*, ,BLA MA LNGA BCU PA'I ZIN BRIS 'DOD RGU'I BUM BZANG ZHES BYA BA BZHUGS SO,,
, ,BLA MA LNGA BCU PA'I ZIN BRIS 'DOD RGU'I BUM BZANG ZHES BYA BA, RJE BTZUN BLA MA DAM PA DMIGS PA MED PA'I THUGS RJE CHEN PO DANG LDAN BA'I ZHABS KYI PADMA LA GUS PA CHEN POS PHYAG 'TSAL LO, ,BRTZE BA CHEN POS SKYE 'PHRENG THAMS CAD DU RJES SU BZUNG DU GSOL, JI SKAD DU RJE BDAG NYID CHEN POS, MTHUN MONG LAM SBYANGS SNOD DU GYUR PA NA, ,THEG PA KUN GYI MCHOG GYUR RDO RJE THEG ,SKAL BZANG SKYE BO'I 'JUG NGOGS DAM PA DER, ,BDE BLAG NYID DU 'JUG PAR BYIN GYIS RLOBS, ,ZHES GSUNGS PA LTAR, LAM MTHUN MONG BAS RGYUD SBYANGS NAS MYUR LAM RDO RJE THEG PA LA NGES PAR 'JUG DGOS LA, DE'I 'JUG SGO NI DBANG THOB PA KHO NAR NGES SHING, DE LA SLOB DPON MTSAN NYID DANG LDAN PA'AM YON TAN SHAS CHE BA BTZAL NAS BLA MA LNGA
, ,BCU PA NYAN BSHAD BYAS TE BSHES GNYEN DAM PA TSUL BZHIN DU BSTEN DGOS TE, MCHOG DANG MTHUN MONG GI DNGOS GRUB THAMS CAD KYI RTZA BA BLA MA TSUL BZHIN DU BSTEN PA LA RAG LAS PAS SO, ,DES NA BLA MA LNGA BCU PA 'DI NYID 'CHAD PA LA, RJE BDAG NYID CHEN POS LO CHEN RIN CHEN BZANG PO'I 'GYUR LA GZHI MDZAD, GO DKA' BA RNAMS CHAG LO TZ'A BA'I 'GYUR LAS LEGS CHA BTUS TE LEGS BSHAD SLOB MA'I RE BA KUN SKONG MDZAD PA NYID GZHIR BYAS NAS MDOR BSDUS TE 'CHAD PA LA BZHI, MTSAN GYI DON, 'GYUR GYI PHYAG, GZHUNG GI DON, MJUG GI DON NO, ,DANG PO NI, RGYA GAR SKAD DU, ZHES SOGS TE, GU RU BLA MA, PANYTZA LNGA, SHI KA BCU STE, BOD SKAD DU BLA MA LNGA BCU PA, ZHES BRJOD BYA BLA MA BSTEN TSUL STON PA'I GZHUNG 'DI LA RJOD
BYED SHO LO KA LNGA BCU YOD PAS SO, ,GNYIS PA 'GYUR GYI PHYAG NI, DPAL RDO RJE SEMS DPA' LA PHYAG 'TSAL LO ZHES PA STE, LO TZ'A BAS BSTAN BCOS BSGYUR BA'I THOG MAR LHAG PA'I LHA LA PHYAG MDZAD PA'O, , GSUM PA GZHUNG GI DON LA GSUM, BSHAD PA LA 'JUG PA'I BYA BA, BSHAD PA NYID NYE BAR DGOD PA, BSHAD PA MTHAR PHYIN PA'I BYA BA'O, ,DANG PO LA GNYIS, MCHOD PAR BRJOD PA DANG, BRTZAM PAR DAM 'CHA' BA'O, , DANG PO NI, DPAL LDAN ZHES PA NAS, BTUD BYAS TE, ZHES PA'I BAR TE, DKYIL 'KHOR THAMS CAD LA KHYAB PA'I KHYAB BDAG RDO RJE SEMS DPA' STE, DE YANG SHRI ZHES PA BDE STONG GNYIS SU MED PA'I YE SHES KYI DPAL DANG LDAN PA'I ZUNG 'JUG NI NGES DON GYI RDO RJE DANG, DE NYID GZUGS SKU'I RNAM PAR SHAR BAS NA SEMS DPA'O, ,YANG NA RDO RJE CHOS SKU DANG SEMS DPA' GZUGS SKU STE DE'I GO 'PHANG THOB PA'I RTZA BA'I RGYU NI BLA MA STE DE'I SKU'I CHA DMA' SHOS ZHABS NI PADMA'I GZUGS SU BKOD NAS SHIN TU GUS PA'I TSUL GYIS SO, ,JI BZHIN NI MDO RGYUD NAS BSHAD PA LTAR TE LUS GRANGS MED PA DANG, NGAG GIS BSTOD
, ,PA'I TSIG DANG, YID DAD GUS CHEN PO DANG BCAS PAS SO, ,TE ZHES PA NI LHAG BCAS KYI SGRA'O, ,GNYIS PA BRTZAM PAR DAM 'CHA' BA NI, DE BSTEN PA NI, ZHES SOGS TE BTUD PA'I RJES SU BLA MA BSTEN PA'I TSUL BSHAD PAR BYA ZHES SO, ,DE YANG RANG BZO MA YIN PAR GSANG BA 'DUS PA, SGYU 'PHRUL DRA BA, BRTAG PA GNYIS PA, DPAL MCHOG DANG PO SOGS DRI MA MED PA'I RGYUD MANG PO LAS GSUNGS LA, DE LTAR NA 'ANG DE DAG GZHUNG RGYA CHE BA DANG GO RIMS 'KHRUGS PA DANG, KHA 'THOR BA DANG, MI GSAL BAR BZHUGS PAS SHIN TU RTOGS DKA' BAS NA TSIG NYUNG DUR BSDUS; GO RIMS SDEBS, KHA 'THOR BA DRIL, MI GSAL BA GSAL BAR BYAS TE SHIN TU RTOGS SLA BA'I PHYIR MDOR BSDUS TE BSTAN PAS NA DGOS PA MED PA MA YIN ZHING DRIN SHIN TU CHE BAS 'PHRAL MKHO TZAM DU MA ZAD DRIN BZO BA'I PHYIR YANG NYAN BSHAD BYA RIGS PAS NA GUS PA CHEN POS MNYAN PAR GYIS SHIG CES NYAN PAR GDAMS PA'O, ,GNYIS PA BSHAD PA NYID NYE BAR DGOD PA LA GSUM,
BLA MA BSTEN PA'I TSUL, BSTEN TSUL BSHAD PA'I DUS, BSHAD NAS SNOD RUNG DU JI LTAR BYA BA'O, ,DANG PO LA GSUM, BSTEN TSUL SPYIR BSTAN PA, DE'I DMIGS BSAL, BSTAN TSUL GYI DON BSDU BA'O, ,DANG PO LA GNYIS, DNGOS KYI DON DANG, ZHAR BYUNG GI DON NO, ,DANG PO LA GNYIS, BLA MA BSTEN TSUL MDOR BSTAN PA DANG, BLA MA BSTEN TSUL RGYAS PAR BSHAD PA'O, ,DANG PO LA GSUM, BLA MA LA GUS PAR BYA BA'I 'THAD PA, GUS PA SGRUB PA'I TSUL, GUS PA'I YUL DANG RTEN BRTAG PA'O, ,DANG PO NI, DBANG BSKUR MCHOG THOB CES SOGS TSIG RKANG BZHI STE, DBANG LA SMIN BYED DANG, GROL BYED DANG, 'BRAS BU'I DBANG GSUM LAS 'DI DANG PO YIN LA MCHOG CES PA RGYUD SDE NAS BSHAD PA JI LTA BA BZHIN BSKUR TSUL SHES NAS RDO RJE THEG PA'I LAM MA NOR BAR STON PA'I SLOB DPON DE LA PHYOGS BCU'I 'JIG RTEN NA BZHUGS PA'I SANGS RGYAS RNAMS KYIS SNGAR SLOB DPON DU GYUR BA'I DRIN BZO BA'I PHYIR DUS GSUM DU PHYAG 'TSAL BA'AM, YANG NA DE BZHIN GSHEGS PA THAMS CAD BLA MA SO SKYE DBANG TSUL BZHIN DU BSKUR BA LA SNGAR GYI SLOB DPON MIN YANG PHYAG 'TSAL BA STE, MDOR NA BYANG SEMS CHOS STON PA'I SHING RTA 'DREN PA PO MED NA DE BZHIN GSHEGS PA'I DBU LA YANG BSKUR BA 'OS PAR BSHAD PA NGANG GUNG BSGRIGS NA SEMS CAN LA PHAN GDAGS PA SANGS RGYAS KYI MDZAD PA YIN PA'I PHYIR PHYAG MDZAD DO, ,SANGS RGYAS RNAMS KYANG PHYAG MDZAD NA DE LAS GZHAN
, ,PA'I RANG CAG GIS LTA CI SMOS ZHES SHIN TU GUS PAR BYA DGOS PA'I RGYU MTSAN BSTAN PA'O, ,GNYIS PA GUS PA BSGRUB PA'I TSUL LA GNYIS, BSNYEN BKUR BYA BA'I TSUL SPYIR BSTAN PA DANG, DMIGS KYIS BSAL BA'O; ;DANG PO NI, MCHOG TU DANG PAS ZHES SOGS BZHI STE, CHAG 'GYUR LAS, DKYIL 'KHOR ME TOG THAL SBYAR DANG, ,ZHABS LA SPYI BOS PHYAG 'TSAL BAS, ,STON PA BLA MA BSNYEN BKUR BYA, ,ZHES 'BYUNG BA 'GYUR LEGS PAR GSUNGS TE, SNGA DRO LA SOGS PA'I NYIN LAN GSUM DANG MTSAN LAN GSUM STE DUS DRUG TU DAD GUS CHEN POS ME TOG GI TSOM BU DANG BCAS PA'I MAndAL PHUL LA THAL MO SBYAR TE PHYAG DANG BSNYEN BKUR BYA BAR BSTAN TO, ,GNYIS PA DMIGS KYIS BSAL BA NI, KHYIM PA'AM NI ZHES SOGS BRGYAD DE, RANG RAB TU BYUNG ZHING SLOB DPON KHYIM PA'AM, RANG BSNYEN PAR RDZOGS SHING SLOB DPON GSAR BU STE DGE TSUL LTA BU YIN LA DE'I TSE SLOB DPON LA DNGOS SU PHYAG BYAS PAS 'JIG RTEN PA RNAMS SMOD PA'I DGAG BYA YOD NA DAM PA'I CHOS GLEGS BAM DANG SKU GZUGS LTA BU SLOB DPON GYI MDUN DU BZHAG STE DNGOS SU DE DAG LA LUS KYIS PHYAG 'TSAL ZHING YID KYIS BLA MA LA BYA STE SMOD PA'I DGAG BYA MED NA NI DNGOS SU'ANG BLA MA LA PHYAG BYA'O, ,BRTUL ZHUGS NI BYA BA SNGA MA BRTUL BA STE BSDUS NAS BYA BA PHYI MA LA ZHUGS PA'I DON TE KHYIM PA'AM DGE TSUL GYI BYA BA BSDUS NAS RAB BYUNG NGAM BSNYEN RDZOGS
LA ZHUGS NAS BSLAB PA'I GZHI 'DZIN PAS DE LTAR BYA'O, ,ZHES PA'O, ,'O NA DGAG BYA YOD PA'I TSE BSNYEN BKRU THAMS CAD MI BYA'AM SNYAM NA, GDAN BSTAB PA DANG SNGON DU LNGANG BA DANG DON GYI BYA BA BKA' BSGRUB PA DANG, BLA MA'I 'DOD DON SGRUB PA'I GROGS DANG NOR 'BUL BA SOGS BYA STE MI BYA BA NI PHYAG DANG, DAM PA MIN PA'I LAS RKANG PA BKRU BA SOGS SO, ,GSUM PA GUS PA'I YUL DANG RTEN BRTAG PA LA GNYIS, PHAN TSUN BRTAG DGOS PA'I RGYU MTSAN DANG, BRTAGS PA LA SPANG BLANG BYA BA'I TSUL LO, ,DANG PO NI, BLA MA DANG NI ZHES SOGS BZHI STE, DPA' BO NI YUL RTEN GNYIS KA STE RDO RJE THEG PA'I BKA' DRIN MA MNOS PA'I DANG POR SNOD DU RUNG MI RUNG DANG MTSAN NYID LDAN MI LDAN BRTAG DGOS TE, TSE 'DI'I MDUN MA DUD 'GRO'I NYO TSONG SOGS LA'ANG BRTAG NA TSE RABS GTAN GYI MDUN MA LA LTA CI SMOS, DE LA SLOB DPON GYIS SLOB MA BRTAG TSUL MI STON PA NI BRTAG TSUL SHES ZIN PA DANG, SLOB MAS BSTEN BYA YIN PA'I DBANG GIS MA BSTAN LA GNYIS KAS MA BRTAGS PAR BYAS NA SNOD MIN LA GSANG BA BSTAN PAS NI BLA MA DAM TSIG LAS NYAMS SHING, SLOB MAS KYANG DAM TSIG BSRUNG MI NUS PAS GNYIS KA MTSUNGS PAR DAM TSIG NYAMS PAS NA MYUR POR SNOD DU RUNG MIN MA SHES NA LO BCU GNYIS KYI BAR BRTAG PAR YANG GSUNGS SO, ,GNYIS PA BRTAGS NAS SPANG BLANG BYA BA'I TSUL LA GNYIS, SPANG BYA'I MTSAN NYID DANG, BSTEN
, ,BYA'I MTSAN NYID DO, ,DANG PO NI, BLO LDAN SLOB MAS ZHES SOGS BZHI STE, BLO GROS DANG LDAN PA'I SLOB MAS BSTEN PAR MI BYA'O, ,JI LTA BU MI BYA NA, SNYING RJE MED PA NI THEG CHEN PA MA YIN PA, ZHE SDANG SHIN TU CHE BAS KHRO BA, LUS NGAG GIS GZHAN LA 'TSE ZHING 'KHON 'DZIN DAM PAS GDUG PA, NGA RGYAL CHE BAS KHENGS PA, NOR LA KUN 'DZIN GYIS CHAGS PA, DBANG PO MA BSDAMS PAS SDOM GSUM BCAS MTSAMS LAS GA-YEL BA, SPYOM PA NI YON TAN PHRAN TSEGS GZHAN LA NGOMS PA'O, ,GNYIS PA BSTEN BYA'I MTSAN NYID NI, BRTAN ZHING DUL LA ZHES SOGS BRGYAD DE, BRTAN PA NI LUS BSNGAMS PA, DUL BA NI NGAG BSDAMS PA, BLO GROS LDAN NI SHES RAB CHE BA, BZOD PA NI SDUG BSNGAL DANG LEN GYI BZOD PA, GNOD BYED LA JI MI SNYAM PA'I BZOD PA, CHOS LA DKA' SPYAD KYI BZOD PA, STONG NYID ZAB MO SOGS LA BZOD PA DANG LDAN PA, DRANG BA NI LHAG BSAM GYI BSAM PAS SEMS CAN GYI DON SGRUB PA, RNYED BKUR LA CHAGS PA'I GA-YO SGYU MED PA RNAMS NI YID BSDAMS PA'O, ,SNGAGS RKANG BRGYAD DANG RTZA SNGAGS DANG SNYING PO LA SOGS PA DANG RGYUD NI SMAN NAM RDZAS CHA DANG, SBYOR BA NI ZHI RGYAS LA SOGS PA DANG, SHES PA NI DE RNAMS LA MKHAS PA'O, ,SNYING BRTZER LDAN NI SEMS CAN SDUG BSNGAL GYIS MNAR BA LA MI BZOD PA STE THEG CHEN PA'O, ,BSTAN BCOS MKHAS NI RIG GNAS SPYI DANG BYE BRAG
NANG RIG PA KHYAD PAR GSANG SNGAGS LA MKHAS PA'O, ,DE NYID BCU NI RDO RJE SNYING PO RGYAN GYI LE'U THA MA LAS, PHYIR BZLOG GNYIS KYI CHO GA DANG, ,GSANG DANG SHES RAB YE SHES DANG, ,KHA SBYOR 'BYED PA'I CHO GA DANG, ,GTOR MA RDO RJE'I BZLAS PA DANG, ,DRAG SHUL SGRUB PA'I CHO GA DANG, ,RAB TU GNAS DANG DKYIL 'KHOR SGRUB, ,GSANG BA'I DE NYID BCU YIN NO, ,DKYIL 'KHOR TING 'DZIN PHYAG RGYA DANG, ,STANG STABS 'DUG STABS BZLAS BRJOD DANG, ,SBYIN SREG MCHOD PA LAS SBYOR DANG, ,SLAR SDUD PA YI RNAM PA NI, ,PHYI YI DE NYID BCU YIN NO, ,ZHES GSANG BA'AM NANG GI DE NYID BCU DANG, PHYI'I DE NYID BCU STE BCU TSAN GNYIS LAS, DANG PO'I PHYIR ZLOG GNYIS NI, PHA ROL GYI MTHU GTAD SOGS BYED PA PO KHO RANG LA BSGYUR BA LA KHRO BCU BSGOM PA DANG, BRIS PA'I SRUNG 'KHOR GNYIS KYIS PHYIR BZLOG BYED PA'O, ,GSANG DBANG SHES PA'I KHONGS SU DE'I SNGON DU 'GRO BA'I BUM DBANG 'DU LA, SHER DBANG LA DPER BYAS TE DBANG BZHI PA BSKUR BAS NA DBANG GSUM PA'I KHONGS SU BZHI PA 'DU BAS DBANG BZHI BSKUR BA LA MKHAS PA'O, ,KHA SBYOR 'BYED PA NI, MNGON SPYOD KYI LING KA LA DGRA BO'I RNAM SHES DGUG PA KHA SBYOR DANG, 'DAS MA 'DAS KYI LHA DANG SRUNG 'KHOR SOGS KYI NUS PA RDZAS SNGAGS TING 'DZIN GSUM GYIS NYAMS PAR BYED PA NI DBYE BA'O, ,GTOR MA NI, GTOR MA'I RGYU DANG, DBYIBS DANG, 'BUL TSUL SOGS LA MKHAS PA'O, ,RDO RJE'I BZLAS PA NI, BSKYED
, ,RIM GYI TSE LCE DANG MCHU MI 'GUL BAR SNGAGS BZLA BA DANG, RDZOGS RIM GYI TSE RLUNG SNGAGS DBYER MED KYI 'JUG GNAS LDANG GSUM SOGS SO, ,DRAG SHUL SGRUB PA NI, YI DAM GYI LHA ZLA BA DRUG GAM BCO BRGYAD LA SOGS PA BSGRUBS KYANG MA 'GRUB NA LHA GZHAN BSGOMS NAS 'BRUB KHUNG DU PHUR GDAB SOGS BYED PA STE SPOGS CHOG GO, ,RAB GNAS NI, DKYIL 'KHOR BZHENGS NAS LHA BCUG STE DBANG BSKUR BA SOGS SO, ,DKYIL 'KHOR SGRUB PA NI MDUN BSKYED KYI DKYIL 'KHOR BSGRUB CING MCHOD BSTOD DANG DAR GZHUG CING DBANG BLANG BA SOGS LA MKHAS PA'O, ,PHYI'I DE NYID BCU'I DKYIL 'KHOR LA GZUGS CAN MA YIN PA'I DKYIL 'KHOR NI ZAB GSAL GNYIS SU MED PA'I RNAL 'BYOR RO, ,GZUGS CAN GYI DKYIL 'KHOR NI DE NYID GRU BZHI SGO BZHI SOGS SU SHAR BA'O, ,TING 'DZIN NI TING NGE 'DZIN GSUM GYI 'CHING GIS BSDUS PA'I LHA BSGOM PA'O, ,PHYAG RGYA NI PHYAG RGYA BZHI'I RGYAS 'DEBS SO, ,STANG STABS NI SA GAR DANG MCHOD GAR SOGS KYI GAR STABS SO, ,'DUG STANGS NI RDO RJE'I SKYIL KRUNG, SEMS DPA'I SKYIL KRUNG, PADMA'I SKYIL KRUNG, BZANG PO'I 'DUG STANGS SOGS SO, ,BZLAS BRJOD NI KHRO BO DANG, KHROS PA DANG, GONG BU DANG, KHYOGS KYI DANG, DAM TSIG GI BZLAS PA SOGS SO, ,SBYIN SREG NI ZHI RGYAS DBANG DRAG BZHI DANG PHYI NANG BLA MED KYI SBYIN SREG GO, MCHOD PA NI PHYI NANG GSANG BA DE KHO NA YID KYI MCHOD PA SOGS SO, ,
LAS SBYOR NI ZHI RGYAS SOGS KYI LAS RAB 'BYAMS SGRUB PA'O, ,SLAR SDUD NI BSDU CHOG GO, ,DE LTAR BCU TSAN GNYIS LAS RGYUD SDE 'OG MA'I SLOB DPON BCU TSAN PHYI MA LA MKHAS PA DANG, BLA MED KYI SLOB DPON BCU TSAN DANG PO LA MKHAS PA DGOS SO, ,DKYIL 'KHOR BRI BA'I LAS LA MKHAS PA NI, THIG DANG TSON GYIS BRI BA LA MKHAS PA'O, ,SNGAGS BSHAD PA YI SBYOR BA SHES, ZHES PA CHAG 'GYUR LAS, SNGAGS 'CHAD MKHAS PA'I SLOB DPON NI ZHES 'GYUR BA BDE STE, GZHAN LA GSANG SNGAGS 'CHAD PA LA MKHAS PA'O, RAB TU DANG BA NI CHOS SPYI DANG KHYAD PAR GSANG SNGAGS LA DANG BA'O, ,DBANG PO DUL BA NI SDOM GSUM GYI BCAS MTSAMS SPYI DANG KHYAD PAR RTZA LTUNG GIS MA GOS PA'O, ,DES NA DON DAM SNYE MA LAS, RTZOD LDAN DBANG GIS BLA MA SKYON DANG YON TAN 'DRES, ,RNAM PA KUN TU SDIG PA MED PA YOD MA YIN, ,GANG ZHIG YON TAN LHAG PA YANG NI LEGS DPYAD NAS, ,BU RNAMS KYIS NI DE LA BRTEN PAR 'GYUR BA'O, ,ZHES GSUNGS PA LTAR MTSAN NYID THAMS CAD TSANG BA MA RNYED NA YON TAN SHAS CHE BA LA BRTEN PAR BYA'O, ,GNYIS PA BLA MA BSTEN TSUL RGYAS PAR BSHAD PA LA GNYIS, MA GUS PA SPANG BA DANG, GUS PA JI LTAR SGRUB PA'O, ,DANG PO LA BZHI, BRNYAS PA DANG SMOD PA SPANG BA, THUGS DKRUG PA SPANG BA, MA MTHONG BA'I NYES DMIGS BSHAD PA, DE DAG GI DON BSDU BA'O, ,DANG PO LA GNYIS, SPYIR BSTAN PA DANG, BYE BRAG TU