` THUN DRUG RNAL 'BYOR SKAL BZANG DGA' ROL BZHUGS SO,, ` SANGS RGYAS CHOS TSOGS MA BTON NAS, BDAG SOGS 'GRO BA NAM MKHA' DANG MNYAM PA'I SEMS CAN THAMS CAD DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU DKON MCHOG RIN PO CHE RNAM PA GSUM DANG KHYAD PAR DU YANG SKYABS GNAS KUN 'DUS KYI BDAG NYID BLO BZANG THUB DBANG RDO RJE 'CHANG DNGOS RJE BTZUN BLA MA RIN PO CHE LA PHYAG 'TSAL ZHING MCHOD DO SKYABS SU MCHI'O, ,BDAG CAG SRID ZHI'I 'JIGS PA THAMS CAD LAS MYUR DU SKYABS PA'I MGON DANG SKYABS DANG DPUNG GNYEN DAM PA SKAD CIG KYANG 'BRAL BA MED PAR MDZAD DU GSOL, ,BDAG GIS GZHAN DON DU RDZOGS PA'I BYANG CHUB 'DOD NAS SGRUB PA'I BLO 'DI GANG DANG 'PHRAD KYANG MI GTANG ZHING SPEL BAR BGYI'O, ,MKHYEN RAB 'JAM DBYANGS RIGS BDAG RDO RJE 'CHANG, ,THUGS KAR YE SHES SEMS DPA' BLO
BZANG GRAGS, ,KUN GYI NGO BO BLA MA RIN PO CHE, ,ZUNG 'JUG PHYAG RGYA CHEN PO'I BKA' DRIN STZOL, ,BDAG GZHAN LAS KYI BKOD 'BYOR PHUN TSOGS DANG, ,RGYAL BA SRAS KYI THUGS RJE'I ROL BA RNAMS, ,KUN BZANG MAndAL MDZES PA'I RGYAN BYAS TE, ,BLA MA LHAR 'BUL BYIN GYIS BRLAB TU GSOL, , ZHES GSOL BA BTAB PAS RANG DANG RO GCIG TU GYUR, BDAG NYID BLA MA RDO RJE 'CHANG DU GYUR PA YUM DANG SNYOMS PAR ZHUGS PA'I BDE BA CHEN PO DANG SHES RAB CHEN PO NI NGES DON GYI RDO RJE DANG DRIL BU STE, PHYI DANG, NANG DANG, GSANG BA DANG, DE KHO NA NYID KYI SGO NAS RANG LA MCHOD PA BYED CING THEG PA GSUM DANG, KHYAD PAR DU YANG, PHYI BYA SPYOD DANG, GSANG BA RNAL 'BYOR DANG, RNAL 'BYOR CHEN PO BLA NA MED PA DANG BCAS PA MTHA' DAG LA MKHAS PAR BYAS NAS DE BZHIN DU 'DZIN PAR BYED CING, RIGS LNGA SPYI'I RTZA BA'I DAM TSIG LA, DANG PO SLOB DPON LA BRNYAS SMOD KYI RTZA LTUNG, GNYIS PA BDE GSHEGS BKA' 'DAS KYI RTZA LTUNG, GSUM PA RDO RJE'I SPUN LA KHROS NAS NYES PA BRJOD PA'I RTZA LTUNG, BZHI PA SEMS CAN LA BYAMS PA SPONG BA'I RTZA LTUNG, LNGA PA BYANG CHUB SEMS DOR GYI RTZA LTUNG, DRUG PA CHOS LA SMOD PA'I RTZA LTUNG, BDUN PA MA SMIN PA LA GSANG BA SGROGS PA'I RTZA LTUNG, BRGYAD PA PHUNG PO LA BRNYAS GDUNG GI RTZA LTUNG, DGU PA STONG NYID ZAB MO SPONG BA'I RTZA LTUNG, BCU PA GDUG CAN LA MDZA' BAR BYED PA'I RTZA LTUNG, BCU GCIG PA STONG NYID MA BSKYANGS PA'I RTZA LTUNG, BCU GNYIS PA DAD SUN 'BYIN PA'I RTZA LTUNG, BCU GSUM PA DAM RDZAS MI BSTEN PA'I RTZA LTUNG, BCU BZHI PA BUD MED LA SMOD PA'I RTZA LTUNG DANG BCAS PA RNAM PAR DAG PAR BYA ZHING, YAN LAG GI DAM TSIG LA, SPANG BA'I DAM TSIG DANG BSTEN PA'I DAM TSIG ,SPANG BA'I DAM TSIG GZHAN BSTAN PA RNAMS DANG, SHES RAB STOBS KYIS LEN PA DANG, ,DE YI BDUD RTZI STOBS KYI LEN, ,SNOD MIN LA NI MI GSANG DANG, ,TSOGS KYI NANG DU RTZOD PA DANG, ,DANG LDAN LA GZHAN CHOS STON DANG, ,NYAN THOS NANG DU ZHAG BDUN GNAS, ,RDZUN GYI RNAL 'BYOR NGA RGYAL BYED, ,DAD PA MED LA CHOS STON PA, ,BSNYEN SOGS MA DAG LAS LA 'JUG ,DGOS MED SO BYANG LAS
, ,'DAS PA, ,BLA MA LNGA BCU'I SKABS DANG 'GAL, ,ZHES SOGS SPOM PO RNAMS KYANG BSRUNG, ,BSRUNG BA'I TSUL NI, SHES SHING GUS LA BDAG NYID MA 'KHRUL BAR BYAS NAS, NYON MONGS PA NGES PAR BCOM STE, SPANG PA MTHAR THUG GI TSAD DU 'KHYOL BA ZHIG CI NAS KYANG BYA, DE LTAR BYED NUS PA BLA MA LHAS BYIN GYIS BRLAB TU GSOL, DGE BA'I CHOS MTHA' DAG KYANG BSDUS NAS RANG RGYUD LA BSKYED CING SPEL BAR BYAS TE, RTOG PA MTHAR THUG GI TSAD DU KHYOL BA ZHIG CI NAS KYANG BYA, DE LTAR BYED NUS PAR BLA MA LHAS BYIN GYIS BRLAB TU GSOL, LUS DANG LONGS SPYOD DANG, BDE DGE GANG LA YANG MA CHAGS PAR GZHAN DON DU GTONG ZHING, RDZOGS BYANG KHO NA'I PHYIR DU BRTZAMS SHING BSNGO BAR BGYI'O, ,SEMS CAN GANG LA YANG NYE RING MED PAR YID 'ONG GI RNAM PA CAN DU MTSUNGS PAS NA, 'DI THAMS CAD MCHOG GI BDE BA DAM PA'I RGYU 'BRAS TSANG LA MA NOR BA DANG LDAN PA ZHIG BYUNG NA CI MA RUNG, LDAN PAR GYUR CIG ,SDUG BSNGAL RGYU 'BRAS KYIS BCINGS PA LAS RNAM PAR GROL BA ZHIG BYUNG NA CI MA RUNG, GROL BAR GYUR CIG ,DE GNYIS BDAG GIS CI NAS KYANG BYA, DE LTAR BYED PA'I PHYI NANG GSANG GSUM GYI NUS PA THAMS CAD MNGON DU GYUR NAS YONGS SU RDZOGS PAR BLA MA LHAS DA LTA NYID DU BYIN GYIS BRLAB TU GSOL, DES NA BDAG GIS CI BYAS GANG BYUNG SEMS CAN GYI DON BYED PA'O, ,'DI YI DGE BAS MTHA' YAS 'GRO BA KUN, ,THEG MCHOG DGE BA'I BSHES KYIS RJES BZUNG NAS, ,RNAM DAG DAM TSIG SDOM PAS RGYUD SBYANGS TE, ,LAM GYI MTHAR THUG RIM GNYIS MTHAR SON SHOG ,LUNG DANG MNGON PAR RTOG PA'I DAM CHOS KUN, ,RGYAL BA'I DGONGS PA JI BZHIN 'DZIN PA LA, ,BAR DU GCOD PA'I MING YANG MED PA DANG, , MTHUN PA'I RKYEN RNAMS BDE BLAG 'GRUB PAR SHOG ,CES PA 'DI NI BLA MA LA DAD GUS BRTAN PO THOB NAS DBEN PA'I RI SUL DU, CHOS BRGYAD KYI GA-YENG BAS MA GOS BSGRUB LA BRTZON PA BYA DOR GNAS BLA MA BLO GROS CHOS 'PHEL DANG, SKYES BU MCHOG GI CHOS LUGS LA DAD 'DUN BRTAN PO THOB PAR RVA SGRENG DGE SLONG NGAG DBANG SMON
LAM BCAS NAS GSANG SNGAGS KYI DAM TSIG SDOM PA'I BSNGO BGRANGS GSAL KHA 'KHOD PA'I THUN JUG RNAL 'BYOR MDOR BSDUS, TSIG LHUG GO BDE BA ZHIG DGOS ZHES BSKUL NGOR 7 BLA MA'I NYE GNAS PA KE'U TSANG SPRUL MING BAS DANG BAS SBYAR BA'O,, ,,