, ,YA BSTAN SRUNG DAM CAN RGYA MTSO'I MTSAN THO BZHUGS SO,, ,,
, ,RDO RJE 'CHANG SOGS DPAL LDAN BLA MA YIS, ,BKA' BGOS DAM BZHAG DAM TSIG GNYER DU GTAD, ,BSTAN DANG BSTAN 'DZIN SKYONG BA'I MTHU RTZAL CAN, ,'PHRIN LAS RNAM BZHI SGRUB LA MA GA-YEL ZHIG , CES SHIS PA BRJOD PA'I DNGOS POS THOG DRANGS NAS GANG BSHAD PAR BYA NA, BSTAN SRUNG RNAMS KYI MING GI GRANGS NI, 'JIG RTEN LAS 'DAS PA'I SRUNG MA NI, 'PHAGS LAM THOB CING BSAM BZHIN DU SEMS CAN SO SO'I SNANG NGOR GZUGS CI RIGS STON PA STE, DE YANG SANGS RGYAS DANG BYANG SEMS GNYIS YOD, 'JIG RTEN LAS MA 'DAS PA'I SRUNG MA NI, SO SO'I SKYE BO STE DE LA LAM DU ZHUGS PA DANG, MA ZHUGS PA GNYIS, LAM DU MA ZHUGS PA DE LA DKAR PHYOGS SKYONG BA'I SRUNG MA, SNGON SANGS RGYAS SOGS MTHONG BA, DAM PA'I CHOS THOS SHING, 'KHOR RNAM PA BZHI STE DGE BSNYEN PHA MA DGE SLONG PHA MA SOGS SKYONG BAR DAM BCAS PA, SANGS RGYAS SOGS MA MJAL YANG, 'PHAGS BOD SOGS KYI PAn GRUB RNAMS KYI DRUNG NAS LEGS SMON DANG 'JIGS SKYOB KYI SDOM PA BLANG PA DANG, BKA' BSGO DAM BZHAG MDZAD PA'I SRUNG MA DAM TSIG CAN DANG, GZHAN 'PHRUL DBANG BYED KYI LHA YI 'KHOR DU GTOGS PA'I BDUD RIS NAG PHYOGS LA SOGS CI RIGS YOD PAS, DENG SANG SNYIGS MA'I DUS 'DIR SKYE RGU BSOD NAMS DMAN PAS
SRUNG MA'I TSOGS LA YID RTON PA MANG BAS, DE DAG SO SO'I MTSAMS DBYE NI, MGON PO 'PHAGS PA SPYAN RAS GZIGS DRAG PO'I TSUL 'DZIN MGON PO PHYAG DRUG PA'AM, MGON PO SHING PHUNG CAN BAR CHAD KUN SEL DU GRAGS PA, 'DI LA GTOR DBANG DANG, RJES GNANG DANG, DBANG BZHI BYIN RLABS KYI TSUL DU BSKUR BA GSUM YOD, ZHI BA GRIB SEL, RGYAS PA BLA MGON DBYER MED, DBANG MKHA' 'GRO GNAD DBAB, GSANG SGRUB MCHIN KHA, NANG SGRUB RGYAN CAN, MGON PO DBANG RGYAL, MGON PO TSE BDAG SA RA HA'I MGON PO, LHA BZHI DRIL SGRUB, MGON DKAR YID BZHIN NOR BU STE MGON CHEN BCU GSUM DANG, DER MA GTOGS PA'I MGON PO SNYING ZHUGS DANG, MGON PO PHYAG DRUG PA'I YUM LHA MO PHYAG BZHI MA DANG, PHYAG GNYIS MA, KshE tA P'A LA, KshE tA P'A LA SPREL KHRID MA, KshE tA P'A LA'I YUM DUS MTSAN MA, GA-YAS MDA' DAR GA-YON MI SNYING, DZI NA MI TRA, YUM DBANG PHYUG KHRAG 'THUNG MA THOD KHRAG tAK KI B'A DZA, YUM RO LANGS MA THOD KHRAG TRAK SHAD NAG PO, YUM RE MA TI DGRA SNYING, 'DI LA MI 'DRA BA LNGA YOD, GTZANG RIS MGON PO BDUN CU RTZA LNGA, BKA' SDOD DAM CAN RGYA MTSO RNAMS SO, ,CHOS RGYAL PHYI SGRUB MA HE'I GDONG CAN, 'DI LA 'KHOR GSHIN PHO BRGYAD MO BRGYAD, NANG SGRUB SRIN PO'I GDONG CAN, 'DI LA 'KHOR ZHI RGYAS DBANG DRAG GI GSHIN RJE BZHI YOD PA'I NUB KYI DBANG GI GSHAN RJE, CHOS RGYAL GSANG SGRUB DANG DON GCIG BYANG GI DRAG PO'I GSHIN
, ,RJE DANG CHOS RGYAL PHYI SGRUB GNYIS DON GCIG YIN, DMYAL BA'I GNAS KYI DGE SDIG SHAN 'BYED GSHIN RJE CHOS RGYAL DANG DON GCIG YIN PAR GTZUG TOR RNAM RGYAL MA LAS BSHAD CING, RGYAL BA THAMS CAD MKHYEN PA BSKAL BZANG RGYA MTSO'I GSUNG LAS PHYOGS SKYONG BCO LNGA'I NANG GI LHO PHYOGS GSHIN RJE DANG, CHOS RGYAL PHYI SGRUB GNYIS DON GCIG YIN GSUNGS PA'ANG THOS, YANG GSANG DPAL MGON DUG RI NAG PO PHYAG BZHI PA, DE YI YUM DUS MTSAN MA DANG, TZA MUn TRI GNYIS BCAS PA'I 'KHOR TSOGS SO, ,BSTAN SRUNG RGYA MTSO'I SDE DPON RDO RJE GUR ZHES PA'I GUR GYI MGON PO LHA BRGYAD NI, GTZO BO DANG, YUM LHA MO PHYAG BZHI MA, YUM CHEN AE KA DZA TI, GNOD SBYIN YAB YUM GNYIS, PU TRA MTHING NAG BHA tA NAG PO, SRING MO KHRAG MIG MA DANG BRGYAD DO, ,GUR LHA BCU GNYIS SU BYED NA, SENG GDONG, GZIG GDONG, DOM GDONG, DRED GDONG BZHI BSNAN PA'O, ,GYI LJANG LUGS KYI LHA BCU BDUN MA DANG, YANG PHUR ZHABS MA DANG BCAS RNAM 'GYUR MANG NGO, ,DPAL 'KHOR LO SDOM PA L'U NAG DRIL GSUM LA RNAL 'BYOR BYED MKHAN THAMS CAD KYI SRUNG MA MGON PO PHYAG BZHI PA, ZHAL BZHI PA, DUR KHROD MGON PO YAB YUM BCAS, GANG RUNG ZHIG BSTEN DGOS PAS, DE YI DANG PO PHYAG BZHI PA NI, KLU SGRUB LUGS, ZHI BA SBAS PA'I LUGS, PHAG GRU DANG ZHANG GI LUGS DANG, SKU GSUNG THUGS YON TAN 'PHRIN LAS KYI MGON PO SDE LNGA ZER BA YOD KYANG, THAMS CAD KYI GTZO BO PHYAG BZHI PAR NGES PAS, PHYAG DANG PO GNYIS KAS 'BE TA'I 'BRAS BU'AM YANG NA
GRI GUG DANG THOD KHRAG 'DZIN CING, GA-YAS 'OG MAS RAL GRI ,GA-YON 'OG MAS RTZE GSUM 'DZIN PA'O, ,YUM TZAN TRI KA DMAR MO, ZHAL GCIG PHYAG BZHI, GA-YAS GNYIS RAL GRI DANG THOD KHRAG GA-YON GNYIS MI MGO DANG MDA' GZHU 'DZIN PA ZHABS GA-YAS BSKUMS GA-YON BRKYANGS KYIS BZHUGS PA'O, ,GA-YAS SU LAS MGON BYA ROG GDONG CAN GSUM KAS GRI GUG THOD KHRAG DANG, ZHABS GNYIS 'DOR STABS, STAG SHAM CAN NO, , GA-YON DU THUGS SPRUL LEGS LDAN NAG PO GA-YAS BER SHING, GA-YON LCAGS KYI SPAR BU DANG, DAR NAG GI 'JOL BER DANG, GSER SKED, SAG LHAM GSOL BA'O, ,MDUN DU BKA' SDOD SENG GE'I GDONG CAN, DAR NAG GI NA BZA' DANG, GA-YAS RAL GRI ,GA-YON THOD KHRAG 'DZIN PA'O, ,ZHAL BZHI PA NI, BRAM GZUGS SOGS RNAM 'GYUR MI 'DRA BA BCU GSUM BZHUGS SHING, YUM GA-YUNG MO NAG MO, GTUM MO LJANG KHU, SRIN MO DMAR MO, SING GA LI MA SER MO, SROG GI SGO BDUD MA NAG MO, LAS KYI BSHAN PA NYER GCIG ,BKA' SDOD SHU TRA NAG PO, SHVA TRA DMAR PO, BEG TZE LCAM SRING, PE SROG BTZAN GSUM RNAMS DANG BOD NA BYUNG BA'I DREGS PA PHAL CHER KYANG DE YI BKA' NYAN YIN, DUR KHROD BDAG PO NI, YAB YUM GNYIS KENG RUS GZUGS DANG GNYIS KAS GRI GUG THOD KHRAG 'DZIN PA DANG, YANG NA YUM GYI GA-YAS 'BRAS KYI SNYE MA, GA-YON BUM PA 'DZIN PA'ANG YOD DO, ,DZO LUGS MGON PO GRI GUG DMAR NAG GNYIS DANG, MGON PO LHO
, ,NUB PA, JO LUGS LEGS LDAN NAG PO, MTHAR SKYES MGON PO, LHA CHEN DPAL 'BAR RNAMS PHAL CHER DON GCIG YIN, MGON PO BZHI SBRAGS NI, DBUS SU YE SHES MGON PO DANG BENG, DE YI GA-YAS GA-YON GNYIS SU 'DOD KHAMS DBANG PHYUG MA BONG ZHON DANG, RE MA TI DREL ZHON MA, DE BZHI SBRAGS TE BRTEN PA LA ZER, MGON PO ZANGS GRI CAN LHA BCU BDUN MA, GCER BU ZANGS GRI CAN, BER NAG ZANGS GRI CAN, MGON PO STAG ZHON LHA DGU MA, MGON PO SENG ZHON, MTHAR SKYES MGON PO, DE YI YUM MA H'A KRIT, DE YI LAS MGON AAM GHOR GTZO 'KHOR GSUM MAM, YANG NA PHYI NANG GSANG GSUM MAM RKYANG PA SOGS DANG, MGON PO SHING PHUNG CAN YANG ZER ZHING, MGON PO PHYAG BZHI PA'I THUGS SPRUL GA-YAS TZAN DAN BER SHING, GA-YON LCAGS KYI SPAR BU BDUD RTZIS GANG BA 'DZIN PA'I MGON PO LEGS LDAN NAG PO LHO BRAG GRUB CHEN GYIS MGON PO GRI GUG LA NGOS 'DZIN GNANG BA, DA LTAR RA MO CHE'I MGON PO SE SDONG MA DANG, GDUGS DKAR BKA' SRUNG LEGS LDAN MCHED GSUM DANG, MGON DMAR RKANG GLING MA, MGON SER BLO 'PHEL, MGON PO BENG BKA' MA DANG, BENG DMAR, SNUBS LUGS BCAS DANG, BKA' BRGYUD PA'I MGON PO BER NAG CAN SOGS MGON PO'I SKOR DANG, ZHANG BLON RDO RJE BDUD 'DUL PHYI NANG GSANG GSUM, YUM DUG HURL MA DANG BCAS PA'O, ,GNYAN LO SA SKYA PAS ZHAL BZHI PA'I 'KHOR DU GTOGS PAR 'DOD LA, GRUB THOB 'DAR PHYA RU BAS RTA MGRIN YANG GSANG GI BKA'
SDOD DANG BTZAN GYI SDE DPON DU 'DOD CING, DGE LUGS PHYOGS SU YANG RGYAL BA DGE 'DUN RGYA MTSO SOGS KYI DUS CHOS 'KHOR RGYAL DANG, BKRA SHIS LHUN PO LA SOGS PA GNYER DU GTAD PA'I CHOS SKYONG BEG RTZE LCAM SRING, SRING MO RIG PA'I LHA MO GDONG DMAR MA, LAS MKHAN SROG BDAG DMAR PO SOGS, RANG RANG GI RGYUD 'DZIN GYI BLA MA GONG MA SNA TSOGS KYIS DNGOS DANG RMI LAM CI RIGS PAR RANG GI RNAM RTOG DU MAS BCOS SHING BCOS PA LTAR DU SANGS RGYAS BYANG SEMS GZHAN SEMS SHES PA'I MNGON SHES DANG LDAN PA RNAMS KYIS, DE 'DUL BA'I PHYIR DU SKUR STON PAR MDZAD PAS MTHA' DAG BRJOD GA LA NUS, PAn CHEN BLO BZANG CHOS KYI RGYAL MTSAN GYIS, ,PHYI YI MKHA' SPYOD GTZO MO RNAL 'BYOR MA, ,NANG GI MKHA' SPYOD DBANG MO TZAN TRA LI, ,GSANG BA'I MKHA' SPYOD LHAN SKYES BDE BA'I DNGOS, ,GYU MA'I GAR MKHAN RE MA TI LA BSTOD, ,CES GSUNGS SHING, RGYAL BA THAM CAD MKHYEN PA BLO BZANG BSKAL BZANG RGYA MTSO, RGYAL KUN YUM GYUR DBYINGS PHYUG WA RA HI, SGROL MDZAD LHA MO DBYANGS CAN NGAG GI DPAL, DBYER MED LHAG PA'I LHA, ZHES GSUNGS PAS, RGYAL BA KUN BSKYED DBYANGS CAN MA DRAG MO'I TSUL BSTAN PA DPAL LDAN DMAG ZOR MA ZHES GTZO BO DANG 'KHOR DU BKA' GDAMS SGROL MA BCU GNYIS, CHU SRIN GDONG CAN, SENG GE'I GDONG CAN, SKYI THANG NAG MO, SA LE DKAR MO, ZHI BA'I LHA MO, RGYAS PA'I LHA MO, DBANG GI LHA MO, DRAG PO'I LHA MO, YANG GSANG DRAG MO, 'CHI MED LHA MO, DUS BZHI'I LHA MO, BKRA SHIS TSE RING MCHED LNGA, 'DZAM
, ,GLING BSTAN MA BCU GNYIS DANG BCAS PA RNAMS SO, ,BKA' GDAMS SGROL MA BCU GNYIS NI, PAn CHEN BLO BZANG CHOS KYI RGYAL MTSAN GYIS, GTZO BO DMAG ZOR MA, MA GCIG DPAL GYI LHA MO, MA GCIG RDO RJE RAB BRTAN MA, LHA MO DUD SOL MA, LHA MO PHYAG BZHI MA, LHA MO DUS MTSAN MA, RANG 'BYUNG RGYAL MO, LHA MO NAM MKHA'I GOS CAN, LHA MO NAM GRU MA, LHA MO TZAN TI KA, LHA MO AE KA DZA TI DANG BCU GCIG BCU GNYIS PA DER MI GSAL BAS, KHA CIG MA GCIG RDO RJE GSHOG RGOD MA YIN ZER, KHA CIG LA STOD AA PHYI CHOS KYI SGRON MA YIN ZER, GONG GI DE RNAMS NGOS 'DZIN MDZAD PA AE WAm LAS 'BYUNG NGO, ,BKA' GDAMS PA RANG GIS MTSAN GSOL BA NI, GSER MTSO MA, 'OD MTSO MA, BSTAN SKYONG MA, YID 'DZIN MA, STOBS MO CHE, DRAG SHUL CAN, KHRAG MDOG MA, DUD KHA MA, THOGS MED MA, SHUGS CAN MA, DBANG SDUD MA, LAS 'JOMS MA DANG BCU GNYIS LA ZER RO, ,LHA MO DE DAG GI SKU MDOG PHYAG MTSAN SO SO'I MNGON RTOGS NAS 'BYUNG ZHING, LHA MO NAM MKHA'I GOS CAN NI SKU MDOG SNGO SKYA, GA-YAS GRI GUG GA-YON THOD KHRAG RO YI GDAN LA BZHENGS SHING, DAR NAG GI GOS RIN PO CHE YI RGYAN DANG LDAN PA'O, ,CHU SRIN GDONG CAN MTHING NAG GA-YAS ZHAGS PA, GA-YON DRE'U'I MTHUR SNA 'DZIN PA, SENG GE'I GDONG CAN ZHAL DKAR SKU LUS DMAR NAG GRI GUG DANG THOD KHRAG 'DZIN PA, SKYI THANG NAG MO GA-YAS MI SNYING, GA-YON SDIG MDZUB, KHRI SMAN SE LE MA DKAR MO, PHYAG GNYIS KYIS RGYAB KYI PHYOGS NAS CHU SRIN PAGS PA BRKYANGS TE 'DZIN PA'O, ,DUS BZHI LHA MO NI,
DPYID KYI RGYAL MO MTHING NAG GA-YAS SPU GRI ,GA-YON THOD KHRAG MI LPAGS GYON ZHING DRE'U LA ZHON PA, DBYAR GYI RGYAL MO DMAR MO, GA-YAS LCAGS KYU, GA-YON THOD KHRAG CHU DAR GYON ZHING, CHU GLANG SNGON PO LA CHIBS PA, STON GYI RGYAL MO SER MO, GA-YAS ZOR BA, GA-YON THOD KHRAG RMA BYA'I SGRO THUL GYON PA, SHA BA LA CHIBS PA, DGUN GYI RGYAL MO MTHING NAG GA-YAS KHRAM SHING, GA-YON THOD KHRAG RE LDE GYON PA, RNGA MO LA CHIBS PA, THAMS CAD MKHYEN PA BLO BZANG BSKAL BZANG RGYA MTSO'I GSUNG 'BUM LAS, TSE RING MA MCHED LNGA MKHA' 'GRO SDE LNGA DANG, BSTAN MA BCU GNYIS BDE MCHOG GI SNYING PO'I RNAL 'BYOR MA BZHI DANG, SGO MTSAMS MA BRGYAD DANG BCU GNYIS LA BZHED DO, ,TSE RING MCHED LNGA NI, BKRA SHIS TSE RING MA DKAR MO, GA-YAS RDO RJE, GA-YON BUM PA, SENG GE LA, MTHING GI ZHAL BZANG MA SNGON MO, GA-YAS BA DAN, GA-YON ME LONG, SHA BA LA'AM 'GA' ZHIG RKYANG LA, MI GA-YO BLO BZANG MA SER MO, GA-YAS ZAS GZHONG PA, GA-YON NE'U LE, STAG LA, COD PAn MGRIN BZANG MA DMAR MO, GA-YAS NOR BU, GA-YON GTER GYI SGROM BU, SHA BA YI MO LA, LTE DKAR 'GROS MA LJANG KHU, GA-YAS RTZVA DUR BA, GA-YON SBRUL ZHAGS, 'BRUG LA CHIBS PA, RGYAL BA LNGA PA SOGS KYIS LA PHYI GANGS KYI RVA BA NA BSTAN MA BCU GNYIS KYI NANG GI RDO RJE KUN BZANG MA GNAS SHING, DE TSE RING MCHED LNGA'I NANG GI BKRA SHIS TSE RING MA DANG DON GCIG YIN ZHING, GZHAN BZHI NI DE YI 'KHOR YIN PAS, BSTAN MA BCU GNYIS LAS LOGS SU, TSE RING MCHED LNGA ZER BA
, ,MED GSUNGS KYANG, RJE DGE 'DUN RGYA MTSO SOGS DANG, RGYAL BA LNGA PA RANG NYID KYIS KYANG DMAG ZOR MA'I BSKANG MDOS NANG DU SO SOR MDZAD PA YANG 'DUG GO, , BSTAN MA BCU GNYIS NI, BDUD MO BZHI, GNOD SBYIN MO BZHI, SMAN MO BZHI DANG BCU GNYIS, BYANG GI GNAM MTSO PHYUG MO NA RDO RJE KUN GRAGS MA SNGON MO, GA-YAS PHUR PA, GA-YU 'BRUG LA CHIBS PA, LHA BOD LHA RI NA RDO RJE GA-YA' MA SKYONG SNGON MO, GA-YAS ZANGS KYI PHUR PA, DREL RTA RKYANG SER LA CHIBS PA, LA PHYI GANGS KYI RVA BA NA RDO RJE KUN BZANG DKAR MO, GA-YAS RDO RJE RTZE LNGA PA, SENG GE LA CHIBS PA, YAR 'BROG GANGS KYI MTSO NA RDO RJE BGEGS KYI GTZO SNGON MO, GA-YAS LCAGS PHUR, GSER SHA YU MO LA CHIBS PA, 'DI BZHI BDUD MO, LHA PHU GANGS KYI RI LA RDO RJE SPYAN GCIG MA DKAR MO, GA-YAS NAD RKYAL, DUNG SHA DKAR MO LA CHIBS PA, GTZANG DBUS RU MTSAMS JO MO KHA RAG NA KHA RAG KHYUNG BTZUN RDO RJE DPAL GYI YUM SER MO, GA-YAS MDA', KHYUNG LA CHIBS PA, BYANG STOD GSER CHEN DVANGS DMAR MTSO NA RDO RJE KLU MO DKAR MO, GA-YAS DBYUG THO, PHAG LA CHIBS PA, RMA RI RAB 'BYAMS SAM, RMA CHEN SPOM RA NA, RDO RJE DRAG MO RGYAL LJANG KHU, GA-YAS PHUR PA, SHA BA'AM, 'BRONG LA CHIBS PA, ,'DI BZHI GNOD SBYIN MO, KONG YUL BRE SNA RI GDONG NA, KONG BTZUN DE MO RDO RJE BOD KHAMS SKYONG NGAM, RDO RJE DPAL MO CHE DKAR MO'AM SNGON MO GANG RUNG, GA-YAS BUM PA, KONG RTA DKAR PO LA CHIBS PA, GNYAL LO RO'I GNAS NA, BTZAN LA LO ROL BA'I RDO RJE SMAN GCIG MA DMAR MO, GA-YAS PHUR
PA, DREL NAG KHA SER LA CHIBS PA, GTZANG STOD JO MO NAG RGYAL NA, SMAN BTZUN RDO RJE GA-YAR MO SI LA DMAR NAG GA-YAS PHUR PA, SHA BA YU MO LA CHIBS PA, SHA 'UG STAG GO'AM MDO KHAMS GA-YU RI'I GNAS MCHOG NA RDO RJE GA-YU SGRON MA SNGON MO, GA-YAS CANG TE'U, GA-YU YI SENG GE LA CHIBS PA'O, ,'DI BZHI SMAN MO, BSTAN MA BCU GNYIS LA RIGS MI 'DRA BA GNYIS TE, DRAG MO BCU GNYIS DANG, ZHI BA MO BCU GNYIS SO, ,'DI NI DRAG MO'I DBANG DU BYAS PA'O, ,ZHI BA MO BCU GNYIS NI, RGYAL BA DGE 'DUN RGYA MTSO'I GSUNG LAS 'DI LTAR GSUNGS SO, ,GNAM MTSO PHYUG MO LA GNAS GSANG BA'I MTSAN, ,BDAG NYID CHEN PO RDO RJE KUN GRAGS MA, ,SKU MDOG SNGON MO 'BRUG LA CHIBS PA STE, ,CHU SRIN RGYAL MTSAN ME LONG 'DZIN LA BSTOD, ,LHO BOD MTSAMS NA BZHUGS PA'I GSANG BA'I MTSAN, ,DPAL LDAN LHA RI RDO RJE GA-YA' MA SKYONG, ,GSER GYI MDOG CAN RKYANG LA CHIBS MDZAD MA, ,SHANG LANG DANG NI ZHAGS PA 'DZIN LA BSTOD, ,LA PHYI GANGS LA BZHUGS PA'I GSANG BA'I MTSAN, ,GANGS KYI YUM CHEN RDO RJE KUN TU BZANG, ,SKU MDOG DMAR MO CHIBS SU SENG GE CHIBS, ,RDO RJE DANG NI BUM PA 'DZIN LA BSTOD, ,YAR 'BROG MTSO CHEN LA GNAS GSANG BA'I MTSAN, ,'BROG CHEN 'KHOR 'DUL RDO RJE BGEGS KYI GTZO, ,SKU MDOG SNGON MO DRE 'U CHIBS NAS KYANG, RU MTSON RTZE LNGA ZHAGS PA 'DZIN LA BSTOD, ,LHA PHU GANGS LA GNAS PA GSANG BA'I MTSAN, ,GANGS DKAR SHA MED RDO RJE SPYAN GCIG MA, ,SKU MDOG DKAR MO CHIBS SU SHA BA CHIBS, ,GSER GYI ZOR BA BUM PA
, ,'DZIN LA BSTOD, ,RU MTSON JO MO KHA RAG GSANG BA'I MTSAN, ,KHA RAG KHYUNG BTZUN RDO RJE DPAL GYI YUM, ,SKU MDOG SER MO MKHA' LDING DBANG PO CHIBS, ,d'A MA RU DANG ME LONG 'DZIN LA BSTOD, ,BYANG STONG DVANGS DMAR MTSO BDAG GSANG BA'I MTSAN, ,GSER CHEN MKHA' LA LDING BA RDO RJE GLU, ,SKU MDOG DMAR MO GYI LING RTA LA CHIBS, ,PAR BU DANG NI SBRUL ZHAGS 'DZIN LA BSTOD, ,RMA CHEN SPOM RA'I DRUNG GNAS GSANG BA'I MTSAN, ,RMA RI RAB 'BYAMS RDO RJE GRAGS MO RGYAL, ,SKU MDOG LJANG KHU CHIBS SU 'PHAR BA CHIBS, ,BE CON DANG NI 'KHAR GZHONG 'DZIN LA BSTOD, ,'DI LA MTSAN GZHAN YANG GHA BZA' ZER ZHING, DE YI GA-YOG MO GSUM NI, SKU YI PHO NYA DUNG GHA BZA', GSUNG GI PHO NYA MA GHA BZA', THUGS KYI PHO NYA SHEL BZA' SMAN GCIG MA RNAMS SO, ,MDO SMAD NA SHAR RMA CHEN SPOM RA, DE YI YUM, RMA RI RAB 'BYAMS RDO RJE DRAG MO RGYAL, YANG GHA BZA', RGYA MO RI PHYUG RE BTZUN PHYUG MO SOGS MING BRGYA LA MTSAN STONG MA ZER, KHA CIG 'BRAS SPUNGS RGYAB RI RMA RI YIN ZER, GRE SNA RI GDONG LA GNAS GSANG BA'I MTSAN, ,KONG BTZUN DE MO RDO RJE BOD KHAMS SKYONG, ,SPRIN GSEB RLUNG BSKYOD RES 'GA' RTA LA CHIBS, ,DKAR MO MDA' DAR SGRON BU 'DZIN LA BSTOD, ,AE GNYAL LO RO'I GNAS BDAG GSANG BA'I MTSAN, ,BTZAN LA LO RO RDO RJE SMAN GCIG MA, ,SKU MDOG SER MO MDZO MO CHIBS SU CHIBS, ,LHAB LHUB DAR DANG 'BRANG RGYAS 'DZIN LA BSTOD, ,GTZANG STOD JO MO NAG RGYAL GSANG BA'I MTSAN, ,SMAN BTZUN AUG CHOS RDO RJE GA-YAR MO SIL, ,
SKU MDOG DMAR MO SHA BA YU MO CHIBS, ,RIN CHEN 'BAR BA TING SHAG 'DZIN LA BSTOD, ,JO MO GA-YU RI GNAS MCHOG GSANG BA'I MTSAN, ,GA-YU YI RDO RJE DRIL BU GZUGS LEGS MA, ,SKU MDOG SNGON MO STAG LA CHIBS PA STE, ,PADMA DANG NI DRIL BU 'DZIN LA BSTOD, ,ZHES GSUNGS SHING GA-YU SGRON MA 'DI LA LHA MO HE LA 'BAR MA DKAR MO YANG ZER ZHING, GA-YOG MO RDO RJE CHOS SGRON MA DKAR MO THOD PA'I RNGA CHUNG 'DZIN PA, RDO RJE SNA YON MA NAG MO, LCAGS KYU DANG ZOR BA 'DZIN PA STE, 'PHAGS PA BYANG CHUB TSUL KHRIMS KYIS ZHAL GZIGS MA'O, ,PAn CHEN N'A RO PA, LHO BRAG MAR PA, 'BROG MI SOGS KYI CHOS SKYONG LHA MO DUD SOL MA NI, 'KHOR TZAN TRI KA, RE MA TI 'DOD KHAMS MA, DBANG PHYUG MA, RANG 'BYUNG RGYAL MO, MA MO NAG MO GSUM, GSOL BYED MA GSUM, 'GUGS BYED MA GSUM, TZA MUN TRI DMAR MO, MKHA' 'GRO SDE LNGA, SENG GE, STAG SPYANG, PHAG BYA RGOD, KYUNG KA, NGUR BYA, BYA ROG GDONG STE GDONG CAN BRGYAD, SPYANG ZHON MA BDUN, SRIN MO BZHI, PHUR MA BDUN, 'BAR MA BZHI, ZANGS RAL MA BDUN, MTSAN SKOR MA BDUN, DUS BZHI'I LHA MO, RDO RJE DBANG MO BDUN, DMAG GI RGYAL MO BZHI, RIN CHEN DBANG MO BDUN, BDUD MO BZHI, PADMA DBANG MO BZHI, SRIN MO BZHI, LAS KYI DBANG MO BDUN, SMAN MO BZHI, BDUD MO BCU DRUG RJE YI MA BZHI, DBYINGS KYI YUM DRUG DUR KHROD MKHA' 'GRO STONG RTZA GNYIS, LAS BYED MGON PO BDUN DANG BCAS PA'O, ,MA GCIG RDO RJE RAB BRTAN NI, DREL ZHON, MDZO ZHON MA, MING
, ,PO KLU RJE THOD DKAR, AA PHYI CHOS KYI SGRON MA, 'KHOR SHA ZA MKHA' 'GRO BZHI 'O, ,MA GCIG RDO RJE GSHOG RGOD MA DANG, AE KA DZA TI LHO BRAG LUGS SOGS DANG, AE KA DZA TI DANG LHA MO RAL GCIG MA GNYIS DON GCIG CING 'DI LA SDE BDUN YOD, DRANG SRONG CHEN PO MCHED BRGYAD NI, ME BZHI, NAG PA, YANG DAG SHES, MDUN BDAR, GYA GYU, KHYUR MID, AA MGUR, GA-YOG 'DOR DANG BRGYAD DO, ,YAB DRANG SRONG RNAM MANG THOS DANG, YUM BTZUN MO DPAL TSUL MA'I SRAS, RNAM THOS SRAS SAM, NGAL BSOS PO'AM, YANG NA LUS NGAN PO'AM, MIG SKYA CAN ZER ZHING, KHA CIG GIS SANGS RGYAS RIN CHEN MANG GI SPRUL PA YIN PAS SANGS RGYAS YIN GSUNGS, KHA CIG BYANG SEMS SA BRGYAD PA BA YIN, KHA CIG GIS 'DUL BA LUNG LAS RGYAL PO SDE BZHI KA RGYUN ZHUGS YIN GSUNGS, RNAM THOS SRAS ZHI BA BDE BYED SER PO, DRAG BYED ZHON PA MED PA, PHYAG MTSAN BZHI PA, PHYI SGRUB RTA SNGON CAN, NANG SGRUB DREGS BYED SENG ZHON, GSANG SGRUB GSHIN RJE LTAR SGRUB PA, YANG GSANG SRIN MO BZHI BSKOR, DKAR PO TSE 'PHEL, MTHING KHA LHA BCO LNGA BA, DMAR SMUG PHYAG BCO BRGYAD PA, LJANG SER BE CON CAN, DMAR SER LAS MKHAN MDUNG DMAR LHA DGU MA DANG, LHA BCU GSUM MA GNYIS, GAR MKHAN MCHOG PHYAG BCO BRGYAD PA, SPRIN GSEB MA DANG BCO LNGA RNAMS SO, ,YANG NA PHO BRANG GI DBUS SU 'DOD LHA RGYAL CHEN RIS BZHI PA BYANG PHYOGS LCANG LO CAN GYI DRANG SRONG YAB RNAM MANG THOS PA, YUM KLU CHEN BRGYAD KYI SRING MO ME TOG GTZUG PHUD MA'AM DPAL TSUL MA, SRAS
GNOD SBYIN CHEN PO RGYAL CHEN RNAM THOS SRAS, 'KHOR SKU MCHED RTA BDAG BRGYAD, PHO BRANG GI 'KHOR SA BAR PA'AM PHO BRANG ZHOL GYI GRONG KHYER BAR PA LA, ZHANG RIGS SU GTOGS PA KLU CHEN BRGYAD 'KHOR DANG BCAS PA, PHO BRANG GI 'KHOR SA THA MA'AM PHO BRANG GI ZHOL GYI GRONG KHYER PHYI MA LA SDE DPON NYER BRGYAD, STOBS CHEN SUM CU RTZA GNYIS, LJONGS CHEN PO BCU DRUG LA GNAS PA'I LHA, 'DZAM BU GLING GI YUL 'KHOR SKYONG BA LNGA BRGYA, 'PHROG MA BU DANG BCAS PA, SRIN PO BDUN, MA MO BRGYAD, MGO BRNYAN SNA TSOGS PA'I 'KHOR PHYAG NA MTSON CHA SNA TSOGS 'DZIN PA, ZHES RNAM SRAS BE'U BUM LAS 'BYUNG, DZAM BHA LA'I RIGS NI, GSANG 'DUS DZAM BHA LA, DZAM SER, DZAM BHA LA NAG PO, DZAM DMAR GRVA PA MNGON SHES CAN GYI LUGS, DZAM DMAR SROG SGRUB LUGS, JO LUGS DZAM DKAR 'BRUG ZHON, DZAM BHA LA SNYAN GRAGS, 'KHOR RTA BDAG BRGYAD NI, DZAM BHA LA, GANG BA BZANG PO, NOR BU BZANG, KU BEE RA, YANG DAG SHES, 'BROG GNAS, LNGA RTZEN SER SKYA, PI TZI KUN DRA LI 'AM 'DZAM BU 'KHYIL BA DANG BRGYAD DO, , BYA RGYUD LAS BYUNG BA'I GNOD SBYIN YAB DGU, YUM DGU STE GZUNGS GZHUGS 'BUL SKABS 'KHOR LO LA BKOD RGYU NI, DBUS SU DZAM BHA LA, SHAR DU NOR BU BZANG PO, LHOR GANG BA BZANG PO, NUB TU NOR SBYIN MA, BYANG DU RNAM THOS SRAS, SHAR LHOR KI LI MI LI, LHO NUB TU PI TZI KUN DRA LI, NUB BYANG DU SGO YI DBANG PO, BYANG SHAR DU SPYOD PA'I DBANG PO STE DGU, DBUS SU NOR RGYUN MA, SHAR DU ZLA 'OD MA, LHOR
, ,'PHAGS MA, NUB TU RAB SBYIN MA, BYANG DU SBYIN MA, MER DBYANGS CAN MA, BDEN BRAL LHA MO, RLUNG DU SBAS MA, DBANG LDAN DU RAB BZANG MA STE DGU'O, ,YAB RNAMS SKU SHA RGYAS SHING, GA-YAS BI DZA PU RA DANG, GA-YON NE'U LE 'DZIN PA, YUM RNAMS NU 'BUR RGYAS SHING, BUD MED SGYU MA'I NGA RGYAL GYIS 'GYING BA, GA-YAS THAMS CAD MCHOG SBYIN DANG, GA-YON THAMS CAD 'BRAS KYI SNYE MA 'DZIN PA'O, , BSTAN SRUNG DE DAG THAMS CAD LA BSNYEN SGRUB LAS GSUM RE YOD PAS, BSNYEN PA NI LHA DE DANG DE YI RJES GNANG THOB PAS, RANG RANG GI CHO GA NAS BSHAD PA'I GRANGS BSNYEN LA ZER RO, ,SGRUB PA NI LHA GANG YIN LA ZHI RGYAS DBANG DRAG GI LAS GANG BCOL RGYU YIN RUNG BCOL BA'I SKABS DE KHA RU SGRUB PA YANG SKYOR BYED PA LA ZER RO, ,LAS NI LAS TSOGS KYI SGO NAS ZHI RGYAS DBANG DRAG GI LAS DNGOS GZHI BYED PA LA BTAGS SO, ,GTOR MA 'BUL TSUL NI, GTOR CHOG BSKANG BA TSAR GCIG BYED NA YANG, DANG PO BYON GTOR, GNYIS PA BSKANG GTOR, GSUM PA BSNYEN PA'I GSHAM DU 'BUL GTOR RAM THUN GTOR, BZHI PA GSHEGS GTOR RAM, GTOR RDZONG NGAM, BSTAB PA GSUM DON 'DRA'O, ,LNGA PA RGYAS PA'I GTOR MA DPAL BSHOS, DRUG PA DBANG GI GTOR MA 'DZAM BU TI PA'I ZHAL ZAS, ZHI DRAG GNYIS LA BSHOS BU DMAR NAG GNYIS TE, GTOR MA MANG DU DGOS PA LHA MO DMAG ZOR MA DANG, ZHAL BZHI PA SOGS LA YOD DE, BSKANG GTOR, THUN GTOR, GSHEGS GTOR GSUM GYIS CHOG PA, MGON PO PHYAG DRUG PA DANG, DAM CAN CHOS RGYAL LTA BU'O, ,SGRUB GTOR
DANG GTOR SGRUB KYI GTOR MA 'DRA'O, ,RTEN GTOR NI LO MANG PO DANG MI RABS SOGS KYI BAR RGYUN PAR 'JOG PA'O, ,GTA' GTOR NI, GTOR MA BZANG BAR BSHAMS SHING BYIN GYIS BRLABS TE LAS MA 'GRUB BAR DU MI 'BUL BAR GTA' MA LTA BUR 'JOG PA'O, ,RTAG GTOR NI MA CHAGS PAR 'BUL BA'O, ,'DZIN GTOR NI LO RE TZAM 'JOG PA'I GTOR MA'O, ,GLO BUR LAS GCOL NI, DUS LA MA LTOS PAR DGOS PA KHYAD PAR CAN GYI DUS 'BUL BA'O, ,DUS GTOR NI, DUS NYER DGU LTA BU LA ZOR DU 'PHANGS PA LA GDAB GTOR RAM SDEB GTOR ZER RO, ,LHA GANG YIN GYI DUS GTOR NI, DPER NA, LHA MO DMAG ZOR MA'I TSES GSUM, ZHAL BZHI PA'I TSES BRGYAD LTA BU, LHA DE THEBS PA'AM RGYU BA'I DUS SO SO'I GTOR MA PHUL BA LA DUS GTOR ZER RO, ,DAM CAN RGYA MTSO DE DAG GI DAM TSIG GSANG SNGAGS SPYI 'GRO'I DAM TSIG SDOM PA SRUNG BA GZHIR BYAS LA, DGOS KYI DAM TSIG NI, SGRUB PA PO NANG PHAN TSUN 'KHON SEL MED PA, MTSAMS DAM PAR BCAD PA, CHANG PHUD PHYE PHUD GZHAN GYIS SPYOD 'PHRO MA YIN PA, DAM NYAMS DANG GRIB CAN GYI LAG NAS BYUNG BA MA YIN PA, SNA TSOGS PA'I GTAM DANG, RNAM RTOG BYA BA LA MI ZHUGS PA, SHAGS 'GYED DANG TSIG RTZOD MI BYED PA, BSNYEN PA'I CHOS SKYONG GANG YIN DE LAS GZHAN GYI SNYING PO MI BGRANG BA, NANG MCHOD MI BSGUL BA, GDAN MI SPRUG SGRUB RDZAS PHYIR MI 'DON, NYAMS GRIB CAN GYI ZAS MI ZA, BSNYEN PA'I TSE MI GSAR PA DANG GTAN MI 'PHRAD PA, SGRUB PA TSAR NAS, GTOR MA BYA KHYI, DAM SEL, RANG DANG MI MTHUN PA
, ,RNAMS LA MI BYIN PA, RTA NAG GA-YAG NAG LUG NAG BYA KHYI LA SOGS PA LA RDO MI RDEG PA, SDOM SDIG RLUNG NAG SOGS LA LTAS NGAN DU LTA BA SOGS MI BYED CES, BLA MA GONG MA DU MA ZHIG GI GSUNG RGYUN LAS BYUNG NGO, , 'JIG RTEN LAS 'DAS PA DMAG ZOR MA DANG, MA 'DAS PA'I RGYAL PO BTZAN LTA BU LA SBYAR DU RUNG BA, RTEN MDOS, BSKANG MDOS, BZLOG MDOS GSUM YOD, 'JIG RTEN PA'I LHA RNAMS DBANG DU 'DU BAR BYED PA LA SHES PA BZHI DGOS TE, RI RAB SOGS GZHI MDOS GZHAL YAS KHANG DU SHES PA, DREGS PA PHO MO'I GZUGS BSGYUR MI DGOS SHING RANG RGYUD GANG YIN SPYAN DRANGS PA DANG DAM YE BSRE RGYU MED PA PHO NYA LAS BYED DU SHES PA, MTHUN RDZAS RNAMS GLUD DANG THUGS DAM BSKANG BAR BYA BA'I YO BYED DU SHES PA MTSON CHA DANG DUG RNAMS BSAD PA'I RDZAS SU SHES PA BZHI YIN GSUNGS SO, ,GTOR MA DANG, DRUG CU PA LCAGS MKHAR LTA BU THAMS CAD LA SBYAR RIGS PA, DANG POR BDAG MDUN THA MI DAD PA'I RTEN DANG BRTEN PA'I LHAR SHES, BAR DU BDUD RTZIR SHES NAS 'BUL, THA MAR DUG MTSON DU SHES NAS DGRA PHYOGS SU 'PHANGS PA RDEG GTOR BYED MI BYED SNA TSOGS SO, ,'JIG RTEN PA'I LHA THAMS CAD KYI GTZO BO NI, PHYOGS SKYONG BCU YI NANG GI, BYANG SHAR DBANG LDAN GYI DBANG PHYUG CHEN PO GLANG LA CHIBS SHING, RTZE GSUM THOGS PA DE YIN ZHING, DE LA ZHI RGYAS DBANG DRAG GI LHA BZHI SPRUL PA YOD DE, ZHI BA'I LHA BRGYA BYIN DKAR PO, CHUNG MA GO RI'AM RI SRAS, RGYAS PA'I LHA TSANGS PA SER PO, CHUNG MA RAL GCIG MA,
DBANG GI LHA GZHAN 'PHRUL DBANG BYED KYI BDAG PO DGA' RAB DBANG PHYUG CHUNG MA DMAR MO, DRAG PO'I LHA 'JIGS BYED NAG PO, CHUNG MA DUS MTSAN MA DMAR MO YIN, ZHES MKHAS GRUB DGE LEGS DPAL BZANG GIS SNGAGS RIM LHAN THABS DANG, BU STON GYI BDE MCHOG CHOS 'BYUNG LAS BSHAD DO, ,DRAG PO DUS MTSAN MA GNYIS MA GHA DHA NA MAR BAB STE, 'DZAM BU GLING DBANG BSGYUR ZHING, 'DZAM BU GLING GI GNAS NYER BZHI, NAM MKHA' NA LHA BZHI, DRI ZA BZHI, SA STENG NA GNOD SBYIN BZHI, SRIN MO BZHI, SA 'OG NA KLU BZHI, LHA MA YIN BZHI, SKU TSAB LTA BUR BSKOS PAS, DE DAG GIS RANG RANG GI YUL DU GDAN 'DREN ZHUS KYANG, MA BYON PAR RDO LI MTSAN MA RE RTEN DU BSKUR BAS, DA LTA DE SHUL DU BZHAG PAS GNAS NYER BZHI MI 'GYUR BA'I RDO MTSAN YOD PA YIN GSUNGS SHING, DE TSE LA 'DZAM BU'I GLING DU LTA BA NGAN PA DANG, SPYOD PA LAS 'BRAS KHYAD GSOD DAR TSABS CHE BAS, DE 'DUL BA'I DON DU BCOM LDAN 'DAS SH'AKYA THUB PAS DPAL 'KHOR LO BDE MCHOG GI SKUR BZHENGS NAS, LHA CHEN DRAG PO DANG, LHA MO DBU MA GNYIS ZHABS 'OG TU MNAN TE, YUL NYER BZHI'I LHA RNAMS CIG CAR DU BSGRAL ZHING, DE YI TSAB TU, MKHA' LA DPA' BO BRGYAD DPA' MO BRGYAD, SA 'OG DPA' BO BRGYAD DPA' MO BRGYAD DE, GNAS GSUM MKHA' 'GRO'I TSOGS SAM, BDE MCHOG GI THUGS 'KHOR, GSUNG 'KHOR, SKU 'KHOR LHA TSOGS SU BYUNG BA YIN, SGO MTSAMS MA BRGYAD KYANG LHA CHEN GYI DUS SU MNGAGS GZHUG MA PHRA MEN BZHI DANG, MI'AM CI MO BZHI YOD PA DE BSGRAL BAS BYUNG ZHING, SNYING PO'I RNAL 'BYOR MA
, ,BZHI YANG, LHA CHEN DRAG PO'I CHUNG MA LHA MO DBU MA MA YIN PA BZHI YOD PA'I DOD PO LTA BUR, BCOM LDAN 'DAS RANG NYID KYIS SPRUL NAS BZHAG PA YIN ZHES MKHAS PA'I NGAG RGYUN LAS BYUNG NGO, ,'JIG RTEN PA'I LHA THAMS CAD GTZANG RIS KYI MGON PO BDUN CU RTZA LNGA'I KHONGS SU 'DUS PAS, DE GANG ZHE NA, RGYAL PO CHEN PO BZHI, PHYOGS SKYONG BCO LNGA, LHA CHEN PO BRGYAD, KLU CHEN PO BRGYAD, GZA' CHEN PO BRGYAD, RGYU SKAR NYI SHU RTZA BRGYAD, 'JIGS BYED CHEN PO DGU STE 'DI BRGYAD CU LA JO BO BKA' GDAMS PA RNAMS KYIS DKAR PO BRGYAD CU ZER ZHING, KUN RIG GI DKYIL 'KHOR DANG, SHANGS PA BKA' BRGYUD PA RNAMS KYIS PHYOGS SKYONG BCO LNGA LAS PHRI NAS GTZANG RIS DPAL MGON BDUN CU DON LNGA PO ZER, DE GANG ZHE NA, SHAR PHYOGS RGYAL PO YUL 'KHOR SRUNG DRI ZA'I TSOGS DANG BCAS PA, LHO PHYOGS RGYAL PO 'PHAGS SKYES PO GRUL BUM GYI TSOGS DANG BCAS PA, NUB PHYOGS RGYAL PO SPYAN MI BZANG KLU YI TSOGS DANG BCAS PA, BYANG PHYOGS RGYAL PO RNAM THOS SRAS GNOD SBYIN GYI TSOGS DANG BCAS PA LA RGYAL PO CHEN PO SDE BZHI, PHYOGS SKYONG BCU NI, DBANG PO, GSHIN RJE, CHU BDAG GNOD SBYIN, ME LHA, SRIN PO, RLUNG LHA, 'BYUNG PO, TSANGS PA, SA YI LHA MO BCU LA PHYOGS SKYONG BCU DANG, NYE DBANG, TSOGS BDAG NYI MA, ZLA BA, THAGS BZANG RIS LNGA, BSNAN NA PHYOGS SKYONG BCO LNGA'O, ,LHA CHEN PO BRGYAD NI, TSANGS PA SER PO, DBANG PO DKAR PO, DBANG PHYUG CHEN PO NAG PO, GZHON NU GDONG DRUG ,LOG 'DREN TSOGS BDAG GLANG SNA, LHA CHEN PO 'DI LA MING MI 'DRA BA, BHING GI RI TI'AM, BI TRA PA
TRA'AM, DGA' RAB DBANG PHYUG DMAR PO, LEGS LDAN YANG ZER RO, ,KLU CHEN PO BRGYAD NI, SHAR DU NOR RGYAS DKAR PO AUTPA LA SNGON POS MTSAN PA, LHOR PADMA DKAR PO DBU LA THIG LE GSUM GYIS MTSAN PA, NUB TU KAGS SNGON PO MGRIN PA RI MO GSUM GYIS MTSAN PA, BYANG DU 'JOG PO DMAR PO DPAL BE'US MTSAN PA, SHAR LHOR DUNG SKYONG SER PO THIG LES MTSAN PA, LHO NUB TU RIGS LDAN DKAR PO ZLA BA PHYED PAS MTSAN PA, NUB BYANG DU MTHA' YAS SNA TSOGS MDOG STE RMA BYA'I MGRIN PA BZHIN PADMAS MTSAN PA, BYANG SHAR DU PADMA CHEN PO DKAR PO RTZE GSUM GYIS MTSAN PA'O, , GZA' CHEN PO BRGYAD NI, SKU MDOG PHYAG MTSAN SOGS RGYUD SDE RNAMS LAS 'DRA MIN SNA TSOGS 'BYUNG YANG, DKAR NAG GI RTZIS LAS BYUNG BA BZHIN SPYI 'GRO NI, GZA' DANG PO NYI MA NI, RGYAL PO'I BLA GZA' RGYAL RIGS YIN, ,ZHI BA DMAR SKYA ME YI KHAMS, ,GA-YAS PAS PADMA GA-YON PAS ME, ,GZA' GNYIS PA ZLA BA NI, ,BUD MED BLA GZA' RJE'I RIGS YIN, ,ZHI BA DKAR SER CHU YI KHAMS, ,PHYAG GNYIS KU MUD CHU STENG GNAS, ,GZA' GSUM PA MIG DMAR NI, ,DMAG DPON BLA GZA' RGYAL RIGS YIN, ,DMAR NAG DRAG PO ME YI KHAMS, ,GA-YAS PA BE CON GA-YON ME THAB, ,GZA' BZHI PA LHAG PA NI, ,RGYAL BU'I BLA GZA' DMANGS RIGS YIN, ,ZHI BA SNGO LJANG CHU YI KHAMS, ,GA-YAS PA CHOS 'CHAD GA-YON MDA' GZHU, ,GZA' LNGA PA PHUR BU NI, ,BTZUN PA'I BLA GZA' BRAM ZE'I RIGS, ,ZHI KHRO SER PO RLUNG GI KHAMS, ,GA-YAS PA RAL GRI GA-YON PADMA, ,GZA' DRUG PA PA SANGS
, ,NI, ,BUD MES BLA GZA' BRAM ZE'I RIGS, ,ZHI BA SA KHAMS KHRO BO'AM SNA TSOGS MDOG ,GA-YAS PA DBYUG PA GA-YON MAR ME, ,GZA' BDUN PA SPEN PA NI, ,BYIS PA'I BLA GZA' GDOL PA'I RIGS, ,DRAG PO SER SKYA SA YI KHAMS, GA-YAS PA BA DAN GA-YON NOR BU, ,GZA' BRGYAD PA SGRA GCAN NI, MGO DANG MJUG MA SNGO NAG LUS NAM MKHA' LTAR DVANGS PA'O, ,RGYU SKAR NYI SHU RTZA BRGYAD NI, RGYU SKAR LHA MO RNAMS 'DUG PA'I PHYI GZHAL MED KHANG GI DBYIBS DANG GRANGS NI, SMIN DRUG SKAR DRUG SPU GRI'I DBYIBS, ,SNAR MA SKAR LNGA SHING RTA'I DBYIBS, ,MGO NI SKAR GSUM RI DVAGS MGO, ,LAG NI SKAR GCIG THIG LE'I DBYIBS, ,NABS SO SKAR GNYIS KHRI RKANG DBYIBS, ,RGYAL NI SKAR GSUM RIL BA'I DBYIBS, ,SKAG NI SKAR DRUG GDENG KA'I DBYIBS, ,SHAR SKAR RNAMS SO, ,MCHU NI SKAR DRUG CHU PO 'DRA, ,BRE NI SKAR GNYIS MI RKANG DBYIBS, ,DBO NI SKAR GNYIS KHRI YI DBYIBS, ,ME BZHI SKAR LNGA LAG PA'I DBYIBS, ,NAG PA SKAR GCIG SA SNYING DBYIBS, ,SA RI SKAR GCIG NOR BU'I DBYIBS, ,SA GA SKAR GCIG MGO YI DBYIBS, ,BYANG SKAR RNAMS SO, , LHA MTSAMS SKAR BZHI GLANG PO'I DBYIBS, ,SNRON NI SKAR GSUM THEM SKAS DBYIBS, ,SNRUBS NI SKAR DGU SDIG PA'I DBYIBS, ,CHU STOD SKAR BZHI MCHOD RTEN DBYIBS, ,CHU SMAD SKAR BZHI BRE YI DBYIBS, ,GRO BZHIN SKAR GSUM BRE LTA BU, ,BYI BZHIN SKAR GSUM GLANG MGO'I DBYIBS, ,NUB SKAR RNAMS SO, ,MON GRE SKAR BZHI BYA LTA BU, ,MON GRU SKAR GCIG MI RENG 'DRA, ,KHRUMS STOD SKAR GNYIS SHING RTA'I DBYIBS, ,
KHRUMS SMAD SKAR GNYIS RNA BA'I DBYIBS, ,NAM GRU SO GNYIS GRU LTA BU, ,THA SKAR SKAR GSUM RTA MGO'I MGUL, ,BRA NYE SKAR GSUM MO MTSAN DBYIBS, ,LHO SKAR RNAMS SO, ,'DI DAG PHYI YI KHANG PA LTA BU'I SKAR MA'I GRANGS DANG, DBYIBS DE LTAR BRJOD LA, NANG GI RGYU SKAR LHA MO RNAMS KYI SKU MDOG PHYAG MTSAN RNAMS NI, RGYUD SDE SO SO'I LUGS DANG, NAG RTZIS PA'I LUGS SOGS CI RIGS 'DUG GO , GTZANG RIS MGON PO'I SDE TSAN THA MA 'JIGS BYED DGU NI, SHAR DU DBANG PHYUG 'JIGS BYED, YANG SHAR DU TSANGS PA 'JIGS BYED, LHOR BRGYA BYIN 'JIGS BYED, NUB TU KU BEE RA 'JIGS BYED, BYANG DU YE SHES 'JIGS BYED, SHAR LHOR KHYAB 'JUG 'JIGS BYED, LHO NUB TU SRIN PO 'JIGS BYED, NUB BYANG DU KA LA 'JIGS BYED, BYANG SHAR TSOGS BDAG 'JIGS BYED, RANG RANG GI CHUNG MA DANG BCAS PA'O, , MA MO CHEN MO BRGYAD NI, TSANGS MA, DRAG MO, GZHON NU MA, KHYAB 'JUG MA, PHAG MO, DBANG MO, RGAN BYED MA, DPAL CHEN MO DANG BRGYAD DO, ,'DI NI DUS 'KHOR GYI GSUNG DKYIL RNAL 'BYOR MA'I GTZO BO BRGYAD PO YIN, 'JIG RTEN PA'I LHA CHEN BRGYAD NI, SHAR DU KHYAB 'JUG NAG PO, LHOR GDONG DRUG DMAR PO, NUB TU DBANG PHYUG CHEN PO DKAR PO, BYANG DU TSANGS PA SER PO, MER LUS NGAN SER PO, TSOGS BDAG DKAR PO YAR ZER, SRIN POR GSHIN RJE NAG PO, RLUNG DU CHU LHA DKAR PO, DBANG LDAN DU LHA YI DBANG PO SER PO, DE RNAMS KYI BTZUN MO BRGYAD LA, MA MO
, ,BRGYAD ZER BAS, TSANGS MA, DRAG MO, KHYAB 'JUG MA, GZHON NU MA, DBANG MO, PHAG MO, GSHIN RJE MO, LUS NGAN MO, MA BDUN GTZO MO MDZAD PA'I TSE, ZHES PA'I MA MO BDUN YANG 'DI YI DANG PO BDUN LA BYED, YANG NA, MA MO BDUN NI, TSANGS MA DBANG MO GZHON NU MA, LHA CHEN MA DANG RTOG 'DOD MA, ,RGAN BYED MA DANG SNA CHEN MA RNAMS SO, ,MA BDUN, SRING BDUN, MDZA' BDUN, BRAN MO BDUN TE NYER BRGYAD LA DBANG PHYUG MA NYER BRGYAD ZER, PHYOGS SKYONG BCU YI NANG GI SHAR LHO ME LHA MI 'DRA BA MANG DU BSHAD DE, DBANG CHEN SER PO, 'DZIN BYED DKAR PO, RLUNG NAG PO, DMAR PO NUB KHA'I NYI MDOG MRAm tAm KHAMS PA, KHRO BO DUNG KHA, LTO BA SNA TSOGS MDOG ,BRANG PA GLOG 'OD 'DRA BA, YID LAS SKYES SNA TSOGS, 'JIG RTEN 'DZIN PA, SHA ZA'I ME, RMUGS BYED DANG BCU GNYIS RNAMS SO, ,RGYUD SDE BZHI LAS BYUNG BA'I SDE BRGYAD NI, LHA DANG GCIG KLU DANG GNYIS, GNOD SBYIN DANG GSUM, DRI ZA DANG BZHI, LHA MA YIN DANG LNGA, NAM MKHA' LDING DANG DRUG MI 'AM CI DANG BDUN, LTO 'PHYE CHEN PO DANG BRGYAD DO, , BOD RNAMS KYIS 'DOD PA'I SDE BRGYAD NI, DKAR PO LHA YI SDE, DMAR PO BTZAN GYI SDE, NAG PO BDUD KYI SDE, KHRA BO GZA' YI SDE, SMUG PO DMU YI SDE, SHA ZA SRIN PO'I SDE, DKOR BDAG RGYAL PO'I SDE, NAD BDAG MA MO'I SDE RNAMS DANG BRGYAD DO, ,NAG PHYOGS BDUD RIGS NI, GNAS GDON, LUS GDON, LAS GDON GSUM LA DRUG DRUG TU PHYE BAS GTZO BO'I GDON BCO BRGYAD DO, ,DE
DAG LO GCIG GI ZHAG RE NAS DE GSUM GSUM GYIS BAR CHAD BRTZAMS PA'I CHA NAS GDON RIGS SUM BRGYA DRUG CU'O, ,ZHES MA GCIG GCOD GZHUNG LAS BSHAD DO, , MA GCOD LAS GTZO BO'I GDON CHEN BCO BRGYAD NGOS 'DZIN PA NI, RNAM RTOG CAN LHA 'DRE'I GDON DANG PO, RLUNG CHE CAN RTZA RLUNG GI GDON GNYIS PA, BSAM RGYA CAN KHA PHYIR LTAS KYI GDON GSUM PA, NYAL SNANG CAN ZHEN CHAGS KYI GDON BZHI PA, GTI MUG CAN BYING RGOD KYI GDON LNGA PA, GNYID PO CHE LANG 'TSER GYI GDON DRUG PA, SNYING RUS MED PA 'TSER SNANG GI GDON BDUN PA, GROD PO CHE LTO GDUNG GI GDON BRGYAD PA, ZAS SRED CAN ZHIM MNGAR GYI GDON DGU PA, MTHUN 'JUG CAN RNAM GA-YENG GI GDON BCU PA, ZHEN LOG CAN BLO RGOD KYI GDON BCU GCIG PA, BZANG 'DOD CAN ZOG PO'I GDON BCU GCIG PA, BZANG 'DOD CAN ZOG PO'I GDON BCU GNYIS PA, SEMS ZHUM CAN DGE SBYOR RGYANG SKYUR GYI GDON BCU GSUM PA, PHYI SHOL CAN LE LO'I GDON BCU BZHI PA, PHYI TSIS CAN GSOG 'JOG GI GDON BCO LNGA PA, LAS NGAN CAN NAD GDON SLANG TSAD KYI GDON BCU DRUG PA, RLOM SEMS CAN KHYAD GSOD KYI GDON BCU BDUN PA, RE DOG CAN KHU 'KHRIG BAR CHAD KYI GDON DANG BCO BRGYAD DO, ,BYIS PA'I GDON CHEN BCO LNGA NI, BYIS PA NI SKYES MA THAG NAS LO BCO LNGA MA LON BAR TE, DE LA GNOD PA'I GDON DANG PO NI, 'JAM PA PO NI BA GLANG GZUGS, ,DES ZIN MIG NI RAB TU 'GYUR, ,GNYIS PA NI, RI DVAGS RGYAL PO RI DVAGS 'DRA, ,DES ZIN SKYUG PA MI ZAD SKYUGS, ,
, ,GSUM PA NI, SKEM BYED PA NI GZHON NU'I GZUGS, ,DES ZIN BYIS PA 'GUL BAR BYED, ,BZHI PA NI, BRJED BYED PA NI WA 'DRA'O, ,DES ZIN 'GRE ZHING SGRA YANG 'BYIN, ,LNGA PA NI, KHU TSUR CAN NI BYA ROG GZUGS, , DES ZIN KHU TSUR BCANGS ZHING DGA', ,DRUG PA NI, MA MO DE NI MI YI GZUGS, ,DES ZIN RGOD CING SGRA YANG 'BYIN, ,BDUN PA NI, DZVA MI KA NI RTA YI GZUGS, ,DES ZIN NU ZHO MNGON MI DGA', ,BRGYAD PA NI, 'DOD PA CAN NI RDO RJE'I GZUGS, ,DES ZIN GNYID LOG NGU BAR BYED, ,DGU PA NI, NAM GRU KHYI YI GZUGS KYIS TE, ,DES ZIN LCE LA SOS NI 'CHA', ,BCU PA NI, SRUL PO PHAG GI GZUGS KYIS SO, ,DES ZIN KU CO'I SGRA YANG 'BYIN, ,BCU GCIG PA NI, MA DGA' BYED PA BYI LA'I GZUGS, DES ZIN SNA TSOGS GZUGS SU 'GYUR, ,BCU GNYIS PA NI, BYA NI 'DAB CHAGS GZUGS KYIS SO, ,DES ZIN MNAM PA'I DRI RNAM 'BYUNG, ,BCU GSUM PA NI, GNYA' LAG CAN NI BYA GAG GZUGS, ,DES ZIN 'GUL BA RAB TU 'GAGS, ,BCU BZHI PA NI, BZHIN RGYAS 'UG PA'I GZUGS KYIS TE, ,DES ZIN RIMS BTAB 'KHRU BAR BYED, ,BCO LNGA PA NI, MIG 'PHYANGS PA NI PHA WANG GZUGS, ,DES ZIN SPYI BUNG LDAN PAR 'GYUR, ,ZHES RGYUD LAS BSHAD DO, ,DKAR PHYOGS SKYONG BA'I LHA NI, PAn CHEN CHOS KYI RGYAL MTSAN GYIS, SNGON TSE DAD PA BRTAN DANG KU SHA NA'I, ,BKA' 'BANGS MGRIN PA BCU PA'I SGO SRUNG TSUL, ,DE'I DUS RVA SGRENG DPAL GYI GNAS BDAG GTZO, LHA SRUNG PHYING BA DKAR PO, ZHES GSUNGS PA LTAR, RVA SGRENG GI JO
BO PHYING DKAR BA DANG, DGA' LDAN 'BROG RI DGE BSNYEN DANG, GZHI BDAG RDO RJE DPAL LDAN DANG, RDO RJE DPAL RTZAL DANG, JO BO NE SER DANG, RMA CHEN DANG, NGOM RGYAL DANG, MDOR NA BKA' GDAMS GSAR RNYING GI DGE 'DUN GYI SDE GANG BZHUGS PAR SPRUL PA'I BKOD PA RE YOD, CES BLA MA DAG GSUNGS SO, ,RTA MGRIN YANG GSANG GI GYING LNGA'I NANG TSAN, TSANGS PA DUNG GI THOR TSUGS CAN NI, TSER GSEB PA'AM, LA MO BYANG CHUB LCOG GI CHOS SKYONG DANG, DE KHRO TSUL STON PA BLO LDAN SHES RAB KYIS RGYA GAR NAS GDAN DRANGS PA, GSANG PHU SE KHRAB PA YIN ZHES PAn CHEN BLO BZANG YE SHES DPAL BZANG PO SOGS BZHED GSUNGS, DE YANG BTZAN GYI CHAR GTOGS DANG SPRUL PA RNAM PA DRUG RNAMS SO, ,MKHAN SLOB CHOS GSUM GYIS BSAM YAS SRUNG BAR BZHAG PA, RGYAL PO SKU LNGA, YUM LNGA, BLON PO LNGA, RU 'DREN LNGA, BSHAN PA YANG LE WER RAM GNOD SBYIN TZI'U DMAR PO RNAMS SO, ,SKU LNGA NI, SKU MON BU BU tA, GSUNG DGRA LHA SKYES GCIG ,THUGS BRGYA BYIN RGYAL PO, YON TAN GNOD SBYIN SHING BYA, 'PHRIN LAS PE HAR RGYAL PO DANG, YUM LNGA NI, SKU BDUD MO RO LANGS, GSUNG MDZES BYED PADMA SKYES, THUGS SHAN TING RO ZAN, YON TAN GSER GYI SPU GRI MA, 'PHRIN LAS BDUD BZANG SMIN DKAR, BLON PO LNGA NI, SKU BYA KHRID MIG GCIG 'DI BYA RU, GSUNG RDO RJE GRAGS LDAN, 'DI GNAS CHUNG, THUGS BKA' YI BYA RA BA, YON TAN BYA RGOD THANG NAG 'DI SKYOR LUNG CHOS SKYONG, 'PHRIN LAS PU TRA NAG PO, 'DI THA 'OG YIN ZER BAS BRTAG PAR BYA,
, ,DPE SROG BTZAN GSUM GYI, DPE HAR, GZA', RDOR LEGS, DE NI RA ZHON RDOR LEGS MGAR NAG SENG ZHON RDOR LEGS, MGAR DMAR, GYING LNGA'I NANG TSAN RDOR LEGS SER PO, MCHED 'KHOR SUM BRGYA DRUG CU, GYING GING BZHI BCU RTZA GNYIS RNAMS NI GTZANG GI 'U YUG GRI MO NA, GNAS GTZANG BTZAN RDOR LEGS ZHES ZER ZHING BKA' GDAMS PA RNAMS KYIS BLO SBYONG LAS KO LONG GTZANG BTZAN LAS DAM ZHES PA'ANG 'DI LA ZER RO, , BTZAN RGOD 'BAR BA SPUN BDUN NI, GNOD SBYIN TZI'U DMAR PO, SKYID SHOD RDZONG BTZAN, SUM RING GRI BTZAN, KANG KA NAG GI KLU BTZAN, TZA LA THOG RGYUG GING BTZAN, HOR BOD KYI RJE BTZAN, SKU LA ZHAL GYI BTZAN RNAMS YIN ZER, YANG BTZAN RGOD YAM SHUD DMAR PO, BTZAN ROL PA SKYA BDUN, BOD KHAMS YONGS KYI BTZAN YIN ZER, KHA CIG GIS 'GONG PO SPUN BDUN GYI NANG TSAN DU YOD DE, SPUN BDUN NI, DKAR PO SPYAN GCIG GZA' THE LJANG KHU, BYE BA GUNG RING, GNAM THE DKAR PO, YAM SHUD DMAR PO, THE SE NAG PO, LE GU LAG RING BDUN LA BYED DO ZER, GDON CHEN BCO BRGYAD NI, 'BYUNG PO'I GDON LA, LHA, LHA MA YIN, DRI ZA, KLU, GNOD SBYIN, TSANGS PA, SRIN PO, SHA ZA, YI DVAGS, GRUL BUM, BYAD LTEMS, GA-YENG BYED, RO LANGS, MTSUN LHA, BLA MA, DRANG SRONG, RGAN PO, GRUB PA, 'DI THAMS CAD 'BYUNG PO ZER, JO BO AA TI SHA 'PHAN YUL LEN PA SPYIL PUR PHEBS SKABS SU RTA MGRIN SHVA NA BZHI SKOR GYI SGO NAS DAM LA BZHAG PA'I BRAN KHA ZHES PA NI,
MNGA' BDAG KHRI RAL GYI BLON PO CHOS LA DKAR BA BRAN KHA DPAL GYI YON TAN KHRIMS LA SBYOR BAS MI MIN DU SKYE BA BLANGS PA DE YIN, 'DI SHIN TU GDUG RTZUB CAN DU GRAGS SHING, BOD SPYI LA DBANG BA'I RJE BO MI 'ONG PA 'DI YIS BYAS PAR CHOS BYUNG RNAMS LAS YANG YANG GSUNGS SO, ,DKAR CHUNG RGYAL PO NI RA MA SGANG GI MCHOD RTEN RTZA BAR GTZUG LAG KHANG ZHIG LA GNAS PA, SHANGS PA BKA' BRGYUD DBON STON SKYER SGANG PAS DAM LA BZHAG PA DE YIN ZER, SRID PA'I DGRA LHA MCHED DGU NI, DPA' BRTAN DMAG DPON CHEN PO, MTHU CHEN DGRA 'DUL, SNANG BSGRAGS 'BRUG LDIR, DRAG RTZAL THOG 'BEBS, SKYE PA SROG 'DON, SDANG PA'I DGRA GCOD, SKYES BU RANG CHAS, BYA KHRA SNGON PO, DGRA SBAG GSHOG RTZAL TE DGU LA ZER, DGRA LHA MCHED DGU YANG ZER BA YOD, SRID PA CHAGS PA'I LHA DGU NI, YAB 'O DE GUNG RGYAL DANG, DE YI SRAS BRGYAD LA ZER RO, ,SRAS BRGYAD NI, ,YAR LUNG YAR LHA SHAM PO, BYANG GI GNYAN CHEN THANG LHA, RGA STOD JO BO RGYOGS CHEN, SHAR GYI RMA CHEN SPOM RA, JO BO GA-YUL RGYAL, SHE'U MKHA' RI, SKYID SHOD ZHOGS LHA PHYUG PO'AM 'GA' ZHIG GIS SMUG PO ZER BA DANG DGU'O, ,RJE YI MGUR LHA BCU GSUM NI, SRID PA CHAGS PA'I LHA CHEN DGU YI STENG DU, JO BO MCHIMS LHA, JO BO NGES SUM, JO BO GA-YA' SPANG, JO BO LHA BTZAS BZHI BSNAN PAS BYED DO, ,'BANGS KYI SROG LHA BCU GNYIS NI, 'O DE GUNG RGYAL MA GTOGS PA'I
, ,RJE YI MGUR LHA BCU GNYIS KYI BRAN KHOL BLON PO DREGS PA'I SDE DPON BCU GNYIS LA BYED DO, ,RJE YI MGUR LHA ZHES BRJOD PA'I RGYU MTSAN NI, RGYAL PO SRONG BTZAN SGAM PO, CHOS RGYAL KHRI SRONG LDE BTZAN, MNGA' BDAG KHRI RAL TE, BOD RJE CHOS RGYAL MES DBON RNAM GSUM GYI RIGS RGYUD LA 'GO BAR BYED PA'I SRUNG MA YIN PAS DE SKAD BRJOD DO, ,YANG NA MANG SDOM SMAN BTZAN GYI SRAS BRAG YER PA LHA RI RTZER GA-YAM SGROM NANG DU BDEN TSIG BRJOD NAS BZHAG PAS, GA-YU 'BRUG GIS NGAR CHU BYIN, SENG GES NU ZHO SNUN, RGOD KYIS GSHOG PAS BKAB, GCAN GZAN RI DVAGS KYIS BSKOR BA BYAS, 'JA' TSON GYI GUR PHUB PA DE, YAB KYIS PANG DU BLANGS PAS, DE NAS BZUNG RLANGS LHA GZIGS KYI GDUNG RGYUD KYI MING CHAGS, MDO KHAMS STOD KYI AA CU ZER BA PHAL CHER DE YI RIGS YIN, SLOB DPON PADMA'I DUS SU SAD MI MI BDUN GYI NANG TSAN RLANGS KHAMS PA GO CHAS 'BUM THUGS LA 'DZIN NAS BOD DU 'GYUR BAR RLANGS KYI THUGS 'GYUR STONG PHRAG BRGYA PAR GRAGS, DE NAS RIM BZHIN BRGYUD PA, LHO KHA RTZED THANG GI 'GRAM DU CHOS RGYAL SNE'U GDONG, TA YI SI TU BYANG CHUB RGYAL MTSAN SOGS SDE SRID PHAG GRU'I RIGS RGYUD KYI SRUNG MA RJE YI MGUR LHA BCU GSUM GYI NANG GI MGUR LHA MCHED BZHI'I, THA CHUNG GI SRAS LHA CHEN 'O DE GUNG RGYAL LA BTZUN MO BZHI YOD PAS, LHA MO'I SRAS LHA TSA MCHED DGU, GNYEN MO'I SRAS GNYEN TSA MCHED DGU, SMUG MO'I SRAS DMU TSA MCHED DGU, KLU MO'I SRAS KLU TSA MCHED BRGYAD DE, KUN DRIL BAS 'O DE GUNG RGYAL GYI SRAS SUM CU SO LNGA'O, ,
'GO BA'I LHA LNGA NI, MI 'DRA BA DU MA MCHIS TE, PHO LHA, MO LHA, ZHANG LHA, BRAG LHA, LE'U LHA LNGA LA ZER, LE'U'I LHA NI CHUNG NGU'I DUS SKYONG BAR BYED PA LA BYED, KHA CIG GIS 'TSO BA'I LHA, SRUNG BA'I LHA, SKYOB PA'I LHA, 'GROGS PA'I LHA, MTSUN LHA LNGA LA ZER RO, ,MTSUN LHA NI, RANG GI PHA YI RIGS RGYUD KYI LHA LA BYED, LHAN CIG SKYES PA'I LHA LNGA, SKYOB PAR BYED PA'I LHA LNGA, 'GO BA'I LHA LNGA STE BCO LNGA NI, PHO LHA MO LHA ZHANG LHA DANG, SROG LHA DGRA LHA LNGA PO NI, ,LHAN CIG SKYES PA'I LHA LNGA YIN, ,SRID LHA, YUL LHA NOR LHA DANG, ,BTZAN LHA RGAN LHA LNGA PO NI, ,SKYOB PAR BYED PA'I LHA LNGA YIN, ,THABS LHA BANG LHA SGO LHA DANG, ,KA LHA SGO LHA LNGA PO NI, , DBANG THANG 'GO BA'I LHA LNGA YIN, ,DGE LHA NI SA LA GNAS PA'I ZHING LHA LA ZER RO, ,MI BSOD NAMS CAN RNAMS LA DE LTAR NGES PAR YOD PA YIN TE, DPER NA MI NOR GYIS PHYUG PA'I KHYIM BDAG RNAMS LA 'KHOR GA-YOG DU MA 'KHOR BA BZHIN NO, ,DE DAG GIS SKYOBS TSUL NI, ,YUL LHAS SPYI BO'I GTZUG NAS SRUNG, ,DGRA LHAS PHRAG PA GA-YAS NAS SRUNG, ,PHO LHAS MCHAN KHUNG GA-YAS NAS SRUNG, ,MO LHAS MCHAN KHUNG GA-YON NAS SRUNG, ,SROG LHAS SNYING GI DKYIL NAS SRUNG, ,'GO BA'I LHA LNGA'I SRUNG TSUL LO, ,THAB LHA ZHAL DRO ZAS BCUD ZHIM, ,BANG LHAS ZAS NOR SRID KYANG 'PHEL, ,DGE LHAS 'BRU 'PHEL LO YANG LEGS, ,SGO LHAS PHYUGS 'PHEL GOD KHA NYUNG, ,KA LHAS BKRA SHIS PHYUG YUN RING, ,ZHES GSUNGS SO, ,'DI DAG NI BOD KHAMS SPYI YI SRUNG MA BSHAD PA YIN GYI YUL LJONGS RE RE'I SRUNG MA NI, SHES PAR MI NUS SHING SHES KYANG DON MED PA'O, ,KUN RIG
, ,tIKA CHEN LAS, 'BYUNG BA BZHI YI LHA, RI YI LHA, SHING GI LHA, GRONG GI LHA, LO ZLA ZHAG DUS KYI LHA GSUNGS SHING, DUS 'KHOR 'GREL CHEN DRI MED 'OD LAS, YUL BDAG GRONG BDAG GNAS BDAG CES GSUNGS SO, ,ZHES PA 'DI YANG KLONG RDOL BLA MA NGAG DBANG BLO BZANG GIS BRIS PA'O,, ,,