[LS] *, ,Ri shVI GU RA SMU KH'A SAM SHSHA'A BDZRA DHE RAB DAB TRA YOD SH'A Y'A D'A N'A KRAM S+YA tA shPAR n'A MA BADZRA H'A RA ,, *, ,DPAL RDO RJE 'JIGS BYED LHA BCU GSUM MA'I BSKYED RIM GYI ZIN BRIS DRANG SRONG BLA MA'I ZHAL LUNG ZHES BYA BA BZHUGS SO, , @01 [DD] [LS] [LS] *, ,A'I SHVA R'AshtA B'A DI BI HVA YA WA RE RDZNYA NVA thKRi P'A KLi shA RBA SINDHA, ,KA SPI d'A BA G'A HA AA PTI BH'A BA AE KA sh'A dA BSSA K'A TZA M'A NYDZA, *, ,DBANGo PHYUGo BRGYAD LDAN RNAM 'DREN YONGS KYI MKHYEN BRTZE NUS PA'I CHU KLUNG KUN, ,GTING DPAG DKA' BA GANG THUGS RGYA MTSO'I NGANG DU RO GCIG DE YI KLONG, ,[DD]
[DR] [LS] [LS] *, ,NIRMA LO BRi sh'A DHAm BHA DRA P'A RA D'A YA N'A TZA RATNA BH'U TA NE RNI, ,TR'I nAM PRA S'A DA A'AR+YA BI KshRU BO DHYA THE NI YANGKA A'A SHI P'A LA, *, ,DRI MED CHOSo TSUL BZANGo PO'I MCHOG SBYIN MTHA' DAG RIN CHEN 'BYUNG BA'I GNAS, ,BKA' DRIN GSUM LDAN RJE BTZUN BLA MAS BYANG CHUB BAR DU SHIS PAS SKYONGS, ,[DR]
MI SHES BCOM LA KHENGS PA'I RGYU MED DUS GSUM 'DREN PA THAMS CAD KYI, ,MKHYEN PA TSAD MED GCIG TU BZLUMS PA'I YE SHES NYID KYANG MTSAN DPE'I DPAL, ,MNGON PHAR GSAL BA'I GZHON NU'I SGYU YIS SANGS RGYAS THAMS CAD SKYED MDZAD PA, ,RGYAL BA'I YAB GCIG 'JAM PA'I DBYANGS KYIS SHES RAB SNANG BA 'BAR BAR MDZOD, ,'JAM DPAL ZHI ZHAL DRAG POR GLAL BA'I GLOG LDAN SPRIN RUM NAS, ,DBYAR SKYES RNGA STONG GCIG TU LDING BA'I BZHAD PA CHEN PO'I SGRA, ,BSGRAGS TZAM NYID NA SRID 'DIR CHE BA KUN LA MI BZAD PA'I, ,'JIGS STER BCOM LDAN GSHIN RJE'I DGRA YI ZHABS LA SNYING NAS 'DUD, ,NGES PA NYID NA LNGA LDAN YE SHES KYI, ,RANG BZHIN GZHAL MED KHANG CHEN NYAMS DGA' BAR, ,SKU GSUM BDUD RTZI'I DGA' STON LA CHAGS PA'I, ,SKAL LDAN MGRON DU TSOGS PA'I GRAL RING BSTAR, ,DE SLANG RGYAL BA GNYIS PA'I GSUNG GSANG CHAB, ,DRI MED YAN LAG BRGYAD KYIS CHE BA GANG, ,DUS MTHA' 'DIR YANG CHAD MED GANGG'A BZHIN, ,DRANG SRONG BLA MA'I ZHAL LAS LHUNG LHUNG 'BAB, KHYAD PAR DKA' SPYAD DKA' BAS BSGRUB NA YANG, ,SHIN TU RNYED DKA' RNYED NA DON CHE ZHING, ,
, ,LNGA PHRAG CHE BAS CHE BA BCOM LDAN 'DAS, ,'JIGS MDZAD LHA YE LHA 'DI RMAD DU BYUNG, ,DE PHYIR BLA MA'I LEGS BSHAD NYIN BYED KYIS, ,YONGS PHYE RIM PA DANG PO'I CHU SKYES MDANGS, ,MAN NGAG KHYAD PAR DU MAR GROL BA LAS, ,GANG 'TSAM SKAL LDAN MGUL PA'I RGYAN DU SPEL, ,DE YANG BDAG CAG GI RNAM PAR 'DREN PA CHEN PO LUNG DANG RTOGS PA'I YON TAN GYI SGO NAS 'GRO BA LHA DANG BCAS PA'I BLA MAR GYUR CING NGES PA DON GYI MAH'Am PAndI TA RJE BTZUN BLA MA DNGUL CHU BA CHEN PO DHARMA BHA DRA DPAL BZANG PO DE NYID KYIS SKAL BA DANG LDAN PA'I GDUL BYA RNAMS LA , MNYAM MED RI BO DGE LUGS PA'I YI DAM GYI MCHOG DANG GTZO BOR GYUR PA 'JAM DPAL GSHIN RJE'I GSHED KYI RIM PA DANG PO'I ZAB KHRID LAN GRANGS DU MA'I BAR DU STZAL BA LA, ,THUGS KYI SRAS MCHOG RJE BTZUN DAM PA BLO BZANG TSE RING DPAL BZANG PO NAS RJES 'JUG RNAMS KYI BGO SKAL DU GNAD CHE BA CHE LONG TZAM ZIN BRIS SU BKA' DRIN CHE 'DUG PA LAS, SLAR YANG DBYANGS CAN GRUB PA'I RDO RJES TSIG DON LA ZHUS DAG DANG, BAR BAR DU RJE BTZUN BLA MA DE NYID KYI GSUNG RANG GI BLO YUL BCAGS PA THOR BUS KHA 'GENGS DANG BCAS BKOD PA NI, 'O JI SKAD DU, KHAMS GSUM
'GRO BA'I BLA MA SHAR TZONG KHA PA CHEN PO'I ZHAL NAS, 'DIR 'JUG PA NI SKAL BA BZANG NGO ZHES, ,LEGS PAR SOM LA DGA' BA'I BZHIN GYI MDANGS, ,RAB GSAL 'DZUM PA'I NYAMS DANG LDAN PA YIS, ,RNAM GA-YENG SNOD KYI SKYON GSUM SPONG LA NYON, ,ZHES GSUNGS PA LTAR, ZHES GSUNGS NAS CHOS NYAN PA'I KUN SLONG GI 'GAL RKYEN SNOD KYI SKYON GSUM SPONG TSUL DANG, MTHUN RKYEN 'DU SHES DRUG BSTEN TSUL, SKYES RABS LAS, RAB TU DMA' BA'I STAN LA 'DUG ,CES SOGS DANG, BLA MA LNGA BCU PA LAS, MDUN DU DUL BAR 'DUG PA DANG, ZHES SOGS DRANGS NAS, CHOS NYAN PA'I KUN SPYOD SPYI DANG KHYAD PAR 'DUL BA NAS BSHAD PA SOGS LUNG DANG RIGS PA MTHA' YAS PA'I SGO NAS RGYAS PAR GSUNGS ,DE NAS, BSAN BYA DAM PA'I CHOS KYANG ,SLOB DPON 'JAM DPAL BSHES GNYEN GYI ZHAL NAS, DAL 'BYOR 'DI NI SHIN TU RNYED PAR DKA', ,SKYES BU'I DON SGRUB THOB PAR GYUR PA LA, GAL TE 'DI LA PHAN PA MA SGRUB NA, ,PHYIS 'DI YANG DAG 'BYOR PA GA LA 'GYUR ,ZHES GSUNGS PA LTAR, RANG CAG RNAMS KYIS RNYED PAR DKA' ZHING RNYED NA DON CHE BA'I DAL 'BYOR GYI MI LUS RIN PO CHE RNYED, MJAL BAR DKA' BA'I SANGS RGYAS KYI BSTAN PA RIN PO CHE DANG MJAL, MTSAN NYID DANG LDAN PA'I DGE BA'I BSHES GNYEN GYIS RJES SU BZUNG BA'I DUS 'DIR MA SHI TSUN CHAD KYI ZAS GOS RNYED PA TZAM LA CHOG SHES MA BYED PAR 'JIG RTEN PHYI MA PHAN CHAD
, ,KYI DON CHEN PO BSGRUBS PA'I SGO NAS DAL 'BYOR LA SNYING PO LON PA ZHIG CI NAS KYANG BYA DGOS LA ,SNYING PO LEN LUGS KYANG ,SNGON YANG DAG PAR RDZOGS PA'I SANGS RGYAS KYIS ,DANG POR BYANG CHUB MCHOG TU THUGS BSKYED ,BAR DU BSKAL PA GRANGS MED GSUM DU TSOGS BSAGS, MTHAR RDO RJE GDAN GYI SPO LA MNGON PAR RDZOGS PAR 'TSANG RGYA BA'I TSUL BSTAN NAS SEMS CAN GYI NYON MONGS PA BRGYAD KHRI BZHI STONG GI GNYEN POR CHOS KYI PHUNG PO BRGYAD KHRI BZHI STONG GSUNGS PA THAMS CAD NI THEG PA CHE CHUNG GNYIS SU 'DUS PA'I THEG PA CHEN PO LA, RGYU PHA ROL TU PHYIN PA'I THEG PA DANG, 'BRAS BU GSANG SNGAGS RDO RJE THEG PA GNYIS YOD PA DANG ,DE'I GSANG SNGAGS RDO RJE THEG PA LA YANG GDUL BYA'I RIM PA DANG MTHUN PA'I BYA RGYUD SPYOD RGYUD ,RNAL 'BYOR RGYUD ,RNAL 'BYOR BLA NA MED PA'I RGYUD DANG BZHI YOD PA'I NANG NAS MCHOG TU GYUR PA RNAL 'BYOR BLA MED LA YANG SNANG PHYOGS THABS KYI CHA SGYU MA'I SKU BSGRUB TSUL RTZAL DU BTON NAS 'CHAD PA PHA RGYUD DANG ,STONG PHYOGS SHES RAB KYI CHA 'OD GSAL BSGRUB TSUL GTZO BOR STON PA MA RGYUD GNYIS YOD PA DE'I DANG POR GTOGS PA'I ZHE SDANG THABS RGYUD GSHIN RJE GSHED KYI SKOR LA DMAR NAG GNYIS, NAG PO LA DGRA GDONG 'JIGS GSUM MAM DMAR NAG 'JIGS GSUM, 'JIGS BYED LA RVA LO TZ'A BA RDO RJE GRAGS, SKYO NAG
'BROM STON NAM SKYO 'OD KYI 'BYUNG GNAS, ZHANG COG GRU SHES RAB BLA MA, MAL LO BLO GROS GRAGS, SMYOS LO YON TAN GRAGS KYI LUGS TE GRAGS CHE BA LNGA, DE'I RVA LUGS LA LHA LNGA MA, DGU MA, BCU GSUM MA, BCU BDUN MA, ZHE DGU MA STE LNGA, BCU GSUM MA LA RVA LUGS RNYING MA, BAR MA, GSAR MA STE GSUM DU GRAGS PA LAS, 'DIR PHYI MA 'CHAD PA SKABS SU BABS PA YIN ZHES SOGS RGYUD SDE SPYI DANG BYE BRAG GI RNAM GZHAG RGYAS PAR GSUNGS NAS, DE YANG SLOB DPON ZHI BA'I YE SHES KYIS, GNYIS MED MTHUN MONG MA YIN KHYAB PA'I SKU, ,ZHES PA NAS, 'JIGS BYED GSHIN RJE'I GSHED LA PHYAG 'TSAL LO, ,ZHES PA'I BAR DRANGS NAS, RJE BTZUN 'JAM PA'I DBYANGS 'DI NYID RGYAL BA THAMS CAD KYI YAB DANG, YUM DANG, SRAS YIN TSUL DANG, DE LTA BU'I 'JAM PA'I DBYANGS CHOS SKU'I BDAG NYID LA BYAMS SDANG GI RNAM RTOG MED NA YANG, SRID PA GSUM GYI GDUG CAN MTHA' DAG 'DUL BA'I PHYIR KHRO BO'I RGYAL PO'I SKUR BSTAN PA YIN TSUL DANG, DE YANG RJE BTZUN 'JAM DBYANGS KHROS PA GSHED DMAR, DE LAS CUNG ZAD CHER KHROS PA DGRA NAG ,DE LAS KYANG CHES SHIN TU KHROS PA RDO RJE 'JIGS BYED GSUM LAS SNGA MA GNYIS LA RGYU RDO RJE 'DZIN PA 'JAM DBYANGS KYI SKU'I DBYIBS CAN DANG, 'BRAS BU RDO RJE 'DZIN PA LA 'JAM DPAL GYI ZHAL DANG THUGS KAR 'JAM DPAL YE SHES SEMS DPA' BSGOM PA RNAMS MED CING, RDO RJE 'JIGS BYED LA DE RNAMS
, ,YOD PA'I DBANG GIS SNGAGS BZLA BA'I TSE ZHI KHRO SBRAGS SGRUB KYI MAN NGAG KHYAD PAR CAN NYAMS SU BLANG BYAR YOD CING, DE'I GNAD KYIS ZHI BA GTZO BOR BSGRUBS KYANG DRAG PO ZHAR LA GRUB NAS CHOS RAB TU RNAM 'BYED KYI SHES RAB KHYAD PAR CAN THOB PAR MA ZAD, NAG PHYOGS BDUD RIGS TSAR GCOD PA'I MTHU STOBS THOGS PA MED PA 'BYUNG BA DANG, DRAG PO GTZO BOR BSGRUBS KYANG ZHI BA ZHAR LA GRUB NAS MTHU STOBS THOGS PA MED PAR MA ZAD STONG NYID RTOGS PA'I LTA BA KHYAD PAR CAN RGYUD LA SKYE BA SOGS GSHIN RJE GSHED GZHAN LAS MCHOG TU GYUR PA'I KHYAD CHOS MTHA' YAS PA DANG LDAN PA DANG, GZHAN YANG LHA MCHOG 'DI LA YI DAM GYI LHA GZHAN LA MED PA'I KHYAD CHOS CHEN PO LNGA YOD PAR RJE BTZUN 'JAM PA'I DBYANGS KYIS RJE BDAG NYID CHEN PO LA DNGOS SU GSUNGS TE, DE YANG DENG SANG SNYIGS MA LNGA CHES CHER BDO BA'I DBANG GIS SEMS CAN RNAMS CHOS BYED PA LA 'GAL RKYEN MANG ZHING MTHUN RKYEN NYUNG BAS DE 'DRA'I PHYI NANG GI BAR CHAD BZLOG PA'I PHYIR MTHU STOBS 'GRAN ZLA MED PA'I YI DAM 'DI LTA BU MED NA CHOS 'GO MI THON PAS LHA 'DI LA NGES PAR BRTEN DGOS PA KHYAD CHOS DANG PO DANG, YANG RGYU MA DANG ME THAB PHYAG MTSAN DU BSNAMS PAS MTSON PA LTAR PHA RGYUD GSANG 'DUS NAS BSHAD PA'I SGYU LUS DANG 'OD GSAL GYI LAM YOD PA KHYAD CHOS GNYIS PA DANG, YANG PHYAG MTSAN
DU KH'A t'Am GA MA RGYUD LA MA GTOGS PHA RGYUD LA MI 'ONG BAR GSUNGS KYANG 'DI'I PHYAG MTSAN DU KH'A t'Am GA YOD PA DES MA RGYUD BDE DGYES SOGS NAS BSHAD PA'I 'BAR 'DZAG SOGS BDE STONG GI LAM RNAMS YOD PAR STON PA KHYAD CHOS GSUM PA DANG, YANG 'JIGS BYED RANG GI KHYAD CHOS ME THAB PHYAG MTSAN DU 'DZIN PAS SGRUB PA PO SHES RAB GZHAN LAS CHE BA 'BYUNG BA DANG, PHYAG GA-YAS PA THABS KYI CHA'I SDIGS MDZUB GNAM DU BSGRENGS PAS PHA RGYUD KYI GNAD MTHAR THUG PA YOD DO ZHES DANG, 'JIG RTEN LAS 'DAS PA RNAMS LA NGA'I SGRUB PA PO LA DNGOS GRUB MYUR DU STZOL CIG MI STZOL NA BSDIGS PAR BYA'O ZHES MTSON PAS DNGOS GRUB GZHAN LAS MYUR BA DANG, PHYAG GA-YON PA SHES RAB KYI CHA'I SDIGS MDZUB 'THUR DU SBUB PAS MA RGYUD KYI GNAD MTHAR THUG PA YOD DO ZHES DANG, 'JIG RTEN PA RNAM LA NGA'I SGRUB PA PO LA BAR CHAD MA BYED CIG BYAS NA BSDIGS PAR BYA'O ZHES MTSON PAS BAR CHAD KYIS MI TSUGS PA DANG, PHYAG MTSAN DU SKYES BU GSAL SHING LA BSKYON PA 'DZIN PAS MI DGE BCU DANG MTSAMS MED LNGA SOGS SPYOD PA'I SDIG PO CHE YIN KYANG LAM 'DI NYAMS SU BLANG NA BTZAN THABS SU 'TSANG RGYA BAR STON PA RNAMS KHYAD CHOS BZHI PA DANG, YANG YI DAM 'DI LA SNGAR BSHAD PA LTAR DMAR NAG GNYIS LA MED PA'I RGYAL BA'I YAB GCIG 'JAM PA'I DBYANGS KYI SBRAGS SGRUB KHYAD PAR CAN YOD PA KHYAD CHOS LNGA
, ,PA STE, DE LTA BU'I KHYAD CHOS CHEN PO LNGA DANG LDAN PA DANG, GZHAN YANG RJE RIN PO CHE'I DPA' GCIG GI SGRUB THABS LAS, SKAL LDAN THAR LAM SGRUB PA'I GTZO BO'I GEGS, ,SEMS 'JOMS RMONGS PA LUS 'JOMS GSHIN RJE YIN, ,RMONGS 'JOMS SHES RAB STZOL LA 'JAM DBYANGS MCHOG ,'CHI BDAG 'JOMS PA'I PHUL BYUNG 'JIGS BYED DO, ,ZHES GSUNGS PA LTAR, SKAL BA DANG LDAN PA'I GDUL BYA THAR PA DANG THAMS CAD MKHYEN PA'I GO 'PHANG SGRUB PAR BYED PA RNAMS KYI GEGS CHE SHOS SEMS 'JOMS PAR BYED PA'I RMONGS PA DANG, LUS 'JOMS PAR BYED PA'I 'CHI BDAG GI GSHIN RJE GNYIS YIN CING; DE'I DANG PO RMONGS PA'I GNYEN PO SHES RAB STZOL BA LA RJE BTZUN 'JAM PA'I DBYANGS 'DI RGYAL BA THAMS CAD KYI MKHYEN PA'I YE SHES GCIG TU BSDUS PA'I RANG GZUGS YIN PA SOGS KYIS SANGS RGYAS BYANG SEMS GZHAN THAMS CAD LAS MCHOG TU GYUR PA DANG, LUS 'JOMS GSHIN RJE'I GNYEN PO MTHAR THUG PA RDO RJE 'JIGS BYED YIN TSUL SNGON GYI LO RGYUS DRANGS NAS 'CHI BDAG GSHIN RJE 'KHOR BCAS KYIS RANG RANG GI SROG GI SNYING PO PHUL NAS RDO RJE 'JIGS BYED KYI BKA' NYAN GSUNG SGRUB KYI BRAN DU KHAS BLANGS PA SOGS PHYI NANG GZHAN GSUM GYI GSHIN RJE THAMS CAD KYI GNYEN PO YIN TSUL DANG, DE'I DBANG GIS YI
DAM 'DI LA BRTEN PA'I SGRUB PA PO RNAMS TSE RING DU GNAS PA YIN TE, DE YANG SPYIR GYIS SROG GCOD PAS NI TSE THUNG 'GYUR, ZHES GSUNGS PA LTAR, SROG GCOD BYAS NA DE'I MYONG BA RGYU MTHUN GYI 'BRAS BUR TSE THUNG BA SHA STAG 'BYUNG BAR GSUNGS NA YANG LAM 'DI'I BSKYED RIM MTHAR PHYIN PA RVA CHEN PO'I GSUNG MGUR LAS, DAR MA MDO SDES SNA DRANGS PA'I, ,RDO RJE 'DZIN PA BCU GSUM BSAD, ,CES DANG, BSAD PAS TSE RING GRUB PA NI, ,RVA RGAN LO TZ'A'I KHYAD CHOS YIN, ,ZHES GSUNGS PA LTAR, MAR PA'I SRAS LA SOGS PA'I SKYES BU DAM PA DANG PHAL PA MTHA' YAS PA DRAG PO'I 'PHRIN LAS KYIS TSAR BCAD NA YANG, SKU TSE MTHAR PHYIN PA DGUNG LO BRGYA PHRAG BRGAL BA BZHUGS TSUL SOGS LHA MCHOG 'DI NYID KYI CHE BA DANG KHYAD CHOS MTHA' YAS PA GSUNGS NAS, DE LTA BU'I YI DAM KHYAD PAR CAN 'DI NYID KYI RIM PA DANG PO'I KHRID MDOR BSDUS 'BUL BAR BYED PA LA YANG, SLOB MA YID CHES BSKYED PA'I PHYIR, ,BLA MA BRGYUD PA'I LO RGYUS BSHAD, ,STON PA NYID LA YID CHES SHING, ,BSTAN PA KHUNGS KYANG BTZUN PAR 'GYUR, ,ZHES GSUNGS PA LTAR, CHOS 'DI'I LO RGYUS KYI DBANG DU BYAS NA, ZHES RGYAL BA RDO RJE 'CHANG GIS GNAS GANG DU GDUL BYA SU'I NGOR TSUL JI LTA BUS GSUNGS TSUL, DE LA RTZA RGYUD, BSHAD RGYUD, PHYOGS MTHUN GYI RGYUD LA SOGS PA JI LTAR YOD PA, DE LAS BRGYUD DE BLA MA BRGYUD PA BAR MA CHAD DU BYON PA'I
, ,RNAM THAR LO RGYUS SPYI DANG, KHYAD PAR DU RTOG PA BDUN PA LA SOGS PA AU RGYAN MKHA' 'GRO'I CHOS MDZOD NAS SPYAN 'DREN PA PO GRUB CHEN LA LI TA BADZRA, GDAMS PA 'DI NYID GANGS CAN BSTAN 'GRO'I DPAL DU SPYAN 'DREN PA PO DPAL RVA LO CHEN PO, KHYAD PAR DU YANG, PHYOGS 'DIR SNGON CHAD GZHAN GYIS MA MYANGS PA'I, ,LAM GYI MTHAR THUG RIM GNYIS ZAB MO'I GNAD, ,JI BZHIN GZIGS NAS DE DON BSGRUB PA LA, , NYAMS LEN SNYING POR MDZAD LA GSOL BA 'DEBS, ,ZHES GSUNGS PA LTAR ,SNGON CHAD GANGS CAN GYI LJONGS 'DIR MKHAS PA DANG GRUB PA'I SKYES BU SUS KYANG MA RTOGS PA'I LAM RIM PA GNYIS KYI DON MTHAR THUG PA 'KHRUL MED DU GZIGS NAS SKAL BAS MTHO BA'I GDUL BYA RNAMS LA 'DOMS SHING GSAL BAR MDZAD PA PO RJE BDAG NYID CHEN PO'I SKU GSUNG THUGS 'PHRIN LAS KYI CHE BA DANG 'BREL BA'I RNAM THAR, GZHAN YANG RGYA BOD KYI MKHAS PA SO SOS JI LTAR BSHAD PA'I DBYE BA, BCU GSUM MA LA LOG RTOG BKAG NAS RNAM DAG TU BSHAD PA SOGS LUNG DANG RIGS PA DRI MA MED PA'I SGO NAS ZHIB CING RGYAS LA KHUNGS DANG LDAN PAR, DPER NA; 'BAB CHU'I RGYUN CHAD PA MED PAR LHUNG LHUNG 'BAB PA LTAR SNYAN ZHING 'JEBS PA'I TSUL DU GSUNGS PA MTHA' DAG GZHUNG LUGS RAB 'BYAMS LA SBYANGS PA'I MKHAS PA'I DBANG PO RNAMS KYIS KYANG THUGS
BLOR NGES DKA' NA, BDAG CAG CI YANG MI SHES PA'I BLUN PO'I BLOR CI LA NGES, CHA SHAS CHA SHAS TZAM BLOR BCAGS PA YANG YI GE'I NGAL BAS 'JIGS NAS 'GOD MA NUS KYANG, ,RANG GZHAN LA PHRAN BU'I PHAN PA 'BYUNG RES SA BCAD SGO BSTAN PA TZAM RE SNGA PHYIR 'GOD KHUL BYAS PA LAGS SO, ,DE LTA BU'I YI DAM 'DI'I BSKYED RDZOGS GNYIS SU YOD PA LAS, BSKYED RIM NYAMS SU LEN TSUL RJE BDAG NYID CHEN PO'I BCU GSUM MA'I SGRUB THABS ZA MA TOG GI DGONGS PA JI LTA BA BZHIN 'CHAD PA LA GSUM, GANG GIS NYAMS SU LEN PA'I RTEN, GANG DU NYAMS SU LEN PA'I GNAS, JI LTAR NYAMS SU LEN PA'I TSUL LO, ,DANG PO NI, ZA MA TOG LAS, 'DIR RNAL 'BYOR PA SBYIN PA DANG TSUL KHRIMS LA SOGS PA'I SPYOD PA DANG, BYAMS PA LA SOGS PA'I SEMS KYIS SEMS CAN GYI DON LA BRTZON PA'I BSAM PA RNAM PAR DAG PA DANG LDAN PA, DAD PA DANG THOS PAS RNAM PAR BRGYAN CING, KHYAD PAR DU RDO RJE 'JIGS BYED CHEN PO'I DKYIL 'KHOR DU ZHUGS NAS DBANG BSKUR BA LEGS PAR THOB CING, KHAS BLANGS PA'I DAM TSIG DANG SDOM PA SRUNG PA LA BRTZON PAS, ZHES PA'I GSUNG 'DIS BSTAN PA LTAR, SBYIN PA DANG TSUL KHRIMS KYI SOGS KHONGS NAS PHAR PHYIN LHAG MA BZHI DANG, BYAMS PA'I SOGS KHONGS NAS SNYING RJE LHAG BSAM BYANG CHUB KYI SEMS RNAMS BSTAN PAS SKYES BU CHEN PO'I LAM DANG, BSAM PA RNAM PAR DAG PA NI, TSE
, ,'DI'I SNANG SHAS DANG PHYI MA LHA MI'I BDE 'BRAS DANG RANG DON ZHI BDE DON GNYER GYI BSAM PAS MA GOS PA STE DANG PO GNYIS KYIS SKYES BU CHUNG NGU'I LAM DANG, GSUM PAS SKYES BU 'BRING GI LAM BSTAN PA STE MDOR NA SEMS CAN GYI DON DU MYUR LAM LA BRTEN NAS SANGS RGYAS THOB 'DOD KYI BLO BSKYED PA LAM MTHUN MONG BAS RGYUD SBYANGS PA SNGON DU 'GRO DGOS PAR BSTAN, DAD PA DANG THOS PAS RNAM PAR BRGYAN CING ZHES PAS, SLOB DPON ZHI BA'I YE SHES KYIS DNGOS GRUB 'GRUB PA'I RGYU BZHI GSUNGS PA BSTAN TE, DE YANG DAD PAS PHYIR MA LDOG PA, SHES RAB KYIS THE TSOM MI ZA BA, TING NGE 'DZIN RTZE GCIG PA, SHIN TU GSANG BA RNAMS SO,, ZHES GSUNGS PA LTAR, BLA MA DANG LHA LA DAD PA SHIN TU BRTAN PA DGOS SHING DE LA YANG DBANG BRTUL DAD PA'I RJES 'BRANGS DANG, ,DBANG RNON CHOS KYI RJES 'BRANGS GNYIS LAS PHYI MA MCHOG YIN PAS DE 'DRA'I DAD PA DANG LDAN PA; BSKYED RIM NYAMS SU LEN TSUL LA THOS BSAM GYIS SGRO 'DOGS LEGS PAR CHOD PAS THE TSOM MED PA, SKABS GANG YIN GYI DMIGS PA LAS GZHAN DU MI GA-YENG BAS SEMS LAS SU RUNG BA, BRIS SKU DANG GLEGS BAM LA SOGS PA'I YO BYAD RNAMS SNOD MIN GYIS MI MTHONG BA SOGS GSANG BAR BYA DGOS PA DANG, KHYAD PAR DU DPAL RDO RJE 'JIGS BYED LUGS 'DI'I DKYIL 'KHOR DU DBANG BZHI LEGS PAR THOB CING, DE'I DUS SU KHAS
BLANGS PA'I DAM TSIG DANG SDOM PA TSUL BZHIN DU SRUNG BA NI MED MI RUNG YIN ZHES SOGS RGYA CHER GSUNGS SO, ,GNYIS PA GANG DU NYAMS SU LEN PA'I GNAS NI, LA LI TAS, DANG POR DUR KHROD CHU 'GRAM MAM, ,SHING GCIG GAM NI MTSAN GCIG GNAS, ,BZHI MDO 'AM NI RI BO YI, ,RTZE MO DANG NI KHANG STONG GNAS, ,MA MO'I KHYIM MAM YANG THOG MDZES, ,LHA YI KHANG PA DAG TU DANG, ,'THAB MO'I SA DANG GRONG KHYER STONGS, ,YID DU 'ONG BA'I GNAS DAG TU, ,'BOL BA'I STAN SOGS LA 'DUG NAS, ,THANG GA LA SOGS GZUGS BZHAG BSGOM, ,ZHES DANG, ZA MA TOG LAS, RGYUD LAS GSUNGS PA'I GNAS DGON PA LA SOGS PA YID DANG MTHUN PA GANG YANG RUNG BAR, ZHES PAS BSTAN PA LTAR, RGYUD LAS GSUNGS PA'I GNAS GZHAN RNAMS NI GANG ZAG NUS PA THON PA'I DBANG DU MDZAD PAS, LAS DANG PO PAR DGON PA STE BSAM GTAN GYI TSER MA MED PA'I GNAS DBEN PA DANG, YID DU 'ONG BA'AM YID DANG MTHUN PA NI, CHU SHING LA SOGS PA'I YO BYAD SNYED SLA ZHING RANG RGYUD LA NYAMS RTOGS SKYE SLA BA'I GNAS TE DE RNAMS GAL CHE TSUL SOGS RGYAS PAR GSUNGS SO, ,GSUM PA JI LTAR NYAMS SU LEN PA'I TSUL LA GNYIS, BSKYED RIM NYAMS SU LEN PA'I TSUL DNGOS DANG, BSKYED RIM BRTEN PAS DNGOS GRUB BSGRUB TSUL LO, ,DANG PO LA GNYIS, THUN GYI NGO BO'I RNAL 'BYOR DANG, THUN MTSAMS KYI RNAL 'BYOR RO, ,DANG PO LA GSUM, THUN GYI 'GOR JI LTAR BYA BA'I TSUL, THUN GYI DNGOS GZHI LA
, ,JI LTAR BYA BA'I TSUL, THUN GYI MJUG TU JI LTAR BYA BA'I TSUL LO, ,DANG PO LA BZHI, DAM TSIG GSUM BZUNG BA, SNGON 'GRO GTOR MA BTANG BA, BDAG BSKYED KYI MCHOD PA BYIN BRLABS, RDOR SEMS BSGOM BZLAS SO, ,DANG PO LA GNYIS, DAM TSIG GSUM BZUNG BA'I DANG POR BYA BA'I RIM PA DANG, DAM TSIG GSUM BZUNG BA DNGOS SO, DANG PO NI, ZA MA TOG LAS, DANG POR KHRUS BYA ZHING MAndAL BYI DOR BYA, ME TOG GCAL DU DGRAM, BRIS SKU MDUN DU BSHAM, STAN BDE BA LA KHA LHOR PHYOGS TE 'DUG NAS, BDUD RTZI RIL BUS KHA DAG PAR BYAS TE, ZHES GSUNGS PA'I DON, KHRUS NI BSNYEN PA'I DANG PO'AM THUN BZHI'I DANG PO'AM, THUN RE RE'I DANG POR KHRUS BYA LA, DE YANG DGE SBYOR GYI GROGS SU 'GRO NA BYA ZHING, MI 'GRO NA BLA MED LA HA CANG GAL MI CHE BAS BZHAG KYANG CHOG LA, DE LA YANG YAN LAG SOGS 'KHRUD PA PHYI DANG, DAM SDOM NYAM CHAG SOGS LA BSHAGS SDOM BYED PA NANG DANG, RANG SEMS BDE BA'I NGO BOR SONG BA GSANG BA DANG, BDE BAS STONG NYID NGES PA DE KHO NA NYID DE KHRUS KYI DBYE BA BZHI YOD, MAndAL BYI DOR NI SKABS 'DIR GNAS KHANG BYI DOR BYA BA YIN, DMIGS RTEN GYI BRIS SKU RANG DANG ZHAL SPROD KYI TSUL DU BKRAM, RANG 'DUG PA'I GNAS NI BSIL BA TSAL SOGS KYI DUR KHROD DU MOS, STAN NI RO GDAN DNGOS SAM BRIS PA'AM MOS KYANG CHOG ,KHA LHOR BLTA BA'AM BLTA BAR MOS PA NI GDUL BYA'I GTZO BO GSHIN RJE LHO PHYOGS SU GNAS PA DANG, DRAG PO'I LAS 'GRUB PA'I GNAD DO, ,BDUD RTZI RIL BU'AM DE BTAB PA'I NANG MCHOD MYANGS PAS KHA'I DRI
MA DAG PAR BYAS TE, RANG GRUB CHEN GYI RNAM PA SKRA BSHIG PA, THAL CHEN GYIS LUS RIL BOR BYUG PA'AM DPRAL BAR THIG LE BYA ZHING, RUS PA'I RGYAN GYIS BRGYAN PA STE, 'DI RNAMS DNGOS SAM MOS PA BYAS KYANG RUNG, DE NAS DAL 'BYOR RNYED DKA' 'CHI BA MI RTAG PA SOGS DRAN PAR BYAS TE, RANG GI SPYI BOR DBANG GI BLA MA BRGYUD PA MTHO BRTZEGS SU BSGOM PAR BYA STE, DANG POR DPAL RDO RJE 'JIGS BYED DPA' BO GCIG PA'AM YUM BCAS, DPA' GCIG YIN NA, DE'I 'OG TU YUM MKHA' 'GRO RO LANGS MA, DE'I 'OG TU L'A LI TA BADZRA SOGS RIM PA BZHIN RTZA BA'I BLA MA'I BAR NGO BO BLA MA DE DANG DE YIN PA LA RNAM PA RDO RJE 'JIGS BYED ZHAL GCIG PHYAG GNYIS YUM BCAS SU MOS PAR BYA STE, RTZA BRGYUD KYI BLA MA RNAMS YI DAM 'DI'I BSKYED RDZOGS LA BRTEN NAS 'DI'I GO 'PHANG BRNYES PA MTSON, DE NAS BLA BRGYUD GSOL 'DEBS BYAS LA BDUD RTZI 'BEB SBYANG BYED, BLA MA GONG MA'I GSOL 'DEBS SONG RJES 'OG MA 'OG MAR RIM BZHIN THIM ZHING RGYAL BA KUN GYI YAB GCIG CES SOGS KYANG RTZA BA'I BLA MA LA DMIGS TE BYAS LA, SKU GSUM GO 'PHANG BDE BLAG THOB GYUR CIG ,CES RDZOGS PA NA RTZA BA'I BLA MA RANG LA THIM PAR BSAM MO, ,GNYIS PA NI, DE NAS RANG LUS RKANG MTHIL NAS YAR DANG, SPYI BO NAS MAR SNYING GA'I BAR 'OD SNGON POR ZHU BA'I MTHAR STONG YUL DU SONG BAR BSAM LA, MYONG YUL BDE BA, 'DZIN STANGS STONG PA, SNANG BA STONG SANG, DES NGOR 'BRAS DUS KYI CHOS SKU DNGOS DE NGA'O SNYAM PA'I NGA RGYAL BYA'O, ,DE NAS RANG GI GO SAR SNA TSOGS PADMA'I LTE
, ,BAR NYI MA'I DKYIL 'KHOR GYI STENG DU, RANG SEMS KYI NGO BO 'OD SNGON PO KHRU GANG TZAM BSGOM LA LONGS SKU'I NGA RGYAL BYA, SLAR YANG 'OD SNGON PO DE NYID JE RAGS SU SONG NAS RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS PA, MA HE'I ZHAL CAN, KHRO GNYER RAL GRI'I SO LTA BU, MCHE BA GANGS RI LTAR GTZIGS PA, ZHAL DANG SHANGS BUG ZANGS DUNG MER BSREGS PA LTA BU, SPYAN RTZA DANG PHYAG ZHABS KYI MTHIL RNAMS KHRAG RLON GYIS BYUGS PA LTAR DMAR BA, SPYAN 'BRAS ME 'OD LTAR 'BAR ZHING GA-YO BA, SEN MO RNAMS BYA ROG GI MCHU LTA BU, MGUL RGYAN GDU BU RNA CHA DANG, ,SPYI BO'I NOR BU MCHOD PHYIR THOGS, ,ZHES PA LTAR GYI PHYAG RGYA LNGA DANG 'OG PAG THAL CHEN SOGS KYIS BRGYAN PA, ZHABS GA-YAS BSKUMS PA NAS RANG MTHO LNGA'I BAR DU GA-YON BRKYANGS PA, RANG LAS CUNG ZAD SKU BONG CHUNG BA'I YUM RO LANGS MA SNGO NAG KHRO MO'I ZHAL CAN, PHYAG RGYA LNGAS BRGYAN PA, GNYIS KA'I PHYAG GA-YAS GRI GUG DANG, GA-YON THOD KHRAG 'DZIN PAS PHAN TSUN 'KHYUD CING SKU LAS ME 'OD RAB TU 'PHRO BA STE DE LTA BU'I SKUR LAM GYIS GYUR PAR BSAM LA 'BRAS DUS KYI RDO RJE 'JIGS BYED SKYON KUN ZAD YON TAN KUN LDAN DE NGA'O SNYAM PA'I NGA RGYAL SHUGS CAN BYA LA SKU GSUM LAM 'KHYER MDOR BSDUS KYANG TSANG STE SKU'I DAM TSIG GO ,GNYIS PA DAM TSIG GSUM GZUNG BA DNGOS LA, BKRAS LHUN RGYUD GR'A'I LHAN THABS LA SPYIR KHUNGS DAG MI DAG SNA TSOGS YOD KYANG, RDOL DRIL BYIN RLABS KYI RIM PA LHAN THABS LTAR YIN TE, DKYIL
CHOG RDO RJE PHRENG BA'I DGONGS PA RJE'I SBYIN SREG DNGOS GRUB RGYA MTSOR GSUNGS PA LTAR BKOD 'DUG PAS 'DI LA GSUM, RDOR DRIL BYIN RLABS, RDOR DRIL GZUNG BA, RDOR DRIL GSOR DKROL LO, ,DANG PO NI, RDO RJES BSHES GNYEN BSTEN TSUL NAS MI SLOB PA'I ZUNG 'JUG BAR GYI THABS KYI CHA DANG, DRIL BUS BSHES GNYEN BSTEN TSUL NAS MI SLOB PA'I ZUNG 'JUG BAR GYI SHES RAB KYI CHA RNAMS MTSON LA, MDOR NA GNYIS KA'ANG DON DAM PA'I BYANG CHUB KYI SEMS BDE STONG GNYIS SU MED PA'I YE SHES KYI RANG BZHIN DU MOS NAS, RDO RJE NI THABS DANG ZHES SOGS BRJOD NAS BYIN GYIS BRLAB BO, ,GNYIS PA RDOR DRIL GZUNG BA LA GNYIS, RDO RJE GZUNG TSUL DANG, DRIL BU GZUNG TSUL LO, ,DANG PO NI, AOm SARBA TA TH'A GA TA, ZHES PA NAS H'Um H'Um H'Um PHAt SV'AH'A, ZHES PA'I BAR TE, AOm GYI A'A AU MA GSUM DANG, H'Um GSUM GYIS RDO RJE GSUM, SARBA THAMS CAD, TA TH'A GA TA, DE BZHIN GSHES PA, SIDDHIBDZRA, GRUB PA'I RDO RJE, SAMA YA DAM TSIG ,TIshthA AE shA STVAm, NYE BAR MNOS, DHA RA Y'A M'I MI 'BRAL BAR 'DZIN PA, HI LNGA YE SHES LNGA STE, DE BZHIN GSHEGS PA THAMS CAD KYI SKU GSUNG THUGS DANG YE SHES LNGA DBYER MI PHYED PA'I RANG BZHIN GRUB PA'I RDO RJE NYE BAR MNOS PA'I DAM TSIG LAS MI 'DA' BAR GZUNG BAR BGYI'O SNYAM DU PAD KOR SNGON DU 'GRO BAS RDO RJE GA-YAS PA'I MTHE BONG DANG MING MED KYIS BLANGS LA SNYING GAR GZUNG NGO, ,MNOS TSUL NI SNGAR DBANG DUS SU BRTUL ZHUGS KYI SKABS RDO RJE'I DAM TSIG DANG MI 'BRAL BAR KHAS BLANGS PA DE'O, ,GNYIS PA
, ,DRIL BU GZUNG TSUL NI, AOm BADZRA GHAndA H'Um, ZHES PA STE, AOm SNGAR BZHIN, BADZRA RDO RJE, GHAnd'A DRIL BU, H'Um; YE SHES LNGA'I RANG BZHIN TE, THIG LE N'A DA CHOS DBYINGS, ZLA TSES ME LONG, HA'I MGO BO MNYAM NYID, LUS SOR RTOG ;A'U BYA GRUB YE SHES KYI NGO BO STE SKU GSUNG THUGS DANG, YE SHES LNGA DBYER MED PA'I DRIL BU GZUNG BAR BYA'O SNYAM DU, DRIL BU GA-YON PA'I MTHE BONG DANG MING MED KYIS BLANGS LA DKU GA-YON DU BZUNG NGO, ,GSUM PA RDOR DRIL GSOR DKROL LA GNYIS, RDO RJE GSOR TSUL DANG, DRIL BU DKROL TSUL LO, ,DANG PO NI, H'Um GLUR BLANGS PA'I TSUL DU BRJOD PA SNGON DU 'GRO BAS, RDO RJE SEMS DPA' LA SOGS PA RNAMS MNYES PAR BYA'O, ,JI LTA BUS MNYES TSUL NI, SEMS CAN RNAMS KYI MA RIG PA'I RMONGS PA 'JOMS PAR BYED PA'I GNYEN PO NI BDE STONG GNYIS SU MED PA'I RDO RJE YIN LA, BDE STONG DE NYID BSKYED PAS RDO RJE SEMS DPA' LA SOGS PA'I DE BZHIN GSHEGS PA RNAMS MNYES PAR 'GYUR BAS, DE THOG MAR RANG RGYUD LA BSKYED, DE NAS SEMS CAN RNAMS LA GTOD PA'I PHYIR GSOR BA STE PHAL TSIG TU AANG GSAR BYED PA DANG 'DRA BAS GSOR BA NI MDZES PA STE BZANG BA YIN LA, SEMS CAN RNAMS 'KHOR BA'I GNAS LAS RNAM PAR THAR PA NI CHOS TE STONG PA NYID KYI BYA BA'AM DGOS PA YIN PAS, DE'I PHYIR SPRO SHUGS CHEN PO DANG BCAS TE GZUNG BAR BYA'O SNYAM DU BSAM LA H'Um GSUM DANG HO GSUM GYIS CHUNG 'BRING CHE GSUM GYI SEMS CAN RNAMS 'KHOR BA LAS SGROL BA'I
BSAM PAS, RDO RJE PHYOGS MTSAMS BRGYAD DU GSOR ZHING DKU GA-YAS SU BZUNG STE THUGS KYI DAM TSIG GO ,GNYIS PA DRIL BU DKROL TSUL NI, AOm RDO RJE GSUM DBYER MED MI PHYED PA, BADZRA RDO RJE STE BDE STONG DBYER MI PHYED PA'AM BDEN 'DZIN GYI SPROS PAS MI PHYED PAS NA STONG PA NYID, DHARMA CHOS, RA nI TA SGROGS SHIG ,PRA RA nI TA, RAB TU SGROGS SHIG ,SAm PRA RA nI TA, KUN TU RAB TU SGROGS SHIG ,SARBA BUD DHA KshE TRA PRA TZA LI NE, SANGS RGYAS KYI ZHING THAMS CAD GA-YO BA, PRADZNYA PA RA MI T'A YA, SHES RAB KYI PHA ROL TU PHYIN PA, N'A DA, SGRA; SVA BH'A WA, RANG BZHIN, BADZRA SATVA, RDO RJE SEMS DPA', HRI DA YA SANTO shA nI, THUGS KUN TU DGYES PA, H'Um GSUM DANG HO GSUM NI CHUNG 'BRING CHE GSUM GYI SEMS CAN RNAMS SGROL BA MTSON PAS, RDO RJE SEMS DPA'I THUGS KUN TU MNYES PAR BYED PA'I CHUNG 'BRING CHE GSUM GYI SEMS CAN RNAMS 'KHOR BA LAS SGOL BA'I PHYIR DU, SHES RAB KYI PHA ROL TU PHYIN PA CHOS THAMS CAD RANG BZHIN STONG PA NYID KYI SGRA SGROGS SHIG ;RAB TU SGROGS SHIG ,KUN TU RAB TU SGROGS SHIG ,SANGS RGYAS KYI ZHING THAMS CAD GA-YO BAR BYED PA TZAM SGROGS SHIG CES BSAM ZHING, DRIL BU PHYOGS MTSAMS BRGYAD DU DKROL BAR BYA STE, GSUNG GI DAM TSIG DANG, RDOR DRIL DANG BCAS 'KHYUD RGYA BYED PA SHES RAB KYI DAM TSIG KYANG YIN NO, ,GNYIS PA SNGON 'GRO GTOR MA BTANG BA NI, 'DI LA BZHED TSUL MI 'DRA BA GNYIS YOD DE SRAD RGYUD PA RNAMS NI YA MA R'A DZA BRJOD PA'I TSE RDO RJE 'JIGS BYED KYI LHA TSOGS SKAD
, ,CIG GIS MDUN GYI NAM MKHAR BSKYED PA LA GTOR MA'I PHUD PHUL NAS, 'BYUNG PO RNAMS SHA KHRAG LA LONGS SPYOD PA'I GNANG BA ZHU BA YIN ZHES GSUNG ZHING, RJE ZHA LU PA'I RTZA TSIG LAS, RTZA SNGAGS RGYAL POS BCOM LDAN MCHOD, ,NYE SNYING GSHIN RJE'I TSOGS RNAMS LA, ,SNYING POS PHYOGS BDAG LA PHUL NAS, ,LAS THUN PHYI NANG MCHOD PAS MCHOD, ,CES RTZA SNGAGS YAM R'A DZ'A SA BCOM LDAN RDO RJE 'JIGS BYED KYI LHA TSOGS DANG, NYE SNYING YA M'ANTA KA LA NANG MGRON GSHIN RJE BDUN GYI MING SNGAGS DANG, SNYING PO HR'I: shdRI: LA PHYOGS SKYONG BCO LNGA'I MING YIG DANG PO BTAGS LA 'BUL BA YIN ZHES SGRUB BYED DU BZHED, DBEN SA SNYAN BRGYUD PA NI, YA MA R'A DZ'AS GTOR MA BYIN GYIS BRLABS NAS PHYI NANG GI MGRON 'JIG RTEN PA RNAMS LA 'BUL BA LAS SKABS 'DIR 'DAS LHA LA GTOR MA MI 'BUL BAR BZHED, RANG LUGS NI PHYI MA LTAR 'DOD DE, MKHAS GRUB RIN PO CHES, L'A LI TA'I SGRUB THABS CHE BA LAS, MCHOD DANG BDUD RTZI LA SOGS KYIS, ,ZHI BA LA SOGS KHYAD PAR RNAMS, ,SHA RNAMS KUN GYI GTOR MA NI, ,'BYUNG PO LA SOGS 'JIGS LA SBYIN, ,DANG POR LHA LA BZOD PAR GSOL, ,ZHING SKYONG LA SOGS THAMS CAD GSHEGS, ,ZHES GSUNGS PA 'DIS SNGON 'GRO GTOR MA BSTAN LA, MCHOD DANG ZHES PAS SNGON 'GRO GTOR MA'I MGRON DE RNAMS LA NYER SPYOD SOGS KYIS MCHOD PA 'BUL BAR BSTAN CING, BDUD RTZI LA SOGS KYIS ZHES
PAS NANG MCHOD 'BUL BAR BSTAN LA, ZHI BA LA SOGS KHYAD PAR RNAMS, ZHES PAS ZHI BA LA SOGS PA'I 'PHRIN LAS KYI KHYAD PAR RNAMS BCOL BA'I PHYIR DU SBYIN ZHES PA DANG, SHA RNAMS KUN GYI GTOR MA NI, ZHES PAS GTOR MA'I RDZAS BSTAN CING, 'BYUNG PO LA SOGS 'JIGS LA SBYIN, ZHES GANG LA SBYIN PA'I YUL BSTAN TO, ,DE YANG MKHA' 'GRO RGYA MTSO LAS, SNGON 'GRO GTOR MA ZHING SKYONG LA 'BUL BA'I 'JIG RTEN PA'I GTOR MAR GSUNGS PA LTAR, BLA MED KYI GZHUNG TSAD LDAN GZHAN LAS SNGON DU GTOR MA BYA BAR BSHAD PA YOD PA RNAMS RANG RANG GI 'JIG RTEN PA'I GTOR MA YIN LA, ZHES DANG, SNGON 'GRO GTOR MA'I SKABS SU 'DIR DKYIL 'KHOR PA'I LHA LA 'BUL BA NI GANG NAS KYANG MA BSHAD CING, RGYA BOD KYI MKHAS PA SU'I YANG LUGS MA YIN LA, L'A LI TAS BSHAD CES ZER BA NI BRDZUN YIN TE, DANG POR LHA LA BZOD PAR GSOL, ZHES PA'I LHA LA ZHES BA'I TSIG ZUR 'DI MA YIN PA'I DOGS PA'I GNAS TZAM YANG MED CING, LHA LA 'JIG RTEN PA'I LHA SHIN TU MANG BAS LHA ZHES PA'I TSIG TZAM GYIS 'JIG RTEN LAS 'DAS PA'I LHAR SUS KYANG BSGRUB MI NUS SO, ,RJE THAMS CAD MKHYEN PAS SGRUB THABS GNYIS SU LHA DANG 'BYUNG PO LA GTOR MA PHUL NAS ZHES GSUNGS PA NI, L'A LI TAS, 'BYUNG PO LA SOGS 'JIGS LA SBYIN, ZHES PA DANG, DANG POR LHA LA BZOD PAR GSOL, ZHES PA'I LHA DANG 'BYUNG PO GTOR MGRON DU GSUNGS
, ,PA'I DON BKOD PA YIN LA, 'BYUNG PO DANG LHA ZHES 'BYUNG PO LAS LOGS SU LHA'I TSIG SMOS PAS 'JIG RTEN LAS 'DAS PA'I LHAR BZUNG NA 'KHRUL PA SHIN TU CHE'O, ,DE BAS NA 'DI NI GSANG BA SPYI RGYUD DANG DKYIL CHOG TSAD LDAN DU MA LAS STA GON GYI LHA LA GSOL BA 'DEBS PA'I TSIG LA, LHA DANG 'JIG RTEN SKYONG BA DANG, ,'BYUNG PO BYANG CHUB BSTAN GNAS DANG, ,ZHES GSUNGS PA'I RKANG PA SNGA MA LA, SPYI RGYUD DU, 'JIG RTEN SKYONG BA'I LHA RNAMS DANG ZHES 'BYUNG, DE YANG 'JIG RTEN SKYONG BA'I LHA NI PHYOGS SKYONG BCO LNGA LA SOGS PA DANG, 'BYUNG PO NI, DE DAG LAS GZHAN PA BYANG CHUB KYI LAM LA ZHUGS PA SANGS RGYAS KYI BSTAN PA LA GNAS PA'I DKAR PHYOGS KYI 'BYUNG PO MI DANG MI MA YIN PA MTHA' DAG LA BYA BA'I TSUL SNGAGS RIM CHEN MOR RGYAS PAR GSUNGS PA LTAR SHES PAR BYAS NAS, 'DIR YANG LHA NI, 'JIG RTEN SKYONG BA'I GTZO BO PHYOGS SKYONG BCO LNGA DANG, 'BYUNG PO NI, DE DAG GI 'KHOR DU LHAGS PA, BSTAN PA LA DGA' BA'I SRID PA GSUM GYI 'BYUNG PO'I TSOGS TE, ZHES SOGS DANG, DANG POR ZHES PA NI GSHEGS GSOL GYI SNGON DU'O, ,LHA LA BZOD PAR GSOL BA NI, MA RNYED YONGS SU MA SHES DANG, ZHES PA LTA BU'O, ,DE NAS GTOR MGRON RNAMS GSHEGS SU GSOL BA NI, ZHING SKYONG LA SOGS THAMS CAD GSHEGS, ZHES PAS BSTAN PAR SHES PAR BYA'O, ,ZHES GSUNGS PA LTAR RO, ,DE YANG SPYIR NA PHYOGS SKYONG LA RIGS GSUM STE RDO RJE 'CHANG GI SPRUL PA DANG DKAR PHYOd
PA DANG NAG PHYOGS PA GSUM LAS SKABS 'DI'I GTOR MGRON NI DKAR PHYOGS PA YIN NO, ,DE LTA BU'I TSUL RNAMS SHES PAR BYAS NAS SNGON 'GRO GTOR MA BTANG BA LA BZHI, NANG MCHOD BYIN RLABS, SNGON 'GRO'I MCHOD PA BYIN RLABS, SNGON 'GRO'I GTOR MA BYIN RLABS, GTOR MA 'BUL BA DNGOS SO, ,DANG PO NI, BSGRUB GZHI KA P'A LA GAR CHANG GIS BKANG BA LA BDUD RTZI RIL BU BTAB PA SOGS LA DMIGS NAS BYIN GYIS RLOB PA STE 'DI LA BZHI, BSANG BA, SBYANG BA, BSKYED PA, BYIN GYIS BRLABS PA'O, ,DANG PO NI, LAS SNGAGS BRJOD PA DANG MNYAM DU, RANG GI THUGS KA'I NYI DKYIL GYI DBUS SU RANG SEMS BDE STONG GI NGO BO H'Um YIG MTHING GA'I N'A DA 'AM SNGAGS 'KHOR GANG RIGS LAS RANG 'DRA'I KHRO BO DPAG TU MED PA SPROS PA SHANGS BUG GA-YAS NAS THON TE NANG MCHOD LA GNAS PA'I GDON BGEGS THAMS CAD BYI'U KHRAS DED PA BZHIN DU RGYA MTSO'I PHA MTHAR BSKRAD DE NAM YANG LDANG BA MED PAR BYAS NAS KHRO BO SLAR RANG GI SHANGS BUG GA-YON NAS ZHUGS TE THUGS KA'I H'Um LA THIM PAR BSAM, BDE STONG GI RANG BZHIN H'Um YIG LAS SPRO BSDU BYED PA NI PHYI'I GDON BGEGS RANG GI RLUNG SEMS LAS GRUB CING, BDE STONG GNYIS SU MED PAS NANG GI NYON MONGS KYANG 'JOMS NA PHYI'I GDON BGEGS 'JOMS PA SMOS CI DGOS PA'I PHYIR RO, ,GNYIS PA SBYANG BA NI, AOm NI NANG MCHOD KYI 'KHOR GSUM MI DMIGS PA MTSON BYED, SVA BH'A WA RANG BZHIN, SHUD DH'A: DAG PA, SRBA DHARM'A: CHOS THAMS CAD, SVA BH'A WA SHU DDHA NI, SNGAR BZHIN, AA HAm NGA'O STE MDOR NA GZUNG
, ,'DZIN GYIS BSDUS PA'I CHOS THAMS CAD RANG BZHIN GYIS DAG PA DE NGA'O, ,ZHES PA STE THA MAL GYI SNANG ZHEN SBYONG ZHING, DE'I TSE SGRUB GZHI'I NANG MCHOD SNOD DANG BCAS PA MI DMIGS PAR BSAM, GSUM PA BSKYED PA NI, STONG PA'I NGANG LAS NANG MCHOD KYI GO SAR BDE STONG GI NGO BO YAm YIG SNGON PO ZHIG BYUNG BA 'OD DU ZHU BA LAS RLUNG GI DKYIL 'KHOR SNGON PO GZHU'I DBYIBS CAN GZHU RGYUD RANG LA BSTAN PA, MCHOG MA GNYIS SU BUM PA LAS THON PA'I BA DAN GYIS MTSAN PA, DE'I STENG DU RAm YIG DMAR PO 'OD DU ZHU BA LAS ME'I DKYIL 'KHOR DMAR PO GRU GSUM PA'I ZUR GCIG RANG LA BSTAN PA MTHA' KUN TU ME 'BAR BAS MTSAN PA, DE'I STENG GI ZUR RER A'A: YIG DKAR PO 'AM DMAR PO LAS MI MGO RLON PA BCAD MA THAG PA'I RNAM PA CAN RE, GSUM GA LTAG PA NANG DU BSTAN NAS GNAS PA, DE GSUM GYI DBUS KYI BAR SNANG LA A'A: YIG DKAR PO 'OD DU ZHU BA LAS THOD PA PHYI DKAR LA NANG DMAR BA NANG YANGS SHING KHA RGYA CHE BA, DE'I NANG GI SHAR DU ME LONG YE SHES KYI NGO BO RNAM SNANG GI SA BON BHR'Um YIG DKAR PO ZHIG BYUNG BA YONGS SU GYUR PA LAS BA LANG GI SHA NAG PO ZHOGS GA-YAS PA PHAB CING KHA NANG BSTAN GA-YON GYI SOG STENG DU GOO STE BA LANG GI MING YIG DANG PO GOO YIG DKAR POS MTSAN PA, LHOR MNYAM NYID YE SHES KYI NGO BO RIN 'BYUNG GI SA BON AAm SER PO LAS KHYI'I SHA DMAR PO GA-YON GYI SOG STENG DU KHYI'I MING KUKKU RA'I MING YIG DANG PO KU YIG SER POS
MTSAN PA, NUB TU SOR RTOG YE SHES KYI NGO BO 'OD DPAG MED KYI SA BON RDZRI DMAR PO LAS GLANG PO CHE'I SHA DKAR PO GA-YON GYI SOG STENG DU DA NTI MCHE BA CAN GLANG PO'I MING YIG DANG PO DA YIG DMAR POS MTSAN PA, BYANG DU BYA GRUB YE SHES KYI NGO BO DON GRUB KYI SA BON KHAm LJANG KHU LAS RTA'I SHA LJANG KHU GA-YON GYI SOG STENG DU RTA'I MING HA YA'I MING YIG DANG PO HA YIG LJANG GUS MTSAN PA, DBUS SU CHOS DBYINGS YE SHES KYI NGO BO MI BSKYOD PA'I SA BON H'Um MTHING KHA LAS MI'I SHA DMAR PO MGO GA-YAS DANG KHA RANG LA BSTAN PA'I GA-YON GYI SOG STENG DU MI'I MING NA RA'I MING YIG DANG PO NA YIG SNGON POS MTSAN PA STE SHA LNGA DANG, SHAR LHOR SPYAN MA'I SA BON LAm DKAR PO LAS DRI CHEN SER PO DRI CHEN GYI MING BI tA'I MING YIG DANG PO BI YIG SER POS MTSAN PA, LHO NUB TU M'A MA KI'I SA BON MAm SNGON PO LAS RAKTA DMAR PO KHRAG GI MING RAKTA'I MING YIG DANG POR YIG SNGON POS MTSAN PA, NUB BYANG DU GOS DKAR MO'I SA BON BAm DMAR PO LAS BYANG SEMS DKAR PO BYANG SEMS DKAR PO'I MING SHU KRA'I MING YIG DANG PO SHU YIG DKAR POS MTSAN PA, BYANG SHAR DU SGROL MA'I SA BON TAm LJANG KHU LAS MI'I RKANG MAR DKAR DMAR RKANG MAR GYI MING MANYDZU'I MING YIG DANG PO MA YIG LJANG KHUS MTSAN PA, DBUS SU RO LANGS MA'I NGO BO BAm SNGON PO LAS DRI CHU SNGON PO DRI CHU'I MING M'U tA'I MING YIG DANG PO M'U YIG SNGON POS MTSAN PA STE BDUD RTZI LNGA'O, ,SHA THAMS CAD PHYI DBYIBS RANG RANG GI GZUGS LA KHAM
, ,TSAD TZAM GYIS BSIL BUR BTUB PA, BDUD RTZI RNAMS RANG RANG GI GNAS SU KHYIL LE GNAS PA, MTSON BYED KYI YI GE RANG RANG GI MING YIG DANG POS BYED PA'I DGOS PA NI RDZAS RNAMS MING DANG RTOG PAS BTAGS TZAM LAS NGO BOS GRUB PA MED PAR STON PA'I PHYIR RO, ,DBUS KYI RDZAS GNYIS DRI CHU KHYIL BA'I NANG DU SHA GNAS SHING YI GE GNYIS ZHAL SPROD KYI TSUL DU BYA'O, ,BZHI PA BYIN GYIS BRLABS PA NI, RDZAS BCU PO DE RNAMS KYI STENG GI BAR SNANG LA AOm YIG DKAR PO, DE'I STENG DU A'A: YIG DMAR PO, DE'I STENG DU H'Um YIG SNGON PO STE STENG NAS STENG DU BRTZEGS PAR GYUR, CES PA'I DON YIN GSUNGS, DE NAS RANG GI THUGS KA'I H'Um LAS 'OD ZER 'PHROS PA RLUNG DKYIL GYI BA DAN GNYIS LA PHOG PAS DE DAG BSKYOD NAS RLUNG GA-YOS TE STENG GI ME DKYIL SBAR, THOD PA'I RDZAS RNAMS ZHU ZHING KHOL BA'I RLANGS PA 'BRU GSUM LA PHOG PAS AOm YIG LAS 'OD ZER DKAR PO PHYOGS BCUR 'PHROS PAS SANGS RGYAS THAMS CAD KYI SKU'I BYIN RLABS THAMS CAD SKU RDO RJE RNAM SNANG DKAR PO ZHAL GSUM PHYAG DRUG PA, A'A: LAS 'OD ZER DMAR PO 'PHROS PAS GSUNG GI BYIN RLABS THAMS CAD, GSUNG RDO RJE 'OD DPAG MED DMAR PO ZHAL GSUM PHYAG DRUG PA, H'Um LAS 'OD ZER SNGON PO 'PHROS PAS THUGS KYI BYIN RLABS THAMS CAD THUGS RDO RJE MI BSKYOD PA SNGON PO: ZHAL GSUM PHYAG DRUG PA'I RNAM PA DPAG TU MED PA SPYAN DRANGS YI GE SO SO LA THIM PAS YI GE GSUM
MGO MJUG LDOG NAS THOG MAR H'Um THOD PAR LHUNG GA-YAS SKOR DU LAN GSUM DKRUGS NAS RDZAS DANG DBYER MED DU 'DRES PAS H'Um YIG DE BDE STONG DBYER MED THUGS MI BSKYOD PA'I SA BON YIN PAS YE SHES DES SKYON RIGS THAMS CAD SBYONG NUS PA'I RGYU MTSAN GYIS KHA DOG DRI RO NUS PA NGAN PA'I SKYON RNAMS SBYANGS, A'A: THIMS PAS A'A: YIG DE 'CHI MED KYI LHA GSUNG RDO RJE 'OD DPAG MED KYI SA BON YIN PA'I RGYU MTSAN GYIS NA BA MED PA SMAN GYI BDUD RTZI, 'CHI BA MED PA TSE'I BDUD RTZI, ZAG PA MED PA YE SHES KYI BDUD RTZI'I RANG BZHIN DU RTOGS PAR BYAS, AOm THIMS PAS AOm YIG DE GZUGS PHUNG DAG PA SKU RDO RJE RNAM SNANG GI SA BON YIN CING GZUGS PHUNG RIGS 'DRA SNGA MAS PHYI MA MANG POR SPEL BA'I RGYU MTSAN GYIS MGRON RNAMS KYIS JI TZAM LONGS SPYAD KYANG MI ZAD PAR MANG POR SBAR ZHING SPEL BAR BSAM LA 'BRU GSUM LAN GSUM BZLA'O, ,DE'I TSE SPRO NA SRANG RGYUD PA'I BZHED SROL RANG 'JIGS BYED DU GSAL BA'I THUGS KAR ZLA DKYIL GYI STENG DU RANG NYID THA MAL PA'I RNAM PA DANG DE'I MDUN DU TSE 'DI'I PHA MA GA-YAS SU SPUN ZLA GA-YON DU MDZA' GROGS MTHA' SKOR DU SEMS CAN SOGS DMIGS NAS RANG GZHAN GYIS THOG MED NAS BSAGS PA'I SGO GSUM GYI SDIG SGRIB THAMS CAD DUD KHU SOGS KYI RNAM PAR DBANG PO'I SGO SGOS NAS THON RDZAS RNAMS LA THIM PAS BDUD RTZIR GYUR PAR BSAM PA YANG BYA'O, ,GNYIS PA SNGON 'GRO'I MCHOD PA BYIN RLABS NI, SNGON 'GRO'I MCHOD PA MDUN DU RANG GI
, ,GA-YON NAS 'GO BRTZAMS TE CHU GNYIS DANG DRI CHAB SNGON DU 'GRO BA'I NYER SPYOD ROL MO DANG BCAS PA BSHAM PA, BSANG BA DANG SBYANG BA SNGAR BZHIN YIN LA, BSKYED PA NI MCHOD RDZAS SO SO'I GO SAR AA YIG DKAR PO REE BYUNG BA 'OD DU ZHU BA LAS THOD PA'I SNOD DPRAL BA 'BUL YUL LA BSTAN PA RE RE BYUNG, DE RNAMS RE RE'I NANG DU H'Um YIG MTHING KHA RE RE BYUNG BA 'OD DU ZHU BA LAS, NGO BO BDE STONG GNYIS SU MED PA'I YE SHES YIN PA LA, RNAM PA KHRAG GI MCHOD YON, KHRAG ZHAG MKHRIS PA'I DRI CHAB, DBANG PO LNGA'I ME TOG SOGS MCHOD RDZAS SO SO'I RNAM PAR GRUB PA, BYED LAS MGRON RNAMS KYI DBANG PO SO SOR BDE STONG GI YE SHES KHYAD PAR CAN BSKYED NUS PA STE KHYAD PAR GSUM LDAN DU BYIN GYIS BRLAB, GSUM PA SNGON 'GRO'I GTOR MA BYIN RLABS NI, NANG MCHOD BYIN RLABS JI LTA BA BZHIN BYIN GYIS BRLAB BO, ,GSUM PA GTOR MA 'BUL BA DNGOS LA BZHI, GTOR MGRON SPYAN 'DREN PA, GTOR MA 'BUL BA, 'PHRIN LAS 'CHOL BA, NYES PA SBYANGS NAS GSHEGS PA'O, ,DANG PO NI, AOm NI RDO RJE GSUM DBYER MED PA'I RANG BZHIN, HR'I: 'PHROG BYED, shdRI: MCHE BA, WI KRI TA RNAM PAR 'GYUR BA DANG A'A NAN ZHAL CAN TE MTSAMS SBYAR BAS WI KRI T'A NAN, H'Um H'Um BSKUL BA, PHAt PHAt KHOS SHIG ,SARBA THAMS CAD, DU shtAm MA RUNGS PA, AINDRA DBANG PO, ,A'A DI NA LA SOGS, SA PA RI W'A RA 'KHOR DANG BCAS PA, A'A KARshA YA DZA: KHUG CIG ,SV'A H'A GZHI TSUGS TE, 'PHROG BYED MCHE BA RNAM PAR 'GYUR BA'I ZHAL CAN ZHES RANG GIS RANG LA BOS NAS MA RUNGS PA DBANG PO LA SOGS PA THAMS CAD KHUG CIG ,MI YONG NA MGO
BO KHOS LA GZHI TSUGS, ZHES PA'O, ,DE'I TSE RANG GI SNYING GA'I H'Um LAS RANG 'DRA'I KHRO BO ZHAL GCIG PHYAG GNYIS PA GA-YAS LCAGS KYU DANG GA-YON ZHAGS PA THOGS PA DPAG TU MED PA'AM, SHAR, LHO; BYANG; 'OG RNAMS SU GNYIS RE, STENG DU GSUm, PHYOGS MTSAMS LHAG MA GZHAN LNGA LA RE RE STE BCU DRUG SPROS PAS PHYI NANG GI PHYOGS SKYONG GTZO BO RNAMS KYI SNYING GNAS LCAGS KYUS BZUNGS, MGRIN PA ZHAGS PAS BCINGS TE SKAD CIG LA BKUG NAS RANG GI MDUN GYI BAR SNANG LA CHOS RGYAL NANG SGRUB KHRO BO'I ZHAL CAN, DE'I GA-YAS SU DPAL LDAN LHA MO DMAG ZOR MA, GA-YON DU TZA MUndI RNAMS ZHAL TSUR GZIGS, DE GSUM GYI MDUN NAM SHAR DU ZHI BA'I GSHIN RJE DKAR PO d'A MA RU DANG MDA' DAR ME LONG, GA-YAS SAm LHOR RGYAS PA'I GSHIN RJE SER PO RAL GRI RGYAL MTSAN, RGYAB BA MA NUB TU DBANG GI GSHIN RJE DMAR PO NOR BU THOD PA, GA-YON NAM BYANG DU DRAG PO'I GSHIN RJE NAG PO THOD DBYUG DANG ZHAGS PA 'DZIN PA'I PHYI SGRUB STE, BZHI KA MAHE'I ZHAL CAN TE NANG MGRON BDUN NO; ;DE RNAMS KYI SHAR DU DBANG PO, DE'I GA-YON DU NYE DBANG STE KHYAB 'JUG LA SOGS PA MNGON RTOGS LTAR DANG, NANG MGRON GYI STENG DU ZLA BA, DE'I MDUN DU NYI MA, DE GNYIS KYI BAR DU TSANGS PA, NANG MGRON GYI 'OG TU SA'I LHA MO, ,DE'I GA-YAS SU THAGS BZANG RIGS STE LHA MIN GYI DPON PO'O, ,SO SOR RANG RANG GI 'KHOR DPAG TU MED PA SRID PA GSUM GYI 'BYUNG PO DANG BCAS PA 'KHOD PA'I GTZO BO RNAMS ZHAL NANG GZIGS SU BSAM, YANG NA, RANG GI MDUN DU NANG MGRON BDUN, RANG GI
, ,PHYOGS MTSAMS SU PHYOGS SKYONG BCO LNGA DGOD CING, STENG GI PHYOGS SKYONG DBANG PO'I GA-YAS RIM DANG, 'OG GI PHYOGS SKYONG CHU LHA'I GA-YAS RIM GYIS DGOD PA RJE BYAMS PA RIN PO CHE'I DGONGS PA YIN, YANG THAMS CAD RANG GNAS STENG 'OG PHYOGS MTSAMS DANG NANG MGRON LHO PHYOGS SU 'GOD PA'I LUGS KYANG YOD GSUNGS, DE NAS PHUR GDAB BYA BA'I SNGAGS GZHAN SNGAR BZHIN LA H'Um PHAt PHUR BUS THOB CIG CES BSKUL TSIG ,KI LA YA PHUR BU, ZHES PA STE RANG GI THUGS KA'I H'Um LAS RANG 'DRA'I KHRO BO ZHAL GCIG PHYAG GNYIS PA PHYAG GA-YAS NA RDO RJES MTSAN PA'I THO BA DANG, GA-YON NA PHUR BU THOGS PA DPAG TU MED PA SPROS TE NANG MGRON MTHE BA'I PHYOGS SKYONG RNAMS KYI SNYING GA DANG, MGRIN PA DANG, SPYI BO NAS RKANG MTHIL GYI BAR DU THAL MAR PHUG PA'I PHUR BU BTAB PAS DE RNAMS KYI YID NGAG LUS GSUM 'OD GSAL DU BCUG PAS GRUB PA'I BCUD LEN GYI RIL BU ZOS MA THAG TU LO BRGYAD CU LON PA'I RGAN PO'ANG LO BCU DRUG LTA BU'I NA TSOD DU 'GYUR BA BZHIN SKAD CIG GIS DPAL RDO RJE 'JIGS BYED ZHAL GCIG PHYAG GNYIS PA'I SKUR GYUR PA'I SPYI BOR RANG 'DRA'I RIGS BDAG RE RE DANG NANG MGRON BDUN LA RDO RJE NAG PO RTZE LNGA PA RE RES DBU BRGYAN PAR BSAM, GNYIS PA GTOR MA 'BUL BA NI, DE NAS MGRON RNAMS KYI LJAGS H'Um LAS SKYES PA'I RDO RJE RTZE GCIG PA DKAR PO 'OD KYI SPU GU CAN DU GYUR, BDUD RTZI'I STENG DU YA MA R'A DZ'A'I SNGAGS PHRENG GIS BSKOR BA LAS 'OD ZER DKAR PO'I
TSOGS SPROS TE RANG GZHAN GYI SDIG SGRIB, RMI LAM NGAN PA LA SOGS PA DANG DGRA BGEGS BYAD RBOD LA SOGS PA'I MI 'DOD PA THAMS CAD BKUG NAS BDUD RTZI LA BSTIM PA'AM YANG NA RANG GI THUGS KA'I H'Um LAS YA MA R'A DZ'A'I SNGAGS 'PHRENG CHAD NAS BDUD RTZI LA THIM PAS BYIN GYIS BRLABS SHING SDIG SGRIB SOGS KYANG BKUG NAS THIM PAR MOS PA GANG RIGS BYA, DE NAS GTOR MA 'BUL BA NI, AOm NI NYE SNYING YA M'ANTA KA'I AOm DANG, BH'U TZA RA NAm, SA LA SPYOD PA STE CHOS RGYAL NANG SGRUB, YA NYE SNYING P'A T'A LA TZA RA YA, SA 'OG LA SPYOD PA STE TZA MU ndI, M'ANA; NYE SNYING, KHE TZA RA YA, MKHA' LA SPYOD PA STE DPAL LDAN LHA MO, ,T'A; NYE SNYING, P'URBA NI G'A NAm, SHAR GYI ZHI BA'I GSHIN RJE DKAR PO, KA; NYE SNYING, DAKshI nA D'I G'A YA, LHO'I GSHIN RJE SER PO; H'Um; NYE SNYING, PASHTZI MA NI, NUB KYI GSHIN RJE DMAR PO, ,PHAt; NYE SNYING, AUD TA RA TI G'A YA, BYANG GI GSHIN RJE NAG PO STE, NYE SNYING YA M'A NTA KA DANG NANG MGRON GSHIN RJE BDUN GYI MING SNGAGS SPEL BA'O, ,DE NAS AOm NI, SNYING PO YI GE BCU PA'I AOm AI NI; AINDRA; ZHES PA DBANG PO STE, DE'I MING YIG DANG PO YIN CING NYE DBANG YANG BSDU'O, ,HR'I: SNYING PO, YA NI; YA MA ZHES PA LHO'I GSHIN RJE'I MING YIG DANG PO, shtRtI: NI, SNYING PO, WA NI WA RU nA ZHES PA NUB KYI CHU LHA'I MING YIG DANG PO, WI NI SNYING PO, KshI NI YA KshI ZHES PA BYANG GI GNONG SBYI NYI MING YIG THA MA STE TSOGS BDAG KYANG BSDU'O, ,KRI NI SNYING PO, KO NI; KO SHA TA KI ZHES PA ZLA 'OD LA 'JUG PAS STENG GI ZLA BA'I MING YIG DANG PO STE DES NYI TSANGS GNYIS KYANG BSDU'O, ,T'A NI SNYING PO, AE NI; AE DHA NA; SHAR LHO ME LHA'I MING YIG
, ,DANG PO, N'U NI SNYING PO, AA NI; AA BHI RAKshA ZHES PA MNGON PAR SRUNG BA STE LHO NUB SRIN PO'I MING YIG DANG PO, ,NA NI SNYING PO, DE NI, BA YU DE BA, ZHES PA NUB BYANG RLUNG LHA'I MING YIG BAR MA, H'Um NI SNYING PO, BHYO: NI 'OG GI SA'I LHA MO STE THAGS BZANG YANG BSDU'O, ,PHAt NI SNYING PO, SARBA BHU TE BHYA: 'BYUNG PO THAMS CAD LA, ZHES PA STE 'BYUNG PO THAMS CAD KYI BDAG PO BYANG SHAR DBANG LDAN 'BYUNG PO'I BDAG PO STE, HR'I: shdRI: YI GE BCU PA DANG PHYI MGRON PHYOGS SKYONG BCO LNGA'I MING SNGAGS SPEL BA'O, ,DE LTAR SPEL BA PHYOGS SKYONG RNAMS KYI RGYUD BYIN GYIS RLOB PA DANG, THA MAL GYI SNANG ZHEN 'GOG PA'I CHED DO, ,DE'I TSE RANG GI THUGS KA NAS RO RDO RJE MA PHYAG NA THOD PA THOGS PA MANG PO SPROS PAS GTOR MA'I BDUD RTZI NAS BCUS TE MGRON SO SO'I SPYAN SNGAR PHUL BAS SO SO'I LJAGS H'Um LAS SKYES PA'I RDO RJE RTZE GCIG PA SBUBS CAN THOD PAR ZUG STE SBU GU'I LIM NAS DRANGS TE GSOL BAS BDE STONG GI YE SHES KHYAD PAR CAN 'KHRUNGS PAS TSIMS PAR BSAM, KHYAD PAR DE LTAR SHES NAS NAN TAN PHUL NA SNGON RDO RJE 'CHANG GI BKAS JI LTAR BCOL BA'I LAS RNAMS TSUL BZHIN DU SGRUB PA LA THE TSOM MED DO, ,DE NAS PHYI NANG GI MCHOD PA 'BUL BA LA, AOm GYIS AA AU MA GSUM GYI MCHOD PA'I 'KHOR GSUM MI DMIGS PA MTSON, DA SHA BCU, DI KA PHYOGS, LO KA 'JIG RTEN P'A LA SKYONG BA, SA PA RI W'A RA 'KHOR DANG BCAS PA, ARGHAm SOGS MCHOD YON SOGS DANG, PRA T'I TZTSA SO SOR
BZHES, H'Um SV'A H'A, THUGS BDE STONG LA GZHI TSUGS ZHES DANG, GONG SNGAGS LA 'BRU GSUM BTAGS PAS NANG MCHOD KYANG PHUL, GSUM PA 'PHRIN LAS 'CHOL BA NI, ZHI BA'I YE SHES KYIS GSUNGS PA, BCOM LDAN CHOS RJE 'JAM DBYANGS SPYAN LAM DU, ZHES SOGS TE, SNGON RJE BTZUN 'JAM PA'I DBYANGS KYIS SPYIR SEMS CAN THAMS CAD DANG KHYAD PAR LHO PHYOGS KYI GSHIN RJE 'KHOR DANG BCAS PA LA SNYING RJES MA BZOD PAR SHIN TU DRAG PO'I TSUL GYIS RDO RJE 'JIGS BYED KYI SKUR BZHENGS NAS BTUL PA'I TSE RJE BTZUN GYI SPYAN LAM DU, NAG PHYOGS KYI BDUD RNAMS 'DUL BA DANG DKAR PHYOGS KYI BSTAN PA BSRUNG BA SOGS CI DANG CI GYIS SHIG CES GANG BSGO BA THAMS CAD BGYI BAR DAM BCAS PA'I LAS KYI GSHIN RJE NANG SGRUB, MA MO TZA MUndI, MKHA' 'GRO'I GTZO MO LHA MO, 'BYUNG PO PHYOGS SKYONG, RO LANGS NI 'KHOR GYI YI DVAGS TE PHYI NANG GI PHYOGS SKYONG DAM TSIG CAN THAMS CAD LA BDAG NI RE BA'I SEMS KYIS GUS PAS 'DUD CING MCHIS PA STE GNAS SO, GANG RE NA SPYIR DGE BA'I BYA BA LA BAR DU GCOD PA DANG KHYAD PAR DPAL RDO RJE 'JIGS BYED KYI LAM NYAMS SU LEN PA LA BAR DU GCOD PA THAMS CAD ZHI ZHING MTHAR PHYIN PAR MDZOD CIG CES PA STE DE LTAR 'PHRIN LAS GANG BCOL BA BZHIN MDZAD PAR ZHAL GYIS BZHES BYUNG SNYAM PA BYA'O, ,BZHI PA NYES PA SBYANGS NAS GSHEGS PA NI, NANG MGRON BDUN GYI DBU GTZUG GI RDO RJE'I LTE BA'I H'Um YIG GI MTHA' SKOR DANG, PHYOGS SKYONG RNAMS KYI RIGS BDAG GI THUGS KAR ZLA GDAN LA H'Um YIG
, ,GI MTHAR YI GE BRGYA PA'I SNGAGS 'PHRENG DKAR POS BSKOR BA LAS BDUD RTZI'I RGYUN BABS NANG MGRON DANG PHYOGS SKYONG RNAMS KYI LUS KYI PHYI NANG THAMS CAD KHYAB PAS DE DAG GI SGO GSUM GYI SDIG SGRIB DANG RANG GIS MCHOD RDZAS SBAGS PA DANG, DAM TSIG NYAMS CHAG DANG CHO GA LHAG CHAD SOGS THUGS DANG 'GAL BA'I BYA BA THAMS CAD SBYANGS PAR BSAM LA YA M'A NTA KA BZHI SBYOR GYI GSHIN RJE'I GSHED KYI YIG BRGYA BRJOD, MA RNYED YONGS SU MA SHES DANG; ZHES SOGS KYIS BZOD PAR GSOL LA, BADZRA MU: RDO RJE GSHEGS SHIG ,CES PAS, ,PHYOGS SKYONG RNAMS DUR KHROD KYI THAD TZAM GYI RANG RANG GI PHYOGS MTSAMS SU 'KHOD NAS BAR CHAD BSRUNG BA'I TSUL DU BZHUGS PAR BSAM MO, , GSUM PA BDAG BSKYED KYI MCHOD PA BYIN RLABS NI, RANG GI GA-YAS NAS 'GO BRTZAMS TE CHA GNYIS DANG DRI CHAB SNGON DU 'GRO BA'I NYER SPYOD LNGA ROL MO BCAS DANG SPRO NA 'DOD YON LNGA YANG BRIS PA SOGS KYIS BSHAMS LA 'DOD YON 'BUL NA ROL MO LA SOGS PA ZHES BRJOD DGOS PA'ANG SHES PAR BYAS LA SNGAR BZHIN BYIN GYIS BRLAB BO, ,BZHI PA RDOR SEMS BSGOM BZLAS NI, RANG GI MDUN GYI NAM MKHAR SENG KHRI'I STENG DU DPAL RDO RJE 'JIGS BYED KYI DKYIL 'KHOR LAM GYIS GSAL BTAB, RTZA BA'I BLA MA GTZO BO'I RIGS BDAG GI TSUL DANG BRGYUD PA'I BLA MA MTHO BRTZEGS SAM MTHA' SKOR DU BZHUGS PA'I BLA MA DANG GTZO BO SANGS RGYAS DKON MCHOG ,SKYABS YUL RNAMS KYI RTOGS PA'I CHOS DANG RGYUD KYI
GLEGS BAM CHOS DKON MCHOG ,'KHOR RNAMS DGE 'DUN DKON MCHOG STE SKYABS YUL DANG, RANG GI MTHA' SKOR DU PHAM SEMS CAN THAMS CAD SMRA SHES DON GO BA MI'I RNAM PA CAN GSAL GTAB NAS RANG GZHAN THAMS CAD KYIS SKYABS SU 'GRO BAR BSAM LA, DKON MCHOG GSUM LA SKYABS SU 'GRO, ZHES SKYABS 'GRO DANG, SEMS CAN THAMS CAD BDAG GIS SGROL, ZHES SOGS KYIS SEMS BSKYED LAN GSUM RE DANG BDUD RTZI 'BEB SBYANGS LAM RIM LTAR BYA BA NI RTEN GYI STOBS SO; ;DE NAS SKYABS YUL RNAMS RANG LA THIMS PAS BYIN GYIS BRLABS PAR BSAM, RANG GI SPYI BOR PADMA 'DAB MA BRGYAD PA'I LTE BAR ZLA GDAN GYI DBUS SU H'Um LAS RDO RJE DKAR PO RTZE LNGA PA H'Um GIS MTSAN PA LAS, RDO RJE SEMS DPA'I YAB YUM SKU MDOG DKAR PO MTHO GANG TZAM ZHAL GCIG PHYAG GNYIS KYIS GA-YAS SHEL DKAR LAS GRUB PA'I RDO RJE RTZE LNGA PA DANG GA-YON DE'I YU BA CAN GYI DRIL BU 'DZIN CING, YUM GYIS GA-YAS GRI GUG DANG GA-YON THOD PA 'DZIN PA MNGON RTOGS LTAR BSKYED, DE LA YE SHES PA BCUG ,'DI'I SKABS DZA: H'Um BAm HO: BRJOD PA RJE BDAG NYID CHEN PO'I DGONGS PA YIN, DBANG BSKUR NAS MI BSKYOD PA SPRUL SKU'I RNAM PA CAN GYIS RGYAS 'DEBS BYAS LA YAB KYI THUGS KAR KUN RDZOB BYANG CHUB KYI SEMS MTSON PA'I ZLA BA'I DKYIL 'KHOR GYI DBUS SU DON DAM BYANG SEMS MTSON PA'I H'Um YIG DKAR PO, ,DE'I MTHAR SNGAGS 'PHRENG DKAR PO GA-YAS SKOR DU 'KHOD PAR BSAM LA RANG 'JIGS BYED KYI NGA RGYAL LAS CUNG ZAD GLOD NAS SNYI
, ,GAR ZLA GDAN LA H'Um YIG DKAR PO GNAS PA LA, RANG GZHAN GYI SDIG SGRIB THAMS CAD BSTIMS PAS MOG MOG POR SONG BAR BSAM PA'AM 'DOD PA SNYING GAR BZHAG PAR BYA GSUNGS PA LTAR H'Um GI THIG LE'I NANG DU ZLA GDAN LA RANG NYID MTHA' SKOR DU PHA MA SEMS CAN RNAMS GSAL BTAB NAS SNGAR BYAS KYI NYES PA LA DUG ZOS PA LTA BU'I 'GYOD PAS RNAM PAR BSUN 'BYIN PA'I STOBS BSKYED, RANG SEMS H'Um YIG LA ZHUGS PA LTAR BYAS PAS SPYI BO'I BLA MA RDO RJE SEMS DPA' LA YAR GSOL 'DEBS KYI TSUL DU YIG BRGYA NYER GCIG SOGS BZLAS PAS THUGS KA'I H'Um YIG SNGAGS PHRENG DANG BCAS PA LAS BDUD RTZIS 'OD ZER DKAR PO'I RGYUN BYUNG BA RANG GI TSANGS BUG NAS ZHUGS TE LUS KYI PHYI NANG BAR GSUM THAMS CAD DANG RANG SEMS H'Um YIG TU GSAL BA SOGS BKRUS, NAD GDON SDIG SGRIB THAMS CAD SHANGS LCI DANG SROG CHAGS MA RUNGS PA DANG DUD KHU DANG SOL KHU'I RNAM PAR 'OG SGO DANG BA SPU'I KHUNG BU NAS THON TE SANGS TE DAG LUS DVANGS SHING GSAL BA'I RANG BZHIN DU GYUR PA BDUD RTZIS MER GYIS GANG, MTHUN PHYOGS KYI YON TAN THAMS CAD RGYAS PAR BSAM, YANG RDOR SEMS KYI THUGS KA'I SA BON DANG SNGAGS 'PHRENG LAS 'OD ZER GYI SNER MCHOD LHA SPROS NAS SANGS RGYAS THAMS CAD LA MCHOD PA PHUL NAS MCHOD LHA RNAMS MCHOD YUL SO SO'I THUGS KAR THIMS PAS 'OD ZER THUGS KAR ZUG PA LA 'KHRIL TE NGO BO SANGS RGYAS RNAMS KYI BYIN RLABS YIN
PA LA RNAM PA BDUD RTZI'I RANG BZHIN DU BYUNG BA RDOR SEMS KYI THUGS KA'I H'Um YIG SOGS LA THIM, DE LAS BDUD RTZI'I RGYUN BYUNG BA SBYOR MTSAMS NAS THON TE RANG GZHAN GYI SDIG SGRIB SOGS SNGAR BZHIN SBYANGS PAR BSAM, YANG RDOR SEMS KYI THUGS KA NAS 'OD ZER SPROS PA RANG GZHAN GYI LUS NANG DU ZHUGS PAS SDIG SGRIB SOGS MUN KHUNG DU SGRON ME BTEG PA LTAR GAR SONG CHA MED DU MOS NA RDZOGS RIM GYI GEGS SU MI 'GYUR TSUL DANG, GZHAN YANG MAS 'DED DANG PHUD 'DED SOGS DANG SNGAGS DON SOGS MTHA' YAS PA GSUNGS KYANG 'GOD PAR MA NUS PAS BYA BAR 'DOD NA 'KHRID YIG RGYAS PA LAS SHES PAR BYA ZHING SDIG PA'I 'KHOR GSUM MI DMIGS PAR BSAM PA YANG BYA STE, DE DAG NI GNYEN PO KUN TU SPYOD PA'I STOBS SO, ,DE NAS BSHAD RGYUD MNGON BRJOD BLA MA LAS 'BYUNG BA'I, BDAG NI MI SHES RMONGS PA YIS ZHES SOGS KYIS GSOL BA BTAB PAS, RDO RJE SEMS DPA'I ZHAL NAS RIGS KYI BU ZHES SOGS GSUNGS PAR BSAM STE, KHYOD KYIS SNGAR BSAGS PA'I SDIG SGRIB THAMS CAD NGED KYIS BYIN GYIS BRLABS PAS DAG PAR BYAS ZIN GYI ZHES PA DNGOS BSTAN DANG, PHYIN CHAD NYES PA DE LTA BU MA BYED CIG, CES PA SHUGS LA BSTAN PAS DE LTAR GSUNGS PAS MI BYED PAR SDOM PA NI NYES PA LAS SLAR LDOG PA'I STOBS SO, ,DE NAS RDOR SEMS YAB YUM RJES CHAGS KYIS ZHU NAS RANG GI SNYING GA'I RLUNG SEMS KYI NGO BO H'Um YIG LA THIMS PAS SNYING GAR ZLA GDAN LA RANG GI SGO GSUM DANG RDO RJE SEMS DPA'I SKU GSUNG THUGS DBYER MI PHYED
, ,PA'I RDOR SEMS MTSON GANG TZAm DU GYUR PAR BSAM MO, ,GNYIS PA THUN GYI DNGOS GZHI LA JI LTAR BYA BA'I TSUL LA GSUM, DANG PO SBYOR BA'I TING NGE 'DZIN, DKYIL 'KHOR RGYAL MCHOG GI TING NGE 'DZIN, LAS RGYAL MCHOG GI TING NGE 'DZIN NO, DANG PO LA BZHI, 'CHI BA CHOS SKU'I LAM 'KHYER, BAR DO LONGS SKU'I LAM 'KHYER, SKYE BA SPRUL SKU'I LAM 'KHYER, RIG MA DANG MNYAM PAR SBYOR TSUL LO, ,DANG PO LA GSUM, BSOD NAMS KYI TSOGS GSOG PA, YE SHES KYI TSOGS GSOG PA, SRUNG BA'I 'KHOR LO BSGOM PA'O, ,DANG PO NI, SNGAGS SPYOD PA'I RTEN 'DZAM BU GLING GI MI MNGAL SKYES KHAMS DRUG LDAN PAR SKYES NAS MYONG 'GYUR GYI LAS GSOG PA DANG CHOS MTHUN PA STE, DE YANG 'DZAM GLING PA MNGAL SKYES KHAMS DRUG LDAN KHO NA LA SBYOR BA NI, SKYE 'CHI BAR DO GSUM GZHI DUS DANG MTHUN DGOS PAR MA ZAD, 'BRAS DUS KYI SKU GSUM DANG YANG RNAM PA MTHUN PA ZHIG DGOS LA, DE'I SPRUL SKU'I MDZAD PA NI 'DZAM GLING GI MNGAL SKYES KHAMS DRUG LDAN PA KHO NAS STON PAS SO, ,DE LTA BU'I SKYE 'CHI BAR DO SBYANGS PAS SGONG SKYES SOGS KYI SKYE 'CHI BAR DO GSUM YANG RANG SHUGS KYI SBYONG NUS PA YIN NO, ,DE YANG DPER NA RANG NYID LTA BU SKYE BA PHYI MAR 'DZAM BU GLING PA'I MI MNGAL SKYES SA CHU ME RLUNG RTZA DANG THIG LE'I KHAMS DRUG DANG LDAN PA'I DAL 'BYOR GYI MI'I LUS RTEN THOB PAR 'DOD NA, DE'I RGYUR TSE 'DIR TSUL KHRIMS RNAM PAR DAG PAS GZHI BZUNG, SBYIN SOGS KYIS GROGS BYAS, SMON LAm
DRI MA MED PAS MTSAMS SBYOR DGOS PA LTAR, 'DIR RANG NYID BCOM LDAN 'DAS DPAL RDO RJE 'JIGS BYED CHEN PO'I GO 'PHANG 'THOB PA'I RGYUR TSOGS ZHING SBYAN DRANGS TE TSAD MED BZHI'I BAR GYIS BSOD NAMS KYI TSOGS GSOG PA'O,, DE YANG RANG NYID 'JIGS BYED ZHAL GCIG PHYAG GNYIS PAR GSAL SNANG ZHIG BTON TE SNYING GAR RTZA 'DAB BRGYAD MTSON PA'I SNA TSOGS PADMA 'DAB MA BRGYAD PA, DE'I LTE BA'I STENG DU KHAMS DKAR DMAR MTSON PA'I NYI MA'I DKYIL 'KHOR, DE'I DBUS SU RANG GI SHIN TU PHRA BA'I RLUNG LUS DANG DE LA BZHON PA'I SEMS SHIN TU PHRA BA, DE GNYIS KYI STENG DU NGAG GI SA BON PHRA MO BCAS MTSON PA'I H'Um YIG MTHING KHA YE SHES LNGA'I RANG BZHIN GYI 'OD ZER KHA DOG SNA LNGA 'PHRO BA, 'OD ZER DES RANG LUS THAMS CAD GANG ZHING SLAR YANG PHYIR 'PHROS PAS PHYOGS BCU'I 'JIG RTEN GYI KHAMS THAMS CAD LA KHYAB PAS 'OD KYIS GSAL BAR BYAS NAS BCUD KYI MA RIG PA'I MUN PA DANG SNOD KYI NYES SKYON THAMS CAD SBYANGS, ZHING DE RNAMS SU BZHUGS PA'I LONGS SPRUL GYI SANGS RGYAS, BYANG SEMS KHRO BO DANG RIG PA'I TSOGS THAMS CAD DPAL RDO RJE 'JIGS BYED RTEN BRTEN PA'I DKYIL 'KHOR CHA TSANG BA'I RNAM PA DPAG TU MED PA SPYAN DRANGS PA RNAMS GCIG LA GCIG THIM GYI MTHAR DKYIL 'KHOR CHA TSANG BA GCIG GI RNAM PAR RANG GI MDUN GYI NAM MKHAR BZHUGS PA'I GTZO BO'I RTZA ZHAL GYI 'TSOG MA'I STENG DU SENG KHRI PAD ZLA'I STENG DU CHOS 'DI'I DBANG LUNG MAN NGAG DNGOS SU STON PA'I RTZA BA'I BLA MA RDO RJE 'CHANG GI RNAM PAR
, ,BZHUGS PA BLA MA KUN 'DUS SU MOS PA BCAS GSAL GDAB LA SNGAR SPROS PA'I 'OD ZER RNAMS RANG GI SNYING GA'I H'Um LA THIM PAR BSAM, 'DIS MTSON PA'I GONG 'OG GI 'OD ZER DANG, MCHOD LHA SOGS PHAR SPRO BA NI 'KHOR 'DAS THAMS CAD RANG SEMS KYIS BTAGS PA TZAM DANG, DE'I BYED PO'AM RTZA BA MTHAR THUG SHIN TU PHRA BA'I SNYING GA'I RLUNG SEMS YIN PA MTSON ZHING, BYA BA ZIN NAS SLAR THUGS KA'I H'Um LA THIM PAR MOS DGOS PA NI RDZOGS RIM ZAB MO'I SKABS SU RLUNG SEMS THAMS CAD SNYING GAR THIMS NAS 'OD GSAL 'CHAR BA'I SMIN BYED KHYAD PAR CAN DU 'GYUR BAS GNAD CHE'O, ,RANG GI MTHA' SKOR DU TSE 'DI'I PHA MAS MTSON PA'I SEMS CAN THAMS CAD KYANG RDO RJE 'JIGS BYED KYI RNAM PAR GSAL BTAB STE THAMS CAD KYIS YAN LAG BDUN PA BYED PAR MOS DGOS PAS DE LA THOG MAR PHYAG 'TSAL BA NI, RTZA BA DANG YAN LAG GI RLUNG RNAMS SNYING GAR 'DU BA MTSAN PA'I RDO RJE THAL MO SNYING GAR SBYAR NAS RGYUD SDOM BYUNG LAS GSUNGS PA'I GANG GI DRIN GYI SOGS KYI DON NI, BLA MA GANG GI BKA' DRIN LA BRTEN NAS BDE BA CHEN PO'I GNAS SKU GSUM GYI GO 'PHANG DUS SHIN TU MYUR BA SKAD CIG MA'I SGRAS BSTAN PA'I SNYIGS DUS KYI TSE THUNG GCIG LA THOB PAR MDZAD PA NI NOR BU RIN PO CHE LA GSOL BA BTAB NA DGOS 'DOD THAMS CAD STZOL BA DANG CHOS MTHUN ZHING, DE YANG NOR BUS TSE 'DI'I 'DOD PA TZAM STER LA BLA MAS NI 'DI PHYI'I BDE LEGS THAMS CAD STZOL BAS BLA MA CHES LHAG KYANG PHYOGS TZAM 'DRA BA LA DPER BYAS PA'O, ,NGES DON GYI RDO RJE BDE STONG GNYIS SU MED PA'I
YE SHES DRANGS DON RTAGS KYI RDO RJE'I RNAM PAR SHAR BA 'DZIN PA'AM 'CHANG BA'I SKU'I RNAM PA CAN GYI ZHABS KYI PADMA 'AM GDAN GYI PADMA LA SGO GSUM GUS PAS 'DUD PA STE PHYAG 'TSAL BA'O, ,L'A LI TA'I GZUGS MCHOG CE SOGS KYI DON NI, BDE STONG GNYIS SU MED PA'I YE SHES BZHIN LAG GI RNAM PAR SHAR BAS GZUGS MCHOG ,GZHI LAM DANG 'BRAS BU'I GNAD STON PA'I CHED DU CHE CHER KHROS PA'I SKUR BSTAN PAS NA MCHOG TU DRAG PO CHE, BDUD DANG MI MTHUN PHYOGS THAMS CAD LHAG MED DU 'JOMS PAS DPA' BO, GNAS LUS LONGS SPYOD PHUN SUM TSOGS PA LA LONGS SPYOD PA'AM, SKU GSUNG THUGS KYI GSANG BA SANGS RGYAS NANG PHAN TSUN KHO NA'I SPYOD YUL YIN PAS MCHOG GI SPYOD YUL CAN, ,GDUL DKA' BA PHYI NANG GSANG BA'I GSHIN RJE THAMS CAD 'DUL BA'I DON MDZAD PA, NGES DON GYI RDO RJE 'JIGS BYED BDE STONG GNYIS SU MED PA'I YE SHES DE SPROS PAS MI PHYED PA'I RDO RJE DANG LHAN SKYES KYI BDE BAS NYON MONGS PA 'JIGS PAR BYED PAS NA 'JIGS BYED DO, ,DE NYID DRANG DON LHA SKU SHIN TU KHROS PA'I RNAM PAR BZHENGS PA'I RDO RJE 'JIGS BYED LA PHYAG 'TSAL BA NI SGO GSUM GUS PAS 'DUD PA'O, ,YANG SHO LO KA 'DI BDE CHEN CHOS SKU'I SGO NAS BSTOD PA, ZUNG 'JUG LONGS SKU'I SGO NAS BSTOD PA, 'PHRIN LAS SPRUL SKU'I SGO NAS BSTOD PAR 'GREL TSUL RGYAS PAR GSUNGS PA 'GOD MA NUS KYANG TSIG RKANG DANG POS CHOS SKU, GNYIS PAS LONGS SKU, GSUM PAS SPRUL SKU LA BSTOD PAR GSUNGS, GNYIS PA MCHOD PA 'BUL BA LA RANG GI SNYING GA'I SA BON LAS SPROS PA'I 'OD ZER GYI
, ,SNE LA BDE STONG GNYIS SU MED PA'I YE SHES, TZA RTZI KA LA SOGS PA'I RNAM PAR SHAR BA'I LHA MO BZHI SKU MDOG DANG ZHAL PHYAG SOGS DKYIL 'KHOR DU 'GOD PA JI LTA BA BZHIN LA YUM RKYANG SKABS GANG YIN GYI MCHOD RDZAS THOGS PA DPAG TU MED PA SPROS PA RNAMS KYIS MCHOD PAR BSAM, DE YANG ME TOG SOGS DNGOS SU BSHAM PA RDZAS KYI KHYAD PAR, MCHOD SNGAGS BRJOD PA SNGAGS KYI KHYAD PAR, PHYAG RGYA BYED PA PHYAG RGYA'I KHYAD PAR, MANG POR SPRUL BA TING NGE 'DZIN GYI KHYAD PAR, MCHOD PA'I 'KHOR GSUM MI DMIGS PAR LTA BA SGRUB PA'I MCHOD BA'I KHYAD PAR TE KHYAD PAR LNGA LDAN DU 'BUL ZHING, 'BUL SNGAGS NI DON 'GYUR LTAR BYAS NA BDE BAS, AOmHR'I: shTRI:HA: SA MCHOD YON 'BUL ZHING, 'PHROG BYED MCHE BA DGYES PA ZHES 'BUL YUL GYI KHYAD PAR BSTAN, AOm H'Um H'Um PHAt KYIS ZHABS BSIL 'BUL ZHING, H'Um THUGS KYI SA BON DANG DE'I KHYAD PAR BDE STONG GI RANG BZHIN TE BDE STONG GI RNAM 'PHRUL ZHES MCHOD RDZAS RNAMS BDE STONG GNYIS SU MED PA'I RANG BZHIN DU SHES PA NGO BO'I KHYAD PAR BSTAN, AOm WI KRI T'A NA NA DUshtI SITVA RA MA GA GA: GA: KA: SA DRI CHAB 'BUL ZHING RNAM PAR 'GYUR BA'I ZHAL CAN MA RUNGS PA'I SEMS CAN BSGRAL BA'I DRI DRI DRI ZHES MCHOD RDZAS KYI RGYU'I KHYAD PAR BSTAN, AOm KU M'A R'A R'U PI nE DZA:DZA: H'Um PHAt KYIS ME TOG 'BUL ZHING GZHON NU'I GZUGS CAN MDZES PA'AM YID DU 'ONG BA'I GZUGS CAN BYON BYON, ZHES MCHOD RDZAS KYI RNAM PA'I KHYAD PAR BSTAN, AOm HR'I: HA:HE PHAt KYIS BDUG SPOS 'BUL ZHING,
'PHROG BYED DGYES PA'I CHED DU ZHES MCHOD PA PHUL BA'I DGOS PA'I KHYAD PAR BSTAN, AOm D'APTI LO TZA NA WI KRI T'A NA NA MAH'A AAttAttA HA SA NA DI NI D'IPTA YA SV'AH'A SA MAR ME 'BUL ZHING, 'BAR BA'I SPYAN DANG RNAM PAR 'GYUR BA'I ZHAL NAS DRAG PO'I SGRAS BZHAD PA LA 'BAR BA'I CHED DU GZHI TSUGS ZHES PA'AM 'PHROG BYED SPYAN GYI DBANG PO RGYAS PA'I CHED DU, ZHES MCHOD RDZAS SO SO'I BYED LAS KYI KHYAD PAR BSTAN PAS MCHOD PA KHYAD PAR DRUG LDAN TE, KHYAD PAR DE DAG SHES PA'I SGO NAS MCHOD NA PHUL DU BYUNG BA'I MCHOD PAR 'GYUR BA DGRA NAG GI 'GREL PAR GSUNGS PAS MCHOD RDZAS RE RE YANG DE LTA'I KHYAD PAR DRUG LDAN DU BSAM DGOS SHING, ZHAL ZAS DANG ROL MO'I RANG MING GSAL BAR SMOS PA NI MTHA'I GSAL BYED DU SHES PAR BYA'O, ,DE LTAR MCHOD PAS DBANG SHES 'KHOR GYI TSOR BA BDE BA SKYES PA NI NANG GI MCHOD PA, DES DE MA THAG RKYEN BYAS TE YE SHES 'KHOR GYI TSOR PA BDE BA SKYES PA NI GSANG BA'I MCHOD PA, BDE BA DES STONG PA NYID NGES PA NI DE KHO NA NYID KYI MCHOD PA STE, RGYUD SDE 'OG MA LA'ANG 'GRO ZHING, DBANG BZHI DANG 'BREL BA NI BLA MED KHO NA'I 'O, ,ZHES YONGS 'DZIN BLO BZANG BSTAN 'DZIN GSUNG NGO, ,GSUM PA BSHAGS PA BYED PA NI, SNGAR BYAS KYI NYES LTUNG LA 'GYOD PA'I BSAM PAS SDIG PA RNAMS NI BSHAGS PAR BYA, ZHES MDOR BSTAN NAS, JI LTAR BSHAGS NA SNGAR 'DAS PA'I DUS SU RANG RGYUD LA SKYES SHING, DA LTAR GYI DUS SU BYUNG BA'I SDIG LTUNG RNAMS NI TSOGS ZHING RNAMS KYI SPYAN SNGAR BSHAGS PAS BSAL ZHING, DENG PHYIN CHAD NYES PA 'DI LTA
, ,BU MI BYED PAR YANG TSOGS ZHING RNAMS KYI SPYAN SNGAR BRJOD NAS SDOM SEMS BSKYED, ,BZHI PA RJES SU YI RANG BA NI, SNGAR BYAS KYI SDIG PA LA 'GYOD SEMS DANG, PHYIN CHAD MI BYED PA'I SDOM SEMS BYED PA DE BZHIN DU RANG GZHAN GYIS DUS GSUm DU BSAGS PA'I BSOD NAMS LA RJES SU YI RANG BA'I DGA' BAS DGE BA GONG 'PHEL DU 'GYUR BA'I 'PHEN PA GTONG BA'O, ,LNGA PA BSNGO BA NI, BDAG GIS BDE 'GROR YONGS SU BSNGO, ,ZHES RA MTHA' YOD PA NI, DGE BA DE DAG 'BRAS BU SANGS RGYAS KYI SAR BDE BLAG TU 'GRO BA'I RGYUR YONGS SU BSNGO ZHES PA DANG, BDAG GIS BDE 'GRO YONGS SU BSNGO, ,ZHES RA MTHA' MED PA NI 'BRAS MING RGYU LA BTAGS PA YIN PAS, BDAG GIS 'BRAS BU BDE BAR 'GRO BA'I RGYU DGE BA RNAMS SANGS RGYAS THOB PHYIR YONGS SU BSNGO ZHES PA STE PHYI MA RANG LUGS YIN PAR GSUNGS, DKON MCHOG GSUM LA SKYABS SU 'GRO, ZHES PA NI DRUG PA SKYABS 'GRO'I YAN LAG STE MA 'ONGS PA NA RANG GI THOB BYA'I 'BRAS SKYABS THEG CHEN GYI MCHOG GSUM LA THOB BYAR YID CHES PA'I SGO NAS DANG; GZHAN RGYUD LA BYUNG ZIN GYI RGYU SKYABS THEG CHEN GYI MCHOG GSUM LA NYES CAN KHA DRAG PO LA RE LTOS 'CHA' BA BZHIN 'BRAS BU DE DAG LA SBYOR BA'I SKYABS BCOL BA'I SGO NAS SKYABS SU 'GRO BA YIN GSUNGS, SEMS CAN THAMS CAD BDAG GIS DGROL, ZHES SOGS TSIG RKANG GSUM BDUN PA SMON SEMS BZUNG BA'I YAN LAG STE SEMS CAN THAMS CAD BDAG GIS 'KHOR BA DANG NGAN SONG GI SDUG BSNGAL LAS SGROL BA STE BSGRAL NAS RDZOGS PA'I BYANG CHUB KYI GNAS
LA DGOD PAR BGYI'O, ,DE'I PHYIR DU SANGS RGYAS THOB 'DOD KYI BYANG CHUB KYI SEMS NI BSKYED PAR BGYI'O SNYAM DU BYED PA STE SNGAGS LUGS KYI BDUN RNAM DAG GO ,DE NAS GSHED DMAR NAS KHA SKONG BAR MDZAD PA'I LUS 'BUL BA NI, YON TAN DPAG TU MED PA RGYA MTSO CHEN PO'I CHU RDUL GYI GRANGS DANG MNYAM PA MNGA' BA'I TSOGS ZHING KHYED RNAMS LA BDAG GI LUS 'DI DBUL BAR BGYI'O, ,ZHES DANG, LAM LA BRTEN PA NI, YANG DAG PAR RDZOGS PA'I SANGS RGYAS RNAMS DANG, DE'I SRAS BYANG CHUB SEMS DPA' THAMS CAD KYI BGROD PA GCIG PA'I LAM PO CHER GYUR PA NI SBYIN SOGS PHAR PHYIN DRUG DANG RIM PA GNYIS KYI RNAL 'BYOR RNAMS YIN LA, TSUL DE NYID BDAG GIS KYANG SKU GSUM YE SHES LNGA LDAN GYI GO 'PHANG THOB PA'I PHYIR, YID RAB TU DVAD PA'I DAD PA DRAG POS NAN TAN NYAMS SU LEN PA'I SGO NAS BSTEN PAR BGYI'O, ,ZHES BRJOD CING BSAM PA NI 'JUG PA SEMS BSKYED DU'ANG 'GYUR GSUNGS, DE NAS RIGS LNGA'I SDOM BZUNG MA BYAS KYANG CHO GA CHAD SKYON MED LA BYA BAR SPRO NA SANGS RGYAS BYANG CHUB SEMS DPA' RNAMS, ZHES SOGS TSIG RKANG GNYIS KYIS TSOGS ZHING RNAMS LA SNYAN GSAN PHAB, BDAG MING 'DI ZHES BGYI BA NI, ZHES SOGS RKANG PA GSUM GYIS RANG MING GSAL BAR SMOS PA KHAS BLANG MI 'GYUR BA'I CHED DANG THOG MTHA'I DUS TSIGS BRJOD PA'O, ,JI LTAR DUS GSUM MGON PO RNAMS, ZHES SOGS RKANG PA BZHIS, DUS GSUM GYI MGON PO SANGS RGYAS SRAS DANG BCAS PAS JI LTAR MDZAD PA DPER BYAS TE SNGAGS SDOM GYI SNGON 'GROR RANG
, ,GIS SEMS BSKYED PA BSTAN TO, ,DNGOS GZHI SNGAGS SDOM RGYAS PAR 'DZIN PA LA, TSUL KHRIMS KYI NI BSLAB PA DANG, ZHES SOGS RKANG PA BRGYAD KYIS RNAM SNANG GI RIGS KYI DAM TSIG DRUG, RDO RJE RIGS MCHOG CHEN PO YI, ZHES SOGS RKANG PA BZHIS MI BSKYOD PA'I RIGS KYI DAM TSIG BZHI, RIN CHEN RIGS MCHOG CHEN PO YI, ZHES SOGS RKANG PA BZHIS RIN 'BYUNG GI RIGS KYI DAM TSIG BZHI, BYANG CHUB CHEN PO LAS BYUNG BA'I, ZHES SOGS RKANG PA BZHIS 'OD DPAG MED KYI RIGS KYI DAM TSIG GSUM, LAS KYI RIGS MCHOG CHEN PO LA, ZHES SOGS RKANG PA BZHIS DON GRUB KYI RIGS KYI DAM TSIG GNYIS TE RIGS LNGA SO SO'I DAM TSIG KHYON BSDOMS PA'I BCU DGU PO GZUNG BA RGYAS PAR BSHAD NAS, BYANG CHUB SEMS NI BLA NA MED, CES SOGS RKANG PA BZHIS DON BSDU DANG, DE NAS LHAG MA BZHIS SEMS CAN GYI DON BYED PAR DAM 'CHA' BA YIN TSUL DANG DE LTAR SDOM BZUNG BYAS PAS SGRUB PA'I MCHOD PA BLA NA MED PAR 'GYUR MOD, SDOM PA GSAR DU SKYE BA DANG NYAMS PA SOR CHUD PA LA NI DBANG BSKUR BA DANG 'BREL DGOS TSUL SOGS RGYAS PAR GSUNGS TE DE YAN CHAD NI ZHING DAG PA LA BRTEN NAS TSOGS GSOG PA'O, ,ZHING MA DAG PA LA BRTEN NAS TSOGS GSOG PA NI TSAD MED BZHI BSGOM PA STE, SEMS CAN THAMS CAD BDE BA DANG LDAN PAR GYUR CIG ,CES SOGS DANG, BTANG SNYOMS LA GNAS PAR BYA'O ZHES, DANG POR GYUR CIG DANG MTHA' MAR BYA'O'I TSIG
NUS KYIS RE RE'ANG TSAD MED BZHI LDAN DU BYA TSUL LAM MTHUN MONG BA'I SKABS SU BSHAD PA LTAR SHES PAR BYA LA, 'JIG RTEN GYI CHOS BRGYAD NI, BSHES SPRINGS LAS, 'JIG RTEN MKHYEN PA RNYED DANG MI RNYED DANG, ,BDE DANG MI BDE SNYAN DANG MI SNYAN DANG; ;BSTOD SMAD CES KYI 'JIG RTEN CHOS BRGYAD PO, ,BDAG GI YID YUL MIN PAR MGO SNYOMS MDZOD, ,CES GSUNGS PA DE RNAMS DANG BRAL BA DANG, 'PHAGS PA GZHAN LA MNYAM GZHAG GI SKABS SU GZUNG 'DZIN GYI RNAM RTOG GIS MI SKYOD PA STE MI GA-YO BA YOD KYANG RJES THOB TU DE MED LA MNYAM RJES 'DRES PA NI SANGS RGYAS NYAG GCIG GI SPYOD YUL YIN PAS SANGS RGYAS KHO NA'I THUGS RGYUD LA MNGA' BA'I BTANG SNYOMS DE LA GNAS PAR DAM 'CHA' BA'O, ,TSAD MED BZHI BSGOM TSUL RGYAS PAR 'DOD NA, DKYIL 'KHOR RGYAL MCHOG GI SKABS SU TSAD MED BZHI'I NGO BO LHA MO BZHIS MDZAD PA JI LTAR MDZAD PA LTAR BYA'O, ,GNYIS PA YE SHES KYI TSOGS GSOG PA LA GNYIS, SBYANG GZHI SBYONG BYED BSHAD PA DANG, DE DANG MTHUN PAR STONG NYID BSGOM TSUL LO, ,DANG PO NI, GANG DU SKYE 'GYUR GYI LAS 'DU BYAS PA'I 'OG TU 'CHI BA 'OD GSAL MNGON TU BYED PA DANG CHOS MTHUN PAR YE SHES KYI SA'I STONG NYID BSGOM PA STE, DE YANG MA 'ONGS PA NA 'DZAM BU GLING PA'I MI MNGAL SKYES KHAMS DRUG LDAN PA RANG NYID LA 'CHI BA 'OD GSAL MNGON DU 'GYUR BA DE'I TSE THOG MAR SA KHAMS KYI NUS PA NYAMS NAS CHU KHAMS GSAL BAR GYUR PA LA SA CHU LA THIM PA'I THA SNYAD BYED PA DE'I SKABS SU PHYI'I RTAGS RANG GI LUS SA LA BYING BA
, ,SOGS KYI NYAMS DANG, NANG GI RTAGS SMIG RGYU LTA BU 'BYUNG, CHU KHAMS KYI NUS PA NYAMS NAS ME KHAMS GSAL BAR GYUR PA'I SKABS SU PHYI'I RTAGS MCHU DANG LCE SKAM ZHING SO DREG CHAGS PA DANG NANG RTAGS THOG RTZAR DU BA CUNG ZAD CHAGS PA LTA BU'I SNGO 'KHYIL BA'I SNANG BA 'BYUNG, ME KHAMS KYI NUS PA NYAMS NAS RLUNG KHAMS GSAL BAR GYUR PA'I TSE PHYI RTAGS LUS KYI DROD MTHA' NAS SDUD PA DANG NANG RTAGS SROD KYI MUN NAG LA ME STAG CHUNG NGU DU MA 'PHRO BA LTA BU'I MKHA' SNANG ME KHYER 'BYUNG, RLUNG KHAMS KYI NUS PA NYAMS NAS RNAM SHES LA THIM PAR RTZOM PA NA PHYI RTAGS SNA'I DBUGS KYI RGYU BA CHAD CING NANG RTAGS MAR ME RLUNG GIS MA BSKYOD PAR TA LA LA 'BAR BA LTA BU'I SNANG BA 'BYUNG, KUN RTOG GI RLUNG SNANG BA LA THIM PA'I SNANG BA RANG GI DUS SU STON GNAM GA-YA' DAG PA LA ZLA 'OD KYIS KHYAB PA LTA BU DKAR LAM PA'I SNANG BA 'BYUNG, DE NYID MCHED PA LA THIM PA'I MCHED PA RANG DUS SU STON GNAM GA-YA' DAG PA LA NYI 'OD KYIS KHYAB BA LTA BU'I DMAR LAM PA'I SNANG BA 'CHAR, DE NYID NYER THOB LA THIM PAS NYER THOB RANG DUS SU STON GNAM GA-YA' DAG PA LA SROD KYI MUN NAG MTHUG POS KHYAB PA LTA BU'I NAG LAM PA'I SNANG BA 'CHAR ZHING 'DI'I STOD LA DRAN PA 'BYUNG YANG SMAD LA DRAN MED DU BRGYAL BAR 'GYUR TE BRGYAL YUN JI TZAM RING BA TZAM GYIS 'OG GI 'OD GSAL YUN RING BAR 'GYUR BAS DGE YIN GYI SKYON MIN, DE NYID 'OD GSAL LA THIM PA'I 'OD GSAL RANG
DUS SU SLONG BYED DE SGRIB BYED KYI SKYON GSUM DANG BRAL BA'I STON DUS KYI TSES BRGYAD LTA BU'I THO RANGS NAM MKHA' SHIN TU DVANGS PA'I RANG MDOG JI LTA BA BZHIN MTHONG BA LTA BU'I SNANG BA 'CHAR BAR 'GYUR TE DE NI 'CHI BA 'OD GSAL ZHES BYA ZHING DE LA MA'I 'OD GSAL ZHES KYANG BYA STE, DA LTA NAS BSGOM STOBS KYIS STONG NYID SHAR BA LA NI BU'I 'OD GSAL ZHES BYA'O, ,GZHI DUS SU RANG LA 'CHI BA 'OD GSAL JI LTAR 'BYUNG BA DE NYID SKABS 'DI'I SBYANG GZHI YIN LA, RDZOGS RIM GYI DPE DON GYI 'OD GSAL MTHAR THUG PA'I SKABS SU LUS LA GNAD DU SNUN PA'I THABS MKHAS KHYAD PAR CAN LA BRTEN NAS GZHI DUS KYI 'CHI BA 'ONG LUGS DE JI LTA BA BZHIN DU SA CHU LA THIM PA NAS NYER THOB 'OD GSAL LA THIM PA'I BAR RTAGS DANG BCAS PA RDZOGS RJES THAMS CAD STONG PA 'OD GSAL LHAN SKYES KYI BDE BA CHEN PO 'CHAR BA NI SBYONG BYED LAM GYI 'OD GSAL YIN ZHING, 'OD GSAL DE LAS KUN RTOG GA-YO BA'I LAS RLUNG GIS GA-YOS NAS LUGS LDOG GI THOB MCHED SNANG GSUM SOGS RIM PA LTAR 'BYUNG BA YIN, SBYANG GZHI DE SBYONG BYED DES SBYANGS PA'I 'BRAS BU MI SLOB PA'I 'OD GSAL CHOS SKU MNGON DU MDZAD PA DE'I TSE YANG GZHI LAM GYI 'OD GSAL SKYE BA'I RIM PA JI LTA BAR SA CHU LA THIM PA NAS NYER THOB 'OD GSAL LA THIM PA'I BAR SONG RJES YE SHES CHOS SKU'I 'OD GSAL MNGON DU BYED CING, DE NAS KUN RTOG GA-YO BA'I LAS RLUNG THAMS CAD ZAD PAS 'OD GSAL DE LAS NAM YANG LDANG BA MED PA YIN LA, DE 'DRA'I 'BRAS
, ,BU'I 'OD GSAL THOB PA LA DE'I SNGON DU LAM GYI 'OD GSAL 'GRO DGOS, DE LA BSKYED RIM GYIS RGYUD SMIN PA SNGON DU 'GRO DGOS, DE'I PHYIR 'DIR 'CHI BA CHOS SKU'I LAM 'KHYER ZHES BYA'O, ,DES NA GZHI DUS SU 'BYUNG BA THIM PA SOGS KYI TSE RTAGS 'DI DANG 'DI 'BYUNG BAR 'DUG ,DE'I TSE BSAM PA DANG 'PHEN PA 'DI 'DRA DGOS PAR 'DUG ,DE LAM 'DIS SBYANGS PAS 'BRAS BU 'DI THOB PAR 'DUG PAS DE RGYUD LA BSKYED PAR BYA'O SNYAM DU YANG YANG BSAM PA NI 'CHI BA'I TSE 'OD GSAL ZIN PA LA GAL CHE BAS DA LTAR NGO 'PHROD NAS DRAN PA DGOS LA, LAM 'KHYER DNGOS GZHI'I SKABS GZHI LAM GYI DE 'DRA MA YIN PAR SANGS RGYAS KYI 'OD GSAL CHOS SKU DNGOS YIN SNYAM DU BSGOM DGOS PA SOGS 'OG MA RNAMS LA'ANG 'DRA BAR GSUNGS SO, ,GNYIS PA DE DANG MTHUN PAR STONG NYID BSGOM TSUL NI, DE LTAR SBYANG GZHI SBYONG BYED NGO 'PHROD PAR BYAS TE NYAMS SU LEN PA LA, SPYIR TSOGS ZHING RANG GNAS SU GSHEGS PA DANG MI DMIGS PAR 'JOG PA DANG; RANG LA BSDU BA'I TSUL GSUM YOD PA LAS, GRUB CHEN DANG RJE RIN PO CHE'I DGONGS PA MI DMIGS PA'I NGANG DU 'JOG PA YIN KYANG 'DIR SDUD RIM DANG MTHUN PAR RANG LA BSDU ZHING, SDUD RIM LTAR MA BYAS KYANG CHO GA CHAD SKYON MED NA'ANG, GZHI'I 'CHI BA 'OD GSAL DANG MTHUN ZHING GNYIS SNANG SDUD PA LA KHYAD CHE BA DANG KHYAD PAR SNYING GAR BSDUS PAS DER RAGS PA'I RLUNG SEMS THIM NAS DPE DON GYI 'OD GSAL 'CHAR BA'I SMIN BYED DU 'GYUR BA'I PHYIR RO, ,DES NA TSAD MED BZHI BSGOM PA'I
MJUG TU, BDAG GIS THA MAL GYI 'CHI BA DANG 'DRA BAR SANGS RGYAS KYI YE SHES CHOS SKU MNGON DU BYAS LA, SEMS CAN GYI DON DU GZUGS KYI SKUR LDANG BAR BYA'O SNYAM PA'I 'PHEN PA BSHUGS DRAG BTANG NAS RANG 'JIGS BYED YAB YUM DU GSAL BA CHAGS PA'I BDE BAS MYOS TE SNYING GA'I H'Um YIG LAS, BDE BA CHEN PO'I RANG BZHIN GYI 'OD ZER SNGON PO'AM DMAR PO DPAG TU MED PA YAB YUM GYI SBYOR MTSAMS DANG THUGS KA SOGS NAS SPROS TE SNOD BCUD THAMS CAD LA KHYAB PAS SKAD CIG GIS SNOD KYI NYES SKYON THAMS CAD SBYANGS NAS DAG PA'I GZHAL YAS KHANG DANG BCUD KYI 'GRO BA THAMS CAD DPAL RDO RJE 'JIGS BYED KYI LHA TSOGS SU BSGYUR, 'OD ZER RNAMS TSUR SDUD PA DANG MNYAM DU SNOD THAMS CAD 'OD DU ZHU NAS BCUD LA THIM ZHING, BCUD DANG TSOGS ZHING THAMS CAD KYANG 'OD DU ZHU NAS RANG LA THIM PAR BSAM, DE'I TSES CHU LA THIM PA'I RTAGS SMIG RGYU LTA BU DANG, RANG YANG STOD SMAD NAS 'OD DU ZHU STE SNYING GA'I H'Um YIG LA THIM, DE'I TSE CHU MA LA THIM PA'I RTAGS DU BA LTA BU DANG, H'Um GI ZHABS KYU HA LA THIM, DE'I TSE ME RLUNG LA THIM PA'I RTAGS MKHA' NANG ME KHYER LTA BU DANG, HA MGO LA THIM PA'I TSE, RLUNG RNAM SHES LA THIM PAR RTZOM PA MAR ME TA LA 'BAR LTA BU STE RTAGS BZHI SHAR BA'I MOS PA BYED, MGO BO ZLA TSES LA THIM PA'I TSE SNANG BA DKAR LAM PA, DE THIG LE LA THIM PA'I TSE MCHED PA DMAR LAM PA, DE N'A DA LA THIM PA'I CHE NYER THOB NAG LAM PA, N'A DA'ANG MI DMIGS PAR GYUR BA'I TSE YE SHES CHOS SKU MNGON
, ,DU GYUR PA'I MOS PA BYAS NA GZHI LAM 'BRAS BU'I 'OD GSAL 'CHAR TSUL DANG MTHUN TSAB LHAG PAR CHE LA, DE TZAM MA NUS NA RANG SEMS BDE STONG LA MNYAM PAR BZHAG NAS 'BRAS DUS KYI CHOS SKUR NGA RGYAL 'JOG PA GTZO BO YIN PAS SNGAGS GNYIS BRJOD PA DANG SBRAGS, RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD RANG RANG GI GDAGS GZHI LA BRTEN NAS RANG GI BLOS PHAR BTAGS PA TZAM MA BTOGS RANG GI SDOD LUGS KYI NGOS NAS GRUB PA'I RTAG MTHA' DANG, GTAN NAS MED PAR 'DZIN PA'I CHAD MTHA' DANG, DE GNYIS KA YIN PA DANG, GNYIS KA MA YIN PA STE RTAG CHAD KYI MTHA' BZHI DANG BRAL BA'I BDAG MED PA'I RANG BZHIN STONG PA NYID LA MNYAM PAR 'JOG CING, DE YANG BLO RANG GA BA TZAm MA YIN PAR RANG SEMS BDE BA CHEN PO'I YE SHES SU SONG BA DES STONG NYID NGES SHING DE GNYIS GNYIS SNANG PHRA MOS KYANG BAR MA CHOD PAR CHU LA CHU BZHAG PA LTAR DBYER MED DU SONG BAR MOS SHING DE NYID KYANG 'BRAS DUS KYI YE SHES CHOS SKU DNGOS YIN SNYAM PA DGOS LA, DES NA, 'DI'I SKABS SU MYONG YUL DU RANG SEMS LHAN SKYES KYI BDE BAS GDAB, NGES NGOR CHOS THAMS CAD RANG BZHIN GYIS GRUB PA RDUL TZAM YANG MED PA'I STONG PA NYID, SNANG YUL DU SNOD BCUD RAGS BA LTA CI N'A DA TSUN CHAD KYI SNANG BA YANG BSDUS PA'I STONG SANG, 'DZIN STANGS 'BRAS DUS KYI YE SHES CHOS SKU DNGOS DE NGA'O SNYAM PA'I NGA RGYAL DANG BCAS PA'I KHYAD PAR BZHI LDAN ZHIG DGOS LA, DE 'DRA'I STONG NYID BSGOM PA BYUNG NA, NGES NGOR KUN RDZOB
KYI SNANG BA RANG 'GAGS SU 'GRO BAS SNOD BCUD 'OD ZHU BYAS MA BYAS LA KHYAD PAR MED NA YANG, SDUD RIM DANG SBRAGS NA GNYIS SNANG SDUD PA LA KHYAD CHE ZHING LHAG PAR SNYING GAR BSDUS PAS SLAR GNAS DER RAGS PA'I RLUNG SEMS THAMS CAD THIMS NAS DPE DON GYI 'OD GSAL 'CHAR BA'I SMIN BYED DU 'GRO BAR GSUNGS SO, ,SNGAGS GNYIS KYI DON NI, AOm GYI AA AU MA GSUM GYIS RANG GI LUS NGAG YID GSUM MTSON TE, RJE ZHA LU PAS, THIG LE ZLA BA KHU BA SKU ,RNAM PAR BCAD BYA RDUL NYI GSUNG, ,AA YIG MUN CAN THUGS RAB BRJOD, ,CES GSUNGS PA LTAR, THIG LE MA DANG, RNAM BCAD 'GYUR BA'I AU DANG, AA YIG RNAMS NANG SKYES BU'I RGYUD LA SBYAR NA LUS NGAG YID GSUM MTSON PAR BSHAD DO, ,SVA BH'A WA RANG BZHIN, SHUDDHA DAG PA, SARBA DHARM'A: CHOS THAMS CAD, YANG SVA BH'A WA SHUDDH'A SNGAR BZHIN, AA HAm NGA'O STE MTSAMS SBYAR BAS SHUDDHO NYAHAm ZHES PA STE, GZUNG 'DZIN GYIS BSDUS PA'I CHOS THAMS CAD RANG BZHIN GYIS RNAM PAR DAG PA DE NGA'O, ,ZHES 'BYUNG LA, DE'I DON GDAGS GZHI RANG GI LUS NGAG YID GSUM GYI STENG DU NGA RANG BZHIN MED PAR BSGOM PA NI GANG ZAG GI BDAG MED BSGOM TSUL DANG, DE BZHIN DU SARBA DHARMA'I DON GZUGS NAS RNAM MKHYEN GYI BAR GYI CHOS THAMS CAD RANG BZHIN GYIS RNAM PAR DAG PA STE RANG BZHIN MED PAR BSGOM PA NI CHOS KYI BDAG MED BSGOM TSUL LO, ,SNGAGS GNYIS PA'I DON NI AOm SNGAR BZHIN, SH'U NYA T'A STONG PA NYID DE YUL, DZNYA' NA YE SHES TE YUL CAN
, ,BDE BA CHEN PO, ,BADZRA NI MI PHYED PA, SVA BH'A WA MAN CHAD SNGAR BZHIN TE, YUL STONG NYID DANG YUL CAN BDE BA CHEN NO GNYIS CHU LA CHU BZHAG PA LTAR DBYER MI PHYED PA'I RANG BZHIN GYI BDAG NYID DE NGA'O, ,ZHES PA'O, ,DE LTAR BSGOM PAS GZHI DUS KYI 'CHI BA SBYONG ZHING, LAM DUS SU DPE DANG DON GYI 'OD GSAL 'CHAR BA'I SMIN BYED DANG, 'BRAS DUS KYI YE SHES CHOS SKU 'GRUB PA'I NUS PA DANG BAG CHAGS 'JOG LA, GZHAN YANG YE SHES KYI TSOGS GSOG PA DANG, SRUNG 'KHOR GYI MCHOG TU 'GYUR BA DANG, 'OG TU BSGOM PA'I DKYIL 'KHOR THAMS CAD ZAB GSAL GNYIS MED DU 'CHAR BA DANG, STONG NYID SNGAR MED GSAR DU RTOGS PA DANG, NYAMS PA GSO BA DANG, GONG 'PHEL DU 'GYUR BA SOGS DGOS PA MANG BAS, SKABS 'DIR MOS PA YID BYED TSUN CHAD KYIS YUN MI THUNG TZAM 'JOG GO ,DE LTA BU'I NYAMS LEN NI LAM GZHAN LAS SHIN TU KHYAD PAR 'PHAGS PA STE, LAM MTHUN MONG BAR CHOS THAMS CAD RANG BZHIN MED PA'I LTA BA SGOM PA TZAM YIN LA, RGYUD SDE 'OG MA RNAMS LA DE'I STENG DU CHOS GZUGS KYI SKU LA NGA RGYAL 'JOG PA TZAM YOD CING, 'DIR NI LHAN SKYES KYI BDE BAS STONG PA NYID NGES PA SOGS KHYAD PAR BZHI DANG LDAN TSUL SOGS MTHA' YAS PA GSUNGS SO, ,GSUM PA SRUNG BA'I 'KHOR LO BSGOM PA NI, BLO BYINGS CHOS SKU LA MNYAM PAR BZHAG PA LAS MA GA-YOS PA'I NGANG NAS SHES PA'I CHA SHAS PHRA MOS ZLA BA LAS BYANG CHUB PA'I BAR BSKYED DGOS NA'ANG, LAS DANG PO PAS
DE LTA BU 'BYUNG DKA' BAS, STONG NYID DE'I NGANG NAS SNGON BYANG CHUB TU SEMS BSKYED PA SOGS KYI SMON LAM DRAN PAR BYAS LA, RANG NYID CHOS SKU RKYANG PA LA MI GNAS PAR SNYING RJES BSKUL TE GZHAN DON DU GZUGS KYI SKUR LANGS LA SEMS CAN GYI DON BYA'O SNYAM PA'I 'PHEN PA ZHIG BTANG NAS, 'DZAM BU GLING PA'I MI MNGAL SKYES KHAMS DRUG LDAN DU SKYE BA LA, DE'I SNGON DU SNOD KYI 'JIG RTEN CHAGS PA DANG CHOS MTHUN PA'I 'BYUNG BZHI'I DKYIL 'KHOR SOGS BSKYED PA NI, DKYIL 'KHOR GANG DU BSGOM PA'I GO SA DER NGO BO BDE STONG GNYIS SU MED PA'I YE SHES YIN PA LA RNAM PA YAm YIG SNGON PO KHA BLTA PHYOGS RANG DANG MTHUN PA SHIN TU CHE BA ZHIG BYUNG, DE 'OD DU ZHU BA LAS RLUNG GI DKYIL 'KHOR DU BA'I MDOG CAN LEB MO RGYA SHIN TU CHE BA GZHU'I DBYIBS CAN GZHU RGYUD SHAR DU BSTAN PA LTA BU, GA-YAS GA-YON GYI MCHOG MA GNYIS SU BUM PA LAS THON PA'I RGYAL MTSAN LHAB LHAB GA-YO BA RE RES MTSAN PA, RLUNG DKYIL DE'I DBUS SU RAm YIG DMAR PO LAS ME'I DKYIL 'KHOR DMAR PO GRU GSUM PA ZUR GCIG SHAR DU BSTAN PA, STENG DANG NGOS LA ME LCE KUN TU 'BAR BA'I 'PHRENG BAS MTSAN PA, DE'I DBUS SU BAm YIG DKAR PO LAS CHU'I DKYIL 'KHOR DKAR PO DBYIBS ZLUM PA, DBUS SU BUM PA DKAR PO CHUS GANG BA CHU NANG DU NUB PA'I TSUL GYIS MTSAN PA, DE'I DBUS SU LAm YIG SER PO LAS SA'I DKYIL 'KHOR SER PO GRU BZHI PA NGOS GCIG SHAR DU BSTAN PA
, ,ZUR BZHIR RDO RJE RTZE GSUM PA SER PO LANGS STABS SU GNAS PAS MTSAN PA STE, 'BYUNG BZHI 'OG MA 'OG MA'I NANG DU STENG MA STENG MA CHUD DE RGYA JE CHUNG DANG SPANG JE MTHOR SONG BA'I THAMS CAD KYI STENG NGOS LA MTHO DMA' MED PAR SGOM NA'ANG CHOG GO ,SA DKYIL DE'I DBUS SU H'Um YIG RANG SGRA SGROG BZHIN PA LAS SNA TSOGS RDO RJE 'OG NAS 'BYUNG BA LTA BU'I RVA PHYOGS MDOG CAN LTE BA LA H'Um YIG SNGON POS MTSAN PA, H'Um YIG LAS NYI MA'I 'OD ZER SA LA 'PHRO BA LTAR 'OD ZER 'OG TU 'PHROS PAS RDO RJE'I SA GZHI, 'OD ZER LOGS SU SGOR SGOR 'PHROS PAS RDO RJE'I RVA BA ZLUM PO SOG GUR GYI SMAD LTA BU, GDUGS RTZIBS GYEN DU BTEG PA LTAR 'OD ZER STENG DU 'PHROS PAS RDO RJE'I GUR SOGS GUR GYI STONG LTA BU, SLAR YANG 'OD ZER STENG DU 'PHROS PAS GUR DANG RVA BA'I BAR DU RDO RJE'I BLA RE STE THAMS CAD KYANG RDO RJE CHE BA'I KHONG SENG THAMS CAD RDO RJE CHUNG BAS RDUL PHRA RAB KYI BAR DU BKAG NAS BLTAS NA RDO RJE'I GZUGS SO SOR GSAL ZHING, REG NA ME LONG LTAR SNYOMS PA RLUNG SIL BU TZAM YANG MI THAR ZHING, SRED MED KYI BU DANG BSKAL PA 'JIG DUS KYI ME RLUNG GIS KYANG GZHOM MI NUS PA, RGYA KHYON 'OG GZHI RLUNG GI DKYIL 'KHOR NAS STENG 'OG MIN DANG RGYA STONG GSUM LCAGS RI'I BAR DANG, YANG NA 'OG GSER GYI SA GZHI NAS STENG TSANGS PA'I 'JIG RTEN DANG RGYA LCAGS RI NAG PO'I BAR SOGS RANG GI BLOS JI TZAM LCOGS PA DE TZAM GYI BAR BYA ZHING, BYANG SHAR NAS DKAR SER DMAR LJANG SNGO BA'I ME LCE SNA LNGA BSKAL PA
'JIG DUS KYI ME LTA BU DRAG PO'I 'UR SGRA DANG BCAS GA-YAS SKOR DU 'KHYIL ZHING 'BAR BA, RDO RJE RTZE LNGA PA'I MDE'U CAN GYI RDO RJE'I MDA' ME LCE 'BAR BA, STENG 'OG PHYOGS MTSAMS THAMS CAD DU RGYU BA, NAG PHYOGS PA RNAMS KYIS BLTA BA TZAM YANG MI BZOD CING DKAR PHYOGS PA LA 'JA' 'OD DANG ME TOG GI CHAR LTA BU BSIL ZHING YID DU 'ONG BAR SNANG BA STE 'DI NI RGYUD SDE BZHI GA'I SRUNG 'KHOR YIN PAS MTHUN MONG BA ZHES DANG, KHRO BCU'I SRUNG 'KHOR NI BLA MED KYI MTHUN MONG MIN PA STE BGEGS KYI 'TSE BA CHE BA SOGS KYI TSE BSGOM PA YIN GYI RNAL 'BYOR NAM GTONG RES KYI DGOS PA MIN NO, ,GNOD MDZES KYIS KHRO BO RNAMS LA PHYOGS MTSAMS 'DI DANG 'DI'I BGEGS SRUNGS SHIG CES BKA' BSGOS PA'I RGYU MTSAN GYIS BKA'I 'KHOR LO ZHES SO, ,'DI BSGOM PA NA SRUNG 'KHOR MTHUN MONG BA DE'I DBUS SU, SA KHAMS DAG PA'I NGO BO RNAM SNANG GI SA BON BHRUm YIG SER PO MI TSAD TZAM ZHIG BYUNG BA 'OD DU ZHU BA LAS SRUNG BA'I 'KHOR LO SER PO STENG 'OG GI RTZIBS GNYIS SBUBS STONG PA MDUNG RTING GNYIS KHA SBYAR BA LTA BU'I DBUS RGYA KHYON SHIN TU CHE ZHING, STENG 'OG GNYIS SU JE PHRAR SONG BA, DE GNYIS 'PHRAD MTSAMS NAS PHYOGS MTSAMS KYI RTZIBS BRGYAD THON PA RAL GRI SO GNYIS PA'I DBYIBS CAN SPU GRI LTAR RNO BA 'OG GI SNE RDO RJE SA GZHI'I DBUS DANG STENG GI SNE BLA RE'I DBUS SU REG LA MA 'BYAR
, ,BA'I TSUL DU ZUG PA, MI GA-YO BA DANG MTSUNGS PAR 'KHOR ZHES PA LTAR 'KHOR LO HA CANG MGYOGS PA'I DBANG GIS MI GA-YO BA LTA BUR GA-YAS PHYOGS SU 'KHOR BA LAS ME LCE RAB TU 'BAR BA, DE'I NANG GI DBUS DANG STENG 'OG GI RTZIBS GNYIS KYI BAR SNANG GNYIS DANG, PHYI'I PHYOGS MTSAMS KYI RTZIBS LA MA REG TZAM GYI GNAS BRGYAD RNAMS SU SNA TSOGS PADMA DANG ZLA BA DANG NYI MA'I GDAN GSUM BRTZEGS RE BSAM PAR BYA STE, GDAN GSUM BRTZEGS NI GRUB CHEN L'A LI TA'I LUGS DANG, DKYIL 'KHOR GYI LHA LA GDAN NYIS BRTZEGS MDZAD PA NI GRUB CHEN DPAL 'DZIN GYI LUGS YIN GSUNGS, DBUS KYI GDAN GYI STENG DU BDE STONG GNYIS SU MED PA'I RANG SEMS KYI NGO BO H'Um YIG MTHING NAG CIG BYUNG, DE 'OD DU ZHU BA LAS RANG NYID GNOD MDZES RGYAL PO SKU MDOG MTHING NAG ,RTZA ZHAL MTHING GA ,GA-YAS ZHAL DKAR PO, GA-YON ZHAL DMAR PO, PHYAG DRUG GI DANG PO GNYIS KYIS RANG 'DRA'I YUM LA 'KHYUD PA SOGS MNGON RTOGS LTAR GSAL GDAB LA NGA RGYAL BZUNG, DE NAS RANG YAB YUM SNYOMS PAR ZHUGS PA'I SBYOR MTSAMS DANG THUGS KA'I H'Um LAS 'OD ZER DMAR PO LCAGS KYU LTA BU DPAG TU MED PA PHYOGS BCUR 'PHROS PAS SANGS RGYAS KYI CHOS SHES PA, RJES SU SHES PA, SDUG BSNGAL SHES PA, KUN 'BYUNG SHES PA, 'GOG PA SHES PA, LAM SHES PA,
KUN RDZOB SHES PA, ZAD PA SHES PA, GZHAN SEMS SHES PA, MI SKYE BA SHES PA STE, PHYOGS BCU'I SANGS RGYAS BYANG SEMS THAMS CAD KYI SHES PA BCU'I NGO BO KHRO BO BCU'I RNAM PAR BKUG NAS RTZA ZHAL DU ZHUGS PA THUGS KAR CHAGS PA'I MES ZHU BA RDO RJE'I LAM NAS YUM GYI MNGAL DU BYUNG BA PHYOGS MTSAMS DANG STENG 'OG SO SOR RANG RANG MDOG CAN GYI THIG LE BCUR GYUR, DE RNAMS YONGS SU GYUR PA LAS KHRO BO BCU MNGON RTOG LTAR BSKYED DE H'Um ZHES PA'I TSE GSHIN RJE GSHED LA MTSON NA SHAR PHYOGS KYI BGEGS RNAMS SRUNGS SHIG CES BKA' BSGOS PAS YUM GYI PADMA NAS PHYUNG STE SHAR RTZIBS KYI GDAN LA ZHAL NANG GZIGS ZHABS GA-YON BRKYANG PA'I STABS KYIS 'KHOD PAR BSAMS, DES GZHAN LA'ANG RIGS 'GRE ZHING, GTZUG TOR 'KHOR BSGYUR GNOD MDZES KYI STENG GI CUNG ZAD SHAR DU NYE BA'I GDAN LA ZHAL NUB TU PHYOGS SHING STENG GDON SRUNG BA'I TSUL DU SPYAN NAM MKHAR GZIGS PA, RDO RJE SA 'OG GNOD MDZES KYI 'OG GI CUNG ZAD NUB TU NYE BA'I GDAN LA ZHAL SHAR DU PHYOGS SHING 'OG GDON KLU DANG SA BDAG GI GNOD PA SRUNG PA'I TSUL TU SPYAN SA GZHIR GZIGS TE BZHUGS PA, THAMS CAD KYANG DBU'I RDZA MA GCIG LA SNYAN TSUN CHAD 'BUR DU DOD PA'I ZHAL GSUM PA, ZHAL RE RE YANG MCHE BA BZHI BZHI GTZIGS SHING LJAGS 'DRIL BA, DMAR LA ZLUM PA'I SPYAN GSUM
, ,GSUM PA, SPYAN 'BRAS ME'I PHUNG PO LTA BU, KHRO GNYER SHIN TU BSDUS PA, DBU SKRA DANG SMIN MA DANG SMA RA DMAR SER GYEN DU 'KHYIL BA, SOG PA'I DKAR YOL KHA GCIG NAS STENG 'OG TU PHYAG GSUm RE GYES PA, PHYAG DANG PO GNYIS KYIS RANG 'DRA'I YUM LA 'KHYUD CING, PHYAG MTSAN RIN PO CHE THAMS CAD SER PO, PADMA DMAR PO, RAL GRI LJANG KHU RDO RJE PHYED PA SER PO'I YU BA CAN, THO BA SNGON PO RVA NYI SHU PA, BE CON NI RDO RJE RTZE GCIG PAS MTSAN PA'I DBYUG PA SNGON PO, 'KHOR LO RTZIBS BRGYAD PA DKAR PO'O, ,GTZUG TOR 'KHOR BSGYUR GYI ZHAL MDOG 'DI DPYAD PAR BYA DGOS TE, RJE'I BDUD LAS RNAM RGYAL DU'ANG LJANG SER DKAR DANG DMAR BA'I ZHES 'BYUNG LA, MKHAS GRUB RIN PO CHES, L'A LI TA'I GZHUNG DRANGS NAS DBUS LA SOGS PA'I KHRO BO'I ZHAL MDOG GSUNGS PA'I RJES SU, STENG GI KHRO BO LJANG SER MTHING KHA DKAR BA'I ZHAL GSUM PAR BSTAN LA; ZHES GSUNGS SHING, RJE RIN PO CHE'I SBYIN SREG DNGOS GRUB RGYA MTSO'I DGONGS PA DANG, GRUB CHEN DPAL 'DZIN DANG, L'A LI TA'I GZHUNG SOGS LA BRTAGS NA'ANG MKHAS GRUB RJE'I GSUNG DANG MTHUN PAS SNGA MA YI GE 'KHRUL LAm SNYAM PAS, 'DI'I MNGON RTOGS 'DON PA'I TSE, GTZUG TOR 'KHOR LOS BSGYUR BA LJANG SER MI BSKYOD PA'I COD PAN CAN, LJANG SER MTHING GA DKAR BA'I ZHAL GSUM PHYAG DRUG GI ZHE BSGYUR BA LEGS PAR MNGON
GSUNGS, KHRO BO SO SO'I THUGS KAR RANG RANG MDOG CAN GYI H'Um YIG LAS RDO RJE'I ME 'OD RAB TU 'BAR BA DPAG TU MED PA PHYOGS BCUR SPROS PA SPRIN 'KHRIGS PA LTAR GYUR TE GDON BGEGS GDUG PA CAN THAMS CAD TSAR GCOD PAR BSAM, BAR CHAD KYI MTSAN MA SHIN TU CHE BA'I TSE, GTZO BO 'PHO BA'I GNAD, 'KHOR LO BSKOR BA'I GNAD, 'KHRO BO ZHAL BSGYUR BA'I GNAD, BSGRUB BYA SBA BA'I GNAD, SNGAGS BZLA BA'I GNAD DAM 'PHRIN LAS MDZAD PA'I GNAD DE GNAD LNGA DANG, SRUNG BA YID BZHIN NOR BU DANG, ,BZLOG PA GNAM LCAGS 'KHOR LO DANG, ,BSAD PA LAS KYI SPU GRI GSUM, ,ZHES SRUNG BZLOG BSAD GSUM GYI MAN NGAG RNAMS YOD PA LAS, DE'I NANG GI SRUNG BA YID BZHIN NOR BU'I MAN NGAG NI, RANG GTZO BO'I THUGS KAR NYI MA'I STENG DU H'Um YIG GI THIG LE SGO NGA LTA BU'I SBUBS SU RANG NYID THA MAL BA'I RNAM PAR GSAL BTAB, GANG ZAG GZHAN LA SRUNG BA BYED DGOS YOD NA, RANG GI SPYI BOR BLA MA, MDUN DU PHA MA, GA-YAS GA-YON DU NYE DU, MTHA' SKOR DU SEMS CAN, 'OG TU NOR RDZAS KHANG ZHING SOGS GSAL GDAB, H'Um GI N'A DA LAS MCHOD PA'I LHA MO DKAR MO MCHOD RDZAS SNA TSOGS THOGS PA SPROS TE PHYOGS MTSAMS KYI KHRO BO RNAMS LA MCHOD PA PHUL, KHRO BO RNAMS KYI THUGS KA NAS LHA MO DKAR MO PHYAG NA BUM PA DKAR PO YE SHES KYI BDUD RTZIS GANG BA THOGS PA SPROS TE RANG GZHAN THA MAL PAR GNAS PA'I BSGRUB
, ,BYA RNAMS LA KHRUS GSOL BAS NAD GDON SDIG SGRIB SOGS MI MTHUN PHYOGS THAMS CAD BKRUS NAS DAG PAR BYAS, LUS SHEL SGONG LTAR GYUR PA BDUD RTZIS GANG BAS TSE BSOD SHES RAB LA SOGS PA MTHUN PHYOGS KYI YON TAN THAMS CAD RGYAS PAR BSAM LA LHA MO RNAMS RANG GNAS SU BSDU'O, ,LHA MO PHAN TSUN SPRO BSDU'I BAR LAM DU 'PHRAD PA NA 'DZINGS RAL GYI RNAM PA YANG BYA GSUNGS, SLAR YANG THUGS KA'I H'Um GI N'A DA LAS 'PHRO BA'AM, KHRO BO RNAMS KYI THUGS KA NAS RDO RJE'I RANG BZHIN GYI 'OD ZER DPAG TU MED PA SPROS TE RANG GZHAN BSGRUB BYA'I LUS KYI PHYI NANG BAR GSUM THAMS CAD KHYAB SHA SKYI PAGS MTSAMS THAMS CAD RDO RJE'I GO KHRAB LTA BUS GA-YOGS TE NAD GDON SDIG SGRIB LA SOGS PA GANG GIS KYANG GNOD PAS MI TSUGS PAR BSAM PA NI BKRU SRUNG GI MAN NGAG GO ,DA DUNG 'DI SKOR LA BLA MA MNYES PA'I ZHAL LAS SHES DGOS PA'I ZAB GNANG MTHA' YAS PA GSUNGS KYANG KHYAB BRDAL DU MI RUNG BAR BSAM NAS MA BKOD DO, ,GNYIS PA BAR DO LONGS SKU'I LAM 'KHYER LA GNYIS, RTEN GZHAL YAS KHANG GDAN BCAS BSKYED PA DANG, BRTEN PA RGYU RDO RJE 'DZIN PA BSKYED PA'O, ,DANG PO NI, DE NAS RANG GNOD MDZES YAB YUM DU GNAS PA CHAGS PA'I MES 'OD DU ZHU BA LAS SNA TSOGS PADMA DANG ZLA BA'I GDAN LA RANG SEMS BDE STONG GI NGO BO RDO RJE SEMS DPA' DKAR PO YUM BCAS ZHAL GSUM PHYAG DRUG PA CUNG ZAD
KHRO BA'I NYAMS DANG, BZHENGS STABS CAN MNGON RTOGS LTAR SKAD CIG GIS BSKYED PA YONGSU GYUR PA LAS CHOS 'BYUNG BSKYED PA YIN CING DE'I DBYIBS LA BZHED PA MI 'DRA BA KHA SHAS YOD PA GANG BYAS KYANG 'GAL BA MED MOD RANG LUGS NI PHYI DKAR LA NANG DMAR BA GTOR MA GRU GSUM NANG BRUS NAS MGO MJUG LDOG PA LTA BU RTZE MO PHRA BA THUR DU BSTAN CING GDENGS KA CHE BA GYEN DU PHYOGS PA'I ZUR GCIG SHAR DU BSTAN PA RGYA KHYON SHIN TU CHE BA STENG GI ZUR RNAMS SRUNG 'KHOR NANG MA LA REG PA TZAM ZHIG BSKYED DO, ,DE'I 'OG GI ZUR 'PHRAD MTSAMS NAS PAm YIG LJANG GU LAS SKYES PA'I PADMA'I YU BA THON NAS CHOS 'BYUNG GI KHA MTSAMSSU KHA BYE NAS PADMA CHOS 'BYUNG GI KHA GCOD LTA BUR BYED PA DANG, CHOS 'BYUNG GI SKED PA YAS SEG TU PADMA KHA BYE NAS CHOS 'BYUNG GI NANG DU GZHAL YAS KHANG CHUD PAR BSGOM PA GNYIS LAS RANG LUGS PHYI MA STE, DE YANG SNA TSOGS PADMA'I LTE BA LJANG KHU RGYA SHIN TU CHE BA RGYAR CHA CHUNG BRGYAD CU YOD PA, DE'I MTHAR GE SAR SER PO, DE'I MTHAR DKAR SER DMAR LJANG SPEL MAR GNAS PA'I 'DAB MA RE BZHI, GE SAR DANG BCAS PA'I ZHENG LA CHA PHRAN GNYIS RE YOD PA STE 'DAB MA'I PHYI MTHA' NAS PHYI MTHA'I BAR LA CHA PHRAN GYA BZHI YOD PA'O, ,SNA TSOGS PADMA'I LTE BAR H'Um YIG SNGON PO NYAL 'GRENG GANG RUNG LAS SNA TSOGS RDO RJE LTE BA SNGON PO GRU BZHI PA DRE KHA SBUB PA LTA BU, LTE BA'I MTHA' NAS MTHAR SGO TSAD BCU GNYIS DANG,
, ,RVA LNGA PA LA DPANGS SU SGO TSAD LNGA YOD PA, LTE BA'I PHYOGS BZHI'I DBUS DANG GA-YAS GA-YON DANG STENG 'OG SO SO NAS THON PA'I RVA LNGA PA, DE YANG DBUS NAS STENG 'OG DANG GA-YAS GA-YON DU CHA PHRAN DRUG RE SOR MTSAMS NAS PHYOGS RVA'I NANG DANG, BRGYAD RE SONG MTSAMS NAS PHYI THON PA, RVA THAMS CAD SHAR DKAR, LHO SER, NUB DMAR, BYANG LJANG, DBUS RVA'I RTZA BA'I SBOM LA CHA PHRAN GSUM, DBUS LA BZHI, RTZE LA GCIG ,PHYOGS RVA'I RTZA BA LA CHA PHRAN GNYIS, DBUS LA GSUM, RTZE LA GCIG CUNG MED TZAM, RVA THAMS CAD KYI SRID LA CHA PHRAN BCU DRUG RE YOD PAR MNYAM YANG, PHYOGS RVA RNAMS GUG PA'I BCA' LA CHA PHRAN GNYIS KHUMS PAS DBUS RVA'I NANG NAS CHA PHRAN BCU GSUM SONG MTSAMS SU PHYOGS RVA'I NANG MTHA'I RTZE ZUG PA, 'GRO BA SNYING RJES MI GTONG BA MTSON PHYIR PHYOGS RVA RNAMS CHU SRIN GYI KHA NAS THON PA, DE'I LTE BA'I DBUS SU BHRUm YIG DKAR PO SANGS RGYAS KYI SPRIN GYI 'OD ZER 'PHRO BA LAS RNAM SNANG DKAR PO YAB YUM MNGON RTOGS LTAR BSKYED PAR BYA STE, 'DI'I PHYAG MTSAN RDO RJE RTZE LNGA PA SNGON PO'I YU BA CAN GYI 'KHOR LO BSNAMS PAS RIGS LNGA GA'I PHYAG MTSAN TSANG BA NI GZHAL YAS KHANG YE SHES LNGA'I RANG BZHIN YIN PA MTSON, DE YONGS SU GYUR PA LAS GZHAL YAS KHANG, PHYI'I DUR KHROD DANG BCAS PA DUS GCIG TU GRUB PA RIM GYIS GSAL GDAB PA NI, SNA TSOGS RDO RJE'I LTE BA'I
DBUS NAS PHYOGS SO SOR CHA PHRAN BCU DRUG RE SONG MTSAMSU PHYI NAS DKAR SER DMAR LJANG SNGO BA'I RTZIG PA LNGA SBRAGS RE RE'I ZHENG LA CHA PHRAN RE'I LNGA CHA RE BSDOMS PAS GCIG ,DPANGS LA CHA PHRAN BCU GSUM, DE'I STENG DU PHA GU DPANGS CHA PHRAN GCIG ZHENG CHA PHRAN GCIG GAM PHYED GNYIS YOD PA'I CHA PHRAN PHYED RTZIG PA LAS PHYIR THAL BA GZHI DMAR PO LA RIN PO CHA ZUR GSUM, GRU BZHI, ZLA GAM, ZLUM PO SOGS SNA TSOGS KYIS PHRA BTAB PA; DE'I STENG DU GSER GYI SKA RAGS BZHI BRTZEGS TE GNAS PA RE RE'I ZHENG LA CHA PHRAN GCIG GAM PHYED GNYIS RE YOD PA, RE RE YANG RIN PO CHE BDUN DANG LDAN PA STE 'OG TU 'DEGS BYED RDO'I SNYING PO KHA DOG SMUG PO'I KA BA PHYI NANG RKYANG BSGRIGS CAN, DE RE RE'I STENG DU MU TIG DMAR PO'I BRE, DE'I STENG DU SPUG GI GZHU 'PHRED LA BTANG, DE'I MCHOG MA GNYIS SU SHEL GYI KA CHUNG RE, DE'I STENG DU BEEd'UYA'I BRE, DE'I STENG DU DNGUL GYI GZHU GZHUNG LA BTANG BA RNAMS BRTZEGS TE GNAS PA BAR THAG JI LTAR 'TSAMS PAR BKOD PA, ZUR BZHIR SNGAR LTA BU'I KA BA DANG BRE'I STENG DU, SPUG GI GZHU BSNOL MAR BTANG BA'I MCHOG MA BZHIR SHEL GYI KA CHUNG BRE BCAS KYI STENG DU DNGUL GYI GZHU 'KHYOG BTANG BA BCAS KYIS GSER SNAM BZHI PO SO SOR BTEG PA'I BAR RNAMS PHRA SENG CAN, GSER SNAM RE RE'I DPANGS LA CHA PHRAN PHYED RE DANG BZHI GA BSDOMS PAS CHA PHRAN GNYIS TE, RTZIG PA'I RTZA BA NAS
, ,GSER GYI SKA RAGS STENG MA'I BAR LA CHA PHRAN BCU DRUG DANG, DBUS NAS RTZIG 'GRAM BAR LA CHA PHRAN BCU DRUG YOD PA NI GZHAL YAS KHANG GI NANG GI RGYA PHYED DANG DPANGS MNYAM PAS RGYA PHYED DPANGS MNYAM MO; RTZA THIG DANG TSANGS THIG 'PHRAD MTSAMS NAS NANG DU CHA PHRAN GCIG SONG MTSAMS SU, GZHI NAG PO LA GSER GYI RDO RJE CHE BA'I KHONG SENG CHUNG BAS BKAG PA'I PHRENG BA DPANGS ZHENG CHA PHRAN RE YOD PAS ZLUM POR BSKOR BA, DBUS NAS PHYOGS BZHIR CHA PHRAN BZHI DANG GSUM CHA GCIG SONG BA'I MTSAMS SU GZHI NAG PO LA GSER GYI RDO RJE'I PHRENG BA SNGAR LTA BU DPANGS ZHENG CHA PHRAN RE YOD PA'I RDO RJE'I SNAM BU MIG MANG RIS SU BTANG BA'I SNE SO SO RDO RJE'I 'PHRENG BA ZLUM PO LA ZUG PA, DE GNYIS 'PHRAD MTSAMS NAS THON PA'I KA BA ZHENG CHA PHRAN RE DANG, RDOR 'PHRENG DANG BCAS PA'I DPANGS LA CHA PHRAN BCU GSUM YOD PA PHYOGS RER GNYIS GNYIS TE BRGYAD, DE YANG SHAR GYI KA BA GNYIS RDUL PHRA RAB TSUN CHAD 'KHOR LO'I DBYIBS CAN DKAR PO, LHO'I GNYIS RIN PO CHE SER PO, NUB KYI GNYIS PADMA DMAR PO, BYANG GI GNYIS RAL GRI LJANG GU LAS GRUB PA, KA BA'I STENG DU BRE DANG, DE'I STENG DU GZHU THUNG DANG GZHU RiNG GNYIS 'KHYOG POR BTANG BA GSUM GA'I DPANGS LA CHA PHRAN GNYIS, DE'I STENG DU SNGAR LTA BU'I RDO RJE'I GDUNG ZLUM DANG GDUNG RING BZHI 'OG GI RDOR PHRENG LTAR MIG MANG RIS SU BTANG BA'I DPANGS LA CHA PHRAN GCIG ,GDUNG DE'I
SNE PHYI MA GSER SNA MA DANG PO GNYIS LA HA BTON NAS 'OG MA GNYIS LA BKAL, DE NAS THOG 'BUB LUGS NI GSER SNAM GYI STENG NAS LCAM BTANG BA'I SNE PHYI MA GSER SNAM LAS CHA PHRAN PHYED GNYIS PHYIR THAL BA LA CHU SRIN MA KA RA'I KHA YOD PA RDAmS ZHENG CHA PHRAN PHYED RE YOD PA PHYOGS RER NYI SHU RTZA BRGYAD RE BTANG BA'I NANG SNE GDUNG 'KHOR ZLUM PO DANG GDUNG RING LA BKAL NAS CHA PHRAN PHYED PA'I DRAL 'DAM BYAS TE PHYI 'KHYAMS GRU BZHI PA'I THOG PHUB, YANG GDUD 'KHOR ZLUM PO LA LCAM SNE PHYI MA DANG, RE'U MIG GRU BZHI PA DANG GDUNG GI SNE GA-YAS GA-YON LA NANG MA BKAL BA'I SNER NOR BU ME 'BAR DANG, DGA' 'KHYIL SOGS SNANG BA'I 'OD DANG LDAN PAS MTSAN PA, DE YANG SHAR PHYOGS THAMS CAD 'KHOR LO DKAR PO SOGS RANG RANG GI PHYOGS MDOG BYA ZHING, THOG PHYI NANG GNYIS KYI ZUR RNAMS SU DPANGS CHA PHRAN PHYED DANG ZHENG CHA PHRAN GCIG YOD PA'I ZUR LCAM KHRA BO SHAR LHO'I ZUR LCAM LA MTSON NA LCAM GYI PHYED SHAR DKAR PO DANG PHYED LHO PHYOGS SER PO, ZUR LCAM GYI NANG SNE DBUS KYI RE'U MIG GRU BZHI PA LAS CHA PHRAN GCIG NANG DU THAL ZHING DE'I GA-YAS GA-YON RNAMS THUNG BA BYA, ZUR LCAM GYI NANG SNE CHA PHRAN GCIG GDUNG LAS THAL BA'I STENG NAS RGYA PHUB 'DEGS BYED KYI KA CHUNG BSEGS KA CAN BZHI BTZUGS PA'I SHAR LHO DANG BYANG SHAR GYI GRA'I KA BA GNYIS MGO NUB TU DUD PA DANG, LHO NUB DANG NUB BYANG GI KA BA GNYIS MGO SHAR DU DUD PA
, ,ZHENG CHA PHRAN GCIG DANG, DPANGS CHA PHRAN BCUR YOD PA, KA BA'I MAS NAS CHA CHUNG DGU SONG MTSAMS KYI LHO DANG BYANG PHYOGS SU BKAG GDUNG BTANG TE SHAR NUB KYI BAR DU CHA PHRAN GNYIS KYIS MA REG PA'I STENG DU GDUNG LEB ZHENG LA CHA PHRAN BZHI, SRID LA BCU, DPANGS LA GNYIS YOD PA BSKYON PA'I SNE GNYIS SU KHYUD MGO YOD PA'I RVA'I BAR DU NOR BUS MTSAN PA, RE'U MIG GRU BZHI PA'I GDUNG GI STENG DU KA CHUNG BRE GZHU DANG BCAS PA LA DPANGS CHA PHRAN LNGA RE YOD PA PAR THAG JI LTAR 'TSAM PA LA DPANGS ZHENG CHA PHRAN GCIG PA'I GDUNG LEB PHYOGS BZHIR BTANG, KA BA'I BKAG GDUNG GI MTSAMS NAS GDUNG 'KHYOG BZHI BTANG BA'I PHYI SNE 'OG GI GDUNG LEB LA BKAL, DE NAS RGYA PHUB KYI LCAM SNE NANG MA STENG GI GDUNG LEB DANG 'KHYOG GDUNG LA BKAL, LCAM SNE PHYI MA 'OG GI GDUNG LEB LA BKAL, LHO BYANG GNYIS KYI LCAM SNE NANG MA BKAG GDUNG LA BKAL BA'I THOD DU BAR STONG LUS PA KHYUNG MGO'I KHA NAS 'PHYANG BA'I DRA BA DRA PHYED KYIS SGRIB PAR BYA, THOG 'BUB LUGS 'DI BZHIN BYAS NA RGYA PHIBS KYI SKED NYAG THON CING MDZES PAR 'GYUR GSUNGS, STENG GI GDUNG LAB KYI DBUS SU RGYUD KYI KHANG CHUNG DPANGS ZHENG CHA PHRAN BZHI PA SGO SHAR LTA, PHYOGS GZHAN RNAMS KYANG SHEL SGO LTA BU, DE'I STENG DU ZHOGS KHA BRGYAD LDAN GYI NOR BU SER PO GNAS PA LA CHA PHRAN GCIG ,DE'I STENG DU RDO RJE PHA LAM LAS GRUB PA'I
RDO RJE RTZE LNGA PA RDZOGS PA LA CHA PHRAN GCIG STE, DE LTA BU'I TOG GI SPRAS PA, DES NA SNE GDUNG NANG DU THAL BA'I ZUR LCAM GYI DPANGS LA CHA PHRAN PHYED, KA BA BSEGS KA'I GUG PA'I BCA' LA CHA PHRAN GCIG DANG PHYED KHUM PAS PHYED DANG BRGYAD, GDUNG LEB LA CHA PHRAN GNYIS, KHANG CHUNG LA BZHI, TOG LA GNYIS TE KHYON BCU DRUG ,GZHAL YAS KHANG GI DPANGS LA BCU DRUG STE SO GNYIS DANG, RTZIG PA'I NANG MTHA' NAS NANG MTHA'I BAR CHA PHRAN SO GNYIS TE RGYA MNYAM DPANGS MNYAM DU GRAGS SO, ,PHYI'I LCAM SNE'I CHU SRIN KHA NAS SKUD PA DMAR POR BRGYUS PA'I RIN PO CHE'I DRA BA GNYIS GSHIB KHA 'GUG NAS KHA 'GUG TU 'PHYANG BA'I PHYI MA'I DBUS SU NOR BU SBOM PA GSER GYIS BSDAMS PA; NANG MA'I DBUS ZLA PHYED RIN PO CHE SER PO, ,RDO RJE SNGON POS MTSAN PA STE SKU GSUNG THUGS MTSON BYED, KHA'I DBUS NAS DRA PHYED GSUM GSHIB LTAR NA DRIL BU DANG RNGA YAB LA SOGS PA DANG, LNGA GSHIBS LTAR NA, DBUS SU RIN PO CHE, DE'I GA-YAS GA-YON DU GOS SNA TSOGS KYI 'PHAN CHUNG, DE'I GA-YAS GA-YON DU ME TOG GI PHRENG BA RNAMS PHA GUL REG PA TZAM 'PHYANG BA, LCAM SNE DE'I STENG DU LCAM THUNG SRID LA CHA PHRAN GNYIS RE DANG DPANGS LA PHYED YOD PA'I CHA PHRAN PHYED 'OG MA LAS PHYIR THAL BA, DE'I STENG DU BYA 'DAB SRAB MO ZHENG CHA PHRAN GNYIS PA BTANG BA'I SNER SHAR BU DKAR PO DPANGS CHA PHRAN GCIG PA DBYIBS RUS RGYAN GYI ZA RA TSAGS SAM MCHU MED PA'I SPYI
, ,BLUGS MGO MJUG LDOG PA LTA BU 'OG TU 'PHYANG BA, BYA 'DAB KYI STENG DU MDA' YAB DKAR PO DPANGS ZHENG CHA PHRAN RE RE YOD PA PADMA 'DAB MA PHYED PA'I DBYIBS CAN, CHU SKYOR LTAR GYEN DU BSLANGS PA, MDA' YAB KYI STENG DU ZUR BZHIR SPRE'U GDUGS DKAR PO YU BA TOG DANG BCAS PA DPANGS CHA PHRAN GSUM DANG PHYI GA-YOGS LA CHA PHRAN GNYIS YOD PA KHA NANG BLTAS KYIS 'DZIN PA, SGO'I GA-YAS GA-YON GYI MDA' YAB KYI STENG DU GSER GYI BUM PA NAS THON PA'I SROG CHAGS GSUM GYI MTSAN MA YOD PA'I RGYAL MTSAN RE DANG MED PA'I BA DAN RE STE PHYOGS RER RGYAL MTSAN DANG BA DAN GNYIS RE, SROG CHAGS GSUM NI, SENGGE DANG MKHA' LDING 'DUS PA'I PHRU GU SENGGE RKANG PA BRGYAD PA ZHES PA SENGGE'I RKANG LAG BZHI, MKHA' LDING GI SDER MO GNYIS DANG GSHOG PA GNYIS TE BRGYAD YOD PA SENGGE'I GDONG LA MKHA' LDING GI MCHU YOD PA DANG, DUNG DANG CHU SRIN 'DUS PA'I PHRU GU CHU SRIN MA GA RA ZHES PA LUS DUNG LA CHU SRIN GYI MGO YOD PA DANG NYA DANG SRAM 'DUS PA'I PHRU GU NYA SPU SKYES ZHES PA NYA'I MGO LA SRAM GYI MCHE BA DANG MJUG MA YOD CING LUS SPU DANG LDAN PA ZHIG YIN CING, DE GSUM GYIS MTSAN LUGS KYANG DAR LCE'I RTZE MOR DE GSUM GYI GZUGS BYED 'DUG KYANG BDUD DGA' RAB DBANG PHYUG GI RGYAL MTSAN GYI MTSAN MA CHU SRIN GYI MGO BO TOG GI TSUL DU YOD PAR BSHAD PA LTAR NA SROG CHAGS GSUM GYIS MTSAN LUGS KYANG DE DANG 'DRA'AM GSUNGS, PHYOGS BZHI'I RTZIG PA'I DBUS SU
ZHENG CHA PHRAN BZHI RE YOD PA'I SGO ,RTZIG PA'I NANG 'GRAM NAS PHYIR SGO TSANG RE SONG BA'I SGO KHYUD, DE NAS GA-YAS GA-YON DU CHA PHRAN GNYIS RE SONG BA'I SGO 'GRAM, DE NAS PHYIR CHA PHRAN GNYIS RE SONG BA'I SGO LOGS, SGO KHYUD GA-YAS GA-YON GYI STENG GI NANG NGOS SU PHYI KHYAMS GRU BZHI PA'I LCAM SNE PHYI MA 'GEL BA'I GDUNG DANG, PHYI NGOS SU SGO KHANG GI LCAM SNE NANG MA 'GEL BA'I GDUNG, DE GNYIS KYI BAR DU SGO KHYUD GA-YAS GA-YON DU SNE BKAL BA'I LCAM BZHI BTANG, SGO LOGS KYI GDONG GA-YAS GA-YON DU KA BA DPANGS CHA PHRAN BCU GCIG RE YOD PA'I STENG DU GDUNG DPANGS ZHENG CHA PHRAN RE SRID DU PHYI NGOS SU MNGON PA CHA PHRAN BCU DANG NANG NGOS SU CHA PHRAN BRGYAD YOD PA'I GSEG KA CAN, DE'I STENG RTZIG PA'I RGYUN YOD PA'I DPANGS LA CHA PHRAN GCIG DANG PHA GU GSER SNAM SOGS KYI KHOR YUG TU BSKOR BA SGO GDONG GI RTZIG RGYUN PHA GU DANG BCAS PA'I STENG GI GSER SNAM LA LCAM SNE PHYI MA DANG, SGO 'GRAM PHAN TSUN BAR KYI GDUNG DANG BCAS PA LA LCAM SNE NANG MA BKAL NAS SGO KHANG GI THOG PHUB, SGO KHYUD KYI RTZIG GDONG PHYI MA'I GDUNG 'OG TU, SGO'I YA THEM MA THEM 'GRAM PA GNYIS BCAS KYI ZHENG LA CHA PHRAN PHYED RVA DANG 'GRAM PA'I DPANGS LA CHA PHRAN BCU GSUM RE YOD PA, SGO GLEGS ZHENG CHA PHRAN PHYED GNYIS LHAG TZAM RE YOD PA GNYIS KYI DPANGS SU CHA PHRAN BCU GSUM MA LONG TZAM PHYE TSE PHYIR BYE 'GRO BA PHYOGS MDOG ,YA THEM DANG GDUNG GI BAR DU DPANGS ZHENG CHA PHRAN
, ,RE RE YOD PA'I SHAR DU 'KHOR LO DKAR PO, LHOR RIN PO CHE SER PO, NUB TU PADMA DMAR PO, BYANG DU RAL GRI LJANG GU RNAMS NYIS BRTZEGS NYIS GSHIB TU YOD PA, RTZIG PA'I MTHAR 'DOD YON GYI SNAM BU DMAR PO DPANGS ZHENG CHA PHRAN GNYIS RE YOD PA'I STENG DU MCHOD PA'I LHA MO MCHOD RDZAS SNA TSOGS THOGS TE ZHAL NANG DU PHYOGS PAS MCHOD PA, SGO DANG SGO KHYUD KYI PHYI'I MTSAMS RTZIG PA'I PHYI NANG GI GRVA BZHIR ZLA PHYED DKAR PO, RIN PO CHE ZUR BRGYAD PA DMAR PO, RDO RJE RTZE LNGA PA SER PO RNAMS LANGS STABS SU GNAS PA, SNA TSOGS RDO RJE'I RVA'I BAR NAS RIN PO CHE'I THEM SKAS BANG RIM BZHI PA, RE RE'I ZHENG MDUN NAS MNGON PA LA CHA PHRAN GSUM RE, DPANGS CHA PHRAN LNGA RE, SRID DU CHA PHRAN BCU DRUG YOD PA RVA DANG BANG RIM PHAN TSUN MI SGRIB PA, BANG RIM 'OG MA'I MTHA' NAS DBUS RVA'I RTZE'I BAR LA CHA PHRAN BZHI TZAM YOD PA, THEM SKAS RE RE'I MDUN NGOS DBUS RVA'I GA-YAS GA-YON DU GDANGS BU BZHI RE YOD PA'I SENG SKAS RE, BANG RIM GONG MA DANG RDO RJE'I LTE BA MNYAM ZHING, BANG RIM DE'I GA-YAS GA-YON GYI STENG DU ZHENG CHA PHRAN GSUM RE YOD PA'I STEGS BU GRU BZHI PA RE RE, STEGS BU'I STENG DU BUM PA LAS THON BA'I KA BA RTZA RTZE PHRA ZHING DBUS LDIR BA GNYIS PHYI NANG DU BSGRIGS PA'I BAR STONG CHA PHRAN GCIG ,BUM PA KA BA BCAS KYI DPANGS LA CHA PHRAN LNGA, DE'I STENG DU RTA BABS KYI GSER SNAM SRID DU CHA PHRAN PHYED GSUM SER PO, DE'I
STENG DU SHAR BU SNGON PO LA SHAR BUS MTSAN PA DANG RIN PO CHE DMAR PO PHA GU LTA BU GNYIS KYI SRID LA CHA PHRAN GSUM RE, DE'I STENG DU RTA RMIG LJANG GU RTA'I RMIG RJES CAN SRID CHA PHRAN LNGA STE DE GSUM GA'I PHYI MTHA' MNYAM ZHING GSER SNAM LAS CHA PHRAN GCIG GIS PHYIR THAL BA, DE'I STENG DU MUN SNAM 'OG MA'I KA BA'I DPANGS CHA PHRAN PHYED GNYIS RE YOD PA BZHI, MUN SNAM RANG GI STENG GI SRID LA CHA PHRAN PHYED LNGA DANG 'OG LA BZHI, DE'I STENG DU WA RAndA KHA DOG SNA TSOGS PA LCE BRTZEGS CAN SRID CHA PHRAN LNGA PA, DE'I STENG DU MUN SNAM GONG MA'I KA BA DPANGS CHA PHRAN PHYED GNYIS YOD PA BZHI, MUN SNAM GYI STENG GI SRID LA CHA PHRAN BCU BZHI DPANGS LA PHYED 'OG GI SRID LA BZHI STE RTA BABS KYI KA BA DANG, MUN SNAM 'OG MA'I KA BA DRANG THAD DANG, 'OG MA'I KA BA'I NANG MTHA' DANG GONG MA'I PHYI MTHA' DRANG THAD DU 'BYUNG NGO, ,MUN SNAM GONG 'OG GNYIS NI SNAM BU GONG MA'I 'OG GI BAR STONG YIN PAS KA BA'I NANG NGOS NAS SENGGEE RKANG PA BRGYAD PA DANG, RMA BYA DANG, NGANG PA DANG, DRI ZA'I BU MO BCAS BRTZEGS TE GNAS PAS SNAM BU GONG MA 'DEGS PA'I TSUL BYA GSUNGS, DE'I STENG DU SHAR BU DANG RIN PO CHE DANG RTA RMIG GSUM DBYIBS DANG KHA DOG GONG MTSUNGS LA SRID DU CHA PHRAN BCU BZHI YOD PA THAL RGYUGSU BTANG BA, DE'I STENG DU MDA' YAB DKAR PO'I SRID LA CHA PHRAN BCU, DE'I SNAM BU'I PHYI NANG DU DPANGS ZHENG CHA PHRAN RE YOD PA'I MDA' YAB PAD 'DAB PHYED PA'I DBYIBS CAN MTHUG RNGAM CHA PHRAN
, ,PHYED PA PHYI NANG DU BCU RE, GA-YAS GA-YON GYI MTHA' GNYIS SU GONG MTSUNGS KYI MDA' YAB GNYIS RE DANG DE'I NANG DU CHA PHRAN GCIG GI SAR YANG 'DAB MA PHYED PA'I DBYIBS CAN GNYIS RE, DE GNYIS KYI BAR STONG CHA PHRAN DRUG LA SNAM BU LEB MO BKAB PA, SNAM BU BCU GCIG PO THAMS CAD KYI ZHENG DU CHA PHRAN GSUM RE'AM BZHI RE 'DAM NGAR GSUNGS SHING DPANGS GNYIS MNYAM DGU MNYAM GYI LUGS SO, ,MDA' YAB KYI SNAM BU'I DBUS SU PAD ZLA'I STENG DU 'KHOR LO SER PO RTZIBS BRGYAD PA DPANGS ZHENG CHA PHRAN GNYIS RE YOD PA LANGS STABS CAN, DE'I GA-YAS GA-YON DU RI DVAGS PHO MO NYAL STABS KYIS MGRIN PA GYEN DU PHYOGS TE MIG 'KHOR LO'I RTZER BLTA BA MGRIN PA DANG BCAS PA'I DPANGS LA CHA PHRAN PHYED GNYIS TZAM YOD PA 'KHOR LOS SANGS RGYAS DANG, RI DVAGS KYIS MU STEGS BYED MTSON PA, GA-YAS GA-YON GYI MDA' YAB NANG MA'I STENG DU SPRE'U GDUGS 'DZIN PAR RE, DE'I PHYI MA'I ZUR GNYIS SU BUM PA LAS THON PA'I RGYAL MTSAN DANG BA DAN RE, RTA RMIG GONG 'OG GNYIS DANG, WA RAndA'I SNAM BU BCAS KYI GA-YAS GA-YON GYI SNE GNYIS SU YANG BUM PA LAS THON PA'I RGYAL MTSAN DANG BA DAN PHYI NANG DU BSGRIGS TE BCUGS PA RE, RTA BABS KYI GA-YAS GA-YON SNA TSOGS RDO RJE'I LTE BA'I STENG DU GSER GYI BUM PA LAS THON PA'I DPAG BSAM GYI SHING YAL 'DAB DRUG PA'I LTE BAR KHYIM BDAG DMAR
PO LAG NA NOR BU THOGS PA KHA NANG BLTA, MTHA'I YAL GA DRUG LA RIM PA BZHIN 'KHOR LO SER PO RTZIBS BRGYAD PA, BUD MED SNGO SANGS LO BCU DRUG MA, GLANG CHEN THAL DKAR MCHE BA DRUG LDAN, DMAG DPON NAG PO RAL GRI THOGS PA, RTA CANG SHES LJANG GU SGA SRAB CAN, RIN PO CHE ZUR BRGYAD PA SER PO RNAMS GNAS PA, DE'I PHA ROL GYI BAR SNANG LA RANG RANG PHYOGS KYI SANGS RGYAS RIGS LNGA'I NGO BO GRUB CHEN RE, DE'I STENG GI NAM MKHA'I NGOS SU SPRIN GYI GSEB NAS LUS PHYED THON PA'I LHA'I BU DANG BU MO KHA DOG SNA TSOGS PA ME TOG LA SOGS PA'I CHAR 'BEB CING PHRENG PA 'DZIN PAS DKYIL 'KHOR LA MCHOD PA, SRUNG 'KHOR GYI PHYI ROL DU DUR KHROD BRGYAD BSAM PA NI SNGAR ME RI BLOS JI LCOGS SPROS PA'I MTHAR DUR KHROD BYED KYI YOD KYANG, PHYIS SRUNG 'KHOR MTHUN MONG BA'I MTHAR SA DKYIL GYI STENG DU DUR KHROD BYA BA YIN, SPYIR DUR KHROD SRUNG 'KHOR GYI PHYI KHO NAR BYED DGOS PA MIN TE, SDOM 'BYUNG LAS RDO RJE RVA BA'I NANG DU STE, ,DUR KHROD BRGYAD KYIS NYE BAR MDZES, ,ZHES DANG, YANG 'GYUR GZHAN LAS, RDO RJE RVA BA NANG DU STE, ,DUR KHROD BRGYAD KYIS NYE BAR MDZES, ZHES 'BYUNG BA'I DRUG SGRA YOD MED KYIS NGOS 'DZIN TSUL MI 'DRA BAR BZHED LA, 'ON KYANG DKYIL CHOG RDO RJE PHRENG BA'I RJES SU 'BRANG BA RNAMS SRUNG 'KHOR GYI PHYIR DUR KHROD BZHED PA YIN TE NANG DU BYAS NA THIG SKUD CHE CHUNG GO DRUG PAR GSUNGS PA LAS THAL BA'I PHYIR RO, ,SA DKYIL GYI STENG DU DUR KHROD BYAS
, ,TE RVA GUR LAS ME 'OD 'PHROS PA DUR KHROD KYI SAR 'JA' 'OD LTA BU BSIL BA'I RANG BZHIN LA DE NAS ME 'OD RAB TU 'BAR BA ME'I RI BO LTA BUR YOD PAS NA ME RI ZER BA YIN, DUR KHROD KYI SKAD DOD DU SHA SA TI ZHES 'BYUNG BA'I SHVA LA 'OG TU NA BSNAN PAS SHVA NA RO DANG, SA TI LA GONG DU BA BSNAN PAS BA SA TI GNAS TE RO'I GNAS YIN PAS NA DUR KHROD CES BYA STE, RO MGO MED KYIS 'GRO BA, BGAGS TE SHING LA DPYANGS PAS LANGS PA, SA LA 'GYEL BAS NYAL BA, GSAL SHING LA BSKYON PAS 'DUG PA'I BYA BA BYED LA, DE LTA BU'I RO DE DAG GNAS PA'I SA LA DUR KHROD DNGOS DANG, SHING LA SOGS PA NI DE'I KHYAD PAR STE DE YANG SHAR DU GTUM DRAG ,LHOR KED RUS CAN, NUB TU RDO RJE 'BAR BA, BYANG DU TSANG TSING 'KHRIGS PA, DBANG LDAN TE BYANG SHAR DU HA HA DGOD PA, ME STE SHAR LHOR BKRA SHIS TSAL, BDEN BRAL TE LHO NUB TU MUN PA DRAG PO, RLUNG STE NUB BYANG DU KI LI KI LI'I SGRA SGROG PA, DE RNAMS LA GNAS PA'I SHING BRGYAD NI, SHAR DU NA GA GE SAR GYI SHING STE KLU SHING, LHOR TZU TA'AM AA MRA, NUB TU KANGKE LA TE CHU SHING, BYANG DU AA SHVA THA STE MYA NGAN MED PA'I SHING, BYANG SHAR DU PA dA LA'AM NYA GRO DHA, MER KA RANYDZA, LHO NUB TU PA tA PARKA ,NUB BYANG DU AARDZU NA'I SHING STE SHING BRGYAD, SHING DE RNAMS KYI RTZA BAR GNAS PA'I PHYOGS SKYONG BRGYAD NI, SHAR DU DBANG PO DKAR PO RDO RJE 'DZIN PA GLANG PO CHE DKAR PO LA, LHOR GSHIN RJE SNGON PO DBYUG PA 'DZIN PA MA
HE LA; NUB TU CHU LHA DKAR PO SPRUL ZHAGS 'DZIN PA CHU SRIN LA, BYANG DU GNOD SBYIN SER PO RIN PO CHE SKYUG PA'I NE'U LE 'DZIN PA MI LA, BYANG SHAR DU DBANG PHYUG CHEN PO DKAR PO RTZE GSUM 'DZIN PA GLANG LA, MER ME LHA DMAR PO PHRENG BA SPYI BLUGS DANG BCAS PA 'DZIN PA RVA SKYES LA, LHO NUB TU SRIN PO SNGON PO RAL GRI 'DZIN PA MI MGO'I 'PHRENG BA'I COD PAN CAN RO LANGS LA, RLUNG DU RLUNG LHA DUD KA BA DAN SER PO 'DZIN PA SHA BA LA BZHON PA THAMS CAD KYANG ZHAL GCIG PHYAG BZHI'I DANG PO GNYIS THAL MO SBYAR, GA-YAS 'OG MA RNAMS KYIS RANG RANG GI PHYAG MTSAN 'DZIN CING, GA-YON 'OG MAS THOD PA 'DZIN PAS YUM LA 'KHYUD PA'O, ,SHING GI RTZE MOR GNAS PA'I ZHING SKYONG BRGYAD NI; SHAR DU GLANG PO CHE'I GDONG CAN DKAR PO, LHOR MA HE'I GDONG CAN NAG PO, NUB TU CHU SRIN GYI GDONG CAN DKAR PO, BYANG DU MI'I GDONG CAN SER PO, BYANG SHAR DU GLANG Gi GDONG CAN DKAR PO, SHAR LHOR RVA'I GDONG CAN DMAR PO; LHO NUB TU RO LANGS KYI GDONG CAN NAG PO, NUB BYANG DU SHA BA'I GDONG CAN LJANG KHU, THAMS CAD KYANG DRAG CING GTUM LA RDZU 'PHRUL CHEN PO DANG LDAN PA, LUS KYI STOD SHING GSEB NAS THON PA ZHAL GCIG PHYAG GNYIS KYI GA-YAS THOD PA DANG, GA-YON DMAR GTOR ZUR GSUM PA 'DZIN PA, SHING KHA NANG BSTAN GYI GA-YAS SU YAN LAG BRGYAD DANG LDAN PA'I THUGS RJE'I CHU BRGYAD, CHU DE RNAMS LA GNAS PA'I KLU BRGYAD NI, SHAR DU NOR RGYAS DKAR
, ,PO; LHOR PADMA DKAR PO, NUB TU KARKO tA SNGON PO, BYANG DU 'JOG PO DMAR PO, RLUNG DU DUNG SKYONG SER PO, DBANG LDAN DU PADMA CHEN PO DKAR PO, MER MTHA' YAS SNA TSOGS MDOG ,LHO NUB TU RIGS LDAN DKAR PO, THAMS CAD KYANG STOD MI 'DRA BA LA SMAD SBRUL MJUG TU 'KHYIL ZHING, PHYAG GNYIS KYIS THAL MO SBYAR BA'I DBU SU NOR BU 'DZIN PA, DUR KHROD THAMS CAD KYI NAM MKHA' LA SER SPRIN 'KHRIGS PAS KHYAB PA STE, SHAR DU SGROGS PA, LHOR GA-YO BA, NUB TU DRAG PO, BYANG DU CHER SGROGS PA, BYANG SHAR DU BRTAN PA, MER GANG BA, BDEN BRAL DU 'BEBS PA, RLUNG DU GTUM PO STE SPRIN BRGYAD PO THAMS CAD KYANG GLOG PHRENG 'KHYUG CING 'BRUG SGRA SGROG BZHIN PA'O, ,SHING GI GA-YON DU GNAS PA'I RI BRGYAD NI, SHAR DU RIN PO CHE SNA BDUN GYI RANG BZHIN GYI LHUN PO, LHOR MA LA YA SER PO, NUB TU KE LA SHA DKAR PO, BYANG DU MANDHA RA LJANG GU ,DBANG LDAN DU DBANG CHEN NAG PO, MER SPOS NGAD LDANG SER PO, SRIN POR GANGS CAN DKAR PO, RLUNG DU DPAL GYI RI SNGON PO, RI DE RNAMS KYI GSHAM DU YE SHES KYI ME BRGYAD, SKED PAR GRUB CHEN BRGYAD, RTZE MOR BYANG CHUB CHEN PO'I MCHOD RTEN GYI DBYIBS CAN GYI MCHOD RTEN BRGYAD DO, ,GZHAN YANG RGYUS PAS 'BREL BA'I KENG RUS DANG, GSAL SHING DANG, MDUNG LA SOGS PA'I MTSON GYIS PHUG PA'I RO DANG, SHING LA DPYANGS PA DANG, SKYES BU ZA BA'I GCAN GZAN, STAG GZIG KHYI SPYANG LA SOGS PA DANG, BYA ROG DANG, BYA RGOD DANG
KHA TA DANG, 'UG PA LA SOGS PA DANG, CA CO DU MA SGROG PA'I RO LANGS DANG, KI LI KI LI'I SGRA SGROG PA'I GNOD SBYIN DANG, SRIN PO DANG, SHA ZA DANG, YI DVAGS LA SOGS PA'I 'BYUNG PO RNAMS PHYOGS PHYOGS SU RGYU BA KHA DOG SNA TSOGS 'JIGS SU RUNG BA, GRUB THOB RNAMS 'DI'I LAM NYAMS SU LEN PA'I RNAL 'BYOR PA RAB GRUB PA THOB PA, 'BRING LAM NYAMS SU LEN PA'I RIG PA 'DZIN PA, THA MA LA MA NYAMS SU MI LEN KYANG DAM TSIG SPYOD PA STE DAM TSIG SRUNG BA DANG, RTZE GCIG PA'I NGES DON NI; RNAL 'BYOR PA DE RNAMS RDO RJE 'JIGS BYED CHEN PO'I GO 'PHANG DON DU GNYER BA 'BA' ZHIG LAS GZHAN DU MI GA-YO BA DANG, GCER BUS THA MAL GYI SNANG ZHEN MED PA, SKRA BSHIG PAS MTSAN 'DZIN GYI MDUD PA GROL BA, PHYAG RGYA LNGAS YE SHES LNGA, KHA tV'Am GAS LHA'I SKU DANG BDE BA, d'A MA RUS YUM DANG STONG PA NYID, THOD PAS BDE STONG DBYER MED DANG RIG MAR SNYOMS PAR SBYOR BA, THOD PAS SPYI BOR BRGYAN PA NI, BDE BA'I RTEN KUNDA LTA BU SPYI BOR GNAS PAS DGA' BZHI 'DREN PA, DGOD PAS BDE BA RGYAS PA, DUR KHROD DU 'JUG PAS BDE BAS YUL BDAG MED PA'I STONG PA NYID NGES PA STE 'BRAS DUS KYI GNAS LUS LONGS SPYOD THAMS CAD BDE STENG DE GNYIS BSGOMS PA LAS BYUNG BA MTSON NO, ,GZHAN YANG LAm MTHUN MONG BA LTAR NA DUR KHROD KYIS MI RTAG PA DANG NGES 'BYUNG, SRUNG 'KHOR GYIS BYANG CHUB KYI SEMS, ME RIS YANG DAG PA'I LTA BA STE LAM GYI GTZO BO GSUM MTSON PA DANG, YANG DUR KHROD KYI ROS MI RTAG PA DANG 'KHOR BA'I NYES DMId
, ,DANG GANG ZAG GI BDAG MED DE SKYES BU CHUNG 'BRING GI LAM DANG, CHUS KUN RDZOB BYANG CHUB KYI SEMS, KLUS PHAR PHYIN DRUG GAM BCU, DE'I LAG GI NOR BUS BSDU BA'I DNGOS PO BZHI STE SKYES BU CHEN PO'I LAM MTSON LA; SNGAGS LUGS LTAR NA PAD 'DAB RE BZHIS LTE BA'I RTZA 'DAB RE BZHI, DE'I PHYED SUM CU RTZA GNYIS KYIS SPYI BO DANG GSANG GNAS KYI RTZA 'DAB SO GNYIS, DE'I PHYED BCU DRUG GIS MGRIN PA'I RTZA 'DAB BCU DRUG ,DE'I PHYED BRGYAD KYIS SNYING GA DANG NOR BU'I RTZA 'DAB BRGYAD, PADMA'I LTE BAS DBU RKYANG RO GSUM STE RTZA GSUM 'KHOR LO DRUG MTSON, CHOS 'BYUNG GI DBYIBS ZUR GSUM BHA GA'I RNAM PAR YOD PAS PHYI'I RKYEN LAS RGYA DANG SNYOMS PAR 'JUG PA, DE LA ZUR GSUM YOD PAS RNAM THAR SGO GSUM, PHYI DKAR BAS RANG BZHIN RNAM DAG GI STONG NYID, NANG DMAR BAS BDE BA CHEN PO, STOD JE RGYAS SU SONG BAS SA LAM GYI YON TAN DANG BDE STONG JE RGYAS SU SONG BA, DE LTA BU'I CHOS 'BYUNG GI NANG DU RTEN BRTEN PA'I DGYIL 'KHOR BSGOMS PAS, LAM DANG 'BRAS BU'I YON TAN THAMS CAD BDE STONG GI RNAM 'PHRUL YIN PA MTSON, YANG SHING GI RTZA DBU MA, PHYOGS SKYONG GI THUR SEL DANG ZHING SKYONG GIS SROG 'DZIN GYI RLUNG, MES SROG THUR BSRES PA'I GTUM MO'I ME, SPRIN GYIS SPYI BO'I BYANG SEMS, DUR KHROD DANG BCAS PA THAMS CAD BRGYAD TSAN DU GNAS PAS DGA' BZHI LUGS 'BYUNG DANG LUGS LDOG BRGYAD, GRUB CHEN GYIS LAM NYAMS SU LEN PA'I GANG ZAG ,RIS
GZUNG 'DZIN GYI RTOG PAS MI GA-YO BA'I BDAG MED RTOGS PA'I SHES RAB, MCHOD RTEN GYIS DE LTAR NYAMS SU BLANGS PAS SKU GSUM GYI GO 'PHANG THOB PA MTSON NO, ,DE LTA BU'I 'JIGS SU RUNG ZHING SHIN TU NGO MTSAR BA'I DUR KHROD RNAMS KYIS BSKOR BA'I GZHAL YAS KHANG LHA DANG MI LAS YON TAN KHYAD PAR DU 'PHAGS PA'I KHANG BZANG DAM PA PHYI BLTAS NANG GSAL ZHING, NANG BLTAS PHYI GSAL BA'I NANG GI RE'U MIG DGU PA'I DBUS SU BDE STONG GI NGO BO YAm YIG DMAR NAG ZHIG BYUNG, DE 'OD DU ZHU BA LAS DRAG PO MNGON SPYOD KYI LAS MYUR DU 'GRUB PA MTSON PA'I RLUNG GI DKYIL 'KHOR, ME RLUNG 'DRES PA'I NAG LA CUNG ZAD DMAR MDANGS CHAGS PA ZLUM PO SKAD CIG KYANG MA SDOD PAR YOM YEM GA-YO BA'I STENG DANG, NANG GI LHO DANG NUB DANG BYANG GI RE'U MIG GRU BZHI PA RNAMS DANG, SGO BZHI'I SGO KHYUD KYI NANG GI GNAS SO SOR SNA TSOGS PADMA DANG DE'I LTE BA'I STENG DU NYI MA'I DKYIL 'KHOR DMAR 'KHYIL LE BA BCAS KYI GDAN ZUNG RE RE DANG, RE'U MIG NANG MA'I SHAR DANG, RE'U MIG PHYI NANG GI GRVA BZHIR SNA TSOGS PADMA DANG ZLA BA'I GDAN ZUNG RE RE BSAM, 'DI'I LHA KHRO BO GZHAN RNAMS LA NYI GDAN DANG GTI MUG GSHIN RJE'I GSHED LA ZLA GDAN 'BYUNG BA'I KHYAD PAR GSUNGS PA RNAMS DRIS LAN DU BZHUGS PAS 'DIR MA BRIS SO, ,GNYIS PA BRTEN PA RGYU RDO RJE 'DZIN PA BSKYED PA NI, SKABS 'DIR SNGAR BDE STONG DBYER MED KYI NGANG DU GNAS PA DRAN TZAM BYAS NAS, GDAN DBUS MA'I STENG DU AA YIG DANG PO ZHIG THOL GYIS BYUNG BA 'OD DU ZHU BA LAS ZLA
, ,BA'I DKYIL 'KHOR DKAR BSIL NYA GANG BA ZHIG TU GYUR PAR BSAM LA 'KHOR 'DAS THAMS CAD KYI RTZA BA RLUNG SEMS ZLA BAR SNANG BA DE NGA'O SNYAM DU NGA RGYAL BYA STE DE NI MNGON BYANG LNGA'I NANG NAS ZLA BA LAS BYANG CHUB PA DANG, YE SHES LNGA'I NANG NAS ME LONG YE SHES LAS BYANG CHUB PA'O, ,DE'I DBUS SU CHU LAS CHU BUR RDOL PA LTAR DH'I: YIG SER PO RING CHA CHOG DRAG DANG BCAS PA RANG SGRA SGROG BZHIN PA ZHIG THOL GYIS BYUNG BA 'OD DU ZHU BA LAS RANG SEMS DANG RJE BTZUN 'JAM PA'I DBYANGS KYI THUGS DBYER MED KYI NGO BO GSER GYI RDO RJE RTZE LNGA PA PHYED PAS YU BA CAN GYI RAL GRI SNGON PO SO GNYIS PA YU MTSAMS SU DH'I: SER POS MTSAN PA, DE LAS 'OD ZER PHYOGS BCUR 'PHROS PAS, PHYOGS BCU'I RGYAL BA SRAS BCAS THAmS CAD 'JAM DPAL RIGS LNGA'I RNAM PA STE, SHAR DANG SHAR LHO'I RGYAL BA THAMS CAD SNGON PO GA-YAS RDO RJE, LHO DANG LHO NUB PA RNAMS SER PO GA-YAS RIN PO CHE, NUB DANG NUB BYANG PA RNAMS DMAR PO GA-YAS PADMA, BYANG DANG BYANG SHAR PA RNAmS LJANG GU GA-YAS SNA TSOGS RDO RJE, STENG 'OG GI RGYAL BA RNAMS DMAR SER GA-YAS RAL GRI 'DZIN CING GA-YON THAMS CAD PO TI 'DZIN PA, RIN PO CHE'I RGYAN DANG NA BZA' SOGS KYIS SPRAS PA DPAG TU MED PA SPYAN DRANGS, RAL GRI DH'I: DANG BCAS PA LA THIM PA LA NGA RGYAL BYA, SLAR DE NYID YONGS SU GYUR PA LAS RANG NYID SKYE BA SPRUL SKUR 'KHYER BA'I RGYU BYED PA'I RGYU RDO RJE 'DZIN PA 'JAM DPAL GZHON NUR GYUR PA LONGS SKU'I RNAM PA CAN SKU MDOG SER PO LO BCU DRUG LON PA LTA BU MDZES SHING YID DU
'ONG BA SPYAN GSUm SPYAN DKYUS RING ZHING CUNG ZAD GDANGS PA, SMIN DBUS SU KHRO GNYER CUNG ZAD BSDUS PA'I YID TZAM KHROS PA, PHYAG YAS RDO RTZE LNGA PA PHYED PA'I YU BA CAN GYI RAL GRI SO GNYIS PA, RTZE NAS ME LCE CUNG ZAD 'BAR BZHIN PA 'PHYAR ZHING, GA-YON THUGS KAR SDIGS MDZUB MDZAD PAS GLEGS BAm STE, RGYAL BA THAMS CAD KYI MKHYEN RAB RAL GRI DANG YIG 'BRU'I RNI PAR SHAR BA 'DZIN PA, ZHABS RDO'I SKYIL KRUNG GIS BZHUGS PA, MTSAN SO GNYIS DANG DPE BYAD BRGYAD CUS SPRAS PA, DBU SKRA THAMS CAD SPYI BOR SNE MO NANG DU BCUG STE 'KHYUD MO GNYIS KYIS STED 'OG TU BSDAMS PA'I RTZE MOR NOR BU'I TOG YOD PA RTZE'I ZUR PHUD DANG 'KHYUD MO'I BAR GNYIS KYI GA-YAS GA-YON DU ZUR PHUD RING STE ZUR PHUD LNGA DANG LDAN ZHING, DBU RGYAN, SNYAN RGYAN, MGUL RGYAN, SE MO DO, DO SHAL, PHYAG GDUB, ZHABS GDUG 'OG PAG STE RIN PO CHE'I RGYAN BRGYAD KYIS BRGYAN PA SKU STOD LHA RDZAS KYI GOS KYI GA SHAL DANG, SKU SMAD LHA RDZAS KYI GOS KYI SHAM THABS GSOL BA, SHIN TU PHRA BA'I RLUNG SEMS TZAM LAS GRUB PAS DVANGS GSAL 'OD KYI RANG BZHIN CAN SANGS RGYAS NANG PHAN TSUN DANG SA BRGYAD PA YAN GYI BYANG SEMS MA GTOGS THA MAL BA'I MIG GIS MI MTHONG BA LONGS SPYOD RDZOB PA'I SKU DNGOS YIN SNYAM DUNG RGYAL BYA'O, ,DE'I THUGS KAR A'RA LAS NYI MA'I DKYIL 'KHOR DMAR KHYIL BA REG BYA SHIN TU TSA BA'I RANG BZHIN CAN DU BSAm, 'DI NI GZHI DUS SU 'CHI BA 'OD GSAL MNGON DU GYUR PA NA SRANG MDA'I MTHO MDA' BZHIN DU CHOS GZHAN GYIS BAR MCHOD PAR GANG DU SKYE 'GYUR GYI LUS DBYIBS CAN GYI BAR DO'I LUS RANG DBANG MED PAR GRUB PA DANG CHOS MTHUN ZHING DE SBYONG BYED LAm DUS SU BZHIN LAG GI RNAM PA CAN GYI SGYU MA'I SKUR LDANG BA DANG, 'BRAS DUS SU KHA SBYOR YAN LAG BDUN LDAN GYI LONGS
, ,SKU 'GRUB PAR GSUNGS PAS NA, BAR DO LONGS SKU'I LAM 'KHYER ZHES BYA, MTSON DON GZHI DUS LA SBYAR NA ZLA BAS 'CHI BA 'OD GSAL GYI BZHON PAR GYUR PA'I SHIN TU PHRA BA'I RLUNG SEMS, DH'I: SA BAR DO BA'I DAG ,RAL GRIS YID, 'OD ZER SPRO BSDU BYA BA, 'JAM DPAL GYIS BAR DO'I LUS, THUGS KA'I NYI MAS BAR DO RANG GI CHAGS PAS BCINGS PA MTSON, LAM 'BRAS GNYIS LA SBYAR NA, ZLA BAS 'CHI BA DANG 'DRA BA'I 'OD GSAL GYI BZHON PAR GYUR PA'I RLUNG SEMS DH'I: SA GSUNG, RAL GRIS THUGS, 'JAM DPAL GYIS SKU, THUGS KA'I NYI MAS SLOB MI SLOB KYI ZUNG 'JUG PA'I SKU DANG DBYER MED PA'I THUGS DON GYI 'OD GSAL MTSON PA YIN GSUNGS TE NYI DKYIL NI BAR DO DANG SKYE BA GNYIS KA LA 'KHYER DGOS GSUNG, DE DAG GIS GZHI'I BAR DO SBYONG ZHING, LAM DUS KYI SGYU LUS 'GRUB PA'I SMIN BYED DANG, 'BRAS DUS SU LONGS SKU 'GRUB PA'I BAG CHAGS KHYAD PAR CAN 'JOG PA'O, ,GSUM PA SKYE BA SPRUL SKU'I LAM KHYER NI, DE NAS GDUL BYA MA DAG PA RNAMS KYIS DNGOS SU MI MTHONG BA'I SGYU MA'I LUS 'DI TZAM GYIS SEMS CAN GYI DON BYA MI NUS PAS RAGS PA'I SPRUL SKU BZUNG NAS SEMS CAN GYI DON BYA'O SNYAM PA'I 'PHEN PA DANG THA MAL GYI SKYE BA SBYANG BAR BYA'O SNYAM DU BSAM LA THUGS KA'I NYI DKYIL DE LAS 'OD ZER DPAG TU MED PA PHYOGS BCUR SPROS PAS, RNAM SNANG DANG SOGS KHONGS NAS BSTAN PA RIN 'BYUNG, 'OD DPAG MED, DON GRUB STE,
SANGS RGYAS BZHI, RDO RJE RNON PO DANG SOGS KHONGS NAS BSTAN PA RDO RJE RAL GRI, BYAMS PA, 'JAM DPAL, YE SHES SKU, NGAG GI DBANG PHYUG ,ZLA BA'I 'OD, YE SHES MTSO, RDO RJE SNA TSOGS, RDO RJE GNOD SBYIN, RDO RJE KHU TSUR, RDO RJE CHOS, RDO RJE BSRUNG BA, RNON PO RDO RJE, RDO RJE RGYU, DRA BA'I 'OD, RDO RJE SMA BA, RDO RJE SEMS DPA', RDO RJE RGYAL PO, RDO RJE CHAGS PA, RDO RJE LEGS PA, RDO RJE RIN CHEN, NYI MA'I 'OD, RDO RJE NYI MA, RDO RJE DPA', RDO RJE BZHAD PA, SPOS KYI GLANG PO, YE SHES TOG ,THAMS CAD THABS KYIS 'GRO BA, RGYA MTSO'I BLO GROS, BLO GROS MI ZAD PA, BDUD RTZI'I 'OD DE BYANG SEMS SO GNYIS, RDO RJE LCAGS KYU LA SOGS PA'I KHRO BO BRGYAD, SEMS MA RDO RJE MA LA SOGS PA'I SEMS MA BZHI DANG, DE RNAMS KYI GTZO BO 'JAM DPAL TE RGYU'I LHA ZHE DGU'AM, BLOS MA CHUN NA GONG DU BSHAD PA'I 'JAM DPAL RIGS LNGA'I RNAM PA CAN DPAG TU MED PA SPYAN DRANGS TE NYI MA LA THIM ZHING, DE DANG MNYAM DU RANG 'JAM DPAL DU GSAL BA'ANG NYI MA LA ZHUGS PAS DE NYID REG BYA SHIN TU TSA BA GDUG PA CAN THAMS CAD SREG PAR BYED PA'I 'OD ZER GYIS DPAG TSAD STONG PHRAG BRGYAR KHYAB PA 'OG GI ZLA BA'I STENG DU GNAS PAR BSAM LA NGA RGYAL BYA STE ZLA BA'I STENG DU DH'I: YIG BSKYED PA NAS 'DI'I BAR NYI MA DANG MNYAM NYID YE SHES LAS BYANG CHUB PA'O, ,DE'I DBUS SU H'Um YIG MTHING NAG RANG SGRA SGROG PA MI TSAD TZAM ME 'OD KHA DOG SNA LNGA 'PHRO BA, DE LAS 'OD ZER
, ,SNGAR LTAR SPROS PAS PHYOGS BCU'I RGYAL BA THAMS CAD 'BRAS BU'I LHA ZHE DGU 'AM, BSDU NA RDO RJE 'JIGS BYED KYI RNAM PAR SPYAN DRANGS NAS H'Um LA THIM PAS KHRO BO'I RDO RJE KHA DOG NAG PO PHYOGS RVA RNAMS DBUS RVA LA MA REG PAR GDENGS PA'I RNAM PA CAN STENG 'OG SO SOR BZHI RE YOD PAS BRGYAD DANG DBUS RVA STENG 'OG GCIG TU BRTZIS PA'I RVA DGU PA SHIN TU CHE BA STENG TSANGS PA'I 'JIG RTEN DU SLEBS PA TZAM ME'I RANG BZHIN GYI 'OD ZER DRAG LA RTZUB PA SNA LNGA 'PHRO BA, LTE BA LA H'Um YIG MTHING NAG RANG SGRA SGROG PAS MTSAN PAR BSAM LA NGA RGYAL BYA STE SA BON DANG PHYAG MTSAN LAS BYANG CHUB PA DANG SOR RTOG YE SHES LAS BYANG CHUB PA'O, ,DE LAS NYI MA'I DKYIL 'KHOR DPAG TU MED PA'I STENG DU RANG 'DRA'I RDO RJE PHRA MO DPAG TU MED PA SPROS NYI MA'I DKYIL 'KHOR GYI STENG GI RDO RJE 'GA' ZHIG SANGS RGYAS DANG 'GA' ZHIG BYANG CHUB SEMS DPA' DANG, 'GA' ZHIG KHRO BO DANG, 'GA' ZHIG RIG PA'I TSOGS DPAG TU MED PAR GYUR PA SPROS PAS NAMKHA'I KHAMS THAMS CAD TIL GYI GANG BU LTAR GANG BA, NYI MA LA GNAS PA'I LHA DANG RDO RJE DE RNAMS KYIS SEMS CAN RNAMS DKYIL 'KHOR DU BCUG NAS DBANG BSKUR BA DANG, SPYI BOR BZHUGS TE SBYOR MTSAMS NAS BDUD RTZI'I RGYUN 'BEBS PA DANG, 'OD ZER LA SOGS PAS REG PA TZAM DANG, TSAR BCAD RJES 'DZIN SOGS GANG LA GANG 'DUL GYI SGO NAS RGYUD SMIN PAR BYAS
SMIN PA DE NYID DPAL RDO RJE 'JIGS BYED KYI GO 'PHANG LA BKOD NAS GROL BAR BYAS PA, DE RNAMS DANG PHAR SPROS PA'I LHA TSOGS THAMS CAD LHAN CIG TU 'DUS TE RDO RJE'I LTE BA'I H'Um YIG LA THIM PAR BSAM PA NI BYA SGRUB YE SHES LAS BYANG CHUB PA DANG SKAD CIG MA LAS BYANG CHUB PA'O, ,ZLA NYI KHA SBYAR RDO RJE H'Um DANG BCAS PA YONGS SU GYUR PA LAS 'BRAS BU RDO RJE 'DZIN PA DPAL RDO RJE 'JIGS BYED YUM DANG BCAS PA SKU MDOG MTHING NAG ZHAL DGU PHYAG SO BZHI, ZHABS BCU DRUG PA GA-YAS BSKUMS SHING GA-YON BRKYANGS PA'I STABS KYIS ME DPUNG RAB TU 'BAR BA'I DBUS NA BZHUGS PA LA NGA RGYAL DANG GSAL SNANG MDOR BSDUS BYA STE SKU RDZOGS PA DANG CHOS DBYINGS YE SHES LAS BYANG CHUB PA STE SKYE BA SPRUL SKU'I LAM 'KHYER RO, ,'DI RNAMS GZHI LA SBYAR NA, TSOGS ZHING MCHOD PA NAS TSAD MED BZHI'I BAR NI, SKYE BA PHYI MA 'DZAM BU GLING PA'I MI MNGAL SKYES KHAMS DRUG LDAN DAL 'BYOR GYI CHOS BCO BRGYAD DANG LDAN PA THOB PA'I PHYIR DU BSOD NAMS KYI TSOGS GSOG PA DANG CHOS MTHUN, DE NAS RJES ZHIG GI SDUD RIM BYAS TE SNGAGS GNYIS LA SOGS LA BRJOD DE BDE STONG DBYER MED KYI CHOS SKU LA NGA RGYAL 'JOG PA NI, LAS BSAGS NAS PHUNG PO RNYING PA DOR TE 'CHI BA 'OD GSAL MNGON DU GYUR PA DANG CHOS MTHUN, 'BYUNG BZHI NAS GZHAL YAS KHANG GDAN BCAS KYI BAR BSKYED PA NI DAL 'BYOR GYI RTEN DU SKYE BA
, ,LEN PA'I GNAS 'DZAM BU GLING SOGS GRUB PA DANG CHOS MTHUN, DE'I STENG DU ZLA BA'I DKYIL 'KHOR LA GNAS PA'I RGYU RDO RJE 'DZIN PA BSKYED PA NI, 'CHI BA 'OD GSAL MNGON DU GYUR PA 'GAd MA THAG DAL 'BYOR GYI RTEN DU SKYE 'GYUR GYI BAR DO GRUB PA DANG CHOS MTHUN, ZLA BAS PHA'I KHAMS DKAR PO DANG THUGS KA'I NYI MAS MA'I KHAMS DMAR PO MTSON ZHING 'JAM DPAL DANG BCAS PA NYI MA LA ZHUGS PA NI PHA MA'I KHAMS DKAR DMAR GYI DBUS SU BAR DO BA'I RNAM SHES NYER MTSAMS SBYOR BA DANG CHOS MTHUN, DE'I STENG GI H'Um YIG GIS MNGAL GYI GNAS SKABS SU NGAG GI SA BON PHRA MO BYED PA LCE RKAN GRUB PA DANG, 'OD ZER SPRO BSDU RNAMS KYIS MNGAL NANG DU LUS KYI CHA SHAS RIM GYIS RDZOGS PA DANG CHOS MTHUN, DE NAS 'BRAS BU RDO RJE 'DZIN PAR BZHENGS PA NI MNGAL NANG NAS PHYI ROL DU BTZAS TE SO SKYE'I MIG GI SPYOD YUL DU GYUR PA DANG CHOS MTHUN TE DES GZHI LA LAS NYON GYIS GZHAN DBANG CAN GYI SKYE BA SBYONG ZHING, LAM DUS SU RAGS PA'I SPRUL SKU BZUNG BA'I SMIN BYED DANG, 'BRAS DUS SU SEMS CAN GYI DON DU RAGS PA'I SPRUL SKU 'GRUB PA'I NUS PA KHYAD PAR CAN 'JOG GO ,DE LTAR RANG NYID 'BRAS BU RDO RJE 'DZIN PAR LAM GYIS BSKYED NAS NGA RGYAL DANG GSAL SNANG MDOR BSDUS BSGOM PA'I RJES SU RIM GYIS GSAL 'DEBS PA NA, SKU MDOG MTHING NAG ZHAL
DGU'I RTZA ZHAL DANG GA-YAS GA-YON GYI ZHAL DRUG STE BDUN PO DBU'I RDZA MA DANG MGRIN PA GCIG LA SNYAN TSUN CHAD 'BUR DU DOD PA, RTZA ZHAL NAG PO MA HA'I GDONG PA CAN RVA SNGO ZHING RNO LA RTZE MOR ME 'BAR BA GNYIS DANG LDAN PA, DE'I GA-YAS GA-YON GYI ZHAL SNGO DKAR GNYIS RTZA ZHAL LTA BU DANG DE'I GA-YAS GA-YON GNYIS DE LAS GYES PA LTA BU STE RVA'I RTZA BA'I GA-YAS KYI ZHAL DANG PO'AM DBUS MA SNGON PO, DE'I GA-YAS ZHAL DMAR PO, GA-YON ZHAL SER PO; RVA'I RTZA BA'I GA-YON GYI ZHAL DANG PO'AM DBUS MA DKAR PO, DE'I GA-YAS ZHAL DUD KA, GA-YON ZHAL NAG PO, RTZA ZHAL GYI STENG RVA GNYIS KYI BAR DU SRIN ZHAL DMAR PO, DE'I STONG DU 'JAM DPAL GYI ZHAL SER PO, YID TZAM KHROS PA GZHON NU'I RGYAN ME TOG GI 'PHRENG BA'I RGYAN DANG RAL PA'I ZUR PHUD LNGA DANG LDAN CING MGRIN PA YAN CHAD THON PA, ZHAL GZHAN BDUN KHRO BO'I ZHAL CAN TE RTZA ZHAL GYI RGYAB TU ZHAL MED CING KHRO ZHAL RNAMS KYI RAL PA DMAR SER GYEN DU 'BAR BA, BSDIGS PA'I GAD MO HA HA, DGYES PA'I GAD MO HE HE, SGEG PA'I GAD MO HI HI, ZIL GYIS GNON PA'I GAD MO HO HO STE, DPA' BO'I GAD MO BRGYAD DAM, HA H'A, HE HE; HO HO; HAm HA: STE BZHAD PA BRGYAD SGROG PA, MA HE'I ZHAL DANG, SRIN ZHAL DANG 'JAM ZHAL GSUM GYIS RIM PA LTAR, ZHE SDANG, 'DOD CHAGS, GTI MUG GSUM BCOM PA DANG, KHAMS GSUM GYI GTZO BO GSUm
, ,ZHABS 'OG TU MNAN PAS KHAMS GSUM ZA BAR NUS PA MTSON ZHING, KHRO ZHAL BRGYAD PO THAMS CAD ZHAL GNAM SA'I BAR DU GDANGS SHING GLOG 'KHYUG PA LTA BU'I LJAGS 'DRIL BA, MCHE BA GANGS RI LTA BU BZHI BZHI GTZIGS PA, RAL GRI'I SO LTA BU'I KHRO GNYER SHIN TU BSDUS PA, SMIN MA RDZI MA DANG, ZHAL GYI DU SKYES PA'I SMA RA, KOS KOR SKYES PA'I AOG TSOM DANG, BA SPU RNAMS LAS 'DOMS GANG KHOR YUG 'OD ZER DANG DE NAS ME 'OD 'PHRO BA, SPYAN RTZA KHRAG RLON GYIS BYUGS PA LTAR DMAR ZHING, SPYAN 'BRAS RNAMS 'JIG DUS KYI ME LTAR 'BAR ZHING GA-YO BA, 'JIGS PA NI 'JIG RTEN GYI LHA MTHU BO CHE RNAMS YIN LA DE RNAMS KYANG 'JIGS PAR MDZAD PA, PHEEm KA RA ZHES PA'I SGRA 'BRUG STONG DUS GCIG TU LDIR BA SGROG PA STE, DE'I NGES DON KHOS SHIG STE SNGAGS 'DI'I MTHUS GNAS GSUM GYI MKHA' 'GRO THAMS CAD 'DU YI, GAL TE MA 'DUS NA MGO BO KHOS SHIG STE GAS PAR GYIS SHIG ,CES PA SRIN ZHAL GYIS SGROG CING, MI'I KHRAG DANG ZHAG DANG RKANG DANG TSIL BU SRIN ZHAL GYIS GSOL ZHING DE LAS KHRAG GI RGYUN 'DZAG PAS CHOS THAMS CAD MKHYEN PAS GDUL BYA LA CHOS GSUNG BA MTSON, KHRO ZHAL BRGYAD PO THAMS CAD LA RDO RJE'I 'PHRENG BA STOD SMAD DU GNAS PA GNYIS LA BRGYUS PA'I GSHIN RJE DANG BDUD DANG, YI DVAGS DANG, SRIN PO DANG, GNOD
SBYIN TE 'JIGS SU RUNG BA LNGA BSGRAL BA'I THOD SKAM SOR LNGA PA LNGAS DBU BRGYAN CING, DE RE RE'I STENG DU MI BSKYOD PA DBUS SU BZHUGS PA'I SANGS RGYAS RIGS LNGA RE RE YOD PA'I MTHA' MA tAS BRGYAN PA'I RUS PA'I RTZE PHRAN, THOD SKAm GYI KHA 'GUG NAS KHA 'GUG GI BAR LA RUS PA'I PHRENG BA NYIS GSHIBS DANG DBUS NAS DRA PHYED GSUM GSHIBS RE 'CHANG BA'I DBUS MA YE SHES KYI SPYAN LA MA REG TZAM DANG GA-YAS GA-YON RNAMS KYIS RNA BA'I PHYED NON PA TZAM, MI'I RGYU MA LA KHRAG 'DZAG PA'I MI MGO RLON PA SPYI BO NAS KOS KOR BRGYUS PA LNGA BCU'I PHRENG BA PHRAG PA NAS BRLA PHRA SBOM GYI MTSAMS SU SLEBS PAS BRGYAN PA, SBRUL NAG PO GNYIS PHRAG PA GA-YAS GA-YON NAS MCHAN KHUNG GNYIS SU BSNOL TE MGO MJUG SNYING KHAR MDUD PA'I MCHOD PHYIR THOGS, KHRO ZHAL SO SO'I SPYI BOR RUS PA'I 'PHRENG BA LAS GRUB PA'I 'KHOR LO RTZIBS BRGYAD PA LTE BA DANG BCAS PA'I DBU RGYAN TE DBU SKRA DANG PHAN TSUN MI SGRIB PA, RTZA ZHAL GYI SNYAN GNYIS LA DBUS SU RDO RJE RTZE GSUM PAS MTSAN PA'I RUS PA'I 'KHOR LO RTZIBS BRGYAD PA PHYI DBYIBS GRU BZHI PA 'DOGS LUNG DANG BCAS PA LAS RUS PA'I DRA BA GSUM DANG DBUS NAS GSUM DANG 3GA-YAS GA-YON NAS RE RE STE DRA PHYED LNGA 'CHANG BA'I SNYAN RGYAN, MGRIN PAR DBUS DANG GA-YAS GA-YON DU RUS PA'I RDO RJE RTZE GSUM PA'I GZHUNG GSUM LA RUS PA'I PHRENG BA BRGYAD BRGYAD BSNOL MAR BTANG BA'I GSHAM NAS DRA BA DRA PHYED 'CHANG BA'I MGUL
, ,RGYAN, SOG PHRAG DANG SNYING GAR PHYI DBYIBS GRU BZHI PA'I RUS PA'I 'KHOR LO RTZIBS BRGYAD PA DBUS SU RDO RJE RTZE GSUM PAS MTSAN PA'I ZUR BZHI NAS RUS PHRENG NYIS GSHIBS PHRAG GONG DANG MCHAN 'OG TU BSNOL MAR BTANG BA'I MDUN DU DRA BA DRA PHYED 'PHYANG BA'I RUS PA'I SE RAL KHA, LTE BAR DBUS DANG MTHA' BZHIR RDO RJE RTZE GSUM PA'I GZHUNG LNGA LA RUS PHRENG BCU DRUG BSNOL MAR BTANG BA LAS DRA BA LNGA DANG DRA PHYED BCU GSUM STE BCO BRGYAD NYI LER 'PHYANG BA'I GA-YAS GA-YON GYI GSUM GSUM GYI DBUS MA BYIN PA DANG DE'I GA-YAS GA-YON GNYIS GNYIS KYIS PUS MO NON PA TZAM BYAS PA'I SNER SHAR BU DANG GA-YER KHA SOGS KYIS MDZES PA'I SKE RAGS SAM 'OG BAG ,PHYAG GI MKHRIG MA GNYIS, DPUNG MGO GNYIS, ZHABS KYI BOL GONG GNYIS BCAS LA RDO RJE RTZE GSUM PA'I GZHUNG GSUM LA RUS PHRENG LNGA BSNOL MAR BTANG BA LAS DRA BA DRA PHYED 'PHYANG BA'I GDU BU DRUG ,SKU LUS THAMS CAD LA MI RUS MER BSREGS PA'I THAL BA SNGON POS BYUGS PA'I STENG DU SKYES PA'I RUS PA DKAR PO ZHIB MOR BYAS PA'I THIG LE LNGA TSOM CAN DU MAS BYUGS PA DE LTA'I MGUL RGYAN, GANG DU BU; RNA CHA; SPYI BO'I 'KHOR LO, MCHOD PHYIR THOGS LNGA LA PHYAG RGYA LNGA'AM RUS PA'I RGYAN LNGAR GRAGS SHING, DE'I STENG DU THAL CHEN BSNAN PA RGYAN DRUG GO ,NA BZA' MED PA GCER BU'I GSUGS CAN, GSUS PA STE LTO BA SHIN TU CHE
ZHING SBOM PA GSHIN RJE LTAR KHROS PA'I TSUL CAN, SOG PA'I DKAR YOL KHA GCIG NAS THON PA'I GA-YAS GA-YON DU PHYAG BCU BDUN RE YOD PA MDUN DU BRGYAD DANG RGYAB TU BRGYAD DE STAR GNYIS STENG 'OG TU BRTZEGS TE BSGRIGS PA'I MDUN RGYAB GNYIS KYI STENG GI 'DZOM NAS PHYAG DANG PO GNYIS THON PA, GA-YAS PA RNAMS KYI SDIGS MDZUB GYEN DU BSGRENGS PAS 'DAS PA'I LHA RNAMS DANG, GA-YON PA RNAMS KYI SDIBS MDZUB 'OG TU PHYOGS PAS 'JIG RTEN PA RNAMS LA BSDIGS PAR MDZAD PA, PHYAG GA-YAS GA-YON GYI DANG PO GNYIS KYIS GLANG PO CHE'I PAGS PA RLON PA KHRAG LDAN SNGO SKYA MGO GA-YAS PHYOGS DANG SBU PHYIR BSTAN TE LAG PA DANG RKANG PA GA-YON PA'I PAGS PA NAS BRGYANGS TE 'DZIN PA NI, GLANG POS GTI MUG MTSON LA, DE'I PAGS PA BSHUS PAS NI GTU MUG BCOM PA MTSON, 'DI LA PHYAG DANG PO GNYIS ZER BA NI GA-YAS GA-YON DU PHYAG BCU BDUN RE YOD PA'I DANG PO YIN LA, GRI THOD 'DZIN PAR DANG PO ZER BA NI GLANG LPAGS 'DZIN PA PHUD PA'I GA-YAN GA-YON DU PHYAG LHAG MA BCU DRUG RE YOD PA'I DANG PO YIN NO, ,PHYAG MTSAN GZHAN RNAMS NI GO SLA BAS 'DIR JI GSUNGS 'GOD MA NUS SHING ,DHI DHI P'A LA NI, LCAGS DBYUG RTZE RNO BA'I MGOR RMA BYA'I SGRO PHOD CAN, GTUN SHING NI 'BRAS BRU BA'I YAS GTUN, CHU GRI NI CHU NANG GI NYA'I LTO BA GSHAG BYED YIN PAS NA CHU GRI ZER BA YIN ZHES DANG, RGYA GAR GYI CHU MA BA RNAMS KYI SKED PAR 'CHANG
, ,BAS CHU GRI ZER BA YIN ZHES PA'I LUGS GNYIS YOD CING DBYIBS PHRA SBOM SPEL BA'I GSUM 'KHYOG CAN, KA nA YA NI, MDUNG THUNG LA ZHAGS THAG BTAGS TE 'PHANGS NAS ZHAGS PAS 'THEN PAR BYED PA, KH'A tAm GA NI YU BA DKAR PO BRGYAD ZHOGS CAN MAR RTZE JE PHRAR SONG BA'I RDO RJE RTZE GCIG PA'I DBYIBS CAN GYI STENG DU BUM PA DE'I STENG DU SNA TSOGS RDO RJE, DE'I STENG DU MI MGO RLON PA GSAR PA SNGON PO DANG, RNYING PA RAD PO DMAR PO DANG SKAM PO DKAR PO RNAMS BRTZEGS PA'I RTZE MOR RDO RJE RTZE LNGA PA RDZOGS PA GYEN 'GRENG CAN, BUM PA'I 'OG NAS DRIL CHUNG DANG PHAN RTZE GSUM CAN 'PHYUNG BA LAS 'DI LA d'A MA RU'I GSAL KHAM BSHAD, 'KHOR LO NI, LCAGS KYI MTSON CHA'I 'KHOR LO STE RTZIBS RNAMS RAL GRI SO GNYIS PA LTA BU MU KHYUD MED CING, LTE BAR BU GA YOD PA LA MDZUB MOS SKOR TE 'PHANG DU RUNG BA, RDO RJE NI GSER GYI RDO RJE RTZE LNGA PA DANG, DRIL BU NI DES YUB BYAS PA, RDO RJE THO BA NI YU BA'I RTZE DANG THO BA'I MGOR RDO RJE PHYED PA RES MTSAN PA, RAL GRI NI RDO RJE PHYED PAS YU BA BYAS PA'I RAL GRI SO GNYIS PA TSANGS PA'I MGO BO NI SER PO GDONG BZHI PA, ZHAGS PA NI RDO RJES MTSAN PA, RKANG PA, LAG PA, RGYU MA GSUM GA MI'I RKANG PA SOGS YIN, SHIN TU CHE BA'I GZHU'I MCHOG MA NAS BZUNGS STE 'PHYAR BA BDUD
KYI GA-YUL LAS RGYAL BA'I TSUL CAN, SKYES BU GSON PO 'PHONGS NAS SPYI GTZUG GI BAR RAM SKED PA NAS PHUG STE GSAL SHING LA SKYON PA, ME THAB NI DRAG PO'I SBYIN SREG GI THAB KHUNG STEGS DANG BCAS PA ME 'BAR BA; THONG TSAL NI SKRA DANG BCAS PA'I THOD PA RKYANG PA, SDIGS MDZUB NI SDIGS MDZUB BYAS PA'I MI'I LAG PA, 'PHAN RTZE GSUM PA NI MDUNG RTZE GSUM PA NI MDUNG RTZE LA BTAGS PA, RLUNG RAS NI SHING LA BTAGS PA'I RAS KHRA BO'I DAR LCOG LTA BU'O; ;ZHABS KYI DPYI MGO GCIG NAS THON PA'I GA-YAS PA BRGYAD BSKUMS PA'I 'OG TU NYI DKYIL GYI STENG DU TSANGS PA DANG LHA'I DBANG PO DANG KHYAB 'JUG DANG DRAG PO RNAMS GZHOGS GA-YAS LHO'AM GA-YAS DANG MGO SHAR RAM MDUN DU BSTAN CING DE RNAMS KYI STENG DU MI LA SOGS PA BRGYAD MGO LHA'AM GA-YAS SU BSTAN PA, DE'I ZHABS RTING NAS RANG MTHO LNGA'I BAR DU GA-YON PA RNAMS BRKYANGS PA'I 'OG TU, GZHON NU GDONG DRUG DANG LOG 'DREN DANG ZLA NYI RNAMS GZHOGS GA-YON BYANG NGAM GA-YON DANG MGO SHAR RAM MDUN BLTA'I STENG DU BYA RGOD LA SOGS PA BRGYAD MGO BYANG NGAM GA-YON DU BSTAN PA RNAMS KYI SOG HRAG NAS MNAN PA SROG CHAGS BCU DRUG GI MJUG MA RNAMS PHAN TSUN 'PHRAD PA TZAM DANG, GA-YAS KYI ZHABS BRGYAD BSKUMS PA NI, ,DREGS PA'I LHA BRGYAD THABS KYIS 'DUL, ,GA-YON GYI ZHABS BRGYAD BRKYANGS PA NI, ,DREGS PA'I LHA MO BRGYAD LA ROL, ,ZHES GSUNGS PA'I
, ,DGONGS PA LTAR GA-YAS KYI SROG CHAGS RNAMS DBANG PO KUN TSANG GI PHO DANG, GA-YON GYI SROG CHAGS RNAMS MO'I RNAM PA CAN, KHRA NI BONG KHRA STE BYI'U'I KHRA LTAR MCHU LA KRI SKAM MED CING, ZHUM BU'I MIG LTA BU YOD PA DANG, BYA CHEN PO NI LUS NAG LA MGO DKAR BA GO BO 'DRA BA DANG, KHYIM BYA NI LUS NAG CING MCHU SER BA SHA'I SKE SKOR MTHUR 'DRA BA YOD CING MI SKAD SMRA BA RGYA GAR GYI TSONG DPON SOGS KYIS BSTEN PA DANG, BZHAD NI NGANG PA CHEN PO LUG TZAM MCHU SER ZHING LEB PA MGUL KHRA BO CAN ZHIG YOD PAR GRAGS LA GZHAN NI GO SLA'O, ,DBANG PO BRGYA BYIN NI KHA DOG DKAR PO, KHYAB 'JUG STE NYE DBANG NI NAG PO, DRAG PO STE DBANG PHYUG DKAR PO MGRIN SNGON CAN, GDONG DRUG DMAR PO 'KHOR ZHAL CAN RGYAB MDUN LA GNYIS RE DANG GA-YAS GA-YON LA RE RE YOD PA, LOG 'DREN NI BI NA YA KA TSOGS BDAG STE DKAR PO GLANG PO CHE'I GDONG PA CAN, ZLA BA DKAR PO; NYI MA DMAR SER CAN, PHYAG ZHABS KYI MTHIL RNAMS KHRAG RLON GYIS BYUGS PA LTA BU, SEN MO RNAMS RNO LA RING BA LCAGS KYU LTA BU, ME DPUNG KHA DOG SNA LNGA RAB TU 'PHRO BA TSEG SGRA DANG 'UR SGRA SOGS SGROG PAR BSAM MO, ,DE LA DAM TSIG SEMS DPA' ZHES BYA STE DAM TSIG GI SKAD DOD SA MA YA LA NGES TSIG GIS BSHAD NA 'PHRO BA DANG 'DU BA LA'ANG 'JUG PAS YE SHES PA 'PHRO ZHING 'DU BA'I GZHI YIN PAS DAM TSIG DANG, SEMS CAN GYI DON LA
SEMS PAS SEMS DPA' ZHES BYA'O, ,DE'I THUGS KAR AA LAS ZLA BA'I GDAN LA YE SHES SEMS DPA' 'JAM DPAL RGYU RDO RJE 'DZIN PA JI LTA BA BZHIN BSGOM PAR BYA STE, BDE STONG DBYER MED KYI YE SHES BZHIN LAG GI RNAM PAR SHAR BAS YE SHES DANG, SEMS DPA'I DON SNGAR LTAR RO, ,DE'I THUGS KAR AA YIG DMAR PO LAS NYI MA'I DKYIL 'KHOR GYI LTE BAR, TING NGE 'DZIN SEMS DPA' H'Um YIG MTHING GA BSAM PAR BYA STE, GANG LA DMIGS NA LHAN SKYES KYI YE SHES 'CHAR SLA BA'I PHYIR TING NGE 'DZIN DANG SEMS DPA'I DON SNGAR DANG 'DRA, DE YANG DAM TSIG SEMS DPA' NI SHA RUS SDOS BCAS KYI LUS DANG CHOS MTHUN, YE SHES SEMS DPA' NI PHRA BA GNYUG MA'I LUS DANG CHOS MTHUN, TENG NGE 'DZIN SEMS DPA' NI PHRA BA GNYUG MA'I SEMS DANG CHOS MTHUN CING, DE YANG BRIS SKU LTA BU'I LEB MO DANG, 'BUR SKU LTA BU'I LNGER PO'I RNAM PA CAN MA YIN PAR, SHA RUS SNGOS BCAS KYIS STONGS PA SNANG LA RANG BZHIN MED PA ME LONG NANG GI GZUGS BRNYAN DANG NAM MKHA'I 'JA' MTSON LTA BUR BSAM DGOS TSUL SOGS GSUNGS SO, ,BZHI PA RIG MA DANG SNYOMS PAR SBYOR TSUL NI, DE'I PANG NA YUM RDO RJE RO LANGS MA SNGAR YOD GSAL 'DEBS KYI TSUL DU BSGOM PA STE; RDO RJE NI STONG NYID DANG, DES BDAG 'DZIN BAG CHAGS DANG BCAS PA BCOMS NAS BDAG MED KYI RO LTA BUR GYUR PAS NA RO DANG, DE NYID GZUGS SKU'I RNAM PAR BZHENGS PAS NA RO LANGS MA, YAB LAS SKU BONG CUNG ZAD CHUNG BA ZHAL GCIG
, ,PHYAG GNYIS MA GA-YAS RDO RJE RTZE LNGA PAS YU BA BYAS PA'I GRI GUG 'PHYAR ZHING GA-YON THOD KHRAG BZUNGS NAS YAB KYI MGUL NAS 'KHYUD PA, THOD SKAM LNGA'I DBU RGYAN DANG, RO SKRA'I SRANG BU LA SPYI BO NAS KOS KOR RGYUS PA'I THOD SKAM LNGA BCU'I PHRENG BA CAN, THAL CHEN MA GTOGS PA'I PHYAG RGYA LNGAS BRGYAN PA ZHABS GA-YAS BRKYANGS SHING GA-YON PAS YAB KYI BRLA STENG NAS 'KHYUD PA LA NGA RGYAL DANG GSAL SNANG BYA, 'DI MAN CHAD SBYANG GZHI DANG 'DRA CHOS 'GRIG PA TZAM YOD MOD KYANG CHOS MTHUN SBYAR BA'I SGO NAS SBYANG GZHI SBYONG BYED DU BSGOM PA MED PAS 'BRAS DUS DANG CHOS MTHUN SBYOR BA YIN PAS SNGON STON PAS ZAB MO'I GDUL BYA GDUL PHYIR CHAGS CAN GYI SPYOD PA BSTAN PA LTAR BDAG GIS KYANG CHAGS CAN GYI SPYOD PAS ZAB MO'I GDUL BYA RNAMS KYI DON BYA'O SNYAM PA'I 'PHEN PA BTANG LA YAB KYI GSANG GNAS MI DMIGS PAR GYUR PA LA H'Um YIG SNGON PO LAS BYUNG BA'I PHYI RTAGS KYI RDO RJE'I DBYIBS LA NANG RDO RJE SNGON PO RTZE LNGA PA DANG DE'I RTZE MOR AOm DMAR PO LAS KRI SKAM YAN GYI NOR BU DMAR PO, DE'I NANG DU DBUS RVA'I BU GA YOD PA'I NANG PHAt YIG SER PO MGO NANG DU BSTAN PA 'OD ZER MTHUG PO 'PHRO BAS LEGS PAR BKAG PA, YUM GYI GSANG GNAS STONG PA'I NGANG LA H'Um DMAR PO LA BYUNG BA'I PADMD DMAR PO 'DAM 'DAB MA BRGYAD PA SBUG SBUG PA'I DBUS SU A'A: YIG DKAR PO LAS ZE'U 'BRU 'AM LTE BA DKAR PO DBUS SU BU GA CAN, DBU MA'I
MAR SNE DANG KHA DA CHAD DU YOD PA'I DBU MA'I BU GA PHAd YIG SER POS SNGAR LTAR BKAG PA PHAN TSUN MI SGRIB CING, MKHA' GSANG GNYIS KA REG BYA 'JAM PA YAB KYI RDO RJE RTZE LNGA PAS NOR BU'I RTZA 'DAB LNGA DANG, YUM GYI PADMA 'DAB BRGYAD KYIS DE'I RTZA 'DAB BRGYAD MTSON ZHING, NOR BU DMAR POS BYANG SEMS DKAR PO LA DMAR CHA CUNG ZAD 'DRES PA DANG, PADMA'I LTE BA DKAR POS DKAR CHA CUNG ZAD 'DRES PA'I KHAMS DMAR PO 'BAB PA MTSON, PHAt SER POS THUR SEL GYI RLUNG DANG DES BU GA BKAG PA THUR SEL BCINGS PAS KHAMS PHYI ROL DU MI 'PHO BA MTSON, DE LTAR MKHA' GSANG BYIN GYIS BRLABS PA LA DMIGS PA'I NGA RGYAL DANG GSAL SNANG BYA'O, ,DE LTAR RANG YI DAM YAB YUM DU BSGOM PA LUS LA LHA'I 'DU SHES ,GNYIS KA'I MKHA' GSANG BYIN GYIS BRLABS NAS PHAt YIG BSGOM PA NGAG LA SNGAGS KYI 'DU SHES, THABS 'DI LA BRTEN NAS ZAG MED KYI BDE BA MNGON DU BYA'O SNYAM PA YID LA CHOS KYI 'DU SHES TE DE GSUM DANG LDAN PAS SNYOMS PAR 'JUG PAS RJES CHAGS KYI DGA' BA BRTZAMS NAS SDAGS BRJOD PAR BYA STE, SNGAGS DON NI AOm NI RDO RJE GSUM MTSON BYED, SARBA THAMS CAD TA TH'A GA TA; DE BZHIN GSHEGS PA, AA NU RA GA nA RJES SU CHAGS PA, BADZRA RDO RJE, SVA BHA WA, RANG BZHIN, A'A DMA KA BDAG NYID, AA HAM NGA'O STE, DE BZHIN GSHEGS PA THAMS CAD KYI RJES SU CHAGS PA'I RDO RJE'I RANG BZHIN GYI BDAG NYID DE BA'O,
, ,ZHES PA'O, DE LTAR SNYOMS PAR ZHUGS PAS YUM GYI DBU MA'I NANG NAS RLUNG SPOS RENG GI DUD PA LTA BU BYUNG BA RANG GI DBU MA RGYUD DE LTE BA'I GTUM MO SBAR BAS SPYI BO'I BYANG SEMS ZHU BA MGRIN PA DANG SNYING GA DANG LTE BAR SLEBS PAS DGA' BA DANG MCHOG DGA' DANG, KHYAD DGA' SKYES, GSANG GNAS SU SLEBS PA NA NOR BU'I BU GA BKAG NAS PHYIR MA 'PHO BAR BCINGS PAS LHAN SKYES KYI DGA' BA SKYES ,DES YUL STONG PA NYID NGES PA'I BDE STONG DBYER MED KYI NGANG DU 'JOG PA NI RIM PA DANG PO'I SKABS KYI BSGRUB BYA'I GTZO BO YIN ZHING RTEN BRTEN PA'I DKYIL 'KHOR THAMS CAD BDE STONG DE'I RNAM ROL DU 'CHAR BA DANG ZAB GSAL GNYIS MED DU 'CHAR BA LA BSLAB DGOS SHING, DES NI RDZOGS RIM DANG 'BRAS DUS KYI BDE STONG SKYE BA SOGS KYI SMIN BYED DU 'GYUR RO, ,'DI YAN CHAD TING NGE 'DZIN GZHAN GNYIS KYI DANG POR BYUNG ZHING ,THABS SHES GNYIS MED DU SBYOR BA'I PHYIR, DANG PO SBYOR BA'I TING NGE 'DZIN ZHES BYA'O, ,GNYIS PA DKYIL 'KHOR RGYAL MCHOG GI TING 'DZIN LA GSUM, LHA BSKYED NAS MDZAD PA MDZAD DE DKYIL 'KHOR LA 'GOD PA, SKYE MCHED DANG SKU GSUNG THUd BYIN GYIS BRLABS PA, YE SHES PA BCUG NAS DBANG BSKUR RGYAS GDAB PA'O, ,DANG PO NI, RANG YAB YUM SNYOMS PAR ZHUGS PA'I SBYOR MTSAMS DANG, THUGS KA'I H'Um YIG LAS 'OD ZER DMAR PO LCAGS KYU LTA BU DPAG TU MED
PA SPROS PAS NAM MKHA' KHYAB PA'I SANGS RGYAS THAMS CAD DPAL RDO RJE 'JIGS BYED LA SOGS PA'I RNAM PAR BKUG STE ZHAL DU BCUG PAS RJES CHAGS KYI MES 'OD DU ZHU BA THIG LE GCIG TU GYUR TE DGA' BZHI 'DREN BZHIN DU BYUNG BA MKHA' GSANG GNYIS KYI PHAt YIG GI ZUR CUNG ZAD PHYE STE THIG LE YUNGS KAR SBOM PO'I 'BRU TSAD TZAM RE BYUNG BA YUM GYI PHO BA'I 'OG LONG GA'I STENG DU MNGAL YOD PAS DE'I NANG DU 'DRES, THIG LE DKAR DMAR SRAN MA TZAM CHA GNYIS SU GYUR PA STENG 'OG TU GNAS PA'I 'OG MA BHR'Um YIG DKAR POR GYUR PA 'OD DU ZHU BA LAS GZHAL YAS KHANG GRU BZHI SGO BZHI RGYAN RTA BAB 'BYUNG BZHI DUR KHROD DANG BCAS PA MTSAN NYID YONGS SU RDZOGS PA GDAN DANG BCAS PA ZHIG TU LAM GYIS GYUR PAR BSAM LA NGA RGYAL DANG GSAL SNANG BYA, ,DE NAS THIG LE STENG MA DE NYID SKAD CIG GIS DUM BU BCU BDUN DU GYUR TE GDAN SO SO'I STENG DU 'OG NAS 'BYUNG BA'I LHA RANG RANG GI SKU MDOG DANG MA TSUNGS PA'I THIG LE CHA RE RE, DE RNAMS YONGS SU GYUR PA LAS RANG RANG GI SA BON LAS PHYAG MTSAN SA BON GYIS MTSAN PA BSKYED PAR BYA STE, DBUS KYI DRAG PO'I RDO RJE RTZE LNGA PA NAG PO, 'KHOR LO DKAR PO RTZIBS BRGYAD PA, RIN PO CHE SER PO CHA DGU PA, PADMA DMAR PO 'DAB MA BCU DRUG PA RAL GRI LJANG KHU SO GNYIS PA, SGO BZHIR SNA TSOGS RDO RJE RGYA GRAM PHYOGS RER RVA LNGA RE STE BSDOMS PA'I RVA NYI SHU PA PHYOGS GCIG GI DBUS RVA NAS YU BA THON PA, DBYUG PA DKAR PO RDO RJE RTZE GSUM PAS RTZE MOR MTSAN PA, PADMA
, ,DMAR PO 'DAB MA BRGYAD PA SOGS MNGON RTOGS LTAR DANG PHYI'I GRA BZHI'I SHAR LHOR nA, LHO NUB TU YO, NUB BYANG DU NI, BYANG SHAR DU RA RNAMS BSAM, PHYAG MTSAN SO SO'I SA BON LAS RANG RANG MDOG CAN GYI 'OD ZER DANG PHYI'I GRVA BZHI'I YI GE BZHI LAS 'OD ZER GYI SNE LA THOD PA DKAR PO BDUD RTZIS GANG BA BCAS PAR 'PHRO ZHING 'GRO BA'I DON BYAS NAS RANG RANG LA THIM PAS 'DU BA, PHYAG MTSAN SA BON GYIS MTSAN PA BCU GSUM PO YONGS SU GYUR PA LAS LHA BCU GSUM DU LAM GYIS BSKYED LA RIM BZHIN GSAL GDAB PA NI, DBUS SU DPAL RDO RJE 'JIGS BYED YAB YUM BEEd'UR+YA'I LHUN PO LA 'JIG DUS KYI MES 'KHYUD PA LTA BU, DE BZHIN DU NANG GI SHAR DU GTI MUG GSHIN RJE GSHED DKAR PO GANGS RI DANG, LHOR SER SNA GSHIN RJE GSHED SER PO GSER RI DANG, NUB TU 'DOD CHAGS GSHIN RJE GSHED DMAR PO PADMA R'A GA'I LHUN PO DANG, BYANG DU PHRAG DOG GSHIN RJE GSHED LJANG GU MA RGAD KYI RI DANG, SHAR SGOR THO BA GSHIN RJE GSHED SNGON PO BEEd'U R+YA'I LHUN PO DANG, LHO SGOR DBYUG PA GSHIN RJE GSHED DKAR PO GANGS RI DANG, NUB SGOR PADMA GSHIN RJE GSHED DMAR PO PADMA R'A GA'I LHUN PO DANG, BYANG SGOR RAL GRI GSHIN RJE GSHED LJANG GU MA RGAD KYI RI BO LA MES 'KHYUD PA LTA BU, YUM BZHI'I YAB DANG, 'DI'I YAB BRGYAD PO THAMS CAD ZHAL GSUM PHYAG DRUG PA, ZHABS GNYIS GA-YAS BSKUMS GA-YON BRKYANGS PA, PHYAG DANG PO GNYIS KYIS GRI THOD 'DZIN PAS RANG 'DRA'I YUm LA 'KHYUD PA, DBU RE RE LA THOD
SKAM LNGA'I DBU RGYAN DANG KHRAG 'DZAG PA'I MGO RLON LNGA BCU'I DO SHAL 'PHYANG BA, ZHAL RE RE LA DMAR LA ZLUM PA'I SPYAN GSUM RE DANG ME 'BAR BA'I MCHE BA BZHI RE GTZIGS PA, LJAGS 'DRIL ZHING BDUD BGEGS SKRAG PAR BYED PA'I ME 'OD PHYOGS BCUR 'PHRO BA, RUS PA'I RGYAN DRUG DANG, MTHA' YAS SNGON PO SOGS SBRUL BRGYAD KYIS BRGYAN PA, 'DI'I BDUD RTZI'I KHA DOG NI DKAR SER YIN, SBRUL DE RNAMS KYI KHA NAS PHUD CES PA'I SGRA SGROG CING, LCE GNYIS DANG LDAN ZHING DUG LDAN GYI MCHE BA'I 'PHRENG BA CAN, MER TZA RTZI KA DKAR MO SHA SKEM ZHING DRAG TU KHROS PA, LHO NUB TU PHAG MO SNGON MO GA-YON ZHAL PHAG GDONG CAN LUS SBOM ZHING THUNG LA GSUS PA 'PHYANG BA STE 'BUR BA; NUB BYANG DU DBYANGS CAN MA DMAR MO ZHI BA'I CHA BYAD CAN LA SPYAN GSUM YOD PA, BYANG SHAR DU GOO RI LJANG GU PHAG MO DANG 'DRA BA THAMS CAD RANG 'DRA'I YAB BCAS YAB BRGYAD KYI YUM DANG 'DI'I YUM BZHI PO THAMS CAD THOD SKAM LNGA'I DBU RGYAN DANG, SKAM PO LNGA BCU'I DO SHAL CAN, THAL BA MA GTOGS PA'I PHYAG RGYA LNGAS BRGYAN PA, ME 'OD KYI DBUS NA GA-YAS BSKUM GA-YON BRKYANG GIS BZHUGS PA, 'KHOR GYI LHA RNAMS GTZO BO'I LTE BA TZAM DU SLEBS PA DANG, YUM RNAMS YAB LAS CUNG ZAD CHUNG BA, 'DIR YAB YUM SO SOR PHYE NA LHA NYER DRUG YOD KYANG, GTI MUG DANG THO BA GNYIS KYI YUM TZA RTZI KA DANG GCIG, SER SNA DANG DBYUG PA DANG GTZO BO GSUm
, ,GYI YUM PHAG MO DANG GCIG ,'DOD CHAGS DANG PADMA GNYIS KYI YUM DBYANGS CAN MA DANG GCIG ,PHRAG DOG DANG RAL GRI GNYIS KYI YUM GOO RI DANG GCIG ,TZA RTZI KA'I YAB DANG GTI MUG GCIG ,PHAG MO'I YAB DANG SER SNA GCIG ,DBYANGS CAN MA'I YAB DANG PADMA GCIG ,GOO RI'I YAB DANG PHRAG DOG GCIG PAS DON LHA BCU GSUM DU 'DU BA DANG, YANG GDAN RE RE'I STENG DU SA BON GCIG DANG PHYAG MTSAN GCIG LAS YAB YUM ZUNG RE BSKYED PAS NA LHA BCU GSUM MA ZHES BYA'O, ,SKABS 'DI'I GTZO BO'I MNGON RTOGS BSDUS KYANG RUNG BA GZHAL YAS KHANG DANG 'DRA BAS, LONG MED PA'I SKABS SOGS SU BSDU BAR 'DOD NA, DBUS KYI GDAN LA DPAL RDO RJE 'JIGS BYED CHEN PO ZHAL DGU PHYAG SO BZHI ZHABS BCU DRUG PA GA-YAS BSKUMS SHING GA-YON BRKYANGS PA'I STABS KYIS ME DPUNG RAB TU 'BAR BA'I KLONG DKYIL NA BZHUGS PA, ZHES BRJOD NA LEGS GSUNGS, PHYAG MTSAN GYI 'KHOR LO THAMS CAD DKAR PO, RIN PO CHE SER PO, PADMA DMAR PO, RAL GRI LJANG KHU, RDO RJE SNGON PO DANG, PHYI'I GRVA BZHI'I YI GE BZHI YONGS SU GYUR PA LAS MI'I THOD PA DKAR PO BDUD RTZI DMAR SER GYIS GANG BA DPRAL BA NANG DU BSTAN PA RE RE BSKYED LA PHYI NANG GI RTEN BRTEN PA'I DKYIL 'KHOR THAMS CAD LA GSAL SNANG 'DON DGOS TSUL SOGS RE RE NAS ZHIB RGYAS GSUNGS KYANG DE TZAM LAS 'GOD MA NUS SO, ,DE NAS BDAG GIS MA DAG PA'I SNOD
BCUD SPYI DANG KHYAD PAR SEMS CAN ZHE SDANG CAN RNAMS KYI ZHE SDANG SBYANGS TE CHOS DBYINGS YE SHES LA DGOD PAR BYA'O SNYAM PA'I 'PHEN PA SHUGS DRAG BTANGS NAS, RANG GTZO BOR GSAL BAS AOm HR'I: shtR'I: ZHES SOGS BRJOD NAS MNGAL NANG GI GTZO BO LA BOS TE SEMS CAN GYI DON MDZOD CIG ,CES BSKUL BAS THOG MAR GTZO BO YAB YUM DPAG TU MED PAR GYUR PA RNAMS YUM GYI BA SBU'I KHUNG BU LA SOGS PA'I SGO RNAMS NAS THON TE PHYOGS BCUR GSHEGS NAS SEMS CAN 'GA' ZHIG 'OD ZER GYIS REG PA TZAM DANG, 'GA' ZHIG GI SPYI BOR BZHUGS TE SBYOR MTSAMS NAS BYANG SEMS BABS PAS DBANG BSKUR BA DANG 'GA' ZHIG LA LAM MTHUN MONG BA RNAMS BSTAN NAS RGYUD SBYANGS TE DKYIL 'KHOR DU BCUG NAS DBANG BZHI BSKUR BA SOGS GANG LA GANG 'DUL GYI DON MDZAD, KHYAD PAR SEMS CAN ZHE SDANG CAN RNAMS KYI ZHE SDANG SBYANGS NAS LUS GTZO BO YAB YUM DANG; SEMS GNAS LUGS RIG PA DON DAM RTOGS PA'I SHES RAB STE CHOS THAMS CAD KYI GNAS TSUL STONG PA NYID KYI DBYINGS MTHAR THUG MNGON SUM DU RTOGS PA CHOS KYI DBYINGS KYI YE SHES GTZO BO YAB YUM GYI GO 'PHANG LA BKOD, SLAR SPROS PA'I LHA TSOGS RNAMS LA THIM ZHING DE RNAMS KYANG GCIG LA GCIG THIM GYI MTHAR YAB YUM ZUNG GCIG TU GYUR PA'I YAB RANG NYID DANG, YUM GTZO YUM LA THIM PAR BSAM, YANG
, ,BDAG GIS MA DAG PA'I SNOD BCUD SPYI DANG, KHYAD PAR SEMS CAN GTI MUG CAN RNAMS KYI GTI MUG SBYANGS TE ME LONG LTA BU'I YE SHES LA DGOD PAR BYA'O SNYAM PA'I 'PHEN PA BTANGS NAS RANG GIS AOm DZIN DZI KA ZHES SHAR GYI GTI MUG GSHIN RJE'I GSHED BSKUL BAS SNGAR LTAR SPROS TE SEMS CAN GYI SDIG SGRIB SPYI DANG KHYAD PAR GTI MUG SHAS CHE BA LA SOGS PA'I GTI MUG THAMS CAD SBYANGS NAS ME LONG GI GZUGS BRNYAN LTAR CHOS THAMS CAD SNANG STONG DBYER MED DU GZIGS PA'I YE SHES MTHAR THUG GTI MUG GSHIN RJE GSHED LA BKOD NAS SNGAR BZHIN RIM GYIS BSDUS TE YAB YUM ZUNG GCIG TU GYUR PA PHYI'I GZHAL YAS KHANG GI RE'U MIG NANG MA'I SHAR GYI PAD ZLA'I GDAN LA RANG LA ZHAL PHYOGS TE BZHUGS PAR BSAM, DES GZHAN RNAMS RIGS 'GRE ZHING 'KHOR 'DAS GNYIS LA BZANG NGAN GYI DBYE BA MED PAR BDEN PAS STONG PA'I MNYAM PA NYID DU RTOGS PA MTHAR THUG PA'I YE SHES NI MNYAM NYID YE SHES, GNAS LNGA RIG PA KUN RDZOB RTOGS PA'I SHES RAB MTHAR THUG PA'I YE SHES NI SOR RTOG YE SHES, SEMS CAN GYI DON GYI BYA BA THAMS CAD SGRUB PA LA MA RMONGS PA'I MKHYEN PA MTHAR THUG PA'I YE SHES NI BYA GRUB YE SHES, ZAG BCAS NYER LEN GYI PHUNG PO SDUG BSNGAL GYI RANG BZHIN CAN NI PHUNG PO'I BDUD, YUL KHYAD PAR CAN LA DAD PA'I STOBS, LAS
DANG NYON MONGS PA'I GZHAN DBANG CAN DU GYUR PA NI NYON MONGS PA'I BDUD, DGE BA'I BYA BA LA SPRO SHUGS DANG LDAN PA BRTZON 'GRUS KYI STOBS, ZAG BCAS NYER LEN GYI PHUNG PO'I RIGS 'DRA RANG DBANG MED PAR 'DOR DGOS PA NI 'CHI BDAG GI BDUD, 'DRIS PA'I DNGOS PO LA SEMS KYIS BRJED PA MED PA NI DRAN PA'I STOBS, DGA' RAB DBANG PHYUG SOGS RNAM GA-YENG LHA'I BU'I BDUD, DGE BA'I DMIGS YUL LA RTZE GCIG TU GNAS PA TING NGE 'DZIN GYI STOBS, SEMS CAN RNAMS KYI SHA RUS SOGS SA KHAMS, KHRAG SOGS RLAN SHER CHU KHAMS, DROD ME KHAMS, DBUGS RLUNG KHAMS RNAMS SBYANGS NAS BYAMS PA SNYING RJE DGA' BA BTANG SNYOMS TSAD MED KYI NGO BO LHA MO RANG RANG GI GO 'PHANG LA BKOD PA'O, ,DE NAS THOD PA DANG GZHAL YAS KHANG GI BSKUL SNGAGS RJE RIN PO CHES BDE MCHOG NAS KHA 'GENGS MDZAD PA 'BRU GSUM BRJOD PA'I TSE GRA BZHI'I THOD PA BZHI BSKUL TE SNGAR LTAR SPROS TE SEMS CAN RNAMS KYI MIG GI YUL DU GZUGS MI MDZES PA, RNA BA'I YUL DU SGRA MI SNYAN PA, SNA'I YUL DU DRI MI ZHIM PA, LCE'I YUL DU RO MI 'DA' BA, LUS KYI YUL DU REG BYA MI 'JAm PA, YID KYI YUL DU CHOS RNAMS KYI RANG BZHIN MI RTOGS PA LA SOGS PA'I DRI MA SBYONG BA STE THOD PA BZHI GZUGS SGRA DRI RO REG BYA CHOS DBYINGS RDO RJE MA DRUG GI RANG BZHIN YIN LA, DE YANG REG BYA GZUGS KYI KHONGS SU 'DU SHING, CHOS KYIS THAMS CAD LA KHYAB PAS NA BZHIR 'DUS SO, ,SLAR YANG 'BRU GSUM BRJOD LA MNGAL NANG GI GZHAL YAS KHANG
, ,'KHOR DANG BCAS PA BSKUL BAS SNGAR LTAR DPAG TU MED PA SPROS TE PHYOGS BCU'I SNOD KYI SKYON DMYAL BA'I LCAGS BSREGS SA GZHI SOGS DANG, YI DVAGS KYI NGAM GROG SOGS DANG, GZHAN YANG 'JIG RTEN KHAMS KYI SEG MA DANG, GYO MO LA SOGS PA MDOR NA MI DGE BCU'I BDAG 'BRAS SAM DBANG 'BRAS KYI NYES SKYON RNAMS SBYANGS, LHA MI'I GNAS YID DU 'ONG BA SOGS DGE BA BCU'I BDAG 'BRAS KYI YON TAN LA SPYOD PA'I BDE BA LA GNAS PA RNAMS MI 'GYUR BA BRTAN PAR BYAS TE SLAR 'DUS NAS PHYI'I GZHAL YAS KHANG LA THIM PAR BSAM, YANG SKABS 'GAR NYON MONGS PA ZHE SDANG SOGS SHAS CHEN PO DANG LDAN PA'I SEMS CAN RNAMS NYON MONGS PA DE'I DBANG GIS LAS BSAGS, DE'I 'BRAS BUR SDUG BSNGAL MI BZAD PA MYONG DGOS TSUL LA BSAMS NAS SNYING RJE SHUGS DRAG POR BSKYED PA DANG, YANG SKABS 'GAR SEMS CAN DE DAG GI PHYIR DU 'OD ZER GYIS REG PA TZAM GYIS SEMS CAN DPAG TU MED PA SMIN GROL LA 'GOD NUS PA'I SANGS RGYAS KYI 'PHRIN LAS DE MYUR DU THOB NA CI MA RUNG SNYAM DU 'DUN PA SBYONG BA DANG, YANG SKABS 'GAR SEMS CAN GYI DON BYED PA'I DMIGS PA BYAS ZIN PA'I 'OG TU SEMS CAN RNAMS SMIN GROL LA BKOD ZIN PA YIN SNYAM DU BLO THAG BCAD NAS RJES SU YI RANG GI DGA' BA SGOM PA SOGS KYANG BYA ZHING, 'DI DAG NI GTONG LEN SOGS PHAR
PHYIN THEG PA'I LAM BSKAL BAR BSGOMS PA LAS LHAG PA'I THABS MKHAS KHYAD PAR CAN YIN PAS TSIG BSHAR TZAM DU MA SONG BAR NAN TAN GYIS 'BAD NA LAN RE TZAM LA'ANG TSOGS RLABS PO CHE RDZOGS PA DANG, SGRIB PA DPAG TU MED PA BYANG BA DANG, SANGS RGYAS KYI ZHING SBYONG BA'I THABS SU 'GYUR BA DANG, LAM DUS SU SGYU LUS PAS DKYIL 'KHOR RGYAL MCHOG GI LHA SPRUL NAS SEMS CAN GYI DON BYED PA DANG RNAM PA MTHUN ZHING DE'I SMIN BYED DU 'GYUR BA DANG 'BRAS DUS SU RTEN BRTEN PA'I DKYIL 'KHOR DPAG TU MED PA SOGS SPRUL NAS SKAD CIG RE RE LA'ANG SEMS CAN DPAG TU MED PA SMIN GROL LA 'GOD PA'I MDZAD PA 'KHOR BA MA STONGS KYI BAR DU MDZAD PA DANG RNAM PA MTHUN ZHING DE 'GRUB PA'I BAG CHAGS KHYAD PAR CAN 'JOG PA YIN TSUL SOGS GSUNGS SHING PHYAG LEN DU'ANG 'DI DAG GI TSE GDANGS LTA BU DAL BU DAL BUS MDZAD DO, ,LHAN THABS SU SKABS 'DIR PHYOGS SKYONG BSKYED CHOG BYED PAR BSHAD KYANG RDUL MTSON DANG RA SA BRI SOGS KYI MDUN BSKYED SGRUB GZHI DANG 'BREL ZHING, DE'I TSE YANG MDUN SKYED SGRUB ZIN LA GTOR MA 'BUL BA'I SLA CHOS BYED PA'I TSE NA 'DIR PHYOGS SKYONG BSKYED DGOS KYI, DE LAS GZHAN PA'I MDUN BSKYED SGRUB GZHI DANG 'BREL BA'I TSE YANG RJE RIN PO CHE'I DGONGS PA LTAR GTOR MGRON LOGS SU BSKYED PA'I TSE DANG, LHAG PAR BDAG BSKYED RKYANG PA'I SKABS SU SKABS 'DIR PHYOGS SKYONG MI BSKYED PA'I TSUL LCANG SKYA NGAG DBANG BLO BZANG CHOS
, ,LDAN GYIS DGAG SGRUB DANG BCAS LEGS BSHAD 'KHRUL SPONG DU GSUNGS PA JI LTA BA BZHIN PAn CHEN BLO BZANG CHOS KYI RGYAL MTSAN DANG RGYAL MCHOG BSKAL BZANG RGYA MTSO SOGS TSAD LDAN RNAMS KYIS 'KHRID YIG SOGS SU YANG GSUNGS PAS DE BZHIN DU BYED PA LEGS TSUL RGYAS PAR GSUNGS, GNYIS PA SKYE MCHED DANG SKU GSUNG THUGS BYIN GYIS BRLAB PA NI, DE NAS GTZO 'KHOR THAMS CAD KYI RTZA ZHAL GYI SPYAN GA-YAS GA-YON GNYIS SU PAD ZLA'I GDAN LA KshIm LAS 'KHOR LO DKAR PO KshIm GIS MTSAN PA ZHIG BYUNG BA YONGS SU GYUR PA LAS, MIG DBANG ZAR MA'I ME TOG LTA BU DANG NGO BO DBYER MED KYI RDO RJE MIG GTI MUG GSHIN RJE LTA BU ZHAL PHYIR GZIGS; DE BZHIN DU RNA BA GNYIS SU DZRIm SNGON PO LAS RDO RJE SNGON PO DZRIm GIS MTSAN PA LAS RNA DBANG GRO SOG KHA BCAD PA LTA BU DANG DBYER MED KYI RDO RJE RNA BA ZHAL PHYIR GZIGS, SNAR KHAm SER PO LAS RIN CHEN SER PO KHAm GIS MTSAN PA LAS SNA BUG GNYIS KYI BAR GDUNG ZANGS KHAB GSHIB PA LTA BU'I SNA DBANG DANG DBYER MED KYI RDO RJE SNA SER SNA GSHIN RJE LTA BU ZHAL PHYIR GZIGS, LCE'I RTZA BA'I DBUS SU RAm DMAR PO LAS PADMA DMAR PO RAm GYIS MTSAN PA LAS LCE DBANG GI NGO BO RDO RJE LCE DMAR PO 'DOD CHAGS GSHIN RJE LTA BU ZHAL LCE RTZE PHYOGS LA GZIGS PA, MDZOD SPU'I GNAS YE SHES KYI GYI DBUS SU KAm LJANG GU LAS RAL GRI LJANG GU KAm GIS MTSAN PA LAS LUS DBANG
GI GTZO BO GNAS PAS DE'I NGO BO RDO RJE LUS LJANG KHU RAL GRI GSHIN RJE LTA BU ZHAL PHYIR GZIGS, LTE BA'I BU GA'I NANG DU SAm DKAR PO LAS RDO RJE DKAR PO SAm GIS MTSAN PA LAS YID DBANG GI NGO BO RDO RJE YID DKAR PO ZHAL PHYIR GZIGS THAMS CAD GDAN PAD ZLA LA GNAS PA, YANG GTZO 'KHOR THAMS CAD KYI THUGS KAR H'Um YIG SNGON PO LAS RDO RJE SNGON PO RTZE LNGA PA'I LTE BAR H'Um LAS RDO RJE RTZE LNGA PA H'Um GIS MTSAN PA YONGS SU GYUR PA LAS THUGS RDO RJE STE, GTZO BO'I THUGS RDO RJE NI YE SHES SEMS DPA'I MDUN NAM, YANG NA TING NGE 'DZIN SEMS DPA' DANG NGO BO DBYER MED DU BYED PAR YANG GSUNGS PAS GANG BDE BYA, MGRIN PA'I AOL MDUD KYI GNAS SU A'A: LAS PADMA DMAR PO 'DAB MA BRGYAD PA'I LTE BAR A'A: LAS PADMA DMAR PO A'A: SA MTSAN PA YONGS SU GYUR PA LAS GSUNG RDO RJE DMAR PO, SPYI BOR THOD PA'I 'OG KLAD SKYA'I STENG GI GNAS SU AOm LAS 'KHOR LO RTZIBS BRGYAD PA GDAN STABS SU GNAS PA'I LTE BAR AOm LAS SKYES PA'I 'KHOR LO DKAR PO AOm GYIS MTSAN PA YONGS SU GYUR PA LAS SKU RDO RJE DKAR PO RNAMS MNGON RTOGS LTAR BSKYED PAR BYA'O GSUNGS, DE NAS LCAGS KYU'I PHYAG RGYA DANG BCAS RANG GI THUGS KA'I H'Um LAS 'OD ZER DMAR PO LCAGS KYU LTA BU DPAG TU MED PA SPROS TE PHYOGS BCU'I SANGS RGYAS THAMS CAD SKU RDO RJE RNAM SNANG, GSUNG RDO RJE 'OD DPAG MED, THUGS RDO RJE MI BSKYOD PA'I NGO BO GNAS GSUM DU BSKYED
, ,ZIN PA GSUM DANG 'DRA BA DPAG TU MED PA SPYAN DRANGS PA RNAMS RIM GYIS THIMS NAS MA THAR GTZO 'KHOR RE RE'I MDUN DU GSUM TSAN RE RE BZHUGS PAR BSAM LA AOm HR'I: shtR'I: HA: ZHES SOGS KYIS MCHOD, SLAR YANG SNGAR LTA BU'I 'OD ZER GYIS MDUN DU GSUM TSAN RE BZHUGS PA BKUG STE RIM PA LTAR RANG RANG GI GNAS GSUM GYI DAM TSIG PA RNAMS LA THIM PAR BSAM, SNGAGS DON GZHAN RNAMS NI GONG DANG 'DRA ZHING, TZITTA NI SEMS SAM THUGS TE, DE BZHIN GSHEGS PA THAMS CAD KYI THUGS RDO RJE'I RANG BZHIN GYI BDAG NYID DE NGA'O ZHES PA'O, ,DE BZHIN DU GZHAN GNYIS KYANG BYINGS DE DANG 'DRA LA W'AKA NI NGAG GAm GSUNG DANG, K'AYA NI LUS SAm SKU'O, ,'DIR THUGS RDO RJE DANG POR BSKYED CING STIM PA DANG THUGS KAR 'BUL BA'I DRI CHAB SNGON DU 'GRO BA DANG, DGA' LDAN LHA BRGYA MA'I SKABS SU THUGS KYI YON TAN BRJOD PA DANG POR YOD PA 'DI RNAMS LA GNAD KHYAD PAR CAN YOD PAR GSUNGS STE, DE YANG RJE BLA MA DANG RDO RJE 'JIGS BYED NI RJE BTZUN 'JAM DBYANGS YIN LA DES SGRUB PA PO LA DNGOS GRUB STZOL BA'I GO RIM LHA GZHAN DANG MI 'DRA BAR THOG MAR SEMS RGYUD LA SHES RAB KYI DNGOS GRUB STZAL TE CHOS RNAMS KHONGS SU CHUD CING, DE NAS NGAG LA 'CHAD RTZOD RTZOM GSUM BYED PA'I DNGOS GRUB STZAL, DES MKHAS PA'I MDUN SAR DPA' MI ZHUM PA'I LUS KYI
MDANGS SOGS BSKYED DE LUS LA DNGOS GRUB STZOL BAS DE'I GO RIM DANG MTHUN PAR BYAS NA RANG LA DE LTA BU'I DNGOS GRUB MYUR DU STZAL NAS RJES SU 'DZIN PAR GSUNGS SO, ,DE LTAR MIG SOGS BYIN GYIS BRLABS PA'I DGOS PA NI DE DAG GI THA MAL GYI SNANG ZHEN SBYONG BA DANG, LHA DE RNAMS LA MCHOD PA'I BSAM PAS GZUGS SOGS YUL LA LONGS SPYAD NAS BDE STONG SKYES PAR MOS NA NYES PA MI 'BYUNG BAR MA ZAD BSOD NAMS RGYA CHEN PO THOB PA DANG, LHA'I BYIN RLABS KYIS DE DAG NAS RGYU BA'I RLUNG LAS RUNG DU GYUR TE, RDZOGS RIM GYI SKABS SU YAN LAG GI RLUNG LNGA LA RDOR BZLAS BYAS PAS SGO LNGA'I MNGON SHES 'GRUB PA'I SMIN BYED DU 'GYUR BA DANG, SKU GSUNG THUGS BYIN GYIS BRLABS PAS RANG GI SGO GSUM LA THA MAL GYI SNANG ZHEN BSAL TE RDO RJE GSUM GYI NGO BOR 'GYUR BA YIN NO, ,GSUM PA YE SHES PA BCUG NAS DBANG BSKUR RGYAS GDAB PA NI, DE NAS AOm HR'I: H'A BHO SOGS KYI SPYEN 'DREN PAR GSUNGS PAS DE BZHIN DU BYAS PAS CHOG CING, 'JAM DPAL RANG BZHIN MA NI RJE'I DPA' GCIG GI GTOR MGRON GYI SKABS SU GSUNGS PAS 'DIR YANG MI RUNG BA MA YIN ZHING NGES PAR DGOS PA'ANG MA YIN LA, BYED NA LCANG SKYA NGAG DBANG CHOS LDAN GYIS GSUNGS PA LTAR LAS BYED SPRUL PA GSHIN RJE'I 'KHOR DANG BCAS, ZHES PA GTI MUG GSHIN RJE'I GSHED SOGS 'KHOR DANG BCAS ZHES BSGYUR BAR GSUNGS PA NGES PAR
, ,BYA DGOS TE MDUD BSKYED KYI SGRUB GZHI MED PA BDAG BSKYED RKYANG PA'I SKABS THAMS CAD DU PHYOGS SKYONG BSKYED PA NI 'BREL MED LA, DE MED PAS SKABS 'DIR LAS GSHIN SPYAN 'DREN PA MI DGOS SO; ;DE'I TSIG DON NI, DZA: 'GUGS PA'I SA BON, DON DAM PA'I 'JAM DPAL RANG BZHIN RNAM DAG GI CHAR GYUR PA'I NGO BO NYID SKU NI CHOS RNAMS KYI GNAS LUGS STONG PA NYID KYI DNGOS TE NGO BO GCIG YIN LA RGYU MTSAN DE'I PHYIR DE 'DRA'I 'JAM DPAL DE PHYOGS 'DIR GNAS PA DANG DE NAS GZHAN DU 'GRO ZHING 'ONG BA DANG BRAL BA NI DPE NAM MKHA' BZHIN TE DES KYANG SNOD BCUD THAMS CAD LA KHYAB CING, DE LAS GZHAN DU GNAS PA DANG 'GRO ZHING 'ONG BA MED DO, ,YANG DBYAR DANG STON LA SOGS PA'I DUS KYI KHAMS NI NAM ZLA'I SHUGS KYIS 'BYUNG BA LAS GZHAN ZHIG NAS 'DIR 'ONG BA DANG 'DI NAS GZHAN DU 'GRO BA MED PA DE BZHIN DU YE SHES CHOS SKU'I DBANG DU BYAS PA'I NGES DON GYI 'JAM DPAL GYI THUGS RJE'I BYIN RLABS ZHUGS MA ZHUGS KYANG RANG RANG GI SGRIB PA DAG MA DAG DANG, TSOGS BSAGS MA BSAGS KYI KHYAD PAR LAS 'BYUNG BA YIN GYI, THUGS RJE LA 'DI NAS GZHAN DU 'GRO BA DANG, GZHAN NAS 'DIR 'ONGS PA DANG BRAL BA YIN NO, ,DRANG DON KUN RDZOB KYI 'JAM DPAL GZUGS SKU'I SPRUL PA YANG RANG RANG GI SKAL BA DANG 'TSAM PAR 'BAD MED DU SNANG BA YIN
GYI, GDUL BYA LAS DAG PA'I SAR 'ONG LA MA DAG PA RNAMS LA GZHAN DU 'GRO BA LTA BU'I 'GRO 'ONG DANG BRAL BA NI DPER NA ME LONG GI GZUGS BRNYAN BZHIN TE ME LONG DANG BYAD BZHIN 'PHRAD PA NA ME LONG GI GZUGS BRNYAN DE GZHAN NAS 'DIR 'ONG PA DANG GZHAN DU 'GRO BA'I MTSAN NYID MI MNGA' BA YIN ZHES DANG YANG ZHES PA TSIG SNGA PHYI MI MTHUN PA'I TSIG RGYAN TE, GONG DU BSHAD PA'I 'GRO 'ONG DANG BRAL BA DE LTAR YANG DPER NAN MKHA' LA ZLA BA'I DKYIL 'KHOR GCIG LAS MED KYANG, SGRIB BYED MED PA'I CHU JI TZAM YOD PA RE RE LA ZLA GZUGS RE RE 'CHAR BA JI BZHIN DU GDUL BYAS GANG DU DMIGS PA DER 'BAD MED DU SNANG BA YIN PAS NA, DENG 'DIR MOS LDAN BDAG CAG GIS SPYAN 'DREN ZHING GSHEGS SU GSOL ZHES ZHU BA'I LHA NI, SANGS RGYAS KUN GYI YE SHES GCIG TU BSDUS PA'I NGO BO RJE BTZUN 'JAM PA'I DBYANGS NYID, PHYI ROL GYI GDUG PA CAN RNAMS 'DUL BA'I PHYIR DU SGYU MA'I SRIN PO LTAR SHIN TU KHROS PA'I RNAM PA CAN 'JIGS BYED GSHIN RJE'I GSHED KYI SKUR BSTAN PA KHYOD, GTI MUG GSHIN RJE'I GSHED LA SOGS PA'I 'KHOR GYIS BSKOR NAS GNAS 'DIR GSHEGS SHING, GSHEd NAS KYANG THUGS BRTZE BA CHEN POS BDAG LA DGONGS TE BZHUGS SU GSOL, ZHES PA'O, SNGAGS KYI DON NI, AOm SNGAGS KYI MGO 'DREN, HR'I: 'PHROG BYED, H'A RMAD BYUNG, BHO BOD PA, MAH'A CHEN PO, KRO DHA KHRO BO, AA GATZTSA GNYIS NI TSUR BYON
, ,LAN GNYIS TE, NGO MTSAR BA DANG RGOD PA DANG, ,KHRO DANG GTUM DANG NGES GZUNG DANG, ,DAD DANG DGA' BA RNAMS LA NI, ,TSIG GCIG LAN GNYIS 'BYUNG BA YIN, ,ZHES GSUNGS PA LTAR SKABS 'DIR NGES GZUNG GI PHYIR LAN GNYIS SO, ,AADM'A DA, BDAG LAS, ? ,P'U DZA, MCHOD PA, PRA TI SO SOR, GRIHNANTU, BZHES NAS, PRA S'A DA, GSAL BA, ME : BDAG LA, DHI M'AN BLO DANG LDAN PAR, KU RU MDZOD, SV'A H'A GZHI TSUGS TE AOm 'PHROG BYED RMAD BYUNG KHRO CHEN KYEE, ,TSUR BYON TSUR BYON BDAG LAS NI, ,MCHOD PA SO SOR BZHES NAS SU, ,BDAG LA GSAL BA'I BLO LDAN MDZOD, ,GZHI TSUGS, ZHES PA'O, ,DE'I TSE LCAGS KYU'I PHYAG RGYA BYAS LA RANG GI THUGS KA'I H'Um YIG LAS 'OD ZER SNGAR LTAR SPROS PAS, RANG BZHIN GYI GNAS 'OG MIN NI CHOS SKU LA SOGS PA RANG GI NYE LOGS KYI NAM MKHA' NAS, NAM MKHA' DVANGS PA LAS SPRIN BLO BUR DU LDANG BA LTAR PHYOGS BCU'I RGYAL BA THAMS CAD DPAL RDO RJE 'JIGS BYED KYI RTEN DANG BRTEN PA'I DKYIL 'KHOR GYI RNAM PA DPAG TU MED PAR SPYAN DRANGS NAS MA THA' ? DKYIL 'KHOR CHA TSANG BA GCIG TU GYUR BA MDUN GYI NAM MKHAR BZHUGS PAR BSAM, PHYI 'BRANG GI BGEGS SKROD MIN LUGS GNYIS LAS 'DIR SKROD PA'I LUGS YIN PAS, SLAR YANG RANG GI THUGS KA'I H'Um LAS KHRO BO DPAG TU MED PA SPROS TE YE SHES PA RNAMS KYI PHYIR 'BRANG BA'I BGEGS RNAMS RGYA MTSO'I PHA MTHAR BSKRAD PAR BSAM LA LAS SNGAGS BRJOD CING NANG MCHOD GTOR
THUGS KA NAS MCHOD LHA SPROS TE TSOGS ZHING GI SKABS LTAR MCHOD DO, ,DE NAS, MUD GA RA DZA: LA SOGS PA'I SNGAGS BZHI BRJOD PA'I TSE, RIM PA LTAR THO BA GSHIN RJE'I GSHED LA SOGS PA SGO BZHI'I KHRO BO RNAMS KYI THO BA LA SOGS PA'I PHYAG MTSAN SO SOR 'PHYAR TZAM BYAS PAS, SNGAGS DANG PO'I TSE YE SHES PA'I RTEN BRTEN PA RNAMS DAM TSIG PA'I RTEN BRTEN PA SO SO'I STENG DU ZHAL BLTA PHYOGS MTHUN PAR MI THOG TU MI BRTZEGS PA LTAR DGUG ,SNGAGS GNYIS PA'I TSE DAM TSIG PA SO SO LA THIM LA MA 'DRES PA ME LONG NANG GI GZUGS BRNYAN BZHIN DU BSAM, SNGAGS GSUM PA'I TSE DAM YE GNYIS CHU DANG CHU 'DRES PA LTAR DBYER MED DU BCINGS, SNGAGS BZHI PA'I TSE YE SHES PA RNAMS DAm TSIG PA LA MI DGYES PA MED PAR DGYES BZHIN DU BZHUGS PAR BSAM MO, ,DE LTAR YE SHES PA BSTIMS PA'I DGOS PA NI, BDAG DANG YE SHES PA THA DAD DU RTOG PA 'GOG PA DANG, DBYER MED KYI NGA RGYAL BRTAN PA DANG, BYIN GYIS BRLAB PA'I DON DU YIN CING, DBYER MED DU MOS TSUL YANG, MA 'ONGS PA NA RANG RGYUD LA 'BYUNG RUNG GI YE SHES PA DANG BDAG NYID DBYER MED DU MOS PA GTZO BO DANG, DA LTA GZHAN RGYUD LA BYUNG ZIN GYI YE SHES PA DANG BDAG NYID DBYER MED DU MOS PA GDUL BYA BAR MA'I DBANG DU BYAS PAR GSUNGS, SLAR YANG SNGAGS DANG PHYAG RGYA DANG THUGS KA'I H'Um LAS 'OD ZER SNGAR LTAR 'PHROS PAS PHYOGS BCU'I RGYAL BA SRAS DANG BCAS PA THAMS CAD DPAL RDO RJE 'JIGS BYED KYI
, ,RTEN DANG BRTEN PA'I DKYIL 'KHOR DPAG TU MED PA'I RNAM PAR SPYAN DRANGS NAS DKYIL 'KHOR CHA TSANG BA GCIG GU GYUR TE RGYA PHUB KYI 'OG GI BAR SNANG LA BZHUGS PA'I DBANG LHA RNAMS LA SNGAR LTAR MCHOD NAS DBANG BSKUR BAR GSOL BA BTAB PAS DBANG LHA'I GTZO BO RDO RJE 'JIGS BYED KYIS DBANG BSKUR BAR BYA'O SNYAM DU DGONGS PA MDZAD, KHRO BO GSHIN RJE'I GSHED RNAMS KYIS LAM NYAMS SU LEN PA DANG DBANG BSKUR BA LA BAR DU GCOD PA'I BGEGS RNAMS BSGRAL ZHING BSKRAD, MTSAMS KYI THOD PA BZHI LAS 'DOD YON GYI LHA MO SPROS PA RNAMS KYIS RANG NYID LA MCHOD CING ME TOG GI CHAR 'BEB, TZA RTZI KA LA SOGS PA YUm LNGAS BKRA SHIS GANG ZHIG SEMS CAN KUN GYI SNYING LA GNAS, ZHES SOGS KYIS SHIS PA BRJOD PA SNGON DU BTANG NAS, ZLA BA LTA BU'I BUM PA DKAR PO BDUD RTZIS GANG BA THOGS TE, DPER NA SANGS RGYAS RNAMS BLTAMS MA THAG LHA RNAMS KYIS DBANG BSKUR BA THOB PA DE JI LTA BA BZHIN DU DBANG GI LHA BDAG GIS SGRUB PA PO KHYED LA BDE STONG GNYIS SU MED PA'I YE SHES KYI NGO BOR DAG PA DE RNAM PA LHA'I CHU BDUD RTZI LTA BUS DBANG BSKUR BAR BYA'O ZHES GSUNGS BZHIN DU LHA SO SO'I SPYI BO NAS LHA MO RNAMS KYIS BUM PA'I CHUS DBANG BSKUR, DE'I TSE RANG LHA'I NGA RGYAL CUNG ZAD GLOD NAS LUS KYI PHYI NANG THAMS CAD KHYAB PAR BKRUS PAS NAD THAMS CAD GSHANGS LCI DANG
RNAG KHRAG ,GDON THAMS CAD SDIG SBRUL LA SOGS PA'I SROG CHAGS, SDIG SGRIB THAMS CAD DUD KHU DANG SOL KHU'I RNAM PAR 'OG SGO GNYIS DANG BA SBU'I KHUNG SOGS NAS THON TE SENG STE DAG ,LUS DVANGS GSAL 'OD KYI RANG BZHIN DU GYUR PA BDUD RTZIS GANG BAS TSE BSOD SHES RAB SOGS MTHUN PHYOGS KYI YON TAN THAMS CAD RGYAS, CHU LHAG MA RANG RANG GI SPYI BO NAS RGYANGS KYIS LUNG PA YONGS SU GYUR PA LAS GTZO BO'I RTZA ZHAL GYI TSOG MA'I STENG SRIN ZHAL GYI MDUN DU PAD ZLA'I GDAN LA MI BSKYOD PA SNGON PO ZHAL GCIG PHYAG GNYIS RDOR DRIL 'DZIN PA SA GNON MNYAM GZHAG GI PHYAG RGYA CAN, SHAR DANG SHAR LHO PA'I RTZA ZHAL GYI TSANGS BUG GI STENG DU RNAM SNANG DKAR PO 'KHOR LO DANG DRIL BU 'DZIN PA, CHOS 'CHAD MNYAM GZHAG ,LHO DANG LHO NUB PA'I SPYI BOR RIN 'BYUNG SER PO RIN PO CHE DANG DRIL BU 'DZIN PA MCHOG SBYIN MNYAM GZHAG ,NUB DANG NUB BYANG PA'I SPYI BOR DPAG MED DMAR PO PHYAG GNYIS PADMA DANG DRIL BU 'DZIN PA MNYAM GZHAG ,BYANG DANG BYANG SHAR BA'I SPYI BOR DON GRUB LJANG GU RAL GRI DANG DRIL BU 'DZIN PA SKYABS SBYIN MNYAM GZHAG GI PHYAG RGYA MDZAD PA'I YAB RKYANG NGAM, YANG NA YUM BCAS SU BSGOM, THAMS CAD KYANG RIN PO CHE'I RGYAN DANG LHA RDZAS KYI NA BZAS SPRAS PA LONGS SKU'I CHA BYAD CAN 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PAR BSAM ZHING DBANG GI LHA RNAMS
, ,KYANG BA SPU'I SGO NAS ZHUGS TE THUGS KA'I TING NGE 'DZIN SEMS DPA' LA THIM PAR BSAM, DE LTAR GONG DU BSHAD PA'I DAM TSIG PA BSKYED PA NI BSNYED PA'I YAN LAG ,SKYE MCHOD DANG SKU GSUNG THUGS BYIN GYIS BRLABS PA NI NYE SGRUB KYI YAN LAG ,YE SHES PA BSTIM PA NI SGRUB PA'I YAN LAG ,DBANG BSKUR RGYAS GDAB PA NI SGRUB PA CHEN PO'I YAN LAG STE, BSNYEN SGRUB YAN LAG BZHI ZHES BYA LA RGYAS GDAB PA'I DGOS PA NI RGYAS GDAB BYA DANG 'DEBS BYED GNYIS RIGS DANG RIGS CAN DU NGO SHES PA'I CHED YIN GSUNGS, GSUM PA LAS RGYAL MCHOG GI TING NGE 'DZIN LA BZHI, MCHOD BSTOD BYA TSUL, BSKYED RIm PHRA RAGS BSGOm TSUL, RNAm DAG DRAN TSUL, BZLAS PA BYA TSUL LO, ,DANG PO NI, MDUN BSKYED SGRUB MCHOD DANG 'BREL BA'I TSE BDAG MDUN THA MI DAD 'JUG PA GCIG TU SGRUB PA YIN PA'I PHYIR, SKABS 'DIR GTZO BO LAS MAR ME GCIG LAS GNYIS CHAD PA LTAR RANG NYID 'JIGS BYED ZHAL GCIG PHYAG GNYIS PA'I RNAM PAR THON TE SHAR SGO'I THAD KYI DUR KHROD KYI PHYI NAS MCHOD PA 'BUL BA SOGS BYED KYANG, BDAG BSKYED RKYANG PA'I SKABS THAMS CAD DU DE LTAR BYED MI DGOS PAS RANG GTZO BOR GSAL BA'I THUGS KA NAS SKABS GANG YIN GYI MCHOD LHA SPROS TE DNGOS SU BSHAMS PA'I MCHOD PA RNAMS THOGS TE PHUL BAR BSAM PA
SOGS BYA DGOS LA, DE'I TSUL LA GRUB CHEN NAG PO PA'I DGRA NAG GI 'GREL PAR GSUNGS PA LTAR PHYI BUM DBANG DANG 'BREL BA'I MCHOD PA, NANG GSANG DBANG DANG 'BREL BA'I MCHOD PA, GSANG BA SHER DBANG DANG 'BREL BA'I MCHOD PA, DE KHO NA NYID TSIG DBANG DANG 'BREL BA'I MCHOD PA DANG BZHI LAS, DANG PO NI SLOB DPON ZHI BA'I YE SHES KYIS MDZAD PA'I MCHOD 'PHRENG GIS 'BUL BA'I DBANG DU BYAS NA, RGYAL BA RNAMS NI SGRIB GNYIS KYIS MA GOS PA'I GTZANG ZHING, SME BA STE NGAN PA'I RTOG PA MI MNGA' BA YIN NA'ANG, BDAG GIS SRI ZHU CHEN PO'I SGO NAS SKU YON DU CHU GTZANG GI CHAB 'DI PHUL BA 'DIS BDE BAR GSHEGS PA RNAMS LA SKU KHRUS GSOL BAR BGYI'O, ,AOm GYI AA AU MA GSUM GYIS MCHOD PA'I 'KHOR GSUM MI DMIGS PA, YA M'ANTA KA GSHIN RJE MTHAR BYED, SA PA RI W'A RA 'KHOR DANG BCAS PA, PRA T'I TZTSA SO SOR BZHES, H'Um BDE STONG GI SA BON, SV'AH'A GZHI TSUGS, ARGHAm SOGS NI, MCHOD YON SOGS KYI MING SNGAGS TE GO SLA LA, DE YANG AOm ZHES BRJOD PA'I TSE SE GOL KHA NANG DU BSTAN PA PHYIR BSKYED PA DANG MNYAM DU MCHOD LHA SPROS, PAD KOR BYAS NAS ARGHAm SOGS MCHOD PA'I MING GI TSE RANG RANG GI PHYAG RGYA DANG, H'Um ZHES BRJOD PA'I TSE LAG PA PHAN TSUN BSNOL BAS SE GOL KHA NANG DU GTOG PA DANG MNYAM DU SPROS PA'I LHA MO RNAMS SNYING GAR THIM PAR BSAM ZHING PHYAG RGYA
, ,'CHING LUGS BLA MED SPYI DANG 'DRA, MCHOD GTOR SOGS 'BUL BA'I TSE, NAG PO BAS, DGOS PA DANG, NGES PA'I SHES PA DANG BRAL BA DANG, DNGOS POR BLTA BA MED PA DANG, RE BA DANG BCAS PA MED PA DGOS PAR GSUNGS PAS, 'DI 'BUL DU RUNG NGAM MI RUNG SNYAM PA'I DOGS PA MED PA DANG, NGES PA'I SHES PA STE THA MAL GYI ZHEN PA DANG BRAL BA DANG, MCHOD PA'I 'KHOR GSUM BDEN GRUB TU LTA BA MED PA DANG, MCHOD PA PHUL BA LA BRTEN NAS NAD GDON ZHI BA TSE BSOD RGYAS PA SOGS 'PHRAL GYI 'BRAS BU 'BYUNG PA LA MI RE BA RNAMS GAL SHIN TU CHE'O, ,ZHABS BSIL NI PUS MO MAN CHAD KYI ZHABS 'KHRUD BYED DU 'BUL BA YIN CING DON GONG GI RId 'GRES RTOGS SO, ,RGYAL BA RNAMS NI YON TAN DPAG TU MED PA MNGA' BA MCHOG GI SKU YIN PAS PHYI'I DRI MCHOG LA MA LTOS PAR TSANG SPYOD KYI TSUL KHRIMS RNAM PAR DAG PA DANG LDAN PA'I DBANG GIS BYANG SEMS PHYIR MA 'PHO BAR SKU LUS THAMS CAD LA KHYAB PAR GNAS SHING DE'I RANG BZHIN GYI DRI NGAD RTAG PAR 'THUL ZHING LDANG BA YIN LA, GAL TE PHYI'I DRI MCHOG BZHED NA'ANG SGYU MA LTA BU'I CHOS THAMS CAD LA YE SHES KYIS DBANG BSGYUR BA'I PHYIR SGYU MA LTAR SPRUL BAS CHOG PAS, RANG BZHIN RNAM DAG PHYI'I DRI MCHOG LA CHAGS SOGS KYI RDUL TE DRI MA MI MNGA' YANG, BDAG CAG SRI ZHU DANG GUS PA CHEN PO'I TSUL GYIS DRI MCHOG GTZANG MAR BSHAMS TE PHUL BA'I
MTHUS BSOD NAMS KYI PHUNG PO'I YAN LAG YONGS SU RDZOGS PA THOB PAR GYUR CIG ,CES SO, ,DE BZHIN DU GZHAN 'DRA BA LA, BYANG CHUB KYI SEMS DMAR PO RAKTAS YAN LAG STE GSANG BA'I RDO RJE LA BRGYAN PA STE GOS PA'I ME TOG MDZES, ZHES DANG, BDUG SPOS LA RJE'I GZHUNG DU MTSAN GYI ME TOG SPOS ZHES 'BYUNG BAS, GTUM MO YE SHES KYI ME GANG DU 'BAR BA'I PHO BRANG STE GNAS PA LTE BA YIN LA, DER MTSAN MO'I DUS SU KHA BYE BA'I ME TOG KUNDA LTA BUR DKAR BA'I BYANG SEMS DKAR PO BSREGS PA'I SPOS, ZHES DANG, SNYING GA'I RTZA 'KHOR GYI DBUS SU H'Um YIG LA GNAD DU BSNUN PA SOGS LAS GNAS DER MA RIG PA'I MUN PA DANG BRAL BA'I 'OD GSAL LHAN CIG SKYES PA'I YE SHES GSAL BAR 'CHAR, ZHES DANG, DAD PA, TSUL KHRIMS, THOS PA, GTONG BA, PO TSA SHES PA, KHREL YOD, SHES RAB STE 'PHAGS PA'I NOR BDUN GYI YON TAN GYIS CHOG SHES PA'I BDUD RTZI'I ZHAL ZAS, ZHES DANG, BLA MED RDO RJE THEG PA'I RGYUD DON BRJOD BYAR STON CING, SHES RAB STONG PA NYID KYI DBYANGS KYI RJES SU 'GRO BA'I ROL MO'I SGRA 'DI MA RIG PA LA SOGS PA'I BDUD KYI 'KHOR LO STE 'KHOR TSOGS GZHOM PAR BYA BA'I PHYIR DBUL BAR BGYI NA, DON DAM PA CHOS KYI DBYINGS SAM RTZA BA MTHAR THUG SHES RAB STONG PA NYID LA MNGA' BRNYES PA KHYOD KYIS 'DI BZHES SHIG ,CES
, ,SO, ,GZHAN YANG 'DI DAG LA RJE BDAG NYID CHEN POS GSANG 'DUS KYI NANG GI NYER SPYOD 'BUL BA'I MCHOD 'PHRENG DU GSUNGS PA, GSANG BA'I 'KHOR LOR AINDRA N'I LA LTAR, ZHES SOGS DANG SBYAR NAS BKA' BSHAD RGYAS PAR STZAL, DE NAS GDONG DRUG GI RGYUD NAS GSUNGS PA'I 'DOD YON 'BUL BA'I TSIGS BCAD KYI DON NI, 'DZAM BU'I GLING 'DI DANG GLING GZHAN LUS 'PHAGS, BA LANG SPYOD, SGRA MI SNYAN SOGS GLING DANG GLING PHRAN THAMS CAD DU, MIG SHES KYI YUL DU SNANG BA'I GZUGS BZANG NGAN GANG YOD THAMS CAD LHA MO GZUGS RDO RJE MA DKAR MO PHYAG GA-YAS NA ME LONG NGOS GNYIS PA BSNAMS PAR BSKYED PAS YONGS SU GANG BA YANG RTZA RGYUD KYI BLA MA RNAMS DANG, YI DAM GSHIN RJE'I GSHED KYI LHA TSOGS RNAMS LA ZHUM PA STE SER SNA MED PAR DAD GUS DANG BCAS TE 'BUL LO, ,ZHES SO, ,DES GZHAN LA'ANG RIGS 'GRE ZHING, SGRA RDO RJE MA SNGON MO, DRI RDO RJE MA SER MO, RO RDO RJE MA DMAR PO, REG BYA RDO RJE MA SNA TSOGS MDOG CAN TE, RIM PA LTAR PING WAm DANG, DRI'I DUNG CHOS DANG, RO BRGYA PA'I BDUD RTZIS GANG BA'I THOD PA DANG, LHA RDZAS KYI NA BZA' 'DZIN PA'O, ,LHA MO THAMS CAD BZHIN RAS MDZES SHING ZLA BA LTAR RGYAS PA, MIG AUTPAL GSAR PA'I 'DAB MA LTAR MTHING ZHING DKYUS RING BA, MCHU SGROS BIMBA LTAR DMAR ZHING DVANGS
PA; TSEMS MU TIG GI 'PHRENG BA LTAR DKAR LA THAGS BZANG BA, NU MA GNYIS 'JAM ZHING 'KHRANG LA BAR DOG PA, SKED PA PHRA ZHING RO SMAD RGYAS PA, SGEG CING 'GROS DAL BA, RIN PO CHE'I RGYAN DANG DAR GYI NA BZAS KLUBS PA; DE LTA BA'I LHA MO NAM MKHA' GANG BAR SPRUL TE PHYI NANG 'DOD YON SOGS KYIS MCHOD, DE YANG GZUGS RDO RJE MA THAMS CAD GCIG LA GCIG THIM GYI MTHAR GNYIS SU BSDUS TE SPYAN GNYIS SU RDO RJE MIG BSKYED PA DANG SNYOMS PAR 'JUG CING, DE BZHIN DU SGRA RDO RJE MA RDO RJE RNA BA DANG, DRI RDO RJE MA RDO RJE SNA DANG, RO RDO RJE MA RDO RJE LCE DANG, REG BYA RDO RJE MA DPRAL BA'I RDO RJE LUS DER SNYOMS PAR ZHUGS PAS LHAN SKYES KYI BDE STONG 'KHRUNGS BAR BSAM STE, BDE STONG GI YE SHES SKYE BA'I THABS 'BA' ZHIG BYED PA NI BLA MED KYI KHYAD CHOS YIN GSUNGS, GZHAN YANG RGYAL SRID SNA BDUN YANG NAM MKHA' GANG BA SPROS TE 'BUL LO, ,GNYIS PA NANG GSANG DBANG DANG 'BREL BA'I MCHOD PA NI, RANG GI LAG PA GA-YAS PAS NANG MCHOD KYI KA P'A LA BZUNG, GA-YON PA'I MTHE BONG YUM GYI PADMA DANG SRIN LAG YAB KYI RDO RJER MOS TE DE GNYIS SRUBS PA LAS BDE STONG GI RANG BZHIN BYANG SEMS DKAR DMAR GYI BDUD RTZI BYUNG BAR BSAM LA, NANG MCHOD GA-YAS SKOR DU LAN GSUM DKRUGS PA'I DBUS NAS BDUD RTZI'I SNYING PO BLANG LA RTZA BA'I BLA MA LA 'BUL LO, DE'I TSE GTZO
, ,BO'I RIGS BDAG GI THUGS KAR SENG KHRI'I STENG DU RTZA BA'I BLA MA RDO RJE 'CHANG GI RNAM PAR BZHUGS BAR BSAM STE, DE YANG PHYOGS BCU DUS GSUM GYI SANGS RGYAS THAMS CAD KYI SKU RDO RJE'I NGO BO RNAM SNANG, GSUNG RDO RJE 'OD DPAG MED, THUGS RDO RJE MI BSKYOD PA, YON TAN GYI NGO BO RIN 'BYUNG, 'PHRIN LAS KYI NGO BO DON GRUB STE RIGS LNGA GCIG BSDUS DRUG PA RDO RJE 'CHANG GI NGO BOR GYUR PAS NA THUGS SANGS RGYAS DKON MCHOG GI BDAG NYID, CHOS KYI PHUNG PO STONG PHRAG BRGYAD CU RTZA BZHI BLA MA'I ZHAL NAS 'BYUNG BA'I 'BYUNG GNAS SU GYUR PAS NA GSUNG CHOS DKON MCHOG GI BDAG NYID, 'PHAGS PA'I DGE 'DUN THAMS CAD KYI GTZO BO MNGA' BDAG TU GYUR PAS NA SKU DGE 'DUN DKON MCHOG GI BDAG NYID DE MDOR NA SKYABS GNAS THAMS CAD GCIG TU BSDUS PA'I NGO BOR BLTAS LA RANG GI THUGS KA NAS LHA MO RO RDO RJE MA PHYAG NA THOD PA THOGS PA SPROS PAS BDUD RTZI NAS BCUS TE PHUL BAR BSAM ZHING DNGOS SU SPYI BO'I THAD NAS NANG MCHOD 'THOR ZHING PHUL BAS LJAGS 'OD ZER GYI SPU GU CAN DKAR POS DRANGS TE GSOL BAS THUGS RGYUD LA ZAG MED KYI BDE STONG KHYAD PAR CAN 'KHRUNGS PAR BSAM, DE NAS BRGYUD PA'I BLA MA RNAMS SENG KHRI'I MTHA' SKOR DU ZLA GDAN LA BZHUGS PA RNAMS LA RANG RANG GI MTSAN LA 'BRU GSUM BTAGS LA SMIN MTSAMS KYI THAD
NAS PHUL, GZHAN YANG MDO SNGAGS KYI SDOM PA LA SOGS PA'I CHOS GANG THOB PA RNAMS KYI BLA MA BRGYUD PA DANG BCAS PA LA YANG PHUL, GTZO 'KHOR SO SO'I SNGAGS KYI MTHAR 'BRU GSUM BTAGS LA BSGOM PA'I YID DAm RNAMS LA SNYING GA'I THAD NAS PHUL, GZHAN YANG SPYI BO'I SKU RDO RJE'I THUGS KAR RTZA BA'I BLA MAS BSTEN PA'I YI DAM, MGRIN PA'I GSUNG RDO RJE'I THUGS KAR BRGYUD PA'I BLA MAS BSTEN PA'I YI DAM, SNYING GA'I THUGS RDO RJE'I THUGS KAR RANG GIS BSTEN PA'I RGYUD SDE BZHI'I YI DAM RNAMS LA PHUL BAR BSAM LA GNAS DE GSUM DU THIG LE RE BYA, DE NAS SHAR SGO'I SGO KHANG DU CHOS RGYAL NANG SGRUB KYIS MTSON PA'I CHOS SKYONG SRUNG MA RNAMS DANG GNAS NYER BZHI SOGS KYI DPA' BO MKHA' 'GRO DANG BCAS PA'ANG SGO KHANG NGAM, YANG NA DUR KHROD DU GNAS PAR BSAM KYANG RUNG BAS DE DAG DANG, PHYOGS SKYONG DANG ZHING SKYONG SOGS SNGAR DUR KHROD DU BSKYED PA RNAMS LA LTE BA'I THAD NAS PHUL, DUR KHROD KYI PHYI ROL TU GZHI BDAG DANG SEMS CAN THAMS CAD 'KHOD PA SKAD CIG GIS RDO RJE 'JIGS BYED DU GYUR PAR BSAM LA MCHOG SBYIN GYI PHYAG RGYAS PUS MO'I THAD NAS PHUL, DE NAS RANG GI THUGS KA NAS 'OD ZER SPROS PAS PHYOGS BCU'I SANGS RGYAS BYANG SEMS THAMS CAD RDO RJE 'JIGS BYED KYI LHA TSOGS KYI RNAM PAR SPYAN DRANGS NAS RANG GI LUS LA ZHUGS PAS LUS KYI NANG THAMS CAD
, ,GANG BA LA PHUL BAR BSAM LA LCE THOG TU MYANGS PAS LUS NANG GI LHA THAMS CAD MNYES PAR BSAM LA, AOm SNGAR BZHIN, AA MRi TA, BDUD RTZI, SV'A DA NA, MNYES PA BYAS, BADZRA RDO RJE STE BDE STONG DBYER MI PHYED PA, SVA BH'A WA RANG BZHIN, A'A DMA KA BDAG NYID, AA HAm NGA'O STE BDE STONG DBYER MI PHYED PA'I RANG BZHIN GYI BDUD RTZIS MNYES PAR BYAS PA'I BDAG NYID DE NGA'O ZHES PA'O, ,GSUM PA GSANG BA SHER DBANG DANG 'BREL BA'I MCHOD PA NI, DE NAS GTZO 'KHOR THAMS CAD KYI MKHA' GSANG BYIN RLABS SNGAR LTAR BYAS NAS SNYOMS PAR ZHUGS PAS LHAN SKYES KYI BDE BA KHYAD PAR CAN SKYES PAR MOS PA'O, ,BZHI BA DE KHO NA NYID TSIG DBANG DANG 'BREL BA'I MCHOD PA NI, BDE BA DES YUL STONG PA NYID NGES PAS MCHOD YUL MCHOD RDZAS MCHOD MKHAN THAMS CAD RANG BZHIN GYIS GRUB PA RDUL TZAM YANG MED PA'I 'KHOR GSUM MI DMIGS PA'I RGYAS 'DEBS BYA BA'O, ,DE NAS 'KHOR RNAMS KYI THUGS KA NAS LHA MO KHA DOG SNA TSOGS PA DPAG TU MED PA SPROS PA RNAMS DANG 'KHOR RNAMS LHAN CIG BRAG CHA'I DBYANGS BZHIN DU SLOB DPON ZHI BA'I YE SHES KYIS MDZAD PA'I, GNYIS MED MTHUN MONG MA YIN KHYAB PA'I SKU, ZHES SOGS KYIS RANG GTZO BO LA BSTOD PAR BSAM STE GNYIS MED MTHUN MONG MA'I DON NI, LHAN SKYES KYI BDE BA CHEN PO'I YE SHES DANG, SHES
RAB STONG PA NYID GNYIS DBYER MED RO GCIG TU GYUR PAS NA GNYISo MEDo, DE 'DRA'I BDE STONG GNYIS SU MED PA'I YE SHES CHOS KYI SKU DE SANGS RGYAS NANG PHAN TSUN MA GTOGS, SA BCU'I BYANG SEMS RNAMS KYIS KYANG SPYOD YUL MA YIN PAS NA MTHUNo MONGo MAo YINo PA, DE 'DRA'I BDE STONG GNYIS SU MED PA'I YE SHES DE SHES BYA THAMS CAD DANG MTSUNGS PAR GNAS PAS NA KHYAB PAo STE, KHYAD PAR GSUM DANG LDAN PA'I YE SHES CHOS KYI SKUo DE RJE BTZUN 'JAM DBYANGS RANG GI NGO BOR 'DZIN PA NGO BO'I KHYAD PAR, DGRA GNYEN BAR MA'I 'GRO BA KUNo LAo NYE RING MED PAR SEMS SNYOMSo PAR MDZAD PA SOGS THABS MKHAS KYIS BYANG CHUB KYI SEMS RGYUD LA BSKYED PA'I SGO NAS SEMS CAN RNAMS RGYAL BA'I SRAS SU SKRUN PAS NA RGYALo BAo KUNo GYIo YABo TU GYUR PA'I KHYAD PAR, CHOSo KYIo DBYINGSo STONG PA NYID DANG RO GCIG TU GYURo PA'I YE SHES KYI THEG PA GSUM GA'I GANG ZAG SKRUN PAS NA RGYAL BA KUNo GYI YUMo DU GYUR BA'I KHYAD PAR, DE LTA NA YANG YEo SHESo SEMSo DPA'o RGYAL SRAS GZHON NU'I TSUL 'DZIN PAS NA RGYALo BAo KUNo GYIo SRASo SU GYUR PA'I KHYAD PAR, DE LTA BU'I KHYAD PAR DANG LDAN PA'I 'JAMo DPALo SEMS CAN THAMS CAD KYI DPALO DU GYURo CING, SPANG RTOGS KYI YON TAN THAMS CAD RDZOGS PA'AM NGO BO DANG YAB YUM SRAS RNAMS KYI KHYAD PAR SKU GCIG LA YONGS SU RDZOGSo PAo KHYODo LA PHYAGo
, ,'TSAL LO, ,ZHES DANG, YANG 'JAM DPAL KHYOD KYI THUGS CHOS SKU LA BYAMS PA DANG SDANG BA MI MNGA' YANG, SA 'OG SA STENG SA BLA STE, SRID PA GSUM GYI GDUG PA CAN PHYI NANG GSANG BA'I GSHIN RJE MA LUS PA 'DUL BA'I PHYIR DU, SNYING RJE 'AM, THUGS RJE CHEN POS BSKUL TE THABS MKHAS KHRO BO THAMS CAD KYI GTZO BO 'AM RGYAL PO'I SKUR BSTAN PA'I 'JIGS BYED GSHIN RJE'I GSHED LA PHYAG 'TSAL LO, ,ZHES BSTOD, DE NAS GTZO BO'I THUGS KA NAS LHA MO SPROS PA DANG RANG LHAN CIG 'KHOR RNAMS LA BSTOD PAR BSAM LA, DGRA NAG NAS BSHAD PA'I GSHEN RJE'I GSHED PO RAB 'JIGS PA, ZHES SOGS KYIS BSTOD PAR BYA STE, GSHEN RJE NI PHUNG PO'I BDUD DANG DE'I GSHED DAM 'JOMS BYED DAD PA'I NGO BO RAB TU 'JIGS PA ZHES RKANG PA DANG POS THO BA GSHIN RJE'I GSHED BSTAN, GTI MUG 'JOMS PAR BYED PA'I GNYAN PO ME LONG LTA BU'I YE SHES KYI RDO RJE'I NGO BO ZHES RKANG PA GNYIS PAS GTI MUG GSHIN RJE GSHED SPYAN MA'I YAB DANG BCAS PA BSTAN, STON PA SANGS RGYAS KUN GYI RANG BZHIN NI, SANGS RGYAS THAMS CAD KYI YUM GYI RANG BZHIN SANGS RGYAS SPYAN MA'I NGO BO TZA RTZI KA STE, SKU RDO RJE RNAM SNANG GI RIGS LA BSTOD PA'O, ,DE BZHIN DU GSHIN RJE NI NYON MONGS PA'I BDUD DANG DE'I GSHED DAM
'JOMS BYED BRTZON 'GRUS KYI NGO BO RAB TU 'JIGS PA ZHES DBYUG PA GSHIN RJE'I GSHED BSTAN, SI SHU NA ZHES PA PHRA MA DANG SER SNA GNYIS KA LA 'JUG KYANG 'DIR PHRA MAR BSGYUR BA NI 'GYUR MA LEGS PA STE, DE YANG NGA RGYAL DANG SER SNA 'JOMS PAR BYED PA'I MNYAM NYID YE SHES KYI RANG BZHIN KHYOD CES SER SNA GSHIN RJE'I GSHED PHAG MO'I YAB DANG BCAS PA BSTAN, THUGS RDO RJE DANG SKU MDOG MTSUNGS PA'I PHAG MO SOGS RIN PO CHE'I RIGS LA BSTOD PA'O; ;'DOD CHAGS 'JOMS PAR BYED PA'I SOR RTOG YE SHES KYI NGO BO ZHES 'DOD CHAGS GSHIN RJE'I GSHED DBYANGS CAN MA'I YAB DANG BCAS PA BSTAN, GSHIN RJE NI 'CHI BDAG GI BDUD DANG DE'I GSHED DAM 'JOMS BYED DRAN PA'I NGO BOR RAB TU 'JIGS PA ZHES PADMA GSHIN RJE'I GSHED BSTAN, GSUNG RDO RJE DANG SKU MDOG MTSUNGS PA'I DBYANGS CAN MA SOGS PADMA'I RIGS LA BSTOD PA'O, ,PHRAG DOG 'JOM PAR BYED PA'I BYA SGRUB YE SHES KYI NGO BO ZHES PHRAG DOG GSHIN RJE'I GSHED GOO RI'I YAB DANG BCAS PA BSTAN, GSHIN RJE NI LHA BU'I BDUD DANG DE'I GSHED DAM 'JOMS BYED TING NGE 'DZIN GYI NGO BO LAS KUN PA STER LA GRI GSHIN RJE'I GSHED BSTAN, RDO RJE SKU DANG RAB MTSUNGS PA STE, K'A YA ZHES PA SKU DANG LUS GNYIS KA LA 'JUG PAS DPRAL BA'I RDO LUS KYI SKU MDOG DANG MTSUNGS PA'I GOO RE SOGS LAS KYI RIGS LA BSTOD PA'O, ,SLAR YANG 'KHOR DANG SPROS PA'I LHA MO RNAMS KYIS RANG
, ,GTZO BO LA BSTOD PAR BSAM LA, SANGS RGYAS KUN GYI DNGOS PO 'AM RANG BZHI NI YUM, SANGS RGYAS THAMS CAD GCIG TU BSDUS PA NI YAB, SANGS RGYAS KUN MCHOG GTZO BO'I GTZO STE RIGS THAMS CAD LAS MCHOG TU GYUR CING GTZO BO LAS KYANG GTZO BOR GYUR PA DKYIL 'KHOR GYI GTZO BO KHYOD LA LUS KYIS PHYAG 'TSAL NGAG GIS BSTOD PA DANG YID KYIS DAD GUS BYA BA'O, ,DE LTAR GTZO 'KHOR RNAMS PHAN TSUN BSTOD DBYANGS ZER LAN LTA BU MDZAD PAS THUGS RGYUD LA BDE BA 'KHRUNGS, DES STONG PA NGES PA'I BDE STONG SKYES PAR BSAM LA, MTHAR LHA MO RNAMS RANG RANG GI THUGS KAR BSDU'O, ,GNYIS PA BSKYED RIM PHRA RAGS BSGOM TSUL NI; 'DI LA SKYE SHI BAR DO GSUM SBYONG ZHING RDZOGS RIM GYI SMIN BYED DU 'GRO BA'I BSGOM TSUL DANG, THA MAL GYI SNANG ZHEN GYI GNYEN POR 'GRO BA'I BSGOM TSUL GNYIS SHES DGOS PA'I DANG PO NI GONG DU MDO TZAM BSHAD PA LTAR YIN LA, GNYIS PA LA YANG RAGS PA LA BSLAB PA DANG, PHRA BA LA BSLAB PA GNYIS, DANG PO LA RGYA CHE BA LA BSLAB PA DANG, ZAB PA DANG RGYA CHE BA GNYIS KA LA BSLAB PA GNYIS, DANG PO LA GSAL SNANG LA BSLAB PA DANG, NGA RGYAL LA BSLAB PA GNYIS, DANG PO LA DPYAD BSGOM DANG, 'JOG BSGOM GNYIS LAS, DANG PO NI, MTSAMS 'DIR DUR KHROD NAS GTZO BO'I SKYE MCHED KYI BAR DANG, DE NAS NGUR KHROD 'BYUNG BZHI
DANG BCAS PA'I BAR RNAMS RIM PA LTAR GSAL GDAB PA'O, ,'JOG SGOM NI, THAMS CAD TSOGS PA NA MI DPYOD PAR RNAM PA SPYI LA DMIGS NAS 'JOG PA'I 'JOG BSGOM BYA, DE MI GSAL DU SONG BA NA SNGAR LTAR DPYAD DE, YANG THAMS CAD TSOGS PA LA DMIGS NAS 'JOG ,NGA RGYAL LA BSLAB PA NI, DE'I STENG DU 'BRAS DUS KYI BDE STONG GNYIS SU MED PA'I YE SHES RTEN BRTEN PA'I DKYIL 'KHOR DU SHAR BA'I RDO RJE 'JIGS BYED SKYON KUN ZAD YON TAN KUN LDAN DE NGA'O SNYAM DU NGA RGYAL SHUGS CAN YANG DANG YANG DU BSKYED PAR BYA BA NI RGYA CHE BA LA BSLAB PA'O, ,DMIGS PA LHA'I SKU LA DMIGS NAS RNAM PA RANG BZHIN GYIS GRUB PA RDUL TZAM YANG MED PA SGYU MA LTA BU'I RNAM ROL DU BLTA BA NA ZAB PA DANG RGYA CHE BA GNYIS KA LA BSLAB PA'O, ,DE YANG CUNG ZAD ZHIB PAR 'CHAD NA, THA MAL GYI SNANG ZHEN GYI GNYEN POR DAG PA'I GSAL SNANG DANG NGA RGYAL BSKYED PA YIN LA, DE YANG 'O LA SPYI TZAM MA YIN PAR GSAL BAR SNANG BA DANG, DE YANG YUN RING PO'I BAR DU RNAM RTOG GZHAN GYIS BAR MA CHOD PAR NGANG GIS RGYUN 'THUD THUB PA'I GNAS PA BRTAN PO DANG; DE YANG SKYE MCHED KYI LHA PHRA MO TSUN CHAD KYI RNAM PA DANG YUN TSAD SOGS RANG GIS JI LTAR 'DOD PA BZHIN 'BYUNG BA'I GOMS PA DBANG GYUR THOB NAS MTHAR PHYIN PA RNAMS DGOS PA LAS, DANG PO GSAL BAR SNANG
, ,BA NI YANG DANG YANG DU DMIGS RTEN GSAL BTAB NAS BSGOMS PA'I SGO NAS BLO DANG DMIGS PA 'DRIS PAS BSKYED DGOS LA, GNYIS PA GNAS PA BRTAN PA NI, DMIGS PA GCIG LA RTZE GCIG TU BZHAG PA'I 'JOG SGOM GYIS SGRUB DGOS SHING, GSUM PA GOMS PA DBANG GYUR NI DE GNYIS MTHAR PHYIN PA LAS 'BYUNG NGO, ,DES NA SNGAGS GNYIS BRJOD NAS BDE STONG GSAL 'DEBS PA NAS 'DIR MA SLEBS PAR SKABS GANG YIN GYI DMIGS PA RNAMS GONG DU BSHAD PA BZHIN DAL BU DAL BUS GSAL BTAB NAS SNGA MA SNGA MA RIGS TZAM MA SHAR BAR PHYI MA MI BSGOM ZHING, PHYI MA PHYI MA BSGOM PA'I TSE SNGA MA'I DMIGS PA MA SHOR BA'I STENG DU PHYI MA SNON GYIN BSGOMS PAS MTSAMS 'DIR SLEBS PA DANG, RTEN BRTEN PA YONGS RDZOGS LA GSAL SNANG LAM TZAM BYUNG BA NA DE YID NGOR MA BRJED PAR BYAS PA LA RNAM RTOG GZHAN GYIS BAR MA CHOD CING BYING RGOD DANG BRAL BAR MNYAM PAR 'JOG DGOS NA YANG, RANG CAG LAS DANG PO BAR SNGON DU GSAL BTAB ZIN RNAMS MTSAMS 'DIR MA NYAMS PAR 'CHAR DKA' BAS, SLAR YANG BDE STONG GI RANG BZHIN GTZO BO RDO RJE 'JIGS BYED ZHAL PHYAG YONGS RDZOGS SEMS DPA' GSUM GYI BDAG NYID CAN YUM DANG BCAS PA, PHYOGS BZHI'I DE BZHIN GSHEGS PA RId
BZHI; SGO SKYONG BZHI, NANG GRVA'I YUM BZHI, PHYI'I GRVA'I THOD PA BZHI SOGS DANG, GZHAL YAS KHANG GRU BZHI SGO BZHI RTA BABS RGYA PHUB TOG DANG BCAS PA, SNA TSOGS RDO RJE DANG PADMA, CHOS 'BYUNG, SRUNG 'KHOR THUN MONG MA YIN PA DANG THUN MONG BA, ME RI, DUR KHROD, 'BYUNG BZHI'I DKYIL 'KHOR SOGS SNGA MA SNGA MA'I THOG PHYI MA PHYI MA LUGS 'BYUNG DU GSAL BTAB NAS THAMS CAD RAGS TZAM SHAR BA LA SNGAR BZHIN 'JOG, DE MI GSAL DU SONG BA NA, YANG 'BYUNG BZHI'I DKYIL 'KHOR NAS GTZO BO'I BAR LUGS LDOG TU GSAL BTAB NAS SNGAR BZHIN BSGOM PA SPEL MAR BYAS NA 'DRIS PA'I DBANG GIS GSAL SNANG CIG CAR DU SKYE MOD, DA DUNG GTAN NAS 'CHAR MI THUB NA BOD KYI BLA MA GONG MA'I BZHED PA BZHIN, THOG MAR GTZO BO'I YE SHES KYI SPYAN DBYIBS ZLUM ZHING SPYAN RTZA KHRAG RLON GYIS BYUGS PA LTAR DMAR BA, MTHA' SKYA LA DBUS NAG PA, SPYAN 'BRAS 'BUR ZHING GLOG LTAR GA-YO BA LTA BU DMIGS NAS GSAL SNANG BSGRUB, GANG GSAL BTAB PA DE LAS GZHAN PA'I DBYIBS DANG KHA DOG DANG CHE CHUNG DANG GRANGS SOGS SHAR NA DE'I RJES SU MA 'BRANG BAR SNGAR GANG GSAL BTAB PA'I DMIGS RTEN LA 'JOG ,DE NYID MI GSAL DU SONG NA SNGAR LTAR DPYAD CING 'JOG PA SPEL MAR BSKYANG BAR BYA, DE LTAR BSGOMS PAS DNGOS SU
, ,MIG GIS MTHONG RGYU DANG LAG PAS REG RGYU YOD PA LTA BU'I REG MTHONG GI MTSAN MA BRTAN PO BYUNG BA NA, RIM GYIS SPYAN GA-YAS GA-YON GNYIS DANG, RVA GNYIS DANG, SHANGS DANG ZHAL LA SOGS PA DANG, YUM DANG 'KHOR RNAMS DANG RTEN GZHAL YAS KHANG GI SKOR SOGS SNGA MA'I STENG DU PHYI MA RIM GYIS BSNAN NAS GSAL SNANG BSGRUB, DE YANG GZHAL YAS KHANG LA 'BRAS DUS KYI GZHAL YAS KHANG DANG, LHA RNAMS LA RANG GI LUS SKYON KUN ZAD YON TAN KUN RDZOGS 'BRAS DUS KYI LHA'I SKU DANG, NGAG LHA DE'I GSUNG DANG, YID LHA DE'I THUGS DNGOS YIN SNYAM DU THAG BCAD PA'I NGA RGYAL SHUGS CAN DANG SBRAGS NAS BYA DGOS TE, SNANG BAS MI 'CHING ZHEN PAS 'CHING, ZHES PA LTAR, THA MAL GYI ZHEN PA'I GNYEN PO NGA RGYAL GTZO BO YIN CING THA MAL GYI SNANG BA'I GNYEN PO DAG PA'I GSAL SNANG NI DE'I YAN LAG YIN NO, ,DE DAG GI TSE YANG SKABS KYI DMIGS PA DE LAS DGE MI DGE LUNG MA BSTAN GANG LA YANG SEMS 'PHROR MI GZHUG PAR GNAS GANG THUB BYED, GAL TE 'DZIN STANGS CUNG ZAD LHOD DU SONG NA BYING BA DANG, GZHAN LA 'PHRO NA RGOD PA SOGS BYUNG BA YIN PAS DMIGS PA MA BRJED PAR SEMS DE LA GTAD BZHIN DU BLO'I ZUR GYI SHES BZHIN SPYANG POS SKYON GANG LA SHOR GRABS 'DUG
BYA RA BYAS NAS DE LAS SEMS PHYIR BLAN DGOS NA YANG, THOG MAR DRAN PA'I MTHU CHUNG RING DE LTAR MI NUS KYANG DMIGS PA SHOR MA THAG SHES BZHIN GYIS RIG PAR BYAS TE SNGA MA'I DMIGS RTEN DRAN PAR BYAS LA 'JOG CING, SKABS THAMS CAD DU DMIGS PA RTEN BRTEN PA LA DMIGS NAS RNAM PA DE LTAR DU SNANG BA LTAR GRUB PA RDUL TZAM YANG MED PAR NGES PA'I SNANG STONG TSOGS PA SGYU MA LTA BUR 'CHAR BA LA BSLAB DGOS TE, DE LTAR BYAS NA 'KHOR BA'I RTZA BA BDEN 'DZIN DANG 'DZIN STANGS DNGOS SU 'GAL BA YIN PAS ZAB MO'I LAM GYI RIM PAR 'GYUR BAS ZAB GSAL GNYIS MED KYI RNAL 'BYOR ZHES BYA'O, ,DE YANG PHAR PHYIN THEG PA'I STONG NYID DANG RGYUD SDE 'OG MA GSUM GYI LHA'I RNAL 'BYOR BSGOM PA DANG MI 'DRA BAR, RIG MA BSGOM PA SOGS RNAM PA THAMS CAD DU BDE BA SKYE BA'I THABS BYAS NAS BLO BDE BA'I NGO BOR SONG BA NA DES SNGAR LTAR ZAB GSAL GNYIS MED KYI RNAL 'BYOR BSGOMS PAS BDE BA JI TZAM CHE BA BZHIN RNAM RTOG 'GAG PHUL CHE LA, DE CHE BAS STONG NYID LA NGES PA SHUGS DRAG PA 'BYUNG ZHING, DE BYUNG BAS BDEN 'DZIN LA GNOD PHUL CHE BAS MYUR DU BDAG MED RTOGS PA DANG, BDEN 'DZIN SPONG BA SOGS SU 'GYUR ZHING, BDE STONG DE'I GZUNG RNAM GCIG PU RTEN BRTEN PA THAMS CAD DU SHAR BA LA GOMS PAS 'BRAS BU'I SAR GTZO BO GCIG PU'I YE SHES KYI CHO 'PHRUL LAS DAG PA'I RTEN
, ,BRTEN PA RAB 'BYAMS SU SNANG BA'I 'BRAS BUL LAM DU BYAS PA DANG, DE 'DRA'I RDZOGS RIM GYI SMIN BYED DU 'GYUR BA SOGS DGOS PA KHYAD PAR CAN YOD PAS NA RNAM PA THAMS CAD DU BDE STONG GI RTZIS ZIN PAR BYED PA 'DI RIM PA DANG PO'I BSGOM BYA MED DU MI RUNG PA RGYUD SDE 'OG MA SOGS LAS ZAB PA'I GNAD DAM PA YIN NO, ,DE LTAR BSGOMS PAS SKU'I RNAM PA DANG RGYAN DANG PHYAG MTSAN SOGS RIM GYIS GSAL BTAB NA GSAL BAR 'CHAR LA CIG CAR DU GSAL MI NUS PA NI LAS DANG PO BA DANG, RAGS PA'I DKYIL 'KHOR THAMS CAD CIG CAR DU GSAL YANG SKYE MCHED KYI LHA RNAMS CIG CAR DU MI GSAL BA NI YE SHES CUNG ZAD BABS PA DANG, SKYE MCHED KYI LHA RNAMS KYANG SKAD CIG TZAM LA GSAL NUS PA NI YE SHES LA CUNG ZAD DBANG BA STE, SPYAN GYI DKAR NAG TSUN CHAD MA 'DRES PAR GSAL BA LA YUN MI THUNG TZAM GNAS NUS PA NI RAGS PA MTHAR PHYIN PA'I TSAD DO, ,PHRA BA LA BSLAB PA NI, STENG 'OG GI SNA RTZER PHRA THIG BSGOM PA'I DUS NI GNYIS TE BSKYED RIM RAGS PA LA SLOB PA'I SKABS SU BYING BA SHAS CHE NA DE SEL BA'I CHED DU STENG GI SNA RTZE RTZA ZHAL GYI YE SHES KYI SPYAN GYI DBUS SU ZLA GDAN SRAN MA PHYED BSHAGS TZAM GYI STENG DU RDO RJE SNGON PO YUNGS 'BRU TZAM GYEN 'GRENG GIS GNAS PA LA SEMS
RTZE GCIG TU DMIGS NAS BSGOMS PAS BYING BA BSAL BA NA RAGS PA'I DMIGS RTEN GYI 'PHRO LA 'JUG ,YANG RGOD PA SHAS CHE NA 'OG GI SNA RTZE YAB YUM GYI GSANG GNAS 'PHRAD PAS YUM GYI BH'A GAR YAB GYI RDO RJE BCUG CING YAB KYI DBU MA'I NANG DU YUM GYI DBU MA BCUG PA NI RTZA RDO RJE SKYIL KRUNG STE DE'I NANG DU ZLA GDAN LA RDO RJE SNGON PO NYAL 'GRENG GANG BDE BSGOM LA RGOD PA BSAL BA NA SNGAR GYI 'PHRO LA 'JUG GO ,BSKYAD RIM RAGS PA MTHAR PHYIN PA NA DE NYID BRTAN PAR BYA BA'I PHYIR STENG GI SNA RTZER RDO RJE SNGAR LTAR BSGOM LA DE LAS RANG 'DRA GNYIS, DE LAS BZHI, DE LAS BRGYAD, DE LAS BCU DRUG SOGS RIM PA LTAR 'DAB 'GYUR SPROS TE, GDONG KHEB TZAM DANG, MDUN DANG GZHAL YAS KHANG LA SOG PA GANG ZHING RGYA JE CHER SONG STE MDOR NA NAM MKHA'I MTHA' DANG MNYAM PA SPROS SHING SLAR YANG SNGAR GYI GO RIM MA 'KHRUL BAR BSDUS TE RTZA BA'I RDO RJE LA THIM ZHING DE LTA BU'I TSUL GYIS SPRO BSDU LA BSLAB PAR BYA, 'OG SGO'I THIG LE NI SNGAR LTA BU'I RDO RJE'I LTE BAR ZLA GDAN LA RTEN BRTEN PA'I DKYIL 'KHOR YONGS SU RDZOGS PA BSGOM ZHING DE YANG SKYE MCHED KYI LHA RNAMS KYI SPYAN DKAR NAG TSUN CHAD MA 'DRES PA DUS GCIG TU SHAR BA LA BSLAB PA BU'I TSUL DANG, DE'I GTZO BO YAB YUM GYI RTZA SOGS SNGAR LTA BU'I RDO RJE'I LTE BAR RTEN BRTEN PA THAMS CAD SNGAR JI LTA BA BZHIN BSGOM PA TSA BO'I TSUL DANG, DE'I
, ,GTZO BO YAB YUM GYI RTZA SOGS SNGAR JI LTA BA'I DKYIL 'KHOR YONGS SU RDZOGS PA BSGOM PA NI YANG TSA STE, BU DANG TSA BO YANG TSA'I TSUL DU BSGOM PAR GSUNGS TE DE DAG GI TSE YANG NYES PA LNGA SPONG LUGS 'DU BYED BRGYAD BSTEN LUGS, SEMS GNAS PA DGU YID BYED BZHI STOBS DRUG GIS 'GRUB LUGS SOGS LAM MTHUN MONG BA'I SKABS JI LTA BA BZHIN DGOS SO, ,DE LA GOMS NAS RKYEN GZHAN MA BYUNG NA NYIN ZHAG GCIG GI DRUG CHA 'KHYONGS PA NI BSKYED RIM PHRA MO MTHAR PHYIN PA'I TSAD DU GSUNGS LA, DE LTA BU'I BSGOM DON RAGS PA TZAM YID YUL DU MA SHAR YANG SKABS 'DIR YUD TZAM KHA ROG SDOD PA SKAD BYED DGOS GSUNGS, GSUM PA RNAM DAG DRAN TSUL NI, DE LTAR BSGOMS PAS YID SKYOB STE NGAL DUB BYUNG BA NA, DGOS PA 'DI DANG 'DI'I PHYIR DU SKU'I RNAM PA SOGS 'DI LTA BU BSTAN PA'O SNYAM DU DRAN PA LA DAG PA DRAN PA ZHES BYA STE, GZHI LAM 'BRAS GSUM GYI CHOS RNAMS STON PA'I PHYIR 'DI LTA BU'I SKUR BZHENGS PA STE, ZHAL DGU NI GSUNG RAB YAN LAG DGU STE, MDO SDE DBYANGS SNYAD LUNG BSTAN DANG, ,TSIGS BCAD CHED BRJOD GLING GZHI DANG, ,RTOGS BRJOD DE LTA BU BYUNG DANG, ,SKYES RABS SHIN TU RGYAS PA DANG, ,RMAD BYUNG GTAN LA DBAB PA'I SDE, ,ZHES DE RNAMS LA GSUNG RAB YAN LAG BCU GNYIS SU
GRAGS LA, DE'I NANG GI RTOGS BRJOD DANG DE LTA BU BYUNG SKYES RABS STE DE GSUM GLENG GZHI'I SDER BSDUS PA'I DGUR 'GYUR ZHING DE RNAMS LA THOS BSAM BYED DGOS PA STON, RVA GNYIS KYIS GSUNG RAB DE LA SBYANGS PAS KUN RDZOB DANG DON DAM BDEN PA GNYIS GTAN LA 'BEBS DGOS PA STON, PHYAG SO BZHI DANG SKU GSUNG THUGS TE SO BDUN GYIS, DRAN PA NYER GZHAG BZHI, YANG DAG SPONG BA BZHI, RDZU 'PHRUL RKANG PA BZHI, DBANG PO LNGA; STOBS LNGA, BYANG CHUB KYI LAM YAN LAG BDUN, 'PHAGS LAM YAN LAG BRGYAD KYI BAR NYAMS SU BLANG BYA'I LAM BYANG PHYOGS SO BDUN TE GZHI BDEN PA GNYIS KYIS LAM BYANG PHYOGS SO BDUN BGROD DGOS PAR STON, ZHABS BCU DRUG GIS STONG GZHI CHOS CAN LAS DBYE BA'I PHYI DANG NANG LA SOGS PA'I STONG NYID BCU DRUG ,STONG NYID DE YANG LHAN SKYES KYI BDE BA DANG SBYAR TE DBYER MED DU BSGOM DGOS PA NI YUM DANG SBYOR BAS STON, MI LA SOGS PA BRGYAD NI, DE'I 'BRAS BU, RAL GRI LAG TU THOGS TZAM GYIS CI 'DOD DU SLEBS PA RAL GRI'I DNGOS GRUB, RI LU ZOS PAS STOBS DANG MDANGS GSAL BA RI LU'I DNGOS GRUB, MIG LA SMAN BYUGS PAS SA 'OG GI GTER MTHONG BA MIG SMAN GYI DNGOS GRUB, RKANG MGYOGS LA MANG YANG LO MA'I RKANG MGYOGS ZHES PA DER BZHON PAS CI 'DOD DU SLEBS PA
, ,RKANG MGYOGS KYI DNGOS GRUB, RDZAS BYUGS PAS GZHAN GYIS MI MTHONG BA MI SNANG BA'I DNGOS GRUB, BCUD LEN GYI RIL BU ZOS MA THAG RGAN PO LO BRGYAD CU LON PA YANG GZHON NUR 'GYUR BA BCUD LEN GYI DNGOS GRUB, MKHA' SPYOD DU LUS MA SPANGS PAR BGROD PA MKHA' SPYOD KYI DNGOS GRUB, SA 'OG TU CHU LA NYA 'GRO BA LTAR 'GRO BA SA 'OG GI DNGOS GRUB STE DNGOS GRUB BRGYAD DANG, BYA RGOD LA SOGS PA BRGYAD NI, SKU GSUNG THUGS DANG RDZU 'PHRUL KUN 'GRO DANG, ,GNAS DANG CI 'DOD BSKYED DANG YON TAN BRGYAD, ,CES PA LTAR SANGS RGYAS NYAG GCIG GI YON TAN DBANG PHYUG BRGYAD DAG PA STE DNGOS GRUB GNYIS KYI NANG NAS PHYI MA MCHOG YIN, GCER BUS NI DE LTA BU'I SANGS RGYAS NI SGRIB PA THAMS CAD ZAD PA DANG, SKRA GYEN DU BRDZES PA NI MI GNAS PA'I MYA NGAN LAS 'DAS PA'I GO 'PHANG THOB PA STON LA, DE RNAMS KYI DON RJE NYID KYIS BSDU BAR MDZAD PA NI, GTAN LA 'BEBS BYA'I GZHI GSUNG RAB YAN LAG DGU ZHAL DGUS STON, DE'I BRJOD BYA NI KUN RDZOB SGYU MA DANG DON DAM NAM MKHA' LTA BU STE BDEN PA GNYIS SU 'DUS PA'I LAM BYANG PHYOGS SO BDUN NI, PHYAG SO BZHI DANG SKU GSUNG THUGS KYIS STON, LAM DE RNAMS KYI GTZO BO DON DAM BDEN PA STONG NYID BCU DRUG GIS RTOGS PA NI ZHABS
BCU DRUG GIS STON, DE YANG BLA MED RDO RJE THEG PA 'DIR STONG NYID DE RKYANG PA MIN PAR THABS LHAN SKYES KYI BDE BA CHEN PO DANG DBYER MED DU SBYOR DGOS PA NI YUM DANG SBYOR BAS STON, DE LTA BU'I LAM GYIS BGRONG PA'I 'BRAS BU LA DNGOS GRUB MTHUN MONG BA GRUB PA CHEN PO BRGYAD MI SOGS KYIS DANG, MTHUN MONG MA YIN PA MCHOG GI DNGOS GRUB DBANG PHYUG BRGYAD BYA RGOD SOGS KYIS STON, DNGOS GRUB DE GNYIS KYI GTZO BO DBANG PHYUG BRGYAD YIN PA GCER BUS BSTAN, DE NYID MI GNAS PA'I MYA NGAN LAS 'DAS PA YIN PA NI SKRA GYEN DU BRDZES PAS STON PA'O, ,ZHES DPAL RDO RJE 'JIGS BYED CHEN PO'I SKU'I RNAM PAR SHAR PA DES DON DE LTA BU MTSON PAR GO DGOS SO, ,ZHES GSUNGS SO, ,BZHI PA BZLAS PA BYA BA NI, THOG MAR BGRANG PHRENG 'DU BYA BA LA, RAB MI RUS KYI PHRENG BA'AM, RU RAKshA SOGS LAS MTHUN DANG, MA 'BYOR NA BO DHI TZI NI LAS THAMS CAD LA RUNG BAR GSUNGS, PHRENG RDOG GI GRANGS LA PHYAG BZHES MANG YANG BRGYA DANG BCU GCIG RE BYAS NA LEGS PAS DE NYID GZHON NU MA MA NYAMS PAS BKAL BA'I SKUD PA DGU BSGRIL LA BRGYUS PAR STOBS DANG MI 'JIGS PA MTSON PA'I MDUNG 'DZIN NYIS BRTZEGS BYAS PA, SNYIM PAR BCUG LA BSANG SBYANG SNGON DU 'GRO BAS PHRENG RDOG RE GSUNG RDO RJER BSKYED PA DKYIL CHOG RDO RJE PHRENG BA'I DGONGS
, ,PA YIN PAS CHO GA LTAR BSKYED CING BZLAS PA'I BAR BYA, DE NAS GSUNG RDO RJE'I NGO BO 'DOD CHAGS GSHIN RJE'I GSHED RJES CHAGS KYI MES BYANG SEMS DKAR DMAR DU ZHU BA, KHRAG 'DZAG PA'I MI MGO'I PHRENG BAR GYUR TE, MI MGO RE RE'I DPRAL BAR RTEN BRTEN PA'I DKYIL 'KHOR YONGS RDZOGS SAm GTZO BO YAB YUM GSAL BTAB LA LAG PA GA-YAS PA'I MTHE BONG LCAGS KYU'I RNAM PAS PHRENG RDOG RE 'DREN PA DANG MNYAM DU PHRENG RDOG GI LHA LAS GNYIS PA RE CHAD NAS THUGS KA'I TING NGE 'DZIN SEMS DPA' LA THIM PAR BSAM, ZHI BZLAS SKABS 'PHRENG BA RIN PO CHE LAS GRUB PAR ME LONG GI GZUGS BRNYAN BZHIN 'JAM DPAL YE SHES SEMS DPA' GSAL 'DEBS DGOS GSUNGS, DE NAS ZHI KHRO SBRAGS SGRUB BYED PA NI 'TSUB CHA CHUNG ZHING LEGS PA YIN PAS, DE'I TSUL NI, SRAD RGYUD PA'I BZHED PA LTAR YE SHES SEMS PA'I THUGS KA'I NYI GDAN RANG GNAS KYI STENG DU H'Um YIG YONGS SU GYUR PA LAS RAL GRI'I 'KHOR LO RTZIBS DRUG PA'I LTE BAR RAL GRI SO GNYIS PA LANGS STABS CAN GYI YU MTSAMS SU ZLA GDAN LA DH'I: DMAR SER RING CHA TSEG DRAG DANG BCAS PA PHYI GSAL NANG GSAL CAN, DE'I YU MTSAMS SU 'KHYUD MO KHROL MA 'KHOR DU RUNG BA BYA PHRUG KHA'I DBYIBS CAN LAS RTZIBS KYI RAL GRI SO GNYIS PA DRUG LEB CHAGS SU THON PA THAMS CAD
LAS ME CUNG ZAD 'BAR BA'I RANG BZHIN CAN SHIN TU RNO BA, RTZIBS RNAMS KYI YU BA'I MTSAMS LA NYE BA'I STENG DU ZLA GDAN RE RE RTZIBS LA CUNG ZAD MA REG PA'I REG LA MA 'BYOR BA RNAMS KYI STENG DU MDUN NAS GA-YAS SKOR DU AOm AA RA PA TZA NA, ZHES PA'I 'BRU RE RE GNAS PA, RTZIBS RNAMS KYI BAR DU ZLA BA'I STENG DU DH'I: DMAR SER RE RE BSAM LA RAL GRI'I RTZIBS RNAMS GA-YAS SKOR DANG, YIG 'BRU RNAMS GA-YON SKOR DU SHIN TU MGYOGS PAR 'KHOR BAR BSAM DGOS TE, HA CANG MGYOGS PAR 'KHOR BAS MI 'KHOR BA LTA BU BSAM NA SROG RLUNG SOGS KYI SKYON CHUNG BAR 'GYUR GSUNGS, DBUS KYI DH'I:'I GI GU'I NANG DU ZLA GDAN LA RANG GZHAN BSGRUB BYA GANG YIN THA MAL BA'I RNAM PA CAN, BLA MA'I ZHABS BRTAN SGRUB NA RANG THA MAL BA'I SPYI BOR BLA MA ZHAL MJAL DUS KYI RNAM PA CAN GSAL GDAB, 'DI'I SKABS SU SPYIR LHA GTZO 'KHOR THAMS CAD LA NGA RGYAL DANG GSAL SNANG DGOS KYANG, GTZO BOR YE SHES SEMS DPA' LA NGA RGYAL DANG GSAL SNANG 'DZIN DGOS, 'DI'I DMIGS PA GTZO BO NI GSUM LAS, MA RIG PA GCOD PA'I MAN NGAG NI DBUS KYI DH'I: YIG LAS 'OD ZER 'PHROS PAS RANG GZHAN BSGRUB BYA'I LUS KYI PHYI NANG THAMS CAD LA KHYAB PAS MA RIG PA STE MI SHES PA'I RMONGS PA THAMS CAD SKRA SHAD KYI RNAM PAR PHYAGS TE STENG RLUNG GIS MNAN PAS 'KHOR LO'I STENG DU BAB PA 'KHOR LOS BCAD DE PHYE MAR BYAS PA MES BSREGS
, ,PA'I THAL BA 'OG SGO NAS THON PA'I GAR SONG CHA MED DU BSAM, MA DAG PA 'KHRUD PA'I MAN NGAG NI, SLAR YANG 'OD ZER GYI SNE LA LHA MO BDUD RTZI'I BUM PA THOGS PA DPAG MED SPROS TE BSGRUB BYA'I SPYI BO NAS CHU RUB KYI TSUL DU DBANG BSKUR BA'I SKABS LTAR BKRUS PAS NAD GDON SDIG SGRIB THAMS CAD DAG NAS LUS SHEL LTAR DVANGS GSAL 'OD KYI RANG BZHIN DU GYUR PAR BSAM LA SLAR LHA MO RNAMS DH'I: LA THIM PAR BSAM, MI SHES PA BSAL BA'I MAN NGAG NI, SLAR YANG DH'I: YIG LAS 'OD ZER DPAG MED SPROS PAS BSGRUB BYA'I LUS THAMS CAD GANG RMONGS PA'I MUN PA THAMS CAD MUN KHUNG DU NYI ZER ZHUGS PA BZHIN GAR SONG CHA MED DU DAG PAR BSAM MO, ,GZHAN YANG SKU YIS CHE ZHING GSUNG GIS GSAL, ,SA BON MYUR BA PHYAG MTSAN ZAB, ,GLEGS BAM RAL GRI GLEGS RAL GYIS, ,'CHANG DANG RTZOD DANG RTZOM PA'O,, ZHES GSUNGS PA RNAMS KYANG SHES PAR BYA DGOS, MI BRJED PA'I GZUNGS THOB PAR 'DOD NA RANG GI LCE STENG DU DH'I: YIG DMAR SER RING CHA TSEG DRAG DANG BCAS PA MGO GRE SBUGS SU BSTAN PA ZHIG BSAM LA DE LAS 'OD ZER DPAG MED 'PHROS PAS PHYOGS BCU'I RGYAL BA SRAS BCAS THAMS CIDYA SKU GSUNG THUGS KYI BYIN RLABS NUS MTHU THAMS CAD DH'I: YIG GI RNAM PAR SPYAN DRANGS TE LCE STENG GI DH'I: LA THIM PAR BSAM
LA DBUGS THENG GCIG LA DH'I: BRGYA RTZA GCIG GAm GANG LCOGS BGRANG, DE NAS MCHIL MA SGRA MED MID PA DANG MNYAM DU LCE'I DH'I: YIG 'OD DMAR SER DU ZHU NAS 'KHOR LO'I DBUS KYI DH'I: YIG LA THIM PAS MAR ME'I STENG DU ZHUN MAR BLUG PA LTAR 'OD ZER CHER 'BAR TE LUS NANG THAMS CAD GANG ZHING GSAL, DH'I: YIG 'BA' ZHIG GIS BAR MTSAMS MED PAR GTAMS STE MI BRJED PA'I GZUNGS THOB BYUNG SNYAM PA BYA'O, ,DE NAS DRAG PO'I TSE 'KHOR LO YIG 'BRU DANG BCAS PA YONGS SU GYUR PA LAS H'Um YIG SNGAR LTAR GNAS PA'I MTHAR RTZA SNGAGS, SNYING PO, NYE SNYING GSUM PHYI NAS RIM PA BZHIN GA-YAS SKOR DU 'KHOD PA 'AM, RVA LUGS MAN NGAG SROG RLUNG GI GEGS SEL BA'I PHYIR NYI MA'I STENG DU RDO RJE SNGON PO RTZE LNGA PA GYEN 'GRENG GI LTE BA'I SBUBS SU 'KHOR LO DKAR PO RTZIBS BRGYAD PA GNYIS STENG 'OG NAS KHA SBYAR GUR STABS KYI NANG DU PADMA DMAR PO 'DAB MA BRGYAD PA GNYIS STENG 'OG NAS KHA SBYAR GUR STABS CAN, GNYIS KA BAR MTSAMS MED PA ME LONG LA 'KHOR LO DANG PADMA'I GZUG BRNYAN BZHIN, DE'I DBUS KYI BAR SNANG LA TING NGE 'DZIN SEMS DPA' H'Um YIG SNGON PO, DE'I KLAD KOR GYI NANG DU ZLA GDAN LA RANG THA MAL BA'I RNAM PA CAN SOGS BSGRUB BYA, DE'I MTHAR MDUN NAS GA-YAS SKOR DU YA M'ANTA KA, DE'I MTHAR HR'I: shtR'I: DE'I MTHAR SHAR GYI 'DAB MA'I THAD DU, YA MA R'A DZ'A, SHAR LHO'I
, ,'DAB MAR, SA DO ME YA, LHO'I 'DAB MAR, YA ME DO RU, LHO NUB KYI 'DAB MAR, nA YO DA YA, NUB KYI 'DAB MAR, YA DA YO NI, NUB BYANG GI 'DAB MAR, R'A YA KshE YA, BYANG GI 'DAB MAR, YA KshE YATZTSA, BYANG SHAR GYI 'DAB MAR, NI R'A MA YA, ZHES PA'I BZHI MTSAN BRGYAD DANG, BZHI TSAN RE RE'I STENG DU AOm RE DANG 'OG TU H'Um H'Um PHAt PHAt RE DANG DE'I YANG 'OG TU SV'A H'A RE STE KHYON AOm BRGYAD H'Um H'Um PHAt PHAt BRGYAD SV'A H'A BRGYAD RNAMS STENG 'OG PHYOGS MTSAMS GANG LA'ANG MA REG PA KHA DOG SNGON PO 'OD ZER SNA LNGA 'PHRO BAR BSGOM, BZLAS DMIGS LA SPYIR RDO RJE, KHRO BO; KHROS PA, 'KHYOGS SAM DO LE, DAM TSIG ,GONG BU'I BZLAS PA SOGS MANG DU YOD KYANG 'DIR SKABS SU BAB PA NI, TING NGE 'DZIN SEMS DPA' LAS 'OD ZER SNA LNGA DPAG TU MED PA PHYOGS BCUR 'PHROS PA DBUGS PHYIR 'GRO BA DANG MNYAM DU SHANGS BUG GA-YAS NAS THON TE 'JIG RTEN KHAMS KYI SNOD BCUD THAMS CAD LA KHYAB PAS DE RNAMS KYI NYES SKYON THAMS CAD SBYANGS TE SNOD THAMS CAD GZHAL YAS KHANG DANG, BCUD THAMS CAD RDO RJE 'JIGS BYED KYI LHA DANG LHA MO'I RNAM PAR BSGYUR TE SLAR TSUR 'DUS NAS DBUGS NANG DU 'GRO BA DANG BSTUN NAS SHANGS BUG GA-YON NAS ZHUGS TE SNYING GA'I H'Um LA THIM PAR BSAM, YANG H'Um YIG SNGAGS 'PHRENG DANG BCAS PA LAS ZHAL GCIG
PHYAG GNYIS PA DANG, ZHAL PHYAG YONGS SU RDZOGS PA'I YAB YUM SPROS TE PHYOGS BCU'I SEMS CAN RNAMS KYI SPYI BOR BZHUGS NAS SNYOM PAR ZHUGS PA'I BYANG SEMS KYI RGYUN BAB PAS SGO GSUM GYI SDIG SGRIB BAG CHAGS DANG BCAS PA SBYANGS NAS RDO RJE 'JIGS BYED KYI GO 'PHANG LA BKOD, SNOD KYI 'JIG RTEN RNAMS KYANG DAG PA'I ZHING KHAMS SU BSGYUR NAS SNGAR LTAR SNYING GAR BSDU, YANG H'Um YIG SNGAGS 'PHRENG DANG BCAS PA LAS ME 'OD DPAG TU MED PA SPROS TE LUS NANG THAMS CAD GANG BAS NAD GDON SDIG SGRIB THAMS CAD BYA SGRO MES BSREGS PA LTAR ZHOB THUL GYIS BSREGS, ME DPUNG PHYIR 'PHROS TE SNANG SRID THAMS CAD ME DPUNG DU 'BAR BAS SEMS CAN RNAMS BYANG CHUB KYI LAM NYAMS SU LEN PA LA BAR DU GCOD PA'I DGRA BGEGS BDUG PA CAN THAMS CAD BSREGS SHING ME DPUNG LAS SNGAGS KYI SGRA 'BRUG STONG LDIR BA LTAR SGROG PAR BSAm, YANG H'Um YIG LAS 'OD ZER GYI SNE MOR MCHOD PA'I LHA MO MCHOD RDZAS SNA TSOGS THOGS PA DPAG TU MED PA SPROS PAS PHYOGS BCU'I RGYAL BA SRAS BCAS THAMS CAD LA MCHOD PA PHUL BAS ZAG MED KYI BDE STONG KHYAD PAR CAN 'KHRUNGS SHING, DE RNAMS KYI SKU'I BYIN RLABS THAMS CAD RDO RJE 'JIGS BYED KYI SKU CHE BA RI RAB NAS CHUNG BA RDUL PHRAN TZAM GYI BAR DANG, GSUNG GI BYIN RLABS THAMS CAD RTEN 'BREL SNYING
, ,PO DANG, DBYANGS GSAL DANG RTZA SNGAGS LA SOGS PA SNGAGS PHRENG GI RNAM PA DANG, THUGS KYI BYIN RLABS THAMS CAD GRI THOD DANG, RDO RJE LA SOGS PA'I PHYAG MTSAN GYI RNAM PA DPAG TU MED PA SPYAN DRANGS RANG GI GNAS GSUM DU THIMS PAS BYIN GYIS BRLABS PAR BSAM MO, ,GZHAN YANG RES 'GA' LHA'I SKU DANG, RES 'GA' GZHAL YAS KHANG SOGS LA GSAL SNANG DANG, BDE STONG DANG SNGAGS 'KHOR DANG, SNGAGS KYI SGRA DANG, NGA RGYAL SOGS LA SEMS 'DZIN BZHIN DU BZLA, YANG RES 'GA' SNGAR SRUNG 'KHOR GYI SKABS SU BSHAD PA'I GNAD LNGA SOGS KYANG BYA'O, ,DE NAS YA MA R'A DZ'A 'OD DU ZHU STE NANG GI SNYING PO LA THIM PAR BSAM LA HR'I: sht'I: BZLA ZHING, DE YANG 'OD DU ZHU NAS NYE SNYING LA THIM PAR BSAM LA YAM'ANTKA BZLA, DE YANG 'OD DU ZHU NAS H'Um YIG LA THIM PAR BSAM PA NI GNAD CHE'O, ,DE NAS YUM GYI BZLAS PA BYA BA LA YUM LA ZHI KHRO SGRAGS SGRUB BYA BAR 'DOD NA DE LA LUGS MANG YANG, DA LAM SKABS SU BAB PA NI, YUM GYI THUGS KAR NYI GDAN LA RDO RJE SNGON PO RTZE LNGA PA'I LTE BAR H'Um YIG YOD PA'I H'Um 'OD DU ZHU NAS PADMA DKAR PO 'DAB BRGYAD PA'I LTE BAR ZLA GDAN LA DBYANGS CAN MA DKAR MO ZHAL GCIG PHYAG GNYIS MA BEEd'UR+YA'I BI WAm 'DZIN CING ZHI 'DZUM DGYES PA'I NYAMS CAN NA CHUNG MYOS PA'I 'DUG
STANGS TZOG BU'I STABS KYIS BZHUGS PA DAR DKAR GYI NA BZA' CAN DE'I THUGS KAR PAD ZLA'I GDAN LA SNGAR LTA BU'I PI WAm RGYUD STONG LDAN RANG SGRA SGROG BZHIN PA MGO GA-YAS PHYOGS SU BSTAN PA'I RGYUD KYI STENG GI BAR SNANG LA PAD ZLA'I GDAN LA SHES RAB KYI 'KHOR LO DKAR PO RTZIBS DRUG PA GDAN STABS SU GNAS PA, DE'I LTE BAR HR'I: YIG DKAR PO RING CHA TSEG DRAG CAN RTZIBS RNAMS RAL GRI LTA BU SHIN TU RNO BA'I STENG DU ZLA GDAN LA MDUN NAS GA-YAS SKOR DU AOm AA RA PA TZA NA, ZHES PA DKAR PO LANGS STABS CAN, HR'I: 'I GE GU'I NANG DU ZLA BAR GNAS PA'I BSGRUB BYA SNGAR LTAR GSAL GDAB, RTZIBS KYI BAR SENG GI ZLA BA'I STENG DU HR'I: YIG RE RE GDAN GYI PADMA 'DAB BRGYAD KYI 'DAB RE'I STENG GI NANG NGOS SU DBYANGS YIG GNYIS RE DANG, PHYI NGOS SU GSAL BYED KYI MYA NGAN GYI YI GE NGA NYA GNYIS DOR BA 'KHRUL 'KHOR LTAR RAm, KshA YA GNYIS DOR BA GSANG 'DUS BZHIN GYI GSAL BYED SO GNYIS 'DAB MA RE LA BZHIR BSKYED PA'AM, YANG NA GSAL BYED BZHAG KYANG CHOG ;DE NAS AOm AA RA PA TZA NA HR'I: ZHES PA ZHAL THAMS CAD DANG PI WAm GNYIS NAS KYANG SGRA DE LTAR BYUNG BAR BSAM LA CI 'GRUB BZLA BZHIN DU MA DAG PA 'KHRUD PA DANG MI SHES PA BSAL TSUL SNGAR BZHIN BYA ZHING, 'KHOR LO 'KHOR BA MED PAS MA RIG PA GCOD RGYU MED GSUNGS, DE NAS 'KHOR LO YIG 'BRU DANG BCAS YONGS SU GYUR PA LAS RDO RJE SNGON PO'I LTE BA'I SBUBS SU H'Um YIG GI MTHAR SNGAGS PHRENG GIS BSKOR BAR BSAM LA YUM SNGAGS BZLA'O, ,'KHOR RNAMS KYI SNGAGS
, ,BZLA BA'I TSE GTI MUG GSHIN RJE'I GSHED LA MTSON NA, THUGS KAR NYI GDAN LA 'KHOR LO DKAR PO'I LTE BA'I SBUBS SU KshE DANG DE'I MTHAR MTSAN SNGAGS KYI BSKOR BA LA DMIGS NAS BZLA ZHING BSNYEN PA'I TSE RANG RANG GI GRANGS GSOG SKABS DKYIL 'KHOR RGYAL MCHOG SKABS SU MDZAD PA MDZAD PA LTAR SPRO BSDU YANG BYA, DE BZHIN DU SER SNA GSHIN RJE'I GSHED KYI THUGS KA'I RIN PO CHE'I DBUS KYI SBUBS SU SA BON GYI MTHAR SNGAGS KYIS BSKOR BA SOGS 'KHOR THAMS CAD LA RIGS 'GRE SHES PAR BYA STE PHYAG MTSAN YE SHES SEMS DPA'I TSUL DANG, SA BON TING NGE 'DZIN SEMS DPA'I TSUL TE SEMS DPA' GSUM BRTZEGS KYI TSUL DU BYA ZHING, SNGAGS GCIG BZLA BA'I TSE DE'I RIGS CAN GZHAN GYI THUGS KAR YANG SNGAGS 'PHRENG BSAM TSUL BSHAD PA YOD KYANG DE HA CANG MI BDE BAS BYA GI MED GSUNGS, SNGAGS DE RNAMS KYI DON LA, YA MA R'A DZ'A'I SNGAGS DON SGRA THAD BSGYUR LTAR NA, GANG DU GSHIN RJE'I RGYAL POS RTAG PAR BDAG ,'DREN PA GANG ZHIG BDAG LA RING DU BRTZE, ,LHAG PAR GNOD SBYIN MIN GANG BRTZE BA GANG, ,DE DAG NAD MED STZOL MDZAD GNOD SBYIN LA'O, ,ZHES DANG, DON BSGYUR NI, GSHIN RJE'I RGYAL POS RTAG TU BDAG LA, ,GSHIN RJE'I GNOD PAS GDUNGS PA'I 'GRO BA, ,GANG YIN SKYE GNAS ZAD MED 'JIGS MED, ,MCHOG SBYIN NGES PAR STZOL CIG BRTZE BAS, ,ZHES PA'O, ,HR'I: shtR'I: 'I THAD BSGYUR NI
GONG DU BSHAD PA LTAR DANG, DON BSGYUR NI, YUL CAN LHAN SKYES KYI BDE BA CHEN PO'I YE SHES YUL STONG PA NYID LA RTZE GCIG TU ROL PAR BYED PA MTHAR THUG PA'I YE SHES DE NYID MA RUNGS PA PHYI NANG GSANG BA'I GSHIN RJE GSUM GYI GNYEN POR SRIN PO DRAG TU KHROS PA LTA BU'I SKUR STON PA KHYOD KYIS SDUG BSNGAL DANG KUN 'BYUNG MA LUS PA CHOMS SHIG ,CES SO, ,YAMANTA KA'I THAD BSGYUR NI, GSHIN RJE'I GSHED DAM GSHIN RJE MTHAR BYED CES DANG, DON BSGYUR NI, PHYI NANG GSANG BA'I GSHIN RJE'I GSHED PO KHYOD KYIS PHYI NANG GSANG BA'I GSHIN RJE RGYU DANG BCAS PA CHOMS SHIG ,CES SO, ,YUM GYI SNGAGS DON NI AOm SNGAd KYI MGO 'DREN, BADZRA RDO RJE, BETTA L'A RO LANGS MA, AA GATZTSA GNYIS TSUR BYON GNYIS, H'Um THUGS KYI SA BON, DZA: 'GUGS PA'I SA BON, SV'A H'A LA BSGYUR LUGS MANG YANG NYE BSGYUR NYI SHU'I NANG GI ,SU DANG, A'A DANG, H'Um LAS SV'A H'A GRUB CING, DE'I SU BDE BA DANG, A'A KUN DANG, H'Um SBYIN PA LA'O, ,ZHES PA LTAR BSDEBS PAS BDE BA KUN LEGS PAR SBYIN PAR MDZAD DU GSOL, ZHES 'BYUNG STE KUN NI MCHOG DGA' LA SOGS PA BZHI'O, ,'KHOR SO SO'I SNGAGS DON NI, RIM PA LTAR, RGYAL BA'I RGYAL BA, RIN CHEN 'CHANG, 'KHOR BA 'JIG ,SHES RAB 'CHANG, DBYUG PA 'CHANG, PADMA 'CHANG, GTI MUG DGA' MA, ZHE SDANG DGA' MA STE PHAG MO RIGS GNYIS 'DZIN GYI PHYIR RO, ,'DOD CHAGS DGA' MA, RDO RJE DGA' MA STE SGROL MA'I NGO BO RDO RJE'I RIGS
, ,KYI YUM GTZO CHE BA SO, ,BAR CHAD BZLOG PA GTZO BOR DON DU GNYER NA 'KHOR GYI BZLAS PA SONG MTSAMS SU KHRO BCU'I BZLAS PA BYAS CHOG ,DE LTA BU'I BZLAS PA'I GRANGS JI LTAR GSOG DGOS PA NI, LHA DANG SLOB MA LA DBANG BSKUR BA SOGS LAS RUNG TZAM LA SNYING PO HR'I: shtR'I: 'BUM PHRAG GCIG ,YUM DANG 'KHOR RNAMS LA KHRI, GTZO 'KHOR THAMS CAD LA DMIGS NAS YE SHES 'BEBS SNGAGS KHRI, KHA SKONG GI ZHI BA'I SBYIN SREG DANG BCAS PA BYA BAR GSUNGS, RTOG BDUN GYI RTOG PA GSUM PA LAS BSHAD PA'I DENG SANG BSNYEN CHEN DU GRAGS PA LA YA M'ANTA KA 'BUM PHRAG BDUN, HR'I: shtRI: 'BUM PHRAG GSUM, RTZA SNGAGS 'BUM PHRAG GCIG ,YUM MAN CHAD SNGAR DANG 'DRA, DE'I SNGON DU ZHI BA'I SNGAGS AA RA PA TZA 'BUM PHRAG BDUN BZLA BA BLA MA GONG MA'I PHYAG BZHES YIN PAS DE BZHIN DU BYA LA, LHAS GNANG BA'I MTSAN MA BRTAN PO YANG MA THOB LA, SNGAGS KYI GRANGS KYANG MA RDZOGS NA LO DANG ZLA BA LA SOGS PA'I DUS JI TZAM SONG RUNG GO MI CHOD PAR GSUNGS, LAS RAB 'BYAMS SGRUB PA'I BSNYEN PA NI DA LTA'I GANG ZAG GIS JI SKAD BSHAD PA'I MTSAN MA BRTAN PO THOB NA MA GTOGS GRANGS KYI BSNYEN PA BYE BAR GSUNGS PA LEGS PAR MTHONG NGO, ,ZHES RJE RIN PO CHE GSUNG PA LTAR YA MA R'A DZ'A 'AM HR'I: shtR'I: BYE BA GSOG PAR RIGS SO, ,YE SHES 'BEBS SNGAGS GSOG MTSAMS
LA BZHED PA MI 'DRA BA KHA CIG SNANG YANG GTZO 'KHOR THAMS CAD KYI GRANGS SONG BA'I MTSAMS SU BZLA ZHING, SNGAGS NI DKYIL CHOG TU 'BYUNG BA LTAR HR'I: shtR'I: YI GE BCU BZHI PA LA, A'A BE SHA SOGS BTAGS PA STE, DE'I DON A'A BE SHA YA GNYIS NI KUN TU PHOB CIG GNYIS TE SPYI BO'I BYANG SEMS DANG, TAMBHA YA GNYIS NI RENGS PAR GYIS GNYIS TE SNYING GA'I SA DKYIL, RAR GNYIS NI ME'I SA BON YIN PAS 'BAR BAR GYIS GNYIS TE LTE BA'I ME, TZA LA YA GNYIS NI GA-YO BAR GYIS GNYIS TE RKANG MTHIL GYI RLUNG DKYIL LO, ,DE NAS H'Um HA: A'A: NI SKU GSUNG THUGS KYI SA BON DANG, DZHEE NI BSKUL TSIG GO ,DE'I TSE SNYING GA'I H'Um YIG SNGAGS PHRENG DANG BCAS PA KHA DOG DMAR POR GYUR PA LAS 'OD ZER DMAR PO 'PHROS PAS LHA THAMS CAD LA 'PHOG ,DE THAMS CAD SKU MDOG DMAR PO GYUR CING SLAR YANG 'OD ZER DMAR PO RTZE MO LCAGS KYU'I DBYIBS CAN DPAG TU MED PA PHYOGS BCUR 'PHROS PAS ZHING RAB 'BYAMS NA BZHUGS PA'I RGYAL BA SRAS BCAS THAMS CAD RDO RJE 'JIGS BYED KYI RTEN BRTEN PA'I DKYIL 'KHOR GYI RNAM PAR BKUG NAS GTZO 'KHOR THAMS CAD LA THIM PAS BDE STONG GNYIS SU MED PA'I YE SHES SKYES SHING 'PHEL LA BRTAN PAR GYUR NAS BYIN GYIS BRLABS PAR BSAM, DE LTA BU'I TSUL GYI SNGAGS RNAMS BZLA BA'I TSE DPUNG BZANG GIS ZHUS PA'I MDO LAS, BZLAS BRJOD BYED TSE MI MYUR MI DAL ZHING, ,SGRA CHER MA YIN
, ,HA CANG CHUNG BAS MIN, ,SMRA BZHIN MA YIN GZHAN DU GA-YENG BZHIN MIN, ,GUG SKYED KLAD KOR TSEG RNAMS NYAMS PAS MIN, ,ZHES GSUNGS PA LTAR, HA CANG SGRA CHE CHUNG DANG, MYUR BUL GNYIS LA SOGS PA'I SKYON BRGYAD DANG BRAL BAR BZLA ZHING, KHYAD PAR GZHAN DU MI 'GRO'I SEMS KYIS NI, ,DE LTA'I TSUL GYIS BZLAS PA BYA, ,YUL GZHAN BLO NI 'GRO BA YIS, ,BSKAL BRGYAR BZLAS KYANG 'BRAS MI 'BYIN, ,ZHES SOGS GSUNGS PA LTAR, THUN DNGOS GZHI'I DUS SU SKABS BAB KYI DMIGS PA GANG YIN LAS SEMS GZHAN DU MI GA-YENG BAR SHES BZHIN GYI BYA RA DANG BCAS TE RTZAL CI YOD KYIS 'BAD DE BYING RGOD KYI DBANG DU MA SONG BAR BZLAS PA RNAMS GRANGS SU GZHUG ,THUN MTSAMS SU YANG SNGAGS KYI NUS PA BSKYED PA'I PHYIR BZLA BAR GSUNGS KYANG GRANGS SU MI BRTZI ZHING, LHA THAMS CAD DANG ZHAL DU YOD NAS BGRANGS PAR MOS NA DE SNYED KYI 'GYUR 'BYUNG BAR GSUNGS SO, ,DE LTAR BZLAS NAS THUN GROL BA NA MCHOD BSTOD MDOR BSDUS BYA, GSHIN RJE'I GSHED KYI YIG BRGYA 'DON, DE'I TSE RIGS BDAG GI THUGS KAR H'Um YIG LA SNGAGS 'PHRENG GIS BSKOR BA LAS BDUD RTZI DKAR PO'I RGYUN BABS PAS SDIG SGRIB SPYI DANG, KHYAD PAR SNGAGS MA DAG PA DANG, TING NGE 'DZIN MI GSAL BA DANG, MI GTZANG BAS SBAGS PA SOGS KYI NYES PA THAMS CAD SBYANGS PAR BSAM PA NI RJE RIN PO CHE'I GSUNG GI GO
RIM LTAR YIN LA, YANG MCHOD BSTOD KYI GONG DU YIG BRGYA BYAS KYANG RUNG BAS KHYAD MED DO, ,GSUM PA THUN GYI MJUG TU JI LTAR BYA TSUL NI, DE NAS THUN DANG PO GSUM GYI MJUG TU GTOR MA MI 'BUL NA SKABS 'DIR SMON LAM RGYAS PA'AM BSDU NA RNAM DAG YID KYI ZHES SOGS SHO LO KA LNGA DANG ZAB LAM RIM PA ZHES SOGS SHO LO KA GCIG DANG, RMAD BYUNG SRAS BCAS ZHES SOGS SHO LO KA GCIG BCAS BTON NAS NYER BSDU BYAS TE THUN MTSAMS LA 'JUG CING, THUN THA MA'I MJUG TU NGES PAR GTOR MA 'BUL DGOS PAS GTOR MA'I RGYU NI ZAN DANG SRAN MA DANG, SHA DANG, NYA SHA DANG, CHAN THUG DANG, 'KHUR BA DANG, CHANG DANG, CHU DANG, SGOG SKYA DANG, 'O MA LA SOGS PA'AM, MA 'BYOR NA SHA GCIG LA THAMS CAD TSAD BAR MOS TE ZAN LA 'DAS MA 'DAS KYI GTOR MA GNYIS DANG LAS GSHIN GYI GTOR MA BCAS PHYAG LEN LTAR BSHAMS PA SNGON 'GRO'I SKABS LTAR BYIN GYIS BRLABS NAS 'BUL YUL NI DNGOS GRUB ZHU BA'I RTEN DU GTOR MA 'BUL BA YIN PAS BDAG BSKYED LA GTOR MA PHUL NAS RANG LA RANG GIS DNGOS GRUB ZHU RGYU MED PAR MA ZAD BDAG BSKYED LA GTOR MA 'BUL BA TSAD LDAN SUS KYANG MA BSHAD PAS GTOR MGRON NGES PAR MDUN DU BSKYED PA LA 'BUL DGOS PAS RANG DANG GTI MUG GSHIN RJE'I GSHED KYI MDUN GYI BAR SNANG LA GTOR MGRON GYI RTEN BRTEN PA'I DKYIL 'KHOR ZHAL RANG LA PHYOGS PA DANG, DE'I SHAR SGO'I SGO KHANG DU NANG MGRON
, ,GSHIN RJE BDUN DANG, DUR KHROD DU PHYOGS SKYONG RNAMS RGYAS PA BYED TSE BSKYED CHOG SOGS BSNYEN YIG LTAR BYAS LA MCHOD BSTOD KYI BAR PHYAG LEN LTAR BTANG, ,BSDU NA SNGON 'GRO'I SKABS LTAR PHYOGS MTSAMS RNAMS SU 'KHOD PAR GYUR CES SOGS BYA, SKABS 'DIR LHAN THABS SU H'Um 'BYUNG YANG LJAGS H'Um LAS ZHES PA DANG NYIS BZLOS YIN PA MA BRJOD KYANG CHOG GSUNGS, DE NAS 'JIG RTEN LAS 'DAS PA'I MGRON RNAMS KYI LJAGS H'Um LAS SKYES PA'I RDO RJE RTZE GCIG PA DKAR PO 'OD KYI RANG BZHIN SBU GU CAN DU GYUR PAR BSAM LA RANG GI THUGS KA NAS LHA MOR RDO RJE MA THOD PA THOGS PA DPAG MED SPROS TE GTOR MA'I BDUD RTZI BCUS TE PHUL BAS LJAGS KYI SPU GUS DRANGS NAS GSOL BAS BDE STONG GI YE SHES KHYAD PAR CAN GSAR DU 'KHRUNGS PAR BSAM LA, BADZRA BHEE RA W'A YA NI RDO RJE 'JIGS BYED LA, AA TI PA TI MNGA' BDAG STE, MNGA' BDAG RDO RJE 'JIGS BYED LA ZHES DANG, BADZRA BETTA L'I NI RDO RJE RO LANGS MA, AI MAm 'DI, BA LIm TA GTOR MA, KHA KHA, BZHES, KH'A HI GNYIS, BZHES SHIG GNYIS, H'Um BDE STONG GIS SA BON, PHAt 'GAL RKYEN DANG THA MAL GYI SNANG ZHEN 'GOG BYED, SV'AH'A GZHI TSUGS ZHES PA STE LAN GSUM GYIS GTZO BO YAB YUM DANG, 'KHOR SO SO'I MTSAN SNGAGS RDZOGS PAR BRJOD PA'I MTHAR BA LI PRA T'I TZTSA ZHES BTAGS PA RJE RIN PO CHES GANG GSUNGS
PA LAN GSUM GYIS PHUL NA LEGS, DE NAS MCHOD BSTOD MDOR BSDUS BYAS LA ZHI RGYAS LA SOGS PA'I SKABS DANG BSTUN PA'I 'PHRIN LAS BCOL BAR GSUNGS PA'I DON, RGYUN PAR, DPAL RDO RJE 'JIGS BYED CHEN PO'I LHA TSOGS RNAMS KYIS BDAG CAG DPON SLOB 'KHOR DANG BCAS BA'I 'GAL RKYEN BAR CHAD MI MTHUN PA'I PHYOGS THAMS CAD ZHI ZHING, MTHUN RKYEN LEGS TSOGS THAMS CAD YID BZHIN DU 'GRUB PAR BYIN GYIS BRLAB TU GSOL, ZHES LCANG SKYA RIN PO CHE NAS GSUNGS PA LTAR GSOL BA BTAB PAS ZHAL GYIS BZHES PAR BSAM, PHYOGS SKYONG RNAMS LA SNGON 'GRO'I SKABS LTAR PHUL LA PHYI NANG GIS MCHOD DE, 'DUD CING MCHIS, ZHES PA'I BAR SNGAR BZHIN LA, PHYOGS SKYONG 'KHOR DANG BCAS PA RNAMS KYIS BDAG CAG DPON SLOB 'KHOR DANG BCAS PA'I 'GAL RKYEN BAR CHAD MI MTHUN PA'I PHYOGS THAMS CAD ZHI ZHING, MTHUN RKYEN LEGS TSOGS THAMS CAD YID BZHIN DU 'GRUB PAR MDZOD CIG ;CES 'PHRIN LAS BCOL BAS KHAS BLANGS PAR BSAM MO, ,DE NAS NANG MGRON BDUN GYI NANG TSAN BYANG GI DRAG PO'I GSHIN RJE SNGAR YOD GSAL 'DEBS KYI TSUL LAM, YANG NA NANG SGRUB 'KHOR BCAS KYI MDUN DU GSAR BSKYED GANG RUNG GIS CHOS RGYAL PHYI SGRUB KYI BSKYED CHOG ,YE SHES PA SPYAN 'DREN SOGS BSNYEN YIG TU GSAL BA LTAR BTANG NAS GTOR MA PHUL ZHING PHYI NANG GI MCHOD PA DANG, 'CHI BDAG MA'I BSTOD BSKUL BYA ZHING NANG MGRON BDUN GYI SKABS SU
, ,NAN TAN BYUNG NA BSKYAR DU BSKYED CHOG DANG GTOR 'BUL SOGS LONG SKABS MED TSE MA BYAS KYANG CHAD SKYON MED GSUNGS, CHOS SKYONG GZHAN LA GTOR MA 'BUL DGOS YOD NA MTSAMS 'DIR BYAS LA GZHI BDAG GTOR MA BTANG, YIG BRGYAS LHAG CHAD BSKANGS BZOD PAR GSOL TE, AOm A'A: H'Um MU: ZHES BRJOD CING GA-YON PA'I MTHEB SRIN GYIS SE GOL TOG PAS BRDA BYAS LA, 'JIG RTEN LAS 'DAS PA'I MGRON GYI YE SHES PA GSHEGS, DAM TSIG PA RANG LA THIM, MGRON GZHAN RNAMS RANG GNAS SU GSHEGS PAR GYUR, CES BRJOD CING BSAM, DE NAS NYER BSDU BYA BA NI THUN DANG PO GSUM GYI MTHAR, DUR KHROD SRUNG 'KHOR DANG BCAS PA GZHAL YAS KHANG LA THIM, ZHES SOGS BRJOD CING BSAM PAR BYA STE, BSNYEN PA'I SKABS SU BAR CHAD SRUNG BA'I PHYIR SRUNG 'KHOR MI BSDU BA'I LUGS KYANG YOD PAS DE LTAR NA DUR KHROD SRUNG 'KHOR LA THOGS MED DU BYUNG NAS GZHAL YAS KHANG LA THIM PA YIN KYANG, RANG LUGS SRUNG 'KHOR YANG BSDU BA YIN TE BDE STONG DBYER MED KYI NGANG DU 'JOG PA DON DAM PA'I SRUNG 'KHOR YIN PAS SRUNG BA'I MCHOG TU GSUNGS LA, SPYOD LAM GYI LHAR LANGS MA THAG TU SRUNG 'KHOR THUN MONG PA BSGOM PA'I PHYIR RO, ,DES NA DUR KHROD NAS N'A DA'I BAR THAMS CAD BSDU ZHING N'A DA YANG MI DMIGS PAR BSAM LA 'OD GSAL CHOS SKU'I NGANG DU 'JOG CI THUB BYA'O, ,GNYIS PA THUN MTSAMS KYI RNAL 'BYOR NI, 'OD GSAL GYI BDE
STONG DE'I NGANG NAS CHU LAS NYA LDANG BA LTAR RANG NYID DPAL RDO RJE 'JIGS BYED ZHAL GCIG PHYAG GNYIS PA YUM DANG PHYAG MTSAN MED PA'I RNAM PAR LANGS LA, DE'I MIG GNYIS SU KshIm, ZHES PA NAS, THUGS KAR H'Um GIS MTSAN PAR BSAM PA NI BDAG SRUNG BA DANG, THUGS KA'I H'Um LAS 'OD ZER 'OG TU 'PHROS PAS RDO RJE'I SA GZHI, ZHES PA NAS, ME DPUNG PHYOGS BCUR 'PHRO BAR GYUR, CES PA'I BAR GYI SRUNG 'KHOR MTHUN MONG BA BSGOM PA NI GNAS SRUNG PA'O; ;DE LTAR LHA'I NGA RGYAL GYIS LANGS TE SPYOD LAM GYI RNAL 'BYOR LA 'JUG PAR BYA STE YUL DU SNANG BA KUN KYANG RDO RJE 'JIGS BYED GZHAL YAS KHANG DANG BCAS PAR GSAL BA NI LONGS SPYOD YONGS SU DAG PA DANG, SGO GSUM GYI BYA BA THAMS CAD PHYA RGYA DANG SNGAGS KYI BDAG NYID DU BSAM PA NI LAS YONGS SU DAG PA'O, ,MIG GI YUL DU GANG SNANG BA THAMS CAD RDO RJE 'JIGS BYED KYI LHA TSOGS, RKANG LAG GI SGUL SKYOD THAMS CAD GAR STABS, RNA BAR SGRA GANG GRAG PA THAMS CAD DANG, NGAG GI SMRA BRJOD THAMS CAD SNGAGS SU MOS PA YANG YANG DRAN BZHIN DU BYA BA NI SPYOD LAM GYI RNAL 'BYOR RO, ,KHA ZAS THAMS CAD BDUD RTZIR BYIN GYIS BRLABS NAS, KHA THAB KHUNG LAG PA GA-YAS BLUGS GZER DANG, GA-YON DAG GANG GZAR DU MOS, SNYING GA'I H'Um YIG GI THIG LE'I NANG DU BLA MA YI DAM SOGS TSOGS ZHING MCHOD PA'I SKABS LTAR GSAL BTAB LA RANG GI SNYING GNAS LHA MO SPROS PAS BZA' BTUNG MCHOD PAR PHUL BAR BSAM PA'AM
, ,H'Um YIG BLA MA DANG YI DAM KUN 'DUS SU MOS PA'I N'A DA LAS ME 'BAR BA LA NANG GI SBYIN SREG GI TSUL DU PHUL BAS BDE STONG GIS MNYES PAR BSAM PA NI KHA ZAS KYI RNAL 'BYOR RO, ,NYAL BA'I RNAL 'BYOR NI SROD THUN GYI MJUG TU GTOR 'BUL, BSNGO SMON SHIS BRJOD NYER BSDU SPYOD LAM GYI LHAR LDANG BA BCAS SONG BA'I MTHAR, MCHOD PA BSDU 'BUL DANG NYAL BA'I STA GON RNAMS BYAS LA, SLAR YANG NYER BSDU BYAS TE N'A DA'I BAR DU THIM ZHING, N'A DA YANG MI DMIGS PA STONG PAR BSAM LA THABS BDE BA DANG SHES RAB STONG PA GNYIS DBYER MED DU SBYAR BA'I BDE STONG DE'I NGANG DU NYAL LO, LDANG BA'I RNAL 'BYOR NI, NANG PAR LDANG BAR BRTZAM PA NA RANG RGYUD KYI TSAD MED BZHI'I NGO BOR GYUR PA'I LHA MO BZHIS GLU DBYANGS KYIS BSKUL BAR BSAM STE, BDE STONG DE'I NGANG NAS SHAR PHYOGS SU TZA RTZI KA SPROS PAS, SNYING RJES KHROS PA'I DAD SGROL BZHENGS, ,KHAMS GSUM GYI NI GTI MUG SOL, ,LHOR PHAG MO SPROS PAS, BDUD BZHI DAG LAS RGYAL BAR MDZOD, ,DAD SGROL RTZOL BSAM BZHUGS BZHENGS, ,NUB TU DBYANGS CAN MA SPROS PAS, 'JIG RTEN MGON POS STONG NYID JI STE BZHUGS, , DAD SGROL 'JIG RTEN BSOD NAMS KYIS BZHENGS SHIG ,BYANG DU GOO RI SPROS PAS, BYANG CHUB 'DOD PA'I 'JIG RTEN MGRON BOS NAS, ,KHYOD NI CI PHYIR STONG PA NYID LA BZHUGS, ,ZHES BSKUL NAS SLAR TSUR 'DUS TE RANG GI
GO SAR STONG YAL DU SONG BAR BSAM LA, RANG NYID 'OD GSAL GYI NGANG LAS LHA'I SKUR LDANG BAR BSAM MO, ,KHRUS KYI TSE TZA RTZI KA LA SOGS PA'I LHA MO RNAMS KYIS DBANG BSKUR BA'I SKABS BZHIN BDUD RTZI'I RGYUN GYIS DBANG BSKUR BAR BSAM STE KHRUS BYA BA NI KHRUS KYI RNAL 'BYOR RO, ,DE LTAR DKYIL 'KHOR RGYAL MCHOG MAN CHAD GZHI LAM DANG MI SBYOR BAR 'BRAS DUS KYI MDZAD PA DANG CHOS MTHUN SBYOR BAR BSHAD PAS LHA SPROS TE MDZAD PA MDZAD PA NI SANGS RGYAS KYI SKUS 'GRO DON MDZAD PA, MCHOD PA BYED PA NI STON PAS BSOD SNYOMS MDZAD PA, BSTOD PA NI SANGS RGYAS 'JIG RTEN DU BYON TO ZHES SOGS KYI SNYAN GRAGS, RAGS PHRA'I RNAL 'BYOR NI NANG DU YANG DAG 'JOG MDZAD PA, BZLAS PA NI GDUL BYA LA CHOS STON PA, NYER BSDU NI ZHING DE'I GDUL BYA'I DON MDZAD ZIN NAS MYA NGAN LAS 'DA' BA, THUN MTSAMS KYI LHAR LDANG BA SOGS NI SLAR YANG ZHING GZHAN DU 'GRO BA'I DON RGYUN CHAD MED PAR MDZAD PA DANG CHOS MTHUN NO, ,GNYIS PA BSKYED RIM BRTAN PAS DNGOS GRUB BSGRUB TSUL NI, DE LTAR BSGOMS PAS BSKYED RIM PHRA MO MTHAR PHYIN PA NA, MTHUN MONG GI DNGOS GRUB CHUNG BA ZHI RGYAS DBANG DRAG LA SOGS PA'I LAS RNAMS PHYI RDZAS LAM LTOS PAR BSAM GTAN TZAM GYIS 'GRUB PA RTOG PA BDUN PAS 'CHAD CING, DNGOS GRUB 'BRING GRUB PA CHEN PO BRGYAD KYANG SPYOD PA DANG BCAS RANG RANG GI MAN NGAG NYAMS SU BLANG NA BDE BLAG TU 'GRUB PA DANG, BSKYED RIM DE'I STENG D
, ,RDZOGS RIM BSNAN NAS GOMS PA MTHAR PHYIN PA NA MCHOG GI DNGOS GRUB KYANG DUS RING PO LA MA LTOS PAR 'GRUB PAR BSHAD, BSKYED RIM PHRA MO MTHAR MA PHYIN KYANG RAGS PA MTHAR PHYIN PA NA SBYIN SREG GI SGO NAS LAS RNAMS 'GRUB PA RTOG PA DRUG PAS 'CHAD, PHRA RAGS GANG YANG MTHAR MA PHYIN KYANG DBANG THOB PA'I RJES SU DAM TSIG DANG SDOM PA TSUL BZHIN DU SRUNG BA GZHIR BZHAG NAS BYE BA LA SOGS PA'I GRANGS BSNYEN TSAD LDAN SONG NA 'KHRUL 'KHOR GYI SGO NAS LAS RNAMS 'GRUB PA RTOG PA GSUM PAS 'CHAD LA, SNGON GYI MTHUS LHAS GNANG BA'I MTSAN MA BRTAN PO THOB NA NI BSNYEN PA SOGS LA MA LTOS PAR LAS RNAMS BDE BLAG TU 'GRUB PA YANG YOD PAR GSUNGS, DE LTA BU'I BSKYED RIM PHRA RAGS DANG BYE BSNYEN SOGS MA GRUB KYANG DENG SANG BSNYEN CHEN DU GRAGS PA SOGS BSNYEN PA 'BRING BSDUS GANG RUNG SNGON DU BTANGS NAS THUN BZHI LA SOGS PA'I BSGOM BZLAS LA BRTZON PAR BYAS NA, LHAG PA'I LHAS TSE RABS KUN TU RJES SU 'DZIN PA DANG, TSOGS GNYIS RGYA CHEN PO RDZOGS PA DANG, LAS SGRIB DAG PA DANG, 'CHI BA'I TSE DPA' BO DPA' MOS BSUS NAS MKHA' SPYOD DU 'KHRID PA DANG, ZHI SOGS KYI LAS MTHA' YAS PA YANG CI RIGS PAR 'GRUB PA SOGS PHAN YON BSAM GYIS MI KHYAB PA YOD CING, GZHAN YANG YI DAM 'DI LA GZHAN LA MED PA'I KHYAD CHOS CHEN PO LNGA YOD PA'I DBANG GIS YI DAM 'DI'I RNAL 'BYOR DANG BZLAS PA CUNG
ZAD TZAM BYAS PAS KYANG BDUD BGEGS PAR GCOD KYIS MI TSUGS SHING DE DAG SKAD CIG GIS 'JOMS PAR 'GYUR BA DANG, SHES BYA'I GNAS LA THOS BSAM CHER MA BYAS KYANG SHES RAB CHE ZHING GSAL BAS BDE BLAG TU RTOGS PA DANG, KHYAD PAR DU YANG RJE BDAG NYID CHEN PO LA RJE BTZUN ZHI KHRO GNYIS KAS DBANG BSKUR BYIN GYIS BRLABS MAN NGAG GNANG BA LAS BRGYUD PA YIN PAS RANG CAG GI BRGYUD PA 'DI LA GZHAN LAS KYANG BYIN RLABS CHE ZHING MYUR LA ZAB PA'I GDAMS PA'I RGYAL PO YIN PAR MA ZAD LHA DANG BLA MA LA BLO SNYING BRANG GSUM GTAD NA NYEN CHE DUS SU PHAN PA DKON MCHOG GSUM YIN PAS RNAM PA KUN TU 'DI'I NYAMS LEN LA BRTZON PAR BYAS PA'I SGO NAS DAL BA'I RTEN LA SNYING PO LON PA ZHIG CI NAS KYANG MDZAD PAR ZHU ZHES SOGS RGYA CHER GSUNGS SO, ,SMRAS PA, MA NGES BSAM PA'I KHYAD PAR MTHA' YAS KYI, ,RE BA CIG CAR 'GENG BA'I BYED PO GANG, ,SGYU MA'I SRIN PO KHROS PA'I GAR STABS CAN, ,'JIGS MDZAD LHA ZHES SNYAN PA'I GRAGS PAS KHYAB, ,BRJOD BRAL LHAN SKYES SEMS KYI RDO RJE GANG, ,GSANG GSUM RGYAN GYI BKOD PA MI ZAD PAR, ,MNGON PAR SGRUB PA'I SMIN BYED ZLA MED PA'ANG, ,GANG DE'I RIM PA DANG PO'I LAM DU KHUMS, , DE PHYIR DE LTA'I LEGS BSHAD AA MRi TA, ,ZLA MED BLA MA'I THUGS MTSO LAS BYUNG BA, ,BLO GROS RTZA RTZIS BLANGS PA'I MCHOD SBYIN YANG, ,SKAL LDAN THAR PA'I SROG GI ZUNGS SU CHE, ,'DI YIS DGE BAS 'JAM DBYANGS
, ,ZHI KHRO DANG, ,DBYER MED BLA MA MCHOG GIS RJES BZUNGS TE, ,MCHOG DANG MTHUN MONG DNGOS GRUB RIN CHEN GYIS, ,SKAL BZANG YID KYI RE BSKONG BAR SHOG ,BKA' SDOD GSHIN RJE'I RGYAL PO 'KHOR BCAS KYANG, ,GAL CHEN DUS NA MTHU RTZAL MA ZHAN PAR, ,BSTAN DANG BSTAN 'DZIN BSTAN PA'I SBYIN BDAG RNAMS, ,SRUNG DANG SKYOB PA'I 'PHRIN LAS GA-YEL MED MDZOD, ,KHYAD PAR 'DI NYID GRUB PA'I DE MA THAG ,'DI LA RANGS PA'I YID KYIS GROGS BYED LA, ,GNOD BYED KUN GYI SHA MCHOG KHU BA'I RGYUN, ,DRON MOS 'DZIN MA'I BZHIN MDANGS DMAR BAR MDZOD, ,BLA MA LHA YI MTHU STOBS BYIN RLABS DANG, ,BDAG GI LHAG BSAM DAG PA'I BDEN CHEN MTHUS, ,BSTAN 'GRO'I GSHED GYUR BDUD BGEGS GA-YUL NGO LAS; ;RNAM PAR RGYAL BA'I DGE MTSAN NGOMS PAR SHOG ,(CES PA 'DI YANG BDAG CAG RNAMS LA BKA' DRIN MTSUNGS MED SKYABS MCHOG DAM PA DHARMA BHA DRA ZHES MTSAN YONGS SU GRAGS PA'I MKHAS GRUB CHEN PO GANG GI BKA' 'BANGS SU CHUD PA'I GYIN BA RJE DRUNG TSE RING MING CAN GYIS BRJED BYANG ZIN BRIS SU BKOD PA LAGS SO, ,SLAR YANG SHING BYA HOR ZLA BCU GCIG PA'I TSES GNYIS NAS BZUNG NYIN BCU'I BAR DU BSKYED RIM GYI ZAB KHRID STZAL BA'I SKABS 'CHOS DGOS DANG GSAR BKOD GANG GRUB BGYIS PA'O, ,SLAR YANG
BSTAN PA'I GSAL BYED DAM PA BLA MA BSKAL BZANG DAR RGYAS LAGS BRGYUD BSTAN PA'I SBYIN BDAG DPAL MI'I DBANG PHYUG GUNG BSHAD SGRA DBANG PHYUG RGYAL PO'I BKAS TSIG DON LA ZHUS DAG DANG, RJE BTZUN GONG MA'I GSUNG BLO YUL DU YOD PA SNON PA BCAS GYIS SHIG CES SPYI BO'I MDZES RGYAN DU PHEBS PA DANG, RJE BTZUN BLA MA DE NYID NAS KYANG LAM RIM GYI BKA' 'KHRID STZOL SKABS SHIG ,BDAG NAS CHOS BSHAD PA LA GZHAN GYIS ZIN BRIS BYAS PA MANG PO 'DUG PAR, BDAG RANG NAS SMRA NGES KYI LEGS BSHAD KYANG MANG PO 'DUG ,NOR PA YANG MANG PO 'DUG ,RES 'GA' BDAG NAS GTAN NAS MA SMRA BA'I 'OL TSOD BYAS PA YANG MANG PO 'DUG PAS MTHA' GCIG TU NGES BA ZUNG BYA MI RUNG TSUL BCAS PHEBS PAR BRTEN NGES PAR DPYAD PA ZHIG BYA DGOS YOD KYANG, DA LAM PAR YIG BRI BCUGS KYIS HA CANG ZHIB PA MA GRUB KYANG TSIG DON LA ZHUS DAG LAM PA DANG, 'GO MJUG GI TSIGS BCAD DANG, RJE BTZUN BLA MA DE NYID KYI GSUNG BLO YUL DU BCAGS PA KHA SHAS GSAR BSNAN THOG DRANG SRONG BLA MA'I ZHAL LUNG ZHES PA'I MTSAN GSOL DANG BCAS, MGON PO GANG GI DBON RIGS DBYANGS CAN GRUB PA'I RDO RJES DUS KYI PHO NYA'I LO BZHAD DNGUL CHU RI KHROD DGA' LDAN RTZE'I GZIM KHANG RNAM SRAS NOR BU'I GLING DU BGYIS PA SARBA SM'AD YANTU,,) ,, *, AOm SVA STI, RGYAL KUN MKHYEN PA'I RANG GZUGS 'JAM
[DD] *, ,DPAL DBYANGS, ,MA RUNG BDUD BGEGS GSHED DU KHRO BO'I SKUR, ,RAB BZHENGS DPAL CHEN RDO RJE 'JIGS BYED KYI, ,RIM PA DANG PO'I LAM GYI ZIN BRIS 'DI, ,RGYAL BA'I BSTAN PA SPYI DANG KHYAD PAR DU, ,ZHVA SER RING LUGS MDO SNGAGS NYI ZLA'I 'GROS, ,SRID MTHA'I BAR DU 'KHOR BA'I SNANG BA BRGYAS, ,'GRO LA PHAN BDE'I LAM RAB GSAL BA'I PHYIR, ,DPAL LDAN MI YI DBANG PO'I THUGS BSKYED KYIS, ,GZHUNG SA'I DBU CHEN KARMA DBANG DRAG SOGS, ,BZO BO MKHAS BSDUS BDE 'BYUNG GRANGS BSAGS TE, , 'PHRUL CHEN PAR GYI DNGOS POR BSGRUBS PA DGE, SHU BHA MA STU SARBA DZA GA TAm,, ,,
[BP]