, ,DGE LDAN SNYAN BRGYUD KYI BKA' SROL PHYAG RGYA CHEN PO'I ZIN BRIS RNAM GROL KUN TU DGE BA'I LAM BZANG ZHES BYA BA BZHUGS SO, ,
, ,NA MO MAH'A MU DR'A YA, SGYU 'PHRUL SRAS PO GNYIS MED RDO RJE 'CHANG, ,ZUR PHUD LNGA PA BLO BZANG GRAGS PA'I DPAL, ,BLO BZANG LUNG RTOGS CHOS KYI RGYAL MTSAN 'DZIN, ,NGES DON SGRUB BRGYUD GONG MA RNAMS LA 'DUD, ,BLO BZANG YE SHES GSANG BA KUN 'DUS PA, ,BLO BZANG RNAM GROL BDE BA MCHOG LA ROL, ,LUNG RTOGS RGYA MTSO GRUB PA'I DBANG PHYUG LA, ,BKA' DRIN DRAN PAS YAN LAG MCHOG GIS 'DUD, ,'GRO BA KUN GYI PHAN BDE'I GZHIR GYUR PA, ,RGYAL BSTAN KUN GYI SNYING PO PHYAG RGYA CHE, ,THUGS DGONGS KUN GYI GTZO BO SGRUB PA'I PHYIR, ,CHOS RNAMS KUN GYI TSUL LTAR BSHAD PAR BYA, ,RGYAL BAS RGYAL TSAB TU DBANG BSKUR BA'I RJE BTZUN BYAMS MGON GYI GSUNG LAS, SANGS RGYAS RNAMS LA LHAG PAR BYAS, ,DE LA DGE BA'I RTZA BA BSKRUN, ,DGE BA'I BSHES KYI MGON BCAS PA, ,'DI MNYAN PA YI SNOD YIN NO, ,SANGS RGYAS BSTEN DANG KUN 'DRI DANG, ,SBYIN DANG TSUL
, ,KHRIMS SOGS SPYOD PA, ,LEN DANG 'DZIN PA LA SOGS PA'I, ,SNOD DU DAM PA RNAMS BZHED DO, ,ZHES SANGS RGYAS LA DMIGS TE GTZUG LAG KHANG BYED PA LA SOGS PAS SANGS RGYAS DE LA BRGYUD NAS LHAG PAR BYA BA BYAS PA DANG, BSOD SNYOMS 'BUL BA SOGS KYIS DE LA DNGOS SU DGE RTZA BSKYED PA DANG DGE BA'I BSHES GNYEN GYIS YONGS SU ZIN PA'I KHYAD PAR GSUM DANG LDAN PA NI YUM NYAN PA'I SNOD DANG, DE LA LUS KYIS BSKOR BA DANG, NGAG GIS DON BZHIN BSTOD PA DANG, GTZO BOR YID KYIS THOS BSAM SGOM PA'I BSNYEN BKUR GYIS MNYES PAR BYED PA NI YUM GYI TSIG BLO LA LEN PA'I SNOD DANG, DE LTAR BSNYEN BKUR NAS THE TSOM ZA BA'I DON GYI NGO BO ZHUS SHING, NGO BO'I RGYU MTSAN YONGS SU 'DRI BAR BYED PA NI YUM DON MI BRJED PAR 'DZIN PA'I SNOD DANG, SANGS RGYAS KYI DRUNG DU SBYIN SOGS BCU NYAMS SU LEN PA NI YUM GYI MTSAN NYID TSUL BZHIN YID LA BYED PA'I SNOD DANG, BZHI GA YANG THEG PA CHEN PO'I DGE BA'I BSHES GNYEN GYIS BYIN GYIS BRLABS PA CAN DU RGYAN RTZA 'GREL RNAMS LAS BSHAD PA LTAR, DA LAM KYANG DGE LDAN SNYAN BRGYUD KYI BKA' SROL PHYAG RGYA CHEN PO
'DI NYAN PA DANG, LEN PA DANG, 'DZIN PA DANG, TSUL BZHIN YID LA BYED PA DANG BCAS PA'I SNOD KYI MTSAN NYID RNAMS THOG MAR SHES PAR BYAS NAS RANG RGYUD LA TSANG BAR MDZAD DGOS, DENG DUS SU CHOS 'DI 'DRA LA NYAN SOGS BYED PA'ANG MI SRID CING, BYED PA LTAR SNANG BA RNAMS KYANG THA NA DKON PA'I 'DU SHES KYI SGO NAS SKAL BA BZANG BA'I NYAMS TZAM YANG MED PAR, NGA DANG BLA MA GNYIS SPYIR YUL DANG NANG TSAN LUNG PA GCIG ,GRVA SA DANG GRVA TSANG GCIG YIN ZER ZHING YANG DGOS NGA LA SNGAR KHONG GIS ZANG ZING GI GROGS BYAS, DA DUNG TSE 'DI'I BDE THABS THAMS CAD KYI RES YIN PAS KHONG GIS BYA BA GANG BYED SAR NGA MA SLEB PA'I THEBS MED SNYAM NAS MI NUS BZHIN DU CHOS GRAL DU SDOD PA DANG, CUNG ZAD DRAG PA 'GA' ZHIG NI CHOS DE RANG LA DGOS PAR MI 'DZIN PAR, RANG CHOS DE LA PHAR MKHO BA LTAR BYAS NAS, CHOS DE NYAMS 'GRO BAR 'DUG ZER ZHING THOS MA THAG NAS SHOD PA'I 'DU SHES KYIS NYAN PA SOGS JI TZAM CHOS LA 'BAD BLO BYAS KYANG TSE 'DI'I MNGON ZHEN STOBS CHE BA RES BSKYOD PA SHA STAG TU SONG BAS, 'BRAS BU CHOS NAS BSHAD PA BZHIN MI 'BYUNG BA RED, RANG LA JA YOD PAS MI CHOG ,DE'I RO MYANG BA DANG SKOM PA SEL BA SOGS, JA DE BSKOL BA DANG, 'THUNG BAR BYED PA'I THABS RNAMS LA RAG LAS, DE BZHIN DU CHOS KHO RANG GDAMS NGAG YIN PAS MI CHOG ,CHOS KYI RO MYANG BA DANG, CHOS KYI BYA BA BYED PA
, ,THAMS CAD, RANG LA GDAMS PAR SHAR BAR BYED PA'I THABS GDAMS NGAG ZUR PA MTSAN LAM RIM DU GSOL BA LTA BU DANG, DE STON PA'I DGE BA'I BSHES GNYEN GYIS BYIN GYIS BRLABS PA KHO NA LA RAG LAS PA YIN 'DUG ,DE MED NA, 'JAM MGON CHOS KYI RGYAL PO TZONG KHA PA CHEN POS, MANG DU THOS KYANG CHOS KYIS PHONGS PA NI, ,GSUNG RAB GDAMS PAR SHAR BA MED PAS NONGS, ,ZHES GSUNGS PA LTAR, RANG GIS GANG SHES PA'I CHOS DE'I 'GAL ZLAR SONG NAS, TSE 'DI'I MDUN MA LEGS PA ZHIG KYANG MI 'GRUB CING, BSTAN PA LA'ANG SHIN TU GNOD TSABS CHE BAS ZON CHEN PO MDZAD DGOS PA 'DUG ,DA RES KYANG MI NGA 'DRA BAS CHOS 'DI 'DRA LAG TU 'KHYER NAS GZHAN LA 'CHAD KHUL BYED PA NI, BSTAN PA NYAMS DMA' BA'I NANG RTAGS PHYIR 'DON PAR BYED PA 'DRA BA ZHIG 'DUG STE, RI KHROD KYI SPONG BA PA RNAMS KYIS KYANG, DUS DBANG LA DPAG PA'I BSTAN PA'I RTZA BA SO SOR THAR PA'I PHYAG BZHES DANG, LAM RIM BLO SBYONG BCAS LA THUGS 'DUN CHEN PO MDZAD PAS BDAG RKYEN BYAS, GTZO BOR RANG YANG DGE BA'I BSHES GNYEN GYI BKA' BSGRUB PA LA NAN TAN SNYING POR BYED 'DOD KYIS 'DI 'CHAD PA DANG DU BLANGS TE, MI MANG 'DU BA SOGS LA GTZO BOR MA BYAS SHING, RNYED BKUR GRAGS 'DOD KYI PHYOGS LA NUS PA CI YOD KYIS SPONG SEMS BSKYED PA SOGS 'CHAD PA PO'I MTSAN NYID RNAMS 'BAD PAS BSGRUB MUS SU YOD CING, KHYED RNAMS KYIS KYANG GONG DU ZHUS PA'I SNOD KYI MTSAN NYID RNAMS DANG CI LDAN MDZAD DGOS SHING, DE RNAMS
NI NYAN BSHAD GNANG DU 'GRO BA'I THABS MCHOG TU GYUR PA ZHIG STE, MDOR NA RANG CAG RNAMS DA LAM 'DIR TSOGS PA DON CHEN POR 'GYUR BA ZHIG CI NAS MDZAD DGOS PA YIN, DA NI THOG MAR BSTAN BCOS 'DIR 'JUG PA'I THABS SPRO BA BSKYED PA DANG, BSTAN BCOS DNGOS DON DANG MTHUN PAR BSHAD PA GNYIS, DANG PO NI SPYIR BSTAN BCOS 'DIR 'JUG THABS MANG YANG, SKABS SU BABS PA SNYAN BRGYUD THUN MONG MA YIN PA 'DI KHA'I BLA MA GONG MA RNAMS KYI RNAM THAR STON PAR MDZAD PA'I PHYAG SROL MA NYAMS PA NI DGOS PA SHIN TU CHE STE, BRGYUD PA KHUNGS THUB CING BAR DU 'CHAL NYAMS KYI LHAD MA ZHUGS PA'I BRGYUD PA BYIN RLABS CAN DU RTOGS PA DANG, CHOS DANG CHOS 'DZIN PA GNYIS KA LA YID CHES RNAM DAG GI DAD PA LHAN CIG TU SKYE BA DANG, THOS BSAM SGOM GSUM GYI GO RIM SOGS LAM GYI GNAD LA GO BA CHAGS PAS 'JUG TSUL LA MKHAS PAR 'GYUR BA DANG, THOG MA NAS DAM PA GONG MA RNAMS KYIS BYIN GYIS RLOBS PA'I RTEN 'BREL 'GRIG PAS GANG BRTZAMS PA RNAMS DON CHEN POR 'GYUR BA BCAS DGOS PA CHEN PO BZHI YOD, 'DI RNAMS BDAG GI DGE BA'I BSHES GNYEN CHEN PO BKA' DRIN MTSUNGS ZLA MA MCHIS PA RIGS DANG DKYIL 'KHOR KUN GYI BDAG PO ZUNG 'JUG RDO RJE 'CHANG RNAM GNYIS KYI DGONGS BZHED GNAD CHE BA ZHIG YIN TE, DENG DUS RANG CAG BSOD NAMS KYI BSAGS RGYAB CHUNG BA'I DBANG GIS, 'PHRAL GYI LTO CHOS ZHIG LAS KYANG RTZIS CHUNG BAR BYED PAR 'DUG ,DGOS PA CHE BA'I RGYU MTSAN NI, SPYIR 'JUG BYA'I CHOS GANG LA YANG BRGYUD PA MA CHAD PA DANG, DE YANG CHU 'GO GANGS DANG, CHOS 'GO SANGS RGYAS YIN ZER BA LTAR, BRGYUD KHUNG SANGS RGYAS LA THUG PA ZHIG DGOS, DES KYANG MI CHOG BAR DU TSUL KHRIMS 'CHAL BA DANG, DAM NYAMS KYI LHANG MA ZHUGS PA ZHIG MA BYUNG NA, YON TAN GSAR PA SKYE BA LTA CI, RNYING PA SKYES SKYES PA RNAMS KYANG NYAMS PAR BYED PA YIN 'DUG ,SNGON BKA' GDAMS KYI DGE BSHES GTZANG PA NAM MKHA' RIN CHEN PAS, DBUS STOD KYI DGON PA ZHIG LA PHEBS NAS
, ,DGYES RDOR GYI RGYUD CIG GZHAN NAS GA-YAR PO BZHES, SANG NANG PAR SNGA PO NAS NYE GNAS LA, PHYAG DPE 'DI NYAMS GRIB KYIS NON PA ZHIG YIN 'DUG PAS, MDANGS NGA LA BLO NGAN PA STOBS CHEN SKYES NAS DGE SBYONG THAMS CAD NYAMS SONG, 'DI 'PHRAL DU PHAR LA GANG NA DRONG ZHIG GSUNGS PA DE LTAR SNGON GYI DGE BSHES CHEN PO RNAMS GZIGS DPE TZAM GYI LEN KHUNG LA YANG DAM DOG DE 'DRA MDZAD, DA LTA NI CHOS DANG GANG ZAG GNYIS KA LA ZAB CHOS GTER CHOS ZER BA DANG, SGOM CHEN GTER GTON ZER BA SOGS, 'PHRAL GYI 'DOD THOG TU 'GRO CHE BA DANG, MING RDZIG PA RE BYUNG BA DES TSIM NAS, RGYAL BA'I DGONGS PA GZHUNG TSAD LDAN GYI RJES SU 'BRANGS NAS 'TSOL BA RNAMS ZER RGYUS PHONGS PA DANG, RNAM GRANGS GSOG PA TZAM DU BZUNG NAS LTA SPYOD GNYIS KA NYAMS PA'I SDIG PA STOBS CHEN PO GSOG PA 'DUG DES NA NGA DANG NGA'I PHA DANG, DE'I PHA DANG ZER BA'I GRONG PA'I PHA BRGYUD RTZI BA LTA BU BRGYUD RIM GYI GRANGS 'DREN RGYU YOD PA TZAM GYIS KYANG MI YONG, SNYAN BRGYUD 'DI LTA BU NI DUS GSUM RGYAL BA'I MKHYEN RAB THAMS CAD KYI NGO BO RJE BTZUN 'JAM PA'I DBYANGS KYIS DNGOS KYI DGE BA'I BSHES GNYEN MDZAD NAS KHAMS GSUM 'GRO BA'I BLA MA CHOS KYI RGYAL PO TZONG KHA PA CHEN POS ZHING 'DIR SNGON BYON GYI DAM PA SUS KYANG BKRAL BAR MA NUS PA'I THUN MONG DANG THUN MONG MA YIN PA'I LAM GYI DKA' GNAD YONGS RDZOGS GSAL BAR MDZAD PA'I SGO NAS NYE BRGYUD GTZO CHE BAR BYAS PA LAS, STON PA SANGS RGYAS RANG LA GTUGS PA'I RING BRGYUD KYI DBANG DU BYAS NA YANG LAM RIM GYI ZAB MO LTA BRGYUD NANG LTAR YIN 'DUG CING, SNYAN BRGYUD ZER BA YANG ZHES BYAS PA MIN PA ZHAL NAS RNA BAR GCIG BRGYUD LTA BUR BYAS PA'I RTZIS CHE BA'I DON YIN 'DRA ZHING, RJE BTZUN BLO BZANG CHOS KYI RGYAL MTSAN GYIS DUS DBANG SKABS BABS LA SGONGS TE, RTZA 'GREL GNYIS KA'I SGO NAS YI GER 'KHOD PAR MDZAD PA NI SKAL LDAN RNAMS LA BKA' DRIN SHIN TU CHE BA YIN 'DUG ,BRGYUD TSUL YANG DNGOS PO RTZIS SPROD
LEN LTAR, GCIG LA BYUNG DUS GCIG LA MED 'GRO BA'I BUM PA GANG BYO'I TSUL GYIS KYANG MI CHOG NA, BUM STONG BYO BA LTA BUS GA NAS YONG, DES NA BUM PA BZANG PO NAS BLANGS PA 'DRA BA ZHIG DGOS SO, ,SNYAN BRGYUD 'DI'I BLA MA GONG MA THAMS CAD NI THUN MONG GDUL BYA'I SNANG POR YANG, GDAMS PA 'DI KHO NA LA BRTEN NAS STONG NYID LA DMIGS PA'I THEG PA CHEN PO'I ZHI LHAG ZUNG 'BREL GYI RNAL 'BYOR MNGON DU MDZAD PA SHA STAG STE, DE LTAR BRGYUD PA BYIN RLABS CAN DU RTOGS NAS DVANG BAS NYAN NA, THOS PA TZAM GYIS KYANG SGO GSUM BYIN GYIS RLOBS PA LA NUS PA SHIN TU CHE BA YIN, DE BZHIN DU DGOS PA PHYI MA LA YANG RGYU MTSAN MANG STE, BSTAN BCOS DNGOS KYI BSHAD PA'I KHONG NAS THON PAR 'GYUR BA YIN 'DUG ,DE NAS 'JUG 'DOD KYI SPRO BA CHEN PO RNAM DAG SKYES PA NA, DE LA BSTAN BCOS DNGOS BSHAD PA SKABS SU BABS PAS GNYIS PA BSTAN BCOS DNGOS DON DANG MTHUN PAR BSHAD PA LA, RTZOM PA LA 'JUG PA'I BYA BA, BRTZAMS PA'I GDAMS PA DNGOS BSHAD PA, BRTZAMS PA LAS BYUNG BA'I DGE BA BSNGO BA DANG GSUM, DANG PO LA MCHOD PAR BRJOD PA DANG, RTZOM PAR DAM BCA' BA GNYIS LAS DANG PO NI, ` NA MO MAH'A MU DR'A YA, KUN KHYAB KUN GYI RANG BZHIN PHYAG RGYA CHE, ,DBYER MED BRJOD BRAL SEMS KYI RDO RJE'I DBYINGS, ,RDZEN PAR STON MDZAD KHYAB BDAG GRUB PA'I RJE, ,ZLA MED BLA MA'I ZHABS LA GUS PAS 'DUD, ,CES GSUNGS, DE LTAR THOG MAR MCHOD PAR BRJOD PA'I DGOS PA NI RANG 'GREL LAS BDAG NYID DAM PA'I SPYOD PA DANG MTHUN PAR BSTAN PA SOGS KYI PHYIR, ZHES SNGON GYI DAM PA GONG MA RNAMS KYIS MKHAS PA'I BYA BA 'CHAD RTZOD RTZOM GSUM SOGS GAL CHE BA'I NGAG GI BYA BA SPYI DANG, KHYAD PAR RTZOM PA NI SLOB DPON TZANTRA GOO MIS, 'CHAD RTZOD NGAG LA MA NGES SHING, ,'KHRUL MED RTZOM PA'I RDO RJE 'DI, ,ZHES GSUNGS PA LTAR, RTZOM PA'I DAM BCA' NGES PA CAN YIN PA DANG, 'GRO BA LA PHAN 'DOGS RGYUN RING BA DANG, STON PA DANG BSTAN PA GNYIS KA'I GO CHOD PA BCAS, RGYA GAR DU CHOS KHRIMS MA NYAMS GONG DU, LO SKOR RE'I
, ,NANG DU BSTAN BCOS GSAR PA GANG BYUNG YANG PAn GRUB RNAMS TSOGS, YUL GYI RGYAL PO SPYAN DRANGS, TSOGS KYI GRAL GSHAM DU RTZOM MKHAN DANG CHOS RNAMS BZHAG ,DE NAS GRAL RIM LTAR CHOS DE ZHIB DPYOD MDZAD NAS, BKA' DANG DGONGS 'GREL GYI GZHUNG DANG MTHUN NA 'PHRAL DU RGYAL POS BSTAN BCOS RGYAL MTSAN GYI RTZE MOR BKOD NAS MCHOD CING CHOS DANG MDZAD PA PO GNYIS KA LA 'GRO DON GYI SKABS DBYE BAR MDZAD, TSIG MDZES KYANG BRJOD DON GA-YO KHRID CAN DU 'DUG NA, GNYIS KA CHOS MTHUN GYI KHRIMS KYIS NYAMS SMAD PAR MDZAD PA'I SGO NAS RGYAL BSTAN DRI MED RING DU SPEL BA'I LUGS SROL DE 'DRA RED, NGED RANG TSOS DENG SANG DNGUL DANG KHA BTAGS SOGS LA 'GRIG MIN DE LTAR BYED, MAN NGAG LAS KYANG 'BROM GYIS JO BO GSHEGS KHAR, DA BSHES GNYEN SU LA BRTEN ZHUS PAS, DA RGYUD LA BYIN RLABS BRTAN PO THOB TSAR BAS BSHES GNYEN MDO SDE LA GYIS GSUNGS PA LTAR GAL CHE BAS NA RGYA BOD KYI DAM PA GONG MA RNAMS KYIS RTZOM PA LA NAN TAN CHEN PO MDZAD, DES NA BSTAN BCOS DANG RJES SU 'BREL BA'I DGOS DON RNAMS RTZOM PA MA 'PHYUGS PAR MTHAR PHYIN PA LA RAG LAS, DE NI RDO LA RI MO BRIS PA LTA BU'I DAM BCA' BRTAN PO 'JOG PA DANG, YUL KHYAD PAR CAN LA MCHOD PAR BRJOD PA GNYIS LA DNGOS SU RAG LAS PAS NA, YANG RANG 'GREL LAS RTZOM PA MTHAR PHYIN PAR BYA BA'I PHYIR DANG ZHES DGOS PA DANG BSTUN PA'I GO RIM DE LTAR MDZAD, DE YANG MNGON RTOGS RGYAN GYI MCHOD BRJOD LTAR, BSTAN BCOS LUS KYI BRJOD BYA PHYAG RGYA CHEN PO LA PHYAG 'TSAL BAR STON PA LA, NA MO MAH'A MU DR'A YA ZHES GSUNGS, RGYA SKAD SMOS PA'I DGOS PA SOGS KYANG RGYAN GYI SKABS LTAR YIN 'DUG ,SLAR YANG BLA MA'I ZHABS LA GUS PAS 'DUD CING, 'DUD PA'I RGYU MTSAN GANG ZHE NA, CHOS KUN TE MA LUS PA LA KHYAD MED YIN TSUL GYIS KHYAB PA NI, KUN GYI RANG BZHIN GNAS LUGS STONG PA NYID YIN LA, GANG YANG DE LAS MI 'DA' BAS PHYAG RGYA DANG, DE RTOGS NA MCHOG
TU BYED PAS NA CHEN PO STE DE DANG NAM DU YANG DBYER MED PA'I 'BRAS DUS KYI YE SHES NI, SGRA RTOG GIS JI BZHIN BRJOD PA DANG BRAL BA'I BDE CHEN SEMS KYI RDO RJE YIN LA, DE'I RANG BZHIN DRI MA KUN GYIS RNAM PAR DAG PA'I CHOS KYI DBYINGS MTHAR THUG DE, SGRIB BRAL RJEN PAR MNGON SUM DU THUGS LA 'CHAR ZHING, DE DANG DUS GCIG TU BDAG CAG GZHAN LA'ANG SKU DANG GSUNG GIS TSUL DE LTAR STON PAR MDZAD PA'I KUN KHYAB RIGS KYI BDAG POR GRUB PA STE YIN PA'I SGO NAS RJE BTZUN BLA MA NI, DON GNYIS GANG NAS KYANG 'GRAN ZLA MED PA'I PHYIR RO, ,SPYIR DPON GYI PHYAG RGYAS BTAB NA, 'BANGS KYIS DE LAS MI 'DA', DE YANG NGO THOG GI YIN TSUL ZHIG LA MA GTOGS, GANG BYUNG LA DAM RGYA MI 'DEBS PA LTAR, BDAG CAG GI STON PA THUGS RJE CAN GYIS KYANG RJES 'JUG RNAMS KYIS GANG LAS 'DA' BAR MI BYA BA'I GZHI BDEN PA GNYIS KYI YIN TSUL BSDUS PA'I GNAD LA LTA BA BKA' BTAGS KYI PHYAG RGYAS BTAB PA'I CHOS KYI SDOM CHEN PO BZHI GSUNGS, 'DI RNAMS BKA' DANG DGONGS 'GREL KUN GYI BRJOD DON GYI GTZO BO YIN ZHING DE'I NANG NAS CHOS KUN STONG ZHING BDAG MED PA'I GNAS TSUL DANG, DE YUL DU BYED RUNG GI SEMS GNAS KYI SNANG TSUL, DE GNYIS LUGS SROL GZHAN DANG MA 'DRES PAR SGRUB TSUL BCAS TSUL GSUM TSANG LA MA NOR BA 'DI DGE LDAN SNYAN BRGYUD KYI CHOS KYI SDOM YIN, CHOS NYID DANG DBYER MED TSUL GYI SGO NAS SPYIR SEMS KYI RDO RJE LA GZHI LAM 'BRAS GSUM YOD, THOG MA NAS CHOS NYID DANG NGO BO DBYER MED PAS RANG BZHIN LA DRI MA'I LHAD MA ZHUGS SHING, GLO BUR GYI BCAS BCOS RAGS PA ZHI DANG ZHI RUNG GI SEMS DE GZHI DUS KYI SEMS KYI RDO RJE YIN, DE 'GRO BA KUN LA CI RIGS PAR YOD, BRGYAD STONG PA LAS RAB 'BYOR SEMS KYI RANG BZHIN NI 'OD GSAL BA'O ZHES GSUNGS, DE LAM GYI NGO BOR 'PHOS NAS MNYAM GZHAG GI TSE YUL CHOS NYID DANG, CHU LA CHU BZHAG PA LTAR DBYER MED PAS GNYIS SNANG NUB CING NUB PA LTAR SNANG BA'I YE SHES KYI SEMS DE LAM DUS KYI SEMS KYI RDO RJE YIN, CHOS NYID LA DMIGS PA'I MNYAM GZHAG THOB PA'I LAM ZHUGS THAMS CAD LA CI RIGS
, ,PAR YOD, SBYOR LAM CHOS MCHOG GI SKABS SU, NYI SNANG LAS, GNYIS SNANG NUB PA LTAR SNANG GI NUB PA NI MA YIN NO, ,ZHES GSUNGS PA SOGS YIN, 'BRAS DUS KYI SEMS KYI RDO RJE NI GONG DU BSHAD PA LTAR, CHOS NYID LA SLAR MI LDANG BA'I TSUL GYIS, NAM DU YANG DBYER MED PAS MNYAM GZHAG DE LAS LDANG MI SRID PAR RJES THOB KYI MDZAD PA MTHA' DAG DUS GCIG TU MA NYAMS PAR STON PA'I YE SHES KYI KHYAD PAR TE, DE NI SANGS RGYAS KYI SA KHO NAR RIGS KUN LA KHYAB PA'I BDAG PO LTA BUR YOD, 'DI'I GNAD KYIS SEMS CAN GYI SA NA MNYAM GZHAG JI LTAR MTHO YANG RANG GI BSAM NGA LA LTOS TE SLAR MI LDANG BA'I TSUL GYIS MNYAM PAR BZHAG PA ZHES SBYOR DGOS PA YANG DAG MTHA'I SKABS SU BSHAD PA BZHIN YIN NO, ,LAM YANG RGYU DUS KYI KHONGS SU BSDUS NAS, RGYU 'BRAS KYI SEMS DE GNYIS NI CHOS NYID DANG RTAG TU NGO BO DBYER MED CING CHOS CAN SNOD BCUD KUN GYI GZHI LTA BUR GYUR PA'I RANG BZHIN DE SUS KYANG BSHIG PAR MI NUS PAS NA, SEMS KYI RDO RJE ZHES RDO RJE'I MING THOB PA YIN 'DUG ,'DI RNAMS NI BDAG GI BLA MA ZUNG 'JUG RDO RJE 'CHANG RNAM GNYIS KYI BKA' MNGON SUM MNYAMS PA YIN PAS BYIN RLABS CHE ZHING, GZHUNG CHEN MO DANG MTHUN PAS KHUNG THUB PA, NGES SHES SKYE SLA ZHING GO YUL CHOD CHE BAS MAN NGAG ZAB PA, 'CHAD TSUL RGYUD TSOD DANG BSTUN PAS PHAN THOGS MYUR BA BCAS YIN ZHING, CHOS NYAMS SU LEN PA NA RANG SHES TZAM GYIS MI CHOG PAR MTSAN LDAN GYI ZHAL LAS SHES DGOS PA'I RGYU MTSAN YANG DE 'DRA RED, GNYIS PA RTZOM PAR DAM BCA' SPYIR BSTAN PA NI, MDO RGYUD MAN NGAG RGYA MTSO'I BCUD BSDUS NAS, ,LEGS PAR 'DOMS MDZAD DGE LDAN BKA' BRGYUD PA, ,GRUB MCHOG DHARM'A BDZRA YAB SRAS KYI, ,BKA' SROL PHYAG RGYA CHEN PO'I GDAMS PA BRI, ,ZHES GSUNGS, YUM RGAS 'BRING BSDUS GSUM LA SOGS PA'I MDO DANG, GSANG 'DUS RTZA BSHAD LA SOGS PA'I RGYUD DE DAG GIS CHUR GNOD BYED MED CING, PHAR NGES PA STER BA'I SGO NAS MDO RGYUD KYI TSIG DON BDE BLAG TU RTOGS THABS MAN NGAG GI BSTAN
BCOS MNGON RTOGS RGYAN DANG SGRON GSAL SOGS GSUNG RAB RGYA MTSO LTA BU'I SNYING PO'I BCUD MTHA' DAG GANG ZAG GCIG GI NYAMS LEN GYI RIM PAR BSDUS NAS, LEGS PAR 'DOMS PAR MDZAD PA'I DGE LDAN BKA' BRGYUD PA SPYI DANG, KHYAD PAR GRUB PA MCHOG DANG LDAN PA DHARM'A BDZRA STE CHOS RDO RJE YAB SRAS KYI BKA'I LUGS SROL THUN MONG MA YIN PA'I PHYAG RGYA CHEN PO'I GDAMS PA 'DI BRI BAR BYA'O, ,ZHES TSIGS BCAD 'DIS, DGE LDAN BKA' RGYUD KYI CHOS SPYI DANG KHYAD PAR DPYAD PA YONGS RDZOGS KYIS DRANGS PA'I MTHU LAS RNYED PA'I STONG PA RTEN 'BREL GYI DON DU STON PAS, STON PA MCHOG GI RGYAL SA 'DZIN PA'I SNYAN BRGYUD 'DI'I CHE BA BRJOD PA YIN, DE YANG SKYES BU KUN GYI 'DOD BYA MTHAR THUG NI SKYON KUN ZAD YON TAN KUN LDAN GYI SANGS RGYAS KHO NA LA BYED DGOS, DE THABS GZHAN GANG GIS KYANG 'GRUB PAR MI NUS PAS, SGRUB BYED THEG PA CHEN PO'I LAM GYI RIM PA DE NI SKYON MTHA' DAG 'GOG CING, THEG PA GSUM GYI YON TAN GYI RIGS MTHA' DAG SKYED PAR BYED PA ZHIG DGOS PAS, DE LA SNGON DU SKYON YON GYI RIGS MTHA' DAG MA 'DRES PAR SHES PAR BYED PA'I MANG THOS GNAD CHE BA NI, THOS PA'I TSOMS LAS, THOS PAS CHOS RNAMS SHES PAR 'GYUR, ,THOS PAS SDIG LAS LDOG PAR BYED, ,THOS PAS DON MA YIN PA SPONG, ,THOS PAS MYA NGAN 'DAS PA 'THOB, ,CES GSUNGS PA SOGS MTHA' YAS PAS, SANGS RGYA BA LA ZHAG BDUN LAS MI THOGS, THOS PAS CI BYA ZER BA DANG, THOS PA TSUL LDAN MA YIN PA GNYIS KA LAS GANG GI THOS PA'I RJES 'BREL GYI SGRUB 'BRAS RNAMS 'BYUNG SA MED, ,DGE BSHES GONG MA RNAMS KYIS KYANG MI SHES PAS CI SGRUB, MA SGRUB PAS CI 'BYUNG GSUNG BA YANG, RIM PA 'DI STON PA YIN, DES NA THOG MAR MDO RGYUD MAN NGAG RGYA MTSO MANG DU THOS PA LAS BRTZAMS TE, BAR DU SGRUB PA NYAMS LEN GYIS DE DAG GI SNYING PO'I BCUD BSDUS NAS, GZHAN LA'ANG DE DAG LEGS PAR 'DOMS PAR MDZAD PAS THOG MTHA' BAR DU RGYAL BA'I BKA' DANG 'BREL ZHING NGO BO MA NOR BA GRANGS TSANG BA GE RIM MA 'PHYUGS
, ,PA BCAS KHYAD CHOS BLA NA MED PAS KHYAD PAR DU BYAS PA YIN, DE NI 'JAM MGON CHOS KYI RGYAL PO'I RNAM THAR MDOR BSDUS PA GNAD CHE BA ZHIG YIN TE, RANG RNAMS LAS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN PA RGYAS PA'I CHAD DU BSNGOS, ,TSUL 'DI BSAMS SHING MDUN MA LEGS NAS GDA', ,BKA' DRIN CHE'O RJE BTZUN MKHYEN PA'I GTER, ZHES GSUNGS PA LTAR RO, ,KHYAD PAR GDAMS PA 'DI NI RTZA BA 'DI KHA'I MDZAD BYANG DU 'KHOD PA BZHIN RGYAL BA DBEN SA PA CHEN POS GRUB CHEN CHOS RDO RJE LAS DNGOS SU GSAN NAS DE DUS YOD KYANG DUS DBANG GIS SNANG DU MI RUNG BAR MDZAD PA BCAS, MDO SNGAGS GNYIS KA'I SKABS KYI 'BRAS BU THAR PA DANG THAMS CAD MKHYEN PA GNYIS LA NGES PAR DGOS PA'I LTA BA NI 'DI KHO NA YIN GYI, LTA BA'I MING 'DZIN GZHAN SUS KYANG GO MI CHOD PAS, RJE BLA MAS LTA BA RNAM DAG DANG 'BREL BA'I MDO SNGAGS KYI BSTAN PA YONGS RDZOGS 'DZIN PA'I THUGS BSKYED DUS SU SMIN PA'I SKAL BZANG BLA NA MED PA ZHIG YIN NO, ,DE'I GNAD KYIS SNGAR PAn CHEN BLO BZANG YE SHES LA SOG PO ZHIG GIS SKYE BA PHYI MA MI LUS AE THOB ZHUS PAS THOB GSUNGS, BSTAN PA DANG AE MJAL ZHUS PAS DGA' MO YONG GSUNGS, RJE BLA MA'I BSTAN PA DANG AE MJAL ZHUS PAS HE HE BSOD NAMS DANG YE SHES KYI TSOGS RLABS PO CHE GSOG DGOS PA YIN GSUNGS, DE LTAR GZUR GNAS BSAM SHES PA ZHIG GIS BSAMS NA, RJE BLA MA'I MTSAN THOS SAR SKYES NAS GZHAN MA BYUNG YANG, DMIGS BRTZE MA KHO NA BTON NAS SDONG DGOS PA'I TSOD YONG, SNGON NAS GZHAN GYOGS KYI DAM PA TSAD LDAN MANG PO RJE BLA MA'I ZHABS MA ZIN PAS THUGS KHRAL DANG, BSTAN PA DANG MJAL BA LA DGYES TSOR CHEN PO MDZAD NAS MI LDOG PA'I DAD PA THOB PA'I YIN MOD, DA LTA NI RANG CAG BSOD NAMS DANG BLO GROS GNYIS KA ZHAN PAS SDOD SA DPRAL BA LA BYAS NAS MIG LA THAL BA 'DEBS ZER BA LTAR GANG DANG MJAL
PA'I BSTAN PA LA GANG GNOD BYED PA MANG BAR 'DUG ,DE 'DRA MI RUNG BA CHEN PO YIN, MI RUNG BA YANG RANG LA MI RUNG BA YIN PAS RANG LA RANG GCES GNANG DGOS, YANG 'GA' ZHIG DENG SANG BDAG GIS MTHONG SAR YANG DGE BSHES CHEN POR GRAGS PA KHA SHAS, YON TAN LTAR SNANG RES RLOMS NAS LHA SA'I SRANG BAR DU RI KHROD PA TSUL LDAN DANG PHRAD NAS NGES ZHE THAG PA'I GUS ZHABS KYIS KHAMS DRI ZHUS KYANG DE'I LAN YANG MI MDZAD PA 'DUG STE DRIS PA LA NI LAN MI 'DEBS ZHES BYANG SEMS KYI BSLAB PA DANG LDAN NA NYES BYAS KYANG 'BYUNG ZHING, KUN GYI SNANG NGOR YANG MI 'BABS PAS BSTAN PA LA GNOD PA'I SDIG RKYEN CHEN PO YONG NYEN 'DUG ,JI TZAM MANG DU THOS DANG LHAG PAR GTONG, ,RNAM DAG TSUL KHRIMS RNAM DPYOD SHES RAB GYIS, ,BDAG RGYUD LHAG PAR GYUR PA DE TZAM DU, ,PHYI PHYIR KHENGS PA KUN DANG BRAL BAR SHOG ,CES GSUNGS PA LTAR MDZAD DGOS, MDOR NA RGYAL BA'I SRAS SU RE CHE BA'I GRVA SA'I DGE BA'I BSHES GNYEN RNAMS KYIS DBU MDZAD, KLOG PA THOS BSAM PA RNAMS KYIS KYANG MANG THOS TSUL LDAN DANG, RI KHROD PA SPONG BA BSAM GTAN PA RNAMS KYIS KYANG TSUL LDAN MANG THOS KYIS BRGYAN TE, RJE BLA MA'I BSTAN PA YONGS RDZOGS KYI CHE BA 'DON THUB PA ZHIG CI NAS THUGS RJES GZIGS DGOS SO, ,DE LTAR MDZAD NA SKYES RABS LAS, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES DANG, GZHAN YANG, DAM CHOS 'O MA BSRUBS PA LAS, MAR GYI NYING KHU PHYUNG BA YIN GSUNGS PA LTAR YONG BA YIN, GNYIS PA GDAMS PA DNGOS BSHAD PA NI, 'DI LA SBYOR DNGOS 'JUG GSUM LAS ZHES TSIG 'DI SA BCAD KYI DBYE BA STON PA'I GZHUNG DU BYAS NAS, DE'I DANG PO SBYOR BA LA GSUM, SKYABS SEMS NAN TAN BYA BA DANG, BSAG SBYANG SNGON DU BYA BA DANG, GSOL 'DEBS YANG YANG BYA BA'O, ,DANG PO NI, DANG PO BSTAN DANG THEG CHEN LA, ,'JUG PA'I SGO DANG GZHUNG SHING PHYIR, ,KHA TZAM TSIG TZAM MA YIN PA'I, ,SKYABS 'GRO SEMS BSKYED NAN TAN BYA, ,ZHES GSUNGS, DE YANG SKYABS SEMS GLUR LEN PA LTA BU KHA
, ,NAS BTON TZAM LA KHA TZAM DANG, DE LAS DRAG PA DENG SANG GI SKYABS SEMS PHAL MO CHE LTAR, SKYABS 'GRO LA RE BA DANG, SEMS BSKYED LA 'DOD PA PHRAN BU YOD KYANG RGYU TSOGS LA GANG YANG MI LTA BAR SO SO'I TSIG TZAM BTON NAS GRANGS GSOG PA LTA BU DANG, TSIG GI GO BA CHAGS TZAM LA TSIG TZAM ZER, SKYABS SEMS 'DI SHIN TU RTZA BA CHE BAS, BSTAN PA MA DAR GONG DU GLUR LEN PA'ANG DKON, DA NYAMS PA LA THUGS DUS TSIG TZAM 'DI YANG DKA' BAR 'DUG ,BSTAN PA'I 'JUG SGO SKYABS 'GRO DANG, THEG CHEN GYI GZHUNG SHING SEMS SKYED KHO NAR NGES PA'I PHYIR, 'DI GNYIS KHA TZAM DANG TSIG TZAM MA YIN PA'I MTSAN NYID TSANG BA LA NAN TAN BYA DGOS, YON TAN GYI RNAM GRANGS GZHAN GANG YOD KYANG SKYABS 'GRO TSAD LDAN ZHIG MED NA SANGS RGYAS KYI BSTAN PA'I SGOR MI TSUD, YOD MED KYANG SO SO'I RGYUD LA YOD MED YIN, DGE BSHES PO TO BA'I ZHAL LAS, GNAS BRTAN ZHAL MAR GZIGS SHIG 'DUG PA LA, DA DUNG SANGS RGYAS KYI BSTAN PA'I SGOR MA TSUD CES, NGED RANG TSOR BKA' BKYON CHEN POS GNAD CHEN PO STON PAR MDZAD, TSUL 'DI RGYA BOD KYI MKHAS GRUB THAMS CAD KYI THUGS DGONGS RTZE GCIG PA'I GNAS YIN TSUL 'DI KHA'I RANG 'GREL DU GSAL BA LTAR YIN 'DUG PAS, DE LA THOG MAR GANG LA BRTEN NAS SKYABS SU 'GRO BA'I RGYU, DE LA BRTEN NAS SKYABS SU 'GRO BA'I YUL, CI TZAM GYIS SKYABS SU SONG BA'I TSUL, SKYABS SU SONG NAS BSLAB PAR BYA BA'I RIM PA BCAS, RJE BLA MA'I BSHAD SROL CHEN PO BZHI GA MA TSANG NA, 'JIGS PA GANG LAS SKYABS THUB PA'I SKYABS 'GRO YONG THABS MED DE, DANG PO MED NA SKYABS YUL MI 'TSOL, GNYIS PA MED NA SKYABS YUL MI SHES, GSUM PA MED NA MTSAMS MI ZIN, BZHI PA MED NA DGOS PA MI 'GRUB PAS, DES NA DA RES BDAG GIS RANG GZHAN THAMS CAD SDUG BSNGAL LAS BSGRAL TE, GTAN BDE'I RANG BZHIN CAN DU SGRUB NA SGRUB NUS KYI PHYI'I RKYEN DGE BA'I BSHES GNYEN GYIS ZIN PA'I NANG GI RKYEN DAL 'BYOR RANG LA YOD PA 'DI MYUR DU 'JIG NAS, GSAR
PA'I LAS KYIS GAR BZHAG SAR SDOD DGOS NA RANG GI SNGON BSAGS LAS KYI TSUL NI SDIG PA STOBS CHEN SHA STAG LAS MA 'DAS PAS, DA LTA RANG NGAN SONG DU LHUNG BAR THAG CHOD SONG, DE'I NGANG TSUL NI 'DI LTAR SNYAM DU NGAN SONG GSUM 'KHOR DANG BCAS PA'I SDUG BSNGAL SO SO NAS RIM GYIS, DA LTA'I TSA GRANG BKRES SKOM NGAL DUB MI BZOD PA'I NYAMS DANG BSRES NAS BSGOMS PAS 'JIGS DRAGS NAS SKYABS 'TSOL BA'I BLO MA GTOGS, BLO GZHAN SKYE LONG MED PA LTA BU BYUNG NA, SKYABS 'GRO'I RGYU GCIG GRUB PA YIN PAS SA BCAD DANG PO BYUNG BA YIN, DE LTAR BLO GCIG SGRIL GYIS SKYABS BTZAL BA NA GAL TE BDAG LA SKYABS DANG SKYABS MIN 'BYOD PA'I BLO ZHIG YOD NA NI, BSLU BA MED PA'I DKON MCHOG GSUM NGOS GZUNG NAS DE KHO NA LA SKYABS SU 'GRO BAR RIGS TE, RIGS PA'I RGYU MTSAN NI, RANG 'JIGS PA MTHA' DAG LAS GROL, GZHAN SGROL BA'I THABS LA MKHAS, PHAN BTAGS MA BTAGS LA MI LTA BAR KUN LA THUGS RJE CHEN POS GZIGS NAS DON MDZAD PA ZHIG NGES PAR DGOS NA, DE SANGS RGYAS LA MA GTOGS DE DANG MI MTHUN PA GZHAN LA MI 'DUG PAS, SANGS RGYAS DANG, DES BSTAN PA'I CHOS, DE SGRUB PA'I DGE 'DUN GSUM KHO NAS BDAG SOGS 'JIGS PA KUN LAS SKYOB PAR NUS SO SNYAM DU THAG CHOD PAS, DGA' DRAGS NAS SKYABS SU 'GRO BA LA RINGS PA LTAR BYUNG NA, SKYOB NUS KYI RGYU GCIG GRUB PA YIN PAS SA BCAD GNYIS PA BYUNG BA YIN, DA NI DE GSUM SO SO'I YON TAN DANG, NANG PHAN TSUN GYI KHYAD PAR SHES NAS, SANGS RGYAS LA SKYABS STON PA PO DANG, CHOS MYAD 'DAS LA SKYABS DNGOS DANG, DGE 'DUN LA SKYABS SGRUB PA'I GROGS SU BZUNG BA'I TSUL GYIS SKYABS SU 'GRO BAR YID KYIS DAM BCAS SHING NGAG GIS KHAS BLANGS TE GZHAN DANG MCHOG DMAN SHES NAS DER PHYIN CHAD MCHOG GSUM KHO NA LAS GZHAN DU SU YANG SKYABS SU MI SMRA BAS SKYABS SU SONG NA, SKYABS 'GRO LEGS PAR GRUB PA YIN PAS SA BCAD GSUM PA BYUNG BA YIN, SKYABS SU SONG NAS BSLAB PAR BYA BA BSDU BA LAS 'BYUNG BA
, ,BZHI TSAN GNYIS DANG, MAN NGAG LAS 'BYUNG BA SO SO'I DGAG SGRUB KYI BSLAB BYA DRUG DANG, THUN MONG GI BSLAB BYA DRUG BCAS BSLAB BYA NYI SHU DANG, PHAN YON KYANG BSDU BA LAS 'BYUNG BA BZHI TSON GNYIS TE BRGYAD DANG, MAN NGAG LAS 'BYUNG BA BRGYAD DE BCU DRUG PO RNAMS SHES PAR BYAS NAS BSLAB BYA DE RNAMS LA TSUL BZHIN DU BSLABS PAS SKYABS 'GRO MI GTONG ZHING MA NYAMS PAR BYAS NA, 'DI PHYI'I PHAN YON DE RNAMS KYANG JI BZHIN 'BYUNG BAS SA BCAD BZHI PA BYUNG BA YIN NO, ,DES NA CHOS PA RNAMS KYIS GANG LA YANG MA MTHA' TSIG NYUNG DUS DON 'DI TZAM LA NGES PA DRANGS NAS NYAMS LEN MA MDZAD NA, CHOS LA BSHAD TSOD KYI PHAN YON CHE STE DON LA MI BDEN SNYAM PA KUN GYI ZHE PHUGS SU 'CHANGS NAS GTAN DU PHUNG BAR BYED, 'PHRAL GYI DGOS PA CHE BA SROG NAS CHUNG BA THA NA BZHAD GAD KYI PHYIR DU YANG MI GTONG BAR GSUNGS PAS, GTONG SEMS KYIS BTANG NA LTA CI SMOS, SKYABS GSUM LA BLO MA KHEL BAS, MI MTHUN PA GZHAN LA RE BAS GNYIS 'DZIN BYED NA YANG GTONG BAR GSUNGS 'DUG PAS DA LTA SKYABS 'GRO YOD PA RANG DKON PAS MA GTOGS, 'JIG RTEN PA'I LHA LA RE LUGS MI SHES PAR RE BA 'DI GCIG BUS SKYABS 'GRO SDOD SA MED, TSANGS PA GZUGS KYI LHA YIN, BRGYA BYIN 'DOD LHA YIN, THUN MONG GI DNGOS GRUB THAN THUN BYIN DU YOD, DE DAG LA'ANG SNYING RJES GTOR MA BYIN NAS CHOS LDAN GYI GROGS BCOL BA TZAM MA GTOGS MI RIGS NA, DA LTA'I SER SKYA DMAN PA RNAMS KYI RE GNAS YI DVAGS RANG GIS RANG YANG NGO MI SHES, PHAN DU RE NA GNOD SKYEL, SEMS ZHI TZAM RE YANG BYED PA'I MTHU MED PA LA, MING SANGS RGYAS MAN SHUL BTAGS NAS SHES LDAN RNAMS KYANG GTAN GYI MGO 'KHOR THEBS PAR BYED, PHAR MA BSTEN NA TSUR GNOD PAR BYED ZER NAS, MI BSTEN PA'I THEBS MED PA LTAR BYED DE, RGYU 'BRAS NGO MA SHES SHING SHIN TU BSOD NAMS CHUNG BAS LAN PA YIN, KHO RANG LA GNOD PA BTANG CHOG CHOG GI NUS PA GNAS YOD, KHO'I RANG BZHIN SHIN TU RTZUB PA GANG DANG PHRAD PA ZOS MI BDE BA BYED SAR RANG GIS PHYIN PAS GNOD PA YIN,
DPER NA MES 'TSIG PA DANG 'DRA, 'JIG RTEN KHYIM PA LA YANG TSE 'DI'I PHUN TSOGS NYAMS PA'I SNGA LTAS SU, DKON MCHOG MCHOD PA'I SROL BZHAG, MI MA YIN RE MGRON DU BOS, DE NAS YUN MI RING BAR DE'I MDANG ZHUGS PAS, NANG MI MTHUN, BKRA MI SHIS PAS GANG BAR 'GYUR BA MTHONG BA DE RED, RANG MI YIN PAS MI CHOG ,RANG GI RNAM SHES MI MA YIN GYIS MA ZIN PA BYED DGOS, DKAR PHYOGS PAR GRAGS KYANG, RAB BYUNG RNAMS KYIS HA CANG MTHONG CHE BAR BYED PA 'DI, MA 'ONGS PA GZIGS PA'I GONG MA RNAMS KYIS BRTZE BA'I LUNG BSTAN LAS, DUS MTHAR RAB BYUNG RNAMS KYI TSUGS NYAMS PAS, DGON RE LA LHA KHA RE, BAN RE LA CHOS SKYONG RE 'BYUNG, DE NAS SKYID MED PA YIN GSUNGS PA, DA THOG TU 'BABS NYE BAS, THAMS CAD KYIS TSUGS CHEN PO MDZAD DGOS, MDO RGYUD MAN NGAG THAMS CAD KYANG, 'DI 'GOG PA'I GZHUNG GTZUGS PA 'DRA BA YOD DE, MANG BAS 'JIGS NAS MA BKOD, MGON SKYABS KYI BLA MA BYIN CHES PAS, 'DI'I THAD LA BDAG GIS KYANG KHA PO STON CHOG PA YOD, DA LTA BDE LEGS GANG BYUNG NI RNAG GIS BYAS PA DANG, GZHAN GYIS GTAD PA LTA BUR MTHONG, KHA NAS JI TZAM LAB KYANG SEMS KYIS BLA MA DANG DKON MCHOG GI BKA' DRIN LA MDZUB MO 'DZUGS SA MA RNYED PA'I DUS 'DIR, RGYUN DU BLA MA SANGS RGYAS KYI YON TAN SGO DU MA NAS BSAMS TE, SUS KYANG 'GRAN DU MED PAR THAG GCOD GANG THUB DANG, BDE SDUG THAMS CAD LA 'PHRAL BCOS KYIS RANG DBANG MED PAR RANG RGYU SNGON SONG DGE SDIG GI RJES SU 'GRO LDOG BYED PA LA NGES PA 'DREN GANG THUB BYAS, GLO BUR GYI NYER 'TSE CI BYUNG YANG NAN GYIS BLA MA LA SKYABS 'JUG ZHU BA, RGYAL BA'I BKA' SGROG PA, YO BYAD GTOR NAS DGE 'DUN LA BSNYEN BKUR BA, GNANG BA'I RANG BZHIN CAN GYI SMAN BCOS BSTEN PA SOGS, MDOR NA RGYAL BAS MA BKAG PA'I TSUL LA BRTEN NAS TSIG TZAM GYIS SKYABS 'GRO'I CHOS SKOR LA 'BAD PAS KYANG, MTHA' BZANG ZHING BDE SKYID MTHONG CHOS LA 'DREN PAR BYED PA YIN, MI RTAG PA DANG, NGAN 'GRO'I SDUG BSNGAL BSGOM PA, SKYABS
, ,'GRO'I RGYU DNGOS YIN, SKYABS 'GRO NI DNGOS GZHI DANG, LAS 'BRAS BSLAB BYAR BYAS NAS, SKYES BU CHUNG NGU'I CHOS THAMS CAD, DE KHA'I SKYABS 'GRO'I KHONGS SU 'DU BA YIN, DE BZHIN DU 'BRING DANG CHEN PO'I CHOS THAMS CAD KYANG RANG RANG GI SKYABS 'GRO'I KHONG NA 'DUG CES 'DI RNAMS BDAG GI ZUNG 'JUG BLA MA RIN PO CHE RNAM GNYIS KYI MAN NGAG BKA' SLOB MA DNGOS YIN, NYI MA'I SNYING PO'I MDO LAS, SANGS RGYAS SKYABS SU SEMS CAN SU 'GRO BA, ,BDUD RNAMS BYED BAS BSAD PAR MI NUS TE, ,TSUL KHRIMS 'CHAL ZHING BLO MI 'KHRUG ZIN KYANG, ,DE NI NGES PAR SKYE BA'I PHA ROL 'GRO ,ZHES DANG, STON PA RIN PO CHES DA LTA BZLAS LUNG DAM, LUS NGAG GI DGE BA SNA RE LA YID MA BYED KYANG, BSTAN PA'I SGOR ZHUGS PA THAMS CAD KYI BYA BA'I GTZO BO 'DI YIN GSUNGS, DGE BSHES GANGS PAS, 'DI MED NA THEG PA'I YANG RTZER RE YANG CHUD THABS MED, PHYI NANG GI KHYAD PAR BKA' BTAGS KYI PHYAG RGYA YIN NGES PA 'DI YIN, ZHES GSUNGS 'DUG PAS, NYAMS SU LON NGES PAR BYA ZHING, SKYABS YUL BLA MCHOD KYI TSOGS ZHING NANG LTAR LA, GTZO BO RGYAL BA SENG GE'I NGA RO'I RNAM PAR BYAS DE'I THUGS KAR THUB PA'I DBANG PO, DE'I THUGS KAR RDO RJE 'CHANG, DE'I THUGS KAR H'Um YIG BSGOM NAS ZHING KHAMS THAMS CAD SKU LA SNANG ZHING SKUS ZHING KHAMS THAMS CAD LA KHYAB PA SNYAN BRGYUD 'DI'I THUN MONG MA YIN PA YIN, DE NAS RANG GI MTHA' SKOR DU SEMS CAN THAMS CAD BKOD, SKYABS YUL GYIS BYIN GYIS BRLABS PA'I MTHU LAS RANG GZHAN THAMS CAD KYIS SKYE BA DRAN PAS 'JIGS PA SKYE BA'I TSUL SHES PAS LAS 'BRAS LA YID CHES, SKYABS YUL RNAMS KYI SKYOB NUS KYI YON TAN MTHONG BAS LHAG PAR DGA' STE, SKYABS 'GRO LHAN CIG TU BYED PAR MOS NAS GONG GI SA BCAD DANG PO GSUM DANG MTHUN PA'I SKYABS 'GRO BYAS, RGYUN DU SA BCAD BZHI PA DANG MTHUN PA'I BSLAB BYA LA BRTZON NA, DGE BZHES GONG MA RNAMS KYI GSUNG LA, MDOR NA LHA GZHAN MI BSTEN PA DANG, LAS GZHAN MI BYA BA GNYIS YIN GSUNG PA LTAR YONG BA YIN PAS, SKYABS 'GRO NAN TAN BYED LUGS DE LTAR MDZAD DGOS,
DE NAS SEMS BSKYED NI, JO BO CHEN POS CHOS THEG PA CHEN PO'I CHOS YIN PAS MI CHOG ,GANG ZAG THEG PA CHEN POR TSUD DGOS GSUNGS PA LTAR, RJE BLA MA TZONG KHA PA CHEN POS KYANG GSUNGS NAS, THEG CHEN PAR BYED PA YANG BYANG CHUB KYI SEMS NYID LA RAG LAS PAS NA, SEMS DE GO BA TZAM LAS MED NA THEG CHEN PA YANG DE DANG 'DRA LA, SEMS MTSAN NYID TSANG BA CIG YOD NA THEG CHEN PA YANG RNAM DAG CIG 'ONG BAS 'DI LA 'BAD PAR BYA'O, ,ZHES RDO RJE'I THEG PA SOGS SANGS RGYAS LAS KYANG DKON PA'I CHE BA DANG LDAN YANG SEMS 'DI'I BYED PA'I RNAM GRANGS SHIG YIN LA, RDO RJE RIN PO CHE NI CHAG KYANG GSER GYI RGYAN KHYAD 'PHAGS THAMS CAD ZIL GYIS GNON CING RDO RJE RIN PO CHE'I MING YANG MI 'DOR LA DBUL PHONGS THAMS CAD KYANG SEL BAR NUS, DE BZHIN DU SEMS 'DI NI SPYOD PA LA SLOB PA'I NAN TAN DANG BRAL YANG, NYAN RANG GI YON TAN THAMS CAD ZIL GYIS GNON CING, BYANG CHUB SEMS DPA'I MING YANG MI 'DOR LA 'KHOR BA'I DBUL BA THAMS CAD KYANG RNAM PAR BZLOG PAR BYAMS PA'I RNAM THAR GYI MDO LAS GSUNGS PA SOGS KYI PHAN YON DANG, THEG CHEN KUN GYI THOG MA'I 'JUG SGO KHO NAR GYUR ZHING, BAR DANG THA MAR YANG GTZO BOR GYUR PAS GZHUNG SHING DU RTOGS NAS NUS PA CI YOD KYIS 'DI LA NAN TAN BYA DGOS, 'DI LA THOG MAR TSANGS BYIN GYIS ZHUS PAR, JI LTA JI LTAR 'DU BYED BRDZUN PA MTHONG, ,DE LTA DE LTAR SNYING RJE CAN DU GYUR, ,MI BDE NYON MONGS SKYE BO SDUG BSNGAL TE, ,DE NGAG THAR BAR BYA PHYIR SPYAD PA SPYOD, ,CES GSUNGS PA LTAR, RANG NYID THOG MA MED PA NAS 'KHOR BA'I MAL DU GSOS DUS MED PA'I SDUG BSNGAL GYI ZUG GZER SHUGS DRAG PA SNA TSOGS PA RGYUN MI CHAD PAR MYONG DGOS PA 'DI, LAS DANG NYON MONGS PA'I RNAM GRANGS MI ZAD PA LAS BYUNG ZHING, DE DAG GI RTZA BA BDAG TU 'DZIN PA KHO NAR SHES NAS 'DI LAS MA GROL NA, SLAR YANG LAS NYON GYIS GZHAN DBANG DU GYUR PA'I 'DU BYED KYI PHUNG PO MTHO DMAN SNA TSOGS PA ZHIG LEN DGOS NA, DE THAMS CAD NI PHYI MA'I SDUG BSNGAL RNAMS 'DREN PAR BYED, SDUG BSNGAL GRUB ZIN GYI RTEN DU GYUR,
, ,SDUG BSNGAL GZHAN GNYIS KYI GNAS NGAN LEN RJES SU 'BREL, RANG NYID GRUB TZAM NAS KHYAB PA 'DU BYED KYI SDUG BSNGAL GYI RANG BZHIN DU SKYES PA STE, SRID PA'I SDUG BSNGAL THAMS CAD KYI RTEN DANG 'BYUNG KHUNGS SU GYUR PAS NA, DE DAG LA KHYAD MED DU YID SMON SKAD CIG KYANG MI SKYE BAR SDUG KUN GYIS BCINGS PA LAS NYIN MTSAN KUN TU RNAM PAR GROL 'DOD KYI BLO BCOS MIN SKYES PA NA, RTEN JI LTA BUS 'KHOR BA BZLOG PA DAL 'BYOR SPYI DANG, KHYAD PAR RNAM GROL MTHA' DAG LA MA NYE RING GANG GIS SGRUB PA'I RTEN MCHOG TU BSNGAGS PA'I RAB TU BYUNG BA'I RTEN 'DIR, LAM JI 'DRA BAS 'KHOR BA BZLOG PA BSLAB PA GSUM DANG, KHYAD PAR RANG GIS GANG KHAS BLANGS PA DANG 'BREL BA'I BCAS MTSAMS RNAMS SHES SHING GUS LA RAB TU BSGRIMS TE NYON MONGS GANG CHE BRTAGS SHING SPONG BA'I SGO NAS RGYAL BA'I NANG MDZOD BZUNG STE, SLAR YANG RANG GIS 'DU BYED THAMS CAD SDUG BSNGAL DU MTHONG BA JI LTAR MA MTHONG PA'I SEMS CAN KUN LA NYE RING MED PAR BLTAS PA NA, BZOD THABS MED PA'I KHUR GYIS NON PAR SHES NAS RANG GI MAR GYUR PA DANG, DKA' BA DVANG DU BLANGS NAS NUS PA CI YOD KYIS PHAN BTAGS PA MA LUS PA DRAN PAR BYAS NAS, BDAG LA DA LAM BDE BA RNAM DANG, SGRUB PA'I RANG DBANG CUNG ZAD RNYED PA'I DUS 'DIR DRIN GZO KHO NA BYA BAR RIG NAS, SNYING LA 'BAB PA'I YID 'ONG GI BYAMS PAS DE DAG YAL BAR MI 'DOR BA'I GCES PAR BZUNG STE BDE BA DANG PHRAD 'DOD SDUG BSNGAL DANG BRAL 'DOD KYI BYAMS SNYING RJE BCAS RGYUN BSRINGS PA'I MUS SHIG NA SEMS CAN THAMS CAD LA HA CANG 'PHANG SEMS ZHUGS DRAG PAS, DA NI 'DI DAG GI KHUR THAMS CAD BDAG GIS 'KHYER SNYAM PA'I SNYING STOBS KYI LHAG BSAM SKYES NAS SEMS CAN MA LUS PA RE RE NAS KYI DON YONGS RDZOGS GCIG GIS 'GRUB PA'I NUS LDAN DE SU ZHIG SNYAM DU BSAM PA NA, SANGS RGYAS NYAG GCIG YIN PAR SHES NAS SEMS CAN SANGS RGYAS SU BYAS PA'I GZHAN DON GYI PHYIR DU RANG GI RDZOGS BYANG THOB 'DOD BSKYED DE, BDAG GI 'DOD BYA DE LTA BU YIN PA LA, DA LTA GNAS SKABS 'DI LTA BUR GYUR BA
SOGS SRID PA'I 'JIGS PA SNA TSOGS PA DANG, ZHI BA PHYOGS GCIG PA'I 'JIGS PA GNYIS KAS YID GDUNGS NAS, DE LAS SKYOB NUS KYI SKU GSUNG THUGS GSUM 'PHRIN LAS DANG BCAS PA'I YON TAN MTHA' DAG RGYAS PAR BSAMS NAS THOB 'DOD DANG BCAS TE SANGS RGYAS DANG, CHOS DANG, PHYIR MI LDOG PA'I BYANG SEMS 'PHAGS PA'I DGE 'DUN RNAMS LA SKYABS SU MCHI'O ZHES LAN GSUM BRJOD DE, SKYABS 'GRO KHYAD PAR CAN BYAS NAS, GZHAN DON DU BDAG SANGS RGYAS SU 'GYUR BAR BYA'O SNYAM PA'I SMON SEMS KYANG CHO GA BZHIN BSKYED PAR BYA ZHING, DE LTAR SEMS BRTAN PAR GYUR NAS BSLAB BYA LA SLOB NUS PA NA, SLOB DPON 'JUG SDOM DANG LDAN PA'I DRUNG NAS SMON SEMS DE BYANG CHUB MA THOB BAR DU MI BTANG NGO SNYAM DU DAM 'CHA' BA'I BSAM PA CHO GA LA BRTEN NAS BSKYED PAR BYA STE, 'DI NI CHO GAS GZUNG BA DNGOS YIN PAS BSLAB BYA RNAMS LA TSUL BZHIN BSLAB PAR BYA'O, ,RANG GI GNAS KHANG DU STON PA'I SKU RAB GNAS MA 'JIG PA RE DANG, MDO SDUD PA YAN GYI SHER PHYIN GYI GLEGS BAM GRANGS TSANG BA RE RTEN GYI GTZO BOR MED THABS MED PA YIN, GONG GI SKYABS 'GRO DANG SEMS BSKYED RGYU TSOGS DANG BCAS PAR BLO SBYONG TSUL NYUNG DUR BYAS PA 'DI RNAMS RGYUN DU LAM GYI RIM PAR NYAMS BZHES LHINGS CHAGS PA RNAMS KYIS PHYAG CHEN GYI SNGON 'GROR SKYONG BDE BA'I PHYIR ZHUS PA YIN GYI LAM GYI RIM PA GSAR DU 'TSOL BA RNAMS KYIS BLO KHUL NGES KYI GZHUNG RGYAS PA RE LA BRTEN DGOS, SBYOR BA'I SKABS 'DIR LAM GYI RIM PA'I NANG NAS, SKYABS SEMS BSAG SBYANG BLA MA'I RNAL 'BYOR GSUM LA SGER 'DON MDZAD PA NI GNAD SHIN TU CHE STE, SKYABS 'GRO THEG PA SPYI'I GTZO BO DANG, SEMS BSKYED THEG CHEN GYI GTZO BO YIN PAR BSTAN PA TZAM MA YIN GYI, NAN TAN BYA BAR GSUNGS BAS THUN GYI 'GOR 'DI GNYIS SGER GYI DMIGS PA 'BUD TZAM RE BYAS PAS MI YONG, LAM GYI RIM PA GRANGS TSANG BAS MYONG BA BTON NAS THUN GYI MJUG BAR DU 'DI GNYIS KYI RTZI MA YAL BAR DGOS PAS MDOR NA SPYOD PA SPYI BSLAB BAR GYI LAM GYI RIM PA MTHA' DAG PHYAG CHEN 'DI'I SNGON 'GROR DON GYIS THOB PA YIN, GZHUNG 'DI DANG, RJE BLA MAS LAM GYI
, ,GTZO BO RNAM PA GSUM DU BSDUS PA LTA BU MA GTOGS, TSIG NYUNG NGUS DON THAMS CAD BSTAN, LAS GCIG GIS DON THAMS CAD 'GRUB ZER BA MANG PO YONG STE, DMIGS BSAL GYI DGOS DBANG 'GA' RE MA GTOGS THAMS CAD KYIS YID GTAD DU RUNG MI RUNG LEGS PAR BRTAG DGOS, SKYES BU GSUM GYI SKYABS 'GRO MTSAN NYID PA RANG LA YANG, NANG GSED KYI TZAM KHYAD GNYIS RE YONG BA YIN TE, SO SO'I 'JIGS PA THUN MONG MA YIN PAS 'JIGS NAS, DKON MCHOG GSUM LA SKYOB NUS SU MTHONG BA'I YID CHES KYIS RTZE GCIG PA'I RE LTOS 'CHA' BA'I SEMS BYUNG STE, SKYES BU GSUM SO SO'I SKABS SU SNGON LA SKYE, DE NI SO SO'I SKYABS 'GRO MTSAN NYID PA DANG, TZAM PO BA YIN, DE LAS BLO SNA 'PHAR NAS KHYAD PAR CAN DU 'GYUR BA LA, GZHAN RGYUD KYI SKYABS LA RE BA TZAM GYIS SKYOB NUS KYI RTZAL MI RDZOGS PAR MTHONG BAS, DKON MCHOG GZHAN GNYIS LA BRTEN NAS SO SO'I SKABS KYI CHOS DNGOS DE RANG RGYUD LA SGRUB CING DE LAS MI LDOG PAR DAM BCA' BA'I TSUL GYIS RE BA'I SEMS BYUNG STE, SKYABS 'GRO KHYAD PAR CAN YIN, DE LA DGONGS NAS RJE BLA MAS KYANG 'BRAS BU'I DUS SU NGAN 'GRO LAS SKYOB PA LA RGYU'I DUS NA YID MI DGE BA LA 'JUG PA 'CHOS DGOS PA ZHES GSUNGS ZHING, CHOS DKON MCHOG SKYABS DNGOS SU 'JOG PA'ANG DE YIN, DPER NA SRID ZHI GNYIS KAS 'JIGS NAS THEG CHEN THUN MONG MA YIN PA'I SKYABS YUL GSUM LA RE BA'I SKYABS 'GRO DE, SKYES BU CHUNG 'BRING DANG THUN MONG MA YIN PA'I THEG CHEN GYI SKYABS 'GRO YIN KYANG, THEG CHEN GYI SKYABS 'GRO KHYAD PAR CAN MA YIN, 'DI'I DUS SU YANG RDZOGS BYANG THOB 'DOD CAM YOD KYANG DES MI CHOG PAR, MI LDOG PA YI SEMS DAG GIS, ZHES GSUNGS PA LTAR, RDZOGS BYANG THOB BYAR THAG BCAD DE DUS THAMS CAD DU DE LAS MI LDOG PAR DAM 'CHA' BA NA KHYAD PAR CAN DU 'GYUR, 'DI DANG SMON SEMS MI GTONG BA'I BLO DNGOS GNAS PA GNYIS RGYUD LA MNGON DU GYUR DUS SDA RTING MA NGES KYANG, CHO
GA'I TSE SKYABS 'GRO SNGON DU BYED PA NI DGOS PA GZHAN GYIS YIN NO, ,SO SO'I SKYABS 'GRO CAM PO BA NI RGYU SKYABS GTZO CHE BA DANG, KHYAD PAR CAN NI 'BRAS SKYABS GTZO CHE BA YIN NAM SNYAM, THEG CHEN GYI SKYABS 'GRO TZAM KHYAD GNYIS KYI LAG RJES KYANG, DANG POS BYANG CHUB SEMS DPA' RNAMS KYIS RANG DUS SU YANG GZHAN LA BRTEN NAS 'GRO BA RNAMS SGROL BAR BYED, GNYIS PAS SANGS RGYAS NAS RANG STOBS KYIS GZHAN SGROL BAR BYED PA 'BYUNG, 'DI NI GROGS RNAMS RANG RKYANGS PAS MGO 'DON PA DANG, SNGON MA NI GZHAN LA'ANG ROGS BCOL NAS MGO 'DON PA LTA BU'O, ,'DI RNAMS NI DENG SANG BDAG LTA BU'I BLO TSOD CAN SANGS RGYAS KYI MTSAN SGROGS PA TZAM LA YANG DKA' 'TSER BYED PA RNAMS LA 'PHRAL DU MI MKHO YANG THOS BSAM SGOM PA SOGS GANG GI TSE YANG SKYON LHAG MA MA LUS PAR SEL BA'I RJE BLA MA'I LUGS SROL 'DZIN PA'I SMON LAM 'GRUB PHYIR ZHUS PA'O, ,DE YANG SPANG BYA CHE RIM NAS SPONG, GNYEN PO CHUNG RIM NAS SKYE BA GZHUNG CHEN MO RNAMS KYI DGONGS DON YIN PAS, DE NYAMS SU LEN PA'I TSUL NI, SPANG BYA SPONG SLA BA CHES RAGS PA RNAMS LA SPONG SEMS CHUNG NGU SKYES NAS SUN 'BYIN PA SOGS BRI MA 'KHRUNG PA'I DPE LTAR SKYON RAGS PA NAS SEL GANG THUB BYA, DE'I GNYEN PO CHUNG NGU LAS MED KYANG MA MDZANGS MAS BU CHUNG GSO BA LTAR DE YAL BAR MA DOR BAR BSKYANGS PAS SPANGS RTOGS KYI YON TAN GANG YOD MA NYAMS GONG 'PHEL DU SONG NAS CHA SHAS RDZOGS PA'I NYA GANG BAR 'GYUR GYI YON TAN LHUN RDZOGS DE GLO BUR DU 'BYUNG BA MIN, DA LTA SANGS RGYAS KYI YON TAN PHAR ZHOG BYANG SEMS SA THAB PA ZHIG GI YON TAN BRJOD KYANG DE 'DRA YOD PA RANG AE BDEN NA SNYAM PA DANG, BDEN KYANG BDAG LTA BUS THOB THABS MI 'DUG ZER NAS DAD PA TZAM YANG MI SKYE BA THAMS CAD MAN NGAG 'DI 'DRA MED PAS LAN PA RED, SNGON KHAM CHUNG ZER BA MI BYED RGYU MANG BA'I TSAD DU 'KHYOL BA ZHIG YOD 'DUG ,DES DGE BSHES STOD LUNG PA'I MDUN DU PHYIN PAS, DGE BSHES KYIS SNYING RJ
, ,SNYING RJE GSUNGS PAS, KHO KHROS NAS DE CI LAGS ZER, KHYOD YOD TSAD BYED MKHAN GYIS CHOS MI BYED PA GSUNGS BAS, KHO DAD NAS DE BDEN GANG GIS LAN LAGS ZHUS PAS, CHOS KYI TSUL LA YID MA CHES PA DANG, BSOD NAMS CHUNG BAS LAN GSUNGS PAS, 'O NA CHOS ZHU BYAS PAS, LAS 'BRAS BSTAN NAS MJUG TU KHAM CHUNG STON PA ZER BA MING YANG 'GYUR NAS SHIN TU LEGS PA ZHIG BYUNG 'DUG DE 'DRA GSUNG MKHYEN PA DANG, ZHU SHES PA SHES RAB MA LOG PA YOD PA'I RTAGS RED, GNAD LA BKAR BA'I ZHU LAN 'DI 'DRA DGOS PA YIN, DE LTAR SEMS BSKYED NAS SEMS CAN SU LA YANG PHAN SEMS MI 'DOR BA ZHIG MA MTHA' MDZAD DGOS, PO TO BAS, LI MO'I BU ZHES BOS NAS BSOD NAMS LA MI 'KHANG, DANG PO NAS GZHAN SDUG BSNGAL BA MTHONG DUS BDE BA YONG MA MYONG, GZHAN BDE BA MTHONG DUS SDUG BSNGAL YONG MA MYONG GSUNGS, SKYES RABS LAS KYANG, BDE BA'I TSE NA RTAG TU KHYOD BKUR NAS, ,NYAM NYES CHE NA DOR DU GA LA RUNG, ,ZHES GSUNGS SO, GNYIS PA BSAG SBYANG SNGON DU BYA BA NI, SEMS KYI CHOS NYID MTHONG BA YANG, ,TSOGS BSAGS SGRIB SBYANGS LA LTOS PAS, ,YIG BRGYA 'BUM TZAM LTUNG BSHAGS NI, ,BRGYA PHYAG GANG MANG SNGON BTANG NAS, ,ZHES GSUNGS, DE YANG KUN GYI 'DOD BYA BDE BA DANG PHRAD PA SDUG BSNGAL DANG BRAL BA'I THABS NI DGE SDIG LA BLANG DOR BYED PA MA GTOGS GZHAN MED LA, DE NI BSAG SBYANG GI NGO BO YANG YIN ZHING, DE YANG SKYES RABS LAS, SDUG BSNGAL GZHIR GYUR GTAM NGAN RJES 'BREL BA'I, ,SDIG PA'I LAS LAM DE LA RGYAB PHYOGS LA, ,DE BAS BSOD NAMS SPYOD PA DPAL LDAN PA, ,BDE BA RAB BYUNG BSGRUB LA BLO BYOS SHIG ,CES GSUNGS PA LTAR, BLANG DOR MA 'PHYUGS PA'I BSAG SBYANG GNANG SMIN ZHIG SHIN TU GAL CHE, GANG GI PHYIR DU NA RTZA BAR, ,SEMS KYI CHOS NYID MTHONG BA YANG, ,ZHES GSUNGS LA, RANG 'GREL DU SPYIR SEMS KYI CHOS NYID MNGON SUM DU MTHONG BA TSOGS RGYA CHEN PO GSOG PA DANG SDIG SGRIB SBYONG BA LA RAG LAS PAS ZHES
'GREL LUGS KYIS, 'DI'I SKABS KYI SEMS KYI CHOS NYID NI GNAS LUGS MTHAR THUG RKYANGS PA LA BYED PA MIN GYI, 'OG TU DE LTAR SEMS KYI CHOS NYID NI ZHES GSUNGS PA'I SKABS LTAR, GZHAN PHYOGS KYIS CHOS NYID MTHAR THUG TU 'DOD PA'I RANG LUGS SEMS KYI KUN RDZOB PA'I NGO BO GSAL RIG MNGON SUM PA LA YANG BYA'O SNYAM STE DPYAD PAR MDZOD, BSAG SBYANG GI NANG NAS KYANG LAS DANG PO PA LA SGRIB SBYONG RANG SKABS SU BABS PAS NA YIG BRGYA 'BUM TZAM NYUNG MTHA' DANG, LTUNG BSHAGS BRGYA PHYAG DANG 'BREL BSOGS KYI SGO NAS MDOR NA STOBS BZHI TSANG NGES KYI BSHAGS SDOM BYA DGOS TE, KLU SGRUB KYIS, DANG POR SDIG LAS LDOG PAR BYA, ,BAR DU DGE LA BRTZON PAR BYA, ,ZHES GSUNGS, DENG DUS DGE PHYOGS LA 'BAD KYANG GNAD DU GTONG BA'I MAN NGAG MED NA BSAG SBYANG YANG SDIG PA BSAGS NAS DGE BA SBYONG BA 'DRA BA 'ONG NYEN CHE, DE'I MAN NGAG NI LAS 'BRAS BSAMS NAS YID CHES BSKYED PA LAS GZHAN MED, DA LTA CUNG DRAG PA RNAMS LA SGOM RGYU'I LHA GZUGS RE DANG 'DON RGYU'I GZUNGS SNGAGS RE YONG STE, BSAM RGYU'I CHOS RE MED PAS PHAN YON MNGON MTHO BA MI 'BYUNG, MA BYUNG TZA NA RANG GIS MA BYUNG BA MI SHES CHOS LA DMIGS NAS LOG LTA SKYE NYEN YOD, DGE BSHES SNYUG RUM PAS, SPYAN SNGA BA LA SGROL MA'I SGRUB THABS ZHUS PAS, SGRUB THABS MI SHES SPONG THABS SHES PAR GYIS GSUNGS PA LTAR YIN, DE YANG TING NGE 'DZIN RGYAL PO'I MDO LAS, LAS GANG SANGS RGYAS KYIS NI RTAG SMAD PA, ,SRANG DANG TSANG LA GA-YO SGYU BYED PAR ZHUGS, ,DE 'DRA'I SDIG PA NYON MONGS MANG BYAS PAS, ,LAS NGAN BYED PA DE DAG NGAN 'GROR 'GRO ,ZHES BKA' STZAL PA LTAR, THA NA BRE SRANG LA GA-YO SGYU BYED PA SOGS KYI SDIG SBYONG THAMS CAD NI, DAM PA RNAMS KYIS SMAD PAS KHA NA MTHO BA DANG, RNAM PAR SMIN NA SDUG BSNGAL BAS SDIG PA DANG, RTAG TU MI BDE BAS MI DGE BAR 'DUG PAS, 'DI RNAMS BDAG LA MED NA LEGS YONG NA CI 'DRA BAR 'GYUR SNYAM DU DPYAD PAR BYA STE, DGE BSHES PHU CHUNG BAS MTSAN GUNG LA AA TZAM ZHES GSUNGS PAR, CI YIN ZHUS PAS, DUS MTHA'I NYAN THOS RNAMS BYE MA'I SGRO BA KHA PHUB PA LTAR, NGAN
, ,SONG DU 'GRO BAR GSUNGS 'DUG NA, NGA YANG DE'I GSEB NA YOD PAS GSUNGS, DE YANG LAS 'BRAS SPYIR BSAM TSUL DNGOS DANG, SO SOR PHYE STE BSAM TSUL RNAMS LA ZHIB TU BRTAGS NAS NGES PA CI 'DRONG BYAS TE, BLANG DOR GANG SHES KYI DE MA THAG TU 'JUG PA'I LAG LEN GANG ZAB DANG, BLO DMAN PA RNAMS KYIS KYANG THOG MAR LAS LAM LCI PAR GSUNGS PA RNAMS DANG, STOBS LDAN GYI LAS KYI SGO BSDUS TE BSTAN PA RNAMS LA GTZOR 'DON BYA ZHING, BYE BRAG TU RTEN KHYAD PAR CAN SGRUB PHYIR DU, DE'I YON TAN BYED LAS RGYU DANG BCAS PA SOGS MTHA' DAG PAR BSAMS NAS 'JUG LDOG BYA TSUL SPYIR BSTAN PA LTAR 'BAD KYANG, GZHAN DBANG DU GYUR PAS GOS NA STOBS BZHIS SBYANG BAR GSUNGS SO, ,TSUL 'DI SHIN TU LKOG TU GYUR PAS NGES PA CHES RNYED DKA' BA'I PHYIR, THOG MAR SLOB DPON PHYOGS KYI GLANG POS, TSAD MAR GYUR PA 'GRO LA PHAN BZHED PA, ,STON PA BDE GSHEGS SKYOB LA PHYAG 'TSAL NAS, ,ZHES GSUNGS PA DANG, DE'I DGONGS 'GREL DU DPAL CHOS KYI GRAGS PAS, RGYU SPANGS YON TAN GSUM BDE GSHEGS, ZHES GSUNGS PAS, MDZES PAR GSHEGS PA, SLAR MI LDOG PAR GSHEGS PA, MA LUS PAR GSHEGS PA'I KHYAD CHOS GSUM LDAN GYI BDE BAR GSHEGS PA DE, SKYON THAMS CAD KYI RTZA BA BDAG 'DZIN BAG CHAGS DANG BCAS PA, GNOD BYA GNOD BYED NGO BO'I PHYIR, ,ZHES GSUNGS PA LTAR, BDAG MED RTOGS PA'I SHES RAB KYIS SLAR MI LDOG PAR BYAS PAS SPANGS PA KHYAD CHOS GSUM LDAN DU BSGRUB, DE DANG DBU MA BZHI BRGYA PA NAS GSUNGS PA'I SNYING RJE MTHA' MED DU 'PHEL BA'I RIGS PA GNYIS ZUNG SBYAR NAS NGES SHES DRANGS PAS STON PA TSAD MA'I SKYES BUR BLO THAG CHOD PA NA, 'BRAS MED PHYIR NA BRDZUN MI GSUNGS, ,ZHES PA LTAR GYI CHOS BSTAN PA SOGS GZUGS SKU'I MDZAD PA MTHA' DAG MI BSLU BAR SHES NAS, MDO SDE KLOG PA TZAM GYIS KYANG LAS 'BRAS LA YID CHES RNAM DAG SKYE BA YIN, 'DI MED NA KHAMS GSUM YUD TZAM LA BSKOR THUB PA'I
GDENGS YOD KYANG BDUD KYIS BYIN PA'I SNYING STOBS YIN, RJE BLA MA TZONG KHA PA CHEN POS KYANG, 'DI LA BCOS MIN GYI NGES PA MA RNYED NA, ,CHOS GANG LA YANG RGYAL BA DGYES PA'I NGES PA MI RNYED DO ZHES PA DANG, YANG DES NA LAS GNYIS RGYU DANG 'BRAS BUR BCAS PA LA NGES PA BSKYED CING NYIN MTSAN KUN TU SGO GSUM LA RTOG PA CIG GIS NGAN 'GRO GCOD KYI THOG MAR RGYU 'BRAS KYI RNAM DBYE LA MI MKHAS SHING CUNG ZAD SHES KYANG SGO GSUM BAG YANGS SU 'JUG PA NI NGAN 'GRO'I SGO 'BYED PA KHO NA STE, ZHES MDO LUNG DANG BCAS PA DRANGS NAS THAG RBAD KYIS BCAD, LHAG PAR STONG NYID RTOGS PA NI RTEN 'BREL RTOGS PA'I DON YIN NA, STONG NYID RTOGS PAR KHAS BLANGS NAS LAS 'BRAS LA MI RTZI BA'I DENG SANG GI GRUB THOB RNAMS NI RANG GIS RANG NYID SHES BYA LA MI SRID PAR STON PA YIN NO, ,LAS 'BRAS KHYAD DU BSAD NA MKHAS PAS MI PHAN TE, PAndI TA DHARMA SE NAS RANG RTZA BA NYAMS PAS, DES MI STO BA'I BSTAN BCOS BRTZAMS PAS MI RANG BAR NAD KYIS BZUNG, RKAN NAS SHA NU MA 'DRA BA SKYES NAS ZAS 'BRU RE YANG ZAR MA BTUB PAR SHIN TU SDUG BSNGAL BAR GYUR, SNGON NAS SPYAN RAS GZIGS DANG MJAL DU YONG PA'ANG LAS KYIS BSGRIBS NAS MA MJAL, NAN GYIS GSOL BA BTAB PAS RMI LAM DU MJAL NAS NAD KYANG MI 'TSO PHYI MA DMYAL BAR 'GRO GSUNGS, RGYUN DU BTZUN POR RLOM YANG MI PHAN TE, RGYA GAR GYI GNAS BRTAN CIG GIS, SHING GI MCHIL LHAM GTZUG LAG KHANG DU BYON PA BKAG PA SHES BZHIN DU KHYAD DU BSAD NAS GYON PAS, YI DVAGS RKANG GYOL CIG TU SKYES NAS SEMS CAN LA GNOD 'TSE BYED PA DANG, DGE TSUL ZHIG DANG GTAM BYAS PA BYUNG, THUN MONG GI DNGOS GRUB KYIS KYANG MI THUB STE, SNGON PHOD MDOR GSHIN RJE'I GSHED ZHAL GZIGS PA ZHIG GIS GNAS BRTAN BYAS NAS, DGE 'DUN GYI RDZAS PHUB MA ZHIB MA GANG LA BDAG GIR LONGS SPYAD PAS, SHI NAS GSHIN RJE'I GSHED KYI GZUGS 'DRA BA'I YI DVAGS SU SKYES NAS, RGYUN DU DGE BSNYEN BZANG BA ZHIG GI GTOR MA ZA BA LAS, NUB CIG GTOR MA CHAG
, ,PAS DNGOS SU BYUNG, 'JIGS NAS SLAR SU YIN BYAS PAS, SNGON GYI LO RGYUS BSHAD CING, KHYOD KYI GTOR MA DE PHAN CHE BA LAS, DO NUB MED NAS YONG ZER RO, ,GZHAN YANG BYAMS PA SENG GE SGRAS ZHUS PAR, DMYAL BAR MDA' 'PHANGS PA BZHIN SKYE BA'I LAS, ,TSUL KHRIMS MED PAR DAD RDZAS ZA BA DANG, ,NYES LTUNG STON PA'I MDO SHES BZHIN DU LTUNG BA 'BYIN PA DANG, LTUNG BA BYUNG BA ZHAG TU MI 'CHOS PA DANG, GZHAN GYI PHUN TSOGS LA PHRAG DOG BYED PA DANG BZHIR GSUNGS, DMYAL BAR MYUR DU SKYE BA'I LAS, RNYED BKUR GYIS NGA RGYAL BYED PA DANG, MANG DU THOS PAS NGA RGYAL BA DANG, TSUL KHRIMS DANG SBYANGS PA'I YON TAN GYIS NGA RGYAL BA DANG, MDZA' BSHES DANG SLONG MO STER BA'I RGYUS RLOM ZHING NGA RGYAL BA BCAS BZHIR GSUNGS PA SOGS ZHIB PAR SHES NAS, 'DI'I NYES PA 'DI'O SNYAM PA DANG, DE MA BYUNG YANG 'DI NYES DMIGS SO SNYAM PA TZAM SKYED NAS SPONG DGOS KYI, 'DI LA BZUR THABS DANG BYOL THABS GZHAN MED DO, ,PHYUNG DANG 'BYUNG 'GYUR GYI SDUG BSNGAL THAMS CAD BZLAS BSGOM MA BYAS PAS LAN PA MED, NYES PA CHUNG NGU RE MA MNAN PAS LAN PA SHA STAG YIN, DE NI BYED PA DANG THUG NA MCHIL MA MID SHUL TZAM LA YANG 'KHOR SGYUR SGRUB TU YOD PAS TSEGS CHUNG LA DON CHE BA YIN, SER SKYA GANG GIS KYANG KHAS BLANGS DANG 'BREL NA LTA CI, MA 'BREL NA YANG DAM PA RNAMS KYIS MI RUNG BAR ZHAL GYIS BZHES PAS NA, DE'I RJES SU 'BRANGS NAS NYES DMIGS GCIG LA, 'DI NAS BRTZAMS TE 'DIS MA GOS BYA BA GCIG STON RGYU BYUNG NA DUS KYI MTHA' MAR MI GO CHOD PA RANG YIN, DGE BSHES KA MA BAS, LAS 'BRAS ZHE THAG PA NAS BSAMS NA MCHI MA SBAR MOS GSOG ,SHA LA GRI YIS 'DRA, DE MED PA MA BSAMS PA YIN GSUNGS, SHA BO PAS, 'JIG RTEN PA'I YANG DAG PA'I LTA BA SKYES NAS, RANG KOG GIS 'GRO DUS LHA 'DRE MI GSUM DGRAR LANGS PA BAS, NYES BYAS GCIG DGRAR SHES NAS YONG, 'DZAM GLING GI NOR THAMS CAD LAS LHA PHYAG
GCIG DGA' BAR SHES NAS BYED PAS, DGE SDIG SROG DANG BSDONGS PA CIG YONG NA, TSIG MTHO DMAN NAM, 'DUG SA LEGS NYES RE'AM, PHO KHA GZAR MCHU RES CHOS GA NA BTON GSUNGS, DA DUS GROGS NGAN PA MI RUNG BA CHE CHUNG MED PAR AA'U TZI AA'U TZI ZER BA DANG 'GROGS THEBS MED DA LTA SO NA DUS AA'U TZI MIN DANG, SDUG BSNGAL CHE CHUNG LA KHYAD JI TZAM 'DUG MYONG BAS BLTAS NA SHES, STON PA RIN PO CHES 'U CAG LA SPYOD NGAN CIG YOD, SGOG PA CHE ZOS CHUNG ZOS ZER NAS KHYAD MED BYED DE YE MIN GSUNGS, DE LTAR BSAMS PAS RANG SDIG PO CHER MTHONG NAS MI BZOD PA ZHIG BYUNG NA, STOBS BZHI TSANG NGES KYIS SDIG PA THAMS CAD ZLA SGRIL NAS BSKYUR DU YOD PA YANG, SANGS RGYAS RANG GI BKA' TSAD MA YIN, DGE BSHES KA MA BAS, THOG MED KYI SDIG PA THAMS CAD RDZOGS PA RE RE'I RGYUD LA YOD NA YANG, STOBS BZHI DANG LDAN BAS 'DAG NUS PAS, SBYOD DUS TSE 'DI YIN GSUNGS, 'DAG TSUL YANG RNAM SMIN GTAN MED DU DAG PA NAS CHE BA CHUNG NGUR BYAS PA SOGS YOD CING, DE YANG LTUNG BA RNAMS SDOM PA SO SO'I SKABS KYI PHYIR 'CHOS KYI TSUL LTAR BYA LA, SPYI KHYAB KYI SDIG PA RNAMS STOBS BZHIS SBYONG BA LA, THOG MAR DGE SDIG GANG LA YANG, DGA' SAR MI DGA', 'GYOD SAR MI 'GYOD PA'I DUG TSAL CHUR BSKYUR BA LTA BU MA YIN PAR SDIG PA'I RNAM SMIN RGYU MTHUN BDAG 'BRAS RNAMS RANG THOG TU SPUNGS PA LTAR MYONG DGOS PAR MTHONG NAS SHIN TU 'JIGS TE, SDIG PA SNGAR BYAS LA 'GYOD PA MANG LA SHUGS DRAG PA SKYES NAS DA PHYIN CHAD 'DI 'DRA BYED RI SHI SNYAM PA LTA BU'I SDOM SEMS RANG STOBS KYIS 'DREN THUB NGES BYUNG NA DE SUN 'BYIN PA'I STOBS YIN, DE NAS SNGAR GYI SKYABS SEMS BSGOM PA RTEN GYI STOBS BSKYED NAS, GNYEN PO KUN SPYOD KYI STOBS DRUG LAS SLOB GNYER BA RNAMS KYIS MDO SDE 'DZIN KLOG BYED PA LTA BU SOGS 'PHRAL DU RANG LA 'BREL GANG CHAGS KYI DGE RTZA CI RIG PA LA NAN GYIS ZHUGS NAS SBYANGS TE SNGAR GYI SDOM SEMS MA NYAMS PAS NYES PA LAS SLAR LDOG PA'I STOBS BSKYED DE RGYUN DU
, ,YANG DAG PAR SDOM PAR BYAS NA STOBS BZHI TSANG BA YIN NO, ,LAG LEN GNYEN PO DNGOS LA SKABS 'DIR RDOR SEMS BSGOM BZLAS KYANG GZHAN ZHOR LA BYAS PAS MI YONG, LAM 'DI'I SGRIB SBYONG LA CHED DMIGS KYIS MTSAMS DAM PAR BYAS TE, 'DUG STANGS TSUN CHAD RGYUD KYI DGONGS PA DANG MTHUN PAR STAN PA'I CHO GA KHUNGS MA YONGS GRAGS LA BRTEN NAS YIG BRGYA 'BUM THER DGRONGS MDZAD NA GSANG SNGAGS KYI RTZA LTUNG YANG 'DAG PA DANG, NYIN RE BZHIN NYER GCIG LAS MA NYUNG BA BZLAS NA LTUNG BA'I 'PHEL KHA CHOD PAR GSUNGS PAS NGES PAR DE BZHIN DU MDZAD DGOS, SNGAGS KYI LTUNG BA'I 'PHEL KHA TZAM YIN NAM, LTUNG BA THAMS CAD KYI YIN BLO LDAN DON GNYER CAN RNAMS KYIS DPYAD PAR ZHU, GTZO BOR THUN MTSAMS KYI NYAMS LEN DU GSUNGS KYANG, BOD STON SNGA MA RNAMS KYIS THUN GYI SNGON 'GROR BKOD PAR, RJE THAMS CAD MKHYEN PAS MI RIGS PAR MA MDZAD PAS GANG 'OS SU BYA ZHING, YAB KYI THUGS KA'I ZLA GDAN GYI DBUS SU H'Um YIG DKAR PO'I MTHAR SNGAGS 'PHRENG DKAR POS BSKOR BA LAS, YIG BRGYA BDUN TSAN GCIG GI RING 'OD ZER DKAR PO'I SPRO BSDU DANG BDUD RTZI DKAR PO'I 'BEBS SBYANGS BYA, DE BZHIN DU BDUN TSAN GNYIS PA DANG, GSUM PA, BZHI PA BCAS LA, RIM BZHIN 'OD DANG BDUD RTZI DMAR PO, MTHING KHA, DKAR DMAR MTHING GSUM 'DRES MA BCAS RIM DANG CIG CAR BYUNG NAS, RANG GI GNAS GSUM LA DE LTAR THIM PAS SGO GSUM SO SO BA DANG SPYI'I SGRIB PA THUN MONG DANG THUN MONG MA YIN PA SBYANGS PAS, SO SO'I SBYONG BYED KYI LAM THUN MONG MA YIN PA RNAMS MNGON DU GYUR, 'BRAS BU THUN MONG MA YIN PA RNAMS MYUR DU THOB PA'I NUS PA KHYAD PAR CAN BZHAG PA'I MOS PA BYAS TE, YIG BRGYA BDUN TSAN BZHI RE 'DON DGOS PAR PAn CHEN GONG MA'I BKA' YIN 'DUG ,DMIGS PA GZHAN SPYI 'GRO LTAR BYA ZHING, PHYI DRO'I THUN MTHAR MGON PO'I GRIB SEL GYI MAN NGAG KYANG MDZAD NA SHIN TU LEGS, DE NAS LTUNG BSHAGS BRGYA PHYAG DANG 'BREL BAR BYA TSUL NI, BDAG GI
SDIG TSOGS STOBS CHEN 'DI LTA BU SNYAM PAS 'JIGS SHING SKRAG NAS, SKYABS YUL SPYI DANG KHYAD PAR DU DE BZHIN GSHEGS PA SO LNGAS THUGS BSKYED LHAG PAR MDZAD PA DUS SU SMIN PA LA YID CHES KYI DGA' BA DRAG PO DANG BCAS RANG GI GNAS KHANG LA BYI DOR DANG CHAG CHAG BTAB STE GTZANG ZHING DRI ZHIM PAR BYAS, DE YANG BYI DOR GYI SNGON DU CHAG CHAG 'DEBS PA NI RDUL MI LANG BA'I CHED DU YIN PAS CHAG CHU GTZANG BA TZAM GYIS YONG, BYI DOR TSAR NAS CHAG CHAG 'DEBS PA DRI ZHIM PA'I CHED YIN PAS DRI BZANG GI SPOS CHU DGOS PA YIN, DE NAS RANG GI MDUN THAD KYI MTHO DMAN 'TSAMS PA'I NAM MKHA'I GNAS SU, BLA MCHOD NANG LTAR GYI TSOGS ZHING SKAD CIG GIS KHRA LAM MER GSAL BTAB STE, GTZO BO'AM RANG GI RTZA BA'I BLA MA GNYIS GANG 'OS KYI THUGS KA NAS 'OD ZER SER PO DANG ZHING 'TSER BA ZHIG MDUN DU BYUNG, DE 'OD ZER RNGA YAB GYEN BSTAN GYI RNAM PA SO LNGAR GYES PA'I DBUS KYI STENG DU, GLANG POS BTEG PA'I RIN PO CHE'I KHRI MU TIG GI DRA BA DANG DRA PHYED KYIS BRGYAN PA PAD ZLA DANG BCAS PA'I STENG DU GTZO BO STON PA BLA NA MED PA SH'AKYA'I RGYAL PO BZHUGS SHING GA-YAS GA-YON GNYIS SU 'OD ZER BDUN TSAN RE DANG, KHRI MTSAMS KYI MDUN DU 'OD ZER BCU STAR GNYIS BCAS KHYON BSDOMS SO BZHI PAD ZLA DANG BCAS PA'I STENG DU DE BZHIN GSHEGS PA LHAG MA RNAMS BZHUGS PA, SKU MDOG DANG PHYAG MTSAN RNAMS 'DREN MCHOG BLA MA TZONG KHA PA CHEN PO'I DAG SNANG MA LTAR DES PAR GSAL 'DEBS DGOS, KHRI GLANG BTEG MA BYED PA GNYEN PO STOBS CHE BA'I DGOS PA DANG, MU TIG GIS GTZO BOR BRGYAN PA, MU KTI KA BYA BA GROL BA LA 'JUG PAS SEMS RNAM PAR GROL BA'I DGOS PA 'GRUB SLA BA'I CHED YIN ZHES, BDAG GI SKYABS GCIG KHRI CHEN RDO RJE 'CHANG GI BKA' YIN, TSOGS ZHING RNAMS SKU DNGOS MJAL BA LTAR GYI GSAL NGAR DANG LDAN PAR BYA DGOS, DAL 'BYOR BSGOM PA LTA BU RNAMS DMIGS PA LA 'DRIS PAS CHOG ,'DI DANG 'JOG SGOM GYI DMIGS PA GSAL THEBS PO DGOS PAS, SBYOR BA'I CHOS DRUG SKABS TSOGS
, ,ZHING GSAL 'DEBS PA SA BCAD GCIG TU BZHAG PA YIN 'DUG ,DRI MA 'KHRUD PA'I SNGON DU 'DAG RDZAS KYIS DRI MA SLONG BA LTAR, BDAG GIS SKYE BA GZHAN DU BYAS BSAGS KYI SDIG PA RNAMS LTA CI, LUS KYI PHUD LTA BU'I RTEN 'DIR YANG LO BCU PHAN CHAD, DE NAS NYI SHU'I BAR DE NAS SUM CU'I BAR BAG MED KYI BSAM SPYOD SBYI'I BYUNG TSUL DANG, KHYAD PAR SDOM PA BLANGS PA'I RTEN 'DIR, LA LA'I TSUL KHRIMS SDUG BSNGAL YIN, ,GSUNGS PA LTAR, GANG KHAS BLANGS PA RNAMS YANG DAG PAR MA BSRUNGS PAS LHAG PAR SDUG BSNGAL BA'I RKYEN DU SONG NAS, ZHING KHYAD PAR CAN 'DI LTA BU LA BSAM PA DANG, DNGOS PO 'DI'I SGO NAS LAS NGAN SHIN TU STOBS CHE BA 'DI DANG 'DI BYAS SNYAM DU DRAN PAS GSAL BTAB SHES NA RANG GIS RANG LA SDIG PA'I GZUGS SU MTHONG BA'I TSOD KYI ZHE KHREL SKYES NAS, DA PHAN BYUNG ZIN PA'I 'DZAM BU GLING GI MI'I KHROD NA SDIG CAN BDAG LTA BU MA BYUNG 'DUG PAS LAS NGAN DE DAG RNAM PAR SMIN NA NI, NGAN SONG YANG GZHAN DANG MI 'DRA BA ZHIG MYONG DGOS PA 'DUG SNYAM PA YONG, DA NI BSAMS SHES PA RANG YIN, DA LTA'I GTAM SROL LA NGAS MI MA BSAD RTA MA SGYEL ZER BA LTA BU'I BLO BDE BDE BYED PA DE 'DRAS MI YONG, RANG GI 'JIGS PAS BSKUL NAS SKYABS KYI YON TAN BSAMS NA, TSOGS ZHING YANG GSAL SNANG CAN DU MTHONG YONG, DE NAS MA LUS SEMS CAN MA SOGS KYIS SPYAN 'DREN KHRUS GSOL YANG KHRUS CHAS DANG BCAS TE NGES PAR BYA, GRIB KYIS NON PAS DMIGS PA MI GSAL BA SOGS LA SHIN TU PHAN CHE BA YIN, LCOGS NA TSOGS ZHING RE RE'I MDUN DANG, DE MIN THUN MONG GI MDUN DU RANG GI SNYING KHA NAS LHA MO ME LONG DANG KHRUS BUM KHRUS GZHONG 'DZIN PA GSUM DANG, SKU PHYIS DANG NA BZA' SOGS YO BYAD LHAG MA THOGS PA GCIG BCAS SPROS NAS TSIG DANG BSTUN PA'I DMIGS PA BYA, DE NAS PHYAG GI 'GYUR SNGAGS BTON NAS PHYAG 'GO BTZUGS, THOG MAR BLA MA LA TSIGS BCAD GCIG ,DE NAS DKON MCHOG GSUM LA TSIGS BCAD GANG 'TSAMS KYIS BSTOD, PHYAG
BYAR 'OS PA SOGS KYIS THUN MONG DU BSTOD, JI SNYED SU DAG MA'I SGO NAS YAN LAG BDUN PA'I DMIGS PA YANG PHYAG DANG SBRAGS NAS GANG THUB BYA DGOS, DE YANG PHYAG PHYAR 'OS PA THAMS CAD LA ZHES PA'I TSIGS BCAD LTAR, RANG DANG SEMS CAN THAMS CAD KYI LUS ZHING RDUL DANG MNYAM PA'I GRANGS MED PAR MOS PA DANG, TSOGS ZHING YANG RDUL GCIG STENG NA ZHES SOGS LTAR MOS DGOS, BYANG SEMS MTHU CHEN RNAMS KYIS DNGOS SU BYAR YOD PA YIN, NGED RANG TSO YANG TSOGS MYUR DU RDZOGS PA DANG, SGRIB PA MYUR DU ZAD PA'I THABS MKHAS KYI 'PHRUL LA LHAG PAR MOS NAS BYAS NA MYUR DU DNGOS SU GRUB CING, 'PHRAL DU MOS NGOR GRUB PA YIN, RGYAL BA KUN LA PHYAG 'TSAL MCHOD PAR BGYI ZHES PA'I MTSAMS SU LTUNG BSHAGS 'DON, DE YANG GONG GI RANG DANG RANG GI SDIG PA LA SUN 'BYIN PA'I STOBS SHUGS MNYAMS PA'I MU NAS THOG MAR DGE 'DUN LA SKYABS SU MCHI'O ZHES PA'I BAR GYIS RTEN GYI STOBS BSTAN PAS, SA LA 'GYEL BA SA LA BRTEN NAS LANGS ZER BA LTAR SDIG LTUNG THAMS CAD RGYAL BA'I BKA' DANG 'GAL BA SHA STAG YIN PAS, DE YANG BKA' LA BRTEN NAS SDIG LTUNG LAS LANGS SNYAM DU SKYABS SEMS GSAL 'DEBS BYA, DE NAS DE BZHIN GSHEGS PA SO SOS RANG GI MTSAN BRJOD PA TZAM GYIS BSKAL PA 'DI TZAM GYI SDIG PA 'DAG PAR ZHAL GYIS BZHES PA LA YID CHES KYI DAD PA DANG BCAS TE, GNYEN PO KUN SPYOD KYI STOBS DRUG GSUNGS PA LAS, DGE SDIG GI 'KHOR GSUM THAMS CAD GDOD MA NAS DAG PAR MOS NAS SNANG BA SGYU MAR 'CHAR GANG THUB DANG, MTSAN LA BRTEN NAS LHAG MED DU DAG PAR BYA ZHING, RANG GZHAN THAMS CAD KYI SNYING KHAR SDIG PA'I SA BON PAm YIG NAG PO GSAL BTAB, DE BZHIN GSHEGS PA RNAMS KYI SKU'I CHA LAS BDUD RTZI'I RGYUN DPAG MED BYUNG RANG GZHAN GYI SPYI BO NAS ZHUGS TE PAm YIG THUR DU DED PAS PAm YIG KHA BYE NAS SDIG PA RVA CAN GYI RNAM PAR 'OG SGO NAS PHYIR 'THON PAR BSAMS, SLAN CHAD KYANG SDOM SEMS ZHE THAG PA NAS BSKYED DE, DGE RTZA THAMS CAD THOG MA NAS THEG CHEN GYI DGE BA'I BSHES GNYEN GYIS
, ,MI GTONG BA DANG, BAR DU DAM CHOS TSUL BZHIN 'DZIN PA DANG, THAMS CAD KYANG MYUR DU RDZOGS BYANG THOB PA KHO NA'I RGYUR BSNGO BAR BYA, BYANG SEMS KYI BSLAB BYAR PHUNG PO GSUM PA ZHAG RER DUS DRUG TU 'DON PAR GSUNGS PAS DE LTAR BYA ZHING, MA MTHA' DKYUS GCIG LA DRUG BTON NAS, DE MJUG TU SPYI BSHAGS DANG, 'DOD CHAGS ZHE SDANG GTI MUG DBANG GIS NI ZHES PA NAS, PHYIR BSNGO'O ZHES PA'I BAR PHYAG DANG 'BREL BAR BYAS PA'I SGO NAS PHYAG 'BUM 'GRO NGES THOG ,RGYUN DU'ANG LTUNG BSHAGS BRGYA PHYAG DANG 'BREL BA RE DANG, YIG BRGYA NYER GCIG BZLAS SGOM DANG 'BREL BA MA CHAG PA NGES PAR DGOS SHING, LHAG PAR PHYAG 'DI RJE BLA MA'I CHOS BRGYUD 'DI LA SHIN TU BKA' BABS PAS BYIN RLABS GZHAN LAS MYUR BA YIN, GZHAN YANG BSAG SBYANG SOGS DGE SBYOR GANG YANG LAM DU SONG MA SONG GI RTAGS MTSAN MA NOR BA NI RANG RGYUD KYI NYON MONGS SHAS CHUNG DU SONG MA SONG KHO NA YIN PAS, NYON MONGS KYI RNAM GRANGS DANG SKYE TSUL GZHUNG CHEN MO DANG MTHUN PAR SHES PAR BYAS LA, BDAG GI GLO 'DI DANG 'DI LTA BU, NYON MONGS 'DI DANG 'DI YIN PAR 'DUG SNYAM DU RANG RGYUD DANG NGO SPRAD NAS GTAN LA 'BEBS DGOS, DE NAS GNYEN PO BSTEN TSUL GYI THOS BSAM SOGS KYANG DE LTAR BYAS NA, GSUNG RAB THAMS CAD RANG GCIG PUR GSUNGS PA LTAR GO YONG, DE'I GNAD KYIS RANG RGYUD KYI NYON MONGS SPANGS NA NYON MONGS THAMS CAD SPANGS GO CHOD PA YIN DE LTAR SHES NAS BRTAG PAS DA DUNG NYON MONGS SKYE SLA BA DANG BZLOG DKA' BAR 'DUG NA BLA MA DANG DBYER MED KYI YI DAM GSHIN RJE'I GSHED KYI BSNYEN PA NAN TAN ZHIG LA MYUR DU 'BAD DGOS, YI DAM CHOS SKYONG RNAMS KYI ZHAL GDANGS SA DANG, MCHE BA GTZIGS SA THAMS CAD 'DI YIN PAS 'DI LA CHED DMIGS KYIS CHO GA BTON TZAM DANG, SNYING PO BZLAS TZAM GYIS KYANG THUGS DGYES NAS DNGOS GRUB DANG 'PHRIN LAS NGES PAR 'BYUNG BA YIN, DE LTAR MA BYAS NA NANG GI NYON MONGS CHER RGYAS PA NA, NYON MONGS KYI GDON GZUGS PHYI ROL DU SHAR BA SNA TSOGS PA BYUNG
NAS CHOS 'GO MTHAR MI PHYIN PAR BYED, GZHAN DON DU RANG RGYUD KYI NYON MONGS BCOM PA'I THABS BCOS KHO NA LA GTZO BOR 'BAD NA YID BZHIN GYI NOR BU LA DGRA MANG BA LTAR BAR CHAD BRTZAMS PA MANG YANG, RGYAL BA SRAS BCAS THAMS CAD KYIS BSRUNG BAR MDZAD PAS BAR CHAD KYIS MI TSUGS TE, DPER NA BU MANG PO YOD PA'I MA NA NA, DE LA BU THAMS CAD KYIS RIM GRO BYAS PAS THAR BAR 'GYUR BA LTAR YIN ZHES, SHER PHYIN GYI BDUD LAS KYI MJUG TU GSUNGS, GZHAN YANG RJE BLA MA TZONG KHA PA CHEN POS, DPER NA ZHING SA GSHIN PA ZHIG LA SA BON 'DEBS DUS SU MA BTAB PAR LDUS PA 'DRA NA DE 'JOG MI PHOD PA LTAR, 'DI PHYI'I BDE LEGS THAMS CAD 'BYUNG BA'I ZHING SA DAM PA DUS BZHI THAMS CAD DU RGYUN CHAD MED PAR BDE LEGS KYI SA BON BTAB PAS CHOG PA 'DI LA YANG DAD PA'I GSHOL GYIS BSOD NAMS KYI ZHING RMED PAR GYUR CIG CES MDO LAS GSUNGS PA LTAR BYA RGYU MA BYUNG NA CHE SA SHIN TU PHANGS PAS, ZHING GI MCHOG LA THA MAL PA'I ZHING GI MTHONG TZAM YANG MED PA 'DI 'O SKOL STANGS BZANG BAR MI 'DUG PAS, DKON MCHOG MCHOD PA LA DUS THAMS CAD DU BRTZON PAR BYA'O, ,DE LTAR BYAS NA ZHING DAM PA LA DGE RTZA BSKRUN PA'I MTHU LAS LAM GYI RIM PA RNAMS LA BLO'I MTHU JE RGYAS SU 'GRO BAS MNYAN NA TSIG MI ZIN BSAMS NA DON MI GO BSGOMS NA RGYUD LA MI SKYE BA'I BLO'I MTHU SHIN TU CHUNG BA'I DUS SU ZHING GI MTHU LA BRTEN PA NI MAN NGAG YIN NO, ,MCHOD PA YANG DNGOS PO LA MA 'THOGS RANG GI DAD PA LA 'THOGS PA YIN GSUNG PA LTAR DANG PA YOD NA MAndAL DANG CHU DANG BLOS MA BZUNG BA'I MCHOD PA SOGS KYIS MCHOD PAS CHOG PAS ZANG ZING MED KYANG DE LTAR BYA ZHES BKA' STZAL PA 'DI SNYING LA BCANGS DGOS, DES NA NGED RANG TSO ZANG ZING YOD PA MA SHI'I BAR DU SBAS NAS, YON CHAB DANG MAndAL YAG PO 'BUL ROGS MDZOD, DE NI GZUNGS BSDUS SU, PHYUG PO SBYIN PA MI GTONG NA, ,DE NI GZHAN GYI GTER BSRUNG YIN, ,MKHAS PA DAM TSIG MI BSRUNG NA, ,DE NI SDONG PO KHONG RUL YIN, ,GSUNGS PA LTAR RED DE, DUS DBANG GIS DE 'DRA
, ,YANG GTZO CHE BA'I GRAS SU 'JOG DGOS PAR 'DUG ,BYUNG NA RDZAS KYI DNGOS PO RANG LA CI YOD KYI SUM CIG 'TSO BA'I MTHUN RKYEN DU BYAS, SUM GNYIS BLA MA SOGS ZHING SA DAM PA LA DAD PAS DRANGS PAS MCHOD RDZAS SU 'GYUR BAR MDZAD NA, LO BRGYAR YANG MI 'GRUB SNYAM PA SKAD CIG LA 'GRUB PA'I 'PHRUL THABS GZHAN DANG MI 'DRA BA YIN, DE YANG CHOS RJE RGYAL SRAS PAS, BLO RGYUN CHOS SU SONG NA TSOGS BSAGS MTHAR THUG YIN GSUNGS PA LTAR, THOG MAR BLO RGYUN DAD PAR 'GRO BA'I THABS SGO GANG ZAB MDZAD PAR ZHU, GSUM PA GSOL 'DEBS YANG YANG BYA BA NI, DUS GSUM SANGS RGYAS THAMS CAD DANG, ,DBYER MED RTZA BA'I BLA MA LA, ,SNYING NAS GSOL 'DEBS YANG YANG BYA, ,ZHES GSUNGS, DE YANG NYAMS MGUR LAS, DE NAS 'DI PHYI'I LEGS TSOGS JI SNYED PA'I, ,RTEN 'BREL LEGS PAR 'GRIG PA'I RTZA BA NI, ,LAM STON BSHES GNYEN DAM PA 'BAD PA YIS, ,BSAM DANG SBYOR BAS TSUL BZHIN BSTEN PA RU, ,MTHONG NAS SROG GI PHYIR YANG MI GTONG BAS, ,BKA' BZHIN BSGRUB PA'I MCHOD PAS MNYES PAR BYAS, ZHES BDAG LEGS SU 'DOD PA KUN LA ZHAL CHEMS MDZAD PA LTAR, DA LTA 'DI PHYI'I LEGS TSOGS JI SNYED CIG BSGRUB KYANG MI 'GRUB PA NI, DE'I RGYU DANG GDAGS GZHI'I RTEN 'BREL LEGS PAR MA 'GRIG PA KHO NA LA THUG ,'GRIG RGYU'I LEGS TSOGS KYI RTEN 'BREL LA, MYU GU SDONG PO YAL GA LO MA ME TOG LTA BU MTHA' YAS PA YOD KYANG, DE THAMS CAD KYI 'BYUNG GNAS RTZA BA LTA BU NI, LAM STON BSHES GNYEN DAM PA TSUL BZHIN BSTEN PA KHO NA YIN PA LA, GZHAN GYI RJES ZLOS TZAM DANG NGO BSTOD DANG KHA RGYUN 'DZIN PA TZAM DU MA SONG BAR NGES PA GTING NAS 'DRONGS PA'I LAG RJES LUS SROG KYANG BLOS BTANG NAS BSHES GNYEN MI GTONG BA'I BSAM PAS LAS SU BYA BA BKA' BZHIN BSGRUB PA KHO NA'I MCHOD PAS MNYES PAR BYAS NA, DE JI TZAM YOD PA'I TSOD TZAM GYIS 'DI PHYI'I LEGS TSOGS KYI RTZA BA TSUGS PAS CI BYAS LAM DU 'GYUR GYI, GZHAN DU JI TZAM 'BAD KYANG
MKHAS BTZUN BZANG GRUB LTAR SNANG RES DUS 'DA' BA MA GTOGS 'BYUNG SA MED PAS NA, SGRUB NA 'GRUB PA'I DUS KYI TSE THUNG 'DI LA THOG MA NAS RANG GI 'DOD PA'I RJES SU 'BRANG PA'I RNAM GRANGS MANG PO MI GSOG PAR, BLA MA SGRUB PA'I MCHOD PA KHO NA LA DGYES SHING, DE LA BKRI BA'I THABS LA MKHAS PA, THUGS RJE'I BYIN RLABS CHE BA ZHIG BTZAL NAS RNYED NA NI, DENG NAS BRTZAMS TE TSE RABS KUN TU BDAG ,KHYOD ZHABS PADMO GUS PAS MCHOD PA DANG, ,KHYOD GSUNG NYAN CING SGO GSUM BYA BA KUN, ,KHYOD MNYES 'BA' ZHIG SGRUB PAR BYIN GYIS RLOBS, ,CES PA LTAR NUS PA CI YOD KYIS 'BAD 'BUNG BTON NAS DUS 'DA' THUB NA DES 'GRIG PA LAGS SO, ,'DI YAN GYIS BSHES GNYEN BSTEN PA'I PHAN YON DANG, MA BSTEN PA'I NYES DMIGS, BSTEN BYA DGE BSHES KYI MTSAN NYID BCAS MDOR BSDUS BSTAN, DE YANG BLA MA'I RNAL 'BYOR YIN ZER BA MDUN DU BLA MA BSGOM, DE LAS BDUD RTZI 'BEBS SBYANGS BYED PA TZAM GYIS MI CHOG PAS, RANG SEMS BLA MA'I RNAL MA LA 'BYOR BA'I THABS GZHAN LAS ZAB PA'I MAN NGAG CIG NGES PAR DGOS PA YIN, DE NI LAM GYI RIM PA'I BSHES GNYEN BSTEN TSUL GYI SKABS DANG, RGYUD SDE'I DBANG DANG DAM TSIG STON PA'I SKABS SOGS LAS GSAL BAR BSHAD KYI DE DAG DANG MI MTHUN PA'I BLA MA SGRUB THABS LA YID GTAD PAR MI BYA, DES NA SKABS 'DIR GO BDE BA'I PHYIR DU, THOG MAR BLA MA'I RNAL MA NGOS GZUNG BA, DE DUS GSUM SANGS RGYAS DANG DBYER MED TSUL, TSUL DES SNYING NAS GSOL BA 'DEBS TSUL DANG GSUM, DANG PO LA KUN RDZOB KYI RNAL MA DANG, DON DAM GYI RNAL MA GNYIS LAS, DANG PO NI, SKYON ZAD CING YON TAN RDZOGS PA'I 'PHRIN LAS STER BA'I BYED PA PO'I GTZO BO DE YIN, GNYIS PA NI DE'I CHOS NYID YIN, GNYIS PA BLA MA DANG SANGS RGYAS THAMS CAD DBYER MED TSUL NI, SPYIR PHA ROL TU PHYIN PA'I THEG PA LAS BLA MA SANGS RGYAS DANG 'DRA BAR BSHAD, RDO RJE THEG PA LAS BLA MA SANGS RGYAS SU BSHAD PA GNYIS LAS, MTHAR THUG GI DGONGS PA PHYI MA YIN, DES NA SKYON ZAD CING YON TAN RDZOGS PA'I
, ,RIGS KYI BDAG PO DE BLA MA YIN, SKYON ZAD CING YON TAN RDZOGS PA'I RANG BZHIN DE BLA MA'I RANG BZHIN YIN, SANGS RGYAS YIN NA RANG BZHIN DE YIN PAS KHYAB PAS NA, BLA MA DANG SANGS RGYAS GNYIS PHAN TSUN DBYER MED YIN KYANG, SKABS 'DIR DE TZAM GYIS BLA MA LA MOS GUS KYI RTZAL MI RDZOGS PAS, BLA MA NI DBUS BZHUGS KYI GTZO BO DANG, SANGS RGYAS GZHAN RNAMS DE LAS GYES PA'I 'KHOR LTA BUR BLTA ZHING, THAMS CAD KYANG SNGAR GYI GTZO BO BLA MA'I RANG BZHIN DE LAS MI 'DA' BAS NA DBYER MED PA'O, ,DES NA STONG PA'I NGANG DU DBYER MED PA TZAM GYIS GO MI CHOD DO, ,'DI YAN GYIS RTZA BA DAD PA SBYANG BA DNGOS BSTAN GSUM PA TSUL DES SNYING NAS GSOL BA 'DEBS TSUL NI, DBYER MED KYI TSUL DES DRANGS PA'I MOS GUS SNYING LA ZHUGS NAS GSOL BA 'DEBS PA YIN, DE NI SANGS RGYAS RE RE NAS SANGS RGYAS PA'I DGOS PA'AM MDZAD PA CHA TSANG BA RE SEMS CAN THAMS CAD LA STON DGOS, GDUL BYA LA SKABS SU GANG BABS KYI SGO NAS RGYAL BA'I MDZAD PA THAMS CAD DNGOS SU NYE BAR SGRUB PA PO BLA MA KHO NA YIN PAS NA, RANG GI MTSAN LDAN GYI BLA MA DES SANGS RGYAS THAMS CAD LAS KYANG DNGOS SU BKA' DRIN CHE BA 'DI DANG 'DI MDZAD CING MDZAD PAR 'GYUR RO SNYAM DU SNYING GI KHONG NAS DRAN TE, PHYIN CHAD BKA' LAS MA 'DA' BAR SGRUB PA MYUR DU MTHAR PHYIN PA'I GSOL 'DEBS DANG LAG LEN RGYUN DU BYA'O, ,'DI YAN GYIS BKA' DRIN RJES DRAN GYI MOS GUS BSTAN, 'DI RNAMS SHIN TU RTOGS DKA' ZHING MA RTOGS NA NI GZHAN GANG GIS KYANG BDE LEGS SU MI BYED PA'I GNAD DU MTHONG NAS RANG DANG 'DRA BA MAN LA PHAN 'DOD KYI BSAM PAS GO BDE BAR ZHUS PA MA GTOGS, KHYOD KYI LUS SEMS LTA BU DANG, SEMS TSIG TU BRJOD PA LTA BUR GYIS SHIG ,CES GSANG 'DUS RTZA RGYUD LAS GSUNGS PA SOGS 'DI'I DKA' GNAD RNAMS BLA MED RGYUD SDE'I YANG SNYING DU SONG ZHING BDAG 'DRA BA MDO RGYUD KYI DON LA 'DRIS CHUNG BA BCAS, BKA' DANG 'GAL BA MCHIS NA BZOD PAR MDZAD LA MA NOR BA
GSAL BAR BSTAN DU GSOL, DE LTAR BLA MA SANGS RGYAS SU MA BLTAS PAR THA MAL GYI SNANG BA RANG SOR 'JIG PA 'DI BLO'I PHUGS SU SANGS RGYAS THAMS CAD LA SKUR 'DEBS KYI GDON CHEN PO ZHUGS PA'I RTAGS YIN TE, DPER NA BDAG CAG GI STON PA LTA BUS, RANG CAG DA LTA'I 'GRO BA LA SGO SNA TSOGS NAS RGYUN MI 'CHAD PAR DNGOS SU PHAN 'DOGS PA'I NUS PA MED PA'AM, YOD KYANG PHAN MI 'DOGS PA'AM, 'DOGS KYANG PHAN MA THOGS PA GANG RUNG ZHIG TU KHAS MA BLANGS KYANG DON GYIS 'DZIN PA YIN 'DUG ,DE 'DRA MIN PAR SANGS RGYAS RNAMS KYIS 'GRO DON MDZAD LUGS MDO RGYUD NAS GSUNGS PA LTAR 'DZIN NA, BLA MA SANGS RGYAS SU MTHONG BA LAS 'OS MED, 'O NA ZER NAS, BLA MAS CHOS SHOD PA MA GTOGS 'JIGS PA LAS MI SKYOB PA 'DUG PA SNYAM NA, CHOS BSHAD PA 'JIGS PA LAS SKYOB BYED DU MA GO BAS LAN, DA DUNG 'JIGS PA LAS BSKYABS MA NUS SO SNYAM PA 'DUG NA, DE NA LAM RIM LAS RANG SKYAB PA LA RGYU GNYIS LAS PHYI'I RGYU MA TSANG BA MED PA STON PAS BSGRUBS ZIN KYANG, NANG GI RGYU BLO BKAL NAS SKYABS SU 'DZIN PA MA BYUNG BAS SDUG BSNGAL BA YIN PA'I PHYIR RO ZHES DANG, SKABS GSUM PA LAS, 'ON KYANG KHYOD KYI 'PHRIN LAS GDUL BYA LA, ,MA BRTAGS BTANG SNYOMS CUNG ZAD MI MNGA' BAS, ,SKAL NGAN BDAG GI NYES PA KHO NAR ZAD, ,CES GSUNGS PA LTAR RANG GI SKYON KHO NA YIN NO, ,'ON KYANG RANG CAG BLO SHIN TU DMAN ZHING SNGON BSAGS BSOD NAMS KYI RGYAB SKYOR ZHAN PAS GANG BYUNG GI SGRUB PA BYAS SHING YON TAN DU MING BTAGS PA RES TSIM NAS, YOD TSAD LA BLA MAR BSTEN NA NI SHIN TU THUG NYES PA DANG PHRAD PAS, RTAG TU PHUNG BAR 'GYUR BAS ZON CHEN PO MDZAD DGOS, SPYIR RANG GIS SPANGS RTOGS KYI YON TAN MTHO DMAN JI TZAM SGRUB 'DOD PA'I TSAD KYIS THUN MONG GI SNANG NGOR BLA MA'I MTSAN NYID DANG BSTEN TSUL MANG YANG, LAM 'DI LA MED THABS MED PA, SUS KYANG BRTAG THUB PA, BSTEN NA BYIN RLABS MYUR ZHING BRTAN PA, YOD NA GO CHOD PA'I MTSAN NYID MA MTHA' NI, SKYES BU GSUM GYI CHOS LUGS LA GO BA LEGS
, ,PAR CHAGS NAS DE LA BLO PHUGS GTOD NGES PA DANG, SKYABS SU SONG NAS LAS 'BRAS LA 'DZEMS SHING SNYING RJE CHE BA GNYIS TSANG BA NGES PAR DGOS, BSTEN TSUL YANG YID CHES RNAM DAG GIS DGYES PA CI SGRUB DANG, MI DGYES PA CI SPONG GIS BTANG SNYOMS SU MI LUS PAR BYED PA YIN, DE LTAR TSUL BZHIN 'BAD PAS, MTSAN LDAN GYI BLA MA DE'I MKHYEN PA'I GZIGS DOR DA LTA 'DI'I RANG NUS LA DPAG PAS BSAM SBYOR GANG SA NAS 'DI LAS LHAG PA BYA THABS MI 'DUG SNYAM DU THUGS KYI DGYES PA KHENGS PA NA, KUN RDZOB KYI BLA MA'I RNAL MA LA 'BYOR PA YIN, 'DI SNGON DU MA SONG BAR DON DAM GYI RNAL 'BYOR YONG THABS RANG MED, DE NAS BLA MCHOD BDE STONG DBYER MED MA NANG LTAR LA CHIG SGRIL GYIS 'BAD CING, RGYUN PAR YANG NAS YANG DU KHYER BDE BA'I PHYIR RANG GI SPYI GTZUG TU SENG KHRI PAD ZLA NYI GDAN DANG BCAS PA'I STENG DU RJE BTZUN 'JAM PA'I DBYANGS DMAR SER LI KHRI'I MDOG CAN, PHYAG GA-YAS SHES RAB KYI RAL GRI NAM MKHA' LA 'PHYAR ZHING GA-YON GYI THUGS KAR SHER PHYIN GYI GLEGS BAM BSNAMS PA, ZHAL 'DZUM GSUNG SNYAN SGROG PA'I NYAMS DANG LDAN PA, DE'I DBU GTZUG TU RIGS KYI BDAG PO'I TSUL DU, RGYAL BA RDO RJE 'CHANG YUM DANG BCAS PA, RJE BTZUN GYI THUGS KAR YE SHES SEMS DPA'I TSUL DU, CHOS KYI RGYAL PO TZONG KHA PA CHEN PO ZHAL DKYIL DKAR LA DMAR BA'I MDANG CHAGS PA DBU PAn GSOL BA, PHYAG GNYIS THUGS KAR CHOS 'KHOR GYI PHYAG RGYA CAN, SKU DPUNG PHAN TSUN DU GLEGS RAL DANG BCAS PA CHA TSANG GSAL BTAB, DE MA THAG RANG GI RTZA BA'I BLA MA DE DRAN PAR BYAS TE, RGYAL BA SRAS BCAS THAMS CAD KYIS BDAG NYID 'DUL BA LA BLA MA 'DI MCHOG TU BSNGAGS, 'DIS KYANG BDAG 'DUL BA'I PHYIR DU DA LTA 'DI DANG 'DI'I RNAM PAR BSTAN PAS SHIN TU BKA' DRIN CHE SNYAM DU RTZA BA'I BLA MA LA DAD GUS TSAD MED PA DANG, LAM GYI RIM PA LA DON GNYER GYI 'DUN PA SHUGS DRAG POS YID LEGS PAR BSKYOD NAS THOG MAR SKYABS 'GRO
SEMS BSKYED TSAD MED BZHI, LAM LA DMIGS PA'I SEMS BSKYED, YAN LAG BDUN PA MAndAL DANG BCAS PA, THUN MONG DANG THUN MONG MA YIN PA'I GSOL 'DEBS DBANG BZHI BYIN RLABS KYI TSUL DU LEN PA'I BAR RNAMS TSANG BAR BYAS, DE NAS, MKHYEN RAB 'JAM DBYANGS RIGS BDAG RDO RJE 'CHANG, ,THUGS KAR YE SHES SEMS DPA' BLO BZANG GRAGS, ,KUN GYI NGO BO BLA MA RIN PO CHE, ,ZUNG 'JUG PHYAG RGYA CHEN PO'I BKA' DRIN STZOL, ,ZHES PA'I GSOL 'DEBS BRGYA TSAR DANG, ,MTSAN SNGAGS KYANG GANG MANG BZLAS NAS BDUD RTZI 'BEBS SBYANGS BYA ZHING, DE NAS LCOGS NA YON TAN GZHI GYUR MA DANG, DE MIN RGYUD BDAG 'DZIN 'KHRI BA CHOD PA DANG ZHES PA NAS, DON DBYER MED GCIG TU BYIN GYIS BRLOBS CES PA'I BAR GYIS BYIN RLABS ZHUS, LAM GYI RIM PA SEMS BSKYED KYI BAR LA MYONG BA BTON NAS RGYAL SRAS KYI SPYOD PA SPYI DANG, KHYAD PAR ZHI LHAG GNYIS LA NAN TAN GYIS BSLAB PAR BYA'O SNYAM PA'I 'PHEN PA DANG, GONG GI TSIGS BCAD DE KHA'I SGO NAS GSOL 'DEBS BSKYAR MA ZHIG BYAS PAS, YONG YONG ZHES GSUNG BA GZUGS SKU'I ZHAL BZHES DANG, CANG MI GSUNG BA'I TSUL GYIS THUGS LA BABS PA CHOS SKU'I ZHAL BZHES GNYIS LAS, 'DIR CHOS SKU BSGRUB PA'I SKABS YIN PAS, PHYI MA LTAR ZHAL GYIS BZHES PA'I MOS PA BYAS NA, CHOS SKU 'GYUR BA MED PA MYUR DU 'GRUB PA'I DGOS PA YOD, DE NAS BLA MA RJE BTZUN DGYES BZHIN DU RANG GI SPYI GTZUG NAS SNYING DBUS SU SPYAN DRANGS, RANG SEMS DANG DBYER MED DU BLTA BA ZHI LHAG GI DMIGS RNAM KHUNGS THUB BZHIN BSKYANGS, RGYUN DU RNAM PA SNGAR BZHIN BZHUGS PA'AM, RTZA BA'I BLA MA'I RNAM PA CAN DU BYAS NAS, 'OD GSAL SDUD RIM LA SOGS PA'I DGOS PA KHYAD PAR CAN GYI SKABS MA GTOGS SKU GSUNG THUGS KYI BKOD PA MI BSDU BAR RANG GI YID LA RTAG TU GNAS PAR MOS NAS, STON PA SANGS RGYAS, SKYOB PA DAM CHOS, 'DREN PA DGE 'DUN, BYIN RLABS ZHU SA'I BLA MA, DNGOS GRUB ZHU SA'I YI DAM, 'PHRIN LAS BCOL SA'I CHOS SKYONG BCAS YIN PA LA MA YIN PAR SKUR PA 'DEBS PA DANG, MA YIN PA LA YIN PAR SGRO 'DOGS PA'I MTHA' GNYIS SEL TE KUN 'DUS
, ,KYI NGO BOR YID CHES PA'I DBU MA'I LAM BZANG RNYED PA'I SGO NAS, LEGS PA'I BKA' DRIN BSGOMS, NYES PA'I BSHAGS PA BYAS, MA NGES PA'I GSOL 'DEBS BYA SA BCAS, THA NA BZA' BTUNG GI PHUD KYI MCHOD PA TSUN GYIS YAN PAR MA LUS PAR BDEN PA GNYIS KYI BLA MA'I RNAL 'BYOR BSKYANGS NA ZUNG 'JUG RDO RJE 'CHANG DE YANG MI RING BAR 'THOB NGES LAGS SO, ,BLA MA RANG GI SNYING LA GNAS PA LA, SNGON DU RANG BLA MA'I THUGS LA GNAS PA DGOS PAS, SDOM PA DANG DAM TSIG TSUL BZHIN BSRUNG BA SOGS THOG MAR KUN RDZOB KYI BLA MA'I BSTEN TSUL LA YUN BSRINGS NAS 'GRUS PAR BYAS NA, SLOB DPON SENG GE BZANG POS, DGE BA'I BSHES GNYEN YANG DAG PAR MGU BAR BYAS PA LAS BYUNG BA'I MAN NGAG ,CES GSUNGS PA LTAR, RTEN 'BREL GYI CHE BAS 'DI DAG GI ZHAL SHES GNAD KYI GDAMS PA RNAMS KYANG RANG THOG TU SPYAN BRANGS PA BZHIN BYON PA YIN GYI, SPRUL PA'I GLEGS BAM SA RDO CHU SOGS KYI NANG NAS 'TSOL BA NI, YOD SA'I BDAG PO MA SHES PA'I RANG MTSANG STON PA YIN NO, ,DE YANG KUN RDZOB KYI BLA MA SANGS RGYAS SU MTHONG BA LA DNGOS SU GNOD PA CHE BA NI, MDZAD PA SANGS RGYAS LTAR RNAM PAR DAG PA MA MTHONG BAS LAN KYANG, DE NI BZANG NGAN THAMS CAD 'CHAR SA RANG SEMS YIN PAS RANG SEMS DRI MAS SHIN TU SBAGS PA LA 'CHAR RUNG GI MDZAD PA PHAN DES RE STON PA MA GTOGS BLA MA MI DGOS SANGS RGYAS GZHAN SU LA YANG GNANG THEBS MED, DE 'DRA MIN PAR SANGS RGYAS YIN PHYIN RANG CAG TSOR YANG RANG BABS KYIS SANGS RGYAS SU 'CHAR BA ZHIG RANG DGOS NA, DA LTA SANGS RGYAS MED PAR 'GYUR TE, RANG CAG LA RANG GZHAN SU YANG SANGS RGYAS SU MI 'CHAR BA'I PHYIR, 'DI'I GNAD KYIS LONGS SKU 'KHOR DAG PA BYANG SEMS 'PHAGS PA SHA STAG DANG, MCHOG GI SPRUL SKU TSOGS LAM CHEN PO YAN DANG, DE MIN LA SPRUL SKU SNA TSOGS PA STON PAR GSUNGS PA YIN, 'O NA MA DAG PAR 'CHAR BA GZHAN DANG MI 'DRA BA CI YOD SNYAM NA, BLA MA'I MDZAD PA NI GDUL BYA LA PHUGS PHAN NGES SU GNAS PA ZHIG DGOS, DES NA SANGS RGYAS
KYI MDZAD PA 'PHRIN LAS DANG, RNAM DKAR DGE BA DON GCIG CING BYANG SEMS KYI BSLAB BYAR 'PHRAL DU BDE YANG PHUGS SU GNOD NA MI 'JUG PAR GSUNGS, NGED RANG TSOS DA LTA MI GA-YO 'PHRUL CAN ZHIG GIS LUS NGAG GIS MI 'TSAMS PA CI BYAS KYANG DE MI SHES KHO MI RGOD PO YIN PAS SEMS LA BSAM RGYU ZHIG YOD 'GRO ZER, BLA MA LA DE'I TSOD KYI PHYI NANG GSANG GSUM YANG YOD PAR MI 'CHAR BAS CI RANG DRAG ,DES NA DBANG SHES LA MI RTON YID SHES LA RTON GSUNG BA LTAR, DBANG SHES LA SNANG TSOD LAS YID SHES KYIS LHAG PAR BLTA LUGS RE NGES PAR DGOS PAS BLA MA'I STENG GI DGAG BYA PHRA MO NAS MA LUS PAR YANG DAG PA'I RIGS PAS LEGS PAR KHEGS SHING GDOD MA NAS RANG BZHIN GYIS MED PAR TSAD MAS NAM RTOGS PA NA, BLA MA'I RNAL MA NGO THOG LA 'BYOR PA YIN, ZHI GNAS SNGON NAS MA THOB NA, THOG MAR DE LA DMIGS PA'I ZHI GNAS THOB, DE NAS LHAG MTHONG THOB PA DANG ZUNG DU 'BREL, DE NAS MNGON SUM DU MTHONG BA'I RNAL 'BYOR PA 'KHRUL MED CIG YONG BA YIN NO, ,DA LTAR BLA MA'I RNAL 'BYOR DU GRAGS PA'I BSHES GNYEN TSUL BZHIN BSTEN PA 'DI YOD NA, SANGS RGYA BA LA GANG DGOS PA'I LAM LA SOGS PA'I MTHUN RKYEN MTHA' DAG RIM PA DANG MTHUN PAR NGES PAR 'BYUNG, 'DI MED NA LAM GZHAN GYI NYAMS PHRAN BU SHAR BA 'DRA YANG BRTAG MI THUB PAR RANG YAL DU 'GRO ,LAM DANG MI MTHUN PA'I TING NGE 'DZIN 'DRA 'DRA SKYES KYANG 'KHOR BA NGAN SONG LAS MI 'DA' BAS BDUD KYIS ZIN PAR GSUNGS, BUS PHA MA'I SHUL LA DBANG PHYIR PHA MA BSTEN PA LTAR GYI TSE 'DI'I RNYED BKUR GRAGS PA SOGS 'GRUB SLA BA'I PHAN YON TZAM ZHE PHUGS SU BCUG NAS DAG BA'I BSHES LA SDUG KHUR GYIS BSTEN NA, LAM DANG MTHUN PA'I BSTEN TSUL NI MA YIN GYI, 'ON KYANG SHIN TU LAS NGAN PO'I DUS 'DIR DE TZAM NAS KYANG BSLABS NAS YAR BSKYED 'DON DGOS, DE LTAR BYAS NA RANG GIS GANG BSAMS NAS BSTEN PA'I TSOD KYI 'BRAS BU'I CHA MTHUN RE NGES PAR TSE 'DIR MTHONG CHOS LA MYONG BAS, 'DI LA BRTEN PA'I LAS BZANG NGAN GANG YIN THAMS CAD NI SHIN TU MYUR ZHING MI BZAD PA'I STOBS CHE
, ,BA YIN TE, SANGS RGYAS PHAL PO CHER, SANGS RGYAS THAMS CAD KYI BSOD NAMS BLA MA'I BA SPU GCIG LA MTHONG BA'I PHYIR ZHES DANG, NYES PA BYAS NA'ANG BLA MA LNGA BCU PA LAS, DE 'DRA'I MGON LA BSAMS BYAS NAS, ,SLOB MAR GYUR NAS BRNYAS NA NI, ,SANGS RGYAS THAMS CAD BRNYAS PAS NA, ,DES NI RTAG TU SDUG BSNGAL 'THOB, ,CES SOGS GSUNGS PA LTAR RO, ,NYAN RANG BYANG SEMS SANGS RGYAS GANG DU MOS GUS JI LTAR BYAS PA BZHIN GYIS DE DANG DE'I YON TAN MNGON DU 'GYUR, JO BO LA STON PA RANG MOS GUS CHE BAS NYAN GTZO GNAS RNYING DU BYIN GYIS BRLABS NAS YON TAN KHYAD PAR CAN DANG LDAN PAR MDZAD, BKA' GDAMS THAMS CAD GZHAN LA GAB NAS 'BROM LA GNANG, RGYU MTSAN ZHUS PAS, KHYOD MIN PA SNOD MED GSUNGS, DGON PA PAS JO BO DANG MJAL NAS MTSAMS RANG MDZAD KYANG, RNAL 'BYOR PAS JO BO'I ZHABS TOG KHO NA GUS PAS BSGRUB PAS SPRUL SKU MTHONG BA SOGS YON TAN SNGA BAR THOB CES, DGE BSHES KA MA BA GSUNGS, MOS GUS PHRA BA NAS RDZOGS SHING BLA MA DNGOS LA DANG PA 'PHEL BA BCAS, STON PAS JO BO LA 'KHOR BA'I KHYI GANG 'BAR DANG LAM 'BAR BYA BA LA JO BO GSHEGS NAS RGYA RI MA CHAD PAR STER BAR MDZAD, PO TO BAS STON PA'I DBON PO ZHIG LA BKUR STI MDZAD PA NA, GZHAN GYIS DE LA SDOM PA MED ZHUS PAS, SMAD 'TSONG MA YIN YANG NGA'I DGE BA LA DE CHE GSUNG PA LTAR NGES PAR BYED DGOS, MOS GUS DANG CHOS NYAN PA SOGS DANG PO BAS JE CHE JE 'PHEL DU SONG NAS NGOMS MI SHES PAR BYA STE, DE 'DRA ZHIG BYAS NA YONG YANG YONG, BYUNG NA MOS GUS DON LDAN DU SONG BA STE, RTOGS PA MTHOR SONG ZHING CHOS PHRA BAR SONG BA BZHIN STON MKHAN LA MOS PA CHER 'GRO BA CHOS NYID DO, ,DE LTAR NA, CHOS KYI RTZA BA GCIG PU 'DI THOG MAR 'TSOL BA, BAR DU BSTEN PA, THA MA MTHAR PHYIN PA GANG LA YANG MKHAS PAR BYAS NAS BRTZON DGOS, DA LTA THOS BYAS NA BSAMS, BSAMS BYAS NA BSGOMS, BSGOM BYAS NA BYOL NAS 'GRO BA DE 'DRAS MI YONG, MA ZHUS PAR BKA' PHEBS PA RNAMS LTA CI RANG GI BSAM SPYOD GAL CHE BA RNAMS KYIS SNA DRANGS, THAMS CAD MTSAN
LDAN GYI BLA MAR ZHU THENG GCIG YIN SNYAM DU YID KHONGS NAS MI BDE BA MED PAR THAG GCOD NUS PA ZHIG AE YONG GZIGS DANG, DE BYUNG NA BAR CHAD MED PAR RTOGS PA MTHO LA SPYOD PA BZANG BA KUN LA PHAN THOGS CHE BA ZHIG 'BYUNG NGES YIN NO, ,DA NI 'BEM MA MTHONG BAR MDA' 'PHEN PA'I DPE LTAR, DGE LDAN BKA' SROL NGOS MA ZIN PAR 'GOG PA'I GZHAN PHYOGS PA RNAMS THUGS RJES BSKYOD PA'I THABS MKHAS KYIS KHA DRANG BAR BYA BA'I PHYIR DANG, RGYAL BA RNAMS KYI RANG LUGS TSANG LA MA NOR BA'I ZHI SGO GCIG PU GSAL BAR STON PA'I PHYIR, GNYIS PA DNGOS GZHI LA GNYIS, JI LTAR DBYE BA'I TSUL DANG, DBYE BA DNGOS BSHAD PA'O, ,DANG PO NI, DNGOS GZHI PHYAG RGYA CHEN PO LA, BZHED TSUL MANG DU 'DUG NA YANG, ,MDO SNGAGS DBYE BAS GNYIS SU YOD, ,CES GSUNGS, DE YANG PHYAG RGYA CHEN PO LA GNAS SKABS DGOS DBANG GIS PHYAG CHEN MIN PA LA PHYAG CHEN GYI MING 'DOGS DANG, PHYAG CHEN YIN PA LA GZHAN GYI MING 'DOGS KYI SNGON GYI DAM PA RNAMS LA BZHED TSUL MANG DU 'DUG NA YANG, ,DON DU PHYAG CHEN NGO THOG KLU SGRUB LUGS KYI STONG PA JI BZHIN GZIGS PA'I YE SHES LA MDO SNGAGS KYI DBYE BAS GNYIS SU YOD DO, ,GNYIS PA DBYE BA DNGOS BSHAD PA LA GNYIS, SNGAGS LUGS KYI PHYAG CHEN BSHAD PA DANG, MDO LUGS KYI PHYAG CHEN BSHAD PA'O, ,DANG PO NI, PHYI MA RDO RJE'I LUS NYID LA, ,GNANG DU BSNUN SOGS THABS MKHAS LAS, ,BYUNG BA'I BDE CHEN 'OD GSAL TE, ,S'A RA HA DANG KLU SGRUB ZHABS, ,N'A RO MI TRI'I PHYAG CHEN TE, ,GRUB SNYING SKOR NAS BSTAN PA YI, ,BLA MED RGYUD SDE'I YANG SNYING YIN, ,ZHES GSUNGS, SKABS 'DIR PHYI MA SNGAGS LUGS YI GE NYUNG BA'I PHYIR THOG MAR BSHAD NA, DE NI LAM GYI MTHAR THUG RGYUD SDE'I YANG SNYING YIN PAS BLO LDAN RNAMS KYIS YAL PAR MI 'DOR BAR CI NAS 'TSOL BAR RIGS LA, DE YANG BYANG CHUB KYI SEMS SBYANG BA, DBANG RNAM DAG LEN PA, DAM SDOM TSUL BZHIN BSRUNG BA GSUM SNGON 'GROR BYAS PA LAS BYUNG BA'I BSKYED RIM GYI RNAL 'BYOR LA BRTAN PA THOB NAS, RDO RJE'I LUS LA GNAD DU BSNUN PA SOGS GSANG SNGAGS BLA MED KYI THUN MONG MA YIN PA'I PHYI NANG GI
, ,THABS MKHAS LA BRTEN NAS RLUNG DBU MAR ZHUGS GNAS THIM GSUM BYAS PA LAS BYUNG BA'I LHAN SKYES KYI BDE BA CHEN PO'I YE SHES KYIS STONG NYID DON SPYI'I TSUL DU RTOGS PA NA DPE'I 'OD GSAL DANG, MNGON SUM DU RTOGS PA NA DON GYI 'OD GSAL DU 'JOG PAS DPE DON GYI 'OD GSAL DA GNYIS PHYAG RGYA CHEN PO'I LAM GYI GTZO BO YIN ZHING, 'PHAGS BOD KYI GRUB CHEN GONG MA RNAMS KYI MTHAR THUG GI BZHED SROL GCIG PA'I PHYAG CHEN TE, DE NI GRUB PA SDE BDUN DANG, SNYING PO SKOR GSUM GYIS LAM GYI SNON PA 'DEBS TSUL YA MTSAN PA'I SGO NAS GTZO BOR BSTAN PAS 'DIR DMIGS KYIS BKAR BA YIN GYI, SPYIR BLA MED KYI RGYUD SDE'I SNYING PO RDZOGS RIM GYI GZHUNG THAMS CAD KYI YANG SNYING YIN NO, ,GSANG BA GRUB PAS PHA RGYUD 'DUS PA'I LAM GTZO BOR BSTAN, 'DI NI GRUB SNYING GZHAN RNAMS GYES PA'I GZHIR GYUR PAS PHYI MO LTA BU STE, KA KHA LA YI GE'I PHYI MO ZER BA BZHIN NO, ,THABS SHES GRUB PA SOGS KYIS MA RGYUD KYI LAM GTZO BOR GTAN LA 'BEBS, SNYING PO SKOR GSUM NI, DO HA GSUM LA MDZAD PAS, 'DI GSUM KA GRUB CHEN GYI GZHUNG TSAD LDAN YIN PAR THAG CHOD, 'ON KYANG TSIG GIS 'KHRUL GZHI BYAS PA RNAMS KYI DON 'GREL TSUL DPER STON TZAM RANG 'GREL YANG GSAL SGRON MER GSUNGS PA RNAMS LA ZHIB GZIGS MDZOD, BDE BA CHEN PO LA SNYING RJE'I SGRAS BSTAN PA YANG, SNYING RJE'I SKAD NGOD KA RU nA ZHES PA BDE 'GOG LA 'JUG ,DE NI PHAR PHYIN GYI SKABS SU, ZHI BDE 'GOG PA'I SNYING RJE DANG, SNGAGS BLA MED KYI SKABS SU 'GYUR BDE 'GOG PA'I MI 'GYUR BA'I BDE CHEN LA BYED PA YIN, BLA NA MED PA'I LAM 'DI NI SANGS RGYAS LAS KYANG DKON PAR SANGS RGYAS RANG GIS GSUNGS SHING, RANG CAG RNAMS SANGS RGYAS THAMS CAD KYI ZHAL LA DNGOS SU BLTAS CHOG PA'I DUS SHIG BYUNG NA YANG, ZHAL NAS CHOS 'DI GSUNGS PA RNA BAS THOS PAR MI 'GYUR NA, DA LAM SKAL BZANG MCHOG GI GDUL BYA'I ZHOR LA 'DI 'DRA'I THEG PA MCHOG DANG MJAL BA'I SKAL BZANG DANG, MJAL NAS BTANG SNYOMS SU LUS PA YANG MI RIGS NA SHIN TU LOG PAR SPYOD PAS DUS
'DA' BA'I SKAL BA NGAN PA GNYIS LHAN CIG TU 'DZOM PA 'DI CI ZHIG YIN SNYAM DU YID KHONG DU CHUD NAS BRTAG PAR RIGS TE, RDO RJE 'CHANG NGUR SMRIG 'DZIN PA'I RANG RNAM LAS, ,'DI NA RDZOGS SANGS RGYAS SU BGROD PA LA, ,ZAB MO RDO RJE THEG DANG PHAR PHYIN THEG ,RNAM PA GNYIS YOD GSANG SNGAGS PHAR PHYIN LAS, ,SHIN TU KHYAD PAR 'PHAGS PA YIN NO ZHES, ,NYI MA ZLA BA LTA BUR KUN TU GRAGS, ,TSIG DE BDEN PA'I TSIG TU 'DOD BZHIN DU, ,ZAB MO'I THEG DE JI LTA BU ZHIG CES, ,'TSOL BAR MI BYED MKHAS PA'I KHUR 'DZIN PA, ,DE 'DRA DE YANG SHES RAB CAN YIN NA, ,DE LAS GZHAN PA'I DBANG PO RTUL PO GANG, ,SHIN TU PHRAD DKA' GONG NA MED PA'I LAM, ,'DI 'DRA YAL BAR 'DOR BA KYE MA'O MTSAR, ,DE NYID PHYIR NA RGYAL BA'I THEG PA MCHOG ,SANGS RGYAS LAS KYANG DKON PA'I RDO RJE THEG ,DNGOS GRUB GNYIS KYI GTER GYUR ZAB MO DAR, ,ZHUGS NAS 'BAD PA MANG POS RING DU SBYANGS, ,ZHES GSUNGS PA LTAR RO, ,DE YANG BLA MED RGYUD SDE KUN GYI MCHOG TU KHAS BLANGS PA TZAM DU MA SONG BAR, RGYUD SDE 'OG MA GSUM GYI PHYAG RGYA CHEN PO'I YE SHES YAN LAG DANG BCAS PA LA 'DRIS PAR BYAS PA LAS NGES PA DRANGS TE, LAM MCHOG 'DI 'DRA BA RNYED NAS SGRUB PA'I DUS SHIG NAM YONG NA SNYAM DU 'DUN PA DRAG PO DANG BCAS TE LAM 'OG MA RNAMS LA SHUGS JE CHE DANG, DBANG RNAM DAG THOB PAR BYAS NAS, RDO RJE 'CHANG GIS BSLAB PA BCAS PA'I MTSAMS LAS MI 'DA' BAR NYAMS SU BLANGS TE, MA MTHA' YANG, RNAM MANG RGYUD SDE'I DON LA NGES RNYED NAS, ,LAM BZANG MTHAR THUG RIM GNYIS ZAB MO'I DON, ,PHYI NANG 'GAL RKYEN KUN GYIS GA-YO MED PAR, ,RTZE GCIG NYAMS SU LEN PAR BYIN GYIS RLOBS, MDOR NA RGYAL BA'I DAM CHOS MTHA' DAG DANG, ,KHYAD PAR DU YANG BLA MED RDO RJE'I THEG ,RGYAL BA'I DGONGS PA JI BZHIN LEGS BZUNG NAS, ,'GRO BA'I 'DREN PA BGYID BAR BYIN GYIS RLOBS, ,ZHES PA'I GSOL 'DEBS RE DANG, GSANG 'DUS SMON LAM RE MA CHAG PAR 'DON DGOS PA YIN NO, ,DA NI BYE BRAG TU RGYAS PAR STON PA SKABS SU BABS PA GNYIS PA MDO LUGS KYI PHYAG CHEN BSHAD PA LA GNYIS, ,YUL
, ,CAN SEMS NGO SPROD TSUL DANG, YUL CHOS NYID NGO SPROD TSUL LO, ,DANG PO LA BZHI, RGYU MTSAN YANG DAG PA'I SGO NAS SLAR YANG DAM BCA' BA, MING MANG GI DOGS PA BCAD NAS CHIG SGRIL GYIS SGOM RIM NGOS GZUNG BA, SGRUB PA RGYU DUS KYI SKYONG TSUL, GRUB PA 'BRAS DUS KYI 'CHAR TSUL LO, ,DANG PO NI, SNGON MA RGYAS 'BRING BSDUS GSUM GYIS, ,DNGOS BSTAN STONG NYID SGOM TSUL TE, ,'DI LAS GZHAN PA'I THAR PA'I LAM, ,MED CES 'PHAGS MCHOG KLU SGRUB GSUNG, ,'DIR NI DE YI DGONGS PA BZHIN, ,PHYAG RGYA CHEN PO'I KHRID PHOG STE, ,SEMS KYI NGO SPROD BYED PA'I TSUL, ,BRGYUD LDAN BLA MA'I GSUNG BZHIN BRJOD, ,CES GSUNGS, DE YANG SNGON MA MDO LUGS KYI PHYAG CHEN 'DI NI GZHAN GANG YANG SGOM PA'I BLO MIN GYI, YUM RGYAS 'BRING BSDUS GSUM GYIS DNGOS SU BSTAN PA'I STONG NYID RTOGS PA'I SHES RAB BSGOM TSUL YIN ZHES SGOM BYA'I BLO MA NOR BAR NGOS GZUNG BA LA TSIG RKANG DANG PO GNYIS GSUNGS, SDUG BSNGAL RTZA BA DANG BCAS PA LAS GROL BAR 'DOD PHYIN, 'DI LAS GZHAN PA'I RNAM GROL THAR PA'I LAM MED DO ZHES NGES DON 'GREL BAR RGYAL BA RANG GIS LUNG BSTAN PA'I GANG ZAG TSAD MA 'PHAGS MCHOG KLU SGRUB KYIS THAG BCAD NAS GSUNGS SO ZHES TSIG RKANG GNYIS KYIS 'DI NGES PAR BSGOM DGOS PA'I RGYU MTSAN YANG DAG PAR BSTAN, SGOM TSUL 'DIR NI KLU SGRUB DE YI DGONGS PA DPAL LDAN ZLA BAS BKRAL BA BZHIN DU PHYAG RGYA CHEN PO'I KHRID PHOG STE THOG MAR KUN RDZOB SEMS KYI NGO SPROD BYED PA'I TSUL, MKHAS GRUB GNYIS LDAN GYI DAM PA GONG MAS BYIN GYIS BRLABS PA'I BRGYUD PA BAR MA CHAD PA DANG LDAN PA'I BLA MA'I GSUNG BZHIN BRJOD PAR BYA'O ZHES KHRID TSUL GZHAN DANG MI 'DRA BA'I SGO NAS BSHAD PAR DAM BCAS SO, ,'DIR NI ZHES PA'I NUS PAS PHYAG CHEN GYI KHRID GZHAN LA KLU SGRUB KYI DGONGS PA 'TSOL BA'I BSHAD SROL DANG, BYIN RLABS RNAM DAG GI BRGYUD PA YOD PAR MA NGES SHING, DE GNYIS MED NA THAR 'DOD KYI DON MI 'GRUB PAS 'DI KHO NA LA 'JUG PAR RIGS SO ZHES MI MNGON PA'I TSUL GYIS 'DOMS PAR MDZAD, DES NA
'DIR BSHAD BYA NGOS GZUNG, BSHAD DGOS PA'I RGYU MTSAN, TSUL JI LTA BUS BSHAD PA GSUM GSUNGS NAS BSHAD PAR DAM BCAS PA BZHIN DU, NYAN PA PO RNAMS KYIS KYANG NGO BO DE NYID RGYU MTSAN DE'I SGO NAS TSUL DE LTA BUS BSGRUB PAR DAM BCA' DGOS SO, ,GNYIS PA NI, LHAN CIG SKYES SBYOR GA'U MA, ,LNGA LDAN RO SNYOMS YI GE BZHI, ,ZHI BYED GCOD YUL RDZOGS CHEN DANG, ,DBU MA'I LTA KHRID LA SOGS PA, ,SO SOR MING 'DOGS MANG NA YANG, ,NGES DON LUNG RIGS LA MKHAS SHING, ,NYAMS MYONG CAN GYI RNAL 'BYOR PAS, ,DPYAD NA DGONGS PA GCIG TU BABS, ,DES NA 'DI LA LTA THOG NAS, ,SGOM PA 'TSOL DANG SGOM THOG NAS, ,LTA BA 'TSOL BA'I LUGS GNYIS LAS, ,'DIR NI PHYI MA'I LUGS BZHIN YIN, ,ZHES GSUNGS, DE YANG GLO BUR GYIS BCOS MA MA YIN PAR THOG MA MED PA NAS LHAN CIG SKYES PA'I SEMS KYI CHOS SKU LA SBYOR BAS RJE SGAM PO LUGS KYI LHAN CIG SKYES SBYOR DANG, SNANG STONG YA KHA MA KHA MI 'BRAL BAS KHYUNG PO LUGS KYI GA'U MA DANG, 'DI'I GTZO BO SHANGS LUGS NI GU CHOS DRUG GI 'OD GSAL BSGOM TSUL YIN GSUNGS, SNGON 'GRO BYANG SEMS DANG, RANG LUS LHAR BSKYED, SEMS MOS GUS DANG, RNAM PAR MI RTOG PA, RJES BSNGO BA DANG BCAS DVAGS LUGS KYI LNGA LDAN DANG, RNAM RTOG ,NYON MONGS, NA TSA, LHA 'DRE, SDUG BSNGAL, 'CHI BA BCAS LAM 'KHYER GYI RO SNYOMS SKOR DRUG NI, CHOS RJE RGYA RAS NAS BRGYUD PA'I LUGS DANG, YID LA MI BYED PA'I SKAD DOD AA MA NA SI'I YI GE BZHIS RIM PA BZHIN, SEMS KYI GZHI RTZA BCAD PA, BZHAG THABS BSTAN PA, GOL SA BCAD PA, LAM 'KHYER BSTAN PA'I KHRID TSUL DANG, DAM PA SANGS RGYAS KYI DAM CHOS SDUG BSNGAL ZHI BYED, MA CIG GI ZAB CHOS GCOD YUL DANG, SLOB DPON PADMA'I LUGS KYI RDZOGS CHEN MAN NGAG LTA BA'I 'PHRENG BA, YI GE'I 'PHRENG BA, TSIG GI 'PHRENG BA, TSOGS KYI 'PHRENG BA BCAS DANG, RI BO DGE LDAN PA'I ZAB MO DBU MA'I LTA KHRID CES BYA BA LA SOGS PA, LUGS SO SOR MI 'DRA BA'I MING 'DOGS BYAS PA MANG NA YANG, DRANG NGES KYI DON MA 'DRES PAR JI BZHIN 'BYED PA'I LUNG RIGS LA MKHAS SHING NYAMS MYONG CAN GYI RNAL 'BYOR PAS, LEGS PAR BRTAGS SHING DPYAD NA 'BRAS
, ,BU ZUNG 'JUG PHYAG RGYA CHEN PO THOB BYED DU MTSUNGS PAR GDAMS PA SO SO'I RTZA BA MKHAN PO THAMS CAD KYI DGONGS PA GCIG TU 'BAB PAS TSA GRANG LTAR SO SO'I LAG RJES 'GAL BA NI MA YIN NO, ,'ON KYANG LUGS SO SOR DON GNYER CAN DPYAD MI SHES PAS DPYAD NA LOG PA'I MTHA' GNYIS GANG RUNG DU LHUNG BAR 'GYUR TE, PHAL CHER PHYOGS LHUNG GI MUN PAS BSGRIBS NAS RGYU MTSAN YANG DAG PA BRJOD PA'I LAG 'THOGS TE, 'DI NI BDAG GI LTO ZA SA'I LUGS YIN NO ZER BA TSUN GYIS RANG PHYOGS MA GTOGS RGYAL BA'I BKA' DANG MTHUN PA'I THOG MA'I LUGS BZANG GZHAN THAMS CAD SANGS RGYAS THOB BYED KYI PHYOGS SU YANG MED PAR SKUR BA 'DEBS SHING, CHOS DANG CHOS SMRA BA LA BRTEN PA'I LAS NGAN STOBS PO CHE RGYUN DU GSOG PAR BYED, YANG NA NI LEGS NYES 'BYED PA'I BLO GROS SHIN TU CHUNG ZHING RAGS PA'I SKYON GYIS BDAG NI GRUB MTHA' SU LA YANG PHYOGS RIS MED PAS THAMS CAD LA DAG SNANG CAN YIN NO ZHES KUN LA SGROGS SHING, RANG NYID THOG MTHA' BAR GYI GZHI LAM 'BRAS BU'I RNAM GZHAG GANG LA YANG 'KHRUL PA'I DRI MA PHRA MO TZAM YANG GTAN NAS MI MNGA' BA'I SKYES BU MCHOG GI CHOS LUGS DANG PHRAD KYANG LUGS GZHAN DMAN PA DANG KHYAD MED PAR BZUNG NAS, 'GRO BA MANG PO LEGS NYES MCHOG DMAN GYI RNAM DBYE MED PA'I LUGS SROL LA BKOD DE MCHOG DANG PHRAD KYANG NGE LA MCHOG TU DAD PA TZAM GYIS LAG RJES KYANG STON RGYU MED PAR 'GYUR RO, ,DES NA GZUR GNAS RNAM DPYOD DON GNYER CAN GYIS THOG MAR RANG GZHAN GYI SKYES BU DAM PA RNAMS KYI LUGS BZANG MTHA' DAG PA'I TSUL LA RNAM PAR DPYAD PA NA, THAMS CAD KYI DGONGS PA 'GRO BA RNAMS SANGS RGYAS KYI SAR KHRID PA'I DAM PA'I CHOS LUGS GCIG TU MTHONG NAS DAD CING MOS LA, 'O NA GANG LA ZHUGS KYANG KHYAD MED PA ZHIG YIN NAM SNYAM NAS ZHIB TU DPYAD PA NA, RI BO DGE LDAN GYI BKA' SROL 'DI NYID THUB PA'I BSTAN PA YONGS SU RDZOGS PA LA RIM PA DANG MTHUN PAR LEGS PAR BSHAD PAS TSUL BZHIN SGRUB PA DRANGS TE BSTAN PA YONGS RDZOGS KYI BDAG PO BYED PA'I SGO NAS, GZHAN
SUS KYANG 'GRAN DU MED PA'I KHYAD CHOS BLA NA MED PA DANG LDAN PAR MTHONG NAS YID CHES TE 'DI LA TSIG SGRIL GYI BSHAD SGRUB BYA DGOS, DPER NA 'BANGS KYI DBUS SU RGYAL PO 'BYON PA'I SNGON DU BLON PO YONG NAS GRA BSGRIG BYED PA LTAR, GANGS CAN GYI KHROD DU CHOS KYI RGYAL PO CHEN PO RGYAL BA TZONG KHA PA 'BYON PA'I GRA BSGRIG LA DAM PA SNGON MA RNAMS BYON PA YIN NO, ,DE LTAR MA GO BAR MING 'DOGS MANG NA YANG PHYAG CHEN SKYONG TSUL GCIG YIN GSUNGS PAR GO NA NI RJE BTZUN BLO BZANG CHOS KYI RGYAL MTSAN GYI DGONGS PA'I PHYOGS SU YANG MED DE, RTZA BAR SO SOR ZHES PA DANG, RANG 'GREL DU TSIG 'DI RNAMS GSUNGS PA'I SGER GYI DGOS PA BSHAD PA'I SKABS SU, PHYAG CHEN GYI BZHED TSUL GRUB PA'I MTHA' GRANGS MANG YANG 'BRAS BU ZUNG 'JUG PHYAG RGYA CHEN PO THOB BYED DU MTSUNGS PAR BSTAN PA DANG, SKYES BU DAM PA RNAMS KYI LUGS BZANG MTHA' DAG PA'I RNAM PAR DBYE BA LA MKHAS PA'I PHYIR BSHAD PA ZHES GSUNGS PA'I, DANG POS GONG DU BSHAD PA LTAR GYI GZHAN PHYOGS KYI LUGS BZANG LA MA GUS PA SPONG BA BSTAN, GNYIS PAS MCHOG DMAN GYI RNAM DBYE LA MKHAS PAS DGE LUGS LA MCHOG TU YID CHES MI 'GYUR BA SBAS PA'I TSUL GYIS BSTAN, RTZA BAR YANG DPYAD NA DGONGS PA GCIG TU 'BAB, ,CES PAS DANG PO BSTAN, GNYIS PA GO DKA' ZHING GO NA SHIN TU GNAD CHE BAS DPYOD MKHAN YANG GANG BYUNG GIS MI YONG BAR STON PA'I PHYIR, DES DON LUNG RIGS LA MKHAS SHING ZHES GSUNGS SO, ,'DI RNAMS SBAS BA'I TSUL GYIS KYOG BSHAD MDZAD DGOS PA NI, MIN PA LA MA RED ZER SA MED PA'I DUS DBANG GIS YIN CING, ZER SA MED PA YANG ZHAL BKAG PA MA YIN GYI, DAM PA RNAMS KYIS GANG BSHAD PA'I DGOS PA GSHAGS 'GYED PA TZAM MA YIN PAR MA RTOGS PA DANG, LOG PAR RTOG PA DANG, THE TSOM GYI DRI MA SEL BA'I PHYIR YIN PA LA DE DUS GSAL BAR BSTAN NA, DA DUNG SDANG SHUGS KYIS LAS NGAN TSAB PO CHE GSOG PA DANG, ZUR TZAM MA BSTAN NA RANG GZHAN GYIS MCHOG GI DGOS PA MI 'GRUB PAS THUGS RJES BSKYOD
, ,NAS THABS LA MKHAS PAR MDZAD PA STE, 'DI NI RJE BLA MA TZONG KHA PA CHEN POS DRI BA'I ZOL GYIS BLANG DOR STON PA DRI BA LHAG BSAM RAB DKAR MDZAD PA DANG MTSUNGS SO, ,PAn CHEN DPAL LDAN YE SHES KYIS KYANG, PAn CHEN GONG MA BZHUGS YOD NA, ,STONG NYID MA YIN DGAG TU BSGOM PA DANG, MED DGAG TU BSGOM PA GNYIS DGONGS PA GCIG TU JI LTAR 'BAB ZHU RGYU 'DUG CES KU RE'I TSUL DU GSUNGS PA SHIN TU BKA' DRIN CHE BA YIN 'DUG CING, DE LTAR GZHUNG BSRANGS PA'I DGAG PA DMIGS PHUG PAR BYAS PAS GZHAN PHYOGS LA DNGOS SU GNOD PA DANG, RANG PHYOGS BSGRUB PA'I ZHAR LA PHOG PA RNAMS LA NI RANG GZHAN GYI BLO MUN BSAL BA'I PHAN YON MA BYUNG YANG, NYES DMIGS BYUNG DOGS KYI PHYIS 'BYUNG GI BSTAN 'DZIN DAM PA RNAMS DPA' ZHUM PAR MDZAD MI DGOS PA DANG, CHAGS SDANG MED PA'I DGAG SGRUB KYI RNAM DPYOD CAN NI MYUR DU GROL BAR 'GYUR TE, SLOB DPON CHEN PO ZLA GRAGS LA TSAD MAR MI BYED NA MA GTOGS, 'JUG PA LAS, GAL TE DE NYID RNAM PAR BSHAD PA NA, ,GZHAN GZHUNG 'JIG PAR 'GYUR NA NYES PA MED, ,RANG GI LTA LA CHAGS DANG DE BZHIN DU, ,GZHAN GYI LTA LA 'KHRUG GANG RTOG PA NYID, ,DE PHYIR 'DOD CHAGS KHONG KHRO RNAMS BSAL TE, ,RNAM DPYOD PA NI MYUR DU GROL BAR 'GYUR, ,ZHES GSUNGS SO, ,'DI RNAMS RTZA BA'I DGONGS PA MTHAR THUG RANG BZOS MA BSLAD PAR BDAG GI ZUNG 'JUG BLA MA RIN PO CHE RNAM GNYIS KYI MAN NGAG ZHAL LAS BYUNG BA LTAR ZHUS PA LAGS PAS KUN GYIS YAL BAR MI 'DOR BA MKHYEN MKHYEN, DE LTAR LUGS SO SO'I MING MANG GI DOGS PA SKYES PA BCAD NAS 'DI LA CHIG SGRIL GYIS 'JUG PA NA SPYIR 'JUG TSUL GYI RIM PA 'DI LA THOG MAR DPYAD SGOM GYIS LTA BA RNYED PA DE KHA'I THOG NAS SGOM PA ZHI GNAS 'TSOL BA DANG, YANG NA THOG MAR LAM GYI RTEN DU RUNG BA'I 'JOG SGOM ZHI GNAS RNYED PA DE KHA'I THOG NAS NGES DON GYI LTA PA RNAM DAG 'TSOL BA'I LUGS GNYIS LAS, 'CHAD 'GYUR 'DI NI PHYI MA'I LUGS BZHIN YIN NO, ,SBYIR LTA BA DANG SHES
RAB LA DGE MI DGE LUNG MA BSTAN GSUM YOD DE, 'DOD PA'I SAS BSDUS KYI LOG LTA MI DGE BA YIN, KHAMS GONG MA'I SAS BSDUS KYI LTA NGAN RNAMS LUNG MA BSTAN YIN, YANG DAG PA'I LTA BA RNAMS DGE BA YIN, DE LA RGYU 'BRAS MA NOR BAR BLTA BA RNAMS 'JIG RTEN PA'I YANG DAG PA'I LTA BA YIN, STONG NYID MNGON SUM DU RTOGS PA'I LTA BA RNAMS 'JIG RTEN LAS 'DAS PA'I YANG DAG PA'I LTA BA YIN, STONG NYID RTOGS PA'I LTA BA LA, LHAG MTHONG YIN PAS MA KHYAB, LHAG MTHONG LA YANG STONG NYID RTOGS PAS MA KHYAB, LHAG MTHONG THOB PA LA ZHI GNAS THOB PA SNGON DU 'GRO DGOS, LHAG MTHONG THOB NA ZHI LHAG ZUNG 'BREL THOB PAS KHYAB, DES NA ZHI LHAG RE RE NAS MI DGOS ZUNG 'BREL THOB KYANG, SKYABS 'GRO RNAM DAG GIS MA ZIN NA NANG PA'I CHOS GRAL LA MI TSUD, RANG NYID GCIG PU ZHI BDE DON DU GNYER BAR THAG CHOD PA'I NGES 'BYUNG GI BSAM PAS NAM ZIN PA NA THEG DMAN GYI RANG LAM LA TSUD, LAM GYI THOG MA THEG PA CHEN PO RANG LA 'KHRID PA'I SKABS 'DIR NGES 'BYUNG RNAM DAG SKYES PA NA LAM SNA ZIN TZAM YIN GYI LAM MA THOB, BYANG CHUB KYI SEMS NAM THOB PA NA, LAM DANG THEG CHEN GYI LAM DUS MNYAM DU THOB PA YIN NO, ,GSUM PA SGRUB PA RGYU DUS KYI SKYONG TSUL LA GNYIS, RGYU TSOGS BSTEN PA'I SBYOR BA DANG, DMIGS RNAM SKYONG BA'I DNGOS GZHI'O, ,DANG PO NI, BSAM GTAN BDE BA'I STEGS BU LA, ,LUS GNAD BDUN DANG LDAN BYAS LA, ,RLUNG RO DGU PHRUGS DAG TU BSAL, ,RIG PA DVANGS SNYIGS LEGS PAR PHYE, ,RNAM DAG DGE BA'I SEMS LDAN PAS, ,SKYABS 'GRO SEMS BSKYED SNGON DU BTANG, ,ZAB LAM BLA MA'I RNAL 'BYOR BSGOM, ,SHUGS DRAG GSOL 'DEBS BRGYA RTZA SOGS, ,BYAS NAS BLA MA RANG LA BSTIM, ,ZHES GSUNGS, ZHI GNAS SGRUB TSUL GYI SKOR RNAMS MDO SDE'I PHYOGS RGYAS SHING KHYAD PAR BYAMS PA NAS NYE BAR BRGYUD PA'I 'PHAGS PA THOGS MED YAB SRAS KYI GZHUNG GI RJES SU 'BRANG BA RANG GTZO CHE BAS, THOG MAR ZHI BGNAS KYI TSOGS BSTEN PA NI, DGOS TSOD KYI ZAS GOS SOGS RNYED SLA BA DANG, DGRA DANG GCAN GZAN SOGS MI GNAS PAS GNANG BZANG BA DANG, NAD
, ,MI SKYED PAS SA BZANG BA DANG, LTA SPYOD MTSUNGS PAS GROGS BZANG BA DANG, NYIN MTSAN DU GZUGS SGRA'I 'DU 'DZI CHUNG BAS LEGS PAR LDAN PA STE YON TAN LNGA LDAN GYI MTHUN PA'I YUL NA GNAS PA DANG, BZANG MANG LA LHAG PAR MA CHAGS PA'I 'DOD PA CHUNG NGE BA, NGAN DON TZAM GYIS CHOG SHES PA, SKABS SU MA BABS PA'I BYA BA BZANG NGAN MANG PO YONGS SU SPANGS PA, BSLAB PA'I GZHI DANG MI 'BRAL ZHING PHYIR 'CHOS DANG LDAN PA'I TSUL KHRIMS RNAM PAR DAG PA, 'DI PHYI'I NYES DMIGS BSAMS PA DANG DMIGS YUL DNGOS PO THAMS CAD DANG BDAG MYUR DU 'BRAL NGES PA SOGS BSGOMS NAS 'DOD PA'I RNAM RTOG THAMS CAD SPANG BAR BYA BA STE MA MTHA' DRUG DANG LDAN NGES PA BYAS NAS NYER LEN GYI DMIGS PA BSGOM NA SHIN TU 'GRUB SLA STE, TING 'DZIN RGYAL PO'I MDO LAS, RNYED DANG BKUR STI DAG KYANG MI 'DOD CING, ,'TSO BA GTZANG LA CI YANG MED 'CHANG BA, ,TSUL KHRIMS RNAM PAR DAG CING 'JIGS PA MED, ,DE LA TING NGE 'DZIN 'DI RNYED MI DKA', ZHES GSUNGS PA LTAR RO, ,MDOR NA LUS 'DU 'DZI LAS BSRING BA DANG, SEMS RNAM RTOG LAS BSRING BA'I DBEN PA BSTAN, 'DOD PA CHUNG BA CHOG SHES PA, KHYAD PAR DU TING NGE 'DZIN GYI BSLAB PA 'TSOL BA'I SKABS YIN PAS TSUL KHRIMS KYI BSLAB PA LA 'GYOD PA MED PA'I GDENGS DANG LDAN PAR BYED PA NI RJE BTZUN BYAMS PA'I MAN NGAG BLA NA MED PA'O, ,DENG SANG BLO'I PHUGS NAS 'DOD PA 'TSOL BA'I YAN LAG TU BYAS, KHA NAS ZHI GNAS BSGOMS PA YIN ZER NAS LO GSUM TZAM RAL PA GSOG PA NI, 'DOD PA GZHAN LAS LHAG PA 'TSOL BA YIN PAS DE NI NYI MAS 'TSIG NAS DA DUNG MER MCHOD PA DANG 'DRA STE, PHYI NANG GANG GI ZHI GNAS YIN KYANG KHAMS GONG GI SAS BSDUS YIN PAS, MA MTHA' YANG 'DOD PA'I RNAM RTOG RAGS PA RNAMS KYIS YID BSUN NAS SGRUB PA ZHIG NGES PAR DGOS PA'I PHYIR, BLA MA BZANG POS YONGS SU ZIN PA NI TSOGS KYI GTZO BO YIN PAR MAN NGAG LAS 'BYUNG STE, DPER NA MAL SHES RAB SEMS DPA' ZER BAS SGOM DUS SMIN MTSAMS NAS 'ONG BYUNG BAS 'JIG RTEN MANG PO SNANG BA JO BO LA ZHUS PAS ZHI GNAS KYI CHA MTHUN TZAM YIN PAS BLA MA BZANG
POS BSKYANGS NA LAM DU RUNG TZAM YONG GSUNGS, YANG MNGA' RIS TSUL MDZES KYIS, DPE CHA KHO NA BLTAS NAS SGOM PAS CHOS LOG TU SONG GSUNGS, KHAM SGOM GA-YUNG DRUNG RGYAL MTSAN GYIS, SGOM TSE NYIN MTSAN BDUN RE TZAM GSAL BA CI YIN JO BO LA ZHUR YONGS PAS SKU GSHEGS PA DANG THUG ,BU SLOB STON PA BZANG ZER BA GO NAS STON PA LA ZHUS PAS KHYED 'DRES KHYER BA ZHIG 'DUG MA SDOD GSUNGS, DAR YUG SOGS PHUL NAS YANG YANG ZHUS PAS LAM RIM PHOG NAS RIM GYIS ZHI GNAS KYI SKABS SU KHO RANG GI NYAMS BSGOM DU BCUG PAS KHYAD PAR CAN CIG BYUNG BA BZHIN NO, ,DE NAS RANG GI SDONG SA'I BKOD PA DANG BSTUN PA'I STABS BDE NA KHA SHAR PHYOGS SU BSTAN NAS SDOD, BSAM GTAN GYI STAN 'OG TU SA DKAR GYI GA-YUNG DRUNG CHOS SKOR DU DRI DGOS, SNGON BOD 'DIR BON PO DAR CHES PAS RDO RJE'I SKAD DOD BDZRA ZHES PA GA-YUNG DRUNG DU BSGYUR, DON DU BDAG CAG GI STON PA LA SOGS PAS BYANG CHUB CHEN PO MNGON DU MDZAD PA NAS RANG BZHIN GYIS MI THEG PAS 'OG GZHI RDO RJE PHA LAM DU BYIN GYIS BRLABS PA'I GNAS MCHOG RDO RJE GDAN DU BDUD BZHI BTUL BA BZHIN DU, BDAG GIS KYANG STAN 'DIR BSDAD NAS DGRA NANG NA YOD PA'I BDAG 'DZIN 'GONG PO 'DI 'KHOR DANG BCAS PA CI THUL ZHIG BYA'O SNYAM DU BLO STOBS SKYED DGOS, DE 'DRA MIN PAR SGOM ZHIG BYED NI BYED, YONG NI MI YONG SNYAM PA BYED MI RUNG, NANG GI RKYEN DAL 'BYOR DANG LDAN, PHYI'I RKYEN DGE BA'I BSHES GNYEN GYI MAN NGAG NI THOB, RANG NYID SNGAR PHAN GYI BSAM SBYOD KYIS BSLUS PA SHES NAS RANG RGYUD NYAMS PA NI GSOS, CHOS 'DI BYUNG NA BYAS MA BYUNG YANG BA ZHAG PAS CHOG PA NI MA RED PAS CI LA THUG KYANG NYAMS SU BLANG BAR BYA SNYAM DU SGOM GYI GRA BSGRIG DUS NAS 'PHEN PA BTANG BA MA SHOR BA DGOS, DE NAS GA-YUNG DRUNG GI STENG DU RTZA DUR BA'AM, KU SHA MA 'KHRUGS PAR RTZE MO NANG DU BSTAN NAS BTING, 'DI NI TSE RING BA DANG SGRUB PA YUN RING BA'I RTEN 'BREL YONG, GTZO BOR STON PA BCOM LDAN 'DAS KYIS RTZVA 'TSONG GI KHYE'U BKRA SHIS KYI LAG NAS RTZVA BZHES TE STAN DU BTING BA'I RNAM THAR
, ,LA RJES SU SLOB PA DANG, SBYANGS PA'I YON TAN BCU GNYIS KYI NANG NAS, GZHI JI BZHIN PA LA SLOB PAR 'GYUR BA'I DGOS PA YOD, DE NAS DE'I STENG DU 'DUL BA NAS BSHAD PA'I MAL STAN DANG GCIG PAR BYED PA'AM, YANG NA BSAM GTAN GYI STAN GRU BZHI PA, SRIN BAL 'BA' ZHIG CHA GNYIS DANG ZHES SOGS KYI NYES PAS MA GOS PA, NANG RGYONGS 'BOL BA RGYAB CUNG ZAD MTHO LA KHRU GANG LAS MI MTHO BA ZHIG DGOS, DE'I STENG DU GDING BA TSUL DANG MTHUN PAR BTING BA MA GTOGS, KO 'BE ZHIG RANG RNYED NA MI RNYED BYED MI RUNG, SROG CHAGS GDUG RTZUB CAN GYI PAGS RIGS BTING NAS BSDAD NA, RANG YANG DE 'DRA LAS MI YONG STE RGYA GAR GYI GRUB CHEN RNAMS KYIS KRI nA SA RI'I BAGS GDAN MDZAD PA YANG, SROG CHAGS DE GZHAN LA PHAN SEMS CHE DRAG PAS YIN, DA LTA RGYAL BA YAB SRAS KYI TSOGS DBUS KYI 'BUL BAR GTONG BA YANG RIN THANG LA MI LTA BAR 'JAM CHAGS PA'I RTEN 'BREL LA BLTAS NAS 'BUL BA RED PAS DES SHES, GRUB CHEN GZHAN GYIS STAG LPAGS BTING 'DUG SNYAM PA YONG STE, KHONG RNAMS KYIS TSOD DER RANG TSO MA SLEB PAS RANG BABS SU BZHUGS NA LEGS PA YONG DE LTAR BSAMS GTAN BSGOM DUS LUS SEMS BDE BAR BYED PA'I STEGS BU LA LUS 'DUG STANG GI GNAD BDUN DANG LDAN PAR BYA STE, DE BDUN NI SANGS RGYAS RNAM SNANG TING NGE 'DZIN GYI BZHUGS STANG GIS BZHUGS SHING, DE DANG MTHUN PAS DE LTAR BTAGS, DE YANG RKANG PA LAG PA RKED PA GSUM, ,SO MCHU LCE RNAMS BSDOMS PAS BZHI, ,MGO MIG PHRAG PA DBUGS DANG BZHI, ,RNAM PAR SNANG MDZAD CHOS BRGYAD YIN, ,ZHES RKANG PA RDO RJE'I SKYIL KRUNG THOG MAR RTEN 'BREL GYI KHYAD CHE BAS GANG THUB TZAM BYAS, LUS MI BDE BA SKYE NA DMIGS PA LA GNOD PAS GANG 'TSAMS NAS RKANG PA GA-YON MA 'OG TU PHAB, GA-YAS PA GA-YON MA'I BRLA STENG DU BZHAG PA'I SEMS DPA'I SKYIL KRUNG DANG, DE YANG MA THUB NA SKYIL KRUNG THA MAL PA BYA'O, ,LAG PA GNYIS LTE 'OG SOR BZHI'I THAD NAS GA-YAS STENG DU BZHAG PA'I MNYAM GZHAG GI PHYAG RGYA BYAS, MTHE
BONG GNYIS RTZE SBYAR BA LTE BA'I THAD SOR 'ONG BA BYED, 'DI NI RDZOGS RIM GYI SMIN BYED YIN, ,SGAL TSIGS RNAMS YA YO MED PAR BRTZEGS PA'I RKED PA DRANG POR BSRANG, SO MCHU RANG BABS SU BZHAG NAS LCE RTZE YA SO'I DRUNG DU SBYAR, 'DI NI ME RLUNG DBANG DU 'DU BA'I DGOS PA YOD, MGO BO CUNG ZAD GUG TZAM BYED, GYEN RGYU'I RLUNG 'KHRUGS SEL BA'I DGOS PA YOD, MIG HA CANG GDANGS BTZUMS GANG YANG MIN PAR SNA'I GSHOG PA GA-YAS GA-YON GNYIS MTHONG TZAM BYA, MIG MA BTZUMS NA SEMS PHYI ROL DU GA-YENGS 'GRO SNYAM PA MI DGOS, DBANG SHES RNAMS RTOG MED YIN PAS YID BLO RTOG PAS GANG BYAS YONG, DPER NA YID GZUGS MDZES PA LA LHAG PAR CHAGS BZHIN PA'I DUS NA SGRA 'DZIN NYAN SHES MNGON GYUR DU MI SKYE BA BZHIN DU, SEMS DGE BA'I DMIGS PA LA RTZE GCIG TU BZHAG NA DBANG SHES KYI SNANG BA RANG 'GAGS LA 'GRO BAS SGER DU 'GOG MI DGOS, PHRAG PA GNYIS THAD KAR MNYAM PAR BZHAG GO, MDOR NA LUS KYI DBUS DRANG POR BSRANG STE SMIN MTSAMS NAS THIG BTAB NA LTE BA'I THAD DU 'BAB NGES PA BYA'O, ,DE LTAR LUS GNAD BDUN LDAN DU BYAS LA, BRGYAD PA DBUGS NI PHYI NANG DU RGYU BA MI TSOR BAR DAL BUM 'BAD MED DU 'JUG PAR BYED, KHYAD PAR DU RLUNG RO BSAL BA NI, DGU PHRUGS DAG TU BYAS NAS BSAL TE, RLUNG RO'I RJES 'GRO RIG PA SNYIGS MA PHYIR PHUD DE, GSAL DVANGS RANG BABS SU 'JOG PA DVANGS SNYIGS LEGS PAR PHYED PA'I DON YIN, RLUNG SEMS 'JUG PA GCIG PAS RLUNG RO MA BSAL NA, RIG PA GSAL DVANGS MI YONG BAS 'DI LA SPYIR RLUNG CHAM LA 'BEBS PA DANG, DGU PHRUGS BYED PA GNYIS YOD, DANG PO NI RANG RGYUD LA BRTAGS NAS, TSE 'DI'I YO LANGS BYED 'DOD SOGS RNAM RTOG NGAN BA SHAS CHAN RLUNG PHYIR 'BUD PA NAS 'GO BRTZAMS, SKYO SHAS SOGS DGE SEMS SHUGS DRAG NA TSUR NANG DU RDUB PA NAS 'GO BTZUGS TE, GANG LTAR PHAR TSUR 'BYUNG RNGUB KHUG PA RE LA GRANGS RER RTZIS PA BDUN NAM NYER GCIG SOGS GRANGS CI RIGS LA SEMS BZUNG, DE DAG GI TSE NA RNAM RTOG NGAN PA PHYIR 'BUD PA DANG, SRAS BCAS RGYAL BA'I
, ,BYIN RLABS TSUR BSDUS NAS 'JUG PA'I MOS PA BYED, 'DI NI NANG PA'I THUN MONG MA YIN PA'I SEMS 'DZIN TSUL DU MNGON PA MDZOD DANG NYAN SA SOGS NAS BSHAD, GNYIS PA DGU PHRUGS BYA BA NI SNGAGS LUGS SHAS CHE YANG RTZA GSUM GSAL 'DEBS DGOS PA'I NGES PA MED, THOG MAR SNA BUG GA-YAS NAS RNGUB GA-YON NAS 'BUD, YANG GA-YON NAS RDUB GA-YAS NAS 'BUD, YANG GNYIS KA NAS RNGUB STE GNYIS KA NAS 'BUD, YANG DE 'DRA LAN GNYIS LDAB PAS DGU PHRUGS SU 'GYUR, YANG GA-YON NAS 'BUD PA GSUM THOG MAR DKYUS GCIG LA BYAS, DE BZHIN DU GA-YAS NAS 'BUD PA GSUM DANG, GNYIS KA NAS 'BUD PA GSUM YANG SO SOR DKYUS GCIG LA BYAS KYANG CHOG ,DE NAS SGOM GYI KUN SLONG RANG 'DOD KYI DRI MAS RNAM PAR DAG PA'I DGE SEMS DANG LDAN PAS, SKYES BU SPYI'I CHOS KYI GTZO BO SKYABS 'GRO DANG, SKYES BU CHEN PO'I GZHUNG SHING SEMS BSKYED GNYIS SNGON DU BTANG NAS, ZAB LAM BLA MA'I RNAL 'BYOR ZUR BKOL LTAR BSGOM STE, SHUGS DRAG GSOL 'DEBS BRGYA RTZA SOGS CHA TSANG MA NOR BAR BYAS NAS, BLA MA RANG GI SNYING DBUS LA SPYAN DRANGS TE ZHABS SEN 'OD CHAGS BRTAN PAR BZHUGS PA NI BSTIM PA'O, ,DE YANG THOG MA'I KUN SLONG GI DUS NAS BYANG CHUB KYI SEMS SGOM DGOS PA CI YIN SNYAM NA, SEMS BSKYED DNGOS GZHI MED KYANG LHA BZO BAS SKU 'DRA'I TSANGS THIG THOG MA NAS 'DEBS PA LTAR, SEMS 'DI LAM GYI LUS KHOG LTA BU YIN PAS THOG MA NAS DE'I BZO DBYIBS HA LAM ZHIG STON NAS BZHAG PA YIN, 'DI NI SHER PHYIN GYI MDO'I DGONGS PA YANG YIN NO, ,TSIG 'DI RNAMS KYIS SNGON 'GRO DNGOS GZHI SBREL NAS THUN GCIG LA NYAMS SU LEN TSUL STON PAS SKYABS 'GRO SEMS BSKYED SNGON BTANG NAS ZHES GSUNGS PA MA GTOGS SKYABS SEMS KYI DMIGS RNAM BLA MA'I RNAL 'BYOR GYI KHONG NA YOD PAS ZUR DU MI DGOS, BRGYA PHYAG THUN MTSAMS KYI NYAMS LEN DU BYAS, RDOR SEMS BSGOM BZLAS THUN DANG THUN MTSAMS CI RIGS PAR BYAS PAS CHOG ,BLA MA'I RNAL 'BYOR
GYI GZHUNG BDE STONG DBYER MED MA RANG LA MDZAD PA'I PHYAG SROL LTAR TSIG 'DON MIN GANG YIN KYANG, RANG GI RTZA BA'I BLA MA KHAMS GSUM CHOS KYI RGYAL PO TZONG KHA PA CHEN PO'I RNAM PAR TSOGS ZHING GI GTZO BOR BSTEN NAS, THUN MONG DANG THUN MONG MA YIN PA'I BSAG SBYANG, LAM GYI NGO BO GRANGS DANG GO RIM THAMS CAD GZHUNG 'DI DANG MTHUN PA NGES PAR DGOS PAS, DE LA THOG MAR BDE CHEN NGANG LAS ZHES PA MA BTON GONG NAS SKYABS YUL RANG DANG BCAS PA SDUD RIM GYI MTHA' LAS BYUNG BA'I 'OD GSAL BDE BA CHEN PO DE NGA'O SNYAM PA'I CHOS SKU'I NGA RGYAL 'DZIN DGOS, DE'I DUS SU RIGS PA'I DGAG BYA DANG LAM GYI DGAG BYA GNYIS KAS STONG PA'I 'OD GSAL NI RANG BZHIN RNAM DAG DANG GLO BUR RNAM DAG GI CHAR GYUR PA'I NGO BO NYID SKU GNYIS KYI LAM 'KHYER DANG, BDE BA CHEN PO'I YE SHES NI YE SHES CHOS SKU'I LAM 'KHYER TE, CHOS SKU DE GNYIS DBYER MED PA GDAGS GZHIR BYAS PA LA BRTEN NAS BTAGS PA TZAM GYI NGA'O SNYAM DU RTZE GCIG TU 'DZIN PA NI CHOS SKU SPYI'I LAM 'KHYER RO, ,DE YANG 'OD GSAL, BDE CHEN, NGA'O SNYAM PA RONG RONG MI 'DRA BA GSUM MNYAM DU BSES NAS GSAL BTAB PAS MI YONG, 'OD GSAL BDE CHEN BSKYED TSUL RJE YAB SRAS KYI GZHUNG DANG MAN NGAG 'DZIN PA RNAMS KYI GZIGS NGOR 'DI 'DRA BSHAD PA DO TSAB LAS MA MCHIS KYANG, SBYANGS PA MED PA'I DON GNYER CAN BDAG 'DRA BA LA PHAN PHYIR ZHUS PA YIN, RE SHIG BDE CHEN 'DREN PAS RTZA RLUNG GI DMIGS PA RNAMS MOS PA TZAM BYAS, GO BA CHAGS THABS LA GTZO BO MDZAD NAS BSKYANGS NA LEGS PO YONG STE, DPYAD PA YONGS RDZOGS KYI DBU MA'I LTA BA DE MA RNYED PAR DA LTA'I SNANG BA LING LING 'DI'I NGANG NAS MTHO MTHO SNYAN SNYAN CI BSHAD KYANG, BLA MA SKU GSUM GYI NGO BO'I RNAM GZHAG KYANG GO SA MED, DE MED NA SNGAGS BLA MED KYI LAM GYI SROG DANG BRAL BA YIN PAS GCES PAR MDZOD, BDE CHEN DE MA DOR BA'I NGANG LAS RANG NYID BLA MA YI DAM GYI LHA SKUR LANGS TE, SNOD BCUD SBYANGS BSGYUR, MCHOD RDZAS DANG NANG MCHOD SOGS BYIN GYIS BRLABS, TSOGS ZHING GSAL BTAB LA, YE SHES PA SPYAN DRANGS NAS BSTIM PA SOGS KHRID YIG KHUNGS THUB RNAMS NANG LTAR MDZOD, GTZO BO'I
, ,LUS DKYIL ZHES PA LUS GNAS SO SOR LHA BKOD PA TZAM GYI DON YANG MIN LA, LHA'I RNAM PA MED PAR LHA SO SO'I NGO BOR MOS PA TZAM GYIS KYANG MI YONG BAS, LUS LAS BSKYED PA'I DKYIL 'KHOR LA LUS DKYIL DU GSUNGS PAS, BLA MA'I PHUNG KHAMS SKYE MCHED LA SOGS PA'I LUS KYIS THUN MONG MA YIN PA'I BDAG RKYEN BYAS PA LAS BYUNG BA'I LHA SO SOR MOS DGOS PA YIN, DE YANG DPAL CHOS KYI GRAGS PAS, THUN MONG MA YIN RGYU YI PHYIR, ,DE YI BDAG RKYEN DBANG POS BYAS, ,ZHES GSUNGS PA LTAR, MIG DBANG GZUGS CAN PA LA SOGS PA'I DBANG PO SO SOS THUN MONG MA YIN PA'I BDAG RKYEN BYAS PA LAS MIG GI RNAM SHES SOGS SO SOR 'JOG PA BZHIN DU LUS DKYIL LA YANG THUN MONG MA YIN PA'I RGYUR LUS MTSAN NYID PA RE DGOS PAS, YUL GYI LUS DKYIL DNGOS GNAS PA LAS RGYA MA GTOGS YID KYIS BSGOMS PA'I PHYAG RGYA TZAM LA MED PAR RNAL 'BYOR DAG RIM DU GSUNGS PAS 'DIR YANG BLA MA DNGOS GNAS PA RANG GI SKU LUS KYI CHA SHAS SO SO RANG BZHIN GYIS RNAM PAR DAG PA'I DAG CHA MTHAR THUG LHA SO SO'I RNAM PAR SHAR BA'O, ,YE SHES PA SPYAN 'DREN PA LA, 'OG MIN LA SOGS PA'I GNAS NGES PA CAN NAS SPYAN 'DREN PA DANG, 'JIG RTEN GYI KHAMS MU MED PA NAS SPYAN 'DREN PA, RANG BZHIN GYI GNAS NAS SPYAN 'DREN PA BCAS YOD PA LAS, DA LAM THUGS RJES BSKUL TE RANG BZHIN GYI GNAS NAS SPYAN 'DREN PA YIN, RGYA JA'I BTUNG BA NANG MCHOD KYI KHONGS SU BYAS PA DANG NANG MCHOD KYI SGRUB GZHI LA RGYUD KYIS BSDUS PA RE DGOS PA MI 'GAL TE, SGRUB NUS KYIS GANG LA DMIGS NAS BSGRUB KYANG, SHA LNGA BDUD RTZI LNGA SGRUB GZHIR 'GYUR BAS SKYON MED, 'ON KYANG DA LTA CHANG DANG JA KHU SOGS KYIS NANG MCHOD BYED PA 'DI, NANG MCHOD KYI SGRUB GZHI NGO THOG YIN NAM, SGRUB GZHI'I DMIGS RTEN TZAM YIN, SGRUB ZIN PA'I BDUD RTZI'I MTSON BYED SOGS GANG YIN SNGAGS GZHUNG CHEN MO DANG MTHUN PAR DPYAD PA MDZOD, TING NGE 'DZIN GYI DBANG BZHI LEN PA 'DIS SNGAGS
KYI 'JUG SGO'I DBANG GI GO MI CHOD KYANG SHIN TU BYIN RLABS DANG DGOS PA CHE ZHING, BLA MA LHA'I RNAL 'BYOR DANG 'BREL BA'I LEN TSUL ZHIB PA RJE THAMS CAD MKHYEN PAS RTOGS LDAN PA LA DGYES BZHIN DU STZAL BAS 'DIR YANG DE DANG MTHUN PAR MDZAD PA YIN 'DUG ,RANG LA SGRUB GZHI LUS NGAG YID GSUM THUN MONG DANG BCAS PA TSANG BA DE DBANG DANG LAM GYIS SMIN CING GROL BAR BYAS PA LAS, 'BRAS BU SKU BZHI TSANG BA'I SANGS RGYAS GCIG 'GRUB PO ZHES PA'I MTSON DON DU BLA MA GCIG GI GNAS GSUM LA SKU GSUM MTSON PA'I YIG 'BRU GSUM BKOD NAS DE LAS RANG NYID GCIG GIS DBANG BZHI LEN PA YIN NO, ,DE NAS LAM GYI RIM PA LA DMIGS RNAM SKYONG BA DANG BYIN RLABS ZHU BA LHAN CIG TU BYED PA LA ZHING MCHOG DAM PA MAN GSUNGS, DE YANG DPAL CHOS KYI GRAGS PAS, DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ZHES GSUNGS PA LTAR, SKYES BU CHUNG NGU'I SKABS SU 'CHI BA MI RTAG PA DANG NGAN 'GRO'I SDUG BSNGAL DANG LAS KYI GZHAN DBANG CAN YIN PAS RANG DBANG BA'I BDAG MED PA BCAS GSUM BSGOMS, 'BRING GI SKABS SU SDUG BDEN GYI KHYAD CHOS SU GYUR PA'I PHRA BA'I MI RTAG PA DANG ZAG BCAS 'DU BYED KYI SDUG BSNGAL DANG STONG BDAG MED GCIG TU BYAS PA'I CHOS SPYI'I BDAG MED PA BCAS GSUM BSGOMS, CHEN PO'I SKABS SU SDUG BSNGAL MI RTAG BDAG MED GSUM GYIS KHYAD PAR DU BYAS PA'I SGO NAS SEMS CAN SDUG BSNGAL DANG BRAL 'DOD KYI RNAM PA CAN GYI SNYING RJE GSUM BSGOMS BA BCAS DGU TSAN 'DI LAM SPYI'I GNAD SDOM CHEN PO YIN ZHES BDAG GI ZUNG 'JUG BLA MA RDO RJE 'CHANG RNAM GNYIS KYI BKA' NGO MA YIN, DE YANG MI RTAG PA'I MIG PHYE NAS BLTAS NA, SDIG GZUGS KYI SDUG BSNGAL MTHONG, SDUG BSNGAL GYIS 'JIGS NAS BDAG MED BSGOMS PAS GNAS LUGS MTHONG NAS GROL BAR 'GYUR BAS GO RIM YANG DE LTAR YIN, SPYIR MI RTAG PA LA PHRA RAGS GNYIS YOD KYANG, PHRA BA NI BDAG MED DANG RTOGS DKA' SLA 'DRA BA'I TSOD YOD PAS BYE MDO GNYIS GYIS BDAG MED MNGON SUM DU RTOGS
, ,PA'I YE SHES KYI SNANG YUL RANG MTSAN PA LA PHRA BA'I MI RTAG PA 'DI 'JOG PAR ZHAL GYIS BZHES PA YIN, DES NA THOG MAR MIG GIS BLTAS NA YANG SHES PA'I TSOD KYI RAGS PA'I MI RTAG PA RANG BSGOMS DGOS TE, 'DI LA RJE THAMS CAD MKHYEN PAS, 'CHI BA DRAN PA MA BSGOMS PA'I NYES DMIGS, BSGOMS PA'I PHAN YON, 'CHI BA DRAN PA'I BLO JI LTA BU ZHIG BSKYED PA, 'CHI BA DRAN PA BSGOMS PA'I TSUL DANG BZHIR GSUNGS PA LAS, DANG PO GNYIS NI, MDOR NA SKYES BU'I DON SGRUB PA'I DUS NI, DAL BA'I RTEN KHYAD PAR CAN THOB PA'I DUS 'DI KHO NA YIN LA, 'O SKOL PHAL CHER NGAN 'GROR BSDAD CING BDE 'GROR LAN RE TZAM 'ONGS KYANG MI KHOM PA'I GNAS SU SHAS CHE BAS DE DAG TU CHOS SGRUB PA'I SKABS MA RNYED LA, BSGRUBS PAS CHOG PA'I RTEN RE THOB PA NA YANG CHOS TSUL BZHIN DU MA SGRUB PA NI, DA DUNG MI 'CHI SNYAM PA 'DI LA THUG 'DUG PAS NA, BLOS MI 'CHI BA'I PHYOGS 'DZIN PA NI RGUD PA KUN GYI SGO DANG, DE'I GNYEN PO 'CHI BA DRAN PA NI PHUN SUM TSOGS PA THAMS CAD KYI SGO'O, ,DE'I PHYIR 'DI LTA BU LA CHOS ZAB MO GZHAN BSGOM RGYU MED PA RNAMS KYI NYAMS LEN NO SNYAM PA DANG, BSGOM BYA YIN YANG DANG POR CUNG ZAD TZAM BSGOM PAR BYA YI, RGYUN PA'I NYAMS LEN DU MI 'OS SO SNYAM DU MI BZUNG BAR 'DI THOG MTHA' BAR GSUM DU DGOS LUGS LA NGES PA SNYING THAG PA NAS BSKYED DE BSGOM PAR BYA'O, ,GSUM PA NI GNYEN LA SOGS PA DANG BRAL GYI DOGS NAS 'CHI BA LA SKRAG PA NI LAM LA MA SBYANGS PA'I 'CHI BA LA SKRAG LUGS YIN PAS 'DIR DE SKYED PA MIN NO, ,'O NA GANG SNYAM NA, LAS NYON GYI DBANG GIS LUS BLANGS PA THAMS CAD 'CHI BA LAS MA 'DAS PAS DE LA SKRAG PA BSKYED KYANG RE SHIG LA DGAG MI NUS MOD, 'ON KYANG NGAN 'GRO'I RGYU 'GOG PA DANG, MNGON MTHO NGES LEGS KYI RGYU MA BSGRUBS PAR 'CHI BA LA 'JIGS PAR BYA STE, DE LA NI DES SKRAG PA BSAMS NA DE BSGRUB TU YOD PAS 'CHI KHAR MI SKRAG PAR BYAR YOD LA, DON DE MA BSGRUBS NA SPYIR 'KHOR BA LAS MI THAR ZHING, KHYAD
BAR DU NGAN 'GROR LTUNG BAS 'JIGS NAS 'CHI BA'I TSE 'GYOD PAS GDUNG BAR 'GYUR RO, ,BZHI PA NI RTZA BA GSUM, RGYU MTSAN DGU, THAG BCAD PA GSUM GYI SGO NAS BSGOM PAR BYA'O, ,ZHES GSUNGS PA 'DI TZAM BLOR BZUNG NAS SA BCAD SPYI DANG KHYAD PAR GSUM PA LA SNGON MED PA'I BSHAD SROL YOD PAS, DE RNAMS DPE LA MA LUS PAR RANG LA YOD NGES PAR MA MDZAD NA, YER PA'I ZHANG BTZUN GYIS, SNGA DRO 'CHI BA MA DRAN NA, NYIN PHYED DANG, NYIN PHYED LA MA DRAN NA, DGONG MO TSE 'DI PAR CHA GSUNG BA LTAR YIN, TSE 'DI PAR SONG YANG SONG SNYAM NA, SMON GRO CHOS GRAGS KYI DPE BSAMS TE, CHOS GRAGS 'JIG RTEN RGOD PA'I TSAD DU BYED PA, 'CHI BA LA NYE BA'I TSE NYI MAR NYAL BA LA, GZHAN GYIS KHYED GRUNG PO DE 'DRA YIN PA LA, TSAD PAS NA NAS NYI MAR SDOD PA BYAS PAS, KHYOD TSOS NGA 'JAM POR BZHAG PAS BSLUS PA DE DE RING BAR MA MTHONG, DA NI CHOS MA BYUNG BAS STONG GSUM NA NGA GLEN PAR 'DUG PAS, NGA GZHAN SU YIN YANG YONG, SMON GRO CHOS GRAGS MA YIN PAS CHOG PA LA ZER NAS TSE'I DUS BYAS PA DE DRAN PAR MDZAD NA LEGS TE BDAG LA NI SHIN TU PHAN PAR BYUNG, DE YANG DAL 'BYOR DANG SBREL NAS BLANG DOR MA NOR BA'I CHOS SEMS CAN THAMS CAD LA DGOS NGES YIN YANG BYA THABS MED PA'I 'GRO BA GZHAN DANG MI 'DRA BAR RANG GIS DA LTA BSGRUB NA SGRUB NUS YIN PA DANG, PHYIN CHAD 'DI 'DRA RNYED DKA' ZHING RNYED PA 'DI MYUR DU MI RTAG PA'I RGYU MTSAN YANG DAG GI LUNG RIGS DPE DANG BCAS PA SGO DU MA NAS BSAMS TE, BDAG DANG 'DRA BA'I DA LTA'I MKHAS BLUN GDU GRAGS PA SU YIN YANG, 'PHAGS PA'I SPYAN SNGAR ZA BA'I NYAR MI RUNG, BSDIGS PA'I SBAL BA TZAM DU YANG MI NYAN PA'I GNAS SKABS 'DI LAS MYUR DU NGO THON YONG BA ZHIG CI NAS MDZAD DGOS, CHOS 'DI LA GAL CHUNG BYED NA STON PA SANGS RGYAS DANG RJE THAMS CAD MKHYEN PA GNYIS LTA BUS MDZAD DGOS PA LA LHAG PAR BSNGAGS PA MDZAD 'DUG PAS, YONGS KYI DGE BA'I BSHES GNYEN RNAMS KYIS GTZO MDZAD GDAN SA CHEN PO'I SLOB GNYER BA RNAMS KYIS RANG GZHAN
, ,THAMS CAD LA DGONGS TE, CHOS 'DI'I PHYOGS 'DZIN PA TZAM MDZAD NA YANG GZHAN DANG MI 'DRA BA'I KHYAD THON PA YONG NGES YIN, THUB PA CHEN POS KYANG 'TSANG RGYA BA'I CHOS KYI SNGON MA RGA NA 'CHI BA GZIGS PA LAS BYUNG BA LTAR, RANG CAG LAM GZHAN GANG DU YANG MA GOL BAR NYIN MTSAN KUN TU NGAL BSO MED PAR 'CHI BDAG GI DRUNG DU 'GRO BZHIN PA YIN PAS NA LUNG LAS, LJON SHING 'GRIB PAR GYUR BA NA, ,YAL GA 'DAB MAS CI ZHIG BYA, ,DE BZHIN SKYES BU 'CHI BA'I TSE, ,YONGS SU BZUNG BAS CI ZHIG BYA, , ZHES DANG, RANG SDIG DRAN PAS GDUNGS PA DANG, ,DMYAL BA'I SGRA NI THOS GYUR PAS, ,SKRAG PAS MI GTZANG LUS GOS SHING, ,MYOS PAR GYUR TSE CI BYAR YOD, ,CES GSUNGS PA LTAR, LHO NA STAG YOD, BYANG NA 'BRONG YOD ZER BA'I YOD YOD DANG MI 'DRA BAR 'CHI BA 'DI NI NGES PAR RANG THOG TU NAM YONG CHA MED PAR 'BAB NA, DA LTA NAS LAS NYON GYIS 'PHANGS PA'I SKYE BA BZLOG PA'I CHOS KHO NA LA RTAG TU BRTZON PAR RIGS SO, ,DE LTAR LAM YONGS RDZOGS LA SHAR SGOM DANG BYIN RLABS ZHUS NAS PHYAG CHEN GSOL 'DEBS 'DON PA DANG, YANG GONG GI YAN LAG BDUN PA MAndAL DANG BCAS PA PHUL NAS MTSAMS DER 'DON PA GNYIS 'DUG KYANG, DA LAM GONG MA LTAR MDZAD NAS NAN TAN CHEN POS GSOL BA THEBS PA BYED DGOS, DE'I MTHAR TSOGS ZHING SDUD RIM BYAS NAS BLA MA RANG SEMS DANG DBYER MED DU BYED PA'I MAN NGAG ZHAL SHES BZHIN MNYAM PAR 'JOG CI THUB BYA'O, ,DE LTAR SKYABS SEMS BSAG SBYANG LAM GYI LUS RDZOGS PA'I BLA MA'I RNAL 'BYOR BCAS SBYOR BA'I RIM PAS SNA DRANGS NAS, GNYIS PA DMIGS RNAM SKYONG BA'I DNGOS GZHI LA GNYIS, DMIGS PA NGOS GZUNG BA DANG, SKYONG TSUL BSHAD PA'O, ,DANG PO NI, SNANG BA BAN BUN NGANG DE LA, ,RE DOGS LA SOGS RNAM RTOG GIS, ,BCAS BCOS GANG YANG MI BYED PA, ,GA-YO MED CUNG ZAD MNYAM PAR GZHOG ,CES GSUNGS, DE YANG DMIGS PA LA YID GTAD PA'I SNGON DU LE LO 'GOG PA GNAD CHE BAS, DE'I GNYEN PO DANG PA 'DUN PA RTZOL BA SHIN
SBYANGS BZHI GSUNGS, SHIN SBYANGS NI LE LO BKAG PA'I GNYEN PO DNGOS YIN LA, 'DIR DE BSKYED PA LA BRTZON 'GRUS RGYUN LDAN DU RTZOM DGOS, DE LA DON GNYER GYI 'DUN PA DRAG PO RGYUN LDAN DGOS, DE DAG GI RGYUR 'KHOR RTZA GCOD BYED KYI LHAG MTHONG DNGOS SU 'DREN PA SOGS TING NGE 'DZIN GYI YON TAN MANG PO MTHONG BAS YID 'PHROG PA'I DAD PA BRTAN PO YANG YANG BSGOM PAR BYA ZHING, GANG LA YID GTAD PA'I DMIGS PA LA, SPYIR KHYAB PA'I DMIGS PA NI BZHI STE, DMIGS TSUL GYI SGO NAS DPYOD MI DPYOD KYI DMIGS PA GNYIS DANG, DMIGS YUL BDEN PA GNYIS KYI MTHA' DANG, GNAS GYUR THOB PA NI DGOS PA GRUB PA'I DMIGS PA STE BZHI'O, ,PHYI MA ZHI GNAS THOB ZIN PA'I DMIGS PA KHO NA YIN NAM DPYAD PAR BYA, SPYAD PA RNAM SBYONG GI DMIGS PA LA LNGA STE, TSE SNGA MAR 'DOD CHAGS ZHE SDANG GTI MUG NGA RGYAL RNAM RTOG LA SHAS CHER SPYAD PA'I GNYEN POR RIM BZHIN MI SDUG PA DANG, BYAMS PA DANG, RTEN 'BREL DANG, KHAMS KYI RAB DBYE DANG, DBUGS 'BYUNG RDUB STE LNGA'O, ,NGAS MI SHES PA MED SNYAM PA'I NGA RGYAL CAN GYIS KHAMS KYI RAB DBYE SHIN TU RGYAS PA RNAMS NYAN NAS, RANG GI SPYI GTZUG NAS RKANG MTHIL GYI BAR LTA BUR PHYI NAS NANG DANG NANG NAS PHYI SO SOR PHYE STE NGOS GZUNG BA NA, MI SHES PA MANG BAS NGA RGYAL 'JOMS NAS ZHI GNAS THOB SLA BAR GSUNGS, GTI MUG GI GNYEN PO'I RTEN 'BREL NI STONG PA DANG DON GCIG PA'I RTEN 'BYUNG SGOM PA GTZO CHE, MKHAS PA'I DMIGS PA LA YANG LNGA STE, PHUNG KHAMS SKYE MCHED RTEN 'BREL BCU GNYIS GNAS DANG GNAS MIN LA MKHAS PA'I DMIGS PA STE LNGA'O, ,DGE BA LAS BDE BA DANG SDIG PA LAS SDUG BSNGAL 'BYUNG BA GNAS YIN GO LDOG PA GNAS MIN, BYE BRAG TU PHYE NA SBYIN LAS 'BYOR LDAN GNAS YIN DBUL PO MIN ZHES SOGS LTA BU'O, ,NYON MONGS PA SPYOD PA'I DMIGS PA NI GNYIS TE, SA GONG 'OG GI ZHI RAGS DANG, BDEN BZHI'I MI RTAG LA SOGS BCU DRUG GO ,TSE SNGA MAR CHAGS SOGS SO SOR SHAS CHER SPYAD PA RNAM PAR
, ,SBYONG BA'I DMIGS PA YIN PAS, SPYAD PA RNAM SBYONG GI DMIGS PA ZAR, 'DI NI GNANG LA BKAR BAS DMIGS PA KHYAD PAR CAN DU GSUNGS, MKHAS DMIGS NI, PHUNG SOGS LAS MA GTOGS PA'I GANG ZAG LTOS MED MI MTHONG BAS DMIGS PA BZANG BAR GSUNGS, NYON MONGS SPYI SBYONG BA'I DMIGS PA RNAMS NI, DE'I PHYIR DON CHE BAR GSUNGS, KHYAB PA'I DMIGS PA NI GZHAN LAS ZUR DU MED PAR GSUNGS PAS, ZHI GNAS KYI DMIGS PA YIN NA, KHYAB PA'I DMIGS PA YIN PAS KHYAB STE, DMIGS YUL BDEN PA GNYIS SU NGES SHING, DMIGS BYED DPYAD 'JOG GNYIS SU NGES PA'I PHYIR, DE YANG 'DUS BYAS THAMS CAD PHUNG PO LNGA DANG, CHOS THAMS CAD KHAMS DANG, SKYE MCHED DU 'DU TSUL SHES PAR BYAS LA DE DANG DER BSDUS ZIN PA DANG, DE LA SEMS 'DZIN PAR BYED, DE BZHIN DU SO SOR 'BYAD PA LA GOMS NA SO SOR RTOG PA'I SHES RAB SKYE ZHING, SDUD PA LA GOMS NA SEMS SDUD KYI TING 'DZIN SKYE BA NI CHOS MNGON PA'I MAN NGAG KYANG YIN, DE RNAMS LA DMIGS NAS ZHI LHAG BSGOM TSUL YANG YIN NO, ,'DI RNAMS NI ZHI GNAS RKYANGS PA'I DMIGS PA DANG, GSAR SGRUB KYI DMIGS PA YIN PA'I NGES PA MED, DENG DUS RANG PA RANG GCES YOD PA RNAMS KYIS NI RANG RGYUD KYI NYON MONGS GANG SHAS CHE BA DE'I GNYEN PHO LA GTZOR 'DON GYIS DMIGS NA ZHI GNAS GRUB MIN LA MA LTOS PAR SHIN TU PHAN THOGS CHE BAS, DE NI DPER NA TSE SNGON 'DOD CHAGS GOMS PAR BYAS PAS TSE 'DIR CHAGS YUL CHUNG NGU LA YANG 'DOD CHAGS DRAG PO DE'I RGYUN RING SKYE BA NI, 'DOD CHAGS SHAS CHE BA YIN, TSE SNGON 'DOD CHAGS GOMS PAR MA BYAS KYANG NYES DMIGS SU MA BLTAS PAS CHAGS YUL LA 'DOD CHAGS SKYE YANG CHEN PO RGYUN RING MI SKYE BA NI, CHA MNYAM PAR SPYOD PA YIN, TSE SNGON 'DOD CHAGS GOMS PAR MA BYAS SHING NYES DMIGS SU BLTA BA SOGS BYAS PAS CHAGS YUL CHEN PO DANG MANG PO LA BUL BAR SKYE LA YUL 'BRING DANG CHUNG NGU LA MI SKYE BA NI
'DOD CHAGS CHUNG BA'I DON YIN NO, ,ZHE SDANG LA SOGS PA GZHAN LA YANG DES RIGS 'GRE'O, ,DE TZAM SHES PAR MA BYAS NA ZHI GNAS SOGS YON TAN GANG SGRUB PA'I MAN NGAG ZAB MO JI TZAM DANG PHRAD KYANG NANG GI NYEN MONGS PA 'DIS GCIG KYANG 'GRUB TU MI STER BAS GNAD LA KHEL BA RANG GAL CHE'O, ,DE DAG LAS 'DIR DMIGS PA GANG LA DMIGS ZHE NA, NYAN MONGS GANG SHAS CHE BAS DMIGS PA NGES CAN LA LTOS PA RNAMS MA GTOGS PAS NI, LAM RIM CHE BA LAS, DES NA TING NGE 'DZIN YANG 'GRUB LA DGOS PA KHYAD PAR CAN GZHAN YANG ZHAR LA 'THOB PA'I DMIGS RTEN 'TSOL BA NI THABS LA MKHAS PA YIN NO, ,ZHES GSUNGS PA LTAR, RDE SHING LA DMIGS PA LTA BU'I TING NGE 'DZIN GRUB PA TZAM GYIS MI CHOG GI DGOS PA LHAG PO 'DREN PA GTZO CHE BAS, 'DIR NI RIG CING GSAL BA'I SEMS KYI NGO BO LA DMIGS PAR BYA'O, ,DE YANG RE SHIG MNGON SUM DU MI 'CHAR BAS, THOG MAR SEMS KYI RNAM PA BLO LA SHAR BA'I GZUGS BRNYAN LA DMIGS PAR BYA STE, DE NI SEMS LA DMIGS PA YANG YIN NO, ,SEMS NI GSAL DVANGS KYI NGO BOR GNAS PA DANG, GZUGS CAN THAMS CAD KYIS STONG PA DANG, SNANG BA THAMS CAD KYI 'CHAR GZHIR GYUR PA BCAS KHYAD CHOS DE GSUM 'DZOM PA'I GNAD KYIS, DE LA DMIGS NA ZHI GNAS SKYE SLA BA DANG, STONG NYID RTOGS SLA BA DANG, PHYI ROL GYI ZHEN PA GCOD SLA BA BCAS DGOS PA DE RNAMS DANG, GDAMS PA 'DI'I BLA MA GONG MA RNAMS KYIS BYIN GYIS BRLABS PAS KYANG GZHAN DANG MI 'DRA'O, ,KHYAD CHOS GSUM PO NI RTZA BAS KYANG DNGOS SU BSTAN TE, MNYAM GZHAG GI NGO BO STON PA NI, MA SGRIBS DVANGS SHING GSAL BA DANG, ,ZHES PAS KHYAD CHOS DANG PO BSTAN, ,DE NAS TSIG RKANG GNYIS KYIS GNYIS PA BSTAN, DE NAS TSIG RKANG GCIG GIS GSUM PA BSTAN PA LTAR 'DAR YANG MTSUNGS SO, ,LAM RIM CHUNG BA LAS, LHA SKU SOGS KYI DMIGS RTEN GZHAN MI 'JOG PAR SEMS MA RTOG PA TZAM SKYONG BAS KYANG, ZHES DANG, YANG MYONG BA RIG TZAM GSAL TZAM SOGS 'DZIN RNAM LA DMIGS NAS, ZHES GSUNGS PA'I
, ,DON DU 'GYUR RO, ,DE YANG TING NGE 'DZIN GYI DMIGS RNAM SKYONG TSUL NI DRAN PA'I SKYONG TSUL YIN ZHING, DRAN PA NI SNGAR MA 'DRIS PA'I YUL LA MI SKYE BAS THOG MAR DMIGS RTEN NGOS GZUNG BA YIN NO, ,DE'I TSUL NI BLA MA RANG LA THIM PAS BYIN RLABS CAN GYI SEMS KYI SNANG BA DE MA GTOGS GZHAN GANG DU YANG MI RTOG PA'I BAN BUN GYI NGANG DE LA, BDE BA'I RE BA DANG, SDUG PA'I DOGS PA LA SOGS PA'I RNAM RTOG GANG GIS KYANG, SKYES MA THAG PA'I BCAS PA DANG, DE'I DBANG DU SONG BA'I BCOS PA GANG YANG MI BYED PA'I GA-YO MED CUNG ZAD MNYAM PAR GZHOG PA STE DMIGS RTEN SEMS DE NGOS ZIN PAR BYA'O, ,GNYIS PA SKYONG TSUL BSHAD PA LA GNYIS, DRAN PA SPYI'I SKYONG TSUL DANG, SO SO'I SKYONG TSUL LO, ,DANG PO NI, BRGYAL DANG GNYID LOG LTA BU YI, ,YID BYED BKAG PA MA YIN PA, ,MA YENGS DRAN PA'I RGYANG SO TSUGS, ,'GYU BA RIG PA'I SHES BZHIN BSDOGS, ,RIG CING GSAL BA'I NGO BO LA, ,HRIM GYIS BSGRIMS LA GCER GYIS LTOS, ,ZHES GSUNGS, DE YANG DMIGS PA LA YID GTAD PA'I DUS SU THOG MAR GDAMS NGAG BRJED PA NYES PA YIN PAS, DE'I GNYEN POR PHYI SIM NGA BRGYAL BA DANG GNYID LOG PA LTA BU'I NANG DMIGS PA YID BYED BKAG PA DE 'DRA MA YIN PA, DMIGS RTEN SEMS DE MA YENGS PAR 'DZIN PA'I DRAN PA THU RE BA'I RGYANG SO TSUGS PAR BYED DO, ,DE LTAR DRAN PAS MNYAM PAR BZHAG PA NA BYID RGOD NYES PA YIN PAS, DE'I GNYEN POR BYING RGOD SOGS 'GYU MI 'GYU DANG, 'GYU BA RNAMS SO SO MA NOR BAR RIG PA'I SHES BZHIN BSNGOGS PA STE CHED DU MNGAGS NAS 'JOG DGOS SO, ,DE LTAR DRAN SHES KYI MTHU LAS SEMS RIG CING GSAL BA LHANG GIS NGES BYUNG NA, NGO BO DE KHO NA LA DA DUNG DRAN PA HRIM GYIS BSGRIMS LA RTZE GCIG TU GCER GYIS LTOS SHIG ,CES PA'I DON NO, ,DE YANG SGRUB PA POS SGRUB BYA NGO MA SHES PAR BSGRUB NA SHIN TU RMONGS TSAB CHE BAS, 'DIR SGRUB PAR BYA BA'I TING NGE 'DZIN NI GSAL NGAR DANG LDAN PA DANG, GNAS CHA DANG LDAN PA'I GZHI GCIG YIN LA, DANG PO LA BYING
BAS BAR DU GCOD, GNYIS PA LA RGOD PAS BAR DU GCOD PAS TING NGE 'DZIN RNAM DAG GCIG 'GRUB PA'I GEGS KYI GTZO BOR BYING RGOD GNYIS 'ONG BA'I RGYU MTSAN NI DE'O, DE'I PHYIR 'GAL RKYEN BYING RGOD TZAM DANG, MTHUN RKYEN DRAN SHES TZAM YANG NGOS MA ZIN PAR TING NGE 'DZIN KHYAD PAR CAN RANG GIS THOS PAR SMRA ZHING, GZHAN GYIS DE LA YID CHES PA NI, DON GYIS RGYAL BA'I BKA' DGONGS 'BREL DANG BCAS PA THAMS CAD DGOS MED DU SMRA ZHING YID CHES PA'O, DES NA DRAN PA NI KUN BTUS LAS, DRAN PA GANG ZHE NA, 'DRIS PA'I DNGOS PO LA SEMS KYIS BRJED PA MED PA STE, RNAM PAR MI GA-YENG BA'I LAS CAN NO, ,ZHES KHYAD PAR GSUM DANG LDAN PAR GSUNGS PAS, SKABS 'DI DANG SBYAR NA YUL GYI KHYAD PAR SNGAR 'DRIS PA STE NGES PAR BYAS PA'I DMIGS RTEN SEMS KYI RNAM PA SHAR BA'O, ,'DZIN STANGS KYI KHYAD PAR DMIGS YUL SEMS DE MA BRJED PA'O, ,BYED LAS KYI KHYAD PAR NI DMIGS PA LAS SEMS GZHAN DU MI GA-YENG BAR BYED PA'O, ,DMIGS RTEN MA BRJED PA'I TSUL NI, DRIS RTOG BCUG PA NA GSAR DU DRAN THUB PA TZAM MA YIN GYI, DRAN PA'I RGYUN MA NYAMS PAS GZHAN DU MA YENGS PA DGOS PAS, DMIGS PA MA BRJED PA'I DRAN PA RTZA BA YIN NO, ,SPYIR SEMS BYUNG THAMS CAD DANG GANG LA MTSUNGS PAR LDAN PA'I GZHIR GYUR PA'I SEMS KYI CHA YIN LA, SEMS DMIGS PA LA RTZE GCIG TU RGYUN LDAN DU GNAS PA'I CHA NI TING NGE 'DZIN DANG, DE LTAR GNAS PAR BYED PA'I THABS KYI CHA NI DRAN PA, DRAN PA'I ZUR GYIS MI MTHUN PHYOGS LA BLTA BA'I SHES RAB KYI CHA NI SHES BZHIN NO, ,MDOR NA SNGAR BSHAD PA LTAR RNAM RTOG GZHAN GYI 'PHRO 'DU BCAD PA'I SHUL DU, DMIGS RTEN SEMS KYI RNAM PA MA MTHA' ZHIG SHAR BA NA RE SHIG DES CHOG SHES BYAS NAS, DE LA SEMS BTAGS PA'I 'DZIN STANGS SHUGS CAN GYI DRAN PA ZHIG BSKYED LA, DE NAS GSAR DU MI RTOG PAR YUN THUNG YANG SEMS 'PHANG MTHO BA LA GTZO BOR BYAS TE DE KHA'I RGYUN SKYONG BZHIN PA'I MU NAS DRAN PA RTZE GCIG PA'I SHUGS ZHAN DU SONG MA SONG DANG, SONG NA NYES PA GANG GIS LAN PAR RIG PA'I
, ,SHES BZHIN GYIS BAR BAR DU BYA RA BYED CING, NYES SKYON CHER MED PA'I MTSAMS MTSAMS SU RTZA BA'I DMIGS PA DRAN TZAM DRAN TZAM GYIS GSAL 'DEBS BYAS NAS SKYONG BA NI, DRAN PA SPYI'I SKYONG TSUL GYI GNAD DAM PA YIN PAS TING 'DZIN GSAR DU SGRUB PA'I SKABS THAMS CAD DU 'DI LAS MI 'DA' BAR BYA'O, ,RGOD SKYON CUNG RTOGS SLA BAS, BYING ZON MA BYAS PAR NANG DU GNAS PA TZAM GYIS CHOG PAR BZUNG NA NI BYING BA SKYES PA DANG, SGOM SKYES PA NOR NAS BRJED NGAS CHE BA DANG, DBANG PO RTUL DU 'GRO BA SOGS KYI SKYON MANG PO 'BYUNG NYEN YOD PAS GLOD RAB LA SGOM RAB ZER BA'I RJES SU MA 'BRANG BAR GRIMS LHOD RAN PA'I MTSAMS ZIN PAR BYA ZHING, DE LA NI BYING RGOD SOGS MA 'DRES PAR NGOS ZIN PA DANG, GNYEN PO BSTEN PA GAL CHE BAS, RGOD PA NI KUN BTUS LAS, RGOD PA GANG ZHE NA, SDUG PA'I MTSAN MA'I RJES SU 'JUG PA'I 'DOD CHAGS KYI CHAR GTOGS PA'I SEMS RNAM PAR MA ZHI BA STE ZHI GNAS KYI BAR DU GCOD PA'I LAS CAN NO, ,ZHES YUL YID DU 'ONG BA DANG, RNAM PA YUL DE LA SRID PA'I RNAM PAS PHYIR 'PHRO BA, BYED LAS SEMS NANG DU ZHI BAR GNAS PA LA BAR CHAD BYED PA STE, KHYAD PAR GSUM LDAN DU GSUNGS PAS, ZHE SDANG LA SOGS PA'I NYON MONGS GZHAN GYI SGO NAS GA-YENG BA NI RGOD PA MIN GYI NYE NYON NYI SHU'I NANG GI RNAM GA-YENG YIN, DGE BA'I DMIGS PA LA 'PHRO BA NI RNAM GA-YENG YIN YANG, RGOD PA DANG NYON MONGS CAN GYI RNAM GA-YENG NI MIN NO, ,BYING BA NI YUL MI GSAL BA DANG, GSAL BA'I DVANGS CHA TZAM YOD KYANG, 'DZIN STANGS KYI NGAR CHAG PAS LHOD PA'I RNAM PA CAN NO, ,'DI NI NANG GI RNAM GA-YENG DU GSUNGS SHING, 'DI LA DGE BA DANG LUNG MA BSTAN GNYIS YOD PA NI, GNYID DANG RMUGS PA SOGS BYING BA'I RGYU'I MDANG PHOG NAS SEMS KYI 'DZIN STANGS DAM PAR YOD PA LAS CUNG ZAD SHOR BA'I DUS KYI THOG MA'I BYING BA PHRA MO NI TING NGE 'DZIN LAS MA 'DAS PAS DGE BA DANG, DE NAS RAGS PA NYON MONGS CAN DU SONG BA NA, LUNG MA BSTAN DU BZHAG PA YIN NAM SNYAM STE DPYAD PAR MDZOD, RMUGS
PA NI GTI MUG GI CHA SHAS LUS SEMS LCI ZHING LAS SU MI RUNG BA NYON MONGS THAMS CAD KYI GROGS BYED PA'I LAS CAN NO, ,'DI LA MI DGE BA DANG, SGRIB LA LUNG MA BSTAN GNYIS YOD, DE LTAR 'GAL RKYEN NGO SHES PA'I GO BA YOD PA TZAM GYIS MI CHOG PAS NYAMS MYONG GI STENG NAS LEGS PAR NGOS ZIN PAS SGOM GYI THOG MA'I DUS SU BYING RGOD SKYES PA LTA ZHOG ,SKYE GRABS BYED PA NAS RIG CING THA MAR BYING RGOD PHRA MO YANG MA LUS PAR SO SOR RIG PA'I SHES BZHIN SKYED THUB PA ZHIG NGES PAR MA BYUNG NA, DUS RING POR SGOM LO BYAS KYANG BYING RGOD BYUNG BZHIN DU MI TSOR BAR BYING RGOD PHRA MOS DUS 'DA' BA YIN NO, ,ZHES RJE THAMS CAD MKHYEN PAS BRTZE BAS 'DOMS PAR MDZAD, RIG PA'I SHES BZHIN DE NI SNGAR GYI DRAN PA'I SKYONG LUGS DE DANG, THUN MONG MA YIN PA'I RGYU GCIG NI DRAN PA DE'I NGANG NAS DE LAS GZHAN DU 'PHRO MI 'PHRO LA BYA RA BYED PA STE, DE GNYIS LAS SKYE BAS NA DE RNAMS SHES BZHIN SKYONG BA'I GNAD DO, ,DE LTAR DRAN SHES KYI SKYONG LUGS STOBS DANG LDAN PAS BYING RGOD PHRA MO NAS NGOS ZIN NA YANG BYING RGOD BYUNG MA THAG 'GAG PA'I RTZOL BA MI BSTEN PAR DE MUS SU 'JOG PA'I 'DU MI BYED PA NI NYES PA CHEN PO STE, DE'I GNYEN POR 'DU BYED SEMS PA BSGOM PAR GSUNGS PAS DE NI DPER NA RDO KHAB LEN GYIS LCAGS RANG DBANG MED PAR GA-YO BA LTAR, SEMS YUL LA GA-YO ZHING BSKUL BAR BYED PA'I SEMS BYUNG ZHIG YIN LA, 'DIR NI BYING RGOD GANG BYUNG YANG DE SPONG BA LA SEMS MYUR DU BSKUL BAR BYED PA'I SEMS PA BSTON PAR BYA'O, ,SEMS PAS BSKUL NAS BYING RGOD 'GOG TSUL DNGOS NI, BYING NA 'DZIN STANGS GRIM DU BTANG, DES KYANG MI LDOG PA'I DA DUNG YANG YANG 'ONG NA DMIGS PA BTANG LA THUN MA BTANG BAR SEMS PHYIR 'PHRO BA'I RGYU DGA' DAD 'DREN NUS KYI PHAN YON GYI PHYOGS LA SO SOR DPYOD PA DANG, RANG GI BYA BA CHOS MTHUN DU SONG BA'I BLA MA'I BKA' DRIN SOGS BSGOMS NAS SEMS GZENGS BSTOD BYAS TE RTZA BA'I DMIGS RTEN LA SNGAR BZHIN 'JUG PAR BYA ZHING, DE LTAR BYAS KYANG RIG PA NGAR LDAN MI SKYE NA THUN BTANG NAS SPYOD LAM 'CHAG PA SOGS NYAN SAR
, ,BSHAD PA LAM RIM DU GSUNGS PA LTAR BYA'O, ,RGOD NA SEMS NANG DU SDUD PA'I RGYU YID 'BYUNG BA'I DNGOS PO BSAMS LA ZHIM THAG MNYAM PAR 'JOG PA SOGS GONG GI RIGS 'GRE SHES PAR BYA ZHING, MDOR NA 'PHRO RGOD LAS SEMS GLAN TE NANG DU DMIGS PA LA GDAGS LA GNAS CHA BTZAL, GNAS CHA BYUNG RES KYIS BYING ZON BYAS TE GSAL BA'I NGAR GDON, DE GNYIS RE MOS SU BYAS NAS 'DI TZAM BSGRIMS DRAGS NA RGOD NYEN 'DUG SNYAM PA LAS CUNG GLOD, 'DI TZAM GLOD NA BYING NYEN 'DUG SNYAM PA LAS SEMS BSTOD DE 'JOG PA NI RAN PA'I MTSAMS ZIN PA'O, ,'JOG TSUL MKHAS PAS SHIN TU BSDU NA, DMIGS RTEN LA SEMS GDAGS PA'I RIG PA NGAR LDAN LA RTZE GCIG TU CI GNAS BYED PA YIN NO, ,KHAMS KYI BAR CHAD SOGS MI SEL BA'I NYIN GCIG GNYIS KYI AU TSUGS TZAM MA YIN PAR, THABS MKHAS KYI GTAN NAS MI 'DOR BA'I SGO NAS GONG BZHIN GNAD DU 'GRO BA JI SRID 'KHYONGS PA DE SRID DU SKYONG BA NI THUN TSAD KYANG YIN ZHING, RE SHIG GTZO BOR DBANG PO'I SGO MA BSRUNGS BA SOGS BYING RGOD GNYIS KYI RGYU THUN MONG BA DANG SO SO BA RNAMS SHES PAR BYAS NAS SPANGS NA TING 'DZIN SKYON MED MYUR DU 'GRUB PAR 'GYUR RO, ,'DI DAG GI SKABS SU BYING BA SEL BA'I CHOS LA DGA' SPRO SKYE BA DANG, RGOD PA SEL BA'I SKYO BA 'DREN PA DANG, TING 'DZIN SKYON MED KYANG NYON MONGS CAN DU MI BYED PA'I THABS ZAB PA NI, PHRA RAG GI MI RTAG PA BSGOM PA SOGS YIN PAR GZHUNG DANG MTHUN PA'I MAN NGAG LAS 'BYUNG NGO, ,DE LTAR BYING RGOD RTZOL BAS BKAG PA'I MTHU LAS RTZOL MED DU 'JUG PA'I TSE GONG BZHIN 'DU BYED PA NYES PA YIN PAS, DE'I GNYEN POR RANG BABS SU 'JOG PA'I BTANG SNYOMS BSGOM PAR BYA ZHING, RTZOL BA GLOD PA'I 'DU BYED BTANG SNYOMS 'DI NI SEMS GNAS DGU PA MA THOB PAR DU MI 'BYUNG BAS RE SHIG SGOM DU MED DO, ,DA LTA RTZOL BCAS KYI BTANG SNYOMS BSTEN LUGS NI RAN PA'I MTSAMS ZIN PAR BYED PA DE'O, ,DA NI SKYONG TSUL 'DI DAG DANG, DE LA BRTEN NAS SEMS GNAS SKYE BA'I RIM PA DNGOS DANG, DE STOBS
DRUG GIS 'GRUB LUGS, DE LA YID BYED BZHI YOD TSUL BCAS LA THOG MAR GRANGS DANG GO RIMS 'GRIG PA'I GO BA RNYED PA GAL CHE ZHING SHIN TU SKAL BA BZANG BAS NA, DBUS MTHA' LAS, NYES PA LNGA SPONG 'DU BYED BRGYAD, ,BSTEN PA'I RGYU LAS BYUNG BA'O, ,ZHES GSUNGS PA'I NYES PA LNGA NI, TING NGE 'DZIN GYI SBYOR BA'I TSE NA LE LO BYED PA NYES PA DANG PO, BRTZON PA'I TSE NA GDAMS NGAG BRJED PA NYES PA GNYIS PA, MNYAM PAR GZHAG PA LA BYING RGOD NYES PA GSUM PA, BYING RGOD BYUNG BA'I TSE MI RTZOL BA NYES PA BZHI PA, BYING RGOD DANG BRAL BA'I TSE 'DU BYED PA'I SEMS PA NYES PA LNGA PA STE, BYING RGOD GCIG TU BYAS PA'I LNGA DANG SO SOR PHYE NA DRUG YIN NO, ,DE DAG GI GNYEN PO SPONG BA'I 'DU BYED BRGYAD NI, LE LO'I GNYEN PO BZHI STE, DAD PA 'DUN PA RTZOL BA SHIN SBYANGS SO, ,NYES PA GNYIS PA'I GNYEN PO DRAN PA, GSUM PA'I GNYEN PO SHES BZHIN, BZHI PA'I GNYEN PO 'DU BYED PA'I SEMS PA, LNGA BA'I GNYEN PO RNAL DU 'JOG PA'I BTANG SNYOMS TE BRGYAD DO, ,SEMS GNAS DGU NI, DANG PO DMIGS PA LA SEMS 'JOG PA, GNYIS PA RGYUN DU 'JOG PA, GSUM PA GLAN TE 'JOG PA, BZHI BA NYE BAR 'JOG PA, LNGA PA DUL BAR BYED PA, DRUG PA ZHI BAR BYED PA, BDUN PA RNAM PAR ZHI BAR BYED PA, BRGYAD PA RTZE GCIG TU BYED PA, DGU PA MNYAM PAR 'JOG PA STE DGU'O, ,STOBS NI DRUG STE THOS PA DANG BSAM PA DANG DRAN PA DANG SHES BZHIN DANG BRTZON 'GRUS DANG YONGS SU 'DRIS PA'I STOBS SO, ,STOBS DE DAG GIS GONG GI SEMS DGU LAS GANG DANG GANG 'GRUB TSUL NI, THOS PA'I STOBS KYIS NI 'JOG PA'I SEMS 'GRUB STE, THOS PA TZAM GYI RJES SU 'BRANGS NAS DANG POR DMIGS PA LA SEMS BTAGS PA TZAM YIN PA'I PHYIR, BSAM PA'I STOBS KYIS NI RGYUN DU 'JOG PA'I SEMS 'GRUB STE, DMIGS PA LA BTAGS PA DE'I RGYUN YANG YANG BSAMS NAS BSKYANGS PAS RGYUN CUNG ZAD MTHUD NUS PA THOG MAR THOB PA'I PHYIR, DRAN PA'I STOBS KYIS NI GLAN TE 'JOG PA DANG, NYE BAR 'JOG PA'I SEMS GNYIS 'GRUB STE, DMIGS PA BRJED NA SLAR YANG DRAN PA DANG, DANG PO NAS DRAN PA MA SHOR BA'I PHYIR, SHES
, ,BZHIN GYI STOBS KYIS NI DUL BAR BYED PA DANG, ZHI BAR BYED PA'I SEMS GNYIS 'GRUB STE, RNAM GA-YENG GI NYES DMIGS RIG NAS MI 'PHRO BA'I PHYIR, BRTZON 'GRUS KYI STOBS KYIS NI RNAM PAR ZHI BAR BYED PA DANG, RTZE GCIG TU BYED PA'I SEMS GNYIS 'GRUB STE, BYING RGOD PHRA MO YANG RTZOL BAS SPONG ZHING BAR BCAD MED PA'I PHYIR, 'DRIS PA'I STOBS KYIS NI MNYAM PAR 'JOG PA'I SEMS 'GRUB STE, 'BAD PA SNGON SONG GI STOBS KYIS 'BAD MED DU 'JUG PA'I PHYIR, DE LTAR SHES NAS NYAMS SU LEN PA'I TSE MDOR BSDUS YID LA BYED NA, DANG POR THOS PA'I RJES 'BRANGS MNYAM PAR 'JOG ,BSAM PAS RGYUN MTHUD, GA-YENGS NA MYUR DU BSDU, MI YENGS PA'I DRAN PA BSKYED, SKYON MTHONG NAS BYA RA BYED, GA-YENGS NA RIG NAS RGYUN GCOD, BCAD NAS RGYUN RING GI RTZOL STOBS BSKYED, RTZOL BA CHAD MED DU 'JUG MA RTZOL YANG TING 'DZIN 'GRUB BO, ,DE SEMS GNAS DANG PO YANG SEMS DANG PO GNYIS PA GNYIS KYI DUS GSUM PA SU 'BAD PAS BSGRIM BZHI PA SA TE 'JUG PA'I YID LNGA PA BYED, DE NAS SEMS LNGA'I DRUG PA SKABS SU CHAD CING 'JUG PA'I BDUN PA YID BYED, SEMS BRGYAD PA BRGYAD PA LA NI DGU PA CHAD PA MED PAR 'JUG PA'I YID BYED, SEMS DGU PA LA NI RTZOL BA MED PAR 'JUG PA'I YID LA BYED PA STE, DE LTAR SEMS GNAS DGU LA YID BYED BZHI YOD DO, ,'O NA SEMS DANG PO GNYIS DANG, BAR PA LNGA LA CHAD CING 'JUG PA DANG, SGRIM DGOS PA GNYIS YOD PAR MTSUNGS SHING, BRGYAD PA DANG DGU PA GNYIS LA BYING RGOD SOGS KYIS BAR BCAD MI NUS PA YANG 'DRA BA LA SO SOR 'JOG PA CI YIN SNYAM NA, DANG PO GNYIS KYI SKABS SU BSGRIMS TE 'JUG PA MA GTOGS, SEMS TING NGE 'DZIN DU MI 'GRO BA SHAS CHE BAS BAR CHAD KYI THA SNYAD MA MDZAD, BAR PA LNGA LA TING NGE 'DZIN LA GNAS PA SHAS CHE YANG BYING RGOD SOGS KYIS THUN RING PO SKYONG MI NUS PAS CHAD CING 'JUG PA GTZO CHE BAS BSGRIMS TE 'JUG PA'I YID BYED MA BZHAG GO ,BRGYAD PA DANG DGU PA GNYIS NI BAR CHAD MED PAR THUN
RING PO SKYONG THUB PA TZAM 'DRA YANG, DE RTZOL BA LA RAG LAS MA LAS KYIS SO SOR BZHAG GO ,SEMS DGU PA'I RTZOL MED KYANG, BAR GYI RTZOL BA MI DGOS PAS YIN GYI, THOG MA'I RTZOL BA SOGS 'BAD RTZOL MTHA' DAG ZAD PA'I DON NI MA YIN TE, DPER NA SGROL MA KHA LA GOMS PAS 'DON PA DANG 'DRA'O, ,DE LTAR GANGS RI'I KHROD 'DIR SUS KYANG RANG GI BLO SKYON GYIS SGO TZAM DBYE BAR MA NUS PA'I RGYAL BA'I GSUNG GI GCES MDZOD 'CHANG PAR 'GYUR BA DANG, 'DI DAG LA SOGS PA'I RNAM GZHAG MTHA' DAG PA RNAMS, RJE THAMS CAD MKHYEN PAS GSAL BAR PHYE BA NI, SGOM BYA'I CHOS KHO NA LEGS PAR BSHAD PA LAGS PAS, RANG GZHAN GYI PHYAG RGYA'I SGOM CHEN PA KUN GYIS LHAG PAR GCES PAR MDZAD DU GSOL, GRANGS DANG GO RIM 'DI TZAM LA YANG MANG SKYON DU BYED PA NI, BLO GROS CHUNG BA KHO NAS MA YIN GYI, THOG MA'I DAD PA MED PAS LAN TE, KHA GANG NAS RNGO TSAD KYI BAR GYI SKYED DANG BCAS PA'I RTZI LUGS TZAM YANG CHOS LA BYED MA MYONG BA'I PHYIR, BSHAD SGRUB KYI MAN NGAG ZAB MO JI 'DRA ZHIG YIN ZER YANG, DON DU SKYON MED PA'I KHUNG THUB CIG YIN PHYIN, RJE BLA MA TZONG KHA PA'I GSUNG GI CHA SHAS RE ZUR DU BKOD PA LAS MA 'DAS PAS, DRAN SHES LA SOGS PA'I SPYI'I SKYONG TSUL 'DI DAG LA MKHAS PAR MDZAD NA, GZHAN GANG LA YANG 'JUG PA BDE ZHING CHOD CHE BA LAGS SO, ,GNYIS PA SO SO'I SKYONG TSUL LA LNGA, DRAN PA GSAR PAS SKYONG TSUL, DRAN PA RNYING PAS SKYONG TSUL, RAN MTSAMS KYIS SKYONG TSUL, GZHAN GRAGS THA SNYAD KYIS SKYONG TSUL, RNAM RTOG RANG 'GAGS KYIS SKYONG TSUL LO, ,DANG PO NI, RNAM RTOG GANG DANG GANG SKYES PA, ,DE DANG DE NYID NGOS ZIN BYA, ,ZHES GSUNGS, DE YANG PHAL TSIG GIS GO BDE BAR BYED NA, DRAN SHES LA SOGS PA'I RGYUN DA LTA SKYONG BZHIN PA DE MA YIN PA'I BYING BA NANG GI RNAM GA-YENG DANG, 'PHRO RGOD PHYI'I RNAM GA-YENG SOGS SKABS SU MA BABS PA'I RNAM RTOG GANG DANG GANG SKYES KYANG, DE DANG DE NYID RIG PA'I SHES BZHIN GYIS 'DI DANG 'DI'O SNYAM DU MA NOR BAR NGOS ZIN PAR BYAS LA, DE MA THAG RTZOL BAS BSKUL TE SO SO'I SGER GYI GNYEN PO BSTAN NAS SKYON SANGS PA NA
, ,MYUR DU DRAN PA GSAR PA SKYED NAS SKYONG DGOS SO, ,SEMS GNAS DGU'I DANG PO GNYIS SEMS 'DZIN THAMS CAD LA MA MTHA' RE 'ONG ZHING, GSUM PA YAN CHAD GTZO CHE BAS 'DI NI GLAN TE 'JOG PA DANG MTHUN NO, ,DE YANG SKABS 'DIR DRAN PA GSAR SKYES DGOS PA'I NGES PA MED KYANG, DE DANG DE NYID NGOS ZIN BYA ZHES SGER GYI GNYEN PO BSTEN PAR GSUNGS PAS, LAS DANG PO PAS 'DI LTAR BYAS NA DRAN PA GSAR PA MI SKYED PA'I THABS MED PAS NA, GSAR PA'I SKYONG TSUL ZHES BTAGS SO, ,GSAR PA'I DUS SU DMIGS PA YUD TZAM SHOR YANG SKYON SHAS CHE BAS, SGER GNYEN BSTEN NA GNAD DU 'GRO STE, LAM RIM LAS, BYING BA 'THUG PA DANG YANG YANG 'ONG NA SGOM PA'I 'PHRO BSHOL LA GNYEN PO DE RNAMS CI RIGS PAR BSTEN LA BYING BA SANGS PA DANG BSGOM MO ZHES DANG, RGOD PA SHUGS DRAG PA'AM RGYUN RING BYUNG NA RE SHIG SGOM PA GLOD LA, SKYO SHAS SGOM PA GNAD DU 'GRO BA YIN GYI SEMS 'PHRO RES KYIS BKUG CING 'JOG PA MIN NO, ,ZHES GSUNGS SO, ,GNYIS PA DRAN PA RNYING PAS SKYONG TSUL NI, YANG NA RAL BSKOR MKHAN BZHIN DU, ,RNAM RTOG CI SKYES RBAD RBAD GCOD, CES GSUNGS, YANG NA ZHES PA 'DAM KHA CAN GYI TSIG YIN PAS, SKYONG LUGS 'DI RNAMS NGES PAR TSANG MI DGOS SHING, 'GA' ZHIG LA DGOS KYANG 'PHRAL SKYON SEL BA LA SGO GANG ZAB BLTAS NAS SKYONG BA MA GTOGS GO RIM RTZA BA BZHIN BYED MI DGOS PA'I DON YIN, DE YANG 'DUL BA LUNG LAS GSUNGS PA LTAR, MDA' MKHAN DANG, RAL BSKOR MKHAN GYIS 'THAB PA NA, MDA' MKHAN GYIS MDA' GZHAN 'PHANGS PA THAMS CAD RAL BSKOR MKHAN GYIS RAL GRI BSKOR NAS RBAD KYIS BCAD, MDA' CIG MA GTOGS MA LUS PAS CI DRAG LA THUG PA NA, KHO RANG GI BUD MED DES YONG NAS MDA' RE SHIG MA 'PHEN KHOS NGA MTHONG TSOD LA RGYOB CIG CES BSLABS NAS, BUD MED RANG GIS MDZES PA'I CHA BYAD BZUNG NAS, RAL BSKOR MKHAN GYI NYE BA'I SAR PHYIN NAS BSDAD PAS, RAL BSKOR
MKHAN CHAGS PA SKYES NAS DRAN PA SHOR BA'I DUS SU MDA' MKHAN GYIS MDA' GCIG PO BSGRIMS NAS 'PHANGS PAS, RAL GRI BSKOR YANG MA CHOD PAR MDA' PHOG NAS 'CHI BA LA THUG PA NA, RAL BSKOR MKHAN GYIS, BDAG NI DGRA YIS MA BSAD DE, ,DRAN DANG SHES BZHIN NYAMS PAS BSAD, DE PHYIR BLO DANG LDAN PA'I MIS, ,DRAN DANG SHES BZHIN BSTEN PAR BYA, ,ZHES BSGRAGS SO, ,DES NA RAL BSKOR MKHAN GYIS DRAN PA STOBS CAN MA NYAMS PA'I RING LA PHYOGS BCU NAS MDA' GANG 'DRA 'PHANGS KYANG, RAL BSKOR LA MKHAS PAS RBAD RBAD BCAD DE SROG LA GTAN NAS MI GNOD PAR BSRUNG NUS PA BZHIN DU, BSAL BYA'I RNAM RTOG CI 'DRA ZHIG SKYES KYANG RTOG DPYOD SOGS MI BYED PAR THOG BRDZIS BTANG NAS 'PHRO MA LAS PAR RBAD RBAD GCOD DGOS PA YIN ZHES BDAG GI BLA MA GRUB DBANG RGYA MTSO DBANG PHYUG GSUNG NGO, ,'DI LA SNGON DU 'JOG RGYU'I TING 'DZIN DANG, GCOD RGYU'I RNAM RTOG GANG YIN GNYIS SO SOR GO BAS DRANGS PA'I MYONG BA BTON, MYONG THOG NAS SO SOR NGES PA NA, DA NI TING 'DZIN 'DI MA GTOGS BLO GZHAN CI SKYES KYANG THE TSOM MED PAR 'PHRO GCOD SNYAM PA'I 'PHEN PA BTANG NAS DE LTAR SPYI 'JOMS KYI GNYEN PO BSTEN PAS, 'GO 'DZUGS DUS KYI DRAN PA'I STOBS MA SHOR TZAM GYIS THUN 'KHYONGS PAS, DRAN PA RNYING PAS SKYONG TSUL ZHES BTAGS SO, ,'DI NI RTZE GCIG TU BYED PA'I SEMS GNAS BRGYAD PA DANG PHYOGS MTHUN NO, ,LAM RIM LAS, DES NA SEMS DMIGS RTEN LA BZHAG ZIN PA DANG 'DI LTAR DMIGS PA LA BTAGS SO SNYAM PA ZHIG BSKYED LA, DE NAS GSAR DU MI RTOG PAR BLO DE NYID KYI SHUGS MA CHAD PAR RGYUN SKYONG BA NI DRAN PA BSTEN TSUL GYI GNAD DAM PA YIN NO, ,ZHES GSUNGS, GSUM PA RAN MTSAMS KYIS SKYONG TSUL NI, BCAD MTHAR GNAS PA DE YI TSE, ,DRAN PA MA SHOR LHOD KYIS GLOD, HRIM GYIS BSGRIMS LA LHOD KYIS GLOD, ,SEMS KYI 'JOG SA DE NA GDA', ,ZHES DANG GZHAN YANG JI SKAD DU, ,'JUR BUS BCINGS PA'I SEMS NYID NI, ,GLOD NA GROL BAR THE TSOM MED, ,CES GSUNGS PA LTAR MA YENGS GLOD, ,CES GSUNGS, DE LTAR 'PHRO BA BCAD PA'I MTHAR 'GYU BA
, ,MED PAR GNAS PA DE YI TSE, NGAR LDAN GYI DRAN PA MA SHOR BAR GNAS CHA'I NGANG DU RTZOL BA LHOD KYIS GLOD NAS SEMS BZHAG NA, MA CIG GI TSIG RKANG GNYIS DANG, BRAM ZE CHEN PO S'A RA HA'I GSUNG TSIG RKANG GNYIS KYI DON LTAR MA YENGS GLOD PA BYUNG BA YIN, DE YANG GNYEN PO BSKUL BA'I RTZOL BA RIM GYIS GLOD PA YIN GYI, 'DZIN STANGS KYI DAR CHA NI GNAS CHA LA MA GNOD BAR DU RIM GYIS SPEL DGOS TE, TING 'DZIN SPEL BA'I SKABS YIN PAS DRAN PA MA SHOR ZHES PA DANG, MA CIG GIS KYANG HRIM GYIS BSGRIMS LA, ZHES GSUNGS PA'I PHYIR, NGAR LDAN GYI GNAS CHA'I DUS YIN PAS HA CANG RTZOL BA BSTEN NA RGOD NYEN CHE BAS RTZOL BA DRAG PO GLOD PA YIN GYI RBAD KYIS GLOD NA BYING NYEN CHE BAS LHOD KYIS GLOD CES GSUNGS PA'I PHYIR, 'JUR BU NI DOG PO'I DON YIN LA, DOG MI DGOS PA'I DUS SU DOG ZON CHES NA 'CHING BAR 'GYUR BAS GLOD CES BRAM ZE CHEN POS GSUNGS, DES NA GNAS CHA'I DANG DU DRAN PA MA SHOR BAR SEMS LHOD KYIS GLOD SHES NA GONG DU BSHAD PA'I RAN PA'I MTSAMS ZIN PAS, RAN MTSAMS KYIS SKYONG TSUL ZHES BTAGS SO, ,'DI NI SEMS GNAS DGU PA'I PHYOGS MTHUN YIN NO, ,LAM RIM LAS, THUN 'TSAM PA RE LA BYING RGOD MI 'ONG BA'I GDENGS THOB PA'I DUS SU THOG MA'I DUS BZHIN BYING ZON DANG RGOD ZON CHEN PO BYAS NA SEMS GA-YENG BAR 'GYUR BAS DE'I TSE GLONG SHES DGOS SO, ,DE YANG RTZOL BA GLOD PA YIN GYI 'DZIN STANGS KYI NGAR GTONG BA MIN NO ZHES DANG, DE 'DRA BA'I BTANG SNYOMS THOB PA'I TSE TING NGE 'DZIN BSGOM PA NA BYING RGOD MA BYUNG BA'I DUS SU BTANG SNYOMS DE MNGON DU BYAS LA RTZOL BA MI DRAG PAR GZHAG GO ,ZHES GSUNGS, RAN MTSAMS KYI BTANG SNYOMS 'DI SKYE DKA' LA, SKYES NA GNAD CHE BAS 'BAD PAR BYA'O, ,DE LTAR RTZA BA 'DI'I HRIM GYIS BSGRIMS LA GCER GYIS LTOS, ZHES PA YAN GYI SPYI'I SKYONG TSUL NI, SEMS GNAS DGU'I DANG PO GNYIS DANG, STOBS DRUG GI DANG PO GNYIS, YID BYED BZHI'I DANG PO BSGRIMS TE 'JUG PA'I YID BYED BCAS NYAMS SU LEN TSUL
YIN, DRAN PA GSAR PAS SKYONG TSUL NI, SEMS GNAS BAR PA LNGA DANG, STOBS GSUM PA, BZHI PA, LNGA PA'I PHYOGS GCIG DANG, CHAD CING 'JUG PA'I YID BYED BCAS NYAMS SU LEN TSUL YIN, DRAN PA RNYING PAS SKYONG TSUL NI, SEMS GNAS BRGYAD PA DANG YANG STOBS LNGA PA'I PHYOGS GCIG DANG, CHAD PA MED PAR 'JUG PA'I YID BYED BCAS NYAMS SU LEN TSUL YIN, RAN MTSAMS KYIS SKYONG TSUL NI, SEMS GNAS DGU PA DANG, STOBS DRUG PA DANG, RTZOL BA MED PAR 'JUG PA'I YID BYED BCAS NYAMS SU LEN TSUL YIN TE, 'DI'I RANG 'GREL LAS, SEMS GNAS SGRUB PA'I THABS BSHAD PA, SNANG BA BAN BUN ZHES DANG, DE YANG 'DIR BSGRUB PAR BYA BA'I TING NGE 'DZIN GYI NGO BO NI ZHES SOGS MANG DU GSUNGS PA'I PHYIR, DES NA 'DI RNAMS GZHUNG CHEN MO'I BSHAD PA JI BZHIN NYAMS SU LEN BDE BAR BKOD PA'I MAN NGAG ZAB MO YIN NO, ,BZHI PA GZHAN GRAGS THA SNYAD KYIS SKYONG TSUL NI, RNAM RTOG GANG SKYES NGO BO LA, ,BLTAS TSE RANG YAL STONG SANG 'CHAR, ,DE BZHIN GNAS TSE'ANG BRTAGS PA NA, ,MA SGRIB STONG GSAL HRIG GE BA, ,MTHONG BA GNAS 'GYU 'DRES PA ZHES, ,GRAGS SHING, ZHES GSUNGS, RNAM RTOG GANG SKYES KYI NGO BO LA BLTAS PA'I TSE, DE NYID 'GAGS NAS RANG YAL DU SONG BA'I STONG SANG 'CHAR BA DANG, DE BZHIN GNAS TSE'ANG SEMS KYI NGO BO LA BRTAGS PA NA STONG SANG GSAL HRIG TU 'CHAR BA GNYIS KHYAD PAR MED PAR MTHONG BA DE LA GNAS 'GYUR 'DRES PA YIN ZHES SNGON GYI SGOM CHEN PA RNAMS LA GRAGS SHING THA SNYAD MDZAD DO, ,DE YANG GRAGS SHING ZHES GZHAN GYI THA SNYAD 'DOD PA BKOD NAS DGAG SGRUB GANG YANG RTZA 'GREL GNYIS KAR MA MDZAD PAS DPYAD GZHIR GYUR TE, PHYAG RDZOGS PA 'GA' ZHIG GIS, GNAS 'GYU 'DRES GSUM NGO SPROD PA SHIN TU DKA' ZER, PAn CHEN GONG MA DPAL LDAN YE SHES KYIS 'DI LA DKA' RGYU CI YANG MED, DPER NA, RTZIG PA BRTAN PAR YOD PA LTA BU GNAS PA DANG, SLAR RTZIG PA 'GYEL GZHOM LTA BU 'GYU BA, 'GYEL BA'I TSE RTZIG PA'I PHAN TSUN GYI MKHA' 'DRES PA LTA BU 'DRES PA YIN ZHES RJE BYAMS PA RIN PO CHES BKA' STZAL PA YIN GSUNGS, DES NA GRAGS SHING ZHES PA 'DI LA DKA' DKA'
, ,LTAR BYED PA LA MDZOD KYI LO GRAGS ZER GSUM LTAR CUNG MA RANGS PA'I TSIG YIN, 'OD KYANG MKHAS PAS BSKYANGS NA SEMS GNAS PA'I THABS SU 'GRO STE, RTZE GCIG TU DMIGS NAS SDOD PA NI GNAS PA DANG, DE'I NGANG NAS RNAM RTOG LANGS PA NI 'GYU BA, 'GYU BA SEMS KYI 'CHAR SGO YIN PAS BRTAGS NA MI BZOD PAR RTZE BA'I SEMS LA THIM NAS SNGAR LTAR GNAS PA NI GNAS 'GYU 'DRES PA DANG, DE LTAR GYUR 'DUG SNYAM DU RIG PA STE GNAS 'GYU RIG GSUM YANG ZER, GANG LTAR RNAM RTOG MA LANGS GONG GI GNAS CHA DANG, BAR DU RNAM RTOG LANGS PA BKAG PA'I GNAS CHA GNYIS MTHAR DBYER MED DU 'DRES NAS 'JOG PA YIN, ZHI GNAS CHU MI GA-YO BA LA LHAG MTHONG NYE'U CHUNG 'KHYUG PA LTA BU DPYAD PAS GNAS CHA LA MI GNOD PA RNAMS NI GNAS 'GYU 'DRES PA DNGOS RED DE, RJE BLA MA'I BKA' SROL 'DI LA, MING 'DOGS LUGS KYANG GZHUNG CHEN MO'I THA SNYAD GANG YOD LAS DANG BZO'I RDZIG RDZIG MANG PO MI MDZAD, RGYAL BA'I BSTAN PA PHAN BDE'I GZHI YIN PAR SHES PA ZHIG GIS BSAMS NA DE LA DGOS PA CHEN PO MTHOD NAS GZHAN LAS LHAG PA'I DAD PA SKYES YOD DE, BSAM LONG MI 'DUG ,'DI'I SKABS KYI RNAM RTOG GI NGO BO LA BLTA LUGS NI, RNAM RTOG GANG SKYES KYANG DE'I NGO BO RTZA BA'I SEMS DANG 'BREL MED GYI SGER TSAN PA ZHIG YIN NAM SNYAM DU BLTAS PA'I TSE DE 'DRA MA YIN PAR 'PHRAL RKYEN GYI DBANG GIS BSGYUR BA MA GTOGS, SEMS SPYI'I 'CHAR TSUL LAS MA 'DAS PAR MTHONG DGOS PA YIN ZHES, BDAG GI ZUNG 'JUG BLA MA RIN PO CHES GSUNGS, DES NA 'DI LA GZHAN LA GRAGS PA'I THA SNYAD KYIS SKYONG TSUL YOD TZAM YIN PAS NA, GZHAN GRAGS THA SNYAD KYIS SKYONG TSUL ZHES BTAGS SO, ,LNGA PA RNAM RTOG RANG 'GAGS KYIS SKYONG TSUL NI, RNAM RTOG CI SKYES KYANG, MI 'GOG 'GYU BA NGOS ZIN PAR, ,BYAS TE DE YI NGO BO LA, ,'JOG PA RDZINGS KYI BYA BTZON NI, ,'PHUR BA'I DPE DANG MTSUNGS PA YIN, ,JI LTAR GZINGS NAS 'PHUR BA'I BYA ROG NI, ,PHYOGS RNAMS BSKOR NAS
SLAR YANG DER 'BAB BZHIN, ,ZHES PA JI BZHIN ZHES GSUNGS, DE YANG RNAM RTOG CI SKYES KYANG CHED DU MI 'GOG PAR 'GYU BA SKYE TSUL NGOS ZIN PAR BYAS TE, RNAM RTOG DE YI NGO BO LA RANG BABS SU 'JOG PA STE LTOS DANG MYUR DU THANG CHAD NAS RTZA BA'I SEMS THOG TU 'BAB PAS GRU RDZINGS NANG GI BYA BTZON NI 'PHUR BA'I DPE DANG MTSUNGS PA YIN TE, KHUNGS NI DO HA LAS, JI LTAR GZINGS NAS 'PHUR BA'I BYA ROG NI, PHYOGS RNAMS BSKOR NAS SLAR YANG DER 'BAB BZHIN, ,ZHES GSUNGS PA JI BZHIN NO, ,GRU NANG GI BYA ROG DANG PHUG RON LTA BU GLOD PA NA, DOGS PA'I GZHI DE BRAG YIN NA DER 'BAB, CHU SRIN YIN NA 'BAB SA MA RNYED PAR TSUR GRU NANG DU 'KHOR BA GNYIS LAS, 'DIR PHYI MA YIN PAS GONG BZHIN SEMS 'DZIN PA'I DUS SU DKAR PO SNANG NA 'GOG PA'I 'PHEN PA YOD TZAM GYIS, 'PHRAL DU DKAR PO LA 'PHRO RU BCUG NAS DE LA SEMS 'JOG PA LTA BU'I TSONG KYIS RTZE GCIG TU BLTAS PAS DE 'TSER NAS 'PHRO TSAD MED PAR NANG DU 'DU BA YIN, DES NA 'DIR NGO BO LA 'JOG PA ZHES PA NI 'JOG PA MA YIN KYANG, RTZE GCIG TU BLTA BAS 'JOG PA'I MING GIS BTAGS SO, ,'PHRO BCUG KYANG MI 'PHRO BA 'PHEN PA'I 'PHRUL YIN PAS 'GOG PA'I 'PHEN PA SEMS GNAS SGRUB PA'I SKABS SPYI LTAR NGES PAR DGOS, DPER NA DGE RGAN MKHAS PAS DGE PHRUG GIS 'TSUB BYED PA MTHONG NA, 'PHRAL DU MA BYED ZER NAS MI 'GOG PAR BSGRIMS TE BLTAS PA NA 'PHEN PA'I 'PHRUL GYIS DGE PHRUG 'TSER NAS MYUR DU RTZE 'PHRO GCOD PA DANG 'DRA GSUNGS, DE 'DRA MA YIN PAR 'PHRO BCUG PAS SEMS GNAS 'GRUB NA DA NGED RANG TSO LAS LHAG PA SU YOD, GZHUNG CHEN MO LA NANG BYAN TSUD PA'I GRUB CHEN GYI MAN NGAG 'DI RIGS LA, ZHIB TU DPYAD MA SHES NA YANG NA LOG PAR 'GYUR, YANG NA MA DAD PA SKYE NYEN CHE BAS GNAD SHES PA GAL CHE'O, ,THABS MKHAS KYI 'PHRUL GYIS RNAM RTOG RANG 'GAG LA 'GRO BAS, 'DI LA RNAM RTOG RANG 'GAGS KYI SKYONG TSUL ZHES BTAGS SO, ,GZHAN YANG SEMS GNAS SKYONG BA LA PHAN 'DOGS PA'I SGO SNA TSOGS SHES PA'I PHYIR DANG, DUS DBANG DANG BSTUN NAS RANG 'GREL LAS, GZHAN YANG DENG SANG GI GDUL BYA RNAMS KYIS SEMS KYI BZHAG
, ,THABS DRUG GI SGO NAS BSKYANGS NA GDAMS PA'I RGYAL POR 'GYUR RO, ,ZHES SPYIR 'DI TZAM GYIS GDAMS PA'I RGYAL POR MI 'BYUR YANG, DENG SANG BSKYANGS NA GDAMS PA'I RGYAL POR 'GYUR BA GSUNGS PA LTA BU'I DGONGS PA GANG YIN RNAMS NGES PAR MKHYEN PAR MDZOD, DE YANG DPER NA SPRIN DANG BRAL BA'I NYI MA BZHIN DU BYING RGOD LA SOGS PA'I GLO BUR GYI SGRIB GA-YOGS BSAL NAS 'JOG PA DANG, KHYUNG CHEN MKHA' LA LDING BA BZHIN DU RAN PA'I MTSAMS KYIS 'JOG PA DANG, RGYA MTSO CHEN PO'I 'JING BZHIN DU KHA CUNG ZAD GA-YOS KYANG GTING MI GA-YO BAR 'JOG PA DANG, BU CHUNG LHA KHANG LA BLTA BA BZHIN DU LAS DANG PO PAS THOG MAR DMIGS PA 'CHAR TSUL RAGS PAS TSIM NAS 'JOG PA DANG, NAM MKHA' LA BYA 'PHUR BA'I RJES BZHIN DU RNAM RTOG SKYES PA'I RJES MED PAR 'JOG PA DANG, RAS BAL BRDAL BA 'JAM ZHING LHOD PA BZHIN DU RNAM RTOG GI RTZUB REG DANG BRAL BAR 'JOG PA DANG BCAS DRUG GO ,SKYONG TSUL GONG BZHIN DU BSKYANGS NA 'DI RNAMS ZHOR LA 'BYUNG GI ZUR DU SKYONG MI DGOS, NGED RANG TSOS RE GNYIS SHES KYANG SNGON MED PA'I THA SNYAD RE BYED, RJE BLA MAS THAMS CAD MKHYEN NA YANG SNGON BYON GYI DGONGS PA 'GREL BA'I THA SNYAD LAS MI MDZAD, BZHAG THABS GSUM PA'I SKABS BKA' BRGYUD PA 'GA' ZHIG GRU GZINGS LA DPER BYED PA NI GRUB CHEN GYI DGONGS PA MIN NO, ,'DI DAG GI SDOM NI MTSAN LDAN GYI BLA MAS BYIN GYIS BRLABS PA'I RANG SEMS BTZAL NAS 'JOG PA'I GEGS SEL BOGS 'DON RAGS RIM ZHIG YIN PAS ZHIB CHA ZHAL LAS SHES PAR MDZOD, BZHI PA GRUB PA 'BRAS DUS KYI 'CHAR TSUL LA GNYIS, NGOS GZUNG BA DANG, NGO SPROD PA'O, ,DANG PO NI, BSKYANGS PA LAS, MNYAM GZHAG NGO BO GANG GIS KYANG, MA SGRIBS DVANGS SHING GSAL BA DANG, GZUGS CAN GANG DU'ANG MA GRUB PAS, STONG SANG NA MKHA' LTA BU DANG, CI YANG 'CHAR BAS HRIG GE BA, ,ZHES GSUNGS, DE LTAR SPYI'I SKYONG TSUL RNAMS KHONG DU CHUD NAS, 'DI NAS BSHAD PA'I SO SO'I SKYONG TSUL ZHAL SHES LTAR BSKYANGS PA GNANG DU SONG BA LAS, MNYAM GZHAG GI NGO BO DE NI GANG GIS KYANG MA SGRIBS PA DVANGS SHING GSAL BA DANG, DE GZUGS CAN GANG
DU YANG MA GRUB PAS STONG SANG NAM MKHA' LTA BU DANG 'DRA BA LA, YUL DU CI BYUNG YANG 'CHAR BAS HRIG GE BAR GNAS PA ZHIG YIN PAS, DE DUS SU GANG LA YANG YIN MIN GYI NGOS GZUNG BYED PA'I RTOG PA DANG MA BRAL YANG BRAL BA'I SEMS CHIG RKYANG GI NYAMS RAGS PA ZHIG 'CHAR RO, ,SPYIR YUL DANG YUL GYI KHYAD PAR GNYIS KYI NANG NAS YUL TZAM RIG PA SEMS DANG YUL GYI KHYAD PAR RIG PA SEMS BYUNG YIN PAS, 'DIR YANG DMIGS BYA DMIGS BYED KYI SEMS GNYIS YONG KYANG DMIGS BYA LA DMIGS BYED RTZE GCIG TU ZHUGS PA YIN, THOG MED NAS RANG SEMS GSAL RIG GI NGO BOR YOD KYANG, BAR DU RNAM RTOG GI RGYU BA RGYUN MA CHAD PAS BSGRIBS NAS RANG LA MNGON SUM DU MI 'CHAR, SEMS GNAS GRUB TSE MA SGRIBS PAR 'CHAR BAS 'DIR MA SGRIBS DVANGS SHING GSAL BA DANG, ZHES GSUNGS, RTZE GCIG PA'I SEMS GNAS DGU PA 'DI NI DRAN SHES NAR MAR MA BSTEN YANG SEMS MI RTOG PAR RANG SHUGS KYIS 'GRO ZHING SPYOD LA THAMS CAD DANG 'DRE THUB PA LTAR SNANG YANG, SHIN SBYANGS MA THOB NA DA DUNG 'DOD SEMS RTZE GCIG PA YIN PAS ZHI GNAS RJES MTHUN PA YIN GYI DNGOS MIN NO, ,DES NA 'DIR MNYAM GZHAG NGO BO ZHES GSUNGS PA YANG, MNYAM GZHAG GI SA'I RJES MTHUN TZAM NAS RTZIS PA'O, ,LUS SEMS GNYIS RANG RANG GI DGE BA'I BYA BA LA BKOL DU MI RUNG BA'I CHA GNYIS NI SO SO'I GNAS NGAN LEN YIN LA, 'DIR DE GNYIS DANG BRAL BAS SHIN TU LAS RUNG GI NANG GI LUS SEMS KYI CHA GNYIS NI SHIN SBYANGS GNYIS KYI NGO BO'O, ,DE NI TING 'DZIN THOG MA RNYED PA NAS CHA PHRA MO RE 'BYUNG YANG PHRA BAS RIG DKA' LA, MTSAN NYID RDZOGS SHING BRTAG PAR SLA BA'I SHIN SBYANGS DE SKYE BA'I SNGA LTAS NI KLAD PA LCI BEM PA SNYAM BYED PA SKYE ZHING, MI BDE BA'I LCI BA MIN PA NI DPER NA DGUN DUS SKRA GZHAR NAS MGO GRANG MOR SONG BA LA LAG PA MER BSROS NAS GLAN PA'I NYAMS LTA BU 'BYUNG GSUNGS, DE YANG LUS THOG MAR CHAGS PA NI SNYING GA DANG SPYI BO SBREL NAS CHAGS, LUS 'PHEL BA'I RIM PAS SPYI BO GYEN DU SONG BA YIN PAS SEMS SHIN SBYANGS 'DREN PA'I SPYI BO'I RLUNG LAS SU RUNG BA NA DE NAS RTAGS GSAL BAR BSTAN PA YIN, DE MA THAG SEMS SHIN SBYANGS SKYES NAS LUS SHIN SBYANGS 'DREN PA'I RLUNG LAS RUNG LUS LA KHYAB PAR BRGYUS PA NA LUS SHIN SBYANGS
, ,SKYE, DE NAS LUS SHIN SBYANGS KYI BDE BA SKYES NAS SEMS SHIN SBYANGS KYI DGA' BDE'I NYAMS CHEN PO 'BYUNG, DE'I RJES SU DGA' BA CHEN POS BSKYOD PA'I MA ZHI BA DANG BRAL BA'I ZHI GNAS BRTAN PA ZHIG THOB BO, ,SHIN SBYANGS THOB LUGS KYI GO RIM 'DI LTAR YIN PA DANG, 'DI NAS NYER BSDOGS KYIS BSDUS PA'I MNYAM GZHAG GI SA GSAR DU THOB PAR GSUNGS PA DANG, GONG DU 'DOD SEMS RTZE GCIG PA SHIN SBYANGS KYIS NAM ZIN PA NA ZHI GNAS THOB PAR GSUNGS PA DANG, YANG SHIN SBYANGS RDZOGS PAR THOB MA THOB KYI SGO NAS ZHI GNAS THOB MA THOB TU 'JOG PAR GSUNGS PA RNAMS LA NANG 'GAL MED PA'I GO BA RNAM DAG RNYED PAR MDZOD, DE NAS NYON MONGS SBYONG BA LA NUS PA SNGAR LAS LHAG PA DANG, BSAM GTAN GYI SGRIB PA LNGA PHAL CHER MI 'BYUNG BA SOGS YID BYED DANG LDAN PA'I RTAGS THOB CING, ZHI GNAS GRUB KYANG DA DUNG GOMS PA CHEN PO MED NA, MTSAN MA MED PA DANG, RNAM PAR RTOG PA MED PA DANG, NYE BAR ZHI BAR 'GYUR BA GSUM MI 'BYUNG BAS, DE LA MTSAN MA NI GZUGS SOGS YUL LNGA'I MTSAN MA LNGA DANG, DUG GSUM GYI MTSAN MA GSUM DANG, SKYES PA BUD MED KYI MTSAN MA GNYIS TE BCU LA BSHAD CING, BLO LA MTSAN MA SOGS SNANG NA NYES DMIGS DRAN NAS RJES SU MI 'BRANG BAR CI YANG MI BSAMS PAR 'JOG PA LA GOMS SHUGS BSKYED PAS, DE DAG GI SNANG BA MED PAR 'GYUR TSUL NI, DANG POR MTSAN MA SNANG YANG RANG ZHIR 'GRO ,DE NAS MNYAM PAR BZHAG PA NA MTSAN MA GANG YANG MI 'CHAR BAR SEMS RIG CING GSAL BA DANG BDE SING NGE BA TZAM GYI RNAM PA 'BA' ZHIG 'CHAR, DE NAS CI YANG MI BSAMS PAR BZHAG PAS MYONG SNANG DE YANG CHU LA CHU BUR BYUNG BA LTAR YANG YANG SKYE ZHING SKYE SA DE KHAR MYUR DU THIM PA'I NYAMS 'CHAR, DE NI RNAM RTOG MED PAR 'GYUR TSUL YIN, DA DUNG SNGAR LTAR BSKYANGS PAS MYONG RIG DANG BDE SNANG DE NYID CHED DU BKAG PA MIN PAR SHAR MA THAG NAS SHUN PA BUD PA BZHIN DU, GTANG MI BZOD PAR RANG ZHI RANG DAG TU 'GRO STE, BDE BA DANG MYONG RIG RNAMS PHRA RU
SONG BA'O, ,DE'I DUS SU MNYAM PAR BZHAG PA'I TSE RANG LUS LA SOGS PA'I SNANG BA GANG YANG MI 'CHAR BAS, LUS LA BRTEN PA'I MI BDE BA LA SOGS PAS SEMS GNAS PA'I BAR CHAD MI BYED PA YIN, SEMS NI NAM MKHA' DANG DBYER MED PAR SONG BA LTA BU'I NYAMS 'CHAR ZHING, SNYING KHA'I THAD DU RGYA KHAB BSGRENG BA LTA BU'I SDO RENG DE'I TZAM GYI 'CHAR TSUL BCAS YOD KYANG, RJES KYI TSE DE LTAR BYUNG BA MYONG STOBS KYIS DRAN PAS THA SNYAD 'DOGS KYI MNYAM GZHAG RANG DUS SU NGES PA MIN NO, ,DE LAS LANGS PA NA LUS BLO BUR DU BYUNG BA LTA BU'I NYAMS 'CHAR ZHING, ZHE SDANG SOGS RNAM RTOG SKYES PA RNAMS KYANG SNGAR DANG YE MI 'DRA BAR SHUGS ZHAN PA DANG RGYUN CHEN PO MTHUD MI THUB BO, ,DE 'DRA'I MNYAM RJES KYI SKABS RNAMS NI NYE BAR ZHI BAR 'GYUR BA'I SKABS YIN TE, GSAL NYAMS CHE BA LA RTZIG PA SOGS KYI RDUL PHRAN YANG GRANGS 'DREN THUB PA'I TSOD DANG, GNAS CHA 'THUG PAS GNYID KYI TSE YANG TING NGE 'DZIN DANG 'DRES PA SNYAM 'BYUNG ZHING, RMI LAM GYI SNANG TSONG DANG NYAMS KYI 'CHAR TSOD BYAS NA THIG PAR 'GYUR RO, ,'DI DAG NI GZUGS CAN LA DMIGS PA LAS KHYAD ZHUGS PA'I GZUGS MED SEMS LA DMIGS PA'I RNAM PAR MI RTOG PA 'CHAR TSUL NYAN SA'I DGONGS PA LTAR MDZAD PA'O, ,GNYIS PA NGO SPROD LA GNYIS, PHYIN CI LOG PA DANG, MA LOG PA ZHAL GYIS BZHES PA'O, ,DANG PO NI, DE LTAR SEMS KYI CHOS NYID NI, ,MNGON SUM LHAG GIS MTHONG MOD KYANG, ,'DI ZHES GZUNG ZHING BSTAN DU MED, ,GANG SHAR 'DZIN MED LHUG PAR 'JOG ,'DI NI SANGS RGYAS SBAR BCANGS SU, ,GTOD PA'I GDAMS NGAG YIN NO ZHES, ,DENG SANG GANGS RI'I SGOM CHEN PA, ,PHAL CHER DGONGS PA GCIG GIS SGROG ,CES GSUNGS, DE YANG SO BUD SKRA DKAR MANG BA SOGS RGAS PA'I CHOS NYID DU BYED PA BZHIN, GONG GI KHYAD CHOS DE LTAR YANG SEMS KYI KUN RDZOB PA'I CHOS NYID DE NI, MNGON SUM DU DON SPYI TZAM LAS LHAG GIS MTHONG MOD KYANG, RNAM PAR MI RTOG PAS NA MNYAM GZHAG TU 'DI'O ZHES NGOS GZUNG MED PA YIN ZHING, RJES THOB TU GZUGS CAN LTAR
, ,MYONG BA GZHAN LA BSTAN DU MED PA DANG, 'DI THOB NAS GANG SHAR 'DZIN PA SNGAR LTAR MED PAS LHUG PAR 'JOG PA SOGS, PHYI NANG GNYIS KA'I THUN MONG GI GONG MA'I YON TAN GYI SEMS RTEN BYED PA'I ZHI GNAS TZAM GYI KHYAD CHOS DE RNAMS CUNG ZAD CIG MTHONG BA NA, SPRE'US GANGS RI MA MTHONG, MAR DKROG GIS MIG PHYID ZER BA LTAR GYUR NAS, ZAB ZHI SPROS BRAL SOGS KYI BRJOD DON GNAS LUGS MTHAR THUG MNGON SUM DU MTHONG BAR 'JOG CING, LHAG PAR LUS SEMS SHIN SBYANGS KYI BDE BA'ANG, BLA MED KYI RDZOGS RIM MTHON PO'I 'KHRUL GZHIR SONG NAS, SKYONG TSUL 'DI DAG NI SANGS RGYAS SBAR BCANGS SU GTOD PA'I GDAMS NGAG YIN NO ZHES, DENG SANG GANGS RI'I KHROD KYI SGOM CHEN PAR GRAGS PA CHOS RGYUS CHUNG BA PHAL CHER DGONGS PA GCIG GIS GZHAN LA SGROGS SHING, DE YANG NGES 'BYUNG BYANG SEMS KYIS ZIN NA DUD 'GROR ZAN CHANG GCIG BYIN PA'I DGE RTZA TZAM YANG THEG PA SO SO'I LAM DU 'GYUR BAS, 'DIR YANG DE LTAR BSAMS NAS ZIN BYED KYI SGO NAS BZHAG NA CUNG DRAG MOD KYANG, 'DIR DE LTAR MA YIN PAR TING 'DZIN KHO RANG GI NGO BO'I SGO NAS YIN TSOD DE LTAR SMRA BA NI LOG PA STE, PHYI NANG GI KHYAD PAR TZAM YANG MA PHYED PA DANG, 'DI TZAM GYIS CHOG PAR BZUNG NAS LAM MI 'TSOL BA DANG, SANGS RGYAS GANG LA ZER MA SHES PAR SGRUB SLA BAR BZHAG PA'I PHYIR, DES NA RNAM PAR MI RTOG PA 'DI TZAM NI GNAS LUGS MTHAR THUG MTHONG BA'I PHYOGS NA'ANG MED DO, ,'O NA JI LTAR YIN ZHE NA, GNYIS PA NGO SPROD MA LOG PA ZHAL GYIS BZHES PA NI, DE LTA MOD KYI TSUL 'DI NI, ,DANG PO'I LAS CAN SEMS GNAS PA, ,BSGRUB PA'I RMAD BYUNG THABS MKHAS DANG, ,SEMS KYI KUN RDZOB NGO SPROD TSUL, ,YIN ZHES CHOS KYI RGYAL MTSAN SMRA, ,ZHES GSUNGS, RMONGS TSOD KYI RJES SU 'BRANGS NAS GZHAN GYIS DE LTA ZER MOD KYI, RANG LUGS SKYONG TSUL 'DI TZAM NI GONG DU BSHAD PA LTAR DMIGS PA KHYAD PAR CAN SEMS LA DMIGS PA DANG, GZHUNG DANG MTHUN PA'I MAN NGAG GI SKYONG TSUL YIN PAS DANG PO'I LAS CAN RNAMS KYI SEMS GNAS PA SGRUB PA'I
TSUL RMAD DU BYUNG ZHING THABS LA MKHAS PA DANG, SEMS KYI KUN RDZOB TZAM NGO SPROD TSUL YIN ZHES, RJE BLA MA'I BKA' SROL LA BRTEN NAS BLO BZANG CHOS KYI RGYAL MTSAN BDAG GIS RGYU MTSAN YANG DAG MTHONG BAS SMRA BA STE DAM BCA'O, ,ZHES PA'I DON YIN NO, ,'DIR SEMS KYI KUN RDZOB TZAM ZHES PA GSAL RIG TZAM LA BYED KYI, SEMS KUN RDZOB TZAM DU NGES PA LA NI SEMS BDEN STONG DU NGES PA SNGON DU 'GRO DGOS PA LAM RIM CHE CHUNG SOGS LAS GSUNGS PA LTAR SHES PA GAL CHE'O, ,GNYIS PA YUL CHOS NYID NGO SPROD TSUL LA GNYIS, BSHAD PAR DAM BCA' BA DANG, SGRUB PAS NYAMS SU LEN TSUL LO, DANG PO NI, DA NI SEMS KYI CHOS NYID LA, ,NGO SPROD JI LTAR BYA BA'I TSUL, ,SANGS RGYAS RNAMS KYI YE SHES KUN, ,NGUR SMRIG 'DZIN PA'I TSUL BZUNG NAS, ,BDAG BLO RMONGS PA'I MUN SEL BA'I, ,RTZA BA'I BLA MA'I ZHAL GDAMS DGOD, ,CES GSUNGS, DA NI ZHES PA MTSAMS SBYAR DANG SNGAR GYI ZHI GNAS TZAM DANG MI 'DRA BA'I PHYAG CHEN DNGOS STON PA'I DON YANG YIN LA, DE GANG YIN SNYAM NA SEMS NGO 'PHROD PA'I SGOM THOG NAS STONG GZHI SEMS KYI CHOS NYID LA NGO SPROD PA 'DI YIN ZHING, DE JI LTAR BYA BA'I TSUL NI, PHYOGS BCU'I SANGS RGYAS RNAMS KYI YE SHES KUN 'DUS PA'I BDAG NYID DENG 'DIR GSUM LDAN NGUR SMRIG 'DZIN PA'I DGE SLONG GI TSUL BZUNG NAS THUN MONG BA'I SNANG NGOR PAn CHEN BDAG GI BLO RMONGS MA RIG PA'I MUN PA SEL BA'I SGRON ME LEGS TSOGS KUN GYI RTZA BA'I BLA MA MKHAS GRUB SANGS RGYAS YE SHES ZHES MTSAN DON DANG MTHUN PA DE'I ZHAL LAS BYUNG BA'I DBEN SA SNYAN BRGYUD KYI GDAMS PA SNGAR DUS DBANG GIS YI GER MA 'KHOD PA PAn CHEN BDAG GIS 'DIR MYONG KHRID KYI SGO NAS YI GER DGOD PAR BYA'O ZHES PA'I DON YIN PA NI RTZA TSIG GI MDZAD BYANG DU GSAL BA BZHIN NO, ,GZHUNG 'DIR BSHAD PAR DAM BCA' BA LAN GSUM BYUNG YANG, DANG PO NI PHYAG CHEN GYI GDAMS PA SPYI STON PA'I DAM BCA' DANG, GNYIS PA NI YUL CAN SEMS NGO SPROD PA'I DAM BCA' DANG, GSUM PA NI YUL CHOS NYID NGO SPROD KYI PHYAG CHEN DNGOS STON PA'I DAM
, BCA' YIN PAS ZLOS SKYON MED DE, RANG 'GREL LAS, DA 'CHA' TSUL MI 'DRA BAS SNGON MA RNAMS DANG ZLOS PA'I SKYON MED DO ZHES GSUNGS, DAM BCA' PHYI MA'I SKABS 'DIR NI ZHI LHAG GI TSIG DON GNYIS KA'I MTSAMS MA NOR BAR NGOS ZIN PA'I DGOS PA YANG YOD DO, ,DES NA STONG NYID KYI LTA BA NI GROL BYED KYI LAM DNGOS YIN PAS PHYAG CHEN GYI DNGOS GZHI DANG, SGOM PA ZHI GNAS TZAM NI LTA BA 'TSOL BA'I THABS SAM LTA BA'I BOGS 'DON GYI YAN LAG TZAM YIN PAS PHYAG CHEN GYI DNGOS GZHI MIN YANG, GONG DU 'DI LA SBYOR DNGOS MJUG GSUM LAS ZHES PA'I SKABS ZHI GNAS DNGOS GZHIR GSUNGS PA NI SEMS DMIGS KYI ZHI GNAS TZAM PHYAG CHEN DU 'DOD PA'I GZHAN PHYOGS PA RNAMS RJES SU BZUNG BA'I PHYIR DANG, RANG LUGS LA YANG ZHI GNAS DES SEMS KYI CHOS NYID LA DMIGS NAS ZHI LHAG ZUNG 'GREL BSGOM PA'I DBANG DU BYAS PA'O, ,DE YANG RANG 'GREL DANG BSTUN NA GDUL BYA'I DBANG GIS CHOS NYID 'DI LA SPYIR DAM PA RNAMS KYIS NGO SPROD TSUL GYI DBYE BA BYAS PA MANG YANG, 'DIR DE DAG GI SNYING PO DRIL NAS BSTAN PAR GSUNGS PAS, DE NI MTHA' GNYIS RNAM PAR GCOD PA'I TSUL GZHAN DANG MI 'DRA BAS DBU MA'I LAM JI BZHIN GSAL BAR STON PA RJE 'JAM DPAL SNYING PO'I BKA' SROL 'DI YIN, DE YANG NYAMS MGUR LAS, BSAM GTAN SEMS LA DBANG BSGYUR RGYAL PO STE, ,BZHAG NA GA-YO MED RI YI DBANG PO BZHIN, ,BTANG NA DGE BA'I DMIGS PA KUN LA 'JUG ,LUS SEMS LAS SU RUNG BA'I BDE CHEN 'DREN, ,DE LTAR SHES NAS RNAL 'BYOR DBANG PO RNAMS, ,RNAM GA-YENG DGRA 'JOMS TING 'DZIN RGYUN DU BSTEN, ,ZHES GSUNGS PA LTAR GYI TING 'DZIN GRUB NAS DA NI DES CHOG ZER BA LTA BU DUS RGYUN DU SEMS DMIGS PA GCIG LA BTAGS NAS 'JOG PAS NI, ZHI GNAS KYI DGOS PA'I GTZO BO SO SOR RTOG PA'I SHES RAB KYIS CHOS KYI RNAM GRANGS KYI SGO PHYE NAS SEMS BTANG NA BTANG SA LAS GZHAN PA'I PHYOGS SU MI 'GRO BAR DGE BA'I DMIGS PA KUN LA THOGS PA MED PAR 'JUG PA SOGS MA SHES PAS DGE
SBYOR LA BOGS SHIN TU CHUNG BA YIN ZHING, KHYAD PAR DU YANG BDAG MED PA'I DON LA NUS PA YOD TSAD KYIS DPYAD NAS SKYONG BA'I JI LTA BA LA DMIGS PA'I LHAG MTHONG MED NA MI RUNG BAR SHES BZHIN DU MI BSGOM PA NI, BSAM BZHIN SRID PA BZUNG BA'I SEMS DPA' CHEN PO RNAMS KYI MDZAD PA LAS NGES PAR RGYAB KYIS PHYOGS PAR MA ZAD, RANG NYID SRID PA MTHA' DAG LAS NYIN MTSAN KUN TU THAR BAR 'DOD PA'I THEG PA DMAN PA TZAM GYI LAM LAS KYANG RING DU GOL ZHING, MDOR NA 'KHOR BA'I SA BON SPEL BA LA MCHOG TU GCES PA'I YANG BA MA SPANGS PA ZHIG GO ,DE LTAR SGOM THOG NAS LTA BA 'TSOL DGOS PAR MA ZAD, LTA BA SNGON DU RNYED PAS NI, DE'I YAN LAG TU DMIGS PA GZHAN YANG MI RGYUD PAR LTA BA DE KHA'I THOG NAS SGOM PA ZHI GNAS 'TSOL BA LA SHIN TU BSGRIMS PAR RIGS TE, YANG NYAMS MGUR LAS, RTZE GCIG BSAM GTAN TZAM LA 'KHOR BA YI, ,RTZA BA GCOD PA'I NUS PA MA MTHONG ZHING, ZHI GNAS LAM DANG BRAL BA'I SHES RAB KYIS, ,JI TZAM DPYAD KYANG NYON MONGS MI LDOG PAS, ,YIN LUGS PHU THAG CHOD PA'I SHES RAB DE, ,GA-YO MED ZHI GNAS RTA LA SKYON NAS NI, ,MTHA' BRAL DBU MA'I RIG PA'I MTSON RNON GYIS, ,MTHAR 'DZIN DMIGS GTAD THAMS CAD 'JIG BYED PA'I, , TSUL BZHIN DPYOD PA'I YANGS PA'I SHES RAB KYIS, ,DE NYID RTOGS PA'I BLO GROS RGYAS PAR MDZAD, ,CES GSUNGS, DE YANG SNGAR RTZE GCIG TU BSGOMS PAS TING 'DZIN 'GRUB PAR 'GYUR BA SMOS CI DGOS, DA NI SO SOR DPYOD PA YIS KYANG YIN LUGS STONG PA NYID LA GA-YO MED SHIN TU BRTAN PAR GNAS PA'I TING NGE 'DZIN BSKYED PAR MTHONG NAS SNGON GYI ZHI GNAS DANG, RJES KYI LHAG MTHONG GNYIS DUS GCIG TU ZUNG 'BREL BSGRUB PA LA BRTZON PA RNAMS NI SHIN TU YA MTSAN TE, YANG, RTZE GCIG GOMS PAS TING 'DZIN 'GRUB PA NI, ,SMOS PAR CI 'TSAL TSUL BZHIN DPYOD PA YI, ,SO SOR RTOG PA YIS KYANG YIN LUGS LA, ,GA-YO CHED SHIN TU BRTAN PAR GNAS PA YI, ,TING 'DZIN BSKYED PAR MTHONG NAS ZHI LHAG GNYIS, ,ZUNG 'BREL BSGRUB LA BRTZON RNAMS YA MTSAN NO, ,ZHES GSUNGS SO, ,DES NA RANG CAG 'DIR TSOGS RNAMS KYANG GNAS LUGS RTOGS PA'I ZHI LHAG ZUNG 'BREL BSGRUB PA LA
, ,BRTZON MIN GANG LTAR YANG, DA LAM LAN CIG 'CHAD CING NYAN PA NI SHIN TU YID SPRO BAR RIGS TE, RDO RJE GCOD PA LAS, BCOM LDAN 'DAS KYIS BKA' STZAL PA, RAB 'BYOR 'DI JI SNYAM DU SEMS, GANGG'A'I KLUNG GI BYE MA JI SNYED PA GANGG'A'I KLUNG YANG DE SNYED KHO NAR GYUR LA, DE DAG GI BYE MA GANG YIN PA DE DAG MANG BA YIN SNYAM MAM, RAB 'BYOR GYIS GSOL BA, BCOM LDAN 'DAS GANGG'A'I KLUNG DE DAG NYID KYANG MANG LAGS NA, DE DAG GI BYE MA LTA SMOS KYANG CI 'TSAL, BCOM LDAN 'DAS KYIS BKA' STZAL PA, RAB 'BYOR KHYOD MOS PAR BYA'O, ,KHYOD KYIS KHONG DU CHUD PAR BYA'O, ,GANGG'A'I KLUNG DE DAG GI BYE MA JI SNYED PA DE SNYED KYI 'JIG RTEN GYI KHAMS NA SKYES PA'AM, BUD MED LA LA ZHIG GIS RIN PO CHE SNA BDUN GYIS RAB TU GANG BAR BYAS TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA SBYIN PA BYIN NA, RAB 'BYOR 'DI JI SNYAM DU SEMS, SKYES PA'AM BUD MED DE GZHI DE LAS BSOD NAMS MANG DU BSKYED SNYAM MAM, RAB 'BYOR GYIS GSOL PA, BCOM LDAN 'DAS MANG LAGS SO, ,BDE BAR GSHEGS PA MANG LAGS SO, ,SKYES PA'AM BUD MED DE GZHI DE LAS BSOD NAMS MANG DU BSKYED PA LAGS SO, , BCOM LDAN 'DAS KYIS BKA' STZAL PA, RAB 'BYOR GANG GIS 'JIG RTEN GYI KHAMS DE SNYED RIN PO CHE SNA BDUN GYIS RAB TU GANG BAR BYAS TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA SBYIN PA BYIN PA BAS, GANG GIS CHOS KYI RNAM GRANGS 'DI LAS THA NA TSIG BZHI PA'I TSIGS SU BCAD PA TZAM BZUNG NAS, GZHAN DAG LA YANG DAG PAR RAB TU BSHAD DE YANG DAG PAR RAB TU BSTAN NA, DE NYID GZHI DE LAS BSOD NAMS CHES MANG DU GRANGS MED DPAG TU MED PA BSKYED DO, ,ZHES GSUNGS PAS KYANG, STON PA LA YID CHES PA YOD NA TSIM PAR 'GYUR, NYAN PA'I SNOD KYANG 'JUG PA LAS, SO SO SKYE BO'I DUS NA'ANG STONG PA NYID THOS NAS, ,NANG DU RAB TU DGA' BA YANG DANG YANG DU 'BYUNG, ,RAB TU DGA' BA LAS BYUNG MCHI MAS MIG BRLAN ZHING, ,LUS KYI BA SPU LDANG BAR 'GYUR BA GANG YIN PA, ,DE LA RDZOGS PA'I SANGS RGYAS BLO YIS
BON YOD, ,DE NYID NYE BAR BSTAN PA'I SNOD NI DE YIN TE, ,DE LA DAM PA'I DON GYI BDEN PA BSTAN PAR BYA, ,DE LA DE YI RJES SU 'GRO BA'I YON TAN 'BYUNG, ZHES GSUNGS PA LTAR GYI PHYI'I LUS KYI MTSAN MA DE RNAMS KYANG STONG NYID KYI GTAM PHYIN CI MA LOG PA THOS PA DANG, THOS DON GO BA GNYIS TSOGS NAS BYUNG NA SNOD LDAN GYI RTAGS MI 'KHRUL BA YIN GYI, DON MI GO BA DANG, GO YANG PHYI'I MTSAN MA DE RNAMS MI SKYE NA RE ZHIG ZAB MO'I SNOD DU MA NGES PAR 'JUG t'IK TU GSUNGS 'DUG PAS, DA LTA NI KHYED NYAN PA PO RNAMS LTA CI, BDAG 'CHAD PA PO RANG LA'ANG 'DI 'DRA'I RTAGS DANG LDAN PA DKA' ZHING, LHAG PAR DENG DUS BDAG 'DRA BA THAMS CAD NI THOG MED NAS SDUG LAS RGYUN MI 'CHAD DU BYAS PAS DA DUNG MA TSIM PAR, LUS MCHOG LAN CIG RNYED PA 'DI LA YANG 'JIG RTEN 'DI'I BYA BZHAG LEGS NYES HA LAS PA ZHIG MTHONG ZHING THOS NA, MIG GI MCHI MA DANG LUS KYI SPU LDANG GIS KYANG MI TSAD PA'I RTAGS MTSAN MANG PO 'DON PA LAS MA 'DAS PAS, ZAB MO STON PA'I YUL LAS 'DAS KYANG, DA LAM NI CHOS 'DI MI MOS NAS SPONG BA DANG, MOS PA LTAR SNANG YOD KYANG RIGS PAS RGYU 'BRAS THAMS CAD BKAG PAR GO BA'I SNONG MI RUNG GI SKYON CAN GNYIS DANG BRAL BA'I DBANG DU BYAS SHING, LHAG PAR 'JUG t'IK LAS, MOS PA YOD PA'I JI LTA BA BZHIN MI GO BA LA YANG, RTEN 'BREL GYI NGES PA LA MI GNOD PA'I THABS BYAS NAS BSHAD PAR BYA'O ZHES DANG, BLA MA DAM PA'I BSGO BA LAS MI 'DA' NA, STONG NYID RTOGS PA'I RIGS NUS MANG PO GSAR DU 'JOG PA'I SNOD DU RUNG NGO ZHES GSUNGS PA LTAR, BLA MA'I BKA' BSGRUB DANG, CHOS ZAB MO LA MOS PA CHE BA'I KUN SLONG MA MTHA' RE NGES PAR MDZAD DGOS, DE LTAR SNOD LDAN LA ZAB MO BSTAN NA NYEN MED PAR MA ZAD, SKYE BA GZHAN DU YANG LTA BA DE DANG BRAL GYIS DOGS NAS ZAB MO THOS PA DE'I RJES 'GRO'I YON TAN RGYA CHE BA 'DI LTAR RANG SHUGS KYIS BSGRUB PA 'BYUNG STE, 'DUG PA LAS, RTAG TU TSUL KHRIMS YANG DAG BLANGS NAS GNAS PAR 'GYUR, ,SBYIN PA GTONG BAR 'GYUR ZHING SNYING RJE BSTEN PAR BYED, ,BZOD PA SGOM BYED DE YI DGE BA BYANG CHUB TU, ,'GRO BA SGROL BAR BYA PHYIR YONGS SU BSNGO BYED CING, RDZOGS PA'I BYANG CHUB SEMS
, ,DPA' RNAMS LA GUS PAR BYED, CES GSUNGS PA LTAR, ZAB MO'I CHOS JI TZAM THOS SHING BSAM PA TZAM GYIS RGYA CHE BA'I PHYOGS RNAMS SNGAR LAS KYANG LHAG PAR SKYONG BA ZHIG YONG YANG YONG LA, BYUNG NA GO BA GNAD DU SONG BA'I RTAGS MA NOR BA YIN, 'DIR SEMS KYI CHOS NYID LA NGO SPROD BYED PAR GSUNGS PA DANG, RGYA BOD KYI MKHAS GRUB MANG POS SEMS CHOS THAMS CAD KYI RTZA BA LTA BUR GSUNGS PA MANG PO MTHONG NAS, CHOS THAMS CAD SEMS YIN ZER BA DANG, SEMS LAS GZHAN PA'I CHOS MED ZER BA LA NGO YANG MI TSA BAR LTA BA MTHON POR BYED PA MANG YANG, DE 'DRA PHAL CHER NI TSIG SKYON TZAM MIN PA'I BLO LA DON GYI 'CHAR TSUL RANG MA LEGS PA'I RTAGS YIN TE, LTA BA LA DBU SEMS KYI LTA BA MCHOG YIN ZHING, DE 'DRA DBU SEMS KYI SLOB DPON SUS KYANG MA GSUNGS, KHYAD PAR SEMS TZAM PA DANG MTHUN PA LA NI, MA MTHA' 'DI TZAM BLO LA 'CHAR DGOS TE, 'JUG PA LAS, GZUNG BA MED PAR 'DZIN PA MA MTHONG ZHING, ,SRID GSUM RNAM SHES TZAM DU RAB RTOGS PAS, SHES RAB LA GNAS BYANG CHUB SEMS DPA' DES, ,RNAM SHES TZAM DU DE NYID RTOGS PAR 'GYUR, ,JI LTAR RLUNG GIS BSKUL BA'I RGYA MTSO NI, ,CHE LAS CHU RLABS 'BYUNG BA DE BZHIN DU, ,KUN GYI SA BON KUN GZHI ZHES BYA LAS, ,RANG GI NUS PAS RNAM SHES TZAM ZHIG 'BYUNG, ,ZHES GSUNGS PA LTAR, SEMS LA RANG LAS RDZAS GZHAN GYI GZUNG BA MED PAR DER 'DZIN PAR BYED PA MA MTHONG ZHING, SRID PA KHAMS GSUM RNAM SHES TZAM DU RAB TU RTOGS PAS TE, GNYIS STONG GI DE KHO NA NYID LA YUN RING GOMS PAR BYAS PAS NA, SHES RAB KYI PHAR PHYIN LHAG PA LA GNAS PA'I BYANG SEMS SA DRUG PA BA DES, PHYI DON MED PAR RNAM SHES KYANG RTEN 'BYUNG TZAM DU RTOGS PA'I PHYIR NA, RNAM SHES TZAM DU NYID RTOGS PAS NI LUGS 'DI'I STONG NYID RTOGS TSUL THUN MONG MA YIN PA'O, ,PHYI ROL MED PAR DE'I RNAM PA CAN GYI SEMS TZAM JI LTAR SKYE BAR 'GYUR ZHE NA, DPER NA RGYA MTSO CHEN PO RLUNG GIS BSKUL BA LAS CHU RLABS 'BYUNG BA DE BZHIN DU, PHYI NANG GI
DNGOS PO KUN GYI SA BON THAMS CAD PA KUN GZHI ZHES BYA BA LAS, CHAGS SOGS DANG, DAD SOGS 'GAG BZHIN PAS RANG 'DRA'I NUS PA KUN GZHI DE LA BZHAG PA'I BAG CHAGS SMIN PA LAS DER 'DZIN GYI RNAM SHES TZAM ZHIG 'BYUNG BA LA, BYIS PA RNAMS GZUNG 'DZIN PHYI NANG DU RGYANG CHAD PAR 'DZIN PAS 'KHOR GYI, RNAM SHES LAS RDZAS THA DAD PA'I GZUNG PA MED PAR GOMS NA GROL BAR 'GYUR RO, ,ZHES PA'I DON YIN, DES NA GO SLA BAR BYED NA PHYI ROL GYI SNANG BA THAMS CAD RANG DANG MTHUN PA'I NANG GI SA BON RE LA RAG LAS, SA BON DE THAMS CAD 'DZIN MKHAN GYI RNAM SHES DE TSOGS DRUG LAS ZUR DU KUN GZHI'I RNAM SHES YIN ZHES GSUNGS, THAL 'GYUR BA'I SKABS 'DIR KUN GZHI 'DI LTAR ZHAL GYIS MI BZHES KYANG, MDO GZHAN NAS KUN GZHI 'DI LTAR GSUNGS PA'I DGOS PA NI, DBANG PHYUG LA SOGS PA 'JIG RTEN GYI BYED PA POR SMRA BA'I MU STEGS KYI LTA BA LA YUN RING POR GOMS PA'I 'GRO BA MANG PO KHA DRANG BA'I PHYIR DU YIN ZHING, DGONGS GZHI YANG CHOS KUN LA KHYAB PA'I STONG NYID LA DGONGS PAR GSUNGS PAS STONG NYID LA KUN GZHI'I MING 'DOGS PA 'THAD CING, GZHUNG CHE BA 'GA' ZHIG TU SKABS THOB KYIS SEMS GSAL RIG TZAM LA KUN GZHI'I MING GIS GSUNGS PA YANG BYUNG NGO, ,SNOD KYI 'JIG RTEN LA SOGS PA PHYI'I DNGOS POR BZHED PAS SEMS TZAM PA'I LUGS LA GZUGS SOGS TRANG CAG LA SNANG BA 'DI DAG MED PAR BZHED PA DANG, YOD KYANG SEMS YIN PAR BZHED PA GTAN NAS MIN, 'DI DAG LA DPYAD SHES NA THOG MA'I DUS SU DA LTA SNANG MUS KYI GZUGS SOGS 'DI DAG DBU MA'I LUGS KYI BDEN GRUB DANG, SEMS TZAM PA'I LUGS KYI PHYI DON TE SO SO'I LUGS KYI DGAG BYA DE RANG YIN PAR MTHONG NAS, DGAG BYA BKAG NA GZUGS SOGS 'JOG MI SHES, GZUGS SOGS BZHAG NA DGAG BYA YANG 'JOG DGOS PA'I BLO MI BDE BA'I NYAMS SHAR DGOS TE GRUB MTHA' GNYIS KA'I DKA' GNAD CHE SAR SONG BAS, DE BYUNG NA BAR DU 'GAL 'DU SEL BA'I LUNG RIGS LA BRTZON PAS MJUG T
, ,SO SO'I LUGS KYI SNANG STONG ZUNG 'JUG GI LTA BA RNAM DAG RNYED PA'I RTAGS MA NOR BA BSAM GYIS MI KHYAB PA ZHIG STE, DENG DUS RNAL 'BYOR LA BRTZON PA 'DRA BA CUNG ZAD SRID PA RNAMS NI RNAM DBYE LA MI MKHAS SHING, GZHUNG LUGS LA SBYANGS PA CHE BA PHAL CHER YANG MIG GIS BLTAS NAS MTHA' BCAD PA'I GO BA RAGS PA TZAM GYIS TSIM NAS THA SNYAD NGAN PA MI 'DOGS PA LA CUNG DRAG KYANG, DE'I MJUG TU MIG BTZUMS NAS SEMS LA 'CHAR SGO MI BDE BA RTZAD NAS GCOD PA SRID MTHAR SNANG BAS DBU SEMS KYI LTA BA RNYED DKA' PA YIN GYI MED MED SNYAM PA'I LTA BA LA DKA' RGYU CI YOD, GZUGS SGRAL SOGS PA THA SNYAD GANG YOD LA GSAR DU MA BCOS PAR THA SNYAD DE KHAS BYA BA BYED DU 'JUG PA NANG PA SANGS RGYAS PA'I GRUB MTHA' SPYI'I LUGS YIN, GZHI GCIG GI STENG DU YANG BDEN 'DZIN GYI 'KHRUL PA'I SNANG CHA PHRA RAGS CHA TSANG BA RE YOD, DE'I RIGS RIM NAS GRUB MTHA' 'OG MAS SEL, PHRA MO THAL 'GYUR BAS BSAL BAR MDZAD PAS LTA BA MCHOG DMAN GYI RIM PA DANG, SNGA MA PHYI MA'I GROGS DANG, LUNG RTOGS KYI CHOS GZHAN THAMS CAD MCHOG GI LTA BA 'DI'I THOG TU 'BAB CING GZHOL LUGS DANG BCAS PA 'DI'I KHONG NAS GO DGOS PA YIN PAS, SEMS TZAM PA'I LUGS KYI DGAG BYA PHYI DON 'DZIN LUGS KYANG, RAGS PA TZAM BYED NA RANG CAG LA SNGON PO SNANG BA NA, DON DU SEMS SNGON PO SOGS SU SNANG BA YIN PA LA, SNGO SNANG DE KUN GZHI'I STENG GI SNGO 'DZIN GYI SA BON SMIN PA LAS BYUNG BAR MA RTOGS NAS, DE LAS GZHAN PA'I PHYI ROL ZHIG TU 'DZIN PA YIN TE, 'JUG PA LAS, 'DI NA DBANG PO LAS BYUNG RNAM PAR RIG ,PHYI GZUNG MED PAR RANG GI SA BON LAS, ,SNGO SOGS SNANG NYID 'BYUNG BAR MA RTOGS NAS, ,SKYE BOS PHYI ROL GZUNG BAR SEMS KHAS LEN, ZHES GSUNGS, DES NA 'KHRUL GZHI SNGON PO DE, SNGO 'DZIN LAS RDZAS THA DAD PA'I KUN BRTAGS DES STONG PAR MTHONG BA NA, STENG GZHI GZHAN DBANG SNGON PA DANG STONG PA YONGS GRUB GNYIS LHAG
MAR LUS PAS NA, GZHAN DBANG DANG YONGS GRUB GNYIS BDEN PAR YOD PA DANG, KUN BRTAGS BDEN MED DU 'JOG PA'I DON YANG DE YIN, KUN GZHI LA MIG DBANG GZUGS CAN DU SNANG BA LUGS 'DIR MIG DBANG DU 'JOG PAS, RNAM SHES SNGON POR SNANG BA SNGON PO'I MTSAN GZHIR GO NAS SNGO 'DZIN GYI BAG CHAGS SMIN PA LAS SNGO 'DZIN SKYES PA TZAM MA GTOGS, DA LTA'I SNANG TSONG KYI SNGON PO 'DI LTAR MED PAR GO DGOS, SEMS SNGO SOGS SU SNANG BA'I DON YANG DE YIN GYI SEMS SNGON PO YIN PAR KHAS LEN CING 'DZIN DU RUNG BA'I DON MIN, DES NA SNGON PO LA SOGS PA'I PHYI'I DNGOS PO THAMS CAD NANG NAS BYUNG BAS SEMS KYI SNANG BA SHA STAG LAS PHYI ROL RANG NAS GRUB PA'I GZUNG DON MED DE, SA BCU PA'I MDO LAS, 'DI LTA STE, KHAMS GSUM PO 'DI NI SEMS TZAM MO, ZHES GSUNGS PA'I PHYIR SNYAM DU DGONGS SO, ,DES NA SEMS TZAM YIN PA'I DON SEMS TZAM PA RANG GI 'DOD LUGS KYANG DE LTAR YIN, RANG LUGS 'DIR, SA BCU PA'I MDO'I TZAM GYI SGRAS PHYI DON MI 'GOG KYANG, SEMS LAS GZHAN PA'I BYED PA PO 'GOG CING, MDO DE LAS YAN LAG BCU GNYIS PO THAMS CAD KYANG SEMS GCIG LA BRTEN PAR GSUNGS PAS, GONG GI TZAM SGRA DE NYID KYIS DGAG PHYOGS NAS BYED PA PO GZHAN BKAG PAR MA ZANG SGRUB PHYOGS NAS SEMS TZAM ZHIG 'CHING PHROL GYI RGYU'I GTZO BOR BZHAG PAR YANG BZHED DO, ,DES NA SKABS 'DIR SEMS KYI STENG NAS NGO SPROD MDZAD PA'I DGONGS PA'I GTAD SO YANG 'DI DAG LA THUG GO ,NGO SPROD KYI DON YANG NGO THOG GANG YIN PA LA SEMS SPROD PA YIN, DES NA BYANG CHUB LAM RIM GYI BSHES GNYEN BSTEN TSUL NAS ZUNG 'JUG GI BAR GYI GDAMS NGAG THAMS CAD NGO SPROD KYI GDAMS PA SHA STAG YIN, NGO THOG MIN PA LA YIN PAR BCOS PA GCIG KYANG MED, DPER NA BSHES GNYEN YON TAN CAN DANG BKA' DRIN CAN DUS RGYUN NAS YIN PA LA, RANG GIS DE LTAR MA SHIS PA'I SKYON BSAL NAS SEMS DAD GUS KYI NGO BOR BSKYED PA LTA BU YIN, MI RTAG PA DANG STONG NYID THAMS CAD GANG ZAG RANG RANG GI BLO NGOR
, ,GSAR DU SGRUB PA'I RNAM GZHAG BYAS PA MA GTOGS, YUL KHO RANG SNGA MO NAS MI RTAG PA DANG BDEN GRUB KYIS STONG STONG PA DE KHA YIN PAR MA GO NA JI TZAM SGOM LO BYAS KYANG, RJES THOG TU PHAN MI THOG PA ZHIG YONG NYEN CHE, DPAL CHOS KYI GRAGS PAS, DMIGS PA MNGON SUM MA YIN NA, ,DON MTHONG RAB TU 'GRUB MI 'GYUR ZHES DON GYIS GSUNGS PA LTAR DANG, GZHAN YANG LANG GSHEGS LAS, PHYI DON MED PAR SEMS TZAM DU GSUNGS PA YANG, PHYI ROL GYI GZUGS LA SHIN TU CHAGS PA BZLOG PA'I CHED DU YIN PAS DRANG DON NYID YIN TE, 'JUG PA LAS, MDO SDE GANG LAS PHYI ROL SNANG YOD MIN, ,SEMS NI SNA TSOGS SNANG NGO ZHES GSUNGS PA, ,GZUGS LA SHIN TU CHAGS GANG DE DAG LA, ,GZUGS BZLOG PA STE DE YANG DRANG DON NYID, CES GSUNGS, THAL 'GYUR BA'I SKABS 'DIR RJE 'JAM DBYANGS BZHAD PAS CHOS THAMS CAD PHYI DON YIN PAR GSUNGS, RJE BYAMS SMON GYIS 'JIG RTEN GYI THA SNYAD DANG BSTUN NAS NANG GI SHES PA MA GTOGS PA'I CHOS THAMS CAD PHYI DON DU BZHED PA YIN ZHES SKYABS MGON KHRI CHEN NGAG DBANG SNYAN GRAGS KYIS GSUNG NGO, ,GNYIS PA SGRUB PAS NYAMS SU LEN TSUL LA GNYIS, LHAG MTHONG GI TSOGS BSTEN PA DANG, LHAG MTHONG SGOM PA'I TSUL LO, ,DANG PO NI, SKYES BU DAM PA LA BRTEN PA DANG, DE LAS CHOS THOS PA BTZAL BA DANG, TSUL BZHIN DU SEMS PA RNAMS YIN LA, BLA MA LAS CHOS THOS NAS DE KHA TSUL BZHIN DU SEMS PA'I DON YIN PAS, 'DI GSUM LA 'BREL PA CAN GYI TSOGS GSUM ZER PA YIN, STONG NYID RTOGS PA'I LHAG MTHONG GI RGYU'I TSOGS MED MI RUNG NI, NGES DON GYI LTA BA RNAM DAG RNYED PA DANG, ZHI GNAS THOB PA GNYIS YIN PA LAS, ZHI GNAS THOB TSAR BA'I DBANG DU BYAS NAS LTA BA 'TSOL BA YIN PAS, BLA MA YANG RJE BTZUN 'JAM PA'I DBYANGS DANG DBYER MED DU BYAS NAS BSTEN, DE LAS CHOS KYANG NGES DON GYI GZHUNG CHEN MO RNAMS NYAN ZHING, DE'I DON YANG NAS YANG DU SEMS PAR BYED PA DANG, 'DI LA CHENG DMIGS KYI TSOGS GSOG PA DANG, SDOM KHRIMS BSRUNG BA BCAS SNGAR LAS LHAG PA
RGYUN DU BYED DGOS TE, BLO SBYANGS MED NA RI MO'I MAR ME 'DRA, ,TSOGS GSOG MED NA BRLAN MED SA BON 'DRA, ,SDOM KHRIMS MED NA BDAG MED GTER DANG 'DRA, ,ZHES GSUNGS, LHAG PAR SNYIGS DUS SU GYUR PAS NA BLA MA LHA'I BSRUNG 'KHOR DU TSUD PA GAL CHE'O, ,GNYIS PA LHAG MTHONG SGOM PA'I TSUL LA GNYIS, DGAG BYA PHRA MO NAS NGOS 'DZIN PA DANG, BDAG MED BSGOM PAS BTAGS YOD 'GRUB TSUL LO, ,DANG PO NI, SNGAR GYI MNYAM GZHAG NGANG NYID LAS, ,MA GA-YOS DRANGS PA'I CHU NANG DU, ,JI LTAR NYE'U CHUNG 'KHYUG PA LTAR, ,PHRA MO'I SHES PAS SGOM PA PO'I, , SKYES BU'I RANG BZHIN MDZANGS PAR BRTAG ,CES GSUNGS, SNGAR GYI MNYAM GZHAG GI NGANG NYID LAS MA GA-YOS PAR BRTAG SHES PA'I TSUL NI, DPER NA MTSO MI 'GUL BAR NYA CHUNG 'KHYUG PA LTAR, PHRA MO'I SHES RAB KYIS SGOM PA PO'I SKYES BU STE NGA'I RANG BZHIN RTAG TU 'CHAR BA DE, ,GZHAN DANG MA NOR BAR BRTAG NAS NGOS GZUNG ZHES PA'I DON YIN, DPE LA NYA CHUNG SMOS PA LTAR PHRA MO'I SHES PAS ZHES PA BLO'I ZUR PHRA MOS BRTAG PA'I DON YANG YIN MOD DE, GTZO BO NI BDE SMON LAS, KUN NAS NYON MONGS PA DANG RNAM PAR BYANG BA'I CHA SHAS PHRA ZHING PHRA BA RNAMS JI LTA BA BZHIN DU MA 'DRES PAR 'BYED NUS PA'I SHES RAB GSAL BA THOB PAR GYUR CIG ,CES GSUNGS PA LTAR GYI SHES RAB PHRA BA DE LA BYED DGOS, DES NI YUL MA 'DRES PAR 'BYED PAS MDZANGS PAR BRTAG TSUL YANG DE YIN, RANG BZHIN ZHES PA'I MING GI RNAM GRANGS LA, SO SKYE'I BLO LA RTAG TU SHAR BA'I RANG BZHIN MI BDEN PA DANG, 'PHAGS PA LA RTAG TU 'CHAR BA'I RANG BZHIN BDEN PA GNYIS LAS, DANG PO NI, DGAG BYA BDEN GRUB LA BYED CING, 'DI'I SKABS KYI NGOS GZUNG RGYU'I SKYES BU'I RANG BZHIN YANG 'DI LA BYED, GNYIS PA NI DGAG BYA'I RANG BZHIN DE GTAN NAS MED PA'I BDAG MED LA BYED DGOS PAS, RANG BZHIN ZER TSAD STONG NYID LA GO MI NYAN, DGAG BYA 'DI MA NOR BA MIG GIS MTHONG LAG PAS BZUNG THUB PA'I TSOD MA BYUNG BAR DU BLO GCIG TU SGRIL NAS BLTA DGOS, NOR MA NOR YANG GZHUNG CHEN MO DANG BSTUN PA'I NYAMS MYONG CAN GYI BLA MA'I MAN NGAG ,
, ,KHO NAS 'BYED DGOS PA YIN, 'DI'I DGOS DGOS RNAMS RANG LA MYUR DU NGES PAR DGOS PA ZHIG YIN PAR NANG NAS THAG MCHOD NA JI TZAM SHES PA YANG SDUG BSNGAL GYI RGYUR 'GYUR NA MA SHES PA RNAMS LTA CI SMOS, DES NA DGAG BYA 'DI RANG STENG NAS NGOS 'DZIN DGOS PA NI, MDOR BSDU NA STONG NYID RTOGS DGOS PA LA THUG ,DE NI 'KHOR BA LAS GROL DGOS PA LA THUG ,DE NI SDUG BSNGAL GYI RANG BZHIN LAS MA 'DAS PA LA THUG PAS NA, LAM GONG MA RNAMS LA THUD MA SHOR TZAM GYI NGES SHES YOD NA NI, LAM RIM CHE CHUNG DANG, RTZA 'JUG t'IKA CHEN GNYIS SOGS NAS 'DI DAG GI 'BREL CHAGS PA'I GO BA 'DON LUGS DANG, DMIGS RNAM 'CHAR TSUL LUNG RIGS KYIS MTHA' CHOD PAR GSUNGS PA RNAMS DA NGES PAR MKHO BA'I DUS YIN PAS, DE DAG LA SNGON SBYANGS DANG MA SBYANGS THAMS CAD KYIS GZHUNG DON BSGOM PA'I KUN SLONG RNAM DAG GIS THOS BSAM NAN TAN MDZAD NA, MIG ZUM ZUM TZAM GYIS BLUN PO NGO MTSAR BSKYED PA'I TOM SGOM DANG MI 'DRA BA'I RGYAL BA SRAS BCAS DGYES PA'I MCHOD SPRIN SPRO BA LA MTHU RTZAL 'DON LUGS GZHAN DANG MI 'DRA BA 'BYUNG NGES LAGS PAS, DA RES RIN CHEN GLING DU LAN CIG 'BYOR PA 'DI LA, TSE 'DI'I DBANG DU SHOR BA'I DON LOG DANG, MTHO RIS TZAM GYI DON CHUNG DANG, ZHI BDE TZAM GYI DON DMAN PA DANG MA 'DRES PAR NGES 'BYUNG BYANG SEMS YANG DAG PA'I LTA BA GSUM SGRIL GYI SGO NAS RNAM RTOG MI MNGA' BAR 'GRO DON BYED PA'I RIN CHEN DBANG GI RGYAL PO MYUR DU LON PA ZHIG CI NAS MDZAD DGOS, DA NI GZHUNG DON GSUNG RAB KYI BRDA TSIG GIS BCINGS PA NYAMS MYONG GIS RNAM PAR BKROL NAS BKA' STZAL PA DANG BSTUN NA, DE YANG RNAM 'GREL LAS, GANG ZHIG BDAG MTHONG DE LA NI, ,NGA ZHES RTAG TU ZHEN PAR 'GYUR, ,ZHEN PAS BDE LA SRED 'GYUR TE, SRID PAS SKYON RNAMS SGRIB PAR BYED, ,YON TAN MTHONG BAS YONGS SRED PA, ,NGA YI ZHES DE'I SGRUB BYED LEN, ,DES NA BDAG LA MNGON CHAGS PA, ,DE SRID DE NI 'KHOR BAR 'GYUR, ,ZHES GSUNGS PA LTAR, THOG
MAR BDAG MTHONG NAS 'DZIN, DE NAS BDAG DANG MI 'BRAL BAR 'DOD PA'I SRED PA SKYE, DE NAS BDAG GI BDE BA DON GNYER GYI SRED PA SKYE, DE NAS BDE BA DE PHAR SGRUB DGOS PAR MTHONG BAS SGRUB BYED KYI BDAG GI BA LA SRED PA SKYES NAS LAS BSAGS, LAS KYIS 'KHOR BAR SKYE BAR KLU SGRUB YAB SRAS LA SOGS PA SLOB DPON THAMS CAD DGONGS PA GCIG DANG MGRIN GCIG GIS GSUNGS, DE LTAR BSHAD PA NA 'GOR BA MA GTOGS, YONG RGYU SE GOL GTOGS PA GCIG GI YUN LA CHA TSANG RGYUN MA CHAD PAR 'KHOR BA YIN PAS, THOG MA'I BDAG 'DZIN DE SUN MA PHYUNG BAR LAM GZHAN GANG GIS KYANG 'KHOR BA LAS MI GROL, THOG MA'I BDAG 'DZIN ZER BA 'KHOR BA LA THOG MA YONG PA'I DON MIN, YAN LAG BCU GNYIS KYI THOG MA'I LHAN SKYES KYI MA RIG PA LA ZER BA YIN, DE SUN PHYUNG BA'I DON YANG, KHOS GANG YOD SHAGS BYAS PA DE MED PAR SHES PA LA ZER, DE YANG MED SNYAM NAS BSDAD PAS MI YONG, YOD MED RTZAD BCAD NAS MED PAR THAG CHOD PA DPER NA RANG GI GNAS KHANG DU MUN SA SRIB LA SDIG PA RA CAN MTHONG BA'I NYAMS BYUNG NAS 'JIGS PA NA MA BLTAS PAR MED SNYAM NAS BSDAD PAS MI YONG, SGRON ME SBAR, MIG GDANGS NAS BLTAS PAS MED PAR THAG CHOD PA NA, DE'I 'JIGS PA 'KHOR BCAS RTZA BA NAS BZLOG PA DANG 'DRA, DA LTA RANG CAG LA SNANG BA'I BDAG 'DI YOD NA 'DZIN PAR RIGS KYANG 'DI LTAR MED PA YIN, DES NA SNANG BA RANG MTSAN 'DI GTAN MED DU NGES PA'I YAN LAG TU, THOG MAR RANG RGYUD PA'I LUGS KYI BDEN PAR GRUB TSAD DES NA, LUGS 'DI'I DGAG BYA LHAG MED DU NGES PA LA PHAN CHE BAS DE'I TSUL NI DA LTA'I SNANG BA RANG MTSAN PA'I CHOS THAMS CAD GANG LA YID GTAD PA NA RANG RANG GI CHA SHAS DANG NGO BO THA DAD DU SNANG YANG, THA DAD DES STONG PA'I SNANG STONG GNYIS TSOGS KYI SGYU MA LTA BU SHA STAG YIN LA, DE 'DRA DE GLO BUR GYI 'KHRUL RGYUS MA BSLAD PA'I BLO GNOD MED LA SNANG BA'I DBANG GIS BZHAG PA'I BRDZUN PA'I SDOD LUGS TE, KUN RDZOB TZAM DU GRUB PA LA MI 'GAL YANG, BLO'I DBANG GIS BZHAG PA MA YIN PAR DON GYI SDOD LUGS SU YOD
, ,PA'I BDEN GRUB LA SHIN TU 'GAL TE, BDEN PAR GRUB NA RNAM PA THAMS CAD DU BRDZUN PA SPANGS TE GNAS DGOS PA'I PHYIR NA, SNGAR BSHAD PA'I SGYU MA LTA BU'I SNANG TSUL DANG GNAS TSUL MI MTHUN PA DE 'DRA MI SRID PAR 'GYUR, CHOS RNAMS RANG GI CHA SHAS DANG NGO BO THA DAD DU SNANG BA'I BLO DE YANG MA 'KHRUL PAR 'GRO DGOS PAS, NGO BO GCIG MA YIN PAR 'GYUR ZHING, DE LTAR NA 'BREL MED DU SONG BAS GNOD PA DU MA 'BAB PAR MTHONG NAS CHOS THAMS CAD BDEN PAR MED CING BLOS BZHAG TZAM DU ZHAL GYIS BZHES SO, ,'ON KYANG THAL 'GYUR BA DANG MI 'DRA BA NI, SGYU MA'I SPRUL GZHI RTA GLANG DU SNANG BA BLO'I DBANG GIS BZHAG KYANG, SPRUL GZHI RANG GI NGOS NAS KYANG RTA GLANG DU SNANG BA MI 'GAL BA BZHIN DU, CHOS RNAMS BLO'I DBANG GIS BZHAG KYANG, RANG NGOS NAS YOD PA MI 'GAL BAR BZHED DO, , DES NA THAL 'GYUR BAS RIGS PA'I DGAS BYA PHRA MOR BYED PA'I DA LTA RANG CAG LA SNANG TSUL LTAR GYI CHOS 'DI RNAMS MED NA THA SNYAD KYI RNAM GZHAG THAMS CAD BYA SA MED PAR SEMS TZAM PA LA SOGS PA'I GRUB MTHA' 'OG MA GZHAN GYIS 'DOD PA LTAR RANG RGYUD PA 'DIS KYANG DGONGS NAS, CHOS THAMS CAD RANG GI NGOS NAS YOD PA DANG, RANG GI MTSAN NYID KYIS GRUB PA DANG, RANG BZHIN GYIS GRUB PA BCAS YIN YANG, YIN TSUL DE BLO LA SNANG BA'I DBANG GIS BZHAG PA MIN PAR CHOS DE RNAMS KYI SDOD LUGS RANG YIN NA, RANG LA YID GTAD PA'I BLO LA RANG NYID RANG GI CHA SHAS DANG NGO BO THA DAD DU MI SNANG DGOS PA LA, DE LTAR SNANG BA NI BSNYON DU MED PAS NGO BO THA DAD DU 'GYUR, DE LA BRGYUD NAS MNGON SUM GYI GNOD PA MANG PO 'JUG PA GZIGS NAS, CHOS THAMS CAD BDEN PAR MED PA DANG, DON DAM PAR MED PA DANG, YANG DAG TU MA GRUB PAR BZHED, STONG NYID SHIN TU PHRA BA LA BKRI BA'I THABS MKHAS CHEN PO YIN GSUNGS, MDOR NA CHOS RNAMS RANG GI NGES NAS MED NA RANG GI BYA BA THAMS CAD NYAMS PAR DGONGS NAS, RANG GI NGO BOS YOD PA SOGS GSUM DU BZHED CING, YOD TSUL DE KHA YANG BLO'I
DBANG GIS ZHOG MI DGOS PA'I BDEN PA ZHIG YIN NA, RANG GI CHA SHAS DANG NGO BO THA DAD DU SNANG BA LTAR GYI SDOD LUGS SU 'GRO DGOS PAS, BDEN PA SOGS GSUM DU MA GRUB PAR BZHED DO, ,DES NA 'DI'I BLOS BZHAG BRDZUN PA'I 'GRUB LUGS NI BLO RANG DGA' BA LA DE LTAR GRAGS PA TZAM YIN GYI, DBU MA PA 'DOD PA'I BRDZUN PA DANG DON MI GCIG PAS, THAL RANG GNYIS KYIS DGAG BYA PHRA MO BDEN GRUB LA BYED PA'I TSIG TZAM 'DRA YANG, BLO'I NGOR MI 'DRA BA CHEN PO 'ONG GSUNGS, THAL 'GYUR BA'I SKABS 'DIR NI NYE BAR 'KHOR GYIS ZHUS PA LAS, SNA TSOGS YID DGA' ME TOG KHA BYE ZHING, ,GSER GYI KHANG MCHOG 'BAR BA YID 'ONG BA, ,'DI NA DE LA'ANG BYED PO 'GA' MED DE, ,DE DAG RTOG PA'I DBANG GIS BZHAG PA YIN, ,RTOG PA'I DBANG GIS 'JIG RTEN RNAM BTAGS TE, ZHES CHOS RNAMS RTOG PA'I DBANG GIS BZHAG PA TZAM DU GSUNGS PA NI, MTHA' GNYIS DUS GCIG TU SEL BA'I DBU MA'I GSUNG MCHOG BLA NA MED PA YIN ZHING, ZHES GSUNGS PA LTAR, RANG RGYUD KYI 'JIG LTA'I ZHEN YUL RTAG MTHA' NGOS 'DZIN PA'I 'PHEN PA DANG MA BRAL BAR SNGAR GYI MNYAM GZHAG DNGOS DANG RJES MTHUN GANG YOD KYANG DE KHA'I MU NAS NGA SNYAM PA'I BLO DRAG PO ZHIG GSAL BTAB PA NA, BLA DES PHUNG PO LA BRTEN NAS NGA SNYAM DU BSAMS PA TZAM GYIS NGA DE'I GO MA CHOD PAR BLO DE DANG PHAR BLTA TSUR BLTA BYED PA'I TSOD KYI NGA NGO THOG CIG PHUNG PO LA SOGS PA NGA MA YIN PA'I CHOS GZHAN GANG DANG YANG MA 'DRES PAR PHUNG PO'I STENG NAS BLO DE'I YUL DU SHAR BA NA, DE MYUR DU MI 'GOG PAR DE'I RNAM PA BLOS BZUNG NAS, DA PHAN NGA DANG NGA ZER SA DANG BSAM SA ZHIG RNYED PA DE 'DI YIN PAR 'DUG SNYAM DU THAG CHOD PA BYUNG NA DGAG BYA NGOS ZIN PA YIN TE, NGA DE YOD NA NI RTOG PA'I DBANG GIS BZHAG PA MA YIN PA'I YOD PA DANG, BTAGS DON BTZAL NAS RNYED PA SOGS DGAG BYA'I TSAD DU 'KHYOL BA'I PHYIR, NGA DE DANG BLO DE GNYIS PHAR BLTA TSUR BLTA'I TSOD DU SNANG BA LTAR DON LA GNAS PAS NA, NGA DE BLO DE LA RAG MA LAS PA'I 'BREL MED KYANG DE KHA YIN ZHING, DE
, ,NI BZHI BRGYA PA'I 'GREL BA LAS, DE LA BDAG CES BYA BA NI, GANG ZHIG DNGOS PO RNAMS KYI GZHAN LA RAG MA LAS PA'I BO RANG BZHIN TE, DE MED PA NI BDAG MED PA'O ZHES GSUNGS, DE DEBZHIN DU CHOS THAMS CAD LA YANG RANG RANG GI GDAG GZHI'I STENG NAS DGAG BYA DE 'DRA RE 'CHAR DU YOD CING, DE YANG RANG CAG LA DA LTA SNANG MUS KYI CHOS 'DI TSO RANG YIN PAR NGO 'PHROD PA'I MYONG BA NANG NAS MA SKYES KYI BAR DU BRTAG PA GAL CHE'O, ,DGAG BYA MA NOR BAR NGOS ZIN NA 'OG NAS 'BYUNG BA'I KLU SGRUB YAB SRAS RJES 'BRANG GI LUNG RIGS GCIG LA YANG 'DI GTAN MED DU BYED PA'I NUS PA BSAM GYIS MI KHYAB PA YOD PAR RANG GIS NGES PAS, GZHAN GYIS GZHAN DU JI TZAM 'KHRID KYANG BKRI BAR MI NUS PA'I DAD SHAS BRTAN PO THOB NAS RGYAL BA TZONG KHA PA'I RJES 'JUG TSAD LDAN ZHIG YONG, DE MIN JI TZAM MKHAS KHYER CHE YANG 'DI 'GOG PA RNAMS GZHAN 'GOG PA ZHIG TU SONG NAS CUNG ZAD BSAMS KYANG RANG GI BLO SKYON GYIS RIGS PA RNAMS GNAD 'DIR MA ZUG PAS, DPER NA RANG BZHIN GYIS GRUB PA'I GCIG DANG THA DAD LA DBYE BA GTAN MED DANG, 'BREL PA GTAN MED GA NAS DGOS SNYAM NAS, DE LTAR GSUNGS PA RNAMS THAL 'GYUR BA RANG GI GRUB MTHA'I 'GRO LUGS RED ZER NAS KLU SGRUB RJES 'BRANGS RNAMS KYIS BDEN GRUB 'GOG MI NUS BZHIN DU AU TSUGS DANG DBANG YOD BYAS NAS BKAG PA LTA BUR MTHONG NYEN CHE, DES NA NGAR 'DZIN LHAN SKYES KYI DMIGS PA NI NGA TZAM DANG NGA YI BAR 'DZIN PA'I 'JIG LTA'I DMIGS PA YANG NGA YI BA TZAM YIN, DANG POS PHUNG PO LA DMIGS PA LTA BU YONG BA NI PHUNG PO RGYUR BYAS NAS SKYES PA'I RTAGS YIN, GNYIS PAS RANG GI MIG RNA LA DMIGS PA LTA BU YANG MIG SOGS BDAG GI BAR MTHONG NAS SKYES PA'I RTAGS YIN, DE YANG DPER NA THAG PA LA SBRUL DU 'KHRUL PA'I TSE, BLO DES THAG PA SBRUL YIN MI BSAMS PAR 'DI SBRUL YIN SNYAM DU 'DZIN SA'I SBRUL ZHIG SNANG, DE LTAR SNANG BZHIN PA'I SBRUL DE YOD NA, SNANG SA DE KHAR YOD PA M GTOGS GZHAN
DU DOGS PA TZAM YANG MED PAR THAG CHOD PA'I BLO GCIG DANG, SNANG SA DE KHAR YANG YOD MED LEGS PAR BLTAS NA SHES SNYAM PA'I KHO THAG CHOD PA'I BLO GNYIS SKYES NAS BLTAS PAS, SBRUL DE YOD NA DE LA THAG NYE RU SONG BA GONG BZHIN GYIS GSAL DU RANG SONG NAS THA MAR SBRUL RANG DU THAG CHOD PA ZHIG LAS 'OS MA 'DAS PA LA, DE LAS LDOG STE MTHAR LAG PAS YAR BTEG MIG GIS MAR BLTAS BYAS PA NA, SBRUL DE DANG DE'I MIG RNA 'KHOR DANG BCAS PA GTAN MED DU DES NAS DE DANG DE'I MING TZAM RKYANGS PAR LUS PA NA, YIN LUGS 'DI TZAM YANG MI SHES PA BSAMS NAS RANG GIS RANG LA THABS SDUG CES TSIG LAB 'DON THUB PA YONG, DES NA THAG PA NI PHUNG PO DANG MTSUNGS, THAG PA'I STENG GI SBRUL DE DGAG BYA'I BDAG DANG MTSUNGS, SBRUL DE CHE CHUNG SOGS KYI KHYAD PAR DANG MA SBYAR BAR SBRUL SNYAM DU 'DZIN PA DE NGAR 'DZIN LHAN SKYES DANG MTSUNGS, SBRUL 'DZIN DES 'JIGS SKRAG SOGS BSKYED PA BDAG 'DZIN GYIS 'KHOR BA'I RTZA BA BYED PA DANG MTSUNGS, SBRUL 'DZIN DE RTZA BA NAS BZLOG PA YANG GZHI DER BRTAG DPYAD BYAS NAS SBRUL DE MED PAR NGES PA LA RAG LAS PA DANG, BDAG 'DZIN DE YANG RNAM PAR DPYAD NAS BDAG MED RTOGS PA KHO NAS BZLOG PAR BYED PA DANG MTSUNGS, DES NA THAG PA DE YANG MA BSDUS NA SLAR YANG 'KHYIL LUGS SBRUL LTAR GNAS PA DANG, MUN PA BABS PA SOGS RTEN 'GREL TSOGS NA GZHI DER SBRUL 'DZIN SNGAR LTAR SKYE BA BZHIN, PHUNG PO LA BDEN 'DZIN MA LOG NA GANG ZAG GI BDAG MED RTOGS KYANG YANG YANG GANG ZAG GI BDAG 'DZIN SKYE BAS, LUGS 'DIR CHOS KYI BDAG 'DZIN GYIS GANG ZAG GI BDAG 'DZIN GYI RTEN BYED PA DANG, CHOS KYI BDAG 'DZIN 'KHOR BA'I RTZA BAR 'GRO LUGS KYANG DE YIN, DE LTAR THAG PA'I SBRUL SNANG YANG RTOG PAS SBRUL DU BTAGS PA STE BSAMS PA TZAM LAS SBRUL GYIS STONG PA'I MYONG BA YANG YANG BTON NA, DGAG BYA BDEN GRUB DE RIGS PAS LEGS PAR BRTAGS NAS MED PAR NGES PA'I RJES SU YANG DGAG BYA DE MED SA DE KHAR SNANG YONG STE, SNANG RES KYIS SNANG BA 'DI LA YOD PA'I NGES PA MED, THEG PA'I SBRUL GSAL BTAB NAS 'DI DANG 'DRA,
, ,GTAN NAS MED THAG CHOD YIN TE SNANG GI 'DUG PA SNYAM DU YANG YANG BSAMS NA LAS DANG PO PA LA PHAN THOG PO YONG, RE SHIG CHAD MTHAR LHUNG DOGS KYI NYEN CHEN PO BYED MI DGOS, DA DANG 'DRA BA TSO KUN SBYOD NI LAS 'BRAS DANG BSTUN MI DGOS PAS CHAD MTHAR LHUNG TSAR BA DANG 'DRA, 'DIR RTOG PA'I DBANG GIS BZHAG ZER BA'I DON RANG RANG GI DGAG BYA DE RTOG BTAGS TZAM DU GO BAS GO MI CHOD, CHOS RNAMS RANG RANG GI RTOG PA KHO NA'I DBANG GIS BZHAG PA STE YOD PA TZAM DU GO DGOS TE, STONG PA LA NGES PA YUD TZAM MA 'DRONGS BAR DU JI TZAM BSHAD KYANG, BDEN GRUB LA RTEN 'BREL RTZI BA'I LUGS SROL ZHIG MA GTOGS GO SA MED DE BSHAD PA 'OG MA RNAMS GNANG DU 'GRO BA'I MTSON BYED TZAM DU, DPER NA BUM PA YOD MED NI BUM PA'O SNYAM PA'I RTOG PA YOD MED KHO NAS BYED BYAS NA, BYAS MA THAG NAS MI RTOG LDAN GYI BSAM PAR A'A BUM PA YOD MED KA BA YOD MED KHO NAS BYED ZER BA LTAR GO NAS, 'O NA BUM PA YOD PAS CI YONG SNYAM PA DANG, KA BA SOGS BUM PA MED SAR YANG BUM PA'O SNYAM PA'I RTOG PA SKYE GIN 'DUG PA SNYAM PA RNAM DPYOD CAN LA YONG STE, DANG PO NI BUM PA RTOG BTAGS TZAM DU MA NGES PAS, BUM PA ZER BA THOS PA DANG SNYAM DU RTOG PA 'DI LA RAG MA LAS PA'I DA LTA SNANG MUS KYI DGAG BYA'I BUM PA DE BLOR SHAR BA'I RTAGS RED, DE SHAR MA THAG NAS KA BA YOD MED DANG MGO MTSUNGS BYED PA NI RTOG BTAGS TZAM GYI THA DANG DANG MI 'DRA BAR, DGAG BYA'I BUM PA DE YOD NA, BUM PA YANG RANG 'DZIN PA'I RTOG PA DANG, RANG GI GDAGS GZHI DANG THA DANG PA'I DANG TSUL DANG, KA BA LTA BU 'BREL MED GZHAN DANG THA DANG DU SONG BA'I SONG TSUL GNYIS MTSUNGS DGOS PA DANG, RTOG BTAGS TZAM GYI RTEN 'BREL DANG, RANG BZHIN GYIS GRUB PA GNYIS 'GAL ZLA YIN PA SOGS LUGS MCHOG 'DI'I DKA' GNANG RNAMS KYI BDEN PA NANG NAS BSTEN PA RED, GNYIS PA NI BRTEN NAS BTAGS PAR MA NGES PAS, BUM PA'O SNYAM PA'I RTOG PA YIN TSAD LA GO BAS MA BYUNG STE, 'DI'I SKABS KYI RTOG PA NI LTO LDIR ZHABS ZHUM LA SOGS PA'I BUM
BA'I RTEN 'BREL TSOGS SAR BKAG KYANG MI THUB, MA TSOGS SAR GTAN NAS MI SKYE BA'I MI BSLU BA'I RTOG PA TSAD MA LA BYA STE, RTOG PA 'DI YOD MED KHO NA'I DBANG GIS, BUM PA YOD MED RNAM PAR 'JOG CING CHOS GZHAN THAMS CAD KYANG DE DANG MTSUNGS PA KHO NA STE, BRGYA BA LAS, RTOG PA MED PAR 'DOD CHAGS LA, ,SOGS LA YOD NYID YOD MIN NA, ,YANG DAG DON DANG RTOG PA ZHES, ,BLO DANG LDAN PA SU ZHIG 'DZIN, ,ZHES GSUNGS SHING, DE'I 'GREL PA LAS KYANG, RTOG PA YOD PA KHO NAS YOD PA NYID DANG RTOG PA MED PAR YOD PA NYID MED PA DE DAG NI GOR MA CHAG PAR THAG PA BSDOGS PA LA BTAGS PA'I SBRUL LTAR RANG GI NGO BOS MA GRUB PAR NGES SO, ,ZHES GSUNGS SO, ,MDOR NA RANG GAR 'CHAR BDE BA BYED NA, CHOS GANG LA YANG DE DANG DE ZHES ZER SA RE YUL STENG NAS RNYED PA DE RIGS PA'I DGAG BYA MTHAR THUG YIN, DE MED KYANG RANG RANG GI GDAGS GZHI TSOGS PA LA BRTEN NAS RTOG PAS 'PHRAL DU DE DANG DE ZHES PHAR BTAGS PA TZAM GYI CHOS THAMS CAD YOD DO, ,DGAG BYA 'DI NI BDEN 'DZIN GYI DMIGS PA'I GTAD SO ZHES BYA BA'ANG YIN TE, RIG PA DRUG CU PA LAS, GANG YANG RUNG BA'I GNAS RNYED NA, ,NYON MONGS SBRUL GDUG GA-YO CAN GYIS, , ZIN PAR 'GYUR RO GANG GI SEMS, ,GNAS MED DE DAG ZIN MI 'GYUR, ,ZHES GSUNGS SO, ,CHOS RNAMS RTOG PA'I DBANG GIS 'JOG TSUL MA SHES NA, LUGS 'DI'I STONG NYID PHAR ZHOG ,DE'I BZLOG PHYOGS KYI DGAG BYA YANG PHRA BA NAS MA LUS PAR NGOS MI ZIN PAS NA, RGYAL BA TZONG KHA PA CHEN POS, LUGS 'DI LA CHOS RNAMS RTOG PA'I DBANG GIS BZHAG PA TZAM GYI 'JOG TSUL SHES NA, DE LAS BZLOG STE 'DZIN PA'I BDEN 'DZIN BDE BLAG TU SHES PAR 'GYUR BAS, 'DI LA GNYIS, CHOS RNAMS RTOG PA'I DBANG GIS 'JOG TSUL DANG, DE LAS BZLOG STE 'DZIN PA'I BDEN 'DZIN BSTAN PA'O, ,ZHES GSUNGS SO, ,SNYING POR DRIL NA RANG RE RNAMS KYIS 'DI LTAR RTAG TU BSAMS PAR BYA STE, BDAG DA LAM PHYI RKYEN DGE BSHES DANG, NANG RKYEN DAL 'BYOR 'DZOM PA'I DUS BZANG MI BRTAN PA 'DI LA, MYUR DU RANG GZHAN GYI DON
, ,MCHOG RNAM GROL SGRUB PA LAS BYA 'OS GZHAN CI YANG MI 'DUG NA, DE'I TSUL NI SKYE RGA NA 'CHI LA SOGS PA'I NYES SKYON BSAMS NAS 'DI RNAMS CHAGS SOGS NYON MONGS PA LAS BYUNG ZHING, NYON MONGS MTHA' DAG GI RTZA BA NI RANG RGYUD KYI NGA DANG NGA YI BAR RANG BZHIN GYIS GRUB PAR 'DZIN PA'I 'JIG LTA 'DI LAS MA 'DAS PAS, NANG GI BLO SKYON SEL BA NI, PHYI'I TSER MA 'DON PA LTAR MA YIN PAR BLO NGAN GYI 'DZIN TSUL LOG PA'I MTSANG RIG PAR BYAS NAS SUN 'BYIN PA KHO NAS SPONG DGOS PAR 'DUG PAS, 'JIG LTA 'DIS GANG LA DMIGS NAS DE JI LTAR BZUNG BRTAG PA NA, RANG RGYUD KYI NGA TZAM LA DMIGS NAS DE RANG BZHIN GYIS GRUB PAR 'DZIN PA'I TSUL BSHAD PA BZHIN MYONG THOG NAS NGES PAR BYAS TE DE RIGS PA YANG DAG GIS 'GOG PAR BYAS NA RNAL 'BYOR PA MING DON MTSUNGS PAR 'GYUR TE, DPAL LDAN ZLA BAS, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR ZHING, ,BDAG NI 'DI YI YUL DU RTOGS BYAS NAS, ,RNAL 'BYOR PA YI BDAG NI 'GOG PAR BYED, CES GSAL BAR GSUNGS SO SNYAM DU BDAG 'GOG PA DNGOS LA 'JUG PAR BYA'O, ,'DIR BDAG NI 'GOG BAR BYED CES PA'I BDAG NI DGAG BYA'I BDAG DANG, BDAG NI 'DI YI YUL DU ZHES PA'I BDAG NI LAS 'BRAS KYI RTEN GZHIR GYUR PA'I BDAG YIN PAS DE GNYIS MA 'DRES PAR GO BA GAL CHE'O, ,GNYIS PA BDAG MED BSGOM PAS BTAGS YOD 'GRUB TSUL LA BZHI, RANG STENG DU SGOM TSUL, GZHAN STENG DU SBYOR TSUL, YANG NA SEMS LA BLTA TSUL, MDOR NA GANG SHAR LA BLTA TSUL LO, ,DANG PO NI, 'PHAGS PA KLU SGRUB SKYOB NYID KYIS, ,SKYES BU SA MIN CHU MA YIN, ,ME MIN RLUNG MIN NAM MKHA' MIN, ,RNAM SHES MA YIN KUN MIN NA, DE LAS GZHAN NA SKYES BU GANG, ,SKYES BU KHAMS DRUG 'DUS PA'I PHYIR, ,YANG DAG MA YIN, ZHES GSUNGS, DE YANG KLU SGRUB KYIS RIN CHEN 'PHRENG BAR 'DI LTAR GSUNGS PA'I SKYES BU NI GANG ZAG RANG DANG, DE NI SA MIN NAS RNAM SHES MA YIN PA'I BAR GYIS RANG GI KHAMS DRUG
CHA SHAS RE RE BA DANG, KUN MIN GYIS RANG GI KHAMS KYI TSOGS PA DA LTA BA DANG, SNGA PHYI'I RGYUN GYI TSOGS PA GANG YANG RANG NYID DU 'JOG PA BKAG NAS, DE LAS GZHAN NA SKYES BU GANG, ZHES PAS, RANG NYID KHAMS DE DAG LAS NGO BO THA DAD DU YANG MI RIGS PAR BSTAN PA LTAR MNYAM GZHAG TU BDAG MED BSGOM PAS, RJES THOB TU SKYES BU RANG NYID KHAMS DRUG 'DUS PA LA BRTEN NAS BTAGS PA TZAM GYI BTAGS YOD DU 'CHAR TSUL STON PA'I PHYIR, SKYES BU KHAMS DRUG 'DUS PA'I PHYIR, ,YANG DAG MA YIN ZHES GSUNGS, LAS DANG PO BA BDAG 'DRA BAS THOG MAR NANG GI KHAMS DRUG KYANG GDAGS GZHI LUS SEMS GNYIS SU 'DUS SHING, GNYIS PO YANG GDAGS GZHI PHUNG BOR 'DUS PAS NA BDAG PHUNG GNYIS RANG BZHIN GYIS GCIG DANG THA DAD KYI BRTAG PA BYA STE, BDEN PAR GRUB NA BDEN GRUB KYI GCIG DANG THA DAD GANG RUNG YIN PA LAS 'OS MED PAS, BDEN GRUB KYI GCIG DANG THA DAD GANG RUNG LA BDEN GRUB KYI 'BREL YUL ZHES BYA LA, 'DIR DE GNYIS GANG RUNG MA YIN PA'I PHYIR ZHES RTAGS SU BKOD PAS NA, RTAGS 'DI LA 'BREL YUL MA DMIGS PA'I RTAGS ZHES BYA'O, ,LEGS BSHAD MYONG BA DANG SBYAR NAS BSGOM DGOS PAS DA LTA RANG CAG LA GANG SNANG RANG GRUB KYI SNANG BA MA GTOGS MED PAS, THUN GYI SKABS SU RANG BZHIN ZHES PA'I THA SNYAD ZUR PA DOR NAS, BDAG PHUNG GNYIS SNANG LUGS LTAR GYI GCIG DANG THA DANG GANG YIN BRTAGS NA GNONG BYED ZUG PA LA PHAN CHE, DE LA THOG MAR RANG LA DA LTA SNANG MUS KYI NGA NGO THOG ,NGA SNYAM PA'I BLO LA SOGS PA NGA MA YIN PA'I CHOS GZHAN DANG MA 'DRES PAR RANG NGOS NAS YUL STENG DU 'CHAR BA DE YID YUL NAS MA DOR BAR BYAS, DE NAS 'DI MED CES MYUR DU 'GOG MI NYAN, LO DANG ZLA BA DANG ZHAG SNGA MA LA RANG GI BYA BA MNGON MTHO BA DPER NA TSOGS LANGS YAGS PO BYUNG BA LTA BU GSAL BTAB NAS, 'DI NGAS BYAS SNYAM DU RANG GI BYA BA DANG BYED PA PO GNYIS BYAR NAS BSAMS NA DE NGO THOG YIN SNYAM PA YONG, DA DE NGA LA TSUR BYUNG MA BYUNG DANG NGAS PHAR BYAS MA BYAS
, ,ZER BA THAMS CAD, 'DI LA BYUNG MA BYUNG DANG 'DIS BYAS MA BYAS KHO NAR 'DUG PAS NGA 'DI YOD NI THAG CHOD RED DE, YOD NA PHUNG PO 'DI ZHES DA LTA SNANG MUS KYI RANG GI PHUNG PO SPYI TZAM PA YANG GSAL BTAB NAS, 'DI DANG RTOG PA LA SNANG LUGS LTAR GYI GCIG DANG THA DAD GANG RUNG NGES PAR YIN DGOS PA'ANG MYUR DU THAG MA BCAD PA BYAS NAS, DE LTAR DGOS PAR NGA RAS BLTAS KYANG SHES NUS SO SNYAM NAS YID GTAD PA NA PHUNG PO 'DI NI PHUNG PO KHO RANG DANG SNANG LUGS LTAR GYI GCIG TU 'DUG ,BUM PA LA SOGS PA'I CHOS GZHAN THAMS CAD NI PHUNG PO 'DI DANG SNANG LUGS LTAR GYI THA DAD DU 'DUG PAS, GTAN NAS MED NA MA GTOGS YOD PHYIN 'DI GNYIS GANG RUNG LAS 'OS MA 'DAS PAR THAG BCAD, DE NAS NGA NGO THOG DE, RANG GI GDAGS GZHI PHUNG PO 'DI DANG SNANG LUGS LTAR GYI GCIG YIN PA LA SKYON GSUM LAS, DANG PO BDAG KHAS BLANGS PA DON MED DU THAL BA'I SKYON NI, DE GNYIS SNANG LUGS LTAR GYI GCIG YIN NA RTOG PA LA GCIG TU SNANG DGOS, GCIG TU SNANG NA RTOG NGOR THA DAD DU SNANG BA LOG DGOS, DE LTAR NA DE GNYIS DBYE BA GTAN MED KYI GCIG YIN PAS, PHUNG PO LAS LOGS SU PHUNG PO 'DOR LEN BYED PA'I BDAG KHAS BLANGS PA DON MED DE, BDAG PHUNG PO'I RNAM GRANGS TZAM DU ZAD PA'I PHYIR, DE NI RTZA SHE LAS, NYE BAR LEN PA MA GTOGS PA'I, ,BDAG YOD MA YIN BYAS PA'I TSE, ,NYE BAR LEN NYID BDAG YIN NA, ,KHYOD KYI BDAG NI MED PA YIN, ,ZHES GSUNGS SO, ,GNYIS PA BDAG MANG POR THAL BA'I SKYON NI, RANG LA SOGS PA'I GANG ZAG GCIG LA YANG PHUNG PO DU MA YOD PA LTAR GANG ZAG KYANG MANG PO YOD PAR 'GYUR ZHING, YANG NA PHUNG PO RNAMS GCIG TU 'GYUR TE, GANG ZAG GCIG DANG DBYER MED KYI GCIG YIN PA'I PHYIR, DE LTAR YANG 'JUG PA LAS, GAL TE PHUNG PO BDAG NA DE PHYIR DE, ,MANG BAS BDAG DE DAG KYANG MANG POR 'GYUR, ZHES SO, ,GSUM PA BDAG SKYE 'JIG CAN DU THAL BA'I SKYON NI, RTZA SHE LAS, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ZHES GSUNGS TE, PHUNG PO SKYE 'JIG BYED PA BZHIN
DU BDAG KYANG SKYE 'JIG BYED PAR 'GYUR TE, PHUNG PO LAS LOGS SU BDAG MED PA'I PHYIR, DE LTAR NA PHUNG PO SNGA PHYI RGYUN CHAD PA'I TSUL GYI SKYE 'JIG BYED PA BZHIN DU, BDAG KYANG RGYUN CHAD PA'I TSUL GYI SKYE 'JIG BYED DGOS PAS, LHAG MED MYANG 'DAS KYI TSE BDAG KYANG RGYUN CHAD PAR THAL BA SOGS GRUB MTHA' 'OG MA RANG GI 'DOD PA LA 'KHRIS NAS 'GOG PA RNAMS KYANG SKYONG GANG THUB DANG, DE YANG RANG GI TSE SNGA PHYI GNYIS LTA BU RTOG PA LA GCIG TU SNANG ZHING SNANG BA LTAR YIN NA NI, DA LTA RANG DUS SU YANG, RANG GI TSE SNGA MA BDE SHI MA ZIN PAR 'GYUR TE, RANG NYID DE DAG GCIG YIN PA'I PHYIR, TSE SNGA MA'I GANG ZAG DE YANG MA SHI BAR 'DIR SKYES PAR 'GYUR TE, DE DA LTA RANG DANG GCIG YIN PA'I PHYIR, DE NI RTZA SHE LAS, GAL TE LHA DE MI DE MA, ,DE LTA NA NI RTAG PAR 'GYUR ,ZHES GSUNGS, DE LTAR NA SHIN TU THA CHAD PAR 'GYUR ZHING, DE DAG MI 'DOD NA NI, SKYE BA SNGA PHYI GNYIS LTA BU RTOG PA LA THA DADNG DU SNANG ZHING SNANG BA LTAR YIN PA LAS 'OS MA 'DAS PAS DE LA NI SKYON GSUM 'JUG 'GREL LAS GSUNGS PA'I DANG PO NI, RGYUD GCIG PA MI RIGS TE, 'BREL BA MED PA'I PHYIR, BDAG GCIG 'BREL MED DE, RANG BZHIN SO SOR SNANG BA LTAR GRUB PA'I PHYIR, DE BYUNG 'BREL MED DE, PHAN TSUN RAG LAS MED PAR SNANG BA LTAR GRUB PA'I PHYIR, RGYUD GCIG PA MI 'THAD NA NGA DE'I TSE DE'I DUS NA 'DI 'DRA ZHIG TU GYUR TO, ,ZHES SKYE BA DRAN PA MI RIGS TE, LHA SBYIN RANG GI SKYE BA DRAN PA NA, RANG NYID MCHOD SBYIN DU GYUR PA MI DRAN PA BZHIN NO, ,GNYIS PA LAS BYAS PA CHUD ZOS PAR 'GYUR TE, RANG GIS BSAGS KYANG RANG DANG RGYUD GCIG PA SUS KYANG MYONG BA MI SRID PA'I PHYIR, GSUM PA SNGON GYI 'BRAS BU LA LONGS SPYOD PA RNAMS KYANG LAS MA BYAS PA DANG PHRAD PAR GYUR TE, DE DAG GI RGYU RNAMS RANG DANG RGYUD GCIG PA SUS KYANG MA BSAGS PA'I PHYIR, 'DI RNAMS NI RTZA SHE LAS, GAL TE 'DI NI GZHAN 'GYUR NA, ,DE MED PAR YANG 'BYUNG BAR 'GYUR, ,DE BZHIN DU NI GNAS 'GYUR ZHING, ,DE MA SHI BAR SKYE BAR 'GYUR, ,CHAD DANG LAS RNAMS CHUD ZA DANG, ,GZHAN GYIS BYAS PA'I LAS RNAMS
, ,NI, ,GZHAN GYIS SO SOR MYONG BA DANG, ,DE LA SOGS PAR THAL BAR 'GYUR, ZHES GSUNGS, 'JUG PA LAS KYANG, BYAMS PA NYER SPAS LA BRTEN CHOS RNAMS NI, ,GZHAN NYID PHYIR NA RGYUD GCIG GTOGS MIN TE, ,GANG DAG RANG TSAN NYID KYIS SO SO BA, ,DE DAG RGYUD GCIG GTOGS PA RIGS MA YIN, ZHES GSUNGS SO, ,DE LTAR GNOD BYED MANG PO MTHONG NAS, NGA DE PHUNG PO 'DI DANG RANG BZHIN GYIS GCIG MA YIN PAR NGES PA NA, RANG BZHIN GYIS THA DAD LAS 'OS MA 'DAS, DE'I SNANG LUGS NI, NGA DE 'CHAR SA PHUNG PO'I STENG NAS 'CHAR BA TZAM MA GTOGS, DON DU BUM PA LAS THA DAD PA'I SNANG TSUL DANG KHYAD PAR MED LA, DE LTAR NA BDAG PHUNG PO 'DUS BYAS SU MTSON PA'I MTSAN NYID SKYE 'JIG GNAS PA DANG MI LDAN PAR 'GYUR TE, DPER NA RTA DANG BA LANG GNYIS DON GZHAN DU GRUB PAS, GCIG GI MTSAN NYID GCIG LA MI LDAN PA BZHIN NO, ,BDAG SKYE 'JIG GNAS PA'I MTSAN NYID DANG MI LDAN NA, NGA SNYAM PA'I 'DZIN PA LHAN SKYES KYIS BDAG TU THA SNYAD 'DOGS PA'I GZHI DMIGS PAR MI 'THAD DE, 'DUS MA BYAS YIN PA'I PHYIR, DPER NA NAM MKHA'I ME TOG GAM MYANG 'DAS BZHIN NO, ,DE LTAR YANG RTZA SHE LAS, GAL TE PHUNG PO RNAMS LAS GZHAN PHUNG PO'I MTSAN NYID MED PAR 'GYUR, ZHES GSUNGS, GZHAN YANG BUM PA GTAN NAS MED PA'I GZHIR YANG NGA'O SNYAM PA BCOS MIN SKYE BA BZHIN DU, RANG GI PHUNG PO GTAN NAS MED PA'I GZHIR YANG NGA'O SNYAM PA'I BLO BCOS MIN SKYE SRID PAR 'GYUR TE RTZA SHE LAS, BDAG NI NYE BAR LEN PA LAS, ,GZHAN DU 'THAD PA NYID MA YIN, ,GAL TE GZHAN NA LEN MED PAR, ,GZUNG YOD RIGS NA'ANG GZUNG DU MED, CES DANG, 'JUG PA LAS KYANG, DE PHYIR PHUNG PO LAS GZHAN BDAG MED DE, ,PHUNG PO MA GTOGS DE 'DZIN MA GRUB PHYIR, ,ZHES GSUNGS SO, ,MDOR NA DA LTANG YIN BSAM SA'I NGA NGO THOG PHAR BTAGS PA TZAM MA YIN PAR RANG NGOS NAS TSUR SNANG BA DE BLOS BZUNG, 'DI YOD NA PHUNG PO 'DI DANG RANG BZHIN GYIS GCIG DANG THA DAD GANG RUNG LAS 'OS MED PAR THAG BCAD, GCIG YIN NANG DANG NGA'I ZHES BDAG PHUNG THA DAD DU 'JOG PA'I THA SNYAD PA'I TSAD MA THAMS
CAD KYIS GNOD PAR 'GYUR LA, THA DAD YIN NA BDAG PHUNG PO DANG MI LDAN PA DANG PHUNG PO LA MA LTOS PAR 'GYUR BA SOGS GNOD BYED MANG PO BZLOG TU MED PAR MTHONG NAS, NGA 'DI RI BONG GI RVA DANG RNAM PA KUN TU MED MTSUNGS YIN PA LA, THOG MED NAS DA BAR YOR MED RTOG DPYOD TZAM YANG MA MYONG BAR YOD SHAGS BYAS PAS MA BYUNG, DA NI BLO NGAN LANG SHOR LA GTONG RI SHI SNYAM PA RANG SHUGS KYIS 'DREN THUB PAR BYAS NAS DGAG BYA DE BKAG TZAM GYI MED DGAG STONG SANG GI NGANG LA SNGAR ZHI GNAS KYI SKABS SU BSHAD PA LTAR MNYAM PAR 'JOG CI THUB BYA ZHING, STONG SANG GI NGES SHES DE SHUGS ZHAN DU 'GRON, DGAG BYA'I RANG BZHIN DE 'DRA YOD PA LA GNOD BYED DANG, MED PA'I SGRUB BYED MTHA' YAS PA BSAMS NAS NGES SHES DE'I NGAR BSKYED CING, NGAR LDAN DE'I RGYUN LA CI GNAS BYED PA NI MNYAM GZHAG NAM MKHA' LTA BU'I SKYONG TSUL YIN NO, ,NGES SHES DE LA DBU MA'I LTA BA ZER, LTA BA DES NGA MED PAR RTOGS PA MA YIN YANG, STONG NYID NGES PA'I NGES NGOR NGA GTAN MED DU SONG BA NI YUL RNAMS RANG GI NGOS NAS GTAN MED YIN PA'I GNAS LUGS NGO 'PHROD PA YIN PAS, DE KHA SKYONG BA MA GTOGS DA DUNG RANG BZHIN GYIS MED DO ZHES DGAG BYA'I KHYAD PAR GSAR DU 'DOGS PA DANG, THA SNYAD CAM DU YED SNYAM PA'I RTOG PA MNGON DU BYED PA LTA BU RNAMS MNYAM GZHAG SKYONG SKABS MI RIGS SO, ,DE NAS RJES KYI NGA SNYAM PA'I RTOG PA MNGON DU BYAS PA TZAM GYI NGA'I BYA BYED LA ZHUGS PA'I DUS SU YANG, DGAG BYA MED PA'I NGES SHES DANG MA BRAL BAR DGAG BYA SNANG BA'I SGYU MA'I 'CHAR CHUL GYI SGO NAS, RANG GI GDAGS GZHI KHAMS DRUG 'DUS PA LA BRTEN NAS NGA ZHES PHAR BTAGS PA TZAM ZHIG LAS 'BRAS KYI RTEN DU NGES NAS SNANG STONG GNYIS TSOGS SU SHAR NA TSAD MED DE, RJE BLA MA TZONG KHA PA CHEN POS, RIGS PAS RNAM PAR DPYAD PA NA GANG ZAG LA SOGS PA LA RANG GI NGO BOS GRUB PA'I YUL STENG DU SDOD TSUL CUNG ZAD KYANG MI 'DUG GO SNYAM PA DANG DE LA BRTEN NAS SNANG BA 'DI RNAMS KYANG BAN BUN DU 'CHAR BA TZAM DKA' BA MIN GYI DE 'DRA DE DBU MA'I GRUB MTHA' LA MOS SHING RANG BZHIN MED PA'I TSUL STON
, ,PA'I CHOS THAN THUN THOS PA THAMS CAD LA'ANG YANG, DKA' SA NI RANG GI NGO BOS GRUB PA'I RANG BZHIN MA LUS PAR KHEGS PA DANG RANG BZHIN MED PA'I GANG ZAG LA SOGS PA DE NYID LAS SOG PA PO DANG 'BRAS BU MYONG BA PO LA SOGS PAR 'JOG PA LA NGES PA GTENG NAS 'DRONGS TE DE RNAMS SU 'JOG THUB PA'I GNYIS TSOGS DE SRID MTHA' TZAM DU SONG BAS DBU MA'I LTA BA SHIN TU RNYED DKA' BA YIN NO, ,ZHES DANG, BSTOD PA LEGS BSHAD SNYING PO LAS, 'JIG RTEN RGUD PA JI SNYED PA, ,DE YI RTZA BA MA RIG STE, ,GANG ZHIG MTHONG BAS DE BZLOG PA, ,RTEN CING 'BREL PAR 'BYUNG BAR GSUNGS, ,DE TSE BLO DANG LDAN PA YIS, ,RTEN CING 'BREL PAR 'BYUNG BA'I LAM, ,KHYOD KYI BSTAN PA'I GNAD NYID DU, ,JI LTAR KHONG DU CHUD MI 'GYUR, ,DE LTA LAGS NA MGON KHYOD LA, ,BSTOD PA'I SGOR NI SU ZHIG GIS, ,BRTEN NAS 'BYUNG BAR GSUNGS PA LAS, ,NGO MTSAR GYUR PA CI ZHIG YOD, ,GANG GANG RKYEN LA RAG LAS PA, ,DE DE RANG BZHIN GYIS STONG ZHES, ,GSUNG BA 'DI LAS YA MTSAN PA'I, ,LEGS 'DOMS TSUL NI CI ZHIG YOD, ,CES GSUNGS SHING, DE YANG THA SNYAD TZAM DU YANG RANG GI NGO BOS GTAN NAS MED PA RI BONG GI RVA DANG 'DRA BA'I CHOS THAMS CAD LA, MI 'DRA BA RGYU RKYEN GZHAN GYI TSOGS PA LA BRTEN NAS RTOG PA TSAD MAS 'PHRAL DU 'DI DANG 'DI'O ZHES SO SOR BTAGS PA TZAM GYI BTAGS YOD MING RKYANG GI RNAM GZHAG LA YANG NAS YANG DU 'DRIS PAR BYA STE, 'JUG PA LAS, BDEN PA GNYIS SU'ANG RANG BZHIN MED PA'I PHYIR, DE DAG RTAG PA MA YIN CHAD PA'ANG MIN, ,ZHES GSUNGS PA LTAR RO, ,YANG MDO SDE ZAB MO'I DBYANGS KYIS DON DRAN PAR BYA BAR GSUNGS PA LTAR THUN MTSAMS SU NGES PAR BYA ZHING, GTZO BOR THOG MA'I DUS SU RANG LA GZHAN GYIS THUG THUG CHE BA ZHIG BTANG NA YANG, NGA LA BTANG BYUNG SNYAM PA'I NGA DE SNANG TSUL SNGAR BDAG MED MA SGOM GONG DANG 'DRA YANG, ZHEN TSUL MI 'DRA BA DE MA THAG 'DI LA THUG THUG CI GTONG, 'DI MED PA SNYAM DU RGYU MTSAN DANG BCAS PA DRAN NAS 'JAM TING STE 'GRO BA ZHIG NGES PAR MDZAD DGOS, DA 'DRA BYUNG NA STONG NYID GCIG RTOGS PAS KYANG CHOG PA LTA BU YOD, 'O DE'I DU
SU ZHIB TU BRTAGS NA, BDAG 'DZIN GYI DMIGS PA'I GTAD SO NGA DE GTAN MED DU MTHONG BAS, DE LA BRTEN PA'I RNAM GZHAG THAMS CAD GTAN MED DU SONG YANG, NGA ZHES PA'I MING RKYANGS PA DE LA DE DUS THUG THUG BTANG BA SOGS RANG GZHAN GNYIS KA'I TSAD MA LA GRAGS SHING GRUB PA'I BYA BYED THAMS CAD BSNYON MED DU BZHAG PAS CHOG PA LA MI GNOD PAR MA ZAD PHAN 'DOGS PA'I SGO GCIG PU STONG PA RTEN 'BYUNG GI DON DU SHAR BA ZHES PA DE YIN, DE YANG PHUNG PO GZHAN MI DGOS, RANG GI LAG PA LAS LOGS SU PA RANG BZHIN GYIS YOD PAR SNANG BA SHES SLA ZHING, NGA DE LTAR YOD NA LAG PA TZAM LA THUG THUG BYAS PAS NGA LA THUG PA'I GO GNAS CHOD, DE LTAR NA LAG PA NA BAS RANG NA BA'I GO MI CHOD PA SOGS 'JIG RTEN GYI MTHONG BA TSAD MAS GNOD PA 'JUG PA SHES NAS KLU SGRUB KYIS, 'PHAGS PA'I BDEN PA BZHI PO RNAMS, ,KHYOD LA MED PAR THAL PAR 'GYUR, ZHES RANG BZHIN MED PA LA TSUR BRJOD PA'I SKYON RNAMS PHAR LDOG STE BKOD PA SOGS RIGS PA'I SLOB DPON GONG 'OG RNAMS LA GTING NAS DANG GUS ZLA MED BSKYE SA YOD, DE YANG DPER NA RANG GIS THOG MAR, NGA 'DI YIN, KHO 'DI YIN, BUM PA 'DI YIN, KA BA 'DI YIN ZHES SO SO'I GDAGS GZHI'I STENG DU ZER SA, BSAM SA, MDZUB MO 'DZUGS SA STE PHAR RTOG PAS BZO MI DGOS PA LA, SO SO'I NGOS NAS YOD PA RE 'CHAR ZHING 'DZIN, DE LTAR MED NA RNAM GZHAG THAMS CAD BYAS MED PA BLO LA SHAR NAS, GRUB MTHA' 'OG MA'I SLOB DPON RNAMS KYIS SKYON BRJOD PA LTAR BDEN SNYAM PA LTA BU DGOS, DE NAS ZHIB TU RNAM PAR DPYAD PA NA CHOS THAMS CAD RANG RANG GI NGOS NAS KHRIG KHRIG PA DE 'DRA YOD NA, GZHAN LA BRTEN NAS BZANG NGAN 'GYUR LDOG GANG YANG MI 'THAD PA DANG, SO SO SKYE BO RNAMS KYIS CHOS KYI GNAS LUGS MNGON SUM DU MTHONG ZIN PAS, 'PHAGS PA'I MNYAM GZHAG YE SHES KYI DGOS PA MED PA DANG, YE SHES DE DNGOS PO'I 'JIG RGYUR THAL BA SOGS TSUR BRJOD PA DANG, MA BRJOD PA'I SKYON THAMS CAD PHAR LDOG STE 'JUG PAR NANG NAS NGES PA 'DRONGS PAS, THAL 'GYUR BA'I LUGS MCHOG 'DZIN PA LAS NAM YANG MI 'DA' BA ZHIG YONG YANG YONG LA, DGOS KYANG
, ,DGOS SO, ,DE YANG DPER NA BDAG PHUNG GNYIS RANG BZHIN GYIS THA DAD YIN NA, DE YUL DU BYED PA'I RTOG PA SNANG YUL LA 'KHRUL DON MED PAS, DE SNANG TSUL LTAR DU GRUB PA'I THA DAD DU 'JOG DGOS NA, 'BREL MED KYI SKYON THAMS CAD MI 'JUG PA'I GNAS MED KYI, SPYIR BDAG PHUNG PO DANG GCIG PA BKAG PA'I YOD PA LA BRTEN NAS THA DAD DU PHAR BTAGS PA TZAM GYI THA DAD LA NI, RTOG PA LA THA DAD DU SNANG BA DANG SGO BSTUN NAS BDAG PHUNG THA DAD KYI THA SNYAD TZAM ZHIG BYAS KYI, GRUB LUGS SNANG TSUL LTAR DU GRUB MI DGOS PAS NA, SKYON MED CING 'BREL CHAGS PA'I RANG LUGS 'JOG TSUL 'DI LTAR YIN TE, LAM RIM CHUNG BA LAS, DE LTAR MTSAN 'DZIN GYI DMIGS GTAD MTHA' DAG GIS STONG PA'I STONG NYID KYI NGES PA DRANGS NAS, LAS 'BRAS KYI 'BREL BA'I NGES PA MI 'DOR BAS, 'DOR LEN BSTEN PA LA SHIN TU BSNGAGS TE, BYANG CHUB SEMS 'GREL LAS, CHOS RNAMS STONG PA 'DI SHES NAS, ,LAS DANG 'BRAS BU BSTEN PA GANG, ,NGO MTSAR BAS KYANG 'DI NGO MTSAR, ,RMAD BYUNG BAS KYANG 'DI RMAD BYUNG, ZHES GSUNGS SO, ,DE LTAR 'ONG BA LA NI, RANG BZHIN GYIS YOD PA DANG, YOD TZAM DANG, RANG GI MTSAN NYID KYIS MED PA DANG, MED PA'I KHYAD PAR PHYED DGOS TE, 'JUG 'GREL LAS, ZHES SOGS GSUNGS PA LTAR DANG, YANG DES NA RANG GI NGO BOS MED PAS YOD MTHA' THAMS CAD DANG, DE NYID LA RANG BZHIN MED PA'I RGYU 'BRAS 'JOG NUS PAS MED MTHA' THAMS CAD LAS GROL LO, ,ZHES GSUNGS SHING, GZHAN YANG RTZA 'JUG GI LUNG SKABS SU BABS PA, GAL TE 'JIG RTEN TSAD MA YIN NA NI, ZHES SOGS SHIN TU MANG ZHING BYIN RLABS CHE BA RNAMS KYI SPRO BSDU LA MKHAS PAR BYA'O, ,GNYIS PA GZHAN STENG DU SBYOR TSUL NI, JI LTA BAR, DE BZHIN KHAMS NI RE RE YANG, ,'DUS PHYIR YANG DAG NYID DU MIN, ,GSUNGS PA JI BZHIN BTZAL BA NA, ,MNYAM GZHAG MNYAM PAR 'JOG MKHAN SOGS, ,RDUL PHRAN TZAM YANG MA RNYED PA, DE TSE GA-YENG MED RTZE GCIG TU, ,NAM MKHA' LTA BU'I MNYAM GZHAG SKYONG, ZHES GSUNGS, DE LTAR RANG LA DMIGS NAS BDAG MED BSGOMS PAS BTAGS YONG GRUB TSUL JI LTA BAR DE BZHIN DU GZHAN SKYE 'PHAGS KYI GANG ZAG THAMS CAD DANG PHYI
NANG GI KHAMS KYIS BSDUS PA'I CHOS THAMS CAD KYANG, RE RE NAS RANG GI CHA SHAS DU MA 'DUS PA'I CHA BCAS SHA STAG YIN PA LA NGES PA DRANGS NAS SNANG TSUL LTAR GYI CHOS DE RNAMS YOD NA, YOD LUGS RANG RANG GI CHA SHAS KYI KHONGS NA DE DAG DANG DBYER MED KYI GCIG DANG, 'BREL MED KYI THA DAD GANG RUNG LAS MI 'DA' BA'I MTHA' BKAG ,DE 'DRA'I GCIG DANG THA DAD GANG DU GRUB KYANG MNGON SUM GYI GNOD BYED BZLOG TU MED PAR MTHONG NAS CHOS KUN BDEN MED KYI GNAS LUGS LA 'BYOR PA BYED, DE YANG GZUGS CAN RNAMS NI RDUL PHRA RAB LTA BU YANG SHAR LA BLTAS PA'I CHA DES NUB LA MI LTA, NUB LTA'I CHA DES SHAR LA MI LTA BAS CHA SHAS MI 'DRA BA DU MA YOD, DE BZHIN DU SHES PA RNAMS NI DUS SNGA PHYI'I CHA SHAS DANG BCAS PA DANG, YUL 'GA' ZHIG RTOGS PA'I CHA DANG, 'GA' ZHIG MA RTOGS PA'I CHA DU MA 'DUS, NAM MKHA' LTA BU YANG GZUGS CAN GYI PHYOGS 'GA' ZHIG LA KHYAB PA DANG, MA KHYAB PA'I CHA DU MA 'DUS PA'I CHA BCAS YIN, DE BZHIN DU STONG NYID LA YANG, GDAGS GZHI'I SGO NAS PHYE BA'I CHA DU MA DANG, STONG GZHI LA PHAR KHYAB CHE CHUNG GI STONG PA'I CHA DU MA YONG, CHOS KYI BDAG MED MA LUS PAR BSGOM PA LA NI RTZA SHE'I KHAMS BRTAG PA'I RAB BYED NAS GSUNGS PA'I RIGS LAM GYIS KHAMS DRUG LA MTSAN MTSON DANG DNGOS PO YOD MED KYI RANG BZHIN RANG DBANG GIS YOD PA LHAG MA MA LUS PAR BKAG TZAM GYI MED DGAG MNYAM GZHAG DU BSKYANGS PAS, RJES THOB TU CHOS RNAMS 'GRUB THABS GZHAN PA MING GI THA SNYAD KYI DBANG GIS BZHAG PA TZAM LA 'DRIS PAR BYA'O, ,DPER NA NAM MKHA' YANG GZHAN SDE BYE BRAG PAS RDZAS GRUB TU 'DOD, RANG SDE BYE BRAG TU SMRA BAS DNGOS POR 'DOD PA YANG, BUM PA BZHAG SHUL LA, DNGOS PO GZHAN BZHAG CHOG PA'I GO SA PHYE BA'I DON BYED NUS PA'O SNYAM DU DGONGS PA YIN TE, DON DU DE NI NAM MKHAS GO PHYE BA MA YIN GYI, BUM PA GZHAN DU SPOS PA'I DBANG GIS GO PHYE ZHING, RANG GI GO SAR GZUGS CAN GZHAN MI CHUD PA YANG, GZUGS CAN DE NYID KYIS BKAG PA YIN GYI, NAM MKHAS BKAG PA MA YIN PAS, NAM MKHA' NI THOG REG BKAG TZAM GYI MED DGAG STONG SANG ZHIG YIN YANG, DA LTA RANG CAG GIS NAM
, ,MKHA' DNGOS MED DU RANG BZHIN GYIS GRUB PAR 'DZIN PAS ZHEN YUL DE SUN PHYUNG DGOS LA, 'DI DAG GI SKABS SU, DENG DUS BDAG 'DRA BAS BUM PA BDAG MED DU BSGOM 'DOD PA BYUNG BA'I TSE, SNGON DU DAM PA'I ZHAL LAS BYUNG BA'I GZHUNG GI DKA' GNAD LA BLO NGOR THAG CHOD PA'I GO BA MA BTZAL BAR, BUM PA'I KHA NAS ZHABS KYI BAR RE RE NAS BUM PA MA YIN ZHES BSIL BA'I MTHAR BUM PA MA RNYED PA TZAM LA GNAS LUGS MTHAR THUG TU GO NAS DE LTAR SKYONG BAR BYED KYANG, DE NI STONG GZHI 'DI'I STENG DU DGAG BYA 'DI 'GOG GI RNAM DBYE MED PAS, YANG NA BUM PA GTAN MED DU 'DZIN PA'I CHAD LTAR 'GYUR, YANG NA BUM PA 'DZIN PA'I RNAM RTOG BKAG TZAM RE BYAS PA'I MTHAR RGYUN DU BUM PA'I RNAM GZHAG CIG BYAS PHYIN, RTEN 'BREL GYI 'GAL ZLA MI MTHUN PHYOGS KYI BDEN GRUB KYI BUM PA DBANG SHES LA SNANG BA 'DI LTAR 'DZIN PA'I RTAG LTA LAS LHAG PA'I RTZAL 'DON RGYU MED PAR 'GYUR BAS NA, DE 'DRA'I STENG PA NI RTEN 'BREL BSHIK PA'I STONG PA DANG, DE RTOGS PAS DRANGS PA'I SNANG BA BAN BUN DU SHAR BA TZAM YANG DBU MA'I LUGS KYI SGYU MA LTA BU'I DON GTAN NAS MIN PAR LAM RIM LAS GSUNGS SO, ,'ON KYANG LAS DANG PO BAS THOG MAR LTA BA LA BAG CHAGS 'JOG PHYIR 'KHRID TSUL DE CUNG 'CHAR BDE BAS DE LTAR BYED NA YANG MTHA' DE GNYIS SEL BA'I PHYIR DU THOG MAR BLO LA YUL STENG NAS TSUR SHAR BA'I BUM PA RANG GI KHYAD CHOS DANG MA 'DRES PA DE NGOS GZUNG, 'DI BDAG RANG 'KHRUL PA'I SNANG BA TZAM YIN PA MA GTOGS DON DU YOD PA ZHIG YIN NA 'DI LA BLO MIG GIS BLTAS NAS NYE RU SONG BA GANG BZHIN GYIS GSAL DU RANG SONG NAS GNOD PA MED PA'I SDOD LUGS 'DI LAS MI 'GYUR BAR MTHONG DGOS PAR KHA RJES 'BRANG BA TZAM MIN PA'I RGYU MTSAN YANG DAG GIS DRANGS NAS BLO NGOR THAG CHOD PA ZHIG NGES PAR DGOS, 'DI GNYIS NAN TAN MED NA BLA MA'I MAN NGAG GIS BLO MIG PHYE NAS BLTAS PA'I MA RNYED PA'AM MED PA MTHONG BA'I PHYOGS 'DRA BA DAM DU MA BYUNG YANG, DE'I DUS
SU DUS RGYUN NGA RANG 'KHRUL NAS 'DI LTAR SNANG BA MA GTOGS YUL RANG GI NGOS NAS RTAG TU GTAN MED KYI GNAS LUGS 'DI 'DRA RED SNYAM PA'I SNGAR PHAN GYI 'KHRUL PA'I MTSANG RIG CING CHOS RNAMS KYI GNAS LUGS RANG NGO 'PHROD PA'I NGES SHES RNAM DAG SKYES NAS 'DI LTAR STON PA'I CHOS DANG CHOS SMRA BA LA YID CHES KYI DAD MOS CHED MED PA PHYIN CHAD GZHAN DU MI 'GYUR BA ZHIG RGYUD LA SKYE DGOS RGYU'I SNYING PO MTHAR THUG YIN PA LA, DE 'DRA GTAN NAS SKYE SA MED PAS NA GONG DU BSHAD PA LTAR NAN TAN BYA ZHING, DE YANG DPER NA RANG CAG LA GZHAN GYIS RGYA GAR NA GSER GYI 'KHOR LO LEN DU YOD PA BSHAD PAS, BSHAD PA LTAR GYI 'KHOR LO RANG GI BLOR SHAR BA DE DGAG BYA'I 'CHAR TSUL DANG 'DRA, DE LTAR YOD SHAGS BYAS PAS RANG LA BYUNG NA BSAMS PA DANG GZHAN LA MA BYUNG NA SNYAM PA LTA BU'I CHAGS SDANG RGYUN MI 'CHAD, DE LTAR YOD NA DE 'DRA BSAM 'OS RED KYANG YOD MED MI SHES PAS KHE NYEN CHE BAR 'DUG ,DA DE YOD MED KYANG NGA RAS BLTAR PHYIN NA KHO THAG CHOD NUS SNYAM PA YONG BA NANG LTAR SKYE DGOS, BLTAR PHYIN NA YOD ZER SA DER THAG NYE RU SONG BA GANG BZHIN GYIS YOD MED KYI GNAS LUGS GANG YIN GSAL DU RANG SONG NAS MTHAR RANG GIS YOD MED GANG YIN PA DE JI BZHIN MTHONG NAS GZHAN GYIS GZHAN DU BKRI BAR MI NUS PA'I BLO RTZE YOD PA ZHIG YONG MOD, 'DIR LTA BA'I PHU THAG GCOD LUGS KYANG DE KHA NANG LTAR YIN, DE NAS YUL KHO RANG GI NGOS NAS TSUR YOD YOD PAR SHAR BA'I BUM PA DE, KHA NAS ZHABS RA'I BAR GYI CHA SHAS RE RE BA DANG TSOGS PA DANG DBYIBS DANG KHA DOG DE DAG LAS GZHAN PA GANG YIN SNYAM DU BRTAG DPYAD BYAS PAS GANG DU YANG MA GRUB PA'I GTAN NAS MED PAR THAG CHOD PA NA, NGES SHES DE'I SHUGS MA NYAMS PA'I RGYUN LA CI GNAS BYAS NAS DNGOS DANG DNGOS MED KYI CHOS THAMS CAD KYANG DE LTAR MED PA'I NGANG LA MNYAM GZHAG BSKYANGS, MNYAM GZHAG DE RNAM MKHYEN DU GYUR KYANG, STONG NYID GZIGS PA'I GZIGS NGOR BUM SOGS KUN RDZOB KYI CHOS THAMS CAD MED PAS MA GZIGS PA DANG, DE'I TSE NA YOD PA'I KHYAD PAR SOGS
, ,MYONG BA LA BKAR BA'I DKA' GNAD RNAMS BSAM PA RNAM DAG GIS KHONG DU CHUD PA LA 'BAD PAS DUS 'DA' RGYU BYUNG NA RANG GZHAN GYI GTAN GYI MDUN MA THAMS CAD 'GRUB TSAR BA YIN ZHES, BDAG GI ZUNG 'JUG BLA MA RIN PO CHE RNAM GNYIS KYI BKA' NGO MA YIN, DE YANG DON DU BUM SOGS 'DZIN PA'I RTAG PA NAN GYIS BKAG PA'I MI RTOG PA TZAM DANG MI 'DRA BAR, 'DI NI YUL RANG GI NGOS NAS BUM SOGS KYI CHOS GANG YANG MED PA LA, DA LTA RANG CAG GIS THAMS CAD YOD PAR SNANG ZHING 'DZIN PA DE SUN PHYUNG NAS MED PAR NGO 'PHROD PA'I GZIGS NGO DER BUM SOGS SNYAM PA'I RTOG PA TSAD MA SKYE BCUG KYANG SKYE SA MA RNYED PA'I RTOG MED KYI RNAL 'BYOR DU GYUR PA STE, MDO LAS, GANG ZHIG DNGOS RNAMS DNGOS MED SHES PA DE, ,NAM YANG DNGOS PO KUN LA CHAGS MI 'GYUR, ,GANG ZHIG NAM YANG DNGOS KUN CHAGS MED PA, ,DE NI TING 'DZIN MTSAN MA MED LA REG ,CES GSUNGS SO, ,DE LTAR MNYAM GZHAG TU RIGS SHES KYIS BKAG PA'I DGAG BYA'I CHOS DE RNAMS RJES THOB TU THA SNYAD TSAD MAS KYANG MI 'JOG CING, DGAG BYA DE'I 'GAL ZLAR GYUR BA'I SNANG BA RTEN 'BREL GZUGS BRNYAN DANG 'DRA BA'I THA SNYAD LA NI MTHAR THUG DPYOD PA'I RIGS SHES TSAD MAS KYANG GNOD PA MED DO, ,DES NA GZHI GCIG GI STENG DU YANG RIGS SHES KYIS BKAG PA DE THA SNYAD DU YANG MI 'JOG CING, THA SNYAD KYIS BZHAG PA DE RIGS SHES KYIS KYANG MA BKAG PA'I ZUNG 'JUG 'DI LA GO BA RNYED PA NI SHIN TU GAL CHE'O, ,DE'I TSUL NI 'JUG PA LAS, DE NI DE NYID DU 'AM 'JIG RTEN DU, ,RNAM PA BDUN GYIS 'GRUB 'GYUR MIN MOD KYI, ,RNAM DPYAD MED PAR 'JIG RTEN NYID LAS 'DIR, ,RANG GI YAN LAG BRTEN NAS 'DOGS PA YIN, ,ZHES GSUNGS SO, ,STONG NYID BCO BRGYAD KYI NANG NAS KYANG STONG PA NYID STONG PA NYID RTOGS DKA' ZHES SKYABS MGON BSKAL BZANG RGYA MTSOS GSUNGS PA LTAR YIN PAS, STONG NYID LA DMIGS PA'I ZHI GNAS RKYANGS PA DANG ZHI LHAG ZUNG 'BREL TZAM THOB NAS STONG PA NYID STONG PA NYID BSGOM PA LA GTZO BOR 'BAD NA
GNYIS SNANG NUB PA LA MYUR BA'I KHYAD YONG GSUNGS, DE YANG STONG NYID STONG NYID YIN SNYAM DU BSGOM NA NI KUN RDZOB BSGOMS PA LA 'GRO BAS DE 'DRA MIN, STONG NYID KHYAD GZHIR BZUNG NAS DE SO SKYE RANG NYID KYI MNYAM GZHAG LA SNANG BA LTAR GYIS STONG PAR RGYU MTSAN YANG DAG BSAMS NA SGOM DGOS, DANG PO NYID NAS THEG CHEN DU RIGS NGES PA'I SBYOR LAM MNYAM GZHAG YE SHES LTA BU LA STONG NYID BDEN GRUB TU YANG SNANG BDEN MED DU YANG SNANG ZER BA SOGS GRVA TSANG SO SO'I YIG CHA'I BSHAD PA RNAMS NI DENG SANG SBYANGS DANG MA SBYANGS BDAG 'DRA BA PHAL CHER GYIS RTZOD PA LA CHAGS PA'I LAB RGYU TZAM DU BYED DE, SNYING NAS THAR PA 'DOD PA YOD NA BSHAD PA DE RNAMS MED THABS MED PA YIN TE, 'JUG PA LAS, BSTAN BCOS LAS DPYAD RTZOD LA CHAGS PA'I PHYIR, ,MA MDZAD RNAM GROL PHYIR NI DE NYID BSTAN, ,ZHES GSUNGS, RJE BTZUN PA LA SOGS PA'I RTZA BA'I YIG CHA MKHAN PO RNAMS KYI THUGS KYI DGONGS PA YANG, STONG NYID BDEN MED KYI RNAM PA SHAR NAS BSGOMS PAS STONG NYID SPYI DE BDEN MED DU SNANG YANG, STONG NYID BYE BRAG PA STONG NYID BDEN PAR MED PA DE BDEN PAR SNANG BA LAS MI 'DA' BA LTA BU'I KHYAD PAR YONG, SO SKYE'I MNYAM GZHAG GI MTHAR THUG SBYOR LAM CHOS MCHOG CHEN PO'I GNAS SKABS SU YANG, CHOS GCIG KYANG MA LUS PA BDEN PAS STONG PA LA MNYAM PAR 'JOG PAR BSAMS KYANG, BZHAG MTSAMS SU STONG PA NYID LA GNYIS SNANG NUB PA MI SRID PA YIN, GZHAN YANG TSOGS LAM GYI SKABS KYI STONG NYID LA DMIGS PA'I ZHI GNAS RKYANGS PA LTA BU STONG NYID LA DMIGS PA DANG SGOM BYUNG GNYIS KA YIN YANG, SBYOR LAM MA THOB BAR DU STONG NYID LA DMIGS PA'I SGOM BYUNG YIN MI GSUNG BA RNAMS LA LAS DANG PO PA'I SGOM GYI GNAD KHYAD PAR CAN YOD NGES LAGS PAS, TSIG GI ZIN MTSAMS TZAM MA YIN PA'I DON GYI GO BA LEGS PAR 'TSOL DGOS SO, ,DA NI GSUM PA YANG NA SEMS LA BLTA TSUL NI, YANG NA MNYAM PAR BZHAG PA'I NGANG, ,GZUGS SU MA GRUB STONG SANG DE, ,SGRIB
, ,MED SNA TSOGS 'CHAR ZHING 'PHRO, ,'GAG MED GSAL ZHING RIG PA'I RGYUN, ,CHAD PA MED PAR 'JUG PA'I SEMS, ,LTOS MED SNANG ZHING 'DZIN PA YIN, ,ZHEN YUL MGON PO ZHI BA LHAS, ,RGYUD DANG TSOGS ZHES BYA BA NI, ,'PHRENG BA DMAG SOGS BZHIN DU BRDZUN, ,ZHES GSUNGS LUNG DANG RIGS PA YIS, ,SNANG TSUL LTAR DU MA GRUB PA'I, ,NGANG DU RTZE GCIG MNYAM PAR GZHOG ,CES GSUNGS, DE YANG GSANG BA 'DUS PA LAS, ,CHOS THAMS CAD KYI RTZA BA RLUNG SEMS TZAM ZLA BAR SNANG BA DE NGA'O ZHES PA DANG, YUM GYI MDO LAS KYANG, BLA GAB MED PA DANG NAM MKHA' LA RNAL 'BYOR BYA'O, ,ZHES PA SOGS MDO RGYUD THAMS CAD KYI DGONGS PA KHYAD PAR CAN GYI GTAD SO RANG SEMS BDEN STONG BSGOMS PA'I SEMS LA BLTA TSUL 'DI DANG, SA BCAD BZHI PA GANG SHAR LA BLTA TSUL GNYIS NI SA BCAD SNGA MA GNYIS LAS LOGS SU BYED PA YANG, SNGA MA GNYIS NI BDEN GRUB KYI 'BREL ZLA MA DMIGS PA STE GCIG DU BRAL GYI RIGS PA GTZO CHE BAS, BDAG MED SPYI'I LTA THOG LA GSAR DU RTZAL SBYONG BYED PA YIN, SA BCAD PHYI MA 'DI GNYIS NI BDEN GRUB KYI 'GAL ZLA DMIGS PA STE RTEN 'BREL GYI RIGS PA GTZO CHE BAS, BDAG MED NGES ZIN GYI DON LA LTA THOG NAS RTZAL 'DON BYED PA LTA BU YIN PAS, 'DI DAG GI SKABS SU YANG BDAG MED SPYI'I SKYONG TSUL GYI GNAD DANG MA BRAL BA GAL CHE, DES NA SKABS 'DIR YANG CHAD PA MED PAR 'JUG PA'I SEMS ZHES PA YAN GYIS KHYAD CHOS DE RNAMS DANG LDAN PA'I STONG GZHI RANG GI SEMS BSTEN, ZHEN YUL ZHES PA YAN GYIS GANG GIS STONG RGYU'I DGAG BYA BSTAN, MNYAM PAR GZHOG CES PA YAN GYIS DGAG BYA DE 'GOG PA'I LUNG RIGS DANG, BKAG PA'I MED DGAG LA MNYAM PAR 'JOG TSUL BSTAN, SEMS KYI KHYAD CHOS GZUGS CAN DU MA GRUB PAS STONG SANG SOGS GONG DU BSHAD PA LTAR DANG, SNGAR SEMS KYI KUN RDZOB NGO SPROD TSUL NI RANG CAG GIS BUM PA MNGON SUM DU RTOGS PA'I
TSOD KYI SEMS NGO 'PHROD PA MA GTOGS SEMS KUN RDZOB KYI BDEN PA YIN PAR RTOGS PA'I DON MIN TE, DE LTAR RTOGS PA LA SEMS BRDZUN PAR 'GRUB DGOS SHING, DE LA NI SNGON DU BDEN GRUB TSAD MAS KHEGS DGOS SO, ,SPYIR DBYE GZHI SHES BYA LA SO SOR PHYE BA'I GRANGS BDEN PA GNYIS, GNYIS ZER BA THA DAD KYI DON YIN PAS, THA DAD LUGS NI NGO BO GCIG PA'I THA DAD YIN LA, DE YANG SEMS LA SOGS PA'I CHOS CAN RE RE'I NGO BO LA YANG, KUN RDZOB DANG DON DAM PA'I NGO BO GNYIS GNYIS YOD CING, SEMS KYI GSAL RIG NI SEMS KYI KUN RDZOB PA'I NGO BO DANG, DE BDEN STONG NI SEMS KYI DON DAM PA'I NGO BO YIN LA, SEMS KYI BDEN PA GNYIS NGO BO GCIG TU 'GRUB LUGS NI, SEMS KYI DON DAM PA'I NGO BO LA BZHAG PA'I BDEN STONG DE GZHAN ZHIG BDEN PAS STONG PA LA MI BYED KYI, SEMS KYI KUN RDZOB PA'I NGO BOR BZHAG PA'I GSAL RIG KHO RANG BDEN PAS STONG PA ZHIG YIN PAS SO, ,DA DUNG DON DANG MI 'GAL BA'I GO BDE BAR BYED NA, CHOS THAMS CAD RANG RANG GI BDEN PAR MED PA DANG THA SNYAD DU YOD PA GNYIS KA YIN PAS BDEN GNYIS NGO BO GCIG YIN YANG, CHOS THAMS CAD RANG RANG GI BDEN PA GNYIS KA MA YIN PAS LDOG PA THA DAD DU BZHAG GO ,'DI DAG LEGS PAR MA GON MYONG BA THOG MA'I DUS SU DAM PA 'GA' ZHIG GIS KYANG, SEMS STONG NYID YIN, STONG NYID SEMS YIN SNYAM DU DGONGS NAS DE LTAR GSUNGS PA MANG NGO, ,DE LTAR YANG 'JUG PA LAS, DNGOS KUN YANG DAG BRDZUN PA MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,YANG DAG MTHONG YUL GANG DE DE NYID DE, ,MTHONG BA BRDZUN PA KUN RDZOB BDEN PAR GSUNGS, ,ZHES GSUNGS PA LTAR CHOS CAN GCIG GI STENG NAS TSAD MA GNYIS SO SO'I RNYED DON BDEN PA GNYIS KYI RNAM DBYE KLU SGRUB KYIS JI LTAR GTAN LA PHAB PA LTAR SHES PA SHIN TU GAL CHE STE, DE NYID LAS, SLOB DPON KLU SGRUB ZHABS KYI LAM LAS NI, ,PHYI ROL GYUR LA ZHI BA'I THABS MED DO, ,DE DAG KUN RDZOB DE NYID BDEN LAS NYAMS, ,DE LAS NYAMS PAS THAR PA GRUB YOD MIN, ,THE
, ,SNYAD BDEN PA THABS SU GYUR PA DANG, ,DON DAM BDEN PA THABS BYUNG GYUR PA STE, ,DE GNYIS RNAM DBYE GANG GIS MI SHES PA, ,DE NI RNAM RTOG LOG PAS LAM NGAN ZHUGS, ,ZHES GSUNGS PA LTAR RO, ,SKABS 'DI'I YANG NA MNYAM PAR BZHAG PA'I NGANG, ,ZHES PA'I MNYAM GZHAG NI SEMS NGO 'PHROD PA'I KUN RDZOB PA'I MNYAM GZHAG LA GTZO BOR BYAS NA DE'I NGANG NAS LTOS MED KYI DGAG BYA 'CHAR TSUL MNGON CHE BA YONG BAS, DE'I TSUL NI SNGAR KYI SEMS 'DZIN TZAM DANG MI 'DRA BAR SEMS BLO LA SNANG TSUL BRTAG PA NAS 'GO BRTZAMS TE GNAS TSUL LA BLTA BA'I RIGS SHES BSKYED DGOS, SNANG TSUL NI SEMS DE SNGON SONG GI RANG GI RGYU RKYEN SOGS LA LTOS PA LTA CI, DUS MNYAM PA'I RANG GI CHA SHAS RNAMS LA YANG LTOS MED KYI RANG DBANG DU SNANG ZHING, SNANG BA DE LTAR YIN SHAGS BYED PA'I BLO DE BDEN 'DZIN YIN, DE'I ZHEN YUL NI SPYIR DGAG BYA BDEN GRUB GTAN MED YIN YANG, DA LTA RANG CAG GI NGOR YOD PA'I NANG NAS KYANG SEMS YIN PAS NA, 'DI NGA'I SEMS YIN SNYAM PA SKYE SA'I SEMS RANG NGOS NAS RNYED PA STE, MDOR NA RANG LA DA LTA SNANG BA LTAR GYI SEMS 'DI YIN, DE BZHIN DU BUM PA BDEN GRUB KYANG BDAG 'DRA BA'I MIG LA SNANG BA LTAR GYI BUM PA 'DI KHA RANG YIN, SNGON GTZANG GI BLA MA DKA' CHEN ZHIG GIS NGES DON GYI LTA BA RNYED PA'I SNYAN GRAGS CHEN PO BYUNG DUS, DBUS KYI GZHUNG LUGS PA GNYIS KYIS DE'I DRUNG DU BYON, MJAL MA THAG NAS KHYED KYIS LTA BA RNYED PA'I MTSAN SNYAN CHE BAS NGED GNYIS LA STONG NYID BSTAN DGOS ZHUS PAS, BLA MA DES MDUN DU KA BA ZHIG YOD PA LA MDZUB MO BTZUGS NAS NGAS LTA BA MANG PO MI SHES, KA BA 'DI MIG GIS MTHONG NA YANG GTAN NAS MED SNYAM PA ZHIG BLO'I PHUG NA YOD GSUNGS PAS, KHONG GNYIS KYIS GDAMS NGAG MUS MTHUD KYIS ZHUS NA, RANG LA TSIG GI RNAM DBYE YOD PA DANG, BLA MA DON GYI NYAMS MYONG YOD PA 'DZOM PAS SNYING PO RNAM DAG CIG LON NGES LA, RTEN 'BREL LEGS PAR MA 'GRIGS PAS CHAD LTA LTA BUR MTHONG NAS DU LOG YONGS PA
RED, DES NA DA LTA RANG CAG LA SNANG BA LTAR GYI BUM SOGS KYI CHOS 'DI THAMS CAD GTAN MED YIN PA LA GTAN MED DU NGO 'PHROD NAS, BDEN 'DZIN LA GANG SHAR RANG LUGS SU BYED PA'I DA LTA SNANG ZHING 'DZIN MUS KYI BUM SOGS KYI CHOS 'DI TSO GTAN NAS MIN SA ZHIG NAS BSAMS PAS GZHI SO SOR CHOS SO SO'I THA SNYAD KYI RNAM GZHAG JI BZHIN 'THAD PA'I GCIG CHOG RGYAL PO RTEN 'BREL DE NI, RTAG MTHA' BDEN GRUB DANG BRAL BA'I STONG PA DANG CHAD MTHA' GTAN MED DANG BRAL BA'I SNANG BA STE SNANG STONG GNYIS TSOGS KYANG ZER, DBU MA PAS BGROD PA'I SHUL YIN PAS DBU MA'I LAM YANG ZER, RTZOD BZLOG LAS KYANG, GANG GIS STONG DANG RTEN 'BYUNG DANG, ,DBU MA'I LAM DU DON GCIG PAR, ,GSUNG MCHOG MTSUNGS PA MED PA YI, ,SANGS RGYAS DE LA PHYAG 'TSAL LO, ,ZHES STONG DANG RTEN 'BYUNG DBU MA'I LAM GSUM MING GI RNAM GRANGS SU GSUNGS SHING, RJE LCANG SKYA ROL RDOR GYIS, DA LTA RANG RE YI BLO GSAL 'GA' ZHIG ,TSUGS THUB BDEN GRUB SOGS BRDA' LA ZHEN PAS, ,SNANG BA LING LING DE RANG SOR BZHAG NAS, ,DGAG RGYU RVA CAN ZHIG 'TSOL BAR SNANG STE, ,SGRIB BRAL AA MA YI BZHIN RAS DE NA, ,LANG LANG LING LING DE YOD SKAD MI 'DUG ,GNAD 'GAG MA PHIGS PA'I BSHAD BSHAD MANG NA, ,AA MA RGAN MO DE BROS DOGS 'DUG GO ,YOD ZHIG YOD MOD KYANG DA LTA'I 'DI 'DRA'I, ,RANG RONG 'GAL 'DU CAN YIN TSOD MI SNANG, ,PHA MA MDZA' BCUGS KYIS 'BRAL MED BAG PHEBS, ,'JAM 'JAM SKYID SKYID CIG YIN PAR SNANG NGO, ,ZHES GSUNGS PA 'DI RANG SNYING POR 'DUG GO ,'ON KYANG GZHUNG BSHAD LA SBYANG RTZIS RNAG MA BYAS NA BSDUS BSGOM GYIS MGO 'KHOR THEB NYEN CHE'O, ,GONG GI DA LTA'I CHOS 'DI TSO GTAN NAS MAN SA ZHIG NAS BSAM LUGS KYANG, RKYEN 'DI PA TZAM GYIS ZHES SOGS GSUNGS PA LTAR, SEMS LA GOS PA'I DNGOS PO RNAMS NI GTZO BO RANG GI RGYU RKYEN LA BRTEN PA DANG, DNGOS MED KYI CHOS RNAMS RANG RANG GI GDAGS GZHI CHA SHAS TSOGS PA LA BRTEN PA DANG, THAMS CAD KYANG RANG 'DZIN GYI RTOG PA TSAD MA LA LTOS SHING RAG LAS PA LA KHA LAB TZAM
, ,MIN PA'I NGES SHES NANG NAS 'TSOL DGOS PA YIN, SKABS 'DIR TSIGS 'GROS KYI GO LUGS MA SHES NA, ZHEN YUL MGON PO ZHIB LHAS, ,ZHES SOGS KYIS ZHEN YUL LTOS MED KYI SEMS DE 'PHRENG DMAG BZHIN DU BRDZUN PAR SGRUB PAR GO YONG STE DE TZAM MIN, 'O NA JI LTAR YIN NA DPE'I SKABS SU 'PHRENG DMAG KHO RANG GNYIS BRDZUN PAR GSUNGS PA LTAR SEMS RANG BRDZUN PAR RTOGS DGOS, DE'I TSUL NI, STONG GZHI'I SGO NAS NGES SLA BA GZUGS BRNYAN RMI LAM TZAM ZHIG BDEN MED RTEN 'BREL DU MA NGES GONG NAS, CHOS THAMS CAD SKAD CIG GIS STONG PA NYID DU GYUR SNYAM DU BSAM MKHAN BDAG 'DRA BA'I BLO TSOD DANG BSTUN NAS ZHU NA, THOG MAR RANG GI 'PHRENG BA MDUN DU BZHAG ,DE LA BLTAS PAS PHAR 'PHRENG BA SNYAM DU BSAMS MA BSAMS LA MA LTOS PAR 'PHRENG THAG LA 'PHRENG RDOG BRGYUS PA'I STENG NAS DE TSO MA YIN PA'I 'PHRENG BA TSUR SHAR BA DE BLOS BZUNG, 'DI YOD MED BLTAS PAS SHES SNYAM NAS ZHIB TU BRTAGS PAS 'PHRENG RDOG LA SOGS PA GZHI DER YOD TSAD NI 'PHRENG BA KHONG RANG GI KHYAD CHOS YIN PA SHA STAG LAS MA 'DAS PAS 'PHRENG BA KHONG RANG NI MA RNYED PAS MED PAR GYUR, DE'I DUS SU DA DUNG DA PHYIN MTHONG BA DE DRAN PAR BYAS NAS 'DI DUS RGYUN YOD PA DANG DA MED PA GNYIS BYUNG, 'DI GNYIS GANG GNAS LUGS MTHAR THUG YIN SNYAM DU BRTAGS NAS DUS RGYUN GYI YIN LUGS PHYOGS GCIG LA THAG MCHOD NA, JI TZAM BSGOMS KYANG DUS RGYUN BDEN PAR GRUB PA ZHIG GNAS SKABS DER MA GRUB PAR BCOS PA'I BLOS BYAS KYI STONG PA LTA BU ZHIG MA GTOGS GAR YANG MI PHAN, DES NA BRTAGS LUGS NI, 'DI DUS RGYUN YOD NA NI DA RES MED 'GRO DON MED PAR MA ZAD BLO NGO 'DIR GSAL DU RANG 'GRO DGOS TE, 'DI GSAL BAR MTHONG PHYIR ZHIB TU BLTAS PA TZAM MA GTOGS GDAGS GZHI GTOR BA'I LAS NI MA BYAS, BYAS KYANG GNOD DON MED DE 'DI DANG GDAGS GZHI RNAMS LTOS MED KYI SO SO BA YIN PA'I PHYIR SNYAM DU BSAMS PAS, YUL RANG
NGOS NAS 'PHRENG BA MED PA DE 'PHRENG BA'I GNAS LUGS SU RTOGS NAS DGAG BYA'I 'PHRENG BA DE GTAN NAS MED PA DANG 'PHRENG BA YUL RANG NGOS NAS GTAN MED YIN PA GNYIS DON GCIG TU GO YONG, DE GO NA, RTZA SHE LAS, RANG BZHIN DAG NI BCOS MIN DANG, ,GZHAN LA LTOS PA MED PA YIN, ZHES GSUNGS PA LTAR GYI CHOS KUN GDONG NAS STONG PA'I RANG BZHIN BCOS MIN DE RTOGS PAR 'GYUR RO, ,DE LTAR MED PAR NGES NAS 'PHRENG BA SNANG BA NA, 'PHRENG BA NI 'DI LTAR MIN PA LA 'DI LTAR SNANG PA'I BRDZUN PA'O SNYAM DU NGES YONG, DE DUS 'PHRENG BA RANG GI GDAGS GZHI DU MA TSOGS PA LA BRTEN NAS BTAGS PA TZAM DU RTOGS NAS 'PHRENG BA'I BYA BYED THAMS CAD SKYON MED DU 'JOG PA'I NGES SHES RNAM DAG SKYE'O, ,DE BZHIN DU DMAG KYANG DMAG MI DU MA 'DUS SHING 'THAB PA SOGS LA BRTEN NAS BTAGS PA TZAM STE DE DAG LA LTOS PA KHO NA YIN GYI, DA LTA'I LTOS MED KYI SNANG TSUL 'DI LTAR MA YIN PA'I BRDZUN PA YIN NO, ,DE LTAR DPE'I CHOS RNAMS BDEN MED BRDZUN PAR GO NAS SEMS KYANG DE BZHIN DU GZHAN LA LTOS PA'I RGYU MTSAN GYIS, LTOS MED DE LTAR DU MED PAR NGES PA'I RGYUN BSKYANGS NAS MNYAM PAR 'JOG GO ,'DI RNAMS NI RTEN 'BREL BSTOD PA LAS, RANG BZHIN BCOS MIN LTOS MED DANG, ,RTEN 'BREL LTOS DANG BCOS MA GNYIS, ,JI LTA BUR NA GZHI GCIG LA, ,MI 'GAL 'DU BA NYID DU 'GYUR, ,DE PHYIR BRTEN NAS 'BYUNG BA GANG, ,RANG BZHIN GYIS NI GDOD MA NAS, ,RNAM PAR DBEN YANG DER SNANG BAS, ,'DI KUN SGYU MA BZHIN DU GSUNGS, ZHES PA'I DON DU 'GYUR RO, ,BZHI PA MDOR NA GANG SHAR LA BLTA TSUL NI, MDOR NA BDAG GI DGE BA'I BSHES, ,DON DANG MTHUN PA'I THAMS CAD MKHYEN, ,SANGS RGYAS YE SHES ZHAL SNGA NAS, ,GANG SHAR RNAM RTOG 'DZIN PAR YONGS RIG NA, ,DON DAM CHOS DBYINGS GZHAN LA LTOS MED 'CHAR, ,SHAR BA'I NGANG DU RIG PA ZHUGS PA LA, ,RTZE GCIG MNYAM PAR 'JOG PA AE MA HO, ,ZHES GSUNGS DE BZHIN DAM PAS KYANG, ,STONG PA'I NGANG DU RIG PA'I MDUNG
, ,BSKOR BYA, ,LTA BA LA THOGS THUG MED DO DING RI BA, ,ZHES SOGS DGONGS PA GCIG TU GNAS, ZHES GSUNGS, 'DI NI GANG SHAR NYAMS LEN DU SGRIL BA'I SNYING PO MTHAR THUG PA STE, DE YANG MDOR NA ZHES PA, SKYONG TSUL GYI GNANG MDOR BSDUS PA'I DON YANG YIN MOD DE, GTZO BO NI RJE BLA MA TZONG KHA PA CHEN POS, NAM ZHIG RES 'JOG MED PAR GCIG CHAR DU, ,RTEN 'BREL MI BSLUR MTHONG BA TZAM NYID NAS, ,NGES SHES YUL GYI 'DZIN STANGS KUN 'JIG NA, ,DE TSE LTA BA'I DPYAD PA RDZOGS PA LAGS, ,ZHES PA DANG, DPAL LDAN ZLA BAS, THA SNYAD BDEN PA THABS SU GYUR PA DANG, ,DON DAM BDEN PA THABS BYUNG GYUR PA STE, ,ZHES GSUNGS PA LTAR, LTA BA'I DPYAD PA BYAS PA'I 'PHRAL GYI DGOS PA RDZOGS PA ZHIG BYUNG MA BYUNG GI SA MTSAMS BSTAN PA YIN LA, DE NI STONG PA'I PHYOGS RTOGS PA TZAM GYIS KYANG MI YONG BAS STONG PA RTEN 'BYUNG GI DON DU NAM SHAR BA LA BYED DO, ,DES NA STONG NYID JI BZHIN NGES PA NI DA LTA'I SNANG TSUL LTAR GYI SKYON GYIS MA GOS PA'I THA SNYAD JI BZHIN NGES PA LA RAG LAS TE, 'JUG t'IK LAS, 'DIS NI THA SNYAD KYI RNAM GZHAG SKYON MED PA ZHIG MA BYUNG BAR DU, DON DAM BDEN PA JI BZHIN DU MI RTOGS PAR BSTAN PA'O, ,ZHES GSUNGS PA NI 'DIR SKABS SU BABS PA YIN NO, ,STONG PA RTEN 'BYUNG GI DON YIN PA'I GO DON GYI SNYING PO NI DE GNYIS NANG PHAN TSUN DU MING DANG DON, YUL DANG YUL CAN, BRJOD BYA DANG BRJOD BYED, DNGOS DANG SHUGS, RNAM BCAD DANG YONGS GCOD LTA BU'I DON DU GO NA NI, DPER NA MYU GU SA BON LA BRTEN NAS 'BYUNG BAR NGES PA'I 'JIG RTEN PA'I BLO RANG DGA' BAS KYANG STONG NYID KYI DON NGES PAR 'GYUR BA SOGS MI RIGS PA MANG NGO, ,'O NA JI LTAR 'JOG SNYAM NA, STONG NYID NGES ZIN GYI GANG ZAG GIS CHOS RNAMS GZHAN LA LTOS PA'I RTEN 'BYUNG DU DNGOS SU NGES PA'I RANG STOBS KYIS, DE MA THAG BDEN GRUB KYIS STONG PAR DNGOS SU NGES PAR 'GYUR TE, BDEN GRUB LTOS MED DU GO ZHING DE DANG RTEN 'BYUNG GNYIS 'GAL BA RANG GI TSAD MAS
RTOGS PA'I PHYIR, DES NA STONG DON RTEN DON DU 'GRO BA 'DI NI RANG BZHIN GYIS GRUB PA RDUL TZAM YANG MED PAR RTOGS PA'I DBU MA PA KHO NA LA YIN GYI DE LAS GZHAN PA SU LA YANG MIN TE, RANG CAG LA SOGS PA DE DAG GI NGOR NI BU MA SKYES PA BU SKYES PA'I DON DU BZHAG PA LTAR SONG NAS RANG BZHIN GYIS MA SKYES PA DE RTEN 'BREL GYI DON DU 'GAL BAR BYED DO, ,DE LTAR YANG RTZA t'IK CHEN MO LAS, STONG PA'I DON RTEN 'BYUNG GI DON DU 'GRO BA NI, RANG BZHIN GYIS GRUB PA TSAD MAS KHEGS PA'I DBU MA PA RNAMS LA YIN GYI GZHAN LA MIN NO, ,ZHES SOGS GSUNGS, DES NA YUL GANG DU DUS GANG GI TSE GNAS SKABS GANG DU GYUR KYANG NUS PA CI YOD KYIS DA LTA MED NA 'TSOL RGYU DANG YOD NA SKYONG RGYU NI NGES 'BYUNG BYANG SEMS KYIS KUN NAS BSLANGS PA'I CHOS GCIG STE, DE NI 'DI LTAR RANG CAG LA GANG DANG GANG SHAR YANG, TSUR SHAR BA'I 'GAL ZLA PHAR RNAM RTOG TSAD MAS DE DANG DER 'DZIN PAR TE BTAGS PA TZAM DU YONGS RIG NA, TSUR SHAR BA LTAR GYI DGAG BYA'I RANG BZHIN BKAG TZAM GYI MED DGAG DON DAM CHOS DBYINGS DE, RIGS PA'I RGYAL PO RTEN 'BREL GYI GTAN TSIG 'DI LAS GZHAN PA'I GCIG DU BRAL SOGS LA LTOS MED DU 'CHAR ZHING DRAN PAR 'GYUR LA, DE LTAR CHOS DBYINGS SHAR BA'I NGANG DU RIG PA YE SHES DBYER MED LTA BUR ZHUGS PA LA, DE LAS GZHAN DU MI GA-YENG BAR RTZE GCIG TU MNYAM PAR 'JOG PA BYUNG NA NI RGYAL BA DGYES PA'I LAM BZANG RNYED PAS AE MA HO STE SHIN TU NGO MTSAR RMAD DU BYUNG BA'O, ,'DI MKHAS GRUB CHEN PO SANGS RGYAS YE SHES KYI ZHAL GDAMS YIN PAR DNGOS SU 'GOD PAR MDZAD PA NI, 'DI LTAR MED NA MANG SHOR YOD NA GCIG CHOG GI GDAMS PA'I RGYAL PO NI 'DI KHO NA'O ZHES PA DANG, 'DI NI GZHAN GYIS MI 'GRUB BLA MA KHO NA LA BRTEN NAS 'GRUB ZHES PA DANG, BLA MA DE YANG MDO RGYUD DPE THOG NAS GANG SHES BYED PA TZAM MA YIN PAR, SANGS RGYAS NAS RANG GI BLA MA'I BAR GYI ZHAL NAS ZHAL DU BRGYUD PA'I GZHUNG LUGS GDAMS PAR SHAR BA'I ZHAL SNGA NAS SHIG NGES PAR DGOS
, ,ZHES RANG CAG LA GNAD SDOM CHEN PO'I RGYUS YOD GNANG BA YIN, ZHAL SNGA NAS ZER BA'I DON 'DI LTAR YIN PA DO HA'I RGYA 'GREL NA GSAL LO, ,GZHAN YANG GZHI BUM PA LA BKAR NAS DPER BYED NA, RANG STOBS KYIS TSUR SHAR BA'I BUM PA LTOS MED DE, GZHAN STOBS KYI RTEN 'BREL TSAD MAS PHAR KHEGS, KHEGS SHUL GYI STONG PA TSUR SHAR BA LA, RIG PA PHAR ZHUGS NAS MNYAM GZHAG CI NUS SU SKYONG DGOS PA YIN, 'DI LA NI GONG DU ZHUS PA LTAR BUM PA TSUR SHAR BA'I 'CHAR TSUL 'DI LTOS MED KYI 'CHAR TSUL YIN PA DANG BUM SOGS THAMS LTOS MED DE LTAR RAM YANG NA GZHAN LA LTOS NAS GRUB PA KHO NA STE, DE GNYIS GANG RUNG GCIG MA GTOGS GNYIS KA YIN MI SHES PA DANG, BUM SOGS RNAMS RANG RANG GI RGYU RKYEN GDAGS GZHI SOGS GANG LA LTOS SA'I CHOS RNAMS YOD MED KYI DBANG DU SONG BA SOGS DE DAG LA LTOS PA STE RAG LAS PA KHO NA YIN PA BCAS LA THA NA MIG GIS BLTA BA TSUN CHAD KYIS NGES SHES BRTAN PO 'TSOL BA SHIN TU GAL CHE STE, DE LTAR MDZAD NA BUM PA MTHONG THOS DRAN REG GANG GI DUS SU YANG NAM MKHA' LA BLTAS PA'I TSOD KYI STONG SANG ZHIG 'CHAR LA, DES BUM PA'I THA SNYAD LA MI GNOD PAR MA ZAD BUM PA'I CHE CHUNG SOGS RNAM GZHAG THAMS CAD STONG SANG DE KHO NA LA 'THAD KYI GZHAN LA MI 'THAD PAS, YOD TSAD KYI RTEN 'BREL THAMS CAD YUM CHEN STONG PA KHO NA'I DRIN DU MTHONG BA ZHIG KYANG YOD PA RED DO, ,DE YANG KA BA BUM PA'I 'GAL ZLA YIN PAS, KA BAS STONG BA BUM PA'I GROGS SU 'GRO BA LTA BU'O, ,'DI LTAR SGO SNA TSOGS NAS 'BAD RGYU BYUNG NA TSE RABS GZHAN DU YANG STONG PA DNGOS SU MA THOS GONG NAS CHOS GZHAN THOS PAS KYANG STONG PA NYID KYI LTA BA'I BAG CHAGS SAD PAR 'GYUR TE, RTA THUL GYIS BDEN BZHI'I RTEN 'BREL TZAM LAS MA BSHAD KYANG, KUN TU RGYU NYE RGYAL GYIS STONG NYID RTOGS PA LTA BU YONG, MA DROS PAS ZHUS PA LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG GIS STONG NYID SHES DE BAG YOD YIN,
ZHES PA DANG, MKHAS PAS RTEN 'BYUNG CHOS RNAMS RTOGS GYUR TE, ,MTHAR LTA BA LA BRTEN PAR YONG MI BYED, ,RGYU DANG BCAS SHING RKYEN BCAS CHOS SHES KYI, ,RGYU MED RKYEN MED CHOS NI YOD MA YIN, ,ZHES DANG, GLANG PO'I RTZAL GYI MDO LAS KYANG, GAL TE CHOS RNAMS RANG BZHIN 'GA' YOD NA, RGYAL BA NYAN THOS BCAS PAS DE MKHYEN 'GYUR, ,THER ZUG CHOS RNAMS MYA NGAN 'DA' MI 'GYUR, ,MKHAS RNAMS NAM YANG SPROS DANG BRAL MI 'GYUR, ,ZHES DANG, YAB KLU SGRUB KYIS RTZA SHE LAS, GANG PHYIR RTEN 'BYUNG MA YIN PA'I, ,CHOS 'GA' YID PA MA YIN NA, ,DE PHYIR STONG PA MA YIN PA'I, ,CHOS 'GA' YOD PA MA YIN NO, ,ZHES DANG, SRAS ZLA GRAGS KYIS 'JUG PA LAS, GANG PHYIR DNGOS PO BRTEN NAS RAB 'BYUNG BAS, ,RTOG PA 'DI DAG BRTAG PAR MI NUS PA, ,DE PHYIR RTEN 'BYUNG RIG PA 'DI YIS NI, ,LTA NGAN DRA BA MTHA' DAG GCOD PAR BYED, CES DANG, THUN MONG MA YIN PA'I NGES NGOR SANGS RGYAS YIN ZER BA TZAM LA RE MI DGOS PAR, THUN MONG GDUL BYA'I SNANG NGOR YANG MDZAD PA THAMS CAD SANGS RGYAS DANG SGO KUN NAS MTSUNGS PA GANGS CAN GYI STON PA TZONG KHA PA CHEN POS KYANG, BSTOD PA LEGS BSHAD SNYING PO LAS, KHYOD NI NAM ZHIG STONG PA NYID, ,RTEN 'BYUNG DON DU MTHONG BA NA, ,RANG BZHIN GYIS NI STONG PA DANG, ,BYA BYED 'THAD PA'ANG MI 'GAL ZHING, ZHES SOGS DANG, RTZA t'IK CHEN MO LAS KYANG, DES NA RTEN 'BYUNG NYID KYIS RANG BZHIN GYIS YOD PA KHEGS PA'I STONG NYID LA NGES PA RNYED PAS NI, NAM MYU GU LA SOGS PA RGYU RKYEN LA LTOS PAR MTHONG PA DANG THOS PA DANG DRAN PA'I MOD LA RGYU MTSAN DE NYID KYIS RANG BZHIN MED PA YIN PA'I TSUL SEMS PA LA GOMS PAR BYA'O, ,ZHES GSUNGS PA'I BKA' DRIN 'DI DAG NI RGYAL BA SRAS BCAS DE DAG SLAR YANG BYON PA'I BDAG GI ZUNG 'JUG BLA MA RIN PO CHE LTA BU LAS THOB PAR BYA'O, ,DE BYUNG NA SO SKYE'I DUS NAS SRID PA MTHA' DAG HRUL POR BYED PAS NA SHIN TU NGO MTSAR CHE STE, DPER NA GOS HRUL POR SONG NA GOS KYI BYA BA MI BYED DE BZHIN DU SRID PA HRUL POR SONG NA SRID PA LAS MA THAR YANG SRID PA'I BYA BA NYAMS PA YIN
, ,ZHES BDAG GI ZUNG 'JUG BLA MA RIN PO CHES GSUNGS, TSIG RKANG PHYI MA GNYIS KYI DON DE BZHIN DU PHA DAM PAS KYANG, STONG PA'I NGANG DU RIG PA'I MDUNG BSKOR BYA, ,LTA BA LA THOGS THUG MED DO DING RI BA, ZHES SOGS GSUNGS PA DGONGS PA GCIG TU GNAS TE, RTEN 'BREL YIN PAS STONG PAR GO NA DE'I NGANG DU RIG PA'I MDUNG BSKOR BYA STE, LTA BA DE LA THOGS SA DANG THUGS MED PA'I PHYIR ZHES PA'I DON YIN, MDOR NA BDAG MED PA'I BTAGS YOD TZAM DE, THOG MAR RANG STENG DU BSGOM, DE NAS GZHAN STENG DU SPOS, SEMS DANG GANG SHAR THAMS CAD LTOS GRUB KYI RIGS PAS RANG BZHIN LTOS MED BKAG TZAM GYI STONG NYID LA MNYAM GZHAG CI NUS SU SKYONG BA NI DGE LDAN PHYAG CHEN GYI DNGOS GZHI YIN NO, ,GSUM PA RJES KYI RIM PA LA GSUM, DGE RTZA BA BSNGO SMON GYI RIM PA, BOGS 'DON GEGS SEL GYI RIM PA, LAM BZANG MNGON 'GYUR RIM PA'O, ,DANG PO NI, RJES NI PHYAG CHEN BSGOM PA LAS, BYUNG BA'I RNAM DKAR CI MCHIS PA, DUS GSUM DGE TSOGS RGYA MTSOR BCAS, BLA MED BYANG CHUB CHEN POR BSNGO, ,ZHES GSUNGS, DE YANG THUN GYI 'GOR THEG CHEN SEMS BSKYED KYIS KUN NAS BSLANGS PA DANG MTHUN PAR THUN GYI MJUG 'DIR YANG PHYAG CHEN BSGOMS PA 'DIS GTZOS DUS GSUM GYI DGE RTZA GZHAN THAMS CAD KYANG SEMS BSKYED KYIS GANG 'DOD BYA'I RANG GI RDZOGS BYANG MYUR DU THOB PA DANG, GNAS SKABS KUN TU RJE BLA MA'I MDO SNGAGS LUNG RTOGS KYI DAM CHOS 'DZIN PA DANG, DE JI BZHIN STON PA'I THEG MCHOG GI DGE BA'I BSHES GNYEN GYIS NANG SRAS KYI THUGS GCIG GI TSUL DU RJES SU 'DZIN PA GSUM TSANG NGES KYI BSNGO SMON RE NGES PAR BYED DGOS, DE LTAR SBYOR DNGOS RJES GSUM GYIS ZIN NA DGE RTZA THAMS CAD SEMS BSKYED BSNGO BA STONG NYID RTOGS PA'I SHES RAB GSUM GYIS ZIN PA'I LAM SHES KYI NYAMS LEN DU 'GRO BA YIN, DE YANG KUN KYANG BSTAN PA RGYAS PA'I CHED DU BSNGOS, ZHES PA LTAR BSNGO BA SHIN TU GNAD CHE'O, ,
GNYIS PA BOGS 'DON GEGS SEL GYI RIM PA NI, DE LTAR GOMS NAS TSOGS DRUG GI ,YUL DU SNANG BA CI SHAR YANG, ,SNANG TSUL ZHIB MOR RTOGS SHIG DANG, ,GNAS TSUL RJEN PAR LHANG GIS 'CHAR, ,GANG SHAR NGOS 'DZIN LTA BA'I GNAD, ,MDOR NA RANG SEMS LA SOGS PA, ,GANG GANG SNANG BA'I DON DER NI, ,MA 'DZIN DE DE'I GNAS TSUL DE, ,NGES PAR GYIS LA RTAG TU SKYONGS, ,'DI LTAR SHES NAS 'KHOR 'DAS KYI, ,CHOS KUN RANG BZHIN GCIG TU SBYOR, ,DE SKAD DU YANG 'PHAGS PA LHAS, ,DNGOS PO GCIG GI LTA PO GANG, ,DE NI KUN GYI LTA POR BSHAD, ,GCIG GI STONG NYID GANG YIN PA, ,DE NI KUN GYI STONG NYID YIN, ,CES GSUNGS DE LTAR CHOS NYI LA, ,TSUL BZHIN MNYAM PAR BZHAG PA'I NGOR, ,YOD MED LA SOGS 'KHOR 'DAS KYI, ,SPROS PA'I MTHA' DANG BRAL MOD KYI, ,DE LAS LANGS NAS BRTAGS PA'I TSE, ,MING KYANG BTAGS YOD TZAM ZHIG GI ,BYA BYED RTEN 'BREL BSNYON MED PAR, ,RMI LAM SMIG RGYU CHU ZLA DANG, ,SGYU MA LTA BUR NGANG GIS 'CHAR, ,ZHES GSUNGS, DE LTAR MNYAM GZHAG TU GOMS PAR BYAS NAS RJES THOB TU RANG GI RNAM SHES TSOGS DRUG GI YUL DU GZUGS SOGS DRUG PO'I SNANG BA CI SHAR YANG, SHAR BA DE SHAR SA DER SNANG TSUL LTAR YOD MED ZHIB MOR RTOGS SHIG DANG, DE GTAN MED KYI GNAS TSUL MA SGRIBS PAR RJEN PAR LHANG GIS 'CHAR, RJE MEE TR'IS KYANG, DE LTAR GANG SHAR BA DE SHAR SA DER NGOS 'DZIN PA NI LTA BA SKYONG BA'I GNAD YIN PAR GSUNGS, MDOR BSDU NA RANG GI SEMS LA SOGS PA MING RKYANG GI CHOS GANG DANG GANG YIN PA RNAMS DA LTA RANG CAG SO SKYEL SNANG BA'I DON DANG GCIG PA'I RANG MTSAN DER NI MA 'DZIN PAR SO SOR KHA PHRAL NAS, CHOS DE DANG DE'I RANG MTSAN MED TZAM GYI GNAS TSUL GCIG PO DE NGES PAR GYIS LA, MNYAM GZHAG TU SKYONGS, RANG NGOS NAS MED PA'I SHUL NA PHAR CHOS 'DI DANG 'DI ZHES RTOG PA TSAD MAS BTAGS NAS BZHAG PA'I MING TZAM GYI RTEN 'BREL SKYON MED SNA TSOGS PA DE RJES THOB TU SKYONGS, MNYAM RJES KYI RNAL 'BYOR DE GNYIS KYANG RES 'JOG
, ,GIS DUS RTAG TU SKYONG ZHING TSUL 'DI LTAR SHES NAS 'KHOR BA DANG MYANG 'DAS KYI CHOS MA LUS PA KUN GYI RANG BZHIN DON DAM PAR MED MNYAM DANG, KUN RDZOB TZAM DU YOD MNYAM YIN PAR GCIG TU SBYOR DGOS TE, DE SKAD DU YANG 'PHAGS PA LHAS, DNGOS PO GCIG GI LTA PO GANG, ,DE NI KUN GYI LTA POR BSHAD, ,GCIG GI STONG NYID GANG YIN PA, ,DE NI KUN GI STONG NYID YIN, ,ZHES GSUNGS PA LTAR, YUL CAN 'DI'I RTOGS TSUL DANG YUL 'DI'I STONG TSUL GZHI THAMS CAD KYI STENG DU MI 'DRA BA MED PAS, GZHI GCIG GI STONG NYID JI BZHIN NGES PA'I BLO DE NYID KYI NUS PAS STONG NYID THAMS CAD NGES NUS ZHES PA'I DON YIN PAS, RANG GIS GZHI GANG GI STENG DU LTA BA'I PHU THAG CHOD PA DES MTSON NAS GZHAN THAMS CAD KYANG DE BZHIN DU BLTA DGOS SO, ,DE NI MDO LAS KYANG, DNGOS PO GCIG NI BSAMS BYAS NA, ,DE DAG THAMS CAD BSGOMS 'GYUR TE, ,ZHES GSUNGS PA'I DNGOS PO GCIG BSGOMS NA THAMS CAD BSGOMS PAR 'GYUR BA DE GANG YIN STON PA'I PHYIR, CHOS RNAMS KUN GYI BDAG MED YIN, ,ZHES GSUNGS PAS, RGYA CHE BA'I SPYOD PHYOGS RNAMS BSGOM PA PA DANG MI 'DRA BAR CHOS NYID THAMS CAD BSGOM 'DOD KYANG CHOS CAN RE RE NAS KYI CHOS NYID SO SOR BYAS NAS BSGOM MI DGOS PAS, THOG MAR CHOS CAN GCIG GI CHOS NYID LEGS PAR SHES NAS BSGOM PA GAL CHE'O, ,'DI RNAMS NI LTA BA'I NUS PA SPEL BAS BOGS 'DON YIN LA, DE LTAR RTEN 'BYUNG GI STONG NYID RTOGS PA'I NGES SHES GSAR PA'I DUS SU BLO YUL DU SKYONG MI BDE BA'I DGOS PA'I GEGS PHRA MO 'DI 'DRA NANG NAS 'CHAR DOGS TE, 'O NA CHOS NYID DE BDEN GRUB DANG NANG 'GAL YANG RTEN 'BYUNG DANG DON GCIG PAS, MNYAM GZHAG GIS CHOS NYID GZIGS NGOR CHOS RNAMS BDEN GRUB TU MI SNANG YANG, BTAGS YOD TZAM DU SNANG CHOG GAM SNYAM PA'I DOGS PA DANG, MI CHOG NA MNYAM GZHAG DE CHOS RNAMS GTAN MED DU RTOGS PA'I YE SHES SU MI 'GYUR RAM SNYAM PA'I DOGS PA GNYIS 'BYUNG NAS, GEGS DANG PO DE
SEL BA'I PHYIR, DE LTAR CHOS NYID LA, TSUL BZHIN MNYAM PAR BZHAG PA'I NGOR, YOD MED LA SOGS 'KHOR 'DAS KYI, ,SPROS PA'I MTHA' DANG BRAL MOD KYI, ,ZHES GSUNGS PA LTAR MNYAM GZHAG DES CHOS NYID GZIGS NGOR SU YANG YOD PAR MA GZIGS TE, DER KUN RDZOB TU YANG MED PA'I PHYIR, 'O NA KYANG DE'I TSE NA KUN RDZOB YOD PA MI 'GAL TE, DPER NA MDUN DU RGYAB MED KYANG MDUN GYI DUS SU RGYAB YOD PA MI 'GAL BA BZHIN NO, ,CHOS GANG YANG YOD PAR MA RTOGS PA DANG, MED PAR RTOGS PA'I KHYAD PAR MA PHYED PA'I DOGS PA GNYIS PA SEL BA'I PHYIR, DE LAS LANGS NAS BRTAGS PA'I TSE, ,MING RKYANG BTAGS YOD TZAM ZHIG GI ,BYA BYED RTEN 'BREL BSNYON MED PAR, ,RMI LAM SMIG RGYU CHU ZLA DANG, ,SGYU MA LTA BUR NGANG GIS 'CHAR, ZHES GSUNGS PA LTAR, MNYAM GZHAG DES CHOS GANG YANG MED PAR RTOGS NA MED DGOS PA LAS YOD PAR RJES THOB TU TSAD MAS GRUB PA'I PHYIR, DE LAS LANGS NAS BRTAGS TSUL 'DI LA GNYIS YOD DE, BUM PA GANG YIN KA BA GANG YIN SNYAM PA LTA BU'I THA SNYAD NANG PHAN TSUN SO SOR BRTAGS NAS NGOS 'DZIN PA'I THA SNYAD DPYOD PA'I TSAD MA DANG, DE DAG SNANG TSUL LTAR GRUB MA GRUB BRTOGS NAS MED PAR NGES PA'I DON DAM DPYOD PA'I TSAD MA GNYIS 'BYUNG, DE YANG SGYU MA LTA BUR 'CHAR SA TSAD MA SNGA MA YIN YANG, DE LTAR 'CHAR BA LA TSAD MA PHYI MA'I SHUGS MA NYAMS PAR YOD PA NGES PAR DGOS PAS, STONG NYID NGES PA'I SHUGS MA NYAMS PAR 'DUG NA BRTAGS TSUL SNGA MA BYA, MI 'DUG NA BRTAGS TSUL PHYI MA BYAS NAS SHUGS BSKYED DE KUN RDZOB RNAMS SNANG BA NA SGYU MA LTA BUR NGANG GIS 'CHAR RO, ,SPYIR CHOS THAMS CAD DANG PO NAS RANG BZHIN GYIS STONG YANG RANG BZHIN DER SNANG BAS SGYU MA LTA BU YIN PA TZAM GYIS MI CHOG RANG CAG GIS DE LTAR YIN PAR RTOGS DGOS, DE LA CHOS GANG YANG RANG BZHIN DES STONG YANG DER SNANG BAS SNANG BA SGYU MA LTA BU DANG, DER SNANG YANG SNANG BA LTAR GYIS STONG PAS SGYU MA LTA BU GNYIS YOD, DE NI STONG NYID RTOGS ZIN GOMS PA LA 'BYUNG GI GZHAN LA MI 'BYUNG STE, DPER NA SGYU MA MKHAN PO
, ,RANG NYID KYIS RDE SHING RTA GLANG DU SPRUL PA RNAMS YID CHES PAS, RTA GLANG GIS STONG YANG DER SNANG BA DANG, RTA GLANG DU SNANG YANG DES STONG PA'I 'CHAR TSUL RANG LA YOD KYI GZHAN LA MED PA BZHIN NO, ,DES NA SKABS 'DI'I RJES THOB TU SGYU MA LTA BUR 'CHAR BA'I RGYU THUN MONG MA YIN PA NI MNYAM GZHAG TU STONG NYID BSGOM PA KHO NA YIN GYI, DE LAS GZHAN PA'I MI RTOG PA'I SKYONG TSUL SNA TSOGS PA'I 'PHRUL GYIS GZUGS CAN RAGS PA RNAMS KYANG DU SRAB DANG 'JA' TSON LTA BUR SNANG BA DANG, RTZIG PA SOGS KYI RDUL RE RE NAS BGRANGS THUB PA'I TSOD KYIS YAR BTEG PA DANG MAR 'JOG MI BZOD PA'I NYAMS KYIS THAMS CAD SHIG SHIG PAR SNANG BA DANG DE DAG LA THAL BYUNG DU 'GRO BA LTA BU LA NI YANG DAG LTA BA 'DI'I PHYOGS TZAM NA YOD PAR YANG MA NGES SO, ,GANG ZAG RANG NGOR DGAG BYA BKAG TZAM GYIS CHOG PA NAM MKHA' LTA BU DANG, DES KYANG MA CHOG PAR DGAG BYA DER SNANG BA SGYU MA LTA BU YIN, CHOS RNAMS RANG RANG GI NGOS NAS GTAN MED YIN PAR NGES PA'I MJUG THOG TU RI BONG GI RVA SOGS SPYIR GTAN MED YIN PA RNAMS DANG MI 'DRA BA'I LUGS 'DI'I KHYAD CHOS BLA NA MED PA NI DGAG BYA DKAG SHUL DU MING RKYANGS PA RE LHAG MAR LUS PA DES SO SO'I BYA BYED RTEN 'BREL RNAMS BSNYON BTZUGS PA LTA BU MA YIN PAR JI BZHIN 'THAD PA'I SNANG BA NI RMI LAM LA SOGS PA DANG 'DRA STE, MDOR NA SNANG BA LTAR MI BDEN YANG SNANG BA TZAM 'THAD PA'I PHYIR DE YANG THOG MAR BYAD BZHIN GYI GZUGS BRNYAN BYAD BZHIN GYIS STONG YANG BYAD BZHIN DU SNANG BA TZAM MI 'GAL BA'I DPE BSAMS, DE NAS BYAD BZHIN GYI GZUGS BRNYAN NI BYAD BZHIN DANG ME LONG 'DUS PA SOGS GZHAN LA RAG LAS PA KHO NA ZHIG YIN PAR NGES PAR BYAS NAS, DE'I RGYU MTSAN GYIS DA LTA GZUGS BRNYAN YIN BSAMS SA'I SNANG BA LTAR 'DI GTAN MED DU NGES THUB NA GZUGS BRNYAN RANG BZHIN MED PAR NGES PA YIN, DE LTAR GTAN MED YIN NA YANG GZUGS BRNYAN GTAN MED DU MI 'GRO BAR BYAD DANG ME LONG SOGS LA BRTEN
NAS 'JOG PA'I SNANG BA SKYON MED KYI GNYIS TSOGS DE KHONG DU CHUD NAS, TSUL DE YANG DPE LTA BUR BYAS NAS CHOS DANG GANG ZAG THAMS CAD LA DE BZHIN DU NGES PA DRANG BAR BYA STE, 'JUG PA LAS, DNGOS PO STONG PA GZUGS BRNYAN LA SOGS PA, ,TSOGS LA LTOS RNAMS MA GRAGS PA YANG MIN, ,JI LTAR DER NI GZUGS BRNYAN SOGS STONG LAS, ,SHES PA DE YI RNAM PA SKYE 'GYUR LTAR, ,DE BZHIN DNGOS PO THAMS CAD STONG NA YANG, ,STONG NYID DAG LAS RAB TU SKYE BAR 'GYUR, ZHES GSUNGS SHING, 'JUG t'IKA LAS KYANG BYAD BZHIN GYI GZUGS BRNYAN LA DER GANG SNANG GI CHA THAMS CAD NAS SNANG BA LTAR DU MED KYANG, GZUGS BRNYAN MED PAR MI 'GRO BA CIG 'JOG SHES NA SNGON PO LA YANG RANG MTSAN GYIS GRUB PAR SNANG BA'I CHA THAMS CAD NAS SNANG BA LTAR GYI DON DU MED KYANG, SNGON PO YOD PAR NGES PAR 'JOG NUS PA CIG 'ONG NGO, , ZHIB MO'I BLOS GZUGS SOGS KYI STENG NAS 'DI 'GOG 'DI MI 'GOG CES PA'I RNAM PA GNYIS, GZUGS BRNYAN GYI DPE STENG NAS PHYED PA NI, DBU MA'I LTA BA RNYED PA LA MED MI RUNG DU DGOS PAS TSIM SLA MI NYAN NO, ,ZHES GSUNGS PA LTAR RO, ,SPYIR BUM PA LTA BU LA DMIGS NAS 'DZIN TSUL 'DI LTAR YOD DE, BUM PAR SNANG ZHING 'DZIN PA, BUM PA BDEN GRUB TU SNANG ZHING 'DZIN PA, BUM PA BDEN MED DU SNANG ZHING 'DZIN PA, BUM PA MING RKYANG BTAGS YOD TZAM DU SNANG ZHING 'DZIN PA BCAS BZHI YOD, STONG NYID MA RTOGS BAR DU RANG RGYUD LA DANG PO GNYIS YOD PHYI MA GNYIS MED, STONG NYID RTOGS NAS DGRA BCOM DANG SA BRGYAD PA MA THOB BAR DU BZHI KA YOD, DGRA BCOM PA DANG SA BRGYAD PA YAN LA BDEN SNANG YOD KYANG BDEN 'DZIN MED PAS GNYIS PA MED GZHAN THAMS CAD YOD, SANGS RGYAS NAS GANG YANG BDEN GRUB TU SNANG MI SRID PAS BDEN SNANG YANG MED, 'ON KYANG SEMS CAN GZHAN LA BDEN GRUB TU SNANG BA'I CHA SANGS RGYAS LA SNANG DGOS PAS BDEN SNANG SANGS RGYAS LA SNANG BA YANG MI 'GAL BAR SHES PAR BYA'O, ,GSUM PA LAM BZANG MNGON 'GYUR GYI RIM PA NI, SNANG BAS STONG PA MI BSGRIB
, ,CING, ,STONG PAS SNANG BA MI 'GOG PA, ,STONG DANG RTEN 'BYUNG DON GCIG PA'I, ,LAM BZANG DE TSE MNGON SUM 'GYUR, ,ZHES GSUNGS, DE YANG CHOS THAMS CAD KYI SNANG STONG SKYON MED KYI CHA GNYIS KA MA LUS PA LA 'KHRUL PA'I DRI MA BAG CHAGS DANG BCAS PA ZAD PAS, YUL CAN GCIG GI CHA SHAS KYIS KYANG, YUL THAMS CAD KYI SNANG STONG GNYIS CIG CAR DU RTAG TU MNGON SUM GYIS GZIGS PA'I YE SHES NI 'BRAS BU SANGS RGYAS KYI SA'I KHYAD CHOS YIN LA, GNYIS SNANG 'KHRUL PA'I CHA PHRA ZHING PHRA BA DNGOS SU SBYONG BA'I RIM PA RNAMS GSANG SNGAGS BLA MED KHO NA LA YOD PAS, RJE BDAG NYID CHEN POS KYANG SNGAGS KYI DPYAD PA DGUNG LO NGA DRUG GI DUS SU RDZOGS, PHA ROL TU PHYIN PA'I DPYAD PA SNGA MO NAS RDZOGS RGYU YIN PA LA, YANG DAG MTHA' MNGON DU BYED TSUL GYI DKA' GNAD GSANG SNGAGS KYI SPYOD PA'I SKABS SHIG LA RAG LAS PAS DE YANG NGA DRUG GI LO LA RDZOGS PA YIN PAS, 'DI LA SNGON CHAD GZHAN GYIS MA MYONG BA'I MDO SNGAGS KYI LAM MNGON DU BYED TSUL GYI GO BA CHEN PO YOD PA RED, SEMS CAN GYI DUS SU BLO GCIG GIS BDEN GNYIS CIG CAR DU MNGON SUM DU RTOGS MI NUS KYANG, GANG ZAG GCIG GIS BDEN GNYIS LA DUS GCIG TU MNGON SUM GYI NGES PA 'DREN THUB PA MTHONG LAM THOB NAS 'BYUNG, DE'I SNGON DU NGES 'BYUNG BYANG SEMS KYIS ZIN PA'I SGO NAS GONG DU BSHAD PA LTAR GYI CHOS RNAMS MING RKYANG BTAGS YOD TZAM GYI SNANG BA SKYON MED LA NGES PA DRANGS PAS, SNANG BA DES STONG PA MI SGRIB PAR MA ZAD RANG BZHIN GYIS STONG PA DE GSAL BAR BYED CING, STONG PA DES KYANG SNANG BA DE MI 'GOG PAR MA ZAD BYA BYED 'THAD PA'I SNANG BA DE GSAL BAR BYAS PA'I PHYIR TE, CHOS RNAMS LTOS MED RANG DBANG GIS STONG PA YIN PA NI GZHAN LA LTOS NAS GRUB PAR SNANG BA 'DIS SHES SHING 'DI LA THUG ,LTOS GRUB KYI SNANG BA THAMS CAD 'THAD PA NI LTOS MED RANG DBANG GIS STONG PA KHO NA LA RAG LAS PA'I PHYIR, DE LTAR SNANG STONG GCIG LA NGES PA DRANGS PA'I DUS SU GNYIS KA LA NGES PA 'DRONGS THUB PA NAM BYUNG BA DE'I TSE, SLOB DPON CHEN PO KLU SGRUB DANG 'PHAGS
PA LHA GNYIS KYI DGONGS PA MTHAR THUG RGYA GAR 'PHAGS PA'I YUL DU SANGS RGYAS BSKYANGS DANG ZLA BA GRAGS PA ZHI BA LHA GSUM GYIS GSAL BAR MDZAD PA'I BKA' SROL ZHING 'DIR CHOS KYI RGYAL PO TZONG KHA PA CHEN POS LEGS PAR BSHAD PA'I SNYING PO STONG DANG RTEN 'BYUNG DON GCIG TU RTOGS PA'I DBU MA'I LAM BZANG MNGON SUM DU RNYED PAR 'GYUR BA YIN NO, ,LAM GTZO LAS, GZHAN YANG SNANG BAS YOD MTHA' SEL BA DANG, ,STONG PAS MED MTHA' SEL ZHING STONG PA NYID, ,RGYU DANG 'BRAS BUR 'CHAR BA'I TSUL SHES NA, ,MTHAR 'DZIN LTA BAS 'PHROGS PAR MI 'GYUR RO, ,ZHES GSUNGS PA'I SNANG BAS YOD MTHA' SEL BA DANG, STONG PAS MED MTHA' SEL TSUL NI GONG DU BSHAD PA LTAR YIN ZHING, DE NI LUGS GZHAN DANG MI 'DRA BA'I DKA' GNAD KYANG YIN NO, ,CHOS RNAMS DUS RTAG TU RANG BZHIN GYIS GRUB PAS STONG STONG PA'I MU NAS GZHAN LA BRTEN NAS RGYU 'BRAS SOGS DE DANG DER SNANG BAR YID CHES NA STONG NYID RGYU 'BRAS SU 'CHAR BA YIN NO, ,DE YANG STONG NYID BSGOM PAS SNGON LAS 'BRAS BSGOM PA LAS KYANG LHAG PA'I RGYU 'BRAS LA NGES PA CHER RNYED NAS NANG GI NYON MONGS CHUNG DU SONG ZHING, PHYI'I SPYOD PA RNAM PAR DAG TU SONG NA LTA SGOM GNAD DU SONG BA'I RTAGS YANG DAG YIN ZHES BDAG GI BLA MA RIN PO CHES YANG NAS YANG DU GSUNGS, 'ON KYANG DA DUNG YUL STONG NYID MNGON SUM DU MA RTOGS PAS, SNGAR GYI MNYAM GZHAG GI NGANG NAS STONG NYID LA DMIGS PA'I DPYAD SGOM GYI STOBS BSKYED PAS, DE 'DRA'I DPYAD PA RANG STOBS KYIS DRANGS PA'I LUS SEMS SHIN SBYANGS KYI BDE BAS ZIN PA'I TING 'DZIN NAM RGYUD LA SKYES PA NA SBYOR LAM DROD THOB CING, TING 'DZIN DE NI STONG NYID LA DMIGS PA'I ZHI LHAG ZUNG 'BREL GYI RNAL 'BYOR YANG YIN NO, ,DE NAS DROD SOGS BZHI RIM GYIS BRGYUD DE CHOS NYID MNGON SUM DU MTHONG BAR 'GYUR RO, ,DE LTAR MTHONG LAM THOB NAS KYANG, ,MTHONG SPANG GI DNGOS GNYEN BYED PA'I BAR CHAD MED LAM DANG, MTHONG SPANG LAS DNGOS SU GROL BA'I RNAM GROL LAM GNYIS LTA BU YANG, STONG NYID LA GNYIS SNANG NUB PA'I MNYAM GZHAG YE SHES GCIG GI RGYUN YIN NA YANG, RANG GI SEMS KYI CHOS NYID
, ,MTHONG SPANG DANG BRAL BA'I BRAL CHA MNGON SUM DU MA RTOGS PA DANG, RTOGS PA LA SOGS PA'I CHOS NYID LA GNYIS SNANG NUB TSUL PHRA RAG GI KHYAD PAR CHEN PO YOD, DE LAS LANGS PA'I SA DANG PO'I RJES THOB TU YON TAN BRGYA PHRAG BCU GNYIS MNGON DU BYED CING, DE BZHIN DU SGOM LAM SA BCU LA YANG, MNYAM GZHAG TU SGRIB PRAL CHOS SKU LHAG PAR MTHONG TSUL MI 'DRA BA DANG, RJES THOB TU DES DRANGS PA'I GZHAN DON 'PHRIN LAS KYI YON TAN GONG DU 'PHAL BA'I RIM PA BSAM GYIS MI KHYAB PA YOD PA RED, 'DI DAG BSHAD SHES PA'I DRUNG NAS NYAN SHES PAS DA LTA NAS NYAN NA, YON TAN CHUNG NGUS RLOM PA'I NGA RGYAL ZHI BA DANG, YON TAN DE RNAMS LA THOB 'DOD SKYE BA DANG, YON TAN CAN DE RNAMS LA SKYABS SU 'GRO BA DANG, RANG GZHAN SA LAM MTHO DMAN GYI RGYUD TSOD ZIN PA SOGS DGOS PA CHEN PO YOD DO, ,GSUM PA BRTZAMS PA MTHAR PHYIN PA'I DGE BA BSNGO BA NI, DE SKAD SMRA BA MANG THOS SPONG BA PA, ,BLO BZANG CHES KYI RGYAL MTSAN ZHES BYA STE, ,DGE BAS 'GRO KUN ZHI SGO GNYIS PA DANG, ,BRAL BA'I LAM 'DIS MYUR DU RGYAL GYUR CIG ,CES GSUNGS, DE YANG GONG DU DAM BCAS PA LTAR TSIG DON DE SKAD RDZOGS PAR SMRA BA PO RANG NYID LUNG RTOGS KYI BSTAN PA YONGS RDZOGS KYI BDAG PO MTSAN 'DI ZHES BYA BAR ZHAL GYIS BZHES NAS, BRTZAMS PA MTHAR PHYIN PA'I DGE BAS 'GRO KUN ZHI BDE THAR PA LA 'JUG PA'I SGO MI 'DRA BA GNYIS SU MED PA'I GCIG PU DE KHO NA NYID JI BZHIN RTOGS PA'I LAM 'DI THOB NAS, THABS KHYAD PAR CAN GYI GROGS DANG MA BRAL BAS MYUR DU SGRIB GNYIS KYI GA-YUL LAS RGYAL BA'I RGYAL BA SANGS RGYAS THOB PAR GYUR CIG CES BSNGO BAR MDZAD DO, ,MDOR NA ZHI SGO GCIG TU GSUNGS PA 'DI 'DRA BA LA DES PA PHUL DU BYUNG BA GNYIS DRANG RGYU YOD PA LAM RIM CHEN MOR GSUNGS PA LTAR NGES PAR MDZAD DGOS, DE YANG 'DI LTAR SANGS RGYAS LTA ZHOG 'KHOR BA LAS GROL BA'I THAR PA TZAM THOB PA LA YANG LTA BA 'DI MED THABS MED PAR DNGOS SU BSTAN PA LTAR NGES NAS 'BAD PA CHEN POS THABS DU MA'I SGO NAS LTA BA
RNAM DAG 'DI CI RNYED BYED PA DANG, THEG PA CHE CHUNG GI KHYAD PAR 'BYED PA'I CHOS NI KUN RDZOB BYANG CHUB KYI SEMS RIN PO CHE KHO NA YIN PAR DON GYIS BSTAN BA LTAR NGES NAS NUS PA CI YOD KYI SGO NAS SEMS RIN PO CHE DE GSAR DU BSKYED PA DANG, DES ZIN PA'I SBYIN SOGS SPYOD PHYOGS RNAMS LA LHAG PAR YANG GDAMS PA'I MTHIL DU BZUNG NAS BSLAB PAR BYA DGOS SO, ,DE LTAR LAM PHRA ZHING PHRA BA NAS MA LUS PAR THABS SHES ZUNG 'JUG TU NYAMS SU LEN PA 'DI NI, GZHI BDEN PA GNYIS PHRA ZHING PHRA BA NAS MA LUS PAR ZUNG 'JUG TU GTAN LA PHAB PA'I DGOS PA'I GTZO BO YANG YIN ZHING, NYAMS LEN 'DIS NI RANG GANG LA LDAN PA'I SKYES BU MCHOG DE, BAR DU SRID ZHI'I MTHA' GNYIS GANG DU YANG MI LHUNG BAR BSRUNG NAS, MTHAR 'BRAS BU CHOS GZUGS KYI SKU GNYIS ZUNG 'JUG DE MYUR DU NGES PAR 'GRUB PAR BYED CING, DE LTA BU'I GZHI LAM 'BRAS GSUM GANG GI CHA LA YANG, CHAD LHAG NOR 'KHRUL LA SOGS PA'I SKYON PHRA MO TZAM GYIS KYANG MA GOS PAR LEGS PAR BSHAD CING BSGRUB PA'I LUGS SROL NI, RI BO DGE LDAN PA'I THUN MONG MA YIN PA'I KHYAD CHOS BLA MA MED PA YIN PAS LAM 'DI BRJOD BYAR BYED PA'I BSTAN CHOS 'DI'I MTSAN LA YANG DGE LDAN BKA' BRGYUD RIN PO CHE'I BKA' SROL PHYAG CHEN RTZA BA RGYAL BA'I GZHUNG LAM ZHES YONGS SU GRAGS PA YIN NO, ,DE LTAR DA LAM BDAG GIS NUS PA CI YOD KYIS ZUNG 'JUG BLA MA RIN PO CHE'I THUGS RJE BSKUL TE BYIN RLABS ZHUS NAS DGE LDAN PHYAG CHEN GYI KHRID LEGS PAR PHUL ZIN PA YIN PAS NA, BDAG GIS BSHAD PA'I DGOS PA KHYED RNAMS KYIS JI BZHIN KHONG DU CHUD NAS BSGRUB PAR BYA BA DE YIN MOD, DE LA NI TSANG LA MA NOR BA'I LAM BZANG 'DI DANG POR 'TSOL BA, BAR DU RNYED NAS BSGRUB PA, THA MAR CHOS 'DI'I LAS SU BYA BA MA LUS PA LA DBANG THOB PA DANG BCAS RIM PA DANG MTHUN PAR 'BYUNG RUNG GI NUS PA RANG SEMS BDEN STONG RANG BZHIN GNAS RIGS KYI STENG DU THEG MA MED PA NAS YOD PA TZAM GYIS MI CHOG PAS NUS PA 'DON DGOS, DA LAM RANG CAG RNAMS GZHAN DANG MI 'DRA BA'I PHYI NANG GI MTHUN RKYEN 'JOM PA LAN
, ,CIG RNYED PA'I GNAS SKABS 'DI MYUR DU MI BRTAN PAR MTHONG NAS, CHOS 'DI DA LTA RANG NGES PAR BSGRUB 'DOD KYI DAD PAS BSKUL BA'I THOS SOGS RKYEN GYIS GSOS BTAB PA'I SGO NAS RIGS KYI NUS PA RGYAS PAR BYAS TE, MDOR NA RJE THAMS CAD MKHYEN PAS, BSTAN PA KHO NA LHAR BCAS 'GRO BA YI, ,BDE LEGS KUN GYI RTZA BAR YID CHES NAS, ,LUS SROG YAL BAR GYUR KYANG MI GTONG BA'I, ,SNYING STOBS CHEN POS DAM CHOS 'DZIN GYUR CIG ,CES GSUNGS PA LTAR, RANG GZHAN GYI PHAN BDE KUN GYI RTZA BA NI BSTAN PA KHO NA DANG, DE YANG RANG CAG LA YOD PAR YID CHES NAS NUS PA CI YOD KYIS TSUL BZHIN DU 'DZIN PA LA RTAG TU BRTZON PAR MDZAD DGOS SO, ,LEGS SBYAR 'CHI MED BDUD RTZI'I SMAN MCHOG 'DI, ,RGYA BOD SKAL BZANG GDUL BYA SUS MYONG YANG, ,DPAL MGON KLU SGRUB RJE BTZUN TZONG KHA PA'I, , LUGS BZANG BKA' DRIN CHEN PO KHO NAR NGES, ,CHOS KUN SNYING PO KUN LAM PHA ROL PHYIN, ,RGYAL KUN YUM ZHES YONGS LA GRAGS ZIN KYANG, ,CHER SNYIGS RAB RMONGS CHAGS SDANG BCOS MED DUS, ,SU LA PHAN TE BDAG GIS CI BYAR YOD, ,'ON KYANG 'GRO KUN PHAN BDE'I KHUR 'KHYER PA'I, ,LHAG BSAM STOBS BSKYED YONGS 'DZIN YAB SRAS KYI, ,BKA' DRIN KHONGS NAS DRAN PA'I DUS SHIG NA, ,KHA TZAM MIN PA'I DRIN GZO 'DI BYAS SO, ,DGE BA 'DI YIS BDAG DANG 'GRO BA KUN, ,SKYABS SEMS TSOGS BSAGS SGRIB SBYANGS LA BRTEN NAS, ,RGYAL KUN DBYER MED RTZA BA'I BLA MA LA, ,SNYING NAS GSOL 'DEBS BYIN RLABS MYUR 'JUG SHOG ,LUNG RIGS LA MKHAS DGE SBYONG BRTUL ZHUGS KYIS, ,DBEN PA'I GNAS SU LUS SEMS BDE GSAL NGANG, ,ZAB LAM BLA MA'I RNAL 'BYOR BSGOM PA YIS, ,RANG SEMS BLA MA DBYER MED 'GRUB PAR SHOG ,DRAN PA RGYUN LDAN SHES BZHIN BYA RA PAS, ,RIG CING GSAL BA'I SEMS KYI NGO BO LA, ,RTZE GCIG GSAL NGAR LDAN PA'I TING 'DZIN GYIS, ,LUS SEMS LAS RUNG SHIN SBYANGS THOB PAR SHOG ,MNYAM GZHAG DANG NAS PHRA MO'I SHES RAB KYIS, ,BDAG GZHAN CHOS KUN
RANG BZHIN LEGS BRTAGS PAS, ,BDEN PA'I SNANG TSUL 'DI LTAR MA GRUB PA'I, ,NAM MKHA' LTA BUR MNYAM PAR 'JOG PAR SHOG ,DE LAS LANGS PA'I RJES THOB SNANG TZAM DU, ,CHOS KUN MING RKYANG BTAGS YOD TZAM ZHIG GIS, ,BYA BYED RTEN 'BREL BSNYON MED BLANG DOR KUN, ,SGYU MA LTA BUR NYAMS SU LEN PAR SHOG ,CHOS KUN RTEN 'BREL MI BSLUR SHAR TZAM NAS, ,SNANG BAS STONG PA MI SGRIB GSAL BAR BYED, ,STONG PAS SNANG BA MI 'GOG 'THAD BYED PA'I, ,MTHA' BRAL LAM BZANG MNGON DU 'GYUR PAR SHOG ,MDOR NA YAB RJE BLA MA'I BKA' DRIN LAS, ,ZAB MO LTA BA RGYA CHEN SPYOD PA'I LAM, , MA NOR TSANG BA'I ZHI LHAG ZUNG 'BREL GYIS, ,LTA SPYOD SGOM PA RNAM PAR DAG PAR SHOG ,DBANG BZHI THOB CING DAM SDOM TSUL BZHIN BSRUNGS, ,BSKYED RIM LHA YI RNAL 'BYOR MTHAR PHYIN NAS, ,RDZOGS RIM LHAN SKYES BDE CHEN YE SHES KYIS, ,TSE GCIG RDO RJE 'CHANG CHEN MYUR THOB SHOG ,MA THOB DE SRID DAM PA GZHAN GYI LUGS, ,MA RNAMS DON DU THUGS BSKYED KHYAD MED KYANG, ,MA NOR TSANG BA'I BKA' GDAMS DGE LUGS MCHOG ,MA LUS THOGS PA MED PAR 'DZIN PAR SHOG ,SNYING DBUS BZHUGS PA'I ZUNG 'JUG BLA MA'I GTAM, ,'CHAD NYAN BGYIS PAS DON GYI SNYING PO MCHOG , MNGON SUM MTHONG BA'I SGRUB BRGYUD 'DZIN NUS PA'I, ,SKYES BU CHEN PO GONG DU 'PHEL BAR SHOG ,CES DGE LDAN BKA' RGYUD RIN PO CHE'I BKA' SROL PHYAG RGYA CHEN PO'I ZIN BRIS SMON LAM DANG BCAS PA 'DI NI 'DI KHA'I RI KHROD PA RNAMS KYIS BSHAD KHRID DGOS TSUL SNGON NAS YANG YANG BSKUL YANG NGED RANG LA LAM 'DI'I NYAMS MYONG MED PAS 'PHRAL DU BSHAD PA LA SHIN TU 'TSER RUNG, SRAS BCAS RGYAL BA RNAMS KYIS BDAG NYID 'DUL BA LA MCHOG TU BSNGAGS PA BLO BZANG THUB DBANG RDO RJE 'CHANG DNGOS RJE BLA MA BLO BZANG RNAM GROL DPAL BZANG PO NAS DA LAM SKABS SU BABS PAS BSHAD KHRID GTONG DGOS TSUL GYI BKA' PHEBS BYUNG BA DANG RMI LTAS KYANG BZANG BA BCAS, DE 'PHRAL PHRAN RANG NAS RTZE GCIG PA'I GSOL 'DEBS BYAS TE, DBEN GNAS KE'U TSANG RI KHROD DU BSHAD PA GANG SHES ZHUS PAR DE SKABS BLA MA RIN PO CHE NAS RTZA BA'I SA BCAD DANG YAN LAG GI 'PHROS BSHAD PHAL CHER LA ZIN BRIS MDZAD 'DUG PA SLAR YANG NGED LA DE NYID TSIG DON CHA TSANG BAR GUNG BSGRIGS DGOS ZHES BKA' STZAL PA NA, NGED RANG LA DE LTA BU'I GZUNGS SPOBS GANG YANG MA MCHIS RUNG, DUS GSUM RGYAL BA'I MKHYEN
, ,BRTZE NUS GSUM YON TAN 'PHRAN LAS DANG BCAS PA'I NGO BO THUGS RJE CHEN POS BSKYOD PA'I THABS MKHAS KYI MDZAD PA BSAM GYIS MI KHYAB PA'I SGO NAS BDAG CAG RJES SU BZUNG BA'I BKA' DRIN MTSUNGS ZLA MA MCHIS PA RJE BLA MA SRID ZHI'I GTZUG RGYAN YONGS RDZOGS BSTAN PA'I MNGA' BDAG DON GYI SLAD DU MTSAN NAS SMAS TE BDAG GRI MKHAN RIN PO CHE RIGS DANG DKYIL 'KHOR KUN GYI BDAG PO RGYAL BA RDO RJE 'CHANG DNGOS RJE BTZUN BLO BZANG YE SHES BSTAN PA RAB RGYAS DPAL BZANG PO DANG, RJE BTZUN RTZA BA'I BLA MA BLO BZANG RNAM GROL DPAL BZANG PO DANG, SGRUB BRTZON DEM PA RJE BTZUN RGYA MTSO DBANG PHYUG DPAL BZANG PO BCAS KYI ZHABS DRUNG NAS 'DI KHA'I BSHAD KHRID RGYAS PAR THOB CING DE DUS KYI MAN NGAG DANG RANG 'GREL YANG GSAL SGRON ME LA GZHI BYAS TE PHYOGS GCIG TU 'GOD PA PO NI ZUNG 'JUG BLA MA RIN PO CHE RNAMS KYI SKYABS 'OG TU TSUD NAS YUN RING LON ZHING THUGS RJE DANG BKA' DRIN KHO NAS 'TSO BA, GZHON NU'I DUS NAS BLA MA LHA MCHAG LA MI PHYED PA'I DAD GUS CUNG ZED THOB PA BLA MA DANG LHAN CIG GNAS PA RKED TSANG SPRUL MING 'DZIN PA BLO BZANG 'JAM DBYANGS SMON LAM GYIS BKA' GDAMS BSTAN PA'I CHU 'GO RVA SGRENG RGYAL BA'I 'BYUNG GNAS KYI BLA BRANG DGE 'PHEL GLING DU DVANG BAS SBYAR PA'I YI GE PA NI RANG GI SLAB MA DBEN SA PA DGE SLONG RNAM RGYAL BKRA SHIS KYIS BGYIS PA'O, ,SGRUB PAR MI 'OS BSHAD PA'I TSOGS MCHIS NA, ,GZHUNG LUGS GDAMS PAR SHAR BAS BSAL DU GSOL, ,LEGS PAR BSHAD PAS 'GRO RGYUD BYIN BRLABS NAS, ,'JAM DPAL SNYING PO'I BSTAN PA RGYAS PAR SHOG, ,,