'BAD MED LHUN GRUB TU 'BYUNG BA'I PHYIR TE, DE NYID LAS, JI LTAR NYI MAS GDUNGS PA'I DUS GCIG TSE NYID LA, ,PAD SOGS RGYAS DANG KU MU TA NI RAB ZUM PA, ,CHU SKYES BYE DANG ZUM PA'I YON TAN SKYON DAG LA, ,NYI MA RTAG MED 'DIR NI 'PHAGS PA'I NYI DE BZHIN, ,ZHES GSUNGS PA'I PHYIR; DRUG PA THUGS KYI GSANG BA YID BZHIN GYI NOR BU'I DPES BSTAN PA NI, DE BZHIN GSHEGS PA'I THUGS KYI GSANG BA YID BZHIN GYI NOR BU DANG 'DRA BA YIN TE, DPER NA YID BZHIN GYI NOR BU RIN PO CHE LA ZAS GOS SOGS DON DU GNYER PA RNAMS KYIS GSOL BA BTAB PA NA RANG RANG GI 'DOD PA RNAMS YONGS SU RDZOGS PAR 'GYUR KYANG NOR BU RIN PO CHE LA DE RNAMS KYI 'DOD PA SO SOR SKONG BAR BYED PA'I RNAM PAR RTOG PA MED PA BZHIN DU SANGS RGYAS KYIS GDUL BYA LA CHOS GSUNGS PA'I TSE GDUL BYA'I BSAM PA THA DAD PA RNAMS KYI RANG RANG GANG MOS KYI CHOS SNA TSOGS PA THOS PAR 'GYUR YANG DE BZHIN GSHEGS PA LA GDUL BYA 'DI LA CHOS 'DI BSTAN PAR BYA'O SNYAM PA'I RNAM PAR RTOG PA MED PAR 'PHRIN LAS NGANG GIS 'JUG PA'I PHYIR TE, DE NYID LAS, JI LTAR YID BZHIN NOR BU NI, ,RTOG PA MED KYANG CIG CAR DU, ,SPYOD YUL GNAS PA RNAMS KYI NI, ,BSAM KUN SO SOR RDZOGS BYED LTAR, ,DE

076b

BZHIN SANGS RGYAS YID BZHIN LA, ,BRTEN NAS BSAM PA THA DAD RNAMS, ,SNA TSOGS CHOS NI THOS 'GYUR YANG, ,DE NI DE LA RNAM MI RTOG ,CES GSUNGS PA'I PHYIR, BDUN PA GSUNGS GI GSANG BA SGRA BRNYAN GYI DPES BSTAN PA NI; DE BZHIN GSHEGS PA'I GSUNG GI GSANG BA SGRA BRNYAN DANG 'DRA BA YIN TE, DPER NA SGRA BRNYAN GYI SGRA NI GZHAN GYI RNAM PAR RIG BYED LAS BYUNG BA DANG, RNAM RTOG GI RGYU BA MED PA DANG, 'BAD RTZOL GYI GZO MED PA DANG PHYI DANG NANG NA MI GNAS PA LTAR, DE BZHIN DU DE BZHIN GSHEGS PA'I GSUNG YANG GZHAN GYI RNAM PAR RIG BYED LAS BYUNG BA DANG, RNAM RTOG GI RGYU BA MED PA DANG, 'BAD RTZOL GYI GZO MED CING PHYI DANG NANG NA GNAS PA MA YIN PAR 'PHRIN LAS NGANG GIS 'JUG PA'I PHYIR TE, DE NYID LAS, JI LTAR SGRA BRNYAN GYI NI SGRA, ,GZHAN GYI RNAM RIG LAS BYUNG BA, ,RNAM PAR RTOG MED GZO MED PA, ,PHYI DANG NANG NA MI GNAS LTAR, ,DE BZHIN DE BZHIN GSHEGS PA'I GSUNG, , GZHAN GYI RNAM RIG LAS BYUNG BA, ,RNAM PAR RTOG MED GZO MED NYID, ,PHYI DANG NANG NA GNAS PA MIN, ,ZHES GSUNGS PA'I PHYIR, BRGYAD PA SKU'I GSANG BA NAM MKHA'I DPES BSTAN PA NI, DE BZHIN GSHEGS PA'I SKU'I GSANG BA NAM MKHA' DANG 'DRA BA YIN TE, DPER NA THOGS BCAS KYI REG BYA CUNG ZAD KYANG MED CING KHA DOG DANG DBYIBS DANG MIG SHES KYI GZUNG BYA MIN PA DANG GZUGS MED PA DANG BSTAN DU MED PA'I NAM MKHA' LA MTHO DMAN LA SOGS

077a

, ,PA'I RNAM PAR MTHONG BA YOD KYANG NAM MKHA' LA MTHO DMAN SOGS MED PA BZHIN DU, DE BZHIN GSHEGS PA'I SKU YANG GDUL BYA 'GA' ZHIG LA MTHO BA DANG, 'GA' ZHIG LA DMA' BA LTAR SNANG YANG DE BZHIN GSHEGS PA'I SKU LA DE 'DRA BA'I KHYAD PAR MED PA'I PHYIR TE, DE NYID LAS, CUNG ZAD MED CING SNANG BA MED, ,DMIGS PA MED CING RTEN MED PA, ,MIG GI LAM LAS RAB 'DAS PA, ,GZUGS MED BSTAN DU MED PA YI, ,MKHA' LA JI LTAR MTHO DANG DMA', ,MTHONG YANG DE NI DE LTAR MIN, ,DE BZHIN THAMS CAD SANGS RGYAS LA, ,MTHONG YANG DE NI DE LTAR MIN, ,ZHES GSUNGS PA'I PHYIR, DGU PA DE THAMS CAD KYI RTEN THUGS RJE CHEN PO GZHI RIN PO CHE'I DPES BSTAN PA NI, DE BZHIN GSHEGS PA'I THUGS RJE CHEN PO NI SA GZHI RIN PO CHE DANG 'DRA BA YIN TE, DPER NA SA GZHI RIN PO CHE LA RNAM PAR RTOG PA MED KYANG LO THOG LA SOGS PA'I SKYE BA KUN SA GZHI LA BRTEN NAS 'PHEL BA DANG BRTAN PA DANG YANGS PAR 'GYUR BA LTAR, RDZOGS PA'I SANGS RGYAS KYIS 'BAD RTZOL GYI RNAM PAR RTOG PA MED PA DE LA BRTEN NAS 'GRO BA'I DGE BA'I RTZA BA RNAMS NI MA LUS PAR 'PHEL BAR 'GYUR PA'I PHYIR TE, DE NYID LAS, JI LTAR SA LA SKYE BA KUN, ,RTOG MED SA LA BRTEN NAS NI, ,'PHEL DANG BRTAN DANG YANGS 'GYUR LTAR, ,DE BZHIN RDZOGS PA'I SANGS RGYAS SA, ,RNAM RTOG MED PA LA BRTEN NAS, ,'GRO BA'I

077b

DGE BA'I RTZA BA NI, ,MA LUS PAR NI 'PHEL BAR 'GYUR, ,ZHES GSUNGS PA'I PHYIR, MDOR NA RDZOGS PA'I SANGS RGYAS RNAMS 'BAD RTZOL GYI GZO MED CING KUN SLONG GI RNAM RTOG MED PAR BRTZE BA THUGS RJE CHEN PO LA BRTEN NAS DAM CHOS LHUN GRUB RGYUN MI 'CHAD DU GSUNGS PAS SKAL LDAN RNAMS KYIS MNGON PAR MTHO BA DANG NGES PAR LEGS PA THOB PAR 'GYUR BA'I PHYIR TE, MDO SDE'I RGYAN LAS, 'JIG RTEN KUN LA NYIN MTSAN DU, ,LAN DRUG TU NI SO SOR GZIGS, ,THUGS RJE CHEN PO DANG LDAN PA, ,PHAN DGONGS KHYOD LA PHYAG 'TSAL LO, ,ZHES GSUNGS PA'I PHYIR, LNGA PA 'PHROS DON NI, KHO NA RE, DE BZHIN GSHEGS PA'I SKU GSUNG THUGS GSUM GYI GSANG BA NOR BU SOGS KYI DPES BSTAN PA MI 'THAD DE, DE LA SHES BYED MED PA'I PHYIR ZER NA, DE'I SHES BYED YOD DE, MDO SDE DU MA LAS GSUNGS PA'I PHYIR TE, DE LA SKU'I GSANG BA NI, DPER NA BYANG CHUB SEMS DPA' SHUGS 'CHANGS KYIS DE BZHIN GSHEGS PA'I GTZUG TOR MI MTHONG LA SKU TSAD MED CING MTHA' YAS KYANG BDAG GIS DE BZHIN GSHEGS PA'I MTHA' YONGS SU BTZAL BAR BYA'O SNYAM STE, RANG GI LUS DPAG TSAD BRGYAD KHRI BZHI STONG DU SPRUL TE, DE BZHIN GSHEGS PA'I SKU LA BLTAS KYANG DE BZHIN GSHEGS PA'I SKU DPAG TSAD 'BUM PHRAG DRUG CU RTZA BRGYAD PAR MTHONG NAS, DE NAS DES RANG GI RDZU 'PHRUL GYI STOBS BSKYED NAS STENG GI PHYOGS SU SANGS RGYAS KYI ZHING GANG G'A'I KLUNG PHRAG BRGYA'I

078a

, ,BYE MA SNYED 'DAS TE 'JIG RTEN GYI KHAMS PADMA CAN DU PHYIN TE BLTAS KYANG DE BZHIN GSHEGS PA'I GTZUG TOR MTHONG MA NUS SHING DE BZHIN GSHEGS PA'I SKU'I TSAD DAM SKU'I MTHA' MTHONG BAR MA NUS PAR GSANG BA BSAM GYIS MI KHYAB PA'I MDO LAS GSUNGS PA'I PHYIR, GSUNG GI GSANG BA NI, MO'U 'GAL GYI BU CHEN POS DE BZHIN GSHEGS PA'I GSUNG GI TSAD BRTAG PA'I PHYIR DU RI RAB KYI RTZE MOR PHYIN TE 'DUG KYANG DE BZHIN GSHEGS PA'I GSUNG DE 'DRAR THOS, DE NAS RANG GI RDZU 'PHRUL GYI STOBS BSKYED DE, 'JIG RTEN GYI KHAMS MI MJED KYI NUB PHYOGS KYI RI LA 'PHAGS TE GLING BZHI LAS KYANG 'DAS TE, KHOR YUG LAS 'DAS NAS, 'JIG RTEN GYI BAR GYI KHOR YUG GI ZOM LA 'DUG NA YANG DE BZHIN GSHEGS PA'I GSUNG DE 'DRAR THOS, DE NAS DE BZHIN GSHEGS PA'I MTHU DANG RANG GI RDZU 'PHRUL GYI STOBS KYIS NUB PHYOGS LONGS SU SANGS RGYAS KYI ZHING GANG G'A'I KLUNG DGU BCU RTZA DGU'I BYE MA SNYED 'DAS PA NA, 'JIG RTEN GYI KHAMS 'OD ZER GYI RGYAL MTSAN ZHES BYA BAR PHYIN TE, DE BZHIN GSHEGS PA 'OD ZER GYI RGYAL PO'I LHUNG BZED KYI ZHABS SKYAG GI GDU BU LA 'CHAG CING 'DUG KYANG, DE BZHIN GSHEGS PA'I GSUNG SNGA MA JI LTA BA BZHIN DU THOS PAR RGYAS PAR MDO DE NYID LAS GSUNGS PA'I PHYIR, THUGS KYI GSANG BA NI, MDO DE NYID LAS, DE BZHIN GSHEGS PA'I THUGS LA ZLOG PA MI MNGA', THUGS LA RTOG PA MI MNGA', ZHES SOGS RGYAS PAR GSUNGS PA'I

078b

PHYIR RO, ,NGAG DON NI, YE SHES CHOS SKU CHOS CAN, KHYOD RGYUN MI 'CHAD PA BZHIN DU KHYOD KYI 'PHRIN LAS KYANG RGYUN MI 'CHAD PA YIN TE, KHYOD 'KHOR BA JI SRID GNAS KYI BAR DU SEMS CAN GYI DON MDZAD PA MTHAR PHYIN PA YIN PA'I PHYIR, GSUM PA SKABS BSDU BA NI, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RNAM BSHAD RNAM PA GNYIS KYI DKA' BA'I GNAS GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS BRGYAD PA'I LEGS PAR BSHAD PA'O,, ` ,,GNYIS PA BAR MA LA DAD PA LA DRUG TU PHYE BA LA, MTSAMS SBYAR, RTZA BA; 'GREL PA DANG GSUM LAS, DANG PO NI; RGYAS PA LA DGA' BA'I SEMS CAN LA PHAN GDAGS PAR DE LTAR DON BRGYAD KYI SGO NAS RNAM PAR BSHAD NAS, YANG GZHAN DU RNAM PAR BSHAD PA, ZHES PAS 'CHAD, GNYIS PA NI, MTSAN NYID DE YI SBYOR BA DANG, ,ZHES SOGS KYIS 'CHAD, GSUM PA NI, DANG POR RNAM PA THAMS CAD MKHYEN PA NYID LA SOGS PA THAMS CAD MKHYEN PA NYID GSUM NI MNGON PAR MTSON PA'I GNAS NYID YIN PAS MTSAN NYID DO, ,ZHES SOGS KYIS 'CHAD, DON NI; MNGON RTOGS BRGYAD KYI RIM PA BRGYAD DU PHYE NAS BSTAN PA'I 'OG TU, DON DRUG TU BSDUS NAS BSTAN PA CHOS CAN, DGOS PA YOD DE, DON GYIS SPROS PA BAR MA LA DGA' BA RNAMS RJES SU BZUNG BA'I CHED YIN PA'I PHYIR,

079a

, ,MNGON RTOGS RGYAN GYI BRJOD BYA CHOS CAN, KHYOD LA DRUG TU BSDU BAR RUNG STE, MTSAN NYID DE GTAN LA DBAB BYA MKHYEN PA GSUM, NYAMS LEN SBYOR BA BZHI DANG, RNAM MKHYEN TE 'BRAS BU CHOS SKU DANG DRUG TU 'DUS PA'I PHYIR, ` GSUM PA BSDUS PA LA DAD PA LA MNGON RTOGS GSUM DU DBYE BA LA GSUM LAS, DANG PO NI, BAR MA LA DGA' BA'I SEMS CAN LA PHAN GDAGS PAR DE LTAR DON BSDUS PA DRUG GIS SGO NAS RNAM PAR BSHAD NAS, YANG MDOR BSDUS PA LA DGA' BA'I SEMS CAN LA PHAN GDAGS PAR GZHAN DU RNAM PAR BSHAD PA, ZHES PAS 'CHAD, GNYIS PA NI, YUL NI RNAM PA GSUM PO RGYU, ,ZHES SOGS KYIS 'CHAD, DANG POR RNAM PA THAMS CAD MKHYEN PA NYID LA SOGS PA THAMS CAD MKHYEN PA NYID GSUM GYI NGO BO NYID NI 'JUG PA'I YUL GYI RGYU YIN NO, ,ZHES SOGS KYIS 'CHAD, DON NI, MNGON RTOGS KYI RIM PA DRUG TU BSDUS NAS GSUNGS PA'I 'OG TU DON GSUM DU BSDUS NAS BSTAN PA CHOS CAN, DGOS PA YOD DE, DON GYI SPROS PA MDOR BSDUS PA LA DGA' BA'I GDUL BYA RJES SU BZUNG BA'I CHED DU YIN PA'I PHYIR, MNGON RTOGS RGYAN GYI BRJOD BYA CHOS CAN, KHYOD LA GSUM DU DBYE BAR RUNG STE, YUL LA 'JUG PA MKHYEN GSUM, NYAMS LEN SBYOR BZHI, 'BRAS BU CHOS SKU RNAMS SU YOD PA'I PHYIR, ` GSUM PA BRTZAMS PA MTHAR PHYIN PA'I TSUL LA, GZHUNG GZUGS PA DANG, DGE BA BSNGO BA DANG, KHENGS BSKYUNGS

079b

PA DANG, RTOGS PA'I DUS KYI KHYAD PAR BSTAN PA'O, ,DANG PO LA, KUN GYI RGYAN DU GYUR PA DANG, DGOS PA DANG, BRTZAM PAR DAM BCA' BA'I GZHUNG GZUGS PA'O, ,DANG PO NI, KHO NA RE, KUN GYI RGYAN DU 'GYUR BAR NI, ,ZHES 'CHAD PA MI 'THAD DE, RGYAN 'DI LA RGYAS 'BRING GI DON TSANG BAR SNANG YANG BSDUS PA'I DON MA TSANG STE, BSDUS PAR SEMS BSKYED NYER GNYIS DANG GDAMS NGAG DRUG GI MDO LA SOGS PA MI SNANG BA'I PHYIR, ZHES ZER NA, DE'I LAN, DON LA KHYAD PAR MED PAR RJES 'GRO DANG, LDOG 'GRO'I SGO NAS BSTAN, DE LA ZLOS SKYON SPANG PA DANG GSUM LAS, DANG PO NI, LA LA LAS DON GZHAN LAS TSIG ,GZHAN LAS RNAM GRANGS MING GIS TE, ,MKHAS PA RNAMS KYI YUM KUN LA,, DON BSDUS DE TZAM SHES PAR BYA, ,ZHES PAS 'CHAD, DON NI, SLOB DPON SENG GE BZANG PO CHOS CAN, KHYOD KYIS MNGON RTOGS RGYAN YUM GSUM GA'I RGYAN DU BKROL TE, KHYOD KYIS YUM RGYAS 'BRING BSDUS GSUM LAS BSTAN PA'I MNGON RTOGS BRGYAD 'GREL PA 'DIR RGYAN GYIS BRJOD PAR BSGRUBS PA'I PHYIR, GNYIS PA NI, DE LTA MA YIN THAMS CAD KYIS, ,RIM PA LEGS PAR BSDUS MA YIN, ,ZHES PAS 'CHAD, DON NI, DE LTA MA YIN NA, YUM BSDUS PAS MNGON RTOGS BRGYAD BSTAN PA MIN NA YUM BSDUS PA CHOS CAN, KHYOD KYIS YUM RGYAS 'BRING GNYIS LAS BSTAN PA'I MNGON RTOGS KYI RIM PA TSANG PAR BSTAN PA MA YIN PAR THAL, KHYOD KYIS MNGON RTOGS BRGYAD BRJOD BYAR MA BSDUS PA'I PHYIR,

080a

, ,RTAGS KHAS, GSUM PA NI, DE LA BSDUS SOGS RAB DBYE BAS, ,KHYAD PAR YOD PA KHO NAR ZAD, ,CES PAS 'CHAD, DON NI, 'O NA ZLOS PAR 'GYUR RO ZHE NA, YUM RGYAS 'BRING BSDUS GSUM CHOS CAN, BRJOD BYA LA KHYAD PAR MED NA KHYAD PAR MED MI DGOS PAR THAL, KHYOD GSUM LA DON LA RGYAS BSDUS KYI KHYAD PAR MED KYANG DON STON PA'I TSIG RGYAS BSDUS KYI KHYAD PAR YOD PA'I PHYIR, ` GNYIS PA DGOS PA NI, 'PHAGS PA RNAM PAR GROL SDE YI, ,MTHU YIS DON MTHUN SGO NAS NI, ,GO BAR SLA PHYIR TSIG DANG NI, ,NGAG SOGS SBYOR BA MA BYAS PAR, ,ZHES PAS 'CHAD, DON NI, KHO NA RE, BSTAN BCOS MNGON RTOGS RGYAN YUM KUN GYI RGYAN DU GRUB KYANG KHYOD KYIS 'GREL BA 'DI LA BRTEN NAS DE LTAR RTOGS MI NUS TE, MDO SDE GSUM PO 'DIR MA SBYAR BA'I PHYIR NA, SKYON MED DE, 'PHAGS PA GROL SDE'I 'GREL PA LA 'DRIS PAR BYAS PA'I MTHUS BSTAN BCOS KYI DON PHYIN CI MA LOG PAR MTHONG BA LA BRTEN NAS MDO'I TSIG DANG NGAG DANG DON SOGS PAS MING GI RNAM GRANGS DANG BSTAN BCOS SBYOR BA MA BYAS PAR TSIG NYUNG NGUS BYAS PA'I PHYIR, DE LTAR BYAS PA LA DGOS PA YOD DE, GZHUNG DON GO SLA BA'I PHYIR, ` GSUM PA NI, MKHAN PO YANG DAG RNAM SNANG MDZAD, ,BLA MA BZANG LA PHYAG 'TSAL NAS, ,TSIG LE'UR BYAS PA'I 'GREL GSAL BA, ,'DI NI SENG GE BZANG POS BYAS, ,ZHES PAS 'CHAD,

080b

DON NI, DE LTAR MKHAS PAS SNANG BYAS SHING, ,ZHES 'CHAD NA, MKHAS PA GANG GI MAN NGAG LA BRTEN NAS TSUL JI LTAR DU 'CHAD CE NA, SLOB DPON SENG GE BZANG PO CHOS CAN, 'GREL PA BRTZAM PA'I BYA BA MTHAR PHYIN PA YIN TE, MKHAN PO YANG DAG RNAM SNANG MDZAD SOGS MKHAS PA SNGA MA'I MAN NGAG LA BRTEN NAS BSTAN BCOS KYI DON RTOGS PA DE NYID KHYOD KYIS 'GREL CHUNG 'DIR RGYAS PAR BKRAL PA'I PHYIR, ` GNYIS PA DGE BA BSNGO BA NI, DE BA SDEBS PA LAS BYUNG BA YI, ,DGE BA BDAG GIS GANG THOB BA, ,DE YIS SKYE BO THAMS CAD NI, ,BDE GSHEGS SHES RAB THOB PAR SHOG ,CES PAS 'CHAD, DON NI, SLOB DPON GYIS 'GREL BA DE BSDEBS PA LAS BYUNG BA'I DGE BA GZHAN DON DU BSNGOS PA CHOS CAN, DGOS PA YOD DE, DE LA BRTEN NAS DGE BA MI ZAD CING BLA MED BYANG CHUB KYI RGYUR 'GYUR BA'I PHYIR, ` GSUM PA KHENGS BSKYUNGS PA LA, NONGS PA 'BYUNG BA'I RGYU DANG, DE LA BZOD PAR GSOL BA GNYIS LAS, DANG PO NI, SHES RAB MI GSAL BSTAN BCOS KUN, ,PHYI ROL GYUR BA DAG GANG NA ZHIG ,'PHAGS PA'I SPYOD YUL BDAG NYID CHE, ,BSTAN BCOS DON NI GANG NA YIN, ,ZHES PAS 'CHAD, DON NI; BDAG GI NI, ,SPYOD YUL MIN YANG, ZHES 'CHAD NA YUM DON KHYOD KYI MNGON SUM GYI SPYOD YUL DU MA GYUR PA'I RGYU MTSAN DE GANG DE KHYOD KYI MNGON SUM GYI SPYOD YUL MA YIN NA, DE SU'I MNGON SUM GYI SPYOD YUL

081a

, ,YIN ZER NA, DE'I RGYU MTSAN YOD DE, KHO BO SHES RAB MI GSAL ZHING BSTAN BCOS KYI DON KHO BO'I MNGON SUM GYI YUL LAS PHYI ROL TU GYUR PA YIN PA'I PHYIR DANG, MDO DANG BSTAN BCOS KYI DON DE BDAG NYID CHEN PO 'PHAGS PA RNAMS KYI MNGON SUM GYI SPYOD YUL YIN LA, KHO BO CAG SO SO SKYE BO YIN PA'I PHYIR RO, ` ,GNYIS PA NI, 'ON KYANG SPYOD YUL MA YIN LA, ,RANG DANG GZHAN GYI DON GYI NGOR, ,BDAG GIS 'BAD BGYIS NONGS PA LA, ,SKYE BO MKHAS RNAMS BZOD PAR MDZOD, ,CES PAS 'CHAD, NGAG DON NI, BSTAN BCOS KYI DON MTHA' DAG KHO BO'I MNGON SUM GYI SPYOD YUL MA YIN PAS 'GREL PA BYAS PA LA NONGS PA BYUNG BA MKHAS PA RNAMS KYIS BZOD PAR MDZAD RIGS TE, DE LTA MIN YANG RANG GZHAN LA PHAN GDAGS PA'I BSAM PAS 'GREL PA BYAS PA YIN PA'I PHYIR, ` BZHI PA NI, KYE MA GZHUNG LUGS SNA TSOGS KYIS, ,DUB PA BDAG GI NGAL BSO'I GNAS, ,SHES RAB PHA ROL PHYIN PA'I LUGS, ,RING MO ZHIG NAS MTHONG BA YIN, ,ZHES PAS 'CHAD, DON NI, SLOB DPON SENG GE BZANG PO CHOS CAN, 'GREL PA RTZOM RIGS TE, GZHUNG LUGS SNA TSOGS LA NGAL BA DU MA BYAS PAS NGAL BSO'I GNAS SU GYUR PA SHER PHYIN GYI DON PHYIN CI MA LOG PAR RTOGS PA'I MKHAS PA YIN PA'I PHYIR, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN CES BYA

081b

BA'I 'GREL PA SLOB DPON SENG GE BZANG POS MDZAD PA RDZOGS SO,, ` ,,GSUM PA LA, 'DI LO PAn GANG GIS BSGYUR BA YIN ZHE NA, RGYA GAR GYI MKHAN PO BIDYA KAR PRA BHA, ZHES PA RIG PA'I 'BYUNG GNAS 'OD ZER RAM, RIG BYED 'OD ZER DANG, BDAG CAG GANGS RI'I KHROD PA RNAMS KYI MIG GCIG PU TSIG DON GNYIS KA'I ZHU CHEN GYI LOTZTSA PA BAN DHE DPAL BRTZEGS RAKshI TA ZHES MTSAN YONGS SU GRAGS PA DES RGYA SKAD LAS BOD SKAD DU BSGYUR CING TSIG DON GNYIS KA DAG PAR ZHUS TE, 'CHAD NYAN GYIS KYANG GTAN LA PHAB PA'O, ,SLAD KYIS TE DUS PHYIS KYI PAndI TA GO MI NI BTZUN PA'AM DGE BSNYEN 'CHI MED LA SOGS PA DANG, LOTZTSA PA NI BDE BAR GSHEGS PA'I THUGS RJE GCIG TU BSDUS PA'I BDAG NYID KHAMS GSUM CHOS KYI RGYAL PO CHOS RJE RDOG BLO LDAN SHES RAB KYIS KYANG SNGAR LTAR BSGYUR TE LEGS PAR GTAN LA PHAB PA'O,, ,,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS BSHAD GSER GYI PHRENG BA DANG RNAM BSHAD SNYING PO'I RGYAN CES BYA BA GNYIS KYI DKA' BA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA YONGS 'DZIN DAM PA RNAMS KYI GSUNG 'GROS LTAR ZIN BRIS SU BYAS PA 'DIS KYANG BSTAN PA DANG SEMS CAN LA PHAN PA RGYA CHEN PO 'BYUNG BAR GYUR CIG, ,,SMRAS PA,

082a

, ,BSLAB PA'I 'BRAS BU'I LE'U'I MDO YI NI, ,SHUGS LA 'PHANGS PA'I ZHUGS 'BRAS CHOS KYI SKU, ,MTSON PAR BYED PA'I CHOS BZHI CHES GSAL BAR, ,'CHAD BYED SKABS KYI RTZA 'GREL RNAMS KYI NI, ,RGYA CHER BSHAD PA RNAM BSHAD RNAM GNYIS KYI, ,DKA' BA'I GNAS RNAMS SHIN TU RTOGS DKA' BA, ,RJE BTZUN DAM PAS LEGS PAR BSHAD PA RNAMS, ,YONGS 'DZIN DAM PA'I GSUNG BZHIN YI GER BKOD, ,MDOR NA RAB 'BYOR LE'U NAS BZUNG STE, ,BSLAB PA'I 'BRAS BU'I LE'U'I BA DAG GI ,MDO YI SPAS DON RGYAN GYIS BKRAL BA YI, ,MNGON RTOGS RNAM BRGYAD MTSON PAR BYED PA'I DON, ,BCU PHRAG BDUN PO 'PHROS DANG BCAS PA YI, ,MTSAN NYID GRANGS NGES GO RIMS LA SOGS PA, ,RTZA 'GREL DON RNAMS RGYA CHER BSHAD PA YI, ,RNAM BSHAD RNAM PA GNYIS KYI DKA' BA'I GNAS, ,DGONGS PA JI BZHIN RJE BTZUN BLA MA YIS, ,GZIGS SHING GZHAN LA LEGS PAR 'DOMS PA YI, ,GSUNG GI BDUD RTZI GANG G'A'I CHU RGYUN NI, ,YONGS 'DZIN DAM PA'I ZHAL GYI BUM BZANG LAS, ,BYANG BZHIN YI GER BKOD PA'I DGE BA 'DIS, ,RGYAL BA'I BSTAN PA PHYOGS BCUR RGYAS PA DANG, ,BSTAN 'DZIN SKYES SU RNAMS KYI ZHABS BRTAN CING, ,LUS CAN KUN LA PHAN BDE 'BYUNG GYUR CIG ,BDAG KYANG SKYE ZHING SKYE BAR RGYAL BA YI, ,BSTAN YID CHES DAD PAS RAB ZHUGS TE, ,GCIG TU THOS BSAM SGOM LA BRTZON PA DANG, ,LAS 'BRAS SEMS SHING MANG DU THOS PA SOGS, ,RNAM PAR DKAR BA'I BYA BA MA LUS PA, ,YAR NGO'I

082b

ZLA LTAR RAB TU RGYAS GYUR TE, ,KUN MKHYEN RGYAL BA'I GO 'PHANG MYUR THOB NAS, ,'GRO RNAMS SRID PA'I MTSO LAS SGROL BAR SHOG, ,,AOm SVASTI, BSKAL BZANG RNAM 'DREN DBUS NA PAD DKAR LTAR, ,BSKAL BZANG SRAS BCAS RGYAL BAS LEGS BSNGAGS PA, ,SKAL BZANG 'JUG NGOGS DAM CHOS 'BYUNG BA'I SGO, ,SKAL BZANG SKYE RGU'I GTZUG NA RGYAL GYUR CIG ,BSTAN DANG 'GRO LA PHAN PA RO GCIG PA'I, ,BSHAD SGRUB MDZAD PA'I RLABS PHRENG PHYOGS KUN TU, ,YOL MED 'PHYUR PA'I SNGON BYON LO PAn GYI, ,BKA' DRIN DRAN PAS LAG PA'I PADMO ZUM, ,BLO 'DAS SPROS BRAL KUN BZANG BDE BA CHE, ,DUS MTHAR PHAN BDE'I DPYID DU DUR SMRIG GANG, ,BSGYUR MDZAD RGYAL BA'I SPYAN SNGAR SNYING STOBS CHER, ,GRAGS PA DON DANG MTHUN PA 'GRO BA'I SKYABS, ,RNAM 'DREN RGYAL BA'I RING LUGS KHANG BZANG RTZER, ,RNAM DAG BSHAD SGRUB CHOS KYI RGYAL MTSAN CHE, ,RNAM MAD RLABS CHEN MDZAD PAS BSGRENG BA'I DPAL, ,RNAM KUN 'BRAL MED BYANG CHUB BAR DU SKYONGS, ,MGON KHYOD 'CHAD RTZOD RTZOM PA'I GRU CHEN GYIS, ,ZAB YANGS MDO RGYUD RGYA MTSO'I 'JUG DOGS SU, ,BGRANG YAS GDUL BYA 'KHRID PA'I RNAM THAR MCHOG ,BSAM GYI NA SNYING NAS DAD PA'I SPU LONG G-YO, ,ZAB BRLING RGYAL YUM SPAS DON DNGOS SHUGS KYI, ,ZAB DON 'PHAGS SENG DGONGS DON JI BZHIN DU, ,ZAB RGYAS LAM GYI RIM PAR BSGRIGS PA'I GZHUNG, ,ZAB MO'I LEGS BSHAD 'DI NYID TZAM DU BAS, ,RNAM MANG BRJOD BYA'I GNAD 'GAG KUN RDZOGS SHING, ,RNAM MDZES BSDEBS LEGS RJOD BYED KUN

083a

, ,NAS GSAL, ,RNAM DAG LAM BZANG MTSON PA'I MIG 'DI NYID, ,RNAM 'BYED BLO LDAN TSOGS KYI BRTAN PA 'PHROG ,DE PHYIR PHAN MDZAD DE YI BKA' DRIN LA, ,GUS PAS SRI ZHU BYA PHYIR CHOS SDE CHE, ,SKU 'BUM BYAMS PA GLING 'DIR CHOS SBYIN MCHOG ,SPEL SLAD BDAG GIS YON SBYAR DPAR 'DI BSGRUBS, ,BRGYAD KHRI BZHI STONG CHOS KYI BDUD RTZI'I RO, ,RNAM DPYOD LCE RTZAS MYANG BAR 'DOD PA RNAMS, ,DUG GSUM MUN PA'I KHUNG BUR YEBS? MIN PAR, ,LEGS BSHAD PHUL BYUNG RO 'DI MYANG BAR RIGS, ,'DIR 'BAD DGE TSOGS NYIN MOR BYED PA'I 'OD, ,LUS CAN BUNG BA PHAN BDE'I DGA' TSAL DU, ,DGE LEGS SBRANG RTZIS MYOS PA'I DGA' STON CHER, ,RAL BA'I DPYID DU CHE CHER 'BAR GYUR CIG , BDAG KYANG SKYE BAR DAL 'BYOR RTEN THOB CING, ,BSHES GNYAN DAM PA'I MGON DANG MI 'BRAL BAR, ,RGYA CHEN MANG THOS SKYON BRAL SDOM GSUM GYIS, ,RANG RGYUD 'DUL BA'I DPAL LA RTAG ROL SHOG ,BYAMS DANG SNYING RJE GZHAN PHAN BYANG CHUB SEMS, ,YANG DAG LTA DANG RIM GNYIS GNAD KUN LA, ,'KHRUL MED NGES PA RNYED NAS BRTZON PA YIS, ,RGYAL BA DGYES PA'I LAM LA 'JUG PAR SHOG , ` YUM GSUM RGYAN GYI DGONGS DON CHU GTER KLONG, ,SGROL LA RNAM BSHAD RNAM GNYIS GRU BO CHER, ,YANG GSAL MI LONG SKYABS LEGS BSKUL TE, ,BSHAD SGRUB NYAMS LEN PHA ROL PHYIN RDZOGS SHOG ,DNGOS BRGYAD

083b

ZAB DON GNAD KUN MA 'DRES PAR, ,LEGS PHYE PHAR PHYIN GZHUNG 'DI DON GNYER CAN, ,BLO GSAL TSOGS LA SMAN SLAD PAR DU BSKRUN, ,DGE 'DI RGYAL BSTAN 'PHEL BA'I RGYUR GYUR CIG ,DGA' LDAN DGE BSHES BYAMS PA BLO GROS KYI THUGS DGONGS LTAR RJE BTZUN CHOS KYI RGYAL MTSAN GYI PHAR PHYIN YIG CHA KHAG PAR GZHI SLAR YANG GSAR BSKRUN BYAS SHING, PAR BRKO'I SBYIN BDAG NI BSLAB GSUM NOR BU'I MDZOD 'DZIN DGA' SHAR AA LAG THUB BSTAN 'JAM DBYANGS, DGA' BYANG AA LAG BYAMS PA, DGA' BYANG AA LAG BLO BZANG SHES RAB, DGA' BYANG AA LAG DGE 'DUN 'OD ZER, DGA' BYANG AA LAG BLO BZANG KUN DGA' DANG, RGYAL BA'I BSTAN LA MI PHYED PA'I DAD PA DANG, GTONG BA'I SGO 'PHAR 'BYED PA DGA' BYANG DGEN BLO BZANG BKRA SHIS, LUNG RTOGS YON TAN GYI BDAG NYID AA LAG SHING ZA SKAL BZANG BCAS DANG, GZHAN YANG DGA' BYANG 'BYONGS RGYAS GNYER BLO BZANG 'JAM DBYANGS, AAR YAN DKON MCHOG SKYABS SOGS MDO SMAD WA SHUL WA YAN SDE SHOG DANG, NU MA RU BA SDE SHOG SOGS GONG GSAL PAR BRKO'I SBYIN BDAG RNAMS KYIS CHOS SBYIN 'DZAD MED KYIS PAR GZHI'I MTHUN RKYEN RGYA DNGOS SBYOR GNANG MDZAD PA DANG, PAR BRKO'I 'GAN 'KHUR BA DGE SKUL THUB BSTAN, DGEN BLO BZANG RGYA MTSO, DGEN CHUNG BDAG ,DGEN BLO BZANG BKRA SHIS

084a

, ,BCAS KYIS PAR BRKO'I BYED SGOR 'GAN 'KHUR GNANG BA BCAS LA BRTEN 1986 LOR RJE BTZUN CHOS KYI RGYAL MTSAN GYI PHAR PHYIN ROL MTSO ZUR BKOL BCAS KYI PAR GZHI SLAR YANG GSAR BSKRUN BYAS PA'I DGE RTZA 'DIS 'JAM MGON RGYAL BA GNYIS PA'I RING LUGS PHYOGS DUS GNAS SKABS KUN TU DAR RGYAS YUN RING DU GNAS PAR GYUR CIG, ,,BAR GZHI KHAG ZHUS DAG BYED PO NI DGE MING BKRA SHIS RIN CHEN GYIS BGYIS PA'O,, ,,PAR 'DI DGA' LDAN PAR KHANG DU BZHUGS,, ,,

084b

[BLANK PAGE]