*, ,DPAL RDO RJE 'JIGS BYED KYI RIM PA GNYIS PA'I LAM LA JI LTAR BGROD PA'I TSUL GYI ZIN BRIS GSANG CHEN MYUR LAM ZHES BYA BA BZHUGS SO, ,
, ,MKHYEN PAS MDO DANG RGYUD SDE'I DE NYID GZIGS, ,THUGS RJES RIGS MED 'GRO KUN BDE LA DGOD, ,DRI MED GSUNG GIS LAM BZANG GSAL MKHAS PA, ,RGYAL BSTAN RGYAS MDZAD BLA MA'I ZHABS LA 'DUD, ,BLANG DANG DOR BYA'I RMONGS MUN KUN SEL ZHING, ,BLO GROS PADMO'I ZE'U 'BRU KHA 'BYED LA, ,SRID DANG ZHI BA'I DGUNG MTHA' KUN GZHAL BA'I, ,'JAM DPAL NAM MKHA'I NOR BU LA PHYAG 'TSAL, ,'JIGS PA'I SBRUL DANG RUS PA'I RGYAN 'CHANG ZHING, ,SER SKYA'I RAL PA NAM MKHA'I DBYINGS SU GZINGS, ,RAB 'BAR SNA TSOGS MTSON CHA GDENGS MDZAD PA'I; ;'JAM DPAL GSHIN RJE'I GSHED KYIS DGE LEGS STZOL, ,'DIR BCOM LDAN 'DAS DPAL RDO RJE 'JIGS BYED CHEN PO'I RDZOGS RIM GYI ZAB KHRID SKABS, RJE BLA MA'I GSUNG RGYUN
, ,DRAN THOR BKOD PA NI, DE YANG 'DI'I NYAMS DBYANGS RANG RTZOM LA RTZA BAR BYAS TE 'CHAD PA LA GSUM, RTZOM PA LA 'JUG PA'I BYA BA, RTZOM PA NYID NYE BAR DGOD PA, RTZOM PA MTHAR PHYIN PA'I BYA BA'O, ,DANG PO LA GNYIS, MCHOD PAR BRJOD PA DANG, BRTZAM PAR DAM 'CHA' BA'O, ,DANG PO LA GNYIS, RGYA SKAD KYIS MCHOD PAR BRJOD PA DANG, BOD SKAD KYIS MCHOD PAR BRJOD PA'O, ,DANG PO NI, NA MO GU RU MANYDZU GHO shshA YA, ZHES PA STE, NA MO PHYAG 'TSAL BA, GU RU BLA MA, MANYDZU 'JAM, GHO shA DBYANGS, DE LA RNAM DBYE BZHI PA'I GCIG TSIG DE DANG; AAKA AA GA MA BYIN NAS SGRUB PAS, AA YA ZHES PAR 'GYUR BA MTSAMS SBYAR BAS, DBYANGS LA ZHES 'BYUNG STE, BLA MA 'JAM DBYANGS LA PHYAG 'TSAL LO, ,ZHES PA'O, ,GNYIS
PA BOD SKAD KYIS MCHOD PAR BRJOD PA NI, RJE BLA MA YI DAM SANGS RGYAS CHOS, ,TSOGS BYANG SEMS NYAN RANG DPA' BO DANG, ,MA MKHA' 'GRO CHOS SRUNG RGYA MTSO'I TSOGS, ,YONGS KUN 'DUS NOR BU BLA MAR 'DUD, , CES PA STE GO SLA'O, ,GNYIS PA RTZOM PAR DAM 'CHA' BA NI, MGON BKA' DRIN CAN DE'I ZHAL GDAMS LA, ,DON NYAMS LEN SNYING POR MA THUB KYANG, ,TSIG MA BRJED YID KYI ME LONG NGOS, ,BKRA LAM ME SHAR 'DI GLU RU LEN, ,ZHES PA STE, NANG RANG SEMS LA 'GYUR BA BYUNG BA NA DE NYID NGAG GI SGO NAS MTSON PA LA GLU ZHES BYA LA, YID LA 'GYUR BA JI LTAR BYUNG NA, RTEN DAL 'BYOR MI LUS RIN CHEN THOB, , DPAL RGYAL BA GNYIS PA'I BSTAN DANG MJAL, ,RJE MTSAN LDAN BLA MAS RJES SU GZUNGS, ,LAM MDO SNGAGS NYAMS LEN SHES DUS 'DIR, ,ZHES PA LTAR RO, ,GNYIS PA RTZOM PA NYID NYE BAR DGOD PA LA GNYIS, SNGON 'GRO DANG, DNGOS GZHI'O, ,DANG PO LA GNYIS, SPYI'I SNGON 'GRO DANG, KHYAD PAR GYI SNGON 'GRO'O, ,DANG PO NI, RANG GCIG PU'I BDE LA MA CHAGS PAR, ,MA 'GRO KUN DON CHEN BSGRUB
, ,PA'I PHYIR, ,CHOS RDO RJE THEG PA'I SGOR ZHUGS NAS, ,RGYUD SDOM GSUM BCAS MTSAMS DAG BYAS TE, ,ZHES PA STE, RANG NYID TSE 'DI'I BDE BA LA MA CHAGS PA SKYES BU CHUNG NGU DANG, 'KHOR BA'I BDE BA LA MA CHAGS PA SKYES BU 'BRING DANG, RANG NYID GCIG PU ZHI BA'I BDE BA LA MA CHAGS PAR MA RGAN SEMS CAN THAMS CAD KYI DON CHEN PO BSGRUB PAR BYA BA'I PHYIR THOB BYA BLA NA MED PA'I BYANG CHUB THOB 'DOD SHUGS DRAG LA BRTEN PAR BSKYED PA NI SKYES BU CHEN PO YIN PAS DE NI BLA MED RDO RJE THEG PA LA 'JUG PA'I SNGON DU SKYES BU GSUM GYI LAM THUN MONG BAR RGYUD SBYONG DGOS PAR BSTAN LA, DE NAS NGES PAR RDO RJE THEG PA LA 'JUG DGOS SO, ,DE YANG THEG PA CHEN PO THAMS CAD BSDUS PA PHAR PHYIN DRUG DANG, DE YANG BSDUS PA THABS SHES GNYIS DANG, THABS SHES DBYER MED PA NI RDO RJE SEMS DPA'I TING NGE 'DZIN NO, ,RDO RJE YANG DE YIN LA THEG PA YANG DE YIN PAS NA RDO RJE THEG PA STE THEG PA NI BZHON PA'O, ,DE LA 'JUG PA'I SGO NI DBANG YIN PAS RDO RJE SLOB DPON
MTSAN NYID DANG LDAN PA LAS DBANG BZHI RDZOGS PAR NOD PA DANG, DE'I TSE KHAS BLANGS PA'I DAM TSIG DANG SDOM PA TSUL BZHIN DU BSRUNG BA NI MED MI RUNG YIN NO, ,GNYIS PA KHYAD PAR GYI SNGON 'GRO NI, LHA DKON MCHOG GSUM LA SKYABS 'GRO DANG, ,BYAMS SNYING RJE BYANG CHUB SEMS MCHOG BSKYED, ,SNGON THOG MED NAS BSAGS SDIG LTUNG DRI, ,DPAL RDOR SEMS THUGS RJE'I BDUD RTZIS BKRUS, ,LAM GCIG CHOG BLA MA'I RNAL 'BYOR BSGOM, ,TSOGS RLABS CHEN RTOGS BYED MAndAL PHUL, ,BLO SHUGS DRAG GSOL MANG BTAB PA'I MTHAR, ,DBYANGS BDE CHEN NGANG DU RO GCIG BSRES, ,GZHI MA DAG SKYE SHI BAR DO'I LCAGS, ,LAM SKU GSUM GSER 'GYUR RTZIS SBYANGS TE, ,LHA ZHI KHRO'I NGA RGYAL GSAL SNANG GNYIS, ,RGYUD THA MAL SNANG ZHEN MUN PA SANGS, ,ZHES PA STE BOD KYI BLA MA PHAL MO CHES, SKYABS 'GRO SEMS BSKYED, RDOR SEMS BSGOM BZLAS, BLA MA'I RNAL 'BYOR, MAndAL GYI 'KHRID RNAMS LA SNGON 'GRO 'KHRID CHEN BZHI ZHES GAL PO CHER MDZAD LA, RJE BDAG NYID CHEN PO KHAS BLANGS PA'I DAM TSIG DANG SDOM PA TSUL BZHIN DU BSRUNG BA'I KHONGS NAS 'KHRID CHEN BZHI LHAG DANG BCAS PA 'THON CING, 'KHRID CHEN BZHI'I KHONGS NAS DAM SDOM BSRUNG TSUL RDZOGS PAR MI THON PA'I PHYIR, 'KHRID CHEN BZHI LAS DAM SDOM TSUL BZHIN DU BSRUNG BA GAL CHE BAR BZHED PA LTAR 'THAD LA, 'ON KYANG GONG MA'I PHYAG LEN YIN PAS 'KHRID CHEN BZHI YANG NYAMS SU BLANG BAR BYA BA LA BZHI, BSTAN PA LA 'JUG PA'I SGO SKYABS 'GRO SEMS BSKYED BYED PA, SDIG SGRIB SPYOD PA RDOR SEMS SGOM BZLAS, BYIN RLABS
, ,'JUG PA BLA MA'I RNAL 'BYOR, TSOGS GSOG PA MAndAL GYI 'KHRID DO, ,DANG PO NI, GNAS KHANG BYI DOR, RTEN GSUM DGRAM PA, MCHOD PA BSHAM PA SOGS SPYI LTAR BYAS LA, KUN SLONG BCOS TE, RANG GI MDUN NGOS KYI BAR SNANG LA SENGGE CHEN PO BRGYAD KYIS BTAG PA'I RIN PO CHE'I KHRI YANGS SHING RGYA CHE BA'I KHAR DPAL RDO RJE 'JIGS BYED LHA BCU GSUM MA RTEN DANG BRTEN PA'I DKYIL 'KHOR YONGS SU RDZOGS PA, GTZO BO'I RTZA ZHAL GYI MCHOG MA'I STENG DU SENG KHRI PAD NYI'I GDAN LA RTZA BA'I BLA MA RDO RJE 'CHANG NGAM MI BSKYOD PA'I RNAM PA CAN YUM BCAS, RGYUD KHANG DU RTZA BSHAD PHYOGS MTHUN GYI RGYUD DANG BCAS PA'I SKYABS YUL GSAL LEGS PAR BTAB, RANG GI MTHA' BSKOR DU PHA MA NYE 'BREL, DGRA 'DRE BYUR GSUM SOGS SEMS CAN THAMS CAD THA MAL BA SMRA SHES DON GO BA'I RNAM PA CAN, RANG GZHAN THAMS CAD 'KHOR BA SPYI BYE BRAG GI SDUG BSNGAL LA 'JIGS SHING SKRAG NAS, RE SA MDUN NA BZHUGS PA'I BLA MA DKON MCHOG GSUM LAS GZHAN MED PAR YID CHES KYI NGES PA DRANGS NAS RE LTOS 'CHA' BZHIN PAR, BDAG GZHAN KHAMS GSUM MA TSOGS NAM MKHA' DANG MNYAM PA'I SEMS CAN THAMS CAD BLA MA KHYAB BDAG DE BZHIN GSHEGS PA THAMS CAD KYI NGO BO DPAL GSHIN RJE'I GSHED SANGS RGYAS LA SKYABS SU MCHI'O, ,GZHOM MED SNGAGS DANG PHYAG RGYA'I DE NYID CHOS LA x, 'GYUR MED RIG PA 'DZIN PA DPA' BO DANG RNAL 'BYOR MA'I TSOGS DGE 'DUN LA x, ZHES LAN GSUM BYA'O, ,DE LA KHYAB BDAG NI RIGS LNGA KA LA KHYAB PAS NA DRUG PA RDO RJE 'CHANG
NGO; ;DPAL GSHIN RJE'I GSHED CES PA'I DPAL GYI SKAD DOD SHR'I ZHES PA SHR'I NI GNYIS MED YE SHES TE ZHES BDE STONG GNYIS SU MED PA'I YE SHES SO, ,DE NYID DRANG DON BZHIN LAG GI RNAM PAR SHAR BA NI GSHIN RJE'I GSHED DO, ,GDUL BYA'I GSHIN RJE LA PHYI NANG NANG GSANG GSUM LAS, PHYI'I GSHIN RJE NI CHOS RGYAL LTA BU DANG, NANG GI GSHIN RJE NYON MONGS DANG, GSANG BA'I GSHIN RJE NI LAS RLUNG STE SPYIR SNANG MCHED THOB GSUM DANG KHYAD PAR NYER THOB KYI GZHON PA'I RLUNG SEMS, ,DE RNAMS 'DUL BAR BYED PAS, GSHIN RJE'I DGRA'AM GSHED CES BYA STE BLA MA DANG GTZO BO SANGS RGYAS DKON MCHOG GO ,CHOS LA GZHOM MED SNGAGS DANG PHYAG RGYA'I DE NYID CES PA NI, RDO RJE PHA LAM NI DNGOS PO GZHAN GYIS BCAD PA DANG BRDAR BA LA SOGS PA GZHOM MI NUS PAL DPER BYAS TE, BDE STONG GNYIS SU MED PA'I YE SHES KYI CHOS NYID KYANG GZHAN GYIS 'JOMS PA'AM GZHOM MI NUS PAS NA GZHOM MED DANG, SNGAGS KYI SKAD DOD MANTRA ZHES PA YID SKYOB PA LA 'JUG PAS YID THA MAL GYI SNANG ZHEN NAM GNYIS SNANG LAS SKYOB PAS SO, ,PHYAG RGYA NI RGYAS 'DEBS PA STE BDE STONG GNYIS MED KYI YE SHES KYIS CHOS THAMS CAD LA KHYAB PA'AM, RGYAS BTAB PAS NA PHYAG RGYA STE SKYABS YUL RNAMS KYI THUGS RGYUD LA MNGA' BA'I SPANG STOGS DANG, RGYUD KHANG DU BZHUGS PA RNAMS TE CHOS DKON MCHOG GO ,DGE 'DUN LA 'GYUR MED CES PA NI, LAM 'DI NAS THEG DMAN DANG PHAR PHYIN THEG PA SOGS LA MI 'GRO BAS NA 'GYUR MED DANG, SNGAGS LAM 'DI NYID NYAMS SU LEN PAS NA RIG PA
, ,'DZIN PA, DPA' BO DANG RNAL 'BYOR MA'I TSOGS NI 'KHOR GYI LHA PHO MO RNAMS TE DGE 'DUN DKON MCHOG GO ,DE NAS SEMS BSKYED NI, 'GRO BA 'KHOR BAR SKYE BA SOGS GSHIN RJE'I KHAR CHUD PA LAS BSGRAL, PHAN PA DANG BDE BA'I MCHOG TU GYUR PA DPAL GSHIN RJE'I GSHED KYI GO 'PHANG LA DGOD PAR BYA, DE'I PHYIR DU DE'I GO 'PHANG LA GNAS PAR BYA'O, ,ZHES LAN GSUM BYA STE, 'GRO BA 'KHOR BAR SKYE BA'I SDUG BSNGAL BSAM PA NI GTZO BO YIN TE, DE DRAN PA NA RGA BA DANG NA BA DANG 'CHI BA'I SDUG BSNGAL ZHAR LA RANG SHUGS KYIS DRAN CING MTHAR 'CHI BA'I RANG BZHIN LAS MA 'DAS PAS NA GSHIN RJE'I KHAR CHUD PA YIN LA, SDUG BSNGAL DE LAS BSGRAL NAS PHAN PA GZUGS SKU DANG, BDE BA CHOS SKU STE CHOS GZUGS DBYER MED ZUNG 'JUG GI GO 'PHANG LA DGOD PAR BYA ZHES PA'O, ,DE LTAR SKYABS SEMS RGYUD DANG 'DRES NGES LAN GSUM RE BYAS TE SKYABS YUL RNAMS LAS BDUD RTZI 'OD ZER DANG BCAS PA BYUNG NAS RANG GZHAN THAMS CAD LA THIM PAS SDIG SGRIB SBYANGS, TSOGS RDZOGS TE SEMS CAN THAMS CAD GSHIN RJE'I GSHED YAB YUM GYI SKUR GYUR NAS RANG RANG GI ZHING DU BYON PAR BSAM ZHING, SKYABS YUL RNAMS 'OD CHEN PO'I RNAM PAR ZHU NAS RANG GI SMIN MTSAMS SU THIM PAS RANG YANG 'OD DU ZHU NAS STONG PAR SBYANGS LA CHOS SKU'I NGA RGYAL MDOR BSDUS BYA'O, ,DE NAS RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PAR GYUR PA'I SKU LAS 'OD ZER 'PHROS SNOD BCUD THAM CAD MA DAG PA SBYANGS, SNOD THAMS
CAD GZHAL YAS KHANG DANG BCUD THAMS CAD LHA DANG LHA MO'I RANG BZHIN GYI DAG PA RAB 'BYAMS 'BA' ZHIG TU GYUR, CES SNOD BCUD SBYANG BSGYUR DANG, AOm A'A: H'Um, LAN GSUM, NGO BO YE SHES LA RNAM PA NANG MCHOD DANG MCHOD RDZAS SO SO'I RNAM PA, BYED LAS DBANG PO DRUG GI SPYOD YUL DU BDE STONG GI YE SHES KHYAD PAR CAN BSKYED PAS SA DANG BAR SNANG NAM MKHA'I KHYON THAMS CAD GANG BA'I PHYI NANG GSANG BA'I MCHOD SPRIN DAM RDZAS BSAM GYIS MI KHYAB PAS GANG BAR GYUR CES MCHOD RDZAS BYIN GYIS BRLAB BO, ,GNYIS PA SDIG SGRIB SBYONG BAR BYED PA RDOR SEMS BSGOM BZLAS KYI 'KHRID NI, SNGON THOG MED NAS BSAGS NYES LTUNG DRI, ,DPAL RDOR SEMS THUGS RJE'I BDUD RTZIS BKRUS, ,ZHES PAS STON TE, DE NAS RANG GI SPYI BOR PAD ZLA'I GDAN LA BLA MA RDO RJE SEMS DPA' BSKYED CHOG SGRUB THABS SU GSAL BA LTAR DANG, BSGOM BZLAS KYI DMIGS RIM RGYAS BSDUS KYI 'KHRID YIG LOGS SU YOD PA LTAR BYA LA, 'ON KYANG SDIG SGRIB RNAMS DBANG PO'I SGO SOGS LUS KYI PHYIR THON PA'I DMIGS PA MI BYA BAR, MUN KHUNG DU SGRON ME BTEG PA LTAR GAR SONG CHA MED DU DAG PAR BSAM PA NI RDZOGS RIM ZAB MO'I RTOGS PA DANG RJES SU MTHUN PA'I MAN NGAG GO ,DE LTAR STOBS BZHI DANG LDAN PA'I SGOM BZLAS ZIN NAS BSDU BA NA, LUS NANG DU RTZA SOGS GSAL BTAB STE, RDOR SEMS KYI GDAN SPYI BO'I PADMA DBU MA'I NANG BRGYUD SNYING GA'I RTZA 'KHOR DANG, ZLA BA KHAMS DKAR DMAR LA THIM, BLA MA RDO RJE SEMS DPA' RANG GI RLUNG SEMS PHRA MO DANG DBYER MED DU 'DRES PA SNYING GAR KHAMS DKAR
, ,DMAR GYI DBUS SU RDOR SEMS YUNGS 'BRU'AM MTSON GANG TZAM BSAM MO, ,GSUM PA BYIN RLABS 'JUG PAR BYED PA BLA MA'I RNAL 'BYOR GYI 'KHRID NI, LAM GCIG CHOG BLA MA'I RNAL 'BYOR BSGOMS, ,ZHES PAS STON TE, MDUN GYI NA MKHAR SNA TSOGS PADMA DANG NYI MA'I DKYIL 'KHOR GYI GDAN LA NGO BO RANG GI DRIN CAN RTZA BA'I BLA MA YIN PA LA, RNAM PA BCOM LDAN 'DAS DPAL RDO RJE 'JIGS BYED CHEN PO SKU MDOG MTHING NAG ZHAL DGU PHYAG SO BZHI ZHABS BCU DRUG PA, GA-YAS BSKUMS SHING GA-YON BRKYANGS PA'I STABS KYIS ME DPUNG RAB TU 'BAR BA'I KLONG DKYIL NA BZHUGS PA, YUM DANG BCAS PA SEMS DPA' GSUM GYI BDAG NYID CAN DU GYUR PA'I MIG GNYIS SU KshIm x, H'Um GIS MTSAN PAR GYUR; THUGS KA'I H'Um LAS 'OD ZER PHYOGS BCUR 'PHROS PAS, RANG BZHIN GYI GNAS NAS RTZA BRGYUD KYI BLA MA YI DAM SANGS RGYAS BYANG SEMS DPA' BO DPA' MO BSTAN BSRUNG YE SHES PA'I TSOGS RNAMS SPYAN DRANGS TE RTZA BA'I BLA MA LA THIM PAS SKYABS GNAS KUN 'DUS PA'I BDAG NYID DU GYUR, GANG GI DRIN GYIS x GZUGS MCHOG MCHOG TU x AOm GU RU BADZRA BHEERA BA SA PA RI W'A RA AARGHAm NAS MAH'A SAPTA RATNA PRA T'I TZTSA H'Um SV'A H'A, AOm GU RUx AOm A'A: H'Um, BLA MA YAB YUM SNYOM PAR ZHUGS PAS LHAN CIG SKYES PA'I DGA' BA NYAMS SU MYONG STE, BDE BA CHEN PO DANG DE KHO NA NYID DBYER MI PHYED PA'I TING NGE 'DZIN LA SNYOMS PAR ZHUGS PAS GSANG BA DANG DE KHO NA NYID KYI MCHOD PAS DGYES PAR GYUR, CES PHYI NANG GSANG BA DE KHO NA NYID
KYIS MCHOD CING, BHEE RA B'A YA ZHES PA'I YE YOD MED SNA TSOGS SNANG YANG MED PA DAG PAR MNGON NO, ,DE NAS SDIG PA RNAMS NI BSHAGS PAR BYA, ZHES PA NAS, BTANG SNYOMS LA GNAS PAR BYA'O, ,ZHES PA'I BAR BYA, 'DI RNAMS KYI DON NI BSKYED RIM GYI ZIN BRIS SU BRIS ZIN PAS 'DIR MA BKOD LA, SNGOM BZUNG RGYAS BSDUS GANG RUNG BYAS TE SNGAGS SNGOM THOB ZIN GONG 'PHEL DU BYA ZHING GAL TE MA BYUNG YANG CHAD PA'I NYES PAR MI 'GYUR RO, ,BZHI PA TSOGS GSAG PA MAndAL GYI KHRID NI, TSOGS RLABS CHEN RDZOGS BYED MAndAL PHUL, ZHES PAS STON TE, DGOS PA NI GSOL BA 'DEBS PA'I RTEN DU YIN LA, DMIGS RIM NI KHRID YIG LOGS SU YOD PA LAS SHES PAR BYA, , ,DE NAS BLO SHUGS DRAG GSOL MANG BTAB PA'I MTHAR, ,DBYINGS BDE CHEN DANG DU RO GCIG BSRES, ,ZHES PA LTAR, SKU BZHI'I BDAG NYID BLA MA RDO RJE 'JIGS BYED LA GSOL BA 'DEBS SO, ,SGRUB BRAL CHOS SKU'I x, BDE CHEN LONGS SKU'I x, SNA TSOGS SPRUL SKU'I x, BLA MA KUN 'DUS KYI x, YI DAM x, SANGS RGYAS x, DAM CHOS x, DGE 'DUN x, MKHA' GRO x, CHOS SKYONG x, SKYABS GNAS MA BDAG GI RE SA'I SKYABS GNAS BLA MA RIN PO CHE LA x, RES GZHAN NA MED DO THUGS RJES GZIGS SHIG ,BDAG GI BLO CHOS SU 'GRO BAR BYIN GYIS RLOBS, CHOS LAM DU LONGS PAR x, LAM 'KHRUL PA ZHI BAR x, 'KHRUL PA YE SHES SU 'CHAR BAR x, CHOS MA YIN PA'I BLO SKAD CIG TZAM YANG MI SKYE BAR x, BYANG CHUB LAM GYI RIM PA'I RTOGS PA MTHA' DAG MYUR DU RGYUD LA SKYE BAR x, BYAMS
, ,SNYING RJE BYANG CHUB KYI SEMS KHYAD PAR CAN x, ZAB MO STONG PA NYID KYI RTOGS PA KHYAD PAR CAN x, LAM RIM PA GNYIS KYI x, KHYAD PAR DU RTZA BDE RLUNG BDE BDE STONG GI NYAMS KHYAD PAR CAN x, MDOR NA BDAG GIS TSE 'DI NYID LA PHYAG RGYA CHEN PO MCHOG GI DNGOS GRUB BDE BLAG TU THOB PAR BYIN GYIS RLOBS, ZHES GDUNG SHUGS DRAG POS GSOL BA BTAB LA, DE LTAR BDAG GIS RTZA BA'I BLA MA LA, ,SNYING NAS GUS PAS GSOL BA BTAB PA'I MTHUS, ,SKYABS GNAS KUN 'DUS BLA MA'I SPYI BO NAS, ,AOm YIG DKAR PO BDUD RTZI'I RGYUN BCAS BYUNG, ,RANG GI SPYI BO'I GNAS SU THIM PA YIS, ,BUM DBANG BYIN GYIS BRLABS PA'I TSUL DU THOB, ,LUS KYI SDIG SGRIB BAG CHAGS MA LUS DAG ,SKU YI RDO RJE 'GRUB PA'I NUS PA RNYED, ,BSKYED RIM PHRA RAGS BSGOM LA DBANG PAR BYAS, ,'BRAS BU SPRU LA SKU 'GRUB PA'I SA BON BZHAG ,SKYABS GNAS KUN 'DUS BLA MA'I MGRIN PA NAS, ,A'A: YIG DMAR PO x, RANG GI MGRIN PA'I x, GSANG DBANG x, NGAG GI x, GSUNG GI x, KUN RDZOB SGYU LUS x, 'BRAS BU LONGS SKU x, SKYABS GNAS KUN 'DUS BLA MA'I THUGS KA NAS, ,H'Um YIG SNGON PO x, RANG GI SNYING GA'I x, SHER DBANG x, YID KYI x, THUGS KYI x, DON DAM 'OD GSAL x 'BRAS BU CHOS SKU x, SKYABS GNAS KUN 'DUS BLA MA'I GNAS GSUM NAS, ,YI GE 'BRU GSUM x, RANG GI GNAS GSUM DAG TU x, TSIG DBANG x, SGO GSUM x, GSANG GSUM x, ZUNG 'JUG LAM BZANG x, 'BRAS BU RDO RJE 'CHANG
GI SA BON BZHAG ,CES DAL BUS BRJOD CING BSAM LA RDUL PHRA RAB TSUN CHAD AOm YIG DKAR PO SOGS SKABS GANG YIN GYI YIG 'BRU'I RNAM PA BDUD RTZI'I RGYUN LTA BU BYUNG BAS SGO GSUM GYI SDIG SGRIB SBYANGS PA SOGS BSAM ZHING, SBYANG BYA'I DRI MA MTHUN MONG BA DANG THUN MONG MA YIN PA GNYIS YOD PAS, THUN MONG BA NI, LUS KYI SROG GCOD SOGS GSUM DANG, NGAG GI RDZUN SOGS BZHI DANG, YID KYI BRNAB SEMS SOGS GSUM MO, ,THUN MONG MA YIN PA NI, LAS THA MAL DU 'DZIN PA'I SNANG ZHEN DANG, RLUNG SNGAGS SO SOR SNANG ZHING ZHEN PA DANG, GANG SNANG KUN BDE STONG DBYER MED DU 'CHAR BA LA SGRIB PA'I DRI MA SBYONG BA RNAMS TE TSIG DON GZHAN NI GO SLA'O, ,DE NAS KUN 'DUS GCIG CHOG BLA MA RIN PO CHE, ,DGYES PA CHEN POS RANG GI SPYI BOR BYON, ,DBU MA'I LAM BRGYUD SNYING GA'I CHOS 'KHOR DU, ,RANG GI SEMS DANG DBYER MED RO GCIG GYUR, ,CES BRJOD LA, RANG GI SNYING GAR RTZA 'KHOR DANG BCAS PA LAM PA GSAL BTAB STE BLA MA RDO RJE 'JIGS BYED RANG NYID LA DGYES PA CHEN POS RANG GI SPYI BOR ZHAL LTA PHYOGS MTHUN PAR BYON, BLA MA GDAN DANG BCAS PA JE CHUNG DU GYUR NAS TSANGS BUG GI RTZA DBU MA'I LAM BRGYUD GDAN GYI PADMA SNYING GA'I RTZA 'KHOR DANG, NYI GDAN KHAMS DKAR DMAR LA THIM, SKU DANG RANG GI LUS PHRA MO, THUGS DANG SEMS PHRA MO, GSUNG DANG RANG GI RLUNG SEMS GNYIS KYI STENG DU NGAG GI SA BON PHRA MO YOD PA DANG RO GCIG TU GYUR PAR BSAM LA BLA MA RDO RJE 'JIGS BYED YAB YUM MTHING GA'AM, ,DKAR PO GANG
, ,RIGS RGYA SRAN TZAM MAM, YANG NA LHAR LDANG MA THUB KYANG THIG LE DKAR DMAR DU GYUR BAR BSAM, DE NAS, 'OD DU ZHU NAS BDE STONG RANG NYID LA, ,MING DANG BLO YIS BZHAG TZAM MA GTOGS PAR, ,RANG BZHIN GRUB PA RDUL TZAM MA MCHIS PA'I, ,NAM MKHA' LTA BU'I STONG PA NYID DU GYUR, ,CES BRJOD LA, SNYING GA'I LHA'AM THIG LE LAS 'OD ZER SNA LNGA 'PHROS PAS SNOD BCUD THAMS CAD BSDUS TE RANG LA THIM, RANG YANG RIM GYIS MI DMIGS PAR BSAM PA SNANG BA THAMS CAD BSDUS TE, DPER NA THOGS BCAS KYI REG BYA BKAG TZAM LA NAM MKHAR BZHAG PA LTAR BDEN GRUB TU 'DZIN PA BKAG TZAM GYI STONG NYID KYI NGANG DU 'JOG DGOS PA'I DON NO, ,DE NAS, GZHI MA DAG SKYE SHI BAR DO'I LCAGS, ,LAM SKU GSUM GSER 'GYUR RTZIS SBYANGS NAS, ,LHA ZHI KHRO'I NGA RGYAL GSAL SNANG NYIS, ,RGYUD THA MAL SNANG ZHEN MUN PA SANGS, ,ZHES PA LTAR, AOm SH'U NYA T'A DZNYA NA BADZRA SVABH'A WA A'ADMA KONYA HAm, ZHES BRJOD CING, AOm SNGAGS KYI MGO 'DREN, SH'U NYA T'A YUL STONG PA NYID GZUNG 'DZIN GYIS BSDUS PA'I CHOS THAMS CAD DO, ,DZNY'A NA YE SHES TE, YUL CAN RANG SEMS CHOS SKU DANG DBYER MED PA'I BDE BA CHEN PO, BADZRA NI DON 'GYUR LA RDO RJE DANG, THAD BSGYUR LTAR NA MI PHYED PA YIN PAS BDE STONG DBYER MI PHYED PA, SVA BH'A WA RANG BZHIN TE, BDE STONG GNYIS NGO BO GCIG TU, A'A TMA KA: BDAG NYID DANG, DE LA AA HAm MTSAMS SBYAR BAS KO NYA 'BYUNG BA YIN PAS AA HAm NI NGA'O ZHES PA STE,
YUL STONG PA NYID DANG YUL CAN LHAN SKYES KYI BDE BA GNYIS DBYER MI PHYED PA'I BDAG NYID DE NGA'O, ,ZHES PA YIN PAS DE LTAR DRAN BZHIN DU RGYAL BA'I THUGS CHOS SKU LA NGA RGYAL 'JOG PA NI 'CHI BA CHOS SKU'I LAM 'KHYER RO, ,DE NAS 'JIGS BYED LHAN SKYES KYI RNAL 'BYOR SHOG GCIG MA LTAR SKU GSUM LAM 'KHYER GYI GNAD TSANG BA'I BSKYED RIM MDOR BSDUS BSGOMS LA BZLAS PA GRUB PA'I BAR GZHUNG BZHIN DU BYAS KYANG CHOG GO ,GNYIS PA DNGOS GZHI LA GSUM, ,GZHI DNGOS PO'I GNAS TSUL, LAM BGROD PA'I RIM PA, 'BRAS BU MNGON DU BYED TSUL LO, ,DANG PO NI, LUS RTZA RLUNG THIG LE'I BKOD PA DANG, ,SEMS PHRA RAGS RNAM RTOG SKYE TSUL SOGS, ,NANG RDO RJE'I LUS SEMS GNAS TSUL KUN, ,LUNG MAN NGAG RAGS PAS GTAN LA PHAB, ,CES PA LTAR 'DI LA GSUM, LUS SEMS SO SO BA'I GNAS TSUL, LUS SEMS MTHUN MONG BA'I GNAS TSUL, LUS KYI GNAS TSUL BYE BRAG TU BSHAD PA'O, ,DANG PO NI, SHA RUS BSDOS BCAS KYI LUS SAM, SA CHU ME RLUNG NAM MKHA' STE 'BYUNG BA LNGA DANG, GZUGS SGRA DRI RO REG BYA STE 'BYUNG GYUR GYI LUS NI RAG PA DANG, GNAS PA RTZA, GA-YO BA RLUNG, BKOD PA BYANG CHUB KYI SEMS DKAR DMAR NI LUS PHRA BA DANG, SNANG MCHED THOB GSUM DANG KHYAD PAR THAMS CAD STONG PA 'OD GSAL GYI BZHON PAR GYUR PA'I RLUNG NI SHINTU PHRA BA'I LUS SO, ,SGO LNGA'I DBANG SHES NI SEMS RAGS PA DANG, KUN RTOG BRGYAD BCU PHRA BA DANG, SNANG MCHED THOB GSUM DANG KHYAD PAR THAMS CAD STONG PA 'OD GSAL GYI NGO BOR GYUR PA'I SEMS NI SHIN TU PHRA BA'O, ,GNYIS PA LUS SEMS THUN MONG BA'I
, ,GNAS TSUL NI MI SHIGS PA'I THEG LE STE, SNYING GAR PHA MA'I KHU KHRAG GI THEG LE'I NANG DU RLUNG SEMS 'THUM NAS GNAS PA'I THIG LE NI JI SRID 'TSO'I MI SHIGS PA'I THIG LE ZHES KYANG BYA STE GNAS SKABS KYI MI SHIGS PA'O, ,SHING TU PHRA BA'I RLUNG SEMS GNYIS NI JI SRID BYANG CHUB MA THOB BAR GYI MI SHIGS PA ZHES RLUNG LONG BA RKANG LDAN DANG, SEMS ZHA BO MIG LDAN LTA BU STE MTHONG BA'I CHA SEMS DANG, 'GRO BA'I CHA RLUNG YIN PAS NGO BO GCIG LA LDOG PAS PHYE LA, DES 'KHOR 'DAS THAMS CAD KYI GZHI BYED DO, ,GSUM PA LUS KYI GNAS TSUL BYE BRAG TU BSHAD PA NI, PHA MA'I KHU KHRAG GI DBUS SU NYING MTSAMS SBYAR BA NAS DANG POR RTZA DBU MA DANG, RKYANG MA DANG, RO MA GSUM 'CHAGS SHING, DE GSUM LAS, SUM SKOR MA DANG, 'DOD MA DANG, KHYIM MA DANG, GTUM MO DANG, BDUD BRAL MA STE LNGA 'CHAGS PAS DE RNAMS LA SNYING GAR THOG MAR CHAGS PA'I RTZA BRGYAD CES GRAGS SHING DE DANG SNYING GA'I RTZA 'DAB BRGYAD MI GCIG GO ,SUM SKOR MA DANG, 'DOD MA DANG, KHYIM MA DANG, GTUM MO BZHI SHAR LA SOGS PA'I PHYOGS BZHIR GNAS SHING, SUM SKOR MA LAS SHAR LHO'I RTZA LA SOGS PA PHYOGS SO SO'I RTZA RE RE GNYIS GNYIS SU GYES PAS PHYOGS MTSAMS KYI RTZA BRGYAD LA SNYING GA'I RTZA 'DAB BRGYAD DU GRAGS LA, PHYOGS BZHI'I RTZA LA 'BYUNG BA BZHI'I RTZA DANG, MTSAMS BZHI'I RTZA LA MCHOD PA BZHI'I RTZA ZHES KYANG BSHAD DO, ,RTZA 'DAB BRGYAD LAS SKU GSUNG THUGS KYI DBYE BAS RTZA NYER BZHIR GYES LA, DE LAS RDUL MUN SNYING STOBS KYI RTZA GSUM RE GYES PAS DON GNYIS, DE RE RE LAS
STONG PHRAG RE GYES PAS RTZO'I GTZO BO STONG PHRAG DON GNYIS SO, ,RTZA THAMS CAD KYI GTZO BO GSUM GYI DBU MA NI MAR SNE GSANG GNAS DANG YAR SNE SPYI BO NAS 'KHYOGS TE SMIN MTSAMS SU ZUG CING, DE'I GA-YAS SU RO MA DMAR PO DANG, GA-YON DU RKYANG MA DKAR PO GNYIS RKANG MTHIL NAS SNA GNYIS KYI SGOR ZUG ,GSANG GNAS, LTE BA, MGRIN PA, SPYI BO RNAMS SU RO RKYANG GNYIS KYIS DBU MA LA GA-YAS GA-YON DU RE RE MDUD LA, SNYING GAR RO RKYANG GNYIS KYIS DBU MA LA GA-YAS GA-YON DU GSUM RE BCINGS PAS MDUD PA DRUG BCINGS SO, ,DE LTAR GNAS SO SOR BCINGS PAS RO MA NAS 'DZIN PA'I RLUNG DANG, RKYANG MA NAS GZUNG BA'I RLUNG RGYU ZHING, DBU MA NAS 'CHI KHAR MA GTOGS RLUNG MI RGYU'O, ,GZUNG 'DZIN GYI RGYUN GCOD PA LA RO RKYANG GNYIS KYI RLUNG DBU MAR 'JUG DGOS LA, DE LA RTZA 'KHOR RNAMS DANG YAR SNE MAR SNE GNYIS SU 'JUG SGO RE YOD PA LAS SNYING GA DANG LTE BA'I RTZA 'KHAR GNYIS 'JUG SGO'I GTZO BO YIN NO, ,RTZA NANG NAS RTZA BA DANG YAN LAG GI RLUNG JI LTAR RGYU TSUL LA RTZA BA'I RLUNG LDAN, MGRIN PAR GYEN RGYU DMAR PO ME KHAMS 'OD DPAG MED KYI RANG BZHIN, SNYING GAR SROG 'DZIN DKAR PO CHU KHAMS MI BSKYOD PA, LTE BAR MNYAM GNAS DMAR PO RLUNG KHAMS DON GRUB, GSANG BAR THUR SEL SER POS KHAMS RIN 'BYUNG, TSIGS THAMS CAD LA KHYAB BYED SNGON PO NAM MKHA'I KHAMS RNAM SNANG GI RANG BZHIN RNAMS SO, ,YAN LAG GI RLUNG LNGA NI RGYU BA MIG NAS, RNAM PAR RGYU BA RNA BA NAS, YANG DAG PAR RGYU BA SNA NAS, RAB TU RGYU BA LCE NAS, NGES PAR RGYU BA LUS
, ,NAS RGYA BA'O, KHYAB BYED SNA NAS MI RGYU LA GZHAN RNAMS NI SNA SGO NAS KYANG RGYU'O, ,DBUGS 'BYUNG 'JUG RE LA DBUGS GCIG TU BYAS PA'I DBUGS NYI KHRI CHIG STONG DRUG BRGYA NYIN ZHAG GCIG LA RGYU BA'I TSE LTE BA'I RTZA 'DAB DRUG CU RTZA BZHI PO RE RE LA DBUGS SUM BRGYA DANG SUM CU PHYENG SO BRGYAD RE RGYU BA CHU SRANG RE'I DBUGS DANG, SPYI BO'I RTZA 'DAB SO GNYIS PO RE RE LA CHU SANG RE'I DBUGS NYIS 'GYUR RE RGYU BA CHU TSOD RE'I DBUGS DANG, MGRIN PA'I RTZA 'DAB BCU DRUG GI RE RE LA CHU TSOD RE'I DBUGS NYIS 'GYUR RGYU BA 'PHO BA RE'I DBUGS DANG, SNYING GA'I RTZA 'DAB BRGYAD PO RE RE LA 'PHO BA RI'I DBUGS NYIS 'GYUR RGYU BA THUN TSOD RE'I DBUGS SO, ,RLUNG RNAMS KYI BYED LAS NI SROG 'DZIN GYIS SROG STE SEMS RTZAL BA RING DU BYED PA'AM RGYAS PAR BYED, THUR SEL GYIS DRI CHEN DRI CHU DANG KHU KHRAG 'PHEN 'DZIN BYED, MNYAM GNAS KYIS ZA BA DANG BLDAG PA DANG MYANG BA DANG 'THUNG BA SOGS BYED, GYEN RGYUS GYEN DU 'GRO BA DANG SDUD PA DANG, BZA' BA SHES PA DANG LHAN GCIG TU 'BYOR PAR BYED, KHYAB BYED KYIS 'DZIN PA DANG 'GRO BA DANG LDOG PA SOGS BYED, YAN LAG GI RLUNG LNGAS GZUGS LA SOGS PA'I YUL LNGA RIG PAR BYED DO, KHAMS DKAR DMAR GYI DBUS SU SKYE BA BLANGS PA'I GNAS DE NYID SNYING GA YIN LA, DE LAS DMAR CHA CUNG ZAD 'DRES PA'I KHAMS DKAR PO YAR 'PHEL TE SPYI BOR SHAS CHER GNAS LA, DKAR CHA CUNG ZAD 'DRES PA'I KHAMS DMAR PO MAR 'PHEL TE
SHAS CHER LTE BAR GNAS SHING, GZHAN YANG RTZA JI SNYED YOD BDE SNYED KYI NANG DU KHAMS 'PHEL LO, ,DE LTA BU'I RTZA LA SOGS PA'I LUS KYI GNAS TSUL SHES PA'I DGOS PA NI, KHAMS DKAR DMAR GYI DBUS SU RNAM SHES ZHUGS PA NA DE LAS LUS RDZOGS PAR 'GYUR LA MTHAR 'CHI BA'I TSE YANG RIM GYIS BSDUS TE GNAS DER THIMS NAS 'CHI BA BZHIN DU, LAM GYI SKABS SU YANG SNYING GA'I TING NGE 'DZIN SEMS DPA'AM DE'I DOD THIG LE'I 'OD KYIS SNOD BCUD BSDUS TE MTHAR 'CHI BA 'OD GSAL DANG 'DRA BA'I 'OD GSAL DU RIM GYIS BSDUS PA NAS CHU LA THIM PA SOGS KYI RTAGS RNAMS BYUNG NAS 'OD GSAL DU CHU LA CHU BZHAG PA BZHIN DU 'JUG PAR 'GYUR LA, DE NAS BAR DO RLUNG SEMS TZAM GYI LUS GRUB PA DANG 'DRA BA'I 'JA' LUS 'GRUB DGOS PAR GSUNGS LA, YANG RTZA DBU RKYANG RO GSUM GYI 'CHAGS TSUL DANG DE DAG GI GNAS STOD SMAD NA BYANG SEMS DKAR DMAR YONG TSUL SHES PA NI 'CHI BA LA NYE BA'I TSE DMAR CHA GYEN DANG DKAR CHA 'THUR DU 'ONGS PA'I 'DU 'PHROD LAS SNANG BA RIM GYIS SDUD PA'I 'CHI RIM 'BYUNG BA BZHIN DU RNAL 'BYOR PAS KYANG DMAR CHA'I ME 'PHEL BAR BYAS PAS DKAR CHA 'THUR DU 'DREN PA'I 'OD 'DU 'PHROD LA BRTEN NAS SNANG BA RNAMS RIM GYIS 'OD GSAL DU SDUD PA'I RDZOGS RIM BSKYED NAS, DE'I MTHAR SGYU MA'I SKUR LDANG BA SHES PA'I GNAD CHEN PO YOD PAR GSUNGS SO, ,GNYIS PA LAM BGROD PA'I RIM PA LA GNYIS,
, ,RLUNG DBU MAR SDUD PA'I RIM PA DANG, BSDUS PA LA BRTEN NAS BSGOM BA'I RIM PA'O, ,DANG PO LA GNYIS, SNGAGS KYI RNAL 'BYOR DANG, DAM TSIG GI RNAL 'BYOR, ,DANG PO LA GNYIS, LTE BA'I RJES GZHI GI SDUD RIM DANG, SNGAGS KYI RNAL 'BYOR DNGOS BSHAD PA'O, ,DANG PO NI, RANG GSANG CHEN 'JIGS BYED YAB YUM NI, ,GNAD KHYAD PAR BZHI LDAN LEGS BSGOMS PA'I, ,RTZA DBU RKYANG RO GSUM 'KHOR LO DRUG ,MDOG DKAR DMAR RLUNG SEMS THIG LES SBYANGS, ,SLAR YE SHE d'A KI'I PHO BRANG DU; ;LHA YE SHES TING 'DZIN SEMS DPA' LA, ,YID RTZE GCIG CHAGS PA'I RANG 'OD KYIS, KHONG BRTAN GA-YO'I SGEG MO DBANG DU BSDUS, ,ZHES PAS STON TE, SNGAR BSHAD PA'I GSANG CHEN RIGS GCIG GI NGO BO RDO RJE 'JIGS BYED KYI BSKYED RIM MDOR BSDUS SONG ZIN PA NA, GNAD KHYAD PAR BZHI LDAN GYI, DUS KYI GNANG NI STONG PA BZHI GTZO BOR BYED NA THO RANGS, DGA' BZHI GTZO BOR BYED NA PHYI DRO ME'I DUS SU SGOM PA'O, ,LUS KYI GNAD NI, RNAM SNANG GI CHOS BDUN LDAN TE RDZOGS RIM GYI SKABS 'DIR NGES PAR GAL CHE BAS, RKANG MIG LUS PHRAG MGO SO LCE DBUGS BRGYAD, CES PA'I DBUGS MA THE BA'I DANG PO BDUN TE, RKANG PA RDO RJE'I SKYIL KRUNG, MIG SNA RTZER PHA BA, LUS DRANGS POR BSRANG, PHRAG PA GNYIS MTHO DMA' MNYAm PA'I PHYIR LAG PA MNYAm PAR BZHAG MGRIN PA CUNG ZAD DGUG ,SO DANG MCHU RANG BABS SU BZHAG ,LCE RTZE RKAN LA ZHAR BA'O, ,RLUNG GI GNAD NI LUS NANG GI DBUS DRANGS POR RTZA DBU MA MDA' SNYUG TZAM, MAR SNE LTE 'OG SOR BZHI TZAM NAS YAR SNE SPYI BO NAS GUG STE SMIN MTSAMS DANG, DE'I GA-YAS SU RO
MA DMAR PO DANG, GA-YON DU RKYANG MA DKAR PO GNYIS KYI YAR SNE SNA BUG GA-YAS GA-YON DU ZUG PA, MAR SNE GNYIS DBU MA LAS SOR GANG TZAM GYIS RING BA, DE NAS RKYANG MA'I MAR SNE'I SBUBS SU RO MA'I MAR SNE BCUG PAR BSAM LA SNA GA-YAS NAS RLUNG DAL BUS RDUB STE RO MA NAS RGYANG MA'I NANG DU LDIR GYIS ZHUGS PAS RKYANG MA RENGS PA DANG, 'KHUMS PA DANG, RAL ZHING GAS PA SOGS RTZA DANG BYANG SEMS DANG RLUNG LAS SU MI RUNG BA'I NYES SKYON THAMS CAD SBYANGS PAR BSAM LA SNA BUG GA-YON NAS 'BUD PA DE LTA BU LAN GSUM, YANG RO MA'I NANG DU RKYANG MA BCUG LA SNA GA-YON NAS RNGUB STE RO MA'I NANG DU LDIR GYIS SONG BA'I NYES SKYON SNGAR LTAR SBYANG BA LAN GSUM, SLAR YANG RO RKYANG GNYIS KA'I MAR SNE DBU MA'I MAR SNE'I SBU BSU BCUG STE SNA BUG GNYIS KA NAS RLUNG RDUB PA RO RKYANG BRGYUD DBU MA'I NANG DU LDIR GYIS SONG BAS DBU MA'I NYES SKYON THAMS CAD SNGAR LTAR SBYANG PAR BSAM PA LAN GSUM DANG, 'DI'I PHYI MA 'BUD PA'I TSUL NAS KYANG CUNG ZAD RDUB STE RLUNG MJUG DRAG TU 'BUD PAR GSUNGS TE RLUNG RO DGU PHRUGS SU BSAL LO, ,DMIGS PA YUL GYI GNAD NI RTZA 'KHOR SOGS GSAL GDAB PA STE DE YANG THOG MAR RTZA RLUNG GI GEGS MI 'BYUNG BA'I CHED DU RANG 'JIGS BYED DU GSAL BA'I LUS KYI NANG THAMS CAD STONG SANG DVANGS SHING GSAL BA PHRU MA PHUS BTAB PA LTA BU RKANG LAG GI SOR MO'I NANG TSUN CHAD GANG LA'ANG THOGS GTUGS MED PAR BSAM LA STONG RA BSGOM, DE NAS LUS NANG GI GA-YAS GA-YON GNYIS LA LTOS PA'I
, ,DBUS DRANGS THAD DANG, RGYAB MDUN GNYIS LA LTOS PA'I CUNG ZAD RGYAB LA NYE BAR RTZA DBU MA PHYI SNGO LA NANG DMAR BA MDA' SNYUG TZAM YAR SNE SPYI BO NAS GUG STE SMIN MTSAMS SU ZUG PA, MAR SNE RDO RJE'I BUG DANG KHAD CHAD TZAM GANG BA'I RNAM PA CAN DE'I GA-YAS GA-YON DU RO RKYANG GNYIS GRO SOG TZAM YAR SNE SNA BUG GA-YAS GA-YON DANG MAR SNA DBU MA DANG MNYAM PA TZAM ZHAR BA'I RNAM PA CAN, SNYING GAR RO RKYANG GIS DBU MAR MDUD MTSAMS NAS PHYOGS BZHIR RTZA RE RE GYES PA'I BZHI, DE RE RE GNYIS ? GNYIS SU GYES PA'I BRGYAD KHA DOG BKAR PO PHYI DBYIBS ZLUM PO GDUGS KHA PHUB PA LTA BU, LTE BAR MDUNG MTSAMS NAS PHYOGS BZHIR RE RE GYES PA'I BZHI, DE RE RE GNYIS GNYIS SU GYES PA'I BRGYAD, DE RE RE GNYIS GNYIS SU GYES PA'I BCU DRUG ,DE RE RE BZHI BZHIR GYES PA'I RE BZHI KHA DOG DMAR PO, DBYIBS GRU GSUM GDUGS KHA BSLANGS PA LTA BU, GSANG GNAS SPU DKAR NAG GI THAD DRANGS PAR MDUD MTSAMS LAS PHYOGS BZHIR RE RE GYES PA'I BZHI, DE RE RE GNYIS GNYIS SU GYES PA'I BRGYAD, DE RE RE GNYIS GNYIS SU GYES PA'I BCU DRUG ,DE RE RE GNYIS GNYIS SU GYES PA'I SO GNYIS KHA DOG KHRA BO, DBYIBS GRU GSUM KHA PHUB PA'I RNAM PA, RTAGS KYI RDO RJE'I KRI SKAM GYI THAD DRANGS PAR MDUD MTSAMS LAS RE RE GYES PA'I BZHI, DE RE RE GNYIS GNYIS SU GYES PA'I BRGYAD KHA DOG DKAR PO, DBYIBS ZLUM PO GDUGS KHA BSLANGS PA LTA BU, MGRIN PA'I AOL MDUD KYI THAD DU MDUD MTSAMS LAS PHYOGS BZHIR RE RE GYES
PA'I BZHI, DE RE RE GNYIS GNYIS SU GYES PA'I BRGYAD, DE RE RE GNYIS GNYIS SU GYES PA'I BCU DRUG ,KHA DOG DMAR PO, DBYIBS ZLUM PO GDUGS KHA SLANGS PA LTA BU, SPYI BOR KLAD SKYA' STENG TZAM GYI THAD DU MDUD MTSAMS LAS PHYOGS BZHIR RE RE GYES PA'I BZHI; DE RE RE GNYIS GNYIS SU GYES PA'I BRGYAD, DE RE RE GNYIS GNYIS SU GYES PA'I BCU DRUG ,DE RE RE GNYIS GNYIS SU GYES PA'I SO GNYIS KHA DOG KHRA BO, DBYIBS GRU GSUM ZUR GCIG RGYAB TU BSTAN PA KHA PHUB PA'I RNAM PA CAN RNAMS BSAM MO, ,BDE BA'I RTEN KUNDA LTA BU'I BYANG SEMS DKAR PO SHAS CHER SPYI BOR GNAS PAS NA SPYI BO BDE CHEN GYI 'KHOR LO, BZA' BTUNG SOGS MGRIN PA NAS LONGS SPYOD PAS MGRIN PA LONGS SPYOD KYI 'KHOR LO, CHOS THAMS CAD KYI RTZA BA SHIN TU PHRA BA'I RLUNG SEMS SNYING GAR GNAS PAS SNYING GCHOS KYI 'KHOR LO, LTE BA'I MES SPYI BO'I BYANG SEMS BSKUL BA'AM SPRUL BAS NA LTE BA SPRUL PA'I 'KHOR LO, LHAN SKYES KYI BDE BA GSANG GNAS LAS SKYONG BAS NA GSANG GNAS BDE SKYONG GI 'KHOR LO ZHES GRAGS SO, ,DE LTAR GNAD BZHI DANG LDAN PAR BYAS TE NYAMS SU LEN PA LA GZHUNG GIS ZIN SO CHE BA MED KYANG BLA MA GONG MA'I MAN NGAG LAS 'BYUNG BA'I THOG MAR RTZA LAM SBYONG BA NI, SNYING GA'I RTZA 'KHOR GYI DBU MA'I NANG DU BLA MA YI DAM GYI GSANG BA GSUM DANG RANG GI SGO GSUM DBYER MED PA'I THIG LE DKAR LA DMAR MDANGS CHAGS PA SRAN MA TZAM LA RANG SEMS ZHUGS PA BZHIN BYAS TE RTZA 'KHOR LA MDUN NAS GA-YAS SKOR GYI TSUL DU JI 'DRA 'DUG BLTAS PAS RTZA 'DAB RNAMS KYI
, ,SBUBS STONG SENG DBU MAR LTE BA'I RTZA 'KHOR, YANG MGRIN PA'I RTZA 'KHOR MTHONG BAS YAR DBU MA'I NANG DU BDE 'KHRIL GYIS SONG, MGRIN PA'I RTZA 'KHOR GYI DBUS SU RE ZHIG BSDAD NAS RTZA RNAMS LA SNGAR LTAR BLTAS, YAR SONG SPYI BO'I RTZA 'KHOR GYI DBUS SU CUNG ZAD BSDAD NAS SNGAR LTAR BLTAS, SMIN MTSAMS KYI BU GA MTHONG BAS DER SONG NAS YAR SNE NAS THIG LE PHYED TZAM PHYIR 'THON NAS PHYI'I SNOD BCUD DAG PA RAB 'BYAMS DANG RANG LHAR GSAL BA BCAS ? GSAL SING NGE MTHONG, SLAR YANG DBU MA'I NANG BRGYUD PHYIR LOG STE SPYI BO MGRIN PA SNYING GA'I RTZA 'KHOR RNAMS LA SNGAR LTAR BLTAS, MAR LTE BA'I RTZA 'KHOR MTHONG BAS BDE 'KHRIL GYIS SONG, LTE BA'I RTZA 'DAB RNAMS LA SNGAR BZHIN BLTAS, DE BZHIN DU MAR SONG GSANG GNAS DANG NOR BU'I RTZA 'KHOR LA BLTAS RTAGS KYI BU GA NAS PHYED TZAM PHYIR 'THON TE SNGAR BZHIN BLTAS, YANG YAR SONG RIM BZHIN NOR BU DANG, GSANG GNAS DANG, LTE BA'I RTZA 'KHOR RNAMS LA GA-YAS SKOR DU BLTAS TE, DE LTA BU'I TSUL GYIS YANG YANG DBU MA'I NANG DU YAR SNE MAR SNE'I BAR 'GRO 'ONG BYAS LA THUN GROL BA NA SMON LAM RGYAS BSDUS GANG RUNG BYA'O, ,RTZA LAM SBYONG BA LA ZHAG 'GA' GCIG DRIL BYAS PAS RMI LAM DU BUG PA CHUNG DU NAS THON PA SOGS KYI LTAS 'BYUNG BAR GSUNGS PAS DE LTA BU MA BYUNG BAR DU SBYAD BAR BYA'O, ,DE LTAR RTZA LAM SBYANGS NAS LTE BA'I RTZA 'KHOR GYI DBUS SU SLEBS PA NA THIG LE RANG NYID LA BLTAS PAS THIG LE 'OD DU ZHU BA LAS LTE BA'I RTZA 'KHOR GYI DBU MA'I
NANG DU BLA MA YI DAM RANG SEMS DBYER MED KYI NGO BO RDO RJE 'JIGS BYED ZHAL GCIG PHYAG GNYIS PA YUM BCAS DKAR PO RGYA SRAN TZAM BSAM PA YE SHES SEMS DPA' DANG, YAB KYI THUGS KAR NYI GDAN YUNGS 'BRU PHYED PA TZAM GYI STENG DU H'Um YIG DKAR PO YUNGS KAR SBOM PO'I TSAD TZAM N'A DA SPU RTZE LTA BU LAS ME CUNG ZAD 'BAR BA'I RANG BZHIN CAN BSAM PA TING NGE 'DZIN SEMS DPA' STE DE LA SEMS ZHUGS PA BZHIN BYAS TE RTZE GCIG TU BSGOM, DE YANG GSAL BA'I BOGS 'DON DU H'Um YIG LAS 'OD ZER 'PHRO BA DANG, BRTAN PA'I BOGS 'DON DU H'Um YIG NYI GDAN LA ZUG PA'AM, CUNG ZAD THIM PA'I RNAM PA CAN DU BYAS LA NYES PA LNGA SPONG LUGS 'DU BYED BRGYAD BSTAN LUGS SOGS LAM MTHUN MONG BA'I ZHI GNAS KYI SKABS DANG 'DRA'O, ,YEE d'A KI NI MKHA' 'GRO MA STE NANG GI MA KHA 'GRO MA KHAMS DMAR PO YIN LA, DE NYID GNAS PA'I PHO BRANG LTA BU NI LTE BA YIN PAS d'A KA'I PHO BRANG NGO, ,LHA YE SHES TING NGE 'DZIN SEMS DPA' NI BSHAD MA THAG PA LTAR DANG, YID RTZE GCIG PA NI RTZE GCIG TU SGOM PA'O, ,RANG 'OD KYIS BRTAN GA-YO'I SGEG MO STE BUD MED KYI GZUGS CAN DU BKOD NAS DBANG DU BSDU TSUL NI, RTZE GCIG TU BSGOMS PAS YE SHES SEMS DPA' YAB BSDU TSUL NI, RTZE GCIG TU BSGOMS PAS YE SHES SEMS DPA' YAB DANG THUGS KA'I H'Um YIG LAS 'OD ZER DMAR PO 'PHROS PAS DAM TSIG SEMS DPA'I LUS GANG, PHYIR 'PHROS TE GZHAL YAS KHANG SOGS SNOD BCUD THAMS CAD LA KHYAB PAS NYES SKYON THAMS CAD SBYANGS NAS SNOD GZHAL YAS KHANG DANG BCUD
, ,'JIGS BYED YAB YUM GYI RNAM PAR BSGYUR, SLAR MTHA' NAS RIM GYIS BSDUS TE RANG LA THIM, RANG YANG YUM DANG BCAS PA YE SHES SEMS DPA', DE TING NGE 'DZIN SEMS DPA', DE YANG A'U HA, MGO BO ZLA TSES, THIG LE N'A DA'I BAR RIM GYIS BSDUS TE N'A DA SPU RTZE LTA BU SHIN TU PHRA BA DE NYID GNAS MI PHYUG PA'I PHYIR MI BSDU BAR DE LA DMIGS NAS RTZE GCIG TU SGOM, YANG THIG LE ZLA TSES SOGS RIM GYIS SEMS DPA' GSUM BRTZEGS SOGS KYI BAR GRUB PAR BSAM LA SNGAR LTAR SDUD RIM LA BSLAB BO, ,DE LTAR 'BAD PAS N'A DA PHRA MO LA DMIGS NAS BYING RGOD PHRA MO TZAM YANG MED PAR NYIN ZHAG GCIG GI DRUG CHA 'KHYONGS PA BRTAN PA'I TSAD DU GSUNGS LA SNGAR SNOD BCUD BSDUS NAS DE'I RJES SU RANG LHAR GSAL BA'I SNANG BA BSDUS PA NI GZHIG PA STE SNOD BCUD BSDUS PA'I RJES SU RANG GZHIG PAS NA 'DI LA RJES GZHIG GI SDUD RIM ZHES BYA'O, ,DE LTAR 'BAD PAS RLUNG DBU MAR ZHUGS GNAS THIM GSUM 'BYUNG STE, ZHUGS PA'I RTAGS SNA BUG GI RLUNG SHED MTSUNGS NGES CAN DU THENG PA 'BYUNG BA'I NGES CAN NI SGOM RES KYI DANG, THENG PA NI 'GRO BA'O, ,GNAS PA'I RTAGS SNA'I RLUNG GI RGYU BA CHAD CING LTE BA MI 'GUL LA, BYING BA PHRA MO MCHOD PA'I GNAS PA BRTAN PO LA'ANG SNA'I RGYU BA CHAD PA 'BYUNG YANG LTO BA 'GUL, 'DIR NI SROG PA RTZA LA RLUNG MI 'JUG PAS LTO BA MI 'GUL BA'O, ,THIM PA'I RTAGS SA KHAMS THUR SEL GYI NUS PA NYAMS NAS CHU KHAMS SROG 'DZIN GYI NUS PA GSAL DU SONG BA LA SA CHU LA THIM PA'I THA SNYAD BYAS KYIS
DNGOS SU THIM PA MED LA, DES 'OG MA RNAMS LA'ANG RIGS 'GRE ZHING, SA CHU LA THIM PAS SMIG SGYU LTA BU, CHU ME LA THIM PAS DU BA LTA BU, ME RLUNG LA THIM PAS ME KHYER LTA BU, RLUNG KHAMS RNAM SHES LA THIM PA'I 'GO RTZOM PA NA RANG BZHIN BRGYAD CU'I BZHON PA 'GAG PAR 'GYUR BA LA MNGON DU GYUR PA NA MAR ME 'BAR BA LTA BU, RANG BZHIN BRGYAD CU 'GAGS ZIN NAS KUN RTOG GI RLUNG SNANG BA LA THIM PAS SNANG BA RANG DUS SU STON GNAM GA-YA' DAG PA LA TSES BCO LNGA'I ZLA 'OD KYIS KHYAB PA LTA BU DKAR LAM PA, DE MCHED PA LA THIM PAS NYI 'OD KYIS KHYAB PA LTA BU'I DMAR LAM PA, DE NYER THOB LA THIM PAS NYER THOB KYI STOD LA STON GNAM LA SROD KYI MUN PAS KHYAB PA LTA BU'I NAG LAM PA DANG, BAR LA DRAN MED DU BRGYAL ZHING, SMAD LA 'OD GSAL CHA 'DRA TZAM 'CHAR BA LA 'OD GSAL DU SGRO BTAGS PA YIN GYIS 'OD GSAL DNGOS GNAS RNAM DAG YE SHES KYI SKABS SU 'CHAR RO, ,'OD GSAL DE LAS MA GA-YOS PA'I NGANG NAS BLO'I CHA SHAS KYIS GSANG GNAS KYI RTZA 'KHOR GYI RLUNG GA-YOS, LTE BA'I ME SBAR BAS SPYI BO'I BYANG SEMS HA YIG GI 'OD BZHUS PAS BYANG SEMS MGRIN PAR SLEB KYI BAR LA YAS BABS KYI DGA' BA, DE NAS SNYING GAR SLEBS PA'I BAR LA MCHOG DGA', LTE BAR SLEBS PA'I BAR LA KHYAD DGA', GSANG BA DANG NOR BU'I RTZA 'KHOR DU SLEBS PA NA YAS BABS LHAN SKYES KYI DGA' BA SKYES, DE'I TSE BDE STENG SBYAR NAS BSGOM PAR BYA STE SNANG BA STONG SANG, 'DZIN STANGS STONG NYID, MYONG YUL BDE BA, THOB BYA 'BRAS DUS KYI YE SHES CHOS SKU DNGOS THOB BYUNG
, ,SNYAM PA'I NGA RGYAL BYA STE, STONG PA BZHI LAS 'OD GSAL, DGA' BA BZHI LAS LHAN SKYES, LTA BA BZHI LAS THAL 'GYUR BA, SKU BZHI LAS CHOS SKU LA MNYAM PAR 'JOG PA'O, ,DE NAS LUGS LDOG GI DGA' BZHI 'DREN PA NA BYANG SEMS 'DREN PA'I TSUL NI, RDO RJE'I RTZE MO RTING PAS MNAN, SRIN LAG GI RTZA BA MTHE BONG GIS MNAN PA'I KHU TSUR GNYIS KYIS NU MA BKAB, MIG GYEN DU BLTA, LCE RTZE RKAN DANG, LTO BA RGAL TSIGS LA SBYAR, RKANG PA'I SOR MO RNAMS BSKUMS, NGAG TU H'Um RING PO BRJOD NAS 'OG RLUNG DRANGS, DMIGS PA BYANG SEMS HRIL GYIS DBU MA'I LAM NAS SPYI BOR SONG BAR BSAM, DES MA LDOG NA RDO RJE'I RTZE MO NANG DU BKUG PA YAR SONG SPYI BO'I DBU MA NAS THON PA'I RTZE MO CUNG ZAD GUG PAR BSAM LA SNGAR LTAR DRANGS PAS NGES PAR LDOG PAS, RIM PA LTAR LTE BA, SNYING GA, MGRIN PA, SPYI BOR SLEBS PA NA MAS BRTEN GYI DGA' BA, MCHOG DGA', KHYAD DGA', LHAN SKYES KYI DGA' BA SKYES PAR BSAM ZHING, DE'I TSE BDE STONG YE SHES CHOS SKU'I NGA RGYAL 'JOG ,DE LA SAD DUS KYI CHOS SKU'I BSRE BA ZHES BYA, DE LAS GA-YO TSAD PA NA LONGS SPYOD RDZOGS PA'I SKUR LDANG BAR BYA'O SNYAM PA'I 'PHEN PA BTANG NAS SKAD CIG DANG POS PHUNG PO RNYING PA DAM TSIG PA'I THUGS KAR 'JIGS BYED MA HE'I ZHAL CAN PHYAG GNYIS PA YUM BCAS DKAR POR LDANG NAS, SKAD CIG GNYIS PAR PHUNG PO RNYING PA LAS GO SA LOGS SU 'PHOS TE PHYI ROL NAS ZHAL TSUR GZIGS SU BZHUGS PAR BSAM PA NI DBEN SA SNYAN RGYUD PA'I BZHED PA SGYU LUS NANG LDANG GI LUGS SO,,
DE YANG LONGS SKUR LDANG PA DANG, 'OD GSAL 'GAGS PA DANG, LUGS LDOG GI NYER THOB GRUB PA RNAMS DUS MNYAM ZHING, DE NAS LUGS LDOG GI MCHED PA NAS SMIG RGYU'I BAR 'CHAR RO, ,SKU DE LA LONGS SPYOD RDZOGS PA'I SKU DNGOS YIN SNYAM PA'I NGA RGYAL BYAS NAS SGOM PA LA SAD DUS KYI LONGS SKU'I BSRE BA ZHES BYA'O, ,DE NAS RAGS PA'I SPRUL SKU BZUNGS LA SEMS CAN GYI DON BYA'O SNYAM PA'I 'PHEN PA BTANG NAS RANG LONGS SKUR GSAL BA DE PHUNG PO RNYING PA 'JIGS BYED YAB YUM DU GSAL BA'I SRIN ZHAL NAS RTZA ZHAL GYI TSANGS BUG NAS DBU MA'I NANG BRGYUD SNYING GAR SLEBS PA NA SNA BUG NAS RLUNG RGYU, YUL SNANG 'CHAR, GANG SNANG STONG PA, STONG PA BDE BA, BDE BA RDO RJE 'JIGS BYED DU 'CHAR BA LA BSLAB PAR BYA STE SAD DUS KYI SPRUL SKU'I BSRE BA ZHES BYA ZHING BSNGO SMON BYAS LA THUN GROL TE RJES THOB KYI RNAL 'BYOR RNAMS BYA'O, ,DE LTAR DGA' BZHI LUGS 'BYUNG LUGS LDOG LA CUNG ZAD BYUNG BA NA, GNYID DUS KYI BSRE SKOR NYAMS SU LEN TSUL NI, NUB MO NYAL KHAR BSRE SKOR RNAMS NYAMS LEN NUS PA'I BLA MA YI DAM LA GSOL 'DEBS, CHOS SRUNG LA GTOR 'BUL 'PHRIN BCOL BYAS LA GNYID DUS KYI BSRE SKOR BYED TSUL RNAMS YANG YANG DRAN PAR BYA, SNYING GAR YE SHES SEMS DPA' MA, DE'I DOD THIG LE GSAL BTAB PA LAS 'OD ZER 'PHROS TE SNOD BCUD THAMS CAD LA SNGAR LTAR KHYAB NAS RIM GYIS N'A DA'AM THIG LE PHRA MO'I BAR BSDUS TE GNYID MTHUG GI 'OD GSAL 'CHAR LA DE LA GNYID CHOS SKUR BSRE BA DANG, DE NAS GNYID SRAB TU SONG BAS RMI LAM SHAR BA NA PHUNG
, ,PO RNYING PA LAS GO SA LOGS SU 'JIGS BYED DKAR PO YAB YUM GYI SKUR LDANG BA NA, RMI LAM LONGS SKUR BSRE BA ZHES BYA LA, RMI LAM CUNG ZAD BRTAN PA NA DAG ZHING SNA TSOGS SU SONG STE SANGS RGYAS LAS CHOS NYAN PA DANG; GA-YANG SAR MCHOD BA SOGS YANG BA LA THOG RDZIS BYED PA SOGS SPRUL BSGYUR BYA'O, ,GNYID SAD PAR RTZOM PA NA PHUNG PO RNYING PA'I SPYI BO NAS ZHUGS TE SNYING GAR SLEB PA NA RLUNG RGYU YUL SNANG 'CHAR, DE LA GNYID DUS KYI SPRUL SKU'I BSRE BA ZHES BYA'O, ,DE LTAR 'BAD PAS SAD DUS DANG GNYID DUS KYI BSRE BA PHAN TSUN BOGS 'DON DU 'GYUR ZHING, GNYID CHOS SKUR BSRE BA DKA' LA, RMI LAM LONGS SKUR BSRE BA CUNG ZAD SLA ZHING GNYID DUS KYI BSRE BA GSUM BYUNG NA 'CHI DUS KYI BSRE SKOR NGES PAR 'BYUNG NGO, ,RNAL 'BYOR PA DE LAM GONG MA'I RTOGS PA MA SKYES PAR 'CHI DGOS PA BYUNG NA 'CHI DUS KYI BSRE SKOR NYAMS SU LEN TSUL NI, DNGOS NOR THAMS CAD DGE RTZAR BTANG, DAM TSIG DANG SDOM PA NYAMS PA RNAMS BDAG 'JUG SOGS KYI SGO NAS SOR CHUD PAR BYAS, DGE RTZA RNAMS BSRE SKOR NYAMS SU LEN NUS PA'I RGYUR BSNGO SMON SHUGS DRAG PO YANG YANG BYA, SNYING GAR YE SHES SEMS DPA' GSAL BTAB STE RJES GZHIG GI SDUD RIM YANG YANG BYA ZHING 'OD GSAL DU ZHAG 'DI TZAM GYI BAR SDOD SNYAM PA'I 'PHEN PA BYA, SMIG SGYU NAS 'OD GSAL BAR GYI RTAGS RNAMS SHAR BA NGOS ZIN PAR BYAS STE 'OD GSAL SHAR BA NA STONG NYID DU SBYAR NAS CHOS SKU'I NGA RGYAL LA RTZE GCIG TU MNYAM PAR 'JOG PA NI
'CHI DUS KYI CHOS SKU'I BSRE BA'O, ,'OD GSAL LAS LDANG BAR BRTZAM PA NA KAtORA'I CHU RLUNG SER BUS BSKYOD PA LTA BU CUNG ZAD GA-YO BA 'BYUNG BAS, DE'I TSE SGYU LUS SU LDANG SNYAM PA'I 'PHEN PA BTANG LA YI DAM DKAR PO YAB YUM GYI SKUR LDANG BA NA LUGS LDOG GI NYER THOB NAS SMIG SGYU'I BAR GYI RTAGS RNAMS 'CHAR ZHING LONGS SKU'I NGA RGYAL BYA BA NI 'CHI DUS KYI LONGS SKU'I BSRE BA'O, ,SEMS DBEN DPE'I 'OD GSAL GRUB PA NA GZHAN LA BAR DO'I LUS 'GRUB PA'I DOD LA RNAL 'BYOR PAS SGYU LUS DNGOS GNAS SU LDANG NUS SO, ,DE NAS SKYE BA LEN PA NA PHUNG PO RNYING PA DANG LAS KYI 'BREL THAG CHAD PA YIN PAS DE LA SLAR 'JUG TU MED PAS LUS RTEN GSAR DU 'TSOL DGOS LA, DE LA PHA MA RIGS BZANG ZHING CHOS LA SPYOD PA 'DAMS NAS PHA MA NYAL PO BYED PA RMI LAm BZHIN DU MTHONG BA NA CHAGS SDANG BKAG STE PHA RDO RJE 'JIGS BYED DANG MA RO LANGS MAR BSGOMS LA PHA'I KHA'AM SPYI BO NAS ZHUGS TE MA'I MNGAL DU NYING MTSAMS SBYAR LA LHA'I NGA RGYAL BYA STE DE LA 'CHI DUS KYI SPRUL SKU'I BSRE BA ZHES BYA ZHING RTEN DE LA LAM LHAG MA RNAMS NYAMS SU BLANG BAR BYA'O, ,GNYIS PA SNGAGS KYI RNAL 'BYOR DNGOS LA GNYIS, BUM PA CAN DANG, RDO RJE'I BZLAS PA'O, ,DANG PO NI, SNYING CHOS KYI 'KHOR LO RTZIBS BRGYAD DBUS, ,SNGAGS ZAB MO'I THIG LE H'Um YIG LA, ,LUS STOD SMAD DRI ZHON YONGS BSTIMS NAS, ,RLUNG BUM CAN RNAL 'BYOR TSAD DU BSKYAL, ,ZHES PAS STON TE, 'DI LA BAG CHAGS 'JOG PA'I PHYIR CUNG ZAD SGOM PA DANG, RLUNG BYANG BA'I MTSAMS NAS SNYING GA'I BUM PA CAN SGOM PA'I DBANG DU BYAS TE 'CHAD
, ,LA; RTZAL 'DON BYED NA LAS DANG PO BAS THOG MA NAS SNYING GAR BZUNG NA RTZA RLUNG GI GEGS CHE BAS THOG MAR LTE BA'I BUM CAN BYA'O, ,DE LA SNGON 'GRO'I RIM PA RNAMS SNGAR LTAR BYAS TE RTZA GSUM 'KHOR LO DRUG GSAL BTAB PA'I SNYING GA'I RTZA 'KHOR GYI DBU MA'I NANG DU, SNGAGS ZAB MO'I THIG LE DKAR LA DMAR PA'I MDANGS CAN SRAN MA TZAM GYI NANG DU H'Um YIG DKAR PO SHIN TU PHRA BA N'A DA LAS ME CUNG ZAD 'BAR BA GSAL BTAB, SNA GNYIS NAS STENG RLUNG DAL BUS 'THEN LA MCHI LAM SGRA MED MID PA DANG MNYAM DU SMIN MTSAMS NAS DBU MA'I NANG DU STE RLUNG SROG 'DZIN DKAR PO BDE KHYUG GE SONG BA MAR MNAN, 'OG RLUNG 'THEN PAS RDO RJE'I BU GA NAS DBU MA BRGYUD THUR SEL SER PO YAR DRANGS NAS STENG 'OG GI RLUNG THAMS CAD DBU MA'I NANG BRGYUD THIG LE H'Um YIG DANG BCAS PA LA THIM PAR BSAM LA YUG CIG BZUNG, SLAR MI BDE BA SKYES PA NA SNA NAS DAL BUS BSIR GYIS BTANG NAS RLUNG YAR MAR SONG BAR BSAM PA TZAM BYA LA PHYIR THON PAR MI BSAM, YAR SNGAR LTAR 'THEN PA SOGS CI 'GRUB BYA'O, ,DE LTAR 'BAD PAS RLUNG BYANG BA NA LAG PA GNYIS MNYE, SE GOL GNYIS BRDAB, YANG LAG MNYE, SE GOL GNYIS, YANG LAG MNYE, SE GOL GNYIS TE MNYE BA GSUM DANG SE GO LA DRUG GTOG PA LA GCIG TU BYAS TE SUM CU SO DRUG GI BAR BUM PA CAN GCIG GIS THUB PA CHUNG NGU DANG, DE 'DAB 'GYUR DON GNYIS THUB PA 'BRING, SUM 'GYUR BRGYA
RTZA BRGYAD KYI BAR THUB PA NI BUM PA CAN CHEN PO YIN PAS TSAD DU BSKYAL ZHES PA'I TSAD NI DE GSUM MO, ,DE LTAR 'BAD PAS RLUNG DBU MAR ZHUGS GNAS THIM GSUM 'BYUNG BA'I RTAGS DANG, DGA' BA BZHI DANG, STONG PA BZHI DANG, BSAD DUS KYI BSRE BA GSUM NYAMS SU LEN TSUL RNAMS NI SNGAR RJES GZHIG GI SKABS SU BSHAD PA BZHIN DU BYA'O, ,DE LTAR BYAS PAS DBU MA'I RTZA MDUD GROL BAR 'GYUR TE, GROL DKA' SHOS SNYING GA'I RTZA MDUD YIN LA, DE GROL BA'I THABS SU SNGAR LTE BA'I RTZA MDUD 'GROL BA'O; ;DE YANG DBU MA LA RO RKYANG GIS MDUD BAS DE'I NANG DU RLUNG MI 'JUG PA DE RTZA MDUD LHOD POR SONG NAS DBU MAR RLUNG ZHUGS PA LA GROL BA'I THA SNYAD BYAS KYIS DNGOS SU RTZA MDUD GROL BAR 'DOD PA NI MA YIN NO, ,GNYID DUS KYI BSRE BA RNAMS NYAMS SU LEN TSUL NI SNYING GA'I BUM PA CAN 'DZIN BZHIN DU GNYID LOG PA DANG, 'CHI DUS KYI BSRE BA GSUM YANG SNYING GAR BUM PA CAN 'DZIN BZHIN DU 'CHI BA'I KHYAD PAR TZAM LAS SNGAR JI LTA BA BZHIN NO, ,GNYIS PA RDO RJE'I BZLAS PA NI, YANG SROG THUR 'JUG GNAS LNGANG BA'I SGRA, ,BLOS MA BCOS RDO RJE RNAM GSUM DU, ,DUS YANG YANG DBU MA'I NANG BSGRAGS PAS, ,RTZAS BCINGS PA'I MA RIG MDUD PA 'GROL, ,ZHES PAS STON TE, RTZA MDUD 'GRO BA LA BUM PA CAN LAS RDO RJE'I BZLAS PA CHES BSNGAGS LA, SNYING GA'I RTZA MDUD RDOR BZLAS MA GTOGS GZHAN GYIS 'GRO MI NUS SHING MDUD PA DE LA MA RIG PA ZHES KYANG BYA, DE 'GROL BA LA DPER NA SMYUG MA'I SBUBS 'GAGS PA LCAGS SAG GIS 'DON PA LTAR SROG THUR LTAG SPROD
, ,KYI RLUNG SNGAGS THA MI DAD PA'I RDOR BZLAS BYA DGOS PAS 'JUG PA AOm, GNAS PA A'A: LDANG BA H'Um GI GDANGS KYIS BYA STE, RDO RJE GSUM NI SKU RDO RJE'I NGO BO AOm DANG, GSUNG RDO RJE'I NGO BO A'A: DANG, THUGS RDO RJE'I NGO BO H'Um YIG GSUM MO, ,DE YANG SNGON 'GRO'I RIM PA LTAR BYAS NAS SNYING GA'I RTZA 'KHOR GYI DBUS SU H'Um YIG DKAR LA DMAR MDANGS CAN GSAL BTAB, RLUNG NANG DU 'JUG PA DANG MNYAM DU STENG 'OG GI RLUNG DBU MA'I YAR MAR NAS BDE KHYUG GIS BYUNG BA AOm ZHES SROG 'DZIN N'A DAD DANG, THUR SEL ZHABS KYU NAS THIM, A'A: ZHES PA'I GDANGS KYIS CUNG ZAD GNAS, SLAR LDANG BA NA H'Um ZHES PA'I GDANGS KYIS NA D'A NAS SROG 'DZIN YAR DANG, ZHABS KYU NAS THUR SEL MAR SONG BAR BSAM LA RANG SEMS H'Um YIG LA ZHUGS PA LTAR BYAS PAS YI GE GSUM GYI SGRA NYAN MKHAN LTA BU'I TSUL GYIS BYA'O, ,DE LTAR 'BAD RTZOL MED PA RLUNG DANG SHUGS KYI 'GRO 'ONG DANG BSTUN NAS LDANG BA NA RIM GYIS JE RING JE RING DU SONG BAR BSAM STE THOG MAR H'Um LAS THON TZAM DANG, DE NAS STENG RLUNG MGRIN PA DANG 'OG RLUNG LTE BAR SLEBS TZAM DANG, DE NAS SPYI BO DANG GSANG GANS SU SLEBS TZAM DANG, DE NAS RIM PA LTAR SMIN MTSAMS DANG NOR BU'I TZE DANG, DBU MA'I SNE GNYIS NAS SOR BZHI TZAM, SOR BRGYAD TZAM, SOR BCU GNYIS TZAM THON NAS NANG DU 'JUG PAR BSHAD LA DE LHAG 'DON PAR MA BSHAD CING DBU MA'I PHYIR THON PAR DGOS PA MA MTHONG GSUNGS, DE LTAR SROG THUR GYI RDOR BZLAS CI 'GRUB BYAS NAS THUN GROL BA NA AOm ZHES BZHAG NA RTEN
'BREL GYI GNAD YOD PAR GSUNGSO, ,DE LTAR 'BAD PAS RLUNG DBU MAR ZHUGS GNAS THIM GSUM GYI RTAGS DANG, STONG BZHI, BSAD DUS KYI BSRE SKOR GSUM NYAMS SU LEN TSUL SNGAR DANG 'DRA ZHING, GNYID DUS DANG 'CHI DUS KYANG RDOR BZLAS BYA BZHIN DU GNYID LOG PA DANG 'CHI 'PHO BO'I KHYAD PAR MA GTOGS SNGAR LTAR DE 'DI DAG GI 'OD GSAL NI SEMS DBEN RJES MTHUN PA YIN NO, ,SROG THUR GYI RDOR BZLAS BYANG NAS, GYEN RGYU LA SOGS PA'I RLUNG GZHAN GYI RDOR BZLAS KYANG BYA RUNG LA, DE YANG ZAS 'JU DKA' NA MNYAM GNAS, RTZA CHU 'DOR DKA' NA THUR SEL, BAD KAN DUG STABS LA GYEN RGYU'I RDOR BZLAS DANG, MIG LA SOGS PA'I YAN LAG GI RLUNG LA RDOR BZLAS BYED NA SNYING GA NAS RTZA PHRAN RE MIG SOGS DBANG PO SO SO'I DBUS SU ZUG PAR BSAM LA RDOR BZLAS BYAS NA MIG GSAL ZHING BYE BA DANG MIG GI MNGON SHES LA SOGS PA 'BYUNG NGO, ,GNYIS PA DAM TSIG GI RNAL 'BYOR NI, PHYI MTSAR SDUG PHYAG RGYA'I BDE DROD DANG, ,NANG BSAM GTAN ZAB MO'I THABS MKHAS KYIS, ,RLUNG PHRA RAGS MA LUS DH'U T'I'I NANG; ;YONGS BSDUS MTHAR DPE YI 'OD GSAL 'CHAR, ,ZHES PAS STON TE, 'DI LA BYIN GYI BRLABS PA'I RNAL 'BYOR ZHES KYANG BYA ZHING PHYAG RGYA ZHES PA RGYAL PO'I PHYAG RGYA LAS 'BANGS RNAMS KYIS 'DAR MI RUNG BA LTAR SAM YA ZHES PA DAM TSIG GAM 'DAR MI RUNG BA YIN PAS TSE GCIG LA 'TSANG RGYA NA NGES PAR LAS RGYA LAS 'DAR MI RUNG BAS PHYAG RGYA MA'O, ,DE YANG, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON
, ,PAR 'GYUR, ,ZHES GSUNGS LA, YE SHES GSUM NI SNANG MCHED THOB GSUM GYI YE SHES YIN PAS DE BSKYED PA PHYAG RGYA LA LTOS DGOS SHING, SEMS DBEN DPE'I 'OD GSAL 'GRUB PA LA DE'I SNGON DU RLUNG PHRA RAGS THAMS CAD SNYING GA'I DBU MAR SDUD DGOS LA, RTZA BA DANG YAN LAG GI RLUNG GZHAN RNAMS BSGOMS STOBS KYIS SDUD NUS KYANG, KHYAB BYED KYI RLUNG PHRA MO TSUN CHAD 'CHI BA'I TSE RANG SHUGS KYIS SNYING GAR 'DU YANG, DE'I SNGON DU LAS RGYA LA BRTEN NAS PHYI NANG GI THABS MKHAS KHYAD PAR CAN GYIS BSDU NUS KYI, DE LAS GZHAN PA'I THABS GANG BYAS KYANG BSDU MI NUS SO, ,DES NA SNGAR BSHAD PA'I SNGAGS KYI RNAL 'BYOR NYAMS SU BLANGS PAS SNYING GA'I RTZA MDUD LHOD PAR SONG BA NA LAS RGYA BSTEN DGOS SHING, DE LA RANG NYID MI BSKYOD PA'I RIGS YIN NA RME SHA CAN GYI BU MO, RNAM SNANG GI RIGS LA GAR MKHAN GYI, RIN 'BYUNG LA PHRENG RGYUD MKHAN, 'OD DPAG MED LA BTZO LAG MKHAN PADMA CAN TE MCHOG YIN, DE LTA BU'I RANG RIGS KYI RIG MA BTZAL NAS LAM THUN MONG BAS RGYUD SBYANGS, DBANG BZHI BSKUR STE DAM TSIG DANG SDOM PA LA GNAS SHING BSKYED RIM RAGS PA MTHAR PHYIN PA'I BAR SNGAGS SKYES DANG, DBEN GSUM SGYU LUS CI RIGS LA GNAS PA ZHING SKYES DANG, RNAM DAG YE SHES YAN CHAD KYI RTOGS PA SKYES PA LHAN SKYES KYI RNAL 'BYOR MA YIN PAS DE LTA BU'I RIG MA 'DU BYAS LA, SKYABS SEMS NAS RTZA 'KHOR GSAL 'DEBS KYI BAR SNGAR BZHIN BTANG, RTZA LAM SBYONG MI DGOS, YAB YUM GYI
MKHA' GSANG BYIN GYIS RLABS LA 'DU SHES GSUM LDAN GYIS SNYOMS PAR 'JUG CING, DE YANG YUM GYI PADMAR YAB KYI RDO RJE BCUG ,YUM GYI PADMAR RDO RJE DBYINGS KYI DBANG PHYUG MA'I RTZA ZHES DBU MA'I MAR SNE NAS SOR GANG NGAM DO TZAM PHYIR NAR BA YAB KYI RDO RJE'I DBU MAR BCUG PA RTZA RDO RJE SKYIL KRUNG DANG, YAB YUM GYI GSANG GNAS NAS THUR SEL GYI RLUNG SPOS DUD LTA BU PHAN TSUN GYI DBU MAR ZHUGS PA RLUNG RDO RJE SKYIL KRUNG, RLUNG GIS RANG RANG GI LTE BA'I ME SBAR BAS KHAMS BZHUS TE SBYOR MTSAMS SU 'DRES PA THIG LE RDO RJE SKYIL KRUNG, DE LA BRTEN NAS LHAN SKYES KYI BDE BA SKYE ZHING BDE BAS STONG PA NGES PA LA MNYAM PAR 'JOG PA NI BDE STONG RDO RJE SKYIL KRUNG ZHES SKYIL KRUNG BZHI DANG LDAN PA STE, DE LTAR SNYOMS PAR ZHUGS PAS RLUNG DBU MAR ZHUGS GNAS THIM GSUM 'BYUNG, THIM PA'I RTAGS SMIG SGYU NAS 'OD GSAL BAR GYI RTAGS RNAMS 'CHAR BAS, SMIG SGYU SHAR BA NA SNYING GA'I RJES GZHIG GI SDUD RIM BYA STE, SNYING GA'I RTZA 'KHOR DU THIG LE DKAR DMAR GYI DBUS SU H'Um YIG YUNGS 'BRU TZAM DE LAS 'OD ZER 'PHROS PAS SNOD BCUD THAMS CAD SBYANG BSGYUR SNGAR LTAR BYAS TE RIM GYIS H'Um NGAM N'A DE'I BAR BSDUS LA SAD DUS KYI BSRE BA GSUM BYA'O, ,YANG NA KHYAB BYED KYI RLUNG LA RDOR BZLAS BYA STE, LHAR GSAL BA'I SNYING GA'I RTZA 'KHOR LAS RTZA PHRAN PHRA MO GRANGS MED 'PHROS PA BA SPU'I KHUNG SOGS LA ZUGS LA H'Um YIG LAS BLTAS PAS BU GA HA RE YOD PAR BSAM LA, RTZA PHRAN LAS RLUNG 'JUG PA AOm GYI GDANG SA SOGS KYIS RDOR BZLAS BYA'O,
, ,DE LTAR SNYOMS PAR 'JUG PA DANG BCAS PAS SDUD RIM DANG RDOR BZLAS LA BRTEN NAS DGA' BZHI DANG STONG BZHI BRANG SPROD DU 'BYUNG BAS RLUNG RNAMS SNYING GAR NYE BAR PHYOGS PA NA SMIG SGYU NAS SNANG BA'I BAR LA DGA' BA; DE NAS RTZA 'DAB BRGYAD LA SLEBS PA'I BAR LA MCHED PA DANG MCHOG DGA', DE NAS RTZA 'DAB BZHI LA SLEBS PA'I BAR LA NYER THOB DANG KHYAD DGA', DE NAS H'Um YIG LA SLEBS PA'I BAR LA THAMS CAD STONG PA 'DI GSAL GYI SKABS SU LHAN SKYES KYI DGA' BA MYONG ZHING DE'I TSE BDE STONG LA RTZE GCIG TU MNYAM PAR BZHAG PA LA SAD DUS KYI CHOS SKU'I BSRE BA'AM 'OD GSAL RJES MTHUN PA BYAS KYANG CHOG GO ,'OD GSAL DE LAS LDANG BAR RTZOM PA NA LONGS SKUR LDANG BA'I 'PHEN PA BTANG NAS PHUNG PO RNYING PA LAS GO SA LOGS SU 'JIGS BYED PHYAG GNYIS PA'I SKUR LDANG ZHING, DE LA LONGS SKU'I BSRE BA'AM SGYU LUS RJES MTHUN PA'AM, DBYIBS KYI RNAL 'BYOR RJES MTHUN PA BYAS KYANG CHOG GO ,DE NAS RAGS PA'I SPRUL SKU BZUNG BA'I 'PHAN PA BTANG NAS DAM TSIG SEMS DPA'I SPYI BO NAS ZHUGS SNYING GAR SLEBS PA NA SNA BUG NAS RLUNG RGYU, YUL SNANG 'CHAR, GANG SNANG BDE STONG RDO RJE 'JIGS BYED DU 'CHAR BA LA BSLAB BO, ,RNAL 'BYOR PA DE GNYID KYI DGE SBYOR BSKYANG PA'I PHYIR, GNYID DUS KYI NYAMS LEN BYA BA'I TSE SNYOMS 'JUG MI BYA BAR RDOR BZLAS DANG SNYING GA'I RJES GZHIG GI SDUD RIM GANG RUNG BYAS LA BSRE SKOR GSUM BYA ZHING, 'CHI DUS KYI BSRE SKOR NI 'DI PHYIN CHAD MI DGOS TE, PHUNG PO PHRA RAGS 'BYED
BA LA; LAS NYON GYIS 'BYED PA DANG, 'PHO BA DANG, GRONG 'JUG DANG, RDOR BZLAS SOGS KYIS 'BYED PA BZHI YOD PA LAS PHYI MA MCHOG YIN CING 'DIR PHYI MA'I SGO NAS PHUNG PO PHRA RAGS 'BYED NUS PAR MA ZAD BAR DE'I DOD DU LHA SKUR LDANG NUS PAS SO, , DES NA SEMS DBEN RJES MTHUN PA THOB NAS LAS RGYA MI BSTEN NA LAS RGYA'I DOD 'CHI DUS KYI LAS RLUNG RANG SHUGS KYIS 'DU BAS DGOS PA 'GRUB BO, ,GNYIS PA BSDUS PA LA BRTEN NAS SGOM PA'I RIM PA LA GSUM, DBYIBS KYI RNAL 'BYOR, RNAM DAG YE SHES KYI RNAL 'BYOR, DBYER MED ZUNG 'JUG GI RNAL 'BYOR RO, ,DANG PO NI, SLAR 'OD GSAL BZHON PA'I RLUNG SEMS LAS, ,SNYING CHU SKYES ZE'U 'BRU RGYAS PA'I DBUS, ,DPE DBANG PO'I GRANGS KYIS NYER MTSON PA'I, ,DBYIBS SGYU MA'I LHA SKU DNGOS SU 'GRUB, ,CES PAS STON TE, DE LTAR DAM TSIG GI RNAL 'BYOR SOGS LA 'BAD PAS MA DAG PA'I SGYU LUS 'GRUB PA'I MTSAN MA 'BYUNG STE, RMI LAM DU LHA'I BU DANG BU MOS BSNYEN BSKUR BA DANG, TSANGS PA DANG DRAG PO SOGS LHA MIN THU BO CHES PHYAG 'TSAL BA DANG, LUS LAS 'OD ZER 'PHROS PAS 'JIG RTEN KHYAB PA DANG, SANGS RGYAS KYIS 'OD ZER CHEN POS DBANG BSKUR BA SOGS KYI MTSAN MA BYUNG NA, PHYI'I RKYEN LAS RGYA DANG SNYOMS PAR 'JUG PA DANG NANG GI RKYEN RJES GZHIG NA SDUD RIM GYI THABS MKHAS LAS SNGAR LTAR DGA' BZHI STONG BZHI BRANG 'PHROD KYI NGO BOR 'BYUNG BAS, LUGS 'BYUNG GI NYER THOB RDZOGS PA NA SEMS DBEN DPE'I 'OD GSAL 'CHAR ZHING, DE'I TSE LHAN SKYES KYI BDE
, ,BAS STONG NYID DON SPYI'I TSUL DU RTOGS SHING, 'OD GSAL DE NYID MA DAG PA'I SGYU LUS KYI SGRUB GZHI MTHAR THUG YIN NO, ,SLAR 'OD GSAL DE LAS LDANG BA NA DE'I BZHON PAR GYUR PA'I ZAG BCAS KYI RLUNG 'OD ZER LNGA PAS NYER LEN GYI RGYU DANG, 'OD GSAL DES LHAN CIG BYED RKYEN BYAS TE SGYU LUS SU LDANG ZHING, DE LA PHYI LDANG DANG NANG LDANG DU BZHED SROL GNYIS YOD PAS PHYI MA LTAR NA PHUNG PO RNYING PA'I SNYING GAR SKAD CIG SNGA MAR SGYU LUS GRUB PA DANG MNYAM DU LUGS LDOG GI NYER THOB NAS SNANG BA'I BAR 'CHAR LA, SKAD CIG PHYI MAR PHUNG PO RNYING PA LAS GO SA LOGS SU BYE NAS MAR ME LTA BU NAS SMIG SGYU'I BAR GRUB STE RDO RJE 'JIGS BYED DKAR PO PHYAG GNYIS YUM BCAS KYI SKUR DNGOS GNAS LA LDANG BA DE 'BYUNG NGO, ,DPE DBANG PO'I GRANGS NI LNGA'I MING GI RNAM GRANGS TE, RMI LAM GYI LUS KHYAD PAR CAN, ME LONG NANG GI GZUGS BRNYAN, CHU NANG GI ZLA BA, SGYU MA'I MI, CHU BUR TE LNGA'O, ,DE YANG RMI LAM GYI LUS KHYAD PAR CAN NI RMI LAM DU RANG NYID SHI BA'I PHUNG PO RNYING PA MTHONG BA LTA BU STE, DE'I DUS KYI LUS DE RANG GI SGRUB GZHI GNYID KYI 'OD GSAL LAS BYUNG, DA LTA PHUNG PO RNYING PA LAS GO SA LOGS SU YOD, SLAR SAD PA NA RANG GI PHUNG PO RNYING PA LA 'JUG DGOS PA LTAR, SGYU LUS DE YANG RANG GI SGRUB GZHI DPE'I 'OD GSAL LAS BYUNG, DA LTA PHUNG PO RNYING PA LAS GO SA LOGS SU YOD, SLAR RAGS PA'I SPRUL SKU 'DZIN PA NA PHUNG PO RNYING PA DAM TSIG PAR GSAL BA LA 'JUG GO ,ME LONG NANG GI RDO RJE
SEMS DPA' DE MTSAN DPES SPRAS PA'I RNAM PAR SNANG YANG BDEN PAS STONG PA BZHIN SGYU LUS DE YANG MTSAN DPES SPRAS PA'I RNAM PAR SNANG YANG RANG BZHIN GYIS STONGS PA'O, ,NAM MKHA'I NGOS SU ZLA BA GCIG LAS MED KYANG RTZA'I ZIL PA TSUN CHAD KYI CHU RE RE'I NANG DU ZLA GZUGS RE RE SNANG BA LTAR SGYU MA'I LUS DE NGO BO GCIG YIN KYANG SPRUL PA BRGYA STONG MANG PO CIG CAR DU 'GYED NUS PA'O, ,SGYU MA'I MI DE MIR SNANG YANG SHA RUS SNGOS BCAS KYIS STONGS PA LTAR SGYU LUS DE YANG SHA RUS SDOS BCAS KYIS STONGS PA'O, ,CHU LAS CHU BUR RDOL BA NI CHOS GZHAN GYIS BAR MA CHOD PAR THOL GYIS 'BYUNG BA LTAR SGYU LUS DE YANG RANG GI SGRUB GZHI SEMS DBEN MTHAR THUG DPE'I 'OD GSAL LAS CHOS GZHAN GYIS BAR MCHOD PAR THOL GYIS BYUNG BA'O, ,DE YANG SEMS DBEN MTHAR THUG DPE'I 'OD GSAL 'GAG PA DANG, MA DAG PA'I SGYU LUS THOB PA DANG, LUGS LDOG GI NYER THOB GRUB PA RNAMS DUS MNYAM DU 'BYUNG ZHING SGYU LUS DE KHYAD PAR BCO LNGA DANG LDAN PA STE, RGYU'I KHYAD PAR SEMS DBEN DPE'I 'OD GSAL LAS BYUNG, 'PHEN PA 'OD GSAL LAS LDANG SNYAM PA, DUS 'OD GSAL DE'I MJUG THOGS SU, GNAS NANG LDANG LTAR NA PHUNG PO RNYING PA'I SNYING GA DANG, PHYI LDANG LTAR NA RNYING PA LAS GO SA LOGS SU, NGO BO DVANGS SHING THOGS PA MED PA, KHA DOG SROG 'DZIN GYI RLUNG GI RANG MDANGS DKAR PO, DBYIBS ZHAL PHYAG RDZOGS PA'AM PHYAG GNYIS PA MA HE'I ZHAL CAN, MTHONG TSUL SO SKYE SGYU LUS MA THOB PA MAN CHAD KYIS MI MTHONG ZHING, SKU LAS
, ,'OD ZE'I SNA LNGA DPAG TSAD BRGYAR 'PHRO BA, YUL LONGS SPYOD LA DBANG SHES LNGA DANG LDAN PA, YON TAN LAM DUS KYI MTSAN DPES SPRAS PA, LONGS SPYOD NAM MKHA' MDZOD LA MNGA' MNYES SHING SANGS RGYAS LAS DNGOS SU CHOS NYAN NUS SHING, TSE 'DI LA 'TSANG RGYA NGES PA, MING BDAG BYIN RLABS, DPE DRI ZA'I SEMS CAN, NGES TSIG GDAGS GZHI PHRA BA, YUN RNAM DAG YE SHES KYI RNAL 'BYOR BAR BZHUGS PA STE SGYU LUS DE LA MDO PHYOGS NAS LAM BGROD PAS BSKAL CHEN GRANGS MED GSUM DU TSOGS GSOG PA'I DOD YOD DO, ,DE NAS RAGS PA'I SPRUL SKU 'DZIN PA NA PHUNG PO RNYING PA DAM TSIG PAR GSAL BA LA ZHUGS PAS SNA BUG NAS RLUNG RGYU, YUL SNANG 'CHAR BA SOGS RJES THOB KYI BYA BA LA 'JUG CING, GNYID DUS KYI DGE SBYOR SKYONG LA, 'CHI DUS KYI BSRE SKOR MI DGOS SO, ,GNYIS PA RNAM DAG YE SHES KYI RNAL 'BYOR NI, SKU DE NYID PHYI NANG THABS MKHAS KYIS, ,STENG KUN GSAL DBYINGS SU CHU KHUR LTAR, ,DON DAM PA'I 'OD GSAL LA SBYANGS PAS, ,DGRA BDEN 'DZIN SA BON DRUNG NAS 'BYIN, ,ZHES PAS STON TE, DE LTA BU'I SGYU LUS DES LAS SAM YE SHES KYI PHYAG RGYA DANG SNYOM PAR 'JUG PA PHYI'I RKYEN DANG, BSAM GTAN GNYIS KYI SDUD RIM SOGS NANG GI RKYEN TE PHYI NANG GI THABS MKHAS DANG LDAN PA'I THUGS DAM BSKYANGS PAS SA CHEN PO 'DI SHAR PHYOGS MTHON NUB DMA', LHO MTHO NA BYANG DMA', DBUS MTHO NA MTHA' DMA' BA DANG, DE LAS LDOG PA STE RNAM PA DRUG TU GA-YO ZHING, BDUD KYI GNAS SU CHA LANG LTA BU'I SGRA CHEN PO 'BYUNG BA SOGS
DON GYI 'OD GSAL THOB PA'I MTSAN MA BYUNG BA NA, SROD KYI DUS SU BLA MA LA TSOGS KYI 'KHOR LOS MCHOD DE DBANG GSUM PA DNGOS DBANG DU ZHUS, GUNG LA GDAMS PA NYAN, THO RANGS LAS SAM YE SHES KYI PHYAG RGYA DANG SNYOMS PAR 'JUG CING BSAM GTAN GNYIS KYI SDUD RIM DANG BCAS PA'I RNAM DAG YE SHES KYI RNAL 'BYOR BSGOMS PAS RLUNG DBU MAR ZHUGS GNAS THIM GSUM GYI RTAGS RNAMS 'CHAR ZHING, MA DAG PA'I SGYU LUS SAM RDO RJE'I SKU BTAGS PA BA DE KUN GSAL DBYINGS SU CHU KHUR TE NAM MKHA'I NGOS SU SPRIN YAL BA LTAR GYUR NAS DON DAM PA'I 'OD GSAL DU DAG CING DGRA BO BDEN PAR 'DZIN PA'I SA BON RTZA BA NAS SPONG BA'O, ,DE YANG LUGS 'BYUNG GI NYER THOB 'GAGS PA DANG, RIM PA GSUM PA MA DAG PA'I SGYU LUS DON GYI 'OD GSAL DU DAG PA DANG, LHAN SKYES KYI BDE BAS STONG NYID MNGON SUM DU RTOGS PA DANG, RANG RGYUD LDAN GYI GANG ZAG 'PHAGS PAR SONG BA DANG, NYON SGRIB KYI DNGOS GNYEN BAR TSAD MED LAM THOB PA LNGA DUS MNYAM DU 'BYUNG NGO, ,BAR CHAD MED LAM ZHES PA NI TING NGE 'DZIN DES NYON MONGS LHAG MA MED PAR SPANGS PAS NYON MONGS PAS BAR CHAD PA MED PAS NA BAR CHAD MED LAM ZHES KYANG ZER RO, ,GSUM PA DBYER MED ZUNG 'JUG GI RNAL 'BYOR NI, SLAR CHU MTHONG 'GRAM PAR DBANG GZHU BZHIN, ,GRANGS BCU PHRAG BCU DANG BCU GNYIS KYI, ,RGYAN RAB KLU BAS RDO RJE'I SKU MCHOG DANG, ,THUGS 'OD GSAL SPANG RTOGS ZUNG 'JUG 'THOB, ,CES PAS STON TE, SLAR DON GYI 'OD GSAL DE LAS LDANG BA NA CHU MTHONG 'GRAM PA STE NAM MKHA'I NGOS SU DBANG GZHU 'JA' TSON
, ,SHAR BA LTAR 'OD GSAL GYI BZHON PA'I ZAG MED KYI RLUNG 'OD ZER LNGA PAS NYER LEN DANG, THUGS DON GYI 'OD GSAL DES LHAN CIG BYED RKYEN BYAS TE PHUNG PO RNYING PA LAS GO SA LOGS SU GRANGS BCU PHRAG BCU LA BRGYA DANG, LHAG MA BCU GNYIS TE MTSAN DPE BRGYA DANG BCU GNYIS KYIS BRGYAN PA'I RDO RJE'I SKU DNGOS GNAS SU BZHENGS PA'I DAG PA'I SGYU LUS THOB BO, ,DE YANG DON GYI 'OD GSAL 'GAG PA, LUGS LDOG GI NYER THOB GRUB PA, NYON SGRIB SPANGS PA'I RNAM GROL LAM THOB PA, RANG RGYUD LDAN GYI GANG ZAG DGRA BCOM PAR SONG BA, SPANGS PA ZUNG 'JUG THOB PA LNGA DUS MNYAM MO, ,DE LA ZUNG 'JUG GI SKAD DOD YUG NA DO, ,ZHES PA GNYIS GNYIS MA YIN PAR GYUR PA, ZHES YOD PAS, THUGS DAG PA DON GYI 'OD GSAL ZUNG DU 'JUG RGYU'I YA GCIG DANG, SKU DAG PA SGYU MA'I SKU ZUNG DU 'JUG RGYU'I YA GCIG YIN PAS SNGAR DON GYI 'OD GSAL YOD PA'I TSE DAG PA'I SKU MED LA, SKU YOD PA'I TSE DON GYI 'OD GSAL MED PA LA, DENG SKU THUGS GNYIS DUS MNYAM DU TSOGS PAS NA ZUNG 'JUG STE DE LA SPANGS PA ZUNG 'JUG CES PHAL PA DANG, DES CHOS THAMS CAD BDEN PAR MA GRUB PA'I STONG NYID LA RTZE GCIG TU MNYAM PAR BZHAG PA NA RTOGS PA ZUNG 'JUG TU 'GYUR BAS, RTOGS PA ZUNG 'JUG NI ZUNG 'JUG GI GTZO BO YIN NO, ,DES NA 'DIR MNYAM GZHAG GI SKABS SU RTOGS PA ZUNG 'JUG DANG, DE LAS LDANG NAS RJES THOB KYI TSE SPANGS PA ZUNG 'JUG PAR 'GYUR RAM SNYAM GSUNGS, DE LTA BU'I ZUNG 'JUG PA DE SLAR PHUNG PO RNYING PA LA 'JUG DGOS
PA'I NGES PA NI MED LA, 'JUG MI RUNG BA YANG MA YIN ZHING, RAGS PA'I SPRUL SKU BZUNG LA RJES THOB KYI BYA BA RNAMS BSKYANG BAR BYA'O, ,GSUM PA 'BRAS BU MNGON DU BYED TSUL NI, DE THOB NAS GSAR SLOB MI DGOS KYANG, ,SNGON THOB ZIN GOMS PA RGYUN BSRINGS PAS, ,DPAL KHA SBYOR YAN LAG BDUN LDAN PA'I, ,RJE RGYAL BA'I GO 'PHANG THOB PAR GSUNGS, ,ZHES PAS STON TE, DE LTA BU'I ZUNG 'JUG PA DES DENG PHYIN CHAD SNGAR MA THOB PA'I LAM LA GSAR DU SLOB MI DGOS KYANG, THOB ZIN PA'I THUGS DAM RGYUN BSRINGS TE GOMS PAR BYED DGOS LA, BSRINGS LUGS MNYAM GZHAG TU LAS SAM YE SHES KYI PHYAG RGYA DANG SNYOMS PAR 'JUG PA DANG, STONG NYID LA RTZE GCIG TU MNYAM PAR 'JOG PA DANG, RJES THOB TU RI DVAGS BSHAR BA LA SOGS PA'I SPYOD PA ZLA BA DRUG GAM BCO BRGYAD DU SPYAD PA NA 'BRAS BU MNGON DU BYED PA'I MTSAN MAS RNAM PA DRUG TU GA-YO BA DANG, BDUD KYI GNAS SU RDO RJE'I CHAR 'BAB PA DANG, NYI ZLA CHA LANG SDEB PA DANG, GZHAN YANG GSANG 'DUS RTZA RGYUD LE'U BCU BDUN PA LAS BSHAD PA'I RMI LTAS RMI BA SOGS BYUNG NA, SROD KYI DUS SU BLA MA LA TSOGS KYI 'KHOR LOS MCHOD DE GDAMS PA ZHUS TE GUNG THUN LA STONG NYID LA RTZE GCIG TU MNYAM PAR BZHAG PAS RLUNG DBU MAR ZHUGS GNAS THIM GSUM DANG DE'I RTAGS RNAMS 'BYUNG ZHING 'OD GSAL GYI SKABS SU STONG NYID LA MNYAM PAR BZHAG PAS THO RANGS 'OD GSAL SKAD CIG DANG POS SHES SGRIB KYI DNGOS GNYEN BYED LA, SKAD CIG GNYIS PAR STONG NYID LA RTZE GCIG TU
, ,MNYAM PAR BZHAG BZHIN DU JI SNYED PA'I SHES BYA THAMS CAD MNGON SUM DU GZIGS SHING, SKU SGYU MA LTA BU BYE BA THER 'BUM CIG CAR DU STON NUS LA, DE'I TSE SNGAR SLOB PA'I ZUNG 'JUG PA DE MI SLOB PA'I ZUNG 'JUG TU GNAS 'GYUR NAS KHA SBYOR YAN LAG BDUN LDAN GYI GO 'PHANG THOB PAR 'GYUR TE, YAN LAG BDUN NI, LONGS SPYOD RDZOGS DANG KHA SBYOR BDE CHEN RANG BZHIN MED, ,SNYING RJES YONGS GANG RGYUN MI CHAD DANG 'GOG PA MED, ,CES PA LTAR RO, ,DE NAS THUGS 'OD GSAL LA MNYAM PAR BZHAG PA DE LAS LDANG MI DGOS PAR RJES THOB KYI BYA BA THAMS CAD 'BAD MED LHUN GRUB TU 'BYUNG ZHING 'OD GSAL DE LAS SLAR LDANG MI DGOS PAS LUGS LDOG GI NYER THOB SOGS 'BYUNG BA'I SKABS MED DE, NYER THOB SHES SGRIB PHRA SHOS YIN CING SHES SGRIB ZAD PAR SPANGS PA'I PHYIR RO, ,DE LTAR KHA SBYOR YAN LAG BDUN LDAN GYI GO 'PHANG THOB PA LA DE'I SNGON DU SLOB PA'I ZUNG 'JUG THOB DGOS TE RIGS 'DRA SNGA MA MED PAR SHA RUS SNGOS BCAS KYI LUS 'DI KHA SBYOR BDUN LDAN GYI LONGS SKUR 'GYUR DU MED, SLOB PA'I ZUNG 'JUG THOB PA LA ZUNG DU 'JUG RGYU'I YA RE RE NAS SGRUB DGOS PAS RNAM DAG YE SHES KYI RNAL 'BYOR GYIS DON GYI 'OD GSAL THOB DGOS, DE LA MA DAG PA'I SGYU LUS SAM DBYIBS KYI RNAL 'BYOR, DE LA PHUNG PO PHRA RAGS 'BYED NUS PA LA 'CHI RIM JI LTA BA BZHIN KHYAB BYED KYI RLUNG PHRA MO TSUN CHAD SNYING GA'I DBU MAR SDUD NUS PA'I LAS KYI PHYAG RGYAL BRTEN PA'I DAM TSIG GI RNAL 'BYOR, DE LA SNYING GA'I RTZA MDUD 'GROL BA'I THABS RDO RJE'I BZLAS PA DANG BUM PA
CAN BCAS SNGAGS KYI RNAL 'BYOR, DE LA LTE BA'I RJES GZHIG GI SDUD RIM DGA' BZHI LUGS 'BYUNG LUGS LDOG 'DREN NUS PA, DE LA BSKYED RIM PHRA RAGS MTHAR PHYIN PA'I LHA'I RNAL 'BYOR SNGON DU 'GRO DGOS PA SOGS LAM GYI RIM PA SKAS KYI GDANGS BU BZHIN DU 'GRO DGOS SHING, BSKYED RIM NI BLOS GSAR DU BCOS NAS BSKYED PAS BCOS PA'I RNAL 'BYOR RAM BSKYED RIM ZHES BYA ZHING, DE YANG TSIG RGYAS PA TZAM GYIS MI CHOG PAR SKYE SHI BAR DO GSUM SBYONG BYED SKU GSUM LAM 'KHYER GYI GNAD TSANG BA NGES PAR DGOS, DE LA BLA MA MTSAN NYID DANG LDAN PA LAS SKU BZHI'I SA BON THEBS NGES PA'I DBANG BZHI THOB DGOS, DE LA LAM THUN MONGS BAS RGYUD SBYANGS PA SNGON DU 'GRO DGOS, DE LA NANG GI RKYEN 'DZAM BU GLING PA'I MI MNGAL SKYES KHAMS DRUG LDAN YIN PA DANG, PHYI'I RKYEN DGE BA'I BSHES GNYEN MTSAN NYID DANG LDAN PAS RJES SU BZUNG BA DGOS SHING, DE'I GDUL BYA NI PADMA LTA BU DANG, PADMA DKAR PO LTA BU DANG, AUTPALA LTA BU DANG, RIN PO CHE LTA BU STE BZHI LAS PHYI MA MCHOG YIN NO, ,DE LTA BU'I LAM GYI BGROD TSUL RNAMS SHES PAR BYAS TE NYIN RE BZHIN BRDO BGRANG LTAR NYAMS SU LEN ZHING, LAG LEN GYI GTZO BO NI LAM THUN MONG BA DANG, BSKYED RIM DANG, LTE BA'I RJES GZHIG GI SDUD RIM DANG, BUM PA CAN LA SOGS PA'I LAM 'OG MA 'OG MA LA 'BAD CING, GONG MA RNAMS KYANG SMON LAM GYI YUL TSUN CHAD DU BYAS TE NYAMS SU BLANG BAR BYA STE, RJE RIN PO CHES, DE LTAR RTZA BA BRTAN LA GTZO BOR 'BAD NAS, KHA CIG DA LTA LAG TU LEN PA DANG,
, ,ZHES SOGS GSUNGS SHING RTZA BA BRTAN LUGS NI, RNYED DKA' RIG NA GYI NAR SDOD THABS MED, ,DON CHEN BSAM NA DON MED 'DA' BA PHANGS, ,'CHI BA BSAM NA PHYI MAR 'GRO GRAB BYED, ,LAS 'BRAS BSAM NA BAG MED GNAS LAS LDOG ,CES GSUNGS PA LTAR, DAL 'BYOR DON CHE RNYED DKA', 'CHI BA MI RTAG PA, LAS RGYU 'BRAS RNAMS LA NGES PA GTING TSUGS PAR BYAS TE CHA TSANG BA'I LAM LA BSLABS STE DAL BA'I RTEN LA SNYING PO LEN PA ZHIG CI NAS KYANG BYA'O, ,ZHES GSUNGS, PHYI NYIN SEMS BSKYED, NYE BRGYUD GSOL 'DEBS, BDAG BSKYED SHOG GCIG MA, PHYI NANG GI MCHOD PA DANG GTOR MA BYIN RLABS, GTOR MGRON BSKYED LA RANG GI SNYING GA'I SA BON GYI 'OD ZER LAS BYUNG BA'I TZA RTZI KA ZHES SOGS DANG, RGYAL BA RNAMS NI GTZANG GYUR CING, NAS; PRA SHA'I BAR, MTSAN SNGAGS SO SO'I MTHAR 'BRU GSUM BTAGS PA'I NANG MCHOD, GNYIS MED THUN MONGS MAS BSTOD, TSOGS 'KHOR BRLABS NAS PHUL, GTOR 'BUL GZHI BDAG GTOR MA'I BAR, BZOD GSOL, GSHEGS GSOL, SMON LAM SHIS BRJOD BCAS MDZAD DO, ,SMRAS PA, YUD TZAM CHAR GYI GDUNG BA SKYOB PA'I GROGS, ,DRIN CAN YIN PAR SEMS SHING SMRA BYED NA, , SKU GSUM RIN CHEN BDE BLAG STZOL BA'I MGON, ,DAM PA'I BKA' DRIN MI DRAN SMYON PA RANG, ,RJE BTZUN KHYOD SKU ZHING KHAMS GAR BZHUD KYANG, ,'PHRIN LAS RNAM BZHI'I 'GRO DON BSAM MI KHYAB, ,'ON TE BDAG CAG MOS
PA'I SNANG NGO RU, ,ZHING 'DIR 'GYUR MED SRID MTHAR BZHUGS SHIG KYE, ,GANG GI BZHED PA GCIG POR TING 'DZIN LA, ,RTZE GCIG MNYAM GZHAG MDZOD CES GSOL 'DOD KYANG, , NYAM THAG 'GRO LA THEG GSUM CHOS KYI GTAM, ,CHAD MED STZOL CES THON LA CI BYAR YOD, ,TSUL 'DIR 'GAL DANG MA 'DRES BZLOS PA SOGS, ,NYES SKYON 'KHRUL PA'I DRI MA MCHIS PA GANG, ,BLA MA LHAG PA'I LHA YI SPYAN SNGA RU, ,MI SBED BSAM PA THAG PAS BZOD PAR GSOL, ,DGE GYUR CI MCHIS SKYE BAR BSHES GNYEN DANG, ,LHA MCHOG GANG GIS 'BRAL MED RJES BZUNG STE, ,MA RNAMS DON DU GSANG CHEN MYUR BA'I LAM, ,'KHRUL PA BRAL BAS BGROD PA MTHAR PHYIN SHOG , ,, ` (CES DPAL RDO RJE 'JIGS BYED KYI RIM PA GNYIS PA'I LAM LA JI LTAR BGROD PA'I TSUL GYI ZIN BRIS GSANG CHEN MYUR LAM ZHES BYA BA 'DI NI BSHAD BSGRUB BSTAN PA'I SROG SHING RJE BTZUN DNGUL CHU BA CHEN PO DHARMA BHA DRA DPAL BZANG POS SKAL LDAN GYI GDUL BYA MANG BA ZHIG LA RTZA TSIG DANGS BCAD 'DZIN CHOS DANG 'BREL BA'I ZAB BSHAD NYIN BRGYAD KYI RING STZAL BA'I BRJED BYANG LA GZHI BYAS, LCAGS YOS HOR ZLA BCU PA'I NANG NYI MA BZHI LA GRUB PAR STZAL BAS KYANG BRGYAN TE BKA' DBANGS PA RJE DRUNG TSE RING MING CAN GYIS BKOD PA'O, ,SLAR YANG DBYANGS CAN GRUB PA'I RDE RJES ZHUS DAG PAR BYAS SO), ,, ` 'DIR DPAL RDO RJE 'JIGS
, ,BYED CHEN PO'I RDZOGS RIM RNAL 'BYOR BZHI'I RIM PA 'CHAD PA LA GNYIS, SNGON 'GRO DANG, DNGOS GZHI'O, ,GNYIS PA LA GSUM, GZHI DNGOS PO'I GNAS TSUL, LAM BGROD PA'I RIM PA, 'BRAS BU SNGON DU BYED TSUL LO, ,DANG PO LA GSUM, LUS SEMS SO SO BA'I GNAS TSUL, LUS SEMS MTHUN MONG BA'I GNAS TSUL, LUS KYI GNAS TSUL BYE BRAG TU BSHAD PA'O, ,GNYIS PA LAM BGROD PA'I RIM PA LA GNYIS, RLUNG DBU MAR SDUD PA'I RIM PA DANG, BSDUS PA LA BRTEN NAS SGOM PA'I RIM PA'O, ,DANG PO LA GNYIS, SNGAGS KYI RNAL 'BYOR DANG, DAM TSIG GI RNAL 'BYOR RO, ,DANG PO LA GNYIS, LTE BA'I RJES GZHIG GI SDUNG ? RIM DANG, SNGAGS KYI RNAL 'BYOR DNGOS BSHAD PA'O, ,GNYIS PA LA GNYIS, BUM PA CAN DANG, RDO RJE'I BZLAS PA'O, ,GNYIS PA BSDUS PA LA BRTEN NAS SGOM PA'I RIM PA LA GSUM, DBYIBS KYI RNAL 'BYOR, RNAM DAG YE SHES KYI RNAL 'BYOR, DBYER MED ZUNG 'JUG GI RNAL 'BYOR RO, ,(ZHES PA 'DI YANG SLOB MA 'GA' ZHIG LA 'DZIN CHOS GTONG RGYUR SA GLANG ZLA BA DANG PO'I TSES GNYIS LA ~ DHARMA BHA DRAS BRIS PA'O, ,SHUBHA MA STU SARBA DZAGA TAm,, ,,