@i *, ,BOD KYI NANG BSTAN DPE TSOGS LTE GNAS,, /Tibetan Buddhist Resource Center/ Text Scan Input Form - Title Page /Work:/ W1KG11733 Image Group: 11KG11739 /LCCN:/ n/a ISBN: n/a /Title:/ MNGON RTOGS RGYAN GYI 'GREL PA RNAM GNYIS KYI DKA' GNAS GSAL BAR BYED PA LEGS BSHAD SKA LA BZANG KLU DBANG GI ROL MTSO, (DGA' LDAN PAR MA,) mngon rtogs rgyan gyi 'grel pa rnam gnyis kyi dka' gnas gsal bar byed pa legs bshad skal bzang klu dbang gi rol mtsho/ (dga' ldan par ma/) /Author:/ CHOS KYI BSHES GNYEN chos kyi bshes gnyen /Descriptor:/ impression from blocks newly carved and preserved at gaden parkhang /Original Publication:/ n/a;n/a /Place:/ dga' ldan/ /Publisher:/ dga' ldan par khang/ /Date:/ 1986 /Volume:/ 1 /Total Volumes:/ 2 /TBRC Pages:/ 2 /Introductory Pages:/ n/a /Text Pages:/ n/a /Scanning Information:/ Scanned at Tibetan Buddhist Resource Center, 150 West 17th St, New York City, NY 10011, US. Comments: 12/2011
, ,BSTAN BCOS MNGON BAR RTOGS PA'I RGYAN 'GREL BA DANG BCAS PA'I RNAM BSHAD RNAM PA GNYIS KYI DKA' BA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS DANG PO'I SKYI? DON BZHUGS SO,,
[DR: *, ,RGYAL BA'I RGYAL TSANG MIR? MA CHOS SU ?,] #, ,NA MO GU RU A'ARYA MEE TRA YE, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD BA LEGS BSHAD GSER GYI PHRENG BA ZHES BYA BA DANG RNAM BSHAD SNYING PO'I RGYAN CES BYA BA GNYIS KYI DKA' PA'I GNAD GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA, BLA MA DANG RJE BTZUN BYAMS PA MGON PO'I ZHABS LA GUS PA CHEN POS PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL LO,, [DR: *, ,RTEN 'BYUNG YANG? DANG DBANG ? MDZAD ? ] [DR: *, ,?]
[DR: *, ,RGYAL BA'I GRUB DON BSAL MDZAD MED ?] *, ,RNAM MANG GDUL BYA'I KHAMS DANG BSAM PA KUN, ,RNAM KUN MKHYEN PA'I SPYAN GYIS LEGS GZIGS NAS, ,RNAM GSUM CHOS KYI 'KHOR LO BSKOR MDZAD PA,, RNAM 'DREN THUB PA'I DBANG POR GUS PHYAG 'TSAL, ,RGYAL BA KUN GYI MKHYEN BRTZE GCIG BSDUS PA, ,RGYAL SRAS THU BO SEMS DPA'I TSUL BZUNG STE, ,RGYAL BA'I CHOS KYI SRID LA DBANG BSGYUR BA, ,RGYAL TSAB DAM PA'I ZHABS LA GUS PAS 'DUD, ,GANG LA BRTEN NAS YUM DON RGYA MTSO YI, ,'JUG DOGS CHE DER BDE BLAG GROL BA'I GRU, ,RGYAL YUM RGYAN 'DI GANG GI THUGS RJE YIS, ,'GRO LA SNANG MDZAD 'PHAGS PA THOGS MED DANG, ,SANGS RGYAS GNYIS PAR RANG GRAGS DBYIG GI GNYEN, ,RAB DGA'I SA THOB 'PHAGS PA RNAM [DR: *, ,MKHAS GRUB CHEN PO CHOS KI RGYAL MTSAN RJE,,]
GROL SDE, ,DE YIS RJES BZUNG BTZUN PA GROL SDE DANG, ,MCHOG SDE 'DUL BA'I SDE DANG RNAM SNANG MDZAD, ,SLOB DPON SENG BZANG SANGS RGYAS YE SHES ZHABS, ,YON TAN BSHES GNYEN LO CHEN RIN CHEN BZANG, ,ZLA BA BZANG PO DHI RAB LA DANG,, BSTAN SKYONG 'BUM PHRAG GSUM BA RDOG LO'I ZHABS, ,'BRE AAR GZHON NU TSUL KHRIMS SHES RAB 'BUM, ,BYANG CHUB 'BUM DANG GNYAL ZHIG 'JAM RDOR DANG, ,BZANG RING DAR TSUL BRTZON 'GRUS RDO RJE DANG, ,BO DONG RIN CHEN BRTZOM 'GRUS SENG GE DANG; ;TSAD MA'I SKYES BU BU STON THAMS CAD MKHYEN, ,MKHAS PA NYA DBON RJE BTZUN BDE MDA' BA, ,LA SOGS RGYA BOD MKHAS PA'I SKYE BO LA, ,BDAG CAG SGO GSUM GUS PAS PHYAG 'TSAL LO, ,KHYAD PAR LUGS 'DIR BKA' DRIN MNYAM MED PA'I, ,SKAD GNYIS SMRA BA KUN GYI MCHOG GYUR PA, ,RDOG LO BSTAN BA'I NYI MKHU DBON LA, ,SGO GSUM GUS PA CHEN POS PHYAG 'TSAL LO, ,RGYAL BA'I BKA' DANG DGONGS 'GREL MKHAS PA'I GSUNG, ,SGRA DON JI BZHIN LEGS BSGYUR GANGS CAN 'DIR, ,'GROL THAR PA'I LAM MCHOG GSAL MDZAD PA, ,SPRUL BA'I CHOS RGYAL LO PAn RNAMS LA 'DUD, ,MDO RGYUD LUNG GI CHU KHUR CIR YANG 'DZIN, ,DRI MED RIGS PA'I GLOG PHRENG DRAG TU 'KHYUG ,STONG NYID 'BRUG SGRA'I GAD RGYANGS MTHON PO CAN, ,BLO BZANG DBYAR SKYES DBANG PO DE LA 'DUD, ,RGYAL BA GNYIS BA'I RGYAL TSAB DAR MA'I ZHABS, ,MKHAS GRUB BSTAN PA'I NYI MA DGE LEGS DPAL, ,GANGS CAN BSTAN PA'I MNGA' BDAG DGE 'DUN GRUB, ,KUN MKHYEN GNYIS PA CHOS
, ,'BYOR DPAL BZANG DANG, ,'JAM DBYANGS RNAM 'PHRUL CHOS KYI RGYAL MTSAN ZHABS, ,DE SRAS MTHU BO DPAL 'BYOR RGYAL MTSAN DANG, ,BKA' DRIN MNYAM MED BDE LEGS MTSAN CAN TE, ,LUGS 'DI'I BRGYUD PA'I BLA MA RNAMS LA 'DUD,, RANG NYID TSE RABS KUN TU 'DRIS PHYIR DANG, ,RANG DANG SKAL MNYAM GZHAN LA'ANG PHAN PA'I PHYIR, ,MDO RGYAN 'GREL PA'I RNAM BSHAD RNAM GNYIS KYI, ,DKA' BA'I GNAD RNAMS GSAL BAR BYED PA YI, ,MDO DANG RTZA 'GREL SBYOR PA'I CHU GTER CHE,, LEGS BSHAD YID BZHIN NOR BUS RAB TU GTAMS, ,SKAL BZANG KLU DBANG DGA' BA'I RNAM 'GYUR GYIS, ,ROL BA'I MTSO CHEN BDAG GIS BRI BAR BYA, ` ,DE LA 'DIR BSTAN BCOS MNGON PAR RTOGS PA'I RGYAN 'DI 'CHAD PA LA, BSTAN BCOS KYI SNGON DU 'GRO BA SBYOR BSHAD PA DANG, SKABS SU BABS PA'I BSTAN BCOS DNGOS BSHAD PA GNYIS, DANG PO LA, RGYAN GYI BSHAD BYA'I RTZA BA'I MDO NGOS GZUNG PA DANG, RGYAN GYIS MDO DON JI LTAR BKRAL BA'I TSUL DANG, RGYAN LA 'GREL PA JI LTAR BYUNG TSUL DANG, 'GREL PA GANG GI RJES SU 'BRANGS NAS MNGON RTOGS RGYAN JI LTAR 'CHAD PA'I TSUL DANG BZHI LAS, DANG PO NI, CHOS KYI RJE THUB PA'I DBANG PO DE NYID KYIS DANG BOR BYANG CHUB MCHOG TU THUGS BSKYED, BAR DU BSKAL CHEN GRANGS MED GSUM GYI TSOGS BSAGS, MTHAR MNGON PAR RDZOGS PAR SANGS RGYAS TE, 'JIG TSOGS LA LTA BA'I RI BO NYI SHU MTHOL BRLING BAS NGOS KUN NAS BSKOR ZHING MA RIG PA'I MUN PA STUG PO CAN, LTA BA NGAN PA SNA TSOGS PA'I 'KHRI SHING GIS THAR PA'I LAM
BSGRIBS LA, PHRA RGYAS KYI DUG GI LJON SHING SDUG BSNGAL GYIS 'BRAS BU YID DU MI 'ONG BA STER BAS DKRIGS PA, SRID PA'I CHU KLUNG CHEN POS YONGS SU 'KHYUD PA'I 'KHOR BA'I 'BROG DGON PA CHEN PO LAS LUS CAN MTHA' DAG BSGRAL TE NYID KYIS SKU NYAMS SU BSTAR BA'I 'BRAS BU MCHOG LA 'GOD PAR MDZAD NAS, SRID PA'I SDUG BSNGAL BRGYA PHRAG GZHOM PA'I THABS SU SKAL BA DANG LDAN PA'I GDUL BYA RNAMS LA CHOS JI SNYED CIG BKA' STZAL BA RNAMS KYI NANG NAS CHES SHIN TU ZAB PA DANG LDAN PA NI RGYAL BA KUN GYI BGROD PA GCIG PA'I LAM SHES RAB KYI PHA ROL TU PHYIN PA'I MDO SDE RIN PO CHE 'DI NYID YIN TE, MDO LAS, SH'A RI'I BU CHOS THAMS CAD RNAM PA THAMS CAD DU MNGON BAR RDZOGS BAR 'TSANG RGYA BAR 'TSAL BAS SHES RAB KYI PHA ROL TU PHYIN PA LA BSLAB PAR BYA'O,, ZHES DANG, MJUG YONGS SU GTAD PA'I LE'UR, KUN DGA' BO SHES RAB KYI PHA ROL TU PHYIN PA 'DI 'JIG RTEN NA JI SRID DU SPYOD PA DE SRID DU DE BZHIN GSHEGS PA BZHUGS PAR RIG PAR BYA'O, ,KUN DGA' BO DE SRID DU DE BZHIN GSHEGS PAS CHOS STON PAR RIG PAR BYA'O, ,ZHES GSUNGS PA'I PHYIR, DE RNAMS KYI NANG NAS 'DI'I BSHAD BYA RTZA BA'I MDO LA SNGA RABS PA KHA CIG ,DE LA YUM SRAS BCU BDUN DU YOD DE, YUM DRUG ,SRAS BCU GCIG TU YOD PA'I PHYIR, YUM DRUG NI, 'BUM, NYI KHRI, KHRI BRGYAD STONG PA, SHES RAB KHRI BA, BRGYAD STONG PA, MDO SDUD PA RNAMS YIN LA, DE RNAMS LA YUM ZHES BRJOD PA'I RGYU MTSAN YOD DE, DE RNAMS BRJOD BYA MNGON PAR RTOGS PA BRGYAD DU PHYE NAS STON PA'I SHER PHYIN GYI MDO YIN PA'I RGYU MTSAN
, ,GYIS DE LTAR BRJOD PA'I PHYIR, SRAS BCU GCIG NI, SHER PHYIN BDUN BRGYA PA, LNGA BRGYA PA, SUM BRGYA PA, TSUL BRGYA LNGA BCU PA, LNGA BCU PA, SGO NYER LNGA PA, RAB RTZAL RNAM GNON GYIS ZHUS PA, KO'U SHI KAS ZHUS PA, SHER PHYIN YI GE NYUNG DU, SHER PHYIN YI GE GCIG MA, SHES RAB SNYING PO RNAMS YIN LA, DE RNAMS LA SRAS ZHES BRJOD PA'I RGYU MTSAN YOD DE, DE RNAMS BRJOD BYA MNGON PAR RTOGS PA BRGYAD DU PHYE NAS MI STON PAR BRJOD BYA PHYOGS RE BA TZAM STON PA'I SHER PHYIN GYI MDO YIN PA'I RGYU MCHAN KYIS DE LTAR BRJOD PA'I PHYIR, ZHES ZER NA, SHER PHYIN GYI MDO LA BCU BDUN GYIS GRANGS NGES BYED PA MI 'THAD DE, DE GRANGS NYUNG BA'I SKYON YANG YOD, DE GRANGS MANG BA'I SKYON MANG YOD PA'I PHYIR, DANG PO GRUB STE, SHER PHYIN NYI MA'I SNYING PO, ZLA BA'I SNYING PO, KUN TU BZANG PO LAG NA RDO RJE, RDO RJE RGYAL MTSAN GYIS ZHUS PA RNAMS DER MA 'DUS PA'I PHYIR, GNYIS PA GRUB STE, KHRI BRGYAD STONG PA LA LE'U GYA BDUN YOD PA'I MDO SDUD PA DE'I LE'U KYA BZHI PA YIN PAS, DE ZUR BAR 'DREN NA LE'U GZHAN RNAMS LA YANG MTSUNGS PA'I PHYIR, AAR CHEN PO DANG PHYIS KYI MKHAS PA KHA CIG ,LUGS DE BKAG NAS DE LA DGUR YOD DE, RGYAS PA'I RGYAS PA SHER PHYIN BAM PO LNGA BRGYA PA, RGYAS PA'I 'BRING BAM PO BZHIR RGYA PA, RGYAS PA'I BSDUS PA STONG PHRAG BRGYA PA, 'BRING GI RGYAS PA STONG PHRAG NYI SHU LNGA PA, 'BRING GI 'BRING KHRI BRGYAD STONG PA, 'BRING GI BSDUS PA SHES RAB KHRI BA, BSDUS PA'I RGYAS PA BRGYAD STONG PA, BSDUS PA'I 'BRING SHER PHYIN
BAM PO BCO BRGYAD PA, BSDUS PA'I BSDUS PA MDO SDUD PA RNAMS SU YOD PA'I PHYIR, ZHES ZER BA RIGS PA SNGA MAS KHEGS SO, ,KHO NA RE, MDO SDUD PA KHRI BRGYAD STOD PA'I NANG TSAN DU GSUNGS PA LOTZTSA PA RNAMS KYIS GLEGS BAM BONG DU BSGYUR BA'I TSE BKOD PA YIN GYI, DE KHRI BRGYAD STOD PA'I NANG TSAN MA YIN TE, BCOM LDAN 'DAS KYIS 'KHOR BZHI PO DE DAG YANG DAG PAR RAB TU DGA' BAR MDZAD PA'I PHYIR, ZHES GSUNGS PA'I THAD KYI SDUD 'GREL LAS, RGYAS PAR BSTAN ZIN PA'I RJES DE MA THAG NAS, ZHES KHRI BRGYAD STONG PA LA SOGS PA GSUNGS ZIN PA'I RJES SU MDO BSDUS PA GSUNGS PAR BSHAD PA'I PHYIR ZER NA MI 'THAD DE, DE LTAR NA KHRI BRGYAD STONG PA LA SHLOO KA KHRI TSO GCIG DANG STONG PHRAG BRGYAD MTSANG BAS LOTZTSA PA RNAMS SHLOO KA'I GRANGS TZAM LA YANG 'KHRUL BAR THAL BA'I SKYON YOD PA'I PHYIR, GZHAN YANG, BSDUS PA LA GSUM DU 'BYED TSUL DE MI 'THAD DE, MDO BRGYAD STONG BA LA BAM PO NYER BZHI YOD PAR MDO DE NYID LAS 'BYUNG BAS SKABS 'DIR BA MTSAD? LA MI MTHUN PA MED PA'I PHYIR, ` RANG LUGS NI, YUM RGYAS 'BRING BSDUS GSUM PO 'DI NYID 'DI'I BSHAD BYA RTZA BA'I MDO YIN TE, 'GREL PAR, RGYAL BA'I YUM RNAM PA GSUM CHAR LAS KYANG BRJOD PAR BYA BA NYID DU BSTAN PA, ZHES DANG, LA LA LAS DON GZHAN LAS TSIG ,GZHAN LAS RNAM GRANGS MING GIS TE, ,MKHAS PA RNAMS KYIS YUM KUN LAS, ,DON BSDUS DE TZAM SHES PAR BYA, ,ZHES GSUNGS PA'I PHYIR, GNYIS PA LA KHA CIG ,SHER PHYIN GYI MDO'I DGONGS 'GREL DU GYUR PA'I SHING RTA'I SROL 'BYED DE LA BZHI LA?
, ,YOD DE, RIGS TSOGS DRUG ,MNGON RTOGS RGYAN, BRGYAD STONG DON BSDUS GZHUNG 'GREL GNOD 'JOMS RNAMS SU YOD PA'I PHYIR, ZHES ZER, DE YANG MI 'THAD DE, BRGYAD STONG DON BSDUS KYIS THOGS MED KYI RJES SU 'BRANGS NAS SHER PHYIN GYI MDO'I DGONGS PA 'GREL, GZHUD 'GREL GNOD 'JOMS KYIS KLU SGRUB KYI RJES SU 'BRANGS NAS SHER PHYIN GYI MDO'I DGONGS PA 'GREL PA'I PHYIR, DANG PO GRUB STE, BRGYAD STONG DON BSDUS LAS, SHES RAB PHA ROL PHYIN PA NI, ,BSTAN PA GSUM LA YANG DAG BRTEN, ,BRTAGS PA DANG NI GZHAN DBANG DANG, ,YONGS SU GRUB PA KHO NA'O, ,MED CES BYA LA SOGS TSIG GIS, ,BRTAGS PA THAMS CAD 'GOG PAR BYED, ,SGYU MA LA SOGS DPE RNAMS KYIS, , GZHAN GYI DBANG NI YANG DAG BSTAN, ,RNAM PAR BYANG BA BZHI YIS NI, ,YONGS SU GRUB PA RAB TU BSGRAGS, ,SHES RAB PHA ROL PHYIN PAR NI, ,SANGS RGYAS RNAMS KYIS GZHAN BSTAN MED, ,CES NGO BO NYID GSUM GYI MDO 'GREL THEG BSDUS SOGS THOGS MED KYI GZHUNG JI LTA BA BZHIN DU BSHAD PA'I PHYIR, GNYIS PA GRUB STE, GNOD 'JOMS SOGS SU STONG NYID BCU DRUG GI BSHAD PA BYED PA'I TSE RTZA? SHE'I LUNG DRANGS NAS BSHAD PA MDZAD PA'I PHYIR, DE YANG SLOB DPON PHYOGS GLENG GIS BRGYAD STONG PA'I DON TSAN SO GNYIS SU BSDUS NAS STON PA LA BRGYAD STONG DON BSDUS MDZAD PA YIN TE, SO GNYIS NI, DE NYID LAS, RTEN DANG DBANG DU BYA BA DANG, ,LAS NI SGOM PA DANG BCAS PA, ,RAB DBYE RTAGS DANG LTUNG BA DANG, ,PHAN YON BCAS
PAR YANG DAG BRJOD, ,CES GSUNGS PA LTAR, RAB DBYE LA STONG NYID BCU DRUG ,SGOM PA LA RNAM G-YENG GI RTOG PA BCU'I GNYEN POR BCU, RTEN, DBANG DU BYA BA, LAS, RTAGS, LTUNG BA, PHAN YON DANG DRUG RNAMS SO, ,DE LA RTEN NI STON PA'O, ,DBANG DU BYA BA NI BYANG SEMS DANG NYAN THOS KYI 'KHOR RO, ,LAS NI YUM LA JI LTAR SPYOD PA'O, ,RTAGS NI BDUD LAS DANG PHYIR MI LDOG PA'I RTAGS SO, ,LTUNG PA NI SHER PHYIN SPANGS NA NGAN SONG DU SKYE BA'O, ,PHAN YON NI STONG GSUM RIN PO CHE SNA BDUN GYIS BKANG NAS BYIN PA BAS SHER PHYIN 'BRI BA SOGS BSOD NAMS CHE BA'O, ,'O NA GZHUNG 'GREL GNOD 'JOMS DE GANG GIS MDZAD CE NA, 'DI LA YUM GSUM GYI GZHUNG 'GREL GNOD 'JOMS ZHES PA YE SHES SDES BSGYUR BA ZHIG DANG, 'BUM RKYANG BA'I GZHUNG 'GREL GNOD 'JOMS ZHES PA 'GYUR BYANG MED BA ZHIG YOD PA'I PHYI MA RGYAL PO KHRI SRONG LDE BTZAN GYIS MDZAD PA YIN TE, 'PHANG THANG GI DKAR CHAG TU, BTZAN PO KHRI SRONG LDE BTZAN GYIS MDZAD PA'I 'PHAGS PA SHES RAB KYI PHA ROL TU PHYIN PA 'BUM GYI RGYA CHER 'GREL, ZHES GSUNGS PA'I PHYIR, DANG PO DE LA MI MTHUN PA MANG DU 'BYUNG YANG, SNGA MA RNAMS LA KHA CHE MCHE BA'I SDES MJAD PAR GRAGS PA LTAR YIN NA MA SNYAM STE DPYAD PAR BYA'O, ,DES NA YUM RGYAS 'BRING GNYIS KHRI BRGYAD STONG PA DANG GSUM GYI RGYA CHER BSHAD PA GZHUNG 'GREL GNOD 'JOMS KYIS SGO GSUM DANG RNAM GRANGS BCU GCIG GI SGO NAS YUM 'GREL PAR BYED PA YIN LA, DE LA SGO GSUM NI, GLENG GZHI'I SKABS PHYE BA'I RJES LA SH'A RI'I BU LA, ZHES PA NAS BRTZON PAR BYA'O, ,ZHES PA'I
, ,BAR GYIS MGO SMOS PAS GO BA RNAMS LA GANG GIS GANG GI PHYIR GANG LA JI LTAR SLOB TSUL BZHI STON PA BSDUS TE BSTAN PA'I SGO, DE NAS RNAM MKHYEN RDZOGS PA'I BAR GYIS RNAM PAR SPROS NAS GO BA RNAMS LA RNAM MKHYEN LAS BRTZAMS TE, RNAM PAR MI RTOG PA'I SHER PHYIN BZUNG NAS DON DAM PA'I TSUL DU STON PA 'BRING DU BSTAN PA'I SGO, DE NAS YONGS SU RDZOGS PA'I BAR GYIS DRANGS DGOS PA'AM, TSIG LA 'CHEL BA RNAMS KYI DON DU LAM SHES LAS BRTZAMS TE, RNAM PAR RTOG PA DANG BCAS PA DANG RNAM PAR MI RTOG PA'I SHER PHYIN BZUNG NAS KUN RDZOB DANG DON DAM PA'I TSUL DU BSTAN PA RGYAS PAR BSHAD BA'I SGO'O, ,RNAM GRANGS BCU GCIG NI DANG POR SH'A RI'I BU LA BKA' STZAL NAS BSHAD PA'I RNAM GRANGS GCIG GO ,DE NAS RAB 'BYOR GYIS RGYAS PAR BSHAD PA NI GNYIS PA'O, ,DE NAS BRGYA BYIN DANG, DE NAS RAB 'BYOR DANG, BYAMS PA DANG, RAB 'BYOR DANG, BRGYA BYIN DANG, RAB 'BYOR DANG, BYAMS PA DANG, RAB 'BYOR DANG, DE NAS KUN DGA' BO LA BKA' STZAL NAS YONGS SU GTAD PA'O, ` ,RANG LUGS LA SHER PHYIN GYI MDO'I DGONGS 'GREL DU GYUR PA'I SHING RTA'I SROL 'BYED DE LA GNYIS SU YOD DE, MGON PO KLU SGRUB KYIS JI LTAR BKRAL BA'I TSUL DANG, RJE BTZUN BYAMS MGON GYIS JI LTAR BKRAL BA'I TSUL GNYIS SU YOD PA'I PHYIR, GSER PHRENG LAS, DNGOS BSTAN STONG NYID KYI DON RIGS TSOGS DRUG DANG, SHUGS BSTAN STONG NYID BSHAD PA NA GDUL BYA'I RGYUD LA MNGON RTOGS SKYE BA'I
RIM PA RNAMS RGYAN GYIS BKRAL BAS, RJE BTZUN DANG KLU SGRUB ZHABS GNYIS KYIS SHER PHYIN 'GREL TSUL GNYIS SU BYUNG NGO, ,ZHES BYA BAR YANG GNAS SO, ,ZHES GSUNGS PA'I PHYIR, DE LA DANG PO NI, RGYAL BA MYA NGAN LAS 'DAS TSUL BSTAN NAS LO BZHI BRGYA LON PA NA, RGYAL BA'I MDO RGYUD DU MA NAS LUNG BSTAN PA'I SHING RTA CHEN PO DPAL MGON 'PHAGS PA KLU SGRUB DE NYID 'JIG RTEN DU BYON NAS, SHER PHYIN GYI MDO'I DNGOS BSTAN STONG NYID KYI RIM PA DE NYID RIGS PA'I RNAM GRANGS MTHA' YAS PA'I SGO NAS GTAN LA 'BEBS PA LA RIGS TSOGS DRUG DANG, DE KHO NA NYID LUNG GI SGO NAS GTAN LA 'BEBS PA LA MDO KUN LAS BTUS PA MDZAD DO, ,KLU SGRUB LUNG BSTAN TSUL YOD DE, LANG GSHEGS LAS, LHO PHYOGS BE TA'I YUL DU NI, ,DGE SLONG DPAL LDAN ZHES GRAGS PA, ,DE MING KLU ZHES 'BOD PA DES, ,YOD DANG MED PA'I PHYOGS 'JIG PA, ,NGA YI BSTAN PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES GSUNGS PA'I PHYIR, RIGS TSOGS DRUG PO DE GANG ZHE NA, 'DI LA YUL RTEN 'BYUNG GI DE KHO NA NYID GTAN LA 'BEBS PA'I GZHUNG BZHI, YUL CAN STONG NYID RTOGS PA'I LTA BA THAR PA THOB PA'I LAM GYI RTZA BAR STON PA'I GZHUNG GNYIS LAS, DANG PO LA YANG, DGAG BYA BDEN GRUB GTZO BOR 'GOG PA'I GZHUNG GNYIS, BDEN PAR MED KYANG BYA BYED 'THAD TSUL STON PA'I GZHUNG GNYIS LAS, DANG PO GNYIS YOD DE, DNGOS SMRA BA RNAMS KYI GANG ZAG DANG CHOS KYI BDAG TU SGRO 'DOGS PA'I BSGRUB
, ,BYA BDEN DNGOS 'GOG PA RTZA SHE DANG, DE'I SGRUB BYED RTOG GE'I TSIG DON BCU DRUG 'GOG PA ZHIB MO RNAM 'THAG GNYIS SU MDZAD PA'I PHYIR, GNYIS PA GNYIS YOD DE, RAB BYED BDUN PAR SKYE GNAS 'JIG GSUM BRTAG PA LAS 'PHROS NAS BDEN PAR MED KYANG BYA BYED 'THAD TSUL SPYIR STON PA STONG NYID BDUN CU PA DANG, RAB BYED DANG POR RKYEN BRTAG PA LAS 'PHROS NAS BDEN PAR MED KYANG DGAG SGRUB KYI RNAM GZHAG 'THAD TSUL STON PA LA RTZOD BZLOG MDZAD PA'I PHYIR, GNYIS PA LA, RIN CHEN PHRENG BA DANG, RIGS PA DRUG CU PA GNYIS MDZAD PA YIN TE, 'JUG PA'I RGYA CHER 'GREL LAS, BDEN GNYIS KYI TSUL DE LTAR DU RTOGS PA NI SANGS RGYAS THOB PA LTA CI SMOS 'KHOR BA LAS GROL BA LA YANG MED MI RUNG NGO ZHES GZHUNG GNYIS KYIS STON PAS, ZHES DANG, 'KHOR BA LAS GROL BA LA YOD MED KYI MTHAR LTA BA SPANGS PA'I LAM DGOS PA NI GZHUNG GZHAN GNYIS KYIS STON TE, ZHES GSUNGS PA'I PHYIR, GNYIS PA NI, THUB PA CHEN PO CHOS KYI DBYINGS SU SNYOMS PAR ZHUGS PA'I CHUL BSTAN NAS LO DGU BRGYA LON PA NA, THOGS MED SKU MCHED 'JIG RTEN DU BYON LA, DE YANG SLOB DPON 'PHAGS PA THOGS MED CES BYA BA SNGON RGYAL BA DU MA LA LHAG PAR BYA BA BYAS SHING DGE BA'I RTZA BA RGYA CHEN PO BSKYED PA, DA LTA YANG SANGS RGYAS DANG BYANG CHUB SEMS DPA'I MGON GYIS YONGS SU BZUNG ZHING BLO GROS KYI MTHU GZHAN LAS KHYAD ZHUGS PA, THUB PA SANGS RGYAS BCOM LDAN 'DAS KYI BSTAN PA'I KHUR PA ZHES PA'I SMON LAM LEGS
BAR GRUB CING, DRANG NGES KYI MDO'I DGONGS PA RDZOGS PAR 'GREL PAR LUNG BSTAN PA DE NYID KYIS PHYI RABS KYI GDUL BYA RNAMS THEG PA CHEN PO'I SDE SNOD RGYA MTSO LTA BU LTA BA LA MGRON PO PHYOGS BSLAD PA BZHIN DU GYUR TE, TSIG SNGA PHYI'I 'BREL TZAM YANG KHONG DU CHUD PAR DKA' NA DON MCHOG TU GYUR PA RNAMS LTA CI SMOS PAR GZIGS SHING, RANG NYID KYANG THUB BA'I GSUNG GI GSANG BA THAMS CAD LA LKOG TU GYUR PAR MKHYEN NAS, THUB PA'I GSUNG GI GSANG BA THAMS CAD LA LKOG TU MA GYUR PA'I SPYAN MNGA' BA'I RGYAL TSAB DAM PA DE MNYES PAR BYAS NA CI 'DOD PA'I DON 'GRUB BO SNYAM DU DGONGS NAS SGRUB PA LA ZHUGS PAS ZHAL MNGON SUM DU GZIGS TE, BCOM LDAN 'DAS KYI RDZU 'PHRUL LA BRTEN NAS DGA' LDAN LA BYON NAS LHA'I DRO SKAD GCIG GAM, MI LO LNGA BCU'I BAR DU CHOS GSAN BAS GSUNG RAB MTHA' DAG GI DGONGS PA RDZOGS PAR RTOGS NAS, 'DZAM BU GLING PA'I GDUL BYA RNAMS RJES SU GZUNG BA'I PHYIR DAM PA'I CHOS KYI SKYES KYANG GNANG STE, 'BYED RNAM PA GNYIS, RGYAN RNAM PA GNYIS, THEG PA CHEN PO RGYUD BLA MA'I BSTAN BCOS RNAMS GNANG BA'I PHYIR, DE LTAR NA THOGS MED LUNG GANG DU BSTAN SNYAM NA, 'JAM DPAL RTZA RGYUD LAS, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRANG PA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED DANG TSUL CAN DU 'GYUR, ,DE YI RIG PA SGRUB PA NI, ,S'A LA'I PHO NYA MO ZHES BYA, ,DE YI SNGAGS KYI MTHU YIS NI, ,BLO NI BZANG
, ,PO SKYE BAR 'GYUR, ,BSTAN PA YUN RING GNAS BYA'I PHYIR, ,MDO YI DE NYID DON SDUD BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO, ,'KHOR BA RNAMS SU 'KHOR BA NA, ,YUN RING BDE BA RJES MYONG NAS, , BDAG NYID CHEN PO MTHAR BGYIS TE, ,BYANG CHUB DAM PA 'THOB PAR 'GYUR, ,ZHES GSUNGS PAS LUNG BSTAN TO, ,'O NA BYAMS CHOS LNGA PO DES MDO DON 'GREL TSUL DE GANG ZHE NA, 'DI LA YANG DNGOS BSTAN STONG NYID KYI RIM PA DANG, SPAS DON MNGON RTOGS KYI RIM PA 'GREL TSUL GNYIS LAS, DANG PO NI, RE ZHIG ZAB MO'I DON RDZOGS PAR STON PA'I SNOD DU MI RUNG BA'I GDUL BYA THEG CHEN GYI RIGS CAN DU MA RJES SU GZUNG BA'I PHYIR DU 'KHOR LO THA MA'I RJES SU 'BRANGS NAS SHER PHYIN GYI MDO'I DNGOS BSTAN STONG NYID KYI RIM PA DE NYID SEMS TZAM GYI TSUL DU 'GREL PAR BYED PA LA, THEG PA CHEN PO'I MDO SDE'I RGYAN DANG, 'BYED RNAM PA GNYIS GSUNGS, THEG PA CHEN PO'I RIGS CAN DBANG PO MCHOG TU GYUR PA RNAMS LA DANG PO NYID NAS BSTAN PAR BYA BA CHOS THAMS CAD BDEN PAS STONG ZHING DON DAM PA'I BDEN PA SPROS PA'I MTHA' THAMS CAD DANG BRAL BA SHER PHYIN GYI MDO'I DNGOS BSTAN STONG NYID KYI RIM PA DE NYID MGON PO KLU SGRUB KYIS JI LTAR BKRAL PA DANG MTHUN PAR DBU MA PA'I TSUL DU 'GREL ZHING KHYAD PAR DU DE BZHIN GSHEGS PA'I SNYING PO'I MDO DANG YUM RGYAS 'BRING BSDUS GSUM DGONGS PA GCIG TU 'GREL PA LA THEG PA CHEN PO'I RGYUD BLA MA GSUNGS, GNYIS PA NI,
SHER PHYIN GYI MDO'I SNYING PO'I DON DNGOS SU BSTAN PA'I SHUGS LA GDUL BYA'I RGYUD LA MNGON PAR RTOGS PA SKYE TSUL GYI RIM PA DE NYID SA 'OG GI GTER LTAR SHIN TU RTOGS DKA' ZHING RTOGS NA DON CHE BAR GZIGS NAS DE NYID GSAL BAR BYED PA LA RJE BTZUN GYIS GTER GYI KHA BYANG LTA BU'I MAN NGAG BSTAN BCOS MNGON RTOGS RGYAN MDZAD PA YIN NO, ,GSUM PA LA, SPYIR MNGON RTOGS RGYAN LA 'GREL PA RGYA GAR MAR GRAGS PA NYI SHU RTZA GCIG YOD DE, DE LA MDO RGYAN SBYAR BA'I 'GREL PA BCU GNYIS DANG, MA SBYAR BA'I 'GREL PA DGU RNAMS SU YOD PA'I PHYIR, DANG PO GRUB STE, NYI KHRI DANG SBYAR BA BZHI, BRGYAD STONG PA DANG SBYAR BA GSUM, MDO SDUD PA DANG SBYAR BA GSUM, 'BUM RKYANG PA DANG SBYAR BA GCIG ,'BUM NYI KHRI BRGYAD STONG PA STE YUM GSUM GA DANG SBYAR BA GCIG RNAMS SU YOD PA'I PHYIR, DANG PO GRUB STE, 'PHAGS PA GROL SDES MDZAD PA'I NYI KHRI SNANG BA, BTZUN PA GROL SDES MDZAD PA'I NYI KHRI RNAM 'GREL, SLOB DPON SENG GE BZANG POS MDZAD PA'I NYI KHRI LE'U BRGYAD MA, SH'AN TI PAS MDZAD PA'I NYI KHRI DAG LDAN RNAMS SU YOD PA'I PHYIR, GNYIS PA GRUB STE, SLOB DPON GYIS MDZAD PA'I RGYAN SNANG, SH'AN TI PAS MDZAD PA'I SNYING PO MCHOG ,AA BHYA K'A RAS MDZAD PA'I GNAD KYI ZLA 'OD RNAMS SU YOD PA'I PHYIR, GSUM PA GRUB STE, SLOB DPON SENG GE BZANG POS MDZAD PA'I SDUD PA'I DKA' 'GREL RTOGS SLA, SANGS RGYAS YE SHES ZHABS KYIS MDZAD PA'I SDUD BA'I DKA' 'GREL, KHA CHE DHARM'A SHR'IS MDZAD PA'I SHER PHYIN MDZOD KYI LDE
, ,MIG RNAMS SU YOD PA'I PHYIR, BZHI PA GRUB STE, KHA CHE DHARM'A SHR'IS MDZAD PAR GRAGS PA'I STONG PHRAG BRGYA PA'I BSHAD PA DE DE YIN PA'I PHYIR, LNGA PA NI, JO BO SMRi TIS MDZAD PAR GRAGS PA'I YUM GSUM DON BRGYAD KYIS MTHUN PAR BSTAN PA DE DE YIN NO, ,GNYIS PA GRUB STE, SLOB DPON SENG GE BZANG POS MDZAD PA'I 'GREL PA DON GSAL, CHOS KYI BSHES GNYEN GYIS MDZAD PA'I 'GREL BSHAD TSIG GSAL, GSER GLING PAS MDZAD PA'I RTOG GE'I SNANG BA, SHER 'BYUNG BLO GROS, JO BO, GZHON NU DPAL GSUM GYIS MDZAD PA'I BSDUS DON GSUM, RATNA K'I RTI'I GRAGS CHA, KHA CHE BUDDHA SHR'I'I SHES RAB SGRON ME'I PHRENG BA, AABHYA K'A RA'I THUB PA DGONGS RGYAN RNAMS SU YOD PA'I PHYIR, KHA CIG ;PHYI MA 'DI RGYAN GYI 'GREL PAR MI 'THAD DE, 'DI THUB PA'I GSUNG RAB SPYI'I DGONGS 'GREL YIN PA'I PHYIR NA, SKYON MED DE, 'DI'I LE'U PHYI MA GSUM LAS GTZO CHER MNGON RTOGS RGYAN GYI DON RNAMS BSTAN PAS NA, DE RGYAN GYI 'GREL PAR BGRANGS PA'I PHYIR, KHA CIG ,'DI MDO RGYAN SBYAR BA'I 'GREL PA YIN TE, 'DIR GANG ZAG LA SOGS PA 'GA' ZUNG MED DANG SBYAR BA'I PHYIR NA MA KHYAB STE, 'DIS PHAL CHER MDO DANG MA SBYAR BAR BSHAD PA'I PHYIR, KHA CIG ,SHER PHYIN MDZOD KYI LDE MIG MDO RGYAN SBYAR BA'I 'GREL PA MA YIN TE, DER MDO TSIG DNGOS SU MA DRANGS PA'I PHYIR NA MA KHYAB STE, DER MDO SDUD PA'I DON TSAN RNAMS SO SOR BCAD DE MNGON RTOGS RGYAN DANG SBYAR NAS GSUNGS PA'I PHYIR, DE DAG GI
NANG NAS DHARM'A SHR'IS MDZAD PAR GRAGS BA'I 'BUM GYI 'GREL PA 'DI RGYU 'GREL MA YIN TE, 'DIS GLENG GZHI DANG MCHOD BRJOD SBYAR NAS, DE YANG, GLENG GZHI RGYAS PAR BKA' STZAL DON MCHOG RNAMS, ,SDUD PAR MDZAD LA MCHOD BRJOD TSIGS BCAD MDZAD, ,CES PA'O, ,ZHES SHES BYED DU DRANGS PA 'DI BSTAN BCOS RIN CHEN SGRON ME LAS 'BYUNG BA GANG ZHIG ,DE 'DRA BA DE BA RE THOS PA DAGS MDZAD PAR MKHAS PA RNAMS LA GRAGS PA'I PHYIR, GZHAN YANG, DE MI 'THAD DE, DER YUM CHEN MO LA BAM PO SUM BRGYA, ZHES BAM GRANGS KYI BSHAD PA DANG, GDAMS NGAG GI SKABS SU, MKHAS PA PAndi TA'I LUGS KYIS SGRO 'DOGS PHYI RU GCOD, LTA RTOG PHYI RU BYED, YUL DPYAD PAS DE 'DZIN GYI 'KHRUL BA LDOG PAR 'DOD, KU SU LU'I LUGS KYIS SGRO 'DOGS NANG DU GCOD, LTA RTOG NANG DU BYED, RANG NGO RANG GIS RTOGS PA GCIG LA SKYE DGOS, ZHES SOGS RGYA GAR MKHAS PA'I LUGS LA MI 'BYUNG BA'I BOD TSIG DU MA 'BYUNG BA'I PHYIR, BZHI PA 'GREL PA GANG GI RJES SU 'BRANG BA NI, 'O NA MNGON RTOGS RGYAN LA 'GREL PA DE TZAM YOD NA, RANG NYID 'GREL PA GANG GI RJES SU 'BRANGS NAS MNGON RTOGS RGYAN 'CHAD PA YIN ZHE NA, RGYAL BA'I SRAS PO SENG GE BZANG POS MDZAD PA'I 'GREL PA DON GSAL GYI RJES SU 'BRANGS NAS 'CHANG PA YIN TE, 'GREL PA 'DI TSIG NYUNG ZHING DON 'DRIL LA DON GSAL BAS NA 'GREL PA GZHAN LAS KHYAD DU 'PHAGS BA'I PHYIR, ` GNYIS PA SKABS SU BABS PA'I BSTAN BCOS DNGOS BSHAD PA LA, 'O NA 'GREL PA 'DI'I RJES SU
, ,'BRANGS NAS MNGON RTOGS RGYAN 'CHAD TSUL DE GANG ZHE NA, 'DI 'CHAD PA LA GSUM, RJOD BYED DON LDAN GYI MTSAN DANG, BRJOD BYA DE LDAN GYI GZHUNG DANG, GANG GIS BSGYUR BA'I 'GYUR BYANG BSHAD PA DANG GSUM LAS, DANG PO LA; DNGOS DANG, ZHAR BYUNG GNYIS LAS, DANG PO NI, RGYA GAR SKAD DU, AA BHI SA MA YA AA LAm K'A RA N'A MA PRADZNY'A PA RA MI TA AU PA DE SHA SH'ASTRA PRiTTI, BOD SKAD DU, ZHES SOGS KYIS 'CHAD, 'DI LA YANG MTSAN BSGYUR BA DANG, MTSAN BSHAD PA DANG, DGOS PA DANG GSUM LAS, DANG PO NI, RGYA GAR NI GRONG KHYER CHEN PO DRUG YOD PA'I YUL LA 'DOD RGYAL DU BRDA BYAS PA YIN LA, GRONG KHYER DRUG NI, 'DUL BA CHIG LE'UR BYAS PA LAS, MNYAN YOD GNAS BCAS TZAM PA KA ,WA RA n'A SI YANGS BA CAN; ;RGYAL PO'I KHAB NI DRUG PA STE, ,'DI DAG GRONG KHYER CHEN POR SHES, ,ZHES GSUNGS PA LTAR RO, ,YUL DER SKAD RIGS CHEN PO BZHI YOD DE, ZUR? CHAG GI SKAD, SHA ZA'I SKAD, YUL MI RANG BZHIN PA'I SKAD, SASKRi TA'I SKAD DANG BZHI YOD PA'I PHYIR, DE'I NANG NAS SA SKRi TA'I SKAD DU BSTAN BCOS 'DI'I MTSAN LA, AA BHI SA MA YA, ZHES SOGS 'BYUNG LA, DE BOD SKAD DU BSGYUR NA, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN CES BYA BA'I 'GREL PA, ZHES 'BYUNG STE, AA BHI SA MA YA NI, MNGON PAR RTOGS PA, AA LAm K'A RA NI, RGYAN, N'A MA NI, ZHES BYA BA, PRADZNY'A? PA RA MI TA NI, SHER PHYIN, AU? PA DE SHA NI, MAN NGAG ,SH'A STRA NI, BSTAN BCOS, PRiTTI, ZHES PA NI, 'GREL BA'I SKAD DOD
YIN PA'I PHYIR, GNYIS PA LA, BSTAN BCOS 'DI CHOS CAN, KHYOD LA SHES RAB KYI PHA ROL TU PHYIN PA ZHES BRJOD PA'I RGYU MTSAN YOD DE, KHYOD KYIS GZHUNG SHER PHYIN GYI DGONGS PA 'GREL PAR BYED PAS NA DE LTAR BRJOD PA'I PHYIR, KHYOD LA MAN NGAG CES BRJOD PA'I RGYUN MTSAN YOD DE, KHYOD MDO DON BDE BLAG TU RTOGS PA'I MAN NGAG STE THABS YIN PAS NA DE LTAR BRJOD PA'I PHYIR, KHYOD LA BSTAN BCOS ZHES BRJOD PA'I RGYU MTSAN YOD DE, 'CHOS SKYOB KYI YON TAN GNYIS DANG LDAN PA'I NGAG RNAM DAG YIN PAS NA DE LTAR BRJOD PA'I PHYIR, KHYOD LA MNGON PAR RTOGS PA ZHES BRJOD PA'I RGYU MTSAN YOD DE, KHYOD KYIS DON MNGON PAR RTOGS PA BRGYAD BRJOD BYAR BYED PAS NA DE LTAR BRJOD PA'I PHYIR, DE CHOS CAN, KHYOD LA RGYAN CES BRJOD PA'I RGYU MTSAN YOD DE, DPER NA RANG BZHIN GYI RGYAN SKYES BU'I LUS BZANG PO LA, MJOS BYED KYI RGYAN GDU BU LA SOGS PAS SPRAS PA DE NYID GSAL BYED KYI RGYAN ME LONG LA SOGS PA'I NANG DU SHER BA NA DGA' BA'I RGYAN 'DOD PA PO DGA' BSKYED PA BZHIN DU, RANG BZHIN GYI RGYUN YUM GYI LUS BZANG PO LA MDZES BYED KYI RGYAN DNGOS BRGYAD DON BDUN CUS SPRAS PA DE NYID GSAL BYED KYI RGYAN BSTAN BCOS 'DI'I NANG DU SHAR BA NA, DGA' BA'I RGYAN LTA BA PO LA DGA' BA SKYED PAS NA DE LTAR BRJOD PA'I PHYIR, DE LTAR YANG, MDO SDE'I RGYAN LAS, GZUGS RGYAN RANG BZHIN YON TAN LDAN PA ME LONG NANG SONG BA, ,MTHONG BA'I DBANG GIS MI RNAMS RAB TU DGA' BA'I MCHOG SKYED PA, ,DE BZHIN LEGS GSUNGS RTAG TU RANG BZHIN YON TAN
, ,LDAN PA YI, ,CHOS KYANG DON RNAMS PHYE BAS MKHAS RNAMS 'DI NA DGA' MCHOG SKYED, ,CES GSUNGS PA'I PHYIR, 'GREL PA 'DI CHOS CAN, KHYOD LA 'GREL PA ZHES BRJOD PA'I RGYU MTSAN YOD DE, KHYOD KYIS BSTAN BCOS MNGON RTOGS RGYAN GYI TSIG DON GNYIS KYI NANG NAS DON GYI CHA GTZO BOR 'GREL PAR BYED PAS NA DE LTAR BRJOD PA'I PHYIR, GSUM PA NI, BSTAN BCOS KYI DANG POR RGYA SKAD SMOS PA LA CHOS CAN, DGOS PA YOD DE, SKAD LA BAG CHAGS 'JOG PA DANG, RGYUD LA BYIN RLABS 'BYUNG BA DANG, BSTAN BCOS KHUNGS BTZUN PAR BYA BA SOGS KYI DGOS PA YOD PA'I PHYIR, BOD SKAD SMOS BA CHOS CAN, DGOS BA YOD DE, LO PAn RNAMS LA BYAS PA SHES SHING DRIN DU GZO BA'I CHED YIN PA'I PHYIR, GNYIS KA SMOS PA LA CHOS CAN, DGOS PA YOD DE, SKAD GNYIS KYI RNAM DBYE BA DE BLAG TU RTOGS PA'I CHED YIN BA'I PHYIR, ` GNYIS PA LA, GZHUNG TSAD RTOGS PA'I YAN LAG TU BA MA GRANGS DANG, 'GYUR MTHAR PHYIN PA'I YAN LAG TU PHYAG BYAS PA DANG GNYIS LAS, DANG PO NI, BAM PO DANG PO ZHES BSHAD, DON NI, BSTAN BCOS 'DI LA BAM PO LNGA YOD PA'I DANG PO 'DI NI 'CHAD PA LA, BAM PO ZHES BRJOD PA'I RGYU MTSAN YOD DE, DPER NA RTZVA'I? PHUNG PO MANG PO PHYOGS GCIG TU BSDUS PA LA RTZVA'I BAM PO ZHES BRJOD PA LTAR, GZHUNG GI CHA MANG PO PHYOGS GCIG TU BSDOMS PAS NA DE LTAR BRJOD PA'I PHYIR, SPYIR BAM TSAD LA MI MTHUN PA DU MA YOD DE, SHLOO KA BDUN BRGYA RE LA BAM PO RER BYAS PA DANG, YUM
RGYAS 'BRING BSDUS GSUM LTA BU SUM BRGYA RE LA BAM PO RE BYAS PA DANG, SHES RAB SNYING PO LTA BU NYER LNGA LA BAM POR BYAS PA SOGS DU MA MOD PA'I PHYIR, SKABS 'DIR NI SHLOO KA SUM BRGYA RE LA BAM PO RE RE BYAS PA YIN TE, 'DI'I RGYA DPE LA SHLOO KA STONG LNGA BRGYA ZHES 'BYUNG ZHING, BOD DPER BAM PO LNGAR BYAS PA'I PHYIR, DES NA BSTAN BCOS KYI DANG POR BAM GRANGS SMOS PA CHOS CAN, DGOS PA YOD DE, BSTAN BCOS KYI GZHUNG TSAD LA SGRO SKUR SPANG BAR BYA BA'I CHED YIN PA'I PHYIR, GNYIS PA NI, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,ZHES BSHAD, DON NI, LOTZTSA PAS BSTAN BCOS KYI THOG MAR SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,ZHES PA'I 'GYUR PHYAG SMOS PA CHOS CAN, DGOS PA YOD DE, 'GYUR MTHAR PHYIN PAR BYA BA'I CHED YIN PA'I PHYIR DANG, SNGON GYI CHOS RGYAL RNAMS KYI BKAS BCAD DANG MTHUN PAR BSTAN BCOS 'DI LHAG PA'I TING NGE 'DZIN GYI BSLAB PA BRJOD BYA'I GTZO BOR BYED PA'I MDO SDE'I SDE SNOD DU SHES PAR BYA BA'I CHED YIN PA'I PHYIR, GNYIS PA BRJOD BYA DE LDAN GYI GZHUNG BSHAD PA LA, GZHUD SPYI'I GRANGS DANG, GZHUNG DNGOS BSHAD PA'O, ,DANG PO NI, GZHUNG 'CHAD PA'I THOG MAR GZHUNG GI MTSAMS SO SOR BSHAD PA DANG, GZHUNG DES RANG GI RTZA BA JI LTAR BSHAD PA BSTAN NA, DKYUS SA BSTAN PA'I RTA BZHIN DU 'CHAD PA DANG NYAN PA RNAMS KYI BLO MI 'KHRUG CING DON RNAMS SO SOR GO BAR 'GYUR BAS, RTZA BAS DON DU ZHIG GIS MDO DON BKRAL BA DANG, 'GREL PAS RTZA BA JI LTAR BKRAL BA'I RIM
, ,PA RNAMS JI LTA BU ZHE NA, RTZABS MDO DON BSHAD THABS YAN LAG LNGA'I SGO NAS BSHAD PA YIN TE, RNAM BSHAD RIGS PA LAS, MDO DON SMRA BA DAG GIS NI, ,DGOS PA BSDUS BA'I DON BCAS DANG, ,TSIG DON BCAS DANG MTSAMS SBYAR BCAS, ,BRGAL LAN BCAS TE BSNYAD PAR BYA, ,ZHES GSUNGS PA LTAR YIN PA'I PHYIR, DE YANG MDO DON GYI CHE PA THOS NAS NYAN PA DANG 'DZIN PA LA GUS PA BSKYED PA'I CHED DU THOG MAR MDO DON DGOS DON GYI SGO NAS 'CHAD PA LA, RNAM PA THAMS CAD MKHYEN NYID LAM, ,ZHES SOGS GSUNGS, MDO DON BDE BLAG TU RTOGS PA'I DGOS DON DE YANG BSDUS DON LUS RNAM GZHAG LA RAG LAS PAS NA, SHES RAB PHA ROL PHYIN PA NI, ,ZHES SOGS KYIS MDO DON BSDUS DON GYI SGO NAS 'CHAD PAR BYED, DNGOS BRGYAD DON BDUN CU'I BSDUS DON DE YANG TSIG DON YAN LAG RGYAS BSHAD LA RAG LAS PAS, SEMS BSKYED BA NI GZHAN DON PHYIR, ,ZHES SOGS KYIS MDO DON TSIG DON GYI SGO NAS 'CHAD PAR BYED, TSIG DON GYI GO RIM RNAMS 'BREL BA NI MTSAMS SBYOR LA RAG LAS PAS, DE NAS THAMS CAD SHES PA NYID, ,CES DANG, DE NAS SENG GE RNAM BSGYINGS PA'I, ,ZHES PA RNAMS KYIS MDO DON MTSAMS SBYOR GYI SGO NAS 'CHAD PAR BYED, CES KHA CIG BZHED, RIGS PA SNGA PHYI MI 'GAL BA NI BRGAL LAN LA RAG LAS PAS, CHOS KYI DBYINGS LA DBYER MED PHYIR, ,ZHES DANG, DNGOS PO BRJOD DU MED PA LA, ,ZHES DANG, GZHAN GYI CHOS RNAMS KYANG YOD
LA; ;ZHES SOGS 'GA' ZHIG GIS MDO DON BRGAL LAN GYI SGO NAS BSHAD CING, BRGAL LAN PHAL CHER SHUGS LA BSTAN PA YIN NO, ,'O NA BRGAL BA DANG LAN GNYIS YOD PAS BSHAD THABS YAN LAG DRUG TU 'GYUR RO ZHE NA MI 'GYUR TE, RNAM BSHAD RIGS PAR BRGAL BA DANG LAN GNYIS GCIG TU BYAS PA NA BRGAL BA'I LAN GDAB PA'I DON GYI PHYIR RO, ,ZHES GSUNGS BA'I PHYIR, DE LTAR YANG RNAM BSHAD RIGS PAR, MDO DON CHE BA NYID THOS NAS, ,NYAN PA DANG NI 'DZIN PA LA, ,NYAN PA PO DE GUS BYED PAS, ,THOG MAR DGOS PA BRJOD PAR BYA, ,DE SGRUB DE NI BSDUS DON LAS, ,BSDUS PA'I DON NI TSIG DON LAS, ,GO RIM RIMS PA SNGA PHYI DAG ,MI 'GAL BA NI GNYIS LAS SO, ,ZHES GSUNGS PA'I PHYIR, NGES NA MDO DON GYI BSHAD THABS KYI YAN LAG DANG PO GSUM DNGOS SU BSTAN NAS, MTSAMS SBYOR SHUGS LA BSTAN LA, BRGAL LAN PHAL CHER SHUGS LA BSTAN CING, SHUGS BSTAN DE RNAMS SLOB DPON GYIS 'GREL PAR GSAL BAR BYAS PA YIN LA, SHUGS BSTAN GYI MTSAMS SBYOR DANG PO NI, 'PHAGS PA BYAMS PA, ZHES SOGS YIN LA, DE YANG SLOB DPON CHOS BSHES NI SKABS DANG PO LA MTSAMS SBYOR SO DRUG ,GNYIS PA LA NYI SHU, GSUM PA LA BCU BZHI, BZHI PA LA SO LNGA, LNGA PA LA NYER BDUN, DRUG PA LA GCIG ,BDUN PA LA LNGA, BRGYAD PA LA BCU GSUM, BAR BA LA GCIG ,BSDUS PA LA GCIG STE BSDOMS NA BRGYA DANG NGA GSUM YOD, DE YANG SKABS KYI DANG POR BSTAN PA BRGYAD NI SKABS KYI GO RIM NGES PA'I MTSAMS
, ,SBYOR YIN ZHING, MTSAMS SBYOR GZHAN RNAMS CI RIGS PA'O, ,ZHES GSUNGS, DE MI RIGS TE, MTSAMS SBYOR GYI RIM PA 'DI DAG SLOB DPON GYIS TSIG ZIN DRANGS PA YIN NAM, DON THOB DRANGS BA YIN, DANG PO LTAR NA MI 'THAD DE, SKABS DANG PO LA MTSAMS SBYOR NYER LNGA LAS MED PAS GRANGS MANG BAR 'GYUR LA, BZHI PA LA SO DRUG DANG, BRGYAD PA LA SO DRUG YOD PAS GRANGS NYUNG BA'I SKYON YOD BA'I PHYIR, GNYIS PA LTAR NA, DANG PO SO DRUG GI DON THOB DE GANG LA BYED, GAL TE DMIGS RNAM RGYAS BSHAD LA MTSAMS SBYOR GCIG LAS MED KYANG NGES 'BYED BZHI YOD PAS MTSAMS SBYOR BZHI THOB CING SA'I YONGS SBYONG LAS BDUN PA'I YONGS SBYONG DANG PO DANG BCAS, SA BRGYAD KYI MTSAMS SBYOR BRGYAD THOB PAS SO DRUG YIN NO, ,ZHE NA, 'O NA GZUNG RTOG DANG 'DZIN RTOG GNYIS KYIS KYANG MTSAMS SBYOR GNYIS THOB PAR THAL, DAM BCA' 'THAD PA'I PHYIR, GZHAN YANG, SKABS GNYIS PA LA NYI SHU DANG, BZHI PA LA SO LNGA LAS GRANGS MANG BA SMOS DGOS PAR THAL, SKABS GNYIS PA'I NYAN RANG GI NGES 'BYED BZHI TSAN GNYIS DANG, SKABS BZHI PA'I NGES 'BYED BZHI LA YANG MTSAMS SBYOR BZHI BZHI DON GYIS THOB PA'I PHYIR, RTAGS SONG, DES NA PHYIS KYI MKHAS PA RNAMS KYANG DPYOD PA MED PAR DANG PO LA SO DRUG ,CES SOGS, RANG LUGS SU MDZAD PA MI 'THAD DE, SLOB DPON CHOS BSHES KYIS BSHAD PA DE PAndI TA THUGS MNYAM PAR MA BZHAG PA'I TSIG YIN PA'I PHYIR, DE LTA BU LA DPYAD MI BZOD PAR SNANG BA'I
PHYIR; 'O NA RTZA BAS MDO DON 'CHAD TSUL DE LTAR YIN NA, 'GREL PAS RTZA BA 'CHAD TSUL GANG ZHE NA, RTZA BAS MDO DON BSHAD THABS YAN LAG LNGA'I SGO NAS BSHAD PA BZHIN DU 'GREL PAS KYANG RTZA BA BSHAD THABS YAN LAG LNGA'I SGO NAS 'CHAD PAR BYED DE, SHES RAB PHA ROL PHYIN PA LA, ,ZHES SOGS KYIS RTZA BA BSHAD THABS YAN LAG LNGA'I SGO NAS BSHAD PA LA 'JUG PA'I BYA BA DE BSTAN NAS, BSHAD THABS YAN LAG LNGA'I SGO NAS 'CHAD TSUL DNGOS DE STON PA LA, 'PHAGS PA BYAMS PA ZHES SOGS GSUNGS PA'I PHYIR, ` GNYIS PA GZHUNG DNGOS 'CHAD PA LA, RTZOM PA LA 'JUG PA'I BYA BA, BRTZAM BYA GZHUNG GI RANG BZHIN, BRTZAMS PA MTHAR PHYIN PA'I TSUL DANG GSUM LAS, DANG PO LA, 'GREL PA RTZOM PA LA 'JUG PA DANG; RTZA BA RTZOM PA LA 'JUG PA'I BYA BA GNYIS LAS, DANG PO LA, DGOS PA DANG LDAN PA'I PHYAG 'TSAL BA DANG, SLOB DPON SNGA MAS GZHUNG JI LTAR PHYE TSUL, RANG GI BLO'I CHE BA BSTAN PA, BRTZAMS PA LA GZHAN 'JUG RIGS PAR GDAMS PA, KHENGS BSKYUNGS TE RTZOM PA'I RGYU BRJOD PA DANG LNGA LAS, DANG PO NI, SLOB DPON GYIS 'GAL BA RTZOM PA'I THOG MAR GZHUNG LAM 'BRAS BU SHER PHYIN GSUM LA PHYAG 'TSAL ZHING MCHOD BRJOD MDZAD PA DE STON PA LA, SHES RAB PHA ROL PHYIN PA LA, ,GUS PHYAG 'TSAL, ,ZHES GSUNGS, DGOS PA CI'I PHYIR DU PHYAG 'TSAL ZHE NA, MNGON RTOGS RGYAN YUM GSUM GA'I RGYAN DU 'GREL PA'I 'GREL PA RTZOM PA MTHAR PHYIN PA'I CHED DU PHYAG 'TSAL ZHES RTZOM PAR DAM BCAD DE STON PA LA, DE'I RGYAN TSIG LE'UR
, ,BYAS PA DAG ,KUN GYI RGYAN DU 'GYUR BAR NI, ,RNAM PAR DBYE PHYIR, ZHES GSUNGS, RONG t'IKA PAS 'BREL PA 'DI MDO RGYAN SBYAR BA'I 'GREL PA YIN TE, KUN GYI RGYAN DU 'GYUR BAR NI, ,ZHES DANG, RGYAL BA'I YUM RNAM PA GSUM CHAR LAS KYANG, ZHES SOGS DANG, 'PHAGS BZHI'I MNGON RTOGS BSDUS TSUL GYI SKABS SU YUM GSUM GA'I LUNG SHES BYED DU DRANGS PA'I PHYIR, ZHES ZER BA MI 'THAD DE, DE LTAR NA 'GREL BA 'DI DBUS MTHA' DANG RGYAN SBYAR BA'I 'GREL PA SOGS SU 'GYUR TE, SKABS LNGA BA'I 'GREL PAR, CHOS KYI DBYINGS LAS MA GTOGS PAR, ,'DI LTAR CHOS YOD MA YIN TE, ,ZHES DBUS MTHA'I LUNG SHES BYED DU DRANGS SHING, SKABS BZHI PA'I 'GREL BAR, 'JIG RTEN SNA TSOGS LAS LAS SKYES, ,ZHES SOGS MDZOD KYI LUNG SHES BYED DU DRANGS PA SOGS DU MA YOD PA'I PHYIR, DES NA SLOB DPON GYIS 'GREL PA RTZOM PA'I THOG MAR GZHUNG LAM 'BRAS BU SHER PHYIN GSUM LA MCHOD BRJOD MDZAD PA CHOS CAN, DGOS PA YOD DE, RGYA CHER ROL PA'I MDO LAS, BSOD NAMS RNAM SMIN BDE STER SDUG BSNGAL THAMS CAD SEL, ,BSOD NAMS LDAN PA'I MI YI BSAM PA RNAMS KYANG 'GRUB, ,BDUD BCOM NAS NI BYANG CHUB MYUR DU REG PAR 'GYUR, ,MYA NGAN LAS 'DAS ZHI BA BSIL BA'I DNGOS PO 'ANG THOB, ,CES GSUNGS PA LTAR, YUL KHYAD PAR CAN SHER PHYIN LA PHYAG BTZAL BAS BSOD NAMS DPAG MED RGYUD LA SKYE LA, DE'I MTHUS BSOD NAMS MIN PA SOGS KYI BAR CHAD ZHI STE RTZOM PA MTHAR
PHYIN PAR 'GYUR BA'I PHYIR DANG, 'JIG RTEN NA DAM PA RNAMS BYA BA CHEN PO LA 'JUG BA'I THOG MAR YUL KHYAD BAR CAN LA PHYAG MCHOD BYED LA, 'DIR YANG YUL KHYAD PAR CAN LA MCHOD BRJOD BYAS PAS GDUL BYA RNAMS KYIS 'DI NI DAM PA'O ZHES RTOGS PAR 'GYUR BA'I DGOS PA YOD PA'I PHYIR, RTZOM PAR DAM BCA' MDZAD PA CHOS CAN, DGOS PA YOD DE, RTZOM PA MTHAR PHYIN PAR BYA BA'I CHED YIN PA'I PHYIR, DE LTAR YANG SHES RAB SDONG BU LAS, DAM PA MANG PO KHAS 'CHE MI BYED LA, ,GAL TE DKA' BAS KHAS NI BLANGS GYUR NA, ,RDO LA RI MO BRIS PA LTA BUR NI, ,SHI YANG GZHAN DU BYED BAR MI 'GYUR RO, ,ZHES GSUNGS PA LTAR RO, ,DES NA TSIGS BCAD 'DIS 'GREL PA 'DI'I DGOS SOGS CHOS BZHI BSTAN TE, RKANG PA DANG POS NYID DGOS DANG, GSUM PAS DGOS PA DANG, DAM BCAS BRJOD BYA DNGOS SU BSTAN NAS, 'BREL BA SHUGS LA BSTAN PA YIN PA'I PHYIR, DES NA 'GREL PA 'DI CHOS CAN, KHYOD KYI BRJOD BYA YOD DE, BSTAN BCOS MNGON RTOGS RGYAN DE KHYOD KYI BRJOD BYA YIN PA'I PHYIR TE, DE KHYOD KYI BSHAD BYA YIN PA'I PHYIR, DE CHOS CAN, KHYOD KYI DGOS PA YOD DE, KHYOD LA BRTEN NAS MNGON RTOGS RGYAN YUM GSUM GA'I RGYAN DU RTOGS PA DE KHYOD KYI DGOS PA YIN PA'I PHYIR, DE CHOS CAN, KHYOD KYI NYID DGOS YOD DE, KHYOD KYI CHED DU BYA BA'I GDUL BYAS KHYOD LA BRTEN NAS MNGON RTOGS RGYAN YUM GSUM GA'I RGYAN DU RTOGS PA LA BRTEN NAS, THOS BSAM GYIS ZHUGS TE MTHAR SHER PHYIN THOB PA DE KHYOD KYI NYID DGOS YIN PA'I
, ,PHYIR; DE CHOS CAN, KHYOD KYI 'BREL BA YOD DE, KHYOD KYI NYID DGOS KHYOD KYI DGOS PA LA 'BREL, DE KHYOD DANG 'BREL BA DE KHYOD KYI 'BREL BA YIN PA'I PHYIR, GNYIS PA LA, KHO NA RE, KUN GYI RGYAN DU 'GYUR BAR NI,, ZHES MNGON RTOGS RGYAN YUM GSUM GA'I RGYAN DU 'GREL BA'I 'GREL BA RTZOM MI RIGS TE, KHYOD LA 'GREL PA RTZOM PA'I PHYI NANG GI MTHUN RKYEN MA TSANG BA YIN PA'I PHYIR, ZER NA SKYON MED DE, SPYIR BSTAN BCOS RTZOM PA'I PHUN SUM TSOGS PA'I RGYU DE LA YANG DAG PAR RDZOGS PA'I SANGS RGYAS NAS BZUNG STE DAM PA BAR MCHAD PA'I GDAMS NGAG DANG LDAN PA, SHES BYA RIG PA'I GNAS LNGA LA MKHAS PA SOGS NANG GI RKYEN BSTAN BCOS KYI DON MTHA' DAG RTOGS PA'I SHES RAB DANG LDAN PA, YI DAM LHA'I ZHAL GZIGS SHING GSUNG GI GNANG BA THOB PA DANG GSUM YOD PA LAS, SLOB DPON SENG GE BZANG PO DE GSUM DANG LDAN PA'I PHYIR, DE YANG DANG PO DE DANG LDAN TE, YANG DAG PAR RDZOGS PA'I SANGS RGYAS NAS BYAMS PA, DE LA THOGS MED KYIS DNGOS SU GSAN PA'I MAN NGAG RIM BAR BRGYUD DE SLOB DPON DBYIG GNYEN DANG, 'PHAGS PA GROL SDE DANG, BTZUN PA GROL SDE'I BAR GYI MAN NGAG DANG LDAN PA'I PHYIR, ZHES PHYI'I RKYEN DGE BA'I BSHES GNYEN GYI MAN NGAG DANG LDAN TSUL DE 'CHAD PA LA, 'GRO LA CHAGS PAS KUN CHAGS MDZAD, ,CES SOGS SHLOOKA BZHI GSUNGS TE, RNAM BSHAD SNYING PO'I RGYAN LAS, SLOB DPON BZHI'I BSHAD PA'I TSUL GYIS NI YANG DAG BAR RDZOGS PA'I
SANGS RGYAS NAS BZUNG STE, DAM PA BAR MA CHAD PA'I MAN NGAG DANG LDAN PAR BSTAN PA YIN NO, ,ZHES GSUNGS, 'DI LA THOGS MED KYIS RNAM BSHAD MDZAD TSUL DANG, DBYIG GNYEN GYIS BKROL TSUL DANG, 'PHAGS PAS PHYE TSUL, BTZUN PAS RNAM BSHAD BYAS TSUL DANG BZHI LAS, DANG PO NI, 'GRO LA CHAGS PAS KUN CHAGS MDZAD, ,CES SOGS KYIS 'CHAD, GNYIS PA NI, 'GRO DON RTZA LAG DBYIG GI GNYEN, ,ZHES SOGS KYIS 'CHAD, GSUM PA NI, 'PHAGS PA'I KHONGS SU GTOGS PA YI, ,ZHES SOGS KYIS 'CHAD, BZHI PA NI, DE YI 'OG TU RNAM GROL SDE, ,ZHES SOGS KYIS 'CHAD, KHA CIG ,'PHAGS PA THOGS MED KYIS MDZAD PA'I DE NYID RNAM NGES DE MDO RGYAN SBYAR BA'I 'GREL PA YIN ZER BA MI 'THAD DE, MDO RGYAN SBYAR BA'I 'GREL PA BCU GNYIS DANG, MA SBYAR BA'I 'GREL PA DGU ZHES MKHAS PA RNAMS LA GRAGS SHING, MDO RGYAN SBYAR BA'I THOG MA NYI KHRI SNANG BA NAS 'DZIN BAR MKHAS PA RNAMS LA GRAGS PA LTAR 'THAD PA'I PHYIR, DE LTAR MA YIN NA; BSTAN BCOS CHEN PO'I RNAM BSHAD MDZAD, ,CES PA'I SKABS KYI BSTAN BCOS DE MNGON RTOGS RGYAN LA BYED DGOS LA, DE LTAR NA, BSTAN BCOS MTHA' DAG 'DI DE LTAR, ,ZHES DANG, BSTAN BCOS MTHA' DAG MA RNYED PAR, ,ZHES BA'I BSTAN BCOS RNAMS KYANG MNGON RTOGS RGYAN LA BYED DGOS PAR THAL BA'I SKYON YOD PA'I PHYIR DANG, SHER 'BYUNG GI BSDUS DON LAS KYANG, 'PHAGS PA DANG SLOB DPON DAG GIS MNGON PAR RTOGS PA DANG SBYAR BA LAM BLTOS PAR BSHAD
, ,PA'I PHYIR DANG, ZHES DE NYID RNAM NGES MDO RGYUN MA SBYAR BA'I 'GREL PAR GSAL BAR BSHAD PA'I PHYIR, KHA CIG ,DE NYID RNAM NGES DE NYI KHRI KHO NA'I 'GREL PA YIN GSUNGS PA MI 'THAD DE, GSER PHRENG LAS, 'DI LA NYI? KHRI DE NYID RNAM NGES ZER BA NI BRTAG DGOS SO, ,ZHES GSUNGS BA'I PHYIR, GZHAN YANG, BSTAN BCOS CHEN PO'I RNAM BSHAD MDZAD, ,CES PA'I BSTAN BCOS DE NYI KHRI KHO NA LA BYED RIGS PAR THAL, DAM BCA' 'THAD PA'I PHYIR, 'DOD MI NUS TE, DE YUM RGYAS 'BRING BSDUS GSUM LA BYED RIGS PA'I PHYIR TE, 'GREL BSHAD TSIG GSAL LAS, NGES PA'I TSIG GI TSUL GYIS NA BSTAN BCOS TE, DE YANG KHYAD PAR CAN RGYAL BA'I YUM RNAMS SO, ,ZHES GSUNGS PA LTAR 'THAD PA'I PHYIR; GSUM PA NI, KHO NA RE, KHYOD KYIS 'GREL PA RTZOM MI RIGS TE, SLOB DPON SNGA MA'I 'GREL PA YOD PAS ZLOS SKYON DU 'GYUR RO ZHE NA SKYON MED DE, MKHAS BA SNGA MA BZHI'I 'GREL PA LAS TSIG DON CI RIGS PAR RNYED CING, SHES RAB CAN DBYIG GNYEN DANG, DAD PA CAN GROL SDE LA SOGS PA 'GA' ZHIG KHO NAS MA RNYED PA'I YUM DON MTHA' DAG KHO BOS RNYED CING RNYED PA LTAR 'GREL PA BRTZAM PA'I PHYIR, ZHES NANG GI RKYEN BSTAN BCOS KYI DON MTHA' DAG RTOGS PA'I SHES RAB DANG LDAN TSUL DE 'CHAD PA LA, DE LTAR MKHAS PAS SNANG BYAS SHING, ,ZHES SOGS SHLOO KA GCIG GSUNGS, BZHI PA NI, DES NA SLOB DPON SENG GE BZANG PO CHOS CAN, KHYOD KYIS 'GREL PA RTZOM RIGS TE, YANG DAG
PAR RDZOGS PA'I SANGS RGYAS BYAMS PA MGON PO'I ZHAL MNGON SUM DU GZIGS TE, 'GREL PA RTZOM PA'I GSUNG GI GNANG BA THOB PA'I PHYIR, RGYU MTSAN DE'I PHYIR NA PHYI RABS KYI GZUR GNAS RNAMS 'GREL PA 'DI LA 'CHAD NYAN GYI SGO NAS 'JUG RIGS SO, ,ZHES 'CHAD PA LA, DE LTAS SHIN TU RNYED DKA' BA, ,ZHES SOGS SHLOO KA GCIG GSUNGS, LNGA PA NI, 'O NA KHYOD KYIS MDO DANG BSTAN BCOS KYI DON MTHA' DAG MNGON SUM DU RTOGS NAS BSTAN BCOS BRTZAMS PA YIN NAM ZHE NA, YUM DON MTHA' DAG KHO BO CAG GI MNGON SUM GYI SPYOD YUL MA YIN YANG 'GREL PA RTZOM PA LA SPRO BA SKYE BA'I RGYU MTSAN YOD DE, RANG GZHAN LA PHAN? GDAGS PAR 'DOD PA'I BSAM PAS KUN NAS BSLANGS TE 'GREL PA BRTZAM PA YIN PA'I PHYIR, ZHES KHENGS BSKYUR? SA TE SPRO? BA BSKYED PA'I RGYU MTSAN 'CHAD PA LA, RNAM PA KUN TU BDAG GI NI, ,ZHES SOGS SHLOO KA GCIG GSUNGS, GNYIS PA RTZA BA RTZOM PA LA 'JUG PA'I BYA BA LA, GDUL BYA DBAB? BSKYED PA'I YAN LAG MCHOD BRJOD, RTOG LDAN BSTAN BCOS LA 'JUG PA'I YAN LAG DGOS 'BREL DANG GNYIS LAS, DANG PO LA, DNGOS DANG, RTZOD PA SPONG BA GNYIS, DANG PO LA MTSAMS SBYOR, RTZA BA, 'GREL BA DANG GSUM LAS, DANG PO NI, 'GAGS PA BYAMS PA ZHES SOGS KYIS 'CHAD, GNYIS PA NI, NYAN THOS ZHIB 'TSOL RNAMS, ZHES SOGS KYIS 'CHAD, GSUM PA NI, TSIGS SU BCAD PA 'DIS NI, ZHES SOGS KYIS 'CHAD, GNYIS PA DE LTAR PHYAG 'TSAL BA DANG, ZHES SOGS KYIS 'CHAD, DE
, ,YANG DANG PO NI, RJE BTZUN BYAMS MGON GYIS BSTAN BCOS RTZOM PA'I THOG MAR YUM LA MCHOD BRJOD MDZAD PA CHOS CAN, DGOS PA YOD DE, RANG NYID SKYES BU DAM PA'I SPYOD PA DANG MTHUN PAR BYA BA DANG, GDUL BYA GZHAN DAG YUM LA DANG BA BSKYED BA'I CHED YIN PA'I PHYIR, ZHES MTSAMS SBYOR GYI SGO NAS 'CHAD PA LA, 'PHAGS PA BYAMS PA RANG NYID DAM PA'I SPYOD PA DANG MTHUN PAR RAB TU STON PAS, ZHES SOGS GSUNGS, 'DI LA YANG, DGOS DON; BSDUS DON, MTSAMS SBYAR DANG GSUM LAS, DANG PO LA, RANG DON GYI DGOS PA DANG, GZHAN DON GYI DGOS PA GNYIS LAS, DANG PO NI, 'PHAGS PA BYAMS PA RANG NYID DAM PA'I SPYOD PA DANG MTHUN PAR RAB TU STON PAS, ZHES PAS 'CHAD, GNYIS PA NI, GZHAN DAG BCOM LDAN 'DAS MA YON TAN RIN PO CHE PHUL DU DBYUNG DU MED CING DPAG TU MED PA'I 'BYUNG GNAS LA DON GYIS 'JUG PAR BYA BA'I PHYIR RAB TU DANG BA BSKYED PA'I CHED DU, ZHES PAS 'CHAD, GNYIS PA NI, YUM LA? YON TAN JI LTA BA BZHIN DU BRJOD PA SNGON DU 'GRO BA CAN GYI PHYAG 'TSAL BA, ZHES PAS 'CHAD, GSUM PA NI, RE SHIG DANG POR, ZHES PAS BSTAN NO, ,DES NA GZHUNG 'DI'I DON LA, PHYOGS SNGA MA DGOD PA DANG, DE DGAG PA DANG, SNYING PO BSDUS TE BSTAN PA DANG GSUM LAS, DANG PO LA, GSER PHRENG SOGS SU MCHOD BRJOD KYI GZHUNG RANG DON GYI DGOS PA LA SBYAR NAS BSHAD PA LA, RONG t'IKA BA NA RE, MCHOD BRJOD KYI NGAG RANG DON GYI DGOS PA LA SBYOR
BA MI 'THAD DE, RJE BTZUN BYAMS PA LA RANG DON DON GNYER GYI BLO MED PA'I PHYIR DANG, GZHAN BSTAN BCOS LA 'JUG PA'I CHED KHO NAR SNANG BAS SO, ,ZHES ZER, GNYIS PA DE 'GOG PA LA, SNYING PO'I RGYAN LAS, RJE BTZUN LA RANG DON DON GNYER MED PAR 'DOD PA SOGS NI THEG PA CHEN PO'I GZHUNG LA NGAL BA ZHIG TU MA BYAS PA YIN TE, RJE BTZUN MNGON PAR RDZOGS PAR SANGS RGYAS PA'I DBANG DU BYED NA THUN MONG BA DANG THUN MONG MA YIN PA'I SKABS MA PHYED PA YIN LA, BYANG CHUB SEMS DPA'I DBANG DU BYED NA NI RANG DON YONGS SU RDZOGS PA LA CHOS SKU DGOS PAR MA MTHONG NA RANG DON DU ZHI BA RKYANG BAS CHOG PAR 'DZIN PA MI ZLOG LA, DE MA ZLOG NA THEG CHEN SEMS BSKYED KYI MTSAN NYID YONGS SU MI RDZOGS PAR 'GYUR TE, RANG DON CHOS SKU LA DON GNYER SA BCU PA'I GNAS SKABS SU MI DGOS PA'I PHYIR DANG, SANGS RGYAS KYI SKU LA RANG DON GYI SKU DANG GZHAN DON GYI SKU GNYIS SU PHYE BA LA YANG DGOS PA MED PAR 'GYUR RO, ,ZHES GSUNGS, DON NI, RONG t'IKA BA'I RTZOD PA DE MI 'THAD DE, DE LTAR SMRA BA DE RJE BTZUN BYAMS PA SANGS RGYAS YIN PA'I DBANG DU BYAS PA YIN NAM, DE BYANG CHUB SEMS DPA' YIN PA'I RGYU MTSAN GYIS DE LTAR SMRA BA YIN, DANG PO LTAR NA, RJE BTZUN SANGS RGYAS YIN PA'I RGYU MTSAN GYIS MCHOD BRJOD KYI NGAG RANG DON GYI DGOS PA LA SBYOR BA MI 'THAD DE, RJE BTZUN LA RANG DON DON GNYER GYI BLO MED PA'I PHYIR, ZHES SMRA BA THEG PA CHEN PO'I GZHUNG LA NGAL BA ZHIB TU MA BYAS PA YIN TE, MCHOD BRJOD KYI NGAG GDUL BYA THUN MONG BA RJES SU
, ,GZUNG BA'I PHYIR DU GSUNGS PA GANG ZHIG ,GDUL BYA THUN MONG BA'I NGOR DE SANGS RGYAS MA YIN PA'I PHYIR, DE'I DOR DE SANGS RGYAS YIN NA, GDUL BYA THUN MONG BA'I DOR DE SANGS RGYAS MIN LA, DNGOS PO'I GNAS TSOD LA DE SANGS RGYAS YIN PA'I THUN MONG BA DANG THUN MONG MA YIN PA'I SKABS MA PHYED PA'I SKYON DU 'GYUR BA'I PHYIR, GNYIS PA LTAR NA, RJE BTZUN BYAMS PA DES RANG DON YONGS SU RDZOGS PA LA CHOS SKU DGOS PAR MA MTHONG BAR THAL, DE BYANG CHUB SEMS DPA' GANG ZHIG, ,DE'I RGYUD LA RANG DON DON GNYER GYI BLO MED PA'I PHYIR, 'DOD NA, DES RANG DON DU ZHI BA RKYANG PAS CHOG PAR 'DZIN PAR THAL LO, ,'DOD NA, DE'I RGYUD LA THEG CHEN SEMS BSKYED KYI MTSAN NYID YONGS SU RDZOGS PA GCIG MED PAR THAL LO, ,GZHAN YANG, DE'I RGYUD LA RANG DON DON GNYER GYI BLO YOD PAR THAL, DES BCU PA BA GANG ZHIG ,SA BCU PA PA'I RGYUD LA DE YOD PA'I PHYIR, DANG PO DON GYIS SONG, GNYIS PA GRUB STE, DE'I RGYUD LA RANG DON CHOS SKU DON GNYER GYI BLO YOD PA'I PHYIR, KHYAB STE, DRANG DON CHOS SKU DE RANG DON GYI SKU YIN PA'I PHYIR, MA GRUB NA, SANGS RGYAS KYI SKU LA RANG DON GYI SKU DANG, GZHAN DON GYI SKU GNYIS SU PHYE BA LA DGOS PA MED PAR THAL, MGRUB PA DE'I PHYIR, ZHES PA'I DON NO, ,DES NA 'DI DANG, RGYUD BLA MA'I DAR t'IKA LAS, DE LTAR GSUNGS PA DE YANG GDUL BYA THUN MONG BA 'GA' ZHIG RJES SU GZUNG BA'I PHYIR DU YIN GYI NGES PA'I DON DU NI MA YIN TE, BCOM LDAN 'DAS BYAMS PA NYID CHOS KYI
SKUR MNGON PAR RDZOGS PAR SANGS RGYAS ZIN TO, ,ZHES PA DANG, SNGAGS RIM CHEN MO LAS, DE DAG DNGOS PO'I GNAS TSOD LA SANGS RGYAS KYANG, SANGS RGYAS KYI MDZAD PA GDUL BYA LA THUN MONG DU MI STON PA MI 'GAL TE, ZHING 'DIR STON PA'I 'KHOR DU BYON PA'I BYAMS PA LA SOGS PA BZHIN NO, ,ZHES GSUNGS PA RNAMS KYI DON YANG 'DI 'BA' ZHIG GO ,GSUM PA NI, RJE BTZUN GYIS 'DIR MKHYEN GSUM GYI YON TAN BRJOD PA'I SGO NAS YUM LA BSTOD PHYAG MDZAD PA LA DGOS PA YOD DE, DKON MCHOG TA LA'I GZUNGS LAS, DAD PA SNGON 'GRO MA LTAR SKYED PA STE, ,YON TAN THAMS CAD SRUNG ZHING SPEL BAR BYED, ,CES DANG, DAD PA'I RTZA BA RAB BRTAN BYA, ,ZHES GSUNGS PA LTAR, DAD PA DKAR CHOS THAMS CAD KYI SNGON DU 'GRO DGOS PA DE SHES PAR BYA BA'I CHED YIN PA'I PHYIR TE, THEG PA CHEN PO'I LAM 'BRAS BU DANG BCAS PA LA DAD PA SHUGS DRAG PO YOD NA DES 'DUN LA SHUGS DRAG DRANGS NAS THOS PAS BSGOM GSUM SOGS LA 'JUG PAR 'GYUR ZHING DAD PA SNGON DU MA SONG NA, 'JIG RTEN PHYI MA PHAN CHAD KYI DON DU LA MA NYAMS SU LEN PA'I BLO RNAL MA MI SKYE BAR GZIGS NAS LAM LA 'JUG PAR 'DOD PA RNAMS KYIS THOG MAR MTHA'I 'BRAS BU SANGS RGYAS DKON MCHOG DANG, MKHYEN GSUM GYIS BSDUS PA'I CHOS DKON MCHOG DANG, DE GNYIS TSUL BZHIN DU SGRUB PA'I DGE 'DUN DKON MCHOG RNAMS LA ZLOG TU MED PA'I DAD PA BSKYED PAR BYA'O SNYAM DU DGONGS NAS 'DIR MCHOD BRJOD MDZAD BA YIN PA'I PHYIR, KHA CIG ,RNAM BSHAD KYI 'PHUL
, ,MTSAMS LA, MCHOD BRJOD KYI DAG RANG DON GYI DGOS PA LA SBYOR BA MI 'THAD DE, RJE BTZUN LA RANG DON DON GNYER GYI BLO MED PA'I PHYIR NA RTAGS MA GRUB, RJE BTZUN BYAMS PA SKYE BA GCIG THOGS KYI BYANG CHUB SEMS DPA' YIN PA'I PHYIR, DE YIN PA'AM, DE SANGS RGYAS YIN PA GANG RUNG GANG ZHIG ,DE SANGS RGYAS MA YIN PA'I PHYIR, GNYIS PA MA GRUB NA, DE MTHONG LA MA THOB PA'I TSE DE LA LONGS SKU MNGON DU BYAS PA'I GANG ZAG YIN PAR THAL, DE SANGS RGYAS GANG ZHIG ,MTHONG LAM PAR GYUR PA'I RJE BTZUN BYAMS PA YOD PA'I PHYIR TE, BYANG CHUB SEMS DPA' GYUR BA'I RJE BTZUN BYAMS PA YOD PA'I PHYIR TE, BYANG SEMS NYE BA'I SRAS BRGYAD YOD PA'I PHYIR, RTZA BAR 'DOD NA, SKABS 'DI'I THUN MONG BA PHAR PHYIN THEG PA DANG, THUN MONG MA YIN PA SNGAGS BLA MED KYI THEG PA LA BYED BA'I KHYAD PAR MI 'THAD PAR THAL, MTHONG LA MA THOB PA'I TSE DE LA LONGS SKU MNGON DU BYAS PA'I GANG ZAG YOD PA'I PHYIR, ZHES ZER BA MI 'THAD DE, SKABS 'DIR PHAR PHYIN THEG PA LAS MCHOG TU GYUR PA'I SNGAGS BLA MED KYI THEG PA SGRA JI BZHIN DU KHAS BLANG DU RUNG BAR THAL, THUN MONG BA DANG THUN MONG MA YIN PA'I DON DE 'THAD PA'I PHYIR, 'TSANG RGYAL BA LA BSKAL CHEN GRANGS MED GSUM DU TSOGS BSAGS MI DGOS PAR THAL, TSE GCIG LUS GCIG LA 'TSAD RGYA NUS PA'I LAM MA ZHUGS KYI GANG ZAG YOD BA'I PHYIR TE, 'DOD PA DE'I PHYIR, GZHAN YANG, MTHONG LAM BAR GYUR PA'I RJE BTZUN
BYAMS PA YIN NA, RGYAN RTZOM PA PO'I RJE BTZUN BYAMS MGON DANG TSE GCIG GIS BSDUS PAS KHYAB PAR THAL, MTHONG LAM PAR GYUR PA'I RJE BTZUN BYAMS PA YOD PA GANG ZHIG ,RGYAN RTZOM BA PO'I RJE BTZUN BYAMS PA SANGS RGYAS YIN NA, MTHONG LAM THOB PA'I TSE DE LA LONGS SKU MNGON DU BYAS PA'I GANG ZAG YIN DGOS PA'I PHYIR, RTAGS KHAS, 'DOD NA, 'TSANG RGYA BA LA BSKAL CHEN GRANGS MED GSUM DU TSOGS BSAGS MI DGOS PAR THAL, MTHONG LAM THOB PA'I TSE DE LAS BCU BA THOB PAR NGES PA'I MTHONG LAM PA YOD PA'I PHYIR TE, RGYAN RTZOM PA PO'I RJE BTZUN BYAMS MGON DES BCU PA PA GANG ZHIG ,DE DANG TSE GCIG GIS BSDUS PA'I BYANG SEMS MTHONG LAM PA YOD PA'I PHYIR TE, MTHONG LAM BAR GYUR PA'I RJE BTZUN BYAMS BA YOD PA GANG ZHIG ,DE YIN NA DE DANG TSE GCIG GIS BSDUS PAS KHYAB BA'I PHYIR, RTAGS KHAS, GZHAN YANG, RJE BTZUN BYAMS PA DE MA 'ONGS BA NA 'DZAM BU'I GLING DU BYON PA'I TSE SRID PA THAM PA'I BYANG SEMS YIN PAR THAL, DE DA LTA SKYE BA GCIG THOGS KYI BYANG SEMS YIN PA'I PHYIR, RTAGS KHAS, 'DOD NA, DE'I TSE DE RTEN DE LA 'TSANG RGYA BAR THAL LO, ,KHA CIG ,SKABS 'DI'I THUN MONG BA NYAN THOS SDE GNYIS DANG, THUN MONG MA YIN BA DBU SEMS GNYIS LA BYED DE, GSER PHRENG LAS, TSUL 'DI LTAR NA BCU GNYIS PO THAMS CAD KYANG SANGS RGYAS KYI MDZAD PA STE THUN MONG MA YIN PA'I LUGS SO, ,THEG PA THUN MONG BLTAR NA KUN BTUS SOGS SU BSHAD BA LTAR DANG BO DGU YANG SEMS DANG, PHYIN MA GSUM SANGS RGYAS
, ,KYI MDZAD PA STE, ZHES GSUNGS PA DANG, RNAM BSHAD KYI LUNG 'DI GNYIS DON GCIG PA'I PHYIR, ZHES ZER BA MI 'THAD DE, MCHOD BRJOD KYI CHED DU BYA BA'I GDUL BYA NYAN THOS SDE GNYIS MED PA'I PHYIR, KHA CIG ,RJE BTZUN BYAMS PA SANGS RGYAS KYANG MA YIN, BYANG CHUB SEMS DPA' YANG MA YIN LA, RGYAN RTZOM PA PO'I RJE BTZUN BYAMS PA SANGS RGYAS YIN ZER BA DANG, KHA CIG ,BYANG CHUB SEMS DPA' YIN ZER BA GNYIS KA MI 'THAD DE, RJE BTZUN BYAMS PA YIN NA, RGYAN RTZOM PA PO'I RJE BTZUN BYAMS PA YIN DGOS PA'I PHYIR TE, RJE BTZUN BYAMS PA DE DE YIN PA'I PHYIR TE, MNGON RTOGS RGYAN DE RJE BTZUN BYAMS MGON GYIS BRTZAMS PA'I BSTAN BCOS YIN PA'I PHYIR, KHO NA RE, RJE BTZUN BYAMS PA SANGS RGYAS MA YIN TE, DE DANG BYANG CHUB SEMS DPA'I GZHI MTHUN YOD PA'I PHYIR, BYANG SEMS NYE BA'I SRAS BRGYAD KYI NANG TSAN DU GYUR PA'I RJE BTZUN BYAMS PA ZHES BA'I MING CAN DE RJE BTZUN BYAMS PA YIN TE, DE YOD PA'I PHYIR NA MA KHYAB BA STE, KUN DGA' BO DE DGRA BCOM PA MA YIN PAR THAL, DE DANG RGYUN ZHUGS KYI GZHI MTHUN YOD PA'I PHYIR TE, SHER PHYIN GYI MDO'I GLENG GZHI'I 'KHOR DU BYUNG BA'I KUN DGA' PO'I MING CAN GYI RGYUN ZHUGS DE KUN DGA' PO YIN PA'I PHYIR TE, DE YOD PA'I PHYIR, GSUM PA SONG, KHA CIG ,RGYAN RTZOM PA PO'I RJE BTZUN BYAMS PA DE MCHOG GI SPRUL SKU YIN TE, SKYE BA MNGON PAR SKYE BA'I MDZAD PA LA GNAS PA'I GANG ZAG DE MCHOG GI SPRUL SKU YIN BA'I PHYIR TE, DE'I MDZAD PA DE MCHOG GI SPRUL SKU'I
MDZAD PA YIN PA'I PHYIR ZER NA MA KHYAB, RTAGS GRUB STE, MDZAD PA BCU GNYIS PO THAMS CAD DE YIN PA'I PHYIR, KUN BTUS KYI DAR t'IKA LAS, 'DI RNAMS GANG ZAG GANG YANG RUNG BA'I DBANG DU BYAS PA MA YIN GYI MCHOG GI SPRUL SKU KHO NA'I DBANG DU BYAS PA'O, ,ZHES GSUNGS PA'I PHYIR, ZER NA, DRI ZA'I RGYAL PO RAB DGA' 'DUL BA'I PHYIR DU PI WANG MKHAN GYI GZUGS SU SPRUL PA'I DE BZHIN GSHEGS PA DE MCHOG GI SPRUL SKU YIN PAR THAL, DE'I MDZAD BA DE MCHOG GI SPRUL SKU'I MDZAD PA YIN PA'I PHYIR, KHYAB PA KHAS, RTAGS GRUB STE, DE STON PA SH'AKYA THUB PA'I MDZAD PA YIN PA'I PHYIR, 'DOD MI NUS TE, DE BZO BO SPRUL SKU YIN PA'I PHYIR, GZHAN YANG, DE MCHOG GI SPRUL SKU MA YIN TE, DE SKYE BA SPRUL SKU YIN PA'I PHYIR TE, DAM PA TOG DKAR PO SKYE BA SPRUL SKU YIN PA'I PHYIR TE, RGYUD BLA MA'I DAR t'IKA LAS, 'DOD PA KHAMS SU THOG MAR SKYE BA'I TSUL STON PA DGA' LDAN DU LHA'I BU DAM PA TOG DKAR PO LTA BUR MNGON PAR SKYE BA DANG, DE NAS MDZAD PA BCU GNYIS KYI DANG PO DGA' LDAN GYI GNAS NAS 'DZAM BU'I GLING DU 'PHO BA DANG, ZHES GSUNGS PA'I PHYIR, KHO NA RE, DE CHOS CAN, MCHOG GI SPRUL SKU YIN BAR THAL, MA 'ONGS PA NA BSKAL PA BZANG PO 'DI LA MCHOG GI SPRUL SKU'I MDZAD PA STON PAR 'GYUR BA'I SPRUL SKU YIN PA'I PHYIR NA MA KHYAB, KHO NA RE, DE MCHOG GI SPRUL SKU YIN PAR THAL, SANGS RGYAS BYAMS PA MCHOG GI SPRUL SKU YIN PA'I PHYIR NA MA KHYAB, MGON PO BYAMS PA DE BYANG CHUB SEMS DPA'I TSUL BZUNG BA'I TSE, BYANG CHUB SEMS DPA'
, ,BYAMS PA ZHES BYA YI, RJE BTZUN BYAMS PA ZHES MI BYA LA, DE DGA' LDAN DU BZHUGS PA'I TSE RJE BTZUN BYAMS PA ZHES BYA YI, SANGS RGYAS BYAMS PA ZHES MI BYA LA, DE MA 'ONGS PA NA MDZAD PA BCU GNYIS KYI TSUL BSTAN PA'I TSE SANGS RGYAS BYAMS PA ZHES BYA YI, RJE BTZUN BYAMS PA ZHES MI BYA BA YIN PA'I PHYIR, KHO NA RE, RJE BTZUN BYAMS PA DE MA 'ONGS BA'I SANGS RGYAS SU THAL, DE SANGS RGYAS YIN BA'I PHYIR, 'DOD MI NUS TE, MA 'ONGS PA NA 'TSANG RGYA 'GYUR YIN, BA'I CHA NAS KYANG DE MA 'ONGS PA'I SANGS RGYAS MA YIN, DE MA 'ONGS PA DANG SANGS RGYAS KYI GZHI MTHUN YIN PA'I CHA NAS KYANG DE MA 'ONGS PA'I SANGS RGYAS MA YIN PA'I PHYIR NA MA KHYAB, DE CHOS CAN, MA 'ONGS PA'I SANGS RGYAS YIN PAR THAL, MA 'ONGS PA NA BSKAL PA BZANG PO 'DI LA MCHOG GI SPRUL SKU'I MDZAD PA STON PAR 'GYUR BA'I SKYE BA MNGON PAR SKYE BA'I MDZAD PA LA GNAS PA'I GANG ZAG YIN PA'I PHYIR RO, ` ,NYAN THOS ZHI BA BTZOL RNAMS, ZHES SOGS KYI SKABS SU GZHUNG DES YUM MKHYEN GSUM LA MCHOD BRJOD MDZAD NA, DE'I TSUL JI LTA BU ZHE NA, 'DI LA BSTOD PA DANG, PHYAG 'TSAL BA GNYIS LAS, DANG PO LA, MKHYEN GSUM GYI YON TAN GYI SGO NA BSTOD PA NI, NYAN THOS ZHI BA'O? TSAL RNAMS, ZHES SOGS RKANG PA GSUM GYIS 'CHAD, 'PHAGS BZHI'I YUM BYED TSUL GYI SGO NAS BSTOD PA NI, NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM DE LA, ZHES BAS 'CHAD, PHYAG 'TSAL BA NI, PHYAG 'TSAL ZHES BAS 'CHAD,
DANG PO LA YANG GZHI SHES LA BSTOD PA, LAM SHES LA BSTOD PA, RNAM MKHYEN LA YON TAN GYI SGO NAS BSTOD PA DANG GSUM LAS, DANG PO LA, MNGON RTOGS RIGS SO SOR 'BYED PAR BYED PA'I RNAM GZHAG GI RTEN NI, NYAN THOS ZHI BA TSOL RNAMS ZHES PAS 'CHAD, THABS GZHI SHES DE, KUN SHES NYID KYIS, ZHES PAS 'CHAD, THABS DE LA BRTEN NAS THOB PA'I 'BRAS BU DE, NYER ZHIR 'KHRID MDZAD GANG YIN DANG, ,ZHES PAS 'CHAD, GNYIS PA LA, MNGON RTOGS RIGS SO SOR 'BYED PA'I RNAM GZHAG GI RTEN DE STON PA LA, 'GRO LA PHAN PAR BYED RNAMS, ZHES GSUNGS, THABS LAM SHES DE STON PA LA, LAM SHES NYID KYIS, ZHES GSUNGS, 'DI'I 'BRAS BU DE STON PA LA, 'JIG RTEN DON SGRUB MDZAD PA GANG, ,ZHES GSUNGS, GSUM PA LA, MNGON RTOGS RIGS SO SOR 'BYED PA'I RNAM GZHAG GI RTEN DANG SKYE BA'I RTEN GNYIS KA'I DBANG DU BYAS PA NI, THUB RNAMS, ZHES PAS 'CHAD, THABS RNAM MKHYEN DE 'CHAD PA LA, GANG DANG YANG DAG LDAN PAS, ZHES GSUNGS, DE'I 'BRAS BU DE STON PA LA, RNAM PA KUN LDAN SNA TSOGS 'DI GSUNGS PA, ,ZHES GSUNGS, DES NA SKABS 'DIR MTHA' DPYAD PA LA, MKHYEN GSUM GYI GO RIMS, GRANGS NGES, YUM SRAS KYI DON, BSTOD YUL GYI MKHYEN GSUM NGOS GZUNG BA DANG BZHI LAS, DANG PO LA, RONG t'IKA BAS, MCHOD BRJOD KYI SKABS SU DANG POR GZHI SHES LA BSTOD PA DE MCHOD BRJOD GLENG GZHI LE'U'I 'GREL PA YIN PAS, DE'I GO RIM DANG MTHUN PAR BSTOD PA'AM, YANG NA?
, ,GDUL BYA NYAN THOS KYI RIGS CAN RJES SU GZUNG BA'I PHYIR DU DA LTAR BSTOD PA'I PHYIR, ZHES ZER, BCOM LDAN RIGS RAL GYIS DMAN MCHOG GI RIMS PA'I DBANG DU BYAS PA YIN GSUNG, RONG t'IKA BAS, GDUL BYA THEG PA GSUM GYI LAM LA RIM GYIS 'JUG PA'I RIM PA DANG MTHUN PAR BSTOD PA YIN GSUNG, DANG PO MI 'THAD DE, MCHOD BRJOD GLENG GZHI DANG SBYAR BA'I BSHAD PA 'PHAGS SENG GNYIS KAS MA MDZAD PA YIN TE, 'PHAGS PAS 'PHRIN LAS KYI SKABS SU GLENG GZHI'I BSHAD PA MDZAD, SLOB DPON GYIS DGOS 'BREL GYI SKABS SU MDZAD PA'I PHYIR DANG, MDO'I GLENG GZHI'I SKABS NAS DNGOS SU BSTAN PA'I GZHI SHES KYI RTEN GYI GANG ZAG YIN NA, MCHOD BRJOD KYI SKABS NAS DNGOS SU BSTAN PA'I GZHI SHES KYI RTEN GYI GANG ZAG YIN PAS MA KHYAB PA'I PHYIR TE, DANG PO LA DGRA BCOM PA DU MA YOD, GNYIS PA DE YIN NA THEG DMAN SLOB BA YIN DGOS BA'I PHYIR, GNYIS PA YANG MI 'THAD DE, MCHOD BRJOD KYI CHED DU BYA BA'I GDUL BYA THEG DMAN GYI RIGS CAN MED PA'I PHYIR, GSUM PA YANG MI 'THAD DE, GDUL BYAS LA MA NYAMS LEN GYI DGOS BA KHYAD PAR CAN GYI DON DU MCHOD BRJOD KYI GO RIM 'DI LTAR MDZAD PA'I PHYIR, BZHI PA YANG MI 'THAD DE, GDUL BYA THEG CHEN GYI RIGS CAN GYI GANG ZAG LAM LA 'JUG PA'I RIM PA STON PA'I SKABS 'DIR DE LTA BU'I RIM PA BSTAN PA LA DGOS PA MED BA'I PHYIR, KHA CIG ,LAM SHES THOB PA LA GZHI SHES THOB BA SNGON DU 'GRO DGOS PAS MI RTAG SOGS BCU
DRUG RTOGS PA'I YE SHES THOB PA SNGON DU 'GRO DGOS PA'I RGYU MTSAN GYIS DE LTAR BSTONG BA YIN, ZHES ZER BA MI 'THAD DE, LAM SHES RGYUD LA SKYE KHA MA'I GANG ZAG YIN NA, GZHI SHES THOB PAS MA KHYAB PA'I PHYIR, RANG LUGS LA, KHO NA RE, BSTAN BCOS LUS KYI SKABS SU, DANG POR RNAM MKHYEN BSTAN PA MI 'THAD PAR THAL, DE MCHOD BRJOD KYI GO RIM DE DANG MI MTHUN PA'I PHYIR, ZER NA SKYON MED DE, RGYAN GYI CHED DU BYA BA'I GDUL BYAS LAM NYAMS SU LEN PA'I RIM PA DANG MTHUN BAR SKABS 'DIR DANG POR GZHI SHES LA BSTOD LA, BSTAN BCOS LUS KYI SKABS SU GDUL BYA 'BRAS BU LA SPRO BA BSKYED PA'I PHYIR DANG POR RNAM MKHYEN BSHAD PA YIN PA'I PHYIR, DANG PO GRUB STE, SKABS GSUM PAR BSTAN PA'I SKYES BU 'BRING DANG THUN MONG BA'I LAM LA BLO MA SBYANGS PAR, SNYING RJE CHEN PO MTSAN NYID TSANG BA GCIG RGYUD LA MI SKYES, DE MA SKYES NA THEG CHEN SEMS BSKYED DANG LAM SHES SOGS RGYUD LA MI SKYE BAS, SKYES BU CHEN PO'I LAM RIM RGYUD LA SKYE BA LA SKYES BU 'BRING DANG THUN MONG BA'I BSAM PA SBYONG BA SNGON DU 'GRO DGOS BA DE SHES PAR BYA BA'I PHYIR DU, SKABS 'DIR DANG POR GZHI SHES LA BSTOD PA YIN PA'I PHYIR, GNYIS PA NI, SKABS 'DIR DNGOS SU BSTAN PA'I YUM LA MKHYEN PA GSUM DU GRANGS NGES TE, DE LA DE GSUM DU DBYER YOD, DE LA DE GSUM LAS GRANGS MANG MI DGOS SHING, DE LA DE GSUM LAS GRANGS NYUNG NA MI 'DU BA'I PHYIR, KHA CIG ,SKABS 'DIR DNGOS SU BSTAN PA'I YUM LA 'PHAGS RGYUD KYI MKHYEN PAS
, ,KHYAB STE, SKABS 'DIR DNGOS SU BSTAN BA'I YUM LA MKHYEN PA GSUM DU GRANGS DES PA'I PHYIR, ZER BA ME 'THAD DE, NYAN THOS MTHONG LAM RNAM GROL LAM PA PA'I YUM DE TSIGS RKANG DANG PO'I SKABS NAS DNGOS SU BSTAN PA'I YUM DANG, THEG CHEN MTHONG LAM RNAM GROL LAM PA BA'I YUM DE TSIGS RKANG GNYIS PA'I SKABS NAS DNGOS SU BSTAN PA'I YUM DANG, MCHOG GI SPRUL SKU'I YUM DE TSOGS RKANG GSUM PA'I SKABS NAS DNGOS SU BSTAN BA'I YUM YIN PA'I PHYIR, DANG PO GRUB STE, DES DE DNGOS SU BSTAN PA'I PHYIR, RTAGS SLA, 'DOD MI NUS TE, NYAN THOS KYI SBYOR LAM KHYOD YIN PA'I PHYIR, GNYIS PA GRUB STE, DES DE DNGOS SU BSTAN PA'I PHYIR, 'DOD MI NUS TE, BYANG SEMS KYI SBYOR LAM KHYOD YIN PA'I PHYIR, KHA CIG ,DE LA DE GSUM DU GRANGS NGES TE, TSOGS SBYOR RNAMS GZHI SHES DANG, LAM SHES GANG RUNG DU 'JOG PA'I PHYIR, ZHES ZER BA MI 'THAD DE, NYI SNANG LAS, 'PHAGS PA'I GANG ZAG THAMS CAD KYI DBANG DU MDZAD NAS THAMS CAD MKHYEN BA NYID GSUM GYI THUN MONG MA YIN PA'I YON TAN NYE BAR 'GOD PA SNGON DU 'GRO BAS SHES RAB KYI PHA ROL TU PHYIN PA LA PHYAG 'TSAL LO, ,ZHES MKHYEN GSUM GANG RUNG LA 'PHAGS RGYUD KYI MKHYEN BAS KHYAB BAR GSUNGS PA'I PHYIR, GSUM PA NI, 'PHAGS PA DE'I YUM YIN NA, 'PHAGS PA DE'I RGYU YIN PAS KHYAB, MKHYEN PA DE'I SRAS YIN NA, MKHYEN PA DE'I 'BRAS BU YIN PAS KHYAB STE, SANGS RGYAS LA SOGS PA BSKRUN PAR
MDZAD PA NI, ZHES DANG, RNAM BSHAD SNYING PO'I RGYAN LAS, YUM DANG GRAS NI BSKYED BYA SKYED BYED DU SHES PAR BYA'O, ,ZHES GSUNGS, BZHI PA NI, MKHYEN GSUM 'PHAGS BZHI'I YUM YIN ZER NA, RNAM MKHYEN SANGS RGYAS 'PHAGS PA'I YUM YIN PAR THAL, DAM BCA' 'THAD PA'I PHYIR, 'DOD NA, DE SANGS RGYAS 'PHAGS PA'I SKYED BYED YIN PAR THAL, DE'I YUM YIN PA'I PHYIR, 'DOD MI NUS TE, DE DANG DUS MNYAM YIN PA'I PHYIR, KHA CIG ,RANG SRAS 'PHAGS BZHI'I BZHED DON SGRUB NUS KYI 'PHAGS RGYUD KYI MKHYEN PA, MCHOD BRJOD KYI YUL DU GYUR BA'I YUM GYI NGO BO YIN ZER NA, MI 'THAD DE, RNAM MKHYEN GYI SRAS SU GYUR PA'I 'PHAGS BZHI MED PA'I PHYIR TE, DER GYUR PA'I NYAN THOS 'PHAGS PA MED PA'I PHYIR; MA GRUB NA, DE CHOS CAN, KHYOD KYI SRAS SU GYUR PA'I NYAN THOS 'PHAGS PA MED PAR THAL, KHYOD 'BRAS YUM YIN PA'I PHYIR, KHO NA RE, RNAM MKHYEN GYI SRAS SU GYUR PA'I NYAN THOS 'PHAGS PA YOD PAR THAL, SANGS RGYAS 'PHAGS PA'I SRAS SU GYUR BA'I DE YOD PA'I PHYIR TE, SRAS SGRA GCAN 'DZIN DE SH'AKYA THUB PA'I SRAS YIN PA'I PHYIR TE, DE'I SRAS YOD PA'I PHYIR NA MA KHYAB, KHA CIG ,MCHOD BRJOD KYI YUL DU GYUR PA'I YUM YIN NA, SKABS 'DIR DNGOS SU BSTAN PA'I MCHOD BRJOD KYI YUL DU GYUR PA'I YUM YIN PAS KHYAB ZER NA, RANG RGYAL GYI MTHONG LAM CHOS CAN, DER THAL, DE'I PHYIR, 'DOD MI NUS TE, SKABS 'DIR SHUGS LA BSTAN PA'I PHYIR TE, NYAN THOS DANG DE'I PHYOGS SU BSLAN PA
, ,ZHES GSUNGS BA'I PHYIR, RANG LUGS LA, THAMS CAD SHES PA NYID NI GZUGS LA SOGS PA'I CHOS LA MI RTAG PA LA SOGS PA'I RTEN CAN, ZHES GSUNGS PA LTAR, MI RTAG SOGS BCU DRUG MNGON SUM DU RTOGS PA'I YE SHES DE GZHI SHES DANG, LAM SHES PA NYID NI THEG PA THAMS CAD KYIS NGES PAR 'BYUNG BA DANG, ZHES GSUNGS PA LTAR, THABS SHES KHYAD PAR CAN GYIS ZIN PA'I THEG CHEN 'PHAGS PA'I MKHYEN PA LAM SHES DANG, RNAM BA THAMS CAD MKHYEN PA NYID NI CHOS THAMS CAD SKYE BA MED PA LA SOGS PA'I RTEN CAN, ZHES GSUNGS PA LTAR, CHOS THAMS CAD BDEN BA'I SKYE MED DU MNGON SUM DU RTOGS PA MTHAR PHYIN BA'I YE SHES RNAM MKHYEN YIN NO, ,'ON DE'I 'OG DE MA THAG TU, GZHI DANG LAM DANG RNAM PA SKYE BA MED BAR YONGS SU SHES PA, ZHES GSUNGS PA DANG 'GAL LO, ,ZHE NA, SKYON MED DE, LJON BA RTA MGO CAN GYIS ZHUS PA'I MDO LAS, PHA NI THABS LA MKHAS PA STE, ,MA NI SHES RAB PHA ROL PHYIN, ZHES SHES RAB KYI CHA THUN MONG BA'I RGYU DE LA MA ZHES DANG, THABS KYI CHA THUN MONG MA YIN PA'I RGYU DE LA BA ZHES BRJOD PA LTAR, YUM GYI LDOG PA NGOS GZUNG BAR BZHED? NAS, GZHI SHES KYI GTZO BO GZHI GANG ZAG GI BDAG GIS SKYE BA MED PAR MNGON SUM DU RTOGS PA'I YE SHES DANG, LAM SHES KYI GTZO BO LAM GSUM BDEN PA'I SKYE BA MED PAR MNGON SUM DU RTOGS PA'I YE SHES SU BSTAN PA TZAM YIN GYI, YUM DANG MKHYEN PA LA BDAG MED RTOGS PAS KHYAB PAR BSTAN PA MA YIN PA'I PHYIR RO, ,
DES NA RANG SRAS 'PHAGS PA'I BZHED DON SGRUB NUS KYI MKHYEN PA, MCHOD BRJOD KYI YUL DU GYUR PA'I YUM GYI MTSAN NYID YIN, DE LA DBYEN LAM LNGA GSUM BCO LNGA YOD, ,GZHUNG DON NI, GZHI SHES CHOS CAN, BYED LAS KHYAD PAR CAN DANG LDAN TE, RAB SRAS NYAN RANG SLOB PA 'PHAGS PA RNAMS NYER ZHIR KHRID PAR BYED PA'I 'PHAGS RGYUD KYI MKHYEN PA YIN PA'I PHYIR, LAM SHES CHOS CAN, BYED LAS KHYAD PAR CAN DANG LDAN TE, RANG SRAS BYANG SEMS 'PHAGS PAS GDUL BYA RIGS CAN GSUM GYI DON SGRUB PA'I BDAG RKYEN DU GYUR PA'I 'PHAGS RGYUD KYI MKHYEN PA YIN PA'I PHYIR, RNAM MKHYEN CHOS CAN, BYED LAS KHYAD PAR CAN DANG LDAN TE, MCHOG GI SPRUL SKUS GDUL BYA RIGS CAN GSUM LA CHOS 'KHOR RDZOGS PAR SKOR BA'I BDAG RKYEN DU GYUR PA'I 'PHAGS RGYUD KYI MKHYEN PA YIN PA'I PHYIR, RJE BTZUN BYAMS MGON CHOS CAN, MKHYEN GSUM LA PHYAG 'TSAL BA YIN TE, DE'I YON TAN BRJOD PA'I SGO NAS DE LA GUS PAS BDUD PA YIN PA'I PHYIR, ` GSUM PA 'GREL PA'I DON 'CHAD TSUL LA, SNGA 'GREL GYI 'PHROS DON DANG, RTZA BA'I TSIG DON BSHAD PA DANG GNYIS LAS, DANG PO LA, DGOS DON LAS 'PHROS PA'I DON DANG, BSDUS DON LAS 'PHROS PA'I DON GNYIS LAS, DANG PO LA YANG GNAS SKABS KYI DGOS PA DANG, MTHAR THUG GI DGOS PA DANG, DE DAG GIS GRUB PA'I DON NO, ,DANG PO LA, THOS PA'I DGOS PA, DAD PA'I DGOS PA, GUS PA'I DGOS PA DANG GSUM LAS, DANG PO NI, 'O NA MTSAMS SBYAR DU, GZHAN DAG DANG BA
, ,BSKYED PA'I CHED DU ZHES BSHAD NA, GZHAN DAG NI GANG, DANG BA SKYE TSUL DE JI LTA BU ZHE NA, GZHAN DAG CES PA GNYIS TSIG YIN LA, DANG BA SKYE TSUL GNYIS SU YOD DE, DBANG RTUL DANG BA SKYE TSUL DANG, DBANG RNON DANG BSKYE TSUL GNYIS SU YOD PA'I PHYIR, 'O NA MCHOD BRJOD KYI TSIGS BCAD 'DIS MKHYEN GSUM GYI THUN MONG MA YIN PA'I YON TAN BRJOD PA LA DGOS PA CI YOD CE NA, DE LA DGOS PA YOD DE, DE THOS PA LA BRTEN NAS RGYAN GYI CHED DU BYA BA'I GDUL BYA DBANG RTUL DAD PA'I RJES SU 'BRANG BA RNAMS YUM LA DANG BA SKYED PAR 'GYUR BA'I PHYIR, ZHES 'CHAD PA LA, TSIGS SU BCAD PA 'DIS NI 'DI'I CHE BA'I BDAG NYID PHUL DU BYUNG BA DANG LDAN PA BRJOD DE, DE THOS NAS RE ZHIG DAD PA'I RJES SU 'BRANG BA RNAMS NI 'DI LA THE TSOM MED PAR MYUR DU RAB TU DANG BA SKYE'O, ,ZHES GSUNGS, DGOS PA DE TZAM DU ZAD DAM ZHE NA, MA YIN TE, DE THOS PA LA BRTEN NAS RGYAN GYI CHED DU BYA BA'I GDUL BYA DBANG RNON CHOS KYI RJES SU 'BRANG BA RNAMS KYANG, YUM GYI NGO BO DANG NUS PA LA DANG BSKYE BAR 'GYUR BA'I PHYIR, ZHES 'CHAD PA LA, CHOS KYI RJES SU 'BRANG BA RNAMS KYANG GCIG DANG DU MA'I NGO BO NYID DANG BRAL BA'I PHYIR, ZHES SOGS GSUNGS, DE YANG DBANG RNON DANG BA SKYE BA'I RGYU MTSAN DE STON PA LA, CHOS KYI RJES SU 'BRANG BA RNAMS KYANG GCIG DANG DU MA'I NGO BO NYID DANG BRAL BA'I PHYIR, ZHES BYA BA LA SOGS PA'I TSAD MAS GZHI DANG LAM DANG RNAM BA SKYE BA MED PA'I YONGS SU SHES BA TSIGS SU
BCAD PA'I DON GYI MTSAN NYID KYI YUM LA GNOD PA MA MTHONG NAS, ZHES GSUNGS, DE YUM GYI NGO BO LA DANG BA SKYE TSUL STON PA LA, SHES RAB KYI PHA ROL TU PHYIN PA THAMS CAD MKHYEN PA NYID GSUM GYI BDAG NYID TSUL GSUM PA CAN GDON MI ZA BAR SRID PA NYID DO, ,ZHES NGES PAR BZUNG NAS DE LA RAB TU DANG PA SKYED PAR BYED PA NYID DO, ,ZHES GSUNGS, DE YUM GYI NUS PA LA DANG BA SKYE TSUL DE STON PA LA, SANGS RGYAS LA SOGS PA BSKRUN PAR MDZAD PA NI GDON MI ZA BAR SRID PA NYID DO, ,ZHES NGES PAR BZUNG NAS DE LA RAB TU DANG BSKYED PAR BYED PA NYID DO, ,ZHES GSUNGS, 'O NA DBANG RTUL DANG BA SKYE TSUL GYI SKABS SU, 'DI LA, ZHES DANG, DBANG RNON GYI SKABS SU DE LA ZHES SMOS BA'I DON GANG ZHI NA, DE'I DON YOD DE, GZHUNG DE GNYIS MCHOD BRJOD KYI TSIGS BCAD LA NYE RING GI DBANG GIS DE LTAR SMOS PA'I PHYIR, 'O NA DE GNYIS KYI SKABS SU RAB TU DANG BA ZHES SMOS PA'I DON GANG ZHE NA, DE'I DON YOD DE, RAB DANG PO DE DANG BA CHEN PO LA 'JUG CING, RAB GNYIS PA DE LDOG TU MED PA'I DANG BA LA 'JUG PA'I PHYIR, GNYIS PA DANG PA'I DGOS BA NI, RAB TU DANG BA SKYE BA'I CHED DU, ZHES 'CHAD NA, RGYAN GYI CHED DU BYA BA'I GDUL BYA GNYIS PO DES MCHOD BRJOD KYI TSIGS BCAD THOS PA LA BRTEN NAS YUM LA DANG BA BSKYED PA LA DGOS PA CI YOD CE NA, DE LA DGOS PA YOD DE, DE LA BRTEN NAS DE GNYIS KYIS MKHYEN GSUM BRJOD BYAR BYED PA'I GSUNG RAB LA 'DZIN PA LA SOGS PA'I DON DU GUS BAR 'GYUR BA'I PHYIR,
, ,ZHES 'CHAD BA LA, DE LA RAB TU DANG BAS KYANG DE'I YON TAN MNGON BAR 'DOD BA'I GANG ZAG GNYIS KA YANG DE DANG DE LA BRTEN BA'I GSUNG RAB LA RNAM PA THAMS CAD DU GZUNG BA LA SOGS PA'I DON DU SHIN TU GUS BAR BYED DO, ,ZHES GSUNGS, GSUM BA GUS PA'I DGOS BA NI, DE LTAR GUS BA LA DGOS BA CI YOD CE NA, DE LA DGOS BA YOD DE, DE LA BRTEN NAS THOS BSAM SGOM GSUM GYI SHES RAB RNAMS RIM GYIS SKYE BAR 'GYUR BA'I PHYIR, ZHES 'CHAD BA LA, DES NAS THOS PA LAS BYUNG BA LA SOGS BA'I SHES PA SKYE BA'I RIM GYIS, ZHES GSUNGS, GNYIS PA MTHAR THUG GI DGOS PA NI, DE LTAR MCHOD BRJOD KYI TSIGS BCAD THOS PAS DANG BA, DE LAS DON GNYER GYI 'DUN BA; DE LAS THOS BSAM GYIS ZHUGS PA LA, DGOS PA CI YOD CE NA, DE LA BRTEN NAS MTHAR LEGS BA'I MCHOG RNAM MKHYEN 'THOB PAR 'GYUR GYI, ZHES 'CHAD PA LA, LEGS BA'I MCHOG 'THOB PAR 'GYUR RO, ,ZHES GSUNGS, GSUM PA DE DAG GIS GRUB BA'I DON NI, MCHOD BRJOD KYI NGAG LA BRTEN NAS GDUL BYA YUM LA DANG BA'I DAD BA CHOS CAN, RANG GI 'BRAS BUR GYUR BA'I RNAM MKHYEN GYI RGYU'I GTZO BO YIN TE, KHYOD LA BRTEN NAS GDUL BYA YUM LA GUS PA'I SGO NAS THOS BSAM GYIS 'JUG LA, DE LA BRTEN NAS GDUL BYAS LEGS BA'I MCHOG RNAM MKHYEN 'THOB BAR 'GYUR BA DE'I PHYIR, ZHES 'CHAD BA LA, DE'I PHYIR BCOM LDAN 'DAS MA LA RAB TU DANG BA NI LEGS PA THAMS CAD 'THOB PA'I RGYU'I GTZO BO
YIN NO, ,ZHES GSUNGS, RONG t'IKA PA NA RE, DGOS DON LA DNGOS KYI DGOS DON DANG, BSDUS PA'I DGOS DON GNYIS LAS, DANG PO NI, DE THOS NAS, ZHES SOGS KYIS 'CHAD, GNYIS PA NI, DE LA RAB TU DANG BAS KYANG, ZHES SOGS KYIS 'CHAD, CES ZER BA MI 'THAD DE, KHYED LTAR NA DBANG RNON MCHOD BRJOD MTHONG BA TZAM GYI RGYU MTSAN GYIS DANG BA SKYE BAR 'GYUR NA, DBANG RNON DANG BA SKYE BA RGYU MTSAN LA BLTOS PAS GNOD PA MA MTHONG BA'I RGYU MTSAN YIN GYI; MCHONG BRJOD KYI LUNG TZAM RGYU MTSAN DU BYAR MI RUNG BA'I PHYIR, DBANG RNON GYIS LUNG DON LA DPYAD PAS DAG NAS SHIN TU LKOG GYUR LA LUNG SGRUB BYED DU KHAS LEN PA GANG ZHIG ,DPYAD GSUM GYIS DAG PA'I LUNG DE NYAN THOS ZHI BA ZHES SOGS RANG GI BSTAN BYA'I DON LA MI SLU? BA'I RTAGS YANG DAG MA YIN PA'I PHYIR TE, MKHYEN GSUM SHIN TU LKOG GYUR MA YIN PA'I PHYIR, DE LTAR YANG CHOS KYI RJES SU 'BRANG BA RNAMS KYANG, ZHES DANG, TSIGS SU BCAD PA'I DON GYI MTSAN NYID KYIS YUM LA GNOD PA MA MTHONG NAS, ZHES DANG, DE LA RAB TU DANG BA SKYED PAR BYED PA NYID DO, ,ZHES GSUNGS BA'I PHYIR RO, ,KHO NA RE, RGYAN GYI CHED DU BYA BA'I GDUL BYA DBANG RNON YUM LA DAR? BA BSKYED NAS THOS BSAM SGOM GSUM GYIS 'JUG PAR BSHAD PA MI 'THAD PAR THAL, DES GZHI LAM RNAM GSUM BDEN BA'I SKYE MED DU TSAD MAS GRUB NAS BSGOMS BAR BYAS BAS BSGOM BYA'I DON MNGON SUM DU RTOGS PA'I 'PHAGS BA'I GO 'PHANG YOD PAR TSAD MAS GRUB
, ,BA'I PHYIR, MA GRUB NA, GZHI DANG LAM DANG RNAM PA SKYE BA MED PAR YONGS SU SHES PA, ZHES SOGS KYIS DE DANG BSKYE BA'I RGYU MTSAN GCIG BSTAN PA BUD DO, ,ZHE NA, BDEN GRUB KYI GCIG DANG BDEN GRUB KYI DU MA GANG RUNG DANG BRAL BA'I RTAGS KYIS GZHI LAM RNAM GSUM BDEN PA'I SKYE MED DU GRUB BA'I PHYOGS KHYAB TSAD MAS NGES SHING, DE GSUM BDEN MED DU RTOGS ZIN GOMS PAR BYAS PAS BSGOM BYA'I DON LA GSAL SNANG 'BYUNG BAR GRUB NUS BA'I GANG ZAG YIN NA, MNGON RTOGS RGYAN LA THOS BSAM SGOM GSUM GYIS MI 'JUG BAS KHYAB PAR THAL, KHYOD KYI RTZA PA'I THAL 'GYUR LA KHYAB 'BREL YOD BA'I PHYIR, 'DOD NA, DE YIN NA MNGON RTOGS RGYAN LEGS PAR SHES BA'I GANG ZAG YIN DGOS PAR THAL LO, ,'DOD NA, DE'I RTAGS KYIS DE SGRUB KYI PHYI? RGOL DU GYUR BA'I NYAN THOS TSOGS LAM PA CHOS CAN, DER THAL, DE'I PHYIR, RTAGS GRUB STE, CHOS CAN DE YOD PA'I PHYIR, 'O NA GZHI DANG LAM DANG RNAM BA SKYE BA MED PA, ZHES GSUNGS PA'I SKYE MED GSUM GA BDEN PA'I SKYE MED LA BZHED DAM ZHE NA, MKHYEN BA PHYI MA GNYIS KYIS GSUM GA BDEN PA'I SKYE MED DU RTOGS KYANG, GZHI SKYE BA MED PAR YONGS SU SHES PA, ZHES PAS, CHOS KYI BDAG MED PHRA MO RTOGS PAS KHYAD PAR DU BYAS PA'I GZHI SHES BSTAN PA MA YIN TE, SLOB LAM NA DE 'DRA'I GZHI SHES MED BA'I PHYIR, DES NA DE'I DON MCHOD BRJOD KYI TSIGS RKANG DANG PO 'DIS GZHI GANG ZAG GI BDAG GIS SKYE BA MED PAR
MNGON SUM DU RTOGS PA'I GZHI SHES BSTAN BA'I DON YIN NO, ,KHA CIG ,RANG GI MTSAN NYID KYIS GRUB PA DON DAM DPYOD BYED KYI RTAGS KYI DGAG BYA'I CHOS YIN ZER BA MI 'THAD DE, RANG GI MTSAN NYID KYIS GRUB PA YOD BA'I PHYIR TE, DE YOD BAR SLOB DPON SENG GE BZANG POS KHAS LEN PA'I PHYIR, DE DBU MA RANG RGYUD PA YIN PA'I PHYIR, GZHAN YANG, DE YOD PAR THAL, GZHAN SKYE YOD BA'I PHYIR TE, DON DAM PAR GZHAN SKYE MED CING THA SNYAD DU GZHAN SKYE YOD PAR KHAS LEN? PA'I RANG RGYUD PA YOD PA'I PHYIR TE, DE LTAR 'JUG 'GREL LAS BSHAD PA'I PHYIR, KHO NA RE, BLO LA SNANG BA'I DBANG GIS BZHAG PA MA YIN BAR RANG NGOS NAS GRUB PA, DON DAM DPYOD BYED KYI RTAGS KYI DGAG BYA'I CHOS MA YIN BAR THAL, RTOG PAS BTAGS TZAM MA YIN PAR RANG NGOS NAS GRUB PA DE RANG GI MTSAN NYID KYIS GRUB PA'I DON YIN PA'I PHYIR NA, BUM PA'I DON SPYI CHOS CAN, RTOG PAS BTAGS TZAM MA YIN PAR RANG NGOS NAS GRUB BAR THAL, RANG GI MTSAN NYID KYIS GRUB PA'I PHYIR, RTAGS KHAS, 'DOD MI NUS TE, RTOG PAS BTAGS TZAM YIN PA'I PHYIR, GZHAN YANG, RTOG PAS BTAGS TZAM DANG RANG GI MTSAN NYID KYIS GRUB PA'I GZHI MTHUN SEMS TZAM BAS 'JOG SHES PAR THAL, DE 'DRA'I GZHI MTHUN RANG RGYUD PAS 'JOG SHES PA'I PHYIR, ZER NA MA KHYAB, 'DOD MI NUS TE, DES KUN BTAGS RANG GI MTSAN NYID KYIS MA GRUB BAS RTOG BAS BTAGS TZAM DU 'DOD, GZHAN DBANG YONGS GRUB RANG GI MTSAN NYID KYIS GRUB
, ,BAS RTOG BAS BTAGS TZAM MA YIN BAR 'DOD PA'I PHYIR, GZHAN YANG, DON DAM BAR GRUB NA, DON DAM YIN BSAM KHYAB BAR THAL, RANG GI MTSAN NYID KYIS GRUB NA, RANG MTSAN YIN PAS MA KHYAB PA'I PHYIR NA MA KHYAB, MA GRUB NA, SHES BYA CHOS CAN, DER THAL, DE'I PHYIR, KHO NA RE, LAM RIM LAS, SHES PA YIN NA RANG GI MTSAN NYID KYIS GRUB DGOS PAS SHES PA YIN PA'I YUL CAN LA YANG LOG GNYIS SU MI 'BYED LA, ZHES GSUNGS BA MI 'THAD PAR THAL, KUN RDZOB LA RANG GI MTSAN NYID KYIS GRUB PA'I KUN RDZOB DANG, RANG GI MTSAN NYID KYIS MA GRUB BA'I KUN RDZOB GNYIS SU 'BYED MI RIGS PA'I PHYIR NA, BDEN PAR GRUB NA BDEN GRUB YIN PAS MA KHYAB BAR THAL, RDZAS SU GRUB NA RDZAS YOD YIN PAS MA KHYAB BA'I PHYIR, KHYAB BA KHAS, MA GRUB NA, GANG ZAG CHOS CAN, DER THAL, DE'I PHYIR, GZHAN YANG, LAM RIM GYI LUNG DES LOG BA'I KUN RDZOB YIN NA, RANG GI MTSAN NYID KYIS MA GRUB PAS KHYAB BAR BSTAN BAR THAL, DES KUN RDZOB LA RANG GI MTSAN NYID KYIS GRUB PA'I KUN RDZOB DANG, RANG GI MTSAN NYID KYIS MA GRUB BA'I KUN RDZOB GNYIS SU YOD PAR BSTAN BA'I PHYIR, RTAGS KHAS, 'DOD NA, ME LONG NANG GI BYAD BZHIN GYI GZUGS BRNYAN CHOS CAN, RANG GI MTSAN NYID KYIS MA GRUB PAR THAL, LOG BA'I KUN RDZOB YIN BA'I PHYIR, KHA CIG ,GZHI LAM RNAM GSUM CHOS CAN, BDEN BAR MED DE, BDEN PA'I GCIG TU YANG MED, BDEN BA'I DU MAR YANG
MED BA'I PHYIR, DE CHOS CAN, BDEN PA'I GCIG TU MED DE, CHA BCAS YIN PA'I PHYIR, KHYAB STE, CHA BCAS YIN NA SNANG TSUL LA RANG GI CHA SHAS RNAMS DANG NGO BO THA DAD DU SNANG YANG GNAS TSUL LA RANG GI CHA SHAS RNAMS DANG NGO BO GCIG TU GRUB PAS KHYAB, DE YIN NA BRDZUN PA YIN PAS KHYAB, DE YIN NA BDEN PA MA YIN BAS KHYAB, DE YIN NA BDEN GRUB KYI GCIG MA YIN PAS KHYAB PA'I PHYIR, DE CHOS CAN, CHA BCAS YIN TE, YOD PA GANG ZHIG ,CHA BCAS DANG CHA MED DNGOS DGAL? YIN; CHA MED SHES BYA LA MI SRID PA'I PHYIR ZER NA, BDEN PA'I GCIG MED PAR THAL, DAM BCA' 'THAD BA'I PHYIR, 'DOD MI NUS TE, BUM BA'I CHOS NYID DE BDEN PA'I GCIG YIN PA'I PHYIR TE, DE BDEN PA DANG GCIG GI GZHI MTHUN YIN BA'I PHYIR, DE BZHIN DU BDEN PA DANG DU MA'I GZHI MTHUN YANG YOD DE, BUM BA'I CHOS NYID DANG KA BA'I CHOS NYID GNYIS PO DE BDEN PA DANG DU MA'I GZHI MTHUN YIN BA'I PHYIR TE, BDEN PA GANG ZHIG ,DU MA YIN PA'I PHYIR, GZHAN YANG, BUM BA'I CHOS NYID CHOS CAN, SNANG TSUL LA RANG GI CHA SHAS RNAMS DANG NGO BO THA DAD DU SNANG YANG GNAS TSUL LA RANG GI CHA SHAS RNAMS DANG NGO BO GCIG TU GRUB PAR THAL, CHA BCAS YIN PA'I PHYIR, KHYAB PA KHAS, 'DOD NA, RDZUN PA YIN PAR THAL LO, ,KHYAB PA KHAS, 'DOD MI NUS TE, BDEN PA YIN PA'I PHYIR, YANG DE CHOS CAN, GNAS TSUL LA GRUB PAR THAL, GNAS TSUL LA RANG GI CHA SHAS RNAMS DANG NGO BO GCIG TU GRUB PA'I PHYIR, RTAGS KHAS, 'DOD NA, GNAS
, ,LUGS SU GRUB BAR THAL LO, ,'DOD NA, BDEN PAR GRUB PAR THAL LO, ,KHO NA RE, DE CHOS CAN, GNAS TSUL LA GRUB BAR THAL, DNGOS PO'I GNAS TSOD LA GRUB PA'I PHYIR, ZER NA MA KHYAB, RONG t'I KA BA NA RE,, YOD NA GCIG DANG DU MA GANG RUNG GIS KHYAB PA 'JAL BA'I TSAD MAS, BDEN PAR YOD NA BDEN PA'I GCIG DANG BDEN PA'I DU MA GANG RUNG DU MKHYAB BAR 'DZIN PA'I SGRO 'DOGS GCOD PA YIN NO, ,ZER NA, BYAS NA MI RTAG PAS KHYAB BA 'JAL BA'I TSAD MAS, SGRA BYAS NA MI RTAG BAS MA KHYAB PAR 'DZIN PA'I SGRO 'DOGS GCOD PAR THAL, DAM BCA' 'THAD PA'I PHYIR, 'DOD NA, DES SGRA LA RTAG 'DZIN GYI SGRO 'DOGS GCOD BAR THAL LO, ,'DOD NA, BYAS PA'I RTAGS LAS SGRA MI RTAG RTOGS KYI RJES DPAG GIS SGRA RTAG 'DZIN GYI SGRO 'DOGS GSAR DU MI GCOD BAR THAL LO, ,KHA CIG ,DAM BCA' 'THAD BAR THAL, YOD PA YANG YIN, GCIG DANG DU MA GANG RUNG MA YIN PA'I GZHI MTHUN 'GOG BYED KYI TSAD MA DES, BDEN PAR YOD PA YANG YIN BDEN PA'I GCIG DANG BDEN PA'I DU MA GANG RUNG MIN PA YANG YIN BA'I GZHI MTHUN PA YOD PAR 'DZIN BA'I SGRO 'DOGS BCAD PA'I PHYIR, GZUGS KYI STENG DU YOD PA YANG YIN, GCIG DANG DU MA GANG RUNG MIN PA YANG YIN BA'I GZHI MTHUN 'GOG BYED KYI TSAD MAS, GZUGS BRNYAN GYI STENG DU BDEN BAR YOD BA YANG YIN, BDEN PAR GRUB PA'I GCIG DANG BDEN PAR GRUB PA'I DU MA GANG RUNG MIN PA YANG YIN PA'I GZHI MTHUN
BA YOD PAR 'DZIN PA'I SGRO 'DOGS GCOD PA'I PHYIR TE, RNAM BSHAD LAS, GZHI GZUGS BRNYAN GYI STENG DU GCIG DANG DU MA PHAN TSUN SPANGS 'GAL DU NGES PA'I TSAD MA DES GCIG DANG DU MA'I PHUNG? SUM MI SRID PAR RTOGS PAR NGES PAS NA GZHI GZHAN GYI STENG DU BDEN GRUB KYI GCIG DANG BDEN GRUB KYI DU MA'I PHUNG SUM MI SRID PAR RTOGS PAR NGES PA YIN NO, ,ZHES GSUNGS PA'I PHYIR NA MKHYAB STE, DE'I DON 'OG TU 'CHAD DO, ` ,RANG LUGS LA, SLOB DPON GYIS BZHED PA'I RTAGS KYI DGAG BYA'I CHOS NGOS GZUNG BA DANG, DE GZHI GZHAN GYI STENG DU 'GOG BYED KYI RIGS PA BSHAD PA'O, ,DANG PO NI, BLO LA SNANG BA'I DBANG GIS BZHAG PA MA YIN PAR RANG GI THUN MONG MA YIN PA'I SDOD LUGS KYI NGOS NAS GRUB PA DE, DON DAM DPYOD BYED KYI RTAGS KYI DGAG BYA'I CHOS YIN TE, GANG ZAG DANG PHUNG PO DE LTAR GRUB NA, DON DAM DPYOD BYED KYI RIGS PAS DPYAD BZOD CING 'PHAGS PA'I MNYAM GZHAG GIS GZIGS DGOS BA'I PHYIR TE, DPER NA SGYU MA MKHAN GYI RDE'U SHING RTA GLANG DU SPRUL BA'I TSE, RDE'U SHING BU SOGS RTA GLANG DU SNANG BA NA DE NYID BLO 'KHRUL BA'I DBANG GIS BZHAG PA MA YIN PA'I PHYIR, RDE'U SHING BU SOGS KYI RANG NGOS NAS GRUB PA YIN NA, DE DAG GI RIGS 'DRA SNGA MA'I LAG RJES SU 'GYUR BAS MIG MA BSLAD PA RNAMS KYIS KYANG MTHONG DGOS PA BZHIN NO, ,DE LTAR YANG, BDEN GNYIS LAS, JI LTAR SNANG BZHIN NGO BO'I PHYIR, ,'DI LA DPYAD PA MI 'JUG GO ,RNAL 'BYOR DPYOD PAR BYED NA DON, ,
, ,GZHAN DU SONG BAS GNOD PAR 'GYUR, ,ZHES GSUNGS, GZHAN YANG, DE DE YIN PA'I PHYIR TE, BLO LA SNANG BA'I DBANG GIS BZHAG PA'I YOD PA DE KUN RDZOB TU YOD PA'I DON YIN PA'I PHYIR TE, DBU MA SNANG BA LAS, DE'I PHYIR DE DAG GI BSAM PA'I DBANG GIS DNGOS PO BRDZUN PA'I NGO BO THAMS CAD NI KUN RDZOB TU YOD PA KHO NA'O, ,ZHES DANG, 'JUG t'IKA LAS, DBU MA SNANG BAR KUN RDZOB TU YOD TSUL GSUNGS PA'I LDOG PHYOGS KYI YOD BA NI DON DAM BAR BDEN GRUB TU YOD PAR SHES PAS, ZHES DANG, BDEN GNYIS LAS, JI LTAR SNANG BA DE KHO NA, ,KUN RDZOB GZHAN NI CIG SHOS SO, ,ZHES GSUNGS PA'I PHYIR, DES NA BDEN PAR GRUB PA, DON DAM PAR GRUB PA, YANG DAG PAR GRUB PA SOGS MED KYANG, RANG GI MTSAN NYID KYIS GRUB PA, RANG NGOS NAS GRUB PA, RANG BZHIN GYIS GRUB PA, RDZAS SU GRUB PA SOGS YOD DO, ,GNYIS PA LA, SPYIR BDAG MED GTAN LA 'BEBS BA'I RIGS PA LA DU MA YOD DE, CHOS RNAMS KYI NGO BO LA DPYOD PA GCIG DU BRAL KYI GTAN TSIGS, RGYU LA DPYOD PA RDO RJE GZEGS MA'I GTAN TSIGS, 'BRAS BU LA DPYOD PA YOD MED SKYE 'GOG GI GTAN TSIGS, RGYU 'BRAS GNYIS KA LA DPYOD PA MU BZHI SKYE 'GOG GI GTAN TSIGS, RIGS PA'I RGYAL PO RTEN 'BREL GYI BRTAN? TSIGS RNAMS SU YOD BA'I PHYIR, DANG PO DE 'OG TU 'CHAD, GNYIS BA NI, MYU GU CHOS CAN, DON DAM BAR MI SKYE STE, DON DAM PAR BDAG DANG, GZHAN DANG, GNYIS KA DANG, RGYU MED GANG RUNG LAS MI SKYE BA'I
PHYIR TE, RTZA BA SHES RAB LAS, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES GSUNGS PA'I PHYIR, GSUM PA NI, MYU GU CHOS CAN, DON DAM PAR MI SKYE STE, RANG GI RGYU'I DUS SU YOD PAR YANG MI SKYE, RANG GI RGYU'I DUS SU MED PAR YANG DON DAM BAR MI SKYE BA'I PHYIR TE, DBU MA SNANG BA LAS, YOD PA RNAM PAR MI SKYE STE, ,MED PA NAM MKHA'I PADMO BZHIN, ,ZHES GSUNGS PA'I PHYIR, BZHI BA NI, MYU GU CHOS CAN, DON DAM PAR MI SKYE STE, RGYU DU MAS 'BRAS BU GCIG KHO NA DON DAM PAR SKYED PA YANG MA YIN, RGYU DU MAS 'BRAS BU DU MA KHO NA DON DAM PAR SKYED PA YANG MA YIN, RGYU GCIG GIS 'BRAS BU DU MA KHO NA DON DAM PAR SKYED PA YANG MA YIN, RGYU GCIG GIS 'BRAS BU GCIG KHO NA DON DAM PAR SKYED PA YANG MA YIN PA'I PHYIR TE, BDEN GNYIS LAS, DU MAS GCIG GI DNGOS MI BYED, ,DU MAS DU MA BYED PA'ANG MIN, ,GCIG GIS DU MA'I DNGOS MI BYED, ,GCIG GIS GCIG BYED PA YANG MIN, ,ZHES GSUNGS PA'I PHYIR, LNGA PA NI, MYU GU CHOS CAN, BDEN PAR MED DE, RTEN 'BREL YIN PA'I PHYIR, DPER NA, GZUGS BRNYAN BZHIN, ZHES PA LTA BU'O, ,DE RNAMS KYI NANG NAS, GTAN TSIGS DANG PO DE 'CHAD PA LA, RTAGS 'GOD PA DANG, TSUL SGRUB PA GNYIS LAS, DANG PO NI, GZHI LAM RNAM GSUM CHOS CAN, BDEN PAR MA GRUB STE, BDEN GRUB KYI GCIG DANG BDEN GRUB GYI DU MA GANG RUNG DU MA GRUB PA'I PHYIR, DPER NA, GZUGS BRNYAN BZHIN
, ,ZHES BA LTA BU YIN TE, DBU MA RGYAN LAS, BDAG DANG GZHAN SMRA'I DNGOS 'DI DAG ,YANG DAG PAR NI GCIG PA DANG, ,DU MA'I RANG BZHIN BRAL BA'I PHYIR, ,BDEN PAR MED DE GZUGS BRNYAN BZHIN, ,ZHES GSUNGS PA'I PHYIR, GNYIS PA LA PHYOGS CHOS SGRUB PA DANG, KHYAB PA SGRUB PA GNYIS LAS, DANG PO LA, BDEN PA'I GCIG BRAL DU SGRUB PA DANG, BDEN BA'I DU BRAL DU SGRUB PA GNYIS LAS, DANG PO NI, GZHI LAM RNAM GSUM CHOS CAN, BDEN PAR GRUB PA'I GCIG TU MED DE, CHA BCAS YIN PA'I PHYIR, DE CHOS CAN, CHA BCAS YIN TE, YOD PA GANG ZHIG ,CHA MED SHES BYA LA MI SRID, CHA BCAS CHA MED DANG DNGOS 'GAL YIN PA'I PHYIR, CHA MED SHES BYA LA SRID PA 'GOG PA'I TSAD MA DE GANG ZHE NA, CHA BCAS KYI RTAGS KYIS GZHI LAM RNAM GSUM BDEN GRUB KYI GCIG MIN PAR GRUB BA'I RJES DPAG TSAD MAS NGES PA LA TSAD MA GSUM SNGON DU 'GRO DGOS TE, DE LA RTAGS KYI MTSAN GZHI CHA BCAS NGES PA'I TSAD MA DANG, BDEN GRUB KYI GCIG MIN BA BDEN GRUB KYI GCIG DANG DNGOS 'GAL DU NGES PA'I TSAD MA, CHA BCAS DANG BDEN GRUB KYI GCIG GI GZHI MTHUN 'GOG BYED KYI TSAD MA GSUM SNGON DU 'GRO DGOS PA'I PHYIR, DE RNAMS KYI NANG NAS TSAD MA GSUM BA 'DI RTOGS DKA' BAS, DE BSHAD NA, CHA BCAS DANG BDEN GRUB KYI GCIG GI GZHI MTHUN YOD NA, BUM PA CHOS CAN, RANG 'DZIN RTOG PA LA RANG GI CHA SHES RNAMS DANG NGO BO THA DAD DU SNANG BA DANG, RANG GI
CHA SHAS RNAMS DANG NGO BO GCIG TU GRUB PAR THAL, RANG 'DZIN RTOG PA LA RANG GI CHA SHAS RNAMS DANG NGO BO THA DAD DU SNANG BA GANG ZHIG ,RANG GI CHA SHAS RNAMS DANG NGO BO GCIG YIN PA'I PHYIR, MA GRUB NA, BUM PA CHA BCAS MA YIN PAR THAL LO; ;RTZA BAR 'DOD NA, BUM PA CHOS CAN, BRDZUN PAR GRUB PAR THAL LO, ,KHYAB STE, SNANG LUGS LA NGO BO THA DAD DU SNANG YANG SDOD LUGS LA NGO BO GCIG TU GRUB PA BRDZUN PAR GRUB BA'I SDOD LUGS LA MI 'GAL YANG BDEN PAR GRUB PA'I SDOD LUGS LA 'GAL BA'I PHYIR, DE'I RGYU MTSAN YANG CHA CAN DANG CHA DU MA CHOS CAN, THA DAD DU MED PAR THAL, THA DAD DU YOD NA, THA DAD DU 'PHAGS PA'I MNYAM GZHAG GIS GZIGS DGOS PA LAS, DES THA DAD DU MA GZIGS PA'I PHYIR, DANG PO GRUB STE, THA DAD DU YOD NA BDEN PAR GRUB PA'I THA DAD YIN DGOS, DE YIN NA DE'I GZIGS NGOR THA DAD YIN DGOS PA'I PHYIR, DANG PO DER THAL, SNANG LUGS LA NGO BO THA DAD DU SNANG YANG SDOD LUGS LA NGO BO GCIG TU GRUB PA DANG, BDEN PAR GRUB PA'I GZHI MTHUN YIN PA'I PHYIR, GNYIS PA GRUB STE, DE YIN NA DE KHO NA NYID DU GRUB DGOS PA'I PHYIR, RTZA BAR 'DOD NA, CHA DU MA CHOS CAN, GCIG TU THAL, GRUB CING CHA CAN DANG THA DAD DU MED PA'I PHYIR, 'DOD MI NUS TE, KHYOD GCIG YIN PA LA KHYOD DU MAR 'JAL BA'I TSAD MAS GNOD PA'I PHYIR, CHA CAN CHOS CAN, DU MAR THAL, GRUB CING CHA DU MA DANG THA DAD DU YOD PA'I PHYIR, 'DOD MI NUS TE, KHYOD DU MA YIN PA LA KHYOD GCIG TU 'JAL BA'I TSAD MAS GNOD
, ,PA'I PHYIR, RIGS PA 'DI LA BRTEN NAS CHA BCAS DANG BDEN GRUB KYI GCIG GI GZHI MTHUN KHEGS TE, DE LA BRTEN NAS CHA CAN DANG CHA DU MA THA DAD DU YOD NA THA DAD DU 'PHAGS BA'I MNYAM GZHAG GIS GZIGS DGOS PA DE KHEGS, DE KHEGS PAS DE GNYIS BDEN GRUB KYI THA DAD YIN PA DE KHEGS, DE KHEGS PAS CHA BCAS DANG BDEN GRUB KYI GCIG GI GZHI MTHUN LEGS PA'I PHYIR, DON BSDU NA, GZHI LAM RNAM GSUM CHOS CAN, BDEN GRUB KYI GCIG TU MED DE, CHA BCAS YIN PA'I PHYIR, KHYAB STE, BDEN GRUB KYI GCIG YIN NA GANG LA'ANG BLTOS MED KYI GCIG YIN DGOS, DE YIN NA CHA BCAS MA YIN DGOS PA'I PHYIR, DE CHOS CAN, CHA BCAS YIN TE, GZHI GRUB PA GANG ZHIG ;CHA MED SHES BYA LA MI SRID, CHA BCAS CHA MED DANG DNGOS 'GAL YIN BA'I PHYIR, GNYIS PA LA, DE CHOS CAN, BDEN GRUB KYI DU MAR MED DE, BDEN GRUB KYI GCIG TU MED PA'I PHYIR, KHYAB STE, DU MA GCIG LA BLTOS NAS BZHAG DGOS PA'I PHYIR, GNYIS PA KHYAB PA SGRUB PA NI, BDEN GRUB KYI GCIG DANG BDEN GRUB KYI DU MA GANG RUNG DANG BRAL BA'I RTAGS KYIS, GZHI LAM RNAM GSUM BDEN MED DU TSAD MAS NGES PA LA TSAD MA GSUM SNGON DU 'GRO DGOS TE, DE LA DE GANG RUNG DANG BRAL BA NGES BYED KYI TSAD MA, BDEN MED BDEN GRUB DANG DNGOS 'GAL DU NGES BA'I TSAD MA, DE GANG RUNG DANG BRAL BA DANG BDEN GRUB KYI GZHI MTHUN 'GOG BYED KYI TSAD MA GSUM SNGON DU 'GRO DGOS PA'I PHYIR, TSAD MA PHYI
MA 'DI RTOGS DKA' BAS BSHAD NA GZHI GZUGS BRNYAN GYI STENG DU GCIG DANG DU MA GNYIS PHAN TSUN SPANGS 'GAL GYI DNGOS 'GAL DU NGES PA'I TSAD MA LA BRTEN NAS BDEN GRUB KYI GCIG DANG BDEN GRUB KYI DU MA GANG RUNG DANG BRAL BA DANG BDEN GRUB KYI GZHI MTHUN 'GOG NUS TE, TSAD MA DE'I BYED PA LA BRTEN NAS BAR DU TSAD MA GZHAN BA RGYUD PA LA BLTOS MI DGOS PAR, DE 'DRA'I GZHI MTHUN MI SRID PAR RTOGS NUS PA'I PHYIR, DES NA RGYAN GYI CHED DU BYA BA'I GDUL BYA DBANG RNON CHOS CAN, YUM GYI NGO BO LA DANG BA SKYE TSUL YOD DE, YUM MKHYEN GSUM YOD PAR TSAD MAS GRUB PA'I SGO NAS YUM LA DANG BA SKYE BA'I PHYIR, YUM GYI NUS PA LA DANG BA SKYE TSUL YOD DE, MKHYEN GSUM DE RANG SRAS 'PHAGS PA'I BZHED DON PHUN TSOGS GRUB NUS SU TSAD MAS GRUB PA'I SGO NAS YUM LA DANG BA SKYE BA'I PHYIR, GZHI LAM RNAM GSUM CHOS CAN, BDEN PAR MED DE, BDEN GRUB KYI GCIG DANG BDEN GRUB KYI DU MA GANG RUNG DU MED PA'I PHYIR, BDEN GRUB KYIS GCIG DANG BDEN GRUB KYI DU MA GANG RUNG DU MED PA GZHI LAM RNAM GSUM BDEN MED DU GRUB PA'I THA SNYAD 'BA' ZHIG SGRUB KYI RTAGS YANG DAG YIN TE, DE LTAR DU SKAL BZANG MIG 'BYED LAS BSHAD CING, DBU MA RGYAN GYI DKA' 'GREL LAS; RMONGS PA RNAMS LA NGO BO NYID MED PA NYID KYI THA SNYAD BYAR RUNG BA 'DI RAB TU GRUB PA'I PHYIR DAM BCA' PHYOGS GCIG GI GTAN TSIGS YIN TE, DPER NA DMIGS PA'I MTSAN NYID KYIS GRUB PAR 'GYUR BA LAS DMIGS PA MED PA'I
, ,PHYIR; ZHES GSUNGS PA LTA BU YIN PAS, ZHES GSUNGS PA'I PHYIR, KHO NA RE, DE CHOS CAN, DE SGRUB KYI RANG BZHIN MA DMIGS PA'I RTAGS YANG DAG YIN PAR THAL, DE SGRUB KYI 'GEL ZLA MA DMIGS PA'I RTAGS YANG DAG GANG ZHIG ,DE SGRUB KYI THA SNYAD 'BA' ZHIG SGRUB KYI RTAGS YANG DAG YIN PA'I PHYIR, 'DOD MI NUS TE, DE SGRUB KYI KHYAB BYED MA DMIGS PA'I RTAGS YIN PA'I PHYIR TE, RGYAN SNANG LAS, GANG DAG GCIG DANG DU MA'I RANG BZHIN MA YIN PA DE DAG NI, DON DAM PA'I RANG BZHIN DU YOD PA MA YIN TE, SGYU MA LA SOGS PA'I NGO BO NYID LTA BU'O, ,BDAG DANG GZHAN GYIS SMRAS PA'I DNGOS PO RNAMS KYANG GCIG DANG DU MA'I RANG BZHIN MA YIN PA ZHES BYA BA NI KHYAB PAR BYED PA MA DMIGS PA YIN PAS, ZHES GSUNGS PA'I PHYIR ZHES ZER, ` GNYIS PA BSDUS DON GYI 'PHROS DON BSHAD PA NI, MTSAMS SBYAR DU RE ZHIG DANG POR YUM LA YON TAN JI LTA BA BZHIN DU BRJOD PA SNGON DU 'GRO BA CAN GYI PHYAG 'TSAL BA, ZHES BSHAD NA, NYAN THOS ZHI BA, ZHES SOGS KYI MCHOD BRJOD 'DIS YUM LA BSTOD PA DE YUM GYI PHYOGS MTHA' DAG LA BSTOD PA YIN NAM, PHYOGS GCIG KHO NA LA BSTOD PA YIN, DANG PO LTAR NA, SBYOR BZHI DANG CHOS SKU LA DNGOS SU MA BSTOD PAS GRANGS NYUNG BAR 'GYUR LA, GNYIS PA LTAR NA, GTZO BO RNAM MKHYEN LTA BU GCIG KHO NA LA BSTOD PAS CHOG MOD, CI'I PHYIR MKHYEN PA GSUM CHAR BSTOD YUL DU SMOS SHE NA, MKHYEN
GSUM GYI YON TAN GYI SGO NAS YUM LA BSTOD PA LA BSTOD YUL LA GRANGS MANG NYUNG GI SKYON MED DE, DE LTAR BSTOD BA LA RGYU MTSAN DANG DGOS PA GNYIS YOD PA'I PHYIR, DE LTAR BSTOD PA'I RGYU MTSAN YOD DE, RGYAN GYI CHED DU BYA BA'I GDUL BYAS MNGON PAR RTOGS PA BRGYAD KYI RNAM PA THAMS CAD MKHYEN GSUM GYI BSGOM BYA'I RNAM PAR BSDUS NAS NYAMS SU LEN DGOS PA'I RGYU MTSAN? GYIS DE LTAR BSTOD PA'I PHYIR, ZHES 'CHAD PA LA, DE LA THAMS CAD MKHYEN BA NYID GSUM GYIS NI DON BRGYAD BSDUS LA, DE LTAR THUGS LA BZHAG NAS SHES RAB KYI PHA ROL TU PHYIN PA LA BSTOD DO, ,ZHES GSUNGS, DE LTAR BSTOD PA LA DGOS PA YOD DE, MKHYEN GSUM GYIS RANG SRAS 'PHAGS BA'I BZHED DON PHUN TSOGS SGRUB NUS SO, ,ZHES SHES PAR BYA BA'I CHED YIN PA'I PHYIR, ZHES 'CHAD BA LA, DE DAG KYANG SHES RAB KYI PHA ROL TU PHYIN PA YIN ZHING, DES KYANG 'CHAD PAR 'GYUR BA'I TSUL GYIS DON THAMS CAD PHUN SUM TSOGS PA YIN NO, ,ZHES DE LTAR THUGS LA BZHAG NAS THAMS CAD MKHYEN PA NYID GSUM GYI SGO NAS SHES RAB KYI PHA ROL TU PHYIN PA LA BSTOD DO, ,ZHES GSUNGS, 'ON, KYANG SNGA PHYI GNYIS SMOS PA'I DGOS PA GANG ZHE NA, DE YANG YOD DE, SDAMS? MKHYEN GSUM GYIS MNGON BAR RTOGS PA BRGYAD BSDUS BAS MKHYEN GSUM MCHOD BRJOD KYI YUL DU GYUR PA'I YUM YIN BAR MA ZAD, MNGON PAR RTOGS PA BRGYAD KYANG MCHOD BRJOD KYI YUL DU GYUR PA'I YUM YIN ZHES BSTAN LA, KYANG GNYIS PAS NI MKHYEN GSUM GYI
, ,YON TAN BRJOD PA'I SGO NAS YUM LA BSTOD PA LA RGYU MTSAN YOD PAR MA ZAD DGOS PA YANG YOD CES BSTAN PA'I PHYIR, DES NA MKHYEN GSUM GYIS MNGON PAR RTOGS PA BRGYAD BSDUS PA YIN TE, MKHYEN GSUM RDZOGS PAR NYAMS SU BLANGS NA MNGON PAR RTOGS PA BRGYAD RDZOGS PAR NYAMS SU BLANGS PAR 'GYUR BA DANG, MKHYEN GSUM 'DOD BYA'I YON TAN CAN DU MTHONG NA, MNGON PAR RTOGS PA BRGYAD 'DOD BYA'I YON TAN CAN DU MTHONG BAR 'GYUR BA'I PHYIR, DES NA MKHYEN GSUM GYI RNAM PA NYAMS LEN GYI SBYOR BAS MNGON BAR RTOGS PA BRGYAD KYI RNAM PA NYAMS LEN GYI SBYOR BAR BSDUS PA DE, MKHYEN GSUM GYIS MNGON PAR RTOGS PA BRGYAD BSDUS PA'I DON YIN NO, , KHO NA RE, MKHYEN GSUM GYIS MKHYEN GSUM BSDUS PAR THAL, MKHYEN GSUM GYIS MNGON PAR RTOGS PA BRGYAD BSDUS BA'I PHYIR, 'DOD NA, MKHYEN GSUM MKHYEN GSUM DANG BSDU BYA SDUD BYED YIN PAR THAL LO, ,'DOD NA, DE DE DANG THA DAD YIN PAR THAL LO, ,ZER NA MA KHYAB STE, PHUNG KHAMS SKYE MCHED GSUM PHUNG KHAMS SKYE MCHED GSUM DANG THA DAD YIN PAR THAL, DE DE DANG BSDU BYA SDUD BYED YIN PA'I PHYIR TE, PHUNG KHAMS SKYE MCHED GSUM GYIS PHUNG KHAMS SKYE MCHED GSUM BSDUS PA'I PHYIR TE, DES CHOS THAMS CAD BSDUS PA'I PHYIR TE, MDZOD LAS, PHUNG PO DANG NI SKYE MCHED DANG, ,KHAMS GCIG GIS NI THAMS CAD BSDUS, ,ZHES GSUNGS PA'I PHYIR, KHO NA RE, MNGON PAR
RTOGS PA BRGYAD SDUD BYED KYI MKHYEN GSUM YOD PAR THAL, MKHYEN GSUM GYIS DE BRGYAD BSDUS PA'I PHYIR, 'DOD NA, DE SDUD BYED KYI RNAM MKHYEN YOD PAR THAL LO, ,'DOD NA, RNAM RDZOGS SBYOR BA RNAM MKHYEN GYIS BSDUS PAR THAL LO, , ZER NA, MKHYEN GSUM SDUD BYED KYI MNGON PAR RTOGS PA BRGYAD YOD PAR THAL, MNGON PAR RTOGS PA BRGYAD KYIS MKHYEN GSUM BSDUS PA'I PHYIR, KHYAB PA KHAS, DER THAL, DE DE BRGYAD KYI NANG TSAN YIN BA'I PHYIR, 'DOD NA, SNGAR BZHIN RIGS 'GRE'O, ,DE BZHIN DU, BUM PA SDUD BYED KYI KA BUM GNYIS YOD PAR THAL, BUM PA KA BUM GNYIS KYIS BSDUS PA'I PHYIR, KHYAB PA KHAS, DE DER THAL, DE DE'I NANG TSAN YIN BA'I PHYIR, KHO NA RE, MKHYEN GSUM GYIS RNAM RDZOGS SBYOR BA BSDUS PAR THAL, DES SBYOR BZHI BSDUS PA'I PHYIR, 'DOD NA, RNAM RDZOGS SBYOR BA CHOS CAN, LAM BDEN GYIS BSDUS PAR THAL LO, ,'DOD NA, DE CHOS DKON MCHOG YIN PAR THAL, LAM BDEN GYIS BSDUS PA'I RNAM BYANG BDEN BA YIN PA'I PHYIR NA, SHES BYA CHOS CNA, DE LAM BDEN GYIS BSDUS PAR THAL, THEG CHEN GYI TSOGS LAM LAM BDEN GYIS BSDUS PA'I PHYIR, DE LAM BDEN GYI 'KHOR YIN PA'I PHYIR TE, KUN BTUS LAS, LAM GYI BDEN PA GANG ZHE NA, LAM GANG GIS SDUG BSNGAL YONGS SU SHES PA DANG, KUN 'BYUNG SPANG BA DANG, 'GOG PA MNGON DU BYED PA DANG, LAM SGOM PA STE 'DI NI LAM GYI BDEN PA'I MTSAN NYID MDOR BSDUS PA'O, ,YANG LAM RNAM PA LNGA STE,
, ,TSOGS KYI LAM DANG, SBYOR BA'I LAM DANG, MTHONG BA'I LAM DANG, SGOM PA'I LAM DANG, MTHAR PHYIN PA'I LAM MO, ,ZHES DANG, DE'I THAD KYI 'GREL BSHAD RGYAL PO SRAS LAS, 'DI YANG LAM GYI BDEN PA 'KHOR DANG BCAS PA'I SKABS LAS RIG PAR BYA STE, ZHES GSUNGS PA'I PHYIR, KHO NA RE, THEG CHEN GYI TSOGS LAM DU GYUR PA'I TSOR BA DE LAM BDEN GYI 'KHOR DU GYUR BA'I TSOR BA YIN PAR THAL, ,DE'I 'KHOR YIN PA'I PHYIR NA MA KHYAB, KHA CIG GIS, MKHYEN GSUM MTSON BYED KYI CHOS SUM CUS MNGON PAR RTOGS PA BRGYAD BSDUS PA DE, MKHYEN GSUM GYIS MNGON PAR RTOGS PA BRGYAD BSDUS PA'I DON YIN, ZER NA, MI 'THAD DE, RJE BTZUN GYIS DE SUM CU'I YON TAN BRJOD PA'I SGO NAS YUM LA BSTOD PA MA YIN PA'I PHYIR, KHA CIG ,MNGON PAR RTOGS PA BRGYAD PO GANG RUNG YIN NA, MKHYEN GSUM GANG RUNG YIN PAS KHYAB PA DE DE'I DON YIN ZER NA, MI 'THAD DE, MKHYEN GSUM GANG RUNG LA 'PHAGS RGYUD KYI MKHYEN PAS KHYAB PA'I PHYIR, RONG t'IKA PA NA RE, 'PHAGS BZHI'I MNGON BAR RTOGS PA MKHYEN GSUM DU BZHAG ,DE MKHYEN GSUM GYIS BSDUS, CHOS SKU RNAM MKHYEN GYIS BSDUS PA DE DE'I DON YIN NO, ,ZER BA MI 'THAD DE, MKHYEN GSUM GYIS MNGON BAR RTOGS PA BRGYAD BSDUS BA DE DE'I DON DU MI RIGS PA'I PHYIR, KHA CIG ,MKHYEN GSUM NI DUS GSUM GYI 'PHAGS PA THAMS CAD KYI RGYUD DANG 'BREL BAS RGYA CHE, SBYOR BZHIDANG CHOS SKU RGYAN GYI CHED DU BYA
PA'I GDUL BYA KHO NA'I RGYUD LA YOD PAS RGYA CHUNG BAS, RGYA CHE BA MKHYEN GSUM GYIS RGYA CHUNG BA SBYOR BA BZHI DANG CHOS SKU BSDUS PA DE DE'I DON YIN TE, DPER NA RGYA MTSOS CHU THIG BSDUS PA BZHIN, ZHES ZER BA MI 'THAD DE, DE GSUM GYIS BRGYAD BSDUS PA'I DON MIN LA, GSUM GYIS LNGA BSDUS BA'I DON YIN PA'I PHYIR, DUS GSUM GYI 'PHAGS PA RNAM MKHYEN DANG LAM SHES RANG RGYUD LA SKYED PA RNAMS KYIS, SBYOR BZHI DANG YE SHES CHOS SKU NGES PAR RANG RGYUD LA SKYED PAR BYED DGOS BA'I PHYIR DANG, DE LAS LDOG STE KHAS BLANGS KYANG GNOD PA DE MED BA'I PHYIR, KHA CIG ,MKHYEN GSUM NI SBYOR BZHI DANG CHOS SKU'I RANG BZHIN YIN LA, SBYOR BZHI DANG CHOS SKU NI MKHYEN GSUM GYI GNAS SKABS YIN PAS, RANG BZHIN MKHYEN GSUM GYIS GNAS SKABS SBYOR BZHI DANG CHOS SKU BSDUS BA DE DE'I DON YIN TE, DPER NA RANG BZHIN SOR MO'I NANG DU GNAS SKABS THAL MO DANG KHU TSUR BSDUS PA BZHIN NO, ,ZHES ZER BA MI 'THAD DE, MKHYEN GSUM SBYOR BZHI'I RANG BZHIN YIN NA, SBYOR BZHI YANG MKHYEN GSUM GYI RANG BZHIN YIN DGOS PA'I PHYIR DANG, SBYOR BZHI MKHYEN GSUM GYI GNAS SKABS LA BZHAG PA'I SBYOR BA YIN NA, BYANG SEMS SBYOR LAM PA'I RGYUD LA MKHYEN GSUM YOD PAR THAL BA'I SKYON YOD PA'I PHYIR, ` GNYIS BRTZA BA'I TSIG DON BSHAD PA LA, MTSAMS SBYAR DU, RE ZHIG DANG POR YUM LA YON TAN JI LTA BA BZHIN DU BRJOD PA SNGON DU 'GRO BA CAN GYI PHYAG 'TSAL BA, ZHES BSHAD NA, NYAN THOS ZHI BA, ZHES SOGS KYIS
, ,MKHYEN GSUM GYI YON TAN GYI SGO NAS YUM LA BSTOD NA BSTOD PHYAG MDZAD TSUL DE GANG ZHE NA, 'DI LA SO SO'I YON TAN BRJOD PA DANG, BSDUS TE PHYAG 'TSAL BA GNYIS LAS, DANG PO LA, GZHI SHES KYIS NYER ZHIR KHRID TSUL, LAM SHES KYIS 'JIG RTEN GYI DON SGRUB TSUL, RNAM MKHYEN GYIS CHOS 'KHOR SKOR BA'I BDAG RKYEN BYED TSUL BSHAD PA DANG GSUM LAS, DANG PO LA, GZHI SHES SGOM PA'I RTEN GYI GANG ZAG ,THABS GZHI SHES KYI NGO BO; THABS DE LA BRTEN NAS 'BRAS BU MNGON DU BYED TSUL DANG GSUM LAS, DANG PO NI, NYAN THOS DANG DE'I PHYOGS SU BSLAN PA RNAM PAR THAR PA CUNG ZAD TZAM ZHIG GIS LHAG PA RIM PA GCIG GIS BSTAN PA RANG SANGS RGYAS KYANG STE MYA NGAN LAS 'DA' BAR 'DOD PA RNAMS, ZHES PAS 'CHAD, GNYIS PA NI, GZHI THAMS CAD SKYE BA MED PAR YONGS SU SHES PA NYID KYIS, ZHES PAS 'CHAD, GSUM PA NI, PHUNG PO DANG BCAS PA DANG PHUNG PO MED PA'I MTSAN NYID KYI MYA NGAN LAS 'DAS PA RNAM PA GNYIS THOB PAR MDZAD PA GANG YIN PA DANG, ZHES PAS 'CHAD, GNYIS PA LA YANG GSUM LAS, DANG PO NI, BYANG CHUB SEMS DPA' 'KHOR BA JI SRID PAR 'GRO BA'I DON BYED PA RNAMS, ZHES PAS 'CHAD, GNYIS PA NI, LAM THAMS CAD SKYE BA MED PAR RTOGS PA'I NGO BO NYID KYIS, ZHES PAS 'CHAD DO, ,GSUM PA NI, 'GRO BA MTHA' DAG GI DON SGRUB PAR MDZAD PA GANG YIN PA DANG, ZHES PAS 'CHAD, GSUM PA LA YANG GSUM LAS, DANG PO NI
CHOS 'KHOR SKOR BA PO'I RTEN GYI GANG ZAG DE STON PA LA, SANGS RGYAS YANG DAG PAR BSDAMS PA'I SKU CAN RNAL 'BYOR CAN GYI DBANG PHYUG GI GTZO BO RNAMS, ZHES GSUNGS, GNYIS PA MCHOG GI SPRUL SKUS CHOS 'KHOR SKOR BA'I THABS RNAM MKHYEN DE STON PA LA, RNAM PA THAMS CAD SKYE BA MED PAR THUGS SU CHUD PA DANG DANG LDAN NA, ZHES GSUNGS, GSUM PA RNAM MKHYEN RGYUD LA SKYES PA'I 'BRAS BU DE STON PA LA, SPYOD PA'I GNYEN POR CHOS KYI 'KHOR LO MA LUS PA RNAM PA THAMS CAD BSKOR BAR MDZAD PA, ZHES GSUNGS, 'O NA, MA LUS PA DANG THAMS CAD GNYIS KA SMOS PA LA ZLOS SKYON YOD DO, ,ZHE NA, SKYON MED DE, THAMS CAD CES PAS BRJOD 'DOD KYI DBANG GIS BRJOD BYA PHYOGS TE BA LA YANG ZER BAS DE LTA BU'I NYI TSE BA MA YIN PAR BSTAN PA'I PHYIR DU, MA LUS PA DANG THAMS CAD GNYIS KA SMOS PA'I PHYIR, ZHES GSER PHRENG LAS BSHAD DO, ,RNAM BSHAD LTAR NA SKYON MED DE, MA LUS PA ZHES PA NI RJOD BYED GSUNG RAB LA 'JUG LA, THAMS CAD CES PA BRJOD BYA LA 'JUG PA'I PHYIR, SANGS RGYAS BCOM LDAN 'DAS RNAMS LA RNAL 'BYOR CAN GYI DBANG PHYUG GI ,CO BO ZHES BRJOD PA'I RGYU MTSAN YOD DE, NYAN PA BYANG SEMS RNAMS DBANG PHYUG LA SOGS PA LAS RNAL 'BYOR LHAG PAS RNAL 'BYOR CAN GYI DBANG PHYUG CES BYA LA, DE GSUM LAS SPANGS RTOGS LHAG PAS NA SANGS RGYAS BCOM LDAN 'DAS RNAMS LA RNAL 'BYOR CAN GYI DBANG PHYUG GI GTZO BO ZHES BSHAD PA'I PHYIR, GNYIS PA BSDUS TE PHYAG 'TSAL BA NI, SANGS
, ,RGYAS NYAN THOS LA SOGS PAS YONGS SU BSKOR BA DE SGRUB PAR BYED PA NYID KYI YUM DE LA PHYAG 'TSAL LO, ,ZHES PAS 'CHAD, 'DI'I BSKOR CES PA'I DON NI, SANGS RGYAS NYAN THOS RANG RGYAL BYANG SEMS TE SRAS BZHIS YONGS SU BSKOR BA DE RNAMS KYI BZHED DON SGRUB PAR BYED PA'I YUM MKHYEN PA GSUM LA PHYAG 'TSAL, ZHES PA'I DON YIN TE, SHES RAB SGRON MER, NYAN THOS NYID DANG BYANG CHUB SEMS DPA' NYID DANG SANGS RGYAS NYID KYIS YONGS SU BSKOR BDE LTA BU SGRUB PAR BYED PA NYID KYI DE DAG GI YUM SHER PHYIN LA PHYAG 'TSAL, ZHES GSUNGS PA DANG, NYI KHRI RNAM 'GREL LAS, SANGS RGYAS NYAN THOS BYANG CHUB SEMS DPA'I TSOGS LDAN, ZHES GSUNGS PAS NA, RTZA BA'I LDAN PA'AM BCAS PA'I DON 'GREL PAR BSKOR BA LA BSHAD PA'I PHYIR, YUM SRAS LA GTZO 'KHOR GYI THA SNYAD BYAS PAS CHOG STE, MKHYEN PA GSUM PO DES RANG SRAS 'PHAGS PA RNAMS KYI BZHED DON PHUN TSOGS SGRUB PAR BYED PA'I PHYIR, SNYING PO'I RGYAN LAS, SANGS RGYAS NYAN THOS BYANG CHUB SEMS DPA' LA SOGS PAS YONGS SU BSKOR BA STE BZHED DON SGRUB PAR BYED PA NYID KYI YUM DE LA PHYAG 'TSAL, ZHES GSUNGS PA MA GTOGS GSAL BAR MA BSHAD DO, ,DE DAG GI NANG NAS, ` NYAN THOS DANG DE'I PHYOGS SU BSLAN PA, ZHES SOGS KYI SKABS SU, MYA NGAN LAS 'DAS PA RNAM PA GNYIS 'THOB PAR MDZAD PA GANG YIN PA DANG, ZHES BSHAD NA, LHAG BCAS MYANG 'DAS DANG, LHAG MED MYANG 'DAS
KYI KHYAD PAR DE JI LTA BU ZHE NA, 'DI LA NYAN THOS SDE PA'I LUGS, SEMS TZAM PA'I LUGS, THAL 'GYUR PA'I LUGS, RANG RGYUD PA'I LUGS DANG BZHI LAS, DANG PO LA, LHAG BCAS LHAG MED KYI DON PHUNG PO'I RGYUN LOG MA LOG GI GNAS SKABS LA LHAG MED DANG LHAG BCAS KYI KHYAD PAR 'JOG STE, RIGS PA DRUG CU PA'I 'GREL PAR, DE LA PHUNG PO'I LHAG MA DANG BCAS PA NI PHUNG PO TZAM DU ZAD DE NYON MONGS PA'I 'CHING BA LAS GROL BA YIN, PHUNG PO'I LHAG MA MED PA NI PHUNG PO'I RGYUN CHAD PA'I MTSAN NYID YIN PAS, ZHES NYAN THOS SDE PAS 'DOD PAR GSUNGS PA'I PHYIR, MYANG 'DAS KYI NGO BO SO SOR BA RTAGS 'GOG TU BYE MDO GNYIS KAS 'DOD DO, ,GNYIS PA NI, LHAG BCAS LHAG MED KYI DON SNGAR BZHIN DANG, MYANG 'DAS KYI NGO BO CHOS DBYINGS SU 'DOD DE, BSDU BAR, CHOS KYI DBYINGS SHING TU RNAM PAR DAG PA'I NGO BO, ZHES BSHAD CING, BYE BSHAD 'GREL PAR, PHUNG PO LHAG MA DANG BCAS PA DANG PHUNG PO LHAG MA MED PA'I MYANG NA LAS 'DAS PA'I DBYINGS NI SO SOR BRTAGS PA'I 'GOG PA'O, ,ZHES GSUNGS PA'I PHYIR, LUGS 'DI DAG GIS LHAG MED MYANG 'DAS KYI TSE PHUNG PO RGYUN CHAD PAR 'DOD PAS, THEG PA CHE CHUNG GI LHAG BCAS MYANG 'DAS LA SPANGS PA'I KHYAD PAR 'DOD KYANG LHAG MED MYANG 'DAS LA DE MI 'DOD DE, THEG DMAN GYI LHAG MED MYANG 'DAS KYI TSE LAM GYIS SPANGS PA'I SGRIB GNYIS ZAD PA MED KYANG SGRIB PA'I RTEN MED PAS SGRIB GNYIS RANG GI DANG GIS LOG PAR 'DOD PA'I PHYIR TE, BSDU BAR, PHUNG PO'I
, ,LHAG MA DANG BCAS PA'I MYA NGAN LAS 'DAS PA'I DBYINGS LA GNAS PA LA NI SGRIB PA DANG BCAS PA DANG, SGRIB PA MED PA'I RNAM PAR BZHAG PA YOD KYI, PHUNG PO'I LHAG MA MED PA'I MYA NGAN LAS 'DAS PA'I DBYINGS LA GNAS PA LA NI SGRIB PA RNAM PAR BZHAG PA MED DO, ,DE CI'I PHYIR ZHE NA, MTSAN MA DANG GNAS NGAN LEN THAMS CAD KYI THAMS CAD DU RGYUN CHAD CING 'GAGS PA'I PHYIR TE, ZHES GSUNGS PA'I PHYIR, DE LTAR YIN KYANG NYAN RANG DGRA BCOM DANG DE BZHIN GSHEGS PA KHYAD MED DU MI 'GYUR TE, DE GNYIS LA GZHAN DON BYED MI BYED KYI KHYAD PAR YOD PA'I PHYIR TE, THEG DMAN PA RNAMS KYIS SNGON GZHAN DON BYED PA'I SMON LAM MA BTAB CING RANG BZHIN GYIS RIGS DMAN PAS; SLAR MI LDANG BA'I TSUL GYIS ZHI BA PHYOGS GCIG PAR ZHUGS PA'I PHYIR TE, BSDU BAR, GAL TE DE LA SGRIB BA MED DE, JI LTAR DE BZHIN GSHEGS PA LA MI MNGA' BDE KHO NA BZHIN DU DGRA BCOM PA LA YANG SGRIB PA MED PA YIN NA CI'I PHYIR DGRA BCOM PA YANG DE BZHIN GSHEGS PA'I MDZAD PA MI BYED CE NA, SMRAS PA, SNGON SMON LAM GOMS PA MED PA'I PHYIR DANG, DE LTA BU'I RIGS CAN YIN PAS DE'I PHYIR, DGRA BCOM PA NI LDANG BA'I BSAM PA MED PA KHO NAR YONGS SU MYA NGAN LAS 'DAS PAS NA DE'I PHYIR MI BYED DO, ,ZHES GSUNGS PA'I PHYIR, GSUM PA NI, LHAG BCAS LHAG MED KYI DON BDEN SNANG GI LHAG MA DANG BCAS MA BCAS LA 'DOD CING, NGO BO CHOS DBYINGS SU 'DOD DO, ` ,BZHI PA LA,
MTSAN NYID, DBYE BA, SA MTSAMS GSUM LAS, DANG PO NI, NYON SGRIB ZAD PAR SPANGS PA'I SO SOR BRTAGS 'GOG ,MYANG 'DAS KYI MTSAN NYID, GNYIS PA LA SGRAS BRJOD RIGS KYI SGO NAS DBYE NA, RANG BZHIN GYI MYANG 'DAS, MI GNAS PA'I MYANG 'DAS, LHAG BCAS MYANG 'DAS, LHAG MED MYANG 'DAS DANG BZHI LAS, DANG PO NI, CHOS THAMS CAD BDEN PAS STONG PA'I STONG NYID LTA BU, DE DANG DON DAM BDEN PA GNYIS DON GCIG ,GNYIS PA NI, SGRIB GNYIS ZAD PAR SPANGS PA'I DO DOR BRTAGS 'GOG LTA BU, DE DANG SANGS RGYAS KYI SA'I 'GOG BDEN DON NO GCIG ,GSUM PA NI, THEG DMAN GYI MYANG 'DAS GANG ZHIG ,SDUG BSNGAL GYI PHUNG PO LHAG MA DANG BCAS PA, LHAG BCAS MYANG 'DAS KYI MTSAN NYID, DPER NA KHAMS GSUM GANG RUNG GI RTEN CAN GYI NYAN THOS DGRA BCOM PA'I RGYUD KYI 'GOG BDEN LTA BU, BZHI BA NI, DE GANG ZHIG ,DE DANG BRAL BA, LHAG MED MYANG 'DAS KYI MTSAN NYID, DPER NA DAG ZHING GI RTEN CAN GYI NYAN THOS DGRA BCOM PA'I RGYUD KYI 'GOG BA DE NA LTA BU, DES NA GZUGS SKU GNYIS LA LHAG BCAS MYANG 'DAS KYI SGRAS STON PA'I RGYU MTSAN YOD DE, NYON SGRIB MA LUS PAR SPANGS SHING PHUNG PO LNGA DANG BCAS PA'I RGYU MTSAN GYIS DE LTAR BRJOD PA'I PHYIR, CHOS SKU LA LHAG MED MYANG 'DAS KYI SGRAS BRJOD PA'I RGYU MTSAN YOD DE, NYON SGRIB MA LUS PAR SPANGS SHING PHUNG PO LNGA DANG BRAL BA'I RGYU MTSAN GYIS DE LTAR BRJOD PA'I PHYIR TE, DE LTAR YANG SLOB DPON KLU'I BSHES GNYEN GYIS MDZAD PA'I SKU GSUM
, ,LA 'DUG PA'I SGOR, PHUNG POR BCAS PA'I MYA NGAN 'DAS, ,THUB SKU GNYIS LA BRJOD PA YIN, ,PHUNG PO KUN DANG BRAL PA'I PHYIR, ,CHOS KYI SKU LA PHUNG PO MED, ,CES DAG, GSER 'OD DAM PA LAS, SKU DE GNYIS LA DGONGS TE, SANGS RGYAS BCOM LDAN 'DAS RNAMS PHUNG PO LHAG MA DANG BCAS PA'I MYA NGAN LAS 'DAS PA ZHES BYA'O, ,CHOS KYI SKU LA DGONGS TE, PHUNG PO LHAG MA MED PA'I MYA NGAN LAS 'DAS PA ZHES BYA'O, ,ZHES GSUNGS PA'I PHYIR, GSUM PA NI, DGRA BCOM PA MTHA' DAG GI RGYUD LA YOD DO, ,KHO NA RE, GZUGS MED KYI RTEN CAN GYI NYAN THOS DGRA BCOM PA'I RGYUD KYI 'GOG BDEN CHOS CAN, SDUG BSNGAL GYI PHUNG PO LHAG MA DANG BCAS PAR THAL, LHAG BCAS MYANG 'DAS YIN PA'I PHYIR, RTAGS KHYAB KHAS, 'DOD NA, GZUGS MED NA SDUG BSNGAL GYI PHUNG PO YOD PAR THAL LO, ,'DOD NA, DE NA SDUG BSNGAL YOD PAR THAL, 'DOD PA'I PHYIR NAM KHYAB STE, DE NA MING YOD PAR THAL, DE NA MING GI PHUNG PO YOD PA'I PHYIR, KHYAB PA KHAS, DER THAL, DE NA PHUNG PO PHYI MA BZHI YOD PA'I PHYIR, KHO NA RE, LHAG BCAS MYANG 'DAS CHOS CAN, ZAG BCAS KYI PHUNG PO DANG BCAS PAR THAL, SDUG BSNGAL GYI PHUNG PO DANG BCAS PA'I PHYIR, 'DOD NA; ZAG PA DANG BCAS PAR THAL, 'DOD PA'I PHYIR NA MA KHYAB, 'DOD NA, ZAG BCAS SU THAL LO, ,'DOD MI NUS TE, ZAG MED YIN PA'I PHYIR TE, 'GOG BDEN YIN PA'I PHYIR, KHA CIG ,LHAG BCAS MYANG 'DAS LA GNAS PA'I NYAN
THOS DGRA BCOM PA'I RGYUD LA LAS KYI KUN 'BYUNG YOD ZER BA MI 'THAD DE, DE'I RGYUD LA 'PHEN BYED KYI LAS KYI KUN 'BYUNG YANG MED, 'GRUB BYED KYI LAS KYI KUN 'BYUNG YANG MED PA'I PHYIR, DANG PO GRUB STE, DE'I RGYUD LA 'PHEN BYED KYI LAS MED PA'I PHYIR, GNYIS PA GRUB STE, DE'I RGYUD LA 'GRUB BYED KYI LAS MED PA'I PHYIR, KHA CIG ,NYON SGRIB MA LUS PAR SPANGS PA'I DE BZHIN NYID, MYANG 'DAS KYI NGO BOR 'DOD PA MI RIGS TE, NYAN THOS DGRA BCOM PA'I RGYUD KYI 'GOG BDEN DANG STONG NYID MA RTOGS PA'I NYAN THOS DGRA BCOM PA'I RGYUD KYI CHOS NYID DANG, RANG BZHIN RNAM DAG GI CHAR GYUR PA'I NGO BO NYID SKU RNAMS KYIS MA NGES PA'I PHYIR, KHA CIG ,SDUG BSNGAL GYI PHUNG PO LHAG MA DANG BCAS PA'I MYANG 'DAS, LHAG BCAS MYANG 'DAS KYI NGO BOR 'JOG PA MI RIGS TE, LHAG BCAS MYANG 'DAS LA GNAS PA'I NYAN THOS DGRA BCO MTSE DE LA THEG CHEN LAM DU ZHUGS PA'I BYANG SEMS TSOGS LAM PA'I RGYUD KYI 'GOG BDEN DE LHAG BCAS MYANG 'DAS MA YIN PA'I PHYIR; KHA CIG ,THEG DMAN DGRA BCOM SKU TSE'I 'DU BYED BTANG BA'I GNAS SKABS KYI MYANG 'DAS, LHAG MED MYANG 'DAS SU 'DOD PA YANG MI 'THAD DE, DE LA SKU TSE'I 'DU BYED BTANG BA'I THEG DMAN GYI DGRA BCOM YOD PAR THAL BA SOGS KYI SKYON YOD PA'I PHYIR DANG, THEG DMAN DGRA BCOM MED PA'I DUS SU DE YOD PAR THAL BA'I SKYON YOD PA'I PHYIR, KHA CIG ,DMAN PA'I MYANG 'DAS MYANG 'DAS MA YIN TE, SANGS RGYAS MA THOB BAR DU MYANG 'DAS THOB PA MED PA'I PHYIR TE, RGYUD
, ,BLA MAR, GANG PHYIR DE NI CHOS SKU DE NI DE BZHIN GSHEGS, ,DE NI 'PHAGS PA'I BDEN PA DON DAM MYA NGAN 'DAS, ,DE'I PHYIR NYI DANG ZER BZHIN YON TAN DBYER MED PAS, ,SANGS RGYAS NYID LAS MA GTOGS MYA NGAN 'DAS PA MED, ,CES DANG, DES NA SANGS RGYAS MTHOB BAR, ,MYA NGAN 'DAS PA MI 'THOB STE, ,'OD DANG 'OD ZER SPANGS NAS NI, ,NYI MA LTA BAR MI NUS BZHIN, ,ZHES GSUNGS PA'I PHYIR ZER NA SKYON MED DE, SANGS RGYAS MA THOB BAR SGRIB GNYIS ZAD PAR, SPANGS PA'I MYANG 'DAS MI 'THOB PA LUNG DE'I DON YIN PA'I PHYIR TE, DE'I 'GREL PAR, CHAGS PA MED PA DANG THOGS PA MED PA'I YE SHES KYI GZIGS PA MNGA' BA'I DE BZHIN GSHEGS PA MA THOB PAR SGRIB PA THAMS CAD LAS RNAM PAR SROL BA'I MYA NGAN LAS 'DAS PA'I DBYINGS RTOGS PA MNGON DU BYED PA MED DE 'OD DANG 'OD ZER MA MTHONG BAR NYI MA'I DKYIL 'KHOR MI MTHONG BA BZHIN NO, ,ZHES GSUNGS PA'I PHYIR, GZHUNG DON RTZA BA'I TSIGS RKANG GSUM PA'I DE 'GOD DO, ` ,RNAM PA THAMS CAD SKYE BA MED PAR THUGS SU CHUD PA, ZHES SOGS KYI SKABS SU, 'O NA, CHOS KYI 'KHOR LO MA LUS PA RNAM PA THAMS CAD BSKOR BAR MDZAD PA, ZHES BSHAD NA, CHOS KYI 'KHOR LO DE JI LTA BU ZHE NA, 'DI LA MTHA' CUNG ZA DANG BYAD PA DAG RANG LUGS GZHAG PA GNYIS LAS, DANG PO LA, KHA CIG ,STON PAS GSUNGS PA'I DAM CHOS, CHOS 'KHOR GYI MTSAN NYID, ZER NA, 'GREL PA DON GSAL CHOS CAN, CHOS 'KHOR DU THAL, MTSAN NYID 'THAD PA'I PHYIR, MA GRUB NA, STON PAS GSUNGS
PA'I DAM CHOS YIN NA, STON PA'I GSUNG YIN DGOS PAR THAL, MA GRUB PA DE'I PHYIR, 'DOD NA, THEG CHEN GYI MTHONG LAM CHOS CAN, DER THAL, DE'I PHYIR, CHOS 'KHOR YIN PA'I PHYIR, KHYAB PA KHAS, RTZA BAR 'DOD NA, DE CHOS CAN, LUNG GI CHOS 'KHOR DU THAL, CHOS 'KHOR GANG ZHIG ,LUNG YIN PA'I PHYIR, 'DOD NA, BKA' YIN PAR THAL LO, ,KHA CIG ,BSHAD PAS GDUL BYA'I RGYUD LA 'PHO BYA DANG 'PHO BYED GANG RUNG DU GYUR PA'I RNAM DKAR GYI YON TAN, CHOS 'KHOR GYI MTSAN NYID, ZER NA, DE LA KHA CIG ,RNAM MKHYEN CHOS CAN, MTSAN NYID DER THAL, CHOS 'KHOR YIN PA'I PHYIR, 'DOD NA, BSHAD PAS GDUL BYA'I RGYUD LA 'PHO BAR THAL LO, ,'DOD MI NUS TE, MDO LAS, THUB RNAMS SDIG PA CHU YIS MI 'KHRUL ZHING,, 'GRO BA'I SDUG BSNGAL PHYAG GIS MI SEL LA, ,NYID KYI RTOGS PA GZHAN LA 'PHO MIN TE, ,CHOS NYID BDEN PA BSTAN PAS GROL BAR 'GYUR, ,ZHES GSUNGS PA'I PHYIR, ZER NA MA KHYAB STE, DE'I DON STON PA SH'AKYA THUB PA LTA BU'I RGYUD KYI RNAM MKHYEN DE, DE'I CHED DU BYA BA'I GDUL BYA'I RGYUD LA 'PHO MI NUS PA LUNG DE'I DON YIN PA'I PHYIR, KHA CIG ,SANGS RGYAS KYI BSTAN PAR GTOGS PA'I DAM CHOS, CHOS 'KHOR GYI MTSAN NYID, SANGS RGYAS KYI BSTAN PAR GTOGS PA'I LUNG, LUNG GI CHOS 'KHOR KYI MTSAN NYID, GDUL BYA'I RGYUD LA SKYE PAR 'GYUR BA'I MNGON RTOGS KYI RIGS SU GNAS PA'I LAM ZHUGS KYI MKHYEN PA, RTOGS PA'I CHOS 'KHOR GYI MTSAN NYID YIN ZER NA, LAM MA ZHUGS KYI GANG ZAG GI RGYUD KYI SO THAR GYI SDOM PA CHOS CAN,
, ,CHOS 'KHOR DU THAL, MTSAN NYID DE'I PHYIR TE, SANGS RGYAS KYI BSTAN PA YIN PA'I PHYIR, RTAGS GRUB STE, DE YOD PA'I PHYIR, 'DOD NA, RTOGS PA'I CHOS 'KHOR DU THAL, CHOS 'KHOR GANG ZHIG ,SHES PA YIN PA'I PHYIR, 'DOD NA, LAM ZHUGS KYI MKHYEN PA YIN PAR THAL LO, ,GZHAN YANG, CHOS 'KHOR LA LUNG GI CHOS 'KHOR DANG RTOGS PA'I CHOS 'KHOR GNYIS SU GRANGS MA NGES PAR THAL, LAM MA ZHUGS KYI GANG ZAG GI RGYUD KYI BSLAB PA GSUM PO DE CHOS 'KHOR GANG ZHIG ,DE DE GANG RUNG MA YIN PA'I PHYIR, DANG PO 'DOG GNYIS PA SLA, RTZA BAR 'DOD MI NUS TE, MDZOD LAS, STON PA'I DAM CHOS RNAM GNYIS TE, ,LUNG DANG RTOGS PA'I BDAG NYID DO, ,ZHES GSUNGS PA'I PHYIR, KHO NA RE, LAM MA ZHUGS KYI GANG ZAG GI RGYUD LA BSLAB PA GSUM GYIS BSDUS PA'I CHOS 'KHOR YOD PAR THAL, DE'I RGYUD LA SDE SNOD GSUM GYIS BSDUS PA'I CHOS 'KHOR YOD PA'I PHYIR NAM KHYAB, KHA CIG ,BKA' DANG SPANGS RTOGS GANG RUNG GIS BSDUS, PA'I DAM CHOS, CHOS 'KHOR GYI MTSAN NYID ZER NA, 'GOG BDEN CHOS CAN, CHOS 'KHOR DU THAL, MTSAN NYID DE'I PHYIR, SPANGS PAS BSDUS PA'I DAM CHOS YIN PA'I PHYIR TE, CHOS CAN DE'I PHYIR, 'DOD NA, RNAM DKAR GYI YON TAN DU THAL LO, , 'DOD NA, DGE BA YIN PAR THAL LO, ,'DOD NA, 'DUS MA BYAS KYI DGE BA YIN PAR THAL LO, ,'DOD NA, RANG BZHIN GNAS RIGS DGE BA YIN PAR THAL LO, ,'DOD NA, 'KHOR BA MI DGE BA YIN PAR THAL LO, ,'DOD NA, KHAMS GONG GI SAS
BSDUS KYI MI DGE BA YOD PAR THAL LO, ,'DOD NA, MDZOD LAS, DE LAS 'GYOD GNYID MI DGE RNAMS, ,BSAM GTAN DANG PO DAG NA MED, ,CES GSUNGS PA MI 'THAD PAR THAL LO, ,GZHAN YANG, 'GOG BDEN CHOS CAN, 'KHOR LOS SGYUR BA'I RGYAL PO'I 'KHOR LO RIN PO CHE DANG BYED LAS CHOS MTSUNGS PAR THAL, CHOS 'KHOR YIN PA'I PHYIR, 'DOD NA, DE RANG GI MI MTHUN PHYOGS 'JOMS BYED DU THAL LO, ,KHO NA RE, RNAM MKHYEN CHOS CAN, RANG GI MI MTHUN PHYOGS 'JOMS BYED ?, YIN PAR THAL, 'KHOR LO RIN PO CHE DANG BYED LAS CHOS MTSUNGS PA'I PHYIR, KHYAB PA KHAS, 'DOD NA, DE'I MI MTHUN PHYOGS YOD PAR THAL LO, ,'DOD NA, DE'I SPANG BYA YOD PAR THAL LO, ,ZER NA MA KHYAB, KHO NA RE, 'GOG BDEN CHOS CAN, RTOGS PA'I CHOS 'KHOR YIN PAR THAL, RTOGS PA'I CHOS DKON MCHOG YIN PA'I PHYIR NA MA KHYAB, KHA CIG ,BDEN BZHI DNGOS KYI BRJOD BYA'I GTZO BOR BYAS NAS STON PA'I MDO, BKA' DANG PO BDEN BZHI'I CHOS 'KHOR GYI MTSAN NYID, STONG NYID DNGOS KYI BRJOD BYA'I GTZO BOR BYAS NAS STON PA'I MDO, BKA' BAR BA MTSAN NYID MED PA'I CHOS 'KHOR GYI MTSAN NYID ZER BA MI 'THAD DE, BDEN BZHI DNGOS KYI BRJOD BYA'I GTZO BOR BYED PA'I SHER PHYIN GYI MDO DE 'KHOR LO DANG PO MA YIN PA'I PHYIR TE, DE THEG CHEN THUN MONG MA YIN PA'I MDO YIN PA'I PHYIR, DE BZHIN DU LUNG PHRAN TSEGS KYI NANG TSAN DU GYUR BA'I K'ATY'A YA NA LA GDAMS PA'I MDO NGES STONG NYID DNGOS KYI BRJOD BYA'I GTZO BOR BYAS NAS BSTAN KYANG, DE 'KHOR LO BAR
, ,BA MA YIN PA'I PHYIR TE, DE THEG CHEN THUN MONG MA YIN PA'I BSTAN BCOS MA YIN PA'I PHYIR, DES STONG NYID DNGOS SU BSTAN TE, RTZA SHE LAS, BCOM LDAN DNGOS DANG DNGOS MED PA, MKHYEN PAS K'ATY'A YA NA YI, ,GDAMS DAG LAS NI YOD PA DANG, ,MED PA GNYIS KA DGAG PAR MDZAD, ,CES GSUNGS PA'I PHYIR, DES BDEN BZHI DNGOS KYI BRJOD BYA'I GTZO BOR BYAS NAS STON PA'I THEG DMAN GYI MDO, 'KHOR LO DANG PO'I MTSAN NYID, CES ZER BA SOGS KYANG KHEGS PAR SHES PAR BYA'O, ,KHO NA RE, LUNG PHRAN TSOGS KYI NANG TSAN DU GYUR PA'I K'ATY'A YAN LA GDAMS PA'I MDO DE THEG DMAN THUN MONG MA YIN PA'I MDO MA YIN PAR THAL, DE THEG CHEN GYI MDO YIN PA'I PHYIR, KHYAB STE, THEG PA CHEN CHUNG GNYIS KYI MDO 'GAL BA'I PHYIR TE, RANG GI CHED DU BYA BA'I GDUL BYA THEG CHEN GYI RIGS CAN LA GTZO BOR DGONGS NAS GSUNGS PA'I MDO DANG, RANG GI CHED DU BYA BA'I GDUL BYA THEG DMAN GYI RIGS CAN LA GTZO BOR DGONGS NAS GSUNGS PA'I MDO GNYIS 'GAL BA'I PHYIR, ZER NA MI 'THAD DE, BCOM LDAN 'DAS KYI MDO CHOS CAN, RANG GI CHED DU BYA BA'I GDUL BYA THEG CHEN GYI RIGS CAN LA GTZO BOR DGONGS NAS GSUNGS PA'I MDO MA YIN PAR THAL, RANG GI CHED DU BYA BA'I GDUL BYA THEG DMAN GYI RIGS CAN LA GTZO BOR DGONGS NAS GSUNGS PA'I MDO YIN PA'I PHYIR, KHYAB PA KHAS, RTAGS GRUB STE, KHYOD MDO GANG ZHIG ,KHYOD KYI CHED DU BYA BA'I GDUL BYA THEG DMAN GYI RIGS CAN YOD PA'I PHYIR, RTAGS SLA, BSAL BA
DES RIGS 'GRE'O, ,GZHAN YANG, THEG PA CHE CHUNG GI MDO MI 'GAL TE, GSUNGS RAB YAN LAG BCU GNYIS KYI NANG TSAN DU GYUR PA'I GTAN LA DBAB PAR BSTAN PA'I SDE DE THEG PA CHE CHUNG THUN MONG PA'I SDE SNOD YIN PA'I PHYIR TE, KUN BTUS LAS, GTAN LA DBAB PAR BSTAN PA'I SDE NI GNYIS KA'I YANG CHOS MNGON PA'I SDE SNOD DO, ,ZHES GSUNGS PA'I PHYIR, KHA CIG ,DUS DANG POR GSUNGS PA'I MDO, 'KHOR LO DANG PO'I MTSAN NYID DU 'JOG PA YIN TE, DRANG NGES RNAM 'BYED LAS, SHUGS LA GNAS PA'I DON DE NYID DUS KYI RIM PA'I SGO NAS 'KHOR LO GSUM DANG SBYAR BA'I DRANG NGES SU 'GYUR TSUL, ZHES GSUNGS PA'I PHYIR NA MA KHYAB STE, DE NI DANG POR WA RA n'A SIR LNGA SDE LA GSUNGS PA'I BDEN BZHI'I CHOS 'KHOR DANG, BAR DU BYA RGOD PHUNG PO'I RING GSUNGS PA'I SHER PHYIN GYI MDO DANG, THA MAR YANGS PA CAN DU GSUNGS PA'I LEGS PAR RNAM PAR PHYE BA'I CHOS 'KHOR GSUM DUS KYI RIM PA'I SGO NAS 'JOG PA'I DON YIN PA'I PHYIR, DE LTAR MA YIN NA, DRANG NGES RNAM 'BYED LAS, DGONGS 'GREL LAS 'KHOR LO RIM PA GSUM GSUNGS PA NI, 'KHOR GYI 'DU THEBS DANG STON PA'I SKU TSE'I TSIGS LA SOGS PA'I NGOS NAS 'JOG PA MA YIN GYI, ZHES GSUNGS PA MI 'THAD PAR THAL, 'KHOR LO GSUM GYI KHYAD PAR DUS TSIGS KYI SGO NAS 'JOG RIGS PA'I PHYIR TE, KHYOD KYI MTSAN NYID 'THAD PA'I PHYIR, MTSAN NYID DE LTAR 'JOG PA DANG, 'DUL BA LUNG SDE BZHI 'KHOR LO DANG PO'I MTSAN GZHIR 'DOD PA NANG 'GAL TE, 'DUL BA RUNG MTHUN GYI MDO
, ,DE DUS DANG POR GSUNGS PA'I MDO YIN PAR THAL, DE 'KHOR LO DANG PO YIN PA'I PHYIR, KHYAB PA LHAS, 'DOD MI NUS TE, DE STON PA MYA NGAN LAS 'DA' KHAR GSUNGS PA'I PHYIR, RTAGS GRUB STE, 'DUL BA LUNG SDE BZHI PO DE DE YIN PA'I PHYIR, DE LTAR YANG, DRANG NGES RNAM 'BYED LAS, STON PA MYA NGAN LAS 'DA' KHAR 'DUL BA RUNG MTHUN ZHES BYA BA MDOR BSDUS SU GRAGS PA GCIG GSUNGS KYANG DE 'DIR NGES DON DU STON PA MA YIN LA, ZHES GSUNGS PA'I PHYIR, DES MTSON NAS DUS DANG POR GSUNGS PA'I SHER PHYIN GYI MDO CHOS CAN, 'KHOR LO DANG POR THAL, MTSAN NYID DE'I PHYIR, DE DER THAL, DE YOD PA'I PHYIR TE, STON PA MNGON PAR RDZOGS PAR SANGS RGYAS PA'I PHYI LO DPAL LDAN 'BRAS SPUNGS KYI MCHOD RTEN DU DUS 'KHOR RTZA RGYUD GSUNGS PA GANG ZHIG ,DE DANG DUS MNYAM DU BYA RGOD PHUNG PO'I RIR? SHER PHYIN GYI MDO GSUNGS PA'I PHYIR, DANG PO GRUB STE, DUS 'KHOR 'GREL CHEN LAS, SA GA'I NYA'I SKYA RENGS 'CHAR BA'I TSE BCOM LDAN 'DAS SH'AKYA THUB PA MNGON PAR RDZOGS PAR SANGS RGYAS TE, CHOS KYI 'KHOR LO BSKOR ZHING THEG PA GSUM BSTAN PAR MDZAD NAS, ZLA BA BCU GNYIS PA NAG PA'I NYAL SHR'IDHA NA KA tA KA RA CHOS KYI DBYINGS GSUNG GI DBANG PHYUG GI DKYIL 'KHOR GSUNGS, ZHES GSUNGS PA'I PHYIR, GNYIS PA GRUB STE, DUS 'KHOR RTZA RGYUD LAS, STON PAS BYA RGOD PHUNG PO RU, ,SHES RAB PHA ROL PHYIN TSUL BSTAN, ,MCHOD RTEN DPAL LDAN
'BRAS SPUNGS SU, ,DE BZHIN GSANG SNGAGS TSUL GSUNGS PA, ,ZHES GSUNGS PA'I PHYIR, GZHAN YANG, DE BZHIN GSHEGS PA'I SNYING PO'I MDO CHOS CAN, 'KHOR LO DANG PO YIN PAR THAL, DUS DANG POR GSUNGS PA'I MDO YIN PA'I PHYIR TE, STON PA SANGS RGYAS NAS LO BCU PA LA GSUNGS PAR MDO'I GLENG GZHI LAS 'BYUNG BA'I PHYIR, 'DOD MI NUS TE, DE DGONGS 'GREL LAS GSUNGS PA'I 'KHOR LO BAR BA DANG, GZUNGS RGYAL GYI 'KHOR LO THA MA YIN PA'I PHYIR, GZHAN YANG; MTSAN NYID DE MI 'THAD DE, STON PAS CHOS 'KHOR GSUM CIG CAR DU GSUNGS PA'I PHYIR DANG, DE THEG PA CHE CHUNG GI MDO CIG CAR DU GSUNGS PA'I PHYIR, DANG PO GRUB STE, GSANG BA BSAM GYIS MI KHYAB PA'I MDO LAS, ZHI BA'I BLO GROS DE LA GANG GI TSE; BCOM LDAN 'DAS GSUNG 'DI SKAD DU, KOOndI N+YA ,MIG MI RTAG GO ,ZHES BKA' STZAL PA DE LA MI RTAG PA'I SGRAS 'DUL BA RNAMS KYIS NI MIG MI RTAG GO ,ZHES THOS SO, ,SDUG BSNGAL GYI SGRAS 'DUL BA RNAMS KYIS NI MIG SDUG BSNGAL LO, ZHES THOS SO, ,ZHES GSUNGS PA'I PHYIR, GNYIS PA GRUB STE, MDO SDE'I RGYAN LAS, SNGAR LUNG MA BSTAN LHAN CIG 'BYUNG, ,SPYOD YUL MA YIN GRUB PA DANG, ,ZHES DANG, DE'I THAD KYI 'GREL PAR, LHAN CIG 'BYUNG ZHES PA NI NYAN THOS THEG PA CHEN PO DANG DUS MNYAM PAR STON PA YIN GYI PHYIS NI MA YIN NO, ,ZHES GSUNGS PA'I PHYIR, KHO NA RE, STON PAS MDZAD PA BCU GNYIS KYI TSUL CIG CAR DU BSTAN PAR THAL, DES CHOS 'KHOR GSUM CIG CAR DU BSKOR BA'I PHYIR, 'DOD NA, DES
, ,KHYIM NA GNAS PA'I MDZAD PA DANG RAB TU BYUNG PA'I MDZAD PA CIG CAR DU BSTAN PAR THAL LO, ,'DOD NA, KHYIM PA DANG RAB BYUNG GI GZHI MTHUN YOD PAR THAL LO, ,ZER NI MA KHYAB BO, ,KHO NA RE, STON PAS RGYAS 'BRING BSDUS GSUM CIG CAR DU GSUNGS PA DANG, DE CHOS PHUNG BRGYAD KHRI BZHI STONG CIG CAR DU GSUNGS PA DANG, DES 'DUL BA LUNG SDE BZHI CIG CAR DU GSUNGS PAR THAL, DES CHOS 'KHOR GSUM CIG CAR DU GSUNGS PA'I PHYIR NA THOG ? YIN, RANG GI BSTAN DON SGRA JI BZHIN DU KHAS BLANG DU RUNG BA'I MDO DE, NGES DON GYI MDO'I MTSAN NYID, DE LTAR MI RUNG BA'I MDO, DRANG DON GYI MDO'I MTSAN NYID, ZER NA, 'DUS BYAS MI RTAG PAR STON PA'I MDO CHOS CAN; DAS DON GYI MDO YIN PAR THAL, MTSAN NYID DE'I PHYIR, RTAGS GRUB STE, 'DUS BYAS MI RTAG PA YIN PA'I PHYIR, 'DOD MI NUS TE, 'DUS BYAS MI RTAG PA DRANG DON YIN PA'I PHYIR, KHA CIG ,DON DAM BDEN PA DNGOS BSTAN BSTAN BYA'I GTZO BOR BYAS NAS STON PA'I MDO, DES DON GYI MDO'I MTSAN NYID DANG, KUN RDZOB BDEN PA DNGOS BSTAN BSTAN BYA'I GTZO BOR BYAS NAS STON PA'I MDO, DRANG DON GYI MDO'I MTSAN NYID ZER NA, SHES RAB SNYING PO CHOS CAN, DES DON GYI MDO YIN PAR THAL, MTSAN NYID DE'I PHYIR, RTAGS GRUB STE, 'KHOR LO BAR BA YIN PA'I PHYIR, KHYAB STE, DGONGS 'GREL LAS, STONG PA NYID SMOS PA'I RNAM PAS, ZHES GSUNGS PA'I PHYIR, KHO NA RE, DRANG DON DNGOS KYI BSTAN
BYA'I GTZO BOR BYED PA'I NGES DON GYI MDO YOD PAR THAL, NGES DON DNGOS KYI BRJOD BYA'I GTZO BOR BYED PA'I DRANG DON GYI MDO YOD PA'I PHYIR NAM KHYAB, DE BZHIN DU KUN RDZOB BDEN PA BSTAN BYA'I GTZO BOR BYAS NAS STON PA'I MDO YIN NA, DRANG DON GYI MDO YIN PAS MA KHYAB STE, BRGYAD STONG PAS DE LTAR BSTAN PA'I PHYIR TE, DES MNGON PAR RTOGS PA BRGYAD BSTAN BYA'I GTZO BOR BYAS NAS BSTAN PA'I PHYIR TE, DES DE SHUGS LA BSTAN BYA'I STONG PA CHOS CAN, KUN RDZOB BDEN PA DNGOS BSTAN BSTAN BYA'I RTOGS KYI RIM PA BSTAN BYA'I GTZO BOR BYAS NAS BSTAN PA'I PHYIR, KHO NA RE, BRGYAD STONG PA CHOS CAN, KUN RDZOB BDEN PA DNGOS KYI BSTAN BYA'I GTZO BOR BYAS NAS BSTAN PAR THAL, LHAG PA SHES RAB KYI BSLAB PA DE LTAR BSTAN PA'I PHYIR NA MA KHYAB STE, RTZA BA SHES RAB CHOS CAN, GSAL BA DER THAL, 'DUS BYAS BDEN MED DU GRUB PA'I RIGS PA DE LTAR BSTAN PA'I PHYIR, KHYAB PA KHAS, KHO NA RE, BRGYAD STONG PA CHOS CAN, KUN RDZOB BDEN PA DNGOS BSTAN BSTAN BYA'I GTZO BOR BYAS NAS BSTAN PAR THAL, KHYOD KYI DNGOS BSTAN BSTAN BYA'I GTZO BOR GYUR PA'I KUN RDZOB BDEN PA YOD PA'I PHYIR NA MA KHYAB STE, MNGON RTOGS RGYAN GYI SKABS DANG PO CHOS CAN, KHYOD KYIS LAM SHES DNGOS BSTAN BSTAN BYA'I GTZO BOR BYAS NAS BSTAN PAR THAL, KHYOD KYI DNGOS BSTAN BSTAN BYA'I GTZO BOR GYUR PA'I LAM SHES YOD PA'I PHYIR, KHYAB PA KHAS, RTAGS GRUB STE, RNAM MKHYEN DE DE YIN PA'I PHYIR, DES MTSON NAS GZHAN YANG
, ,SHES PAR BYA'O, ,KHA CIG ,DON DAM YANG DAG 'PHAGS ZHUS KYI LE'U NGES DON GYI MDO YIN ZER NA, 'DI DAG LA BRTEN PA'I DOGS GCOD RGYAS PAR DRANG NGES RNAM 'BYED KYI THAD DU BSHAD PAS DER SHES PAR BYA'O,, KHA CIG ,GZUNGS RGYAL NAS GSUNGS PA'I GDUL BYA BKRI BA'I RIM PA GSUM PO DE LA 'KHOR LO GSUM GYI THA SNYAD MI BYED ZER BA MI 'THAD DE, DE BZHIN GSHEGS PA'I SNYING PO'I MDO DE DE NAS BSHAD PA'I 'KHOR LO THA MA YIN PA'I PHYIR TE; RGYUD BLA MAR YANG, SLAR YANG BLA MA'I RGYUD 'DIR NI, ,NYES PA LNGA DAG SPANGS PA'I PHYIR, ,ZHES PA'I THAD KYI DAR t'IKA LAS, SLAR YANG BLA MA'I RGYUD DE RGYUD PHYI MA 'KHOR LO THA MA DE BZHIN GSHEGS PA'I SNYING PO'I MDO 'DIR NI, ZHES GSUNGS PA'I PHYIR, ` GNYIS PA RANG LUGS LA CHOS 'KHOR SPYI'I RNAM GZHAG BSHAD BA DANG, LUNG GI CHOS 'KHOR BYE BRAG TU BSHAD PA GNYIS LAS, DANG PO LA, NGO BO, DBYE BA, DRANG NGES KYI DON, CHOS PHUNG GI TSAD, SKOR CHU LA, SGRA BSHAD PA'O, ,DANG PO NI, BYE BRAG SMRA BA KHA CIG ,MTHONG LA MKHON CHOS 'KHOR DU 'DOD DE, LNGA SDE'I RGYUD LA MTHONG LAM SKYES PA'I TSE, LHA RNAMS KYIS AA LA LA DANG 'DZAM BU'I GLING DU CHOS KYI 'KHOR LO BSKOR RO,, ZHES BSHAD PA'I PHYIR, BYE BRAG SMRA PA KHA CIG ,MTHONG LAM KHO NA CHOS 'KHOR DU 'DOD DE, 'KHOR LO RIN PO CHE DANG CHOS MTSUNGS PA MTHONG LAM KHO NA LA YOD PA'I PHYIR TE, MTHONG LAM GYIS BDEN PA MNGON SUM DU RTOGS PAS 'KHOR
LO MYUR DU 'GRO BA DANG CHOS MTSUNGS PA'I PHYIR DANG, KHAMS GONG MA'I BDEN PA LA DMIGS PAS MTHO BA LA 'PHAR BA DANG CHOS MTSUNGS, KHAMS 'OG MA'I BDEN PA LA DMIGS PAS DMA' BA LA 'BAB PA DANG CHOS MTSUNGS, BAR CHAD MED LAM GYIS SPANG BYA'I SA BON GCOD PAS MA RGYAL BA LAS RGYAL BA DANG CHOS MTSUNGS, RNAM GROL LAM GYIS BRAL THOB 'DZIN PAS RGYAL BA RNAL DU 'GOD PA DANG CHOS MTSUNGS PA'I PHYIR, ZHES 'DOD, BTZUN PA DBYANGS SGROG NA RE, 'PHAGS LAM YAN LAG BRGYAD KHO NA CHOS 'KHOR YIN TE, 'KHOR LO RIN PO CHE DANG CHOS MTSUNGS PA DE KHO NA LA YOD PA'I PHYIR TE, YANG DAG PA'I LTA BA, RTOG PA, RTZOL BA GSUM NI GCOD PAR BYED PA'I RTZIBS DANG CHOS MTSUNGS TE, DE GSUM SHES RAB KYI BSLAB PA YIN PAS, RANG GI MI MTHUN PHYOGS 'JOMS PAR BYED PA'I PHYIR, DAG ;LAS KYI MTHA', 'TSO BA GSUM NI RTEN PAR BYED PA'I LTE BA DANG CHOS MTSUNGS TE, DE GSUM TSUL KHRIMS KYI BSLAB PA YIN PAS BSLAB PA GZHAN GNYIS KYI RTEN BYED PA'I PHYIR, DRAN PA DANG, TING NGE 'DZIN GNYIS SDUD PAR BYED PA'I MU KHYUD DANG CHOS MTSUNGS TE, DE GNYIS TING NGE 'DZIN GYI BSLAB PA'I NANG DU 'DU BAS SEMS DMIGS PA LA SDUD BYED YIN PA'I PHYIR; ZHES 'DOD DE, MDZOD LAS, CHOS KYI 'KHOR LO MTHONG BA'I LAM, ,MYUR BAR 'GRO SOGS RTZIBS SOGS KYIS, ,ZHES GSUNGS PA'I PHYIR, ` RANG LUGS NI, BKA' DANG LAM ZHUGS KYI MNGON PAR RTOGS PA GANG RUNG GIS
, ,BSDUS PA'I RNAM DKAR GYI YON TAN, CHOS 'KHOR GYI NGO BO, GNYIS PA NI, DE LA LUNG GI CHOS 'KHOR DANG, RTOGS PA'I CHOS 'KHOR GNYIS SU YOD, SANGS RGYAS KYIS BKAS BSDUS BA'I RNAM DKAR GYI YON TAN; DANG PO'I MTSAN NYID, DBYE NA, SANGS RGYAS KYI BKAS BSDUS PA'I SDE SNOD GSUM DANG, GSUNG RAB YAN LAG BCU GNYIS YOD, GSUNG RAB YAN LAG BCU GNYIS NI, 'GREL CHEN LAS, MDO SDE DBYANGS BSNYAD LUNG BSTAN DANG; ;TSIGS BCAD CHED BRJOD RTOGS PA BRJOD, ,DE LTAR BYUNG DANG GLENG GZHI DANG, ,SHIN TU RGYAS PA SKYES RABS BCAS, ,GTAN LA PHAB RMAD BYUNG CHOS TE, ,DE LTAR YAN LAG BCU GNYIS GSUNGS, ,ZHES GSUNGS SHING, DE YANG BSDU NA; SDE SNOD GSUM DU 'DU STE, DANG PO LNGA PO DE THEG DMAN GYI MDO SDE'I SDE SNOD DU 'DU, RTOGS BRJOD, DE LTAR BYUNG BA, GLENG GZHI, SKYES RABS BZHI NI 'DUL BA'I SDE SNOD DANG, RMAD DU BYUNG BA, SHIN TU RGYAS PA GNYIS NI THEG CHEN GYI MDO SDE'I SDE SNOD DANG, GTAN LA PHAB PA NI GNYIS KA'I MNGON PA'I SDE SNOD DU 'DU BA'I PHYIR, MDO SDE KHA CIG TU, GSUNG RAB YAN LAG DGU ZHES 'BYUNG BA NI GTZO BO GLENG GZHI'I SDE DANG, 'KHOR RTOGS BRJOD DANG, DE LTAR BYUNG BA SKYES RABS KYI SDE DANG BCAS PA GTZO BO BZHI GCIG TU 'DREN PA YIN TE, DE LTAR LANG GSHEGS KYI 'GREL PAR BSHAD BA'I PHYIR, YANG DE LA BKA' DANG PO BDEN BZHI'I CHOS 'KHOR, BAR BA MTSAN NYID MED PA'I CHOS 'KHOR, THA MA
LEGS PAR RNAM PAR PHYE BA'I CHOS 'KHOR DANG GSUM LAS, BDEN BZHI DNGOS KYI BRJOD BYA'I GTZO BOR BYAS NAS STON PA'I THEG DMAN THUN MONG MA YIN PA'I MDO, DANG PO'I MTSAN NYID, CHOS KYI 'KHOR LO'I MDO LTA BU, STONG NYID DNGOS KYI BRJOD BYA'I GTZO BOR BYAS NAS STON PA'I THEG CHEN THUN MONG MA YIN PA'I MDO, GNYIS PA'I MTSAN NYID, DE LA DRANG NGES KYI CHA GNYIS YOD DE, SHES RAB SNYING PO DRANG DON DANG, RGYAS 'BRING BSDUS GSUM NGES DON GYI MDO YIN PA'I PHYIR; MTSAN NYID GSUM LA SEMS TZAM PA'I 'DOD PA LTAR GYI BDEN PAR YOD MED KYI KHYAD PAR GSAL BAR PHYE NAS STON BA'I SEMS TZAM PA'I THUN MONG MA YIN PA'I MDO, GSUM PA'I MTSAN NYID, MDO SDE DGONGS 'GREL LTA BU, LAM ZHUGS KYI MNGON PAR RTOGS PAS BSDUS BA'I RNAM DKAR GYI YON TAN, RTOGS PA'I CHOS 'KHOR GYI NGO BO, DBYE NA, LAM ZHUGS KYI MNGON PAR RTOGS PAS BSDUS PA'I BSLAB PA GSUM YOD, GSUM PA NI, STONG NYID DNGOS KYI BRJOD BYA'I GTZO BOR BYAS NAS STON PA'I SGRA JI BZHIN DU KHAS BLANG DU RUNG BA'I MDO, NGES DON GYI MDO'I MTSAN NYID, KUN RDZOB BDEN PA DNGOS KYI BRJOD BYA'I GTZO BOR BYED PA'I MDO DANG, SGRA JI BZHIN DU KHAS BLANG DU MI RUNG BA'I MDO GANG RUNG DU DMIGS PA, DRANG DON GYI MDO'I MTSAN NYID, BZHI PA NI, BYE BRAG SMRA BA KHA CIG ,SHLOOKA STONG PHRAG DRUG DRUG LA CHOS PHUNG RE RE'I TSAD DU 'JOG STE, SH'A RI'I BUS MDZAD PA'I CHOS KYI PHUNG PO ZHES PA'I BSTAN BCOS DE CHOS PHUNG GCIG GI TSAD YIN PAS DE LA DE
, ,LTAR YOD PA'I PHYIR, ZHES ZER, KHA CIG ,PHUNG KHAMS SKYE MCHED LAS BRTZAMS PA'I GTAM RGYUD CHA TSANG BA RE STON PA'I GSUNG RAB LA CHOS PHUNG RE RE'I TSAD DU 'JOG GO ,ZHES ZER TE, MDZOD LAS, KHA CIG BSTAN BCOS TSAD CES ZER, ,PHUNG PO LA SOGS GTAM RE YIN, ,ZHES GSUNGS, RANG LUGS NI, NYON MONGS PA RE RE LA GNYEN PO CHA TSANG BA RE STON BA'I GSUNG RAB LA CHOS PHUNG RE RE'I TSAD DU 'JOG STE, MDZOD LAS, SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ,ZHES DANG, RGYAN SNANG LAS, MDOR NA, GANG DU 'DOD CHAGS LA SOGS PA BRGYAD KHRI BZHI STONG LA SPYOD PA RE RE'I GNYEN PO RDZOGS PAR STON PA'I GZHUNG CI RTZAM GYIS YONGS SU RDZOGS PAR 'GYUR BA DE TZAM GYI GZHUNG GI TSOGS LA CHOS KYI PHUNG PO ZHES BYA'O, ,ZHES DANG, 'DIR YANG, SPYOD PA'I GNYEN POR CHOS KYI 'KHOR LO MA LUS PA RNAM PA THAMS CAD BSKOR BAR MDZAD BA, ZHES GSUNGS PA'I PHYIR, KUN BTUS LTAR NA CHOS PHUNG RE LA SHLOO KA STONG PHRAG RE RE, SPYIR BSDOMS NA TSIGS BCAD BYE BA BRGYAD DANG, 'BUM PHRAG BZHI BCUR YOD DO, ,TSIGS BCAD LA YANG MI MTHUN PA MANG YANG, RANG LUGS LA TSEG BAR RGYA YIG GI DBANG DU BYAS NA SO GNYIS DANG, BOD YIG GI DBANG DU BYAS NA NYER BRGYAD RE LA TSIGS BCAD RE RE BYA'O, ,THEG CHEN THUN MONG MA YIN PA'I DBANG DU BYAS NA GLANG PO CHES LA RAB BRTAN GYIS BKUR BAR 'OS BA'I SNAG TSAS CHOS KYI PHUNG PO GCIG 'BRI BAR NUS SO, ,ZHES GSUNGS,
DE LTAR NA, 'DZAM BU'I GLING 'DIR DE TZAM MI SNANG BA CI YIN ZHE NA, 'JIG RTEN GYI KHAMS GZHAN RNAMS DANG, KLU RNAMS KYI GNAS NA BZHUGS TE 'JIG RTEN GYI MUN PA SEL BAR BYED PA YIN TE, SLOB SBRING LAS, BSTAN PA RIN CHEN MCHOG LTAR BZANG LA 'PHAN MED PA, ,RNAM PAR DAG TSUL GANG YIN KLU MGO'I GDENGS KA CAN, ,CHEN PO RNAMS KYIS GTZUG GI RGYAN BZHIN GUS MNOS NAS, ,SA YI GTING NA GNAS PA'I RAB RIB SEL BAR MDZAD, ,CES GSUNGS PA'I PHYIR, LTA BA NI; STON BAS CHOS 'KHOR GSUM CIG CAR DU'ANG GSUNGS, RIM CAN DU YANG GSUNGS TE, DES CIG CAR DU BSKOR BA'I CHOS 'KHOR GSUM YANG YOD PA'I PHYIR, RTAGS SLA'O, ,DRUG PA NI, SANGS RGYAS BCOM LDAN 'DAS KYIS GDUL BYA'I RGYUD KYI MI MTHUN PHYOGS GCOD PA'I PHYIR DU GSUNGS PA'I BKA' DANG LAM ZHUGS KYI MNGON PAR RTOGS PAS BSDUS PA'I DAM CHOS RNAMS CHOS CAN, KHYOD LA CHOS 'KHOR ZHES BRJOD BA'I RGYU MTSAN YOD DE, KHYOD CHOS KYANG YIN, 'KHOR LOS SGYUR BA'I RGYAL PO'I 'KHOR LO RIN PO CHE DANG BYED LAS CHOS MTSUNGS PA YANG YIN PA'I RGYU MTSAN GYIS DE LTAR BRJOD BA'I PHYIR, DE DANG MTSUNGS PA YIN TE, 'KHOR LOS SGYUR BA'I RGYAL PO'I 'KHOR LO RIN PO CHE DE YUL GZHAN NAS GZHAN DU RIM GYIS 'PHO ZHING, RANG GI MI MTHUN PHYOGS LAS RGYAL BAR BYED PA LTAR, KHYOD RNAMS KYANG GDUL BYA'I RGYUD LA RIM GYIS 'PHO ZHING 'DOD CHAGS LA SOGS PA'I MI MTHUN PHYOGS LAS RGYAL BAR BYED PA'I PHYIR, DE LTAR YANG, GZHI BSDU
, ,BAR; BCOM LDAN 'DAS KYIS KYANG KUN SHES KO'U DI N+YA'I RGYUD LA KUN SHES BA'I CHOS NYID DANG MTHUN PAR BSKOR LA, DE YANG GZHAN LA MTHUN PAR BSKOR BAR 'GYUR BA DANG, DE DAG KYANG GZHAN DAG LA MTHUN PAR BSKOR BAR 'GYUR TE, DE BAS NA GCIG NAS GCIG BRGYUD DE MTHUN BAR BSKOR BA'I DON GYIS 'KHOR LO ZHES BYA'O, ,YANG DAG PA'I LTA BA LA SOGS PA'I CHOS KYI RANG BZHIN YIN PAS NA CHOS KYI 'KHOR LO'O, ,ZHES GSUNGS BA LTAR RO; ;GNYIS PA LUNG GI CHOS 'KHOR BYE BRAG DU BSHAD PA LA, 'KHOR LO RIM PA GSUM GYI MING GI THA SNYAD DNGOS SU GSUNGS PA DON ZAB DGONGS PA NGES 'GREL LAS 'BYUNG BA'I TSUL DANG, 'KHOR LO RIM PA GSUM GYI MING GI THA SNYAD DNGOS SU MA GSUNGS KYANG GDUL BYA BKRI BA'I RIM PA GSUM GYI SGO NAS STON PA 'PHAGS PA GZUNGS KYI DBANG PHYUG RGYAL BO'I MDO LAS GSUNG TSUL GNYIS LAS, DANG PO LA, BSHAD BYA'I MDO 'GOD PA DANG, MDO'I DON BSHAD PA GNYIS LAS; DANG PO NI, MDO SDE DGONGS 'GREL LAS, BCOM LDAN 'DAS KYIS DANG POR YUL WA RA n'A SRI DRANG SRONG SMRA BA RI DVAGS KYI NAGS SU NYAN THOS KYI THEG PA LA YANG DAG PAR ZHUGS PA RNAMS LA 'PHAGS PA'I BDEN PA BZHI'I RNAM PA BSTAN PAS, CHOS KYI 'KHOR LO NGO MTSAR RMAD DU BYUNG BA SDON LTAR GYUR PA 'AM MIR GYUR BSDUS KYANG MTHUN BAR 'JIG RTEN NAM BSKOR BA GCIG RAB TU BSKOR TE, BCOM LDAN 'DAS KYIS CHOS KYI 'KHOR LO RAB TU BSKOR BA DE YANG BLA NA
MCHIS PA, SKABS MCHIS PA, DRANG BA'I DON, RTZOD PA'I GZHI'I GNAS SU GYUR BA LAGS, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS THEG PA CHEN PO LA YANG DAG PAR ZHUGS PA RNAMS LA STONG PA NYID SMOS BA'I RNAM BAS CHES RO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS BA, SKABS MCHIS PA, DRANG BA'I DON, RTZOD PA'I GZHI'I GNAS SU GYUR PA LAGS KYI, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS BA NYID? LAS BRTZAMS NAS THEG BA THAMS CAD LA YANG DAG BAR ZHUGS PA RNAMS LA LEGS BAR RNAM PAR PHYE BA DANG LDAN PAS NGO MTSAR RMAD DU BYUNG BA'I CHOS KYI 'KHOR LO GSUM PA BSKOR TE, BCOM LDAN 'DAS KYIS CHOS KYI 'KHOR LO BSKOR BA 'DI NI BLA NA MA MCHIS PA, SKABS MA MCHIS PA, DES BA'I DON LAGS KYI, RTZOD PA'I GZHI'I GNAS SU GYUR PA MA LAGS SO, ,ZHES GSUNGS, GNYIS PA LA, MDO'I TSIG DON BSHAD PA DANG, DRANG NGES KYI 'DOD TSUL BSHAD PA GNYIS LAS, DANG PO LA, GRUB DON DANG PO DANG, BAR BA DANG, THA MA'I TSIG DON BSHAD PA
, ,DANG GSUM LAS, DANG PO NI, DUS DANG POR LNGA SDE LA GSUNGS BA'I BDEN BZHI'I CHOS 'KHOR CHOS CAN, KHYOD GSUNG NGO? BA'I STON PA DAL GNAS DANG DUS LA SOGS PA YOD DE, STON PA SH'AKYA THUB BAS DUS DANG POR YUL WA RA n'A SIR DRANG SRONG LHUNG BA RI DVAGS RGYU BA'I TSAL DU KHYOD GSUNGS BA'I PHYIR, DE CHOS CAN, KHYOD KYI CHEN DU BYA BA'I GDUL BYA YOD DE, NYAN THOS KYI RIGS CAN BYE BRAG SMRA BA DAR MDO SDE BA SOGS DE YIN BA'I PHYIR, DE CHOS CAN, KHYOD KYI BRJOD BYA YOD DE, 'PHAGS PA'I BDEN PA BZHI PO DE DE YIN BA'I PHYIR, DE CHOS CAN, KHYOD LA BLA NA MCHIS PA ZHES BRJOD PA'I RGYU MTSAN YOD DE, KHYOD KYI GONG NA NGES DON GYI MDO GZHAN YOD PA'I PHYIR, KHYOD LA SKABS MCHIS PA ZHES BRJOD PA'I RGYU MTSAN YOD DE, KHYOD KYI SGRA JI BZHIN PA LA RGOL BA GZHAN GYI KLAN KA'I SKABS YOD PA'I PHYIR, KHYOD LA DRANG BA'I DON ZHES BRJOD BA'I RGYU MTSAN YOD DE, KHYOD KYI SGRAS ZIN GYI DON DE GZHAN DU DRANG DGOS BA'I PHYIR, KHYOD LA RTZOD BA'I GZHI'I GNAS SU GYUR PA LAGS ZHES BRJOD BA'I RGYU MTSAN YOD DE, KHYOD KYIS MTSAN NYID GSUM LA BDEN PAR YOD MED KYI KHYAD PAR TSIG ZIN LA MA PHYE BAS DON LA MI MTHUN PA'I RTZOD PA 'BYUNG BA'I RGYU MTSAN GYIS DE LTAR BRJOD PA'I PHYIR, GNYIS PA NI, 'KHOR LO BAR PA CHOS CAN, KHYOD KYIS BRJOD BYA YOD DE, KUN BTAGS KYIS BSDUS PA'I CHOS RNAMS RANG GI MTSAN NYID KYIS MA GRUB CING, GZHAN DBANG DANG YONGS GRUB KYIS BSDUS PA'I CHOS
RNAMS RANG GI MTSAN NYID KYIS GRUB PA DE DE YIN PA'I PHYIR, DE CHOS CAN, KHYOD KYI CHED DU BYA BA'I GDUL BYA YOD DE, MDO GZHAN GYIS DGONGS PA BKRAL BA LA MI LTOS PAR MTSAN NYID MED PA'I CHOS 'KHOR GYI DGONGS PA RDZOGS PAR RTOGS NUS PA'I GDUL BYA THEG CHEN GYI RIGS CAN DBANG RNON DE DE YIN PA'I PHYIR, DE CHOS CAN, KHYOD LA STONG PA NYID SMOS PA'I RNAM PAS ZHES BRJOD PA'I RGYU MTSAN YOD DE, KHYOD KYIS NGO BO NYID GSUM GYI RNAM GZHAG DE SGRAS ZIN LAM BSTAN PAR SHUGS BSTAN BSTAN BYA'I GTZO BOR BYAS NAS BSTAN PAS DE LTAR BRJOD PA'I PHYIR, DE LTAR YANG RGYA NAG 'GREL CHEN LAS, MI MNGON BA'I RNAM BAS, ZHES GSUNGS PA'I PHYIR, BLA NA MCHIS PA ZHES SOGS KYI DON YANG SDANG BZHIN NO, ,GSUM BA NI; 'KHOR LO THA MA CHOS CAN, KHYOD KYI BRJOD BYA YOD DE, KUN BTAGS KYIS BSDUS BA'I CHOS RNAMS RANG GI MTSAN NYID KYIS MA GRUB CING, GZHAN DBANG DANG YONGS GRUB KYIS BSDUS PA'I CHOS RNAMS RANG GI MTSAN NYID KYIS GRUB PA DE DE YIN PA'I PHYIR, DE CHOS CAN, KHYOD KYI CHED DU BYA BA'I GDUL BYA DE LA THEG PA THAMS CAD LA YANG DAG BAR ZHUGS BA ZHES BRJOD BA'I RGYU MTSAN YOD DE, DE LA THEG PA CHE CHUNG GI RIGS CAN GNYIS KA YOD PAS DE LTAR BRJOD PA'I PHYIR, DE CHOS CAN, KHYOD LA LEGS BAR RNAM BAR PHYE BA ZHES BRJOD PA'I RGYU MTSAN YOD DE, KHYOD KYIS MTSAN NYID GSUM LA RANG GI MTSAN NYID KYIS GRUB MA GRUB KYI KHYAD PAR GSAL BAR PHYE NAS BSTAN BA'I RGYU MTSAN GYIS DE LTAR BRJOD PA'I PHYIR, DE CHOS CAN, KHYOD
, ,LA BLA NA MA MCHIS PA ZHES BRJOD PA'I RGYU MTSAN YOD DE, KHYOD KYI GONG NA NGES DON GYI MDO GZHAN MED PA'I RGYU MTSAN GYIS DE LTAR BRJOD BA'I PHYIR, DE CHOS CAN, KHYOD LA SKABS MA MCHIS PA ZHES BRJOD BA'I RGYU MTSAN YOD DE, KHYOD KYI SGRA JI BZHIN PA LA RGOL BA GZHAN GYI KLAN KA'I SKABS MED BAS NA DE LTAR BRNGOD PA'I PHYIR, DE CHOS CAN, KHYOD LA NGES PA'I DON ZHES BRJOD PA'I RGYU MTSAN YOD DE, KHYOD KYI SGRAS ZIN GYI DON GZHAN DU DRAD? MI DGOS PAR SGRA JI BZHIN DU KHAS BLANG DU RUNG BA'I RGYU MTSAN GYIS DE LTAR BRJOD BA'I PHYIR, KHYOD LA RTZOD BA'I GZHI'I GNAS SU GYUR BA MA LAGS ZHES BRJOD PA'I RGYU MTSAN YOD DE, KHYOD KYIS NGO BO NYID GSUM LA RANG GI MTSAN NYID KYIS YOD MED KYI KHYAD PAR GSAL BAR PHYE NAS BSTAN PAS DON LA MI MTHUN PA'I RTZOD PA MI 'BYUNG BA'I RGYU MTSAN GYIS DE LTAR BRJOD PA'I PHYIR, 'DI NI BLA NA MA MCHIS PA ZHES BA'I NYE TSIG SMOS PA'I MTSAN GZHIR DON DAM YANG DAG 'PHAGS ZHUS KYI LE'U 'DI NYID 'DZIN PA YIN GYI, MDO SDE DGONGS 'GREL RIL BO 'DZIN BA MI 'THAD DE, MDO DER, DGONGS PA NGES 'GREL, CHOS 'PHAGS, BLO GROS RNAM DAG ,RAB 'BYOR, BLO GROS YANGS PA, YON TAN 'BYUNG GNAS, DON DAM YANG DAG 'PHAGS, BYAMS PA, SPYAN RAS GZIGS, 'JAM DBYANGS TE SA BCU'I DBANG PHYUG GI BYANG SEMS KYI TSUL BZUNG BA'I STON PA'I 'KHOR RNAM PA BCUS STON PA LA DRI BA MI 'DRA BA RE RE MDZAD BA'I DRIS LAN GZHAN RNAMS 'DI'I MTSAN
GZHIR 'BREL MED DE, BCOM LDAN 'DAS KYIS MTSAN NYID GSUM LA BDEN PAR YOD MED KYI KHYAD PAR GSAL BAR PHYE NAS LAN MDZAD PA DON DAM YANG DAG 'PHAGS ZHUS KYI LE'U KHO NA LA YOD KYI GZHAN RNAMS SU MED BA'I PHYIR, GNYIS PA LA; MDO 'DI'I DON LA SHING RTA CHEN PO RNAMS KYI BZHED PA MI 'DRA BA DU MA BYUNG STE, 'PHAGS PA THOGS MED GYIS THEG CHEN GYI RIGS CAN DU MA RJES SU GZUNG BA'I PHYIR DU RNAM PAR RIG PA TZAM GYI SHING RTA'I SROL PHYE BA'I RJES SU 'BRANGS BA'I SEMS TZAM PA RNAMS NI, MDO 'DI LAS 'KHOR LO GSUM GYI DRANG NGES 'DI LTAR DU PHYE BA DANG, MTHAR THUG THEG PA GSUM DU GSUNGS PA RNAMS SGRA JI BZHIN BAR BZHED LA, 'PHAGS PA THOGS MED KYIS RGYUD BLA MA'I 'GREL PAR BKRAL BA DANG, KLU SGRUB KYI RJES 'BRANG GI THAL 'GYUR PA RNAMS NI MDO SDE 'DI LAS DRANG NGES 'DI LTAR PHYE BA SGRA JI BZHIN BA MA YIN TE, 'KHOR LO THA MA LA DRANG DON GYI MDOS KHYAB PA DANG, 'KHOR LO BAR NGA LA NGES DON GYI MDOS KHYAB PA DANG, 'KHOR LO DANG PO LA DRANG NGES KYI CHA GNYIS SU YOD PAR BZHED CING, RANG RGYUD PA RNAMS KYIS 'KHOR LO DANG PO DANG THA MA GNYIS LA DRANG DON GYI MDOS KHYAB PA DANG, BAR BA LA DRANG NGES KYI CHA GNYIS SU YOD BAR BZHED BA'I PHYIR, DBU SEMS GNYIS SHER PHYIN GYI MDO'I DRANG NGES KYI KHYAD PAR MI 'DRA YANG, GRUB DON GYI MDO TSAN GNYIS PA'I SKABS NAS BSTAN PA'I 'KHOR LO BAR BA'I MTSAN GZHIR BZHED PA LA KHYAD BAR MED DE, SEMS TZAM BA RNAMS KYIS RGYAS 'BRING BSDUS GSUM DE DE'I SKABS NAS
, ,DNGOS SU BSTAN PA'I 'KHOR LO BAR PA'I MTSAN GZHIR BZHAD CING DRANG DON GYI MDOR BZHED KYI, DBU MA PA RNAMS KYIS DE DE'I SKABS NAS DNGOS SU BSTAN PA'I 'KHOR LO BAR PA'I MTSAN GZHIR BZHED CING DES DON GYI MDOR BZHED PA'I PHYIR, ZHI BA 'TSO YAB SRAS KYI LUGS LA, MDO SDE DGONGS 'GREL DBU MA PA'I BKA' YIN TE, DE YUM RGYAS 'BRING BSDUS GSUM NGES DON GYI MDOR GZHUNG GTZUGS NAS BSGRUB PA'I PHYIR DU GSUNGS PA'I DBU MA BA'I BKA' YIN PA'I PHYIR TE, KUN BTAGS DON DAM PAR RANG GI MTSAN NYID KYIS MA GRUB BA DGONGS 'GREL LAS KUN GTAGS MTSAN NYID NGO BO NYID MED PAR GSUNGS PA'I DON DU SLOB DPON LEGS LDAN 'BYED BZHED PA BZHIN DU, SLOB DPON 'DIS KYANG GANG ZAG DANG PHUNG PO BDEN PAR GRUB PA KUN BTAGS YIN LA, DE LA NGO BO CUNG ZAD KYANG MED PA KUN BTAGS MTSAN NYID NGO BO NYID MED PA'I DON DU DGONGS 'GREL LAS GSUNGS PAR BZHED PA'I PHYIR TE, DBU MA SNANG BA LAS, DE'I DON DU BCOM LDAN 'DAS KYIS SKYE BA MED BA LA SOGS PA GSUNGS PA YANG DON DAM PA'I DBANG DU MDZAD NAS BSHAD PA KHO NAR RJOD CING NGO BO NYID MED PA RNAM BA GSUM GYI DGONGS PA BSTAN NAS DBU MA'I LAM MTHA' GNYIS DANG BRAL BAR RAB TU GSAL BA'I PHYIR NGES PA'I DON KHO NAR GZHUNG 'DZUGS PAR MDZAD DO, ,ZHES GSUNGS BA'I PHYIR, DE LTAR YIN YANG, DE NGES DON GYI MDO MA YIN TE, NGES DON GYI MDO LA SGRA JI BZHIN
PAS KHYAB PA'I PHYIR TE, DE NYID LAS, NGES BA'I DON KYANG GANG LA BYA ZHE NA TSAD MA DANG BCAS PA DANG DON DAM PA'I DBANG DU MDZAD NAS BSHAD PA GANG YIN PA STE, DE NI DE LAS LOGS SHIG TU GZHAN GYIS GANG DU YANG DRANG BAR MI NUS, ZHES GSUNGS PA'I PHYIR, 'PHAGS SENG GNYIS KYI LUGS LA, DE DBU MA PA'I BKA' MA YIN TE, DE SEMS TZAM PA'I THUN MONG MA YIN PA'I BKA' YIN PA'I PHYIR, RGYAS PAR NI DRANG NGES RNAM 'BYED KYI MTHA' DPYOD DU BSHAD ZIN PAS DER BLTA'O, ` ,GNYIS PA GZUNGS RGYAL GYIS GSUNGS PA'I TSUL LA BSHAD BYA'I MDO 'GOD PA, DE'I DON BSHAD PA GNYIS LAS, DANG PO NI, MDO DE NYID LAS, RIGS KYI BU 'DI LTA STE, DPER NA NOR BU MKHAN MKHAS PA NOR BU SPYOD TSUL LEGS PAR SHES PA DES NOR BU RIN PO CHE'I RIGS NAS YONGS SU MA DAG PA'I NOR BU RIN PO CHE BLANGS TE, LAN TSVA'I KHU BA RNON POS SPANGS TE SKRA'I RE BA'I YONGS SU SPYOD BAS SPYOD BAR BYED DO, ,DE CAM GYIS BRTZON BA 'DOR PA YANG MA YIN TE; DE'I 'OG TU ZAS KYI KHU BA RNON POS SPANGS NAS BAL GYI LA BA'I YONGS SU SBYONG BAS SBYONG BAR BYED DO, ,DE TZAM GYIS BRTZON PA DOR BA YANG MA YIN TE, DE'I 'OG TU SMAN CHEN PO'I KHU BAS SPANGS SNA RAS SRAB MO'I YONGS SU SPYOD BAS SPYOD BAR BYED DO, ,YONGS SU SBYANGS TE DRI MA DANG BRAL BA NA BEEd'URYA'I RIGS CHEN PO ZHES BYA'O, ,RIGS KYI BU DE BZHIN DU DE BZHIN GSHEGS PAS KYANG YONGS SU MA DAG PA'I SEMS CAN GYI KHAMS MKHYEN NAS, MI RTAG PA DANG, SDUG BSNGAL
, ,BA DANG, BDAG MED PA DANG, MI GTZANG BAS YID 'BYUNG BA'I GTAM GYIS 'KHOR BA LE DGA' BA'I SEMS CAN RNAMS 'KHOR BA LAS SKYOB BSKYED PAR MDZAD DE, 'PHAGS PA'I CHOS 'DUL BA LA 'DZUD PAR MDZAD DO, ,DE TZAM GYIS DE BZHIN GSHEGS PAS BRTZON PA 'DOR BA YANG MA YIN TA, DE'I 'OG TU STONG PA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I TSUL RTOGS PAR MDZAD DO, ,DE TZAM GYIS DE BZHIN GSHEGS PAS BRTZON PA 'DOR PA YANG MA YIN TE, DE'I 'OG TU PHYIR MI LDOG PA'I 'KHOR LO'I GTAM 'KHOR GSUM YONGS SU DAG PA'I GTAM GYIS RANG BZHIN SNA TSOGS PA'I RGYU CAN GYI SEMS CAN RNAMS DE BZHIN GSHEGS PA'I YUL LA 'DZUD PAR MDZAD DO, ,ZHUGS PAR GYUR NAS DE BZHIN GSHEGS PA'I CHOS NYID DU RTOGS PA NA BLA NA MED PA'I YON GNAS CHEN PO ZHES BRJOD PA YIN PA'I PHYIR ZHES BYA'O, ,ZHES GSUNGS, GNYIS PA LA, MDO'I TSIG DON BSHAD PA DANG, DON BSDUS TE BSHAD PA GNYIS LAS, DANG PO LA, DPE BSHAD PA DANG, DON BSHAD PA GNYIS LAS, DANG PO NI, NOR BU MKHAN MKHAS PAS NOR BU SPYOD BA'I TSUL DE LA GSUM YOD DE, DANG POR NOR BU RIN PO CHE'I RIGS RGYA MTSO CHEN PO'I 'JIM? RDUL LA SOGS PAS YONGS SU MA DAG PA'I GONG BU BLANGS TE, LAN TSVA'I KHU BA STE RGYA CHE'I CHU LA SBANGS TE SKRA'I RE BAS YONGS SU SBYOD BAR BYED, DE TZAM GYIS BRTZON PA MI 'DOR? LA, DE'I 'OG TU ZAS RNON PO STE NYA KHUL
SPANGS NAS BAL GYI LA BA STE SNAM BU SRAB MOS YONGS SU SBYONG BAR BYED, DE TZAM GYIS BRTZON PA MI 'DOR BAR, DE'I 'OG TU SMAN CHEN PO'I KHU BA STENG DUL? CHUL SPANGS TE RAS SRAB MOS YONGS SU SBYONG BAR BYED DO, ,YONGS SU SBYANGS TE DRI MA DANG BRAL BA NA BEEd'URYA'I RIGS CHEN PO ZHES BRJOD PA YIN PA'I PHYIR, GNYIS PA NI, DPE'I SKABS SU NOR BU SPYOD TSUL GSUM GSUNGS PA LTAR, DE BZHIN GSHEGS PAS GDUL BYA BKRI BA'I RIM PA DE LA YANG GSUM YOD DE, THOG MAR SKYES BU CHUNG NGU DANG THUN MONG BA'I BSAM PA 'JIG RTEN PHYI MA PHAN CHAD KYI BLO RGYUD LA SKYES PA'I GANG ZAG LA NYER LEN GYI PHUNG PO SKAD CIG GIS 'JIG PA'I MI RTAG PA DANG, LAS NYON GYI GZHAN DBANG DU GYUR PA'I SDUG BSNGAL BA DANG, RANG GI NGO BOR GYUR PA'I GANG ZAG GI BDAG MED PA DANG, 'KHOR BA MI GTZANG BA'I DOD DU LHUNG BAS MI GTZANG BAS YID 'BYUNG BA'I GTAM GYIS 'KHOR BA LE DGA' BA'I SEMS CAN 'KHOR BA LAS SKYO BA BSKYED NAS, 'PHAGS PA'I CHOS 'DUL BA STE BSLAB BA RIN PO CHE GSUM NYAMS SU LEN PA LA 'DZUD PAR MDZAD DO, ,DE TZAM GYIS BRTZEN PA MI 'DOR BAR, DE'I 'OG TU CHOS RNAMS KYI NGO BO RGYU 'BRAS GSUM BDEN BAS STONG PA'I STONG PA NYID DANG, MTSAN MA MED PA DANG, SMON PA MED PA'I GTAM GYIS DE BZHIN GSHEGS PA'I TSUL TE GNAS LUGS RTOGS PA LA 'DZUD PAR MDZAD DO, ,DE TZAM GYIS BRTZON PA MI 'DOR BAR, DE'I 'OG TU PHYIR MI LDOG BA'I 'KHOR LO'I GTAM LAS BYA BYED SOGS 'KHOR GSUM YONGS SU DAG PA BDEN PAS STONG PA'I GTAM
, ,GYIS KHAMS DANG MOS PA STE RANG BZHIN SNA TSOGS PA'I RGYU CAN GYI SEMS CAN RNAMS, DE GZHIN GSHEGS PA'I TSUL TE THABS KYI CHA RGYA CHEN POS ZIN PA'I CHOS NYID RTOGS PA'I LAS LA 'DZUD PAR MDZAD DO, ,ZHUGS PAR GYUR NAS DE BZHIN GSHEGS PA'I CHOS NYID RTOGS PA NA BLA NA MED PA'I YON GNAS CHEN PO ZHES BRJOD PA YIN PA'I PHYIR, GNYIS PA NI, MDO 'DIS GNAS SKABS THEG PA GSUM GYI LAM LA 'JUG BA'I LAM NYAMS LEN GYI RIM PA DANG, DANG PO NYID NAS THEG CHEN DU RIGS NGES PA'I GANG ZAG GI LAM NYAMS LEN GYI RIM PA GNYIS BSTAN LA, DANG PO'I DBANG DU BYAS NAS, RIM PA DANG POS RGYU SMIN PAR BYAS NAS, GNYIS PAS 'KHOR BA LAS GROL BAR BYAS, GSUM PAS THEG CHEN LAM DU BKRI BAR BYED, GNYIS PA'I DBANG DU BYAS NA, DANG POS RGYUD SMIN PAR BYAS, GNYIS PAS ZAB PA'I LAM RIM DANG, GSUM PAS RGYA CHE BA'I LAM RIM BSTAN LA, RIM PA DANG PO DANG GNYIS PA'I SKABS NAS BSTAN PA'I BDAG MED LA KHYAD PAR YOD DE, DANG PO DE? GANG ZAG GI BDAG MED PHRA MO DANG, GNYIS PA DE CHOS KYI BDAG MED PHRA MO LA BYED PA'I PHYIR, 'O NA RE, RIM PA GNYIS PAS ZAB PA'I LAM RIM DANG, GSUM PAS RGYA CHE BA'I LAM RIM BSTAN PA MI 'THAD DE, STONG NYID RTOGS PA'I LTA BA RANG RGYUD LA BSKYED PA'I SNGON DU THABS KYI CHA RGYA CHEN POS ZIN PA 'GRO DGOS PA'I PHYIR NA MI 'THAD DE, DBU MA RGYAN LAS, YANG DAG SHES 'TSOL SNGON BTANG STE, ,DON DAM RNAM PAR NGES GYUR NAS, ,LTA
NGAN THIBS GNAS 'JIG RTEN LA, ,SNYING RJE KUN TU BSKYED NAS SU, ,ZHES GSUNGS PA LTAR THEG CHEN GYI RIGS CAN DBANG RNON GYIS DANG POR STONG NYID RTOGS PA'I LTA BA RANG RGYUD LA BTZAL, DE RJES SU BYANG CHUB MCHOG TU SEMS BSKYED PA GANG ZHIG ,RIM PA 'DI YANG GTZO BO'I GDUL BYA'I DBANG DU BYAS NAS GSUNGS PA'I PHYIR, GZHUNG DON RTZA BA'I TSIGS RKANG GSUM PA'I DES 'GRE'O, ` ,'DIR SNYING PO'I RGYAN GYI LUGS GNYIS PA RTOG LDAN BSTAN BCOS LA 'JUG PA'I YAN LAG DGOS 'BREL BSHAD PA LA, BSTAN BCOS BRTZAMS PA LA DGOS MED KYI DOGS PA SO SOR BSAL NAS BRJOD BYA MKHYEN GSUM SPYI'I RNAM GZHAG BSHAD PA DANG, MDO DANG ZLOS PA'I SKYON SPANGS NAS DGOS PA YOD PAR SGRUB PA DANG GNYIS, DANG PO LA, RTZOD PA DANG, LAN GNYIS LAS, DANG PO LA, RTZOD LAN 'DI DAG 'GREL PA GANG DU BKOD PA DANG, MCHOD BRJOD DANG DGOS 'BREL GYI GZHUNG GANG YIN DPYAD PA, RTZOD PA PO DNGOS SU YOD MED DANG, JI LTAR RTZOD PA'I TSUL LO, ,DANG PO NI, NYI SNANG, RNAM 'GREL, RGYUN DANG, 'GREL PA 'DI DANG BZHIR BKOD DO, ,GNYIS PA NI, AAR CHEN PO DANG, 'BUM PHRAG GSUM PA SOGS DGOS 'GREL GYI GZHUNG DU MDZAD, LO CHEN MCHOD BRJOD KYI GZHUNG DU MDZAD, LEGS BSHAD GSER PHRENG LAS, MCHOD BRJOD KYI RTZOM PAR DAM BCA' LAS 'PHROS NAS, DGOS 'GREL GYI MTSAMS SBYAR GYI SNGON DU BKOD PA'I PHYIR, ZHES LO CHEN GYI BZHED PA 'THAD PAR GSUNGS, GSUM PA NI,
, ,RTZOD PA PO DNGOS SU YOD DAM MED, YOD NA MDO LA RTZOD DAM, BSTAN BCOS LA RTZOD, DANG PO LTAR NA MI 'THAD DE, MDO LAS MKHYEN GSUM KHYAD GZHIR BZUNG NAS STONG NYID RGYAS PAR GTAN LA BAB? ZIN PA'I PHYIR; GNYIS PA LTAR NA BSTAN BCOS RDZOGS PAR MTHONG NAS RTZOD DAM, MCHOD BRJOD TZAM ZHIG MTHONG NAS RTZOD DAM, CUNG ZAD KYANG MA MTHONG BAR RTZOD, GSUM PA LTAR NA MI 'THAD DE, DE LTAR PHYAG 'TSAL BA DANG, ZHES SOGS GSUNGS PA 'BREL MED DU 'GYUR BA'I PHYIR, DANG PO LTAR NA BRJOD BYA GANG STON SHES NAS YANG CI'I PHYIR RTZOD, GNYIS PA LTAR NA, RJE BTZUN GYIS MCHOD BRJOD TZAM ZHIG BRTZAMS MA THAG TU DE 'DRA BA'I DOGS PA SKYE BA'I GANG ZAG DE SU ZHIG YIN, MCHOD BRJOD KYIS MKHYEN GSUM GYI SGO NAS YUM LA BSTOD PA LA BSTOD YUL DANG MTHUN PAR BSTAN BCOS KYI LUS SU BRJOD BYAR BYED DGOS PA'I NGES PA MED LA, GAL TE YOD NA YANG MKHYEN GSUM BRJOD BYAR BYED BA SHES BZHIN DU GANG BRJOD BYAR BYED CES BRTOGS PA DANG MI LDAN BA'I DRI BA YIN PAS DE LTA BU'I BRGAL LAN BSTAN BCOS 'DIR 'OD DON MED LA, RTZOD PA PO DNGOS SU MED KYANG SLOB DPON GYIS DOGS PA KHONG LA GNAS PA BSUNG BA YIN NO, ,ZHE NA; RGYAN SNANG LAS, KHA CIG NA RE, ZHES SOGS DANG, GZHAN DAG NA RE, ZHES SOGS GSUNGS BA'I DON GANG YIN BRJOD DGOS LA, RGOL BA 'DI DAG GANG LAS 'PHROS PA YANG BRJOD DGOS PA'I PHYIR, ZHES ZER, 'DI LA KHA CIG ,MCHOD
BRJOD KYI SKABS SU MKHYEN GSUM GYI SGO NAS YUM LA BSTOD NAS MNGON RTOGS RGYAN RTZOM PAR DAM BCAS PA LA RTZOD PA NI 'THAD DE, MNGON RTOGS RGYAN RTZOM PAR GO NA MNGON PAR RTOGS PA BRGYAD BRJOD BYAR BYED PA'I BSTAN BCOS RTZOM PAR GO DGOS PA'I PHYIR, ZHES ZER BA MI 'THAD DE, NYI SNANG LAS, PHYAG 'TSAL ZHES BRJOD NAS DE NAS MNGON BAR RTOGS PA'I RGYAN GYIS NYE BAR BSHAD PAR BYA'O SNYAM DU DGONGS NAS 'DI LTAR BSHAD PA BYED PAS, 'DI NI MNGON PAR RTOGS PA'I RGYAN GYIS NYE BAR BSHAD BA YIN SNYAM DU DGONGS PA CI'I PHYIR ZHE NA, RNAM BA THAMS CAD MKHYEN NYID LAM, ,ZHES SOGS GSUNGS PAS, PHYAG 'TSAL BA NYE BAR BKOD PA'I TSIGS SU BCAD PA 'DI'I DON YOD PAR BSTAN PA YIN, 'DI SKAD KYANG BRJOD PAR BYA STE, CI MNGON PAR RTOGS PA'I RGYAN GYIS GZHI BSDUS SAM, ZHES SOGS DANG, 'DIR YANG, DE LTAR PHYAG 'TSAL BA DANG BSTOD PA SNGON DU 'GRO BA CAN GYIS, ZHES SOGS GSUNGS PA DANG 'GAL BA'I PHYIR, RANG LUGS NI; DE LTAR RGOL PA'I GANG ZAG DNGOS SU YOD NA, MKHYEN GSUM BRJOD BYAR BYED PA YID DPYOD KYIS NGES NAS, MKHYEN GSUM GTAN LA 'BEBS PA LA DE'I DMIGS PA GZHI GNYEN RNAM GSUM GTAN LA 'BEBS DGOS, DE LTAR NA 'CHAD 'GYUR GYI MDO DANG ZLOS PAR 'GYUR RO, ,ZHES RTZOD PA YIN ZHING, DOGS PA SKYE BA'I GZHI NI MCHOD BRJOD YIN LA, DE YANG BRTAG BA MTHA' BZUNG TZAM YIN GYI DE LTAR RGOL BA'I GANG ZAG DNGOS SU MED DE, DOGS PA'I GTZO BO NI MKHYEN
, ,GSUM RDZOGS PAR GTAN LA 'BEBS NA MDO DANG ZLOS PAS BSTAN BCOS RTZOM PA DGOS MED DU THAL BA DKOS 'GREL GYI MTSAMS SBYAR DU 'BYUNG BA 'DI NYID YIN LA, DE'I MTHA' DPYOD PA'I YAN LAG TU YA GYAL RE RE RJOD PAR BYED PA LA RTZOD PA SPONG BA 'DI NYID YIN ZHING, 'GREL CHEN DANG YANG MI 'GAL LO, ,DE LTAR RGOL BA'I GANG ZAG DNGOS SU BYUNG NA SUN 'BYIN 'DI DAG 'PHEN ZHES PA'I DON YIN PA'I PHYIR, DON BSDUN MCHOD BRJOD KYI SKABS SU MKHYEN GSUM LA DNGOS SU BSTOD NAS SHUGS LA MNGON RTOGS RGYAN RTZOM BAR DAM BCAS PA LA, DE LTAR PHYAG 'TSAL BA DANG, BSTOD PA SNGON DU 'GRO BA CAN GYI BSTAN BCOS MNGON RTOGS RGYAN RTZOM NA, CHOS RAB TU RNAM 'BYED KYI SHES RAB BSKYED PA'I PHYIR DU GZHI KHO NA BRJOD BYAR BYED DAM, SPANG BYA MI MTHUN PHYOGS SPANG BA'I PHYIR DU GNYEN PO KHO NA DANG, SHES BYA MA LUS PAR SHES PA'I PHYIR DU RNAM PA KHO NA RJOD PAR BYED, DANG PO LTAR NA CHOS MNGON PA'I MDO DANG ZLOS PAR 'GYUR TE; CHOS MNGON PA'I MDO LAS GZHI PHUNG KHAMS SKYE MCHED RNAMS KYI RNAM GZHAG GTAN LA YAB ZIN PA'I PHYIR, GNYIS PA LTAR NA, 'DIS SPANG BYA KUN NAS NYON MONGS PHYOGS KYI DNGOS PO CUNG ZAD KYANG BRJOD BYAR MA BSDUS PAR THAL LO,, 'DOD NA, 'DI LA BRTEN NAS SPANG GNYEN GYI RNAM GZHAG KHONG DU CHUD PA MED PAR THAL LO, ,GSUM BA LTAR NA, RNAM PA GZHI BCAS KHO NA BRJOD BYAR BYED DAM, GZHI MED KHO NA BRJOD BYAR BYED, DANG PO LTAR NA, CHOS MNGON PA DANG ZLOS PAR
'GYUR LA, GNYIS BA LTAR NA NI, PHUNG PO MI RTAG PA LA SOGS PA'I GZHI DANG 'BREL BA'I DON BSTAN BCOS 'DI BAS CUNG ZAD KYANG MA BSTAN PAR THAL LO, ,'DOD NA, 'DIS 'JUG YUL DON GNYER CAN GYI SKYES BU LA NYE BAR MKHO BAR DON CUNG ZAD KYANG MA BSTAN PAR THAL LO, ,'DOD NA, BSTAN BCOS 'DI BRTZAMS PA LA DGOS PA MED PAR THAL LO, ,ZHES RTZOD PA LA, DE LTAR PHYAG 'TSAL BA DANG BSTOD PA SNGON DU 'GRO BA'I BSTAN BCOS MNGON BAR RTOGS PA'I RGYAN GZHI DANG GNYEN BO DANG, RNAM PA RNAMS LAS GANG YANG RUNG BA ZHIG BSDUS PA MDZAD NA, PHYOGS DANG PO LTAR NA NI 'BAD PA DON MED PA YIN TE, SHES RAB KYI PHA ROL TU PHYIN PA 'DI LAS NI MTSAN NYID KYI BSTAN BCOS DAG LAS MI SMOS PA'I GZHI GANG YIN PA DE 'BYUNG BA NI MI 'THAD DO, ,GNYIS PA LTAR NA YANG RNAM PAR BYANG BA'I DNGOS PO TZAM BSDUS PA'I PHYIR KUN NAS NYON MONGS PA'I DNGOS PO MA BSDUS PAS DE GANG GI GNYEN PO YIN BA KHONG DU CHUD PAR MI 'GYUR RO, ,GSUM PA LTAR NA YANG RNAM PA GZHI MED PA TZAM ZHIG BSDUS PA'I PHYIR DON RTOGS PA MED PAS CUNG ZAD KYANG MA BSHAD PA'I PHYIR DON MED PA YIN NO SNYAM DU GZHAN DAG SEMS PAR 'GYUR BA MA YIN NAM ZHE NA, ZHES GSUNG PA'I PHYIR, GNYIS PA LAN LA, LAN DNGOS DANG, SHES BYED KYI LUNG 'GOD PA DANG, BSDU BYA GSUM NGOS GZUNG BA DANG, DE DAG GIS GRUB BA'I DON BSDU PA'O, ,DANG PO NI, BSTAN BCOS MNGON BAR RTOGS PA'I RGYAN GYIS GZHI GNYEN RNAM GSUM GANG RUNG RE RE KHO NA BRJOD BYAR BYAS PA'I SGO NAS MDO DANG ZLOS PA'I
, ,SKYON YOD PA DE NI MA YIN TE, 'DIS MKHYEN GSUM GTEN LA 'BEBS BAR BZHED NAS DE'I DMIGS PA GZHI GNYEN RNAM PA GSUM GA BRJOD BYAR GTAN LA 'BEBS PA'I PHYIR, MKHYEN GSUM GTAN LA 'BEBS PA'I RGYU MTSAN YOD DE, 'PHAGS BZHI'I MNGON RTOGS MTHA' DAG GTAN LA 'BEBS BA'I PHYIR, KHYAB STE, MKHYEN GSUM GYIS 'PHAGS BZHI'I MNGON RTOGS MTHA' DAG BSDUS PA'I PHYIR, ZHES LAN 'DEBS PA LA, DE NI MA YIN TE, GANG GI PHYIR NYAN THOS DANG RANG SANGS RGYAS DANG BYANG CHUB SEMS DPA' DANG, BLA NA MED BA'I SANGS RGYAS RNAMS KYI GO RIMS JI LTA BA BZHIN THAMS CAD MKHYEN PA NYID GSUM GYIS MNGON PAR RTOGS PA MTHA' DAG BSDUS PAS NA, PHYOGS GSUM CHAR GYIS KYANG BSDUS PA'I PHYIR, ZHES GSUNGS, GNYIS PA NI, 'O NA, MKHYEN GSUM GYIS 'PHAGS BZHI'I MNGON RTOGS BSDUS NA DE GANG GIS 'GRUB CE NA, 'DI LA YUM BAR MA'I SHES BYED 'GOD PA DANG, BSDUS PA'I SHES BYED 'GOD PA DANG, RGYAS PA'I SHES BYED KHA 'PHANGS PA'O, ,DANG PO LA, BSTAN BSHAD GNYIS LAS, DANG PO NI, 'DI LTAR RGYAL BA'I YUM BAR MA LAS, RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,LAM SHES PA NYID NI BYANG CHUB SEMS DPA' RNAMS KYI YIN NO, ,RNAM PA THAMS CAD MKHYEN PA NYID NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YIN NO, ,ZHES
GSUNGS, GNYIS PA LA, GZHI SHES KYIS NYAN RANG 'PHAGS PA'I MNGON RTOGS BSDUS TSUL DANG, LAM SHES KYIS BYANG SEMS 'PHAGS PA'I MNGON RTOGS BSDUS TSUL DANG, RNAM MKHYEN GYIS SANGS RGYAS 'PHAGS PA'I MNGON RTOGS BSDUS TSUL DANG GSUM LAS, DANG PO LA, DRI BA DANG, LAN GNYIS LAS, DANG PO NI, BCOM LDAN 'DAS CI'I SLAD DU THAMS CAD 'TSAL BA NYID NYAN THOS DANG RANG SANGS RGYAS RNAMS KYI LAGS, ZHES BSHAD, GNYIS PA NI, RAB 'BYOR THAMS CAD NI PHYI DANG NANG GI CHOS RNAMS JI SNYED PA 'DI TZAM YIN LA DE DAG KYANG NYAN THOS DANG RANG SANGS RGYAS RNAMS KYIS SHES KYI, LAM THAMS CAD KYIS KYANG MA YIN LA RNAM PA THAMS CAD DU YANG MA YIN PAS DE'I PHYIR NYAN THOS DANG RANG SANGS RGYAS RNAMS KYI NI THAMS CAD SHES PA NYID CES BYA'O, ,ZHES BSHAD, GNYIS PA LA YANG GNYIS LAS, DANG PO NI, BCOM LDAN 'DAS CI'I SLAD DU LAM GYI RNAM PA 'TSAL BA NYID BYANG CHUB SEMS DPA' RNAMS KYI LAGS, ZHES BSHAD, GNYIS PA NI, RAB 'BYOR BYANG CHUB SEMS DPA' RNAMS KYIS NA NYAN THOS KYI LAM GANG YIN PA DANG, ZHES BSHAD, GSUM PA LA YANG GNYIS LAS, DANG PO NI, BCOM LDAN 'DAS CI'I SLAD DU RNAM PA THAMS CAD MKHYEN PA NYID DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI LAGS, ZHES BSHAD, GNYIS PA NI, RAB 'BYOR RNAM PA GANG DAG DANG, RTAGS GANG DAG DANG, MTSAN MA GANG DAG GIS CHOS RNAMS RAB TU BRJOD PA'I RNAM PA DE DAG DANG,
, ,RTAGS DE DAG DANG, MTSAN MA DE DAG DE BZHIN GSHAGS? PAS THUGS SU CHUD DE DE'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI NI RNAM PA THAMS CAD MKHYEN PA NYID CES BYA'O; ;ZHES BSHAD, GNYIS PA NI, DE BZHIN DU MDOR BSDUS PA LAS KYANG NYAN THOS KYI SA LA SLOB PAR 'DOD PAS KYANG ZHES BYA BA LA SOGS PA GSUNGS LA, ZHES BSHAD, GSUM PA NI, RGYAS BA LAS KYANG RGYA CHER GSUNGS SO, ,ZHES GSUNGS, GSUM PA LA, GZHI SHES, LAM SHES, RNAM MKHYEN NGOS? GZUNG BA DANG GSUM LAS, DANG PO NI, YUM PAR MAR, THAMS CAD SHES PA NYID NI, ZHES SOGS DANG, BSDUS PAR, NYAN THOS KYI SA LA SLOB PAR 'DOD PAS, ZHES SOGS DANG; RGYAS PAR, RGYUN TU ZHUGS PA'I SA LA SLOB PAR 'DOD PAS, ZHES SOGS KYI TSIG DON BSHAD PA'I SGO NAS GZHI SHES DE KHYAD BAR GSUM LDAN DU STON PA LA, DE LA THAMS CAD SHES PA NYID NI GZUGS LA SOGS PA'I CHOS LA MI RTAG PA LA SOGS PA'I RTEN CAN 'BRAS BU BDAG TU RMONGS PA SPANGS PA CAN YIN NO, ,ZHES GSUNGS, YUM BAR MAR, LAM SHES PA NYID NI, ZHES SOGS DANG, BSDUS PAR, BYANG CHUB SEMS DPA'I SA LA SLOB PAR 'DOD PAS, ZHES SOGS DANG, RGYAS PAR, SA RAB TU DGA' BA LA SLOB BAR 'DOD PAS, ZHES SOGS KYI TSIG DON BSHAD PA'I SGO NAS LAM SHES DE KHYAD PAR GSUM LDAN DU STON PA LA, LAM SHES PA NYID NI THEG PA THAMS CAD KYIS NGES BAR 'BYUNG BA DANG, DE KHO NA
NYID MNGON DU MI BYED PA'I RTEN CAN 'BRAS BU SEMS CAN MA BSDUS BSDUD PAR BYED PA LA SOGS PAR BYED PA CAN YIN NO, ,ZHES GSUNGS, YUM BAR MAR, RNAM PA THAMS CAD MKHYEN PA NYID NI, ZHES SOGS DANG, BSDUS PAR, DE BZHIN GSHEGS PA'I SA LA SLOB PAR 'DOD PAS, ZHES SOGS DANG, RGYAS PAR, STOBS BCU LA SLOB PAR 'DOD PAS, ZHES SOGS KYI TSIG DON BSHAD BA'I SGO NAS RNAM MKHYEN DE KHYAD PAR GSUM LDAN DU STON PA LA, RNAM PA THAMS CAD MKHYEN PA NYID NI CHOS THAMS CAD SKYES PA MED PA'I RTEN CAN 'BRAS BU NAM MKHA'I KHAMS KYI MTHAS GTUGS BAR SEMS CAN GYI DON RGYUN MI 'CHAD PA DANG, YANG DAG PA NYID KYI MTHA' RTOGS PA DANG, BAG CHAGS KYI MTSAMS SBYAR BA NYID SPANGS PA CAN YIN NO, ,ZHES GSUNGS, BZHI PA DE DAG GIS GRUB PA'I DON BSDUS NAS 'CHAD PA LA, DE LTA BAS NA MNGON PAR RTOGS PA'I RGYAN NI GZHI DANG GNYEN PO DANG RNAM PA MTHA' DAG BSDUS PAS MNGON PAR RTOGS PA'I? ? PAR BSTAN PA YIN NO, ,ZHES BYA BA 'DI 'THAD PA YIN NO, ,ZHES GSUNGS, 'DI DAG GI DON LA KHA CIG ,GZHI SHES NYAN RANG 'PHAGS PA KHO NA'I MNGON RTOGS DANG, LAM SHES BYANG SEMS 'PHAGS PA KHO NA'I MNGON RTOGS DANG, RNAM MKHYEN SANGS RGYAS 'PHAGS PA KHO NA'I MNGON RTOGS YIN ZER BA MI 'THAD DE, SEMS BSKYED SOGS CHOS BCU LAM GYI GZHIR BYAS NAS DE LA GNAS SKABS BRGYAD DU PHYE BA THEG PA CHEN PO'I GANG ZAG GI NYAMS SU BLANG BYAR 'GREL CHEN LAS GSUNGS, 'DIR YANG, MNGON PAR
, ,RTOGS PA BRGYAD BYANG CHUB SEMS DPAS NYAMS SU MYONG BAR GSUNGS PA'I PHYIR, DANG PO GRUB STE, RGYAN SNANG LAS, JI SKAD DU BRJOD PAR BYA BA 'PHAGS PA SHES RAB KYI PHA ROL TU PHYIN PA STONG PHRAG BRGYA PA LA SOGS PA'I MDO'I DON BYANG CHUB KYI SEMS DANG GDAMS NGAG LA SOGS PA'I RANG BZHIN GNAS SKABS BRGYAD KYI DBYE BAS PHYE BA THAMS CAD, CES GSUNGS PA'I PHYIR, GNYIS PA GRUB STE, 'DI NYID LAS, BYANG CHUB SEMS DPA' RANG DANG GZHAN GYI DON PHUN SUM TSOGS PA SGRUB PA CI LA YANG RAG MA LAS PAR CHAS BDAG KHO NAS NYAMS SU MYONG BA DANG, ZHES SOGS GSUNGS PA'I PHYIR, RANG LUGS NI, RNAM GZHAG GI RTEN 'CHAD PA TZAM GYI DBANG DU BYAS NA GZHI SHES NYAN RANG 'PHAGS PA'I MNGON RTOGS DANG, THEG PA GSUM GYI LAM GSUM RDZOGS PAR SGOM PA'I LAM SHES BYANG SEMS 'PHAGS PA'I MNGON RTOGS DANG, RNAM RTOG MTSAN MAS BSDUS PA'I CHOS THAMS CAD MNGON SUM DU RTOGS PA'I YE SHES DE, SANGS RGYAS 'PHAGS PA'I MNGON RTOGS YIN TE, NYAN RANG SLOB PA 'PHAGS PAS NYER ZHI TZAM DON DU GNYER BA LA THABS GZHI SHES DGOS SHING, DE TZAM GYIS SGRUB NUS, BYANG SEMS 'PHAGS PAS GDUL BYA RIGS CAN GSUM GYI DON SGRUB PA LA THABS LAM SHES DGOS SHING, DE TZAM GYIS SGRUB NUS, MCHOG GI SPRUL SKUS CHOS 'KHOR BSKOR BA LA THABS RNAM MKHYEN DGOS SHING DE LA BRTEN NAS CHOS 'KHOR BSKOR NUS PA'I PHYIR, DE RNAMS KYI NANG NAS, ` RAB 'BYOR BYANG CHUB SEMS DPA'
RNAMS KYIS NI NYAN THOS KYI LAM GANG YIN PA DANG, ZHES SOGS KYI SKABS SU, GZHUNG 'DI'I DON LA YANG, SHES RAB LA GDAMS BA DANG, THABS LA GDAMS PA DANG, DON BSDU BA DANG GSUM LAS, DANG PO DE STON PA LA, RAB 'BYOR BYANG CHUB SEMS DPA' RNAMS KYIS NI NYAN THOS KYI LAM GANG YIN PA DANG, RANG SANGS RGYAS KYI LAM GANG YIN PA DANG, SANGS RGYAS KYI LAM GANG YIN PA'I LAM THAMS CAD BSKYED PAR BYA ZHING LAM THAMS CAD SHES PAR BYA'O, ,DE DAG KYANG YONGS SU RDZOGS PAR BYA ZHING, DE DAG GIS LAM GYI BYA BA YANG BYA LA, ZHES GSUNGS, GNYIS PA DE STON PA LA, SMON LAM YONGS SU RDZOGS PAR MA BYAS PA DANG, SEMS CAN RNAMS YONGS SU SMIN BAR MA BYAS PA DANG, SANGS RGYAS KYI ZHING YONGS SU MA SBYANGS BAR DE DAG GIS YANG DAG PA'I MTHA' MNGON SUM DU NI MI BYA'O, ,ZHES GSUNGS, GSUM PA DE STON PA LA, DE'I PHYIR BYANG CHUB SEMS DPA' RNAMS KYI NI LAM GYI RNAM PA SHES PA NYID CES BYA'O, ,ZHES GSUNGS, DON NI, BYANG SEMS 'PHAGS PA CHOS CAN, KHYOD KYI MNGON RTOGS LAM SHES KYIS BSDUS PA YIN TE, KHYOD THABS SHES KHYAD PAR CAN GNYIS DANG LDAN BA'I RGYAL SRAS 'PHAGS PA YIN PA'I PHYIR, DE CHOS CAN, THABS KHYAD PAR CAN DANG LDAN TE, 'DIR BSTAN YANG DAG MTHA' MNGON DU BYED PA'I DUS DANG DUS MA YIN PA LA MKHAS PA'I RGYAL SRAS 'PHAGS PA YIN PA'I PHYIR, DE CHOS CAN, SHES RAB KHYAD BAR CAN DANG LDAN TE, THEG PA GSUM GYI SPANGS RTOGS KYI RIGS RNAMS RANG RGYUD LA SGRUB
, ,PA LA MKHAS PA'I RGYAL SRAS 'PHAGS PA YIN PA'I PHYIR, ` MTHA' DPYAD PA LA, LAM GSUM SO SO'I NGO BO NGOS GZUNG BA, 'DIR BSTAN BSKYED BYA'I LAM DANG, SHES BYA'I LAM GYI KHYAD PAR BSHAD PA, NYAN RANG GI SPANGS RTOGS KYI RIGS RDZOGS PA'I TSAD BSHAD PA, RDZOGS SMIN SBYANGS GSUM BYAS PA'I TSAD BSHAD PA, 'DIR BSTAN YANG DAG MTHA' NGOS BZUNG NAS DE MNGON DU BYAS PA'I TSAD BSHAD PA'O, ,DANG PO NI, GANG ZAG GI BDAG MED MNGON SUM DU RTOGS PA'I YE SHES DE, NYAN THOS KYI LAM GANG YIN PA DANG, ZHES PA'I SKABS NAS DNGOS SU BSTAN PA'I NYAN THOS KYI LAM DANG, GNYIS STONG MNGON SUM DU RTOGS PA'I YE SHES DE, RANG SANGS RGYAS KYI LAM GANG YIN PA DANG; ZHES PA'I SKABS NAS DNGOS SU BSTAN PA'I RANG SANGS RGYAS KYI LAM DANG, BDEN MED MNGON SUM DU RTOGS PA'I YE SHES DE, SANGS RGYAS KYI LAM GANG YIN PA DANG, ZHES PA'I SKABS NAS DNGOS SU BSTAN PA'I SANGS RGYAS KYI LAM YIN TE, NYAN THOS SLOB PA 'PHAGS PAS GANG ZAG GI BDAG MED MNGON SUM DU RTOGS BA'I YE SHES BSGOMS PA LA BRTEN NAS MTHAR KHYAB PA 'DU BYED KYI SDUG BSNGAL NYE BAR ZHI BA'I NYER ZHI DE THOB PAR BYED, RANG RGYAL SLOB PA 'PHAGS PAS GNYIS STONG MNGON SUM DU RTOGS PA'I YE SHES BSGOMS PA LA BRTEN NAS MTHAR DE THOB PAR BYED, BYANG SEMS 'PHAGS PAS CHOS KYI BDAG MED MNGON SUM DU RTOGS PA'I YE SHES BSGOMS PA LA BRTEN NAS MTHAR DE THOB PAR BYED PA'I PHYIR,
RONG? t'IKA PAS, GANG ZAG GI BDAG MED MNGON SUM DU RTOGS PA'I YE SHES DE, SHES BAR BYA BA'I NYAN THOS KYI LAM YIN KYANG, NYAN THOS KYI LAM MA YIN, ZHES ZER BA SOGS NI MI 'THAD DE, NYAN THOS KYI LAM YIN NA, NYAN THOS RANG RGYUD KYIS BSDUS PAS KHYAB BAR THAL, DAM BCA' 'THAD PA'I PHYIR, 'DOD MI NUS TE, BYANG SEMS 'PHAGS PA'I RGYUD LA DE YOD PA'I PHYIR TE, BYANG SEMS 'PHAGS PAS NYAN THOS KYI LAM RANG RGYUD LA BSKYED PA'I SGO NAS SHES PAR BYED PA'I PHYIR TE, LAM THAMS CAD BSKYED PAR BYA ZHING LAM THAMS CAD SHES PAR BYA'O, ,ZHES GSUNGS PA'I PHYIR, GZHAN YANG, RANG RGYAL GYI LAM YIN NA, RANG RGYAL RANG RGYUD KYIS BSDUS PAS KHYAB PAR THAL, NYAN THOS LA DE'I PHYIR, 'DOD NA, RANG RGYAL GYI SLOB LAM CHOS CAN, DER THAL, DE'I PHYIR, 'DOD NA, RANG RGYAL SLOB PA YOD PAR THAL LO, ,'DOD NA, GRUB MTHA' DANG 'GAL, KHO NA RE, GANG ZAG GI BDAG MED MNGON SUM DU RTOGS PA'I YE SHES DE NYAN THOS KYI LAM MA YIN TE, DE NYAN THOS KYI BGROD BYA'I LAM YANG MA YIN, DE DE'I BGROD BYED KYI LAM YANG MA YIN PA'I PHYIR NA MA KHYAB, DANG PO MA GRUB NA, DE NYAN THOS KYI MI SLOB LAM YIN PAR THAL LO, ,GNYIS PA MA GRUB NA, DE DE'I SLOB LA MA YIN PAR THAL LO, ,GZHAN YANG; GANG ZAG GI BDAG MED RTOGS PA'I RNAM MKHYEN DE NYAN THOS KYI LAM YIN PAR THAL, GANG ZAG GI BDAG MED RTOGS PA'I YE SHES DE DE YIN PA'I PHYIR, RTAGS KHAS, 'DOD NA, NYAN THOS KYI THOG PA YIN PAR THAL, 'DOD PA'I PHYIR NAM
, ,KHYAB STE, RIM PA LTAR SHES PAR BYA BA'I NYAN THOS KYI LAM LA SBYAR NAS 'KHOR GSUM BYA'O, ,DAR t'IKA GI RJES 'BRANG KHA CIG ,NYAN THOS KYI LAM YIN NA, NYAN THOS RANG RGYUD KYIS BSDUS PAS KHYAB BA SOGS KHAS LEN PA MI 'THAD DE, NYAN THOS KYI LAM SGOM PA'I BYANG SEMS YOD PA'I PHYIR TE, THEG PA GSUM GYI LAM RDZOGS PAR SGOM PA'I BYANG SEMS YOD PA'I PHYIR TE, DE LTAR RTEN LA SOGS PA BRJOD NAS LAM SHES PA NYID KYI SKABS SU LAM THAMS CAD RDZOGS PAR BYA DGOS PAS NYAN THOS KYI LAM, ZHES DANG, DE'I RNAM BSHAD LAS, RNAM MKHYEN THOB PAR BYED PA LA THEG PA GSUM GYI LAM THAMS CAD RDZOGS PAR BYA DGOS PAS, ZHES GSUNGS PA'I PHYIR, GZHAN YANG, BYANG SEMS 'PHAGS PAS RANG RGYAL GYI LAM MIG SHES KYIS GZUGS LA LTA BA'I TSUL GYIS SHES PAR BYED BAR THAL, DES DE SHES PAR BYA TSUL GCIG YOD PA GANG ZHIG ,DES DE RANG RGYUD LA BSKYED BA'I SGO NAS SHES PAR BYED PA MA YIN BA'I PHYIR, GNYIS PA SONG, DANG PO GRUB STE, LAM THAMS CAD BSKYED PAR BYA ZHING LAM? THAMS CAD SHES PAR BYA'O, ,ZHES GSUNGS PA'I PHYIR, 'DOD NA, RNAM BSHAD LAS, RTOGS PA 'DIS BSDUS PA'I GZHI SHES KYANG RNAM GZHAG GI RTEN RANG SANGS RGYAS LA RNAM PAR BZHAG KYANG BYANG CHUB SEMS DPA'I RGYUD LA YANG SKYE BAS RANG SANGS RGYAS KYI LAM SHES PA'I TSUL MIG GIS GZUGS LA LTA BA'I TSUL GYIS GO BAR MI BYA'O, ,ZHES GSUNGS BA MI 'THAD BAR THAL LO, ,DE
BZHIN DU RNAM BSHAD LAS, GZUNG BA BDEN MED DU MNGON SUM DU RTOGS PA'I YE SHES DE NYID LA RANG SANGS RGYAS KYI LAM ZHES BYA LA, DE NYID RANG SANGS RGYAS KYI RGYUD LA YOD PA NI DE'I SKYE MCHED DRUG GI CHOS NYID LA BRTEN LA, BYANG CHUB SEMS DPA'I RGYUD LA YOD PA NI DE'I RANG BZHIN GNAS RIGS LA BRTEN PA'O, ,ZHES BYANG CHUB SEMS DPA'I RGYUD LA RANG SANGS RGYAS KYI LAM YOD PAR BSHAD PA DANG, YANG DE NYID LAS, SKYES BU CHEN PO'I LAM GYI RIM PA RGYUD LA SKYE BA LA SKYES BU 'BRING GI BSAM PA SKYED BA SNGON DU 'GRO DGOS PAR SHES PAR BYA BA'I CHED DU YIN NO, ,ZHES SOGS MTHA' YAS PA GSUNGS SO, ,KHO NA RE, LAM YIN NA, SANGS RGYAS KYI LAM YIN DGOS PAR THAL, SANGS RGYAS KYI LAM YIN NO, SANGS RGYAS RANG RGYUD KYIS BSDUS PAS MA KHYAB PA'I PHYIR, RTAGS KHAS, 'DOD NA, THEG CHEN GYI TSOGS LAM CHOS CAN, DER THAL, DE'I PHYIR, 'DOD NA, SANGS RGYAS 'PHAGS PA'I LAM YIN PAR THAL, 'DOD PA'I PHYIR NA MA KHYAB, 'DOD NA, 'PHAGS LAM YIN PAR THAL LO, ,KHO NA RE, DE CHOS CAN, SANGS RGYAS KYI SLOB LAM YIN PAR THAL, SANGS RGYAS KYI LAM GANG ZHIG ,SANGS RGYAS KYI MI SLOB LAM MA YIN PA'I PHYIR, 'DOD NA, SANGS RGYAS KYI SLOB LAM YOD PAR THAL LO, ,'DOD NA, SANGS RGYAS SLOB PA YOD PAR THAL LO, ,ZER NA, SANGS RGYAS NYAN THOS YOD PAR THAL, SANGS RGYAS KYI NYAN THOS KYI LAM YOD PA'I PHYIR, KHYAB PA KHAS, DER THAL, SANGS RGYAS KYI
, ,NYAN THOS YOD BA'I PHYIR, KHO NA RE, GANG ZAG GI BDAG MED RTOGS PA'I RNAM MKHYEN CHOS CAN, THEG DMAN GYI LAM YIN PAR THAL, NYAN THOS KYI LAM YIN PA'I PHYIR, 'DOD NA, THEG CHEN GYI GANG ZAG DANG THEG DMAN GYI GANG ZAG MI 'GAL BAR THAL, DE GNYIS KYI LAM MI 'GAL PA'I PHYIR NA MA KHYAB, DES MTSON NAS, DGE BSNYEN GYI SDOM PA YIN NA, DGE BSNYEN RANG RGYUD KYIS BSDUS PAS KHYAB PAR THAL BA SOGS RIGS 'GRE BYA TSUL SHES PAR BYA'O, ,GNYIS PA LA KHA CIG ,'DIR BSTAN SHES BYA'I LAM DANG, BSKYED BYA'I LAM GNYIS MI GCIG STE, LEGS BSHAD GSER PHRENG LAS, BSKYED BYAR BSHAD PA'I LAM 'OG MA GNYIS BTAGS PA BA DANG, SHES BYAR BSHAD PA'I LAM GSUM GA MTSAN NYID PA YIN NO, ,ZHES GSUNGS PA'I PHYIR, ZHES ZER, RANG LUGS NI, DE GNYIS DON GCIG STE, BYANG SEMS 'PHAGS PAS 'DIR BSTAN NYAN RANG GI LAM RGYUD LA BSKYED PA'I SGO NAS SHES PAR BYED PA YIN PA'I PHYIR TE, LAM THAMS CAD BSKYED PAR BYA ZHING LAM THAMS CAD SHES PAR BYA'O, ,ZHES GSUNGS PA'I PHYIR, GSUM PA LA, DMAN LAM SNGON DU MA SONG BA'I BYANG SEMS 'PHAGS PAS NYAN RANG GI SPANGS RTOGS KYI RIGS RDZOGS PA DANG SANGS RGYAS PA DUS MNYAM STE, DES NYON SGRIB SPANGS PA'I DGRA BCOM PA THOB PA DANG, SHES SGRIB SPANGS PA'I DE BZHIN GSHEGS PA THOB PA DUS MNYAM PA'I PHYIR TE, KUN BTUS LAS, DES BYANG CHUB THOB PA NA NYON
MONGS PA DANG SHES BYA'I SGRIB PA GNYIS CIG CAR DU SPONG ZHING, CIG CAR DGRA BCOM PA DANG DE BZHIN GSHEGS PAR 'GYUR RO, ,DES NYON MONGS PA MA SPANGS SU ZIN KYANG SMAN DANG SNGAGS KYIS BSAD BA'I DUG LTA BU DANG, SRID NYON SPANGS PA'I DGRA BCOM PA LTAR DES SA THAMS CAD DU NYON MONGS PA'I NYES BA SKYED PAR MI BYED DO, ,ZHES GSUNGS PA'I PHYIR, NYAN THOS KYI SPANGS RTOGS KYI RIGS RDZOGS NA RANG RGYAL GYI DE RDZOGS PAS MA KHYAB STE, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PAS NYAN THOS KYI SPANGS RTOGS KYI RIGS RDZOGS KYANG DES RANG RGYAL GYI DE MA RDZOGS BA'I PHYIR TE, DES GZUGS PHYI ROL DON 'DZIN GYI RTOG PA MA SPANGS PA'I PHYIR, 'O NA NYI SNANG LAS, GZHAN YANG RGYUN TU ZHUGS PA NAS RANG SANGS RGYAS KYI SA'I BAR GYI SHES PA DANG SPANG BA GANG YIN PA DE NI MI SKYE BA'I CHOS LA BZOD PA THOB PA'I BYANG CHUB SEMS DPA'I BZOD BA'O, ,BZOD PA NI GANG ZHE NA, SDUG BSNGAL LA CHOS SHES PA'I BZOD PA'O, ,'DI GANG LAS SHES SHE NA LAM GZHAN KHYAD PAR CAN YOD PA YIN NA, RIGS DANG, DBANG PO DANG, TSOGS KHYAD ZHUGS PAR 'GYUR BA'I PHYIR, BYANG CHUB SEMS DPA'I BZOD PA'I BYED PAR GZHAN RNAMS KYI RTOGS PA'I BYED PA MA LUS BA 'DUS PAR 'GYUR BA'I PHYIR, DE DAG GI SHES PA DANG SPONG BA GANG YIN PA DE NI DE'I BZOD PA YIN GYI RTOGS PA'I TSAD 'DI TZAM NI MA YIN NO, ,ZHES BYA BA NI RNAM GRANGS GZHAN YIN NO, ,ZHES GSUNGS PA'I DON GANG ZHE NA, BYANG SEMS SBYOR LAM BAS
, ,NYAN RANG LTAR NYON SGRIB SPANG BYA'I GTZO BOR BYAS NAS DANG POR NYON SGRIB MA LUS PAR SPONG NUS PA'I NUS PA YOD PA DE DE'I DON YIN TE, BYANG SEMS MTHOR? LAM PA LA CHOS THAMS CAD BDEN MED DU RIGS PA'I RNAM GRANGS MTHA' YAS PA'I SGO NAS RTOGS PA NYAN RANG LAS KHYAD ZHUGS PA'I STENG DU, THEG CHEN GYI RIGS LA GNAS PA DANG, BSOD NAMS KYI TSOGS RGYA CHEN PO LAS KYANG KHYAD ZHUGS PA'I PHYIR, ZHES PA'I DON NO, ,MKHAS PA KHA CIG , NYAN RANG GI SPANGS RTOGS KYI RIGS SA DANG PO NAS RDZOGS, SPANGS PAS BRGYAD PA NAS RDZOGS TE, SA BRGYAD PAR NYON YID GNAS GYUR PAS NYON SGRIB ZAD PAR SPANGS PA'I PHYIR, ZHES GSUNGS PA DANG, RANG t'IKA PAS, SA DANG PO NAS NYAN RANG GI SPANGS RTOGS GNYIS KA RDZOGS TE, NYON SGRIB LA 'KHOR BAR 'CHING BYED KYI NYON SGRIB DANG, BAG LA NYAL GYI NYON SGRIB GNYIS LAS SNGA MAS DANG PO NAS KYANG SPANGS, PHYI MA NYAN THOS DGRA BCOM PAS KYANG MA SPANGS PA'I PHYIR, DES MA RIG BAG CHAGS KYI SA LAS YID KYI RANG BZHIN GYI LUS LEN PA'I PHYIR, ZHES ZER BA MI 'THAD DE, NYON YID MED PA'I PHYIR TE, RNAM SHES TSOGS BRGYAD MED PA'I PHYIR TE, RNAM SHES TSOGS DRUG LAS MANG BA YUM GYI MDO LAS MA GSUNGS PA'I PHYIR DANG, SLOB DPON GYIS THEG CHEN GYI SGOM SPANG NYON MONGS LA BCU DRUG GI DBYE BA BYAS NAS SA DANG PO NAS SA BCU PA'I BAR GYI BAR CHAD MED LAM GYIS SPONG NUS SU GSUNGS PA'I PHYIR TE, 'GREL CHEN LAS, DE BAS NAS DANG PO'I SKAD
CIG MA DANG PO NI MTHONG BA'I LAM YIN LA, DE LAS GZHAN SKAD CIG GNYIS PA LA SOGS PA NAS RDO RJE LTA BUR BRJOD PA'I BAR CHAD MED BA'I LAM GANG LA DE MA THAG TU SANGS RGYAS KYI SAS KUN TU 'OD THOB PAR 'GYUR BA'I DANG 'DI THAMS CAD NI CHOS KYI DBYINGS MCHOG GI DON LA SOGS PA SO SOR RTOGS PAR SGOM BA'I LAM YIN PAR BSHAD DO, ,DE YANG NYON MONGS PA BCU DRUG CI RIGS PAR SPONG NGO, ,'DI LTA STE, 'DOD CHAGS DANG, ZHE SDANG DANG, NGA RGYAL DANG, MA RIG PA DANG, 'JIG TSOGS LA LTA BA DANG, MTHAR 'DZIN PAR LTA BA STE, 'DOD PA NA SPYOD PA DRUG GO ,DE DAG NYID LAS ZHE SDANG MA GTOGS GZUGS DANG GZUGS MED PA NA SPYOD PA BCU YIN NO, ,DE LA MTHONG BA DANG SGOM PA'I LAM GYI YONGS SU SBYONG PA'I CHOS KYI DBYE BAS RAB TU DGA' BA LA SOGS PA'I SA BCUR RNAM PAR BZHAG GO ,ZHES GSUNGS PA'I PHYIR DANG, NYI SNANG LAS KYANG, RTOGS BA'I CHAD 'DI CAM MA YIN NO, ,ZHES BYA BA NI RNAM GRANGS GZHAN YIN NO, ,ZHES SA DANG POR NYAN RANG GI SPANGS RTOGS KYI RIGS MA RDZOGS PAR GSUNGS PA'I PHYIR DANG, KHYAD PAR LUGS PHYI MA MI 'THAD DE, NYAN THOS DGRA BCOM PAS BAG LA NYAL GYI NYON SGRIB SPANGS PAR THAL, DES NYON SGRIB LHAN SKYES KYI SA BON SPANGS PA'I PHYIR TE, NYAN THOS KYI MTHONG LAM RJES SHES DES NYON SGRIB KUN BTAGS KYI SA BON SPANGS PA'I PHYIR TE, DES SKYABS GNAS YANG DAG LA THE TSOM ZA BA'I THE TSOM GYI SA BON ZAD PAR SPANGS BA'I PHYIR TE, NYAN THOS KYI MTHONG LAM RJES BZOD DE, DNGOS GNYEN BAR CHAD MED LAM YIN PA'I
, ,PHYIR; NYAN THOS KYI MTHONG LAM RJES BZOD PA DE'I RGYUD LA DE'I DNGOS GNYEN YOD PA'I PHYIR, MA GRUB NA, NYAN THOS SLOB PA 'PHAGS PA RNAMS DGE 'DUN DKON MCHOG TU BZHAG TU MI RUNG BAR THAL, SKYABS GNAS YANG DAG LA THE TSOM ZA BA'I THE TSOM GYI SA BON GYI DNGOS GNYEN RGYUD LA SKYE MA MYONG BA'I SLOB PA 'PHAGS PA YIN PA'I PHYIR TE, MA GRUB PA DE'I PHYIR, GZHAN YANG, DAM BCA' DE MI 'THAD DE, MA RIG BAG CHAGS KYI SA DE NYON SGRIB MA YIN PA'I PHYIR TE, DE SHES SGRIB YIN PA'I PHYIR, GAL TE KHO BO CAG KYANG BAG LA NYAL GYI NYON SGRIB SHES SGRIB TU 'DOD DO ZHE NA, NYON SGRIB LA DE GNYIS SU 'BYED MI RIGS PAR THAL, DAM BCA' 'THAD PA'I PHYIR, GZHAN YANG, KUN BTUS LAS, NYON MONGS PA DANG SHES BYA'I SGRIB PA CIG CAR DU SPONG, ZHES GSUNGS PA MI 'THAD PAR THAL, DMAN LAM SNGON DU MA SONG BA'I BYANG 'PHAGS KYIS NYON SGRIB DANG SHES SGRIB CIG CAR DU MI SPONG BA'I PHYIR, GAL TE NGES SHES SGRIB DANG NYON SGRIB KYI BAG CHAGS CIG CAR DU SPONG BA'I DON YIN ZHE NA, DPER NA SPANGS PA'I DGRA BCOM PA LTAR, ZHES PA'I SKABS KYI NYON SGRIB DE YANG NYON SGRIB KYI BAG CHAGS LA BYED RIGS PAR THAL, NYON MONGS PA DANG ZHES PA'I NYON MONGS DE DE LA BYED RIGS PA'I PHYIR RO, ,KHA CIG ,DMAN LAM SNGON DU MA SONG PA'I BYANG SEMS 'PHAGS PAS NYAN RANG GI SPANGS RTOGS RDZOGS PA DANG SANGS RGYAS PA DUS MNYAM ZER NA, DMAN LAM SNGON DU MA SONG BA'I SANGS RGYAS 'PHAGS PA'I RGYUD
LA TAN RANG GI SPANGS RTOGS YOD PAR THAL, DAM BCA' DE'I PHYIR, 'DOD MI NUS TE, NYAN RANG GI SPANGS RTOGS GANG RUNG YIN NA, NYAN RANG GI RGYUD KYIS BSDUS PAS KHYAB PA'I PHYIR, BZHI PA NI, SANGS RGYAS KYI ZHING KHYAD PAR CAN GYI GDUL BYA'I CHED DU DAM BCA' BA'I SMON LAM GYI DON 'GRUB PA'I RGYU'I DGE RTZA'I NUS PA YONGS SU RDZOGS PAR BYAS PA DE SMON LAM YONGS SU RDZOGS PA'I TSAD DANG, RANG GANG DU SANGS RGYAS PA'I SANGS RGYAS KYI ZHING DER GDUL BYA RNAMS MNGON PAR SHES PA LNGA DANG MI LDAN PA MED PAR MA GYUR PA DE SRID DU BDAG 'TSANG MI RGYA'O, ,ZHES DAM BCA' BA'I SMON LAM GYI RGYU'I DGE RTZA'I NUS PA YONGS SU RDZOGS PA DE, RGYAL BA 'OD DPAG MED LTA BU SPRUL SKU'I DBANG DU BYAS PA'I SMON LAM YONGS SU RDZOGS PA'I TSAD DANG, BDAG GANG DU SANGS RGYAS PA'I SANGS RGYAS KYI ZHING DER 'KHOR THEG CHEN 'PHAGS PA SHA STAG GIS BSKOR BA 'BYUNG BAR MA GYUR PA DE SRID DU BDAG SANGS MI RGYA'O, ,ZHES DAM BCA' BA'I SMON LAM GYI DON 'GRUB PA'I RGYU'I BGE RTZA'I NUS PA YONGS SU RDZOGS PA DE, LONGS SKU'I DBANG DU BYAS PA'I SMON LAM YONGS SU RDZOGS PA'I TSAD YIN NO, ,ZHING BYE BA PHRAG BRGYAR SKU'I BKOD PA BYE BA PHRAG BRGYA DANG, SKU RE RE'I 'KHOR DU SEMS CAN GRANGS LAS 'DAS PA LA TSIGS SU BCAD PA RE RES 'PHAGS PA'I GO 'PHANG LA 'GOD PAR NUS PA'I SMON LAM GYI DON 'GRUB PA'I RGYU'I DGE RTZA'I NUS PA YONGS SU RDZOGS PA DE, SEMS CAN YONGS SU SMIN PAR BYAS PA'I TSAD DANG, LONGS SPRUL GYI ZHING KHYAD PAR
, ,CAN 'GRUB PA'I RGYU'I DGE RTZA'I NUS PA YONGS SU RDZOGS PA DE, SANGS RGYAS KYI ZHING YONGS SU SBYANGS PA'I TSAD YIN NO, ,RNAM BSHAD LAS, SPRUL SKU'I DBANG DU BYAS NA RGYAL BA 'OD DPAG MED KYIS BDAG SANGS RGYAS PA'I SANGS RGYAS KYI ZHING DER MNGON PAR SHES PA LNGA DANG MI LDAN PA MED PAR MA GYUR PA DE SRID DU BDAG SANGS MI RGYA'O, ,ZHES DAM BCAS PA LTA BU SPRUL SKU'I ZHING KHYAD PAR CAN GYI CHED DU DAM BCAS PA DANG, ZHES GSUNGS PA'I DON LA KHA CIG ,RNAM BSHAD LAS DE LTAR GSUNGS PA SGRA JI BZHIN PA MA YIN TE, BDE BA CAN GYI RTEN CAN GYI GANG ZAG YIN NA, MNGON PAR SHES PA LNGA DANG LDAN PAS MA KHYAB PA'I PHYIR TE, DE'I RTEN CAN GYI RGYUN ZHUGS DANG PHYIR 'OD YOD PA'I PHYIR NA MI 'THAD DE, BDE BA CAN GYI RTEN CAN GYI NYAN THOS SLOB PA MED PA'I PHYIR TE, DE 'DRA'I LHAG BCAS MYANG 'DAS PA MED PA'I PHYIR TE, BDE BA CAN DU SDUG BDEN MED PA'I PHYIR TE, KUN BTUS LAS, YONGS SU DAG PA'I 'JIG RTEN GYI KHAMS 'DI DAG NI SDUG BSNGAL GYI BDEN PA MA YIN BAR YONGS SU BLTA BAR BYA'O, ,DE DAG NI LAS DANG NYON MONGS PAS BSKYED PA MA YIN, LAS DANG NYON MONGS PA'I DBANG GIS BYUNG BA MA YIN GYI SMON LAM DANG DGE BA'I RTZA BA'I STOBS LAS BYUNG BA DAG GO ,ZHES DAG PA'I ZHING GI SNOD BCUD THAMS CAD SDUG BDEN MA YIN PAR GSUNGS PA'I PHYIR, KHA CIG ,CHOS NYID DE BZHIN NYID LA MNYAM BAR BZHAG BZHIN PA'I DANG NAS GZHAN DON 'BAD MED
LHUN GRUB TU BYED PA NI SMON LAM RDZOGS PA'I TSAD YIN ZER, DE 'GOG PA LA RNAM BSHAD LAS, SMON LAM RDZOGS PA'I TSAD CHOS NYID LA MNYAM PAR BZHAG BZHIN DU GZHAN DON 'BAD MED LHUN GRUB TU BYED PA LA 'CHAD PA NI, CHOS SKU MTHOB? BAR DU CHOS SKU MNGON DU MI BYA'O, ,ZHES PA'I DON DU 'GYUR BAS DOGS PA'I GNAS MED LA, ZHES GSUNGS, DE'I DON LA KHA CIG ,MCHOG GI SPRUL SKUS DMAN LAM SNGON DU MA SONG BA'I BYANG SEMS 'PHAGS PA LA CHOS SKU MTHOB BAR DU CHOS SKU MNGON DU MI BYA'O, ,ZHES GDAMS PA STER RIGS PAR THAL, DES DE LA RDZOGS SMIN SBYANGS GSUM MA BYAS PAR YANG DAG MTHA' MNGON DU MA BYED CIG CES GDAMS PA STER RIGS PA GANG ZHIG ,RDZOGS SMIN SBYANGS GSUM BYAS PA'I GANG ZAG YIN NA YANG CHOS SKU MNGON DU BYAS PA'I GANG ZAG YIN DGOS, YANG DAG MTHA' MNGON DU BYAS PA'I GANG ZAG YIN NA YANG DE DGOS PA'I PHYIR, DANG PO SLA, GNYIS PA GRUB STE, DE YIN NA CHOS NYID LA MNYAM PAR BZHAG BZHIN DU GZHAN DON 'BAD MED LHUN GRUB TU BYED PA'I GANG ZAG YIN DGOS, DE YIN NA DE LTAR DGOS PA'I PHYIR, DANG PO GRUB STE, SMON LAM RDZOGS PA'I TSAD DE 'THAD PA'I PHYIR, GNYIS PA 'BUD DO, ,ZHES ZER BA MI 'THAD DE, DES DE LA DE GSUM MA BYAS PAR CHOS SKU MNGON DU MA BYED CIG CES GDAMS RIGS PAR THAL, DES DE LA DE GSUM MA RDZOGS BAR YANG DAG MTHA' MNGON DU MA BYED CIG CES GDAMS RIGS PA GANG ZHIG ,YANG DAG MTHA' MNGON DU BYAS PA'I GANG ZAG YIN NA, CHOS SKU MNGON DU BYAS
, ,PA'I GANG ZAG YIN DGOS PA'I PHYIR, KHYAB PA KHAS, DANG PO DNGOS, GNYIS PA 'BUD, RANG LUGS KYI LUNG DON 'OG TU 'CHAD DO, ,KHA CIG ,GZHAN DON DU RDZOGS BYANG THOB BAR GYUR CIG CES DAM BCAS PA'I SMON LAM GYI DON GRUB PA DE, SMON LAM YONGS SU RDZOGS PA'I TSAD DANG, RANG GI SKU DNGOS KYI GDUL BYA GNYEN PO DNGOS SU SKYE RUNG DANG, SPANG BYA DNGOS SU SPONG RUNG DU BYAS PA DE SEMS CAN SMIN PAR BYAS PA'I TSAD DANG, SANGS RGYAS RANG SNANG LA ZHING DAG PA RAB 'BYAMS 'BA' ZHIG TU SNANG BA DE, SANGS RGYAS KYI ZHING YONGS SU SBYANGS PA'I TSAD YIN ZER NA, BYANG SEMS RGYUN MTHA' PA CHOS CAN, TSAD DANG PO DER THAL, SMON LAM YONGS SU RDZOGS PAR BYAS PA'I PHYIR TE, RDZOGS SMIN SBYANGS GSUM BYAS PA'I PHYIR, CHOS CAN DE'I PHYIR, 'DOD NA, GZHAN DON DU RDZOGS BYANG THOB PAR THAL LO, ,STON PA SH'AKYA THUB PA CHOS CAN, TSAD GNYIS PA DER THAL, SEMS CAN SMIN PAR BYAS PA'I PHYIR, 'DOD NA, DE'I SKU DNGOS KYI GDUL BYA YIN NA GNYEN PO DNGOS SU SKYE RUNG DANG SPANG BYA DNGOS SU SPONG RUNG YIN DGOS BAR THAL LO, ,'DOD NA, DE YIN NA LAM ZHUGS KYI GANG ZAG YIN DGOS PAR THAL LO, ,GZHAN YANG, SEMS CAN SMIN PA DANG SEMS CAN SMIN PA DBYAS LA DON GCIG PAR THAL, DAM BCA' 'THAD PA'I PHYIR, 'DOD NA, BYANG SEMS MTHONG LAM PA CHOS CAN, SEMS CAN SMIN PAR BYAS PAR THAL, SEMS CAN SMIN PA YIN PA'I PHYIR TE, BYANG SEMS 'PHAGS PA YIN PA'I PHYIR, GZHAN
YANG; MA DAG PA'I ZHING SANGS RGYAS LA MI SNANG BAR THAL, TSAD GSUM PA 'THAD PA'I PHYIR, 'DOD NA, DE SANGS RGYAS 'PHAGS PA LA SNANG BAR THAL, KUN MKHYEN YE SHES LA SNANG BA'I PHYIR, RTAGS SLA, KHA CIG ,RDZOGS SMIN SBYANGS GSUM BYAS PA'I GANG ZAG YIN NA, SANGS RGYAS 'PHAGS PA YIN PAS KHYAB STE, SMON LAM RDZOGS PAR BYAS PA'I GANG ZAG YIN NA, SANGS RGYAS 'PHAGS PA YIN DGOS PA'I PHYIR TE, DE YIN NAM RIG BAG CHAGS KYIS SPANGS BA'I GANG ZAG YIN DGOS PA'I PHYIR TE, RNAM BSHAD LAS, BAR BA NI ZHING BYE BA PHRAG BRGYAR SKU'I BKOD PA DE SNYED DANG SKU RE RE'I 'KHOR DU SEMS CAN GRANGS LAS 'DAS PA LA TSIGS SU BCAD PA RE RES 'PHAGS PA'I GO 'PHANG LA 'GOD PAR NUS PA NI JI SRID DU KUN SLONG GI RTOG PA YOD PA DE SRID DU MI NUS PAS DE 'DRA DUS GCIG TU LAN CIG BYED PA YANG 'BAD MED LHUN GRUB TU BYED PA LA RAG LAS SHING, MA RIG BAG CHAGS KYI SA DANG ZAG PA MED PA'I LAS KYANG SPANGS NAS SLAR MI LDANG BA'I TSUL GYIS ZHI BA'I DBYINGS SU SNYOMS PAR 'JUG PA LA BLTOS BA YIN NO, ,ZHES GSUNGS PA'I PHYIR NA MA KHYAB STE, DE 'DRA BYED BZHIN PA'I GANG ZAG YIN NA, MA RIG BAG CHAGS KYI SA SPANGS PAS KHYAB BA DE DE'I DON NO, ,KHA CIG ,RANG NYID 'TSANG? RGYA 'GYUR GYI SANGS RGYAS KYI ZHING KHYAD PAR CAN 'GRUB PA'I RGYU'I NUS PA YONGS SU RDZOGS PA DE, SANGS RGYAS KYI ZHING YONGS SU SBYANGS PA'I TSAD YIN ZER NA, STON PA SH'AKYA THUB PA CHOS CAN, TSAD DER THAL, SANGS RGYAS KYI ZHING YONGS SU SBYANGS PA'I PHYIR,
, ,'DOD NA, KHYOD 'TSANG RGYA 'GYUR GYI SANGS RGYAS KYI ZHING YOD PAR THAL LO, ,'DOD NA, KHYOD 'TSANG RGYA 'GYUR YIN PAR THAL LO, ,KHO NA RE, RANG NYID SANGS RGYAS PA'I SANGS RGYAS KYI ZHING YOD NA, RANG NYID SANGS RGYAS YIN DGOS PAR THAL, RANG NYID 'TSANG RGYA 'GYUR GYI SANGS RGYAS KYI ZHING YOD NA RANG NYID 'TSANG RGYA 'GYUR YIN DGOS PA'I PHYIR NA MA KHYAB, LNGA PA NI, KHYAB PA 'DU BYED KYI SDUG BSNGAL NYE BAR ZHI BA'I NYER ZHI 'DIR BSTAN YANG DAG MTHA' YIN, ZHI BDE DES THUGS 'PHROGS PA'I SGO NAS NYER ZHI DE LA RANG GI BSAM NGO LA BLTOS TE SLAR MI LDANG BA'I TSUL GYIS MNYAM PAR BZHAG PA DE, THEG DMAN GYI DBANG DU BYAS PA'I 'DIR BSTAN YANG DAG MTHA' MNGON DU BYAS PA'I TSAD DANG, DE DANG RDZOGS SMIN SBYANGS GSUM MA BYAS PAR 'DIR BSTAN YANG DAG MTHA' MNGON DU BYAS PA DON GCIG STE, RNAM BSHAD LAS, 'DI NI KHYAB PA 'DU BYED KYI SDUG BSNGAL NYE BAR ZHI BA'I NYER ZHI DE NYID YIN LA, NYAN RANG DGRA BCOM ZHI BA'I DBYINGS SU SNYOMS PAR ZHUGS PA RNAMS KYIS SNYOMS PAR ZHUGS PA'I SNGA ROL TU ZHI BA'I BDE BA DES THUGS 'PHROGS NAS BSAM NGO LA BLTOS TE SLAR MI LDANG BA'I TSUL GYIS BSKAL PA'I BAR DU ZHI BA'I DBYINGS SU SNYOMS PAR ZHUGS PA NI THEG PA DMAN PA'I RIGS CAN NYID KYI DBANG DU BYAS PA'I YANG DAG PA'I MTHA' MNGON DU BYAS PA'I DON NO, ,ZHES GSUNGS PA'I PHYIR, NYER ZHI DE LA DNGOS GNAS LA SLAR MI LDANG
BA'I TSUL GYIS MNYAM PAR BZHAG PA NI, THEG CHEN GYI DBANG DU BYAS PA'I 'DIR BSTAN YANG DAG MTHA' MNGON DU BYAS PA'I DON NO, ,DE DANG RDZOGS SMIN SBYANGS GSUM BYAS RJES SU 'DIR BSTAN YANG DAG MTHA' MNGON DU BYAS BA DON GCIG ,'DIR BSTAN YANG DAG MTHA' YIN NA, KHYAD CHOS GSUM DANG LDAN PA GCIG YIN DGOS TE, DE YIN NA DMAN LAM SNGON DU MA SONG BA'I BYANG SEMS 'PHAGS PAS RDZOGS SMIN SBYANGS GSUM MA BYAS PAR RANG NYID MNGON DU BYED NUS PA, RDZOGS SMIN SBYANGS GSUM MA BYAS PA'I SNGA ROL DU RANG NYID MNGON DU BYED NUS KYANG MI BYED PA, DES DE GSUM BYAS RJES SU RANG NYID MNGON DU BYED PAS KHYAB PA'I PHYIR, DANG PO GRUB STE, RNAM BSHAD LAS, DUS DE'I BAR DU SU GANG GIS YANG DAG MTHA' MNGON DU BYED NUS PA GCIG MI SRID NA SKABS 'DIR DE LTA BU'I GDAMS PA BYIN PA LA DGOS PA MED PAR SHES PAR BYA'O, ,ZHES GSUNGS PA'I PHYIR, GNYIS PA GRUB STE, DE NYID LAS, DE YANG BRTAG PA MTHA' BZUNG TZAM YIN GYI, SA BRGYAD PA THOB NAS CHOS GSUM MA RDZOGS PA'I BAR DU YANG DAG PA'I MTHA' MNGON DU BYED PA GAL SRID, CES GSUNGS PA'I PHYIR, GSUM PA GRUB STE, DE NYID LAS, CHAD PA'I MYANG 'DAS LA BYED PA YANG RDZOGS SMIN SBYANGS GSUM BYAS NAS MNGON DU BYA BA'I DON DU BSTAN PA DANG 'GAL BA'I PHYIR RO, ,ZHES GSUNGS PA'I PHYIR, SPYIR BTAD DANG DMIGS BSAL GYI DON NI, DE DAG GIS LAM GYI BYA BA YANG BYA LA, ZHES PAS SPYIR BTANG NAS, LAM GSUM PO DE DAG GI BYA BA
, ,MTHA' DAG BYA'AM SNYAM NA, RDZOGS SMIN SBYANGS GSUM MA BYAS PAR YANG DAG PA'I MTHA' MNGON DU MI BYA'O, ,ZHES DMIGS KYIS BSAL BA YIN TE, DPER NA, MDO'I GLENG GZHI'I SKABS SU, THAMS CAD KYANG DGRA BCOM PA, ZAG PA ZAD PA, ZHES SPYIR BTANG NAS, GANG ZAG GCIG MA GTOGS PA NI ZHES DMIGS KYIS BSAL BA BZHIN NO, ,YANG RNAM BSHAD LAS, YANG DAG PA'I MTHA' DE BZHIN NYID TZAM LA BYAS NAS DE MNGON DU BYAS PA'I DON DE LAS SLAR MI LDANG PA'I TSUL GYIS MNYAM PAR BZHAG PA LA BYED PA DANG, CHOS NYID DRI BRAL GYI 'GOG PA YANG DAG PA'I MTHA' DANG, DE THOB PA DE MNGON DU BYAS PA'I DON DU BZHED PA RNAMS SANGS RGYAS MA THOB BAR DU SANGS RGYAS MNGON DU MI BYA'O, ,ZHES PA'I DON DU 'GYUR BAS 'THAD BAR DKA'O, ,ZHES GSUNGS PA'I DON NI, RONG t'I KA SOGS t'IKA SNGA MA RNAMS SU CHOS NYID LA MNYAM PAR BZHAG BZHIN DU GZHAN DON 'BAD MED LHUN GRUB TU BYED NUS PA SMON LAM RDZOGS PA'I TSAD DANG, CHOS NYID DE BZHIN NYID 'DIR BSTAN YANG DAG MTHA' DANG DE LA SLAR MI LDANG BA'I TSUL GYIS MNYAM PAR BZHAG PA 'DIR BSTAN YANG DAG MTHA' MNGON DU BYAS PA'I DON YIN ZHES GSUNGS PA GNYIS LA NANG 'GAL 'DZIN PA YIN TE, LUNG 'DI DANG GONG GI SMON LAM RDZOGS PA'I TSAD, CES SOGS GSUNGS PA GNYIS KYI DON NI, MCHOG GI SPRUL SKUS DMAN LAM SNGON DU MA SONG BA'I BYANG SEMS 'PHAGS PA LA SANGS RGYAS MA THOB BAR DU SANGS RGYAS MNGON DU MI BYA'O, ,ZHES GDAMS PA STER BAR RIGS DANG THAL, DES DE LA RDZOGS SMIN SBYANGS
GSUM MA BYAS PAR 'DIR BSTAN YANG DAG MTHA' MNGON DU MI BYA'O, ,ZHES GDAMS PA STER BAR RIGS PA GANG ZHIG ,DE GSUM MNGON DU BYAS PA'I GANG ZAG YIN NA YANG SANGS RGYAS MNGON DU BYAS PA'I GANG ZAG YIN DGOS, 'DIR BSTAN YANG DAG MTHA' MNGON DU BYAS PA'I GANG ZAG YIN NA YANG DE YIN DGOS PA'I PHYIR, DANG PO SLA, GNYIS PA GRUB STE, SMON LAM RDZOGS PA'I GANG ZAG LA DE DGOS PA'I PHYIR TE, SMON LAM RDZOGS PA'I TSAD DE 'THAD PA'I PHYIR, GSUM PA GRUB STE, DE YIN NA CHOS NYID DE BZHIN NYID LA SLAR MI LDANG BA'I TSUL GYIS MNYAM PAR BZHAG PA'I GANG ZAG YIN DGOS, DE YIN NA CHOS NYID DE BZHIN NYID MNGON DU BYAS PA'I GANG ZAG YIN DGOS, DE YIN NA CHOS SKU MNGON DU BYAS PA'I GANG ZAG YIN DGOS PA'I PHYIR, DANG PO DNGOS, GNYIS PA 'BUD DO, ,KHO NA RE, BYANG SEMS RGYUN MTHA' PA CHOS CAN, THAL 'GYUR PHYI MA DER THAL, DE'I PHYIR TE, DE MNGON DU BYAS PA'I GANG ZAG YIN PA'I PHYIR NA MA KHYAB, GZHAN YANG, DE CHOS CAN, THAL 'GYUR DANG PO LA DER THAL, DE'I PHYIR, DE LA MNYAM PAR BZHAG PA GANG ZHIG ,MNYAM GZHAG DE LAS SLAR LDANG MI SRID BA'I PHYIR NA MA KHYAB STE, DE CHOS CAN, RANG RGYUD LA SGRIB PA SKYE MI RUNG GI CHOS CAN DU BYAS PA'I GANG ZAG YIN PAR THAL, GANG ZAG GANG ZHIG ,RANG RGYUD LA SGRIB PA SKYE MI SRID PA'I PHYIR, KHYAB PA 'GRIG ,GZHAN YANG; GLO BUR DRI BRAL GYI 'GOG PA CHOS CAN, RDZOGS SMIN SBYANGS GSUM MA BYAS PAR KHYOD MNGON DU BYAS PA'I GANG ZAG YOD PA DANG, BYANG SEMS 'PHAGS PAS RDZOGS SMIN SBYANGS GSUM MA BYAS PAR KHYOD MNGON DU BYED NUS PAR THAL, KHYOD 'DIR
, ,BSTAN YANG DAG MTHA' YIN PA'I PHYIR, RTAGS KHAS, 'DOD MI NUS TE, NGO BO NYID SKU YIN PA'I PHYIR, KHO NA RE, ,SANGS RGYAS 'PHAGS PA'I RGYUD KYI 'DIR BSTAN YANG DAG MTHA' CHOS CAN, BYANG SEMS 'PHAGS PAS RDZOGS SMIN SBYANGS GSUM MA BYAS PAR KHYOD MNGON DU BYED NUS PAR THAL, KHYOD 'DIR BSTAN YANG DAG MTHA' YIN PA'I PHYIR, KHYAB PA KHAS, DER THAL, DE YOD PA'I PHYIR, DE'I RGYUD LA DE YOD PA'I PHYIR NA MA KHYAB STE, SANGS RGYAS 'PHAGS PA'I RGYUD KYI RANG NYID THOB NA LAM BDEN THOB PAR 'JOG NUS, RANG NYID MA THOB NA PHA MA BDEN MA THOB PAR 'JOG NUS PA'I LAM BDEN YOD PAR THAL, DE'I RGYUD LA DE YOD PA'I PHYIR, KHYAB PA KHAS, MA GRUB NA, DE 'DRA'I LAM BDEN YIN NA SANGS RGYAS 'PHAGS PA'I RGYUD LA MED PAS KHYAB PAR THAL, MA GRUB PA DE'I PHYIR, 'DOD NA, LAM BDEN CHOS CAN, DER THAL, DE'I PHYIR, RTZA BAR 'DOD NA, DE KHO KHO RANG DU THAL, KHO YOD PA'I PHYIR, 'DOD NA RANG NYID THOB NA LAM BDEN THOB PAR 'JOG NUS, RANG NYID MA THOB NA LAM BDEN MA THOB PAS KHYAB PAR THAL, KHYOD DE 'DRA'I LAM BDEN YIN PA'I PHYIR, 'DOD NA, BYANG 'PHAGS CHOS CAN, DER THAL, DE'I PHYIR, KHA CIG ,'DIR BSTAN YANG DAG MTHA' DE LA GSUM YOD DE, NYON SGRIB SPANGS PA'I SPANGS PA DE, NYAN THOS KYI LAM GANG YIN PA DANG, ZHES PA'I SKABS NAS BSTAN PA'I YANG DAG MTHA' DANG, GZUGS PHYI ROL DON 'DZIN GYI RTOG PA SPANGS PA'I SPANGS PA DE, RANG SANGS RGYAS KYI LAM GANG YIN PA DANG, ZHES PA'I SKABS NAS BSTAN PA'I YANG DAG MTHA' DANG, SHES
SGRIB SPANGS BA'I SPANGS PA DE, SANGS RGYAS KYI LAM GANG YIN PA DANG, ZHES BA'I SKABS NAS BSTAN PA'I YANG DAG MTHA' YIN PA'I PHYIR, DE 'DIR BSTAN GDAMS DON GTZO BOR GYUR PA'I YANG DAG MTHA' MA YIN, DES NA THEG DMAN DGRA BCOM KHYAB PA 'DU BYED KYI SDUG BSNGAL NYE BAR ZHI BA'I NYER ZHI LA RANG GI BSAM NGO LA BLTOS TE SLAR MI LDANG BA'I TSUL GYIS MNYAM PAR BZHAG PA DE THEG DMAN GYI 'DIR BSTAN YANG DAG MTHA' MNGON DU BYAS PA'I CHOD DANG, SA BCU PA PAS SANGS RGYAS THOB PA NA ZHI BA DES THUGS 'PHROGS PA MA YIN PAR NYER ZHI DE LA SLAR MI LDANG BA'I TSUL GYIS MNYAM PAR BZHAG PA DE, BYANG SEMS KYI 'DIR BSTAN YANG DAG MTHA' MNGON DU BYAS PA'I TSAD YIN ZHES ZER NA, SHES SGRIB SPANGS PA'I SPANGS PA CHOS CAN, KHYOD DE DAG GIS YANG DAG PA'I MTHA' MNGON DU NI MI BYA'O, ,ZHES PA'I SKABS NAS BSTAN PA'I YANG DAG MTHA' YIN PAR THAL, KHYOD 'DIR BSTAN YANG DAG MTHA' YIN PA'I PHYIR, RTAGS KHAS, 'DOD NA, 'DIR BSTAN GDAMS DON GTZO BOR GYUR PA'I YANG DAG MTHA' YIN PAR THAL LO, ,GZHAN YANG, NYON SGRIB SPANGS PA'I SPANGS PA CHOS CAN, KHYOD MNGON DU BYAS PA DANG DUS MNYAM DU 'DIR BSTAN YANG DAG MTHA' MNGON DU BYAS PA'I THEG DMAN GYI GANG ZAG YOD PAR THAL, KHYOD MNGON DU BYAS PA'I THEG DMAN GYI GANG ZAG YOD, KHYOD 'DIR BSTAN YANG DAG MTHA' YIN PA'I PHYIR, 'DOD NA, LHAG BCAS MYANG 'DAS LA GNAS PA'I NYAN THOS DGRA BCOM PAS 'DIR BSTAN YANG DAG MTHA' MNGON DU BYAS PAR THAL LO, ,GZHAN YANG, THEG DMAN DGRA BCOM PAS RANG GI BSAM
, ,NGO LA LTOS TE NYER ZHI DE LA SLAR MI LDANG BA'I TSUL GYIS MNYAM PAR BZHAG PAR THAL, DE LTAR BZHAG PA DE THEG DMAN GYI 'DIR BSTAN YANG DAG MTHA' MNGON DU BYAS PA'I TSAD YIN PA'I PHYIR, RTAGS KHAS, 'DOD NA, THEG DMAN GYI GANG ZAG GIS 'DIR BSTAN YANG DAG MTHA' MNGON DU BYAS PAR THAL, 'DOD PA'I PHYIR, KHYAB PA KHAS, GZHAN YANG ,SA BCU PA PA SANGS RGYAS PA'I TSE NYER ZHI DES THUGS 'PHROGS PA MA YIN PAR DE LAS SLAR MI LDANG BA'I TSUL GYIS MNYAM PAR BZHAG PAR THAL LO, ,TSAD GNYIS PA DE 'THAD PA'I PHYIR, 'DOD NA, BYANG SEMS KYIS 'DIR BSTAN YANG DAG MTHA' MNGON DU BYAS PAR THAL, 'DOD PA'I PHYIR, KHYAB PA KHAS, KHO NA RE, DMAN LAM SNGON DU MA SONG BA'I BYANG SEMS 'PHAGS PAS RDZOGS SMIN SBYANGS GSUM MA BYAS PAR RANG GI THOB BYAR GYUR PA'I 'DIR BSTAN YANG DAG MTHA' MNGON DU BYED NUS PAR THAL, DES DE GSUM MA BYAS PAR 'DIR BSTAN YANG DAG MTHA' MNGON DU BYED NUS PA'I PHYIR, 'DOD MI NUS TE, DE NGO BO NYID SKU YIN PA'I PHYIR TE, DE'I THOB BA'I MYANG 'DAS DE MI GNAS PA'I MYANG 'DAS YIN PA'I PHYIR, MA GRUB NA, DE CHOS CAN, KHYOD KYI THOB BYAR GYUR PA'I DE DER THAL, KHYOD BYANG CHUB SEMS DPA' YIN PA'I PHYIR ZER NA MA KHYAB, KHA CIG ,KHYAB PA 'DU BYED KYI SDUG BSNGAL NYE PAR ZHI BA'I NYER ZHI DE 'DRI BSTAN YANG DAG MTHA' DANG, DE THOB PA 'DIR BSTAN YANG DAG MTHA' MNGON DU BYAS PA'I DON YIN, ZER NA, LHAG MED MYANG 'DAS THOB PA'I SO BRGYAD LA PA CHOS CAN, DE DER THAL, DE THOB PA'I GANG ZAG YIN
BA'I PHYIR, 'DOD NA, THEG CHEN GYI DBANG DU BYAS PA'I 'DIR BSTAN YANG DAG MTHA' MNGON DU BYAS PA'I GANG ZAG TU THAL, 'DIR BSTAN YANG DAG MTHA' MNGON DU BYAS PA'I THEG CHEN GYI GANG ZAG YIN PA'I PHYIR, KHO NA RE, DES DE MNGON DU BYAS PAR THAL DE MNGON DU BYAS PA'I BYANG 'PHAGS YOD PA'I PHYIR TE, RNAM BSHAD LAS, NYAN RANG ZHI BA'I DBYINGS LAS LANGS NAS THEG PA CHEN POR ZHUGS PA RNAMS KYIS BAR BAR DU YANG DAG PA'I MTHA' MNGON DU BYED KYANG SNGON GOMS PA'I DBANG TZAM DU ZAD KYI, 'DI LA DUS YUN RING DU MNYAM PAR GZHAG PAR BYA'O SNYAM PA'I BLO'I 'PHEN PA CUNG ZAD KYANG MED PAR SHES PAR BYA'O, ,ZHES GSUNGS PA'I PHYIR NA MA KHYAB STE, LHAG MED MYANG 'DAS THOB PA'I BYANG SEMS RNAMS SNGON GOMS PA'I STOBS KYIS KHYAB PA 'DU BYED KYI SDUG BSNGAL NYE BAR ZHI BA'I NYER ZHING DE LA BAR DU MNYAM PAR BZHAG PA YOD PA LUNG DE'I DON YIN PA'I PHYIR, GZHAN YANG, DE 'DRA'I SA BRGYAD PA PA DE CHOS CAN, RDZOGS SMIN SBYANGS GSUM MA BYAS PAR 'DIR BSTAN YANG DAG MTHA' MNGON DU BYAS PAR THAL, DE MNGON DU BYAS PA'I SEMS CAN YIN PA'I PHYIR, 'DOD NA, DUS MA YIN PAR DE MNGON DU BYAS PA'I GANG ZAG TU THAL LO, ,'DOD MI NUS TE, DE MNGON DU BYAS PA'I DUS DANG DUS MA YIN PA LA MKHAS PA'I RGYAL SRAS 'PHAGS PA YIN PA'I PHYIR, KHO NA RE, DE CHOS CAN, DE MNGON DU BYAS BA'I GANG ZAG YIN PAR THAL, THEG DMAN LAM DU DE MNGON DU BYAS PA'I GANG ZAG YIN PA'I PHYIR TE, THEG DMAN GYI LHAG MED MYANG 'DAS KYI GNAS SKABS SU DE MNGON DU BYAS
, ,PA'I GANG ZAG YIN PA'I PHYIR TE, THEG DMAN GYI LHAG MED MYANG 'DAS THOB MA THAG TU DE MNGON DU BYAS BA'I GANG ZAG YIN PA'I PHYIR NAM KHYAB STE, LHAG MED MANG 'DAS THOB PA'I RJES THOB LA GNAS PA'I NYAN THOS DGRA BCOM PA CHOS CAN, KHYAB PA 'DU BYED KYI SDUG BSNGAL NYE BAR ZHI BA'I NYER ZHI LA SLAR MI LDANG BA'I TSUL GYIS MNYAM PAR BZHAG PA'I GANG ZAG TU THAL, THEG DMAN LAM DU DE LTAR MNYAM PAR BZHAG PA'I GANG ZAG YIN PA'I PHYIR TE, THEG DMAN GYI LHAG MED MYANG 'DAS KYIS GNAS SKABS SU DE LTAR MNYAM PAR BZHAG PA'I GANG ZAG YIN PA'I PHYIR TE, DE THOB MA THAG TU DE LTAR MNYAM PAR BZHAG PA'I GANG ZAG YIN PA'I PHYIR, 'KHOR GSUM, KHO NA RE, DE 'DRA'I SA BRGYAD PA DES 'DIR BSTAN YANG DAG MTHA' MNGON DU BYAS PA DANG, RNAM MKHYEN THOB PA DUS MNYAM PAR THAL, DES DE MNGON DU BYAS PA'I PHYIR NA MA KHYAB, 'DOD NA, DES DE MNGON DU BYAS PA, RNAM MKHYEN THOB PA, LHAG MED MYANG 'DAS THOB PA GSUM DUS MNYAM PAR THAL, 'DOD PA GANG ZHIG ,DES DE MNGON DU BYAS PA DANG LHAG MED MYANG 'DAS THOB PA DUS MNYAM BA'I PHYIR, KHO NA RE, KHYAB PA 'DU BYED KYI SDUG BSNGAL NYE BAR ZHI BA'I NYER ZHI THOB PA DANG DUS MNYAM DU 'DIR BSTAN YANG DAG MTHA' MNGON DU BYAS PA'I THEG DMAN GYI GANG ZAG MED DE, DE MNGON DU BYED PA LA NYER ZHI DE THOB PA SNGON DU 'GRO DGOS PA'I PHYIR TE, RNAM BSHAD LAS, NYAN RANG ZHI BA'I DBYINGS SU SNYOMS PAR 'JUG PA DANG, ZHES SOGS GSUNGS BA'I PHYIR NA MA KHYAB STE, LHAG
BCAS MYANG 'DAS PA DE SKU TSE 'PHO KHAR ZAG BCAS KYI LUS 'DI BOR NAS DAG PA'I ZHING DU PADMA'I SPUBS SU YID KYI RANG BZHIN GYI LUS BLANGS TE NYER ZHI DE LA MNYAM PAR GZHAG PAR BYA'O SNYAM DU 'PHEN PA BTANG BA LA BRTEN NAS DER SKYES PA DANG DUS MNYAM DU DE LA RTZE GCIG TU MNYAM PAR 'JOG PA'I DON YIN PA'I PHYIR, NYER ZHI DE MA THOB BAR NYER ZHI DES THUGS 'PHROGS PA MI 'GAL TE, STOBS SOGS KYI YON TAN MA THOB BAR DES THUGS 'PHROGS PA MI 'GAL BA BZHIN NO, ,DE 'DRA'I NYER ZHI'I DBYINGS LA RTZE GCIG TU MNYAM BAR BZHAG PA'I MNYAM GZHAG DE MA THOB PAR SKABS 'DI'I ZHI BA'I BDE BA THOB PA MI SRID DE, ZHI BA'I BDE BA DES THUGS 'PHROGS ZHES PA'I BDE BDE MNYAM GZHAG GI SHIN SBYANGS KYI BDE BA LA BYED RIGS PA'I PHYIR; ` GNYIS PA MDO DANG ZLOS PA SPANGS NAS DGOS PA YOD PAR SGRUB PA LA, MTSAMS SBYAR BA, RTZA BA, 'GREL PA'O, ,DANG PO NI, KHO NA RE, MDO DANG BSTAN BCOS KYI BRJOD BYA LA KHYAD PAR MED PAR THAL, MDO LAS KYANG GZHI GNYEN RNAM PA GSUM ? BRJOD BYAR BSTAN, BSTAN BCOS SU YANG DE LTAR BSTAN PA'I PHYIR, 'DOD NA, MDO DANG ZLOS BA'I SKYON YOD PAR THAL LO, ,'DOD NA, BSTAN BCOS 'DI BRTZAMS PA LA DGOS PA MED PAR THAL LO, ,ZHES RTZOD BA'I SGO NAS, MTSAMS SBYOR BA LA; SKYE BO BLO GROS DMAN PA DAG BCOM LDAN 'DAS RGYAS PA DANG 'BRING DANG MDOR BSDUS PA LA DAD PA'I SEMS CAN LA PHAN 'DOGS PAR BZHED PA THUGS RJE CAN NYID KYIS RGYAL BA'I YUM DE DANG DE LAS MNGON PAR RTOGS PA BRGYAD KYI RIM PA SHES RAB
, ,KYI PHA ROL TU PHYIN BA'I DON MTHA' DAG GSAL BAR MDZAD PA MA YIN NAM, BCOM LDAN 'DAS 'PHAGS PA MA RGYAL PA LAS RGYAL BAS KYANG DE BSTAN PA LA DON CI ZHIG YOD SNYAM DU DOGS PA BSAL BA'I PHYIR, DON LA THE TSOM BSKYED PA NYID KYI 'JUG PA'I YAN LAG RANG GI BSTAN BCOS KYI BRJOD PAR BYA BA, ZHES GSUNGS, GNYIS PA NI, BSTAN BCOS MNGON RTOGS RGYAN GYI DGOS SOGS CHOS BZHI NGOS BZUNG BA'I SGO NAS MDO DON DGOS DON GYI SGO NAS BSHAD PA LA, RNAM PA THAMS CAD MKHYEN NYID LAM, ,ZHES SOGS GSUNGS, DE YANG, RNAM PA THAMS CAD MKHYEN NYID LAM, ,STEN PAS 'DI LAS BSHAD PA GANG, ,ZHES PAS BRJOD BYA DE BSTAN, GZHAN GYIS MYONG BA MA YIN TE, ,ZHES PAS BRJOD BYA'I KHYAD PAR DE BSTAN, CHOS SPYOD BCU YI BDAG NYID KYI, ,MDO DON DRAN PA LA BZHAG NAS, ,BLO DANG LDAN PAS MTHONG 'GYUR, ZHES PAS NYID DGOS DE BSTAN, BDE BLAG TU NI RTOGS PA ZHES, ,BYA BA RTZOM PA'I DGOS PA YIN, ,ZHES PAS DGOS PA BSTAN CING, 'BREL BA SHUGS LA BSTAN BA YIN TE, BYA BA RTZOM PA'I DGOS PA YIN, ,ZHES PAS DGOS PA DANG 'BREL BA SHUGS LA BSTAN, PHYIR; ;ZHES BAS NYING DGOS DANG DGOS PA'I 'BREL BA SHUGS LA BSTAN PA'I PHYIR, GSUM BA NI, GZHUNG 'DI TSIG DON GYI SGO NAS BSHAD PA LA, RNAM PA THAMS CAD MKHYEN PA NYID NI SANGS RGYAS NYID KYI LAM STE, DER RTOGS PA THAMS CAD NYE BAR MTSON BA LHUR LEN PA YIN NO, ,ZHES PA NAS, GDUL BYA RNAMS KYIS BDE BLAG TU
RTOGS PAR 'GYUR BA NI BSTAN BCOS RTZOM PA'I DGOS PA YIN NO, ,ZHES PA'I BAR GSUNGS, DE YANG RNAM PA THAMS CAD MKHYEN PA NYID NI SANGS RGYAS NYID KYI LAM STE, MNGON PAR RTOGS PA THAMS CAD NYE BAR MTSON PA LHUR LEN PA YIN NO, ,BCOM LDAN 'DAS CHO 'PHRUL RNAM PA GSUM CHAR GYIS 'GRO BA MTHA' DAG LA RJES SU STON PAR MDZAD PA DE NYID KYIS RGYAL BA'I YUM RNAM PA GSUM CHAR LAS BRJOD PAR BYA BA NYID DU BSTAN PA GANG YIN PA, ZHES PAS BRJOD BYA BSTAN, RJOD PAR BYED PA DANG BRJOD PAR BYA BA DAG THABS DANG THABS KYIS BSGRUB PAR BYA BA'I TSUL GYIS 'BREL BAR MDZAD PA, ZHES PAS 'BREL PA DE BSTAN, PHYI ROL PA DANG CIG SHOS KYI 'DOD CHAGS DANG BRAL PA LA SOGS PA CHOS THAMS CAD BDAG MED PA LA GOMS PAR MA BYAS PA RNAMS KYIS THOS PA LAS BYUNG BA LA SOGS PA'I SHES PA'I RIM GYIS MA MYANGS PA DE, ZHES PAS BRJOD BYA'I KHYAD PAR DE BSTAN, BYANG CHUB SEMS DPA' RANG DANG GZHAN GYI DON PHUN SUM TSOGS PA SGRUB PA CI LA YANG MA RAG PAR CHAS PA DAG KHO NAS NYAMS SU MYONG BA SHIN TU GSAL BAS BZHAG PA'I BAG CHAGS LAS BYUNG BA'I DRAN PA'I SHES PA LA SHER PHYIN GYI MDO'I DON MA LUS PA MNGON PAR RTOGS PA BRGYAD KYI BDAG NYID BYANG CHUB KYI SEMS DANG SBYIN PA LA SOGS PA BSGRUB PA'I SPYOD PA LEGS PAR BZHAG NAS CHOS KYI DBYINGS KUN TU 'GRO BA LA SOGS PA RTOGS PA'I MTSAN NYID SA RAB TU DGA' BA LA SOGS PA RTOGS PA'I RIM PAS RNAM PA THAMS CAD MNGON SUM DU BYED PAR 'GYUR BA ZHES BYA BA, ZHES PAS NYID DGOS DE BSTAN NO, ,DGOS PA'I YANG DGOS
, ,PA'I CHED DU MNGON PAR 'DOD PA'I SHER PHYIN 'DI'I DON BYANG CHUB KYI SEMS DANG SGRUB PA LA SOGS PA'I MTSAN NYID GDUL BYA RNAMS KYIS BDE BLAG TU RTOGS BAR 'GYUR BA NI BSTAN BCOS RTZOM BA'I DGOS PA YIN NO, ,ZHES PAS DGOS PA DE BSTAN PA YIN NO, ,DGOS DON GYI SGO NAS? 'CHAD PA LA, DON LA THE TSOM BSKYED PA NYID KYIS 'JUG PA'I YAN LAG ,CES GSUNGS, BSDUS DON GYI SGO NAS 'CHAD PA LA, RANG GI BSTAN BCOS KYI BRJOD PAR BYA BA DANG, DGOS PA DANG DGOS PA'I YANG DGOS PA DANG 'BREL BA KHONG NA YOD PA RNAMS GSUNGS TE, ZHES DANG, BRGAL LA NA NI, DE LTAR PHYAG 'TSAL BA DANG, ZHES SOGS KYIS BSTAN NO, ,DAG DON NI, BSTAN BCOS KYI DANG POR DGOS 'BREL GYI DAG BKOD BA CHOS CAN, DGOS PA YOD DE, RTOG LDAN BSTAN BCOS LA 'JUG PA'I BGEGS BZHI BZLOG NAS, DGOS SOGS CHOS BZHI DANG LDAN PA'I BSTAN BCOS LA GDUL BYA RNAMS THOS BSAM GYIS 'JUG PAR BYA BA'I CHED YIN PA'I PHYIR, BGEGS BZHI NI, BSTAN BCOS 'DI CHOS CAN, BRTZAM PAR BYA BA MA YIN PAR THAL, DGOS PA MED PA'I PHYIR, DPER NA, BYA ROGS SO RTOG GI BSTAN BCOS BZHIN, DE CHOS CAN, BRTZAM PAR BYA BA MA YIN PAR THAL, DGOS PA YOD KYANG DGOS PA DE SGRUB MI NUS PA'I PHYIR, DPER NA, 'JOG PO'I GTZUG RGYAN LEN PA'I BSTAN BCOS BZHIN, DGOS PA SGRUB NUS KYANG NYID DGOS GYA NOM PA MED PA'I PHYIR, DPER NA, MA BAG MAR LEN PA'I BSTAN BCOS BZHIN, NYING DGOS YOD KYANG THABS DE BSTAN BCOS DANG MA 'BREL BA'I PHYIR,
DPER NA, MTHO RIS KYI DON DU PHYUGS KYI MCHOD SBYIN BYED PA BZHIN NO, ` ,DES NA 'DI'I SKABS SU MTHA' DPYAD BA LA, DGOS SOGS CHOS BZHI'I RNAM GZHAG DANG, DGOS SOGS CHOS BZHI DANG LDAN PA'I BKA' DANG BSTAN BCOS KYI RNAM GZHAG BSHAD PA'O, ,DANG PO LA, SPYIR DGOS SOGS CHOS BZHI LA DPHYE NA, NGAG TZAM LA YOD PA, DGOS 'BREL NGAG LA YOD PA, BSTAN BCOS LUS LA YOD PA'I DGOS SOGS CHOS BZHI RNAMS SU YOD LA, DANG PO LA, DAG DON MTHUN THAMS CAD LA DGOS SOGS CHOS BZHI YOD DE, DPER NA, BUM PAR CHU LONGS SHIG CES PA'I DAG LTA BU LA MTSON NA, BUM PAR CHU LEN PA NGAG DE'I BRJOD BYA DANG, NGAG DE LA BRTEN NAS PHA ROL POS DON GO BA NGAG DE'I DGOS PA, DE LTAR GO BA LA BRTEN NAS SKYES BU SKOM NAD DANG BRAL BA NGAG DE'I NYING DGOS, DE GSUM PHYI MA PHYI MA SNGA MA SNGA MA LA 'BREL BA DE DAG DE'I 'BREL BA YIN PA'I PHYIR, GNYIS PA LA, DGOS 'BREL NGAG GI DGOS SOGS CHOS BZHI YOD DE, BSTAN BCOS LUS KYI DGOS SOGS CHOS BZHI PO DE DE'I BRJOD BYA, 'DI LA BRTEN NAS BSTAN BCOS LUS LA DGOS SOGS CHOS BZHI YOD PAR RTOGS PA DE DE'I DGOS PA, DE LA BRTEN NAS GDUL BYA BSTAN BCOS LA ZHUGS PA DE DE'I NYING DGOS, DE GSUM PHYI MA PHYI MA SNGA MA SNGA MA LA 'BREL BA NI DE'I 'BREL BA YIN PA'I PHYIR, GSUM PA LA, BSTAN BCOS MNGON RTOGS RGYAN CHOS CAN, KHYOD KYI BRJOD BYA YOD DE, PHYI ROL PA DANG NYAN RANG SOGS KYIS JI LTA BA BZHIN DU MA RTOGS PA'I STON PAS RGYAS 'BRING BSDUS GSUM LAS BSHAD PA'I DNGOS PO
, ,BRGYAD PO DE KHYOD KYI BRJOD BYA YIN PA'I PHYIR, KHYOD KYI DGOS PA YOD DE, KHYOD LA BRTEN NAS KHYOD KYI CHED DU BYA BA'I GDUL BYAS MDO DON BDE BLAG TU RTOGS PA DE KHYOD KYI DGOS BA YIN BA'I PHYIR, KHYOD KYI NYING DGOS YOD DE; KHYOD KYI GDUL BYAS KHYOD LA BRTEN NAS MDO DON BDE BLAG TU RTOGS SHING GOMS PA'I STOBS KYIS SA BCU RIM GYIS BGROD DE MTHAR RNAM MKHYEN THOB PA DE DE YIN PA'I PHYIR, KHYOD LA 'BREL BA YOD DE, KHYOD KYI NYID DGOS KHYOD KYI DGOS PA LA, DE KHYOD KYI BRJOD BYA LA; DE KHYOD LA 'BREL BA DE KHYOD KYI 'BREL BA YIN PA'I PHYIR RO, ,'O NA, CHOS SPYOD? BCU YI BDAG NYID KYI, ,ZHES 'CHAD NA, CHOS SPYOD BCU PO DE GANG ZHE NA, KHA CIG ,DBUS MTHA' LAS, YI GE 'BRI MCHOD SBYIN PA DANG, ,NYAN DANG KLOG DANG LEN PA DANG, ,'CHAD DANG KHA TON BYED PA DANG, ,DE SEMS PA DANG SGOM PA STE, ,CHOS SPYOD BCU PO'I BDAG NYID NI, ,BSOD NAMS PHUNG PO DPAG TU MED, ,CES GSUNGS PA LTAR 'DOD KYANG, RANG LUGS NI, SBYIN SOGS BAR PHYIN BCU PO DE SKABS 'DI'I CHOS SPYOD BCUR BZHED PA YIN TE, DE LTAR DU 'GREL BSHAD GNYIS DANG SHER 'BYUNG GI BSHAD PA RTZA BA'I DGONGS PAR GSER PHRENG LAS BSHAD PA'I PHYIR, ` GNYIS PA LA, BSHAD BYA BA KA'I RNAM GZHAG BSHAD PA, 'CHAD BYED BSTAN BCOS KYI RNAM GZHAG BSHAD PA, BKA' DANG BSTAN BCOS KYI BYED LAS, BKA' DANG BSTAN BCOS 'GAL MI 'GAL DPYAD PA'O, ,DANG PO LA, MTSAN NYID, DBYE BA, SGRA BSHAD PA DANG GSUM LAS, DANG PO NI, KHYAD CHOS BZHI DANG LDAN? PA'I SANGS RGYAS KYI
GSUNG RAB, BKA'I MTSAN NYID, KHYAD CHOS BZHI NI BRJOD BYA MTHO RIS DANG THAR PA SOGS KYI YON TAN DANG LDAN PA, RJOD BYED CHIG GI SKYON MTHA' DAG DANG BRAL BA, BYED LAS KHAMS GSUM GYI NYON MONGS SOGS SPANG BYA CI RIGS SPOD? PHYIR DU GSUNGS PA; DGOS PA NYON MONGS PA DANG SDUG BSNGAL ZHI BA'I PHAN YON STON BAR MDZAD PA RNAMS YIN PA'I PHYIR TE, RGYUD BLA MA LAS, GANG ZHIG DON LDAN CHOS DANG NYER 'BREL ZHING, ,KHAMS GSUM KUN LA NYON MONGS SPONG PHYIR GSUNGS, ,ZHI BA'I PHAN YON STON PAR MDZAD PA GANG, ,DE NI DRANG SRONG GSUNG YIN LDOG PA GZHAN, ,ZHES GSUNGS PA'I PHYIR, GNYIS PA NI, BKA' LA RJOD BYED KYI SGO NAS GSUNG RAB YAN LAG BCU GNYIS YOD, BRJOD BYA'I SGO NAS SDE SNOD RIN PO CHE GSUM DANG, DRANG NGES KYI MDO GNYIS SU YOD, CHED DU BYA BA'I GDUL BYA'I SGO NAS THEG PA CHE CHUNG GI MDO GNYIS YOD, BDAG RKYEN GYI SGO NAS ZHAL NAS GSUNGS PA'I BKA', RJES SU GNANG BA'I BKA', BYIN GYIS BRLABS BA'I BKA' DANG GSUM YOD, DANG PO NI, MDO SDUD PA LTA BU, GNYIS PA NI, GLENG GZHI'I LE'U LTA BU, GSUM PA LA SKU'I SGO NAS BYIN GYIS BRLABS PA'I BKA' MDO SDE SA BCU PA LTA BU, GSUNG GI SGO NAS BYIN GYIS BRLABS PA MA SKYES DGRA'I 'GYOD SEL GYI MDO LTA BU, THUGS KYI SGO NAS BYIN GYIS BRLABS PA'I BKA' LA THUGS TING NGE 'DZIN GYIS BYIN GYIS BRLABS BSHER? SNYING GI NANG TSAN DU GYUR PA'I GZUGS STOD PA'O, ,ZHES SOGS LTA BU, THUGS BDEN PA'I STOBS KYIS BYIN GYIS BRLABS PA, LHA'I RNGA PO CHE'I? SGRA LAS BYUNG BA'I BKA' LTA BU, THUGS YE SHES KYIS BYIN GYIS
, ,BRLABS PA GNOD SBYIN SOGS KYI NGAG LAS CHOS KYI SGRA 'BYUNG BA LTA BU'O, ,GSUM PA NI, BRGYAD STONG PA CHOS CAN, KHYOD LA BKANG ZHES BRJOD PA'I RGYU MTSAN YOD DE, LEGS PAR BSHAD PA'I NGAG YIN PA'I RGYU MTSAN GYIS DE LTAR BRJOD PA'I PHYIR, GNYIS PA LA YANG GSUM LAS, DANG PO NI, 'CHOS SKYOB KYI YON TAN GNYIS DANG LDAN PA'I RIGS SU GNAS PA'I NGAG RNAM DAG ,NANG PA SANGS RGYAS PA'I BSTAN BCOS RNAM DAG GI MTSAN NYID YIN, RTZOM PA PO RNAM GIS? DES? MED PA'I YID CAN GYIS BKA'I DGONGS 'GREL DU BRTZAMS PA'I RIGS SU GNAS PA'I RAB TU PHYE BA'I NGAG RNAM DAG GANG ZHIG ,THAR PA THOB PA'I LAM DANG RJES SU MTHUN PA, BKA' DANG BSTAN BCOS GNYIS SU PHYE BA'I BSTAN BCOS RNAM DAG GI MTSAN NYID YIN TE, RGYUD BLA MA LAS, GANG ZHIG RGYAL BA'I BSTAN PA 'BA' ZHIG GIS, ,DBANG BYAS RNAM G-YENG MED YID CAN GYIS BSHAD, ,THAR PA THOB PA'I LAM DANG RJES MTHUN PA, ,DE YANG DRANG SRONG BKA' BZHIN SPYI? BOS BLANGS, ,ZHES GSUNGS PA'I PHYIR, RIGS GNAS SMOS PA LA DGOS PA YOD DE, SGRA'I BSTAN BCOS KA L'A PA DE NANG PA SANGS RGYAS PA'I BSTAN BCOS RNAM DAG TU BSDU BAR BYA BA'I CHED YIN PA'I PHYIR, GNYIS PA BSTAN BCOS LA DBYE NA, BKA' SPYI'I DGONGS PA 'GREL SHI? BSTAN BCOS DANG, BKA' SO SO'I DGONGS 'GREL GYI BSTAN BCOS GNYIS LAS, DANG PO LA, RJOD BYED RNAM PAR DAG BYED DANG, BRJOD BYA RNAM PAR DAG BYED KYI BSTAN BCOS GNYIS LAS, DANG PO NI, SGRA'I BSTAN BCOS, MING GI MNGON BRJOD,
SNYAN NGAG DANG, SDEB SBYOB? GYI BSTAN BCOS LTA BU, GNYIS PA NI, TSAD MA SDE BDUN LTA BU, GNYIS PA LA, 'KHOR LO DANG PO'I, BAR BA'I, THA MA'I DGONGS 'GREL GYI BSTAN BCOS DANG GSUM LAS, DANG PO LA, 'KHOR LO DANG PO'I LTA BA'I CHA DANG, SPYOD PA'I CHA GTZO BOR 'GREL PA'I BSTAN BCOS GNYIS LAS, DANG PO NI, MNGON PA SDE BDUN, BYE BRAG BSHAD MDZOD CHEN MO, MDZOD RTZA 'GREL RNAMS LTA BU, GNYIS PA NI, MDO RTZA BA LTA BU, GNYIS PA LA YANG LTA SPYOD GNYIS LAS, DANG PO LA, DNGOS BSTAN GYI CHA GTZO BOR 'GREL PA RIGS TSOGS DRUG DANG, SBAS DON GYI CHA GTZO BOR 'GREL PA MNGON RTOGS RGYAN LTA BU, GNYIS PA NI, SPYOD 'JUG LTA BU, GSUM PA LA YANG LTA BA'I CHA GTZO BOR 'GREL PA CHOS DBYINGS RNAM 'BYED DANG, DBUS MTHA'I RNAM 'BYED LTA BU; SPYOD PA'I CHA GTZO BOR 'GREL PA MDO SDE'I RGYAN TE, DER MA ZAD 'PHAGS PA THOGS MED KYIS MDZAD PA'I SA SDE LNGA, SDOM RNAM PA GNYIS, DBYIG GNYEN GYIS MDZAD PA'I PHRA? KA RA nA STE RAB TU BYED PA SDE BRGYAD RNAMS SU YOD LA, SA SDE LNGA YANG YOD DE, SA'I DNGOS GZHI, SA'I GZHI BSGRUB, RNAM GRANGS BSDU BA, RNAM PAR BSHAD PA'I SGO BSDU BA, GTAN LA DBAB PA BSDU BA RNAMS SU YOD PA'I PHYIR, SDOM RNAM PA GNYIS YOD DE, THIG PA THUN MONG BA'I SDOM KUN LAS BTUS PA, THEG CHEN THUN MONG MA YIN PA'I SDOM THEG BSDUS GNYIS SU YOD PA'I PHYIR, PRA KA RA nA SDE BRGYAD KYANG YOD DE, NYI SHU PA, SUM CU PA, RNAM BSHAD RIGS PA, LAS GRUB PA'I RAB BYED, PHUNG PO LNGA'I RAB BYED, RTEN 'BREL MDO 'GREL, DBUS MTHA'I 'GREL PA, MDO SDE'I
, ,RGYAN GYI 'GREL PA RNAMS SU YOD PA'I PHYIR, YANG BSTAN BCOS LA BYED LAS KYI SGO NAS, 'THOR BA SDUD PA, 'KHRUGS PA GO RIMS SU SDEB PA, SBAS PA GSAL BAR BYED PA'I BSTAN BCOS DANG GSUM LAS, DANG PO NI; TSAD MA KUN LAS BTUS PA LTA BU, GNYIS PA NI, MDO RTZA BLTA BU, GSUM PA NI, MNGON RTOGS RGYAN LTA BU, DE LA DMAN MCHOG GI SGO NAS LTAR SNANG DRUG ,YANG DAG GSUM DANG DGUR YOD DE, RNAM BSHAD RIGS BA LAS, DON MED DON LOG DON DANG LDAN, ,NGAN G-YO BRTZE BRAL SDUG BSNGAL SPONG, ,THOS RTZOD SGRUB PA LHUR LEN PA, ,BSTAN BCOS DRUG BRAL GSUM DU 'DOD, ,CES GSUNGS PA'I PHYIR, DE LA DANG PO NI, BYA ROG SO RTOG GI BSTAN BCOS LTA BU, GNYIS PA NI, SKYE BA SNGA PHYI MED PAR STON PA'I BSTAN BCOS LTA BU, GSUM PA NI, MNGON RTOGS RGYAN LTA BU, BZHI PA NI, PHYI ROL PA'I SGYOGS DANG, 'KHRUL 'KHOR GYI BSTAN BCOS LTA BU, LNGA PA NI, MTHO RIS KYI DON DU PHYUGS KYI MCHOD SBYIN BYED PA'I BSTAN BCOS LTA BU, DRUG PA NI, MNGON RTOGS RGYAN LTA BU, BDUN PA NI, PHYI ROL PA'I RIG BYED KYI BSTAN BCOS LTA BU, BRGYAD PA NI, PHYI ROL PA'I RTOG GE'I BSTAN BCOS LTA BU, DGU PA NI, MNGON RTOGS RGYAN LTA BU, YANG DE LA RIG BA'I GNAS LNGA STON PA'I BSTAN BCOS LNGA YANG YOD DE, BZE RIG BA GTZO BOR STON BA SH'A RI'I BUS MDZAD PA'I THIG RTZA LTA BU, GSO BA RIG PA GTZO BOR STON PA SLOB DPON DPA' BOS MDZAD BA'I SMAN DPYAD YAN LAG BRGYAD PA LTA BU, SGRA RIG BA GTZO BOR
STON BA GZHON NU KA RTI KAS MDZAD PA'I SGRA DON KA L'A PA DANG, TZANDRA PA LTA BU, GTAN TSIGS RIG PA GTZO BOR STON PA TSAD MA SDE BDUN LTA BU, NAD RIG PA GTZO BOR STON PA MNGON RTOGS RGYAN LTA BU RNAMS SU YOD PA'I PHYIR, DES NA GROL BA DON GNYER GYIS RIG PA'I GNAS LNGA LA MKHAS PAR BYA DGOS TE, PHYI RGOL TSAR GCOD PA LA, GTAN TSIGS RIG PA DANG, SGRA RIG PA SHES DGOS, GDUL BYA RJES SU 'DZIN PA LA BZO RIG PA DANG, GSO BA RIG PA DGOS, BDAG NYID RIG PA'I GNAS LA MKHAS PAR BYED PA LA, DE BZHI KA SHES DGOS, GROL BA THOB PA LA NAD RIG PA SHES DGOS PA'I PHYIR TE, MDO SDE'I RGYAN LAS, RIG PA'I GNAS LNGA DAG LA BRTZON PAR MA BYAS NA, ,'PHAGS MCHOG GIS KYANG THAMS CAD MKHYEN NYID MI 'GYUR BAS, ,DE LTA BAS NA GZHAN DAG TSAR GCOD RJES 'DZIN DANG, ,BDAG NYID KUN SHES BYA PHYIR DE LA DE BRTZON BYA, ,ZHES GSUNGS PA'I PHYIR, GSUM PA NI, BSTAN BCOS MNGON RTOGS RGYAN CHOS CAN, KHYOD LE BSTEN BCOS ZHES? BRJOD PA'I RGYU MTSAN YOD DE, GDUL BYA'I SHES RGYUD NYON MONGS PA'I DGRA LAS 'CHOS SHING, 'KHOR BA DANG NGAN SONG GI SDUG BSNGAL LAS SKYOB PAR BYED PA'I 'CHOS SKYOB KYI YON TAN GNYIS DANG LDAN PA'I RGYU MTSAN GYIS DE LTAR BRJOD PA'I PHYIR, DE LTAR YANG RNAM BSHAD RIGS PA LAS, NYON MONGS DGRA RNAMS MA LUS 'CHOS PA DANG, ,DAN? 'GRO'I SRID LAS SGYOB BYED GANG YIN PA, ,'CHOS SKYOB YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED, ,CES GSUNGS PA'I PHYIR, GSUM LA NI, BKA' BSTAN BCOS
, ,BYED LAS KHYAD PAR CAN DANG LDAN TE, BKA' DANG BSTAN BCOS KYI 'CHAD NYAN BYAS PA LA BRTEN NAS, 'JIG RTEN GYI KHAMS 'DIR SANGS RGYAS KYI BSTAN PA YUN RING DU GNAS BAR? 'GYUR BA'I PHYIR TE, LHA'I BUS ZHUS PA'I MDO LAS, CHOS RNAMS THAMS CAD BKA' DANG BSTAN BCOS GNYIS SU 'DU, ,LEGS PAR GSUNG DANG DE YI DGONGS? 'GREL PA, ,DE YI DBANG GIS SH'AKYA'I BSTAN PA YANG, ,'JIG RTEN KHAMS 'DIR YUN RING GNAS PAR 'GYUR, ,ZHES GSUNGS PA'I PHYIR, BZHI PA NI, BKA' BSTAN BCOS GNYIS SU PHYI? BA'I BKA' DANG BSTAN BCOS 'GAL YANG, SPYIR BKA' DANG BSTAN BCOS MI 'GAL TE, BKA' YIN NA BSTAN BCOS YIN DGOS PA'I PHYIR TE, BKA' BSTAN BCOS YIN PA'I PHYIR TE, DE SGRUB PA LHUR LEN PA'I BSTAN BCOS YIN PA'I PHYIR TE, GTAN LA DBAB PA BSDU BA LAS, DE LA SGRUB PA LHUR LEN PA'I BSTAN BCOS GANG ZHE NA, 'DI LTA STE, RGYAL BA'I BKA' NYID DO, ,ZHES GSUNGS PA'I PHYIR, KHO NA RE, BKA' YIN NA BKA'I DGONGS 'GREL MA YIN DGOS PAR THAL, DE YIN NA, BKA' DANG BSTAN BCOS GNYIS SU PHYE BA'I BSTAN BCOS MA YIN DGOS PA'I PHYIR NAM KHYAB, 'DOD NA, MDO SDE DGONGS 'GREL CHOS CAN, DER THAL, DE'I PHYIR, 'DOD MI NUS TE, 'KHOR LO DANG PO GNYIS KYI DGONGS 'GREL YIN PA'I PHYIR, KHO NA RE, BKA' GSUNG BA PO YIN NA, BKA' DANG BSTAN BCOS GNYIS SU PHYE BA'I BSTAN BCOS RTZOM PA PO MA YIN DGOS PAR THAL, RTAGS SNGA MA DE'I PHYIR NA MA KHYAB, 'DOD NA, SH'A RI'I BU
CHOS CAN, DER THAL, DE'I PHYIR, RTAGS GRUB STE, BYIN GYIS BRLABS PA'I BKA' YOD PA'I PHYIR TE, RGYAN SNANG LAS, DE NAS BCOM LDAN 'DAS LA LHA RNAMS KYI DBANG PO BRGYA BYIN GYIS 'DI SKAD CES GSOL TO, ,ZHES BYA BA LA SOGS PA NI, BCOM LDAN 'DAS KYIS RJES SU GNANG BA NYID KYI BKA' SDUD PA PO RNAMS KYIS YANG DAG PAR BYAS PA'I PHYIR, SANGS RGYAS KYI BKAR BKA' MA YIN PA BCUG PA'I NYES PA'I GO SKABS RGYAD RING BA NYID DU BYAS SO, ,ZHES GSUNGS PA'I PHYIR, 'DOD MI NUS TE, DES BRTZAMS PA'I CHOS KYI PHUNG PO ZHES PA'I BSTAN BCOS YOD PA'I PHYIR, KHA CIG ,BSTAN BCOS MNGON RTOGS RGYAN GYI CHED DU BYA BA'I GDUL BYA'I RGYUD LA BSTAN BCOS MNGON RTOGS RGYAN YOD ZER NA, MI 'THAD DE, BSTAN BCOS MNGON RTOGS RGYAN YIN NA, RJE BTZUN BYAMS MGON RANG RGYUD KYIS BSDUS PAS KHYAB PA'I PHYIR, RTAGS 'BUD DO, ,KHO NA RE, DE YOD PAR THAL, SLOB DPON SENG GE BZANG PO'I RGYUD LA DE YOD PA'I PHYIR TE, DE'I RGYUD KYI, SEMS BSKYED PA NI GZHAN DON PHYIR, ,ZHES PA'I GZHUNG TSIG DE BSTAN BCOS MNGON RTOGS RGYAN GYI GZHUNG TSIG YIN PA'I PHYIR TE, DE YOD PA'I PHYIR NA MA KHYAB STE, DE'I RGYUD KYIS BSDUS PA'I ZHAL NAS GSUNGS PA'I BKA' YOD PAR THAL, DE'I RGYUD KYI RAB 'BYOR BYANG CHUB SEMS DPA' RNAMS KYIS NI NYAN THOS KYI LAM GANG YIN PA DANG, ZHES PA'I GZHUNG TSIG DE DE YIN PA'I PHYIR TE, DE YUM BAR MA'I MDO TSIG YIN PA'I PHYIR TE, DE YOD PA'I PHYIR, KHYAB BA SOD, DE LA SOGS PA MANG? PO SHES PAR BYA'O, ,GZHAN YANG
, ,BYANG 'PHAGS KYI RGYUD KYI, SKYES BU RANG BZHIN MA YIN RNAM 'GYUR MIN, ,ZHES PA'I GZHUNG TSIG DE PHYI ROL PA'I GZHUNG YIN PAR THAL, DE 'DRA YOD PA GANG ZHIG, ,SLOB DPON SENG GE BZANG PO'I RGYUD KYI, SEMS BSKYED PA NI GZHAN DON PHYIR, ,ZHES PA'I GZHUNG TSIG DE BSTAN BCOS MNGON RTOGS RGYAN GYI GZHUNG TSIG YIN PA'I PHYIR, RTAGS KHAS, 'DOD NA, DE CHOS CAN, BSTAN BCOS RNAM DAG YIN PAR THAL, BYANG 'PHAGS KYI RGYUD KYI BSTAN BCOS YIN PA'I PHYIR; 'DOD MI NUS TE, PHYI ROL PA'I GZHUNG YIN PA'I PHYIR, GSER PHRENG LAS, BKA' DANG BSTAN BCOS SOGS GDUL BYA'I RGYUD KYIS BSDUS PA'I SHES PA YIN TE, RGYAN SNANG LAS, DE BAS NA GDUL BYA'I SHES PA SGRAR SNANG BA'I RANG BZHIN NYID YIN PAS BSTAN PA NYAN PA PO'I SKYE BO DANG 'BREL BA YIN TE, SHES RAB KYI PHA ROL TU PHYIN PA'I YE SHES KYI BDAG PO LAS SKYES PA'I PHYIR, SANGS RGYAS BCOM LDAN 'DAS RNAMS KYIS CHOS BSTAN PA YIN, ZHES BYAS NAS MCHOD PAR BYA BA DE BZHIN DU, ZHES GSUNGS, RE ZHIG DPYAD NA, SANGS RGYAS RANG RGYUD KYIS BRDUS PA'I BKA' MED PAR THAL, BKA' DANG BSTAN BCOS GDUL BYA'I RGYUD KYIS BSDUS PA'I SHES PA YIN PA'I PHYIR, 'DOD MI NUS TE, SANGS RGYAS RANG RGYUD KYIS BSDUS PA'I GSUNG EDBYANGS YAN LAG DRUG CU YOD PA'I PHYIR, GZHAN YANG, BKA' CHOS CAN, KHYOD THOS PA'I NYAN? SHES MED PAR THAL, KHYOD SHES PA YIN PA'I PHYIR, 'DOD NA, THOS BYUNG GI SHES RAB MED PAR THAL LO, ,
GZHAN YANG, 'GREL CHEN GYI LUNG DES BKA' BSTAN BCOS SHES PAR BSTAN PA MA YIN TE, 'GREL CHEN LAS, TSIG DANG NGAG GI TSOGS KYIS BSDUS PA'I GZHUNG DANG, ZHES GZHUNG SHER PHYIN TSIG DANG NGAG GIS BSDUS PAR BSHAD PA'I PHYIR, GZHAN YANG, DAG MA SMRAS PAR BSTAN BCOS RTZOM PA MED PAR THAL, BSTAN BCOS YIN NA RJOD BYED KYI SGRA RANG MTSAN PA YIN DGOS PA'I PHYIR, RTAGS KHAS, 'DOD NA, BSE RU LTA BU'I RANG RGYAL GYIS SGRA MED LUS KYI RNAM 'GYUR GYI SGO NAS CHOS STON PA MED PAR THAL, 'DOD PA'I PHYIR NA MA KHYAB, KHA CIG ,'CHOS SKYOB KYI YON TAN GNYIS DANG LDAN PA'I NGAG RNAM DAG ,BSTAN BCOS RNAM DAG GI MTSAN NYID, ZER NA, MNGON MTHO'I GO 'PHANG YOD PAR TSAD MAS GRUB PA'I PHYI ROL PAS BRTZAMS PA'I MNGON MTHO'I GO 'PHANG YOD PAR STON PA'I PHYI ROL PA'I BSTAN BCOS CHOS CAN, MTSAN NYID DER THAL, BSTAN BCOS RNAM DAG YIN PA'I PHYIR, DE DER THAL, DE MNGON MTHO'I GO 'PHANG YOD PAR DAM BCAS PA'I DAM BCA' DE DAM BCA' YANG DAG YIN PA'I PHYIR, MA GRUB NA, DE CHOS CAN, DE DER THAL, KHYOD RANG GI ZHEN DON DAM BCA' BA PO'I GANG DRAG GI TSAD MAS GRUB PA'I DAM BCA' YIN PA'I PHYIR TE, CHOS CAN DE'I PHYIR, RTZA BAR 'DOD MI NUS TE, PHYI ROL PA'I BSTAN BCOS YIN PA'I PHYIR, KHA CIG ,GDUL BYA'I NYON MONGS SPONG PHYIR DU GSUNGS PA'I SANGS RGYAS KYI GSUNG, BKA'I MTSAN NYID ZER BA MI 'THAD DE, BKA'I CHED DU BYA BA'I GDUL BYA YIN NE, NYON MONGS SPANGS DGOS KYI GANG ZAG YIN PAS
, ,MA KHYAB PA'I PHYIR TE, DER GYUR PA'I NYAN THOS DGRA BCOM YOD PA'I PHYIR, GZHAN YANG, SH'A RI'I BU'I NGAG TU GYUR PA'I SANGS RGYAS KYI BKA' CHOS CAN, SANGS RGYAS KYI GSUNG YIN PAR THAL, SANGS RGYAS KYI BKA' YIN PA'I PHYIR, 'DOD NA, GSUNG DBYANGS YAN LAG DRUG CU'I YON TAN DANG LDAN PAR THAL, 'DOD PA'I PHYIR, KHYAB STE, MDO SDE'I RGYAN LAS, BDE GSHEGS GSUNG NI MTHA' YAS PAS, ,YAN LAG DRUG CU BSAM MI KHYAB, ,CES GSUNGS PA'I PHYIR, DES MTSON NAS GZHAN YANG SHES PAR BYA'O, ` ,GNYIS PA BRTZAM BYA GZHUNG GI RANG BZHIN BSHAD PA LA, RGYAS PA LA DAD PA LA BRGYAD DU DBYE BA DANG, 'BRING LA DAD PA LA DRUG TU DBYE BA DANG, BSDUS PA LA DAD PA LA GSUM DU DBYE BA'O, ,DANG PO LA, LUS KYI SGO NAS MDOR BSTAN PA, YAN LAG GI SGO NAS BYAS PAR BSHAD PA GNYIS LAS, DANG PO LA, MTSAMS SBYAR BA DANG, NGAG NYE BAR 'GOD PA DANG, BSDUS TE BSTAN PA DANG, TSIG DON GZHAN MI 'CHAD PA'I RGYU MTSAN DANG BZHI LAS, DANG PO NI, SHES RAB PHA ROL PHYIN PA NI, ,ZHES TSIGS BCAD BCO LNGA MNGON RTOGS RGYAN GYI LUS RNAM GZHAG TU GSUNGS PA CHOS CAN, DGOS PA YOD DE, DKYUS SA MTHONG BA'I KHA LO PAS RTA LEGS PAR TSAR GCOD NUS PA BZHIN DU, RGYAS BSHAD DU BSTAN BCOS KYI DON DE BYE BA RNAMS MA 'DZINGS PAR 'CHAD PA POS 'CHAD SLAB DANG, DKYUS SA BSTAN PA'I RTA TSAM TSOM MED PAR RGYUGS PA BZHIN DU NYAN PA PO'I GDUL BYA RNAMs KYIS RGYAS BSHAD
KYI DON TSAN RNAMS MA 'DZINGS PA'I SGO NAS BDE BLAG TU RTOGS PAR BYA BA'I DGOS PA YOD PA'I PHYIR, ZHES 'CHAD PA LA, DE LTAR 'BREL BA LA SOGS PA BSNYAD NAS GDUL BYA RNAMS KYIS BDE BLAG TU RTOGS PAR BYA BA'I PHYIR DANG, BSTAN BCOS KYI DON RNAM PAR DBYE BA BYAS PA YANG MA 'DZINGS PA NYID KYIS BSHAD PAR BYA SLA BAR GZIGS NAS, TSIG LE'UR BYAS PA BCO LNGAS MDO DANG RGYAS PAR BSTAN PAS? SHES RAB KYI PHA ROL TU PHYIN PA'I LUS RNAM PAR BZHAG PA GSUNGS TE, ZHES GSUNGS DE YANG 'GREL PA LA SOGS PA BSNYAD NAS ZHES PAS, MTSAMS SBYAR BSTAN NAS, DGOS DON GYI SGO NAS 'CHAD PA LA, GDUL BYA RNAMS KYIS, ZHES SOGS GSUNGS, 'DI'I SKABS SU LUS RNAM GZHAG LA, LUS KYI MTSAN NYID, DBYE BA, NGES TSIG DANG GSUM LAS, DANG PO NI, YAN LAG DU MTSOGS PA DE, LUS KYI NGO BO YIN TE, TSOGS DANG LUS DANG 'DUS PA NI, ,RNAM GRANGS DAG STE, ZHES GSUNGS PA LTAR RO, ,GNYIS PA NI, RIGS THIGS KYI 'GREL PAR, RAB TU BYED PA'I LUS NI GNYIS TE SGRA DANG DON NO, ,ZHES GSUNGS PA LTAR, TSIGS BCAD BCO LNGA PO DE NI RJOD BYED KYI LUS DANG, DNGOS? PO BRGYAD DANG, DON BDUN CU NI BRJOD BYA'I LUS YIN NA, ,GSUM PA NI, NGO BO NYID DU GRUB PA DANG, BSAGS PA DANG, YAN LAG LA KHYAB PA DANG, DE'I RTEN BYED PAS LUS ZHES BYA'O, ` ,GNYIS PA LA LUS MDOR BSTAN PA DANG, RGYAS PAR BSHAD PA'O, ,DANG PO LA, BSHAD BYA 'CHAD BYED MDOR BSTAN PA DANG, 'CHAD BYED KYI RKANG GRANGS RGYAS PAR BSHAD PA'O, ,DANG PO
, ,NI; SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,CES 'CHAD, DE YANG 'PHROS NI, 'PHAGS PA LTAR NA MCHOD BRJOD KYI SKABS SU SHER PHYIN LA BSTOD PA LA BSTOD YUL GYI SHER PHYIN DE, GANG ZHE NA, DE STON PA LA, GZHUNG 'DI GSUNGS TE, NYI SNANG LAS, SHES RAB KYI PHA ROL TU PHYIN PA DE GANG ZHES BYA BA 'DI BRJOD PAR BYA'O, ,ZHES BSHAD PA, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,CES GSUNGS PA'I PHYIR, SLOB DPON LTAR NA, BDE BLAG TU NI RTOGS PA ZHES, ,BYA BA RTZOM PA'I DGOS PA YIN, ,ZHES RGYAN LA BRTEN NAS MDO DON BDE BLAG TU RTOGS PA MNGON RTOGS RGYAN RTZOM PA'I DGOS PAR BSTAN PA LA, 'O NA, BSTAN BCOS 'DIS MDO DON BSHAD TSUL DE GANG ZHE NA, 'CHAD BYED GZHUNG SHER PHYIN DE LA RJOD BYED SKABS BRGYAD DANG, DE'I BSHAD BYA LA DNGOS PO BRGYAD DU PHYE NAS MDOR BSTAN GYI SGO NAS 'CHAD PA LA, GZHUNG 'DI GSUNGS SO, ,GNYIS PA NI, DNGOS PO BRGYAD PO DE GANG ZHE NA, DE'I RKANG GRANGS TZAM NGOS 'DZIN PA LA, RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, ,RTZE MOR PHYI NA DANG MTHAR GYIS PA, ,SKAD CIG GCIG , MNGON RDZOGS BYANG CHUB, ,CHOS KYI SKU DANG, ZHES GSUNGS, DE RNAMS KYI GRANGS STON PA LA, DE RNAMS BRGYAD, ,CES GSUNGS, GNYIS PA NI, DNGOS PO BRGYAD PO DE YANG DON BDUN CU'I SGO NAS RGYAS PAR 'CHAD PA LA, SEMS BSKYED
PA DANG GDAMS NGAG DANG, ,ZHES SOGS GSUNGS, 'O NA, GZHUNG SHER PHYIN RGYAS 'PHRING BSDUS GSUM LA RJOD BYED KYI SKABS BRGYAD DU 'BYED NA DBYED TSUL DE GANG ZHE NA, DE'I TSUL YOD DE, RGYAS 'BRING BSDUS GSUM GYI RAB 'BYOR GYI LE'US RNAM MKHYEN BSTAN NAS, RNAM MKHYEN DE NYID MTSON BYED KYI CHOS BCUR PHYE BA'I SGO NAS, RNAM KUN MKHYEN NYID, CES PA RGYAS PAR BSHAD PA LA, SEMS BSKYED PA DANG GDAMS NGAG DANG, ,ZHES PA NAS, THUB PA'I RNAM KUN MKHYEN PA NYID, , CES PA'I BAR GSUNGS, MTHA' GNYIS RNAM DAG GI LE'US LAM SHES BSTAN NAS, LAM SHES DE NYID MTSON BYED KYI CHOS BCU GCIG TU PHYE BA'I SGO NAS, LAM SHES NYID, ,CES PA RGYAS PAR BSHAD PA LA, MOG MOG POR BYED LA SOGS DANG,, ZHES PA NAS, LAM SHES NYID NI DE 'DRAR BSHAD, ,CES PA'I BAR GSUNGS, SPYOD PA KHYAD PAR CAN GYI LE'US GZHI SHES BSTAN NAS, GZHI SHES DE NYID MTSON BYED KYI CHOS DGUR PHYE BA'I SGO NAS, DE NAS THAMS CAD SHES PA NYID, ,CES PA RGYAS PAR BSHAD PA LA, SHES PAS SRID LA MI GNAS SHING, ,ZHES PA NAS, KUN SHES NYID DU 'DOD, ,CES PA'I BAR GSUNGS, DE BZHIN NYID KYI LE'US RNAM RDZOGS SBYOR BA BSTAN NAS, RNAM RDZOGS SBYOR BDE MTSON BYED KYI CHOS LA BCU GCIG TU PHYE BA'I SGO NAS, RNAM KUN MNGON RDZOGS RTOGS PA DANG, ,ZHES PA RGYAS PAR BSHAD PA LA, RNAM PA SBYOR BAR, ZHES PA NAS, BCAS PA YIN, ,ZHES PA'I BAR GSUNGS, BSLAB PA YONGS SU DAG PA'I LE'US RTZE SBYOR BSTAN NAS, RTZE SBYOR MTSON BYED
, ,KYI CHOS LA BRGYAD DU PHYE BA'I SGO NAS, RTZE MOR PHYIN DANG, ZHES PA RGYAS PAR BSHAD PA LA, DE YI RTAGS DANG, ZHES PA NAS, RTZE MO'I MNGON RTOGS, ZHES PA'I BAR GSUNGS, BSLAB PA LA RIM GYIS 'JUG PA'I LE'US MTHAR GYIS SBYOR BA BSTAN NAS, MTHAR GYIS SBYOR BA MTSON BYED KYI CHOS LA BCU GSUM DU PHYE BA'I SGO NAS, MTHAR GYIS PA, ,ZHES PA'I DON RGYAS PAR BSHAD PA LA, MTHAR GYIS PA ,RNAM GSUM RNAM BCU, ZHES GSUNGS, BSLAB PA YONGS SU RDZOGS PA'I LE'US SKAD CIG MA'I SBYOR BA BSTAN NAS, SKAD CIG SBYOR DE NYID MTSON BYED KYI CHOS BZHIR PHYE BA'I SGO NAS, SKAD CIG GCIG MNGON RDZOGS BYANG CHUB, ,CES PA RGYAS PAR BSHAD PA LA, SKAD CIG MA, ,GCIG GI MNGON RDZOGS BYANG CHUB PA, ,MTSAN NYID KYIS NI RNAM PA BZHI, ,ZHES GSUNGS, BSLAB PA'I 'BRAS BU'I LE'U SA 'BRAS BU'I CHOS SKU BSTAN NAS, 'BRAS BU CHOS SKU DE NYID MTSON BYED KYI CHOS BZHIR PHYE BA'I SGO NAS, CHOS KYI SKU DANG, ZHES PA RGYAS PAR BSHAD PA LA, NGO BO NYID LONGS RDZOGS BCAS DANG, ,DE BZHIN GZHAN PA SPRUL PA NI, ,CHOS SKU MDZAD PA DANG BCAS PA, ,RNAM PA BZHIR NI YANG DAG BRJOD, ,CES GSUNGS, GSUM PA BSDUS TE BSTAN PA NI, DE LA TSIG LE'UR BYAS PA DANG PO GNYIS KYIS NI, DNGOS PO BRGYAD BSDUS PA'I PHYIR MDOR BSTAN PA YIN NO, ,TSIG LE'UR BYAS PA BCU GSUM GYIS NI, DE DAG NYID KYI DON BSDUS NAS RGYAS PAR BSHAD DE, DE LTAR NA BSDUS PA DANG RGYAS PAR BSHAD PA'I PHYIR LEGS
PAR BSHAD PA YIN NO, ,ZHES 'CHAD, BZHI PA TSIG DON GZHAN MI 'CHAD PA'I RGYU MTSAN STON PA LA, BSDUS PA'I DON GYI TSIG LE'UR BYAS PA RNAMS NI, BSTAN BCOS MDZAD PA NYID KYIS SEMS BSKYED PA NI GZHAN DON PHYIR, ZHES BYA BA LA SOGS PA 'CHAD PAR 'GYUR BA'I BSTAN BCOS MTHA' DAG GIS 'CHAD PAS, DE DAG RNAM PAR BSHAD PAS BSHAD PAR BSAMS TE ZLOS PA'I NYES PAR 'GYUR DU DOGS NAS RNAM PAR MA DKROL LO, ,ZHES GSUNGS, DE DAG GI NANG NAS, ` SHES RAB PHA ROL PHYIN PA NI, ,ZHES SOGS KYI SKABS SU, BSHAD BYA'I LUNG 'GOD PA DANG, DE'I DON BSHAD PA GNYIS LAS, DANG PO LA, 'GREL CHEN LAS, DE LTAR NA THOS PA DANG BSAM PA DANG SGOM PA'I RANG BZHIN GYI SHES PA? SKYE BA'I RIM GYIS RNAM PA THAMS CAD MKHYEN PA'I YE SHES RTOGS PA'I PHYIR PHA ROL TE, RAB GYI MTHAR 'GRO BA YIN PAS NA PHA ROL TU PHYIN PA'O, ,DE YANG SHES RAB CES BYA BA NI CHOS RAB TU RNAM PAR 'BYED PA'I MTSAN NYID SHES RAB KYI PHA ROL TU PHYIN PAS NA SHES RAB KYI PHA ROL TU PHYIN PA STE, SANGS RGYAS BCOM LDAN 'DAS KYI GNYIS SU MED PA'I YE SHES SGYU MA LTA BU NI DNGOS YIN LA, DE THONG BA DANG RJES SU MTHUN PA NYID KYIS NA TSIG DANG DAG GI TSOGS KYI GZHUNG DANG, MTHONG BA LA SOGS PA'I MTSAN NYID CAN GYI LAM LA YANG SHES RAB KYI PHA ROL TU PHYIN PA ZHES BYA PA NI BTAGS PA'O, ,DE YANG SLOB DPON PHYOGS KYI GLANG PO'I ZHAL SNGA NAS KYI, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,BSGRUB BYA'I DON DE DANG LDAN PAS, ,GZHUNG LAM DAG LA DE SGRA YIN, ,ZHES BSHAD PA
, ,YIN NO, ,DE'I PHYIR DE DANG 'BREL BA NYID KYIS GZUGS BRNYAN DANG BRAL BA RNAM PA GSUM GA YANG SHES RAB KYI PHA ROL TU PHYIN PA NYID DO, ,ZHES NGES PAR BZUNG BA YIN TE, GTZO BO'I DBANG DU BYAS PA YIN NO, ,DE RNAMS NYID KYI MA YIN TE, DE MED NA MI 'BYUNG BA'I PHYIR 'DI NI BYANG CHUB GSUM GA'I DBANG DU BYAS PA'I PHYIR, DE LTAR YANG, 'DI NYID LAS, NYAN THOB KYIS LA SLOB PAR 'DOD PAS KYANG SHES RAB KYI PHA ROL TU PHYIN PA 'DI MNYAN PAR BYA'O, ,ZHES BYA BA LA SOGS 'CHAD PAR 'GYUR RO, ,ZHES GSUNGS, GNYIS PA LA, SHER PHYIN GYI SGRA BSHAD PA DANG, DNGOS BTAGS KYI KHYAD PAR, SHES BYED KYI LUNG 'GOD, DE LA RTZOD PA SPONG BA'O, ,DANG PO NI, DE LTAR, ZHES PA NAS, PHA ROL TU PHYIN PA STE, ZHES PA'I BAR GYIS 'CHAD, DON NI SANGS RGYAS 'PHAGS PA'I RGYUD KYI STENG NYID MNGON SUM DU RTOGS PA'I SHES RAB CHOS CAN, KHYOD LA SHES RAB CES BRJOD PA'I RGYU MTSAN YOD DE, KHYOD CHOS RAB TU RNAM 'BYED KYI BLO YIN PA'I PHYIR, DE CHOS CAN; KHYOD LA PHA ROL TU PHYIN PA ZHES BRJOD PA'I RGYU MTSAN YOD DE, CHOS RAB TU RNAM 'BYED KYI BLO GANG ZHIG ,RANG RGYU THOS BSAM SGOM GSUM MTHAR PHYIN PA'I YE SHES YIN PA'I PHYIR, GNYIS PA NI, SANGS RGYAS, ZHES PA NAS, BTAGS PA'O; ;ZHES PA'I BAR GYIS 'CHAD, DON NI SHER PHYIN LA DNGOS BTAGS KYI KHYAD PAR YOD DE, 'BRAS BU SHER PHYIN DE SHER PHYIN DNGOS DANG, GZHUNG LAM GNYIS KYI SHER PHYIN DE SHER PHYIN BTAGS PA BA YIN PA'I PHYIR, DES NA KHYAD CHOS
BZHIS KHYAD PAR DU BYAS PA'I MTHAR THUG GI MKHYEN PA, SHER PHYIN GYI MTSAN NYID, DE LA SGRAS BRJOD RIGS KYI SGO NAS DBYE NA, SNYING PO DON GYI SHER PHYIN, GZHUNG, LAM, 'BRAS BU SHER PHYIN DANG BZHI YOD DE, DANG PO NI, CHOS THAMS CAD BDEN PAS STONG PA'I STONG NYID LTA BU, GNYIS PA NI, 'BRAS BU SHER PHYIN BRJOD BYAR BYED PA'I SHER PHYIN GYI MDO DANG, DE'I DGONGS 'GREL DU GYUR PA'I BSTAN BCOS RNAM DAG RNAMS LTA BU'O, ,GSUM PA NI, RANG GI THOB BYAR GYUR PA'I 'BRAS BU SHER PHYIN THOB BYED KYI THABS SU GYUR PA'I SEMS DPA'I RNAL 'BYOR, LAM SHER PHYIN GYI MTSAN NYID, DE DANG SEMS DPA'I RNAL 'BYOR DON GCIG ,BZHI PA NI, RANG THOB BYED KYI THABS SU GYUR PA'I LAM SHER PHYIN SGOM STOBS KYIS THOB PA'I MTHAR THUG GI MKHYEN PA, 'BRAS BU SHER PHYIN GYI MTSAN NYID, RNAM MKHYEN CHOS CAN, KHYAD CHOS BZHI DANG LDAN TE, RTEN GYI KHYAD PAR SANGS RGYAS 'PHAGS PA KHO NA'I RGYUD LA YOD PA, RNAM PA'I KHYAD PAR GNYIS SU MED PA, NGO BO'I KHYAD PAR YE SHES YIN PA, DGAG BYA DANG BRAL BA'I KHYAD PAR BDE NA STONG SGYU MA LTA BU YIN PA'I PHYIR, GSUM PA NI, DE YANG, ZHES PA NAS, BSHAD PA YIN NO, ,ZHES PA'I BAR GYIS 'CHAD, DON NI SHER PHYIN GYI DNGOS BTAGS KYI KHYAD PAR DE 'THAD PA YIN TE DE LTAR DU SLOB DPON PHYOGS KYI GLANG POS BRGYAD STONG DON BSDUS SU BSHAD PA'I PHYIR, DE YANG YIN TE, SHES RAB PHA ROL PHYIN, CES PAS, MTSON BYA SHER PHYIN DE BSTAN NAS, DE'I DON 'CHAD PA LA, DNGOS YIN LA, ZHES GSUNGS,
, ,GNYIS MED, ,YE SHES DE NI, ZHES GSU MTSAN NYID DE BSTAN NAS, DE'I DON 'CHAD PA LA, GNYIS SU MED PAS YE SHES SGYU MA LTA BU NI, ZHES GSUNGS, DE BZHIN GSHEGS, ,ZHES PAS RTEN GYI KHYAD PAR DE BSTAN NAS; DE'I DON 'CHAD PA LA, SANGS RGYAS BCOM LDAN 'DAS KYI, ZHES GSUNGS, BSGRUB BYA'I DON DE DANG LDAN PAS, ,GZHUNG LAM DAG LA DE SGRA YIN, ZHES PAS, GZHUNG SHER PHYIN LA SHER PHYIN DU 'DOGS BA'I RGYU MTSAN DE BSTAN NAS, DE'I DON 'CHAD PA LA, DE THOB PA DANG RJES SU MTHUN PA NYID KYIS NA TSIG DANG NGAG GI TSIG GZHUNG LA YANG SHES RAB KYI PHA ROL TU PHYIN PA ZHES BYA BA NI BTAGS PA'O, ,ZHES GSUNGS, BSGRUB BYA'I DON DE DANG LDAN PAS, ,GZHUNG LAM DAG LA DE SGRA YIN, , ZHES PAS, LAM SHER PHYIN LA SHER PHYIN DU 'DOGS PA'I RGYU MTSAN DE BSTAN NAS, DE'I DON 'CHAD PA LA, MTHONG BA LA SOGS PA'I MTSAN NYID CAN GYI LAM LA YANG SHES RAB KYI PHA ROL TU PHYIN PA ZHES BYA BA NI BTAGS PA'O, ,ZHES GSUNGS, DON BSDU NA, GZHUNG SHER PHYIN CHOS CAN, KHYOD LA SHER PHYIN ZHES BRJOD PA'I RGYU MTSAN YOD DE, KHYOD KYIS 'BRAS BU SHER PHYIN BRJOD BYAR BYED PA'I RGYU MTSAN GYIS DE LTAR BRJOD PA'I PHYIR, DE LTAR BTAGS PA LA DGOS PA YOD DE, 'BRAS BU? SHER PHYIN THOB PAR 'DOD PA RNAMS KYIS GNAS SKABS SU GZHUNG SHER PHYIN LA THOS BSAM BYA DGOS SO, ,ZHES SHES PAR BYA BA'I CHAD YIN PA'I PHYIR, DNGOS LA GNOD BYED YOD DE, THOS BSAM SGOM GSUM MTHAR PHYIN PA'I YE SHES MA YIN
PA'I PHYIR, LAM SHER PHYIN LA SHER PHYIN ZHES 'DOGS PA'I RGYU MTSAN YOD DE, DE 'BRAS BU SHER PHYIN THOB BYED? KYI THABS YIN PA'I PHYIR, DE LTAR BTAGS PA LA DGOS PA YOD DE, 'BRAS BU SHER PHYIN THOB PAR 'DOD PA RNAMS KYIS LAM SHER PHYIN NYAMS SU BLANG DGOS SO, ,ZHES SHES PAR BYA BA'I CHED YIN PA'I PHYIR, DNGOS LA GNOD BYED YOD DE, SNGAR BZHEN NO, ,BZHI BA NI, DE'I PHYIR ZHES SOGS KYIS BSHAD, DON NI, RTEN GYI GANG ZAG THEG PA CHEN PO DANG 'BREL BA'I RGYAS 'BRING BSDUS GSUM GZHUNG SHER PHYIN DNGOS, THEG DMAN GYI MDO RNAMS DE'I GZUGS BRNYAN, RTEN GYI GANG ZAG THEG PA CHEN PO DANG 'BREL BA'I SLOB LAM RNAMS LAM SHER PHYIN DNGOS DANG, THEG DMAN GYI SLOB LAM RNAMS DE'I GZUGS BRNYAN YIN; RTEN GYI GANG ZAG THEG PA CHEN PO DANG 'BREL BA'I MI SLOB LAM RNAMS 'BRAS BU SHER PHYIN DNGOS DANG, THEG DMAN GYI MI SLOB LAM RNAMS DE'I GZUGS BRNYAN YIN NO, ,'O NA, SKABS 'DIR THEG CHEN GYI GZHUNG LAM 'BRAS BU GSUM KHO NA GTAN LA 'BEBS PA'I RGYU MTSAN GANG ZHE NA, GTAN LA DBAB BYA'I GTZO BO'I DBANG DU BYAS PA YIN GYI, THEG DMAN GYI DE GSUM GTAN LA MA 'BEBS PA MIN TE, THEG DMAN GYI DE GSUM MED NA? THEG CHEN GYI DE GSUM MI 'BYUNG BAS BYANG CHUB GSUM GA'I DBANG DU BYAS PA'I PHYIR, GANG DU GTAN LA 'BEBS NA, THEG PA GSUM CHAR THOB PA'I RGYU, ZHES PA'I BSHAD BYA RTZA BA'I MDOR, NYAN THOS KYIS LA SLOB PAR 'DOD BAS KYANG, ZHES SOGS KYIS BSHAD PA'I PHYIR, GZHUNG DON NI,
, ,BSTAN BCOS MNGON RTOGS RGYAN CHOS CAN, SHER PHYIN GYI MDO'I DON YANG DAG PAR BSHAD PA YIN TE, KHYOD KYIS SHER PHYIN GYI MDO RGYAS 'BRING BSDUS GSUM LA RJOD BYED SKABS BRGYAD DANG BRJOD BYA LA DNGOS PO BRGYAD DU PHYE BA'I SGO NAS PHYIN CI MA LOG PAR BSHAD PA'I PHYIR, KHO NA RE, RJE BTZUN BYAMS PAS SHER PHYIN GYI MDO'I DON YANG DAG PAR RTOGS PAR THAL, SBYOR BA 'THAD PA'I PHYIR, 'DOD NA, DES YANG DAG PAR GRUB PAR THAL, 'DOD PA'I PHYIR NA MA KHYAB STE, DUS GSUM CIG CAR DU GRUB PAR THAL, SANGS RGYAS 'PHAGS PAS DUS GSUM CIG CAR DU RTOGS PA'I PHYIR, KHYAB PA SONG, KHO NA RE, DUS GSUM CIG CAR DU SANGS RGYAS 'PHAGS PAS RTOGS PAR THAL, SANGS RGYAS 'PHAGS PAS DUS GSUM CIG CAR DU RTOGS PA'I PHYIR NA MA KHYAB, KHA CIG ,SPROS? BRAL MNGON SUM DU RTOGS PA'I YE SHES GANG ZHIG ,MI GNAS PA'I MYANG 'DAS SU PHYIN ZIN DANG PHYIN BYED GANG RUNG, SHER PHYIN GYI MTSAN NYID ZER NA, SLOB LAM NA SHER PHYIN YOD PAR THAL, MTSAN NYID 'THAD PA'I PHYIR, 'DOD NA, LAM SHER PHYIN DU THAL LO, ,'DOD NA, SHER PHYIN CHOS CAN, MI GNAS PA'I MYANG 'DAS SU PHYIN ZIN PAR THAL, DE DANG DER PHYIN BYED GANG RUNG GANG ZHIG ,GNYIS PA MA YIN PA'I PHYIR, DANG PO DNGOS, GNYIS PA GRUB STE, RNAM MKHYEN KHYOD YIN PA'I PHYIR, RTZA BAR 'DOD MI NUS TE, LAM SHER PHYIN KHYOD YIN PA'I PHYIR, KHO NA RE, SLOB LAM NA SHER PHYIN YOD PAR THAL,
SLOB LAM NA BSLAB PA GSUM YOD PA'I PHYIR, KHYAB STE, MDO SDE'I RGYAN LAS, BSLAB GSUM DBANG DU MDZAD NAS NI, ,RGYAL BA'I PHA ROL PHYIN PA DRUG ,CES GSUNGS PA'I PHYIR NA MA KHYAB STE, NYAN THOS DGRA BCOM PA'I RGYUD LA SHER PHYIN YOD PAR THAL, DE'I RGYUD LA BSLAB PA GSUM YOD PA'I PHYIR, KHYAB PA KHAS, KHO NA RE, LAM SHER PHYIN CHOS CAN, SHER PHYIN YIN PAR THAL, SHER PHYIN PHAL PA YIN PA'I PHYIR, RTAGS GRUB STE, BRGYAD STONG DON BSDUS KYI 'GREL PAR, SHES RAB KYI PHA ROL TU PHYIN PA'I SGRA 'DI NI RNAM PA GNYIS TE, GTZO BO DANG PHAL BA'O, ,GTZO BO NI GNYIS SU MED PA'I YE SHES SO, ,PHAL BA NI GZHUNG DANG LAM GYI RANG BZHIN NO, ,ZHES GSUNGS PA'I PHYIR NA, MA KHYAB STE, SHER PHYIN ZHES PA'I SGRA DE 'BRAS BU SHER PHYIN LA MING GTZO BO DNGOS MING DU 'JUG LA, GZHUNG LAM GNYIS LA MING PHAL BA BTAGS MING DU 'JUG PA DE DE'I DON YIN PA'I PHYIR, GZHAN YANG, SLOB LAM NA SHER PHYIN MED PAR THAL, SHES RAB KYI PHA ROL TU PHYIN PA, ZHES PA'I PHA ROL DE SGRIB GNYIS SPANGS PA'I GNAS SKABS LA BYED RIGS PA'I PHYIR TE, 'JUG 'GREL LAS, DE LA PHA ROL NI GANG 'KHOR BA'I RGYA MTSO'I PHAR 'GRAM MA MA DOGS TE, NYON MONGS PA DANG SHES BYA'I SGRIB PA MA LUS PA SPANGS PA'I RANG BZHIN MNGA' BA'I SANGS RGYAS NYID DO, ,DER SON PA NI DER PHYIN PA RO, ,ZHES GSUNGS PA'I PHYIR, KHA CIG ,LAM SHER PHYIN GYI MA MTHA'I SA MTSAMS THEG CHEN GYI MTHONG LAM NAS 'JOG STE, RGYAN SNANG LAS, MTHONG BA LA SOGS PA'I MTSAN NYID CAN GYI LAM, ZHES
, ,GSUNGS PA'I PHYIR NA MA KHYAB STE, GO SGRUB KYI MA MTHA'I SA MTSAMS THEG CHEN GYI MTHONG LAM DANG, TSOGS SGRUB KYIS MTSAMS THEG TSEN GYI SGOM LAM NAS 'JOG RIGS PAR THAL, MTHONG BA DANG SGOM PA DANG KHYAD PAR GYI LAM GYI NGO BO NYID SGRUB PA'I MTSAN NYID GO CHA DANG TSOGS DANG NGES PAR 'BYUNG BA RNAMS, ZHES GSUNGS PA'I PHYIR, KHYAB PA KHAS, GZHAN YANG, SDUD 'GREL LAS, DANG PO SBYOR PA LA SOGS PA'I MTSAN NYID KYI LAM STE, DON DU SBYOR BA GNYIS NYID KYI GTZO BO MA YIN PA'I SHES RAB KYI PHA ROL TU PHYIN PA'O, ,ZHES GSUNGS PA MI 'THAD PAR THAL, THEG CHEN GYI TSOGS SBYOR RNAMS LAM SHER PHYIN MA YIN PA'I PHYIR, KHA CIG ,SANGS RGYAS 'PHAGS PA'I MIG SHES SOGS SHER PHYIN MA YIN ZER NA, RGYAN SNANG LAS, DE'I PHYIR SANGS RGYAS NYID KYI GNAS SKABS NA YANG, MI SHES PA KUN SHES PA'I DBANG PO SPANGS TE YID KYI BLO DANG 'DRA BAR DBANG PO'I BLOS YUL LA YONGS SU SPYOD DE DE'I PHYIR SANGS RGYAS KYI MKHYEN PA THAMS CAD YUL THAMS CAD PAR 'DOD DO, ,ZHES GSUNGS PA MI 'THAD PAR THAL, DAM BCA' 'THAD PA'I PHYIR, KHO NA RE, SLOB LAM NA SHER PHYIN YOD PAR THAL, BYANG CHUB SEMS DPA'I RGYUD LA SHER PHYIN YOD PA'I PHYIR TE, DE'I RGYUD KYI SBYIN PA'I PHAR PHYIN YOD PA'I PHYIR TE, RNAM BSHAD LAS, SHER PHYIN LA SHES RAB KYIS KHYAD PAR 'DOD PA NI SGRA BSHAD PA DANG 'JUG PA'I KHYAD PAR MA PHYED PA YIN LA, BYANG CHUB SEMS DPA'I SBYIN PA'I PHAR PHYIN LA YAR? 'DIS PHA
ROL TU PHYIN PAR BYED PA NI SHER PHYIN ZHES PA'I SGRA BSHAD DU YOD PA'I PHYIR, ZHES GSUNGS PA'I PHYIR NA MA KHYAB STE, SHER PHYIN LA SHES RAB KYIS MA KHYAB STE, SHES RAB KYI SGRA BSHAD DU YOD NA SHES RAB YIN PAS MA KHYAB PA'I PHYIR TE, SHER PHYIN GYI SGRA BSHAD DU YOD NA SHER PHYIN YIN PAS MA KHYAB PA'I PHYIR TE, BYANG CHUB SEMS DPA'I RGYUD KYI SBYIN PA'I NYAMS LEN LA SHER PHYIN GYI SGRA BSHAD DU YOD KYANG DE SHER PHYIN MA YIN PA'I PHYIR, DE LA SHER PHYIN GYI SGRA BSHAD DU YOD DE, 'DIS PHA ROL TU PHYIN PAR BYED PAS NA DE LA SHER PHYIN GYI SGRA BSHAD DU YOD PA'I PHYIR, ZHES PA'I DON NO, ` ,RNAM KUN MKHYEN NYID LAM SHES NYID, ,CES SOGS KYI SKABS SU, MDOR BSTAN, DNGOS PO BRGYAD KYI YANG DAG BSHAD, ,CES 'CHAD NA, YUM RGYAS 'BRING BSDUS GSUM GYI BRJOD BYA'I GTZO BO LA DNGOS PO BRGYAD DU GRANGS NGES PA'I DON DE GANG, YUM RGYAS 'BRING BSDUS GSUM GYI KHYAD PAR JI LTA BU ZHE NA, RGYAS 'BRING BSDUS GSUM LA KHYAD PAR YOD DE, BRJOD BYA PHUNG PO LNGAR BSDUS SHING; RJOD BYED KYI TSIG KYANG BSDUS PA NI BSDUS BA DANG, DON RGYAS LA TSIG NYUNG ZHING BSDUS PAS NA 'BRING DANG, DE GNYIS KA RGYAS PA NI RGYAS PAR 'JOG PA YIN PA'I PHYIR, RGYAS PA DE YANG 'GRES RKANG BRGYA RTZA BRGYAD DU PHYE NAS STON PA YIN LA, 'GRES RKANG BRGYA RTZA BRGYAD KYANG YOD DE, KUN NAS TON MONGS PHYOGS KYI 'GRES RKANG LNGA BCU RTZA GSUM, RNAM BYANG PHYOGS KYI 'GRES RKANG LNGA BCU RTZA LNGA YOD PA'I PHYIR, DANG PO GRUB STE, PHUNG PO LNGA, DBANG PO DRUG ,YUL DRUB?, RNAM PAR SHES
, ,PA DRUG ,REG PA DRUG ,TSOR BA DRUG ,KHAMS DRUG ,RTEN 'BREL YAN LAG BCU GNYIS RNAMS SU YOD PA'I PHYIR, GNYIS PA GRUB STE, SPYOD PA'I LAM PHA ROL TU PHYIN PA DRUG ,LTA BA'I LAM STONG NYID BCO BRGYAD DE NYER BZHI; RNAL 'BYOR GYI LAM BYANG PHYOGS SO BDUN GYI SDE TSAN BDUN, ZHIG NAS KYI LAM 'PHAGS PA'I BDEN PA BZHI, BSAM GTAN BZHI, TSAD MED PA? BZHI, GZUGS MED PA'I SNYOMS PAR 'JUG PA BZHI, RNAM PAR THAR PA BRGYAD, MTHAR GYIS GNAS PA'I SNYOMS PAR 'JUG PA DGU, LHAG MTHONG GI LAM RNAM THAR SGO GSUM, YON TAN KHYAD PAR CAN GYI LAM MNGON PAR SHES PA, ,TING NGE 'DZIN, GZUNGS KYI SGO, 'BRAS BU'I LAM STOBS BCU, MI 'JIGS PA BZHI, SO SOR YANG DAG PAR RIG PA BZHI, BYAMS PA CHEN PO, SNYING RJE CHEN PO, SANGS RGYAS KYI CHOS MA 'DRES PA BCO BRGYAD, GANG ZAG GI LAM RGYUN ZHUGS, PHYIR 'ONG, PHYIR MI 'ONG, DGRA BCOM PA, RANG SANGS RGYAS, THAMS CAD SHES PA NYID, LAM GYI RNAM PA SHES PA NYID, RNAM PA THAMS CAD MKHYEN PA NYID RNAMS SU YOD PA'I PHYIR, YUM GYI MDO'I BRJOD BYA DNGOS PO BRGYAD DU GRANGS NGES PA YIN TE, NYAMS SU BLANG BYA'I YUL LA MKHYEN PA GSUM DU GRANGS NGES, NYAMS SU LEN BYED KYI LAM LA SBYOR BA BZHIR GANGS NGES; NYAMS SU BLANGS BA'I 'BRAS BU LA 'BRAS BU CHOS SKUR GRANGS NGES PA'I PHYIR, DANG PO GRUB STE, RGYAN GYI CHED DU BYA BA'I GDUL BYAS LA MA NYAMS SU LEN PA'I RIM PA'I DBANG DU BYAS NAS KYANG DE LA DE GSUM DU GRANGS NGES, 'PHAGS BZHI'I
YUM BYED TSUL GYI SGO NAS KYANG DE LA DE GSUM DU GRANGS NGES PA'I PHYIR, DANG PO GRUB STE, DES RNAM MKHYEN RANG RGYUD LA BSKYED PA LA THEG PA GSUM GYI LAM GSUM RDZOGS PAR SGOM PA'I LAM SHES THOB PA SNGON DU 'GRO DGOS, DE LA YANG GZHI SHES KYI RNAM PA MI RTAG SOGS BCU DRUG RTOGS PA'I YE SHES SGOM PA SNGON DU 'GRO DGOS PA'I PHYIR, RTZA RTAGS GNYIS PA GRUB STE, NYON SGRIB DANG SHES SGRIB MA LUS PAR SPOD PA LA MKHYEN GSUM GYI RNAM BA RDZOGS PAR SGOM DGOS PAS, DE LA YANG MKHYEN GSUM GYI RNAM PA LA DBANG THOB DON DU SGOM PA RNAM RDZOGS SBYOR BA DANG, DBANG THOB NAS SGOM PA RTZE SBYOR GNYIS SU NGES PAS DE GNYIS BZHAG ,'BRAS BU CHOS SKU DNGOS SU THOB PA LA DE'I SBYOR BA'I GNAS SKABS SU MI RTAG DE? LTA BU GCIG YID LA BYAS BA NA GZHAN RNAMS LA RTZOL BA MI DGOS BAR BYA RDZOGS KYI SKAD CIG MA'I THUNG MTHA' GCIG LA YID YUL DU 'CHAR THUB BA GCIG DGOS LA, DE LA DE'I SNGA ROL DU MKHYEN GSUM GYI RNAM PA LA RTZOL BAS RIM CAN DU SGOM PA'I MTHAR GYIS SBYOR BA THOB PA SNGON DU 'GRO DGOS PAS SBYOR BA PHYI MA GNYIS BZHAG PA'I PHYIR, 'O NA MKHYEN GSUM GYI GO RIM 'DI LTAR BSHAD PA'I RGYU MTSAN CI YIN ZHE NA, CHOS SKU'I MTSAMS SBYAR GYI 'GREL CHEN LAS, GANG GI TSE SGYU DANG G-YO THAMS CAD RNAM PAR SPANGS PA LA SOGS BA'I YID LA BYED PA RNAMS JI SKAD DU BSHAD PA'I SHES RAB KYI PHA ROL TU PHYIN PA 'DI LA, SGYU MA DANG 'DRA BA NYID RJES SU RIG PAR BYED PA DANG, LAM GYI RNAM PAR SHES PA NYID KYIS RNAM PAR DPYOD PA DANG, THAMS CAD SHES PA NYID KYIS
, ,'JUG PA DANG, RNAM PA KUN MNGON PAR RDZOGS PAR RTOGS PAS RTOGS PAR BYED PA DANG, RTZE MO'I MNGON PAR RTOGS PAS SEMS PA DANG, MTHAR GYIS PA'I MNGON PAR RTOGS PAS 'JAL BA DANG, SKAD CIG MA'I MNGON PAR RTOGS PAS NYE BAR RTOGS PAR 'GYUR BA DANG, CHOS KYI SKUR MNGON PAR RDZOGS PAR BYANG CHUB PAS KYANG BSGOM PAR 'GYUR BA DE'I TSE BYANG CHUB SEMS DPA' 'DI LA CHOS KYI SKU'I YON TAN DANG, LONGS SPYOD RDZOGS PA'I SKU'I MTSAN NYID KYI SANGS RGYAS KYI ZHING DANG, SPRUL PA'I SKU RANG GI NGO BOS SANGS RGYAS KYI CHOS BLA NA MED PA 'PHRIN LAS DANG BCAS PA YONGS SU RDZOGS PA RNYED DKA' BAR MI 'GYUR BAS ZHES BYA BA NI TSIG DON YIN NO, ,ZHES GSUNGS, DON NI, RGYU 'BRAS DON GYI RIM PA'I DBANG DU BYAS NA, DANG POR GZHI SHES BSHAD RIGS TE, RGYAN GYI CHED DU BYA BA'I GDUL BYAS SEMS BSKYED SOGS CHOS BCU MNGON SUM DU RTAGS PA'I RNAM MKHYEN RANG RGYUD LA SKYED PA LA THEG PA GSUM GYI LAM SHES PA'I LAM SHES THOB PA SNGON DU 'GRO DGOS, DE LA MI RTAG SOGS BCU DRUG RTOGS PA'I SKYES BU 'BRING DANG THUN MONG PA'I BSAM PA SPYOD BA SNGON DU 'GRO DGOS PA'I PHYIR, 'DIR NI BSHAD PA'I RIM PA'I DBANG DU BYAS NAS DANG POR RNAM MKHYEN BSHAD PA YIN, RGYAN GYI CHED DU BYA BA'I GDUL BYAS 'BRAS BU RNAM MKHYEN GYI PHAN YON MTHONG NAS LA MA NYAMS SU LEN PA LA SPRO BA BSKYED PAR BYA BA'I PHYIR DU DANG POR RNAM MKHYEN BSHAD PA YIN PA'I PHYIR, DPER NA, TSONG BAS TSONG GI KHE PHOG MTHONG NAS TSONG
LA 'JUG PA DANG, ZHING PAS LO TOG GI PHAN YON MTHONG NAS SO RNAM LA 'JUG PA BZHIN NO, ,MKHYEN GSUM DANG SBYOR BZHI'I RIM PA YANG BSHAD PA'I RIMS PA'I DBANG DU BYAS TE, RGYU 'BRAS DON GYI RIM PA LTAR NA, DANG POR SBYOR BZHI 'CHAD DGOS PA'I PHYIR TE, MKHYEN GSUM THOB PA LA SBYOR BZHI THOB PA SNGON DU 'GRO DGOS PA'I PHYIR, 'O NA, DNGOS PO BRGYAD PO DE GANG ZHE NA, SEMS BSKYED SOGS CHES BCU MNGON SUM DU RTOGS PA MTHAR PHYIN PA'I YE SHES, RNAM MKHYEN GYI MTSAN NYID, DBYE NA, SHES BYA'I RNAM PA MA LUS PAR MKHYEN PA'I LDOG CHA NAS PHYE BA'I RNAM MKHYEN DANG, RGYU 'BRAS GTZO BO'I CHOS BCU MNGON SUM DU RTOGS PA'I LDOG CHA NAS PHYE BA'I RNAM MKHYEN GNYIS SU YOD, SA MTSAMS SANGS RGYAS KYIS KHO NAR YOD, RANG RGYUD LDAN GYI GANG ZAG GI RGYUD KYI STONG NYID MNGON SUM DU RTOGS PA'I SHES RAB KYIS ZIN PA'I THEG CHEN 'PHAGS PA'I MKHYEN PA DE, LAM SHES KYI MTSAN NYID, DBYE NA, NYAN THOS KYI LAM SHES PA'I LAM SHES, RANG RGYAL GYI LAM SHES PA'I LAM SHES; BYANG SEMS KYI LAM SHES PA'I LAM SHES DANG GSUM, SA MTSAMS THEG CHEN GYI MTHONG LAM NAS SANGS RGYAS KYI SA'I BAR DU YOD, THEG DMAN GYI RTOGS RIGS SU GNAS PA'I 'PHAGS RGYUD KYI MKHYEN PA, GZHI SHES KYI MTSAN NYID, DBYE NA MI MTHUN PHYOGS KYI GZHI SHES DANG, GNYEN PO PHYOGS KYI GZHI SHES GNYIS SU YOD, SA MTSAMS 'PHAGS PA MTHA' DAG GI RGYUD LA YOD, MKHYEN GSUM GYI RNAM PA SGOM PA'I SHES RAB KYIS ZIN PA'I SEMS DPA'I RNAL 'BYOR, RNAM RDZOGS
, ,SBYOR BA'I MTSAN NYID, DBYE NA, BRGYA BDUN CU RTZA GSUM YOD, SA MTSAMS THEG CHEN GYI TSOGS LAM NAS RGYUN MTHA'I BAR DU YOD, MKHYEN GSUM BSDUS SGOM THEG? CHEN GYI TSOGS LAM LAS RAB TU GYUR PA'I SHES RAB KYIS ZIN PA'I SEMS DPA'I RNAL 'BYOR, RTZE SBYOR GYI MTSAN NYID, DBYE NA BZHI YOD, SA MTSAMS THEG CHEN GYI SBYOR LAM DROD NAS RGYUN MTHA'I BAR DU YOD, MKHYEN GSUM GYI RNAM PA LA BRTAN PA THOB DON DU MKHYEN GSUM GYI RNAM PA RIM GYIS SGOM PA'I SHES RAB KYIS ZIN PA'I SEMS DPA'I RNAL 'BYOR GANG ZHIG ,RGYUN MTHA'I SNGA LOGS TSUN CHAD KYIS BSDUS PA, MTHAR GYIS SBYOR BA'I MTSAN NYID, DBYE NA, BCU GSUM YOD, SA MTSAMS THEG CHEN GYI TSOGS LAM NA RGYUN MTHA'I SNGA LOGS KYI BAR DU YOD, BYA RDZOGS KYI SKAD CIG MA'I THUNG MTHA' GCIG LA MKHYEN GSUM GYI RNAM PA BRGYA BDUN CU RTZA GSUM DNGOS YUL DU BYED PA'I NUS PA THOB PA'I SEMS DPA'I RNAL 'BYOR MTHA' THUG ,SKAD CIG SBYOR GYI MTSAN NYID, DBYE NA BZHI YOD, SA MTSAMS RGYUN MTHA' KHO NAR YOD, MKHYEN GSUM GYI RNAM PA SGOM STOBS KYIS THOB PA'I 'BRAS BU MTHAR THUG ,'BRAS DU CHOS SKU'I MTSAN NYID, DBYE NA BZHI YOD, SA MTSAMS SANGS RGYAS KYIS KHO NAR YOD, 'O NA, DNGOS PO BRGYAD PO DE MTSON BYED KYI CHOS BDUN CU PO DE GANG ZHE NA, RNAM MKHYEN MTSON BYED KYI CHOS LA BCU YOD DE, SEMS BSKYED, GDAMS DAG, THEG CHEN GYI SBYOR LAM, SGRUB PA'I RTEN RANG BZHIN GNAS RIGS SGRUB PA'I DMIGS PA, SGRUB PA'I CHED DU BYA BA
GO SGRUB, 'JUG SGRUB, TSOGS SGRUB, NGES 'BYUNG SGRUB PA RNAMS SU YOD PA'I PHYIR, LAM SHES MTSON BYED KYI CHOS LA BCU GCIG YOD DE, LAM SHES KYI YAN LAG ,NYAN THOS KYI 'AM SHES PA'I LAM SHES, RANG RGYAL GYI LAM SHES PA'I LAM SHES; THEG CHEN GYI MTHONG LAM, THEG CHEN GYI SGOM LAM GYI BYED PA, MOS BSGOM LAM, MOS PA'I PHAN YON, BSNGO BSGOM LAM, RJES SU YI RANG SGOM LAM, SGRUB PA SGOM LAM, RNAM DAG SGOM LAM RNAMS SU YOD PA'I PHYIR, GZHI SHES MTSON BYED KYI CHOS LA DGU YOD DE, SHES PAS SRID LA MI GNAS PA'I LAM SHES, SNYING RJES ZHI LA MI GNAS PA'I LAM SHES, 'BRAS YUM LA RING BA'I GZHI SHES, DE LA NYE BA'I GZHI SHES, MI MTHUN PHYOGS KYI GZHI SHES, GNYEN PO'I PHYOGS KYI GZHI SHES; GZHI SHES KYI SBYOR BA, GZHI SHES SBYOR BA'I MNYAM NYID, NYAN THOS KYI RTOGS RIGS SU GNAS PA'I MTHONG LAM RNAMS SU YOD PA'I PHYIR, RNAM RDZOGS SBYOR BA MTSON BYED KYI CHOS LA BCU GCIG YOD DE, RNAM RDZOGS SBYOR BA'I BSGOM BYA'I RNAM PA SBYOR BA SBYOR BA'I YON TAN, SBYOR BA'I SKYON, SBYOR BA'I MTSAN NYID, THEG CHEN GYI THAR BA CHA MTHUN, THEG CHEN GYI NGES 'BYED CHA MTHUN, PHYIR MI LDOG PA'I RTAGS, SRID ZHI MNYAM NYID KYI SBYOR BA, ZHING DAG SBYOR BA, THABS MKHAS SBYOR BA RNAMS SU YOD PA'I PHYIR, RTZE SBYOR MTSON BYED KYI CHOS LA BRGYAD DU YOD DE, RTAGS BCU GNYIS PO DANG LDAN PA'I RTZE SBYOR, BSOD NAMS RNAM PAR 'PHEL BA'I RTZE SBYOR, BRTAN PA'I RTZE SBYOR, SEMS KUN TU GNAS PA'I RTZE SBYOR, MTHONG LAM
, ,RTZE SBYOR, SGOM LAM RTZE SBYOR, BAR CHAD MED PA'I RTZE SBYOR, BSAL BYA LOG SGRUB DANG BCAS PA RNAMS SU YOD PA'I PHYIR, MTHAR GYIS SBYOR BA MTSON BYED KYI CHOS LA BCU GSUM DU YOD DE, DE LA PHAL PHYIN DRUG GI MTHAR GYIS SBYOR BA DRUG ,RJES DRAN DRUG GI DE DRUG ,DNGOS MED NGO BO NYID KYI DE DANG BCU GSUM YOD PA'I PHYIR, SKAD CIG SBYOR MTSON BYED KYI CHOS LA BZHI YOD PA DE, DE LA RNAM PAR SMIN PA MA YIN PA'I SKAD CIG SBYOR DANG, RNAM PAR SMIN PA'I SKAD CIG SBYOR DANG, MTSAN NYID MED PA'I SKAD CIG SBYOR DANG, GNYIS SU MED PA'I SKAD CIG SBYOR DANG BZHI YOD PA'I PHYIR, 'BRAS BU CHOS SKU MTSON BYED KYI CHOS LA BZHI YOD DE, DE LA NGO BO NYID SKU, LONGS SKU, SPRUL SKU, YE SHES CHOS SKU MDZAD PA 'PHRIN LAS DANG BCAS PA RNAMS SU YOD PA'I PHYIR, 'DI DAG GI MTSAN NYID DANG, DBYE BA SOGS RGYAS PAR 'OG TU RANG RANG GI SKABS SU 'CHAD DO, ,'DI DAG GIS ZLOS PA SPONG BA LA 'PHAGS PA'I LUGS DANG, SLOB DPON GYI LUGS GNYIS LAS; SLOB DPON GYI BZHED PA NI SKABS BZHI PAR 'CHAD LA, 'PHAGS PA LTAR NA SGRUB PA DANG, SBYOR BA DANG, GANG ZAG DANG, RTOG PA DANG, SGOM LA MA DANG, MTHONG LAM DANG, SBYOR LAM LA ZLOS PA SPANG BA'O, ,DANG PO NI, GDAMS NGAG GI SKABS SU SGRUB DANG, ZHES DANG, SGRUB PA BZHI RNAMS ZLOS PAR 'GYUR TE, SGRUB PA KHYAD PAR MED PA YANG YANG BSTAN PA'I PHYIR RO ZHE NA, SKYON MED DE, DANG PO DE GDAMS DAG GI BRJOD BYA'I CHA NAS YIN LA, GNYIS PA DE SGRUB PA RANG GI
NGO BO DANG, DBYE BA BSTAN PA YIN PA'I PHYIR, GNYIS PA NI, GZHI SHES KYI SBYOR BA DANG, RNAM KUN GYI SBYOR BA GNYIS YANG ZLOS PAR 'GYUR RO ZHE NA, SKYON MED DE, DANG PO DE BZHI GANG ZAG BDAG GI SKYE MED DU RTOGS NAS SGOM PA NYE RANG GI SBYOR BA ZLOG NAS 'PHEN BYED YIN LA, GNYIS PA SKYE MED GSUM ? BSDUS NAS SGOM PA YIN PA'I PHYIR, GSUM PA NI, SKABS DANG POR GANG ZAG NYI SHU BSHAD PA DANG, GNYIS PAR, MOG MOG POR BYED LA SOGS DANG, ,ZHES DANG, RTEN GYI BSE RU LTA BU'I LAM, ,ZHES DANG, SKABS BZHI PAR, SANGS RGYAS RNAMS LA LHAG PAR BYAS, ,ZHES DANG, SLOB PA PHYIR MI LDOG PA'I TSOGS, ,ZHES GSUNGS PA RNAMS ZLOS PAR 'GYUR RO, ,ZHE NA, SKYON MED DE, DANG PO DE DKON MCHOG GSUM BSHAD PA'I SKABS KYI DGE BDUN DKON MCHOG YIN LA, GNYIS PA DE, LAM SHES SKYE BA'I RTEN DANG, GSUM PA DE, RANG RGYAL GYI LAM GYI RTEN GYI GANG ZAG DANG, BZHI PA DE, YUM NYAN PA'I SNOD RUNG GI GANG ZAG DANG, LNGA PA DE, PHYIR MI LDOG PA'I RTEN NGOS GZUNG BAR BYA BA'I CHED YIN PA'I PHYIR, ZHI PA LA, SKABS DANG POR SBYOR LAM GYI RTOG PA BZHI BSTAN PA DANG, SKABS LNGA PAR MTHONG SPANG RTOG PA DANG, SGOM SPANG RTOG PA BZHI TSAN GNYIS BSHAD PA LA ZLOS SKYON YOD DO, ,ZHE NA, SKYON MED DE; DANG PO DE, THEG CHEN GYI SBYOR LAM GYI KHYAD CHOS SU BSTAN, GNYIS PA DE, THEG CHEN GYI MTHONG LAM GYI SPANG BYAR BSTAN, GSUM PA DE, THEG CHEN GYI SGOM LAM GYI SPANG BYAR BSTAN PA YIN PA'I PHYIR, DE BZHIN DU GNYEN PO'I TSOGS SGRUB KYI
, ,SKABS SU, RTOG PA BRGYAD BSTAN PA DANG YANG MI ZLOS TE, DE NI GNYEN PO'I TSOGS KYI DBYE BA BSTAN PA'I PHYIR DU BSTAN PA YIN PA'I PHYIR, LNGA PA LA, SKABS RNAMS SU SGOM LAM YANG YANG BSTAN PAS ZLOS SKYON YOD DO ZHE NA, LAM SHES SU BSHAD PA'I SGOM LAM NI, LAM THAMS CAD BSKYED PAR BYA ZHING, YANG DAG PA'I MTHA' MNGON DU MI BYA ZHES 'BYUNG BAS MTHA' GNYIS LA MI GNAS PA'I CHA NAS BSTAN, SKABS BZHI PAR, SGOM PA'I LA MIN ZAB PA STE, ZHES PA NI PHYIR MI LDOG PA'I RTAGS KYI SGO NAS BSTAN, SKABS LNGA PAR, SGOM LAM BSHAD PA NI SGOM SPANG RTOG PA'I GNYEN PO'I CHA NAS BSTAN, GDAMS DAG GI SKABS SU, SGOM ZHES RGYAL, ZHES GSUNGS PA NI, GDAMS NGAG GI BRJOD BYA'I CHA NAS BSTAN, GNYEN PO'I TSOGS SGRUB TU SGOM PA'I LAM ZHES GSUNGS PA NI, GNYEN PO'I TSOGS KYI DBYE BA SHES PA'I PHYIR DU BSTAN PA YIN, DRUG PA LA, SKABS RNAMS SU MTHONG LAM YANG YANG BSTAN PA LA ZLOS SKYON YOD DO,, ZHE NA, SKYON MED DE, GDAMS NGAG GI SKABS SU MTHONG LAM DANG, ZHES GSUNGS PA NI, GDAMS NGAG GI BRJOD BYA'I CHA NAS BSTAN, TSOGS SGRUB KYI SKABS SU, MTHONG LAM DANG, ZHES BSHAD PA NI GNYEN PO'I TSOGS KYI DBYE BA SHES PA'I PHYIR DU BSTAN, SKABS GNYIS PAR NI MTHA' GNYIS LA MI BRTEN PA'I MTHONG LAM BSTAN, SKABS GSUM PAR THEG DMAN GYIS LAS 'GA' BAR BYA BA'I MTHONG LAM BSTAN, SKABS BZHI PAR, MTHONG BA'I LAM LA BZOD PA DANG,
ZHES GSUNGS PA NI PHYIR MI LDOG PA'I RTAGS KYI SGO NAS BSTAN, SKAD CIG MA NI BCU DRUG GIS, ,ZHES PAS NI NYAN RANG LAS KHYAD PAR DU 'PHAGS PAR BSTAN, SKABS LNGA PAR MTHONG LAM BSTAN PA NI MTHONG SPANG RTOG PA'I GNYEN PO'I CHA NAS BSTAN PA YIN PA'I PHYIR, BDUN PA NI, SKABS RNAMS SU SBYOR LAM YANG YANG BSTAN PAS KYANG ZLOS SKYON YOD DO, ,ZHE NA, SKYON MED DE, SKABS DANG POR THEG CHEN GYI SBYOR LAM BSTAN PA NI, DMIGS RNAM RGYU GSUM LDAN CHOS RTOG PA YONGS 'DZIN CHE 'BRING CHUNG GSUM GYI DBYE BA STE KHYAD CHOS DRUG GI SGO NAS NYAN RANG GI SBYOR LAM LAS KHYAD PAR DU 'PHAGS PAR BSTAN, SKABS GNYIS PAR NGES 'BYED BZHI TSAN GNYIS BSTAN PA NI, NYAN THOS KYI LAM SHES PA'I LAM SHES KYI SKABS SU DMIGS PA GZUGS SOGS LA DMIGS NAS RNAMS PA STONG NYID DBYER MED PA LA SOGS PA'I RNAM PAR BSTAN, RANG RGYAL GYI LAM SHES PA'I LAM SHES KYI SKABS SU, DMIGS PA CHOS THAMS CAD BTAGS PA TZAM LA DMIGS NAS RNAM PA BTAGS PA DANG MI 'GAL BAR CHOS NYID STON PA'I RNAM PA CAN LA SOGS PAR BSTAN PA YIN PAS, DE GSUM LA SNGA MA SNGA MA LAS PHYI MA PHYI MA DMIGS RNAM MI 'DRA BA'I PHYIR, SKABS BZHI PAR, DRO BA RNAMS KYI DMIGS PA 'DIR, ,ZHES SOGS SU BSTAN PA NI DMIGS PA SEMS CAN DANG, RNAM PA SEMS MNYAM PA LA SOGS PA'I SGO NAS DMIGS PAS MI ZLOS LA, SKABS LNGA PAR, SBYOR LAM BSTAN PA NI RTZE SBYOR GYI BSTAN PA YIN PAS MI ZLOS PA'I PHYIR, 'DI DAG NI 'PHAGS PA'I BZHED PA GSER
, ,PHRENG DU BKOD PA'O, ` ,GNYIS PA YAN LAG GI SGO NAS RGYAS PAR BSHAD PA LA, TSIG LE'UR BYAS PA DANG 'BREL PA'I DON GZHAN BSHAD PA DANG, TSIG LE'UR BYAS PA NYID KYI DON BSHAD PA'O, ,DANG PO LA, MDO DANG JI LTAR SBYAR BA DANG, SBYOR TSUL LA RTZOD PA SPANG BA'O, ,DANG PO NI, GAL TE BSTAN BCOS MNGON RTOGS RGYAN 'DIS MDO'I DON KUN BSDUS PA YIN NA, CI'I PHYIR 'DIR GLENG GZHI DANG, RJE BTZUN GYIS ZHUS PA, ,RTAG DUS KYI LE'U, CHOS 'PHAGS KYI LE'U, SHER PHYIN YONGS SU GTAD PA'I LE'U RNAMS MA BSDUS SHE NA, GLENG GZHI MA BSDUS PA'I RGYU MTSAN YOD DE, DE NI YUM 'DI GSUNGS PA'I TSE 'KHOR 'DUS TSUL LA SOGS PA STON PAS GO SLA LA, DE LTAR DU GDUL BYA RNAMS KYIS RANG GIS RTOGS NUS BZHIN DU YANG DE STON PA LA DGOS PA MED PA'I PHYIR, RJE BTZUN NYID KYIS ZHUS PA 'DIR MA BSDUS PA'I RGYU MTSAN YOD DE, DE NI THEG PA GCIG DANG RIGS GCIG TU STON PA YIN LA, DE YANG 'JAM DPAL GYI MAN NGAG LA SOGS PA'I MDO SDE DU MA DANG, DBU MA'I RTZA BA LA SOGS PAR GSAL BAR MDZAD BAS 'DIR BSTAN MI DGOS PA'I PHYIR, LAS CHOS BSHES BZHED, RTAG DUS DAD CHOS 'PHAGS KYI LE'U GNYIS MA BSDUS PA'I RGYU MTSAN YOD DE, DE GNYIS SLOB MA DANG DGE BA'I BSHES GNYEN GYI RNAM THAR BSTAN PA YIN PAS, DE YANG MA 'ONGS PA RNAMS LA DE LTAR SLOB PA'I CHED DU THON BYUNG BA BSTAN PA YIN PAS GO SLAB LA DGONGS PA YIN PA'I PHYIR, YONGS GNYID KYI LE'U BSDUS MI DGOS TE
DE NI SHER PHYIN LAG CES SPRAS BYA BA'I PHYIR DU GZHUNG YONGS SU GTAD PA TZAM YIN PA'I PHYIR, GZHAN YANG, PAR BAR DU GANG ZAG LUNG BSTAN PA DANG SNGON RABS LA SOGS PA 'GA' ZHIG MA BSDUS PA'I RGYU MTSAN YOD DE, DE RNAMS GO SLA BA LA DGONGS NAS MA BSDUS PA'I PHYIR, DE LA LE'U PHYI MA GSUM PO DE GO SLOB LA DGONGS NAS MA BSDUS PAR RGYAN SNANG DANG, GNAD KYI ZLA 'OD GNYIS LAS GSAL BAR BSHAD DO, ,BYAMS PAS ZHUS PA BSLAB PA RAB TU DBYE BA'I LE'US NI LE'U BRGYAD MA DANG DAG LDAN SNYING PO MCHOG ZLA 'OD RNAMS SU PHYIN CI LOG SPONG BA LA 'GOD PA'I 'PHRIN LAS DANG SBYAR BAS, BYAMS ZHUS RGYAN GYIS MA BSDUS PAS LE'U ZHI PO DE RGYAN GYIS MA BSDUS SO, ,DON GLENG GZHI RGYAN GYIS MA BSDUS NA, 'PHAGS PAS 'DI SKAD CES BYA BA LA SOGS PA SKABS 'BYED PA NAS, BRTZAMS TE YONGS SU RDZOGS PA'I BAR GYI DNGOS PO RNAMS GCIG TU BSDUS NA, RNAM PA THAMS CAD MKHYEN PA NYID LA SOGS PA CHOS KYI SKU MDZAD PA DANG BCAS PA'I MTHAR THUG PA DNGOS PO BRGYAD DU 'GYUR RO, ,ZHES GSUNGS PA DANG 'GAL LO, ,ZHE NA; SKYON MED DE, DE NI RTOGS DKA' BA'I DBU ZHABS KYI DON TZAM BSDUS PA LA DGONGS PA YIN PA'I PHYIR, 'PHAGS PAS, GLENG GZHIR PHYOGS BCU'I DE BZHIN GSHEGS PAS PADMA'I SKYES BSKUR BA DANG, BYANG SEMS GZHAL DU MED LA 'DUS PAR GSUNGS PA NI SEMS BSKYED LA SOGS PA'I SHER PHYIN BSHAD PA RDZOGS PA'I BAR GYI 'JIG RTEN THAMS CAD BYIN GYIS BRLABS PA, ,SEMS CAN DU MA LA DMIGS NAS SEMS
, ,BSKYED PA DANG, SANGS RGYAS MANG POR BSTAN PA LA SOGS PA'I CHED DU YIN NO, ,ZHES GSUNGS PA'I PHYIR, DES NA MCHOD BRJOD DANG GLENG GZHI SBYOR BA MA YIN TE, MCHOD BRJOD DANG DGOS 'BREL GNYI RKYAN GYIS MDO BSHAD PA'I SNGON 'GRO YIN GYI MDO'I BSHAD PA DNGOS MA YIN PA'I PHYIR, DPER NA 'GREL PA 'DI'I, SHES RAB PHA ROL PHYIN PA LA, ,ZHES SOGS RGYAN GYI 'GREL PA MA YIN PA BZHIN NO, ,KHO NA RE, SKYON MED DE, RGYAN 'DI'I RTZA BA'I MDO JI LTAR 'BYUNG TSUL STON PAS SBYOR RIGS PA'I PHYIR NA, LE'U PHYI MA GSUM LA YANG SBYOR RIGS PAR THAL, DE GSUM GYIS SHER PHYIN SNGON JI LTAR BTZAL TSUL DANG, DE JI LTAR GTOD TSUL STON PA'I PHYIR, KHA CIG ,YONGS GTOD, DE YI RGYU NI YONGS GTONG DANG; ;ZHES PAS BSDUS, GLENG GZHI NI, SANGS RGYAS ZHING NI DAG PA NYID, ,CES PAS BSDUS, RTAG CHOS GNYIS YONGS 'DZIN GYIS BSDUS, ZHES ZER BA MI 'THAD DE, YONGS GTAD GNYIS YOD PA'I DANG PO DE NI YONGS GTAD DANG, ZHES PAS BSDUS LA, THA MA NI RTAG DUS KYIS DKA' BAS BTZAL BA DE'I PHYIR YANG ZUNGS SHIG ,CES GSUNGS PA'I PHYIR, GZHAN YANG, SNOD KHYAD PAR CAN NA BZHUGS NAS THEG CHEN GSUNGS PA'I GLENG GZHI THAMS CAD DANG, NOR BZANG GIS BLA MA BSTAN PA'I TSUL LA SOGS PA THAMS CAD KYANG RGYAN GYIS BSDUS PAR THAL, GLENG GZHIR ZHING DAG PAR BSHAD PA TZAM DANG CHOS 'PHAGS SLOB DPEN DANG, RTAG TU DU SLOB MA YIN PA TZAM GYIS DE DAG GIS BSDUS PA'I PHYIR, RTAGS KHAS,
GNYIS PA SBYOR TSUL LA RTZOD PA SPONG BA LA, KHO NA RE, RGYAN DANG MDO SBYAR NAS 'CHAD MI RIGS TE, MDO KHA CIG SGRA JI BZHIN YIN PAS SBYAR RUNG, KHA CIG SGRA JI BZHIN MIN YANG RGYU MTSAN SNANG BAS SBYAR RUNG YANG, BYANG CHUB RGYAS BSHAD KYIS SEMS BSKYED GNYIS PA BSTAN PAR 'DOD PA LTA BU MDO DES DON DE STON PA LA NGES BYED MED PA DANG, DROD KYI SKABS SU BUD MED DU MI SKYE BAR BRJOD PA LTA BU DANG, RGYAN DU DON YOD PA GLEGS BAM KHA CIG TU MDO MI SNANG BA'I PHYIR, ZHES ZER NA, MDO SBYAR BA'I RGYU MTSAN MED PA LTAR SNANG BA RNAMS NI DE DAG TU SBYAR BA'I RGYU MTSAN GNYIS YOD PAS SBYAR RUNG STE, RIM PA BZHIN SBYAR RIGS PA RNAMS SBYAR BA NA LHAG MA RNAMS DE DANG SBYOR BAR SHUGS LA GO BAR 'GYUR BA'I PHYI DANG, DE BZHIN GSHEGS PAS RJE BTZUN LA DE LTAR SBYAR BA'I LUNG MNGA' BA'I PHYIR, DE YANG YIN TE, RJE BTZUN RGYAL TSAB TU DBANG BSKUR BAS DAM PA'I CHOS MJOD GZHAN GYIS LTA BA'I GNAS MA YIN PA LA BA'I LUNG GIS DBANG BSGYUR BA YIN PA'I PHYIR DANG, DRONG DANG BUD MED DU MI SKYE BAR BSTAN PA LTA BU'I RGYAN GYI SGRAS MA ZIN PA RNAMS NI ZLAS BSDUS TE BSTAN PA'I PHYIR, GZHAN YANG, KHA CIG ,GTZO BO BSDUS PAS 'KHOR ZHAR LA BSDUS PA YIN TE, DPER NA RGYAL PO 'KHOR BCAS GSHEGS PA LA RGYAL PO GSHEGS ZHES BRJOD PA LTA BU YIN PA'I PHYIR; MDO KHA CIG ,SKABS BRGYAD KYI KHONGS SU BSTAN YANG GO SLA BA'I CHA MA BSDUS PA YIN TE, DPER NA, SRID MO GANG G'A'I LHA MO BSKAL PA SKAR MA LTA BU LA DE BZHIN GSHEGS PA GSER GYI ME TOG TU 'TSANG RGYA BAR LUNG BSTAN PA DANG, DGE SLONG BRGYA PHRAG
, ,DRUG CU BSKAL BSKAR MA LTA BU LA ME TOG BKRAM PA ZHES BYA BA'I DE BZHIN GSHEGS PA TSO BSKAL PA STONG KHRAG NYI SHU NYI SHU THUB PA SHA STAG TU 'TSANG RGYA BAR LUNG BSTAN PA LTA BU YIN PA'I PHYIR, MNGON RTOGS RGYAN DU DON YOD PA MDO'I GLEGS BAM KHA CIG TU MI SNANG BA NI, GZHUNG RAB TU RGYAS PA 'DI SGRUB PAR DKA' BA DANG, LNGA BRGYA'I THA MAL 'GRO BA RNAMS KYI BLO'I STOBS BRI BAS LUNG TSIG NYAMS PAR ZAD KYI 'DI LA LOG PAR BSTAN PA'I DRI MA MED DE, RJE BTZUN GYIS YUM DE LTAR GTAN LA PHAB PA'I PHYIR, ZHES SLOB DPON CHOS BSHES 'CHAD PA LTAR LEGS SO, ,'DI DAG NI BDAG NYID CHEN PO MA TI BHA DRA KI RTZI'I LEGS BSHAD DO,, ` ,GNYIS PA TSIG LE'UR BYAS PA NYID KYI DON 'CHAD PA LA, SHES BYA MKHYEN GSUM GYI YAN LAG RGYAS PAR BSHAD PA DANG, NYAMS LEN SBYOR BZHI'I YAN LAG RGYAS PAR BSHAD PA DANG, 'BRAS BU CHOS SKU'I YAN LAG RGYAS PAR BSHAD PA DANG GSUM LAS, DANG PO LA, THOB BYA RNAM MKHYEN GYI YAN LAG RGYAS PAR BSHAD PA DANG, THOB BYED LAM SHES RGYAS PAR BSHAD PA, LAM SHES RNAM PAR DAG BYED GZHI SHES KYI YAN LAG RGYAS PAR BSHAD PA'O, ,DANG PO LA, 'BREL BKOD PAS MTSAMS SBYAR, MTSON BYED KYI CHOS RGYAS PAR BSHAD PA, SKABS BSDU BA'O, ,DANG PO NI, SKABS BRGYAD KYI DANG POR DNGOS PO BRGYAD KYI NANG NAS RNAM MKHYEN BSHAD PA'I RGYU MTSAN CI YIN ZHE NA, DE'I RGYU MTSAN YOD DE, RNAM MKHYEN DE BYANG SEMS KYI THOB BYA MTHAR THUG YIN PAS GDUL BYAS 'BRAS BU RNAM MKHYEN GYI PHAN YON MTHONG NAS LAM NYAMS
SU LEN PA LA SPRO BA BSKYED PAR BYA BA'I CHED YIN PA'I PHYIR, ZHAS MTSAMS SBYOR BA LA, DE LTAR BSDUS PA'I DON KUN BSTAN NAS BYANG CHUB SEMS DPA' BYANG CHUB RJES SU THOB PAR 'DOD PAS 'BRAS BU YIN PA'I PHYIR, RNAM PA THAMS CAD MKHYEN PA NYID THOB PAR BYA DGOS PAS DANG POR RNAM PA THAMS CAD MKHYEN PA NYID DE SDUD PA'I TSIG LE'UR BYAS PA RNAM PAR BSHAD PA'I SGO NAS BSHAD PAR BZHED DE, ZHES GSUNGS, RGYAN SNANG LAS KYANG, DE LA 'BRAS BU STAN PAS BYANG CHUB DON DU GNYER BA'I BYANG CHUB SEMS DPA' SEMS BSKYED PA LA SOGS PA RNAM PA THAMS CAD YONGS SU SHES PAR BYED PA'I PHYIR NA, DANG POR RNAM PA THAMS CAD MKHYEN PA NYID BRJOD DO, ,ZHES GSUNGS, SPYIR MTSAMS SBYAR LA BSHAD PA YONGS SU RDZOGS PA'I MTSAMS SBYAR DANG, BSHAD PA LA 'JUG PA'I MTSAMS SBYAR DANG, DRI BAS LAN 'DREN PA'I MTSAMS SBYAR GSUM LAS, 'DIS DANG PO GNYIS KA BSTAN, ` GNYIS PA MTSON BYED KYI CHOS RGYAS PAR BSHAD PA LA, LAM GYI RANG BZHIN SEMS BSKYED BSHAD PA DANG, SEMS BSKYED DE DAG BYED KYI GDAMS DAG NOD PA DANG, GDAMS NGAG GI 'BRAS BU NGES 'BYED YAN LAG BSHAD PA DANG, GDAMS DON PHYIN CI MA LOG PAR SGRUB PA'I SGRUB PA BSHAD PA'O, ,DANG PO LA GNYIS MTSAN NYID DANG, RAB DBYE'O, ,DANG PO LA GNYIS, MTSAN NYID DNGOS DANG, DE MED DANG SBYAR BA'O, ,DANG PO LA, MTSAMS SBYAR, RTZA BA, 'GREL PA GSUM LAS, DANG PO NI, RNAM MKHYEN MTSON BYED KYI CHOS BCU'I THOG MAR SEMS BSKYED
, ,'CHAD PA'I RGYU MTSAN YOD DE, RGYAN GYI CHED DU BYA BA'I GDUL BYAS RNAM MKHYEN THOB PA LA BSAM PA'I KHYAD PAR 'DI LTA BU GCIG DGOS SO ZHES SHES PAR BYA BA'I CHED YIN PA'I PHYIR, ZHES MTSAMS SBYOR BA LA, SEMS BSKYED PA RANG GI NGO BO DMIGS PA DANG BCAS PA, ZHES GSUNGS, YANG NA, RNAM MKHYEN 'CHAD PA'I THOG MAR SEMS BSKYED NAS 'CHAD PA'I RGYU MTSAN YOD DE, SEMS BSKYED SOGS CHOS BCUS RNAM MKHYEN MTSON PA BSTAN PAR BYA BA'I CHED YIN PA'I PHYIR, MTSON TSUL YANG, RNAM BSHAD LAS, RGYUS 'BRAS BU MTSON TSUL LA CUNG ZAD BSHAD DU YOD KYANG, 'GREL CHEN DU YUL GYIS YUL CAN MTSON PAR SHIN TU GSAL TE, ZHES GSUNGS, DON NI, SEMS BSKYED SOGS CHOS BCUS RNAM MKHYEN MTSON TSUL YOD DE, RGYUS 'BRAS BU MTSON PA'I TSUL GYIS MTSON PA YIN PA'I PHYIR TE, DANG POR THEG CHEN DU RIGS SAD PA SNGON DU BTANG NAS BYANG CHUB MCHOG TU SEMS BSKYED DE, GDAMS PA DANG RJES SU GDAMS PA NYAN PA'I DON SGOM PAS STONG NYID LA DMIGS PA'I SGOM BYUNG GI SGRUB PA KHYAD PAR CAN THOB CING, DE YANG DMIGS PA CHOS THAMS CAD LA DMIGS NAS CHED DU BYA BA CHEN PO GSUM GYI CHED DU SGRUB PA BZHI NYAMS SU BLANGS PAS MTHOR RNAM MKHYEN THOB PAR 'GYUR ZHES MTSON PA YIN PA'I PHYIR, ZHES GSUNGS, DE LTAR CUNG ZAD BSHAD DU YOD KYANG, SKABS 'DIR CHOS BCUS YUL GYIS YUL CAN MTSON PA'I TSUL GYIS MTSON PA YIN TE, RGYAN SNANG LAS, DE BZHIN GSHEGS PA DANG 'BREL BA RJES SU SGRUB PAR 'DOD
PA NYID KYI SPYOD PAR 'GYUR BA'I RNAM PA THAMS CAD MKHYEN PA NYID KHO NA SEMS BSKYED PA LA SOGS PA'I RANG BZHIN RGYU DANG 'BRAS BU'I BDAG NYID KYI SGO NAS 'DIR YANG DANG YANG DU BZLAS PA'I PHYIR NA GZHUNG 'DI'I LE'U YIN NO, ,ZHES DANG, RGYU DANG 'BRAS BU MA LUS PA THUGS SU CHUD PA LA LTOS NAS DE BZHIN GSHEGS PA RNAMS KYI RNAM PA THAMS CAD MKHYEN PA NYID CES BRJOD PA YIN NO, ,ZHES GSUNGS PA'I PHYIR, DE LTAR MTSON TSUL YANG YOD DE, DANG POR BYANG CHUB MCHOG TU SEMS BSKYED DE; SGRUB PA'I GDAMS PA GNYAG, GDAMS NGAG GI DON TSUL BZHIN DU NYAMS SU BLANGS PAS RIGS KYI NYES DMIGS BZHI YAL CHER DANG BRAL NAS RIGS SAD, RIGS LA DMIGS PA'I BSGOMS BYUNG GI MYONG BA SKYES TE, DE YANG DMIGS PA BCU GCIG LA DMIGS NAS SGRUB PA BZHI NYAMS SU BLANGS PAS MTHAR CHEN PO GSUM MNGON SUM DU RTOGS PA'I YE SHES DE RNAM MKHYEN YIN NO, ZHES MTSON PA YIN PA'I PHYIR, GNYIS PA LA, KHO NA RE, CHOS BCU'I THOG MAR SEMS BSKYED DE 'CHAD NA, 'CHAD TSUL GANG ZHE NA, 'DI LA MDO LAS GSUNGS TSUL, BSTAN BCOS KYIS 'GREL TSUL GNYIS LAS, DANG PO NI, YUM PAR MA'I MDO LAS, GLENG GZHI'I LE'U RDZOGS MA THAG TU, DE NAS BCOM LDAN 'DAS KYIS TSE DANG LDAN PA SH'A RI'I BU LA BKA' STZAL PA, SH'A RI'I BU BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'TSAL BAS SHER PHYIN LA BRTZON PAR BYA'O, ,ZHES SOGS GSUNGS, GNYIS PA NI, MDO DE'I DON BSHAD PA'I SGO NAS
, ,THEG CHEN SEMS BSKYED DE MTSAN NYID KYI SGO NAS MDOR BSTAN GYI TSUL GYIS 'CHAD PA LA, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS, DE YANG SEMS BSKYED PA NI, ZHES PAS MTSON BYA DANG, GZHAN DON PHYIR, ,YANG DAG RDZOGS PA'I BYANG CHUB 'DOD, ,CES PAS MTSAN NYID DE BSTAN, GSUM PA LA, MTSAN NYID DNGOS DANG, RTZOD PA SPONG BA'O, ,DANG PO LA, NGO BO, DBYE BA, SEMS BSKYED TSUL GSUM LAS, DANG PO NI, GZHAN DON PHYIR, ,YANG DAG RDZOGS PA'I BYANG CHUB 'DOD, ,CES PA'I DON 'CHAD PA LA, GZHAN GYI DON DU YANG DAG PAR RDZOGS PA'I BYANG CHUB 'DOD PA'I MTSAN NYID, CES GSUNGS, GNYIS PA DE STON PA LA, SMON PA DANG 'JUG PA'I NGO BO NYID RNAM PA GNYIS SO, ,ZHES GSUNGS, GSUM PA NI, SEMS BSKYED PA NI ZHES PA'I DON 'CHAD PA LA, SANGS RGYAS SU GRUB NAS GZHAN GYI DON GYI PHYIR SKAL BA JI LTA BA BZHIN DU 'BAD PAR BYA'O, ,ZHES SEMS BSKYED PA, ZHES GSUNGS GNYIS PA LA RTZOD PA DANG, LAN GNYIS LAS, DANG PO NI, KHO NA RE, GZHAN DON DU YANG DAG PAR RDZOGS PA'I BYANG CHUB DON GNYER GYI 'DUN PA CHOS CAN, SEMS BSKYED MA YIN PAR THAL, SEMS BYUNG YIN PA'I PHYIR, 'DOD NA, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PA DANG 'GAL LO, ,ZHES PA'I RGOL BA DE STON PA LA, YANG DAG PAR RDZOGS PA'I BYANG CHUB 'DOD PA NYID NI DE DON DU GNYER BA DGE BA'I CHOS LA 'DUN PA SEMS
LAS BYUNG BA YIN LA, SEMS BSKYED PA NI SEMS YUL KHYAD PAR DU 'PHAGS PA SNANG BA CAN 'BYUNG BA MA YIN NAM, JI LTAR NA DE SEMS BSKYED PA YIN PAR 'GYUR ZHE NA, ZHES GSUNGS, GNYIS PA LA, RGYU'I MING GIS 'BRAS BU LA BTAGS PA DANG; GROGS KYI MING GIS GROGS CAN LA BTAGS PA GNYIS LAS, DANG PO NI, RTZOD PA DE'I SKYON MED DE, THEG CHEN SEMS BSKYED DE RANG GI RGYUR GYUR PA'I GZHAN DON DON DU GNYER BA'I 'DOD PA LAS BYUNG BAS NA DE LA 'DOD PA'I MING GIS BTAGS PA YIN PA'I PHYIR, ZHES 'CHAD PA LA, BDEN MOD KYI 'ON KYANG 'DIR DGE BA'I CHOS LA 'DUN PA'I MTSAN NYID DON DU GNYER BA YOD NA BYANG CHUB KYI SEMS BSKYED PAS RGYUS 'BRAS BU BSTAN PA YIN TE, ZHES GSUNGS, DE LTAR BTAGS PA LA DGOS PA YOD DE, GZHAN DON DON DU GNYER BA'I BYANG CHUB SEMS DPA'I RGYUD LA DGE BA'I CHOS MTHA' DAG 'PHEL BAR 'GYUR RO, ,ZHES SHES PAR BYA BA'I CHED YIN PA'I PHYIR, ,ZHES 'CHAD PA LA, DE LTAR DON DU GNYER BA'I BYANG CHUB SEMS DPA'I DGE BA'I CHOS THAMS CAD 'PHEL BAR 'GYUR RO, ,ZHES SHES PAR BYA BA'I PHYIR NYE BAR BTAGS PA LA BRTEN PA YIN PAS NYES PA MED DO, ,ZHES GSUNGS, DNGOS LA GNOD BYED NI, BDEN MOD KYI ZHES PA NYID KYIS STON NO, ,GNYIS PA NI, LAN GYI RNAM PA GCIG TU NA THEG CHEN SEMS BSKYED LA BYANG CHUB 'DOD PA'I MING GIS 'DOGS PA'I RGYU MTSAN YOD DE, DE RANG GI GROGS SU GYUR PA'I BYANG CHUB DON GNYER GYI 'DOD PA DE DANG MTSUNGS LDAN YIN PAS DE LTAR BTAGS PA YIN PA'I
, ,PHYIR; ZHES 'CHAD PA LA, RNAM PA GCIG TU NA SMON LAM NI DON DU GNYER BA STE, YANG DAG PAR RDZOGS PA'I BYANG CHUB 'DOD PA NYID YIN LA, DE DANG LHAN CIG SPYOD PA'I SEMS BSKYED PA DE'I SGRAR BSTAN PA NI, ZHES GSUNGS, BTAGS PA LA DGOS PA YOD DE, BYANG CHUB SEMS DPA'I RGYUD LA BYANG CHUB DON GNYER GYI 'DOD PA DANG MTSUNGS LDAN GYI SEMS DE SKYE'O, ,ZHES SHES PAR BYA BA'I CHED YIN PA'I PHYIR, ZHES 'CHAD PA LA, DE LTAR NA BYANG CHUB SEMS DPA' RNAMS LA SMON LAM DANG LDAN PA'I SEMS DE SKYE'O, ,ZHES BYA BAR SHES PAR BYA BA'I PHYIR YIN NO, ,ZHES GSUNGS, DNGOS LA GNOD BYED SNGAR BZHIN NO, ,GNYIS PA MDO DANG SBYAR BA LA DRI BAS MTSAMS SBYAR, MDO YIS LAN BSTAN, DRIS LAN DES GRUB PA'I DON, MDO GZHAN MA BKOD PA'I RGYU MTSAN DANG BZHI LAS, DANG PO NI, GZHAN DON PHYIR, ,YANG DAG RDZOGS PA'I BYANG CHUB 'DOD, ,CES 'CHAD NA; YANG GANG 'DOD PA'I BDAG NYID BYANG CHUB DE NI GANG YIN, DE THEG CHEN SEMS BSKYED KYI THOB BYA'I YUL DU 'JOG PAR GANG LAS SHES ZHES DANG, GANG GI DON DU SEMS BSKYED PA GZHAN GYI DON NI GANG, DE THEG CHEN SEMS BSKYED KYI CHED DU BYA BA'I DMIGS YUL DU 'JOG PAR GANG LAS SHES, ZHES PA'I DRI BA DE STON PA LA, YANG GANG 'DOD PA'I BDAG NYID DANG GANG GI DON DU SEMS BSKYED PA YANG DAG PAR RDZOGS PA'I BYANG CHUB DE NI GA DE YIN GZHAN GYI DON NI GANG YIN,
ZHE NA, ZHES GSUNGS, GNYIS PA NI, BYANG CHUB THOB BYA'I YUL DANG GZHAN DON CHED DU BYA BA'I YUL YIN PAR MDO LAS BSTAN PA DANG, BYANG CHUB DANG GZHAN DON LA DMIGS PA MDO NAS BSTAN TSUL GNYIS LAS, DANG PO NI, BYANG CHUB THOB BYA'I YUL DANG GZHAN DON CHED DU BYA BA'I YUL DU YUM RGYAS 'BRING BSDUS GSUM GA LAS BSTAN PA YIN TE, DE YUM PAR MA LAS DE LTAR BSTAN PA BZHIN DU RGYAS BSDUS GNYIS LAS KYANG DE BZHIN DU BSTAN PA YIN PA'I PHYIR, ZHES 'CHAD PA LA; DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,CES GSUNGS, GNYIS PA LA, BYANG CHUB DANG, GZHAN DON THEG CHEN SEMS BSKYED KYI DMIGS YUL DU MDO NAS BSTAN TSUL GNYIS LAS, DANG PO NI, THEG CHEN SEMS BSKYED KYI DMIGS YUL BYANG CHUB MDO LAS BSTAN PA YIN TE, MDO LAS DE RGYAS BSDUS GNYIS KYI SGO NAS BSTAN PA YIN PA'I PHYIR TE, SH'A RI'I BU 'DI LA BYANG CHEN CHOS THAMS CAD RNAM PA THAMS CAD DU MNGON PA RDZOGS PAR 'TSANG RGYA BAR 'DOD PAS SHER PHYIN LA BSLAB PAR BYA'O, ,ZHES PAS BYANG CHUB DE THABS KYI SGO NAS MDOR BSTAN NAS, DE RGYAS PAR 'CHAD PA LA, DE NAS CHE DANG LDAN PA SH'ARI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS JI LTAR SHER PHYIN LA BRTZON BAR GYI, BCOM LDAN 'DAS KYIS BKA' STZAL BA, SH'A RI'I BU 'DI LA BYANG CHEN GNAS MED PA'I TSUL GYIS SHER PHYIN LA GNAS TE
, ,SBYIN PA DANG, GTONG BA DANG, YONGS SU LEN PA MI DMIGS BA'I PHYIR YONGS SU GTONG BA MED PA'I TSUL GYIS SBYIN PA'I PHA ROL TU PHYIN PA DANG, LTUNG BA DANG MI LTUNG BA MI DMIGS PA'I PHYIR TSUL KHRIMS DANG, 'KHRUGS BA MED PA'I PHYIR BZOD PA DANG, LUS DANG SEMS KYI BRTZON 'GRUS NYAMS PA MED PA'I PHYIR BRTZON 'GRUS DANG, RO MYANG BA MED PA'I PHYIR BSAM GTAN DANG, SHES RAB DANG SHES RAB 'CHAL BA MI DMIGS PA'I PHYIR SHES RAB KYI PHA ROL TU PHYIN PA YONGS SU RDZOGS PAR BYA'O, ,ZHES GSUNGS, DE'I DON 'CHAD PA LA, RGYAL PA'I YUM RNAM PA GSUM CHAR LAS KYANG SHER PHYIN DANG, SBYIN PA LA SOGS PA THAMS CAD SBYIN PAR BYA BA DANG, SBYIN PA DANG, LEN PA PO LA SOGS PA MI DMIGS PA BSGRUB PAR BYA'O, ,ZHES SHES PAR BYED PA'I DON CAN DANG, ZHES GSUNGS, GNYIS PA NI, THEG CHEN SEMS BSKYED KYI DMIGS YUL GZHAN DON DE MDO LAS BSTAN TE, DE MDO LAS RGYAS BSDUS GNYIS KYI SGO NAS BSTAN PA YIN PA'I PHYIR TE, MDO LAS, SH'A RI'I BU GZHAN YANG BYANG CHEN PHYOGS BCU RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS KYI SEMS CAN JI SNYED PA DE DAG THAMS CAD SKAL BA JI LTA BA BZHIN DU PHUNG PO LHAG MA MED PA'I MYA NGAN LAS 'DAS? PA'I DBYINGS SU YONGS SU MYA NGAN LAS 'DA' PAR 'DOD PAS SHER PHYIN 'DI NYID SGRUB CING BSLAB PAR BYA'O, ,ZHES PAS DE'I DMIGS YUL GZHAN DON DE MDOR BSTAN NAS, DE NYID RGYAS PAR 'CHAD PA LA, DE BZHIN DU SEMS CAN SER SNA
CAN RNAMS SBYIN PA LA 'GOD PAR 'DOD BA, TSUL KHRIMS 'CHAL BA RNAMS TSUL KHRIMS LA, GNOD SEMS MANG PA RNAMS PA ZOD PA LA, LE LO CAN RNAMS BRTZON 'GRUS LA, SEMS RNAM PAR G-YENG BA RNAMS BAS MA GTAN LA, SHES RAB 'CHAL BA RNAMS SHES RAB PHUN SUM TSOGS PA LA 'GOD PAR 'DOD PAS SHER PHYIN LA BSLAB PAR BYA'O, ,ZHES GSUNGS PA'I PHYIR, ZHES 'CHAD PA LA, SEMS CAN THAMS CAD SKAL BA JI LTA BA BZHIN DU MYA NGAN LAS 'DAS PA DANG, SER SNA CAN LA SOGS PA RNAMS SBYIN PA LA SOGS PA LA 'GOD PAR 'DOD PAS SHER PHYIN 'DI NYID LA BSGRUB PAR BYA'O, ,ZHES BYA BA LA SOGS PA RAB TU STON PA LHUR BYED PA'I NGAG GIS MDO'I DON DANG MI 'GAL BAR BSDUS PA DANG RGYAS BA'I SGO NAS YANG DAG PAR RDZOGS PA'I BYANG CHUB DANG GZHAN GYI DON BSTAN TE, ZHES GSUNGS, GSUM PA DRIS LAN DES GRUB PA'I DON BSHAD PA NI, THEG CHEN SEMS BSKYED CHOS CAN, KHYOD KYIS GZHAN DON DANG BYANG CHUB LA DMIGS PA YIN TE, DE GONG DU MDO BZHI LAS SGRUB PA DE'I PHYIR, ZHES 'CHAD PA LA, DE LTAR NA SEMS BSKYED PA NI GZHAN GYI DON GYI PHYIR YANG DAG BAR RDZOGS PA'I BYANG CHUB 'DOD PA'I BDAG NYID YIN PAR SHES PAR BYA'O, ,ZHES GSUNGS, BZHI BA MDO GZHAN MA BKOD PA'I RGYU MTSAN NI, SLOB DPON SENG GE BZANG PO CHOS CAN, KHYOD KYIS GZHAN DON DANG BYANG CHUB GNYIS THEG CHEN SEMS BSKYED KYI DMIGS YUL DU STON PA'I YUM GYI MDO LAS GZHAN BLO GROS MI BZAD BA'I MDO DANG, SDONG BO BKOD PA'I
, ,MDO SOGS THEG CHEN SEMS BSKYED STAN PA'I MDO RNAMS KHUNGS SU MI 'DREN PA'I RGYU MTSAN YOD DE, TSIG MANG DU DOGS NAS DE LTAR MA DRANGS PA YIN PA'I PHYIR, ZHES 'CHAD PA LA, GTZUG LAG GI GZHUNG SKABS KYI DON STON PA LHUR LEN PA NI THAMS CAD LAS KYANG GSUNGS MOD KYI TSIG MANG DU DOGS NAS KHUNGS NYID DU MA BRIS SO, ,ZHES GSUNGS, GNYIS PA SEMS BSKYED KYI RAB DBYE STON PA LA, MTSAMS SBYAR BA, RTZA BA, 'GREL PA DANG GSUM LAS; DANG PO NI, DE LTAR SEMS BSKYED KYI NGO BO DE BSHAD NAS, DA NI BAR SKABS KYI TSIGS BCAD GNYIS GSUNGS PA CHOS CAN, DGOS YOD DE, SEMS BSKYED DE'I RAB DBYE 'CHAD PAR BYED PA YIN NO, ,ZHES MTSAMS SBYOR BA LA, DE LTAR SEMS BSKYED PA DMIGS PA DANG RANG GI NGO BO DANG BCAS PA BRJOD NAS, DE NI DE'I RAB TU DBYE BA RNAM PA NYI SHU RTZA GNYIS BAR SKABS KYI TSIGS SU BCAD PA, ZHES GSUNGS, GNYIS PA LA, 'O NA, THEG CHEN SEMS BSKYED KYI DBYE PA NYI SHU RTZA GNYIS PO DA? JI LTA BU ZHE NA, DE STON PA LA, DE YANG SA GSER ZLA BA ME, ,ZHES SOGS SHLOOKA GNYIS GSUNGS, GSUM PA LA YANG, NGO BO BSHAD PA DANG, DON BSDU BA DANG, SA MTSAMS DANG GSUM, DANG PO LA, 'ON THEG CHEN SEMS BSKYED KYI DMIGS YUL GNYIS MDO LAS GSUNGS PA YIN NA, DBYE PA MDO LAS GSUNGS SAM ZHE NA, DE GSUNGS PA YIN TE, DANG PO 'DUN PA DANG MTSUNGS LDAN GYIS LTA BU'I SEMS BSKYED DE GONG BU DRANGS PA'I BYANG CHUB MDOR BSTAN
GYI MDO LAS BSTAN NAS, DE'I DON BSHAD PA LA, DE YANGS, ZHES GSUNGS, DE NYID TSIG DON GYI SGO NAS BSHAD PA LA, 'DUN PA DANG, ZHES DANG, GO RIMS BZHIN DU SA DANG, CHOS DKAR PO THAMS CAD KYI GZHI'I DNGOS PO DANG, ZHES GSUNGS, BYANG CHUB RGYAS BSHAD KYI MDO DES, BSAM PA DANG MTSUNGS LDAN GYI GSER LTA BU'I SEMS BSKYED DE BSTAN NAS, DE'I DON BSHAD PA LA, GSER, ZHES DANG, BSAM PA DANG, ZHES DANG, GSER BZANG PO DANG, ZHES DANG, BYANG CHUB KYI BAR DU MI 'GYUR BA DANG, ZHES GSUNGS, MDO DE GNYIS KYIS SEMS BSKYED DE GNYIS JI LTAR BSTAN ZHE NA, DE BSTAN PA YIN TE, MDO SDAMS THEG CHEN SEMS BSKYED DE SPYIR SANGS RGYAS DANG DE'I RGYU'I CHOS DKAR PO CAN GYI RGYUR BSTAN PAS SA LTA BU DANG, PHYI MA NI PHYIN DRUG GI THABS DANG LDAN PAR BSTAN PAS PHYIN DRUG GI SGO NAS TSE 'DI LA BDE BA DANG PHYI MA LA PHAN PAS BSAM PA NI GSER LTA BU YIN PA'I PHYIR RO, ,LHAG PA'I BSAM PA DANG MTSUNGS LNGAR? GYI ZLA BA CHOS PA LTA BU'I SEMS BSKYED DE BSTAN PA LA, DE BZHIN DU SH'A RI'I BU BYANG CHEN SHER PHYIN LA GNAS TE DRAN PA NYE BAR BZHAG PA BZHI YONGS SU RDZOGS PAR BYA'O, ,ZHES PA NAS, BTANG SNYOMS CHEN PO BSGOM PAR BYA'O, ,ZHES PA'I BAR GSUNGS, DE'I DON BSHAD PA LA, ZLA BA, ZHES DANG, DE NYID TSIG DON GYI SGO NAS BSHAD PA LA, LHAG PA'I BSAM PA DANG, ZHES DANG, ZLA BA CHOS PA DANG, ZHES DANG, DGE PA'I CHOS MTHA' DAG RNAM PAR 'PHEL BAR 'GYUR BA DANG, ZHES GSUNGS, SBYAR BA DANG MTSUNGS LDAN GYI ME LTA BU'I SEMS
, ,BSKYED DE STON PA LA, THAMS CAD SHES PA NYID LA SHES PA DANG MTHONG BAS RNAM PAR BLTAS NAS 'DA' BAR 'DOD PA'I BYANG CHEN SHER PHYIN BSGOM PAR BYA'O, ,ZHES PA NAS, TING NGE 'DZIN GYI SGOM PA THOB PAR 'DOD PA'I BYANG CHEN SHER PHYIN BSGOM PAR BYA'O, ,ZHES PA'I BAR GSUNGS, DE'I DON 'GREL BAL, ME, ,ZHES GSUNGS, DE NYID TSIG DON GYI SGO NAS BSHAD PA LA, SBYOR BA DANG, ZHES DANG, ME DANG, ZHES DANG, THAMS CAD MKHYEN PA NYID GSUM GYI SGRIB PA'I BUD SHING SREG PA DANG, ZHES GSUNGS, SBYIN PA'I PHAR PHYIN DANG MTSUNGS LDAN GYI GTER CHEN PO LTA BU'I SEMS BSKYED STON PA LA, SEMS CAN SER SNA CAN SBYIN PA LA 'GOD PAR 'DOD PA DANG, NYAN THOS KYI SA DANG, RANG SANGS RGYAS KYI THEG PA'I RIGS KYI BU DANG RIGS KYI BU MO SBYIN PA GTONG BA THAMS CAD KYI DGE BA'I RTZA BA DE THAMS CAD RJES SU YI RANG BA DANG LDAN PA'I SEMS BSKYED PA GCIG GIS ZIL GYIS GNON PAR 'DOD PA'I BYANG CHEN SHER PHYIN LA BSLAB PAR BYA'O, ,ZHES GSUNGS, DE'I DON BSHAD PA LA, GTER DANG, ZHES GSUNGS, DE NYID TSIG DON GYI SGO NAS BSHAD PA LA, SBYIN PA DANG, ZHES DANG, GTER CHEN PO DANG, ZHES DANG, SEMS CAN THAMS CAD TSIM PAR BYED PA DANG, ZHES GSUNGS, TSUL KHRIMS KYI PHYAR PHYIN DANG MTSUNGS LDAN GYI RIN PO CHE'I 'BYUNG KHUNGS KYI GNAS LTA BU'I SEMS BSKYED STON PA LA, TSUL KHRIMS 'CHAL PA RNAMS TSUL KHRIMS LA 'GOD PAR 'DOD PA DANG, NYAN THOS
DANG RANG SANGS RGYAS KYI THEG PA'I ZHES SOGS GSUNGS, DE'I DON BSHAD PA LA, RIN CHEN 'BYUNG GNAS, ZHES GSUNGS, DE NYID TSIG DON GYI SGO NAS BSHAD PA LA, TSUL KHRIMS DANG, RIN PO CHE'I 'BYUNG KHUNGS GYI GNAS DANG, YON TAN RIN PO CHE'I RTEN GYI DNGOS PO DANG, ZHES GSUNGS, BZOD PA'I BAR PHYIN DAD MTSUNGS LDAN GYI RGYA MTSO CHEN PO LTA BU'I SEMS BSKYED STON PA LA, GNOD SEMS CAN RNAMS BZOD PA LA, ZHES SOGS GSUNGS, DE'I DON 'CHAD PA LA; MTSO, ,ZHES GSUNGS, DE NYID TSIG DON GYI SGO NAS BSHAD PA LA, BZOD PA DANG, RGYA MTSO CHEN PO DANG, MI 'DOD PA THAMS CAD THOG TU BAB PAS MI 'KHRUG PA DANG, ZHES GSUNGS, BRTZON 'GRUS KYI PHAR PHYIN DANG MTSUNGS LDAN GYI RDO RJE LTA BU'I SEMS BSKYED STON PA LA, LE LO CAN RNAMS BRTZON 'GRUS LA, ZHES SOGS GSUNGS, DE'I DON 'CHAD PA LA, RDO RJE, ZHES GSUNGS, DE NYID TSIG DON GYI SGO NAS BSHAD PA LA, BRTZON 'GRUS DANG, RDO RJE DANG, YID CHES PA BRTAN PAS MI PHYED PA DANG, ZHES GSUNGS, BSAM GTAN GYI PHAR PHYIN DANG MTSUNGS LDAN GYI RI BO LTA BU'I SEMS BSKYED STON PA LA, SEMS RNAM PAR G-YENG BA RNAMS BSAM GTAN LA, ZHES SOGS GSUNGS, DE'I DON 'CHAD PA LA, RI, ZHES GSUNGS, DE NYID TSIG DON GYI SGO NAS BSHAD PA LA, BSAM GTAN DANG, RI'I RGYAL PO DANG, DMIGS PA'I RNAM PAR G-YENG BAS MI BSKYOD PA DANG, ZHES GSUNGS, SHES RAB KYI PHAR PHYIN DANG MTSUNGS LDAN GYI SMAN LTA BU'I SEMS BSKYED STON PA LA, SHES RAB
, ,'CHAL BA RNAMS SHES RAB LA, ZHES SOGS GSUNGS, DE'I DON 'CHAD PA LA, SMAN, ZHES GSUNGS, DE NYID TSIG DON GYI SGO NAS BSHAD PA LA, SHES RAB DANG, SMAN DANG, NYON MONGS PA DANG SHES BYA'I SGRIB PA'I NAD RAB TU ZHI BA DANG, ZHES GSUNGS, THABS KYI PHAR? PHYIN DANG MTSUNGS LDAN GYI DGE BA'I BSHES GNYEN LTA BU'I? SEMS BSKYED STON PA LA, DGE BA'I SEMS BSKYED PA GCIG TZAM YANG THABS MKHAS PAS THAMS CAD MKHYEN PA NYID DU BSNGOS PAS GZHAL DU MED CING GRANGS MED PAR BYA BAR 'DOD PAS BYANG CHEN SHER PHYIN YANG SLAG? PAR BYA'O, ,ZHES BA NAS, SKYES BU CHEN PO'I MTSAN SUM CU RTZA GNYIS SGRUB PAR 'DOD PAS BYANG CHEN SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, BSHES GNYEN DANG, ,ZHES GSUNGS, DE NYID TSIG DON GYI SGO NAS BSHAD PA LA, THABS MKHAS PA DANG, DGE BA'I BSHES GNYEN DANG, GNAS SKABS THAMS CAD DU SEMS CAN GYI DON YONGS SU MI GTONG BA DANG, ZHES GSUNGS SMON LAM GYI PHAR PHYIN DANG MTSUNGS LDAN GYI YID BZHIN GYI NOR BU LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SANGS RGYAS KYI SKU SGRUB PAR 'DOD PAS SHER PHYIN LA BSLAB PAR BYA'O, ,ZHES PA NAS, DGE BA'I RTZA BA GANG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA BKUR STIR BYA BA DANG, BLA MAR BYA BA DANG RI MGROR BYA BAR 'DOD PAS BDAG GI DGE BA'I RTZA BAS DE DANG DER YANG DAG PAR 'GRUB PAR 'GYUR CIG SNYAM PAS SHER PHYIN LA
BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, YID BZHIN NOR BU, ZHES GSUNGS, DE NYID TSIG DON GYI SGO NAS BSHAD PA LA, SMON LAM DANG, YID BZHIN GYI NOR BU DANG, JI LTAR SMON PA'I 'BRAS BU 'GRUB PA DANG, ZHES GSUNGS, STOBS KYI PHAR PHYIN DANG MTSUNGS LDAN GYI NYI MA LTA BU'I SEMS BSKYED STON PA LA, SH'A RI'I BU GZHAN YANG BYANG CHEN ZAS DANG, SKOM DANG, DRI DANG, PHRENG BA DANG, ME TOG DANG, BDUG SPOS DANG, PHYE MA DANG, BYUG PA DANG, MAL CHA DANG, STAN DANG, KHYIM DANG; NOR DANG, 'BRU DANG, RGYAN DANG, RIN PO CHE DANG, NOR BU DANG, MU TIG DANG, BEE d'URYA DANG, MAN SHEL DANG, BYU RU DANG, SA LE SBRA MA DANG, DNGUL DANG, SKYED MOS TSAL DANG, RGYAL SRID LA SOGS PA YO BYAD RNAMS KYS YID LA BSAM PA YONGS SU RDZOGS PAR 'DOD PAS SHER PHYIN LA BSLAB PAR BYA'O, ,ZHES PA NAS, BYANG CHEN PHYOGS BCU'I SANGS RGYAS BCOM LDAN 'DAS GANG DAG YIN PA DANG DE DAG GIS BDAG GI BSNGAGS PA BRJOD PAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS DE'I DON 'CHAD PA LA, NYI MA, ZHES GSUNGS, DE NYID TSIG DON GYI SGO NAS BSHAD PA LA, STOBS DANG, NYI MA DANG, GDUL BYA YONGS SU SMIN PAR BYED PA DANG, ZHES GSUNGS, YE SHES KYI PHAR PHYIN DANG MTSUNGS LDAN GYI SGRA DBYANGS SNYAN BLTA BU'I SEMS BSKYED STON PA LA, SH'A RI'I BU GZHAN YANG BYANG CHEN NANG STONG PA NYID LA SLOB PAR 'DOD PAS SHER PHYIN LA BSLAB PAR BYA'O ,ZHES PA NAS, DE BZHIN DU BSAM GTAN GYI PHA ROL TU PHYIN PAR YANG PHUN SUM TSOGS BA DRUG PO THAMS CAD YONGS
, ,SU RDZOGS PAR 'GYUR RO, ,ZHES PA'I BAR GSUNGS, DE'I DON 'CHAD PA LA, GLU; ,ZHES GSUNGS, DE NYID TSIG DON GYI SGO NAS BSHAD PA LA, YE SHES KYI PHA ROL TU PHYIN PA DANG, CHOS KYI SGRA DBYANGS SNYAN PA DANG, , GDUL BYA 'DUN PAR BYED PA'I CHOS STON PA DANG, ZHES GSUNGS, MNGON SHES DANG MTSUNGS LDAN GYI RGYAL PO LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SEMS BSKYED PA GCIG GI SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DU 'DA' BAR 'DOD PA DANG, DE BZHIN DU LTO DANG, ZHES PA NAS ZAG PA ZAD PA'I MNGON SHES MNGON DU BYA BAR 'DOD CING YANG DAG PA'I MTHA' MNGON DU YANG MI BYED PAR 'DOD PAS KYANG SHER PHYIN LA BSLAB PAR BYA'O, , ZHES PA'I BAR GSUNGS, DE'I DON 'CHAD PA LA, RGYAL PO, ZHES GSUNGS, DE NYID TSIG DON GYI SGO NAS BSHAD PA LA, MNGON PR SHES PA DANG, RGYAL PO CHEN PO DANG, MTHU THOGS PA MED PAS GZHAN GYI DON SGRUB PA DANG, ZHES GSUNGS, BSOD NAMS DANG YE SHES DANG MTSUNGS LDAN GYI BAD MDZOD LTA BU'I SEMS BSKYED STON PA LA, SH'A RI'I BU GZHAN YANG BYANG CHEN PHYOGS BCU RE RE ZHING 'JIG RTEN GYI KHAMS GANG G'A'I KLUNG GI BYE MA SNYED KYI 'JIG RTEN GYI KHAMS NA SANGS RGYAS BCOM LDAN 'DAS NYAN THOS DANG, BYANG CHUB SEMS DPA'I DGE 'DUN DANG BCAD PA JI SNYED CIG ZHUGS BA DE DAG THAMS CAD BSOD SNYOMS GCIG GIS KHYAB PAR BYA BAR 'DOD PAS SHER PHYIN LA BSLAB PAR BYA'O, ,ZHES PA NAS, PHUNG PO MA LUS PA'I MYA
NGAN LAS 'DAS PA'I DBYINGS KYI BAR LA 'DA' BAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, MDZOD DANG, ZHES GSUNGS, DE NYID TSIG DON GYI SGO NAS BSHAD PA LA, BSOD NAMS DANG YE SHES DANG, BANG MDZOD DANG, BSOD NAMS DANG YE SHES KYI TSOGS MANG PO'I MDZOD LTA BU DANG, ZHES GSUNGS, BYANG CHUB KYI PHYOGS DANG MTSUNGS LDAN GYI LAM PO CHE LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SANGS RGYAS BCOM LDAN 'DAS 'DAS PA DANG, MA BYON PA DANG, DA LTAR BYUNG BA RNAMS KYI SANGS RGYAS KYI YON TAN THAMS CAD RJES SU THOB PAR 'DOD PAS ZHES PA NAS, CHOS RNAMS KYI SKYE BA MED PA RJES SU THOB PAR 'DOD PAS KYANG SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, LAM PO CHE, ,ZHES GSUNGS, DE NYID TSIG DON GYI SGO NAS BSHAD PA LA, BYANG CHUB KYI PHYOGS DANG MTHUN PA'I CHOS DANG, LAM PO CHE DANG, 'PHAGS PA THAMS CAD GSHEGS SHING RJES SU GSHEGS PA DANG, ZHES GSUNGS, SNYING RJE DANG LHAG MTHONG DANG MTSUNGS LDAN GYI BZHON PA LTA BU'I SEMS BSYED STON PA LA, SH'A RI'I BU GZHAN YANG BYANG CHEN NYAN THOS DANG RANG SANGS RGYAS THAMS CAD KYI SNGON DU 'GRO BAR 'DOD PAS, ZHES PA NAS, ,GANG DAG DE YANG PHYOGS BCU'I 'JIG RTEN GYI KHAMS KUN NAS SANGS RGYAS BCOM LDAN 'DAS BZHUGS SHING 'TSO SKYONG BA'I SANGS RGYAS BCOM LDAN 'DAS RNAMS KYI SANGS RGYAS KYI ZHING MTHONG BAR 'DOD PAS KYANG SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON
, ,'CHAD PA LA, BZHON PA, ZHES GSUNGS, DE NYID TSIG DON GYI SGO NAS 'CHAD PA LA, SNYING RJE DANG, LHAG MTHONG DANG, BZHON PA DANG, 'KHOR BA DANG MYA NGAN LAS 'DAS PA GANG DU YANG MI LTUNG BAR BDE BLAG TU 'GRO BA DANG, ZHES GSUNGS, GZUNGS DANG SPOBS BA DANG MTSUNGS LDAN GYI BKOD MA'I CHU LTA BU'I SEMS BSKYED STON PA LA, SH'A RI'I BU GZHAN YANG BYANG CHEN PHYOGS BCU RNAMS SU SANGS RGYAS BCOM LDAN 'DAS KYIS BSHAD PAR GYUR PA DANG, 'CHAD PA DANG, 'CHAD PAR 'GYUR BA GANG JI SNYED PA 'DI LTA STE, MDO DANG, DBYANGS KYIS BSNYAD PA DANG, LUNG BSTAN PA DANG, TSIGS SU BCAD PA DANG, CHED DU BRJOD PA DANG, GLENG GZHI DANG, RTOGS PA BRJOD PA DANG, DE LTAR BYUNG BA DANG, SKYES PA'I RABS DANG, SHIN TU RGYAS PA DANG, CHES RMAD DU BYUNG BA DANG, GTAN LA BABS PAR BSTAN PA DANG, NYAN THOS DANG RANG SANGS RGYAS KYIS THOS PA GANG YIN PA DE DAG THAMS CAD GZUNG BAR 'DOD PA DANG, BCANG BAR 'DOD PA DANG, BKLAG PAR 'DOD PA DANG, KUN CHUB PAR 'DOD PA DANG, DE BZHIN DU SGRUB PAR 'DOD PA DANG, GZHAN DAG LA RGYA CHER YANG DAG PAR STON BAR 'DOD BAS SHER PHYIN LA BSLAB BAR BYA'O, ,ZHES PA NAS, STENG GI PHYOGS KYI 'JIG RTEN GYI KHAMS SU SANGS RGYAS BCOM LDAN 'DAS RNAMS KYIS GANG CUNG ZAD BSHAD PAR GYUR BA DANG, 'CHAD BA DANG, 'CHAD PAR 'GYUR BA DE THAMS CAD GZUNG BAR 'DOD PA DANG, BCANG BAR 'DOD PA DANG, KLAG PAR 'DOD PA DANG, DE BZHIN DU SGRUB
BAR 'DOD PA DANG, GZHAN DAG LA RGYA CHER YANG DAG BAR STON PAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, BKOD MA'I CHU DANG NI, ,ZHES GSUNGS, DE NYID TSIG DON GYI SGO NAS 'CHAD PA LA; GZUNGS DANG SPOBS PA DANG, ZHES DANG, BKOD MA'I CHU DANG, ZHES DANG, THOS PA DANG MA THOS PA'I CHOS 'DZIN PAS MI ZAD PA DANG, ZHES GSUNGS, 'O NA BKOD MA'I CHU DANG CHU MIG LA KHYAD PAR GANG YOD CE NA, DE YOD DE, SA'I DNGOS GZHI LAS; CHU MIG NI GLO NAS CHU 'BYUNG BA GANG YIN BA'O, ,BKOD MA'I CHU NI CHU GYEN DU 'BYUNG BA GANG YIN PA STE, ZHES GSUNGS PA'I PHYIR, CHOS KYI DGA' STON DANG MTSUNGS LDAN GYI SGRA SNYAN PA LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DAG NA MUN PA MUN NAG SMAG TU GYUR PA GANG DU NYI MA DANG ZLA BA DAG GIS 'OD KYI GNAS MED PA GANG YIN PA DE DAG SNANG BAR BYED PAR 'DOD PAS SHER PHYIN LA BSLAB PAR BYA'O, ,ZHES PA NAS; STENG GI PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED RNAMS SU SEMS CAN GANG DAG SANGS RGYAS KYI ZHING SNA TSOGS SU SKYE BAR 'GYUR PA DE DAG THAMS CAD LA SANGS RGYAS KYI SGRA DANG CHOS KYI SGRA DANG DGE 'DUN GYI SGRA SGROG PAR 'DOD PA DANG SEMS CAN DE DAG YANG DAG PA'I LTA BA LA 'GOD PAR 'DOD PAS SHER PHYIN LA BSLAB PAR BYA'O, ,ZHES PA'I BAR GSUNGS, DE'I DON 'CHAD PA LA, SGRA SNYAN, ZHES GSUNGS, DE NYID TSIG DON GYI SGO NAS 'CHAD PA LA, CHOS KYI
, ,DGA' STON DANG, SGRA SNYAN PA DANG, THAR PA 'DOD PA'I GDUL BYA LA SNYAN PAR SGROG PA DANG, ZHES GSUNGS, BGROD PA GCIG PA'I LA MA DANG MTSUNGS LDAN GYI CHU BO LTA BU'I SEMS BSKYED STON PA LA, SH'A RI'I BU GZHAN YANG BYANG CHEN SHAR PHYOGS KYI 'JIG RTEN GYI KHAMS GANG GLA'I? KLUNG GI BYE MA SNYED KYI SANGS RGYAS KYI ZHING THAMS CAD NA MUN PA'I MTHUS LHANG DER GYUR BA'I SEMS CAN GANG DAG YIN PA DE DAG MIG GIS GZUGS MTHONG BAR BYA'O, ,ZHES PA NAS, BLA NA MED PA YANG DAG PAR RDZOGS PA'I SANGS RGYAS LA 'GOD PAR 'DOD PAS SHER PHYIN LA BSLAB BAR BYA'O, ,ZHES PA'I BAR GSUNGS, DE'I DON 'CHAD PA LA, CHU BO; ZHES GSUNGS, DE NYID TSIG DON GYI SGO NAS 'CHAD PA LA, BGROD PA GCIG PA'I LAM DANG, CHU BO'I RGYUN DANG, GZHAN GYI DON BYA BA THA MI DAD PA DANG, ZHES GSUNGS, CHOS SKU DANG MTSUNGS LDAN GYI SPRIN LTA BU'I SEMS BSKYED STON PA LA, SH'A RI'I BU GZHAN YANG BYANG CHEN DE BZHIN GSHEGS PA'I SPYOD LAM STON PAR 'DOD PA DANG, DE BZHIN GSHEGS PA'I SPYOD PA DANG TSUL KHRIMS RNAM PAR DAG PA DANG, DE BZHIN GSHEGS PA'I CHOS SKU'I 'PHRIN LAS DANG, GSUNGS GI 'PHRIN LAS DANG, THUGS KYI 'PHRIN LAS THAMS CAD YE SHES KYIS SNGON DU 'GRO BAS YONGS SU DAG BA DANG, GLANG PO CHE'I LTA STANGS KYIS LTA BAR 'DOD PAS SHER PHYIN LA BSLAB PAR BYA'O, ,ZHES BA NAS, SH'A RI'I BU DE LTAR BYANG CHEN SEMS CAN RNAMS YONGS SU SMIN PA'I RGYUR, 'DOD PA'I YON TAN LNGA PO RNAMS
NYE BAR LEN PA RNAMS YIN NO, ,ZHES PA'I BAR GSUNGS, DE'I DON 'CHAD PA LA, SPRIN RNAMS KYI, ,ZHES GSUNGS, DE NYID TSIG DON GYI SGO NAS 'CHAD PA LA, CHOS KYI SKU DANG LDAN BA NI, ZHES DANG, SPRIN LTA BU STE, ZHES DANG, DGA' LDAN GYI GNAS NA BZHUGS PA LA SOGS BA KUN TU STON PAR RUNG BA NYID KYI GRANGS BZHIN NO, ,ZHES GSUNGS, 'O NA, GLANG PO CHE'I LTA STANGS KYIS LTA BAR 'DOD PAS, ZHES PA'I DON GANG ZHE NA, DE'I DON YOD DE, STENG NA 'DUG PA LA BGYED DE MI LTA, 'OG NA 'DUG PA LA BTUD DE MI LTA, G-YAS G-YON NA 'DUG PA LA MIG BZUR TE MI LTA, RGYAB TU 'DUG PA LA 'JINGS PA BSGYUR TE MI LTA, THAG RING PO NA 'DUG PA LA BSGRIMS TE MI LTA, THAG NYE BA NA 'DUG PA LA BSGRIMS PA MED PAR YANG MI LTA BAR JI LTAR 'DUG PA'I SPYOD LAM DANG, JI LTAR LTA BA'I MIG GIS 'JIG RTEN GYI KHAMS THAMS CAD DU SEMS CAN DANG CHOS THAMS CAD LA LTA BA NI GLANG PO CHE'I LTA STANGS KYIS LTA BA'I DON YIN PA'I PHYIR TE, DE LTAR YUM GSUM GNOD 'JOMS LAS GSUNGS BA'I PHYIR, GNYIS PA DON BSDU BA LA, DE LTAR NA DE YANGS GSER ZLA BA ME ZHES BYA BA LA SOGS PAS SEMS BSKYED PA NYI SHU RTZA GNYIS BSHAD PA YIN NO, ,ZHES GSUNGS, GSUM PA SA MTSAMS STON PA LA, DE LA DANG PO GSUM NI CHUNG DU DANG 'BRING DANG CHEN PO NYID KYIS LAS DANG PO PA'I SAS BSDUS SO, ,DE'I 'OG TU GCIG NI SA DANG PO LA 'JUG PA'I LAM GYIS BSDUS SO, ,DE'I 'OG TU BCU NI RAB TU DGA' BA LA SOGS PAS BCUS BSDUS TE, MTHONG BA DANG SGOM PA'I
, ,LAM GYI SPYOD YUL CAN YIN NO, ,DE'I 'OG TU LNGA NI KHYAD PAR GYI LAM GYIS BSDUS SO, ,DE'I 'OG TU SEMS BSKYED PA GSUM NI SBYOR BA DANG DNGOS DANG MJUG GI SGO NAS SANGS RGYAS KYI SAS BSDUS TE, DE LTAR NA SEMS BSKYED PA'I RAB TU DBYE BANI LAS DANG PO PA'I SA NAS BZUNG STE SANGS RGYAS KYI SA'I BAR GYIS BSDUS PA YIN NO, ,ZHES GSUNGS, 'O NA, 'DI'I KHYAD PAR GYI LAM DE GANG LA BYED CE NA, KHA CIG ,SA BCU GA'I KHYAD PAR GYI LAM LA BYED PA MA 'THAD DE; RGYAN SNANG LAS, 'DI DAG GI RIM PA RNAMS DON GYI RIM PAR BSHAD PA'I PHYIR, DES NAS BCU PA'I KHYAD PAR GYI LAM LA BZHAG GO ,'O NA, THA MA GSUM SBYOR BA DANG DNGOS DANG MJUG GSUM PO DE GANG LA BYED CE NA, DE'I SBYOR BA RGYUN MTHA' LA BYED CING, DNGOS GZHI SANGS RGYAS KYI SA'I MNYAM GZHAG DANG, RJES SANGS RGYAS KYI SA'I RJES THOB LA BYED DO, ,DE YANG DNGOS BSTAN GYI DBANG DU BYAS KYI, SPRIN LTA BU'I SEMS BSKYED RGYUD LDAN GYI BYANG SEMS MED PA MA YIN TE, MDO SDE'I RGYAN LAS, RGYAL SRAS RNAMS KYI SEMS BSKYED NI, ,SPRIN DANG 'DRA BA NYID DU BSTAN, ,ZHES GSUNGS PA'I PHYIR, ` SKABS 'DIR MTHA' DPYAD PA LA, THEG CHEN SEMS BSKYED KYI RTEN BSHAD PA DANG, BRTEN PA THEG CHEN SEMS BSKYED KYI RANG BZHIN BSHAD PA GNYIS LAS, DANG PO LA, LUS RTEN BSHAD PA DANG, SEMS RTEN BSHAD PA GNYIS LAS, DANG PO NI, THEG CHEN SEMS BSKYED DE THEG PA CHEN PO LA MOS SHING, SANGS RGYAS THOB PAR 'DOD PA'I 'GRO BA
RIGS DRUG GA'I RTEN LA DNGOS SU GSAR DU SKYE BA YOD DE, MDO LAS, DE TSE LHA MI STONG PHRAG BRGYAS, ,BYANG CHUB TU NI SEMS BSKYED DO, ,ZHES GSUNGS PA DANG, LAM SHES KYI MDO LAS, LHA'I BU GANG DAG GIS BLA NA MED PA YANG DAG PAR RDZOGS BA'I BYANG CHUB TU SEMS MA BSKYED PA DE DAG GIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED BAR BYA'O, ,ZHES DANG, KLU'I RGYAL PO RGYA MTSOS ZHUS PA'I MDO LAS, KLU NYI KHRI TSIG STONG GIS BYANG CHUB MCHOG TU SEMS BSKYED BAR GSUNGS PA DANG, ZA MA TOG BKOD PA'I MDO LAS, 'PHAGS PA 'JIG RTEN DBANG PHYUG GIS YI DVAGS MANG PO BDEN PA MTHONG BA LA BKOD PAR GSUNGS PA'I DON BDEN PA MTHONG BA'I RGYU THEG CHEN SEMS BSKYED LA BKOD PA LA 'CHAD RIGS SHING BDAG CAG GI STON PAS SNGON DMYAL BA'I RTEN LA SEMS BSKYED PAR DRIN LAN BSAB PA'I MDO LAS GSUNGS PA'I PHYIR DANG, BYANG SEMS SO SKYE 'GA' ZHIG LAS DBANG GIS NGAN SONG DU SKYE BA YIN PA YOD PA'I PHYIR TE, MDO SDE'I RGYAN LAS, BLO LDAN RNAMS KYI LAS DANG NI, ,GZHAN YANG SMON LAM DAG DANG NI, ,TING NGE 'DZIN DANG DBANG 'BYOR BA'I, ,DBANG GIS SKYE BAR 'DOD PA YIN, ,ZHES GSUNGS PA'I PHYIR, 'O NA, MDZOD 'GREL LAS, GSUM NI MI RNAMS KYI NANG KHO NA DANG GLING GSUM DAG NA 'PHEN PAR BYED KYI GZHAN LA NI MA YIN TE, CI RIGS PAR SHES RAB DANG SKYOB MED PA'I PHYIR, ZHES GSUNGS PA DANG 'GAL LA ZHEN MI 'THAD DE, DE NI GTZO CHE BA'I DBANG DU BYAS PA'I PHYIR, DE RNAMS KYI RTEN LA 'JUG SDOM GSAR DU SKYE
, ,PA YOD DE, DE'I RTEN LA SMON SEMS GSAR DU SKYE BA YOD PA GANG ZHIG ,MTSUNGS PA'I PHYIR, DE LTAR YANG LAM RIM LAS, LHA KLU LA SOGS LUS DANG BSAM PA'I SGO NAS SMON SEMS SKYE RUNG BA THAMS CAD 'DI'I RTEN DU RUNG YANG, ZHES GSUNGS PA'I PHYIR, 'JUG SDOM RGYUD LA SKYE BA LA THEG CHEN SEMS BSKYED RGYUD LA SKYE DGOS SAM ZHE NA, THEG CHEN SEMS BSKYED MTSAN NYID TSANG BA GCIG MA SKYES KYANG 'JUG SDOM THOB PA YOD DE, THEG CHEN SEMS BSKYED LA RTZOL BCAS KYI MYONG BA TZAM SKYES PA'I GANG ZAG DE, 'JUG SDOM LEN PA'I RTEN DU DUNG BA GANG ZHIG ,DE MTSAN NYID TSANG BRGYUD LA SKYE BA LA DE LA RTZOL MED KYI MYONG BA THON DGOS PA'I PHYIR, DANG PO GRUB STE, DE 'DRA BA DE SMON SEMS TSOGS LEN PA'I RTEN DU RUNG BA'I PHYIR TE, LAM RIM LAS, LEN PA'I RTEN NI SPAR BSHAD PA LTAR GYI LAM GYI RIM PA LA BLO SBYANGS PAS BYANG CHUB KYI SEMS LA YID 'GYUR GYI MYONG BA CUNG ZAD GCIG RNYED PA LA BSHAD PA YIN NO, ,ZHES GSUNGS PA'I PHYIR DANG, SPYIR SNGAR BSHAD PA LTAR MYONG BA MA SKYES KYANG THEG PA CHEN PO'I BSLAB BYA'I BYA BA RNAMS SHES SHING THEG CHEN LA MOS PA BRTAN NAS SNGON DU SEMS BSKYED PA DANG SDOM PA TSOGS BZUNG NAS, DE NAS BYANG CHUB KYI SEMS SBYONG BA YANG YOD DO, ,SPYOD 'JUG LAS SNGON DU SDOM PA BZUNG NAS DE'I BSLAB BYA PHYIN ? NYAMS LEN GYI SKABS SU BYANG CHUB KYI SEMS SPYOD LUGS RNAMS RGYAS BAR GSUNGS PA LTA BU'O, ,ZHES GSUNGS PA'I PHYIR, GNYIS PA GRUB STE, DE NYID
LAS; DE LTAR SNYING RJE CHEN PO BSGOMS PA'I STOBS KYIS 'GRO BA MA LUS PAR DRANGS PAR DAM BCAS NAS BLA NA MED PA YANG DAG PAR RDZOGS PA'I BYANG CHUB KYI SEMS BSGRIMS MI DGOS PAR SKYE STE, ZHES GSUNGS PA'I PHYIR, 'DIS BYANG CHUB KYI SEMS BSKYED PA'I TSAD KYANG SHES PAR BYA'O, ,ZHES SGOM RIM GYI SHES BYED DANG BCAS TE BYANG CHUB KYI SEMS SKYES PA'I TSAD BSHAD PA'I PHYIR TE, LAM SGRON LAS, SO SO THAR BA RIGS BDUN GYI, ,RTAG TU SDOM GZHAN LDAN PA LA, ,BYANG CHUB SEMS DPA'I SDOM PA YI, ,SKAL BA YOD KYI GZHAN DU MIN, ,ZHES GSUNGS PA 'DIS 'JUG SDOM SKYE BA'I RTEN LA SO THAR GYI SDOM LDAN DGOS PAR BSTAN PA MA YIN TE, DE NI 'JUG SDOM LEN PA'I RTEN KHYAD PAR BA LA DGONGS PA'I PHYIR, DE'I 'GREL PAR; LAN PA'I RTEN KHYAD PAR CAN GYI DBANG DU BYAS NA, ZHES GSUNGS PA'I PHYIR, KHO NA RE, NGAN 'GRO'I RTEN LA SNYING RJE TSAD MED GSAR DU SKYE BA YOD PAR THAL, DE'I RTEN LA SNYING RJE CHEN PO GSAR DU SKYE BA YOD PA'I PHYIR NA MA KHYAB, GNYIS PA NI, THEG CHEN SEMS BSKYED KYI SEMS RTEN DU GYUR PA'I 'DOD SEMS, BSAM GTAN GYI NYER BSDOGS, BSAM GTAN GYI DNGOS GZHI SOGS CI RIGS PAR YOD DE, THEG CHEN SEMS BSKYED THOB NA BSAM GTAN GYI NYER BSDOGS THOB PAS KHYAB PA'I PHYIR TE, DE THOB NA ZHI LHAG ZUNG 'BREL THOB PAS KHYAB PA'I PHYIR TE, RNAM BSHAD LAS, SBYOR BA ZHES PA NI ZHI LHAG ZUNG DU 'BREL BA'I DON BSTAN PA'O, ,ZHES GSUNGS PAS, RNAM RDZOGS SBYOR BA THOB NA ZHI LHAG ZUNG 'BREL THOB PAS KHYAB PAR
, ,BSTAN PA MI 'THAD DE, DE NI GTZO CHE BA LA DGONGS PA'I PHYIR, GNYIS PA, BRTEN SEMS BSKYED KYI RANG BZHIN BSHAD PA LA, RGYU; NGO BO; DBYE BA, PHAN YON, SEMS BSKYED TSUL DANG LNGA LAS, DANG PO NI, BSLAB BTUS SU, SANGS RGYAS KYI SKU MTHONG NAS 'DI LTA BU THOB NA SNYAM DU SEMS BSKYED PA DANG, SANGS RGYAS BYANG SEMS KYI MTHU BSAM GYIS MI KHYAD PA MTHONG ZHING THOS PA DANG, THEG CHEN GYI BSTAN PA NUB PA LA MA BZOD PA DANG, SEMS CAN SDUG BSNGAL GYIS MNAR BA MTHONG NAS MA BZOD PAR SEMS BSKYED PA'I TSUL BZHI GSUNGS LA, BYANG SAR, RIGS PHUN SUM TSOGS PA DANG, DGE BA'I BSHES GNYEN GYIS ZIN PA, SNYING RJE CHE BA, 'KHOR BA'I SDUG BSNGAL GYIS 'JIGS PA STE RGYU BZHI DANG; DE BZHIN GSHEGS PA DANG BYANG CHUB SEMS DPA'I CHO 'PHRUL MTHONG ZHING THOS PA DANG, THEG CHEN GYI SDE SNOD THOS PA, THEG CHEN GYI CHOS NUB TU NYE BA MTHONG BA, SKABS 'DIR SEMS CAN NYON MONGS PAR MTHONG BA STE RKYEN BZHI DANG, RANG STONGS, GZHAN STOBS, RGYU'I STOBS, SBYOR BA'I STOBS TE STOBS BZHI LAS SKYES PAR BSHAD LA, DKON MCHOG SGRON ME'I MDO LAS, RGYAL DANG RGYAL BA'I CHOS LA DAD GYUR CING, ,RGYAL SRAS RNAMS KYI SPYOD LA DAD BYED PA, ,BYANG CHUB BLA NA MED LA DAD BYED NAS, ,SKYES BU CHEN PO RNAMS KYI SEMS SKYE'O, ,ZHES RGYAL BA LA DMIGS PA'I DAD PA, RGYAL SRAS KYI SPYOD PA, RDZOGS BYANG GI PHAN G-YON MTHONG NAS DAD PA DANG GSUM LAS SKYE BAR BSHAD PA NI RGYU MTSAN MTHA' DBYAD PA'I YAN LAG YIN
LA; SKABS 'DIR BSTAN GYI THEG CHEN SEMS BSKYED LA RANG GI NYER LEN DU GYUR PA'I SNYING RJE CHEN PO LAS BYUNG BA GCIG DGOS TE, MDO SDE'I RGYAN LAS, DE YI RTZAB SNYING RJER 'DOD, ,CES GSUNGS PA'I PHYIR, GNYIS PA NI, RANG GI GROGS SU GYUR PA'I GZHAN DON DU RDZOGS PA'I BYANG CHUB DON GNYER GYI BDUN PA DANG MTSUNGS LDAN DU BYUNG ZHING, THEG CHEN LAM GYI 'JUG SGOR GYUR BA'I LAM GYI RIGS SU GNAS PA'I THEG CHEN GTZO BO YID KYI RNAM RIG KHYAD PAR CAN DE, THEG CHEN SEMS BSKYED KYI NGO BO YIN TE, RNAM BSHAD LAS, GZHAN DON DU YANG DAG PAR RDZOGS PA'I BYANG CHUB DON GNYER GYI 'DUN PA DANG MTSUNGS LDAN DU BYUNG BA'I SEMS KHYAD PAR CAN, ZHES DANG, DRIS LAN RGYAL SRAS 'JUG NGOGS LAS, THEG CHEN SEMS BSKYED KYI MTSAN NYID NI GZHAN DON DU YANG DAG PAR RDZOGS PA'I BYANG CHUB DON GNYER GYI 'DUN PA DANG MTSUNGS LDAN GYI SEMS SO, ,ZHES GSUNGS PA'I PHYIR, MTSAN NYID KYI ZUR DU THEG CHEN GYI GTZO BO YID KYI ZHES THEG CHEN SMOS PA'I DGOS PA YOD DE, LAM MA ZHUGS KYI GANG ZAG GI RGYUD KYI GZHAN DON DU RDZOGS BYANG DON GNYER GYI 'DUN PA DANG MTSUNGS LDAN GYI SEMS KHYAD PAR CAN, THEG CHEN SEMS BSKYED YIN PA GCAD BAR BYA BA'I CHED YIN PA'I PHYIR, DER GTZO BO YID KYI RNAM RIG SMOS PA LA DGOS PA YOD DA, SANGS RGYAS 'PHAGS PA'I THUGS RGYUD KYI MIG GI RNAM PAR SHES PA DE RANG GI GROGS SU GYUR PA'I GZHAN DON DU RDZOGS BYANG DON GNYER GYI 'DUN PA DANG MTSUNGS LDAN DU BYUNG BA'I THEG CHEN GYI GTZO BO RNAM
, ,RIG YIN, DE THEG CHEN SEMS BSKYED MA YIN BAS DE THEG CHEN SEMS BSKYED YIN BA GCAD PAR BYA BA'I CHED YIN PA'I PHYIR, DANG PO DE YIN TE, DE'I GROGS SU GYUR BA'I DE YOD PA'I PHYIR TE, DE'I 'KHOR DU BYUNG BA'I DE YOD PA'I PHYIR TE, DE'I 'KHOR DU BYUNG BA'I 'DUN PA YOD BA'I PHYIR TE, DE'I 'KHOR DU BYUNG BA'I YUL NGES LNGA KA YOD PA'I PHYIR, MA GRUB NA, DE CHOS CAN, KHYOD KYI 'KHOR DU BYUNG BA'I DE YOD BAR THAL, KHYOD SANGS RGYAS KYI SA'I GTZO BO SEMS YIN PA'I PHYIR, YANG DE'I ZUR DU THEG CHEN LAM GYI 'JUG SGO ZHES SMOS PA LA DGOS PA YOD DE, SANGS RGYAS 'PHAGS BA'I RGYUD KYI GANG ZAG GI BDAG MED MNGON SUM DU RTOGS BA'I YID KYI RNAM PAR SHES PA DE DE 'DRA BA'I THEG CHEN GYI GTZO BO YID KYI RNAM RIG YIN KYANG, THEG CHEN SEMS BSKYED YIN PA GCAD PAR BYA BA'I CHED YIN BA'I PHYIR, DER RIGS GNAS SMOS PA LA DGOS PA YOD DE, THEG CHEN GYI TSOGS LAM 'BRENG YAN CHAD KYI SEMS BSKYED RNAMS THEG CHEN LAM GYI 'JUG SGOM YIN PAS DE RNAMS THEG CHEN SEMS BSKYED DU BSDU BAR BYA BA'I CHED YIN BA'I PHYIR, DE RNAMS THEG CHEN LAM GYI 'JUG SGO MA YIN TE, DE THOB PA DANG DUS MNYAM DU THEG CHEN GYI LAM DU ZHUGS BA'I GANG ZAG MED PA'I PHYIR, DES NA THEG CHEN SEMS BSKYED DE KHYAD CHOS BZHI DANG LDAN TE, GZHAN DON GYI BYA DKA' LA SPRO BA CHE BA, SBYOR BA'I BRTZON 'GRUS KYI SGO NAS RTZOM PA CHE BA, RANG GZHAN LA PHAN BDE SGRUB PAS DON CHE BA, BYANG CHUB CHEN PO
YANG DAG PAR BSGRUBS PAS 'BYUNG BA CHE BA'I KHYAD CHOS BZHI DANG LDAN TE, MDO SDE'I RGYAN LAS, SPRO BA CHE DANG RTZOM PA CHE, ,DON CHE BA DANG 'BYUNG BA CHE, ,BYANG CHUB SEMS DPA' SEMS DPA' CHE, ,DE NA GNYIS LDAN PA'I SEMS 'BYUNG BA, ,ZHES GSUNGS BA'I PHYIR, KHA CIG ,RANG GI GROGS SU GYUR BA'I GZHAN DON DU RDZOGS BYANG LA DMIGS PA'I 'DUN BA DANG MTSUNGS LDAN DU BYUNG BA'I THABS KHYAD PAR CAN GYI RTOGS RIGS SU GNAS BA'I THEG CHEN GYI GTZO BO YID KYI RNAM RIG THEG CHEN SEMS BSKYED KYI MTSAN NYID ZER BA MI 'THAD DE, SANGS RGYAS 'PHAGS PA'I RGYUD KYI SNYING RJE CHEN PO DANG MTSUNGS LDAN DU BYUNG BA'I GTZO BO SEMS DE MTSAN NYID DE YIN KYANG DE THEG CHEN SEMS BSKYED MA YIN PA'I PHYIR, RTAGS SLA'O, ,KHA CIG SANGS RGYAS THOB 'DOD KYI BSAM PA'I RIGS 'DRA PHYI MAR? PAR GYUR PA'I THEG CHEN GTZO BO YID KYI RNAM RIG ,THEG CHEN SEMS BSKYED KYI MTSAN NYID, GZHAN DON DU RDZOGS BYANG LA DMIGS SHING GROGS 'DOD PA DANG MTSUNGS LDAN DU BYUNG BA'I THEG CHEN GYI GTZO BO YID KYI RNAM RIG DE SPYOD PA'I RTEN GYA DBANG DU BYAS PA'I THEG CHEN SEMS BSKYED KYI MTSAN NYID, RANG GI DMIGS YUL DU GYUR PA'I KUN RDZOB DANG SANGS RGYAS KYI GZHI MTHUN YOD BAR GYUR BA'I THEG CHEN SEMS BSKYED DE, THEG CHEN KUN RDZOB SEMS BSKYED KYI MTSAN NYID, BYANG SEMS TSOGS LAM BA'I RGYUD KYI RANG BZHIN RNAM DAG GI CHAR GYUR PA'I NGO BO NYID SKU LA DMIGS NAs DE THOB PAR 'DOD BA'I 'DOD PA DANG MTSUNGS LDAN DU BYUNG BA'I THEG CHEN SEMS BSKYED DE, KUN RDZOB SEMS
, ,BSKYED MA YIN ZER NA, THEG CHEN SEMS BSKYED YIN NA SANGS RGYAS THOB 'DOD KYI BSAM PA'I RIGS 'DRA PHYI MA YIN DGOS PAR THAL, MTSAN NYID DANG PO DE 'THAD PA'I PHYIR, 'DOD NA, DE'I RGYUR GYUR PA'I THEG CHEN SEMS BSKYED CHOS CAN, DER THAL, DE'I PHYIR, GZHAN YANG, SANGS RGYAS 'PHAGS BA'I RGYUD KYI GANG ZAG GI BDAG MED MNGON SUM DU RTOGS PA'I YID KYI RNAM PAR SHAS PA CHOS CAN, MTSON BYA GNYIS BA DER THAL; MTSAN NYID DE'I PHYIR, GZHAN DON DU RDZOGS BYANG LA DMIGS PA GANG ZHIG ,GNYIS PA DE'I PHYIR, DANG PO GRUB STE, RNAM MKHYEN YIN PA'I PHYIR, GNYIS PA GRUB STE, SANGS RGYAS 'PHAGS PA'I RGYUD KYI GTZO BO SEMS YIN BA'I PHYIR; GZHAN YANG, BYANG SEMS TSOGS LAM BA'I RGYUD KYI DE 'DRA'I SEMS BSKYED CHOS CAN, KUN RDZOB SEMS BSKYED YIN BAR THAL, MTSAN NYID DE'I PHYIR, RANG GI DMIGS YUL DU GYUR BA'I KUN RDZOB DANG SANGS RGYAS KYI GZHI MTHUN YOD PA GANG ZHIG ,GNYIS PA DE'I PHYIR, DANG PO GRUB STE, RDZOGS BYANG DE DE 'DRA'I GZHI MTHUN YIN BA'I PHYIR TE, DE KHYOD KYI DMIGS YUL GANG ZHIG ,DE KUN RDZOB DANG SANGS RGYAS KYI GZHI MTHUN YIN PA'I PHYIR, DANG PO GRUB STE, KHYOD KYI GZHAN DON DU RDZOGS BYANG LA DMIGS PA'I PHYIR TE, KHYOD SPYOD PA'I RTEN GYI DBANG DU BYAS PA'I SEMS BSKYED YIN PA'I PHYIR, KHYAB PA KHAS, DE DER THAL, DE YOD BA'I PHYIR, GSUM PA DBYE BA LA, DPE'I SGO NAS, SA MTSAMS KYI SGO NAS, BSKYED
TSUL GYI SGO NAS, PHRA RAGS KYI SGO NAS, NGO BO'I SGO NAS, SGRAS BRJOD KYI SGO NAS DBYE BA DANG DRUG ,DANG PO LA, DPE'I SGO NAS SA LTA BU NAS, SBRIN LTA BU'I BAR NYER GNYIS YOD DE, DE YANG SA GSER ZLA BA ME, ,ZHES SOGS DANG, MDO SDE'I RGYAN LAS; SKYED BAS DANG MTSUNGS PA STE, ,GZHAN NI BZANG PO'I GSER DANG 'DRA, ,ZLA BA YAR GYI CHOS PA BZHIN, ,GZHAN NI ME DANG 'DRA SHES BYA, ,ZHES SOGS GSUNGS BA'I PHYIR, GNYIS PA LA, MOS SPYOD KYI SKABS SU MOS? BAS SPYOD PA'I SEMS BSKYED, MA DAG SA BDUN DU LHAG BSAM DAG PA'I SEMS BSKYED, DAG PAS GSUM DU RNAM BAR SMIN PA'I SEMS BSKYED, SANGS RGYAS KYI SAR SGRIB BA SPANGS PA'I SEMS BSKYED DANG BZHI BOD DE, MDO SDE'I RGYAN LAS, SEMS BSKYED DE NI SA RNAMS LA, ,MOS DANG LHAG BSAM DAG PA DANG, ,RNAM PAR SMIN BA GZHAN DU 'DOD, ,DE BZHIN SGRIB BA SPANGS PA'O, ,ZHES GSUNGS PA'I PHYIR, GSUM PA LA, DANG POR RANG NYID SANGS RGYAS NAS DE RJES SEMS CAN THAMS CAD SANGS RGYAS KYI SAR 'GOD PAR 'DOD PA RGYAL BO LTA BU'I SEMS BSKYED, DANG POR SEMS CAN THAMS CAD SANGS RGYAS KYI SAR BKOD NAS DE RJES RANG NYID SANGS RGYAS PAR 'DOD PA PHYUGS RDZI? LTA BU'I SEMS BSKYED, RANG NYID SEMS CAN THAMS CAD DANG MNYAM DU 'TSANG RGYA BAR 'DOD BA MNYAN BA LTA BU'I SEMS BSKYED DANG GSUM DU YOD, BZHI PA LA, PHRA RAGS KYI SGO NAS RAGS PA BRDA LAS BYUNG BA DANG, PHRA BA CHOS NYID KYI STOBS KYIS THOB PAR SEMS BSKYED GNYIS
, ,LAS; DANG PO NI, MDO SDE'I RGYAN LAS, GROGS STOBS RGYU STOBS RTZA BA'I STOBS, ,THOS STOBS DGE BA GOMS PA LAS, ,MI BRTAN PA DANG BRTAN 'BYUNG BA, ,GZHAN GYI BSTAN BA'I SEMS BSKYED BSHAD, ,CES GSUNGS PA LTAR, GROGS DGE BA'I BSHES GNYEN GYI STOBS LAS BYUNG BA MI BRTAN PA DANG, RGYU RIGS KYI STOBS LAS BYUNG BA BRTAN PA DANG, SNGON DGE BA GOMS PA'I STOBS BRTAN BA DANG, MANG DU THOS BA'I STOBS BRTAN PA DANG, TSE 'DIR DGE BA GOMS PA'I STOBS LAS BYUNG BA'I SEMS BSKYED RNAMS SU YOD DO, ,GNYIS PA NI, DON DAM SEMS BSKYED LTA BU'O, ,LNGA PA LA, SMON PA SEMS BSKYED, 'JUG PA SEMS BSKYED GNYIS LAS, DE GNYIS KYI KHYAD PAR YANG SA THOB MA THOB KYI SGO NAS MI 'JOG STE, SA MA THOB BA'I RGYUD LA 'JUG SEMS YOD PA'I PHYIR, DE'I RGYUD LA 'JUG SDOM YOD PA GANG ZHIG ,MTSUNGS BA'I PHYIR, DANG PO GRUB STE, BSLAB BTUS SU, CI SAR MCHUD PA RNAMS LA BYANG CHUB SEMS DPA'I SDOM PA'I DBANG DU BYAS PA YOD DAM ZHEN YOD PA NYID DU RIG PAR BYA STE, DPER NA KA LA BING KA'I PHRU GU SGO NGA'I NANG NA SKAD 'DON PA BZHIN NO, ,ZHES GSUNGS PA'I PHYIR, DE GNYIS KYI KHYAD PAR 'JUG SDOM THOB MTHOB KYI SGO NAS KYANG MI 'JOG STE, 'JUG SDOM THOB LA NYAMS PA'I BYANG SEMS KYI RGYUD KYI SEMS BSKYED DE 'JUG SDOM THOB BA'I SEMS BSKYED YIN KYANG SMON SEMS YIN PA'I PHYIR, SPYOD BA NYAMS LEN GYI BYA BAS ZIN MA ZIN GYI SGO
NAS MI 'DOG STE, BYANG 'PHAGS KYI RGYUD KYI SMON SEMS RNAMS SPYOD BA NYAMS LEN GYI BYA BAS ZIN BA'I PHYIR TE, RNAM BSHAD LAS, SA THOB NAS SEMS BSKYED SPYOD PA DANG BRAL BA MI SRID CING, ZHES GSUNGS BA'I PHYIR, 'JUG SDOM RGYUD LA LDAN MI LDAN GYI SGO NAS MI 'JOG STE, THEG CHEN MTHONG LAM BAR CHAD MED LAM PA'I RGYUD KYI SEMS BSKYED DE 'JUG SDOM RGYUD LDAN GYI GANG ZAG GI RGYUD KYI SEMS BSKYED YIN ZHING, SMON SEMS YIN PA'I PHYIR, DE DER THAL, DE YOD PA'I PHYIR, DE'I RGYUD LA GZHAN DON DU RDZOGS BYANG THOB 'DOD KYI BLO YOD BA'I PHYIR TE, DE GZHAN DON DU RDZOGS BYANG THOB PHYIR DU STONG NYID LA RTZE GCIG TU MNYAM BAR BZHAG PA'I GANG ZAG YIN PA'I PHYIR, SPYOD PA NYAMS LEN GYI BYA BA MNGON GYUR BAS ZIN MA ZIN GYI SGO NAS KYANG 'JOG PA MI 'THAD DE, THEG CHEN MTHONG LAM BAR CHAD MED LAM BA'I RGYUD KYI SEMS BSKYED DE SPYOD PA NYAMS LEN GYI BYA BA MNGON GYUR BAS ZIN PA'I PHYIR TE, DE'I RGYUD LA DE MNGON GYUR BA YOD PA'I PHYIR TE, DE'I RGYUD LA SHER PHYIN NYAMS LEN GYI BYA BA MNGON GYUR BA YOD BA'I PHYIR, KHO NA RE, DE'I RGYUD LA KUN RDZOB SEMS BSKYED MNGON GYUR DU YOD PAR THAL, DE'I RGYUD KYI DE BLO MNGON GYUR BA YIN PA'I PHYIR TE, DE DMIGS RNAM 'DZIN PA'I SHES PA YIN PA'I PHYIR NA MA KHYAB, KHA CIG ,TSIG GSAL LAS, SMON PA ZHES BYA BA NI SMON LAM TZAM DU ZAD DE TSOGS BSAGS PA LAS SEMS DE BSKYED BA'I CHO GA YANG DAG PAR BLANGS BAR YANG MA BYAS BA'O, ,'JUG PA ZHES BYA BA NI DGE BA'I BSHES GNYEN
, ,MNYES PAR BYAS TE YANG DAG BAR BLANGS PA LAS BYUNG BA'I SEMS BSKYED PA NAS BRTZAMS TE, ZHES GSUNGS BA'I DON DU BSAMS NAS, DE GNYIS KYI KHYAD PAR CHOGS THOB MA THOB LA BYED PA MI 'THAD DE, SMON SEMS LEN PA'I CHO GA YOD PA'I PHYIR TE, SANGS RGYAS CHOS DANG TSOGS KYI MCHOG RNAMS LA, ,ZHES SOGS DE YIN BA'I PHYIR, KHA CIG ,THEG CHEN MTHONG LAM BAR CHAD MED LAM PA'I RGYUD LA KUN RDZOB SEMS BSKYED MED PAR 'DOD PA MI 'THAD DE, RGYUN MTHA'I BAR CHAD MED LAM BA'I RGYUD LA DE YOD BA'I PHYIR TE, DE'I RGYUD LA SNYING RJE CHEN PO YOD BA'I PHYIR TE, RNAM MKHYEN SKAD CIG DANG BO LA GNAS BA'I SANGS RGYAS 'PHAGS PA'I RGYUD KYI THEG CHEN SEMS BSKYED DE RANG GI DNGOS KYI NYER LEN DU GYUR BA'I SNYING RJE CHEN PO LAS BYUNG BA'I PHYIR, MA GRUB NA, DE CHOS CAN, DE DER THAL, THEG CHEN SEMS BSKYED YIN BA'I PHYIR, KHYAB STE, MDO SDE'I RGYAN LAS, DE YI RTZA BA SNYING RJER 'DOD, ,CES GSUNGS PA'I PHYIR, GZHAN YANG, DE'I RGYUD LA KUN RDZOB DNGOS YUL DU BYED PA'I BLO MED PAR THAL, DAM BCA' 'THAD BA'I PHYIR, 'DOD MI NUS TE, DE'I RGYUD LA 'DUS BYAS MI RTAG BAR RTOGS PA'I BLO YOD PA'I PHYIR TE, DE 'DUS BYAS MI RTAG PAR KHAS LEN BA'I GANG ZAG YIN PA'I PHYIR, DES NA DE GNYIS KYI KHYAD PAR NI, BSLAB BTUS SU, BYANG CHUB KYI SEMS DE NI RNAM PA GNYIS TE, BYANG CHUB TU SMON BA'I SEMS DANG, BYANG CHUB TU CHAS BA'I SEMS SO, ,SDONG? BO BKOD PA'I MDO LAS
GSUNGS PA, SEMS CAN GANG BLA NA MED PA YANG DAG PAR RDZOGS BA'I BYANG CHUB TU SEMS SMON PA DE DAG KYANG DKON NO, ,DE BAS KYANG GANG BLA NA MED PA YANG DAG PAR RDZOGS PA'I BYANG CHUB TU CHAS PA'I SEMS SHIN TU DKON NO, ,ZHES GSUNGS BA LTA BU'O, ,ZHES GSUNGS BA DANG, SGOM RIM LAS, 'GRO BA MTHA' DAG LA PHAN BA'I PHYIR SANGS RGYAS SU GYUR CIG CES GANG THOG MAR DON DU GNYER BA NI SMON PA'I SEMS SO, ,GANG PHAN CHAD SDOM PA BZUNG NAS TSOGS RNAMS LA ZHUGS PA NI 'JUG PA'I SEMS SO, ,ZHES DANG, SPYOD 'JUG LAS, BYANG CHUB SEMS NI MDOR BSDUN, ,RNAM PA GNYIS SU SHES BYA STE, ,BYANG CHUB SMON PA'I SEMS DANG NI, ,BYANG CHUB 'JUG PA NYID YIN NO, ,ZHES DANG, 'GRO BAR 'DOD DANG 'GRO BA YI, ,BYE BRAG JI LTAR SHES PA LTAR, ,DE BZHIN MKHAS PAS 'DI GNYIS KYI, ,BYE BRAG RIM BZHIN SHES PAR BYA, ,ZHES GSUNSG PA LTAR, THEG CHEN SEMS BSKYED LA SMON 'JUG GNYIS SU DBYE BA'I DE GNYIS KYI KHYAD PAR NI, DPER NA, GRONG KHYER DER 'GRO BAR BYA'O SNYAM PA GZHIR BYAS LA, GOM PA POR BA SOGS LUS KYI 'GRO BA'I BYA BAS DNGOS SU ZIN MA ZIN GNYIS YOD PA LTAR, THEG CHEN SEMS BSKYED GZHIR BYAS LA, SPYOD PA NYAMS LEN GYI BYA BAS DNGOS SU ZIN MA ZIN GNYIS YOD PA LA, SDAM? 'JUG SEMS DANG PHYI MA SMON SEMS SU 'JOG LA, 'JUG SDOM BLANGS NAS SPYOD PA LA SLOB PA'I TSE SMON SEMS MED PA LUNG DE'I DON MA YIN TE, 'JUG SDOM BZUNG BA'I RJES SU SPYOD PA LA SLOB PA LA BLOS 'JUG TSUL GNYIS YOD PAS DE THOB PA'I
, ,GANG ZAG GI RGYUD LA DE GNYIS KA YOD PA'I PHYIR, 'JUG SDOM THOB RJES SU SBYIN SOGS SPYOD PA DNGOS SU NYAMS SU LEN BZHIN PA'I DUS NA RNAM MKHYEN DON GNYER GYI DRAN 'DUN DU RE BAS DNGOS SU ZIN PA SEMS BSKYED SPYOD PA NYAMS LEN GYI BYA BAS DNGOS SU ZIN PA'I DON YIN TE, RNAM BSHAD LAS, GTONG BA'I SEMS PA SPEL BA'I RNAM PA SHAR BA'I DUS NYID NA RNAM MKHYEN DON GNYER GYI DRAN 'DUN DU RE BA YOD PA NI SPYOD PA NYAMS LEN GYI BYA BAS DNGOS SU ZIN PA'I DON YIN LA, DE LTA BU MED PA'I DUS NA DE DNGOS SU MA ZIN PA'O, ,ZHES GSUNGS PA'I PHYIR, DES NA SMON SEMS TSOGS LAM NAS RGYUN MTHA'I BAR DU YOD PAR KHAS BLANGS PA LA NYES PA MED PAR MNGON TE, RGYUN MTHA' PA'I RGYUD LA STONG NYID MNGON SUM DU RTOGS PA'I BLO MNGON GYUR DU YOD KYANG, DE'I RGYUD KYI THEG CHEN SEMS BSKYED DE SPYOD PA NYAMS LEN GYI BYA BAS DNGOS SU MA ZIN PA'I SEMS BSKYED YIN PA'I PHYIR TE, DE RNAM MKHYEN DON GNYER GYI DRAN 'DUN DU RE PAS DNGOS SU MA ZIN PA'I SEMS BSKYED YIN PA'I PHYIR TE, DE'I RGYUD LA THEG CHEN SEMS BSKYED YOD KYANG, DE'I RGYUD LA RNAM MKHYEN DON GNYER GYI DRAN 'DUN DU RE BA DNGOS SU MED PA'I PHYIR, 'JUG SDOM THOB PA'I RJES SU SPYOD PA NYAMS SU LEN BZHIN PA'I DUS NA YANG RNAM MKHYEN DON GNYER GYI DRAN 'DUN DU RE BA DES DNGOS SU MA ZIN PA'I SEMS BSKYED SKABS DU MAR 'BYUNG BA'I PHYIR, DE LTAR YANG RNAM BSHAD LAS, SMON SEMS
TSOGS LAM NAS BZUNG STE SA THOB NAS KYANG KHAS BLANGS PA LA NYES PA MED PAR MNGON TE, SA THOB NAS STONG BA NYID KYI DON MNGON SUM DU RTOGS KYANG DES DNGOS SU MA ZIN PA'I SEMS BSKYED SKABS DU MAR 'BYUNG BA'I PHYIR, ZHES DANG, LAM RIM LAS, STONG PA NYID KYI TING NGE 'DZIN LA MNYAM PAR BZHAG PA'I TSE BYANG CHUB KYI SEMS DE DNGOS SU MED KYANG DE'I RTZIS ZIN PA MI 'GAL TE, ZHES GSUNGS PA'I PHYIR, DES NA, SMON 'JUG GANG RUNG YANG YIN SPYOD PA NYAMS LEN GYI BYA BAS DNGOS SU MA ZIN PA YANG YIN PA'I GZHI MTHUN PA, SMON PA SEMS BSKYED KYI MTSAN NYID, DE GANG RUNG YANG YIN SPYOD PA NYAMS LEN GYI BYA BAS DNGOS SU ZIN PA YANG YIN PA'I GZHI MTHUN PA, 'JUG PA SEMS BSKYED KYI MTSAN NYID, DANG PO'I SA MTSAMS THEG CHEN GYI TSOGS LAM NAS RGYUN MTHA'I BAR DU YOD, GNYIS PA'I SA MTSAMS DE NAS SANGS RGYAS KYI SA'I BAR DU YOD, DE LTAR YANG SPYOD 'JUG LAS, BYANG CHUB SMON PA'I SEMS LAS NI, ,'KHOR TSE 'BRAS BU CHER 'BYUNG YANG, ,JI LTAR 'JUG PA NYID BZHIN DU, ,BSOD NAMS RGYUN CHAGS 'BYUNG BA MIN, ,ZHES GSUNGS PA'I PHYIR, KHO NA RE, STONG NYID RTOGS BA'I SHES RAB KYIS DNGOS SUM ZIN PA'I SEMS BSKYED RGYUD LDAN GYIS BRGYAD PA PA YOD PAR THAL, SPYOD PA NYAMS LEN GYI BYA BAS DNGOS SU MA ZIN PA'I SEMS BSKYED RGYUD LDAN GYI DE YOD BA'I PHYIR, 'DOD NA, BDEN 'DZIN MNGON GYUR PA RGYUD LDAN GYI DE YOD PAR THAL LO, ,ZER NA MA KHYAB, KHO NA RE, SEMS CAN GCIG GI
, ,RGYUD LA YID KYI RNAM PAR SHES PA RDZAS THA DAD PA GNYIS CIG CAR DU YOD PAR THAL, THEG CHEN GYI MTHONG LAM BAR CHAD MED LAM PA'I RGYUD LA THEG CHEN SEMS BSKYED YOD PA'I PHYIR, 'DOD MI NUS TE, MDO LAS, SEMS CAN RNAMS NI RNAM PAR SHES PA'I RGYUD RE RE BA'O, ,ZHES GSUNGS PA'I PHYIR NA MA KHYAB STE, YID KYI RNAM PAR SHES PA RIGS MTHUN RDZAS THA DAD BA DU MA CIG CAR? DU MNGON GYUR DU RGYUD LDAN GYI SEMS CAN MED PA LUNG DE'I DON YIN PA'I PHYIR, KHA CIG ,RTZVA BAR MA KHYAB STE, THEG CHEN SEMS BSKYED DE SEMS BYUNG YIN PA'I PHYIR TE, BYANG SAR, BYANG CHUB SEMS DPA' RNAMS KYI SMON LAM NI SEMS BSKYED BA'O, ,ZHES DANG, MDO SDE'I RGYAN LAS, BRTAN PA RNAMS KYI SMON LAM NI, ,SEMS PA 'DUN DANG BCAS PA STE, ,ZHES DANG, DE'I 'GREL BAR, YON TAN GSUM DANG GNYIS LA DMIGS PA'I 'DUN PA DANG LDAN BA'I SEMS PA NI SEMS BSKYED PA ZHES BYA'O, ,ZHES GSUNGS PA'I PHYIR NA MA KHYAB STE, DES THEG CHEN SEMS BSKYED LA SMON LAM DANG 'DUN PA'I MING GIS BTAGS NAS BSTAN PA TZAM YIN BA'I PHYIR TE, MDO SDE'I RGYAN LAS, SPRO BA CHE DANG RTZOM PA CHE, ,ZHES SOGS KYIS THEG CHEN SEMS BSKYED DE GTZO SEMS SU BSTAN PAR RGYAN SNANG LAS GSUNGS BA'I PHYIR, NYI SNANG LAS, SEMS BSKYED BA ZHES BYA BA NI SEMS NI RNAM PAR SHES PA STE RNAM PAR RIG BA'O RNAM PAR RIG PA DE YANG GANG ZHE NA, YID KYI RNAM PAR SHES PA STE, ZHES GSUNGS
PA'I PHYIR, KHA CIG ,GONG GI MDO DE'I DON YID KYI RNAM PAR SHES PA RDZAS THA DAD DU MA MNGON GYUR DU CIG CAR DU RGYUD LDAN GYI SEMS CAN MED PAR 'CHAD PA DANG, YID KYI RNAM PAR SHES PA RIGS MTHUN RDZAS THA DAD BA DU MA CIG CAR DU MNGON GYUR DU MED PAR 'CHAD PA MI 'THAD DE, BDEN 'DZIN MNGON GYUR PA RGYUD LDAN GYI BYANG SEMS KYI RGYUD LA BDEN 'DZIN DU GYUR PA'I YID KYI RNAM PAR SHES PA DANG, THEG CHEN SEMS BSKYED GNYIS KA CIG CAR DU MNGON GYUR DU YOD PA'I PHYIR DANG, GTONG SEMS SPEL BZHIN PA'I BYANG SEMS KYI RGYUD LA GTONG SEMS KYI NGO BOR GYUR PA'I YID KYI RNAM SHES GCIG DANG, THEG CHEN SEMS BSKYED KYI NGO BOR GYUR BA'I YID KYI RNAM SHES GNYIS CIG CAR DU MNGON GYUR DU YOD PA GANG ZHIG ,DE GNYIS RIGS MTHUN YIN PA'I PHYIR RO, ,DRUG BA LA, SGRAS BRJOD KYI SGO NAS DBYE NA, DON DAM SEMS BSKYED DANG, KUN RDZOB SEMS BSKYED GNYIS SU YOD LA, DANG PO LA, MTSAN NYID, DBYE BA, SA MTSAMS, SGRA BSHAD, KHYAD CHOS SO, ,DANG BO NI, DON DAM SEMS BSKYED DANG, KUN RDZOB SEMS BSKYED GANG RUNG GANG ZHIG ,RDZOGS BYANG GI GNAS LUGS LA GNYIS SNANG NUB CING SHES RAB KHYAD BAR CAN GYI RTOGS RIGS SU GNAS PA'I THEG CHEN 'PHAGS PA'I GTZO BO YID KYI RNAM RIG DON DAM SEMS BSKYED KYI MTSAN NYID, MTSAN NYID KYI ZUR DU GANG RUNG SMOS PA LA DGOS BA YOD DE, SANGS RGYAS 'PHAGS BA'I RGYUD KYI GANG ZAG GI BDAG MED MNGON SUM DU RTOGS PA'I YID KYI RNAM PAR SHES PA DE
, ,DON DAM SEMS BSKYED YIN PA GCOD PAR BYA BA'I CHED YIN PA'I PHYIR, THEG CHEN 'PHAGS PA SMOS PA LA DGOS PA YOD DE, NYAN THOS DGRA BCOM GYI RTOGS PA SNGON DU SONG BA'I BYANG SEMS TSOGS LAM PA'I RGYUD KYI STONG NYID MNGON SUM DU RTOGS PA'I YID KYI RNAM PAR SHES PA DE DE YIN PA GCOD PAR BYA BA'I CHED YIN PA'I PHYIR, SHES RAB KHYAD PAR CAN SMOS PA LA DGOS PA YOD DE, SANGS RGYAS 'PHAGS PA'I RGYUD KYI KUN RDZOB SEMS BSKYED DE DE YIN PA GCOD PAR BYA BA'I CHED YIN PA'I PHYIR, GNYIS PA NI, DE LA DBYE NA, SA DANG PO NAS SANGS RGYAS KYI SA'I BAR BCU GCIG TU YOD DO, ,GSUM PA NI, SA MTSAMS SA DANG PO NAS 'JOG STE, MDO SDE'I RGYAN LAS, DE YI RAB DGA' KHYAD PAR 'PHAGS, ,ZHES DANG, RNAM BSHAD LAS, DE YANG MTHONG LA MTHOB BA YAN CHAD NA YOD KYI SO SO SKYE BO LA MED DE, ZHES GSUNGS PA'I PHYIR, BZHI PA NI, DON DAM BA'I CHOS LA DMIGS PAS NA DE SKAD CES BYA LA; DE YANG SGRA BSHAD TZAM LA KHYAB PA MI 'CHA'O, ,LNGA PA LA NGES TSIG GI SGO NAS MDOR BSTAN, RNAM GZHAG GI SGO NAS RGYAS PAR BSHAD PA'O, ,DANG PO LA, DON DAM SEMS BSKYED CHOS CAN, DON DAM BA'I SA ZHES BYA STE, RDZOGS BA'I SANGS RGYAS RAB TU MNYES PAR GYUR PA DANG, BSOD NAMS DANG YE SHES KYI TSOGS RAB TU BSAGS PA DANG, CHOS LA RNAM PAR MI RTOG BA'I YE SHES SKYES BA'I PHYIR TE, MDO SDE'I RGYAN LAS, RDZOGS BA'I SANGS RGYAS RAB MNYES BYAS,
BSOD NAMS YE SHES TSOGS RAB BSAGS, ,CHOS LA MI RTOG YE SHES NI, ,SKYE PHYIR DE NI DAM BAR 'DOD, ,CES GSUNGS BA'I PHYIR, DE CHOS CAN, RAB DGA' KHYAD PAR DU 'PHAGS PA DANG LDAN TE, CHOS DANG, SEMS CAN DANG,, RANG GZHAN GYI BYA BA DANG, THOB BYA MCHOG RNAMS LA SEMS MNYAM PA BRNYES PA'I PHYIR, DANG PO GRUB STE, CHOS THAMS CAD BDEN MED DU RTOGS PA'I PHYIR, GNYIS PA GRUB STE, SEMS CAN GYI DON LA 'JUG BA'I PHYIR, GSUM PA GRUB STE; RANG GZHAN GYI SDUG BSNGAL ZAD PAR 'DOD PA'I PHYIR, BZHI PA GRUB STE, RANG NYID DANG SANGS RGYAS CHOS BDAG GIs STONG PA GNYIS NGO BO DBYER MED DU RTOGS PA'I PHYIR, DE LTAR YANG DE NYID LAS, CHOS DANG SEMS CAN RNAMS LA NI; ;DE YI BYA BA SANGS RGYAS NYID, ,MCHOG LA SEMS MNYAM BRNYES BA'I PHYIR, ,DE YI RAB DGA' KHYAD PAR 'PHAGS, ,ZHES GSUNGS BA'I PHYIR, GNYIS PA NI, DON DAM SEMS BSKYED CHOS CAN, KHYAD PAR DRUG DANG LDAN TE, SKYE PA'I KHYAD PAR, RGYA CHE BA'I KHYAD PAR, SPRO BA'I KHYAD PAR, BSAM PA DAG BA'I KHYAD PAR, SA LHAG MA RNAMS LA MKHAS BA'I KHYAD PAR, SPANG BYA LA NGES PAR 'BYUNG BA'I KHYAD PAR DANG LDAN BA'I PHYIR TE, MDO SDE'I RGYAN LAS, SKYE BA RGYA CHEN DE LA SPRO, ,BSAM PA YANG NI DAG PA DANG, ,LHAG MA DAG LA MKHAS PA DANG, ,NGES BAR 'BYUNG BAR SHES PAR BYA, ,ZHES GSUNGS PA'I PHYIR, DES NA, THEG CHEN SEMS BSKYED CHES CAN, KHYAD CHOS DU MA DANG LDAN TE, RGYU
, ,DANG BCAS PA'I KHYAD PAR, BSAM PA'I KHYAD PAR, MOS PA'I KHYAD PAR, DMIGS PA'I KHYAD PAR, 'GRO TSUL GYI KHYAD PAR, RTEN GYI KHYAD PAR, NYES DMIGS KYI KHYAD PAR, MI MTHUN PHYOGS KYI KHYAD PAR, PHAN YON GYI KHYAD PAR SPANG BYA LA NGES PAR 'BYUNG 'DOD KYI KHYAD PAR, MTHAR THUG GI KHYAD PAR RNAMS DANG LDAN PA'I PHYIR, DANG PO GRUB STE, SNYING RJE'I RTZA BA LAS BYUNG BA'I PHYIR TE, MDO SDE'I RGYAN LAS, DE YI RTZA BA SNYING RJER 'DOD, ,CES GSUNGS PA'I PHYIR, GNYIS PA GRUB STE, RTAG TU SEMS CAN LA PHAN PAR SEMS PA'I PHYIR TE, DE NYID LAS, RTAG TU SEMS CAN PHAN PAR SEMS, ,ZHES GSUNGS PA'I PHYIR, GSUM PA GRUB STE, THEG CHEN GYI CHOS LA MOS PA'I PHYIR TE, DE NYID LAS, CHOS LA MOS DANG, ZHES GSUNGS PA'I PHYIR, BZHI PA GRUB STE, THEG CHEN GYI YE SHES 'TSOL BAR DMIGS PA'I PHYIR TE, DE NYID LAS, DE BZHIN DE'I, ,YE SHES 'TSOL BAR DMIGS PA'O, ,ZHES GSUNGS PA'I PHYIR, LNGA PA GRUB STE, SA GONG NAS GONG DU 'DUN PA'I STOBS KYIS 'GRO BA'I PHYIR TE, DE NYID LAS, GONG? DU 'DUN PAS 'GRO BA STE, ,ZHES GSUNGS PA'I PHYIR, DRUG PA GRUB STE, BYANG CHUB SEMS DPA'I SDOM PA RGYA CHEN PO LA? BRTEN PA'I PHYIR TE, DE NYID LAS SDOM PA RGYA CHEN DE YI RTEN, ,ZHES GSUNGS PA'I PHYIR, BDUN PA GRUB STE, THEG CHEN GYI LAM 'GOG PA DE DE'I NYES DMIGS YIN PA'I PHYIR TE, DE NYID LAS, LAM 'GOG PA NI, ZHES GSUNGS PA'I PHYIR, BRGYAD PA GRUB STE, THEG DMAN
GYI SEMS KUN SLONG ZHING DANG DU LEN PA DE DE'I MI MTHUN PHYOGS YIN BA'I PHYIR TE, DE NYID LAS, MI MTHUN PHYOGS, ,SLOB? ZHING DANG DU LEN PA'O, ,ZHES GSUNGS PA'I PHYIR, DGU PA GRUB STE, BSOD NAMS DANG YE SHES KYI RANG BZHIN GYI DGE BA 'PHEL BA'I PHAN YON DANG LDAN PA'I PHYIR TE, DE NYID LAS, BSOD NAMS YE SHES RANG BZHIN GYI, ,DGE BA 'PHEL BA DE'I PHAN YON, ,ZHES GSUNGS PA'I PHYIR, BCU PA GRUB STE, PHA ROL TU PHYIN PA DRUG LA SBYOR ZHING NYAMS SU LEN PAR BYED BA'I PHYIR TE, DE NYID LAS, PHA ROL PHYIN LA RTAG SBYOR BA, ,DE NI NGES PAR 'BYUNG BAR BRJOD, ,CES GSUNGS BA'I PHYIR, BCU GCIG PA GRUB STE, SO SO RANG GI SKABS DANG SBYOR BAS MTHAR THUG PAR 'GYUR BA'I PHYIR TE, DE NYID LAS, 'DI YI MTHAR THUGS YIN TE, ,SO SO RANG GI DER SPYOD PAS, ,BYANG CHUB SEMS DPA'I SEMS BSKYED PA, ,ZHES GSUNGS PA'I PHYIR, BZHI BA LA, THEG CHEN SEMS BSKYED DE PHAN YON KHYAD PAR CAN DU MA DANG LDAN TE, 'DI THEG CHEN LAM GYI 'JUG SGO DAM PA YIN BA DANG, DE LA BRTEN NAS BSOD NAMS RGYUN CHAGS SU 'BYUNG BA DANG, NGAN 'GRO'I RGYU SNGAR BSAGS 'DAG CING PHYI MA 'PHRO CHAD PA DANG, BDE 'GRO'I RGYU GSAR DU BSAG CING, SNGAR BSAGS GONG 'PHEL DU BYED PA DANG, DGE BA SNGAR BSAGS RNAMS GSER 'GYUR GYI RTZIS LCAGS SRANG STONG PHRAG MANG PO GSER DU BSGYUR BLTAR, BLA MED RDZOGS BYANG GI RGYUR 'GYUR BAS ZAD BA'I MTHA' MED PA DANG, RTEN GYI GANG ZAG JI LTAR DMAN YANG SEMS
, ,BSKYED BA'I SKAD CIG GNYIS PA NAS 'GRO BA LHA MI THAMS CAD KYI PHYAG MCHOD KYI GNAS SU 'GYUR BA RNAMS DANG LDAN PA'I PHYIR, DANG PO GRUB STE, BYANG CHUB SEMS 'GREL LAS, BYANG CHUB SEMS NI MA BSKYED BAR,, SANGS RGYAS NAM YANG MI THOB CING, ,'KHOR BAR GZHAN DON SGRUB PA YI, ,THABS GZHAN YOD PA MA YIN NO, ,ZHES DANG, RIN CHEN PHRENG BA LAS, BDAG NYID DANG NI 'JIG RTEN 'DI, ,BLA MED BYANG CHUB THOB 'DOD NA, ,DE YI RTZA BA BYANG CHUB SEMS ZHES GSUNGS BA'I PHYIR, GNYIS PA GRUB STE, SPYOD 'JUG LAS, GANG NAS BZUNG STE SEMS CAN KHAMS, ,MTHA' YAS RAB TU SGROL BA'I PHYIR, ,MI LDOG PA YI SEMS KYIS SU, ,SEMS DE YANG DAG BLANGS GYUR BA, ,DE NAS BZUNG STE GNYID LOG GAM, ,BAG MED GYUR KYANG BSOD NAMS SHUGS, ,RGYUN MI CHAD BA DU MA ZHIG ,NAM MKHA' MNYAM BAR RAB TU 'BYUNG, ,ZHES GSUNGS BA'I PHYIR, GSUM PA GRUB STE, SPYOD? 'JUG LAS, SDIG PA STOBS CHEN MI BZAD BYAS NA YANG,, DPA' LA BRTEN NAS 'JIGS BA CHEN PO LTAR, ,GANG LA BRTEN NAS YUD KYIS 'GROL 'GYUR BA, ,DE LA NGAG CAN RNAMS KYIS CIS MI NYEN, ,ZHES DANG, SDIG PA STOBS CHEN SHIN TU MI BZAD BA, ,DE NI RDZOGS PA'I BYANG CHUB SEMS MIN PA,, DGE GZHAN GANG GIS ZIL GYIS GNON PAR 'GYUR, ,ZHES DANG, DE NI DUS MTHA'I ME BZHIN SDIG CHEN RNAMS, ,SKAD CIG RE RER SREG BAR BYED BAR 'GYUR, ,ZHES DANG, BYAMS PA'I RNAM PAR THAR BA'I MDO LAS, RIGS KYI BU 'DI
LTA STE; DPER NA RDO RJE RIN PO CHE NI CHAG KYANG GSAR GYI RGYAN KHYAD BAR DU 'PHAGS PA THAMS CAD ZIL GYIS GNON CING RDO RJE RIN PO CHE'I MING YANG MI 'DOR LA DBUL BA THAMS CAD RNAM PAR BZLOG GO ,RIGS KYI BU DE BZHIN DU THAMS CAD MKHYEN BAR SEMS BSKYED BA'I RDO RJE RIN PO CHE NI NAN TAN DANG BRAL YANG NYAN THOS DANG RANG SANGS RGYAS KYI YON TAN GYI GSER GYI RGYAN THAMS CAD ZIL GYIS GNON CING BYANG CHUB SEMS DPA'I MING YANG MI 'DOR LA 'KHOR BA'I DBUL BA THAMS CAD RNAM PAR BZLOG GO ,ZHES GSUNGS BA'I PHYIR, BZHI PA DANG LNGA PA GRUB STE, SPYOD 'JUG LAS, GSER 'GYUR RTZI YI RNAM PA'I MCHOG LTA BU, ,MI GTZANG LUS 'DI BLANGS NAS RGYAL BA'I SKU, ,RIN CHEN RIN THANG MED PA BSGYUR BAS NA; ;BYANG CHUB SEMS ZHES BYA BA RAB BRTAN GZUNG, ,ZHES DANG, DGE BA GZHAN KUN CHU SHING JI BZHIN DU, ,'BRAS BU SPYAD BAS ZAD PAR 'GYUR BA NYID, ,BYANG CHUB SEMS KYI LJON SHING RTAG BAR YANG, ,'BRAS BU SPYAD BAS MI ZAD 'PHEL BAR 'GYUR, ,ZHES DANG, DPAL SBYIN GYI MDO LAS, BYANG CHUB SEMS KYI BSOD NAMS GANG, ,GAL TE DE LA GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG BAR GYUR, ,ZHES GSUNGS PA'I PHYIR, DRUG PA GRUB STE; SPYOD 'JUG LAS, BYANG CHUB SEMS BSKYED GYUR NA SKAD CIG GIS, ,'KHOR BA'I BTZON RAR BSDAMS BA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MIR BCAS BA'I PHYAG BYAR 'GYUR,,
, ,ZHAS GSUNGS BA'I PHYIR, LNGA BA SEMS BSKYED TSUL LA, BYANG CHUB KYI SEMS BSKYED TSUL, SEMS BSKYED BA'I TSAD, CHO GAS GZUNG TSUL LO, ,DANG PO LA, JO BO'I LUGS DANG, RGYAL SRAS ZHI BA LHA'I LUGS GNYIS LAS, DANG PO LA, RGYU 'BRAS MAN NGAG BDUN GYI SGO NAS BLO SBYONG BAR GSUNGS TE, MAR SHES NI, BSHES SPRINGS LAS, MA YI THUG MTHA' RGYA SHUG TSIG GU TZAM, ,RIL BUS BGRANGS KYANG SA YIS LANG? MI 'GYUR, ,ZHES GSUNGS PA LTAR, SEMS CAN GCIG GIS BDAG GI MA DE'I YANG MAR BYAS BA'I GRANGS STONG GSUM GYI SA'I RDUL RIL BU RGYA SHUG GI TSIG GU TZAM DU BYAS TE BGRANGS KYANG BGRANGS MI CHOD PAR GSUNGS PA LTAR, SEMS CAN THAMS CAD BDAG GI MA BYAS BA SHA STAG YIN SNYAM DU BSGOM, DRIN DRAN NI, BSHES SPRINGS LAS, RE RES RGYA MTSO BZHI LAS LHAG BA YI, ,'O MA 'THUNG STED DUNG SO SO YI, ,SKYE BO'I RJES SU 'BRANG BA'I 'KHOR BA BAS, ,DE BAS CHES MANG NYID DU BTUNG 'TSAL LO, ,ZHES GSUNGS BLTAR, BDAG GI MA BYAS PAR MA ZAD, MA BYAS RIS KYI BDAG GI BDE BA GRUB, SDUG BSNGAL BSAL BZHIN NU ZHOS BSKYANGS BA SHA STAG YIN SNYAM DU BSGOM PAR BYA'O, ,DRIN GZO BA NI SLA'O SPRANGS LAS, NYED DU 'KHOR BA'I RGYA MTSO'I KHONGS SU CHUD GYUR BA, ,KLONG GI NANG DU LHUNG BA LTA BUR SNANG BZHIN DU, ,SKYE 'CHI 'PHOS PAS DO MA SHES PA DE BOR NAS, ,GAL TE GCIG THAR BYED NA DE LAS KHREL BOR MED, ,CES GSUNGS PA LTAR, BDAG GIS
SEMS CAN THAMS CAD KYI BDE BA SGRUB CING SDUG BSNGAL SEL BA'I THABS LA 'BAD DGOS TE, SEMS CAN 'DI DAG THAMS CAD NI BDAG GI BDE BA SGRUB CING SDUG BSNGAL BSAL BA'I DRIN CAN SHA STAG YIN SNYAM DU BSGOM BAR BYA'O, , YID 'ONG GI BYAMS PA NI, SEMS CAN THAMS CAD LA DMIGS NAS DRIN CAN 'DI THAMS CAD BDE BA DANG PHRAD NA 'PHRAD BAR GYUR CIG ,'PHRAD BAR BYA'O SNYAM DU BSGOM BAR BYA'O, ,DE LTA BU'I BYAMS PA DE PHAN YON DANG LDAN TE, TING NGE 'DZIN RGYAL PO LAS, BYE BA KHRAG KHRIG DKRIGS BA'I ZHING DAG NA, ,MCHOD PA RNAM MANG DPAG MED JI SNYED BAR, ,SKYES MCHOG RNAMS LA DE YIS RTAG MCHOD BAS, ,BYAMS PA'I SEMS KYI GRANGS DANG CHAR MI PHOD, ,CES GSUNGS BA'I PHYIR, SNYING RJE CHEN PO NI DE LTA BU'I SEMS CAN THAMS CAD LA DMIGS NAS DRIN CAN 'DI RNAMS SDUG BSNGAL GYIS MNAR BA SNYING RJE SNYAM DU YID 'KHUL 'KHUL GYI BAR DU BSGOM PAR BYA'O, ,LHAG BSAM RNAM DAG NI, DE'I RJES DE THAMS CAD KYI SDUG BSNGAL 'DI BDAG GCIG PUS BSAL BAR BYA'O SNYAM DU YID 'KHUL GYI BAR DU BSGOM BA'O, ,DE DRUG PO DE RGYU'I MAN NGAG DRAG GO ,'BRAS BU THEG CHEN SEMS BSKYED NI DE LTAR BLO SBYANGS BA'I RJES SU SEMS CAN THAMS CAD KYI SDUG BSNGAL SEL BA DANG?, BDE BA SGRUB BA'I THABS DE LTAR BDAG LA MI 'DUG STE, YANG DAG PAR RDZOGS BA'I SANGS RGYAS KHO NA LA YOD BAR RTOGS BA'I SGO NAS BDAG GIS SEMS CAN THAMS CAD 'KHOR BA'I SDUG BSNGAL LAS BSGRAL TE SANGS RGYAS
, ,KYI SAL? 'GOD PA'I PHYIR YANG DAG PAR RDZOGS PA'I SANGS RGYAS THOB PAR BYA'O SNYAM DU DAM BCA' BAR BYED BA YIN NO, ,GNYIS PA NI, BDAG GZHAN BRJE BA'I SGO NAS BLO SBYANGS PA YIN LA, DE YANG BDAG GCES 'DZIN GYI BLO DOR NAS GZHAN GCES PAR 'DZIN PA YIN TE, BDAG GI BDE BA THAMS CAD SEMS CAN THAMS CAD LA SMIN PAR GYUR CIG ,SEMS CAN THAMS CAD KYI SDUG BSNGAL THAMS CAD BDAG LA SMIN PAR GYUR CIG , SNYAM DU BSGOM PAR BYA BA YIN PA'I PHYIR TE, SPYOD 'JUG LAS, GANG ZHIG BDAG DANG GZHAN DAG NI, ,MYUR DU BSKYAB BAR 'DOD PA DES, ,BDAG DANG GZHAN DU BRJE BYA BA, ,GSANG BA'I DAM PA SPYAD PAR BYA, ,ZHES DANG, 'JIG RTEN BDE BA JI SNYED PA, ,DE KUN GZHAN BDE 'DOD LAS BYUNG, ,'JIG RTEN SDUG BSNGAL JI SNYED PA, ,DE KUN BDAG BDE 'DOD LAS BYUNG, ,ZHES GSUNGS PA'I PHYIR, GNYIS PA SEMS BSKYED PA'I TSAD NI, BYANG CHUB KYI SEMS MAN NGAG BZHIN DU SBYANGS PA LA BRTEN NAS YID LEGS PAR 'KHUL THUB BA'I MYONG BA KHYAD PAR CAN SKYES PA NI, THEG CHEN SEMS BSKYED SKYES BA'I TSAD YIN TE, DE NI BU RAM GYI SHUN PA'I NANG GI RO MNGAR BA DANG 'DRAL, MYONG BA KHYAD PAR CAN MA SKYES GONG GI GZHAN DON DU RDZOGS BYANG THOB PAR 'DOD PA'I BSAM PA NI, BU RAM SHING GI SHUN PA'I RO MNGAR BA TZAM DANG 'DRA STE, LHAG BSAM BSKUL BA'I MDO LAS, BU RAM SHING SHUN SNYING PO CI YANG MED, ,DGA' BAR
BYA BA'I RA NI NANG NA 'DUG ,SHUN PA ZOS PA'I MIS NI BU RAM RO, ,ZHIM PO RNYED PAR NUS PA MA YIN NO, ,JI LTAR SHUN PA DE BZHIN SMRA BA STE, ,RO LTA BU NI DE LA DON SEMS YIN, ,DE LTA BAS NA SMRA LA DGA' SPONGS LA, ,RTAG TU BAG YOD BYAS LA DON SOMS SHIG ,CES GSUNGS PA'I PHYIR, GSUM PA LA, BLANG BA'I YUL, RTEN GYI GANG ZAG ,JI LTAR BLANG BA'I CHO GA'O, ,DANG PO NI, GONG MA RNAMS SMON SEMS DANG LDAN ZHING DE'I BSLAB BYA LA GNAS BAS MI CHOG GI ,'JUG SDOM DANG LDAN PA GCIG DGOS PAR BZHED DO, ,GNYIS PA NI, LHA KLU SOGS LUS DANG BSAM PA'I SGO NAS SMON SEMS SKYE RUNG BA THAMS CAD 'DI'I RTEN DU RUNG YANG 'DI NI LAM SGRON 'GREL BAR 'KHOR BA'I YID 'BYUNG BA 'CHI BA MI RTAG PA DRAN PA SHES RAB DANG SNYING RJE CHE BA, ZHES GSUNGS PA LTAR RO, ,GSUM PA LA, SBYOR DNGOS MJUG GSUM LAS, DANG PO NI, SKYABS 'GRO KHYAD PAR CAN BYA BA DANG, GNAS BRGYAN CING, RTEN BKRAM, MCHOD PA BSHAMS, GSOL BA BTAB CING SKYABS 'GRO'I BSLAB BYA LA TSUL BZHIN DU BSLAB PAR BYA'O, ,GNYIS PA NI, SLOB DPON GYI MDUN DU TZOG BUR 'DUG STE, THAL MO SBYAR NAS, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL LAM, SLOB DPON DGONGS SU GSOL, BDAG MING 'DI ZHES BGYI BAS SKYE BA 'DI DANG SKYE BA GZHAN DANG GZHAN DAG TU SBYIN PA'I RANG BZHIN DANG, TSUL KHRIMS KYI RANG BZHIN
, ,DANG; SGOM PA'I RANG BZHIN GYI DGE BA'I RTZA BA BDAG GIS BGYIS BA DANG, BGYID DU STZAL BA DANG BGYIS PA LA RJES SU YI RANG BA'I DGE BA'I RTZA BA 'DIS JI LTAR SNGON DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DANG SA CHEN PO LA RAB TU BZHUGS PA'I BYANG CHUB SEMS DPA' CHEN PO RNAMS KYIS BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR MDZAD PA DE BZHIN DU, BDAG MING 'DI ZHES BGYI BAS KYANG DUS 'DI NAS BZUNG STE JI SRID BYANG CHUB KYI SNYING PO LA MCHIS KYI BAR DU BLA NA MED PA YANG DAG PAR RDZOGS BA'I BYANG CHUB TU SEMS BSKYED PAR BGYI'O, ,MGROL BA RNAMS GROL BAR BGYI'O, ,DBUGS MA PHYIN PA RNAMS DBUGS DBYUNG BAR BYA'O, ,YONGS SU MYA NGAN LAS MA 'DAS PA RNAMS YONGS SU MYA NGAN LAS 'DA' PAR BGYI'O, ,ZHES LAN GSUM BRJOD DE BLANG NGO, ,SLOB DPON MA RNYED NA, SEMS BSKYED KYI CHO GA JO BOS MDZAD PA LAS; DE LTAR SLOB DPON MED KYANG BDAG NYID BYANG CHUB TU SEMS BSKYED PA'I CHO GA NI DE BZHIN GSHEGS PA SH'AKYA THUB PA DANG PHYOGS BCU'I DE BZHIN GSHEGS PA THAMS CAD YID LA BSAMS TE, PHYAG 'TSAL BA DANG MCHOD PA'I PHYIR CHO GA LA SOGS PA BYAS NAS GSOL PA GDAB PA DANG, SLOB DPON ZHES BYA BA'I CHIG SPANGS PA'I SKYABS SU 'GRO BA LA SOGS PA'I GO RIMS SNGA MA BZHIN BYA'O, ,ZHES GSUNGS PA LTAR BYA'O, ,GSUM PA NI, SLOB DPON GYIS
SMON SEMS KYI BSLAB BYA RNAMS SLOB MA LA BRJOD PAR BYA, DES KYANG SLOB DPON GYIS GSUNGS PA'I BSLAB BYA RNAMS DANG, GZHAN YANG, BYANG SEMS KYI SDE SNOD DGONGS 'GREL DANG BCAS PA LA THOS PAS MTSUL BZHIN DU BYAS PA'I SGO NAS NYES SPYOD MTHA' DAG SPONG BA DANG, DGE TSOGS MTHA' DAG RANG NYID KYIS SGRUB CING GZHAN YANG DE LA 'GOD PA DANG, DE LA ZHUGS BA RNAMS LA DGE BA'I LEGS PA BRJOD CING YID KYIS RJES SU YI RANG BSGOMS SHING RANG GZHAN GYI DGE RTZA THAMS CAD BYANG CHUB KYI SEMS MA THOB PA THOB PA DANG, THOB BA MI NYAMS SHING GONG NAS GONG DU 'PHEL BA'I PHYIR DU NYIN LAN GSUM MTSAN LAN GSUM DU BSNGO BA DANG SMON LAM RNAM PAR DAG PAS RGYAS GDAB PAR BYA'O, ` , GNYIS PA SEMS BSKYED DAG BYED GDAMS NGAG BSHAD PA LA, MTSAMS SBYAR BA DANG, DON BSHAD PA GNYIS LAS, DANG PO NI, LUS RNAM GZHAG TU, SEMS BSKYED PA DANG GDAMS NGAG DANG, ,ZHES BSHAD NA, SEMS BSKYED KYI RJES SU GDAMS NGAG 'CHAD PA'I RGYU MTSAN DE GANG ZHE NA, DE'I RGYU MTSAN YOD DE, THEG CHEN SEMS BSKYED KYI 'DOD PA'I YUL DU 'PHANGS PA'I RNAM MKHYEN THOB PA LA GDAMS NGAG THOB PA SOGS KYIS NYAMS SU LEN DGOS SO, ,ZHES SHES PAR BYA BA'I CHED YIN PA'I PHYIR, ZHES MTSAMS SBYOR BA LA, DBYE BA ZHAR LA BRJOD NAS DA LTAR BYANG CHUB KYI SEMS DANG PO LA SOGS PA BSKYED BA'I BYANG CHUB SEMS DPA' 'DUS JI LTA BA BZHIN DU DON DU
, ,GNYER BAR BYED PA'I BYANG CHUB KYI SEMS BSKYED PA DANG, DES 'PHANGS PA'I CHOS 'GRUB PAR BYA BA'I PHYIR YON TAN THOB PA YONGS SU BSRUNGS PA'I DON GYIS MNGON PAR 'PHEL BAR BYA BA'I PHYIR 'DOMS PA NI GDAMS NGAG STE, ZHES GSUNGS, GNYIS PA LA, GDAMS NGAG SPYIR BSTAN PA DANG, RTOGS DKA' BA BYE BRAG TU BSHAD PA GNYIS LAS, DANG PO LA, BSTAN BSHAD, MJUG BSDU BA'O, ,DANG PO NI, GDAMS NGAG NI, , BCU YI BDAG NYID SHES PAR BYA, ,ZHES PAS BSTAN, GNYIS PA LA, SGRUB PA RANG GI NGO BO LA GDAMS PA, SGRUB PA'I DMIGS PA BDEN BZHI LA GDAMS PA, RTEN DKON MCHOG GSUM LA GDAMS PA, SGRUB PA PHUN SUM TSOGS PA'I RGYU LA GDAMS PA DANG BZHI LAS, DANG PO NI, SGRUB DANG, ZHES BSHAD, GNYIS PA NI, BDEN PA RNAMS DANG NI, ,ZHES BSHAD, GSUM PA NI, SANGS RGYAS LA SOGS DKON MCHOG GSUM, ,ZHES BSHAD, BZHI PA LA, SGRUB BA'I MI MTHUN PHYOGS SPONG BA, SGRUB PA GZHAN GYI DRING LA MI 'JOG PA, SGRUB BA'I YON TAN THAMS CAD RDZOGS PA, SGRUB BA MTHAR THUG PA'I RGYU LA GDAMS PA'O, ,DANG PO NI, SPYOD 'JUG LAS, LE LO NGAN LA ZHEN PA DANG, ,SGYID LUG BDAG NYID BRNYAS PA'O, ,ZHES GSUNGS BA LTAR, SNYOMS LAS 'DZIN PA'I LE LO SPONG BYED MA ZHEN PA'I BRTZON 'GRUS LA GDAMS PA, SGYID LUG BA'I LE LO SPONG BYED YONGS SU MI BAR BA'I BRTZON
'GRUS LA GDAMS BA, BDAG NYID LA BRNYAS BA'I LE LO SPONG BYED LAM YONGS SU 'DZIN PA'I BRTZON 'GRUS LA GDAMS PA DANG GSUM LAS, DANG PO NI, MA ZHEN, ZHES BSHAD, GNYIS PA NI, YONGS SU MI NGAL DANG, ,ZHES BSHAD, GSUM PA NI, LAM NI YONGS SU 'DZIN PA DANG, ,ZHES BSHAD, GNYIS PA NI, SPYAN LNGA DANG NI, ZHES BSHAD, GSUM PA NI, MNGON SHES KYI, ,YON TAN DRUG DANG, ZHES BSHAD, BZHI PA LA, MTHONG LAM LA GDAMS PA DANG, SGOM LAM LA GDAMS PA GNYIS LAS, DANG PO NI, MTHONG LAM DANG, ,ZHES BSHAD, GNYIS PA NI, SGOM ZHES BYA LA, ZHES BSHAD, GSUM PA MJUG BSDU BA NI, DE LTAR BYANG CHUB KYI SEMS DANG, ZHES PA NAS, DE DAG NI GDAMS NGAG GI SKABS SU RTEN 'DI TZAM KHO NAS DON THAMS CAD PHUN SUM TSOGS BAR 'GYUR BAS GDAMS NGAG NI RNAM BA BCU'O, ,ZHES GSUNGS, GNYIS PA RTOGS DKA' BA BYE BRAG TU BSHAD PA LA, DBANG PO RTUL DANG RNON PO DAG , CES SOGS GSUNGS, DE RNAMS KYI NANG NAS DBYE BA ZHAR LA BRJOD NAS GDAMS NGAG STE, ZHES PA'I SKABS SU, MTHA' DBYAD PA LA, THEG CHEN GYI GDAMS NGAG NYAN PA'I RTEN, RGYU GANG LA BRTEN NAS NYAN PA, YUL GANG LA NYAN PA; GDAMS NGAG GI NGO BO, SA MTSAMS DANG LNGA LAS, DANG PO NI, SPYIR THEG CHEN GYI GDAMS NGAG NYAN PA'I LAM MA ZHUGS GANG ZAG NYAN THOS BYANG CHUB SEMS DPA' RNAMS YOD LA, THEG CHEN GYI TSOGS LAM CHEN PO THOB NAS SANGS
, ,RGYAS DNGOS LA GDAMS NGAG NYAN NUS TE, DE LTAR BYANG CHUB KYI SEMS DANG PO LA SOGS PA SEMS BSKYED PA'I BYANG CHUB SEMS DPA' DUS JI LTA BA BZHIN DU DON DU GNYER BAR BYED PA, ZHES DANG, MDO SDE'I RGYAN LAS, BSAM GTAN LA THOB MNGON PAR SHES, ,MNGON BAR SGRUB PA'I SGO NAS NI, ,SANGS RGYAS DPAG TU MED PA LA, ,MCHOD PA'I PHYIR DANG NYAN PA'I PHYIR, ,'JIG RTEN KHAMS NA KUN TU 'GRO, ,ZHES GSUNGS PA'I PHYIR, MCHOG GI SPRUL SKU LA THEG CHEN GYI GDAMS NGAG DNGOS SU NYAN PA'I LAM MA ZHUGS KYI GANG ZAG YOD DE, LAM SHES KYI MDO LAS, LHA'I BU GANG DAG GIS BLA NA MED PA YANG DAG PAR RDZOGS BA'I BYANG CHUB TU SEMS MA BSKYED BA DE DAG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O, ,ZHES GSUNGS PA'I PHYIR, GNYIS PA NI, THEG CHEN GYI TSOGS LAM CHEN PO THOB NAS CHOS RGYUN GYI TING NGE 'DZIN LA BRTEN NAS MCHOG GI SPRUL SKU LAS GDAMS NGAG DNGOS SU NYAN PA YIN TE, MDO SDE'I RGYAN LAS, DE TSE CHOS KYI RGYUN LAS NI, ,SANGS RGYAS RNAMS LAS ZHI GNAS DANG, ,YE SHES YANGS? PA THOB BYA'I PHYIR, ,GDAMS NGAG RGYA CHEN NOD BAR 'GYUR, ,ZHES GSUNGS PA'I PHYIR, 'O NA; CHOS RGYUN GYI TING NGE 'DZIN GANG ZHE NA, 'DI LA NGO BO, SGRA BSHAD, SA MTSAMS DANG GSUM LAS, DANG PO NI, GSER GLENG LAS, MTSAN NYID NI GANG LA MNYAM PAR BZHAG NA RGYAL BA RNAMS LAS GSUNG RAB KYI TSIG DON GRANGS LAS BDAS BA 'DZIN
BAR NUS PA'I DRAN PA DANG, TING NGE 'DZIN MTSUNGS LDAN DANG BCAS PA'O, ,ZHES GSUNGS PA DANG, RNAM BSHAD LAS, LAM 'OG MA RNAMS KYIS SANGS RGYAS DNGOS SU MTHONG BA DANG, DE LA CHOS THOS BA'I SGRIB BYED RAGS PA PHAL CHER SBYANGS NAS MCHOG GI SPRUL SKU LAS GDAMS NGAG DNGOS SU NYAN BA'I NUS PA KHYAD PAR CAN SKYES BA'I ZHI LHAG ZUNG 'BREL GYI TING NGE 'DZIN NI, CHOS RGYUN GYI TING NGE 'DZIN GYI MTSAN NYID, DE'I RGYUR BSKAL BA DU MAR TSOGS BSAGS BA DANG LDAN PA DANG, TSUL KHRIMS RNAM BAR DAG PA DANG, THEG BA CHEN PO'I RIGS DANG LDAN PA DANG, THOS PA MANG BA DANG, RIGS KYI NYES DMIGS BZHI PHAL CHER DANG BRAL BA DGOS, ZHES GSUNGS BA LTAR RO, ,GNYIS PA NI, CI'I PHYIR CHOS RGYUN GYI TING NGE 'DZIN ZHES BYA ZHE NA, CHOS GSUNG RAB KYI TSIG DON GRANGS LAS 'DAS PA RGYUN BAR MA CHAD PAR 'DZIN NUS PA'I TING NGE 'DZIN YIN PAS NA DE LTAR BRJOD PA'I PHYIR, GSUM PA NI, RGYAN SNANG LAS, TSOGS LAM PA NYID DU SEMS LAS SU RUNG BAR GYUR NA GANG ZHIG THOS PAS TSIG DANG DON MA LUS BAR 'DZIN BAR NUS PA'I CHOS KYI RGYUN ZHES BYA BA'I TING NGE 'DZIN 'THOB LA, ZHES GSUNGS PA LTAR, THEG CHEN GYI TSOGS? LAM CHEN PO NAS SANGS RGYAS KYI SA'I BAR DU YOD DO, ,GSUM PA NI, PHYOGS BCU NA BZHUGS BA'I SANGS RGYAS DANG, ZHES GSUNGS PA LTAR, THEG CHEN GYI GDAMS NGAG STON BA'I SANGS RGYAS BYANG SEMS NYAN RANG LAM MA ZHUGS KYI DGE BA'I BSHES GNYEN SOGS
, ,DU MA YOD, BZHI PA NI, THEG CHEN SEMS BSKYED KYI CHED DU GNYER BYA'I THABS MA NOR BAR STON PA'I THEG CHEN GYI NGAG DE, THEG CHEN GYI GDAMS NGAG GI MTSAN NYID, DBYE NA, GDAMS PA'I THEG CHEN GYI GDAMS NGAG DANG, RJES BSTAN GYI THEG CHEN GYI GDAMS NGAG GNYIS LAS, THOB ZIN GYI YON TAN 'PHEL PHYIR DU GDAMS PA'I THEG CHEN GYI GDAMS NGAG ,DANG PO'I MTSAN NYID, SNGAR MA THOB PA'I YON TAN GSAR DU THOB PHYIR DU 'DOMS PA'I THEG CHEN GYI GDAMS NGAG DE, GNYIS PA'I MTSAN NYID YIN TE, NYI KHRI RNAM 'GREL LAS, DE LA DON DU GNYER BA'I DON THOB PA'I BYA BA NYE BAR STON PA NI GDAMS PA DANG RJES SU BSTAN PA YIN TE, THOB ZIN PA'I YON TAN YONGS SU SBYONG BA'I DON GYIS MI NYAMS PAR BYED PA NI GDAMS NGAG YIN LA, DE'I 'OG TU MA THOB PA THOB PAR BYED PAS NA, RJES SU BSTAN PA YIN NO, ,ZHES GSUNGS PA'I PHYIR, 'GREL PA 'DI LTAR NA GO RIMS BZLOG STE 'JOG DGOS TE, DES 'PHANGS PA'I CHOS 'GRUB PAR BYA BA'I PHYIR YON TAN THOB PA YONGS SU BSRUNG BA'I DON GYIS MNGON PAR 'PHEL BAR BYA BA'I PHYIR 'DOMS PA NI GDAMS NGAG STE, ZHES GSUNGS PA'I PHYIR, KHA CIG ,THEG CHEN SEMS BSKYED KYI CHED DU GNYER BYA'I THABS MA NOR BAR STON PA'I THEG CHEN GYI NGAG RNAM DAG ,THEG CHEN GYI GDAMS NGAG GI MTSAN NYID ZER NA MI 'THAD DE, GZHAN DBANG DANG YONGS GRUB? BDE? NA GRUB
TU STON PA'I SEMS TZAM PA'I BSTAN BCOS CHOS CAN, MTSAN NYID DER THAL, MTSON BYA DE'I PHYIR, 'DOD NA, NGAG RNAM DAG YIN PAR THAL LO, ,'DOD MI NUS TE, GZHAN DBANG DANG YONGS GRUB BDEN PAR MA GRUB PA'I PHYIR; KHA CIG ,DE 'DRA BA'I SANGS RGYAS KYI GSUNG RAB DE, DE'I MTSAN NYID ZER NA, 'GREL PA DON GSAL CHOS CAN, ,MTSAN NYID DER THAL, MTSON BYA DE'I PHYIR TE, THEG CHEN GYI BSTAN BCOS RNAM DAG YIN PA'I PHYIR, LNGA PA NI, THEG CHEN SEMS BSKYED THOB PA'I DBANG DU BYAS NA, THEG CHEN GYI TSOGS LAM NAS SANGS RGYAS KYI SA'I BAR DU YOD DE, SHIR 'BYUNG GI BSDUS DON LAS, LAS DANG PO PA'I SA NAS BZUNG STE DE SANGS RGYAS KYI SA'I BAR DU GDAMS NGAG GI BYANG CHUB KYIS SEMS SGRUB PA RNAM PAR DAG PA YIN NO, ,ZHES GSUNGS PA'I PHYIR, RGYUN MTHA'I BAR CHAD MED LAM PA DE GDAMS NGAG DNGOS SU NYAN PA PO MA YIN TE, DES CHOS NYID LA RTZE GCIG TU MNYAM PAR BZHAG BZHIN PA'I NGANG NAS RNAM MKHYEN MNGON PAR 'DU BYED PA'I PHYIR TE, TSIG GSAL LAS, BAR CHAD MED BA'I LAM LA NI DE DON DU GNYER BA MI BYED DE, RANG BYUNG GI YE SHES SKYED PAR NUS PA'I PHYIR, ZHES GSUNGS PA'I PHYIR, KHA CIG , SRID PA THA MA'I BYANG SEMS KYIS GDAMS NGAG DNGOS SU MI NYAN TE, MDO LAS, NYER 'GRONG NI SANGS RGYAS TE, ,NGAL SLOB DPON SU YANG MED, ,CES GSUNGS PA'I PHYIR NA MA KHYAB STE, SRID PA THA MA'I TSE BYANG CHUB MNGON DU BYED PA'I TSE SLOB
, ,DPON GZHAN GYI GDAMS NGAG LA MI LTOS PA LUNG DE'I DON YIN PA'I PHYIR, DE LTAR MA YIN NA SANGS RGYAS KYI ZHING BRJOD DU MED PA'I YANG BRJOD DU MED PA'I RDUL PHRA RAB KYI GRANGS DANG MNYAM BA'I YON TAN SDE TSAN BCU GNYIS THOB PA'I SRID PA THA MA'I BYANG SEMS MED PAR THAL, DE DANG GRANGS MNYAM PA'I SANGS RGYAS LA THEG CHEN GYI GDAMS NGAG NYAN PA'I DE MED PA'I PHYIR, NGAG DON NI, MCHOG GI SPRUL SKUS RANG GI CHED DU BYA BA'I GDUL BYA BYANG SEMS TSOGS LAM PA LA THEG CHEN GYI GDAMS NGAG GSUNGS PA CHOS CAN, DGOS PA YOD DE, DES SNGAR MA THOB PA'I YON TAN GSANG DU THOB PA DANG, THOB ZIN GYI YON TAN RNAMS MI NYAMS SHING GONG NAS GONG DU 'PHEL BAR BYA BA'I CHED YIN PA'I PHYIR, KHO NA RE, NYAN THOS KYI NGAG TU GYUR PA'I THEG CHEN GYI MDO CHOS CAN, THEG CHEN GYI NGAG YIN PAR THAL, THEG CHEN GYI GDAMS NGAG YIN PA'I PHYIR, 'DOD MI NUS TE, THEG DMAN GYI NGAG YIN PA'I PHYIR TE, NYAN THOS KYI NGAG YIN PA'I PHYIR NA, THAL 'GYUR GNYIS PA LA MA KHYAB, KHO NA RE, NGAG MA SMRAS PAR GDAMS NGAG STON PA MED PAR THAL, GDAMS NGAG YIN NA, DAG YIN DGOS PA'I PHYIR, 'DOD NA, NGAG MA SMRAS PAR CHOS STON PA MED PAR THAL LO, ,ZER NA MA KHYAB, GZHAN YANG, GDAMS NGAG YIN NA, RANG RGYU SKYES BU'I BYED PA LCE RKAN LAS BYUNG BAS KHYAB PAR THAL, DE YIN NA NGAG YIN PAS KHYAB PA'I PHYIR NA MA KHYAB BO, ` ,'O NA;
SGRUB DANG, ZHES PA RTZA 'GREL GYIS SGRUB PA RANG GI NGO BO LA 'DOMS BA'I GDAMS NGAG 'CHAD NA 'CHAD TSUL DE GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO LA SGRUB PA'I NGO BO DANG KHYAD PAR GNYIS LAS, DANG PO NI, GONG DU SEMS BSKYED KYI SKABS SU BYANG CHEN SHER PHYIN LA SPYOD PAR BYA BA MANG DU GSUNGS PA LAS 'PHROS NAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BCOM LDAN 'DAS JI LTAR BYANG CHEN SHER PHYIN LA SPYOD PAR BGYI, DE SKAD CES GSOL BA DANG, BCOM LDAN 'DAS KYIS TSE DANG LDAN PA SH'A RI'I BU LA 'DI SKAD CES BKA' STZAL TO, ,SH'A RI'I BU 'DIS BYANG CHEN SHER PHYIN LA SPYOD PA'I TSE BYANG SEMS YOD BZHIN DU BYANG CHUB SEMS DPA' YANG DAG PAR RJES SU MI MTHONG NGO, ,ZHES PA NAS, SH'A RI'I BU DE LTAR SPYOD PA'I BYANG CHEN SHER PHYIN LA SPYOD PA YIN NO, ,ZHES PA'I BAR GYIS 'CHAD, GNYIS PA NI, SH'A RI'I BU GAL TE 'DZAM BU'I GLING 'DIR DGE SLONG SH'A RI'I BU DANG, MO'U 'GAL GYI BU DANG, ZHES PA NAS, SANGS RGYAS KYI CHOS MA 'DRES PA BCO BRGYAD RNAMS KYI SBYIN PA PO YIN NA, ZHES BA'I BAR GYIS BSTAN, GNYIS PA MDO DE'I DON BSHAD PA'I SGO NAS SGRUB PA RANG GI NGO BO LA 'DOMS PA'I GDAMS NGAG STON BA LA, SGRUB DANG, ZHES GSUNGS, DE NYID TSIG DON GYI SGO NAS 'CHAD PA LA, BYANG CHUB
, ,KYI SEMS KYI RAB TU DBYE BA, ZHES SOGS GSUNGS, DE LA YANG, SHES RAB LA GDAMS PA DANG, THABS LA GDAMS PA GNYIS LAS, DANG PO NI, MDO TSAN DANG PO'I DON BSHAD PA'I SGO NAS SHES RAB LA GDAMS PA DE STON PA LA, BYANG CHUB KYI SEMS KYI RAB TU DBYE BA KUN RDZOB DANG DON DAM PA'I BDEN PA LAS MI 'DRA' BAS MI DMIGS PA'I TSUL GYIS 'JUG PAR BYA'O, ,ZHES SLOB PA SGRUB PA LA 'DOMS PA DANG, ZHES GSUNGS, GNYIS PA NI, MDO TSAN GNYIS PA DE'I DON BSHAD PA'I SGO NAS THABS LA GDAMS PA DE STON PA LA, BYANG CHUB KYI SEMS KYI RAB TU DBYE BA JI SKAD BSHAD PA SGRUB PA LA NYAN THOS LA SOGS PA DANG THUN MONG MA YIN PA MI DMIGS PA'I TSUL GYIS 'JUG PAR BYA'O, ,ZHES SLOB PA SGRUB PA LA 'DOMS PA DANG, ZHES GSUNGS, DE YANG MDO DANG PO'I, BYANG CHUB SEMS DPA' YOD BZHIN DU, ZHES PAS, KUN RDZOB BDEN PA BSTAN LA, BYANG CHUB SEMS DPA' YANG DAG PAR RJES SU MI MTHONG NGO, ,ZHES PAS DON DAM BDEN PA BSTAN PA YIN TE, DANG POS, BYANG CHUB SEMS DPA' THA SNYAD DU YOD PA DANG, PHYI MAS, DON DAM PAR MED PAR BSTAN PA'I PHYIR, MDO TSAN GNYIS PA'I DON BSHAD PA LA; DNGOS BSTAN GYI DON BSHAD PA DANG, SHUGS BSTAN GYI DON BSHAD PA GNYIS LAS, DANG PO NI, NYAN RANG GI STONG NYID RTOGS PA'I SHES RAB LAS, BYANG CHUB SEMS DPA'I STONG NYID RTOGS PA'I SHES RAB KHYAD PAR DU 'PHAGS PA
YIN TE, NYAN THOS MI SLOB PA'I MING CAN SH'A RI'I BU DANG MO'U 'GAL GYI BU GNYIS MCHOG ZUNG GCIG LTA BU YIN LA, DE GNYIS DANG SPANGS RTOGS CHA 'DRA BA'I NYAN THOS MI SLOB PA RNAMS KYIS 'DZAM BU'I GLING 'DIS MTSON NAS PHYOGS BCU'I 'JIG RTEN GYI KHAMS YONGS SU GANG BAR GYUR KYANG, DE DAG GIS STONG NYID RTOGS PA'I SHES RAB BSKAL PA MANG POR BSGOMS PA'I BSOD NAMS LAS, BYANG CHEN NYIN GCIG STONG NYID RTOGS PA'I SHES RAB SGOM PA BSOD NAMS CHES KHYAD PAR DU 'PHAGS PA YIN PA'I PHYIR TE, BYANG CHUB SEMS DPA' RNAMS KYIS STONG NYID SGOM PA DE SEMS CAN THAMS CAD MIG NAS BA'I MYANG 'DAS LA 'GOD PA'I PHYIR DU YIN LA, NYAN RANG RNAMS KYI DE DE LTAR MA YIN BA'I PHYIR, GNYIS PA NI, NYI SNANG LAS, NGES PAR 'BYED PA'I CHA DANG MTHUN PA BZHI PO RNAMS MTHONG BA DANG SGOM PA'I LAM DAG LAS GO RIMS BZHIN DU, 'DAM BU'I TSAL LTAR LAS DANG NYON MONGS BA'I GNOD PA CHUNG NGU YANG MI BZOD PA DANG, 'OD MA'I TSAL ME MTSON DAG GIS GCOD DGA' BA BZHIN DU LAS DANG NYON MONGS PA DRAG PO'I GNOD PA DANG PHRAD KYANG DGE BA'I RTZA BA MI CHAD PA DANG, BUR MA SHING DANG 'DRA BAR GNAS SKABS GZHAN THOB KYANG NGAN SONG CHAD PA'I PHYIR BDE 'GRO'I SKYE BA RGYUN MA CHAD PA'I SBYOR BAS CHOS BSGOM PA'I MNGAR? BA LAS MI 'DA' BA NYID DANG, SMIG MA DANG 'DRA BAR MYUR DU MNGON PAR RTOGS PA'I PHYIR MTHONG BA'I LAM RTOGS PAR BYED PA NYID DANG, 'BRAS DANG 'DRA BAR 'PHAGS PA'I
, ,GANG ZAG RNAMS KYI RTOGS PA'I 'BRAS BU MCHOG NYID YIN BA DANG, JI LTAR MTHONG LAM LA MNGON DU PHYOGS PAR BYED BA'I PHYIR TIL DANG 'DRA BAR ME TOG LA SOGS BA'I DNGOS PO THA MI DAD DU ZIN KYANG DUS GZHAN DU SGOM BA LAS SPANGS PA'I KHYAD BAR MTHONG BA'I DBANG DU BYAS NAS DE DRUG PA RNAMS YIN BAR SHES PAR BYA'O, ,ZHES GSUNGS, DON NI SNGAR GYI MDO DES SHUGS LA 'THOB BYA'I RTOGS PA'I CHOS DRUG BSTAN LA, DES NA NYAN THOS KYI SBYOR LAM DROD DE 'DAM BU DANG 'DRA STE, 'DAM BU GNOD PA CHUNG NGU YANG MI BZOD BA BZHIN DU, 'DIS KYANG LAS NYON GYI GNOD PA CHUNG NGU YANG MI BZOD PA'I PHYIR, RTZE MO NI 'OD MA DANG MTSUNGS TE, 'OD MA DE ME MTSON GYIS GCAD DKA' BA BZHIN DU, 'DI THOB NAS LOG LTAS DGE RTZA GCOD MI NUS PA'I PHYIR, BZOD PA BU RAM SHING DANG 'DRA STE, BU RAM SHING DE MNGAR BA'I RANG BZHIN YIN PA LTAR 'DI THOB NAS BDE 'GRO'I SKYE BA RGYUN MI CHAD PA'I SGO NAS CHOS SGOM PA'I MNGAR BA LAS MI 'DA' BA'I PHYIR, CHOS MCHOG SMIG MA DANG 'DRA STE, SMIG MAS RANG GI SHUN PA MYUR DU GCOD PA BZHIN DU, 'DIS KYANG MTHONG LAM MYUR DU RTOGS PAR BYED PA'I PHYIR, MTHONG LAM 'BRAS DANG MTSUNGS TE, 'JIG RTEN 'CHAGS PA'I TSE 'BRAS DE LO THOG THAMS CAD KYI THOG MAR 'BYUNG BA LTAR, DE 'PHAGS BA'I RTOGS BA'I SA RNAMS KYI MCHOG STE DANG PO YIN BA'I PHYIR, SGOM LAM TIL
DANG 'DRA STE, TIL DE ME TOG DANG SDONG BU SOGS RIGS THA MI DAD KYANG NUS PA LA MI 'DRA BA'I KHYAD BAR YOD PA BZHIN DU, STONG NYID MNGON SUM DU RTOGS PA'I MTHONG LAM DANG SGOM LAM GNYIS LA NGO BO MI 'DRA BA'I DBYE BA MED KYANG; SPANG BYA SPONG BA'I NUS PA LA MI 'DRA BA'I KHYAD PAR YOD PA'I PHYIR, 'O NA; TSAL SMOS BA'I DON CI YIN ZHE NA, DBANG PO RNO 'BRING RTUL GSUM GYI DROD LA SOGS PA NANG TSAN THA DAD KYANG DROD LA SOGS PAR RIGS GCIG PAR SHES PAR BYA BA'I CHED YIN PA'I PHYIR TE, NYI SNANG LAS, TSAL SMOS PA'I DON CI YIN ZHE NA, GANG ZAG GI KHYAD PAR RNAMS KYI DBANG PO'I KHYAD PAR LA SOGS BA YIN YANG, DRO BAR 'GYUR BA LA SOGS PA RNAMS KYI RIGS THA MI DAD BAR SHES PAR BYA BA YIN TE, DON MANG PO RTOGS PA NI DPE GCIG GIS CHOG PAR 'GYUR RO, ,ZHES GSUNGS PA'I PHYIR, 'AM SMOS PA'I DGOS PA YOD DE, PHYI MA PHYI MA DRANG BAR BYA BA'I CHED YIN PA'I PHYIR, 'ON THA MAR 'AM SMOS PA MI 'THAD DE, DES PHYI MA DRANG RGYU MED BA'I PHYIR NA, RTAGS MA GRUB STE, ,'PHAGS BA'I GANG ZAG RNAMS KYI MTHONG CHOS LA BDE BAR GNAS BA'I DPE GZHAN DRANG BAR BYA BA'I CHED YIN BA'I PHYIR TE, NYI SNANG LAS, RE SHIG 'AM ZHES BYA BA'I SGRA SNGA MA SNGA MA SMOS PA NI DES PHYI MA PHYI MA DRANG BAR BYA BA'I DON DU YIN TE, 'ON TE, THA MAR 'AM SMOS PA NI CI'I DON DU YIN ZHE NA 'PHAGS PA'I GANG ZAG RNAMS KYI MTHONG CHOS LA BDE BAR GNAS
, ,PA SHES BAR BYED PA'I PHYIR, DPE GZHAN DRANG BAR BYA BA'I DON DU YIN NO, ,ZHES GSUNGS PA'I PHYIR, DE YANG DON LA THOB PA YIN GYI TSIG ZIN LA THA MAR SMOS PA MED, TIL GYI TSAL LTAR YONGS SU GANG BAR GYUR KYANG, ZHES GSUNGS BA'I PHYIR, DE LTAR YANG GSER PHRENG LAS, DE LTAR 'GYUR BA 'DI RNAMS LA THA MAR 'AM SMOS PA MI SNANG, ZHES GSUNGS, BYANG CHEN SHER PHYIN NYIN GCIG SGOM PA'I ZHES GSUNGS PA'I BYANG CHEN DE GANG ZHE NA, DE SEMS DANG PO BSKYED PA, SPYOD PA LA ZHUGS PA, PHYIR MI LDOG PA, SKYE BA GCIG GIS THOGS PA DANG BZHI LAS, BZHI PA LA BYED PA MI 'THAD DE, SA BCU PAR SANGS RGYAS DANG SPANGS RTOGS CHA 'DRA BAR BSHAD PAS NYAN RANG LAS KHYAD ZHUGS PAR RTOGS SLA BA'I PHYIR, DE LTAR YANG NYI SNANG LAS, RE ZHIG BZHI BA MA YIN TE, SA BCU PA LA NI DE BZHIN GSHEGS PA NYID YIN NO, ,ZHES GSUNGS BA'I PHYIR, PHYIR MI LDOG PAS BRGYAD PA BA LA BYED PA MI 'THAD DE, DER DGONGS PA CAN GYI MYANG 'DAS MNGON DU BYED PA BKAG PAS DE DE LAS KHYAD ZHUGS PAR RTOGS SLA BA'I PHYIR TE, NYI SNANG LAS, GSUM PA NI MA YIN TE, SA BRGYAD BA LA NI DE'I DGONGS PA CAN GYI MYA NGAN LAS 'DAS PA BKAG PA NYAN THOS THAMS CAD LAS SHES PA KHYAD ZHUGS PA'I PHYIR, ZHES GSUNGS, SPYOD PA LA ZHUGS PA MA DAGS BDUN LA GNAS PA LA BYED PA MI 'THAD DE, SA DANG POR NYAN RANG GI SPANGS RTOGS KYI BYED PA 'DUS PAR GSUNGS PAS DE DE LAS
KHYAD ZHUGS PAR RTOGS SLA BA'I PHYIR TE, NYI SNANG LAS, GNYIS PA YANG MA YIN TE, DE YANG DE RNAMS LAS RTOGS PA KHYAD PAR 'PHAGS BA'I PHYIR, ZHES GSUNGS, DE'I LAN STON PA LA, NYI SNANG LAS, DE BAS NA YONGS SU MI NYAMS BA'I CHOS CAN BRDA LAS BYUNG BA'I SEMS DANG PO BSKYED PA'I BYANG CHUB SEMS DPA'I SKABS DANG POR SEMS BSKYED PAR GSUNGS BA GANG YIN PA DE NYID 'DIR MNGON PAR BZHED BAR MNGON NO, ,ZHES GSUNGS, DON NI, MDO LAS DE LTAR GSUNGS PA'I BYANG SEMS DE, BYANG SEMS PHYI MA GSUM PO DE KHO NA LA BYED PA MI 'THAD DE, SEMS DANG PO BSKYED BA'I BYANG SEMS LA DON DAM PA'I BYANG SEMS DANG BRDA LAS BYUNG BA'I SEMS DANG PO BSKYED PA GNYIS YOD PA'I PHYI MA DE YANG 'DI'I SKABS KYI BYANG SEMS YIN PA'I PHYIR, DE PHYI MA 'DI KHO NA LA BYED BA MI 'THAD DE, SNGAR BSHAD PA'I BYANG SEMS BZHI BO DE YANG 'DI'I SKABS KYI BYANG SEMS YIN PA'I PHYIR TE, SGRUB DANG, ZHES SOGS KYI SGRUB PA DE DE BZHI GA'I RGYUD LA YOD BA'I PHYIR, DE LTAR YANG GSER PHRENG LAS, SGRUB PA 'DI BYANG SEMS DE BZHI GA'I LAM YIN BAS DE DAG KUN BTUS LAS BSTAN PA YIN PA MI 'GAL BAR DGONGS PAR SEMS SO, ,ZHES GSUNGS, RE ZHIG BZHI PA NI MA YIN TE; ZHES SOGS GSUNGS PA DANG MI 'GAL TE, DE PHYOGS SNGA STON PA'I GZHUNG YIN GYI RANG GZHUNG MA YIN BA'I PHYIR, 'O NA; SA BRGYAD PA LA NI DE'I DGONGS PA CAN GYI MYA NGAN LAS 'DAS PA BKAG PAS, ZHES GSUNGS PA'I DON GANG
, ,ZHE NA; DE'I DON NI, RNAM BSHAD LAS, THAMS CAD SHES PA NYID LA MTHONG BAS BLTAS NAS 'DA' BA DANG, ZHES DANG, GZHON NU'I SA LAS 'DA' BAR 'DOD BA'I SHES BA DANG MTHONG BAS 'DA' BA DANG GNAS NAS 'DA' BA GNYIS LA DANG PO BYANG CHUB SEMS DPAS NYAN RANG GIS MTHONG SGOM GYI SKABS SU SHES MTHONG GIS BLTAS NAS 'DA' BA DE YIN LA, GNYIS PA NI PHYIR MI LDOG PA'I SA BRGYAD PA PA STE, DE LAS 'DA' BA'I DON NI SA BRGYAD BAR BRTAG PA MTHA' BZUNG GI TSUL GYIS SANGS RGYAS RNAMS KYIS MA BSKUL NA DES DE MA THAG TU 'GRO BA'I DON RGYUN BCAD NAS ZAG PA MED PA'I DBYINGS SU SNYOMS PAR 'JUG PAR 'GYUR BAS SANGS RGYAS KYIS BSKUL TE SA BRGYAD PA LA RGYUN CHAGS SU SNYOMS BAR 'JUG PAR 'GYUR KYANG MNGON DU BYED PA LAS 'DA' BA'I DON NO, ,ZHES GSUNGS, DON NI, SA BRGYAD BA PA LA SANGS RGYAS KYIS RJES THOB TU BSOD NAMS KYI TSOGS RGYA CHEN PO GSOG PA LAM BSKUL NA DES DUS MA YIN PAR MNGON DU BYED PAR 'GYUR BA'I KHYAB PA 'DU BYED KYI SDUG BSNGAL NYE BAR? ZHI BA'I DBYINGS DE DGONGS BA CAN GYI MYANG 'DAS YIN, DES NA RNAM ,SHAD LAS DE LTAR GSUNGS PA'I ZAG MED KYI DBYINGS DE DE 'DRA'I NYER ZHI'I DBYINGS DE LA BYED RIGS TE, 'DI'I ZAG MED KYI DBYINGS DE RDZOGS SMIN SBYANGS GSUM MA BYAS PAR YANG DAG PA'I MTHA' MNGON DU MA BYED CIG CES PA'I SKABS KYI YANG DAG MTHA' DE LA BYED RIGS PA'I PHYIR TE,
DE'I THAD KYI RNAM BSHAD LAS, BYANG CHUB SEMS DPA' DMAN LAM SNGON DU MA SONG BA RNAMS KYIS CHOS GSUM MA RDZOGS BAR DU YANG DAG PA'I MTHA' MNGON DU BYED NUS SAM, MNGON DU BYAS NA TSUL JI LTA BU ZHE NA, MNGON DU BYED PAR 'DOD NA THEG PA CHEN PO'I MTHONG LAM THOB MA THAG BA'I RJES DE NAS NUS NAS BRGYAD PA LA LTA CI SMOS, 'ON KYANG SA BDUN BA MAN CHAD DU DOGS BA CHUNG LA, SA BRGYAD PAR DOGS BA CHE BAS SA BRGYAD PA THOB NAS RGYAL BA RNAMS KYIS 'GOG PA LAS SLONG BAR MDZAD, DE YANG BRTAG PA MTHA' BZUNG TZAM YIN GYI, ZHES SOGS DANG, BRTAG PA MTHA' BZUNG GI TSUL GYIS, ZHES SOGS GSUNGS PA GNYIS DON GCIG PA'I PHYIR TE, NYI SNANG LAS, 'DIR DAM PA'I CHOS PADMA DKAR PO TSAD MAR MDZAD PA NA JI LTAR 'PHAGS PA SH'A RI'I BU LA SOGS PA'I BYANG CHEN RNAMS LA NYAN THOS KYI YONGS SU MYA NGAN LAS 'DAS PA'I RNAM PAR DAG BA GSUNGS PA DE BZHIN DU 'DIR YANG DGONGS BA CAN GYI MYA NGAN LAS 'DAS PA YIN PAR SHES PAR BYA STE, DUS DE'I BAR DU 'GRO BA'I DON RGYUN BCAD PA'I PHYIR, ZHES GSUNGS PA'I DON GANG ZHE NA, SH'A RI'I BU LA SOGS PA'I BYANG SEMS RNAMS LA NYAN THOS KYI MYANG 'DAS BTAGS PA BA YIN PA BZHIN DU 'DI YANG DGONGS PA CAN GYI MYANG 'DAS DE MYANG 'DAS BTAGS PA BA YIN ZHES PA'I DON YIN NO, ,DES 'DIR TSAL DRUG GI DPES STON BA'I RGYU MTSAN YOD DE, TSAL DE RNAMS 'THUG PA'I DPE YIN PAS GANG BA'I DON YIN
, ,PA'I PHYIR, GNOD 'JOMS SU 'THUG PA DANG MTHOB LA CHE 'BRING CHUNG GSUM DU BYAS NAS, 'THUG MTHO CHE BA GNYIS 'DAM 'OD GNYIS DANG, DE 'BRING GNYIS BUR SMIG GNYIS DANG, 'THUG MTHO CHUNG BA GNYIS 'BRAS TIL GNYIS DANG SBYAR NAS SNGA MA SNGA MA 'THUG ,PHYI MA PHYI MA SRAB PAR BSHAD KYANG, MDO DANG BSGRIGS NA SNGA MA SNGA MA LAS PHYI MA PHYI MA 'THUG PA 'GRIG STE, NYAN THOS MANG POS GANG BA MTSON PA LA DES 'DAM GCAN 'DI RNAMS BYUNG PA'I PHYIR, ` DES NA SKABS 'DIR MTHA' DPYAD PA LA, BDEN GNYIS KYI DBYE GZHI, GRANGS NGES, DBYE BA SO SO'I RANG BZHIN, SGRA BSHAD PA, GCIG DANG THA DAD BRTAGS PA, SHES BA'I PHAN YON, MA SHES PA'I NYES PA DANG BDUN LAS, DANG PO NI, BDEN GNYIS KYI DBYE GZHI YANG YOD DE, SHES BYA DE DE YIN PA'I PHYIR, GNYIS PA NI, SHES BYA LA BDEN PA GNYIS SU GRANGS NGES TE, YAB SRAS MJAL BA'I MDO LAS, 'DI LTAR, DE BZHIN GSHEGS PAS KUN RDZOB DANG DON DAM PA'I BDEN PA GNYIS THUGS SU CHUD DE SHES PAR BYA BA YANG KUN RDZOB DANG DON DAM PA'I BDEN PA DE GNYIS SU ZAD DO, ,ZHES GSUNGS PA'I PHYIR, GSUM PA LA, DON DAM BDEN PA DANG, KUN RDZOB BDEN PA GNYIS LAS, DANG PO NI, RANG MNGON SUM DU RTOGS PA'I MNGON SUM GYI TSAD MAS GNYIS SNANG NUB PA'I TSUL GYIS RTOGS PAR BYA BA, DON DAM BDEN PA'I
MTSAN NYID, DE LA STONG GZHI'I SGO NAS DBYE NA, STONG NYID NYI SHU DANG, BCO BRGYAD DANG, BCU DRUG SOGS SU BSHAD KYANG BRJOD TSUL TZAM MA GTOGS, NGO BOS BYAS PA'I DBYE BA MED DE, DE RNAMS DGAG BYA BDEN GRUB BKAG TZAM GYI MED DGAG TU RIGS GCIG PA'I PHYIR, DON DAM TZAM LA SGRAS BRJOD RIGS KYI SGO NAS DBYE NA, YUL CAN DON DAM DANG, YUL DON DAM GNYIS LAS, DANG PO LA, SGRAS BRJOD RIGS KYI SGO NAS, RNAM GRANGS PA'I DANG, RNAM GRANGS PA MA YIN PA'I YUL CAN DON DAM GNYIS LAS, DANG PO NI, BDAG MED RTOGS PA'I RIGS SHES RJES DPAG LTA BU, GNYIS PA NI, DON DAM GZIGS PA'I 'PHAGS PA'I MNYAM GZHAG YE SHES LTA BU'O, ,GNYIS PA LA, RNAM GRANGS PA'I DRANG? RNAM GRANGS PA MA YIN PA'I YUL DON DAM GNYIS LAS, DANG PO NI, MYU GU DANG BDAG MED KYI TSOGS DON LTA BU, GNYIS PA NI, MYU GU BDEN PAS STONG BA'I STONG NYID LTA BU, DE LTAR YANG, STONG THUN LAS, BDEN MED LTA BU'I MED DGAG DON DAM DNGOS DANG, BDEN MED DANG MYU GU TSOGS PA'I MA YIN DGAG LTA BU NI MTHUN PA'I DON DAM DU 'JOG PAS YUL DANG YUL CAN GNYIS KA LA 'BYED TSUL SHES DGOS SO, ,ZHES GSUNGS, 'O NA; BDEN GNYIS LAS, SKYE BA LA SOGS BKAG PA YANG, ,YANG DAG PA DANG MTHUN PA'I PHYIR, ,DON DAM YIN PAR KHO BOS 'DOD, ,CES GSUNGS PA DANG, DBU MA RGYAN LAS, DAM PA'I DON DANG MTHUN PA'I PHYIR, ,'DIR NI DAM PA'I DON ZHES BYA, ,YANG DAG DU
, ,MA SPROS PA YI, ,TSOGS RNAMS KUN LAS DE GROL YIN, ,ZHES DANG, DBU MA SNANG BAR, DE LTAR NA SKYE BA MED PA 'DI YANG DON DAM PA DANG MTHUN PA'I PHYIR DON DAM PA ZHES BYA YI, DNGOS SU NI MA YIN TE, DNGOS SU NI YANG DAG PA SPROS PA THAMS CAD LAS 'DAS PA'I PHYIR, ZHES PA'I DON GANG ZHE NA, 'DI LA BSTAN BYA'I GTZO BO YUL CAN GYI DBANG DU BYAS TE BSHAD PA DANG, ZHAR? BYUNG YUL GYI DBANG DU BYAS TE BSHAD PA GNYIS LAS, DANG PO LA; YUL CAN DON DAM DNGOS DANG MTHUN PA'I YUL CAN DON DAM PA GNYIS LAS, DANG PO NI, GANG GI GZIGS DON GNYIS SNANG GI SPROS PA MA LUS PAR LOG PA'I SGO NAS DE KHO NA NYID MNGON SUM DU RTOGS PA'I RIG SHES KYI RTOGS MED NI YUL CAN DON DAM DNGOS YIN LA, DE KHO NA NYID DON SPYI'I TSUL GYIS RTOGS PA'I RIGS SHES RJES DPAG NI RANG GI BLO NGOR BDEN 'DZIN GYI SPROS PA GCOD NUS KYANG GNYIS SNANG GI SPROS PA GCOD MI NUS PAS MTHUN PA'I YUL CAN DON DAM YIN KYANG, YUL CAN DON DAM DNGOS MA YIN ZHES PA'I DON TO, ,GNYIS PA NI, MYU GU BDEN MED DE MYU GU BDEN MED DU RTOGS PA'I RIGS SHES RJES DPAG GI NGOR BDEN 'DZIN GYI SPROS PA GCOD PA'I DON DAM YIN KYANG, DE'I DOR GNYIS SNANG GI SPROS PA GCOD PA'I DON DAM DNGOS MA YIN ZHING 'PHAGS PA'I MNYAM GZHAG GI NGO BOR GNYIS SNANG GI SPROS PA DANG ZAL BA'I DON DAM PA DANG RJES SU MTHUN
PA'I DON DAM YIN, ZHES PA'I DON NO, ,KHA CIG ,MTHAR THUG DPYOD PA'I RIGS SHES KYI RNYED DON, DON DAM BDEN PA'I MTSAN NYID DU 'DOD PA MI 'THAD DE, GZHI GRUB NA DE'I RNYED DON YIN DGOS PA'I PHYIR, GZHI GRUB NA JI LTA PA RTOGS PA'I RNAM MKHYEN GYI RNYED DON YIN DGOS PA'I PHYIR, KHA CIG ,DE'I DNGOS KYI RNYED DON ZER NA MI 'THAD DE, BDEN MED RTOGS PA'I RIGS SHES RJES DPAG GI BDEN MED KYI DON SPYI DNGOS SU RTOGS PA'I PHYIR DANG, DES RANG GI GZHAL BYA DNGOS SU RTOGS PA'I PHYIR, KHA CIG ,MTHAR THUG DPYOD PA'I RIGS SHIS KYI RNYED DON GANG ZHIG ,DE KHYOD LA BLTOS TE MTHAR THUG DPYOD PA'I RIGS SHES SU SONG BA ZER BA MI 'THAD DE, BUM PA LA BLTOS TE MTHAR THUG DPYOD BA'I RIGS SHES SU SONG BA YOD PA'I PHYIR TE, DE LA BLTOS TE MTHAR THUG DPYOD PA'I RIGS SHES YOD PA'I PHYIR, DE LA BLTOS TE GNAS LUGS MTHAR THUG YOD PA'I PHYIR, KHA CIG ,RANG MNGON SUM DU RTOGS PA'I MNGON SUM TSAD MAS GNYIS SNANG NUB PA'I TSUL GYIS RTOGS PAR BYA BA GANG ZHIG ,SGRUB PA'I RNAM PAR RTOGS BYA MA YIN PA ZER NA, SDOR SNANG DBANG SHES DE MNGON SUM DU RTOGS PA'I MNGON SUM GYI TSAD MAS GNYIS SNANG NUB PA'I TSUL GYIS RTOGS PAR BYA BA YIN PAR THAL, MTSAN NYID KYI ZUR DU SGRUB PA'I RNAM PAR RTOGS BYA MA YIN PA SMOS PA LA DGOS PA YOD PA'I PHYIR, 'DOD NA, SDOR SNANG DBANG SHES MA YIN PA LAS LOG PA DE YANG DER THAL LO, ,'DOD NA,
, ,DE CHOS CAN, DON DAM BDEN PAR THAL, MTSAN NYID DE'I PHYIR, DANG PO SLA, GNYIS PA GRUB STE, DGAG PA YIN PA'I PHYIR, KHO NA RE, RNAM MKHYEN MA YIN PA LAS LOG PA CHOS CAN, DER THAL, DE'I PHYIR, 'DOD NA, CHOS CAN DE YIN PAR THAL, SGRUB PA'I RNAM PAR TSAD MAS RTOGS PAR BYA BA YIN PA'I PHYIR NA MA KHYAB, DER THAL, SGRUB PA'I RNAM PA YIN PA'I PHYIR, GSUM PA NI, RANG NGON SUM DU RTOGS PA'I MNGON SUM GYI TSAD MAS GNYIS SNANG DANG BCAS PA'I SGO NAS RTOGS PAR BYA BA, KUN RDZOB BDEN PA'I MCHAN NYID, DE LTAR YANG SPYOD 'JUG LAS, KUN RDZOB DANG NI DON DAM STE, ,'DI NI BDEN PA GNYIS SU 'DOD, ,DON DAM BLO YI SPYOR YUL MIN, ,BLO NI KUN RDZOB YIN PAR 'DOD, ,CES GSUNGS, DE LA SGRAS BRJOD RIGS KYI SGO NAS DBYE NA, YANG DAG KUN RDZOB DANG, LOG PA'I KUN RDZOB GNYIS SU YOD, YANG DAG KUN RDZOB DANG LOG PA'I KUN RDZOB GANG RUNG GANG ZHIG ,RANG SNANG YUL DU BYED PA'I BLO LA SNANG BA LTAR MA GRUB PAR 'JIG RTEN RANG GA PAS RTOGS MI NUS PA, YANG DAG KUN RDZOB KYI MTSAN NYID, DPER NA, GZUGS DANG NAM MKHA' LA SOGS PA LTA BU, DE GANG ZHIG ,DE LTA BAM? GRUB PAR 'JIG RTEN RANG GA PAS RTOGS NUS PA DANG RANG NYID THA SNYAD DU YOD PA LA TSAD MAS GNOD PA DBAB PA GANG RUNG, LOG PA'I KUN RDZOB KYI MTSAN NYID, DPER NA ME LONG NANG GI BYAD BZHIN GYI GZUGS BRTEN DANG, GANG ZAG MI BDAG LA SOGS PA
LTA BU, DE LTAR YANG, BDEN GNYIS LAS, SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG DAG YANG DAG MA YIN PA, ,KUN RDZOB GNYIS KYI DBYE BA BYAS, ,ZHES DANG, DE'I 'GREL PAR, SHES PA LA GSAL BAR SNANG BA'I RNAM PA SNANG BA CAN DU 'DRA YANG JI LTAR SNANG BA BZHIN DU DON BYED PA LA MI SLU BA DANG BSLU BA'I KHYAD PAR SHES PAR BYAS TE, CHU LA SOGS PA DANG, SMIG RGYU LA SOGS PA YANG DAG PA DANG YANG DAG PA MA YIN PA RTOGS SO, ,ZHES GSUNGS, KHO NA RE, SANGS RGYAS KYI YE SHES CHOS CAN, MTSAN NYID DER THAL, KUN RDZOB BDEN PA YIN PA'I PHYIR, 'DOD MI NUS TE, DES GNYIS SNANG NUB PA'I TSUL GYIS RTOGS PAR BYA BA YIN PA'I PHYIR, SANGS RGYAS KYI YE SHES KYIS DE LTAR RTOGS PAR BYA BA YIN PA'I PHYIR TE, DES KHYOD DNGOS SU RTOGS PA GANG ZHIG ,DES KHYOD GNYIS SNANG DANG BCAS PA'I SGO NAS MA RTOGS PA'I PHYIR NA MA KHYAB STE, TSAD MA CHOS CAN, DER THAL, DE'I PHYIR, DANG PO GRUB STE, GZHI GRUB PA'I PHYIR, GNYIS PA MA GRUB NA; TSAD DANG THA DAD DU THAL LO, ,RTZA BAR 'DOD NA, DE CHOS CAN, TSAD MA LA RANG RIG TU THAL LO, ,DE BZHIN DU SHES BCOS CAN, MTSAN NYID DER THAL, KUN RDZOB BDEN PA YIN PA'I PHYIR, 'DOD MI NUS TE, DES GNYIS SNANG NUB PA'I TSUL GYIS RTOGS PAR BYA BA YIN PA'I PHYIR TE, DE DE NYAMS SU MYONG PA'I RANG RIG GIS DE LTAR RTOGS PAR BYA BA YIN PA'I PHYIR NAM KHYAB, GANG ZAG GI BDAG MED CHOS CAN, MTSAN NYID DER THAL, KUN RDZOB BDEN PA YIN PA'I PHYIR, 'DOD MI NUS TE, NYAN THOS
, ,KYI MTHONG LAM BAR CHAD MED LAM GYIS DE LTAR RTOGS PAR BYA BA YIN PA'I PHYIR NA MI 'THAD DE, GANG ZAG MI RTAG PA LA GNYIS SNANG NUB PA'I BLO YOD PAR THAL, GANG ZAG RTAG PAS STONG PA LA DE'I PHYIR TE, GANG ZAG RTAG GCIG RANG DBANG CAN GYI STONG PA LA DE'I PHYIR, GANG ZAG GI BDAG MED LA DE YOD PA'I PHYIR, RTAGS KHAS, KHA CIG ,MNGON SUM LA SNANG BA LTAR DON BYED NUS PA'I KUN RDZOB TU DMIGS PA, YANG DAG KUN RDZOB DANG, DE LTAR MI NUS PA'I KUN RDZOB TU DMIGS PA, LOG PA'I KUN RDZOB KYI MTSAN NYID DU 'DOD PA MI 'THAD DE, DNGOS PO YIN NA DE LTAR DON BYED NUS PA YIN DGOS PAR THAL, BUM PA DE DE YIN PA'I PHYIR TE, DE YANG DAG KUN RDZOB YIN PA'I PHYIR, KHYAB PA KHAS, RTAGS GRUB STE, DE DANG, CHU DE DE YIN PA'I PHYIR, RTAGS SLA, 'DOD NA, SMIG RGYU CHOS CAN, DER THAL, DE'I PHYIR, RTAGS GRUB STE, RGYAN SNANG LAS, SMIG RGYU NI NYI MA'I 'OD ZER KHYAD PAR CAN NO, ,ZHES GSUNGS PA'I PHYIR, 'DOD NA, DE YANG DAG KUN RDZOB TU THAL LO, ,'DOD MI NUS TE, LOG PA'I KUN RDZOB YIN PA'I PHYIR, GZHAN YANG DE MI 'THAD DE, GANG ZAG GI BDAG MED DANG NAM MKHA' SOGS YANG DAG KUN RDZOB YIN PA'I PHYIR, KHA CIG ,KUN RDZOB BDEN PA GANG ZHIG ;RANG GI MTSAN NYID KYIS GRUB PA, YANG DAG KUN RDZOB DANG, DE GANG ZHIG ,DER MA GRUB PA, LOG PA'I KUN RDZOB KYI MTSAN NYID DU 'DOD PA MI 'THAD DE, BYAD BZHIN GYI GZUGS BRNYAN DANG, SMIG RGYU LA SOGS PA RANG GI MTSAN NYID KYIS
GRUB LA, GANG ZAG GI BDAG DANG, RI BONG GI RVA SOGS LOG PA'I KUN RDZOB YIN PA'I PHYIR, KHA CIG, DE GANG ZHIG ,STONG NYID MA RTOGS PA'I SNGA ROL DU RANG NYID SNANG BA LTAR RTOGS MI NUS PA, YANG DAG KUN RDZOB DANG, DE GANG ZHIG ,DE LTAR RTOGS NUS PA LOG PA'I KUN RDZOB KYI MTSAN NYID DU 'DOD PA MI 'THAD DE, GZUGS DE STONG NYID MA RTOGS PA'I SNGA ROL DU RANG NYID SNANG BA LTAR MA GRUB PAR RTOGS NUS PA YIN PA'I PHYIR TE, GZUGS SNANG BA LTAR MA GRUB PAR RTOGS PA'I GANG ZAG YIN NA, STONG NYID RTOGS PAS MA KHYAB PA'I PHYIR TE, STONG NYID MA RTOGS PA'I NGA RGYAL DGRA BCOM PAS DE SNANG BA LTAR MA GRUB PAR RTOGS PA'I PHYIR TE, DES TSUR MTHONG GI RGYUD KYI GZUGS 'DZIN DBAR SHES 'KHRUL SHES SU RTOGS PA'I PHYIR TE, DES GNYIS STONG MNGON SUM DU RTOGS PA'I PHYIR, KHO NA RE, DE SNANG BA LTAR MA GRUB PAR RTOGS PA'I GANG ZAG YIN NA, STONG NYID RTOGS PA'I GANG ZAG YIN DGOS PAR THAL, GZUGS SNANG PA LTAR MA GRUB PA GZUGS KYI GNAS LUGS YIN PA'I PHYIR TE, DE'I GNAS LUGS YOD PA'I PHYIR NA MA KHYAB, GZHAN YANG, DE RTOGS NAS STONG NYID MA RTOGS PA'I GANG ZAG CHOS CAN, GZUGS SNANG BA LTAR BDEN MED DU RTOGS PAR THAL, GZUGS SNANG PA LTAR MED PAR RTOGS PA'I PHYIR, 'DOD NA, DE BDEN PAR SNANG BA LTAR MA GRUB PAR RTOGS PAR THAL, 'DOD PA'I PHYIR NA MA KHYAB, KHA CIG ,KUN RDZOB BDEN PA YIN NA, SNANG BA LTAR MA GRUB PAS MA KHYAB STE, SHES PA DE SNANG BA LTAR GRUB PA'I PHYIR TE, DE RANG
, ,NYAMS SU MYONG BA'I RANG RIG LA SNANG BA LTAR GRUB PA'I PHYIR NA MA KHYAB, KHO NA RE, RNAM MKHYEN LA SNANG BA CHOS CAN, SNANG BA LTAR MA GRUB PAR THAL, KUN RDZOB BDEN PA YIN PA'I PHYIR, 'DOD NA, RNAM MKHYEN CHOS CAN, KHYOD LA SNANG BA SNANG BLTAR GRUB PAR THAL, KHYOD MA 'KHRUL PA'I SHES PA YIN PA'I PHYIR NA MA KHYAB, GZHAN YANG, MTSAN NYID DE MI 'THAD DE, BDEN GRUB DE LOG PA'I KUN RDZOB YIN PA GANG ZHIG ,STONG NYID MA RTOGS PA'I SNGA ROL TU DE SNANG BLTAR MA GRUB PAR RTOGS MI NUS PA'I PHYIR, DE DER MA GRUB PAR RTOGS NA STONG NYID RTOGS PAS KHYAB PA'I PHYIR, BZHI PA NI, BUM PA'I CHOS NYID CHOS CAN, KHYOD LA DON DAM BDEN BA ZHES BRJOD PA'I RGYU MTSAN YOD DE, BLO DON DAM PA MA 'KHRUL BA 'PHAGS PA'I MNYAM GZHAG YE SHES KYI GZIGS DOR BDEN PA'I RGYU MTSAN GYIS DE LTAR BRJOD PA'I PHYIR, BUM PA CHOS CAN, KHYOD LA KUN RDZOB BDEN PA ZHES BRJOD PA'I RGYU MTSAN YOD DE; BLO KUN RDZOB PA DBANG SHES KYI DOR BDEN GYI DON LA RDZUN PAS DE LTAR BRJOD PA'I PHYIR, DBANG SHES CHOS CAN, KHYOD LA BLO KUN RDZOB PA ZHES BRJOD PA'I RGYU MTSAN YOD DE, DE KHO NA NYID MTHONG BA LA SGRIB PAR BYED PA'I BLO YIN PAS DE LTAR BRJOD PA'I PHYIR, LDANG NI, SPYIR GCIG LA, RDZAS GCIG DANG, NGO BO GCIG DANG, BDAG NYID GCIG DANG, DON GCIG DANG, LDOG PA GCIG DANG, THA DAD LA, RDZAS THA DAD, NGO BO THA DAD, RANG BZHIN THA DAD, DON THA DAD, LDOG
PA THA DAD, GCIG BKAG PA'I THA DAD SOGS DU MA GSUNGS, 'DIR NGO BO GCIG LA LDOG PA THA DAD PA BYAS PA MI RTAG PA LTA BUR GNAS TE, BDEN PAR MED PA DANG, KUN RDZOB TU YOD PA GNYIS NGO BO GCIG LA LDOG PA THA DAD YIN PA'I PHYIR TE, KUN RDZOB TU YOD PA LAS KYANG BDEN STONG NGO BO GZHAN MA YIN, BDEN STONG LAS KYANG KUN RDZOB TU YOD BA NGO BO GZHAN MA YIN PA'I PHYIR TE, BDEN STONG DU YOD PA DE NYID KUN RDZOB TU YOD PA DANG NGO BO GCIG ,KUN RDZOB TU YOD PA DE NYID BDEN STONG DANG NGO BO GCIG YIN PA'I PHYIR, SHES RAB SNYING PO LAS, GZUGS STONG BA'O, ,STONG BA NYID GZUGS SO, ,GZUGS LAS STONG PA NYID GZHAN MA YIN, STONG PA NYID LAS KYANG GZUGS GZHAN MA YIN NO, ,ZHES DANG, BYANG CHUB SEMS 'GREL LAS, KUN RDZOB LAS NI THA DAD PAR, ,DE NYID DMIGS PA MA YIN TE, ,KUN RDZOB STONG PA NYID DU BSHAD, ,STONG NYID KHO NA KUN RDZOB STE, ,MED NA MI 'BYUNG NGES PA'I PHYIR, ,BYAS DANG MI RTAG BA BZHIN NO, ,ZHES DANG, DGONGS 'GREL LAS, 'DU BYED KHAMS DANG DON DAM MTSAN NYID RNAMS, ,GCIG DANG THA DAD BRAL BA'I MTSAN NYID DE, ,GCIG DANG THA DAD DU NI GANG RTOG PA, ,DE DAG TSUL MIN LTA LA ZHUGS PA YIN, ,ZHES DANG, DBUS MTHAR, THA DAD GCIG PA'I MTSAN NYID MIN, ,ZHES GSUNGS PA'I PHYIR, DES NA, RNAM BSHAD LAS, BDEN GNYIS GCIG YIN NA DGONGS 'GREL LAS GSUNGS PA'I NYES PA BZHIR 'GYUR LA, NGO BO THA DAD YIN NA YANG NYES PA BZHIR 'GYUR BAS NGO BO GCIG LA LDOG PA THA DAD
, ,BA'O; ;ZHES GSUNGS PA'I DON NI, DGONGS 'GREL LAS SEMS TZAM PA RANG LUGS KYI BDEN GNYIS GCIG YIN PA LA GNOD BYED BZHI, NGO BO THA DAD YIN PA LA GNOD BYED BZHI GSUNGS NAS BDEN GNYIS NGO BO GCIG LA LDOG PA THA DAD DU SGRUB CING, DE BZHIN DU DBU MA'I SKABS 'DIR DBUM PA RANG LUGS LA BDEN GNYIS NGO BO GCIG LA LDOG PA THA DAD DU SGRUB PA YIN TE, DPER NA, CHOS KYI DBYINGS LAS MA GTOGS PAR, ,'DI LTAR CHOS YOD MA YIN TE, ,ZHES PA'I CHOS DBYINGS DE DBUS MTHA' NAS GSUNGS PA'I CHOS DBYINGS LA MI BYED PA'I PHYIR TE, CHOS THAMS CAD BDEN PAS STONG BA'I STONG NYID LA BSHAD PA BZHIN NO, ,GNOD BYED NI, BUM PA DANG BUM PA BDEN STONG GCIG YIN NA, BUM PA BDEN STONG CHOS CAN, SO SO SKYE BO'I MNGON SUM GYI GZHAL BYA YIN PAR THAL, BUM PA DANG GCIG YIN PA'I PHYIR, DE CHOS CAN, KHYOD LA DMIGS PA'I CHAGS SOGS NYON MONGS SKYE MA YOD PAR THAL, KHYOD BUM PA DANG GCIG YIN PA'I PHYIR, DE CHOS CAN, RNAL 'BYOR PA RNAMS KYIS BUM PA MTHONG BA LAS LOGS SU KHYOD SGOM PA'I 'BAD RTZOL BYAS PA LA DGOS PA MED PAR THAL, KHYOD BUM PA DANG GCIG YIN PA'I PHYIR, DE CHOS CAN, KHYOD KYI, BDOG DANG DBYIBS LA SOGS PA'I DBYE PA YOD PAR THAL, KHYOD BUM PA DANG GCIG YIN PA'I PHYIR, DE GNYIS NGO BO THA DAD YIN NA, BUM PA CHOS CAN, KHYOD BDEN STOBS? 'JAL BA'I TSAD MAS BUM PA LA BDEN PAS 'DZIN PA'I SGRO
'DOGS MI GCOD PAR THAL, KHYOD BUM PA BDEN STONG DANG NGO BO THA DAD YIN PA'I PHYIR, BUM PA BDEN STONG CHOS CAN, KHYOD BUM PA'I CHOS NYID MA YIN PAR THAL, KHYOD BUM PA DANG NGO BO THA DAD YIN PA'I PHYIR, BUM PA CHOS CAN, KHYOD BUM PA BDEN GRUB KYI DGAG GZHI YIN PAR THAL, KHYOD BUM PA BDEN STONG DANG NGO BO THA DAD YIN PA'I PHYIR, SANGS RGYAS 'PHAGS PA'I RGYUD LA BUM PA BDEN STONG DU 'JAL BA'I TSAD MA DANG, BUM PA BDEN STONG BUM PA DAR NGO BO THA DAD DU 'JAL BA'I TSAD MA GNYIS YOD PAR THAL, BUM PA BDEN STONG BUM PA DANG NGO BO THA DAD YIN PA'I PHYIR, DRUG PA NI, BDEN GNYIS KYI GNAS TSUL SHES PAS PHAN YON KHYAD PAR CAN DANG LDAN TE, RGYAL BA'I BKA'I DON LA MI RMONGS SHING, TSOGS GNYIS RLABS CHEN BSAGS NAS RGYAL BA'I YON TAN RGYA MTSO'I PHA ROL MCHOG TU 'GRO BA YIN PA'I PHYIR TE, BDEN GNYIS LAS, BDEN GNYIS RNAM DBYE SHES PA DAG ,THUB PA'I BKA' LA MI RMONGS TE, ,DE DAG MA LUS TSOGS BSAGS NAS, 'JIG RTEN PHA ROL DAG TU 'GRO, ,ZHES DANG, 'JUG PAR, KUN RDZOB DE NYID GSHOG YANGS DKAR PO RGYAS GYUR PA, ,NGANG PA'I RGYAL PO DE NI SKYE BO NGANG PA YI, ,MDUN DU BDAR NAS DGE BA'I RLUNG GI SHUGS STOBS KYIS; ;RGYAL BA'I YON TAN RGYA MTSO'I PHA ROL MCHOG TU 'GRO, ,ZHES GSUNGS PA'I PHYIR DANG, BYANG CHUB SEMS 'GREL LAS, CHOS RNAMS STONG PA NYID SHES NAS, ,LAS DANG 'BRAS BU RTOGS PA GANG, ,RMAD BYUNG BAS KYANG 'DI RMAD BYUNG,
, ,NGO MTSAR BAS KYANG 'DI NGO MTSAR, ,ZHES GSUNGS PA'I PHYIR, BDUN PA NI, BDEN GNYIS KYI GNAS TSUL LA RMONGS PA NI NYES PA DU MA'I 'BYUNG GNAS YIN TE, K'ATYA YAN LA GDAMS PA LAS, K'ATY'A YAN GANG GI PHYIR, 'JIG RTEN 'DI NA PAL CHER YOD PA NYID DANG MED PA NYID LA MNGON PAR ZHE NA TE, DE'I DBANG GIS SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID NI, BDE BA DANG, 'KHRUGS PA LAS YONGS SU MI GROL LO, ,ZHES BDEN GRUB YOD PAR ZHEN PA DANG, KUN RDZOB TU MED PAR ZHEN PA SGRO SKUR GYI LTA NGAN YIN PAS DE'I DBANG GIS SDUG BSNGAL SNA TSOGS MYONG BAR GSUNGS PA'I PHYIR DANG, RTZA BA SHES RAB LAS, GANG DAG BDEN PA DE GNYIS KYI, ,RNAM DBYE RNAM PAR MI SHES PA, ,DE DAG SANGS RGYAS BSTAN PA NI, ,ZAB MO'I DE NYID RNAMS MI MTHONG, ,ZHES DANG, 'JUG PAR, DE GNYIS RNAM DBYE GANG GIS MI SHES PA, ,DE NI RNAM RTOG LOG PA'I LAM NGAN ZHUGS, ,ZHES DANG, LEGS LDAN 'BYED KYIS, YANG DAG KUN RDZOB RNAMS KYI SKAS, ,MED PAR YANG DAG KHANG PA YI, ,STENG DU 'DZEG PAR BYA BA NI, ,MKHAS LA RUNG BA MA YIN NO, ,ZHES GSUNGS PA'I PHYIR, KHA CIG ,CHOS THAMS CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MA YIN PA YANG MA YIN PA GNAS LUGS MTHAR THUG YIN TE, MDO LAS, CHOS THAMS
CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MA YIN PA YANG MA YIN, ZHES GSUNGS PA'I PHYIR DANG, DKON MCHOG BRTZEGS PAR, 'OD SRUNG YOD CES BYA BA NI MTHA' GCIG GO ,MED CES BYA BA NI MTHA' GNYIS SO, ,MTHA' DE GNYIS SPANGS PA NI DBU MA'I LAM MO, ,ZHES GSUNGS PA'I PHYIR, ZER BA MI 'THAD DE, LUNG DANG PO'I DON NI, CHOS THAMS CAD DON DAM PAR YOD PA MA YIN PA BDEN PAR MA GRUB, THA SNYAD DU MED PA MA YIN PA YANG DER MA GRUB, DON DAM PAR YOD PA DANG THA SNYAD DU MED PA GNYIS KA YIN PA YANG BDEN PAR MA GRUB, DE GNYIS KA MA YIN PA YANG BDEN PAR MA GRUB CES BA'I DON DANG, GNYIS PA'I DON NI BDEN PAR YOD PAR LTA BRTAG LTA DANG, THA SNYAD DU MED PAR LTA BA CHAD LTA YIN PAR BSTAN PA'I PHYIR, DE LTAR MA YIN NA, CHOS THAMS CAD CHOS CAN, YOD PA YIN PAR THAL, MED PA MA YIN PA'I PHYIR, KHYAB STE, RANG BZHIN GYIS MED PA MA YIN NA RANG BZHN GYIS YOD PA YIN DGOS PA'I PHYIR TE, RTZOD BZLOG LAS, RANG BZHIN MED PA NYID LOG NA, ,RANG BZHIN NYID DU RAB GRUB 'GYUR, ,ZHES GSUNGS PA'I PHYIR, GZHAN YANG, BDEN STONG LA BYA BYED LAS GSUM MI RUNG BAS KHYAB PAR THAL, CHOS THAMS CAD ,DE NA STONG MA YIN PA'I PHYIR, RTAGS KHAS, 'DOD NA, RTZA BA SHES RAB LAS, GAL TE 'DI DAG KUN STONG NA, ,'BYUNG BA MED CING 'JIG PA MED, ,'PHAGS PA'I BDEN BA BZHI PO RNAMS, ,KHYOD LA MED PAR THAL BAR 'GYUR, ,ZHES GSUNGS PA 'DI RANG GZHUNG DU THAL LO, ,'DOD NA, GAL
, ,TE 'DI KUN MI STONG NA, ,'BYUNG BA MED CING 'JIG PA MED, ,'PHAGS PA'I BDEN PA BZHI PO RNAMS, ,KHYOD LA MED PAR THAL BAR 'GYUR, ,ZHES GSUNGS PA 'DI PHYOGS SNGA MA'I GZHUNG DU THAL LO, ,GZHAN YANG, RTZA BA SHES RAB LAS, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,ZHES SOGS GSUNGS BA MI 'THAD PAR THAL, BDEN STONG LA BYA BYED MI RUNG BA'I PHYIR, GZHAN YANG, GZUGS MED BAR THAL, MDO LAS, GZUGS MED, SGRA MED CES SOGS GSUNGS PA'I PHYIR, KHYAB PA KHAS, 'DOD MI NUS TE, GZUGS SOGS PHUNG PO LNGA YOD PA'I PHYIR TE, PHUNG PO DANG KHAMS DANG SKYE MCHED THAMS CAD YOD DO, ,ZHES GSUNGS BA'I PHYIR, KHYAB PA KHAS, GZHAN YANG, CHOS THAMS CAD YOD PA YANG YIN, MED PA YANG YIN, GNYIS KA YANG YIN, GNYIS KA MA YIN PA YANG YIN PAR THAL, CHOS THAMS CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MA YIN PA YANG MA YIN PA'I PHYIR, RTAGS KHAS, GZHAN YANG, LUNG MA BSTAN GYI LTA BA BCU BZHI PO DE YANG DAG PA'I LTA BA YIN PAR THAL, CHOS THAMS CAD YOD PA YANG MA YIN, MED PA YANG MA YIN, GNYIS KA YANG MA YIN, GNYIS KA MA YIN PA YANG MA YIN PAR LTA BA'I LTA BA DE YANG DAG BA'I LTA BA YIN PA'I PHYIR, GZHAN YANG, LAS 'BRAS KYI RNAM GZHAG MI 'THAD PAR THAL, DE YOD PA MA YIN PA'I PHYIR, KHYAB STE, YOD PA DE YOD PA MA YIN PA DANG DNGOS 'GAL YIN PA'I PHYIR, GZHAN YANG, RGYANG 'PHEN GYI LTA BA DE
LTA BA RNAM DAG TU THAL, SKYE BA SNGA PHYI YOD PA MA YIN PAR LTA BA DE LTA BA RNAM DAG YIN PA'I PHYIR, KHA CIG ,RNAM KUN MCHOG LDAN GYI STONG NYID BDEN GRUB TU YOD CING, KUN GTAGS DANG GZHAN DBANG LA SOGS PA MED PAR 'DOD PA MI 'THAD DE, GZHAN DBANG YOD PA'I PHYIR TE, PHA ROL TU PHYIN PA DRUG YOD PA'I PHYIR, DE DRUG DANG LDAN PA'I STONG NYID BDEN GRUB TU YOD PAR THAL, DAM BCA' 'THAD PA GANG ZHIG ,RNAM KUN MCHOG LDAN GYI STONG NYID RTOGS PA'I YE SHES YIN NA, PHYIN DRUG NYAMS LEN GYI SPYOD PA KHYAD PAR CAN DANG LDAN BA'I SGO NAS STONG NYID MNGON SUM DU RTOGS PA'I YE SHES YIN DGOS PA'I PHYIR TE, MDO LAS, RNAM PA KUN GYI MCHOG DANG LDAN PA'I STONG PA NYID GANG ZHE NA, SBYIN PA MTSANG BA MED PA DANG, TSUL KHRIMS MTSANG BA MED PA DANG, BZOD PA MTSANG BA MED PA DANG, BRTZON 'GRUS MTSANG BA MED PA DANG, BSAM GTAN MTSANG BA MED PA DANG, SHES RAB MTSANG BA MED PA DANG, ZHES SOGS GSUNGS PA'I PHYIR, GZHAN YANG, YAN LAG LNGA DANG LUS SPYI GANG YANG MI SHES PA'I LHA BZO BAS 'KHOR LOS SGYUR BA'I RGYAL PO'I GZUGS PHUN SUM TSOGS BA 'BRI SHES PAR THAL, PHAR PHYIN DRUG NYAMS LEN GYI SPYOD PA MTSANG BA'I RNAM KUN MCHOG LDAN GYI STONG NYID MNGON SUM DU RTOGS PA'I YE SHES DE'I YUL DU GYUR PA'I DE LTA BU'I STONG NYID YOD PA'I PHYIR, KHYAB PA KHAS, 'DOD MI NUS TE, DE RNAMS NGES DON DU SBYAR NAS RIGS LAM DU MA'I SGO NAS BSHAD PA LA, RGYUD BLA MA LAS, JI LTAR RI MO 'BRI BYED PA, ,GZHAN DANG GZHAN LA MKHAS PA DAG ,CES
, ,PA NAS; SBYIN DANG TSUL KHRIMS BZOD LA SOGS, ,RNAM PA KUN GYI MCHOG LDAN PA'I, ,STONG BA NYID NI GZUGS SU BRJOD, ,CES PA'I BAR GSUNGS PA'I PHYIR, GZHUNG DON NI, BYANG CHEN YOD BZHIN DU BYANG CHEN YANG DAG PAR RJES SU MI MTHONG NGO, ,ZHES SOGS KYI MDO CHOS CAN, SGRUB PA RANG GI NGO BO LA 'DOMS PA YIN TE, YUL BDEN PA GNYIS LAS MI 'DA' BAR YUL CAN THABS SHES ZUNG 'BREL GYI SGO NAS NYAMS SU LONGS SHIG ,CES 'DOMS PA'I MDO TSIG YIN PA'I PHYIR, GAL TE 'DZAM BU'I GLING 'DIR, ZHES SOGS KYI MDO CHOS CAN, SGRUB PA'I THUN MONG MA YIN PA'I KHYAD PAR LA 'DOMS PA YIN TE, RANG NYID 'BA' ZHIG GI PHYIR DU THEG DMAN YID BYED KYI BSAM PA DANG MA 'DRES PAR SGRUB PA NYAMS SU LONGS SHIG ,CES 'DOMS PA'I MDO TSIG YIN PA'I PHYIR, 'O NA; BDEN PA RNAMS DANG NI, ,ZHES BAS SGRUB PA'I DMIGS PA LA 'DOMS BA DE 'CHANG NA DE'I TSUL GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL DANG, MTHA' DBYAD PA'O, ,DANG PO NI, GONG DU BYANG CHEN SHER PHYIN LA BRTZON BAR BYA BA MANG DU GSUNGS BA LAS 'PHROS NAS, DE SKAD CES BKA' STZAL PA DANG, TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, , BCOM LDAN 'DAS BYANG CHEN JI LTAR SHER PHYIN LA BRTZON PAR BGYI, SH'A RI'I BU 'DI LA BYANG CHEN GZUGS STONG PA NYID LA BRTZON NA BRTZON ZHES BYA'O, ,ZHES SOGS GSUNGS, ` GNYIS PA NI, MDO DE'I DON BSHAD PA LA, BDEN PA
RNAMS DANG NI, ,ZHES GSUNGS ZHING, DE NYID TSIG DON GYI SGO NAS BSHAD PA LA, SDUG BSNGAL LA GZUGS LA SOGS LA 'BRAS BUR GYUR PA'I STONG PA NYED DANG, ZHES SOGS GSUNGS, 'DI LA YANG, SO SOR BSHAD PA DANG, DON BSDU PA GNYIS LAS, DANG PO LA, 'BRAS BU SDUG BSNGAL BDEN PA, RGYU KUN 'BYUNG BDEN PA, 'BRAS BU 'GOG BA DEN DANG, RGYU LAM BDEN LA GDAMS PA DANG BZHI LAS, DANG PO NI, MDO LAS, GZUGS STONG PA NYID LA BRTZON NA BRTZON ZHES BYA'O,, ZHES PA NAS, RNAM PAR SHES PA LA BRTZON ZHES BYA BA'AM MI BRTZON ZHES BYA BAR YANG DAG PAR MI MTHOR NGO, ,ZHES PA'I BAR GYIS 'CHAD, DE YANG PHUNG PO LNGA, SKYE MCHED BCU GNYIS, KHAMS BCO BRGYAD, BDEN PA BZHI, RTEN 'BREL YAN LAG BCU GNYIS STONG NYID NYI SHU DANG SBYAR NAS GSUNGS ZHING, 'BUM DANG, KHRI BRGYAD STONG PAR, STONG NYID BDUN PO 'DI DAG LA BRTZON NA BRTZON ZHES BYA'O, ,ZHES PA'I DON NI, GNOD 'JOMS SU, PHUNG PO, KHAMS, BDEN PA, RTEN 'BREL, CHOS THAMS CAD, 'DUS BYAS, 'DUS MA BYAS RNAMS RANG BZHIN GYIS STONG PA NYID BDUN LA BSHAD DO, ,MDE DE'I DON 'GREL PAR 'CHAD PA LA, SDUG BSNGAL LA GZUGS LA SOGS PA 'BRAS BUR GYUR PA'I STONG PA NYID DANG, SHER PHYIN DAG DE BZHIN NYID KYI NGO BOR RANG BZHIN GCIG GO ,ZHES BYA BA DANG, ZHES GSUNGS, DON NI, GZUGS STONG PA NYID LA ZHES SOGS KYI MDO CHOS CAN, SDUG BSNGAL BDEN PA LA 'DOMS PA YIN TE, DE LA SHES BYAR BDEN ZHEN DGAG PA'I PHYIR DU 'DOMS PA'I
, ,MDO TSIG YIN PA'I PHYIR, GNYIS PA NI, MDO LAS, GZUGS SKYE BA'I CHOS CAN NAM 'GAG BA'I CHOS CAN DU YANG DAG BAR RJES SU MI MTHONG NGO, ,ZHES PA NAS, RNAM PAR SHES PA NYID STONG PA NYID STONG BA NYID NI RNAM PAR SHES PA'O, ,ZHES PA'I BAR GYIS 'CHAD, DE'I DON BSHAD PA LA, KUN 'BYUNG BA LA STONG PA NYID DANG GZUGS LA SOGS PA RGYUR GYUR PA DAG THA MI DAD PA NYID KYIS GZUGS LA SOGS PA NI KUN 'BYUNG BA DANG 'GOG PA DANG KUN NAS NYON MONGS PA DANG RNAM PAR BYANG BA'I CHOS CAN MA YIN NO, ,ZHES BYA BA DANG, ZHES GSUNGS, DON NI, GZUGS SKYE BA'I CHOS CAN NAM, ZHES SOGS KYI MDO CHOS CAN, KUN 'BYUNG BDEN PA LA GDAMS PA YIN TE, DE LA SPANG BYAR BDEN PAR ZHEN PA DGAG PA'I PHYIR DU 'DOMS PA'I MDO TSIG YIN PA'I PHYIR, GSUM PA NI, MDO LAS, DE CI'I PHYIR ZHE NA, SH'A RI'I BU STONG PA NYID NI MI SKYE MI 'GAG CING KUN NAS NYON MONGS PA MA YIN, RNAM PAR BYANG BA MA YIN, 'GRIB PA MA YIN, 'PHEL BA MA YIN, 'DAS PA MA YIN, MA 'ONGS PA MA YIN, DE LTAR BYUNG BA MA YIN NO, ,ZHES PA NAS, SH'A RI'I BU BYANG CHEN SHER PHYIN LA SPYOD PA'I TSE, DE LTAR BRTZON NA NI BRTZON, ZHES BRJOD PAR BYA'O, ,ZHES BA'I BAR GYIS BSTAN, DE'I DON BSHAD PA LA, 'GOG PA LA STONG PA NYID SKYE BA DANG, 'GAG PA DANG, KUN NAS NYON MONGS PA DANG, RNAM PAR BYANG BA DANG, NYAMS PA DANG, 'PHEL BA LA SOGS PA DANG BRAL BA LA NI, GZUGS MED PA NAS, MA RIG PA SKYE BA YANG MED, MA RIG PA 'GAG PA
YANG MED, SANGS RGYAS KYANG MED, BYANG CHUB KYI BAR DU YANG MED DO, ,ZHES BYA BA DANG, ZHES GSUNGS, DON NI, STONG NYID MI SKYE, ZHES SOGS KYI MDO CHOS CAN, 'GOG BDEN LA GDAMS PA YIN TE, DE LA THOB BYAR BDEN ZHEN DGAG PA'I PHYIR DU 'DOMS PA'I MDO TSIG YIN PA'I PHYIR, BZHI PA NI, MDO LAS, SH'A RI'I BU GZHAN YANG BYANG CHEN DE LTAR SHER PHYIN LA SPYOD PA'I TSE BDAG NYID LA SBYIN PA'I PHA ROL TU PHYIN PA DER BRTZON ZHES BYA BA'AM, MI BRTZON ZHES BYA BAR YANG DAG PAR RJES SU MI MTHONG NGO, , ZHES PA NAS, SH'A RI'I BU BYANG CHEN DE LTAR BRTZON PA NI SHER PHYIN LA BRTZON ZHES BRJOD PAR BYA'O, ,ZHES PA'I BAR GYIS BSTAN, DE'I DON BSHAD BA LA, LAM LA SBYIN PA LA SOGS PA'I PHA ROL TU PHYIN PA DANG BDAG NYID DAM NANG STONG PA NYID LA SOGS PA NI, PHYI STONG PA NYID LA SOGS PA DANG, SNGON GYI MTHA' DANG, PHYI MA'I MTHA' DAG PHAN TSUN LDAN PA DANG MI LDAN PA MA YIN PA NYID DU SGRUB BO, ,ZHES GSUNGS, 'DI LA YANG, BDAG NYID CHEN PO LO CHEN NI, LAM GYI NGO BO RNAM PAR MI RTOG PA'I TSUL NGES 'BYIN LA GDAMS PA DANG GSUM DU BSDUS PA LTAR, DANG PO NI, BYANG CHEN SHER PHYIN LA SPYOD BA'I TSE BDAG NYID LA, ZHES SOGS KYIS DE'I DON LA LA ZHES SOGS TSIGS RKANG GNYIS KYIS BYANG CHEN SHAR PHYIN LA SPYOD BA'I TSE STONG BA NYID LA STONG PA NYID KYIS SBYOR BAR MI BYED DE STONG PA NYID KYI RNAL 'BYOR LAM YIN NO, ,ZHES SOGS KYIS BSTAN, DE'I DON NI NANG STONG PA NYID LA SOGS PA NI, ZHES SOGS TSIG GSUM GYIS SHER PHYIN LA SPYOD PA'I TSE, SNGON GYI MTHA', PHYI MA'I MTHA' SBYOR BAR MI BYED, CES SOGS KYIS BSTAN, DE'I DON
, ,BSHAD PA LA, SNGON GYI MTHA' DANG, ZHES SOGS GSUNGS, DON NI, BDAG NYID LA, ZHES SOGS KYI MDO CHOS CAN, LAM BDEN LA GDAMS PA YIN TE, DE RGYUD LA BRTEN BYAR BDEN ZHEN DGAG PA'I PHYIR DU 'DOMS BA'I MDO TSIG YIN BA'I PHYIR, GNYIS PA NI, ZHES BSTAN PA BDEN PA LA 'DOMS PA DANG, ZHES BRJOD, GSUM PA LA, NGES TSIG ,GRANGS NGES, GO RIMS, SO SO'I RANG BZHIN, GCIG DANG THA DAD BRTAG PA, KHYAD CHOS BCU DRUG NGOS GZUNG BA'O?, , DANG PO NI, 'DI BZHI LA BDEN PA ZHES BRJOD PA'I RGYU MTSAN YOD DE, 'DI'I KHYAD CHOS RNAMS GSUNG RAB LAS BSTAN PA LTAR DON LA GNAS, 'DI NYID RTOGS ZIN GOMS PAR BYAS BAS SGRIB PA RNAM PAR DAG PAR 'GYUR BA'I PHYIR TE, BSDU BA LAS, BDEN PA'I DON GANG ZHE NA, SMRAS PA BSTAN PA DANG MI MTHUN PA MED PA'I MTSAN NYID KYI DON DANG, DE MTHONG NA RNAM PAR DAG PA'I RGYUR 'GYUR BA'I DON NI BDEN PA'I DON NO, ,ZHES GSUNGS PA'I PHYIR, 'DI LA 'PHAGS PA'I BDEN PA BZHI ZHES BRJOD PA'I RGYU MTSAN YOD DE, 'PHAGS PAS GZIGS PA'I KHYAD CHOS BCU DRUG DON LA GNAS PA'I PHYIR TE, NYAN SAR, 'PHAGS PA RNAMS KYIS DE DAG DE KHO NA LTAR YIN PAR BDEN PA'I SGOM PA YANG DAG PA JI LTA BA BZHIN DU MKHYEN CING GZIGS KYI, BYIS PA RNAMS KYIS MI MTHUN PA YANG DAG PA JI LTA BA BZHIN DU MI SHES MI MTHONG BAS NA DE'I PHYIR 'PHAGS BA'I BDEN PA RNAMS ZHES BYA'O, ,ZHES GSUNGS PA'I PHYIR, GNYIS PA NI, 'PHAGS PA'I BDEN PA LA BZHIR GRANGS NGES PA'I RGYU
MTSAN YOD DE, THAR PA TZAM DON DU GNYER BA'I GTAN LA DBAB BYA'I GTZO BO LA DE BZHIR GRANGS NGES PA'I PHYIR, DE'I GTAN LA DBAB BYA'I GTZO BO LA KUN NAS NYON MONGS PHYOGS KYI GTZO BO SDUG KUN GNYIS SU GRANGS NGES, RNAM BYANG PHYOGS KYI GTZO BO LA 'GOG LAM GNYIS SU GRANGS NGES PA'I PHYIR, 'KHOR BAR 'JUG LDOG GI RGYU 'BRAS LA BZHI PO DER GRANGS NGES PA YIN TE, 'KHOR BA LA YANG RGYU 'CHING BYED KUN 'BYUNG BDEN PA, 'BRAS BU BCINGS PA SDUG BSNGAL BDEN PA GNYIS SU GRANGS NGES, RNAM BYANG LA YANG 'KHOR BA LAS GROL BAR BYED PA'I THABS LAM BDEN DANG, GROL BA'I 'BRAS BU'I NGO BO 'GOG BDEN GNYIS SU GRANGS NGES PA'I PHYIR, GSUM PA NI, RGYU 'BRAS DON GYI RIM PA DANG BSTAN NAS KUN 'BYUNG DANG LAM BDEN DANG POR BSTAN NAS, SDUG BDEN DANG 'GOG BDEN PHYIS BSTAN PAR BYA BA YIN TE, SDUG BDEN RANG RGYU KUN 'BYUNG BDEN PA LAS BYUNG ZHING, 'GOG BDEN LAM BDEN GYI STOBS KYIS THOB PA YIN PA'I PHYIR, 'DIR YUL CAN MNGON PAR RTOGS PA'I RIM PA DANG MTHUN PAR GO RIMS 'DI LTAR STON PA'I RGYU MTSAN YOD DE, THOG MAR 'KHOR BA SPYI DANG BYE BRAG GI NYES DMIGS LEGS PAR BSAMS NAS SDUG BSNGAL LAS 'BRAL 'DOD KYI BLO SKYE DGOS, DE SKYES PA NA SDUG BSNGAL DANG BRAL BAR BYED NUS SAM MI NUS, SDUG BSNGAL LA YANG RGYU YOD DAM MED, RGYU DE YANG RTAG GAM MI RTAG SNYAM DU KUN 'BYUNG LA RTOG PAR BYED, DE LTAR RTOG PA NA RTEN 'BREL YAN LAG BCU GNYIS KYI NANG TSAN GYI LAS DANG NYON
, ,MONGS PA GNYIS SDUG BSNGAL GYI RGYUR KHONG DU CHUD NAS DE LA SPONG 'DOD KYI BLO SKYE BAS, SDUG BDEN DANG PO DANG KUN 'BYUNG GNYIS PAR BSTAN, DE LTAR KUN 'BYUNG SPONG NUS SU MTHONG BA NA 'GOG PA MNGON DU BYED NUS SU MTHONG BAR 'GYUR BAS, DE MNGON DU BYED PA LA YANG LAM RGYUD LA BRTEN CING GOMS PAR BYAS PA LA RAG LAS PAS, 'GOG BDEN DUS GSUM PA DANG LAM BDEN DUS BZHI PAR BSTAN PA YIN PA'I PHYIR, DPER NA, NAD PA 'GA' ZHIG DANG BOR NAD DE NYID SHES PAR 'DOD PA DANG, DE RJES NAD KYI RGYU SPONG BAR 'DOD PA DANG, DE RJES NAD DE LAS GROL BAR 'DOD PA DANG, DE RJES SMAN BSTEN PAR 'DOD PA BYUNG BA BZHIN NO, ,DE LTAR YANG RGYUD BLA MAR, NAD NI SHES BYA NAD KYI RGYU NI SPANG BYA LA, ,BDE GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA REG PAR BYA ZHING BSTEN PAR BYA, ,ZHES GSUNGS PA'I PHYIR, BZHI PA LA, MDOR BSTAN PA DANG, RGYAS PAR BSHAD PA GNYIS LAS, DANG PO NI, 'PHAGS PA'I BDEN PA DE LA BZHI YOD DE, KUN BTUS LAS, BDEN PA RNAM PAR NGES PA GANG ZHE NA, 'PHAGS PA'I BDEN PA BZHI PO DAG STE, SDUG BSNGAL BA DANG, KUN 'BYUNG BA DANG, 'GOG PA DANG; LAM MO, ,ZHES GSUNGS BA'I PHYIR, GNYIS PA LA, KHA CIG ,RANG RGYU KUN 'BYUNG BDEN PA'I RNAM SMIN GYI 'BRAS BUR GYUR PA'I ZAG BCAS, SDUG BDEN GYI MTSAN NYID, RANG 'BRAS SDUG BDEN GYI RNAM SMIN GYI RGYUR GYUR PA'I
ZAG BCAS, KUN 'BYUNG BDEN PA'I MTSAN NYID DU 'DOD PA MI 'THAD DE, MA DAG PA'I SNOD KYI 'JIG RTEN DE RNAM SMIN GYI 'BRAS BU MA YIN PA'I PHYIR TE, RNAM SMIN GYI 'BRAS BU YIN NA, GANG ZAG GI RGYUD KYIS BSDUS DGOS PA'I PHYIR TE, MDZOD RTZA BA LAS, SEMS CAN BRJOD, CES GSUNGS PA'I PHYIR DANG, MI DGE BA'I LAS DE YANG RNAM SMIN GYI 'BRAS BU MA YIN PA'I PHYIR TE, ZAG BCAS SU GYUR BA'I DE YIN NA LUNG MA BSTAN YIN DGOS PA'I PHYIR TE, MDZOD RTZA BA LAS, RNAM SMIN LUNG DU MA BSTAN CHOS, ,ZHES GSUNGS PA'I PHYIR DANG, BSAM GTAN GNYIS PAR SKYE BA 'PHEN BYED KYI LAS KYI KUN SLONG DU GYUR PA'I MA RIG PA DE RNAM SMIN GYI RGYU MA YIN TE, DE LUNG DU MA BSTAN PA GANG ZHIG ,ZAG BCAS SU GYUR PA'I RNAM SMIN GYI RGYU LA MI DGE BA DANG, DGE BA ZAG BCAS GNYIS SU GRANGS NGES PA'I PHYIR, DANG PO GRUB STE, KHAMS GONG GI SAS BSDUS KYI NYON MONGS YIN PA'I PHYIR, KHYAB STE, MDZOD RTZA BA LAS, GONG MA THAMS CAD LUNG MA BSTAN, ,ZHES GSUNGS PA'I PHYIR; GNYIS PA GRUB STE, MDZOD RTZA BA LAS, RNAM SMIN RGYU NI MI DGE DANG, ,DGE BA ZAG BCAS RNAMS KHO NA, ,ZHES GSUNGS PA'I PHYIR, KHA CIG ,MI RTAG SDUG BSNGAL STONG BDAG MED BZHI'I TSOGS DON, SDUG BDEN GYI MTSAN NYID ZER BA MI 'THAD DE, NYAN THOS DGRA BCOM PA'I RGYUD KYI MI SHES PA KUN SHES PA'I DBANG POR GYUR PA'I TSOR BA SDUG BSNGAL DE SDUG BDEN MA YIN ZHING, MTSAN NYID DE YIN PA'I PHYIR, RTAGS GRUB STE, DE YOD PA'I PHYIR, KHA CIG ,KUN NAS NYON MONGS
, ,PHYOGS KYI BDEN PA GANG ZHIG ,RNAM GROL DON GNYER GYI SKYES BUS NAD LTAR SHES PAR BYA BA, SDUG BSNGAL BDEN PA'I MTSAN NYID, DE GANG ZHIG ,DES NAD KYI RGYU LTAR SPANG BAR BYA BA, KUN 'BYUNG BDEN PA'I MTSAN NYID,, RNAM BYANG PHYOGS KYI BDEN PA GANG ZHIG ,DES SMAN LTAR BSTAN PAR BYA BA, LAM BDEN GYI MTSAN NYID, DE GANG ZHIG ,DES NAD DANG BRAL BA LTAR MNGON DU BYA BA, 'GOG BDEN GYI MTSAN NYID ZER BA MI 'THAD DE, KUN 'BYUNG BDEN PA YIN NA, SPANG BYA YIN PAS MA KHYAB PA'I PHYIR TE, KHAMS GONG MA'I SKYE BA 'PHEN BYED KYI ZAG BCAS DGE BA'I LAS DE SPANG BYA MA YIN PA'I PHYIR TE, DE DGE BA YIN PA'I PHYIR DANG, RNAM MKHYEN DE DE'I NAD DANG BRAL BA LTAR MNGON DU BYA BA YIN PA'I PHYIR TE, DE DE'I THOB BYA MTHAR THUG YIN PA'I PHYIR, KHA CIG ,SDUG BDEN DANG LAM BDEN MI 'GAL TE, GSER PHRENG DU, 'GOG BDEN DANG GZHAN GSUM GCIG PA BKAG PA'I THA DAD YIN LA, GZHAN GSUM GYI 'PHAGS PA'I MNYAM GZHAG LAM BDEN DANG SDUG BDEN RDZAS THA DAD LA RJES THOB KYI LAM BDEN NI SDUG BDEN DANG MI 'GAL LO, ,SDUG KUN GNYIS KYANG KUN 'BYUNG LA SDUG BDEN GYIS KHYAB LA, SDUG BDEN LA DES MA KHYAB STE, DPER NA, KUN GZHI'I RNAM SHES DANG, SNOD KYI 'JIG RTEN DANG, DBANG PO LNGA DANG, GZHAN YANG MA SGRIB LUNG MA BSTAN ZAG BCAS RNAMS LTA BU'O, ,ZHES ZER BA MI 'THAD DE, LAM BDEN DANG SDUG BSNGAL MI 'GAL BA LUNG DE'I DON YIN PA'I PHYIR, DE LTAR MA YIN NA, DE
GNYIS 'GAL BAR THAL, KUN NAS NYON MONGS PHYOGS KYI BDEN PA DANG RNAM BYANG PHYOGS KYI BDEN BA 'GAL BA'I PHYIR TE, SHES SGRIB KUN NAS NYON MONGS GZUNG RTOG DANG, RNAM BYANG GZUNG RTOG 'GAL BA'I PHYIR TE, RGYAN SNANG LAS, 'DI GNYIS PHAN TSUN RNAM PAR GCOD PA'I RANG BZHIN YIN PAS 'DI GNYIS THA DAD PA'O, ,ZHES GSUNGS PA'I PHYIR, KHO NA RE, NGES PA'I RGYUN ZHUGS SRID PA LAN BDUN PA PA'I RGYUD KYI YID KYI RNAM PAR SHES PA CHOS CAN, LAM BDEN MA YIN PAR THAL, SDUG BDEN YIN PA'I PHYIR, KHYAB PA KHAS, DER THAL, LAS NYON GYIS GZHAN DBANG DU GYUR PA'I GANG ZAG YIN PA'I PHYIR, DER THAL, NGES PA'I RGYUN ZHUGS SRID PA PHAN BDUN PA BDE DE YIN PA'I PHYIR, MA GRUB NA DE CHOS CAN, DER THAL, LAS NYON GYI DBANG GIS 'DOD PAR RIGS MTHUN GYI SKYE SRID LAN BDUN LEN PAR NGES PA'I GANG ZAG YIN PA'I PHYIR NA, MA KHYAB, KHA CIG, ZAG BCAS 'BRAS DUS KYI CHAR GYUR PA, SDUG BDEN GYI MTSAN NYID; ZAG BCAS RGYU DUS KYI CHAR GYUR PA, KUN 'BYUNG BDEN PA'I MTSAN NYID, ZER NA MI 'THAD DE, KUN 'BYUNG BDEN BDE SDUG BSNGAL BDEN PA YIN PA'I PHYIR, DES NA SDUG KUN GANG RUNG LA SPANG BYAS MA KHYAB STE, NYAN THOS SBYOR LAM PA DANG, KHAMS GONG GI SKYE BA 'PHEN BYED KYI ZAG BCAS DGE BA'I LAS RNAMS SDUG BDEN YIN PA'I PHYIR, KHA CIG ,LAS DANG NYON MONGS PA GANG RUNG LA BRTEN NAS BYUNG BA'I ZAG BCAS KYI PHUNG POR DMIGS PA, SDUG BDEN GYI
, ,MTSAN NYID, SDUG BSNGAL BDEN PA 'BRAS BU DANG PO GSUM GANG RUNG GI SGO NAS 'BYIN PAR BYED PA'I ZAG BCAS KYI SHES PAR DMIGS PA, KUN 'BYUNG BDEN PA'I MTSAN NYID DU 'JOG PA MI 'THAD DE, DMAN LAM SNGON DU MA SONG BA'I SA GSUM PA BA'I RGYUD KYI NYON MONGS DE DANG PO YIN ZHING, DE SDUG BSNGAL BDEN PA MA YIN PA'I PHYIR, DE MTSAN NYID DE YIN ZHING, DE KUN 'BYUNG BDEN PA YANG MA YIN PA'I PHYIR, DANG PO GRUB STE, DE'I RGYUD LA SDUG BDEN MED PA'I PHYIR TE, RGYUD BLA MA LAS, 'PHAGS PAS 'CHID BRGAL BA DANG, NA BA'I SDUG BSNGAL RTZED NAS SPANGS, ,LAS DANG NYON MONGS DBANG GIS SKYE, ,DE LA DE MED PHYI DE MED, ,CES GSUNGS PA'I PHYIR, SDUG BDEN YIN NA, 'KHOR BA YIN PAS MA KHYAB STE, LHAG BCAS MYANG 'DAS PA'I RGYUD KYI GZUGS PHUNG DE SDUG BDEN YIN PA'I PHYIR, KUN 'BYUNG BDEN PA LA SEMS BYUNG GIS MA KHYAB STE, DE DANG GTZO BO SEMS KYI GZHI MTHUN YOD PA'I PHYIR, LAS KYI KUN 'BYUNG BDEN PA DANG NYON MONGS PA'I KUN 'BYUNG BDEN BA GANG RUNG LA SEMS BYUNG GIS KHYAB PO, ` ,DES NA RANG LUGS LA, BDEN PA LA BZHI YOD PA'I, DANG PO NI, KUN NAS NYON MONGS PHYOGS KYI BDEN PA GANG ZHIG ,MI RTAG PA DANG, SDUG BSNGAL BA DANG, DON GZHAN GYI BDAG GIS STONG PA, RANG GI NGO BOR GYUR BA'I GANG ZAG GI BDAG MED PA BZHIS KHYAD PAR DU BYAS PA'I RAB TU PHYE BA, SDUG BDEN GYI MTSAN NYID, DBYE NA MA DAG PA'I SNOD BCUD KYI 'JIG RTEN GNYIS SU
YOD DE, KUN BTUS LAS, SDUG BSNGAL GYI BDEN PA GANG ZHE NA, SEMS CAN SKYE BA DANG SKYE BA'I GNAS KYIS KYANG SHES PAR BYA'O, ,ZHES GSUNGS PA'I PHYIR, YANG DE LA SDUG BSNGAL GYI SDUG BSNGAL, 'GYUR BA'I SDUG BSNGAL, KHYAB PA 'DU BYED KYI SDUG BSNGAL DANG GSUM LAS, DANG PO NI, MKHAL MA'I ZUG GZER LA SOGS PA'I TSOR BA LTA BU, GNYIS PA NI, ZAS ZHIM PO LA SRED NAS RO MYANGS PA'I TSOR BA LTA BU, GSUM PA NI, NYER LEN GYI PHUNG PO LNGA LTA BU, GNYIS PA NI, DE GANG ZHIG ,RGYU KUN 'BYUNG RAB SKYE RKYEN BZHIS KHYAD PAR DU BYAS PA'I RAB TU PHYE BA, KUN 'BYUNG BDEN PA'I MTSAN NYID, DBYE NA, LAS KYI KUN 'BYUNG BDEN PA DANG, NYON MONGS PA'I KUN 'BYUNG BDEN PA GNYIS YOD DE, KUN BTUS LAS, KUN 'BYUNG BA'I BDEN PA GANG ZHE NA, NYON MONGS PA DANG DE'I DBANG GIS BYUNG BA'I LAS SO, ,ZHES GSUNGS PA'I PHYIR, DANG PO LA DBYE NA, 'KHOR BAS BSDUS PA'I BSOD NAMS KYI LAS, BSOD NAMS MA YIN PA'I LAS, MI G-YO BA'I LAS DANG GSUM YOD, DANG PO LA, MIR SKYE BA 'PHEN BYED KYI LAS DANG, 'DOD LHAR SKYE BA 'PHEN BYED KYI LAS DANG GNYIS LAS, DANG PO LA GLING BZHI'I MIR SKYE BA 'PHEN BYED KYI LAS BZHI YOD ,GNYIS PA LA, 'DOD LHA RIGS DRUG TU SKYE BA 'PHEN BYED KYI LAS DRUG YOD, GNYIS PA LA, NGAN SONG GSUM DU SKYE BA 'PHEN BYED KYI LAS GSUM DU YOD, GSUM PA LA, GZUGS KHAMS DANG, GZUGS MED KHAMS SU SKYE BA 'PHEN BYED KYI LAS GNYIS LAS, DANG PO LA, BSAM GTAN DANG PO, GNYIS
, ,PA; GSUM PA, BZHI PAR SKYE BA 'PHEN BYED KYI LAS BZHI LAS, DANG PO LA, TSANGS RIS, TSANGS PA MDUN NA 'DON, TSANGS CHEN DU SKYE BA 'PHEN BYED KYI LAS GSUM DU YOD, GNYIS PA LA, 'OD CHUNG, TSAD MED 'OD, 'OD GSAL DU SKYE BA 'PHEN BYED KYI LAS GSUM DU YOD, GSUM PA LA, DGE CHUNG, TSAD MED DGE ,DGE RGYAS SU SKYE BA 'PHEN BYED KYI LAS GSUM DU YOD, BZHI PA LA, SPRIN MED, BSOD NAMS SKYE, 'BRAS BU CHE BA, MI CHE BA, MI GDUNG BA, GYA NOM SNANG BA, SHIN TU MTHONG BA, 'OG MIN DU SKYE BA 'PHEN BYED KYI LAS BRGYAD DU YOD, GNYIS PA LA NAM MKHA' MTHA' YAS SKYE MCHED, RNAM SHES MTHA' YAS, CI YANG MED, SRID RTZER SKYE BA 'PHEN BYED KYI LAS BZHI YOD, GNYIS PA LA RTZA NYON DRUG DANG, NYE NYON NYI SHU YOD, DANG PO NI, 'DOD CHAGS, KHONG KHRO, NGA RGYAL, NYON MONGS CAN GYI MA RIG PA, NYON MONGS CAN GYI LTA BA, NYON MONGS CAN GYI THE TSOM RNAMS SU YOD PA'I PHYIR, GNYIS BA GRUB STE, KHRO BA; KHON DU 'DZIN PA, 'CHAB BA, 'TSIG PA, PHRAG DOG ,SER SNA, G-YO; SGYU; RGYAGS PA, BRNAB SEMS, KHREL MED PA, NGO TSA MED PA, RMUGS PA, RGOD PA, MA DAD PA, LE LO; BAG MED, BRJED NGAS, SHES BZHIN MA YIN PA, RNAM BAR G-YENG BA RNAMS SU YOD PA'I PHYIR, GSUM PA LA, RNAM BYAD PHYOGS KYI BDEN PA GANG ZHIG ,'GOG BA ZHI BA GYA NOM NGES 'BYUNG BZHIS? KHYAD PAR DU BYAS PA'I RAB TU PHYE BA, 'GOG BDEN GYI MTSAN NYID, DBYE NA, DNGOS BTAGS SO
SOR MA PHYE BA'I DBANG DU BYAS NAS, ZAB PA'I 'GOG PA, BRDA'I 'GOG PA, DON DAM PA'I 'GOG PA, YONGS SU MA RDZOGS PA'I 'GOG PA, YONGS SU RDZOGS PA'I 'GOG PA, RGYAN MED PA'I 'GOG PA, RGYAN DANG BCAS PA'I 'GOG PA, LHAG BCAS KYI 'GOG PA, LHAG MED KYI 'GOG PA, KHYAD PAR DU 'PHAGS PA'I 'GOG PA DANG BCU YOD DE, KUN BTUS LAS, 'GOG PA'I BDEN PA GANG ZHE NA, ZAB PA DANG, BRDA DANG, DON DAM PA DANG, YONGS SU MA RDZOGS PA DANG, YONGS SU RDZOGS PA DANG, RGYAN MED PA DANG, RGYAN DANG BCAS PA DANG, LHAG MA DANG BCAS PA DANG, LHAG MA MED PA DANG, KHYAD PAR DU 'PHAGS PA DANG, ZHES GSUNGS PA'I PHYIR, DANG PO NI, THEG CHEN 'PHAGS PA'I RGYUD KYI 'GOG PA DEN LTA BU, GNYIS PA NI, 'JIG RTEN PA'I LAM GYI 'DOD NYON MNGON GYUR PA RE SHIG SPANGS PA'I SPANGS PA LTA BA, GSUM PA NI, 'PHAGS PA'I RGYUD KYI 'GOG BDEN LTA BU, ,BZHI PA NI, THEG DMAN SLOB PA'I RGYUD KYI 'GOG BDEN LTA BU, LNGA PA NI, THEG DMAN DGRA BCOM PA'I RGYUD KYI 'GOG BDEN LTA BU, DRUG PA NI, SHES RAB RKYANG BA'I CHA LAS RNAM GROL GYI LHAG BCAS MYANG 'DAS LTA BU, BDUN PA NI, GNYIS KA'I CHA LAS RNAM GROL GYI LHAG MED MYANG 'DAS LTA BU, BRGYAD PA NI, SHES RAB RKYANG BA'I TSE LAS RNAM GROL GYI LHAG BCAS MYANG 'DAS LA GNAS PA'I NYAN THOS DGRA BCOM PA'I 'GOG BDEN LTA BU, DGU PA NI, GNYIS KA'I CHA LAS RNAM GROL GYI LHAG MED MYANG 'DAS LA GNAS PA'I NYAN THOS DGRA BCOM PA'I 'GOG
, ,BDEN LTA BU, BCU PA NI, MIG NAS PA'I MYANG 'DAS LTA BU, DE YANG BSDUN, BRDA DANG, DON DAM PA'I 'GOG PA GNYIS SU 'DUS TE, GNYIS PA NI, BTAGS PA BA DANG, GZHAN RNAMS MTSAN NYID PA YIN NO, ,BZHI PA LA, DE GANG ZHIG ,LAM RIG PA SGRUB PA NGES 'BYIN BZHIS KHYAD PAR DU BYAS PA'I RAB TU PHYE BA, LAM BDEN GYI MTSAN NYID, DBYE NA, 'KHOR DANG BCAS PA'I DBANG DU BYAS NA, TSOGS LAM SOGS LNGA LAS, DANG PO GNYIS BTAGS PA BA DANG, PHYI MA GSUM MTSAN NYID PA YIN TE, KUN BTUS LAS, LAM GYI BDEN PA GANG ZHE NA, LAM GANG GIS SDUG BSNGAL YONGS SU SHES PA DANG, KUN 'BYUNG SPANGS PA DANG, 'GOG PA MNGON DU BYED PA DANG, LAM BSGOM PA STE 'DI NI LAM GYI MTSAN NYID MDOR BSDUS PA'O, ,YANG LAM RNAM PA LNGA STE, TSOGS KYI LAM DANG, SBYOR BA'I LAM DANG, MTHONG BA'I LAM DANG, SGOM PA'I LAM DANG, MTHAR PHYIN PA'I LAM MO, ,ZHES GSUNGS PA'I PHYIR, LNGA PA NI, 'GOG BDEN DE BDEN PA GZHAN GSUM DANG GCIG BKAG PA'I THA DAD YIN LA, SDUG KUN GNYIS LDOG PA THA DAD YIN GYI 'GAL BA MA YIN TE, KUN 'BYUNG BDEN PA LA SDUG BDEN GYIS KHYAB PA'I PHYIR, LAM BDEN DANG DE 'GAL TE, LAM BDEN YIN NA KUN NAS NYON MONGS PHYOGS KYI BDEN PA MA YIN DGOS BA'I PHYIR, LAM BDEN DANG SDUG BSNGAL MI 'GAL TE, NYAN THOS DGRA BCOM PA'I RGYUD KYI MI SHES PA KUN SHES PA'I DBANG POR GYUR BA'I TSOR BA SDUG BSNGAL DE GNYIS KA YIN PA'I PHYIR, DRUG PA LA LOG ZHUGS BCU DRUG NGOS
GZUNG BA DANG, DE DANG 'GAL BA'I RNAM PA BCU DRUG NGOS GZUNG BA'O, ,DANG PO LA, SDUG BDEN LA LOG ZHUGS BZHI YOD DE, NYER LEN GYI PHUNG PO GTZANG BDE RTAG BDAG TU 'DZIN PA RNAMS SU YOD PA'I PHYIR, KUN 'BYUNG BDEN PA LA LOG ZHUGS BZHI YOD DE, SDUG BSNGAL RGYU MED DU 'DZIN PA, RGYU GCIG KHO NAS BYAS PAR 'DZIN PA, DBANG PHYUG LA SOGS PA GZHAN GYI BLO'I G-YO BA SNGON DU BTANG NAS BYAS PAR 'DZIN PA DANG, RANG BZHIN RTAG LA GNAS SKABS GZHAN DU 'GYUR BAR 'DZIN PA RNAMS SU YOD PA'I PHYIR, 'GOG BDEN LA LOG ZHUGS BZHI YOD DE, THAR PA YE MED DU 'DZIN PA, ZAG BCAS KYI KHYAD PAR 'GA' ZHIG TZAM THAR BAR 'DZIN PA, SDUG BSNGAL GYI KHYAD PAR 'GA' ZHIG TZAM GYA NOM PA'I THAR PAR 'DZIN PA, SDUG BSNGAL ZAD PA YOD KYANG SLAR LDOG PAR 'DZIN PA RNAMS SU YOD PA'I PHYIR, LAM BDEN LA LOG ZHUGS BZHI YOD DE, THAR LAM YE MED DU 'DZIN PA, BDAG MED RTOGS PA'I YE SHES THAR LAM DU MI RIGS PAR 'DZIN PA, BSAM GTAN GYI KHYAD PAR 'GA' ZHIG THAR LAM DU 'DZIN PA, SDUG BSNGAL GTAN ZAD DU BYED PA'I THAR LAM MED PAR 'DZIN PA RNAMS SU YOD PA'I PHYIR TE, RNAM 'GREL LAS, BDEN PA BZHI LA BRTEN PA DANG, ,BDE DANG NGA DANG RA'I ZHES SOGS; ;YANG DAG MA YIN RNAM BCU DRUG ,SGRO BTAGS NAS NI YONGS SU SRED, ,CES GSUNGS PA'I PHYIR, GNYIS PA NI, NYER LEN GYI PHUNG PO CHOS CAN, MI RTAG STE, RE 'GA' SKYE BA'I PHYIR, SDUG BSNGAL BA YIN TE, LAS NYON GYIS GZHAN DBANG
, ,CAN YIN PA'I PHYIR, DON GZHAN GYI BDAG GIS STONG PA'I RNAM PA ZHES BYA STE, DBANG SGYUR BA PO'I BDAG DON GZHAN MED PA'I PHYIR, BDAG MED PA'I RNAM PA ZHES BYA STE, RANG DBANG BA'I BDAG GI NGO BOR MA GRUB BA'I PHYIR; YAN LAG BCU GNYIS KYI NANG TSAN DU GYUR PA'I LAS DANG SRED PA CHOS CAN, RGYU'I RNAM PA ZHES BYA STE, RANG 'BRAS SDUG BSNGAL GYI RTZA BA YIN PA'I PHYIR, KUN 'BYUNG BA'I RNAM PA ZHES BYA STE, RANG 'BRAS SDUG BSNGAL YANG DANG YANG DU SKYED BYED YIN PA'I PHYIR, RAB SKYE'I RNAM PA ZHES BYA STE, RANG 'BRAS SDUG BSNGAL SHUGS DRAG SKYED BYED YIN PA'I PHYIR, SRID PA'I SRED PA CHOS CAN, RKYEN GYI RNAM PA ZHES BYA STE, RANG 'BRAS SDUG BSNGAL GYI LHAN CIG BYED RKYEN YIN PA'I PHYIR; GNYEN PO'I STOBS KYIS SDUG BSNGAL GTAN ZAD PA'I BRAL BA CHOS CAN, 'GOG PA'I RNAM PA ZHES BYA STE, SDUG BSNGAL SPANGS PA'I BRAL BA YIN PA'I PHYIR, ZHI BA'I RNAM PA ZHES BYA STE, NYON MONGS SPANGS PA'I BRAL BA YIN PA'I PHYIR, GYA NOM PA'I RNAM PA ZHES BYA STE, PHAN BDE'I NGO BOR GYUR PA'I THAR PA YIN PA'I PHYIR, NGES PAR 'BYUNG BA'I RNAM PA ZHES BYA STE, SLAR MI LDOG PA'I THAR PA YIN PA'I PHYIR, GANG ZAG GI BDAG MED MNGON SUM DU RTOGS PA'I YE SHES CHOS CAN; LAM GYI RNAM PA ZHES BYA STE, THAR PAR BGROD PAR BYED PA'I LAM GYI RIGS SU GNAS PA'I PHYIR, RIG PA'I RNAM PA ZHES BYA STE, NYON MONGS PA'I DNGOS GNYEN DU DGOS PA'I PHYIR, SGRUB PA'I RNAM PA ZHES BYA STE, SEMS KYI GNAS LUGS PHYIN CI
MA LOG PAR SGRUB PA'I PHYIR, NGES PAR 'BYIN PA'I RNAM PA ZHES BYA STE, SDUG BSNGAL GTAN ZAD DU BYED PA'I LAM YIN PA'I PHYIR, ` 'O NA; SANGS RGYAS LA SOGS DKON MCHOG GSUM, ,ZHES PAS SGRUB PA'I RTEN PAR? 'DOMS PA'I GDAMS DAG 'CHAD TSUL DE GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, SH'A RI DVA TI'I BU GZHAN YANG SHER PHYIN LA SPYOD PA'I TSE GZUGS LA RNAM PA THAMS CAD MKHYEN PA NYID SBYOR BAR MI BYED DE, 'DI LTAR GZUGS NYID YANG DAG PAR RJES SU MI MTHONG NGO, ,ZHES SOGS GSUNGS, GNYIS PA NI, MDO'I DON BSHAD PA LA, SANGS RGYAS LA SOGS DKON MCHOG GSUM, ,ZHES GSUNGS, ,DE NYID TSIG DON GYI SGO NAS 'CHAD PA LA, SANGS RGYAS LA SANGS RGYAS DANG, ZHES SOGS GSUNGS, 'DI LA YANG SO SOR BSHAD PA DANG, DON BSDU BA GNYIS, DANG PO LA, SANGS RGYAS DKON MCHOG ,CHOS DKON MCHOG ,DGE 'DUN DKON MCHOG LA GDAMS PA DANG GSUM LAS, DANG PO NI, BYANG CHEN SHER PHYIN LA SPYOD PA'I TSE GZUGS LA, ZHES PA NAS, BYANG CHUB SEMS DPA'I RNAM PA THAMS CAD MKHYEN PA NYID NI BYANG CHUB BO, ,SH'A RI DVA TI'I BU BYANG CHEN DE LTAR BRTZON ZHES BRJOD PAR BYA'O, ,ZHES BA'I BAR GYIS BSTAN, DE'I DON BSHAD PA LA, SANGS RGYAS LA SANGS RGYAS DANG BYANG CHUB DAG MTSAN NYID GCIG PA NYID KYIS SANGS RGYAS SU BYED PA'I CHOS KYI MTSAN NYID RNAM PA THAMS CAD MKHYEN PA NYID MI DMIGS PA LA GZUGS LA SOGS PA MI SBYOR BAS,
, ,DMIGS PAR BYA BA DANG DMIGS PAR BYED PA MNYAM PA NYID DU SHES PA ZHES BYA BA DANG, ZHES GSUNGS, DON NI, GZUGS LA RNAM PA THAMS CAD MKHYEN PA NYID ME SBYOR ZHES SOGS KYI MDO CHOS CAN, SANGS RGYAS DKON MCHOG LA GDAMS PA YIN TE, DE LA SKYABS GNAS YANG DAG TU BDEN ZHEN DGAG PA'I PHYIR DU 'DOMS PA'I MDO TSIG YIN PA'I PHYIR, GNYIS PA NI, SH'A RI DVA TI'I BU GZHAN YANG BYANG CHEN SHER PHYIN LA SPYOD PA'I TSE, GZUGS DNGOS PO YOD CES BYA BAR YANG DAG PAR RJES SU MI MTHONG NGO, ,GZUGS DNGOS PO MED CES BYA BAR YANG DAG PAR RJES SU MI MTHONG NGO, ,ZHES PA NAS, SHES RAB 'CHAL BA'I SEMS MI SKYED DO, ,ZHES PA'I BAR GYIS BSTAN, DE'I DON 'CHAD PA LA, CHOS LA THAMS CAD MKHYEN PA NYID GSUM GYIS BSDUS PA'I GZHI DANG GNYEN PO DANG RNAM PA MTHA' DAG BSDUS PA DAG GIS BSDUS PA'I CHOS THAMS CAD NGO BO NYID MED DO ZHES BYA BA DANG, ZHES GSUNGS, DON NI, GZUGS DNGOS PO YOD CES BYA BAR MI SBYOR RO, ,ZHES SOGS KYI MDO CHOS CAN, CHOS DKON MCHOG LA GDAMS PA YIN TE, DE LA MNGON DU BYA BAR BDEN ZHE NA DGAG PA'I PHYIR DU 'DOMS PA'I MDO TSIG YIN PA'I PHYIR, GSUM PA LA; GONG DU SHER PHYIN LA SPYOD PA'I BYANG CHEN MANG DU GSUNGS PA LAS 'PHROS NAS, DE SKAD CES BKA' STZAL BA DANG, TSE DANG LDAN PA SH'A RI DVA TI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN
SHER PHYIN LA GNAS PA 'DIS GNAS PA DE GANG NAS SHI 'PHOS TE 'DIR SKYE BA LAGS, 'DI NAS SHI 'PHOS NAS GANG DU SKYE BAR 'GYUR BA LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA SH'A RI DVA TI'I BU LA 'DI SKAD CES BKA' STZAL TO, ,SH'A RI'I BU BYANG CHEN SHER PHYIN 'DIS GNAS PA DE NI, ZHES SOGS KYIS BSTAN, DE'I DON 'CHAD PA LA, DGE 'DUN LA SANGS RGYAS DKON MCHOG GI KHONGS SU GTOGS PA NYID KYI DGRA BCOM PA MA GTOGS PA 'BRAS BU LA GNAS PA DANG ZHUGS PA'I BYE BRAG GIS SKYES BU CHEN PO BDUN PO RANG SANGS RGYAS DANG LHAN CIG BRGYAD PO DBANG PO RTUL PO LA SOGS PA'I BYE BRAG GIS GRANGS NYI SHUR 'CHAD PA BYANG CHUB SEMS DPA' 'PHAGS PA SLOB PA PHYIR MI LDOG PA RNAMS LA SKYE BA MED PA NYID DU 'JUG PAR BYA'O ZHES LUNG 'BOGS PA, ZHES GSUNGS, DON NI, BYANG CHEN GANG NAS SHI 'PHOS NAS 'DIR SKYES PA, ZHES SOGS KYI MDO CHOS CAN, DGE 'DUN DKON MCHOG LA GDAMS PA YIN TE; DE LA LAM SGRUB PA'I ZLA GROGS SU BDEN ZHEN DGAG PA'I PHYIR DU 'DOMS PA'I MDO TSIG YIN PA'I PHYIR, GNYIS PA NI, DKON MCHOG GSUM LA 'DOMS PA DANG, ZHES PAS 'CHAD, ` SKABS 'DIR MTHA' DPYAD PA LA RGYUD BLA MA LAS GSUNGS TSUL DANG, MDO SDE'I RGYAN LAS GSUNGS TSUL DANG, NYAMS SU LEN PA'I RIM PA LA SBYOR TSUL DANG GSUM LAS, DANG PO LA, THUN MONG MA YIN PA'I DKON MCHOG GSUM NGOS GZUNG BA DANG, SKYABS SPYI'I RNAM GZHAG
, ,BSHAD PA, KUN RDZOB PA'I SKYABS DANG DON DAM PA'I SKYABS KYI KHYAD PAR BSHAD PA, DKON MCHOG GI SGRA DON BSHAD PA DANG BZHI LAS, DANG PO NI, 'DUS MA BYAS LA SOGS PA'I YON TAN BRGYAD DANG LDAN PA'I MTHAR THUG GI SKYABS GNAS, SANGS RGYAS DKON MCHOG GI MTSAN NYID, DBYE NA, KUN RDZOB PA'I SANGS RGYAS DKON MCHOG DANG, DON DAM PA'I SANGS RGYAS DKON MCHOG GNYIS LAS, DANG PO NI, GZUGS SKU GNYIS LTA BU, GNYIS PA NI, NGO BO NYID SKU DANG YE SHES CHOS SKU LTA BU YIN TE, RGYUD BLA MA LAS, BDAG NYID KYI NI SBYOR BA'I GNAS, ,DAM PA'I DON GYI SKU YIN TE, ,DRANG SONG RNAMS KYI BRDA YI SKU, ,PHA ROL PHUN SUM TSOGS PA'I GNAS, ,ZHES GSUNGS PA'I PHYIR, SANGS RGYAS DKON MCHOG CHOS CAN, YON TAN BRGYAD DANG LDAN TE, SKYE 'JIG DANG BRAL BA 'DUS MA BYAS PA'I YON TAN, 'BAD RTZOL NYE BAR ZHI BA LHUN GYIS GRUB BA'I YON TAN, RANG SNANG YUL DU BYED BA'I BLO LA SNANG BA LTAR RJOD BYED KYI SGRA DANG RNAM PAR RTOG PAS JI LTA BA BZHIN DU RTOGS MI NUS PA'I YON TAN, JI LTA BA DANG JI SNYED PA MKHYEN PA'I YON TAN, BRTZE BA'I YON TAN, NUS PA'I YON TAN, RANG DON GYI YON TAN, GZHAN DON GYI YON TAN RNAMS DANG LDAN PA'I PHYIR TE, DE NYID LAS, 'DUS MA BYAS SHING LHUN GYIS GRUB, ,GZHAN GYI RKYEN GYIS RTOGS MIN PA, ,MKHYEN DANG BRTZE DANG NUS PAR LDAN, ,DON GNYIS LDAN PA'I SANGS RGYAS NYID, ,CES GSUNGS PA'I PHYIR, DE YANG BSDU NA GNYIS SU 'DUS TE,
DANG PO GSUM RANG DON GYI YON TAN DANG, PHYI MA GSUM GZHAN DON GYI YON TAN YIN TE, DE NYID LAS, DANG PO GSUM NI RANG DON TE, ,PHYI MA GSUM NI GZHAN DON YIN, ,ZHES GSUNGS PA'I PHYIR, BSAM DU MED PA LA SOGS PA'I YON TAN BRGYAD PO GANG RUNG DANG LDAN PA'I 'PHAGS RGYUD KYI RNAM BYANG BDEN PA, CHOS DKON MCHOG GI MTSAN NYID, DBYE NA, SGRAS BRJOD RIGS KYI SGO NAS KUN RDZOB PA'I CHOS DKON MCHOG DANG, DON DAM PA'I CHOS DKON MCHOG GNYIS LAS, DANG PO NI, GSUNG RAB YAN LAG BCU GNYIS LTA BU, GNYIS PA NI, 'GOG BDEN DANG LAM BDEN LTA BU, THEG CHEN GYI CHOS DKON MCHOG CHOS CAN, YON TAN BRGYAD DANG LDAN TE, MU BZHIR RTOG GE PA'I BLOS JI LTA BA BZHIN DU BSAM DU MED PA'I YON TAN, LAS NYON GNYIS CI RIGS PA MED PA, TSUL MIN YID BYED KYI RNAM PAR RTOG PA MED PA, LAM GYI NGO BO SGRIB PA DANG MA 'DRES PAS DAG PA, GSAL BA JI LTA BA DANG JI SNYED PA RIG PA, MI MTHUN PHYOGS KYI GNYEN PO BYED PA'I YON TAN, GANG ZHIG LA CHAGS PA DANG BRAL BA'I 'GOG BDEN GYI YON TAN, GANG GIS CHAGS PA DANG BRAL BAR BYED PA LAM BDEN GYI YON TAN RNAMS DANG LDAN PA'I PHYIR TE, DE NYID LAS, BSAM MED GNYIS MED RTOG MED PA, ,DAG GSAL ,NYEN PO'I PHYOGS NYID KYIS, ,GANG ZHIG GANG GIS CHAGS BRAL BA; ;BDEN GNYIS MTSAN NYID CAN DE CHOS, ,ZHES GSUNGS PA'I PHYIR, DE YANG BSDU NA GNYIS SU 'DU STE, DANG PO GSUM 'GOG BDEN GYI YON TAN DANG, PHYI MA GSUM LA MA BDEN GYI YON TAN YIN PA'I PHYIR TE, DE NYID LAS, CHAGS BRAL GNYIS
, ,NI 'GOG PA DANG, ,LAM GYI BDEN PA DAG GIS BSDUS, ,ZHES GSUNGS PA'I PHYIR, RIG GROL GYI YON TAN BRGYAD PO GANG RUNG DANG LDAN PA'I 'PHAGS PA'I GANG ZAG ,DGE 'DUN DKON MCHOG GI MTSAN NYID, DBYE NA SGRAS BRJOD RIGS KYI SGO NAS KUN RDZOB PA'I DGE 'DUN DKON MCHOG DANG, DON DAM PA'I DGE 'DUN DKON MCHOG GNYIS LAS, DANG PO DANG, 'PHAGS PA'I GANG ZAG DON GCIG ,GNYIS PA NI, 'GOG BDEN DANG, LAM BDEN LTA BU'O, , THEG CHEN GYI DGE 'DUN DKON MCHOG CHOS CAN, YON TAN BRGYAD DANG LDAN TE, JI LTA BA RIG BA'I YON TAN, JI SNYED PA RIG PA'I YON TAN, NANG RIG PA'I YON TAN, RANG GI NGOS SKAL GYI CHAGS THOGS DMAN GSUM CI RIGS PAS DAG PA'I YON TAN GSUM, RIG BA'I YON TAN, GROL BA'I YON TAN DANG BRGYAD YOD BA'I PHYIR TE, DE NYID LAS, JI LTA JI SNYED NANG GI NI, ,YE SHES GZIGS PA DAG PA'I PHYIR, ,BLO LDAN PHYIR MI LDOG PA'I TSOGS, ,BLA MED YON TAN DANG LDAN NYID, , CES GSUNGS PA'I PHYIR, DE YANG BSDU NA GNYIS SU 'DU STE, DANG PO GSUM RIG PA'I YON TAN, PHYI MA GSUM GROL BA'I YON TAN DU 'DU BA YIN PA'I PHYIR, KHA CIG ,'DUS MA BYAS LA SOGS PA'I YON TAN BRGYAD PO GANG RUNG DANG LDAN BA'I SKYABS GNAS MTHAR THUG ,SANGS RGYAS DKON MCHOG GI MTSAN NYID ZER NA MI 'THAD DE, SANGS RGYAS DKON MCHOG YIN NA, DE BRGYAD KA DANG LDAN PAS MA KHYAB PAR THAL, MTSAN NYID 'THAD PA'I PHYIR, 'DOD MI NUS TE, 'DOD MI NUS TE, GZUGS SKU
GNYIS 'DUS MA BYAS KYI YON TAN DANG LDAN, NGO BO NYID SKU MKHYEN BRTZE NUS GSUM GYI YON TAN DANG LDAN PA'I PHYIR, DANG PO GRUB STE, DE SPANGS PA'I YON TAN DANG LDAN PA'I PHYIR, GNYIS PA GRUB STE, DE ZAG MED KYI YE SHES SDE TSAN NYER GCIG DANG LDAN PA'I PHYIR, KHA CIG ,RIG GROL GYI YON TAN BRGYAD DANG LDAN PA'I 'PHAGS PA'I GANG ZAG ,DGE 'DUN DKON MCHOG GI MTSAN NYID DU 'DOD PA MI 'THAD DE, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM PA DE DE BRGYAD DANG MI LDAN PA'I PHYIR TE, DE GROL BA'I YON TAN DANG MI LDAN PA'I PHYIR, KHA CIG ,SANGS RGYAS 'PHAGS PA DE DGE 'DUN DKON MCHOG MA YIN TE, DE THEG CHEN DGRA BCOM YIN PA'I PHYIR, KHYAB STE, DGE 'DUN LA SANGS RGYAS DKON MCHOG GI KHONGS SU RTOGS PA NYID KYI DGRA BCOM PA MA GTOGS PA, ZHES GSUNGS PA'I PHYIR NA MA KHYAB STE, THEG CHEN DGRA BCOM YIN NA, 'DIR BSTAN GDAMS YUL DU GYUR PA'I DGE 'DUN DKON MCHOG MA YIN DGOS PA LUNG DE'I DON YIN PA'I PHYIR; DE LTAR MA YIN NA MTHAR THUG GI DKON MCHOG GSUM MED PAR THAL, SANGS RGYAS 'PHAGS PA DE DGE 'DUN DKON MCHOG MA YIN PA'I PHYIR, 'DOD NA, RGYUD BLA MA LAS, DRI BCAS DE BZHIN NYID DANG DRI MA MED, ,DRI MED SANGS RGYAS YON TAN RGYAL BA'I MDZOD, ,GANG LAS DKON MCHOG DGE BA GSUM 'BYUNG BA, ,DON DAM GZIGS PA RNAMS KYI YUL NYID DO, ZHES DANG, DKON MCHOG GSUM PO 'DI YI RIGS, ,THAMS CAD GZIGS BA RNAMS KYI YUL, ,ZHES DANG
, ,DE'I DAR t'IKA LAS, DON BSDU NA, 'DIR DNGOS SU BSTAN PA'I DKON MCHOG NI SA DANG BO YAN CHAD KYI DBANG DU BYAS SHING, MTHAR THUG NI? DKON MCHOG GSUM DU BSGRUBS PAS, THEG PA THUN MONG PAR THAL BA'I SKYON MED DE, ZHES GSUNGS PA MI 'THAD PAR THAL LO, ,GZHAN YANG, MTHAR THUG GI SKYABS GSUM MED PAR THAL, MTHAR THUG GI DKON MCHOG GSUM MED PA'I PHYIR, 'DOD NA, SKYABS GSUM PO DE GNAS SKABS KYI SKYABS SU THAL LO, , 'DOD NA, SKYABS GSUM RGYUD LDAN GYI SLOB PA YOD PAR THAL LO, ,KHO NA RE, DGE 'DUN DKON MCHOG MTHAR THUG GI SKYABS SU THAL, SKYABS GSUM PO DE DE YIN PA'I PHYIR NA MA KHYAB, KHA CIG ,SKYABS GSUM YIN PA MED ZER NA, MI 'THAD DE; SANGS RGYAS 'PHAGS PA'I YID KYI RNAM PAR SHES PA DE SANGS RGYAS DKON MCHOG DANG, CHOS DKON MCHOG ,DGE 'DUN DKON MCHOG GSUM GA YIN PA'I PHYIR, DANG BO GRUB STE, SANGS RGYAS YIN PA'I PHYIR, GNYIS PA GRUB STE, LAM BDEN YIN PA'I PHYIR, GSUM PA GRUB STE, 'PHAGS PA'I GANG ZAG YIN BA'I PHYIR TE, YID KYI RNAM PAR SHES PA GANG ZAG YIN BA'I PHYIR TE, RTOG GE 'BAR BA LAS, KHO BO CAG YID KYI RNAM PAR SHES PA LA BDAG GI SGRA DNGOS SU 'DOGS TE; 'DI LTAR RNAM PAR SHES PA YANG SRID PA LEN PA'I PHYIR BDAG YIN NO, ,ZHES DANG, SHES RAB SGRON ME LAS, RNAM PAR SHES BA BDAG TU KHAS BLANGS NAS, DON DAM PAR BDAG MED PAR DAM BCAS PA LA DAM BCA'I SKYON DU MI 'GYUR
BA NYID, CES DANG, RGYAN SNANG LAS, JES PA'I TSIG GI TSUL GYIS RGYUN NYID GANG ZAG GCIG GO ,ZHES GSUNGS PA'I PHYIR, KHA CIG ,KUN RDZOB PA'I DGE 'DUN DKON MCHOG DANG, DON DAM PA'I DGE 'DUN DKON MCHOG 'GAL ZER NA MI 'THAD DE, BYANG 'PHAGS YIN NA, DON DAM PA'I DGE 'DUN DKON MCHOG YIN DGOS PA'I PHYIR TE, DE YIN NA DON DAM PA'I BYANG CHUB SEMS DPA' YIN DGOS PA'I PHYIR TE, DON DAM SEMS BSKYED THOB PA'I BYANG CHUB SEMS DPA' LA DE LTAR DGOS PA'I PHYIR TE, 'JUG PA LAS, DE NAS BZUNG STE DE NI THOB PAR GYUR PA YI, ,BYANG CHUB SEMS DPA' ZHES BYA'I SGRA NYID KYIS BSNYAD DO, ,ZHES GSUNGS PA'I PHYIR, GNYIS PA NI, RGYUD BLA MA LAS, STON PA BSTAN PA SLOB DPON GYIS, ,THEG PA GSUM DANG BYED GSUM LA, ,MOS PA GSUM GYIS DBANG BYAS NAS, ,SKYABS GSUM RNAM PAR BZHAG PA YIN, ,ZHES GSUNGS, DON NI, SPYIR GSUNG RAB LAS SKYABS GSUM GYI RNAM GZHAG GSUNGS PA CHOS CAN, DGOS PA YOD DE, THEG CHEN LAM DU ZHUGS PA RNAMS KYI RANG GI THOB BYA'I SANGS RGYAS 'BRAS BU'I SKYABS DANG, GZHAN RGYUD LA GRUB ZIN PA'I SANGS RGYAS RGYU'I SKYABS DANG, RIGS CAN GZHAN GNYIS KYI YANG RGYU'I SKYABS DANG, LAM LA MA ZHUGS KYANG SANGS RGYAS DKON MCHOG LA MCHOD PA DANG BKUR STI BYED PA LA SOGS PA'I MCHOG TU BYA BA BYED PAR MOS PA RNAMS KYI DBANG DU BYAS NAS SANGS RGYAS DKON MCHOG SKYABS SU RNAM PAR BZHAG ,RANG RGYAL GYI RIGS CAN LAM DU ZHUGS PA RNAMS KYI THOB BYA'I 'BRAS BU
, ,DANG; LAM DU MA ZHUGS KYANG DAM PA'I CHOS LA MCHOG TU BYA BA BYED PAR MOS PA RNAMS KYI DBANG DU BYAS NAS CHOS DKON MCHOG SKYABS SU RNAM PAR BZHAG ,NYAN THOS KYI RIGS CAN LAM DU ZHUGS PA RNAMS KYI THOB BYA'I 'BRAS BU DANG, LAM LAM ZHUGS KYANG DGE 'DUN DKON MCHOG LA MCHOG TU BYA BA BYED PAR MOS PA RNAMS KYI DBANG DU BYAS NAS DGE 'DUN DKON MCHOG SKYABS SU RNAM PAR BZHAG PA YIN PA'I PHYIR, RTAGS GSUM GA GRUB STE, SANGS RGYAS DKON MCHOG DE RKANG GNYIS RNAMS KYI MCHOG ,CHOS DKON MCHOG DE 'DOD CHAGS DANG BRAL BA RNAMS KYI MCHOG ,DGE 'DUN DKON MCHOG DE TSOGS RNAMS KYI MCHOG YIN PA'I PHYIR, KHA CIG ,RGYUN MTHA' BA'I RGYUD LA 'BYUNG 'GYUR GYI RNAM MKHYEN DE DE'I 'BRAS SKYABS YIN ZER NA, DE LA KHA CIG ,DE CHOS CAN, DE'I DUS SU MED BAR THAL, DE'I 'BRAS SKYABS YIN PA'I PHYIR, 'DOD MI NUS TE, SA BON LAS SKYE BZHIN PA'I MYU GU SA BON GYI DUS SU YOD PA'I PHYIR TE, DE YOD, DE MYU GU'I DUS SU MED PA'I PHYIR, DANG PO GRUB STE, SA BON 'GAG BZHIN PA DANG MYU GU SKYE BZHIN PA DUS MNYAM PA'I PHYIR NA MA KHYAB, GNYIS PA MA GRUB NA, MYU GU DE RANG DUS SU SKYE BZHIN PAR THAL LO, ,ZHES ZER NA, SA BON LAS SKYE BZHIN PA'I MYU GU MED DE, DE LTAR MA YIN NA, DE KHO KHO RANG DU THAL, DE YOD BA'I PHYIR, 'DOD NA, MYU GU YIN NA SA BON LAS SKYE BZHIN PA YIN DGOS PAR THAL LO, ,DES NA RGYUN MTHA' PA'I RGYUD LA 'BYUNG
'GYUR GYI RNAM MKHYAN DE DE'I 'BRAS SKYABS YIN CING DE'I RGYUD LA SKYE BZHIN PA'I RNAM MKHYEN DE DE MA YIN PA'I PHYIR TE, DE MED PA'I PHYIR, KHA CIG ,BYANG SEMS TSOGS LAM PA DANG RGYUD THA DAD DU GYUR PA'I DKON MCHOG GSUM PO DE DE'I RGYU'I SKYABS YIN ZER BA MI 'THAD DE, DE DANG RGYUD THA DAD DU GYUR PA'I DE MED PA'I PHYIR TE, DE 'DRA'I SANGS RGYAS 'PHAGS PA MED PA'I PHYIR, SANGS RGYAS 'PHAGS PA YIN NA, DE DANG RGYUD GCIG YIN DGOS PA'I PHYIR TE, BYANG SEMS TSOGS LAM PA DE DANG RGYUD GCIG YIN PA'I PHYIR, BYANG SEMS TSOGS LAM PA YIN NA, DE DANG RGYUD GCIG YIN DGOS PA'I PHYIR TE, SEMS CAN YIN NA DE YIN DGOS PA'I PHYIR, KHO NA RE, NYAN THOS DGRA BCOM PA CHOS CAN, DER THAL, DE'I PHYIR 'DOD NA, SANGS RGYAS 'PHAGS PA DE DANG RGYUD GCIG YIN PAR THAL LO, ,'DOD NA, DE CHOS CAN, NYAN THOS DGRA BCOM PA'I RTOGS PA SNGON DU SONG BA'I GANG ZAG TU THAL, DE DANG RGYUD GCIG TU GYUR PA'I SANGS RGYAS 'PHAGS PA YIN PA'I PHYIR NA MA KHYAB STE, LHA'I DBANG PO BRGYA BYIN CHOS CAN, STON BA SH'AKYA THUB PA'I GO 'PHANG MNGON DU BYED NGES YIN PAR THAL, DE DANG RGYUD GCIG YIN PA'I PHYIR, KHYAB PA KHAS, DER THAL, STON PA SH'AKYA THUB PA DE DANG RGYUD GCIG YIN PA'I PHYIR TE, DE SNGON LHA'I DBANG PO BRGYA BYIN GYI SKYE BA BLANGS MYONG BA'I PHYIR, KHA CIG ,RGYAL PO NGA LAS NUS DE DA LTAR GYI DUS SU STON PA SH'AKYA THUB PA YIN ZER NA, DE CHOS CAN, STON PA SH'AKYA THUB PA YIN PAR THAL, DA LTAR
, ,GYI DUS SU DE YIN PA'I PHYIR, KHO NA RE, DAM BCA' DER THAL, DE STON PA SH'AKYA THUB PA'I DUS SU DE YIN BA'I PHYIR TE, DE DE'I DUS SU DER GYUR PA'I PHYIR NA MA KHYAB, GZHAN YANG, STON PA SH'AKYA THUB PA DE RGYAL PO DA LAS NUS KYI DUS SU RGYAL PO NGA LAS NUS SU THAL, RGYAL PO NGA LAS NUS STON PA SH'AKYA THUB PA'I DUS SU STON PA SH'AKYA THUB PA YIN PA'I PHYIR, 'DOD NA, DE CHOS CAN, DE'I DUS SU STON PA SH'AKYA THUB PA'I RGYU YIN PAR THAL, DE'I DUS SU RGYAL PO NGA LAS NUS YIN PA'I PHYIR, 'DOD MI NUS TE, DE'I DUS SU STON PA SH'AKYA THUB PA KHYOD KYI RGYU YIN PA'I PHYIR, KHA CIG ,MDUN GYI SKYES BU LAN 'DEBS PA BO DANG RGYUD GCIG TU GYUR PA'I SANGS RGYAS 'PHAGS PA DE DA LTAR MED; ZER NA, DE DA LTAR YOD PAR THAL, DE'I 'BRAS SKYABS MTHAR THUG TU GYUR PA'I DKON MCHOG GSUM PO DE DA LTAR YOD BA'I PHYIR, KHO NA RE, RGYAL PO NGA LAS NUS CHOS CAN, DA LTAR GYI DUS SU SEMS CAN YIN PAR THAL, SEMS CAN YIN PA'I PHYIR, KHYAB STE, SANGS RGYAS 'PHAGS PA YIN NA, DA LTAR GYI DUS SU SANGS RGYAS 'PHAGS PA YIN DGOS PA'I PHYIR ZER NA, MDUN GYI SKYES BU LAN 'DEBS PA PO SANGS RGYAS PA'I SANGS RGYAS 'PHAGS PA CHOS CAN, DER THAL, DE'I PHYIR, 'DOD NA, MDUN GYI SKYES BU LA NA 'DEBS BA PO DA LTAR GYI DUS SU SANGS RGYAS ZIN PAR THAL, 'DOD PA'I PHYIR ZER, KHA CIG GIS, GANG ZAG DE'I 'BRAS SKYABS SU GYUR BA'I SANGS RGYAS 'PHAGS PA YIN NA
GANG ZAG DE'I DUS SU MED BAS KHYAB, ZER NA, SANGS RGYAS 'PHAGS PA DANG DUS MNYAM DU GYUR PA'I BYANG SEMS TSOGS LAM PA MCHOS CAN, DER THAL, DE'I PHYIR, RTAGS GSAL SLA'O, ,GSUM PA LA KUN RDZOB PA'I SKYABS DANG, DON DAM PA'I SKYABS GNYIS LAS, DANG PO NI, RGYUD BLA MA LAS, SPANG PHYIR BSLU BA'I CHOS CAN PHYIR, ,MED PHYIR 'JIGS DANG BCAS BA'I PHYIR, ,CHOS RNAM GNYIS DANG 'PHAGS PA'I TSOGS, ,GTAN GYI SKYABS MCHOG MA YIN NO, , ZHES GSUNGS BA'I PHYIR, DON NI, GDUL BYA'I RGYUD KYIS BSDUS PA'I GSUNG RAB YAN LAG BCU GNYIS CHOS CAN, MTHAR THUG GI SKYABS MA YIN TE, LUNG DON MNGON PAR RTOGS PA MTHAD THUG PA'I TSE GZINGS LTAR DU SPANG BAR BYA BA YIN PA'I PHYIR TE; MDO SDE'I RGYAN LAS, DON SHES PAS NI CHOS RNAMS KUN, ,GZINGS DANG 'DRA BA NYID DU RIGS, ,ZHES DANG, RGYUD BLA MA'I 'GREL BAR, CHOS NI RNAM PA GNYIS TE, BSTAN PA'I CHOS DANG, RTOGS PA'I CHOS SO, ,DE LA BSTAN PA'I CHOS NI MDO SDE LA SOGS PA BSTAN PA BRJOD PA STE MING DANG TSIG DANG YI GE'I TSOGS KYIS BSDUS PA'O, ,DE YANG LAM MNGON PAR RTOGS PA MTHAR THUG PA'I PHYIR GZINGS LTA BU'O, ,ZHES BSHAD, ZHES GSUNGS, SLOB BA'I RGYUD KYI LAM BDEN CHOS CAN; MTHAR THUG GI SKYABS MA YIN TE, RANG GI GZIGS NGOR RANG NYID DRI MA MTHA' DAG DANG BRAL BA LTAR SNANG YANG DRI MA MTHA' DAG DANG MA BRAL BA'I RDZUN BA SLU BA'I CHOS CAN YIN PA'I PHYIR, DE CHOS CAN, MTHAR THUG GI SKYABS MA YIN TE,
, ,DRI MA DANG BCAS PA'I GNAS SKABS LAS DRI MA DANG BRAL BA'I GNAS SKABS GZHAN DU 'GYUR DGOS PA'I MI RTAG PA YIN PA'I PHYIR, DE LTAR YANG DE NYID LAS, RTOGS PA'I CHOS NI RGYU DANG 'BRAS BU'I DBYE BAS RNAM PA GNYIS TE, 'DI LTA STE, LAM GYI BDEN PA DANG 'GOG PA'I BDEN PA STE, GANG GIS DANG GANG RTOGS PA ZHES BYA BAS SO, ,DE LA LAM NI 'DUS BYAS KYI MTSAN NYID DU GTOGS LA, 'DUS BYAS KYI MTSAN NYID DU GTOGS PA ZHES BYA BAS SO; ;DE LA LAM NI 'DUS BYAS KYI MTSAN NYID DU GTOGS LA, 'DUS BYAS KYI MTSAN NYID DU GTOGS PA GANG YIN PA DE NI RDZUN PA SLU BA'I CHOS CAN NO, ,GANG RDZUN PA SLU BA'I CHOS CAN DE NI MI BDEN PA, GANG MI BDEN PA DE NI MI RTAG PA, GANG MI RTAG PA DE NI SKYABS MA YIN NO, ,ZHES GSUNGS, LHAG MED MYANG 'DAS CHOS CAN, MTHAR THUG GI SKYABS MA YIN TE, NYON MONGS PA DANG SDUG BSNGAL MED PA TZAM GYIS RAB TU PHYE BA YIN PA'I PHYIR TE, DE NYID LAS, LAM DU MA GTOGS PA'I 'GOG PA GANG YIN PA DE YANG NYAN THOS KYI TSUL GYI MAR ME RGYUN CHAD PA BZHIN DU NYON MONGS PA DANG SDUG BSNGAL MED? PA TZAM GYIS RAB TU PHYE BA MED PA NI SKYABS SAM SKYABS MA YIN PAR 'GYUR BA LAS 'OS PA MA YIN NO, , ZHES GSUNGS PA'I PHYIR, SA BCU BA PA DANG NYAN RANG DGRA BCOM PA RNAMS CHOS CAN, MTHAR THUG GI SKYABS MA YIN TE, SHES SGRIB KYI 'JIGS PA DANG BCAS BA'I PHYIR TE, DE NYID LAS, DGE 'DUN ZHES BYA BA NI THEG PA GSUM DANG
LDAN PA'I TSIG BLA DVAGS SO, ,DE YANG RTAG TU 'JIGS PA DANG BCAS PA DE LA SKYABS SU SONG BA NGES PAR 'BYUNG BA 'TSOL BA BSLAB PA DANG BCAS PA BLA NA MED PA YANG DAG PAR RDZOGS PA'I BYANG CHUB LA ZHUGS PA MA YIN NO, ,JI LTAR 'JIGS PA DANG BCAS SHE NA, GANG GI PHYIR DGRA BCOM PA YANG SRID ZAD PA RNAMS KYANG BAG CHAGS MA SPANGS BA'I PHYIR RTAG TU RGYUN MI CHAD BAR 'DU SHES THAMS CAD LA MI ZAD PAR 'JIGS PA'I 'DU SHES NYE BAR GNAS PAR 'GYUR TE, DPER NA, RAL GRI GDENGS PA'I GSHED MAS SKYES BU LA BYA BA BZHIN, DES NA DE DAG KYANG GTAN DU MED BA'I NGES PAR 'BYUNG BA MA YIN NO, ,SKYABS NI SKYABS 'TSOL BAR RIGS PA YIN NO, ,ZHES GSUNGS PA'I PHYIR, GNYIS PA NI, 'O NA; DON DAM BA'I SKYABS DE GANG ZHE NA, DE YOD DE, SANGS RGYAS NYAG GCIG MTHAR THUG PA'I SKYABS YIN PA'I PHYIR TE, DE NI BDEN GNYIS KYI YON TAN MTHAR PHYIN PA'I CHOS KYI RTEN CAN YIN PA'I PHYIR TE, RGYUD BLA MA LAS, DAM PA'I DON DU 'GRO BA YI, , SKYABS NI SANGS RGYAS NYAG GCIG YIN, ,THUB PA CHOS KYI SKU CAN PHYIR, ,ZHES GSUNGS PA'I PHYIR, LON? MTHAR THUG GI SKYABS LA DKON MCHOG GSUM MTSANG BAR 'GYUR RO, ,ZHE NA; DE LA DE GSUM TSANG STE, SKYABS GSUM GYI ZLAS PHYE BA'I TSOGS DGE 'DUN DE YANG SANGS RGYAS THOB PA NA SKYABS DE'I MTHAR THUG PAR 'GYUR BA'I PHYIR TE, DE NYID LAS, TSOGS KYANG DE YI MTHAR THUG PHYIR, ,ZHES DANG, GSER PHRENG LAS, TSOGS KYANG DE YI MTHAR THUG PHYIR, ,
, ,ZHES MTHAR THUG GI SKYABS LA DKON MCHOG GSUM MA TSANG NGAM SNYAM PA'I LOG RTOG GCAD BA'I PHYIR DU GSUNGS, ZHES GSUNGS PA'I PHYIR, DES NA KHYOD YIN PA'AM KHYOD KYI NANG TSAN DU GYUR PA'I DON DAM BA'I SKYABS MED PA GANG ZHIG ,DNGOS PO'I GNAS TSOD LA LAM GYI BGROD PA MTHAR MTHUG BA'I SKYABS, KUN RDZOB BA'I SKYABS KYI MTSAN NYID, DE DANG GNAS SKABS KYI SKYABS DON GCIG ,DNGOS PO'I GNAS TSOD LA LAM GYI BGROD BA MTHAR THUG BA'I SKYABS, DON DAM PA'I SKYABS KYI MTSAN NYID, DE DANG MTHAR THUG GI SKYABS DON GCIG ,RONG t'IKA PA NA RE, LUNG GI CHOS DKON MCHOG CHOS CAN, MTHAR THUG GI SKYABS MA YIN TE, DON MNGON PAR RTOGS PA MTHAR THUG BA'I TSE GZINGS LTAR SPANG BAR BYA BA YIN PA'I PHYIR, SLOB PA'I LAM BDEN CHOS CAN, MTHAR THUG GI SKYABS MA YIN TE, BRDZUN PA SLU BA'I CHOS CAN YIN PA'I PHYIR, SLOB BA'I 'GOG BDEN CHOS CAN, MTHAR THUG GI SKYABS MA YIN TE, MED DGAG YIN PA'I PHYIR, SLOB PA 'PHAGS PA CHOS CAN, MTHAR THUG GI SKYABS MA YIN TE, SHES SGRIB KYI 'JIGS BA DANG BCAS BA'I PHYIR, ZHES ZER NA, LUNG GI CHOS DKON MCHOG YIN NA, MTHAR THUG GI SKYABS MA YIN DGOS PAR THAL, DAM BCA' 'THAD PA'I PHYIR, 'DOD NA, SANGS RGYAS RANG RGYUD KYIS BSDUS BA'I BKA' CHOS CAN, DER THAL, DE'I PHYIR, GZUGS SKU GNYIS CHOS CAN, DAM BCA' GNYIS PA LA, DER THAL, DE'I PHYIR, 'DUS BYAS YIN PA'I PHYIR,
KHYAB STE, RTZA BA SHES RAB LAS, 'DUS BYAS THAMS CAD SLU BA'I CHOS, ,DES NA DE DAG BRDZUN PA YIN, ,ZHES GSUNGS PA'I PHYIR, NGO BO NYID SKU CHOS CAN, DAM BCA' GSUM PA LA, DER THAL, DE'I PHYIR, DE GSUM GA LA 'DOD NA, MTHAR THUG GI SKYABS MED BAR THAL LO, ,DE LTAR YANG, RNAM BSHAD LAS, KHA CIG 'DUS BYAS YIN NA MTHAR THUG GI SKYABS MA YIN PAS KHYAB BAR BSTAN BAR 'DOD PA NI SANGS RGYAS KYI LAM BDEN DANG GZUGS SKU RNAM BA GNYIS MTHAR THUG GI SKYABS YIN PA 'GOG BA'I LOG RTOG GI THA CHAD DU SHES BAR BYA LA RGYANG RING DU SBANG BAR BYA'O, ,ZHES DANG, MED DGAG GTAN TSIGS SU 'GOD PA SOGS NI DON MA RTOGS BZHIN BU RNAMS GZHAG BYED PA NI SANGS RGYAS KYI BSTAN PA DRI MA CAN DU 'GYUR PAS BTANG SNYOMS SU BZHAG NA MDZES SO, ,ZHES GSUNGS, KHO NA RE, LAS RGYU 'BRAS CHOS CAN, BRDZUN PA SLU BA'I CHOS CAN YIN BAR THAL, 'DUS BYAS YIN PA'I PHYIR, 'DOD NA, BSLU BAR THAL, 'DOD PA'I PHYIR NA MA KHYAB, 'DOD NA, DE BRDZUN PAR THAL, BRDZUN PA YIN PA'I PHYIR NA MA KHYAB, DE CHOS CAN, BDEN PA YIN BAR THAL, BDEN PA'I PHYIR NA MA KHYAB, DE CHOS CAN, MI SLU BA YIN PAR THAL, MI SLU BA'I PHYIR NA MA KHYAB STE, RI BONG RVA CHOS CAN, MA 'ONGS PA YIN PAR THAL, MA 'ONGS PA'I PHYIR, KHYAB PA KHAS, SANGS RGYAS KYI BKA' CHOS CAN, BDEN PA YIN PAR THAL, BDEN PA'I PHYIR, KHYAB PA KHAS, KHA CIG ,GZUGS SKU GNYIS KUN RDZOB BA'I
, ,SKYABS DANG, THEG CHEN GYI MTHONG LAM DON DAM PA'I SKYABS YIN ZER NA MI 'THAD DE, KUN RDZOB PA'I SKYABS YIN NA, GNAS SKABS KYI SKYABS YIN DGOS, DON DAM PA'I SKYABS YIN NA, MTHAR THUG GI SKYABS YIN DGOS BA'I PHYIR, BZHI PA NI, DKON MCHOG GSUM CHOS CAN, KHYOD LA DKON MCHOG RIN PO CHE ZHES BRJOD PA'I RGYU MTSAN YOD DE, YID BZHIN GYI NOR BU RIN PO CHE DANG CHOS MTHUN RNAM PA DRUG YOD PAS DE LTAR BRJOD BA'I PHYIR, CHOS MTHUN DRUG YOD DE, 'JIG RTEN DU 'GYUR BA DKON, DRI MA MED, MNGON SHES LA SOGS BA'I MTHU DANG LDAN, BSAM PA DGE BA'I RGYAN RNAMS KYI MCHOG TU GYUR PA DANG, YON TAN RNAMS KYI MCHOG TU GYUR PA DANG, CHAGS SDANG GIS GZHAN DBANG DU MI 'GYUR BA'I PHYIR TE, RGYUD BLA MA LAS, 'BYUNG BA DKON PHYIR DRI MED PHYIR, ,MTHU LDAN PHYIR DANG 'JIG RTEN GYI, ,RGYAN GYUR PHYIR DANG MCHOG NYID PHYIR, ,'GYUR BA MED PHYIR DKON MCHOG NYID, ,CES GSUNGS PA'I PHYIR, GNYIS PA MDO SDE'I RGYAN LAS GSUNGS TSUL NI, CHE BA LNGA LDAN GYI SKYABS MDOR BSTAN PA, DE NYID RGYAS PAR BSHAD PA, THEG CHEN GYI SKYABS 'GRO MCHOG TU SGRUB BA DANG GSUM LAS, DANG PO NI, THEG PA MCHOG GI PHYIR SKYABS SU SONG BA GANG YIN PA DE CHOS CAN, SKYABS SU SONG BA RNAMS KYI NANG NAS MCHOG CES BYA STE, DMIGS PA KUN TU 'GRO BA, SGRUB BA KHAS LEN CHE BA, RTOGS
PA'I MCHOG THOB PA, NYAN RANG ZIL GYIS GNON PA, DBYE BA'I RANG BZHIN GYI SGO NAS KHYAD PAR DU 'PHAGS PA YIN PA'I PHYIR TE, MDO SDE'I RGYAN LAS, KUN TU 'GRO DANG KHAS LEN RTOGS DANG ZIL GNON PAR, ,DBYE BA'I RANG BZHIN DON RNAM BZHI YI KHYAD BAR GYIS, ,THEG PA MCHOG PHYIR DKON MCHOG SKYABS RAB SONG BA GANG, ,DE NI SKYABS SU SONG BA RNAMS KYI MCHOG CES BYA, ,ZHES GSUNGS PA'I PHYIR, GNYIS PA LA LNGA YOD PA'I DANG PO NI, BLO LDAN RGYAL SRAS 'PHAGS PA CHOS CAN, SEMS CAN KUN TU 'GRO BA YIN TE, SEMS CAN THAMS CAD 'KHOR BA LAS BSGRAL BA'I PHYIR ZHUGS BA YIN PA'I PHYIR, DE CHOS CAN, THEG PA KUN TU 'GRO BA YIN TE, THEG PA GSUM GYI LAM NYAMS SU LEN PA LA MKHAS BA'I PHYIR, DE CHOS CAN, YE SHES KUN TU 'GRO BA YIN TE, BDAG MED GNYIS KA LA MKHAS PA DANG LDAN PA'I PHYIR, DE CHOS CAN, MYANG 'DAS KUN TU 'GRO BA YIN TE, SRID ZHI'I CHOS KYI BDAG GIS STONG PAR RO GCIG TU RTOGS PA'I PHYIR, DE 'DRA'I BLO LDAN DE SKABS 'DIR DMIGS PA KUN TU 'GRO BAR SHES BAR BYA STE, DE LTAR BSGRUBS ZIN PA'I PHYIR TE, DE NYID LAS, GANG ZHIG SEMS CAN THAMS CAD BSGRAL BAR ZHUGS PA DANG, ,THEG PA YE SHES KUN TU 'GRO LA MKHAS PAR LDAN, ,GANG ZHIG MYA NGAN 'DAS LA 'KHOR ZHI RO GCIG PA, ,DE 'DRA'I BLO LDAN DE 'DIR KUN 'GROR SHES PAR BYA, ,ZHES GSUNGS PA'I PHYIR, GNYIS PA NI, RGYAL SRAS 'PHAGS PA CHOS CAN, DGA' BA MANG POS BYANG CHUB
, ,MCHOG DON DU GNYER TE, DE'I YON TAN SHES PA'I SEMS DPA' YIN PA'I PHYIR, DE CHOS CAN, SGRUB PA'I KHYAD PAR DANG LDAN TE, SKYO BA MED PAR GZHAN DON GYI DKA' BA YANG DAG PAR SPYOD NUS BA'I PHYIR, DE CHOS CAN, THOB BA'I KHYAD PAR DANG LDAN TE, RNAM PAR SANGS RGYAS NAS SANGS RGYAS KUN DANG SPANGS RTOGS MNYAM PAR 'GYUR BA YIN PA'I PHYIR, BLO LDAN DE NI KHAS LEN MCHOG TU SHES PAR BYA STE, DE LTAR BSGRUBS ZIN PA'I PHYIR TE, DE NYID LAS, GANG ZHIG DGA' BA MANG POS BYANG CHUB MCHOG DON GNYER, ,GANG ZHIG SKYO BA MED PAR DKA' BA YANG DAG SPYOD, ,GANG ZHIG RNAM SANGS RGYAS NAS SANGS RGYAS KUN MNYAM 'GYUR, ,BLO LDAN DE NI KHAS LEN MCHOG TU SHES BAR BYA, , ZHES GSUNGS BA'I PHYIR, GSUM PA NI, RGYAL SRAS 'PHAGS PA CHOS CAN, RTOGS BA'I KHYAD PAR DANG LDAN TE, BSOD NAMS KYI PHUNG PO CHEN PO THOB, SRID BA GSUM GYI BLA MAR GYUR, SRID PA'I BDE BA THOB, SDUG BSNGAL GYI PHUN PO CHEN PO RAB TU ZHI BAR BYED, BLO MCHOG MI RTOG YE SHES KYI BDE BA THOB PA'I PHYIR, DE CHOS CAN, 'BRAS BU'I KHYAD PAR DANG LDAN TE, CHOS MANG PO'I PHUNG PO MCHOG RAB RTAG PA'I SKU STE STOBS SOGS DGE BA'I TSOGS BSAGS, SGRIB GNYIS KYI BAG CHAGS BZLOG CING SRID PA DANG ZHI BA'I MTHA' LAS RNAM PAR GROL BA THOB PA'I PHYIR TE, DE NYID LAS, BSOD NAMS PHUNG CHEN SRID GSUM BLA MA SRID PA'I BDE BA DANG, ,SDUG BSNGAL PHUNG PO CHEN PO RAB ZHI BLO MCHOG BDE BA DANG, ,CHOS MANG
PHUNG PO MCHOG RAB RTAG PA'I SKU STE DGE BA'I TSOGS, ,BAG CHAGS BZLOG CING SRID DANG ZHI LAS RNAM PAR GROL BA THOB, ,CES GSUNGS PA'I PHYIR, BZHI BA NI, RGYAL SRAS 'PHAGS PA CHOS CAN, NYAN RANG GI CHOGS RNAMS ZIL GYIS GNON PA YIN TE; DE LAS DGE BA'I RTZA BA RGYA CHE BA DANG, DON CHE BA DANG, MTHA' YAS PA RTAG TU RGYUN MI 'CHAD PA DANG, ZAD MI SHES PA'I YON TAN DANG LDAN PA'I PHYIR, DGE BA BZHI PO DE NI CHOS CAN, BYED LAS GSUM DANG LDAN TE, 'JIG RTEN PA DANG 'JIG RTEN LAS 'DAS PA'I SEMS CAN YONGS SU SMIN PAR BYED PA, YON TAN LA DBANG 'BYOR BA RNYED PA, LHAG MED DU YON TAN ZAD MI SHES PAR BYED PA'I PHYIR TE, DE NYID LAS, BLO LDAN NYAN THOS TSOGS BCAS DGE BA RGYA CHE DON CHE DANG,, MTHA' YAS RTAG RGYUN MI 'CHAD ZAD MI SHES PAS ZIL GYIS GNON, ,DGE BA DE YAN 'JIG RTEN 'JIG RTEN MA YIN YONGS SMIN BYED, ,DBANG 'BYOR RNYED PA DE NI PHUNG PO ZHI BAS ZAD MI SHES, ,ZHES GSUNGS PA'I PHYIR, LNGA PA NI, THEG PA CHEN PO'I SKYABS 'GRO 'DI CHOS CAN, NGO BO'I DON DANG LDAN TE, SANGS RGYAS MCHOG NYID KYI DNGOS PO 'DOD PAS, DE SKYABS SU KHAS LEN PAR BYED PA'I PHYIR, DE CHOS CAN, RGYU'I DON DANG LDAN TE, SNYING BRTZE BA LAS BYUNG BAR RIG PAR BYA BA YIN PA'I PHYIR, DE CHOS CAN, 'BRAS BU'I DON DANG LDAN TE, RNAM PA KUN MKHYEN PA NYID THOB PAR BYED PA'I PHYIR, BYED LAS DANG LDAN TE, SEMS CAN THAMS CAD PHAN BDE LA 'GOD CING GZHAN DON GYI DKA' SPYAD LA SKYO BA MED PAR
, ,BYED BA'I PHYIR, YON TAN DU MA DANG LDAN TE, SPANG BYA LA NGES PAR 'BYUNG, TSOGS GNYIS STON PA'I YON TAN DANG LDAN PA'I PHYIR, ,DA BYE NA GNYIS SU YOD DE, RAGS PA BRDA LAS BYUNG BA, PHRA BA CHOS NYID KYI STOBS KYIS THOB PA GNYIS YOD PA'I PHYIR, BLO LDAN RNAMS KYI SKYABS 'GRO 'DI NI THEG DMAN GYI SKYABS 'GRO LAS MCHOG TU GYUR PA YIN TE, DE LTAR BSGRUBS ZIN PA'I PHYIR TE, DE NYID LAS, 'DI NI DE DNGOS 'DOD PAS KHAS LEN DE YANG SNYING BRTZE LAS RIG BYA, ,DE LAS RNAM PA KUN MKHYEN PHAN DANG BDE BYED DKA' LA SKYO BA MED, ,NGES PAR 'BYUNG LA THEG PA KUN GYI STON PA'I YON TAN RTAG TU LDAN, ,BRDA DANG CHOS NYID THOB PA'I BLO LDAN RNAMS KYI SKYABS 'GRO 'DI MCHOG YIN, ,ZHES GSUNGS BA'I PHYIR, GSUM PA, THEG PA CHEN PO LA SKYABS SU SONG BA 'DI CHOS CAN, RANG DON GYI CHE BA DANG LDAN TE, TSAD MED PA'I YON TAN 'PHEL BAR 'GYUR BA YIN PA'I PHYIR, GZHAN DON GYI CHE BA DANG LDAN TE, 'GRO LA SNYING RJES KHYAB PAR BYED PA'I PHYIR, SBYOR BA'I KHYAD PAR DANG LDAN TE, MTSUNGS PA MED PA'I 'PHAGS PA CHEN PO'I CHOS RGYAS PAR MDZAD PA'I PHYIR TE, DE NYID LAS, SKYABS SU 'GRO BA 'DIR SONG DON CHEN LDAN, ,DE NI TSAD MED YON TAN 'PHEL BAR 'GYUR, ,'GRO BA 'DI LA SNYING RJE'I BSAM PAS KHYAB, ,MTSUNGS MED 'PHAGS CHEN CHOS KYANG RGYAS PAR BYED, ,CES GSUNGS PA'I PHYIR, GSUM PA, NYAMS SU
LEN PA'I RIM PA LA SBYOR BA LA, YUL GANG LA BRTEN NAS, RGYU GANG LA BRTEN NAS, TSUL JI LTAR SKYABS SU 'GRO BA, SKYABS SU SONG BA'I PHAN YON, SKYABS SU SONG NAS BSLAB PAR BYA BA'I RIM PA'O, ,DANG PO NI, GROL BA DON GNYER CAN RNAMS KYI BLA NA MED PA'I SKYABS GNAS MTHAR THUG NI DKON MCHOG RIN PO CHE YIN TE, MDO SDE RGYAL MTSAN DAM PA LAS, ,'JIGS PAS SKRAG PA'I MI RNAMS NI, ,PHAL CHER RI DANG NAGS TSAL DANG, ,KUN DGA' DANG NI MCHOD GNAS KYI, , LJON SHING RNAMS LA SKYABS 'GRO STE, ,SKYABS DE GTZO BO MA YIN ZHING, ,SKYABS DE MCHOG GYUR MA YIN LA, ,SKYABS DE LA NI BRTEN NAS KYANG, ,SDUG BSNGAL KUN LAS MI GROL GYIS, ,GANG TSE GANG ZHIG SANGS RGYAS DANG, ,CHOS DANG DGE 'DUN SKYABS SONG BA, ,SDUG BSNGAL SDUG BSNGAL KUN 'BYUNG DANG, ,SDUG BSNGAL YANG DAG 'DAS BA DANG, ,'PHAGS LAM YAN LAG BRGYAD BDE BA, ,MYA NGAN 'DAS PAR 'GRO 'GYUR DANG, ,ZHES SOGS DANG, SPYOD 'JUG LAS, GTZO BO RGYAL BA 'GRO BA'I MGON, , ZHES SOGS DANG, BSTOD PA BRGYA LNGA BCU PA LAS, ,GANG ZHIG LA NI NYES PA KUN, ,GTAN NAS YOD YE MI MNGA' ZHING, ,GANG LA RNAM PA THAMS CAD DU, ,YON TAN THAMS CAD LDAN GYUR PA, ,GAL TE SEMS ZHIG YOD NA NI, ,DE NYID LA NI SKYABS 'GRO ZHING; ;ZHES DANG, SKYABS 'GRO BDUN CU BA LAS, ,SANGS RGYAS CHOS DANG DGE 'DUN NI, ,THAR BA 'DOD PA RNAMS KYI SKYABS, ,ZHES GSUNGS PA'I PHYIR, DES NA, DKON MCHOG GSUM PO CHOS CAN, GROL BA DON GNYER GYI SKYABS SU 'OS TE, RANG NYID
, ,'JIGS PA MTHA' DAG DANG BRAL, GZHAN 'JIGS PA MTHA' DAG LAS GROL BA'I THABS LA MKHAS, GZHAN LA THUGS RJE CHEN PO NYE RING MED PAR KUN LA 'JUG CING, LUS CAN MTHA' DAG GI MGON SKYABS DANG DPUNG GNYEN DAM PA MDZAD PA'I PHYIR, GNYIS PA SKYABS 'GRO'I RGYU YOD DE, RANG NYID SDUG BSNGAL MTHA' DAG GIS 'JIGS SHING, DE LAS SKYOB PA'I NUS PA DKON MCHOG RIN PO CHE GSUM LA YOD BAR SHES PA NI, SKYABS SU 'GRO BA'I RGYU PHUN SUM TSOGS PA YIN TE, DE LA BRTEN NAS SKYABS SU 'GRO BA'I BLO GDON MI ZA BAR 'BYUNG BA'I PHYIR, GSUM PA SKYABS SU 'GRO BA'I TSUL LAM NGO BO YOD DE, RGYU GNYIS PO DE LA BRTEN NAS DKON MCHOG GSUM LA BSAM PA THAG PA NAS SDUG BSNGAL MTHA' DAG LAS SKYOB PAR BLO LINGS KYIS SGYUR ZHING DAM BCA' LA KHAS LEN PAS RAB TU PHYE BA'I RIGS SU GNAS PA, SKYABS 'GRO'I NGO BO YIN PA'I PHYIR TE, SPYOD 'JUG LAS, BDAG NI 'JIGS PAS RNAM SKRAG NAS, ,KUN TU BZANG LA BDAG NYID 'BUL, ,ZHES SOGS GSUNGS BA'I PHYIR RO, ,DE LA NGO BO'I SGO NAS LUS NGAG YID GSUM GYI SKYABS 'GRO GSUM YOD, MTSAN GZHI NI LUS KYI PHYAG SOGS SO, ,DE LE? DMAN MCHOG GI SGO NAS SKYES PU CHUNG 'GRING CHEN PO'I DE GSUM DU YOD, DANG PO NI, RANG NYID NGAN 'GRO'I SDUG BSNGAL TZAM LAS THAR BA'I PHYIR SKYABS SU 'GRO BA LTA BU, GNYIS PA NI, RANG NYID 'KHOR BA'I SDUG BSNGAL LAS THAR PA'I PHYIR DU DE LA SKYABS SU SONG BA LTA BU, GSUM PA NI, SEMS
CAN 'KHOR BA'I SDUG BSNGAL LAS THAR PA'I PHYIR DU DKON MCHOG GSUM LA SKYABS SU 'GRO BA LTA BU'O, ,SA MTSAMS KYI SGO NAS, RGYU DUS KYI SKYABS 'GRO DANG, 'BRAS DUS KYI SKYABS 'GRO GNYIS YOD DE, DANG PO NI, SEMS CAN GYI RGYUD KYI SKYABS 'GRO LTA BU, GNYIS PA NI, SANGS RGYAS KYI SA'I SKYABS 'GRO LTA BU'O, ,PHRA RAGS KYI SGO NAS BRDA RNAMS LAS BYUNG BA'I SKYABS 'GRO DANG, CHOS NYID KYI STOBS KYIS THOB PA'I DE GNYIS LAS, DANG PO NI, MKHAN SLOB LA SOGS PA? GZHAN GYIS BSTAN PA'I RJES SU BZUNG BA'I SKYABS 'GRO LTA BU'O, ,GNYIS PA NI, SNGON SKYABS 'GRO BYAS PA'I BAG CHAGS GLO BUR DU 'CHAR BA LAS BYUNG BA DANG, CHOS NYID KYI GZUGS RTOGS PA'I MTHU LAS BYUNG BA'I SKYABS 'GRO LTA BU'O; ;BZHI PA PHAN YON NI, SKYABS SU SONG BA PHAN YON KHYAD PAR CAN DANG LDAN TE, SDIG LTUNG MTHA' DAG 'JOMS PAR BYED, TSOGS GNYIS RLABS PO CHE RDZOGS BAR BYED, NYER 'TSE THAMS CAD LAS SKYOB PA DANG, SO THAR GYI SDOM PA SOGS YON TAN GSAR DU THOB PAR BYED PA DANG, THOB ZIN MI NYAMS PAR SPEL BA DANG, RIGS SAD PAR BYED PA, BYANG CHUB MYUR DU THOB PAR BYED PA LA SOGS BA'I YON TAN DANG LDAN BA'I PHYIR, JI SKAD DU YANG, SKYABS SONG BSOD NAMS GZUGS MCHIS NA, ,STONG GSUM 'DI YANG SNOD DU CHUNG, ,RGYA MTSO CHEN PO CHU YI GTER, ,PHUL GYIS GZHAL BAR GA LA ZHUS?, ,ZHES GSUNGS PA'I PHYIR, LNGA PA LA, SO SO'I BSLAB BYA DANG, THUN MONG BA'I BSLAB BYA GNYIS LAS, DANG PO LA, DGAG PA'I BSLAB BYA DANG,
, ,SGRUB PA'I BSLAB BYA GNYIS LAS, DANG PO NI, MYANG 'DAS KYI MDO LAS, GANG ZHIG GSUM LA SKYABS 'GRO BA, ,DE NI YANG DAG DGE BSNYEN TE, ,NAM DU'ANG LHA NI GZHAN DAG LA, ,SKYABS SU SONG BA MA YIN NO; ;DAM PA'I CHOS LA SKYABS 'GRO BA, ,'TSE ZHING GSOD PA'I SEMS DANG BRAL, ,DGE 'DUN LA YANG SKYABS 'GRO BA, ,MU STEGS CAN DANG 'GROGS MI BYA, ,ZHES GSUNGS BA LTAR RO, ,GNYIS PA NI, BSHES SBRING LAS, JI LTAR BDE GSHEGS SKU GZUGS SHING LA SOGS, ,BGYIS PA JI 'DRA YANG RUNG MKHAS PAS MCHOD, ,CES GSUNGS PA LTAR RO, ,GNYIS PA NI, DKON MCHOG GSUM LA RANG GI SROG LAS KYANG GCES PAR BZUNG BA'I SGO NAS RGYUN LDAN DU DRAN PA DANG, PHYAG DANG MCHOD PA LA SOGS PA GUS BAR BYA ZHING, MA DAD BA'I SEMS SKAD CIG TZAM YANG MI 'BYUNG BA LA BSLAB BAR BYA STE, DE LTAR BYAS PAS BDE LEGS THAMS CAD KYI GZHI TSUGS PAR 'GYUR BA'I PHYIR TE, RJE BDAG NYID CHEN POS KYANG, SKYE DGU 'JIGS RUNG 'KHOR BA'I G-YANG SA RU, ,GROGS MED GCIG PU KUN TU RGYU BA NA, ,DKON MCHOG GSUM DANG 'DRA BA'I SKYABS GNAS MED, ,DE PHYIR BSAM PA THAG PAS SKYABS SU SONG, ,ZHES GSUNGS PA'I PHYIR, ` 'O NA; MA ZHEN ZHES PAS BYA BA NGAN ZHEN GYI LE LO SPONG BYED MA ZHEN PA'I BRTZON 'GRUS LA GDAMS PA DE 'CHAD NA, DE'I TSUL GANG ZHE NA, 'DI LA MDO LAS GSUNGS TSUL DANG, BSTAN BCO KYIS 'GREL
TSUL GNYIS LAS, DANG PO NI, DGE 'DUN DKON MCHOG LA GDAMS PA'I SKABS SU, BYANG CHEN KHA NA MA THO BA DANG BCAS PA'I LUS DANG NGAG DANG YID KYI LAS RNAMS KYI GO SKABS MI DBYE'O, ,ZHES GSUNGS PA LAS 'PHROS NAS, DE SKAD CES BKA' STZAL BA DANG, TSE DANG LDAN PA SH'A RI DVA TI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN LUS KYI KHA NA MA THO BA DANG BCAS PA GANG LAGS, DE SKAD CES GSOL PA DANG, BCOM LDAN 'DAS KYIS TSE DANG LDAN PA SH'A RI DVA TI'I BU LA 'DI SKAD CES BKA' STZAL TO, ,SH'A RI DVA TI'I BU 'DI LA BYANG CHEN 'DI SNYAM DU GANG GI LUS KYI LAS YANG DAG PAR BRTZON PA'I LUS DE NI GANG YIN, GANG GIS NGAG GI LAS GANG GIS YID KYI LAS YANG DAG PAR BRTZON PA'I YID D ENI GAN GYIN SNYAM PA 'DI NI SH'A RI DVA TI'I BU BYANG CHEN LUS DANG NGAG DANG YID KYI LAS BRTZON PA KHA NA MA THO BA DANG BCAS PA'O, ,ZHES PA NAS SH'A RI'I BU BYANG SEMS LA MA 'DI LA 'GRO ZHING PHA ROL TU PHYIN PA DRUG PO RNAMS LA SPYOD PA NI THUB PAR DKA' BA YIN PA'I PHYIR RO, ,ZHES PA'I BAR GYIS BSTAN, GNYIS PA MDO'I DON BSHAD PA LA, MA ZHE NA, ZHES GSUNGS, DE NYID TSIG DON GYI SGO NAS BSHAD PA LA, BRTZON 'GRUS BRTZAMS PA NYID KYIS JI SKAD BSHAD PA'I DON LA NAN TAN BYED PA LA, LUS LA SOGS PA'I BSOD NYAMS NYID KYIS LA LA MNGON BAR ZHEN PAR 'GYUR BSAM ZHEN PA LA LUS LA SOGS PA NGO BO NYID MED PAR BSTAN PA'I 'DOMS PA DANG, ZHES GSUNGS, DON NI, SH'A
, ,RI DVA TI'I BU 'DI LA BYANG CHEN 'DI SNYAM DU ZHES SOGS KYI MDO CHOS CAN, SGO GSUM BYA BA NGAN PA LAM ZHEN PA'I BRTZON 'GRUS LA GDAMS PA YIN TE, LUS NGAG YID GSUM GYI BSOD NAMS DE BDE BA SKYE BA LA ZHEN PAR 'GYUR BA'I LE LO SPONG PHYIR DU LUS NGAG SOGS BDEN MED DU MTSUNGS PAR GDAMS PA'I MDO TSIG YIN PA'I PHYIR, 'O NA; YONGS SU MI NGAL DANG, ,ZHES BAS SGYID LUG PA'I LE LO SPONG BYED YONGS SU MI NGAL BA'I BRTZON 'GRUS LA GDAMS PA DE 'CHAD TSUL GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, PHA ROL TU PHYIN PA DRUG PO RNAMS SPYOD PA NI THUB PAR MI NUS PA BZHIN NO, ,ZHES GSUNGS PA LAS 'PHROS NAS, BCOM LDAN 'DAS BYANG CHEN TSUL JI LTAR SPYOD PA RNAMS GZHAN THAMS CAD KYI THUB PA MA MCHIS BA LAGS, BCOM LDAN 'DAS KYIS BKA' STZAL PA, SH'A RI DVA TI'I BU GZHAN YANG BYANG CHEN PHA ROL TU PHYIN PA DRUG LA SPYOD PA'I TSE, GZUGS SU MI RLOM BA DANG, ZHES PA NAS, LUS GANG DANG LDAN PA'I LHA DANG BCAS PA'I 'JIG RTEN NANG NAS PADMAR 'GYUR BA DE LTA BU'I LUS YONGS SU 'DZIN BAR MI 'GYUR BDAG KYANG YOD DO, ,ZHES BA'I BAR GYIS BSTAN, GNYIS PA DE'I DON 'CHAD PA LA, YONGS SU MI NGAL DANG; ;ZHES GSUNGS, DE NYID TSIG DON GYI SGO NAS 'CHAD PA LA, DUS YUN RING MO ZHIG TU GOMS PAR BYAS KYANG 'DOD PA'I DON MA GRUB NA DANG NGAS BA'I RANG BZHIN CAN YONGS SU SKYO BAR 'GYUR BAS YONGS SU NGAL BA MED PA LA, GZUGS LA
SOGS PA NAS YANG DAG PAR RDZOGS PA'I BYANG CHUB KYI BAR LA RLOM PA MED PA NYID DU BSTAN PA'I GDAMS NGAG DANG, ZHES GSUNGS, DON NI, PHYIN DRUG LA SPYOD PA'I TSE GZUGS SU MI RLOM PA DANG, ZHES SOGS KYI MDO CHOS CAN, YONGS SU NGAL BA MED PA'I BRTZON 'GRUS LA GDAMS PA YIN TE, GZUGS NAS RDZOGS BYANG GI BAR GYI CHOS THAMS CAD BDEN MED DU MTSUNGS PAR BSTAN PA'I SGO NAS DUS YUN RING POR SGRUB PA NYAMS SU LEN PA LA SKYO NGAL SEL BA'I PHYIR DU 'DOMS BA'I MDO TSIG YIN PA'I PHYIR, 'O NA; LAM NI YONGS SU 'DZIN PA DANG, ,ZHES PAS BDAG NYID LA BRNYAS BA'I LE LO SPONG BYED LAM YONGS SU 'DZIN PA'I BRTZON 'GRUS LA GDAMS PA 'CHAD TSUL DE GANG ZHE NA, 'DI LA MDO LAS GSUNGS TSUL, BSTAN BCOS KYIS 'GREL TSUL GNYIS LAS, DANG PO NI, TSE DANG LDAN PA SH'A RI DVA TI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN THAMS CAD MKHYEN PA'I YE SHES DE GANG LAGS, BCOM LDAN 'DAS KYIS BKA' STZAL PA, SH'A RI DVA TI'I BU BYANG CHEN YE SHES GANG DANG LDAN PAS SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED KYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG G'A'I KLUNG GI BYE MA SNYED KYANG MTHONG NGO, ,DE DAG GIS CHOS STON PA LA YANG NYAN NO, ,ZHES PA NAS, SANGS RGYAS KYI CHOS THAMS CAD DU YANG RLOM PA MED PA YIN NO, ,ZHES PA'I BAR GYIS BSTAN, GNYIS PA DE'I DON 'CHAD PA LA, LAM NI YONGS SU 'DZIN PA DANG, ,ZHES GSUNGS, DE NYID TSIG
, ,DON GYI SGO NAS 'CHAD PA LA, PHYOGS BCU NA BZHUGS PA'I SANGS RGYAS LA SOGS PA LA DON RE RE'I PHYIR LAM GYI LUNG NOD PAR BYIN? SEMS ZHUM PAR 'GYUR BAS LAM YONGS SU BZUNG BA LA CHOS RNAMS RANG BZHIN GYIS MA SKYES PA NYID DU BSLAB PA'I GDAMS NGAG DANG, ZHES GSUNGS, DON NI, BYANG CHEN YE SHES GANG LAGS, ZHES SOGS KYI MDO CHOS CAN, THEG CHEN GYI LAM YONGS SU 'DZIN PA'I BRTZON BKRUS LA GDAMS PA YIN TE, CHOS THAMS CAD BDEN BA'I SKYE BA MED PAR BSTAN PA'I SGO NAS PHYOGS BCU'I SANGS RGYAS BYANG SEMS LA DON RE RE'I PHYIR LAM SGRUB BA'I LUNG NOD PAR BYA DGOS NA DE LTA BU BDAG GIS MI NUS SO, ,ZHES SEMS ZHUM BAR GYUR PA'I LE LO SPEL BA'I PHYIR DU 'DOMS PA'I MDO TSIG YIN PA'I PHYIR, CHOS THAMS CAD BDEN PA'I SKYE MED DU BSTAN PA'I GDAMS NGAG LA BSLABS PAS SEMS ZHUM BA SEL BA'I RGYU MTSAN YOD DE, DE LA BSLABS PAS NA CHOS THAMS CAD KYI GNAS LUGS LA BSLAB PAR 'GYUR BA'I PHYIR, 'O NA; SPYAN LNGA DANG NI, ZHES PAS SGRUB PA GZHAN GYI DRING LA MI 'JOG PA'I RGYU SPYAN LNGA LA GDAMS PA DE 'CHAD NA 'CHAD TSUL DE GANG ZHE NA, 'DI LA MDO LAS GSUNGS TSUL, BSTAN BCOS KYIS 'GREL TSUL, MTHA' DPYAD PA DANG GSUM LAS, DANG PO NI, SH'A RI DVA TI'I BU BYANG CHEN GANG DAG MIG LNGA RAB TU THOB PAR 'DOD PA DANG SBYONG BAR 'DOD PA YOD DE, MIG LNGA RAB TU THOB PA DANG SBYONG BA GANG ZHE NA, 'DI LTA STE, SHA'I MIG DANG, LHA'I MIG DANG,
SHES RAB KYI MIG DANG, CHOS KYI MIG DANG, SANGS RGYAS KYI MIG GO ,SH'A RI'I BUS GSOL BA, BCOM LDAN 'DAS BYANG CHEN SHA'I MIG YONGS SU DAG PA GANG LAGS, ZHES SOGS KYIS BSTAN, GNYIS PA, DE'I DON 'CHAD PA LA, SPYAN LNGA DANG NI; ZHES GSUNGS, DE NYID TSIG DON GYI SGO NAS 'CHAD PA LA, SHA'I MIG DANG, ZHES SOGS GSUNGS, 'DI LA TSIG DON DNGOS DANG, MJUG BSDU BA GNYIS LAS, DANG PO LA, MING GI SGO NAS GDAMS PA DANG, DON GYI SGO NAS GDAMS PA DANG, JI LTAR GDAMS BA'I TSUL GSUM LAS, DANG PO NI, 'DI LTA STE, SHA'I MIG DANG, LHA'I MIG DANG, SHES RAB KYI MIG DANG, CHOS KYI MIG DANG, SANGS RGYAS KYI MIG GO ,ZHES GSUNGS PA'I DON 'CHAD PA LA, SHA'I MIG DANG RNAM PAR SMIN PA LAS BYUNG BA'I LHA'I DANG SHES RAB DANG CHOS DANG SANGS RGYAS KYI SPYAN, ZHES GSUNGS, GNYIS PA LA LNGA LAS, DANG PO NI, SHA'I SPYAN LA GDAMS PA NI, MDO LAS, BCOM LDAN 'DAS KYIS BKA' STZAL BA, SH'A RI DVA TI'I BU BYANG CHEN SHA'I MIG GIS DPAG TSAD BRGYA MTHONG BA YOD DO, ,ZHES PA NAS, STONG GSUM GYI 'JIG RTEN GYI KHAMS MTHONG BA YOD DO, ,ZHES PA'I BAR GYIS BSTAN, DE'I DON 'CHAD PA LA, GRANGS JI LTA BA BZHIN DU DNGOS PO SO SOR NGES BA DANG, ZHES GSUNGS, GNYIS PA LHA'I SPYAN NI, SH'A RI'I BUS GSOL BA, BCOM LDAN 'DAS BYANG CHEN LHA'I MIG YONGS SU DAG PA GANG LAGS, ,BCOM LDAN 'DAS KYIS BKA' STZAL BA, SH'A RI'I BU RGYAL PO CHEN PO BZHI'I RIGS KYI F
, ,LHA RNAMS KYI LHA'I MIG GANG YIN PA DE NI BYANG CHUB SEMS DPAS RAB TU SHES SO, ,ZHES SOGS KYI DON 'CHAD PA LA, SEMS CAN THAMS CAD KYI 'CHI 'PHO BA DANG SKYE BA DANG, ZHES GSUNGS, GSUM PA SHES RAB KYI SPYAN NI, SH'A RI'I BUS GSOL BA, BCOM LDAN 'DAS BYANG CHEN SHES RAB KYI MIG YONGS SU DAG PA GANG LAGS, BCOM LDAN 'DAS KYIS BKA' STZAL PA, SH'A RI'I BU BYANG CHEN SHES RAB KYI MIG DANG LDAN PAS 'DUS BYAS SAM 'DUS MA BYAS SAM, DGE BA'AM MI DGE BA'AM, KHA NA MA THO BA DANG BCAS PA'AM, KHA NA MA THO BA MED PA'AM, ZAG PA DANG BCAS PA'AM, ZAG PA MED PA'AM, NYON MONGS PA DANG BCAS PA'AM, NYON MONGS PA MED PA'AM, 'JIG RTEN PA'AM, 'JIG RTEN LAS 'DAS PA'AM, KUN NAS NYON MONGS PA'AM, RNAM PAR BYANG BA YANG RUNG STE, CHOS GANG YANG RAB TU MI SHES PA DANG, ZHES SOGS KYIS BSTAN, DE'I DON 'CHAD PA LA, CHOS THAMS CAD LA RNAM PAR MI RTOG PA DANG, ZHES GSUNGS, BZHI PA CHOS KYI SPYAN NI, SH'A RI DVA TI'I BUS GSOL PA, BCOM LDAN 'DAS BYANG CHEN CHOS KYI MIG YONGS SU DAG PA GANG LAGS, BCOM LDAN 'DAS KYIS BKA' STZAL PA, SH'A RI'I BU BYANG CHEN CHOS KYI MIG NI GANG ZAG 'DI NI DAD PA'I RJES SU 'BRANG BA'O, ,ZHES SOGS KYIS BSTAN, DE'I DON 'CHAD PA LA, 'PHAGS PA'I GANG ZAG THAMS CAD RTOGS PA DANG, ZHES GSUNGS, LNGA PA SANGS RGYAS KYI SPYAN LA GDAMS PA NI, SH'A RI'I
BUS GSOL PA, BCOM LDAN 'DAS BYANG CHEN SANGS RGYAS KYI MIG YONGS SU DAG PA GANG LAGS, BCOM LDAN 'DAS KYIS BKA' STZAL PA, SH'A RI'I BU BYANG CHEN BYANG CHUB KYI SEMS KYI RJES LA RDO RJE LTA BU'I TING NGE 'DZIN LA MNYAM PAR BZHAG NAS, SEMS KYI SKAD CIG GCIG DANG LDAN PA'I SHES RAB KYIS RNAM PA THAMS CAD MKHYEN PA NYID RJES SU MTHONG BA GANG YIN PA DE NI DE BZHIN GSHEGS PA'I STOBS BCU DANG LDAN PA YIN, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD DANG, BYAMS PA CHEN PO DANG, SNYING RJE CHEN PO DANG LDAN PA YIN, MIG GANG GIS BYANG CHEN RNAM PA THAMS CAD DU MA MTHONG BA'AM, MA THOS PA'AM, MA BSAM PA'AM, RNAM PAR MA SHES PA CI YANG MED PA STE, SH'A RI'I BU 'DI NI BYANG CHEN BLA NA MED PA'I RDZOGS BYANG DU MNGON PAR SANGS RGYAS PA'I SANGS RGYAS KYI MIG YONGS SU DAG PA'O, ,ZHES PA'I BAR GYIS BSTAN, DE'I DON 'CHAD PA LA, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I YUL CAN RNAMS, ZHES GSUNGS, DE DAG GI DON BSDUS TE STON PA LA, SHVA RI DVA TI'I BU DE LTAR BYANG CHEN MIG LNGA YONGS SU SBYONG BAR 'DOD PA DANG RAB TU THOB PAR 'DOD PAS PHYIN DRUG LA BSLAB PAR BYA'O, ,ZHES GSUNGS, GSUM PA STON PA LA, DE BZHIN NYID DU RO GCIG PA NYID DU SGRUB PO ZHES SLOB PA, ZHES GSUNGS, GNYIS BSTON PA LA, SPYAN LNGA LA 'DOMS PA DANG, ZHES GSUNGS, GSUM PA LA MTSAN NYID, DBYE BA, SA
, ,MTSAMS, RGYU; RGYU LAS SKYE BA'I DGOS PA DANG LNGA LAS, DANG PO NI, RANG GI BDAG RKYEN DU GYUR PA'I BSAM GTAN GYI DNGOS GZHI'I SEMS LA BRTEN NAS BYUNG ZHING RANG YUL MNGON SUM DU MTHONG BAS RAB TU PHYE BA'I RIGS SU GNAS PA'I RIG PA, SPYAN GYI MTSAN NYID, GNYIS PA LA LNGA LAS, SPYAN LNGA'I NANG TSAN GANG ZHIG ,RANG GI THUN MONG MA YIN PA'I BDAG RKYEN DU GYUR PA'I SHA'I MIG LA BRTEN NAS DPAG TSAD BRGYA'I GZUGS PHRA RAGS MNGON SUM DU MTHONG BA'I RIG PA, SHA'I SPYAN GYI MTSAN NYID, DE GANG ZHIG ,DER GYUR BA'I LHA'I MIG LA BRTEN NAS SEMS CAN KYI 'CHI 'PHO BA DANG SKYE BA MNGON SUM DU MTHONG BA'I RIG PA, LHA'I SPYAN GYI MTSAN NYID, DE GANG ZHIG, RNAM PAR MI RTOG PA'I YE SHES SU DMIGS PA, SHES RAB KYI SPYAN GYI MTSAN NYID, DE GANG ZHIG ,'PHAGS PA'I GANG ZAG GI DBANG PO RNO RTUL GYI RIM PA JI LTA BA BZHIN DU RTOGS PA'I MKHYEN PA, CHOS KYI SPYAN GYI MTSAN NYID, DE GANG ZHIG ,CHOS THAMS CAD MNGON SUM DU RTOGS PA'I MTHAR PHYIN BA'I YE SHES, SANGS RGYAS KYI SPYAN GYI MTSAN NYID, KHO NA RE, SHA'I SPYAN YIN NA, SHES PA YIN DGOS PAR THAL, MTSAN NYID DE'I PHYIR, 'DOD MI NUS TE, SHA'I MIG DE DE YIN PA'I PHYIR TE, DE YOD PA'I PHYIR NAM KHYAB STE, SHA'I MIG YUL CAN MA YIN PA'I PHYIR, KHO NA GZHI'I? MIG GIS GZUGS MTHONG BAR THAL, LHA'I MIG GIS GZUGS MTHONG BA'I PHYIR TE, RNAM BSHAD LAS, TSE 'DIR BSAM GTAN BSGOM
PA'I MNGON PAR 'DU BYED PA LAS BYUNG BA'I LHA'I MIG NI BSKAL PA DANG MA BSKAL PA'I GZUGS PHRA RAGS THAMS CAD MTHONG BA BSGOMS PA LAS BYUNG BA'I MNYAM GZHAG GI SRAS? BSDUS PA'I GZUGS CAN DANG PA YIN PA, MNGON PAR SHES PA NI DES BDAG RKYEN BYAS PA LA BRTEN NAS CHOS GNYIS DANG MTSUNGS PAR LDAN PA'I YID KYI SHES PA'O, ,ZHES GSUNGS PA'I PHYIR NA MA KHYAB STE, LHA'I MIG GIS DE 'DRA'I GZUGS MTHONG BA'I MNGON SHES KYI BDAG RKYEN BYED PA'I DON YIN PA'I PHYIR, KHA CIG ,SPYAN DANG PO DBANG SHES YIN TE, DE LTAR MA YIN NA, SPYAN LNGA PO GANG RUNG LA YID SHES KYIS KHYAB PAR THAL, DE GNYIS YID SHES YIN PA'I PHYIR, RTAGS KHAS, 'DOD NA, SANGS RGYAS KYI MIG SHES CHOS CAN; DER THAL, DE'I PHYIR, SANGS RGYAS KYI SPYAN YIN PA'I PHYIR, CHOS THAMS CAD MNGON SUM DU RTOGS PA'I MTHAR PHYIN PA'I YE SHES YIN PA'I PHYIR NAM KHYAB, KHO NA RE, CHOS KYI SPYAN GYI MTSAN NYID MI 'THAD DE, THEG CHEN GYI MTHONG LAM PAR CHAD MED LAM CHOS KYI SPYAN YIN PA'I PHYIR DANG, LUNG GI CHOS KYI SPYAN YOD PA'I PHYIR, DANG PO GRUB STE, MDO LAS, 'DOD PA DANG GZUGS KYI LHA'I BU BYE BA PHRAG BRGYAS CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG PA THOB BO, ,ZHES PA'I CHOS KYI MIG DE MTHONG LAM LA BYED DGOS PA'I PHYIR NAM KHYAB, GNYIS PA GRUB STE, RGYAN SNANG LAS, GSUNG RAB YAN LAG BCU GNYIS LA THOGS PA MED PAR 'JUG PA NI CHOS KYI SPYAN NO, ,ZHES
, ,GSUNGS BA'I PHYIR, ZHES ZER, DES NA, SHA'I SPYAN DPAG TSAD BRGYA NAS STONG GSUM TSUN CHAD KYI GZUGS PHRA RAGS KYI YUL CAN DU MDO LAS GSUNGS NA, 'DI'I YUL STONG GSUM TSUN CHAD DU NGES SAM ZHE NA, STONG GSUM TSUN CHAD NGES PAR YUL DU BYED PAS MA KHYAB STE, DPAG TSAD BRGYA'I GZUGS TZAM MTHONG BA NAS, STONG GSUM GYI STONG CHEN PO'I GZUGS MTHONG BA'I BAR CI RIGS YOD PA'I PHYIR, DES NA DPAG TSAD BRGYA NAS STONG GSUM TSUN CHAD CI RIGS PA YUL DU NGES PAR NYI SNANG LAS GSUNGS TE, DE NYID LAS, DE NI RNAM PAR SMIN PA LAS BYUNG BA NYID YUL SO SOR NGES PA YIN PA'I PHYIR, SHA'I MIG NI BDAG PO'I 'BRAS BU'I YUL CAN YIN LA, DE YANG STONG GSUM GYI STONG CHEN PO'I 'JIG RTEN GYI KHAMS KYIS BSDUS PA YIN PA'I PHYIR, ZHES GSUNGS PA'I PHYIR, DES NA LUNG DES RGYU MTSAN GNYIS BSTAN YUL DE LTAR NGES PA'I RGYU MTSAN YOD DE, SHA'I SPYAN NI LAS KYI RNAM PAR SMIN PA LAS BYUNG BA'I PHYIR, ZHES PA DANG, SHA'I SPYAN DE NI BDAG 'BRAS KYI YUL CAN YIN PA'I PHYIR, ZHES PA GNYIS BSTAN PA'I PHYIR, DE LA KHYAB PA YOD PA'I RGYU MTSAN NI, SPYIR YUL LNGA PO 'DI, DBANG PO LNGA'I BDAG 'BRAS SAM DBANG 'BRAS YIN TE, NANG DU DBANG PO LNGA GRUB PA'I DBANG GIS PHYI ROL TU YUL LNGA 'GRUB PA'I PHYIR, KHA CIG ,SHES RAB KYI SPYAN LA BDAG MED PHRA RAGS GANG RUNG MNGON SUM DU RTOGS PAS KHYAB ZER BA MA YIN TE, THEG CHEN GYI MTHONG
LAM BAR TSAD MAD LAM GYIS DE GANG RUNG MNGON SUM DU MA RTOGS BA'I PHYIR TE, DE GANG RUNG DE'I DNGOS GZHAL MA YIN PA'I PHYIR TE, LHA'I SPYAN LA YANG SEMS CAN THAMS CAD KYI 'CHI 'PHO BA SOGS MNGON SUM DU RTOGS PAS MA KHYAB STE, DE LA NUS MTHU CHE CHUNG GI KHYAD PAR YOD PA'I PHYIR, KHO NA RE, RANG GI BDAG RKYEN DU GYUR PA'I MIG DBANG GZUGS CAN PA LA BRTEN NAS DPAG TSAD BRGYA'I GZUGS PHRA RAGS MNGON SUM DU MTHONG BA'I RIG PA, SHA'I SPYAN GYI MTSAN NYID, RANG GI BDAG? RKYEN DU GYUR PA'I BSAM GTAN BZHI PA THOB PA'I GANG ZAG GI RGYUD KYI MIG DBANG GZUGS CAN PA LA BRTEN NAS STONG GSUM TSUN CHAD KYI GZUGS MNGON SUM DU MTHONG BA'I RIG PA, ,LHA'I SPYAN GYI MTSAN NYID, ZER NA, DANG PO LA, BYANG SEMS TSOGS LAM BA'I RGYUD KYI SHA'I SPYAN CHOS CAN, MTSAN NYID DER THAL, MTSON BYA DE'I PHYIR, 'DOD NA, DBANG SHES SU THAL LO, ,'DOD MI NUS TE, TSUR MTHONG GI RGYUD KYI DBANG SHES KYIS PHRA RAGS TSAD BSKAL GYI GZUGS MI MTHONG BA'I PHYIR TE, RNAM 'GREL LAS, BAR CHOD LA SOGS YOD NA YANG, ,DBANG SHES BLO NI SKYE BAR 'GYUR, ,ZHES GSUNGS BA'I PHYIR, GNYIS PA LA, BYANG SEMS SBYOR LAM PA'I RGYUD KYI LHA'I SBYAN CHOS CAN, MTSAN NYID DER THAL, LHA'I SPYAN YIN PA'I PHYIR, 'DOD NA, DBANG SHES SU THAL LO, ,'DOD NA, LHA'I MIG GI MNGON SHES DBANG SHES YIN PAR THAL LO, ,KHA CIG ,RANG GI BDAG RKYEN DU GYUR BA'I ZHI LHAG ZUD 'BREL GYI TING NGE 'DZIN LA BRTEN NAS GZUGS LAS
, ,GZHAN PA'I RANG YUL DU GYUR PA'I KUN RDZOB BDEN PA MNGON SUM DU RTOGS PA'I RIG PA, CHOS KYI SPYAN GYI MTSAN NYID, ZER NA, RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN; MTSON BYA DER THAL, MTSAN NYID DE'I PHYIR, 'DOD NA, CHOS KYI SPYAN THOB PA'I RGYUN ZHUGS ZHUGS PA YOD PAR THAL LO, ,'DOD NA, 'PHAGS PA'I GANG ZAG GI DBANG PO RNO RTUL GYI RIM PA JI LTA BA BZHIN DU MNGON SUM DU RTOGS PA'I RGYUN ZHUGS ZHUGS PA YOD PAR THAL LO, ,'DOD NA, GZHAN SEMS SHES PA'I MNGON SHES RGYUD LDAN GYI DE YOD PAR THAL LO, ,GSUM PA NI, RNAM BSHAD LAS, SHA'I SPYAN TSOGS LAM NAS DANG, LHA'I SPYAN SBYOR LAM NAS DANG, SHES RAB KYI SPYAN MTHONG LAM MNYAM GZHAG NAS DANG, CHOS KYI SPYAN MTHONG LAM RJES THOB NAS DANG, SANGS RGYAS KYI SPYAN SANGS RGYAS KYIS DANG, RJES MTHUN PAS BRGYAD PA NAS YOD DO, ,ZHES GSUNGS, DON NI, DMAN LAM SNGON DU MA SONG BA'I THEG CHEN GYIs TSOGS LAM GYI SKABS SU SHA'I SPYAN THOB PA DANG, THEG CHEN GYI SBYOR LAM GYI GNAS SKABS SU LHA'I SPYAN THOB PA DANG, THEG CHEN GYI MTHONG LAM MNYAM GZHAG YE SHES NAS SHES RAB KYI SPYAN THOB PAS KHYAB PA DANG, THEG CHEN GYI MTHONG LAM RJES THOB YE SHES NAS CHOS KYI SPYAN THOB PAS KHYAB PAR GSUNGS PA DANG, SANGS RGYAS KYI SPYAN MTSAN NYID PA SANGS RGYAS KYIS DANG, RJES MTHUN PA SA BRGYAD PA NAS THOB PA YIN TE, GSER PHRENG LAS, 'ON KYANG LHA'I SPYAN TSOGS LAM NAS THOB PA LA SKYON
RKYEN DU GYUR PA'I BSAM GTAN GYI DNGOS GZHI CI RIGS LA BRTEN NAS SKYE BA YIN TE, KUN BTUS LAS, PHYI ROL PA'AM, NYAN THOS SAM BYANG CHUB SEMS DPA' YANG RUNG STE DAG PA'I BSAM GTAN RNAMS LA BRTEN NAS TSAD MED PA RNAMS 'GRUB BO,, TSAD MED PA RNAMS JI LTAR MNGON PAR SHES PA RNAMS DE BZHIN NO, ,ZHES GSUNGS PA'I PHYIR, DRUG PA RAB MTHA'I BSAM GTAN LA BRTEN NAS SKYE BA YIN TE, DE NYID LAS, YON TAN LHAG MA RNAMS NI, NYAN THOS SAM BYANG CHUB SEMS DPA' 'AM DE BZHIN GSHEGS PAS KYANG RUNG STE RAB KYI MTHAR PHYIN PA'I BSAM GTAN BZHI PA LA BRTEN NAS 'GRUB BO, ,ZHES GSUNGS PA'I PHYIR, MNGON SHES DRUG KA GZUGS MED KYI DNGOS GZHI LA MI BRTEN TE, DE NYID LAS, MNGON SHES DRUG KA BSAM GTAN LA BRTEN NAS; ZHES GSUNGS PA LA DGOS PA YOD BA'I PHYIR, GNYIS PA NI, RANG GI BDAG RKYEN DU GYUR BA'I BSAM GTAN GYI DNGOS GZHI'I SEMS LA BRTEN NAS RANG YUL MNGON SUM DU MTHONG BAS RAB TU PHYE BA'I RIGS SU GNAS PA, MNGON SHES KYI MTSAN NYID, DBYE NA DRUG YOD DE, MNGON SHES DRUG GI NANG TSAN GANG ZHIG, SA G-YO BA DANG GCIG TU BSGYUR ZHING MANG POR SPRUL BA LA SOGS PA BYED PAR NUS PA'I RIG PA, RDZU 'PHRUL GYI MNGON SHES KYI MTSAN NYID, RDZU 'PHRUL TZAM LA DBYE NA LAS LAS BYUNG BA, SNGAGS LAS BYUNG BA, SMAN LAS BYUNG BA, TING NGE 'DZIN BSGOMS BA LAS BYUNG BA DANG BZHI LAS, DANG PO NI, MI'I RDZU 'PHRUL LTA BU DANG, 'KHOR LOS SGYUR BA'I RGYAL PO DANG, SRIN PO DANG, SHA ZA 'GA' ZHIG LA YOD PA'I RDZU 'PHRUL LTA BU, GNYIS PA NI SNGAGS 'GA' ZHIG BGRANGS PA'I
, ,RJES MTHUN PA TZAM THOB NAS YANG SHES BYA JI SNYED PA PHAL CHER SHES NAS SGRUB PA LA NANG NAS BSKUL ZHING GZHAN GYI DRING MI 'JOG BAR RANG DBANG DU SGRUB PA LA 'JUG PA YIN NO, ,ZHES GSUNGS PA LTAR YIN LA, DON BSDU NA, SPYAN LNGA RGYUD LA BSKYED PA CHOS CAN, DGOS PA YOD DE, THEG CHEN GYI SGRUB BA NYAMS SU LEN PA LA GZHAN GYI DRING MI 'JOG PAR SGRUB PA LA RANG DBANG DU 'JUG PA SOGS KYI DGOS PA YOD PA'I PHYIR, SPYAN LNGA LA BRTAN PA LA DE LTAR 'GYUR BA'I DGOS PA YOD DE, DE LA BRTEN NAS THEG CHEN GYI SGRUB PA NYAMS SU LEN PA'I MTHUN RKYEN BRTEN TSUL DANG, 'GAL RKYEN SPONG TSUL RANG STOBS KYIS BDE BLAG TU RTOGS PAR 'GYUR BA'I PHYIR, THEG CHEN GYI SGRUB PA NYAMS SU LEN PA'I MTHUN RKYEN DE LA DU MA YOD DE, BSHES SPRINGS LAS, MTHUN PA 'GYUR PA'I YUL NA GNAS PA DANG, ,SKYES BU DAM PA RNAMS LA BRTEN PA DANG, ,BDAG GI LEGS SMON SNGON YANG BSOD NAMS BGYIS, ,'KHOR LO CHEN PO BZHI NI KHYOD LA MNGA', ,ZHES GSUNGS BA LTAR YOD PA'I PHYIR, DE LA MTHUN PA'I YUL YOD DE, MDO SDE'I RGYAN LAS, BLO LDAN GANG DU SGRUB PA'I YUL, ,LEGS PAR RNYED DANG GNAS BZANG DANG, ,SA BZANG PA DANG GROGS BZANG DANG, ,RNAL 'BYOR BDE BA'I YO BYAD LDAN, ,ZHES GSUNGS PA LTAR YOD PA'I PHYIR, BSTEN BYA'I SKYES BU DAM PA YANG YOD DE, DE NYID LAS, BYANG CHUB SEMS DPA' THOS MANG DANG, ,BDEN MTHONG SMRA MKHAS BRTZE BA CAN, ,SKYO MED SKYES BU DAM PA NI, ,CHEN PO YIN
MED LA, SA BRGYAD BA'I YONGS SBYONG GI SKABS SU SANGS RGYAS KYI SPYAN THOB PAR GSUNGS PAS RJES MTHUN PA DE NAS YOD DO, ,ZHES GSUNGS, DE RNAMS GTZO CHE BA'I DBANG DU BYAS KYI NGES BZUNG GIS MTSAMS DE NAS 'JOG PA MA YIN TE, LHA'I SPYAN THOB BA'I LAM MA ZHUGS KYI GANG ZAG KYANG YOD, CHOS KYI SPYAN THOB BA'I NYAN THOS LA SOGS PA YANG YOD PA'I PHYIR, DANG PO GRUB STE, BSAM GTAN BZHI PA'I RTEN CAN GYI LAM MA ZHUGS KYI GANG ZAG YOD PA'I PHYIR, GNYIS PA GRUB STE, 'PHAGS PA'I GANG ZAG GI DBANG PO RNO RTUL GYI RIMS BA JI LTA BA BZHIN DU SHES PA'I NYAN THOS LA SOGS PA YOD PA'I PHYIR TE, GZHAN SAMS SHES PA'I MNGON SHES THOB PA'I DE YOD PA'I PHYIR, BZHI PA NI, MDO LAS, BYANG CHEN MIG LNGA YONGS SU SBYONG BAR 'DOD PA DANG, RAB TU THOB PAR 'DOD PAS PHA ROL TU PHYIN PA DRUG LA BSLAB PAR BYA'O, ,ZHES GSUNGS PA LTAR, PHA ROL TU PHYIN PA DRUG LA SLOB PA DANG, RDZU 'PHRUL GYI RKANG PA SGOM PA LA SOGS PA RNAMS YIN NO, ,LNGA PA NI, RNAM BSHAD LAS, SPYAN LNGA PO 'DI DAG DANG LDAN NA SHA'I SPYAN GYIS STONG GSUM TSUN CHAD KYI CHOS STON PA'I DGE BA'I BSHES GNYEN DANG, RANG GI GDUL BYA LA SOGS PA GANG NA GNAS PA JI LTA BA BZHIN DU SHES SHING, GNYIS PAS GDUL BYA GANG DU SHI 'PHOS SHING SKYE BA SHES PA DANG, GSUM PAS GDUL BYA GDUL BA'I THABS GNAS LUGS KYI DON MNGON SUM DU SHES SHING, BZHI PAS GROGS DANG CHOS BSTAN PAR BYA BA'I GDUL BYA DBANG PO RNO RTUL GYI BYE BRAG RNAMS LEGS PAR SHES PA DANG, LNGA PA
, ,KYI LHA'I MIG GIS SHES PAR 'GYUR BA'I PHYIR, 'DOD GZUGS KYI LHA RNAMS KYI LHA'I MIG GIS BYANG SEMS KYI LHA'I MIG MI SHES PAR GSUNGS PA'I DON YOD DE, DE DAG GIS BYANG SEMS KYI LHA'I SPYAN CI 'DRA BA DANG DE'I SPYOD YUL LA SOGS PA SHES PAR MI NUS PA'I PHYIR, 'O NA GNAS GTZANG GI LHA RNAMS KYIS DE SHES MI NUS PA MED DE, DE RNAMS 'PHAGS PA KHO NAR NGES PA'I PHYIR NA, SKYON MED DE, DE NI GNAS GTZANG GI RTEN CAN GYI THEG CHEN 'PHAGS PA LA DGONGS PA YIN PA'I PHYIR; ` 'O NA; MNGON SHES KYI, ,YON TAN DRUG DANG, ZHES PAS SGRUB PA'I YON TAN THAMS CAD RDZOGS PA'I RGYU MNGON SHES DRUG LA GDAMS PA'I GDAMS NGAG 'CHAD TSUL GANG ZHE NA, 'DI LA YANG MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, SH'A RI DVA TI'I BU SHER PHYIN 'DI LA SPYOD PA'I BYANG CHEN MNGON SHES KYI PHA ROL TU PHYIN PA THOB STE, ZHES SOGS KYIS BSTAN, GNYIS PA DE'I DON 'CHAD PA LA, MNGON SHES KYI, ,YON TAN DRUG DANG, ZHES GSUNGS, DE NYID TSIG DON GYI SGO NAS 'CHAD PA LA, RDZU 'PHRUL DANG, ZHES SOGS GSUNGS, 'DI LA YANG MING GI SGO NAS GDAMS PA DANG, DON GYI SGO NAS GDAMS PA DANG, JI LTAR GDAMS BA'I TSUL, MJUG BSDU PA'O, ,DANG PO NI, 'O NA; MNGON SHES DRUG DANG, ZHES 'CHAD NA, DE GANG ZHE NA, DE STON PA LA, RDZU 'PHRUL DANG, LHA'I RNA BA DANG, GZHAN GYI SEMS SHES PA DANG, SNGON GYI GNAS RJES SU DRAN PA DANG, MNGON PAR 'DU BYED PA LAS BYUNG BA LHA'I MIG DANG, ZAG PA ZAD PA SHES PA'I MNGON PAR SHES PA,
PAR SHES PAR BYA, ,ZHES GSUNGS PA LTAR DGOS PA'I PHYIR, SMON LAM BTAB TSUL YOD DE, DE NYID LAS, DMIGS PA BZANG DANG STON PA BZANG, ,THABS BZANG BA DANG NGES 'BYUNG DANG, ,SBYOR BA BZANG PO'I BDAG NYID KYI, ,YANG DAG SMON LAM YIN PA'I PHYIR; ;ZHES GSUNGS PA LTAR, DMIGS PA BZANG PO THEG CHEN LA DMIGS, STON PA BZANG PO TSOGS SPEL, THABS BZANG PO ZHI LHAG BSGOMS, NGES 'BYUNG BZANG PO CUNG ZAD TZAM GYIS CHOG PAR 'DZIN, SBYOR BA BZANG PO BDAG NYID KYI RTAG SBYOR DANG GUS SBYOR RGYUN DU BRTEN PAR SMON LAM BTAB DGOS BA'I PHYIR, SNGON BSOD NAMS BSAGS TSUL YANG YOD DE, DE NYID LAS, DGA' DANG DAL BAR SKYE BA DANG, ,NAD MED PA DANG? TING NGE 'DZIN, ,RNAM PAR 'BYED PA'I BYED RGYU NI, ,SLON CHAD BSOD NAMS BYAS PA NYID, ,CES GSUNGS PA LTAR YIN DGOS PA'I PHYIR, ,GZHUNG DON NI, BYANG CHEN SHA'I MIG GI ZHES SOGS KYI MDO CHOS CAN, SPYAN LNGA LA GDAMS PA YIN TE, SPYAN LNGA YUL YUL CAN DANG BCAS PA RNAMS BDEN STONG RO GCIG PA NYID DU THOB BO, ,ZHES 'DOMS PA'I MDO TSIG YIN PA'I PHYIR, 'O NA; SHA'I SPYAN GYI SKABS SU, DPAG TSAD BRGYA MTHONG BA YOD DO, ,ZHES SOGS SMOS PA'I RGYU MTSAN GANG ZHE NA, DE YOD DE, BYANG SEMS KYIS MTHO DMAN DANG YON TAN CHE CHUNG GI RIM PAS DE LTAR BSTAN PA'I PHYIR, LHA RNAMS KYI LHA'I MIG BYANG SEMS KYIS SHES PAR GSUNGS PA'I DON YOD DE, DE DAG GIS MIG DANG DE'I YUL DANG, LHA DE DAG GI BSAM GTAN DANG TING NGE 'DZIN RNAMS BYANG SEMS
, ,DU BDE 'GRO DANG NGAN 'GROR NYE BAR 'GRO BA RNAMS RAB TU SHES TE, ZHES SOGS KYIS BSTAN, DE'I DON 'CHAD PA LA, GZUGS THAMS CAD MTHONG BA DANG, ZHES GSUNGS, ZAG PA ZAD PA'I MNGON SHES LA GDAMS PA NI; DE MI SKYE BA MNGON DU BYED PA'I MNGON PAR SHES PA'I YE SHES MNGON PAR BSGRUBS TE, NYAN THOS KYI SA'AM RANG SANGS RGYAS KYI SAR MI LTUNG ZHING, BLA MED RDZOGS BYANG DU MNGON PAR SANGS RGYAS PAR BYA'O SNYAM PA MA GTOGS CHOS GZHAN 'GA' LA YANG SMON PAR MI BYED DO, ,ZHES SOGS KYIS BSTAN, DE'I DON 'CHAD PA LA, NYON MONGS PA DANG SHES BYA'I SGRIB PA SPONG BAR BYED PA RNAMS, ZHES GSUNGS, DE LTAR DON BSDUS NAS GDAMS PA LA, SH'A RI'I BU BYANG CHEN SHER PHYIN LA SPYOD PAS MNGON PAR SHES PA DRUG YONGS SU RDZOGS PAR BYED PA DANG, YONGS SU DAG PAR BYED DO, ,ZHES GSUNGS, GSUM PA STON PA LA, GZOD MA NAS ZHI BA NYID DU SBYAR BAR BYA'O, ,ZHES GSUNGS, BZHI PA STON PA LA, MNGON PAR SHES PA DRUG LA 'DOMS PA DANG, ZHES GSUNGS, GZHUNG DON NI BYANG CHEN MNGON SHES KYI PHA ROL TU PHYIN PA THOB BO, ,ZHES SOGS KYI MDO CHOS CAN, MNGON PAR SHES PA DRUG LA GDAMS PA YIN TE, MNGON PAR SHES PA DRUG GIS THA SNYAD DU YUL GZIGS PA'I NUS PA BSTAN NAS, DE DRUG PO DON DAM PAR MED CES 'DOMS PA'I MDO TSIG YIN PA'I PHYIR, MTHA' DPYAD PA LA, MNGON SHES KYI RTEN, BRTEN PA MNGON SHES KYI RANG BZHIN, SA MTSAMS, RGYU; DGOS PA, KHYAD PAR DANG DRUG LAS, DANG PO NI, MNGON SHES DANG PO LNGA RANG GI BDAG
ZHES GSUNGS, GNYIS PA LA DRUG YOD PA'I, RDZU 'PHRUL GYI MNGON SHES LA GDAMS PA NI, SH'A RI'I BU SHER PHYIN 'DI LA SPYOD PA'I BYANG CHEN MNGON PAR SHES PA'I PHA ROL TU PHYIN PA THOB STE RDZU 'PHRUL GYI RNAM PA DU MA NYAMS SU MYONG BAR BYED DO, ,DE NI SA CHEN PO 'DI YANG RAB TU G-YO BAR BYED CING GCIG TU GYUR NAS MANG POR 'GYUR RO, ,ZHES SOGS KYIS BSTAN, DE'I DON 'CHAD PA LA, SA G-YO BA LA SOGS PA DANG, ZHES GSUNGS, LHA'I RNA BA'I MNGON SHES NI, DE NI LHA'I RNA BA'I KHAMS RNAM PAR DAG PA MI LAS 'DAS PAS, LHA DANG MI GNYIS KA'I SGRA THOS TE, ZHES SOGS KYIS BSTAN, DE'I DON 'CHAD PA LA, 'JIG RTEN GYI KHAMS THAMS CAD NA GNAS PA'I SGRA CHUNG DU DANG CIG SHOS THOS PA DANG, ZHES GSUNGS, GZHAN SEMS SHES PA'I MNGON SHES NI DES SEMS CAN PHA ROL DANG GANG ZAG PHA ROL GYI SEMS SEMS KYIS YANG DAG PA JI LTA BA BZHIN RAB TU SHES SO, ,ZHES SOGS KYIS BSTAN, DE'I DON 'CHAD PA LA, GZHAN GYI SEMS 'DOD CHAGS DANG BCAS PA LA SOGS PA YONGS SU SHES PA DANG, ZHES GSUNGS, SNGON GNAS RJES DRAN GYI MNGON SHES NI, DE NI SNGON GYI GNAS RJES SU DRAN PA'I MNGON BAR SHES PAS SKYE BA GCIG KYANG RJES SU DRAN NO, ,ZHES SOGS KYIS BSTAN, DE'I DON 'CHAD PA LA, RANG DANG GZHAN GYI TSE RABS SNGA MA DU MA RJES SU DRAN PA DANG, ZHES GSUNGS, LHA'I MIG GI MNGON SHES NI, DE LHA'I MIG RNAM PAR DAG PA MI LAS 'DAS PAS SEMS CAN 'CHI 'PHO BA DANG, SKYE BA DANG, MDOG SDUG PA DANG, MI SDUG PA DANG, BZANG BA DANG, NGAN PA DANG, LAS JI LTA BA BZHIN
, ,MTHUS RDZU 'PHRUL STON NUS PA LTA BU, GSUM PA NI, SMAN 'GA' ZHIG BCANGS PA TZAM GYIS RDZU 'PHRUL STON NUS BA LTA BU, BZHI PA NI, SKABS 'DIR DNGOS SU BSTAN PA'I RDZU 'PHRUL GYI MNGON SHES LTA BU, DE GANG ZHIG, RANG GI BDAG RKYEN DU GYUR PA'I LHA'I RNA BA LAS SKYES SHING 'JIG RTEN GYI KHAMS KYI SGRA PHRA RAGS SHES PA, LHA'I RNA BA'I MNGON SHES KYI MTSAN NYID, LHA'I RNA BA TZAM LA DBYE NA, SKYES NAS THOB PA, LAS LAS BYUNG BA, TING NGE 'DZIN LAS SKYES PA DANG GSUM LAS, DANG PO NI, BSAM GTAN BZHI BA PA'I RGYUD KYI LHA'I RNA BLTA BU, GNYIS PA NI, 'KHOR LOS SGYUR PA'I RGYAL PO'I DE LTA BU, GSUM PA NI, SKABS 'DIR BSTAN GYI DE LTA BU, KHA CIG ,MTSAN NYID KI ZUR PHYI MA LA TING NGE 'DZIN SHES RAB MTSUNGS LDAN DANG BCAS PA ZHES SNON PA MA YIN TE, RDZU 'PHRUL GYI MNGON SHES SU GYUR PA'I SHES RAB MTSUNGS LDAN DU BYUNG BA'I SHES RAB MED PA'I PHYIR, DE GANG ZHIG ,GZHAN GYI SEMS 'DOD CHAGS DANG BCAS MA BCAS SOGS SHES PA'I RIGS SU GNAS PA, GZHAN SEMS SHES PA'I MNGON SHES KYI MTSAN NYID, RIGS GNAS SMOS PA LA DGOS PA YOD DE, PHYI ROL BA'I RGYUD KYI GZHAN SEMS SHES PA'I MNGON SHES DE GZHAN GYI SEMS 'DOD CHAGS DANG BCAS MA BCAS SOGS RTOGS MI NUS PA'I PHYIR TE, DES DE 'DOD CHAGS DANG BRAL BA DE RTOGS MI NUS PA'I PHYIR, GZHAN SEMS SHES PA TZAM LA DBYE NA, SKYES NAS THOB PA DANG, LAS LAS BYUNG BA DANG, RIG BYED LAS SHES PA DANG, TING NGE 'DZIN LAS BYUNG BA BZHI LAS, DANG PO NI 'DOD LHA DANG LHA 'DRE PHAL CHER LTA BU, GNYIS PA
NI, BAR SRID PA LTA BU, GSUM PA NI, RTOG GE BA MKHAS PA LTA BU, BZHI PA NI SKABS 'DIR BSTAN GYI DE LTA BU, DE GANG ZHIG, RANG GZHAN GYI TSE RABS SNGA MA DU MA RJES SU DRAN PA'I RIGS SU GNAS PA, SNGON GNAS RJES DRAN GYI MNGON SHES KYI MTSAN NYID, RIGS GNAS SMOS PA LA DGOS BA YOD DE, SNGAR BZHIN, SNGON GNAS RJES DRAN TZAM LA DBYE NA SNGAR BZHIN GSUM LAS, DANG PO NI, LHA 'DRE PHAL CHER LTA BU, GNYIS PA NI DMYAL BAR LTA BU, GSUM PA NI, SKABS 'DIR BSTAN GYI MNGON SHES LTA BU, DE GANG ZHIG, RANG GI BDAG SKYEN DU GYUR PA'I LHA'I MIG LA BRTEN NAS SKYES SHING 'JIG RTEN GYI KHAMS KYI GZUGS PHRA RAGS MNGON SUM DU MTHONG BA, LHA'I MIG GI MNGON SHES KYI MTSAN NYID, LHA'I MIG TZAM LA YANG SNGAR BZHIN GSUM LAS, DANG PO NI, BSAM GTAN BZHI PA'I LHA LTA BU, GNYIS PA NI, 'KHOR LOS SGYUR RGYAL LTA BU, GSUM PA NI, SKABS 'DIR BSTAN GYI DE LTA BU'O, ,LHA'I MIG DANG RNA BA'I MNGON SHES 'DI NYID DBANG SHES SU MI 'THAD DE, DE GNYIS YID SHES YIN PA'I PHYIR, DE GNYIS RANG GI THUN MONG MA YIN PA'I BDAG RKYEN DU GYUR PA'I BSAM GTAN GYI DNGOS GZHI'I SEMS LAS SKYES PA'I SHES PA YIN PA'I PHYIR, DE LTA MA YIN NA TSUR MTHONG GI RGYUD KYI BSAM GTAN BZHI PA'I SAS BSDUS KYI LHA'I MIG GI MNGON SHES MED PAR THAL, LHA'I MIG GI MNGON SHES DBANG SHES GANG ZHIG ,DE'I RGYUD LA BSAM GTAN GNYIS PA YAN CHAD KYI SAS BSDUS KYI DBANG SHES MED PA'I PHYIR, DE'I RGYUD LA DE YAN CHAD KYI SAS BSDUS KYI RTOG DPYOD GNYIS MED PA'I PHYIR, KHO NA RE, TSUR MTHONG GI RGYUD KYI LHA'I? MIG GI MNGON SHES DE
, ,DGE BA YIN PAR THAL, DE YID SHES YIN PA'I PHYIR, 'DOD MI NUS TE, LUNG MA BSTAN YIN PA'I PHYIR TE, MDZOD LAS, MIG DANG RNA BA'I MNGON SHES NI, ,LUNG DU MA BSTAN LHAG RNAMS DGE ,ZHES GSUNGS PA'I PHYIR NA MA KHYAB, DE GANG ZHIG ,NYON SGRIB ZAD PAR SPANGS PA DE, ZAG ZAD KYI MNGON SHES KYI MTSAN NYID, KHA CIG ,MTSAN NYID KYI TSIG ZUR DU SGRIB GNYIS SPANGS PA'I THABS DANG, SPANGS BA'I SPANGS PA MNGON SUM DU RTOGS PA, ZHES SBYOR MI RIGS TE, NYAN THOS DGRA BCOM BA'I RGYUD KYI ZAG ZAD KYI MNGON SHES KYIS SGRIB GNYIS SPANGS PA'I SPANGS PA MNGON SUM DU MA RTOGS PA'I PHYIR, 'O NA; LHA'I MIG GI MNGON SHES DANG, LHA'I SPYAN LA KHYAD PAR CI YOD CE NA KHYAD PAR YOD DE, DANG PO TSE 'DIR BSAM GTAN SGOM PA'I STOBS LAS BYUNG, GNYIS PA DE RANG GI RGYU SNGON GYI DGE BA ZAG BCAS KYI LAS KYI RNAM PAR SMIN PA LAS BYUNG BA'I PHYIR, MNGON PAR 'DU BYED PA LAS BYUNG BA'I LHA'I MIG DANG, ZHES DANG, RNAM PAR SMIN PA LAS BYUNG BA'I LHA'I DANG, ZHES DANG, NYI SNANG LAS; MIG 'DI GNYIS KYI KHYAD PAR NI 'DI YIN TE, SPYAN LNGAS BSDUS PA'I LHA'I SPYAN GANG YIN PA DE NI RNAM PAR SMIN PA LAS BYUNG BA YIN LA, MNGON PAR SHES PAS BSDUS PA 'DI NI BSAM GTAN MNGON BAR 'DU BYED PA LAS BYUNG BA YIN NO, ,ZHES GSUNGS PA'I PHYIR, MDZOD KYI LUGS LA MNGON SHES DRUG Gi SHES RAB YIN TE, MNGON SHES RNAM DRUG RNAM GROL BLO, ,ZHES GSUNGS PA'I PHYIR, KUN BTUS KYI LUGS LA TING NGE 'DZIN DANG SHES RAB GANG RUNG GI SAS BSDUS PA YIN TE, TING NGE 'DZIN DANG
SHES RAB GANG YIN PA DE, ZHES GSUNGS PA'I PHYIR, MNGON SHES DANG PO LNGA RGYUD LDAN GYI PHYI ROL PA NYAN RANG BYANG SEMS RNAMS YOD LA, MNGON SHES DRUG PA BSAM GTAN GYI DNGOS GZHI THOB PA'I DGRA BCOM PA MTHA' DAG GI RGYUD LA YOD LA, DMAN LAM SNGON? DU MA SONG BA'I DBANG DU BYAS NA RJES MTHUN PAS BRGYAD PA NAS DANG, MTSAN NYID PA SANGS RGYAS KYIS SAR YOD, BZHI PA LA, THUN MONG BA'I RGYU, SO SO'I 'PHEN BYED KYI RGYU, 'GRUB BYED KYI RGYU DANG GSUM LAS, DANG PO NI, BSAM GTAN GYI DNGOS GZHI LA BRTEN NAS 'GRUB, GNYIS PA YOD DE, RIN CHEN PHRENG BAR, MCHOD RTEN MAR ME'I PHRENG BA DANG, ,MUN KHUNG DAG TU SGRON ME DANG, ,MAR ME 'BRU MAR BYIN PA YIS, ,LHA YI MIG NI THOB PAR 'GYUR, ,MCHOD RTEN MCHOD PAR ROL MO DANG, ,DRIL BU DAG NI PHUL BA DANG, ,DUNG DANG RNGA NI RAB PHUL BAS, ,LHA YI RNA BA THOB PAR 'GYUR, ,GZHAN GYI 'KHRUL BA MI GLENG ZHING, ,YAN LAG NYAMS PA RNAMS MI BRJOD, ,SEMS NI RJES SU BSRUNGS PAS NI, ,GZHAN GYI SEMS NI PHYES? NA THOB, ,LHA MA DANG BZHON PA BYIN PA DANG,, NYAM? CHUNG BKUR BA BYAS PA DANG, ,GZHON PAS BLA MA BKUR BA YIS, ,MKHAS PAS RDZU 'PHRUL THOB PAR 'GYUR, ,CHOS KYI CHED DANG DE BZHIN DU, ,CHOS GZHUNG DON DAG DRAN PA DANG, ,CHOS KYI SBYIN PA DRI MED PAS, ,TSE RABS DRAN PA THOB PAR 'GYUR, ,DNGOS RNAMS NGO BO NYID MED PAR, ,YANG DAG JI BZHIN YONGS SHES PAS, ,MNGON SHES DRUG PA ZAG PA KUN, ,ZAD PA'I MCHOG NI THOB PAR 'GYUR, ,ZHES GSUNGS PA LTAR YIN PA'I PHYIR, GSUM PA YOD DE, BSAM GTAN BZHI BA'I DNGOS GZHI'I SEMS LA BRTEN
, ,NAS; MI RTOG YE SHES KYIS BZUNG STE RANG RIG GI RNAM GNAS YID LA BYAS PAS, MNGON SHES DRUG MYUR DU 'GRUB PAR 'GYUR TE, MDO SDE'I RGYAN LAS, BSAM GTAN BZHI PA SHIN TU DAG THOB NAS,, MI RTOG YE SHES YONGS SU BZUNG BA DANG, ,JI LTAR RNAM GNAS YID LA BYED PA LAS, ,MTHU 'GRUB PA YI DAM PA THOB PAR 'GYUR, ,ZHES GSUNGS PA LTAR, BSAM GTAN GYI DNGOS GZHI'I SEMS LA BRTEN NAS, SNANG BA'I GZUGS DANG, SGRA SNANG SNA TSOGS PA DANG, SEMS KYI RNAM GRANGS MTHA' YAS PA DANG, SNGON GYI TSE RABS MTHA' YAS PA DANG, LUS YANG ZHING THOGS PA MED PA DANG, CHOS THAMS CAD BDEN BAR MED PA YID LA BYAS SHING SGOM BAS MNGON SHES MYUR DU THOB PAR 'GYUR BA'I PHYIR, LNGA PA LA; RNAM BSHAD LAS, MNGON SHES DRUG PO 'DI DAG DANG LDAN NA 'JIG RTEN GYI KHAMS MTHA' YAS PA'I CHOS STON PA'I SGRA PHRA RAGS MNGON SUM DU THOS SHING, TSE RABS SNGA MA NAS CHOS STON PA DANG GDUL BYA GANG DANG 'BREL BA SOGS DANG, DA LTAR GANG NA YOD PA SOGS MNGON SUM DU SHES SHING, RDZU 'PHRUL GYIS GDUL BYA LEGS PAR 'DUN PAR BYAS TE, DE'I RGYUD 'DOD CHAGS DANG BCAS MA BCAS SOGS SNOD LA LEGS PAR BRTAGS NAS THAR PA THOB PA'I THABS MNGON SUM DU SHES PA RNAMS BSTAN NAS RANG RGYUD KYI SGRUB PA MYUR DU RDZOGS PAR 'GYUR ZHING, DE RDZOGS PA NA RNAM MKHYEN MYUR DU RDZOGS PA'O, ,ZHES GSUNGS PA LTAR YIN LA, MDOR NA, MNGON SHES DRUG PA DE 'BRAS BU KHYAD PAR CAN DANG LDAN TE, 'PHAGS PA'I GNAS PA RNAM THAR SGO GSUM, LHA'I GNAS PA BSAM GTAN
BZHI; TSANGS PA'I GNAS PA TSAD MED BA BZHIS GNAS SHING, ZHING RAB 'BYAMS SU SEMS CAN GYI DON DU YANG DAG PAR RDZOGS PA'I SANGS RGYAS MCHOD PA DANG, SEMS CAN GYI SGRIB PA RNAM PAR DAG BAR BYED PA'I 'BRAS BU KHYAD PAR CAN DANG LDAN PA'I PHYIR TE, MDO SDE'I RGYAN LAS, GANG GIS 'PHAGS DANG LHA DANG TSANGS PA YIS, ,GNAS PA DBE MED RGYA CHES RTAG TU GNAS, ,PHYOGS SU DE SONG SANGS RGYAS SEMS CAN DAG ,YANG DAG MCHOD BYED RNAM PAR DAG PA BYED, ,CES GSUNGS PA'I PHYIR, MNGON SHES DRUG PO CHOS CAN, BYED LAS KHYAD PAR CAN DANG LDAN TE, MTHONG BA DANG STON PA'I BYED LAS, 'OD ZER 'GYED BA'I BYED LAS, ZHING DAG PAR BYED PA'I BYED LAS DANG LDAN PA'I PHYIR, DANG PO GRUB STE DE NYID LAS, CHAGS DANG 'JIGS BCAS SEMS CAN BCAS PA YI, ,'JIG RTEN KHAMS KUN SGYU MA LTA BUR MTHONG, ,DBANG LDAN JI LTAR 'DOD BZHIN DE DAG DANG, ,RNAM PA SNA TSOGS DAG KYANG YANG DAG STON, ,ZHES GSUNGS PA'I PHYIR, GNYIS PA GRUB STE, DE NYID LAS, 'OD ZER BTANG BA SHIN TU BSDUS PA YIS, ,NGAN SONG BDAG MTHO RIS 'GRO BAR BYED,, BDUD GNAS GZHAL MED KHANG MTHONG MDZES PA DAG ,BDUD BCAS KUN TU SKROD CING SKRAG PAR BYED, ,CES GSUNGS PA'I PHYIR, GSUM PA GRUB STE, DE NYID LAS, DE NI MCHOG TSOGS NANG DU TING NGE 'DZIN, ,DPAG MED RNAM PAR ROL BA KUN STON CING, ,LAS DANG SKYE DANG ZHING MCHOG SPRUL PA YIS, ,SEMS CAN RNAMS KYI DON DU DUS KUN GNAS, ,ZHES DANG, YE SHES DAG LA DBANG PHYIR ZHING RNAMS NI, ,JI LTAR 'DOD BZHIN BSTEN BZHIN DAG PA THOB, ,SANGS RGYAS MTSAN MI GRAGS PAR SANGS RGYAS MTSAN, ,YANG DAG BSGRAGS PAS
, ,DE DAG KHAMS GNAS 'GYED, ,CES GSUNGS PA'I PHYIR, GZHAN YANG, DE ZUG PO CHOS CAN, YONGS SU SMIN PAR BYED PA'I NUS PA DANG, BSNGAGS PA DANG, TSIG GZUNG BAR 'OS PA DANG LDAN TE, DE NYID LAS, 'DAB GSHOG KUN TU RGYAS PA'I BYA BZHIN DU, ,SEMS CAN SMIN PAR BYED BA NUS PA NYID, ,SANGS RGYAS LA NI SHIN TU BSRAGS PA THOB, ,SKYE DGU RNAMS LAS TSIG GZUNG 'OS PAR 'GYUR, ,ZHES GSUNGS PA'I PHYIR, DRUG PA NI, YUM GYI GNOD 'JOMS BAS, 'JIG RTEN PA DANG NYAN THOS DANG RANG RGYAL RNAMS KYI MNGON PAR SHES PA NI BDAG DANG MTSUNGS PA DANG BDAG LAS DMA' BA RNAMS KYI SEMS LA SOGS PA SHES PA TZAM DU ZAD KYI, BYANG CHUB SEMS DPA' YONGS SU DAG PA RNAMS KYI MNGON PAR SHES PA NI SANGS RGYAS BCOM LDAN 'DAS LA SOGS PAS GONG MA RNAMS KYI MTHU LA SOGS PA SHES PA LA THOGS PA MED DE, ZHES GSUNGS PA LTAR RO, ` ,'O NA, MTHONG LAM DANG, ZHES PAS SGRUB PA MTHAR THUG PA'I RGYU MTHONG LAM LA GDAMS PA'I GDAMS NGAG DE 'CHAD TSUL GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS BCOM LDAN 'DAS KYIS DE'I TSE, TSE DANG LDAN PA RAB 'BYOR LA BKA' STZAL PA, RAB 'BYOR BYANG CHEN RNAMS KYI SHER PHYIN LA BRTZAMS TE JI LTAR BYANG CHEN RNAMS SHER PHYIN LA NGES PAR 'BYUNG BAR 'GYUR BA DE LTAR SPYOD PAR GYIS SHIG ,CES PA NAS, SH'A RI'I BU BYANG CHEN RNAMS LA SHER PHYIN BSTAN PA 'DI NI NYAN THOS DANG RANG SANGS RGYAS THAMS CAD KYI YUL MA YIN NO, ,ZHES PA'I
BAR GYI MTHONG LAM LA GDAMS PA NYE BAR 'GOD PA DE BSTAN NAS, SKAD CIG MA BCU DRUG LA BSTAN PA RGYAS PAR BSHAD PA LA, TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHUB SEMS DPA', ZHES GSUNGS NA 'DI CHOS GANG GIS TSIG BLA DVAGS LAGS TE, 'DI LTA STE, BYANG CHUB SEMS DPA' ZHES BGYIS, ZHES PA NAS, RAB 'BYOR 'DUS BYAS KYI DBYINGS KYIS KYANG 'DUS MA BYAS YANG DAG PAR RJES SU MI MTHONG NGO, ,'DUS MA BYAS KYI DBYINGS KYIS KYANG 'DUS BYAS KYI DBYINGS YANG DAG PAR RJES SU MI MTHONG NGO, ,ZHES BA'I BAR GYI MDO TSAN BCU DRUG GSUNGS, GNYIS PA DE'I DON 'CHAD PA LA, MTHONG LAM DANG, ,ZHES GSUNGS, DE NYID TSIG DON GYI SGO NAS 'CHAD PA LA, MTHONG BA'I LAM BDEN PA BZHIS BSDUS BA SKAD CIG MA BCU DRUG GI NGO BO NYID CHOS DANG RJES SU SHES PA'I BZOD PA DANG SHES BA'I BDAG NYID LA, RNAL 'BYOR PA CHOS THAMS CAD NGO BO NYID MED PAR RTOGS PAS SGYU MA MKHAN BZHIN DU THAMS CAD LA MNGON PAR ZHEN PA MED PA'I LUS CAN DE SPANG BAR BYA BA'I DNGOS PO'I GNYEN PO NYID DU RNAM PAR SGOM PAR BYED DO ZHES STON PA MTHONG BA'I LAM LA 'DOMS PA DANG, ZHES GSUNGS, RAB 'BYOR BYANG CHEN SHER PHYIN LA BRTZAMS TE, ZHES SOGS KYI MDO CHOS CAN, THEG PA CHEN PO'I MTHONG LAM LA GDAMS PA YIN TE, DE SPANG BYA KUN BTAGS KYI GNYEN POR STON PA'I TSUL GYIS 'DOMS PA'I MDO TSIG YIN PA'I PHYIR, ` 'O NA; SGOM ZHES BYA LA, ZHES SGOM LAM LA GDAMS BA'I GDAMS NGAG 'CHAD TSUL GANG ZHE NA, 'DI LA YANG
, ,GNYIS LAS, DANG PO NI, RAB 'BYOR 'DUS BYAS KYI DBYINGS MED PAR 'DUS MA BYAS KYI DBYINGS SU GDAGS BAR MI NUS SO, ,'DUS MA BYAS KYI DBYINGS MED PAR YANG 'DUS BYAS KYI DBYINGS SU GDAGS PAR MI NUS SO,, ZHES PA NAS, RAB 'BYOR GYIS SMRAS PA, TSE DANG LDAN PA SH'A RI'I BU BYANG CHEN GYI SKYON ZHES PA NI 'DI LTA STE CHOS LA SRED PA'O, ,ZHES PA'I BAR GYIS BSTAN, GNYIS PA DE'I DON 'CHAD PA LA, SGOM ZHES BYA LA, ZHES GSUNGS, DE NYID TSIG DON GYI SGO NAS 'CHAD PA LA, 'DUS BYAS DANG 'DUS MA BYAS DAG NGO BO GCIG PA NYID KYIS, PHAN TSUN THA DAD PAR GDAGS PAR MI NUS PA BZHIN DU JI SKAD BSHAD PA'I MTHONG BA'I LAM GYIS MNGON SUM DU BYAS BA'I DNGOS PO LAS THA MI DAD PA LA DMIGS BA'I PHYIR MTHONG BA DANG SGOM PA DAG THA DAD DU GYUR BA MED PAS SGOM BA'I LAM MTSAN NYID BA RNAM PAR BZHAG BA NI MED KYI, 'ON KYANG DE NI RTEN CING 'BREL BAR 'BYUNG BA'I CHOS NYID KYIS DES SPANG BAR BYA BA'I DNGOS BO'I GNYEN PO NYID DU RNAM PAR SGOM PAR BYED DO, ,ZHES SGOM PA'I LAM LA 'DOMS PA STE, ZHES GSUNGS, DON NI, RAB 'BYOR 'DUS BYAS KYI DBYINGS ZHES SOGS KYI MDO CHOS CAN, SGOM LAM LA GDAMS PA YIN TE, DE YANG SPANG BYA LHAN SKYES KYI GNYEN POR SGOM BA'I TSUL GYIS 'DOMS BA'I MDO TSIG YIN BA'I PHYIR, DE LA YANG BSGOM BYA LAM GYI RANG BZHIN DANG, RTZOD PA SPANG BA GNYIS LAS, DANG PO NI, CHOS NYID MNGON SUM DU RTOGS PA'I THEG CHEN GYI SGOM LAM DE CHOS NYID MNGON SUM DU RTOGS PA'I THEG CHEN GYI MTHONG LAM LAS RIGS THA DAD PA MA YIN TE, DE 'DRA'I SGOM LAM DE 'DRA'I MTHONG LAM GYIS
MNGON SUM DU RTOGS PA'I MTSAN NYID RTOGS TSUL MTHUN PAR DMIGS NAS SGOM PAR BYED PA'I PHYIR, GNYIS PA LA, 'O NA, THEG CHEN GYI MTHONG LAM DANG THEG CHEN GYI SGOM LAM GNYIS LA SPANG BYA SPONG BA'I NUS PA LA KHYAD PAR MED PAR THAL, DE GNYIS RIGS THA DAD MA YIN PA'I PHYIR; ZER NA, DE LA KHYAB BA MED DE, DE GNYIS RIGS THA DAD MA YIN YANG THEG CHEN GYI MTHONG LAM DES SHES SGRIB LHAN SKYES SPONG MI NUS LA, CHOS NYID MNGON SUM DU RTOGS PA'I THEG CHEN GYI SGOM LAM GYIS SNGA MA LAS SGOM PA CHES ? SPANGS PA'I DBANG GIS SGRIB LHAN SKYES, SPONG NUS PA DE RTEN 'BREL GYI CHOS NYID KYIS THOB PA'I PHYIR, DE LTAR NA BYANG CHUB KYI SEMS DANG DES 'PHANGS PA'I PHYIR, ZHES SOGS KYI DON NI, 'O NA; GDAMS NGAG NI, ,BCU YI BDAG NYID SHES PAR BYA, ,ZHES 'CHAD NA, GDAMS NGAG GI BRJOD BYA LA BCUR GRANGS NGES BA'I RGYU MTSAN CI YIN ZHE NA, DE'I RGYU MTSAN YOD DE, BCU PO 'DI TZAM KHO NAS GANG ZAG GCIG 'TSANG RGYA BA'I BZHED DON THAMS CAD PHUN TSOGS SGRUB NUS PA'I PHYIR, DE LA BCUR GRANGS NGES PA YANG YIN TE, GNAS SKABS DANG MTHAR THUG GI DON SGRUB PA LA SGRUB PA RANG GI NGO BO LA 'DOMS PA DANG, DMIGS YUL BDEN PA BZHI, RTEN DKON MCHOG GSUM DANG, SGRUB BA'I RGYU DANG BZHIR NGES PA'I PHYIR, RGYU LA 'GAL RKYEN SPONG BA DANG, MTHUN RKYEN SGRUB PA'I RGYU GNYIS LAS, DANG PO LA YANG, BYA BA NGAN ZHEN GYI LE LO SPONG BSGRUB PA KHYAD PAR DU 'GRO BA'I MA CHAGS PA DANG, SGYID LUG NAS LAM LAS LDOG PA'I LE LO SPONG BA MI LDOG PAR 'GRO BA'I RGYU MING LA, ZHUM PA'I LE LO BDAG NYID LA BRNYAN NAS THEG DMAN DU 'JUG PA SPONG BA THEG PA GZHAN DU MI 'GRO BA'I RGYU LAM YONGS SU
, ,'DZIN PA GSUM DU NGES LA, GSUM PA LA YANG, SGRUB PA NYAMS SU LEN PA LA GZHAN GYI DRING MI 'JOG PA'I RGYU SPYAN LNGA, SGRUB PA MYUR DU RDZOGS PA'I RGYU MNGON SHES DRUG ,SGRUB PA MTHAR THUG PA'I RGYU MTHONG LAM DANG SGOM LAM LA 'DOMS PA RNAMS SU NGES PA'I PHYIR, ZHES 'CHAD PA LA, DES 'PHANGS PA'I CHOS KYI NGO BO NYID SHES RAB KYI PHA ROL TU PHYIN PA LA SGRUB PA'I RNAM PA GANG YIN PA MI DMIGS PA DANG, DE'I DMIGS PA GANG YIN PA 'PHAGS PA'I BDEN PA BZHI DANG, RTEN GANG YIN PA SKYABS GSUM DANG, KHYAD PAR DU 'GRO BA'I RGYU GANG YIN PA MA CHAGS PA DANG, MI LDOG PAR 'GRO BA'I RGYU GANG YIN PA YONGS SU MI NGAL BA DANG, THEG PA GZHAN GYIS MI 'GRO BA'I RGYU GANG YIN PA LAM YONGS SU 'DZIN PA DANG, GZHAN GYI DRING MI 'JOG PAR 'GRO BA NYID KYI RGYU GANG YIN PA SPYAN LNGA DANG, RNAM PA THAMS CAD MKHYEN PA NYID YONGS SU RDZOGS PA'I RGYU GANG YIN PA MNGON PAR SHES PA DRUG DANG, MTHAR THUG PA'I RGYU GANG DAG YIN PA MTHONG BA DANG SGOM BA'I LAM DAG STE, DE DAG THAMS CAD GDAMS NGAG GI SKABS SU BSTAN TE, 'DI TZAM KHO NAS DON THAMS CAD PHUN SUM TSOGS PAR 'GYUR BAS GDAMS NGAG NI RNAM PA BCU'O, ,ZHES PA'I GZHUNG 'DI RNAMS GSUNGS SO, ` ,GNYIS PA RTOGS DKA' BA BYE BRAG TU BSHAD PA LA, DBANG PO RTUL DANG RNON PO DAG ,CES SOGS GSUNGS NA, GZHUNG 'DIS DGE 'DUN DKON MCHOG 'CHAD TSUL GANG ZHE NA, 'DI LA MDO LAS GSUNGS TSUL DANG, BSTAN CHOS KYIS 'GREL TSUL GNYIS LAS, DANG PO NI, MDO LAS, SH'A RI'I BU BYAN CHEN SHER PHYIN 'DIS GNAS PA DE NI SANGS RGYAS KYI ZHING GZHAN
NAS SHI 'PHOS NAS 'DIR SKYES PA'AM, ZHES SOGS KYIS BSTAN ,GNYIS PA LA, MTSAMS SBYAR BA, RTZA BA; 'GREL BA DANG GSUM LAS, DANG PO NI, GDAMS YUL BCU YOD PA'I NANG NAS DGE 'DUN DKON MCHOG BYE BRAG TU 'CHAD BA'I RGYU MTSAN CI YIN ZHE NA, DE'I RGYU MTSAN YOD DE, DGE 'DUN DKON MCHOG DE BRJOD BYA'I DON RGYA CHE BAS RTOGS DKA' BA LA DGONGS NAS BYE BRAG TU BSHAD PA'I PHYIR, ZHES MTSAMS SBYOR BA LA, DGE 'DUN DKON MCHOG GI SKYABS SU BDE BLAG TU RTOGS PAR BYA BA'I PHYIR BAR SKABS KYI TSIGS SU BCAD PA GNYIS PO, ZHES GSUNGS, GNYIS PA MDO DE'I DON BSHAD PA'I SGO NAS DGE 'DUN DKON MCHOG LA NYI SHUR PHYE NAS 'CHAD PA LA, DBANG PO RTUL DANG RNON PO DAG ,CES SOGS GSUNGS, GSUM PA DE NYID TSIG DON GYI SGO NAS 'CHAD PA LA, 'CHAD PAR 'GYUR BA'I LAM SHES PA NYID KYIS BSDUS PA, ZHES SOGS GSUNGS, DE YANG, MDO LAS, BYANG CHEN SHER PHYIN 'DIS GNAS PA DE NI SANGS RGYAS KYI ZHING GZHAN NAS SHI 'PHOS NAS 'DIR SKYES PA'AM, DGA' LDAN GYI LHA'I RIGS DANG SANGS RGYAS KYI ZHING 'DI NYID NAS SHI 'PHOS NAS 'DIR SKYES PAR SHES PAR BYA'O, ,ZHES PAS, BRGYAD BA'I MING CAN GYI BYANG SEMS SPYIR BSTAN NAS, RGYUN ZHUGS ZHUGS PA DAD PA'I RJES PA BLANG GI MING CAN GYI BYANG SEMS DE STON PA LA; SH'A RI'I BU DE LA BYANG CHEN MI'I NANG NAS SHI 'PHOS TE MI DANG SKAL BA MNYAM PA NYID DU SKYES PA DE NI PHYIR MI LDOG PA'I BYAN CHEN MA GTOGS PAR DBANG PO RTUG BA YIN TE, SHER PHYIN GYI RNAL 'BYOR LA YANG MYUR DU MNYAM BAR 'JOG PA MA YIN,
, ,DE LA GZUNGS KYI SGO DANG, TING NGE 'DZIN GYI SGO RNAMS KYANG MYUR DU MNGON DU MI 'GYUR RO, ,ZHES SOGS GSUNGS, DE'I DON 'CHAD PA LA, DBANG PO RTUL DANG, ZHES GSUNGS SHING, RGYUN ZHUGS ZHUGS PA DBANG RNON CHOS KYI RJES 'BRANG GI MING CAN DE STON PA LA, SH'A RI'I BU DE LA BYANG CHEN GANG SANGS RGYAS KYI ZHING GZHAN NAS SHI 'PHOS TE 'DIR SKYES PA DE'I DBANG PO RNAMS RNO BAR 'GYUR ZHING DES MYUR DU RNAL 'BYOR 'DI 'GRUB PAR 'GYUR TE, 'DI LTA STE, YUM GYI RNAL 'BYOR, ZHES DANG, BYANG CHEN GANG DAG DGA' LDAN GYI LHA'I RIGS NAS SHI 'PHOS NAS 'DIR SKYES PA DE YANG DBANG PO SHIN TU RNO BAR 'GYUR ZHING, PHA ROL TU PHYIN BA DRUG LAS NYAMS PA MED PA DANG, GZUNGS KYI SGO DANG TING NGE 'DZIN GYI SGO THAMS CAD KYANG MNGON DU PHYOGS PAR 'GYUR RO, ,ZHES GSUNGS, DE'I DON 'CHAD PA LA, RNON PO DAG, CES GSUNGs SHING ,DE GNYIS KA TSIG DON GYI SGO NAS 'CHAD PA LA, 'CHAD PAR 'GYUR BA'I LAM SHES PA NYID KYIS BSDUS PA MTHONG BA'I LAM SKAD CIG MA BCU DRUG LA BRTEN NAS DAD PA DANG CHOS KYI RJES SU 'BRANG BA'I BYE BRAG GIS 'BRAS BU DANG PO LA ZHUGS PA RNAM PA GNYIS SO, ,ZHES GSUNGS, DON NI, THEG CHEN GYI MTHONG LAM BAR CHAD MED PA LA GNAS PA'I SEMS DPA' DBANG PO RNO RTUL GNYIS CHOS CAN, 'DIR BSTAN DGE 'DUN DKON MCHOG YIN TE, 'DIR BSTAN RGYUN ZHUGS ZHUGS PA'I MING GIS BTAGS NAS BSTAN BA'I RGYAL SRAS 'PHAGS PA YIN PA'I PHYIR, RGYUN ZHUGS 'BRAS
GNAS KYI MING CAN GYI BYANG SEMS DE STON PA LA, SH'A RI'I BU BYANG CHEN SHER PHYIN LA SPYOD CING SBYOR BA LA BRTZON PAR BYED PA NA, SEMS CAN YONGS SU SMIN PAR BYA BA'I PHYIR THABS MKHAS PA'I STOBS KYIS RGYUN TU ZHUGS PA'I 'BRAS BU MNGON DU BYAS KYANG NGA RGYAL DU MI BYED PA DAG YOD DE, ZHES GSUNGS, DE'I DON NI, DBANG PO RTUL DANG RNON PO DAG ,CES PAS SHUGS LA RGYUN ZHUGS TZAM PO PA'I MING CAN BSTAN NAS, DE'I DON 'CHAD PA LA, DE'I 'OG TU RGYUN TU ZHUGS PA YIN NO, ,ZHES GSUNGS, DON NI, THEG CHEN GYI MTHONG LAM RNAM GROL LAM LA GNAS PA'I SEMS DPA' CHOS CAN, 'DIR BSTAN DGE 'DUN DKON MCHOG YIN TE, 'DIR BSTAN RGYUN ZHUGS 'BRAS GNAS TZAM PO BA'I MING GIS BTAGS NAS BSTAN PA'I BYANG 'PHAGS YIN BA'I PHYIR, PHYIR 'ONG ZHUGS PA DAD MOS PA DANG, PHYIR MI 'ONG ZHUGS PA DANG MOS BA'I MING CAN GNYIS GCIG TU BYAS PA'I DAD MOS PA'I MING CAN DE STON PA LA, SH'A RI'I BU BYANG CHEN THABS MKHAS PA GANG DAG BSAM GTAN BZHI PO RNAMS 'GRUB PAR BYED CING, PHA ROL TU PHYIN LA RNAMS LA SPYOD PAR BYED CES PA NAS, SH'A RI'I BU DE DAG KYANG DBANG PO RTUL BA YIN CING, DBANG PO RNO BA MA YIN TE, ZHES BA'I BAR GSUNGS, DE MTHONG THOB PA GNYIS KYI MING CAN GNYIS GCIG TU BYAS PA'I ZHUGS PA MTHONG THOB PA'I MING CAN DE STON PA LA, BYANG CHEN BSAM GTAN BZHI PO RNAMS BSKYED NAS TSAD MED PA BZHI LA SNYOMS PAR 'JUG PA DANG, GZUGS MED PA'I SNYOMS PAR 'JUG PA BZHI LA SNYOMS PAR 'JUG BA
, ,DANG; BYANG CHUB KYI PHYOGS KYI CHOS SUM CU RTZA BDUN LA YANG SNYOMS PAR 'JUG LA, BSAM GTAN LA SOGS PA'I DBANG GIS NI MA YIN TE, 'ON KYANG THABS MKHAS PAS GANG DANG GANG NA SANGS RGYAS BCOM LDAN 'DAS RNAMS MNYES PAR BYED PAS BZHUGS SHING 'TSO SKYONG BA DE DANG DE DAG TU SKYE BAR 'GYUR BA DAG KYANG YOD DO, ,ZHES PA NAS BSKAL PA BZANG PO 'DI LA BLA MED RDZOGS BYANG DU MNGON BAR RDZOGS PAR 'TSANG RGYA'O, ,ZHES GSUNGS, MDO DE GNYIS KYI DON 'CHAD PA LA, DAD DANG MTHONG THOG CES GSUNGS SHING, DE NYID TSIG DON GYI SGO NAS 'CHAD PA LA, DE'I 'OG TU DBANG PO RTUL PO DANG RNON PO DAD PA DANG MTHONG BAS THOB PA DAG 'BRAS BU GNYIS PA LA ZHUGS PA GCIG KHO NA YIN NO, ,ZHES GSUNGS ,DON NI, 'DOD NYON DRUG PA SPONG BA LA BRTZON PA'I BYANG SEMS SGOM LAM PA CHOS CAN, 'DIR BSTAN DGE 'DUN DKON MCHOG YIN TE, 'DIR BSTAN PHYIR 'ONG ZHUGS PA'I MING CAN GYIS BSTAN BA'I BYANG 'PHAGS YIN PA'I PHYIR, DE'I 'OG TU SNGA MA BZHIN DU DAD PA DANG MTHONG BAS THOB PA 'BRAS BU GSUM PA LA ZHUGS PA GCIG KHO NA YIN NO, ,ZHES GSUNGS, DON NI, 'DOD NYON DGU PA SPONG BA LA BRTZON PA'I BYANG SEMS SGOM LAM PA CHOS CAN, CHOS SNGAR BZHIN, ,'DIR BSTAN PHYIR MI 'ONG ZHUGS PA'I MING GIS BSTAN PA'I BYANG 'PHAGS YIN PA'I PHYIR, PHYIR MI 'ONG 'BRAS GNAS KYI MING CAN STON PA LA, SH'A RI'I BU BYANG CHEN TSE GCIG GIS THOGS PA SHER PHYIN LA SPYOD BA GANG DAG THABS MKHAS PAS BSAM GTAN BZHI PA LA YANG
SNYOMS PAR 'JUG ,CES PA NAS, 'DIR SKYE BA BSTAN TE SANGS RGYAS KYI ZHING SNA TSOGS PA RNAMS SU BLA MED RDZOGS BYANG DU MNGON PAR RDZOGS PAR 'TSANG RGYA BDAG KYANG YOD DO, ,ZHES GSUNGS, DE'I DON NI, BAR CHAD GCIG ,CES PAS SHUGS LA PHYIR MI 'ONG 'BRAS GNAS TZAM BO BA'I MING CAN BSTAN NAS DE NYID TSIG DON GYI SGO NAS 'CHAD PA LA, DE'I 'OG TU LAN CIG PHYIR 'ONG BA YIN NO, ,ZHES GSUNGS, DON NI, 'DOD NYON DRUG PA SPANGS PA'I BYANG SEMS SGOM LAM PA CHOS CAN, 'DIR BSTAN DGE 'DUN DKON MCHOG YIN TE, 'DIR BSTAN PHYIR 'ONG 'BRAS GNAS TZAM PO PA'I MING GIS BTAGS BA'I BYANG SEMS 'PHAGS PA YIN BA'I PHYIR, 'DA' BA BZHI'I DBYE GZHI GZUGS SU NYER 'GRO'I PHYIR MI 'ONG GI MING CAN DE STON PA LA, SH'A RI'I BU BYANG CHEN MNGON SHES DRUG PO RNAMS THOB PA GANG DAG 'DOD PA'I KHAMS SU YANG MI SKYE, GZUGS KYI KHAMS SU YANG MI SKYE, GZUGS MED BA'I KHAMS SU YANG MI SKYE, ZHES PA NAS, GANG NA SANGS RGYAS BCOM LDAN 'DAS BZHUGS PA DE DANG DER SKYE BA DAG KYANG YOD DO, ,ZHES PA'I BAR GYIS BSTAN, RGYUN ZHUGS MI'I RIGS NAS RIGS SKYE'I MING CAN STON PA LA, SH'A RI'I BU BYANG CHEN BSAM GTAN BZHI DANG TSAD MED PA BZHI DANG GZUGS MED PA'I SNYOMS PAR 'JUG PA BZHI PO BSKYED NAS; YANG DE DAG THABS MKHAS PAS BSAM GTAN DANG TING NGE 'DZIN DANG SNYOMS PAR 'JUG PA RNAMS LAS LOG NAS 'DOD PA'I KHAMS SU SKYE BAR BYED DE, SEMS CAN YONGS SU SMIN PAR BYA BA'I PHYIR RGYAL RIGS, BRAM ZE'I RIGS, KHYIM
, ,BDAG GI RIGS SHING S'A LA CHEN PO LTA BU RNAMS SU SKYE BA YOD DO, ,ZHES GSUNGS PA'I PHYIR, RGYUN ZHUGS LHA'I RIGS NAS RIGS SKYE'I MING CAN STON PA LA, SH'A RI'I BU BYANG CHEN BSAM GTAN BZHI PA LA SNYOMS PAR 'JUG CING? TSAD MED PA BZHI DANG, GZUGS MED BA'I SNYOMS PAR 'JUG PA BZHI LA SNYOMS PAR 'JUG CING, DE DAG KYANG THABS MKHAS PA'I STOBS KYIS BSAM GTAN DANG TING NGE 'DZIN LA SNYOMS PAR 'JUG PA'I DBANG GIS MI SKYE BAR RGYAL PO CHEN PO BZHI'I RIGS KYI LHA RNAMS DANG, SKAL BA MNYAM PAR SKYE BA NAS, DE BZHIN GSHEGS PA DE DAG LA CHOS KYI 'KHOR LO BSKOR BA'I DON DU GSOL BA 'DEBS PAR BYED PA DAG KYANG YOD DO, ,ZHES GSUNGS, MDO DE GNYIS KYI DON BSHAD PA LA RIGS NAS RIGS, ,ZHES DANG, DE'I 'OG TU DE NYID LHA DANG MI'I RIGS NAS RIGS SU SKYE BA NYID KYIS GZHAN RNAM PA GNYIS YIN NO, ,ZHES GSUNGS, DON NI, RIGS NAS RIGS SKYE'I MING GIS BSTAN BA'I BYANG 'PHAGS CHOS CAN, KHYOD LA GNYIS SU YOD DE, KHYOD LA MI'I RIGS NAS RIGS SKYE'I MING CAN GCIG DANG, LHA'I RIGS NAS RIGS SKYE'I MING CAN GCIG STE GNYIS SU YOD BA'I PHYIR, PHYIR 'ONG 'BRAS GNAS KHYAD PAR CAN TSE GCIG BAR CHAD GCIG PA'I MING CAN DE STON PA LA SH'A RI'I BU BYANG CHEN BSAM GTAN BZHI THOB NAS, SANGS RGYAS KYI CHOS MA 'DRES PA BCO BRGYAD KYI BAR DU THOB PA DANG, DE DAG RJES SU RTOGS PAR BYED PA'I SPYOD PA GANG DAG 'PHAGS PA'I BDEN PA BZHI PO RNAMS THOB PA YIN YANG DE DAG MNGON SUM DU
MI PHYED PA DAG GO ,SH'A RI'I BU BYANG CHEN DE DAG NI TSE GCIG GIS THOGS PAR SHES BAR BYA'O, ,ZHES GSUNGS, MDO DE'I DON BSHAD PA LA, BAR CHAD GCIG ,CES DANG, DE'I 'OG TU DE NYID GZHAN BAR CHAD GCIG LA YIN NO, ,ZHES GSUNGS, DON NI, 'DOD NYON BRGYAD PA SPANGS DGU PA MA SPANGS BAR SKYE BA GCIG BLANGS NAS MYANG 'DAS MNGON DU BYED PA'I BYANG SEMS SGOM LAM PA CHOS CAN, 'DIR BSTAN DGE 'DUN DKON MCHOG YIN TE, 'DIR BSTAN PHYIR 'ONG 'BRAS GNAS KHYAD PAR CAN TSE GCIG BAR CHAD GCIG BA'I MING GIS BSTAN PA'I BYANG 'PHAGS YIN BA'I PHYIR, GZUGS SU NYER 'GRO'I PHYIR MI 'ONG BAR 'DA' BA'I MING CAN DE STON PA LA, SH'A RI'I BU BYANG CHEN SEMS DANG PO BSKYED PA NAS NYE BAR BZUNG STE, BSAM GTAN DANG PO THOB PAR GYUR PA DANG, TSAD MED PA BZHI, GZUGS MED PA'I SNYOMS PAR 'JUG PA BZHI, BYANG PHYOGS SO BDUN, STOBS BCU, MI 'JIGS PA BZHI, SO SO YANG DAG BAR RIG PA BZHI, SANGS RGYAS KYI CHOS MA 'BRAS PA BCO BRGYAD THOB PA GANG DAG THABS MKHAS BAS TSANGS RIS NAS 'OG MIN GYI LHA'I NANG DU SKYE BAR 'GYUR ZHING DER SANGS RGYAS NAS SEMS CAN GYI DON BYED PA DAG KYANG YOD DO, ,ZHES GSUNGS, DE SKYES TZAM NAS 'DA' BA'I MING CAN DE STON PA LA, SH'A RI'I BU BYANG CHEN GANG DAG SEMS BSKYED PA NYID KYIS BLA MED RDZOGS BYANG DU MNGON PAR 'TSANG RGYA ZHING CHOS KYI 'KHOR LO BSKOR NAS SEMS CAN GZHAL DU MED GRANGS MED PA RNAMS KYI DON BYAS NAS PHUNG PO MA LUS BA'I MYA NGAN LAS 'DAS PA'I DBYINGS SU YONGS SU MYA NGAN LAS
, ,'DA' ZHING, DE DAG YONGS SU MYA NGAN LAS 'DAS NAS KYANG, DAM PA'I CHOS BSKAL PA'AM BSKAL BA LAS LHAG BAR GNAS PA DAG YOD DO, ,ZHES GSUNGS, MNGON PAR 'DU BYED DANG BCAS TE 'DA' BA'I MING CAN STON PA LA, SH'A RI'I BU BYANG CHEN PHA ROL TU PHYIN PA DRUG LA SPYOD PA GANG DAG 'JIG RTEN GYI KHAMS SU 'DOD ZHING DE DAG TU SEMS CAN BYANG CHUB TU YANG DAG PAR 'JOG PAR BYED DO, ,ZHES PA NAS, SANGS RGYAS KYI ZHING SNA TSOGS SU BLA MED RDZOGS BYANG DU MNGON BAR RDZOGS PAR 'TSANG RGYA BDAG YOD DO, ,ZHES GSUNGS, MNGON PAR 'DU BYED MED PAR 'DA' BA'I MING CAN DE STON PA LA, SH'A RI'I BU BYANG CHEN GANG DAG DANG PO SEMS BSKYED PA NYID KYIS BYANG CHUB SEMs DPA'I SKYON MED PA LA YANG DAG PAR 'DA' ZHING PHYIR MI LDOG PA'I SA LA YANG NGES PAR GNAS SHING SANGS RGYAS KYI CHOS THAMS CAD KYANG BSKRUN BAR BYED, CES SOGS GSUNGS, MDO TSAN DE BZHI'I DON 'CHAD PA LA, BAR SKYES NAS DANG, BYED DANG BYED MIN, ZHES DANG, DE'I 'OG TU PHYIR MI 'ONG BA STE, BAR MA DO DANG, SKYES NAS DANG, MNGON PAR 'DU BYED PA DANG BCAS PA DANG, MNGON PAR 'DU BYED PA MED PAR YONGS SU MYA NGAN LAS 'DA' BA ZHES BYA BA RNAM PA BZHI PO, ,ZHES GSUNGS, DON NI, GZUGS SU NYER 'GRO'I PHYIR MI 'ONG GI MING GIS BTAGS PA'I BYANG 'PHAGS CHOS CAN, KHYOD LA DU MAR DBYER RUNG STE, KHYOD LA DE BAR DOR 'DA' BA, SKYES TZAM NAS 'DAB PA, MNGON PAR 'DU BYED DANG BCAS TE 'DA' PA, MNGON PAR 'DU BYED MED PAR 'DA' PA'I MING CAN GYI BYANG 'PHAGS BZHI YOD BA'I PHYIR, 'PHAR PA?
GSUM GYI DBYE GZHI 'OG MIN 'GRO BA'I MING CAN DE STON PA LA, SH'A RI'I BU BYANG CHEN PHA ROL TU PHYIN PA DRUG LA SPYOD PA GANG DAG 'KHOR LOS SGYUR BA'I RGYAL POR GYUR NAS SBYIN BA'I PHAR PHYIN LHUR BYAS TE, SEMS CAN THAMS CAD LA BDE BA'I YO BYAD THAMS CAD NYE BAR SGRUB CING ZHES PA NAS, TSANGS RIS NAS 'OG MIN GYI BAR DAG TU SKYES NAS SANGS RGYAS KYI ZHING SNA TSOGS SU 'TSANG RGYA BA DAG YOD DO, ,ZHES PA'I BAR GYIS BSTAN, DE LAS PHYE BA'I 'PHAR BA'I MING CAN DE STON PA LA, SH'A RI'I BU BYANG CHEN GANG DAG BSAM GTAN BZHI SGRUB STE, BSAM GTAN RNAMS LAS YONGS SU NYAMS NAS BSAM GTAN DAG PO SGRUB STE TSANGS RIS KYI LHA RNAMS SU SKYE ZHING, DE DAG YANG BSAM GTAN SGRUB NAS 'OG MIN GYI BAR DU SKYES NAS SANGS RGYAS KYI ZHING SNA TSOGS SU BLA MED RDZOGS BYANG DU MNGON BAR RDZOGS PAR 'TSANG RGYA BA DAG YOD DO, ,ZHES GSUNGS, PHYED 'PHAR GYI MING CAN DE STON PA LA, SH'A RI'I BU BYANG CHEN GANG DAG TSANGS PA'I 'JIG RTEN NAS SHI 'PHOS NAS GNAS GTZANG MAR SKYES TE, GNAS GTZANG MA'I GNAS GCIG GAM GNYIS LAS BRGAL NAS 'OG MIN DU SKYES NAS SANGS RGYAS KYI, ZHES SOGS GSUNGS, GNAS THAMS CAD DU 'CHI 'PHO BA'I MING CAN DE STON PA LA, SH'A RI'I BU BYANG CHEN GANG DAG BDAG NYID KYI LUS DE BZHIN GSHEGS PA'I SKU LTA BUR SPRUL NAS DGA' LDAN GYI GNAS SBYANGS NAS TSANGS RIS KYI LHA NAS 'OG MIN GYI LHA'I BAR DU SKYES TE THABS MKHAS PAS SEMS CAN DMYAL BA PA RNAMS LA CHOS STON CING, ZHES PA NAS, 'TSANG RGYA BA YANG YOD DO, ,ZHES PA'I BAR GYIS BSTAN
, ,MDO DE'I DON 'CHAD BA LA, 'OG MIN 'GRO, ,'PHAR GSUM, ZHES GSUNGS SHING, DE NYID TSIG DON GYI SGO NAS 'CHAD PA LA, DE'I 'OG TU DE NYID 'OG MIN GYI MTHAR THUG BAR 'GRO BA STE, 'PHAR BA DANG, PHYED DU 'PHAR BA DANG, GNAS THAMS CAD DU 'CHI 'PHO BA NYID KYIS GONG DU 'PHO BA GZHAN RNAM PA GSUM MO, ,ZHES GSUNGS, DON NI, 'DIR BSTAN 'OG MIN 'GRO BA'I MING GIS BSTAN PA'I BYANG 'PHAGS CHOS CAN, KHYOD LA DU MAR DBYER RUNG STE, KHYOD LA 'PHAR BA'I MING CAN, PHYED DU 'PHAR BA'I MING CAN, GNAS THAMS CAD DU 'CHI 'PHO PA'I MING CAN RNAMS SU YOD BA'I PHYIR, SRID RTZE'I MTHAR THUG 'GRO'I MING CAN DE STON PA LA, SH'A RI'I BU BYANG CHEN GANG DAG BSAM GTAN DANG, TSAD MED PA SGRUB PAR BYED PA DAG TSANGS RIS NAS DGE RGYAS KYI BAR GYI LHA RNAMS SU SKYE ZHING, DE NAS NAM MKHA' MTHA' YAS SKYE MCHED NAS SRID PA'I RTZE MO'I BAR DU SKYE BAR BYED, DE NAS SANGS RGYAS KYI ZHING SNA TSOGS SU SKYE BAR BYED DO, ,ZHES GSUNGS, GZUGS KYI CHAGS BCOM GYI MING CAN DE STON PA LA, SH'A RI'I BU BYANG CHEN BSAM GTAN DANG GZUGS MED PA'I SNYOMS PAR 'JUG BA THOB PAR 'GYUR BA GANG YIN PA DE DAG NAM MKHA' MTHA' YAS SKYE MCHED NAS SRID PA'I RTZE MO'I BAR DU SKYE BAR 'GYUR ZHING DE NAS SANGS RGYAS KYI ZHING SNA TSOGS SU SKYE BAR 'GYUR BDAG YOD DO, ,ZHES GSUNGS, SRID RTZE'I MTHAR THUG 'GRO LA BTAGS PA'I GZUGS KYI CHAGS BCOM DBYE GZHIR BYAS PA 'DI LAS PHYE BA'I MTHONG CHOS ZHI'I MING CAN DE STON
PA LA, SH'A RI'I BU BYANG CHEN GANG DAG PHA ROL TU PHYIN PA DRUG LA SPYOD BA'I TSE LUS LA SKYES BU CHEN PO'I MTSAN SUM CU RTZA GNYIS KYIS BRGYAN CING, DBANG PO YONGS SU DAG PA BLA NA MED PA DANG LDAN TE NAM YANG NGAN SONG DANG, NGAN 'GRO LOG PAR LTUNG BA RNAMS SU SKYE BAR MI 'GYUR BA NYID DANG, ZHES PA NAS, 'TSANG RGYA BA DAG YOD DO, ,ZHES PA'I BAR GSUNGS, LUS MNGON BYED KYI MING CAN DE STON PA LA, SH'A RI'I BU BYANG CHEN SHER PHYIN LA SPYOD PA GANG DAG BSAM GTAN BZHI THOB PA DANG, TSAD MED PA BZHI THOB PA DANG, GZUGS MED PA BZHI THOB PA DE DAG GSUM PO DAG GI DBANG GIS RNAM PAR RTZE ZHING BSAM GTAN DANG PO LA SNYOMS PAR 'JUG GO ,DE LAS LANGS NAS 'GOG PA LA SNYOMS PAR 'JUG GO, ZHES PA NAS, THOD RGAL DU SNYOMS PAR 'JUG NAS SANGS RGYAS KYI ZHING SNA TSOGS SU 'TSANG RGYA BA DAG YOD DO, ,ZHES PA'I BAR GSUNGS, MDO CHAN BZHI BO'I DON 'CHAD PA LA, SRID RTZE'I MTHAR THUG 'GRO, ,GZUGS KYI CHAGS BCOM MTHONG BA YI, ,CHOS LA ZHI LUS MNGON SUM BYED, ,CES DANG, DE'I 'OG TU DE NYID SRID PA'I RTZE MO'I MTHAR THUG BAR 'GRO BA NI GZUGS KYI 'DOD CHAGS DANG BRAL BA STE, MTHONG BA'I CHOS LA ZHI BA DANG, LUS KYIS MNGON DU BYED PA GZHAN RNAM PA GNYIS SO,, ZHES GSUNGS, DON NI, 'DIR SRID RTZE'I MTHAR THUG 'GRO GZUGS KYI CHAGS BCOM GYI MING GIS BSTAN PA'I BYANG 'PHAGS CHOS CAN, KHYOD LA DU MAR YOD DE, KHYOD LA MTHONG CHOS ZHI BA'I MING CAN, LUS MNGON BYED KYI MING CAN GNYIS SU
, ,YOD PA'I PHYIR, DGRA BCOM ZHUGS PA'I MING CAN DE STON PA LA, SH'A RI'I BU BYANG CHEN GANG DAG PHA ROL TU PHYIN PA DRUG LA GNAS NAS SEMS CAN LA SANGS RGYAS KYI CHOS KYIS SNANG BAR BYED CING BDAG NYID KYANG NAM BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS KYI BAR DU CHOS KYI SNANG BA DE DANG MI 'BRAL BAR BYED BDAG KYANG YOD DO, ,ZHES GSUNGS, DE'I DON 'CHAD PA LA, SRID RTZE'I MTHAR THUG 'GRO, ,ZHES SOGS KYIS SHUGS LA BKRAL NAS, DE'I DON 'CHAD PA LA, DE'I 'OG TU DGRA BCOM PA NYID KYI 'BRAS BU LA ZHUGS PA YIN NO, ,ZHES GSUNGS, DON NI, SRID RTZE'I SGOM SPANG DGU BA SPONG BA LA BRTZON PA'I BYANG SEMS SGOM LAM BA CHOS CAN, 'DIR BSTAN DGE 'DUN DKON MCHOG YIN TE, 'DIR BSTAN DGRA BCOM ZHUGS PA'I MING GIS BSTAN PA'I BYANG 'PHAGS YIN PA'I PHYIR, RANG SANGS RGYAS KYI MING CAN DE STON PA LA, SH'A RI'I BU BYANG CHEN GANG DAG SANGS RGYAS MI BZHUGS SHING NYAN THOS RNAMS KYANG MED PA'I 'JIG RTEN GYI KHAMS SU RANG BYANG CHUB TU MNGON PAR RDZOGS PAR 'TSANG RGYA BA DAG YOD DO, ,DE THABS LA MKHAS PAS SROG CHAGS BRGYA STONG BYE BA PHRAG MANG PO THEG PA GSUM GYIS YONGS SU SMIN PAR BYAS NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA YIN NO, ,ZHES GSUNGS, DE'I DON 'CHAD PA LA, BSE RU DANG NI, ZHES DANG, DE'I 'OG TU RANG SANGS RGYAS TE NYI SHU'O, ,ZHES GSUNGS, DON NI, SLOB DPON GYI GDAMS NGAG LA
MI LTOS PAR RANG BYUNG GI YE SHES MNGON DU BYED PA'I RGYUN MTHA' LA GNAS PA'I SEMS DPA' CHOS CAN, 'DIR BSTAN DGE 'DUN DKON MCHOG YIN TE, 'DIR BSTAN BSE RU LTA BU RANG SANGS RGYAS KYI MING GIS BSTAN PA'I BYANG 'PHAGS YIN PA'I PHYIR; NYAN THOS DANG RANG SANGS RGYAS KYI LAM GYI 'THOB BYA'I 'BRAS BU RNAMS STON PA LA, SH'A RI'I BU BYANG CHEN GANG DAG DRAN PA NYE BAR BZHAG PA DANG, ZHES PA NAS BDAG NYID KYIS MNGON DU MA BYAS BAR GZHAN DE LA RAB TU 'GOD PAR MI BYED DO, ,ZHES PA'I BAR GSUNGS, RANG GI THOB BYA'I CHOS LA GZHAN 'GOD PAR STON PA LA, SH'A RI'I BU NYAN THOS DANG RANG SANGS RGYAS RNAMS KYI 'BRAS BU THOB BAR YE SHES DANG SPONG BA GANG YIN PA DE NI BYANG CHEN MI SKYE BA'I CHOS LA BZOD PA THOB PA'I BZOD PA YIN TE, ZHES GSUNGS, PHYIR MI LDOG PA'I BYANG CHUB SEMS DPA'I DGE 'DUN GSAL BAR STON PA LA, SH'A RI'I BU BYANG CHEN SHER PHYIN DE LTA BUS DE LTAR RNAM PAR SPYOD PA NI PHYIR MI LDOG PA YIN PAR SHES PAR BYA'O, ,ZHES BA NAS, KHA NA MA THOB DANG BCAS PA'I LUS DANG YID KYI LAS RNAMS KYI GO SKABS MI DBYE'O, ,ZHES PA'I BAR GSUNGS SO, ,'DI DAG GI DOGS DPYOD 'OG TU 'CHAD CING 'DIR GZHUNG 'GREL SGRIG PA TZAM MO, ` ,SKABS 'DIR MTHA' DPYAD PA LA, GANG GIS MTSON PAR BYED PA'I DPE'I DGE 'DUN DANG, GANG MTSON PAR BYA BA'I DON GYI DGE 'DUN GYI RNAM GZHAG BSHAD PA GNYIS DANG PO LA, DGE SBYONG TSUL GYI 'BRAS BU'I RNAM GZHAG DANG, DE LA GNAS PA'I GANG ZAG GI RNAM GZHAG GO ,DANG PO LA DGE SBYONG GI
, ,TSUL DANG, DE'I 'BRAS BU NGOS GZUNG BA, DGE SBYONG TSUL GYI 'BRAS BU'I DBYE BA, BSDU PA, 'BRAS BU BZHIR 'JOG PA'I RGYU MTSAN, 'BRAS BU THOB TSUL DANG DRUG LAS, DANG PO NI, 'O NA, MDO LAS DGE SBYONG TSUL GYI 'BRAS BU ZHES BSHAD NA, DGE SBYONG GI TSUL DE GANG, DE'I 'BRAS BU DE JI LTA BU ZHE NA, ZAG MED BAR CHAD MED LAM DGE SBYONG GI TSUL YIN LA, DE CHOS CAN, KHYOD LA DGE SBYONG GI TSUL ZHES BRJOD PA'I RGYU MTSAN YOD DE, KHYOD RANG LA GNAS PA'I 'PHAGS PA'I GANG ZAG DON DAM PA'I DGE SBYONG DU BYED PAS DE LTAR BRJOD PA'I PHYIR, GNYIS PA DE'I 'BRAS BU YOD DE, RNAM GROL LAM DANG, 'GOG BDEN RNAMS DE'I 'BRAS BU YIN PA'I PHYIR, RNAM GROL LAM CHOS CAN, KHYOD LA DGE SBYONG TSUL GYI 'BRAS BU ZHES BRJOD PA'I RGYU MTSAN YOD DE, ZAG MED PAR CHAD MED LAM DGE SBYONG GI TSUL YIN LA, KHYOD DE'I RGYU MTHUN GYI 'BRAS BU YIN PAS DE LTAR BRJOD PA'I PHYIR, 'GOG BDEN CHOS CAN, KHYOD LA DGE SBYOD TSUL GYI 'BRAS BU ZHES BRJOD PA'I RGYU MTSAN YOD DE; ZAG MED BAR CHAD MED LAM DGE SBYONG GI TSUL YIN LA, KHYED DE'I BRAL 'BRAS YIN PAS DE LTAR BRJOD PA'I PHYIR, GSUM PA DE'I 'BRAS BU DE LA GNYIS YOD DE, 'DUS BYAS RNAM GREL LAM DANG, 'DUS MA BYAS 'GOG BDEN GNYIS SU YOD PA'I PHYIR, 'DUS BYAS RNAM GROL LAM DE LA YANG BRGYAD CU RTZA DGU YOD DE, MTHONG SPANG NYON MONGS BRGYAD SPANGS PA'I RNAM GROL LAM BRGYAD, SGOM SPANG NYON MONGS GYA GCIG SPANGS PA'I RNAM GROL LAM GYA GCIG RNAMS SU YOD PA'I PHYIR, DANG
PO GRUB STE, 'DOD PA'I SAS BSDUS KYI SDUG BSNGAL MTHONG SPANG NYON MONGS, KUN 'BYUNG MTHONG SPANG NYON MONGS, 'GOG PA MTHONG SPANG NYON MONGS, LAM MTHONG SPANG NYON MONGS, KHAMS GONG MA'I SAS BSDUS KYI DE BZHI STE BRGYAD SPANGS PA'I DE BRGYAD YOD PA'I PHYIR, GNYIS PA GRUB STE, 'DOD PA'I SAS BSDUS KYI SGOM SPANG NYON MONGS CHUNG 'BRING CHEN PO DGU, DE BZHIN DU, BSAM GTAN DANG PO, GNYIS PA, GSUM PA, BZHI PA, NAM MKHA' MTHA' YAS, RNAM SHES MTHA' YAS, CI YANG MED, SRID RTZE'I SAS BSDUS KYI SGOM SPANG NYON MONGS CHUNG 'BRING CHEN PO DGU STE, GYA GCIG SPANGS PA'I RNAM GROL LAM RGYA GCIG YOD PA'I PHYIR, 'DUS MA BYAS 'GOG BDEN PA YANG GYA DGU YOD DE, DE LTAR RIGS 'GRE, MDZOD LAS, DGE SBYONG TSUL NI DRI MED LAM, ,'BRAS BU 'DUS BYAS 'DUS MA BYAS, ,DE DAG BRGYAD CU RTZA DGU'O, ,GROL LAM ZAD PA RNAMS DANG BCAS, ,ZHES GSUNGS, BZHI PA NI, 'O NA, MDO LAS, DGE SBYONG TSUL GYI 'BRAS BU DE LA RGYUN ZHUGS KYI 'BRAS BU SOGS BZHIR GSUNGS PA DANG 'GAL LO, ,ZHE NA, MI 'GAL TE, MTSON BYED DPE'I DGE 'DUN GYI SKABS 'DIR DGE SBYONG TSUL GYI 'BRAS BU DE DE BZHIR 'DU BA LA DGONGS NAS DE LTAR GSUNGS PA'I PHYIR, SKABS 'DIR DE DE BZHIR 'DU BA YIN TE, THAR PA THOB PA'I 'GEGS KYI GTZO BO DE LA MTHONG SPANG KUN SBYOR GSUM, THA MA'I CHA MTHUN LNGA, GONG MA'I CHA MTHUN LNGA RNAMS SU YOD PA LAS, DANG PO GSUM SPANGS PAS RAB
, ,TU PHYE BA'I DGE SBYONG TSUL GYI 'BRAS BU DE, RGYUN ZHUGS KYI 'BRAS BU DANG, GNYIS PA PHAL CHER SPANGS PA'I RAB TU PHYE BA'I DE PHYIR 'ONG GI 'BRAS BU DANG, DE MA LUS PAR SPANGS BAS RAB TU PHYE BA'I DGE SBYONG TSUL GYI 'BRAS BU DE PHYIR MI 'ONG? GI 'BRAS BU DANG, GSUM PA SPANGS PAS RAB TU PHYE BA'I DGE SBYONG TSUL GYI 'BRAS BU DE DGRA BCOM PA'I 'BRAS BU YIN PA'I PHYIR, LNGA PA DGE SBYONG TSUL GYI 'BRAS BU LA RGYUN ZHUGS KYI 'BRAS BU SOGS BZHIR 'JOG PA'I RGYU MTSAN YOD DE, RGYU MTSAN RNAM PA LNGA TSANG PA'I SGO NAS DE LTAR BZHAG PA'I PHYIR TE, 'BRAS BU BZHI PO DE RANG RANG GI ZHUGS PA'I LAM SNGON DU SONG BA, DE DAG ZHUGS PA LAS GZHAN 'BRAS GNAS KYI RTOGS PA THOB PA, MTHONG SPANG NYON MONGS RNAMS SPANGS PA'I SPANG BYA THAMS CAD KYI BRAL THOB GCIG RNYED PA LTA BU'I ZAD SDOM THOB PA, SHES PA BRGYAD TSAN THOB PA, MI RTAG SOGS BCU DRUG RTOGS PA'I YE SHES THOB PA YIN PA'I PHYIR, KHYAB STE, RGYU MTSAN DE RNAMS BZHI PO DE LA SRID KYI GZHAN LA MED PA'I PHYIR, DE LTAR YANG MDZOD LAS, ,'BRAS BU BZHIR RNAMS BZHAG PA NI, ,RGYU LNGA DAG NI SRID PHYIR RO, ,'BRAS LAM SNGON DU BTANG BA DANG, ,GZHAN THOB PA DANG ZAD SDOM DANG, ,SHES PA BRGYAD TSAN THOB PA DANG, ,RNAM PA BCU DRUG RTOGS PA'O, ,ZHES GSUNGS, 'O NA, THA MA'I CHA MTHUN LNGA PHAL CHER SPANGS PA DANG MA LUS PAR SPANGS PA GNYIS LA 'BRAS BU GSAR THOB GNYIS 'JOG PA'I RGYU MTSA GANG ZHE NA, DE'I RGYU
MTSAN YOD DE, 'DOD NYON NYES DMIGS SHIN TU CHE BAS DE LAS MYUR DU 'DA' BAR BYA BA'I CHED YIN PA'I PHYIR, DRUG PA LA 'BRAS BU BZHI PO DES GANG LA BRTEN NAS THOB PA DANG, LAM GANG LA BRTEN NAS THOB PA DANG, KHAMS GANG DU THOB PA DANG, DUS NAM GYI TSE THOB PA DANG BZHI LAS, DANG PO NI, 'BRAS BU DANG PO GNYIS BSAM GTAN DANG PO'I NYER BSDOGS MI LCOGS MED PA LA BRTEN NAS THOB STE, DE DNGOS SU GSAR DU THOB PA'I SEMS RTEN YOD, DER GYUR PA'I BSAM GTAN DANG PO'I DNGOS GZHI YAN CHAD KYI SEMS MED PA'I PHYIR, RGYUN ZHUGS ZHUGS PA DANG PHYIR 'ONG ZHUGS PA GANG RUNG YIN NA, BSAM GTAN GYI DNGOS GZHI MA THOB PAS KHYAB PA'I PHYIR, 'BRAS BU 'OD? TSUL PA'I PHYIR 'ONG GI RTOGS PA SNGON DU SONG BA'I PHYIR MI 'ONG GI 'BRAS BU DANG, 'BRAS BU RIM GYIS PA'I PHYIR MI 'ONG GI 'BRAS BU GNYIS BSAM GTAN DANG BO'I NYER BSDOGS LA BRTEN NAS THOB STE, DAD NGES SU GSER DU THOB PA'I SEMS RTEN DU GYUR PA'I BSAM GTAN DANG PO'I DNGOS GZHI YAN CHAD KYI SEMS MED, DE DNGOS SU GSAR DU THOB PA'I SEMS RTEN YOD PA'I PHYIR, DANG PO GRUB STE, 'BRAS BU THOD RGAL PA'I PHYIR 'ONG GI RTOGS PA SNGON DU SONG BA'I PHYIR MI 'ONG ZHUGS PA DANG, 'BRAS BU RIM GYIS PA'I PHYIR MI 'ONG ZHUGS PA GANG RUNG YIN NA, BSAM GTAN GYI DNGOS GZHI MA THOB PAS KHYAB PA'I PHYIR, DANG PO DE YIN NA, 'BRAS BU THOD RGAL PA'I PHYIR 'ONG 'BRAS GNAS KHYAD PAR CAN YIN DGOS, GNYIS PA DE YIN NA, 'BRAS BU RIM
, ,GYIS PA'I PHYIR 'ONG 'BRAS GNAS KHYAD PAR CAN YIN DGOS, PHYIR 'ONG YIN NA, DE MA THOB PAS KHYAB PA'I PHYIR, DE LTAR YANG, RNAM BSHAD LAS, MTHAR GYIS THOB NA SEMS RTEN SNGA MA DANG 'DRA LA, ZHES GSUNGS PA'I PHYIR, CHAGS BRAL SNGON SONG GI PHYIR MI 'ONG GI 'BRAS BU NI BSAM GTAN GYI DNGOS GZHI LA BRTEN NAS THOB STE, DE DNGOS SU GSAR DU THOB PA'I SEMS RTEN YOD, DE'I SEMS RTEN DU GYUR PA'I BSAM GTAN GYI NYER BSDOGS DANG GZUGS MED KYI SEMS GANG RUNG YANG MED, DE'I SEMS RTEN DU GYUR PA'I 'DOD SEMS YANG MED PA'I PHYIR, GNYIS PA GRUB STE, CHAGS BRAL SNGON SONG GI PHYIR MI 'ONG ZHUGS PA YIN NA, BSAM GTAN GYI DNGOS GZHI THOB PAS KHYAB PA GANG ZHIG ,LAM SLAB BSAM GTAN GYI DNGOS GZHI BOR NAS, DKA' BA NYER BSDOGS DANG SRID RTZE'I SEMS LA BRTEN PA LA DGOS PA MED PA'I PHYIR, GSUM PA GRUB STE, DE 'DRA'I 'BRAS BU DE NYAN THOS KYI MTHONG LAM LA BRTEN NAS GSAR DU THOB PA GANG ZHIG ,'DOD SEMS LAM ZAG MED KYI RTEN DU MI RUNG BA CHOS MNGON PA'I SPYI SKAD YIN PA'I PHYIR, NYAN THOS DGRA BCOM PA'I 'BRAS BU DE ZAG MED SA DGU GANG RUNG LA BRTEN NAS THOB STE, KHAMS 'OG MA GNYIS SU BSAM GTAN SA DRUG GANG RUNG DANG, GZUGS MED DU GZUGS MED DANG PO GSUM PO GANG RUNG LA BRTEN NAS MNGON DU BYED PA'I PHYIR, GNYIS PA NI RGYUN ZHUGS DANG, 'BRAS BU THOD RGAL PA'I PHYIR 'ONG DANG, 'BRAS
BU THOD RGAL PA'I PHYIR MI 'ONG GI 'BRAS BU GSUM MTHONG LAM KHO NA LA BRTEN NAS THOB STE, DE NYAN THOS KYI LAM RJES BZOD KHO NA LA BRTEN NAS THOB PA'I PHYIR, 'BRAS BU RIM GYIS PA'I PHYIR 'ONG DANG, DE 'DRA'I PHYIR MI 'ONG GI 'BRAS BU GNYIS SGOM LAM LA BRTEN NAS THOB PA YOD DE, LHAG MTHONG SHAS CHER SPYOD PA'I GANG ZAG GI DBANG DU BYAS NA DANG PO DE 'DOD NYON DRUG PA'I DNGOS GNYEN BAR CHAD MED LAM DANG, GNYIS PA DE 'DOD NYON DGU PA'I DNGOS GNYEN BAR CHAD MED LAM LA BRTEN NAS THOG PA'I PHYIR, DE GNYIS PO 'JIG RTEN PA'I LAM LA BRTEN NAS DNGOS SU THOB PA YOD DE, ZHI GNS SHAS CHER SPYOD PA'I GANG ZAG GI DBANG DU BYAS NA, RGYUN ZHUGS KYI 'BRAS BU THOB RJES SU 'JIG RTEN PA'I ZHI RAGS KYI RNAM PA CAN GYI LAM KHO NA LA BRTEN NAS DNGOS SU THOB PA'I DE GNYIS YOD PA'I PHYIR, NYAN THOS DGRA BCOM PA'I 'BRAS BU SGOM LAM KHO NA LA BRTEN NAS THOB STE, DE SRID NYON DGU PA'I DNGOS GNYEN BAR CHAD MED LAM LA BRTEN NAS THOB PA'I PHYIR, GSUM PA RGYUN ZHUGS DANG PHYIR 'ONG GI 'BRAS BU 'DOD PA'I RTEN LA MNGON DU BYED DE, KHAMS GONG MA'I RTEN LA DE GNYIS GSAR DU SKYE BA MED PA'I PHYIR, KHAMS GONG MA'I RTEN CAN GYI RGYUN ZHUGS ZHUGS PA DANG PHYIR 'ONG ZHUGS PA MED PA'I PHYIR, PHYIR MI 'ONG GI 'BRAS BU DE 'DOD PA'I RTEN LA THOB STE, KHAMS GONG GI RTEN LA DE GSAR DU THOB PA MED PA'I PHYIR, DE'I RTEN LA 'BRAS BU RIM GYIS PA'I DE THOB PA YANG MED, 'BRAS BU THOD RGAL BA'I DE THOB PA YANG MED PA'I PHYIR, DANG PO GRUB STE, DE 'DRA'I PHYIR MI
, ,'ONG ZHUGS PA YIN NA, BSAM GTAN GYI DNGOS GZHI MA THOB PAS KHYAB PA'I PHYIR, GNYIS PA GRUB STE, 'BRAS BU THOD RGAL BA'I PHYIR MI 'ONG GI 'BRAS BU DNGOS SU GSAR DU THOB PA'I LUS RTEN CAN GYI GANG ZAG YIN NA, MTHONG LAM GSAR DU SKYE BA'I LUS RTEN CAN GYI GANG ZAG YIN DGOS, KHAMS GONG GI RTEN LA MTHONG LAM DNGOS SU GSAR DU SKYE BA MED PA'I PHYIR, NYAN THOS DGRA BCOM PA'I 'BRAS BU 'DOD PA'I RTEN LA THOB PA YOD DE, SPANG BYA CIG CANG PA'I RGYUN ZHUGS KYIS 'DOD PA'I RTEN LA MNGON DU BYED PA'I PHYIR, DE GZUGS KYI RTEN LA MNGON DU BYED PA YOD DE, GZUGS SU NYER 'GRO'I PHYIR MI 'ONG BAR 'DA' BA SOGS LNGA PO DES 'DOD PA'I KHAMS 'DIR BRTZAMS NAS GZUNGS KYI KHAMS SU MTHAR PHYIN PAR BYED PA LUNG LAS 'BYUNG BA'I PHYIR, GZUGS MED KYI RTEN LA DE MNGON DU BYED PA YOD DE, GZUGS MED NYER 'GRO'I PHYIR MI 'ONG RNAMS KYIS GZUGS MED KYI RTEN LA DE MNGON DU BYED PA'I PHYIR TE, MDZOD LAS, 'DOD PAR GSUM THOB THA MA NI, ,GSUM DU'O GONG NA MTHONG LAM MED, ,MI SKYO LUNGLAS 'DIR RTZOM ZHING, ,DER MTHAR PHYIN CES 'BYUNG PHYIR RO, ,ZHES GSUNGS PA'I PHYIR, KHO NA RE, DGE SBYONG TSUL GYI 'BRAS BU DE 'DUS MA BYAS SU THAL, 'GOG BDEN DE DE YIN PA'I PHYIR, 'DOD MI NUS TE, DGE SBYONG TSUL DE RANG GI 'BRAS BU SKYED BYED YIN PA'I PHYIR, MA GRUB NA, DE CHOS CAN, DER THAL, DNGOS PO YIN PA'I PHYIR, ZER NA MA KHYAB, LTO LDIR BA RNAM PAR 'JOG BYED KYI RGYU YIN YANG DE'I SKYED BYED MIN PA
DANG; BUM PA RNAM PAR GZHAG BYA'I 'BRAS BU YIN KYANG DE LAS MA SKYES PA BZHIN DU, RGYUN ZHUGS LAS DNGOS SU SKYES PA'I LAM MA ZHUGS KYI GANG ZAG DANG RNAM MKHYEN SOGS DE'I DNGOS 'BRAS YIN KYANG DE'I 'BRAS BU MIN LA, RGYUN ZHUGS KYI 'BRAS BU DE DE DANG DUS MNYAM PAS DE'I 'BRAS BU YIN YANG DE LAS MA SKYES PA'I PHYIR, RONG t'AKI PAS, DGE SBYONG TSUL GYI 'BRAS BU LA BZHIR 'DU BA YIN TE, SPANG BYA LA MTHONG SPANG DANG SGOM SPANG GNYIS SU YOD PAS, DANG PO SPANGS PA'I TSA NAS RGYUN ZHUGS KYI 'BRAS BU DANG, SGOM SPANG LA 'DOD PA'I SGOM SPANG DANG HAMS GONG GI DE GNYIS LAS, DANG PO PHAL CHER SPANGS PA'I CHA NAS PHYIR 'ONG, MA LUS PAR SPANGS PA'I CHA NAS PHYIR MI 'ONG GI 'BRAS BU, GNYIS PA SPANGS PA'I CHA NAS NYAN THOS DGRA BCOM PA'I 'BRAS BUR BZHAG PA'I PHYIR, ZHES GSUNGS PA MI 'THAD DE, RGYUN ZHUGS KYIS MTHONG SPANG MA SPANGS, PHYIR MI 'ONG GIS 'DOD PA'I SGOM SPANG MA SPANGS, NYAN THOS DGRA BCOM PAS GONG MA' SGOM SLANG MA SPANGS PA'I PHYIR, DAR t'IKA GI RJES 'BRANG KHA CIG ,'BRAS BU RIM GYIS PA'I PHYIR 'ONG DANG, PHYIR MI 'ONG LA RIM BZHIN 'DOD NYON DRUG PA DANG, DGU PA'I SA BON SPANGS PAS KHYAB PAR 'DOD PA MI 'THAD DE, 'JIG RTEN ZHI RAGS KYI RNAM PA CAN GYI LAM KHO NA LA BRTEN NAS DNGOS SU THOB PA'I 'BRAS BU RIM GYIS PA'I PHYIR 'ONG DANG, DE 'DRA'I PHYIR MI 'ONG GNYIS YOD PA GANG ZHIG, DE GNYIS KAS DE LTAR MA SPANGS PA'I PHYIR, DANG PO GRUB STE, RNAM BSHAD LAS, GAL TE GANG ZAG DE ZHI GNAS SHAS CHER SPYOD PA LA
, ,GOMS PA ZHIG YIN NA 'JIG RTEN ZHI RAGS KYI RNAM PA CAN GYIS THOB PAR BYED DO, ,ZHES DANG, GSER PHRENG LAS, DE'I PHYIR RIM GYIS PA YIN NA LAM ZAG MED KYIS SPANG BYA SPONG BA DGOS ZHES BIN ZHIG TU MA BRTAGS PA'O,, ZHES GSUNGS PA'I PHYIR, KHO NA RE, DE 'DRA'I PHYIR MI 'ONG GI 'BRAS BU DE 'JIG RTEN PA'I LAM KHO NA LA BRTEN NAS THOB PAR THAL, DE DE KHO NA LA BRTEN NAS DNGOS SU THOB PA'I PHYIR NA MKHYAB, 'DOD MI NUS TE, DE RANG THOB BYED KYI THABS SU GYUR PA'I 'DAS LAM LA BRTEN NAS THOB PA'I PHYIR, DER GYUR PA'I DGE SBYONG TSUL LA BRTEN NAS THOB PA'I PHYIR TE, DGE SBYONG TSUL GYI 'BRAS BU YIN PA'I PHYIR NA, DU BA CHOS CAN, RANG GI DNGOS RGYU KHO NA LAS SKYES BAR THAL, DE KHO NA LAS DNGOS SU SKYES PA'I PHYIR, KHYAB PA 'GRIG ,KHA CIG ,'DOD NYON DGU PA SPANGS PA'I PHYIR MI 'ONG YOD PAR THAL, DE'I DNGOS GNYEN BAR CHAD MED LAM LA BRTEN NAS DNGOS SU THOB PA'I PHYIR MI 'ONG GI 'BRAS BU YOD PA'I PHYIR, RTAGS KHAS, 'DOD MI NUS TE, SPANG BYA RIM GYIS PA'I NYAN THOS SLOB PA RNAMS KYIS KHAMS GSUM GYI SGOM SPANG NYON MONGS CHUNG DU'I CHUNG DU DGU CIG CAR DU SPONG BA'I PHYIR, MA GRUB NA, 'DOD NYON CHUNG DU'I CHUNG DU'I DNGOS GNYEN DU GYUR PA'I NYAN THOS RIM GYIS PA'I SGOM LAM BAR CHAD MED LAM GYI RJES SU RANG DANG RGYUD GCIG TU GYUR PA'I BSAM GTAN DANG PO'I NYON MONGS CHEN PO'I CHEN PO'I DNGOS GNYEN DU GYUR PA'I NYAN THOS RIM GYIS PA'I SGOM LAM BAR CHAD MED LAM SKYE BA YOD PAR THAL, MA GRUB PA DE'I PHYIR,
'DOD NA, NYAN THOS KYI SGOM LAM BAR CHAD MED LAM CHEN PO'I CHEN PO'I RJES SU RANG DANG RGYUD GCIG TU GYUR PA'I NYAN THOS KYI SGOM LAM BAR CHAD MED LAM CHUNG DU'I CHUNG DU SKYE BA YOD PAR THAL, 'DOD PA GANG ZHIG ,DANG PO DE NYAN THOS KYI SGOM LAM BAR CHAD MED LAM CHEN PO'I CHEN PO YIN, GNYIS PA DE CHUNG DU'I CHUNG DU YIN PA'I PHYIR, DANG PO MA GRUB NA, 'DOD NYON CHUNG DU'I CHUD DU CHOS CAN, KHYOD KYI DNGOS GNYEN DU GYUR PA'I NYAN THOS RIM GYIS PA'I SGOM LAM BAR CHAD MED LAM DE DE YIN PAR THAL, KHYOD KYI DNGOS GNYEN DU GYUR PA'I DE YOD PA GANG ZHIG ,KHYOD SGOM SPANG NYON MONGS CHUNG DU'I CHUNG DU YIN PA'I PHYIR TE, CHOS CAN DE DANG GCIG YIN PA'I PHYIR, KHYAB STE, 'DOD PA'I MTHONG SPANG NYON MONGS LA CHUNG 'BRING CHEN PO DGU'I DBYE BA MI 'THAD PA'I PHYIR, RTZA RTAGS GNYIS PA LA DES RIGS 'GRE, RTZA BAR 'DOD NA, NYAN THOS KYI SGOM LAM RDO RJE LTA BU'I TING NGE 'DZIN GYI RJES SU RANG DANG RGYUD GCIG TU GYUR PA'I NYAN THOS KYI SGOM LAM BAR CHAD MED LAM CHEN PO'I CHUNG DU SKYE BA YOD PAR THAL, 'DOD PA'I PHYIR NA MA KHYAB STE, NYAN THOS LA DE YOD PAR THAL, 'JIG RTEN PA'I SGOM LAM BAR CHAD MED LAM LA DE LTAR YOD PA'I PHYIR TE, 'JIG RTEN PA'I BAR CHAD MED LAM LA DE LTAR YOD PA'I PHYIR TE, BSAM GTAN DANG PO'O NYER BSDOGS SBYOR BA MTHA'I YID BYED KYIS BSDUS PA'I 'JIG RTEN PA'I BAR CHAD MED LAM GYI RJES SU BSAM GTAN GNYIS PA'I NYER BSDOGS RAB TU DBEN PA YID BYED KYI RJES SU BSAM GTAN GNYIS PA'I NYER BSDOGS RAB TU DBEN PA YID BYED KYIS BSDUS PA'I 'JIG RTEN
, ,PA'I BAR CHAD MED LAM SKYE BA YOD PA GANG ZHIG ,DANG PO DE YIN NA, 'JIG RTEN PA'I BAR CHAD MED LAM CHEN PO YIN DGOS, GNYIS PA DE YIN NA, DE CHUNG DU YIN DGOS PA'I PHYIR, KHO NA RE, NYAN THOS DGRA BCOM PA'I 'BRAS BU THOB PA LA NYAN THOS KYI SGOM LAM RNAM GROL LAM CHEN PO'I CHEN PO THOB PA SNGON DU 'GRO DGOS PAR THAL, DE YOD PA'I PHYIR NA MA KHYAB, DER THAL, 'DOD NYON DGU PA SPANGS PA'I NYAN THOS KYI SGOM LA MA RNAM GROL LAM YOD PA'I PHYIR, DE SPANGS PA'I PHYIR MI 'ONG YOD PA'I PHYIR, RTZA BAR 'DOD MI NUS TE, SPANG BYA CIG CAR BA'I NYAN THOS DGRA BCOM PAS DE THOB MA MYONG BA'I PHYIR, BSAM GTAN DANG PO'I NYER BSDOGS DANG DNGOS GZHI SBYOR, KHO NA RE; 'JIG RTEN PA'I LAM LA BRTEN NAS DNGOS SU THOB PA'I PHYIR MI 'ONG GI 'BRAS BU MED DE, 'PHAGS RGYUD LA 'JIG RTEN PA'I LAM MED PA'I PHYIR, 'PHAGS RGYUD KYI LAM YIN NA, 'DAS LAM YIN DGOS PA'I PHYIR NA MA KHYAB, GZHAN YANG, LAM ZAG BCAS YIN NA, 'JIG RTEN PA'I LAM YIN DGOS PAR THAL, SLOB PA'I RGYUD KYI RJES THOB YE SHES YIN NA 'JIG RTEN PA'I LAM YIN DGOS PA'I PHYIR, DER THAL, 'PHAGS RGYUD LA DE YOD PA'I PHYIR NA MA KHYAB, 'DOD NA, LAM ZAG MED YIN NA, 'DAS LAM YIN PAS KHYAB PAR THAL, MNYAM GZHAG YE SHES YIN NA, 'DAS LAM YIN DGOS PA'I PHYIR, 'DOD NA, DMAN LAM SNGON DU MA SONG BA'I BYANG SEMS SBYOR LAM PA'I RGYUD KYI GZHAN SEMS
SHES PA'I MNGON SHES DANG, DE'I RGYUD KYI MNYAM GZHAG YE SHES CHOS CAN, DER THAL, DE'I PHYIR NA, 'PHAGS RGYUD LA DON DAM SEMS BSKYED MED PAR THAL, 'PHAGS RGYUD KYI SEMS BSKYED YIN NA, KUN RDZOB SEMS BSKYED YIN DGOS PA'I PHYIR DANG; 'PHAGS RGYUD LA RNAM DAG SGOM LAM MED PAR THAL, 'PHAGS RGYUD KYI SGOM LAM YIN NA, RNAM DAG MA YIN DGOS PA'I PHYIR, KHYAB PA SONG, GZHAN YANG, MDZOD LAS, 'JIG RTEN PA YI DGE BA NI, ,DAG PA DE NI DE MYANG BYA, ,ZHES DANG, 'PHAGS LA BRAL BA'I THOB RNAM GNYIS, ,ZHES GSUNGS PA MI 'THAD PAR THAL, 'PHAGS RGYUD LA 'JIG RTEN PA'I DGE BA DANG, 'JIG RTEN PA'I LAM GYIS THOB PA ZAG BCAS ZAG MED MED PA'I PHYIR, KHO NA RE, 'JIG RTEN PA'I LAM KHO NA LA BRTEN NAS DNGOS SU THOB PA'I PHYIR MI 'ONG GI RGYUD KYI 'JIG RTEN PA'I RNAM GROL LAM DE PHYIR MI 'ONG GI 'BRAS BU YIN PAR THAL, DE YOD PA'I PHYIR NA MA KHYAB, 'DOD NA, DE CHOS CAN, RNAM GROL LAM DU THAL LO, ,'DOD NA, 'JIG RTEN PA'I RNAM GROL LAM YIN NA, RNAM GROL LAM YIN DGOS PAR THAL LO, ,BZHI PA NI, RGYUN ZHUGS DANG THONG RGAL PA'I 'BRAS BU GNYIS DANG GSUM PO DE BCU DRUG PA LA MA RJES SHES THOB PA DANG DUS MNYAM DU THOB PAS KHYAB LA, DE YANG MTHONG LAM GYI SNGA ROL TU 'DOD PA'I SGOM SPANG NYON MONGS DRUG PA DANG DGU PA RIM CAN DU NGES PAR SPANGS PA GCIG GIS BCU DRUG PA LAM RJES SHES THOB PA DANG DUS MNYAM DU RIM PA LTAR PHYIR 'ONG DAD PHYIR MI 'ONG THOB LA, LNGA PA MAN CHAD TZAM SPANGS KYANG
, ,DE DANG DUS MNYAM DU PHYIR 'ONG MI THOB STE, DE DANG DUS MNYAM DU RGYUN ZHUGS THOB PA'I PHYIR, 'BRAS BU RIM GYIS PA'I PHYIR 'ONG DANG DE'I PHYIR MI 'ONG GI 'BRAS BU GNYIS RIM PA LTAR 'DOD NYON DRUG PA DANG DGU PA SPANGS PA DANG DUS MNYAM DU DE GNYIS SO SOR THOB LA, RIM GYIS PA LA MTHONG LAM GYI SNGA ROL TU 'DOD NYON GCIG SPANGS PA NAS LNGA BA'I BAR LA CHAGS BRAL BYAS PA SRID KYANG DGU PA DANG BCU BA LA CHAGS BRAL BYAS PA MED DE DES DE GNYIS BCU DRUG PA LAM RJES SHES KYI RJES SU SPONG BA'I PHYIR RO, ` ,GNYIS PA DE LA GNAS PA'I GANG ZAG GI RNAM GZHAG SPYIR BSHAD PA DANG, SO SOR BSHAD PA GNYIS LAS, DANG PO LA, DGE 'DUN GYI GRANGS, BRDA SBYOR BA'I TSUL, ZHUGS GNAS GANG LA GANG BZHAG PA'O, ,DANG PO LA, 'DIR BSTAN MTSON BYED DPE'I DGE 'DUN LA SKYES BU ZUNG BZHI GANG ZAG YA BRGYAD DU YOD DE, RGYUN ZHUGS ZHUGS 'BRAS, PHYIR 'ONG ZHUGS 'BRAS, PHYIR MI 'ONG ZHUGS 'BRAS, DGRA BCOM ZHUGS 'BRAS RNAMS SU YOD PA'I PHYIR, MDZOD LTAR NA BRGYAD KA LA 'PHAGS PAS KHYAB STE, RGYUN ZHUGS ZHUGS PA RTOGS PA DMA' SHOS YIN KYANG MTHONG LAM SDUG BSNGAL CHOS BZOD TSUN LA GNAS PAR BSHAD PA'I PHYIR DANG, THOD RGAL BA'I ZHUGS PA GNYIS MTHONG LAM PA DANG, MTHAR GYIS PA'I ZHUGS PA GSUM SGOM LAM PA DANG, 'BRAS GNAS DANG PO GSUM LA SGOM LAM PAS KHYAB PA'I PHYIR TE, BCU DRUG PA LAM RJES SHES SGOM LAM YIN PA'I
PHYIR; KUN BTUS LTAR NA RGYUN ZHUGS ZHUGS PA DANG THOD RGAL BA'I ZHUGS PA GNYIS LA SBYOR LAM PA YANG YOD LA, RGYUN ZHUGS DANG THOD RGAL BA'I 'BRAS GNAS GNYIS LA MTHONG LAM PA YOD DE, BCU DRUG PA LAM RJES SHES MTHONG LAM YIN PA'I PHYIR, GNYIS PA LA, 'BRAS BU THOD RGAL BA, CHAGS BRAL SNGON SONG, 'BRAS BU RIM GYIS PA, SPANG BYA RIM GYIS PA, SPANG BYA CIG CAR BA DANG LNGA LAS, DANG PO NI, 'BRAS BU THOD RGAL PA ZHES BRJOD PA'I RGYU MTSAN YOD DE, RGYUN ZHUGS KYI 'BRAS BU MNGON DU MA BYAS PAR 'BRAS BU PHYI MA GSUM PO GANG RUNG MNGON DU BYAS SAM BYED PA'I NYAN THOS YIN PAS NA DE LTAR BRJOD PA'I PHYIR, DE YANG SGRA BSHAD BA TZAM YIN PAS KHYAB PA 'DZIN PA MA YIN NO, ,GNYIS PA NI, MTHONG LAM GYI SNGA ROL TU 'DOD NYON LA CHAGS BRAL BYAS PA'I NYAN THOS YIN PAS NA, CHAGS BRAL SNGON SONG ZHES BYA'O, ,GSUM PA NI, 'BRAS BU BZHI RIM GYIS MNGON DU BYAS SAM BYED PAR 'GYUR BA'I NYAN THOS YIN PAS NA 'BRAS BU RIM GYIS BZHES BYA'O, ,BZHI PA NI, KHAMS GSUM GYI SGOM SPANG NYON MONGS CHUNG DU'I CHUNG DU DGU RIM GYIS SPONG BA'I NYAN THOS YIN PAS NA SPANG BYA RIM GYIS BA ZHES BYA'O, ,LNGA PA NI, DE DGU CIG CAR DU SPONG BA'I NYAN THOS YIN PAS NA DE SKAD CES BYA'O, ,DES NA SBYOR LAM STAN GCIG PA'I RTOGS PA THOB PA'I NYAN THOS GANG ZHIG ,RGYUN ZHUGS KYI 'BRAS BU MNGON DU MA BYAS PAR 'BRAS BU THA MA GSUM PO GANG RUNG MNGON DU BYAS SAM BYED PAR 'GYUR BA GANG RUNG YANG YIN, RANG YIN PA'AM RANG GI NANG TSAN DU GYUR PA'I RGYUN
, ,ZHUGS KYI RTOGS PA SNGON DU SONG BA'I PHYIR 'ONG DANG, PHYIR 'ONG GI RTOGS PA SNGON DU SONG BA'I PHYIR MI 'ONG GANG RUNG MED PA YANG YIN PA'I GZHI MTHUN PAR DMIGS PA, THONG RGAL PA'I NYAN THOS KYI DGE 'DUN GYI MTSAN NYID, DE GANG ZHIG , MTHONG LAM GYI SNGA ROL TU 'DOD NYON LA CHAGS BRAL BYAS PA, CHAGS BRAL SNGON SONG GI NYAN THOS KYI DGE 'DUN GYI MTSAN NYID, DE GANG ZHIG, 'BRAS BU BZHI RIM GYIS MNGON DU BYED BAR 'GYUR BA DANG BYAS PA GANG RUNG GI RIGS CAN, RIM GYIS PA'I NYAN THOS KYI DGE 'DUN GYI MTSAN NYID, DE GANG ZHIG ,KHAMS GSUM GYI SGOM SPANG NYON MONGS CHUNG DU'I CHUNG DU DGU CIG CAR DU SPANGS PA'AM SPONG BA'I RIGS CAN GANG RUNG DE, SPANG BYA CIG CAR PA'I NYAN THOS KYI DGE 'DUN GYI MTSAN NYID, DE GANG ZHIG ,DE DGU RIM GYIS SPANGS PA'AM SPONG PA'I RIGS CAN GANG RUNG DE, SPANG BYA RIM GYIS PA'I NYAN THOS KYI DGE 'DUN GYI MTSAN NYID, DES NA CIG CAR PA LA SPANG BYA CIG CAR PAS KHYAB, RIM GYIS PA LA SPANG BYA RIM GYIS PAS KHYAB BO, ,GSUM PA 'BRAS BU THOD RGAL BA'I RGYUN ZHUGS MI 'JOG STE, RGYUN ZHUGS KYI 'BRAS BU DE 'BRAS BU BZHI'I THOG MA YIN PAS DE'I SNGA ROL TU THOD RGAL BA'I 'BRAS BU GZHAN MED PA'I PHYIR, DE LA 'BRAS BU NGAR BA GNYIS BZHAG TU YOD DE, RGYUN ZHUGS KYI RTOGS PA SNGON DU MA SONG BA'I PHYIR 'ONG YOD PA GANG ZHIG ,RGYUN ZHUGS DANG PHYIR 'ONG GI RTOGS PA SNGON DU MA SONG BA'I PHYIR MI 'ONG YANG YOD PA'I PHYIR, 'BRAS BU THOD RGAL BA'I DGRA BCOM MED DE, DGRA BCOM PA'I 'BRAS BU DE 'BRAS BU BZHI'I THA MA YIN
PAS DE THOB PA LA 'BRAS BU DANG PO GSUM PO GANG RUNG GCIG THOB PA SNGON DU 'GRO DGOS PA'I PHYIR, CHAGS BRAL SNGON SONG GI RGYUN ZHUGS MED DE, MTHONG LAM GYI SNGA ROL TU 'JIG RTEN PA'I ZHI RAGS KYI RNAM PA CAN GYI LAM GYIS RGYUN ZHUGS ZHUGS PA'I SPANG BYA'I GTZO BO LA CHAGS BRAL BYED MI NUS TE, DE'I SNGA ROL TU MTHONG SPANG KUN SBYOR GSUM LA CHAGS BRAL BYED MI NUS PA'I PHYIR, DE 'DRA'I PHYIR 'ONG MED DE, CHAGS BRAL SNGON SONG ZHES PA'I CHAGS PA DE SPYIR 'DOD NYON DANG KHYAD PAR DU 'JIG RTEN PA'I SGOM SPANG DU GYUR PA'I 'DOD PA'I 'DOD CHAGS LA BYED RIGS PA GANG ZHIG ,MTHONG LAM GYI SNGA ROL TU DE LA CHAGS BRAL BYAS PA'I PHYIR 'ONG MED PA'I PHYIR TE, DE'I SNGA ROL TU BSAM GTAN GYI DNGOS GZHI THOB PA'I PHYIR 'ONG MED PA'I PHYIR, DE LTAR YANG KUN BTUS KYI t'IKA LAS, 'DI LA MTHONG LAM GYI SNGA ROL TU PHAL CHER LA 'DOD CHAGS DANG BRAL BA DANG SGOM LAM GYI STOBS KYIS THOB PA GNYIS LAS SNGA MA CHAGS BRAL SNGON? SONG DU 'DOD PA NI HVA CAD THAL CHES SO,, ZHES GSUNGS PA'I PHYIR, DE 'DRA'I PHYIR MI 'ONG YOD DE, CHAGS BRAL SNGON SONG ZHES PA'I CHAGS PA DE BSHAD MA THAG PA LTAR YIN PA GANG ZHIG ,MTHONG LAM GYI SNGA ROL TU DE LA CHAGS BRAL BYAS PA'I PHYIR MI 'ONG YOD PA'I PHYIR, DE 'DRA'I DGRA BCOM MED DE, MTHONG LAM GYI SNGA ROL TU DGRA BCOM ZHUGS PA'I SPANG BYA'I GTZO BO LA CHAGS BRAL BYED MI NUS PA'I PHYIR TE, DE'I SNGA ROL TU SRID NYON DGU PA SPONG MI NUS PA'I PHYIR, 'BRAS BU RIM GYIS PA'I RGYUN ZHUGS YOD DE, 'BRAS BU PHYI MA
, ,GSUM RIM GYIS MNGON DU BYED PA'I RGYUN ZHUGS YOD, DE YIN NA 'BRAS BU RIM GYIS PA YIN DGOS PA'I PHYIR, DE 'DRA'I PHYIR 'ONG YOD DE, RGYUN ZHUGS KYI RTOGS PA SNGON DU SONG BA'I PHYIR 'ONG YOD, DE YIN NA DE YIN DGOS PA'I PHYIR, DE 'DRA'I PHYIR MI 'ONG YOD DE, RGYUN ZHUGS DANG PHYIR 'ONG GI RTOGS PA SNGON DU SONG BA'I PHYIR MI 'ONG YOD, DE YIN NA DE YIN DGOS PA'I PHYIR, DE 'DRA'I DGRA BCOM YOD DE, 'BRAS BU BZHI RIM GYIS MNGON DU BYAS PA'I NYAN THOS DGRA BCOM YOD, DE YIN NA 'BRAS BU RIM GYIS PA YIN DGOS PA'I PHYIR, SPANG BYA RIM GYIS PA'I RGYUN ZHUGS YOD DE, KHAMS GSUM GYI SGOM SPANG NYON MONGS CHUNG DU'I CHUNG DU DGU RIM GYIS SPONG BA'I RGYUN ZHUGS YOD PA'I PHYIR, PHYIR 'ONG DANG PHYIR MI 'ONG GANG RUNG YIN NA, SPANG BYA RIM GYIS PA YIN DGOS TE, 'DOD NYON DRUG PA DANG SRID NYON DRUG PA CIG CAR DU SPONG PA'I PHYIR 'ONG YANG MED, 'DOD NYON DGU PA DANG SRING NYON DGU PA CIG CAR DU SPONG BA'I PHYIR MI 'ONG YANG MED PA'I PHYIR TE, RNAM BSHAD LAS, 'BRAS BU BAR BA GNYIS LA CIG CAR PA BZHAG DU MI RUNG STE, 'DOD NYON DRUG PA SPONG BA'I TSE SRID NYON DRUG PA DANG, DE DGU PA SPONG BA'I TSE SRID NYON DGU PA SPONG BA MI SRID PAS 'BRAS BU DANG PO DANG THA MA KHO NA LA BZHAG GO ,ZHES GSUNGS PA'I PHYIR, DE 'DRA'I DGRA BCOM YOD DE, DE DGU RIM GYIS SPANGS PA'I NYAN THOS DGRA BCOM YOD PA'I PHYIR, SPANG BYA CIG CAR BA'I RGYUN ZHUGS YOD DE, DE DGU CIG CAR DU SPONG BA'I RGYUN ZHUGS
YOD PA'I PHYIR, DE 'DRA'I DGRA BCOM YOD DE, DE DGU CIG CAR DU SPANGS PA'I NYAN THOS DGRA BCOM YOD PA'I PHYIR, KHA CIG ,SBYOR LAM STAN GCIG PA'I RTOGS PA THOB PA'I NYAN THOS KYI DGE 'DUN GANG ZHIG, RGYUN ZHUGS KYI 'BRAS BU THOB PA'I RJES SU PHYI MA GSUM PO GANG RUNG MNGON DU BYAS SAM BYED PA, RIM GYIS PA'I NYAN THOS KYI DGE 'DUN GYI MTSAN NYID, DE GANG ZHIG ,RGYUN ZHUGS KYI 'BRAS BU MNGON DU MA BYAS PAR PHYI MA GSUM PO GANG RUNG MNGON DU BYAS SAM BYED PA, THOD RGAL PA'I NYAN THOS KYI DGE 'DUN GYI MTSAN NYID DU 'DOD PA MI 'THAD DE, DANG PO LA, SPANG BYA CIG CAR BA'I NYAN THOS DGRA BCOM PA DANG, SPANG BYA CIG CAR PA'I RGYUN ZHUGS LA MA NGES LA, PHYI MA 'BRAS BU THOD RGAL PA'I PHYIR 'ONG GI RTOGS PA SNGON DU SONG PA'I PHYIR MI 'ONG DANG, 'BRAS BU THOD RGAL PA'I PHYIR MI 'ONG GI RTOGS PA SNGON DU SONG BA'I NYAN THOS DGRA BCOM PA LAM NGES PA'I PHYIR, ROD t'IKA PAS, SPANG BYA CIG CAR PA'I NYAN THOS DGRA BCOM PA DE 'BRAS BU THOD RGAL PA YIN TE, DE 'BRAS BU BAR BA GNYIS MNGON DU MA BYAS PAR DGRA BCOM PA'I 'BRAS BU MNGON DU BYAS PA'I 'BRAS GNAS YIN PA'I PHYIR, 'BRAS BU THOD RGAL PA'I PHYIR 'ONG GI RTOGS PA SNGON DU SONG BA'I PHYIR MI 'ONG DE 'BRAS BU RIM GYIS PA YIN TE, DE 'BRAS BU BAR BA GNYIS RIM GYIS MNGON DU BYAS PA'I 'BRAS GNAS YIN PA'I PHYIR NA MI 'THAD DE, 'BRAS BU RIM GYIS PA LA 'BRAS BU BZHI RIM GYIS MNGON DU BYAS SAM BYED PA GANG RUNG GCIG DGOS PA'I PHYIR TE, MDZOD DKREL LAS, 'BRAS BU BZHI MTHAR GYIS THOB
, ,PA'I PHYIR DE SKAD CES BYA'O, ,ZHES GSUNGS BA'I PHYIR, GZHAN YANG, SPANG BYA CIG CAR BA'I RGYUN ZHUGS CHOS CAN, 'BRAS BU THOD RGAL PA YIN PAR THAL, 'BRAS BU BAR BA GNYIS MNGON DU MA BYAS BAR DGRA BCOM PA'I 'BRAS BU MNGON DU BYED PA'I 'BRAS GNAS YIN PA'I PHYIR, KHYAB PA KHAS, GZHAN YANG, 'BRAS BU THOD RGAL BA'I PHYIR 'ONG GI RTOGS PA SNGON DU SONG BA'I PHYIR MI 'ONG DE 'BRAS BU RIM GYIS PA'I PHYIR MI 'ONG YIN PAR THAL, 'BRAS BU RIM GYIS PA YIN PA'I PHYIR, 'DOD NA, DE 'DRA'I PHYIR MI 'ONG ZHUGS PA DE 'BRAS BU RIM GYIS BA'I PHYIR MI 'ONG ZHUGS PA YIN PAR THAL LO, ,'DOD NA, DE 'BRAS BU RIM GYIS BA YIN BAR THAL LO, ,'DOD MI NUS TE, 'BRAS BU THOD RGAL BA'I PHYIR MI 'ONG ZHUGS PA DANG, 'BRAS BU RIM GYIS BA'I PHYIR MI 'ONG ZHUGS PA GANG RUNG MA YIN PA'I PHYIR MI 'ONG GI ZHUGS PA YIN BA'I PHYIR, KHA CIG ,SBYOR LAM STAN GCIG PA'I RTOGS PA THOB BA'I NYAN THOS GANG ZHIG ,MTHONG LAM GYI SNGA ROL RU RANG GI ZHUGS BA'I SPANG BYA'I GTZO BO LA CHAGS BRAL BYAS PA DE, CHAGS BRAL SNGON SONG GI NYAN THOS KYI DGE 'DUN GYI MTSAN NYID, DE'I SNGA ROL TU RANG GI SPANG BYA'I GTZO BO LA, ZHES SOGS ZER BA MI 'THAD DE, 'BRAS BU THOD RGAL BA'I PHYIR 'OD CHOS CAN, MTSON BYA DER THAL, MTSAN NYID DANG PO DE YIN PA'I PHYIR, GNYIS PA GRUB STE, DE'I SNGA ROL TU 'DOD NYON DRUG BA LA CHAGS BRAL BYAS PA GANG ZHIG ,DE DE'I SPANG BYA'I GTZO BO YIN PA'I PHYIR, GNYIS PA NI, CHAGS BRAL SNGON SONG GI PHYIR MI 'ONG CHOS CAN, MTSAN
NYID DER THAL, MTSON BYA DE YIN PA'I PHYIR, 'DOD NA, DE'I SNGA ROL TU SRID NYON DGU BA LA CHAGS BRAL PA YIN PAR THAL, 'DOD PA GANG ZHIG, DE DE'I SPANG BYA'I GTZO BO YIN PA'I PHYIR, KHA CIG ,DE'I SNGA ROL TU THA MA'I CHA MTHUN LNGA LA CHAGS BRAL BYAS ZER BA MI 'THAD DE, DE'I SNGA ROL TU MTHONG SPANG KUN SBYOR GSUM LA CHAGS BRAL BYED MI NUS BA'I PHYIR, GNYIS PA SO SOR BSHAD PA LA, RGYUN ZHUGS ZHUGS 'BRAS, PHYIR 'ONG ZHUGS 'BRAS, PHYIR MI 'ONG ZHUGS 'BRAS, DGRA BCOM ZHUGS 'BRAS BSHAD PA DANG BZHI LAS, DANG PO LA, RGYUN ZHUGS ZHUGS PA BSHAD BA DANG, RGYUN ZHUGS 'BRAS GNAS BSHAD PA DANG GNYIS, DANG PO LA, MTSAN NYID, DBYE GAS MTSAMS, SGRA BSHAD PA'O, ,DANG PO NI, ZHUGS PA BZHI'I NANG TSUN GANG ZHIG ,MTHONG SPANG KUN SBYOR GSUM SPANGS PAS RAB TU PHYE BA'I RIGS SU GNAS BA'I DGE SBYONG TSUL GYI 'BRAS BU THOB PA'I PHYIR DU BRTZON BZHIN PA'I SBYOR BA RGYUN CHAGS LA GNAS PA, RGYUN ZHUGS ZHUGS PA'I MTSAN NYID, GNYIS PA DE LA DBANG PO'I SGO NAS RGYUN ZHUGS ZHUGS PA DBANG RTUL DAD BA'I RJES 'BRANG DANG, DE DBANG RNON CHOS KYI RJES 'BRANG GNYIS SU YOD DE, MDZOD LAS, DBANG PO RNO RTUL DE DAG TU, ,DAD DANG CHOS KYI RJES 'BRANG BA, ,ZHES GSUNGS PA'I PHYIR, GZHAN GYIS BSTAN BA'I RJES SU 'BRANGS TE BDEN PA MNGON PAR RTOGS PA'I PHYIR DU BRTZON PA'I RGYUN ZHUGS ZHUGS PA DE DANG PO DANG, RANG NYID KYIS GSUNG RAB KYI RJES SU 'BRANGS TE BDEN PA MNGON PAR RTOGS NUS PA'I RGYUN ZHUGS ZHUGS PA DE GNYIS PAR 'JOG STE, KUN BTUS LAS, DAD PA'I RJES SU 'BRANG
, ,PA GANG ZHE NA, GANG TSOGS BSAGS PA DBANG PO RTUL PO PHA ROL GYIS BSTAN BA'I RJES SU 'BRANGS NAS BDEN PA MNGON PAR RTOGS PAR BYA BA'I PHYIR SBYOR BA'O, ,CHOS KYI RJES SU 'BRANG BA GANG ZHE NA, GANG TSOGS BSAGS PA DBANG PO RNON PO BDAG NYID KYIS BDEN PA'I DBANG DU BYAS PA'I CHOS KYI RJES SU 'BRANGS NAS BDEN PA MNGON PAR RTOGS PAR BYA BA'I PHYIR SBYOR BA'O, ,ZHES GSUNGS PA'I PHYIR, DE LA SPANG BYA SPONG TSUL GYI SGO NAS DBYE NA SPANG BYA CIG CAR PA'I RGYUN ZHUGS ZHUGS PA DANG, SPANG BYA RIM GYIS PA'I RGYUN ZHUGS ZHUGS PA GNYIS LAS, RGYUN ZHUGS ZHUGS PA GANG ZHIG ,KHAMS GSUM GYI SGOM SPANG NYON MONGS CHUNG DU'I CHUNG DU DGU CIG CAR DU SPONG BA'I RIGS CAN, DANG PO'I MTSAN NYID, DE GANG ZHIG ? DGU? RIM CAN DU SPONG BA'I RIGS CAN, GNYIS PA'I MTSAN NYID, RIGS CAN SMOS PA LA DGOS PA YOD DE, NYAN THOS KYI SGOM LAM MA THOB PAR THEG CHEN GYI LAM DU 'JUG PAR NGES PA'I SPANG BYA RIM GYIS PA'I RGYUN ZHUGS ZHUGS PA DE BSDU BAR BYA BA'I CHED YIN PA'I PHYIR, DES DE DGU CIG CAR DU SPONG BA'I PHYIR, DES DE DGU THEG CHEN LAM DU CIG CAR DU SPONG BA'I PHYIR TE, DE YOD PA'I PHYIR TE, MDO SDE'I RGYAN LAS, NYAN THOS MA DES RNAM GNYIS TE, ,THEG DON MTHONG DANG MA MTHONG DANG, ,DON MTHONG 'DOD CHAGS BRAL BA DANG, ,'DOD CHAGS BRAL MIN 'DIR DMAN BA'O, ,ZHES GSUNGS PA'I PHYIR, DE LA SPANGS PA'I SGO NAS 'DOD NYON DANG PO TZAM YANG MA SPANGS PA'I RGYUN ZHUGS ZHUGS BA DANG, 'DOD NYON DANG PO TZAM SPANGS PA'I RGYUN ZHUGS
ZHUGS PA NAS, 'DOD NYON LNGA PA SPANGS PA'I DE'I BAR DRUG YOD, DE YIN NA, 'DOD NYON DRUG PA MA SPANGS PAS KHYAB STE, MDZOD LAS, SGOM PAS SPANG BYA MA SPANGS NAS, ,'BRAS BU DANG PO LA ZHUGS PA, RNAM LNGA'I BAR BCOM GNYIS PA LA, ,ZHES GSUNGS PA'I PHYIR, DE LA SKYE BA LEN TSUL GYI SGO NAS 'DOD PAR LAS NYON GYIS SKYE BA GCIG KYANG MI LEN PA NAS, 'DOD PAR SKYE BA BDUN LEN PA'I BAR DU YOD DO, ,GSUM PA SA MTSAMS NI SBYOR LAM STAN GCIG PA NAS LA MA RJES BZOD KYI BAR DU YOD DE, KUN BTUS LAS, RGYUN DU ZHUGS PA'I 'BRAS BU LA 'JUG PA GANG ZHE NA, GANG NGES PAR 'BYED BA'I CHA DANG MTHUN PA LA MTHONG BA'I LAM GYI SEMS KYIS SKAD CIG MA BCO LNGA LA GNAS PA'I GANG ZAG GO ,ZHES DANG, RGYAL PO SRAS SU, NGES PAR 'BYED PA'I CHA DANG MTHUN PA STAN GCIG PA NAS BZUNG STE DANG PO'I 'BRAS BU'I BAR DU'O, ,ZHES DANG, RNAM BSHAD LAS, SA MTSAMS SBYOR LA MA STAN GCIG PA NAS, RGYUN ZHUGS KYI 'BRAS BUS BSDUS BA'I RNAM GROL LAM MTHOB KYI BAR TSUN CHAD DU, ZHES DANG, BLO GSAL BGROD PA'I THEM? SKAS LAS, DE LTAR NA LUGS DE GNYIS KA 'THAD PAR MI RIGS TE, DPYAD PAR BYA BA'I GZHI RGYUN DU ZHUGS PA GCIG NYID KYI STENG DU MI MTHUN PA GNYIS DAM BCAS PA'I PHYIR GNYIS KA MI 'THAD NA GANG NGES PA'I DON DU 'DOD PAR BYA ZHE NA, JI SKAD BSHAD PA'I SKYON DU 'GYUR BA'I PHYIR, DE LTAR YANG KUN BTUS KYI LUGS DE KHO NA RMRA? MED PA YIN NO, ,ZHES DANG, 'DOD NYON DRUG PA MA SANGS BAR, ,SBYOR LAM STAN GCIG NAS BZUNG STE, ,LAM LA RJES BZOD PAR DAG LA, ,GNAS PA DE NI RGYUN ZHUGS ZHUGS, ,ZHES GSUNGS BA'I PHYIR, KHO NA RE, SA
, ,MTSAMS DE MI 'THAD DE, RGYUN ZHUGS ZHUGS PA LA 'PHAGS PAS KHYAB PA'I PHYIR TE, RGYUN ZHUGS ZHUGS PA'I MING CAN GYI BYANG SEMS YIN NA, 'PHAGS PA YIN DGOS PA'I PHYIR NA MA KHYAB, RTAGS GRUB STE, 'CHAD BAR 'GYUR BA'I LAM SHES PA NYID, CES SOGS DANG, DGE 'DUN LA SANGS RGYAS DKON MCHOG GI, ZHES SOGS DANG, DBU MA 'JUG BAR, 'DI NI 'PHAGS PA BRGYAD PA JI LTAR NYE BAR BSTAN, ,ZHES GSUNGS PA'I PHYIR DANG, RGYUN ZHUGS ZHUGS PA'I MNGON RTOGS YIN NA, BRGYAD BA'I SA YIN DGOS PA'I PHYIR TE, MDO LAS, RIGS KYIS DANG, BRGYAD BA'I SA DANG, ZHES SOGS GSUNGS PA'I PHYIR NA MI 'THAD DE, RANG SANGS RGYAS YIN NA, 'PHAGS PA YIN DGOS PAR THAL, RANG SANGS RGYAS MING CAN GYI BYANG SEMS YIN NA, DE LTAR DGOS PA'I PHYIR, KHYAB PA KHAS, RTAGS GRUB STE, RANG SANGS RGYAS DANG LHAN CIG BRGYAD BO, ZHES DANG, DE'I 'OG TU RANG SANGS RGYAS TE NYI SHU'O, ,ZHES GSUNGS BA'I PHYIR, GZHAN YANG, SPANG BYA CIG CAR BA'I RGYUN ZHUGS ZHUGS PA'I MKHYEN PA CHOS CAN, BRGYAD PA'I SA YIN PAR THAL, RGYUN ZHUGS ZHUGS PA'I MKHYEN PA YIN PA'I PHYIR, 'DOD MI NUS TE, DE LA BRGYAD BA'I SA'I SGRA MTSANG BA'I PHYIR TE, GSER PHRENG LAS, SGRA DANG BSTUN NA CIG CAR PA LA SGRA'I DON MED, CES DANG, RNAM BSHAD LAS, MTHAR GYIS PA'I 'BRAS BU DANG PO RGYUN ZHUGS ZHUGS PA'I RTOGS PA NI CHOS CAN, BRGYAD PA'I SA YIN TE, ZHES DANG, MTHAR GYIS PA'I RGYUN ZHUGS KYI MNGON RTOGS NI CHOS CAN, MTHONG BA'I SA YIN TE,
ZHES MTHAR GYIS PA SMOS PA LA DGOS PA YOD PA'I PHYIR, KHO NA RE, SBYOR LAM STAN GCIG PA LA GNAS PA'I RGYUN ZHUGS ZHUGS PA'I MKHYEN PA CHOS CAN, BRGYAD PA'I SA MA YIN PAR THAL, RIGS KYIS YIN PA'I PHYIR NA MA KHYAB, GNAS SKABS NYAN THOS SU RIGS NGES PA'I NYAN THOS KYI TSOGS LAM CHOS CAN, RIGS KYIS MA YIN PAR THAL, DKAR PO RNAM PAR MTHONG BA'I SA YIN PA'I PHYIR, KHYAB PA KHAS, DER THAL, DER THAL ,CHOS CAN DE YIN PA'I PHYIR, 'DOD MI NUS TE, GNAS SKABS NYAN THOS KYI YANG DAG PAR BLANGS PA LAS MI 'DA' BA'I NYAN THOS SO SKYE'I MKHYEN PA YIN BA'I PHYIR, KHO NA RE, DGRA BCOM ZHUGS PA DANG SO SKYE'I GZHI MTHUN YOD PAR THAL, PHYIR MI 'ONG ZHUGS PA DANG DE'I GZHI MTHUN YOD PA'I PHYIR NA MA KHYAB, DER THAL, PHYIR 'ONG ZHUGS PA LA MED PA'I PHYIR TE, RGYUN ZHUGS ZHUGS PA LA DE'I PHYIR NA MI 'THAD DE, SBYOR LAM STAN GCIG PA LA GNAS PA'I PHYIR MI 'ONG ZHUGS PA DANG, DE 'DRA'I PHYIR 'ONG ZHUGS PA YOD PA'I PHYIR TE, RNAM BSHAD LAS, THOD RGAL BA'I ZHUGS PA NI RGYUN ZHUGS LTAR RO, ,ZHES GSUNGS PA'I PHYIR, KHO NA RE, NYAN THOS KYI MTHONG LAM SDUG BSNGAL CHOS SHES LA GNAS PA'I RGYUN ZHUGS ZHUGS PA MED DE, NYAN THOS KYI MTHONG LAM BZOD PA BRGYAD CIG CAR DU SKYE ZHING, DE'I SHES PA BRGYAD KYANG CIG CAR DU SKYE BA'I PHYIR, ZHES ZER BA MI 'THAD DE, DE BRGYAD RIM PA BZHIN DU SKYE BAR KUN BTUS LAS BSHAD PA'I PHYIR DANG, RNAM BSHAD LAS, RNAL 'BYOR PA'I RGYUD LA BDEN PA BZHI LA DMIGS PA'I MTHONG LAM SKYE BA NA YANG RIM PA DE DAG DANG MTHUN PAR SKYE BA'I TSUL GCIG YOD DE, ,ZHES GSUNGS, ZHES GSUNG RAB LAS BSTAN BA'I RIM PA DANG MTHUN PAR DANG POR
, ,NYAN THOS KYI MTHONG LAM SDUG BSNGAL CHOS BZOD DE RJES KUN 'BYUNG CHOS BZOD, DE RJES 'GOG PA CHOS BZOD, DE RJES LAM CHOS BZOD SKYE BAR BSHAD PA'I PHYIR, DE LTAR MA YIN NA, 'DOD PA'I SAS BSDUS KYI SDUG BSNGAL MTHONG SPANG NYON MONGS SPANGS PA'I GANG ZAG YIN NA, KHAMS GONG MA'I SAS BSDUS KYI SDUG BSNGAL MTHONG SPANG NYON MONGS SPANGS BA'I GANG ZAG YIN DGOS PAR THAL, NYAN THOS KYI MTHONG LAM BZOD PA BRGYAD CIG CAR DU SKYE BA'I PHYIR, RTAGS KHAS, 'DOD NA, 'DOD PA'I SAS BSDUS KYI SGOM SPANG NYON MONGS SPANGS BA'I GANG ZAG LA DE DGOS PAR THAL LO, ,'DOD NA, 'BRAS BU RIM GYIS PA'I PHYIR MI 'ONG CHOS CAN, DER THAL, DE'I PHYIR, KHO NA RE, NYAN THOS KYI MTHONG LAM SDUG BSNGAL CHOS SHES LA GNAS PA'I CHAGS BRAL SNGON SONG GI PHYIR MI 'ONG ZHUGS PA YOD PAR THAL, DE LA GNAS PA'I RGYUN ZHUGS ZHUGS PA YOD PA'I PHYIR, 'DOD NA, DE DGE SPYOD TSUL GYI 'BRAS BU LA GNAS PAR THAL, DE'I RGYUD KYI MTHONG LAM SDUG BSNGAL CHOS SHES DE DGE SBYONG TSUL GYI 'BRAS BU YIN BA'I PHYIR, 'DOD NA, DE 'BRAS GNAS YIN PAR THAL LO, ,'DOD NA, PHYIR MI 'ONG 'BRAS GNAS YIN PAR THAL, 'DOD NYON DGU PA SPANGS PA'I NYAN THOS SLOB BA'I 'BRAS GNAS YIN PA'I PHYIR NA MA KHYAB, KHA CIG ,MTHONG SPANG KUN SBYOR GSUM SPONG PHYIR DU BRTZON PA'I GANG ZAG ,RGYUN ZHUGS ZHUGS PA'I MTSAN NYID, ZER BA MI 'THAD DE, DE SPONG PHYIR DU BRTZON PA'I NYAN THOS TSOGS LAM BA YOD PA'I PHYIR TE, RGYUN ZHUGS KYI 'BRAS BU THOB PHYIR DU BRTZON BZHIN PA'I DE YOD PA'I PHYIR
KHA CIG ,ZHUGS PA BZHI'I NANG TSAN GANG ZHIG ,'BRAS BU PHYI MA GSUM PO GANG RUNG THOB PHYIR DU MI BRTZON PAR RGYUN ZHUGS KYI 'BRAS BU THOB PHYIR DU BRTZON PA DE, DE'I MTSAN NYID, ZER BA MI 'THAD DE, RGYUN ZHUGS ZHUGS PA DE NYAN THOS DGRA BCOM PA'I 'BRAS BU THOB PHYIR DU BRTZON PA'I GANG ZAG YIN PA'I PHYIR RO, ,BZHI PA NI, CI'I PHYIR RGYUN ZHUGS ZHUGS PA ZHES BYA ZHE NA, RGYUN ZHUGS KYI 'BRAS BU THOB PHYIR DU ZHUGS PA STE BRTZON BZHIN PA'I SBYOR BRGYUN CHAGS LA GNAS PAS DE SKAD CES BYA'O, ` ,GNYIS PA 'BRAS GNAS BSHAD PA LA, MTSAN NYID, DBYE BA, SA MTSAMS, SGRA BSHAD PA'O, ,DANG PO NI, 'BRAS GNAS BZHI'I NANG TSAN GANG ZHIG ,MTHONG SPANG KUN SBYOR GSUM SPANGS PAS RAB TU PHYE BA'I DGE SBYONG TSUL GYI 'BRAS BU LA GNAS PA, RGYUN ZHUGS 'BRAS GNAS KYI MTSAN NYID, RIGS GNAS SMOS PA LA DGOS PA YOD DE, 'DOD NYON BRGYAD PA SPANGS PA'I RGYUN ZHUGS 'BRAS GNAS, 'DOD NYON LNGA PA SPANGS PA'I RGYUN ZHUGS 'BRAS GNAS BSDU BAR BYA BA'I TSED? YIN PA'I PHYIR, MTHONG SPANG KUN SBYOR GSUM SPANGS PA'I CHA NAS RGYUN ZHUGS KYI 'BRAS BU 'JOG PA'I RGYU MTSAN YOD DE, MDO LAS, KUN TU SBYOR BA GSUM SPANGS PAS RGYUN DU ZHUGS PA'I 'BRAS BU MNGON DU BYAS SO, ,ZHES GSUNGS PAS, DE GSUM THAR BA THOB PA'I BGEGS KYI GTZO BO YIN PAS DE LTAR BZHAG PA'I PHYIR, 'O NA, DE GSUM PO DE GANG, DES THAR BA THOB PA LA GEGS BYED TSUL GANG ZHEN, DE GSUM BZHAG TU YOD DE, 'JIG LTA KUN BTAGS, TSUL KHRIMS DANG BRTUL ZHUGS MCHOG 'DZIN, THE TSOM NYON MONGS CAN RNAMS SU YOD PA'I
, ,PHYIR; DE GSUM GYIS DE LA GEGS BYED TSUL YOD DE, DANG PO DES BDAG CHAD KYIS DOGS PA'I 'JIGS PAS DRANGS BA'I SGO NAS DE LA GEGS BYED, GNYIS PAS LAM NOR BAR 'KHRID BA'I SGO NAS DE LA GEGS BYED, GSUM PAS LAM RNAM DAG RNYED KYANG DE LA THE TSOM BSKYED BA'I SGO NAS THAR BA THOB PA LA GEGS BYED BA'I PHYIR TE, MDZOD LAS, 'GRO MI 'DOD DANG LAM NOR DANG, ,LAM LA THE TSOM JI SNYED GCIG ,THAR PAR BGROD LA GEGS BYED PA, ,DE YI PHYIR NA GSUM BSTAN TO, ,ZHES GSUNGS PA'I PHYIR, GNYIS PA LA, DBANG PO'I SGO NAS, SPANG BYA SPONG TSUL GYI SGO NAS, SBYOR BA'I SGO NAS, SPANGS PA'I SGO NAS, RTOGS BA'I SGO NAS, SKYE BA LEN TSUL GYI SGO NAS DBYE BA DANG DRUG LAS, DANG PO NI, DE LA RGYUN ZHUGS 'BRAS GNAS DAD MOS PA DANG, MTHONG THOB PA GNYIS YOD DE, MDZOD LAS, DE TSE DBANG PO RNO RTUL DAG ,DAD PAS MOS DANG MTHONG BAS THOB, CES GSUNGS BA'I PHYIR, RGYUN ZHUGS 'BRAS GNAS GANG ZHIG ,RGYUN ZHUGS ZHUGS PA DAD PA'I RJES 'BRANG GI RTOGS PA SNGON DU SONG BA, DANG PO'I MTSAN NYID, DE GANG ZHIG ,RGYUN ZHUGS ZHUGS PA CHOS KYI RJES 'BRANG GI RTOGS PA SNGON DU SONG BA, GNYIS PA'I MTSAN NYID YIN TE, KUN BTUS LAS, DAD PA'I MOS PA GANG ZHE NA, DAD BA'I RJES SU 'BRANG BA'I GANG ZAG GANG 'BRAS BU'I DUS NA'O, ,MTHONG BAS THOB PA GANG ZHE NA, CHOS KYI RJES SU 'BRANG BA'I GANG ZAG GANG 'BRAS BU'I DUS NA'O, ,ZHES GSUNGS PA'I PHYIR, GNYIS PA LA, SPANG BYA CIG CAR BA'I RGYUN ZHUGS
'BRAS GNAS DANG, SPANG BYA RIM GYIS BA'I RGYUN ZHUGS 'BRAS GNAS GNYIS LAS, RGYUN ZHUGS 'BRAS GNAS GANG ZHIG KHAMS GSUM GA'I SGOM SPANG NYON MONGS CHUNG DU'I CHUNG DU DGU CIG CAR DU SPONG BA'I RIGS CAN, DANG PO'I MTSAN NYID, RIGS CAN SMOS PA LA DGOS PA SNGAR BZHIN NO, ,DBYE NA, SPANG BYA CIG CAR BA'I RGYUN ZHUGS 'BRAS GNAS KHYAB PAR CAN DANG, DE TZAM PO PA GNYIS LAS, DANG PO DANG, SPANG BYA CIG CAR BA'I DGRA BCOM ZHUGS PA DON GCIG ,GNYIS BA NI, LAM RJES SHES LA GNAS PA'I SPAL BYA CIG CAR BA'I RGYUN ZHUGS 'BRAS GNAS LTA BU'O, ` ,SPANG BYA CIG CAR BA'I RNAM GZHAG BSHAD PA LA, BSHAD BYA'I LUNG 'GOD PA, LUNG GI DON BSHAD PA GNYIS LAS, DANG PO NI, KUN BTUS LAS, CIG CAR NGES BAR 'BYIN PA NI GANG BDEN PA MNGON PAR RTOGS PAR BYAS NAS MI LCOGS MED PA LA BRTEN NAS 'JIG RTEN LAS 'DAS BA'I LAM GYIS KHAMS GSUM NA SPYOD PA'I NYON MONGS PA RNAMS RNAM PAS CIG CAR SPONG BA STE, 'DI NI RGYUN DU ZHUGS PA'I 'BRAS BU DANG DGRA BCOM PA'I 'BRAS BU GNYIS LA GDAGS SO, PHAL CHER NI MTHONG BA'I CHOS SAM 'CHI BA'I DUS KYI TSE KUN SHES PA NYID THOB PAR BYED LA, GAL TE MI BYED NA'ANG SMON LAM GYI STOBS CAN YIN TE, SMON LAM GYI DBANG GIS 'DOD PA'I KHAMS NYID DU SKYE STE, SANGS RGYAS 'BYUNG BA MED NA RANG RGYAL BAR 'GYUR RO, ,ZHES GSUNGS, GNYIS PA NI, SPANG BYA CIG CAR PA'I NYAN THOS KYI DGE 'DUN DES KHAMS GSUM GYI SGOM SPANG NYON MONGS CHUNG DU DGU BO DE DUS NAM GYI TSE SPONG, SA GANG LA BRTEN NAS SPONG, LAM GANG LA BRTEN NAS SPONG, TSUL JI LTAR DU SPONG GZHUGs GNAS GANG LA
, ,BZHAG PA ,'BRAS BU MNGON DU BYED TSUL LO, ,DANG PO NI, DE DGU MTHONG LAM THOB RJES SU SPONG BA YIN TE, DES DE'I SNGA ROL TU SRID NYON DGU BA SPONG MI NUS PA'I PHYIR, DE NI CIG CAR ZHES PA NAS, MNGON PAR RTOGS PAR BYAS NAS ZHES BA'I BAR GYI BSTAN, GNYIS PA NI; DES DE DGU BSAM GTAN DANG PO'I NYER BSDOGS MI LCOGS MED LA BRTEN NAS SPONG BA YIN TE, DE DANG BSAM GTAN DANG PO'I DNGOS GZHI GANG RUNG LA BRTEN NAS SPONG NA PHYI MA MA YIN PA'I PHYIR TE, DES BSAM GTAN DANG PO'I DNGOS GZHI THOB NA 'DOD PA LA CHAGS BRAL BYAS ZIN PA'I PHYIR TE, DE NI MI LCOGS MED BA LA BRTEN NAS, ZHES BSHAD DO, ,GSUM PA NI, DES DE DGU 'DAS LAM LA BRTEN NAS SPONG STE, DE DANG 'JIG RTEN BA'I LAM GANG RUNG LA BRTEN NAS SPONG NA PHYI MA MA YIN PA'I PHYIR, DE LA BRTEN NAS SRID NYON DGU PA SPONG MI NUS BA'I PHYIR, DE NI 'JIG RTEN LAS 'DAS PA'I LAM GYIS, ZHES BSHAD, BZHI PA NI, DES DE DGU SPONG TSUL YOD DE, DES DE CHEN PO'I CHEN PO DGU CIG CAR DU SPONG BA NAS CHUNG NGU'I CHUNG DU DGU CIG CAR DU SPONG BA'I PHYIR, DE NI KHAMS GSUM NA SPYOD PA'I NYON MONGS PA RNAMS RNAM PAS CIG CAR SPONG STE, ZHES BSHAD, LNGA PA NI, DE ZHUGS GNAS THOG MTHA' GNYIS KHO NA LA BZHAG STE, BAR BA GNYIS LA DE BZHAG TU MI RUNG BA'I PHYIR, DE NI 'DI NI, ZHES PA NAS, GDAGS SO, ,ZHES PA'I BAR GYIS BSTAN, DRUG PA NI, SPANG BYA CIG CAR BA'I RGYUN ZHUGS PHAL CHE BAS MTHONG LAM THOB BA'I TSE DE LA DGRA BCOM BA'I 'BRAS BU MNGON DU BYED, DE LA MA BYAS NA 'DOD BA'I BAR SRID KYI RTEN LA BYED, DE LAM BYAS NA 'DOD BA'I SKYE SRID DU SKYE BA
BLANGS NAS SANGS RGYAS DANG PHRAN NA DE'I NYAN THOS DANG, DE DANG MA PHRAD NA RANG RGYAL GYI 'BRAS BU MNGON DU BYED PA'I PHYIR, DE NI PHAL CHER, ZHES SOGS KYIS BSTAN, DE YANG PHAL CHER NI MTHONG BA'I CHOS SAM, ZHES PAS SPANG BYA CIG CAR BA'I RGYUN ZHUGS MTHONG CHOS ZHI BSTAN, 'CHI BA'I DUS KYI TSE ZHES SOGS KYIS, DE BAR 'DA' BA DE BSTAN TO, ,RGYUN ZHUGS 'BRAS GNAS GANG ZHIG ,KHAMS GSUM GYI SGOM SPANG NYON MONGS CHUNG NGU'I CHUNG DU DGU RIM BZHIN DU SPONG BA'I RIGS CAN, SPANG BYA RIM GYIS BA'I RGYUN ZHUGS KYI MTSAN NYID, KHA CIG ,'DI NI RGYUN DU ZHUGS PA DANG DGRA BCOM PA'I 'BRAS BU GNYIS LA GDAGS SO, ,ZHES GSUNGS BA'I DON DU BSAMS NAS SPANG BYA CIG CAR BA'I NYAN THOS KYI DGE 'DUN LA SPANG BYA CIG CAR BA'I RGYUN ZHUGS DANG, SPANG BYA CIG CAR BA'I DGRA BCOM GNYIS SU GRANGS NGES BAR 'DOD BA MI 'THAD DE, DE 'DRA'I 'BRAS GNAS LA DE GNYIS SU GRANGS NGES PAR LUNG DE'I DON YIN PA'I PHYIR, DE LTAR MA YIN NA SPANG BYA CIG CAR BA'I RGYUN ZHUGS KYI 'BRAS BU DE RANG GI ZHUGS LAM SNGON DU SONG BA MA YIN PAR THAL, SPANG BYA CIG CAR BA'I RGYUN ZHUGS ZHUGS PA MED PA'I PHYIR, RTAGS KHAS, KHO NA RE, SPANG BYA CIG CAR BA'I RGYUN ZHUGS KYI ZHUGS PA YOD NA, SPANG BYA CIG CAR BA'I RGYUN ZHUGS ZHUGS PA YOD DGOS PAR THAL, DE YOD PA'I PHYIR, 'DOD NA, MTHONG SPANG KUN SBYOR GSUM SPANGS PA'I RGYUN ZHUGS ZHUGS BA YOD PAR THAL, DE 'DRA'I RGYUN ZHUGS KYI ZHUGS PA YOD PA'I PHYIR NA MI MTSUNGS SO, ,GZHAN YANG, DE YOD PAR THAL, DE 'DRA'I DGRA BCOM ZHUGS PA YOD
, ,PA'I PHYIR TE, RNAM BSHAD LAS, DBYE BA 'DI NI MTHAR GYIS BA DANG, CIG CAR BA'I DGRA BCOM ZHUGS PA GNYIS LA GDAGS SO, ,ZHES GSUNGS PA'I PHYIR, KHO NA RE, RGYUN ZHUGS YIN NA, KUN SBYOR GSUM SPANGS PAS KHYAB PAR 'DOD PA MI 'THAD DE, RGYUN ZHUGS KYIS 'JIG LTA KUN SBYOR MA SPANGS BA'I PHYIR, DES 'JIG LTA MA SPANGS BA'I PHYIR, MA GRUB NA, DE CHOS CAN, LAS NYON GYIS 'KHOR BAR SKYE BA MI LEN BAR THAL, 'JIG LTA SPANGs BA'I PHYIR, KHYAB STE, RNAM 'GREL LAS; LHAN CIG BYED BA MA SPANGS PHYIR, ,SPANGS NA SRID PA GA LA YOD, ,CES GSUNGS BA'I PHYIR, KHA CIG ,SPANG BYA RIM GYIS PA'I RGYUN ZHUGS LA RGYUN ZHUGS SRID BA LAN BDUN PA PA DANG, RGYUN ZHUGS RIGS SKYE GNYIS SU NGES PAR 'DOD BA MI 'THAD DE, GZUGS SU NYER 'GRO'I PHYIR MI 'ONG GI 'BRAS BU MNGON DU BYED PAR NGES BA'I SPANG BYA RIM GYIS PA'I RGYUN ZHUGS YOD, TSE DE LA DGRA BCOM PA'I 'BRAS BU MNGON DU BYED PAR NGES PA'I SPANG BYA RIM GYIS BA'I RGYUN ZHUGS KYANG YOD, DE GNYIS DE GNYIS GANG RUNG MA YIN PA'I PHYIR, DANG PO GRUB STE, GZUGS SU NYER 'GRO'I 'BRAS BU RIM GYIS PA'I PHYIR MI 'ONG YOD PA'I PHYIR TE, GSER PHRENG LAS, MTHAR GYIS PA LA DBYE BA 'DI DAG RUNG BAR SHIN TU GRAGS SO, ,ZHES GSUNGS BA'I PHYIR; GNYIS PA GRUB STE, DE YOD PAR MDO LAS GSUNGS BA'I PHYIR, GSUM PA GRUB STE, DE GNYIS GANG RUNG YIN NA, 'DOD BAR LAS NYON GYIS SKYE BA LEN PAS KHYAB PA GANG ZHIG, 'DOD BAR 'PHAGS LAM SKYE BA BRGYUD MAR BRTEN BA'I 'PHAGS
PAS KHAMS GONG DU LAS NYON GYIS SKYE BA LEN PA MI SRID BA'I PHYIR TE, MDZOD LAS, 'DOD PAR TSE YONGS GYUR BA'I 'PHAGS, KHAMS GZHAN DU NI 'GRO BA MED, ,CES GSUNGS PA'I PHYIR, GZHAN YANG, DE MI 'THAD DE, MTHONG LAM GYI SNGA ROL TU 'DOD NYON LNGA PA SPANGS PA'I SPANG BYA RIM GYIS BA'I RGYUN ZHUGS YOD, DE RGYUN ZHUGS SRID PA LAN BDUN PA PA YANG MA YIN, RGYUN ZHUGS RIGS SKYE YANG MA YIN PA'I PHYIR, DANG PO GRUB STE, MDZOD LAS, RNAM PA LNGA YI BAR BCOM DANG, ,GNYIS PA LA NI ZHUGS PA YIN, ,ZHES GSUNGS PA'I PHYIR, GNYIS PA GRUB STE, DES 'DOD NYON DANG PO SPANGS BA'I PHYIR, GSUM PA GRUB STE, DES 'DOD NYON LNGA PA SPANGS BA'I PHYIR, KHA CIG ,SPANG BYA RIM GYIS PA'I RGYUN ZHUGS MTHONG CHOS ZHI YOD PAR 'DOD PA MI 'THAD DE, 'BRAS GNAS GZHAN GYIS BAR MCHOD PAR MTHONG LAM THOB BA'I TSE DE LA DGRA BCOM BA'I 'BRAS BU MNGON DU BYED BAR NGES BA'I SPANG BYA RIM GYIS BA'I RGYUN ZHUGS MED PA'I PHYIR TE, SPANG BYA RIM GYIS PA'I RGYUN ZHUGS KYIS DGRA BCOM PA'I 'BRAS BU THOB PA LA 'BRAS BU BAR PA GNYIS BRGYUD DGOS PA'I PHYIR, DE'I PHYIR 'ONG MTHONG CHOS ZHI YOD PAR 'DOD BA YANG MI 'THAD DE, DES KHAGS? SO, ,GSUM PA NI, RGYUN ZHUGS 'BRAS GNAS LA SBYOR BA'I SGO NAS, RGYUN ZHUGS 'BRAS GNAS TZAM PO BA DANG, KHYAD PAR CAN GNYIS YOD DO, ,RGYUN ZHUGS 'BRAS GNAS GANG ZHIG ,RANG GI GONG MA'I 'BRAS BU LAM ZHUGS PAS RAB TU PHYE BA, DANG PO'I MTSAN NYID, DE GANG ZHIG ,RANG GI GONG MA'I 'BRAS BU LA ZHUGS BAS RAB TU PHYE BA, GNYIS PA'I MTSAN NYID YIN TE, MDZOD LAS, 'BRAS THOB 'BRAS BU'I KHYED BAR GYI, LAM THOB MED
, ,BAS DE YI PHYIR, ,'BRAS GNAS KHYAD BAR BYA BA'I PHYIR, ,MI BRTZON PA NI ZHUGS MA YIN, ,ZHES GSUNGS PA'I PHYIR, DANG PO NI, LAM RJES SHES LA GNAS PA'I RGYUN ZHUGS LTA BU, GNYIS PA NI, RGYUN ZHUGS KYI 'BRAS BU THOB RJES SU 'JIG RTEN BA'I BAR CHAD MED LAM DANG, 'JIG RTEN LAS 'DAS BA'I BAR CHAD MED LAM GANG RUNG LA GNAS PA'I RGYUN ZHUGS LTA BU, KHA CIG ,RGYUN ZHUGS 'BRAS GNAS GANG ZHIG ,RANG GI GONG MA'I 'BRAS BU THOB PHYIR DU MI BRTZON PA DANG, DE'I PHYIR DU BRTZON PA, DE GNYIS KYI MTSAN NYID DU 'JOG PA MI 'THAD DE, DE'I PHYIR DU BRTZON PA'I RGYUN ZHUGS 'BRAS GNAS TZAM PO BA YOD PA'I PHYIR TE, NYAN THOS DGRA BCOM PA'I 'BRAS BU THOB PHYIR DU BRTZON BZHIN PA'I DE YOD PA'I PHYIR, KHA CIG, DE GANG ZHIG, DE'I PHYIR DU BAR CHAD MED LAM LA GNAS PA, DE'I MTSAN NYID ZER NA MI 'THAD DE, RGYUN ZHUGS 'BRAS GNAS KHYAD PAR CAN YIN NA, DE'I PHYIR DU BAR CHAD MED LAM LA GNAS PAS MA KHYAB BA'I PHYIR TE, PHYIR 'ONG 'BRAS GNAS KHYAD PAR CAN LA DES MA KHYAB BA'I PHYIR, MA GRUB NA, 'DOD NYON BRGYAD PA SPANGS DGU PA MA SPANGS BA'I PHYIR 'ONG 'BRAS GNAS TSE GCIG BAR CHAD GCIG BAB CHOS CAN, DER THAL, DE'I PHYIR, RTAGS GRUB STE, DE YOD PA'I PHYIR, 'DOD NA, DE CHOS CAN, 'DOD NYON DGU BA'I DNGOS GNYEN LA GNAS PAR THAL, 'DOD PA GANG ZHIG, CHOS CAN DE'I PHYIR, 'DOD NA, DE CHOS CAN, TSE DE LA 'DOD NYON DGU PA NGES BAR THAL LO, ,'DOD NA, 'DOD BAR LAS NYON GYIS SKYE BA MI LEN PAR THAL LO, ,GZHAN YANG, 'JIG RTEN PA'I SGOM SPANG DU GYUR BA'I 'DOD NYON DGU PA'I DNGOS GNYEN PAR CHAD MED LAM LA
GNAS PA'I PHYIR 'ONG CHOS CAN, DER THAL, DE'I PHYIR, RTAGS GRUB STE, DE YOD PA'I PHYIR, 'DOD NA, DE CHOS CAN, 'JIG RTEN LAS 'DAS PA'I BAR CHAD MED LAM LA GNAS PAR THAL LO, ,'DOD MI NUS TE, CHOS CAN DE'I PHYIR, ` BZHI PA LA, SPANG BYA RIM GYIS BA'I DBANG DU BYAS PA DANG, SPANG BYA CIG CAR BA'I DBANG DU BYAS PA GNYIS LAS, DANG PO LA, SPANG BYA RIM GYIS PA'I RGYUN ZHUGS LA 'DOD NYON DANG PO TZAM YANG MA SPANGS PA'I RGYUN ZHUGS DANG, DE DANG PO TZAM SPANGS PA'I RGYUN ZHUGS NAS, 'DOD NYON LNGA BA SPANGS BA'I RGYUN ZHUGS KYI BAR DRUG YOD, DANG BO NYID NAS NYAN THOS SU RIGS NGES PA'I SPANG BYA RIM GYIS PA'I RGYUN ZHUGS YIN NA, 'DOD NYON DRUG PA MA SPANGS PAS KHYAB STE, DES DE NAM SPANGS PA NA PHYIR 'ONG DU 'GYUR BA'I PHYIR, GNYIS PA NI, SPANG BYA CIG CAR BA'I RGYUN ZHUGS 'BRAS GNAS LA 'DOD NYON DANG PO TZAM YANG MA SPANGS PA DANG, DE DANG PO SPANGS PA NAS, DE BRGYAD PA DANG, SRID NYON BRGYAD PA CIG CAR SPANGS BA'I BAR DGU YOD, LNGA PA RGYUN ZHUGS 'BRAS GNAS LA DBYEN, MTHONG LAM BAR GYUR PA'I RGYUN ZHUGS DANG, SGOM LAM PAR GYUR BA'I DE GNYIS SU YOD, DRUG PA LA, 'DOD PAR LAS NYON GYI DBANG GIS SKYE BA GCIG KYANG MI LEN BA DANG, DE GCIG LEN KYANG GNYIS MI LEN PA DANG, GNYIS LEN KYANG RIGS MTHUN GYI SKYE BA GNYIS MI LEN PA'I RGYUN ZHUGS, RIGS MTHUN GNYIS LEN KYANG RIGS MTHUN BZHI MI LEN PA'I RGYUN ZHUGS, RIGS MTHUN BZHI LEN KYANG, RIGS MTHUN BDUN MI LEN BA'I RGYUN ZHUGS, RIGS MTHUN BDUN LEN PA'I RGYUN ZHUGS DANG DRUG YOD, DANG PO NI, RGYUN ZHUGS MTHONG CHOS ZHI LTA BU DANG, GZUGS SU NYER 'GRO'I
, ,PHYIR MI 'ONG BA'I 'BRAS BU MNGON DU BYED BAR NGES PA'I RGYUN ZHUGS DANG, GZUGS MED NYER 'GRO'I PHYIR MI 'ONG GI 'BRAS BU MNGON DU BYED PAR NGES PA'I RGYUN ZHUGS LTA BU, RGYUN ZHUGS MTHONG CHOS ZHI YIN NA, 'DOD PAR LAS NYON GYIS SKYE BA MI LEN PAS KHYAB STE, DE YIN NA, TSE DE LA DGRA BCOM PA'I 'BRAS BU MNGON DU BYED PAR NGES BAS KHYAB PA'I PHYIR, PHYI MA GNYIS PO GANG RUNG YIN NA, 'DOD BAR LAS NYON GYIS SKYE BA MI LEN PAS KHYAB STE, 'DOD BAR SKYE BA GNYIS BRGYUD NAS 'PHAGS CHOS BSTEN BA'I 'PHAGS PA YIN NA, 'DOD PAR TSE YONGS SU GYUR BA'I 'PHAGS PA YIN DGOS PA'I PHYIR, KHYAB STE, 'DOD PAR TSE YONGS SU GYUR BA'I 'PHAGS PA YIN NA, KHAMS GONG MAR LAS NYON GYIS SKYE BA MI LEN PAS KHYAB BA'I PHYIR TE, MDZOD LAS, 'DOD PAR TSE YONGS GYUR PA'I 'PHAGS, KHAMS GZHAN DU NI 'GRO BA MED, ,CES GSUNGS BA'I PHYIR, GNYIS PA NI, PHYIR MI 'ONG 'BRAS GNAS KHYAD PAR CAN TSE GCIG BAR CHAD GCIG BA'I 'BRAS BU MNGON DU BYED PAR NGES PA'I RGYUN ZHUGS LTA BU, GSUM PA NI 'DOD PAR RIGS MTHUN GYI SKYE BA GNYIS MI LEN PA'I PHYIR 'ONG GI 'BRAS BU MNGON DU BYED BAR NGES PA'I RGYUN ZHUGS LTA BU, BZHI PA NI, RGYUN ZHUGS RIGS SKYE LTA BU, LNGA PA NI, MA NGES BA'I RGYUN ZHUGS SRID PA LAN BDUN PA BLTA BU, DRUG PA NI, NGES PA'I RGYUN ZHUGS SRID PA LAN BDUN PA BLTA BU'O, ,DES NA 'DOD NYON DANG PO TZAM MA SPANGS PA'I RGYUN ZHUGS KYI 'BRAS BU GSAR DU THOB PA'I RGYUN ZHUGS 'BRAS GNAS TZAM PO BA GANG ZHIG ,SNGON SO SO SKYE BO'I GNAS SKABS SU 'PHAGS PA'I LAM THOB NAS KYANG, 'DOD PAR LAS NYON GYIS
SKYE SRID BCU BZHI DANG BAR SRID BCU BZHI STE NYER BRGYAD LEN PA'I LAS BSAGS BA'I RIGS CAN, RGYUN ZHUGS SRID PA LAN BDUN PA PA'I MTSAN NYID, DBYE NA, DES PA'I RGYUN ZHUGS SRID PA LAN BDUN PA BA DANG, MA DES PA'I RGYUN ZHUGS SRID BA LAN BDUN PA PA GNYIS YOD; RGYUN ZHUGS SRID PA LAN BDUN PA PA GANG ZHIG ,'DOD BAR LAS NYON GYIS SRID PA NYER BRGYAD LEN PAR NGES BA'I RIGS CAN, DANG PO'I MTSAN NYID, DBYE NA, LHA'I RTEN CAN GYI DE DANG, MI'I RTEN CAN GYI DE GNYIS SU YOD, NGES PA'I RGYUN ZHUGS SRID PA LAN BDUN PA PA GANG ZHIG ,LHA'I RTEN LA MYANG 'DAS MNGON DU BYED BA'I RIGS CAN, DANG PO'I MTSAN NYID YIN TE, MDZOD 'GREL LAS, GANG ZHIG LHA DAG GI NANG DU RGYUN DU ZHUGS PAR GYUR BA DE DAG NI DE KHO NAR 'ONGS NAS YONGS SU MYA NGAN LAS 'DA'O, ,ZHES GSUNGS PA'I PHYIR, DBYE NA; 'DOD LHA RIGS DRUG GI RTEN CAN GYI DE DRUG YOD, DE GANG ZHIG ,MI'I RTEN LA MYANG 'DAS MNGON DU BYED BA'I RIGS CAN, GNYIS PA'I MTSAN NYID YIN TE, DE NYID LAS, GANG ZHIG MI DAG GI NANG DU RGYUN DU ZHUGS PAR GYUR BA DE DAG NI DE KHO NAR 'ONGS NAS YONGS SU MYA NGAN LAS 'DA'O, ,ZHES GSUNGS PA'I PHYIR, DBYE NA, GLING GSUM GYI MI'I RTEN CAN GYI DE GSUM YOD, 'O NA, DES SRID PA NYER BRGYAD LEN NA DE SRID PA LAN BDUN PA BAR GSUNGS PA DANG 'GAL LO, ,ZHE NA, SKYON MED DE, DE'I BLANG BYA'I SRID BA DE RNAMS BDUN TSAN DU 'DRA BAS DE LTAR BSHAD BA'I PHYIR, DPER NA, 'JIG RTEN GYI THA SNYAD LA SHING 'GA' ZHIG LA 'DAB MA BRGYA PHRAG MANG PO YOD KYANG LO MA RE RE LA 'DAB MA BDUN BDUN YOD PAS NA DE LA SHING 'DAB MA BDUN PA ZHES BRJOD PA DANG, GSUNG RAB KYI THA
, ,SNYAD LAS KYANG, RIG PA'I GNAS BDUN LNGA SUM CU SO LNGA LA MKHAS PA'I DGE SLONG LA RIG PA'I GNAS LNGA LA MKHAS PA'I DGE SLONG ZHES BRJOD PA BZHIN NO, ,RIG PA'I GNAS BDUN LNGA SUM CU SO LNGA YOD DE, GZUGS KYI NGO BO YANG DAG PA JI LTA BA BZHIN DU RAB TU SHES PA, DE'I KUN 'BYUNG BA, DE'I 'GOG PA, DE'I 'GOG PAR 'GRO BA'I LAM, DE'I RO MYANG BA, DE'I NYES DMIGS, DE'I NGES PAR 'BYUNG BA YANG DAG PA JI LTA BA BZHIN DU RAB TU SHES PA RNAMS TE BDUN DANG, DES PHUNG PO LHAG MA BZHI LA RIGS 'GRE STE SO LNGA YOD PA'I PHYIR, 'O NA, DES SRID BA NYER BRGYAD LEN NA LEN TSUL GANG ZHE NA, GSER PHRENG LTAR NA, LHA'I RTEN CAN GYI NGES PA'I RGYUN ZHUGS SRID PA LAN BDUN PA BDE SHI 'PHOS TE, LHA'I SKYE SRID DRUG ,DE RJES MI'I SKYE SRID BDUN, DE NAS LHA'I SKYE SRID GCIG BLANGS NAS RTEN DE LA MYANG 'DAS MNGON DU BYED, DES MI'I RTEN CAN LA YANG RIGS 'DRA'O, ,DE LTAR YANG, GSER PHRENG LAS, SKYE BA LEN TSUL YANG MI'I RTEN LA RGYUN ZHUGS THOB NA MIR LAN DRUG LTAR LAN BDUN BLANGS NAS MTHAR MIR SKYES NAS BDA'O, ,LHA'I RTEN LA THOB NA YANG LTAR LAN DRUG DANG MIR LAN BDUN BLANGS SHING MTHAR LHA'I RTEN LA 'DA'O, ,ZHES GSUNGS PA'I PHYIR, KUN BTUS LTAR NA, LHA'I RTEN CAN GYI DE SHI 'PHOS TE, DANG POR MIR SKYE BA GCIG, DE RJES LHAR SKYE SRID GCIG ,DE RJES MIR SKYE SRID GCIG STE, TSUL DE LTAR DU SPEL NAS MTHAR LHA'I RTEN LA MYANG 'DAS MNGON DU BYED, DES MI'I RTEN CAN LA YANG RIGS 'DRA'O, ,KUN BTUS LAS, RE LTAR THOGS NA LAN BDUN PA GANG ZHE NA, RGYUN DU ZHUGS PA'I GANG ZAG NYID LHA DANG
MI RNAMS KYI NANG DU YAN MAN DU LAN BDUN 'KHOR BAR BYAS NAS GANG SDUG BSNGAL GYI BLA? MA THOB BA'O, ,ZHES GSUNGS BA'I PHYIR, RGYUN ZHUGS SRID BA LAN BDUN PA PA GANG ZHIG ,'DOD PAR LAS NYON GYIS SRID BA NYER BRGYAD LEN PAR MA DES PA'I RIGS CAN, MA DES PA'I RGYUN ZHUGS SRID BA LAN BDUN PA PA'I MTSAN NYID, DBYE NA, LHA'I RTEN CAN GYI DE DANG MI'I RTEN CAN GYI DE GNYIS YOD, MTSAN NYID SOGS SNGA MAS RIGS 'GRE'O, ,KHA CIG, RTOGS PA'I KHYAD PAR RGYUN ZHUGS KYI 'BRAS BU LA GNAS PA, SPANGS BA'I KHYAD PAR 'DOD NYON DANG PO TZAM YANG MA SPANGS PA, SKYE BA LEN TSUL GYI KHYAD PAR 'DOD PAR RIGS MTHUN GYI SKYE SRID BDUN LEN PAR NGES BA, RGYUN ZHUGS SRID PA LAN BDUN PA PA'I MTSAN NYID DU 'DOD PA MI 'THAD DE, RGYUN ZHUGS SRID PA LAN BDUN PA BA YIN NA, 'DOD PAR RIGS MTHUN GYI SKYE SRID BDUN LEN PAR NGES PAS MA KHYAB BA'I PHYIR, GZUGS SU NYER 'GRO'I PHYIR MI 'ONG GONG 'PHO 'OG MIN MTHAR THUG 'GRO YIN NA, 'OG MIN GYI RTEN LA MYANG 'DAS MNGON DU BYED PAS MKHYAB PA'I PHYIR, RTAGS GNYIS KA GRUB STE, MDZOD 'GREL LAS, GONG DU 'PHO BA DA DAG BAR SKABS SU YANG YONGS SU MYA NGAN LAS 'DA' RUNG BAR BLTA BAR BYA STE, 'OG MIN DANG SRID BA'I RTZE MO'I MTHAR THUG PAR 'GRO BA NI, DE PHAN CHAD DU 'GRO BA MED BA'I PHYIR, DPER NA, RGYUN DU ZHUGS PA MCHOG TU THOGS NA LAN BDUN PA PA NYID BZHIN NO, , ZHES GSUNGS PA'I PHYIR, KHA CIG ,DE NGES PA'I RGYUN ZHUGS SRID PA LAN BDUN PA PA'I MTSAN NYID DU 'DOD PA MI 'THAD DE, NGES PA'I RGYUN ZHUGS SRID PA LAN BDUN PA BA TSE 'PHOS NAS 'DOD PA'I BAR SRID DU SKYES MA THAG PA'I RGYUN ZHUGS TE, NGES PA'I RGYUN
, ,ZHUGS SRID PA LAN BDUN PA BA MA YIN PA'I PHYIR, KHA CIG ,RGYUN ZHUGS GANG ZHIG ,RANG DANG RGYUD GCIG TU GYUR PA'I RGYUN ZHUGS KYI RTEN LA 'DOD PAR LAS NYON GYIS SRID PA NYER BRGYAD LEN PAR NGES BA, DE'I MTSAN NYID ZER BA MI 'THAD DE, SKYE SRID BCU GSUM BA'I RTEN LA PHYIR 'ONG GI 'BRAS BU MNGON DU BYED PA'I RGYUN ZHUGS SRID PA LAN BDUN PA PA YOD BA'I PHYIR, MA GRUB NA, NGES PA'I RGYUN ZHUGS SRID BA LAN BDUN PA BA'I RTOGS PA SNGON DU SONG BA'I PHYIR 'ONG YIN NA, 'DOD PAR LAS NYON GYI SKYE BA MI LEN PAS KHYAB BAR THAL LO, ,GZHAN YANG, NGES PA'I RGYUN ZHUGS SRID PA LAN BDUN PA PA'I RTOGS PA SNGON DU SONG ZHING, 'DOD PAR RIGS MTHUN GYI SKYE SRID BDUN BLANGS ZIN PA'I RGYUN ZHUGS DE CHOS CAN, MTSON BYA DER THAL, MTSAN NYID DE'I PHYIR, 'DOD NA, DE CHOS CAN, 'DOD NYON DANG PO TZAM YANG MA SPANGS PAR THAL LO, ,KHYAB STE, MDZOD LAS, 'BRAS GNAS SGOM SPANG BYA MA ZAD, ,RE LTAR THOGS NA LAN BDUN PA, ,ZHES GSUNGS PA'I PHYIR, KHA CIG ,'DOD NYON DANG PO'I DNGOS GNYEN LA GNAS PA'I NGES PA'I RGYUN ZHUGS SRID PA LAN BDUN PA PA YOD DE, MDZOD LAS, 'BRAS GNAS SGOM SPANG BYA MA ZAD, ,CES GSUNGS SHING, BYA MI BRTZON, ,ZHES MA GSUNGS PA LA DGOS PA YOD BA'I PHYIR, ZER NA MI 'THAD DE, TSE DE LA 'DOD NYON DANG PO SPONG BA'I NGES PA'I RGYUN ZHUGS SRID PA LAN BDUN PA PA MED PA'I PHYIR, MA GRUB NA, NGES PA'I RGYUN ZHUGS SRID PA LAN BDUN PA PA YIN NA, 'DOD PAR LAS NYON GYIS RIGS
MTHUN GYI SKYE SRID BDUN LEN BAR NGES PAS MA KHYAB BAR THAL LO, ,KHYAB STE, GSER PHRENG LAS, NYON MONGS PA GCIG SPANGS PA DANG, SKYE BA GCIG BLANGS NAS MTSAN NYID 'JIG GO ,ZHES GSUNGS PA'I PHYIR, KHA CIG ,MA NGES PA'I RGYUN ZHUGS SRID PA LAN BDUN PA PA YIN NA, 'DOD PAR RIGS MTHUN GYI SKYE SRID BZHI LEN PAS KHYAB ZER BA MI 'THAD DE, 'DOD BAR RIGS MTHUN GYI SKYE SRID GSUM TZAM LEN PA'I DE YOD BA'I PHYIR, 'GREL BSHAD LAS, DPER NA RGYUN DU ZHUGS PA MCHOG TU THOGS NA LAN BDUN PA PA NYID BZHIN NO, ,DE YANG TSE GNYIS SAM GSUM MNGON PAR GRUB NAS YONGS SU MYA NGAN LAS 'DA' BA MI SRID PA MIN MOD KYI, ZHES GSUNGS PA'I PHYIR, 'DOD NYON GSUM PA SPANGS PA'I RGYUN ZHUGS KYI 'BRAS BU GSAR DU THOB PA'I RGYUN ZHUGS 'BRAS GNAS KHYAD PAR CAN GANG ZHIG ,'DOD PAR RIGS MTHUN GYI SKYE SRID GNYIS LEN PAR NGES SHING BZHI MI LEN PAR NGES PA, RGYUN ZHUGS RIGS NAS RIGS SKYE'I MTSAN NYID, DBYE NA, LHA'I RIGS NAS RIGS SKYE, MI'I? RIGS NAS RIGS SKYE GNYIS YOD, MTSAN NYID SOGS SRID PA LAN BDUN PA PAS RIGS 'GRE'O, ,DE YIN NA, 'DOD NYON GSUM PA SPANGS PAS KHYAB, BZHI PA SPANGS MA SPANGS GNYIS YOD, LNGA PA MA SPANGS PAS KHYAB, 'DOD BAR RIGS MTHUN GYI SKYE SRID GNYIS LEN PAR NGES PAS KHYAB, GSUM LEN MI LEN GNYIS YOD, BZHI MI LEN PAS KHYAB STE, MDZOD LAS, RNAM GSUM RNAM BZHI LAS GROL BA, ,TSE GNYIS GSUM DU RIGS NAS RIGS, ,ZHES GSUNGS PA DANG, BLO GSAL BGROD
, ,BA'I THEM SKAS LAS, NYON MONGS GSUM DANG SKYE BA GNYIS, ,RIM BZHIN NGES SPANGS NGES PAR LEN, ,BZHI PA SPANGS DANG SKYE BA NI, ,GSUM PA BLANGS DANG MA BLANGS 'DRA, ,SPANG BYA LNGA PA SKYE BA BZHI, ,NGES PAR MA SPANGS MA BLANGS PA,, RIGS NAS RIGS SKYE'I KHYAD CHOS SU, ,MKHAS BA RNAMS KYIS RTOGS PAR BYA, ,ZHES GSUNGS PA'I PHYIR, KHA CIG ,RGYUN ZHUGS RIGS SKYE DANG RGYUN ZHUGS 'BRAS GNAS TZAM PO PA'I GZHI MTHUN YOD, 'DOD BAR RIGS MTHUN GYI SRID PA BZHI LEN PA'I RGYUN ZHUGS RIGS SKYE YOD, LAM RJES SHES LA GNAS PA'I PHYIR MI 'ONG GIS 'DOD NYON DGU PA MA SPANGS ZHES ZER NA, LAM RJES SHES LA GNAS PA'I RGYUN ZHUGS RIGS SKYE YOD PAR THAL, DE DANG RGYUN ZHUGS 'BRAS GNAS TZAM BO PA'I GZHI MTHUN YOD BA'I PHYIR; 'DOD NA, DE 'DOD NYON GSUM BA SPANGS PA'I GANG ZAG TU THAL, RGYUN ZHUGS RIGS SKYE YIN PA'I PHYIR, 'DOD NA ,LAM RJES SHES LA GNAS PA'I PHYIR MI 'ONG GIS 'DOD NYON DGU PA SPANGS PAR THAL LO, ,GZHAN YANG, MDZOD LAS, TSE GNYIS GSUM DU RIGS NAS RIGS, ,ZHES GSUNGS PA MI 'THAD BAR THAL, 'DOD PA RANG GIS MTHUN GYI SKYE SRID BZHI LEN PA'I RGYUN ZHUGS RIGS SKYE YOD BA'I PHYIR, KHO NA RE, MA KHYAB STE, DE NI RGYUR ZHUGS KYI 'BRAS BU THOB BA'I RTEN DE LA 'DOD PAR RIGS MTHUN GYI SKYE SRID BZHI MI LEN PA LA DGONGS PA YIN BA'I PHYIR, DE LTAR MA YIN NA DE YOD PAR THAL, RGYAL CHEN RIGS BZHI'I RTEN LA SKYE SRID GSUM BLANGS NAS SUM CU RTZA GSUM BA'I SNGON DUS KYI SRID BA'I RTEN LA MYANG 'DAS MNGON DU BYED BA'I RGYUN ZHUGS
LHA'I RIGS NAS RIGS SKYE YANG YOD, 'DZAM BU GLING PA'I MI'I RTEN LA SKYE SRID GSUM BLANGS NAS LUS 'PHAGS PO'I SNGON DUS KYI SRID BA'I RTEN LA MYANG 'DAS MNGON DU BYED PA'I RGYUN ZHUGS MI'I RIGS NAS RIGS SKYE YANG YOD BA'I PHYIR TE, MDZOD 'GREL LAS; RIGS NAS RIGS SU SKYE BA NI RNAM PA GNYIS TE, LHA'I RIGS NAS RIGS SU SKYE BA NI LHA DAG GI NANG DU GNYIS SAM GSUM 'KHOR NAS LHA'I RIGS DE 'AM GZHAN DU YONGS SU MYA NGAN LAS 'DA'O, ,MI'I RIGS NAS RIGS SU SKYE BA NI MI DAG GI NANG DU LAN GNYIS SA MA GSUM 'KHOR NAS, GLING DE' AM GZHAN DU YONGS SU MYA NGAN LAS 'DE'O, ,ZHES GSUNGS BA'I PHYIR NA MA KHYAB, RGYAL CHEN RIGS BZHI'I RTEN LA SKYE SRID GSUM BLANGS NAS RTEN DE LA MYANG 'DAS MNGON DU BYED PA DANG, DER SKYE SRID GNYIS BLANGS NAS SUM CU RTZA GSUM PA'I SNGON DUS KYI SRID PA'I RTEN LA MYANG 'DAS MNGON DU BYED BA'I RGYUN ZHUGS LHA'I RIGS NAS RIGS SKYE YOD PA LUNG DANG PO'I DON DANG ,'DZAM BU'I GLING BA'I RTEN LA SKYE SRID GSUM BLANGS NAS RTEN DE LA MYANG 'DAS MNGON DU BYED PA DANG, DER SKYE SRID GNYIS BLANGS NAS, LUS 'PHAGS PO'I SNGON DUS KYI SRID PA'I RTEN LA MYANG 'DAS MNGON DU BYED PA'I RGYUN ZHUGS MI'I RIGS NAS RIGS SKYE YOD PA LUNG GNYIS PA'I DON YIN PA'I PHYIR, KHO NA RE, 'DOD NYON BZHI PA SPANGS LNGA PA MA SPANGS BA'I RGYUN ZHUGS RIGS SKYE CHOS CAN, RGYUN ZHUGS 'BRAS GNAS KHYAD BAR CAN DU THAL, ,RGYUN ZHUGS RIGS SKYE YIN PA'I PHYIR, KHYAB PA KHAS, 'DOD NA, DE NYAN THOS KYI SGOM LAM BAR CHAD MED LAM LA GNAS PAR THAL LO, ,ZER NA, MA KHYAB, 'DOD NA, 'DOD NYON LNGA
, ,PA'I DNGOS GNYEN LA GNAS PAR THAL, 'DOD PA GANG ZHIG ,DES 'DOD NYON BZHI PA SPANGS ZIN PA'I PHYIR, 'DOD NA, DE TSE DE LA 'DOD NYON LNGA BA SPONG NUS SU SU THAL LO, ,'DOD NA, TSE DE LA 'DOD NYON DRUG? BA SPONG? NGES SU THAL, 'DOD PA GANG ZHIG ;TSE DE LA DE SPONG NUS SU MTHONG NAS 'BRAS BU GSAR THOB YOD PAR SHES NA, 'DOD NYON DRUG PA YANG NGES PAR SPONG BA'I PHYIR TE, MDZOD 'GREL LAS, CI'I PHYIR RNAM PA LNGA SPANGS PA'I PHYIR MA YIN ZHE NA, DE SPANGS NA DRUG PA YANG GDON MI ZA BAR SPONG BA'I PHYIR TE DE'I RNAM PA GCIG GIS NI BAR CHAD GCIG PAR BZHIN DU 'BRAS BU LA GEGS BYA BAR MI NUS TE, KHAMS LAS MI 'DA' BA'I PHYIR RO, ,ZHES GSUNGS PA'I PHYIR, 'DOD NA, TSE DE LA PHYIR 'ONG GI 'BRAS BU MNGON DU BYED PAR NGES PAR THAL LO; ;'DOD MI NUS TE, RGYUN ZHUGS RIGS SKYE YIN PA'I PHYIR ZER NA, MDZOD 'GREL LAS, SNGON RNAM PA GSUM MAM BZHI SPANGS PA DANG BDUN NAM BRGYAD SPANGS PAS 'BRAS BU THOB PA NI JI SRID DU 'BRAS BU KHYAD PAR CAN GYI LAM MNGON DU MA BYAS PA DE SRID DU RIGS NAS RIGS SU SKYE BA'AM BAR CHAD GCIG PA ZHES NI MI BYA'O, ,ZHES GSUNGS PA MI 'THAD PAR THAL, RGYUN ZHUGS RIGS SKYE YIN NA, 'BRAS BU KHYAD PAR CAN GYI LAM MNGON DU BYAS PAS MA KHYAB BA'I PHYIR TE, DE YIN NA RGYUN ZHUGS 'BRAS GNAS KHYAD PAR CAN YIN PAS MA KHYAB PA'I PHYIR, GZHAN YANG, 'DOD NYON BZHI PA SPANGS PA'I RGYUN ZHUGS RIGS SKYE DANG, RGYUN ZHUGS 'BRAS GNAS KHYAD PAR CAN GYI GZHI MTHUN YOD BAR THAL, 'DOD NYON BZHI PA'I SA BON GYI DNGOS GNYEN LA GNAS BA'I RGYUN
ZHUGS RIGS SKYE YOD PA'I PHYIR TE, DE'I SA BON MA SPANGS PA'I DE YOD PA'I PHYIR TE, 'DOD NYON SNGA BA'I SA BON SA SPANGS PA'I DE YOD PA'I PHYIR TE, 'DOD NYON DRUG PA'I SA BON MA SPANGS BA'I PHYIR MI 'ONG YOD PA'I PHYIR TE, 'DOD NYON DGU BA'I SA BON MA SPANGS PA'I PHYIR MI 'ONG YOD PA'I PHYIR, GSUM PA SA MTSAMS NI, SPANG BYA CIG CAR BA'I RGYUN ZHUGS KYIS MTSAMS, MTHONG LAM SKAD CIG MA BCU DRUG PA NAS KHAMS GSUM GYI SGOM SPANG NYON MONGS CHUNG DU'I CHUNG DU'I DNGOS GNYEN LA GNAS PA'I BAR DU YOD, SPANG BYA RIM GYIS PA'I RGYUN ZHUGS KYIS MTSAMS, MTHONG LAM SKAD CIG MA BCU DRUG PA NAS 'DOD NYON DRUG BA'I DNGOS GNYEN LA GNAS PA'I BAR DU YOD, BZHI PA NI, CI'I PHYIR RGYUN ZHUGS ZHES BYA ZHE NA, MYANG 'DAS THOB PAR BYED PA'I LAM GYI RGYUN LA ZHUGS PAS NA RGYUN ZHUGS ZHES BRJOD PA YIN PA'I PHYIR, ` GNYIS PA PHYIR 'ONG LA, ZHUGS PA BSHAD PA DANG, 'BRAS GNAS BSHAD PA GNYIS LAS, DANG PO LA, MTSAN NYID, DBYE BA, SA MTSAMS, SGRA BSHAD PA'O, ,DANG PO NI, ZHUGS PA BZHI'I NANG TSAN GANG ZHIG ,PHAL CHER LA 'DOD CHAGS DANG BRAL BAS RAB TU PHYI BA'I RIGS SU GNAS PA'I DGE SBYONG TSUL GYI 'BRAS BU THOB PHYIR DU BRTZON BZHIN BA'I SBYOR BA RGYUN CHAGS LA GNAS PAS RAB TU PHYE BA, PHYIR 'ONG ZHUGS PA'I MTSAN NYID, DBYE NA, 'BRAS BU THOD RGAL BA'I PHYIR 'ONG ZHUGS PA, 'BRAS BU RIM GYIS BA'I PHYIR 'ONG ZHUGS PA GNYIS LAS, PHYIR 'ONG ZHUGS PA GANG ZHIG ,SBYOR LAM STAN GCIG PA NAS LAM RDZAS? BZOD KYI BAR GANG RUNG LA GNAS PA, DANG PO'I MTSAN NYID, DBYE NA, PHYIR ? ZHUGS PA DANG
, ,PA'I RJES 'BRANG DANG, DE CHOS KYI RJES 'BRANG GNYIS, DE GANG ZHIG ,RGYUN ZHUGS KYI RTOGS PA SNGON DU SONG BA, GNYIS BA'I MTSAN NYID, DBYE NA, DAD MOS PA'I PHYIR 'ONG ZHUGS PA DANG, MTHONG THOB PA'I PHYIR 'ONG ZHUGS PA GNYIS YOD, GSUM BA NI, DANG PO'I SA MTSAMS SBYOR LAM STAN GCIG PA NAS LAM RJES BZOD KYI BAR DU YOD, GNYIS PA'I SA MTSAMS RGYUN ZHUGS KYI 'BRAS BU THOB RJES SU 'DOD NYON DANG BO TZAM SPONG BA LA BRTZON PA NAS 'DOD NYON DRUG BA SPONG BA LA BRTZON BA'I BAR DU YOD, BZHI PA NI, CI'I PHYIR PHYIR 'ONG ZHUGS PA ZHES BYA ZHE NA, PHYIR 'ONG GI 'BRAS BU THOB PA'I PHYIR DU ZHUGS PA STE SBYOR BA RGYUN CHAGS LA GNAS PAS NA DE SKAD CES BYA'O, ,KHA CIG ,LAM RJES SHES KYI RTOGS PA THOB PA'I 'DOD NYON DRUG PA MA SPANGS PA'I NYAN THOS GANG ZHIG ,'DOD NYON DANG PO NAS DRUG PA'I BAR GANG RUNG SPONG BA LA BRTZON BZHIN BA'I GANG ZAG ,'BRAS BU RIM GYIS PA'I PHYIR 'ONG ZHUGS PA'I MTSAN NYID DANG, PHYIR 'ONG ZHUGS PA'I MTSAN NYID DU 'DOD PA RNAMS MI RIGS TE, DANG PO LA, 'DOD NYON DRUG PA'I DNGOS GNYEN LA GNAS PA'I SPANG BYA CIG CAR BA'I RGYUN ZHUGS KYIS MA NGES, GNYIS BA LA, MTHONG LAM SDUG BSNGAL CHOS BZOD LA GNAS PA'I 'BRAS BU THOD RGAL BA'I PHYIR 'ONG ZHUGS PAS MA NGES BA'I PHYIR, KHO NA RE, KHYOD KYIS MTSAMS DE MI 'THAD PAR THAL, PHYIR 'ONG ZHUGS PA YIN NA, 'DOD NYON LNGA PA SPANGS BAS KHYAB PA'I PHYIR TE, KUN BTUS LAS, LAN CIG PHYIR 'ONG BA'I 'BRAS BU LA 'JUG PA GANG ZHE NA, GANG SGOM PA'I
LAM ? 'DOD PA NA SPYOD BA'I NYON MONGS PA LNGA PA SPANGS PA'I LAM LA GNAS PA'I GANG ZAG GO ,ZHES GSUNGS BA'I PHYIR NA MA KHYAB, DE PHYIR 'ONG ZHUGS PA'I YA MTHA'I SA MTSAMS STON PA TZAM YIN PA'I PHYIR, DE LTAR MA YIN NA 'DOD NYON DANG PO'I DNGOS BSTAN? LA GNAS PA'I SPANG BYA RIM GYIS ? RGYUN ZHUGS 'BRAS GNAS CHOS CAN, DER THAL, DE'I PHYIR, KHA CIG ,'BRAS BU THOD RGAL BA'I PHYIR 'OD ZHUGS PA'I SA MTSAMS SBYOR LAM STAN GCIG BA NAS 'JIG RTEN BA'I SGOM SPANG DU GYUR PA'I 'DOD NYON DRUG BA'I DNGOS GNYEN GYI BAR NA YOD, ZER PA MI 'THAD DE, SBYOR LAM STAN GCIG PA LA GNAS PA'I PHYIR 'ONG ZHUGS PAS DE SPANGS PA'I PHYIR, MA GRUB NA, DE CHOS CAN, KHYOD KYIS DE SPANGS PAR THAL, KHYOD 'BRAS BU THOD RGAL BA'I PHYIR 'ONG ZHUGS PA YIN PA'I PHYIR TE, CHOS CAN DE YIN PA'I PHYIR, ` ,GNYIS PA LA, MTSAN NYID ,DBYE BA, SA MTSAMS, SGRA BSHAD BA'O, ,DANG PO NI, 'BRAS GNAS BZHI'I NANG TSAN GANG ZHIG ,PHAL CHER LA 'DOD CHAGS DANG BRAL BAS RAB TU PHYE BA'I RIS SU GNAS PA'I DGE SBYONG TSUL GYI ? BU LA GNAS PA, PHYIR 'ONG 'BRAS GNAS KYI MTSAN NYID YIN TE, RNAM BSHAD LAS, GNYIS PA PHAL CHER RAM MA LUS PAR SPANGS PAS 'BRAS BU BAR BA GNYIS DANG, ZHES GSUNGS PA'I PHYIR, KHA CIG ,'DOD NYON DRUG PA SPANGS PA'I NYAN THOS SLOB PA'I 'BRAS GNAS, PHYIR 'ONG DANG, 'BRAS BU RIM GYIS PA'I PHYIR 'ONG GI MTSA NYID NYID DU 'DOD PA RNAMS MI 'THAD DE, DANG PO LA, 'DOD NYON DRUG PA SPANGS PA'I RNAM GROL LAM LA GNAS PA'I SPANG BYA CIG CAR BA'I RGYUN ZHUGS KYIS MA NGES LA, GNYIS PA LA, PHYIR MA 'ONG GIS MA
, ,NGES BA'I PHYIR, GNYIS PA LA, PHYIR 'ONG LA 'BRAS BU THOB TSUL GYI SGO NAS 'BRAS BU THOD RGAL PA'I PHYIR 'ONG DANG, 'BRAS BU RIM GYIS PA'I PHYIR 'ONG GNYIS YOD, RANG YIN PA'AM RANG GI NANG TSAN DU GYUR PA'I 'BRAS BU RIM GYIS PA'I, PHYIR 'ONG MED PA YANG YIN, PHYIR 'ONG 'BRAS GNAS KYANG YIN PA'I GZHI MTHUN BA, DANG PO'I MTSAN NYID, PHYIR 'ONG GANG ZHIG, RGYUN ZHUGS KYI RTOGS PA SNGON DU SONG BA, GNYIS BA'I MTSAN NYID, DE LA DBANG PO'I SGO NAS DBANG RTUL DANG MOS BA'I PHYIR 'ONG DANG; DBANG RNON MTHONG THOB BA'I DE GNYIS YOD, PHYIR 'ONG GANG ZHIG ,RANG GI ZHUGS PA DAD MOS PA DANG DAD PA'I RJES 'BRANG GANG RUNG GI RTOGS PA SNGON DU SONG BA, DANG BO'I MTSAN NYID, DE GANG ZHIG ,RANG GI ZHUGS PA MTHONG THOB PA DANG CHOS KYI RJES 'BRANG GANG RUNG GI RTOGS PA SNGON DU SONG BA, GNYIS PA'I MTSAN NYID, DE LA SBYOR BA'I SGO NAS PHYIR 'ONG 'BRAS GNAS TZAM PO PA DANG, DE KHYAD PAR CAN GNYIS, PHYIR 'ONG 'BRAS GNAS GANG ZHIG ,RANG GI GONG MA'I 'BRAS BU LA MA ZHUGS PAS RAB TU PHYE BA, DANG PO'I MTSAN NYID, DE GANG ZHIG ,RANG GI GONG MA'I 'BRAS BU LA ZHUGS PAS RAB TU PHYE BA, GNYIS PA'I MTSAN NYID, DE DANG PHYIR 'ONG 'BRAS GNAS KHYAD PAR CAN TSE GCIG BAR CHAD GCIG PA PA GNYIS DON GCIG ,KHO NA RE, 'DOD NYON BDUN BA'I DNGOS GNYEN LA GNAS PA'I PHYIR 'ONG CHOS CAN, PHYIR 'ONG 'BRAS GNAS KHYAD PAR CAN TSE GCIG BAR CHAD GCIG BA PA YIN PAR THAL, DE KHYAD PAR CAN YIN PA'I PHYIR, KHYAB PA KHAS, 'DOD NA, DE PHYIR MI 'ONG GI 'BRAS BU THOB PA LA NYON MONGS PA GCIG
KHO NAS BAR DU CHOD BAR THAL, 'DOD PA'I PHYIR NA MA KHYAB, 'DOD MI NUS TE, DE LA 'DOD NYON BRGYAD PA DANG DGU PA GNYIS KYIS BAR DU CHOD PA'I PHYIR ZHES ZER ZHING, DE YIN NA, 'DOD NYON BRGYAD PA SPANGS PAS KHYAB STE, MDZOD LAS, NYES CHA BDUN DANG BRGYAD ZAD PA, ,TSE GCIG BAR CHAD GCIG PA DANG, ,GSUM PA LA NI ZHUGS PA YIN, ,ZHES GSUNGS PA'I PHYIR NA, LAN CIG PHYIR 'ONG YIN NA, 'DOD PAR LAS NYON GYIS SKYE BA GCIG LEN PAS KHYAB PAR THAL, PHYIR 'ONG 'BRAS GNAS KHYAD PAR CAN TSE GCIG BAR CHAD GCIG PA PA YIN NA, PHYIR MI 'ONG GI 'BRAS BU MNGON DU BYED PA LA NYON MONGS PA GCIG KHO NAS BAR DU CHOD PAS KHYAB BA'I PHYIR, RTAGS KHAS, 'DOD MI NUS TE, PHYIR 'ONG GI RTEN LA GZUGS SU NYER 'GRO'I PHYIR MI 'ONG GI 'BRAS BU MNGON DU BYED BA YOD BA'I PHYIR, MA GRUB NA, 'DOD PAR TSE YONGS SU GYUR PA'I 'PHAGS PAS KHAMS GONG MAR LAS NYON GYIS SKYE BA LEN BA YOD BAR THAL, 'DOD PA'I PHYIR, KHA CIG ,PHYIR 'ONG YIN NA, 'DOD PAR LAS NYON GYIS SKYE BA GNYIS MI LEN PAS KHYAB, ZER NA MI 'THAD DE, NYAN SAR, LHA'I SRID BA GCIG DANG MI'I SRID PA GCIG 'GRUB BA'I PHYIR LAN CIG PHYIR 'ONG BA'I 'BRAS BU RNAM PAR BZHAG ,CES DANG, MDZOD 'GREL LAS, GANG ZHIG LHA DAG GI NANG DU SONG STE MI DAG GI NANG DU LAN CIG PHYIR 'ONG PA'I PHYIR, PHYIR 'ONG BA STE, DE PHAN CHAD DU 'GRO BA MED PA'I PHYIR, ZHES GSUNGS PA'I PHYIR, DE LTA NA 'DI LAN CIG PHYIR 'ONG MA YIN PAR MI 'GYUR TE ,DES 'DOD PAR RIGS MTHUN GYI SKYE BA GNYIS MI LEN BA'I PHYIR, KHO NA RE, DES 'DOD PAR RIGS MTHUN GYI SKYE BA GNYIS LEN PAR THAL ,DES
, ,'DOD BA'I LHA MI'I SKYE BA GNYIS LEN PA GANG ZHIG ,DES BLANG BYA'I LHA MI'I SKYE BA GNYIS PO DE RIGS MTHUN YIN PA'I PHYIR, DE GNYIS 'DOD KHAMS SU MTSUNGS BA'I PHYIR NA MA KHYAB STE, DES NGES PA'I RGYUN ZHUGS SRID PA LAN BDUN PA PA LA MTSUNGS SO, KHA CIG ,'DOD NYON BRGYAD PA SPANGS PA'I PHYIR 'ONG 'BRAS GNAS KHYAD PAR CAN GANG ZHIG ,'DOD LHAR SKYE BA GCIG BLANGS NAS RTEN DE LA MYANG 'DAS MNGON DU BYED PA, PHYIR 'ONG 'BRAS GNAS KHYAD PAR CAN TSE GCIG BAR CHAD GCIG PA BA'I MTSAN NYID ZER NA, MI'I RTEN CAN GYI NGES PA'I RGYUN ZHUGS SRID PA LAN BDUN PA BA'I RTOGS PA SNGON DU SONG BA'I 'DOD NYON BRGYAD PA SPANGS PA'I PHYIR 'ONG 'BRAS GNAS KHYAD PAR CAN CHOS CAN, ZUR GNYIS PA DER THAL, MTSON BYA DE'I PHYIR, DER THAL ,PHYIR MI 'ONG GI 'BRAS BU MNGON DU BYED PA LA RANG GI SPANG BYA'I GTZO BO 'DOD NYON DGU PA KHO NAS BAR DU CHOD CING, DGRA BCOM BA'I 'BRAS BU MNGON DU BYED PA LA SKYE BA GCIG KHO NAS BAR DU CHOD PA'I PHYIR 'ONG 'BRAS GNAS KHYAD PAR CAN YIN PA'I PHYIR, RTAGS GRUB STE, LHA'I RTEN CAN GYI DE'I RTOGS BA SNGON DU SONG BA'I DE DE YIN PA'I PHYIR, MA GRUB NA SLA, KHO NA RE, KUN BTUS LAS, BAR CHAD GCIG PA GANG ZHE NA, LAN CIG PHYIR 'ONG BA LHA RNAMS KYI NANG NYID DU SKYES NAS GANG SDUG BSNGAL GYI THA MTHONG BA'O, ,ZHES GSUNGS PA MI 'THAD PAR THAL, PHYIR 'ONG 'BRAS GNAS TSE GCIG BAR CHAD GCIG PA PA YIN NA, 'DOD LHA'I RTEN LA MYANG 'DAS MNGON DU BYED PAS MA KHYAB BA'I PHYIR NA MA KHYAB, MDZOD 'GREL LAS, ZHUGS PA LHAG MA GSUM NI 'BRAS BU LA GNAS
PA GSUM LAS THA MI DAD BA'I PHYIR RO, ,ZHES GSUNGS PA'I DON LA, KHA CIG ,PHYIR 'ONG ZHUGS PA YIN NA, RGYUN ZHUGS 'BRAS GNAS YIN PAS KHYAB, PHYIR MI 'ONG ZHUGS PA YIN NA, PHYIR 'ONG 'BRAS GNAS YIN PAS KHYAB, DGRA BCOM ZHUGS PA YIN NA, PHYIR MI 'ONG 'BRAS GNAS YIN PAS KHYAB ZER NA, 'BRAS BU THOD RGAL BA'I PHYIR 'ONG ZHUGS PA CHOS CAN, DANG PO DER THAL, DE'I PHYIR, 'DOD NA, LAM RJES SHES KYI RTOGS PA THOB BAR THAL LO, ,GZHAN YANG, CHAGS BRAL SNGON SONG GI PHYIR MI 'ONG ZHUGS PA CHOS CAN, GNYIS PA DER THAL, DE'I PHYIR, 'DOD NA, SNGAR BZHIN, GSUM PA LA SPANG BYA CIG CAR BA'I RGYUN ZHUGS 'BRAS GNAS KHYAD BAR CAN CHOS CAN, DER THAL, DE'I PHYIR, RANG LUGS NI, LUNG DE'I DON 'BRAS BU RIM GYIS PA'I DBANG DU BYAS BA YIN NO, ,GSUM PA LA, 'BRAS BU THOD RGAL BA'I PHYIR 'ONG GI SA MTSAMS, BDEN PA MNGON RTOGS SKAD CIG BCU DRUG PA NAS 'DOD NYON DGU BA'I DNGOS GNYEN GYI BAR DU YOD, GNYIS PA'I SA MTSAMS, 'DOD NYON DRUG PA SPANGS PA'I RNAM GROL LAM NAS 'DOD NYON DGU PA'I DNGOS GNYEN GYI BAR DU YOD, BZHI PA NI CI'I PHYIR LAN CIG PHYIR 'ONG BA ZHES BYA ZHE NA, 'DOD PAR RIGS MTHUN GYI LAN CIG PHYIR 'ONG BA STE, SKYE SRID GCIG LEN PAS NA DE LTAR BRJOD PA'I PHYIR, ` GSUM PA PHYIR MI 'ONG LA, ZHUGS PA BSHAD PA DANG, 'BRAS GNAS BSHAD PA GNYIS LAS, DANG PO LA, MTSAN NYID, DBYE BA, SA MTSAMS, SGRA BSHAD PA'O, ,DANG PO NI, ZHUGS PA BZHI'I NANG TSAN GANG ZHIG ,THA MA'I CHA MTHUN LNGA SPANGS PAS RAB TU PHYE BA'I RIGS SU GNAS PA'I DGE SBYOD TSUL GYI 'BRAS BU THOB PA'I PHYIR DU BRTZON BZHIN PA'I SBYOR BA
, ,RGYUN CHAGS LA GNAS PA, PHYIR MI 'ONG ZHUGS PA'I MTSAN NYID, GNYIS PA LA, DE LA 'BRAS BU RIM GYIS PA'I PHYIR MI 'ONG ZHUGS PA, 'BRAS BU THOD RGAL PA'I DE'I ZHUGS PA, DE GNYIS GANG RUNG MA YIN PA'I PHYIR MI 'ONG ZHUGS PA DANG GSUM LAS, DANG PO DANG RGYUN ZHUGS KYI RTOGS PA SNGON DU SONG BA'I PHYIR MI 'ONG ZHUGS PA DON GCIG ,GNYIS PA DANG CHAGS BRAL SNGON SONG GI PHYIR MI 'ONG ZHUGS PA DON GCIG ,GSUM PA NI, 'BRAS BU THOD RGAL BA'I PHYIR 'ONG 'BRAS GNAS KHYAD PAR CAN LTA BU'O, ,GSUM PA LA, DANG PO'I SA MTSAMS, RGYUN ZHUGS KYI 'BRAS BU THOB RJES SU 'DOD NYON BDUN PA SPONG BA LA BRTZON PA NAS DE DGU PA SPONG BA LA BRTZON PA'I BAR DU YOD, GNYIS PA'I SA MTSAMS, SBYOR LAM STAN GCIG BA NAS LAM RJES BZOD KYI BAR DU YOD, BZHI PA NI, CI'I PHYIR PHYIR MI 'ONG ZHUGS PA ZHES BYA ZHE NA, PHYIR MI 'ONG GI 'BRAS BU THOB PHYIR DU ZHUGS PA STE BRTZON BZHIN PA'I SBYOR BA RGYUN CHAGS LA GNAS PAS NA DE LTAR BRJOD PA'I PHYIR, KHO NA RE, SA MTSAMS DE MI 'THAD PAR THAL, PHYIR MI 'ONG ZHUGS PA YIN NA, 'DOD NYON BRGYAD PA SPANGS PAS KHYAB BA'I PHYIR TE, KUN BTUS LAS, PHYIR MI 'ONG BA'I 'BRAS BU LA 'JUG PA GANG ZHE NA, GANG SGOM BA'I LAM LA 'DOD PA NA SPYOD PA'I NYON MONGS PA RNAMS KYI RNAM PA BDUN PA DANG, BRGYAD PA SPANGS PA'I LAM LA GNAS PA'I GANG ZAG GO ,ZHES GSUNGS PA'I PHYIR NA MA KHYAB STE, DE PHYIR MI 'ONG ZHUGS BA'I YA MTHA'I SA MTSAMS BSTAN PA TZAM YIN PA'I PHYIR, DE LTAR MA YIN NA 'DOD NYON BDUN
PA'I DNGOS GNYEN LA GNAS BA'I PHYIR 'ONG CHOS CAN, DER THAL, DE'I PHYIR, KHA CIG ,LAM RJES SHES KYI RTOGS PA THOB PA'I 'DOD NYON DGU PA MA SPANGS PA'I NYAN THOS GANG ZHIG ,'DOD NYON DANG PO NAS DGU PA'I BAR GANG RUNG SPONG BA LA BRTZON PA DE, DE'I MTSAN NYID ZER BA MI 'THAD DE, 'DOD NYON DGU PA'I DNGOS GNYEN LA GNAS PA'I SPANG BYA CIG CAR BA'I RGYUN ZHUGS 'BRAS GNAS DANG, MTHONG LAM SDUG BSNGAL CHOS BZOD LA GNAS PA'I CHAGS BRAL SNGON SONG GI PHYIR MI 'ONG ZHUGS PAS MA NGES PA'I PHYIR; ` GNYIS PA LA, MTSAN NYID, DBYE BA, SA MTSAMS, SGRA BSHAD PA'O, ,DANG PO NI, 'BRAS GNAS BZHI'I NANG TSAN GANG ZHIG ,THA MA'I CHA MTHUN LNGA SPANGS PAS RAB TU PHYE BA'I RIGS SU GNAS PA'I DGE SPYOD TSUL GYI 'BRAS BU LA GNAS PA, PHYIR MI 'ONG 'BRAS GNAS KYI MTSAN NYID, 'O NA, THA MA'I CHA MTHUN LNGA SPANGS PA'I CHA NAS PHYIR MI 'ONG GI 'BRAS BUR 'JOG BA'I RGYU MTSAN GANG ZHE NA, DE'I RGYU MTSAN YOD DE, MDZOD 'GREL LAS, THA MA'I CHA DANG MTHUN PA'I KUN TU SBYOR BA SPANGS PAS PHYIR MI 'ONG BA'I 'BRAS BU MNGON DU BYAS, ZHES GSUNGS PAS, THA MA'I CHA MTHUN LNGA PO DE PHYIR MI 'ONG GI 'BRAS BU THOB PA LA GEGS BYED PA'I GTZO BO YIN PAS DE LTAR BZHAG PA'I PHYIR, 'O NA DE LNGA PO DES DE LA GEGS BYED TSUL JI LTA BU ZHE NA, DE LNGA YOD DE, MTHONG SPANG KUN SBYOR GSUM, 'DOD PA LA 'DUN PA DANG, GNOD SEMS RNAMS SU YOD BA'I PHYIR, DES DE LA GEGS BYED TSUL YOD DE, DANG PO GSUM PO DES RANG RGYUD LDAN GYI GANG ZAG 'GRO BA'I THA MAR SKYE BA LA SBYOR BAR BYED, PHYI MA GNYIS
, ,POS DE KHAMS KYI THA MA 'DOD KHAMS SU SKYE BA LA SBYOR BAR BYED BA'I PHYIR TE, KUN BTUS LAS, KHAMS GSUM NA SPYOD BA'I NYON MONGS PA THAMS CAD SPANGS PAS PHYIR MI 'ONG BAR 'GYUR BA, CI'I PHYIR THA MA'I CHA MTHUN LNGA SPANGS PAS PHYIR MI 'ONG BAR 'GYUR ZHE NA, GTZO BOS BSDUS PA'I PHYIR, CI'I PHYIR GTZO BO ZHES BYA ZHE NA, 'GRO BA THA MA'I RGYU BYED PA'I PHYIR DANG, KHAMS THA MA'I RGYU BYED BA'I PHYIR, ZHES GSUNGS PA DANG, MDZOD LAS, THA MA'I CHA DANG MTHUN RNAM LNGA, ,GNYIS KYIS 'DOD LAS MI 'DA' LA, ,GSUM PO YIS NI PHYIR LDOG BYED, ,CES GSUNGS PA'I PHYIR, KHA CIG ,THA MA'I CHA MTHUN LNGA SPANGS PAS RAB TU PHYE BA'I DGE SBYONG TSUL GYI 'BRAS BU LA GNAS PA'I 'PHAGS PA, PHYIR MI 'ONG GI MTSAN NYID ZER BA MI 'THAD DE, SRID NYON BRGYAD PA SPANGS PA'I PHYIR MI 'ONG YOD PA'I PHYIR TE, SRID NYON DGU PA'I DNGOS GNYEN LA GNAS PA'I PHYIR MI 'ONG YOD PA'I PHYIR, GNYIS PA LA, PHYIR MI 'ONG LA DBANG PO'I SGO NAS, DAD MOS PA'I PHYIR MI 'ONG DANG, MTHONG THOB PA'I DE GNYIS YOD, MTSAN NYID RIGS 'DRA, DE LA 'BRAS BU MNGON DU BYED TSUL GYI SGO NAS DBYE NA, 'BRAS BU THOD RGAL BA'I PHYIR MI 'ONG DANG, 'BRAS BU RIM GYIS PA'I PHYIR MI 'ONG GNYIS LAS, DANG PO DANG CHAGS BRAL SNGON SONG GI PHYIR MI 'ONG, MTHONG LAM GYI SNGA ROL TU 'DOD NYON DGU PA SPANGS PA'I PHYIR MI 'ONG, DE'I SNGA ROL TU BSAM GTAN GYI DNGOS GZHI'I SNYOMS 'JUG THOB PA'I PHYIR MI 'ONG RNAMS DON GCIG ,GNYIS PA DANG RGYUN ZHUGS KYI RTOGS PA SNGON DU SONG BA'I PHYIR MI 'ONG DON GCIG ,SBYOR BA'I SGO NAS
PHYIR MI 'ONG 'BRAS GNAS TZAM PO BA DANG, DE KHYAD PAR CAN GNYIS YOD, 'PHAGS CHOS BSTEN TSUL GYI SGO NAS DBYE NA, 'DOD PAR TSE YONGS SU GYUR BA'I PHYIR MI 'ONG DANG, 'DOD PAR TSE YONGS SU MA GYUR PA'I PHYIR MI 'ONG GNYIS YOD, 'DOD PAR SKYE BA GNYIS PA RGYUD DU 'PHAGS CHOS BSTEN PA'I PHYIR MI 'ONG, DANG PO'I MTSAN NYID, DPER NA, DES PA'I RGYUN ZHUGS SRID PA LAN BDUN PA PA DANG, RGYUN ZHUGS RIGS SKYE'I RTOGS PA SNGON DU SONG BA'I PHYIR MI 'ONG LTA BU, MTHONG LAM THOB BA'I TSE DE LA PHYIR MI 'ONG DU GYUR BA'I PHYIR MI 'ONG, GNYIS PA'I MTSAN NYID, DBYE NA, GZUGS SU NYER 'GRO'I PHYIR MI 'ONG, GZUGS MED NYER 'GRO'I PHYIR MI 'ONG, PHYIR MI 'ONG MTHONG CHOS ZHI, LUS MNGON BYED KYI PHYIR MI 'ONG DANG BZHI YOD, 'DOD PAR TSE YONGS SU GYUR PA'I 'PHAGS PAS KHAMS GONG MAR SKYE BA MI LEN KYANG, GZUGS SU TSE YONGS SU GYUR BA'I 'PHAGS PA LAS NYON GYIS GZUGS MED DU SKYE BA LEN PA YOD DE, MDZOD 'GREL LAS, GZUGS KYI KHAMS SU TSE YONGS SU GYUR PA NI, GAL TE GZUGS MED PA'I KHAMS SU YANG 'GRO BA YOD DE, GONG DU 'PHO BA DE DAG SRID BA'I RTZE MO'I MTHAR THUG PAR 'GRO BA GANG YIN PA'O, ,ZHES GSUNGS PA'I PHYIR, KHA CIG ,TSE DANG PO LA RGYUN ZHUGS DANG PHYIR 'ONG GANG RUNG GI 'BRAS BU MNGON DU BYAS NAS TSE GNYIS PA LA PHYIR MI 'ONG DU GYUR PA'I PHYIR MI 'ONG, DANG PO'I MTSAN NYID, RGYAL PO SRAS LAS, PHYIR MI 'ONG TSE YONGS SU GYUR PA NI TSE DANG PO LA RGYUN DU ZHUGS PA'I 'BRAS BU DANG LAN CIG PHYIR 'ONG BA'I 'BRAS BU THOB NAS TSE GNYIS PA LA PHYIR MI 'ONG DU GYUR PA YIN NO, ,ZHES GSUNGS
, ,PA'I PHYIR NA MA KHYAB STE, DE DE 'DRA BA'I PHYIR MI 'ONG GI SKYE BA'I MA MTHA' STON PA'I GZHUNG YIN PA'I PHYIR, DE LTAR MA YIN NA, NGES PA'I RGYUN ZHUGS SRID PA LAN BDUN PA BA'I RTOGS PA SNGON DU SONG BA'I PHYIR MI 'ONG DANG, RGYUN ZHUGS RIGS SKYE'I RTOGS PA SNGON DU SONG BA'I PHYIR MI 'ONG RNAMS KYIS MA NGES SO, ,GZUGS SU NYER 'GRO'I PHYIR MI 'ONG LA, MTSAN NYID, DBYE BA, SO SO'I RANG BZHIN BSHAD PA'O, ,DANG PO NI, 'DOD PA'I RTEN CAN GYI PHYIR MI 'ONG GANG ZHIG GZUGS SU NYID MTSAMS SBYOR BA'I RIGS CAN, GZUGS SU NYER 'GRO'I PHYIR MI 'ONG GI MTSAN NYID, 'DOD BA'I RTEN CAN SMOS PA LA DGOS PA YOD DE, 'OG MIN GYI RTEN LA MYANG 'DAS MNGON DU BYED BAR NGES PA'I GZUGS SU NYER 'GRO'I PHYIR MI 'ONG GONG 'PHO 'PHAR BA'I RTOGS PA SNGON DU SONG BA'I TSANGS RIS KYI RTEN CAN GYI PHYIR MI 'ONG DE GZUGS SU NYER 'GRO'I PHYIR MI 'ONG YIN PA GCAD PAR BYA BA'I CHED YIN PA'I PHYIR, KHA CIG ,MTHONG LA MA THOB PA'I TSE DE LA PHYIR MI 'ONG DU GYUR PA'I PHYIR MI 'ONG GANG ZHIG ,'OG MIN DANG SRID RTZE GANG RUNG GI RTEN LA MYANG 'DAS MNGON DU BYED PA, DE'I MTSAN NYID DU 'DOD PA MI 'THAD DE, DE LA SKYON SNGA MA DE 'JUG BA'I PHYIR, GNYIS PA LA, GZUGS SU NYER 'GRO'I PHYIR MI 'ONG LA, GSUM DU DBYE BA, LNGAR DBYE BA, BDUN DU DBYE BA, DGUR DBYE BA, BCUR DBYE BA, STONG PHRAG SOGS SU DBYE BA DANG DRUG LAS, DANG PO LA, GZUGS SU NYER 'GRO'I PHYIR MI 'ONG BAR 'DA' BA, DE SKYE 'DA' BA, DE GONG 'PHO BA DANG GSUM DU YOD DE, MDZOD LAS, GSUM LA YANG
RNAM GSUM PHYE NAS, ,ZHES GSUNGS PA'I PHYIR, GNYIS PA LA, BAR 'DA' BA, SKYES TZAM NAS 'DA' BA, MNGON PAR 'DU BYED DANG BCAS TE 'DA' BA, MNGON PAR 'DU BYED MED PAR 'DA' BA, DE GONG 'PHO BA DANG LDAR YOD DE, MDZOD LAS, DE NI BAR SKYES 'DU BYED DANG; ;'DU BYED MED YONGS MYA NGAN 'DA', ,ZHES GSUNGS PA'I PHYIR, GSUM PA LA, DE BAR 'DA' BA LA MYUR BAR 'DA' BA, MYUR BA MA YIN PAR 'DA' BA, DUS YUN RING MO ZHIG NAS 'DA' BA DANG GSUM, SKYE 'DA' BA GSUM, GONG 'PHO BA DANG BDUN DU YOD LA; DE BDUN LA SKYES BU DAM BA'I 'GRO BA BDUN ZHES BSHAD PA YIN PA'I PHYIR TE, MDZOD LAS, GONG DU 'PHO BA MA PHYE BAR, ,DAM PA'I 'GRO BA BDUN DU 'DOD, ,DAM PA DAM MIN 'JUG MI 'JUG ,SON PA PHYIR MI 'ONG PHYIR TE, ,ZHES GSUNGS PA'I PHYIR, BZHI PA LA, DE BAR 'DA' BA GSUM, SKYE 'DA' BA GSUM, GONG 'PHO BA LA 'PHANG BA, PHYED 'PHAR BA, GNAS THAMS CAD DU 'CHI 'PHO BA DANG GSUM STE DGU YOD PA'I PHYIR TE, MDZOD RTZA BA LAS, GSUM LA YANG RNAM GSUM PHYE NAS, ,GZUGS SU NYER 'GRO DGUR BSHAD DO, ,ZHES GSUNGS PA'I PHYIR, LNGA PA LA, DGU PO DE'I STENG DU, SRID RTZE'I MTHAR THUG 'GRO BSNAN PAS? BCUR YOD, DRUG PA LA, GZUGS SU NYER 'GRO'I PHYIR MI 'ONG LA RGYAS PAR PHYE NA, KHRI NYIS STONG DGU BRGYA DRUG CU YOD DE, DE BAR 'DA' BA NYIS STONG LNGA BRGYA GO GNYIS, DE SKYES TZAM NAS 'DA' BA LA NYIS STONG LNGA BRGYA GO GNYIS, MNGON PAR 'DU BYED DANG BCAS TE 'DA' BA LA NYIS STONG LNGA RGYA GO GNYIS, MNGON BAR 'DU BYED MED PAR 'DA' BA LA NYIS STONG LNGA BRGYA GO GNYIS, DE 'OG MIN
, ,MTHAR THUG 'GRO LA YANG DE LTAR YOD PA GANG ZHIG ,NYIS STONG TSAN PA LNGA LA KHRI, LNGA BRGYA TSAN PA LNGA'I LNGA BRGYA TSAN PA BZHI LA NYIS STONG, LNGA BRGYA TSAN PA GCIG PO'I STENG DU GO GNYIS BA TSAN PA LNGA'I GO GNYIS PA TSAN PA BZHI'I STENG DU GO GNYIS PA TSAN PA GCIG PO'I STENG NAS SO GNYIS KHYER BAS BZHI BRGYA STE DE GNYIS BSDOMS PAS DGU BRGYA, GO GNYIS PA GCIG PU'I LHAG MA LA DRUG CU YOD PA'I PHYIR, BAR 'DA' BA LA NYIS STONG LNGA BRGYA GO GNYIS YOD DE, TSANGS RIS KYI BAR SRID KYI RTEN LA MYANG 'DAS MNGON DU BYED PA'I BAR 'DA' BA DE LA YONGS SU NYAMS PA'I CHOS CAN GYI DGRA BCOM PA, BDAG GSOD PA'I 'OS SU GYUR BA'I DGRA BCOM PA, RJES SU BSRUNG BA'I DGRA BCOM PA, GNAS PA LAS MI BSKYOD PA'I DGRA BCOM PA, RTOGS PA'I 'OS SU GYUR PA'I DGRA BCOM PA, MI G-YO BA'I CHOS CAN GYI DGRA BCOM PA DRUG PO DE'I RIGS CAN GYI PHYIR MI 'ONG DRUG YOD LA, DE RE RE LA YANG TSANGS RIS KYI NYON MONGS GCIG KYANG MA SPANGS PA NAS DE BRGYAD PA SPANGS DGU PA MA SPANGS PA'I BAR DGU DGU STE DGU DRUG LNGA BCU NGA BZHI, NGA BZHI PO RE RE LA YANG NANG GSES KYI DBANG PO RNO 'BRING RTUL GSUM GSUM DU PHYE BAS, NGA? BZHI TSAN PA GNYIS LA BRGYA DANG BRGYAD, NGA BZHI TSAN PA GCIG PO'I STENG DU BRGYAD PO KHYER BAS DRUG CU RE GNYIS TE, DE LTAR TSANGS PA MDUN NA 'DON, 'OD CHUNG, TSAD MED 'OD, 'OD GSAL, DGE CHUNG, TSAD MED DGE, DGE RGYAS, SPRIN MED, BSOD NAMS SKYES, 'BRAS BU CHE BA, MI TSE? BA, MI GDUNG BA, GYA NOM SNANG BA, SHIN TU MTHONG BA, 'OG MIN GYI BAR TE TSANGS CHEN MA GTOGS GZUGS
KHAMS GNAS RIGS BCU DRUG PO RE RE LA'ANG BRGYA DANG DRUG CU RTZA GNYIS RE YOD PAS, BRGYA TSO BCU DRUG LA STONG DANG DRUG BRGYA, DRUG CU RTZA GNYIS PA TSAN PA BCU DRUG GI LNGA BCU TSAN PA BCU DRUG LA BRGYAD BRGYA YOD PAS, DRUG BRGYA PO DANG BSDOMS PAS STONG DANG BZHI BRGYA STE NYIS STONG BZHI BRGYA, LHAG MA BCU GNYIS PA TSAN PA BCU DRUG GI BCU TSAN BCU DRUG LA BRGYA DANG DRUG CU, GNYIS TSAN BCU DRUG LA SO GNYIS YOD PAS SO GNYIS PA DRUG CU PO DANG SDOM PAS GO GNYIS TE, DE LTAR NYIS STONG LNGA BRGYA GO GNYIS SU 'GYUR PA'I PHYIR; DE BZHIN DU SKYES TZAM NAS 'DA' BA LA YANG GZUGS KHAMS GNAS RIGS BCU DRUG PO RE RE LA YANG BRGYA DRUG CU RTZA GNYIS RE PHYE BAS NYIS STONG LNGA BRGYA GO GNYIS, DE BZHIN DU MNGON PAR 'DU BYED DANG BCAS TE 'DA' BA MNGON PAR 'DU BYED MED PAR 'DA' BA YANG NYIS STONG LNGA BRGYA GO GNYIS GO GNYIS YOD LA, 'OG MIN 'GRO LA YANG TSANGS RIS KYI RTEN LA MYANG 'DAS MNGON DU BYED PA'I 'OG MIN 'GRO NAS, 'OG MIN GYI RTEN LA MYANG 'DAS MNGON DU BYED BA'I 'OG MIN 'GRO'I BAR BCU DRUG PO RE RE LA YANG SNGAR BZHIN PHYE BAS NYIS STONG LNGA BRGYA GO GNYIS YOD BA'I PHYIR, GSUM PA SO SO'I RANG BZHIN BSHAD PA LA, GZUGS SU NYER 'GRO'I PHYIR MI 'ONG GANG ZHIG ,GZUGS KYI BAR SRID DU NYID MTSAMS SBYOR BA'I RIGS CAN, GZUGS SU NYER 'GRO'I PHYIR MI 'ONG BAR 'DA' BA'I MTSAN NYID, DBYE NA, TSANGS CHEN MA GTOGS GZUGS KHAMS GNAS RIGS BCU DRUG GI BAR 'DA' BA BCU DRUG ,DE RE RE LA YANG MYUR BAR 'DA' BA SOGS GSUM GSUM DU YOD, BAR 'DA' BA'I PHYIR MI 'ONG LA GZUGS SU NYER 'GRO'I PHYIR MI 'ONG BAR 'DA',
, ,BSAM KHYAB STE, GZUGS SU NYER 'GRO'I PHYIR MI 'ONG GZUGS KYI BAR SRID DU SKYES MA THAG PA'I PHYIR MI 'ONG DE, BAR 'DA' BA'I PHYIR MI 'ONG YIN YANG DE CIG SHOS MA YIN PA'I PHYIR, DANG PO GRUB STE, GSER PHRENG LAS, DE LTAR NA 'DA' BA BZHI DANG GONG DU 'PHO BA STE LNGA LA GONG MA'I RTEN CAN YANG YOD LA, ZHES GSUNGS PA'I PHYIR, GNYIS PA GRUB STE, DE YIN NA 'DOD PA'I RTEN CAN YIN DGOS PA'I PHYIR TE, GSER PHRENG LAS, NYER 'GRO GNYIS SU PHYE BA DE DAG NI 'DOD RTEN PA'O, , ZHES GSUNGS PA'I PHYIR DANG, DE YIN NA GZUGS KYI MNGON PAR 'GRUB PA'I LAS CAN YIN DGOS PA'I PHYIR TE, RNAM BSHAD LAS, BAR DOR 'DA' BA NI GZUGS KYI SKYE BA'I KUN SBYOR SPANGS, MNGON PAR 'GRUB PA'I KUN SBYOR MA SPANGS PAS GZUGS KYI BAR SRID KYI RTEN LA MYANG 'DAS MNGON DU BYED PA'O, ,ZHES GSUNGS PA'I PHYIR, KHO NA RE, RNAM BSHAD LAS, DBYE BA 'DI NI DNGOS BSTAN 'DOD PA'I RTEN LA DBYE BAR ZAD KYI DNGOS SU NI GZHAN YANG YOD PAR SHES PAR BYA'O, ,ZHES GSUNGS PA MI 'THAD PAR THAL, GZUGS SU NYER 'GRO'I PHYIR MI 'ONG BAR 'DA' BA LA 'DOD PA'I RTEN CAN GYIS KHYAB PA'I PHYIR NA MA KHYAB, GZUNGS KYI BAR SRID KYI RTEN LA MYANG 'DAS MNGON DU BYED PA'I GZUGS SU NYER 'GRO'I PHYIR MI 'ONG YIN NA, GZUGS SU NYER 'GRO'I PHYIR MI 'ONG BAR 'DA' BA YIN PAS MA KHYAB STE, TSANGS BA MDUN NA 'DON GYI BAR SRID KYI RTEN LA MYANG 'DAS MNGON DU BYED PA'I GZUGS SU NYER 'GRO'I PHYIR MI 'ONG GONG 'PHO BA YOD PA'I PHYIR TE, MDZOD 'GREL LAS, GONG DU 'PHO BA DE DAG NI BAR SKABS SU YANG MYA NGAN LAS 'DA' RUNG BAR
BLTA'O, ,ZHES GSUNGS PA'I PHYIR, GZUGS SU NYER 'GRO'I PHYIR MI 'ONG GANG ZHIG ,GZUGS SU SKYE BA'I KUN SBYOR DANG MNGON PAR 'GRUB PA'I KUN SBYOR GNYIS KA MA SPANGS PAS GZUGS KHAMS SU SKYE SRID GCIG TZAM BLANGS NAS GZUGS KYI SKYE SRID KYI RTEN LA MYANG 'DAS MNGON DU BYED PA'I RIGS CAN, GZUGS SU NYER 'GRO'I PHYIR MI 'ONG SKYES 'DA' BA'I MTSAN NYID, RIGS CAN SMOS BA LA DGOS PA YOD DE, TSANGS RIS KYI RTEN LA MYANG 'DAS MNGON DU BYED PA'I GZUGS SU NYER 'GRO'I PHYIR MI 'ONG GONG 'PHO BA DE SKYE 'DA' BA YIN PA GCAD PAR BYA BA'I CHED YIN PA'I PHYIR, GZUGS KHAMS SU SKYE BA GNYIS BA RGYUD LEN PA'I GZUGS SU NYER 'GRO'I PHYIR MI 'ONG SKYE 'DA' BA MED DE, DE 'DRA'I GZUGS SU NYER 'GRO'I PHYIR MI 'ONG YIN NA, GZUGS SU NYER 'GRO'I PHYIR MI 'ONG GONG 'PHO BA YIN DGOS BA'I PHYIR, SKYE 'DA' BA'I PHYIR MI 'ONG LA GZUGS SU NYER 'GRO'I PHYIR MI 'ONG SKYE 'DA' BAS MA KHYAB STE, GZUGS MED NYER 'GRO'I PHYIR MI 'ONG SKYE 'DA' BA YOD PA'I PHYIR DANG, GZUGS SU NYER 'GRO'I PHYIR MI 'ONG GZUGS KYI SKYE SRID DU SKYES MA THAG PA'I PHYIR MI 'ONG DE, SKYES 'DA' BA'I PHYIR MI 'ONG YIN PA'I PHYIR, MA GRUB NA, DE CHOS CAN, DER THAL, KHYOD GZUGS SU NYER 'GRE'I PHYIR MI 'ONG SKYE 'DA' BA'I RTOGS BSNGON DU SONG ZHING, GZUGS KYI SKYE SRID KYI RTEN LA MYANG 'DAS MNGON DU BYED PAR NGES PA'I PHYIR MI 'ONG YIN PA'I PHYIR, DE LA DBYE NA, SKYES TZAM NAS 'DA' BA SOGS GSUM DU YOD, GZUGS SU NYER 'GRO'I PHYIR MI 'ONG SKYE 'DA' BA GANG ZHIG ,GZUGS KYI SKYE SRID GRUB TZAM NAS MYANG 'DAS MNGON DU BYED PA, DANG PO'I MTSAN
, ,NYID; DE GANG ZHIG ,LAM SGOM PA 'BAD RTZOL CHEN POS MYANG 'DAS MNGON DU BYED PA, GNYIS PA'I MTSAN NYID, DE GANG ZHIG ,GZUGS KYI SKYE SRID GRUB TZAM NAS MYANG 'DAS MNGON DU MI BYED CING LAM SGOM PA 'BAD PA CHEN PO LA MI LTOS PAR MYANG 'DAS MNGN DU BYED PA, GSUM PA'I MTSAN NYID, GZUGS KHAMS SU SKYE BA GNYIS BRGYUD DU BLANGS NAS 'OG MIN DANG SRID RTZE GANG RUNG GI RTEN LA MYANG 'DAS MNGON DU BYED PA'I RIGS CAN, GZUGS SU NYER 'GRO'I PHYIR MI 'ONG GONG 'PHO BA'I MTSAN NYID, RIGS CAN SMOS PA LA DGOS PA YOD DE, TSANGS RIS KYI RTEN LA MYANG 'DAS MNGON DU BYED PA'I GZUGS SU NYER 'GRO'I PHYIR MI 'ONG GONG 'PHO DANG, GNAS GTZANG DANG PO GSUM GANG RUNG GI RTEN LA DE MNGON DU BYED PA'I PHYIR MI 'ONG GONG 'PHO BA RNAMS BSDU BAR BYA BA'I CHED YIN PA'I PHYIR, PHYIR MI 'ONG GONG 'PHO BA YIN NA GZUGS SU NYER 'GRO'I PHYIR MI 'ONG GONG 'PHO BA YIN PAS MA KHYAB STE, SNGAR BZHIN NO, ,DE LA DBYE NA, GZUGS SU NYER 'GRO'I PHYIR MI 'ONG GONG 'PHO 'OG MIN MTHAR THUG 'GRO DANG, SRID RTZE'I MTHAR THUG 'GRO GNYIS SU YOD, GZUGS SU NYER 'GRO'I PHYIR MI 'ONG GONG 'PHO BA GANG ZHIG ,'OG MIN GYI RTEN LA MYANG 'DAS MNGON DU BYED PA'I RIGS CAN, DANG PO'I MTSAN NYID, KHA CIG ,GZUGS SU NYER 'GRO'I PHYIR MI 'ONG GANG ZHIG ,BSAM GTAN GYI SPEL SGOM BYAS PA, DE'I MTSAN NYID DU 'DOD PA MI 'THAD DE, DE 'DRA'I GZUGS SU NYER 'GRO'I PHYIR MI 'ONG BAR 'DA' BA DANG, DE 'DRA'I SKYE 'DA' BA GNYIS KA YOD PA'I PHYIR TE, 'OG MIN DU SKYE BA LEN PA'I DE GNYIS KA YOD PA
GANG ZHIG ,'OG MIN DU SKYE BA LA BSAM GTAN GYI SPEL SGOM THOB DGOS PA'I PHYIR TE, GNAS GTZANG DU SKYE BA LA DE THOB DGOS PA'I PHYIR, DANG PO GRUB ZIN, GZHAN YANG ,DE MI 'THAD DE, NYAN THOS KYI MTHONG LAM RNAM GROL LAM LA GNAS PA'I GZUGS SU NYER 'GRO'I PHYIR MI 'ONG GONG 'PHO 'OG MIN MTHAR THUG 'GRO YOD PA GANG ZHIG ,BSAM GTAN GYI SPEL SGOM THOB PA'I NYAN THOS MTHONG LAM PA MED PA'I PHYIR, DE LA DBYE NA, GZUGS SU NYER 'GRO'I PHYIR MI 'ONG GONG 'PHO 'PHAR BA DANG, PHYED DU 'PHAR BA DANG, GNAS THAMS CAD DU 'CHI 'PHO BA DANG GSUM YOD, GZUGS SU NYER 'GRO'I PHYIR MI 'ONG GONG 'PHO 'OG MIN MTHAR THUG 'GRO GANG ZHIG ,TSANGS RIS DANG 'OG MIN TE GZUGS KYI SKYE SRID GNYIS KHO NA BLANGS NAS 'OG MIN GYI RTEN LA MYANG 'DAS MNGON DU BYED PA'I RIGS CAN, DANG PO'I MTSAN NYID; RIGS CAN SMOS PA LA DGOS PA YOD DE, TSANGS RIS KYI RTEN LA MYANG 'DAS MNGON DU BYED PA'I GZUGS SU NYER 'GRO'I PHYIR MI 'ONG GONG 'PHO 'PHAR BA BSDU BAR BYA BA'I CHED YIN PA'I PHYIR, KHO NA SMOS PA LA DGOS PA YOD DE, 'OG IN GYI RTEN LA MYANG 'DAS MNGON DU BYED PA'I GZUGS SU NYER 'GRO'I PHYIR MI 'ONG PHYED DU 'PHAR BA DANG GNAS THAMS CAD DU 'CHI 'PHO BA RNAMS GCAD PAR BYA BA'I CHED YIN PA'I PHYIR, DE GANG ZHIG ,TSANGS RIS DANG GNAS GTZANG DANG PO GSUM GANG RUNG GCIG DANG, 'OG MIN TE GZUGS KYI SKYE SRID GSUM KHO NA BLANGS NAS 'OG MIN GYI RTEN LA MYANG 'DAS MNGON DU BYED PA'I RIGS CAN, GNYIS PA'I MTSAN NYID, RIGS CAN DANG KHO NA SMOS PA LA DGOS PA YOD DE, SNGAR BZHIN YIN PA'I PHYIR RO, ,DE GANG ZHIG, TSANGS CHEN MA GTOGS GZUGS KYI GNAS RIGS BCU
, ,DRUG RIM GYIS BGROD DE 'OG MIN GYI RTEN LA MYANG 'DAS MNGON DU BYED PA'I RIGS CAN, GSUM BA'I MTSAN NYID, 'O NA, BAR 'DA' BA GSUM, SKYE 'DA' BA GSUM DANG, GONG 'PHO BA GSUM DANG, DGU PO DE LA KHYAD PAR CI YOD CE NA, DE LA KHYAD PAR YOD DE, DE GSUM LA LAS KYI KHYAD PAR, DBANG PO'I KHYAD PAR, NYON MONGS PA'I KHYAD PAR GSUM DU YOD PA'I PHYIR, DANG PO GRUB STE, GZUGS SU NYER 'GRO'I PHYIR MI 'ONG BAR 'DA' BA YIN NA, GZUGS KYI MNGON PAR 'GRUB PA'I LAS CAN YIN DGOS, DE SKYE 'DA' BA YIN NA, GZUGS KYI SKYE GNAS MYONG 'GYUR GYI LAS CAN YIN DGOS, DE GONG 'PHO BA YIN NA DE'I LAN GRANGS GZHAN LA MYONG 'GYUR GYI LAS CAN YIN DGOS PA'I PHYIR, GNYIS PA GRUB STE, DE BAR 'DA' BA DE DBANG PO RNO, DE SKYE 'DA' BDE DBANG PO 'BRING, DE GONG 'PHO BA DBANG PO RTUL BA'I PHYIR MI 'ONG YIN BA'I PHYIR, GSUM PA GRUB STE, DE GSUM LA RIM PA BZHIN DU SPANG BYA CHUNG 'BRING CHEN PO DANG LDAN PA'I KHYAD PAR YOD PA'I PHYIR TE, DE LTAR YANG MDZOD LAS, DE DAG GI NI KHYAD PAR RNAMS, , LAS DBANG NYON MONGS BYE BRAG LAS, ,ZHES GSUNGS PA'I PHYIR, 'O NA, MDZOD LAS, GONG DU 'PHO BA RNAMS DE NI, ,BSAM GTAN SBEL NAS 'OG MIN 'GRO, ,DE 'PHAR PHYED 'PHAR THAMS CAD DU, ,'CHI 'PHO GZHAN SRID RTZE MOR 'GRO, ,ZHES GZUGS SU NYER 'GRO'I PHYIR MI 'ONG GONG 'PHO 'OG MIN MTHAR THUG 'GRO DES BSAM GTAN GYI SPEL SGOM BYED CING, DE SRID RTZE'I MTHAR THUG 'GROS DE LTAR MI BYED PAR GSUNGS PA'I DON GANG ZHE NA, DE'I DON YOD DE, PHYIR MI 'ONG RNAMS KYIS BSAM GTAN GYI SPEL SGOM BYED
PA GNAS GTZANG DU SKYE BA'I CHED DU YIN LA, DE SRID RTZE'I MTHAR THUG 'GRO DES GNAS GTZANG DU SKYE BA MI LEN PA'I PHYIR, DES TSANGS RIS NAS 'BRAS BU CHE BA'I BAR GYI GZUGS KYI SO SKYE'I GNAS RNAMS BRGYUD DE GNAS GTZANG LNGA DOR TE GZUGS MED BZHI RIM GYIS BRGYUD NAS SRID RTZE'I RTEN LA MYANG 'DAS MNGON DU BYED BA'I PHYIR, DE YANG 'PHAR BA GSUM PO DE TSANGS RIS SOGS SU SKYE BA'I TSE BSAM GTAN GYI SPEL SGOM LAS NYAMS NAS SKYE BA YIN TE, DE DE LAS MNYAMS NA GNAS GTZANG DU SKYE BAR 'GYUR BA'I PHYIR, DE YANG YIN TE, GZUGS SU NYER GRO'I PHYIR MI 'ONG GONG 'PHO DES RGYU'I GNAS SKABS SU BSAM GTAN BZHI PA SPEL MAR SGOM PA LA BRTEN NAS BSAM GTAN DANG PO'I DNGOS GZHI'I SNYOMS 'JUG DAG PA BA'I RO MYANGS PA'I DBANG GIS BSAM GTAN GYI SPEL SGOM LAS NYAMS NAS SHI 'PHOS TE TSANGS RIS SU SKYE BA BLANGS, RTEN DE LA SNGON GOMS BA'I DBANG GIS BSAM GTAN GYI SPEL SGOM CHES SHIN TU CHEN PO BCO LNGA SPEL SGOM BYAS PA LA BRTEN NAS SHI 'PHOS TE 'OG MIN DU SKYE BA BLANGS, RTEN DE LA MYANG 'DAS MNGON DU BYED PA'I CHA NAS GZUGS SU NYER 'GRO'I PHYIR MI 'ONG GONG 'PHO 'PHAR BA DANG, YANG DES RGYU'I GNAS SKABS SU SNGAR BZHIN BYAS PAS SHI 'PHOS TE TSANGS RIS SU SKYES, ,RTEN DE LA? SNGON GOMS PA'I DBANG GIS BSAM GTAN GYI SDE? ,SGOM DANG PO GSUM PO GANG RUNG GRUB PAR BYAS PA LA BRTEN NAS SHI 'PHO ? TE GNAS GTZANG DANG PO GSUM PO GANG RUNG GCIG TU SKYES, RTEN DE LA BSAM GTAN GYI SPEL SGOM CHES SHIN TU CHEN PO BCO LNGA SPEL SGOM BYAS PA LA BRTEN NAS SHI 'PHOS TE 'OG MIN DU SKYES, RTEN DE LA MYANG 'DAS MNGON DU BYED PA'I CHA NAS DE PHYED 'PHAR DU BZHAG ,YANG DES RGYU'I GNAS SKABS SU SNGAR
, ,BZHIN BYAS PAS SHI 'PHOS TE TSANGS RIS SU SKYE BA BLANGS, RTEN DE LA BSAM GTAN GYI SPEL SGOM BYED MI NUS PAR SHI 'PHOS TE, TSANGS CHEN MA GTOGS 'BRAS BU CHE BA'I BAR RNAMS SU RIM GYIS SKYE BA BLANGS, RTEN DE LA BSAM GTAN GYI SPEL SGOM CHUNG DU GSUM SPEL BYAS PAS MI CHE BAR SKYE PA BLANGS, RTEN DE LA 'BRING DRUG SPEL BYAS, MI GDUNG BAR SKYE BA BLANGS, RTEN DE LA CHEN PO DGU SPEL BYAS, GYA NOM SNANG BAR SKYE BA BLANGS, RTEN DE LA SHIN TU CHE PO BCU GNYIS SPEL BYAS, SHIN TU MTHONG? BAR SKYE BA BLANGS, RTEN DE LA CHES SHIN TU CHEN PO BCO LNGA SPEL BYAS, 'OG MIN DU SKYE BA BLANGS TE, RTEN DE LA MYANG 'DAS MNGON DU BYED BA'I CHA NAS DE GNAS THAMS CAD DU 'CHI 'PHO BAR BZHAG PA'I PHYIR, 'ONA, GNAS GTZANG DU SKYE BA LA BSAM GTAN GYI SPEL SGOM BYED DGOS NA, DE GANG ZHE NA, DE LA SPEL SGOM BYED PA PO'I RTEN GYI GANG ZAG ,KHAMS GANG DU SPEL BA, DANG POR GANG SPEL BA, SPEL BA'I DGOS PA, SPEL TSUL, SPEL SGOM GYI DBYE BA,, GRUB PA'I TSAD DANG BDUN LAS, DANG PO NI, BSAM GTAN GYI DNGOS GZHI TOB PA'I PHYIR MI 'ONG DANG, DE THOB PA'I DGRA BCOM RNAMS KYIS BYED CING, RGYUN ZHUGS DANG PHYI 'ONG RNAMS KYIS DE MI BYED DE, DE RNAMS KYIS BSAM GTAN GYI DNGOS GZHI MA THOB BA'I PHYIR, GNYIS PA NI, DANG? POR 'DOD PA'I KHAMS SU GLING GSUM DU SPEL ZHING PHYI NAS GZUGS SU YANG SPEL BA YIN TE, MDZOD 'GREL LAS, DANG POR 'DOD PA'I KHAMS SU GLING GSUM DAG TU SPEL BAR BYED LA PHYIS YONGS SU NYAMS PA GZUGS KYI KHAMS SU SPEL BAR BYED DO, ,ZHES GSUNGS PA'I PHYIR, GSUM PA NI
DANG POR BSAM GTAN BZHI BA'I DNGOS GZHI'I SNYOMS 'JUG LA SPEL BAR BYED DE, DE BSAM GTAN GYI SKYON BRGYAD DANG BRAL ZHING SPEL SGOM 'GRUB SLA BA'I PHYIR TE, MDZOD LAS, DANG POR BZHI PA SPEL BAR BYED, ,CES GSUNGS PA'I PHYIR, BZHI PA NI, PHYIR MI 'ONG RNAMS GNAS GTZANG DU SKYE BA'I PHYIR DANG ,NYAN THOS DGRA BCOM DBANG RNON RNAMS MTHONG CHOS LA BDE BAR GNAS PA'I PHYIR DANG, NYAN THOS DGRA BCOM DBANG RTUL RNAMS NYON MONGS SPANGS BA'I SPANGS PA LAS MI NYAMS PAR BYA BA'I PHYIR DU SPEL SGOM BYED PA YIN TE, MDZOD LAS; SKYE DANG GNAS PAR BYA PHYIR DANG, ,NYON MONGS BAS NI 'JIG PHYIR YANG, ,ZHES GSUNGS PA'I PHYIR, LNGA PA NI, BSAM GTAN GYI DNGOS GZHI SNYOMS 'JUG ZAG MED SKAD CIG MA GCIG DANG, DE ZAG BCAS SKAD CIG MA GCIG DANG, DE ZAG MED SKAD CIG MA GCIG SPEL? NAS SNYOMS PAR 'JUG PA NI RING SBYOR DANG, DE RJES ZAG MED SKAD CIG MA GNYIS, DE RJES ZAG BCAS SKAD CIG MA GNYIS, DE RJES ZAG MED SKAD CIG MA GNYIS SPEL NAS SNYOMS PAR 'JUG PA NI NYE SBYOR YIN, DRUG PA NI, BSAM GTAN GYI SPEL SGOM LA LNGA YOD, DE'I 'BRAS BU GNAS GTZANG GI SKYE BA LA LNGA YOD PA'I PHYIR TE, ,MDZOD LAS, DE NI RNAM PA LNGA YI PHYIR, ,GNAS GTZANG SKYE BA LNGA KHO NA, ,ZHES GSUNGS PA'I PHYIR, GNAS GTZANG DU SKYE BA'I RGYU BSAM GTAN GYI SPEL SGOM LA LNGA YOD DE, DE LA CHUNG DU GSUM SPEL, 'BRING DRUG SPEL, CHEN PO DGU SPEL?, SHIN TU CHEN PO BCU GNYIS SPEL, CHES SHIN TU CHEN PO BCO LNGA SPEL RNAMS SU YOD PA'I PHYIR TE, MDZOD 'GREL LAS, DE LA DANG PO ZAG PA MED PA DANG, ZAG PA DANG BCAS PA DANG, ZAG PA MED PA DANG SEMS GSUM MNGON DU BYED DO, ,DE BZHIN DU GNYIS PA LA NI
, ,DRUG GO ,GSUM PA LA NI DGU'O, ,BZHI PA LA NI BCU GNYIS SO, ,LNGA PA LA NI BCO LNGA STE, ZHES GSUNGS PA'I PHYIR, 'BRING DRUG SPEL GYI DON YOD DE, MDZAD KYI 'GREL BSHAD LAS, GNYIS PA YIN DRUG GO ,ZHES BYA BA NI, ZAG PA MED PA DANG, ZAG PA DANG BCAS PA DANG, ZAG PA MED PA ZHES BYA BA GSUM DANG, YANG ZAG BA MED PA DANG, ZAG PA DANG BCAS PA DANG, ZAG PA MED PA ZHES BYA BA GSUM YIN NO, ,ZHES GSUNGS PA'I PHYIR, GSUM PA LA NI DGU'O, ,BZHI PA LA NI BCU GNYIS SO; ;LNGA PA LA NI BCO LNGA STE, ZHES BYA BA YANG DE KHO NA BZHIN DU SBYAR BAR BYA BA YIN NO, ,ZHES GSUNGS PA LTAR YIN PA'I PHYIR, BDUN PA LA, BYE BRAG SMRA BA RNAMS DUS MTHA'I SKAD CIG MA GCIG LA BSAM GTAN GYI DNGOS GZHI SNYOMS 'JUG ZAG MED SKAD CIG MA GNYIS DANG ZAG BCAS SKAD CIG MA GCIG BSRES NAS JI LTAR 'DOD 'DOD DU MNYAM PAR 'JOG NUS PA BSAM GTAN GYI SPEL SGOM GRUB PA'I TSAD DU 'DOD DE, MDZOD LAS, SKAD CIG MIN BSRES PAS 'GRUB, ,CES GSUNGS PA'I PHYIR, DE MI 'THAD DE, SANGS RGYAS MA GTOGS DUS MTHA'I SKAD CIG MA GCIG LA DE LTAR MI NUS PA'I PHYIR, RANG LUGS NI, RGYUN DANG LDAN PA'I SGO NAS DE LTAR SNYOMS PAR 'JUG NUS PA DE BSAM GTAN GYI SPEL SGOM GRUB PA'I TSAD YIN TE, MDZOD 'GREL LAS, SANGS RGYAS MA GTOGS SKAD CIG MA SPEL BAR MI NUS TE, DE'I PHYIR RGYUN CHAGS GSUM LAS JI LTAR 'DOD 'DOD DU MNYAM PAR 'JOG PA'I SGO NAS BRJOD PA YIN NO, ,ZHES GSUNGS PA'I PHYIR, GZUGS SU NYER 'GRO'I PHYIR MI ? GANG ZHIG ,SRID RTZE'I RTEN LA
MYANG 'DAS MNGON DU BYED BA'I RIGS CAN, GZUGS SU NYER 'GRO'I PHYIR MI 'OD SRID RTZE'I MTHAR THUG 'GRO'I MTSAN NYID, 'DOD PA'I RTEN CAN GYI PHYIR MI 'ONG GANG ZHIG ,LAS NYON GYIS GZUGS KHAMS SU SKYE BA MI LEN PAR GZUGS MED DU SKYE BA BLANGS NAS RTEN DE LA MYANG 'DAS MNGON DU BYED BA'I RIGS CAN, GZUGS MED NYER 'GRO'I PHYIR MI 'ONG GI MTSAN NYID, GZUGS MED NYER 'GRO'I PHYIR MI 'ONG YIN NA, GZUGS MED KYI RTEN DE LA MYANG 'DAS MNGON DU BYED PAS KHYAB KYANG, GZUGS SU NYER 'GRO'I PHYIR MI 'ONG LA DES MA KHYAB PO, ,RIGS CAN SMOS PA LA DGOS YOD DE, GZUGS MED NYER 'GRO'I PHYIR MI 'ONG GI RTOGS PA SNGON DU SONG BA'I NAM MKHA' MTHA' YAS KYI RTEN CAN GYI PHYIR MI 'ONG DE DE YIN PA GCUD PAR BYA BA'I CHED YIN PA'I PHYIR, DE LA DBYE NA, SKYES TZAM NAS 'DA' BA, MNGON PAR 'DU BYED DANG BCAS TE 'DA' PA, MNGON PAR 'DU BYED MED PAR 'DA' BA, GONG 'PHO BA DANG BZHI YOD DE, MDZOD LAS, GZHAN NI GZUGS MED 'GRO RNAMS BZHI, ,ZHES GSUNGS PA'I PHYIR, DE BAR 'DA' BA MED DE, GZUGS MED DU SKYE BA LA BAR DO BRGYUD MI DGOS PA'I PHYIR, MTHONG LAM THOB PA'I TSE DE LA MYANG 'DAS MNGON DU BYED PA'I PHYIR MI 'ONG DE PHYIR MI 'ONG MTHONG CHOS ZHI'I MTSAN NYID YIN TE, MDZOD LAS, GZHAN NI 'DI LA MYA NGAN 'DA', ,ZHES GSUNGS PA'I PHYIR, RNAM PAR THAR PA BRGYAD THOB LA MNYAMS PA'I PHYIR MI 'ONG DE, PHYIR MI 'ONG LUS MNGON BYED KYI MTSAN NYID YIN TE, MDZOD LAS, 'GOG PA THOB PA'I PHYIR MI 'ONG, ,LUS KYI MNGON SUM BYED BAR 'DOD, ,CES DANG, KUN BTUS LAS, LUS KYI MNGON DU BYED PA GANG ZHE NA, GANG SLOB PA RNAM PAR
, ,THAR PA BRGYAD LA BRTEN BA'O, ,ZHES GSUNGS PA'I PHYIR, DBYE NA, 'DOD PA'I RTEN LA MYANG 'DAS MNGON DU BYED PA, GZUGS GZUGS MED KYI RTEN LA MYANG 'DAS MNGON DU BYED PA'I PHYIR MI 'ONG LUS MNGON BYED DANG GSUM DU YOD, GSUM PA SA MTSAMS NI, 'BRAS BU RIM GYIS PA'I DBANG DU BYAS NA, 'DOD NYON DGU PA SPANGS PA'I RNAM GROL LAM NAS, SRID NYON DGU PA'I DNGOS GNYEN GYI BAR DU YOD, 'BRAS BU THOD RGAL BA'I DBANG DU BYAS NA, LAM RJES SHES NAS SRID NYON DGU PA'I DNGOS GNYEN GYI BAR NA YOD; BZHI PA NI, 'DOD PAR LAS NYON GYIS PHYIR MI 'ONG BA STE, SKYE BA MI LEN PAS NA PHYIR MI 'ONG DANG, PHYIR MI 'ONG GI 'BRAS BU THOB RJES SU GZUGS KHAMS SU SONG NAS MYANG 'DAS MNGON DU BYED PAS NA GZUGS SU NYER 'GRO'I PHYIR MI 'ONG DANG, DE RJES SU GZUGS MED KHO NAR PHYIN NAS MYANG 'DAS MGON DU BYED PAS NA GZUGS MED NYER 'GRO'I PHYIR MI 'ONG DANG, DE'I RJES SU GZUGS KYI SKYE SRID 'OG MA 'OG MNAS GONG MA GONG MAR 'PHO ZHING 'GRO BAS NA GZUGS SU NYER 'GRO'I PHYIR MI 'ONG GONG 'PHO DANG, 'OG MIN DANG SRID RTZE'I BAR DU 'GRO BAS NA 'OG MIN MTHAR THUG 'GRO DANG, SRID RTZE'I MTHAR THUG 'GRO, ZHES GSUNGS PA'O, ,KHO NA RE, LAM RJES SHES LA GNAS PA'I PHYIR MI 'ONG CHOS CAN, 'DOD NYON DGU PA'I SA BON SPANGS PAR THAL, 'DOD NYON DGU PA SPANGS PA'I PHYIR; RTAGS KHAS, ZER NA MA KHYAB, 'DOD NA, 'DOD NYON DGU PA'I DNGOS GNYEN BAR CHAD MED LAM? THOB BAR THAL LO, ,'DOD NA, NYAN THOS KYI SGOM LAM BAR CHAD MED LA MA THOB PAR THAL LO, ,ZHES ZER ZHING, 'BRAS BU RIM GYIS PA'I PHYIR MI 'ONG LA 'DOD NYON DGU
PA SPANGS PAS KHYAB PAR 'DOD PA MI 'THAD DE, ZHI RAGS RNAM PA CAN GYI 'JIG RTEN PA'I LAM LA BRTEN NAS 'BRAS BU RIM GYIS PA'I PHYIR MI 'ONG GI 'BRAS BU THOB MA THAG PA'I PHYIR MI 'ONG DES 'DOD NYON DGU PA MA SPANGS PA'I PHYIR TE, DES DE'I SA BON MA SPANGS PA'I PHYIR; 'KHOR GSUM, GZHAN YANG, PHYIR MI 'ONG YIN NA, THA MA'I CHA MTHUN LNGA SPANGS PAS KHYAB PAR THAL, THA MA'I CHA MTHUN LNGA PO DE PHYIR MI 'ONG GI 'BRAS BU THOB PA LA GEGS BYED KYI GTZO BO YIN PA'I PHYIR, 'DOD NA, LAM RJES SHES LA GNAS PA'I PHYIR MI 'ONG CHOS CAN, DER THAL, DE'I PHYIR, 'DOD NA, DES GNOD SEMS KYI SA BON SPANGS PAR THAL LO, ,KHYAB PA KHAS, 'DOD NA, DE'I DNGOS GNYEN BAR CHAD MED LA MA THOB PAR THAL LO, ,KHO NA RE, CHAGS BRAL SNGON SONG GI PHYIR MI 'ONG? ZHUGS PA YIN NA, 'DOD NYON SPANGS PAS KHYAB PAR THAL, DE 'DRA'I PHYIR MI 'ONG LA DE'I PHYIR, 'DOD NA, NYAN THOS KYI MTHONG LAM SDUG BSNGAL CHOS BZOD LA GNAS PA'I CHAGS BRAL SNGON SONG GI PHYIR MI 'ONG ZHUGS PA CHOS CAN, DER THAL, DE'I PHYIR, 'DOD NA, 'DOD PA'I SAS? BSDUS KYI MTHONG SPANG NYEN MONGS SPANGS PAR THAL LO, ,'DOD MI NUS TE, DE'I RGYUD KYI NYAN THOS KYI MTHONG LAM SDUG BSNGAL CHOS BZOD DE DE'I DNGOS GNYEN BAR CHAD MED LA MA YIN PA'I PHYIR TE, DE DE'I DOS SKAL GYI SPANG BYA YIN PA'I PHYIR TE, DE'I NGOS SKAL GYI SPANG BYA YOD PA'I PHYIR NA MA KHYAB STE, DE'I SA BON DE DE'I NGOS SKAL GYI SPANG BYA'I GTZO BO YIN PA'I PHYIR, GZHAN YANG, SBYOR LAM STAN GCIG PA LA GNAS PA'I DE CHOS CAN, DER THAL, DE'I PHYIR, KHYAB PA KHAS, 'DOD NA, 'DOD PA'I SAS BSDUS KYI GANG ZAG GI BDAG 'DZIN SPANGS
, ,PAR THAL LO, ,'DOD NA, GANG ZAG GI BDAG MED MNGON SUM DU RTOGS MYONG BAR THAL LO, ,'DOD PA'I PHYIR NAM KHYAB, DES NA MTHONG LAM GYI SNGA ROL TU CI YANG MED MAN CHAD KYI SAS BSDUS KYI NYON MONGS SPANGS PA'I CHAGS BRAL SNGON SONG GI PHYIR MI 'ONG ZHUGS PA YOD BYAS PA LA, KHO NA RE, DE'I SNGA ROL TU DE SPANGS PA'I SO SKYE YOD PAR THAL LO, ,'DOD NA, DE'I SNGA ROL TU YAN LAG BCU GNYIS KYI NANG TSAN DU GYUR PA'I MA RIG PA SPANGS PA'I SO SKYE YOD PAR THAL, 'DOD PA GANG ZHIG ,DE YIN NA CI YANG MED MAN CHAD KYI SAS BSDUS YIN DGOS PA'I PHYIR, 'DOD NA, 'KHOR BA'I RTZA BAR GYUR PA'I MA RIG PA SPANGS PA'I SO SKYE YOD PAR THAL, 'DOD PA'I PHYIR NA MA KHYAB, KHO NA RE, GZUGS KYI BAR SRID KYI RTEN CAN GYI NYAN THOS DGRA BCOM PA YOD PAR THAL, DE'I RTEN LA DGRA BCOM BA'I 'BRAS BU MNGON DU BYED PA YOD PA'I PHYIR NAM MKHYAB, 'DOD NA, DE'I RGYUD LA GZUGS KYI BAR SRID YOD PAR THAL LO, ,'DOD NA, DE'I RGYUD LA SRID PA YOD PAR THAL LO, ,ZER NA, SO SKYE'I RTEN CAN GYI 'PHAGS PA YOD PAR THAL, SO SKYE'I RTEN LA 'PHAGS LAM MNGON DU BYED BA YOD PA'I PHYIR, KHYAB PA KHAS, DES MTSON NAS GZHAN RNAMS SHES PAR BYA'O, ` ,BZHI PA DGRA BCOM LA, ZHUGS PA BSHAD PA DANG, 'BRAS GNAS BSHAD PA GNYIS LAS, DANG PO LA, MTSAN NYID, DBYE BA, SA MTSAMS, SGRA BSHAD PA'O, ,DANG PO NI, ZHUGS PA BZHI'I NANG TSAN GANG ZHIG ,GONG MA'I CHA MTHUN LNGA SPANGS BAS RAB TU PHYE BA'I DGE SPYOD TSUL GYI 'BRAS BU THOB PHYIR DU BRTZN
BZHIN PA'I SBYOR BA RGYUN CHAGS LA GNAS PA, DGRA BCOM ZHUGS PA'I MTSAN NYID, DBYE NA, SPANG BYA CIG CAR PA'I DGRA BCOM ZHUGS PA, SPANG BYA RIM GYIS PA'I DGRA BCOM ZHUGS PA GNYIS YOD, GSUM PA NI, SGOM SPANG LHAG MA SPONG BA LA BRTZON PA NAS SRID NYON DGU PA'I DNGOS GNYEN GYI BAR DU YOD, KHA CIG ,DGRA BCOM ZHUGS PA LA CIG CAR PA'I DGRA BCOM ZHUGS PA DANG, RIM GYIS BA'I DGRA BCOM ZHUGS PA GNYIS SU GRANGS NGES ZER BA MI 'THAD DE, 'BRAS BU THOD RGAL PA'I PHYIR MI 'ONG 'BRAS GNAS KHYAD PAR CAN DE DGRA BCOM ZHUGS PA GANG ZHIG ,DE CIG CAR BA'I DE YANG MA YIN, RIM GYIS PA'I DE YANG MA YIN PA'I PHYIR, DANG PO SLA, GNYIS PA GRUB STE, SPANG BYA RIM GYIS PA YIN PA'I PHYIR, GSUM PA GRUB STE, 'BRAS BU THOD RGAL PA YIN PA'I PHYIR, BZHI PA NI, CI'I PHYIR DGRA BCOM ZHUGS PA ZHES BYA ZHE NA, DGRA BCOM PA'I 'BRAS BU LA ZHUGS PA STE DE THOB PA'I PHYIR DU BRTZON BZHIN BA'I SBYOR BA RGYUN CHAGS LA GNAS PAS DE SKAD CES BYA'O, ` ,GNYIS PA LA, MTSAN NYID, DBYE BA, SA MTSAMS, SGRA BSHAD BA'O, ,DANG PO NI, 'BRAS GNAS BZHI'I NANG TSAN GANG ZHIG ,GONG MA'I CHA MTHUN LNGA SPANGS PAS RAB TU PHYE BA'I RIGS SU GNAS PA'I DGE SBYONG TSUL GYI 'BRAS BU LA GNAS PA, DGRA BCOM 'BRAS GNAS KYI MTSAN NYID; GONG MA'I CHA MTHUN LNGA YANG YOD DE, GZUGS GZUGS MED KYI 'DOD CHAGS, GNYID, RGOD PA, NGA RGYAL NYON MONGS CAN GYI MA RIG PA RNAMS SU YOD PA'I PHYIR TE, MDZOD LAS, GONG MA'I CHA DANG MTHUN RNAM LNGA, ,GZUGS DANG GZUGS MED LAS SKYES PA'I, ,'DOD CHAGs
, ,GNYID RGOD NGA RGYAL RMONGS, ,ZHES GSUNGS PA'I PHYIR, DE LNGA LA GONG MA'I CHA DANG MTHUN PA ZHES BRJOD BA'I RGYU MTSAN YOD DE, DANG PO GNYIS PO DES KHAMS GONG MA'I SKYE BA 'DZIN PA'I RGYU BYED CING, THA MA GSUM PO DES KHAMS GONG MA LAS MI 'DA' BAR BYED PA'I PHYIR, GNYIS PA NI, DE LA SPANG BYA SPONG TSUL GYI SGO NAS, SPANG BYA CIG CAR PA'I DGRA BCOM 'BRAS GNAS DANG, SPANG BYA RIM GYIS PA'I DGRA BCOM 'BRAS GNAS GNYIS SU YOD, DGRA BCOM 'BRAS GNAS GANG ZHIG ,KHAMS GSUM GYI SGOM SPANG NYON MONGS CHUNG DU'I CHUNG DU DGU CIG CAR DU SPANGS PA, DANG PO'I MTSAN NYID, DE GANG ZHIG, DE DGU RIM CAN DU SPANGS PA GNYIS PA'I MTSAN NYID, YANG DE LA DBANG PO'I SGO NAS, YONGS SU NYAMS PA'I CHOS CAN, BDAG GSOD PA'I CHOS CAN, RJES SU BSRUNG BA'I CHOS CAN; GNAS PA LAS MI BSKYOD PA'I CHOS CAN, RTOGS PAR 'OS PA'I CHOS CAN, MI G-YO BA'I CHOS CAN DANG DRUG YOD, DANG PO LNGA DBANG RTUL DAD MOS PA DANG, DRUG PA DBANG RNON MTHONG THOB PA YIN LA, DANG PO LNGA LA DUS SBYOR BA'I DGRA BCOM ZHES BYA STE, RNAM GROL MNGON DU BYED PA 'TSO BA LA SOGS PA'I DUS DANG SBYOR BAS NA DE LTAR BRJOD PA'I PHYIR, PHYI MA LA DUS MI SBYOR GYI DGRA BCOM PA ZHES BYA STE, RNAM GROL MNGON DU BYED PA 'TSO BA LA SOGS PA'I DUS LA MI LTOS BAR MNGON DU BYED PA'I PHYIR TE, MDZOD LAS; DGRA BCOM DRUG 'DOD DE DAG NI, ,LNGA NI DAD PAS MOS LAS SKYES, ,DE DAG RNAM GROL DUS DANG SBYOR, ,MI G-YO'I CHOS CAN MI G-YO BA, ,DE'I PHYIR DE DUS MI SBYOR GROL, ,ZHES GSUNGS PA'I PHYIR, BYE BRAG SMRA PA RNAMS NI, DANG PO LNGA RANG GI RTOGS PA LAS
NYAMS NAS RGYUN ZHUGS SOGS SU 'GYUR BAR SRID PA BZHED PA MI 'THAD DE, DGRA BCOM PA SPANGS RTOGS LAS NYAMS PA MED PA'I PHYIR, ` RANG LUGS NI, MTHONG CHOS LA BDER GNAS KYI YON TAN LAS NYAMS PAR 'GYUR BA TZAM YIN, DANG PO NI; JI LTAR BYAS KYANG TSE DE LA MTHONG CHOS LA BDER GNAS KYI YON TAN LAS NYAMS PAR 'GYUR PA'I DGRA BCOM PA DBANG RTUL GCIG LA BYED, GNYIS PA NI, DE MA THAG TU SKU TSE'I 'DU BYED MA BTANG NA MTHONG CHOS LA BDER GNAS LAS NYAMS KYIS DOGS NAS, DE MA THAG TU SKU TSE'I 'DU BYED GTONG BA'I DGRA BCOM DBANG RTUL GCIG LA BYED, GSUM PA NI, 'DOD BA'I YON TAN LA SEMS MA BSRUNG NA DE LAS NYAMS PAR MTHONG NAS DE LAS SEMS BSRUNG BA'I DGRA BCOM DBANG RTUL GCIG LA BYED, BZHI PA NI, MNYAM GZHAG LAS LANGS NA DE LAS NYAMS PAR MTHONG NAS DE LAS MI LDANG BA'I DGRA BCOM DBANG RTUL GCIG LA BYED, LNGA PA NI, DE LAS NYAMS KYIS DOGS PA'I 'JIGS PA DANG BCAS PA'I DGRA BCOM DBANG RTUL GCIG LA BYED, DRUG PA NI, DE LAS NYAMS KYIS DOGS PA'I 'JIGS PA MED PA'I DGRA BCOM DBANG RNON GCIG LA BYED, YANG DE LA YON TAN MNGON DU BYED TSUL GYI SGO NAS, SHES RAB RKYANG BA'I CHA LAS RNAM PAR GROL BA'I NYAN THOS DGRA BCOM DANG, GNYIS KA'I CHA LAS RNAM PAR GROL BA'I NYAN THOS DGRA BCOM GNYIS LAS; DANG PO NI, 'GOG SNYOMS MA THOB BA'I NYAN THOS DGRA BCOM LTA BU, GNYIS PA NI, 'GOG SNYOMS RGYUD LDAN GYI NYAN THOS DGRA BCOM LTA BU STE, MDZOD LAS, 'GOG THOB GNYIS KA LAS RNAM GROL, ,SHES RAB KYIS NI CIG SHOS SO, ,ZHES GSUNGS PA'I
, ,PHYIR; GSUM PA NI, SA MTSAMS, ZAD MI SKYE SHES BA'I YE SHES THOB PA NAS THEG CHEN LAM DU 'JUG KHA MA'I SNGA ROL GYI BAR DU YOD DO, ,BZHI PA NI, CI'I PHYIR DGRA BCOM ZHES BYA ZHE NA, NYON MONGS PA'I DGRA BCOM PAS NA DE LTAR BRJOD PA'I PHYIR, ` GNYIS PA MTSON BYA DON GYI DGE 'DUN BSHAD PA LA, GANG LAS DBYE BA'I GZHI, JI LTAR PHYE BA'I GRANGS, PHYE BA SO SO'I RANG BZHIN, DE DAG GANG GIS MTSON PA BSHAD PA, KHYAD PAR GYI CHOS GZHAN BSTAN PA'O, ,DANG PO LA, SLOB DPON DANG, 'PHAGS PA DANG, RIGS BYIN, SHER 'BYUNG BLO GROS, BUDDHA SHR'I, AABHY'AKAR RNAMS KYIS 'PHAGS PA'I DGE 'DUN LA DBYE BAR MDZAD, 'DI RGYUD BLA MAR DGE 'DUN DKON MCHOG BSHAD PAS DANG PO YAN TSAD LA 'PHAGS PA THOGS MED KYIS BSHAD PA LTAR MDZAD PA'I PHYIR, DAG LDAN LAS, BYANG CHEN GANG YUM GYI GNAS PA 'DIS GNAS PA DE GANG NAS SHI 'PHOS TE 'DIR SKYES BA LAGS ZHES BA'I DON BSHAD PA NA, SHER PHYIN LA GNAS BA ZHES BYA BA NI NGES PAR 'BYED PA'I CHA DANG MTHUN PA LA SOGS PA'O, , ZHES 'DIR BSTAN DGE 'DUN DANG PO GNYIS SBYOR LAM PA LA 'DOD PA MI 'THAD DE, 'DIR BSTAN DGE 'DUN DKON MCHOG DE, SANGS RGYAS LA SOGS DKON MCHOG GSUM, ,ZHES PA'I SKABS KYI SKYABS GSUM GYI YA GYAL DU GYUR PA'I DGE 'DUN DKON MCHOG YIN PA GANG ZHIG ,DE SAR GNAS KYI BYANG SEMS LA 'PHAGS PA THOG SMED KYIS BSHAD PA'I PHYIR, YUL BHANG+GA LA'I MKHAS PA RNAMS KYIS 'DIR BSTAN DGE 'DUN DKON MCHOG LA SO SKYE YOD PAR 'DOD DE, DAD MOS KYI MDOR LHA TSE RING POR SKYE BAR GSUNGS PA LA
RTZOD PA SPONG BA'I LAN GYI SKABS SU, NGAN 'GRO LA SOGS PA'I MI KHOM PA ZAD PA NI BZOD PA NAS YIN TE, NGAN 'GRO MED PA'I PHYIR CHOS CHEN PO LA BZOD PA'O, ,ZHES GSUNGS PA'I PHYIR, ZHES ZER BA YANG MI 'THAD DE, 'DIS SLOB DPON GYI LUGS LA TSAD MAR BZUNG BA GANG ZHIG ,SLOB DPON GYIS 'DIR BSTAN DGE 'DUN LA 'PHAGS PAS KHYAB PAR BZHED PA'I PHYIR, KHA CIG ,PHYIR MI LDOG PA'I RTAGS THOB PA'I BYANG SEMS DE 'DIR BSTAN MTSON BYA DON GYI DGE 'DUN GYI DBYE GZHI YIN ZER BA MI 'THAD DE, PHYIR MI LDOG PA'I RTAGS THOB PA'I BYANG SEMS SBYOR LAM PA DE DE YIN PAR THAL, DAM BCA' 'THAD PA'I PHYIR, 'DOD NA, DMAN LAM SNGON DU MA SONG BA'I PHYIR MI LOG PA'I RTAGS THOB PA'I BYANG SEMS SBYOR LAM PA YANG DER THAL LO, ,GNYIS PA LA, MDO RGYAN MA SBYAR BA DANG, SBYAR BA'I 'DREN LUGS GNYIS LAS, DANG PO NI, 'BUM, NYI KHRI, BRGYAD STONG PA GSUM DU SANGS RGYAS KYI ZHING GZHAN DANG DGA' LDAN DANG MI'I NANG NAS TSE 'PHOS NAS 'DIR SKYES PAR RIG PAR BYA, ZHES GSUM GSUNGS PA'I RJES SU LHA TSE RING BOR SKYE BA'I MDO NAS GSUNGS TE 'DI LA MDO TSAR? ZHE BRGYUD YOD PAS, DANG PO GSUM RIM PA LTAR BYANG SEMS DBANG PO RNO 'BRING RTUL GSUM GYI MCHOG 'BRING DMAN GSUM DU PHYE NAS MDOR BSTAN NAS, DE NYID RGYAS PAR 'CHAD PA LA, MDO TSAN PHYI MA ZHE LNGA GSUNGS TE, DE LTAR 'BUM GYI GNOD 'JOMS LAS BSHAD PA'I PHYIR, SBYIR BYANG CHEN ZHES BRGYAD GSUNGS TE MDOR BSTAN GSUM GYI STENG DU ZHE LNGA GSUNGS PA'I PHYIR, GNYIS PA LA, SGRA JI BZHIN PA DANG SGRA JI BZHIN PA MA YIN PA'I 'DREN LUGS GNYIS LAS, DANG PO NI, BUDDHA SHR'I DANG, SHANTI PA GNYIS KYIS 'DIR BSTAN DGE DUN LA NYI SHUR
, ,'DOD DE, GZHUNG RTZA BA'I SGRAS ZIN PA NYI SHUR 'DREN PA'I PHYIR, GNYIS PA LA, 'PHAGS PA'I LUGS DANG, SLOB DPON GYI LUGS GNYIS LAS, DANG PO NI, 'DIR BSTAN MTSON BYA DON GYI DGE 'DUN LA NYI SHUR YOD DE, GZHUNG GIS DNGOS SU BSTAN PA BCU DRUG ,SHUGS LA BSTAN PA BZHI YOD BA'I PHYIR, DANG PO GRUB STE, DBANG PO RTUL DANG RNON PO DAG ,CES PAS DNGOS SU BSTAN PA'I RGYUN ZHUGS ZHUGS PA DBANG RTUL DAD PA'I RJES 'PHRAD DANG, DBANG RNON CHOS KYI RJES 'BRANG GI MING CAN GNYIS DANG DANG MTONG THOB, CES PAS DNGOS SU BSTAN PA 'BRAS BU BAR BA GNYIS KYI ZHUGS PA DAD MOS PA GNYIS GCIG TU BYAS PA DANG, DE MTHONG THOB PA GNYIS GCIG TU BYAS PA'I MING CAN GYI BYANG SEMS GNYIS, RIGS NAS RIGS, ,ZHES PAS DNGOS SU BSTAN PA RGYUN ZHUGS RIGS SKYE GNYIS KYI MING CAN GNYIS, BAR CHAD GCIG ,CES BAS DNGOS SU BSTAN BA'I PHYIR 'ONG TSE GCIG BAR CHAD GCIG PA BA'I MING CAN GCIG ,BAR SKYES NAS DANG, ,BYED DANG BYED MIN, ZHES BAS DNGOS SU BSTAN PA 'DA' BA BZHI'I MING CAN BZHI, 'OG MIN 'GRO, ,'PHAR GSUM SRID RTZE'I MTHAR THUG 'GRO, ,ZHES PAS DNGOS SU BSTAN PA 'PHAR BA GSUM DANG GONG 'PHO GCIG TU BYAS PA'I GONG 'PHO PA'I MING CAN GCIG ,GZUGS KYI CHAGS BCOM ZHES PAS DNGOS SU BSTAN PA GZUGS MED NYER 'GRO'I PHYIR MI 'ONG GI MING CAN GCIG ,MTHONG BA YI, ,CHOS LA ZHI, ZHES PAS DNGOS SU BSTAN BA MTHONG CHOS ZHI'I MING CAN GCIG ,LUS MNGON SUM BYED, ,CES PA'I DNGOS SU BSTAN PA, LUS MNGON BYED KYI MING CAN GCIG ,BSE?
RU; ZHES PAS DNGOS SU BSTAN PA BSE RU RANG SANGS RGYAS KYI MING CAN GCIG RNAMS SU YOD PA'I PHYIR, GNYIS PA GRUB STE, RGYUN ZHUGS 'BRAS GNAS TZAM PO PA, PHYIR 'ONG 'BRAS GNAS TZAM PO PA, PHYIR MI 'ONG 'BRAS GNAS TZAM PO PA, DGRA BCOM ZHUGS PA RNAMS SU YOD PA'I PHYIR RO, ,RONG t'IKA PA NI, 'PHAGS PA LTAR NA SKYES BU CHEN PO BRGYAD LA RGYUN ZHUGS SU GTOGS PA LA DON GYIS THOB PA RGYUN ZHUGS ZHUGS PA BRGYAD PA DANG, 'BRAS GNAS DBANG PO RNO RTUL GNYIS DANG, RIGS NAS RIGS SKYE GNYIS TE LNGA, PHYIR 'ONG ZHUGS PA DAD MOS PA DANG, MTHONG THOB PA GNYIS GCIG TU BYAS PAS DON GYIS THOB PA 'BRAS GNAS TZAM PO BA DANG, KHYAD PAR CAN TSE GCIG BAR CHAD GCIG PA PA DANG GSUM, PHYIR MI 'ONG ZHUGS PA DAD MOS PA DANG MTHONG THOB PA GNYIS GCIG TU BYAS PAS DON GYIS THOB PA 'BRAS GNAS TZAM PO PA DANG KHYAD PAR CAN LA BRGYAD, 'DA' BA BZHI GONG 'PHO BA STE LNGA, DRUG PA GZUGS KYI CHAGS BCOM, BDUN PA MTHONG CHOS ZHI, BRGYAD PA LUS MNGON BYED, SKYES BU BDUN PA DGRA BCOM ZHUGS PA, BRGYAD PA RANG SANGS RGYAS KYI MING CAN DANG BRGYUD YOD ZER BA MI 'THAD DE, DBANG PO RTUL DANG RNON PO DAG ,CES PA'I THAD KYI NYI SNANG LAS, DE LA GANG LAM SHES PA NYID NI 'OG NAS 'BYUNG BA'I MTHONG BA'I LAM GYI SKAD CIG MA BCU DRUG PO GANG YIN PA STE, SKAD CIG MA BCU DRUG PO DE RNAMS LAS BYANG CHUB SEMS DPA' DBANG PO RTUL POR GYUR PA GANG YIN PA DE NI DAD PAS LAM DE LA RJES SU 'JUG PA'I PHYIR, DE LA DAD PA'I RJES SU 'BRANG BA ZHES BRJOD DO, ,DBANG PO RNON PO NI SHES RAB KYIS LAM DE LA RJES SU 'JUG PA'I PHYIR, CHOS KYI RJES SU 'BRANG BA ZHES GSUNGS PA'O, ,ZHES GSUNGS PA MI 'THAD PAR THAL,
, ,DBANG PO RTUL DANG RNON PO DAG ,CES PAS 'BRAS GNAS DBANG PO RNO RTUL GNYIS BSTAN PA GANG ZHIG ,'BRAS GNAS LA DAD BA'I RJES 'BRANG DANG CHOS KYI RJES 'BRANG GI RNAM GZHAG MI 'THAD PA'I PHYIR TE, MDZOD LAS, DE TSE DBANG PO RNO RTUL DAG ,DAD PAS MOS DANG MTHONG BAS THOB, ,CES GSUNGS PA'I PHYIR, GZHAN YANG, DAD DANG MTHONG THOB, CES BAS PHYIR 'ONG ZHUGS PA DANG MOS PA DANG, MTHONG THOB PA GNYIS GCIG TU BYAS PA DANG, PHYIR MI 'ONG ZHUGS PA DE GNYIS GCIG TU BYAS NAS BSTAN PA MI 'THAD PAR THAL, DES 'BRAS BU BAR BA GNYIS KYI ZHUGS BA DAD MOS GNYIS GCIG TU BSDUS PA DANG, DE MTHONG THOB GNYIS GCIG TU BSDUS NAS BSTAN PA'I PHYIR TE, NYI SNANG LAS, 'BRAS BU GNYIS PA DANG GSUM PA LA ZHUGS PA DAD PAS LHAG PAR MOS PA'I DBANG DU MDZAD NAS GSUNGS PA NI, ZHES DANG, 'BRAS BU GNYIS PA DANG GSUM PA LA ZHUGS PA MTHONG BAS THOB PA'I DBANG DU MDZAD NAS GSUNGS PA NI, ZHES GSUNGS PA'I PHYIR, KHA CIG ,'DIR BSTAN MTSON BYA DON GYI DGE 'DUN LA NYI SHU YOD DE, GZHUNG GIS DNGOS SU BSTAN PA BCU DGU DANG, RGYUN ZHUGS ZHUGS PAS KHA BSKANG BAS NYI SHUR YOD PA'I PHYIR, DANG PO GRUB STE, 'OG MIN 'GRO 'PHAR BA GSUM GYI DBYE GZHI YIN PAS ZUR DU MI 'DREN LA, GZHAN RTZA BA'I SGRAS ZIN LTAR BGRANGS BAS BCU DGU YOD PA'I PHYIR, RGYUN ZHUGS ZHUGS BA SHUGS LA BSTAN PA YIN TE, DBANG PO RTUL DANG RNON PO DAG ,CES PAS CHAGS BRAL SNGON SONG GI ZHUGS PA GNYIS DNGOS SU BSTAN NAS RGYUN ZHUGS ZHUGS PA
SHUGS LA BSTAN PA'I PHYIR, DES NA PHYIR 'ONG 'BRAS GNAS TZAM PO PA DANG, PHYIR MI 'ONG 'BRAS GNAS TZAM PO PA GNYIS LA MING SBYOR MDZAD BA'I RGYU MTSAN YOD DE, DBANG PO RTUL DANG RNON PO DAG ,CES PAS, CHAGS BRAL SNGON SONG GI ZHUGS PA GNYIS DNGOS SU BSTAN, DAD DANG MTHONG THOB, CES PAS, DE 'DRA'I 'BRAS GNAS DE GNYIS BSTAN NAS CHAGS BRAL SNGON SONG GANG LA SBYAR BA'I SBYOR GZHI NGOS GZUNG BA'I CHED DU YIN PA'I PHYIR, SKABS 'DIR RGYUN ZHUGS 'BRAS GNAS TZAM PO PA KHA MI 'GENGS PA'I RGYU MTSAN YOD DE, RIGS NAS RIGS SKYE BSTAN PAS RTOGS NUS PA'I PHYIR, PHYIR 'ONG 'BRAS GNAS TZAM PO PA KHA MI 'GENGS BA'I RGYU MTSAN YOD DE, BAR CHAD GCIG PA BSTAN PAS RTOGS NUS PA'I PHYIR, PHYIR MI 'ONG 'BRAS GNAS TZAM PO PA KHA MI 'GENGS BA'I RGYU MTSAN YOD DE, 'DA' BA BZHI BSTAN PAS RTOGS NUS BA'I PHYIR, DGRA BCOM ZHUGS PA KHA MI 'GENGS PA'I RGYU MTSAN YOD DE, LUS MNGON BYED BSTAN PAS RTOGS NUS PA'I PHYIR TE, GSER PHRENG LAS, DE LTAR BYAS NA ZHUGS PA DANG PO LA BRGYAD PA ZHES GCIG TU DANG, CHAGS BRAL SNGON SONG GI ZHUGS PA GNYIS GCIG TU DANG, DE'I 'BRAS GNAS LA GNYIS SU GRANGS NGES NAS 'OG MIN 'GRO 'PHAR BA GSUM GYI DBYE GZHI YIN PAS DOR LA GZHAN RNAMS SGRAS ZIN DU DRANG PO, ,'DI KHO NA RJE BTZUN GYI BZHED PA YIN TE, DGE 'DUN 'DI RNAMS MNGON BA NAS BSHAD BA DANG MING MTSUNGS PAR BSTAN CING, DE DAG KYANG CHOS 'GA' ZHIG MTSUNGS PA YIN NO, ,ZHES GSUNGS PA'I PHYIR, ZHES ZER, 'DI LA KHA CIG ,DE MI 'THAD DE, DBANG PO RTUL
, ,DANG RNON PO DAG ,CES GNYIS TSIG SMOS PA MI 'THAD PAR THAL, GZHUNG 'DIS DGE 'DUN GSUM BSTAN PA'I PHYIR, ? MDZOD LAS, DE TSE DBANG PO RNO RTUL DAG ,CES GNYIS TSIG SMOS PA MI 'THAD PAR THAL, GZHUNG 'DIS RGYUN ZHUGS 'BRAS GNAS, 'BRAS BU THOD RGAL BA'I PHYIR 'ONG 'BRAS GNAS, CHAGS BRAL SNGON SONG GI PHYIR MI 'ONG 'BRAS GNAS GSUM BSTAN PA'I PHYIR, DE LTAR MDZOD 'GREL LAS GSUNGS PA'I PHYIR, RANG LUGS KYI SKYON NI, NYI SNANG LAS 'BRAS BU GNYIS PA DANG GSUM PA LA ZHUGS PA, ZHES SOGS GSUNGS PA MI 'THAD PAR THAL, DAD DANG MTHONG THOB, CES PAS 'BRAS BU BAR BA GNYIS KYI ZHUGS PA DNGOS SU MA BSTAN PA'I PHYIR, RTAGS KHAS, GZHAN YANG, NYI SNANG LAS, GONG DU 'PHO BA NI LNGA PA YIN TE, ZHES GSUNGS PA MI 'THAD PAR THAL, DAD DANG MTHONG THOB, CES PAS CHAGS BRAL SNGON SONG GI 'BRAS GNAS GNYIS DNGOS SU BSTAN PA'I PHYIR, KHA CIG ,'DIR BSTAN MTSON BYA DON GYI DGE 'DUN LA NYI SHU YOD DE, GZHUNG GIS DNGOS SU BSTAN PA BCU DGU DGRA BCOM ZHUGS PA KHA BSKANG BAS NYI SHUR YOD BA'I PHYIR, DANG? PO GRUB STE, SNGAR BZHIN, ZHES ZER BA MI 'THAD DE, NYI SNANG LAS, GANG 'DI NYID NYON MONGS PA DGU SPANGS PA LA NI PHYIR MI LDOG PA ZHES BRJOD DO, ,DE NI RNAM PA LNGA RU SHES PAR BYA'O, ,'DI LTA STE, BAR DOR YONGS SU MYA NGAN LAS 'DA' BA NI, ZHES DANG PO NGOS BZUNG, SKYE NAS YONGS SU MYA NGAN LAS 'DA' BA NI, ZHES GNYIS PA DANG, MNGON PAR 'DU KHYED DANG BCAS TE MYA NGAN LAS 'DA' BA NI, ZHES GSUM PA DANG,
MNGON PAR 'DU BYED MED PAR YONGS SU MYA NGAN LAS 'DA' BA NI, ZHES BZHI PA DANG, GONG DU 'PHO BA NI LNGA PA YIN TE, ZHES LNGA PA DANG, GANG YANG GZUGS KYI 'DOD CHAGS DANG BRAL BA'I PHYIR MI LDOG BA DE NI 'DI NAS SHI 'PHOS NAS GZUGS MED BAR SKYE PAR 'GYUR BA NI; ZHES DANG, DE LTAR PHYIR MI LDOG PA NI DRUG PA YIN NO, ,ZHES DRUG PA DANG, BDUN PA MTHONG BA'I CHOS LA MYA NGAN LAS 'DA' BA NI, ZHES BDUN PA DANG, GANG YANG 'GOG PA'I SNYOMS PAR 'JUG PA THOB PA'I PHYIR MI LDOG PA DE NI MYA NGAN LAS 'DAS PA DANG, 'DRA BA'I CHOS LUS KYIS MNGON DU BYED PA'I PHYIR, ZHES BRGYAD PA NGOS BZUNG BA MI 'THAD PAR THAL, NYI SNANG GI LUGS LA 'OG MIN 'GRO NAS SRID RTZE'I 'GRO'I BAR LNGA PO DE LA GONG 'PHO BA ZHS GCIG TU BYAS NAS DGE 'DUN NYI SHU'I GRANGS LNGA PA DANG, GZUGS KYI CHAGS BCOM GYI MING CAN GYI BYANG SEMS DGE 'DUN NYI SHU'I DRUG PAR 'DREN MI RIGS PA'I PHYIR, KHO NA RE, RGYAN SNANG GI LUGS LA YANG DE LNGA LA GONG 'PHO BA ZHES GCIG TU 'DREN RIGS PAR THAL, RGYAN SNANG LAS, GONG DU 'PHO BA NI LNGA PA YIN TE, ZHES GSUNGS PA'I PHYIR NA MA KHYAB STE, NYI SNANG LAS, DE LA GONG 'PHO ZHES LNGA PA DANG, GZUGS KYI CHAGS BCOM GYI MING CAN GYI BYANG SEMS DRUG PAR GSAL BAR BSHAD CING, RGYAN SNANG LAS, DE LNGA LA GONG 'PHO'I MING GIS BSTAN NAS DE LA 'OG MIN 'GRO'I MING CAN DANG SRID RTZE'I 'GRO'I MING CAN GNYIS SU PHYE NAS, 'OG MIN 'GRO'I MING CAN DE LA 'PHAR BA GSUM GYI MING GIS BSTAN PA DANG, SRID RTZE'I 'GRO'I MING CAN LA GZUGS KYI CHAGS BCOM ZHES BTAGS NAS DE LA MTHONG CHOS ZHI DANG LUS MNGON BYED GNYIS SU
, ,PHYE NAS? BSTAN PA'I PHYIR, KHA CIG RTZA BA'I SGRA SOR BZHAG NYI SHUR 'DREN BA MI 'THAD DE, DE NI 'GREL CHEN GNYIS KA DANG 'GAL BA'I PHYIR, GNYIS BA SLOB DPON GYI LUGS LA, NYI KHRI LE'U BRGYAD MAR, RTZA BA'I SGRAS ZIN PA NYI SHU'I STENG DU BRGYAD PA, RGYUN ZHUGS, PHYIR 'ONG DANG, PHYIR MI 'ONG DANG, DGRA BCOM ZHUGS PA STE NYER LNGA LA MDO DRANGS SHING, RTZA BAR NYI SHUR BSTAN PA DANG MI MTHUN PA'I SKYON MED DE, BRGYAD PA NI, RGYUN ZHUGS ZHUGS PA DAD PA'I RJES 'BRANG DANG CHOS KYI RJES 'BRANG GNYIS KYI DBYE GZHI DANG, RGYUN ZHUGS NI RIGS SKYE GNYIS DANG, PHYIR 'ONG NI TSE GCIG BAR CHAD GCIG PA'I DANG, PHYIR MI 'ONG NI 'DA' BA BZHI DANG, 'OG MIN 'GRO 'PHAR BA GSUM GYI DANG, SRID RTZER 'GRO DANG GZUGS KYI CHAGS BCOM GNYIS MTHONG CHOS ZHI DANG LUS MNGON BYED KYI DBYE GZHI YIN PA'I PHYIR, 'DI DANG MTHUN PAR NYI SNANG LAS KYANG GSUNGS TE, DE NYID LAS, RGYUN DU ZHUGS PA ZHES BSHAD PA GANG YIN PA DE NYID NI RIGS NAS RIGS SU SKYE BA RNAM PA GNYIS SU SHES PAR BYA STE, ZHES DANG, LAN CIG PHYIR 'ONG BA ZHES BSHAD PA GANG YIN PA DE NI BAR CHAD GCIG PA YIN PA DE NI, ZHES DANG, NYON MONGS PA DGU PA SPANGS BA'I PHYIR MI 'ONG BA ZHES BSHAD PA GANG YIN BA DE NI RNAM PA LNGAR SHES PAR BYA'O, , ZHES DANG, 'OG MIN GYI MTHAR THUG PAR 'GRO BA'I GONG DU 'PHO BA GANG YIN PA 'DI NI RNAM PA GSUM DU 'GYUR TE, ZHES GSUNGS PA LTAR YIN BA'I PHYIR, DES NA BYANG SEMS 'PHAGS PA DE 'DIR BSTAN MTSON BYA DON GYI DGE 'DUN GYI DBYE GZHI
YIN LA, DE LA DBYE NA NYI SHUR YOD DE, RGYUN ZHUGS KYI SKOR LA LNGA, PHYIR 'ONG GI SKOR LA GSUM, PHYIR MI 'ONG GI SKOR LA BCU, DGRA BCOM ZHUGS PA'I MING CAN, BSE RU RANG SANGS RGYAS KYI MING CAN RNAMS SU YOD PA'I PHYIR, DANG PO GRUB STE, RGYUN ZHUGS ZHUGS PA DBANG RTUL DAD PA'I RJES 'BRANG DANG, DBANG RNON CHOS KYI RJES 'BRANG GI MING CAN GNYIS, RGYUN ZHUGS 'BRAS GNAS TZAM PO PA'I MING CAN, RIGS NAS RIGS SKYE'I MING CAN GNYIS SU YOD PA'I PHYIR, GNYIS PA GRUB STE, PHYIR 'ONG ZHUGS PA'I MING CAN, PHYIR 'ONG 'BRAS GNAS TZAM PO BA'I MING CAN, DE KHYAD PAR CAN TSE GCIG BAR CHAD GCIG PA PA'I MING CAN GSUM DU YOD PA'I PHYIR, GSUM PA GRUB STE, PHYIR MI 'ONG ZHUGS PA'I MING CAN, 'DA' BA BZHI'I MING CAN BZHI, 'OG MIN 'GRO DBYE GZHIR BYAS NAS DE LAS PHYE BA'I 'PHAR BA GSUM GYI MING CAN GSUM, SRID RTZE'I MTHAR THUG 'GROR BTAGS BA'I GZUGS KYI CHAGS BCOM DBYE GZHIR BYAS NAS DE LAS PHYE BA'I MTHONG CHOS ZHI DANG LUS MNGON BYED GNYIS KYI MING CAN GNYIS RNAMS SU YOD PA'I PHYIR, DE RNAMS GZHUNG GIS BSTAN TSUL YOD DE, DBANG PO RTUL DANG RNON PO DAG ,CES PAS RGYUN ZHUGS ZHUGS BA DAD PA'I RJES 'BRANG DANG CHOS KYI RJES 'BRANG GNYIS KYI MING CAN GNYIS DNGOS SU BSTAN NAS, RGYUN ZHUGS 'BRAS GNAS TZAM PO PA'I MING CAN DE SHUGS LA BSTAN, RIGS NAS RIGS, ZHES PAS RGYUN ZHUGS RIGS SKYE GNYIS KYI MING CAN GNYIS DNGOS SU BSTAN, DAD DANG MTHONG THOB CES PAS PHYIR 'ONG ZHUGS PA DAD MOS PA DANG MTHONG THOB PA GNYIS GCIG TU BYAS PA DANG, PHYIR MI 'ONG ZHUGS PA DAD MOS PA DANG MTHONG THOB PA GNYIS GCIG TU BYAS
, ,PA'I PHYIR MI 'ONG ZHUGS PA'I MING CAN GNYIS DNGOS SU BSTAN, BAR CHAD GCIG ,CES PAS, PHYIR 'ONG TSE GCIG BAR CHAD GCIG PA'I MING CAN DNGOS SU BSTAN NAS SHUGS LA PHYIR 'ONG 'BRAS GNAS TZAM PO PA'I MING CAN DE BSTAN PAR SKYE NAS DANG, ,BYED DANG BYED MIN, ZHES PAS 'DA' BA BZHI'I MING CAN BZHI DNGOS SU BSTAN, 'OG MIN 'GRO, ,'PHAR GSUM, ZHES PAS, 'PHAR BA GSUM GYI MING CAN GSUM DNGOS SU BSTAN, SRID RTZE'I MTHAR THUG 'GRO, ,GZUGS KYI CHAGS BCOM MTHONG BA YI, ,CHOS LA ZHI LUS MNGON SUM BYED, ,CES PAS MTHONG CHOS ZHI DANG, LUS MNGON BYED KYI MING CAN GNYIS DNGOS SU BSTAN NAS, DGRA BCOM ZHUGS PA'I MING CAN DE SHUGS LA BSTAN PA YIN LA, BSE RU, ZHES PAS, BSE RU RANG SANG MA RGYAS KYI MING CAN DE DNGOS SU BSTAN PA'I PHYIR TE, RGYAN SNANG LAS, 'BRAS BU DANG PO DANG GNYIS PA LA GNAS PA DANG, 'BRAS BU BZHI PA LA ZHUGS PA'I GANG ZAG NI GO SLA BA NYID KYIS BSDU BAR MA BSHAD, CES GSUNGS PA'I PHYIR, GSUM PA PHYE BA SO SO'I RANG BZHIN BSHAD PA LA, MDO LAS, BRGYAD PA'I MING CAN GYI BYANG SEMS NAS, RANG SANGS RGYAS KYI MING CAN GYI BYANG SEMS KYI BAR NYER LNGA MDO TSAN NYER LNGAS BSTAN PA NI SNGAR GZHUNG 'GREL GYI SKABS SU BSHAD ZIN PA LTAR RO, ,DE YANG MDO'I BSDUS DON LA BZHI, BRGYAD PA, 'BRAS BU THOD RGAL PA, 'BRAS BU RIM GYIS PA, DGRA BCOM ZHUGS PA, RANG SANGS RGYAS KYI MING CAN DANG LNGA LAS, DANG PO LA, DBYE GZHI DANG, DBYE BA GNYIS LAS, GNYIS PA LA DAD PA'I RJES 'BRANG DANG, CHOS KYI RJES 'BRANG GNYIS, THOD
RGAL LA YANG ZHUGS PA DANG, 'BRAS GNAS GNYIS LAS, DANG PO LA, 'BRAS BU BAR BA GNYIS KYI ZHUGS PA DAD MOS PA DANG, DE MTHONG THOB PA'I MING CAN GNYIS, GNYIS PA LA PHYIR 'ONG DANG, DE'I PHYIR MI 'ONG GNYIS, GSUM PA MTHAR GYIS PA LA, RGYUN ZHUGS PHYIR 'ONG, PHYIR MI 'ONG GI MING CAN GSUM LAS, DANG PO LA, DBYE GZHI RGYUN ZHUGS KYI MING CAN, DE LAS PHYE BA'I RIGS SKYE GNYIS KYI MING CAN GNYIS, GNYIS PA LA, PHYIR 'ONG 'BRAS GNAS BAR CHAD GCIG PA, GSUM PA LA, DBYE GZHI PHYIR MI 'ONG, DE LAS PHYE BA'I 'DA' BA BZHI, 'PHAR BA GSUM GYI DBYE GZHI 'OG MIN 'GRO, DE LAS PHYE BA'I 'PHAR BA GSUM, DBYE GZHI GZUGS KYI CHAGS BCOM SRID RTZE'I MTHAR THUG 'GRO GNYIS, DE LAS PHYE BA'I MTHONG CHOS ZHI, LUS MNGON BYED, DGRA BCOM ZHUGS PA, RANG SANGS RGYAS TE, NYER LNGA PO RIM BZHIN MDO TSAN NYER LNGAS BSTAN PA DE'I DON RTZA BAR DNGOS BSTAN BCU BDUN DANG, SHUGS BSTAN GSUM STE NYI SHUR BSDUS NAS 'CHAD DO, ,BZHI PA DE DAG GANG GIS MTSON PA LA, 'O NA, DGE 'DUN 'DI DAG 'DRA BA RGYU MTSAN DU BYAS TE THEG CHEN LA THEG DMAN GYI MING GIS BTAGS NAS BSTAN NA, DE DAG DANG CHOS MTSUNGS GANG GIS SBYAR ZHE NA, DE DAG DANG SPANGS RTOGS CHA TZAM DANG SKYE BA LEN TSUL GSUM GYIS SBYAR BA YIN PA'I PHYIR, RGYAS PAR 'OG TU 'CHAD, LNGA PA KHYAD PAR GYI CHOS GZHAN BSTAN PA LA, MDO'I DKA' GNAD DANG, DGE 'DUN GYI SA MTSAMS BSTAN PA, MTSAN NYID PA DANG BTAGS PA PAR BSHAD PA DANG GSUM LAS, DANG PO NI, DAD MOS KYI MDOR, BYANG CHEN THABS LA MI MKHAS PA GANG DAG BSAM GTAN
, ,BZHI PO RNAMS SGRUB PAR BYED PA DANG PHA ROL TU PHYIN PA RNAMS LA SPYOD PAR BYED CING BSAM GTAN THOB BA DES KYANG LHA TSE RING PO RNAMS SU SKYE STE, ZHES GSUNGS PA LA, KHO NA RE, DE LTAR BSHAD PA MI 'THAD DE, BYANG SEMS 'PHAGS PA LHA TSE RING POR SKYE BA LEN PA MI SRID BA'I PHYIR, RNAM LDOG BSAM GTAN LA SOGS PA'I, ,YAN LAG YONGS SU ZAD PA DANG, ,ZHES GSUNGS PA'I PHYIR, LHA TSE RING POR SKYE BA DE SBYOR LAM BAR MI RIGS TE, THE TSOM MI DAL ZAD PA DANG, ,ZHES THEG CHEN GYI SBYOR LAM DRONG NAS MI KHOM PAR SKYE BA ZAD PAR SPANGS PAR BSHAD PA'I PHYIR, DE TSOGS LAM PAR YANG MI RIGS TE, 'DIR BSTAN DGE 'DUN DKON MCHOG DE PHYIR MI LDOG PA'I DGE 'DUN DU BSHAD PA'I PHYIR, ZHES ZER, 'DI'I LAN LA, YUL BHANG+GA LA'I MKHAS PA RNAMS NA RE; RTZOD BA DE'I SKYON MED DE, LHA TSE RING BOR SKYE BA'I BYANG SEMS SBYOR LAM PA YOD PA'I PHYIR, DE 'DRA'I SBYOR LAM DROD LA GNAS PA'I SEMS DPA' YOD PA'I PHYIR, NGAN 'GRO LA SOGS PA'I MI KHOM PAR SKYE BA ZAD PAR GSUNGS PA NI THEG CHEN GYI SBYOR LAM DROD NAS MA YIN PA'I PHYIR, DA THEG CHEN GYI SBYOR LAM BZOD PA NAS YIN PA'I PHYIR, 'GREL PAR, NGAN 'GRO MED PA'I CHOS CHEN PO LA BZOD PA'I PHYIR, ZHES GSUNGS PA'I PHYIR, THE TSOM MI DAL ZAD PA DANG, ,ZHES GSUNGSBA DANG MI 'GAL TE, THEG CHEN GYI DROD RTZER MI KHOM PA PHAL CHER ZAD PA'I DON YIN PA'I PHYIR, ZHES ZER, YUL AO DE SHA BA'I MKHAS PA RNAMS KYIS NI, SKYON MED DE, 'DIR BSTAN DGE 'DUN DANG BYANG SEMS SBYOR LAM PA'I GZHI MTHUN YOD PAS, LHA TSE RING POR SKYE BA'I BYANG SEMS SBYOR LAM PA
YOD PA'I PHYIR, YUL KONG KA NA'I MKHAS PA DAG NI, RTZOD PA DE'I SKYON MED DE, LHA TSE RING PO LA MI KHOM PA YIN MIN GNYIS YOD PA LAS, DANG PO NI, PHYI ROL BA'I LAM GYIS KHAMS DANG SA 'OG MA LAS 'DOD CHAGS DANG BRAL BAR BYAS TE, DER SKYE BA NA 'CHI BA'I TSE LOG LTA SKYES PAS DMYAL BAR LTUNG BAS MI KHOM PA YIN, GNYIS PA NI, BYANG SEMS SO SKYE BA DEN PA MA MTHONG BA 'GA' ZHIG BSHES GNYEN NGAN PA'I STOBS KYIS DER SKYES KYANG, SANGS RGYAS KYI MTHU DANG RANG GI BYANG CHUB KYI SEMS LA SOGS PA'I MTHUS? SNGA MA LTAR MI NYAMS BAS MI KHOM PAR SKYE BA MA YIN TE, YE SHES RGYAS PA'I MDO LAS, SANGS RGYAS SNYAN PAR BRJOD PAS DGE SLONG DMIGS PA KUN LA GNAS PAR MTSUNGS PA ZHES BYA BA THEG CHEN GYI SNOD GCIG YOD PA LHA TSE RING POR SKYES PA NA GDUL BYA GZHAN MED NAS MYA NGAN LAS 'DAS TE YANG MIR SKYES PA'I DON MDZAD, CES GSUNGS PA LTAR YIN PA'I PHYIR, YANG KHO NA RE, DES NA SBYOR LAM BA MI KHOM PA ZAD PAS DER SKYE BA MI 'GAL LO, ,ZHES ZER, LUGS DE GSUM GA MI 'THAD DE, LUGS DE GSUM GAS 'DIR BSTAN DGE 'DUN LA SO SKYA YOD PAR 'DOD PA GANG ZHIG ,'DIR BSTAN MTSON BYA NGON GYI DGE 'DUN LA 'PHAGS PAS KHYAB PA'I PHYIR, DE LTAR GONG DU BSGRUBS ZIN PA'I PHYIR, NGES NA RTZOD PA DE'I SKYON MED DE, 'DIR BSTAN DANG MOS PA'I MING CAN GYI BYANG SEMS YOD PA DE SNGON TSE RABS SNGA MA ZHI LA DER SKYES, PHYIS MI'I NANG DU 'PHAGS LAM THOB PA DE DBANG RTUL DU BZHAG PA'I PHYIR TE, YUM GSUM GNOD 'JOMS LAS, THABS MI MKHAS PA SNGA MA NI BSAM GTAN GYI SPYOD BA DANG PHA ROL TU PHYIN
, ,PA'I SPYOD PA LA BRTZON YANG THABS LA MI MKHAS PAR 'GYUR BA'I PHYIR LHA TSE RING POR SKYES TE, DUS DE SRID GCIG GI BAR DU PHA ROL TU PHYIN PA LA MI BRTZON PAR GYUR NAS PHYIS MI'I NANG DU SKYES PA'I TSE SNGON PHA ROL TU PHYIN PA LA SPYOD SPYOD PA'I MTHUS BRTZON PAR BYED KYANG DBANG PO RTUL POR 'GYUR TE, ZHES GSUNGS PA LTAR YIN PA'I PHYIR, YANG KHO NA RE, MDO LAS, SRID RTZE'I MTHAR THUG 'GRO DANG, GZUGS KYI CHAGS BCOM GNYIS GZUGS MED DU SKYE BAR BSHAD PA MI 'THAD DE, MDO SDUD PAR; BYANG CHUB YON TAN PHA ROL PHYIN NYAMS 'GYUR 'ONGS ZHES, ,GZUGS MED KHAMS SU SKYE BA DON DU GNYER MI BYED, ,CES GSUNGS PA'I PHYIR NA, SKYON MED DE, DER SKYE BAR GSUNGS PA DE DER SKYE BA'I RGYU GZUGS MED KYI SNYOMS 'JUG THOB PA TZAM LA DGONGS PA'I PHYIR TE, DES NA SKYE BA LA DBANG MA THOB NA DER SKYE BA SRID KYANG DBANG THOB NAS MI SKYE STE, KUN BTUS LAS, GZUGS MED BA'I KHAMS RNAM PAR SPANGS PA'I BSAM GTAN DANG LDAN LA, ZHES PA'I 'GREL PAR, BYANG CHUB SEMS DPA' NI 'DOD PA DANG GZUGS NA SPYOD BA YIN GYI GZUGS MED NA SPYOD PA NI MA YIN TE, SEMS CAN YONGS SU SMIN BA'I GNAS MED PA'I PHYIR, MTHU'I KHYAD PAR THOB PA DAG DER MI SKYE'O, ,ZHES GSUNGS PA'I PHYIR, YANG 'PHAR GSUM GYI SKABS KYI, MDO LAS, BSAM GTAN DANG PO'I RO MYANG NAS BSAM GTAN GYI SPEL SGOM LAS NYAMS PAR BSHAD PA DANG, BSAM GTAN GYI DBANG GIS LHA GNAS RNAMS SU SKYE BAR BSHAD PA MI 'THAD DE, BYANG SEMS 'PHAGS PA RNAMS KYIS BSAM GTAN GYI RO MYANG BA
MED PA'I PHYIR, ZER NA SKYON MED DE, 'DIR BSTAN 'PHAR BA'I MING CAN GYI BYANG SEMS 'GA' ZHIG SNGON SO SKYE'I GNAS SKABS SU DE LTAR RO MYANG BA LA DGONGS PA YIN PA'I PHYIR, GNYIS PA DGE 'DUN GYI SA MTSAMS BSTAN PA LA, KHA CIG ,BYANG SEMS 'PHAGS PA LA DON DAM PA'I SEMS DANG POR BSKYED PA, MGOS PA'I SPYOD PA LA ZHUGS PA, PHYIR MI LDOG PA, SKYE BA GCIG GIS THOGS BA'I BYANG SEMS RNAMS SU YOD LA, DANG PO DE SA DANG PO PA LA BYED, GNYIS PA DE SA GNYIS PA NAS BDUN PA'I BAR GYI BYANG SEMS LA BYED, GSUM PA NI SA BRGYAD PA YAN CHAD KYI BYANG SEMS LA BYED, BZHI PA NI, SA BCU BA'I GNAS SKABS KYI BYANG SEMS LA BYED CING, SA DANG PO BA LA RGYUN ZHUGS ZHUGS PA DBANG PO RNO RTUL GNYIS DANG, RGYUN ZHUGS 'BRAS GNAS TZAM PO PA, RIGS NAS RIGS SKYE GNYIS TE LNGA'I MING CAN DANG, SA GNYIS PA NAS BDUN BA'I BAR LA, PHYIR 'ONG ZHUGS PA, PHYIR MI 'ONG ZHUGS PA, PHYIR 'ONG 'BRAS GNAS TZAM PO BA DANG, DE KHYAD PAR CAN BZHI DANG, SA BRGYAD PA YAN CHAD KYI BYANG SEMS LA PHYIR MI 'ONG DANG; SA DGU PA DANG BCU PA LA, DGRA BCOM ZHUGS PA DANG, SRID PA THA MA PA'I GNAS SKABS LA BSE RU LTA BU'I RANG SANGS RGYAS KYI MING CAN GYI BYANG SEMS 'JOG ,CES ZER NA, PHYIR MI 'ONG GI MING CAN GYI BYANG SEMS DES BRGYAD PA YAN CHAD KYI BYANG SEMS KHO NA LA BYED PA MI 'THAD DE, MTHONG CHOS ZHI DANG, LUS MNGON BYED KYI MING CAN GYI BYANG SEMS DE SA DRUG PA NAS 'JOG RIGS PA'I PHYIR TE, RNAM BSHAD LAS, SRID RTZE'I NYON MONGS PA DANG LDAN PA BYANG SEMS SA DRUG PA PA DE NYI SHU'I GRANGS
, ,'DZIN BRGYAD LAS GZHAN RNAM PA GNYIS SO, ,MTHONG CHOS LA ZHI BA LAS NYON GYI DBANG GIS NYID MTSAMS SBYOR BA'I SKYE BA ZAD PAR THOB PA DANG, RNAM PAR THAR PA BRGYAD KYI TING NGE 'DZIN GYIS LUS KYIS MNGON DU BYED PA GNYIS YOD PA'I PHYIR; ZHES GSUNGS PA'I PHYIR, KHA CIG ,MTHONG LAM SKAD CIG DANG PO BCO LNGA LA GNAS PA'I BYANG SEMS LA RGYUN ZHUGS ZHUGS PA DAD PA'I RJES 'BRANG DANG CHOS KYI RJES 'BRANG GI MING CAN DANG, SA GNYIS PA NAS LNGA PA'I BAR GYI BYANG SEMS LA RIGS NAS RIGS SKYE'I MING CAN GYI BYANG SEMS, SA DRUG PA PA LA PHYIR 'ONG ZHUGS PA, SA BDUN PA PA LA PHYIR 'ONG 'BRAS GNAS TZAM PO PA DANG, DE KHYAD PAR CAN GNYIS, SA BRGYAD PA DANG DGU PA LA, PHYIR MI 'ONG ZHUGS PA DANG, SA BCU PA PA LA 'DA' BA BZHI NAS LUS MNGON BYED KYI BAR GYI PHYIR MI 'ONG GI MING CAN GYI BYANG SEMS RNAMS SU 'JOG GO ,ZHES ZER NA, MTHONG LAM SDUG BSNGAL CHOS BZOD LA GNAS PA'I BYAN SEMS DE RGYUN ZHUGS ZHUGS PA'I MING CAN DU THAL, MTHONG LAM SKAD CIG DANG PO BCO LNGA LA GNAS PA'I BYANG SEMS DE DE YIN PA'I PHYIR; RTAGS KHAS, 'DOD NA, DE MI 'THAD PAR THAL, RGYUN ZHUGS 'BRAS GNAS KYI MING CAN GYI BYANG SEMS YIN PA'I PHYIR TE, LAM RJES SHES LA GNAS PA'I BYANG SEMS DE RGYUN ZHUGS 'BRAS GNAS KYI MING CAN GANG ZHIG ,THEG CHEN MTHONG LAM SHES PA BRGYAD CIG CAR DU SKYE BA'I PHYIR, GZHAN YANG, DGE 'DUN 'DI RNAMS RIM CAN KHO NAR SBYOR BA MI 'THAD DE, CHOS KYI RJES 'BRANG DANG BAR CHAD GCIG PA'I SKABS SU YANG MDO LAS, DE DAG SKYE BA GCIG
THOGS KYI BYANG SEMS SU BSHAD PA'I PHYIR, DE LTAR YANG GSER PHRENG LAS, 'DI DAG RIM PA LTAR SA RIM CAN KHO NA LA SBYOR BA MI 'THAD PAR GO STE, CHOS KYI RJES 'BRANG DANG BAR CHAD GCIG PA'I SKABS SU YANG DE DAG SKYE BA GCIG THOGS KYI BYANG SEMS SU BSHAD PA'I PHYIR, ZHES GSUNGS PA'I PHYIR, DES NA 'PHAGS PAS NI RJES 'BRANG GNYIS MTHONG LAM PA DANG, LHAG MA SGOM LAM PA YIN LA, KHYAD BAR ZHUGS PA BZHI LA SA BCU PA PAR BSHAD, SLOB DPON GYIS RGYUN ZHUGS 'BRAS GNAS TZAM PO PA MTHONG LAM PA DANG, LHAG MA RNAMS SGOM LAM PAR BSHAD DO, ,GSUM PA LA, 'O NA 'DIR BSTAN MTSON BYA DON GYI DGE 'DUN LA RGYUN ZHUGS SOGS SU GSUNGS PA DE DAG DNGOS KYI SGRA YIN NAM, BTAGS PA PA YIN ZHE NA; 'DI LA LOTZTSA PA CHEN PO'I SLOB MA DVAGS PO DBANG PHYUG TSUL KHRIMS NI, BYANG SEMS LA RGYUN ZHUGS SOGS KYI MING GIS BTAGS PA'I DON YOD PAS DNGOS KYI SGRA YIN LA BTAGS PA PA MA YIN NO, ,ZHES ZER, AAR CHEN PO DANG PHYIS KYI MKHAS PA KHA CIG ,BYANG SEMS LA RGYUN ZHUGS SOGS SU GSUNGS PA DE MTSAN NYID PA YIN TE, NYAN THOS KYI SKABS SU MYANG 'DAS KYI RGYUN GYI LAM LA ZHUGS PAS RGYUN ZHUGS SU 'JOG BA BZHIN DU SANGS RGYAS KYI RGYUN GYI LAM LA ZHUGS PA LA YANG RGYUN ZHUGS SOGS SU BZHAG DGOS PA'I PHYIR, ZHES GSUNGS, KHA CIG ,BYANG SEMS LA ZHUGS 'BRAS MTSAN NYID PA YOD KYI THEG DMAN LA DE BZHAG TU MED DE, RGYUN ZHUGS KYI DON MYANG 'DAS THOB PA'I LAM GYI RGYUN LA ZHUGS PA LA BYED RIGS PA GANG ZHIG ,THEG
, ,DMAN LA MYANG 'DAS MTSAN NYID PA MED PA'I PHYIR, ZHES ZER BA RNAMS MI 'THAD DE, DMAN LAM SNGON DU MA SONG BA'I MTHONG LAM SDUG BSNGAL CHOS BZOD LA GNAS PA'I SEMS DPA' DE RGYUN ZHUGS ZHUGS PA YIN PAR THAL LO; ;'DOD NA, DE 'DRA'I MTHONG LAM RNAM GROL LAM LA GNAS PA'I SEMS DPA' DE RGYUN ZHUGS SU THAL LO, ,'DOD NA, BSAM GTAN GYI DNGOS GZHI'I SNYOMS 'JUG MA THOB BAR THAL LO, ,GZHAN YANG, DES 'DOD NYON DRUG BA SPANGS, DES SRID NYON DRUG PA MA SPANGS PA'I DMAN LAM SNGON DU MA SONG BA'I BYANG SEMS DE PHYIR 'ONG DU THAL LO, ,'DOD NA, SPANG BYA RIM GYIS BAR THAL LO, ,'DOD MI NUS TE, SPANG BYA CIG CAR BA YIN PA'I PHYIR, DMAN LAM SNGON DU MA SONG BA'I BYANG SEMS 'PHAGS PA YIN PA'I PHYIR, RTAGS SONG, GZHAN YANG, 'DOD NYON DGU PA SPANGS PA'I DMAN LAM SNGON DU MA SONG BA'I BYANG SEMS 'PHAGS PA PHYIR MI 'ONG DU THAL LO, ,'DOD NA, SRID NYON DGU PA SPANGS PAR THAL, 'DOD PA GANG ZHIG ,SPANG BYA CIG CANG PA YIN PA'I PHYIR, PHYI MA GRUB STE, DMAN LAM SNGON DU MA SONG BA'I BYANG SEMS 'PHAGS PA YIN PA'I PHYIR, RTAGS SONG, GZHAN YANG, GZHI BSDU BA LAS, CI'I PHYIR BYANG CHUB SEMS DPA' SKYON MED PA LA ZHUGS PAS RGYUN DU ZHUGS PAR MI 'GYUR ZHE NA, RGYUN LA 'JUG PA YONGS SU MA GRUB BA'I PHYIR RO, ,ZHES DANG, CI'I PHYIR LAN CIG PHYIR 'ONG BAR MI 'GYUR ZHE NA, BSAM BZHIN DU SRID PA TSAD MED PA YONGS SU 'DZIN PA'I PHYIR RO, ,ZHES DANG, CI'I PHYIR PHYIR MI 'ONG BAR MI 'GYUR
ZHE NA; BSAM GTAN RNAMS SU GNAS SHING 'DOD PA'I KHAMS SU YANG SKYE BA'I PHYIR RO, ,ZHES GSUNGS PA MI 'THAD PAR THAL, BYANG SEMS LA ZHUGS GNAS KYI RNAM GZHAG 'THAD PA'I PHYIR, KHO NA RE, DE 'THAD PAR THAL, NYI SNANG LAS, DE LA DGE 'DUN DKON MCHOG NI 'DIR PHYIR MI LDOG PA'I DGE 'DUN YIN PAR SHES PAR BYA'O, ,ZHES GSUNGS NAS BYANG CHUB SEMS DPA' DAD PA'I RJES SU 'BRANG BA'I DBANG DU MDZAD NAS, ZHES GSUNGS PA'I PHYIR NA SKYON MED DE, DES RGYUN ZHUGS ZHUGS PA'I MING CAN GYI BYANG SEMS YOD PAR BSTAN PA TZAM YIN PA'I PHYIR, DE LTAR MA YIN NA, BYANG SEMS DANG RANG RGYAL GYI GZHI MTHUN YOD PAR THAL, NYI SNANG LAS, BYANG CHUB SEMS DPA' RANG SANGS RGYAS KYI DBANG DU MDZAD NAS GSUNGS PA NI, ZHES GSUNGS PA'I PHYIR, KHYAB PA KHAS, 'DOD MI NUS TE, RANG SANGS RGYAS YIN NA, THEG PA 'BRING PO'I GANG ZAG YIN DGOS, BYANG CHUB SEMS DPA' YIN NA, THEG PA CHEN PO'I GANG ZAG YIN DGOS PA'I PHYIR, GZHAN YANG, DAM BCA' DE RNAMS MI 'THAD DE, BYANG SEMS DANG, GZUGS MED NYER 'GRO'I PHYIR MI 'ONG GI GZHI MTHUN MED BA'I PHYIR, GZUGS MED KHAMS SU SKYE BA LEN BA'I BYANG 'PHAGS MED PA'I PHYIR, DER BSAM BZHIN DU SKYE BA'I BYANG 'PHAGS MED, DER LAS NYON GYI DBANG GIS SKYE BA LEN BA'I BYANG 'PHAGS MED BA'I PHYIR, DANG PO GRUB STE, MDO SDUD PA LAS, BYANG CHUB YON TAN, ZHES SOGS GSUNGS PA'I PHYIR, GNYIS PA GRUB STE, RGYUD BLA MA LAS, 'PHAGS PAS 'CHI DANG NA BA DANG, ,RGA BA'I SDUG BSNGAL RTZAD NAS SPANGS, ,LAS DANG
, ,NYON MONGS DBANG GIS SKYE, ,DE LA DE MED PHYIR DE MED, ,CES GSUNGS PA'I PHYIR, MKHAS PA KHYUD LA SOGS PA NI, BYANG SEMS LA RGYUN ZHUGS SOGS SU GSUNGS PA DE BTAGS PA PA YIN TE, DE LA DE LTAR 'DOGS PA'I CHOS GSUM TSANG BA'I PHYIR, ZHES GSUNGS, RANG LUGS NI, LUGS 'DI LTAR 'THAD DE, PHYIR MI LDOG PA'I 'KHOR LO'I MDO LAS, BYANG SEMS LA RJES 'BRANG GNYIS BRGYAD PA RGYUN ZHUGS PHYIR 'ONG DANG, PHYIR MI 'ONG DGRA BCOM NYAN THOS RANG RGYAL STE DGU'I BRDA MDZAD PA DE BTAGS PA BA YIN PA'I PHYIR, 'O NA, MDO DE NYID LAS, DGE SLONG RNAMS RGYAL BYED TSAL CHUR MED PA LA CHU'I 'DU SHES SKYES PA DPER BZHAG NAS RGYUN ZHUGS SOGS GSUNGS PAS 'BRAS BU BZHI DANG RANG RGYAL MA YIN PA LA DE DAG TU 'DU SHES PA DE DAG GI 'DU SHES BSAL BA'I PHYIR DU BYANG SEMS LA BRGYAD PA LA SOGS PAR BSHAD BA'I DGONGS PA 'DI DAG GO ,ZHES GSUNGS PA JI LTAR YIN ZHE NA, SKYON MED DE, NYAN RANG GI RIGS CAN RNAMS 'BRAS BU BZHI DANG, RANG RGYAL GYI 'BRAS BU THOB TZAM GYIS CHOG SHES SHING, DE LAS GONG DU BGROD DU MED DO SNYAM BA RNAMS THEG CHEN LA DRANG BA'I PHYIR DU BRGYAD PA SOGS DE DAG BYANG SEMS NYID LA YOD PAR BSTAN PAS DGONGS PA CAN YIN PA'I PHYIR, 'O NA DE LTAR BTAGS PA'I DGONGS GZHI DANG DGOS PA DNGOS LA GNOD BYED RNAMS GANG ZHE NA, DE LTAR BTAGS PA'I DGOS PA YOD DE, SKYE BA LEN TSUL DANG SPANGS RTOGS CHA 'DRA BA TZAM LA DGONGS NAS GSUNGS BA'I PHYIR, MDO DE NYID LAS, SANGS RGYAS MTHONG LA CHAGS MED DE, ,SEMS CAN DPAG MED DAD PAR BYED
DE NI DE LA CHAGS MED DE, ,DE'I PHYIR BLO LDAN DAD RJES 'BRANG, ,ZHES DANG, CHOS RGYUN BSAM GYIS MI KHYAB PA, ,RGYUN DE LAS KYI 'DA' MI BYED, ,CHOS NYID DE NI RJES SU THOB, ,DE NYID CHOS KYI RJES SU 'BRANG, ,ZHES DANG, LOG PA BRGYAD LAS SHIN TU 'DAS, ,RNAM PAR THAR PA BRGYAD LA REG ,YANG DAG BRGYAD LA ZHEN PA MED, ,DE'I PHYIR BRGYAD PA ZHES BRJOD DO, ,ZHES DANG, LAM LA RGYUN ZHES NGES BRJOD DO, ,BSAM DU MED PA SANGS RGYAS LAM, ,GANG DAG LA LA 'DIR GNAS PA, ,DE DANG DE DAG RGYUN LA GZHOL, ,ZHES DANG GANG GIS BYANG CHUB 'GRUB 'GYUR BA'I, ,RKYEN RNAMS MANG PO RAB GSUNGS PA, ,RKYEN DE SHES PAR BYA'O ZHES, ,DE DAG 'TSOL ZHING 'ONG BA YIN, ,ZHES DANG, 'GRO BA RNAM GSUM GANG DU YANG, ,DE NI PHYIR ZHING MI 'GRO STE, ,SANGS RGYAS CHOS RNAMS THOB PAS NA, , DE NI PHYIR MI 'ONG ZHES BRJOD, ,CES DANG, GANG GIS SEMS CAN SDUG BSNGAL BA, ,NYON MONGS THAMS CAD DE YIS BCOM, ,NYON MONGS PA LAS SEMS CAN GROL, ,DES DE DGRA BCOM ZHES BRJOD DO, ,ZHES DANG, BYANG CHUB ZHI BA SPROS PA MED, ,RNYOG PA MED PAR SGROG PA BYED, ,SKYE BO DPAG TU MED LA SGROG ,DES DE NYAN THOS ZHES BRJOD DO, ,ZHES DANG, MA RIG NAM MKHA' JI BZHIN TE, ,CHOS RNAMS THAMS CAD MTSAN NYID MED, ,'DI NI MNGON DU GYUR PAS NA, ,RANG RGYAL BA ZHES BRJOD PA YIN, ,ZHES GSUNGS PA'I PHYIR; KHYAB STE, MDO 'DIS GANG ZAG DGU BO DE BYANG SEMS LA BZHAG PAS, RJES 'BRANG SOGS NYI SHU PO DE YANG BYANG SEMS LA BTAGS PAR 'GRUB PA'I PHYIR, DE LTAR GSUNGS PA'I DGOS PA YOD DE, THEG DMAN GYI SKYES BU ZUNG BZHI 'AM GANG ZAG YAB RGYAL PO NA
, ,DGE 'DUN YIN GYI, BYANG SEMS RNAMS DGE 'DUN MA YIN NAM SNYAM PA'I LOG RTOG ZLOG PA'I DGOS PA YOD PA'I PHYIR TE, ZUNG BZHI LA SOGS PA NI RAB BYUNG GI RTEN CAN SHA STAG YIN LA, BYANG SEMS LA KHYIM BA'I RTEN CAN YOD PA'I RGYU MTSAN GYIS DE 'DRA'I DOGS PA SKYE BA'I PHYIR, DE LTAR YANG, ZLA 'OD LAS NYAN THOS KYI GANG ZAG DANG MI 'DRA BA NI YID CHES PA'I DON DU'O, ,ZHES GSUNGS PA'I PHYIR, DNGOS LA GNOD BYED YOD DE, THEG PA GSUM GYI GANG ZAG 'CHOL BAR 'GYUR BA'I SKYON YOD PA'I PHYIR, ` GSUM PA GDAMS NGAG GI 'BRAS BU NGES 'BYED YAN LAG BSHAD PA LA, SPYI'I MTSAMS SBYAR BA DANG, DON DNGOS BSHAD PA'O, ,DANG PO NI, 'O NA, GDAMS NGAG DANG, ,NGES 'BYED YAN LAG, CES BSHAD NA, GDAMS NGAG GI 'OG TU THEG CHEN GYI SBYOR LAM 'CHAD PA'I RGYU MTSAN CI YIN ZHE NA, DE'I RGYU MTSAN YOD DE, BYANG SEMS TSOGS LAM PAS GDAMS NGAG GI DON SGOM PAS DE'I RGYUD LA THEG CHEN GYI NGES 'PHYED YAN LAG 'BYUNG BAR 'GYUR BA'I PHYIR, ZHES MTSAMS SBYOR GYI SGO NAS BSHAD PA LA, LAS DANG PO PA DE LTAR GDAMS NGAG THOB PA LA NGES PAR 'BYED PA'IYAN LAG 'BYUNG BAS NGES PAR 'BYED PA'I YAN LAG ,CES GSUNGS, GNYIS PA LA NGO BO MDOR BSTAN PA, KHYAD CHOS RGYAS PAR BSHAD PA GNYIS LAS, DANG PO NI, DMIGS PA DANG NI RNAM PA DANG, ,ZHES SOGS KYIS 'CHAD, GNYIS PA NI, DMIGS PA MI RTAG LA SOGS PA, ,ZHES SOGS KYIS 'CHAD, 'DI LA YANG, MDO LAS GSUNGS TSUL,
BSTAN BCOS KYIS 'GREL TSUL GNYIS LAS, DANG PO NI, SGOM LAM LA 'DOMS PA'I GDAMS NGAG GI SKABS SU, BYANG SEMS RTZOM PA'I SKYON DU MI LTUNG BA DE LTA BU'I DGE BA'I RTZE BA RDZOGS PAR BGYI BAR 'TSAL BAS SHER PHYIN LA BSLAB PAR BYA'O, ,ZHES GSUNGS PA LAS 'PHROS NAS, SH'A RI'I BUS SKYON DE DRIS PA'I LAN DU, RAB 'BYOR GYIS SMRAS PA, TSE DANG LDAN PA SH'A RI'I BU SKYON ZHES BYA BA NI CHOS LA SRED PA'O, ,ZHES GSUNGS PA LAS 'PHROS NAS, SBYOR LAM GYI MDO 'DI GSUNGS PA YIN TE, SH'A RI'I BUS SMRAS PA, RAB 'BYOR CHOS LA SRED PA GANG YIN, RAB 'BYOR GYIS SMRAS PA, TSE DANG LDAN PA SH'A RI'I BU 'DI BYANG CHEN SHER PHYIN LA SPYOD PA'I TSE GZUGS MI RTAG CES BYA BAR MNGON PAR ZHEN PA DANG, ZHES SOGS GSUNGS, GNYIS PA LA; MDO DE'I DON MDOR BSTAN GYI SGO NAS 'CHAD PA LA, DMIGS PA DANG NI RNAM PA DANG, ,ZHES PA NAS, BCAS PA DAG LAS KHYAD PAR 'PHAGS, ,ZHES PA'I BAR GSUNGS, DE'I DON TSIG DON GYI SGO NAS BSHAD PA LA, BYANG CHUB SEMS DPA' RNAMS KYI THOS PA LA SOGS PA RAB KYI MTHAR PHYIN PA TOB PA THAR PA'I CHA DANG MTHUN PA DAD PA LA SOGS PA'I MTSAN NYID KYI DGE BA'I RTZA BA'I 'OG TU BDEN PA BZHI RTOGS PA DANG RJES SU MTHUN PA NGES PAR 'BYED PA'I CHA DANG MTHUN PA BZHI PO 'JIG RTEN PA'I BSGOM PA LAS BYUNG BA, ZHES PA NAS, DE'I PHYIR THEG PA GZHAN LA BRTEN NAS NI GANG DU YANG SUN 'BYIN PA BRJOD PAR MI BYA'O, ,ZHES PA'I BAR GSUNGS, 'DI LA YANG, THEG CHEN GYI SBYOR LAM KHYAD PAR LNGA LDAN DU BSTAN BA, NYAN RANG GI SBYOR LAM LAS
, ,KHYAD PAR DU 'PHAGS PAR BSTAN PA, BYANG SEMS KYI DMIGS TSUL SNA TSOGS SU BSTAN PA, DE LA RTZOD PA SPANG BA'O, ,DANG PO LA, THEG CHEN GYI SBYOR LAM DE KHYAD PAR LNGA DANG LDAN TE, RGYU'I KHYAD PAR, DMIGS PA'I KHYAD PAR, RNAM PA'I KHYAD PAR, NGO BO'I SGO NAS DBYE BA'I KHYAD PAR, GNAS SKABS KYI DBYE BA'I KHYAD PAR DANG LDAN PA'I PHYIR, ZHES BSHAD PA LA, BYANG CHUB SEMS DPA' RNAMS KYI ZHES SOGS GSUNGS, DE YANG RGYU'I KHYAD PAR DE STON PA LA; BYANG CHUB SEMS DPA' RNAMS KYI THOS PA, ZHES SOGS GSUNGS, DMIGS RNAM GYI KHYAD PAR STON PA LA, BDEN PA BZHI RTOGS PA DANG RJES SU MTHUN PA, ZHES GSUNGS, NGO BO'I KHYAD PAR STON PA LA, NGES PAR 'BYED BA'I CHA DANG MTHUN PA BZHI PO 'JIG RTEN PA'I SGOM PA LAS BYUNG BA DRO BAR GYUR PA ZHES BYA BA'I DGE BA'I RTZA BA DANG, DE'I 'OG TU RTZE MOR GYUR PA DANG, DE'I 'OG TU BZOD PAR GYUR PA DANG, DE'I 'OG TU CHOS KYI MCHOG CES BYA BA, ZHES GSUNGS, CHUNG 'BRING CHEN PO'I KHYAD PAR STON PA LA, CHUNG DU LA SOGS PA'I RIM GYIS SKYES BAS SAM, BYANG CHUB SEMS DPA' DANG 'BREL BA'I DBANG PO RTUL PO LA SOGS PA GANG ZAG GI BYE BRAG GIS CHUNG DU DANG 'BRING DANG CHEN PO NI, ZHES GSUNGS, DE LTA BU'I SBYOR LAM DE; THEG DMAN GYI SBYOR LAM LAS DMIGS BA'I SGO NAS KHYAD PAR DU 'PHAGS BAR STON PA LA, 'CHAD PAR 'GYUR BA DMIGS BA'I KHYAD BAR GYI NGO BO NYID BDEN PA BZHI'I DNGOS PO LA DMIGS PA DANG, ZHES GSUNGS, RNAM PA'I SGO NAS KHYAD PAR DU
'PHAGS PAR STON PA LA, CHOS SU LTA BA'I GNYEN PO NYID KYIS MNGON PAR ZHEN PA MED PA LA SOGS PA'I RNAM PAR ZHUGS PA DANG, ZHES GSUNGS, RGYU'I SGO NAS KHYAD PAR DU 'PHAGS PAR STON PA LA, THEG PA GSUM CHAR RTOGS BA'I RGYU'I NGO BO DANG, ZHES GSUNGS, YONGS 'DZIN GYI SGO NAS KHYAD PAR DU 'PHAGS PAR STON PA LA, DGE BA'I BSHES GNYEN THABS LA MKHAS BA'I MTSAN NYID KYIS YONGS SU 'DZIN PA DANG LDAN PA DANG, ZHES GSUNGS, LDAN CHOS KYI SGO NAS KHYAD PAR DU 'PHAGS PAR STON PA LA; MTHONG BA DANG SGOM PAS SPANG BAR BYA BA'I GZUNG BA DANG 'DZIN PA'I RNAM PAR RTOG PA RNAM PA BZHI PO 'CHAD PAR 'GYUR BA'I TSUL DANG 'BREL BAR 'BYUNG BA NI NYAN THOS LA SOGS PA'I DRO BA LA SOGS PA LAS KHYAD PAR DU 'PHAGS PA YIN NO, ,ZHES GSUNGS GNYIS PA NI, DE DE LAS DE LTAR DU KHYAD PAR DU 'PHAGS BA'I RGYU MTSAN STON PA LA, DE DAG GI DRO BAR GYUR PA LA SOGS PA'I DGE BA'I RTZA BA NI, LUGS LAS GZUGS SU RUNG BA LA SOGS PA'I MTSAN NYID KYI DNGOS PO'I BDAG NYID KYI BDEN PA BZHI LA DMIGS PA DANG, BDAG TU LTA BA'I GNYEN PO NYID KYIS MI RTAG PA LA SOGS PA'I RNAM PAR ZHUGS PA DANG, RANG GI THEG PA RTOGS PA KHO NA'I CHED DU DANG, YONGS SU 'DZIN PA DANG BRAL BA DANG, RNAM PAR RTOG PA RNAM PA BZHI DANG MI LDAN PAR 'BYUNG NGO ZHES 'BYUNG BA'I PHYIR RO, ,ZHES GSUNGS, GSUM PA NI, BYANG CHUB SEMS DPA' RNAMS KYI NGES PAR 'BYED BA'I CHA DANG MTHUN PA RNAMS NI, THABS MKHAS PA'I STOBS KYIS KHA CIG TU NI RGYU'I SGO NAS, KHA CIG TU NI 'BRAS BU'I SGO NAS, KHA CIG TU NI NGO BO
, ,NYID KYI SGO NAS, KHA CIG TU NI CHOS NYID KYI RNAM PA'I SGO NAS JI LTAR SRID PA BZHIN BDEN PA BZHI'I DNGOS PO LA DMIGS PA YIN LA, SNGA MA BZHIN DU RNAM PA GZHAN GYIS KYANG BDEN PA BZHI LA KUN TU DMIGS SO, ,ZHES BYA BAR SHES PAR BYA'O, ,ZHES SOGS KYIS BSHAD, BZHI PA STON PA LA, GANG GI PHYIR 'DI NI RNAM PAR BZHAG PA GZHAN KHO NA YIN TE, DE'I PHYIR THEG PA GZHAN LA BRTEN NAS NI GANG DU YANG SUN 'BYIN PA BRJOD PAR MI BYA'O, ,ZHES GSUNGS, GNYIS PA KHYAD CHOS RGYAS PAR BSHAD PA LA, DMIGS PA MI RTAG LA SOGS PA, ,ZHES SOGS GSUNGS, 'DI LA YANG DMIGS RNAM RGYU GSUM GYI KHYAD PAR, MTSUNGS LDAN RTOG BA'I KHYAD PAR, YONGS 'DZIN DGE BSHES KYI KHYAD PAR DANG GSUM LAS, DANG PO LA, SPYI'I MTSAMS SBYAR BA DANG, SO SO'I DBYE BA, BRJOD TSUL LA RTZOD PA SPANG BA DANG GSUM LAS, DANG PO NI, DMIGS PA DANG RNAM PA'I KHYAD PAR JI LTA BU ZHE NA, DE'I PHYIR DMIGS PA DANG RNAM PA DAG BAR SKABS KYI TSIGS SU BCAD PA BDUN GYIS BSHAD DE, ZHES BSHAD, GNYIS PA LA, DROD, RTZE MO, BZOD PA, CHOS MCHOG GI DMIGS RNAM GYI KHYAD PAR RO, ,DANG PO LA, DROD CHUNG DU'I BDEN BZHI'I DBANG DU BYAS PA'I DMIGS RNAM GYI KHYAD PAR GNYIS STON PA LA; SH'A RI'I BUS SMRAS PA TSE DANG LDAN PA RAB 'BYOR CHOS LA SRED PA GANG YIN, RAB 'BYOR GYIS SMRAS PA, TSE DANG LDAN PA SH'A RI'I BU GANG BYANG CHEN SHAR PHYIN LA SPYOD BA'I TSE GZUGS MI RTAG CES BYA BAR MNGON PAR ZHEN PA DANG, LHAG PAR
GNAS PA DANG, KUN SHES PA 'DI NI SH'A RI'I BU BYANG CHEN MTHUN BA'I CHOS LA SRED PA STE SKYON YIN NO, ,ZHES SOGS DANG, GZUGS 'DI LTAR SPANG BAR BYA'O, ,'DIS GZUGS SPANG BAR BYA'O, ,ZHES MNGON BAR ZHEN PA DANG, ZHES SOGS DANG, 'GOG PA DE LTAR MNGON DU BYA'O, ,'DI LAS 'GOG PA MNGON DU BYA'O, ,ZHES BYA BA DANG, ,ZHES SOGS DANG, TSE DANG LDAN PA SH'A RI'I BU GANG BYANG CHEN SHER PHYIN LA SPYOD PA'I TSE 'DI LTAR BSLAB PAR BYA STE, SLOB PA'I TSE CI NAS KYANG GZUGS SHES PAR BYA STE, GZUGS DES KYANG RLOM SEMS SU MI BYA'O, ,ZHES SOGS GSUNGS, DE'I DON BSHAD PA LA, DMIGS PA MI RTAG LA SOGS PA, ,BDEN BA'I RTEN CAN DE YI NI, ,RNAM PA MNGON ZHEN LA SOGS 'GOG, CES DANG, DE LA CHUNG DU'I DMIGS PA NI SDUG BSNGAL LA SOGS PA'I BDEN PA BZHI PO LA BRTEN PA MI RTAG PA LA SOGS BA'I RNAM PA BCU DRUG YIN NO, ,DE'I RNAM PA NI SDUG BSNGAL LA SOGS PA'I BDEN PA LA MNGON PAR ZHEN PA DANG DMIGS PA LA SOGS PA 'GOG PA YIN NO, ,ZHES GSUNGS, RGYU'I SGO NAS KHYAD PAR DU 'PHAGS PAR STON PA LA, TSE DANG LDAN PA RAB 'BYOR NYAN THOS KYIS LA SLOB PAR 'DOD PAS KYANG SHER PHYIN MNYAN PAR BYA, GZUNG BAR BYA, BCANG BAR BYA, BKLAG PA BYA, KUN CHUB BAR BYA, TSUL BZHIN DU YID LA BYA'O,, ZHES PA NAS, THEG PA GSUM PO RNAMS RGYA CHER BSTAN TO, ,ZHES PA'I BAR GSUNGS, DE'I DON BSHAD PA LA, THEG PA GSUM CHAR THOB PA'I RGYU, ,ZHES DANG, DRO BA LA SOGS PA THAMS CAD KYANG THEG PA GSUM CHAR GYI RTOGS PA THOB PA'I RGYU'I
, ,NGO BO YIN PAR KHONG DU CHUD PAR BYA'O, ,ZHES GSUNGS, DROD 'BRING GI DMIGS RNAM GYI KHYAD PAR STON PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BDAG GIS NI BYANG CHUB SEMS DPA' DANG SHER PHYIN MA DMIGS YANG DAG PAR RJES SU MA MTHONG STE, ZHES PA NAS, DE LTAR NA MING DE GNAS PA YANG MA LAGS, MI GNAS PA YANG MA LAGS, GNAS PA DANG BRAL BA MA LAGS SO, ,ZHES BA'I BAR GSUNGS, DE'I DON BSHAD PA LA, GZUGS SOGS 'DU 'GOD GNAS BRAL DANG, ,ZHES DANG, 'BRING GI DMIGS PA NI MOS PA DANG DE KHO NA NYID YID LA BYED BDAG GIS GRANGS BZHIN DU GZUGS LA SOGS PA SGRUB PA DANG DGAG PA DAG MI DMIGS SHING MA MTHONG BA ZHES BYA BA YIN NO, ,RNAM PA NI MING THAMS CAD MED PA NYID KYIS RGYUN MI 'DRA BA DANG RGYUN 'DRA BAR 'JUG BA'I MTSAN NYID DAG MED PA ZHES BYA BA YIN NO, ,ZHES GSUNGS, DROD CHEN PO'I DMIGS RNAM GYI KHYAD PAR STON PA LA; BCOM LDAN 'DAS BRDA DANG LDAN PA'I CHOS BTAGS PA 'DI LTA STE BYANG CHUB SEMS DPA' ZHES BGYI BA GANG LAGS PA DE YANG PHUNG PO'AM KHAMS SAM, SKYE MCHED DAM, SANGS RGYAS KYI CHOS MA 'DRES PA BCO BRGYAD KYI BAR GANG GIS KYANG BRJOD BAR BGYI BA MA LAGS, ZHES PA NAS, BYANG CHUB SEMS DPA' LA MI GNAS PA'I TSUL GYIS GNAS PAR RIG PAR BGYI'O, ,ZHES GSUNGS, DE'I DON BSHAD PA LA, GNAS DANG BTAGS DANG BRJOD DU MED, ,CES DANG, CHEN PO'I
DMIGS PA NI GZUGS NAS SANGS RGYAS ZHES BYA BA'I BAR CHOS THAMS CAD BRDAR BTAGS PA'I CHO THA SNYAD PA YIN NO ZHES BYA BA YIN NO, ,RNAM PA NI DGE BA LA SOGS PA NYID KYI CHOS GANG DU YANG BRJOD DU MED PA ZHES BYA BA YIN TE, ZHES GSUNGS, DE DAG GI DON BSDUS NAS 'CHAD PA LA, DE LTAR NA RNAM PAR MI RTOG PA'I YE SHES KYI ME'I SNGA LTAS YIN PA'I PHYIR DRO BAR GYUR PA DMIGS PA DANG, RNAM PA DANG LDAN PA RNAM PA GSUM MO, ,ZHES GSUNGS, GNYIS PA LA, RTZE MO CHUNG DU'I DMIGS RNAM GYI KHYAD PAR STON PA LA, BCOM LDAN 'DAS GANG SHER PHYIN LA SPYOD PAS GZUGS LA GNAS PAR MI BGYI'O, ,ZHES PA NAS, GZHAN GYI NGO BO STONG PA NYID KYI PHYIR MI BZUNG BA'O, ,ZHES GSUNGS, DE'I DON BSHAD PA LA, GZUGS SOGS MI GNAS DE DAG NI, ,DE YI NGO BOR RANG BZHIN MED, ,DE DAG GCIG GI RANG BZHIN GCIG ,DE MI RTAG SOGS BAR MI GNAS, ,ZHES DANG, CHUNG DU'I DMIGS PA NI GZUGS LA SOGS PA NI RANG GI NGO BO DANG BRAL BA'I NGO BO NYID YIN PAS, RANG GI NGO BO STONG PA NYID KYIS GZUGS LA SOGS PA LA MI GNAS PA ZHES BYA BA YIN NO, ,RNAM PA NI DON DAM PAR GZUGS LA SOGS BA'I CHOS THAMS CAD DANG, STONG PA NYID DAG PHAN TSUN NGO BO GCIG YIN PAS STONG PA NYID LA MI RTAG PA LA SOGS PA MED PA NYID KYIS GZUGS LA SOGS PA DE DAG LA RTAG PA DANG MI RTAG PA LA SOGS PA NYID DU MI GNAS BA ZHES BYA BA YIN NO, ,ZHES GSUNGS, RTZE MO 'BRING GI DMIGS RNAM STON PA LA, DE CI'I SLAD DU ZHE NA, BCOM LDAN 'DAS 'DI LTA STE RNAM PA THAMS CAD MKHYEN
, ,PA NYID NI MTSAN MAR BZUNG BA DGYI BA MA LAGS TE, MTSAN MA NI NYON MONGS PA LAGS SO, ,ZHES PA NAS, BCOM LDAN 'DAS 'DI NI BYANG CHEN RNAMS KYI SHER PHYIN LAGS SO, ,ZHES GSUNGS, DE'I DON BSHAD PA LA, DE RNAMS DE YI NGO BOS STONG, ,DE DAG GCIG GI RANG BZHIN GCIG ,CHOS RNAMS MI 'DZIN GANG YIN DANG, ,ZHES DANG, 'BRING GI DMIGS PA NI CHOS KYI DBYINGS KYI NGO BO NYID KYIS MI RTAG PA LA SOGS PA DANG, STONG PA NYID RNAMS NI RANG GI NGO BO NYID MED PA YIN PAS MI RTAG PA NYID LA SOGS PA DANG, STONG PA NYID DAG PHAN TSUN BDAG NYID GCIG PA ZHES BYA BA YIN NO, ,RNAM PA NI NGO BO NYID BKAG PAS GZUGS LA SOGS PA LA RANG GIR? MI BYED PA ZHES BYA BA GANG YIN PA DE YIN NO, ,ZHES GSUNGS, RTZE MO CHEN PO'I DMIGS RNAM STON PA LA, BCOM LDAN 'DAS GANG BYANG CHEN SHER PHYIN LA SPYOD PA NA SHER PHYIN GANG SHER PHYIN GANG GIS SHER PHYIN 'DI NI CI ZHIG CI'I PHYIR DE LA SHER PHYIN ZHES BYA BA ZHES DE LTAR BRTAG PAR BGYI'O, ,ZHES PA NAS, KUN TU SKRAG PAS ZIN PAR MI 'GYUR NA BYANG CHEN DANG SHER PHYIN MA BRAL BAR SHES PAR BYA'O, ,ZHES GSUNGS, DE'I DON BSHAD PA LA?; DE DAG MTSAN MAR MI MTHONG PHYIR, ,SHES RAB KYIS NI YONGS RTOGS PA, ,THAMS CAD DMIGS SU MED PAR RO, ,ZHES DANG, CHEN PO'I DMIGS PA NI NGO BO NYID MED PA NYID KYIS GZUGS LA SOGS PA DE DAG LA SNGON PO LA SOGS PA'I MTSAN MAR MI MTHONG BA ZHES BYA BA YIN NO, ,RNAM PA NI SHES RAB KYIS YANG DAG PAR CHOS RAB TU RNAM PAR 'BYED PAS DNGOS PO THAMS CAD MI DMIGS PAR NGES PAR RTOGS PA ZHES BYA BA YIN NO, ,ZHES GSUNGS, DE'I DON BSDUS NAS 'CHAD PA LA, DE LTAR NA DGE BA'I RTZA
BA G-YO BA'I RTZE MO YIN BA'I PHYIR, RTZE MOR GYUR PA DMIGS PA DANG RNAM PA DANG LDAN PA RNAM PA GSUM MO, ,ZHES GSUNGS, BZOD PA CHUNG DU'I DMIGS RNAM STON PA LA, DE NAS TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CES SMRAS SO, ,RAB 'BYOR CI'I PHYIR NA BYANG CHEN SHER PHYIN DANG MA BRAL BAR SHES PAR BYA, RAB 'BYOR GYIS SMRAS PA, TSE DANG LDAN PA SH'A RI'I BU GZUGS NI GZUGS KYI RANG BZHIN DANG BRAL BA STE, DE BYANG CHEN SHER PHYIN LA SPYOD PA'I TSE YANG DAG PA JI LTA BA BZHIN DU RAB TU SHES SO, ,ZHES SOGS GSUNGS, DE'I DON BSHAD PA LA, GZUGS SOGS NGO BO NYID MED NYID, ,DE MED PA NI NGO BO NYID, ,CES DANG, CHUNG DU'I DMIGS PA NI MTSAN NYID KYI NGO BO NYID DANG NGO BO NYID KYI MTSAN NYID DAG STONG PA NYID DU GCIG PA NYID KYIS GZUGS LA SOGS BA'I NGO BO NYID MED PA NYID CES BYA BA YIN NO, ,RNAM PA NI SKYE BO DMIGS BA CAN GYI NGO BOR GZUGS LA SOGS PA DNGOS PO MED PA NYID NGO BO NYID DO, ,ZHES BYA BA YIN NO, , ZHES GSUNGS, BZOD PA 'BRING GI DMIGS RNAM STON PA LA, DE CI'I PHYIR ZHE NA, TSE DANG LDAN PA SH'A RI'I BU 'DI LTAR CHOS THAMS CAD NI MI SKYES SHING NGES PAR MA BYUNG BA'O, ,ZHES SOGS GSUNGS, DE'I DON BSHD PA LA, DE DAG SKYE MED NGES 'BYUNG MED, ,DAG DANG, ZHES DANG, 'BRING GI DMIGS PA NI, RANG BZHIN GYIS MA SKYES PA NYID KYIS GZUGS LA SOGS PA LA SKYE BA YANG MED MYA NGAN LAS 'DAS PA YANG MED, CES BYA BA YIN NO, ,RNAM BA NI
, ,CHOS THAMS CAD KYI RANG GI NGO BO RTOGS PA KHO NAS LUS LA SOGS PA RNAM PA THAMS CAD DU RNAM PAR DAG BA ZHES BYA BA YIN NO, ,ZHES GSUNGS, BZOD PA CHEN PO'I DMIGS RNAM STON PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GAL TE BYANG CHEN SHER PHYIN LA SPYOD PA'I TSE, THABS MI MKHAS PAS GZUGS LA SPYOD NA MTSAN MA LA SPYOD DE SHER PHYIN LA MI SPYOD DO, , ZHES PA NAS, BYANG CHEN DE NI RNAM PA THAMS CAD MKHYEN PA NYID LA NYE BAR RIG BAR BYA'O, ,ZHES PA'I BAR GSUNGS, DE'I DON BSHAD PA LA, DE DAG MTSAN MA MED, ,DE YI MTSAN MAR MI RTEN PAS, ,MOS MIN 'DU SHES MED PA YIN, , ZHES DANG, CHEN PO'I DMIGS PA NI RANG DANG SPYI'I MTSAN NYID MI 'THAD PAS CHOS THAMS CAD MTSAN MA MED PA NYID DO, ,ZHES BYA BA YIN NO, ,RNAM PA NI RANG BZHIN KHO NAS GZUGS LA SOGS BA'I MTSAN MA RNAMS KYI RTEN DANG BRAL BA NYID KYIS MOS PA YID LA BYED PAS MI MOS SHING, DE KHO NA NYID YID LA BYED PAS YONGS SU SHES PA MED PA ZHES BYA BA YIN TE, ZHES GSUNGS, DE DG GI DON BSDUS TE STON PA LA, DE LTAR NA NGAN 'GRO MED PAS CHOS CHEN PO LA BZOD PA'I PHYIR BZOD BAR GYUR PA DMIGS PA DANG RNAM PA DANG LDAN PA RNAM PA GSUM MO, ,ZHES GSUNGS, BZHI PA CHOS MCHOG CHUNG DU'I DMIGS RNAM STON PA LA, TSE DANG LDAN PA SH'A RI TVA TI'I BU RNAM PA THAMS CAD MKHYEN PA NYID DE YANG DNGOS PO MED PA'I
NGO BO NYID KYI PHYIR GNYIS SU MED CING GNYIS SU BYAR MED DO, ,ZHES PA NAS, DE NI NAM MKHA' LTAR CHAGS PA MED PAS RNAM PAR GROL ZHING GOS PA MED BA'I TING NGE 'DZIN ZHES BYA'O, ,ZHES GSUNGS, DE'I DON BSHAD PA LA, RANG BZHIN DE YI BYED PA NYID, ,CES DANG, CHUNG DU'I DMIGS PA NI CHOS THAMS CAD SKYE BA MED PA DANG DPA' BAR 'GRO BA LA SOGS PA'I TING NGE 'DZIN BSGOM PAR BYA'O ZHES BYA BA YIN NO, ,RNAM PA NI RANG GI SMON LAM DANG BSOD NAMS DANG YE SHES DANG CHOS KYI DBYINGS KYI STOBS KYIS LHUN GYIS GRUB PAR 'JIG RTEN GYI KHAMS THAMS CAD DU SKAL BA JI LTA BA BZHIN DU TING NGE 'DZIN GYI BYED PA 'JUG PA ZHES BYA BA YIN NO, ,ZHES GSUNGS, CHOS MCHOG 'BRING GI DMIGS RNAM STON BA LA, DE NAS SANGS RGYAS KYI MTHUS TSE DANG LDAN PA RAB 'BYOR GYIS TSE DANG LDAN PA SH'A RI DVA TI'I BU LA 'DI SKAD CES SMRAS SO, ,TSE DANG LDAN PA SH'A RI DVA TI'I BU BYANG CHEN GANG TING NGE 'DZIN DE DAG GIS GNAS PA DE NI SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS KYANG BLA MED RDZOGS BYANG DU LUNG BSTAN TO, ,ZHES SOGS GSUNGS, DE'I DON BSHAD PA LA, LUNG STON PA DANG RLOM PA ZAD, ,CES DANG, 'BRING GI DMIGS PA NI YANG DAG PAR ZHUGS BA'I TING NGE 'DZIN DANG LDAN PA'I RNAL 'BYOR PA LA SANGS RGYAS RNAMS LUNG STON PAR MDZAD PA 'DI NI CHOS NYID DO ZHES BYA BA YIN NO, ,RNAM PA NI RNAM PAR RTOG PA THAMS CAD MI 'THAD BAS BYANG CHUB SEMS DPA' TING NGE 'DZIN GYI RANG GI NGO BO RTOGS PA LA BDAG NI MNYAM PAR BZHAG PA'O SNYAM PA LA
, ,SOGS PA'I SHES PA MI 'BYUNG BA ZHES BYA BA YIN NO, ,ZHES GSUNGS, CHOS MCHOG CHEN PO'I DMIGS RNAM GYI KHYAD PAR STON PA LA, SH'A RI DVA TI'I BUS SMRAS PA, TSE DANG LDAN PA RAB 'BYOR TING NGE 'DZIN 'DI LA GNAS PA'I BYANG CHEN LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS LUNG BSTAN PA YOD DAM, RAB 'BYOR GYIS SMRAS PA, TSE DANG LDAN PA SH'A RI DVA TI'I BU DE NI MED DO, ,ZHES PA NAS RNAM PAR SHES PA MED DE 'DUS BYAS SU GYUR PA MED DO, ,ZHES PA'I BAR GSUNGS, DE'I DON BSHAD PA LA, GSUM PO PHAN TSUN NGO BO GCIG ,TING 'DZIN RNAM PAR MI RTOG PA, ,ZHES DANG, CHEN PO'I DMIGS PA NI CHOS NYID KYIS TING NGE 'DZIN DANG BYANG CHUB SEMS DPA' DANG SHES RAB KYI PHA ROL TU PHYIN PA DANG DON GSUM PHAN TSUN NGO BO GCIG PA'O, ,ZHES BYA BA YIN NO, ,RNAM PA NI CHOS THAMS CAD YOD PA MA YIN PA NYID KYIS TING NGE 'DZIN RNAM PAR MI RTOG PA NI THABS DAM PA'O, ,ZHES BYA BA YIN TE, ZHES GSUNGS, DE DAG GI DON BSDUS NAS BSHAD PA LA, DE LTAR NA 'JIG RTEN PA'I CHOS THAMS CAD KYI MCHOG YIN BA'I PHYIR CHOS KYI MCHOG CES BYA BA DMIGS PA DANG RNAM PA DANG LDAN PA RNAM PA GSUM MO, ,ZHES GSUNGS, GSUM PA BRJOD TSUL LA RTZOD PA SPONG BA LA, RTZOD BA DANG, LAN GNYIS LAS, DANG PO NI, KHO NA RE, DMIGS RNAM RGYAS BSHAD KYI GZHUNG LA BRTEN NAS DROD SOGS LHAG MA RNAMS KYI DMIGS PA BDEN BZHI LA BRTEN PA MI RTOGS PAR THAL, DES DROD SOGS CHUNG NGU'I DMIGS PA
BDEN BZHI LA BRTEN PAR DNGOS SU BRJOD CING, LHAG MA RNAMS DE LA BRTEN BAR DNGOS SUM BRJOD PA'I PHYIR, ZHES ZER BA'I RTZOD PA DE STON PA LA, DMIGS PA MI RTAG LA SOGS PA, ,BDEN BA'I RTEN CAN DE YI NI, ,ZHES BYA BA MA GTOGS PAR DMIGS PA DANG RNAM PA KHYAD PAR CAN GYI CHOS CAN DANG, CHOS BRJOD PAS BRJOD PAR BYA BA YIN YANG, DMIGS PA DANG RNAM PA KHYAD PAR CAN GYI CHOS BRJOD PAS THAMS CAD DU BRJOD PA NI, ZHES GSUNGS, GNYIS PA LA CHOS CAN BDEN BZHI LA BRTEN PAR DNGOS SU MA BRJOD KYANG DER MI RTOGS PA'I SKYON MED PA DANG, DE LTAR DNGOS SU MA BRJOD KYANG DON GYIS GO BA'I LAN GNYIS LAS, DANG PO NI, THAL 'GYUR DE LA KHYAB PA MED DE, GZHI GCIG LA LTOS BA'I CHOS BRJOD KYI SGRA DANG CHOS CAN BRJOD PA'I SGRA GNYIS KHYAD PAR GZHAN SPONG BA DANG MI SPONG BA TZAM? MA GTOGS BRJOD BYA GCIG GO BA LA KHYAD PAR MED DE, DE LTAR DU SHING RTA CHEN PO DPAL LDAN CHOS GRAGS KYI LUGS LAS 'BYUNG BA'I PHYIR, ZHES BSHAD PA LA, KHYAD PAR GZHAN SPONG BA DANG MI SPONG BA MA GTOGS PAR 'DI DAG LA DON GYI KHYAD PAR NI 'GA' YANG MED DO, ,ZHES LUGS LAS 'BYUNG BA'I PHYIR, ZHES GSUNGS, GNYIS PA NI, GONG GI DE LA KHYAB PA MED DE, DMIGS RNAM RGYAS BSHAD KYI GZHUNG GIS DROD SOGS LHAG MA RNAMS KYI DMIGS RNAM BDEN BZHI LA BRTEN PAR DNGOS SUM BRJOD PA NI RGYAN GYI TSIG LE'UR BYAS PA SDEB SBYOR SLA BA'I DBANG DU BYAS PA YIN GYIS, DON LA DE RNAMS KYANG BDEN BZHI LA BRTEN PAR BSTAN PA'I PHYIR TE, BDEN BZHI LA KHYAD PAR GYI GZHI BZUNG BA'I STENG DU MNGON PAR ZHEN PA BKAG NAS DROD CHUNG DU'I RNAM PA DE BSTAN, DE'I STENG DU DON
, ,DAM PAR DGAG SGRUB BKAG NAS DROD 'BRING GI DMIGS PA BSTAN PA GANG ZHIG ,DE BZHIN DU GZHAN RNAMS LA YANG MTSUNGS PA'I PHYIR, ZHES BSHAD PA LA, RNAM PA GCIG TU NA TSIG LE'UR BYAS BA SDEB BA'I NGO BOR THA DAD PAR BRJOD KYANG MNGON PAR ZHEN PA LA SOGS PA BKAG PA DANG LDAN PA DAG DE KHO NAR SGRUB PA DANG DGAG PA DANG BRAL BAR 'GYUR BA'I PHYIR SDUG BSNGAL LA SOGS PA'I BDEN PAR GTOGS PA KHO NA DMIGS PA DANG RNAM PAR BYANG BA YIN TE, 'OG MA DAG LA YANG DE BZHIN DU SHES PAR BYA'O, ,ZHES GSUNGS, GNYIS PA MTSUNGS LDAN RTOG PA'I KHYAD CHOS STON PA LA, GZHI DANG DE YI GNYEN PO YI, ,ZHES SOGS GSUNGS, YONGS 'DZIN DGE BSHES KYI KHYAD CHOS STON PA LA, SEMS MI 'GOD? BA NYID LA SOGS, ,ZHES SOGS GSUNGS, DE RNAMS KYI NANG NAS, DMIGS PA DANG NI RNAM PA DANG, ,ZHES SOGS KYI SKABS SU, MTHA' DPYAD PA LA, SBYOR LAM GYI RTEN BSHAD PA DANG, BRTEN PA SBYOR LAM GYI RANG BZHIN BSHAD PA DANG GNYIS LAS; DANG PO LA, LUS RTEN DANG, SEMS RTEN GNYIS LAS, DANG PO NI, THEG CHEN GYI SBYOR LAM DE GLING GSUM GYI SKYES PA BUD MED 'DOD LHA RIGS DRUG GI RTEN LA DNGOS SU GSAR DU SKYE BA YOD DE, DE RNAMS KYI RTEN LA DE DNGOS SU GSAR DU SKYE BA'I MTHUN RKYEN TSANG ZHING 'GAL RKYEN DANG BRAL BA YOD BA'I PHYIR, DE LTAR YANG MDZOD 'GREL LAS, GSUM NI MI RNAMS KYI NANG KHO NA DANG GLING GSUM DU 'PHEN PAR BYED DO, ,SNGON SKYES BA DAG NI LHA RNAMS KYI NANG DU MNGON DU BYED? DO, ,
BZHI PA NI, LHA RNAMS KYI NANG DU YANG SKYE BAR BYED DO, ,ZHES GSUNGS PA'I PHYIR, MI'I RTEN KHO NA LA SKYE BA NI BYE BRAG SMRA BA'I LUGS YIN PAS KHAS MI LEN NO, ,SGRA MI SNYAN PA'I RTEN LA DE DNGOS SU GSAR DU SKYE BA MED DE, DE RNAMS LAS SGRIB SHAS CHEN PO DANG LDAN PA'I PHYIR, NGAN SONG BA'I RTEN LA DE GSAR DU SKYE BA MED DE, DE RNAMS RNAM SMIN GYI SGRIB PA SHAS CHEN PO DANG LDAN BA'I PHYIR, KHAMS GONG MA'I RTEN LA DE GSAR DU SKYE BA MED DE, KHAMS GONG GI SO SKYE RNAMS SNYOMS 'JUG GI BDE BA LA CHAGS PAS SKYO SHAS CHUNG BA'I PHYIR ZHES KHA CIG GSUNGS, DE LA DE SKYE BA YOD DO, ,KHAMS GONG GI RTEN LA SBYOR LAM CHOS MCHOG GSAR DU SKYE BA MED DE, RNAM BSHAD LAS, CHOS MCHOG DNGOS SU SKYE BA'I RTEN MA YIN YANG DROD DANG RTZE MO NI GZUGS KHAMS PA 'GA' ZHIG LA YANG SKYE BAR MNGON NO, ,ZHES GSUNGS PA'I PHYIR, RONG t'IKA PA NI, SKYE BA'I RTEN LA GZHAN STOBS KYIS SKYE BA'I DBANG DU BYAS NA, KHAMS GONG DANG, NGAN SONG BA'I RTEN LA THEG CHEN GYI SBYOR LAM GSAR DU SKYE BA YOD DE, DE'I RTEN LA MTHONG LAM GSAR DU SKYE BA YOD BA'I PHYIR NA MI 'THAD DE, RANG NYID KYIS LAM MA SGOM PAR GZHAN GYIS CHOS BSTAN PA TZAM GYIS SBYOR LAM DANG RGYUD LA SKYE MI NUS PA'I PHYIR DANG, NGAN SONG GI RTEN LA MTHONG LAM GSAR DU SKYE BA YOD NA, LAS NYON GYIS NGAN SONG DU SKYE BA BLANGS PA'I SBYOR LAM CHOS MCHOG PA YOD DGOS PAS, MDZOD LAS, BZOD? THOB NGAN SONG MI 'GRO 'O, ,ZHES GSUNGS PA DANG 'GAL LO, ,RGYAS PAR MTHONG LAM GYI SKABS SU
, ,'CHAD DO, ,GNYIS PA LA, THEG CHEN GYI SBYOR LAM DNGOS SU GSAR DU SKYE BA'I SEMS RTEN YIN NA, BSAM GTAN GYI DNGOS GZHI SNYOMS 'JUG YIN PAS KHYAB STE, DE DNGOS SU GSAR DU SKYE BA'I SEMS RTEN YOD, DER GYUR PA'I 'DOD SEMS YANG MED, SRID RTZE'I SEMS DANG, BSAM GTAN GYI NYER BSDOGS KYANG MED BA'I PHYIR, GNYIS PA GRUB STE, THEG CHEN GYI TSOGS LAM CHEN PO LA GNAS PA'I SEMS DPA' YIN NA, BSAM GTAN GYI DNGOS GZHI SNYOMS 'JUG THOB PAS KHYAB PA GANG ZHIG ,LAM SLA BA BSAM GTAN GYI DNGOS GZHI BOR NAS LAM DKA' BA NYER BSDOGS LA BRTEN PA LA DGOS PA MED PA'I PHYIR, MDZOD LAS, SGOM BYUNG MI LCOGS MED PA DANG, ,KHYAD PAR BSAM GTAN SA PA'O, ,ZHES GSUNGS PA'I DON DU BSAM NAS DER GYUR BA'I BSAM GTAN SA DRUG KA YOD PAR 'DOD PA MI 'THAD DE, TSOGS LAM CHEN PO LA GNAS BA'I SEMS DPA'I RGYUD LA BSAM GTAN GYI NYER BSDOGS MED PA'I PHYIR, KHA CIG ,THEG CHEN GYI SBYOR LAM GYI SEMS RTEN DU GYUR PA'I KHAMS GSUM SA DGUG YOD DE, THEG CHEN GYI DRAN PA NYER GZHAG ,YANG DAG SPONG BA, RDZU 'PHRUL GYI RKANG PA, DBANG PO, STOBS TE LAM LNGA TSAN LNGA PO DE'I SEMS RTEN DU GYUR BA'I DE YOD PA GANG ZHIG ,YANG DAG SPONG BA SOGS BZHI PO DE SBYOR LAM GYI GNAS SKABS LA 'JOG RIGS PA'I PHYIR, DANG PO GRUB STE, BYANG CHUB DANG NI LAM YAN LAG ,MA GTONGS 'DOD KHAMS SRID RTZE NA, ,ZHES GSUNGS PA'I PHYIR, GNYIS PA GRUB STE, SDE TSAN BDUN NI GO RIM BZHIN, ,LAS NI
DANG PO PA DAG DANG, ,NGES 'BYED CHA MTHUN RNAMS DANG NI, ,SGOM DANG MTHONG LA RAB TU PHYE, ,ZHES GSUNGS BA'I PHYIR NA, BYANG CHUB YAN LAG DANG 'PHAGS LAM YAN LAG GI SEMS RTEN DU GYUR PA'I 'DOD SEMS DANG SRID RTZE'I SEMS MED PAR THAL, MDZOD LAS, BYANG CHUB DANG NI, ZHES SOGS RKANG PA GNYIS GSUNGS PA'I PHYIR, KHYAB PA KHAS, 'DOD NA, 'GREL CHEN LAS, GANG YANG 'DOD PA KHAMS DANG SRID RTZEN BYANG CHUB LAM GYI YAN LAG SPANGS ZHES BYA BA NI THABS LA MI MKHAS PA'I PHYIR; NYAN THOS KYI DBANG DU BYAS PA YIN GYIS DE DANG 'DI LA 'GAL BA MED DO, ,ZHES BYA BA NI KHA CIG GI'O, ,ZHES GSUNGS PA MI 'THAD PAR THAL LO, ,GNYIS PA RANG LUGS LA, MTSAN NYID, DBYE BA, SO SO'I RANG BZHIN, SKYE TSUL, THOS BSAM SGOM GSUM GYI KHYAD PAR, CHUNG 'BRING CHEN PO'I KHYAD PAR, BLO RIGS GANG YIN DPYAD PA, KHYAD PAR GYI CHOS, SGRA BSHAD PA DANG DGU LAS, DANG PO NI, THEG CHEN GYI THAR PA CHA MTHUN RDZOGS RJES SU BYUNG BA'I MNGON PAR RTOGS BA'I RIGS SU GNAS SHING, BDEN PA MNGON PAR RTOGS PA DANG RJES SU MTHUN PA'I THEG CHEN GYI 'JIG RTEN PA'I DON MNGON PAR RTOGS PA, THEG CHEN GYI SBYOR LAM GYI MTSAN NYID, MTSAN NYID KYI ZUR DU THEG CHEN GYI 'JIG RTEN PA'I MNGON RTOGS ZHES SMOS PA LA DGOS PA YOD DE, NYAN THOS DGRA BCOM GYI RTOGS PA SNGON DU SONG BA'I THEG CHEN GYI SBYOR LAM DE BSDU BAR BYA BA'I CHED YIN BA'I PHYIR, RIGS GNAS SMOS PA LA DGOS PA YOD DE, THEG CHEN GYI THAR PA CHA MTHUN GYI RGYUR GYUR PA'I THEG CHEN GYI SBYOR
, ,LAM BSDU? BAR BYA BA'I CHED YIN BA'I PHYIR, KHO NA RE, TSOGS LAM RDZOGS RJES SU BYUNG ZHING MTHONG LAM MA SKYES GONG GI MKHYEN PA ZER BA MI 'THAD DE, NYAN THOS DGRA BCOM PA'I RTOGS PA SNGON DU SONG BA'I THEG CHEN GYI SBYOR LAM GYIS MA NGES BA'I PHYIR DANG, RGYU 'BRAS KYI SKYON DU MA YOD BA'I PHYIR, DES NA 'DI LA NGO BO SGOM BYUNG GTZO CHE YANG, THOS BSAM YANG YOD DE, THEG CHEN GYI TSOGS LAM LA DE YOD BA GANG ZHIG ,MTSUNGS PA'I PHYIR, DANG PO GRUB STE, KUN BTUS LAS, TSOGS KYI LAM GANG ZHE NA, SO SO SKYE BO'I TSUL KHRIMS DANG, DBANG PO'I SGO SDOM PA DANG, ZAS KYI TSOD RIGS PA DANG, NAM GYI CHA STOD DANG CHA SMAD LA MI NYAL BAR RNAL 'BYOR LA BRTZON PA'O, ,YANG RGYUR GYUR PA'I DGE BA GZHAN DAG DANG THOS PA DANG, BSAM PA DANG, SGOM PA LAS BYUNG BA'I SHES RAB DAG KYANG RUNG STE, ZHES GSUNGS BA'I PHYIR, GNYIS PA GRUB STE, TSOGS KYI LAM GANG YIN PA DE NI SBYOR BA'I LAM YANG DE YIN NO, ,ZHES GSUNGS PA'I PHYIR, SGOM BYUNG; ZHES PA'I MDZOD 'GREL LAS, DES BAR 'BYED BA'I CHA DANG MTHUN PA'I RNAM PA 'DI BZHIR YANG SGOM BYUNG, THOS PA DANG BSAM PA LAS BYUNG BA NI MIN NO, ,ZHES GSUNGS PA DANG MI 'GAL TE, DE NI THOS BSAM GTZO BOR GYUR PA MA YIN GYI; SGOM BYUNG GTZO BOR GYUR PA LA DGONGS PA'I PHYIR, GNYIS PA NI, DE LA DBYE NA, NGO BO'I SGO NAS, THEG CHEN GYI SBYOR LAM DROD SOGS BZHI, DE RE RE LA YANG GNAS SKABS KYI SGO NAS CHUNG 'BRING CHEN PO GSUM GSUM STE BCU GNYIS YOD,
GSUM PA NI, THEG CHEN GYI NGES 'BYED CHA MTHUN DANG PO GANG ZHIG ,SHES SGRIB KUN NAS NYON MONGS GZUNG RTOG MNGON GYUR PA 'JOMS BA'I NUS PA THOB PA'I LAM GYI RIGS SU GNAS PAS RAB TU PHYE BA, THEG CHEN GYI SBYOR LAM DROD KYI MTSAN NYID; DE GNYIS PA GANG ZHIG ,SHES SGRUB RNAM BYANG GZUNG RTOG MNGON GYUR PA 'JOMS PA'I NUS PA THOB PA'I LAM GYI RIGS SU GNAS BAS RAB TU PHYE BA THEG CHEN GYI SBYOR LAM RTZE MO'I MTSAN NYID, DE GSUM PA GANG ZHIG ,SHES SGRIB RDZAS 'DZIN RTOG PA MNGON GYUR PA 'JOMS BA'I NUS PA THOB PA'I LAM GYI RIGS SU GNAS PAS RAB TU PHYE BA, THEG CHEN GYI SBYOR LAM BZOD PA'I MTSAN NYID, DE BZHI PA GANG ZHIG ,SHES SGRIB BTAGS 'DZIN RTOG PA MNGON GYUR PA 'JOMS PA'I NUS PA THOB PA'I LAM GYI RIGS SU GNAS PAS RAB TU PHYE BA, THEG CHEN GYI SBYOR LAM CHOS MCHOG GI MTSAN NYID YIN, ROD t'IKA PAS THEG CHEN GYI NGES 'BYED CHA MTHUN DANG PO GANG ZHIG ,GZUNG BA RANG BZHIN MED PA'I DON LA GSAL SNANG DANG POR THOB PA DANG, DE GNYIS BA GANG ZHIG ,DE'I DON LA GSAL SNANG 'PHEL BA DANG, DE GSUM PA GANG ZHIG ,'DZIN PA RANG BZHIN MED BA'I DON LA GSAL SNANG THOB PA DANG, DE BZHI PA GANG ZHIG ,DE'I DON LA GSAL SNANG 'PHEL BA RIM PA LTAR THEG CHEN GYI SBYOR LAM DROD SOGS BZHI'I MTSAN NYID DU 'DOD PA DANG, THEG CHEN GYI SBYOR LAM LA 'JIG RTEN BA'I SGOM BYUNG GTZO BOR GYUR PA'I MKHYEN PAS KHYAB PAR 'DOD PA MI 'THAD DE, THEG CHEN GYI SBYOR LAM LA THOS BSAM SGOM GSUM YOD PAR BSGRUBS ZIN PA DANG, THEG CHEN
, ,GYI SBYOR LAM YIN NA, STONG NYID RTOGS PA'I MKHYEN PA YIN DGOS PAR THAL BA'I SKYON YOD PA'I PHYIR, GZUNG 'DZIN GNYIS RANG BZHIN GYIS MA GRUB PAR THAL BA'I SKYON YOD PA'I PHYIR, BZHI PA NI, DANG PO NYID NAS THEG CHEN DU RIGS NGES BA'I BYANG SEMS TSOGS LAM BA DES STONG NYID LA DMIGS PA'I ZHI LHA GZUNG 'BREL THOG MAR THOB PA NA, THEG CHEN GYI SBYOR LAM DROD THOB PA DANG, STONG NYID LA DMIGS PA'I SGOM BYUNG THOB PA RNAMS DUS MNYAM PA YIN NO, , KHA CIG ,STONG NYID LA DMIGS BA'I ZHI LHAG ZUNG 'BREL THOB BA DANG, THEG CHEN GYI SBYOR LAM DROD THOB BA DUS MNYAM ZER BA DANG, DMAN LAM SNGON DU MA SONG BA'I BYANG SEMS TSOGS LAM PAS DE GNYIS THOB PA DUS MNYAM ZER BA MI 'THAD DE, STONG NYID MNGON SUM DU RTOGS BA'I NYAN THOS DGRA BCOM PAS STONG NYID LA DMIGS PA'I ZHI LHANG ZUNG 'BREL THOB CING, DMAN LAM SNGON DU MA SONG BA'I BYANG SEMS TSOGS LAM PA DES THEG CHEN GYI SBYOR LAM DROD MA THOB PA'I SNGA ROL TU DE THOB PA YOD PA'I PHYIR; DES DE'I SNGA ROL TU STONG NYID MNGON SUM DU RTOGS PA YOD PA'I PHYIR TE, DES DE'I SNGA ROL TU THEG DMAN LAM DU DE LTAR RTOGS PA YOD PA'I PHYIR, KHO NA RE, KHYOD KYI DAM BCA' MI 'THAD DE, DANG PO NYID NAS THEG CHEN DU RIGS NGES KYI BYANG SEMS TSOGS LAM PA DES STONG NYID LA DMIGS PA'I ZHI LHAG ZUNG 'BREL THOB PA'I PHYIR TE, DE'I RGYUD KYI STONG NYID RTOGS PA'I BSAM GTAN GYI DNGOS GZHI SNYOMS 'JUG DE STONG NYID RTOGS PA'I ZHI LHAG ZUNG 'BREL YIN PA'I PHYIR TE, DE STONG NYID
LA DMIGS PA'I BSAM GTAN GYI DNGOS GZHI'I SNYOMS 'JUG GANG ZHIG ,ZHI LHAG ZUNG 'BREL YIN PA'I PHYIR NA MA KHYAB, GZHAN YANG, DE 'DRA'I TSOGS LAM CHEN PO PA DES STONG NYID LA DMIGS PA'I ZHI GNAS THOB PAR THAL, DES STONG NYID LA DMIGS PA'I LHAG MTHONG THOB PA DANG, THEG CHEN GYI SBYOR LAM DROD THOB PA DUS MNYAM PA GANG ZHIG ,DE 'DRA'I LHAG MTHONG THOB PA LA DE 'DRA'I ZHI GNAS THOB PA SNGON DU 'GRO DGOS PA'I PHYIR, 'DOD NA, DES STONG NYID LA DMIGS PA'I SGOM BYUNG THOB PAR THAL LO, ,'DOD PA GANG ZHIG ,ZHI GNAS YIN NA SGOM BYUNG GI BLO YIN DGOS PA'I PHYIR NA MA KHYAB, LNGA PA LA, GTZO BOR GSUNG RAB KYI TSIG MANG DU THOS PA LAS BYUNG BA'I SHES RAB, THOS BYUNG GI SHES RAB DANG, GTZO BOR GSUNG RAB KYI DON BSAMS PA'I STOBS LAS BYUNG BA'I SHES RAB, BSAM BYUNG GI SHES RAB DANG, GTZO BOR BSAM GTAN DANG PO YAN CHAD KYI TING NGE 'DZIN SGOM BA'I STOBS LAS BYUNG BA'I SHES RAB SGOM BYUNG GI SHES RAB TU 'JOG PA YIN, KHA CIG ,THOS PA'I SHES RAB YIN NA, MING RKYANG PA LA DMIGS PAS KHYAB, BSAM BYUNG GI SHES RAB YIN NA, MING DON GNYIS KA LA DMIGS PAS KHYAB, SGOM BYUNG GI SHES RAB YIN NA, DON RKYANG BA LA DMIGS PAS KHYAB STE, MDZOD LAS, MING DANG GNYIS KA DEN? YUL CAN,, ZHES GSUNGS PA'I PHYIR, ZER BA MI 'THAD DE, SANGS RGYAS 'PHAGS PA'I RGYUD KYI SGOM BYUNG GI SHES RAB DES CHOS THAMS CAD LA DMIGS PA'I PHYIR, KHA CIG ,GTZO BOR MANG DU THOS PA'I STOBS LAS BYUNG BA'I SHES RAB, THOS BYUNG GI SHES RAB KYI DON DANG,
, ,GTZO BOR LUNG GI TSIG DON GNYIS KA BSAM PA'I STOBS LAS BYUNG BA'I SHES RAB, BSAM BYUNG GI SHES RAB KYI DON DANG, GTZO BOR TING NGE 'DZIN SGOM PA'I STOBS LAS BYUNG BA'I SHES RAB SGOM BYUNG GI SHES RAB KYI DON DU 'DOD PA MI 'THAD DE, TING NGE 'DZIN YIN NA, SGOM BYUNG GI BLO YIN PAS MA KHYAB PA'I PHYIR TE, 'DOD SEMS RTZE GCIG PA'I TING NGE 'DZIN YOD PA'I PHYIR, DRUG PA NI, CHUNG NGU LA SOGS PA RIMS KYIS SKYE BAS SAM? BYANG CHUB SEMS DPA' DANG 'BREL BA'I DBANG PO RTUL PO LA SOGS PA'I BYE BRAG GIS CHUNG NGU DANG 'BRING DANG CHEN PO ZHES GSUNGS PA'I DON NI, RGYUD GCIG PA'I DBANG DU BYAS NA DANG POR SKYES PA'I SBYOR LAM DE SBYOR LAM CHUNG NGU DANG, BAR DU SKYES PA'I DE 'BRING DANG, THA MAR SKYES PA'I DE CHEN PO YIN LA, RGYUD THA DAD PA'I DBANG DU BYAS NA, DBANG RTUL GYI RGYUD KYI DE CHUNG NGU, DBANG 'BRING GI RGYUD KYI DE 'BRING, DBANG RNON GYI RGYUD KYI DE CHEN PO YIN, RGYUD THA DAD BA'I DBANG DU BYAS PA'I SBYOR LAM CHEN PO LA DE CHEN POS MA KHYAB PA SOGS RIGS 'DRA, DE LTAR MA YIN NA BYANG SEMS DBANG RNON GYI RGYUD KYI DANG POR SKYES PA'I SBYOR LAM CHOS CAN, SBYOR LAM CHEN PO YIN PAR THAL, RGYUD THA DAD PA'I DBANG DU BYAS PA'I DE CHEN PO YIN PA'I PHYIR TE, DBANG RNON GYI RGYUD KYI SBYOR LAM YIN PA'I PHYIR, 'DOD MI NUS TE, DE CHUNG NGU YIN PA'I PHYIR, RGYUD GCIG PA'I DBANG DU BYAS BA'I DE CHUNG NGU YIN PA'I PHYIR, KHYAB PA KHAS, KHO NA RE, RANG RGYAL GYI MTHONG LA MA CHOS CAN, THEG PA 'BRING MA YIN PAR THAL, THEG PA CHUNG NGU YIN PA'I PHYIR, KHYAB PA KHAS, SA GNYIS PA
PA'I RGYUD KYI BSNGO BA CHOS CAN, BSNGO BA CHEN PO MA YIN PAR THAL, DE CHUNG NGU YIN PA'I PHYIR, KHYAB PA KHAS, ZER BA MI 'THAD DE, THEG CHEN GYI SBYOR LAM CHUNG NGU MA THOB PAR DE CHEN PO THOB PA YOD PAR THAL, BYANG SEMS DBANG RNON GYI RGYUD KYI DANG POR SKYES PA'I SBYOR LAM DE CHEN PO YIN PA'I PHYIR, GZHAN YANG, THEG CHEN GYI SBYOR LAM CHOS MCHOG CHEN PO YIN NA, TSOGS SGRUB YIN PAS MA KHYAB PAR THAL, BYANG SEMS DBANG RNON GYI RGYUD KYI DANG? BOR SKYES PA'I THEG CHEN GYI SBYOR LAM CHOS MCHOG DE CHEN PO YIN PA'I PHYIR; RTAGS DON GYIS SONG, GZHAN YANG, NYAN THOS KYI SBYOR LAM DROD CHEN PO'I YE SHES CHOS CAN, SBYOR LAM CHEN PO YIN PAR THAL, RGYUD GCIG PA'I DBANG DU BYAS PA'I DE YIN PA'I PHYIR, KHYAB PA KHAS, 'DOD MI NUS TE, DE CHUNG NGU YIN PA'I PHYIR; RGYUD THA DAD PA'I DBANG DU BYAS PA'I DE YIN PA'I PHYIR, KHYAB PA KHAS, DER THAL, DBANG RTUL GYI RGYUD KYI DE YIN PA'I PHYIR TE, NYAN THOS KYI SBYOR LAM YIN PA'I PHYIR, KHYAB STE, NYAN THOS YIN NA RANG BZHIN GYI DBANG RTUL DANG, RANG RGYAL YIN NA RANG BZHIN GYI DBANG 'BRING DANG, BYANG SEMS YIN NA RANG BZHIN GYI DBANG RNON YIN DGOS PA'I PHYIR TE, 'JUG t'IKA LAS, THEG PA CHE 'BRING CHUNG GSUM NI DBANG PO RNO 'BRING RTUL BA YIN PAS, ZHES GSUNGS PA'I PHYIR, BDUN PA LA, THEG CHEN GYI SBYOR LAM DU GYUR PA'I MNGON RJES SOGS DU MA YOD KYANG, DANG PO NYID NAS THEG CHEN DU RIGS NGES PA'I STONG NYID LA RTZE GCIG TU MNYAM PAR BZHAG BA'I THEG CHEN GYI SBYOR LAM MNYAM GZHAG YE SHES DE BCAD SHES YIN PA'I PHYIR, DE BLO RIG
, ,BDUN PO GANG RUNG YIN, DE RJES DPAG ,YID DPYOD, SNANG LAM NGES PA, THE TSOM, LOG SHES, MNGON SUM GANG RUNG MA YIN BA'I PHYIR, DANG PO SLA, GNYIS PA GRUB STE, SGOM BYUNG GI BLO YIN PA'I PHYIR, BAR BA RNAMS GRUB STE, THAR LAM YIN PA'I PHYIR, PHYI MA GRUB STE, SO SKYE'I RGYUD KYI STONG NYID RTOGS PA'I BLO YIN PA'I PHYIR, DE 'DRA'I MNYAM GZHAG YE SHES DE LA CHOS NYID GSAL BAR SNANG STE, DE LA CHOS NYID KYI DON SPYI GSAL BAR SNANG BA'I PHYIR TEE, RNAM BSHAD LAS, DE LTA BU'I MNYAM GZHAG DE STONG NYID RTOGS PA'I BCAD SHES KYI RGYUN GOMS PAR BYAS PA'I STOBS KYIS SGOM BYUNG DU GYUR NAS, STONG NYID KYI DON SPYI GSAL BAR SNANG BA SPYOD PA'I NGO BOR GYUR PA RNAMS YIN NO, ,ZHES GSUNGS PA'I PHYIR, KHO NA RE, DE CHOS CAN, RANG YUL GSAL BAR SNANG BA'I SHES PAR THAL, STONG NYID KYI DON SPYI GSAL BAR SNANG BA'I SHES BA YIN PA'I PHYIR, 'DOD NA, RTOG MED KYI SHES PA YIN PAR THAL LO, ,KHYAB STE, RNAM 'GREL LAS, GSAL BAR SNANG BA CAN BLO GANG, ,DE NI DE LA RTOG MED 'DOD, ,CES GSUNGS PA'I PHYIR NA MA KHYAB STE, DON SPYI DANG MA 'DRES PAR RANG YUL GSAL BAR SNANG BA'I SHES PA YIN NA, RTOG MED KYI SHES PA YIN DGOS PA'I DON DU t'I KAR GSUNGS PA'I PHYIR, KHA CIG ,DE 'DRA'I MNYAM GZHAG YE SHES DE CHOS NYID LA MNGON SUM DU 'DOD PA MI 'THAD DE, DE 'DRA'I BYANG SEMS SBYOR LAM PAS CHOS NYID MNGON SUM DU MA RTOGS PA'I PHYIR, KHO NA RE, DE CHOS CAN, DER
THAL, DE LA MA 'KHRUL PA'I SHES PA YIN PA'I PHYIR NA MA KHYAB, MA GRUB NA, DE CHOS CAN, RANG GI ZHEN YUL LA 'KHRUL SHES SU THAL LO, ,GZHAN YANG, DE CHOS CAN, DE LA 'KHRUL SHES YIN PAR THAL, DE LA RTOG PA YIN PA'I PHYIR NA MA KHYAB, RONG t'IKA BAS, DE 'DRA'I MNYAM GZHAG DE GCIG DU BRAL KYI RTAGS LA BRTEN PA'I RJES DPAG TU 'DOD PA MI 'THAD DE, DE BAS MA BYUNG GI BLO MA YIN PA'I PHYIR TE, SGOM BYUNG GI BLO YIN PA'I PHYIR, CHOS CAN DE'I PHYIR, KHA CIG ,DMAN LAM SNGON DU MA SONG BA'I CHOS CAN KUN RDZOB BDEN MED DU RTOGS PA'I THEG CHEN GYI SBYOR LAM LA CHOS CAN KUN RDZOB PA MI SNANG ZER NA, DE LA DE SNANG BAR THAL, DE 'DRA'I CHOS NYID LA RTZE GCIG TU MNYAM PAR BZHAG PA'I THEG CHEN GYI SBYOR LAM LA DE SNANG BA'I PHYIR TE, DE LA CHOS NYID KYI DON SPYI SNANG BA'I PHYIR TE, DE CHOS NYID DON SPYI'I TSUL GYIS RTOGS PA'I BLO YIN PA'I PHYIR, KHO NA RE, DE CHOS CAN, KHYOD LA CHOS CAN KUN RDZOB PA BDEN PAR SNANG BAR THAL, KHYOD LA DE SNANG BA GANG ZHIG ,KHYOD RTOG PA YIN PA'I PHYIR, 'DOD MI NUS TE, KHYOD LA DE BDEN MED DU SNANG BA'I PHYIR NA MA KHYAB STE, RTOG BA CHOS CAN, DER THAL, DE'I PHYIR, KHYAB PA KHAS, DER THAL, KHYOD DE BDEN MED DU RTOGS PA'I PHYIR, RTAGS GRUB STE, CHOS CAN KUN RDZOB PA BDEN MED DE DE'I GZHAL BYA YIN PA'I PHYIR, RTZA BAR 'DOD MI NUS TE, KHYOD LA DE SNANG BA GANG ZHIG ,KHYOD RTOG PA YIN PA'I PHYIR, KHYAB PA KHAS, GZHAN YANG, DE 'DRA'I CHOS NYID LA RTZE GCIG TU MNYAM PAR BZHAG PA'I THEG CHEN GYI SBYOR LAM CHOS CAN, KHYOD LA STONG NYID BDEN GRUB TU MI SNANG BAR
, ,THAL; KHYOD LA STONG NYID BDEN MED DU SNANG BA'I PHYIR, KHYAB PA KHAS, RTAGS GRUB STE, RNAM BSHAD LAS, SBYOR LAM BZHI GZUNG BA RANG BZHIN MED PA LA GSAL SNANG CHUNG 'BRING CHEN POR GYUR PA DANG, 'DZIN PA RANG BZHIN MED PA LA GSAL SNANG RDZOGS PA'I SGO NAS KHYAD PAR PHYE BA SHIN TU DKA' STE, MNYAM GZHAG TU GZUNG 'DZIN GYI CHOS THAMS CAD GCIG TU BSDUS NAS DE BDEN PAS STONG PA LA MNYAM PAR BZHAG CING, DE DAG GIS CHOS NYID KYI DON SPYI GSAL BAR SHAR BA LA YANG KHYAD PAR MED PA'I PHYIR, ZHES GSUNGS PA'I PHYIR, KHO NA RE, DE 'DRA'I STONG NYID LA RTZE GCIG TU MNYAM PAR BZHAG PA'I THEG CHEN GYI SBYOR LAM MNYAM GZHAG YE SHES YIN NA, KA BA BDEN MED LA RTZE GCIG TU MNYAM PAR BZHAG PA'I MNYAM GZHAG YE SHES YIN DGOS PAR THAL, DE YIN NA STONG NYID BDEN MED LA RTZE GCIG TU MNYAM PAR BZHAG PA'I MNYAM GZHAG YE SHES YIN DGOS PA'I PHYIR NA MA KHYAB, GZHAN YANG, DMAN LAM SNGON DU MA SONG BA'I BYANG SEMS SBYOR LAM PA'I RGYUD KYI BDEN MED BDEN PAR MED PAR DNGOS SU RTOGS PA'I BLO CHOS CAN, KHYOD LA BDEN MED BDEN PAR MI SNANG BAR THAL, KHYOD BDEN MED BDEN MED DU RTOGS PA'I BLO YIN PA'I PHYIR, KHYAB PA KHAS, 'DOD MI NUS TE, KHYOD LA DE SNANG BA GANG ZHIG ,KHYOD RTOG PA YIN PA'I PHYIR, DANG PO GRUB STE, KHYOD KYIS CHOS NYID BDEN MED DU DNGOS SU RTOGS PA'I PHYIR TE, CHOS CAN DE'I PHYIR, KHO NA RE, DE MI 'THAD PAR THAL, BUM PA BDEN MED DU RTOGS PA'I THEG CHEN GYI
SBYOR LAM MNYAM GZHAG YE SHES LA BDEN MED SNANG BA'I PHYIR NA MA KHYAB, GZUGS TSUR MTHONG SBYOR NAS SNGAR BZHIN GTONG, KHA CIG ,BYANG SEMS SBYOR LAM BA'I RGYUD KYI BYAMS SOGS TSAD MED BZHI PO DE MA RTOGS PA'I BLO DANG, DE'I RGYUD KYI THOS BYUNG GI SHES RAB YANG YOD PA YIN PA'I PHYIR ZHES ZER RO, ,BRGYAD PA NI, THEG CHEN GYI SBYOR LAM DE THEG DMAN GYI SBYOR LAM LAS KHYAD CHOS LNGA'AM DRUG GI SGO NAS KHYAD PAR DU 'PHAGS PA YIN TE, DE DE LAS DMIGS PA, RNAM PA, RGYU BYED TSUL, YONGS 'DZIN GYI KHYAD PAR, RNAM RTOG LDAN TSUL DANG, CHUNG 'BRING CHEN PO'I DBYE BA'I SGO NAS KYANG KHYAD PAR DU 'PHAGS PA YIN PA'I PHYIR, DANG PO GRUB STE, DES BDEN BZHI LA RIGS BA'I RNAM GRANGS MTHA' YAS PA'I SGO NAS DMIGS, CIG SHOS KYIS DE LTAR MA DMIGS PA'I PHYIR, DANG PO GRUB STE, BZOD PA 'BRING GI GNAS SKABS SU RGYU'I SGO NAS, CHOS MCHOG CHUNG NGU'I GNAS SKABS SU 'BRAS BU'I SGO NAS, BZOD PA CHUNG NGU'I GNAS SKABS SU BDEN GNYIS KYI NGO BO'I SGO NAS, GZHAN DGU'I GNAS SKABS SU CHOS NYID KYI RNAM PA'I SGO NAS DMIGS PA'I PHYIR, DANG PO GRUB STE, 'KHOR 'DAS BDEN PAR MED PAR RTOGS PA 'DI NI LUS SOGS DAG PA LNGA'I RGYU YIN NO ZHES 'DZIN BA'I PHYIR, GNYIS PA GRUB STE, DPA' BAR 'GRO BA LA SOGS PA'I TING NGE 'DZIN 'DI NI SEMS CAN LA PHAN PA'I 'BRAS BU DANG LDAN NO ZHES RTOG PA'I PHYIR, GSUM PA GRUB STE, DON DAM PAR NGO BO NYID MED PA 'DI NYID KUN RDZOB TU NGO BO YOD PA YIN NO, ,ZHES 'DZIN PA'I PHYIR, BZHI PA GRUB STE, BDEN BZHI SPROS BRAL DON DAM PA DE RNAM
, ,PAR 'BYED PA'I PHYIR, GNYIS PA GRUB STE, THEG CHEN GYI SBYOR LAM DE RIGS PA'I RNAM GRANGS MTHA' YAS PA'I SGO NAS BDEN BZHI LA SGRO 'DOGS GCOD PA'I RNAM PA CAN YIN, CIG SHOS DE LTAR MA YIN PA'I PHYIR, GSUM PA GRUB STE, THEG CHEN GYI SBYOR LAM DES RTOGS RIGS GSUM TSANG BA'I THEG CHEN GYI MTHONG LAM GYI NYE RGYU BYED, CIG SHOS KYIS DE LTAR MI BYED PA'I PHYIR, BZHI PA GRUB STE, MCHOG GI SPRUL SKUS RANG GI TSED DU BYA BA'I GDUL BYA BYANG SEMS SBYOR LAM PA LA THEG PA CHEN PO'I LAM RDZOGS PAR BSTAN PA'I YONGS 'DZIN BYED, CIG SHOS LA DE LTAR MI BYED PA'I PHYIR, LNGA PA GRUB STE, THEG CHEN GYI SBYOR LAM DROD SOGS BZHI LA BDEN 'DZIN SPANG BYA'I GTZO BOR LDAN, CIG SHOS LA DE LTAR MI LDAN PA'I PHYIR, DRUG PA GRUB STE, THEG CHEN GYI SBYOR LAM CHOS MCHOG LA CHUNG 'BRING CHEN PO'I DBYE BA 'THAD, THEG DMAN GYI SBYOR LAM CHOS MCHOG LA DE LTAR MI 'THAD PA'I PHYIR TE, DE DUS MTHA'I SKAD CIG MA YIN PA'I PHYIR TE, MDZOD LAS, DE NI SKAD CIG GCIG DE BZHIN, ,CHOS MCHOG ,CES GSUNGS PA'I PHYIR, DGU PA NI, BDEN PA MNGON PAR RTOGS PA LA SBYOR BA'I SKABS KYI LAM YIN PAS SBYOR LAM, RGYUD MTHONG SPANG LAS NGES BAR 'BYED PA'I LAM GYI CHA'I RGYUN YIN PAS NGES 'BYED CHA MTHUN, DE'I YAN LAG YIN PAS NGES 'BYED YAN LAG CES GSUNGS, RNAM PAR MI RTOG PA'I YE SHES KYI ME SKYE BA'I SNGA LTAS YIN PAS DROD, LOG LTAS DGE RTZA GCOD PA'I RTZE MOR GYUR PAS RTZE MO, ,BDE 'GRO 'BA' ZHIG TU SKYE ZHING NGAN
'GROR LAS NYON GYIS SKYE BA CHAD PAS BZOD PA, 'JIG RTEN PA'I CHOS KYI MCHOG YIN PAS CHOS MCHOG CES BRJOD, GZHUNG DON NI, THEG CHEN GYI SBYOR LAM CHOS CAN, KHYAD PAR LNGA DANG LDAN TE, RGYU'I KHYAD PAR RANG GI RGYUR GYUR PA'I THEG CHEN GYI THAR PA CHA MTHUN LAS BYUNG ZHING, DMIGS PA DANG RNAM PA'I KHYAD PAR RANG GI 'BRAS BUR GYUR PA'I BDEN BZHI RTOGS PA'I MTHONG LAM DANG BDEN BZHI LA DMIGS TSUL MTSUNGS, NGO BO'I KHYAD PAR STONG NYID LA DMIGS PA'I 'JIG RTEN PA'I SGOM BYUNG GTZO BOR GYUR PA'I BLO YIN, DBYE BA'I KHYAD PAR NGO BA'I SGO NAS DRONG SOGS BZHI, GNAS SKABS KYI SGO NAS CHUNG 'BRING CHEN PO GSUM GSUM DU DBYER YOD PA'I KHYAD PAR DANG LDAN PA'I PHYIR, DE CHOS CAN, THEG DMAN GYI SBYOR LAM LAS KHYAD CHOS LNGA'AM DRUG GI SGO NAS KHYAD PAR DU 'PHAGS TE, DE LAS DMIGS PA, RNAM BA, RGYU BYED TSUL, YONGS 'DZIN, LDAN CHOS DANG, CHUNG 'BRING CHEN PO'I DBYE BA'I SGO NAS KYANG KHYAD PAR DU 'PHAGS PA YIN PA'I PHYIR RO, ` ,KHYAD PAR GZHAN SPONG BA DANG, ZHES SOGS KYI SKABS SU CHOS BRJOD PA'I SGRA DANG, CHOS CAN BRJOD PA'I SGRA'I KHYAD PAR JI LTA BU ZHE NA, CHOS DE KHYAD CHOS LTA BUR STON PA'I MNYAN BYA, CHOS DE LA LTOS PA'I CHOS BRJOD KYI SGRA'I MTSAN NYID, CHOS DE KHYAD GZHI LTA BUR STON BA'I MNYAN BYA, CHOS DE LA LTOS PA'I CHOS CAN BRJOD PA'I SGRA'I MTSAN NYID YIN TE, RNAM 'GREL LAS, KUN LAS RDZAS DANG DNGOS BRJOD PA'I, ,SGRA YI KHYAD PAR 'DI NYID NI, ,DE'I PHYIR DE DAG BRJOD BYA LA, ,KHYAD PAR
, ,'GA' YANG YOD MA YIN, ,ZHES GSUNGS PA'I PHYIR, DE YANG CHOS BRJOD KYI SGRA DES RANG GANG LA CHOS BRJOD KYI SGRAR SONG BA'I DON DE KHYAD PAR GZHAN SPONG BA'I TSUL GYIS GO BAR BYED, CHOS CAN BRJOD PA'I SGRA DES RANG GANG LA CHOS CAN BRJOD PA'I SGRAR SONG BA'I DON DE KHYAD PAR GZHAN MI SPONG BA'I TSUL DU GO BAR BYED, DE LTAR BYED PA YANG BRDA DANG 'DOD PA TZAM YIN GYI DNGOS DBANG GIS 'JUG PA MA YIN TE, RNAM 'GREL LAS, KHYAD PAR GZHAN NI SPONG BA DANG, ,MI SPONG BA NI MA GTOGS PA, ,BRDA YI BYE BRAG RTOGS PA'O; ;'DOD PA'I RJES SU BYED PA'I GZHI, ,ZHES GSUNGS PA'I PHYIR, DE YANG DPER MTSON NA, SGRA MI RTAG CES BRJOD PA'I SGRA DE SGRA LA LTOS TE CHOS CAN BRJOD PA DANG, MI RTAG PA LA LTOS TE CHOS BRJOD KYI SGRA YIN TE, DES SGRA KHYAD GZHI DANG, MI RTAG PA KHYAD CHOS LTA BUR BRJOD PA'I PHYIR, SGRA'I MI RTAG CES BRJOD PA'I SGRA DE SGRA LA LTOS TE CHOS DANG, MI RTAG PA LA LTOS TE CHOS CAN BRJOD PA'I SGRA YIN TE, DES SGRA KHYAD CHOS DANG, MI RTAG PA KHYAD GZHIR BYAS NAS BRJOD PA'I PHYIR TE, SGRA DE'I RJES SU 'BRANG BA'I RTOG PA DES MI RTAG PA SGRAS KHYAD PAR DU BYAS NAS GO BA'I PHYIR TE, BUM PA'I GZUGS MDZES ZHES BRJOD PA'I SGRA'I RJES SU 'BRANG BA'I RTOG PA DES GZUGS MDZES PA BUM PAS KHYAD PAR DU BYAS NAS GO BA'I PHYIR TE, RNAM 'GREL LAS, DE SPYI YAN LAG TU BYAS TE, ,BUM PA YI NI GZUGS SO ZHES, ,GZHI GCIG PA CAN SGRA MA YIN, ,DE NUS KHYAD PAR BYA BA'I PHYIR, ,PHYOGS 'DI GZHAN LA'ANG BRJOD PAR BYA, ,ZHES GSUNGS PA'I PHYIR, DE BZHIN DU LHAS BYIN GYI RIL BA ZHES BRJOD PAS LHAS BYIN KHYAD CHOS DANG, RIL BA KHYAD GZHI, MCHI GU'I LUS
ZHES BRJOD PAS MCHI GU KHYAD CHOS, LUS KHYAD GZHI, RVA CAN GYI MGO BO ZHES BRJOD PAS RVA CANG KHYAD CHOS DANG, MGO KHYAD GZHIR BYAS NAS BRJOD PAR SHES PAR BYA'O, ` ,GZHI DANG DE YI GNYEN PO YI, ,ZHES SOGS KYIS MTSUNGS LDAN RTOG PA'I KHYAD CHOS RGYAS PAR 'CHAD TSUL DE GANG ZHE NA, 'DI LA YANG, MDO LAS GSUNGS TSUL, BSTAN BCOS KYIS 'GREL TSUL GNYIS LAS, DANG PO NI, DE NAS BCOM LDAN 'DAS KYIS TSE DANG LDAN PAR BA 'BYOR LA LEGS SO ZHES BYA BA GNANG STE, RAB 'BYOR KHYOD DE BZHIN GSHEGS PAS NYON MONGS PA MED PA LA GNAS PA RNAMS KYI NANG NAS MCHOG TU BSTAN PA LTAR STON PA NI LEGS SO LEGS SO, ,BYANG CHEN DE LTAR SHER PHYIN LA BSLAB PAR BYA'O; ;DE LTAR BSAM GTAN GYI, BRTZON 'GRUS KYI, BZOD PA'I, TSUL KHRIMS KYI, SBYIN BA'I PHA ROL TU PHYIN PA LA BSLAB PAR BYA'O, ,DE LTAR BYANG CHOS RNAMS DANG, SANGS RGYAS KYI CHOS MA 'DRES PA BCO BRGYAD KYI BAR LA BSLAB PAR BYA'O; ;DE NAS TSE DANG LDAN PA SH'A RI'I BUS, BCOM LDAN 'DAS LA 'DI SKAD CES GSOL TO, ,BCOM LDAN 'DAS DE LTAR SLONG BA'I BYANG CHEN? SHER PHYIN LA BSAM GTAN GYI, BRTZON 'GRUS KYI, BZOD PA'I, TSUL KHRIMS KYI, SBYIN PA'I PHA ROL TU PHYIN PA LA SLOB PA LAGS SAM, BYANG CHOS RNAMS DANG, SANGS RGYAS KYI CHOS MA 'DRES PA RNAMS KYI BAR LA SLOB PA LAGS SAM, BCOM LDAN 'DAS KYIS BKA' STZAL PA, SH'A RI'I BU BYANG CHEN DE LTAR SLOB PA NI SHER PHYIN LA MI DMIGS
, ,PA'I TSUL GYIS SLOB PA YIN, ZHES PA NAS, SH'A RI'I BU DE LTAR BYANG CHEN CHOS THAMS CAD MI DMIGS PA'I TSUL GYIS SLOB PA YIN NO, ,ZHES SOGS KYI BAR GYIS RNAM RTOG LDAN TSUL GYI KHYAD PAR SPYIR BSTAN NAS, SO SOR BSHAD PA LA; GSOL PA, BCOM LDAN 'DAS, ZHES SOGS GSUNGS PA'I PHYIR, GNYIS PA LA MTSAMS SBYAR BA, MDOR BSTAN PA, RGYAS PAR BSHAD PA, DON BSDU BA DANG BZHI LAS, DANG PO NI, GZHI DANG DE YI GNYEN PO YI, ,ZHES SOGS MTSUNGS LDAN RTOG PA'I KHYAD CHOS RGYAS PAR BSHAD PA CHOS CAN, DGOS PA YOD DE, MDOR BSTAN DU, RNAM RTOG BZHI PO LDAN BSTEN PA, ,ZHES PA TZAM LAS MA GSUNGS PAS DE'I DON SPANG BYA RTOG PA'I NGO BO DANG DBYE BA SOGS GSAL BAR BYA BA'I CHED YIN PA'I PHYIR, ZHES MTSAMS SBYOR BA LA, RNAM PAR RTOG PA BZHI DANG LDAN PA YANG DON GSAL BAR BYA BA'I PHYIR BAR SKABS KYI TSIGS SU BCAD PA, ZHES GSUNGS, GNYIS PA LA, GZUNG RTOG MDOR BSTAN PA, 'DZIN RTOG MDOR BSTAN PA GNYIS LAS, DANG PO DE STON PA LA, GZHI DANG DE YI GNYEN PO YI, ,ZHES SOGS TSIGS SU BCAD PA GCIG DANG, GZUNG BAR RNAM PAR RTOG PA KUN NAS NYON MONGS PA'I GZHI'I RTEN CAN DANG, GNYEN PO'I RTEN CAN NYID KYIS RNAM PA GNYIS LA MA RIG PA DANG RNAM PAR BYANG BA'I PHUNG PO LA SOGS PA'I RAB TU DBYE BAS RNAM PA DGU'O, ,ZHES GSUNGS, GNYIS PA STON PA LA, RDZAS DANG BTAGS PA'I RTEN CAN GYIS, ,ZHES SOGS TSIGS BCAD GCIG DANG, GANG ZAG RDZAS SU YOD PA DANG SKYES BU BTAGS PAR YOD PA LA DMIGS PAS 'DZIN PA'I RNAM PAR
RTOG PA YANG RNAM PA GNYIS YIN LA, BDAG RANG DBANG CAN DANG, PHUNG PO LA SOGS PA LA DMIGS PA NYID KYIS SO SOR DE LTAR RNAM PA DGU'O, ,ZHES GSUNGS, GSUM PA LA MTSAMS SBYAR BA DANG, SO SO'I DON BSHAD PA GNYIS LAS, DANG PO NI, DE LA MDOR BSDUS PA'I DON NI 'DI YIN TE, ZHES GSUNGS, GNYIS PA LA, GZUNG RTOG RGYAS PAR BSHAD PA, 'DZIN RTOG RGYAS PAR BSHAD PA GNYIS LAS, DANG PO LA YANG, SHES SGRIB KUN NAS NYON MONGS GZUNG RTOG RGYAS PAR BSHAD PA DANG, RNAM BYANG GZUNG RTOG RGYAS PAR BSHAD PA GNYIS LAS, DANG PO NI, SHES SGRIB KUN NAS NYON MONGS GZUNG RTOG DE LA DGU YOD DE, DE LA YUL GYI SGO NAS DGU YOD PA'I PHYIR,YUL DGU YOD PA'I DANG PO MA RIG PA'I YUL GYI KUN NAS NYON MONG GZUNG RTOG DE STON PA LA, MDO LAS, GSOL PA, BCOM LDAN 'DAS DE LTAR SLOB PA'I BYANG CHEN CHOS GANG LA SLOB PA LAGS, BCOM LDAN 'DAS KYIS BKA' STZAL PA, SH'A RI'I BU DE LTAR SLOB PA'I BYANG CHEN CHOS GANG LA YANG SLOB BA MED DO, ,SH'A RI'I BU CHOS 'DI DAG NI BYIS PA SO SO'I SKYE BOS JI LTAR MNGON PAR CHAGS PAR BYA BA DE LTA BU'I RNAM PAR RTOG PA YOD PA MA YIN NO, ,GSOL PA, BCOM LDAN 'DAS 'O NA CHOS 'DI DAG RNAM PA JI LTA BUR MCHIS PA LAGS, BCOM LDAN 'DAS KYIS BKA' STZAL PA, JI LTAR MED PA DE LTAR YOD PA MA YIN PAS, DE'I PHYIR MED CES BYA'O, ,ZHES GSUNGS, DE'I DON BSHAD PA LA, KUN NAS NYON MONGS PA'I GZHI'I RTEN CAN MA RIG BA DANG, ZHES GSUNGS, GNYIS PA GZUGS SOGS ZAG BCAS KYI PHUNG PO'I YUL CAN GYI RTOG PA DE STON PA LA, GSOL PA, BCOM LDAN 'DAS CI'I SLAD DU MA MCHIS PA MA LAGS PA LA MA MCHIS PA
, ,ZHES BGYI, BCOM LDAN 'DAS KYIS BKA' STZAL PA, SH'A RI'I BU GZUGS NANG STONG PA NYID DANG, DNGOS PO MED PA'I NGO BO NYID STONG PA NYID KYI BAR GYI PHYIR YOD PA MA YIN NO, ,ZHES PA NAS, SANGS RGYAS KYI CHOS MA 'DRES PA'I BAR LA SBYAR NAS GSUNGS, DE'I DON BSHAD PA LA, GZUGS LA SOGS PA'I PHUNG PO DANG, ZHES GSUNGS, GSUM PA MING GZUGS LA MNGON PAR ZHEN PA'I RTOG PA DE STON PA LA, DE LA BYIS PA SO SO'I SKYE BO RNAMS NI MA RIG PA DANG, SRED PA LA MNGON PAR ZHEN TO, ,DE DAG NI MA RIG PA DANG SRED PAR BTAGS SO, ,ZHES PA NAS, SANGS RGYAS KYI CHOS MA 'DRES PA RNAMS KYI BAR LA MNGON PAR ZHEN PAR 'GYUR RO, ,ZHES GSUNGS, DE'I DON BSHAD PA LA, MING DANG GZUGS LA MNGON PAR ZHEN PA DANG, ZHES GSUNGS, BZHI PA MTHA' GNYIS LA CHAGS PA'I RNAM RTOG DE STON PA LA, CHOS RNAMS LA MNGON PAR ZHEN PA DE DAG NI YOD PA DANG MED PA'I MTHA' GNYIS DAG TU RTOG PAR BYED DO, ,ZHES PA NAS, DE DAG NI BYIS PA ZHES BYA BA'I GRANGS SU 'GRO'O, ,ZHES GSUNGS, DE'I DON BSHAD PA LA, MTHA' GNYIS LA CHAGS PA DANG, ZHES GSUNGS, LNGA PA KUN NAS NYON MONGS PA DANG, RNAM PAR BYANG BA MI SHES PA'I RTOG PA DE STON PA LA, DE DAG NI MA RIG PA DANG SRED PA'I RKYEN GYIS MI SHES MI MTHONG NGO, ,ZHES PA NAS, NYAN THOS DANG RANG SANGS RGYAS KYI CHOS DAG LA NGES PAR 'BYUNG BAR MI 'GYUR RO, ,ZHES GSUNGS, DE'I DON BSHAD PA LA, KUN NAS NYON MONGS PA DANG RNAM PAR BYANG BA MI SHES PA DANG, ZHES GSUNGS,
DRUG PA 'PHAGS PA'I LAM LA MI GNAS PA'I RTOG PA DE STON PA LA, DE DAG NI MI DAD DO JI LTAR MI DAD CE NA, GZUGS GZUGS KYIS STONG NGO ZHES BYA BAR MI DAD DO, ,ZHES PA NAS, RNAM PA THAMS CAD MKHYEN PA NYID DU MI 'BYUNG BA YIN NO, ,ZHES GSUNGS, DE'I DON BSHAD PA LA, 'PHAGS PA'I LAM LA MI GNAS PA DANG, ZHES GSUNGS, BDUN PA DMIGS PA LA RNAM PAR RTOG PA STON PA LA, GSOL PA, BCOM LDAN 'DAS BYANG CHEN JI LTAR BSLABS PAS RNAM PA THAMS CAD MKHYEN PA NYID DU NGES PAR 'BYUNG BAR 'GYUR BA'I SHER PHYIN LA SLOB PA JI LTA BU LAGS, BCOM LDAN 'DAS KYIS BKA' STZAL PA, SH'A RI'I BU NAM BYANG CHEN SHER PHYIN LA SPYOD BA'I TSE SHER PHYIN DE MI DMIGS SHING YANG DAG BAR RJES SU MI MTHONG PA DE LTAR SLOB PA NA BYANG CHEN MI DMIGS PA'I TSUL GYIS RNAM MKHYEN DU NGES PAR 'BYUNG BAR 'GYUR RO, ,ZHES SOGS GSUNGS, DE'I DON BSHAD PA LA, DMIGS PA DANG, ZHES GSUNGS, BRGYAD PA BDAG SOGS LA RNAM PAR RTOG PA STON PA LA, SH'A RI'I BUS GSOL PA; BCOM LDAN 'DAS GANG MI DMIGS PA'I TSUL GYIS RNAM PA THAMS CAD MKHYEN PA NYID DU 'BYUNG BA LAGS, BCOM LDAN 'DAS KYIS BKA' STZAL PA, SH'A RI'I BU SHIN TU RNAM PAR DAG PA'I PHYIR BDAG MI DMIGS SHING MI MTHONG NGO, ,DE BZHIN DU SHIN TU RNAM PAR DAG PA'I PHYIR RNAM PA THAMS CAD MKHYEN PA NYID KYI BAR DU MI DMIGS SHING MI MTHONG NGO, ,ZHES GSUNGS, DE'I DON BSHAD PA LA, BDAG LA SOGS PA DANG, ZHES GSUNGS, DGU PA RNAM PAR DAG PA SKYED PA LA SOGS
, ,PA'I RNAM PAR RTOG PA STON PA LA, SH'A RI'I BU RNAM PAR DAG PA NI SKYE BA MED PA MA BYUNG BA MNGON PAR 'DU BYED PA MED PA'O, ,ZHES GSUNGS, DE'I DON BSHAD PA LA, RNAM PAR DAG PA SKYED PA LA SOGS PA LA GZUNG BAR RNAM PAR RTOG PA RNAMS DANG, ZHES GSUNGS, GNYIS PA RNAM BYANG GZUNG RTOG RGYAS PAR BSHAD PA LA, GNYEN PO RNAM BYANG GI RTEN CAN GYI GZUNG RTOG DGU YOD PA'I PHYIR, DANG PO RNAM BYANG GI PHUNG PO'I DON LA RNAM PAR RTOG PA STON PA LA, THABS MI MKHAS PAS GZUGS LA RTOG CING MNGON PAR ZHEN PA YIN, RNAM PAR SHES PA'I BAR LA RTOG CING MNGON BAR ZHEN PA YIN, ZHES GSUNGS, DE'I DON BSHAD PA LA, GNYEN PO'I RTEN CAN PHUNG PO DANG, ZHES GSUNGS, GNYIS PA SKYE BA'I SGO'I DON GYI RNAM PAR RTOG PA STON PA LA, MIG LA RTOG CING MNGON PAR ZHEN PA YIN, DE BZHIN DU YID KYI BAR DANG, GZUGS LA RNAM PAR RTOG CING MNGON PAR ZHEN PA MIN, DE BZHIN DU CHOS KYI BAR LA RNAM PAR RTOG CING MNGON PAR ZHEN PA YIN, ,ZHES GSUNGS, DE'I DON BSHAD PA LA, SKYE BA'I SGO DANG, ZHES GSUNGS, GSUM PA RIGS KYI DON LA RNAM PAR RTOG PA STON PA LA, MIG GI RNAM PAR SHES PA'I KHAMS SU RTOG CING MNGON PAR ZHEN PA YIN, DE BZHIN DU YANG CHOS KYI KHAMS DANG YID KYI RNAM PAR SHES PA'I KHAMS KYI BAR LA RTOG CING MNGON PAR ZHEN PA YIN, ZHES GSUNGS, DE'I DON BSHAD PA LA, RIGS DANG, ZHES GSUNGS, BZHI PA SKYE BA'I DON LA RNAM PAR RTOG? PA LA,? MA
RIG PAR RTOG CING ZHEN PA YIN, DE BZHIN DU RGA SHIR RTOG CING MNGON PAR ZHEN PA YIN, ZHES GSUNGS, DE'I DON BSHAD PA LA, SKYE BA DANG, ZHES GSUNGS, LNGA PA STONG PA NYID KYI DON LA RNAM PAR RTOG PA STON PA LA, DE NANG STONG PA NYID NAS, DNGOS PO MED BA'I NGO BO NYID KYI BAR LA RTOG CING MNGON PAR ZHEN PA YIN, ZHES GSUNGS, DE'I DON BSHAD PA LA, STONG PA NYID DANG, ZHES GSUNGS, DRUG PA PHA ROL TU PHYIN PA'I DON LA RNAM PAR RTOG PA STON PA LA, PHA ROL TU PHYIN PA DRUG LA RTOG CING MNGON PAR ZHEN PA YIN, ZHES GSUNGS, DE'I DON BSHAD PA LA, PHA ROL TU PHYIN PA'I DON DANG, ZHES GSUNGS, BDUN PA MTHONG BA'I LAM LA RNAM PAR RTOG PA STON PA LA, BYANG CHOS SUM CU RTZA BDUN LA RTOG CING MNGON PAR ZHEN PA YIN, ZHES GSUNGS, DE'I DON BSHAD PA LA, MTHONG BA DANG, ZHES GSUNGS, BRGYAD PA SGOM PA'I LAM LA RNAM PAR RTOG PA STON PA LA, DE BSAM GTAN RNAMS DANG, MNGON PAR SHES PA RNAMS DANG, TSAD MED PA RNAMS DANG, GZUGS MED PA'I SNYOMS PAR 'JUG PA RNAMS LA RTOG CING MNGON PAR ZHEN PA YIN, ZHES GSUNGS, DE'I DON BSHAD PA LA, SGOM PA DANG, ZHES GSUNGS, DGU PA MI SLOB PA'I LAM LA RNAM PAR RTOG PA STON PA LA, DE STOBS BCU LA RTOG CING MNGON PAR ZHEN PA YIN; RNAM PA THAMS CAD MKHYEN PA NYID KYI BAR LA RTOG CING MNGON PAR ZHEN PA YIN, ZHES GSUNGS, DE'I DON BSHAD PA LA, MI SLOB PA'I LAM LA GZUNG BAR RNAM PAR RTOG PA RNAMS DANG, ZHES GSUNGS, GNYIS PA LA, RDZAS 'DZIN RTOG PA
, ,RGYAS PAR BSHAD PA DANG, BTAGS 'DZIN RTOG PA RGYAS PAR BSHAD PA GNYIS LAS, DANG PO NI SHES SGRIB RDZAS 'DZIN RTOG PA LA DGU YOD PA'I DANG PO BDAG RANG DBANG CAN LA RNAM PAR RTOG PA STON PA LA, SH'A RI'I BU BDAG NYE BAR MI DMIGS, DE BZHIN DU SEMS CAN DANG, SROG DANG, GSOB DANG, SKYES BU DANG, GANG ZAG DANG, SHED LAS SKYES DANG, SHED BU DANG, BYED PA PO DANG, TSOR BA PO DANG, MTHONG BA PO MI DMIGS SO, ,ZHES GSUNGS, DE'I DON BSHAD PA LA; GANG ZAG RDZAS SU YOD PA'I RTEN CAN BDAG RANG DBANG CAN DANG, ZHES GSUNGS, GNYIS PA BDAG GCIG PUR RNAM PAR RTOG PA STON PA LA, SH'A RI'I BU GZUGS NYE BAR MI DMIGS ZHES PA NAS RNAM PAR SHES PA'I BAR DU NYE BAR MI DMIGS, ZHES GSUNGS, DE'I DON BSHAD PA LA, GCIG PU DANG, ZHES GSUNGS, GSUM PA RGYU'I BDAG NYID LA RNAM PAR RTOG PA STON PA LA, SH'A RI'I BU MIG MI DMIGS SO, ,DE BZHIN DU YID KYI BAR DANG GZUGS MI DMIGS CHOS KYI BAR DU MI DMIGS SO, , ZHES GSUNGS, DE'I DON BSHAD PA LA, RGYU DANG, ZHES GSUNGS, BZHI PA LTA BA PO LA SOGS PA'I BDAG TU RNAM PAR RTOG PA STON PA LA, SH'A RI'I BU MIG DANG GZUGS DANG MIG GI RNAM PAR SHES PA MI SHES SO, ,YID DANG CHOS DANG YID KYI RNAM PAR SHES PA'I BAR DU MI SHES SO, ,ZHES GSUNGS, DE'I DON BSHAD PA LA, LTA BA PO LA SOGS PA'I BDAG DANG, ZHES GSUNGS, LNGA PA KUN NAS NYON MONGS PA'I RTEN CAN GYI BDAG TU RNAM PAR RTOG PA STON PA LA, SH'A RI'I BU RTEN CING 'BREL BAR 'BYUNG BA MI DMIGS SO,,
GZUGS MED PA'I KHAMS KYI BAR DU MI DMIGS SO, ,ZHES GSUNGS, DE'I DON BSHAD PA LA, KUN NAS NYON MONGS PA DANG, ZHES GSUNGS, DRUG PA 'DOD CHAGS DANG BRAL BA'I BDAG TU RNAM PAR RTOG PA STON PA LA, BSAM GTAN DANG PO MI DMIGS SO; ;GZUGS MED PA'I SNYOMS PAR 'JUG PA'I BAR DU MI DMIGS SO, ,ZHES GSUNGS, DE'I DON 'CHAD PA LA, 'DOD CHAGS DANG BRAL BA DANG, ZHES GSUNGS, BDUN PA MTHONG BA'I RTEN CAN GYI BDAG TU RNAM BAR RTOG PA STON PA LA, 'PHAGS PA'I BDEN PA RNAMS MI DMIGS SO, ,ZHES GSUNGS, DE'I DON 'CHAD PA LA, MTHONG BA DANG, ZHES GSUNGS, BRGYAD PA SGOM PA'I RTEN CAN GYI BDAG TU RNAM PAR RTOG BSTON PA LA, RNAM PAR THAR PA BRGYAD DANG MTHAR GYIS GNAS PA'I SNYOMS PAR 'JUG PA DGU MI DMIGS SO, ,ZHES GSUNGS, DE'I DON 'CHAD PA LA, SGOM PA DANG, ZHES GSUNGS, DGU PA DON BYAS PA'I RTEN CAN GYI BDAG TU RNAM PAR RTOG PA STON PA LA, STOBS BCU MI DMIGS SO, ,RNAM PA THAMS CAD MKHYEN PA NYID KYI BAR DU MI DMIGS SO, ,JI LTAR MI DMIGS SHE NA, BDAG NYID DU'O, ,DE CI'I PHYIR ZHE NA, BDAG SHIN TU RNAM PAR DAG PA'I PHYIR RO, ,ZHES GSUNGS, DE'I DON 'CHAD PA LA, DON BYAS PA'I RTEN LA 'DZIN PAR RNAM PAR RTOG PA RNAMS DANG, ZHES GSUNGS, GNYIS PA BTAGS 'DZIN RTOG PA LA GNYIS YOD PA'I DANG PO SPYIR STON PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS LA LA ZHIG 'DI SKAD DU
, ,'DRI ZHING, CI SGYU MA'I SKYES BU 'DI SHER PHYIN LA? BSLAB CING RNAM PA THAMS CAD MKHYEN PA NYID DU 'BYUNG BAR 'GYUR BA'I PHYIR, RNAM MKHYEN NYID THOB PAR 'GYUR ZHES MCHIS NA, BCOM LDAN 'DAS DE SKAD DU 'DRI BA DE LA JI SKAD DU BSTAN PAR BGYI, ZHES PA NAS, BCOM LDAN 'DAS KYIS BKA' STZAL PA, RAB 'BYOR DE LTA BAS NA KHYOD NYID LA DRI YI, KHYOD KYIS JI LTAR BZOD PA DE LTAR DU STON CIG ,CES PA'I BAR GSUNGS, GNYIS PA DE DGU SO SOR STON PA LA; DANG PO PHUNG POR BTAGS PA'I RNAM PAR RTOG PA STON PA LA, RAB 'BYOR DE JI SNYAM DU SEMS, GZUGS KYANG GZHAN LA SGYU MA YANG GZHAN ZHIG YIN SNYAM MAM, TSOR BA DANG, 'DU SHES DANG, 'DU BYED DANG, RNAM PAR SHES PA YANG GZHAN LA, SGYU MA YANG GZHAN ZHIG YIN SNYAM MAM, GSOL PA, BCOM LDAN 'DAS DE LTA MA LAGS SO, ,ZHES GSUNGS, DE'I DON 'CHAD PA LA, SKYES BU BTAGS PAR MOD PA'I RTEN CAN PHUNG PO DANG, ZHES GSUNGS, GNYIS PA SKYE MCHED DU BTAGS PA'I RNAM PAR RTOG PA STON PA LA, BCOM LDAN 'DAS KYIS BKA' STZAL PA, RAB 'BYOR DE CI SNYAM DU SEMS, MIG KYANG GZHAN LA, ZHES PA NAS, CHOS KYANG GZHAN LA SGYU MA YANG GZHAN ZHIG YIN SNYAM MAM, RAB 'BYOR GYIS GSOL BA, BCOM LDAN 'DAS DE NI MA LAGS SO, ,ZHES GSUNGS, DE'I DON 'CHAD PA LA, SKYE MCHED DANG, ZHES GSUNGS, GSUM PA KHAMS SU BTAGS PA'I RNAM PAR RTOG PA STON PA LA, BCOM LDAN 'DAS KYIS BKA' STZAL PA, RAB 'BYOR DE
CI SNYAM DU SEMS, MIG DANG GZUGS DANG MIG GI RNAM PAR SHES PA YANG GZHAN LA, ZHES PA NAS, RNAM PAR SHES PA'I KHAMS NYID KYANG SGYU MA SGYU MA NYID KYANG RNAM PAR SHES PA'I KHAMS SO, ,ZHES GSUNGS, DE'I DON 'CHAD PA LA, KHAMS DANG; ZHES GSUNGS, BZHI PA RTEN CING 'BREL BAR 'BYUNG BAR BTAGS PA LA RNAM PAR RTOG PA STON PA LA, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, SGYU MA YANG GZHAN LA RTEN CING 'BREL BAR 'BYUNG BA YANG GZHAN ZHIG YIN SNYAM MA MA, ZHES PA NAS, SGYU MA NYID KYANG RGA SHI LAGS SO, ,ZHES GSUNGS, DE'I DON 'CHAD PA LA, RTEN CING 'BREL BAR 'BYUNG BA DANG, ZHES GSUNGS, LNGA PA RNAM PAR BYANG BAR BTAGS PA LA RNAM BAR RTOG PA STON PA LA, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, BYANG CHOS RNAMS KYI BAR YANG GZHAN LA, SGYU MA YANG GZHAN ZHIG YIN SNYAM MAM, GSOL PA, BCOM LDAN 'DAS DE LTA MA LAGS SO, ,ZHES GSUNGS, DE'I DON 'CHAD PA LA, RNAM PAR BYANG BA DANG, ZHES GSUNGS, DRUG PA MTHONG BA'I LAM DU BTAGS PA LA RNAM PAR RTOG PA STON PA LA, BCOM LDAN 'DAS KYIS BKA' STZAL PA, RAB 'BYOR DE JI SNYAM DU SEMS, STONG PA NYID DANG MTSAN MA MED PA DANG SMON PA MED PA YANG GZHAN LA, SGYU MA YANG GZHAN ZHIG YIN SNYAM MAM, GSOL BA, BCOM LDAN 'DAS DE LTA MA LAGS SO, ,ZHES GSUNGS, DE'I DON 'CHAD PA LA, MTHONG BA DANG, ZHES GSUNGS, BDUN
, ,BSGOM BA'I LAM DU BTAGS PA LA RNAM PAR RTOG PA STON PA LA, BCOM LDAN 'DAS KYIS BKA' STZAL PA, RAB 'BYOR DE CI SNYAM DU SEMS, SGYU MA YANG GZHAN LA, BSAM GTAN DANG GZUGS MED PA'I SNYOMS BAR 'JUG PA YANG GZHAN NAM, GSOL PA, BCOM LDAN 'DAS DE NI MA LAGS SO, ,ZHES GSUNGS, DE'I DON 'CHAD BA LA, SGOM PA DANG, ZHES GSUNGS, BRGYAD PA KHYAD PAR GYI LAM DU BTAGS PA LA RNAM PAR RTOG PA STON PA LA, BCOM LDAN 'DAS KYIS BKA' STZAL PA, RAB 'BYOR DE CI SNYAM DU SEMS, SGYU MA YANG GZHAN LA, STONG BA NYID THAMS CAD KYANG GZHAN ZHIG YIN SNYAM MAM, GSOL PA, BCOM LDAN 'DAS DE NI MA LAGS SO, ,ZHES GSUNGS, DE'I DON 'CHAD PA LA, KHYAD PAR DANG, ZHES GSUNGS, DGU BA MI SLOB BA'I LAM DU BTAGS PA LA RNAM PAR RTOG PA STON PA LA, BCOM LDAN 'DAS KYIS BKA' STZAL PA, RAB 'BYOR DE CI SNYAM DU SEMS, DE BZHIN GSHEGS PA'I STOBS BCU DANG, SANGS RGYAS KYI CHOS MA 'DRES PA BCO BRGYAD KYI BAR YANG GZHAN LA, SGYU MA YANG GZHAN ZHIG YIN SNYAM MAM, ZHES PA NAS, RNAM PA THAMS CAD MKHYEN PA NYID RJES SU THOB BAR RIG PAR BYA'O, ,ZHES PA'I BAR GSUNGS, DE'I DON 'CHAD PA LA, MI SLOB BA'I LAM LA 'DZIN PAR RNAM PAR RTOG PA RNAMS TE, ZHES GSUNGS, DE YANG MDO LAS JI LTAR BSTAN TSUL YOD DE, KUN NAS NYON MONGS GZUNG RTOG GNYIS PA DANG, BDUN PA, BRGYAD PA, DGU PA RNAMS MDO LAS GNYEN PO'I SGO NAS BSTAN,
RNAM BYANG GZUNG RTOG BZHI PA MA GTOGS PA RNAMS NGO BO'I SGO NAS BSTAN, RDZAS 'DZIN RTOG PA DGU GNYEN PO'I SGO NAS BSTAN, BTAGS 'DZIN RTOG PA DGU YUL GYI SGO NAS BSTAN TO, ,BZHI PA DON BSDU BA LA, DE LTA BU'I RNAM PAR RTOG PA BZHI DANG NGES PAR 'BYED PA'I CHA DANG MTHUN PA BZHI PO GRANGS BZHIN DU LDAN PA YIN NO, ,ZHES GSUNGS, ` SKABS 'DIR MTHA' DPYAD PA LA, SPANG BYA RTOG PA BSHAD PA DANG, SPONG BYED GNYEN PO BSHAD PA'O, ,DAD PO LA, GANG GIS RTOG PA'I NGO BO, GANG LA RTOG PA'I YUL; JI LTAR RTOG PA'I TSUL, RTOG PA DE'I RAB DBYE, GRANGS NGES PA, GO RIMS NGES PA, MU BZHIR BRTZI TSUL LA DOGS PA DPYAD PA, KHYAD CHOS SU 'GYUR TSUL DANG BRGYAD LAS, DANG PO LA, SPYI DANG BYE BRAG BSHAD PA GNYIS LAS, DANG PO LA, SPYIR RTOG PA LA GSUNG RAB LAS MANG DU GSUNGS TE, MDZOD LAS, RTOG DANG DPYOD BRTZING ZHI BA NYID, ,ZHES SEMS PA DANG SHES RAB KYI CHAR GYUR BA'I SEMS RTZID BA'I RNAM PA CAN LA RTOG PAR BSHAD PA DANG, RNAM 'GREL LAS, SHES GANG GANG LA SGRA DON 'DZIN, ,DE NI DE LA RTOG PA YIN, ,ZHES SGRA DON 'DRES RUNG DU 'DZIN PA LA RTOG PAR BSHAD PA DANG, DBUS MTHA' LAS, YANG DAG MA YIN KUN RTOG YOD, ,SEMS DANG SEMS BYUNG KHAMS GSUM PA, ,ZHES GZUNG 'DZIN GNYIS SU SNANG BA'I KHAMS GSUM PA'I SEMS SEMS BYUNG LA RTOG PAR BSHAD PA DU MA YOD PA'I PHYIR, DE DAG GI NANG NAS, SKABS 'DIR BSTAN GYI RTOG PA DE LA SGRA DON 'DRES RUNG DU 'DZIN PA'I RTOG PAS KHYAB, TSUR MA KHYAB BO, ,DES NA RANG YUL BDEN DRUNG? DU? 'DZIN PA'I BLO? SKABS 'DIR
, ,BSTAN GYI SHES SGRIB RTOG PA'I MTSAN NYID, KHA CIG ,RANG YUL GZHI GRUB KYI CHOS LA DMIGS RNAS BDEN PAR ZHEN PA'I BLO, SHES SGRIB RTOG PA'I MTSAN NYID ZER BA MI 'THAD DE, GZUGS PHYI ROL DON DU 'DZIN PA'I RTOG PA SHES SGRIB YIN PA'I PHYIR, DE SGRIB PA GANG ZHIG ,DE NYON MONGS PA'I SGRIB PA MA YIN PA'I PHYIR, KHYAB STE, SGRIB PA LA DE GNYIS SU GRANGS NGES BA'I PHYIR TE, DBUS MTHA' LAS, NYON MONGS PA YI SGRIB PA DANG, ,SHES BYA'I SGRIB PA GNYIS SU BSTAN, ,DE NI SGRING PA THAMS CAD DO, ,DE ZAD NAS NA GROL BAR 'GYUR, ,ZHES GSUNGS PA'I PHYIR, KHO NA RE, RI BONG RVA BDEN GRUB TU 'DZIN PA'I BLO CHOS CAN, MTSON BYA DER THAL, MTSAN NYID DE'I PHYIR, RI BONG RVA DE'I PHYIR NAM KHYAB BO; ;GNYIS PA NI, 'O NA RTOG PA 'DI DAG DGAG PA'AM SGRUB PA'I RNAM PA CAN GANG YIN ZHE NA, KHA CIG ,DE LA DGAG RTOG GIS KHYAB PAR 'DOD PA MI 'THAD DE, SKABS 'DI DANG RTZE SBYOR GYI SKABS GNYIS KAR, SHES SGRIB RTOG PA DANG SGRUB RTOG GI GZHI MTHUN YOD PAR BSTAN PA'I PHYIR TE, SKABS 'DIR NYON MONGS CAN GYI MA RIG PA LA DMIGS NAS LONGS SPYAD BYAR BDEN PAR ZHEN PA'I BLO DE, SHES SGRIB KUN NAS NYON MONGS GZUNG RTOG DANG, RNAM BYANG PHYOGS KYI PHUNG PO LA DMIGS NAS LONGS SPYAD BYAR BDEN PAR ZHEN PA'I BLO DE, SHES SGRIB RNAM BYANG GZUNG RTOG TU BSTAN PA'I PHYIR DANG, RTZE SBYOR GYI SKABS SU, THEG CHEN GYI LAM 'BRAS LA DMIGS NAS 'JUG BYAR BDEN PAR ZHEN PA'I BLO DE, SHES SGRIB 'JUG PA GZUNG RTOG DANG,
NYAN RANG GI LAM 'BRAS LA DMIGS NAS LDOG BYANG BDEN PAR ZHEN PA'I ZHEN RIG DE, SHES SGRIB LDOG PA GZUNG RTOG TU BSTAN PA'I PHYIR, DE LA SGRUB RTOG GIS KYANG MA KHYAB STE, GZUGS BDEN STONG BDEN GRUB TU ZHEN BA'I ZHEN RIG DE 'DIR BSTAN SHES SGRIB RTOG PA YIN PA'I PHYIR, GNYIS PA GANG LA RTOG PA'I YUL NI, 'DIR BSTAN SHES SGRIB RTOG PA'I YUL LA GNYIS SU YOD DE, DE LA GZUNG BA DANG 'DZIN PA GNYIS SU YOD PA'I PHYIR, 'O NA 'DI'I GZUNG 'DZIN GANG LA BYED CE NA, SPYIR SANGS RGYAS PA LA GZUNG 'DZIN KYI 'JOG TSUL GSUM DU YOD DE, SKYE MCHED DANG, SHES PA DANG SHES BYA, BDAG DANG BDAG GI BA'I DBANG DU BYAS PA GSUM DU YOD PA'I PHYIR, DANG PO'I DBANG DU BYAS NA YUL DRUG GZUNG BA DANG, DBANG PO DRUG 'DZIN PA YIN LA, GNYIS PA'I DBANG DU BYAS NA GZUGS SOGS RNAMS GZUNG BA DANG, RIG PA THAMS CAD 'DZIN PA YIN LA, GSUM BA'I DBANG DU BYAS NA BDAG NI 'DZIN PA DANG, BDAG GI BA GZUNG BA YIN PA'I PHYIR, DE LA 'DIR NI PHYI MA'I DBANG DU BYAS PA YIN TE, GZUNG BA NI RDZAS BTAGS KYI LONGS SPYAD PAR BYA BA STE BZA' BYA DANG, 'DZIN PA NI DE LA LONGS SPYOD PA PO STE ZAB PO YIN PA'I PHYIR, DE LTAR BDAG NYID CHEN POS GSUNGS PA 'THAD PAR GSER PHRENG LAS GSUNGS PA'I PHYIR, NYI SNANG LAS, GZUNG BA'I RNAM PAR RTOG PA DANG PO NI DNGOS PO THAMS CAD BA KHO NA YIN LA, GNYIS PA NI RNAM PAR BYANG BA'I DNGOS PO KHO NA YIN TE, 'DI NI GZUNG BA'I RNAM PAR RTOG PA 'DI DAG GI KHYAD PAR YIN NO, ,DE LTAR BYAS NA GZUNG BA'I RNAM PAR RTOG PA DANG PO GANG YIN PA DE NI GNYIS PA
, ,YANG YIN NO, ,ZHES GSUNGS PA NI TSIG SNGA MA DANG LDAN PA'O, ,RE ZHIG DANG PO GANG YIN PA GNYIS PA YANG YIN PA'O DE NI GZUNG BA'I RNAM PAR RTOG PA DANG POR GYUR PA DNGOS PO THAMS CAD PA BZHIN NO, ,GNYIS PA KHO NA YIN GYI DANG PO MA YIN PA NI GZUNG BA'I RNAM PAR RTOG PA GNYIS PA RNAM PAR BYANG BA TZAM MA YIN PA LA BRTEN PA BZHIN NO, ,ZHES SHES SGRIB KUN NAS NYON MONGS GZUNG RTOG GI YUL LA KUN GYANG GNYIS KA YOD PA DANG, RNAM BYANG GZUNG RTOG GI YUL LA RNAM BYANG GI DNGOS PO TZAM DU GSUNGS LA, 'DI LA KHA CIG NYI SNANG LA NANG 'GAL TE, SHES SGRIB KUN NAS NYON MONGS GZUNG RTOG CHOS CAN, KUN NAS NYON MONGS PA DANG RNAM PAR BYANG BA'I CHOS LA DMIGS PAR THAL, CHOS CAN DE'I PHYIR, MA KHYAB NA, GZUNG BA'I RNAM PAR RTOG PA DANG PO NI DNGOS PO THAMS CAD PA KHO NA YIN NO, ,ZHES GSUNGS PA DANG 'GAL, 'DOD NA, DE GNYIS KA LAM DMIGS PAR THAL, RNAM BYANG GZUNG RTOG YIN PA'I PHYIR, MA KHYAB NA, GNYIS PA NI RNAM PAR BYANG BA'I DNGOS PO KHO NA YIN TE, ZHES GSUNGS PA DANG 'GAL LO, ,MA GRUB NA, DER THAL, CHOS CAN DE'I PHYIR, MA KHYAB NA, GZUNG BA'I RNAM PAR RTOG PA DANG PO GANG YIN PA DE NI GNYIS PA YANG YIN NO, ,ZHES GSUNGS PA DANG 'GAL LO, ,ZHES ZER BA MI 'THAD DE, GZUNG BA'I RNAM PAR RTOG PA DANG PO GANG YIN PA DE NI GNYIS PA YANG YIN NO, ,ZHES GSUNGS PA'I DON NI, KUN NAS NYON MONGS PA DANG, RNAM BYANG GI GZUNG BA GNYIS KA LA
DMIGS NAS GZUNG BYAR BDEN BAR ZHEN PA'I BLO YIN NA, SHES SGRIB RNAM BYANG GZUNG RTOG YIN DGOS PA'I DON YIN GYI, GZUNG RTOG DANG PO LA GNYIS PAS KHYAB PA'I DON MA YIN PA'I PHYIR TE, RE SHIG DANG PO GANG YIN PA GNYIS PA YANG YIN PAS DE NI GZUNG BA'I RNAM PAR RTOG PA DANG POR GYUR PA DNGOS PO THAMS CAD PA BZHIN NO, ,ZHES GSUNGS BA'I PHYIR, DE LTAR YANG, RNAM BSHAD LAS, SLOB DPON 'PHAGS PAS GZUNG BA'I RNAM PAR RTOG PA DANG PO GANG YIN PA GNYIS PA YIN PAR BSTAN PA'I DON NI, KUN NAS NYON MONGS PA DANG, RNAM BYANG GI GZUNG BA TZAM LA DMIGS NAS GZUNG BYAR BDEN PAR ZHEN PA YIN NA, GZUNG RTOG YIN BAS KHYAB PAR STON PA YIN GYI, KUN NAS NYON MONGS GZUNG RTOG LA RNAM BYANG GZUNG RTOG GIS KHYAB PA STON PA 'BREL MED PA'O, ,ZHES GSUNGS PA'I PHYIR, 'GREL CHEN LAS, GZHAN DAG NA RE KUN NAS NYON MONGS PA'I GZHI LA BRTEN PA NI DANG PO YIN LA, RNAM PAR BYANG BA'I GZHI LA BRTEN PA NI GNYIS PA YIN PAS, 'DI GNYIS PHAN TSUN RNAM PAR GCOD PA'I RANG BZHIN YIN PA'I PHYIR 'DI GNYIS NI THA DAD PA KHO NA'O, ,ZHES SHES SGRIB KUN NAS NYON MONGS GZUNG RTOG DANG, RNAM BYANG GZUNG RTOG GNYIS 'GAL BAR GSUNGS, GZUNG RTOG DANG POS KUN NAS NYON MONGS PHYOGS KYI CHOS TZAM DANG, GNYIS PAS RNAM BYANG PHYOGS KYI CHOS TZAM DMIGS YUL DU BYED PA YIN NO, ,'DZIN RTOG GI YUL LA, TSIG GSAL DU, SO SO'I SKYE BO YUL DU BYAS TE SKYES BU RDZAS SU YOD BAR 'DZIN PA DANG, 'PHAGS BA'I GANG ZAG YUL DU BYAS TE DE LA BTAGS PAR
, ,YOD PAR 'DZIN PA ZHES GZUNG BA DANG 'DZIN PAR SBYOR, ZHES BSHAD PA MI 'THAD PAR THAL, SO SKYES RDZAS YOD DU SHES PA DANG, 'PHAGS PAS BTAGS YOD DU RTOG PAR BSHAD PA MA DGONGS PA'I PHYIR, DES NA RTZA 'GREL GNYIS KAR SEMS CAN RDZAS SU YOD PA DANG, SEMS CAN BTAGS PAR YOD PAR RTOG PA, ZHES BSHAD PAS 'DZIN RTOG SNGA MA RDZAS 'DZIN DANG, GNYIS PA BTAGS 'DZIN LA DMIGS PA'I YUL CAN YIN NO, ,DES NA RDZAS 'DZIN RTOG PAS RDZAS 'DZIN LA DMIGS, RDZAS 'DZIN GYIS RDZAS YOD LA DMIGS, BTAGS 'DZIN RTOG PAS BTAGS 'DZIN LA DMIGS, BTAGS 'DZIN GYIS BTAGS YOD LA DMIGS PA YIN LA, GANG ZAG DON BYED NUS PA DANG, GANG ZAG RANG RGYA THUB PA'I RDZAS YOD GNYIS 'DIR BSTAN RDZAS YOD DANG, DER 'DZIN PA'I BLO GNYIS RDZAS 'DZIN DANG, PHUNG BO'I TSOGS LA SKYES BUR BTAGS PA DANG, GANG ZAG BDEN STONG SGYU MA LTA BU LA SKYES BUR BTAGS PA GNYIS 'DIR BSTAN BTAGS YOD DANG, DER 'DZIN PA'I BLO GNYIS BTAGS 'DZIN YIN NO, ,GSUM PA NI, 'ON YUL DE DAG LA JI LTAR ZHEN PA YIN ZHE NA, DE'I TSUL YOD DE, KUN BYANG GI GZUNG BA LA DMIGS NAS RIM PA LTAR 'DI NI MTHA' GCIG TU DOR BYA'I GZUNG BA'I SNYAM DU MI MTHUN PA DANG, 'DI NI MTHA' GCIG TU BLANG BYA'I GZUNG BA'O SNYAM DU MTHUN PAR 'DZIN PA NI GZUNG RTOG GI ZHEN YUL DANG, GANG ZAG TU BTAGS PA'I GZHI RDZAS SU GRUB PA 'DI DANG DER BTAGS PA'I BTAGS PA TZAM 'DI NI YUL RNAMS KYI 'DZIN PA PO'AM, LONGS SPYOD PA PO'O SNYAM DU
ZHEN PA NI 'DZIN RTOG GI ZHEN YUL YIN PA'I PHYIR, DES NA 'DIR SEMS CAN DANG SKYES BU ZHES PA NI GANG ZAG DANG CHOS GNYIS KYI GANG ZAG 'BA' ZHIG LA BSAM PA MA YIN GYI YUL RNAMS KYI 'DZIN PA TZAM GYI MTSON BYED DO, ,BZHI PA LA, SKABS 'DIR BSTAN GYI SHES SGRIB RTOG PA DE BRTZA BA'I SGO NAS DBYE NA BZHIR YOD DE, KUN NAS NYON MONGS GZUNG RTOG ,RNAM BYANG GZUNG RTOG ,RDZAS 'DZIN RTOG PA, BTAGS 'DZIN RTOG PA RNAMS SU YOD PA'I PHYIR, YUL GYI SGO NAS DBYEN DU MAR YOD DE, DE DAG SO SO LA YUL GYI SGO NAS DGU DGUR YOD PA'I PHYIR, RANG GI DMIGS YUL DU GYUR PA'I GZUNG BA LA DMIGS NAS LONGS SPYAD BYAR BDEN PAR ZHEN PA'I ZHEN RIG ,SHES SGRIB GZUNG RTOG GI MTSAN NYID, RANG GI DMIGS YUL DU GYUR PA'I KUN NAS NYON MONGS PHYOGS KYI BDEN PA LA DMIGS NAS LONGS SPYAD BYA BDEN PAR ZHEN BA'I ZHEN RIG ,SHES SGRIB KUN NAS NYON MONGS GZUNG RTOG GI MTSAN NYID, DBYE NA, RANG GI DMIGS YUL DU GYUR BA'I NYON MONGS CAN GYI MA RIG PA LA DMIGS NAS YONGS SPYAD BYAR BDEN PAR ZHEN PA'I ZHEN RIG SOGS DGU YOD, RANG GI DMIGS YUL DU GYUR PA'I RNAM BYANG PHYOGS KYI BDEN PA LA DMIGS NAS LONGS SPYAD BYAR BDEN PAR ZHEN PA'I ZHEN RIG ,SHES SGRIB RNAM BYANG GZUNG RTOG GI MTSAN NYID, DBYE NA, RNAM BYANG GI PHUNG PO LA DMIGS NAS LONGS SPYAD BYAR BDEN PAR ZHEN PA'I ZHEN RIG SOGS DGU YOD, RANG GI DMIGS YUL DU GYUR PA'I 'DZIN PA LA DMIGS NAS LONGS SPYOD BYED DU BDEN PAR ZHEN PA'I ZHEN RIG ,SHES SGRIB 'DZIN RTOG GI MTSAN NYID YIN, RANG GI
, ,DMIGS YUL DU GYUR BA'I RDZAS 'DZIN LA DMIGS NAS LONGS SPYOD BYED DU BDEN PAR ZHEN PA'I ZHEN RIG ,SHES SGRIB RDZAS 'DZIN RTOG PA'I MTSAN NYID, DBYE NA, BDAG RANG DBANG CAN DU 'DZIN PA'I 'DZIN PA LA DMIGS NAS DER ZHEN PA'I ZHEN RIG SOGS DGUR YOD, DER GYUR PA'I BTAGS 'DZIN LA DMIGS NAS LONGS SPYOD BYED DU BDEN PAR ZHEN PA'I ZHEN RIG ,SHES SGRIB BTAGS 'DZIN RTOG PA'I MTSAN NYID, DBYE NA, PHUNG SOGS KYI CHOS LA SKYES BUR BTAGS NAS 'DZIN PA'I 'DZIN PA LA DMIGS NAS LONGS SPYOD BYED DU BDEN PAR ZHEN PA'I ZHEN RIG SOGS DGUR YOD, KHA CIG ,RANG GI DMIGS YUL DU GYUR PA'I GZUNG BA LA DMIGS NAS BDEN BAR ZHEN PA'I ZHEN RIG ,SHES SGRIB GZUNG RTOG GI MTSAN NYID, DER GYUR PA'I 'DZIN PA LA DMIGS NAS DER ZHEN PA'I ZHEN RIG ,SHES SGRIB 'DZIN RTOG GI MTSAN NYID ZER BA MI 'THAD DE, BUM 'DZIN RTOG PA LA DMIGS NAS LONGS SPYOD BYED DU BDEN PAR ZHEN PA'I ZHEN RIG DE, RANG GI DMIGS YUL DU GYUR PA'I GZUNG BA LA DMIGS NAS BDEN PAR ZHEN PA'I ZHEN RIG YIN, NYON MONGS CAN GYI MA RIG PA LA DMIGS NAS LONGS SPYAD BYAR BDEN PAR ZHEN PA'I ZHEN RIG DE, MTSAN NYID GNYIS PA DE YIN PA'I PHYIR DANG, THEG CHEN GYI MTHONG LAM LA DMIGS NAS LONGS SPYAD BYAR BDEN PAR ZHEN PA'I ZHEN RIG DE, SHES SGRIB GZUNG RTOG YIN PA'I PHYIR TE, MIG DANG GZUGS LA SOGS PA'I PHUNG PO DANG, ZHES DANG, MTHONG BA DANG SGOM PA DANG MI SLOB BA'I LAM LA GZUNG BA'I RNAM PAR
RTOG PA, ZHES GSUNGS PA'I PHYIR, KHA CIG ,RANG GI DMIGS YUL DU GYUR PA'I NYON MONGS BA'I CHOS LA DMIGS NAS GZUNG BYAR BDEN PAR ZHEN BA'I ZHEN RIG ,KUN NAS NYON MONGS GZUNG RTOG GI MTSAN NYID, DER GYUR PA'I RNAM BYANG GI CHOS LA DMIGS NAS GZUNG BYAR BDEN PAR ZHEN PA'I ZHEN RIG ,RNAM BYANG GZUNG RTOG GI MTSAN NYID ZER NA, LHAG BCAS MYANG 'DAS LA GNAS PA'I NYAN THOS DGRA BCOM PA'I RGYUD KYI GZUGS PHUNG? LA DMIGS NAS LONGS SPYAD PHYIR BDEN PAR ZHEN PA'I ZHE NA CIG CHOS CAN, MTSAN NYID DER THAL, MTSAN BYA DE'I PHYIR, RTAGS SLA, 'DOD NA, DE'I RGYUD KYI GZUGS PHUNG DE KUN NAS NYON MONGS PHYOGS KYI CHOS YIN PAR THAL LO, ,'DOD NA, DE'I RGYUD LA NYON MONGS YOD PAR THAL LO, ,GZHAN YANG SDUG BDEN DU GYUR PA'I DAD PA'I DBANG PO LA DMIGS RNAM LONGS SPYAD SBYAR DBEN PAR ZHEN PA'I ZHEN RIG CHOS CAN, MTSON BYA GNYIS PA DER THAL, MTSAN NYID DE'I PHYIR TE, DE RNAM BYANG GI CHOS YIN PA'I PHYIR TE, DE RNAM BYANG GI DBANG PO YIN PA'I PHYIR, 'DOD MI NUS TE, SHES SGRIB KUN NAS NYON MONGS GZUNG RTOG YIN PA'I PHYIR, RTAGS GRUB STE, DE 'DRA'I DAD PA'I DBANG PO DE KUN NAS NYON MONGS PHYOGS KYI BDEN PA YIN PA'I PHYIR, KHA CIG ,RDZAS YOD DANG RDZAS 'DZIN GANG RUNG LA DMIGS NAS LONGS SPYOD BYED DU BDEN PAR ZHEN PA'I ZHEN RIG ,SHES SGRIB RDZAS 'DZIN RTOG PA'I MTSAN NYID, BTAGS YOD DANG BTAGS 'DZIN GANG RUNG LA DMIGS NAS DER ZHEN PA'I RIG PA, SHES SGRIB BTAGS 'DZIN RTOG PA'I MTSAN NYID DU 'DOD PA MI 'THAD DE, RDZAS YOD
, ,DANG BTAGS YOD GNYIS LONGS SPYOD BYED MA YIN PA'I PHYIR TE, YUL CAN MA YIN PA'I PHYIR, KHA CIG RANG GI DMIGS YUL DU GYUR PA'I GANG ZAG RDZAS YOD DU 'DZIN PA'I 'DZIN PA LA DMIGS NAS BDEN PAR ZHEN PA'I ZHEN RIG SKABS 'DIR BSTAN GYI SHES SGRIB RDZAS 'DZIN RTOG PA'I MTSAN NYID, DER GYUR PA'I SKYES BU BTAGS YOD DU 'DZIN PA'I 'DZIN PA LA DMIGS NAS BDEN PAR ZHEN PA'I RIG PA, SKABS 'DIR BSTAN GYI SHES SGRIB BTAGS 'DZIN RTOG PA'I MTSAN NYID ZER NA, LHAS BYIN RDZAS YOD DU 'DZIN PA'I 'DZIN PA LA DMIGS NAS BDEN PAR ZHEN PA'I ZHEN RIG CHOS CAN, MTSAN NYID DANG PO DER THAL, MTSON BYA DE'I PHYIR, CHOS CAN DE'I PHYIR, 'DOD NA, KHYOD KYI DMIGS YUL DU GYUR PA'I GANG ZAG RDZAS YOD DU 'DZIN PA'I 'DZIN PA YOD PAR THAL LO, ,'DOD NA, LHAS BYIN RDZAS YOD DU 'DZIN PA'I 'DZIN PA GANG ZAG RDZAS YOD DU 'DZIN PA'I 'DZIN PAR THAL LA, ,'DOD NA, GANG ZAG KHYOD KYI DMIGS YUL DANG 'DZIN STANGS KYI YUL GNYIS SU PHYE BA'I DMIGS YUL YIN BAR THAL, KHYOD GANG ZAG RDZAS YOD DU 'DZIN PA'I 'DZIN PA YIN PA'I PHYIR, KHO NA RE, SHES SGRIB RDZAS 'DZIN RTOG PA DANG BTAGS 'DZIN RTOG PA GNYIS 'GAL ZER NA, MI 'THAD DE, RNAM MKHYEN LA DMIGS NAS LONGS SPYOD BYED DU BDEN PAR ZHEN PA'I ZHEN RIG DE DE GNYIS KA YIN PA'I PHYIR TE, RNAM MKHYEN DE RDZAS 'DZIN DANG BTAGS 'DZIN GNYIS KA YIN PA'I PHYIR TE, DE GANG ZAG DON BYED NUS BAR 'DZIN PA'I BLO DANG, SKYES BU BTAGS YOD DU 'DZIN BA'I BLO GNYIS KA YIN
PA'I PHYIR, LNGA PA NI, RTOG PA LA BZHI PO DER GRANGS NGES TE, RTOG BYA LA GZUNG 'DZIN GNYIS SU NGES LA, GZUNG BA LA KUN NAS NYON MONGS PHYOGS KYI GZUNG BA DANG RNAM BYANG PHYOGS KYI GZUNG BA GNYIS SU NGES, 'DZIN PA LA YANG RDZAS 'DZIN DANG, BTAGS 'DZIN GNYIS SU GRANGS NGES PA'I PHYIR, DRUG PA NI, RTOG PA BZHI'I GO RIMS 'DI LTAR BSHAD PA'I RGYU MTSAN YOD DE, THEG CHEN GYI SBYOR LAM DROD SOGS BZHI DANG SPANG GNYEN DU SBYOR BA'I RIM BAS DE LTAR YOD PA'I PHYIR, KHA CIG ,SKABS 'DIR BSTAN GYI RTOG PA LA GZUNG RTOG DANG 'DZIN RTOG GNYIS SU GRANGS NGES, ZER BA MI 'THAD DE, THEG CHEN GYI MTHONG LA MA LA DMIGS NAS BDEN PAR ZHEN PA'I ZHEN RIG DE, SKABS 'DIR BSTAN GYI RTOG PA YIN PA'I PHYIR TE, BDEN 'DZIN YIN BA'I PHYIR, BDUN PA MU BZHIR RTZI TSUL NI, NYI SNANG LAS, GZUNG BA'I RNAM PAR RTOG PA YIN LA 'DZIN PA'I RNAM PAR RTOG PA MA YIN ZHES BYA BA LA MU BZHI STE, DANG PO NI, GZUGS LA SOGS PA'I YUL DRUG GO ,GNYIS PA NI, SKAD CIG MA GCIG DANG LDAN PA'I RNAM PAR SHES PA'O, ,GSUM PA NI, SKAD CIG MA GZHAN GYI DE NYID DO, ,BZHI PA NI, DE DAG DANG 'BREL BA'I SHES RAB KYI PHA ROL TU PHYIN PA'O, ,ZHES GSUNGS, 'DI'I DON NI GZUGS PHUR? LA DMIGS NAS BDEN PAR ZHEN PA'I BLO DE, GZUNG RTOG KHO NA YIN PA'I MU DANG, SHES PA DUS MTHA'I SKAD CIG MA LA DMIGS NAS BDEN BAR ZHEN PA'I BLO DE, 'DZIN RTOG KHO NA YIN PA'I MU YIN YANG, DE GZUNG RTOG MA YIN TE, SHES BDUS MTHA'I SKAD CIG MTSUR MTHONG GIS
, ,MNGON SUM DU RTOGS MI NUS PA'I PHYIR, RGYUN BCAS KYI SHES PA LA DMIGS NAS DER ZHEN PA'I BLO DE GNYIS KA YIN PA'I MU, 'BRAS BU SHER PHYIN DE GNYIS KA MA YIN PA'I MU YIN ZER NA, STONG NYID LA DMIGS NAS, DER ZHEN PA'I BLO DE GZUNG RTOG MA YIN PAR THAL, TSUR MTHONG GIS STONG NYID MNGON SUM DU RTOGS MI NUS PA'I PHYIR, KHYAB PA KHAS, 'DOD MI NUS TE, STONG PA NYID DANG PHA ROL TU PHYIN PA'I DON DANG, ZHES GSUNGS PA'I PHYIR, GZHAN YANG, DE MI 'THAD DE, SHES PA DUS MTHA'I SKAD CIG MA LONGS SPYAD BYA YIN PA'I PHYIR, KHA CIG ,SHES PA LA DMIGS NAS LONGS SPYAD BYA DANG LONGS SPYOD BYED GNYIS KAR BDEN PAR ZHEN PA'I ZHEN RIG DE GNYIS KA YIN ZER BA MI 'THAD DE, BUM PA RTAG MI RTAG GNYIS KAR 'DZIN PA'I BLO DE, BUM PA RTAG PAR 'DZIN PA'I BLO DANG, DE MI RTAG PAR 'DZIN BA'I BLO GNYIS KA YIN PAR THAL, RNAM PAR SHES PA LA DMIGS NAS LONGS SPYAD BYA SPYOD BYED GNYIS KAR BDEN PAR ZHEN PA'I BLO DE DE LA DMIGS NAS LONGS SPYAD BYAR BDEN PAR ZHEN PA'I BLO DANG, LONGS SPYOD BYED DU BDEN PAR ZHEN PA'I BLO GNYIS KA YIN PA'I PHYIR, RTAGS KHAS, 'DOD NA, RTOG PA DON MTHUN DU THAL, BUM PA MI RTAG BAR 'DZIN BA'I BLO YIN PA'I PHYIR, DE BZHIN DU GZUGS DANG GZUGS BDEN STONG GNYIS KA LA DMIGS NAS BDEN GRUB TU ZHEN PA'I BLO DE, DE GNYIS KAR THAL BAS DE DGAG RTOG DANG SGRUB RTOG GNYIS KAR THAL BA DANG, SDUG BDEN DANG LAM BDEN GNYIS KA LA DMIGS NAS BDEN PAR ZHEN PA'I BLO DE, SDUG BDEN LA DMIGS NAS BDEN PAR ZHEN PA DANG, LAM BDEN
LA DMIGS NAS BDEN PAR ZHEN PA GNYIS KAR THAL BA'I SGO NAS, KUN NAS NYON MONGS GZUNG RTOG DANG, RNAM BYANG GZUNG RTOG GNYIS KAR THAL BA SOGS KYI SKYON MANG DU 'JUG GO ,KHA CIG ,KUN NAS NYON MONGS GZUNG RTOG DANG RNAM BYANG GZUNG RTOG GNYIS LA MU BZHIR PHYE NAS, KUN NAS NYON MONGS PA DANG, RNAM BYANG GI GZUNG BA GNYIS KA LA DMIGS NAS LONGS SPYAD BYAR BDEN PAR ZHEN PA'I ZHEN RIG DE GNYIS KA YIN BA'I MU YIN ZER BA YANG RIGS PA DES KHEGS SO, ,KHO NA RE, DE GNYIS KA YIN PA YOD PAR THAL BDEN BZHI LA DMIGS NAS LONGS SPYAD BYAR BDEN PAR ZHEN BA'I ZHEN RIG DE DE GNYIS KA YIN BA'I PHYIR TE, DE RANG GI DMIGS YUL DU GYUR PA'I KUN NAS NYON MONGS PHYOGS KYI BDEN PA LA DMIGS NAS LONGS SPYAD BYAR BDEN PAR ZHEN PA'I BLO YIN PA'I PHYIR, DE SDUG BDEN LA DMIGS NAS DE'I PHYIR, CHOS CAN DE'I PHYIR NA MA KHYAB, RNAM BSHAD LAS, GZUNG BAR RTOG PA 'DZIN PAR RTOG PA ZHES BYA BA NI PHYOGS TZAM MTSON PAR BYA BA YIN GYI, SPANG BYA RTOG PA THAMS CAD DER 'DZIN STANGS DE 'DRA BAR ZAD PA MA YIN TE, NYAN THOS KYI LAM 'BRAS LA DMIGS NAS LDOG? BYAR BDEN PAR ZHEN PA YANG 'DIR BSTAN SPANG BYA RTOG PA YIN PA'I PHYIR, ZHES GSUNGS, DES NA LONGS SPYAD BYAR BDEN PAR ZHEN PA DANG, LONGS SPYOD BYED DU BDEN PAR ZHEN PA NI GZUNG BAR RTOG PA DANG 'DZIN PAR RTOG PA'I DON NO, ,ZHES GSUNGS PA'I DON LA, PHYIS KYI MKHAS PAR RLOM PA KHA CIG ,'DI LA NANG 'GAL YOD DE, NYAN RANG GI LAM 'BRAS LA DMIGS NAS BYANG SEMS LAM GYI LDOG BYAR BDEN BAR ZHEN PA'I ZHE NA RIG CHOS CAN, LONGS
, ,SPYAD BYAR BDEN PAR ZHEN PA'I ZHEN RIG TU THAL, SHES SGRIB GZUNG RTOG YIN PA'I PHYIR, RTAGS GSAL LUNG DANG PO'I SKABS SU SONG, KHYAB PA LUNG RJES MA'I SKABS SU SONG BAS 'KHOR GSUM YIN NO ZHES ZER, 'DI LA MKHAS PA KHA CIG ,SKYON MED DE, LUNG DANG POS NYAN RANG GI LAM 'BRAS LA DMIGS NAS LONGS SPYAD BYAR BDEN PAR ZHEN BA'I ZHEN RIG DE 'DIR BSTAN SHES SGRIB RTOG PAR BSTAN GYI, 'DIR BSTAN SHES SGRIB GZUNG RTOG TU BSTAN BA MA YIN PA'I PHYIR TE, LUNG DANG POS 'DIR BSTAN SHES SGRIB GZUNG RTOG YIN NA, LONGS SPYAD BYAR BDEN PAR ZHEN PA'I ZHEN RIG YIN PAS KHYAB PAR BSTAN PA GANG ZHIG ,DE 'DRA'I ZHEN RIG DE LONGS SPYAD BYAR BDEN PAR ZHEN BA'I ZHEN RIG MA YIN PAR YANG LUNG DANG POS BSTAN PA'I PHYIR, DES NA LUNG DANG PO'I DON NI, 'DIR BSTAN SHES SGRIB RTOG BA YIN NA, GZUNG RTOG DANG 'DZIN RTOG GANG RUNG YIN BAS MA KHYAB STE, DE 'DRA'I ZHEN RIG DE 'DIR BSTAN SHES SGRIB RTOG PA YIN PA'I PHYIR, LUNG GNYIS PA'I DON NI, LONGS SPYAD BYAR BDEN PAR ZHEN PA'I ZHEN RIG ,SHES SGRIB GZUNG RTOG GI MTSAN NYID DANG, LONGS SPYOD BYED DU BDEN PAR ZHEN PA'I ZHEN RIG ,SHES SGRIB 'DZIN RTOG GI DON YIN, ZHES PA'O, ,ZHES GSUNGS, RE ZHIG DPYAD NA, DE 'DRA'I ZHEN RIG CHOS CAN, LONGS SPYAD BYAR BDEN PAR ZHEN PA'I ZHEN RIG YIN PAR THAL, GZUNG BAR BDEN PAR ZHEN PA'I ZHEN RIG YIN PA'I PHYIR TE, NYAN RANG GI LAM 'BRAS LA DMIGS NAS DE'I PHYIR TE, DE LA DMIGS NAS YUL DU BDEN
PAR ZHEN PA'I ZHEN RIG YIN PA'I PHYIR, CHOS CAN DE'I PHYIR, GZHAN YANG, DE SHES SGRIB GZUNG RTOG TU THAL, DE LA DMIGS NAS BYANG SEMS LAM GYI LDOG BYA'I YUL DU BDEN PAR ZHEN PA'I BLO DE DE YIN PA'I PHYIR, MA GRUB NA, DE CHOS CAN, DER THAL, LONGS SPYAD BYAR BDEN PAR ZHEN PA'I BLO YIN PA'I PHYIR, KHYAB PA KHAS, RTAGS SLA, GZHAN YANG, SNGA MA DE CHOS CAN, SHES SGRIB GZUNG RTOG TU THAL, SHES SGRIB LDOG PA GZUNG RTOG YIN PA'I PHYIR, RTAGS GRUB STE, RNAM BSHAD LAS, DE YANG 'DIR BSDUS NAS BSTAN PA TZAM YIN LA RTZE SBYOR GYI SKABS SU BSTAN PA DANG DON GCIG TU SHES PAR BYA'O, ,ZHES GSUNGS PA'I PHYIR, RGYAS PAR 'OG TU 'CHAD DE, ,DES NA RNAM BSHAD KYI LUNG DON, GZUNG BAR RTOG PA DANG 'DZIN PAR RTOG PA ZHES BYA BA NI PHYOGS TZAM MTSON PAR BYED BA YIN GYI, SKABS 'DIR BSTAN GYI SPANG BYA RTOG PA THAMS CAD GZUNG BA TZAM DU BDEN PAR ZHEN PA DANG 'DZIN PA TZAM DU BDEN PAR ZHEN PAR ZAD BA MA YIN TE, NYAN THOS KYI LAM 'BRAS LA DMIGS NAS BYANG SEMS LAM GYI LDOG BYAR BDEN PAR ZHEN PA DE SHES SGRIB GZUNG RTOG YIN YANG, DE GZUNG BA TZAM DU BDEN BAR ZHEN BA MA YIN PA'I PHYIR, DE SHES SGRIB GZUNG RTOG YIN TE, 'JUG PA DANG NI LDOG PA LA, ,ZHES SOGS KYI RTZA 'GREL GYIS DE SHES SGRIB LDOG PA GZUNG RTOG TU BSTAN PA'I PHYIR, GNYIS PA GRUB STE, DE GZUNG BA'I KHYAD PAR BYANG SEMS LAM GYI LDOG BYAR BDEN PAR ZHEN PA YIN PA'I PHYIR, ZHES PA'O, ,BRGYAD PA NI, THEG CHEN GYI SBYOR LAM DE RNAM RTOG LDAN TSUL GYI SGO NAS, THEG DMAN GYI SBYOR LAM
, ,LAS KHYAD PAR DU 'PHAGS TE, DE SHES SGRIB RTOG PA BZHI PO DE BYANG SEMS SBYOR LAM PA'I 'DOD BYA'I YUL BYANG CHUB THOB PA LA GEGS BYED, THEG CHEN GYI SBYOR LAM DES SHES SGRIB RTOG PA MNGON GYUR PA MGO GNON PA'I PHYIR 'BAD RTZOL NGAL DUB DU MA BYED DGOS PA KUN NAS NYON MONGS BYED DU LDAN PA'I PHYIR TE, RGYAN SNANG LAS, DE LTAR 'OG NAS 'CHAD PAR 'GYUR BA'I RTZE MO'I MNGON PAR RTOGS PAS BSDUS PA MTHONG BA DANG SGOM PA'I LAM GYIS SPANG BAR BYA BA'I RNAM PAR RTOG PA BZHI RNAMS KYI GRANGS JI LTA BA BZHIN DU NGES PAR 'BYED PA'I CHA DANG MTHUN PA 'DI DAG KUN NAS NYON MONGS PA LA BRTEN NAS BRJOD PAR BYA'O, ,ZHES GSUNGS PA'I PHYIR, GNYIS PA SPONG BYED GNYEN PO'I RNAM GZHAG 'OG TU 'CHAD DO, , ` 'O NA; SEMS MI 'GONG BA NYID LA SOGS, ,ZHES SOGS KYIS, YONGS 'DZIN DGE BSHES KYI KHYAD PAR RGYAS PAR 'CHAD TSUL DE GANG ZHE NA, 'DI LA MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN THEG PA LA GSAR DU ZHUGS PAS BSTAN PA 'DI THOS NAS ZHUM ZHING KUN TU ZHUM PAR BGYID PA DE KUN TU SKRAG PAS ZIN PAR MI 'GYUR BA LAGS SAM; BCOM LDAN 'DAS KYIS BKA' STZAL PA, RAB 'BYOR GAL TE BYANG CHEN THEG PA LA GSAR DU ZHUGS PAS SHER PHYIN LA SPYOD PA NA THABS MI MKHAS PA DANG, DGE PA'I BSHES GNYEN GYI LAG TU SONG BAR MA GYUR NA NI DBANG ZHING KUN TU SKRAG LA SKRAG PAS ZIN PAR
'GYUR RO, ,RAB 'BYOR GYIS GSOL PA, BCOM LDAN 'DAS GANG LA SPYOD PA MI DNGANG KUN TU MI SKRAG ,KUN TU SKRAG PAS ZIN PAR MI 'GYUR BA'I SHER PHYIN LA SPYOD PA'I BYANG CHEN THABS MKHAS PA DE GANG LAGS, BKA' STZAL PA, RAB 'BYOR 'DI LA BYANG CHEN SHER PHYIN LA SPYOD PA'I TSE RNAM PA THAMS CAD MKHYEN PA NYID DANG LDAN PA'I SEMS KYIS GZUGS MI RTAG CES BYA BAR SO SOR RTOG KYANG DE MI DMIGS SO, ,ZHES SOGS KYIS THABS MKHAS KYI YONGS 'DZIN BSTAN, DGE BSHES KYI YONGS 'DZIN STON PA LA, RAB 'BYOR GYIS GSOL PA, BCOM LDAN 'DAS GANG GIS YONGS SU BZUNG BAS SHER PHYIN BSTAN PA THOS NAS MI DNGANG KUN TU MI SKRAG KUN TU SKRAG PAS ZIN PAR MI 'GYUR BA'I BYANG CHEN DE'I DGE BA'I BSHES GNYEN GANG LAGS, BKA' STZAL PA, RAB 'BYOR 'DI LA BYANG CHEN DGE BA'I BSHES GNYEN NI GANG DE LA GZUGS MI RTAG CES BYA BAR DE LA MI DMIGS BA'I TSUL GYIS CHOS STON CING, DGE BA'I RTZA BA THAMS CAD KYANG RNAM PA THAMS CAD MKHYEN PA NYID MA GTOGS PAR NYAN THOS KYI SA'AM RANG SANGS RGYAS KYI SAR YONGS SU BSNGOR MI 'JUG PA'O; ;ZHES PA NAS, DE LTAR BYANG CHEN SDIG PA'I GROGS POR RIG PAR BYA STE, DE LTAR SHES NAS KYANG YONGS SU SPANG BAR BYA'O, ,ZHES PA'I BAR GSUNGS, GNYIS PA LA, MTSAMS SBYAR, RTZA BA, 'GREL PA DANG GSUM LAS, DANG PO NI, SKABS 'DIR YONGS 'DZIN BSTAN PA MA YIN TE, DE MDOR BSTAN GYI GO RIMS DANG MI MTHUN PA'I PHYIR, MDOR BSTAN DU YONGS 'DZIN RTOG PA'I SNGAR BSTAN PA'I PHYIR NA, SKYON MED DE, MDOR BSTAN GYI TSIGS SU BCAD PA'I GO RIM DANG BSTUN NA DE LTAR YIN YANG, SKABS 'DIR YONGS
, ,'DZIN BSTAN PA LA DGOS PA YOD PA'I PHYIR TE, THEG CHEN GYI SBYOR LAM DE SNGAR BSHAD PA'I KHYAD CHOS SNGA MA DE RNAMS KYIS KHYAD PAR DU 'GYUR BA YONGS 'DZIN DGE BA'I BSHES GNYEN GYI ZIN PA LA RAG LAS SO ZHES SHES PAR BYA BA'I CHED DU YONGS 'DZIN SKABS 'DIR BSTAN PA'I PHYIR, ZHES MTSAMS SBYOR BA LA, TSIGS SU BCAD PA SBYAR BA DANG MTHUN PAR YONGS SU 'DZIN PA SNGAR GSUNGS NA YANG, DE'I STOBS KYIS JI SKAD BSHAD PA KHYAD PAR DU 'GYUR RO, ,ZHES BSTAN PA'I PHYIR YANG MJUG THOGS SU BAR SKABS KYI TSIGS SU BCAD PA, ZHES GSUNGS, GNYIS PA LA, SLOB DPON 'PHAGS PA LTAR NA, MDO TSAN DANG PO DES, BYANG SEMS SBYOR LAM PA'I NANG GI YONGS 'DZIN BSTAN NAS, DE'I DON 'CHAD PA LA, SEMS MI 'GONG BA NYID LA SOGS; ;DE YI MI MTHUN PHYOGS BOR BA, ,RNAM PA KUN TU YONGS 'DZIN YIN, ,ZHES GSUNGS PA YIN TE, GZHUNG 'DIS BYANG SEMS SBYOR LAM PA'I RGYUD KYI SEMS MI 'GONG BA STE MI ZHUM ZHING MI SKRAG PA'I STONG NYID RTOGS PA'I SHES RAB DANG, DE'I RGYUD KYI BSOD NAMS KYI TSOGS DE'I NANG GI YONGS 'DZIN DU DNGOS SU BSTAN PA'I PHYIR TE, NYI SNANG LAS, THABS MKHAS PA DANG DGE BA'I BSHES GNYEN NI BYANG CHUB SEMS DPA'I YONGS SU 'DZIN PA YIN NO, ,ZHES GANG GSUNGS PA DE LA THABS MKHAS PA'I DBANG DU MDZAD NAS SEMS MI ZHUM PA NYID DANG MI DNGANG BA LA SOGS PA'I RGYU LAS BRTZAMS TE, ZHES GSUNGS PA'I PHYIR, NGO BO NYID MED SOGS STON BYED, ,DE YI MI MTHUN PHYOGS BOR BA, ,RNAM BA KUN TU YONGS 'DZIN YIN, ,ZHES PA'I MDO TSAN GNYIS PAS DON
'CHAD PA'I SGO NAS DE'I PHYI'I YONGS 'DZIN DNGOS SU BSTAN PA YIN TE, DES CHOS THAMS CAD BDEN PAS STONG PA NGO BO NYID MED PA SOGS THEG PA CHEN PO'I CHOS STON PA'I DGE BA'I BSHES GNYEN GCIG DNGOS SU BSTAN PA'I PHYIR TE, NYI SNANG LAS, DGE BA'I BSHES GNYEN GYIS YONGS SU ZIN PA NI GZUGS LA SOGS PA'I MA 'DRES PA'I CHOS KYI BAR RNAMS MI RTAG PA LA SOGS PA RNAMS SU MI DMIGS PAR STON CING, ZHES GSUNGS PA'I PHYIR, SLOB DPON GYIS LE'U BRGYAD MAR SNGAR BZHIN MDO TSAN DANG POS THABS MKHAS KYI YONGS 'DZIN DANG, GNYIS PAS DGE BSHES KYI YONGS 'DZIN BSTAN PAR BSHAD LA, RGYAN SNANG DANG 'GREL PA 'DI GNYIS LTAR NA DE GNYIS GCIG TU BSDUS TE DGE BSHES KYI YONGS 'DZIN BSTAN NAS, MDO DE'I DON BSHAD PA'I SGO NAS BYANG SEMS SBYOR LAM PA'I PHYI'I YONGS 'DZIN DNGOS SU STON PA LA, SEMS MI 'GONG BA NYID LA SOGS, ,ZHES SOGS GSUNGS TE, RGYAN SNANG LAS, RNAM PAR RTOG PA BZHI DANG LDAN PA LAS DANG PO NI THABS MKHAS PA'I DGE BA'I BSHES GNYEN GYIS YONGS SU ZIN PA BSTAN PAR BYA BA'I PHYIR THEG PA LA GSAR DU ZHUGS PA LA SOGS PA GSUNGS PA YIN TE, ZHES GSUNGS PA'I PHYIR DANG, 'DIR YANG, DGE BA'I BSHES GNYEN YIN PAS YONGS SU 'DZIN PA YIN NO, ,ZHES GSUNGS PA'I PHYIR, GSUM PA LA, THABS MKHAS PA'I KHYAD PAR, CHOS STON PA'I KHYAD PAR, 'GAL RKYEN SPONG BA'I KHYAD PAR, DON BSDU BA'O, ,DANG PO NI, SEMS MI 'GONG BA NYID LA SOGS, ,ZHES PAS BSTAN NAS, DE'I DON BSHAD PA LA, SEMS MI 'GONG ZHING MI SKRAG PA LA SOGS PA'I THABS MKHAS PAS, ZHES GSUNGS
, ,PA'I PHYIR, GNYIS PA NI, NGO BO NYID MED SOGS STON BYED, ,CES PAS BSTAN, DE'I DON BSHAD PA LA, BSAM PA JI LTA BA BZHIN DU DNGOS PO MTHA' DAG BDAG MED PA LA SOGS PAR STON PAR BYED BA, ZHES GSUNGS SO, ,GSUM PA NI, DE YI MI MTHUN PHYOGS BOR BA, ,ZHES PAS BSTAN, DE'I DON BSHAD PA LA, MI MTHUN PA'I PHYOGS KYI CHOS SER SNA LA SOGS PA DANG MI LDAN PA NI, ZHES GSUNGS, BZHI PA NI, RNAM PA KUN TU YONGS 'DZIN YIN, ,ZHES DANG, DGE BA'I BSHES GNYEN YIN PAS YONGS SU 'DZIN PA YIN NO, ,ZHES BSHAD, GZHUNG DEN? NI, BYANG SEMS SBYOR LAM BA'I RGYUD KYI THABS SHES KHYAD BAR CAN CHOS CAN, DE'I NANG GI YONGS 'DZIN YIN TE, DE SRID ZHI GANG RUNG GI MTHAR LTUNG BA 'GOG BYED KYI DE'I MKHYEN PA YIN PA'I PHYIR, DE'I BDAG RKYEN DU GYUR PA'I MCHOG GI SPRUL SKU CHOS CAN, DE'I PHYI'I YONGS 'DZIN YIN TE, DE LA THABS SHES KYI CHOS RDZOGS PAR STON PA'I BDAG RKYEN DU GYUR PA'I DGE BA'I BSHES GNYEN YIN PA'I PHYIR, KHA CIG ,MCHOG GI SPRUL SKU BYANG SEMS SBYOR LAM PA'I YONGS 'DZIN YIN ZER BA MI 'THAD DE, DE DE'I BDAG RGYEN MA YIN PA'I PHYIR TE, DE DE'I 'BRAS BU YIN PA'I PHYIR TE, SANGS RGYAS 'PHAGS PA DE'I 'BRAS BU YIN PA'I PHYIR TE, BYANG CHUB SEMS DPA'I 'BRAS BU YIN PA'I PHYIR, KHA CIG ,BYANG SEMS SBYOR LAM PA'I YONGS 'DZIN YIN NA, DE LA THABS SHES YONGS SU RDZOGS PAR 'DOMS PAS KHYAB ZER BA MI 'THAD DE, JO BO RJE'I YONGS 'DZIN DU GYUR PA'I SEMS TZAM RNAM BDEN PA'I LTA BA LA GNAS PA'I GSER GLING BA CHEN PO DANG, BYE BRAG TU SMRA PAR GYUR PA'I BLA MA DHARM'A RAKshI TA SOGS YOD PA'I PHYIR, DES NA
SKABS 'DIR YONGS 'DZIN GYI RNAM GZHAG LA, BSTEN BYA DGE BA'I BSHES GNYEN GYI MTSAN NYID, STEN BYED SLOB MA'I MTSAN NYID, JI LTAR BSTEN PA'I TSUL, BSTEN PA'I PHAN YON, MA BSTEN PA'I NYES DMIGS, GDAMS NGAG JI LTAR STER TSUL BSTAN PA'O, ,DANG PO NI, SPYIR THEG CHEN GYI DGE BA'I BSHES GNYEN DE LA YON TAN BCU DANG LDAN PA ZHIG DGOS TE, LHAG PA TSUL KHRIMS KYI BSLAB PAS DBANG PO DUL BA, TING NGE 'DZIN GYI BSLAB PAS SEMS RAB TU ZHI BSHES RAB KYI BSLAB PAS SEMS NYE BAR ZHI BA, SLOB MA DE LAS YON TAN LHAG PA, CHOS STON PA SOGS GZHAN GYI BYA BA LA BRTZON PA, MANG DU THOS PA'I LUNG GI YON TAN GYIS PHYUG PA, GNAS LUGS KYI DE NYID RAB TU RTOGS PA'I SHES RAB DANG LDAN PA, GDUL BYA LA CHOS SMRA BA LA MKHAS PA, THABS BRTZE BA'I BDAG NYID SNYING RJE DANG LDAN PA, CHOS BSHAD PA SOGS GZHAN GYI DKA' SPYAD LA SKYOD LA SPANGS PA STE BZOD PA'I YON TAN DANG LDAN PA RNAMS DGOS PA'I PHYIR TE, MDO SDE'I RGYAN LAS, BSHES GNYEN DUL BZHI BA NYER ZHI BA, ,YON TAN LHAG PA BRTZON BCAS LUNG GIS PHYUG ,DE NYID RAB TU RTOGS LA SMRA MKHAS LDAN, ,BRTZE BA'I BDAG NYID SKYONG LA SPANGS PA BSTEN, ,ZHES GSUNGS PA'I PHYIR, BSTAN BCOS 'DIR THEG CHEN GYI BSHES GNYEN LA KHYAD CHOS GSUM DANG LDAN PA ZHIG DGOS PAR BSTAN PA YIN TE, THABS MKHAS PA'I KHYAD PAR DE KHO NA NYID LA SOGS PA'I CHOS LA 'JIGS PA'I DNGANG BA DANG, DE DAG LA RGYUN DU 'JIGS PA'I SKRAG PA DANG, SKRAG PA DE NYID NGES PAR GYUR PA'I KUN TU SKRAG PA STE
, ,DE DAG GI GNYEN BOR GDUL BYA'I SEMS STONG PA NYID LA MI 'GONG ZHING MI SKRAG PA DANG, KUN TU MI SKRAG PAR BYED PA'I THABS MKHAS PA DANG, CHOS STON PA'I KHYAD PAR RGYAL PO'I BTZUN MO SDUG PA SHI BA LA RIM GYIS BRDA SPROD PA DANG 'DRA BAR GDUL BYA'I BSAM PA JI LTA BA BZHIN DU CHOS THAMS CAD NGO BO NYID MED PA LA SOGS PAR STON PA, 'GAL RKYEN SPONG BA'I KHYAD PAR THEG CHEN GYI LAM PHAR PHYIN DRUG GI MI MTHUN PHYOGS KYI CHOS SER SNA SOGS BOR BA STE MI LDAN PAR GDUL BYA BDE 'GRO DANG NGES LEGS KYI 'BRAS BU LA 'GOD BAR BYED PA'I KHYAD CHOS GSUM LDAN GCIG DGOS BAR BSTAN PA'I PHYIR, MDOR NA GROL BA DON GNYER BA RNAMS KYIS RANG LAS MCHOG TU GYUR PA'I BSHES GNYEN DAM PA 'TSOL RIGS TE, MDZA' BSHES KYI TSOMS LAS; DMAN PA BSTEN PAS MI DAG NYAMS GYUR ZHING, ,THAD KA BABS PA BSTEN PAS SON GNAS, ,GTZO BO BSTEN PAS DAM PA THOB 'GYUR BAS, ,DE'I PHYIR BDAG PAS CHES GTZO BSTEN BAR BYA, ,ZHES GSUNGS PA'I PHYIR, DES NA KHYAD PAR GSUM LDAN GYI THEG CHEN GYI DGE BA'I BSHES GNYEN DU DMIGS PA, 'DIR DNGOS SU BSTAN PA'I YONGS 'DZIN GYI MTSAN NYID, GNYIS PA NI, THEG CHEN GYI GDAMS NGAG NYAN PA'I THEG CHEN GYI GDUL BYA DE YANG YON TAN GSUM DANG LDAN PA ZHIG DGOS TE, G-YO SGYU SOGS DANG BRAL PA'I BLO GZU BOR GNAS BA, LEGS NYES KYI RNAM GZHAG SO SOR 'BYED PA'I BLO GROS DANG LDAN PA, THEG CHEN GYI CHOS LA MOS ZHING DON DU GNYER BA ZHIG DGOS PA'I PHYIR TE, BZHI BRGYA PA LAS, GZUR GNAS BLO LDAN DON GNYER
BA; ;NYAN PO SNOD CES BYA BAR BRJOD, ,CES GSUNGS PA'I PHYIR, 'DIR NI SHER PHYIN GYI MDO NYAN PA'I GDUL BYA DE KHYAD CHOS GSUM LDAN DU BSTAN PA YIN TE, SNGON SANGS RGYAS RNAMS LA MCHOD PA SOGS LHAG PAR BYA BA BYAS PA, DE RNAMS LA DGE BA'I RTZA BRGYA CHEN PO BSKRUN PA, THEG CHEN GYI DGE BA'I BSHES GNYEN GYI MGON DANG MA BRAL BA ZHIG DGOS PAR BSTAN PA'I PHYIR TE, SANGS RGYAS RNAMS LA LHAG PAR BYAS, ,ZHES SOGS GSUNGS PA'I PHYIR, DES NA BLO GZU BOR GNAS PA SOGS YON TAN GSUM LDAN GYI SGO NAS RANG GI YONGS 'DZIN DAM PA BSTEN PAR KHAS LEN PA'I GANG ZAG TU DMIGS PA, STEN BYED SLOB MA'I MTSAN NYID, GSUM PA NI, SLOB MA RNAMS KYIS BSHES GNYEN DAM PA JI LTAR BSTEN PA'I TSUL YOD DE, DES DE BSAM SBYOR GNYIS KYIS SGO NAS BSTEN BAR BYA DGOS PA'I PHYIR, BSAM PA'I SGO NAS BSTEN TSUL YOD DE, BLA MA LA SANGS RGYAS DANG 'DRA BA'I 'DU SHES BZHAG PA'I SGO NAS BSTEN PAR BYA BA YIN PA'I PHYIR TE, MDO SDE'I SKABS LAS, SANGS RGYAS 'DRA BAR DE LA 'DU SHES GZHAG ,CES DANG; MDO LAS, DGE BA'I BSHES GNYEN LA JI LTAR BLTA BAR BYA ZHEN DE BZHIN GSHEGS PA LA JI LTA BA DE BZHIN NO, ,ZHES GSUNGS PA'I PHYIR, SBYOR BA'I SGO NAS BSTEN TSUL YOD DE, BSOD SNYOMS DANG NA BZA' DBUL BA SOGS RNYED PA DANG, PHYAG DANG LDANG BA SOGS BKUR STI DANG, BLA MA'I G-YOG BYED PA SOGS RIM GRO TSUL BZHIN DU SGRUB PA'I SGO NAS BSTEN PAR BYA BA YIN PA'I PHYIR TE, MDO SDE'I RGYAN LAS, RNYED DANG BKUR STI DAG DANG RIM GRO DANG, ,SGRUB PA'I SGO NAS BSHES GNYEN BSTEN PAR BYA, ,
, ,ZHES DANG, BLA MA LNGA BCU PA LAS, MCHOG TU DANG BAS DUS GSUM DU, ,DKYIL 'KHOR ME TOG BCAS THAL MOS, ,STON PA BLA MA BSNYEN BKUR ZHING, ,ZHABS LA SPYI BOS PHYAG BYA'O, ,ZHES GSUNGS PA'I PHYIR, RANG NYID RAB BYUNG DANG, BLA MA KHYIM PA SOGS YIN NA'ANG SPYIR BTANG LA PHYAG 'TSAL DGOS SHING, DE DGOS PA DANG 'BREL BA'I TSE RANG NYID LA 'JIG RTEN GYIS SMOD PA SOGS DGOS PA KHYAD PAR CAN YOD NA MDUN DU DAM CHOS SOGS BZHAG STE LUS KYIS DE LA PHYAG 'TSAL ZHING, BLOS BLA MA LA PHYAG 'TSAL DGOS TE, DE NYID LAS, KHYIM PA'AM NI GSAR BU LA, ,'JIG RTEN SMOD PA SPANG PA'I PHYIR, ,DAM CHOS LA SOGS MDUN BDAR TE, ,BRTUL ZHUGS 'DZIN PA'I BLOS PHYAG 'TSAL, ,ZHES GSUNGS PA'I PHYIR, BZHI PA NI, SLOB MA RNAMS KYIS BSHES GNYEN DAM PA TSUL BZHIN DU BSTEN PA LA PHAN YON CHEN PO DANG LDAN TE, GNAS SKABS DANG MTHAR THUG GI DNGOS GRUB THAMS CAD SLOB DPON TSUL BZHIN DU BSTEN PA LAS 'BYUNG, RANG GI BLA MA MNYES PHAR BYAS PAS DUS GSUM GYI SANGS RGYAS THAMS CAD MNYES BAR 'GYUR, BSKAL BA GRANGS MED PAR RNYED PAR DKA' BA'I SANGS RGYAS KYI GO 'PHANG BLA MA LA BRTEN NAS 'BYUNG BA'I PHYIR, DANG PO GRUB STE, DE NYID LAS, DNGOS GRUB SLOB DPON RJES 'BRANG ZHES; ;RDO RJE 'DZIN PA NYID GSUNGS PHYIR, ,SHES NAS DNGOS PO THAMS CAD KYIS, ,BLA MA YONGS SU MNYES PAR BYA, ,ZHES GSUNGS PA'I PHYIR, GNYIS PA GRUB STE, RDO RJE SNYING PO RGYAN GYI RGYUD LAS, DE BAS THABS NI THAMS CAD KYIS, ,RDO RJE 'DZIN
PA BLA MA MCHOG ,RJES SU MTHUN PA MNYES BAR BYA, ,DE MNYES SANGS RGYAS THAMS CAD MNYES, ,ZHES GSUNGS PA LTAR 'THAD PA'I PHYIR, ,GSUM PA GRUB STE, DE NYID LAS, GANG PHYIR BSKAL PA BYE BA NI, ,GRANGS MED PAR NI RNYED DKA' BA'I, , SANGS RGYAS NYID KYANG BRTZON LDAN LA, ,TSE 'DI NYID LA STER BAR BYED, ,CES GSUNGS PA'I PHYIR DANG, BLA MA LNGA BCU PA LAS, DBANG BSKUR MCHOG THOB RDO RJE YI, ,SLOB DPON LA NI DE BZHIN GSHEGS, ,PHYOGS BCU'I 'JIG RTEN KHAMS BZHUGS PAS?,, ,, DUS GSUM DU NI MNGON PHYAG 'TSAL, ,ZHES GSUNGS PA'I PHYIR, LNGA PA NI, SLOB DPON LA SMAD PA DANG MA GUS PA SOGS SPANG DGOS TE, DE LTAR BYED PA NYES PA KUN GYI 'BYUNG GNAS YIN PA'I PHYIR TE, RANG GI BLA MA SNYING THAG PA NAS BRNYAS NA SANGS RGYAS THAMS CAD BRNYAS PA DANG 'DRA BAS DE'I RNAM PAR SMIN PAS TSE 'DIR TSOR BA MI BZAD PA MYONG BA DANG, ,PHYI MAR DMYAL BAR 'GRO BA SOGS KYI NYES PA 'BYUNG BA'I PHYIR TE, DE NYID LAS, DE 'DRA'I MGON LA BSAM BYAS NAS, ,SLOB MA 'GYUR NAS BRNYAS NA NI,, SANGS RGYAS THAMS CAD BRNYAS PAS NA, ,DE NI RTAG TU SDUG BSNGAL THOB, ,CES DANG, SLOB DPON LA NI BRNYAS PA DE, ,YAMS DANG 'TSE PA'I NAD RNAMS DANG, ,GDON DANG RIMS DANG DUG RNAMS KYIS, ,RMONGS CHEN DE NI 'CHI BAR 'GYUR, ,RGYAL PO ME DANG SBRUL GDUG DANG, ,CHU DANG MKHA' 'GRO CHOM RKUN DANG, ,GDON DANG LOG 'DREN RNAMS KYIS KYANG, ,BSAD NAS SEMS CAN DMYAL BAR 'GRO, ,ZHES GSUNGS PA'I PHYIR, DE LA SOGS PA MANG DU GSUNGS SO, ,DRUG PA NI, SNGAR BSHAD PA'I SLOB MA DE LTA
, ,BUS BSHES GNYEN DE LTA BU BSAM SBYOR GNYIS KYI SGO NAS DE LTAR BSTEN PA NA, BSHES GNYEN DES KYANG SLOB MA DE JI LTAR GZUNG BA'I TSUL YOD DE, DES DE LA CHOS DANG ZANG ZING GIS PHAN 'DOGS CI DGOS PA DANG KHYAD BAR DU GDUL BYA'I DBANG PO DANG 'TSAMS PAR THEG PA CHE CHUNG GI SDE SNOD LA THOS BSAM BYED DU BCUG PA SOGS KYI SGO NAS RJES SU GZUNG BAR BYA BA YIN PA'I PHYIR TE, SUM BRGYA PA LAS, TSUL KHRIMS LDAN ZHING 'DUL BA'I CHO GA SHES, ,NAD BAR SNYING BRTZE NANG 'KHOR DAG PA DANG; ;CHOS DANG ZANG ZING PHAN 'DOGS LA BRTZON PA, ,DUS SU 'DOMS PA DE DAG BLA MAR BSNGAGS, ,ZHES GSUNGS PA'I PHYIR, ` BZHI BA GDAMS DON PHYIN CI MA LOG BAR SGRUB PA'I SGRUB PA STON PA LA, SGRUB PA'I RTEN DANG, SGRUB PA'I DMIGS PA DANG, SGRUB PA'I CHED DU BYA BA DANG, SGRUB PA RANG GI NGO BO DANG BZHI LAS, DANG PO LA, MDO LAS GSUNGS TSUL, BSTAN BCOS KYIS 'GREL TSUL GNYIS LAS, DANG PO NI, GONG DU BYANG CHUB SEMS DPA' SEMS DPA' CHEN PO, ZHES MANG DU GSUNGS PA LAS 'PHROS NAS; DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN ZHES BGYI PA'I TSIG GI DON GANG LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR BYANG CHUB SEMS DPA'I TSIG GI DON MED PA STE, DE CI'I PHYIR ZHE NA, BYANG CHUB LA NI SKYE BA'AM YOD PA NYID DAM MED PA NYID YOD PA'I DMIGS PA MA YIN TE, RAB 'BYOR DE'I PHYIR BYANG CHUB SEMS DPA'I TSIG GI DON MED PA'O, ,
ZHES BAS RIGS KYI NGO BO MDOR BSTAN NAS, RIGS BCU GSUM SO SOR PHYE STE STON PA LA, RAB 'BYOR 'DI LTA STE, NAM MKHA' LA NI BYA'I RJES MI DMIGS SO, ,ZHES SOGS GSUNGS, GNYIS PA LA, RIGS KYI RAB DBYE, DBYE BA LA RTZOD PA SPONG BA'O, , DANG PO LA, MTSAMS SBYOR BA, RTZA BA, 'GREL PA, DON BSDUS PA DANG BZHI LAS, DANG PO NI, LUS RNAM GZHAG TU, NGES 'BYED YAN LAG RNAM BZHI DANG, ,SGRUB PA YIN RTEN GYUR PA, ,ZHES BSHAD NA, THEG CHEN GYI SBYOR LAM GYI RJES SU SGRUB PA'I RTEN RANG BZHIN GNAS RIGS 'CHAD PA'I RGYU MTSAN GANG ZHE NA, DE LTAR BSTAN PA LA DGOS PA YOD DE, SNGAR BSHAD PA'I SBYOR BZHI DANG, PHYIS 'CHAD 'GYUR GYI SGRUB PA BZHI YANG RIGS LA BRTEN DGOS SO ZHES SHES PAR BYA BA'I CHED YIN PA'I PHYIR, ZHES MTSAMS SBYOR BA LA, SGRUB PA DANG LDAN PA LA NGES PAR 'BYED PA'I CHA DANG MTHUN PA JI SKAD BSHAD PA DANG MTHONG BA'I LAM LA SOGS PA GZHAN YANG 'BYUNG BAS, SGRUB PA'I RTEN DU GYUR BA, ZHES GSUNGS, DE YANG BSHAD PA'I RIM PA YIN GYI RGYU 'BRAS DON GYI RIM BA'I DBANG DU BYAS NA DANG POR RIGS 'CHAD RIGS TE, THEG CHEN GYI SEMS BSKYED LA 'JUG BA'I SNGA ROL TU RIGS SAD PA 'GRO DGOS PA'I PHYIR TE, DE LTAR YANG 'GREL CHEN LAS, SEMS BSKYED PA DANG THAR PA DANG NGES PAR 'BYED PA'I CHA DANG MTHUN PA RNAMS KYI SNGON DU 'GRO BA DE YIN PAS, DANG PO KHO NAR RIGS BSTAN PAR BYA BA MA YIN NAM, CI'I PHYIR 'DIR BSHAD CE NA, DE NI BDEN MOD KYI DE NI DON GYI RIM PA YIN LA 'DI NI DANG PO 'BRAS BU BSTAN PA RGYU PHYIS BSTAN PA YIN PAS BSHAD PA'I GO RIMS YIN PA'I PHYIR,
, ,ZHES SOGS GSUNGS, GNYIS PA NI, MDO DE'I DON BSHAD PA'I SGO NAS RIGS BCU GSUM GYI DBYE BSTON PA LA, RTOGS PA YI NI CHOS DRUG DANG, ,ZHES SOGS TSIGS BCAD GNYIS GSUNGS, GSUM PA LA RTEN CHOS KYI NGO BO; GO RIMS, GRANGS NGES PA'O, ,DANG PO NI, RE ZHIG DANG POR, ZHES SOGS GSUNGS, GNYIS PA NI, 'DI NI GO RIMS YIN NO, ,ZHES BSHAD, GSUM PA NI, 'DIS KYANG SKYES BU'I DON THAMS CAD PHUN SUM TSOGS PA YIN NO, ,ZHES BSHAD, BZHI PA DON BSDUS PA LA, SGRUB PA'I CHOS KYI GNAS SKABS THA DAD PA'I BYE BRAG GIS BYANG CHUB SEMS DPA' RNAM PA BCU GSUM PO JI SKAD BSHAD PA'I CHOS KYI GZHIR GYUR PA'I CHOS KYI DBYINGS KYI NGO BO NYID KHO NA LA RIGS ZHES BSTAN TO, ,ZHES GSUNGS, DE YANG RE ZHIG DANG POR ZHES SOGS KYI DON LA SKABS 'DIR BSTAN GYI RIGS LA BCU GSUM YOD PA'I DANG PO THEG CHEN GYI SBYOR LAM DRONG KYI RTEN RANG BZHIN GNAS RIGS STON PA LA, MDO LAS, RAB 'BYOR 'DI LTA STE, DPER NA, NAM MKHA' LA NI BYA'I RJES MED CING MI DMIGS SO, ,RMI LAM DANG, SGYU MA DANG, SMIG RGYU DANG, SGRA BRNYAN DANG, MI G-YOR DANG, GZUGS BRNYAN DANG, DRI ZA'I GRONG KHYER DANG, DE BZHIN GSHEGS PA'I SPRUL PA LA GNAS MED CING MI DMIGS SO, ,RAB 'BYOR DE BZHIN DU BYANG CHUB SEMS DPA'I TSIG GI DON MED CING MI DMIGS SO, ,ZHES GSUNGS, THEG CHEN GYI SBYOR LAM RTZE MO'I RTEN RANG BZHIN GNAS RIGS STON PA LA, RAB 'BYOR 'DI LTA STE, DPER NA, YANG DAG PA'I MTHA' LA DE BZHIN NYID DANG, MNOR BDE BZHIN NYID DANG,
GZHAN MA YIN PA DE BZHIN NYID DANG, CHOS NYID DANG, CHOS KYI DBYINGS NYID DANG, GNAS NYID DANG, CHOS NGES PA NYID DANG, BDEN PA NYID LA? GNAS MED CING MI DMIGS SO, ,RAB 'BYOR DE BZHIN DU BYANG CHUB SEMS DPA'I TSIG GI DON MED CING MI DMIGS SO, ,ZHES GSUNGS, DE BZOD BA'I RTEN DE STON PA LA, RAB 'BYOR 'DI LTA STE, DPER NA, SGYU MA'I SKYES BU'I GZUGS LA GNAS MED CING MI DMIGS SO, ,ZHES PA NAS, SGYU MA'I SKYES BU'I CHOS DANG YID KYI RNAM PAR SHES PA LA TSIG GI DON MED CING MI DMIGS SO, ,RAB 'BYOR DE BZHIN DU BYANG CHUB SEMS DPA'I TSIG GI DON MED CING MI DMIGS SO, ,ZHES GSUNGS, DE CHOS MCHOG GI DE STON PA LA, RAB 'BYOR 'DI LTA STE, DPER NA, SGYU MA'I SKYES BU'I NANG STONG PA NYID LA GNAS MED CING MI DMIGS SO, ,ZHES PA NAS, GZUGS MED PA'I SNYOMS PAR 'JUG PA RNAMS LA SPYOD PA'I TSIG GI DON MED CING MI DMIGS SO, ,RAB 'BYOR DE BZHIN DU BYANG CHUB SEMS DPA'I TSIG GI DON MED CING MI DMIGS SO, ,ZHES GSUNGS SHING, DE YANG MDO TSAN BZHI PO DES RIM PA LTAR DPE DGU DGUS SHES SGRIB GZUNG 'DZIN GYI RTOG PA DGU DAG RIM BZHIN DU MTSON NAS BSTAN, DE'I DON 'CHAD PA LA, RE ZHIG DANG POR 'JIG RTEN PA'I NGES PAR 'BYED PA'I CHA DANG MTHUN PA RNAMS SO, ,ZHES GSUNGS, MTHONG LAM GYI DE STON PA LA, RAB 'BYOR 'DI LTA STE, DPER NA; DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI GZUGS LA CHIG GI DON MED CING MI DMIGS SO, ,ZHES PA NAS, 'DUS BYAS KYI KHAMS LA 'DUS MA BYAS KYI DBYINGS KYI GNAS MED CING MI DMIGS SO, ,RAB 'BYOR DE BZHIN
, ,DU BYANG CHEN SHER PHYIN LA SPYOD PA'I TSE TSIG GI DON MED CING MI DMIGS SO, ,ZHES PA'I BAR DPE BZHIS MTHONG SPANG RTOG PA BZHI MTSON NAS GSUNGS, SGOM LAM GYI DE STON PA LA, RAB 'BYOR 'DI LTA STE, SKYE BA MED PA'I DON MED CING MI DMIGS SO, ,ZHES PA NAS, MTHONG BA PO RNAMS KYI SHIN TU RNAM PAR DAG PA LA GNAS MED CING MI DMIGS SO, ,RAB 'BYOR DE BZHIN DU BYANG CHEN SHER PHYIN LA SPYOD PA'I TSE TSIG GI DON MED CING MI DMIGS SO, ,ZHES PA'I BAR DES? DGUS SGOM SPANG GI RTEG PA DGU MTSON NAS GSUNGS, DE GNYIS KYI DON 'CHAD PA LA, DE'I 'OG TU 'JIG RTEN LAS 'DAS PA MTHONG BA'I LAM DANG, SGOM PA'I LAM DAG GO ,ZHES GSUNGS, GNYEN PO BAR CHAD MED LAM GYI DE STON PA LA, RAB 'BYOR 'DI LTA STE, DPER NA, NYI MA'I DKYIL 'KHOR MNGON PAR 'CHAR BA'I TSE MUN PA'I GNAS MED CING MI DMIGS SO, ,RAB 'BYOR DE BZHIN DU BYANG CHEN, ZHES GSUNGS, SPONG BA RNAM GROL LAM GYI DE STON PA LA, RAB 'BYOR 'DI LTA STE, DPER NA, BSKAL PA'I ME 'BAR BA'I TSE 'DU BYED KYI RNAM PA THAMS CAD KYI GNAS MED CING MI DMIGS SO, ,RAB 'BYOR DE BZHIN DU, ZHES GSUNGS, DE GNYIS KYI DON 'CHAD PA LA, DE'I 'OG TU DE DAG SKYE BA'I STOBS KYIS RKUN PO PHYIR PHYUNG BA DANG SGO 'PHAR? BCAD PA LTAR DUS MNYAM DU GNYEN PO DANG MI MTHUN PA'I PHYOGS SKYE BA DANG 'GAGS PA DAG GO ,ZHES GSUNGS, GNYEN PO DANG MI MTHUN BA'I PHYOGS RNAM PAR RTOG PA DE DAG YONGS SU GTUGS PA STE SPONG BA'I RTEN RANG BZHIN GNAS RIGS DE STON PA LA, RAB 'BYOR 'DI LTA STE, DE BZHIN GSHEGS PA DGRA
BCOM PA YANG DAG PAR RDZOGS PA'I SANGS RGYAS KYI TSUL KHRIMS LA TSUL KHRIMS 'CHAL BA'I GNAS MED CING MI DMIGS SO, ,ZHES PA NAS, RNAM PAR GROL BA'I YE SHES LA MA GZIGS PA'I GNAS MED CING MI DMIGS SO, ,RAB 'BYOR DE BZHIN DU, ZHES GSUNGS DE'I DON 'CHAD PA LA, DE'I 'OG TU DE DAG MI DMIGS PAS DE DAG SKYE BA DANG 'GAGS PA DANG LDAN PA'I RNAM PAR RTOG PA SPANGS PA'O, ,ZHES GSUNGS, SHES RAB SNYING BRTZER BCAS PA'I SGRUB PA'I DE STON PA LA, RAB 'BYOR 'DI LTA STE, DPER NA, NYI MA DANG ZLA BA'I 'OD LA GNAS MED CING MI DMIGS SO, ,RAB 'BYOR DE BZHIN DU, ZHES GSUNGS, DE'I DON 'CHAD BA LA, DE'I 'OG TU SNGON GYI SMON LAM DANG SBYIN PA LA SOGS PA THABS LA MKHAS PA'I STOBS KYIS 'KHOR BA DANG MYA NGAN LAS 'DAS PA LA MI GNAS PA'I MTSAN NYID KYI SHES RAB DANG THABS SO, ,ZHES GSUNGS, SLOB MNYAN THOS DANG THUN MONG MA YIN PA'I SGRUB PA'I RTEN DE STAN PA LA, RAB 'BYOR 'DI LTA STE, DPER NA, NYAN THOS DANG RANG SANGS RGYAS DANG GZA' DANG SKAR MA DANG NOR BU RIN PO CHE DANG GOG? GI 'OD LA GNAS MED CING MI DMIGS SO, ,RAB 'BYOR DE BZHIN DU BYANG CHEN SHER PHYIN LA SPYOD PA'I CHE CHIG GI DON MED CING MI DMIGS SO, ,ZHES GSUNGS, DE'I DON 'CHAD PA LA, DE'I 'OG TU DE DAG SKYES PAS NYAN THOS LA SOGS PA DANG THUN MONG MA YIN PA'I CHOS SO, ,ZHES GSUNGS, GZHAN DON SKABS DANG 'TSAMS PAR GO RIMS SU SGRUB BA'I RTEN RANG BZHIN GNAS RIGS STON PA LA, RAB 'BYOR 'DI LTA STE, DPER NA, RGYAL CHEN BZHI'I RIGS KYI LHA RNAMS KYI 'OD LA GNAS MED CID MI DMIGS SO, ,ZHES PA NAS, 'OG
, ,MIN GYI LHA RNAMS KYI 'OD LA GNAS MED CING MI DMIGS SO, ,RAB 'BYOR DE BZHIN DU BYANG CHEN SHER PHYIN LA SPYOD PA'I TSE TSIG GI DON MED CING MI DMIGS SO, ,ZHES PA'I BAR GSUNGS, DE'I DON 'CHAD PA LA, DE'I 'OG TU BSAM PA JI LTA BA BZHIN DU GZHUG PA LA SOGS PA LA LDEM POR DGONGS PA'I SGO NAS THEG PA GSUM GYI LAM LA 'GOD PA'I MTSAN NYID KYI GZHAN GYI DON GYI GO RIMS SO, ,ZHES GSUNGS, ,YE SHES RTZOL BA MI MNGA' BAR 'JUG PA'I SGRUB PA'I RTEN RANG BZHIN GNAS RIGS DE STON PA LA, RAB 'BYOR 'DI LTA STE, DPER NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI 'DE? LA GNAS MED CING MI DMIGS SO, ,ZHES PA NAS, BYANG CHEN CHOS THAMS CAD RTOGS PAR BYA'O, ,ZHES PA'I BAR GSUNGS, DE'I DON 'CHAD PA LA, DE'I 'OG TU 'KHOR BA JI SRID PAR MTSAN MA MED CING LHUN GYIS GRUB PAR GZHAN GYI DON GYI YE SHES 'BYUNG BA'I PHYIR TE, ZHES GSUNGS, GNYIS BRTZOD PA SPONG BA LA, GAL TE CHOS KYI DBYINGS KHO NA, ZHES SOGS GSUNGS, SKABS 'DIR MTHA' DPYAD PA LA, KHA CIG ,DRI MA DANG BCAS PA'I SEMS KYI CHOS NYID, RANG BZHIN GNAS RIGS KYI MTSAN NYID YIN ZER NA, RANG GI RTEN CHOS SU GYUR PA'I DRI MA DANG BCAS PA'I SEMS KYI CHOS NYID YIN NA, DRI MA DANG BCAS PA'I SEMS KYI CHOS NYID YIN DGOS PAR THAL, MTSAN NYID DE'I PHYIR, 'DOD NA, BDEN 'DZIN DU GYUR PA'I YID KYI RNAM PAR SHES PA'I CHOS NYID CHOS CAN, DER THAL, DE'I PHYIR, CHOS CAN DE'I PHYIR, 'DOD NA, NGO BO NYID SKUR 'GYUR RUNG DU THAL LO, ,'DOD NA, DE 'DRA'I
YID KYI RNAM PAR SHES PA DE YE SHES CHOS SKUR 'GYUR RUNG YIN PAR THAL LO, ,KHA CIG, DE GANG ZHIG, GNAS 'GYUR MTHAR PHYIN PA'I TSE NGO BO NYID SKUR 'GYUR RUNG DE, DE'I MTSAN NYID ZER NA, BYANG SEMS RGYUN MTHA' PA'I RGYUD KYI SEMS KYI CHOS NYID CHOS CAN, ZUR GNYIS PA DER THAL, MTSON BYA DE'I PHYIR, 'DOD MI NUS TE, DE'I TSE NGO BO NYID SKUR GYUR ZIN PA'I PHYIR, GZHAN YANG, BUM BA'I CHOS NYID LA RTZE GCIG TU MNYAM PAR BZHAG PA'I BYANG SEMS MTHONG LAM PA'I RGYUD KYI YID KYI RNAM PAR SHES PA'I CHOS NYID CHOS CAN, ZUR? DANG PO DER THAL, MTSON BYA DE'I PHYIR, 'DOD NA, DE CHOS CAN, DRI MA DANG BCAS PA'I SEMS YOD NA KHYOD MOD DGOS PAR THAL, KHYOD DE'I CHOS NYID YIN PA'I PHYIR, KHA CIG ,RIGS GANG ZHIG ,NGO BO NYID SKUR 'GYUR RUNG DE, DE'I MTSAN NYID ZER BA MI 'THAD DE, SEMS CAN GYI RGYUD KYI 'GOG BDEN YIN NA, NGO BO NYID SKUR 'GYUR RUNG GI RIGS YIN DGOS PA'I PHYIR, KHA CIG ,BYANG CHUB TU 'GYUR RUNG GI DGE BA, RANG BZHIN GNAS RIGS KYI MTSAN NYID ZER NA MI 'THAD DE, ,RANG BZHIN GNAS RIGS DGE BA MA YIN PA'I PHYIR TE, RGYUD BLA MA LAS, DGE DANG RNAM PAR DAG PHYIR DANG, ,ZHES GSUNGS PA DANG MI 'GAL TE, DES DE DGE BA'I SEMS KYI DMIGS PAR BSTAN PA TZAM YIN PA'I PHYIR, KHA CIG ,RANG GI THOB BYAR GYUR PA'I BYANG CHUB TU 'GYUR RUNG GANG ZHIG ,SEMS CAN GYI RGYUD KYIS BSDUS PA DE, RIGS KYI MTSAN NYID, DBYE NA THEG DMAN GYI RIGS DANG, THEG CHEN GYI RIGS GNYIS, RANG GI THOB BYAR GYUR PA'I THEG DMAN GYI BYANG CHUB TU 'GYUR RUNG GANG ZHIG, SEMS CAN GYI RGYUD KYIS BSDUS PA DE, DANG PO'I MTSAN NYID, DBYE NA NYAN THOS KYI RIGS DANG, RANG RGYAL GYI
, ,RIGS GNYIS, MTSAN NYID RIGS 'DRA, SNGA MA LA NYAN THOS KYI NGES PA'I RIGS DANG, MA NGES PA'I RIGS GNYIS, THEG PA GZHAN GYIS PAR MCHOD BAR RANG GI THOB BYAR GYUR PA'I NYAN THOS KYI, ZHES SOGS RIGS 'DRA, RANG GI THOB BYAR GYUR PA'I DER 'GYUR RUNG YANG YIN, THEG PA GZHAN GYIS BAR MCHOD PAR DER 'GYUR RUNG MA YIN PA YANG YIN PA'I GZHI MTHUN PA GANG ZHIG ,CES SOGS RIGS 'DRA STE, DE SO SO'I MTSAN NYID, THEG CHEN GYI RIGS LA, THEG CHEN GYI RANG BZHIN GNAS RIGS DANG, THEG CHEN GYI RGYAS 'GYUR GYI RIGS GNYIS LAS, CHOS DBYINGS GANG ZHIG ,NGO BO NYID SKUR 'GYUR RUNG, DANG PO'I MTSAN NYID, SANGS RGYAS KYI RIGS GANG ZHIG ,'DUS BYAS KYI SANGS RGYAS KYI SKUR 'GYUR RUNG, GNYIS PA'I MTSAN NYID, ZER NA, NYAN THOS DGRA BCOM PA'I 'BRAS BU MNGON DU BYED PAR NGES PA'I GANG ZAG DANG, NYAN THOS SU RIGS MA NGES PA'I GANG ZAG GI GZHI MTHUN YOD BAR THAL, DE MNGON DU BYED PAR NGES PA'I GANG ZAG YIN NA, NYAN THOS SU RIGS NGES PAS MA KHYAB PA'I PHYIR, MA GRUB NA, DE MNGON DU BYED PAR NGES PA'I BYANG SEMS TSOGS LAM PA CHOS CAN, DER THAL, DE'I PHYIR, 'DOD MI NUS TE, BYANG CHUB SEMS DPA' YIN PA'I PHYIR, RTZA BAR 'DOD NA, THEG PAR ZHAN GYIS BAR MCHOD PAR DE MNGON DU BYED NGES KYI GANG ZAG DANG, NYAN THOS SU RIGS MA NGES PA'I GANG ZAG GI GZHI MTHUN YOD PAR THAL LO, ,'DOD NA, DE'I RGYUD KYI YID KYI RNAM PAR SHES PA CHOS CAN, NYAN THOS KYI NGES PA'I RIGS YIN PAR THAL, MTSAN NYID DE YIN PA'I PHYIR, DANG PO GRUB STE, CHOS CAN DE DANG GCIG YIN PA'I PHYIR, KHA CIG ,CHOS
DBYINGS GANG ZHIG ,THEG CHEN SGRUB PA'I RTEN GZHI BYED PA, THEG CHEN SGRUB PA'I RTEN RANG BZHIN GNAS RIGS KYI MTSAN NYID DU 'DOD PA MI 'THAD DE, CHOS NYID YIN NA, THEG CHEN SGRUB PA'I RTEN GZHI YIN DGOS PA'I PHYIR, DE YIN NA DE'I BSGOM BYA'I GTZO BO YIN DGOS BA'I PHYIR, KHA CIG ,BYANG SEMS KYI RGYUD KYI CHOS DBYINGS GANG ZHIG ,ZHES SOGS ZER NA DGAG GZHIo MASo SKYON BTANG, KHA CIG ,NYAN THOS KYI RIGS YIN NA, THEG CHEN GYI RIGS MA YIN DGOS ZER NA MI 'THAD DE, SEMS CAN YIN NA, THEG CHEN GYI RIGS RGYUD LDAN GYI GANG ZAG YIN DGOS BA'I PHYIR, DE YIN NA, THEG CHEN GYI BYANG CHUB TU 'GYUR RUNG GI RIGS RGYUD LDAN GYI GANG ZAG YIN DGOS PA'I PHYIR, KHA CIG ,NYAN THOS MTHONG LAM PA CHOS CAN, KHYOD THEG CHEN GYI RIGS CAN GYI GANG ZAG TU THAL, KHYOD THEG CHEN GYI RIGS RGYUD LDAN GYI GANG ZAG YIN PA'I PHYIR NA, SANGS RGYAS 'PHAGS PA CHOS CAN, KHYOD SEMS CAN YIN PAR THAL, KHYOD SEMS RGYUD LDAN GYI GANG ZAG YIN PA'I PHYIR, KHO NA RE, THEG CHEN GYI RIGS CAN YIN NA, THEG CHEN RIGS NGES YIN DGOS PAR THAL, NYAN THOS MTHONG LAM PA THEG CHEN GYI RIGS CAN MA YIN PA'I PHYIR ZER NA MA KHYAB, 'DOD NA, NYAN THOS LAM DU 'JUG NGES KYI BYANG SEMS TSOGS LAM BA CHOS CAN, DER THAL, DE'I PHYIR, KHA CIG ,NYAN THOS DGRA BCOM PA'I RGYUD LA NYAN THOS KYI RIGS YOD ZER NA MI 'THAD DE, NYAN THOS KYI RIGS RGYUD LDAN GYI NYAN THOS YIN NA, NYAN THOS SLOB PA YIN DGOS PA'I PHYIR, BYAS PA LA KHO NA RE, DE'I RGYUD LA DE YOD PAR THAL, DE NYAN THOS KYI RIGS CAN YIN PA'I PHYIR NA MA KHYAB, DER THAL, DE RIGS CAN GSUM PO
, ,GANG RUNG YIN PA'I PHYIR, KHO NA RE, THEG CHEN DGRA BCOM THEG CHEN GYI RIGS CAN YIN PAR THAL, NYAN THOS DGRA BCOM THEG DMAN GYI RIGS CAN YIN PA'I PHYIR NA MA KHYAB, KHA CIG ,THEG CHEN GYI RANG BZHIN GNAS RIGS LA THEG CHEN GYI SGRUB PA'I RTEN RANG BZHIN GNAS RIGS KYIS KHYAB PAR 'DOD PA MI 'THAD DE, LAM MA ZHUGS KYI GANG ZAG GI RGYUD KYI RANG BZHIN GNAS RIGS DE THEG CHEN GYI RANG BZHIN GNAS RIGS YIN PA'I PHYIR TE, DE THEG CHEN GYI RIGS YIN PA'I PHYIR TE, THEG CHEN GYI BYANG CHUB TU 'GYUR RUNG GI RIGS YIN PA'I PHYIR, RONG t'IKA BAS, DRI BCAS KYI SEMS GSAL RIG RANG BZHIN GNAS RIGS YIN TE, DE ZAG MED YE SHES KYI NYER LEN YIN PA'I PHYIR DANG, RGYUD BLA MA'I MDOR BSTAN DU, RIGS KHAMS SBRANG RTZI DANG 'DRA 'DI GZIGS NAS, ,ZHES DANG, DE'I RGYAS BSHAD DU, DE BZHIN LUS CAN LA YOD ZAG PA MED PA'I SHES PA SBRANG MA'I RTZI DANG 'DRA, ,ZHES DANG, BSTOD TSOGS LAS, BDE GSHEGS SEMS LAS SANGS RGYAS 'BYUNG, ,RANG SEMS DE LA PHYAG 'TSAL LO, ,NYON MONGS NANG NAS SANGS RGYAS KYANG, ,DE BZHIN DRI MA MED PAR GNAS, ,ZHES GSUNGS PA'I PHYIR, SEMS TZAM BAS 'DOD BA LTAR GYI ZAG MED YE SHES KYI SA BON RANG BZHIN GNAS RIGS MA YIN TE, DE SEMS CAN THAMS CAD LA MED PA'I PHYIR, DE RGYUD LA MI LDAN PA'I SEMS CAN YOD PA'I PHYIR ZER BA MI 'THAD DE, DRI BCAS KYI SEMS GSAL RIG DE LA RANG BZHIN GNAS RIGS KYI DON MTSANG BA'I PHYIR TE, DE RANG GI RGYU RKEN GYIS GSAR DU BCOS PA'I PHYIR, KHYAB STE, NYI SNANG LAS, DE DAG
NI RANG BZHIN DU GNAS PA'I RIGS LA RANG BZHIN DU GNAS PA'I DON BRJOD DGOS SO, ,RGYU'I RNAM GRANGS YIN NO, ,ZHE NA, RKYEN GYIS YANG DAG PAR BLANGS PA LAS BYUNG BA YANG DE YIN PAS, DES NA DON GYI KHYAD PAR CI ZHIG YOD, CES GSUNGS PA'I PHYIR, GZHAN YANG DE MI 'THAD DE, RANG BZHIN GNAS RIGS YIN NA CHOS DBYINGS YIN DGOS BA'I PHYIR TE, CHOS DBYINGS KHO NA LA RIGS ZHES GDAGS SO, ,ZHES DANG, NYI SNANG LAS, CHOS NYID KYI RNAM GRANGS YIN PA LA NI NYES PA 'DI MED DO, ,ZHES DANG, RGYAN SNANG LAS, CHOS DBYINGS RGYU'I NGO BOR RNAM PAR RTOG PA'I SGO NAS RIGS ZHES THA SNYAD GDAGS SO, ,ZHES GSUNGS PA'I PHYIR, GZHAN YANG, DE CHOS CAN, NGO BO NYID SKUR 'GYUR RUNG YIN PAR THAL, RANG BZHIN GNAS RIGS YIN PA'I PHYIR, KHYAB STE, RGYUD BLA MA LAS, RIGS 'DI GNYIS LAS SANGS RGYAS KYI, ,SKU GSUM THOB PAR 'DOD PA YIN, ,DANG PO'I SKU NI DANG PO STE, ,GNYIS PA YIS NI PHYI MA GNYIS, ,ZHES GSUNGS PA'I PHYIR, 'DOD NA, SANGS RGYAS KYI SEMS GSAL RIG DE NGO BO NYID SKU YIN PAR THAL LO, ,GZHAN YANG, SANGS MI RGYA BA'I SEMS CAN YOD PAR THAL, ZAG MED YE SHES KYI SA BON RGYUD LA MI LDAN PA'I SEMS CAN YOD PA'I PHYIR, KHA CIG ,SEMS CAN YIN NA, THEG CHEN GYI RIGS CAN YIN DGOS PAR THAL, DE YIN NA SANGS RGYAS KYI RIGS CAN YIN DGOS PA'I PHYIR NA MA KHYAB, KHA CIG ,SEMS TZAM PA'I LUGS LA THOS PA'I RKYEN GYIS GSOS MA BTAB PA'I RIGS RANG BZHIN GNAS RIGS KYI DON DANG, DES GSOS BTAB PA'I RIGS RGYAS 'GYUR GYI RIGS KYI DON YIN ZER NA MI 'THAD DE, SEMS TZAM PAS LAM ZHUGS KYI GANG ZAG
, ,GI RGYUD LA RANG BZHIN GNAS RIGS YOD PAR KHAS LEN PA'I PHYIR, DES DE'I RGYUD LA ZAG MED YE SHES KYI SA BON YOD PAR KHAS LEN PA'I PHYIR DANG, DES LAM ZHUGS KYI GANG ZAG GI RGYUD KYI ZAG MED YE SHES KYI SA BON DE RANG BZHIN GNAS RIGS DANG RGYAS 'GYUR GYI RIGS GNYIS KAR KHAS LEN PA'I PHYIR TE, GSER PHRENG LAS, RDZAS LA BSAM NA LAM DU ZHUGS NAS GNYIS KA YIN TE, ZHES GSUNGS PA'I PHYIR, KHO NA RE, SEMS TZAM PAS RANG BZHIN GNAS RIGS DANG RGYAS 'GYUR GYI RIGS GNYIS 'GAL BAR KHAS LEN PAR THAL, DES RANG BZHIN GNAS RIGS RGYUR YOD 'BRAS BUR MED PA DANG CIG SHOS 'BRAS BUR YOD PAR KHAS LEN PA'I PHYIR TE, MDO SDE'I RGYAN LAS, DE NI RTEN DANG? BRTEN PA DANG, ,YOD MED GNYIS DANG, ZHES SOGS GSUNGS PA'I PHYIR NA MA KHYAB STE, DE LTAR GSUNGS PA DE GNYIS LDOG PA 'GAL BA'I DON YIN GYI RDZAS 'GAL BA'I DON MA YIN PA'I PHYIR, KHO NA RE, RGYAS 'GYUR GYI RIGS CHOS CAN, RANG BZHIN GNAS RIGS YIN PAR THAL, 'PHAGS PA'I RTOGS PA RNAMS KYI RGYU BYED PA'I PHYIR, ZHES PA'I THAL 'GYUR 'DI SEMS TZAM PA LA MI 'DOD PA'I THAL BA 'PHEN PA'I THAL 'GYUR MA YIN PAR THAL, DES LA MA ZHUGS KYI GANG ZAG GI RGYUD? KYI RGYAS 'GYUR GYI RIGS RANG BZHIN GNAS RIGS SU KHAS LEN PA'I PHYIR NA MA KHYAB STE, DES DE LTAR KHAS LEN KYANG DES RGYAS 'GYUR GYI RIGS LA RANG BZHIN GNAS RIGS KYIS KHYAB PA KHAS LEN BA MA YIN PA'I PHYIR, KHA CIG ,RANG BZHIN GNAS RIGS YIN NA, RANG GI RTEN CHOS SU GYUR PA'I DRI MA DANG BCAS BA'I SEMS KYI CHOS NYID YIN PAS MA KHYAB STE, BYANG
SEMS RGYUN MTHA' PA'I RGYUD LA DRI MA DANG BCAS PA'I SEMS MED PA'I PHYIR, DE'I RGYUD LA DRI MA MED PA'I PHYIR NAM KHYAB, GZHAN YANG, RGYUN MTHA'I BAR CHAD MED LAM DE GLO BUR GYI DRI MA DANG BRAL BAR THAL, RNAM BAR SMIN PA'I SKAD CIG SBYOR DE DE DANG BRAL BA YIN PA'I PHYIR; GANG GI TSE BYANG CHUB SEMS DPAS GNYEN PO SGROM PAS MI MTHUN PA'I PHYOGS THAMS CAD DANG BRAL BA NA, RNAM PAR BYANG BA'I PHYOGS RNAM PAR SMIN PA'I CHOS NYID KYI GNAS SKABS KYI DRI MA MTHA' DAG DANG BRAL BAS STON GA'I ZLA BA'I 'OD BZHIN DU DKAR BA'I NGO BOR SKYES PA'I TSE, ZHES GSUNGS PA'I PHYIR NA MA KHYAB STE, DE'I RGYUD LA BDEN 'DZIN MED PA LUNG DE'I DON YIN PA'I PHYIR, DES NA RANG LUGS LA, BYE BRAG SMRA BA'I LUGS, MDO SDE PA'I LUGS, SEMS TZAM PA'I LUGS, DBU MA PA'I LUGS DANG BZHI LAS, DANG PO NI; BYE BRAG TU SMRA PA RNAMS KYIS RANG GI 'BRAS BUR GYUR PA'I 'PHAGS PA'I RTOGS PA'I NYER LEN BYED PA'I SEMS CAN GYI RGYUD KYI SEMS BYUNG MA CHAGS PA'I DGE BA DE SANGS RGYAS KYI RIGS SU 'DOD DE, 'DUL BA'I MDO LAS, CHOS GOS NGAN DON TZAM GYIS CHOG PA 'PHAGS PA'I RIGS, BSOD SNYOMS NGAN NGON TZAM GYIS CHOG PA 'PHAGS PA'I RIGS, GNAS MAL NGAN DON TZAM GYIS CHOG BA 'PHAGS PA'I RIGS, SPONG BA DANG SGOM PA LA DGA' BA 'PHAGS PA'I RIGS, ZHES GSUNGS PA'I PHYIR, DE YANG RKANG PA DANG PO GSUM GYI SKABS NAS DNGOS SU BSTAN PA'I SEMS BYUNG MA CHAGS PA GSUM PO DE RANG 'BRAS 'PHAGS PA'I RTOGS PA BRGYUD NAS SKYED PA'I THABS DANG, RKANG PA THA MA'I SKABS NAS DNGOS SU BSTAN PA'I SEMS BYUNG MA CHAGS PA DE RANG GI 'BRAS BUR GYUR PA'I 'PHAGS PA'I RTOG
, ,PA DNGOS SU SKYED BA'I LAS DNGOS YIN TE, 'DOD CHUNG CHOG SHES LA BRTEN NAS SPOR BA DANG SGOM PA LA BRTZON PAR BYAS PAS SRED PA SPONG BAR 'GYUR BA'I PHYIR TE, DANG PO GSUM NYAMS SU BLANGS PAS BDAG GI BA LA SRED PA MNGON GYUR PA ZLOG ,PHYI MNYAMS SU BLANGS PAS BDAG LA SRED BA GTAN ZAD DU BYED BA'I PHYIR TE, MDZOD LAS, MCHAGS 'PHAGS RIGS DE DAG LAS, ,ZHES DANG, GSUM GYIS TSUL BSTAN THAMS LAS, ,ZHES DANG, BDAG GI BDAG 'DZIN DNGOS 'DOD PA; ;DE YI DUS DANG GTAN ZHI'I PHYIR, ,ZHES DANG, MDZOD 'GREL LAS, 'DI DAG LAS 'PHAGS PA RNAMS SKYE BAS 'PHAGS BA'I RIGS BZHI STE, ZHES GSUNGS BA'I PHYIR, DBANG PO RNO RTUL GYI KHYAD PAR LA YANG RIGS SU 'JOG PA YOD DE, MDZOD LAS, KHA CIG DANG PO NAS DE'I RIGS, ,KHA CIG SPYANGS PA LAS GYUR TO, ,ZHES GSUNGS BA'I PHYIR, GNYIS PA NI, MDO SDE BAS NI SEMS CAN GYI RGYUD KYI ZAG MED KYI SEMS KYI SA BON GYI NUS BA LA SANGS RGYAS KYI RIGS SU 'DOD DE, SLOB DPON RGYAL PO SRAS LAS, MDO SDE BDAG GI RIGS ZHES BYA BA NI SEMS KYI SA BON GYI NUS PA YIN NO, ,SO SO SKYE BO DANG SLOB PA'I GNAS SKABS NA YONGS SU NYAMS PA'I CHOS CAN GYI SA BON LA RIGS ZHES BYA'O, ,ZHES GSUNGS BA'I PHYIR, GSUM PA NI, SEMS TZAM PA RNAMS KYIS SEMS CAN GYI RGYUD KYI THOG MA MED PA NAS GCIG NAS GCIG TU BRGYUD DE 'ONG BA, CHOS NYID KYIS THOB BA NANG GI SKYE MCHED DE DRUG PA YID KYI SKYE MCHED KYI STENG GI ZAG MED KYI SEMS KYI SA BON LA RIGS SU 'DOD CING, DE THOS SOGS KYIS GSOS MA BTAB BA'I GONG DU
RANG BZHIN GNAS RIGS DANG, THOS SOGS KYIS GSOS BTAB BA'I TSE RGYAS 'GYUR GYI RIGS SU 'DOD PA YIN TE, CHOS MNGON PA'I MDO LAS, DE LA BYANG CHUB SEMS DPA' RNAMS KYI RIGS NI THOG MA MED PA NAS BRGYUD DE 'ONG BA CHOS NYID KYIS THOB PA, SKYE MCHED DRUG GI KHYAD PAR GANG YIN PA STE, ZHES DANG, BYANG SA LAS, DE LA RIGS GANG ZHEN MDOR BSDUN RNAM PA GNYIS TE, RANG BZHIN GYI GNAS PA DANG YANG DAG BAR SGRUB BA'O, ,DE LA RANG BZHIN GYI GNAS PA'I RIGS NI BYANG CHUB SEMS DPA' RNAMS KYI SKYE MCHED DRUG GI KHYAD PAR GANG YIN PA STE 'DI NI GCIG NAS GCIG TU BRGYUD DE 'ONG BA THOG MA MED BA'I DUS CAN KYIS THOB PA DE LTA BU YIN NO, ,DE LA YANG DAG BAR SGRUB BA'I RiGS NI SNGON DGE BA'I RTZA BA GOMS PAR BYAS PA LAS THOB PA GANG YIN PA STE, ZHES GSUNGS BA'I PHYIR THEG PA CHEN PO MDO SDE'I RGYAN LAS, SANGS RGYAS KYI RIGS DE DON TSAN DGU'I SGO NAS 'CHAD PA LA, YOD DANG MCHOG DANG MTSAN NYID DANG, ,RTAGS DANG RiGS RAB DBYE BA DANG, ,NYES DMIGS DANG NI PHAN YON DANG, DPE RNAM GNYIS TE RNAM PA BZHI, ,ZHES GSUNGS LA; DON NI, SNGAR BSHAD PA DE LTA BU'I SANGS RGYAS KYI RIGS DE YANG DON TSAN DGU'I SGO NAS SHES PAR BYA STE, SEMS CAN GYI RGYUD LA THEG PA GSUM GYI RIGS THA DAD PA GSUM YOD PA'I SGRUB BYED, THEG CHEN GYI RIGS DE THEG DMAN GYI RIGS LAS MCHOG TU SGRUB PA, RIGS KYI NGO BO, THEG CHEN GYI RIGS SAD BA'I RTAGS, RIGS KYI RAB DBYE, RIGS SAD PAL BAR DU GCOD BA'I NYES DMIGS, THEG CHEN GYI RIGS SAD BA'I PHAN YON, RANG BZHIN GNAS RIGS MTSON BAR BYED BA'I DPE, RGYAS 'GYUR GYI RIGS MTSON PAR
, ,BYED BA'I DPE DANG DGU'I SGO NAS SHES PAR BYA BA YIN PA'I PHYIR, DON TSAN DGU PO DE YANG KHYAD CHOS BZHI BZHI'I SGO NAS SHES PAR BYA BA YIN TE, DE LTAR 'OG NAS 'CHAD BAR 'GYUR BA'I PHYIR, RIGS CAN GSUM GA'I RGYUD LA MTHAR THUG RANG RANG GI BYANG CHUB TU 'GYUR RUNG GI RIGS THA DAD PA GSUM YOD PA KHYAD CHOS BZHI'I SGO NAS 'CHAD PA LA, MDO SDE'I RGYAN LAS, KHAMS RNAMS DANG NI MOS PA DANG, ,SGRUB PA THA DAD DBYE BA DANG, ,'BRAS BU THA DAD DMIGS PA'I PHYIR, ,RIGS YOD NYID DU NGES PAR BRJOD, ,CES GSUNGS, DON NI, DE LTA BU'I RIGS THA DAD PA GSUM YOD DE, RIGS CAN GSUM LAM LAM ZHUGS PA'I GNAS SKABS SU KHAMS MI 'DRA BA GSUM DANG, LAM DU ZHUGS MA THAG TU MOS PA MI 'DRA BA GSUM DANG, LAM NYAMS SU LEN PA'I TSE SGRUB BA MI 'DRA BA GSUM DANG, DE'I DBANG GIS MTHAR THUG GI 'BRAS BU BYANG CHUB THA DAD PA GSUM DU 'GYUR BAR DMIGS PA'I PHYIR, THEG CHEN GYI RIGS DE THEG DMAN GYI RIGS LAS MCHOG TU GYUR BAR SGRUB PA LA, DE NYID LAS, DE DGE KHYAD PAR 'PHAGS PA DANG, ,THAMS CAD DANG NI DON CHEN DANG, MI ZAD PA YI RGYU MTSAN PHYIR, ,RIGS MCHOG NYID CES BRJOD BA YIN, ,ZHES GSUNGS, DON NI, THEG CHEN GYI RIGS DE THEG DMAN GYI RIGS LAS MCHOG TU GYUR BA YIN TE, THEG CHEN GYI DGE BA DE THEG DMAN GYI DGE BA LAS KHYAD PAR DU 'PHAGS PA DANG, THEG CHEN GYI RIGS DE YON TAN THAMS CAD KYI GZHI RTEN BYED NUS, THEG DMAN GYI RIGS KYIS DE LTAR MI NUS PA'I PHYIR DANG, THEG CHEN GYI RIGS DES DON CHEN PO RANG 'BRAS TSOGS GNYIS
MTHAR PHYIN PA'I BYANG CHUB KYI RGYU BYED, CIG SHOS KYIS DE LTAR MI BYED, THEG CHEN GYI RIGS DES MTHAR THUG RANG GI THOB BYA'I MYANG 'DAS THOB PA NA DGE RTZA'I RGYUN MI ZAD LA, THEG DMAN GYI RIGS DES MTHAR THUG RANG GI BYANG CHUB THOB PA NA DGE RTZA'I RGYUN CHAD PA YIN PA'I PHYIR, THEG CHEN GYI RIGS KYI NGO BO KHYAD CHOS BZHI'I SGO NAS 'CHAD PA LA, DE NYID LAS, RANG BZHIN DANG NI RGYAS BA DANG, ,DE NI RTEN DANG BRTEN PA DANG, ,YOD MED NYID DANG YON TAN NI, ,SGROL BA'I DON DU SHES PAR BYA, ,ZHES GSUNGS, DON NI, SANGS RGYAS KYI RIGS KYI MTSAN NYID DE NGO BO BZHAG TU YOD DE, DE LA NGO BO'I SGO NAS RANG BZHIN GNAS RIGS DANG, RGYAS 'GYUR GYI RIGS GNYIS SU YOD BA'I PHYIR, RANG BZHIN GNAS RIGS RTEN DANG CIG SHOS BRTEN PA YIN LA, SEMS CAN GYI RGYUD KYI ZAG MED SEMS KYI SA BON DE RIGS YIN PAR THAL, DE LA THOS SOGS KYIS GSOS MA BTAB PA NA RANG BZHIN GNAS RIGS KHON YIN CING, RGYAS 'GYUR GYI RIGS MIN PA DANG, RIGS DE GNYIS SLOB LAM NA YOD, SANGS RGYAS KYI SAR MED BA'I NGO BO DANG LDAN PA'I PHYIR, THEG CHEN GYI RIGS 'DI NI RANG RGYUD LDAN GYI GANG ZAG 'KHOR BA LAS SGROL BAR BYED BA'I YON TAN DANG LDAN TE, 'DI LA BRTEN NAS YON TAN GONG NAS GONG DU 'PHEL BAR 'GYUR BA'I PHYIR, THEG CHEN GYI RIGS SAD PA'I RTAGS KHYAD CHOS BZHI'I SGO NAS 'CHAD BA LA, DE NYID LAS, SBYOR BA'I SNGON DU SNYING RJE DANG, ,MOS PA DANG NI BZOD PA DANG, ,DGE LA YANG DAG SBYONG BA NI, ,RIGS KYI RTAGS SU SHES BAR BYA, ,ZHES GSUNGS, DON NI, THEG CHEN GYI RIGS SAD PA'I RTAGS DE LA BZHI YOD DE, THEG CHEN GYI LAM GYI DNGOS GZHI LA
, ,SBYOR BA'I SNGON DU SEMS CAN THAMS CAD LA DMIGS BA'I SNYING RJE SHAS CHE BA, THEG CHEN GYI CHOS LA MOS BA SHAS CHE BA, GZHAN DON GYI PHYIR DKA' SPYAD BZOD BA DANG, RGYAL SRAS KYI SPYOD PA SBYIN SOGS KYI DGE BA'I CHOS LA BRTZON PA RNAMS SU YOD BA'I PHYIR, THEG CHEN GYI RIGS KYI RAB DBYE KHYAD CHOS BZHI'I SGO NAS 'CHAD PA LA, DE NYID LAS, RIGS NI NGES DANG MA DES DANG, ,RKYEN RNAMS KYIS NI MI 'PHROGS DANG, ,'PHROGS PA NYID DE MDOR NA RIGS, ,DBYE BA 'DI NI RNAM PA BZHI, ZHES GSUNGS, DON NI, THEG CHEN GYI RIGS LA BZHIR YOD DE, DES BA'I RIGS DANG, MA DES BA'I RIGS DANG, RKYEN GYIS MI 'GROGS PA'I RIGS DANG, 'PHROGS PA'I RIGS RNAMS SU YOD PA'I PHYIR, THEG CHEN DU RIGS SAD PA LA BAR DU GCOD BA'I NYES DMIGS DE KHYAD CHOS BZHI'I SGO NAS 'CHAD PA LA, DE NYID LAS, NYON MONGS GOMS DANG GROGS NGAN DANG, ,'PHONGS DANG GZHAN GYI DBANG NYID DANG, ,MDOR NA RIGS KYI NYES DMIGS NI, ,RNAM PA BZHI RU SHES PAR BYA, ,ZHES GSUNGS, DON NI, THEG CHEN DU RIGS SAD PA'I NYES DMIGS DE LA BZHI YOD DE, NYON MONGS BA GOMS PA SHAS CHE BA DANG, GROGS NGAN PA SDIG GROGS KYIS ZIN PA DANG, CHOS SGRUB BA'I RKYEN YO BYAD KYIS 'PHONGS NAS SGRUB MI NUS PA DANG, CHOS BYED PA LA RANG DBANG DU MI 'GYUR BAR RGYAL PO LA SOGS PA'I GZHAN DBANG DU SONG BA RNAMS SU YOD PA'I PHYIR, THEG CHEN GYI RIGS SAD BA'I PHAN YON DE KHYAD CHOS BZHI'I SGO NAS 'CHAD PA LA, DE NYID LAS, RING MO ZHIG NA NGAN SONG DU, ,'GRO ZHING MYUR DU THAR PA DANG, ,
DE NA'ANG SDUG BSNGAL CHUNG DU MYONG, ,SKYO BCAS SEMS CAN SMIN PAR BYED, ,CES GSUNGS, DON NI, THEG PA CHEN POR RIGS SAD BA'I PHAN YON LA BZHI YOD DE, THEG CHEN DU RIGS SAD PA'I GANG ZAG DE, NGAN SONG DU SKYE BAR MYONG DES KYI LAS BSAGS NA'ANG MYUR DU NGAN SONG DU MI 'GRO BAR YUN RING MO ZHIG NAS DER 'GRO ZHING, DER YUN RING DU MI GNAS PAR THAR BA DANG, DER CUNG ZAD GNAS BA'I DUS SU YANG SDUG BSNGAL CHUNG DU TZAM MYONG BA DANG, 'KHOR BA LA SKYOB DANG BCAS BA'I SGO NAS DER GNAS BA'I SEMS CAN SMIN PAR BYED BA'I PHAN YON DANG LDAN BA'I PHYIR, RANG BZHIN GNAS RIGS KYI DPE DE KHYAD CHOS BZHI'I SGO NAS 'CHAD PA LA, DE NYID LAS, GSER GYI RIGS BZHIN SHES PAR BYA, ,DGE BA DPAG TU MED PA'I GNAS, ,YE SHES DANG NI DRI MED LDAN, ,MTHU RNAMS KYI YANG GNAS YIN NO, ,ZHES GSUNGS, DON NI, RANG BZHIN GNAS RIGS DE GSER GYI DPES SHES PAR BYA BA YIN TE, DPER NA GSER GYI GTER DE GSER MANG BA DANG, GSER 'OD GSAL BA DANG, GSER DRI MA MED PA DANG, GSER GYI LAS SU RUNG BA BZHI'I 'BYUNG KHUNGS YIN PA DE BZHIN DU, THEG CHEN GYI RANG BZHIN GNAS RIGS KYANG DGE BA DPAG TU MED PA DANG, BDEN MED RTOGS PA'I YE SHES PHUN SUM TSOGS PA DANG, NYON MONGS PA'I DRI MA MED PA DANG, MNGON SHES SOGS TING NGE 'DZIN PHUN SUM TSOGS PA 'BYUNG BA'I GNAS YIN PA'I PHYIR, RGYAS 'GYUR GYI RIGS KYI DPE DE KHYAD CHOS BZHI'I SGO NAS 'CHAD PA LA, DE NYID LAS, RIN CHEN MCHOG RIGS BZHIN SHES BYA, ,BYANG CHUB CHEN PO'I RGYU MTSAN PHYIR, ,YE SHES CHE DANG TING 'DZIN 'PHAGS, ,SEMS CAN MANG
, ,PO'I DON GNAS PHYIR, ,ZHES GSUNGS, DON NI, THEG CHEN GYI RGYAS 'GYUR GYI RIGS DE RIN PO CHE'I 'BYUNG KHUNGS DANG 'DRA BA YIN TE, RIN PO CHE'I 'BYUNG KHUNGS KYI GNAS DE RIN PO CHE'I RIGS PHUN SUM TSOGS PA, DBYIBS PHUN SUM TSOGS PA, KHA DOG PHUN SUM TSOGS PA, TSAD PHUN SUM TSOGS PA RNAMS 'BYUNG BA'I GNAS YIN PA DE BZHIN DU, THEG CHEN GYI RGYAS 'GYUR GYI RIGS DE YANG RANG GI 'BRAS BUR GYUR BA'I BYANG CHUB CHEN PO'I RGYU DANG, THABS KHYAD BAR CAN GYIS ZIN PA'I BDEN MED RTOGS PA'I YE SHES CHEN PO DANG, TING NGE 'DZIN KHYAD BAR DU 'PHAGS PA DANG, SEMS CAN MANG PO'I DON GYI 'BYUNG GNAS YIN PA'I PHYIR, DE LTAR YIN YANG, SEMS CAN YIN NA RIGS RGYUD LDAN GYIS MA KHYAB STE, RIGS CHAD BA'I SEMS CAN YOD PA'I PHYIR, RIGS CHAD PA'I SEMS CAN DE LA BZHIR YOD DE, SEMS CAN LA LA NYES BA 'BA' ZHIG SPYOD PA DANG, LA LA KHONG KHROS DKAR PO'I DGE RTZA BCOM PA DANG, LA LA'I RGYUD LA THAR BA CHA MTHUN GYI DGE BA MED PA DANG, LA LA'I RGYUD LA DKAR PO'I DGE BA DMAN PA YOD KYANG ZAG MED SEMS KYI SA BON GYI NUS PA RGYUD LA MI LDAN PA STE BZHI YOD PA'I PHYIR TE, DE NYID LAS, LA LA GCIG TU NYES PAR SPYOD DES YOD, ,LA LA DKAR PO'I CHOS RNAMS KUN TU BCOM, ,LA LA THAR BA'I CHA MTHUN DGE BA MED, ,DKAR PO DMAN PA YOD PA RGYU DANG BRAL, ,ZHES GSUNGS BA'I PHYIR, DE YANG RKANG BA DANG PO GSUM GYIS RGYAS 'GYUR GYI RIGS CHAD PA DANG, BZHI PAS RANG BZHIN GNAS RIGS CHAD BA'I SEMS CAN YOD PAR BSTAN PA YIN TE, DE LTAR MDO SDE'I RGYAN GYI
'GREL BAR GSUNGS BA'I PHYIR, DES NA THEG CHEN GYI RIGS DE YON TAN CHE BA'I BDAG NYID PHUL DU BYUNG BA DANG LDAN TE, DE RGYU DUS KYI YON TAN DANG LDAN, 'BRAS DUS KYI YON TAN DANG YANG LDAN PA'I PHYIR, DANG PO GRUB STE, DE LA BRTEN NAS THEG CHEN GYI CHOS LA MOS PA RGYA CHEN PO 'BYUNG ZHING MTHAR DON GNYIS PHUN SUM TSOGS PA 'GRUB PAR 'GYUR BA'I PHYIR TE, DE NYID LAS, ZAB CING RGYA CHE BSHAD PA GZHAN LA PHAN PHYIR BSTAN BA'I CHOS CHEN LA, ,MI SHES BZHIN DU MOS PA SHIN TU RGYA CHEN 'BYUNG ZHING SGRUB LA BZOD,, DE DAG THA MAR RNAM PA GNYIS MCHOG PHUN SUM TSOGS 'GYUR GANG YIN DE, ,BYANG CHUB SEMS DPA' RANG BZHIN YON TAN LDAN DE RGYAS BA'I RIGS LAS SHES, ,ZHES GSUNGS PA'I PHYIR, GNYIS PA GRUB STE, DE STOBS SOGS KYI YON TAN RGYA CHE BA DANG, DGA' BDE RGYA CHEN PO THOB PAR BYED PA DANG, SDUG BSNGAL RGYA CHEN PO ZHI BAR BYED PA DANG, BDAG GZHAN LA PHAN BDE SGRUB BAR BYED BA'I 'BRAS BU KHYAD PAR CAN GYI 'BYUNG GNAS YIN PA'I PHYIR TE, DPER NA, DPAG BSAM GYI SHING GI RTZA BA BZANG PO LAS, YAL GA DANG, LOM DANG; ME TOG DANG; 'BRAS BU DANG, DRI BSIL PHUN SUM TSOGS PAS GZHAN GYI TSA GDUNG SEL BAR BYED BA'I YON TAN 'BYUNG BA BZHIN NO, ,DE LTAR YANG, DE NYID LAS, YON TAN SHIN TU RGYA CHE BYANG CHUB SHING SKYED PHYIR, ,BDE DANG SDUG BSNGAL CHEN PO ZHI BA THOB BYA'I PHYIR; ;BDAG DANG GZHAN LA PHAN BDE BYED PA 'BRAS BU'I PHYIR, ,RIGS MCHOG DE NI RTZA BA BZANG PO LTA BU YIN, ,ZHES GSUNGS PA'I PHYIR, KHO NA RE, RIGS CHAD PA'I SEMS CAN YOD PA MI 'THAD DE, SEMS CAN YIN NA RANG BZHIN GNAS RIGS RGYUD LDAN
, ,GYI GANG ZAG YIN DGOS PA'I PHYIR TE, DE YIN NA BDE GSHEGS SNYING PO RGYUD LDAN GYI GANG ZAG YIN DGOS PA'I PHYIR TE, DE NYID LAS, DE BZHIN NYID NI THAMS CAD LA, KHYAD PAR MED KYANG DAG GYUR BA, ,DE BZHIN GSHEGS NYID DE YI PHYIR, ,'GRO KUN DE YI SNYING PO CAN, ,ZHES GSUNGS BA SGRA JI BZHIN PA YIN PA'I PHYIR, DES NA MDO SDE'I RGYAN DBU MA'I BSTAN BCOS YIN PAS SGRA JI BZHIN DU KHAS LEN CING, DE'I 'GREL BA SEMS TZAM PA'I BSTAN BCOS YIN PAS SGRA JI BZHIN DU KHAS MI LEN PA'I PHYIR, ZHES ZER NA, KHYOD LTAR NA SLOB DPON DBYIG GNYEN GYI LUGS LA YANG RIGS CHAD PA'I SEMS CAN MED PAR THAL, SEMS CAN YIN NA RIGS RGYUD LDAN YIN DGOS PA'I PHYIR TE, DE BZHIN NYID NI THAMS CAD LA, ,ZHES PA'I THAD KYI DBYIG GNYEN GYI 'GREL BAR, DE BZHIN NYID NI THAMS CAD LA KHYAD PAR MED PAR YOD PA YIN LA, DE BZHIN GSHEGS PA NI DE RNAM PAR DAG PA YIN TE, DA'I PHYIR SEMS CAN THAMS CAD BDE BAR GSHEGS PA'I SNYING PO CAN NO, ,ZHES GSUNGS PA 'DIS SEMS CAN YIN NA BDE BAR GSHEGS PA'I SNYING PO CAN YIN DGOS PAR BSTAN PA'I PHYIR TE, DE BZHIN NYID NI THAMS CAD LA, ,ZHES SOGS RTZA BA'I GZHANG 'DIS DE LTAR BSTAN PA'I PHYIR, GZHAN YANG, GZHUNG DES DE LTAR MA BSTAN PAR THAL, GZHUNG DES SEMS CAN YIN NA BDE GSHEGS SNYING PO RGYUD LDAN YIN PAS MA KHYAB PAR BSTAN BA'I PHYIR TE, DES DE BZHIN GSHEGS PA'I SNYING PO'I MDO LAS, SEMS CAN YIN NA BDE GSHEGS SNYING PO RGYUD LDAN YIN PAS KHYAB PAR GSUNGS PA'I DGONGS GZHI
'CHAD BYED YIN PA'I PHYIR, MDO SDE LAS DE LTAR GSUNGS PA'I DGONGS GZHI YOD DE, SEMS CAN YIN NA DE BZHIN NYID RGYUD LDAN YIN PAS KHYAB PA LA DGONGS NAS DE LTAR GSUNGS PA'I PHYIR, ZHES BA'I SBYOR BDE GZHUNG DE'I DON SBYOR RNAM DAG YIN PA'I PHYIR TE, DE'I DON SBYOR RNAM DAG GCIG YOD PA'I PHYIR, DES NA RANG BZHIN GNAS RIGS DANG RGYAS 'GYUR GYI RIGS GNYIS MI 'GAL TE, SEMS CAN GYI RGYUD KYI ZAG MED SEMS KYI SA BON GYI NUS PA DE RANG BZHIN GNAS RIGS YIN LA, DE LA THOS SOGS KYIS GSOS MA BTAB NA RANG BZHIN GNAS RIGS KHO NA YIN LA, DES GSOS BTAB PA NA DE GNYIS KA YIN PA'I PHYIR TE, NYAN SA LAS, SA BEN DES 'BRAS BUM BSKYED CING MA GRUB NA PHRA BA YIN LA, GANG GI TSE DE NYID 'BRAS BU SKYED CING GRUB BA NA SA BON GANG YIN PA DE 'BRAS BU YIN TE, ZHES DANG, GSER PHRENG LAS, RDZAS LA BSAM NA LAM DU ZHUGS NAS GNYIS KA YIN TE, ZHES GSUNGS BA'I PHYIR, BZHI PA LA, DBUM PA RNAMS KYIS NI SNGAR GYI LUGS DE GNYIS KA BAG GNAS, SEMS CAN GYI RGYUD KYI GLO BUR GYI DRI MA DANG BCAS PA'I SEMS KYI RANG BZHIN LA GLO BUR GYI DRI MA MA ZHUGS SHING, DE'I CHOS NYID DE'I RANG BZHIN GNAS RIGS SU 'DOD PA YIN LA, SEMS KYI RANG BZHIN LA DRI MA MA ZHUGS PA YIN TE, DPER NA, NAM MKHA'I RANG BZHIN LA SPRIN MA ZHUGS BA DANG, CHU'I RANG BZHIN LA RNYOG PA MA ZHUGS PA DANG, GSER GYI RANG BZHIN LA G-YA' MA ZHUGS PA BZHIN YIN PA'I PHYIR TE, RGYUD BLA MA LAS, RIN CHEN NAM MKHA' CHU DAG BZHIN, ,RTAG TU RANG BZHIN NYON MONGS MED, ,CES DANG, DBUS MTHA' LAS, CHU KHAMS
, ,GSER DANG NAM MKHA' RNAMS, ,DAG PA BZHIN DU DAG PAR 'DOD, ,CES GSUNGS PA'I PHYIR, DES NA 'DI LA DNGOS SMRA PA RNAMS KYI LUGS DGAG PA DANG, RANG LUGS BZHAG PA GNYIS LAS, DANG PO LA, BSHAD BYA'I LUNG 'GOD PA DANG, DE'I DON BSHAD BA'O, ,DANG PO NI, NYI KHRI SNANG BA LAS, DE DAG GIS RANG BZHIN DU GNAS BA'I RIGS LA RANG BZHIN DU GNAS PA'I DON BRJOD DGOS SO, ,RGYU'I RNAM GRANGS YIN NO, ,ZHE NA, RKYEN GYIS YANG DAG BAR BLANGS PA LAS BYUNG BA DE NYID YIN PA DES NA DON GYI KHYAD BAR CI ZHIG YOD, CHOS NYID KYI RNAM GRANGS YIN PA LA NYES PA 'DI MED DO, ,ZHES GSUNGS, DON NI, SEMS CAN GYI RGYUD KYI ZAG MED KYI SEMS KYI NUS PA CHOS CAN, KHYOD RANG BZHIN GNAS RIGS MA YIN PAR THAL, KHYOD LA RANG BZHIN GNAS RIGS KYI DON MTSANG BA'I PHYIR, KHYOD LA RANG BZHIN GNAS RIGS KYI DON MTSANG STE, KHYOD RANG GI RGYU RKYEN GYIS GSAR DU BCOS PA YIN PA'I PHYIR, KHO NA RE, DE CHOS CAN, RANG BZHIN GNAS RIGS YIN PAR THAL, YE SHES CHOS SKU'I RGYU'I RNAM GRANGS YIN PA'I PHYIR NA RKYEN GYIS YANG DAG PAR BLANGS PA LAS BYUNG BA'I RGYAS 'GYUR GYI RIGS CHOS CAN, DER THAL, DE'I PHYIR, 'DOD NA, RANG BZHIN GNAS RIGS DANG RGYAS 'GYUR GYI RIGS GNYIS LA KHYAD PAR CUNG ZAD MED PAR THAL LO, , 'DOD MI NUS TE, SEMS CAN GYI RGYUD KYI ZAG MED KYI SEMS KYI SA BON GYI NUS PA DE LA THOS SOGS KYIS GSOS MA BTAB BA'I TSE RANG BZHIN GNAS RIGS KHO NA DANG, DE LTAR BTAB PA'I TSE RGYAS 'GYUR GYI RIGS SU 'JOG PA'I KHYAD PAR 'THAD PA'I
PHYIR; RTAGS KHAS, KHO NA RE, NYES BA DE KHYOD RANG LA YANG MTSUNGS SO, ,ZHE NA MI MTSUNGS TE, KHO BO CAG NI RANG BZHIN GNAS RIGS CHOS NYID KYI RNAM GRANGS SU 'DOD LA, DE LA NI RANG BZHIN GNAS RIGS 'DUS BYAS SU 'DOD PA LA BRJOD PA'I SKYON MI 'JUG PA'I PHYIR, GNYIS PA LA, RGYUD BLA MA LAS GSUNGS TSUL DANG, JI LTAR NYAMS SU LEN BA'I TSUL LO, ,DANG PO LA, MDOR BSTAN, RGYAS BSHAD, KHAMS BSTAN BA'I DGOS PA DANG GSUM LAS, DANG PO NI, RGYUD BLA MA LAS; RDZOGS SANGS SKU NI 'PHRO PHYIR DANG, ,DE BZHIN NYID DBYER MED PHYIR DANG, ,RIGS YOD PHYIR NA LUS CAN KUN, ,RTAG TU SANGS RGYAS SNYING PO CAN, ,ZHES GSUNGS, DON NI, DE BZHIN GSHEGS PA'I SNYING PO'I MDO LAS, LUS CAN KUN RTAG TU SANGS RGYAS KYI SNYING PO CAN NO, ,ZHES GSUNGS BA'I RGYU MTSAN YOD DE, DE RNAMS RTAG TU DE BZHIN GSHEGS BA'I SNYING PO CAN TE KHAMS BDE BAR GSHEGS BA'I SNYING PO CAN YIN PA'I PHYIR TE, SEMS CAN THAMS CAD LA RDZOGS BA'I SANGS RGYAS KYI CHOS SKU'I 'PHRIN LAS 'PHRO BA STE 'JUG BA'I PHYIR DANG, SANGS RGYAS KYI SEMS DANG SEMS CAN GYI SEMS GNYIS BDEN PAS STONG BA'I CHOS NYID LA NGO BO DBYAR MED PA'I PHYIR DANG, SANGS RGYAS KYI RIGS SEMS CAN THAMS CAD LA KHYAB BAR YOD PA'I PHYIR, GNYIS PA LA, RNAM GZHAG BCU'I SGO NAS SEMS RANG BZHIN GYIS 'OD GSAL BAR BSTAN PA DANG, DPE DGU DON DGU'I SGO NAS SGRIB PA GLO BUR BAR SGRUB PA DANG GNYIS LAS, DANG PO NI, BCOM LDAN 'DAS KYIS MDO LAS, DGE
, ,SLONG DAG SEMS LA SEMS MA MCHIS TE SEMS KYI RANG BZHIN 'OD GSAL BA'O, ,ZHES SOGS GSUNGS BA'I DON 'CHAD PA LA, RGYUD BLA MAR, NGO BO RGYU 'BRAS LAS LDAN 'JUG PA DANG, ,GNAS SKABS DA BZHIN KUN TU 'GRE BA'I DON, ,RTAG TU MI 'GYUR YON TAN DBYER MED NI, ,DON DAM DBYINGS KYI DGONGS DON YIN ZHES BYA, ,ZHES GSUNGS, DON NI, KHAMS BDE BAR GSHEGS PA'I SNYING PO 'DI? NI RNAM GZHAG BCU'I SGO NAS GTAN LA DBAB PAR BYA BA YIN TE, NGO BO'I DON, RGYU'I DON, 'BRAS BU'I DON, LAS KYI DON, LDAN PA'I DON, 'JUG PA'I DON, GNAS SKABS KYI RAB TU DBYE BA'I DON, KUN TU 'GRO BA'I DON, MI 'GYUR BA'I DON, DBYE BA MED BA'I DON TE RNAM PA BCU'I SGO NAS GTAN LA DBAB PAR BYA BA YIN PA'I PHYIR, DE LTAR GTAN LA DBAB PA LA CHOS CAN, DGOS PA YOD DE, SEMS KYI RANG BZHIN LA SGRIB PA MA ZHUGS PA'I DON GYIS SEMS RGYUD SGRIB PA DANG BRAL RUNG DU RTOGS PA'I DGOS PA YOD PA'I PHYIR DPER NA, CHU'I RANG BZHIN LA RNYOG PA MA ZHUGS PA DANG, GSER GYI RANG BZHIN LA G-YA' MA ZHUGS PA DANG, NAM MKHA'I RANG BZHIN LA SPRIN MA ZHUGS PA'I DON GYIS RNYOG PA DANG BRAL BA'I CHU, G-YA' DANG BRAL BA'I GSER, SPRIN DANG PHRAL BA'I NAM MKHA' RNAM PAR DAG PA YOD PA BZHIN YIN PA'I PHYIR, ZHES RNAM GZHAG BCUS RGYAS PAR 'CHAD PA LA, DE NYID LAS, RIN CHEN NAM MKHA' CHU DAG BZHIN, ZHES SOGS GSUNGS SO, ,GNYIS PA LA, BSGRIB BYA SGRING BYED DANG LDAN PA'I DPE
DON; SGRIB BYED DGU BSAL NAS BSGRIB BYA DGU MNGON DU 'GYUR CHUL, SGRIB BYED KYI DPE DON, BSGRIB BYA'I DPE DON DANG BZHI LAS, DANG PO LA BSTAN BSHAD GNYIS LAS, DANG PO NI MDOR BSTAN DU, RIGS YOD PHYIR NA LUS CAN KUN, ,RTAG TU SANGS RGYAS SNYING PO CAN, ,ZHES KHAMS BDE BAR GSHEGS PA'I SNYING PO SEMS CAN THAMS CAD KYI RGYUD LA YOD PAR GSUNGS NAS, DE'I TSUL JI LTAR DU SEMS CAN GYI RGYUD LA YOD CE NA, DE NYID NYON MONGS PA'I SPUBS NA CHUD BA'I TSUL DU GNAS PA STE, DE DPE DGU DON DGU DAG GI SGO NAS SHES PAR BYA BA YIN NO, ,ZHES 'CHAD PA LA, DE NYID LAS, NYON MONGS SBUBS NANG GNAS PA DE, ,DPE DAG GIS NI SHES PAR BYA, ,ZHES GSUNGS, GNYIS PA NI, DPE DAG GIS NI SHES BAR BYA, ,ZHES 'CHAD NA, DPE DAG GIS NI SHES PAR BYED TSUL DE GANG ZHE NA, SEMS CAN GYI RGYUD LA KHAMS BDE BAR GSHEGS BA'I SNYING PO DE NYON MONGS BA'I NANG DU CHUD BA'I TSUL GYIS YOD TSUL DPE'I SGO NAS SHES PAR BYA STE, DPER NA, PADMA MDOG NGAN PA'I NANG DU MTSAN DPE GSAL RDZOGS KYI DE BZHIN GSHEGS BA'I SKU BZHUGS PA DANG, SBRANG MA'I GNAD NGAN PA NA SBRANG RTZI YOD PA DANG, SPUN PA'I NANG NA 'BRAS BU'I SNYING PO YOD PA DANG, MI GTZANG BA'I NANG NA GSER YOD PA DANG, SA 'OG NA RIN PO CHE'I GTER YOD PA DANG, LJON SHING GI MYA GU 'BYUNG RUNG SOGS RANG GI SA BON GYI NANG NA GNAS PA DANG, GOS RUL NGAN PA'I NANG NA RIN PO CHE LAS GRUB PA'I DE BZHIN GSHEGS PA'I SKU GZUGS YOD PA DANG, BUD MED NGAN MA'I LTO BA NA MI BDAG 'KHOR LOS SGYUR RGYAL DU 'GYUR RUNG GI BU YOD PA DANG, SA LAS GRUB PA'I RDUL GONG GI NANG NA RIN PO
, ,CHE LAS GRUB BA'I DE BZHIN GSHEGS PA'I SKU GZUGS YOD PA BZHIN DU, SEMS CAN GYI RGYUD LA GLO BUR GYI DRI MA DGUS BSGRIBS BA'I KHAMS BDE BAR GSHEGS PA'I SNYING PO DGU YOD BA'I PHYIR, ZHES 'CHAD PA LA, DE NYID LAS, SANGS RGYAS PA DANG NA SBRANG RTZI SBRANG MA LA, ,SBUN LA SNYING PO MI GTZANG NA NGAN GSER, ,SA LA GTER DANG MYUG SOGS 'BRAS CHUNG DANG, ,GOS RUL NANG NA RGYAL BA'I SKU DANG NI, ,BUD MED NGAN MA'I LTON MI BDAG DANG, ,SA LA RIN CHEN GZUGS YOD JI LTA BAR; ;GLO BUR NYON MONGS DRI MAS BSGRIBS BA YI, ,SEMS CAN RNAMS LA DE BZHIN KHAMS 'DI GNAS, ,ZHES GSUNGS, DE LTAR DPE DGU DANG DON DGUL BRTEN NAS SGRIB PA SEMS RGYUD DANG BRAL RUNG NI GLO BUR BAR SGRUB PA CHOS CAN, DGOS PA YOD DE, DE LTAR RTOGS PA LA BRTEN NAS SGRIB GNYIS SPANGS BA'I NGO BO NYID SKU THOB PHYIR DU BRTZON 'GRUS LHAG BAR 'PHEL BA'I DGOS PA YOD PA'I PHYIR, GNYIS PA NI GONG DU, NYON MONGS SBUBS NANG GNAS PA DE, ,ZHES PAR SEMS CAN THAMS CAD KYI RGYUD LA KHAMS BDE BAR GSHEGS BA'I SNYING PO NYON MONGS BA'I SBUBS NA CHUD BA'I TSUL DU YOD PAR GSUNGS BA LA, 'O NA, SGRIB BYED DANG BRAL BA SRID DAM ZHE NA, DE'I LAN STON PA LA, DE NYID LAS, JI LTAR MDOG NGAN PADMA'I KHONG GNAS BA, ,ZHES SOGS GSUNGS, 'O NA KHAMS BDE BAR GSHEGS PA'I SNYING PO DE NYID SGRIB BYED NYON MONGS PA'I GLO BUR GYI DRI MA DANG BRAL NAS NGO BO NYID SKUR 'GYUR TSUL DPE DGU'I SGO NAS 'CHAD NA, DE'I TSUL DE GANG MIN ZHE NA, 'DI LA DPE DGU YOD PA'I DANG PO DE STON PA LA, DE NYID LAS,
JI LTAR MDOG NGAN PADMA'I KHONG GNAS PA, ,MTSAN STONG GIS 'BAR DE BZHIN GSHEGS PA NI, ,DRI MED LHA YI MIG LDAN MIS MTHONG NAS, ,CHU SKYES 'DAB MA'I SBUBS NAS 'BYIN BYED PA, ,DE BZHIN BDE GSHEGS MNAR MED GNAS RNAMS LA'ANG, ,SANGS RGYAS SPYAN GYIS RANG CHAS NYID GZIGS TE, ,SGRIB MED PHYI MTHA'I MUR GNAS THUGS RJE YIS, ,BDAG CAN SGRIB BA LAS NI GROL BAR MDZAD, ,CES GSUNGS, DON NI, SEMS CAN THAMS CAD KYI RGYUD KYI KHAMS BDE GSHEGS SNYING PO DE, SGRIB BYED MTHA' DAG DANG BRAL BA NA NGO BO NYID SKUR 'GYUR BA YIN TE, BDE BAR GSHEGS BAS MNAR MED BA LA SOGS PA'I 'GRO BA RNAMS KYI RGYUD LA KHAMS BDE GSHEGS SNYING PO DE DRI MA'I SBUNGS SU TSUD BA'I TSUL GYIS YOD PAR GZIGS NAS THUGS RJE'I DBANG GIS DRI MA DE DANG BRAL BA'I THABS BSTAN ZHING GDUL BYAS THABS DE NYAMS SU BLANGS BA LA BRTEN NAS DRI MA MTHA' DAG DANG BRAL BA NA NGO BO NYID SKU THOB BAR 'GYUR BA YIN PA'I PHYIR TE, DPER NA, MDO NGAN PA'I PADMA'I SBUBS SU CHUD PA'I MTSAN DPES SBRAS PA'I DE BZHIN GSHEGS PA'I SKU GZUGS YOD PAR LHA MIG RNAM DAG DANG LDAN PA'I MIS MTHONG NAS, DE SGRIB BYED KYI CHU SKYES KYI 'DAB MA BSAL BA NA DE BZHIN GSHEGS PA'I SKU DE NYID MNGON DU GYUR BA BZHIN NO, ,DPE GNYIS BSTON PA LA, DE NYID LAS, JI LTAR SROG CHAGS TSOGS BSKOR SBRANG RTZI NI, ,SKYES BU MKHAS PAS DE DON GNYER BA YIS, ,MTHONG NAS THABS KYIS DE DANG SROG CHAGS TSOGS, ,KUN NAS BRAL BAR RAB TU BYED BA BZHIN, ,DRANG SRONG CHEN POS KUN MKHYEN SPYAN GYIS NI, ,
, ,RIG KHAMS SBRANG RTZI DANG 'DRA DE GZIGS NAS, ,DE YI SGRIB PA SBRANG MA DANG 'DRA BA, ,GTAN NAS RAB TU SPONG BAR MJAD PA YIN, ,ZHES GSUNGS, DON NI, SEMS CAN THAMS CAD KYI RGYUD KYI KHAMS BDE BAR GSHEGS PA'I SNYING PO DE SGRIB BYED KYI DRI MA DANG BRAL BA NA, DE NGO BO NYID SKUR 'GYUR TSUL YOD DE, DRANG SRONG CHEN PO SANGS RGYAS RNAMS KYI KUN MKHYEN YE SHES KYI SPYAN GYIS GZIGS NAS SEMS CAN THAMS CAD KYI RGYUD LA KHAMS BDE BAR GSHEGS PA'I SNYING PO NYON MONGS PA'I SBUBS SU CHUD PA'I TSUL DU YOD PAS SA NAS NYON MONGS DE DANG BRAL BA'I THABS BSTAN PA LA BRTEN NAS, DE NYID GLO BUR GYI DRI MA MTHA' DAG DANG BRAL BA NA NGO BO NYID SKUR 'GYUR BA YIN PA'I PHYIR; DPER NA, SBRANG RTZI DON DU GNYER BA'I SKYES BU SROG CHAGS KYI TSOGS KYIS BSKOR BA'I SBRANG RTZI THABS KYIS BUNG BA RNAMS BSAL SBRANG RTZI MNGON DU GYUR BA BZHIN YIN PA'I PHYIR, DPE GSUM PA STON PA LA, DE NYID LAS, JI LTAR SPUN LDAN 'BRU YI SNYING PO NI, ,MI RNAMS KYIS NI SPYAD BYAR MI 'GYUR BA, ,ZAS SOGS DON DU GNYER BA GANG YIN PA, ,DE DAG GIS NI SPUN NAS DE 'BYIN LTAR, ,DE BZHIN SEMS CAN LA YOD NYON MONGS KYI, ,DRI MA DANG 'DRES RGYAL BA'ANG JI SRID DU, ,NYON MONGS DRI MA 'DRES LAS MA GROL BA, ,DE SRID RGYAL MDZAD SRID GSUM 'DU MI BYED, ,CES GSUNGS, DON NI, SEMS CAN THAMS CAD KYI RGYUD KYI KHAMS BDE BAR GSHEGS PA'I SNYING PO DE NGO BO NYID SKUR
'GYUR TSUL YOD DE, SEMS CAN THAMS CAD KYI RGYUD LA KHAMS BDE BAR GSHEGS PA'I SNYING PO NYON MONGS SOGS GLO BUR GYI DRI MA DANG 'DRES PA'I TSUL DU YOD PA RGYAL BA RNAMS KYIS GZIGS NAS GLO BUR GYI DRI MA DANG BRAL BA'I THABS LA BRTZON PAR MDZAD, DE NYID GLO BUR GYI DRI MA DANG BRAL BA NA NGO BO NYID SKUR GYUR BA YIN PA'I PHYIR, DPER NA, 'BRU LAS BCOS PA'I ZAS DON DU GNYER BA RNAMS KYIS 'BRU'I SNYING PO SPUN PA'I NANG NAS PHYUNG STE SBUN PA DANG BRAL BA NA 'BRU DE MNGON DU GYUR PA BZHIN YIN PA'I PHYIR, DPE BZHI BSTON PA LA, DE NYID LAS, JI LTAR RAB TU RGYU CHO MI YI GSER, ,LJAN LDIN? RUL BA'I GNAS SU LHUNG GYUR BA, ,MI 'JIG CHOS CAN DE NI DER DE BZHIN, ,LO BRGYA MANG PO DAG TU GNAS PA DE, ,LHA MIG RNAM DAG DANG LDAN LHA YIS DER, ,MTHONG NAS MI LA 'DI NA YOD PA'I GSER, ,RIN CHEN MCHOG 'DI SBYANGS TE RIN CHEN GYIS, ,BSGRUB BAR BYA BA GYIS ZHES SMRA BA LTAR, ,DE BZHIN THUB PAS MI GTZANG DANG 'DRA BA'I, , NYON MONGS SU BYING SEMS CAN YON TAN NI, ,GZIGS NAS NYON MONGS 'DAM DE DAG BYA'I PHYIR, ,SKYE DGU RNAMS LA DAM CHOS CHU CHAR 'BEBS, ,ZHES GSUNGS, DON NI, SEMS CAN GYI KHAMS BDE GSHEGS SNYING PO DE, NGO BO NYID SKUR 'GYUR TSUL YOD DE, SEMS CAN THAMS CAD KYI RGYUD LA KHAMS BDE GSHEGS SNYING PO NYON MONGS PA'I LJAN LJIN GYI GNAS SU BYING BA'I TSUL GYIS YOD PA DE RGYAL BA RNAMS KYIS GZIGS NAS NYON MONGS PA'I 'DAM DE DAG PAR BYA BA'I
, ,PHYIR DU RGYAL BA RNAMS KYIS SKYE DGU RNAMS LA DAM CHOS KYI CHU CHAR BAB? STE, DE NYID GLO BUR KYI DRI MAS DAG BA NA NGO BO NYID SKUR 'GYUR BA YIN PA'I PHYIR, DPER NA, LHA RNAMS NAM MKHA' LA RAB TU RGYU BA'I TSE MI YI RGYAN CHA SOGS KYA GSER NGO BO 'GYUR BA MED PA DE NYID LJAN LDIN RUL BA'I NANG DU LHUNG BA MI 'JIG PA'I CHOS CAN TE NGO BO GZHAN DU 'GYUR BA MED CING YO BRGYA SOGS SU GNAS PA DE, LHA'I MIG RNAM DAG DANG LDAN BA'I LHA RNAMS KYIS MTHONG NAS, MI RNAMS LA DER GNAS PA'I GSER DE SBYONGS SHIG CES SMRAS PA NA MI RNAMS KYIS DE NYID SBYANGS PA NA GSER DE MNGON DU 'GYUR BA BZHIN YIN PA'I PHYIR, DPE LNGA PA STON PA LA, DE NYID LAS, JI LTAR MI DGUL KHYIM NANG SA 'OG NA, ,MI ZAD PA YI GTER NI YOD GYUR LA, ,MI DES DE MA SHES SHING GTER DE YANG, ,DE LA NGA 'DIR YOD CES MI SMRA LTAR, ,DE BZHIN YID KYI NANG CHUD RIN CHEN GTER, ,DRI MED GZHAG DANG BSAL MED CHOS NYID KYANG, ,MA RTOGS PAS NA DBUL BA'I SDUG BSNGAL NI, ,RNAM MANG RGYUN DU SKYE DGU 'DIS MYONG NGO, ,ZHES GSUNGS, DON NI, SEMS CAN THAMS CAD KYI RGYUD KYI KHAMS BDE GSHEGS SNYING PO DE NGO BO NYID SKUR 'GYUR TSUL YOD DE, SEMS CAN THAMS CAD KYI RANG RGYUD KYI RIN PO CHE'I GTER DANG 'DRA BA'I RANG BZHIN LA DRI MA MA ZHUGS SHING, DON DAM BAR DRI MA BSAL BA ZHIG GANG YANG MED PA'I CHOS NYID KYI KHAMS BDE GSHEGS SNYING PO DE NYID MNGON SUM DU MA RTOGS PA LA BRTEN NAS 'PHAGS
PA'I YON TAN GYIS DBUL ZHING 'PHONGS PAS SDUG BSNGAL MYONG LA, DE NYID MNGON SUM DU RTOGS ZIN GOMS PAR BYAS B ALA BRTEN NAS RDZOGS PA'I SANGS RGYAS KYI GO 'PHANG THOB BAR 'GYUR BA YIN PA'I PHYIR TE, DPER NA MI DBUL PO'I KHYIM GYIS 'OG NA RIN PO CHE MI ZAD PA'I GTER YOD PA MI DES MA MTHONG SHING GTER DE YANG MI DE LANG? 'DIR YOD CES MI SMRA LA, DE LTAR NA GTER DES MI DE'I DBUL BA SEL MI NUS KYANG, LHA LA SOGS PAS MTHONG NAS DE LA DER GTER YOD DO, ,ZHES SMRAS PA LA BRTEN NAS MI DES SAL SOGS PA? BSAL BA NA GTER DE MNGON DU GYUR NAS DBUL BA'I SDUG BSNGAL LAS GROL BA BZHIN YIN PA'I PHYIR, DPE DRUG PA STON PA LA, DE NYID LAS, JI LTAR AA MRA LA SOGS SHING 'BRAS LA, ,YOD PA'I SA BON MYU GU 'JIG MED CHOS, ,SA RMOS CHU SOGS LDAN BA'I LJON SHING GI, RGYAL PO'I DNGOS PO RIM GYIS 'GRUB PA LTAR, ,SEMS CAN RNAMS KYI MA RIG SOGS 'BRAS KYI, ,PAGS SBUBS NANG CHUD CHOS KHAMS DGE BA YANG, ,DE BZHIN DGE BA DE DE LA BRTAN NAS, ,RIM GYIS THUB PA'I RGYAL PO'I DNGOS POR 'GYUR, ,ZHES GSUNGS, DON NI, SEMS CAN THAMS CAD KYI RGYUD KYI KHAMS BDE GSHEGS SNYING PO DE NGO BO NYID SKUR 'GYUR TSUL YOD DE, 'BRAS BAGS PA'I SBUBS SU CHUD BA LTAR, SEMS CAN THAMS CAD KYI RGYUD LA KHAMS BDE GSHEGS SNYING PO MA RIG BA'I SBUBS SU CHUD PA'I TSUL DU YOD LA, DE NYID SGRIB BYED KYI DRI MA BSAL BA'I PHYIR DU DE'I THABS DGE BA LA 'BAD CING, DE LTAR DRI MA BSAL
, ,BA LA BRTEN NAS RANG RGYUD LDAN GYI GANG ZAG THUB PA'I DBANG PO STE SANGS RGYAS 'PHAGS PA'I DNGOS POR 'GYUR BA YIN PA'I PHYIR, DPER NA, AA MRA'I SHID DANG N+YA GRO TA'I SHING LA SOGS PA'I 'BRAS BU LA YOD PA'I DE DAG GI MYU GU SKYED PA'I NUS PA DE CHU LUD SOGS KYIS SBYANGS NAS RIM GYIS MYU GU BYUNG STE LJON SHING RGYAL PO'I DNGOS POR 'GYUR BA BZHIN YIN PA'I PHYIR, DPE BDUN PA STON PA LA, DE NYID LAS, JI LTAR RIN CHEN LAS BYAS RGYAL BA'I GZUGS,, GOS RUL DRI NGAN GYIS NI GTUMS GYUR PA, ,LAM GNAS LHA YIS MTHONG NAS GROL BYA'I PHYIR, ,LAM GNAS DON DE DE LA SMRA BA LTAR, ,DE BZHIN THOG MED RNAM PA SNA TSOGS KYI, ,NYON MONGS KYIS GTUMS PA DE GSHEGS DNGOS PO NYID; ;DUD 'GRO LA YANG GZIGS NAS DE BZHIN DE, ,THAR PAR BYA BA'I DON DU THABS STON MDZAD, ,CES GSUNGS, DON NI, SEMS CAN THAMS CAD KYI RGYUD KYI KHAMS BDE GSHEGS SNYING PO NGO BO NYID SKUR 'GYUR TSUL YOD DE, RGYAL BA RNAMS KYIS NYON MONGS PA SOGS KYIS GTUMS PA'I BDE GSHEGS DNGOS PO STE, BDE GSHEGS SNYING PO DE DUD 'GRO SOGS LA YOD PAR GZIGS NAS, DE RNAMS THAR BAR BYA BA'I PHYIR DU THABS SNA TSOGS BSTON BAR MDZAD CING, DE LTAR BSTAN PA LA BRTEN NAS KHAMS DE NYID NGO BO NYID SKUR 'GYUR BA YIN BA'I PHYIR, DPER NA RIN PO CHE LAS GRUB BA'I RGYAL BA'I SKU GZUGS SOGS GOS RUL DRI MA CAN GYIS GTUMS TE LAM NA GNAS PA LHA LA
SOGS PAS MTHONG NAS, LAM DU RGYU BA'I MI RNAMS LA DON DE SMRAS PAS MI RNAMS KYIS GOS RUL BSAL BA NA SKU GZUGS DE NYID MNGON DU 'GYUR BA BZHIN YIN PA'I PHYIR, DPE BRGYAD PA DE STON PA LA, DE NYID LAS, JI LTAR MI MO GZUGS DANG MGON MED 'GA', ,MGON MED 'DUG GNAS SU NI 'DUG GYUR LA, ,MNGAL GYI RGYAL PO'I DPAL NI 'DZIN BYED PAS, ,RANG LTO NA YOD MI BDAG MI SHES LTAR, ,SRID PAR SKYE BA MGON MED KHYIM BZHIN TE, ,MA DAG SEMS CAN MNGAL LDAN BUD MED BZHIN, ,DE LA GANG ZHIG YOD PAS MGON BCAS PA, ,DRI MED KHAMS NI DE YI MNGAL GNAS BZHIN, ,ZHES GSUNGS, DON NI, SEMS CAN THAMS CAD KYI RGYUD KYI KHAMS BDE GSHEGS SNYING PO NGO BO NYID SKUR 'GYUR RUNG YIN TE, SRID PAR SKYES BA'I MA DAG PA'I SEMS CAN RNAMS KYI RGYUD LA NGO BO LA DRI MA MED PA'I KHAMS BDE BAR GSHEGS BA'I SNYING PO MNGAL SPUBS KYI DRI MA DANG 'DRA BA'I GLO BUR GYI DRI MAS SGRIB PA'I TSUL DU YOD PA DE NYID, DE SGRIB BYED KYI DRI MA DAG PA'I THABS BSTAN PA LA BRTEN NAS DE NYID DRI MA DANG BRAL BA NA NGO BO NYID SKUR 'GYUR CING, DE RGYUD LDAN GYI GANG ZAG SEMS CAN GYI MGON DU 'GYUR BA YIN PA'I PHYIR TE, DPER NA MNGON MED PA'I KHYIM NA GNAS PA'I BUD MED GZUGS NGAN PA ZHIG GI LTO NA 'KHOR LOS SGYUR RGYAL DU 'GYUR RUNG GI MI MNGAL GYI DRI MAS BSGRIBS NAS YOD PA BUD MED DES MA SHES KYANG MNGAL NAS BTZAS TE MNGAL GYI DRI MA DANG BRAL NAS RIM GYIS 'KHOR LOS SGYUR RGYAL DU GYUR PA NA
, ,BUD MED DE NYID KYI MGON DU GYUR PA BZHIN YIN PA'I PHYIR, DPE DGU PA STON PA LA, DE NYID LAS, JI LTAR NANG GI GSER ZHUN GZUGS RGYAS PA, ,ZHI BA PHYI ROL SA YI RANG BZHIN CAN, ,MTHONG NAS DE SHES PA DAG NANG GI GSER, ,SBYANG PHYIR PHYI ROL SGRIB PA SEL BYED LTAR, ,RANG BZHIN 'OD GSAL DRI MED RNAMS KYANG NI, ,GLO BUR BAR NI RNAM PAR GZIGS GYUR NAS, ,RIN CHEN 'BYUNG GNAS LTA BU'I 'GRO BA RNAMS, ,SGRIB PA DAG LAS SBYONG MDZAD BYANG CHUB MCHOG ,CES GSUNGS, DON NI SEMS CAN THAMS CAD KYI RGYUD KYI KHAMS BDE GSHEGS SNYING PO DE NGO BO NYID SKUR 'GYUR DUNG? YIN TE, SANGS RGYAS RNAMS KYIS RANG BZHIN GYIS 'OD GSAL BA'I KHAMS BDE GSHEGS SNYING PO DE NYON MONGS PA'I SGRIB PAS BSGRIBS SHING, DRI MA DE YANG GLO BUR BAR GZIGS NAS DE RGYUD LDAN GYI RIN PO CHE'I 'BYUNG GNAS LTA BU'I 'GRO BA RNAMS LA DRI MA DE SBYONG BA'I THABS BSTAN PA LA BRTEN NAS DRI MA DANG BRAL BA NA GANG ZAG DE SANGS RGYAS 'PHAGS PAR GYUR PA YIN PA'I PHYIR, DPER NA, SA LAS BYAS PA'I BLUGS GONG GI NANG DU GSER ZHUN MA LAS GRUB PA'I DE BZHIN GSHEGS PA'I SKU GZUGS YOD PA DE SBYANG? PA'I PHYIR DU BLUGS GONG DE BSAL BA NA, SKU GZUGS DE MNGON DU GYUR PA BZHIN YIN PA'I PHYIR, MDOR BSDU NA SGRIB BYED KYI DRI MA DGU BSAL NA SGRIB GNYIS SPANGS PA'I NGO BO NYID SKU MNGON DU GYUR PA YIN PA'I PHYIR TE, DPER NA, PADMA, BUNG BA, SBUN PA, MI GTZANG BA,
SA CHEN PO, 'BRAS SHUN, GOS RUL, BUD MED KYI MNGAL, SA LAS BCOS PA'I BLUGS GONG RNAMS BSAL TSE, RIM PA BZHIN DU SANGS RGYAS KYI SPRUL SKU, SBRANG RTZI, 'BRU'I SNYING PO, DRI MA MED PA'I GSER, DGOS 'DOD 'BYUNG BA'I GTER, SHING LJON PA'I SDONG PO, RIN PO CHE'I SKU, 'KHOR LOS SGYUR BA'I RGYAL PO, GSER LAS BCOS PA'I DE BZHIN GSHEGS PA'I SKU 'DRA RNAMS MNGON DU GYUR PA BZHIN YIN PA'I PHYIR, TSIG LA 'KHRI NA, DE DANG DE LA SGRIB BYED ZHES DGU PO LA SBYOR RO, ,DE LTAR YANG RGYUD BLA MA LAS, PADMA SROG CHAGS BUNG BA DANG, ,SBUN PA DANG NI MI GTZANG SA, ,'BRAS SHUN GOS RUL BUD MED KYI, ,MNGAL DANG SA YI SBUBS NA YANG, ,SANGS RGYAS SBRANG RTZI SNYING PO BZHIN, ,GSER BZHIN GTER BZHIN LJON PA BZHIN, ,RIN CHEN SKU DANG 'KHOR LO YIS, ,SGYUR BA BZHIN DANG GSER GZUGS BZHIN, ,ZHES GSUNGS PA'I PHYIR, GSUM PA SGRIB BYED KYI DPE DON 'CHAD PA LA, DE SGRIB BYED KYI DRI MA DE LA DGU YOD DE, DUG GSUM GYI BAG LA NYAL GSUM, DE GSUM GYI KUN NAS LDANG BA DRAG PO GCIG ,MA RIG BAG CHAGS KYIS, THEG DMAN GYI MTHONG SPANG, THEG DMAN GYI SGOM SPANG, MA DAG SA BDUN GYI SPANG BYA, DAG PA SA GSUM GYI SPANG BYA RNAMS SU YOD PA'I PHYIR, SGRIB PA DGU PO DE MTSON BYED KYI DPE DGU YANG YOD DE, PADMA BUNG BA SBUN SKOG SOGS DANG DGU YOD PA'I PHYIR, KHAMS BDE GSHEGS SNYING PO SGRIB BYED KYI 'DOD CHAGS KYI BAG LA NYAL SOGS
, ,DRI MA DGU PO DE DPE DGUS MTSON NAS STON NA, DPE GANG GIS GANG MTSON PA YIN ZHE NA, DE'I TSUL YOD DE, KHAMS BDE GSHEGS SNYING PO LA SGRIB BYED KYI 'DOD CHAGS KYI BAG LA NYAL NI BDE BAR GSHEGS PA'I SKU BZHUGS PA'I PADMA'I DPES MTSON, DE SGRIB BYED KYI ZHE SDANG GI BAG LA NYAL DE SBRANG RTZI DANG BCAS PA'I SBRANG MA'I DPES MTSON, DE SGRIB BYED KYI GTI MUG GI BAG LA NYAL DE 'BRU'I SNYING PO DANG BCAS PA'I SPUN SKOG GI DPES MTSON, DE SGRIB BYED DUG GSUM GYI KUN LDANG DRAG PO NI RANG NYID KYI NANG NA GSER SBRAM YOD PA'I MI GTZANG BA'I DPES MTSON, DE SGRIB BYED KYI MA RIG BAG CHAGS KYI SA NI RANG NYID KYI 'OG NA RIN PO CHE'I GTER YOD PA'I SA CHEN PO'I DPES MTSON, DE SGRIB BYED KYI THEG DMAN GYI MTHONG SPANG NI MYU GU SKYED PA'I NUS PA DANG BCAS PA'I SA BON GYI SHUN PA'I DPES MTSON, DE SGRIB BYED KYI THEG DMAN GYI SGOM SPANG NI GSER LAS GRUB PA'I SANGS RGYAS KYI SKU GZUGS G-YOGS PA'I GOS RUL GYI DPES MTSON, DE SGRIB BYED MA DAG SA BDUN GYI NGOS SKAL GYI SPANG BYA NI, 'KHOR LOS SGYUR RGYAL DU 'GYUR RUNG GI BU LA SGRIB PA'I BUD MED KYI MNGAL GYI DPES MTSON, DE SGRIB BYED DAG PAS GSUM GYI NGOS SKAL GYI SPANG BYA NI GSER LAS GRUB PA'I SKU GZUGS LA SGRIB BYED KYI SA'I BLUGS GONG GI DPES MTSON NAS BSTAN PAR BYA BA YIN PA'I PHYIR TE, DE NYID LAS, CHAGS DANG SDANG DANG RMONGS DANG DE'I, ,KUN LDANG DRAG DANG
BAG CHAGS DANG, ,MTHONG SGOM LAM SPANG MA DAG PA'I, ,DAG PA'I SA LA BRTEN PA YI, ,DRI MA RNAM DGU PADMA YI, ,SBUBS SOGS DPE NI RAB BSTAN TE, ,NYE BA'I NYON MONGS SBUBS KYI NI, ,DBYE BA BYE BA MTHA' LAS 'DAS,, CHAGS SOGS NYON MONGS DGU PO 'DI, ,MDOR BSDUS NA NI GO RIM BZHIN, ,PADMA'I SBUBS LA SOGS PA YI, ,DPE DGU DAG GIS YANG DAG BSTAN, ,ZHES GSUNGS PA'I PHYIR, 'O NA, PADMA SOGS DGU PO DE 'DOD CHAGS KYI BAG LA NYAL SOGS DGU PO DE DANG DPE DON MTSUNGS PA'I RGYU MTSAN CI YIN ZHE NA, DE SGRIB BYED KYI 'DOD CHAGS KYI BAG LA NYAL DE PADMA DANG 'DRA BA YIN TE, CHU DANG 'DAM LAS SKYES MA THAG PA'I PADMA DE MDUN DU GYUR PA NA MDZES SHING, YID DU 'ONG BA'I DGA' BA SKYE LA, PHYIS RNYING NAS 'DAB MA SOGS NYAMS PA NA SNGAR GYI MDZES SHING YID DU 'ONG BA'I DGA' BA DE NYAMS PAR 'GYUR PA BZHIN DU TSUL MIN YID BYED KYIS BSKYED PA'I 'DOD CHAGS SKYES PA NA, CHAGS YUL BUD MED SOGS LA MDZES SHING YID DU 'ONG BA'I DGA' BA SKYE LA, PHYIS RGAS SHING LANG TSO NYAMS PA STEN TSOD GZHAN DU GYUR PA NA SNGAR GYI DGA' BA DE MED PAR 'GYUR BA'I PHYIR, ZHES 'CHAD PA LA, DE NYID LAS, JI LTAR PADMA 'DAM SKYES TE, ,MDUN DU GYUR NA YID DGA' DANG, ,PHYI NAS DGA' BA MED 'GYUR BA, ,'DOD CHAGS DGA' BA'ANG DE BZHIN NO, ,ZHES GSUNGS, DE SGRIB BYED KYI ZHE SDANG GI BAG LA NYAL DE SBRANG MA DANG 'DRA STE, SROG CHAGS
, ,SBRANG MA DE SHIN TU 'KHRUGS PA'I TSE, MDUNG BRDEG PA SOGS KYI SGO NAS GZHAN LA GNOD PA BYAS TE, RANG GZHAN LA SDUG BSNGAL SKYED PA LTAR ZHE SDANG RGYUD LA SKYES PA NA SEMS 'KHRUGS NAS RANG GZHAN GNYIS KA'I RGYUD LA SDUG BSNGAL SKYED PAR BYED PA'I PHYIR, ZHES 'CHAD PA LA, DE NYID LAS, JI LTAR SROG CHAGS SBRANG MA NI, ,SHIN TU 'KHRUGS TE MDUNG BRDEG LTAR, ,DE BZHIN ZHE SDANG SKYES PA NA, ,SNYING LA SDUG BSNGAL SKYED PAR BYED, ,CES GSUNGS, GTI MUG GI BAG LA NYAL DE 'BRAS KYI SPUN SKOG DANG 'DRA BA YIN TE, 'BRAS KYI SPUN SKOG DES 'BRAS SOGS LA BSGRIBS NAS MNGON SUM DU MI MTHONG BA BZHIN DU GTI MUG BDEN 'DZIN GYI MA RIG PA DES KHAMS BDE GSHEGS SNYING PO LA BSGRIBS NAS MNGON SUM DU MI MTHONG BAR BYED PA'I PHYIR, ZHES 'CHAD PA LA, DE NYID LAS, JI LTAR 'BRAS SOGS SNYING PO NI, ,PHYI ROL SPUN PAS BSGRIBS PA LTAR,, DE BZHIN SNYING PO'I DON MTHONG BA, ,MA RIG SGO NGA'I SBUBS KYIS BSGRIBS, ,ZHES GSUNGS, DE SGRIB BYED DUG GSUM GYI KUN LDANG DRAG PO DE MI GTZANG BA KHU KHRAG DANG 'DRA BA YIN TE, MI GTZANG BA KHU KHRAG DE CHAGS BRAL RNAMS DANG MI MTHUN YANG CHAGS CAN 'DOD PA BSTEN PA'I RGYUR DGOS PA LTAR, DUG GSUM GYI KUN LDANG DE 'PHAGS PA DANG MI MTHUN YANG SO SO SKYE BO'I RGYUD LA YOD PAS 'PHAGS LAM THOB PA LA GEGS BYED PA'I PHYIR, ZHES 'CHAD PA LA
DE NYID LAS, JI LTAR MI GTZANG MI MTHUN PA, ,DE BZHIN CHAGS DANG BCAS RNAMS KYI, ,'DOD PA BSTEN PA'I RGYU YIN PHYIR, ,KUN NAS LDANG BA MI GTZANG 'DRA, ,ZHES GSUNGS PA'I PHYIR, DE SGRIB BYED MA RIG BAG CHAGS KYI SA NI SA CHEN PO DANG 'DRA STE, SA CHEN PO 'DIS GTER BSGRIBS NAS MI PHAL PA RNAMS KYIS MI MTHONG ZHING MI THOB PA LTAR, SKYE DGU RNAMS KYI RGYUD LA RANG BYUNG STE RANG CHAS SU YOD PA'I KHAMS BDE GSHEGS SNYING PO DE MA RIG BAG CHAGS KYIS BSGRIBS NAS YOD PA DE SRID DU NGO BO NYID SKU MI THOB CING, DE SGRIB BYED DE DANG BRAL NA NGO BO NYID SKUR GYUR PA YIN PA'I PHYIR, ZHES 'CHAD PA LA, DE NYID LAS, JI LTAR NOR NI BSGRIBS PAS NA, ,MI SHES GTER MI THOB PA LTAR, ,DE BZHIN SKYE LA RANG BYUNG NYID,, MA RIG BAG CHAGS SA YIS BSGRIBS, ,ZHES GSUNGS, DE SGRIB BYED THEG DMAN GYI MTHONG SPANG NI MYU GU SKYE BA'I NUS PA DANG BCAS PA'I SA BON DANG 'DRA STE, MYU GU RIM GYIS SKYES NAS SA BON GYI SHUN PA GCOD PA STE BRAL BA NA MYU GU MNGON DU GYUR PA LTAR, GANG ZAG GI BDAG MED PA'I DE KHO NA NYID MNGON SUM DU RTOGS PA'I THEG DMAN GYI MTHONG LAM BAR CHAD MED LAM DES MTHONG SPANG ZLOG BA DE, THEG DMAN GYI MTHONG SPANG SPANGS NAS THEG DMAN GYI MTHONG LAM RNAM GROL LAM THOB PAR BYED BA'I PHYIR, ZHES 'CHAD PA LA, DE NYID LAS, JI LTAR MYUG SOGS RIM SKYES PAS, ,SA BON SHUN PA GCOD PA LTAR, ,DE BZHIN DE NYID MTHONG BA YIS, ,MTHONG SPANG DAG NI ZLOG PAR 'GYUR, ,ZHES GSUNGS
, ,PA'I PHYIR, THEG DMAN GYI SGOM SPANG DE GOS RUL DANG 'DRA BA YIN TE, 'PHAGS PA'I LAM DANG 'BREL BA STE GANG ZAG GI BDAG MED MNGON SUM DU RTOGS PA'I THEG DMAN GYI MTHONG LAM BAR CHAD MED LAM GYIS NYON MONGS PA 'JIG LTA KUN BTAGS SPANGS PA'I SPANG BYA LHAG MA THAG DMAN GYI SGOM SPANG RNAMS GOS RUL DANG 'DRA BAR THEG DMAN GYI SGOM LAM RDO RJE LTA BU'I TING NGE 'DZIN GYI GZHOM PAR BYA BA YIN BA'I PHYIR, ZHES 'CHAD PA LA; DE NYID LAS, 'PHAGS PA'I LAM DANG 'BREL BA LAS, ,'JIG TSOGS SNYING PO BCOM RNAMS KYI, ,SGOM LAM YE SHES SPANG BYA RNAMS, ,GOS RUL DAG DANG MTSUNGS PAR BSTAN, ,ZHES GSUNGS, RGYAL SRAS KYI MA DAGS BDUN GYI NGOS SKAL GYI DRI MA DE MNGAL SBUBS KYI DRI MA DANG 'DRA BA YIN TE, SA BRGYAD PA'I RNAM PAR MI RTOG PA'I YE SHES DE, SA BDUN PA'I YE SHES LA BRTEN NAS MA DAGS BDUN GYI NGOS SKAL GYI DRI MA DANG BRAL BA DE, MNGAL NA GNAS PA'I 'KHOR LOS SGYUR RGYAL DU 'GYUR RGYU'I MI BTZAS TE PHYI ROL TU 'BYUNG BA DANG 'DRA LA, MNGAL SBUBS KYI DRI MA DANG BRAL BA NA, SNGON DUS KYI SRID PA'I RNAM PAR SHES PAR GYUR PA BZHIN DU SA BDUN PA'I YE SHES DE MA DAGS BDUN GYI NGOS SKAL GYI DRI MA DANG BRAL BA NA RNAM PAR MI RTOG PA'I SA BRGYAD PA'I YE SHES KYI NGO BOR GYUR PA YIN PA'I PHYIR, ZHES 'CHAD PA LA, DE NYID LAS, SA BDUN LA BRTEN DRI MA NI, ,MNGAL SBUBS DRI MA DAG DANG MTSUNGS, ,MNGAL
SBUBS BRAL 'DRA MI RTOG PA'I, ,YE SHES RNAM PAR SMIN PA BZHIN, ,ZHES GSUNGS, DAG PA SA GSUM GYI NGOS SKAL GYI DRI MA RNAMS SA LAS BYAS PA'I BLUGS GONG DANG 'DRA BA YIN TE, BLUGS GONG DE NYID BSAL BA NA GSER LAS BYAS PA'I SKU MNGON DU GYUR PA BZHIN DU, DAG PAS GSUM GYI NGOS SKAL GYI DRI MA DE BDAG NYID CHEN PO RGYUN MTHA' PA'I RGYUD KYI RDO RJE LTA BU'I TING NGE 'DZIN GYIS GZHOM PAR BYA STE, DE SPANGS PA NA SKU GSUM MNGON DU GYUR PA YIN PA'I PHYIR; ZHES 'CHAD PA LA, DE NYID LAS, SA GSUM RJES 'BREL DRI MA RNAMS, ,SA 'DAM GOS BZHIN SHES BYA STE, ,BDAG NYID CHEN PO RDO RJE LTA'I, ,TING NGE 'DZIN GYIS GZHOM BYA YIN, ,ZHES GSUNGS, SGRIB BYED KYI DPE DGU PO DE LTAR YIN NA, DE RNAMS GANG ZAG SU'I RGYUD LA MA DAG PAR YOD CE NA, DUG GSUM GYI BAG LA NYAL GSUM DANG DE GSUM GYI KUN LDANG DRAG PO MNGON DU GYUR PA DANG BZHI NI SO SO SKYE BO RNAMS KYI RGYUD LA MA DAG PAR YOD, MA RIG BAG CHAGS GYIS? NI NYAN RANG DGRA BCOM PA'I RGYUD LA MA DAG PAR YOD, THEG CHEN GYI MTHONG SGOM GYI SPANG BYA GNYIS NI THEG DMAN SLOB PA 'PHAGS PA'I RGYUD LA MA DAG PAR YOD, MA DAG SA BDUN DANG, DAG PAS GSUM GYI NGOS SKAL GYI SGRIB PA GNYIS BLO LDAN BYANG CHUB SEMS DPA' RNAMS KYI RGYUD LA MA DAG PAR YOD, CES 'CHAD PA LA, DE NYID LAS, DRI 'DI DAG GIS BYIS RNAMS DANG, ,DGRA BCOM SLOB DANG BLO LDAN RNAMS, ,RIM BZHIN BZHI DANG GCIG DANG NI, ,GNYIS
, ,DANG GNYIS KYIS MDAG NYID, ,CES GSUNGS PA'I PHYIR, DE'I 'GRAL CHAN LAS KYANG, GANG ZAG BZHI STE SO SO SKYE BO DANG, DGRA BCOM PA DANG, SLOB PA DANG, BYANG CHUB SEMS DPA' RNAMS SO, ,ZHES GSUNGS PA'I PHYIR, BZHI PA NI, GONG DU SANGS RGYAS PAD NGAN? SBRANG RTZI SBRANG MA LA, ,ZHES SOGS KYIS, SGRIB BYED KYI DRI MA DGU PO DE DE LTAR YIN NA, DE BSGRIB BYA DE JI LTA BU ZHE NA, KHAMS BDE GSHEGS SNYING PO DE SKABS 'DIR BSTAN GYI BSGRIB BYA YIN TE, SEMS CAN GYI RGYUD LA KHAMS BDE GSHEGS SNYING PO DE CHAGS SOGS NYON MONGS DGUS BSGRIBS NAS YOD PA'I PHYIR, BDE GSHEGS SNYING PO DE DPE DGUS STON PA'I RGYU MTSAN YOD DE, 'DI RANG BZHIN GSUM GYIS BSDUS PA'I PHYIR, RANG BZHIN GSUM GANG ZHE NA 'DI SDUD BYED KYI RANG BZHIN DE LA GSUM DU YOD DE, 'DI'I RANG BZHIN CHOS SKU DANG, DE BZHIN NYID DANG, SANGS RGYAS KYI RIGS TE GSUM GYIS BSDUS PA'I PHYIR, RANG BZHIN GSUM PO DE LA MTSON BYED KYI DPE YANG YOD DE, CHOS SKU NI SANGS RGYAS KYI SKU GZUGS KYI DPE DANG, SBRANG RTZI DANG, 'BRU'I SNYING PO'I DPE STE GSUM DANG, DE BZHIN NYID NI GSER GYI DPE DANG, SANGS RGYAS KYI RIGS NI GTER SOGS DPE LHAG MA LNGAS MTSON NAS SHES PAR BYA BA YIN PA'I PHYIR, ZHES 'CHAD PA LA, DE NYID LAS, RANG BZHIN GSUM GYIS BSDUS PHYIR KHAMS, ,SANGS RGYAS SOGS DANG CHOS MTSUNGS SO, ,'DI YI RANG BZHIN
CHOS SKU DANG, ,DE BZHIN NYID DANG RIGS KYANG STE, ,DE NI DPE GSUM GCIG DANG NI, ,LNGA RNAMS GYIS NI SHES PAR BYA, ,ZHES GSUNGS, 'O NA, GSUM PO DE NYID RIM PA BZHIN DU DPE GSUM DANG GCIG DANG LNGAS? SHES PAR BYED NA, DE'I TSUL DE JI LTA BU ZHE NA, SKABS 'DIR DNGOS SU BSTAN PA'I CHOS SKU DE LA GNYIS YOD DE, DE LA RTOGS PA CHOS SKU, BRTEN PA CHOS SKU GNYIS SU YOD PA'I PHYIR, DANG PO GRUB STE, SEMS KYI CHOS DBYINGS DON DAM PAR DRI MA MED PAR MNGON SUM DU RTOGS PA'I MTHAR PHYIN PA'I YE SHES RTOGS PA CHOS SKU YIN PA'I PHYIR, GNYIS PA DE LA YANG GNYIS SU YOD DE, YE SHES DE'I RGYU MTHUN ZAB MO STONG PA NYID DNGOS BSTAN BSTAN BYA'I GTZO BOR BYED PA'I NGES DON GYI MDO DANG, KUN RDZOB SNA TSOGS PA DNGOS KYI BSTAN BYA'I GTZO BOR BYED PA'I DRANG DON GYI MDO GNYIS SU YOD PA'I PHYIR TE, DE NYID LAS, CHOS SKU RNAM GNYIS SHES BYA STE, ,CHOS DBYINGS SHIN TU DRI MED DANG, ,DE YI RGYU MTHUN ZAB PA DANG, ,SNA TSOGS TSUL NI STON PA'O, ,ZHES GSUNGS PA'I PHYIR, SEMS KYI CHOS DBYINGS DON DAM PAR DRI MA MED PA MNGON SUM DU RTOGS PA MTHAR PHYIN PA'I YE SHES CHOS CAN, KHYOD LA DE BZHIN GSHEGS PA'I SKU GZUGS KYI DPES STON PA'I RGYU MTSAN YOD DE, 'JIG RTEN NA KHYOD MTSON PA'I DPE GZHAN MED PA'I PHYIR, KHYOD 'JIG RTEN LAS 'DAS PA'I YE SHES MTHAR THUG YIN PA'I PHYIR, DE LTAR YANG, DE NYID LAS, 'JIG RTEN 'DAS PHYIR
, ,'JIG RTEN NA, ,'DI LA DPEN MI DMIGS PAS, ,DE BZHIN GSHEGS PA NYID DANG KHAMS, ,'DRA BA NYID DU BSTAN PA YIN, ,ZHES GSUNGS PA'I PHYIR, DON DAM BDEN PA DNGOS KYI BSTAN BYA'I GTZO BOR BYAS NAS STON PA'I MDO CHOS CAN, KHYOD SBRANG RTZI DANG 'DRA BA YIN TE, SBRANG RTZI DE MNGAR BA'I RANG BZHIN DU RE GCIG PA BZHIN DU KHYOD KYI BSTAN BYA'I STONG NYID LA NGO? BO MI 'DRA BA'I KHYAD PAR MED PA'I PHYIR, DE LTAR YANG, DE NYID LAS, PHRA MO ZAB MO'I TSUL BSTAN NI ,SGRANG RTZI RO GCIG PA BZHIN TE, ,ZHES GSUNGS, KUN RDZOB SNA TSOGS PA DNGOS KYI BSTAN BYA'I GTZO BOR BYED PA'I MDO CHOS CAN, KHYOD LA SBUN SKOG DANG BCAS PA'I 'BRU'I SNYING PO'I DPOS STON PA'I RGYU MTSAN YOD DE, SPUN GYI SBUBS NA 'BRU'I SNYING PO YOD PA BZHIN DU KHYOD SNYING PO'I DON RTOGS PAR BYED PA'I THABS DANG PHAN? YON DANG LDAN PAS DE LTAR BSTAN PA'I PHYIR TE, DE LTAR YANG, DE NYID LAS, RNAM PA SNA TSOGS TSUL BSTAN NI, ,SNA TSOGS SBUBS SNYING BZHIN SHES BYA, ,ZHES GSUNGS, DE BZHIN NYID DE GSER DANG 'DRA BA YIN TE, GSER DE NGE BA GZHAN DU MI 'GYUR BA DANG, DE RGYAN SOGS SU BSGYUR DU RUNG BA DANG, DE'I RANG BZHIN LA G-YA' MED PA BZHIN DU, SEMS KYI CHOS DBYINGS DE YANG RANG BZHIN GZHAN DU 'GYUR BA MED PA DANG, DE LA DMIGS PA'I YE SHES DGE BA YIN BA DANG, DE'I RANG BZHIN DRI MAS RNAM PAR DAG PA YIN PA'I PHYIR TE,
DE NYID LAS, RANG BZHIN 'GYUR BA MED PA DANG, ,DGE DANG RNAM PAR DAG PA'I PHYIR, ,DE BZHIN NYID 'DI GSAR GYI NI, ,GZUGS DANG MTSUNGS PAR BRJOD PA YIN, ,ZHES GSUNGS PA'I PHYIR, SKABS 'DIR DNGOS SU BSTAN PA'I SANGS RGYAS KYI RIGS DE LA YANG GNYIS SU YOD DE, DE LA THOG MA MED PA NAS RANG CHAS SU 'BYUNG BA'I RANG BZHIN GNAS RIGS DANG, THOS SOGS KYIS YANG DAG PAR BLANGS PA LAS BYUNG BA'I RGYAS 'GYUR GYI RIGS DANG GNYIS SU YOD PA'I PHYIR, RANG BZHIN GNAS RIGS DE RIN PO CHE'I GTER DANG 'DRA BA YIN TE, RIN PO CHE'I GTER DE RIN PO CHE'I 'BYUNG GNAS YIN PA BZHIN DU, RANG BZHIN GNAS RIGS DE YANG STOBS BCU SOGS SANGS RGYAS KYI YON TAN THAMS CAD KYI 'BYUNG GNAS YIN PA'I PHYIR, RGYAS 'GYUR GYI RIGS LJON SHING 'BRAS BU CAN DANG 'DRA BA YIN TE, LJON SHING 'BRAS BU CAN DE CHU LUD SOGS KYIS BSKYANGS PA NA 'BRAS BU RNAMS GONG NAS GONG DU 'PHEL BAR 'GYUR BA LTAR, RGYAS 'GYUR GYI RIGS DE YANG THOS SOGS KYIS GSOS BTAB NA YON TAN GONG NAS GONG DU 'PHEL BAR 'GYUR BA'I PHYIR, RIGS DE GNYIS LAS SKU GSUM THOB PAR 'GYUR BA YIN TE, RANG BZHIN GNAS RIGS LA DMIGS NAS SGOM STE YE SHES KYI TSOGS BSAGS NAS NGO BO NYID SKU THOB LA, RGYAS 'GYUR GYI RIGS DE BYAMS SNYING RJE BYANG CHUB KYI SEMS KYIS ZIN PA'I SGO NAS GONG NAS GONG DU 'PHEL BAR BYAS TE BSOD NAMS KYI TSOGS BSAGS NAS MTHAR
, ,GZUGS SKU 'THOB PA'I PHYIR TE, DE NYID LAS, GTER DANG 'BRAS BU'I SHING BZHIN DU, ,RIGS DE RNAM GNYIS SHES BYA STE, ,THOG MED RANG BZHIN GNAS PA DANG, ,YANG DAG BLANGS PA MCHOG NYID DO,, RIGS 'DI GNYIS LAS SANGS RGYAS KYI, ,SKU GSUM THOB PAR 'DOD PA YIN, ,DANG PO'I SKU NI DANG PO STE, ,GNYIS PA YIS NI PHYI MA GNYIS, ,ZHES GSUNGS PA'I PHYIR, NGO BO NYID SKU DE RIN PO CHE LAS GRUB PA'I SANGS RGYAS KYI SKU GZUGS DANG 'DRA BA YIN TE, SKU GZUGS DE'I RGYU RIN PO CHE DE GLO BUR GYIS GSAR DU BCOS PA MA YIN ZHING 'GRO BA'I RE BA SKONG BA BZHIN DU, NGO BO NYID SKU DE YANG RGYU RKYEN GYIS GSAR DU BCOS PA MA YIN ZHING, 'GRO BA'I RE BA SKONG BAR MDZAD PA YIN PA'I PHYIR TE, DE NYID LAS, NGO BO NYID SKU MJOS PA NI, ,RIN CHEN SKU 'DRAR SHES BYA STE, ,RANG BZHIN GYIS NI BYAS MIN DANG, ,YON TAN RIN CHEN GTER YIN PHYIR, ,ZHES GSUNGS PA'I PHYIR, LONGS SKU DE 'KHOR LOS SGYUR RGYAL DANG 'DRA BA YIN TE, 'KHOR LOS SGYUR RGYAL DES RANG GI RGYAL SRID LA LONGS SPYOD PA BZHIN DU, LONGS SKU DE YANG THEG CHEN GYI CHOS LA RDZOGS PAR LONGS SPYOD PA YIN PA'I PHYIR TE, DE NYID LAS, CHOS CHEN RGYAL SRID CHE LDAN PHYIR, ,RDZOGS LONGS 'KHOR LOS SGYUR BZHIN NO, ,ZHES GSUNGS PA'I PHYIR, SPRUL SKU DE GSER LAS BYAS PA'I SANGS RGYAS KYI SKU GZUGS DANG 'DRA BA YIN TE, GSER LAS BYAS PA'I SKU
GZUGS DE YANG NGO BO GSER NYID LA SANGS RGYAS KYI SKU GZUGS KYI RNAM PAR BYAS PA DANG, DE LA YANG DU MA YOD PA BZHIN DU, SPRUL SKU DE YANG SANGS RGYAS KYI YE SHES NYID GDUL BYA'I MIG SHES LA SPRUL SKUR SHAR BA YIN PA DANG, DE SPRUL PA SNA TSOGS STON PA YIN PA'I PHYIR TE, DE NYID LAS, GZUGS BRNYAN GYI NI RANG BZHIN PHYIR, ,SPRUL PA GSER GYI GZUGS LTA BU, ,ZHES GSUNGS, GSUM PA KHAMS BSTAN PA'I DGOS PA LA, RTZOD PA DANG, LAN GNYIS LAS; DANG PO STON PA LA, DE NYID LAS, SPRIN DANG RMI LAM SGYU BZHIN DE DANG DER, ,SHES BYA THAMS CAD RNAM KUN STONG PA ZHES, ,GSUNGS NAS YANG 'DIR RGYAL RNAMS SEMS CAN LA, ,SANGS RGYAS SNYING PO YOD CES CI STE GSUNGS,, ZHES GSUNGS PA'I DON NI, KHO NA RE, DE BZHIN GSHEGS PA'I SNYING PO'I MDO LAS SEMS CAN THAMS CAD KYI RGYUD LA SANGS RGYAS KYI SNYING PO YOD CES GSUNGS PA MI 'THAD PAR THAL, SHER PHYIN GYI MDO LAS CHOS THAMS CAD BDEN STONG RMI LAM LTA BU DANG SGYU MA LTA BU SOGS SU GSUNGS PA'I PHYIR, ZHES ZER, GNYIS PA NI, DE NYID LAS, SEMS ZHUM SEMS CAN DMAN LA BRNYAS PA DANG, ,YANG DAG MIN 'DZIN YANG DAG CHOS LA SKUR, ,BDAG CHAGS LHAG PA'I SKYON LNGA GANG DAG LA, ,YOD PA DE DAG DE SPANG DON DU GSUNGS, ,ZHES GSUNGS, DON NI, THAL 'GYUR DE LA KHYAB PA MED DE, DE BZHIN GSHEGS PA'I SNYING PO'I MDO LAS DE LTAR GSUNGS PA'I DGOS PA NI, SEMS ZHUM PA DANG,
, ,SEMS CAN DMAN PA LA BRNYAS? PA SPANG BAR BYA BA DANG, SHER PHYIN GYI MDO LAS DE LTAR GSUNGS PA NI, CHOS THAMS CAD BDEN GRUB TU 'DZIN PA DANG BDEN STONG LA SKUR BA 'DEBS PA DANG, BDAG CHAGS SU LHAG PAR GYUR PA'I SKYON SPANG BAR BYA BA'I PHYIR DU GSUNGS BA'I PHYIR, GNYIS PA JI LTAR NYAMS SU LEN TSUL LA, RIGS SAD PAR BYED PA'I THABS, RIGS SAD PA'I RTAGS, RIGS NAS JI LTAR 'KHRID TSUL, RIGS SAD PA'I PHAN YON, RIGS KYI MTSAN NYID, DBYE BA, SA MTSAMS, MING GI RNAM GRANGS, SGRA BSHAD PA DANG DGU LAS, DANG PO NI, SKYABS 'GRO TSUL BZHIN DU BYAS PAS RIGS SAD PAR 'GYUR TE, DE LTAR BYAS PAS BSAG SBYANG TSUL BZHIN DU BYAS PAR 'GYUR BA'I PHYIR, KHYAB STE, RIGS SAD PA 'DI BSAG SBYANG SNGON DU SONG BAS KHYAD PAR DU BYAS PA'I PHYIR, GNYIS PA NI, 'KHOR BA'I NYES DMIGS DANG THAR PA'I PHAN YON BRJOD PA NA LUS KYI BA SPU LDANG BA DANG MI GNAS MCHI MA 'KHRUGS PA SOGS THA SNYAD KHYAD PAR CAN GYI RTAGS LAS THEG DMAN GYI RIGS SAD PAR DPOG ,LAM MA ZHUGS KYI GNAS SKABS SU ZAB PA DANG RGYA CHE BA'I CHOS THOS PAS MIG NAS MCHI MA 'KHRUGS PA SOGS THA SNYAD KHYAD PAR CAN GYI RTAGS LAS THEG CHEN GYI RIGS SAD PAR DPOG PA YIN TE, DE LTAR DU MDO SDE'I RGYAN DANG NYAN SA SOGS LAS GSUNGS PA'I PHYIR DANG, CHOS BCU PA'I MDO LAS, DU BA LAS NI MER? SHES DANG, ,CHU
SKYAR LAS NI CHUR SHES LTAR, ,BYANG CHUB SEMS DPA' BLO LDAN GYI, ,RIGS NI MTSAN MA DAG LAS SHES, ,ZHES GSUNGS PA'I PHYIR, GSUM PA NI, RIGS SAD PA'I RJES SU JI LTAR 'KHRID PA'I TSUL YOD DE, DE'I RJES SU SKYES BU GSUM GYI LAM GYI RIM PA LA BLO LEGS PAR SBYANGS TE THEG DMAN DU RIGS NGES PA RNAMS LA THEG DMAN GYI SDE SNOD BSTAN PA'I SGO NAS THEG DMAN GYI LAM LA 'KHRID PAR BYED, THEG CHEN GYI RIGS SAD PA RNAMS LA THEG CHEN GYI SHIN TU RGYAS PA'I SDE SNOD DGONGS 'GREL DANG BCAS PA BSTAN TE THEG CHEN GYI LAM LA 'KHRID PAR BYA BA YIN PA'I PHYIR, THEG CHEN GYI LAM RNAMS NI THEG DMAN DU RIGS NGES PA RNAMS KYI RDZOGS PA'I SANGS RGYAS THOB PAR BYED PA'I NYE LAM MA YIN TE, DE RNAMS DANG POR THEG CHEN LA KHRID NA THEG CHEN SEMS BSKYED LAS NYAMS PA'I SDIG LTUNG GIS GOS PAR 'GYUR BA'I PHYIR, GDUL BYA SO SO LA LTOS NAS SANGS RGYAS KYI BSTAN PA RDZOGS PA'I SANGS RGYAS KYI GO 'PHANG THOB PAR BYED PA'I THABS KYI GTZO BO 'BA' ZHIG TU 'GYUR TE, DE LA LTOS NAS SANGS RGYAS KYI BSTAN PA LA DMAN MCHOG GI RIM PA MED PA'I PHYIR TE, DPER NA NAD PA SO SO LA LTOS NAS SMAN RNAMS LA BZANG NGAN GYI KHYAD PAR MED PA'I PHYIR, RTAGS GRUB STE, LANG GSHEGS LAS, GANG ZHIG GZHAN MA BSHAD PA STE, ,GZHAN LA BSTAN PAR MI BYA STE, ,JI LTAR NAD PA SO SO LA, ,SMAN PAS SMAN NI GTONG BA LTAR, ,DE BZHIN SANGS RGYAS SEMS CAN LA, ,SEMS TZAM DU NI RAB TU
, ,BSGRAGS, ,ZHES GSUNGS, BZHI PA NI, RIGS SAD PA'I PHAN YON KHYAD PAR CAN DANG LDAN TE, BYANG CHUB LA DMIGS PA'I BLO SHIN TU BRTAN PAR 'GYUR BA DANG, BRTZON 'GRUS LHAG PAR 'PHEL TE SGRUB PA LA NAN TAN SNYING POR BYED PA DANG, NGAN SONG LAS MYUR DU THAR PA SOGS KYI PHAN YON KHYAD PAR CAN YOD PA'I PHYIR, LNGA PA NI, SANGS RGYAS KYI SKUR 'GYUR RUNG GI CHOS, SANGS RGYAS KYI RIGS KYI MTSAN NYID, DRUG PA LA, SPYIR GSUNG RAB LAS RIGS KYI THA SNYAD MANG DU GSUNGS TE, RGYAL RIGS, BRAM ZE'I RIGS, DMANGS RIGS, GDOL PA'I RIGS, SKU GSUNG THUGS KYI RIGS, RIGS LNGA, RIGS DRUG LA SOGS PA DANG, CHOS RNAMS KYI SPYI LA RIGS SU GSUNGS PA'I PHYIR, 'DIR BSTAN GYI RIGS LA DBYE NA, RANG BZHIN GNAS RIGS DANG, RGYAS 'GYUR GYI RIGS GNYIS SU YOD, RANG GI RTEN CHOS SU GYUR PA'I DRI MA DANG BCAS PA'I SEMS KYI CHOS NYID GANG ZHIG, NGO BO NYID SKUR 'GYUR RUNG DE, RANG BZHIN GNAS RIGS KYI MTSAN NYID, SANGS RGYAS KYI RIGS GANG ZHIG ,'DUS BYAS KYI SANGS RGYAS KYI SKUR 'GYUR RUNG, RGYAS 'GYUR GYI RIGS KYI MTSAN NYID, DANG PO LA DBYE NA, SKABS 'DIR MA BSTAN PA'I RANG BZHIN GNAS RIGS DANG, SKABS 'DIR BSTAN BA'I DE GNYIS LAS, DANG PO NI, LAM MZHUGS KYI GANG ZAG GI RGYUD KYI SEMS KYI CHOS NYID LTA BU, GNYIS PA LA, NYAN THOS KYI
SGRUB PA'I RTEN RANG BZHIN GNAS RIGS, RANG RGYAL GYI DE DANG, THEG CHEN GYI DE DANG GSUM LAS, DANG PO NI, NYAN THOS SLOB PA'I RGYUD KYI SEMS KYI CHOS NYID LTA BU, GNYIS PA NI, RANG RGYAL SLOB BA'I RGYUD KYI DE LTA BU, GSUM PA LA; SKABS 'DIR DNGOS SU MA BSTAN PA'I DE DANG, SKABS 'DIR DNGOS SU BSTAN PA'I DE DANG GNYIS LAS, DANG PO NI, BYANG SEMS TSOGS LAM PA'I RGYUD KYI SEMS KYI CHOS NYID LTA BU, GNYIS PA LA, SKABS 'DIR GTZO BOR DNGOS SU MA BSTAN PA'I DE DANG, SKABS 'DIR GTZO BOR DNGOS SU BSTAN PA'I DE DANG GNYIS LAS, DANG PO NI, THEG DMAN 'PHAGS PA'I RTOGS PA SNGON DU SONG BA'I BYANG SEMS SBYOR LAM PA'I RGYUD KYI SEMS KYI CHOS NYID LTA BU, GNYIS PA NI, DANG PO NYID NAS THEG CHEN DU RIGS NGES PA'I BYANG SEMS KYI SBYOR LAM THOB MYONG BA'I SEMS DPA'I RGYUD KYI SEMS KYI CHOS NYID DANG DON GCIG ,DE LA RTEN MOS SGRUB PA'I SGO NAS SNGAR BZHIN BCU GSUM DU YOD DO, ,BDUN PA LA, SPYIR RANG BZHIN GNAS RIGS KYIS MTSAMS LAM MA ZHUGS NAS RGYUN MTHA'I BAR DU YOD, THEG CHEN SGRUB PA'I RTEN RANG BZHIN GNAS RIGS KYI SA MTSAMS THEG CHEN GYI TSOGS LAM NAS DANG, SKABS 'DIR DNGOS SU BSTAN PA'I THEG CHEN SGRUB PA'I RTEN RANG BZHIN GNAS RIGS KYI SA MTSAMS THEG CHEN GYI SBYOR LAM NAS RGYUN MTHA'I BAR DU YOD DO, ,RIGS SAD PA LA
, ,BAR DU GCOD BA'I NYES DMIGS LA BZHI YOD DE SNGAR BZHIN NO, ,BRGYAD PA LA, RIGS KYI MING GI RNAM GRANGS LA DU MA? RA GSUNGS TE, BYANG SAR, RIGS DE NI GZHI ZHES KYANG BYA, STON PA DANG, RGYU DANG; RTEN DANG, NYER GNAS DANG, SNGON DU 'GRO BA DANG, GNAS ZHES KYANG BYA'O, ,ZHES GSUNGS, DGU PA NI, 'PHAGS PA'I CHOS RNAMS KYI 'BYUNG KHUNGS YIN PAS NA 'PHAGS PA'I RIGS ZHES BYA'O, , DE YANG SA MTSAMS LA, SLOB DPON CHOS BSHES, LNGA PA MTHONG LAM, DRUG PA SGOM LAM, BDUN PA DANG DGU PA NI DE DAG NYID KYI BRAL BA DANG BRAL BA'I THOB PA'O, ,BRGYAD PA NI, SA 'OD BYED BA NAS SA DRUG BA'I BAR RO, , BCU PA NI SA BDUN PA'O, ,BCU GCIG BA NI MI G-YO BA NAS CHOS KYI SPRIN GYI BAR RO, ,BCU GNYIS BA NI SKYE BA GCIG GIS THOGS PA DANG SRID PA THA MA PA'O, ,BCU GSUM PA NI KHYAD PAR GYI LAM RDO RJE LTA BU'I TING NGE 'DZIN NO, ,ZHES GSUNGS PA DANG, GZHAN DU BSHAD PA MANG DU SNANG YANG, SLOB DPON GYI BZHED PA MA YIN LA, RANG LUGS KYI RTZA BA RANG GI DON RTOGS PA'I CHOS DRUG GI MTHONG LAM DANG SGOM LAM GNYIS SPYI LTAR YIN LA, DE YANG SGOM LAM LAS BCU KA YOD DE, LHAG MA BDUN CI RIGS PAR DE DAG GI KHYAD CHOS SU BZHAG STE, DE YANG RANG DON DANG, LAM GYI KHYAD CHOS DANG, GZHAN DON DANG GSUM LAS, DANG PO LA YANG, GNYEN PO'I SGRUB PA DANG, SPONG
BA'I SGRUB PA GNYIS NI, GNYEN PO SKYED PA DANG, SPANG BYA 'GOG PA YIN LA, DE DAG YONGS SU GTUGS PA NI SPANG GNYEN GYI BYED PA GNYIS RDZOGS PA'O, ,GNYIS PA LA, SHES RAB SNYING BRTZER BRTZAS? PA'I SGRUB PA NI KHYAD PAR DU BYED PA'I RGYU YIN LA, THUN MONG MIN PA'I SGRUB PA NI KHYAD PAR DU BYAS PA'I 'BRAS BU YIN PA'I PHYIR, GSUM PA LA, GZHAN DON GO RIMS NI GZHAN DON GYI RGYU YIN LA, YE SHES RTZOL BA MI MNGA' BA NI GZHAN DON SGRUB PA'I GNAS SKABS YIN PA'I PHYIR, ZHES LEGS BSHAD GSER GYI PHRENG BAR BSHAD DO, ,GZHUNG DON NI, SKABS 'DIR BSTAN GYI THEG CHEN SGRUB PA'I RTEN RANG BZHIN GNAS RIGS CHOS CAN, KHYOD LA BCU GSUM DU DBYER YOD DE, KHYOD LA RTEN CHOS SGRUB PA BCU GSUM GYI CHOS NYID BCU GSUM DU YOD PA'I PHYIR, THEG CHEN GYI RTEN CHOS SGRUB PA DE LA BCU GSUM DU YOD DE, DE LA THEG CHEN GYI RTOGS PA'I CHOS DRUG ,GNYEN PO'I SGRUB PA, SPONG BA'I SGRUB PA, DE DAG YONGS SU GTUGS PA'I SGRUB PA, SHES RAB SNYING BRTZER BCAS PA'I SGRUB PA, SLOB MNYAN THOS DANG THUN MONG MA YIN PA'I SGRUB PA, GZHAN DON GO RIMS SU BYED PA'I SGRUB PA, YE SHES RTZOL BA MI MDA' BAR 'JUG PA'I SGRUB PA RNAMS SU YOD PA'I PHYIR, ` DE'I 'OG TU BSAM PA NI LTA BA BZHIN DU, ZHES SOGS KYI SKABS SU, DGONGS PA CAN GYI MDO DANG, LDEM DGONGS KYI MDO BSHAD PA DANG, DRANG NGES KYI
, ,MDO BSHAD PA'O, ,DANG PO NI, DGONGS GZHI GTZO BOR GYUR PA'I SGRA JI BZHIN DU KHAS BLANGS DU MI RUNG BA'I MDO, DGONGS BA CAN GYI MDO'I MTSAN NYID, DBYE NA, MNYAM PA NYID LA DGONGS PA, DON GZHAN LA, DUS GZHAN LA, GANG ZAG GI BSAM PA LA DGONGS PA RNAMS SU YOD PA'I PHYIR TE, MDO SDE'I RGYAN LAS, MNYAM PA NYID DANG DON GZHAN DANG, ,DE BZHIN DU NI DUS GZHAN DANG, ,GANG ZAG GI NI BSAM PA LA, , DGONGS PA RNAM PA BZHIR SHES BYA, ,ZHES GSUNGS, DANG PO NI, MNYAM PA NYID GSUM LA DGONGS NAS, NGA DE'I TSE DE'I DUS NA SANGS RGYAS RNAM GZIGS SU GYUR TO, ,ZHES GSUNGS BLTA BU, MNYAM PA NYID GSUM NI, MDZOD LAS, SANGS RGYAS THAMS CAD TSOGS DANG NI, ,CHOS SKU 'GRO BA'I DON SPYOD PAS, ,MNYAM PA NYID DE SKU TSE DANG, ,RIGS DANG SKU BONG TSAD KYIS MIN, ,ZHES GSUNGS PA LTAR RO, ,GNYIS PA NI, LAS NYON GNYIS SPANG BYA YIN PA LA DGONGS NAS, PHA DANG MA NI GSAD BYA ZHING, ,BRAM ZE GTZANG SGRA CAN GNYIS DANG, ,YUL 'KHOR 'KHOR DANG BCAS BCOM NA, ,MI DE DAG PA NYID DU 'GYUR, ,ZHES GSUNGS PA LTA BU, GSUM PA NI, LE LO CAN GYI NGO BA BDE BA CAN DU SKYE BA'I SMON LAM BTAB PA TZAM GYIS DER SKYE BAR GSUNGS PA LTA BU, BZHI PA NI, SBYIN PA TZAM GYIS CHOG PAR 'DZIN PA'I GANG ZAG GI NGOR SBYIN PA LA SMAD NAS TSUL KHRIMS KYI BSNGAGS BA BRJOD PA LTA BU,
GNYIS PA NI, DGONGS PA GTZO BOR GYUR PA'I SGRA JI BZHIN DU KHAS BLANG DU MI RUNG BA'I MDO, LDEM DGONGS KYI MDO'I MTSAN NYID, DBYE NA, GZHUG PA LA, MTSAN NYID LA, GNYEN PO LA, BSGYUR BA LA LEM POR DGONGS PA'I MDO DANG BZHI YOD DE, MDO SDE'I RGYAN LAS, GZHUG PA LDEM POR DGONGS PA DANG, ,MTSAN NYID LDEM POR DGONGS PA DANG, ,GNYEN PO LDEM POR DGONGS PA DANG, ,BSGYUR BA LDEM POR DGONGS PA STE, ,ZHES GSUNGS PA'I PHYIR, DANG PO NI, GZHAN SDE DANG RANG SDE 'GA' ZHIG BSTAN PA LA GZHUG PA'I PHYIR DU, PHUNG PO LNGA NI KHUR YIN LA, ,KHUR 'KHYER BA YI GANG ZAG YOD, ,RTAG GAM MI RTAG BRJOD MI BYA, ,ZHES GSUNGS PA LTA BU, GNYIS PA NI, DGONGS 'GREL LAS, MTSAN NYID GSUM LA RANG GI MTSAN NYID KYIS YOD MED KYI KHYAD PAR GSAL BAR PHYE NAS GSUNGS PA LTA BU, GSUM PA LA BRGYAD YOD DE, MDO SDE'I RGYAN LAS, SANGS RGYAS CHOS LA BRNYAS PA DANG, ,LE LO CUNG ZAD CHOG 'DZIN DANG, , NGA RGYAL 'DOD CHAGS SPYOD PA DANG, ,'GYOD DANG MA NGES LDOG PA NI, ,SEMS CAN RNAMS KYI SGRIB PA STE, ,DE YI GNYEN POR THEG CHOG GSUNGS, ,ZHES GSUNGS, DANG PO SANGS RGYAS LA BRNYAS PA'I GNYEN POR GSUNGS PA NI, MNYAM PA NYID LA DGONGS PA LTA BU, SANGS RGYAS KYI RTOGS PA'I CHOS LA BRNYAS PA'I GNYEN POR GSUNGS PA NI, SANGS RGYAS LA BSNYEN BKUR BYAS NA DA GZOD THEG CHEN GYI RTOGS PA SKYE ZHES GSUNGS PA LTA BU, SANGS RGYAS KYI LUNG GI CHOS
, ,LA BRNYAS PA'I GNYEN POR GSUNGS PA NI, PHA DANG MA NI GSAD BYA ZHING, ,ZHES SOGS LTA BU, DE'I DON ZAG BCAS KYI LAS NYON GNYIS, YID KYI RNAM PAR SHES PA MCHOG 'DZIN GNYIS, ZAG BCAS KYI SKYE MCHED DRUG MA LUS PA SPANGS NA DAM PA BYANG CHUB THOB CES PA'O, ,LE LO'I GNYEN POR GSUNGS PA NI DUS GZHAN LA DGONGS PA LTA BU, CUNG ZAD CHOG 'DZIN GYI GNYEN POR GSUNGS PA NI, GANG ZAG GI BSAM PA LA DGONGS PA LTA BU, NGA RGYAL GYI GNYEN POR GSUNGS PA NI SANGS RGYAS LA LA'I PHUN SUM TSOGS PA BRJOD PA LTA BU, 'DOD CHAGS KYI GNYEN POR GSUNGS PA NI SANGS RGYAS KYI ZHING GI BSDAGS PA BRJOD PA LTA BU, 'GYOD PA'I GNYEN POR GSUNGS PA NI, MA SKYES DGRA CHOS ZAB MO 'DI LA DAD CING MOS NA MTSAMS MED BYAS PA'I LAS DE LAS KYI SGRIB PA YIN ZHES DA MI SMRA'O, ,ZHES GSUNGS PA LTA BU, MA NGES PA LDOG PA'I GNYEN POR GSUNGS PA NI GDUL BYA RIGS MA NGES PA THEG CHEN DU DRANG BA'I CHED DU THEG DMAN LA SMAD PA LTA BU'O, ,BZHI PA NI, RAB TU GRAGS PA'I YI GE NGAN PA MA GRAGS PA'I DON BSLAB PA GSUM STON BYED DU BSGYUR BLTA BU STE, SNYING PO MED LA SNYING POR SHES; ;PHYIN CI LOG LA LEGS PAR GNAS, ,NYON MONGS PAS NI RAB NYON MONGS, ,BYANG CHUB DAM PA THOB PAR 'GYUR, ,ZHES RNAM G-YENG GI SNYING PO MED PA'I TING NGE 'DZIN GYI BSLAB PA GTZANG BDE RTAG BDAG SOGS SU
'DZIN PA LAS PHYIN CI LOG PA'I? SHES RAB KYI BSLAB PA YUN RING POR DKA' SPYAD KYI NGAL PAS NYON MONGS PA'I MING GIS BSTAN PA'I TSUL KHRIMS KYI BSLAB PA RNAMS NYAMS SU BLANGS NA BYANG CHUB DAM PA THOB PAR GSUNGS PA LTA BU'O, , GSUM PA NI, KUN RDZOB BDEN PA DNGOS BSTAN BSTAN BYA'I GTZO BOR BYED PA DANG SGRA JI BZHIN DU KHAS BLANG DU MI RUNG BA'I MDO GANG RUNG DU DMIGS PA, DRANG DON GYI MDO'I MTSAN NYID, DON DAM BDEN PA DNGOS BSTAN BSTAN BYA'I GTZO BOR BYAS NAS STON PA'I SGRA JI BZHIN DU KHAS BLANG DU RUNG BA'I MDO, NGES DON GYI MDO'I MTSAN NYID, DGONGS PA CAN GYI MDO DANG LDEM DGONGS KYI MDO GNYIS YIN KHYAB MNYAM YIN NO, ,GZHUNG DON NI BYANG SEMS SA BCU PA PA CHOS CAN, GZHAN DON GO RIMS BZHIN DU BYED PA'I SGRUB PA THOB STE, RJES THOB TU DRANG NGES KYI CHOS BSTAN PA'I SGO NAS GZHAN DON BYED TSUL SANGS RGYAS DANG MNYAM PA RJES MTHUN PA THOB PA'I SEMS DPA' YIN PA'I PHYIR, ` GAL TE CHOS KYI DBYINGS KHO NA, ZHES SOGS KYIS RIGS KYI DBYE BA LA RTZOD SPONG BSTAN NA BSTAN TSUL DE GANG ZHE NA, 'DI LA RTZOD PA DANG LAN GNYIS LAS, DANG PO LA RIGS CAN SO SOR MA NGES PA'I RTZOD PA DANG, RIGS SO SOR MA NGES PA'I RTZOD PA GNYIS LAS, DANG PO NI, KHO NA RE, RIGS CAN GSUM G YI DBYE BA MI 'THAD PAR THAL, SEMS CAN THAMS CAD THEG PA CHEN PO'I LAM GYI GNAS SKABS KYI RIGS LA GNAS PA'I PHYIR TE, DRI BCAS KYI SEMS KYI CHOS
, ,DBYINGS DE THEG PA CHEN PO'I LAM GYI GNAS SKABS KYI RIGS GANG ZHIG ,DE SEMS CAN THAMS CAD LA SPYIR GNAS PA'I PHYIR, DANG PO GRUB STE, SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,ZHES GSUNGS PA'I PHYIR, 'DOD NA, BYANG CHUB SEMS DPA' KHO NA THEG CHEN GYI LAM GYI GNAS SKABS KYI RIGS LA GNAS PA MA YIN PAR THAL, RIGS CAN GSUM GA DE LA GNAS PA'I PHYIR, ZHES PA'I RTZOD PA STON PA LA, GAL TE CHOS KYI DBYINGS KHO NA 'PHAGS PA'I CHOS RTOGS PAR 'GYUR BA'I RGYU YIN PA'I PHYIR, DE'I BDAG NYID CAN GYI BYANG CHUB SEMS DPA' BLA NA MED PA'I SANGS RGYAS KYI CHOS RNAMS KYI RANG BZHIN DU GNAS PA'I RIGS YIN NA, 'O NA NI DE'I TSE DE NI SPYIR GNAS PA YIN PA'I PHYIR BYANG CHUB SEMS DPA' KHO NA MA YIN NO SNYAM PA'I SKYE BO BLO DMAN PA'I NGOR DOGS PA BSUS NAS BAR SKABS KYI TSIGS SU BCAD PA, ZHES GSUNGS SO,, GNYIS PA NI, KHO NA RE, DRI BCAS KYI SEMS KYI CHOS NYID DE LA RIGS GSUM GY I THA SNYAD MI 'THAD PAR THAL, DE LA NGO BO MI 'DRA BA'I DBYE BA MED PA'I PHYIR, ZHES ZER BA'I RTZOD PA DE STON PA LA, CHOS KYI DBINGS LA DBYER MED PHYIR, ,RIGS NI THA DAD RUNG MA YIN, ,ZHES GSUNGS, TSIG DE GNYIS KYIS RTZOD PA SNGA PHYI GNYIS KA BSTAN TE, DES CHOS DBYINGS LA NGO BO MI 'DRA BA'I DBYE BA MED PA'I RGYU MTSAN GYIS DE LA RIGS CAN GSUM GYI
DBYE BA MI 'THAD PAR BSTAN, DE MI 'THAD PA'I RGYU MTSAN GYIS RIGS CAN GSUM GYI DBYE BA MI 'THAD PAR YANG BSTAN PA'I PHYIR, GNYIS PA LAN LA, DON THOB BSTAN BCOS KYI LAN DNGOS DANG, 'JIG RTEN LA GRAGS PA'I LAN GNYIS LAS, DANG PO LA, GZHUNG 'DI NYID LAS DRI BCAS KYI SEMS KYI CHOS NYID RIGS SU BZHAG PA LA RIGS CAN GSUM GYI DBYE BA MI 'THAD PAR THAL BA'I SKYON MED DE, DRI BCAS KYI SEMS KYI CHOS NYID DE THEG CHEN LAM GYI GNAS SKABS KYI RIGS MA YIN PA'I PHYIR TE, DRI BCAS KYI SEMS KYI CHOS NYID LA THEG PA GSUM GYI SGRUB PA GSUM GYIS DMIGS TE BSGOMS PAS RANG RANG GI 'PHAGS PA'I MNGON PAR RTOGS PA SKYED PA'I NUS PA MTHU CAN DU GYUR PA NA DRI BCAS KYI SEMS KYI CHOS NYID DE LA SGRUB PA'I RTEN LAM GYI GNAS SKABS KYI RIGS ZHES MING GI THA SNYAD 'DOGS PA'I PHYIR TE, NYAN THOS SLOB PA'I SEMS KYI CHOS NYID NYAN THOS KYI SGRUB PA'I RTEN RANG BZHIN GNAS RIGS DANG, RANG RGYAL SLOB PA'I SEMS KYI CHOS DBYINGS RANG RGYAL GYI SGRUB PA'I RTEN RANG BZHIN GNAS RIGS DANG, THEG CHEN SLOB PA'I RGYUD KYI SEMS KYI CHOS DBYINGS THEG CHEN SGRUB PA'I RTEN RANG BZHIN GNAS RIGS YIN PA'I PHYIR, ZHES 'CHAD PA LA, JI LTAR NYAN THOS KYI THEG PA LA SOGS PA'I RTOGS PA'I RIM GYIS DMIGS PA DE BZHIN DU, 'PHAGS PA'I CHOS RTOGS PAR BYA BA'I PHYIR, CHOS KYI DBYINGS RGYU'I NGO BOR RNAM PAR 'JOG PA'I SGO
, ,NAS RIGS NYID DU THA SNYAD 'DOGS SO, ,ZHES GSUNGS, DE LTAR YANG, NYI SNANG LAS, JI LTAR 'PHAGS PA'I CHOS RNAMS KYI RGYUR GYUR PA DE LTAR RIGS YIN PA'I PHYIR BRJOD PA DES NA 'DIR HA CANG THAL BA CI STE 'TSOL BAR BYED, CES GSUNGS, GNYIS PA LA, MTSAMS SBYAR, RTZA BA, 'GREL PA DANG GSUM LAS, DANG PO NI, LAN SNGA MA DER MA ZAD, GO SLA BA'I PHYIR DU 'JIG RTEN LA GRAGS PA'I LAN KKYANG YOD DO,, ZHES 'CHAD PA LA, SLA CHOS NYID DU 'JIG RTEN PA'I DAG GIS LAN GZHAN DU, ZHES GSUNGS, GNYIS PA NI, DRI BCAS KYI SEMS KYI CHOS DBYINGS LA NGO BO MI 'DRA BA'I DBYE BA MED KYANG, RIGS THA DAD PA GSUM GYI RNAM GZHAG MI 'THAD PA'I SKYON MED DE, DE LTAR MED KYANG BRTEN PA'I CHOS THEG PA GSUM GYI RTOGS PA GSUM GYI BYE BRAG GIS RTEN RANG BZHIN GNAS RIGS KYI DBYE BA BSTAN PA'I PHYIR TE, RTOGS BYA DE BZHIN NYID LA MI 'DRA BA'I DBYE BA MED KYANG DE RTOGS PA'I BLO LA RAB 'BRING THA GSUM YOD DO, ,ZHES YUL CAN GYI SGO NAS THA DAD PAR BTAGS PA'I PHYIR, ZHES 'CHAD PA LA, RTEN PA'I CHOS KYI BYE BRAG GIS, ,DE YI DBYE BA YONGS SU BRJOD, ,CES GSUNGS, GSUM PA NI; RTEN CHOS DBYINGS LA NGO BO MI 'DRA BA'I KHYAD PAR MED KYANG DE LA RIGS GSUM GYI DBYE BA 'THAD DE, DE'I RTEN CHOS SGRUB PA DE LA THEG PA GSUM GYI SGRUB PA GSUM DU YOD PAS NA DE LA DE GSUM DU DBYER RUB PA'I PHYIR, DPER NA,
NYER LEN 'JIM PA GCIG LAS GRUB CING LHAN CIG BYED RKYEN ME LCE GCIG GIS SO LEGS PAR BTANG BA'I RDZA'I BUM PA RNAMS NGO BO MI 'DRA BA'I DBYE BA MED KYANG, RTEN BUM PA SOGS LA BRTEN PA SBRANG RTZI DANG, LI KHAR DANG, ZHO'I SNOD BYED PA'I TSE BCUD KYI SGO NAS, SBRANG RTZI'I BUM PA, LI KHA RA'I BUM PA, ZHO'I BUM PA ZHES THA DAD PAR 'JOG PA BZHIN NO, ,ZHES 'CHAD PA LA, DPER NA 'JIM? PA GCIG LAS MNGON PAR GRUB CING ME LTE GCIG GIS SO BTANG BA'I RTEN BUM PA LA SOGS PA BRTEN PA SBRANG RTZI DANG LI KHAR LA SOGS PA'I SNOD NYID KYIS THA DAD PA DE BZHIN DU RTEN PA'I CHOS THEG PA GSUM GYIS BSDUS PA, RTOGS PAR BYA BA THA DAD PA NYID KYIS RTEN THA DAD PA NYID DO ZHES BSTAN TO, ,ZHES GSUNGS, KHA CIG ,RIGS RTZA 'GREL RNAMS DBU MTHAL 'GYUR BA'I GZHUNG YIN, ZER NA MI 'THAD DE, SLOB DPON SENG GE BZANG PO THAL 'GYUR PA YIN PAR THAL, DAM BCA' 'THAD PA'I PHYIR, 'DOD NA, ZHI MTSO YAB SRAS THAL 'GYUR PA YIN PAR THAL LO, ,'DOD NA, NYAN RANG LA CHOS KYI BDAG MED RTOGS PA YOD PAR BZHED PA'I DBU MA PA YIN NA, THAL 'GYUR PA YIN DGOS PAR THAL LO, ,'DOD MI NUS TE, 'JUG t'IKA LAS, RANG RGYUD PA DE DAG GIS NYAN RANG GI LAM DE LTAR SGOM PA LA CHOS KYI BDAG 'DZIN MNGON GYUR RE ZHIG SPANGS PA 'ONG YANG TSOGS MTHA' YAS PA'I GROGS MED PAR BDEN 'DZIN GNYIS PO GANG GI YANG SA BON SPANGS PA MI 'ONG ZHES BZHED DGOS
, ,PAS; SHES SGRIB MNGON GYUR PA RE ZHIG SPANGS PA NYAN RANG LA SRID KYANG SA BON SPANGS PA MI SRID PAR SMRA DGOS SO, ,ZHES PA DANG, RNAM BSHAD LAS, NYAN THOS 'PHAGS PAS KYANG STONG PA NYID KYI DON MNGON SUM DU RTOGS PA YOD PAR BZHED PA'I DBU MA RANG RGYUD PA SHIN TU MANG NGO, ,ZHES GSUNGS PA'I PHYIR, GZHAN YANG, SLOB DPON SENG GE BZANG POS SHES SGRIB GZUNG RTOG MED PAR KHAS LEN PAR THAL BA DANG, BDEN 'DZIN GYIS BCINGS PA'I GZHI SHES MED PAR KHAS LEN PAR THAL BA DANG, 'PHAGS PA LA STONG NYID RTOGS PAS KHYAB PA KHAS LEN PAR THAL, DE THAL 'GYUR BA YIN PA'I PHYIR, 'DOD NA, RNAM BSHAD LAS, 'DZIN BA MI SPONG BA NI DBANG SHES LA SOGS PA'I SHES PA BDEN MED DU RTOGS PA TZAM DU MA ZAD THEG PA 'BRING PO'I DGRA BCOM THOB PAR BYED PA LA MANG RTOGS PA 'DI NGES PAR MI DGOS PA'I DON NO, ,ZHES DANG, RANG SANGS RGYAS LA STONG PA NYID KYI DON RTOGS PA SRID PAR BZHED PA YANG SNGAR BSHAD PA BZHIN NO, ,ZHES 'CHAD PA MI 'THAD PAR THAL LO, ,KHO NA RE, 'PHAGS PA YIN NA STONG NYID MNGON SUM DU RTOGS PAS KHYAB STE, 'GREL CHEN GNYIS KAR CHOS KYI DBYINGS THEG PA CHE CHUNG GNYIS KA'I RIGS SU 'JOG PA'I SHES BYED DU, 'PHAGS PA'I GANG ZAG THAMS CAD NI 'DUS MA BYAS KYIS RAB TU PHYE PA'I SLAD DU'O, ,ZHES RDO RJE GCOD PA'I LUNG SHES BYED DU DRANGS PA DANG,
RNAM BSHAD LAS, THEG PA CHE CHUNG GI 'PHAGS PA'I GANG ZAG THAMS CAD KYI MCHOG RNAMS DE KHO NA NYID MTHAR THUG PA'I DON DAM 'DUS MA BYAS PAS BZHAG PA'I PHYIR, ZHES PA'O, ,ZHES GSUNGS PA'I PHYIR, ZHES ZER BA MI 'THAD DE, BSTOD NYID RTOGS PA'I THEG PA GSUM GA'I 'PHAGS PA YOD PA LUNG DE'I DON YIN PA'I PHYIR, DE LTAR MA YIN NA, 'PHAGS PA YIN NA, BSAM GTAN GYI DNGOS GZHI THOB PAS KHYAB PAR THAL, 'PHAGS PA'I SKYE BO THAMS CAD KYI RGYUD LA 'BYUNG BA'I BSAM GTAN BZHI DANG, ZHES GSUNGS PA'I PHYIR, KHYAB PA LAS, KHA CIG ,RIGS KYI GZHUNG RANG RGYUD PA'I GZHUNG YIN, RANG RGYUD PAS THEG DMAN LA STOR NYID MA RDZOGS PAS KHYAB PAR BZHED ZER BA MI 'THAD DE, 'JUG t'IKA LAS, 'O NA DANG POR THEG CHEN DU ZHUGS PA'I DE KHO NA NYID KYI LTA BA NGES PAR GTAN LA 'BAB PA ZHIG DANG, NYAN RANG DU LTUNG BA GNYIS KYI GZHI MTHUN SRID PA NI DBU MA PA GNYIS KAS 'DOD DGOS LA; DE LTAR NA DE 'DRA BA DES CHOS KYI BDAG MED SGOM PAS MNGON DU GYUR PA, DE LTAR MTHONG ZIN GOMS PAR BYED PA GCIG KYANG 'DOD DGOS SO, ,DE LTAR NA LAM DES CHOS KYI BDAG 'DZIN KUN BTAGS MTHONG LAM NAS SPONG BA DANG, LHAN SKYES SGOM LAM NAS KYANG SPONG BAR 'DOD DGOS PAS DNGOS PO RANG GI MTSAN NYID KYIS GRUB PAR 'DZIN PA'I DBU MA PA'I LUGS LA YANG CHOS KYI BDAG 'DZIN LA NYON MONGS PA YIN MA YIN GNYIS 'DOD DAM
, ,SNYAM NA, 'DI LA GSAL BAR BSHAD PA MI SNANG YANG, RANG RGYUD PA DAG GIS NYAN RANG GI LA MA DE LTAR SGOM PA LA, ZHES SOGS GSUNGS PA DANG, RNAM BSHAD LAS, NYAN THOS LA YANG DE KHO NA NYID KYI DON RTOGS PA DANG MA RTOGS PA GNYIS SU 'BYED DGOS, ZHES DANG, DE LTAR BYAS NA RANG RGYAL LA DE KHO NA NYID RTOGS PA GCIG KYANG YOD PAS, RANG RGYAL LA SHES PA BDEN ZHE NA SPONG MI NUS PAS MA KHYAB PO, ,ZHES GSUNGS PA'I PHYIR, KHA CIG ,THEG DMAN DU RIGS NGES LA STONG NYID MA RTOGS PAS KHYAB PAR 'DOD PA YANG MI 'THAD DE, RNAM BSHAD LAS, THEG PA DMAN PAR RIGS NGES PA YIN NA YANG RIM PA DANG POS RGYUD SMIN PAR BYAS NAS RIM PA GNYIS PAS SRID PA LAS GROL BAR MDZAD, RIM PA GSUM PA'I SGO NAS THEG PA CHEN PO'I LAM DU DKRI BAR MDZAD LA, ZHES GSUNGS PA'I PHYIR, DES NA THEG DMAN 'PHAGS PAS CHOS KYI BDAG MED RTOGS PA YIN TE, DE LTAR LUNG GIS KYANG 'GRUB, RIGS PAS KYANG 'GRUB PA'I PHYIR, DANG PO GRUB STE, MDO LAS, 'DZAM BU'I GLING 'DIR DGE SLONG SH'A RI'I BU DANG, MO'U 'GAL GYI BU LTA BU SHA STAG GIS GANG BA, ZHES SOGS KYIS NYAN THOS KYI STONG NYID RTOGS PA'I SHES RAB BSKAL PAR SGOM PA BAS BYANG SEMS KYI STONG NYID RTOGS PA'I SHES RAB NYIN GCIG SGOM PA BSOD NAMS CHE BAR GSUNGS PA'I PHYIR, GNYIS PA GRUB STE, BDEN STONG RTOGS PA'I THEG
DMAN GYI LAM MTHA' DAG LAS BDEN STONG RTOGS PA'I BYANG SEMS TSOGS LAM PA'I RGYUD KYI STONG NYID RTOGS PA'I SHES RAB SGOM PA BSOD NAMS LHAG PA'I SGO NAS KHYAD PAR DU 'PHAGS PAR SGRUB PA LA RGYU MTSAN ZHIG YOD PA'I PHYIR; STONG NYID RTOGS PA'I BYANG SEMS TSOGS LAM PA THEG DMAN LAM DU 'JUG PA YOD PA'I PHYIR, KHO NA RE, STONG NYID RTOGS PA'I THEG DMAN 'PHAGS PA MED PAR THAL, RGYUD BLA MA'I 'GREL CHEN LAS, MDOR BSDU NA GANG ZAG BZHI PO 'DI DAG NI BDE BAR GSHEGS PA'I SNYING PO MTHONG BA LA MIG DANG MI LDAN PAR RNAM PAR BZHAG STE, BZHI PO 'DI DAG NI GANG ZHE NA, , 'DI LTA STE, SO SO SKYE BO DANG, NYAN THOS DANG, RANG SANGS RGYAS DANG, THEG PA LA GSAR DU ZHUGS PA'I BYANG CHUB SEMS DPA'O, ,ZHES GSUNGS PA'I PHYIR NA MA KHYAB STE, DE NI 'JIG LTA LHAG PAR 'PHEL BA'I SO SKYE DANG, PHUNG SOGS BDEN GRUB TU ZHEN PA'I NYAN RANG DANG, RE ZHIG STONG NYID STON PA'I SNOD DU MI RUNG PA'I BYANG SEMS GSAR BU PA 'GA' ZHIG LA DGONGS PA'I PHYIR TE, DE NYID LAS, JI SKAD DU BCOM LDAN 'DAS KYIS DE BZHIN GSHEGS PA'I SNYING PO NI 'JIG TSOGS LA LTA BAR LTUNG BA RNAMS DANG, PHYIN CI LOG LA MNGON PAR DGA' BA RNAMS DANG, STONG PA NYID LA SEMS RNAM PAR G-YENGS PA RNAMS KYI SPYOD YUL MA LAGS SO, ,ZHES GSUNGS PA YIN NO, ,DE LA 'JIG TSOGS LA LTA BAR LTUNG BA RNAMS NI BYIS BA SO SO'I SKYE BO RNAMS LA BRJOD DE,
, ,ZHES DANG, DE LA PHYIN CI LOG LA MNGON PAR DGA' BA NI, NYAN THOS DANG RANG SANGS RGYAS DAG LA BRJOD DE, ZHES DANG, DE LA STONG PA NYID LA SEMS RNAM PAR G-YENGS PA NI THEG PA LA GSAR DU YANG DAG PAR ZHUGS PA'I BYANG CHUB SEMS DPA' STONG PA NYID KYI DON GYI TSUL DE BZHIN GSHEGS PA'I SNYING PO LAS NYAMS PA DAG LA BRJOD DE, ZHES GSUNGS PA'I PHYIR, KHA CIG ,RANG RGYUD PAS 'PHAGS PA LA STONG NYID RTOGS PAS KHYAB PAR BZHED PA MI 'THAD DE, SNGAR BSHAD PA'I LUNG DE DAG DANG 'GAL ZHING, DE NI MTSAN MAR DMIGS SGO NAS, ,ZHES SOGS DANG, GZUNG DON RTOG PA SPONG PHYIR DANG, ,ZHES SOGS SGRA JI BZHIN PA MA YIN PAR THAL BA'I SKYON YOD PA'I PHYIR, RONG t'IKA PAS, NYAN THOS SLOB PA'I SEMS GANG ZAG GI BDAG GIS STONG PA NYAN THOS KYI SGRUB PA'I RTEN RANG BZHIN GNAS RIGS SOGS SU 'DOD PA MI 'THAD DE, RANG BZHIN GNAS RIGS LA CHOS NYID KYIS KHYAB PA'I PHYIR RO, ` ,GNYIS PA SGRUB PA'I DMIGS PA BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL DANG GNYIS LAS, DANG PO NI, RIGS KYI DON BSDUR BYANG SEMS KYIS CHOS THAMS CAD RTOGS PAR BYA'O, ,ZHES GSUNGS PA LAS 'PHROS NAS, GSOL PA, BCOM LDAN 'DAS CHOS THAMS CAD NI GANG LAGS, BCOM LDAN 'DAS BYANG CHEN JI LTAR CHOS THAMS CAD KYI
YOD PAR GYUR PA MA YIN PA NYID LA BSLAB PAR BGYI, BCOM LDAN 'DAS JI LTAR BYANG CHEN CHOS THAMS CAD RTOGS PAR BGYI, BCOM LDAN 'DAS KYIS BKA' STZAL PA, RAB 'BYOR CHOS THAMS CAD CES BYA BA NI DGE BA DANG, MI DGE BA DANG, LUNG DU MA BSTAN PA DANG, 'JIG RTEN DANG, 'JIG RTEN LAS 'DAS PA DANG, ZAG PA DANG BCAS PA DANG, ZAG PA MED PA DANG, 'DUS BYAS DANG, 'DUS MA BYAS DANG, KHA NA MA THOB DANG BCAS PA DANG, KHA MA MTHO BA MED BA DANG, THUN MONG BA DANG, THUN MONG MA YIN PA DAG STE, RAB 'BYOR DE DAG NI CHOS THAMS CAD CES BYA'O, ,BYANG CHEN GYIS CHOS DE DAG THAMS CAD KYI YOD PAR GYUR BA MA YIN PA NYID LA BSLAB PAR BYA, BYANG CHEN CHOS DE DAG THAMS CAD RTOGS PA RE BYA'O; ;ZHES DMIGS PAR DAG GI NGO BO BSTAN NAS, DE DAG GANG YIN DRIS PA'I LAN DU, BCU GCIG PO SO SOR PHYE NAS STON PA LA, GSOL PA BCOM LDAN 'DAS 'JIG RTEN PA'I DGE BA'I CHOS GANG LAGS, ZHES SOGS GSUNGS, GNYIS PA LA; MTSAMS SBYAR, RTZA BA, 'GREL BA DANG GSUM LAS, DANG PO NI, LUS RNAM GZHAG TU, SGRUB PA YI NI RTEN GYUR PA, ,DMIGS PA DAG DANG, ZHES 'CHAD NA, SGRUB PA'I RTEN GYI RJES SU SGRUB PA'I DMIGS PA 'CHAD PA'I RGYU MTSAN GANG ZHE NA; DE'I RGYU MTSAN YOD DE, THEG CHEN SGRUB PA'I RTEN RANG BZHIN GNAS RIGS DE LA BRTEN NAS DMIGS PA DGOS LA, DE YANG THEG CHEN GYI SGRUB PA NYAMS SU LEN PA'I TSE DGE BA'I PHYOGS RNAMS NYAMS SU BLANG BAR BYA ZHING, SDIG TO MI DGE
, ,PA'I PHYOGS MTHA' DAG SPANG BAR BYA ZHING, LUNG MA BSTAN GYI PHYOGS RNAMS BTANG SNYOMS SU BZHAG PA'I SGO NAS, SGRO SKUR GYI G-YENG BA THAMS CAD SPANG DGOS SO, ,ZHES SHES BAR BYA BA'I CHED YIN PA'I PHYIR, ZHES MTSAMS SBYOR BA LA, JI SKAD BSHAD PA'I SGRUB PA'I RTEN GYI DMIGS PA GANG YIN ZHE NA, DMIGS PA, ZHES GSUNGS, GNYIS PA NI, MDO DE'I DON BSHAD PA'I SGO NAS THEG CHEN GYI SGRUB PA'I DMIGS PA MDOR BSTAN GYI TSUL GYIS 'CHAD PA LA, DMIGS PA CHOS RNAMS THAMS CAD DE, ,ZHES GSUNGS, 'O NA CHOS THAMS CAD GANG ZHE NA, DE LA DGE SOGS GSUM DU PHYE NAS CUNG ZAD RGYAS PAR STON PA LA, DE YANG DGE LA SOGS PA YIN, ,ZHES GSUNGS, 'O NA, DBYE BA DE TZAM DU ZAD DAM ZHE NA, DER MA ZAD, DE LA 'JIG RTEN DANG 'JIG RTEN LAS 'DAS PA'I DBYE BAS BCU GCIG TU YOD DE, ZHES 'CHAD PA LA, 'JIG RTEN PA'I RTOGS PA DANG, ZHES SOGS GSUNGS, GSUM PA LA, RAB DBYE DANG; JI LTAR DMIGS PA'I TSUL LO, ,DANG PO LA BSTAN BSHAD GNYIS LAS, DANG PO LA, THEG CHEN SGRUB PA'I DMIGS PA DE LA DGE SOGS GSUM DU PHYE BA'I SGO NAS MDOR BSTAN GYI TSUL GYIS 'CHAD PA LA, RE ZHIG DANG POR SBYIR DGE BA DANG MI DGE BA DANG LUNG DU MA BSTAN PA STE GO RIMS BZHIN DU, DGE SBYONG GI TSUL NYID DANG, SROG GCOD PA LA SOGS PA DANG, LUNG DU MA BSTAN PA'I LUS KYI LAS LA SOGS PA'O, ,ZHES GSUNGS, 'DI LA
YANG GSUM DU YOD PA'I DANG PO DGE BA DE STON PA LA, MDO LAS, GSOL PA, BCOM LDAN 'DAS 'JIG RTEN PA'I DGE BA'I CHOS GANG LAGS, BCOM LDAN 'DAS KYIS BKA' STZAL BA, RAB 'BYOR 'JIG RTEN PA'I DGE BA'I CHOS ZHES BYA BA NI; PHAR SHES PA DANG, ZHES PA NAS, LUS KYI RNAM PA RJES SU DRAN PA DAG STE, DE DAG NI 'JIG RTEN PA'I DGE BA ZHES BRJOD DO, ,ZHES GSUNGS, DE'I DON 'CHAD PA LA, DGE SBYONG GI TSUL NYID DANG, ZHES GSUNGS, GNYIS PA MI DGE BSTON PA LA, GSOL PA, BCOM LDAN 'DAS 'JIG RTEN PA'I MI DGE BA'I CHOS GANG LAGS, BCOM LDAN 'DAS KYIS BKA' STZAL PA, MI DGE BA BCU'I LAS KYI LAM STE, RAB 'BYOR 'DI LTA STE, SROG GCOD PA NI 'JIG RTEN PA'I CHOS MI DGE BA'O, ,ZHES PA NAS, LOG PA'I NGA RGYAL DAG STE, RAB 'BYOR DE NI 'JIG RTEN PA'I MI DGE BA'I CHOS ZHES BRJOD DO, ,ZHES GSUNGS, DE'I DON 'CHAD PA LA, SROG GCOD PA LA SOGS PA DANG, ZHES GSUNGS, GSUM PA LUNG MA BSTAN STON PA LA, GSOL PA, BCOM LDAN 'DAS LUNG DU MA BSTAN PA'I CHOS GANG LAGS, BCOM LDAN 'DAS KYIS BKA' STZAL PA, LUNG DU MA BSTAN PA'I LUS KYI LAS DANG, ZHES PA NAS; KHAMS DANG SKYE MCHED DANG RNAM PAR SMIN PA DAG STE, DE DAG NI LUNG DU MA BSTAN PA'I CHOS ZHES BRJOD DO, ,ZHES GSUNGS, DE'I DON 'CHAD PA LA, LUNG DU MA BSTAN PA'I LUS KYI LAS LA SOGS PA'O, ,ZHES GSUNGS,
, ,GNYIS PA RGYAS PAR BSHAD PA LA, DE LTAR DGE SOGS GSUM LA DMIGS PA DE'I 'OG TU DBYE BA LHAG MA RNAMS NI GSUM PO DE DAG NYID LA 'JIG RTEN DANG 'JIG RTEN LAS 'DAS PA DANG, ZAG BCAS ZAG MED RNAM PA GNYIS KYI DBYE BAS ZUNG BZHIR PHYE NAS RTZA BA'I GRANGS BZHIN DU 'CHAD DO, ,ZHES 'CHAD PA LA, DE'I 'OG TU DE DAG NYID LA 'JIG RTEN PA LA SOGS PA RNAM PA GNYIS PO'I DBYE BA BZHIN NYID KYIS LHAG MA RNAMS TE, GRANGS BZHIN DU, ZHES GSUNGS, DE LA YANG BRGYAD YOD PA'I DANG PO, 'JIG RTEN PA'I RTOGS PA DE STON PA LA, GSOL PA, BCOM LDAN 'DAS 'JIG RTEN PA'I CHOS GANG LAGS, BCOM LDAN 'DAS KYIS BKA' STZAL PA, RAB 'BYOR PHUNG PO LNGA DANG, ZHES PA NAS, MNGON PAR SHES PA LNGA DANG 'JIG RTEN PA'I CHOS GANG DAG YIN PA STE, 'DI DAG NI 'JIG RTEN PA'I CHOS ZHES BYA'O, ,ZHES GSUNGS, DE'I DON 'CHAD PA LA, 'JIG RTEN PA YI RTOGS PA DANG, ,ZHES DANG, BYIS PA'I SKYE BO THAMS CAD DANG 'BREL BA'I PHUNG PO LNGA DANG, ZHES GSUNGS, GNYIS PA 'JIG RTEN LAS 'DAS PA STON PA LA, GSOL PA, BCOM LDAN 'DAS 'JIG RTEN LAS 'DAS PA'I CHOS GANG LAGS, BCOM LDAN 'DAS KYIS BKA' STZAL PA, RAB 'BYOR DRAN PA NYE BAR BZHAG PA BZHI DANG, ZHES PA NAS, SANGS RGYAS KYI CHOS MA 'DRES PA BCO BRGYAD DAG STE, DE DAG NI 'JIG RTEN LAS 'DAS PA'I CHOS ZHES BYA'O, ,ZHES GSUNGS, DE'I DON 'CHAD PA LA,
GANG DAG 'JIG RTEN 'DAS 'DOD DANG, ,ZHES DANG, 'PHAGS PA'I SKYE BO THAMS CAD KYIS BSDUS PA'I BSAM GTAN BZHI DANG, ZHES GSUNGS, GSUM PA ZAG BCAS STON PA LA, GSOL PA, BCOM LDAN 'DAS ZAG PA DANG BCAS PA'I CHOS GANG LAGS, BCOM LDAN 'DAS KYIS BKA' STZAL PA, RAB 'BYOR PHUNG PO LNGA DANG, SKYE MCHED BCU GNYIS DANG, KHAMS BCO BRGYAD DANG, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI STE, DE DAG NI ZAG PA DANG BCAS PA'I CHOS ZHES BYA'O, ,ZHES GSUNGS, DE'I DON 'CHAD PA LA, ZAG BCAS, ZHES DANG, BDAG TU LTA BA'I GNYEN PO MA YIN PA'I NYE BAR LEN PA'I PHUNG PO LNGA DANG, ZHES GSUNGS, BZHI PA ZAG MED STON PA LA, GSOL BA; BCOM LDAN 'DAS ZAG PA MA MCHIS PA'I CHOS GANG LAGS, BCOM LDAN 'DAS KYIS BKA' STZAL PA, DRAN PA NYE BAR BZHAG PA BZHI DANG, ZHES PA NAS, SANGS RGYAS KYI CHOS MA 'DRES PA BCO BRGYAD KYI BAR DAG NI ZAG PA MED PA'I CHOS ZHES BYA'O,, ZHES GSUNGS, DE'I DON 'CHAD PA LA, ZAG PA MED CHOS DANG, ,ZHES DANG, DER LTA BA'I GNYEN PO DRAN PA NYE BAR BZHAG PA BZHI DANG, ZHES GSUNGS, LNGA PA 'DUS BYAS STON PA LA, GSOL BA, BCOM LDAN 'DAS 'DUS BYAS KYI CHOS GANG LAGS, BCOM LDAN 'DAS KYIS BKA' STZAL PA; RAB 'BYOR 'DUS BYAS KYI KHAMS ZHES BYA BA NI, 'DOD PA'I KHAMS DANG ,ZHES PA NAS, SANGS RGYAS KYI CHOS MA 'DRES PA DAG STE, DE DAG NI 'DUS BYAS KYI CHOS ZHES BYA'O, ,ZHES GSUNGS, DE'I DON 'CHAD PA LA, GANG DAG 'DUS BYAS, ZHES DANG, RGYU DANG RKYEN LA RAG LAS PA
, ,'DOD PA'I KHAMS LA SOGS PA DANG, ZHES GSUNGS, DRUG PA 'DUS MA BYAS STON PA LA, GSOL PA BCOM LDAN 'DAS 'DUS MA BYAS GANG LAGS, BCOM LDAN 'DAS KYIS BKA' STZAL PA, RAB 'BYOR GANG LA SKYE BA MED CING, 'JIG PA DANG GNAS PA LAS GZHAN DU 'GYUR BA MI MNGON PA STE, ZHES PA NAS, YANG DAG PA'I MTHA' STE, RAB 'BYOR DE DAG NI 'DUS MA BYAS KYI CHOS ZHES BYA'O, ,ZHES GSUNGS, DE'I DON 'CHAD PA LA, 'DUS MA BYAS, ,ZHES DANG, RGYU LA MI LTOS PA DE BZHIN NYID DANG, ZHES GSUNGS, BDUN PA THUN MONG BA STON PA LA, GSOL PA BCOM LDAN 'DAS THUN MONG GI CHOS GANG LAGS, BCOM LDAN 'DAS KYIS BKA' STZAL PA, RAB 'BYOR BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, MNGON PAR SHES PA LNGA DAG STE, DE DAG NI BYIS PA SO SO SKYE BO RNAMS DANG THUN MONG GI CHOS ZHES BYA'O, ,ZHES GSUNGS, DE'I DON 'CHAD PA LA, SLOB MTHUN MONG CHOS RNAMS DANG, ,ZHES DANG, 'PHAGS BA'I SKYE BO THAMS CAD KYI RGYUD LA 'BYUNG BA'I BSAM GTAN BZHI DANG, ZHES GSUNGS, BRGYAD PA THUN MONG MA YIN PA'I CHOS STON PA LA, GSOL PA BCOM LDAN 'DAS THUN MONG MA YIN PA'I CHOS GANG LAGS, BCOM LDAN 'DAS KYIS BKA' STZAL PA, RAB 'BYOR BYANG CHEN CHOS SUM CU RTZA BDUN DANG, DE BZHIN GSHEGS BA'I STOBS BCU DANG, MI 'JIGS BA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD KYI BAR DAG STE, DE DAG NI THUN MONG MA YIN BA'I CHOS
ZHES BYA'O, ,DE LA BYANG CHEN SHER PHYIN LA SPYOD PA NI RTOG PA MED CING RNAM PAR RTOG PA MED PA'I PHYIR, RANG GI MTSAN NYID KYIS STONG PA'I CHOS THAMS CAD LA CHAGS PAR MI BYA ZHING, CHOS THAMS CAD GNYIS SU MED PA'I TSUL DU RTOGS PAR BYA'O; ;ZHES GSUNGS, DE'I DON 'CHAD PA LA, GANG DAG THUB PA'I THUN MONG MIN, ,ZHES DANG, YANG DAG PAR RDZOGS PA'I SANGS RGYAS KYI RGYUD LA 'BYUNG BA'I CHOS CAN STOBS BCU STE, ZHES GSUNGS, GNYIS BA DE DAG LA JI LTAR DMIGS TSUL DE STON PA LA, DE LTA BU LA SOGS PA CHOS THAMS CAD JI LTA BA BZHIN DU RTOGS PA'I RIM GYIS DMIGS PAS NA, ZHES GSUNGS, 'DI'I SKABS SU MTHA' DPYAD PA LA, MTSAN NYID, DBYE BA, SO SO'I RANG BZHIN, JI LTAR DMIGS PA'I TSUL LO, ,DANG PO NI, THEG CHEN SGRUB PA'I SGRO 'DOGS GCAD PAR BYA BA'I GZHI, THEG CHEN SGRUB PA'I DMIGS BA'I MTSAN NYID, DE'I DMIGS PA YIN NA, DES DMIGS PAS MA KHYAB STE, THEG CHEN GYI MTHONG LAM BAR CHAD MED LAM GYI DMIGS PA LA DES DMIGS PAS MA KHYAB BA'I PHYIR, GNYIS PA NI, SPYIR BSTAN PA GSUM DANG, BYE BRAG TU BSHAD PA BRGYAD YOD, GSUM PA LA LANG SPYIR BSTAN PA GSUM BSHAD PA DANG, BYE BRAG TU BSTAN PA BRGYAD BSHAD BA'O, ,DANG PO NI, LUNG DU BSTAN PA GANG ZHIG ,RNAM SMIN DKAR BA'I RIGS SU GNAS PA, DGE BA'I MTSAN NYID, DBYE NA, 'JIG RTEN PA'I DGE PA DANG, 'JIG RTEN LAS 'DAS BA'I DGE BA GNYIS SU YOD, DE GANG ZHIG ,RNAM SMIN GNAG BA'I RIGS SU GNAS PAS RAB TU PHYE BA, MI DGE BA'I MTSAN NYID, CHOS GANG ZHIG ,DGE MI DGE GANG DU YANG LUNG BSTAN
, ,DU MED PAS RAB TU PHYE BA, LUNG MA BSTAN GYI MTSAN NYID, KHA CIG ,LUNG DU BSTAN PA GANG ZHIG ,RANG 'BRAS RNAM SMIN BDE BA 'BYIN BYED DGE BA'I MTSAN NYID, DE GANG ZHIG ,RANG 'BRAS RNAM SMIN SDUG BSNGAL 'BYIN BYED, MI DGE BA'I MTSAN NYID, BLANG DOR BTANG SNYOMS SU GZHAG BAR BYA BA'I CHOS, LUNG MA BSTAN GYI MTSAN NYID ZER NA, DANG PO LA, KHA CIG ,THEG CHEN GYI MTHONG LAM BAR CHAD MED LAM CHOS CAN, MTSAN NYID DANG BO DER THAL, MTSON BYA DE'I PHYIR, 'DOD MI NUS TE; ZAG MED YIN PA'I PHYIR, KHYAB STE, RNAM SMIN GYI RGYU LA DGE BA ZAG BCAS DANG MI DGE BA GNYIS SU GRANGS NGES PA'I PHYIR TE, MDZOD LAS, RNAM SMIN RGYU NI MI DGE DANG ,DGE BA ZAG BCAS RNAMS KHO NA, ,ZHES GSUNGS PA'I PHYIR NA MA KHYAB STE, 'KHOR BAS BSDUS PA'I RNAM SMIN GYI RGYU LA DE GNYIS SU GRANGS NGES BA'AM, ZAG BCAS SU GYUR PA'I DE LA DE GNYIS SU GRANGS NGES PA'I DON YIN BA'I PHYIR, MTSAN NYID GNYIS PA MI 'THAD DE, GNYEN PO STOBS BZHI'I GSHAGS PAS 'DAGS PAR NGES PA'I SROG GCOD KYI LAS DE MI DGE BA YIN PA'I PHYIR, MTSAN NYID GSUM PA MI 'THAD DE, 'JIG LTA LUNG DU MA BSTAN PA'I PHYIR TE, MDZOD LAS, GONG MA THAMS CAD LUNG MA BSTAN, ,ZHES DANG, 'DOD NA 'JIG TSOGS LTA BA DANG, , MTHAR 'DZIN LHAN CIG MA RIG PA, ,LHAG MA RNAMS 'DIR MI DGE BA'O, ,ZHES GSUNGS PA'I PHYIR, MTSAN NYID DANG PO LA, BSAM GTAN BZHI BA'I SKYE BA 'PHEN BYED KYI DGE BA'I LAS CHOS CAN, MTSAN NYID DER THAL, DGE BA YIN PA'I
PHYIR; 'DOD NA, BSAM GTAN BZHI PA'I SAS BSDUS KYI BDE BA YOD PAR THAL LO, ,KHA CIG ,SKYES BU DAM PAS BLANG BYAR 'OS PA DGE BA'I MTSAN NYID, DES DOR BYAR 'OS PA MI DGE BA'I MTSAN NYID DU 'DOD PA MI 'THAD DE, KHAMS GONG GI SAS BSDUS KYI NYON MONGS RNAMS MI DGE BA MA YIN PA'I PHYIR TE, DE LUNG MA BSTAN YIN PA'I PHYIR TE, MDZOD LAS, GONG MA THAMS CAD LUNG MA BSTAN, ,ZHES GSUNGS PA'I PHYIR, KHA CIG LUNG DU BSTAN PA GANG ZHIG ,ZHES BSNAN NAS 'JOG PA YANG MI 'THAD DE, BSAM GTAN BZHI BA'I SKYE BA 'PHEN BYED KYI LAS DE DGE BA YIN BA'I PHYIR DANG, 'KHOR BA'I SKYE BA DE SKYES BU DAM PAS BLANG BYA DANG, DES DOR BYA GNYIS KA YIN PA'I PHYIR, DANG PO GRUB STE, BYANG SEMS 'PHAGS PAS GZHAN DON DU 'KHOR BAR SKYE BA DON DU GNYER BA'I PHYIR, GNYIS BA LA, LAS NYON GYIS 'PHANGS SHING THOG MA MED PA NAS 'KHOR BAR 'DRIS PA'I RIGS SU GNAS PAS RAB TU PHYE BA, 'JIG RTEN PA'I MTSAN NYID, NYER LEN GYI PHUNG PO LNGA LTA BU, ZAG MED GANG ZHIG ,THOG MA MED PA NAS 'KHOR BAR CUNG ZAD KYANG MA 'DRIS BA'I RIGS SU GNAS PAS RAB TU PHYE BA, 'JIG RTEN LAS 'DAS BA'I MTSAN NYID, 'PHAGS RGYUD KYI BSAM GTAN BZHI LTA BU, LAS NYON GYI DBANG GIS BYUNG ZHING BDAG LTA'I GNYEN PO MA YIN PA'I RIGS SU GNAS PAS RAB TU PHYE BA, ZAG BCAS KYI MTSAN NYID, NYER LEN GYI PHUNG PO LNGA LTA BU, LAS NYON GYI DBANG GIS BYUNG BA MA YIN PA'I BDAG LTA'I GNYEN PO BYED PA'I RIGS SU GNAS PAS RAB TU PHYE BA, ZAG MED KYI MTSAN NYID, LAM BDEN LTA BU,
, ,RANG GI RGYU RKYEN LAS SKYES PA, 'DUS BYAS KYI MTSAN NYID, RANG GI RGYU RKYEN LAS MA SKYES PA, 'DUS MA BYAS KYI MTSAN NYID, 'PHAGS PA MTHA' DAG GI RGYUD LA 'BYUNG RUNG GI YON TAN GYI RIGS SU GNAS PA, THUN MONG BA'I YON TAN GYI MTSAN NYID, BSAM GTAN BZHI LTA BU, YANG DAG PAR RDZOGS PA'I SANGS RGYAS KHO NA'I RGYUD LA 'BYUNG RUNG GI YON TAN GYI RIGS SU GNAS PA, THUN MONG MA YIN PA'I YON TAN GYI MTSAN NYID, STOBS BCU LTA BU, BZHI PA LA, BYANG CHUB SEMS DPAS DMIGS PA BCU GCIG PO DE LA JI LTAR DMIGS SHE NA, DMIGS TSUL YOD DE, DANG POR BYANG SEMS RNAMS LA BDAG GI BLANG BYA DANG, DOR BYA DANG, BTANG SNYOMS SU GZHAG PAR BYA BA GANG YIN SNYAM PA'I BLO SKYE LA, DE LA BRTEN NAS BLANG BYA NYE BAR BZUNG STE, DE LA YANG DANG PO DANG PHYIS BLANG BYA GANG SNYAM DU 'JIG RTEN PA'I LAM DANG 'JIG RTEN LAS 'DAS PA'I LAM GNYIS SU SEMS ,DE NAS 'JIG RTEN PA'I LAM DE ZAG BCAS YIN PAS BLANG BYAR ZHIG PA STE, PHYI MA ZAG MED YIN PAS BLANG BYA GTAN DU PA'O SNYAM DU ZAG BCAS ZAG MED LA SEMS, DE NAS ZAG MED DE'I DMIGS PA GANG YIN SNYAM PAS 'DUS BYAS KUN RDZOB BDEN PA DANG, 'DUS MA BYAS DON DAM PA'I BDEN PA GNYIS LA SEMS, DE NAS 'DUS BYAS BZHAG STE, 'DUS MA BYAS LA DMIGS NAS SGOM PA'I 'BRAS BU THUN MONG DANG THUN MONG MA YIN PA GNYIS LA DMIGS TE SEMS PAR BYED BA'I PHYIR, GZHUNG DON NI, CHOS THAMS CAD CHOS CAN, THEG CHEN SGRUB PA'I DMIGS PA YIN TE, DE'I
SGRO 'DOGS GCAD PAR BYA BA'I GZHI YIN PA'I PHYIR, THEG CHEN SGRUB PA'I DMIGS PA CHOS CAN, GSUM DU YOD DE, DGE MI DGE LUNG MA BSTAN GSUM DU YOD PA'I PHYIR, DE CHOS CAN, RGYAS PAR DBYE NA BRGYAD DU YOD DE, 'JIG RTEN BA'I PHUNG PO LNGA 'JIG RTEN PA'I BSAM GTAN BZHI, ZAG BCAS NYER LEN GYI PHUNG PO LNGA, ZAG MED DRAN PA NYE BAR BZHAG PA BZHI, 'DUS BYAS LAM BDEN, 'DUS MA BYAS 'GOG BDEN, THUN MONG BA BSAM GTAN BZHI, THUN MONG MA YIN PA STOBS BCU RNAMS SU YOD PA'I PHYIR, ` GSUM PA SGRUB PA'I CHED DU BYA BA BSHAD PA LA, MDO LAS GSUNGS TSUL, BSTAN BCOS KYIS 'GREL TSUL GNYIS LAS, DANG PO NI, GONG DU BYANG CHEN ZHES MANG DU GSUNGS PA LAS 'PHROS NAS, DE NAS TSE DANG LDAN PA RAB 'BYOR? GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN ZHES BGYI BA GANG LA BRJOD PA CI'I SLAD DU BCOM LDAN 'DAS BYANG CHEN ZHES BGYI, BCOM LDAN 'DAS KYIS BKA' STZAL PA, RAB 'BYOR 'DI LA SEMS CAN GYI PHUNG PO CHEN PO, ZHES SOGS GSUNGS, GNYIS PA LA MTSAMS SBYAR, RTZA BA, 'GREL PA DANG GSUM LAS, DANG PO NI, LUS RNAM GZHAG TU, DMIGS PA DAG DANG CHED DANG NI, ,ZHES 'CHAD NA, SGRUB PA'I DMIGS PA'I RJES SU CHED DU BYA BA 'CHAD? PA'I RGYU MTSAN GANG ZHE NA, DE'I RGYU MTSAN YOD DE, BYANG CHUB SEMS DPAS SGRUB PA'I RTEN RANG BZHIN GNAS RIGS LA BRTEN NAS CHOS THAMS CAD LA DMIGS TE, CHED DU BYA BA CHEN PO GSUM GYI PHYIR SGRUB PA NYAMS SU LEN DGOS SO, ,ZHES SHES PAR BYA BA'I PHYIR DE
, ,LTAR BSTAN BA'I PHYIR, ZHES MTSAMS SBYOR BA LA, DMIGS PA DE LTA BU LA SGRUB PA'I CHED DU BYA BA GANG YIN ZHE NA, CHED DU BYA BA, ZHES GSUNGS, GNYIS PA NI, MDO DE'I DON 'CHAD PA'I SGO NAS THEG CHEN SGRUB PA'I CHED DU BYA BA LA CHEN PO GSUM YOD CES 'CHAD PA LA, SEMS CAN KUN MCHOG NYID SEMS DANG, ,ZHES SOGS GSUNGS, GSUM PA NI, RNAM PA THAMS CAD DU RNAM PA THAMS CAD MKHYEN PA NYID YONGS SU SHES PA'I SGO NAS 'BYUNG BAR 'GYUR BA'I SANGS RGYAS DANG BYANG CHUB SEMS DPA' RNAMS NYID KYI, ZHES SOGS GSUNGS, DE DAG GI DON BSDUS NAS 'CHAD PA LA, DE LTAR SGRUB PA LA 'JUG PA DE'I PHYIR CHEN PO NYID GSUM DANG LDAN PAS CHED DU BYA BA GSUM DU SHES PAR BYA'O, ,ZHES GSUNGS, DE YANG SEMS CHEN PO DE STON PA LA, MDO LAS, RAB 'BYOR 'DI LA SEMS CAN GYI PHUNG PO CHEN PO DANG, SEMS CAN GYI TSOGS CHEN PO'I MCHOG NYID DU 'GYUR BA DE'I PHYIR BYANG CHEN ZHES BYA'O, ,ZHES PA NAS, CHOS 'DI DAG MI GNAS TE SEMS CAN GYI TSOGS CHEN PO DANG, SEMS CAN GYI SDE CHEN PO'I MCHOG NYID DU 'GYUR BAR BYA BA YIN NO, ,DES NA BYANG CHEN ZHES BRJOD ,CES GSUNGS, DE'I DON 'CHAD PA LA ,SEMS CAN KUN MCHOG NYID SEMS DANG, ,ZHES DANG, SEMS CAN THAMS CAD SEMS CAN KUN GYI MCHOG NYID KYI SEMS CHEN PO NYID DANG, ZHES GSUNGS, SPONG BA CHEN PO STON PA LA, DE NAS TSE DANG LDAN PA SH'A RI'I BUS BCOM LDAN 'DAS LA 'DI SKAD CES GSOL TO, ,BCOM LDAN 'DAS DON GANG GI SLAD DU BYAD CHEN ZHES BGYI BA DE LA BDAG KYANG SPOBS SO, ,BCOM LDAN 'DAS KYIS BKA' STZAL PA, SH'A RI'I BU DON GANG GI SLAD DU
BYANG CHEN ZHES BRJOD LA, KHYOD SPOBS BAS BYOS SHIG ,SH'A RI'I BUS GSOL BA, BCOM LDAN 'DAS BDAG TU LTA BA DANG, SEMS CAN DU LTA BA DANG, ZHES PA NAS, CHOS KYI 'KHOR LO BSKOR BA'I BAR DU BLTA BAR 'GYUR BA YIN TE, DE LA BYANG CHEN SHER PHYIN LA SPYOD PA'I TSE THABS MKHAS PAS BLTA BA'I RNAM PA DE DAG SPANG BA NYID MI DMIGS PA'I TSUL GYIS CHOS STON TO, ,ZHES GSUNGS, DE'I DON 'CHAD PA LA, SPONG DANG, ZHES DANG, SPONG BA CHEN PO NYID DANG, ZHES GSUNGS, RTOGS PA CHEN PO STON PA LA, DE NAS TSE? DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS DON GANG GI SLAD DU BYANG CHEN ZHES BGYI BA DE LA BDAG KYANG SPOBS SO, ,BCOM LDAN 'DAS KYIS BKA' STZAL PA, RAB 'BYOR KHYOD SPOBS PA SKYED CIG ,RAB 'BYOR GYIS GSOL BA, BCOM LDAN 'DAS BYANG CHUB KYI SEMS MI MNYAM PA DANG, MNYAM PA'I SEMS DANG, NYAN THOS DANG RANG SANGS RGYAS THAMS CAD DANG THUN MONG MA LAGS BA'I SEMS ZAG PA MA MCHIS SHING KHAMS GSUM DU MA GTOGS PA'I SEMS GANG LAGS PA STE, ZHES PA NAS, MNGON PAR CHAGS PAR 'GYUR BA MI 'THAD DE, DE'I PHYIR BYANG CHEN ZHES BYA'O, ,ZHES GSUNGS, DE'I DON 'CHAD PA LA, RTOGS DANG, ZHES DANG, RTOGS PA CHEN PO NYID KYI DBANG DU BYAS TE, ZHES GSUNGS, 'DI'I SKABS SU MTHA' DPYAD PA LA, BYANG SEMS GANG GI CHED DU SGRUB PA LA 'JUG PA'I 'BRAS BU MTHAR THUG DE, SKABS 'DIR BSTAN GYI THEG CHEN SGRUB PA'I CHED DU BYA BA'I MTSAN NYID, DBYE NA,
, ,SEMS CHEN PO, SPONG BA CHEN PO, RTOGS PA CHEN PO DANG GSUM, DANG PO NI, SANGS RGYAS 'PHAGS PA'I RGYUD KYI SNYING RJE CHEN PO LTA BU, GNYIS BA NI, DE'I RGYUD KYI 'GOG BDEN LTA BU, GSUM BA NI, GANG ZAG GI BDAG MED MNGON SUM DU RTOGS PA'I RNAM MKHYEN LTA BU, SA MTSAMS SANGS RGYAS KYI SA KHO NAR YOD, THEG CHEN SGRUB PA'I CHED DU BYA BA LA SKABS 'DIR BSTAN GYI DES MA KHYAB STE, GZHAN DON DE DE'I CHED DU BYA BA YIN PA'I PHYIR, KHO NA RE, CHEN PO GSUM PO DE THEG CHEN SGRUB PA'I CHED DU BYA BA'I GTZO BOR 'JOG PA MI 'THAD PAR THAL, GZHAN DON DE BYANG CHUB SEMS DPAS DON DU GNYER BYA'I GTZO BO YIN PA'I PHYIR, ZHES ZER BA MI 'THAD DE, CHEN PO GSUM BO DE NYID GZHAN DON GZHAN DON SGRUB BYED KYI THABS KYI GTZO BO YIN PAS DE DE'I GTZO BOR BZHAG BA'I PHYIR, GZHUNG DON NI, SKABS 'DIR BSTAN GYI THEG CHEN SGRUB PA'I CHED DU BYA BA CHOS CAN, KHYOD LA GSUM DU YOD DE, KHYOD LA SEMS CHEN PO, SPONG BA CHEN PO, RTOGS PA CHEN PO RNAMS SU YOD PA'I PHYIR, ` BZHI PA SGRUB PA RANG GI NGO BO STON PA LA, 'O NA, LUS RNAM GZHAG TU, SGRUB PA YIN NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG BA'I BYA BA DANG, ,TSOGS NI NGES PAR 'GYUR? BCAS RNAMS, ,ZHES 'CHAD NA, SGRUB PA'I RTEN, DMIGS PA, CHED DU BYA BA RNAMS BRJOD PA'I 'OG TU SGRUB PA RANG GI NGO BO 'CHAD PA'I RGYU MTSAN GANG ZHE NA, DE'I RGYU MTSAN YOD DE ,BYANG CHUB TU SEMS BSKYED PA RNAMS KYIS RANG BZHIN GNAS RIGS LA BRTEN NAS DMIGS PA BCU GCIG
PA DMIGS TE, CHEN PO GSUM GYI CHED DU SGRUB PA BZHI NYAMS SU LEN DGOS BA'I RGYU MTSAN GYIS DE LTAR BSTAN PA'I PHYIR ,ZHES 'CHAD PA LA ,DE LTAR SGRUB PA LA 'JUG PA DE'I PHYIR CHEN PO NYID GSUM DANG LDAN PAS CHED DU BYA BA GSUM DU SHES PAR BYA'O, ,DE LTAR SGRUB PA'I RTEN DU GYUR PA LA SOGS PA BRJOD NAS, DE'I RANG GI NGO BO GA? BZHEN?, ZHES SOGS GSUNGS, 'DI LA YANG ,SPYI'I NGO BO BSHAD PA DANG ,SO SO'I DON 'CHAD PA GNYIS LAS, DANG PO LA, MKHYEN PA YUL GYI SGRUB PA DANG, SBYOR BA BYE BRAG GI SGRUB PA GNYIS LAS, DANG PO NI, THAMS CAD MKHYEN PA NYID GSUM GYI YUL LA SPYIR DGE BA'I CHOS KYI RTEN CAN DANG, ZHES 'CHAD, GNYIS PA NI, RNAM PA KUN MNGON PAR RDZOGS PAR RTOGS PA LA SOGS PA MNGON PAR RTOGS PA RNAM PA BZHI LA, MNGON BAR RTOGS PA RE RE ZHING PHA ROL TU PHYIN PA DRUG GI RTEN CAN GYI BYA BA NI SGRUB PA STE, ZHES GSUNGS, 'DI'I SKABS SU MTHA' DPYAD PA LA, MTSAN NYID, DBYE BA, SA MTSAMS GSUM LAS, DANG PO NI, THEG CHEN SEMS BSKYED LA BRTEN NAS DON GNYIS PHUN TSOGS SU SGRUB PAR BYED BA'I CHEN PO DRUG LDAN GYI SEMS DPA'I RNAL 'BYOR, THEG CHEN SGRUB PA'I MTSAN NYID; THEG CHEN SGRUB PA CHOS CAN, CHEN PO DRUG DANG LDAN TE, GNAS PA CHE, BRTZON PA CHE ,'BRAS BU 'BYUNG BA CHE, RTAG TU KHAS LEN CHE, BZOD PA CHE, DON CHEN PO YANG DAG PAR SGRUB BA'I BYA BA BYED PA'I PHYIR, DANG PO GRUB STE, THEG CHEN SEMS BSKYED LA GNAS PA'I PHYIR ,GNYIS PA GRUB STE, RANG GZHAN MTHA' DAG GI DON LA BRTZON PA'I PHYIR, GSUM PA GRUB STE, BYANG CHUB CHEN PO 'BRAS BUR 'BYIN PA'I PHYIR, BZHI PA GRUB STE, SEMS CAN THAMS CAD KYI DON CHEN PO SGRUB PAR KHAS LEN BA'I PHYIR, LNGA PA GRUB
, ,STE; GZHAN DON DU SDUG BSNGAL THAMS CAD DANG DU LEN BA'I PHYIR, DRUG BA GRUB STE, SEMS CAN THAMS CAD KYI SDUG BSNGAL SEL BA DANG PHAN PA DE SGRUB PA'I BYA BA BYED BA'I PHYIR, DE LTAR YANG, MDO SDE'I RGYAN LAS, GNAS RTZOM 'BRAS BU 'BYUNG BA CHE BDAG NYID, ,RGYAL SRAS RNAMS KYI SGRUB PA YIN PAR 'DOD, ,RTAG TU LEN PA CHE DANG BZOD PA CHE, ,DON CHEN YANG DAG SGRUB PA'I BYA BA BYED, ,CES GSUNGS, GNYIS PA LA, STON TSUL GYI SGO NAS MKHYEN PA YUL GYI SGRUB PA DANG, SBYOR BA BYE BRAG GI SGRUB BA GNYIS SU YOD, MKHYEN GSUM GANG RUNG GI RNAM PA YUL DU BYAS NAS SGOM PAR BYED PA'I SHES RAB KYIS ZIN PA'I SEMS DPA'I RNAL 'BYOR, DANG PO'I MTSAN NYID, PHAR PHYIN DRUG LDAN DU NYAMS SU LEN PA'I BSAM SBYOR CI RIGS PAS ZIN PA'I SEMS DPA'I RNAL 'BYOR, GNYIS PA'I MTSAN NYID, DE GNYIS YIN KHYAB MNYAM YIN TE, SKABS DANG PO GSUM DU MKHYEN PA YUL GYI SGRUB PA'I LDOG CHA NAS BSTAN, BAR BA BZHIR SBYOR BA BYE BRAG GI SGRUB PA'I LDOG CHA NAS BSTAN PA'I PHYIR, SKABS DANG PO GSUM DU DNGOS SU BSTAN PA'I SGRUB PA LA MKHYEN PA YUL GYI SGRUB PA ZHES BRJOD PA'I RGYU MTSAN YOD DE, GTZO BOR PHAR PHYIN DRUG GI LDOG CHA NAS DNGOS SU MA BSTAN PAR, SPYIR DGE BA'I MOS KYI RTEN BYED PA'I LDOG CHA NAS DNGOS SU BSTAN PA'I PHYIR TE, GO SGRUB SKABS 'GA' ZHIG MA GTOGS SKABS DANG PO'I GZHUNG DANG SKABS GZHAN GNYIS KYI PHAR PHYIN DRUG NYAMS LEN GYI LDOG CHA NAS DNGOS SU MA BSTAN PA'I PHYIR, SBYOR BA BZHI'I SKABS NAS DNGOS SU BSTAN PA'I SGRUB BA LA SBYOR BA BYE BRAG GI SGRUB PA
ZHES BRJOD PA'I RGYU MTSAN YOD DE, DE RNAMS SU GTZO BOR PHAR PHYIN DRUG NYAMS LEN GYI LDOG CHA NAS DNGOS SU BSTAN BA'I PHYIR TE, SKABS BZHI PAR, SANGS RGYAS SOGS DMIGS DAD PA DANG, ,SBYIN SOGS SPYOD YUL BRTZON 'GRUS DANG, ,ZHES DANG, LNGA PAR, SBYIN PA LA SOGS RE RER NI, ,ZHES SOGS DANG, DRUG PAR, SBYIN PA SHES RAB BAR DAG DANG, ,ZHES SOGS DANG, BDUN PAR, SBYIN PA LA SOGS RE RES KYANG, ,ZHES GSUNGS PA'I PHYIR, SA MTSAMS NI, THEG CHEN GYI TSOGS LAM NAS RGYUN,, MTHA'I BAR DU YOD, GZHUNG DON NI, THEG CHEN SGRUB PA CHOS CAN, KHYOD LA BSTAN TSUL GYI SGO NAS GNYIS SU YOD DE, KHYOD LA MKHYEN PA YUL GYI SGRUB PA DANG, SBYOR BA BYE BRAG GI SGRUB PA GNYIS SU YOD PA'I PHYIR, RO NGA t'IKA PAS, MKHYEN GSUM YUL DU BYAS NAS THOS BSAM GTZO BOR GYUR PA'I SGRUB PA, MKHYEN PA YUL GYI SGRUB PA'I MTSAN NYID, SBYIN SOGS LA GTZO BOR SPYOD PA'I SGRUB PA, SBYOR BA BYE BRAG GI SGRUB PA'I MTSAN NYID, MKHYEN GSUM NYAMS LEN GYI BYA BA NI LTA BA'I NYAMS LEN DANG, SBYOR BZHI NYAMS LEN GYI BYA BA NI SPYOD PA'I NYAMS LEN YIN, ZHES ZER, 'ON THOS BSAM GTZO BOR GYUR PA'I DON SBYIN SOGS SBYOR BAS NYAMS SU MI LEN PAR SHES BYA GTAN LA 'BEB PA'I GNAS SKABS SU GTZO BOR GYUR BA'I SGRUB PA LA BYED DE MA, GTAN LA 'BEB PA'I SBYIN SOGS BSAM PAS YANG DANG YANG DU 'DRIS PAR BYED PA'I GNAS SKABS LA BYED, DANG PO LTAR NA, MKHYEN PA YUL GYI SGRUB PA 'DI LAM MA ZHUGS KYI GNAS SKABS KYI SGRUB PAR 'GYUR PAS, DE RANG GI NGO BO GANG ZHE NA, THAMS CAD MKHYEN PA NYID
, ,GSUM GYI YUL LA, ZHES GSUNGS PA DANG 'GAL, GNYIS PA LTAR NA, DE SBYIN SOGS LA GTZO BOR SBYOR PA'I SGRUB PAR 'GYUR RO, ,GZHAN YANG, DAM BCA' DE MI 'THAD DE, NYAMS LEN DE GNYIS LA LTA SPYOD GTZO BOR GYUR MA? GYUR GYI KHYAD PAR MI 'THAD PA'I PHYIR, KHA CIG ,SBYIN SOGS PHAR PHYIN DRUG GI MGO MIG MA DOD PA'I SEMS DPA'I RNAL 'BYOR, DANG BO'I MTSAN NYID, DE LTAR DOD PA'I SEMS DPA'I RNAL 'BYOR, GNYIS PA'I MTSAN NYID DU GSUNGS PA MI 'THAD DE, DOD MA DOD KYI DON SBYIN SOGS PHAR PHYIN DRUG NYAMS SU LEN 'DOD KYI BSAM PAS ZIN MA ZIN LA BYED NA, MKHYEN PA YUL GYI SGRUB PA LA MA MA ZHUGS KYI GNAS SKABS KYI SGRUB PAR 'GYUR TE, THEG CHEN GYI TSOGS LA MA THOB NA, GO SGRUB THOB PAS KHYAB, GO SGRUB YIN NA, DES ZIN PAS KHYAB PA'I PHYIR, DE PHAR PHYIN DRUG THOB PA LA BYED NA, SBYOR BZHI SBYOR BA BYE BRAG GI SGRUB PA MA YIN PAR 'GYUR TE, THEG CHEN GYI TSOGS LA MA THOB NA, RNAM RDZOGS SBYOR BA THOB PAS KHYAB, BYANG SEMS TSOGS LAM PAS PHAR PHYIN DRUG MA THOB PA'I PHYIR, KHA CIG ,PHAR PHYIN DRUG SO SOR NGES PA'I MTSAN NYID KYIS MA ZIN PA'I SEMS DPA'I RNAL 'BYOR, DANG PO'I MTSAN NYID, DES ZIN PA GNYIS PA'I MTSAN NYID DU 'DOD PA MI 'THAD DE; DE GNYIS YIN KHYAB MNYAM YIN BA'I PHYIR TE, SGRUB PA BZHI PO GANG RUNG YIN NA, MKHYEN PA YUL GYI SGRUB PA YIN PAS KHYAB, SBYOR BA BZHI PO GANG RUNG YIN NA, SBYOR BA BYE BRAG GI SGRUB BA YIN DGOS PA GANG ZHIG ,SGRUB PA BZHI PO GANG RUNG DANG ,SBYOR
PA BZHI PO GANG ? YIN KHYAB MNYAM YIN PA'I PHYIR, ` GNYIS PA SO SO'I DON BSHAD PA LA, THEG CHEN LA GO BGOS PA'I GO SGRUB, DE LA ZHUGS PA'I 'JUG ? DE ZHUGS PA MTHAR PHYIN PAR BYED PA'I TSOGS SGRUB, ZHUGS PA MTHAR PHYIN PA NGES 'BYUNG SGRUB PA BSHAD PA'O, ,DANG PO LA, MDO LAS GSUNGS TSUL, BSTAN BCOS KYIS 'GREL TSUL GNYIS, DANG PO NI, SGRUB BA RANG GI NGO BO 'CHAD PA LA, DE NAS TSE DANG LDAN PA BYAMS MA'I? BU GANG POS BCOM LDAN 'DAS LA 'DI SKAD CES GSOL TO, , BCOM LDAN 'DAS DON GANG GI SLAD DU BYANG CHEN ZHES BGYI BA DE LA BDAG KYANG SPOBS SO, ,BCOM LDAN 'DAS KYIS BKA' STZAL PA, GANG PO KHYOD KYIS SPOBS PA SKYED CIG ,GANG POS GSOL PA BCOM LDAN 'DAS GO CHA CHEN PO BGOS PA'I SEMS CAN 'GAL? TE, BCOM LDAN 'DAS DE NI THEG PA CHEN PO LA YANG DAG PAR ZHUGS PA'I SEMS CAN LA GSAL, DE NI THEG PA CHEN PO LA YANG DAG PAR GNAS PA'I SEMS CAN LAGS TE, DE'I SLAD DU BYANG CHEN ZHES BGYI'O, ,ZHES PA NAS, TSE DANG LDAN PA SH'A RI'I BU DE TZAM GYIS NA BYANG CHEN GO CHA CHEN PO BGOS PA ZHES BYA'O, ,ZHES PA'I BAR GSUNGS, DE YANG GANG POS SEMS DPA' CHEN POR 'JUG PA'I RGYU MTSAN BSHAD PA LAS 'PHROS NAS, SH'A RI'I BU CI TZAM GYIS NA GO CHA CHEN PO BGOS ZHES DRIS PA'I LAN DU GSUNGS SO, ,GNYIS PA LA ? MTSAMS SBYAR, RTZA BA, 'GREL PA DANG GSUM LAS, DANG PO NI, LUS RNAM GZHAG TU, GO CHA 'JUG PA'I BYA BA DANG, ,ZHES 'CHAD NA, THEG CHEN GYI SGRUB PA BZHI'I DANG POR GO SGRUB 'CHAD PA'I RGYU MTSAN GANG ZHE NA, DE'I RGYU MTSAN YOD DE, THEG CHEN GYI SGRUB PA
, ,NYAMS SU LEN PA'I TSE DANG POR DAM PA'I CHOS MTHA' DAG NYAMS SU LEN PAR 'DOD PA'I BSAM PA RGYA CHEN PO'I GO CHA LEGS PAR BGOS PA GCIG DGOS SO, ,ZHES SHES PAR BYA BA'I PHYIR DANG POR GO SGRUB BSHAD BA'I PHYIR, DPER NA, RGYAL PO G-YUL DU 'JUG PA'I THOG MAR RANG NYID KYIS GO LEGS PAR BGOS TE CHAS PA BZHIN NO, ,ZHES MTSAMS SBYOR BA LA, DE LTAR JI LTA BA BZHIN DU SBYOR BA DANG MTHONG BA DANG SGOM BA DANG KHYAD PAR GYI LAM GYI NGO BO NYID KYI SGRUB PA'I MTSAN NYID GO CHA DANG 'JUG PA DANG TSOGS DANG NGES PAR 'BYUNG BA RNAMS KYI NANG NAS, BRTZON 'GRUS KYI NGO BO NYID KYI DANG PO GO CHA'I SGRUB PA GSUNGS PA, ZHES GSUNGS, GNYIS PA NI, MDO DE'I DON 'CHAD PA'I SGO NAS GO SGRUB LA SO DRUG TU PHYE NAS 'CHAD PA LA, DE DAG SO SOR SBYIN LA SOGS, ,ZHES SOGS GSUNGS, DON NI, GO SGRUB CHOS CAN, KHYOD LA SUM CU SO DRUG YOD DE, SBYIN PA'I SBYIN PA'I GO SGRUB NAS SHES RAB KYI SHES RAB KYI GO SGRUB KYI BAR RNAMS SU YOD PA'I PHYIR, GSUM PA LA; DBYE BA DANG, DON BSDU BA GNYIS LAS, DANG PO LA, SBYIN PA LA DRUG TU DBYE BA, LHAG MED DANG MTSUNGS PA GNYIS LAS, DANG PO LA, SBYIN PA'I GO SGRUB DRUG PO STON PA LA, MDO LAS, TSE DANG LDAN PA SH'A RI'I BU GANG BYANG CHEN SHER PHYIN LA SPYOD PA'I TSE SBYIN PA GANG YONGS SU GTONG BA DE DAG RNAM PA THAMS CAD MKHYEN PA NYID DANG LDAN PA'I YID LA BYA BAS YONGS SU GTONG STE, DGE BA'I RTZA BA DE YANG SEMS CAN THAMS CAD DANG THUN MONG DU BYAS SHING, ZHES PA NAS, PHA ROL TU PHYIN PA DE DAG LA
MTSAN MAR MI BYED CING MI DMIGS PA'I TSE, BYANG CHEN SHER PHYIN LA SPYOD PA'I TSE GO CHA CHEN PO BGOS PAR SHES PAR BYA'O, ,ZHES GSUNGS, DE'I DON 'CHAD PA LA, DE DAG SO SOR SBYIN LA SOGS, ZHES SOGS DANG ,CHOS KYI SBYIN PA LA SOGS PA SBYIN PAR BYED PA NA NYAN THOS KYI YID LA BYED PA LA SOGS PA SPONG BA DANG ,SKYE BO THAMS CAD KYIS MI SNYAN PAR SMRA BA NYID BZOD PA DANG, 'DUN PA SKYED PA DANG, THEG PA GZHAN DANG MA 'DRES PA'I RTZE GCIG PA NYID DANG, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA RNAMS GO RIMS BZHIN DU SBYIN PAR BYA BA LA SOGS PA MI DMIGS PA'I GO CHA NYID KYIS BYED PA DANG ,ZHES GSUNGS, GNYIS PA LA, TSUL KHRIMS KYI GO SGRUB DRUG STON PA LA, TSE DANG LDAN PA SH'A RI'I BUG GANG BYANG CHEN TSUL KHRIMS KYI PHYI ROL TU PHYIN PA LA SPYOD CING RNAM MKHYEN DANG LDAN PA'I YID LA BYA BAS SBYIN PA GANG YONGS SU GTONG BA DE DAG THAMS CAD SEMS CAN THAMS CAD DANG THUN MONG DU BYAS SHING, ZHES PA NAS, PHA ROL TU PHYIN PA DRUG PO THAMS CAD YONGS SU 'DZIN TE, DE'I PHYIR GO CHA TSE MA PO BGOS ZHES BYA'O, ,ZHES GSUNGS, DE'I DON 'CHAD PA LA, DE BZHIN DU TSUL KHRIMS SRUNG BAR BYED, CES GSUNGS, BZOD PA'I GO SGRUB DRUG STON PA LA, TSE DANG LDAN PA SH'A RI'I BU GANG BYANG CHEN BZOD PA'I PHA ROL TU PHYIN PA LA SPYOD CING, NYAN THOS DANG RANG SANGS RGYAS DANG LDAN BA'I YID LA BYA BAS MA YIN GYI, RNAM PA THAMS CAD MKHYEN PA NYID DANG LDAN PA'I YID LA BYA BAS SBYIN PA YONGS SU GTONG ZHING, ZHES PA NAS, BYANG CHEN BZOD PA'I PHA ROL TU PHYIN PA LA DE LTAR SPYOD PA NI PHA ROL TU PHYIN PA DRUG PO
, ,THAMS CAD YONGS SU 'DZIN TE, DE'I PHYIR GO CHA CHEN PO BGOS ZHES BYA'O, ,ZHES GSUNGS, DE'I DON 'CHAD PA LA, BZOD BA RDZOGS PAR BYED, CES GSUNGS, BRTZON 'GRUS KYI GO SGRUB DRUG STON PA LA, TSE DANG LDAN PA SH'A RI'I BU GANG BYANG CHEN BRTZON 'GRUS KYI PHA ROL TU PHYIN PA LA SPYOD CING, NYAN THOS DANG RANG SANGS RGYAS DANG LDAN PA'I YID LA BYA BAS MA YIN GYI, RNAM MKHYEN DANG LDAN PA'I YID LA BYA BAS SBYIN PA YONGS SU GTONG ZHING DGE BA'I RTZA BA DE YANG, ZHES PA NAS, BYANG CHEN DE LTAR BRTZON 'GRUS KYI PHAR PHYIN LA SPYOD PA NI PHAR PHYIN DRUG PO THAMS CAD YONGS SU 'DZIN TE, DE'I PHYIR GO CHA CHEN PO BGOS ZHES BYA'O, ,ZHES GSUNGS, DE'I DON 'CHAD PA LA, BRTZON 'GRUS RTZOM, ZHES GSUNGS ,BSAM GTAN GYI GO SGRUB DRUG STON PA LA, TSE DANG LDAN PA SH'A RI'I BU GANG BYANG CHEN BSAM GTAN GYI PHAR PHYIN LA SPYOD CING NYAN THOS DANG RANG SANGS RGYAS DANG LDAN PA'I YID LA BYA BAS MA YIN GYI, RNAM MKHYEN DANG LDAN PA'I YID LA BYA BAS SBYIN PA YONGS SU GTONG ZHING, ZHES PA NAS, BYANG CHEN BSAM GTAN GYI PHAR PHYIN LA DE LTAR SPYOD PA NI PHA ROL TU PHYIN PA DRUG PO THAMS CAD YONGS SU 'DZIN TE, DE'I PHYIR GO CHA CHEN PO BGOS ZHES BYA'O, ,ZHES GSUNGS, DE'I DON 'CHAD PA LA ,BSAM GTAN SGRUB, CES GSUNGS, SHES RAB KYI GO SGRUB DRUG STON PA LA, TSE DANG LDAN PA SH'A RI'I BU GANG BYANG CHEN SHER PHYIN LA SPYOD CING NYAN THOS DANG, ZHES PA NAS, DE LTAR BYANG CHEN PHAR PHYIN RE RE LA GNAS NAS PHAR PHYIN DRUG YONGS SU RDZOGS PAR BYED PA YIN NO, ,ZHES GSUNGS, DE'I DON 'CHAD PA LA, SHES RAB BSGOM PAR BYED DO, ,ZHES GSUNGS, GNYIS PA STON PA LA, DE LTAR SBYIN PA LA SOGS PA'I PHA ROL TU
PHYIN PAS SO SOR SBYIN PA LA SOGS PA BSDUS PAS NA, DRUG TSAN DRUG GI RNAM PA SUM CU RTZA DRUG YIN MOD KYI SBYIN PA LA DRUG GO, ZHES GSUNGS, 'DI'I SKABS SU MTHA' DPYAD PA LA, MTSAN DRUG GO, ZHES GSUNGS, 'DI'I SKABS SU MTHA' DPYAD PA LA, MTSAN NYID ,DBYE BA, PHYE BA SO SO'I NGO BO, GRANGS NGES PA, GO RIMS NGES PA, SGRUB PA'I TSUL, SGRUB PA'I 'BRAS BU ,SGRA BSHAD PA, ZHAR BYUNG BSDU DNGOS BZHI BSHAD PA'O, ,DANG PO NI, SBYIN SOGS PHAR PHYIN RE RE'I NANG DU PHAR PHYIN DRUG DRUG TSANG BAR BSDUS NAS NYAMS SU LEN PAR 'DOD PA'I BSAM PA'I BYA BA RGYA CHEN POS ZIN PA'I SEMS DPA'I RNAL 'BYOR, GO SGRUB KYI MTSAN NYID, KHA CIG ,SBYIN SOGS PHAR PHYIN DRUG LDAN DU NYAMS SU LEN PA'I BSAM PA'I BRTZON 'GRUS GTZO BOR GYUR PA'I SEMS DPA'I RNAL 'BYOR, DE'I MTSAN NYID ZER BA MI 'THAD DE, DE LTAR NYAMS SU LEN PA'I SBYOR BA'I BRTZON 'GRUS GTZO BOR GYUR PA'I THEG CHEN SBYOR LAM YOD PA'I PHYIR, KHA CIG, SBYIN SOGS PHAR PHYIN RE RE'I NANG DU DRUG DRUG TSANG BAR BSDUS NAS NYAMS SU LEN PA'I SHES RAB KYIS ZIN PA'I SEMS DPA'I RNAL 'BYOR ZER BA MI 'THAD DE, STONG NYID RTOGS MA MYONG BA'I BYANG SEMS TSOGS LAM PA'I RGYUD KYI KUN RDZOB SEMS BSKYED KYIS MA NGES PA'I PHYIR, GNYIS PA LA, DE LA SBYIN PA'I SBYIN PA'I GO SGRUB NAS, SHES RAB KYI SHES RAB KYI GO SGRUB KYI BAR SO DRUG YOD DE ,SA MTSAMS THEG CHEN GYI TSOGS LAM NAS RGYUN MTHA'I BAR DU YOD ,GSUM PA LA, SBYIN SOGS DRUG YOD LA, GTONG BA'I SEMS PA, SBYIN PA'I NGO BO, DE LA RTEN GYI SGO NAS KHYIM PA'I RTEN LA GTZO BOR NYAMS
, ,SU BLANG BAR BYA BA ZANG ZING GI SBYIN PA, RAB BYUNG GI RTEN LA GTZO BOR NYAMS SU BLANG BAR BYA BA CHOS KYI SBYIN PA DANG, DE GNYIS KA'I RTEN LA GTZO BOR NYAMS SU BLANG BAR BYA BA MI 'JIGS BA'I SKYABS KYI SBYIN PA RNAMS SU YOD; DES NA BYANG SEMS 'PHAGS PA'I RGYUD KYI SBYIN PA CHOS CAN, KHYAD CHOS GSUM DANG LDAN TE, RANG GI MI MTHUN PHYOGS SER SNA 'JOMS PAR NUS PA, GROGS CHOS KYI BDAG TU RNAM PAR MI RTOG BA'I YE SHES KYIS ZIN PA, BYED LAS GZHAN GYI 'DOD PA THAMS CAD YONGS SU RDZOGS PAR BYED CING, SEMS CAN DPAG TU MED PA SMIN PAR BYED PA'I KHYAD CHOS DANG LDAN PA'I PHYIR TE, MDO SDE'I RGYAN LAS, SBYIN PA MI MTHUN PHYOGS NYAMS DANG, ,RNAM PAR MI RTOG YE SHES LDAN, ,'DOD PA THAMS CAD YONGS RDZOGS BYED, ,SEMS CAN SMIN BYED RNAM PA GSUM, ,ZHES GSUNGS PA'I PHYIR, SPONG BA'I SEMS PA, TSUL KHRIMS KYI NGO BO, DE LA NGO BO'I SGO NAS NYES SPYOD SDOM PA'I TSUL KHRIMS, DGE BA CHOS SDUD KYI TSUL KHRIMS, ,SEMS CAN DON BYED KYI TSUL KHRIMS GSUM YOD, BYANG SEMS 'PHAGS PA'I RGYUD KYI TSUL KHRIMS CHOS CAN, KHYAD CHOS GSUM DANG LDAN TE, RANG GI MI MTHUN PHYOGS 'CHAL KHRIMS NYAMS PAR BYED, GROGS CHOS KYI BDAG TU RNAM PAR MI RTOG PA'I YE SHES KYIS ZIN PA, BYED LAS GZHAN LA NYER 'TSE SPONG BAS SEMS CAN SMIN PAR BYED PA'I KHYAD CHOS DANG LDAN PA'I PHYIR, MI 'KHRUGS PA'I SEMS PA, BZOD PA'I NGO BO, DBYE NA, GNOD PA LA JI MI SNYAM PA'I BZOD PA, SDUG BSNGAL DANG LEN GYI BZOD PA,
CHOS LA NGES PAR SEMS PA'I BZOD PA RNAMS SU YOD, BYANG SEMS 'PHAGS PA'I RGYUD KYI BZOD PA CHOS CAN, KHYAD CHOS GSUM DANG LDAN TE, RANG GI MTHUN PHYOGS KHONG KHRO NYAMS BAR BYED, GROGS RNAM PAR MI RTOG BA'I YE SHES KYIS ZIN PA, BYED LAS GZHAN GYI GNOD PA BZOD PA'I SGO NAS SEMS CAN SMIN PAR BYED BA'I KHYAD CHOS DANG LDAN PA'I PHYIR, DGE BA LA SPRO BA'I SEMS PA, BRTZON 'GRUS KYI NGO BO, DBYE NA, GO CHA'I ? SBYOR BA'I BRTZON 'GRUS, SEMS CAN DON BYED KYI BRTZON 'GRUS, MZHUM? PA'I BRTZON 'GRUS SOGS DU MA YOD, BYANG SEMS 'PHAGS PA'I RGYUD KYI BRTZON 'GRUS CHOS CAN, KHYAD CHOS GSUM DANG LDAN TE, RANG GI MI MTHUN PHYOGS LE LA? NYI MA BYED GROGS RNAM PAR MI RTOG PA'I YE SHES KYIS ZIN PA, BYED LAS DGE BA'I CHOS GONG 'PHEL DU BYED CING, SEMS CAN RNAMS KYI LAS SU BYA BA'I GROGS BYED PA'I SGO NAS SEMS CAN SMIN PAR BYED PA'I KHYAD CHOS DANG LDAN PA'I PHYIR, SEMS DGE BA'I DMIGS PA LA RTZE GCIG TU GNAS BAS RAB TU PHYE BA'I SGOM BYUNG GI RIG PA; BSAM GTAN GYI NGO BO, DBYE NA, NGO BO'I SGO NAS 'JIG RTEN PA DANG 'JIG RTEN LAS 'DAS PA'I BSAM GTAN GNYIS, BYED LAS KYI SGO NAS MTHONG CHOS LA BDER GNAS KYI BSAM GTAN, YON TAN MNGON PAR SGRUB PA'I BSAM GTAN, SEMS CAN DON BYED KYI BSAM GTAN GSUM DU YOD DO, ,BYANG SEMS 'PHAGS PA'I RGYUD KYI BSAM GTAN CHOS CAN, KHYAD CHOS GSUM DANG LDAN TE, RANG GI MI MTHUN PHYOGS RNAM G-YENG NYAMS PAR BYED, GROGS RNAM PAR MI RTOG PA'I YE SHES KYIS
, ,ZIN PA, BYED LAS SEMS DGE BA'I DMIGS PA LA RTZE GCIG TU BYED CING SEMS LAS RUNG DU BYAS PA'I SGO NAS SPRUL BA BYAS NAS SEMS CAN LA GANG 'DOD 'DOD SPRUL NAS SEMS CAN RNAMS SMIN PAR BYED PA'I KHYAD CHOS DANG LDAN PA'I PHYIR; CHOS RAB TU RNAM 'BYED KYI RIG PA, SBYIN SOGS DRUG GI ZLAS PHYE BA'I SHES RAB KYI NGO BO, DBYE NA, KUN RDZOB SHES PA'I SHES RAB, DON DAM SHES PA'I SHES RAB, SEMS CAN DON BYED KYI SHES RAB RNAMS SU YOD PA'I PHYIR, BYANG SEMS 'PHAGS PA'I RGYUD KYI SHES RAB CHOS CAN, KHYAD CHOS GSUM DANG LDAN TE, RANG GI MI MTHUN PHYOGS SHES RAB 'CHAL BA 'JOMS PAR BYED, GROGS BSOD NAMS KYI TSOGS KYIS ZIN, BYED LAS RIG PA'I GNAS RNAMS LA MKHAS PAR BYAS TE THOS BSAM GYIS DPYOD PA'I SGO NAS SEMS CAN SMIN PAR BYED PA'I KHYAD CHOS DANG LDAN PA'I PHYIR, BZHI PA GRANGS NGES LA, MNGON MTHO DANG NGES LEGS LA LTOS TE SBYIN SOGS DRUG TU GRANGS NGES PA YIN TE, DANG PO BZHIS MNGON MTHO DANG, THA MA GNYIS NGES LEGS KYI GO 'PHANG THOB PAR BYED PA'I PHYIR TE, MDO SDE'I RGYAN LAS, LONGS SPYOD DANG LUS PHUN SUM TSOGS PA DANG, ,'KHOR BRTZON PHUN SUM TSOGS PA MNGON MTHO DANG, ,RTAG TU NYON MONGS DBANG NYID MI 'GRO DANG, ,BYA BA RNAMS LA PHYIN CI MA LOG PA'O, ,ZHES GSUNGS, DON GNYIS SGRUB PA'I DBANG DU BYAS NAS KYANG DER GRANGS NGES TE, DANG PO GSUM GYIS GZHAN DON NAS KYANG DER GRANGS NGES TE, DANG PO GSUM GYIS GZHAN DON LAS, SEMS CAN DON LA RAB BRTZON PA, ,GTONG DANG MI
GNOD BZOD PAS BYED, ,GNAS DANG GROL BA GZHIR BCAS PAS, ,RANG DON RNAM PA THAMS CAD SPYOD, ,CES GSUNGS PA'I PHYIR, GZHAN DON RNAM PA THAMS CAD LA LTOS NAS KYANG DER GRANGS NGES TE, SBYIN BAS LONGS SPYOD KYIS MI 'PHONGS BAR BYED, TSUL KHRIMS KYIS RNAM PAR MI 'TSE, BZOD PAS RNAM 'TSE BZOD, BRTZON 'GRUS KYIS GZHAN DON LA MI SKYO, BSAM GTAN GYIS GZHAN DGA' BAR BYED, SHES RAB KYIS CHOS LEGS PAR BRJOD PAR NGES PA'I PHYIR TE, DE NYID LAS, MI 'PHONGS PA DANG RNAM PAR MI 'TSE DANG, ,RNAM 'TSE BZOD DANG BYA BAS MI SKYO DANG, ,DGA' BYED LEGS BAR BRJOD PA DE YI PHYIR, ,GZHAN GYI DON NI RANG GI DON YIN NO, ,ZHES GSUNGS PA'I PHYIR, THEG CHEN MTHA' DAG SDUD PA'I SGO NAS DER GRANGS NGES TE; BYANG SEMS KYI SBYIN PAS LONGS SPYOD LA MNGON BAR MI DGA', TSUL KHRIMS KYIS SGRUB PA LA RAB TU GUS, BZOD BRTZON GNYIS KYIS DON LA MI SKYO, BSAM GTAN GYIS RNAM PAR MI RTOG ,SHES RAB KYIS MTSAN MAR MI 'DZIN PA'I PHYIR TE, DE NYID LAS, LONGS SPYOD MNGON PAR MI DGA' DANG, ,RAB GUS GNYIS LA MI SKYO DANG, ,RNAL 'BYOR RNAM PAR MI RTOG PA, ,THEG PA THAMS CAD 'DIR ZAD DO, ,ZHES GSUNGS PA'I PHYIR, LAM THAMS CAD SDUD PA'I DBANG DU BYAS NAS KYANG DER GRANGS NGES TE, SBYIN PA NI MA CHAGS PA'I LAM DANG, TSUL KHRIMS NI DE THOB PA'I RNAM G-YENG GI SGO SDOM BA'I LAM DANG, BZOD BA SEMS CAN LA MI GNOD PA'I LAM DANG, BRTZON 'GRUS DGE BA 'PHEL BA'I LAM DANG, PHYI MA GNYIS SGRIB PA RNAM PAR SBYONG BA'I LAM YIN PA'I PHYIR
, ,TE, DE NYID LAS, YUL RNAMS LA NI MA CHAGS LAM, ,DE THOB RNAM G-YENG SDOM BA GZHAN, ,SEMS CAN MI GTONG 'PHEL BA DANG, SGRIB BA RNAM PAR SBYONG BAS GZHAN, ,ZHES GSUNGS PA'I PHYIR, BSLAB PA GSUM LA LTOS NAS KYANG DER GRANGS NGES TE, DANG PO GSUM TSUL KHRIMS KYI BSLAB PA, LNGA PA TING NGE 'DZIN GYI BSLAB PA, DRUG PA SHES RAB KYI BSLAB PA, BRTZON 'GRUS DE THAMS CAD KYI KHONGS SU GTOGS TE, BRTZON 'GRUS LA BRTEN NAS DGE BA'I CHOS MTHA' DAG NYAMS SU LEN DGOS PA'I PHYIR TE, DE NYID LAS, BSLAB GSUM DBANG DU MDZAD NAS NI, ,RGYAL BAS PHA ROL PHYIN PA DRUG ,YANG DAG BSHAD DE DANG PO GSUM, ,THA MA GNYIS NI RNAM PA GNYIS, ,GCIG NI GSUM CHAR LA YANG GTOGS, ,ZHES GSUNGS BA'I PHYIR, LNGA PA LA SBYIN SOGS DRUG GI GO RIMS 'DI LTAR NGES PA'I RGYU MTSAN YOD DE, SKYE BA'I RIM PA DANG, DMAN MCHOG GI RIM PA DANG, PHRA RAGS KYI RIM PA GSUM GYI DBANG DU BYAS TE 'DI LTAR BSTAN PA'I PHYIR, DANG PO GRUB STE, LONGS SPYOD LA MI LTA BAR SBYIN PA GTONG BA NA TSUL KHRIMS LEN, TSUL KHRIMS DANG LDAN NA GZHAN GYI GNOD PA BZOD, BZOD PA DANG LDAN NA BRTZON 'GRUS RTZOM, BRTZON 'GRUS DANG LDAN NA TING NGE 'DZIN SKYE, SEMS MNYAM PAR BZHAG NA SHES BYA JI LTA BA BZHIN SHES PAR 'GYUR BA'I PHYIR, GNYIS PA GRUB STE, SNGA MA SNGA MA LAS PHYI MA PHYI MA MCHOG TU GYUR PA'I PHYIR, GSUM PA GRUB STE, SBYIN SOGS 'JUG SNGA MA RNAMS NYAMS SU LEN PA LA 'JUG BA GLE? ZHING PHYI MA RNAMS NYAMS SU LEN PA LA 'JUG PA CHES SHIN TU DKA' BA'I PHYIR TE, DE NYID LAS, SNGA MA LA
BRTEN PHYI MA SKYE, ,DMAN DANG MCHOG TU GNAS PHYIR DANG, ,RAGS PA DANG NI PHRA BA'I PHYIR, ,'DI DAG RIM BZHIN BSTAN PA YIN, ,ZHES GSUNGS PA'I PHYIR, DRUG? PA SGRUB TSUL LA, BYANG CHUB SEMS DPAS SBYIN SOGS DRUG LA JI LTAR SPYOD TSUL YOD DE, MDO SDE'I RGYAN LAS, RE BA MED PA'I SBYIN PA DANG, ,YANG SRID MI 'DOD TSUL KHRIMS DANG, ,THAMS CAD LA NI BZOD PA DANG, ,YON TAN KUN 'BYUNG BRTZON 'GRUS DANG, ,DE NI BSAM GTAN GZUGS MED MIG ,SHES RAB THABS DANG LDAN PA YI, ,PHA ROL PHYIN PA DRUG PO LA, ,BRTEN PA RNAMS KYIS YANG DAG SBYOR, ,ZHES GSUNGS PA LTAR BSGRUB PAR BYA BA YIN PA'I PHYIR, YANG MKHAS PA BYANG CHUB SEMS DPAS SBYIN PA YANG DAG PAR BYED TSUL YOD DE, NGO BO RGYU 'BRAS LAS LDAN 'JUG PA'I RAB DBYE STE DRUG LAN? DU NYAMS SU LEN PA'I PHYIR, KHYAD PAR DRUG PO DE YANG YOD DE, NGO BO NI GTONG BA'I SEMS PA RGYUN CHAGS PA, RGYU MA CHAGS PA'I SEMS PA, SBYIN 'BRAS LUS LONGS SPYOD PHUN SUM TSOGS PA, BYED LAS RANG GZHAN RJES SU 'DZIN PA DANG TSOGS YONGS SU RDZOGS PAR BYED PA, SER SNA SPANGS PA'I YON TAN DANG LDAN PA, RAB DBYE CHOS DANG ZANG ZING DANG MI 'JIGS PA'I SBYIN PA GSUM GYI DBYE BA RNAMS DANG LDAN PA STE, DE NYID LAS, DON RNAMS GTONG BAR BYED PA DANG, ,RTZA BA SEMS LA BRTEN PA DANG, ,LUS DANG LONGS SPYOD PHUN TSOGS DANG, ,GNYIS RJES 'DZIN DANG RDZOGS BYED DANG; ;DE YANG SER SNA MED LDAN PAR, ,CHOS DANG ZANG ZING MI 'JIGS GTONG, ,SBYIN PA DE 'DRAR YONGS SHES NAS, ,MKHAS PAS YANG DAG SGRUB PAR BYED, ,CES GSUNGS PA'I PHYIR, DES TSUL KHRIMS JI LTAR SGRUB PA'I TSUL YOD DE, NGO BO YAN? LAG
, ,GIS ZIN PA'I SPONG SEMS, RGYU NGES 'BYUNG, 'BRAS BU BDE 'GROR GNAS PA, BYED LAS RTEN DANG ZHI BA DANG 'JIGS PA MED PA, BSOD NAMS KYI TSOGS SNA TSOGS DANG LDAN PA, BRDAR BTAGS PA SO THAR GYI TSUL KHRIMS DANG, CHOS NYID KYIS THOB PA BSAM GTAN DANG ZAG MED KYI TSUL KHRIMS KYI RAB DBYE DANG LDAN PA'I KHYAD PAR DRUG LDAN DU NYAMS SU LEN PA'I PHYIR TE, DE NYID LAS, YAN LAG DRUG ZHI BSAM PAS ZIN, ,BDE 'GRO GNAS PA SBYIN BYED DANG, ,RTEN DANG ZHI DANG 'JIGS PA MED, ,BSOD NAMS TSOGS DANG LDAN PA DANG, ,BRDAR BTAGS CHOS NYID THOB PA STE, ,SDOM LAG NAS PA RNAMS LA YOD, ,TSUL KHRIMS DE 'DRAR YONGS SHES NAS, ,MKHAS PA YANG DAG SGRUB PAR BYED; ;CES GSUNGS PA'I PHYIR, DES BZOD PA JI LTAR SGRUB TSUL YOD DE, NGO BO RGYU 'BRAS LAS LDAN 'JUG PA'I RAB DBYE STE DRUG LDAN DU SGRUB PA'I PHYIR, NGO BO MI 'KHRUGS PA'I SEMS PA, RGYU SNYING RJE CHEN PO, 'BRAS BU TSUL KHRIMS YANG DAG PAR LEN PA DANG THOB PA 'KHON DANG DBYEN MI MNGA' BA, BYED LAS RANG GZHAN GYI DON BYED PA, DKA' THUB KYI GTZO BOR GYUR PA SOGS DANG LDAN PA, GNOD PA LA CI MI SNYAM, CHOS LA NGES RTOGS, SDUG BSNGAL DANG LEN GYI BZOD PA'I RA BA DBYE STE DRUG LDAN DU NYAMS SU LEN PA'I PHYIR TE, DE NYID LAS, MI MDZAD CI MI SNYAM SHES DANG, ,SNYING RJE CHOS LA BRTEN PA'I PHYIR, ,PHAN YON LNGA NI YANG DAG BSHAD, ,DE NI GNYIS KYI DON BYED DE, ,DKA' THUB GTZO DANG KUN DU LDAN, ,DE LA DE NI RNAM GSUM 'DOD, ,
BZOD PA DE 'DRAR YONGS SHES NAS, ,MKHAS PAS YANG DAG SGRUB PAR BYED, ,CES GSUNGS PA'I PHYIR, DES BRTZON 'GRUS DE YANG NGO BO RGYU 'BRAS LAS LDAN 'JUG PA'I RAB DBYE SOGS KYI SGO NAS NYAMS SU LEN PAR BYED DE, NGO BO DGE BA LA YANG DAG PAR SPRO BA'I SEMS PA, RGYU DAD BA DANG 'DUN PA, 'BRAS BU DRAN SOGS KYI YON TAN GONG DU 'PHEL BA, BYED LAS KUN NAS NYON MONGS PHYOGS SPONG BA, MA CHAGS PA SOGS KYI YON TAN DANG LDAN PA, RAB DBYE LUS NGAG YID GSUM DANG GO CHA'I BRTZON 'GRUS SOGS STE DRUG LDAN DU NYAMS SU LEN BA'I PHYIR TE, DE NYID LAS, DGE LA YANG DAG SPRO BA DANG, ,DAD DANG 'DUN LA BRTEN PA DANG, ,DRAN SOGS YON TAN 'PHEL BYED DANG, ,KUN NAS NYON MONGS GNYEN PO DANG, ,MA CHAGS LA SOGS YON TAN LDAN, ,DE DAG LA NI DE RNAMS LDAN, ,BRTZON 'GRUS DE 'DRAR YONGS SHES NAS, ,MKHAS PAS YANG DAG SGRUB PAR BYED, ,CES GSUNGS PA'I PHYIR, DES BSAM GTAN DE YANG NGO BO RGYU 'BRAS LAS LDAN 'JUG BA'I RAB DBYE STE DRUG LDAN DU SGRUB PAR BYED DE, NGO BO SEMS NANG DU DMIGS PA LA YANG DAG PAR 'DZIN PA'I RANG BZHIN CAN, ,DAD BRTZON KHYAD PAR CAN, 'BRAS BU BSAM GTAN LA BRTEN NAS THOB PA'I BDE BSKYED PAR BYED PA, BYED LAS MNGON PAR SHES PA SOGS LA DBANG DU BSGYUR BA, CHOS THAMS CAD KYI GTZO BOR GYUR PA'I YON TAN DANG LDAN PA, MTHONG CHOS LA BDE BAR GNAS PA, BSAM GTAN SOGS KYI RAB DBYE STE DRUG LDAN DU NYAMS SU LEN PA'I PHYIR TE, DE NYID LAS, SEMS NI NANG DU GNAS PA DANG, ,DRAN DANG BRTZON 'GRUS LA BRTEN PA, ,BDE BSKYED PAR BYED PA
, ,DANG; ;MNGON SHES GNAS LA DBANG BSGYUR BA, ,CHOS RNAMS KYI NI GTZO BO STE, ,DE DAG LA YOD DE RNAM GSUM, ,BSAM GTAN DE 'DRAR YONGS SHES NAS, ,MKHAS PAS YANG DAG SGRUB PAR BYED, ,CES GSUNGS PA'I PHYIR, DES SHES RAB DE YANG NGO BO RGYU 'BRAS LAS LDAN 'JUG PA'I RAB DBYE STE DRUG LDAN DU SGRUB PAR BYED DE, NGO BO CHOS RAB TU RNAM 'BYED KYI RIG PA, RGYU TING NGE 'DZIN, 'BRAS BU NYON MONGS PA LAS GROL BA, BYED LAS SHES RAB KYI 'TSO BAS 'TSE ZHING LEGS BSHAD SGROG PA, CHOS THAMS CAD KYI MCHOG TU GYUR PA'I YON TAN DANG LDAN PA, RAB DBYE KUN RDZOB SHES PA'I SHES RAB SOGS TE DRUG LDAN DU NYAMS SU LEN PA'I PHYIR TE, DE NYID LAS, SHES BYA YANG DAG RAB RNAM 'BYED, , TING NGE 'DZIN LA BRTEN PA DANG, ,KUN NAS NYON MONGS SHIN TU GROL, ,SHES RAB 'TSO BA LEGS BSHAD DANG, ,CHOS RNAMS KYI NI MCHOG YIN TE, ,DE DAG LA YOD DE RNAM GSUM, ,SHES RAB DE 'DRAR YONGS SHES NAS, ,MKHAS PAS YANG DAG SGRUB PAR BYED, ,CES GSUNGS PA'I PHYIR, GZHAN YANG, BYANG CHUB SEMS DPAS SBYIN SOGS DRUG PO RE RE? YANG DAM PA DRUG LDAN DU SGRUB PAR BYED DE, RTEN DAM PA BYANG CHUB KYI SEMS LA BRTEN NAS, DNGOS PO DAM PA DNGOS PO THAMS CAD LA SPYOD PA, CHED DU BYA BA DAM PA SEMS CAN GYI DON DU SPYOD PA, THABS MKHAS DAM PA 'KHOR GSUM RNAM PAR MI RTOG PA'I SHES RAB KYIS ZIN PA, BSNGO BA DAM PA RDZOGS BYANG DU BSNGO BA, DGE PA DAM PA SGRIB PA DAG PAR BYED PA'I DAM PA
DRUG LDAN DU SGRUB PAR BYED PA'I PHYIR, BDUN PA SGRUB PA'I 'BRAS BU NI, BSHAD MA THAG PA'I 'BRAS BU DE DAG DANG, RIN CEN PHRENG PA LAS, SPYIN PAS LONGS SPYOD KHRIMS KYIS BDE, ,BZOD PAS MDANGS GSAL BRTZON PAS BRJID, ,BSAM GTAN GYIS ZHI BLO YIS GROL, ,SNYING RJE BAS? NI DON KUN 'GRUB, ,BDUN PO 'DI DAG MA LUS PA, ,CI CAR PHA ROL PHYIN PA YIS, ,YE SHES BSAM MI KHYAB PA'I YUL, ,RNAM PA THAMS CAD MKHYEN NYID THOB, ,CES GSUNGS PA LTAR RO, ,BRGYAD PA SGRA BSHAD PA NI; DBUL BA DOR BAS SBYIN PA, NYON MONGS PA'I TSA GDUNG SEL BAS TSUL KHRIMS, KHONG KHRO'I GNOD PA BZOD PAS BZOD PA, YON TAN MCHOG LE? SBYOR BAS BRTZON 'GRUS, YID DMIGS PA LA 'DZIN PAS BSAM GTAN, DON SHES PAS SHES RAB CES BYA STE, MDO SDE'I RGYAN LAS, DBUL BA DOR BAR BYED PA DANG, ,BSIL BA THOB DANG KHONG KHRO BZOD, ,MCHOG SBYOR BA DANG YID 'DZIN DANG, ,DON DAM SHES PA'I PHYIR BSHAD DO, ,ZHES GSUNGS PA'I PHYIR, DGU PA NI, BSDU BA'I DNGOS PO LA BZHIR YOD DE, DE LA SBYIN PA, SNYAN BAR SMRA BA, GDUL BYA'I DON SPYOD PA, DON MTHUN PA RNAMS SU YOD PA'I PHYIR TE, MDO SDE'I RGYAN LAS, SBYIN MA TSUNGS DE STON LEN 'JUG DANG, ,BDAG NYID RJES SU 'JUG RNAMS KYI, ,SNYAN PAR SMRA DANG DON SPYOD DANG, ,DON MTHUN NYID DU MDZAD PA YIN, ,ZHES GSUNGS PA DANG, SLOB DPON RTA DBYANGS KYIS, SBYIN PA'I G-YAB MOS LEGS BOS NAS, ,SNYAN PAR SMRA BA'I GTAM BYA STE, ,DON SPYOD PA YIS BAG PHAB NAS, ,DON MTHUN GROS CHEN
, ,'DEBS PAR BYED, ,CES GSUNGS BLTAR RO, ` ,GNYIS PA 'JUG SGRUB BSHAD PA LA, MDO LAS GSUNGS TSUL DANG, DE'I DON BSTAN BCOS KYIS 'GREL TSUL GNYIS LAS, DANG PO NI, YUM PAR MAR, SH'A RI'I BUS SMRAS PA, TSE DANG LDAN PA GANG PO CI TZAM GYIS NA BYANG CHUB SEMS DPA' SEMS DPA' CHEN PO THEG PA CHEN PO LA YANG DAG PAR 'JUG PA DANG, THEG PA CHEN PO LA 'JOG PAR 'GYUR BA YIN, GANG POS? SMRAS PA, TSE DANG LDAN PA SH'A RI'I BU 'DI LA BYANG CHEN SBYIN PA'I PHA ROL TU PHYIN PA LA SPYOD CING 'DOD PAS DBEN SDIG TO MI DGE BA'I CHOS KYIS DBEN PA RTOG PA DANG DPYOD BA DANG BCAS PA DBEN PA LAS SKYE BA'I DGA' BA DANG BDE BA CAN BSAM GTAN DANG PO NYE BAR BSGRUBS TE GNAS SO, , DE BZHIN DU BSAM GTAN GNYIS PA DANG GSUM PA DANG BZHI PA NYE BAR BSGRUBS TE GNAS SO, ,DE BZHIN DU NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED, 'DU SHES MED MIN GYI SKYE MCHED LA SNYOMS PAR 'JUG PA STE, 'DI DAG NI BYANG CHEN BSAM GTAN DANG GZUGS MED PA LA 'JUG PA LA ZHES PA NAS, TSE DANG LDAN PA SH'A RI'I BU DE LTAR NA BYANG CHEN THEG PA CHEN PO LA YANG DAG PAR 'JOG PA ZHES BYA'O, ZHES PA'I BAR GSUNGS, GNYIS PA NI, DE'I DON BSHAD PA LA, BSAM GTAN GZUGS MED SBYIN SOGS DANG, ,ZHES SOGS RTZA 'GREL RNAMS GSUNGS, DE YANG MA DE'I 'PHROS TSUL NI, GONG DU BYANG? CHEN THEG PA CHEN PO LA
'JUG PA DANG, 'DZEG PAR MANG DU GSUNGS PA LAS 'PHROS NAS, SH'A RI'I BUS THEG CHEN LA 'JUG PA DANG 'JOG PA GANG ZHES DRIS PA'I LAN DU, GANG POS MDO TSAN DANG PO LNGA THEG PA CHEN PO LA 'JUG PA DANG, PHYI MA BZHI 'JOG PA'I SGRAS BSHAD NAS BSTAN, BSTAN BCOS SU 'PHROS TSUL LA YANG, 'O NA, GO SGRUB KYI MJUG THOGS DE MA THAG TU 'JUG SGRUB 'CHAD PA'I RGYU MTSAN CI YIN ZHE NA, DE'I RGYU MTSAN YOD DE, SNGAR BSHAD PA DE LTAR GO BGOS PA LA 'JUG PA 'GYUR PA'I RGYU MTSAN GYIS DE LTAR BSTAN PA'I PHYIR, DPER NA RGYAL PO G-YUL DU 'JUG PA'I TSE DANG POR RANG NYID KYIS GO LEGS PAR BGOS PA DE'I RJES SU G-YUL NGO LA SPROD PA'I LAM DU 'JUG PA BZHIN NO, ,ZHES MTSAMS SBYOR BA LA, DE LTAR GO BGOS PA LA 'JUG PA 'BYUNG BAS, GNYIS PA 'JUG PA'I SGRUB PA, ZHES GSUNGS, 'O NA 'JUG SGRUB DE GANG ZHE NA, DE STON PA LA, BSAM GTAN GZUGS MED SBYIN SOGS DANG, ,ZHES SOGS RKANG PA BRGYAD GSUNGS, DE NYID TSIG DON GYI SGO NAS BSHAD PA LA; BSAM GTAN DANG, ZHES SOGS GSUNGS, BSDUS DON GYI SGO NAS BSHAD PA LA, THEG PA CHEN PO'I CHOS MTHA' DAG GNON PA'I NGO BO NYID YIN PAS 'JUG PA'I SGRUB BA RNAM PA DGU'O, ,ZHES GSUNGS, 'DI'I 'JUG PA DANG, 'JEG PA'I KHYAD PAR GANG ZHE NA, NYI SNANG LAS 'DI GNYIS RNAM GRANGS SU BSHAD LA, RGYAN SNANG LAS ZHUGS PA DANG GNAS PA GNYIS DANG POR THOB PA DANG, PHYIS KHYAD PAR DU 'GRO BA LA BSHAD DO, ,'O NA 'DZEG YUL GYI THEG CHEN DE
, ,GANG ZHE NA, 'DZEG YUL DE LA DGU YOD PA'I, DANG PO BSAM GTAN DANG GZUGS MED KYI SNYOMS 'JUG STON PA LA, MDO LAS, TSE DANG LDAN PA SH'A RI'I BU 'DI LA BYANG CHEN SBYIN PA'I PAR PHYIN LA SPYOD CING, ZHES PA NAS; SEMS CAN RNAMS KYANG YONGS SU SMIN PAR BYED DO, ,SANGS RGYAS KYI ZHING YONGS SU DAG PAR BYED DO, ,ZHES PA'I BAR GSUNGS, DE'I DON 'CHAD PA LA, RTZA BAR, BSAM GTAN GZUGS MED SBYIN SOGS LA, ,'JUG PA'I SGRUB PA THEG CHEN LA, ,'DZEG PA YIN PAR SHES PAR BYA, ,ZHES GSUNGS, DE NYID 'GREL PAS 'CHANG PA LA, BSAM GTAN DANG GZUGS MED PA'I SNYOMS PAR 'JUG PA DANG, ZHES GSUNGS, GNYIS PA 'JUG YUL GYI SBYIN SOGS PHAR PHYIN DRUG PO DE STON PA LA, SH'A RI'I BU GZHAN YANG BYANG CHEN DE RNAM PA THAMS CAD MKHYEN PA NYID DANG LDAN BA'I YID LA BYED PAS, SEMS CAN THAMS CAD KYI NYON MONGS PA RAB TU SPANG BA'I PHYIR, CHOS STON PAR BYA'O SNYAM PA 'DI NI BYANG CHEN SBYIN PA'I PHA ROL TU PHYIN PA'O, ,ZHES PA NAS, TSE DANG LDAN PA SH'A RI'I BU 'DI NI BYANG CHEN PHAR PHYIN DRUG LA SPYOD PA'I THEG PA CHEN PO'O, ,ZHES PA'I BAR GSUNGS, DE'I DON 'CHAD PA LA, RTZA BAR, SBYIN SOGS LA; ;'JUG BA'I SGRUB PA, ZHES SOGS DANG, 'GREL PAR, SBYIN PA LA SOGS PA PHA ROL TU PHYIN PA DRUG DANG, ZHES GSUNGS, GSUM PA 'DZEG YUL GYI LAM STON PA LA, TSE DANG LDAN PA SH'A RI'I BU GZHAN YANG BYANG CHEN THEG PA
CHEN PO NI RNAM PA THAMS CAD DU BYANG CHUB KYI PHYOGS KYI CHOS SUM CU RTZA BDUN SGOM PA DANG, RNAM PAR THAR PA'I SGO STONG PA NYID DANG, MTSAN MA MED PA DANG, SMON PA MED PA DANG, RNAM PA THAMS CAD DU DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PHA RNAMS SGOM PAR BYED PA 'DI NI TSE DANG LDAN PA SH'A RI'I BU BYANG CHEN THEG PA CHEN PO'O, ,ZHES GSUNGS, DE'I DON 'CHAD PA LA, RTZA BAR, LAM LA,, 'JUG PA'I, ZHES SOGS DANG, 'GREL PAR, MTHONG BA DANG, SGOM PA DANG, MI SLOB PA DANG, KHYAD PAR GYI LAM DANG, ZHES GSUNGS, BZHI PA 'DZEG YUL GYI BYAMS SOGS TSAD MED BZHI STON PA LA, TSE DANG LDAN PA SH'A RI'I BU GZHAN YANG BYANG CHEN DE BYAMS PA DANG LDAN PA'I SEMS YANGS PA RGYA CHEN POR GYUR CING MI GNYIS PA TSAD MED PA 'KHON MED PA, 'GRAN ZLA MED PA, ZHES PA NAS, 'DI NI BYANG CHEN TSAD MED PA RNAMS LA SPYOD PA'I SHER PHYIN TE, TSE DANG LDAN PA SH'A RI'I BU 'DI NI BYANG CHEN THEG PA CHEN PO'O, ,ZHES PA'I BAR GSUNGS, DE'I DON 'CHAD PA LA, RTZA BAR, BYAMS LA SOGS LA, ,'JUG PA'I SGRUB PA, ZHES SOGS DANG, 'GREL PAR, TSAD MED PA BZHI DANG, ZHES GSUNGS, LNGA PA 'DZEG YUL GYI DMIGS PA MED PA DANG LDAN PA'I LAM DE STON PA LA, TSE DANG LDAN PA SH'A RI'I BU GZHAN YANG BYANG CHEN THEG PA CHEN PO NI, NANG STONG PA NYID SHES KYANG DMIGS PA'I TSUL GYIS NA, ZHES PA NAS, 'DUS MA BYAS RNAMS LA MI
, ,DMIGS PA'I TSUL GYIS SHES PA MI 'JUG PA 'DI NI BYANG CHEN THEG PA CHEN PO'O, ,ZHES PA'I BAR GSUNGS, DE'I DON 'CHED PA LA, RTZA BAR, DMIGS PA MED DANG LDAN PA DANG, ,'JUG PA'I, ZHES SOGS DANG, 'GREL PAR; MI DMIGS PA DANG LDAN PA DANG, ZHES GSUNGS, DRUG PA 'DZEG YUL 'KHOR GSUM DAG PA'I LAM DE STON PA LA, SH'A RI'I BUS SMRAS PA, TSE DANG LDAN PA GANG PO CI TZAM GYIS NA, BYANG CHEN THEG PA CHEN PO LA ZHUGS PA ZHES BYA'O, ,GANG YOS SMRAS PA, TSE DANG LDAN PA SH'A RI'I BU 'DI LA BYANG CHEN SHER PHYIN LA SPYOD PA'I TSE SBYIN PA'I PHA ROL TU PHYIN PA LA 'DZEG? KYANG DES SBYIN PA'I PHA ROL TU PHYIN PA MI DMIGS TE, ZHES PA NAS, BYANG CHUB SEMS DPA' MI DMIGS PA'I YID LA BYED PA MI DMIGS PA'I TSUL GYIS DMIGS SU MED PA DE LTAR NA TSE DANG LDAN PA SH'A RI'I BU BYANG CHEN, THEG PA CHEN PO LA 'DZEG PA ZHES BYA'O, ,ZHES PA'I BAR GSUNGS, DE'I DON 'CHAD PA LA, 'KHOR GSUM RNAM PAR DAG PA LA, ,'JUG PA'I, ZHES SOGS DANG, 'GREL BAR, DNGOS PO THAMS CAD LA 'KHOR GSUM DAG PA DANG, ZHES GSUNGS, BDUN PA 'DZEG YUL GYI CHED DU BYA BA STON PA LA, TSE DANG LDAN PA SH'A RI'I BU GZHAN YANG? BYANG? CHEN RNAM PA THAMS CAD MKHYEN PA NYID DANG LDAN BA'I YID LA BYA BAS MA 'DRES PA SGOM PA RNAM PAR ZHIG PA'I DON DU BYANG CHEN BYANG CHUB KYI CHOS SUM CU RTZA BDUN DE MI DMIGS PA'I TSUL GYIS SGOM PAR BYED DE, ZHES PA NAS, SANGS RGYAS DMIGS SU MED BA'I PHYIR,
'DI NI THA SNYAD TZAM STE 'DI LTA STE SANGS RGYAS ZHES BYA BAR YANG DAG PAR SHES TE, TSE DANG LDAN PA SH'A RI'I BU DE LTAR NA BYANG CHEN THEG PA CHEN PO LA 'DZEG PA ZHES BYA'O, ,ZHES PA'I BAR GSUNGS, DE'I DON 'CHAD PA LA, RTZA BAR, CHED DU BYA LA, ,'JUG PA'I; ZHES SOGS DANG, 'GREL BAR, CHED DU BYA BA DANG, ZHES GSUNGS, BRGYAD PA 'DZEG YUL GYI MNGON SHES DRUG PO DE STON PA LA, TSE DANG LDAN PA SH'A RI'I BU GZHAN YANG BYANG CHEN SEMS DANG PO BSKYED PA NAS NYE BAR BZUNG STE, SNYING PO BYANG CHUB LA 'DUG GI BAR DU MNGON PAR SHES PA THAMS CAD YONGS SU RDZOGS PA'I PHYIR NA, SEMS CAN YONGS SU SMIN PAR BYED DO, ,ZHES PA NAS, DE RNAM PA THAMS CAD MKHYEN PA NYID KYI YE SHES THOB PAR MA GYUR GYI BAR DU THEG PA DE DANG NAM YANG MI 'BRAL LO, , ZHES PA'I BAR GSUNGS, DE'I DON 'CHAD PA LA, RTZA BAR, MNGON SHES DRUG LA, ,'JUG PA'I, ZHES SOGS DANG, 'GREL BAR, MNGON PAR SHES PA DRUG DANG, ZHES GSUNGS, DGU PA 'DZEG YUL GYI RNAM MKHYEN STON PA LA, DE RNAM PA THAMS CAD MKHYEN PA NYID KYI YE SHES THOB NAS KYANG, NYAN THOS DANG RANG SANGS RGYAS THAMS CAD, CES SOGS GSUNGS, DE'I DON 'CHAD PA LA, RTZA BAR, RNAM KUN MKHYEN PA'I TSUL LA NI, ,'JUG PA'I SGRUB PA SROG? CHEN LA, 'DZEG PA YIN PAR SHES PAR BYA, ,ZHES DANG, 'GREL PAR, RNAM PA THAMS CAD MKHYEN PA NYID DAG LA YANG DAG PAR GNAS PA'I MTSAN NYID NI, ZHES GSUNGS, 'DZEG YUL DE LA DGU PO DER 'JOG PA'I RGYU MTSAN CI YIN ZHE NA, DE'I RGYU MTSAN YOD DE, DE LA RGYU'I
, ,LAM GYI DBANG DU BYAS PA DANG, 'BRAS BU'I LAM GYI DBANG DU BYAS PA GNYIS SU YOD PA'I PHYIR, DANG PO LA YANG, 'JIG RTEN PA'I LAM GYI DBANG DU BYAS PA DANG, 'JIG RTEN LAS 'DAS PA'I LAM GYI DBANG DU BYAS PA DANG, DE GNYIS THEG CHEN MA YIN PA LAS KHYAD PAR DU BYED PA'I LAM GYI DBANG DU BYAS NAS DGU PO DER BZHAG PA'I PHYIR, DANG PO GRUB STE, DE'I DBANG DU BYAS NAS BSAM GTAN GZUGS MED BZHAG PA'I PHYIR, GNYIS PA LA YANG, RANG DON SGRUB PA'I LAM GYI DANG, GZHAN DON SGRUB PA'I LAM GYI DBANG DU BYAS PA GNYIS SU YOD PA'I PHYIR, DANG PO GRUB STE, DE'I DBANG DU BYAS NAS MTHONG LAM DANG SGOM LAM SOGS BZHAG PA'I PHYIR TE, DANG POS YON TAN THOB PAR BYED, PHYI MAS SGRIB PA SPONG BAR BYED PA'I PHYIR, GNYIS PA GRUB STE, DE'I DBANG DU BYAS NAS BYAMS SOGS TSAD MED BZHI DANG, ZHEN PA'I DMIGS PA MED PA'I YE SHES GNYIS BZHAG PA'I PHYIR TE, DANG POS GZHAN DON LA SPRO BAR BYED, GNYIS PAS GZHAN DON SGRUB PA LA MKHAS PAR BYED PA'I PHYIR, GSUM PA GRUB STE, 'KHOR GSUM RNAM PAR MI RTOG PAS DMIGS PA'I SGO NAS KHYAD PAR DU BYED, CHED DU BYA BA LA 'JUG PAS THOB BYA'I SGO NAS KHYAD PAR DU BYED, MNGON SHES DRUG GIS MTHU'I SGO NAS KHYAD PAR DU BYED PA'I PHYIR, GNYIS PA 'BRAS BU'I LAM GYI DBANG DU BYAS NAS RNAM MKHYEN BZHAG STE, RNAM MKHYEN THOB NAS GDUL BYA LA CHOS 'KHOR BSKOR BAR BYED PA'I PHYIR, KHA CIG BSAM
GTAN GZUGS MED RNAMS 'JIG RTEN PA'I LAM DU 'JOG PA MI 'THAD PAR THAL, DE RNAMS MTHONG SGOM GYI LAM GYI NGO BOR YANG 'GYUR PA YOD PA'I PHYIR NA SKYON MED DE, 'JIG RTEN PA'I LAM DE SHAD CHE PAS DE LTAR BZHAG PA'I PHYIR, KHO NA RE, SKABS 'DIR THEG CHEN GYI MTHONG LAM SOGS LAM BZHI PO DE RGYU'I LAM DU BSHAD PA MI 'THAD DE, THEG CHEN GYI MI SLOB LAM YIN NA RGYU'I LAM MA YIN DGOS PA'I PHYIR NA SKYON MED DE, MTHONG LAM DANG SGOM LAM SA BDUN PA MAN CHAD DANG, MI SLOB LAM SA BRGYAD PA DANG, KHYAD PAR GYI LAMS DGU PA DANG BCU PA LA 'JOG PA'I PHYIR TE, DE LTAR DU 'BUM PAR 'CHAD PA LTAR DU LEGS PA'I PHYIR, DES NA SA BRGYAD PA'I YE SHES LA MI SLOB LAM ZHES BRJOD PA'I RGYU MTSAN YOD DE, SA BRGYAD PA'I YE SHES DE 'BAD RTZOL RAGS PA DANG BCAS BA'I SGO NAS LAM LA MI SLOB PA'I LAM YIN PA'I PHYIR TE, THEG CHEN GYI SLOB LAM NA MI SLOB LAM GYI MING BTAGS PA YOD PAR MDO BSTAN BCOS MANG PO LAS GSUNGS PA'I PHYIR, 'O NA 'DZEG YUL DGU PO DE'I RIM PA 'DI LTAR STON PA'I RGYU MTSAN CI YIN ZHE NA, DE'I RGYU MTSAN YOD DE, THOG MAR RANG GI SEMS 'DOD YON LA MI G-YENG BAR BYED PA'I BSAM GZUGS BSGRUBS TE, SEMS LAS RUNG DU BYAS, DE LTAR SEMS LA BRTAN PA THOB PA NA TSOGS GNYIS LA SLOB, DE'I 'OG TU PHA ROL TU PHYIN PA DRUG BSTAN, DE'I 'OG TU TSOGS GNYIS GSOG PA DE YANG DE KHO NA NYID KYI DON LA LHAG PAR MOS PA BSKYED PA'I PHYIR, DE RTOGS PA'I LAM LA 'JUG LA, DE'I
, ,'OG TU RANG GIS CHOS NYID MTHONG BA GZHAN GYI DON BYA BAR SPRO BA'I PHYIR, TSAD MED PA BZHI LA 'JUG ,DE'I 'OG TU TSAD MED PA BZHIS GZHAN DON LA 'JUG PA NA, DE'I 'CHING BA NI MNGON ZHEN YIN PAS CHOS NYID MI DMIGS PA DANG LDAN PA LA 'JUG ,DE'I 'OG TU NGO BO NYID MED PA'I RNAL 'BYOR DANG LDAN PA DE JI LTAR 'JUG SNYAM PA LA LAS BYA BA BYED PA PO GSUM MI DMIGS PAR SGYU MA'I SKYES BU BZHIN DU DNGOS PO THAMS CAD LA 'KHOR GSUM YONGS SU DAG PA'I SGO NAS 'JUG ,DE'I 'OG TU DE LTAR SPYOD PA RNAMS RANG GI BSGRUB BYA LA 'BAD BA'I PHYIR, CHEN PO GSUM GYI CHED DU BYA BA LA 'JUG ,DE'I 'OG TU CHED DU BYA BA LA 'BAD PA RNAMS NI GZHAN GYI SEMS SHES PA SOGS KYI PHYIR, BRTZON PAR BYED PAS MNGON SHES DRUG LA 'JUG ,DE'I 'OG TU MNGON SHES THOB PA RNAMS NI SHES BYA DU MA SHES NA DE NI BDAG GIS RNAM MKHYEN THOB PAR BYA'O SNYAM DU SPRO BA DRAG PO SKYE BAS RNAM MKHYEN LA 'JUG PA'I RIM PA DANG MTHUN PAR BSTAN PA'I PHYIR, ` 'DI'I SKABS SU 'JUG SGRUB KYI RNAM GZHAG SPYIR BSTAN PA, BSAM GTAN GZUGS MED BYE BRAG TU BSHAD PA, TSAD MED BZHI BYE BRAG TU BSHAD PA'O, ,DANG PO LA, MTSAN NYID, DBYE BA, SA MTSAMS SO, ,DANG PO NI, THEG PA CHEN PO'I RGYU 'BRAS KYI CHOS CI RIGS PA RTZE SBYOR GTZO BOR GYUR PA'I SGO NAS NYAMS SU LEN PA LA 'JUG PA'I SHES RAB KYIS ZIN PA'I SEMS DPA'I RNAL 'BYOR DE, 'JUG SGRUB KYI MTSAN NYID, GNYIS PA DE LA DBYE NA, BSAM GTAN GZUGS MED LA 'JUG PA'I SGRUB PA,
SBYIN SOGS PHAR PHYIN DRUG LA 'JUG PA'I SGRUB PA, LAM LA 'JUG PA'I SGRUB PA, BYAMS SOGS TSAD DE BZHI LA 'JUG PA'I SGRUB PA, DMIGS PA MED PA DANG LDAN PA LA 'JUG PA'I SGRUB PA, 'KHOR GSUM RNAM PAR DAG PA LA 'JUG PA'I SGRUB PA, CHED DU BYA BA LA 'JUG PA'I SGRUB PA, MNGON SHES DRUG LA 'JUG PA'I SGRUB PA, RNAM MKHYEN LA 'JUG PA'I SGRUB PA RNAMS SU YOD, GSUM PAS MTSAMS NI, THEG CHEN GYI SBYOR LAM DROD NAS SA BCU PA'I BAR DU YOD, GNYIS PA LA GANG GIS THOB BYED KYI RGYU BSHAD PA, GANG THOB PA'I NGO BO BSHAD PA, DE LTAR THOB PA'I RTAGS BSHAD PA, THOB PA PO'I GANG ZAG BSHAD PA, MTHA' CUNG ZAD DPYAD PA DANG LNGA LAS, DANG PO LA, THOB BYED KYI RNAM GZHAG SPYIR BSTAN PA, BSAM GTAN DANG PO THOB BYED BYE BRAG TU BSHAD PA DANG, LHAG MA DE DANG MTSUNGS PAR BSTAN PA, LAM DGU PO GANG DU GTOGS PAR BSHAD PA'O, ,DANG PO LA NYER BSDOGS KYIS BSDUS SHING, RANG GI THOB BYAR GYUR PA'I GONG SA'I DNGOS GZHI SNYOMS 'JUG THOB BYED KYI THABS SU GYUR PA'I KHAMS GONG GI SAS BSDUS KYI DGE BA'I RIG PA, GONG SA'I NYER BSDOGS KYI MTSAN NYID, DE LA DBYEN BRGYAD DU YOD DE, BSAM GTAN DANG PO'I NYER BSDOGS NAS SRID RTZE'I NYER BSDOGS KYI BAR BRGYAD YOD PA'I PHYIR, NYER BSDOGS KYI TSOR BA YIN NA, TSOR BA BTANG SNYOMS YIN PAS KHYAB CING, NYER BSDOGS PHAL CHE BA LA DAG PA BA DANG, BSAM GTAN DANG PO'I NYER BSDOGS LA DAG PA BA DANG, ZAG MED GNYIS YOD DE, BSAM GTAN GYI DNGOS GZHI MTHOB PA'I 'PHAGS PA
, ,RNAMS KYIS BSAM GTAN DANG PO'I NYER BSDOGS LA BRTEN NAS RANG GI NGOS SKAL GYI SPANG BYA'I SA BON SPONG PA YOD PA'I PHYIR, NYI 'OG PA'I BYE BRAG SMRA BA RNAMS NI, BSAM GTAN DANG PO'I NYER BSDOGS LA DAG PA BA, ZAG MED, NYON MONGS CAN DANG GSUM YOD PAR 'DOD DE, MDZOD RTZA BA LAS, DE DAG LAS NI NYER BSDOGS BRGYAD, ,DAG PA BDE MIN SDUG BSNGAL MIN, ,DANG POR 'PHAGS PA KHA CIG GSUM, ,ZHES GSUNGS PA'I PHYIR, NYI 'OG PA'I LUGS DE MI 'THAD DE, NYER BSDOGS RNAMS RANG GI 'OG SA LA 'DOD CHAGS DANG BRAL BYED YIN LA, NYER BSDOGS NYON MONGS CAN GYIS DE LTAR MI NUS PA'I PHYIR, NYER BSDOGS KYIS BSDUS SHING RANG GI THOB BYAR GYUR PA'I BSAM GTAN GYI DNGOS GZHI'I SNYOMS 'JUG THOB BYED KYI THABS SU GYUR PA'I BSAM GTAN GYI SAS BSDUS KYI DGE BA'I RIG PA DE, BSAM GTAN GYI NYER BSDOGS KYI MTSAN NYID, DE LA DBYE NA BZHI YOD, NYER BSDOGS KYI SAS BSDUS SHING; RANG GI THOB BYAR GYUR BA'I GZUGS MED KYI DNGOS GZHI SNYOMS 'JUG THOB BYED KYI THABS SU GYUR PA'I GZUGS MED KYI SAS BSDUS KYI DGE BA'I RIG PA, GZUGS MED KYI NYER BSDOGS KYI MTSAN NYID, DBYE NA BZHI YOD DO, ,GNYIS PA LA; MTSAN NYID, DBYE BA, SO SO'I RANG BZHIN, YID BYED DRUG 'JIG RTEN PA'I LAM BZHIR BSDUS TSUL DANG BZHI LAS, DANG PO NI, NYER BSDOGS KYI SAS BSDUS SHING RANG GI THOB BYAR GYUR PA'I BSAM GTAN DANG PO'I DNGOS GZHI SNYOMS
'JUG THOB BYED KYI THABS SU GYUR PA'I BSAM GTAN DANG PO'I SAS BSDUS KYI DGE BA'I RIG PA, BSAM GTAN DANG PO'I NYER BSDOGS KYI MTSAN NYID, GNYIS PA NI, DE LA DBYE NA, BSAM GTAN DANG PO'I NYER BSDOGS YID LA BYED PA'I LAS DANG PO BA DANG, NYON MONGS RNAM SBYONG GI BSAM GTAN DANG PO'I NYER BSDOGS GNYIS SU YOD DE, NYAN SA LAS, DE LA YID LA BYED PA'I LAS DANG PO BA NI, RTZE GCIG TU BYA GNYID LA JI SRID DU YID LA BYED PA MA THOB CING SEMS RTZE GCIG PA NYID LAM RIG GI BAR DU LAS DANG PO BA YIN NO, ,DE LA NYON MONGS RNAM BAR SPYOD? BA'I LAS DANG BO BA NI, YID LA BYED PA THOB PA NYON MONGS PA RNAMS LA SEMS SBYONG BAR 'DOD PA'I MTSAN NYID SO SOR RIG PA'I YID LA BYED PA LAS BRTZAMS SHING LEN PA LA GOMS PA GANG YIN PA STE, ZHES GSUNGS PA'I PHYIR, NYON MONGS RNAM SBYONG GI BSAM GTAN DANG PO'I NYER BSDOGS THOB PA LA BSAM GTAN DANG PO'I NYER BSDOGS YID LA BYED PA'I LAS DANG PO BA THOB PA SNGON DU 'GRO DGOS TE, NYON MONGS RNAM SBYONG GI BSAM GTAN DANG PO'I NYER BSDOGS DANG, LHAG MTHONG GIS BSDUS PA'I BSAM GTAN DANG PO'I NYER BSDOGS GNYIS DON GCIG ,BSAM GTAN DANG PO'I NYER BSDOGS YID LA BYED PA'I LAS DANG PO BA DANG, ZHI GNAS KYIS BSDUS PA'I BSAM GTAN DANG PO'I NYER BSDOGS GNYIS DON GCIG PA GANG ZHIG ,LHAG MTHONG GIS BSDUS PA'I BSAM GTAN DANG PO'I NYER BSDOGS THOB PA LA, ZHI GNAS KYIS BSDUS PA'I BSAM GTAN DANG PO'I NYER BSDOGS THOB PA SNGON DU 'GRO DGOS PA'I PHYIR, LHAG
, ,MTHONG THOB PA LA ZHI GNAS THOB PA SNGON DU 'GRO DGOS PA'I PHYIR TE, SPYOD 'JUG LAS, ZHI GNAS RAB TU LDAN BA'I LHAG MTHONG GIS, ,NYON MONGS RNAM PAR 'JOMS PAR SHES BYA STE, ,THOG MAR ZHIG NAS BTZAL BYA, ZHES GSUNGS PA'I PHYIR DANG, DGON MCHOG BRTZEGS PAR, TSUL KHRIMS LA NI GNAS NAS TING NGE 'DZIN THOB STE, ,TING NGE 'DZIN THOB NAS KYANG SHES RAB? BSGOM PAR BYED, ,CES DANG, SGOM RIM LAS, DE LTA BAS NA SGRIB PA MTHA' DAG SPANGS NAS, YONGS SU DAG PA'I YE SHES 'BYUNG BAR 'DOD PAS ZHIG NAS LA GNAS NAS SHES RAB BSGOM PAR BYED DO, ,ZHES GSUNGS PA'I PHYIR, 'O NA, LHAG MTHONG THOB PA LA ZHI GNAS THOB PA SNGON DU 'GRO DGOS NA, ZHIG NAS SGRUB CHUL DE GANG ZHE NA, 'DI LA DBUS MTHA' LAS GSUNGS TSUL DANG, KUN BTUS DANG MDO SDE'I RGYAN LAS GSUNGS TSUL DANG GNYIS LAS, DANG PO NI, NYES PA LNGA'I GNYEN POR SPONG BA'I 'DU BYAD BRGYAD BRTEN PA'I SGO NAS ZHI GNAS SGRUB PAR BYED PA YIN TE, DBUS MTHA' LAS, NYES PA LNGA SPONG 'DU BYED BRGYAD, ,BRTEN PA'I RGYU LAS BYUNG BA'O, ,ZHES GSUNGS PA'I PHYIR, NYES PA LNGA YANG YOD DE, TING NGE 'DZIN SGOM PA'I SBYOR BA'I TSE 'GAL RKYEN LE LO, TING NGE 'DZIN SGOM PA LA 'JUG PA'I TSE TING NGE 'DZIN SGOM PA'I GDAMS DAG BRJED PA, DNGOS GZHI'I TSE BYING RGOD, BYING RGOD BYUNG BA'I TSE GNYEN PO 'DU MI BYED PA DANG, BYING RGOD DANG BRAL NAS SEMS DMIGS BAL? RTZE GCIG TU GNAS PA'I TSE GNYEN PO MNGON PAR 'DU BYED PA RNAMS SU YOD PA'I PHYIR TE, DE NYID
LAS; LE LO DANG NI GDAMS NGAG RNAMS, ,BRJED DANG BYING DANG RGOD PA DANG, ,'DU MI BYED DANG 'DU BYED DE, ,'DI DAG NYES PA LNGAR 'DOD DO, ,ZHES GSUNGS PA'I PHYIR, SPONG BA'I 'DU BYED BRGYAD YOD DE, NYES PA DANG PO LE LO'I GNYEN PO BZHI, NYES PA PHYI MA BZHI'I GNYEN PO BZHI STE BRGYAD YOD PA'I PHYIR, DANG PO YOD DE, SHIN SBYANGS THOB PA NA TING NGE 'DZIN SGOM PA LA MI SGRO BA'I LE LO LDOG PAS SHIN SBYANGS SKYE DGOS LA, DE SKYE BA LA TING NGE 'DZIN SGOM BA'I BRTZON 'GRUS RTZOM DGOS LA, DE SKYE BA LA TING NGE 'DZIN LA DON GNYER GYI 'DUN PA SKYE DGOS LA, DE SKYE BA LA TING NGE 'DZIN GYI YON TAN MTHONG NAS YID 'PHROGS PA'I DAD PA DGOS PA'I PHYIR TE, DE NYID LAS, GNAS DANG DE LA GNAS PA DANG, ,RGYU DANG 'BRAS BU NYID DU'O, ,ZHES GSUNGS PA'I PHYIR, DON NI, GNAS NI 'DUN PA STE RTZOL BA'I GNAS SO, ,DE LA GNAS PA NI RTZOL PA'AM BRTZON 'GRUS SO, ,RGYU NI 'DUN PA'I RGYU STE DAD PA DANG, 'BRAS BU NI RTZOL BA'I 'BRAS BU STE SHIN SBYANGS SO, ,SNGAR BSHAD PA'I NYES PA PHYI MA BZHI'I GNYEN PO YANG YOD DE, TING NGE 'DZIN GYI DMIGS PA RNAMS MI BRJED PA'I DRAN PA, BYING RGOD 'BYUNG MI 'BYUNG RTOG PA'I SHES BZHIN, BYING RGOD KYI GNYEN PO MNGON PAR 'DU BYED PA'I SEMS LA, BYING RGOD DANG BRAL BA'I TSE SEMS RNAL DU 'JOG PA'I BTANG SNYOMS RNAMS SU YOD PA'I PHYIR TE, DE NYID LAS, DMIGS PA BRJOD PAR MA GYUR DANG, ,BYING DANG RGOD PA RTOG BA DANG, ,DE SPONG MNGON PAR 'DU BYED DANG, ,ZHI TSE RNAL DU 'JOG PA'O, ,ZHES GSUNGS PA'I PHYIR, GNYIS PA NI, SEMS GNAS PA'I THABS
, ,DGU LA BRTEN NAS ZHI GNAS BSGRUB DGOS PAR GSUNGS TE, KUN BTUS LAS, ZHI GNAS GANG ZHE NA, 'DI LTA STE, NANG NYID DU 'DOG PA DANG, RGYUN DU 'JOG PA DANG, BSLAN TE 'JOG PA DANG, NYE BAR 'JOG PA DANG, DUL BAR BYED PA DANG, ZHI BAR BYED PA DANG, RNAM PAR ZHI BAR BYED PA DANG, RTZE GCIG TU 'JOG PA DANG, MNYAM PAR 'JOG PA'O, ,ZHES GSUNGS PA'I PHYIR, DE YANG DANG PO NANG NYID DU 'JOG PA NI, DANG POR LHA SKU LA SOGS PA DMIGS PA GANG YANG RUNG BA LA SEMS GTAD NAS SGOM PAR BYED PA'I TING NGE 'DZIN CIG LA 'JOG LA, DE STON PA LA, MDO SDE'I RGYAN LAS, DMIGS PA LA NI SEMS GTAD NAS, ,ZHES GSUNGS, GNYIS PA RGYUN DU 'JOG PA NI, DMIGS PA DE NYID 'PHRO MTHUD DE SGOM PAR BYED PA'I TING NGE 'DZIN CIG LA 'JOG LA, DE STON PA LA, DE NYID LAS, DE RGYUN RNAM PAR G-YENG MI BYA, ,ZHES GSUNGS PA'I PHYIR, GSUM PA BSLAN TE 'JOG PA NI, SEMS SNGAR GYI DMIGS PA LAS G-YENG BA'I TSE SLAR YANG SEMS SNGAR GYI DMIGS PA LA GTAD DE SGOM PAR BYED PA'I TING NGE 'DZIN CIG LA 'JOG LA, DE STON PA LA, DE NYID LAS, RNAM G-YENG MYUR DU RTOGS BYAS LA, ,DE LA SLAR NI BSLAN PAR BYA, ,ZHES GSUNGS, BZHI BA NYE BAR 'JOG PA NI, DMIGS PA GONG 'PHEL DU BTANG STE SGOM PAR BYED PA'I TING NGE 'DZIN CIG LA 'JOG LA, DE STON PA LA, DE NYID LAS, BLO LDAN GONG NAS GONG DU YANG, ,SEMS NI NANG DU BSDU BAR BYA, ,ZHES GSUNGS, LNGA
PA DUL BAR BYED PA NI, TING NGE 'DZIN SGOM PA'I TSE, BYING RGOD BYUNG BA NA TING NGE 'DZIN GYI YON TAN BSAM PA'I SGO NAS TING NGE 'DZIN SGOM PA LA SPRO BA BSKYED DE, SEMS DMIGS PA LA 'DZIN PAR BYED PA'I TING NGE 'DZIN CIG LA 'JOG LA, DE STON PA LA, DE NYID LAS, DE NAS YON TAN MTHONG BA'I PHYIR, ,TING NGE 'DZIN LA SEMS DUL LO, ,ZHES GSUNGS, DRUG PA ZHI BAR BYED PA NI, TING NGE 'DZIN SGOM PA'I TSE, RGOD PA BYUNG BA NA RNAM G-YENG GI NYES DMIGS BSAM PA'I SGO NAS TING NGE 'DZIN SGOM PA LA MI DGA' BZHI BAR BYAS TE, SEMS DMIGS PA LA 'DZIN PAR BYED BA'I TING NGE 'DZIN CIG LA 'JOG LA, DE STON PA LA, DE NYID LAS, RNAM G-YENG NYES PA MTHONG BA'I PHYIR, ,DE LA MI DGA' ZHI BAR BYA, ,ZHES GSUNGS, BDUN PA, RNAM PAR ZHI BAR BYED PA NI, TING NGE 'DZIN SGOM PA'I TSE CHAGS SEMS DANG YID MI BDE BYUNG NA DE MA THAG ZHI BAR BYAS TE SGOM PAR BYED PA'I TING NGE 'DZIN CIG LA 'JOG LA, DE STON PA LA DE NYID LAS, BRNAB SEMS YID MI BDE LA SOGS, ,LANGS PA DE BZHIN ZHI BAR BYA, ,ZHES GSUNGS, BRGYAD PA, RTZE GCIG TU 'JOG PA NI, 'BAD RTZOL DANG BCAS PA'I SGO NAS SEMS RANG GI DMIGS PA LA JI LTAR 'DOD 'DOD DU 'JOG PA'I TING NGE 'DZIN CIG LA 'JOG LA, DE STON PA LA, DE NYID LAS, DE NAS SDOM BRTZON CAN GYIS NI, ,SEMS LA MNGON PAR 'DU BYED BCAS, ,RANG GI NGANG GIS 'BYUNG BA THOB, ,CES GSUNGS, DGU PA, MNYAM PAR 'JOG PA NI, 'BAD MED LHUN GRUB TU SEMS RANG GI DMIGS PA LA
, ,JI LTAR 'DOD 'DOD DU MNYAM PAR 'JOG PA'I TING NGE 'DZIN CIG LA BYED LA, DE STON PA LA, DE NYID LAS, DE GOMS PA LAS 'DU MI BYED, ,CES GSUNGS, DE LTA BU'I SEMS GNAS DGU PA DE LA 'DOD SEMS RTZE GCIG PA'I TING NGE 'DZIN ZHES BYA LA, 'BAD MED LHUN GRUB TU SEMS RANG GI DMIGS PA LA JI LTAR 'DOD 'DOD DU MNYAM PAR BZHAG BZHIN PA'I NGANG NAS SHIN SBYANGS KYIS ZIN PA'I BDE BA THOB BA NA ZHI GNAS THOB PA DANG, BSAM GTAN DANG PO'I NYER BSDOGS THOB PA, SGOM BYUNG GI BLO THOB PA, GONG SA'I SHES PA THOB PA ZHES BYA LA, DE STON PA LA, DE NYID LAS, DE NAS DE YI LUS DANG SEMS, ,SHIN TU SBYANGS PA CHES THOB NAS, ,YID LA BYED PA DANG BCAS PA, ,ZHES GSUNGS, DE LTA BU'I ZHI GNAS DE'I NGANG NAS RANG GI DMIGS PA LA DPYAD STOBS KYIS DRANGS PA'I SHIN SBYANGS KYI BDE BAS MIN PA'I RANG YUL LA SO SOR RTOG PA'I SHES RAB THOB PA NA, BSAM GTAN DANG PO'I NYER BSDOGS MTSAN NYID SO SOR RIG PA'I YID BYED THOB PAR 'JOG PA SOGS 'OG TU 'CHAD, DE STON PA LA, DE NYID LAS, DE YIS DE NI 'PHEL BYAS NAS, ,'PHEL BA RING DU 'GRO BA YIS, ,ZHES GSUNGS, BSAM GTAN DANG PO'I DNGOS GZHI'I SNYOMS 'JUG DE STON PA LA, DE NYID LAS, DNGOS GZHI'I GNAS PA DES THOB BO, , ZHES GSUNGS, 'ON LHAG MTHONG THOB BA LA ZHIG NAS THOB PA SNGON DU 'GRO DGOS NA, KUN BTUS LAS, LA LA NI LHAG MTHONG THOB PA YIN GYI ZHIG NAS NI MTHOB STE, DE LHAG MTHONG LA BRTEN NAS ZHI GNAS LA BRTZON PAR BYED DO, ,ZHES GSUNGS PA JI LTA BU
ZHE NA; DE'I DON BDEN BZHI MNGON SUM DU RTOGS PA'I BSAM GTAN DANG PO'I NYER BSDOGS KYI SAS BSDUS PA'I LHAG MTHONG LA BRTEN NAS BDEN BZHI MNGON SUM DU RTOGS PA'I BSAM GTAN DANG PO'I DNGOS GZHI'I SNYOMS 'JUG GIS BSDUS BA'I ZHI GNAS SGRUB DGOS PA LUNG DE'I DON YIN PA'I PHYIR TE, SA'I DNGOS GZHIR, GANG SDUG BSNGAL NAS LAM GYI BAR YANG DAG PA JI LTA BA BZHIN DU SHES LA BSAM GTAN DANG PO LA SOGS PA NI MA THOB STE, DE 'DUG MA THAG TU SEMS 'THOB STE CHOS RAB TU RNAM PAR 'BYED PA NI MI BYED DO, ,DE LHAG PA'I SHES RAB DE NYID LA BRTEN NAS LHAG PA'I SEMS LA SBYONG BAR BYED DO, ,ZHES GSUNGS PA'I PHYIR, DES NA SEMS GNAS PA'I THABS DGU LA BRTEN NAS SEMS RANG GI DMIGS PA LA JI LTAR 'DOD 'DOD DU MNYAM PAR 'JOG NUS PA'I SHIN SBYANGS KYI BDE BAS ZIN PA'I TING NGE 'DZIN NI, ZHI GNAS KYI MTSAN NYID, DBYE NA, JI SNYED PA LA DMIGS PA'I ZHI GNAS DANG, JI LTA BA LA DMIGS PA'I ZHI GNAS GNYIS SU YOD, ZHIG NAS ZHES BRJOD PA'I RGYU MTSAN YOD DE, SEMS PHYI ROL GYI YUL LA 'PHRO BA ZHI NAS NANG DU DMIGS PA LA RTZE GCIG TU GNAS PAS NA, ZHI GNAS ZHES BRJOD PA YIN PA'I PHYIR, ZHI GNAS KYI DANG? NAS RANG GI DMIGS PA LA DPYAD STOBS KYIS DRANGS PA'I SHIN SBYANGS GYI BDE BAS ZIN PA'I SGO NAS RANG YUL LA SO SOR DPYOD PAR BYED PA'I SHES RAB, LHAG MTHONG GI MTSAN NYID, DE LA DBYEN SNGAR BZHIN GNYIS YOD, LHAG MTHONG ZHES BRJOD PA'I RGYU
, ,MTSAN YOD DE, LHAG PA STE KHYAD PAR GYI DON MTHONG BAS NA LHAG MTHONG ZHES BRJOD PA'I PHYIR, NYON MONGS RNAM SBYONG GI BSAM GTAN DANG PO'I NYER BSDOGS LA DBYE NA BSAM GTAN DANG PO'I NYER BSDOGS MTSAN NYID SO SOR RIG PA'I YID BYED NAS, SBYOR BA MTHA'I YID BYED KYI BAR DRUG YOD DE, KUN BTUS LAS, YID LA BYED PA BDUN GYIS BSAM GTAN DANG PO LA SNYOMS PAR 'JUG PA'I PHYIR TE, YID LA BYED PA BDUN GANG ZHE NA, MTSAN NYID RAB TU RIG PA'I YID LA BYED PA DANG, MOS PA LAS BYUNG BA DANG, RAB TU DBEN PA DANG, DGA' BA SDUD PA DANG, DPYOD PA DANG, SBYOR BA'I MTHA' DANG, SBYOR BA'I MTHA'I 'BRAS BU YID LA BYED PA'O, ,ZHES GSUNGS PA'I PHYIR, GSUM PA SO SO'I RANG BZHIN LA, BSAM GTAN DANG PO'I NYER BSDOGS YID LA BYED PA'I LAS DANG PO BA NI, SEMS GNAS BA'I THABS DGU LA BRTEN NAS SEMS RANG GI DMIGS PA LA JI LTAR 'DOD 'DOD DU 'JOG PA'I ZHIG NAS RKYANG BA LA ZHUGS BA ZHIG LA 'OG LA, ZHI GNAS DE'I NGANG NAS 'DOD PA NI SDUG BSNGAL CHES MANG ZHING MA ZHI BA DANG, TSE THUNG BA SOGS RAGS PA DANG, BSAM GTAN DANG PO DE LAS BZLOG STE ZHI BA'I MTSAN NYID DU SO SOR THOS BSAM GYIS DPYOD PAR BYED CING, DE LTAR DPYAD STOBS KYIS DRANGS PA'I SHIN SBYANGS KYI BDE BA MA SKYES PA'I LHAG MTHONG RJES MTHUN PA ZHIG LA BSAM GTAN DANG PO'I NYER BSDOGS MTSAN NYID SO SOR RIG PA'I YID BYED DU 'JOG ,DE LTA BU'I MTSAN NYID SO SOR RIG PA'I YID BYED DE YUN RING DU GOMS PAR BYAS PA LA BRTEN NAS SNGAR BZHIN 'DOD PA LA RAGS PA DANG,
BSAM GTAN DANG PO LA ZHI BA'I RNAM PAR SO SOR RTOG BA'I SHES RAB KYIS DPYOD PAR BYED CING, DE LTAR DPYAD STOBS KYIS DRANGS PA'I SHIN SBYANGS KYI BDE BAS ZIN PA NA BSAM GTAN DANG PO'I NYER BSDOGS MOS PA YID BYED THOB BAR 'JOG ,DE'I TSE GANG ZAG DES LHAG MTHONG THOB PA, ZHI LHAG ZUNG 'BREL THOB PA, 'DOD PA LA RAGS PA DANG, BSAM GTAN DANG PO LA ZHI BA'I RNAM PAR SO SOR RTOG PA'I SHES RAB KYIS DPYOD PAR BYED PA'I SGOM BYUNG GI BLO THOB PA YIN NO, ,DE LTA BU'I ZHI LHAG ZUNG 'BREL GYI TING NGE 'DZIN GOMS PAR BYAS PA LA BRTEN NAS 'JIG RTEN BA'I SGOM SPANG DU GYUR PA'I 'DOD NYON CHEN PO'I CHEN PO'I DNGOS GNYEN BYED BA'I NUS PA THOB PA NA BSAM GTAN DANG PO'I NYER BSDOGS RAB TU DBEN PA YID BYED THOB PAR 'JOG, ,DE LA DRUG DU YOD DE, RANG GI NGOS SKAL GYI SPANG BYAR GYUR PA'I 'JIG RTEN PA'I SGOM SPANG NYON MONGS CHEN PO SKOR GSUM GYI DNGOS GNYEN BYED PA'I 'JIG RTEN PA'I SGOM LAM BAR CHAD MED LAM CHUNG DU SKOR GSUM, DE GSUM RIM PA BZHIN DU SPANGS PA'I 'JIG RTEN PA'I SGOM LAM RNAM GROL LAM CHUNG DU SKOR GSUM YOD PA'I PHYIR, DE LTAR 'JIG RTEN PA'I 'DOD NYON CHEN PO GSUM SPANGS PA NA DE NAS 'DOD NYON SPANG BA DANG, DES DBEN PA LA DGA' BAR 'GYUR ZHING, DE GNYIS LA PHAN YON DU MTHONG NAS DBEN PA LAS SKYES PA'I DGA' BA DE CHUNG DUS REG PA NA, GNYID RMUGS DANG RGOD PA DANG BRAL BAR BYA BA'I PHYIR DU DUS DUS SU RAB TU ZHE BAR 'GYUR BA'I YID BYED KYIS DGA' BAR BYED CING, KUN TU SKYO BAR BYED PA'I YID BYED KYIS SKYE BAR BYED PA NI DGA' SDUD DE 'JIG RTEN BA'I SGOM SPANG
, ,DU GYUR BA'I 'DOD NYON 'BRING GI CHEN PO'I DNGOS GNYEN BYED PA'I NUS PA THOB PA NA, BSAM GTAN DANG PO'I NYER BSDOGS DGA' BSDUS PA'I YID BYED THOB PAR 'JOG, DE LA YANG DRUG TU YOD DE, 'JIG RTEN PA'I 'DOD NYON 'BRING SKOR GSUM GYI DNGOS GNYEN RIM PA BZHIN DU BYED BA'I 'JIG RTEN PA'I SGOM LAM BAR CHAD MED LAM 'BRING SKOR GSUM DANG, DE GSUM SPANGS PA'I 'JIG RTEN PA'I SGOM LAM RNAM GROL LA MA GSUM YOD PA'I PHYIR, DE LTAR 'JIG RTEN PA'I 'DOD NYON 'BRING SPANGS PA NA DGE BA LA SBYOR BA'I GEGS BYED PA'I 'DOD PA'I KUN DKRIS MI 'BYUNG BA NA 'DI SNYAM DU CI BDAG LA 'DI YOD BZHIN DU MI MYONG BA'AM 'ON TE MED BSAM MYONG SNYAM NAS SDUG PA'I MTSAN MA YID LA BYAS PAS 'DOD PA LA 'DUN PA 'BYUNG BA NA, BDAG GI SEMS 'DOD PA LA CHAGS PA DANG MA BRAL LO SNYAM DU SPANG BYA LHAG MA SPANGS PA'I PHYIR ZHI RAGS SU SGOM PA NI, BSAM GTAN DANG PO'I NYER BSDOGS DPYOD PA YID BYED YIN LA, DE LTAR DPYAD PAS 'JIG RTEN PA'I 'DOD NYON CHUNG DU SKOR GSUM MA SPANGS PAR MTHONG NAS DE SPONG BA'I PHYIR ZHI LHAG SGOM PAS DE CHUNG DU'I CHEN PO'I DNGOS GNYEN BYED PA'I NUS PA THOB PA NA BSAM GTAN DANG PO'I NYER BSDOGS SBYOR BA MTHA'I YID BYED THOB PAR 'JOG ,DER LNGAR YOD DE, 'JIG RTEN PA'I SGOM SPANG DU GYUR PA'I 'DOD NYON CHUNG DU SKOR GSUM GYI DNGOS GNYEN RIM PA BZHIN DU BYED PA'I 'JIG RTEN PA'I SGOM LAM BAR CHAD MED LAM CHEN PO SKOR GSUM DANG, DE CHUNG BU'I CHEN PO DANG, DE CHUNG BU'I 'BRING GNYIS SPANGS PA'I 'JIG RTEN PA'I
SGOM LAM RNAM GROL LAM CHEN PO'I CHUNG DU DANG CHEN PO'I 'BRING GNYIS SU YOD PA'I PHYIR, DE CHUNG DU'I CHUNG DU SPANGS PA'I 'JIG RTEN PA'I RNAM GROL LAM CHEN PO'I CHEN PO THOB BA NA BSAM GTAN DANG PO'I SBYOR BA MTHA'I 'BRAS BU YID BYED THOB PAR 'JOG STE NYAN SA LAS, DE LA MTSAN NYID SO SOR RIG PA'I YID LA BYED PAS NI SPANG BAR BYA BA GANG YIN PA DE SPANG BA YONGS SU SHES PAR BYED, THOB BAR BYA BA GANG YIN PA DE YANG YONGS SU THOB PAR BYED CING SPANG BAR BYA BA SPANG BA DANG, THOB PAR BYA BA THOB PAR BYA BA'I PHYIR SEMS GTOD PAR YANG BYED DO, ,MOS PA LAS BYUNG BA'I YID LA BYED PAS NI SPANG PAR BYA BA DANG, THOB PAR BYA BA'I PHYIR YANG DAG PAR RTZOM PA SBYONG BAR BYED DO, ,RAB TU DBEN PA YID LA BYED PAS NI NYON MONGS PA'I RNAM PA CHEN PO SPONG BAR BYED DO, ,DGA' BA SDUD PA'I YID LA BYED PAS NI NYON MONGS PA'I RNAM PA 'BRING SPONG BAR BYED DO, ,DPYOD PA YID LA BYED PAS NI MNGON PA'I NGA RGYAL MED PA LA SEMS 'JOG PAR BYED DO, ,SBYOR BA MTHAR THUG PA'I YID LA BYED PAS NI NYON MONGS PA'I RNAM BA CHUNG DU SPONG BAR BYED DO, ,SBYOR BA MTHAR THUG PA'I 'BRAS BU YID LA BYED PAS NI RNAM PA DE DAG SGOM PA'I 'BRAS BU NYAMS SU MYONG BAR BYED DO, ,ZHES GSUNGS PA'I PHYIR, BZHI BA SNGAR BSHAD PA'I YID? BYED DRUG PO DE 'JIG RTEN PA'I LAM BZHIR 'DU BA YIN TE, YID BYED DANG PO GNYIS 'JIG RTEN PA'I SBYOR BA'I LAM, RAB TU DBEN PA YID BYED SBYOR BA MTHA'I YID BYED GNYIS 'JIG RTEN PA'I BAR CHAD MED LAM DANG, DPYOD PA YID BYED 'JIG RTEN PA'I KHYAD PAR GYI LAM DANG, DGA' BA SDUD? PA'I YID BYED 'JIG RTEN PA'I LAM
, ,BZHI CHAR GYIS BSDUS PA YIN PA'I PHYIR TE, BSDU BA LAS, MTSAN NYID SO SOR RIG PA DANG MOS PA YID LA BYED PA NI SBYOR BA'I LAM GYIS BSDUS PA YIN NO, ,RAB TU DBEN PA DANG, SBYOR BA MTHAR THUG PA GNYIS NI BAR CHAD MED PA'I LAM GYIS BSDUS PA YIN NO, ,DGA' BSDUD PA NI LAM RNAM PA BZHI CHAR GYIS BSDUS PA YIN NO, ,DPYOD PA YID LA BYED PA NI KHYAD PAR GYI LAM GYIS BSDUS PA KHO NA YIN NO, ,ZHES GSUNGS PA'I PHYIR, BSAM GTAN DANG PO'I NYER BSDOGS YIN NA, YID BYED DRUG PO GANG RUNG YIN PAS MA KHYAB STE, BSAM GTAN DANG PO'I NYER BSDOGS MI LCOGS MED PA DE DE GANG RUNG MA YIN PA'I PHYIR, GSUM BA LHAG MA RNAMS DE DANG MTSUNGS PAR BSTAN PA NI, BSAM GTAN DANG PO LA YID BYED BRGYAD YOD PA DE BZHIN DU; BSAM GTAN GNYIS PA NAS SRID RTZE'I BAR LA YID BYED BRGYAD BRGYAD DU YOD DE, KUN BTUS LAS, BSAM GTAN DANG PO LA JI LTA BAR 'DU SHES MED 'DU SHES MED MIN GYI SKYE MCHED KYI BAR DU YANG DE BZHIN NO, ,ZHES GSUNGS PA'I PHYIR, DE YANG BSAM GTAN GNYIS PA LTA BU LA MTSON NA, BSAM GTAN DANG PO LA RAGS PA DANG, GNYIS PA LA ZHI BA'I MTSAN NYID DU BLTAS NAS SGOM PAR BYED PA'I ZHIG NAS 'BA' ZHIG PA DE LA BSAM GTAN GNYIS PA'I NYER BSDOGS YID LA BYED PA'I LAS DANG PO PAR 'JOG PA SOGS, BSAM GTAN DANG PO DANG 'DOD PA GNYIS BRJED PA MA GTOGS SNGAR BZHIN BYAS LA DES GONG MA GONG MA LA RIGS 'GRE'O, ,KHYAD PAR NI GZUGS KYI RTEN LA SGOM NA BSAM BYUNG DANG, GZUGS MED KYI RTEN LA SGOM NA THOS
BSAM GNYIS KA MED PAR CHOS MNGON PA'I SBYI SKAD YIN PAR LEGS BSHAD GSER PHRENG LAS BSHAD DO, ,BZHI PA LA MA DGU PO GANG DU GTOGS PAR BSHAD PA LA, BYE BRAG SMRA BA RNAMS BSAM GTAN DANG PO GSUM GYI SBYOR BA MTHA'I 'BRAS BU YID BYED LA NYER BSDOGS DANG DNGOS GZHI'I CHA GNYIS GNYIS SU YOD DE, NYAN THOS DBANG RTUL RNAMS KYI RGYUD KYI DE GSUM GYI SBYOR MTHA'I 'BRAS BU YID BYED RNAMS BSAM GTAN GYI NYER BSDOGS YIN LA, NYAN THOS DBANG RNON RNAMS KYI RGYUD KYI DE RNAMS BSAM GTAN GYI DNGOS GZHI'I SNYOMS 'JUG YIN TE, BSAM GTAN DANG PO GSUM GYI NYER BSDOGS DANG DNGOS GZHIS MI MTSUNGS PAS NYAN THOS DBANG RTUL RNAMS KYIS RANG RGYUD KYI BSAM GTAN GYI SBYOR BA MTHA'I 'BRAS BU YID BYED DE BSAM GTAN DANG PO'I DNGOS GZHI'I NGO BOR SKYED MI NUS PA'I PHYIR, BSAM GTAN BZHI PA LA MI MTSUNGS TE, BSAM GTAN BZHI PA'I NYER BSDOGS DANG DNGOS GZHI'I TSOR BA GNYIS SA MTSUNGS PAS NYAN THOS DBANG RTUL RNAMS KYIS RANG RGYUD KYI BSAM GTAN BZHI PA'I SBYOR BA MTHA'I 'BRAS BU YID BYED DE DNGOS GZHI'I NGO BOR SKYED NUS PA'I PHYIR, ZHES 'DOD DE, MDZOD LAS, SA GSUM LAS RGYAL BSAM GTAN NI, ,NYER BSDOGS LAS MTHA'I RNAM GROL LAM, ,GONG MA'I NYER BSDOGS LAS MIN 'PHAGS, ,BRGYAD KYI RANG GONG SA LAS RGYAL, ,ZHES GSUNGS PA'I PHYIR, RANG LUGS NI, BSAM GTAN DANG PO'I SBYOR BA MTHA'I 'BRAS BU YID BYED DE BSAM GTAN DANG PO'I DNGOS GZHI'I SNYOMS 'JUG YIN LA, DES GZHAN RNAMS LA RIGS 'DRA
, ,BAR BYA'O, ,GNYIS PA GANG THOB PA'I NGO BO BSHAD PA LA, DNGOS KYI DON, DBYE BA, PHYE BA SO SO'I NGO BO, SPYI'I RNAM GZHAG BSDUS TE GZHAN BSHAD PA'O, ,DANG PO NI, DNGOS GZHIS BSDUS SHING YAN LAG DANG DMIGS PA GANG RUNG GI SGO NAS RANG GI 'OG SA LAS 'DAS PA'I GONG SAS BSDUS PA'I DGE BA'I RIG PA DE, GONG SA'I DNGOS GZHI'I SNYOMS 'JUG GI MTSAN NYID, GNYIS PA DE LA BSAM GTAN GYI DNGOS GZHI'I SNYOMS 'JUG DANG, GZUGS MED KYI DNGOS GZHI'I SNYOMS 'JUG GNYIS SU YOD, RGYAS PAR DBYE NA, BSAM GTAN DANG PO'I DNGOS GZHI'I SNYOMS 'JUG NAS SRID RTZE'I DNGOS GZHI'I SNYOMS 'JUG GI BAR BRGYAD YOD, GNYIS PA NI, YAN LAG GI SGO NAS RANG GI 'OG SA LAS 'DAS PA'I BSAM GTAN GYI SAS BSDUS PA'I DGE BA'I RIG PA DE, BSAM GTAN GYI DNGOS GZHI'I SNYOMS 'JUG GI MTSAN NYID, DBYE NA BZHI YOD, YAN LAG GI SGO NAS RANG GI 'OG SA 'DOD PA LA 'DOD CHAGS DANG BRAL BA'I BSAM GTAN DANG PO'I DNGOS GZHI'I SAS BSDUS KYI DGE BA'I RIG PA, BSAM GTAN DANG PO'I DNGOS GZHI'I SNYOMS 'JUG GI MTSAN NYID, DBYE NA DE TZAM PO PA DANG, KHYAD PAR CAN GNYIS, BSAM GTAN GYI DNGOS GZHI'I SNYOMS 'JUG YANG YIN, TSOR BA BDE BA'I SA BA'I RIGS SU GNAS PA YANG YIN PA'I GZHI MTHUN PAR DMIGS PA, DANG PO'I MTSAN NYID, DE YANG YIN TSOR BA BTANG SNYOMS KYIS BA'I RIGS SU GNAS PA YANG YIN PA'I GZHI MTHUN PAR DMIGS PA, GNYIS PA'I MTSAN NYID, BSAM GTAN
DANG PO'I DNGOS GZHI'I SNYOMS 'JUG LA TZAM KHYAD GNYIS SU BZHAG NAS, DE YAN CHAD LA MI 'JOG PA'I RGYU MTSAN YOD DE, BSAM GTAN DANG PO'I YAN LAG TU GYUR PA'I RTOG PA LA 'DOD CHAGS DANG BRAL NAS DPYOD PA LA 'DOD CHAGS DANG MA BRAL BA YOD, GNYIS PA YAN CHAD KYI YAN LAG RNAMS NANG PHAN TSUN LA CHAGS BRAL BYED DKA' SLA'I KHYAD PAR MED PA'I PHYIR, GNYIS PA YAN CHAD LA MTSAN NYID RIGS 'DRA, BSAM GTAN GYI DNGOS GZHI'I SNYOMS 'JUG GANG ZHIG ,RANG 'BRAS SDUG BSNGAL BDEN BSKYED BYED KYI 'KHOR BAS BSDUS PA, RGYU SNYOMS 'JUG GI PAS MA GTAN GYI DNGOS GZHI'I MTSAN NYID, BSAM GTAN RNAMS LA YAN LAG GI SGO NAS RANG GI 'OG SA LAS 'DAS PA ZHES BRJOD PA'I RGYU MTSAN YOD DE, DE RNAMS GONG MA GONG MAS RANG GI 'OG MA 'OG MA'I YAN LAG RAGS PA LAS NGES PAR 'BYUNG BA'I PHYIR, DE RNAMS LA YAN LAG MI 'DRA BA'I KHYAD PAR YOD PA'I RGYU MTSAN GYIS DE LTAR BRJOD PA'I PHYIR, DMIGS PA'I SGO NAS RANG GI 'OGS LAS 'DAS PA'I GZUGS MED KYIS SA BSDUS PA'I DGE BA'I RIG PA, GZUGS MED KYI DNGOS GZHI'I SNYOMS 'JUG GI MTSAN NYID, DBYE NA BZHI YOD, DMIGS PA'I SGO NAS BSAM GTAN BZHI PA LA 'DOD CHAGS DANG BRAL BA'I NAM MKHA' MTHA' YAS KYI SAS BSDUS PA'I DGE BA'I RIG PA, NAM MKHA' MTHA' YAS KYI DNGOS GZHI'I SNYOMS 'JUG GI MTSAN NYID, DES GZHAN LA RIGS 'DRA'O, ,GZUGS MED RNAMS LA DMIGS PA'I SGO NAS RANG GI 'OGS LAS 'DAS PA ZHES BRJOD PA'I RGYU MTSAN YOD DE, DE RNAMS GONG MA GONG MAS
, ,RANG GI 'OG MA 'OG MA'I DMIGS PA LAS NGES PAR 'BYUNG ZHING, DE RNAMS LA DMIGS PA MI 'DRA BA'I KHYAD PAR YOD, YAN LAG MI 'DRA BA'I KHYAD PAR MED PAS DE LTAR BRJOD PA'I PHYIR, GZUGS MED KYI DNGOS GZHI'I SNYOMS 'JUG GANG ZHIG ,RANG 'BRAS SDUG BSNGAL BDEN BSKYED BYED KYI 'KHOR BAS BSDUS PA, RGYU SNYOMS 'JUG GI GZUGS MED KYI DNGOS GZHI'I SNYOMS 'JUG GI MTSAN NYID, BZHI PA LA 'JIG RTEN PA'I LAM DANG, 'JIG RTEN LAS 'DAS PA'I LAM DANG, DE DAG GI RNAM GZHAG GZHAN BSHAD PA'O, ,DANG PO LA, NYON MONGS CAN DANG, DAG PA BA BSHAD PA'O, ,DANG PO NI, SNYOMS 'JUG GI RDZAS RGYUN YANG YIN, SGRIB LUNG MA BSTAN GYI SEMS RTZE GCIG PA MTSUNGS LDAN DANG BCAS PA YANG YIN PA'I GZHI MTHUN PAR DMIGS PA DE, SNYOMS 'JUG NYON MONGS CAN GYI MTSAN NYID, DBYE NA, BSAM GTAN DANG PO NAS SRID RTZE'I BAR BRGYAD YOD, DES NA SNYOMS 'JUG NYON MONGS CAN BSHAD PA LA, GANG NYON MONGS PAR BYA BA'I GZHI, GANG GIS NYON MONGS PAR BYED BA'I CHOS, JI LTAR NYON MONGS PAR BYED PA'I TSUL, NYON MONGS CAN LA YAN LAG RNAM PAR MI 'JOG PA'I RGYU MTSAN NO, ,DANG PO YOD DE, BSAM GTAN DANG GZUGS MED KYI DNGOS GZHI SNYOMS 'JUG DAG PA BA RNAMS DE YIN PA'I PHYIR TE, DE DAG LAM NYAM PAR BZHAG PA NA PHYIS NYON MONGS PA BZHIS CI RIGS PAR NYON MONGS CAN DU 'GYUR BA'I PHYIR TE, MDZOD LAS, 'JIG RTEN PA YI DGE BA NI, ,DAG BDE NI DES MYANG BYA, ,ZHES GSUNGS PA'I PHYIR TE, DE NYIS PA NI, SRED PA, LTA BA, NGA RGYAL, MA
RIG PA RNAMS YIN TE, MDZOD LAS, GZHAN MIN BZHI ZHES NYI 'OG PA, ,DE DAG SRED LTA NGA RGYAL RMONGS, ,ZHES DANG, KUN BTUS LAS, LUNG DU MA BSTAN PA'I RTZA BA BZHI GANG ZHE NA, SRED PA DANG, LTA BA DANG, NGA RGYAL DANG, MA RIG PA STE, ZHES GSUNGS PA'I PHYIR, GSUM PA YOD DE, BSAM GTAN GYI DNGOS GZHI SNYOMS 'JUG DAG PA BA LA MNYAM PAR BZHAG PA'I TSE SNYOMS 'JUG GI RO MYANGS PA'I DBANG GIS SNGAR DGE BA YIN YANG PHYIS SNYOMS 'JUG DE'I RO MYANGS BA'I SRED PA DE DANG MTSUNGS DAN DU GYUR PA'I TSE NI SRED PAS NYON MONGS PAR BYED PA'I TSUL DANG, YANG BSAM GZUGS KYI DNGOS GZHI'I SNYOMS 'JUG DAG PA BA LA MNYAM PAR BZHAG PA'I TSE SNYOMS 'JUG DE LA BRTEN NAS MNGON SHES KYI MTHUS SNGON DANG PHYI MA'I MTHA' 'GA' ZHIG MTHONG BA NA 'JIG RTEN 'DI NI RTAG PA'O SNYAM PA'I LTA BA NGAN PA SKYES TE PHYIS SNYOMS 'JUG DE LTA BU DE DANG MTSUNGS LDAN DU SKYES PA DE LTA BAS NYON MONGS PAR BYED PA'I TSUL DANG, YANG DE'I TSE BDAG GIS 'DI THOB KYI GZHAN GYIS MA YIN NO SNYAM PA'I SEMS KHENGS PA'I NGA RGYAL SKYES TE PHYIS SNYOMS 'JUG DE NGA RGYAL DE DANG MTSUNGS LDAN DU GYUR PA NI NGA RGYAL GYIS NYON MONGS PAR BYED PA'I TSUL DANG, YANG DE'I TSE BDAG GIS THOB PA'I SNYOMS 'JUG 'DI THAR LAM YIN NAM MA YIN SNYAM DU LAM LA RMONGS PA'I MTHUS THE TSOM SKYES TE PHYIS SNYOMS 'JUG DE RMONGS PA DE DANG MTSUNGS LDAN DU GYUR PA NI MA RIG PAS NYON MONGS PAR BYED PA'I TSUL YIN PA'I PHYIR, 'O NA GZUGS MED MNGON SHES KYI RTEN MA YIN PAS DE LA LTA BAS NYON MONGS PAR BYED TSUL GANG ZHE NA, DE'I TSUL YOD DE, SNGAR LOG
, ,PAR RTOG PA RGYUD LA LDAN BZHIN DU SNYOMS 'JUG DAG PA BA THOB PA NA BDAG GI LTA BA 'DI NI MCHOG STE 'DI'I MTHUS TING NGE 'DZIN 'DI THOB PAS SO, ,ZHES LTA BA NGAN PA LA MCHOG 'DZIN GYI LTA BA SKYES PAS DE LTAR NYON MONGS CAN DU SKYED PA'I PHYIR, BZHI PA NI, BSAM GTAN GYI SNYOMS 'JUG NYON MONGS CAN DE RNAMS BSAM GTAN GYI SNYOMS 'JUG MA YIN TE, BSAM GTAN GYI SNYOMS 'JUG YIN NA, DGE BA YIN DGOS, DE NYON MONGS CAN YIN PA'I PHYIR, DANG PO GRUB STE, MDZOD RTZA BA LAS, SNYOMS 'JUG DGE BA RTZE GCIG PA, ,ZHES GSUNGS PA'I PHYIR, 'O NA, MDZOD RTZA BA LAS, DE LTAR SNYOMS 'JUG DNGOS GZHI'I RDZAS RNAM PA BRGYAD BDUN RNAM PA GSUM, ,ZHES SNYOMS 'JUG NYON MONGS CAN SNYOMS 'JUG GI DBYE BAR BSHAD PA DANG 'GAL LO, ,ZHE NA MI 'GAL TE, DE SNYOMS 'JUG G RDZAS RGYUN YIN PA TZAM LA DGONGS PA'I PHYIR, DPER NA SA BON RUL BA DE SA BON MIN YANG DE SA BON GYI RDZAS RGYUN YIN PAS DE LA SA BON GYI MING GIS BSTAN PA BZHIN NO; ;DE LTAR YANG, MDZOD 'BREL LAS, NYON MONGS CAN JI LTAR BSAM GTAN YIN ZHE NA, LOG BAR SEMS PA'I PHYIR, HA CANG THAL BAR 'GYUR RO, ,ZHE NA MA YIN TE, DE DANG RIGS MTHUN PA KHO NA LA DE'I MING DU BTAGS PA'I PHYIR TE, DPER NA SA BON RUL BA BZHIN NO, ,ZHES GSUNGS PA'I PHYIR, GZHAN YANG, DE BSAM GTAN GYI DNGOS GZHI'I SNYOMS 'JUG MA YIN TE, DE BSAM GTAN GYI YAN LAG DANG MI LDAN PA'I PHYIR TE, MDZOD RTZA BA LAS, ,NYON MONGS CAN LA DGA' BA DE
DANG; ;RAB DANG SHES BZHIN DRAN BA DANG, ,BTANG SNYOMS DRAN PA DAG PA MED, ,CES GSUNGS PA'I PHYIR, DES NA BSAM GTAN DANG PO'I DNGOS GZHI'I SNYOMS 'JUG NYON MONGS CAN CHOS CAN, DBEN PA LAS SKYES PA'I DGA' BA DE PHAN YON GYI YAN LAG TU MI LDAN TE, 'DOD PA'I NYON MONGS PAS DBEN PA MA YIN PA'I PHYIR, BSAM GTAN GNYIS PA'I DE CHOS CAN, NANG RAB TU DANG BA GNYEN PO'I YAN LAG TU MI LDAN TE, NYON MONGS PA'I RTOG PAS RMONGS PAR BYAS PA'I PHYIR, GSUM PA'I DE CHOS CAN, DRAN SHES BZHIN GNYEN PO'I YAN LAG TU MI LDAN TE, NYON MONGS CAN GYI BDE BAS KUN NAS RMONGS PAR BYAS PA'I PHYIR, BZHI PA'I DE CHOS CAN, DRAN PA DANG BTANG SNYOMS YONGS DAG GNYEN PO'I YAN LAG TU MI LDAN TE, NYON MONGS PAS DRI MA CAN DU BYAS PA'I PHYIR, DE LTAR YANG, MDZOD 'GRELLAS, BSAM GTAN DANG PO LA NI DBEN PA LAS SKYES PA'I DGA' BA DANG BDE BA MED DE, 'DOD NYON GYIS DBEN PA MA YIN PA'I PHYIR, ZHES SOGS GSUNGS PA'I PHYIR, GNYIS PA LA, KHAMS GONG GI DNGOS GZHI SNYOMS 'JUG GANG ZHIG, RANG SA'I NYON MONGS PAS BSLAD PA'I 'JIG RTEN PA'I DGE BAR DMIGS PA, GONG SA'I SNYOMS 'JUG DAG PA PA'I MTSAN NYID YIN TE, MDZOD SU? BA LAS, 'JIG RTEN PA YI DGE BA NI, , DAG PA, ZHES GSUNGS PA'I PHYIR, DBYE NA BSAM GTAN DANG PO NAS SRID RTZE'I BAR BRGYAD YOD, MTSAN NYID RIGS 'DRA, DE YANG DANG PO BDUN PO DE RE RE LA YANG DNGOS GZHI SNYOMS 'JUG DAG BA PA DANG, NYAMS PA CHA MTHUN, GNAS PA
, ,CHA MTHUN, KHYAD PAR CHA MTHUN, NGES 'BYED CHA MTHUN BZHI BZHIR YOD, SRID RTZE LA KHYAD PAR CHA MTHUN MED DE, SRID RTZE LA GONG SA MED PA'I PHYIR, GZHAN GSUM YOD, GONG SA'I DNGOS GZHI SNYOMS 'JUG DAG PA BA GANG ZHIG, RANG GI MJUG THOGS SU RANG SA'I NYON MONGS PA SKYE BA DANG RJES SU MTHUN PA, DANG PO'I MTSAN NYID, DE GANG ZHIG, RANG GI MJUG THOGS SU RANG SA'I DNGOS GZHI SNYOMS 'JUG DAG PA PA GZHAN 'DREN PA DE, GNYIS PA'I MTSAN NYID, DE GANG ZHIG , RANG GI MJUG THOGS SU RANG GI GONG SA'I DNGOS GZHI SNYOMS 'JUG DAG PA BA GZHAN 'DREN PA DANG RJES SU MTHUN PA, GSUM PA'I MTSAN NYID, DE GANG ZHIG, RANG GI MJUG THOGS SU ZAG PA MED PA'I LAM GZHAN 'DREN PA DANG RJES SU MTHUN PA, BZHI BA'I MTSAN NYID YIN TE, MDZOD LAS, DAG PA NYAMS PA CHA MTHUN SOGS, ,NAM BZHI DE NI GO RIMS BZHIN, ,NYON MONGS SKYE DANG RANG SA DANG, ,GONG DANG ZAG MED RJES MTHUN PA'O, ,ZHES GSUNGS PA'I PHYIR, MNGON PA GONG 'OG TU SRID RTZE'I DNGOS GZHI SNYOMS 'JUG ZAG MED MED PAR BSHAD KYANG, RANG LUGS LA DE YOD DE, SPANG BYA CIG CAR PA'I NYAN THOS DGRA BCOM PA DES BSAM GTAN DANG PO'I DNGOS GZHI SNYOMS 'JUG THOB PA'I TSE, DES 'DAS LAM GYI NGO BOR GYUR PA'I BSAM GZUGS BRGYAD KA THOB PA'I PHYIR, RTAGS 'OG TU SGRUB, GNYIS PA NI, DES NA GONG SA'I DNGOS GZHI SNYOMS 'JUG GANG ZHIG ,'JIG RTEN LAS 'DAS PA'I DGE BAR DMIGS PA, GONG SA'I DNGOS GZHI SNYOMS 'JUG ZAG MED KYI MTSAN NYID YIN TE,
MDZOD LAS, ZAG MED 'JIG RTEN 'DAS BA'O, ,ZHES GSUNGS PA'I PHYIR, DBYE NA, BSAM GTAN DANG PO NAS SRID RTZE'I BAR BRGYAD YOD, GSUM PA LA, BSAM GTAN GYI YAN LAG BSHAD PA, GZUGS MED KYI DMIGS RNAM BSHAD PA, BSAM GTAN DANG GZUGS MED SGOM BA'I 'BRAS BU BSHAD PA'O, ,DANG PO LA, RDZAS BTAGS KYI KHYAD PAR, YAN LAG GI NGO BO, GRANGS NGES PA'I TSUL LO, ,DANG PO NI, SBYIR BSAM GTAN GYI YAN LAG LA MING GI SGO NAS BCO BRGYAD DU YOD DE, DANG PO LA YAN LAG LNGA, GNYIS PA LA BZHI, GSUM PA LA LNGA, BZHI PA LA BZHI YOD PA'I PHYIR, DANG PO GRUB STE, DE'I YAN LAG TU GYUR PA'I RTOG DPYOD GNYEN PO'I YAN LAG, DER GYUR PA'I DBEN PA LAS SKYES PA'I DGA' BDE PHAN YON GYI YON LAG ,DER GYUR PA'I TING NGE 'DZIN GNAS KYI YAN LAG RNAMS SU YOD PA'I PHYIR, GNYIS PA GRUB STE, DE'I YAN LAG TU GYUR PA'I NANG RAB TU DANG BA GNYEN PO'I YAN LAG ,TING NGE 'DZIN LAS SKYES PA'I DGA' BDE PHAN YON GYI YAN LAG ,TING NGE 'DZIN GNAS KYI YAN LAG RNAMS SU YOD PA'I PHYIR, GSUM PA GRUB STE, DE'I YAN LAG TU GYUR PA'I BTANG SNYOMS DRAN SHES BZHIN GSUM GNYEN PO'I YAN LAG ,DGA' BAS DBEN PA'I BDE BA PHAN YON GYI YAN LAG ,TING NGE 'DZIN GNAS KYI YAN LAG RNAMS SU YOD PA'I PHYIR, BZHI PA GRUB STE, DER GYUR PA'I DRAN PA DANG BTANG SNYOMS YONGS DAG GNYEN PO'I YAN LAG ,TSOR BA BTANG SNYOMS PHAN YON GYI YAN LAG ,TING NGE 'DZIN GNAS KYI YAN LAG RNAMS SU YOD PA'I PHYIR, DE LTAR YANG, MDZOD RTZA BA LAS, DANG PO LA LNGA RTOG DPYOD DANG, ,
, ,DGA' DANG BDE DANG TING 'DZIN RNAMS, ,GNYIS PA LA NI YAN LAG BZHI, ,RAB DAD DANG NI DGA' LA SOGS, ,GSUM PA LA LNGA BTANG SNYOMS DANG, ,DRAN DANG SHES BZHIN BDE DANG GNAS, ,MTHA' NA BZHI DRAN BTANG SNYOMS DANG, ,BDE MIN SDUG MIN TING 'DZIN RNAMS, ,ZHES GSUNGS PA'I PHYIR, DE DAG LA MDZOD PA? LTAR NA RDZAS BCU GCIG TU 'DOD DE, RTOG DPYOD DGA' BDE TING NGE 'DZIN RAB DANG DRAN SHES BZHIN 'DU BYED BTANG SNYOMS, TSOR BA BDE BA, BTANG SNYOMS KYI RDZAS RNAMS SU YOD PA'I PHYIR, MNGON PA GONG MA LTAR NA DE RNAMS RDZAS RIGS KYI SGO NAS DGUR 'DU STE, RTOG DPYOD GNYIS DANG, BSAM GTAN DANG PO GNYIS KYI YAN LAG TU GYUR PA'I DGA' BA, GSUM PA'I YAN LAG TU GYUR PA'I SEMS TSOR BDE BA'I DBANG PO, DRAN SHES BZHIN BTANG SNYOMS GSUM, BZHI PA'I TSOR BA BTANG SNYOMS, TING NGE 'DZIN RNAMS SU 'DU BA YIN PA'I PHYIR, RTAGS DANG PO GRUB STE, RTOG DPYOD GNYIS PO DE RDZAS THA DAD PA KHO NA YIN PA'I PHYIR, GNYIS PA GRUB STE; DE GNYIS KYI YAN LAG TU GYUR PA'I DGA' BDE GNYIS NI YID BDE BAR MTSUNGS PA'I PHYIR, GSUM PA GRUB STE, DE'I YAN LAG TU GYUR PA'I BDE BA NI DGA' BA'I KUN DKRIS DANG BRAL BA'I SEMS TSOR BDE BA YIN PA'I PHYIR, BZHI BA GRUB STE, GNYIS PA'I YAN LAG TU GYUR PA'I NANG RAB TU DANG BA DANG BZHI PA'I TSOR BA BTANG SNYOMS, DRAN PA DANG BTANG SNYOMS YONGS DAG RNAMS DRAN PA DANG, BTANG SNYOMS SU 'DU BA'I PHYIR, DES NA DGA' BDE GNYIS RDZAS GCIG YIN YANG, RAB DAD NI
DRAN SHES BZHIN BTANG SNYOMS GSUM GYI NGO BO YIN PAS RDZAS SU DGU DANG LHAG MA BRGYAD DU 'DOD DO, ,GNYIS PA LA BZHI LAS, DANG PO LA BSAM GTAN DANG PO'I YAN LAG TU GYUR PA'I RTOG PA NI SEMS GANG SHES RAB KYI CHA LA BTAGS PA DAG GIS BRJOD PA KUN NAS SLONG BA RANG YUL LA RTZID PA'I RNAM PAS 'JUG PA'I BSAM GTAN DANG PO'I SEMS BYUNG ZHIG LA 'JOG ,DPYOD BA NI SEMS GANG SHES RAB KYI CHAL BTAGS PA RJOD BYED KYI DAG KUN NAS SLONG BA RANG YUL LA ZHIB MOR DPYOD PA'I RNAM PAS 'JUG PA'I DE LA BYED DE, KUN BTUS LAS, RTOG PA GANG ZHE NA, SEMS PA'AM SHES RAB LA BRTEN NAS KUN TU 'TSOL BA'I YID KYIS BRJOD PA STE, DE NI SEMS RTZING PA'O, ,DPYOD PA GANG ZHE NA, SEMS PA'AM SHES RAB LA BRTEN NAS SO SOR RTOG PA'I YID KYIS BRJOD PA STE, DE NI SEMS ZHIB PA'O, ,ZHES DANG, MDZOD RTZA BA LAS, RTOG DANG DPYOD PA RTZING ZHIB NYID, ,CES GSUNGS PA'I PHYIR, 'O NA DE GNYIS BSAM GTAN DANG PO'I DNGOS GZHI SNYOMS 'JUG TZAM PO BA'I YAN LAG TU LDAN PA MED DE, DE GNYIS 'DZIN STANGS KYI RNAM PA 'GAL PA'I PHYIR, ZER NA SKYON MED DE, DE'I YAN LAG TU GYUR PA'I RTOG PA DES RANG DANG MTSUNGS LDAN GYI BSAM GTAN DANG PO'I DNGOS GZHI SNYOMS 'JUG DE HA CANG ZHIB PAR MI BYED, DER GYUR PA'I DPYOD PA DES DE HA CANG RTZING BAR MI BYED PA'I PHYIR, DPER NA, MAR GSAR PA CHU GRANG MO RA BCUG STE NYI MA LA BTANG BA'I TSE NYI MAS HA CANG DRO BAR MI BYED, CHUS HA CANG GRANG BAR MI BYED PA BZHIN NO, ,BYE BRAG SMRA BA RNAMS BSAM GTAN DANG PO'I YAN LAG TU GYUR
, ,PA'I DGA' BA DE YID BDE DANG, BDE BA SHIN SBYANGS KYI BDE BA LA BYED, CES ZER, MDZOD RTZA BA LAS, DANG PO NI, SHIN TU SBYANGS PA BDE BA YIN, ,ZHES DANG, LUNG RNAM GNYIS PHYIR DGA' YID BDE, ,ZHES GSUNGS PA'I PHYIR,, RANG LUGS NI, DE'I DE GNYIS NGO BO GCIG YIN TE, BSAM GTAN DANG PO'I YAN LAG TU GYUR PA'I TSOR BA SIM PAR MYONG BA DES RANG RGYUD LDAN GYI GANG ZAG GI DBANG PO RTEN BCAS LAS RUNG DU BYED PA'I CHA NAS BDE BAR BZHAG ,DES RANG DANG MTSUNGS LDAN GYI RNAM SHES 'KHOR BCAS DGA' BA RNAMS KYIS TSIM PAR BYAS PA'I SGO NAS SEMS LAS RUNG DU BYED PA'I CHA NAS DGA' BAR BZHAG PA'I PHYIR TE, NYA NAS RA, GZUGS KYI LUS DANG YID KYI LUS KYI TSOR BA'I BDE BA DANG SHIN TU SBYANGS PA'I BDE BA SO SOR MYONG BAR BYED PAS NA DE'I PHYIR, BDE BA LUS KYIS MYONG LA, ZHES GSUNGS PA'I PHYIR, DER GYUR PA'I TING NGE 'DZIN NI RANG DANG MTSUNGS LDAN GYI SEMS SEMS BYUNG RNAMS DMIGS PA GCIG LA SDUD PAR BYED PA'I BSAM GTAN DANG PO' YID BYED CIG LA BYED, GNYIS PA NI, BYE BRAG SMRA BAS BSAM GTAN GNYIS PA'I YAN LAG TU GYUR PA'I NANG RAB TU DANG BA NI BSAM GTAN DANG PO LAS NGES PAR 'BYUNG BA LA YID CHES PA'I DAD PA ZHIG LA BYED DE, MDZOD RTZA BA LAS, RAB TU DANG BA DAD PA YIN, ,ZHES GSUNGS PA'I PHYIR, DE'I YAN LAG TU GYUR PA'I DRAN SHES BZHIN BTANG SNYOMS GSUM PO DE DE'I YAN LAG TU GYUR PA'I NANG YONGS SU DANG BA YIN TE, BSDU BAR, DE LA NANG YONGS SU DANG? BA'I CHOS KYI NGO BO NYID GANG ZHE NA,
SMRAS PA DRAN PA DANG, SHES BZHIN DANG, BTANG SNYOMS KYI NGO BO NYID, CES GSUNGS PA'I PHYIR, DER GYUR PA'I DGA' BDE GNYIS SNGAR BZHIN, TING NGE 'DZIN YANG SNGAR BZHIN NO, ,GSUM PA NI, BSAM GTAN GSUM PA'I YAN LAG TU GYUR PA'I DRAN PA NI BSAM GTAN GNYIS PA'I DGA' BA'I KUN DKRIS LDOG PA'I DMIGS RNAM MI BRJED PAR 'DZIN PA'I BSAM GTAN GSUM PA'I SAS BSDUS KYI YID BYED CIG LA 'JOG ,DE'I YAN LAG TU GYUR PA'I SHES BZHIN NI BYING RGOD 'BYUNG MI 'BYUNG RTOG PA'I BSAM GTAN GSUM PA'I SAS BSDUS KYI YID BYED CIG LA BYED, DE'I YAN LAG TU GYUR PA'I BTANG SNYOMS NI RTOG DPYOD DANG DGA' BA'I NYON MONGS PA'I KUN DKRIS DANG BRAL BA'I SGO NAS MI MNYAM PA MED PAR SMES RANG GI DMIGS PA LA RTZE GCIG TU 'JOG PA'I BSAM GTAN GSUM PA'I SAS BSDUS KYI 'DU BYED BTANG SNYOMS PA ZHIG LA BYED, DE'I YAN LAG TU GYUR PA'I BDE BA NI DGA' BA'I NYON MONGS PA'I KUN DKRIS DANG BRAL BA'I BSAM GTAN GSUM PA'I SAS BSDUS KYI SEMS TSOR BDE BA'I DBANG PO ZHIG LA 'JOG ,TING NGE 'DZIN SNGAR BZHIN, 'O NA, BSAM GTAN DANG PO NA DRAN SHES BZHIN BTANG SNYOMS GSUM YOD NA, DE'I YAN LAG TU MI 'JOG ,GNYIS PAR RANG GI MING NAS MI SMOS, GSUM PAR RANG GI MING GIS SMOS PA'I RGYU MTSAN CI YIN ZHE NA, DE'I RGYU MTSAN YOD DE, BSAM GTAN DANG POR DE GSUM YOD KYANG, DE GSUM RTOG DPYOD KYI RTOG PAS BSLAD PAS DE GSUM DE'I YAN LAG TU MA BZHAG, BSAM GTAN GNYIS PAR DE GSUM YAN LAG TU
, ,LDAN YANG DGA' BA'I NYON MONGS PA'I KUN DKRIS KYIS SGRIB PAS RANG MING GIS MA SMOS PAR RAB TU DANG BA'I MING GIS BSTAN, BSAM GTAN GSUM PAR DE GSUM BSAM GTAN GYI SKYO NA DE DAG DANG BRAL BAS RANG MING GIS BSTAN PA YIN PA'I PHYIR, BSDUS PA LAS, DE LA BSAM GTAN DANG PO LA NI DRAN PA DANG SHES BZHIN DANG BTANG SNYOMS DAG RTOG PA DANG DPYOD PA'I SGO DAG GIS MNGON PAR SGRIB PAS NA DE'I PHYIR YOD KYANG MA SMOS SO, ,BSAM GTAN GNYIS PA LA NI NGO BO NYID LAS LAS BYED PA DAG YIN YANG SEMS DGA' BA'I NYON MONGS PAS KUN NAS DKRIS PA YIN PAS DE'I PHYIR NANG YONGS SU DANG BA'I MING GIS BSTAN TO, ,BSAM GTAN GSUM PA LA NI SEMS KYI TE BA'I NYON MONGS PA DE DANG BRAL BA'I RANG GI MTSAN NYID DE KHO NAS BSTAN TE, ZHES GSUNGS PA'I PHYIR, BZHI PA NI, BSAM GTAN BZHI PA'I YAN LAG TU GYUR PA'I DRAN PA DANG BTANG SNYOMS GNYIS LA YONGS DAG GI SGRAS STON PA'I RGYU MTSAN YOD DE, BSAM GTAN GYI SKYON BRGYAD LAS GROL BA'I PHYIR, BSAM GTAN GYI SKYON BRGYAD YOD DE, RTOG DPYOD GNYIS, DBUGS 'BYUNG RDUB GNYIS, ZAG BCAS KYI TSOR BA BDE BA DANG YID BDE GNYIS, SDUG BSNGAL DANG YIN MI BDE GNYIS TE BRGYAD DU YOD PA'I PHYIR TE, MDZOD RTZA BA LAS, SKYON BRGYAD LAS NI GROL BA'I PHYIR, BZHI PA G-YO BA MED PA YIN, ,RTOG DANG DPYOD DANG DBUGS DAG DANG, ,BDE BA LA SOGS BZHI YIN NO, ,ZHES GSUNGS PA'I PHYIR, DES NA BSAM GTAN BZHI BA'I YAN LAG TU GYUR PA'I DRAN PA DANG BTANG SNYOMS GNYIS NI, BSAM GTAN
GYI SKYON BRGYAD LAS GROL BA'I BSAM GTAN BZHI PA'I SAS BSDUS KYI DRAN PA DANG BTANG SNYOMS LA RIM BZHIN 'JOG ,DER GYUR PA'I BTANG SNYOMS NI DE'I SAS BSDUS KYI 'DU BYED BTANG SNYOMS BA ZHIG LA BYED, TING NGE 'DZIN NI SNGAR BZHIN NO,, DER GYUR BA'I SHES BZHIN MI 'JOG STE, DER BYING RGOD 'BYUNG MI 'BYUNG RTOG MI DGOS PA'I PHYIR, RTOG DPYOD DANG DGA' BDE RNAMS KYANG BSAM GTAN BZHI PA LA LTOS NAS G-YO BA'I SKYON DU BSHAD PA YIN GYI RANG RANG GIS LA LTOS NAS MA YIN TE, BSDU? BA LAS, GANG GI TSE BSAM GTAN DANG PO LA SOGS PA'I RTOG PA DANG DPYOD PA LA SOGS PAS TING NGE 'DZIN LA PHAN 'DOGS PA DANG YONGS SU DAG PAR 'GYUR PA'I PHYIR 'JUG PA YIN NA, CI'I PHYIR BCOM LDAN 'DAS KYIS G-YO BA'I SKYON DU BSTAN ZHE NA, SMRAS PA GZHAN GYIS LA LTOS TE BSTAN PA YIN GYI RANG GIS LAS NI MA YIN NO, ,ZHES GSUNGS PA'I PHYIR, 'O NA BSAM GTAN GYI YAN LAG DE RNAMS RANG RANG GI SNYOMS 'JUG YIN NA, DE RNAMS YAN LAG LNGA PA'I BSAM GTAN DANG PO'I DNGOS GZHI'I SNYOMS 'JUG LA SOGS PA YIN DGOS LA, DE RNAMS DE MA YIN NA, DE RNAMS DE DANG DE'I SAS BSDUS KYI YID BYED KYANG MA YIN PAR 'GYUR RO, ,ZHE NA SKYON MED DE, DE RNAMS DE DANG DE'I BSAM GTAN GYI DNGOS GZHI SNYOMS 'JUG YIN ZHING, DE RNAMS YAN LAG LNGA PA SOGS SU BRAL BA'I SKYON MED PA'I PHYIR, DPER NA, DPUNG TSOGS YAN LAG BZHI PA'I DMAG GI NANG TSAN DU GYUR PA'I RTA BA'I DMAG DE YAN LAG BZHI PA'I DMAG MA YIN KYANG, DE RNAMS DMAG YIN PA BZHIN NO, ,DE LTAR YANG, MDZOD
, ,'GREL LAS, YAN LAG BZHI PA'I DMAG JI LTA BA BZHIN DU YAN LAG LNGA PA'I BSAM GTAN YANG DE BZHIN NO, ,ZHES GSUNGS PA'I PHYIR, 'O NA, BSAM GTAN BZHI PO DE LA MI 'DRA BA'I KHYAD PAR CI YOD CE NA, DE'I KHYAD PAR YOD DE, BSAM GTAN DANG PO DANG GNYIS PA LA TING NGE 'DZIN YONGS SU MA RDZOGS PA DANG RDZOGS PA'I KHYAD PAR YOD, BSAM GTAN GNYIS PA DANG GSUM PA LA PHAN 'DOGS PA YONGS SU MA RDZOGS PA DANG RDZOGS PA'I KHYAD PAR YOD, BSAM GTAN GSUM PA DANG BZHI PA LA YONGS SU DAG PA MA RDZOGS PA DANG RDZOGS PA'I KHYAD PAR YOD PA'I PHYIR, DANG PO GRUB STE, DE GNYIS LA RTOG DPYOD KYI RNYOG MAS DVANGS PA DANG MA DVANGS PA'I KHYAD PAR YOD PA'I PHYIR, GNYIS PA GRUB STE, DE GNYIS LA DGA' BA'I NYON MONGS PA'I KUN DKRIS DANG MA BRAL BA DANG BRAL BA'I KHYAD PAR YOD PA'I PHYIR, GSUM PA GRUB STE, DE GNYIS LA BSAM GTAN GYI SKYON BRGYAD KYIS MA DAG PA DANG DAG PA'I KHYAD PAR YOD PA'I PHYIR, DE LTAR YANG BSDU BA LUS, BSAM GTAN DANG PO DANG BSAM GTAN GNYIS PA LA KHYAD PAR CI YOD CE NA, SMRAS PA TING NGE 'DZIN YONGS SU RDZOGS PA'I KHYAD PAR YOD DO, ,BSAM GTAN GNYIS PA DANG GSUM PA LA KHYAD PAR CI YOD CE NA, SMRAS PA PHAN 'DOGS PA YONGS SU RDZOGS PA'I KHYAD PAR YOD DO, ,BSAM GTAN GSUM PA DANG BZHI PA LA KHYAD PAR CI YOD CE NA, SMRAS PA YONGS SU DAG PA RDZOGS PA'I KHYAD PAR YOD DO, ,ZHES GSUNGS PA'I PHYIR, ,GSUM PA GRANGS NGES PA'I TSUL NI, CI'I PHYIR BSAMS GTAN
RNAMS LA YAN LAG LNGA PA DANG BZHI PA BZHAG CE NA, DE STON PA LA, KUN BTUS LAS, GNYEN PO'I YAN LAG DANG, PHAN YON GYI YAN LAG DANG, DE GNYIS KA'I GNAS KYI YAN LAG GI PHYIR, ZHES GSUNGS, DON NI, BSAM GTAN GYI YAN LAG LA BCO BRGYAD DER GRANGS NGES PA'I RGYU MTSAN YOD PA YIN TE, GNYEN PO'I YAN LAG ,PHAN YON GYI YAN LAG ,GNAS KYI YAN LAG GSUM GYI DBANG DU BYAS NAS DE LTAR BZHAG PA'I PHYIR, DE YANG YIN TE, BSAM GTAN DANG PO'I YAN LAG TU GYUR PA'I RTOG DPYOD GNYIS, GNYIS PA'I YAN LAG TU GYUR PA'I NANG RAB TU DANG BA DANG, GSUM PA'I YAN LAG TU GYUR PA'I DRAN SHES BZHIN BTANG SNYOMS GSUM, BZHI PA'I YAN LAG TU GYUR PA'I DRAN PA DANG BTANG SNYOMS YONGS DAG DANG BRGYAD DE, GNYEN PO'I YAN LAG DANG, BSAM GTAN DANG PO'I YAN LAG TU GYUR PA'I DBEN PA LAS SKYES PA'I DGA' BDE GNYIS, GNYIS PA'I DER GYUR PA'I TING NGE 'DZIN LAS SKYES PA'I DGA' BDE GNYIS, GSUM PA'I YAN LAG TU GYUR BA'I DGA' BAS DBEN PA'I BDE BA'I DBANG PO, BZHI PA'I DER GYUR PA'I TSOR BA RNAMS PHAN YON GYI YAN LAG DANG, BZHI GA'I TING NGE 'DZIN RNAMS GNAS KYI YAN LAG YIN PA'I PHYIR, DANG PO GRUB STE, DE RNAMS RANG RANG GI NYER BSDOGS KYI GNAS SKABS KYI RANG RANG GI 'OG SA'I NYON MONGS SPONG BYED KYI GNYEN PO'I RGYUN YIN PA'I PHYIR, GNYIS PA GRUB STE, DE RNAMS RANG RANG GI NYER BSDOGS KYIS RANG RANG GI 'OG SA LAS RGYAL BAS THOB PA'I PHAN YON YIN PA'I PHYIR,
, ,GSUM PA GRUB STE, DE RNAMS RANG RANG GI GNYEN PO DANG PHAN YON GYI YAN LAG RNAMS SKYED PAR BYED PA'I PHYIR, DES NA YAN LAG DE GSUM GYI DBANG DU BYAS NAS BCO BRGYAD KYI GRANGS NGES BYAS PA YIN GI BCO BRGYAD PO GANG RUNG MA YIN PA'I BSAM GTAN GYI DNGOS GZHI SNYOMS 'JUG MED PA MA YIN TE, DE DANG MTSUNGS LDAN GYI SEMS PA DANG 'DU SHES LA SOGS PA'I SEMS SEMS BYUNG RNAM PA DGU PO BSAM GTAN GYI DNGOS GZHI'I SNYOMS 'JUG YIN PA'I PHYIR, DES NA BSAM GTAN RNAMS YAN LAG GI SGO NAS RANG RANG GI 'OG SA LAS 'DAS PA YIN TE, 'DOD PA LA 'DOD CHAGS DANG BRAL BA'I BSAM GTAN DANG PO, RTOG DPYOD SPANGS PAS GNYIS PA, DGA' BA SPANGS PAS GSUM PA, BDE BA SPANGS PAS BZHI PAR BZHAG PA'I PHYIR, DES NA BSAM GTAN BZHI PO DE ZAG BCAS KYI TSOR BA BDE SDUG MNGON GYUR BA PHRA RAGS LA NGES PAR 'BYUNG BA'I SGO NAS BSAM GTAN BZHIR BZHAG CING, ZAG BCAS KYI TSOR BA BTANG SNYOMS LA NGES PAR 'BYUNG BA'I SGO NAS BSAM GTAN GYI DNGOS GZHI'I SNYOMS 'JUG LNGA PA MI 'JOG PA'I RGYU MTSAN YOD DE, SO SO SKYE BOS 'DU BYED SDUG BSNGAL GYI RANG BZHIN DU RTOGS DKA' BA'I PHYIR, MDO LAS, BYIS BA LAG MTHIL LTA BU YIS,, 'DU BYED RNAM SMIN SPU MI RTOGS, ,ZHES GSUNGS PA'I PHYIR, GNYIS PA GZUGS MED KYI DMIGS PA BSHAD PA LA, NAM MKHA' MTHA' YAS, RNAM SHES MTHA' YAS, CI YANG MED, SRID RTZE'I DNGOS GZHI'I SNYOMS 'JUG GI DMIGS PA BSHAD PA'O,,
DANG PO NI, BSAM GTAN BZHI PA THOB PA NA RNAL 'BYOR PA DES GZUGS LA SKYON DANG, GZUGS MED LA YON TAN DU MTHONG NAS GZUGS KYI 'DU SHES BZLOG PA'I PHYIR, KHA DOG DANG DBYIBS DANG REG BYA SOGS KYI MTSAN MA DANG BRAL BA'I NAM MKHA'I 'DU SHES KHO NA SGOM PA NA, SNGO SER SOGS SU SNANG BA' GZUGS DANG, GYANG DANG RTZIGS PA SOGS SU SNANG BA'I THOGS PA DANG, GOS RGYAN DANG, SKYED MOS TSAL DANG RIL SOGS PAR SNANG BA'I SNA TSOGS PA'I 'DU SHES NUS STE, DE DAG LA YID GTAD KYANG THAMS CAD NAS THAMS CAD DU MI 'BYUNG BA YIN TE, BSDU BA LAS, JI SRID DU DNGOS GZHI LA SNYOMS PAR MI 'JUG PA'I BAR DU NI NAM MKHA' KHO NA LA DMIGS PAR BYED DE, SNYOMS PAR ZHUGS NAS NI NAM MKHA' DE NYID DANG DE LAS GZHAN PA'I RANG SA'I PHUNG PO LA DMIGS PAR BYED DO, ,NYER BSDOGS KYI TSE NA NI RANG GI 'OG SA'I PHUNG PO RNAMS LA YANG DMIGS PAR BYED DO, ,ZHES GSUNGS PA'I PHYIR, DON BSDU NA, NAM MKHA' MTHA' YAS KYI DNGOS GZHI'I SNYOMS 'JUG DES SBYOR BA'I DUS SU GZUGS DANG THOGS PA'I 'DU SHES LA RAGS PAR MTHONG NAS DE BZLOG PA'I PHYIR DU NAM MKHA'I 'DU SHES KHO NA LA DMIGS PAR BYED CING, DES MNGON DU GYUR PA'I DNGOS GZHI SNYOMS 'JUG THOB PA NA YANG NAM MKHA' DE NYID LAS GZHAN PA'I RANG SA'I MING BZHI'I PHUNG PO RNAMS LA DMIGS PAR BYED, CES PA'O, ,GNYIS PA NI, RNAM SHES MTHA' YAS KYI DNGOS GZHI'I SNYOMS 'JUG GI SBYOR BA'I TSE NAM MKHA'I 'DU SHES LA RAGS PAR MTHONG NAS DE NYID BZLOG PA'I PHYIR, RNAM PAR SHES PA'I YUL CAN GYI RNAM
, ,SHES TZAM DMIGS YUL DU BYAS NAS SGOM PAS, DE MNGON DU GYUR PA'I DNGOS GZHI THOB PA NA RNAM SHES DE NYID DANG DE LAS GZHAN PA'I RANG SAS BSDUS PA'I MING BZHI'I PHUNG PO LA DMIGS PAR BYED, GSUM PA NI, CI YANG MED KYI DNGOS GZHI SNYOMS 'JUG GI SBYOR BA'I TSE RNAM SHES KYI 'DU SHES DE RAGS PAR MTHONG NAS DE BZLOG PA'I PHYIR DU GZUGS CAN DANG GZUGS MED KYI DMIGS PA BTZAL BA NA CI YANG MA RNYED NAS DMIGS PA CI YANG MED DO SNYAM DU 'DU SHES PA'I 'DU SHES LA DMIGS PAR BYED CING, DE MNGON DU GYUR PA'I DNGOS GZHI SNYOMS 'JUG THOB PA'I TSE CI YANG MED PA'I 'DU SHES DE NYID DANG DE LAS GZHAN PA'I RANG SAS BSDUS PA'I MING BZHI'I PHUNG PO LA DMIGS PAR BYED, BZHI PA NI, SRID RTZE'I DNGOS GZHI'I SNYOMS 'JUG GI SBYOR BA'I TSE CI YANG MED DO SNYAM BA'I 'DU SHES LA RAGS PAR MTHONG NAS DE BZLOG PA'I PHYIR 'DU SHES RAGS PA NI YOD PA MA YIN 'DU SHES PHRA BA NI MED PA MA YIN NO SNYAM DU 'DU SHES PA LA DMIGS PAR BYED CING, DE MNGON DU GYUR PA'I DNGOS GZHI'I SNYOMS 'JUG THOB PA'I TSE 'DU SHES MED 'DU SHES MED MIN GYI 'DU SHES DE NYID DANG DE LAS GZHAN PA'I RANG SAS BSDUS PA'I MING BZHI'I PHUNG PO LA DMIGS PAR BYED, GZUGS MED BZHI PO DE LA YAN LAG MI 'DRA BA'I KHYAD PAR MED DE, KUN BTUS LAS, GZUGS MED PA RNAMS NI ZHI GNAS SU RO GCIG PA'I PHYIR, YAN LAG RNAM PAR BZHAG PA MED DO, ,ZHES GSUNGS, DE RNAMS DMIGS PA'I SGO NAS RANG RANG GI 'OG SA LAS 'DAS PA YIN TE, DE DAG DMIGS RNAM SNGA MA
RNAMS DOR NAS PHYI MA LA 'JUG PAR BYED PA'I PHYIR, GSUM PA DE DAG SGOM PA'I 'BRAS BU BSHAD PA NI, TSE RABS GZHAN DU RGYU SNYOMS 'JUG GI BSAM GTAN SGOM PA'I RNAM SMIN GYI 'BRAS BU DANG RGYU MTHUN GYI 'BRAS BU GANG RUNG GIS BSDUS PA'I SKYES THOB KYI CHOS, 'BRAS BU SKYE BA'I BSAM GTAN GYI MTSAN NYID, DPER NA TSANGS RIS NAS 'OG MIN GYI BAR GYI SEMS CAN GYI RGYUD KYI SKYES THOB KYI CHOS LTA BU, LEGS PAR BSHAD PA GSER GYI PHRENG BA LAS NI GZUGS KHAMS PA'I SNOD GYI 'JIG RTEN RNAMS RGYU SNYOMS 'JUG GI BSAM GTAN SGOM PA'I BDAG 'BRAS DANG, DE'I BCUD KYI SEMS CAN RNAMS DE'I RGYU MTHUN GYI 'BRAS BUR BSHAD, TSE RABS GZHAN DU RGYU SNYOMS 'JUG GI GZUGS MED SGOM PA'I RNAM SMIN GYI 'BRAS BU DANG RGYU MTHUN GYI 'BRAS BU GANG RUNG GIS BSDUS PA'I SKYES THOB KYI CHOS, 'BRAS BU SKYE BA'I GZUGS MED KYI MTSAN NYID, DPER NA, GZUGS MED RIGS BZHIR SKYES PA'I SEMS CAN GYI RGYUD KYI SKYES THOB KYI CHOS LTA BU STE SNGAR BZHIN NO, ,DES NA BSAM GTAN DANG PO'I DNGOS GZHI'I SNYOMS 'JUG DAG PA BA CHUNG 'BRING CHEN PO BSGOMS PAS TSANGS RIS, TSANGS PA MDUN NA 'DON, TSANGS CHEN GSUM GYI SKYE BA 'GRUB PAR BYED, DE BZHIN DU BSAM GTAN GNYIS PA'I DE GSUM GYIS 'OD CHUNG, TSAD MED 'OD, 'OD GSAL GSUM 'GRUB PAR BYED, BSAM GTAN GSUM PA'I DE GSUM GYIS DGE CHUNG, TSAD MED DGE, DGE RGYAS GSUM 'GRUB PAR BYED, BSAM GTAN BZHI PA'I DE GSUM GYIS SPRIN MED, BSOD NAMS SKYES, 'BRAS BU CHE BA GSUM 'GRUB PAR BYED DE, KUN
, ,BTUS LAS, BSAM GTAN DANG PO LA CHUNG DU DANG 'BRING DANG CHEN POR BSGOMS PAS BSAM GTAN DANG PO'I SKYE BA GSUM MO, ,BSAM GTAN DANG PO LA JI LTAR LHAG MA RNAMS LA YANG DE BZHIN TE, BSAM GTAN RNAMS KYI SKYE BA GSUM GSUM MO, ,ZHES GSUNGS PA'I PHYIR, NAM MKHA' MTHA' YAS KYI DNGOS GZHI SNYOMS 'JUG CHUNG 'BRING CHEN POR SGOM PAS NAM MKHA' MTHA' YAS KYI SKYE BA BZANG NGAN 'BRING GSUM 'GRUB PAR BYED, DES PHYI MA RNAMS LA RIGS 'DRA; KUN BTUS LAS, GZUGS MED PA RNAMS NI GNAS GZHAN MED PA'I PHYIR SKYE BA THA DAD PA MED DO, ,DE NA CHUNG DU DANG 'BRING CHEN POR SGOM PAS SKYE BA MA THOB DAD DMA' BA DANG NGAN PA DANG BZANG POR MNGON NO, ,ZHES GSUNGS PA'I PHYIR, DE'I SKYE BA BZANG NGAN SOGS KYANG GZUGS MED NA GZUGS MED BAS BLA 'OG GIS PHYE BA'I GNAS GZHAN MED KYANG DE BZHI LA TSE RING THUNG GIS SKYE BA MTHO DMAN DANG NYON MONGS MANG NYUNG GIS SKYE BA BZANG NGAN YOD DO, ,CHUNG 'BRING CHEN POR SGOM PA'I DON YANG YOD DE, GUS SBYOR DANG RGYUN SBYOR GANG RUNG MED PAR SGOM PA CHUNG DU DANG, GANG RUNG GCIG DANG LDAN PAR SGOM PA 'BRING DANG, GNYIS KA DANG LDAN PAR SGOM PA CHEN POR SGOM PA'I DON YIN PA'I PHYIR, BSAM GTAN GYI SPEL SGOM LNGA BYAS PAS RIM BZHIN GNAS GTZANG GI SKYE BA LNGA 'GRUB PAR BYED DE, MDZOD RTZA BA LAS, DE NI RNAM PA LNGA YI PHYIR, ,GNAS GTZANG SKYE BA LNGA KHO NA, ,ZHES GSUNGS PA'I PHYIR, GSUM PA DE LTAR THOB PA'I RTAGS BSHAD PA NI, BSAM GTAN DANG GZUGS MED KYI DNGOS GZHI
SNYOMS 'JUG RNAMS THOB PA'I RTAGS YOD DE, BSAM GTAN GYI DNGOS GZHI SNYOMS 'JUG RNAMS LA SNYOMS PAR 'JUG PA'I TSE LUS SA'I 'OG TU BYING BLTA BUR SNANG BA'I RTAGS 'BYUNG LA, GZUGS MED KYI DNGOS GZHI SNYOMS 'JUG RNAMS LA SNYOMS PAR 'JUG PA'I TSE NAM MKHA' LA 'PHUR BA LTA BUR SNANG BA'I RTAGS 'BYUNG BA YIN TE, KUN BTUS LAS, DE LA BSAM GTAN RNAMS LA SNYOMS PAR 'JUG PA'I TSE NI LUS SA'I 'OG TU BYING BAR SNANG BA LTA BU'I RTAGS 'BYUNG NGO, ,GZUGS MED PA DAG LA SNYOMS PAR 'JUG PA'I TSE NA NI, LUS NAM MKHA' LA 'PHUR BLTA BUR SNANG BA'I RTAGS 'BYUNG STE, ZHES GSUNGS PA'I PHYIR, BZHI PA THOB PA PO'I GANG ZAG BSHAD PA LA, 'GRO BA RIGS DRUG GI DBANG DU BYAS PA DANG, KHAMS GSUM GYI DBANG DU BYAS PA DANG, SKYE 'PHAGS KYI RTEN GYI DBANG DU BYAS PA'O, ,DANG PO NI, NGAN SONG GSUM DANG SGRA MI SNYAN PA'I RTEN LA BSAM GTAN DANG GZUGS MED KYI DNGOS GZHI SNYOMS 'JUG GSAR DU SKYE BA MED DE, DE RNAMS DE GSAR DU SKYE BA'I 'GAL RKYEN GYI RIGS SU GYUR PA'I RNAM SMIN GYI SGRIB PA SHAS CHEN PO DANG LDAN PA'I PHYIR, LHA MA YIN DANG ZA MA MA NING RNAMS KYI RTEN LA DE GSAR DU SKYE BA MED DE, DE RNAMS DE GSAR DU SKYE BA'I GEGS PHRAG DOG GI SGRIB PA SHAS CHEN PO DANG LDAN PA'I PHYIR, DE RNAMS MA GTOGS PA'I GLING GSUM GYI SKYES PA BUD MED DANG 'DOD LHA RNAMS KYI RTEN LA DE GSAR DU SKYE BA YOD DE, DE RNAMS KYI RTEN LA DE GSAR DU SKYE BA'I 'GAL RKYEN DANG BRAL ZHING MTHUN RKYEN TSANG BA YOD PA'I PHYIR, GNYIS PA NI, 'DOD PA'I RTEN LA BSAM GTAN
, ,DANG PO'I DNGOS GZHI SNYOMS 'JUG GSAR DU SKYE BA YOD PA NAS CI YANG MED KYI RTEN LA SRID RTZE'I SNYOMS 'JUG GSAR DU SKYE BA'I BAR RNAMS SU YOD DE, 'DOD PA'I RTEN LA BSAM GTAN DANG PO'I NYER BSDOGS SKYE BA YOD PA NAS; CI YANG MED KYI RTEN LA SRID RTZE'I NYER BSDOGS GSAR DU SKYES PA YOD PA'I BAR YIN PA'I PHYIR, BSAM GTAN DANG PO'I RTEN LA BSAM GTAN DANG PO'I DNGOS GZHI SNYOMS 'JUG GSAR DU SKYE BA MED PA SOGS SRID RTZE'I BAR LA RIGS 'DRA STE, BSAM GTAN DANG PO'I RTEN LA BSAM GTAN DANG PO'I NYER BSDOGS GSAR DU SGOM PA MED PA SOGS YIN PA'I PHYIR TE, BSAM GTAN DANG PO PA YIN NA, BSAM GTAN DANG PO'I DNGOS GZHI'I SNYOMS 'JUG THOB PAS KHYAB PA SOGS YIN PA'I PHYIR, BSAM GTAN GNYIS PA'I RTEN LA BSAM GTAN DANG PO'I DNGOS GZHI SNYOMS 'JUG GSAR DU SKYE BA SOGS MED KYANG, BSAM GTAN GNYIS PA'I RTEN LA BSAM GTAN DANG PO'I DNGOS GZHI SNYOMS 'JUG MNGON DU BYED PA NI YOD DE, BSAM GZUGS BRGYAD KA THOB PA'I BSAM GTAN GNYIS PA PA YOD PA'I PHYIR, SRID RTZE'I RTEN LA CI YANG MED KYI DNGOS GZHI SNYOMS 'JUG GSAR DU SKYE BA MED KYANG DE'I RTEN LA DE MNGON DU BYED PA NI YOD DE, CI YANG MED KYI DNGOS GZHI SNYOMS 'JUG TU GYUR PA'I NYAN THOS KYI SGOM LAM RDO RJE LTA BU'I TING NGE 'DZIN LA BRTEN NAS NYAN THOS DGRA BCOM PA'I 'BRAS BU MNGON DU BYED PA'I SRID RTZE'I RTEN CAN GYI PHYIR MI 'ONG YOD PA'I PHYIR TE, MDZOD RTZA BA LAS, SRID RTZER 'PHAGS PAS CI YANG MED, ,MNGON SUM BYAS NAS
ZAG PA ZAD, ,CES GSUNGS PA'I PHYIR, GSUM PA NI, BSAM GZUGS BRGYAD KA THOB PA'I SO SKYE YOD DE, SRID RTZE'I RTEN CAN GYI SO SKYE YOD PA'I PHYIR, BSAM GTAN GYI DNGOS GZHI'I SNYOMS 'JUG MA THOB PA'I 'PHAGS PA MANG DU YOD CING, DE MA THOB PA'I DGRA BCOM PA YANG YOD DE, BSNGAGS 'OS BSNGAGS BSTOD LAS, KHYOD KYI BSTAN PA'I RDES 'BRANG BA, ,BSAM GTAN DNGOS GZHI MA THOB KYANG, ,BDUD KYI MIG RAS BTZA' BZHIN DU, ,SRID PA DAG KYANG LDOG PAR BYED, ,CES GSUNGS PA'I PHYIR, BSAM GTAN DANG PO'I DNGOS GZHI'I SNYOMS 'JUG THOB NAS BSAM GTAN GNYIS PA'I DNGOS GZHI SNYOMS 'JUG MA THOB PA'I 'PHAGS PA YOD DE, RANG THOB BYED KYI THABS SU GYUR PA'I 'JIG RTEN PA'I ZHI RAGS KYI RNAM PA CAN GYI LAM KHO NA LA BRTEN NAS DNGOS SU THOB PA'I PHYIR MI 'ONG GI 'BRAS BU MNGON DU BYAS MA THAG PA'I PHYIR MI 'ONG DES BSAM GTAN DANG PO'I DNGOS GZHI SNYOMS 'JUG THOB KYANG BSAM GTAN GNYIS PA'I DE MA THOB PA'I PHYIR, BYANG SEMS YIN NA, BSAM GTAN GYI NYER BSDOGS THOB PAS KHYAB STE, DE YIN NA ZHI LHAG ZUNG 'BREL THOB PAS KHYAB PA'I PHYIR, TSOGS LAM CHEN PO LA GNAS PA'I SEMS DPA' YIN NA, BSAM GTAN GYI DNGOS GYI DNGOS GZHI THOB PAS KHYAB STE, DE YIN NA CHOS RGYUN GYI TING NGE 'DZIN THOB PAS KHYAB PA'I PHYIR TE, MDO SDE'I RGYUN LAS, DE TSE CHOS KYI RGYUN LAS NI, ,ZHES SOGS GSUNGS PA'I PHYIR, KHA CIG ,RAB MTHA'I BSAM GTAN YIN NA, BSAM GTAN BZHI BA YIN PAS KHYAB PAR 'DOD PA MI 'THAD DE, BSAM GZUGS BRGYAD KA LA RAB MTHA' YOD PA'I PHYIR TE, KUN
, ,BTUS LAS, RNAM PAR BZHAG PAS JI LTA BU ZHE NA, RAB KYI MTHA' LAS BYUNG BA BSAM GTAN DANG PO NAS 'DU SHES MED 'DU SHES MED MIN GYI SKYE MCHED KYI BAR DU RNAM PAR BZHAG PA ZHES BYA'O, ,ZHES GSUNGS PA'I PHYIR, DE'I DON YANG 'PHEL BA GSUM GYIS SBYANGS PA'I BSAM GTAN DANG GZUGS MED DE DAG LA RAB KYI MTHA' LAS BYUNG BA ZHES BYA BA LA, 'PHEL BA GSUM YOD DE, BSAM GZUGS BRGYAD KA LA RIM GYIS LUGS MTHUN DANG LUGS LDOG TU ZHUGS PA NI 'PHEL BA CHUNG DU, RE RE BAR DU BZHAG STE THOD RGAL LA PHA? LUGS MTHUN DU ZHUGS PA NI 'PHEL BA 'BRING, DE NYID LUGS LDOG TU ZHUGS PA NI 'PHEL BA CHEN PO YIN PA'I PHYIR, KHA CIG ,NGAG SONG GI RTEN LA BSAM GTAN GZUGS MED KYI DNGOS GZHI SNYOMS 'JUG GSAR DU SKYE BA YOD DE, DE'I RTEN LA SNYING RJE TSAD MED GSAR DU SKYE BA YOD PA GANG ZHIG ,TSAD MED BZHI PO GANG RUNG YIN NA, RANG GI BDAG RKYEN DU GYUR PA'I BSAM GTAN GYI DNGOS GZHI'I SEMS LA BRTEN NAS BYUNG BAS KHYAB PA'I PHYIR, DANG PO GRUB STE, DE'I RTEN LA SNYING RJE CHEN PO GSAR DU SKYE BA YOD PA'I PHYIR NA MA KHYAB, KHA CIG, MTSAMS MED BYAS PA'I RTEN LA BSAM GTAN DANG GZUGS MED KYI SNYOMS 'JUG GSAR DU SKYE BA MED PAR 'DOD PA MI 'THAD DE, RGYAL PO MA SKYES DGRAS TSE DE LA BSAM GTAN GYI SNYOMS 'JUG THOB PA'I PHYIR TE, DES TSE DE NYID LA BSAM GTAN GYI NYER BSDOGS THOB PA'I PHYIR TE, DES RGYUN ZHUGS THOB PA'I PHYIR, KHA CIG, NGAN SONG BA RNAMS BSAM GTAN GZUGS MED KYI DNGOS GZHI'I SNYOMS
'JUG GSAR DU SKYE BA DANG SKYES ZIN GNAS PA'I RTEN DU MI RUNG STE, DE RNAMS RNAM SMIN GYI SGRIB PA SHES CHEN PO DANG LDAN PA'I PHYIR, 'DU SHES MED PA DANG SRID RTZE'I RTEN LA DE GSAR DU SKYE BA MED DE, DE RNAMS KYI RGYUD LA YID SHES MED PA'I PHYIR, ZER BA MI 'THAD DE, DUD 'GRO'I RTEN LA BSAM GTAN GYI DNGOS GZHI'I SNYOMS 'JUG YOD PA'I PHYIR TE, DUD 'GRO'I RTEN CAN GYI BYANG 'PHAGS YOD PA'I PHYIR TE, BSAM BZHIN DU DUD 'GROR SKYE BA BLANGS PA'I BYANG 'PHAGS YOD PA' PHYIR, DE 'DRA'I BYANG 'PHAGS DE DUD 'GRO MA YIN TE, DE'I LUS DE DUD 'GRO'I LUS MA YIN PA'I PHYIR TE, DE'I LUS DE RNAM SMIN GYI LUS MA YIN PA'I PHYIR, DE YID KYI RANG BZHIN GYI LUS YIN PA'I PHYIR TE, BYANG 'PHAGS KYI LUS YIN PA'I PHYIR, KHA CIG ,DE'I LUS DE DUD 'GRO'I LUS KYI GZUGS BRNYAN YIN TE, RGYUD BLA MA'I 'GREL PAR, 'KHOR BA NI 'DIR ZAG PA MED PA'I DBYINGS NA KHAMS GSUM GYI GZUGS BRNYAN GYI YID KYI RANG BZHIN GYI LUS, ZHES GSUNGS PA'I PHYIR NA MA KHYAB STE, DE'I BYANG BZHIN DE DUD 'GRO'I BYAD BZHIN GYI GZUGS BRNYAN DU THAL, DAM BCA' 'THAD PA'I PHYIR, 'DOD NA, BYAD BZHIN GYI GZUGS BRNYAN YIN PAR THAL LO, ,'DOD MI NUS TE, BYAD BZHIN YIN PA'I PHYIR, GZHAN YANG, 'DU SHES MED PA'I GANG ZAG CHOS CAN, KHYOD KYI RGYUD LA GANG ZAG GI BDAG 'DZIN MED PAR THAL, KHYOD KYI RGYUD LA YID SHES MED PA'I PHYIR, RTAGS KHAS, 'DOD MI NUS TE, KHYOD KYI RGYUD LA YAN LAG BCU GNYIS KYI NANG TSAN DU GYUR PA'I MA RIG PA YOD PA'I PHYIR TE, KHYOD LAM MA ZHUGS KYI GANG ZAG YIN PA'I PHYIR,
, ,GZHAN YANG, DE'I RGYUD LA SKYE SEMS DANG 'CHI SEMS GANG RUNG MED PAR THAL, DE'I RGYUD LA YID SHES MED PA'I PHYIR, KHYAB STE, DE GANG RUNG YIN NA, YID SHES YIN DGOS PA'I PHYIR TE, MDZOD RTZA BA LAS, TSAD DANG MTSAMS SBYOR 'DOD CHAGS BRAL, ,NYAMS DANG 'CHI 'PHO SKYE BA RNAMS, ,YID KYI RNAM SHES KHO NAR 'DOD, ,CES GSUNGS PA'I PHYIR, KHA CIG ,'DOD PA LA SOGS 'OG MA 'OG MA'I RTEN LA GONG MA GONG MA'I SNYOMS 'JUG GSAR DU SKYE BA YOD KYANG RANG SA'I RTEN LA RANG SA'I SNYOMS 'JUG GSAR DU SKYE BA MED DE, RANG SA NA RANG SA'I DNGOS GZHI SNYOMS 'JUG MA NYAMS PAR YOD PA'I PHYIR, GONG SA'I RTEN LA 'OG SA'I SNYOMS 'JUG GSAR DU SKYE BA MED DE, GONG SA NA 'OG SA LAS MCHOG TU GYUR PA'I SNYOMS 'JUG YOD PA'I PHYIR, SPYIR BTANG LA GONG SA'I RTEN LA 'OG SA'I SNYOMS 'JUG MNGON DU BYED PA MED DE, DE MNGON DU BYAS PA LA DGOS PA MED PA'I PHYIR, DMIGS BSAL LA DE YOD DE, SRID RTZE'I RTEN LA CI YANG MED KYI SNYOMS 'JUG MNGON DU BYED PA YOD PA'I PHYIR TE, MDZOD RTZA BA LAS, BSAM GTAN GZUGS MED RANG DANG NI, ,'OG SA'I RTEN CAN 'OG DGOS MED, ,SRID RTZER 'PHAGS PAS CI YANG MED, ,MNGON SUM BYAS NAS ZAG PA ZAD, ,CES GSUNGS PA'I PHYIR, ZER NA, GONG SA'I RTEN LA 'DOD PA'I SNYOMS 'JUG MNGON DU BYED PA YOD PAR THAL, DAM BCA' 'THAD PA GANG ZHIG ,GZUGS DANG, GZUGS MED GANG RUNG YIN NA, GONG SA YIN DGOS PA'I PHYIR, 'DOD NA, 'DOD PA'I SNYOMS 'JUG YOD PAR THAL LO, ,GZHAN
YANG; BSAM GTAN GNYIS PA'I RTEN LA BSAM GTAN DANG PO'I DNGOS GZHI'I SNYOMS 'JUG MNGON DU BYED PA MED PAR THAL, SPYIR BTANG DMIGS BSAL GYI KHYAD PAR 'THAD PA'I PHYIR, 'DOD MI NUS TE, BSAM GZUGS BRGYAD KA THOB PA'I BSAM GTAN GNYIS PA PA YOD PA'I PHYIR, BSAM GTAN GNYIS PA'I RTEN CAN GYI BYANG SEMS SA DRUG PA PA YO PA'I PHYIR, GZHAN YANG, DE YOD PAR THAL, BSAM GTAN GNYIS PA PA'I RGYUD LA BSAM GTAN DANG PO'I SAS BSDUS KYI SEMS YOD PA'I PHYIR TE, DE'I RGYUD LA? DE'I SAS BSDUS KYI SHES PA YOD PA'I PHYIR TE, BSAM GTAN GNYIS PA NAS BSAM GTAN DANG POR SKYE BA LEN KHA MA'I GANG ZAG GI RGYUD LA DE YOD PA'I PHYIR TE, DE'I RGYUD LA BSAM GTAN DANG PO'I SKYE BA 'GRUB BYED KYI LAS YOD PA'I PHYIR, MA GRUB NA, DE CHOS CAN, DER THAL, KHYOD LAS NYON GYIS BSAM GTAN DANG POR SKYE BA LEN KHA MA'I GANG ZAG YIN PA'I PHYIR, KHA CIG, RANG SA'I RTEN LA RANG SA'I SNYOMS 'JUG GSAR DU SKYE BA YOD PAR THAL, BSAM GTAN DANG PO'I RTEN LA BSAM GTAN DANG PO'I SNYOMS 'JUG GSAR DU SKYE BA YOD PA'I PHYIR TE, DE'I RGYUD KYI BSAM GTAN DANG PO'I DNGOS GZHI SNYOMS 'JUG DE BSAM GTAN DANG PO'I RTEN LA GSAR DU SKYE BA'I PHYIR, DE GSAR DU SKYES, DE 'DOD PA'I RTEN LA YANG GSAR DU MA SKYES PA'I PHYIR NA, MA KHYAB STE, KHAMS GONG MA'I RTEN LA 'GOG SNYOMS GSAR DU SKYE BA YOD PA DANG, LAM SHES GSAR DU SKYE BA YOD PA DANG, 'DOD PA'I RTEN LA RNAM MKHYEN GSAR DU SKYE BA YOD PAR THAL BA SOGS MTSUNGS PA'I PHYIR, KHA CIG ,SRID RTZE'I RTEN LA CI YANG MED KYI NYER BSDOGS SGOM PA YOD DE,
, ,DE'I RTEN LA DE'I DNGOS GZHI SNYOMS 'JUG GSAR DU SKYE BA YOD PA'I PHYIR TE, DE'I RTEN LA GANG ZAG GI BDAG MED RTOGS BA'I DE GSAR DU SKYE BA YOD PA'I PHYIR NA MA KHYAB STE, DMAN LAM SNGON DU MA SONG BA'I THEG CHEN GYI SBYOR LAM CHOS MCHOG CHEN PO PA DE, BSAM GTAN GYI DNGOS GZHI SNYOMS 'JUG GSAR DU SKYE BA'I RTEN CAN GYI GANG ZAG TU THAL, DE STONG NYID MNGON SUM DU RTOGS PA'I LAM DE GSAR DU SKYE BA'I RTEN CAN GYI GANG ZAG YIN PA'I PHYIR, KHYAB PA 'GRIB, ,DER THAL; THEG CHEN GYI MTHONG LAM BAR CHAD MED LAM GSAR DU SKYE BA'I RTEN CAN GYI GANG ZAG YIN PA'I PHYIR, KHA CIG ,PHYIR MI 'ONG DANG DGRA BCOM GANG RUNG YIN NA, BSAM GTAN DANG PO'I DNGOS GZHI SNYOMS 'JUG THOB PAS KHYAB STE, DE GANG RUNG YIN NA BSAM GTAN DANG PO'I NYER BSDOGS LA BRTEN NAS 'DOD PA LA CHAGS BRAL BYAS PAS KHYAB PA'I PHYIR, BSAM GTAN DANG PO'I DNGOS GZHI MTHOB PA'I SBYOR LAM RTZE MO LA GNAS PA'I SEMS DPA' YOD DE, LAS NYON GYIS NGAN SONG DU SKYE BA LEN PA'I DE YOD PA'I PHYIR, THEG CHEN GYI SBYOR LAM BZOD PA NAS CHOS MCHOG 'BRING MAN CHAD KYI BAR GANG RUNG LA GNAS PA'I SEMS DPA' YIN NA, BSAM GTAN GNYIS PA'I DNGOS GZHI SNYOMS 'JUG THOB PAS MA KHYAB STE, LAS NYON GYIS GZUGS KHAMS SU SKYE BA LEN PA'I DE GANG RUNG YOD PA'I PHYIR, ZER NA, BSNGAGS 'OS BSNGAGS BSTOD LAS, KHYOD KYI BSTAN PA'I RJES 'BRANG BA, ,BSAM GTAN DNGOS GZHI MA THOB KYANG, ,'DUD KYI MIG RAS BTZANG BZHIN DU, ,SRID PA DAG KYANG LDOG PAR BYED, ,CES GSUNGS PA MI 'THAD PAR THAL,
BSAM GTAN GYI DNGOS GZHI MA THOB PAR NYON MONGS SPANGS PA'I GANG ZAG MED PA'I PHYIR, NYAN THOS DGRA BCOM PA'I 'BRAS BU THOB MA THAG PA'I SPANG BYA CIG CAR PA'I NYAN THOS DGRA BCOM PA DES BSAM GTAN DANG PO'I DNGOS GZHI SNYOMS 'JUG THOB PA'I PHYIR; RTAGS KHAS, GZHAN YANG, DE 'DRA'I NYAN THOS DGRA BCOM PA DES BSAM GTAN GNYIS PA'I DNGOS GZHI SNYOMS 'JUG THOB PAR THAL, DES BSAM GTAN DANG PO'I DNGOS GZHI SNYOMS 'JUG THOB PA GANG ZHIG , SPANG BYA CIG CAR PA'I NYAN THOS DGRA BCOM PA'I RGYUD KYI BSAM GTAN DANG PO'I DNGOS GZHI SNYOMS 'JUG YIN NA, BSAM GZUGS BRGYAD KA YIN DGOS PA'I PHYIR, DANG PO DNGOS 'GAL LA SONG, GNYIS PA MA GRUB NA, SPANG BYA CIG CAR PA'I NYAN THOS DGRA BCOM PAS BSAM GTAN DANG PO'I DNGOS GZHI SNYOMS 'JUG THOB RJES SU BSAM GTAN GNYIS PA'I DNGOS GZHI SNYOMS 'JUG THOB PHYIR DU DE'I NYER BSDOGS SGOM PA YOD PAR THAL LO, ,'DOD NA, DES DE'I PHYIR DU DE'I NYER BSDOGS YID BYED DRUG PO GANG RUNG SGOM PA YOD PAR THAL LO, ,KHYAB STE, BSAM GTAN GNYIS PA'I NYER BSDOGS ZAG MED MED PA'I PHYIR, 'DOD NA, DE'I RGYUD LA YID BYED DRUG PO GANG RUNG YOD PAR THAL LO, ,'DOD NA, DE'I RGYUD LA DE'I SBYOR BA MTHA'I YID BYED YOD PAR THAL LO, ,'DOD NA, DE'I RGYUD LA 'JIG RTEN PA'I SGOM SPANG DU GYUR PA'I BSAM GTAN DANG PO'I NYON MONGS CHUNG DU'I CHUNG DU'I DNGOS GNYEN DU GYUR PA'I BSAM GTAN GNYIS PA'I NYER BSDOGS YOD PAR THAL LO, ,GZHAN YANG, BSAM GTAN
, ,GNYIS PA'I DNGOS GZHI YIN NA, RANG GI NYER LEN DU GYUR PA'I BSAM GTAN GNYIS PA'I NYER BSDOGS LAS BYUNG BAS KHYAD PAR THAL, SPANG BYA CIG CAR PA'I NYAN THOS DGRA BCOM PA'I RGYUD KYI BSAM GTAN DANG PO'I DNGOS GZHI SNYOMS 'JUG DE BSAM GTAN GNYIS PA'I DNGOS GZHI SNYOMS 'JUG MA YIN PA'I PHYIR, 'DOD NA, BSAM GTAN DANG PO'I DNGOS GZHI LA YANG DE LTAR KHYAB PAR THAL LO, ,GZHAN YANG, BYANG SEMS SBYOR LAM PA YIN NA, BSAM GTAN GYI DNGOS GZHI THOB PAS KHYAB PAR THAL, TSOGS LAM CHEN PO LA GNAS PA'I SEMS DPA' YIN NA DE THOB PAS KHYAB PA'I PHYIR TE, DE YIN NA CHOS RGYUN GYI TING NGE 'DZIN THOB PAS KHYAB PA'I PHYIR, GZHAN YANG, LAS NYON GYIS YI DVAGS SU SKYE BA LEN BA'I BYANG SEMS SBYOR LAM PA YOD PAR THAL, LAS NYON GYIS NGAN SONG DU SKYE BA LEN BA'I DE YOD PA'I PHYIR, RTAGS KHAS, 'DOD NA, 'TSO BA'I YOD BYAD KYIS 'PHONGS PA'I DE YOD PAR THAL LO, ,'DOD MI NUS TE, DE YIN NA RIGS KYI NYES DMIGS BZHI DANG BRAL BAS KHYAB PA'I PHYIR, KHA CIG ,BSAM GTAN GYI DNGOS GZHI THOB BYED KYI THABS SU GYUR PA'I BSAM GTAN GYIS SA BSDUS KYI DGE BA'I RIG PA, BSAM GTAN GYI NYER BSNGOGS KYI MTSAN NYID, ZER NA, BSAM GTAN GNYIS PA'I NYER BSDOGS CHOS CAN, MTSAN NYID DER THAL, MTSON BYA DE'I PHYIR ,'DOD MI NUS TE ,BSAM GTAN GYI DNGOS GZHI THOB BA'I RGYUD KYI DE YIN ?, CHOS CAN DE'I PHYIR, RANG GI THOB BYAR GYUR PA'I, ZHES SOGS, ZER NA, BYANG 'PHAGS
KYI RGYUD KYI BSAM GTAN DANG PO'I DNGOS GZHI CHOS CAN, MTSON BYA DER THAL, MTSAN NYID DE'I PHYIR, RTAGS GRUB STE, DE'I THOB BYAR GYUR PA'I BSAM GTAN GYI DNGOS GZHI YOD PA'I PHYIR TE, SANGS RGYAS 'PHAGS PA'I RGYUD KYI DE DE YIN PA'I PHYIR KHA CIG ,BSAM GTAN DANG PO'I DNGOS GZHI THOB BYED KYI THABS SU GYUR BA'I DGE SEMS RTZE GCIG PA MTSUNGS LDAN DANG BCAS PA, BSAM GTAN DANG PO'I NYER BSDOGS KYI MTSAN NYID, ZER NA, 'DOD SEMS RTZE GCIG BA'I TING NGE 'DZIN CHOS CAN; MTSON BYA DER THAL, MTSAN NYID DE'I PHYIR, RTAGS GSAL GNYIS KA GRUB STE, CHOS CAN DE'I PHYIR, KHA CIG ,'DOD PA LA 'DOD CHAGS DANG BRAL BYED KYI THABS SU GYUR PA'I BSAM GTAN DANG PO'I SAS BSDUS KYI DGE SEMS RTZE GCIG PA MTSUNGS LDAN DANG BCAS PA DE DE'I MTSAN NYID, ZER NA, SPANG BYA CIG CAR BA'I NYAN THOS DGRA BCOM PA'I 'BRAS BU THOB MA THAG PA'I RGYUD KYI RNAM GROL LAM CHOS CAN, MTSAN NYID DER THAL, MTSON BYA DE'I PHYIR, RTAGS GSAL GNYIS KA GRUB STE, CHOS CAN DE'I PHYIR, KHA CIG ,BSAM GTAN GYI DNGOS GZHI THOB DON DU DMIGS RNAM DNGOS SU SBYONG BAR BYED PA'I THABS KYI SAS BSDUS PA'I DGE BA'I RIG PA, BSAM GTAN GYI NYER BSDOGS KYI MTSAN NYID, DES BSAM GTAN DANG PO SOGS LA RIGS 'DRA, ZER NA, SPANG BYA CIG CAR PA'I RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LA MA CHOS CAN, MTSAN NYID DER THAL, BSAM GTAN DANG PO'I NYER BSDOGS YIN PA'I PHYIR TE ,RGYUN ZHUGS ZHUGS BA'I MKHYEN PA YIN PA'I PHYIR,
, ,'DOD NA, DE CHOS CAN, ZHI RAGS KYI RNAM PA CAN DU THAL LO, ,GZHAN YANG, BSAM GTAN DANG PO'I NYER BSDOGS ZAG MED MED PAR THAL, MTSAN NYID 'THAD PA'I PHYIR, KHA CIG ,RANG GI YAN LAG GIS MA ZIN CING RANG GI THOB BYAR GYUR PA'I BSAM GTAN GYI DNGOS GZHI THOB BYED KYI THABS SU GYUR PA'I BSAM GTAN GYI SAS BSDUS KYI DGE BA'I RIG PA, BSAM GTAN GYI NYER BSDOGS KYI MTSAN NYID, DES BSAM GTAN DANG PO SOGS LA RIGS 'DRA ZER BA MI 'THAD DE, TING NGE 'DZIN GNAS KYI YAN LAG TU LDAN PA'I BSAM GTAN DANG PO'I NYER BSDOGS YOD PA'I PHYIR TE, RNAM BSHAD SNYING PO'I RGYUN LAS, DE YANG YID LA BYED PA DANG PO ZHIG GNAS MTSAN NYID PA DE NI 'OG SA LAS 'DOD CHAGS DANG BRAL BAR BYED BA'I GNAS KYI YAN LAG TU SHES PAR BYA'O, ,ZHES GSUNGS PA'I PHYIR DANG, GNYEN PO'I YAN LAG DANG LDAN PA'I BSAM GTAN DANG PO'I NYER BSDOGS RAB TU DBEN PA YID BYED YOD PA'I PHYIR TE, 'JIG RTEN PA'I SGOM SPANG DU GYUR PA'I 'DOD NYON CHEN PO'I CHEN PO'I DNGOS GNYEN BYED PA'I NUS PA THOB PA'I DE YOD PA'I PHYIR, KHA CIG ,RANG SAS BSDUS PA'I BSAM GTAN GYI DNGOS GZHI SNYOMS 'JUG THOB BYED KYI THABS SU GYUR PA'I BSAM GTAN GYI SAS BSDUS KYI DGE BA'I RIG PA, BSAM GTAN GYI NYER BSDOGS KYI MTSAN NYID, ZER BA MI 'THAD DE ,BSAM GTAN DANG PO'I NYER BSDOGS KYI SAS BSDUS KYI BSAM GTAN DANG PO'I DNGOS GZHI SNYOMS 'JUG MED PA'I PHYIR, KHO NA RE, DE CHOS CAN, RANG SAS BSDUS PA'I BSAM GTAN DANG PO'I DNGOS GZHI SNYOMS 'JUG
THOB BYED YIN PAR THAL, KHYOD BSAM GTAN DANG PO'I SAS BSDUS GANG ZHIG ,KHYOD BSAM GTAN DANG PO'I DNGOS GZHI THOB BYED KYI THABS YIN BA'I PHYIR NA MA KHYAB, RANG RGYAL DGRA BCOM PA'I 'BRAS BU MNGON DU BYED PAR NGES PA'I SPANG BYA CIG CAR PA'I RGYUN ZHUGS CHOS CAN, KHYOD NYAN THOS LAS LAM BGROD TSUL GYI SGO NAS KHYAD PAR DU 'PHAGS PAR THAL, KHYOD SRID PA THA MA PA'I TSE SLOB DPON GZHAN GYI GDAMS NGAG LA MI LTOS PAR 'DOD PA'I RTEN LA RANG GI BYANG CHUB MNGON DU BYED PAR NGES PA'I GANG ZAG YIN PA'I PHYIR TE, KHYOD THEG DMAN GYI GANG ZAG GANG ZHIG ,DE'I TSE DE LTAR MI LTOS PAR THEG DMAN GYI BYANG CHUB MNGON DU BYED PAR NGES PA'I GANG ZAG YIN PA'I PHYIR, KHYAB PA 'GRIG ,KHA CIG ,BSAM GTAN DANG PO'I NYER BSDOGS MTSAN NYID SO SOR RIG BA'I YID BYED DE BSAM GTAN DANG PO'I NYER BSDOGS KYI THOG MA YIN ZER NA, DE LA KHA CIG, DE CHOS CAN, DE MA YIN PAR THAL, KHYOD KYI SNGA ROL TU BSAM GTAN DANG PO'I NYER BSDOGS KYI SAS BSDUS BA'I ZHI GNAS THOB BA SNGON DU 'GRO DGOS BA'I PHYIR TE, KHYOD BSAM GTAN DANG PO'I NYER BSDOGS KYI SAS BSDUS PA'I LHAG MTHONG YIN PA'I PHYIR ZER BA MI 'THAD DE, DE'I TSE ZHI LHAG ZUNG 'BREL MA THOB BA'I PHYIR TE, SHING? SNYING PO'I RGYAN LAS, LHAG MTHONG THOG MAR THOB PA NI MOS PA LAS BYUNG BA'I YID BYED DE SGOM BYUNG NGO, ,ZHES GSUNGS PA'I PHYIR, GZHAN YANG, DE CHOS CAN, SHES RAB YIN PAR THAL, LHAG MTHONG YIN PA'I PHYIR, 'DOD NA, SEMS BYUNG DU THAL LO, ,'DOD MI NUS TE, DER GYUR BA'I GTZO BO SEMS YOD PA'I PHYIR, RANG LUGS KYI SKYON NI, DE CHOS
, ,CAN, DE MA YIN PAR THAL, KHYOD KYI SNGA ROL TU ZHI GNAS KYI SAS BSDUS PA'I BSAM GTAN DANG PO'I NYER BSDOGS THOB PA SNGON DU 'GRO DGOS PA'I PHYIR TE, KHYOD LHAG MTHONG GIS BSDUS BA'I BSAM GTAN DANG PO'I NYER BSDOGS YIN PA'I PHYIR, KHA CIG ,BSAM GTAN DANG PO'I NYER BSDOGS MTSAN NYID SO SOR RIG PA'I YID BYED DE 'DOD PA'I SAS BSDUS YIN ZER BA MI 'THAD DE, DE BSAM GTAN GYI SAS BSDUS YIN PA'I PHYIR TE, DE BSAM GTAN SA DRUG PO GANG RUNG YIN PA'I PHYIR DANG, DER GYUR PA'I BSAM GTAN DANG POR SKYE BA 'PHEN BYED KYI LAS DE YANG 'DOD BA'I SAS BSDUS SU THAL BA'I SKYON YOD DO, ,KHO NA RE, NYAN SAR, MNYAM PAR MA BZHAG PA'I SA PA'I YID LA BYED PA DAG GIS 'DOD PA RNAMS LA RAGS PA'I MTSAN NYID DANG BSAM GTAN DANG PO LA ZHI BA'I MTSAN NYID DU SO SOR RIG PA YID LA BYED PA ZHES BYA STE, ZHES GSUNGS PA MI 'THAD PAR THAL, DE MNYAM PAR MA BZHAG PA'I SAS BSDUS MA YIN PA'I PHYIR NA MA KHYAB STE, BSAM GTAN DANG PO'I NYER BSDOGS MTSAN NYID SO SOR RIG PA'I YID BYED DE MNYAM PAR MA BZHAG PA'I SA BA'I NYES DMIGS YID LA BYED PA DAG GIS 'DOD PA LA RAGS PA DANG BSAM GTAN DANG PO LA ZHI BA'I RNAM BAR THOS BSAM GYIS SGRO 'DOGS GCOD PAR BYED PA LUNG DE'I DON YIN PA'I PHYIR, DE MNYAM PAR BZHAG PA'I SAS BSDUS YIN TE, RGYAL PO SRAS SU, MNYAM PAR BZHAG PA'I SA PA'I YID LA BYED PA DAG GIS 'DOD PA LA RAGS BA LA SOGS PAR BLTA BA'I PHYIR RAGS PA DANG, DE MED PA'I PHYIR BSAM GTAN
DANG PO LA SOGS PA LA ZHI BA'I MTSAN NYID DU SO SOR DPYOD PA NI SO SOR RIG PA YID LA BYED PA ZHES BYA STE, DE NI THOS PA DANG BSAM PA 'DRES MAR RIG PAR BYA'O, ,ZHES GSUNGS PA'I PHYI, KHO NA RE, DE CHOS CAN, SGOM BYUNG GI BLO YIN PAR THAL, MNYAM GZHAG GIS SA BSDUS YIN PA'I PHYIR, KHYAB STE, MDZOD RTZA BA LAS ,MNYAM PAR BZHAG PA'I DGE BA NI, ,SGOM BA'O, ,ZHES GSUNGS BA'I PHYIR NA MA KHYAB, 'DOD MI NUS TE, THOS BSAM 'DRES MA'I BLO YIN PA'I PHYIR, ZHES ZER, KHA CIG ,DE CHOS CAN, THOS BYUNG GI BLO DANG BSAM BYUNG GI BLO'I GZHI MTHUN YIN PAR THAL, THOS BSAM 'DRES MA'I BLO YIN PA'I PHYIR NA, BSAM GTAN DANG PO'I NYER BSDOGS MOS PA YID BYED CHOS CAN, ZHI GNAS DANG LHAG MTHONG GI GZHI MTHUN YIN PAR THAL, ZHI LHAG ZUNG 'BREL GYI BLO YIN PA'I PHYIR, KHYAB PA KHAS; KHO NA RE, DE 'DOD PA'I SAS BSDUS SU THAL, 'DOD PA'I SAS BSDUS KYI DE YOD PA'I PHYIR, 'DOD PA'I SAS BSDUS KYI BSAM GTAN DANG PO'I NYER BSDOGS YOD PA'I PHYIR, 'DOD PA'I SAS BSDUS KYI ZHI GNAS YOD PA'I PHYIR NA MA KHYAB, KHA CIG ,BSAM GTAN DANG PO'I NYER BSDOGS MI LCOGS MED PA YIN NA, BSAM GTAN DANG PO'I NYER BSDOGS KYI THOG MA'I ZHI GNAS 'BA' ZHIG GI SAS BSDUS PAS KHYAB ZER BA MI 'THAD DE, SPANG BYA CIG CAR PA'I RGYUN ZHUGS KYIS BSAM GTAN DANG PO'I NYER BSDOGS MI LCOGS MED PA LA BRTEN NAS, KHAMS GSUM GYI SGOM SPANG NYON MONGS CHUNG NGU DGU CIG CAR DU SPONG PA GANG ZHIG ,ZHI LHAG ZUNG 'BREL MA THOB PAR DE SPONG MI NUS PA'I PHYIR TE ,MDZOD 'GREL LAS, NYER BSDOGS DANG PO MI LCOGS MED PA STE DE NI DAG PA BA YANG YIN LA ZAG PA
, ,PA MED PA YANG YIN NO, ,ZHES GSUNGS PA DANG MI 'GAL TE, DE NI NYER BSDOGS MI LCOGS MED PA DE NYER BSDOGS BRGYAD KYI DANG PO YIN ZHING, BSAM GTAN DANG PO'I NYER BSDOGS LA DAG PA BA DANG ZAG MED GNYIS KA YOD CES PA'I DON YIN PA'I PHYIR, KHO NA RE, DAM BCA' 'THAD PAR THAL, DE YIN NA BSAM GTAN DANG PO'I NYER BSDOGS YID BYED DRUG PO GANG RUNG MA YIN DGOS PA'I PHYIR NA MA KHYAB, KHA CIG BSAM GTAN DANG PO'I NYER BSDOGS MI LCOGS MED PA DE BSAM GTAN DANG PO'I NYER BSDOGS MOS PA YID BYED NAS SBYOR BA MTHA'I YID BYED KYI BAR LA 'JOG PA YIN ZER NA, DE DANG BSAM GTAN DANG PO'I NYER BSDOGS RAB TU DBEN BA YID BYED KYI GZHI MTHUN YOD PAR THAL, DAM BCA' 'THAD PA'I PHYIR, 'DOD NA, SPANG BYA CIG CAR PA'I RGYUN ZHUGS ZHUGS PA'I RGYUD KYI DE DANG, DE RAB TU DBEN PA YID BYED KYI GZHI MTHUN YOD PAR THAL LO, ,'DOD NA, DE'I RGYUD KYI NYAN THOS KYI MTHONG LAM BAR CHAD MED LAM DANG DE'I GZHI MTHUN YOD PAR THAL LO, ,'DOD NA, KHYOD RANG GI NGOS SKAL GYI SPANG BYAR GYUR PA'I 'JIG RTEN PA'I SGOM SPANG DU GYUR PA'I 'DOD NYON CHEN PO'I CHEN PO'I DNGOS GNYEN YIN PAR THAL, KHYOD BAR CHAD MED LAM DU GYUR PA'I BSAM GTAN DANG PO'I NYER BSDOGS RAB TU DBEN PA YID BYED YIN BA'I PHYIR, RTAGS KHAS, 'DOD NA, KHYOD KYI NGOS SKAL GYI SPANG BYAR GYUR PA'I SGOM SPANG YOD PAR THAL LO, ,'DOD MI NUS TE, MTHONG LAM YIN PA'I PHYIR, GZHAN YANG, DAM BCA' DE MI 'THAD DE, BSAM GTAN DANG PO'I NYER BSDOGS MI LCOGS MED PA YIN NA ,ZHI RAGS
KYI RNAM BA CAN MA YIN DGOS TE, DE'I YID BYED DRUG PO GANG RUNG YIN NA DE MA YIN DGOS BA'I PHYIR ,KHO NA RE, DE YIN NA NYER BSDOGS ZAG MED YIN DGOS BAR THAL, DE YIN NA ZHI RAGS KYI RNAM BA CAN MA YIN DGOS BA'I PHYIR NA MA KHYAB, 'DOD NA, SBYOR LAM STAN GCIG BA LA GNAS PA'I SPANG BYA CIG CAR BA'I RGYUN ZHUGS ZHUGS PA'I RGYUD KYI DE CHOS CAN, DER THAL, DE'I PHYIR, 'DOD NA, 'PHAGS RGYUD KYI NYER BSDOGS SU THAL LO, ,GZHAN YANG, SPANG BYA CIG CAR PA'I RGYUN ZHUGS KYI RGYUD KYI SDUG KUN GNYIS LA RAGS PA DANG, 'GOG LAM GNYIS LA ZHI BA'I RNAM PAR BLTAS NAS SGOM PAR BYED PA'I MKHYEN PACHOS CAN, ZHI RAGS KYI RNAM PA CAN MA YIN PAR THAL, RTAGS DE'I PHYIR TE, BDEN PA'I RNAM PA CAN GYI BSAM GTAN DANG PO'I NYER BSDOGS YIN PA'I PHYI, 'DOD MI NUS TE, CHOS CAN DE'I PHYIR NA MA KHYAB, KHO NA RE, BSAM GTAN DANG PO'I NYER BSDOGS YID LA BYED PA'I LAS DANG PO PA THOB, NYON MONGS RNAM SBYON GI BSAM GTAN DANG PO'I NYER BSDOGS MTHOB PA'I GANG ZAG GI RGYUD KYI BSAM GTAN DANG PO'I NYER BSDOGS YIN NA, BSAM GTAN DANG PO'I NYER BSDOGS YID LA BYED PA'I LAS DANG PO BA YIN PAS MA KHYAB PAR THAL, BSAM GTAN DANG PO'I NYER BSDOGS SBYOR BA MTHA'I YID BYED THOB, BSAM GTAN DANG PO'I SBYOR BA NA? 'BRAS BU YID BYED MA THOB PA'I GANG ZAG GI RGYUD KYE BSAM GTAN DANG PO'I NYER BSDOGS YIN NA, BSAM GTAN DANG PO'I NYER BSDOGS SBYOR BA MTHA'I YID BYED YIN PAS MA KHYAB PA'I PHYIR NA MA KHYAB, MA GRUB NA, MTHONG LAM GYI SNGA ROL TU 'JIG RTEN PA'I SGOM SPANG DU GYUR PA'I
, ,'DOD NYON BRGYAD PA SPANGS PA'I 'BRAS BU THOD RKAL BA'I PHYIR 'ONG ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN, DER THAL, DE'I PHYIR, RTAGS GRUB STE, DE 'DRA'I PHYIR 'ONG ZHUGS PA DES BSAM GTAN DANG PO'I NYER BSDOGS SBYOR BA MTHA'I YID BYED THOB, CIG SHOS MA THOB PA'I PHYIR, DANG PO DE GRUB STE, DES DE LA BRTEN NAS MTHONG LAM GYI SNGA ROL TU 'JIG RTEN PA'I SGOM SPANG DU GYUR PA'I 'DOD NYON BRGYAD PA SPANGS PA'I PHYIR TE, DE YOD PA'I PHYIR, DE 'DRA'I 'BRAS BU THOD RGAL BA'I PHYIR 'ONG YOD BA'I PHYIR, GNYIS PA GRUB STE, PHYIR 'ONG ZHUGS PA YIN PA'I PHYIR, RTZA BAR 'DOD MI NUS TE, BSAM GTAN DANG PO'I NYER BSDOGS MI LCOGS MED PA YIN PA'I PHYIR TE, MTHONG LAM BAR CHAD MED LAM DU GYUR PA'I BSAM GTAN DANG PO'I NYER BSDOGS YIN PA'I PHYIR, KHA CIG ,BSAM GTAN DANG PO'I NYER BSDOGS MOS PA YID BYED THOB PA DANG, LHAG MTHONG THOB PA, SGOM BYUNG THOB PA RNAMS DUS MNYAM STE, RNAM BSHAD SNYING PA'I RGYAN LAS, LHAG MTHONG THOG MAR THOB PA NI MOS PA LAS BYUNG BA'I YID LA BYED PA STE SGOM BYUNG NGO, ,ZHES GSUNGS PA'I PHYIR NA MI 'THAD DE, BSAM GTAN DANG PO'I NYER BSDOGS MTSAN NYID SO SOR RIG PA'I YID BYED LA GNAS PA'I GANG ZAG DES DE LTAR THOB PA DUS MNYAM PA'I DON YIN PA'I PHYIR DANG, BSAM GTAN DANG PO'I NYER BSDOGS MOS PA YID BYED MA THOB PAR DE'I MI LCOGS MED PA THOB PA YOD PA'I PHYIR TE, DE YIN NA BSAM GTAN DANG PO'I NYER BSDOGS YID BYED DRUG PO GANG
RUNG MA YIN DGOS PA'I PHYIR, KHA CIG ,RANG GI DMIGS PA LA 'BAD MED LHUN GRUB TU 'JUG PA'I TING NGE 'DZIN, ZHI GNAS KYI MTSAN NYID ZER NA, 'DOD SEMS RTZE GCIG PA'I TING NGE 'DZIN CHOS CAN, ZHI GNAS SU THAL, MTSAN NYID DE'I PHYIR TE, CHOS CAN DE'I PHYIR, 'DOD NA, SHIN SBYANGS KYI BDE BAS ZIN PAR THAL LO, ,'DOD MI NUS TE, CHOS CAN DE'I PHYIR, KHA CIG ,LUS SEMS SHIN SBYANGS KYI BDE BAS ZIN PA'I SGO NAS RANG GI DMIGS PA LA, ZHES SOGS ZER BA MI 'THAD DE, GZUGS MED KHAMS PA'I RGYUD KYI ZHI GNAS DE LUS SHIN SBYANGS KYIS MA ZIN PA'I PHYIR TE, DE LA LUS SHIN SBYANGS MED PA'I PHYIR, MA GRUB NA, DE NA REG BYA YOD PAR THAL, MA GRUB PA DE'I PHYIR, KHYAB STE, DBUS MTHA'I 'GREL PAR, REG BYA'I KHYAD PAR DGA' BAS ZIN PA NA LUS SHIN TU SBYANGS PAR RIG PAR BYA'O, ,ZHES GSUNGS PA'I PHYIR, 'DOD NA, DE NA GZUGS YOD PAR THAL LO, ,KHA CIG, SHIN SBYANGS KYI BDE BAS ZIN PA'I SGO NAS SEMS DMIGS PA LA 'BAD MED LHUN GRUB TU 'JUG PA'I RIG PA, ZHI GNAS KYI MTSAN NYID ZER BA MI 'THAD DE, ZHI GNAS DANG MTSUNGS LDAN GYI GTZO BO SEMS ZHI GNAS MA YIN PA'I PHYIR TE, ZHI GNAS YIN NA TING NGE 'DZIN YIN DGOS PA'I PHYIR TE, MDO SDE DKON MCHOG SPRIN LAS, ZHI GNAS NI SEMS RTZE GCIG PA'O, ,LHAG MTHONG NI SO SOR RTOG PA'O, ,ZHES GSUNGS PA'I PHYIR, LAM RIM LAS, YANG DAG PA'I TING NGE 'DZIN LA BRTEN NAS SEMS 'JOG PAR BYED PAS NA ZHI GNAS DANG, SO SOR RTOG BA'I SHES RAB NI LHAG MTHONG DU
, ,GSUNGS PA'O, ,ZHES GSUNGS PA'I PHYIR, KHA CIG ,ZHI GNAS KYI DANG NAS RANG GI DMIGS PA LA SO SOR DPYOD PAR BYED PA'I SHES RAB, LHAG MTHONG GI MTSAN NYID ZER NA MI 'THAD DE, BSAM GTAN DANG PO'I NYER BSDOGS MTSAN NYID SO SOR RIG PA'I YID BYED DU GYUR PA'I SHES RAB DE LHAG MTHONG MA YIN PA'I PHYIR TE ,DE RANG GI DMIGS PA LA DPYAD STOBS KYIS DRANGS PA'I SHIN SBYANGS KYIS ZIN PA'I SGO NAS RANG YUL SO SOR RTOG PAR BYED PA'I SHES RAB MA YIN PA'I PHYIR TE, CHOS CAN DE'I PHYIR, KHA CIG ,DPYOD STOBS KYIS DRANGS PA'I LUS SEMS SHIN SBYANGS KYIS ZIN PA, ZHES SOGS DANG ,DE 'DRA'I RANG YUL LA SO SOR DPYOD PAR BYED PA'I BLO ZER BA GNYIS LA SKYON YANG SNGAR BZHIN RIGS 'GRE'O, ,KHA CIG, BSAM GTAN DANG PO'I NYER BSDOGS YID BYED DRUG PO DE LAM BZHIR 'DU STE, DE'I MTSAN NYID SO SOR RIG PA'I YID BYED DANG MOS PA YID BYED GNYIS SBYOR LAM DANG, DE'I RAB TU DBEN PA YID BYED DANG, SBYOR BA MTHA'I YID BYED GNYIS BAR CHAD MED LAM DANG, DE'I DPYOD PA YID BYED KHYAD PAR GYI LAM DANG, DGA' BSDUD PA'I YID BYED LAM BZHI CHAR GYIS BSDUS PA'I PHYIR, ZER BA MI 'THAD DE, DE RAB TU DBEN PA YID BYED CHOS CAN, KHYOD RGYUD LDAN GYI PHYI ROL PA MED PAR THAL, KHYOD BAR CHAD MED LAM YIN PA'I PHYIR, DES GZHAN LA RIGS 'GRE'O, ,KHA CIG ,BSAM GTAN DANG PO'I NYER BSDOGS DANG TSOR BA BDE BA'I GZHI MTHUN YOD DE, GSER PHRENG LAS, DE DAG LA NI NYER BSDOGS BRGYAD, ,DAG PA BDE MIN SDUG BSNGAL
MIN; ;ZHES PA 'DI DRANGS NAS 'DIS NYER BSDOGS KYI TSOR BA BTANG SNYOMS SU BSHAD PA 'DIR MI BZUNG NGO, ,ZHES GSUNGS PA'I PHYIR NA MA KHYAB STE, LAM RIM LAS, TSOR BA SIM? PA'I RNAM PA CAN GYI DGA' BDE NI SKABS 'DIR BSGRUB PAR BYA BA'I TING NGE 'DZIN GYI 'BRAS BU LAS 'BYUNG YANG BSAM GTAN DANG PO'I NYER BSDOGS KYIS BSDUS PA'I TING NGE 'DZIN DANG MTSUNGS LDAN DU MI 'BYUNG, ZHES GSUNGS PA MI 'THAD PAR THAL, DAM BCA'? DE'I PHYIR, KHA CIG ,BSAM GTAN GYI DNGOS GZHI'I SAS BSDUS KYIS? SNYOMS 'JUG ,BSAM GTAN GYI DNGOS GZHI SNYOMS 'JUG GI MTSAN NYID, NGES GZUGS MED LA RIGS 'DRA'O, ,ZER NA, 'DU SHES MED PA'I SNYOMS 'JUG CHOS CAN, MTSON BYA DANG PO DER THAL, MTSAN NYID DE'I PHYIR, DANG PO GANG ZHIG ,SNYOMS 'JUG YIN PA'I PHYIR, DANG PO GRUB STE, DE BSAM GTAN GYI SAS BSDUS YIN PA'I PHYIR TE, MDZOD RTZA BA LAS, DE BZHIN 'DU SHES MED SNYOMS 'JUG ,BSAM GTAN THA MAR 'BYUNG 'DOD PAS, ,ZHES GSUNGS PA'I PHYIR, 'GOG PA'I SNYOMS 'JUG CHOS CAN, MTSON BYA GNYIS PA DER THAL, MTSAN NYID DE'I PHYIR, DANG PO GANG ZHIG ,SNYOMS 'JUG YIN PA'I PHYIR, DANG PO GRUB STE, DE GZUGS MED KYI SAS BSDUS YIN PA'I PHYIR TE, DE SRID RTZE'I SAS BSDUS YIN PA'I PHYIR TE, MDZOD RTZA BA LAS, 'DI GNAS DON DU SRID RTZER SKYE, ,ZHES GSUNGS PA'I PHYIR, KHA CIG ,YAN LAG GI SGO NAS RANG GI 'OG SA LAS 'DA' BAR BYED PA'I DGE SEMS RTZE GCIG PA MTSUNGS LDAN DANG BCAS PA, BSAM GTAN GYI DNGOS GZHI SNYOMS 'JUG GI MTSAN NYID ZER BA MI 'THAD DE, BSAM GTAN
, ,GYI DNGOS GZHI SNYOMS 'JUG YIN NA, RANG GI 'OG SA LAS 'DAS PAS KHYAB PA'I PHYIR, KHA CIG ,RANG GI 'PHANG BYAR GYUR BA'I 'BRAS BU SKYE BA'I BSAM GTAN 'PHEN BYED DU GYUR PA'I BSAM GTAN GYI SNYOMS 'JUG DAG BA BAR DMIGS PA DE, RGYU SNYOMS 'JUG GI BSAM GTAN GYI MTSAN NYID, TSE RABS GZHAN DU RGYU SNYOMS 'JUG GI BSAM GTAN SGOM PA LA BRTEN NAS THOB PA'I SKYES THOB KYI CHOS, 'BRAS BU SKYE BA'I BSAM GTAN GYI MTSAN NYID, DBYE NA, TSE RABS GZHAN DU RGYU SNYOMS 'JUG GI BSAM GTAN BSGOMS PA'I RGYU MTHUN GYI 'BRAS BU, RNAM SMIN GYI 'BRAS BU, BDAG PO'I 'BRAS BU GSUM YOD, DANG PO NI, SDUG BDEN DU GYUR BA'I GZUGS KHAMS PA'I GANG ZAG LTA BU, GNYIS PA NI, GZUGS KHAMS PA'I GANG ZAG GI RGYUD KYI RNAM SMIN GYI 'BRAS BUR GYUR PA'I PHUNG PO LNGA LTA BU, GSUM PA NI, GZUGS KHAMS PA'I GANG ZAG GI GZHAL MED KHANG LTA BU, 'BRAS BU SKYE BA'I BSAM GTAN DU GYUR PA'I GANG ZAG YIN NA, LAS NYON GYIS 'KHOR BAR SKYE BA LEN PAS KHYAB, RGYU SNYOMS 'JUG GI BSAM GTAN YIN NA, RANG GI 'OG SA'I RTEN CAN YIN DGOS KYANG 'BRAS BU SKYE BA'I BSAM GTAN LA RANG SA'I RTEN CAN GYIS MA KHYAB STE, BSKAL PA 'JIG PA'I TSE CHOS NYID KYI STOBS GYIS THOB PA'I 'DOD KHAMS PA'I GANG ZAG GI RGYUD KYI BSAM GTAN DANG PO'I DNGOS GZHI SNYOMS 'JUG DE 'BRAS BU SKYE BA'I BSAM GTAN YIN PA'I PHYIR, RGYU SNYOMS 'JUG GI BSAM GTAN LA SBYOR BYUNG YIN PAS MA KHYAB STE, BSKAL PA 'JIG PA'I DUS KYI TSE CHOS NYID KYI STOBS
KYIS THOB PA'I 'DOD KHAMS PA'I GANG ZAG GI RGYUD KYI BSAM GTAN DANG PO'I DNGOS GZHI SNYOMS 'JUG DE, RGYU SNYOMS 'JUG GI BSAM GTAN YIN PA'I PHYIR, ZHES ZER NA, BSAM GTAN DANG PO'I SKYES 'GRUB BYED KYI LAS SU GYUR PA'I BSAM GTAN DANG PO'I DNGOS GZHI SNYOMS 'JUG DAG PA BA CHOS CAN, MTSAN NYID DER THAL, RGYU SNYOMS 'JUG GI BSAM GTAN YIN PA'I PHYIR TE, CHOS CAN DE'I PHYIR, 'DOD NA, BSAM GTAN DANG PO'I SKYE BA 'PHEN BYED KYI LAS SU GYUR PA'I BSAM GTAN GYI DNGOS GZHI SNYOMS 'JUG DAG PA BA YIN PAR THAL, 'DOD PA DE LA RGYU MTSAN YOD PA'I PHYIR, 'DOD NA, BSAM GTAN DANG PO'I SKYE BA 'PHEN BYED KYI LAS YIN PAR THAL, 'DOD PA GANG ZHIG ,LAS YIN PA'I PHYIR, 'DOD NA, BSAM GTAN DANG PO'I NYER BSDOGS YIN PAR THAL LO, ,GZHAN YANG, SDUG BDEN DU GYUR PA'I GZUGS KHAMS PA'I GANG ZAG YIN NA, 'BRAS BU SKYE BA'I BSAM GTAN YIN DGOS PAR THAL, DE DE YIN BA'I PHYIR, RTAGS KHAS, 'DOD NA, GZUGS SU NYE BAR 'GRO BA'I PHYIR MI 'ONG SKYE 'DA' BA GZUGS KYI SKYE SRID DU SKYE BA BLANGS MA THAG BA'I PHYIR MI 'ONG CHOS CAN, DER THAL, DE'I PHYIR, RTAGS GRUB STE, LAS NYON GYIS GZHAN DBANG DU GYUR BA'I GANG ZAG GANG ZHIG ,SDUG BDEN DU GYUR PA'I GANG ZAG DANG GZUGS KHAMS BA'I GANG ZAG GI GZHI MTHUN YIN PA'I PHYIR, 'DOD NA, LAS NYON GYIS 'KHOR BAR SKYE BA LEN PAR THAL LO, ,KHYAB PA KHAS, 'DOD MI NUS TE, TSE DE LA DGRA BCOM PA'I 'BRAS BU MNGON DU BYED PAR NGES PA'I GANG THAG YIN BA'I PHYIR, GZHAN YANG, BSKAL PA 'JIG PA'I TSE
, ,CHOS NYID KYI STOBS KYIS THOB PA'I 'DOD KHAMS PA'I GANG ZAG GI RGYUD KYI BSAM GTAN DANG PO'I DNGOS GZHI SNYOMS 'JUG CHOS CAN, SKYES THOB KYI CHOS SU THAL, 'BRAS BU SKYE BA'I BSAM GTAN YIN PA'I PHYIR, KHYAB PA KHAS; 'DOD NA, DE'I TSE 'DOD KHAMS PA'I GANG ZAG YIN NA, BSAM GTAN DANG PO'I DNGOS GZHI SNYOMS 'JUG THOB PAS KHYAB PAR THAL LO, ,GZHAN YANG, BSAM GTAN GNYIS PA NAS BSAM GTAN DANG POR SKYE BA LEN KHA MA'I GANG ZAG GI RGYUD KYI BSAM GTAN DANG PO'I SKYE BA 'GRUB BYED KYI BSAM GTAN DANG PO'I DNGOS GZHI SNYOMS 'JUG CHOS CAN, RANG GI 'OG SA'I RTEN CAN DU THAL, RGYU SNYOMS 'JUG GI BSAM GTAN YIN PA'I PHYIR, KHYAB PA KHAS, 'DOD NA, DE 'DOD PA'I RTEN CAN DU THAL, 'DOD PA GANG ZHIG ,BSAM GTAN DANG PO'I DNGOS GZHI SNYOMS 'JUG YIN PA'I PHYIR, DES BSAM GTAN DANG PO NAS BSAM GTAN DANG POR SKYE KHA MA'I DE DANG, BSAM GTAN BZHI PA NAS BSAM GTAN BZHI PAR SKYE BA LEN KHA MA'I RGYUD KYI DE DANG, DE NAS BSAM GTAN DANG POR SKYE BA LEN KHA MA SOGS LA RIGS 'DRA BAR SHES PAR BYA'O, ,KHO NA RE, RGYU SNYOMS 'JUG GI BSAM GTAN GYI SNYOMS 'JUG LA RANG GI 'OG SA'I RTEN CAN YIN DGOS BAR THAL, DE'I NYER BSDOS LA DE DGOS BA'I PHYIR NA MA KHYAB; KHA CIG ,RGYU SNYOMS 'JUG GI BSAM GTAN DANG 'BRAS BU SKYE BA'I BSAM GTAN GNYIS 'GAL ZER BA MI 'THAD DE, BSAM GTAN DANG PO'I RTEN CAN GYI SO SKYE'I RGYUD KYI BSAM GTAN DANG PO'I DNGOS GZHI SNYOMS 'JUG DAG PA BA DE DE GNYIS KA
YIN PA'I PHYIR, DE 'BRAS BU SKYE BA'I BSAM GTAN GANG ZHIG ,CIG SHOS YIN PA'I PHYIR, DANG PO GRUB STE, BSAM GTAN DANG POR SKYES THOB KYI CHOS YIN PA'I PHYIR, GNYIS PA GRUB STE, BSAM GTAN GYI DNGOS GZHI SNYOMS 'JUG GANG ZHIG ,RANG 'BRAS SDUG BSNGAL BDEN PA SKYED BYED KYI 'KHOR BAS BSDUS PA'I CHOS YIN BA'I PHYIR, KHA CIG ,'BRAS BU SKYE BA'I BSAM GTAN LA RANG SA'I RTEN CAN GYIS KHYAB ZER BA MI 'THAD DE, BSAM GTAN BZHI PA'I RTEN CAN GYI SO SKYE'I RGYUD KYI BSAM GTAN DANG PO'I DNGOS GZHI SNYOMS 'JUG DAG PA BA CHOS CAN, DER THAL, DE'I PHYIR, BSAM GTAN BZHI PAR SKYES THOB KYI CHOS YIN BA'I PHYIR, RTAGS GRUB STE, BSAM GTAN BZHI PA'I RTEN CAN GYI GANG ZAG YIN NA, BSAM GTAN DANG PO'I DNGOS GZHI SNYOMS 'JUG THOB PAS KHYAB BA'I PHYIR, KHA CIG ,RTOG DPYOD GNYEN PO'I YAN LAG DANG LDAN PA'I SGO NAS 'DOD PA LA 'DOD CHAGS DANG BRAL BAS RAB TU PHYE BA'I DGE SEMS RTZE GCIG PA MTSUNGS LDAN DANG BCAS PA GANG ZHIG ,DPE NA PA LAS SKYES PA'I DGA' BDE PHAN YON GYI YAN LAG TU LDAN PA, BSAM GTAN DANG PO'I DNGOS GZHI SNYOMS 'JUG GI MTSAN NYID, NANG RAB TU DANG BA GNYEN PO'I YAN LAG TU LDAN PA'I SGO NAS RTOG DPYOD GNYIS KA LA 'DOD CHAGS DANG BRAL BAS RAB TU PHYE BA'I DE GANG ZHIG ,TING NGE 'DZIN LAS SKYES BA'I DGA' BDE PHAN YON GYI YAN LAG TU LDAN PA DE, GNYIS PA'I MTSAN NYID, DRAN SHES BZHIN BTANG SNYOMS GSUM GNYEN PO'I YAN LAG TU LDAN PA'I SGO NAS DGA' BA LA 'DOD CHAGS DANG BRAL BA'I DE GANG ZHIG ,
, ,DGA' BAS DBEN PA'I BDE BA PHAN YON GYI YAN LAG TU LDAN PA DE, GSUM PA'I MTSAN NYID, DRAN PA DANG BTANG SNYOMS YONGS DAG GNYEN PO'I YAN LAG TU LDAN PA'I SGO NAS BDE BA LA 'DOD CHAGS DANG BRAL BA'I DE GANG ZHIG ,TSOR BA BTANG SNYOMS PHAN YON GYI YAN LAG TU LDAN PA, BSAM GTAN BZHI PA'I DNGOS GZHI SNYOMS 'JUG GI MTSAN? NYID ZER NA, DE LA KHA CIG ,MTSAN NYID DANG PO DE MI 'THAD DE, GNYEN PO'I YAN LAG DANG LDAN PA'I BSAM GTAN DANG PO'I DNGOS GZHI MED PA'I PHYIR; BSAM GTAN DANG PO'I DNGOS GZHI SNYOMS 'JUG THOB NA, GNYEN BO'I YAN LAG BTANG ZIN PAS KHYAB PA'I PHYIR TE, DE THOB NA 'DOD PA LA 'DOD CHAGS DANG BRAL ZIN PAS KHYAB PA'I PHYIR, ZER BA MI 'THAD DE, YAN LAG LNGA DANG LDAN PA'I BSAM GTAN DANG PO'I DNGOS GZHI YOD PA'I PHYIR DANG, RTOG DPYOD GNYEN PO'I YAN LAG TU LDAN PA'I BSAM GTAN DANG PO'I DNGOS GZHI SNYOMS 'JUG YOD PA'I PHYIR TE, SHES SGRIB KYI GNYEN PO BYED PA'I YAN LAG DANG LDAN BA'I RNAM MKHYEN YOD BA'I PHYIR TE, RGYUD BLA MAR, DAG GSAL GNYEN PO'I PHYOGS NYID KYI, ,ZHES GSUNGS PA'I PHYIR, RANG LUGS KYI SKYON NI, MTSAN NYID DANG PO MI 'THAD DE, RTOG DPYOD GNYEN PO'I YAN LAG TU MI LDAN PA'I BSAM GTAN DANG PO'I DNGOS GZHI SNYOMS 'JUG KHYAD PAR CAN YOD PA'I PHYIR TE, MDZOD RTZA BA LAS, RTOG MED BSAM GTAN KHYAD PAR CAN, ,ZHES GSUNGS PA'I PHYIR DANG, DE DBEN PA LAS SKYES PA'I DGA' BDE PHAN YON GYI YAN LAG TU MI LDAN PA'I PHYIR TE, DE TSOR BA BTANG SNYOMS KYI SA PA YIN
PA'I PHYIR TE, MDZOD RTZA BA LAS, RNAM GSUM BDE MIN SDUG BSNGAL MIN, ,ZHES GSUNGS PA'I PHYIR, MTSAN NYID PHYI MA DE RNAMS MI 'THAD DE, SANGS RGYAS 'PHAGS PA'I RGYUD KYI BSAM GTAN GNYIS PA'I DNGOS GZHI SNYOMS 'JUG DE RTOG DPYOD MA GTOGS 'DOD CHAGS DANG BRAL BAS RAB TU PHYE BA MA YIN ZHING, DE'I RGYUD KYI BSAM GTAN BZHI PA'I DNGOS GZHI SNYOMS 'JUG DE TSOR BA BTANG SNYOMS PHAN YON GYI YAN LAG DANG LDAN PA MA YIN BA'I PHYIR, KHA CIG ,SBYOR BA'I DUS SU GZUGS DANG THOGS PA'I 'DU SHES LA RAGS PAR MTHONG NAS CHOS THAMS CAD NAM MKHA' LTAR MTHA' YAS SO SNYAM DU BSGOMS PAS DNGOS GZHI'I SKABS SU DE MNGON GYUR PA'I SEMS RTZE GCIG PA MTSUNGS LDAN DANG BCAS PA, NAM MKHA' MTHA' YAS KYI DNGOS GZHI SNYOMS 'JUG GI MTSAN NYID, SBYOR BA'I DUS SU CHOS THAMS CAD NAM MKHA' LTAR MTHA' YAS SO SNYAM PA DE NYID LA DGAG BYAR BYAS NAS, CHOS THAMS CAD RNAM SHES LTAR MTHA' YAS SO SNYAM DU SGOM PA LA BRTEN NAS DNGOS GZHI'I DUS SU, ZHES SOGS RNAM SHES MTHA' YAS KYI DE'I MTSAN NYID, SBYOR BA'I DUS SU GZUNG BYA CI YANG MED DO SNYAM DU SGOM PA LA, ZHES SOGS CI YANG MED KYI DE'I MTSAN NYID, SBYOR BA'I DUS SU 'DU SHES RIGS? BA NI NAD DANG 'BRAS DANG ZUG RDU'O, ,'DU SHES MED PA NI KUN NAS NYON MONGS PA'O; ;'DU SHES MED MIN NI ZHI BRGYA NOM BA'O SNYAM DU SGOM PA, ZHES SOGS SRID RTZE'I DNGOS GZHI'I SNYOMS 'JUG GI MTSAN NYID ZER NA, SANGS RGYAS 'PHAGS PA'I RGYUD KYI NAM MKHA' MTHA' YAS KYI DNGOS GZHI SNYOMS 'JUG CHOS CAN, MTSAN NYID DER
, ,THAL, MTSON BYA DE'I PHYIR, 'DOD NA, CHOS THAMS CAD NAM MKHA' LTAR MTHA' DUS? PAR THAL, 'DOD PA GANG ZHIG, KHYOD RNAM MKHYEN YIN PA'I PHYIR, DES PHYI MA BZHI LA RIGS 'DRA'O, KHA CIG, BSAM GTAN DANG PO'I DNGOS GZHI SNYOMS 'JUG KHYAD PAR CAN DE YIN NA, RTOG DPYOD GNYEN PO'I YAN LAG TU MI LDAN PAS MA KHYAB STE, SGRA DON 'DRES RUNG DU 'DZIN PA'I RTOG PAR GYUR BA'I BSAM GTAN DANG PO'I DNGOS GZHI SNYOMS 'JUG KHYAD PAR CAN DE'I YAN LAG TU GYUR BA'I RTOG PA YOD PA'I PHYIR, MA GRUB NA, DE CHOS CAN, KHYOD KYI YAN LAG TU GYUR BA'I DE YOD PAR THAL, KHYOD KYI YAN LAG TU GYUR BA'I RTOG PA DE DE YIN PA'I PHYIR TE, DE KHYOD KYI YAN LAG GANG ZHIG, DE RTOG PA YIN PA'I PHYIR NA MA KHYAB, GZHAN YANG, DE CHOS CAN, KHYOD KYI YAN LAG TU GYUR BA'I RTOG PA YOD PAR THAL KHYOD KYI YAN LAG TU GYUR BA'I SGRA DON 'DRES RUNG DU 'DZIN BA'I RTOG PA YOD PA'I PHYIR NAM KHYAB, KHA CIG, BSAM GTAN DANG PO'I DNGOS GZHI SNYOMS 'JUG TZAM PO BA CHOS CAN, RTOG DPYOD GNYIS KHYOD KYI GNYEN PO'I YAN LAG TU THAL, KHYOD RTOG DPYOD GNYEN PO'I YAN LAG DANG LDAN PA'I BSAM GTAN GYI DNGOS GZHI SNYOMS 'JUG YIN PA'I PHYIR NA MA KHYAB STE, BSAM GZUGS BRGYAD KA LA 'GOG PA SPEL NAS SNYOMS PAR 'JUG PA'I YAR SRONG? THOD RGAL GYI SNYOMS 'JUG CHOS CAN, 'GOG PA KHYOD KYI SPEL CHOS SU THAL, KHYOD CHOS CAN DE'I PHYIR, KHYAB PA 'GRIG, KHO NA RE, BSAM GTAN DANG PO'I DNGOS GZHI SNYOMS 'JUG TZAM PO BA'I YAN LAG TU GYUR BA'I RTOG PA DE CHOS CAN, RTOG DPYOD GNYEN PO YAN LAG DANG LDAN PAR THAL, BSAM GTAN DANG PO'I
DNGOS GZHI SNYOMS 'JUG TZAM PO BA YIN PA'I PHYIR, RTAGS GRUB STE, MDZOD 'GREL LAS, YAN LAG BZHI BA'I DMAG JI LTA BA BZHIN DU YAN LAG LNGA PA'I BSAM GTAN YANG DE BZHIN NO, ,ZHES GSUNGS PA'I PHYIR, 'DOD NA, DE'I YAN LAG TU GYUR BA'I RTOG PA THUG MED DU THAL, DE'I YAN LAG TU GYUR PA'I RTOG PA DE'I YANG YAN LAG TU GYUR BA'I RTOG PA YOD PA'I PHYIR NA MA KHYAB, SDOR? SNANG DBANG SHES NYAMS SU MYONG BA'I RANG RIG THUG MED DU THAL, DE'I NYAMS SU MYONG BA'I RANG RIG DE'I YANG NYAMS SU MYONG BA'I RANG RIG YOD PA'I PHYIR KHYAB PA 'GRIG ,KHA CIG, BSAM GTAN DANG PO'I SNYOMS 'JUG TZAM PO BA CHOS CAN, KHYOD RANG GI YAN LAG TU GYUR BA'I RTOG PA DANG MTSUNGS LDAN DU THAL, KHYOD KYI YAN LAG TU GYUR BA'I RTOG DPYOD GNYIS SU PHYE BA'I RTOG PA YOD PA'I PHYIR, 'DOD NA, SEMS RTZID PA'I RNAM PA CAN DU THAL, 'DOD PA GANG ZHIG, DE SEMS RTZID PA'I RNAM PA CAN YIN PA'I PHYIR, DE YOD PA GANG ZHIG ,MDZOD RTZA BA LAS, RTOG DANG DPYOD PA RTZID ZHI BA NYID, ,CES GSUNGS PA'I PHYIR, 'DOD NA, KHYOD RANG GI YAN LAG TU GYUR PA'I RTOG DPYOD GNYIS SU PHYE BA'I DPYOD PA DE DANG MTSUNGS LDAN DU THAL, KHYOD KYI YAN LAG TU GYUR BA'I DE YOD PA'I PHYIR, 'DOD NA, SEMS ZHIB PA'I RNAM PA CAN DU THAL, 'DOD PA GANG ZHIG ,DE SEMS ZHIB PA'I RNAM PA CAN YIN PA'I PHYIR, RTAGS SNGAR BZHIN, 'DOD MI NUS TE, SEMS RTZID PA'I RNAM PA CAN GYI BLO YIN PA'I PHYIR ZER BA MI 'THAD DE, RNAM MKHYEN CHOS CAN, DER THAL, DE'I PHYIR, SEMS RTZID BA'I RNAM BA SHAR BA'I BLO YIN PA'I PHYIR, RTAGS
, ,GSAL SLA'O, ,GZHAN YANG, MIG SHES SU GYUR BA'I TSOR BA MED PAR THAL, DER GYUR PA'I TSOR BA BDE BA MED PA'I PHYIR TE, GZUGS 'DZIN MIG SHES KYI 'KHOR DU BYUNG BA'I DE MED PA'I PHYIR, MA GRUB NA, DE CHOS CAN, RANG GI 'KHOR DU BYUNG BA'I TSOR BA BDE BA DANG MTSUNGS LDAN DU THAL LO, ,'DOD NA, GZUGS YID 'ONG GI RNAM PA CAN DU THAL, 'DOD PA GANG ZHIG ,DE GZUGS YID 'ONG GI RNAM PA CAN YIN PA'I PHYIR, CHOS CAN DE'I PHYIR, 'DOD NA, TSOR BA SDUG BSNGAL DANG SBYAR NAS MTSUNGS BA BYA'O, ,KHA CIG ,BSAM GTAN GYI DNGOS GZHI SNYOMS 'JUG GANG ZHIG, RANG GI 'OG SA 'DOD PA LA 'DOD CHAGS DANG BRAL BAS RAB TU PHYE BA, BSAM GTAN DANG PO'I DNGOS GZHI'I SNYOMS 'JUG GI MTSAN NYID, BSAM GTAN GYI DNGOS GZHI SNYOMS 'JUG GANG ZHIG, RANG GI 'OG SA BSAM GTAN DANG PO LA 'DOD CHAGS DANG BRAL BA, ZHES SOGS RIGS 'DRA ZER NA, MTSAN NYID DANG PO MI 'THAD DE, SPANG BYA CIG CAR BA'I NYAN THOS DGRA BCOM BA'I 'BRAS BU THOB MA THAG PA'I GANG ZAG GI RGYUD KYI RNAM GROL LAM CHOS CAN, MTSON BYA DER THAL, MTSAN NYID DE'I PHYIR, GZHAN YANG, MI 'THAD DE, SANGS RGYAS 'PHAGS BA'I RGYUD KYI BSAM GTAN DANG PO'I DNGOS GZHI SNYOMS 'JUG DE BSAM GTAN GNYIS PA'I DNGOS GZHI SNYOMS 'JUG YIN PA'I PHYIR TE, DE BSAM GZUGS BRGYAD KA YIN PA'I PHYIR TE, DE'I RGYUD KYI PHAR PHYIN BCU YIN KHYAB MNYAM YIN PA'I PHYIR, KHO NA RE, SANGS RGYAS
'PHAGS PA'I RGYUD KYI BSAM GTAN DANG PO'I DNGOS GZHI SNYOMS 'JUG CHOS CAN, BSAM GTAN GNYIS PA'I GONG SA YIN PAR THAL, BSAM GTAN GSUM PA'I DNGOS GZHI SNYOMS 'JUG YIN PA'I PHYIR, 'DOD MI NUS TE, DE'I 'OG SA YIN PA'I PHYIR, BSAM GTAN DANG PO'I DE YIN PA'I PHYIR NA, BSAM GTAN DANG PO'I DNGOS GZHI SNYOMS 'JUG YIN NA, NANG RAB TU DANG BA GNYEN PO'I YAN LAG TU MI LDAN PAS KHYAB PAR THAL, DE YIN NA BSAM GTAN GNYIS PA'I DNGOS GZHI SNYOMS 'JUG MA YIN DGOS PA'I PHYIR; 'DOD NA, DE YIN NA RTOG DPYOD KYI RNYOG PA DANG BCAS BAS KHYAB BAR THAL LO, ,'DOD NA, SANGS RGYAS 'PHAGS BA'I RGYUD KYI BSAM GTAN DANG PO'I DNGOS GZHI SNYOMS 'JUG CHOS CAN, DER THAL, DE'I PHYIR, DES GZHAN LA RIGS 'DRA, KHO NA RE, SPANG BYA CIG CAR BA'I NYAN THOS DGRA BCOM PA'I RGYUD KYI BSAM GTAN GZUGS MED KYI DNGOS GZHI BRGYAD YIN KHYAB MNYAM DU THAL, SANGS RGYAS 'PHAGS PA LA DE'I PHYIR, 'DOD NA, DE'I RGYUD KYI SRID RTZE'I DNGOS GZHI SNYOMS 'JUG TU GYUR BA'I LAM ZAG MED YOD PAR THAL, 'DOD PA GANG ZHIG, DE'I RGYUD LA BSAM GTAN GYI DNGOS GZHI'I SNYOMS 'JUG TU GYUR PA'I LAM ZAG MED YOD PA'I PHYIR, 'DOD MI NUS TE, 'GREL CHEN LAS, GANG YANG, 'DOD PA KHAMS DRANG SRID RTZE NA, ,BYANG CHUB LAM GYI YAN LAG SPANGS, ,ZHES BYA BA NI THABS LA MI MKHAS PA'I PHYIR, NYAN THOS KYI DBANG DU BYAS PA YIN GYI DE DANG 'DI LA 'GAL BA MED DO ZHES BYA BA NI KHA CIG GI'O, ,ZHES GSUNGS BA'I PHYIR NA MA KHYAB STE, NYAN THOS KYI GRUB MTHA'I DBANG DU BYAS NA SRID RTZE'I
, ,SEMS DANG LAM ZAG MED KYI GZHI MTHUN MED KYANG, THEG CHEN GYI GRUB MTHA'I DBANG DU BYAS NA DE 'DRA'I GZHI MTHUN YOD CES PA'I DON YIN PA'I PHYIR, DE LTAR MA YIN NA, DE 'DRA'I LUNG DON MA GRUB PAR THAL, 'DOD SEMS DANG LAM ZAG MED KYI GZHI MTHUN YOD PA'I PHYIR TE, 'DOD PA'I SAS BSDUS KYI THEG DMAN GYI MI SLOB LAM YOD PA'I PHYIR TE, NYAN THOS DGRA BCOM PA'I RGYUD KYI SO SOR THAR BA'I SDOM PA DE DE YIN PA'I PHYIR TE, DE 'DOD PA'I SAS BSDUS GANG ZHIG ,THEG DMAN GYI MI SLOB LA MA YIN PA'I PHYIR, DANG PO GRUB STE, SO THAR GYI SDOM PA YIN PA'I PHYIR, GNYIS PA GRUB STE, NYAN THOS TSOGS LAM PA'I RGYUD KYI SO THAR GYI SDOM PA DE NYAN THOS KYI TSOGS LA MA YIN PA'I PHYIR TE, KUN BTUS LAS; TSOGS KYI LAM GANG ZHE NA, SO SO SKYE BO'I TSUL KHRIMS DANG, ZHES SOGS GSUNGS BA'I PHYIR, KHO NA RE, SPANG BYA CIG CAR BA'I NYAN THOS DGRA BCOM PA'I RGYUD KYI BSAM GTAN DANG PO'I DNGOS GZHI SNYOMS 'JUG DE BSAM GTAN DANG PO'I DNGOS GZHI SNYOMS 'JUG TZAM KHYAD GNYIS KA YIN PAR THAL, DE BSAM GTZUGS BRGYAD KA YIN PA'I PHYIR NA MA KHYAB, KHA CIG ,DE'I RGYUD KYI DE LA TZAM KHYAD GNYIS KYI KHYAD PAR MI 'BYED DE, BSAM GTAN DANG PO'I DNGOS GZHI SNYOMS 'JUG ZAG MED LA DE MED PA'I PHYIR ZER BA MI 'THAD DE, ZAG MED SA DGU MED PAR THAL, BSAM GTAN DANG PO'I DNGOS GZHI'I SNYOMS 'JUG TZAM PO PAR GYUR BA'I LAM ZAG MED MED PA'I PHYIR, KHO NA RE, DE'I RGYUD KYI BSAM GTAN DANG PO'I DNGOS GZHI SNYOMS
'JUG CHOS CAN, KHYOD KYI GONGS MED BAR THAL, KHYOD SRID RTZE'I DNGOS GZHI SNYOMS 'JUG YIN PA'I PHYIR NA MA KHYAB, KHA CIG ,ZAG MED KYI BSAM GZUGS BRGYAD YIN KHYAB MNYAM YIN ZER NA, BSAM GTAN DANG PO'I DNGOS GZHI SNYOMS 'JUG THOB, BSAM GTAN GNYIS PA'I DE MA THOB PA'I PHYIR MI 'ONG GI RGYUD KYI GANG ZAG GI BDAG MED MNGON SUM DU RTOGS PA'I MA KHYEN PA CHOS CAN, BSAM GTAN GNYIS PA'I DNGOS GZHI'I SNYOMS 'JUG ZAG MED DU THAL, BSAM GTAN DANG PO'I DE YIN PA'I PHYIR, GZHAN YANG, RGYUN ZHUGS ZHUGS PA'I RGYUD KYI NYAN THOS KYI MTHONG LAM BAR CHAD MED LAM CHOS CAN, SRID RTZE'I SNYOMS 'JUG ZAG MED DU THAL, BSAM GTAN DANG PO'I DE YIN PA'I PHYIR, KHYAB PA KHAS, ` GSUM PA TSAD MED BZHI BYE BRAG TU BSHAD PA LA, RGYU; MTSAN NYID, DBYE BA, SO SO'I NGO BO, KHYAD CHOS, SGRA BSHAD PA, GZHUNG DON NO, ,DANG PO NI, TSAD MED PA DE RNAMS RANG GI RGYUR GYUR BA'I RKYEN BZHI LAS SKYE BA YIN TE, DMIGS RKYEN BDE BA DANG MI LDAN PA'I SEMS CAN SOGS DANG, RGYU RKYEN YID KYI RNAM SHES KYI STENG GI ZAG MED YE SHES KYI SA BON DANG, BDAG RKYEN TSAD MED SOGS STON BA'I BSHES GNYEN, DE MA THAG RKYEN RANG GI SNGA ROL DE MA THAG TU BYUNG BA'I RIG PA BZHI LAS SKYE BA'I PHYIR TE, MDO SDE'I RKYAN LAS, BDE DANG SDUG BSNGAL DE RGYU LAS, ,BYANG CHUB SEMS DPA'I SNYING RJE STE, ,RGYU DANG BSHES GNYEN RANG BZHIN LAS, ,BYANG CHUB SEMS DPA'I SNYING RJE'O, ,ZHES GSUNGS PA'I PHYIR, GNYIS PA NI, RANG GI BDAG RKYEN DU GYUR PA'I BSAM GTAN GYI DNGOS GZHI'I SEMS LA BRTEN
, ,NAS BRTZE BA SOGS GANG RUNG GI RNAM PA YANG DAG PAR 'JOG PA'I TING NGE 'DZIN SHES RAB MTSUNGS LDAN DANG BCAS PAS RAB TU PHYE BA'I RIG PA, TSAD MED KYI MTSAN NYID YIN TE, KUN BTUS LAS, YON TAN 'DI RNAMS DI LTAR MNGON PAR 'GRUB CE NA, PHYI ROL PA'AM NYAN THOS SAM BYANG CHUB SEMS DPA' YANG RUNG STE, DAG PA'I BSAM GTAN BZHI LA BRTEN NAS TSAD MED PA RNAMS 'GRUB BO, ,ZHES DANG, MDO SDE'I RGYAN LAS, SEMS CAN RNAMS LA BRTZE BA CAN, ,PHRAD DANG BRAL BA'I DGONGS PA CAN, ,MI 'BRAL BA YI DGONGS PA CAN, ,PHAN DGONGS KHYOD LA PHYAG 'TSAL LO, ,ZHES GSUNGS PA'I PHYIR, GSUM PA NI, DE LA DBYE NA, BYAMS PA TSAD MED, SNYING RJE TSAD MED, DGA' BA TSAD MED, BTANG SNYOMS TSAD MED DANG BZHI YOD BZHI PA NI, TSAD MED GANG ZHIG ,SEMS CAN RNAMS BDE BA DANG LDAN PAR 'DOD PAS RAB TU PHYE BA'I RIGS SU GNAS PA, DANG PO'I MTSAN NYID YIN TE, KUN BTUS LAS, BYAMS PA GANG ZHEN BSAM GTAN LA BRTEN TE SEMS CAN RNAMS BDE BA DANG PHRAD PAR SHOG CIG PA'I BSAM PA'I GNAS PA YANG DAG PAR 'BYOR BA'I TING NGE 'DZIN DANG, SHES RAB GANG YIN PA DANG, DE DAG DANG MTSUNGS PAR LDAN BA'I SEMS DANG SEMS LAS BYUNG BA'I CHOS RNAMS SO, ,ZHES GSUNGS PA'I PHYIR, DBYE NA, SEMS CAN LA DMIGS PA'I BYAMS PA, CHOS DMIGS PA'I BYAMS PA, DMIGS MED LA DMIGS PA'I BYAMS PA GSUM YOD, TSAD MED GANG ZHIG, SEMS CAN RNAMS SDUG BSNGAL DANG BRAL BAR 'DOD BAS RAB TU PHYE BA'I RIGS SU GNAS
PA; GNYIS PA'I MTSAN NYID YIN TE, KUN BTUS LAS, SNYING RJE GANG ZHE NA BSAM GTAN LA BRTEN TE SEMS CAN RNAMS SDUG BSNGAL DANG BRAL BAR SHOG CIG PA'I BSAM PA'I ZHES PA YANG SNGA MA BZHIN NO, ,ZHES GSUNGS BA'I PHYIR, DBYE NA, SEMS CAN LA DMIGS PA'I SNYING RJE SOGS GSUM YOD, TSAD MED GANG ZHIG, SEMS CAN RNAMS BDE BA DANG MI 'BRAL BAR 'DOD PAS RAB TU PHYE BA'I RIGS SU GNAS PA, GSUM BA'I MTSAN NYID YIN TE, DE NYID LAS, DGA' BA GANG ZHE NA, BSAM GTAN LA BRTEN TE SEMS CAN RNAMS BDE BA DANG MI 'BRAL BAR SHOG CIG PA'I BSAM PA'I ZHES PA YANG SNGA MA BZHIN NO, ,ZHES GSUNGS PA'I PHYIR, DBYE NA, SEMS CAN LA DMIGS PA SOGS GSUM DU YOD, TSAD MED GANG ZHIG, SEMS CAN RNAMS NYON MONGS PA DANG MI LDAN PAR 'DOD PAS RAB TU PHYE BA'I RIGS SU GNAS PA, BZHI BA'I MTSAN NYID YIN TE, DE NYID LAS, BTANG SNYOMS GANG ZHE NA, BSAM GTAN LA BRTEN TE SEMS CAN RNAMS LA PHAN PA'I BSAM PA YANG DAG PAR GNAS PA YANG DAG PAR 'BYOR BA'I ZHES BYA BA SNGA MA BZHIN NO, ,ZHES GSUNGS PA'I PHYIR, DBYE NA ,SEMS CAN LA DMIGS PA'I BTANG SNYOMS SOGS GSUM DU YOD, LNGA PA LA TSAD MED PA DE KHYAD CHOS BZHI DANG LDAN TE, MI MTHUN PHYOGS SPONG BA'I KHYAD PAR, GNYEN PO'I KHYAD PAR, DMIGS PA'I KHYAD PAR, BYED LAS KYI KHYAD PAR RNAMS DANG LDAN PA'I PHYIR, DANG PO GRUB STE, DE BZHIS RIM PA LTAR GNOD SEMS DANG, RNAM 'TSE DANG, MI DGA' BA DANG, GNOD SEMS DANG 'DOD CHAGS RNAMS SPONG BAR
, ,BYED PA'I PHYIR, GNYIS PA GRUB STE, DE BZHIS RIM PA LTAR GROGS RNAM PAR MI RTOG PA'I YE SHES KYIS ZIN PA'I SGO NAS GNOD SEMS SOGS BZHI PO DE'I GNYEN PO THOB PA'I PHYIR, GSUM PA GRUB STE, DE BZHI PO RE RES KYANG SEMS CAN DANG CHOS DANG DMIGS PA MED PA GSUM GSUM LA DMIGS PA'I PHYIR, BZHI PA GRUB STE, DE BZHIN SEMS CAN SMIN PAR BYED PA'I PHYIR TE, MDO SDE'I RGYAN LAS, BRTEN PA'I TSANGS PA MI MTHUN SPANGS, RNAM PAR MI RTOG YE SHES LDAN, ,DMIGS PA RNAM PA GSUM LA 'JUG, SEMS CAN RNAMS NI YONGS SMIN BYED, ,CES GSUNGS PA'I PHYIR, KUN BTUS LAS, BYAMS PA GANG ZHE NA, ZHES SOGS KYIS DE BZHI KHYAD CHOS LNGA LDAN DU BSTAN TE, GNAS, DMIGS PA, RNAM PA, NGO BO, GROGS KYI KHYAD PAR LNGA DANG LDAN PAR BSTAN PA'I PHYIR, DANG PO GRUB STE, DE BZHIS PO DE RANG GI BDAG RKYEN DU GYUR PA'I BSAM GTAN GYI DNGOS GZHI DAG BA PA LA BRTEN PA'I PHYIR, GNYIS PA GRUB STE, DE BZHIS RIM PA LTAR, SEMS CAN BDE BA DANG MI LDAN PA DANG, SDUG BSNGAL DANG LDAN PA DANG, BDE BA DANG LDAN PA DANG, NYE RING DU GCOD PA'I RGYU CHAGS SDANG DANG LDAN PA'I SEMS CAN RNAMS LA DMIGS PA'I PHYIR, GSUM PA GRUB STE, DE BZHIS SEMS CAN DE DAG RIM PA LTAR, BDE BA DANG PHRAD PAR 'DOD PA DANG, SDUG BSNGAL DANG BRAL BAR 'DOD PA DANG, BDE BA DANG MI 'BRAL BAR 'DOD PA DANG, CHAGS SDANG DANG BRAL BAR 'DOD PA'I RNAM PA CAN YIN PA'I PHYIR, BZHI PA GRUB STE, DE RNAMS TING NGE 'DZIN SHES RAB GANG RUNG GIS BSDUS PA'I PHYIR, LNGA PA GRUB STE, DE RNAMS SEMS DANG SEMS LAS BYUNG BA'I KHYAD
PAR DANG LDAN PA'I PHYIR, DRUG PA NI, DE BZHI LA TSANGS PA'I GNAS PA ZHES BRJOD PA'I RGYU MTSAN YOD DE, 'DI DAG SGOM PA LA BRTEN NAS LHA TSANGS PAR SKYE BAS NA DE LTAR BRJOD PA'I PHYIR, BYAMS PA TSAD MED CES BRJOD PA'I RGYU MTSAN YOD DE, DES SEMS CAN TSAD MED PA LA DMIGS PAS NA DE LTAR BRJOD PA'I PHYIR, SNYING RJE TSAD MED PA DE LTAR BRJOD PA'I RGYU MTSAN YOD DE, DE TSOGS TSAD MED PA'I RGYUR GYUR PAS NA DE LTAR BRJOD PA'I PHYIR, DGA' BA TSAD MED LA DE LTAR BRJOD PA'I RGYU MTSAN YOD DE, DE CHOS TSAD MED PA THOB PA'I RGYUR GYUR BAS NA DE LTAR BRJOD PA'I PHYIR, BTANG SNYOMS TSAD MED LA DE LTAR BRJOD PA'I RGYU MTSAN YOD DE, DE YE SHES TSAD MED PA'I SPYOD YUL DU GYUR PAS NA DE PLTAR BRJOD PA'I PHYIR, BDUN PA GZHUNG DON NI, 'JUG SGRUB CHOS CAN, KHYOD LA DGUR YOD DE, KHYOD LA BSAM GTAN GZUGS MED LA 'JUG PA'I 'JUG SGRUB NAS RNAM MKHYEN LA 'JUG PA'I 'JUG SGRUB KYI BAR DGUR YOD PA'I PHYIR, ` GSUM PA TSOGS SGRUB BSHAD PA LA, MDO LAS GSUNGS TSUL DANG, BSTAN BCOS GYIS 'GREL TSUL GNYIS LAS, DANG PO NI, GO SGRUB KYI SKABS SU GO CHA CHEN PO BGOS PA ZHES MANG DU GSUNGS PA LAS 'PHROS NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS GO CHA CHEN PO BGOS PA GO CHA CHEN PO BGOS PA ZHES BRJOD PA, BCOM LDAN 'DAS GRANGS CI TZAM GYIS NA BYANG CHEN GO CHA CHEN PO BGOS PA ZHES BGYI BA LAGS, DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR
, ,'DI LA BYANG CHEN THEG PA CHEN PO'I GO CHA CHEN PO 'DI LTA STE, SBYIN PA'I PHA ROL TU PHYIN PA'I GO CHA DANG, ZHES SOGS TSOGS SGRUB DANG PO BCU GSUNGS, DE NAS 'JUG SGRUB KYI SKABS SU BYANG CHEN THEG CHEN LA 'DZEG PA DANG 'JUG PAR BYA BA 'DI LAS 'PHROS NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS BYANG CHEN THEG PA CHEN PO NI GANG LAGS, BCOM LDAN 'DAS CI TZAM GYIS NA BYANG CHEN THEG CHEN LA YANG DAG PAR ZHUGS PAR BGYIS LAGS, THEG PA DE GANG NAS 'BYUNG BA LAGS, THEG PA DE GANG DU GNAS PAR 'GYUR PA LAGS, THEG PA DE GANG ZHIG 'BYUNG BAR 'GYUR BA LAGS, ZHES DRI BA ZHUS PA LA DE SKAD CES GSOL BA DANG, BCOM LDAN 'DAS KYIS TSE DANG LDAN PA RAB 'BYOR LA 'DI SKAD CES BKA' STZAL TO, ,RAB 'BYOR GANG KHYOD DE SKAD DU BYANG CHEN THEG CHEN NI GANG LAGS, ZHES ZER BA NI, ZHES SOGS TE, DRI BA DANG PO'I YAN DU, THABS MKHAS NAS GZUNGS KYI BAR GSUNGS, DRI BA GNYIS PA'I LAN DU, RAB 'BYOR GANG KHYOD KYIS 'DI SKAD DU JI LTAR NA BYANG CHEN THEG CHEN LA YANG DAG PAR ZHUGS PA YIN ZER BA NI, ZHES SOGS PA'I TSOGS GSUNGS, DRI BA GSUM PA'I LAN DU, RAB 'BYOR GANG YANG KHYOD KYIS 'DI SKAD DU THEG PA DE GANG NAS NGES PAR 'BYUNG BAR 'GYUR, ZHES SMRAS PA NI, ZHES SOGS, MTHONG SPANG GI GNYEN PO'I TSOGS SGRUB BZHI GSUNGS, DRI BA BZHI PA'I LAN DU, RAB 'BYOR GANG KHYOD KYIS THEG PA CHEN PO DE GANG DU GNAS PAR 'GYUR, ZHES SMRAS PA NI, ZHES SOGS
SGOM SPANG RTOG PA DANG PO'I GNYEN PO GSUNGS, DRI BA LNGA PA'I LAN DU, RAB 'BYOR GANG YANG KHYOD KYIS 'DI SKAD DU THEG PA DE GANG ZHIG NGES PAR 'BYUNG BAR 'GYUR, ZHES SMRAS PA NI, ZHES SOGS SGOM SPANG RTOG PA LHAG MA GSUM GYI GNYEN PO GSUNGS, GNYIS PA LA MTSAMS SBYAR BA DANG, TSOGS SGRUB BCU BDUN SPYIR BSTAN PA DANG, RTOGS DKA' BA BYE BRAG TU BSHAD PA GSUM LAS, DANG PO NI, 'O NA, LUS RNAM GZHUG TU, GO CHA 'JUG PA'I BYA BA DANG, ,TSOGS NI, ZHES BSHAD NA, 'JUG SGRUB KYI RJES SU TSOGS SGRUB 'CHAD PA'I RGYU MTSAN GANG ZHE NA, DE'I RGYU MTSAN YOD DE, DAM PA'I CHOS MTHA' DAG LA SBYOR BA'I BRTZON 'GRUS KYIS NYAMS SU BLANGS PA'I 'JUG SGRUB LAS TSOGS GNYIS RGYA CHEN PO GDON MI ZA BAR 'BYUNG BA'I RGYU MTSAN GYIS DE LTAR BRJOD PA'I PHYIR DANG, RGYAL PO G-YUL DU 'JUG PA'I TSE DANG PO RANG NYID KYIS GO LEGS PAR BGOS, DE'I RJES SU G-YUL NGO SPROD PA'I LAM DU 'JUG, ,DE'I RJES SU YAN LAG BZHI PA'I DPUNG TSOGS LEGS PAR GSOG PA LTAR; DANG POR BSAM PA RGYA CHEN POS GO BGOS, DE RJES SBYOR BRGYA CHEN PO DAM CHOS MTHA' DAG NYAMS SU LEN PA'I 'BYOR BA LA 'JUG ,DE'I RJES SU TSOGS GNYIS RGYA CHEN PO GSOG DGOS BAS DE LTAR BSHAD PA'I PHYIR, ZHES MTSAMS SBYOR BA LA, DE LTAR 'JUG PA BYAS PA LA TSOGS SKYE BAS GSUM PA TSOGS KYI SGRUB PA, ZHES GSUNGS, GNYIS PA LA RTZA BA, 'GREL BA GNYIS LAS, DANG PO NI, MDO DE'I DON BSHAD PA'I SGO NAS TSOGS LEGS PAR GSOG DGOS PA LTAR TSOGS SGRUB BCU BDUN
, ,SPYIR BSTAN PA LA, BRTZE DANG SBYIN LA SOGS PA DRUG ,CES GSUNGS, GNYIS PA LA, 'GRUB BYED KYI NGO BO, JI LTAR GRUB BA'I TSUL, GRUB BA'I DES TSIG, GRUB BA'I GRANGS DES DANG BZHI LAS, DANG PO NI, SNYING RJE CHEN PO DANG, ZHES PA NAS, SA DANG GNYEN PO RNAMS, ZHES PA'I BAR GYIS BSHAD, GNYIS PA NI, MI DMIGS PAS KUN RDZOB KYI BDEN BA LAS MI 'DA' BAR CHEN PO'I DON MTHA' DAG SGRUB PAS, ZHES BSHAD, GSUM PA NI, SNYING RJE LA SOGS PA 'DI DAG GIS YANG DAG PAR 'GRUB BA'I NGO BOS BYANG CHUB CHEN PO 'BYIN BAR BYED PA'I PHYIR NA SNYING RJE CHEN PO LA SOGS PA NI TSOGS YIN PAS, ZHES BSHAD, BZHI BA NI, TSOGS KYI SGRUB BA RNAM PA BCU BDUN NO, ,ZHES BSHAD, GSUM PA RTOGS DKA' BA BYE BRAG TU BSHAD PA LA, DE LA YE SHES KYI TSOGS NI, ZHES GSUNGS SO, ,DE YANG BRTZE DANG SBYIN LA SOGS PA DRUG, CES SOGS KYI DON LA YANG, BSAM SBYOR GYI DBANG DU BYAS PA DANG, MNYAM BAR BZHAG PA DANG MA BZHAG BA'I DBANG DU BYAS BA DANG, LTA BA DANG SPYOD BA'I DBANG DU BYAS PA DANG, 'BRAS BU SGRUB BA'I DMIGS PA 'DZIN BA'I DBANG DU BYAS PA DANG, YON TAN GYI RTEN BYED BA'I DBANG DU BYAS BA'I TSOGS SGRUB LNGA LAS, DANG PO LA BSAM SBYOR GNYIS LAS, DANG PO BSAM PAS BSDUS PA, BRTZE BA'I TSOGS SGRUB STON PA LA, MDO LAS, RAB 'BYOR 'DI LA BYANG CHEN THEG PA CHEN PO'I GO CHA CHEN PO 'DI LTA STE, SBYIN PA'I PHA ROL TU PHYIN BA'I GO CHA, ZHES SOGS DANG, DES STONG GSUM GYI STONG CHEN PO'I 'JIG RTEN GYI KHAMS 'DI NA SEMS CAN DMYAL BA'I ME'I PHUNG PO JI SNYING PA YOD PA DE DAG THAMS CAD ZHI
BAR BYAS SHING, SEMS CAN DMYAL BA BA RNAMS KYI SDUG BSNGAL RAB TU BCON NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA PHYAG 'TSAL LO, ,ZHES BYA BA'I SGRA BRJOD DO, ,DBYANGS RJES SU SGROG GO DE'I TSE SEMS CAN DMYAL BA PA'I SEMS CAN DE DAG KYANG SANGS RGYAS KYI SGRA DE THOS NAS DGA' BA DANG BDE BA THOB STE, DE DAG DGA' BA DANG, BDE BA DES SEMS CAN DMYAL BA DE DAG NAS RNAM PAR LDANG NGO, ,ZHES PA NAS, CHOS RNAMS KYI CHOS NYID DE NI DE'I PHYIR, RAB 'BYOR DE LTAR NA BYANG CHEN GO CHA CHEN PO BGOS PA ZHES BYA'O, ,ZHES GSUNGS, DE'I DON 'CHAD BA LA, BRTZE DANG, ZHES DANG, SNYING RJE CHEN PO DANG, ZHES GSUNGS, GNYIS PA SBYOR BAS BSDUS PA LA SBYIN SOGS DRUG YOD PA'I PHYIR, DANG PO SBYIN PA'I TSOGS SGRUB STON PA LA, RAB 'BYOR GANG BYANG CHEN GO CHA CHEN PO BGOS PA NI, SBYIN BA'I PHAR PHYIN LA GNAS SHING, STONG GSUM GYI STONG CHEN PO'I 'JIG RTEN GYI KHAMS BEE d'URYA'I RGYU LAS BYUNG BA MNGON BAR SPRUL TE, ZHES SOGS DANG, ZAS 'DOD BA RNAMS LA ZAS BYIN, MI'I YO BYAD GANG CI YANG RUNG BA'I BAR DU BYED NAS SEMS CAN DAG LA CHOS STON PA NI 'DI LTA STE, PHAR PHYIN DRUG DANG LDAN PA'I CHOS BSTAN PA 'DI NYID DO, ,ZHES PA NAS, GO CHA CHEN PO BGOS PA ZHES BYA'O, ,ZHES GSUNGS, DE'I DON 'CHAD PA LA, SBYIN LA SOGS PA DRUG, CES DANG, SBYIN PA DANG, ZHES GSUNGS, GNYIS PA TSUL KHRIMS KYI TSOGS SGRUB STON PA LA, RAB 'BYOR GANG BYANG CHEN TSUL KHRIMS KYI PHAR PHYIN LA GNAS SHING CHED DU BSAM STE SKYE BA YONGS SU BZUNG BAS 'KHOR LOS SGYUR BA'I RIGS SU SKYES SHIG DE 'KHOR LOS
, ,SGYUR BA'I DBANG PHYUG DE LA GNAS NAS SEMS CAN RNAMS DGE BA BCU'I LAS KYI LAM LA RAB TU 'GOD DO, ,ZHES PA NAS, RAB 'BYOR DE LTAR BYANG CHEN GO CHA CHEN PO BGOS PA ZHES BYA'O, ,ZHES GSUNGS, DE'I DON 'CHAD PA LA TSUL KHRIMS DANG, ZHES GSUNGS, GSUM PA BZOD BA'I TSOGS SGRUB STON PA LA, RAB 'BYOR GANG BYANG CHEN BZOD PA'I PHAR PHYIN LA GNAS TE, SEMS CAN THAMS CAD BZOD PA'I PHAR PHYIN LA RAB TU SBYOR ZHING 'GOD DO, ,ZHES SOGS GSUNGS, DE'I DON 'CHAD PA LA, BZOD PA DANG, ZHES GSUNGS, BZHI PA BRTZON 'GRUS KYI TSOGS SGRUB STON BA LA, RAB 'BYOR GANG BYANG CHEN BRTZON 'GRUS KYI PHAR PHYIN LA GNAS SHING SEMS CAN THAMS CAD BRTZON 'GRUS KYI PHAR PHYIN LA YANG DAG PAR SBYOR ZHING GZHOG LA RAB TU 'GOD DO, ,ZHES SOGS GSUNGS, DE'I DON 'CHAD PA LA, BRTZON 'GRUS DANG, ZHES GSUNGS, LNGA BA BSAM GTAN GYI TSOGS SGRUB STON PA LA, RAB 'BYOR GANG BYANG CHEN BSAM GTAN GYI PHAR PHYIN LA GNAS SHING SEMS CAN THAMS CAD BSAM GTAN GYI PHAR PHYIN LA YANG DAG BAR SBYOR ZHING, ZHES SOGS GSUNGS, DE'I DON 'CHAD PA LA, BSAM GTAN DANG, ZHES GSUNGS, DRUG PA SHES RAB KYI TSOGS SGRUB STON PA LA, RAB 'BYOR GANG BYANG CHEN SHER PHYIN LA GNAS SHING SEMS CAN THAMS CAD SHER PHYIN LA YANG DAG BAR SBYOR ZHING, ZHES SOGS GSUNGS, DE'I DON 'CHAD PA LA, SHES RAB DANG, ZHES GSUNGS, GNYIS PA LA YANG MNYAM PAR BZHAG PA DANG, MNYAM
BAR MA BZHAG PA'I DBANG DU BYAS PA GNYIS LAS, DANG PO MNYAM GZHAG GIS BSDUS PA LA YANG, ZHI GNAS LHAG MTHONG ZHI LHAG GZUNG 'BREL GYI TSOGS DANG GSUM LAS, DANG PO STON PA LA, BYANG CHEN PO CHA CHEN PO BGOS SHING SHAR PHYOGS KYI 'JIG GYI KHAMS GANG GLA'I GLUNG GI BYE MA SNYED DAG TU SONG ZHING JI LTAR BDAG NYID SBYIN PA'I PHAR PHYIN LA GNAS PA DE BZHIN DU SEMS CAN JI SNYED PA DE DAG THAMS CAD KYANG SBYIN BA'I PHAR PHYIN LA SBYOR ZHING GZHOG LA RAB TU 'GOD DO, ,ZHES SOGS GSUNGS, DE'I DON 'CHAD PA LA, ZHI GNAS, ZHES DANG, ZHI GNAS DANG, ZHES GSUNGS, GNYIS PA STON PA LA, RAB 'BYOR 'DI LTA STE, DPER NA SGYU MA'I MKHAN PO'AM SGYU MA'I MKHAN PO'I MCHAN BU MKHAS PA ZHIG GIS LAM BO CHE'I BZHI MDOR 'DUG STE SKYE BO MANG PO'I TSOGS SHIG MNGON BAR SPRUL TE, 'DI SNYAM DU BDAG GIS SEMS CAN TSAD MED GRANGS MED BA 'DI DAG PHAR PHYIN DRUG LA 'GOD PAR BYA'O, ,RNAM MKHYEN GYI BAR LA 'GOD PAR BYA'O SNYAM DU SEMS BSKYED BAR GYUR NA RAB 'BYOR DE CI SNYAM DU SEMS, SGYU MA'I MKHAN PO'AM SGYU MA'I MKHAN PO'I MCHAN BU DES SEMS CAN GANG YANG PHAR PHYIN DRUG LA BKOD PA YOD DAM, RNAM MKHYEN GYI BAR LA BKOD PA YOD DAM, GSOL BA BCOM LDAN 'DAS DE NI MA MCHIS SO, ,ZHES SOGS GSUNGS, DE'I DON 'CHAD PA LA, LHAG MTHONG BCAS PA DANG, ZHES DANG, LHAG MTHONG DANG, ZHES GSUNGS, GSUM PA STON PA LA, GSOL BA BCOM LDAN 'DAS BDAG GIS BCOM LDAN 'DAS KYIS GSUNGS PA'I DON 'TSAL BA STE, BCOM LDAN 'DAS GZUGS NI MA BCINGS MA GROL BA'O, ,ZHES SOGS GSUNGS, DE'I DON 'CHAD PA LA, ZUNG DU
, ,'BREL BA'I LAM GANG DANG, ,ZHES DANG, ZUNG DU 'BREL BA'I LAM DANG, ZHES GSUNGS, GNYIS PA MNYAM PAR MA BZHAG PAS BSDUS BA'I THABS MKHAS STON PA LA, BCOM LDAN 'DAS KYIS BKA' STZAL BA, RAB 'BYOR GANG KHYOD DE SKAD DU BYANG CHEN THEG CHEN NI GANG LAGS, ZHES ZER BA NI, RAB 'BYOR PHAR PHYIN DRUG PO 'DI BYANG CHEN THEG PA CHEN PO STE, ZHES SOGS GSUNGS, DE'I DON 'CHAD BA LA, THABS LA MKHAS PA GANG YIN DANG, ,ZHES DANG, THABS MKHAS PA DANG, ZHES GSUNGS, GSUM PA LA, LTA BAS BSDUS BA'I YE SHES DANG, SPYOD PAS BSDUS BA'I BSOD NAMS KYI TSOGS GNYIS LAS, DANG PO STON PA LA, RAB 'BYOR GANG BYANG CHEN THEG CHEN NI 'DI LTA STE, NANG STONG PA NYID DANG, ZHES PA NAS, 'DI NI GZHAN GYI NGO BO STONG PA NYID CES BYA'O, ,RAB 'BYOR 'DI NI BYANG CHEN RNAMS KYI THEG CHEN ZHES BYA'O, ,ZHES GSUNGS, DE'I DON 'CHAD PA LA, YE SHES DANG NI, ZHES DANG, YE SHES DANG, ZHES GSUNGS, GNYIS PA STON PA LA; RAB 'BYOR GANG BYANG CHEN THEG CHEN 'DI LTA STE, DPA' BAR 'GRO BA ZHES BYA BA'I TING NGE 'DZIN DANG, ZHES PA NAS, 'DI NI NAM MKHA' LTAR CHAGS PA MED PAS, RNAM PAR GROL ZHING GOS PA MED PA ZHES BYA BA'I TING NGE 'DZIN TO, ,RAB 'BYOR 'DI NI BYANG CHEN SHER PHYIN LA SBYOD BA'I THEG CHEN NO, ,ZHES GSUNGS, DE'I DON 'CHAD PA LA, BSOD NAMS DANG, ,ZHES DANG, BSOD NAMS DANG, ZHES GSUNGS, BZHI BA LA 'BRAS BU SGRUB BAS BSDUS BA LAM GYI TSOGS DANG, DMIGS PA
'DZIN NI PAS BSDUS PA RTEN BCAS KYI CHOS KYI CHOS SPYIN 'DZIN BA'I GZUNGS GNYIS LAS, DANG PO STON PA LA, RAB 'BYOR GANG BYANG CHEN THEG CHEN NI 'DI LTA STE DRAN PA NYE BAR BZHAG PA BZHI STE, ZHES PA NAS, 'DI DAG NI SANGS RGYAS KYI CHOS MA 'DRES PA BCO BRGYAD DE ,RAB 'BYOR 'DI YANG MI DMIGS PA'I TSUL GYIS BYANG CHEN THEG CHEN NO, ,ZHES GSUNGS, DE'I DON 'CHAD PA LA, LAM DANG, ZHES DANG, MTHONG BA LA SOGS PA'I LAM DANG, ZHES GSUNGS, GNYIS PA STON PA LA, RAB 'BYOR GANG BYANG CHEN THEG CHEN NI 'DI LTA STE, GZUNGS KYI SGO RNAMS TE, DE YANG YI GE'I TSUL MNYAM PA NYID DANG, YI GE'I SGO DANG, YI GE RAB TU 'JUG PA'O, ,DE YANG YI GE'I TSUL MNYAM PA NYID DANG, YI GE'I SGO DANG, YI GE RAB TU 'JUG PA GANG ZHE NA; AA ZHES BYA BA NI GDOD MA NAS MA SKYES BA'I PHYIR CHOS THAMS CAD KYI SGO'O, ,ZHES SOGS GSUNGS, DE'I DON 'CHAD PA LA, GZUNGS DANG, ZHES DANG, TSIG LA SOGS PA'I GZUNGS DANG, ZHES GSUNGS, LNGA PA YON TAN GYI RTEN BYED PA'I SA'I TSOGS DANG, NYES BA SEL BA GNYEN PO'I TSOGS GNYIS LAS, DANG PO STON PA LA, RAB 'BYOR GANG YANG KHYOD KYIS 'DI SKAD DU JI LTAR NA BYANG CHEN THEG CHEN LA YANG DAG BAR ZHUGS PA YIN ZER BA NI, RAB 'BYOR 'DI LA PHAR PHYIN DRUG LA SPYOD CINGS NAS SAR 'PHAR TE, ZHES SOGS GSUNGS, DE'I DON 'CHAD PA LA, SA BCU DANG, ,ZHES DANG, SA DANG, ZHES GSUNGS, GNYIS PA STON PA LA, RAB 'BYOR GANG YANG KHYOD 'DI SKAD DU THEG PA DE GANG NAS NGES PAR 'BYUNG BAR 'GYUR
, ,ZHES SMRAS BA NI, DE MI DMIGS PA'I TSUL GYIS KHAMS GSUM NAS DES PAR 'BYUNG BAR 'GYUR RO, ,ZHES SOGS GSUNGS, DE'I DON 'CHAD PA LA, GNYEN PO'I TSOGS KYI SGRUB PA YI, ,ZHES DANG, GNYEN PO RNAMS, ZHES GSUNGS, GZHUNG DON NI, TSOGS SGRUB CHOS CAN, KHYOD LA DUM MOD DE, KHYOD LA SNYING RJE CHEN PO'I TSOGS SGRUB NAS, GNYEN PO'I TSOGS SGRUB KYI BAR BCU BDUN DU YOD PA'I PHYIR, SKABS 'DIR MTHA' DPYAD BA LA, MTSAN NYID, DBYE BA SO SO'I NGO BO SA MTSAMS, DES TSIG ,GO RIMS, GRANGS DES SO, ,DANG PO NI, TSOGS GNYIS RGYA CHEN POS ZIN PA'I THEG CHEN GYI SBYOR LAM CHOS MCHOG 'BRING MAN CHAD LAS KHYAD BAR DU 'PHAGS SHING, RANG 'BRAS BYANG CHEN 'BYIN PA'I SEMS DPA'I RNAL 'BYOR, TSOGS SGRUB KYI MTSAN NYID, KHA CIG, RANG 'BRAS BYANG CHEN 'BYIN PA'I SEMS DPA'I RNAL 'BYOR DANG, RANG 'BRAS BYANG CHEN DNGOS SU 'BYIN PA'I SEMS DPA'I RNAL 'BYOR DANG, RANG 'BRAS GNAS SKABS KYI BYANG CHEN DANG, MTHAR THUG GI BYANG CHEN GANG RUNG DNGOS SU 'BYIN PA'I SEMS DPA'I RNAL 'BYOR, DE'I MTSAN NYID ZER BA RNAMS MI 'THAD DE, DANG PO LA THEG CHEN GYI TSOGS LAM GYIS MA DES, GNYIS PA LA THEG CHEN GYI SBYOR LAM CHOS MCHOG CHEN POS MA DES, GSUM PA LA THEG CHEN GYI SBYOR LAM CHOS MCHOG CHEN PO'I YE SHES SKAD CIG DANG POS MA DES PA'I PHYIR, GNYIS PA NI, DE LA DBYE NA, BRTZE BA SNYING RJE CHEN PO'I TSOGS SGRUB NAS, GNYEN PO'I TSOGS SGRUB KYI BAR BCU BDUN YOD PA'I PHYIR, GSUM PA LA BCU BDUN YOD PA'I DANG
PO SNYING RJE'I TSOGS SGRUB LA, MTSAN NYID, DBYE BA, KHYAD CHOS SO, ,DANG PO NI, TSOGS SGRUB GANG ZHIG, RANG GI DMIGS YUL DU GYUR BA'I SEMS CAN SDUG BSNGAL DANG BRAL BAR 'DOD PA'I RNAM PA CAN GYI BRTZE BA, SNYING RJE'I TSOGS SGRUB KYI MTSAN NYID, GNYIS PA NI, DE LA CHOS SGRUB TU GYUR BA'I SEMS CAN LA DMIGS PA'I SNYING RJE, CHOS LA DMIGS PA'I SNYING RJE, DMIGS MED LA MED LA DMIGS PA'I SNYING RJE DANG GSUM YOD GSUM PA NI, BYANG CHUB SEMS DPA'I RGYUD KYI SNYING RJE NI KHYAD CHOS DU MA DANG LDAN TE, RGYU RKYEN GYI KHYAD PAR SNGON SNYING RJE BSGOMS PA'I RGYU LA BRTEN NAS TSOR BA BDE SDUG BTANG SNYOMS GSUM GYI GZHAN DBANG DU GYUR NAS PHAR PHYIN DRUG GI MI MTHUN PHYOGS LHAG PAR BSTEN BA'I SEMS CAN LA DMIGS SHING, RNAM SHES KYI STENG GI ZAG MED YE SHES KYI SA BON DANG, SNYING RJE CHEN PO STON PA PO'I BSHES GNYEN DANG, RANG GI SNGA LOGS SU BYUNG BA'I BYAMS PA CHEN PO LAS BYUNG, DMIGS PA'I KHYAD PAR SEMS CAN LA DMIGS SHING, RNAM PA'I KHYAD PAR BU GCIG PAS DUG ZOS PAS NYEN PA LA SDUG LAS BRTZE BA LTAR SDUG BSNGAL DANG BRAL BAR 'DOD BA'I RNAM PA CAN DANG, BYED LAS KYI KHYAD PAR SEMS CAN LA RNAM 'TSE SPONG ZHING SEMS CAN RNAMS SMIN PAR BYED BA'I KHYAD CHOS RNAMS DANG LDAN PA'I PHYIR TE, MDO SDE'I RGYAN LAS, BDE DANG SDUG BSNGAL DE'I RGYU LAS, ,BYANG CHUB SEMS DPA'I SNYING RJE STE, ,RGYU DANG BSHES GNYEN RANG BZHIN LAS, ,BYANG CHUB SEMS DPA'I SNYING RJE'O, ,ZHES DANG, RAB 'BAR DGRA YI DBANG DU SONG, ,SDUG BSNGAL GYIS NON MUN PAS SGRIB, ,BGROD DKA'I LAM LA KUN TU ZHUGS, ,'CHIB BA CHA DANG YANG DAG
, ,LDAN, ,ZAS CHEN DUG DANG 'DRES LA ZHE NA, ,LAS NI RAB TU STON GYUR PA, ,LAM GOL RAB ZHUGS STOBS CHUNG BA'I, ,SEMS CAN RNAMS LA SNYING RJE'O, ,ZHES SOGS RGYAS PAR GSUNGS BA'I PHYIR, SBYIN SOGS DRUG NI PHAL CHER GO SGRUB KYI SKABS BZHIN LA, KHYAD PAR NI TSOGS SGRUB GANG ZHIG ,GTONG BA'I SEMS PA KHYAD CHOS BZHI LDAN, SBYIN PA'I TSOGS SGRUB KYI MTSAN NYID, DE GANG ZHIG ,SPONG BA'I SEMS PA CHOS BZHI LDAN, TSUL KHRIMS KYI TSOGS SGRUB KYI MTSAN NYID DE GANG ZHIG ,MI 'KHRUGS PA'I SEMS BA CHOS BZHI LDAN, BZOD PA'I TSOGS? SGRUB KYI MTSAN NYID, DE GANG ZHIG, DGE BA LA YANG? DAG PAR SPRO BA'I SEMS PA CHOS BZHI LDAN ,BRTZON 'GRUS KYI TSOGS SGRUB KYI MTSAN NYID, DE GANG ZHIG ,SEMS NANG DU YANG DAG PAR 'JOG BA'I TING NGE 'DZIN, BSAM GTAN GYI TSOGS SGRUB KYI MTSAN NYID, DE GANG ZHIG ,CHOS RAB TU RNAM BAR 'BYED PA'I RIG PA, SHES RAB KYI TSOGS SGRUB KYI MTSAN NYID, KHYAD CHOS SOGS SNGA MA BZHIN NO, ,BRGYAD BZHI GNAS KYI TSOGS NI ,TSOGS SGRUB GANG ZHIG ,SEMS DMIGS BA LA JI LTAR 'DOD 'DOD DU 'BAD MED LHUN GRUB TU 'JUG BA'I SHIN SBYANGS KYI BDE BAS ZIN PA'I TING NGE 'DZIN, ZHI GNAS KYI TSOGS SGRUB KYI MTSAN NYID, DE GANG ZHIG ,DMIGS PA LA DPYAD STOBS KYIS DRANGS BA'I SHIN SBYANGS KYI BDE BAS ZIN PA'I SGO NAS RANG YUL LA SO SOR RTOGS BA'I SHES RAB, DGU PA LHAG MTHONG GI TSOGS SGRUB KYI MTSAN NYID ,TSOGS SGRUB GANG ZHIG ,ZHI LHAG GNYIS KYIS ZIN PA, BCU PA ZUNG DU 'BREL BA'I LAM GYI TSOGS KYI MTSAN NYID, 'O NA, ZHI GNAS DANG LHAG
MTHONG DANG ZUNG 'BREL RNAMS JI LTA BU ZHE NA, 'DI LA ZHI LHAG SGOM BA'I PHAN YON, ZHI LHAG GNYIS TING NGE 'DZIN KUN GYI SDUD BYED DU BSTAN PA, ZHI LHAG SO SO'I NGO BO, SGOM PA'I RGYU MTSAN, GO RIMS NGES TSUL, SO SO'I BSLAB TSUL DANG DRUG LAS, DANG BO NI, ZHI LHAG SGOM BA PHAN YON KHYAD PAR CAN DANG LDAN TE, THEG PA CHE CHUNG GI 'JIG RTEN DANG 'JIG RTEN LAS 'DAS BA'I YON TAN THAMS CAD ZHI LHAG GI 'BRAS BU YIN BA'I PHYIR, DE LTAR DGONGS 'GREL LAS GSUNGS BA'I PHYIR ,GNYIS BA NI, TING NGE 'DZIN DON DU GNYER BA RNAMS KYIS ZHI LHAG SBYONG TSUL RTZAD BCAD NAS BSLAB BAR BYA STE, BCOM LDAN 'DAS KYIS THEG PA CHE CHUNG GI TING NGE 'DZIN JI SNYED CIG BKA' STZAL PA THAMS CAD ZHI LHAG GIS BSDUS BAR DGONGS 'GREL LAS GSUNGS BA'I PHYIR ,GSUM PA NI, ZHI GNAS KYI NGO BO SEMS DMIGS PA LA RTZE GCIG TU BYED BA'I TING NGE 'DZIN DANG, LHAG MTHONG NI SO SOR RTOG PA'I SHES RAB YIN TE, MDO SDE DKON MCHOG SPRIN LAS, ZHI GNAS NI SEMS RTZE GCIG BA'O, ,LHAG MTHONG NI SO SOR RTOG PA'O, ,ZHES GSUNGS PA'I PHYIR ,BZHI PA NI, GROL BA DON DU GNYER BA RNAMS KYIS ZHI LHAG GNYIS SGOM DGOS TE, ZHI LHAG GNYIS DANG BRAL BA'I LAM GYIS GROL BA THOB MI NUS BA'I PHYIR TE, SPYOD 'JUG LAS, SEMS NI RNAM BAR G-YENG BA'I MI, ,NYON MONGS MCHE BA'I PHRAG NA GNAS, ,ZHES DANG, BZLAS BRJOD DANG NI DKA' THUB KUN, ,YUN RING DUS SU SPYAD BYAS KYANG, ,SEMS GZHAN G-YENG BAS BYAS PA NI, ,DE NYID RIG PAS DON MED GSUNGS, ,ZHES GSUNGS PA'I PHYIR, LNGA PA NI ,DANG POR ZHIG NAS SGRUB, DE NAS LHAG MTHONG BSGRUB BAR BYA BA YIN TE, DE NYID LAS, ZHI GNAS
, ,RAB TU LDAN BA'I LHAG MTHONG GIS, NYON MONGS RNAMS BAR 'JOMS BAR SHES BYAS NAS, ,THOG MAR ZHI GNAS BTZAL BYA, ZHES GSUNGS BA'I PHYIR DANG, ZHI GNAS MA GRUB BAR LHAG MTHONG SGRUB MI NUS PA'I PHYIR DANG ,ZHI GNAS DANG BRAL PA'I LHAG MTHONG GIS NYON MONGS SPONG MI NUS BA'I PHYIR, DRUG PA LA, ZHI GNAS LA BSLAB TSUL DANG, LHAG MTHONG LA BSLAB TSUL, ZHI LHAG ZUNG DU 'BREL TSUL DANG GSUM LAS, DANG PO LA, ZHI GNAS KYI TSOGS BSTAN LA, DE LA BRTEN NAS ZHI GNAS SGOM TSUL, SGOM NAS ZHI GNAS SGRUB PA'I TSAD DANG GSUM LAS, DANG BO NI, ZHI GNAS SGRUB PA'I MTHUN RKYEN BSTAN CING 'GAL RKYEN SPANGS PA'I SGO NAS ZHI GNAS SGRUB DGOS TE, MDO SDE'I RGYAN LAS, BLO LDAN GANG DU SGRUB BA'I YUL,, LEGS PAR RNYED DANG GNAS BZANG DANG, ,SA BZANG BA DANG GROGS BZANG DANG, ,RNAL 'BYOR BDE BA'I YO BYAD LDAN, ,ZHES GSUNGS BA LTAR YIN BA'I PHYIR, GNYIS PA LA, SBYOR DNGOS GNYIS LAS, DANG PO NI, SNGAR BSHAD PA'I SBYOR BA'I CHOS DRUG DANG; BYANG CHUB KYI SEMS SGOM BA DANG, DE'I YAN LAG TU YANG SNGON DU SKYES BU CHUNG 'BRING GI LAM RIM LA BLO SBYONG BA SOGS BYA'O, ,GNYIS BA NI, STAN 'JAM POR LUS RNAM SNANG GI CHOS BDUN LDAN DU BYA STE, TING NGE 'DZIN SGOM PA LA MI DGA' ZHING DE'I GEGS? LE LO LA SOGS PA BKAG NAS, DMIGS RTEN RGYAL BA'I SKU GZUGS SOGS LA SEMS GTAD DE GONG DU BSHAD PA LTAR SEMS GNAS BA'I THABS DGUS RIM BA LTAR BSGOM PAR BYA STE, RGYAS PAR BYANG CHUB LAM GYI RIM PA LAS SHES BAR
BYA'O, ,GSUM PA NI, DE LTAR SGOM BAS SEMS DMIGS BA YANG ZAG MED LHUN GRUB TU 'JOG NUS BA'I SHIN SBYANGS KYI BDE BA SKYES BA NI ZHI GNAS GRUB PA YIN NO, ,GNYIS BA LA, LHAG MTHONG GI TSOGS BSTEN PA, LHAG MTHONG SGRUB TSUL, GRUB PA'I TSAD DANG GSUM, DANG PO NI, SKYES BU DAM PA LA BRTEN PA DANG ,DE LA CHOS THOS BA DANG, BTZAL BA DANG, DE'I DON TSUL BZHIN DU SEMS PA SOGS DGOS SO, ,GNYIS BA LA, ZHI GNAS KYI NGANG NAS RANG GI DMIGS BA LA SO SOR RTOG PAR BYED PA YIN PA LA KHYAD PAR BDAG MED GTAN LA 'BEBS PA'I TSE, 'KHOR BA'I RTZA BA PHUNG PO BDEN GRUB TU ZHEN BA'I BDEN 'DZIN NGOS BZUNG NAS BDEN 'DZIN NGES PHUNG PO BDEN GRUB TU BZUNG BA LTAR GRUB MA GRUB GCIG DU BRAL LA SOGS BA'I RIGS BA YANG DAG PAS LEGS PAR BRTAGS TE SO SOR DPYOD BAR BYED BA'O, ,GSUM PA NI, ZHI GNAS KYI NGANG NAS RANG GI DMIGS BA LA SO SOR RTOG PA'I SHES RAB KYIS DPYAD STOBS KYIS DRANGS PA'I SHIN SBYANGS KYIS ZIN PA NI, LHAG MTHONG GRUB PA'I CHED YIN NO, ,GSUM PA ZHI LHAG ZUNG 'BREL LA SLOB TSUL NI, DE LTAR ZHI LHAG GRUB PA NA, ZHI LHAG GNYIS LA MA BRAL BAR GCIG LA BRTEN NAS CIG SHOS 'BAD MED DU 'DREN PAR BYED BA LA BSLAB BAR BYA ZHING, DE LTAR 'DREN NUS PA'I SHIN SBYANGS KYI BDE BA RTZOL MED DU 'DREN NUS PA NA ZHI LHAG ZUNG DU 'BREL BA ZHES BYA'O, ,TSOGS SGRUB GANG ZHIG ,RNAM MKHYEN YID BYED KYI BSAM PAS SEMS CAN GYI DON BYED BA LA BRTZON PA, BCU GCIG BA THABS MKHAS BA'I TSOGS KYI MTSAN NYID, DE GANG ZHIG ,STONG NYID RTOGS BA'I SHES RAB
, ,KHYAD BAR CAN GYI RTOGS RIGS SU GNAS PA, BCU GNYIS PA YE SHES KYI TSOGS SGRUB KYI MTSAN NYID ,DE GANG ZHIG THABS KHYAD PAR CAN GYI RTOGS RIGS SU GNAS PA, BCU GSUM PA BSOD NAMS KYI TSOGS SGRUB KYI MTSAN NYID; DE GANG ZHIG ,GONG MA'I 'BRAS BU SGRUB BA LA BRTZON BA, BCU BZHI PA LAM GYI TSOGS SGRUB KYI MTSAN NYID, DE GANG ZHIG ,DAM BA'I CHOS 'DZIN CING SPEL BAR BYED PA'I DRAN BA DANG SHES RAB MTSUNGS LDAN DANG BCAS PA'I RIGS SU GNAS PA, BCO LNGA BA GZUNGS KYI TSOGS KYI MTSAN NYID YIN TE, 'GREL CHEN LAS, GZUNGS KYI NGO BO DRAN PA DANG SHES RAB KYI TING NGE 'DZIN TE, DRAN BA DANG SHES RAB KHYAD BAR CAN LA GZUNGS ZHES BYA'O, ,ZHES GSUNGS PA'I PHYIR, DAM CHOS 'DZIN CING SPEL BAR BYED PA'I THABS RNAM DAG GANG ZHIG ,DRAN BA DANG SHES RAB MTSUNGS LDAN DANG BCAS BAS RAB TU PHYE BA'I RIGS SU GNAS PA, GZUNGS KYI MTSAN NYID, 'DI'I RNAM GZHAG 'DIR? MI 'CHAD BAS 'OG TU 'CHAD, DO GANG ZHIG ,RANG GI 'BRAS BUR GYUR PA'I YON TAN TU MA'I RTEN BYED PA, BCU DRUG PA SA'I TSOGS SGRUB KYI MTSAN NYID, DE GANG ZHIG ,RANG GI NGOS SKAL GYI SPANG BYA'I DNGOS GNYEN BYED PA, BCU BDUN PA GNYEN BO'I TSOGS SGRUB KYI MTSAN NYID ,BZHI BAS MTSAMS NI THEG CHEN GYI SBYOR LAM CHOS MCHOG CHEN PO NAS RGYUN MTHA'I BAR DU YOD, LNGA PA NGES TSIG NI, BCU BDUN BO DE CHOS CAN, TSOGS ZHES BRJOD BA'I RGYU MTSAN YOD DE, BYANG CHUB CHEN PO YANG DAG PAR 'DZIN BA'AM 'GRUB BAR BYED PA'I NGO BO YIN BAS NA DE LTAR BRJOD PA'I PHYIR, TSOGS KYI SKAD DOD? SAMBHA? YA
ZHES PA'I SAM NI YANG DAG BAR GRUB PA, BHA NI NGO BO, RA NI 'DZIN PA LA 'JUG BA'I PHYIR, DRUG BA LA TSOGS BCU BDUN GYI GO RIM 'DI LTAR NGES BA'I RGYU MTSAN YOD DE, SEMS CAN GRANGS MED BA'I DON BYED BA LA BRTZE BA SNYING RJE CHEN BOS KUN NAS BSLANGS TE, SEMS CAN RNAMS TSE 'DI'I BDE BA LA 'GOD BA LA SBYIN PA GTONG, PHYI MA'I BDE BA THOB BA'I PHYIR TSUL KHRIMS LA 'GOD, GCIG TU NGES BA'I BDE BA THOB BA'I PHYIR BZOD BRTZON BSAM GTAN GSUM LA 'GOD, GTAN DU BDE BA THOB PHYIR DU SHES RAB KYI PHAR PHYIN LA 'GOD, PHAR PHYIN DRUG GI THABS DANG LDAN PA LA TING NGE 'DZIN SKYE BAS GZHAN DON LA RTZE GCIG TU GNAS BA'I ZHI GNAS DANG, DE THOB PA LA LHAG MTHONG SKYE BAS ZHI GNAS KYI YUL MI DMIGS PAR RTOGS BA'I LHAG MTHONG DANG, DES STONG NYID LA DMIGS PAS NA THEG DMAN DU LHUNG SRID PAS THABS SHES KYIS SRID ZHI'I MTHAR MI LHUNG BA'I ZUNG DU 'BREL BA'I LAM DANG ,ZHI LHAG ZUNG 'BREL DANG LDAN BZHI, RNAM MKHYEN YID BYED KYIS SEMS CAN GYI DON BYED BAS DE'I 'OG TU THABS MKHAS DANG, THABS DE SHES PA NI YE SHES KYI TSOGS LA SLOB DGOS BAS STONG NYID RTOGS BA'I YE SHES DANG, YE SHES DE SGOM PAS YANG DAG BA'I SHES RAB DANG, TING NGE 'DZIN GYIS SEMS CAN GYI DON BYED PA LA BSOD NAMS 'BYUNG BAS BSOD NAMS KYI TSOGS DANG, TSOGS GNYIS GOMS PA'I BYANG PHYOGS SO BDUN LA 'BAD BAS MTHONG LAM SOGS THOB BAS DE'I 'OG TU LAM GYI TSOGS DANG, LAM DANG LDAN PA NI, AA LA SOGS PA YI GE'I DON BSAM PA'I STOBS KYIS BSKAL PA DU MAR CHOS BSTAN BA'I RGYU'I DRAN PA GTUGS PA MED BAR 'GYUR BA'I PHYIR DE'I 'OG TU
, ,TSIG GI GZUNGS LA SOGS PA GZUNGS KYI TSOGS DANG, GZUNGS THOB PA'I RTOGS BA'I GNAS SKABS KYI YON TAN PHYI MA'I PHYI MA'I RTEN BYED BAS DE NAS SA'I TSOGS DANG, MTHONG SGOM GYI NGO BOR GYUR BA'I SAS RANG RANG GI SBANG BYA SPONG BA'I GNAS SKABS KYI DBYE BAS GNYEN PO JI TSOGS SU 'GYUR BAS DE NAS GNYEN PO'I TSOGS BSTAN PA'I PHYIR, 'DI GONG DU GZUNGS KYI TSOGS KYI SKABS SU 'CHAD BAS, DER 'JUG RGYU YIN PAS GZUNGS LA NGO BO; DBYE BA, BYED LAS, SA MTSAMS SO, ,DANG PO NI, SNGAR BZHIN NO, ,GNYIS PA GZUNGS TZAM LA BZOD PA THOB PA'I RGYUR GYUR PA'I GZUNGS DANG, SNGAGS KYI GZUNGS, TSIG GI GZUNGS, DON GYI GZUNGS DANG BZHI LAS, DANG PO NI; AA RA BA TZA NA LA SOGS PA'I YI GE DE DAG SKYE 'GAG DANG 'BYUNG BA DANG DNGOS PO MED PA LA SOGS BA'I DON DU MOS TE SGOM BAS SGOM PA YONGS SU RDZOGS PA NA DE'I DON LA MI SKRAG PA'I BZOD BA SKYES TE, DE'I RGYUR GYUR BA'I DRAN SHES NI BZOD BA'I GZUNGS SO, ,DES NA BZOD BA'I GZUNGS BZOD PA NYID LA MI BYA BAR DE'I RGYU LA BYA STE, 'BUM GYI GNOD 'JOMS LAS, BZOD PA DE LTA BU THOB PA'I RGYU'I TING NGE 'DZIN SGOM BA'I TSE SHES RAB DANG, DRAN BA LA BZOD BA THOB PA'I RGYUR GYUR PA'I GZUNGS ZHES BYA'O, ,ZHES GSUNGS PA'I PHYIR, DES NA BZOD BA'I GZUNGS ZHES BRJOD PA'I RGYU MTSAN YOD DE, GZUNGS THOB PA'I MTHUS DE MA THAG TU SA DANG BO SKYE BA DANG MTHUN PA'I BZOD PA CHEN PO SKYE STE DON LA BZOD PAS NA DE LTAR BRJOD
PA'I PHYIR, GNYIS PA NI, BYANG SEMS TING NGE 'DZIN LA DBANG THOB PAS; SEMS CAN GYI YAMS NAD DANG, NYER 'TSE DANG, 'KHRUGS PA DANG ,SDIG PA LA SOGS PA ZAD PA'I CHED DU CHO GA'I KHYAD PAR 'DI LTA BUS DON DE 'GRUB BAR GYUR CIG CES TING NGE 'DZIN DANG SMON LAM GYIS BYIN GYIS BRLABS TE GSANG SNGAGS KHYAD PAR CAN BRTZAMS PA LTA BU STE, DE YANG DE LTAR SGRUB PA'I DRAN SHES NI GZUNGS MTSAN NYID PA YIN LA, SNGAGS KYI YI GE RNAMS YUL? YUL CAN GYIS SAM 'BRAS BU LA RGYU'I MING GIS BTAGS NAS GSANG SNGAGS KYI GZUNGS ZHES BYA'O, ,GSUM PA NI, SA THOB NAS PHYOGS BCU'I SANGS RGYAS KYIS SNGAR THOS MA MYONG BA'I CHOS KYI RNAM GRANGS GRANGS MED PA BSTAN PA RNAMS DUS GCIG TU 'DZIN PAR NUS PA'I DRAN SHES SO, ,BZHI PA NI, RIM PA DE LTA BU'I CHOS KYI DON 'DZIN PAR NUS PA'I DRAN SHES SO, ,DE LTAR AA LA SOGS BA'I YI GE DE DAG LA BRTEN NAS CHOS THAMS CAD RTOGS BAR BYED BAS NA, DRAN SHES KYI GZUNGS DE DAG SKYE BAS DE DAG LA GZUNGS KYI SGO ZHES BYA'O, ,YANG DE LA CHUNG 'BRING CHE GSUM DU YOD DE, DANG PO NI, TSE 'DIR CHED DU MA BTZAL KYANG SKYE BA SNGA MAR SBYANGS PA'I RNAM SMIN GYIS THOB PA'I GZUNGS LTA BU, GNYIS PA NI, TSE 'DIR THOS BSAM LA 'BAD PA DAG CHOS KYI TSIG DON DU MA MYUR DU 'DZIN PAR NUS PA'I GZUNGS LTA BU, GSUM PA NI, TING NGE 'DZIN BSGOMS PA'I SGOM BYUNG GI STOBS KYIS 'DZIN PAR NUS PA'I GZUNGS LTA BU, DE LA YANG CHUNG 'BRING CHEN PO
, ,GSUM LAS, DANG PO NI, MOS SPYOD KYI GNAS SKABS KYI GZUNGS LTA BU, GNYIS PA NI, MNGAGS? BDUN GYI GNAS SKABS KYI GZUNGS LTA BU, DAG PAS GSUM GYI GNAS SKABS KYI GZUNGS LTA BU YIN TE, MDO SDE'I RGYAN LAS, RNAM SMIN THOS LA GOMS BA DANG, ,TING NGE 'DZIN GYIS GZUNGS DAG NI, ,CHUNG DANG 'BRING DANG CHEN PO STE, ,CHEN PO DE YANG RNAM BA GSUM, ,BLO LDAN MA ZHUGS ZHUGS PA YANG, ,MA DAGS BA RNAMS KYIS NI, ,CHUNG NGU DANG NI 'BRING PO STE; ;DAG PAS PA'I GZUNGS CHEN YIN, ,ZHES GSUNGS BA'I PHYIR, GSUM PA NI, GZUNGS DE DAG BYED LAS DANG LDAN TE, RGYAL BA'I DAM CHOS MA LUS BA RANG GIS 'DZIN CING GZHAN LA STON PA LA SOGS PA'I BYED LAS DANG LDAN BA'I PHYIR TE, DE NYID LAS; BYANG CHUB SEMS DPA' YANG DANG YANG, ,DE LA YANG DAG BRTEN NAS NI, ,RTAG TU DAM PA'I CHOS DAG KYANG, ,RAB TU STON CING 'DZIN BAR BYED, ,CES GSUNGS BA'I PHYIR, BZHI PA NI, GZUNGS KYI TSOGS NI TSOGS SGRUB DANG 'DRA LA ,GZUNGS TZAM LA; GZUNGS CHUNG NGU DANG 'BRING GNYIS LAM MA ZHUGS NA YOD ,SPYIR GZUNGS TZAM GYI SA MTSAMS LAM MA ZHUGS NAS SANGS RGYAS KYI SA'I BAR DU YOD, BDUN BA GRANGS NGES NI, 'DIR BSTAN TSOGS SGRUB LA BCU BDUN DU GRANGS NGES BA'I RGYU MTSAN YOD DE, BSAM SBYOR GNYIS KYI DBANG DU BYAS NAS BRTZE BA DANG, THUN MONG MA YIN BA DRUG BZHAG ,MNYAM PAR BZHAG MA BZHAG PA'I DBANG DU BYAS TE, ZHI LHAG GNYIS ZUNG 'BREL THABS MKHAS BZHI BZHAG ,LTA SPYOD KYI DBANG DU BYAS
TE YE SHES DANG BSOD NAMS KYI TSOGS GNYIS BZHAG ,'BRAS BU SGRUB BA'I DMIGS PA 'DZIN BA'I DBANG DU BYAS NAS LAM DANG GZUNGS KYI TSOGS GNYIS BZHAG ,YON TAN GYI RTEN BYED BA'I DBANG DU BYAS NAS SA DANG GNYEN PO'I TSOGS GNYIS SU BZHAG PA'I PHYIR, 'O NA, DE LA YE SHES KYI TSOGS NI, ZHES SOGS KYIS RTOGS DKA' BA BYE BRAG TU 'CHAD NA 'CHAD TSUL GANG ZHE NA, 'DI LA YE SHES KYI TSOGS BYE BRAG TU BSHAD PA DANG, SA'I TSOGS SGRUB BYE BRAG TU BSHAD PA DANG, GNYEN PO'I TSOGS SGRUB BYE BRAG TU BSHAD BA DANG GSUM LAS, DANG PO LA, YUL CAN YE SHES BSHAD BA DANG, YUL STONG PA NYID BSHAD PA DANG GNYIS LAS, DANG PO STON PA LA, DE LA YE SHES KYI TSOGS NI, NANG DANG ,PHYI DANG, DE GNYIS KA DANG, STONG PA DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA' LAS 'DAS BA DANG, THOG MA MED PA DANG, DOR BA MED BA DANG, RANG BZHIN DANG, CHOS THAMS CAD DANG ,MTSAN NYID DANG, MI DMIGS BA DANG, DNGOS PO MED PA'I NGO BO NYID DANG, DNGOS PO DANG, DNGOS PO MED PA DANG, RANG GI NGO BO DANG, GZHAN GYI NGO BO STONG PA NYID KYI BYE BRAG GIS RNAM PA NYI SHU'O, ,ZHES GSUNGS BA'I PHYIR, GNYIS PA STON BA LA, 'DIR SMRAS PA, , NANG DANG PHYI ROL RNAMS DANG NI, ,GNYIS DANG STONG PA'I DNGOS PO DANG, PHYOGS DANG MYA NGAN 'DAS LAM DANG, ,RKYEN LAS SKYES DANG CIG SHOS DANG, ,MTHA' 'DAS THOG MA DOR BA MED, ,RANG BZHIN DANG NI CHOS KUN DANG, ,CHOS SKYE LA
, ,SOGS 'DAS SOGS DANG, ,LDAN DANG CIG SHOS NGO BO DANG, ,MKHA' DANG STONG BA ZHES BYA DANG, ,CHOS KYI GZHAN GYI NGO BO NYID, ,RANG RANG NGO BOS STONG BA'I PHYIR, ,STONG PA NYID NI NYI SHUR 'DOD, ,CES GSUNGS, GZHUNG DON NI, SKABS 'DIR TSOGS SGRUB BCU BDUN GYI NANG NAS YE SHES KYI TSOGS BYE BRAG TU BSHAD PA LA RGYU MTSAN YOD DE, DE RTOGS DKA' ZHING RTOGS NA DON CHE BA LA DGONGS NAS DE LTAR BSHAD PA'I PHYIR ,'DIR BSTAN YE SHES KYI TSOGS CHOS CAN, DU MAR DBYE BA YOD DE, YUL STONG PA NYID NYI SHU RTOGS BA'I YUL CAN YE SHES NYI SHU YOD PA'I PHYIR, 'DIR MTHA' DPYAD PA LA, YUL CAN STONG PA NYID RTOGS PA'I YE SHES BSHAD PA DANG, YUL STONG NYID NYI SHU BSHAD BA DANG, YE SHES KYI DMIGS PA GANG YIN DPYAD PA DANG GSUM LAS, DANG PO NI, MDO LAS, RAB 'BYOR BYANG CHEN THAMS CAD MKHYEN PA 'DI LTA STE, NANG STONG BA NYID DANG, PHYI STONG PA NYID DANG, PHYI NANG GNYIS KA STONG PA NYID DANG, STONG PA NYID STONG PA NYID DANG ,CHEN PO STONG PA NYID DANG, DON DAM BA STONG PA NYID DANG, 'DUS BYAS STONG PA NYID DANG, 'DUS MA BYAS STONG PA NYID DANG, MTHA' LAS 'DAS PA STONG PA NYID DANG, THOG MA DANG MTHA' MA MED PA STONG PA NYID DANG, DOR BA MED PA STONG PA NYID DANG, RANG BZHIN STONG PA NYID DANG, CHOS THAMS CAD STONG PA NYID DANG, RANG GI MTSAN NYID STONG PA NYID DANG, MI DMIGS PA STONG BA NYID DANG, DNGOS PO STONG PA NYID DANG, DNGOS PO MED
PA STONG PA NYID DANG, DNGOS PO MED PA'I NGO BO NYID STONG PA NYID DANG, RANG GI NGO BO STONG PA NYID DANG, GZHAN GYI NGO BO STONG PA NYID DO, ,ZHES BYA BA'I MDO 'DIS YUL STONG NYID NYI SHU DNGOS SU BSTAN NAS, YUL CAN STONG NYID RTOGS PA'I YE SHES NYI SHU SHUGS LA 'PHANGS PA YIN TE, DES THEG CHEN GYI TSOGS LAM NAS SANGS RGYAS KYI SA'I BAR GYI STONG NYID RTOGS PA'I YE SHES NYI SHU SHUGS LA 'PHANGS PA'I PHYIR TE, STONG NYID DANG PO GSUM DNGOS SU BSTAN PA'I MDOS, STONG NYID RTOGS PA'I THEG CHEN GYI TSOGS LAM CHUD 'BRING CHE GSUM SHUGS LA BSTAN, BZHI PA STON PA'I MDOS, STON GNYID RTOGS PA'I THEG CHEN GYI SBYOR LAM DANG, LNGA PA DANG DRUG PA STON PA'I MDOS, RIM BZHIN, SA DANG BO DANG GNYIS PA, BDUN PA DANG BRGYAD PA STON BA'I MDOS, SA GSUM PA DANG BZHI PA, DGU PA DANG BCU PA STON BA'I MDOS, SA LNGA PA DANG DRUG PA, BCU GCIG PA STON BA'I MDOS, SA BDUN PA, BCU GNYIS PA DANG BCU GSUM PA STON PA'I MDOS, SA BRGYAD PA, BCU BZHI PA DANG BCO LNGA PA STON BA'I MDOS, SA DGU PA, BCU DRUG PA DANG BCU BDUN PA STON PA'I MDOS, SA BCU PA 'PHANGS, THA MA GSUM STON PA'I MDOS, SANGS RGYAS KYI SA 'PHANGS BA'I PHYIR, YE SHES DANG PO BCU BDUN PO BCU PA MAN CHAD LA 'JOG BA'I RGYU MTSAN YOD DE, DE RNAMS NI SPANG BYA MNGON GYUR BA DANG, SA BON CI RIGS PA DANG BRAL BAS DE LTAR BZHAG PA'I PHYIR, THA MA GSUM SANGS RGYAS KYI SA LA 'JOG PA'I RGYU MTSAN YOD DE, DE GSUM SGRIB GNYIS BAG CHAGS DANG BCAS BA SPANGS BA'I RTEN YIN PA DANG RANG BYUNG
, ,NYID YIN PA'I DON GYIS DE LTAR BZHAG PA'I PHYIR, GNYIS PA NI, 'DIR STONG NYID LA NYI SHU YOD DE, DE LA DGAG GZHI NYI SHU BDEN PAS STONG PA'I STONG NYID NYI SHU YOD PA'I PHYIR, DGAG GZHI NYI SHU YANG YOD DE, MIG SOGS NANG GI DBANG PO DRUG ,GZUGS SOGS PHYI'I YUL LNGA, DBANG PO'I RTEN GYIS BSDUS PA'I YUL LNGA, CHOS THAMS CAD BDEN PAS STONG PA'I STONG NYID, PHYOGS BCU, MYA NGAN LAS 'DAS BA DANG LAM STE THOB PA DON DAM PA, RKYEN LAS SKYES PA KHAMS GSUM, CIG SHOS RKYEN LAS MA SKYES PA 'DUS MA BYAS, RTAG CHAD KYI MTHAS STONG PA'I MTHA' LAS 'DAS, THOG MA DANG THA MA DANG BRAL BA'I 'KHOR BA, PHYOGS RE RE BTANG BA DANG SLANG BA MED PA'I DOR BA MED PA, 'DUS BYAS DANG 'DUS MA BYAS GYI STONG NYID RANG BZHIN, PHUNG KHAMS SKYE MCHED KYIS BSDUS PA'I CHOS KUN, CHOS SKYE LA SOGS TE SKYE 'GAGS DANG GZUGS RUNG SOGS SAM RANG GI MTSAN NYID DANG, 'DAS SOGS DUS GSUM DANG, LDAN PA STE RGYU MTSAN DU MA 'DUS PA'I SPYI TSOGS TZAM DNGOS PO MED PA'I NGO BO NYID DANG, LDAN BA'I CIG SHOS DNGOS PO DANG, NAM MKHA' LA SOGS PA'I DNGOS PO MED PA DANG, STONG PA STE CHOS RNAMS KYI PHYIN CI MA LOG PA'I NGO BO NI RANG GI NGO BO, CHOS KYI GZHAN GYI NGO BO 'KHOR BA LAS GZHAN TE PHA ROL TU GYUR PA'I YANG DAG PA'I MTHA' STE NYI SHUR YOD PA'I PHYIR, GSUM PA LA, DON SMRA PA'I LUGS DANG, THEG CHEN PA'I LUGS GNYIS LAS, DANG PO NI, PHUNG KHAMS SKYE MCHED NI STONG GZHI YIN LA, MU STEGS PAS BTAGS PA'I BDAG
RTAG PA DANG GCIG PU GANG ZAG GI BDAG NI DGAG BYA YIN ZHING, DE LTAR NA DGAG GZHI PHUNG SOGS GSUM MAM BDEN BZHI'I KHYAD PAR DU BYAS PA'I DGAG PA STE, 'DUL BA LUNG LAS, 'DI NA BDAG DANG SEMS CAN MED, ,CHOS 'DI RGYU DANG BCAS LAS BYUNG, ,ZHES GSUNGS PA DANG, SEMS 'GREL LAS, BDAG TU 'DZIN PA ZLOG DON DU, ,PHUNG PO KHAMS SOGS BSTAN PA STE, ,ZHES GSUNGS PA'I PHYIR, DES NA 'DI DANG THEG CHEN PA GNYIS GANG ZAG GI BDAG MED GNAS LUGS MTHAR THUG TU 'DOD MI 'DOD MA GTOGS PA GANG ZAG GI BDAG MED LA 'JOG TSUL MI MTHUN PA MED DE, DE NI THUN MONG PA YIN BA'I PHYIR, DE LTAR NA YANG GANG ZAG GI BDAG RANG STONG DU 'DOD CING, PHUNG SOGS CHOS RNAMS RANG GIS MI STONG PAR GZHAN GANG ZAG GIS STONG PAR 'DOD DE, RANG SDE GNAS MA BU PA'I SDE BAS GANG ZAG GI BDAG KHAS LEN PA YIN TE, DE LTAR DU, RTOG GE 'BAR BA LAS, LHAG MA GNAS MA BU BA LA SOGS PA SDE LNGA NI GANG ZAG GI BDAG TU SMRA PA YIN TE ,ZHES GSUNGS PA'I PHYIR, GNYIS PA LA, DBU SEMS KYI LUGS GNYIS 'GOD PA, DBU MA PA'I LUGS BKOD PA, DE LA GZHAN GYIS KLAN KA SPONG BA, SEMS TZAM PA'I LUGS DGAG PA, YE SHES KYI DBYE BA GZHAN MA SMOS PA'I RGYU MTSAN BSTAN PA'O, ,DANG PO NI, SEMS TZAM PA NI, GZHAN DBANG DGAG GZHI DANG, BDAG GNYIS SU KUN BTAGS PA'I CHA DGAG CHA DANG, GZHAN DBANG KUN BTAGS DES GDOD MA NAS STONG PA'I CHA YONGS GRUB TU 'DOD DE, SUM CU PA
, ,LAS, GRUB NI DE LA SNGA MA PO, ,RTAG TU MED PAR GYUR PA DANG, ,ZHES GSUNGS PA'I PHYIR, DES NA KUN BTAGS RANG GI MTSAN NYID KYIS STONG LA, GZHAN DBANG DANG YONGS GRUB RANG GI MTSAN NYID KYIS GRUB PAR 'DOD CING; GZUNG 'DZIN RDZAS GZHAN GYIS STONG PA'I STONG NYID BDEN GRUB 'PHAGS PA'I MNYAM GZHAG GI GZHAL BYAR 'DOD, DBU MA PAS NI, CHOS THAMS CAD BDEN PAS STONG PA'I STONG NYID 'PHAGS PA'I MNYAM GZHAG GI GZHAL BYAR 'DOD, GNYIS PA LA LUGS DE GNYIS KYI NANG NAS DBU MA PA'I LUGS 'DI NYID 'THAD LA, DE SGRUB PA'I RTAGS SLOB DPON GYIS RANG BZHIN GYI RTAGS 'GOD PAR BZHED LA, DE'I TSUL NI GANG SHES PA YIN NA, BDEN PAS STONG PA'I RANG YUL LA DMIGS PAS KHYAB, DPER NA, RMI LAM DU RTA GLANG SNANG BA'I SHES PA BZHIN, RNAM PAR MI RTOG PA'I YE SHES 'DI YANG SHES PA YIN NO, ,PHYOGS CHOS GRUB STE, DE SHES PA MA YIN NA DES MTHONG BA'I DON MED DGOS PA LAS DE YOD PA'I PHYIR, DE LTAR YANG, RGYAN SNANG LAS; 'DI NYID KHO NA RIGS PA YIN TE, GANG DANG GANG SHES PA YIN PA DE DANG DE NI RANG BZHIN GYIS STONG PA NYID YID LA DMIGS PAS KHYAB, DPER NA, RMI LAM DU RTA LA SOGS PA'I NGO BO NYID STONG PA NYID LA DMIGS PA BZHIN RTZOD PA'I GZHI'I GNAS SU GYUR PA'I RNAM PAR MI RTOG PA'I YE SHES 'DI YANG SHES PA YIN NO, ,ZHES BYA BA NI RANG BZHIN GYI GTAN TSIGS SO, ,DMIGS PA MNGON SUM MA YIN NA, ,DON MTHONG RAB TU 'GRUB MI 'GYUR, ,ZHES BYA BAS GTAN TSIGS MA GRUB
PA MA YIN LA, MI MTHUN PHYOGS LAM MTHONG BAS 'GAL BA YANG MA YIN NO, ,ZHES GSUNGS, GSUM PA NI ,SEMS TZAM PA NA RE, BDEN STONG CHOS CAN, BDEN PAR YOD PAR THAL, DMIGS PA YIN PA'I PHYIR, 'DOD NA, BDEN GRUB YOD PAR THAL, 'DOD BA'I PHYIR NA MA KHYAB, LHAS BYIN GSOD MKHAN GYIS MCHOD SBYIN BSAD PA'I 'OG TU LHAS BYIN SLAR MI LDOG PA BZHIN DU, BDEN MED BDEN GRUB BKAG PAS BDEN GRUB SLAR MI LDOG PA'I PHYIR, DE LTAR MA YIN NA MO GSHAM GYI BU SKYES PAR THAL, MO GSHAM GYI BU SKYES PA DE MA SKYES PA YIN PA'I PHYIR, KHYAB PA KHAS, BZHI PA NI, GZHAN DBANG DANG GNYIS STONG GI DE KHO NA NYID CHOS CAN, GZHAN DBANG YIN PAR THAL, BDEN GRUB GANG ZHIG ,YONGS GRUB MA YIN PA'I PHYIR, 'DOD NA, RDZAS SU GRUB PAR THAL LO, , 'DOD NA, DE GNYIS RDZAS GCIG TU THAL LO, ,'O NA GNYIS STONG GI DE KHO NA NYID RDZAS SU GRUB PAR THAL LO, ,'DOD NA, DE RNAM PAR MI RTOG BA'I YE SHES KYI DMIGS PA MA YIN PAR THAL, DE GZHAN DBANG YIN PA'I PHYIR, RDZAS THA DAD YIN NA, DE GNYIS 'BREL MED DON GZHAN DU THAL, DE GNYIS RDZAS GZHAN GANG ZHIG ,DE GNYIS RGYU 'BRAS MA YIN PA'I PHYIR, 'DOD NA, GNYIS STONG GI DE KHO NA NYID GZHAN DBANG GI GNAS LUGS MA YIN PAR THAL LO, ,'DOD NA, DE LA DMIGS TE SGOM PAS GZHAN DBANG LA SGRO SKUR CUNG ZAD KYANG SPONG MI NUS PAR THAL LO, ,LNGA PA NI, SKABS 'DIR YE SHES NYI SHU DNGOS SU BSTAN NAS ME LONG LTA BU'I YE SHES SOGS DNGOS SU MA BSTAN PA'I RGYU MTSAN YOD DE, SKABS 'DIR STONG NYID DNGOS SU STON PA'I SHER
, ,PHYIN GYI MDO LAS SHUGS LA 'PHANGS BA'I STONG NYID RTOGS BA'I YE SHES KYI TSOGS TZAM ZHIG DNGOS SU STON PAR 'DOD PA GANG ZHIG ,SNGAR BSHAD PA'I YE SHES KYI DBYE BA MTHA' DAG DNGOS SU BSTAN NA SKABS DON POR BA'I GNAS SU 'GYUR BA'I PHYIR, ` GNYIS PA SA'I TSOGS BYE BRAG TU BSHAD PA LA, MTSAMS SBYAR BA DANG, SA'I TSOGS DNGOS BSHAD PA DANG GNYIS LAS, DANG PO NI, TSOGS BCU BDUN GYI NANG NAS SA'I TSOGS BYE BRAG TU BSHAD PA'I RGYU MTSAN GANG ZHE NA, DE'I RGYU MTSAN YOD DE, SA'I TSOGS DE RJOD BYED KYI TSIG MANG ZHING BRJOD BYA'I DON RGYA CHE BAS RTOGS DKA' BA LA DGONGS NAS RJE BTZUN GYIS BYE BRAG TU BSHAD PA'I PHYIR, ZHES MTSAMS SBYOR BA LA, SA'I TSOGS LAS GANG GI YONGS SU SBYONG BAR 'GYUR BA'I CHOS GANG DAG YIN PA DE DAG BSTAN PA'I PHYIR BAR SKABS KYI TSIGS SU BCAD PA NYI SHU RTZA GSUM GSUNGS PA LA, ZHES GSUNGS, GNYIS PA LA, RGYU SA DGU'I YONGS SBYONG BSHAD PA DANG, 'BRAS BU SA BCU BA'I MTSAN NYID BSHAD PA GNYIS LAS, DANG PO NI, RAB 'BYOR GANG KHYOD KYIS 'DI SKAD DU JI LTAR NA BYANG CHEN THEG CHEN LA YANG DAG PAR ZHUGS PA YIN ZHES ZER BA NI, ZHES SOGS KYIS MDO DON BSHAD PA'I SGO NAS, RGYU SA DGU'I YONGS SBYONG BSHAD PA LA, YONGS SU SBYONG BA RNAM BCU YIS, ,ZHES SOGS GSUNGS, 'DI LA YANG DGU LAS, SA DANG PO'I YONGS SBYONG LA YANG, RTZA BA DANG, 'GREL BA GNYIS LAS, DANG PO NI, RAB 'BYOR
'DI LA BYANG CHEN PHAR PHYIN DRUG LA SPYOD CINGS NAS SAR 'PHAR TE, RAB 'BYOR JI LTAR NA BYANG CHEN PHA ROL TU PHYIN PA DRUG LA SPYOD CING SA NAS SAR 'PHAR BA YIN ZHE NA ;'DI LTA STE CHOS THAMS CAD NI GOS PA MED PAS SO, ,DE CI'I PHYIR ZHE NA CHOS GANG YANG 'ONG BA'AM 'GRO BA'AM 'PHO BA'AM MNYE BAR 'PHO BA MED DE, DE DAG 'ON KYANG CHOS THAMS CAD KYIS GANG YIN PA DE LA RLOM SEMS SU MI BYED CING SA DE YANG YANG DAG PAR RJES SU MI MTHONG NGO, ,DE LA BYANG CHEN SA YONGS SU SBYONG BA GANG ZHE NA, RAB 'BYOR SA DANG PO LA GNAS PA'I BYANG CHEN YONGS SU SBYONG BA BCU PO 'DI DAG BYA STE, BCU GANG ZHE NA, DE MI DMIGS PA'I TSUL GYIS LHAG PA'I BSAM PA YONGS SU SBYONG BA DANG, MTSAN MA MI DMIGS PA'I PHYIR PHAN PA'I DNGOS PO YONGS SU SBYONG BA DANG, SEMS CAN MI DMIGS PA'I PHYIR SEMS CAN THAMS CAD LA SEMS MNYAM PA NYID DU YONGS SU SBYONG BA DANG, SBYIN PA DANG, GTONG BA DANG, LEN PA MI DMIGS PA'I PHYIR GTONG BA YONGS SU SBYONG BA DANG, DES RLOM SEMS SU MI DMIGS PA'I PHYIR DGE BA'I BSHES GNYEN BSTEN PA YONGS SU SBYONG BA DANG, CHOS THAMS CAD MI DMIGS PA'I PHYIR CHOS BTZAL BA YONGS SU SBYONG BA DANG, KHYIM MI DMIGS PA'I PHYIR DANG YANG DU 'BYUNG BA YONGS SU SBYONG BA DANG, MTSAN DANG DPE BYAD BZANG PO MI DMIGS PA'I PHYIR SANGS RGYAS KYI SKU LA 'DOD PA YONGS SU SBYONG BA DANG, CHOS KYI DBYE BA MI DMIGS BA'I PHYIR CHOS RNAM PAR 'GREL BA YONGS SU SBYONG BA DANG, TSIG MI DMIGS PA'I PHYIR BDEN PA'I TSIG YONGS SU SBYOR BA STE, RAB 'BYOR YONGS
, ,SU SBYONG BA BCU PO DE DAG NI BYANG CHEN SA DANG PO LA GNAS PA'I BYA BA DAG GO ,ZHES DANG, DE SKAD CES BKA' STZAL BA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS BYANG CHEN LHAG BA'I BSAM PA YONGS SU SBYONG BA GANG LAGS, BCOM LDAN 'DAS KYIS BKA' STZAL PA, RAB 'BYOR BYANG CHEN RNAM MKHYEN DANG LDAN PA'I SEMS BSKYED PAS DGE BA'I RTZA BA MANG PO YANG DAG PAR SDUD PA STE, 'DI NI RAB 'BYOR LHAG PA'I BSAM PA YONGS SU SBYONG BA'O, ,ZHES PA NAS, 'DI LTA STE JI SKAD DU SMRAS PA DE LTAR BYED PA GANG YIN PA STE 'DI NI BYANG CHEN BDEN PA'I TSIG YONGS SU SBYONG BA'O, ,RAB 'BYOR DE DAG NI SA DANG PO LA GNAS PA'I BYANG CHUB SEMS DPA'I YONGS SU SBYONG BA BCU'O, ,ZHES PA'I BAR MDOR BSTAN DANG RGYAS BSHAD GNYIS KYIS BSTAN, DE'I DON MDOR BSTAN GYI SGO NAS 'CHAD PA LA, YONGS SU SBYOD BA RNAM BCU YIS, ,SA NI DANG PO THOB 'GYUR TE, ,ZHES GSUNGS, DE NYID RGYAS PAR BSHAD PA LA, BSAM DANG PHAN PA'I DNGOS NYID DANG, ,ZHES SOGS GSUNGS, YONGS SBYONG DU 'GYUR TSUL STON PA LA, 'DI DAG RANG BZHIN MI DMIGS PAS, ,YONGS SU SBYONG BAR SHES PAR BYA, ,ZHES GSUNGS, GNYIS PA LA YANG, YONGS SBYONG SO SO'I NGO BO DANG, YONGS SBYONG DU 'GYUR TSUL GNYIS LAS, DANG PO NI, RIM PA JI LTA BA BZHIN GZHI THAMS CAD LA GYA GYU MED PA'I BSAM PA DANG, RANG DANG GZHAN GYI DGOS PA LA PHAN PA NYID DANG, SEMS
CAN THAMS CAD LA SEMs RTZE GCIG PA NYID DANG, BDOG PA THAMS CAD YONGS SU GTONG BA DANG, DGE BA'I BSHES GNYEN MGU BAR BYED PA DANG, THEG PA GSUM DU GTOGS PA'I DAM PA'I CHOS KYI DMIGS PA 'DOD PA DANG, KHYIM NA GNAS PA LA MNGON PAR MI DGA' BA DANG, BLA NA MED PA'I SANGS RGYAS KYI SKU 'DOD PA DANG, DAM PA'I CHOS RAB TU STON PA DANG, BDEN PAR SMRA BA NYID CES BYA BA, ZHES GSUNGS, GNYIS PA NI, DE LTA BU'I MTSAN NYID KYI CHOS BCUS RNAM PA THAMS CAD DU BSKYED PAR BYA BA YIN BA'I PHYIR, YONGS SU SPYOD BA'I RGYU'I KHYAD PAR NGO BO NYID MI DMIGS PAS KHYAD PAR DU BYAS BA'I MTSAN NYID KYI YONGS SU SBYONG BA DAG KHO NAS SA DANG PO RAB TU DGA' BA THOB PA YIN NO, ,ZHES BSHAD, GNYIS PA SA GNYIS PA'I YONGS SBYONG LA YANG, RTZA 'GREL GNYIS LAS, DANG PO NI, RAB 'BYOR GANG BYANG CHEN SA GNYIS PA LA GNAS PAS CHOS BRGYAD PO 'DI DAG YID LA BYA ZHING, DE DAG LA NAN TAN DU BYA'O, ,BRGYAD GANG ZHE NA, 'DI LTA STE, TSUL KHRIMS YONGS SU DAG PA DANG, BYAS PA GZO BA DANG, ZHES PA NAS, PHAR PHYIN LHAG MA RNAMS LA BRTZON PA 'TSOL BA STE, RAB 'BYOR BYANG CHEN SA GNYIS PA LA GNAS PAS YANG DANG YANG DU YID LA BYA ZHING DE DAG LA NAN TAN DU BYA BA DAG GO ,ZHES DANG; RAB 'BYOR DE LA BYANG CHEN TSUL KHRIMS YONGS SU DAG PA GANG ZHE NA, 'DI LTA STE, NYAN THOS DANG RANG SANGS RGYAS KYI SEMS YID LA MI BYED CING, ZHES PA NAS, 'DI NI BYANG CHEN PHA ROL TU PHYIN PA RNAMS LA BRTZON ZHING 'TSOL BA'O
, ,ZHES PA'I BAR MDOR BSTAN RGYAS BSHAD GNYIS KYIS BSTAN, DE'I DON 'CHAD PA LA, TSUL KHRIMS BYAS PA GZO DANG BZOD, ,CES GSUNGS SO, ,GNYIS PA LA SBYONG BYED SO SO'I NGO BO DANG YONGS SPYOD DU 'GYUR TSUL GNYIS LAS, DANG PO NI, DGE BA'I CHOS DANG SEMS CAN GYI DON BYED PA DANG SDOM PA'I TSUL KHRIMS DANG, GZHAN GYIS PHAN PA BYAS PA DRAN PA DANG, GZHAN GYIS GNOD PA BYAS PA LA SOGS PA BZOD PA DANG, DGE BA'I CHOS SGRUB PA LA 'GYOD PA MED PA DANG, SKYE BO THAMS CAD LA BYAMS PA DANG, MKHAN PO LA SOGS PA LA 'DUD PA DANG, DGE BA'I BSHES GNYEN GYIS BSTAN PA'I CHOS SGRUB PA DANG, SBYIN PA LA SOGS PA'I PHAR PHYIN DRUG LA SPRO BA ZHES BYA BA, ZHES GSUNGS, GNYIS PA NI, DE LTA BU'I YONGS SU SBYONG BA SNGA MA BZHIN YONGS SU SBYONG BA BYAS PA'I KHYAD PAR RNAM PA BRGYAD KYIS SA GNYIS PA DRI MA MED PA THOB PA YIN NO, ,ZHES BSHAD, GSUM PAS GSUM PA'I YONGS SBYONG LA YANG RTZA 'GREL GNYIS LAS, DANG PO NI, RAB 'BYOR GANG BYANG CHEN SA GSUM PA LA GNAS PAS CHOS LNGA LA MKHAS PAR BYA STE, LNGA GANG ZHE NA, 'DI LTA STE, MANG DU THOS PAS MI NGOMS SHING DE LA YANG YI GE LA MNGON PAR MA ZHEN PA DANG, ZHES PA NAS, NGO TSA SHES SHING KHREL YOD PA LA GNAS KYANG DES RLOM SEMS SU MI 'GYUR BA STE, RAB 'BYOR CHOS LNGA PO DE DAG NI BYANG CHEN SA GSUM PA LA GNAS PAS GNAS PAR BYA BA DAG GO, ZHES DANG, DE LA BYANG CHEN MANG DU THOS PAS MI NGOMS PA GANG ZHE NA, 'DI LTA STE,
SANGS RGYAS BCOM LDAN 'DAS RNAMS KYI 'JIG RTEN GYI KHAMS 'DI 'AM, ZHES PA NAS, RANG SANGS RGYAS KYI SEMS LA SMAD PA STE, RAB 'BYOR 'DI NI BYANG CHEN NGO TSA SHES SHING KHREL YOD PA LA GNAS PA'O, ,ZHES BSTAN BSHAD GNYIS KYIS BSTAN, DE'I DON 'CHAD PA LA, THOS PAS MI NGOMS NYID DANG NI, ,ZHES SOGS GSUNGS, GNYIS PA LA, SNGAR BZHIN GNYIS LAS, DANG PO NI, DAM BA'I CHOS NYAN PAS DOMS MI SHES PA DANG, RNYED PA LA SOGS PA LA MI LTA BA'I SEMS KYIS DAM PA'I CHOS RAB TU STON PA DANG, RANG GI SANGS RGYAS KYI ZHING RTEN DANG BRTEN PA KUN TU SBYONG BA DANG, PHAN GDAGS PA'I SEMS CAN MI MTHUN PA LA SOGS PA MTHONG BAS YONGS SU MI SKYO BA DANG, RANG DANG GZHAN LA LTOS NAS MI DGE BA'I CHOS MI BYED PA ZHES BYA BA, ZHES BSHAD, GNYIS PA NI, DE LTA BU'I YONGS SU SBYONG BA RNAM PA LNGA PO SNGA MA BZHIN DU NGO BO NYID DU MI RTOG BAS YONGS SU SBYONG BA BYAS PAS SA GSUM PA 'OD BYED BA RTOGS PA YIN NO, ,BZHI PAS BZHI PA'I YONGS SBYONG LA RTZA 'GREL GNYIS LAS, DANG PO NI, RAB 'BYOR GANG BYANG CHEN SA BZHI PA LA GNAS PAS CHOS BCU PO 'DI DAG YONGS SU BLANGS SHING GNAS PAR BYA STE, DE DAG YONGS SU GTONG BAR MI BYA'O, ,BCU GANG ZHE NA, 'DI LTA STE, DGON PA LA GNAS PA DANG, ZHES PA NAS, DNGOS PO THAMS CAD LA LTOS PA MED PA STE, RAB 'BYOR CHOS BCU PO DE DAG NI BYANG CHEN SA BZHI PA LA GNAS PAS YONGS SU GTONG BAR MI BYA ZHING YANG DAG PAR BLANGS TE GNAS PAR BYAS PA LA DGOD, CES DANG, DE LA BYANG CHEN DGON PAR GNAS
, ,BAS YONGS SU MI GTONG BA GANG ZHE NA NYAN THOS DANG RANG SANGS RGYAS KYI SA LAS BAB PA GANG YIN PA STE, ZHES PA NAS, DNGOS PO THAMS CAD YID LA MI BYED PA GANG YIN PA STE, 'DI NI BYANG CHEN DNGOS PO THAMS CAD LA LTOS PA MED PA'O, ,ZHES PA'I BAR GYI BSTAN BSHAD GNYIS KYIS BSTAN, DE'I DON 'CHAD BA LA, NAGS GNAS 'DOD CHUNG CHOG SHES DANG, ,ZHES SOGS GSUNGS, GNYIS PA LA SNGAR BZHIN GNYIS LAS, DANG PO NI, DGON PAR GNAS PA DANG, RNYED PA MTHOB PA LA MNGON PAR 'DOD PA MED PA DANG, RNYED BA THOB PA LA LHAG PAR DON DU GNYER PA MED PA DANG, BSOD SNYOMS PA NYID LA SOGS PA SBYANGS PA'I YON TAN YANG DAG PAR SDOM PA DANG, BSLAB PA BLANGS PA SROG LA SOGS PA'I PHYIR YANG YONGS SU MI GTONG BA DANG, 'DOD PA'I YON TAN LA NYES DMIGS SU LTA BAS SMOD PA DANG, GDUL BYA DANG 'TSAMS PAR MYA NGAN LAS 'DAS BA LA GZHOL BAR BYED PA DANG, BDOG PA THAMS CAD YONGS SU GTONG BA DANG, DGE BA SGRUB PA LA SEMS MI ZHUM PA DANG, DNGOS PO THAMS CAD LA MI LTA BA ZHES BYA BA, ZHES BSHAD, GNYIS PA NI, DE LTA BU'I YONGS SU SBYONG BA SNGA MA LTA BU RNAM PA BCUS SA BZHI PA 'OD 'PHRO BA CAN GNON PA YIN NO, ,ZHES BSHAD, LNGA PA SA LNGA PA'I YONGS SBYONG LA, RTZA 'GREL GNYIS LAS, DANG PO NI, RAB 'BYOR GANG BYANG CHEN SA LNGA PA LA GNAS PAS CHOS BCU PO 'DI DAG YONGS SU SBYONG BAR BYA BA DAG STE, BCU GANG ZHE NA, 'DI LTA STE, KHYIM PA DANG, RAB TU BYUNG BA
DANG; BSTEN PA YONGS SU SPANG BAR BYA BA DANG, ZHES PA NAS, LHAG PA'I NGA RGYAL DANG, KHENGS PA DANG, PHYIN CI LOG RNAMS DANG, THE TSOM DANG, 'DOD CHAGS DANG, ZHE SDANG DANG, GTI MUG NYAMS RANGS SU BZHAG PA YONGS SU SPANG BAR BYA STE, CHOS BCU PO DE DAG NI BYANG CHEN SA LNGA PA LA GNAS PAS YONGS SU SPANG BAR BYA'O, ,ZHES DANG, DE LA BYANG CHEN KHYIM PA DANG BSTEN PA YONGS SU SPANG BAR BYA BA GANG ZHE NA, 'DI LTA STE, SANGS RGYAS KYI ZHING NAS SANGS RGYAS KYI ZHING DU 'GRO ZHING RDZUS TE SKYE BA DANG, MGO BREGS SHING GOS NGUR SMRIG BGO BA GANG YIN PA STE, ZHES PA NAS, 'DI NI BYANG CHE NA, 'DOD CHAGS DANG, ZHE SDANG DANG, GTI MUG NYAMS RANGS SU MI 'DOD PA'I, ZHES PA'I BAR BSTAN BSHAD GNYIS KYIS BSTAN, DE'I DON 'CHAD PA LA, 'DRIS DANG KHYIM LA 'KHREN PA DANG, ,ZHES SOGS GSUNGS, GNYIS PA LA SNGAR BZHIN GNYIS LAS, DANG PO NI, RNYED PA LA SOGS PA'I DON DU RAB TU BYUNG BA LA SOGS PA DANG 'GROGS PA DANG, DAD PA CAN GYI KHYIM NYE BAR MI STEN PA DANG, SKYE BO MANG PO'I GRONG LA SOGS PA DANG, BDAG LA BSNGAGS PA DANG, GZHAN LA SMOD PA DANG, MI DGE BA'I LAS KYI LAM BCU DANG, THOS PA LA SOGS PAS RLOM ZHING GZHAN LA MI 'DUD PA DANG, DGE BA DANG MI DGE BA LA BZLOG STE MNGON PAR ZHEN PA DANG, LOG PAR LTA BA LA SOGS PA BLO GROS NGAN PA DANG, 'DOD CHAGS LA SOGS PA NYON MONGS PA THAMS CAD LA PHYOGS BAR BYED PA ZHES BYA BA, ZHES BSHAD, GNYIS PA NI,
, ,DE LTA BU'I MTSAN NYID KYI CHOS BCU RNAM PAR SPONG ZHING BZLOG PA'I CHOS DON GYIS 'PHANGS PA YONGS SU SBYONG BA RNAM PA BCUS SNGA MA BZHIN DU SA LNGA PA SBYANG DKA' BA THOB PA YIN NO, ,ZHES BSHAD, DRUG PA SA DRUG PA'I YONGS SU SBYONG BA LA RTZA 'GREL GNYIS LAS, DANG PO NI, RAB 'BYOR GANG BYANG CHEN SA DRUG PA LA GNAS PAS CHOS DRUG YONGS SU RDZOGS PAR BYA STE, DRUG GANG ZHE NA, 'DI LTA STE, PHA ROL TU PHYIN PA DRUG GO ,GZHAN YANG CHOS DRUG YONGS SU RDZOGS PAR BYA STE, DRUG GANG ZHE NA, NYAN THOS KYI SEMS YONGS SU SPANG BAR BYA'O, ,ZHES PA NAS, SLONG MO PA MTHONG NA SLONG MO PA LA 'KHRUGS PAR MI BYA STE, 'KHRUGS PA'I SEMS SPANG BAR BYA'O, ,CHOS DRUG PO DE DAG NI BYANG CHEN SA DRUG PA LA GNAS PAS YONGS SU SPANG BAR BYA'O, ,ZHES DANG, DE LAS DRUG PA LA CHOS DRUG YONGS SU MI 'DOR BA GANG ZHE NA, 'DI LTA STE PHA ROL TU PHYIN PA DRUG STE, ZHES PA NAS, DE LTAR BYANG CHEN CHOS DRUG YONGS SU SPANG BAR BYA'O, ,ZHES PA'I BAR BSTAN BSHAD GNYIS KYIS BSTAN, DE'I DON 'CHAD PA LA, SBYIN DANG TSUL KHRIMS BZOD BRTZON 'GRUS, ,ZHES SOGS GSUNGS, GNYIS PA LA GNYIS LAS, DANG PO NI, PHA ROL TU PHYIN PA DRUG YONGS SU RDZOGS PAS NYAN THOS DANG RANG SANGS RGYAS LA 'DOD PA DANG, NGO BO NYID MI DMIGS PA LA SKRAG PA DANG, SLONG PA PO'I SKYE BOS BSLANGS NA ZHUM PA DANG, BDOG PA THAMS CAD RANG GI NGANG GIS GTONG BAR
ZHUGS PA LA MI DGA' BA DANG, BKREN YANG SLONG BA'I SKYE BO SPONG BA'I SEMS SPONG BA STE, ZHES BSHAD, GNYIS PA NI, DE LTA BU'I YONGS SU SBYONG BA BCU GNYIS KYIS SNGA MA BZHIN DU SA DRUG BA MNGON DU GYUR PA KUN SHES PAR 'GYUR BA YIN NO, ,ZHES BSHAD, BDUN PAS BDUN PA'I YONGS SPYONG? LA SPANG BYA DANG, GNYEN PO GNYIS LAS, DANG PO LA, RTZA 'GREL GNYIS LAS, DANG PO NI, RAB 'BYOR GANG BYANG CHEN SA BDUN PA LA GNAS PAS CHOS NYI SHU MI BYA STE, NYI SHU GANG ZHE NA, 'DI LTA STE, BDAG TU 'DZIN PAR MI BYA'O, ,ZHES PA NAS, STONG PA NYID LA 'GAL BA STE, RAB 'BYOR CHOS NYI SHU PO DE DAG NI BYANG CHEN SA BDUN PA LA GNAS PAS MI BYA'O, ,ZHES DANG, DE LA JI LTAR NA BYANG CHEN BDAG TU 'DZIN PAR MI BYED CE NA DE NI 'DI LTAR BDAG SHIN TU MED PA'I PHYIR, DE LTAR BYANG CHEN BDAG TU 'DZIN PAR MI BYA'O, ,ZHES PA NAS, DE NI 'DI LTAR CHOS THAMS CAD STONG PA NYID LA 'GAL BAR MI BYED PA'I PHYIR TE, DE LTAR BYANG CHEN STONG PA NYID LA 'GAL BAR MI BYA'O, ,ZHES PA'I BAR BSTAN BSHAD GNYIS KYIS BSTAN, DE'I DON 'CHAD PA LA, BDAG DANG SEMS CAN 'DZIN PA DANG, ,ZHES GSUNGS, GNYIS PA LA; SPANG BYA NYI SHU'I NGO BO DANG, DE SPANGS PAS THOB TSUL GNYIS LAS, DANG PO NI, BDAG DANG, SEMS CAN DANG, SROG DANG, GANG ZAG DANG, CHAD PA DANG, RTAG PA DANG, MTSAN MA DANG, RGYU DANG, PHUNG PO DANG,
, ,KHAMS DANG, SKYE MCHED DANG, KHAMS GSUM PO LA GNAS PA DANG, CHAGS PA DANG, SEMS KUN TU ZHUM PA DANG, SANGS RGYAS DANG, CHOS DANG, DGE 'DUN DANG, TSUL KHRIMS SU LTA BA'I MNGON PAR ZHEN PA DANG, STONG PA NYID LA RTZOD PA DANG, 'GAL BA BRJOD PA 'DZIN PA YONGS SU SPANGS PA STE, ZHES BSHAD, GNYIS PA NI, NYES PA DE LTA BU NYI SHU DANG BRAL NAS, BZLOG PA'I CHOS DON GYIS 'PHANGS PA YONGS SU SBYONG BA RNAM PA NYI SHUS SNGA MA BZHIN DU SA BDUN PA RING DU SONG BA KUN SHES PAR 'GYUR PA YIN NO, ,ZHES BSHAD, GNYIS PA LE, MTSAMS SBYAR, RTZA BA, 'GREL BA GSUM LAS, DANG PO NI, DON GYIS 'PHANGS PA'I CHOS NYID BSTAN PA'I PHYIR, ZHES BSHAD, GNYIS PA NI, DES CHOS NYI SHU PO 'DI DAG YONGS SU RDZOGS PAR BYA STE, NYI SHU GANG ZHE NA, STONG PA NYID YONGS SU RDZOGS PAR BYA BA DANG, ZHES PA NAS, BDAG GI NGO BO STON PA STE, RAB 'BYOR CHOS NYI SHU PO DE DAG NI BYANG CHE NAS BDUN PA LA GNAS PAS YONGS SU RDZOGS PAR BYA'O, ,ZHES DANG, DE LA JI LTAR BYANG CHEN STONG PA NYID YONGS SU RDZOGS PAR BYA BA YIN ZHE NA, RANG GI MTSAN NYID STONG PA NYID NYE BAR BZUNG NAS RDZOGS PA NI BYANG CHEN STONG PA NYID YONGS SU RDZOGS PA STE, ZHES PA NAS, 'DI NI BYANG CHEN THAMS CAD DU BDAG GI NGO BO STON PA'I ZHES PA'I BAR BSTAN BSHAD GNYIS KYIS BSTAN, DE'I DON 'CHAD PA LA, RNAM THAR SGO GSUM SHES PA
DANG; ;ZHES SOGS GSUNGS, GSUM PA LAS, SBYONG BYED SO SO'I NGO BO NYID DANG, SBYANGS PAS SA THOB TSUL LO, ,DANG BO NI, RNAM PAR THAR PA'I SGO STONG PA NYID DANG, MTSAN MA MED PA DANG, SMON PA MED PA YANG DAG PAR SHES PA DANG, DGE BA BCU'I LAS KYI LAM LA GSAD PAR BYA BA DANG, GSOD PA PO DANG, BSAD PA MI DMIGS PA LA SOGS PA DANG, SKYE BO THAMS CAD LA DMIGS PA'I SNYING BRTZE BA DANG, DNGOS POR DMIGS PA MED PA DANG, CHOS THAMS CAD MNYAM ? NYID DU RTOGS PA DANG, THEG PA CHEN PO GCIG TU RTOGS PA DANG, MI SKYE BA YONGS SU SHES PA DANG, CHOS ZAB MO LA NGES PAR RTOGS PA'I BZOD PA KHONG DU CHUD PA DANG, SHES BYA THAMS CAD THEG PA CHEN PO'I THABS KYI SGO NAS RAB TU STON PA DANG, RTOG PA THAMS CAD GCOD PA DANG, MTSAN MAR 'DZIN PA'I RTOG PA MED PA DANG, 'JIG TSOGS LA LTA BA LA SOGS PA LNGA 'DOR BA DANG, 'DOD CHAGS LA SOGS PA NYON MONGS PA SPONG BA DANG, ZHI GNAS SGOM PA DANG, SHES RAB DANG THABS LA MKHAS PAR BYED PA DANG, SEMS NYE BAR ZHI BA DANG, GZUGS LA SOGS PA LA THOGS PA MED PA'I YE SHES DANG, MNGON PA ZHEN PA'I GNAS MA YIN PA DANG, JI LTAR 'DOD PA BZHIN DU DUS MNYAM DU SANGS RGYAS KYI ZHING THAMS CAD DU 'GRO BA DANG, GDUL BYA DANG MTHUN PAR THAMS CAD DU BDAG GI LUS RAB TU STON PA ZHES BYA BA, ZHES BSHAD, GNYIS PA NI, YONGS SU SBYONG BA RNAM PA NYI SHU PO 'DIS KYANG SNGA MA BZHIN DU SA BDUN PA
, ,RTOGS PAR 'GYUR BA YIN NO, ,ZHES BSHAD, BRGYAD PAS BRGYAD PA'I YONGS SBYONG LA RTZA 'GREL GNYIS LAS, DANG PO NI, RAB 'BYOR GANG BYANG CHEN SA BRGYAD PA LA GNAS PAS CHOS BZHI PO 'DI DAG YONGS SU RDZOGS PAR BYA STE, BZHI GANG ZHE NA, 'DI LTAR SEMS CAN THAMS CAD KYI SEMS KYI SPYOD PA'I RJES SU 'JUG PA DANG, ZHES PA NAS, SANGS RGYAS LA BSNYEN BKUR ZHING SANGS RGYAS GYI SKU YANG DAG PA JI LTA BA BZHIN DU RTOGS PA STE, ZHES SOGS DANG, RAB 'BYOR GANG BYANG CHEN SA BRGYAD PA LA GNAS PAS CHOS BZHI YONGS SU RDZOGS PAR BYA STE, BZHI GANG ZHE NA 'DI LTA STE, DBANG PO MCHOG DANG MCHOG MA YIN PA SHES PA DANG, ZHES BA NAS, SEMS CAN RNAMS KYI DGE BA'I RTZA BA JI LTA JI LTAR 'GRUB BAR 'GYUR BA DE LTA DE LTAR YONGS SU 'GRUB CING CHED DU BSAMS SHING SRID BA NYE BAR LEN TE, RAB 'BYOR CHOS BZHI PO DE DAG NI BYANG CHEN SA BRGYAD PA LA GNAS BAS YONGS SU RDZOGS PAR BYA'O, ,ZHES DANG, DE LA BYANG CHEN SEMS CAN THAMS CAD KYI SEMS KYI SPYOD PA'I RJES SU 'JUG PA GANG ZHE NA, SEMS GCIG GIS SEMS CAN THAMS CAD KYI SEMS KYI SPYOD PA YONGS SU SHES PA GANG YIN PA STE, ZHES PA NAS, SEMS CAN YONGS SU SMIN PAR BYA BA'I PHYIR TE, DES NA BYANG CHEN CHED DU BSAMS SHING BSAMS SHING SRID PA NYE BAR LEN PA'O, ,ZHES PA'I BAR BSTAN BSHAD GNYIS KYIS BSTAN, DE'I DON 'CHAD PA
LA; SEMS CAN KUN YID SHES PA DANG, ,ZHES SOGS GSUNGS, GNYIS PA LA GNYIS LAS, DANG PO NI, SEMS CAN THAMS CAD KYI SEMS KYI SPYOD PA JI LTA BA BZHIN SHES PA DANG, 'JIG RTEN GYI KHAMS SU RDZU 'PHRUL GYI MNGON PAR SHES PAS BRTZE BA DANG, SANGS RGYAS KYI ZHING RTEN GSER LA SOGS PA'I NGO BOR YONGS SU SGYUR BA DANG, RNAM PA THAMS CAD DU CHOS YONGS SU BRTAGS PAS SANGS RGYAS MNYES PAR BYED PA DANG, LHA'I MIG SKYED PA DANG, SANGS RGYAS KYI ZHING BRTEN PA SEMS CAN YONGS SU SBYONG BA DANG, THAMS CAD DU SGYU MA LTA BUR GNAS PA DANG, SEMS CAN THAMS CAD KYI DON MTHONG NAS BLO SNGON DU BTANG BA'I SKYE BA YONGS SU 'DZIN PA ZHES BYA BA, ZHES BSHAD, GNYIS PA NI, YONGS SU SBYONG BA'I CHOS DE LTA BU RNAM PA BRGYAD KYIS SNGA MA BZHIN DU SA BRGYAD PA MI G-YO BA NYAMS SU MYONG BAR GYUR PA YIN NO, ,ZHES BSHAD, DGU PAS DGU PA'I YONGS SPYOD LA, RTZA 'GREL GNYIS LAS, DANG PO NI, RAB 'BYOR GANG BYANG CHEN SA DGU PA LA GNAS PAS CHOS BCU GNYIS YONGS SU RDZOGS PAR BYA STE, BCU GNYIS GANG ZHE NA, 'DI LTA STE, SMON LAM MTHA' YAS PA YONGS SU BZUNG STE, ZHES PA NAS, YON TAN THAMS CAD YONGS SU RDZOGS PA PHUN SUM TSOGS PA STE, RAB 'BYOR CHOS BCU GNYIS PO DE DAG NI BYANG CHEN SA DGU PA LA GNAS PAS YONGS SU RDZOGS PAR BYA'O, ,ZHES DANG, DE LTAR JI LTAR NA BYANG CHEN JI LTA JI LTAR SMON PA DE LTA DE LTAR PHUN SUM TSOGS PAR
, ,'GYUR BA YIN ZHE NA, DE LA BYANG CHEN PHAR PHYIN DRUG YONGS SU RDZOGS PA'I PHYIR, ZHES PA NAS, SANGS RGYAS KYI ZHING RNAM PAR DAG PA GANG YIN PA STE, DE NI BYANG CHEN YON TAN THAMS CAD YONGS SU RDZOGS PA PHUN SUM TSOGS PA'O, ,ZHES PA'I BAR BSTAN BSHAD GNYIS KYIS BSTAN, DE'I DON 'CHAD PA LA, SMON LAM DAG NI MTHA' YAS DANG, ,ZHES SOGS GSUNGS, GNYIS PA LA SNGAR BZHIN GNYIS LAS, DANG PO NI; SMON LAM MTHA' YAS PA DANG, LHA LA SOGS PA SEMS CAN THAMS CAD KYI SKAD SHES PA DANG, SPOBS PA CHU BO LTAR MI ZAD PA DANG, SKYE BO THAMS CAD KYIS BSNGAGS PA'I MNGAL DU 'JUG PA DANG, RGYAL PO LA SOGS PAR GNAS PA DANG, NYI MA LA SOGS PA LAS SKYES PA DANG ,MA LA SOGS PA DANG LEGS PAR 'BREL BA'I GNYEN DANG, RANG DBANG BA'I 'KHOR DANG, BRGYA BYIN LA SOGS PAS MNGON PAR BSTOD PAR SKYE BA DANG, SANGS RGYAS LA SOGS PAS BSKUL TE, NGES PAR 'BYUNG BA DANG, YID BZHIN GYI NOR BU DANG 'DRA BA'I SHING AA SHVA TTHA LA SOGS PA DANG, SANGS RGYAS DANG SANGS RGYAS KYI CHOS KYI NGO BOR GYUR PA'I YON TAN THAMS CAD YONGS SU RDZOGS BAR BYED BA ZHES BYA BA, ZHES BSHAD, GNYIS BA NI; DE LTA BU'I PHUN SUM TSOGS PA'I MTSAN NYID KYI YONGS SU SBYONG BA RNAM PA BCU GNYIS POS SNGA MA BZHIN DU YONGS SU SBYONG BA BYAS PA'I KHYAD PAR DAG GIS SA DGU PA LEGS PA'I BLO GROS MNGON BYED PA YIN NO, ,ZHES PAS 'CHAD
DO; ` ;'DI DAG GI SKABS SU MTHA' DPYAD PA LA, SA LAM GYI RNAM GZHAG SPYIR BSTAN PA DANG, SKABS 'DIR BSTAN GYI BYANG SEMS 'PHAGS PA'I SA'I RNAM GZHAG BYE PHRAG TU BSHAD PA'O, ,DANG PO LA, MTSAN NYID, DBYE BA, SO SO'I RANG BZHIN, 'PHO TSUL, MING GI RNAM GRANGS, SGRA BSHAD PA'O, ,DANG PO NI, RANG GI 'BRAS BUR GYUR PA'I YON TAN DU MA'I RTEN BYED PA'I LAM ZHUGS KYI MNGON PAR RTOGS PA, SA LA MA GNYIS SU PHYE BA'I SA'I MTSAN NYID, NGES 'BYUNG GI BSAM PA BCOS MA MA YIN PAS ZIN PA'I MNGON PAR RTOGS PA, LAM GYI MTSAN NYID, SA LAM? GNYIS SU PHYE BA'I SA DANG LAM GNYIS DON GCIG, GNYIS PA LA, THEG DMAN DANG, THEG CHEN GYI SA GNYIS SU YOD, GSUM PA LA, THEG DMAN GYI LAM? ZHUGS KYI MNGON PAR RTOGS PA, THEG DMAN GYI LAM GYI MTSAN NYID, RANG GI 'BRAS BUR GYUR PA'I YON TAN DU MA'I RTEN BYED PA'I THEG DMAN LAM ZHUGS KYI MKHYEN PA, THEG DMAN GYI SA'I MTSAN NYID, DE GNYIS DON GCIG ,DE LA DBYE NA, DMAN PAS BRGYAD DU YOD DE, RIGS KYIS NAS, RANG SANGS RGYAS KYI SA'I BAR RAM, DKAR PO RNAM PAR MTHONG BA'I SA NAS NYAN THOS KYI SA'I BAR BRGYAD DU YOD, TSIG DON 'OG TU 'CHAD, YANG DE LA NYAN THOS KYI SA DANG, RANG SANGS RGYAS KYI SA GNYIS SU YOD, RANG GI 'BRAS BUR GYUR BA'I YON TAN DU MA'I RTEN BYED PA'I NYAN THOS LA MA ZHUGS KYI MNGON RTOGS, NYAN THOS KYI SA'I MTSAN NYID, DES CIG SHOS LA RIGS 'DRA, DE LA DBYE NA, NYAN THOS KYI TSOGS LAM SOGS LNGA YOD, NYAN THOS KYI
, ,CHOS MNGON RTOGS, NYAN THOS KYI TSOGS LAM GYI MTSAN NYID, DBYE NA CHUNG 'BRING CHEN PO DANG, MNGON SUM, RJES DPAG, DPYAD SHES DANG GSUM LAS, DANG PO NI, NYAN THOS TSOGS LAM PA'I RGYUD KYI MNGON SHES DANG PO LNGA LTA BU, GNYIS PA NI, DE'I RGYUD KYI RTAGS YANG DAG LA BRTEN NAS GANG ZAG GI BDAG MED GSAR DU RTOGS PA'I BLO LTA BU, GSUM PA NI, DE'I RGYUD KYI GANG ZAG GI BDAG MED RTOGS ZIN? GOMS PA'I BLO LTA BU, NYAN THOS KYI DON MNGON RTOGS, NYAN THOS KYI LAM GYI MTSAN NYID, DBYE NA DROD SOGS BZHI YOD, DANG PO GSUM LA CHUNG 'BRING CHEN PO GSUM GSUM DU YOD, DE LA DER GYUR PA'I MNGON SUM SOGS SNGAR BZHIN NO, ,NYAN THOS KYI BDEN PA MNGON RTOGS, NYAN THOS KYI MTHONG LAM GYI MTSAN NYID, DBYE NA, NYAN THOS KYI MTHONG LAM MNYAM GZHAG YE SHES, RJES THOB YE SHES, DE GNYIS GANG RUNG MA YIN PA'I NYAN THOS KYI MTHONG LAM DANG GSUM DU YOD, RANG YUL DU GYUR PA'I BDAG MED LA RTZE GCIG TU MNYAM PAR BZHAG PA'I NYAN THOS KYI BDEN PA MNGON RTOGS, DANG PO'I MTSAN NYID, DBYE NA, NYAN THOS KYI MTHONG? LAM BAR CHAD MED LAM, RNAM GROL LAM, DE GNYIS GANG RUNG MA YIN PA'I NYAN THOS KYI MTHONG LAM MNYAM GZHAG YE SHES DANG GSUM DU YOD, GANG ZAG GI BDAG MED LA RTZE GCIG TU MNYAM PAR BZHAG PA'I NYAN THOS KYI BDEN PA MNGON RTOGS GANG ZHIG, RANG GI NGOS SKAL GYI SPANG BYANG? GYUR PA'I GANG ZAG GI BDAG 'DZIN KUN BTAGS KYI DNGOS GNYEN BYED PA, DANG
PO'I MTSAN NYID, DBYE NA? NYAN THOS KYI MTHONG LAM BZOD PA BRGYAD YOD, NYAN THOS KYI MTHONG LAM BAR CHAD MED LAM GANG ZHIG, 'DOD PA'I SAS BSDUS KYI SDUG BSNGAL MTHONG SPANG NYON MONGS KYI DNGOS GNYEN BYED PA, NYAN THOS KYI MTHONG LAM SDUG BSNGAL CHOS BZOD KYI ? DE GANG ZHIG, KHAMS GONG MA'I SAS BSDUS KYI SDUG BSNGAL MTHONG SPANG NYON MONGS KYI DNGOS GNYEN BYED PA, NYAN THOS KYI MTHONG LAM SDUG BSNGAL RJES BZOD KYI MTSAN NYID, DES BDEN PA GZHAN GSUM LA RIGS 'DRA; GANG ZAG GI BDAG MED ? MNYAM PAR BZHAG PA'I NYAN THOS KYI BDEN PA MNGON RTOGS GANG ZHIG ,RANG 'DREN BYED KYI BAR CHAD MED LAM GYI NGOS SKAL GYI SPANG BYAR GYUR PA'I NYON SGRIB KUN BTAGS LAS GROL BA, NYAN THOS KYI MTHONG LAM RNAM GROL LAM GYI MTSAN NYID, DBYE NA, NYAN THOS ? LAM SHES PA BRGYAD YOD, DE GNYIS GANG RUNG MA YIN PA NI STONG NYID LA RTZE GCIG TU MNYAM PAR BZHAG PA'I NYAN THOS KYI MTHONG LAM MNYAM GZHAG YE SHES LTA BU, NYAN THOS KYI MTHONG LAM MNYAM GZHAG YE SHES LAS LANGS PA'I NYAN THOS ? MNGON RTOGS GANG ZHIG, RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA, NYAN THOS KYI MTHONG LAM RJES THOB YE SHES KYI MTSAN NYID, DE GNYIS GA? BDUD? MA YIN PA NI, NYAN THOS MTHONG LAM BAR CHAD MED LAM PA'I RGYUD ? TSAD MED BZHI LTA BU, RANG GI RGYUR GYUR PA'I MTHONG LAM RDZOGS RJES SU BYUNG ZHING RANG GI 'BRAS BUR GYUR BA'I NYAN THOS KYI MI SLOB LAM MA SKYES GIS? GI NYAN THOS KYI RJES LA MNGON
, ,RTOGS, NYAN THOS KYI SGOM LAM GYI MTSAN NYID, DBYE NA, NYAN THOS KYI SGOM LAM MNYAM GZHAN YE SHES DANG, DE'I RJES THOB YE SHES, DE GNYIS GANG RUNG MA YIN PA'I NYAN THOS KYI SGOM LAM DANG GSUM LAS, RANG YUL DU GYUR PA'I BDAG MED LA RTZE GCIG TU MNYAM PAR BZHAG PA'I NYAN THOS KYI RJES LA MNGON RTOGS DANG PO'I MTSAN NYID, DBYE NA, NYAN THOS KYI SGOM LAM BAR CHAD MED LAM DANG, NYAN THOS KYI SGOM LAM RNAM GROL LAM, DE GNYIS GANG RUNG MA YIN PA'I DE DANG GSUM LAS, GANG ZAG GI BDAG MED LA RTZE GCIG TU MNYAM PAR BZHAG PA'I NYAN THOS KYI RJES LA MNGON RTOGS GANG ZHIG, RANG GI NGOS SKAL GYI SPANG BYAR GYUR PA'I SGOM SPANG NYON SGRIB KYI DNGOS GNYEN BYED PA, DANG PO'I MTSAN NYID, DBYE NA, CHUNG 'BRING CHEN PO DGUR YOD, RGYAS PAR DBYEN BRGYAD CU GYA GCIG YOD, DE GANG ZHIG, RANG DANG MNYAM GZHAG THUN GCIG LA SKYES PA'I NYAN THOS KYI SGOM LAM BAR CHAD MED LAM GYI NGOS SKAL GYI SGRIB PA LAS GROL BA, GNYIS PA'I MTSAN NYID, DBYE NA SNGAR BZHIN, DES NA DE GNYIS GANG RUNG MA YIN BA SOGS SNGAR BZHIN NO, ,NYAN THOS LAM GYI BGROD BA MTHAR PHYIN PA'I NYAN THOS KYI MKHYEN PA, NYAN THOS KYI MI SLOB LAM GYI MTSAN NYID, DES RANG RGYAL GYI TSOGS LAM SOGS LA RIGS 'DRA, GNYIS PA THEG CHEN GYI LAM LA, RANG GI 'BRAS BUR GYUR PA'I YON TAN DU MA'I RTEN BYED PA'I THEG CHEN GYI LAM ZHUGS KYI MNGON RTOGS, THEG CHEN GYI SA'I MTSAN NYID, DBYE NA, THEG CHEN SO? SKYE'I SA DANG, THEG CHEN 'PHAGS PA'I SA GNYIS LAS, GNYIS PA 'OG TU 'CHAD,
DE 'DRA'I THEG CHEN SO SKYE'I MNGON RTOGS, DANG PO'I MTSAN NYID, DBYE NA, THEG CHEN GYI TSOGS LAM DANG, THEG CHEN GYI SBYOR LAM GNYIS LAS, THEG CHEN GYI CHOS MNGON RTOGS, DANG PO'I MTSAN NYID, DBYE NA CHUNG 'BRING CHEN PO GSUM DANG, MNGON SUM SOGS GSUM YOD, BYANG SEMS KYI DON MNGON RTOGS, GNYIS PA'I MTSAN NYID, DBYEN? ? GYI SBYOR LAM DROD SOGS BZHI YOD, DE RE RE LA CHUNG 'BRING CHEN PO GSUM GSUM STE BCU GNYIS YOD, DE RE RE LA DER GYUR PA'I MNGON SUM SOGS GSUM YOD TSUL SNGAR BZHIN, BZHI PA 'PHO TSUL LA, GNAS SKABS NYAN THOS SU RIGS NGES PA'I LAM ZHUGS KYI GANG ZAG GI RGYUD LA NGES 'BYUNG GI BSAM PA BCOS MA MA YIN PA NAM SKYES PA NA, DES NYAN THOS KYI TSOGS LAM CHUNG DU THOB PAR 'JOG, DE'I RJES SU DE'I RGYUD LA DES DRANGS PA'I DE 'BRING SKYES, DE'I RJES SU DE CHEN PO SKYES, GNAS SKABS NYAN THOS SU RIGS NGES PA'I NYAN THOS KYI TSOGS LAM CHEN PO LA GNAS PA'I GANG ZAG DES GANG ZAG GI BDAG MED LA DMIGS PA'I LHAG MTHONG THOB PA DANG, NYAN THOS KYI SBYOR LAM DROD THOB PA DUS MNYAM, DE'I RJES SU DE'I RGYUD LA NYAN THOS KYI SBYOR LAM RTZE MO, DE RJES ? SKYES SHING, NYAN THOS KYI SBYOR LAM CHOS MCHOG DANG, NYAN THOS KYI MTHONG LAM BAR CHAD MED LAM RNAMS MNYAM GZHAG THUN GCIG LA SKYES BA YIN NO, , GNAS SKABS NYAN THOS SA RIGS NGES PA'I NYAN THOS KYI SBYOR LAM CHOS MCHOG LA GNAS PA'I GANG ZAG DES GANG ZAG GI BDAG MED MNGON SUM DU GSAR DU RTOGS PA DANG, NYAN THOS KYI MTHONG LAM THOB PAR 'JOG, DE DANG NYAN THOS KYI MTHONG LAM
, ,RNAM GROL LAM GNYIS MNYAM GZHAG THUN GCIG LA SKYES, DES GANG ZAG GI BDAG MED RTOGS ZIN GOMS PAR BYAS PA LA BRTEN NAS SGOM SPANG NYON SGRIB CHEN PO'I CHEN PO'I DNGOS GNYEN NA MA THOB PA NA NYAN THOS KYI SGOM LAM BAR CHAD MED LAM CHUNG DU'I CHUNG DU THOB PAR 'JOG ,DES DE NAM SPANGS PA DANG NYAN THOS KI SGOM LAM RNAM GROL LAM CHUNG DU'I CHUNG DU THOB PAR 'JOG ,DES CHUNG 'BRING CHEN PO DGU LA RIGS 'DRA, DES SGOM SPANG NYON SGRIB NA MA SPANGS PA NA NYAN THOS KYI MI SLOB LAM THOB PAR 'JOG, DES RANG RGYAL LA RIGS 'DRA, SPANG BYA CIG CAR PA'I NYAN THOS KYI MTHONG LAM BZOD PA BRGYUD CIG CAR DANG, SHES PA BRGYAD KYANG CIG CAR DU SKYE, SPANG BYA RIM GYIS PA'I NYAN THOS KYI SHES BZOD SKAD CIG MA BCU DRUG RIM CAN DU SKYE BA YIN NO, ,THEG CHEN LA DMAN LAM SNGON DU MA SONG BA'I THEG CHEN RIGS NGES KYI BYANG SEMS TSOGS LAM CHEN PO BA DES STONG NYID LA DMIGS PA'I SGOM BYUNG THOB PA DANG, THEG CHEN GYI SBYOR LAM DROD THOB PAR 'JOG, DE 'DRA'I THEG CHEN GYI SBYOR LAM CHOS MCHOG CHEN PO LA GNAS PA'I SEMS DPA' DES STONG NYID MNGON SUM DU RTOGS PA DANG, THEG CHEN GYI MTHONG LAM THOB PA DUS MNYAM, DMAN LAM SNGON DU SONG BA LA, DMAN LAM DU STONG NYID RTOGS MA MYONG BA'I BYANG SEMS TSOGS LAM BA DE 'PHO TSUL SNGAR BZHIN, DMAN LAM DU STONG NYID RTOGS PA'I THEG DMAN TSOGS LAM PA CI'I? BYA? RTOGS PA SNGON DU SONG BA'I BYANG
SEMS TSOGS LAM BA YANG SNGAR BZHIN LA, DMAN LAM DU STONG NYID RTOGS PA'I THEG DMAN SBYOR LAM PA TZAM GYI RTOGS BA SNGON DU SONG BA'I BYANG SEMS TSOGS LAM BA DES THEG CHEN GYI TSOGS LAM GYI GNAS SKABS SU TSOGS GNYIS CI TZAM BSAGS DGOS PA BSAGS ZIN PA'I SKAD CIG GNYIS PA DER THEG CHEN GYI SBYOR LAM DROD THOB PAR 'JOG ,DMAN LAM DU STONG NYID RTOGS PA'I THEG DMAN 'PHAGS BA'I RTOGS PA SNGON DU SONG BA'I BYANG SEMS TSOGS LAM BA YANG SNGAR BZHIN LA, DE 'DRA'I BYANG SEMS SBYOR LAM PA DES SBYOR LAM GYI GNAS SKABS SU TSOGS GNYIS CI TZAM BSAGS DGOS PA BSAGS ZIN PA'I SKAD CIG GNYIS PA DER THEG CHEN GYI MTHONG LAM THOB PAR 'JOG ,DES NA THEG CHEN GYI SBYOR LAM CHOS MCHOG CHEN PO'I YE SHES DANG, THEG CHEN GYI MTHONG LAM BA ? MED LAM DANG, THEG CHEN GYI MTHONG LAM RNAM GROL LAM RNAMS MNYAM GZHAG THUN GCIG LA SKYE, DE RJES THEG CHEN GYI MTHONG LAM RJES THOB YE SHES SKYE, DE RJES SA DANG PO'I BAR CHAD MED LAM DANG, RNAM GROL LAM GANG RUNG MA YIN PA'I SA DANG PO'I MNYAM GZHAG YE SHES GCIG DANG, SA DANG PO'I SKAD CIG THA MA'I SGOM LAM BAR CHAD MED LAM DANG SA GNYIS PA'I SGOM LAM RNAM GROL LAM RNAMS MNYAM GZHAG THUN GCIG LA SKYE BA SOGS PHYI MA RNAMS 'DRA, SA DANG PO'I RNAM GROL LAM LAS LANGS PA'I RJES THOB TU SGOM SPANG BDEN 'DZIN CHEN PO'I CHEN PO RAGS BA SPONG PHYIR DU TSOGS GNYIS RGYA CHEN PO BSAGS PA LA BRTEN NAS, DE SPONG NUS SU MTHONG BANA, DE
, ,SPONG PHYIR DU STONG NYID LA RTZE GCIG TU MNYAM BAR BZHAG PA'I YE SHES DE, DE'I DNGOS GNYEN DU SONG BA NAS DANG PO'I SGOM LAM BAR CHAD MED LA MA THOB PAR 'JOG CING, DES DRANGS PA'I RNAM GROL LAM? THOB PA NAS GNYIS PA'I RNAM GROL LAM? THOB PA YIN NO, ,RNAM GROL LAM? DE LAS LANGS PA'I SA GNYIS PA'I RJES THOB KYI GNAS SKABS SU SGOM SPANG BDEN 'DZIN CHEN PO'I CHEN PO SPONG PHYIR DU TSOGS GNYIS RGYU CHEN PO BSAGS, DE LTAR BSAGS PA LA BRTEN NAS DE SPONG NUS SU MTHONG BA NA DE SPONG PHYIR DU STONG NYID LA RTZE GCIG TU MNYAM PAR BZHAG PA'I MNYAM GZHAG DE LTA BU DE'I DNGOS GNYEN DU SONG BA NAS GNYIS PA'I BAR CHAD MED LAM? THOB BAR 'JOG, DES DRANGS PA'I RNAM GROL LAM? THOB PA NAS GSUM BAR 'PHOS PA SOGS RIGS 'DRA'O, ,LNGA PA MING GI RNAM GRANGS LA, SA DANG, LAM DANG, MKHYEN PA DANG, LAM ZHUGS KYI MNGON RTOGS RNAMS MING GI RNAM GRANGS YIN, TSOGS LAM, THAR PA CHA MTHUN, DAD PA'I SA, CHOS MNGON RTOGS RNAMS MING GI RNAM GRANGS YIN, SBYOR LAM, NGES 'BYED CHA MTHUN, NGES 'BYED YAN LAG, DON MNGON RTOGS SOGS MING GI RNAM GRANGS DANG, MTHONG LAM, BDEN PA MNGON RTOGS GNYIS MING GI RNAM GRANGS DANG, SGOM LAM, RJES LA MNGON RTOGS GNYIS MING GI RNAM GRANGS DANG, MI SLOB LAM, DGRA BCOM PA'I MKHYEN PA, NYON SGRIB SPANGS PA'I LAM RNAMS MING GI RNAM GRANGS YIN NO, ,DRUG PA SGRA BSHAD PA LA, THEG CHEN GYI TSOGS LAM CHOS CAN, KHYOD LA TSOGS LAM ZHES BRJOD
PA'I RGYU MTSAN YOD DE, THAR PA THOB PA'I PHYIR DU TSOGS BSAGS PA'I LAM GYI DANG PO YIN PA'I RGYU MTSAN GYIS DE LTAR BRJOD PA'I PHYIR, THAR PA CHA MTHUN ZHES BRJOD PA'I RGYU MTSAN YOD DE, NYON SGRIB SPANGS BA'I 'GOG BDEN THAR PA YIN ZHING, NYON SGRIB KUN BTAGS SPANGS PA'I 'GOG BDEN THAR BA'I CHA YIN PAS, KHYOD DE THOB PA DANG RJES SU MTHUN PA'I LAM YIN PA'I RGYU MTSAN GYIS DE LTAR BRJOD PA'I PHYIR, DAD PA'I SA ZHES BRJOD PA'I RGYU MTSAN YOD DE, DAD SOGS YUL LNGA LA MKHAS PA'I GNAS SKABS KYI LAM YIN PAS DE LTAR BRJOD PA'I PHYIR, CHOS MNGON RTOGS ZHES BRJOD PA'I RGYU MTSAN YOD DE, CHOS GSUNG RAB KYI TSIG DON GTAN LA 'BEB PA'I GNAS SKABS KYI LAM YIN PAS DE LTAR DE LTAR BRJOD PA'I PHYIR, THEG CHEN GYI SBYOR LAM CHOS CAN, SBYOR LAM ZHES BRJOD PA'I RGYU MTSAN YOD DE, BDEN PA MNGON SUM DU MTHONG BA LA SBYOR BAR BYED PA'I LAM YIN PAS DE LTAR BRJOD PA'I PHYIR, NGES 'BYED CHA MTHUN ZHES BRJOD PA'I RGYU MTSAN YOD DE, THEG CHEN GYI MTONG LAM BAR CHAD MED LAM? LTA BU MNYAM GZHAG RNAM PAR MI RTOG PA'I YE SHES YIN ZHING, DES RGYU MTHONG SPANG LAS NGES BAR 'BYED PAS DE LA NGES 'BYED CES BYA LA, KHYOD MNYAM GZHAG RNAM PAR MI RTOG PA'I YE SHES DE THOB PA DANG RJES SU MTHUN PA'I LAM YIN PAS DE LTAR BRJOD PA'I PHYIR, NGES 'BYED YAN LAG CES BRJOD PA'I RGYU MTSAN YOD DE, DE'I YAN LAG STE RGYU YIN PAS DE LTAR BRJOD PA'I PHYIR, DON MNGON RTOGS ZHES BRJOD PA'I RGYU MTSAN YOD DE,
, ,GSUNG RAB KYI DON BDAG MED PHRA RAGS GANG RUNG LA SGOM BYUNG GI MYONG ? 'DON PA'I GNAS SKABS KYI LAM YIN PAS DE LTAR BRJOD PA'I PHYIR, THEG CHEN GYI MTHONG LAM CHOS CAN, MTHONG LAM ZHES BRJOD PA'I RGYU MTSAN YOD DE, BDEN PA MNGON SUM DU GSAR DU MTHONG BA'I GNAS SKABS KYI LAM YIN PAS DE LTAR BRJOD PA'I PHYIR, BDEN PA MNGON RTOGS ZHES BRJOD PA'I RGYU MTSAN YOD DE, BDEN PA MNGON SUM DU RTOGS PA'I LAM YIN PAS DE LTAR BRJOD PA'I PHYIR, THEG CHEN GYI SGOM LAM CHOS CAN, SGOM LAM ZHES BRJOD BA'I RGYU MTSAN YOD DE, BDAG MED MNGON SUM DU RTOGS ZIN RGYUN LDAN DU SGOM PAR BYED PA'I GNAS SKABS KYI LAM YIN PAS DE LTAR BRJOD PA'I PHYIR, RJES LA MNGON RTOGS ZHES BRJOD PA'I RGYU MTSAN YOD DE; BDEN PA MNGON SUM DU RTOGS ZIN RTOGS PA'I GNAS SKABS KYI LAM YIN PAS DE LTAR BRJOD PA'I PHYIR, DGRA BCOM PA'I MKHYEN PA CHOS CAN, MI SLOB LAM ZHES BRJOD PA'I RGYU MTSAN YOD DE, CHAGS BCAS RNAMS KYI PHYAG BYA BA'I 'OS SU GYUR PA DANG; NYON SGRIB SPANGS PA'I LAM YIN PAS DE LTAR BRJOD PA'I PHYIR, DES THEG DMAN LA YANG RIGS 'DRA, KHA CIG ,YON TAN DU MA'I RTEN BYED PA'I MNGON RTOGS, SA'I MTSAN NYID ZER, KHA CIG ,DE SA LAM GNYIS SU PHYE BA'I SA'I MTSAN NYID, ZER NA MI 'THAD DE, SA YIN NA, SRA ZHING 'THAS PA YIN DGOS PA'I PHYIR TE, LAM ZHUGS GANG ZAG GI RGYUD KYI STONG NYID RTOGS PA'I SHES RAB DE MA YIN PA'I PHYIR, BUM PA'I CHOS NYID MNGON SUM DU RTOGS PA'I THEG CHEN GYI MTHONG LAM DE
YON TAN DU MA'I RTEN MA YIN PA'I PHYIR, KHA CIG ,STONG NYID RTOGS PA'I SHES RAB KYIS ZIN PA'I BYANG 'PHAGS KYI MNGON RTOGS, BYANG SEMS KYI SA'I? MTSAN NYID, ZER BA MI 'THAD DE, BYANG SEMS KYI SBYOR LAM BYANG SEMS KYI SA YIN PA'I PHYIR TE, DE BYANG SEMS KYI MOS SPYOD KYI SA YIN PA'I PHYIR, KHA CIG ,CHOS NYID LA RTZE GCIG TU MNYAM PAR BZHAG BA'I YE SHES GANG ZHIG ,BDEN 'DZIN KUN BTAGS KYI DNGOS GNYEN BYED PA DE, SA DANG PO'I BAR CHAD MED LAM GYI MTSAN NYID, ZER BA MI 'THAD DE, SA DANG PO'I SGOM LAM BAR CHAD MED LAM YOD PA'I PHYIR, BDEN 'DZIN KUN BTAGS KYI RGYUR GYUR PA'I SA DANG PO'I MTHONG LAM BAR CHAD MED LAM YOD PA'I PHYIR, KHA CIG ,DE GANG ZHIG ,BDEN 'DZIN LHAN SKYES CHEN PO'I CHEN PO'I DNGOS GNYEN BYED PA, THEG CHEN GYI SGOM LAM BAR CHAD MED LAM CHUNG NGU'I CHUNG NGU'I MTSAN NYID, ZER PA MI 'THAD DE, SA DANG PO'I SGOM LAM BAR CHAD MED LAM DE CHUNG DU'I CHUNG DU YIN PA'I PHYIR, DE YOD PA'I PHYIR TE, KUN BTUS LAS, BYANG CHUB SEMS DPA' RNAMS KYI SA BCU RNAMS SU SGOM PA'I LAM LA SHES BYA'I SGRIB PA'I GNYEN PO'I LAM SGOM GYI, ZHES GSUNGS PA'I PHYIR, KHA CIG ,RANG RGYUD LDAN GYI GANG ZAG GI RGYUD KYI YON TAN DU MA'I RTEN BYED BA'I SA DANG PO'I YE SHES DE, SA DANG PO RAB TU DKA' BA'I MTSAN NYID, ZER BA MI 'THAD DE, SA DANG PO'I YE SHES DE MTSAN NYID DE MA YIN PA'I PHYIR, DE SA DANG PO BA'I RGYUD KYI RTOGS PA'I YON TAN GYI RTEN MA YIN PA'I PHYIR TE, DE GNYIS DUS MNYAM PA'I PHYIR, KHA CIG ,CHOS
, ,NYID LA RTZE GCIG TU MNYAM PAR BZHAG PA'I SA DANG PO'I YE SHES GANG ZHIG ,BDEN 'DZIN KUN BTAGS SPANGS BA, SA DANG PO'I RNAM GROL LAM GYI MTSAN NYID, ZER BA MI 'THAD DE, SA DANG PO'I SGOM LAM BAR CHAD MED LAM GYIS DE SPANGS PA'I PHYIR, KHA CIG ,SA DANG PO'I RNAM GROL LAM LAS LANGS PA'I SGRA DON 'DRES RUNG DU 'DZIN PA'I SA DANG PO'I YE SHES GANG ZHIG ,RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA, SA DANG PO'I RJES THOG YE SHES KYI MTSAN NYID, ZER BA MI 'THAD DE, DE YIN NA RTOG PA YIN PAS MA KHYAB PA'I PHYIR TE, LAM SGRIG LAS, SGRUB PA SGOM LAM RJES THOB KYI GNAS SKABS SU 'BYUNG YANG RTEN 'BREL SGYU MA LTA BUR GSA BR SNANG BA SGRA DON 'DRES RUNG DU 'DZIN PA'I RTOG BRAL LO, ,ZHES GSUNGS PA'I PHYIR, SA NAS SAR 'PHO BA'I TSE RJES THOB NAS MNYAM GZHAG TU 'PHO ZER BA MI 'THAD DE, SA DANG PO BAS SA DANG PO'I NGOS SKAL GYI SGRIB PA SPANGS PO DANG SA GNYIS PAR 'PHO BA DUS MNYAM, SA BDUN PA PAS SA BDUN BA'I NGOS SKAL GYI SGRIB PA SPANGS PA DANG, SA BRGYAD PAR 'PHO PA DUS MNYAM PA'I PHYIR, DANG PO GRUB STE, DES SA DANG PO'I YONGS SBYONG RDZOGS PA DANG DER 'PHO BA DUS MNYAM PA'I PHYIR TE, RGYAN RNANG LAS, SA GANG GIS YONGS SU SBYONG BAR 'GYUR BA'I CHOS GANG DAG YONGS SU MA RDZOGS PA DE SRID DU SA DE YIN LA RDZOGS NAS SA GZHAN YIN PAR SHES PAR BYA'O, ,ZHES GSUNGS PA'I PHYIR, GNYIS PA GRUB STE, SA BDUN PA'I SKAD CIG THA
MA'I YE SHES DES RANG NYID MA SPANGS BAS NA DE MNGAL GYI DRI MA DANG BCAS PA'I GNAS SKABS DANG MTSUNGS LA, SA BRGYAD PA'I SKAD CIG DANG PO'I YE SHES DES RANG NYID SPANGS PAS NA DE MING BGYI DRI MAS DAG PA'I RNAM SMIN GYI LUS DANG MTSUNGS PAR 'JOG PA'I SGRIB PA GCIG YOD PA'I PHYIR TE, RGYUD BLA MAR, SA BDUN LA BRTEN DRI MA RNAMS, ,MNGAL SBUBS DRI MA DAG DANG MTSUNGS, ,MNGAL SPUBS BRAL 'DRA MI RTOG PA'I, ,YE SHES RNAM PAR SMIN PA BZHIN, , ZHES GSUNGS PA'I PHYIR, KHO NA RE, SA DANG PO'I SKAD CIG THA MAR SKYES PA'I BAR CHAD MED LA MA CHOS CAN, KHYOD KYIS DNGOS SU DRANGS PA'I SA DANG PO'I RNAM GROL LAM YOD BAR THAL, KHYOD SA DANG PO'I BAR CHAD MED LAM YIN PA'I PHYIR NA MA KHYAB STE, SA BCU PA'I SKAD CIG THA MA'I BAR CHAD MED LAM CHOS CAN, DER THAL, DE'I PHYIR, KHYAB BA 'GRIG ,KHO NA RE, SA GNYIS PA'I RNAM GROL LAM YIN NA, RANG DNGOS SU 'DREN BYED KYI SA GNYIS PA'I BAR CHAD MED LAM YOD DGOS PAR THAL; SA DANG PO LA DE'I PHYIR NA MA KHYAB, KHA CIG ,SA DANG PO'I SGOM LAM RNAM GROL LAM DANG, SGOM LAM RJES THOB YE SHES YOD DE, RGYUD BLA MA'I DANG t'IKA LAS, MTHONG LAM YUN SHIN TU THUNG ZHING SA DANG PO BSKAL BA'I YUN GYIS RDZOGS DGOS PAS SGOM PA'I LAM YANG YOD PAR SHES PAR BYA'O, ,ZHES GSUNGS PA'I PHYIR NA MA KHYAB STE, DE MTHONG LAM MNYAM GZHAG YE SHES YUN SHIN TU ZHUNG ZHES PA'I DON YIN PA'I PHYIR, KHA CIG ,SA DANG PO'I BAR CHAD MED LAM DANG, THEG CHEN
, ,GYI SGOM LAM BAR CHAD MED LAM CHUNG DU'I CHUNG DU DON GCIG ZER BA MI 'THAD DE, LAM SGRIG LAS, SA DANG PO'I SKAD CIG GNYIS PA NAS SGOM LAM DU BZHAG PA NI SGOM LAM CHUNG DU'I CHUNG DUR 'DU BAS SGOM LAM LA DGUR GRANGS MA NGES PA'I SKYON MED DE, ,ZHES GSUNGS PA'I PHYIR, KHA CIG ,SA BCU PA PA DES SA BCU'I YON TAN RDZOGS PAR THOB ZER NA, DES SA BCU'I SKYON ZAD PAR SPANGS PAR THAL, DAM BCA' 'THAD PA'I PHYIR, 'DOD NA, DES SHES SGRIB ZAD PAR SPANGS PAR THAL LO, ,GNYIS PA LA SKABS 'DIR BSTAN GYI BYANG SEMS 'PHAGS PA'I SA'I RNAM GZHAG BSHAD PA, KHYAD PAR GYI GZHI SA'I NGO BO, KHYAD BAR GYI CHOS SA'I RNAM GZHAG ,KHYAD BAR DE LDAN GYI SA'I NGES TSIG BSHAD BA'O, , DANG PO LA, RANG BZHIN DNGOS DANG, DBYE BA GNYIS LAS, DANG PO NI, STONG NYID MNGON SUM DU RTOGS PA'I SHES RAB KYIS ZIN PA'I THEG CHEN SLOB PA 'PHAGS PA'I MNGON RTOGS GANG ZHIG ,RANG GI 'BRAS BUR GYUR BA'I YON TAN DU MA'I RTEN BYED PA, BYANG SEMS 'PHAGS PA'I SA'I MTSAN NYID, GNYIS PA LA, DBYE BA, SO SO'I NGO BO, GRANGS NGES, SA BCUR 'BYED PA'I RGYU MTSAN NO, ,DANG PO LA, BYANG SEMS 'PHAGS BA'I SA DE LA DBYEN BCUR YOD DE, SA DANG PO RAB TU DGA' BA, GNYIS PA DRI MA MED PA, GSUM PA 'OD BYED PA, BZHI PO 'OD 'PHRO BA, LNGA PA SBYANGS DKA' BA, DRUG PA MNGON DU GYUR BA, BDUN PA RING DU SONG BA, BRGYAD BA MI G-YO BA, DGU PA LEGS BA'I BLO GORS, BCU PA CHOS KYI SBRIN RNAM
SU YOD PA'I PHYIR, GNYIS PA LA BCU YOD PA'I DANG PO LA, PHAR PHYIN BCU'I NANG NAS GTZO BOR SBYIN PA'I PHAR PHYIN GYI NYAMS LEN CHES LHAG PAS ZIN PAS RAB TU PHYE BA'I BYANG SEMS 'PHAGS PA'I MNGON RTOGS GANG ZHIG ,RANG GI 'BRAS BUR GYUR PA'I YON TAN DU MA'I RTEN BYED PA, DANG PO'I MTSAN NYID, DBYE NA, SA DANG PO'I MNYAM GZHAG YE SHES, SA DANG PO'I RJES THOB YE SHES, DE GNYIS GANG RUNG MA YIN PA'I SA DANG PO'I YE SHES DANG GSUM LAS, RANG YUL DU GYUR BA'I BDAG MED LA RTZE GCIG TU MNYAM BAR BZHAG PA'I SA DANG PO'I YE SHES GANG ZHIG ,RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA, DANG PO'I MTSAN NYID, DBYE NA, SA DANG PO'I BAR CHAD MED LAM DANG, SA DANG PO'I RNAM GROL LAM DANG; DE GNYIS GANG RUNG MA YIN PA'I SA DANG PO'I MNYAM GZHAG YE SHES DANG GSUM YOD, CHOS NYID LA RTZE GCIG TU MNYAM PAR BZHAG PA'I SA DANG PO'I MNYAM GZHAG YE SHES GANG ZHIG ,RANG GI NGOS SKAL GYI SPANG BYAR GYUR PA'I BDEN 'DZIN GYI DNGOS GNYEN BYED PA, DANG PO'I MTSAN NYID, DBYE NA, SA DANG PO'I MTHONG LAM BAR CHAD MED LAM DANG, SA DANG PO'I SGOM LAM BAR CHAD MED LA MA GNYIS YOD, DE GANG ZHIG ,RANG GI NGOS SKAL GYI SPANG BYAR GYUR PA'I BDEN 'DZIN KUN BTAGS KYI DNGOS GNYEN BYED PA, DANG PO'I MTSAN NYID, DBYE NA, THEG CHEN GYI MTHONG LAM BZOD PA BRGYAD YOD, DE GANG ZHIG ,DER GYUR BA'I BDEN 'DZIN LHAN SKYES KYI DNGOS GNYEN BYED PA, GNYIS PA'I MTSAN NYID,
, ,SA DANG BO'I SKAD CIG THA MAR SKYES PA'I SA DANG PO'I BAR CHAD MED LAM LTA BU, DE GANG ZHIG ,RANG DANG MNYAM GZHAG THUN GCIG LA SKYES PA'I SA DANG PO'I BAR CHAD MED LAM GYI NGOS SKAL GYI SPANG BYAR GYUR PA'I SGRIB PA LAS GROL BA, SA DANG PO'I RNAM GROL LAM GYI MTSAN NYID, DBYE NA, THEG CHEN GYI MTHONG LAM SHES PA BRGYAD YOD, DE GNYIS GANG RUNG MA YIN PA'I SA DANG PO'I MNYAM GZHAG YE SHES NI, SA DANG PO'I RJES THOB KYI RJES SU CHOS NYID LA RTZE GCIG TU MNYAM PAR BZHAG PA'I SA DANG PO'I MNYAM GZHAG YE SHES LTA BU, SA DANG PO'I MNYAM GZHAG YE SHES LAS LANGS BA'I SA DANG PO'I YE SHES GANG ZHIG ,RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA, SA DANG PO'I RJES THOB YE SHES KYI MTSAN NYID, DE GNYIS GANG RUNG MA YIN PA'I SA DANG PO'I YE SHES NI, THEG CHEN GYI MTHONG LAM BAR CHAD MED LAM BA'I RGYUD KYI KUN RDZOB SEMS BSKYED DANG, SA DANG PO'I RJES THOB PA'I RGYUD KYI STONG NYID MNGON SUM DU RTOGS PA'I MKHYEN PA LTA BU'O, ,PHAR PHYIN BCU'I NANG NAS GTZO BOR TSUL KHRIMS KYI PHAR PHYIN GYI NYAMS LEN CHES LHAG PAS ZIN PA'I BYANG SEMS 'PHAGS PA'I MNGON RTOGS GANG ZHIG ,RANG GI 'BRAS BUR GYUR BA'I YON TAN DU MA'I RTEN BYED PA, ,GNYIS PA'I MTSAN NYID, DBYE NA, SA GNYIS PA'I MNYAM GZHAG YE SHES DANG, DE'I RJES THOB YE SHES, DE GNYIS GANG RUNG MA
YIN PA'I SA GNYIS PA'I YE SHES DANG GSUM YOD, RANG YUL DU GYUR PA'I BDEN MED LA RTZE GCIG TU MNYAM PAR BZHAG PA'I SA GNYIS PA'I YE SHES GANG ZHIG ,RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA, DANG PO'I MTSAN NYID, DBYE NA, SA GNYIS PA'I RNAM GROL LAM DANG, SA GNYIS PA'I BAR CHAD MED LAM DANG, DE GNYIS GANG RUNG MA YIN PA'I SA GNYIS PA'I MNYAM GZHAG YE SHES DANG GSUM YOD, DE GANG ZHIG ,RANG DNGOS SU 'DREN BYED KYI BANG? CHAD MED LAM GYI NGOS SKAL GYI SPANG BYAR GYUR PA'I BDEN 'DZIN LHAN SKYES CHEN PO'I CHEN PO RAGS PA LAS GROL BA, DANG PO'I MTSAN NYID, DE DANG SA GNYIS PA'I THOG MA'I RNAM GROL LAM DON GCIG ,DE GANG ZHIG ,RANG GI NGOS SKAL GYI SPANG BYAR GYUR PA'I BDEN 'DZIN LHAN SKYES CHEN PO'I CHEN PO PHRA BA'I DNGOS GNYEN BYED PA, GNYIS PA'I MTSAN NYID, SA GNYIS PA'I SKAD CIG THA MA'I BAR CHAD MED LAM DANG DON GCIG ,SA GNYIS BA'I MNYAM GZHAG YE SHES LAS LANGS PA'I SA GNYIS PA'I YE SHES GANG ZHIG ,RANG RGYUD LDAN GYI GANG ZAG GI RGYUD LA MNGON GYUR DU 'BYUNG BA, SA GNYIS PA'I RJES THOB YE SHES KYI MTSAN NYID, GZHAN GNYIS SNGAR BZHIN RIGS 'DRA, DES MTSON NAS, SA GSUM PA NAS BCU BA'I BAR LA BZOD PA'I PHAR PHYIN SOGS LHAG MA BRGYAD SBYAR NAS MTSAN NYID 'JOG TSUL RIGS 'DRA ZHING, SGOM SPANG BDEN 'DZIN CHEN PO'I CHEN PO, SGOM SPANG BDEN 'DZIN CHEN PO'I 'BRING, CHEN PO'I CHUNG DU, 'BRING GI CHEN PO, 'BRING GI 'BRING, 'BRING
, ,GI CHUNG DU, CHUNG DU'I CHEN PO, CHUNG DU'I 'BRING, CHUNG DU'I CHUNG DU RNAMS SPANG GNYEN DU SBYAR NAS, SNG MA BZHIN RIGS 'DRA'O, ,GSUM PA LA, BYANG SEMS 'PHAGS PA'I SA LA BCU PO 'DIR GRANGS NGES TE, SA'I YONGS SBYONG LA MI 'DRA BA BCUR YOD BA'I PHYIR TE, RGYAN SNANG LAS, MTHONG BA DANG SGOM PA'I LAM LA YONGS SU SBYONG BA'I CHOS KYI DBYE BAS RAB TU DGA' BA LA SOGS PA'I SA BCUR RNAM PAR GZHAG GO ,ZHES GSUNGS PA'I PHYIR, BZHI PA NI; BYANG SEMS 'PHAGS PA'I SA DE LA BCUR 'BYED PA'I RGYU MTSAN YOD DE, GONG NAS GONG DU YON TAN GYI GRANGS 'PHEL BA'I KHYAD PAR DANG, THUNG MONG MA YIN PA'I NUS MTHU THOB PA'I KHYAD PAR, PHAR PHYIN BCU'I NYAMS LEN LHAG PA'I KHYAD PAR, RNAM SMIN GYI SKYE BA 'DZIN TSUL SOGS KYI RNAM BAR DBYE BAS BCUR BZHAG STE, 'JUG 'GREL LAS, DE YANG GONG NAS GONG DU YON TAN GYI GRANGS DANG, MTHU PHUL DU BYUNG BA THOB PA DANG, SBYIN PA LA SOGS PA'I PHA ROL TU PHYIN PA THOB PA DANG, RNAM PAR SMIN PA 'PHEL BA'I BYE BRAG GIS SA RAB TU DGA' BA LA SOGS BA'I RNAM PAR DBYE BAS RNAM PA BCUR BZHAG GO ,ZHES GSUNGS PA'I PHYIR, GNYIS PA KHYAD PAR GYI CHOS SA'I YON TAN GYI RNAM GZHAG BSHAD PA LA, PHAR PHYIN LHAG PA'I KHYAD PAR, BSLAB PA GSUM LA SLOB PA'I KHYAD PAR, ZAG MED KYI PHUNG PO LNGA SPYOD TSUL GYI KHYAD PAR, KUN RDZOB PA'I YON TAN GYI KHYAD PAR, SKYE BA 'DZIN TSUL GYI KHYAD BAR,
GNYEN PO RTOGS PA'I KHYAD PAR, SPANG BYA MI MTHUN PHYOGS KYI KHYAD PAR, SA THOB PA'I RTAGS KYI KHYAD PAR, SA THOB PA'I 'BRAS BU'I KHYAD PAR, YONGS SU SBYONG BA'I CHOS KYI KHYAD PAR DANG BCU LAS, DANG PO NI, SA BCU PO DE LA PHAR PHYIN LHAG PA'I KHYAD PAR YOD DE, SA DANG POR SBYIN PA'I PHAR PHYIN GYI NYAMS LEN CHES LHAG PAR THOB, SA GNYIS PAR TSUL KHRIMS KYI PHAR PHYIN GYI NYAMS LEN CHES LHAG PAR THOB, SA GSUM PAR BZOD PA'I PHAR PHYIN GYI NYAMS LEN CHES LHAG PAR THOB, SA BZHI PAR BRTZON 'GRUS KYI PHAR PHYIN GYI NYAMS LEN CHES LHAG PAR THOB, SA LNGA PAR BSAM GTAN GYI PHAR PHYIN GYI NYAMS LEN CHES LHAG PAR THOB, SA DRUG PAR SHES RB KYI PHAR PHYIN GYI NYAMS LEN CHES LHAG PAR THOB, SA BDUN PAR THABS KYI PHAR PHYIN GYI NYAMS LEN CHES LHAG PAR THOB, SA BRGYAD PAR SMON LAM GYI PHAR PHYIN GYI NYAMS LEN CHES LHAG PAR THOB, SA DGU PAR STOBS KYI PHAR PHYIN GYI NYAMS LEN CHES LHAG PAR THOB, SA BCU PAR YE SHES KYI PAR PHYIN GYI NYAMS LEN CHES LHAG PAR THOB PA'I PHYIR, DE YANG GTZO BOR NYAMS SU LEN PA YIN GYI, GZHAN DU SA BCU PO RE RE YANG PHAR PHYIN BCU PO THAMS CAD KYANG NYAMS SU LEN PA LA KHYAD PAR MED DE, DBUS MTHAR, KHYAD PAR CAN DANG KHYAD MED NI, ,SA BCU DAG TU SHES PAR BYA, ,ZHES GSUNGS PA'I PHYIR, GNYIS PA LA, SA BCU PO 'DI LA GNAS PA'I BYANG CHUB SEMS DPA' BSLAB PA GSUM 'BRAS BU DANG BCAS PA'I YON
, ,TAN DANG LDAN PA YIN TE, SA DANG POR CHOS NYID MNGON SUM DU RTOGS PA'I SGO NAS BSLAB PA GSUM LA SPYOD PA'I RTEN THOB STE, SA GNYIS PAR LHAG PA TSUL KHRIMS KYI BSLAB PA LA SLOB, SA GSUM PAR LHAG PA TING NGE 'DZIN GYI BSLAB PA LA SLOB, SA BZHI BAR BRTZON 'GRUS KYI PHAR PHYIN GYI NYAMS LEN LHAG BA'I SGO NAS BYANG CHUB KYI PHYOGS MTHUN LA MKHAS BA'I SHES RAB KYI BSLAB PA LA SLOB, SA LNGA PAR BSAM GTAN GYI PHAR PHYIN GYI NYAMS LEN LHAG PA'I SGO NAS BDEN BZHI SHES PA'I SHES RAB KYI BSLAB BA LA SLOB, SA DRUG PAR SHER PHYIN GYI NYAMS LEN LHAG PA'I SGO NAS KUN NAS NYON MONGS PA DANG, RNAM BYANG GI RTEN 'BREL LUGS 'BYUNG LDOG LA MKHAS PA'I SHES RAB KYI BSLAB PA LA SLOB PA YIN PA'I PHYIR TE, MDO SDE'I RGYAN LAS, CHOS NYID RAB TU RTOGS NAS 'DIR, ,LHAG PA'I TSUL KHRIMS LHAG SEMS DANG, ,LHAG BA'I SHES RAB LA RJES SLOB, ,SHES RAB SPYOD YUL GNYIS YIN TE, ,CHOS KYI DE NYID DANG DE NI, , MI SHES SHES SOGS 'JUG PA NYID, ,CES GSUNGS PA'I PHYIR, SA BDUN PA MAN CHAD DU BSLAB PA GSUM LA BSLAB PA'I 'BRAS BU'I YON TAN DE THOB PA YIN TE, SA BDUN PAR MTSAN MA MED CING RTZOL BA DANG BCAS PA'I YON TAN, SA BRGYAD PAR 'BAD RTZOL RAGS PA MED CING RNAM PAR DAG BA'I 'BRAS BU DANG, SA DGU PAR SO SO YANG DAG PAR RIG PA BZHI THOB PA'I SGO NAS SEMS CAN SMIN PA'I 'BRAS BU DANG, SA BCU PAR LAS LA DBANG THOB PA'I SGO NAS TING NGE 'DZIN DANG
GZUNGS KYI SGO'I 'BRAS BU THOB PA'I PHYIR TE, DE NYID LAS, BSLAB PA RNAMS DANG SGOM PA YIS, ,'BRAS BU GZHAN NI RNAM PA BZHI, ,MTSAN MED 'DU BYED DANG BCAS PAR, ,GNAS PA 'BRAS BU DANG PO YIN, ,DE NYID MNGON DU BYED MED NA, , ZHING NI RNAM PAR DAG PA DAG ,'BRAS BU GNYIS PAR 'DOD PA YIN, ,SEMS CAN SMIN PA 'GRUB NYID DANG, ,TING NGE 'DZIN DANG GZUNS RNAMS NI, ,'GRUB PA 'BRAS BU DAM PA YIN, ,'BRAS BU RNAM PA 'DI BZHI NI, ,SA BZHI PO LA YANG DAG BRTEN, ,ZHES GSUNGS PA'I PHYIR, GSUM PA LA, SA BCU LA GNAS PA'I BYANG SEMS RNAMS KYIS ZAG MED KYI PHUNG PO LNGA SPYOD TSUL YOD DE, SA DANG POR CHOS NYID MNGON SUM DU RTOGS PA'I SGO NAS PHUNG PO LNGA SBYONG BA'I RTEN THOB STE, SA GNYIS PAR TSUL KHRIMS KYI PHUNG PO SBYONG, SA GSUM PAR TING NGE 'DZIN GYI PHUNG PO SBYONG, SA BZHI PA, SA LNGA PA, SA DRUG PA GSUM DU SHES RAB KYI PHUNG PO RNAM PAR SBYONG, LHAG MA BZHIR 'BRAS BU BZHI THOB PA LA GEGS BYED KYI SGRIB PA BZHI SBYOD BA'I SGO NAS RNAM PAR GROL BA'I PHUNG PO SBYONG ZHING, SANGS RGYAS KYI SAR THOGS BA'I SGRIB PA SBYONG BA'I SGO NAS RNAM PAR GROL BA'I YE SHES KYI PHUNG PO RNAM PAR SBYONG BAR BYED PA'I PHYIR TE, DE NYID LAS, CHOS NYID RAB TU RTOGS NAS 'DIR, ,TSUL KHRIMS KYI NI PHUNG PO SBYONG, ,DE YI 'OG TU TING 'DZIN DANG, ,SHES RAB PHUNG PO RNAM PAR SBYONG, ,DE LAS GZHAN PA DAG LAS NI, ,SGRIB RNAMS BZHI DANG THOGS PA YI, ,SGRIB PA LAS NI RNAM GROL DANG, ,GROL BA'I YE SHES DAM PAR SBYONG, ,
, ,ZHES GSUNGS PA'I PHYIR, BZHI PA LA, SA BCU PO LA YON TAN GYI GRANGS 'PHEL BA'I KHYAD PAR YOD DE, SA DANG POR SKAD CIG MA GCIG LA TING NGE 'DZIN MI 'DRA BA BRGYA LA SNYOMS PAR 'JUG NUS, SANGS RGYAS BRGYA'I ZHAL MTHONG BA, DE DAG GIS BYIN GYIS BRLABS PA SHES PA DANG, 'JIG RTEN GYI KHAMS MI 'DRA BA BRGYA G-YO BAR BYED NUS PA DANG, SANGS RGYAS KYI ZHING BRGYAR 'GRO NUS PA DANG, 'JIG RTEN GYI KHAMS BRGYA SNANG BAR BYED PA DANG, SEMS CAN BRGYA SMIN PAR BYED PA DANG, BSKAL PA BRGYAR GNAS PAR BYED PA DANG, BSKAL PA BRGYA'I SNGON DANG PHYI MA'I MTHA' LA YE SHES KYI GZIGS PA 'JUG PA DANG, CHOS KYI SGO MI 'DRA BA BRGYA 'BYED PA DANG, RANG GI LUS BRGYAR SPRUL NUS PA DANG, LUS RE RE'I 'KHOR DU SEMS CAN BRGYA BRGYAS BSKOR BA SKAD CIG MA GCIG LA STON NUS PA STE YON TAN GYI SDE TSAN BRGYA PHRAG BCU GNYIS THOB LA, DE BZHIN DU SA GNYIS PAR SKAD CIG MA GCIG LA TING NGE 'DZIN MI 'DRA BA STONG LA SNYOMS PAR 'JUG NUS PA DANG, SANGS RGYAS STONG MTHONG BA SOGS, YON TAN SDE TSAN STONG PRAG BCU GNYIS DANG, SA GSUM PAR SKAD CIG MA GCIG LA TING NGE 'DZIN 'BUM PHRAG GCIG LA SNYOMS PAR 'JUG PA DANG, SANGS RGYAS 'BUM PHRAG GCIG MTHONG BA SOGS YON TAN 'BUM PHRAG SDE TSAN BCU GNYIS DANG, SA BZHI BAR SKAD CIG MA GCIG LA TING NGE 'DZIN BYE BA PHRAG BRGYA LA SNYOMS PAR 'JUG PA SOGS YON TAN SDE TSAN PHYE BA PHRAG BRGYA BCU GNYIS DAGS? LNGA PAR TING NGE 'DZIN BYE BA PHRAG
STONG LA SNYOMS PAR 'JUG PA SOGS YON TAN SDE TSAN BYE BA PHRAG STONG BCU GNYIS DANG, SA DRUG PAR TING NGE 'DZIN BYE BA BRGYA PHRAG STONG LA SNYOMS PAR 'JUG PA SOGS YON TAN SDE TSAN BYE BA BRGYA PHRAG STONG BCU GNYIS DANG, SA BDUN PAR TING NGE 'DZIN BYE BA PHRAG KHRIG 'BUM LA SNYOMS PAR 'JUG PA SOGS YON TAN SDE TSAN BYE BA PHRAG KHRIG 'BUM PHRAG BCU GNYIS DANG, SA BRGYAD PAR TING NGE 'DZIN STONG GSUM GYI STONG CHEN PO'I 'JIG RTEN GYI KHAMS 'BUM PHRAG GCIG GI RDUL PHRA RAB KYI GRANGS DANG MNYAM PA LA SNYOMS PAR 'JUG PA SOGS YON TAN SDE TSAN STONG GSUM GYI 'JIG RTEN GYI KHAMS 'BUM PHRAG GCIG GI RDUL PHRA RAB KYI GRANGS DANG MNYAM PA BCU GNYIS DANG, SA DGU PAR STONG GSUM GYI 'JIG RTEN GYI KHAMS GRANGS MED PA 'BUM PHRAG BCU'I RDUL PHRA RAB KYI GRANGS DANG MNYAM PA'I TING NGE 'DZIN LA SNYOMS PAR 'JUG PA SOGS YON TAN SDE TSAN STONG GSUM GYI 'JIG RTEN GYI KHAMS GRANGS MED PA 'BUM PHRAG BCU'I RDUL GYI GRANGS DANG MNYAM PA BCU GNYIS DANG, SA BCU PAR SKAD CIG MA GCIG LA SANGS RGYAS KYI ZHING BRJOD DU MED PA'I YANG BRJOD DU MED PA'I RDUL PHRA RAB KYI GRANGS DANG MNYAM PA'I TING NGE 'DZIN LA SNYOMS PAR 'JUG NUS PA SOGS, YON TAN SDE TSAN SANGS RGYAS KYI ZHING BRJOD DU MED PA'I YANG BRJOD DU MED PA'I RDUL PHRA RAB KYI GRANGS DANG MNYAM PA BCU GNYIS THOB PA'I BAR RNAMS SU YOD PA'I PHYIR, LNGA PA LA, DBANG DANG, RNAM SMIN GYI SKYE BA GNYIS LAS, DANG PO LA DU MA YOD DE, BYANG SEMS MOS SPYOD PA RNAMS 'DOD PAR LAS DBANG
, ,GIS SKYE BA LEN PA DANG, SA THOB PA RNAMS KYIS DUD 'GRO SOGS DMAN GNAS SU SMON LAM GYI DBANG GIS SKYE BA DANG, BSAM GTAN GYI DBANG GIS GZUGS KHAMS SU SKYE BA SOGS BZLOG NAS 'DOD PAR SKYE BA TING NGE 'DZIN GYI SKYE BA DANG, SPRUL PA DGA' LDAN GYI GNAS LA SOGS PAR SKYE BA STON PA DBANG 'BYOR BA'I DBANG GIS SKYE BA RNAMS SU YOD BA'I PHYIR TE, MDO SDE'I RGYAN LAS, BLO LDAN RNAMS KYI LAS DANG NI, ,GZHAN YANG SMON LAM DAG DANG NI, ,TING NGE 'DZIN DANG DBANG 'BYOR BA'I, ,DBANG GIS SKYE BAR 'DOD PA YIN, ,ZHES GSUNGS PA'I PHYIR, GNYIS PA LA, SA BCU LA GNAS PA'I BYANG SEMS 'PHAGS PA LA RNAM SMIN GYI SKYE BA 'DZIN TSUL GYI KHYAD PAR YOD DE, SA DANG PO PAS 'DZAM BU GLING LA DBANG BA'I 'KHOR LOS SGYUR BA'I RGYAL POR SKYE BA 'DZIN, SA GNYIS PA PAS GLING BZHI LA DBANG BA'I 'KHOR LOS SGYUR BA'I RGYAL POR SKYE BA 'DZIN, SA GSUM PA PAS SUM CU RTZA GSUM DANG, SA BZHI PA PAS 'THAB BRAL DANG, SA LNGA PA PAS DGA' LDAN DANG, SA DRUG PA PAS 'PHRUL DGA' DANG, SA BDUN PA PAS GZHAN 'PHRUL DBANG BYED DANG, SA BRGYAD PA PAS STONG GI BDAG PO, SA DGU PA PAS STONG GNYIS KYI BDAG PO TSANGS PA DANG; SA BCU PA PAS GNAS GTZANG MA RNAMS SU LHA'I RGYAL POR SKYE BA 'DZIN PA'I BAR RNAMS SU YOD BA'I PHYIR, DRUG PA GNYEN PO RTOGS BA'I KHYAD PAR BSHAD PA LA, SA BCU LA CHOS NYID RTOGS TSUL MI 'DRA BA'I KHYAD PAR BCU YOD
DE; SA BCU'I MNYAM GZHAG TU CHOS NYID BDEN MED DU MNGON SUM DU RTOGS PA LA KHYAD PAR MED KYANG, RJES THOB KYI TSE NGES PA MI 'DRA BA RE RE 'DREN PAS RTOGS TSUL MI 'DRA BA'I KHYAD PAR RE RE YOD PA'I PHYIR, DE LTAR YANG, RGYAN SNANG LAS; GANG GI TSE CHOS THAMS CAD BDAG MED PA'O ZHES BSGOMS PAS CHA MED BA NYID KYI CHOS KYI DBYINGS BDAG NYID THAMS CAD KYIS RTOGS SU ZIN KYANG NGES PA SKYED PA LA LTOS NAS, KUN TU 'GRO BA'I DON GYIS SO SOR RTOG PA'I PHYIR CHOS THAMS CAD NGO BO NYID MED PAR MNGON DU BYED BA'I SHES PA SHIN TU GSAL BA SKYE BAR 'GYUR BA DE'I TSE, BYANG CHUB SEMS DPA'I SKYON MED PA LA YANG DAG PAR ZHUGS PAS MTHONG BA'I LAM THOB PAR 'GYUR RO, ,ZHES GSUNGS PA'I PHYIR, DE YANG SA DANG POR CHOS DBYINGS DE RGYUD THAMS CAD LA KHYAD PAR MED PAR KUN TU 'GRO BA'I DON GYI GNAS SU RTOGS PA YIN TE, SA DANG PO'I MNYAM GZHAG TU CHOS THAMS CAD KYI CHOS NYID MNGON SUM DU RTOGS PA'I RJES THOB TU DE LTAR RTOGS PA'I PHYIR, SA GNYIS PAR CHOS DBYINGS DE MCHOG GI DON DU RTOGS TE, SA GNYIS PA'I RJES THOB TU CHOS DBYINGS DE SGRIB GNYIS SPANGS RUNG DU RTOGS PA'I PHYIR, SA GNYIS PAR BYANG CHUB SEMS DPA'I TSUL KHRIMS GSUM LHAG BA'I SGO NAS THEG CHEN GYI LAM THEG DMAN GYI LAM LAS MCHOG YIN PAR RTOGS PA'I PHYIR, SA GSUM PAR CHOS DBYINGS RGYU MTHUN GSUNGS PA THOB BA'I MCHOG GI GNAS SU RTOGS TE, SA GSUM PAR THEG PA CHEN
, ,PO'I GSUNG RAB THOS PA 'TSOL BA NI RGYU MTHUN DU RJES THOB TU RTOGS PA'I PHYIR, SA BZHI BAR CHOS DBYINGS DE LUNG GI CHOS SRID PA'I 'DZIN PA MED PA'I DON GYI GNAS SU RTOGS TE, SA BZHI PAR LUNG GI CHOS LA SRED PA YANG LOG PA'I PHYIR DANG, SA BZHI PA'I RJES THOB TU BSLAB PA GSUM GYI YON TAN KHYAD PAR CAN THOB BA'I PHYIR, SA LNGA PAR NGAR 'DZIN PA'I RGYUD THA DAD PA MED PA'I DON GYI GNAS SU RTOGS TE, DE BDAG GZHAN THAMS CAD KYI CHOS NYID RANG BZHIN MNYAM PA NYID DU RTOGS BA'I PHYIR, SA DRUG PAR CHOS DBYINGS DE NYON MONGS DANG RNAM DAG MA YIN PA'I DON GYI GNAS SU RTOGS TE, SA DRUG PA'I RJES THOB TU RTEN 'DREL GYI CHOS NYID LA KUN NAS NYON MONGS PA DANG, RNAM BYANG DU 'GYUR BA'I CHOS GANG YANG MED PAR RTOGS PA'I PHYIR TE, DER RTEN 'BREL SHES PA'I SHES RAB THOB PA'I PHYIR, SA BDUN PAR CHOS DBYINGS DE LUNG GI CHOS KYI MTSAN MA LA THA DAD MED PA'I DON GYI GNAS SU RTOGS PA'I PHYIR TE, DER MTSAN MA MED PA'I YON TAN THOB BA'I SGO NAS LUNG GI CHOS LA MTSAN MAR 'DZIN PA LDOG BA'I PHYIR, SA BRGYAD PAR CHOS DBYINGS DE BRI MED 'PHEL MED KYI DON GYI GNAS SU RTOGS TE, DE LA KUN BYANG BRI 'PHEL MED PA'I DON GYI GNAS SU RTOGS PA'I PHYIR TE, SA BRGYAD PAR MI RTOG BA'I YE SHES LA DBANG THOB BA'I PHYIR, SA BRGYAD PAR CHOS DBYINGS DE MI RTOG PA'I YE SHES LA DBANG BA DANG, ZHING DAG PA LA DBANG BA'I GNAS SU RTOGS TE, SA BRGYAD BAR MI SKYE BA'I CHOS
LA BZOD PA THOB PA'I PHYIR, SA DGU PAR CHOS DBYINGS DE YE SHES LA DBANG BA'I GNAS SU RTOGS TE, DER SO SOR YANG DAG PAR RIG PA BZHI THOB PA'I PHYIR, SA BCU PA'I RJES THOB TU CHOS DBYINGS DE LAS LA DBANG BA'I GNAS NYID DU RTOGS TE, SA BCU BA'I RJES THOB TU JI LTAR BZHED PA BZHIN DU SPRUL NAS SEMS CAN GYI DON BYED PA'I PHYIR, DE LTAR CHOS DBYINGS BCU LA SGRIB BA'I NYON MONGS CAN MA YIN PA'I MI SHES PA SHES SGRIB BCU PO YANG GNYEN PO SA BCU RIM PA LTAR SPONG STE, DE DAG GI MI MTHUN PHYOGS YIN PA'I PHYIR, DE LTAR DBUS MTHA' LAS, KUN TU 'GRO DON MCHOG GI DON, ,RGYU MTHUN DON GYI MCHOG NYID DANG, ,YONGS SU 'DZIN PA MED DON DANG, ,RGYUD RNAMS THA DAD MED DON DANG, ,NYON MONGS RNAM DAG MIN DON DANG, ,THA DAD MED PA'I DON NYID DANG, ,BRI MED 'PHEL BA MED DON DANG, ,DBANG NI RNAM PA BCU YI GNAS, ,CHOS KYI DBYINGS LAM RIG PA, ,NYON MONGS MA YIN SGRIB PA BCU, ,SA BCU'I MI MTHUN PHYOGS RNAMS KYI, ,GNYEN PO DAG NI SA YIN NO, ,ZHES GSUNGS PA'I PHYIR, GZHAN YANG, SA BCU PO DE LA TING NGE 'DZIN DANG SRUNG BA'I KHYAD PAR YOD DE, SA DANG PO NI, RIN CHEN YE SHES YANG DAG 'PHAGS ZHES BYA BA'I TING NGE 'DZIN GYIS THOB CING KHYAD PAR GYI BYIN RLABS ZHES BYA BA'I GZUNGS KYIS SRUNG NGO, ,SA GNYIS PA NI, GNAS MED PA'I TING NGE 'DZIN GYIS THOB CING GNAS KYIS MI THUB PA'I GZUNGS KYIS SRUNG NGO, ,SA GSUM PA NI, RAB TU MI G-YO BA'I TING NGE 'DZIN RAB TU GNAS BA'I GZUNGS, SA BZHI
, ,PA NI; PHYIR MI LDOG BA'I TING NGE 'DZIN GYI GZUNGS, RAB TU GNAS PA'I GZUNGS, GDUL DKA' BA'I GZUNGS, SA LNGA PA NI, RIN PO CHE'I ME TOG GI TING NGE 'DZIN YON TAN SNA TSOGS BKOD BA'I GZUNGS, SA DRUG PA NI, NYI MA'I DKYIL 'KHOR GYI GZI BRJID KYI GZUNGS, YE SHES KYI DKYIL 'KHOR SGRON ME'I GZUNGS, SA BDUN PA NI, DON THAMS CAD 'GRUB PA'I KHYAD PAR DU 'PHAGS BA'I GZUNGS, SA BRGYAD PA NI, DE LTAR SANGS RGYAS MNGON SUM DU GZIGS PA'I GZUNGS KYIS SRUNG NGO, ,RTOGS PA MED PA'I TOG GI GZUNGS KYIS SRUNG NGO, ,SA DGU PA NI, YE SHES SGRON ME'I TING NGE 'DZIN GYI GZUNGS KYIS SRUNG NGO, ,SGO MTHA' YAS PA'I RGYUN GYI GZUNGS KYIS SRUNG NGO,, SA BCU PA NI, DPA' BAR 'GRO BA'I TING NGE 'DZIN GYIS THOB CING ZAD MI SHES PA'I ZA MA TOG GI GZUNGS KYIS SRUNG NGO, ,BDUN PA SPANG BYA MI MTHUN PHYOGS KYI KHYAD PAR BSHAD PA LA, THUN MONG MA YIN PA DANG, THUN MONG BA GNYIS LAS, DANG PO NI, SA BCU PO RE RE LA RANG GI SPANG BYAR GYUR BA'I SHIN TU RMONGS PA GNYIS GNYIS DANG, DE'I GNAS NGAN LEN MI MTHUN PHYOGS RE YOD DE, SA DANG PO LA GANG ZAG DANG CHOS LA MNGON BAR ZHEN PA'I RMONGS PA DANG, NGAN SONG BA'I NYON MONGS PAS 'JIGS PA'I RMONGS PA DANG, SA GNYIS PA LA LTUNG BA PHRA MO'I 'KHRUL BA LA RMONGS PA DANG, LAS KYI RNAM PA SNA TSOGS LA MNGON PAR ZHEN BA'I RMONGS PA DANG, SA GSUM PA LA 'DOD CHAGS KYI RMONGS PA DANG,
THOS PA'I GZUNGS YONGS SU RDZOGS PA LA MNGON PAR ZHEN PA'I RMONGS PA DANG, SA BZHI PA LA SNYOMS 'JUG LA SRED BA'I RMONGS PA DANG, CHOS LA SRED PA'I RMONGS PA DANG, SA LNGA PA LA 'KHOR BA LA GCIG TU MI PHYOGS SHING MNGON DU PHYOGS PA YID LA BYED PA'I RMONGS PA DANG, MYANG 'DAS LA GCIG TU MI PHYOGS SHING MNGON DU PHYOGS PA YID LA BYED PA'I RMONGS PA DANG, SA DRUG PA LA 'DU BYED KYI 'JUG PA MNGON DU BYA BA LA RMONGS PA DANG, MTSAN MA MANG PO 'BYUNG BA LA RMONGS PA DANG, SA BDUN PA LA MTSAN MA PHRA MO 'BYUNG BA'I RMONGS PA DANG, MTSAN MED YID LA BYED PA'I THABS LA RMONGS PA DANG, SA BRGYAD PA LA MTSAN MED LA RTZOL BA'I RMONGS PA DANG, MTSAN MAR 'DZIN PA LA DBANG THOB PA'I RMONGS PA DANG, SA DGU PA LA RMONGS PA DANG, CHOS KYI TSIG DANG YI GE DPAG TU MED PA DANG GONG NAS GONG DU SHES RAB DANG SPOBS PA LA GZUNGS KYI DBANG LA DANG, SPOBS PA'I DBANG LA RMONGS PA DANG, SA BCU PA LA MNGON SHE CHEN PO LA DANG, GSANG BA PHRA MO LA 'JUG PA LA RMONGS PA DANG, BCU GCIG PA SHES BYA THAMS CAD LA CHAGS PA SHIN TU PHRA MO DANG, THOGS PA SHIN TU RMONGS PA GNYIS RNAMS SU YOD PA'I PHYIR TE, SA LA 'JUG PA LAS, YAN LAG BCU GCIG RDZOGS GYUR PAS, ,RAB DGA' LA SOGS SA BCU GCIG ,RMONGS GNYIS GNAS NGAN LEN GCIG PA, ,MI MTHUN PHYOGS TE THA DAD 'DOD, ,CES GSUNGS PA'I PHYIR, GNYIS PA LA MTHONG SPANG LOG ZHUGS KYI SGO NAS DBYE BA DANG, SGOM SPANGS SA'I SGO NAS DBYE BA DANG, DE LTAR PHYE BA'I RNAM GZHAG DPYAD
, ,PA; JI LTAR SPONG TSUL DANG BZHI LAS, DANG PO LA, SPYI'I GRANGS DANG, LOG PAR 'JUG TSUL GNYIS LAS, DANG PO LA, SPYIR THEG CHEN GYI MTHONG SPANG NYON SGRIB LA BRGYA DANG BCU GNYIS, MTHONG SPANG SHES SGRIB LA BRGYA DANG BRGYAD YOD DE, 'DOD PA'I SAS BSDUS KYI MTHONG SPANG NYON MONGS BZHI BCU, GONG MA'I SAS BSDUS KYI MTHONG SPANG NYON MONGS BDUN CU RTZA GNYIS YOD PA GANG ZHIG ,THEG CHEN GYI MTHONG SPANG DU GYUR PA'I 'DOD PA'I SAS BSDUS KYI MTHONG SPANG SHES SGRIB SO DRUG ,GZUGS GZUGS MED KYI SAS BSDUS KYI SO DRUG SO DRUG YOD PA'I PHYIR, DANG PO GRUB STE, DER GYUR PA'I 'DOD PA'I SAS BSDUS KYI SDUG BSNGAL MTHONG SPANG NYON MONGS BCU, KUN 'BYUNG MTHONG SPANG NYON MONGS BCU, 'GOG PA MTHONG SPANG NYON MONGS BCU, LAM MTHONG SPANG NYON MONGS BCU YOD PA'I PHYIR, DANG PO GRUB STE, 'DOD PA'I SAS BSDUS KYI SDUG BSNGAL MTHONG SPANG NYON MONGS SU GYUR PA'I 'DOD CHAGS, KHONG KHRO, NGA RGYAL, NYON MONGS CAN GYI MA RIG PA, THE TSOM NYON MONGS CAN, 'JIG TSOGS SU LTA BA, LOG PAR LTA BA, MTHAR 'DZIN PAR LTA BA, LTA BA MCHOG 'DZIN, TSUL KHRIMS DANG BRTUL ZHUGS MA CHOG 'DZIN RNAMS SU YOD PA'I PHYIR, DES PHYI MA GSUM LA RIGS 'DRA STE, RGYAN SNANG LAS, 'DIR YANG, 'DOD CHAGS DANG, KHONG KHRO DANG, NGA RGYAL DANG, MA RIG PA DANG, THE TSOM DANG, 'JIG TSOGS SU LTA BA DANG, LOG BAR LTA BA DANG, MTHAR
'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA RNAMS 'DOD PA'I KHAMS NA BDEN PA BZHI'I MTHONG BAS SPANG BAR BYA BA'I BZHI BCU YIN NO, ,ZHES GSUNGS PA DANG, KUN BTUS SU YANG, 'DOD PA'I KHAMS NA SDUG BSNGAL MTHONG BAS SPANG BAR BYA BA NI BCU YIN NO, ,SDUG BSNGAL MTHONG BAS SPANG BAR BYA BA LA JI LTA BA BZHIN DU KUN 'BYUNG DANG 'GOG PA DANG LAM MTHONG BAS SPANG BAR BYA BA YANG DE BZHIN NO, , ZHES GSUNGS PA'I PHYIR, RTZA RTAGS GNYIS PA GRUB STE, GZUGS KYI SAS BSDUS KYI THEG CHEN GYI MTHONG SPANG SO DRUG ,GZUGS MED KYI SAS BSDUS KYI SO DRUG YOD PA'I PHYIR, DANG PO GRUB STE, GZUGS KYI SAS BSDUS KYI THEG CHEN GYI SDUG BSNGAL MTHONG SPANG NYON MONGS SU GYUR PA'I 'DOD CHAGS, NGA RGYAL, NYON MONGS CAN GYI MA RIG PA, NYON MONGS CAN GYI THE TSOM, 'JIG LTA, LOG LTA, MTHAR LTA, LTA BA MCHOG 'DZIN, TSUL KHRIMS DANG BRTUL ZHUGS MCHOG 'DZIN TE DGU, DES LHAG MA GSUM LA RIGS 'DRA BA'I PHYIR, GNYIS PA GRUB STE, SNGAR BZHIN YOD PA'I PHYIR TE, RGYAN SNANG LAS, DE BZHIN DU GZUGS DANG GZUGS MED PA NA BDEN PA BZHI'I MTHONG BAS SPANG BAR BYA BA'I KHONG KHRO BRGYAD POR NAS BDUN CU RTZA GCIG GO ,ZHES DANG, KUN BTUS LAS, GZUGS KYI KHAMS NA SDUG BSNGAL MTHONG PAS SPANG BAR BYA BA DAG NI DGU'O, ,SDUG BSNGAL MTHONG BAS SPANG BAR BYA BA LA JI LTA BA BZHIN KUN 'BYUNG DANG 'GOG PA DANGLAM MTHONG BAS SPANG BAR BYA BA YANG DE BZHIN NO,,
, ,GZUGS KHAMS JI LTA PAR GZUGS MED PA'I KHAMS NA YANG DE BZHIN NO, ,DE DAG MDOR BSDU NA MTHONG BAS SPANG BAR BYA BA'I NYON MONGS PA BRGYA RTZA BCU GNYIS SO, ,ZHES GSUNGS PA'I PHYIR, RTZA RTAGS GSUM PA GRUB STE, 'DOD PA'I SAS BSDUS KYI MTHONG SPANG SHES SGRIB LDOG PA GZUNG RTOG DGU, DE'I 'JUG PA GZUNG RTOG DGU, DE'I RDZAS 'DZIN RTOG PA DGU, DE'I BTAGS 'DZIN RTOG PA DGU STE SO DRUG YOD PA'I PHYIR, BZHI BA GRUB STE, DES RIGS 'DRA BA'I PHYIR; GNYIS PA LA, 'O NA, MTHONG SPANG NYON MONGS RNAMS LOG ZHUGS KYI SGO NAS BSHAD NA, 'JUG MKHAN BZHIN DU, 'JUG YUL NI GANG, 'JUG TSUL JI LTA BU ZHE NA, 'JUG MKHAN NAM, 'JUG PA PO LA BCUR YOD DE, DE LA 'DOD CHAGS SOGS SNGAR DRANGS PA BCU YOD PA'I PHYIR, 'JUG PA'I YUL YANG YOD DE, BDEN PA BZHI PO DE YIN PA'I PHYIR, 'JUG TSUL GSUM YOD DE, DNGOS SU LOG PAR ZHUGS PA DANG, BRGYUD NAS LOG PAR ZHUGS PA DANG, DBANG GIS LOG PAR ZHUGS PA RNAMS SU YOD PA'I PHYIR, DANG PO GRUB STE, 'JIG LTA, LOG LTA, MTHAR LTA, MA RIG BA, THE TSOM STE LNGA NI BDEN PA LA DNGOS SU LOG PAR ZHUGS PA'I PHYIR TE, 'JIG LTAS BDEN PA BZHI LA BDAG DANG BDAG GI BAR 'DZIN, LOG LTAS BDEN PA'I RNAM BA DE DANG DE DAG MED PAR LTA BA'AM DE DAG JI LTAR GSUNGS PA LAS BDEN PA'I RNAM PAR SGRO 'DOGS PAR BYED, ,MTHAR LTAS BDEN BZHI LA RTAG PA DANG CHAD PAR 'DZIN, NYON MONGS CAN GYI MA RIG PAS BDEN BZHI'I RANG
BZHIN LA RMONGS PA DANG, THE TSOM NYON MONGS CAN GYIS DE DAG LA DE LAS BSTAN BLTAR YIN MIN YID GNYIS ZA BAS BDEN BZHI LA NYON MONGS PA GZHAN GYIS BAR MCHOD PAR PHYIN CI LOG TU 'DZIN PA'I PHYIR, GNYIS PA GRUB STE, LTA BA MCHOG 'DZIN DANG, TSUL KHRIMS DANG BRTUL ZHUGS MCHOG 'DZIN DANG, 'DOD CHAGS DANG, NGA RGYAL TE BZHI NI BDEN BZHI LA BRGYUD NAS LOG PAR ZHUGS PA'I PHYIR TE, DANG PO DES BDEN BZHI LA DNGOS SU LOG PAR ZHUGS PA'I LTA BA LA MCHOG TU SGRO 'DOGS, GNYIS PAS LTA NGAN DANG 'BREL BA'I SPYOD NGAN LAS BDAG GROL DANG NGES 'BYIN DU LTA, GSUM PAS LTA NGAN DE LA SRED PAR BYED, BZHI PAS LTA NGAN GYIS SEMS KHENGS PAR BYED PAS BDEN PA DANG BAR DU DMIGS TSUL GZHAN GYIS BAR CHOD PA'I NYON MONGS LA PHYIN CI LOG TU DMIGS PA'I PHYIR RO, ,GSUM PA GRUB STE, KHONG KHRO'I DBANG GIS LOG PAR ZHUGS PA'I PHYIR TE, DE RANG GI LTA BA DANG MI MTHUN PA'I LTA BAL KUN NAS MNAR SEMS PA'I DBANG GIS LOG PAR ZHUGS PA'I PHYIR RO, ,GNYIS PA SGOM SPANG SA'I SGO NAS DBYE PA LA, SPYIR THEG CHEN GYI SGOM SPANG NYON SGRIB DANG, SHES SGRIB GNYIS SU YOD DE, THEG CHEN GYI SGOM SPANG NYON MONGS BCU DRUG DANG, THEG CHEN GYI SGOM SPANG SHES SGRIB BRGYA DANG BRGYAD RNAMS SU YOD PA'I PHYIR, DANG PO GRUB STE; 'DOD PA'I SAS BSDUS KYI THEG CHEN GYI SGOM SPANG NYON MONGS SU GYUR PA'I 'DOD CHAGS DANG, ZHE SDANG, NGA RGYAL, NYON MONGS CAN GYI MA RIG PA, 'JIG LTA, MTHAR 'DZIN LTA BA STE DRUG ,GZUGS KYI SAS BSDUS KYI THEG CHEN GYI SGOM
, ,SPANG NYON MONGS SU GYUR PA'I 'DOD CHAGS, NGA RGYAL, NYON MONGS CAN GYI MA RIG PA, 'JIG LTA, MTHAR 'DZIN PA'I LTA BA STE LNGA, DE BZHIN DU GZUGS MED KYI SAS BSDUS KYI DE LNGA RNAMS SU YOD PA'I PHYIR TE, RGYAN SNANG LAS; DE BAS NAS DANG PO'I SKAD CIG MA DANG PO NI MTHONG BA'I LAM YIN LA, DE LAS GZHAN SKAD CIG GNYIS PA LA SOGS PA NAS RDO RJE LTA BUR BRJOD PA BAR CHAD MED PA'I LAM GANG LAS DE MA THAG TU SANGS RGYAS KYI SA KUN TU 'OD THOB PAR 'GYUR BA'I BAR 'DI THAMS CAD NI CHOS KYI DBYINGS MCHOG GI DON LA SOGS PA SO SOR RTOG PA SGOM PA'I LAM YIN PA'I PHYIR BSHAD DO, ,DE LA YANG NYON MONGS PA DRUG CI RIGS PAR SPONG STE, 'DI LTA STE, 'DOD CHAGS DANG, ZHE SDANG DANG, NGA RGYAL DANG, MA RIG PA DANG, 'JIG TSOGS SU LTA BA DANG, MTHAR 'DZIN PA RLTA BA STE 'DOD PA NA SPYOD PA DRUG GO ,DE DAG NYID LAS ZHE SDANG BTON PAS GZUGS DANG GZUGS MED PA NA SPYOD PA BCU YIN NO, ,MTHONG BA DANG SGOM PA'I LAM LA YONGS SU SBYONG BA'I CHOS KYI DBYE BAS RAB TU DGA' BA LA SOGS PA'I SA BCUR RNAM PAR BZHAG ,CES DANG, KUN BTUS LAS, 'DOD PA'I KHAMS NA SGOM PAS SPANG BAR BYA BA DRUG GO ,'JIG TSOGS LA LTA BA DANG, MTHAR 'DZIN PAR LTA BA LHAN CIG TU SKYES PA DANG, 'DOD CHAGS DANG, KHONG KHRO DANG, NGA RGYAL DANG, MA RIG PA'O, ,GZUGS KHAMS NA KHONG KHRO MA GTOGS PA RDZA'O?, ,GZUGS KHAMS NA JI LTA BAR GZUGS MED PA'I KHAMS NA YANG DE BZHIN TE, DE DAG MDOR BSDU NA NYON MONGS PA BCU DRUG NI SGOM PAS
SPANG BAR BYA BAR RIGS SO, ,ZHES GSUNGS PA'I PHYIR, DE LA DBYE NA ZHE DRUG YOD DE, 'DOD BA NA DRUG, BSAM GTAN BZHI LA LNGA BZHI NYI SHU, GZUGS MED BZHI LA LNGA BZHI NYI SHU YOD PA'I PHYIR, SA LA CHE 'BRING CHUNG NGU'I RNAM PA'I SGO NAS PHYE NA SA DGU PO RE RE LA, KHONG KHRO ZHE SDANG MA GTOGS PA LNGA LA DGU DGUR PHYE BAS GYA GCIG PA LNGA, 'DOD PA'I KHONG KHRO'AM ZHE SDANG LA DGUR PHYE BAS BZHI BRGYA DANG BCU BZHI YOD DO, ,RTZA RTAGS GNYIS PA GRUB STE, 'DOD PA'I SAS BSDUS KYI THEG CHEN GYI SGOM SPANG SHES SGRIB 'JUG PA GZUNG RTOG DGU, LDOG PA GZUNG RTOG DGU ,RDZAS 'DZIN RTOG PA DGU ,RDZAS 'DZIN RTOG PA DGU STE SO DRUG ,DE BZHIN DU GZUGS GZUGS MED LA YANG SO DRUG SO DRUG TU YOD BA'I PHYIR, GSUM PA DE LTAR PHYE BA'I RNAM GZHAG DPYAD PA LA, CI'I PHYIR MTHONG SPANG RNAMS LA LOG ZHUGS KYI SGO NAS DANG, SGOM SPANG RNAMS LA SA'I SGO NAS 'BYED CE NA, MTHONG SPANG LA LOG ZHUGS KYI SGO NAS 'BYED PA'I RGYU MTSAN YOD DE, MTHONG SPANG DE GYUR MTHA' NGAN PAS YID BSLAD PAS BSKYED PA'I RIGS SA MCHA YIN PAS BDEN PA MNGON SUM DU MTHONG BA TZAM GYIS SPONG BA'I RGYU MTSAN GYIS DE LTAR PHYE BA YIN PA'I PHYIR, SGOM SPANG SA'I SGO NAS 'BYED PA'I RGYU MTSAN YOD DE, SGOM SPANG DE BDEN PA MNGON SUM DU MTHONG BA BSGOMS PAS CHE RIMS NAS RIM PAR SPONG DGOS KYI, BDEN PA MNGON SUM DU MTHONG BA TZAM GYIS SPONG MI NUS PA'I PHYIR, DE GRUB MTHA' NGAN PAS KUN BTAGS PA TZAM LAS BYUNG BA MA YIN PAR THOG MA MED PA NAS RJES SU ZHUGS PA LHAN SKYES KYI CHA PHRA BA YIN PA'I PHYIR, SPYIR SPANG BYA TZAM LA, NGO BO, DBYE BA, BSDU BA, SO SO'I
, ,RANG BZHIN NO, ,DANG PO NI, MNGON MTHO DANG NGES LEGS GANG RUNG GI YON TAN MTHONG ZHING THOB PA LA GEGS BYED KYI SGRIB PA'I RIGS SU GNAS PA GANG ZHIG ,RANG GI GNYEN PO STOBS LDAN GYI SPANG BYAR DMIGS PA, 'DIR BSTAN SPANG BYA'I MTSAN NYID, GNYIS PA NI, RGYAS PAR DBYE NA, SPANG GNYEN GYI RNAM DBYE MTHA' YAS PA YOD KYANG CUNG ZAD DBYE NA, 'JIG RTEN PA'I LAM GYI SPANG BYA DANG, MTHONG SPANG DANG SGOM SPANG SOGS SU YOD, DE LA RIGS KYI SGO NAS, CHAGS PA'I SGRIB PA; THOGS PA'I SGRIB PA, DMAN PA'I SGRIB PA DANG GSUM LAS, DANG PO NI NYON SGRIB LTA BU, GNYIS PA NI, SHES SGRIB LTA BU, GSUM PA NI, DMAN PA'I ZHI BDES THUGS PHROGS NAS THEG CHEN SEMS BSKYED LA BAR DU GCOD PA'I SGRIB PA LTA BU STE, MDO SDE'I RGYAN LAS, LAM 'GOG PA NI MI MTHUN PHYOGS, ,ZHES GSUNGS PA'I PHYIR, YANG DE LA, NYON MONGS PA'I SGRUB PA, SHES BYA'I SGRIB PA, SNYOMS 'JUG GI SGRIB PA SOGS MTHA' YAS PA ZHIG GSUNG RAB RNAMS LAS GSUNGS KYANG MANG DU DOGS PAS RE ZHIG BZHAG GO ,GSUM PA NI, SGRIB PA'I RIGS THAMS CAD BSDU NA NYON SGRIB DANG, SHES SGRIB GNYIS SU 'DU STE, GTZO BOR THAR PA THOB PA LA BAR DU GCOD BYED KI RIGS SU GNAS PA'I SGRIB PA DANG, GTZO BOR THAMS CAD MKHYEN PA THOB PA LA BAR DU GCOD BYED KYI RIGS SU GNAS PA'I SGRIB PA GNYIS SU 'DU PA YIN PA'I PHYIR, SGRIB PA GNYIS PO DE ZAD NA SGRIB PA THAMS CAD LAS GROL BA THOB BAR 'GYUR TE, DBUS MTHAR, NYON MONGS PA YI SGRIB PA DANG, ,SHES BYA'I SGRIB PA GNYIS
SU BSTAN, ,DE NI SGRIB PA THAMS CAD DO, ,DE ZAD NAS NI GROL BAR 'DOD, ,CES GSUNGS PA'I PHYIR, BZHI PA LA, GTZO BOR THAR PA TZAM THOB PA LA BAR DU GCOD BYED KYI SGRIB PA'I RIGS SU GNAS PA, NYON SGRIB KYI MTSAN NYID, DBYE NA, MNGON GUR PA DANG SA BON GYI CHA GNYIS YOD, DANG PO LA, RTZA NYON DRUG ,NYE NYON NYI SHU RNAMS SU YOD PA'I PHYIR, GNYIS PA NI, NYON MONGS MNGON GYUR PA SNGA MA SNGA MAS PHYI MA PHYI MA SKYED PA'I NUS PA LA NYON MONGS PA'I SA BON ZHES BYA STE, DES RGYU RKYEN TSANG NA RANG GI 'BRAS BUR GYUR PA'I NYON MONGS PA'I SA BON BYED PA'I PHYIR, GTZO BOR THAMS CAD MKHYEN PA THOB PA LA BAR DU GCOD PA'I SGRIB PA'I RIGS SU GNAS PA, SHES SGRIB KYI MTSAN NYID, DBYE NA, MNGON GYUR PA DANG, SA BON GYI CHA GNYIS YOD, DANG PO LA BRGYA RTZA BRGYAD YOD, GNYIS PA NI, SHES SGRIB RTOG PA DE RNAMS KYI SNGA MA SNGA MAS PHYI MA PHYI MA SKYED PA'I NUS PA LTA BU'O, ,MI SDUG BSGOM PA'I TING NGE 'DZIN DANG, ZHI RAGS KYI RNAM PA CAN GYI SO SKYE'I TING NGE 'DZIN SOGS LA BRTEN NAS ZIL GYIS GNON PAR NUS PA'I SPANG BYAR DMIGS PA, 'JIG RTEN PA'I LAM GYI SPANG BYA'I MTSAN NYID, CI YANG MED PA MAN CHAD KYI SAS BSDUS KYI 'JIG RTEN PA'I SGOM SPANG NYON MONGS DANG, MI DGE BA'I LAS DANG, SGO GSUM GYI SPYOD PA NGAN PA SOGS DU MAR YOD, SPANG BYA KUN BTAGS SU DMIGS PA GANG ZHIG ,RANG GI DNGOS GNYEN DU GYUR PA'I BAR CHAD MED LAM GYI GZHOM BYAR DMIGS PA, MTHONG SPANG GI MTSAN NYID, SPANG BYA LHAN SKYES GANG ZHIG ,RANG GI DNGOS GNYEN DU GYUR PA'I BAR CHAD MED LAM GYI GZHOM BYAR
, ,DMIGS PA, SGOM SPANG GI MTSAN NYID, DBYE BA SOGS SNGAR BZHIN NO, ,BZHI PA JI LTAR SPONG TSUL BSHAD PA LA, MTHONG SPANG SPONG TSUL DANG, SGOM SPANG SPONG TSUL GNYIS LAS, DANG PO NI, THEG DMAN GYI DBANG DU BYAS NA, SPANG BYA CIG CAR PA'I RGYUN ZHUGS ZHUGS PA'I RGYUD KYI NYAN THOS KYI MTHONG LA MA BAR CHAD MED LAM DES KHAMS GSUM GYI BDEN PA LA DMIGS PA'I MTHONG SPANG NYON MONGS BRGYA DANG BCU GNYIS CIG CAR DU SPONG BA'I DNGOS GNYEN BYED DE, DE'I RGYUD KYI MTHONG LAM BZOD PA BRGYAD NGO BO GCIG LA LDOG PA THA DAD PA YIN PA'I PHYIR, SPANG BYA RIM GYIS PA'I RGYUN ZHUGS ZHUGS PAS MTHONG SPANG NYON SGRIB SPONG TSUL YOD DE, DE'I RGYUD KYI NYAN THOS KYI MTHONG LAM SDUG BSNGAL CHOS BZOD DE 'DOD PA'I SAS BSDUS KYI SDUG BSNGAL MTHONG SPANG NYON MONGS KYI DNGOS GNYEN BYAS TE, DE'I RJES SU DE SPANGS PA'I NYAN THOS KYI MTHONG LAM SDUG BSNGAL CHOS SHES SKYE?, DE RJES DE'I RGYUD KYI NYAN THOS KI MTHONG LAM KUN 'BYUNG CHOS BZOD SKYE, DES 'DOD PA'I SAS BSDUS KYI KUN 'BYUNG MTHONG SPANG NYON MONGS KYI DNGOS GNYEN BYED PA SOGS RIM BZHIN SBYAR BAR BYA'O, ,THEG CHEN GYI DBANG DU BYAS NA, THEG CHEN GYI MTHONG LAM SDUG BSNGAL CHOS BZOD DES KHAMS GSUM GYI MTHONG SPANG NYON MONGS BRGYA DANG BCU GNYIS DANG, MTHONG SPANG SHES SGRIB BRGYA RTZA BRGYAD CIG CAR DU SPONG LA, DE YANG SPYIR GNYEN PO LA MTHONG SPANG RNAM BAR SUN 'BYIN PA'I GNYEN PO DANG, MTHONG SPANG GI SPONG BA'I GNYEN PO, DE'I RTEN GNYEN PO, DE THAG BSRING BA'I GNYEN PO DANG BZHI LAS, DANG PO NI, BYANG
SEMS TSOGS LAM BA'I RGYUD KYI MTHONG SPANG GI NYES DMIGS SEMS PA'I BLO LTA BU'O, ,GNYIS PA NI, BYANG SEMS KYI SBYOR LAM BZHI DANG, THEG CHEN GYI MTHONG LAM BZOD PA BRGYAD LTA BU'O, ,GSUM PA NI, THEG CHEN GYI MTHONG LAM SHES PA BRGYAD LTA BU'O; ;BZHI PA NI, THEG CHEN GYI MTHONG LAM RJES THOB YE SHES LTA BU'O, ,KUN BTUS LAS, YANG GNYEN PO RNAM PA BZHI STE, RNAM PAR SKUN 'BYIN PA'I GNYEN PO DANG, SPONG BA'I GNYEN PO DANG, RTEN GNYEN PO DANG, THAG BSRING BA'I GNYEN PO SGOM PA ZHES BYA'O; ;RNAM PAR SUN 'BYIN PA'I GNYEN PO GANG ZHE NA, ZAG PA DANG BCAS PA'I 'DU BYED RNAMS LA NYES DMIGS SU LTA BA'O, ,SPONG BA'I GNYEN PO GANG ZHE NA, SBYOR BA DANG BAR CHAD MED LAM MO, ,RTEN GNYEN PO GANG ZHE NA, RNAM PAR GROL BA'I LAM MO, ,THAG BSRING BA'I GNYEN PO GANG ZHE NA, DE'I GONG MA'I LAM MO, ,ZHES GSUNGS PA'I PHYIR, 'O NA, THEG CHEN GYI MTHONG LAM BAR CHAD MED LAM DES MTHONG SPANG RTOG PA SPONG TSUL GANG ZHE NA, 'DI LA BSHAD BYA'I LUNG 'GOD PA DANG, DE'I DON BSHAD PA GNYIS LAS; DANG PO NI, KUN BTUS LAS, SPONG BAS JI LTA BU ZHE NA, JI LTAR SPONG BA DANG YID LA BYED PA JI 'DRA BA DANG GANG ZHIG GANG LA SPONG BA'O, ,JI LTAR SPONG ZHE NA, YONGS SU SHES PA DANG, YONGS SU SPONG BA DANG, GNYEN PO RNYED PAS SO, ,YONGS SU SHES PA GANG ZHE NA, DE'I GZHI'I DNGOS PO YONGS SU SHES PA DANG, NGO BO NYID YONGS SU SHES PA DANG, NYES DMIGS YONGS SU SHES PA'O, ,YONGS SU SPONG BA GANG ZHE NA, 'BYUNG BAR 'GYUR BA DANG DU MI LEN PA'O, ,GNYEN PO RNYED PA GANG ZHE NA, MA SKYES PA SPANG
, ,BA'I PHYIR LAM RNYED PA GANG YIN PA'O, ,YID LA BYED BA CI 'DRA BAS SPONG ZHE NA, 'DRES PA DMIGS PAS SPONG STE, CHOS BDAG MED PA'I ZHES BYA'O, ,MI RTAG PA'I RNAM PA GANG YIN PA DE DAG NI, BDAG MED PA YONGS SU SBYONG BAR BYED PA'O, ,GANG ZHIG GANG LA SPONG ZHE NA, 'DAS PA NI 'GAGS PA'I PHYIR MA YIN, MA 'ONGS PA NI MA BYUNG BA'I PHYIR MA YIN NO, ,DA LTA BA NI LAM DANG DUS MNYAM DU MI 'JUG PA'I PHYIR MA YIN NO, ,'ON KYANG NYON MONGS PA'I GNAS NGAN LEN GANG YIN PA DE LAS SPONG STE; GNAS NGAN LEN GYI RNAM PA GANG GI GNYEN PO'I RNAM PA DE 'BYUNG BA DANG, GNAS NGAN LEN GYI RNAM PA DE 'GAGS PA NI MNYAM PAS MNYAM PA STE, DPER NA SNANG BA DANG MUN PA 'BYUNG BA DANG 'GAGS PA BZHIN NO, ,ZHES GSUNGS, GNYIS PA LA, RANG LUGS GZHAG PA; GZHAN LUGS DGAG PA GNYIS, DANG PO LA DES SPANG BYA JI LTAR SPONG TSUL, SPANG BYA DUS GSUM PA GANG SPONG BA DANG, SPANGS PAS GROL BA THOB PA'I DON NO, ,DANG PO NI, THEG CHEN GYI MTHONG LAM BAR CHAD MED LAM DES MTHONG SPANG RTOG BA JI LTAR SPONG PA'I TSUL YOD DE, DES DE'I SA BON SPONG BA'I SGO NAS DE SPANG BA'I PHYIR, MTHONG SPANG RTOG PA'I SA BON SPANGS PA LA MTHONG SPANG RTOG PA SPANG DGOS ZHES BRJOD PA'I TSUL YOD DE, MTHONG SPANG RTOG PA TZAM SPANGS NAS MTHONG SPANG RTOG PA'I SA BON MA SPANGS NA MTHONG SPANG RTOG PA SLAR YANG MNGON DU GYUR PA SRID LA, DE'I SA BON SPANGS NA, DE SLAR MNGON DU GYUR PA MI SRID PAS DE LTAR BRJOD PA'I PHYIR, GNYIS PA NI, THEG CHEN GYI MTHONG LAM BAR CHAD MED LAM DES MTHONG SPANG RTOG PA DUS GSUM PA GANG SPONG ZHEN, DES RANG DUS
NA 'DAS PA'I MTHONG SPANG RTOG PA 'GAGS PA RNAMS NI BUM PA THO BAS BCOM PA'I TSUL GYIS SPONG BA MA YIN TE, DE GNYIS DNGOS SU PHRAD PA MI SRID PA'I PHYIR, DES RANG DUS SU MA 'ONGS PA'I MTHONG SPANG RTOG PA RNAMS MDUN NAS 'PHUL BA'I TSUL GYIS SPONG BA MA YIN TE, DE GNYIS DNGOS SU PHRAD PA MI SRID PA'I PHYIR, DE RANG DANG DUS MNYAM PA'I MTHONG SPANG RTOG PA DA LTA BA RNAMS MDZO SPREL G-YANG LA LHUNG BA LTAR SPONG BA MA YIN TE, DE GNYIS DNGOS SU PHRAD PA MI SRID PA'I PHYIR, 'O NA; DES DE JI LTAR SPONG ZHE NA; DES DE'I SA BON SPONG BA'I SGO NAS DE SPONG BA YIN TE, THEG CHEN GYI MTHONG LAM BAR CHAD MED LAM SKYE BA LA MNGON DU PHYOGS PA DANG, MTHONG SPANG RTOG PA'I SA BON GYI RIGS 'DRA PHYI MA 'GAGS PA LA MNGON DU PHYOGS PA DUS MNYAM ZHING, DE SKYES PA DANG CIG SHOS 'GAGS PA DUS MNYAM PA'I TSUL GYIS SPONG BA'I PHYIR TE, DPER NA MAR ME YUL GZHAN NAS RIM GYIS 'ONG BA'I TSE, RI PHUGS KYI MUN PA DE RANG GI RIGS 'DRA PHYI MA BSKYED PA'I NUS LDAN DU YOD LA, DE NAS MAR ME SGO DRUNG NA SLEB PA NA, DES RANG GI RIGS 'DRA PHYI MA BSKYED PA NUS MED DU BYAS, DE NAS MAR ME RA PHUGS SU SLEB MA THAG DER MUN PA MED KYANG DER PHUGS KYI MAR ME'I LAG RJES MIN GYI, SGO DRUNG GI MAR MES DE RIGS 'DRA PHYI MA SKYED PA'I NUS MED DU BYAS PA'I LAG RJES YIN LA; DE NAS SKAD CIG GNYIS PA DER GNAS DER SNANG BAS KHYAB PA GCIG 'BYUNG BAS DER PHUGS KYI MAR MES MUN PA LA GNOD PA BYAS PA'I LAG RJES YIN PA BZHIN NO, ,GSUM PA NI THEG CHEN GYI MTHONG LAM SDUG BSNGAL CHOS BZOD LA GNAS PA'I
, ,SEMS DPA' DES MTHONG SPANG RTOG PA SPANGS PA'I GROL BA THOB PA'I TSAD YOD DE, DES MTHONG SPANG RTOG PA'I SA BON SLAR MI SKYE BA'I CHOS CAN DU BYAS PA NA, DES DE SPANGS PA YIN PA'I PHYIR TE, KUN BTUS LAS, MA 'ONGS PA NA GNAS NGAN LEN DE MI SKYE BA'I CHOS CAN DU BYAS PA DE NYID SPANGS PA YIN NO, ,ZHES DANG, RNAM BSHAD LAS, 'O NA JI LTAR ZHE NA, SNGAR GNYEN PO'I PHYOGS SGOM PA LA BRTEN NAS, GNYEN PO DE SKYE BA LA MNGON DU PHYOGS PA DANG, SPANG BYA'I SA BON GYI RIGS 'DRA PHYI MA 'GAGS PA LA MNGON DU PHYOGS PA DUS MNYAM ZHING, GNYEN PO SKYES PA DANG DE 'GAG PA DUS MNYAM PA'I SGO NAS SPANG BYA SKYE MI RUNG GI CHOS CAN DU BYAS PA NI GNOD PA BYAS PA'I DON NO, ,ZHES GSUNGS PA'I PHYIR, DES NA 'DAS LAM GYIS SPANG BYA'I SA BON SPANGS PA NI PHAN YON KHYAD PAR CAN DANG LDAN TE, ZAG MED KYI DGA' BDE KHYAD PAR CAN THOB PA DANG THEG PA GSUM GYI SPANGS RTOGS KYI YON TAN GYI RIGS NGANG GIS 'PHEL BAR 'GYUR BA'I PHYIR, GNYIS PA LA KHA CIG ,MTHONG SPANG RTOG PA'I SA BON MTHONG SPANG RTOG PA'I RGYU YIN ZER BA MI 'THAD DE, DE'I SA BON 'GAGS PA'I SNGA ROL TU CIG SHOS 'GAGS PA'I PHYIR TE, SBYOR LAM CHOS MCHOG THA MA'I TSE MTHONG SPANG RTOG BA 'GAGS ZIN PA'I PHYIR TE, SBYOR LAM CHOS MCHOG THA MAL GNAS PA'I SEMS DPA'I RGYUD LA MTHONG SPANG RTOG PA MED PA'I PHYIR, KHA CIG ,THEG CHEN GYI MTHONG LAM BAR CHAD MED LAM SKYES PA DANG, MTHONG SPANG RTOG PA 'GAG PA DUS MNYAM ZER BA MI 'THAD DE, MTHONG SPANG RTOG PA'I SA BON 'GAGS PA DANG DE
SKYES PA DUS MNYAM PA GANG ZHIG ,MTHONG SPANG RTOG PA 'GAGS PA DANG DE'I SA BON 'GAGS PA DUS MI MNYAM PA'I PHYIR, KHO NA RE, THEG CHEN GYI MTHONG LAM BAR CHAD MED LAM SKYES NA MTHONG SPANG RTEG PA'I SA BON 'GAGS PAS KHYAB BAR THAL, DE SKYES PA DANG CIG SHOS 'GAGS PA DUS MNYAM PA'I PHYIR NA MA KHYAB BO, ,YANG KHO NA RE, GANG ZAG DE'I RGYUD LA THEG CHEN GYI MTHONG LAM BAR CHAD MED LAM SKYE BA LA MNGON DU PHYOGS PA DANG, DE'I RGYUD LA CIG SHOS 'GAGS PA LA MNGON DU PHYOGS PA DUS MNYAM STE; DE'I RGYUD LA DE SKYES PA DANG, DE'I RGYUD LA DE'I NGOS SKAL GYI SPANG BYAR GYUR PA'I SGRIB PA 'GAGS PA DUS MNYAM PA'I PHYIR, ZHES ZER BA MI 'THAD DE, THEG CHEN MTHONG LAM BAR CHAD MED LAM PA'I RGYUD LA THEG CHEN MTHONG LAM BAR CHAD MED LAM SKYE BA LA MNGON DU PHYOGS PA DANG, DE'I RGYUD LA DE'I NGOS SKAL GYI SPANG BYAR GYUR PA'I SGRIB PA 'GAGS PA LA MNGON DU PHYOGS PA DUS MNYAM PAR THAL, DE'I RGYUD LA DE SKYES PA DANG, DE'I RGYUD LA CIG SHOS 'GAGS PA DUS MNYAM PA'I PHYIR, KHYAB PA KHAS; DER THAL, DE'I RGYUD LA DE'I NGOS SKAL GYI SPANG BYAR GYUR PA'I SGRIB BA 'GAGS PA GANG ZHIG DE'I RGYUD LA DE SKYES PAR 'DOD DGOS PA'I PHYIR, RTAGS DE DER THAL, DE'I RGYUD LA THEG CHEN GYI MTHONG LAM BAR CHAD MED LAM SKYES PA'I PHYIR, GZHAN YANG GANG ZAG DE'I RGYUD LA THEG CHEN GYI MTHONG LAM BAR CHAD MED LAM SKYES NA, DE'I RGYUD LA CIG SHOS 'GAGS PAS KHYAB PAR THAL, DE'I RGYUD LA DE SKYES PA DANG, DE'I RGYUD LA CIG SHOS 'GAGS PA DUS MNYAM PA'I PHYIR, RTAGS
, ,KHAS, RTZA BAR 'DOD NA, THEG CHEN MTHONG LAM BAR CHAD MED LAM PA'I RGYUD LA DE SKYE BA LA MNGON DU PHYOGS PA YOD PAR THAL LO, ,GZHAN YANG, RGYUN MTHA'I BAR CHAD MED LAM PA'I RGYUD LA THEG CHEN GYI MTHONG LAM BAR CHAD MED LAM SKYE BA LA MNGON DU PHYOGS PA DANG, DE'I RGYUD LA CIG SHOS 'GAGS PA LA MNGON DU PHYOGS PA DUS MNYAM PAR THAL, DE'I RGYUD LA DE SKYES PA DANG, DE'I RGYUD LA CIG SHOS 'GAGS PA DUS MNYAM PA'I PHYIR, KHYAB PA KHAS, DER THAL, DE'I RGYUD LA CIG SHOS 'GAGS PA GANG ZHIG ,GANG ZAG DE'I RGYUD LA DE SKYES PA DANG, DE'I RGYUD LA CIG SHOS 'GAGS PA DUS MNYAM PA'I PHYIR, RTAGS KHAS, DANG PO DER THAL, DE'I RGYUD LA DE 'DAS PA'I PHYIR, DES ME DU SOGS LA RIGS 'DRA'O, ,RONG t'IKA PA NA RE, THEG CHEN GYI MTHONG LAM BAR CHAD MED LAM DE MTHONG SPANG RTOG PA'I DNGOS GNYEN MA YIN TE, MTHONG SPANG RTOG PA 'DAS PA RNAMS DE'I DUS SU 'GAGS, DE MA 'ONGS PA RNAMS DE'I DUS SU MA SKYES, DE DA LTA BA RNAMS LAM DANG MNYAM DU MI 'JUG PAS DNGOS SU GNOD BYED MED PA'I PHYIR, MTHONG SPANG RTOG PA'I SA BON LA MI MTSUNGS TE, DES DMIGS RNAM MI 'DZIN PAS LAM DA LTA BA DANG MNYAM DU 'JUG PA'I PHYIR, DES NA, DE DE'I SA BON GYI DNGOS GNYEN YIN, ZHES ZER NA, SHES BYA CHOS CAN, NYI 'OD KYIS KHYAB PA'I GZHIR DE'I BSAL BYAR GYUR PA'I MUN PA YOD PAR THAL, THEG CHEN MTHONG LAM BAR CHAD MED LAM PA'I RGYUD LA DE'I NGOS SKAL GYI SPANG BYAR GYUR PA'I SGRIB PA YOD PA'I PHYIR, GZHAN YANG, THEG CHEN MTHONG LAM BAR CHAD MED LAM DANG
DE'I NGOS SKAL GYI SPANG BYAR GYUR PA'I SGRIB PA GNYIS LHAN CIG MI GNAS 'GAL MA YIN PAR THAL, DE LA GNAS PA'I SEMS DPA'I RGYUD LA DE'I NGOS SKAL GYI SPANG BYAR GYUR PA'I SGRIB PA YOD PA'I PHYIR, RTAGS KHAS, 'DOD MI NUS TE, KUN BTUS LAS, GNYEN PO'I RNAM PA DE BYUNG BA DANG, ZHES SOGS GSUNGS PA'I PHYIR, KHO NA RE, THEG CHEN MTHONG LAM BAR CHAD MED LAM DANG, MTHONG SPANG RTOG PA'I SA BON GNYIS DNGOS SU PHRAD PA MED PAR THAL, DE GNYIS DUS MI MNYAM PA'I PHYIR, 'DOD NA, DE GNYIS DNGOS SU GNOD BYA GNOD BYED MA YIN PAR THAL, 'DOD PA'I PHYIR NAM KHYAB STE, DNGOS RGYU DNGOS 'BRAS SOGS SKYON MANG NGO, ,GZHAN YANG, LAM MA ZHUGS KYI GANG ZAG GI RGYUD KYI SHES SGRIB KYI DNGOS GNYEN BAR CHAD MED LAM GCIG MED BAR THAL, DE'I DNGOS GNYEN PAR CHAD MED LA MA YIN NA; DE DANG DNGOS SU PHRAD DGOS PA'I PHYIR, RTAGS DON GYIS SONG, 'DOD MI NUS TE, DE SPANGS PA'I RNAM GROL LAM YOD PA'I PHYIR TE, DE SPANGS PA'I GANG ZAG YOD PA'I PHYIR, KHA CIG ,THEG CHEN MTHONG LAM BAR CHAD MED LAM PAS MTHONG SPANG RTOG PA'I SA BON SPANGS PAR THAL, DE'I RGYUD LA DE MED PA'I PHYIR NA, DE NYON SGRIB SPANGS PAR THAL, DE'I RGYUD LA DE MED PA'I PHYIR, KHA CIG ,THEG CHEN MTHONG LAM BAR CHAD MED LAM GYI DUS NA MTHONG SPANG RTOG PA'I SA BON MED, RGYUN MTHA'I BAR CHAD MED LAM GYI DUS NA GNAS NGAN LEN GYI DRI MA PHRA MO YOD ZER NA, DE 'GOG PA LA, RNAM BSHAD LAS, KHA CIG ,MTHONG LAM BAR CHAD MED LAM GYI DUS NA DNGOS SU GNOD BYA MED BAR KHAS BLANGS NAS, RGYUN MTHA'I BAR CHAD MED LAM GYI DUS NA GNAS NGAN LEN GYI DRI MA PHRA MO YOD PAR 'DOD PA NI
, ,SKYE 'GYUR GYI SPONG BA DANG 'GAGS 'GYUR GYI SPONG BA'I GRUB MTHA' PHYOGS GCIG TU SDUD PA YIN, ZHES GSUNGS, DON NI, BAR CHAD MED LAM SKYE BZHIN PAS RANG GI NGOS SKAL GYI SPANG BYA 'GAGS BZHIN PA SPONG BAR THAL, THEG CHEN MTHONG LAM BAR CHAD MED LAM SKYE BZHIN PA DANG DE'I NGOS SKAL GYI SPANG BYA 'GAGS BZHIN PA DUS MNYAM PA'I PHYIR TE, DE SKYES PA DANG CIG SHOS 'GAGS PA DUS MNYAM PA'I PHYIR TE, DE'I DUS NA CIG SHOS MED PA'I PHYIR, RTAGS KHAS, 'DOD NA, BAR CHAD MED LAM SKYE 'GYUR GYIS RANG GI NGOS SKAL GYI SPANG BYA 'GAGS 'GYUR SPONG BAR THAL LO, ,'DOD MI NUS TE, BAR CHAD MED LAM 'GAGS 'GYUR GYIS RANG GI NGOS SKAL GYI SPANG BYA RANG DUS SU 'GAGS 'GYUR SPONG BA'I PHYIR TE; RGYUN MTHA'I BAR CHAD MED LAM 'GAGS 'GYUR GYIS RANG DUS SU GNAS NGAN LEN GYI DRI MA 'GAGS 'GYUR SPONG BA'I PHYIR, DE 'GAGS BZHIN PAS CIG SHOS 'GAGS BZHIN PA SPONG BA'I PHYIR, DE'I DUS NA CIG SHOS YOD PA'I PHYIR; KHA CIG ,SGRIB PA DE'I DNGOS GNYEN YIN NA, RANG NYID SKYE BA LA MNGON DU PHYOGS PA DANG ,SPANG BYA DE 'GAGS PA LA MNGON DU PHYOGS PA DUS MNYAM YIN PAS KHYAB ZER NA, THEG CHEN MTHONG LAM BAR CHAD MED LAM DANG, MTHONG SPANG RTOG BSAM NGES SO, ,GNYIS PA SGOM SPANG SPONG TSUL LA YANG, THEG DMAN GYI DBANG DU BYAS PA DANG, THEG CHEN GYI DBANG DU BYAS PA GNYIS LAS, DANG PO LA, SGOM SPANG NYON MONGS LAS DGU'I DBYE BAS GYA GCIG YOD PA LA, SPANG BYA CIG
CAR BA'I THEG DMAN NI 'DAS LAM LA BRTEN NAS KHAMS GSUM DGU'I SGOM SPANG NYON MONGS CHEN PO'I CHEN PO DGU CIG CAR DU SPONG BA NAS DE CHUNG NGU'I CHUNG DU DGU CIG CAR DU SPONG BAR BYED, SPANG BYA RIM GYIS PA'I NYAN THOS KYIS NI DANG POR 'DOD PA'I SAS BSDUS KYI SGOM SPANG NYON MONGS DGU RIM BZHIN SPONG NGO, ,DE RJES BSAM GTAN DANG PO SOGS RIM GYIS SPONG BAR BYED LA, DE LA YANG 'JIG RTEN PA'I LAM ZHI RAGS RNAM BA CAN LA BRTEN NAS CI YANG MED MAN CHAD KYI 'JIG RTEN PA'I SGOM SPANG NYON MONGS BDUN CU RTZA GNYIS SPONG BA YOD KYANG, SRID RTZE'I SAS BSDUS KYI DE SPONG MI NUS TE, DE 'DAS LAM LA BRTEN NAS SPANG DGOS PA'I PHYIR, ZHIB TU SNGAR BSHAD ZIN TO, ,GNYIS PA NI, THEG CHEN GYI DBANG DU BYAS PA LA, SA DANG PO NAS BCU PA'I BAR GYI SGOM LAM BAR CHAD MED LAM BCUS THEG CHEN GYI SGOM SPANG NYON MONGS BCU DRUG DANG, SGOM SPANG SHES SGRIB BRGYA DANG BRGYAD CIG CAR DU SPONG BAR BYED LA, DE YANG KHAMS GSUM DGU'I SGOM SPANG NYON MONGS DGU RE RE LA CHE 'BRING CHUNG DU DGU DGU DANG, SGOM SPANG SHES SGRIB LA YANG DE BZHIN DU PHYE NAS DE CHEN PO'I CHEN PO LA PHRA RAGS GNYIS SU PHYE NAS, DANG PO DES DANG PO'I SGOM LAM BAR CHAD MED LAM GYIS SPONG, GNYIS PA DES GNYIS PA'I BAR CHAD MED LAM GYIS SPONG, DE CHEN PO'I 'BRING DES GSUM PA'I BAR CHAD MED LAM GYIS SPONG, DE CHEN PO'I CHUNG DU DE SA BZHI PA'I BAR CHAD MED LAM GYIS SPONG, DE 'BRING GI CHEN PO SA LNGA PA'I BAR CHAD MED LAM GYIS SPONG, DE 'BRING GI 'BRING DES DRUG PA'I BAR CHAD MED LAM GYIS SPONG, DE 'BRING GI CHUNG DU DES BDUN PA'I BAR CHAD
, ,MED LAM GYIS SPONG, DE CHUNG DU'I CHEN PO DES BRGYAD PA'I BAR CHAD MED LAM GYIS SPONG, DE CHUNG NGU'I 'BRING DES DGU PA'I BAR CHAD MED LAM GYIS SPONG, DE CHU 'DU'I CHUNG DU DES BCU PA'I BAR CHAD MED LAM GYIS SPONG ZHING; JI LTAR SPONG BA'I TSUL YOD DE, SPANG BYA DE DANG DE'I SA BON SPONG BA'I SGO NAS DE DANG DE SPONG BA'I PHYIR, BRGYAD PAS THOB PA'I RTAGS KYI KHYAD PAR BSHAD PA LA, SA LA ZHUGS PA'I RTAGS DE LA BCUR YOD DE, SA RANG RANG GI YON TAN SNANG BA DANG BCAS PA, SA GONG MA GONG MA'I YON TAN THOB PA LA MOS PA, ZAB PA DANG RGYA CHE BA LA SEMS MI ZHUM PA, GZHAN DON GYI DKA' SPYAD LA MI DMAN PA, LAM SGOM PA LA GZHAN GYI DRING MI 'JOG PA'I BDAG NYID, SA THAMS CAD KYI RGYU DANG NGO PO'I SGRUB TSUL RAB TU RTOGS PA, SEMS CAN KUN LA SEMS MNYAM PA, BDUD SDIG CAN GYIS DKRI BAR MI THUB PA, 'KHOR LOS SGYUR RGYAL SOGS KYI BDE BA LA YANG RJES SU CHAGS PA MED PA, SANGS RGYAS SGRUB PA'I THABS PHYIN CI MA LOG PAR SHES PAS SANGS RGYAS KYI 'KHOR DU SKYE BA RNAMS SU YOD PA'I PHYIR TE, MDO SDE'I RGYAN LAS, SNANG DANG BCAS DANG MOS PA DANG, ,MA ZHUM PA DANG MI DMAN NYID, ,GZHAN DRING MI 'OG BDAG DANG, THAMS CAD RAB TU RTOGS PA DANG, KUN LA SEMS NI SNYOMS PA DANG, ,DKRIS DANG RJES SU CHAGS MED DANG, ,THABS SHES 'KHOR DU SKYE BA NI, ,KUN LA RTAG TU 'DOD PA YIN, ,ZHES GSUNGS PA'I PHYIR, GZHAN YANG, SA THOB PA'I RMI LAM GYI RTAGS BCU 'BYUNG STE, SA DANG PO'I RJES
THOB TU STONG GSUM GYI STONG CHEN PO'I 'JIG RTEN GYI KHAMS GTER BYE BA KHRAG KHRIG PA RGYA STONG GIS GANG BA RMI BA DANG, SA GNYIS PA'I RJES THOB TU STONG GSUM LAG MTHIL LTAR MNYAM PA LA RIN PO CHE DU MAS LEGS PAR BRGYAN PA RMI BA DANG, SA GSUM PA'I RJES THOB TU RANG NYID DPA' ZHING BRTAN LA MTSON CHA DANG GO CHA THOGS TE PHAS RGOL MTHA' DAG 'DUL BA RMI BA DANG, SA BZHI PA'I RJES THOB TU PHYOGS BZHI NAS RLUNG GI DKYIL 'KHOR BZHIS THAMS CAD DANG LDAN PA'I SA CHEN PO LA ME TOG SNA TSOGS 'THOR BA RMI BA DANG, SA LNGA PA'I RJES THOB TU RGYAN THAMS CAD KYIS BRGYAN PA'I BUD MED KYIS MGO? LA ME TOG TZAM BA KA'I PHRENG BA 'DOGS PA RMI BA DANG, SA DRUG PA'I RJES THO BA TU THEM SKAS BZHI DANG LDAN PA'I RDZING GSER GYI BYE MA BRDAL BA LA DVANGS SHING RNYOG PA MED PA'I YAN LAG BRGYAD DANG LDAN PA'I CHUS YONGS SU GANG BA ME TOG AUTPAL DANG, KU MUD TA DANG, PADMA DKAR POS BRGYAN PA MTHOR NAS DE LA BDAG NYID RTZE DAG SA ROL BA RMI BA DANG, DE YANG RDZING SANGS RGYAS KYI BSTAN PA, THEM SKAS BZHI DE LA 'JUG PA'I SGO GRUB MTHA' BZHI, GSER GYI BYE MA BRDAL BA NI GZHI RIGS, DVANGS SHING RNYOG PA MED PA NI RANG BZHIN GYI RNAM DAG DANG GLO BUR RNAM DAG, YAN LAG BRGYAD LDAN GYI CHUS GANG BA NI 'PHAGS PA'I LAM YAN LAG BRGYAD, AUD PA LA NI NYAN THOS, KU MU TA NI RANG RGYAL, PADMA DKAR PO NI BYANG SEMS SO, ,SA BDUN PA'I RJES THOB TU G-YAS G-YON GNYIS NAS SEMS CAN DMYAL BA'I G-YANGS MTHONG STE, DE LA BDAG NYID MA SMAS MA NYAMS PAR SLAR LDOG PA RMI BA DANG, SA
, ,BRGYAD PA'I RJES THOB TU PHRAG PA GNYIS NA RI DVAGS KYI RGYAL PO SENG GE RAL PA CAN COD PAN? THOGS PA GCAN GZAN PHRA MO THAMS CAD SKRAG PAR BYED CING GNAS PA RMI PA DANG, SA DGU PA'I RJES THOB TU 'KHOR LOS SGYUR BA'I RGYAL PO MTHONG STE, SKYE BO BYE BA KHRAG KHRIG BRGYA STONG DU MAS YONGS SU BSKOR ZHING MDUN GYIS BLTAS TE, MGO BO'I STENG NA RIN PO CHE SNA TSOGS PAS SPRAS PA'I GDUGS DKAR PO 'DZIN PA RMI BA DANG, SA BCU PA'I RJES THOB TU DE BZHIN GSHEGS PA'I SKU MTHONG STE MDOG GSER LTA BU 'OD 'DOMS GANG BA TSANGS PA KHRAG KHRIG BRGYA STONG DU MAS YONGS SU BSKOR ZHING MDUN GYIS BLTAS PA LA CHOS STON PA LA CHOS STON PA RMI BA 'BYUNG BA'I PHYIR, RMI LTAS KYI MTSAN MA 'DI DAG SKABS MA YIN PAR 'BYUNG NA SNGAGS SAM BDUD KYI MTHU YIN NO, ,ZHES TSIG GSAL LAS BSHAD DO, ,GZHAN YANG, SA THOB PA'I TSE GRUB PA THOB MA THOB KYI KHYAD PAR YOD DE, MOS SPYOD KYI SKABS SU 'PHAGS BA'I SPANGS RTOGS MA GRUB PA DES THOB NAS GRUB CING, MA DAG SA BDUN DU 'BAD RTZOL GYIS MNGON PAR 'DU MI BYED PA DE MA GRUB LA, DAG PAS GSUM DU DE GRUB PA YIN PA'I PHYIR TE, MDO SDE'I RGYAN LAS, SA RNAMS THAMS CAD MA GRUB DANG, ,GRUB PA DAG TU SHES PAR BYA, ,GRUB PA DAG KYANG MA GRUB DANG, ,GRUB PA DE DAG TU YANG 'DOD, ,CES GSUNGS PA'I PHYIR, BYANG CHUB SEMS DPA' YIN PA'I RTAGS DE LA YANG DU MA YOD DE, GZHAN LA SNYING RJE CHE BA DANG, PHYIN DRUG GI GTAM SNYAN PAR SMRA BA, BLO GROS SHIN TU BRTAN PA, LAG PA BRKYANG STE MCHOD SBYIN 'KHOR MOR?
BYED PA, MDO SDE ZAB MO'I DGONGS PA JI LTA BA BZHIN DU 'GREL PAR NUS PA RNAMS SU YOD PA'I PHYIR TE, MDO SDE'I RGYAN LAS, BRTZE DANG SNYAN PAR SMRA BA DANG, ,BRTAN PA NYID DANG LAG BRKYANG NYID, ,DGONGS PA ZAB MO NGES 'GREL PA, ,'DI DAG BLO LDAN RNAMS KYI RTAGS, ,ZHES GSUNGS PA'I PHYIR, 'O NA BYANG CHUB SEMS DPA' DE LA DBYE NA DU YOD CE NA, DE LA RTEN GYI SGO NAS KHYIM PA DANG RAB BYUNG GNYIS YOD PAS RAB BYUNG GI RTEN CAN RNAMS SNGA MA LAS CHES KHYAD PAR DU 'PHAGS PA YIN TE, DE NYID LAS, BYANG CHUB SEMS DPA' RTAG TU NI, ,KHYIM PA 'KHOR LOS SGYUR RNAMS SU, ,GYUR NAS SKYE BA THAMS CAD DU, ,SEMS CAN RNAMS KYI DON BYED DO, ,SA RNAMS KUN LA BLO LDAN GYIS, ,RAB BYUNG LEN PAS THOB PA DANG, ,CHOS NYID KYIS NI THOB PA GZHAN, ,RAB TU BYUNG BAR STON BYED YIN, ,RAB TU BYUNG BA'I PHYOGS DAG NI, ,YON TAN TSAD MED RNAMS DANG LDAN, ,DE LTAS SDOM BRTZON KHYIM PA YI, ,BYANG CHUB SEMS DPA' RNAMS LAS 'PHAGS, ,ZHES GSUNGS PA'I PHYIR, YANG BYANG CHUB SEMS DPA' LA LTA BA RNAM PAR DAG PA'I SA DANG PO PA, TSUL KHRIMS RNAM PAR DAG PA'I SA GNYIS PA PA, MI NYAMS PA'I BSAM GTAN LA MNYAM PAR BZHAG PA'I SA GSUM PA PA, MDO SDE LA SOGS PA NYID CHOS LA THA DAD PA NYID KYIS NGA RGYAL SPANGS PAS SA BZHI PA PA; SEMS PA DANG BSAM PA RNAM PAR DAG PA'I RGYUD THAMS CAD MNYAM PA NYID SU 'JUG PA'I SA LNGA PA PA, RTEN CING 'BREL BAR 'BYUNG BA'I DE BZHIN NYID MANG DU GNAS PA'I SA DRUG PA PA, MTSAN MA MED PAR GNAS PA'I MTHUS SKAD CIG RE
, ,RE LA BYANG CHUB KYI PHYOGS DANG MTHUN PA'I CHOS SUM CU SO BDUN SGOM NUS PA'I SA BDUN PA PA, LHUN GYIS GRUB PAR GNAS PA'I SA BRGYAD PA PA, SEMS CAN YONGS SU SMIN PAR BYED PA LA MKHAS PA'I SA DGU PA PA; MNGON PAR SHES PA CHEN PO THOB PA'I SA BCU PA PA RNAMS SU YOD DE, DE NYID LAS, BYANG CHUB SEMS DPA'I LTA BA RNAM DAG PA, ,TSUL KHRIMS SHIN TU RNAM DAG MNYAM PAR BZHAG ,CHOS LA NGA SPANGS RGYU DANG KUN NYON MONGS, ,RNAM PAR DAG PA THAMS CAD NGA RGYAL MED, ,SKAD CIG GCIG BLO THOB PA BTANG SNYOMS PA, ,ZHING RNAMS SBYONG BA SEMS CAN SMIN BYED PAR, ,MKHAS PA MTHU CHEN LUS YONGS RDZOGS PA DANG, ,NGES PAR STON LA MKHAS PA DBANG BSKUR YIN, ,ZHES GSUNGS PA'I PHYIR, BYANG CHUB SEMS DPA'I MTSAN GYI RNAM GRANGS DE LA YANG DU MA YOD DE, DE NYID LAS, BYANG CHUB SEMS DPA' SEMS DPA' CHE, ,BLO LDAN NYID DANG GSAL BA'I MCHOG ,RGYAL SRAS RGYAL BA'I GZHI DANG NI, ,RGYAL BYED RGYAL BA'I MYU GU DANG, ,DPAL LDAN NYID DANG 'PHAGS PA'I MCHOS?, ,DED DPON DANG NI GRAGS MCHOG DANG, ,SNYING RJE CAN DANG BSOD NAMS CHE, ,DBANG PHYUG DE BZHIN TSES DANG LDAN, ,ZHES GSUNGS PA LTAR BCU DRUG TU YOD PA'I PHYIR, DGU PAS THOB PA'I 'BRAS BU'I KHYAD PAR YOD DE, GNAS SKABS KYI 'BRAS BUS PHYI MA RNAMS 'THOB CING MTHAR THUG GI 'BRAS BU YANG DAG PAR RDZOGS PA'I SANGS RGYAS KYI GO 'PHANG THOB PAR 'GYUR BA'I PHYIR, BCU PA YONGS SU SBYONG BA'I KHYAD PAR LA, NGO BO; DBYE BA, SO SO'I RANG BZHIN NO, ,DANG PO NI, RANG GANG LA
LDAN PA'I SA DE'I SKYON SEL ZHING YON TAN RDZOGS PAR BYED PA'I YON TAN, SA'I YONGS SBYONG GI MTSAN NYID, GNYIS PA NI, DE LA DBYE NA, RGYU SA DGU'I YONGS SBYONG DGU YOD, DE YANG DNGOS BSTAN GYI DBANG DU BYAS PA YIN GYI SA BCU PA'I YONGS SBYONG MED PA MA YIN TE, SA BCU PA'I SKYON SEL BAR BYED CING YON TAN RDZOGS PAR BYED PA'I SA BCU PA'I YE SHES YOD PA'I PHYIR, SKABS 'DIR SA BCU PA'I YONGS SBYONG DNGOS SU MI STON PA'I RGYU MTSAN YOD DE, SA DGU PA'I YONGS SBYONG BSTAN PA LA BRTEN NAS RTOGS NUS PA'I PHYIR, GSUM PA LA, SA'I SKYON SEL BAR BYED CING YON TAN RDZOGS PAR BYED PA'I SA DANG PO'I YE SHES, SA DANG PO'I YONGS SBYONG GI MTSAN NYID, DES GZHAN RNAMS LA RIGS 'DRI?, SO SOR DBYE NA, SA DANG PO LA YONGS SBYONG BCU, GNYIS PA LA BRGYAD, GSUM PA LA LNGA, BZHI PA LA BCU, LNGA PA LA BCU, DRUG PA LA BCU GNYIS, BDUN PA LA NYI SHU, BRGYAD PA LA BRGYAD, DGU PA LA BCU GNYIS RNAMS SU YOD PA'I PHYIR, SA DANG PO LA LHAG PA'I BSAM PA YONGS SU SBYONG BA NAS, DAM PA LTAR GZHAN MI BSLU BA'I BDEN TSIG SMRA BA YONGS SU SBYONG BA'I BAR BCU DANG, SA GNYIS PA LA TSUL KHRIMS GSUM YONGS SU DAG PAR BYED PA'I YONGS SBYONG NAS, SEMS CAN GYI DON DU SBYIN SOGS PHA ROL TU PHYIN PA DRUG LA RTAG TU BRTZON PA'I YONGS SBYONG GI BAR BRGYAD DANG, GSUM PA LA, PHYOGS BCU'I SANGS RGYAS RNAMS KYIS CI GSUNGS PA'I CHOS THAMS CAD NYAN CING GZUNG BAR SEMS PA THOS PAS MI NGOMS PA'I YONGS SBYONG NAS, RANG GZHAN GYI DON LA LTOS
, ,NAS NYAN RANG GI SEMS YID LA MI BYED PA'I NGO TSA KHREL YOD KYI YONGS SBYONG GI BAR LNGA DANG, SA BZHI PA LA THEG DMAN YID BYED KYI BSAM PAS DBEN PA'I DGON PA NA GNAS PAR YONGS SU SBYONG BA NAS, DNGOS PO THAMS CAD LA MTSAN MAR MI 'DZIN PAS LTA BA MED PA YONGS SU SBYONG BA'I BAR BCU DANG, LNGA PA LA, BSNYEN BKUR SOGS KYI CHED DU RAB BYUNG DANG KHYIM PA DANG 'GROGS SHING 'DRIS PA SPONG BA'I YONGS SBYONG NAS, 'DOD CHAGS SOGS NYON MONGS THAMS CAD LA MNGON DU PHYOGS PAR BYED CING, SEMS BAG YANGS SU GTONG BA SPONG BA'I YONGS SBYONG GI BAR BCU DANG, SA DRUG PA LA GZHAN DON DU ZANG ZING DANG BU DANG CHUNG MA DANG RANG GI LUS SROG GTONG BA'I YONGS SBYONG NAS, BDOG PA THAMS CAD BTANG ZHING RANG NYID BKREN YANG SLONG BA RNAMS THOB PA MED PAR SPONG BA'I SEMS SPONG BA'I YONGS SBYONG GI BAR BCU GNYIS DANG, SA BDUN PA LA, BDAG TU 'DZIN PA SPONG BA'I GNYEN POR CHOS THAMS CAD RANG GI NGO BOS STONG PAR SHES PA'I YONGS SBYONG NAS, STONG NYID 'GAL BAR BRJOD PA STE DNGOS POR 'DZIN PA SPONG BA'I GNYEN POR MNGON ZHEN CAN GYI SEMS CAN RNAMS BSGRAL PHYIR DU GDUL BYA'I BLO DANG MTHUN PAR 'KHOR GYI DKYIL 'KHOR DU RANG GI LUS RAB TU STON PA'I YONGS SBYONG GI BAR NYI SHU DANG, SA BRGYAD PA LA, SEMS GCIG GIS SEMS CAN THAMS CAD KYI SEMS KYI SPYOD PA BZANG NGAN RNAMS JI LTA BA BZHIN DU RAB TU SHES PA'I YONGS SBYONG NAS, LUS GANG GIS SEMS CAN GYI DON DU
'GYUR TSUL MTHONG NAS BLO SNGON DU BTANG ZHING CHED DU BSAM STE SKYE BA YONGS SU 'DZIN PA'I YONGS SBYONG GI BAR BRGYAD DANG, SA DGU PA LA, PHAR PHYIN DRUG RDZOGS PAS JI LTAR SMON PA MTHA' YAS PA 'GRUB PA'I YONGS SBYONG NAS, RTEN SANGS RGYAS DANG BRTEN PA STOBS LA SOGS PA'I SANGS RGYAS KYI CHOS KYI NGO BOR GYUR PA'I YON TAN THAMS CAD YONGS SU RDZOGS PAR BYED PA'I YONGS SBYONG GI BAR BCU GNYIS RNAMS SU YOD PA'I PHYIR, 'O NA YONGS SBYONG DE RNAMS SNGAR MA THOB PA'I YON TAN THOB PHYIR DU SBYONG BA YIN NAM, THOB ZIN GONG 'PHEL DU BYA BA'I PHYIR SBYONG BA YIN ZHE NA, KHA CIG ,MA THOB PA THOB PHYIR DU SBYONG BA YIN TE, DPER NA CHU 'DREN PA'I PHYIR DU YUR 'CHOS PA BZHIN NO, ,ZHES ZER BA MI 'THAD DE, SA DE'I YONGS SBYONG? YIN NAS DE'I DUS SU YOD DGOS PA'I PHYIR, DES NA THOB ZIN GONG 'PHEL DU BYA BA'I PHYIR SBYONG BA YIN TE, DPER NA, KHANG BZANG BYI DOR BYED PA BZHIN NO, ,GSUM PA KHYAD PAR DE LDAN GYI SA'I NGES TSIG BSHAD PA LA, SPYI'I NGES TSIG ,SO SO'I NGES TSIG GNYIS LAS, DANG PO NI, SA'I SKAD DONG BHU MI ZHES PA 'BYUNG BA, NGES TSIG BSTAN PA'I DBANG DU BYAS NAS, THEG CHEN GYI TSOGS LAM SOGS LAS ZHES BRJOD PA'I RGYU MTSAN YOD DE, SA 'DI SKYE 'GRO RNAMS KYI RTEN YIN PA DANG, DE LA BRTEN NAS RTZI BCUD LA SOGS PA 'PHEL BA LTAR 'DI DAG GIS KYANG GDUL BYA'I 'BYUNG BO DPAG TU MED PA NGAN 'GRO'I 'JIG PA MED PAR BYED PA DANG, YON TAN GONG NAS GONG DU 'PHEL PA'I
, ,RTEN BYED PAS SA ZHES BRJOD PA YIN PA'I PHYIR TE, MDO SDE'I RGYAN LAS, 'BYUNG PO DPAG MED 'JIG MED PHYIR, ,DPAG TU MED PA DE DAG LA, ,CHES PHYIR GONG DU 'GRO LDAN PHYIR, ,DE DAG NYID NI SO SOR 'DOD, , CES GSUNGS PA'I PHYIR, GNYIS PA LA, SA DANG PO LA RAB TU DGA' BA ZHES BRJOD PA'I RGYU MTSAN YOD DE, SA DANG PO NAS RDZOGS PA'I BYANG CHUB LA NYE BA DANG, SEMS CAN GYI DON SGRUB PA MTHONG BA LA RAB TU DGA' PA KHYAD PAR CAN SKYE BAR 'GYUR BAS DE LTAR BRJOD PAR BYED DE, MDO SDE'I RGYAN LAS, BYANG CHUB LA NI NYE BA DANG, ,SEMS CAN DON SGRUB MTHONG BA LA, ,RAB TU DGA' BA SKYE 'GYUR TE, ,DE'I PHYIR RAB DGA' ZHES BRJOD DO, ,ZHES DANG, RIN CHEN PHRENG BA LAS, DE DAG DANG PO RAB DGA' BA, ,BYANG CHUB SEMS DPA' DGA' BYED PHYIR, ,KUN TU SBYOR BA GSUM SPANGS PHYIR, ,DE BZHIN GSHEGS PA'I RIGS SKYES PHYIR, ,ZHES GSUNGS PA'I PHYIR, SA GNYIS PA LA DRI MA MED PA ZHES BRJOD PA'I RGYU MTSAN YOD DE, DE 'CHAL TSUL DANG THEG DMAN YID BYED KYI RTZOL BA'I DRI MA DANG BRAL BA'I RGYU MTSAN GYIS DE LTAR BRJOD PA'I PHYIR TE, MDO SDE'I RGYAN LAS, 'CHAL TSUL RTZOL BA'I DRI BRAL PHYIR, ,DRI MA MED PA'I SA ZHES BYA, , ZHES DANG, RIN CHEN PHRENG BAR, GNYIS PA DRI MA MED CES BYA, ,LUS DANG NGAG DANG SEMS KYI LAS, ,BCU CHAR DRI MA MED PA'I PHYIR, ,ZHES GSUNGS PA'I PHYIR ,SA GSUM PA LA 'OD BYED PA ZHES BRJOD PA'I RGYU MTSAN YOD DE, SA
GSUM PA NAS LUS SROG LA MI LTA BAR RANG NYID KYIS KYANG LUNG GI CHOS 'TSOL BA DANG, GZHAN LA YANG LUNG GI CHOS SNANG BA CHEN PO BYED BAS NA DE LTAR BRJOD PA'I PHYIR TE, MDO SDE'I RGYAN LAS, CHOS KYI SNANG BA CHEN PO NI, ,ZHES DANG, RIN CHEN PHRENG BAR, SA GSUM PA NI 'OD BYED PA, ,YE SHES ZHI BA'I 'OD 'BYUNG PHYIR, ,ZHES GSUNGS PA'I PHYIR, SA BZHI PA LA 'OD 'PHRO BA ZHES BRJOD PA'I RGYU MTSAN YOD DE, DER BYANG CHUB KYI PHYOGS DANG MTHUN PA'I CHOS DANG LDAN PA'I SGO NAS RANG GI NGOS SKAL GYI SGRIB GNYIS SREG PAR BYED PA'I YE SHES KYI 'OD ME LTAR 'PHRO BA'I RGYU MTSAN GYIS DE LTAR BRJOD PA'I PHYIR TE, MDO SDE'I RGYAN LAS, 'DI LTAR BYANG CHUB PHYOGS MTHUN CHOS, ,RAB TU 'PHRO BYED 'OD LTA BU, ,DE DANG LDAN PHYIR SA DE NI, ,GNYIS PO SREG BYED 'OD 'PHRO CAN, ,ZHES DANG, RIN CHEN PHRENG BA LAS, BZHI PA 'OD 'PHRO CAN ZHES BYA, ,YANG DAG YE SHES 'OD 'BYUNG BA'I, ,ZHES GSUNGS PA'I PHYIR, SA LNGA PA LA SBYANG DKA' BA ZHES BRJOD PA'I RGYU MTSAN YOD DE, SEMS CAN SMIN PAR BYED PA DANG SEMS CAN SMIN PAR BYED PA'I TSE GDUL BYA'I LOG SGRUB BZOD PAR DKA' BA DE BLO LDAN BYANG CHUB SEMS DPA' RNAMS KYIS SBYANG DKA' BA YIN LA SA LNGA PAR DE SBYANG NUS SHING DE NYID BDUD RNAMS KUN GYIS PHAM PAR DKA' BAS DE LTAR BRJOD PA'I PHYIR TE, MDO SDE'I RGYAN LAS, SEMS CAN YONGS SU SMIN BYED CING, ,RANG GI SEMS KYANG RJES SU BSRUNG, ,BLO LDAN RNAMS KYIS SBYANG DKA' BA, ,
, ,DE'I PHYIR SBYANG DKA' ZHES BRJOD DO, ,ZHES DANG, RIN CHEN PHRENG BAR, LNGA PA SHIN TU SBYANG DKA' BDUD, ,KUN GYIS SHIN TU THUB DKA'I PHYIR, ,ZHES GSUNGS PA'I PHYIR, SA DRUG PA LA MNGON DU GYUR PA ZHES BRJOD PA'I RGYU MTSAN YOD DE, DER RTEN 'BREL LUGS 'BYUNG DU SGOM PAS 'KHOR BA LAS MNGON DU GYUR, RTEN 'BREL LUGS LDOG SGOM PAS MYANG 'DAS LA MNGON DU GYUR PAS DE LTAR BRJOD PA'I PHYIR TE, MDO SDE'I RGYAN LAS, SHES RAB PHA ROL PHYIN BRTEN PAS, ,'KHOR BA DANG NI MYA NGAN 'DAS, ,GNYIS LAS MNGON DU GYUR PA'I PHYIR, ,MNGON DU GYUR PA'I SA ZHES BSHAD, ,CES DANG, RIN CHEN PHRENG BAR, DRUG PA MNGON PHYOGS ZHES BYA STE, ,SANGS RGYAS CHOS LA MNGON PHYOGS PHYIR, ,ZHES GSUNGS PA'I PHYIR ,SA BDUN PA LA RING DU SONG BZHES BRJOD PA'I RGYU MTSAN YOD DE, SA BDUN PAR LAM RING DU SGOM PA LA BRTEN NAS MTSAN BCAS RTZOL BCAS KYI LAM MTHAR THUG PA DANG, BGROD PA GCIG PA'I LAM DANG 'BREL BAS DE LTAR BRJOD PA'I PHYIR TE, MDO SDE'I RGYAN LAS, BGROD PA GCIG DANG 'BREL BA'I PHYIR, ,RING DU SONG BA'I SAR 'DOD DO, ,ZHES DANG, RIN CHEN PHRENG BAR, BDUN PA RING DU SONG BA STE, ,GRANGS NI RING DU SONG LDAN PHYIR, ,ZHES GSUNGS PA'I PHYIR, SA BRGYAD PA LA MI G-YO BA ZHES BRJOD PA'I RGYU MTSAN YOD DE, SA BRGYAD PAR MTSAN BCAS KYI 'DU BYED DANG, MTSAN MED RTZOL BCAS KYI 'DU BYED GNYIS KYIS G-YO BA MED PA'I RGYU MTSAN GYIS DE LTAR BRJOD PA'I PHYIR TE, MDO SDE'I RGYAN LAS, 'DU BYED GNYIS KYIS MI G-YO'I PHYIR, ,MI G-YO BA ZHES NGES PAR BRJOD, ,
CES DANG, RIN CHEN PHRENG BAR, DE NI BRGYAD PA GZHON NU'I SA, ,MI G-YO BA STE MI RTOG PHYIR, ,ZHES GSUNGS PA'I PHYIR, SA DGU PA LA LEGS PA'I BLO GROS ZHES BRJOD PA'I RGYU MTSAN YOD DE, SA DGU PAR SO SOR YANG DAG PAR RIG PA'I BLO BZANG PO THOB PA'I RGYU MTSAN GYIS DE LTAR BRJOD PA'I PHYIR TE, MDO SDE'I RGYAN LAS, SO SO YANG DAG RIG BLO BZANG, ,SA DE LEGS PA'I BLO GROS YIN, ,ZHES DANG, RIN CHEN PHRENG BAR, SA DGU LA NI LEGS PA YI, ,BLO GROS YIN TE RGYA CHEN BZHIN, ,GANG PHYIR SO SO YANG DAG RIG, THOB PAS 'DI NI BLO GROS BZANG, ,ZHES GSUNGS PA'I PHYIR, SA BCU PA LA CHOS KYI SPRIN ZHES BRJOD PA'I RGYU MTSAN YOD DE, NAM MKHA' LA SPRIN 'KHRIGS TE CHAR PHAB NAS 'JIG RTEN GYI LO THOG RNAMS RGYAS PAR BYED PA LTAR, BYANG SEMS SA BCU PA PA'I SHES RGYUD NAM MKHA' DANG 'DRA BA LA GZUNGS DANG TING NGE 'DZIN LA SOGS PA'I YON TAN GYI SPRIN 'KHRIGS TE CHOS KYI CHAR PHAB NAS GDUL BYA'I DGE BA'I LO THOG RGYAS PAR BYED PA'I RGYU MTSAN GYIS DE LTAR BRJOD PA'I PHYIR TE, MDO SDE'I RGYAN LAS, SPRIN BZHIN GNYIS KYIS NAM MKHA'I KHAMS, ,KHYAB PA'I PHYIR NA CHOS KYI SPRIN, ,ZHES DANG, RIN CHEN PHRENG BAR, BCU PA CHOS KYI SPRIN YIN TE, ,DAM PA'I CHOS KYI CHAR 'BEBS PHYIR, ,ZHES GSUNGS PA'I PHYIR, GNYIS PA 'BRAS BU'I SA'I MTSAN NYID BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO NI, MDO LAS, RAB 'BYOR SA BCU PA LA GNAS PA'I BYANG CHEN DE BZHIN GSHEGS PA NYID DU BRJOD DO ,ZHES DANG, DE LA BYANG CHEN SA BCU PA LA
, ,GNAS PA NYID DE BZHIN GSHEGS PA NYID CES BYA BA GANG ZHE NA, BYANG CHEN GANG GI PHYIR NA, THAMS CAD YONGS SU RDZOGS PAR 'GYUR BA STE, DE NI DE BZHIN GSHEGS PA'I STOBS BCU DANG, ZHES PA NAS, RAB 'BYOR DE LTAR BYANG CHUB CHEN PO LA YANG DAG PAR ZHUGS PAR RIG PAR BYA'O, ,ZHES PA'I BAR BSTAN BSHAD GNYIS GSUNGS, GNYIS PA LA, MTSAMS SBYAR, RTZA BA, 'GREL PA DANG GSUM LAS, DANG PO NI, RGYU'I SA DGU'I YONGS SBYONG BSTAN NAS 'BRAS BU'I SA BCU PA YONGS SBYONG GI SGO NAS MI 'CHAD PAR MTSAN NYID KYI SGO NAS 'CHAD PA'I RGYU MTSAN GANG ZHE NA, DE'I RGYU MTSAN YOD DE, RGYU'I SA DGU'I YONGS SBYONG BSTAN PAS 'BRAS BU'I SA BCU PA'I YONGS SBYONG RTOGS NUS PA LA DGONGS NAS SKABS 'DIR SA ? PA MTSAN NYID KYI SGO NAS DNGOS SU BSTAN PA'I PHYIR, ZHES MTSAMS SBYOR BA LA, RGYU'I SA RNAMS KYI YONGS SU SBYONG BA DE LTAR NGES PAR BSTAN NAS, 'BRAS BU'I SA NYID DU DE DAG MA BSHAD PAR SA THAMS CAD BSDU BA'I SGO NAS SA BCU PA'I MTSAN NYID, CES GSUNGS PA'I PHYIR, GNYIS PA NI, MDO DE'I DON BSHAD PA LA, SA DGU 'DAS NAS YE SHES NI, ,ZHES SOGS GSUNGS, GSUM PA LA, SA BCU PA MTSAN GZHI'I SGO NAS NGOS GZUNG PA DANG, 'DA' BYAS DGU'I RANG BZHIN BSHAD PA GNYIS LAS, DANG PO STON PA LA, DE LTAR SA DGU 'DAS NAS SA BCU PA LA NI BYANG CHUB SEMS DPA' SANGS RGYAS KHO NAR BRJOD PAR BYA YI, YANG DAG PAR RDZOGS PA'I SANGS RGYAS NI MA YIN NO, ,ZHES 'BYUNG PA'I
PHYIR; SANGS RGYAS KYIS DE LA SMON LAM SHES PA GANG GIS GNAS PA DE NI SA BCU PA YIN PAR SHES PAR BYA BA YIN NO, ,ZHES GSUNGS, GNYIS PA STON PA LA, NYAN THOS LA SOGS PA'I RIGS DANG, 'BRAS BU DANG PO LA ZHUGS PA DANG, RGYUN DU ZHUGS PA DANG; LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA NYID CES BYA BA DRUG DANG, TSUL GSUM RNAM PAR BZHAG PAR DGONGS PAS BSDUS PA LHAG MA ZHUGS PA GSUM DANG, RANG SANGS RGYAS RNAMS GO RIMS BZHIN DU, RIGS DANG, BRGYAD PA DANG MTHONG BA DANG, SRAB PA DANG, 'DOD CHAGS DANG BRAL BA DANG, BYAS PA RTOGS PA DANG, NYAN THOS DANG, RANG SANGS RGYAS KYIS RNAMS DANG, JI SKAD BSHAD PA'I BYANG CHUB SEMS DPA'I SA RNAM PA DGU PO GCIG KHO NA STE, ZHES GSUNGS, SA BCU PA'I RJES THOB YE SHES CHOS CAN, BYANG CHUB SEMS DPA'I SA BCU PA YIN TE, 'DA' BYAS DGU LAS 'DAS PA'I YE SHES GANG ZHIG, KHYOD LA GNAS PA'I GANG ZAG GI DBANG DU MDZAD NAS SA BCU PA LA NI BYANG CHUB SEMS DPA' SANGS RGYAS KHO NAR BRJOD PAR BYA YI, YANG DAG PAR RDZOGS PA'I SANGS RGYAS NI MA YIN NO, ,ZHES BSHAD PA'I PHYIR, SA BCU PA LA SANGS RGYAS KYIS ZHES BRJOD PA'I RGYU MTSAN YOD DE, SA BCU PA PA 'DIS RJES THOB KYI GNAS SKABS SU 'BAD RTZOL RAGS PA NYE BAR ZHI BA'I SGO NAS GZHAN DON BYED TSUL SANGS RGYAS DANG MNYAM PA RJES MTHUN PA THOB PA'I RGYU MTSAN GYIS DE LTAR BRJOD PA'I PHYIR, YANG DAG PAR RDZOGS PA'I SANGS RGYAS MA YIN PAR BRJOD PA'I RGYU MTSAN YOD DE, DE DE LAS SPANGS RTOGS DMAN PA'I PHYIR TE, DE LTAR YANG, RGYUD BLA MA LAS, BYANG CHUB
, ,SEMS DPA'I TSUL 'DI NI, ,RJES THOB DE BZHIN GSHEGS RNAMS DANG, ,SEMS CAN YANG DAG SGROL BA LA, ,'JIG RTEN NA NI MNYAM PA NYID, ,DE LTA MOD KYI SA RDUL DANG, ,RGYA MTSO BA GLANG RMIG RJES CHU, ,KHYAD PAR GANG YIN SANGS RGYAS DANG, ,BYANG CHUB SEMS DPA'I KHYAD 'DI NYID, ,CES GSUNGS PA'I PHYIR, 'DIR BSTAN 'DA' BYAS DGU YOD DE, RIGS KYIS, BRGYAD PA'I SA, MTHONG BA'I SA, SRAB PA'I SA, 'DOD CHAGS DANG BRAL BA'I SA, BYAS PA RTOGS PA'I SA NYAN THOS KYIS, RANG SANGS RGYAS KYIS, SNGAR BSHAD PA'I BYANG SEMS KYIS DGU PO GCIG TU BYAS PA'I BYANG SEMS KYIS RNAMS SU YOD PA'I PHYIR, DANG PO NI, NYAN THOS KYI SBYOR LAM LTA BU, GNYIS PA NI, RGYUN ZHUGS ZHUGS PA'I MNGON RTOGS LTA BU, GSUM PA NI, RGYUN ZHUGS KYI MNGON RTOGS LTA BU, BZHI PA NI, PHYIR 'ONG GI MNGON RTOGS LTA BU, LNGA PA NI PHYIR MI 'ONG GI MNGON RTOGS LTA BU, DRUG PA NI, NYAN THOS DGRA BCOM PA'I MNGON RTOGS LTA BU, BDUN PA NI, ZHUGS PA GZHAN GSUM GYI MNGON RTOGS LTA BU, BRGYAD PA NI, RANG SANGS RGYAS KYI MNGON RTOGS LTA BU, DGU PA SLA'O, ,SA BCU PA'I YE SHES DE 'DIR BSTAN THEG PA GSUM PO DE LAS 'DA' BA'I TSUL YOD DE, DANG PO GNYIS LA SHES MTHONG GIS BLTAS NAS 'DA', PHYI MA LA NI GNAS NAS 'DA' BAR BYED PA'I PHYIR, ZHUGS PA LHAG MA GSUM GYI MNGON RTOGS LA NYAN THOS KYIS ZHES GCIG TU BSDUS NAS STON PA'I RGYU MTSAN YOD DE, 'DIR BSTAN 'DA' BYA'I THEG PA DE LA NYAN THOS KYI THEG PA
DANG; RANG RGYAL GYI THEG PA DANG, BYANG SEMS KYI THEG PA GSUM DU YOD CES SHES PAR BYA BA'I PHYIR DU YIN PA'I PHYIR, DES NA RANG GI 'DA' BYAR GYUR PA'I 'DA' BYAS DGU RDZOGS RJES SU BYUNG ZHING, MDO LAS SANGS RGYAS KYIS ZHES BRJOD PA'I SEMS DPA'I RNAL 'BYOR MTHAR THUG ,SA BCU PA'I NGO BO, DBYE NA, SA BCU THOB MA THAG PA, SKYE BA GCIG GIS THOGS PA, SRID PA THA MA'I YE SHES DANG GSUM DU YOD, ` GSUM PA GNYEN PO'I TSOGS SGRUB BYE BRAG TU BSHAD PA LA, MDO LAS GSUNGS TSUL DANG, BSTAN BCOS KYIS 'GREL TSUL GNYIS LAS, DANG PO LA BRGYAD LAS, MDO LAS MTHONG SPANG KUN NAS NYON MONGS GZUNG RTOG GI GNYEN PO STON PA LA, RAB 'BYOR GANG YANG KHYOD KYIS 'DI SKAD DU THEG PA DE GANG NAS NGES PAR 'BYUNG BAR 'BYUNG, ZHES PA NAS, DE MI DMIGS PA'I TSUL GYIS KHAMS GSUM NAS NGES PAR 'BYUNG BAR 'GYUR, RNAM PA THAMS CAD MKHYEN PA NYID DU GNAS PAR 'GYUR RO, ,ZHES SOGS DANG, DE RNAM BYANG GZUNG RTOG GI GNYEN PO STON PA LA, RAB 'BYOR GANG MTSAN NYID MED PA'I CHOS RNAMS NGES PAR 'BYUNG BAR 'DOD PA DE NI SBYIN PA'I PHA ROL TU PHYIN PA NGES PAR 'BYUNG BA 'DOD DU ZAD DO, ,ZHES SOGS DANG, DE RDZAS 'DZIN RTOG PA'I GNYEN PO STON PA LA, RAB 'BYOR GANG MTSAN NYID MED PA'I CHOS RNAMS NGES PAR 'BYUNG BAR 'DOD PA DE NI DGRA BCOM PA NGES PAR 'BYUNG BAR 'DOD DU ZAD DO, ,ZHES GSUNGS SO, ,DE BTAGS 'DZIN RTOG PA'I GNYEN PO STON PA LA, RAB 'BYOR GANG MTSAN NYID MED PA'I CHOS RNAMS NGES BAR 'BYUNG BAR
, ,'DOD PA DE NI MING NGES PAR 'BYUNG BAR 'DOD DU ZAD DO, ,ZHES PA NAS, RAB 'BYOR DE LTAR RNAM GRANGS 'DIS NI, 'DI LTAR THEG CHEN NI KHAMS GSUM NAS RNAM PA THAMS CAD MKHYEN PA NYID DU GNAS PAR SHES PAR BYA STE, THEG PA CHEN PO DE NI BSKYOD DU MED PA'O, ,ZHES GSUNGS, DE SGOM SPANG KUN NAS NYON MONGS GZUNG RTOG GI GNYEN PO STON PA LA, RAB 'BYOR GANG KHYOD KYIS 'DI SKAD DU THEG CHEN DE GANG DU GNAS PAR 'GYUR ZHES SMRA BA NI, THEG CHEN DES GANG DU YANG GNAS PAR 'GYUR BA MED DE, DE CI'I PHYIR ZHE NA, 'DI LTA STE, CHOS THAMS CAD NI MI GNAS PA STE, RAB 'BYOR 'O NA KYANG THEG CHEN NI MI GNAS PA'I TSUL GYIS GNAS PAR 'GYUR RO, ,ZHES SOGS DANG, DE RNAM BYANG GZUNG RTOG GI GNYEN PO STON PA LA, RAB 'BYOR GANG YANG KHYOD KYIS 'DI SKAD DU THEG PA DES, GANG ZHIG NGES PAR 'BYUNG BAR 'GYUR ZHES SMRA BA NI, THEG PA DES GANG YANG NGES PAR 'BYUNG BAR 'GYUR BA MED DE, DE CI'I PHYIR ZHE NA, RAB 'BYOR DE NI 'DI LTA STE, THEG PA GANG YIN PA DANG, GANG NGES PAR 'BYUNG BAR 'GYUR BA DANG, GANG GIS NGES PAR 'BYUNG BAR 'GYUR BA DANG, GANG NAS NGES PAR 'BYUNG BAR 'GYUR BA'I CHOS DE DAG THAMS CAD NI MED CING MI DMIGS PA'I PHYIR, ZHES SOGS DANG, DE RDZAS 'DZIN RTOG PA'I GNYEN PO STON PA LA, RGYUN DU ZHUGS PA DMIGS SU MED DO, ,ZHES SOGS DANG, DE BTAGS 'DZIN RTOG PA'I GNYEN PO STON PA LA, MTHA' YAS 'DAS PA RNAM PAR DAG PA'I
PHYIR RGYUN DU ZHUGS PA'I 'BRAS BU MI DMIGS PAS RGYUN DU ZHUGS PA'I 'BRAS BU DMIGS SU MED DO, ,ZHES PA NAS, RAB 'BYOR DE LTAR NA BYANG CHEN SHER PHYIN LA SPYOD CING CHOS THAMS CAD MI DMIGS PA'I TSUL GYIS THEG PA CHEN POS RNAM PA THAMS CAD MKHYEN PA NYID DU NGES PAR 'BYUNG BAR 'GYUR RO, ,ZHES PA'I BAR GSUNGS, GNYIS PA LA MTSAMS SBYAR BA, RTZA BA, 'GREL BA GSUM LAS, DANG PO NI, TSOGS SGRUB BCU BDUN GYI NANG NAS GNYEN PO'I TSOGS SGRUB BYE BRAG TU 'CHAD PA'I RGYU MTSAN GANG ZHE NA, DE'I RGYU MTSAN YOD DE, DE RTOGS DKA' BA LA DGONGS NAS RJE BTZUN GYIS BYE BRAG TU BSHAD PA'I PHYIR, ZHES MTSAMS SBYOR BA LA, GNYEN PO'I TSOGS LA BAR SKABS KYI TSIGS SU BCAD PA, ZHES GSUNGS, GNYIS PA NI, MDO DE'I DON BSHAD PA'I SGO NAS, GNYEN PO'I TSOGS SGRUB BRGYAD STON PA LA, MTHONG DANG SGOM PA'I LAM DAG LA, ,ZHES SOGS GSUNGS, GSUM PA NI, DE'I DON 'CHAD PA LA; GZUNG BA'I RNAM PAR RTOG PA KUN NAS NYON MONGS PA'I DNGOS PO TZAM DANG GNYEN PO'I RTEN CAN GNYIS DANG, 'DZIN PA'I RNAM PAR RTOG PA GANG ZAG RDZAS SU YOD PA DANG SKYES BUR BTAGS PA'I RTEN CAN GNYIS SO SOR MTHONG BA'I LAM DAD SGOM PA'I LAM LA SPONG BAS, GZUNG BA DANG 'DZIN PAR RNAM PAR RTOG PA BRGYAD NYE BAR ZHI BAR BYA BA'I PHYIR, BDEN PA GNYIS KA'I RNAM PA LA BRTEN NAS MNGON DU BYA BA'I MI MTHUN PA'I PHYOGS KYI RAB TU DBYE BAS LAM
, ,GNYIS PO KHO NA'I GNAS SKABS KYI KHYAD PAR GNYEN PO RNAM PA BRGYAD DO, ,ZHES GSUNGS, SKABS 'DIR BSTAN GYI GNYEN PO'I TSOGS SGRUB CHOS CAN, KHYOD LA DU MAR YOD DE, KHYOD LA RNAM PA BRGYAD YOD PA'I PHYIR, DES NA RANG GI NGOS SKAL GYI SPANG BYAR GYUR PA'I BDEN 'DZIN GYI DNGOS GNYEN DU GYUR PA'I THEG CHEN GYI BAR CHAD MED LAM, SKABS 'DIR BSTAN GYI GNYEN PO'I TSOGS SGRUB KYI MTSAN NYID, DBYE NA, MTHONG LAM GNYEN PO'I TSOGS SGRUB DANG, SGOM LAM GNYEN PO'I TSOGS SGRUB GNYIS YOD, GNYEN PO'I TSOGS SGRUB GANG ZHIG, MTHONG SPANG GI DNGOS GNYEN DU DMIGS PA, DANG PO'I MTSAN NYID, DBYE NA, MTHONG SPANG GZUNG 'DZIN GYI RNAM PAR RTOG PA BZHI'I DNGOS GNYEN BZHI YOD, DE GANG ZHIG ,SGOM SPANG GI DNGOS GNYEN DU DMIGS PA, GNYIS PA'I MTSAN NYID, DBYE NA, SGOM SPANG GZUNG 'DZIN GYI RNAM PAR RTOG PA BZHI'I DNGOS GNYEN BZHI YOD, ` BZHI PA NGES 'BYUNG SGRUB PA BSHAD PA LA, MDO BSTAN BCOS GNYIS LAS, DANG PO NI, THEG CHEN GYI MTSAN NYID SNGAR GSUNGS PA DANG 'CHAD 'GYUR RNAMS LA CI'I PHYIR THEG CHEN ZHES BYA SNYAM PA'I KHONG GNAS KYI DRI BA'I LAN STON PA LA, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS THEG CHEN ZHES BGYI BA 'DI NI, ZHES SOGS GSUNGS SO, ,GNYIS PA LA MTSAMS SBYAR, RTZA BA; 'GREL PA GSUM LAS, DANG
PO NI; LUS RNAM GZHAG TU, TSOGS NI NGES PAR 'BYUNG BCAS RNAMS, ,ZHES 'CHAD NA, TSOGS SGRUB KYI RJES SU NGES 'BYUNG SGRUB PA 'CHAD PA'I RGYU MTSAN CI YIN ZHE NA, DE'I RGYU MTSAN YOD DE, DE LTAR TSOGS GNYIS RGYA CHEN PO BSAGS PA LAS RNAM MKHYEN DU GDON MI ZA BAR NGES PAR 'BYUNG BA'I RGYU MTSAN GYIS DE LTAR BRJOD PA'I PHYIR, DPER NA RGYAL PO G-YUL DU 'JUG PA'I TSE THOG MAR GO BGOS, DE'I RJES SU G-YUL NGO SPROD PA'I LAM DU ZHUGS TE, YAN LAG BZHI PA'I DPUNG GI DMAG BSAGS NAS PHA ROL GYI RGOL BA BCOM STE, 'GRAN ZLA'I DGRA LA RANG NYID DBANG BSGYUR BA LTAR YIN PA'I PHYIR, ZHES MTSAMS SBYOR BA LA, DE LTAR TSOGS BSAGS PA LA NGES PAR 'BYUNG BAS BZHI PA NGES PAR 'BYUNG BA'I SGRUB PA, ZHES GSUNGS, GNYIS PA NI, MDO DE'I DON BSHAD PA'I SGO NAS NGES 'BYUNG SGRUB PA DE LA BRGYAD DU PHYE NAS 'CHAD PA LA, CHED DU BYA DANG MNYAM NYID DANG, ,ZHES SOGS GSUNGS, GSUM PA NI, DE NYID TSIGS DON GYI SGO NAS 'CHAD PA LA, CHED DU BYA DANG, ZHES SOGS GSUNGS, 'DI LA YANG BRGYAD YOD PA LA, DANG PO CHED DU BYA BA GSUM NGES PAR 'BYUNG BA'I SGRUB PA STON PA LA, BCOM LDAN 'DAS THEG PA CHEN PO THEG PA CHEN PO ZHES BGYI BA 'DI NI LHA DANG MI DANG LHA MA YIN DU BCAS PA'I 'JIG RTEN ZIL GYIS MNAN TE 'BYUNG BAR 'GYUR RO, ,DE'I SLAD DU THEG PA CHEN PO ZHES BGYI'O, ,BCOM LDAN 'DAS THEG CHEN NI NAM MKHA' DANG MNYAM STE, ZHES SOGS DANG, RAB 'BYOR GAL TE RIGS
, ,KYI SA'I CHOS DNGOS POR YONG BA ZHIG YIN TE, DNGOS PO MED PA MA YIN NA NI, ZHES SOGS DANG, RAB 'BYOR GAL TE BYANG CHEN SEMS DANG PO BSKYED PA NAS NYE BAR BZUNG STE, SNYING PO BYANG CHUB LA 'JUG, GI BAR DU SEMS BSKYED PA JI SNYED CIG 'BYUNG BA DE DAG GI DNGOS PO MED PA ZHIG YIN TE, ZHES SOGS GSUNGS, DE'I DON 'CHAD PA LA, CHED DU BYA DANG, ZHES DANG, CHED DU BYA BA JI SKAD BSHAD PA DANG, ZHES GSUNGS, GNYIS PA MNAM NYID DU NGES PAR 'BYUNG BA STON PA LA, RAB 'BYOR GANG KHYOD KYIS THEG PA DE NI NAM MKHA' DANG MNYAM PA'O, ,ZHES SMRAS PA NI, DE DE BZHIN NO, ,THEG PA DE NI NAM MKHA' DANG MNYAM PA'O, ,RAB 'BYOR 'DI LTA STE, DPER NA, NAM MKHA' LA NI SHAR PHYOGS MI DMIGS SO, ,ZHES SOGS GSUNGS, DE'I DON 'CHAD PA LA, MNYAM NYID DANG, ,ZHES DANG, CHOS THAMS CAD MNYAM PA NYID DANG, ZHES GSUNGS, GSUM PA SEMS CAN GYI DON DU NGES PAR 'BYUNG BA STON PA LA; RAB 'BYOR GANG YANG 'DI SKAD DU JI LTAR NAM MKHA' LA NI SEMS CAN GZHAL DU MED GRANGS MED TSAD MED PA RNAMS KYI GO SKABS MED PA DE BZHIN DU THEG CHEN 'DIS SEMS CAN GZHAL DU MED GRANGS MED PA RNAMS KYI BO; SKABS 'BYED PA YIN NO, ,ZHES SOGS GSUNGS, DE'I DON 'CHAD PA LA, SEMS CAN DON DANG, ZHES DANG, SEMS CAN GYI DON BYED PAR BYED PA DANG, ZHES GSUNGS, BZHI PA 'BAD PA MED PAR NGES PAR 'BYUNG BA STON PA LA, RAB 'BYOR GANG YANG
KHYOD KYIS 'DI SKAD DU THEG PA CHEN PO DE LA 'ONG BA'AM 'GRO BA YANG MI MTHONG GNAS PA YANG MI MTHONG NGO, ,ZHES SMRAS PA NI, RAB 'BYOR DE DE BZHIN NO, ,DE DE BZHIN TE, THEG CHEN LA 'ONG BA'AM 'GRO BA MI MTHONG NGO, ,ZHES SOGS GSUNGS, DE'I DON 'CHAD PA LA, 'BAD MED DANG, ,ZHES DANG, MTSAN MA MED PAR THAMS CAD BYED PA NYID KYIS LHUN GIS GRUB PA DANG, ZHES GSUNGS, LNGA PA MTHA' LAS 'DAS PAR NGES PAR 'BYUNG BA STON PA LA, RAB 'BOR GANG YANG KHYOD KYIS 'DI SKAD DU THEG PA 'DI LA SNGON GYI MTHA' MI DMIGS, PHYI MA'I MTHA' MI DMIGS, DBUS MI DMIGS, THEG PA DE NI DUS GSUM MNYAM PA NYID LAGS PA DE'I PHYIR THEG CHEN ZHES BGYI'O, ,ZHES SMRAS PA NI, DE DE BZHIN NO, ,DE DE BZHIN TE; DPER NA NAM MKHA' NI DUS GSUM MNYAM PA NYID KYI SLAD DU SNGON GYI MTHA' MI DMIGS, ZHES SOGS GSUNGS, DE'I DON 'CHAD PA LA, MTHA' LAS 'DAS PAR NGES 'BYUNG DANG, ,ZHES DANG, RTAG PA DANG CHAD PA DANG BRAL BA'I NGO BO'I GNAS SKABS KYI KHYAD PAR DANG, ZHES GSUNGS, DRUG PA THOB PA'I MTSAN NYID DU NGES PAR 'BYUNG BA STON PA LA, DE NAS TSE DANG LDAN PAR BA 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE LTAR BYANG CHEN RNAMS KYIS THEG CHEN DUS GSUM MNYAM PA NYID CES BGYI BA 'DI LEGS PAR GSUNGS PA NI LEGS SO LEGS SO, ,ZHES SOGS DANG, THEG CHEN 'DI LA BSLAB CING 'DAS PA'I BYANG CHEN RNAMS KYIS KYANG RNAM MKHYEN NYID THOB
, ,BAR 'GYUR RO, ,ZHES GSUNGS SO, ,DE'I DON 'CHAD PA LA, THOB PA'I MTSAN NYID NGES 'BYUNG DANG, ,ZHES DANG, THEG PA GSUM GYI DON THAMS CAD 'THOB PA DANG, ZHES GSUNGS, BDUN PA RNAM MKHYEN DU NGES PAR 'BYUNG BA STON PA LA, TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CIG SMRAS SO, ,TSE DANG LDAN PA RAB 'BYOR BYANG CHEN SHER PHYIN LA SPYOD PA'I TSE CHOS 'DI DAG LA JI LTAR YONGS SU RTOGS, TSE DANG LDAN PA RAB 'BYOR BYANG CHEN NI GANG SHER PHYIN NI GANG YONGS SU RTOGS PA NI GANG, DE SKAD CES SMRAS PA DANG, TSE DANG LDAN PA RAB 'BYOR GYIS TSE DANG LDAN PA SH'A RI'I BU LA 'DI SKAD CES SMRAS SO, ,TSE DANG LDAN PA SH'A RI'I BU GANG YANG 'DI SKAD DU BYANG CHEN NI GANG ZHES ZER BA NI, GANG GI NI SEMS CAN NYID BYANG CHUB YIN PA DE'I PHYIR BYANG CHEN ZHES BYA'O, ,ZHES GSUNGS, DE'I DON 'CHAD PA LA, RNAM PA THAMS CAD MKHYEN NYID DANG, ,ZHES DANG, JI SKAD BSHAD PA'I RNAM PA THAMS CAD MKHYEN PA NYID DANG, ZHES GSUNGS, BRGYAD PA LAM LA NGES PAR 'BYUNG BA STON PA LA, DE NAS TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR JI LTAR NA BYANG CHEN PHA ROL TU PHYIN PA DRUG LA SPYOD PA'I TSE BYANG CHUB KYI LAM YONGS SU SPYOD PA YIN, RAB 'BYOR GYIS SMRAS PA, TSE DANG LDAN PA SH'A RI'I BU SBYIN PA'I PHA ROL TU PHYIN PA NI 'JIG RTEN PA YANG YOD 'JIG RTEN LAS 'DAS
PA YANG YOD, CES PA NAS, SEMS CAN GRANGS MED PA TSAD MED PA DAG GIS BYANG CHUB TU SEMS BSKYED PAR GYUR TO, ,ZHES PA'I BAR GSUNGS, DE'I DON 'CHAD PA LA, LAM GYI YUL CAN NGES 'BYUNG STE, ,ZHES DANG, DE'I KHYAD PAR GYI LAM STE, ZHES GSUNGS, NGES PAR 'BYUNG TSUL STON PA LA, NGES PAR 'BYUNG BAR BYA BA'I GZHI DE LTA BU DAG LAS KHYAD PAR DU 'PHAGS PA'I CHOS GZHAN MED PA'I PHYIR THAMS CAD MI DMIGS PA NYID KYIS, ZHES GSUNGS, NGES 'BYUNG SGRUB PA LA BRGYAD DU 'BYED PA'I RGYU MTSAN STON PA LA, NGES PAR 'BYUNG BA RNAM PA BRGYAD YIN PAS NGES PAR 'BYUNG BA'I SGRUB PA NI RNAM PA BRGYAD YIN NO, ,ZHES GSUNGS, GZHUNG DON NI, NGES 'BYUNG SGRUB PA CHOS CAN, KHYOD LA RNAM PA BRGYAD YOD DE, KHYOD LA NGES PAR 'BYUNG BA'I SGO NAS RNAM PA BRGYAD YOD PA'I PHYIR, BRGYAD PA LA, MTSAN NYID, DBYE BA, GO RIM NGES PAR 'BYUNG TSUL, BRGYAD DU PHYE BA'I RGYU MTSAN, NGES PAR 'BYUNG BA'I GZHI BSHAD PA, SA MTSAMS SO, ,DANG PO NI, RNAM MKHYEN DU GDON MI ZA BAR NGES PAR 'BYIN PAR BYED PA'I DAG SA'I RNAL 'BYOR, NGES 'BYUNG SGRUB PA'I MTSAN NYID ,GNYIS PA LA, DBYE NA, BRGYAD DU YOD DE, CHED DU BYA BA CHEN PO GSUM DU NGES PAR 'BYUNG BA'I SGRUB PA DANG, MNYAM PA NYID DU NGES PAR 'BYUNG BA'I SGRUB PA DANG, SEMS CAN THAMS CAD KYI THOB BYA'I DON DU NGES PAR 'BYUNG BA'I SGRUB PA DANG ,'BAD PA MED PAR LHUN GYIS GRUB PAR NGES PAR 'BYUNG BA'I SGRUB PA DANG, MTHA' LAS 'DAS PAR NGES PAR 'BYUNG BA'I SGRUB
, ,PA DANG, THOB PA'I MTSAN NYID DU NGES PAR 'BYUNG BA'I SGRUB PA DANG, RNAM MKHYEN DU NGES PAR 'BYUNG BA'I SGRUB PA DANG, LAM YUL CAN DU BYAS NAS NGES PAR 'BYUNG BA'I SGRUB PA RNAMS SU YOD PA'I PHYIR, GSUM PA BRGYAD PO 'DI'I GO RIM 'DI LTAR NGES PA'I RGYU MTSAN YOD DE, GTZO BO YIN PAS DANG POR CHED DU BYA BA LA NGES PAR 'BYUNG BA BSTAN, MNYAM PA NYID RTOGS PA MED PAR CHED DU BYA BAR 'BYUNG MI NUS PAS DE'I RJES SU CHED DU BYA BA, SEMS CAN GYI DON BYA BA'I SGO NAS BSOD NAMS MA BSAGS PAR MNYAM PA NYID DU RTOGS PA'I NGES PAR 'BYUNG MI NUS PAS DE RJES SEMS CAN GYI DON DU NGES PAR 'BYUNG, NGES 'BYUNG 'BAD MED DU 'BYUNG BA MED PAR SEMS CAN GYI DON DU 'BYUNG BA RDZOGS PAR MI 'GYUR BAS DE RJES SU 'BAD MED LHUN GRUB KYI NGES 'BYUNG, RTAG CHAD KYI MTHA' DANG BRAL BAR 'BYUNG BA MED PAR 'BAD MED DU 'BYUNG BAR MI 'GYUR BAS DE RJES MTHA' LAS 'DAS PA'I NGES 'BYUNG ,THEG PA GSUM SO SO'I YON TAN GYI RIGS RDZOGS PA'I GNAS SKABS KHYAD PAR CAN DU 'BYUNG BA MED PAR MTHA' 'DAS SU 'BYUNG BA MED PAS DE RJES THOB PA'I MTSAN NID DU NGES PAR 'BYUNG BA, RNAM MKHYEN DU NGES PAR 'BYUNG BA MED PAR THOB PA NGES PAR 'BYUNG BA MED PAS DE RJES SU RNAM MKHYEN DU NGES PAR 'BYUNG BA DANG, LAM GYI NGES 'BYUNG MED PAR RNAM MKHYEN DU NGES PAR 'BYUNG BA MED PAS DE RJES LAM GYI YUL CAN GYI NGES PAR 'BYUNG BA'I
SGRUB PA BSTAN PA'I PHYIR, BZHI BA NGES PAR 'BYUNG TSUL YOD DE, CHOS THAMS CAD BDEN PAR MI DMIGS PAR RTOGS PA NYID KYIS NGES PAR 'BYUNG BA'I PHYIR, LNGA PA NI NGES 'BYUNG SGRUB PA LA BRGYAD DU 'BYED PA'I RGYU MTSAN YOD DE, NGES PAR 'BYUNG BA'I GZHI LA BRGYAD DU YOD PAS DE LTAR PHYE BA'I PHYIR, DRUG PA NI, NGES PAR 'BYUNG BAR BYA BA'I GZHI LA BRGYAD DU YOD DE, SNGAR BSHAD PA'I CHED DU BYA BA CHEN PO GSUM, CHOS THAMS CAD MNYAM PA NYID DU RTOGS PA, SNYING RJES SEMS CAN GYI DON THOB PAR BYA BA STE MTHA' YAS PAR BYED PA, DE GNYIS ZUNG DU 'BREL BAS GZHAN DON 'BAD MED LHUN GRUB TU BYED PA, ZUNG 'JUG GI LAM LA BRTEN NAS RTAG PA SNGON MTHA' 'KHOR BA DANG CHAD PA PHYI MTHA' GNYIS DANG BRAL BAR BYED PA'I GNAS SKABS KYI KHYAD PAR MI GNAS PA'I MYANG 'DAS, YUM RGYUR YOD PA LAS THEG PA GSUM GYI THOB BYA'I DON SPANGS RTOGS KYI RIGS THAMS CAD THOB PA, RNAM PA THAMS CAD MKHYEN PA NYID NI, ZHES SOGS SNGAR BSHAD PA'I MI RTOG YE SHES KYI NGO BO NYID KYI RNAM MKHYEN, RNAM MKHYEN DE'I KHYAD PAR GYI LAM STE BRGYAD YOD PA'I PHYIR, DES NA 'DI DAG GI MDO LAS NGES PAR 'BYUNG BA BSTAN PAS NGES PAR 'BYUNG BYED KYI SGRUB PA YANG BSTAN PA YIN NO, ,BDUN PA SA MTSAMS NI, DAG PA SA GSUM GYI GNAS SKABS NA YOD DO, ,DES NA NGES 'BYUNG SGRUB PA BRGYAD PO 'DI NGES PAR 'BYUNG SA MTHAR THUG TU 'BYIN BYED YIN LA, DE LA YANG SLOB PA'I SGO NAS MTHAR THUG PA DANG, MI SLOB PA'I SGONAS MTHAR THUG PA GNYIS SU YOD DE, DANG PO BDUN PO DE MI
, ,SLOB PA'I LAM DU YOD LA, THA MA SLOB LAM NA YOD PA'I PHYIR TE, DE YIN NA RNAM MKHYEN GYI RGYU'I LAM KHYAD PAR DU 'GYUR BA BAR CHAD MED PA'I RTZE SBYOR YIN DGOS PA' PHYIR, GSUM PA SKABS BSDU BA NI, SHES RAB KYI PHA ROL TU PHYIN PA'I MAN DAG GI BSTAN BCOS MNGON PAR RTOGS PA'I RGYAN 'GREL PA DANG BCAS PA'I RGYA CHER BSHAD PA LEGS PAR BSHAD PA GSER GYI PHRENG BA DANG RNAM BSHAD SNYING PO'I RGYAN RNAM PA GNYIS KYI DKA' BA'I GNAS GSAL BAR BYED PA LEGS BSHAD SKAL BZANG KLU DBANG GI ROL MTSO ZHES BYA BA LAS SKABS DANG PO'I SPYI DON RDZOGS SO,, ,,SMRAS PA, RAB 'BYOR LE'U'I SHUGS LA BSTAN PA YI, ,THOB BYA RNAM MKHYEN MTSON BYED CHOS BCU YIS, ,MTSON NAS JI BZHIN GSAL MDZAD RTZA 'GREL GYI, ,DGONGS PA PHYIN CI MA LOG 'CHAD BYED PA'I, ,RNAM BSHAD RNAM PA GNYIS KYI DKA' BA'I GNAS, ,RJES BTZUN NGRU SMRIG 'DZIN PAS LEGS GSUNGS PA, ,YONGS 'DZIN NYIN BYED DBANG PO'I GSUNG ZER LAS, ,BYUNG RNAMS SHOG BU'I CHU SKYES 'DAB MAR BKOD, ,'DIR 'BAD RNAM DKAR GANGS RI'I MDOG 'DRA DANG, ,'DIS MTSON DGE BA GZHAN YANG CI MA CHIS PA, ,'DI NAS BZUNG STE CHOS SKU MA THOB BAR, ,'DI 'DRA'I RTEN LA THOS PAS MA BYED PAR SHOG,
` YUM GSUM RGYAN GYI DGONGs DON CHU GTR KLONG, ,SGROL LA RNAM BSHAD RNAM GNYIS GRU BO CHER, ,YANG GSAL ME LONG SKYABS LEGS BSKUL TE, ,BSHAD SGRUB NYAMS LEN PHA ROL PHYIN RDZOGS SHOG ,DNGOS BRGYAD ZAB DON GNAD KUN MA 'DRES PAR; ;LEG PHYE PHAR PHYIN GZHUNG 'DI DON GNYER CAN, ,BLO GSAL TSOGs LA SMAN SLAD PAR DU BSKRUN, ,DGE 'DI RGYAL BSTAN 'PHEL BA'I RGYUR GYUR CIG ,DGA' LDAN DGE BSHES BYAMS PA BLO GROS KYI THUGS DGONGS LTAR RJE BTZUN CHOS KYI RGYAL MTSAN GYI PHAR PHYIN YIG CHA KHAG PAR GZHI SLAR YANG GSAR BSKRUN BYAS SHING, BAR BRKO'I SBYIN BDAG NI BSLAB GSUM NOR BU'I MDZOD 'DZIN DGA' SHAR AA LAG THUB BSTAN 'JAM DBYANGS, DGA' BYANG AA LAG BYAMS PA, DGA' BYANG AA LAG BLO BZANG SHES RAB, DGA' BYANG AA LAG DGE 'DUN 'OD ZER, DGA' BYANG AA LAG BLO BZANG KUN DGA' DANG, RGYAL BA'I BSTAN LA MI PHYED PA'I DAD PA DANG, GTONG BA'I SGO 'PHAR 'BYED PA DGA' BYANG RGAN BLO BZANG BKRA SHIS, LUNG RTOGS YON TAN GYI BDAG NYID AA LAG SHING ? SKAL BZANG BCAS DANG, GZHAN YANG DGA' BYANG? 'PHYO NGAS GNYER BLO BZANG 'JAM DBYANGS, AAR? BA NA DKON MCHOG SKYABS SOGS MDO SMAD WA SHUL WA YAN SDE SHOG DANG, NU MA RU BA LDE? SHOG SOGS GONG GSAL BAR BRKO'I SBYIN BDAG RNAMS KYIS CHOS SBYIN 'DZAD MED KYIS PAR GZHI'I MTHUN RKYEN RGYU DNGOS SBYOR GNANG MDZAD PA DANG, PAR BRKO'I 'GAN 'KHUR BA, DGE SKUL THUB BSTAN DGE NA BLO BZANG RGYA MTSO DGE NA CHUNG
, ,BDAG DGE BLO BZANG BKRA SHIS BCAS KYIS PAR BRKO'I BYED SGOR 'GAN 'KHUR GNANG BA BCAS LA BRTEN 1986 LOR RJE BTZUN CHOS KYI RGYAL MTSAN GYI PHAR PHYIN ROL MTSO ZUR BKOL BCAS KYI BAR GZHI SLAR YANG GSAR BSKRUN BYAS PA'I DGE RTZA 'DIS 'JAM MGON RGYAL BA GNYIS PA'I RING LUGS PHYOGS DUS GNAS SKABS KUN TU DAR RGYAS YUN RING DU GNAS PAR GYUR CIG, ,, PAR GZHI KHAG ZHUS DAG BYED PO NI DGE MING BKRA SHIS RIN CHEN GYIS BGYIS PA'O,, ,,BAR 'DI DGA' LDAN PAR KHANG DU BZHUGS,, ,,
BLANK PAGE