The 'Inner Heart of Great Bliss,' being Notes on the Stage of Creation in the Practice of the Five Angels of Highest Bliss (Sambara), according to the Tradition of that Great Accomplished Master, Ghantapada

*, ,MA H'A SU KHA TZAG RBHAM H'A SINGDHA GHA nAdN'A YA SYAS MBAR PANYTZA DE BSYA AU TAS KRAM SYA tI SASR N'A MA BHIR TI SMA,, ,, *, ,GRUB CHEN DRIL BU LUGS KYI BDE MCHOG LHA LNGA'I BSKYED RIM GYI ZIN BRIS BDE CHEN YANG SNYING ZHES BYA BA BZHUGS SO,, ,,

, ,NA MO: SHR'I TZA KRA SA PA R'I YA, DPAL LDAN HE RU KA DANG DBYER MA MCHIS PA'I RJE BTZUN BLA MA DMIGS PA MED PA'I THUGS RJE CHEN PO DANG LDAN PA 'DREN MCHOG DHARMA BHA DRA'I ZHABS LA GUS PA CHEN POS PHYAG 'TSAL ZHING SKYABS SU MCHI'O, ,SKYE BA THAMS CAD DU BRTZE BA CHEN POS RJES SU GZUNG DU GSOL, RGYAL BA RGYA MTSO'I RIGS BDAG RDO RJE 'CHANG, ,DMIGS MED BRTZEBS BSKYOD PA'I RNAM ROL GYIS, ,GDUL BYA'I DON DU BSHES GNYEN TSUL 'DZIN PA, ,BKA' DRIN GSUM LDAN DHARMA BHA DRAR 'DUD, ,LI KHRI'I MDOG CAN DGA' MAS RAB 'KHYUD PA'I, ,BRTEN GA-YO'I BDAG PO DPAL LDAN HE RU KA, BDE CHEN LHA MO BZHI DANG BCAS PA YI, ,'KHOR LO'I BDAG PO RNAMS KYIS BDAG SKYONGS SHIG, JI SKAD DU YANG SLOB DPON ZHI BA LHAS, DAL 'BYOR 'DI NI SHIN

, ,TU RNYED PAR DKA', ,SKYES BU'I DON GRUB THOB PAR GYUR PA LA, ,GAL TE 'DI LA PHAN PA MA BSGRUB NA, ,PHYIS 'DI YANG DAG 'BYOR PAR GA LA 'GYUR, ,ZHES GSUNGS PA LTAR, RANG CAG RNAMS RNYED PAR DKA' BA'I DAL 'BYOR GYI MI LUS NI THOB, MJAL BAR DKA' BA'I DAM PA'I CHOS DANG NI MJAL, BLANG DOR LA PHYIN CI MA LOG PAR SPYOD PA'I BLO GROS KYI MTHU DANG LDAN PA'I SKABS 'DIR, MA SHI TSUN CHAD KYI ZAS GOS GNAS MAL TZAM RNYED PA LA CHOG SHES MI BYED PAR, 'JIG RTEN PHYI MAR PHAN PHYIR GYI THABS SHIG NGES PAR BYA DGOS, DE YANG BDAG CAG GI STON PA 'JIG RTEN THAMS CAD KYI MA 'DRIS PA'I MDZA' BSHES CHEN PO, SA GSUM GYI BLA MA SANGS RGYAS BCOM LDAN 'DAS ZHES SNYAN PA'I BDAN 'JIG RTEN GSUM NA RNAM PAR GA-YO BA DE NYID KYIS GDUL

BYA'I KHAMS DANG BSAM PA DANG BAG LA NYAL BA JI LTA BA BZHIN DU GZIGS NAS RANG RANG GI DBANG PO'I RIM PA DANG 'TSAMS PAR CHOS KYI 'KHOR LO JI SNYED CIG BSKOR BA MTHA' DAG NI THEG PA DMAN PA DANG THEG PA CHEN PO'I LAM GNYIS SU NGES LA, DE'I THEG PA CHEN PO LA YANG, SNGAGS DANG PHA ROL TU PHYIN PA'I THEG PA GNYIS SU NGES SHIS, DE GNYIS LAS SNGAGS KYI THEG PA KHYED PAR DU 'PHAGS PA NI 'BRAS BU SANGS RGYAS KYI SKU DANG GNAS DANG, LONGS SPYOD DANG, MDZAD PA YONGS SU DAG PA BZHI POR DANG RNAM PA MTHUN PA'I LAM BSGOM PA YOD MED KYI SGO NAS 'BYED LA, DE LTA BU NI GSANG SNGAGS LA YOD KYI, PHAR PHYIN THEG PA LA MED PAS RGYU'I THEG PA DANG; 'BRAS BU'I THEG PA ZHES SO SOR 'JOG PA YIN LA, 'BRAS BU GSANG SNGAGS KYI THEG PA DE LA YANG, KHA SBYOR LAS, RGOD DANG LTA DANG LAG BCANGS DANG, ,GNYIS GNYIS 'KHYUD DANG RNAM PA BZHI, ,SRIN BU'I TSUL GYIS RGYUD BZHIR GNAS, ,ZHES GSUNGS PA LTAR BYA RGYUD, SPYOD RGYUD, RNAL 'BYOR RGYUD, RNAL 'BYOR BLA MED KYI RGYUD DANG BZHI YOD PA LAS, DE RNAMS KYI DBYE TSUL YANG PHYI'I BYA BA DANG NANG LHA'I RNAL 'BYOR GNYIS KYI NANG

, ,NAS PHYI'I BYA BA GTZO BOR SPYOD CING, BSGOMS PA'I LHA MI DANG PHAN TSUN BLTAS PA LAS BYUNG BA'I BDE BA LAM DU BYED PA LA MOS PA'I GDUL BYA LA GTZO BOR GSUNGS PA'I RGYUD DE BYA RGYUD DANG, PHYI'I BYA BA DANG NANG LHA'I RNAL 'BYOR GNYIS CHA MNYAM DU SPYOD CING, BSGOMS PA'I LHA MO DANG PHAN TSUN BGAD PA LAS BYUNG BA'I BDE BA LAM DU BYED PA LA MOS PA'I GDUL BYA LA GTZO BOR GSUNGS PA'I RGYUD DE SPYOD RGYUD DANG, PHYI'I BYA BA DANG NANG LHA'I RNAL 'BYOR GNYIS KYI NANG NAS NANG LHA'I RNAL 'BYOR GTZO BOR SPYOD CING, BSGOMS PA'I LHA MO DANG PHAN TSUN LAG BCANGS LAS BYUNG BA'I BDE BA LAM DU BYED PA LA MOS PA'I GDUL BYA LA GTZO BOR GSUNGS PA'I RGYUD NI RNAL 'BYOR RGYUD DANG, PHYI'I BYA BA DANG NANG LHA'I RNAL 'BYOR GNYIS KYI NANG NAS NANG LHA'I RNAL 'BYOR GTZO BOR SPYOD CING, DBANG PO GNYIS SBYOR GYI BDE BA LAM DU BYED PA LA MOS PA'I GDUL BYA LA GTZO BOR GSUNGS SHING, RNAL 'BYOR DE LAS GONG MA'AM BLA MAR GYUR PA'I RGYUD GZHAN MED BAS NA BLA MED DU 'JOG PA YIN LA, DE LA YANG THABS SGYU MA'I SKU RTZAL DU BTON NAS 'CHAD PA'I RGYUD DNGOS SAM, DE'I SDER GTOGS

PA NI PHA RGYUD CES BYA STE, SGYU MA'I SKU DE SNANG PHYOGS THABS KYI CHA DANG, GZUGS SKU'I THUN MONG MA YIN PA'I RGYU PHA'I SA BON DANG 'DRA BAS NA PHA RGYUD DANG, SGYU LUS BSGRUB TSUL GTZO BOR MI 'CHAD CING, DON DAM BDEN PA DANG RO GCIG TU ZHUGS PA'I 'OD GSAL GYI YE SHES RTZAL DU BTON NAS 'CHAD PA'I RGYUD DNGOS SAM, DE'I SDER GTOGS PA NI MA RGYUD CES BYA STE, 'OD GSAL DE STONG PHYOGS SHES RAB KYI CHA DANG, GZUGS SKU'I THUN MONG BA'I RGYU MA'I SA BON DANG 'DRA BAS NA MA RGYUD DO, ,DE LTA BU'I MA RGYUD DE LA YANG DUNG PHYUR PHRAG GCIG DANG BYE BA PHRAG DRUG YOD PA RNAMS KYI NANG NAS KYANG SNYIGS MA'I DUS SU BYIN RLABS CHES MYUR BA DPAL LDAN 'KHOR LO BDE MCHOG GI RGYUD 'DI NYID YIN CING, DE YANG STON PA RDO RJE 'CHANG GIS LHA DBANG PHYUG DANG LHA MO DBU MA GNYIS GDUL BA'I PHYIR RI RAB KYI STENG DU BDE MCHOG GI 'KHOR LO BRTEN BCAS SU GYUR TE GSUNGS PA'I RTZA RGYUD RGYAS PA SHLOO KA 'BUM PHRAG GSUM PA, 'BRING SHLOO KA 'BUM PHRAG GCIG PA, BSDUS PA LE'U LNGA BCU RTZA GCIG PA GSUM DU YOD DE, HE RU KA MNGON 'BYUNG LAS, 'BUM PHRAG 'BUM PHRAG GSUM LAS BSHAD, ,RGYUD KYI SNYING PO BSDUS PA YIN, ,ZHES DANG, BSHAD RGYUD LA, RDO RJE MKHA' 'GRO DANG, RNAL 'BYOR MA KUN SPYOD DANG, BDE MCHOG SDOM 'BYUNG DANG PHAG MO MNGON 'BYUNG GNYIS GCIG TU BYAS PA DANG, MNGON BRJOD BLO MA STE BDE MCHOG RANG GI BSHAD RGYUD BZHI DANG, BDE DGYES THUN MONG GI BSHAD RGYUD SAMPU tA DANG LNGA YOD DE, MI THUB ZLA BAS, MKHA' 'GRO 'BYUNG BA KUN SPYOD DANG, ,DE

, ,BZHIN MTSAN MCHOG BLA MA'I RGYUD, ,KHA SBYOR RGYUD DANG BZHI PO 'DI, ,BSHAD PA'I RGYUD DU SHES PAR BYA, ,ZHES GSUNGS PA SOGS KYI RTZA BSHAD RNAMS RDO RJE PHAG MO DANG GSANG BA'I BDAG PO LA GSUNGS, PHYI MAS SA RA HA LA GNANG, DES MGON PO KLU SGRUB LA GNANG, DES DPAL SHA BA RI DBANG PHYUG LA GNANG, DES AOO DYAN GYI SLOB DPON CHEN PO KUN TU DGE BA MTSAN GZHAN LU AI PA LA GNANG, DES DNGOS SLOB RGYAL PO D'A RI KA PA LA GNANG DES SLOB DPON DRIL BU PA LA GNANG NGO, ,DE YANG SLOB DPON DRIL BU BA NI RGYA GAR SHAR PHYOGS N'A LANDRA'I RGYAL PO ZHIG GI SRAS SU 'KHRUNGS TE, YAB 'DAS PA DANG BLON PO LA SOGS PAS RGYAL TSAB TU MNGA' GSOL BAS, RGYAL SRED LA SNYING PO MED PAR GZIGS NAS, RIM GYIS DPAL N'A LANDRAR BYON NAS MKHAN PO RGYAL BA'I LHA RAB TU BZANG PO LA RAB TU BYUNG STE, MTSAN BLO GROS SNYING PO'I DPAL ZHES BTAGS, RIG GNAS LA SBYANGS PA MDZAD PAS, RIG PA'I GNAS DANG SDE SNOD THAMS CAD LA MKHAS PA'I YONGS RDZOGS KYI PAndI TAR GYUR TO, ,DE'I TSE MU STEGS RAL BA CAN ZHIG RGYAL PO LA DPANG DU GSOL NAS, BSTAN PA RGYAL DU BTZUGS NAS RTZOD PA BYED DU BYUNG BA LA PAndI TA GZHAN GYIS MA NUS TE, SLOB DPON GYIS DE PHAM PAR BYAS TE NANG PA'I BSTAN PA LA BCUG PAS, SLOB DPON DGRA LAS RNAM RGYAL ZHES GRAGS SO, ,DE'I TSE RGYAL PO'I MCHOD GNAS SU BZUNG NAS SDE SNOD GSUM LA THOS BSAM NYAN BSHAD MDZAD DO, ,DE'I TSE BLA MA DV'A RI KA PA DANG MJAL NAS GUS PAS

BTUD DE, RJES SU 'DZIN PAR ZHUS PAS DPAL 'KHOR LO SDOM PA'I DKYIL 'KHOR DU DBANG BSKUR TO, GDAMS PAR BRJES SU BSTAN PA MTHA' DAG GNANG STE DBEN PAR SONG LA SGRUBS SHIG CES LUNG BSTAN PAS, BHA GA LA'I NAGS KHROD DBEN PA ZHIG TU SGRUB PA MDZAD PA NA, RE ZHIG KHYED AOO DYAN DU SONG ZHIG DER PHAG RDZI MO ZHIG GIS RJES SU 'DZIN PAR 'GYUR RO, ,ZHES NAM MKHA' LAS SGRA BYUNG NAS, DER PHYIN TE, PHAG RDZI MO MTHONG TSAD LA PHYAG PHUL GSOL BA BTAB PAS, LAN CI YANG MA BYUNG BAS THUGS CHAD PA DANG, PHAG RDZI MO RGAN MO MDOG SHIN TU MI SDUG PA GOS HRUL BA, RES RGOD RES DU BA ZHIG BYUNG BA LA PHYAG DANG MCHOD PA BYAS TE RGYU MTSAN DRIS PAS, SNGAGS DAR YANG NYAMS SU LEN PA NYUNG BAS SO GSUNGS, DE MKHA' 'GRO MAR SHES TE ZHABS SPYI BOR BLANGS RJES SU 'DZIN PAR ZHUS PAS, DER RANG GZUGS DNGOS SU BSTAN DPAL 'KHOR LO SDAM PA'I DKYIL 'KHOR DU DBANG BSKUR, GDAMS PA GNANG NAS LHO PHYOGS SU SGOMS SHIG CES LUNG BSTAN TO, ,DE NAS SLOB DPON GYIS RIM GYIS BYON PAS LHO PHYOGS AO dIBI SHA ZHES BYA BA'I YUL PHYOGS KYI NAGS KHROD DBEN PA ZHIG NA SGRUB PA SNYING POR MDZAD CING BZHUGS PA DE'I TSE, YUL DE'I RGYAL PO SOS KA'I DUS SU SKYO BA BSANG ZHING RI DVAGS LA 'PHONG BSLAB PA'I DON DU NAGS GSE BA 'THUG POR BYON PA DANG, RGYAL PO DES SLOB DPON MTHONG STE DGE SLONG DE GZUGS SHIN TU RING PA, LUS NYI LHAGS KYIS GZIR BA, 'TSO BAR BYA BA'I DNGOS PO GANG YANG MED PA

, ,MTHONG NAS SNYING RJE SKYES TE, NGAS ZAS SBYIN GYIS GRONG KHYER DU 'DOD DO ZHES SMRAS SO, ,DE'I TSE SLOB DPON RIM LNGA LA BLO SBYONG BA'I RIM PA GSUM PA'I LAS KYI PHYAG RGYA SGRUB PAR BZHED PA'I SKABS SU BAB STE MNGON PAR SHES PAS GZIGS PAS PHYAG RGYA 'GRUB PAR GZIGS NAS, DNGOS RNAMS YONGS SU SHES PA'I MKHAS PA RNAMS LA BRNYAS PAR MI BYA STE, ,DE NI RTZVA RTZE CHUNG BA BAS KYANG CHUNG BA'I 'BYOR BA LA NI CHAGS PA MIN, ,RGYUN MI CHAD PAR CHED 'DZAG PA YIS 'GRAM LANG NAG POR GYUR PA YI, ,GLANG CHEN RNAMS NI PADMA'I SKUD PA PHRA MOS 'KHYIG PAR MI NUS BZHIN, ,ZHES GSUNGS BA DANG, RGYAL PO KHROS NAS, NGAS 'DI GRONG KHYER DU DMA' DBAB PAR BYA'O, ,ZHES GRONG KHYER DU PHYIN NAS NAGS GSEB KYI BTZUN PA 'DI GRONG KHYER DU DMA' DBAB PAR SU YIS NUS PA DE LA BYA DGA' CHEN PO STE RO ZHES DRIL BSGRAGS SO, ,DE'I TSE SMAD 'TSONG MA ZHIG LA BU MO MDZES MA PADMA CAN GYI RIGS SU GYUR PA ZHIG YOD PA NA RE, DES GRONG KHYER DU 'DI DMA' DBAB PAR BYA'O ZHES KHAS BLANGS SO, ,DE NAS DGOS PA'I YO BYAD THAMS CAD NI RGYAL POS BYIN TE GRONG KHYER NAS BSRINGS, BU MO DES SLOB DPON GYI ZHABS TOG BYED PAR ZHUS PAS, SKAL BA DANG LDAN PAR GZIGS NAS GNANG STE, DE LA DBANG DANG DAM TSIG THAMS CAD KYI SNOD DU RUNG BAR BYAS TE, PHYAG RGYA MA BYAS NAS RIM PA LNGA PA MTHAR PHYIN GYI BAR DU, LO BCU GNYIS SU SGRUB PA MDZAD DO, ,DE NAS KUN TU BZANG PO'I SPYOD PAS AO dIBI SHA NA GNAS

PA RNAMS RDO RJE THEG PA LA GZUNG PAR 'DOD PA DANG, MA 'ONGS PA'I SEMS CAN DMAN PA RNAMS KYI DON DU THUGS RJE CHEN PO'I SPRUL PA SPYAN DRANG BA'I DGONGS PA DANG, SLOB DPON BDAG NYID LA 'GRO BA RNAMS MI MOS PA BZLOG PAR BYA BA'I DON DU; GRONG KHYER DU BZHUD PAR BZHED NAS SPRUL PA'I BU DANG BU MO GNYIS SHIG KYANG SPRUL TO, ,DE NAS RGYAL POS CHANG 'TSONG MA LA MNGAGS TE, DE RING NAGS GSEB NAS DGE SLONG KHRID LA SHOG CES SMRAS SO, ,GRONG KHYER GYI SKYE BO THAMS CAD KYANG SGO DRUNG DU 'TSOG TU BCUG STE, LAM DU RIM PA BZHIN CHANG GI BUM BA BSGRIG TU BCU GNAS, SPYAN DRANGS PA'I TSE, SPRUL PA'I BU NI GA-YAS NAS RGYUG ,BU MO NI GA-YON NAS RGYUG ,SLOB DPON GYIS RVA CO'I SNOD CIG ZHAL DU BCUG PA LA, JO MOS CHANG GI BUM PA BTEG CING BLUGS TE, RIM PA BZHIN DU BYON NAS GRONG KHYER DU SLEBS PA'I TSE, RGYAL POS DBU BYAS GRONG KHYER BA RNAMS KYIS, SLOB DPON RANG NYID KYIS BYAS PA'I SNGAR GYI TSIGS BAR; CHANG 'TSONG MA'I BU MOS BOS PA'I TSE DE LA 'BAB PA ZHES BAR; CHANG 'TSONG MA'I BU MOS BOS PA'I TSE DE LA 'BAB PA ZHES THAL MO BRDABS SHING GAD MO'I SGRA BYAS PAS, SLOB DPON GYI SNGAR DGONGS PA DANG RANG GI NUS PA BSTAN PA'I PHYIR, RVA SNOD DES LA BRNGABS PAS SA 'OG RIM PA BDUN DU PHUG STE 'OG GI CHU CHEN PO GYEN DU PHYUNG NGO, ,DE MA THAG SLOB DPON RANG NYID HE RU KAR BYAS, BTZUN MO RDO RJE PHAG MOR BYAS, SPRUL PA'I BU NI RDO RJER BYAS, BU MO NI DRIL BUR BYAS STE, BDE MCHOG LHAN CIG SKYES PA'I RNAM PAR BYAS NAS NAM MKHA' LA GSHEGS

, ,PAS RGYAL PO LA SOGS PA'I SKYE BO THAMS CAD KYIS SLOB DPON LA BZOD PAR GSOL BAS, THUGS RJE CHEN PO LA GSOL BA THOBS, ZHES GSUNGS PAS THAMS CAD KYIS NA MO LO KE SHVA RVA YE ZHES GSOL BA BTAB PAS CHU'I DBUS NAS THUGS RJE CHEN PO'I SKU RANG BYUNG ZHIG BYUNG STE, DE LA CHU RNAMS SKOR BA LAN BDUN BYAS NAS SA'I 'OG SONG NGO, ,THUGS RJE CHEN PO'I SKU NI DEING SANG YANG BYIN RLABS CHE ZHING 'GRO BA THAMS CAD SKYOB PAR GYUR PA YIN NO, ,AO dI BI SHA BA THAMS CAD KYANG RDO RJE THEG PA LA BTZUD NAS DNGOS GRUB THOB PA MANG DU BYUNG BA YIN TE, RDO RJE GDAN PAS KYANG, BU SMAD BCAS SHING DNGOS GRUB BRNYES, BHAm GA LA RU LUNG BSTAN THOB, RDO RJE DRIL BU ZHES BYA BA'I, ,BLA MA DE LA PHYAG 'TSAL LO, ,ZHES GSUNGS SO, ,GRUB PA'I DBANG PHYUG CHEN PO DES PHYI RABS KYI GDUL BYA RNAMS KYI DON DU DGONGS NAS, LUS DKYIL DU DBANG BSKUR BA'I CHO GA DANG, LUS DKYIL GYI SGRUB THABS CHE CHUNG GNYIS, PHYI DKYIL LHA LNGA'I SGRUB THABS TE, BSKYED RIM GYI SGRUB THABS GSUM SOGS DANG, RDZOGS RIM LA RIM PA LNGA PA DANG, LHAN SKYES KYI SGRUB THABS GNYIS LA SOGS PA MDZAD NAS, RGYUD DON MAN NGAG DANG BCAS PA RUS SBAL ZHABS LA GNANG, DES 'BAR BA 'DZIN ZHES PA'I SKAD DOD DZA LANDHA RA BA LA GNANG, DES NAG PO BA LA GNANG, DES GU HYA ZHES PA'I BOD SKAD GRUB CHEN GSANG BA'I DPAL LA GNANG, DES GRUB CHEN RNAM RGYAL ZHABS LA GNANG, DES TE LO SHES RAB BZANG PO LA

GNANG, DES NA RO PA LA GNANG, DES BAL PO PHAM MTHING BA GCEN 'JIGS MED GRAGS DANG, GCUNG NGAG DBANG GRAGS PA LA GNANG, DES KLOG SKYA SHES RAB BRTZEGS LA GNANG, DES MAL LO TZA BA BLO GROS GRAGS LA GNANG, DES SA CHEN KUN SNYING LA GNANG, DES GCEN BSOD NAMS RTZE MO DANG, GCUNG GRAGS PA RGYAL MTSAN LA GNANG, DES SA PAn KUN DAG BRGYAL MTSAN LA GNANG, DES 'GRO MGON CHOS RGYAL 'PHAGS PA LA GNANG, DES ZHANG STON DKON MCHOG DPAL LA GNANG, DES NA BZA' BRAG PHUG PA BSOD NAMS DPAL LA GNANG, DES DPAL LDAN BLA MA DAM PA BSOD NAMS RGYAL MTSAN LA GNANG, DES RJE BTZUN BLO BZANG GRAGS PA LA GNANG, DES MKHAS GRUB SMRA BA'I NYI MA GCEN DGE LEGS DPAL BZANG LA GNANG, DES GCUNG BA SO CHOS RGYAN LA GNANG, DES DHA RMA BDZRA ZHES PA'I BOD SKAD CHOS KYI RDO RJE LA GNANG, DES DBEN SA YAB SRAS ZHES PA YAB BLO BZANG DON GRUB LA GNANG, DES SRAS SANGS RGYAS YE SHES LA GNANG, DES PAn CHEN BLO BZANG CHOS KYI RGYAL MTSAN LA GNANG, DES RDO RJE 'DZIN PA DKON MCHOG RGYAL MTSAN LA GNANG, DES SKYED SHOD SPRUL SKU BSTAN 'DZIN 'PHRIN LAS LA GNANG, DES GZIMS SHAG MKHAN PO BLO BZANG MKHAS BTZUN LA GNANG, DES RJE NGAG DBANG BYAMS PA LA GNANG, DES YONGS 'DZIN YAB SRAS ZHES PA YAB PAndI TA YE SHES RGYAL MTSAN LA GNANG, DES SRAS GU GE BA BLO BZANG BSTAN 'DZIN LA GNANG, DES BDAG GI DRIN CAN RTZA BA'I BLA MA RIGS

, ,DANG DKYIL 'KHOR RGYA MTSO'I MNGA' BDAG RJE BTZUN DHA RMA BHA DRA DPAL BZANG PO LA GNANG BA'I SNYAN BRGYUD KYI MAN NGAG ZAB MO 'DI NYID LA YANG BSHAD TSUL MI 'DRA BA MANG DU YOD PA RNAMS KYI NANG NAS, SANGS RGYAS SNANG BA MTHA' YAS DUR SMRIG GI GAR GYI RNAM PAR ROL PA PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS MDZAD PA'I SGRUB THABS BDE CHEN 'BYUNG GNAS LTAR 'CHAD PA SKABS SU BABS PA YIN LA, 'CHAD YUL GYI SLOB MA YANG, RGYUD SDOM 'BYUNG LAS, BRTAN CING DUL LA BLO GROS LDAN, ,BZOD LDAN DRANG ZHING GA-YO SGYU MED, ,MI DGE BCU NI YONGS SU SPANGS, ,SEMS CAN RNAMS LA BYAMS PAR BLTA, ,'BAR BA'I ME DANG DUG BZHIN DU, ,GZHAN GYI NOR LA MI REG CING, ,RTAG PAR RGYUN DU BLA MA MCHOD, ,DAM CHOS BLTA BAR SPRO BA DANG, ,RTAG TU SBYIN PA LA SOGS DGA', ,'JIG RTEN PHA ROL MNGON PAR 'DOD, ,DE DAG SLOB MAR RAB BSNGAGS TE, ,DKYIL 'KHOR DGE BA BSTAN PAR BYA, ,ZHES GSUNGS BA LTAR, MTSAN NYID 'DI RNAMS NI DANG PO NAS RANG 'KHRUNGS SU MI 'BYUNG BAS, BLO LEGS PAR SBYANGS NAS BSKYED DGOS LA BLO SBYONG BA'I RIM PA YANG, DANG POR DGE BA'I BSHES GNYEN BSTEN PA DANG, DE NAS DAL 'BYOR DON CHE BA DANG, RNYED DKA' BA DANG, RING DU MI GNAS PA DANG, SHI NAS KYANG LAS DBANG GIS NGAN SONG DU 'KHYAMS TSUL DANG, DER YUN RING LA SHUGS DRAG PA'I SDUG BSNGAL SNA TSOGS KYIS MNAR TSUL SOGS THUN MONG BA'I LAM GYI RIM PAS

RGYUD LEGS PAR SBYANGS NAS NGES 'BYUNG GI BSAM PA DANG, SEMS CAN LA SNYING RJE CHEN PO DANG LDAN PA NI RDO RJE THEG PA LA THOG MAR 'JUG PA'I RTEN DU 'GYUR BA YIN NO, ,DE BAS NA SNGAGS BLA MED KYI LAM ZAB MO SLOB MA SNOD DU MI RUNG BA LA BSHAD NA, SLOB MA 'DI PHYIR PHUNG BA DANG, SLOB DPON RANG GI RGYUD LA LAM GYI RTOGS PA SKYE BA DANG DNGOS GRUB 'GRUB PA CHES RING DU 'GYANG BAR GSUNGS TE, RGYUD RDO RJE 'PHRENG BA LAS, JI LTAR SENG GE'I 'O MA NI, ,SA YI SNOD DU BZHAG MI BYA, , DE BZHIN RNAL 'BYOR CHEN PO'I RGYUD, ,SNOD MIN DAG LA SBYIN MI BYA, ,SLOB MA SKAD CIG DE LA 'CHI, ,'DI DANG PHA ROL TU NI PHUNG, ,SNOD MIN MAN NGAG RAB BSHAD NA, ,SLOB DPON DNGOS GRUB NYAMS PAR 'GYUR, ,ZHES GSUNGS PA LTAR; SNGAGS LA 'JUG PA'I THOG MAR LAM THUN MONG BA LA BLO SBYONG BA NYID MAN NGAG GI GNAD DAM PA YIN LA, DE'I MJUG TU RDO RJE SLOB DPON MTSAN NYID DANG LDAN PA'I ZHABS DRUNG NAS DBANG BZHI YONGS SU RDZOGS PA THOB DGOS TE, PHYAG CHEN THIG LE LAS, DANG PO RE SHIG GANG TSE SLOB, ,LAN CIG DBANG RNAMS KYIS NI BSKUR, ,DE TSE GSANG CHEN BSHAD PA YI, ,NGES PAR SNOD DU GYUR PA'O, ,DBANG MED NA NI DNGOS GRUB MED, ,BYE MA BTZIR YANG MAR MED LTAR, ,GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO, ,DE BAS 'BAD PA THAMS CAD KYIS, ,BLA MA LAS NI DBANG NOD ZHU, ,ZHES PA LA SOGS BRGYUD

, ,DANG GRUB CHEN GYI GZHUNG MTHA' YAS PA NAS, DKYIL 'KHOR DU MA ZHUGS PAR SNGAGS LA 'JUG TU MI RUNG BAR GSUNGS SHING, DBANG THOB PHYIN CHAD, LAM GANG LA SLOB KYANG, DBANG GI DUS SU JI LTAR KHAS BLANGS PA'I DAM TSIG DANG SDOM PA RNAMS LEGS PAR SHES PAR BYAS NAS, KHAS BLANGS TZAM LA MA BZHAG PAR, SROG LTAR DU GCES PAR BZUNG NAS 'BAD PA CHEN POS DUS RTAG TU CI SHES CI NUS SU BSRUNG BA LA BRTZON PA ZHIG LA 'DI NYAMS SU LEN PA LA MED DU MI RUNG BA YIN TE, DAM TSIG LNGA PA LAS, GAL TE LTUNG BA MED GYUR NA, ,SKYE BA BCU DRUG DAG NA 'GRUB, ,CES GNAS NAS, LAM RIM GNYIS SGOM PA'I SNGON DU, RIM GNYIS JI LTAR SKYE BA BCU DRUG DAG NA 'GRUB, ,CES GSUNGS PA LTAR 'BYUNG BA YIN NO, ,DE LTAR DAM TSIG RNAM PAR DAG PA LA GNAS NAS, LAM RIM GNYIS SGOM PA'I SNGON DU, RIM GNYIS JI LTAR SGOM TSUL YAN LAG DANG BCAS PA LA THOS BSAM DANG SHES RAB KYIS MTHA' CHOD PAR SBYANGS DGOS TE; DE MED NA JI LTAR NYAMS SU LEN TSUL GOL SA DANG BCAS PA GANG YANG MI SHES PAS, NYAMS SU BLANGS KYANG 'BAD PA 'BRAS BU MED PA'AM, 'BRAS BU MI 'DOD PA 'BYIN PA GANG RUNG DU 'GYUR BA'I PHYIR RO, ,DE BAS NA, KYEE RDOR GYI DKA' 'GREL MU TIG PHRENG BA LAS, BLO GROS MED LA THOS MED MA THOS PA LA'ANG BSAM PA MED, ,GNYIS BRAL RNAL 'BYOR MED CING RNAL 'BYOR BRAL LA'ANG DNGOS GRUB MED, ,CES DANG, RIM LNGA LAS, GANG ZHIG BLA MA LA GUS DAD DANG LDAN, ,MOS

PAS BSNYEN BSKUR LA NI RTAG TU BRTZON, ,THOS PA 'DZIN GANG SLOB MA DAM PA YIN, ,ZHES GSUNGS PA LTAR, RGYUD LDAN BLA MA DAM PA'I MAN NGAG DANG BCAS TE NYAMS SU LEN DGOS PAS DE'I TSUL LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'O, ,DANG PO LA GSUM, THUN GYI 'GOR JI LJAR BYA BA, THUN DNGOS GZHI LA JI LTAR BYA BA, THUN GYI MJUG TU JI LTAR BYA BA'O, ,DANG PO THUN GYI 'GOR JI LTAR BYA BA LA GNYIS, SNGON DU BYA BA'I RIM PA DANG, RNAL 'BYOR GYI YAN LAG SGRUB TSUL LO, ,DANG PO LA, YO BYED GSHAMS PA, SKYABS 'GRO SEMS BSKYED, SKAD CIG DKRONG BSKYED, NANG MCHOD BYIN RLABS, MCHOD PA BYIN RLABS SO, ,DANG PO NI, RNAL 'BYOR GYI YO BYED RNAMS TSOGS PAR BYAS TE, ZHES PA STE, DE YANG MNGON BRJOD LAS, RI SUL DANG NI RI RTZE DANG, ,CHU BO CHEN PO'I NGOGS DAG DANG, ,RGYA MTSO CHEN PO'I 'GRAM DAG DANG, ,SHING GCIG DANG NI DGE BA'I GNAS, ,MA MO'I KHYIM MAM DUR KHROD DANG, ,SNA TSOGS DBEN PA'I SA PHYOGS SAM, ,LHA KHANG NGAM NI MCHOD RTEN NAM, ,KHYIM MAM BZHI MDO DAG TU NI, ,SGRUB PA PO YIS SBYOR BSGRUBS NA, ,'DOD PA KUN GYI 'BRAS BU STER, ,ZHES GSUNGS PA LTAR GYI GNAS DE RNAMS NI LAS DANG PO BAS 'CHUN DKA' BAS, , DENG NA SNGON BYON DAM PAS BYIN GYIS RLABS SHING 'DU 'DZI'I GA-YENG BAS DBEN PA, MI DANG MI MIN GYI 'CHIB SOGS 'GAL RKYEN MED CING CHU SHING SOGS MTHUN RKYEN 'DZOMS PA, YID DANG MTHUN CING RANG DBANG THOB PA'I SGRUB KHANG GI PHYI NANG

, ,LA PHYAG BDAR DANG GSANG BDUGS LEGS PAR BYAS LA BA BYUNG DANG BDUD RTZI LAS CHAG CHAG GDAB, RANG NYID KHA LHOR BLTAS RTZOG PUR ZHAL BAR SNA TSOGS RDO RJE BRIS PA'I KHAR ME TOG GCAL DU BKRAMS LA RTZVA DUR BA DANG 'BOL GDAN 'DING, GNAS KHANG GI LHO NAS ZHAL RANG LA PHYOGS PAR YI DAM YAB YUM GYI BRIS 'BUR GYI SKU DANG RGYUD KYI GLIGS BAMS GOS MCHOG GSUM GYI RTEN RNAMS BKRAMS, DE'I MDUN DU BYE GTZANG LA 'KHUR BA 'BRAS CHEN SRAN MA SGOG SKYA BTZONG RNAMS DANG BDUD RTZI'I PHYE MA BSRES LA, CHU CHANG 'O MA MAR KHU RNAMS KYIS SPRUS PA'I ZAN LAS BYAS PA'I ZLUM GTOR BSHOS BU BZHIS BSKOR BA LA SMUG RTZIS BYUGS SHING ZLA NYI N'A DA SOGS KYIS BRGYAN PA DANG, DE'I GA-YON MKHA' 'GRO SPYI GTOR DPA' BSHOS ZLUM PO SMUG RTZI DANG DKAR DMAR GYI RGYAN DANG LDAN PA, DE DAG GI MDUN DU BDAG MDUN GYI MCHOD PA CHU GNYIS NYER SPYOD DANG BCAS PA TSAR GNYIS 'BUL YUL GYI GA-YON NAS BRTZAMS BSHAMS, RANG GI MDUN DU GA-YON NAS BRTZAM STE MI RUS SAM PO DI TZE'I BGRANG 'PHRING, CANG TE'U, DRIL BU, RDO RJE, NANG MCHOD, 'THOR 'BRU RNAMS DANG, YOD NA KHA tV'Am GA DANG, TSANGS SKUD DANG, THOD PA DANG, RUS RGYAN LA SOGS PA'I YO BYED RNAMS TSOGS PAR BYAS LA, DRI BRAL GOS LA TSON BZHIN DU, ZHES GSUNGS PA LTAR, DGE SBYOR GANG LA'ANG RANG RGYUD LA BRTAG PA SNGON DU 'GRO BA SHIN TU GAL CHE BAS, CHAGS SDANG SOGS NYON MONGS PA'I KUN NAS BSLANGS PA'I

LUS NGAG GI DGE BA CHEN PO RTZAM PA RNAMS GSANG SNGAGS LTA ZHOG DGE BA RNAM DAG TU YANG 'GYUR DKA' BAS 'OG GI RNAL 'BYOR BSGOM PA THAMS CAD DGE BA LTAR SNANG DU 'GRO BA SOGS KYI NYES DMIGS DE MA THAG DRAN PAR BYAS NAS DGAG CING, BDAG GIS MA SEMS CAN THAMS CAD KYI DON DU SPANGS RTOGS MTHAR PHYIN RDZOGS PA'I SANGS RGYAS KYI GO 'PHANG DE BSKAL CHEN GRANGS MED GSUM LA SOGS PAR MI BLTOS PA SNYIGS DUS KYI TSE THUNG GCIG LA MYUR LAM RDO RJE THEG PA NYAMS SU BLANGS NAS THOB PAR BYA'O SNYAM PA'I BYANG CHUB KYI SEMS DU NGE BA'I NGANG NAS, GA RE; ZHES SOGS KYIS KUN SLONG LEGS PAR BCOS LA, DPAL LDAN HE RU KA DANG ZHES SOGS BLA BRGYUD GSOL 'DEBS BYED NA MTSAMS 'DIR BYA DGOS PAS, DE YANG RANG GI SPYI BOR DBANG GI BLA MA BRGYUD PA MTHO BRTZEGS SU BSGOM PAR BYA STE, DANG POR DPAL 'KHOR LO BDE MCHOG ZHAL GCIG PHYAG GNYIS PA YUM BCAS, DE'I 'OG TU GRUB CHEN DRIL BU BA NAS RTZA BA'I BLA MA'I BAR NGO BO BLA MA DE DANG DE YIN PA LA RNAM PA BDE MCHOG ZHAL GCIG PHYAG GNYIS PA YUM BCAS PAD NYI'I GDAN LA BZHUGS PAR BSAM STE, BLA MA DE RNAMS YI DAM 'DI'I LAM LA BRTEN NAS HE RU KA'I GO 'PHANG BRNYES PA MTSON, DE YANG GSOL BA 'DEBS ZHES PA RE'I MTSAMS SU BLA MA DE RNAMS KYI SKU LAS BDUD RTZI'I RGYUN BABS PAS, RANG GI LUS KYI PHYI NANG BKRUS PAS NAD GDON SDIG SGRIB THAMS CAD SBYANGS, BDUD RTZIS LUS GANG BAS TSE BSOD YON TAN RGYAS,

, ,GSOL 'DEBS SANG BA'I BLA MA GONG MA RNAMS RIM GYIS 'OG MA 'OG MAR THIM ZHING, SKU BZHI MNGON DU 'GYUR BAR BYIN GYIS RLOBS, ZHES RDZOGS PA DANG MNYAM DU RTZA BA'I BLA MA YANG RANG LA THIM PAR BSAM MO, ,GNYIS PA SKYABS 'GRO SEMS BSKYED LA GNYIS, SKYABS 'GRO DANG, SEMS BSKYED DO, ,DANG PO LA BZHI LAS, DANG PO SKYABS YUL GSAL GDAB PA NI, RANG GRUB CHEN GYI RNAM PAR GSAL BA'I MDUN GYI NAM MKHAR, GZHAL YAS KHANG GRU BZHI SGO BZHI SOGS MTSAN NYID DANG LDAN PA'I DBUS SU SENG KHRI PAD NYI 'JIGS DUS KYI GDAN LA 'KHOR LO BDE MCHOG ZHAL BZHI PHYAG BCU GNYIS PA YUM BCAS PHYOGS KYI MKHA' 'GRO MA SOGS RTEN BRTEN PA RNAMS 'OG NAS 'CHAD PA LTAR LAM GYIS GSAL BTAB PA'I GTZO BO'I RTZA ZHAL GYI TSOGS MA'I STENG DU SENG KHRI PAD NYI'I GDAN LA NGO BO RANG GI DRIN CAN RTZA BA'I BLA MA YIN PA LA RNAM PA RGYAL BA RDO RJE 'CHANG SKU MDOG SNGON PO ZHAL GCIG PHYAG GNYIS KYIS RDOR DRIL 'DZIN PAS YUM RDO RJE SNYEMS MA SNGON MO GRI THONG 'DZIN PA LA 'KHYUD PA RIN PO CHE'I RGYAN BRGYAD KYIS BRGYAN CING DAR GYI NA BZA' CAN YAB RDO RJE'I SKYIL KRUNG DANG YUM PADMA'I SKYIL KRUNG GIS BZHUGS PA, DE'I STENG DU YONGS 'DZIN GU GE BA BLO BZANG BSTAN 'DZIN NAS, RGYA PHUBS KYI 'OG TU BDE MCHOG LA THUG GI BAR BRGYUD 'DEBS LTAR BLA MA RNAMS MTHOR BRTZEGS SU BZHUGS PA DANG, RGYA PHUBS DANG GZHAL YAS KHANG GI BAR GYI NAM MKHA' LA MDO PHYOGS

KYI SANGS RGYAS BYANG SEMS NYAN RANG DPA' BO DPA' MO CHOS SKYONG SRUNG MA RNAMS DANG, RGYA PHUBS KYI STENG RGYUD KYI KHANG CHUNG GI NANG DU 'BRAS BU RDO RJE THEG PA RGYUD SDE BZHI'I CHOS DANG, MDO PHYOGS THEG GSUM GYI CHOS LA SOGS PA STE SKYABS YUL GSAL GDAB DGOS GSUNGS, GNYIS PA RGYU SGRUB PA NI, RANG GI GA-YAS SU PHA GA-YON DU MA RGYAB TU SPUN ZLA MDZA' BSHES MDUN DU DGRA 'DRE BYUR GSUM SOGS RIGS DRUG GI SEMS CAN GSAL GTAB LA, THAMS CAD 'KHOR BA DANG NGAN SONG GI SDUG BSNGAL LA 'JIGS SHING SKRAG PA'I BLO DANG, DE LAS SKYOB PA'I NUS PA DKON MCHOG LA YOD PAR YID CHES KYI DAD PA DANG BCAS TE SA'I DREG PA LTAR SMUG SHIG GE YOD PAR BSAM PA'O, ,GSUM PA SKYABS SU 'GRO BA DNGOS NI, SANGS RGYAS CHOS DANG ZHES PA NAS, SKYABS SU MCHI ZHES PA'I BAR TE, DON GZHAN GO SLA ZHING RTAG TU ZHES PA DUS DRUG TU SKYABS SU 'GRO BA STE MDOR BSTAN, THEG PA GSUM PO ZHES PA, BDEN BZHI'I BRJOD BYA GTZO BOR STON PA NYAN THOS THEG PA, RTEN 'BREL BCU GNYIS KYI BRJOD BYA GTZO BOR STON PA RANG RGYAL THEG PA, ZAB PA DANG RGYA CHE BA'I BRJOD BYA GTZO BOR STON PA THEG PA CHEN PE STE MDO DANG, RNAL 'BYOR GSANG SNGAGS ZHES, RGYUD SDE CHEN PO BZHI DANG, MKHA' 'GRO MA ZHES, RDO RJE SNYING PO RGYAN GYI RGYUD LAS, RDO RJE SNYING PO RGYAN GYI RGYUD, ,MKHA' 'GRO MA DANG MKHA' 'GRO PHA, ,ZHES 'BYUNG BA LTAR, DE'I NANG NAS KYANG RNAL 'BYOR MA'I RGYUD GTZO BOR STON PA STE, DE RNAMS CHOS DKON MCHOG ,DPA'

, ,BO DPA' MO ZHES PA, KHAndA KA P'A LA DANG RAB GTUM MA LA SOGS PA 'KHOR LO GSUM DANG SGO MTSAMS KYI DPA' BO DANG DPA' MO, DBANG LHA MO NI, YUM BZHI PHAG MO DANG BCAS PA STE SNGAGS PHYOGS KYI DGE 'DUN, BYANG CHUB SEMS DPA' ZHES MDO PHYOGS KYI DGE 'DUN BYANG SEMS BDAG NYID CHEN PO STE DE RNAMS DGE 'DUN DKON MCHOG ,KHYAD PAR DU YANG ZHES SOGS, SLOB DPON GYI SKAD DOD A'A TZ'ARYA ZHES PA SPYOD PA STON PA LA 'JUG CING SKYABS YUL THAMS CAD BSDUS PA'I NGO BO RTZA BA'I BLA MA YIN PAS NA DE'I PHYIR KHYAD PAR ZHES DMIGS SU BKAR BA DANG, RTAG TU SKYABS SU ZHES SOGS, RANG NYID SANGS RGYAS KYI GO 'PHANG THOB KYANG BLA MA 'DOR MI RUNG BA RIGS BDAG GI TSUL DU BSTEN DGOS PA'I DON TE, RTZA BRGYUD KYI BLA MA DANG GTZO BO SANGS RGYAS DKON MCHOG YIN PAR GSUNGS SO, ,BZHI BA BDUD RTZI 'BEBS SBYANGS NI, SKYABS YUL RNAMS KYI SKU'I CHA LAS BDUD RTZI'I RGYUN BABS PAS RANG GZHAN SEMS CAN THAMS CAD KYI SDIG SGRIB SPYI DANG, KHYAD PAR MYUR LAM RDO RJE THEG PA SGOM PA LA BAR DU GCOD PA'I NAD GDON SDIG SGRIB THAMS CAD BSHANG GTZI DANG RNAG PHRAG ,SDOM DANG SDIG RVA, SOL KHU DANG DUD KHU'I RNAM PAR DBANG PO'I SGO DANG BA SPU'I BU GA THAMS CAD NAS PHYIR THON TE GAR SONG CHA MED DU DAG ,LUS DVANGS GSAL 'OD KYI RANG BZHIN CAN DU GYUR PA DE NYID BDUD RTZIS MER GYIS GANG, TSE DANG BSOD NAMS SOGS MYUR LAM RDO RJE THEG PA SGOM PA'I MTHUN PHYOGS KYI

YON TAN THAMS CAD RANG GZHAN GYI RGYUD LA SKYES PAR BSAM MO, ,GNYIS PA SEMS BSKYED NI, SEMS CAN KUN GYI ZHES SOGS GZHAN DON DON GNYER, BDAG NI HE RU KA ZHES SOGS BYANG CHUB DON GNYER TE DON GNYER GNYIS DANG LDAN PA SMON PA SEMS BSKYED, SEMS CAN THAMS CAD CES SOGS, SEMS CAN HE RU KA'I GO 'PHANG LA DGOD PA LA DE'I LAM NYAMS SU LEN DGOS PA NI 'JUG PA SEMS BSKYED, GO 'PHANG MCHOG LA ZHES SOGS SMON SEMS DAM BCA' CAN TE, SDOM 'BYUNG LAS, GZHAN PHAN BSAM PA BYAMS PA STE, ,SNYING RJE GZHAN GYI SDUG BSNGAL 'JOMS ,GZHAN BDES TSIM PA DGA' BA STE, ,SEMS CAN GZHAN SNYOMS BTANG SNYOMS SO, ,ZHES GSUNGS PA LTAR, TSANGS PA MI GNAS PA'I MYANG 'DAS THOB BYED TSAD MED BZHI LDAN GYI SEMS BSKYED BSGOM PA LA DGOS PA YOD DE, 'CHAD PAR BYA BA'I LAM THAMS CAD THEG CHEN KYI NYAMS LEN DU BYA BA'I CHED YIN PAS DE LTAR BU'I SKYABS SEMS LAN GSUM BYA DGOS GSUNGS, GSUM PA SKAD CIG DKRONG BSKYED NI, SKAD CIG GIS RANG NYID HE RU KA YUM DANG BCAS PA'I SKUR GYUR, CES PA STE RANG THA MAL BA'I SNANG ZHEN GYIS MCHOD GTOR SOGS BYIN RLABS BYA MI NUS PAS LHA'I RNAL 'BYOR BSGOMS DGOS PAS, SKYABS YUL RNAMS MTHA' NAS RIM GYIS BSDUS TE 'ONG SNGON PO'I RNAM PAR RANG LA THIMS PAS, SHA RUS RDOS BCAS KYI PHUNG PO SOGS DE'I GDAGS GZHI'I PHUNG PO PHRA RAGS THAMS CAD 'OD SNGON PO'I RNAM

, ,PAR MER GYIS ZHU NAS RIM GYIS YAL BAR MOS PA DANG, STONG NYID KYI LTA BA DRAN NAS YID NGOR THA MAL GYI SNANG ZHEN BSDUS, LTA BA DE YANG 'BRAS DUS KYI BDE STONG GNYIS MED KYI YE SHES SU MOS LA 'CHI BA CHOS SKU'I LAM 'KHYER MDOR BSDUS BSGOM, DE'I NGANG NAS RANG GI GO SAR SNA TSOGS PAD NYI 'JIGS DUS KYI GDAN LA, RANG SEMS BDE STONG GI YE SHES SU GSAL BA DE NYID 'OD SNGON PO KHRU GANG TZAM DU GSAL BA 'BRAS DUS KYI LONGS SKUR MOS LA BAR DO LONGS SKU'I LAM 'KHYER BSGOM, 'OD DE JE RAGS KYIS HE RU KA BLO LA JI LTAR 'TSAMS PA'I BONG TSOD LA SKU MDOG CHAR SPRIN LTAR GNAG PA ZHAL GCIG PHYAG GNYIS SPYAN GSUM DANG LDAN PA, PHYAG GA-YAS NA GSER GYI RDO RJE RTZE LNGA PA DANG, GA-YON NA GSER GYI RDO RJE RTZE LNGA PA PHYED PAS YU BA BYAS PA'I DNGUL DKAR GYI DRIL BU 'DZIN PAS YUM RDO RJE PHAG MO SKU MDOG DMAR MO GRI THOD 'DZIN PA LA 'KHYUD PA, YAB GA-YAS BRKYANGS GA-YON BSKUMS DANG, YUM PADMA'I SKYIL KRUNG GIS YAB KYI BRLA STENG NAS 'KHRIL BA, YAB PHYAG RGYA DRUG DANG YUM PHYAG RGYA LNGAS BRGYAN CING GNYIS KA'I SKU LAS 'OD ZER DPAG TU MED PA PHYOGS MTSAMS KUN TU KHYAB PA'I KLONG DKYIL NA BZHUGS PA, DE YANG RANG GA BA MA YIN PAR SKYON KUN ZAD YON TAN KUN RDZOGS PA'I 'BRAS DUS KYI DPAL HE RU KA DNGOS DE NGA'O SNYAM PA'I NGA RGYAL BRTAN PO BSKYED LA SKYE BA SPRUL SKU'I LAM 'KHYER BSGOM PAR BYA'O GSUNGS, BZHI PA NANG MCHOD BYIN RLABS NI, NANG MCHOD BYIN

RLABS, ZHES PA NAS, BYIN GYIS BRLABS, ZHES PA'I BAR TE, SDOM 'BYUNG LAS, AO A'A: H'Um ZHES PA'I SNGAGS KYIS, ,RTAG TU BYIN GYIS BRLABS BYA ZHING, ,HA HO H'I: ZHES PA'I SNGAGS KYIS, ,SBYANG BYA DANG NI RTOGS BYA STE, ,HA YIG KHA DOG 'PHROG PAR BYED, ,HO YIG DRI RNAMS 'PHROG PAR BYED, ,HR'I: YIG NUS PA BCOM PA DANG, ,BDUD RTZI'I RNAM PA'ANG BSTEN BAR BYA, ,ZHES GSUNGS PA LTAR, NANG MCHOD KYI GO SAR RNAM SNANG GI NGO BO 'KHOR LO DKAR PO RTZIBS BRGYAD PA CUNG ZAD SBUG BA'I RNAM PA CAN GYI DBUS SU HO DKAR PO, ,DE'I STENG DU 'OD DPAG MED KYI NGO BO PADMA DMAR PO 'DAB MA BRGYAD PA CUNG ZAD SBUG PA 'KHOR LO'I KHABS KYI RNAM PAR YOD PA'I NANG GI LTE BAR HA DMAR PO MGO THUR DU BSTAN PA, HO YIG GI STENG DU NYI GDAN LA HR'I: SNGON PO RING CHA TSEG DREG DANG BCAS PA, DE'I GA-YAS SU AOm DKAR PO, GA-YON DU A'A: DMAR PO, MDUN DU H'Um SNGON PO BCAS BSAM LA, HA HO HR'I: LAN GSUM BRJOD PAS YI GE DE RNAMS RIM GYIS 'OD DU ZHU NAS BYIN GYIS BRLAB RGYU'I RDZAS LA THIMS PAS, HA HO HR'I: GSUM GYIS RIM PA LTAR KHA DOG NGAN PA SBYANGS TE BDUD RTZI DMAR SER GYI RNAM PA, DRI RO NGAN PA GRIB DANG MI GTZANG BA LA SOGS PA SBYANGS NAS SHEL LTAR DAG PA, NUS PA NGAN PA SBYANGS TE MGRON RNAMS KYI THUGS RGYUD LA ZAG MED KYI BDE BA KHYAD PAR CAN STER NUS PA'I RO BRGYA DANG LDAN PA'I BDUD RTZIR GYUR PAR BSAM, AOm A'A: H'Um LAN GSUM BRJOD PAS DE RNAMS THIM NAS MGRON RNAMS KYIS JI TZAM

, ,LONGS SPYAD KYANG MDZAD PA MED PA'I MANG POR SPEL BAR BSAM, DE'I TSE SPRO NA RANG GI SNYING GAR ZLA DKYIL GYI DBUS SU, RANG NYID THA MAL BA'I RNAM PA CAN DE'I MDUN NA TSE 'DI'I PHA MA, GA-YAS SU SPUN ZLA, GA-YON DU GROGS, RGYAB TU MDZA' BSHES, DE'I MTHAR SEMS CAN THAMS CAD KYIS BSKOR BAR MOS NAS AOm A'A: H'Um LAN DANG PO BRJOD PA'I TSE RANG GZHAN SEMS CAN THAMS CAD KYI LUS KYI SGO NAS BSAGS PA'I SDIG SGRIB THAMS CAD DANG; GNYIS PA'I TSE NGAG GI SGO NAS BSAGS PA'I SDIG SGRIB THAMS CAD DANG, GSUM PA'I TSE YID KYI SGO NAS BSAGS PA'I SDIG SGRIB THAMS CAD DUD KHU DANG SOL KHU'I RNAM PAR BA SPU'I BU GNAS PHYUNG STE BDUD RTZI LA THIM PAS DE'I RANG BZHIN DU GYUR PAR BSAM NA GZHAN PHAN GYI BSAM PA DANG BYANG CHUB KYI SEMS YANG YANG DRAN PA DANG DES ZIN PA SOGS KYI DGOS PA LHAG PAR CHE BA YIN PAS, DE LTA BU'I DMIGS PA DANG BCAS NGAG 'DON RGYAS BSDUS GANG RUNG GIS BYIN GYIS BRLAB DGOS GSUNGS, LNGA PA MCHOD PA BYIN RLABS LA BZHI LAS, DANG PO BSANG BA NI, MCHOD RDZAS RNAMS ZHES SOGS TE, KHAndA RO HE'I SNGAGS BRJOD PA DANG SNYAM DU RANG HE RU KAR GSAL BA'I SNYING GAR ZLA GDAN LA GNAS PA'I H'Um YIG N'A DA DANG BCAS PA LAS NGO BO BDE STONG GI YE SHES LA RNAM PA DUM SKYES MA DMAR MO ZHAL GCIG PHYAG GNYIS KYIS GRI GUG DANG THOD PA 'DZIN PA DPAG TU MED PA SPROS PA SHANGS BUG GA-YAS NAS THON TE MCHOD RDZAS

LA GNAS PA'I BGEGS RNAMS BYE'U KHRAS DED PA LTAR RGYA MTSO'I PHAR 'GRAM TZAM DU BSKRAD DE PHYIR 'ONG MI NUS PAR BYAS LA SLAR SHANGS BUG GA-YON NAS ZHUGS TE SNYING GA'I H'Um YIG LA THIM PAR BSAM, DUM SKYES MA BDE STONG GI RANG BZHIN DU MOS PA NI YE SHES DES SGRIB PA THAMS CAD KYANG 'JOMS NUS NA PHYI'I DRANG DON GYI BGEGS LA SOGS PA 'JOMS NUS PA LTA CI SMOS PA'I RGYU MTSAN GYIS YIN GSUNGS SO, ,GNYIS BA SBYANG BA NI, SVA BH'A WAS SBYANGS ZHES PA STE; SVA BH'A WA GNYIS RANG BZHIN, SHUDDHA GNYIS DAG PA, SRAB THAMS CAD, DHARM'A: CHOS, AA HAm NGA'O STE, RANG BZHIN GYIS DAG PA'I CHOS THAMS CAD RANG BZHIN GYIS DAG PA NGA'O, ,ZHES PA'O, ,DE YANG MCHOD PA SNOD DANG BCAS PA'OD DU ZHU NAS YID NGOR MA DAG PA'I SNANG BA DANG, BDEN 'DZIN GYI ZHEN PA GNYIS KAS STONGS PA'I STONG NYID DU BSAM ZHING DE RTOGS PA'I BLO YANG 'BRAS DUS KYI BDE BA CHEN POR MOS, DE LTAR BYAS NA 'OG GI BSKYED CHOG THAMS CAD BDE STONG GI RNAMS ROL DU 'CHAR BA'I GNAD YOD, GSUM PA BSKYED PA NI, STONG PA'I NGANG LAS ZHES SOGS TE, DE'I TSE MCHOD PA'I SNOD RNAMS KYI GO SAR BDE SKYONG GI SKAD DOD KA P'A LA ZHES PA'I MING YIG DANG PO KA LA THIG LES BRGYAN PA'I KAS BDE BA DANG THIG LES STONG PA MTSON PA'I KAm RE RE THOL GYIS BYUNG, DE ZHU BA LAS THOD PA PHYI DKAR LA NANG DMAR BA STONG GSUM LTAR YANGS PA'I NANG DU BDE STONG GI YE SHES H'Um YIG GI RNAM PAR SHAR BA YONGS SU GYUR PA LAS MCHOD YON

, ,SOGS MCHOD RDZAS RNAMS NGO BO'I KHUD PAR BDE STONG DBYER MED KYI YE SHES, RNAM PA'I KHYAD PAR MCHOD RDZAS RANG RANG GI GZUGS SU SHAR BA, BYED LAS KYI KHYAD PAR MGRON RNAMS KYI LJAGS KYIS BZHES PA DANG SPYAN GYIS GZIGS PA SOGS DBANG PO DRUG GI YUL DU ZAG PA MED PA'I BDE BA KHYAD PAR CAN BSKYED NUS PA STE KHYAD CHOS GSUM LDAN DU BSAM MO, ,BZHI PA BYIN GYIS BRLAB PA NI, SNGAGS TING NGE 'DZIN PHYAG RGYA GSUM GYI BYIN GYIS BRLABS PA TE, DANG PO NI, AOm ARGHAm A'A: H'Um, ZHES SOGS BRJOD PA STE, 'BRU GSUM RDO RJE GSUM GYI SA BON YIN PAS DE DANG MCHOD PA'I MING SPEL NAS NGAG TU BRJOD CING RDO RJE GSUM GYI RANG BZHIN BDE STONG GI NGO BOR MOS PA NI SNGAGS KYI BYIN GYIS BRLABS PA, SO SO'I PHYAG RGYA NI PHYAG RGYA'I BYIN GYIS BRLABS PA, MCHOD YUL, MCHOD RDZAS, MCHOD MKHAN GYI 'KHOR GSUM MI DMIGS PAR BLTA BA DANG KHYAD CHOS GSUM LDAN DU MOS PA NI TING NGE 'DZIN GYI BYIN GYIS BRLABS PA'O, ,RDOR SEMS SGOM BZLAS BYED NA MTSAMS 'DIR BYA DGOS GSUNGS, GNYIS PA RNAL 'BYOR GYI YAN LAG SGRUB TSUL LA BZHI, BSOD NAMS KYI TSOGS GSOG PA, 'CHI BA CHOS SKU'I LAM 'KHYER, BAR DO LONGS SKU'I LAM 'KHYER, SRUNG BA'I 'KHOR LO BSGOM PA'O, ,DANG PO LA GSUM LAS, TSOGS ZHING SPYAN 'DREN PA NI, RANG HE RU KAR GSAL BA'I ZHES SOGS BRJOD PA'I TSE RANG GI SNYING GA'I RTZA 'DAB BRGYAD MTSON BYED SNA TSOGS PAD MA

'DAB MA BRGYAD PA'I LTE BAR SNYING GA'I MI SHIGS PA'I THIG LE DKAR DMAR MTSON BYED ZLA BA'I DKYIL 'KHOR GYI DBUS SU SHIN TU PHRA BA'I RLUNG SEMS MTSON PA'I H'Um YIG MTHING GA GYEN DU 'GRENG BA, ZHABS KYU BYA SGRUB YE SHES, HA SOR RTOG YE SHES, MGO BO MNYAM NYID YE SHES, ZLA TSES ME LONG YE SHES, THIG LE N'A DA CHOS DBYINGS YE SHES TE YE SHES LNGA'I RANG BZHIN CAN LAS 'OD ZER KHA DOG LNGA LDAN 'PHROS PAS LUS KYI NANG THAMS CAD KHENGS, THOG MA MED PA NAS BSAGS PA'I SGO GSUM GYI SDIG SGRIB THAMS CAD SBYANGS, LUS SHEL SGONG BZHIN DU DAG PAR GYUR TE, BA SPU'I SGO NAS PHYIR 'PHROS PA'I 'OD ZER GYIS 'OG MIN STUG PO BKOD PA NAS BLA MA RDO RJE 'CHANG GI RNAM PA CAN DANG 'KHOR LO SDOM PA'I DKYIL 'KHOR GYI LHA TSOGS, GZHAN YANG SANGS RGYAS BYANG SEMS THAMS CAD NAM MKHA'I KHAMS TEL GYI GANG BU LTAR GANG BA RANG GI MDUN THAD KYI NAM MKHAR SPYAN DRANGS PAR BSAM LA SPROS PA'I 'OD ZER RNAMS RANG GI SNYING GA'I SPRO GZHI LA BSDU ZHING, 'DIS MTSON SNGA PHYI'I 'OD ZER DANG LHA MO SPRO BSDU SOGS SNYING GA'I H'Um LAS BYED PA NI 'KHOR 'DAS THAMS CAD RANG SEMS KYIS BTAGS PA TZAM DANG, DE DAG GI BYED PO NA THAR THUG SHIN TU PHRA BA'I SNYING GA'I RLUNG SEMS YIN PA MTSON ZHING, BSDU BA NA SNYING GA'I H'Um LA THIM PAR MOS PA RDZOGS RIM GYI SKABS RAGS PA'I RLUNG SEMS THAMS CAD SNYING GAR THIMS NAS 'OD GSAL 'CHAR BA'I SMIN BYED KHYAD PAR CAN DU 'GYUR BA'I GNAD SHIN TU CHE'O GSUNGS,

, ,GNYIS PA DE LA TSOGS GSOG PA LA GSUM LAS, DANG PO PHYAG 'TSAL BA NI, NA MO GU RU TZKRA, ZHES SOGS TE, NA MO PHYAG 'TSAL LO, ,GU RU BLA MA, TZKRA 'KHOR LO, SAM BDE BA, BA RA MCHOG, SARBA THAMS CAD, d'A KI N'I MKHA' 'GRO MA, BHYA: RNAMS LA STE, BLA MA 'KHOR LO BDE MCHOG DANG MKHA' 'GRO MA RNAMS THAMS CAD LA PHYAG 'TSAL LO, ,ZHES PHYAG BYA BA STE, DE'I TSE RANG GI MTHA' SKOR DU SEMS CAN THAMS CAD 'KHOD PAS KYANG RANG DANG 'DRA BAR NGAG GIS BSTOD TSIG BRJOD PA DER, YID KYIS DAD GUS DRAG POS GSOL BA 'DEBS PA DANG, LUS ZHING RDUL DANG MNYAM PAS PHYAG BYAS PAR MOS DGOS GSUNGS, GNYIS PA MCHOD PA 'BUL BA NI, AOm SARBA TA THA GA TA ZHES SOGS TE; DE'I TSE RANG GI SNYING GA'I H'Um LAS NGO BO BDE STONG GI YE SHES YIN PA LA RNAM PA DBANG CHOG BDE CHEN SNYING PO LAS 'BYUNG BA LTAR MCHOD PA'I LHA MO MCHOD RDZAS THOGS PA GRANGS MED PA SPROS PAS MCHOD PAR BSAM LA, 'BUL SNGAGS KYI DON NI, AOm GYI AA AU MA GSUM GYIS RDO RJE GSUM DANG, DE GSUM GI GE GCIG TU GYUR PAS RDO RJE GSUM DBYER MED PA DANG MCHOD PA'I 'KHOR GSUM MING GIS BTAGS PA TZAM LAS RANG BZHIN MED PA MTSON, SARBA THAMS CAD, TA TH'A DE BZHIN, GA TA GSHEGS PA STE, STONG NYID DE BZHIN NYID NAS CHOS SKUR GSHEGS PA DANG, CHOS SKU DE BZHIN NYID NAS BZHIN LAG GZUGS SKU'I RNAM PAR GSHEGS PA, ARGHAm MCHOD YON NAS, SHABTA ROL MO, PRA T'I TZTSA SO SOR

BZHES, SVA H'A GZHI TSUGS DANG, LEGS PA, BZANG BA, MDZES PA KUN SBYIN ZHES MANG PO 'JUG PA YOD KYANG 'DIR DNGOS GRUB SBYIN PAR MDZAD DU GSOL ZHES DANG, DE YANG DNGOS SU BSHAMS PA RDZAS KYI MCHOD PA, MCHOD SNGAGS BRJOD PA SNGAGS KYI MCHOD PA, LAG PAS PHYAG RGYA BYAS PA PHYAG RGYA'I MCHOD PA, YID KYIS MANG POR SPRUL PA TING NGE 'DZIN GYI MCHOD PA, 'KHOR GSUM BDEN MED DU RTOGS PA'I BLOS ZIN PA SGRUB PA'I MCHOD PA STE KHYAD CHOS LNGA LDAN DU MCHOD PAS MCHOD YUL RNAMS ZAG MED KYI BDE BA CHEN POS TSIGS PA NA BUM DBANG DANG, LAM BSKYED RIM DANG 'BRAL BA'I PHYI MCHOD, DE NAS DRIL BU ZHABS KYIS, BCOM LDAN 'DAS DANG RNAL 'BYOR MA RNAMS LCE, ,YI GE H'Um BYUNG RDO RJE RTZE GSUM PA, DKAR PO NAS 'BRU TZAM BKOD SPU GUS DRANGS, ,BDUD RTZI GSOL BAS LHA TSOGS MCHOG TSIM BLTA, ,ZHES GSUNGS PA LTAR, AOm SARBA TA TH'A GA TA AOm A'A: H'Um, BRJOD PA DANG MNYAM DU RANG GI SNYING GA NAS RO RDO RJE MA DMAR MO THOD PA 'DZIN PA DPAG MED SPROS PAS BDUD RTZI NAS BCUS TE MGRON RNAMS LA 'BUL BA NA GSANG DBANG DANG, LAM GTUM MO'I RNAL 'BYOR DANG 'BREL BA'I NANG MCHOD, YAB YUM SNYOMS PAR ZHUGS PAS ZHES SOGS NI, DRIL BU BAS, MYUR DU DNGOS GRUB BYED PAR NI, ,PHYAG RGYA'I MCHOD 'DI THE TSOM MED, ,CES GSUNGS PA LTAR, YAB YUM SNYOMS PAR ZHUGS PAS TSOGS ZHING GI LHA TSOGS THAMS CAD KYIS KYANG LHAN SKYES KYI BDE BA CHEN PO MYONG BAR

, ,BSAM PA NI SHER DBANG DAR, LAM 'OD GSAL DANG 'BREL BA'I GSANG MCHOD, LHAN SKYES KYI BDE CHEN STONG NYID KYI RNAM LDAN DU BSKYED NAS MCHOD PA'I 'KHOR GSUM PO BDE STONG GI RNAM ROL DU BLTA BA NI, TSOGS GNYIS BDE BLAG TU RDZOGS BYED BLA NA MED PA DBANG BZHI PA DANG, LAM ZUNG 'JUG DANG 'BREL BA'I DE KHO NA NYID KYI MCHOD PA'O, ,SKABS 'DIR PRA T'I TZTSA ZHES PA GZHUNG DU MED KYANG GRUB CHEN L'A BA PA DANG LANG KA RGYAL BZANG GI DGONGS PA LTAR YIN GSUNGS, 'DI'I TSIG DON YID LA BYED TSUL RNAMS MCHOD PA 'OG MA LA'ANG RIGS 'GRE'O, ,GSUM PA RGYUN BSHAGS NI, DKON MCHOG GSUM LA ZHES SOGS TE DES SKYABS 'GRO RTEN GYI STOBS DANG BSHAGS YUL BSTAN CING, SDIG PA THAMS CAD CES SOGS, RANG GZHAN SEMS CAD THAMS CAD SNGAR BYAS KYI SDIG PA RNAMS LA DUG KHENG DU SONG BA LTAR 'GYOD SEMS DANG, PHYIN CHAD SROG LA BABS KYANG MI BYED SNYAM PA'I SNGOM SEMS DRAG PO DANG BCAS SO SO NI SKAD DOD KYI STENG NAS YANG YANG LA 'JUG PAS YANG DANG YANG DU BSHAGS PA, 'GRO BA'I DGE LA ZHES PA, RANG GZHAN GYI DUS GSUM DU BSAGS PA'I DGE BA LA DBUL BO'I BUS GTER RNYED PA LTA BU'I DGA' BA CHEN BO'I RJES SU YI RANG BA, SANGS RGYAS BYANG CHUB CES SOGS SMON 'JUG GI SEMS BSKYED PA YIN KYANG TSIG GI RJES BZLOS TZAM GYIS SEMS BSKYED NUS NA, LAM GZHAN RNAMS KYANG DE DANG 'DRA BAS, NYI MA GCIG LA SANGS RGYAS KYI LAM THAMS CAD RGYUD LA SKYE NUS PAR

'GYUR RO, ,DE BAS NA BLO DE MYONG BA MA SKYES KYI BAR DU SBYANGS NAS, DE'I MTHUS DRANGS PA'I BYANG CHUB SEMS DPA'I SPYOD PA RNAMS LA SLOB 'DOD SNYING THAG PA NAS SKYES PA NA, BYANG SEMS KYI SDOM PA CHOGS TSUL BZHIN DU BZUNG STE, SPYOD PA PHYIN DRUG LA LEGS PAR SLOB PA NYID YI DAM KYIS BZUNG BA'I DON YIN NO, ,DE RNAMS BSOD NAMS KYI TSOGS BSAG PA STE, DPER NA 'DZAM BU GLING PA'I MI MNGAL SKYES KHAM DRUG LDAN PA ZHIG LHA'I LUS LEN PAR 'DOD NA, SKYE BA 'DIR 'GYUR DU MED PAS DE'I SNGON DU SKYE 'GYUR GYI LAS GSOG DGOS PA DANG CHOS MTHUN PA YIN NO, ,GSUM PA TSOGS ZHING RANG LA BSDU BA NI, TSOGS ZHING RNAMS ZHES SOGS TE, RANG GI THUGS KA'I H'Um YIG CHA LNGA PA LAS 'OD ZER KHA DOG DE BZHIN DU 'PHROS PA TSOGS ZHING RNAMS LA PHOG PAS DE RNAMS MTHA' NAS RIM GYIS BSDUS TE 'OD SNGON PO'I RNAM PAR RANG GI SMIN MTSAMS SU THIM PAS RGYUD BYIN GYIS BRLAB PAR BSAM PA'O, ,GNYIS PA 'CHI BA CHOS SKU'I LAM 'KHYER NI, 'DI SKABS GZHUNG DU SNGAGS TZAM LAS MA GSUNGS KYANG, SNOD BCUD KYI CHOS THAMS CAD RANG LA THIMS SHING, RANG YANG MI DMIGS PA'I STONG PA NYID DU GYUR, CES BRJOD NA LAS DANG PO PAR RNAM PA GSAL BAR GSUNGS PAS DE'I TSE RANG HE RU KA ZHAL GCIG PHYAG GNYIS PA'I GSAL SNANG DANG NGA RGYAL BRTAN BZHIN PAS BDAG GIS SANGS RGYAS KYI 'OD GSAL CHOS SKU MNGON DU BYAS NAS, GZHAN DON DU LONGS SPYOD RDZOGS SKU DANG SPRUL SKU'I GZUGS KYI SKUR LDANG

, ,BAR BYA'O SNYAM PA'I 'PHEN PA DRAG PO ZHIG BTANG NAS, RANG GI THUGS KA'I H'Um LAS BDE BA CHEN PO'I RANG BZHIN GYI 'OD ZER KHA DOG SNA LNGA DPAG TU MED PA THUGS KA DANG YAB YUM GYI SBYOR MTSAMS SOGS NAS THON PA PHYI'I SNOD BCUD THAMS CAD LA PHOG PAS, DE RNAMS 'OD DU LTEM GYIS ZHU NAS RANG LA THIM, RANG YANG 'OD DU ZHU BA STOD SMAD THAMS CAD NAS ME LONG GI HA YAL BA BZHIN RIM GYIS SNYING GA'I H'Um YIG LA THIM, H'Um GI ZHABS KYU HA LA THIM PA'I TSE, SA CHU LA THIM PA'I PHYI'I RTAGS SU SMIG RGYU LTA BU'I SNANG BA DANG, NANG GI RTAGS LUS SA LA BYING BA LTA BU, HA MGO BO LA THIM PA'I TSE, CHU ME LA THIM PA'I PHYI'I RTAGS SU DU BA LTA BU'I SNANG BA DANG, NANG GI RTAGS MCHU DANG LCE SOGS BSKAMS PA DANG SO LA DREG PA CHAGS PA, MGO BO ZLA TSES LA THIM PA'I TSE, ME RLUNG LA THIM PA'I PHYI'I RTAGS SU MKHA' NANG ME KHYER LTA BU'I SNANG BA DANG, NANG GI RTAGS LUS KYI DROD MTHA' NAS SDUD PA, ZLA TSES THEG LE LA THIM PA'I TSE, RLUNG RNAM SHES LA THIM PA'I PHYI'I RTAGS SU MAR ME 'BAR BA LTA BU'I SNANG BA DANG, NANG GI RTAGS DBUGS KYI RGYU BA CHAD PA STE RTAGS BZHI SHAR BA'I MOS PA DANG, THIG LE N'A DA LA THIM PA'I TSE, THOG MAR SPYI BO'I RTZA 'KHOR GZHIG PAS BYANG SEMS DKAR PO THUR DU BABS PAS SNANG BA DKAR LAM BA, DE NAS LTE BA'I RTZA 'KHOR GZHIG PAS KHAMS DMAR PO ME'I RANG BZHIN GYEN DU 'BAR BAS 'CHED PA DMAR LAM PA, DE GNYIS SNYING GAR 'DUS PA LA BRTEN NAS SNYING

GA'I KHAMS DKAR DMAR SRAN MA'I ZLA CHAB KHA SBYAR BA LTA BU'I DBUS SU RLUNG SEMS SHIN TU PHRA BA YOD PA DE KUM PA LA BRTEN NAS NYER THOB NAG LAM PA RNAMS RIM GYIS 'CHAR, 'DI'I MA DAG DRAN MED DU BRGYAL TE, BRGYAL TSAB CHE TSAD SKYON MIN YON TAN YIN TE 'OG GI 'OD GSAL BSTEN ZHING 'THUG PA 'BYUNG BA DANG, N'A DA YANG MI DMIGS PA STONG PAR SONG BA NA SLOD BYED KYI SKYEN GSUM DANG BRAL BA'I THAMS CAD STONG BA 'OD GSAL THO RANGS KYI NAM MKHA' GA-YA' DAG PA LTA BU'I SNANG BA SHAR BAR MOS PA STE STONG PA BZHI'O, ,'DI'I SKABS SU SNANG NGOR RNYED TSUN CHAD BSDUS BA'I STONG SANG NGE BA, MYONG YUL DU RANG SEMS BDE BA CHEN PO'I NGO BOR SONG BA'I BDE SANG NGE BA, 'DZIN BTANG CHOS THAMS CAD RANG BZHIN GYIS GRUB PA RDUL TZAM YANG MED DO SNYAM PA'I STONG NYID KYI LTA BA, NGES NGOR DE RTOGS MKHAN GYI BLO D<!0��9 <�3� $�0�'0��8' � �3!0 �$!�!< �<�$�!0<� 0<#��! 0�<�$� '<3�8' ��9
'$�<!0�9<�30 �'$!0��930� !0�390 � 03� $����!0<� 0<#�9 <!�<�$�'$ �!0<0�9 ! 3�!<�#00�< �0!0��'$!0��!0<0�3 !�!$��< �!0<0� $� 0 ��3 0!��'��!<�<��<��#� !0�<�!$3��3
!�<�!<�0�'0�0�$#�8'0!�930�9<�8'0!� ���93
<� 3 � !0�0��930� !0�390 � $�'03�<��
<�9'�<�<���� <!0�9
'$!��<�< <� <�93<0�!$3��<<�'<�!0<� �0��#� !0�<��!$3�3<!0��UL CAN BDE BA CHEN PO'I YE SHES GNYIS DBYER MI PHYED PA'I BDAG NYID DE NGA'O ZHES PA YIN NO, ,SKABS 'DIR STONG NYID BSGOM PA NI, GZHI DUS SU RANG LA 'BYUNG

, ,'GYUR GYI 'CHI BA THA MAL BA SBYONG ZHING LAM DUS KYI DPE DON GYI 'OD GSAL 'CHAR BA'I DGE RTZA SMIN BYED DE, DPE'I 'OD GSAL LA GNYIS SNANG PHRA MO YOD LA, GNYIS SNANG PHRA MO'ANG NUB PA NI DON GYI 'OD GSAL YIN ZHING; 'BRAS DUS SU CHOS SKU 'GRUB PA'I RGYUR 'GYUR BAS NA 'CHI BA CHOS SKU'I LAM 'KHYER JHES BYA'O, ,GSUM PA BAR DO LONGS SKL BA'I KUN SPYOD SOGS LA TSUL BZHIN DU SPYOD PA, RNAL 'BYOR NI ZHI LHAG GNYIS YIN LA, BDE BA NI DE GNYIS BSGOMS PA LA NYIN SKYE BO MANG PO'I RGYUN LUGS NYUNG ZHING, MTSAN GCAN GZAN DANG 'BYUNG BA SOGS KLAG COR GYI SGRA MED PAS BSAM GTAN GYI TSER MAS DBEN PA'O, ,TSUL KHRIMS RNAM PAR DAG PA LA GNAS NAS ZHES PA NI, SO THAR DANG BYANG SEMS KYI BSLAB BYA'I NYES LTUNG GIS MA GOS SHING, GAL TE PHRA MOS GOS KYANG NYES LTUNG DANG ZHAG TU MI 'GROGS PAR BSHAGS PAS DAG PA STE, 'DI NI SHIN TU GAL CHE STE, DPER NA CHU RNYOG PAS GOS PA LA GZA' SKAR GYI GZUGS BRNYAN MI 'CHAR BA LTAR SEMS RGYUD NYON MONGS PA'I RNYOG PAS GOS PA LA'ANG YON TAN KHYAD PAR CAN MI SKYE

NYID; ;YI DVAGS BDAG PHYOGS DBANG LDAN DUR PA LTAR,,LJANG DANG SPRIN NAG SNA TSOGS PADMA NYID, ,CES GSUNGS PA LTAR YIN PA'I PHYIR RO, ,GNYIS PA RTEN BRTEN PA BSKYED PA SKYE BA SPRUL SKU'I LAM 'KHYER LA BZHI LAS, DANG PO MNGON BYANG DANG PO GNYIS BSKYED PA NI, DBUS SU MTSAN DPE'I NGO BO DBYANGS SO GNYIS DANG ZHES SOG TE, DE'I TSE MTSAN SO GNYIS KYI NGO BO DBYANGS YIG BCU DRUG NYIS 'GYUR SNA TSOGS PADMA CHUNG NGU'I LTE BAR SHAR GYI TSANGS THIG GI 'GRAM DU AA DANG, NUB KYI TSANGS THIG GI 'GRAM DU AA: STE BCU DRUG GA-YON SKOR, DE NAS SHAR GYI TSANGS THIG GI 'GRAM DU AA DANG, NUB KYI TSANGS THIG GI 'GRAM DU AA: STE BCU DRUG GA-YAS SKOR KHA DOG DKAR PO, DES PHA LAS THOB PA'I KHAMS DKAR PO YAR NGO LA RKANG PA GA-YAS PA'I SOR MO NAS SPYI BO'I BAR DU 'PHEL BA'I CHA BCO LNGA DANG GNAS PA'I TSE GCIG GI BCU DRUG ,MAR NGO LA SPYI BO NAS RKANG PA GA-YON PA'I SOR MO'I BAR DU 'GRIB PA'I CHA BCO LNGA DANG GNAS PA'I CHA GCIG GI BCU DRUG MTSON PA STE, SDOM 'BYUNG LAS, DE LAS GZHAN YANG THIG LE'I GZUGS, ,'PHO BA YANG DAG BSHAD PAR BYA, ,DKAR PO'I TSES GCIG NAS BRTZAMS TE, ,JI SRID ZLA BA RDZOGS PA'I BAR, ,DKAR PO'I TSES GCIG LA AA YIG ,RKANG PA'I SOR MOR YI GE LA, ,GNYIS PA BYIN PAR A'A YIG STE, ,GSUM PA BRLA LA AI YIG GO ,SKYE GNAS BZHI PO A'I YIG YIN, ,LTE BAR LNGA PA AU YIG STE, ,SNYING GAR DRUG PA A'U YIG GO ,NU MAR BDUN PA Ri

, ,YIG YIN, MGRIN PAR BRGYAD PA R'i YIG STE, LAG MTHIL DGU PA Li YIG GO ,MKHUR TSOS BCU PA L'i YIG YIN, ,MIG LA BCU GCIG PA AE YIG ,RNA BAR BCU GNYIS PA AEE YIG ,DPRAL BAR BCU GSUM PA AO YIG ;SPYI BOR BCU BZHI PA AOO YIG ,CHANG GI GA-YON DANG GA-YAS SU NYA, ,AAm AA: YI GE'I RANG BZHIN NO, ,NAG PO'I TSES GCIG NAS BRTZAMS TE, ,JI SRID GNAM STONG DE SRID LA, ,'PHO BA DE NYID BZHIN DU 'GYUR, ZHES YAR NGO DANG MAR NGO'I DBYE BAS THIG LE BRTZEGS PA DANG 'BAB PA'I CHA SO GNYIS DANG SBYAR BA'I PHYIR, DE'I MTHAR DPE BYED BRGYAD CU'I NGO BO GSAL BYED SO BZHI'I STENG DU, tA DA GNYIS, dHA DHA GNYIS, YA LA GNYIS TE DRUG BSNAN PA'I GSAL BYED BZHI BCU, DE RNAMS, KHAMS LNGA LDAN PA'I RO RTOGS BYED, CES PA'I SA CHU ME RLUNG NAM MKHA'I KHAMS TE KHAMS LNGA YOD PA, DE RE RER YANG DGA' BA, MCHOG DGA', KHYAD DGA', LHAN SKYES KYI DGA' BA STE BZHI BZHIR BYAS PA'I NYI SHU, ,NYI SHU PO RE RE YANG MA LAS THOB PA'I KHAMS DMAR PO'I RDUL RE DANG LDAN PAS BZHI BCU, DE LA YANG THABS SHES GNYIS GNYIS SU PHYE BAS BRGYAD TU BYED PA LCANG SKYA'I 'KHRID YIG BDE CHEN GSAL SGRON GYI DGONGS PA STE, PHRAG PA GCIG GA-YAS SKOR DANG, PHRAG PA GCIG GA-YON SKOR KHA DOG DMAR PO, SNGAR GYI DBYANGS YIG JI LTA BA BZHIN DU 'GOD, BDE MCHOG GI GZHUNG DU DBYANGS GSAL BKOD LUGS YI GE RNAMS RIM PA DANG RIM MIN SPEL MAR 'GRO DGOS PA

SHIN TU BSGOM DKA' BAS, RGYUD NI RGYUD KYIS 'CHAD PAR BYA, ZHES PA LTAR, 'DI GSHIN RJE'I GSHED KYI 'KHRUL 'KHOR STON PA'I BSHAD RGYUD RTOG PA GSUM PA'I DBYANGS GSAL BKOD LUGS DANG MTSUNGS PA YIN GSUNGS, DBYANGS GSAL DE GNYIS YONGS SU GYUR PA LAS, ZLA BA'I DKYIL 'KHOR YONGS SU RDZOGS PA DKAR LA DMAR BA'I MDANGS CAN LA DBYANGS DKAR PO SO GNYIS DANG, GSAL BYED DMAR PO BRGYAD CU'I GZUGS BRNYAN SHAR BA BZHIN DU SNANG BA'I A'A LI DANG ZLA BA DKAR BA'I CHA NI ME LONG YE SHES LAS BYANG CHUB PA DANG, K'A LI DANG ZLA BA DMAR BA'I CHA NI MNYAM NYID YE SHES LAS BYANG CHUB PA YIN NO, DE LTAR GONG DU BSHAD PA RNAMS LA SBYANG GZHI DANG CHOS MTHUN GYI DBANG DU BYAS NA, 'BYUNG BZHI RI RAB DANG BCAS PA NI BAR DO'I RNAM SHES DE GANG DU SKYE BA LEN PA'I PHA MA GNYIS KYI LUS SPYI DANG CHOS MTHUN, SNA TSOGS PADMA CHUNG DU NI, DE GNYIS KYI RTZA 'KHOR DANG CHOS MTHUN, DBYANGS GSAL DKAR DMAR NA RE GNYIS KYI KHAMS DKAR DMAR DANG CHOS MTHUN, DBYANGS GSAL GNYIS YONGS SU GYUR PA LAS ZLA BA DKAR LA DMAR BA'I MDANGS CAN DU BSGOMS PA NI KHAMS DKAR DMAR GNYIS MA'I MNGAL NANG DU 'DRES PA DANG CHOS MTHUN NO; ;GNYIS PA MNGON BYANG GSUM PA BSKYED PA NI, RANG NAM MKHA'I N'A DAS ZHES SOGS TE, DE'I TSE N'A DA LONGS SKU'I NGO BOR GNAS PA DES ZLA BA DKAR LA DMAR BA'I MDANGS CAN MTHONG BA NA, BDAG GIS SGYU MA'I LUS 'DI THA MAL BA

, ,RNAMS KYI MIG GIS MTHONG BAR MI NUS PAS, DES NA SANGS RGYAS YAB YUM GYI BYANG SEMS DKAR DMAR GYI DBUS SU RAGS PA'I SPRUL SKU BZUNGS NAS MA DAG PA'I SEMS CAN RNAMS KYI DON BYA'O SNYAM PA'I 'PHEN PA BTANG LA ZLA BA'I DBUS SU N'A DA ZHUGS PA NI THIG LE'I DBUS SU BAR DO'I RNAM SHES ZHUGS PA DANG CHOS MTHUN, DE YANG BAR DO'I RNAM PAR SHES PA THOG MAR MA'I GSANG BAR KHU KHRAG 'DRES PA DE NYID RJES SU MA'I MNGAL GYI SKYE GNAS SU SONG NAS DER 'PHIL BAR 'GYUR TE, SKYE GNAS NI MA'I PHO BA'I 'OG LONG KHA'I STENG GI BAR YIN PAR MNGAL 'JUG LAS GSUNGS, RIM BZHIN, ZHES PA NI, RDO RJE PHAG MO'I NGO BO THIG LE N'A DA, DE'I 'OG TU MKHA' 'GRO MA'I NGO BO ZLA TSES, DE BZHIN DU GZUGS CAN MA'I NGO BO HA'I MGO BO, DUM SKYES MA'I NGO BO HA'I LUS, L'A MA'I NGO BO ZHABS KYU STE H'Um YIG DKAR LA DMAR BA'I MDANGS CAN DU GYUR PAR BSAM PA STE, SNGO MA 'BYUNG LAS, A'A LI K'A LI RNAM DAG LAS, ,DE YI DBUS SU YI GE H'Um, ,RDO RJE SEMS DPA'I RANG BZHIN CAN, ,ZHES GSUNGS PA LTAR, H'Um YIG RGYU RDO RJE 'DZIN PA'I RANG BZHIN CAN DU RDZOGS PAR GYUR PA NI SOR RTOG YE SHES LAS BYANG CHUB PA, DE YANG H'Um YIG RIM BZHIN BSKYED PA NI MA'I MNGAL NANG DU LUS DBYIBS RIM GYIS RDZOGS PA DANG CHOS MTHUN TE, THOG MAR MER MER PO NI PHYIR DKRIS MA LTA BU'I GA-YOGS LA NANG SHIN TU SLA BAR 'DUG PA'O, ,DE NYID RLUNG GIS SMIN PAR BYAS PA LAS LTAR LTAR PO STE PHYI NANG GNYIS KA

DKRIS MA LTAR GYUR NAS ZHO LTAR BSKA BAR GYUR CING SHAR NI MA GYUR BA'O, ,DE NYID RLUNG GIS SMIN PAR BYAS PA LAS GOR GOR PO STE MNAN MI BZOD PA'I RLOR RLOR PO'O, ,DE NYID RLUNG GIS SMIN PAR BYAS PA LAS 'KHRANG 'GYUR TE MNAN BZOD PA'O, ,DE NYID RLUNG GIS SMIN PAR BYAS PA LAS RKANG LAG 'GYUS PA STE BRLA GNYIS DANG DPUR PA GNYIS DANG MGO BO'I MTSAN PA STE 'BUR PO LNGA GSAL BAR 'GYUR, DE NAS RIM PA BZHIN SKRA DANG SEN MO DANG BA SPU DANG MIG LA SOGS PA'I DBANG PO GZUGS CAN RNAMS DANG PHO MO'I MTSAN MA RNAMS 'BYUNG BAR 'GYUR TE, SDOM 'BYUNG LAS, DANG POR NUR NUR PO RNAM PA, ,MER MER PO NI GNYIS PA YIN, LTAR LTAR PO SKYES GSUM PA STE, ,BZHI PA GOR GOR PO NYID DO; ;RLUNG RNAMS KYIS NI BSKUL BAS NA, ,NYA'I RNAM PA LTA BUR 'GYUR, ,ZLA BA LNGAR GYUR SA BON LAS, ,YAN LAG LNGA NI RAB TU SKYE, ,SKRA SPU SEN MO RNAMS DANG RTAGS, ,ZLA BA BDUN GYIS SKYE BAR 'GYUR, ,DBANG PO RNAMS DANG GZUGS RNAMS NI, ,ZLA BA DGU YIS YANG DAG RDZOGS, ,ZHES GSUNGS PA LTAR RO, ,GSUM PA MNGON BYANG BZHI PA BSKYED PA NI, H'Um LAS 'OD ZER 'PHROS, ZHES SOGS TE, DE'I TSE, H'Um YIG LAS 'OD ZER KHA DOG SNA LNGA STENG 'OG PHYOGS MTSAMS THAMS CAD DU 'PHROS PA'I RTZE MOR 'KHOR LO SDOM PA'I LHA TSOGS DPAG TU MED PA SPROS TE 'JIG RTEN GYI KHAMS THAMS CAD KHYAB PAR BYAS, SEMS CAN THAMS CAD KYI SPYI BOR LHA YAB YUM ZUNG RE 'KHOD PA'I SBYOR MTSAMS NAS BYANG CHUB

, ,KYI SEMS KYI BDUD RTZI'I RGYUN BABS PA DE RNAMS KYI SPYI BO NAS ZHUGS, THOG MED NAS BSAGS PA'I SGRIB GNYIS BAG CHAGS DANG BCAS PA SANGS KYIS DAG ,BDUD RTZIS LUS GANG BA LA LHA YAB YUM THIM PAS HE RU KA'I GO 'PHANG LA BKOD BA DANG, 'OD ZER TSUR BSDU BA NA SNGON THOG MED NAS GRUB PA'I DPA' BO DANG RNAL 'BYOR MA LA SOGS PA PHYOGS BCU'I 'JIG RTEN GYI KHAMS NA BZHUGS PA THAMS CAD KYI THUGS KAR 'OD ZER GYI LCAGS KYUS BTAB STE BKUG PA RNAMS LHAN CIG TU SPYAN DRANGS, DE THAMS CAD YAB YUM MNYAM PAR SBYOR BA'I RJES CHAGS KYI DGA' BA LA ROL BZHIN PAS TSUR BYON PA RANG NYID H'Um YIG TU GSAL BA DANG NYE BAR BSLEBS PA NA DGA' BDE SHIN TU 'PHEL BAS BYANG CHUB KYI SEMS KYI THEG LE'I NGO BOR MER GYIS ZHU NAS RANG H'Um YIG TU GSAL BA'I N'A DA LA THIM PAS H'Um YIG LHAN SKYES KYI DGA' BA'I RANG BZHIN CAN DU GYUR BAR BSAM PA NI BYA BA SKUR BA'I YE SHES LAS BYAS PA PA'O; ;'DI'I TSE SEMS LA DGA' BDE LHANG LHANG SKYES PA'I DMIGS PA BRTAN PO BYED PA GAL CHE GSUNGS SO, ,BZHI PA MNGON BYANG LNGA PA BSKYED PA NI, AOm A'A: H'Um ZHES SOGS TE, SKAD CIG MA'I SNGAGS GSUM GYI DANG PO AOm A'A: H'Um ZHES BRJOD PAS LHA'I SKU GSUNG THUGS GSUM LAM GYIS DRAN PAR BYAS, GNYIS PA, AOm SNGAGS KYI MGO 'DREN, SARBA THAMS CAD B'A RI DPA' BO YO G'I N'I RNAL 'BYOR MA K'A YA SKU W'A KA GSUNG TZITTA THUGS

BDZRA RDO RJE SVA BH'A WA RANG BZHIN A'ATMA KA BDAG NYID, AAHAm NGA'O, ,ZHES SOGS BRJOD PAS PHYOGS BCU'I DPA' BO DANG RNAL 'BYOR MA THAMS CAD KYI SKU GSUNG THUGS RDO RJE'I BDAG NYID DE NGA'O SNYAM DU GZUGS SKU LA NGA RGYAL BZHAG ,'DIR RJE BDAG NYID CHEN POS LHAN SKYES KYI BDE CHEN HE RU KA'I SKUR SHAR BA'I NGO BO 'DIS LHA GANG YIN THAMS CAD SDOM PA YIN PAS 'OG MIN DANG 'DZAM BU GLING SOGS KYI LHA PHYOGS RE BA LA MI BYA'O ZHES SGRUB THABS DGONGS PA RAB GSAL DU GSUNGS PA 'DI GNAD SHIN TU CHE'O, ,GSUM PA, AOm GONG BZHIN BADZRA MI PHYED PA SHUDDH'A: DAG PA SARBA THAMS CAD DHARMA CHOS BADZRA RDO RJE SHUDDHA DAG PA, AA HAm NGA'O, ,ZHES SOGS BRJOD PAS CHOS THAMS CAD RANG BZHIN MED PA'I STONG PA NYID DANG RANG SEMS LHAN SKYES KYI BDE CHEN GNYIS RDO RJE LTAR DBYER MI PHYENG PA'I DAG PA DE NGA'O SNYAM DU CHOS SKU LA NGA RGYAL BZHAG LA ZLA BA DBYANGS GSAL H'Um YIG DANG BCAS PA 'OD DU MER GYIS ZHU BA LAS RTEN GZHAL YAS KHANG DANG, BRTEN PA LHA'I DKYIL 'KHOR DUR KHROD BRGYAD DANG BCAS PA THAMS CAD DUS GCIG TU GRUB PAR BSGOM PA NI CHOS KYI DBYINGS KYI YE SHES LAS BYANG CHUB PA'O, ,DE YANG H'Um YIG LAS 'OD ZER 'PHRO BA SOGS KYIS MNGAL DU RTZA RLUNG THIG LE DANG YAN LAG NYID LAG RNAMS RIM GYIS RDZOGS PA DANG CHOS MTHUN, DE RNAMS GCIG TU 'DRES TE RTEN BRTEN PA CIG CAR BSKYED PAS MJAL GYI SEMS CAN DE PHYIR BCAS NAS MA DAG PA'I

, ,SNOD BCUD LA LONGS SPYOD PA MTSON ZHING, RANG GI SEMS RGYUD KYI STENG NAS 'KHOR BAR SKYE SRID BZUNG NAS MA DAG PA'I SNOD BCUD LA LONGS SPYOD PAR 'GYUR PA'I LAS NYON GYI NUS PA YOD PA RNAMS LAM 'DI BSGOMS PAS SPYOD PAR BYED DO, ,LAM RDZOGS RIM DANG SBYAR NA 'BYUNG BZHI RI RAB DANG BCAS PAS SGRUB PA PO'I LUS SPYI MTSON, SNA TSOGS PADMA SOGS KYIS LTE BA LA SOGS PA'I RTZA 'KHOR RNAMS MTSON, K'A LIS GTUM MO'I ME DANG, A'A LIS SPYI PO'I HAm YIG MTSON, DE GNYIS LAS ZLA BA DKAR DMAR BSKYED PAS NI GTUM MO'I MES SPYI BO'I HAm YIG ZHU BA MTSON, ZLA BA'I DBUS SU N'A DA ZHUGS PA NAS H'Um YIG RDZOGS PA'I BAR GYIS SPYI BO'I HAm YIG ZHU BA LAS YAS BABS MAS BRTAN GYI DGA' BZHI DRANGS TE LHAN SKYES KYI BDE CHEN BRTAN PA MTSON, 'DI NI NANG RDO RJE'I LUS LA GNAD DU BSNUN PA LA BRTEN NAS LHAN SKYES KYI BDE CHEN 'DREN PA MTSON TSUL YIN NO, ,DE YANG MA RGYUD KYI SKABS 'DIR LHAN SKYES KYI BDE CHEN RTZAL DU BTON PA'I 'CHAD TSUL YIN LA, GZHAN YANG SGYU LUS LAS RAGS PA'I SPRUL SKU 'DZIN TSUL DANG, LONGS SKUS MCHOG GI SPRUL SKU'I SKYE BA 'DZIN TSUL SOGS MTSON DON MANG DU YOD DO, ,ZLA BA DBYANGS GSAL H'Um DANG BCAS PA LAS RTEN BRTEN PA CIG CAR DU BSKYED PAS NI DAG MA DAG GI SGYU MA'I SKU GNYIS KYI RTEN BRTEN PA DUS GCIG TU GRUB PA MTSON ZHING, RIM PA DANG PO'I SKABS 'DIR DE LTAR BSGOMS

PAS RDZOGS RIM GYI SKABS SU LAM DE DAG RGYUD LA SKYE BA'I DGE RTZA SMIN BYED KHYAD PAR CAN DU 'GYUR BA DANG, 'BRAS DUS SU SLOB PA MTHA'I 'OD GSAL LAS LONGS SPYOD RDZOGS PA'I SKUR BZHENGS PA'I TSE HE RU KA'I RTEN BRTEN PA'I DKYIL 'KHOR MTHA' DAG DUS GCIG TU 'GRUB PA DANG RNAM PA MTHUN ZHING DE LTA BU 'GRUB PA'I LAG RJES KHYAD PAR CAN 'JOG PA YIN NO GSUNGS, GSUM PA BSKYED PA DE RIM GYIS GSAL GDAB PA LA GNYIS LAS, DANG PO RTEN GZHAL YAS KHANG GSAL GDAB PA NI, DE YANG GZHAL YAS KHANG ZHES SOGS TE, MNGON DU BSKYED PA'I SNA TSOGS RDO RJE'I LTE BA SNGON PO GRUB BZHI PA'I DBUS NAS PHYOGS PHYOGS SU CHA PHRAN BCU DRUG RE SONG BA'I MTSAMS SU PHYI NAS RIM BZHIN DKAR SER DMAR LJANG SNGO BA'I RTZIG PA RIM PA LNGA SBRAGS KYI ZHENG LA CHA PHRAN GCIG, DPANGS CHA PHRAN BCU GSUM, NGOS BZHI'I DBUS SU RANG RANG GI BRGYAD CHA PHYIS PA'I SGO, DE'I NANG GI RTZIG SNE NAS PHYIR CHA PHRAN BZHI RE SONG BA'I SGO KHYUD, DE NAS GA-YAS GA-YON DU CHA PHRAN GNYIS RE SONG BA'I SGO 'GRAM, DE NAS PHYIR CHA PHRAN GNYIS RE SONG BA'I SGO LOGS, DE'I GDONG GA-YAS GA-YON DU KA BA ZHENG CHA CHUNG GCIG DANG DPANGS CHA CHUNG BRGYAD PA PHYOGS RER GNYIS GNYIS RTZIG PA DANG SBRAD DE BTZUGS PA, DE'I STENG DU DPANGS ZHENG CHA PHRAN GCIG PA'I GDUNG NANG GI SRID LA CHA PHRAN BRGYAD DANG, PHYI'I MNGON PA'I SRID LA CHA PHRAN BCU YOD PA'I GSOGS KA CAN BKAL BA'I STENG DU DPANGS CHA PHRAN BZHI YOD PA'I RTZIG PA LNGA SBRAGS

, ,KYI RGYUN KHOR KHOR YUG TU BAR MA CHAD PA, DE'I STENG DU RIN PO CHE'I RAB TU DMAR PO DPANGS CHA PHRAN GCIG DANG ZHENG CHA PHRAN PHYED GNYIS LAS PHYED PHYIR 'PHUR DOD DU YOD PA LA RIN PO CHE ZUR GSUM DANG GRU BZHI LA SOGS PA'I DBYIBS DANG KHA DOG SA TSOGS PA SPEL BAS MDZES PAR BYAS PA, DE'I STENG DU GSER GYI SKE RAGS BZHI'I RE RE YANG RIN PO CHE BDUN LDAN TE, DE YANG PHA GU'I STENG DU PHYI NANG DU CHA PHRAN RE'I MTSAMS SU RDO SMUG PO'I KA BA, DE'I STENG DU MU TIG DMAR PO'I BRE, DE'I STENG DU SPUG GI GZHU, DE'I MCHOG MA GNYIS SU SHEL GYI KA CHUNG RE, DE'I STENG DU BEE d'URYA'I BRE, DE'I STENG DU DNGUL GYI GZHU RNAMS BRTZEGS PA'I BRE SPUNGS PHYI NANG NYES RIM GYIS BTEG PA'I GSER GYI SKE RAGS LEB MO STE DE 'DRA BZHI BRTZEGS PA'I DPANGS SU CHA PHRAN GNYIS, ZUR RNAMS SU GZHU RNAMS SNOL MAR GTONG BA SOGS BYED DGOS, DE'I STENG DU PHYI 'KHYAMS GRU BZHI PA'I THOG BKAL BA'I LCAM SNE PHYI MA GSER SNAM LAS CHA PHRAN PHYED GNYIS PHYIR THAL BA LA CHU SRIN MA KA RA'I KHA YOD PA RNGAM ZHENG CHA PHRAN PHYED PA BYA ZHING DE LAS DRA BA DRA PHYED 'PHYANG BA, DRA BA NI CHU SRIN GYI KHA NAS KHA'I BAR 'PHYANG BA'I RIN PO CHE'I 'PHRENG BA KHUG PA NYIS BSGRIGS, DRA PHYED NI KHA'I DBUS NAS RIN PO CHE'I 'PHRENG BA GSUM MAM LNGA THAD SOR 'PHYANG BA'I RTZE LA, GSUM YOD LTAR NA GSER GYIS BSDAMS PA'I NOR BU'AM RIN PO CHE'I YU BA CAN GYI RNGA YAB DANG DRIL CHUNG SOGS DANG, LNGA YOD LTAR NA DBUS SU RIN PO CHE, DE'I GLO

GNYIS SU GOS SNA TSOGS PA'I 'PHAN CHUNG, DE'I GLO GNYIS SU ME TOG GI 'PHRENG BA 'PHYANG BA, DE'I STENG DU LCAM THUNG SRID LA CHA PHRAN GNYIS RE DANG RNGAM ZHENG PHYED YOD PA'I CHA PHRAN PHYED PHYIR THAL BA'I STENG 'KHOR YUG TU BYA 'DAB SRAB MO ZHENG CHA PHRAN GNYIS PA'I PHYI MTHA' NAS 'OG TU 'PHYANG BA'I CHA PHRAN GCIG PA'I SHAR BU DKAR PO DBYIBS SPYI BLUGS MCHU MED MGO THUR BSTAN NAM RUS PA'I ZAR CHAGS LTA BU DKAR PO, DE'I STENG DU CHA PHRAN GCIG PA'I MDA' YAB DKAR PO 'THUG RDAM CHA PHRAN PHYED, DPANGS ZHENG CHA PHRAN GCIG PA'I PADMA 'DAB MA PHYED PA'I DBYIBS CAN TSAR DU MNGAR BA, SGO'I GA-YAS GA-YON GYI STENG GI MDA' YAB KYI DPUNG PA GNYIS KYI DBUS SU GSER BUM LAS THON PA'I RGYAL MTSAN DANG, BA DAN PHYOGS RER GNYIS RE STE BRGYAD BRGYAD KYIS MTSAN PA, ZUR BZHIR MDA' YAB KYI STENG DU SPRE'U KHA NANG BLTAS KYIS BZUNG BA'I GDUGS DKAR PO YU BA TOG DANG BCAS PAR CHA PHRAN DRUG, GDUGS GA-YOGS KYI PHYI LA RIN PO CHE'I DRA BA DRA PHYED NYIL LE 'PHYANG BA, RTZIG PA'I 'OG MTHA' NAS DPANGS ZHENG CHA PHRAN GNYIS PA'I 'DOD YON GYI SNAM BU DMAR POS BSKOR BA'I SHAR GYI KHA NAD LTA'I GA-YON DU PI WANG MA SNGON MO PI WANG RDUNG BA, GLING BU MA SER MO GLING BU 'BUD PA, GA-YAS SU RDA ZLUM MA DMAR MO RDA ZLUM RDUNG BA, RDZA RDA MA LJANG GU RDZA RDA CHEN PO RDUNG BA, BYANG GI GA-YON DU BZHAD MA DMAR MO RDO RJE KHU TSUR GNYIS KHA PHYIR BSTAN TE KHA 'GRAM GNYIS SU BZHAG PA BZHAD

, ,PA'I STANGS, SGEG MO SNGON MO SNYEMS TSUL GYIS RDOR DRIL DKUR BRTEN PA, GA-YAS SU GLU MA SER MO TING SHAGS RDUNG BA, GAR MA LJANG GU PA DKOR MDZAD PA, NUB KYI GA-YON DU ME TOG MA DKAR MO ME TOG GI SNOD; BDUG SPOS MA DUD KA BDUG SPOS KYI SNOD, GA-YAS SU MAR ME MA DMAR SER MAR ME'I SNOD, DRI CHAB MA LJANG GU DRI'I DUD CHOS 'DZIN PA, LHO'I GA-YON DU GZUGS MA DKAR MO ME LONG DMAR PO, RO MA DMAR MO SBRANG CHANG GI SNOD; GA-YAS SU REG BYA MA LJANG SER GOS SNA TSOGS PA, CHOS MA DKAR MO CHOS 'BYUNG MTHING NAG 'DZIN PA STE RIG MA BCU DRUG GIS DKYIL 'KHOR LA MCHOD PA, SGO DANG SGO KHYUD KYI PHYI ZUR DANG RTZIG PA'I PHYI NANG GI 'OG ZUR TSAMS SU ZLA PHYED DKAR PO LA RIN PO CHE ZUR BRGYAD PA DMAR PO'I STENG DU RDO RJE SER PO RVA LNGA PA GYEN 'GRENG GIS SPRAS PA RE, RTA BABS KYI 'OG SNA TSOGS RDO RJA'I LTE BA LA BCAR BA'I THEM SKAS RVA LNGA PA LA BANG RIM NYI SHU PA, RE RE'I DPANGS LA CHA PHRAN RE DANG, ZHENG MNGON PA LA CHA PHRAN PHYED CUNG MED YOD PA, RVA GSUM MA LA THEM SKAS BANG RIM BZHI PA RE RE'I DPANGS LA CHA PHRAN RE DANG ZHENG MNGON PA LA CHA PHRAN RE'I SUM CHA RE YOD PA, GNYIS KA'I BANG RIM STENG MA RDO RJE'I LTE BA DANG KHAD MNYAM ZHING ZHENG CHA PHRAN GSUM YOD PA, BRIS BYA LA RTA BABS KYI NANG PHYOGS MDOG BYED PA RANG RANG GI THEM SKAS KYI KHA DOG MNGON PA'I DBANG YIN TSOD, DE LTAR NA RVA GSUM MA'I SKABS THEM SKAS RGYA CHUNG

BA'I DBANG GIS MUN SNAM GONG MA'I NANG CHA CHUNG GNYIS TZAM LA PADMA'I LTE BA MNGON RTZIS KYIS KHA DOG LJANG GU DGOS MIN BRTAG DGOS SHING, DE YANG RTA BABS SGO TSANG GSUM MA'I DBANG LAS SGO TSAD GCIG MA LA NI MI 'DRA BAR SEMS SO, ,BAR RIM STENG MA'I GA-YAS GA-YON GYI STENG DU STEGS BU GRU BZHI PA ZHENG CHA PHRAN GSUM YOD PAR, STEGS BU'I STENG DU BUM PA LAS THON PA'I KA BA RTZA RTZE PHRA ZHING DBUS LDIR BA RDA YU LTA BU SBOM CHA CHUNG GCIG YOD PA GA-YAS GA-YON DU GNYIS RE PHYI NANG DU BSGRIGS PA'I BAR STONG CHA PHRAN GCIG, STEGS BU BUM PA KA BA BCAS KYI DPANGS LA CHA PHRAN LNGA, THEM SKAS DANG BUM PA KA BA RNAMS PHYOGS MDOG, KA BA'I STENG DU GSER SNAM SER PO BRE LTA BU, SHAR BU SNGAR DANG 'DRA, RIN PO CHE PHA GU LTA BU, RTA RMIG LJANG GU RTA'I RMIG RIS YOD PA, MUN SNAM GONG 'OG GNYIS KA'I KA BA PHYI NANG DU NYIS BSGRIGS PHYOGS MDOG, MUN SNAM DANG SNAM BU GONG 'OG GI BAR STONG YIN PAS BRIS BYA LA NAG PO, KA BA DANG KHYOG PO NANG MA'I BAR NA SENGGE RKANG PA BRGYAD PA DANG, RMA BYA DANG, NGANG PA DANG, DRI ZA'I BU MO RNAMS BRTZEGS TE GNAS PAS SNAM BU GONG MA 'DEGS PA, WA RAndA KHA DOG SNA TSOGS LCE PHRUG GI RI MO CAN, MUN SNAM GONG MA'I STENG DU SHAR BU RIN CHEN RTA RMIG GSUM DBYIBS DANG KHA DOG GONG MTSUNGS, MDA' YAB SNGAR LTA BU PHYI NANG DU BCU RE YOD PA'I DBUS MA DRUG GI STENG SNAM BU LEB MO'I THOG BKAB PA, DE'I STENG GI DBUS

, ,SU PAD ZLA LA 'KHOR LO SER PO RTZIBS BCU GNYIS SAM BRGYAD PA, LTE BA MU KHYUD DANG BCAS PA'I RGYAR CHA PHRAN GNYAS YAD PA BSLANG BA, DA' GA-YAS GA-YAN DU CHA PHRAN RE'I PHYIR RI DVAGS SER PO PHO MO NYAL STABS KYIS GDONG GYEN DU BTEG STE 'KHOR LO LA BLTA BA'I MGRIN PA DANG BCAS PA'I DPANGS LA CHA PHRAN PHYED GNYIS TZAM YOD PA, DE GNYIS KYI MJUG MA'I PHYOGS PHYI NAS BRTZIS PA'I CHA PHRAN DANG PO DANG GNYIS PA'I THAD MDA' YAB GNYIS GNYIS KYIS 'PHRAD DU BKAG PA'I PHYI MA'I STENG GI ZUR GNYIS SU GSER BUM NAS THON PA'I RGYAL MTSAN DANG BA DAN, NANG MA'I STENG DU SPRE'U KHA NANG BLTAS BZUNG BA'I ZLA TSES RIN PO CHE RDO RJE'I RTZE MO CAN GYI GDUGS DAR LCE GSUM GSHAM BU DANG BCAS PA'I GA-YOGS DKAR PO LA CHA PHRAN GNYIS, RIN PO CHE'I YU BA LA CHA PHRAN GSUM, RMIG PA GNYIS DANG WA RA nA GYI STENG DU RGYAL MTSAN DANG BA DAN PHYI NANG DU GNYIS GNYIS, SNAM BU RNAMS KYI DPANGS DANG SRID THIG RTZA LTAR LA ZHENG CHA PHRAN GSUM, RTA BABS KYI GA-YAS GA-YON DU PHYOGS KYI 'DOD SNAM LAS PHYIR SNA TSOGS RDO RJE'I LTE BA LHAG PA'I STENG DU BUM PA DPANGS DANG LTO BA'I LDIR LA SGO TSAD RE YOD PA NAS THON PA'I DPAG BSAM GYI SHING DBUS DANG PHYOGS SU YAL GA DRUG YOD PA'I DBUS LA KHYIM BDAG DMAR PO NOR BU THOGS PA, MTHA'I YAL GA DRUG LA 'KHOR LO SER PO RTZIBS BRGYAD PA, NOR BU SNGON PO ZUR BRGYAD PA, BUD MED SNGO SANGS LO BCU

DRUG MA, GLANG PO DKAR PO MCHE BA DRUG LDAN, RTA LJANG GU CANG SHES, DMAG DPON NAG PO GO CHA DANG BCAS SHING RAL GRI DANG MDUNG THOGS PA, SHING GI PHYI'I BAR SNANG LA GRUB THOB RGYAN DRUG CAN DANG, SPRIN GSEB NAS LUS PHYED THON PA'I LHA ME TOG GI 'PHRENG BA BZUNG NAS DKYIL 'KHOR LA ME TOG GI CHAR 'BEBS PA, THOG 'BUBS TSUL NI GZHAL YAS KHANG GI NANG DU SNA TSOGS PADMA 'DAB MA BRGYAD PA PHYI MTHA' NAS PHYI MTHA'I BAR LA SGO TSAD BDUN YOD PA DE'I DBUS KYI LTE BA LA SGO TSAD GNYIS, GE SAR LA CHA PHRAN GCIG, PHYOGS KYI 'DAB MA LA SGO TSAD GNYIS RE YOD PA'I SNA TSOGS PADMA GZHAL YAS KHANG GI GDAN GYI SKABS SU BSHAD PA LTA BU LA CHA PHRAN GCIG PA'I MU KHYUD SNGON PO LA RDO RJE'I 'PHRENG BA DANG BCAS PA'I MU KHYUD KYI STENG DU SGO'I THAD KA'I TSANGS THIG GI GA-YAS GA-YON DU CHA PHRAN BZHI RE LHAG TZAM SONG BAR PHYOGS RER KA BA GNYIS GNYIS TE KA BA BRGYAD BTZUGS PA, KA BA RNAMS SHAR DU 'KHOR LO; LHOR RIN PO CHE, NUB TU PADMA, BYANG DU RAL GRIS MTSAN PA PHYOGS MDOG ZHENG CHA PHRAN GCIG DBYIBS GRU BZHI, DPANGS BRE GZHU THUNG GZHU RING BCAS PAR CHA PHRAN BCO LNGA YOD PA, DE'I STENG DU GZHI SNGON PO LA RDO RJE'I 'PHRENG BAS MTSAN PA SPOMS SU CHA PHRAN GCIG YOD PA'I GDUNG BSKOR ZLUM PO DANG, DE MTSUNGS KYI GDUNG BZHI KA BA NAS KA BA'I BAR MIG MANG RIS SU BTANG BA'I SNE GDUNG ZLUM LA ZUG BA, THOG PHYI NANG YOD PA GNYIS KA'I ZUR BZHIR DPANGS CHA CHUNG PHYED DANG

, ,ZHENG CHA PHRAN GCIG YOD PA'I ZUR LCAM KHRA BO NANG SNE DBUS KYI RE'U MIG GRU BZHI PA LAS CHA PHRAN GCIG NANG DU THAL BA, SHAR LHO'I ZUR LCAM LA MTSON NA PHYED SHAR PHYOGS DKAR PO, PHYED LHO PHYOGS SER PO, PHYI KHYAMS KYI PHYOGS RER LCAM NYER BRGYAD RE BKAL BA'I PHYI SNE GSER GYI SKA RAGS LA 'GEL TSUL SNGAR BSHAD ZIN CING NANG SNE GDUNG SKOR ZLUM PO DANG ZUR LCAM CI RIGS LA BKAL, YANG LCAM SNE PHYI MA GDUNG ZLUM DANG NANG SNE RGYA MTHONG GRU BZHI PA'I GDUNG DANG GDUNG SNE GA-YAS GA-YON LA BKAL BA'I LCAM SNER NOR BU DGA' 'KHYIL GYIS SPRAS PA, SGO KHYUD GA-YAS GA-YON GYI STENG GI PHYI NANG DU GDUNG CHA CHUNG GCIG PA GNYIS GSER SNAM DANG PO GNYIS LA HA BTON NAS BTANG, DE GNYIS KYI BAR DU LCAM BZHI 'PHRED LA BTANG BA DANG, SGO LOGS KYI STENG GI RTZIG RGYUN PHA GU GSER GYI SKA RAGS DANG BCAS PA LA LCAM SNE PHYI MA DANG, LCAM SNE NANG MA SGO 'GRAM GA-YAS GA-YON DANG DE'I BAR GYI GDUNG LA BKAL NAS SGO KHANG GI THOG PHUB, DE THAMS CAD KYI STENG DU DRAL 'DAM CHA PHRAN PHYED PA SNYOM PAR BKAB, SGO KHYUD KYI STENG GI GDUNG PHYI MA'I 'OG TU SGO'I 'GRAM PA GNYIS DANG YA ? MA THEM GYI ZHENG LA CHA PHRAN PHYED PA'I GRU BZHI PA, 'GRAM PA PHAN TSUN GYI DPANGS LA CHA PHRAN BCU GSUM YOD PA, SGO GLEGS ZHENG CHA PHRAN GNYIS LHAG TZAM RE YOD PA GNYIS KYI DPANGS CHA PHRAN BCU GSUM MA LONG TZAM PHYE CHE PHYIR PHYE BA PHYOGS MDOG ,YA THEM DAD GDUNG

GI BAR DU DPANGS ZHENG CHA PHRAN RE DANG, 'THUG RNGAM CHA PHRAN GYI BZHI CHA CUNG MED KYI SHAR DU 'KHOR LO DKAR PO, LHOR RIN PO CHE SER PO, NUB TU PADMA DMAR PO, BYANG DU RAL GRI LJANG GU RNAMS NYIS BRTZEGS NYIS GSHIB TU YOD PA, ZUR LCAM GYI SNE NANG DU 'PHAGS PA LA KA BA GSEGS KA CAN SBOM CHA PHRAN GCIG ,SRID CHA PHRAN BCU GNYIS YOD PA BZHI BTZUGS PA'I GNYIS KYI MGO SHAR DANG, GNYIS KYI MGO NUB TU DUD PA'I BAR CHA PHRAN GNYIS KYIS MA REG PA, DE LA GDUNG ZHENG CHA PHRAN BZHI RDAM CHA PHRAN GCIG SRID CHA PHRAN BCU TZAM YOD PA LHO BYANG DU BRGYUGS PA BKAL, DE'I SNE GNYIS LA KHYUNG MGO KHA NAS RIN PO CHE'I DRA BA DRA PHYED 'PHYANG BA, KA BA'I MAS NAS CHA CHUNG DGU SONG MTSAMS BKAG GDUNG GNYIS LHO BYANG DU BTANG, RE'U MIG GRU BZHI PA'I STENG GI KHA GDANGS LA KA CHUNG BRE PHUL GZHU DANG BCAS PA DPANGS CHA PHRAN LNGA PAS BTAG PA'I GDUNG PHYOGS BZHIR GRU BZHIR BTANG, KA BA'I BKAG GDUNG GI MTSAMS SU GDUNG 'KHYOG BZHI BTZUGS PA'I PHYI SNE 'OG GI ZUR BZHI'I GDUNG LA BKAL, DE DAG GI STENG DU LCAM THONG GUG GI DBYIBS CAN BAR THAG MTSAMS PAR BTANG BA'I NANG SNE STONG GI GDUNG LEB DANG 'KHYOG GDUNG LA BKAL, PHYI SNE PHYI'I KHA GDANGS KYI STENG GI GDUNG LA BKAL BA'I SHAR NUB KYI THOG DANG, LCAM SNE NANG MA 'KHYOG GDUNG DANG BKAG GDUNG LA BKAL, LCAM SNE PHYI MA GDUNG GRU BZHI PAR BKAL BA'I LHO BYANG GI THOG 'BUB CING, LCAM SNE PHYI

, ,MA RNAMS GDUNG LAS CUNG ZAD THAL BA LA CHU SRIN MA KA RA'I MGO DANG DE'I KHA LAS DRA BA DRA PHYED 'PHYAD BA SOGS BYA, DE LTA BU'I RGYA PHUB MDOG SNGON PO DBYIBS GRU BZHI MTHAR PAD 'DAB LTA BU'I MDA' YAB GYEN DANG BYA 'DAB LAS 'PHYANG BA'I SHAR BU 'OG TU 'PHYANG BA, STENG GI GDUNG LEB KYI DBUS SU 'KHOR LO SDOM PA'I RTZA RGYUD SOGS BZHUGS PA'I KHANG BU CHUNG RIN PO CHE LAS GRUB PA GRU BZHI RGYAR CHA PHRAN GSUM DPANGS CHA PHRAN GNYIS DE'I STENG DU RIN PO CHE SNA TSOGS PA'I SPRAS PA'I NOR BU CHA DGU PA, DE'I STENG DU RDO RJE RTZE LNGA PA RDZOGS PA STE DE GNYIS LA CHA PHRAN RE RE, DES NA ZUR LCAM GYI DPANGS LA CHA PHRAN PHYED, KA BA GUG PA'I BCA' LA CHA PHRAN GCIG DANG PHYED KHUMS PAS BCU DANG PHYED, GDUNG LEB LA GCIG KHANG CHUNG LA GNYIS, TOG LA GNYIS TE BSDOMS BCU DRUG ,GZHAL YAS KHANG GI NANG GI DPANGS LA BCU DRUG BCAS BSDOMS PA'I SO GNYIS DANG, RTZIG PA'I NANG MTHA' NAS NANG MTHA'I BAR LA CHA PHRAN SO GNYIS TE RGYA MNYAM DPANGS MNYAM DU GRAGS PA'ANG 'BYUNG NGO, ,THOG 'BUB TSUL 'DI DAG BZHUNG CHEN MO RNAMS LAS MI GSAL ZHING, KHRIN RGYUN RNAMS SU'ANG CUNG ZAD MI 'DRA BA MANG NA'ANG 'DIR NI DBEN SA BKA' BRGYUD DANG DPAL LDAN SRAD RGYUD PA'I GSUNG RGYUN LTAR YIN GSUNGS, RDO RA ME RI DANG BCAS PA'I PHYI ROL DU, SHAR DU GTUM DRAG ,BYANG DU TSAD TSID 'KHRIGS PA, NUB TU RDO RJE 'BAR BA, LHOR KENG RUS CAN, DBANG LDAN DU DRAG

TU DGOD PA, MER BKRA SHIS NAL BDEN BRAL DU MUN PA DRAG PO, RLUNG DU KA LI KI LI'I SGRA SGROGS PA STE, DE RNAMS SU RO MGO MED KYIS 'CHAG PA DANG, BGEGS TE DPYANGS PAS LANGS PA DANG, 'GYEL BAS NYAL BA DANG, GSAL SHING LA SKYON PAS 'DUG PA'I BYA BA BYED LA, DE LTA BU'I SPYOD LAM BZHI BYED PA DANG, DE LAS GZHAN PA'I RUS PA 'THOR BA DANG, MA 'THOR BA'I KOD RUS RNAMS BCAL DU BKRAM PA'I GNAS SU GYUR PAS NA DUR KHROD DO, ,DE NA GNAS PA'I SHING BRGYAD NI, SHAR DU SHI RA shA, BYANG DU AA SHVAD THA, NUB TU KADKE LA, LHOR TZU TA, DBANG LDAN DU PA tA LA, MER KA RANYDZA, BDEN BRAL DU PA tA BRKA, RLUNG DU PAR THI BA RNAMS SO, ,PHYOGS SKYONG LA SOGS PA RNAMS PHYOGS GA-YON SKOR DANG MTSAMS GA-YAS SKOR GYI KHYAD PAR MA RTOGS 'KHRID YIG GZHAN DU GSAL BAS MA BSHAD DO, ,DE LTA BU'I DUR KHROD KYIS MI RTAG PA NAS BZUNG STE LHAG MTHONG GI BAR GYI THEG PA THUN MONG BA'I LAM GYI RIM PA RNAMS DANG, THUN MONG MA YIN PA'I RDZOGS RIM GYI LAM RNAMS MTSON TSUL RGYAS PAR BDE MCHOG L'U AI PA'I BSKYED RIM DMAR 'KHRID SOGS LAS SHES PAR BYA DGOS, DE LTA BU'I GZHAL YAS KHANG GI NANG GI STENG 'OG RNAMS SHAR DKAR, BYANG LJANG, NUB DMAR, LHO SER, DBUS SNGO BA, GZHAL YAS KHANG GI DBUS KYI SNA TSOGS PADMA'I LTE BAR NYID DKYIL DMAR KHYIL LE BA SNA TSOGS PADMA'I LTE BA DANG RGYA KHYON MNYAM PA, NYI DKYIL GYI MTHA' NAS GE SAR SE RTZIG GE BA GSAL BTAB LA, DE

, ,DAG THAMS CAD KYANG GTZO BO DPAL HE RU KA'I YE SHES KYI CHA SHAS LAS GRUB PAR MOS PA NI GNAD KYI DON BO YIN GSUNGS, GNYIS PA BRTEN PA LHA GSAL GDAB PA LA GNYIS, GTZO BO GSAL GDAB PA DANG, 'KHOR GSAL GDAB PA'O, ,DANG PO LA GNYIS LAS, DANG PO YAB GSAL GDAB PA NI, RTZA RGYUD LAS, LTE BAR DGOD PA DPA' BA NI, ,'JIGS BYED KYANG NI 'JIGS PAR MDZAD, ,GZI BRJID SHIN TU 'BAR BA STE, ,HA HA ZHES PA'I SGRA CHER BZHED, ,THOD PA'I 'PHRENG BA'I RGYAN DANG LDAN, ,BZANG PO SPYAN GSUM ZHAL BZHI MNGA', ,GLANG PONG PAGS PA RNAM PAR BGOS, ,SMIN MA BZANG PO RDO RJE 'BYES, ,PHYAG NA KHA tV'Am MI THOD BSNAMS, ,BRGYA PHYED 'PHRENG BAS RNAM PAR BRGYAN, ,CES GSUNGS PA LTAR RANG NYID BCOM LDAN 'DAS ZHES SOGS KYI DON NI, SKAD DOD KYI STENG NAS BHA GA W'AN BCOM LDAN ZHES PA LA 'JUG CING, SGRIB GNYIS BAG CHAGS BDUD BZHI SOGS BCOM PA, DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG PO RNAMS LA SKAL ZHES BYA, ,ZHES SOGS SKAL BA DRUG DANG LDAN PA, 'DAS ZHES PA 'GYUR LA MED KYANG LO TZTSA BA RNAMS KYIS BSNAN CING DON NI BCOM LDAN 'JIG RTEN PA'I LHA DBANG PHYUG SOGS LA'ANG 'JUG CING DE LAS MCHOG TU GYUR PA'I NA 'DAS ZHES PA DANG, DPAL ZHES PA'I SKAD DOD SHR'I DANG, HE GANG ZAG GI BDAG MED, RU CHOS KYI BDAG MED DE SHES RAB STONG PA NYID DANG, THABS BDE BA CHEN PO

STE BDE STONG MTSON PA, SKU MDOG AANDRA N'I LA'I RI BO LTA BUR BRJID PA, ZHAL BZHI'I RTZA ZHAL CHAR SPRIN LTAR GNAG PA, GA-YON ZHAL MAR GANG LTAR LJANGS, RGYAB ZHAL BYUR RU LTAR DMAR BA, GA-YAS ZHAL GSER LTAR SER BA, ZHAL RNAMS DBU'I RDZA MA DANG MGRIN PA GCIG PA LA SNYAN PHAN CHAD 'BUR DOD KYI TSUL DU YOD PA, ZHAL RE RE LA YANG DKYUS RING ZHING GDANGS PA'I SPYAN GSUM GSUM DANG LDAN PA, PHYAG BCU GNYIS NI, SPYIR 'OD KYI RANG BZHIN CAN YIN PAS GUG PA SOGS MED KYANG PHYI NAS BLTAS TSE GA-YAS GA-YON GYI PHYAG DRUG RE'I DPUNG MGO SOG PA'I DKAR YOL KHA GCIG NAS THON PA LTA BU, DPRAL BAR DPA' BO'I DAR THOD DANG DE'I STENG DU RDO RJE RTZE LNGA PA'I 'PHRENG BAS BRGYAN PA 'DZIN PA, SKU SHA HA CANG RGYAS PA MA YIN ZHING SKEM PA YANG MA YIN PAR SKU ZIL SHIN TU CHE BA DRANG SRONG KHROS PA'I CHA BYED CAN, ZHABS GA-YON BSKUMS PA'I SOR MO'I RTZE NAS GA-YAS BRKYANG PA'I SOR MO'I RTZE'I BAR RANG MTHO LNGA YOD PA, ZHABS GA-YAS PAS 'JIGS BYED NAG PO LAG PA BZHI PA'I DANG PO GNYIS THAL MO SBYAR BA, LHAG MA GNYIS d'AM RU DANG RAL GRI 'DZIN PA GA-YAS SU BSGYEL BA'I RNAB GA-YON BA NAS MNAN CING, GA-YON PAS DUS MTSAN MA DMAR MO LAG PA BZHI PA'I DANG PO GNYIS THAL MO SBYAR BA, LHAG MA GNYIS THONG PA DANG KHA tV'Am GA 'DZIN PA GAN RGYAL DU BSGYEL BA'I NU MA MNAN PA, RTZA BA'I PHYAG GA-YAS PAS GSER GYI RDO RJE RTZE LNGA PA DANG, GA-YON PAS RDO RJE RTZE LNGA PA PHYED PAS YU BA BYAS PA'I

, ,DRIL BU BSNAMS NAS YUM GYI MCHAN 'OG NAS 'KHYUD PA, DE'I 'OG MA GNYIS KYIS TSOGS BDAG GLANG PO CHE'I GZUGS SU GNAS PA'I PAGS PA BSHUS TE MGO GA-YAS DANG SPU PHYIR BSTAN NAS LAG PA DANG RKANG PA GA-YON PA'I LPAGS PA NAS PHYAG GNYIS KYIS BRGYANGS TE 'DZIN PA'I SDIGS MDZUB KYI RTZE GNYIS SMIN MA'I THANG SOR GNAS PA, GA-YAS GSUM PA NA THOD PA'I d'A MA RU, BZHI PA NA DGRA STA YU BA'I RTZE RDO RJE PHYED PAS MTSAN PA, LNGA PA NA GRI GUG KHA SOR BCU GNYIS PA, DRUG PA NA MDUNG THUNG GI YU BA CAN GYI RTZE GSUM, GA-YON GSUM PA NA KHA dV'Am GA STE RTZE MOR RDO RJE RTZE LNGA PA DE'I 'OG TU SKU GSUNG THUGS MTSON PA'I MI MGO SKAM PO DKAR PO, SNYING PO DMAR PO, RLON PA NAG PO, DE'I 'OG TU 'PHRIN LAS RNAM BZHI MTSON PA'I SNA TSOGS RDO RJE, DE'I 'OG TU BYANG CHUB KYI SEMS KYI BDUD RTZIS GANG BA'I BUM PA SER PO DRIL CHUNG DANG BA DAN LCE GSUM PA 'PHYANG BA, DE'I 'OG TU YU BA DMAR PO, RLON PA NAG PO, DE'I 'OG TU 'PHRIN LAS RNAM BZHI MTSON PA'I SNA TSOGS RDO RJE, DE'I 'OG TU BYANG CHUB KYI SEMS KYI BDUD RTZIS GANG BA'I BUM PA SER PO DRIL CHUNG DANG BA DAN LCE GSUM PA 'PHYANG BA, DE'I 'OG TU YU BA ZUR BRGYAD PA MAR SNER RDO RJE RTZE GCIG PA CAN NO, ,KHA tV'Am GA 'DIZN PA'I PHYAG 'DI NANG DU BSKUMS PAS KHA tV'Am GA MCHAN KHUNG GI MCHOD PHYIR THOGS LA REG PA BYED DGOS GSUNGS, BZHI PA NA KHRAG GIS GANG BA'I THOD PA, LNGA PA NA ZHAGS PA NAG PO RTZE MOR RDO RJE PHYED PAS MTSAN PA, DRUG PA NA TSANGS MGO SER PO GDONG BZHI PA BSNAMS PA, SPYI BOR RUS PA'I 'KHOR LO RTZIBS BRGYAD PA'I LTE BAR RIN PO CHE CHA DGU PA'I RTZE MOR RDO RJE RTZE LNGA PA DE GNYIS SROG SHING GI RNAM

PAS DBU SKRA NAG PO GYEN DU BSLANGS PA'I SNE MO NANG DU BKUG PA 'CHING BYED GNYIS KYIS STENG 'OG TU BCINGS PA'I STENG DU RDO RJE NOR BU'I TOG GIS MTSAN PA, THOR COG GI MDUN LOGS LA SNA TSOGS RDO RJE DANG, DE'I STENG GA-YON DU ZLA PHYED KYIS MTSAN PA, DBU RE RE LA RDO RJE NAG PO'I 'PHRENG BA GNYIS STOD SMAD DU GNAS PA LA BRGYUS PA'I DE BZHIN GSHEGS PA LNGA'I RANG BZHIN GYI THAD SKAM RIN PO CHE'I RTZE PHAN DANG BCAS PA LNGA LNGAS MTSAN PA'I THOD SKAM RNAMS KYI KHA NAS 'PHRANG BA'I DRA BA DRA PHYED KYI SNE MO SPYAN DBUS MA'I THAD TZAM DU BSLABS PA, ZHAL GYI MCHU SGROS KYI NANG CHUNG ZAD MNGON PAS ZHAL RNAM PAR 'GYUR ZHING MCHE BA RNON PO BZHI GTZIGS PAS 'JIGS SU RUNG BA, SKU 'GYINGS STABS SU BZHUGS PAS SGEG PA, 'JIGS DUS ZHABS KYIS MNAN PAS DPA' BO, KHRO GNYER DPRAL BA'I DBYINGS SU BSDUS PAS MI SDUG PA STE SKU'I NYAMS GSUM DANG, ZHAL BZHAD PA'I RNAM PAR YOD PAS DGONG PA; MCHE BA BZHI GTZIGS PAS DRAG SHUL, LJAGS 'DRIL PAS 'JIGS SU RUNG BA STE GSUNG GI NYAMS GSUM DANG, SPYAN DKYUS RING BAS SNYING RJE, SPYAN GDANGS PAS RNGAMS PA, SPYAN ZUR GYIS YUM LA GZIGS PAS ZHI BA STE THUGS KYI NYAMS GSUM STE NYAMS DGU DANG LDAN PA, STAG LPAGS KYI SHAM THABS NI YUM DANG SBYOR BA'I TSE MGO GA-YON DU BSTAN TE RGYAB NGOS SU BGOS PA, MI'I RGYU MA LA BRGYUS PA'I MGO RLON LNGA BCU'I DO SHAL MGRIN

, ,PA NAS ZHABS KYI BRLA PHRA SBOM GYI MTSAMS SU 'PHYANG BA, SNYAN RGYAN RUS PA'I 'KHOR LO RDO RJE RTZE GSUM PAS MTSAN PA'I SNE MOR RUS PA'I DRA BA GSUM DRA PHYED GNYIS TE LNGAS BRGYAN PA, MGUL RGYAN NI MGRIN PA'I MDUN DBUS SU RUS PA'I RDO RJE RVA BCU DRUG PA DANG, GA-YAS GA-YON GNYIS SU RVA NGES MED RE RE'I BAR BAR DU RUS PA'I PHRENG BA BRGYAD BRGYAD KA RU KHAR BTANG BA LAS RUS PA'I DO SHAL DU MA MDZES PAR 'PHYAD BA, MCHOD PHYIR THOGS NI SNYING GA'I THAD KYI MDUN DU RUS PA'I RDO RJER BRGYAD PA DANG RGYAB TU RVA NGES MED GCIG ,DE LAS RUS 'PHRENG NYIS GSHIBS DPUNG MGO GA-YON NAS MTSAN 'OG GA-YAS DANG, DPUNG MGO GA-YAS NAS MTSAN 'OG GYON DU 'PHYANG BA'I SNE MO RGYAB MDUN GYI RDO RJE LA BTAGS PA, RDO RJE'I RVVA RTZE NAS DRA BA DRA PHYED NYI LA LE 'PHYANG BA, PHYAG ZHABS KYI MKHRIG MA BZHI DANG DPUNG PA GNYIS KYI THAD DU RUS PA'I RDO RJE GSUM GYI BAR BAR DU RUS PA'I RDO RJE GSUM GYI BAR BAR DU RUS PA'I PHRENG BA LNGA LNGAS KU RU KHAR BSDAMS PA'I SMAD NGOS LA DRA BA DRA PHYED GA-YER KHA DANG BCAS PAS MDZES PA, 'OG PAG NI LTE BA'I THAD DBUS SU RDO RJE RVA DRUG CU RE BZHI PA, GA-YAS GGA-YON GNYIS SU RVA NGES MED GNYIS GNYIS TE LNGA'I BAR BAR DU RUS PA'I PHRENG BA BCU DRUG KU RU KHAR BTANG BA LAS 'PHYANG BA'I RUS PA'I DRA BA LNGA DANG DRA PHYED BCU GSUM STE BCO BRGYAD KYI SNE MO RNAMS SU RUS PA'I SHAR BU DANG GA-YER KHA DANG DRIL BU DANG RNGA YAB NOR BU'I YU BA CAN DU MAS MDZES PAR BYAS PA'I

DBUS MAS BYIN PA DANG SNE GNYIS BUS MO'I THAD TZAM DU NYI LE 'PHYANG BA, GONG GI RUS PA'I GZHUNG DBUS MAS RANG THAD KYI RTZA 'DAB MTSON PA YIN KYANG RDO RJE RNAMS RTZE GSUM PA BYAS KYANG RUS PA'I 'PHRENG BA'I DRA MIG RNAMS DRANG SNYING GA NI SE RAL KHAR RUS 'PHRENG GNYIS BZHI BRGYAD KYIS MTSON NUS SO, ,MI RUS KYI THAL BAS LUS THAMS CAD LA BYUGS PA STE, DE LTAR BSGOMS PA'I MTSON DON DANG DAG PA NI HE RU KA SKU MDOG MTHING GAS CHOS KYI DBYINGS LAS NAM YANG 'GYUR BA MED PA MTSON, ZHAL BZHIS STONG PA NYID DANG MTSAN MA MED PA DANG SMON PA MED PA DANG MNGON PAR 'DU BYED PA MED PA STE RNAM THAR SGO BZHI MTSON, DRAG PO PHO MO ZHABS 'OG TU MNAN PAS RTAG PA 'KHOR BA'I YOD MTHA' DANG, CHAD PA MYANG 'DAS KYI MED MTHA' GNYIS SPANGS PA MTSON, RDOR DRIL 'DZIN PA'I PHYAG GIS YUM LA 'KHYUD PAS BDE STONG DBYER MED DU SBYOR BA MTSON, d'A MA RU, DGRA STA, GRI GUG, RTZE GSUM RNAMS KYIS RIM BZHIN SANGS RGYAS RNAMS MCHOG TU DGA' BA'I SGRAS BSKUL BA DANG, SGO GSUM GYI SKYON GCOD PA DANG, MTHAR 'DZIN GYI RNAM RTOG GCOD PA DANG, KHAMS GSUM GYI NYON MONGS PA 'BIGS PAR BYED PA RNAMS MTSON, KHA tV'Am DANG THOD PAS BYANG CHUB KYI SEMS ZHU BA LAS LHAN SKYES KYI BDE CHEN 'DREN PA MTSON, ZHAGS PAS RANG GZHAN GYI RGYUD BDE BA CHEN POS 'CHING BA MTSON, TSANGS MGOS MI GNAS PA'I MYANG 'DAS MNGON SUM,

, ,DU MDZAD PA MTSON, RAL PA'I THOR COG GIS DGE BA GONG NAS GONG DU 'PHEL BA MTSON, SNE TSOGS RDO RJES 'PHRIN LAS BZHIS SEMS CAN GYI DON MDZAD PA MTSON, RDO RJE NAG PO'I 'PHRENG BA'I BAR DU CHUNG BA'I THOD SKAM LNGA'I DBU RGYAN GYIS 'DOD GSAL LAS SGYU MA'I SKUR BZHENGS PA MTSON, ZLA PHYED KYIS BDE PA'I RTEN BYANG SEMS SPYI BO'I RTZA 'KHOR NA GNAS PA MTSON, ZHAL RNAM PAR 'GYUR BAS LOG LTA KUN LAS LOG NAS YANG DAG PA'I LTA BA LA GNAS PA MTSON, MCHE BA BZHI GCIGS PAS BDUD BZHI 'JOMS PA MTSON, NYAMS DGRAS RNAM SNANG LA SOGS PA RIGS LNGA'I RANG BZHIN ZHI GNAS TING NGE 'DZIN GYI CHA LNGA DANG SPYAN MAL SOGS PA YUM BZHI'I RANG BZHIN LHAG MTHONG SHES RAB KYI CHA BZHI DANG LDAN PA MTSON, STAG LPAGS KYIS CHAGS SOGS NYON MONGS PA SBYONG BA MTSON, MGO BO'I NGO SHAL GYIS A'A LI K'A LI DAG PA'I THABS SHES GNYIS MTSON, PHYAG RGYA DRUG GIS PHAR PHYIN DRUG MTSON, MI RUS KYI THAL BAS BYANG SEMS ZHU BAS RTZA NANG THAMS CAD KHYAB PAS LHAN SKYES 'DREN PA MTSON NO, ,DE LTAR MTSON DON DANG DGE BA DRAN NAS BSGOMS PAS RIM PA GNYIS PA'I SKABS KYI LAM RNAMS RGYUD LA SKYE BA'I DAG RTZA SMIN PA DANG 'BRAS DUS SU DE LTA BU'I RNAM PA CAN GYI HE RU KA MNGON DU GUR PA'I NUS PA KHYAD PAR CAN 'JOG GO, GNYIS PA YUM GSAL GDAB PA NI, BCOM LDAN 'DAS LA ZHES SOGS TE, RTZA RGYUD LAS, DE

MDUN GNAS PA'I LHA MO NI, ,RDO RJE PHAG MO RAB 'JIGS MA, ,HE RU KA DPAL PHYOGS BYAS NAS, SPYAN GSUM DRAG MO'I GZUGS CAN MA, ,KA PA LA NI ANTAS BKANG, ,KHA NAS RU DHI RA 'DZAG CING, ,LHA DANG LHA MIN MIR BCAS LA, , PHYOGS KUN TU NI SDIGS MDZUB BYED, ,CES PA LTAR, BCOM LDAN 'DAS LA MNGON DU PHYOGS PA STE 'KHYUD STANGS KYIS BZHUGS PA'I, BCOM LDAN 'DAS MA NI DON YAB DANG 'DRA ZHING, RDO RJE THABS BDE BA CHEN BO DANG SHES RAB STONG PA NYID GNYIS DBYER MI BYED PA LA 'JUG CING, PHAG MO GTI MUG GI GZUGS DE 'JOM BYED ME LONG LTA BU'I YE SHES RNAM SNANG GI RIGS YIN PA MTSON, SKU MDOG BYU RU LTAR DMAR BA, SPYAN GSUM PA NU 'BUR RGYAS PA, BHA GA RAB TU RGYAS PA NAS KHRAG 'DZAG CING SHIN TU CHAGS PA'I NYAMS CAN, MTSAN 'DZIN SPANGS PAS GCER MO SKRA GROL BA, KUN RDZOB SGYU MA DANG DON DAM 'OD GSAL GNYIS DBYER MED ZUNG 'JUG TU RO GCIG PAR SBYOR BA MTSON PA'I CHED DU PHYAG GA-YON PAS THOD PA NA BDUD BZHI LA SOGS PA'I KHRAG GIS GANG BA BSNAMS NAS YAB KYI RGYAB ZHAL DU STOB PA, BDE STONG GI YE SHES KYI SGRIB GNYIS RTZAD NAS GCOD PA MTSON PA'I CHED DU PHYAG GA-YAS PAS GRI GUG DANG BCAS PA'I SDIGS MDZUB KYIS BSDIGS PAR MDZAD PA, TZAnd LI 'BAR BA MTSON PA'I 'JIG DUS KYI ME LTAR 'BAR BA, BYIN PA GNYIS KYIS YAB KYI BRLA'I STENG NAS LEGS PAR STE DAM POR 'KHRIL BA, LHAN SKYES KYI BDE CHEN STER BAS THUGS

, ,RJE'I BDAG NYID CAN, THAL BA MA GTOGS PA'I PHYAG RGYA LNGAS BRGYAN PA STE, THAL BAS SHES RAB KYI PHAR PHYIN MTSON CING YUM SHES RAB KYI CHA YIN PA'I PHYAG RGYA LNGA PHAR PHYIN LHAG MA LNGA DANG SBYOR BA DANG, THOD SKAM GYI DBU RGYAN DANG RUS RGYAN RNAMS YAB DANG 'DRA, THOD SKAM LNGA BCU'I DO SHAL NI YUM STONG PHYOGS SHES RAB KYI SKU LA THABS BDE BA CHEN PO LDAN PA MTSON PA'I PHYIR DANG, YAB YUM GNYIS KA 'ANG YE SHES KYI ME 'BAR BA'I DBUS NA 'JIG RTEN THAMS CAD ZIL GYIS GNON PA LTA BU'I GZI BRJID DANG LDAN PAR BZHUGS PAR BSAM LA NGA RGYAL DANG GSAL SNANG BSGOM PAR BYA'O GSUNGS, GNYIS PA 'KHOR GSAL GDAB PA LA GNYIS LAS, DANG PO PHYOGS KYI LHA MO BZHI GSAL GDAB PA NI, PADMA'I 'DAB MA LA ZHES SOGS TE SPYAN MA LA SOGS PA'I LHA MO BZHI MKHA' 'GRO MA LA SOGS PA BZHI'I RNAM PAR BSTAN PA YIN LA, DE LTAR BSTAN PA LA DGOS PA YOD DE, SNGON PO LA CHUNG MA BZHI YOD PA 'DUS PA DANG SGRUB PA PO LA MCHOG DANG THUN MONG GI DNGOS GRUB STER BAR BYED PA'I CHED YIN LA, DE YANG SNA TSOGS PADMA'I SHAR GYI 'DAB MA LA MKHA' 'GRO MCHAR SPRIN LTAR GNAG PA, BYANG GI 'DAB MA LA L'A MA ZHES PA MDZES MA STE MA RGAD LTAR LJANG BA, NUB KYI 'DAB MA LA KHAnd RO HE ZHES BA DUM BU SKYES PA STE BYU RU LTAR DMAR BA, LHO'I 'DAB MA LA GZUGS CAN MA GSER LTAR SER BA, BZHI KA'ANG ZHAL GCIG SPYAN GSUM

MCHE BA RNAM PAR GTZEGS PA'I ZHAL CAN CUNG ZAD BZHAD PA, GCER BU SKRA SGROL BA, PHYAG BZHI'I GA-YAS DANG POS GRI GUG DANG, GA-YON DANG POS THOD PA BZUNG NAS THUGS KAR 'KHYUD BA'I TSUL MDZAD CING GA-YAS 'OG MAS d'A MA RU DANG; GA-YON 'OG MAS KHA tAm GA MCHAN KHUNG DU 'DZIN PA, GA-YAS BRKYANG GIS BZHUGS PA, PHYAG RGYA LNGA SOGS GTZO MO DANG PHYOGS MTSUNGS YIN GSUNGS, 'KHOR GYI LHA MO BZHI LA GZHUNG DU PAD 'DAB LAS GDAN GZHAN MA GSUNGS PA LTAR SGRUB THABS GZHAN MANG PO LAS KYANG MA BSHAD, YANG RGYAL MCHOG BSKAL BZANG RGYA MTSO'I LHA LNGA'I SGRUB THABS BDE CHEN DBANG RGYAL SOGS DANG DKYIL CHOG PHAL CHER LAS RO GDAN DANG NYI MA GNYIS KA GSUNGS PAS DE LTAR RAM, LAS LHAR BSHAD PA LTAR NYI GDAN TZAM BYAS PA LEGS MIN BRTAG PAR RIGS SO, ,GNYIS BA MTSAMS KYI BUM THOD BZHI GSAL GDAB PA NI, MTSAMS SU BDUD RTZI ZHES SOGS TE, MTSAMS KYI PAD 'DAB BZHI'I STENG DU ZLA GDAN LA RNAM RGYAL BUM PA'I DBYIBS CAN GYI BUM PA DMAR PO BDUD RTZI DKAR POS GANG BA, DE'I STENG DU THOD PA DUM BU GCIG PA DKAR PO DPRAL BA NANG DU BSTAN PA BDUD RTZI DMAR POS GANG BA STE THABS SHES GNYIS MTSON PA'O; ;BZHI PA PHYOGS MTHUN GYI DAG PA BSGOM PA LA GSUM LAS, DANG PO GNAS BZHI BYIN GYIS BRLAB PA NI, YAB KYI LTE BA ZHES SOGS TE, YAB KYI LTE BA DANG THUGS KAR ZLA GDAN LA YUM GYI SNYING BO, YUM GYI MGRIN PA DANG SPYI

, ,BOR ZLA GDAN LA YUM GYI NYE SNYING, YUM GYI LTE BA DANG THUGS KAR NYI GDAN LA YAB KYI SNYING PO, YAB KYI MGRIN PA DANG SPYI BOR NYI GDAN LA YAB KYI NYE SNYING STE, DE RNAMS GNAS BZHI'I RTZA 'KHOR GYI THAD KYI PHYI NGOS SU ZLA NYI'I DKYIL 'KHOR RNAMS ME LONG GYEN DU BSLANG BA LTA BU'I NGOS LA SNGAGS 'PHRENG RNAMS GZUGS BRNYAN SHAR BA BZHIN DU KHA DOG DMAR PO GA-YON SKOR GYIS 'KHOD CING SNYOMS 'JUG GI TSE DE RNAMS LAS 'OD ZER DMAR PO 'PHROS PA 'DRES PAS 'PHYUD PA DANG 'BYED PA LA SOGS PA'I RNAM BAR BYA'O, ,GNYIS PA GSANG GNAS BRLABS NAS DGA' BZHI 'DREN PA NI, GZHUNG DU MA GSUNGS KYANG YAB KYI GSANG GNAS ZHES SOGS BRJOD DGOS PAS DE YANG YAB KYI GSANG GNAS 'OD DU MER GYIS ZHU STE MI DMIGS PAR BSAM LA THA MAL GYI SNANG ZHEN SBYANG, DE LAS H'Um YIG DKAR PO ZHIG DU GYUR PA 'OD DU ZHU BA LAS PHYI DBYIBS RTAGS KYI RDO RJE'I RNAM PA LA NANG RDO RJE DKAR PO RTZE LNGA PA, DPER NA RDO RJE GCIG RANG SHOD GI KHUG MA'I NOR DU BCUG PA LTA BU'I DBUS RVA SBUBS STONG GI RNAM PA CAN, DE'I RTZE MOR BYA DMAR PO ZHIG THAL GYIS BYUNG DE 'OD DU ZHU BA LAS NOR BU DMAR PO, DE'I BU GA'I NANG DU BYA SER PO MGO NANG DANG MJUG MA PHYIR BSTAN PA 'OD ZER SER PO MTHUG PO 'PHRO BAS BAR MTSAMS MED BAR BKAG PAR BSAM, DE YANG RDO RJE DKAR POS YAB KYI GSANG GNAS BYANG SEMS DKAR POS GANG BA MTSON, RTZE LNGAS DE'I NANG GI RTZA

LNGA MTSON, NOR BU DMAR POS BYANG SEMS DKAR PO LA DMAR CHA CUNG ZAD YOD PA MTSON, BYA SER POS BKAG PA NI BYANG SEMS PHYIR 'PHO BA 'GOG PA'I PHYIR THUR SEL GYI RLUNG RENGS PAR BYED PA'O, ,DE BZHIN DU YUM GYI GSANG GNAS KYANG MI DMIGS PAR BSAM STE A'A: DMAR POR GYUR PA 'OD DU ZHU BA LAS PHYI BHA GA'I RNAM PA LA NANG PADMA DMAR PO 'DAB MA GSUM PA SBUG GE BA ZHIG TU GYUR, DE'I LTE BAR DUNG KAR PO ZHIG THOL GYIS BYUNG BA LAS LTE BA DKAR PO ZE'U 'BRU DANG BCAS PA'I BU GA'I NANG DU BY'A SER PO MGO NANG BSTAN 'OD ZER 'PHRO BAS BKAG PAR BSAM, PADMA DMAR POS YUM GYI GSANG GNAS BYANG SEMS DMAR PO'I THEG LES GANG BA MTSON, 'DAB MA GSUM GYIS DE'I NANG GI RTZA GTZO MO GSUM GYI MAR SNA MTSON, ZE'U 'BRU DKAR POS BYANG SEMS DMAR PO LA DKAR CHA CUNG ZAD YOD PA MTSON, BY'A YIG SER POS THUR SEL MTSON TSUL SNGA MA DANG 'DRA, DE NAS AOm A'A: H'Um GI GNAS BZHI DANG GSANG GNAS BYIN GYIS BRLAB LA, YAB YUM PHAN TSUN DU 'KHYUD PA DANG TZUMBHA NA DANG KAR nA LA SOGS PA BYA ZHING DE'I TSE YUM GYI PADMA NAS RLUNG SPOS RING GI DUD PA LTA BU BYUNG BA YAB KYI RDO RJER ZHUGS, LTE BA'I ME SPAR SPYI BO'I BYANG SEMS ZHU BA DBU MA'I LAM BRGYUD DE MGRIN PAR SLEBS PA NA DGA' BA, ZHES SOGS GNAS BZHIR DGA' BZHI BSKYED LA, MTHAR BYANG SEMS NOR BU'I RTZER BSLEBS PA NA BY'A YIG GIS BKAG NAS PHYIR 'PHO BA MED PAR BZUNG

, ,BAS SEMS BDE BA CHEN PO MI RTOG PA'I TING NGE 'DZIN GYI DANG DU SONG BAR BSAM LA BDE BA'I NYAMS CI THON BYA, DE DAG GI TSE STONG NYID KYI LTA BA DRAN PAR BYAS TE BDE STONG DBYER MED DU SBYAR LA BSKYANGS, DE NAS RTEN BRTEN PA'I DKYIL 'KHOR THAMS CAD KYANG BDE STONG DBYER MED KYI NGO BOR LTA BA'I MOS PA SHUGS CAN BSKYED, 'DI'I SKABS SU SNYOMS 'JUG GI DGA' BRTZOM PA'I DMIGS PA RNAMS DMIGS PHYED PA DANG DAL BUS BRTAN PAR BYAS LA MOS PA TSUN CHAD KYI KYANG DGA' BZHI BSKYED PA'I MTHAR BDE STONG SBYOR BA SOGS YUN RING DU BYA, 'OG NAS 'BYUNG BA'I LHA BSGOM PA DANG SNGAGS BZLA BA SOGS KYI CHO GA THAMS CAD 'DI'I DANG NAS BYA DGOS LA, DE LTAR BYED PA NI RDZOGS RIM GYI RTOGS PA SKYE BA'I RGYUD SMIN PA'I THABS DAM PA YIN PAS BSKYED RIM GYI RNAL 'BYOR GYI GTZO BO YIN NO ZHES GSUNGS SO, ,GSUM PA DAG PA BSGOM PA DNGOS NI, DE LTAR SNYOMS PAR ZHUGS PA'I BDE BA DANG STONG PA DBYER MED DU SBYAR BA DE NYID DMIGS PA DANG BYED LAS SOGS KYI SGO NAS BYANG CHUB KYI PHYOGS KYI CHOS SO BDUN GYI NGO BOR GYUR PA NI, LUS RJES SU DRAN PA NYER BZHAG, TSOR BA RJES SU DRAN PA NYER BZHAG, CHOS RJES SU DRAN PA NYER BZHAG, SEMS RJES SU DRAN PA NYER BZHAG STE DRAN PA NYER BZHAG BZHI DANG, 'DUN PA'I RDZU 'PHRUL GYI RKANG PA, BRTZON 'BRUS KYI RDZU 'PHRUL GYI RKANG PA, SPYOD PA'I RDZU 'PHRUL GYI RKANG PA, SEMS KYI RDZU 'PHRUL GYI RKANG PA STE RDZU 'PHRUL GYI RKANG PA BZHI DANG, DANG

PA'I DBANG PO, BRTZON 'GRUS KYI DBANG PO, DRAN PA'I DBANG PO, TING NGE 'DZIN GYI DBANG PO, SHES RAB KYI DBANG PO STE DBANG PO LNGA DANG, DAD PA'I STOBS, BRTZON 'GRUS KYI STOBS, DRAN PA'I STOBS, TING NGE 'DZIN GYIS STOBS, SHES RAB KYI STOBS STE STOBS LNGA DANG, TING 'DZIN BYANG CHUB KYI YAN LAG, BRTZON 'GRUS BYANG CHUB KYI YAN LAG, DGA' BA BYANG CHUB KYI YAN LAG, SHIN SBYANGS BYANG CHUB KYI YAN LAG, CHOS RAB TU RNAMS BYED BYANG CHUB KYI YAN LAG, DRAN PA BYANG CHUB KYI YAN LAG, BTANG SNYOMS BYANG CHUB KYI YAN LAG STE BYANG CHUB KYI YAN LAG BDUN DANG, YANG DAG PA'I LTA BA, YANG DAG PA'I RTOG PA, YANG DAG PA'I NGAG, YANG DAG PA'I LAS KYI MTHA' YANG DAG PA'I 'TSO BA, YANG DAG PA'I RTZOL BA, YANG DAG PA'I DRAN PA, YANG DAG PA'I TING NGE 'DZIN TE 'PHAGS LAM YAN LAG BRGYAD DANG, DGE BA'I CHOS MA SKYES PA BSKYED PA, SKYES PA RNAMS BSRUNG BA, MI RIG PA'I CHOS SKYES PA RNAMS SPONG BA, MA SKYES PA RNAMS MI BSKYED PA TE YANG DAG SPONG PA BZHI STE, DE RNAMS LHA LNGA'I RNAM PAR SHAR RO SNYAM DU BSAM ZHING LHA RNAMS SNANG LA RANG BZHIN MED PA ME LONG NANG GI GZUGS BRNYAN BZHIN DU BLTA BA NI GTZO BO'I DON YIN NO, ,LAS DANG POS BAS BDE STONG DBYER MED KYI LTA BA DRAN PAR BYAS NAS LHA RNAMS RE RE NAS DE'I NGO BOR MOS PA BYAS NA CHOS SO BDUN BSGOM PA'I DON GYI GTZO BO TSANG BA YIN, DE LTAR BSGOMS PA'I DGOS PA NI LAM 'DI'I GDUL BYA'I GTZO BOS BYANG PHYOGS SO BDUN GYIS

, ,MTSON PA'I THEG PA GSUM GYI LAM THAMS CAD LA 'DRIS PAR BYA DGOS PA DANG, BDE STONG DBYER MED KYI LAM 'DIR THEG PA GSUM GYI LAM GYI GNAD MTHA' DAG BYED LAS KYI SGO NAS 'DU BAR SHES PA DANG 'BRAS BU'I DUS SU HE RU KA'I YE SHES MTHAR THUG GCIG NYING LHA LNGA'I RNAM PAR SHAR BA'I SKU THUGS NGO BO GCIG PA DE 'GRUB PA'I NUS PA 'JOG PA YIN NO GSUNGS, LNGA PA GO BGO ZHING YE SHES PA GZHUG PA LA GNYIS LAS, DANG PO GO CHA BGO BA NI, DE YANG 'DI LA RJE'I 'DOD 'JOR YAB YUM GYI GO CHA GNYIS KAR ZHAL PHYAG YONGS RDZOGS KYI YAB YUM ZUR RE BSKYED PA DANG, YANG YAB KYI GO CHA YUM BCAS DANG YUM GYI GO CHA YUM RKYANG BYED PA DANG, YAB YUM GYI GO CHA GNYIS KA YAB RKYANG YUM RKYANG DU BYED PA BCAS GSUNGS PA'I RJES SU, DE LTAR GNYIS BSHAD KYANG L'U DRIL GNYIS LA NI 'GREL BA GNYIS BZHIN BYA'O ZHES SGRUB THABS KYI 'GREL BA GNYIS KYI DGONGS PA BZHIN GO CHA GNYIS KA YAB RKYANG YUM RKYANG DU BYED PAR YANG GSUNGS LA, 'DIR NI SGRUB THABS BSDUS PA'I DBANG GIS GNAS SO SOR RDO RJE SEMS DPAL LA SOGS PA'I NGO BO'I AOm HA SOGS SNGAGS TZAM 'GOD PA'AM, DE LAS KYANG BSDU NA GNAS GSUM DU 'BRU GSUM TZAM BKOD PAS CHOG PAR GSUNGS PA'I DANG PO LTAR NA, RANG GI SNYING GAR ZHES SOGS BRJOD LA SNYING GA'I PAGS PA'I NANG SHA'I PHYIR ZLA BA'I NGOS LA RDO RJE SEMS DPA'I NGO BO AOm HA DKAR PO 'OD ZER DKAR

POS BSKOR BA ME LONG LA GZUGS BRNYAN SHAR BA BZHIN GSAL GDAB, DES GZHAN LA YANG RIGS 'DRE ZHING MGO BO NI SKU MTSAMS DANG MTSOGS MA GANG RUNG, PHRAG PA GNYIS DPUNG 'GO GNYIS, MGRIN PA NI AO LA MDUD KYI THAD YIN PAR GSUNGS, DE NAS, LHA RNAMS KYI SPYI BOR ZLA GDAN LA SKU RDO RJE'I NGO BO AOm DKAR PO, MGRIN PAR PADMA LA GSUNG RDO RJE'I NGO BO A'A: DMAR PO, THUG KAR NYI MA LA THUGS RDO RJE'I NGO BO H'Um SNGON PO STE SKU GSUNG THUGS KYI SA BON BSKYED PA DES KYANG CHOG GO, DE LTAR BSGOMS PAS RANG NYID LHA'I RNAL 'BYOR BSGOMS PA'I TING NGE 'DZIN LAS SKYONG PAR BYED PA'I BGEGS RNAM GA-YENG SOGS KYIS MI GA-YO ZHING LHA'I RNAL 'BYOR LA SAMS BRTAN BO DANG BGEGS KYI BAR CHAD SOGS SRUNG BA YIN LA, GZHAN YANG THUN MONG DANG THUN MONG MA YIN PA'I DNGOS GRUB 'GRUB PA'I DGOS PA YANG YOD PAR GSUNGS SO, ,GNYIS PA YE SHES PA GZHUG PA NI, PHEEm; THUGS KA'I ZHES SOGS TE, RKANG PA GNYIS RDO RJE SKYIL KRUNG DU GNAS PA BSHIG LA GA-YAS SU BRKYANGS PA'I MTHEB CHEN GYI STENG DU RKANG PA GA-YON PA'I MTHEB CHEN GYIS MNAN, LAG PA GNYIS KYI MDZUB MO MDUNG GUNG MO GNYIS RTZE SPRAD LA BRKYANGS, MTHE BONG GNYIS LTO SBYANG BA THUR DU BSTAN, MING MED DANG MTHE'U CHUNG RNAMS BRKYANG BA 'BAR BA'I PHYAG RGYA DPRAL BA'I DBUS SU BZHAG ,MI CUNG ZAD 'OG TU DMA' BAR BYAS LA GA-YON NAS GYEN DU BLTAS TE DANG POR GA-YON DANG DE NAS GA-YAS SU BSKOR LA, NGAG

, ,TU PHEEm ZHES PA'I SGRA BSGRAGS PAS DE DANG DUS MNYAM DU LHA THAMS CAD KYI THUGS KYI THUGS KA'I H'Um LAS 'OD ZER DMAR PO LCAGS KYU LTA BU DPAG TU MED PA SPROS PAS PHYOGS BCU'I 'JIG RTEN GYI KHAMS MTHA' YAS MU MED PA NA BZHUGS PA'I DPA' BO DANG DPA' MO'I DBANG PHYUG MA YE SHES PA'I 'KHOR LOR GYUR PA DANG, DBANG GI LHA 'KHOR LO BDE MCHOG LHA DRUG CU RTZA GNYIS KYI DKYIL 'KHOR GYI RNAM PA CAN DANG, ME TOG SOGS PHYI'I MCHOD RDZAS 'DZIN PA'I LHA MO DANG, 'DOD PA'I SGYU RTZAL MTHA' DAG LA MKHAS SHING SGEG PA LA SOGS PA'I NYAMS DU MA DANG LDAN PA'I GSANG BA'I MCHOD PA BYED PA'I LHA MO BSAM GYIS MI KHYAB PA DANG BCAS PA MA MDUN GYI NAM MKHA'I KHAMS THAMS CAD GANG BA SPYAN DRANGS, 'OD ZER RNAMS RANG GI SNYING GAR THIM, RANG GI ZHAL BZHI NAS KHA ndA RO HE'I SGRA DRAG TU BRJOD PA DANG MNYAM DU DUM SKYES MA DPAG TU MED PA SPROS, YE SHES PA DE NYID KYI PHYIR 'BRANG BA'I BGEGS RNAMS BSKRAD H'Um ZHES PA DANG DAM TSIG PA LA YE SHES PA THIMS NAS ME LONG LA GZUGS BRNYAN SHAR BA'AM, CHU DANG 'O MA GNYIS MA 'DRES PA LTAR DAM YE SO SOR MA 'DRES PAR BSAM, BAm ZHES PA DANG CHU LA CHU BZHAG PA BZHIN DAM YE DBYER

MED DU 'DRES PAR BSAM ,HO ZHES PA DANG LANG TSO CAN LA 'DOD LDAN CHAGS PA BZHIN DAM TSIG PA LA YE SHES PA DGYES BZHIN GNYIS SU MED PAR BZHUGS PAR BSAM LA, ,YANG GTZO 'KHOR RNAMS DANG RTEN GYI DKYIL 'KHOR 'OD 'PHRENG DUR KHROD LA SOGS PA'I BAR DU BSTIM DGOS SO, ,DE LTAR BYAS PAS DAGS PA NI, BDAG DANG YE SHES PA GNYIS THA DAD DU ZHEN PA BGEG PA DANG, YE SHES PA DANG NGO BO DBYER MED DU BYA BA'I NGA RGYAL BRTAN PA DANG, DAM TSIG PA NUS LDAN DU BYA BA DANG, YE SHES PAS RNAL 'BYOR PA DAM TSIG PA'I PHUNG KHAMS SKYE MCHED BYIN GYIS RLOB CING RANG GI 'BRAS SU GYUR PA'I 'KHOR LO SDOM PA MYUR DU 'GRUB PA SOGS KYI TSAD YIN PA'I PHYIR RO, ,DE NAS AOm YO GA SHUDDHA ZHES SOGS BRJOD LA CHOS THAMS CAD KYI DE KHO NA NYID DANG, BDE BA CHEN PO'I YE SHES GNYIS NGO BO DBYER MED YIN LA, DE LTA BU'I NGES DON GYI HE RU KA DE NYID DRANG DON GYI HE RU KA ZHAL PHYAG GI RNAM PA CAN GYI RTEN DANG BRTEN PA'I DKYIL 'KHOR DU SHAR BAR MOS PA YIN ZHING DE YANG GTZO BO YAB YUM GYI YE SHES KYI CHA SHAS SU MOS DGOS PA YIN PAS DE DAG GDAGS GZHIR BYAS NAS NGA'O SNYAM DU NGA RGYAL 'JOG PA YIN PA'I PHYIR RO GSUNGS, DRUG PA DBANG BSKUR NAS RGYAS GDAB PA LA GNYIS LAS, DANG PO DBANG BSKUR BA NI, AOm AARGHAm ZHES SOGS TE, DBANG LHA RNAMS LA MCHOD YON MAS SNGAR LTAR MCHOD, DBANG GI LHA DPAL 'KHOR LO BDE MCHOG LA SOGS PA'I DE BZHIN GSHEGS PA THAMS CAD

, ,KYIS MNGON PAR DBANG BSKUR DU GSOL ZHES GSOL BA BTAB PAS, DAM TSIG 'KHOR LO'I SGO MTSAMS MA BRGYAD KYIS BGEGS BSKRAD, 'KHOR LO GSUM GYI DPA' BO NYER BZHIS BKRA SHIS GANG ZHIG CHOS KYI DBYINGS LAS NGES 'BYUNG BA, ZHES SOGS KYI SHIS PA BRJOD, DPA' MO NYER BZHIS, SRI ZHING SNYING PO KHONG STONG MED, ,BSREG TU MED CING BCAD DU MED, ,GZHIG TU MED CING GZHOM MED PHYIR, ,STONG NYID RDO RJER BRJOD PAR BYA, ,ZHES RGYUD RDO RJE RTZE MO LAS GSUNGS PA'I STONG NYID BRJOD BYA'I GTZO BOR STON PA'I RDO RJE'I GLU LEN PA STE, STONG NYID LA RDO RJER BRJOD PA'I RGYU MTSAN, DPER NA RDO RJE PHA LAM NI DNGOS PO GANG GIS KYANG BSREG BCAD LA SOGS PA'I GZHOM GZHIG MI NUS PA LTAR, STONG NYID KYANG DE LTAR YIN PA'I PHYIR RDO RJE ZHES GSUNGS, MTSAMS KYI BUM THOD BZHI GZUGS RDO RJE MA LA SOGS PA'I NGO BO YIN PAS DE RNAMS LAS 'DOD YON GYI MCHOD RDZAS THOGS PA'I LHA MO SPROS NAS RANG NYID LA MCHOD, GTZO BOS DBANG BSKUR BA LA DGONGS PA GTAD, YUM BZHI PHAG MO DANG BCAS PAS RIN PO CHE'I BUM PA DKAR PO BDUD RTZI LNGAS GANG BA BZUNG STE ZHAL NAS SNGAGS GSUNGS SHING CHU RUB KYI TSUL DU LHA THAMS CAD LA DBANG BSKUR, SNGAGS DON NI, AOm SNGAGS KYI MGO 'DREN, SRBA THAMS CAD, TA TH'A DE BZHIN, GA TA GSHEGS PA, AA BHI MNGON PAR, shE KA TA DBANG BSKUR BA, SA MA YA DAM TSIG, SHRI YE DPAL GYI CHED DU ZHES PA STE, DE LTA BU'I BDUD RTZI'I CHU RGYUN GYIS

SPYI BO NAS DBANG BSKUR BA'I BDUD RTZI'I RGYUN TSANGS BUG NAS ZHUGS, RANG YAB YUM DANG LHA MO BZHI'I LUS THAMS CAD BDUD RTZIS MER GYIS GANG BAS THUGS RGYUD LA BDE STONG GI YE SHES KHYAD PAR CAN SKYES PAR BSAM MO GSUNGS, GNYIS PA RIGS BDAG GIS RGYAS GDAB PA NI, GTZO BO LA ZHES SOGS TE, CHU LHAG MA SPYI GTZUG TU MTHO GANG TZAM YANG LUD PA YONGS SU GYUR PA LAS, DBU RGYAN NOR BU CHA DGU PA'I DBUS SU YAB LA RDOR SEMS, YUM LA MI BSKYOD PA; MKHA' 'GRO MA BZHI LA RIN 'BYUNG GIS DBU BRGYAN CING, RIGS BDAG RNAMS KYI SKU MDOG DANG PHYAG MTSAN RNAMS DBANG MCHOG BDE CHEN SNYING PO LAS 'BYUNG BA LTAR DANG, YE SHES LNGA 'GRUB PA'I NUS PA BZHAG PA NI PHYI BSKYED RIM DANG 'BREL BA'I BUM DBANG NGO, SKABS 'DIR LHA LA CHU DBANG BSKUR BA TZAM LAS MA GSUNGS KYANG, JO BO'I 'GREL PAR DBANG BZHIG BSKUR BAR GSUNGS PA NI LEGS PAR BSHAD PA YIN TE, GRUB CHEN MTSO SKYES KYIS KYANG, KYEE RDOR 'GREL BAR LHA LA DBANG BZHI BSKUR BAR GSUNGS PA'I PHYIR RO, ,DES NA DBANG LHA'I SNYING PO'I RNAL 'BYOR MA BZHI PHAG MO LA THIM NAS DE DANG HE RU KA SNYOMS PAR ZHUGS PA'I BYANG SEMS GNANG BA RANG GI LCE LA BZHAG PA MYANGS PA LAS SKYES BA'I BDE CHEN GYI YE SHES SKYES PAR MOS PA NI BDAG BYIN RLABS SGYU LUS DANG 'BREL BA'I GSANG DBANG DANG, DE NAS HE RU KAS RANG LA PHAG MO PHYAG RGYAR SNANG BA YUM LA THIMS PA LA SNYOMS

, ,BAR ZHUGS PAS RLUNG THIMS PA LAS BYUNG BA'I LHAN SKYES KYI BDE BSKYES PAR MOS PA NI DON DAM 'OD GSAL DANG 'BREL BA'I SHER DBANG DANG, DE NAS HE RU KAS RIGS KYI BU KHYOD KYIS PHYAG RGYA DANG SBYAR BA LA BRTEN NAS SKYES PA'I ZHES SOGS ZUNG 'JUG GI BRDA SPRAD PA LA GO BA SKYES PAR MOS PA NI ZUNG 'JUG DANG 'BREL BA'I DBANG BZHI PA YIN NO, ,CHU DBANG TZAM BSKUR NA RIGS BDAG GI RGYAS BTAB PA'I RJES DANG, DBANG BZHIG BSKUR NA MTSAMS 'DIR DBANG LHA RNAMS RANG LA BSTIM MO, ,DE LTAR DBANG BSKUR BAS BGEGS DANG SGRIB PA DANG THEG DMAN SEL BA DANG, BZLAS BSGOM GYI SNOD DU RUNG BA DANG ZHI SOGS KYI LAS 'GRUB BA DANG BYANG CHUB KYI SEMS NYAMS PA SKONG BA DANG, DAM TSIG DANG SDOM PA NYAMS PA SKONG BA DANG MA 'ONGS PA NA SANGS RGYAS KYIS DBANG BSKUR BA'I DGOS PA YOD PA DANG RIGS BDAG GIS 'BRAS DUS SU GTZUG TOR 'GRUB PA'I LAG RJES 'JOG PAR GSUNGS SO; ;BDUN PA MCHOD CING BSTOD NAS DKYIL 'KHOR BSGOM PA LA GSUM, MCHOD PA 'BUL BA, BSTOD PA BYA BA, DKYIL 'KHOR BSGOM PA'O, ,DANG PO MCHOD PA 'BUL BA LA BZHI LAS, DANG PO PHYI'I MCHOD PA NI, MCHOD PA ZHES SOGS, TE; SNGAR TSOGS ZHING SKABS BSHAD PA'I GO DON DANG MCHOD LHA SPRO BSDU SOGS 'DRA BAS RIGS 'GRE ZHING, MCHOD LHA RNAMS ZHI BA'I MIG GIS LTA ZHING MU TI GI CHUN PO 'PHYANG BA, NUB MA RGYAS SHING 'BUR LA BAR DOG PA

GOS CUNG ZAD GROL ZHING RO SMAD MDZES PA STON PA, SKED PA SHIN TU PHRA BA LTE BA YANGS SHING GA-YAS SU 'KHYIL BA, RO SMAD DANG 'DOMS STUG PA, 'GROS DAL ZHING SGEG PA BZHIN 'DZUM ZHING CHAGS PA'I MIG GIS LTA BA, GZHAN YANG TING 'DZIN PIR LEGS MA SOGS NAS 'BYUNG BA LTAR BSGOM DGOS PAS DE LTA BU'I RNAM PA CAN GYI MCHOD PA'I LHA MO MCHOD RDZAS THOGS PA BSAM GYIS MI KHYAB PA RANG GI SNYING GA'I SA BON LAS SPROS TE MCHOD PAS GTZO 'KHOR THAMS CAD KYI THUGS RGYUD LA ZAG PA MED PA'I BDE CHEN GYI YE SHES KHYAD PAR CAN SKYES PAR BSAM PA NI PHYI BUM DBANG DANG LAM BSKYED RIM DANG 'BREL BA'I MCHOD PA'O, ,SA SKYA PA RNAMS BDAG BSKYED TING NGE 'DZIN GYI CHE BA DANG, MDUN PA SKYED MCHOD PA'I CHE BA YIN PAS 'DIR MCHOD PA GAL MI CHE BAR BZHED KYANG, RJE BDAG NYID CHEN POS DA LTA LAM DUS SU MCHOD PA PHUL BAS 'BRAS DUS SU YENGS DAG BZHI'I NANG TSAN LONGS SPYOD YONGS SU DAG PA DANG RNAM PA MTHUN PAS NA MCHOD PA 'BUL BA GNAD SHIN TU CHE'O, ,ZHES GSUNGS SO, ,GNYIS PA NANG GI MCHOD PA NI, DRIN CAN RTZA BA DANG ZHES SOGS TE, LHA MO RO RDO RJE MA PHYAG NA THOD PA THEGS PA DPAG TU MED PA SPROS PAS NANG MCHOD KYI SNOD NAS BDUD RTZI LUM LUM BCUS NAS PHUL BAS MGRON RNAMS KYI LJAGS RDO RJE RTZE GSUM PA'I 'OD ZER GYI SBU GUS BCUD THAMS CAD DRANGS TE GSOL BAR BSAM LA RANG GI LAG PA GA-YON PA'I MTHE BONG YUM GYI PADMA DANG SRIN LAG YAB KYI RDO RJER

, ,MOS LA BSRUBS MTSAMS NAS BYANG CHUB KYI SEMS KYI BDUD RTZI'I RGYUN BYUNG BAS MCHOD PAR BSAM LA, GTZO BO'I DBU RGYAN NOR BU CHA DGU BA'I DBUS SU RIGS BDAG GI THUGS KAR ZLA GDAN LA DRIN CAN RTZA BA'I BLA MA LA BRGYUD PA'I BLA MAS GA-YON SKOR DU BSKOR BA LA AOm A'A: H'Um GIS SMIN MTSAMS NAS GTOR, YAB YUM GYI NYE SNYING LA 'BRU GSUM BTAGS LA SNYING GA NAS GTOR, LHA MO BZHI'I SNGAGS LA 'BRU GSUM BTAGS LA RANG RANG GI PHYOGS DANG MTHUN PAR GTANG, SNYING GAR RANG GI YI DAM, MGRIN PAR RTZA BA'I BLA MA'I YID DAM, SPYI BOR BRGYUD PA'I BLA MA'I YI DAM GSAL BTAB LA DE GSUM LA, SNYING GA, LCE RTZE, SMAN MTSAMS GSUM DU REG LA 'BUL, CHOS SKYONG RNAMS SHAR SGO'I SGO KHANG DU ZHAL NANG DU PHYOGS PA LA LTE BA'I THAD NAS 'BUL, DUR KHROD KYI NANG DU GNAS PA'I DPA' BO DANG RNAL 'BYOR MA RNAMS DANG, DUR KHROD DU GNAS PA'I PHYOGS SKYONG ZHING SKYONG KLU LA SOGS PA RNAMS LA GSANG GNAS NAS 'BUL, DUR KHROD KYI PHYI ROL DU GZHI BDAG GNYUG MAR GNAS PA DANG, SEMS CAN THAMS CAD HE RU KAR GYUR PA LA PUS MO'I THAD NAS MCHOG SBYIN GYI PHYAG RGYA DANG BCAS TE 'BUL ZHING MGRON RNAMS ZAG MED KYI BDE BAS MNYES PAR BSAM PA NI GSANG DBANG DANG LAM SGYU LUS DANG 'BRAL BA'I MCHOD PA'O, ,GSUM PA GSANG BA DANG DE KHO NA NYID GYI MCHOD PA NI, YAB YUM SNYOMS PAR ZHES SOGS TE, YAB YUM SNYOMS PAR ZHUGS TE DGA' BZHI BSKYED TSUL SNGAR

LTAR BYAS PAS GTZO 'KHOR THAMS CAD KYIS LHAN SKYES KYI BDE CHEN MYANGS PAR BSAMS PA NI GSANG MCHOD DE SHES RAB YE SHES KYI DBANG DANG LAM 'OD GSAL DANG 'BREL BA'I MCHOD PA'O, ,DE LA BRTEN NAS GTZO 'KHOR THAMS CAD KYI RGYUD LA LHAN SKYES KYI BDE BAS STONG NYID RTOGS PA'I BDE STONG DBYER MED KYI YE SHES BSKRUN PAR BSAMS TE YUN RING DU BSGOM PA NI DE KHO NA NYID KYI MCHOD PA STE RIG DBANG DANG 'BREL BA'I MCHOD PA'O, ,MCHOD PA THAMS CAD KYI NANG NAS MCHOG TU GYUR PA NI GSANG MCHOD DANG DE KHO NA NYID GNYIS YIN PAS 'DI GNYIS LEGS PAR DMIGS PHYE BA DANG YUN RING BSGOM PA GNAD DU CHE BAR RJE RIN PO CHES SKABS DU MAR GSUNGS SHING, MCHOD PA THAMS CAD BDE STONG DBYER MED KYI RNAM ROL DU 'CHAR BA LA SLOB PA NI TSOGS BDE BLAG TU RDZOGS PA'I THABS DAM PA YIN PAR YANG GSUNGS PAS 'DI DAG SHIN TU GAL CHE'O GSUNGS SO, ,BZHI PA SNGAGS KYI MCHOD PA NI, DE NAS ZHES SOGS TE, SNGAG KYI MCHOD PA'I LHA MO RNAMS KYIS DKYIL 'KHOR GYI LHA RNAMS KYI ZHABS LA REG PAR PHYAG BYAS NAS BSTOD PAR MOS LA RANG GI LAG PA GNYIS SNYING GAR THAR MO SBYAR ZHING SO SO'I SNGAGS BRJOD PA'I TSE LHA RANG RANG GI SKU GSAL BAR DMIGS NAS GTZO 'KHOR THAMS CAD KYI SNGAGS BRJOD, DE'I TSE LHA RNAMS KYI THUGS RGYUD KYI NGES DON GYI SNGAGS BDE STONG DBYER MED KYI YE SHES YID NGOR GSAL 'DEBS PA NI RGYUD 'DI'I THUN MONG MA YIN PA'I SNGAGS MCHOD KYI DON YIN NO, ,

, ,GNYIS PA BSTOD PA BYA BA NI, SHES SHING SPRO NA ZHES SOGS TE, DE YANG SPRON RKANG BRGYAD GNYIS KYIS KYANG BSTOD, BSDU NA HE RU KA DPAL ZHES SOGS TSIGS GCAD GNYIS TZAM GYIS CHOG PAS DE'I DON NI, BDE STONG DBYER MED KYI YE SHES KYI RANG BZHIN YIN PAS NA HE RU KA DPAL, LHA DBANG PHYUG CHEN PO SOGS PHYI DANG, SGRIB GNYIS SOGS NANG GI BDUD THAMS CAD BCOM PAS NA DPA' BO CHE, YE SHES KYI NGO BO LA DRI MA'I BSLAD PA MED PAS NA RNAM DAG, DE GNYIS SNANG GI SPROS PAS MI PHYED PAS NA RDO RJE, YE SHES DE LA 'DOD DGUR DBANG SGYUR BAS NA DBANG PHYUG STE GTZO BO DANG, TZU MBHA NA LA SOGS PA RJES SU CHAGS PA'I SBYOR BAS GTZO BO DE NYID KYI THUGS RGYUD LA CHAGS PA CHEN PO LHAN SKYES KYI BDE CHEN BSKYED PAR MDZAD PA'I YUM RNAMS KYI NANG NAS GTZO BOR GYUR PA RDO RJE PHAG MO LA GUS PAS 'DUD PA'O, ,GNAS DANG NYE BA'I GNAS, ZHING DANG NYE BA'I ZHING, TSAD NO HA DANG NYE BA'I TSAN DO HA STE BDUN THOB KYANG ZER, 'DU BA DANG NYE BA'I 'DU BA, DUR KHROD DANG NYE BA'I DUR KHROD RNAMS LA GNAS PA'I DBANG PO DANG DPA' MO'I DBANG PHYUG MA 'KHOR LO'I LHA TSOGS THAMS CAD LA GUS PAS PHYAG 'TSAL LO ZHES PA STE, RTZA RGYUD LAS, DE NAS GZHAN YANG BSHAD BYA BA, ,RNAL 'BYOR MA YI SA DANG GNAS, ,HE RU KA DPAL SKU'I YAN LAG ,THAMS CAD BRTAN GA-YO'I BDAG NYID CAN, GNAS NI RAB TU DGA' BA'I SA, ,DE BZHIN NYA GNAS DRI MA MED, ,ZHING NI 'OD BYED SHES PAR BYA, ,NYE BA'I ZHING NI 'OD 'PHRO BA, ,TSAD NO HA NI SBYANG DKAR BA, ,NYE

BA'I TSAD NO MNGON GYUR NYID, ,'DU BA RING DU SONG BA YIN, ,NYE BA'I 'DU BA MI GA-YOB, ,DUR KHROD LEGS PA'I BLO GROS NYID, ,NYE BA'I DUR KHROD CHOS KYI SPRIN, ,HE RU KA'I GZHUNG DU SPYOD, ,'DI NI NANG GI BDAG CAN SA, ,PHA ROL PHYIN BCU SA RNAMS NI, ,RNAL 'BYOR MA YI BRDA YI SKAD, ,CES BSHAD PA LTAR SA BCU'I BYANG SEMS RNAMS DANG GNAS DE DAG NA BZHUGS PA'I DPA' BO DANG DPA' MO RNAMS RTOGS PA MNYAM PA'I PHYIR RO, ,GSUM PA DKYIL 'KHOR BSGOM PA NI, MTSAMS 'DIR ZHES SOGS TE; BSKYED RIM LA NYAMS KHRID RNAL MA BYED NA, LUGS 'DI'I THUN MONG MA YIN PA'I TING 'DZIN PHRA RAGS BSKYED TSUL LEGS PAR SHES PA'I BLA MA MKHAS PAS RANG GI NYAMS MYONG GI STENG NAS 'KHRID PA DANG, SLOB MAS KYANG BSGOM GYI NA RANG GI NYAMS 'CHAR TSUL BLA MA LA ZHUS NAS SKABS SKABS KYI GEGS SEL BOGS 'DON BYED PA ZHIG DGOS PA YIN, 'DIR RANG RE LAS DANG PO BAS BSGOM TSUL MED DU MI RUNG BA NI SKAD CIG DKRONG BSKYED NAS 'DI'I BAR GYI DMIGS PA RNAMS LA, SKABS GANG YIN GYI SBYANG GZHI 'DI LTA BU SBYANG BA'I PHYIR DANG, RDZOGS RIM 'DI LTA BU'I DGE RTZA SMIN PAR BYED PA'I CHED DU BSGOM PAR BYA'O SNYAM PA'I 'PHEN PA SHUGS DRAG PO RE BTANG GIN SKABS GANG YIN GYI DMIGS PA DE LAS GZHAN DU MI GA-YENG BAR BYING RGOD DANG BRAL BA'I SGO NAS BRENGS CHAGS SU BSGOM, DE YANG THA MAL GYI ZHEN PA'I GNYEN POR GZHAL YAS KHANG DANG LHA SGOM PA NA SANGS RGYAS KYI ZHING DAG PA DANG SANGS RGYAS KYI SKU DE DANG DE DNGOS YIN SNYAM PA'I DAG

, ,PA'I NGA RGYAL SHUGS CAN RE BSKYED LA BSGOM, THA MAL BA'I SNANG BA'I GNYEN POR SKABS GANG YIN GYI RTEN DANG BRTEN PA'I SNANG BA KHYAD PAR CAN RE RE NAS GSAL 'DEBS SHING SNGA MA MA GSAL BAR DU PHYI MA MI BSGOM PA DANG; PHYI MA BSGOM PA'I TSE SNGA MA MA BRJED TZAM RE BYA BA'I DANG NAS CHO GA'I TSIG RIS DAL BUS NGAG TU 'DON PA'AM YID KYIS SHAR BSGOM BYA, DE NAS MTSAMS 'DIR BSLEBS PA DANG DUR KHROD NAS GTZO BO'I BAR DU GSAL 'DEBS PA DANG, GTZO BO NAS DUR KHROD KYI BAR DU GSAL BDEBS PA GNYIS RE MOS SU LAN 'GA' ZUNG BYAS LA MTHAR RTZE GCIG TU MNYAM PAR 'JOG ,DE YANG BLO MTHO BA RNAMS KYIS RTEN BRTEN PA THAMS CAD LA CIG CAR DU NGA RGYAL DANG GSAL SNANG KYANG CHOG MOD, DA LTA RANG RE LTA BUS THOG MAR GTZO BO'I ZHAL PHYAG GZHAN RNAMS RE ZHIG BTANG SNYOMS SU BYAS TE, RTZA ZHAL DANG RTZA PHYAG GNYIS DANG ZHABS GNYIS DANG SKU'I KHOG PA RNAMS GSAL BTAB LA ZHAL GCIG PHYAG GNYIS PA RGYAN MED LA SEMS 'DZIN, DE'I TSUL NI ZHAL PHYAG DANG SKU'I KHA DOG LAN 'GA' ZUNG GSAL BTAB LA DON SPYI RAGS PA CHA PHYED TZAM 'CHAR THUB BA GYUR NA DE TZAM GYIS CHOG SHES PAR BYAS LA MANG PO MI DPYOD PAR RTZE GCIG TU 'JOG SGOM BYED PA YIN, DE YANG NAM MKHA'I MDOG LTA BU, SPYAN GSUM DMAR KHYUG GE BA, 'DZUM PA'I MDANG CAN LA MCHE BA CUNG ZAD GTZIGS PA, LOGS BRIS LTA BU'I CAR CAR YANG MA YIN, SDER BZO DAD MI LTA BU'I RDOS BCAS KYANG MIN,

PHRA SA NA PHRA BA, SBOM SA NA SBOM PA, SHA 'GYUR THON PA, 'O 'THUNG GI BYIS PA LTA BU 'BAR 'BUR DANG GNYER MA MED PA, NANG KHROL SOGS KYANG MED PA 'OD KYI RANG BZHIN CAN KHOG STONG DANG BU GA MED PA GSAL BTAB, DE LA SEMS BZUNG STE GANG GSAL BTAB PA DE LAS GZHAN DU GANG SHAR YANG DE'I RJES SU MI 'BRANG BAR RTZA BA'I DMIGS PA LA SEMS GZUNG, GSAL BTAB PA'I SKOR NAS CHA GCIG GSAL NA DE LA GZUNG, DE YANG MI GSAL DU SONG BA'AM YAL 'GRO BAR SNANG NA SKU'I SPYI LA GZUNG, DE 'DRA BA'I SNANG BA BSGOM PA DANG RANG LHA DE'O SNYAM PA'I NGA RGYAL SHUGS CAN RE BSKYED NAS DE GA'I NGANG LA RTZE GCIG TU 'JOG PA'I NGA RGYAL BSGOM PA SPEL MAR BYA, DE LA LOBS PA NA ZHAL PHYAG RDZOGS PA DANG RGYAN DANG PHYAG MTSAN SOGS RDZOGS PA DUS GCIG TU GSAL GSAL DU RIM GYIS BSLAB, DE LA LONGS PA NA LHA GZHAN GCIG DANG GNYIS LA SOGS PA BSNAN CING, DE RNAMS DUS GCIG TU GSAL NAS GNAS PA LA BSLAB, DE NAS GO CHA GNYIS DANG GZHAL YAS KHANG LA SOGS PA'I GSAL SNANG LA BSLAB BO, ,DE LTAR BSLABS PAS KHAMS MI SNYOMS PA SOGS KYI RKYEN GZHAN MA BYUNG NA BYING RGOD DANG THA MAL GYI SNANG BAS BAR MA BCAD PAR RANG NYID LHA DE'O SNYAM PA'I NGA RGYAL DANG GSAL SNANG LA NYIN ZHAG GCIG GI DRUG CHA'I BAR DU MNYAM PAR 'JOG THUB PA NI NGA RGYAL DANG GSAL SNANG BRTAN PA'I CHED YIN PAR GSUNGS SO, ,BYING RGOD SEL TSUL SOGS BYANG CHUB LAM RIM LAS 'BYUNG BA DANG 'DRA ZHING DMIGS PA

, ,RTEN DANG BRTEN PA'I DKYIL 'KHOR LA DMIGS NAS RNAM PA RANG BZHIN MED PAR NGES PA'I NGES SHES KYI RGYUN SKYONG BA NI BSKYED RIM PA'I ZAB GSAL GNYIS MED KYI RNAL 'BYOR LA SLOB TSUL YIN NO GSUNGS, GSUM PA THUN GYI MJUG TU JI LTAR BYA BA LA BZHI, BZLAS PA JI LTAR BYA BA, GTOR MA JI LTAR BYA BA, NYER BSDU JI LTAR BYA BA, BSNGO SMON JI LTAR BYA BA'O, ,DANG PO LA BZHI LAS, DANG PO BZLAS 'PHRENG BYIN RLABS NI, BSGOMS PAS SKYON ZHES SOGS TE, BGRANG 'PHRENG NI MI RUS SAM BO TI TZIL LAS THAMS CAD LA RUNG ZHING PHRENG THOG GZHON NU MA MNYAMS PAS BKAL BA'I SKUD PA LAS BYA BAR GSUNGS, BSKYED CHOG NI PHRENG BA SKAD CIG GIS GSUNG RDO RJE PADMA GAR GYI DBANG PHYUG DMA PO ZHAL GCIG PHYAG BZHI'I GA-YAS GNYIS PADMA DANG d'A MA RU, GA-YON GNYIS DRIL BU DANG THOD PA DANG BCAS PA'I KHA tV'A GA 'DZIN PA, SPYAN GSUM PA, GCER BU SKRA GROL BA, PHYAG RGYA LDAS BRGYAN PA, GA-YAS BRKYANG GIS BZHUGS PA, DE 'OD DU ZHU BA LAS PHRENG BA'I RNAM PAR GYUR PA'I PHRENG RDOG RE RE'I NANG DU H'Um LAS HE RU KA RE RE BSKYENG NAS PHRENG BA 'DREN PA'I TSE LAG PA GA-YON PA'I MTHEB SRIN GYIS BGRANG ZHING MTHE BONG LCAGS KYU'I RNAM PAS HE RU KA LAS RANG 'DRA GNYIS PAR BKUG NAS RANG LA THIM PA'I MOS PA BYA'O GSUNGS, GNYIS PA BZLAS PA'I DMIGS PA NI, DAM TSIG GI BZLAS PA'AM ZHES SOGS TE, YAB YUM LA DAM TSIG GI BZLAS PA DANG, 'KHOR LA GONG BU'I BZLAS PA BYA BAR GSUNGS PAS DE'I TSUL NI, LHA SO SO'I THUGS

KAR NYI GDAN GYI STENG DU H'Um YIG SNGON PO, DE'I MTHAR YAB YUM GNYIS LA RANG RANG GI NYE SNYING NANG DANG SNYING PO PHYIR YOD PA, LHA MO BZHI LA RANG RANG GI SNYING PO STE DE RNAMS KYI KHA DOG RANG RANG GI SKU MDOG DANG MTSUNGS PA MDUN NAS GA-YON SKOR DU BSKOR BA GSAL GDAB, DE NAS YAB YUM GYI SNGAGS BZLA SKABS DBUS KYI H'Um YIG CHA LNGA PA'I THIG LE N'A DA DANG BCAS PA LAS GTZO BO YAB YUM, ZLA TSES LAS MKHA' 'GRO MA, HA'I MGO BO LAS GZUGS CAN MA, HA'I LUS LAS DUM SKYES MA, ZHABS KYU A'U LAS L'A MA STE 'KHOR LO'I LHA TSOGS DPAG TU MED PA SPRO BA'AM, H'Um YIG SNGAGS 'PHRENG DANG BCAS PA LAS 'OD ZER SPROS PA'I SNE MOR HE RU KA YAB YUM ZHAL SBYOR ZHAL PHYAG YONGS RDZOGS SAM ZHAL GCIG PHYAG GNYIS PA DPAG TU MED PA RTZA ZHAL GYI SHANGS BUG GA-YAS NAS SPROS TE, SKU'I 'OD ZER GYIS SNOD KYI 'JIG RTEN DANG, SBYOR MTSAMS NAS BABS BA'I BYANG SEMS DKAR DMAR GYIS BCUD KYI SEMS CAN GYI SDIG SGRIB NYES SKYON THAMS CAD SBYANGS NAS, SNOD THAMS CAD GZHAL YAS KHANG DANG, BCUD THAMS CAD HE RU KA YAB YUM DU BSGYUR, 'OD ZER LHA SKU DANG BCAS PA SLAR LOG NAS SHANGS BUG GA-YON NAS ZHUGS TE H'Um YIG LA THIM, YANG 'OD ZER SNGAR LTAR SPROS PA'I SNE MOR LHA MO MCHOD RDZAS THOGS PA SPROS PAS PHYOGS BCU'I RGYAL BA SRAS BCAS LA MCHOD PA PHUL, DE DAG GI SKU'I BYIN RLABS THAMS CAD HE RU KA'I RNAM PAR BSDUS NAS RANG GI SPYI BO DANG, GSUNG GI BYIN RLABS THAMS CAD

, ,SNGAGS KYI YIG 'BRU'I RNAM PAR BSDUS NAS MGRIN PA DANG, THUGS KYI BYIN RLABS THAMS CAD PHYAG MTSAN GYI RNAM PAR BSUS NAS SNYING GAR THIMS BAS RGYAL BA SRAS BCAS KYI GSANG GSUM GYI BYIN RLABS THAMS CAD RANG LA ZHUGS PAR BSAM PA NI DAM TSIG GI BZLAS DMIGS DANG, 'KHOR GYI SNGAGS RNAMS 'OD ZER GYI GONG BUR MOS LA BZLA BA NI, YI GE 'BAR BA LA SEMS BZUNG NA DNGOS GRUB MYUR BA L'A LI TAS GSUNGS PAS SEMS MA YENGS PAR GTAD NAS BZLA, DE DAG GI TSE HA CANG MYUR BU LA DANG, HA CANG GSAL MI GSAL DANG, RING THUNG GO LDOG PA DANG, GTAM GZHAN GYIS BAR CHOD PA DANG, SEMS GZHAN DU YENGS PA LA SOGS PA'I SKYON DANG BRAL ZHING SNGAGS GANG BZLA YANG GTZO BO'I ZHAL BZHI DANG 'KHOR RNAMS KYI ZHAL NAS SNGAGS KYI SGRA 'UR 'UR SGROG PAR MOS PAS DE SNYED KYI 'GYUR 'BYUNG BAR GSUNGS SO, ,BZLAS PA'I GRANGS NI, LAS RUNG TZAM LA GTZO BO YAB YUM GYI SNYING PO 'BUM PHRAG RE, NYE SNYING GNYIS CI 'GRUB, 'KHOR DANG YE SHES 'BEBS PA'I SNGAGS KHRI PHRAG RE, KHA SKONG ZHI BA'I SBYIN SREG CI 'GRUB BCAS YIN CING, YE SHES 'BEBS PA'I SNGAGS BSDUS PA LA MOS NA, AOm HR'I: HA HA H'Um H'Um PHAGS, AOm TITHTHA MA H'A KRO DHA AA BE sh'A YA H'Um ZHES ZLAS, CHOG PAR TSAD LDAN GYIS BSHAD PAS DE'I DMIGS PA NI, RANG GI THUGS KA'I H'Um YIG GI 'OD ZER DMAR PO LCAGS KYU LTA BUS, SANGS RGYAS DANG BYANG SEMS, DPA' BO DANG RNAL 'BYOR MA THAMS CAD 'KHOR LO BDE MCHOG GI LHA'I

RNAM PAR SPYAN DRANGS, RANG GI LUS LA CHAR CHEN PO BABS PA BZHIN DU BA SPU'I SGO THAMS CAD NAS ZHUGS SHING GNYIS SU MED PAR THIM PAR BSAM PA'O GSUNGS, GSUM PA BZLA BYA'I SNGAGS NI, AOm SHR'I BDZRA ZHES SOGS TE, AOm SNGAGS KYI MGO 'DREN, SHR'I DPAL, BDZRA RDO RJE, HE HE RU RU KA THOD KHRAG LA ROL PA, H'Um H'Um PHAGS THUGS RGYUD BSKUL BA, d'A KI N'I DZA LA SHA WA RI SV'A H'A MKHA' 'GRO MA'I TSOGS LHAN SKYES KYI BDE BA'I NGO BOR SNGOM PAR GZHI TSUGS, ZHES DANG, NYE SNYING YI GE BDUN PA LA BSGYUR RGYU MED KYANG, HR'I: LA SOGS PA LNGAS YE SHES LNGA MTSON, YUM GYI SNYING PO'I DON, RDO RJE RNAM PAR SNANG MDZAD MA LA ZHES DANG, NYE SNYING GI DON, SANGS RGYAS THAMS CAD KYI MKHA' 'GRO MA RDO RJE RAB BSNGAGS MA LA ZHES DANG, LHA MO BZHI'I SNGAGS NI, d'A KI N'I YE MKHA' 'GRO MA LA, KHAndA RO HE DU MA SKYES MA LA, R'U PI N'I YI GZUGS CAN MA LA STE SNGAGS DON DRAN PAR BYAS LA BZLA DGOS SO GSUNGS, BZHI PA BZLAS PA'I KHA SKONG NI, HE RU KA'I YIG BRGYA BZLAS ZHES PA STE, RIGS BDAG SO SO'I THUGS KA BZLA GDAN LA H'Um GI MTHAR HE RU KA'I YIG BRGYAS GA-YON SKOR DU BSKOR BA LAS BDUD RTZI'I RGYUN BABS SPYI BO NAS ZHUGS, CHAD LHAG SOGS LAS BYUNG BA'I NYES PA THAMS CAD DUD KHU LA SOGS PA'I RNAM PAR PHYIR DED NAS BKRUS PAR BSAM LA BZLAS TE LHAG CHAD BSKANG ZHING BYIN RLABS BRTAN BAR BYA'O, ,GNYIS PA GTOR MA JI LTAR BYA BA NI, 'OG NAS 'DAS PA DANG MA 'DAS PA'I

, ,GTOR MA'I RIM PA LA BRTZON PAS DAL BA DON LDAN DU BYA'O ZHES PAS BSTAN PA BDAG DGE SLONG 'JAM DBYANGS KYIS BDE GSAL DU RGYAS BSDUS GNYIS KA BSHAD YOD PA LTAR BYA STE, DE YANG, SNGOM 'BYUNG LAS, MYOS BYED GTOR MA MED PAR LAS, ,MYUR DU 'GRUB PAR MI 'GYUR RO, ,DES NA SNGON GYI SANGS RGYAS KYIS, ,GTOR MA'I RAB TU BSNGAGS PA GSUNGS, ,ZHES GSUNGS PA LTAR, PAn CHEN CHOS KYI RGYAL PO'I GZHUNG DU 'DAS PA DANG MA 'DAS PA'I GTOR MA 'BUL BA THUN MTSAMS KYI BYA BAR GSUNGS KYANG, 'DIR NYER BSDU MA BYAS GONG DU 'BUL BA RJE BLA MA'I DGONGS PA YIN PAS DE'I TSUL NI, GTOR MA DNGOS GRUB KYI RTZA BAR GSUNGS PAS RGYUN DU DANG LHAG PAR BSNYEN DUS SOGS SU RAB THUN THAMS CAD KYI MTHAR GTOR MA GRUB NA PHUN SUM TSOGS ZHING MA GRUB KYANG THUN THA MA'I RJES SU NGES PAR MA PHUL NA GSANG SNGAGS KYI BSLAB BYAR 'GAL BA'I NYES PAR 'GYUR BAS, 'DAS MA 'DAS KYI MCHOD PA DANG GTOR MA BYIN GYIS BRLABS LA, PHEEm; THUGS KA'I H'Um GI 'OD ZER GYIS, DUR KHROD BRGYAD NA GNAS PA'I PHYOGS SKYONG ZHING SKYONG KLU LA SOGS PA'I 'KHOR DANG BCAS PA'I HE RU KA LHA LNGA'I DKYIL 'KHOR MDUN GYI NAM MKHAR SPYAN DRANGS ,ZHES PA'I DMIGS PA NI, RANG HE RU KAR GSAL BA'I MDUN GYI NAM MKHAR GTOR MGRON HE RU KA LHA LNGA'I RTEN DANG BRTEN PA'I DKYIL 'KHOR SOGS SPYAN DRANGS PA BZHUGS PAR BSAM LA LJAGS BYIN GYIS BRLABS, DE

DANG MNYAM DU RANG GI SNYING GA'I H'Um YIG LAS LHA MO RO RDO RJE MA DMAR MO THOD PA 'DZIN PA DPAG MED SPROS PAS BYIN GYIS BRLABS PA'I GTOR MA NAS THOD PAS BCUS TE YUL BAS LJAGS 'OD ZER GYI SBU GUS DRANGS PAR BSAM LA, PAD SKOR SNGON DU 'GRO BA'I THOD PA'I PHYAG RGYA DANG BCAS TE, AOm BDZRA AA RA LI HO: DZA: H'Um BAm HO: ZHES PA NA, RDO RJE RIL BA SKU BZHI'I BDAG NYID, BDZRAd'A KI N+YA SA MA YA STVAm, TRI SHYA HO: ZHES PA, RDO RJE MKHA' 'GRO MA RNAMS DAM TSIG DGONGS LA DGYES PA BSKYED CIG, CES LAN DANG PO YAB, GNYIS PA YUM, GSUM PA 'KHOR TE LAN GSUM GYIS PHUL, AARGHAm NAS SHA PTA'I BAR GYIS MCHOD, YAB YUM GYI NYE SNYING DANG MKHA' 'GRO MA BZHI'I SNGAGS LA 'BRU GSUM BTAGS TE NANG MCHOD PHUL; RKANG BRGYAD BOD SKAD KYIS BSTOD, DE NAS SRID PA DANG MNYAM ZHES SOGS KYI DON NI, SRID PA 'JIG RTEN PA DANG ZHI BA MYANG 'DAS GNYIS STONG NYID KYI NGANG DU MNYAM PA DANG, SNYING RJES ZHI LA MI GNAS SHING, SHES PAS SRID LA MI GNAS PA, ,ZHES PA LTAR GYI SNYING RJE CHEN POS ZHI BA'I MTHAR CHAGS PA 'JOMS SHING SHES RAB CHEN POS SRID PA'I KUN RTOG THAMS CAD ' JOMS PA, KHYOD NI BZUNG BA'I YUL GYI DNGOS PO'AM CHOS THAMS CAD RANG BZHIN GYIS MA GRUB PA NAM MKHA' LTAR GZIGS PA, MGON PO KHYOD KYI SHIN TU BRTZE BA LCI BA'I THUGS KYI CHU STE SNYING RJE CHEN POS BDAG GI RGYUD BRLAN DANG LDAN PAR MDZOD CIG, DE BZHIN DU LHA MO RNAMS KYIS KYANG BDAG LA SHIN TU RJES SU BRTZE BA'I SGO NAS LAM SGRUB

, ,PA'I GROGS MDZOD, CES 'DOD DON LA GSOL BA GDAB, DE NAS, LHA KLU GNOD SBYIN DRI ZA LHA MA YIN NAM MKHA'I LDING MI 'AM CI LTO PHYE CHEN PO STE DE RNAMS DUR KHYOD KYI PHYI'I PHYOGS MTSAMS BRGYAD DU GNAS LA STOD SMAD NAS RIM GYIS 'OD DU ZHU STE SKAD CIG GIS 'OD GSAL DU BCUG PA BDE MCHOG YAB YUM ZHAL GCIG PHYAG GNYIS PA'I SKUR BZHENGS PA LA RDO RJE MAS GTOR MA 'BUL BA SOGS GONG BZHIN BYA, GTOR SNGAGS NI, AOm RDO RJE GSUM, KHA KHA ZO ZO, KH'A HI KH'A HI ZO SHIG ZO SHIG, SARBA YAshKA GNOD SBYIN THAMS CAD, THAMS CAD CES PA 'DI THOG MA'I GSAL BYED YIN PAS 'OG MA BDUN LA'ANG RIGS 'GRE, RAshKAS SRIN PO, BH'U TA 'BYUNG PO, PRE TA YI DVAGS, PI SH'A TZA SHA ZA; AUMNAD SMYO BYED, AA PASM'A RA BRJED BYED, BDZRA d'A KI RDO RJE 'KHA' 'GRO, d'A KI N+YA DAM MKHA' 'GRO MA, AI MAm BA LIm GRI HAn NTU GTOR MA 'DI ZUNGS, SA MA YAR KshA NTU DAm TSIG SRUNGS, MA MA SARBA SIDDHE MAME PRA YATZTSANTU BDAG LA DNGOS GRUB THAMS CAD RAB TU STZOL CIG, YA THE BAm TSUL JI BZHIN DU, YA THEshtAm JI LTAR, BHU DZA THA 'DOD PAR GSOL, PI P'A THA 'THUNGS SHIG, DZI GHRA THA SNOMS SHIG, M'A TI KRA MA THA BLO'I RIM PAS, MA MA SRBA KA RTA YA BDAG GI BYA BA THAMS CAD, SAD SU KHAm BI SHUDDHA YE RNAM PAR DAG PA'I BDE BA DAm PA'I, SA HA YI KA BHA BNTU GROGS MDZOD LA DNGOS GRUB STZOL, CES PA LAN GNYIS KYIS SDE BRGYAD GTZO BO DANG 'KHOR LA PHYOGS GA-YON SKOR DANG MTSAMS GA-YAS SKOR DU 'BUL,

AGHAm ZHES SOGS PHYI MCHOD DANG, PHYOGS SKYONG ZHING SKYONG KLU LA SOGS PA RNAMS KYI ZHAL DU AOm A'A: H'Um GIS NANG MCHOD PHUL, DE NAS, BSTAN PA SRUNG DANG ZHES SOGS KYIS 'PHRIN LAS BCOL BAS ZHAL GYIS BZHES PAR BSAM LA; AOm BDZRA MU: ZHES BRJOD PA DANG MNYAM DU LAG PA GA-YON PA'I RGYAB BSTAN NAS MTHEB SRIN GYIS SE GOL GSUM GTOGS LA 'JIG RTEN PA'I MGRON RNAMS RANG GNAS SU GSHEGS, AOm YO GA SHU DDHA ZHES SOGS BRJOD NAS 'DAS PA'I GTOR MGRON RTEN BRTEN PA RNAMS RANG LA THIM PAR BSAM, GTOR 'BUL MDOR BSDUS BYED NA YANG DES RIGS 'DRE'O, ,GSUM PA NYER BSDU JI LTAR BYA BA NI, NYER BSDU BYAS TE ZHES PAS BSTAN TE DE YANG BDE GSAL DU BSHAD BA LTAR, THUGS KA'I H'Um GI ZHES SOGS BRJOD LA, RANG GI THUGS KA'I H'Um YIG LAS 'OD ZER DMAR PO DPAG TU MED PA 'PHROS PAS SNOD BCUD KYI SKYON SBYANGS, SNOD KYI 'JIG RTEN 'OD DU ZHU NAS RTEN GZHAL YAS KHANG LA THIMS, BCUD KYI SEMS CAN 'OD DU ZHU NAS BRTEN PA LHA LA THIMS, DUR KHROD SRUNG 'KHOR GZHAL YAS KHANG DANG BCAS PA 'OD DU ZHU NAS 'KHOR RNAMS LA THIMS, 'KHOR RNAMS KYANG SHAR LHO'I THOD BUm SHAR GYI MKHA' 'GRO MA LA THIMS, DE 'OD DU ZHU NAS GTZO BO'I RTZA ZHAL LA THIMS, DE BZHIN DU BYANG SHAR DANG BYANG GA-YON ZHAL, NUB BYANG DANG NUB RGYAB ZHAL, LHO NUB DANG LHO GA-YAS ZHAL TE RIM BZHIN 'OD DU ZHU NAS ZHAL BZHI LA THIMS, RANG YAB YUM SKU'I

, ,STOD SMAD NAS RIM BZHIN 'OD DU ZHU NAS SNYING GA'I H'Um LA THIMS, H'Um YIG YONGS SU GYUR PA LAS RANG NYID HE RU KA ZHAL GCIG PHYAG GNYIS PA'I SKUR GYUR PA'I SPYI BOR ZLA BA LA AOm DKAR PO, MGRIN PAR PADMA LA AA: DMAR PO, THUGS KAR NYI MA LA H'Um SNGON POS MTSAN PAR GYUR PAR BSAM, JI LTAR BYAS PA'I DGOS PA NI, RDZOGS RIM GYI SKABS SU RLUNG THAMS CAD BSGOMS STOBS KYIS SNYING GA'I MI SHIGS PA'I THIG LE LA THIMS PAS, DPE DON GYI 'OD GSAL 'CHAR BA DANG, DE LAS DAG MA DAG GI SGYU MA'I SKU GNYIS 'GRUB PA'I DGE RTZA SMIN BYED DU 'GYUR RO GSUNGS, BZHI PA BSNGO SMON JI LTAR BYA BA NI, SRID PA GSUM 'BAR ZHES SOGS SHO LO KA GSUM GYI DON NI; SKU LAS YE SHES KYI ME 'OD RAB TU 'BAR BA'I SA 'OG SA STENG SA BLA STE SRID PA GSUM DU 'OD ZER 'BAR BA'I SKU NI YUM RDO RJE PHAG MO LA 'KHYUD PA STE RJES SU CHAGS PA, SPYAN DKYUS RING BA'I DUL BA'I NYAMS DANG LDAN PA, SKU MDOG MTHING GA LAS 'OD ZER SNGON PO STONG PHRAG DU MA 'PHRO BAS NYI MA BRGYA STONG DUS GCIG TU SHAR BA'I GZI BRJID DANG LDAN PA, SKU'I RNAM PA DANG CHA LUGS GCIG TU MA NGES PA GANG LA GANG GIS 'DUL BA'I SPRUL PA'I BKOD PA MANG PO SEMS CAN LA THUGS BRTZE BA'I RJES SU CHAGS PA'I DBANG GIS DUS GCIG TU STON PA, BDE STONG GNYIS SU MED PA'I YE SHES THUGS RGYUD LA MNGA' BA'I PHYI RTAGS 'JIGS DUS ZHABS 'OG TU MNAN PA'I SEMS DPA'

DANG LDAN PA, DE LTA BU'I HE RU KA'I THUGS BDE STONG GNYIS SU MED PA'I YE SHES DE DANG RANG NYID MA 'ONGS PA NA LHAN CIG GAR BYED PAR SHOG ,CES DANG, STONG NYID MI BSLU BAR RTOGS PAS NA LHA MO TSAD MA, RDO RJE 'CHANG GI BKA' LAS MI 'DA' BAS NA DAM TSIG TSAD MA, DE'I BRJOD PA DRANG SRONG GI BDEN TSIG LTAR GRUB PAS NA GSUNG YANG MCHOG TU TSAD MA STE, BDEN PA DE DAG DANG LDAN PA'I LHA MO RNAMS KYIS BDAG CAG TSE RABS THAMS CAD DU BRTZE BA CHEN POS RJES SU 'DZIN PA'I RGYUR GONG GI MCHOD BSTOD BZLAS PA SOGS BYAS PA'I DGE RTZA RNAMS GYUR CIG ,CES BSNGO BA DANG, SEMS CAN KUN GYI ZHES PA NAS, DGOD PAR BGYI, ZHES PA'I BAR SMON LAM STE, DE LTA BU'I BSNGO SMON BYA ZHING BDAG BSKYED RKYANG BA'I SKABS NYIN MO BDE LEGS SOGS KYI SHES PA BRJOD PAR GSUNGS SO, ,GNYIS PA THUN MTSAMS SU JI LTAR BYA BA NI, THUN MTSAMS SU YANG ZHES SOGS TE, RANG HE RU KA'I NGA RGYAL DANG MA BRAL BA'I NGANG NAS, MTHONG THOS LA SOGS PA'I SNOD BCUD THAMS CAD 'KHOR LO BDE MCHOG GI RTEN DANG BRTEN PAR LTA BA'I TSANGS SPYOD LA GNAS PA DANG, BLA MA SANGS RGYAS BYANG SEMS SOGS KYI SKU GZUGS MTHONG BA NA 'KHOR LO SDOM PAR MOS NAS RKANG BRGYAD KYIS BSTOD CING PHYAG BYA BA DANG, KHAMS GSUM KYI 'KHOR LO THAMS CAD BDE BA'I MCHOG LHAN SKYES KYI BDE STONG GI NGO BO DANG DBYER MED PAR SDOM PA LA GNAS NAS BDE STONG GI TING NGE 'DZIN RGYAS PHYIR DU 'DOD PA'I

, ,YON TAN SPYI DANG BYE BRAG TU DNGOS SAM BSGOMS PA'I PHYAG RGYA'I GZUGS LA SOGS PA'I 'DOD YON LA SENG GE BZHIN DU 'JIGS PA MED PAR LONGS SPYAD PAR BYA STE, DES NI LUS RGYAS PAS BDE BA'I RTEN RGYAS PAR 'GYUR LA, DE LAS NI BDE BA CHEN PO DANG, DE LAS NI THUN MONG MA YIN PA'I TING NGE 'DZIN RGYAS PAR 'GYUR RO, ,DE LTAR DPAL HE RU KA'I GO 'PHANG GI TING NGE 'DZIN LA GNAS PAS LUS KYI SGUL BSKYOD DANG NGAG GI SMRA BRJOD BTANG SNYOMS PA RNAMS KYIS KYANG PHYAG RGYA BCINGS PA DANG SNGAGS BZLAS PA DANG 'DRA BA'I TSOGS RDZOGS PAR BYED DE, KUN SPYOD LAS, SHRI HE RU KA'I GO 'PHANG GNAS, ,YAN LAG GIS NI BSKYED PA DANG, ,TSIG GI RAB 'BYAMS JI SNYED PA, ,DE SNYED PHYAG RGYA GSANG SNGAGS YIN, ,ZHES GSUNGS PAS, THUN MTSAMS KYI TING NGE 'DZIN RNAMS KYI GTZO BO 'DI LEGS PAR GOMS NA DBANG POS YUL LNGA LA DNGOS SU LONGS SPYOD PA'I TSE BDE STONG GI TING NGE 'DZIN MNGON DU 'GYUR BAS; BDE CHEN GYI MI MTHUN PHYOGS KYI THA MAL GYI YID BYED SNGOM PAS NA LAM 'DI'I LUGS KYI DBANG PO'I SGO SDOM PA'I TSUL KHRIMS MCHOG TU GSUNGS SHING, GZHAN YANG BSOD NAMS KYI TSOGS BDE BLAG TU RDZOGS PA DANG; RDZOGS RIM GYI RTOGS PA MCHOG RNAMS SKYE BA'I DGE RTZA SMIN BYED DU 'GYUR BA SOGS PHAN YON MTHA' YAS PAR GSUNGS SO, ,NYAL BA'I TSE, GZHAN NYER BSDU LTAR LA H'Um YIG 'OG NAS RIM GYIS N'A DA'I BAR DU THIMS, N'A DA YANG

MI DMIGS PAR BDE STONG DU BYAR MED KYI CHOS SKUR GYUR PAR BSAM LA NYAL LO, ,DE NAS NAM GYI SUM CHAR BYA SLEBS PA SOGS THO RANGS KYI DUS SU RDO RJE PHAG MO LA SOGS PA'I RNAL 'BYOR MA RNAMS KYIS d'A MA RU'I SGRA DANG GLUS BSKUL TE SAD PA'I MOS PA BYAS LA 'OD GSAL LAS GZUGS SKUR BZHENGS TE THUGS KA'I 'OD ZER GYIS SPYAN DRANGS PA'I LHA MO KHRUS BUM THOGS PA RNAMS KYIS DBANG BSKUR BAS NAD GDON SDIG SGRIB DAG NAS BDE STONG SKYES PAR BSAM LA KHA LAG BKRU, BZA' BTUNG NANG MCHOD LTAR BYIN GYIS BRLABS NAS SNYING GA'I H'Um YIG LHA THAMS CAD 'DUS PA'I NGO BOR MCHOD PAS BDE BA CHEN POS TSIMS PAR BSAM STE LONGS SPYOD PA NI, BDEN BZHI LAS, GANG ZHIG CUNG ZAD BZA' BTUNG RNAMS, ,BSNGO BA BYAS TE BZA' BAR BYA, ,'DI LTAR SPYOD PA'I RNAL 'BYOR PA, BU LON DU YANG MI 'GYUR RO, ,ZHES PA LTAR DANG, 'DAS MA 'DAS KYI GTOR MA'I RIM PA GONG DU BSHAD ZIN NO, ,DE LTA BU'I SPYOD LAM THAMS CAD RANG GA BA MA YIN PAR DAG PA'I SNANG ZHEN LA BSLAB DGOS SHING, DE'I PHYIR MKHAS MCHOG DPA' BOS, RGYUN MI 'CHAD PA'I RNAL 'BYOR GYIS, ,BSAM GTAN BSGRUB LA BRTZON PAR BYA, ,ZHES GSUNGS PA LTAR, BSKYED RIM GYI NGA RGYAL DANG GSAL SNANG LA DGE MI DGE LUNG MA BSTAN GYI GA-YENG BA BZHAN GYIS BAR MCHOD PA CHU BO'I RGYUN BZHIN DU 'BAD DGOS LA, DES NA BSKYED RIM BSGOM PA'I YUN TSAD LO GCIG LAS RING BAR MA GSUNGS BAS HA CANG MI RING

, ,PHAR MTHAR PHYIN PAR 'GYUR RO, ,DE LTAR BSGOMS PA'I PHAN YON NI, ,RIM LNGA GSAL SGRON LAS, DAM TSIG DANG SDOM PA DAG PAR BYED CING BLA MA LA GUS PA, LHAG PA'I LHA'I BSKYED RIM YI DAM DU BSGOMS PA'I GUS PA SHUGS DRAG PA RNAMS LA RANG RANG GI LHAG PA'I LHAS 'CHI BA'I TSE RJES SU 'DZIN PA NI MTHONG CHOS KYI PHAN YON NO ZHES GSUNGS SHING, GZHAN YANG BGEGS KYI BAR CHAD KYIS MI TSUGS PA DANG, TSOGS MYUR DU RDZOGS PA DANG THA MAL GYI SNANG ZHEN SBYONG BA DANG, YI DAM GYI LHAS RGYUD BYIN GYIS RLOB PA SOGS KYANG YIN NO, ,BYE BRAG TU BDE MCHOG GI RGYUD DANG GRUB CHEN GYIS BSHAD TSUL NI, GONG DU BSHAD PA LTAR THUN BZHIR BSKYED RIM BSGOMS PAS SKYE SHI BAR DO GSUM SKU GSUM DU 'KHYER BA'I RDZOGS RIM GYI RTOGS PA YONGS RDZOGS SKYE BA'I RGYUD SMIN CING, BSKYED RIM GYI SKABS NAS RTZA RLUNG THIG LE LA GNANG DU BSNUN PAS RDZOGS RIM KHYAD PAR CAN MTSAN NYID TSANG BAR MYUR DU SKYES NAS SNYIGS DUS KYI TSE THUNG 'DI NYID LA DE GZHIN GSHEGS PA'I SA DPAL HE RU KA'I GO 'PHANG THOB PA DANG, TSE 'DIR MA THOB KYANG SKYE BA BRGYAD NAS 'THOB STE, DE YANG THEG PA MCHOG GI RIGS SU SKYE BA DANG, CHOS 'DI SPYOD PA'I CHOS LDAN GYI RGYAL POR 'GYUR BA DANG, SNGON BSAGS KYI SDIG SGRIB DAG PA DANG, LAM 'DI LTA BSAM GTAN BGYIS PA TZAM DANG, GLEGS BAm KLOG PA DANG, KHA BTON DU 'DON PA DANG, RGYUD KYI GLEGS BAm BRIS

PAS KYANG MTHO RIS KYI DPAL SPYI DANG, KHYAD PAR 'KHOR LOS BSGYUR BA'I RGYAL SRID 'THOB PAR GSUNGS SO, ,GAL TE LE LO CAN 'DU 'DZI'I GA-YENG BAS MA GRUB KYANG LAm 'DI NYID NYAMS SU LEN PA'I RNAL 'BYOR PA DANG RNAL 'BYOR MA RNAMS 'JIG RTEN PHA ROL DU 'GRO BA'I TSE BU PHA'I KHANG KHYIM BZANG POR 'GRO BA LTAR CHOS 'DI SPYOD PA'I RIGS CAN NAS CHOS 'DI SPYOD PA'I RIGS CAN GZHAN DU 'GRO BA'I BAR DER NGAL GSO BA TZAM LA 'CHI BA ZHES THA SNYAD BTAGS PA MA GTOGS, 'GYOD PA DANG 'JIGS SKRAG DANG BCAS PA'I 'CHI BA RNAM YANG MI 'BYUNG BA DANG, DE'I TSE YANG BLA MA DPAL HE RU KA DANG RJE BTZUN MA PHAG MO LA SOGS PA DPA' BO DANG RNAL 'BYOR MA RNAMS KYIS LAG NA ME TOG DANG BDUG SPOS DANG, RGYAL MTSAN DANG GDUGS SNA TSOGS PA DANG SIL SNYAN LA SOGS PA'I ROL MO SNA TSOGS PA DANG, YID DU 'ONG BA'I RDO RJE'I GLU DANG BCAS TE BSUS NAS SGRUB PA PO SENGA'I GE'I KHRI LA BZHAG, 'JA' 'OD KYI GUR PHUB ME TOG SNA TSOGS KYI CHAR 'BEBS BZHIN PAS PHYI'I GNAS DAG PA MKHA' SPYOD DU 'KHRID PA DANG, NANG GI MKHA' SPYOD 'CHI BA 'OD GSAL LAM GYI NGO BOR BSGYUR TE, RTEN DE LA ZUNG 'JUG HE RU KA'I GO 'PHANG MNGON DU BYED PAR GSUNGS, DES NA RJE BDAG NYID CHEN POS, PHAN YON DE RNAMS MNGON DU BYED NUS PA'I RNAL 'BYOR PA DANG RNAL 'BYOR PA DANG RNAL 'BYOR MA NI SA STENG NA SHIN, TU KON PAR GSUNGS PAS, 'DI 'DRA BA' RNYED DKA' BA'I LAM LA NYAMS LEN BYAS

, ,YOD PA'I DUS SU NI SHIN TU RNYED DKA' BAR SHES PAR GYIS LA LAM 'DI LA THOS BSAM SGOM PA LA 'BAD PAR BYAS TE DAM PA'I RTEN LA SNYING PO BLANG BAR BYA'O, ,ZHES GSUNGS SO, ,SMRAS PA, GRANGS MED GSUM LA MI LTOS SNYIGS DUS KYI, ,TSE THUNG GCIG LA SKU GSUM MCHOG STER BA, ,RNAL 'BYOR MA RGYUD BYE BA BCU DRUG GI, SNYING PO'I MTHAR THUG 'KHOR LO SDOM PA'I RGYUD, ,GSAL MDZAD GRUB DBANG DRIL BU PA YI LUGS, ,BLO BZANG GRAGS DANG DHA RMA BDZRA DANG, ,CHOS KYI RGYAL MTSAN GZHUNG BZANG LA BRTEN NAS, ,RIM PA DANG PO'I LAM LA SLOB TSUL 'DI, ,SNYIGS DUS 'GRO BA'I MIG GCIG BDAG GI MGON, ,RJE BTZUN CHEN PO DHA RMA BHA DRA'I ZHABS, ,SPYI BOS BTUD NAS GANG GI BKA' BSHAD KYI, ,CHA SHAS TZAM ZHIG RANG GI DRAN THOR BKOD, ,'DI LA NONGS GANG DAM PA'I SPYAN SNGAR BSHAGS, ,LEGS TSOGS CI MCHIS SKYABS MGON BLA MA RJE, ,RDO RJE LHUN PO'I MCHED ZLAR ZHABS BRTAN CING; ;THUB BSTAN PHYOGS BCUR RGYAS PA'I SGYUR GYUR CIG ,CES PA 'DI NI RIGS DANG DKYIL 'KHOR KUN GYI KHYAB BDAG RDO RJE 'CHANG RJE BTZUN DHA RMA BHA DRA DPAL BZANG POS SHING LUG HOR ZLA GSUM PA'I NANG DU CHOS 'DI'I ZAB KHRING SKU DRIN BSKYANGS SKABS, ~ MGON PO GANG GI BKA' 'BANGS KYI THA SHAL DGE SLONG DON GRUB RGYAL MTSAN GYIS ZIN BRIS SU BGYIS PA'O, ,MANGGA LAm,, ,,SLAR YANG RAB CHOS SNA TSOGS KYI LOR NGES DON SKYES

KHYU MCHOG LAS LUNG BLA MA RIN PO CHE DGE SLONG TSUL KHRIMS RGYAL MTSAN MCHOG DANG, PHYAG MDZOD BSTAN 'DZIN TSUL KHRIMS ZUNG NAS RGYU YON SBYAR TE PAR BRKO BYA SKABS TSIG DON LA ZHUS DAG DANG GSAR SNON SOGS GANG 'OS BYED DGOS TSUL GSUNG BA DANG, ZIN BRIS 'DI'I BZHUGS BYAD SNGAR YOD DU YANG 'DI SKABS PHRAN NA PHRA ZHING THOS NYUNG SBYANGS BAS DBEN GSHIS NOR PA SHIN TU MANG ZHING, RJE BLA MA'I SPYAN LAM DU LAN CIG GZIGS 'BEB ZHUS KYANG ZHUS DAG GTAN KHE LA MA BYUNG TSUL GSAL 'DUG PA LTAR, THOG MTHA' BAR GSUM DU NOR BA SOGS 'CHOS DGOS MANG DU 'DUG PA RNAMS, DBYANGS CAN GRUB PA'I RDO RJES BSKUL BA PO'I BZHED CHA SGRUB PA DANG; LAM 'DI THUGS NYAMS SU BZHES PA RNAMS LA YANG PHAN THOGS PHRAN BU 'BYUNG RES, RJE BTZUN BLA MA MCHOG GI GSUNG BLO YUL DU GANG NGES THOG ,'DI SKOR GYI GZHUNG MANG POR YANG KHOGS PAR BRTAGS SHING DPYAD NAS GSAR SNON DANG BCOS BSGYUR RE MANG BYAS PA LAGS SO,, ,,*, ,AOm SVA STI, RNAL 'BYOR MA RGYUD BYE BA BCU DRUG GI, NANG NAS RGYAL MTSAN TOG LTAR CHES MTHO BA'I, ,'KHOR LO SDOM PA'I RTZA BSHAD ZAB DON KUN, ,GCIG BSDUS GRUB MCHOG DRIL BU ZHABS KYI LUGS, ,GANG DE'I RIM PA DANG PO'I LAM BZANG LA, ,SLOB TSUL RGYAL BA GNYIS PA'I DGONGS PA LTAR, ,THAM CAD MKHYEN PA DHA RMA BHA DRA YIS, ,LHUG PAR STZAL

,,BA'I RMAD BYUNG LEGS BSHAD 'DI, ,GONG GSAL DAM PA'I SKYES BU RNAM GNYIS KYIS, ,SKAL BZANG 'GRO RNAMS GDAMS PA'I GRU GZINGS 'DIS, ,SKU GSUM RIN GLING BDE BLAG BGROD PA'I PHYIR CHOS SBYIN 'DZAD MED 'PHRUL CHEN PAR DU BSGRUBS, DE LAS THOB PA'I RNAM DKAR NYI 'OD KYIS, ,YID CAN BLO YI MUN PA KUN BSAL TE, ,NYAMS RTOGS PADMO BZHED PA'I 'PHRENG BA YIS, ,SNYING GI 'DZIN MA YONGS SU GANG BAR SHOG ,KHYAD PAR RGYUD SBYOR SBYIN PA'I BDAG PO ZUNG, ,MDO RGYUD YANG SNYING LAM BZANG 'DI NYID LA, ,BRTEN NAS TSE 'DI'I SNANG BA 'GAGS MA THAG, MKHA' SPYOD DAG PA'I ZHING DU BGROD PAR SHOG ,CES PA 'DI YANG DBYANGS CAN GRUB PA'I RDO RJES BRIS PA DGE LEGS 'PHEL, , , ,