Notes on the Creation and Completion Stages of the Practice of the Angel of Diamond (Vajra Yogini)

*, ,RJE BTZUN RDO RJE RNAL 'BYOR MA'I BSKYED RDZOGS KYI ZIN BRIS MKHA' SPYOD BGROD BA'I GSANG LAM SNYING GI THIG LE ZHES BYA BA BZHUGS SO,, ` 'DI LA DBANG DANG BYIN RLABS THOB KYANG SNYAN BRGYUD KYI ZAB KHRID MA THOB PAS BLTA BAR MI BYA'O,,

, ,RJE BTZUN RDO RJE RNAL 'BYOR MA'I BSKYED RDZOGS NYAMS 'KHRID KYI ZIN BRIS MKHA' SPYOD BGROD PA'I GSANG LAM SNYING GI THIG LE ZHES BYA BA, DPAL LDAN BLA MA DAM PA RDO RJE RNAL 'BYOR MA DANG DBYER MA MCHIS PA'I ZHABS LA GUS PA CHEN POS PHYAG 'TSAL LO, ,BRTZE BA CHEN POS RJES SU BZUNG DU GSOL, RGYAL KUN MKHYEN BRTZE NUS PA'I RANG GZUGS GANG, ,RGYAL SRAS NGUR SMRIG 'CHANG BA'I ZLOS GAR GYIS, ,RGYAL BSTAN RGYAS MDZAD DHARMA BHA DRA DANG, ,RGYAL YUM MKHA' SPYOD DBANG MOR GUS PHYAG 'TSAL, ,JI SKAD DU, RJE BDAG NYID CHEN POS, 'DIR 'JUG PA NI SKAL BA BZANG NGO ZHES, ,LEGS PAR SOMS LA DGA' BA'I BZHIN GYI MDANGS, ,RAB GSAL 'DZUM PA'I NYAMS DANG LDAN PA YIS, ,RNAM GA-YENG SNOD KYI SKYON GSUM SPONG LA NYON, ,CES GSUNGS PA LTAR, YID PHYI ROL DU GA-YENG BAR BYED PA SNOD LA PHUB PA LTA BU'I SKYON DANG, KUN SLONG NGAN PAS NYAN PAR BYED PA SNOD DUG CAN LTA BU'I SKYON DANG, DE MA THAG BRJED DU 'JUG PA SNOD ZHABS RDOL LTA BU'I SKYON GSUM SPANGS SHING 'DU SHES DRUG BSTEN PA SOGS CHOS GSAN

, ,PA'I KUN SLONG KUN SPYOD SPYI BYE BRAG RNAMS MDO RGYUD DAM PA'I MAN NGAG LAS JI LTAR 'BYUNG BA LTAR LEGS PAR GSAL BTAB NAS GSAN PAR ZHU, ` GSAN BYA DAM PA'I CHOS NI RJE BTZUN N'A RO MKHA' SPYOD MA'I BSKYED RDZOGS KYI 'KHRID 'CHAD PA SKABS SU BABS PA YIN PAS, ` 'DI LA GSUM, GANG GIS NYAMS SU LEN PA'I RTEN, GANG ZHIG NYAMS SU BLANG BA'I CHOS, ,JI LTAR NYAMS SU LEN PA'I TSUL LO, ,DANG PO LA GNYIS, SMIN LAM 'JUG RUNG GI GANG ZAG DANG, GROL LAM BSGOM RUNG GI GANG ZAG GO ,DANG PO NI, LAM THUN MONG BAS RGYUD SBYANGS SHING, RAB BDE MCHOG LA NAG DRIL GSUM, 'BRING KYE RDOR BKA' BABS BZHI, THA MA BLA MED GANG RUNG GI DKYIL 'KHOR DU ZHUGS NAS DBANG BZHI LEGS PAR THOB CING , DBANG DUS SU KHAS BLANGS PA'I DAM TSIG DANG SDOM PA MIG 'BRAS LTAR SRUNG BA'O, , ` GNYIS PA GROL LAM BSGOM RUNG GI GANG ZAG NI, DE LTA BU'I GANG ZAG DES KYANG RANG GI LUS NGAG YID GSUM RDO RJE RNAL 'BYOR MA'I SKU GSUNG THUGS SU GDOD MA NAS GRUB PA DE PHYI'I RNAL 'BYOR MA BSTIM TSUL, NANG GI RNAL

'BYOR MA BSKYED TSUL, GSANG BA'I RNAL 'BYOR MA GSAL 'DEBS TSUL GYI SGO NAS NGO SPROD PA'I PHYIR LUGS 'DI'I SIDHU RA'I DKYIL 'KHOR DU DBANG BZHI BYIN RLABS KYI TSUL DU THOB CING CHAG MED DU NYAMS SU LEN PAR 'DOD PA'O, , ` GNYIS PA GANG ZHIG NYAMS SU BLANG BA'I CHOS NI, YANG DAG PAR RDZOGS PA'I SANGS RGYAS KYIS DAM PA'I CHOS JI SNYED CIG GSUNGS PA THAMS CAD NI THEG PA CHE CHUNG GNYIS SU NGES SHING, DE GNYIS LAS MCHOG TU GYUR PA NI THEG PA CHEN PO YIN LA, DE LA YANG RGYU PHA ROL DU PHYIN PA'I THEG PA DANG, 'BRAS BU GSANG SNGAGS RDO RJE THEG PA GNYIS LAS PHYI MA MCHOG TU GYUR PA YIN CING, DE LA YANG RGYUD SDE'I RIM PA BZHI LAS CHES MCHOG TU GYUR PA NI BLA MED RDO RJE THEG PA DANG, DE LA SNANG PHYOGS SGYU MA'I SKU RTZAL DU BTON NAS 'CHAD PA PHA RGYUD DANG, STONG PHYOGS SHES RAB 'OD GSAL RTZAL DU BTON NAS 'CHAD BA MA RGYUD GNYIS LA MCHOG DMAN GYI KHYAD PAR MED KYANG, MA RGYUD THAMS CAD KYI NANG NAS RGYAL MTSAN GYI TOG LTAR MCHOG TU GYUR PA NI DPAL 'KHOR LO BDE MCHOG NYID YIN ZHING, DE LA YANG LUGS MANG DU YOD PA'I NANG NAS GTZO BOR GYUR PA NI RTZA RGYUD NAG PO'I SKOR, KUN SPYOD L'U AI'I SKOR, ZAB DON DRIL BU'I SKOR TE L'U NAG DRIL GSUM DU YOD PA LAS DE DAG GI SNYING PO LTA BU NI YANG ZAB N'A RO'I SKOR 'DI NYID YIN LA, DE YANG GDAMS PA 'DI NYID RJE BTZUN

, ,RDO RJE RNAL 'BYOR MAS GRUB DBANG CHEN PO DPAL N'A RO TA BA LA DNGOS SU GNANG ZHING, GRUB DBANG N'A RO BA CHEN PO LA 'PHAGS YUL DU YONGS SU GRAGS PA'I SLOB MA'I GTZO BO BCU GNYIS TZAM DANG, BOD YUL NAS DKA' BA DU MA SPYAD PA'I THUGS SRAS MAR PA LO TZ'A LA SOGS PA YOD KYANG, GZHAN SU LA'ANG MA GNANG BAR BAL PO PHAM MTHING BA SKU MCHED GCEN 'JIGS MED GRAGS PA DANG GCUNG NGAG DBANG GRAGS PA GNYIS LA SLOB BSHAD DU GNANG BA'I ZAB CHOS KLOG SKYA SHES RAB BRTZEGS DANG MAL LO TZ'A BA BLO GROS GRAGS PA BCAS LA RIM PA LTAR BRGYUD NAS RJE BTZUN SA SKYA BA CHEN PO LA BKA' BABS SHING, RJE BTZUN SA SKYA BA CHEN PO NI DKYIL 'KHOR RGYA MTSO'I MNGA' BDAG TU BZHUGS PA LAS MCHOG TU GYUR PA NI SA SKYA'I LCAGS RI MI 'DA' BA'I GSER CHOS BCU GSUM MAM KLU BA'I GSER CHOS BCU BZHIR GRAGS PA'I NANG TSAN DMAR MO SKOR GSUM GYI GTZO MO LTA BU MCHOG BSGRUBS PAS THUN MONG ZHAR LA 'GRUB CING LUS 'DI MA SPANGS PAR DAG PA MKHA' SPYOD DU BGROD PAR BYED PA ZAB PA LAS KYANG CHES CHER ZAB PA SNYAN BRGYUD TSAD MA BZHI LDAN TE DBANG GI CHU BO MA NUB PA, BYIN RLABS KYI BRGYUD PA MA NYAMS PA, GDAM NGAG GI SARGA MA LOG PA, MOS GUS KYIS BSAM PA TSIM PA STE SNYAN BRGYUD BZHI DANG, BLA MA, LUNG, BSTAN CHOS, NYAMS MYONG TSAD MA BZHI STE SNYAN BRGYUD TSAD MA BZHI DANG LDAN PA YIN

LA, 'DI'I BOD GZHUNG RGYAL MCHOG LNGA PA'I GSUNG BZHIN DGE ZHAL BO JO SOGS SU'ANG YIG CHA THOR BU BYUNG ZHING, GTZO CHE BA NGOR RDZONG GONG GSUM DU DAR CHA CHE YANG SMIN BYED KYI DBANG, GROL BYED KYI LA KHRID, RGYAB RTEN GYI LUNG LA SOGS PA'I MAN NGAG CHA TSANG BA NI KHA'U BRAG RDZONG BA'I LUGS 'DZIN TSAR CHEN RDO RJE 'CHANG GI RJES 'BRANG YIN ZHING, RJE TSAR CHEN GYI GSUNG LA CHAMS CAD MKHYEN PA MKHYEN BRTZE'I DBANG PHYUG GIS CIN BRIS MDZAD PA'I MKHA' SPYOD BGROD PA'I NYE LAM LA BSGOM BYA'I DON LA THOS BSAM GYIS SGRO 'DOGS GCOD PA DANG, BCAD DON NYAMS SU LEN PA SEMS 'DZIN GYI BYA BA GNYIS 'DRES MA LTA BUR BZHUGS PA RJES 'BRANGS 'GA' ZHIG GIS SO SOR MA PHYED PA'I NYES PA BYUNG BA LA BRTEN NAS RGYAL MCHOG LNGA PA CHEN POS DE GNYIS SO SOR 'BYED PAR BYED PA'I BSTAN BCOS MTHONG GROL LDE MIG MDZAD LA, DE LTA NA'ANG DUS PHYIS YIG CHA DE GNYIS GZHIR BZHAG PA'I SO SOR DMIGS PHYED PA'I MAN NGAG DANG LDAN PA NI MDOG STOD GSANG SNGAGS MKHAR GYI PHYAG BZHES 'DI TZAM LAS MA MCHIS SO, ,DES NA SKABS 'DIR YANG 'KHRID YIG MKHA' SPYOD BGROD PA'I NYE LAM DANG, MTHONG GROL LDE MIG GNYIS LA GZHIR BZUNG, RJES CHEN GYI SDOM TSIG LA SGRO 'DOGS GCOD PA'I SA BCAD DANG, RGYAL MCHOG LNGA PA CHEN PO'I SDOM TSIG LA BCAD DON DANG RDZOGS RIM GYI SA BCAD BYAS, DE'I BSKYED RIM LA BDE MCHOG RTZA RGYUD LE'U NGA GCIG PA LAS BSHAD PA'I DE NYID BCU BZHI'I 'CHINGS KYIS BRGYAN TE BSHAD PAR BYA'O GSUNGS, ` GSUM PA JI LTAR NYAMS SU LEN PA'I TSUL LA GNYIS, PHYI'I MKHA' SPYOD GTZO

, ,BOR SGRUB PA BSKYED RIM GYI RNAL 'BYOR DANG, NANG GI MKHA' SPYOD GTZO BOR SGRUB PA RDZOGS RIM GYI RNAL 'BYOR RO,, ` DANG PO LA GNYIS, BSGOM BYA'I DON LA THOS BSAM GYIS SGRO BDOGS GCOD PA DANG, BCAD DON NYAMS SU LEN PA SEMS 'DZIN GYI BYA BA'O, ,DANG PO NI, RJE SA ? CHEN GYIS, NYAL DANG LDANG DANG BDUD RTZI MYANG, ,TSAD MED BLA MA BDAG LHAR BSKYED, ,'GRO BA DAG PA'I RNAL 'BYOR DANG, ,DPA' BO DPA' MOS BYIN GYIS BRLABS, ,NGAG BZLAS YID BZLAS GNYIS GCIG YIN,, BSAM GYIS MI KHYAB RNAL 'BYOR DANG, ,SPYOD LAM GYI NI RNAL 'BYOR TE, ,DE LTAR RNAL 'BYOR BCU GCIG GO ,ZHES GSUNGS PA LTAR BCU GCIG LAS, DANG PO NYAL BA'I RNAL 'BYOR NI, DE YANG RNAL 'BYOR NYAMS SU LEN PA LA SNGON DU LDANG DGOS LA, DE'I YANG SNGON DU NYAL DGOS PAS NA 'DIR NYAL BA'I RNAL 'BYOR THOG MAR BYUNG NGO, ,DE'I TSUL LA GANG ZAG DBANG PO RNO BA STONG NYID LA MOS PA STE RDZOGS RIM DON DU GNYER BA'I DBANG DU BYAS NA SNOD BCUD KYI SNANG BA THAMS CAD BSDUS TE BDE STONG GI NGANG LA NYAL BAR GSUNGS LA, DBANG PO DMAN PA'AM SPROS PA LA DGA' BA STE BSKYED RIM DON DU GNYER BAS LHA'I RNAM PAR GSAL BZHIN DU NYAL BAR GSUNGS PAS PHYI MA LTAR BYA BA LA, THOG MAR GNAS KHANG LA THA MAL GYI SNANG ZHEN BKAG NAS NGO BO BDE STONG GI RANG BZHIN LA RNAM PA CHOS 'BYUNG NYIS BRTZEGS 'OD KYI RANG BZHIN CAN GYI NANG DU SENG KHRI'I STENG DU SNA TSOGS PADMA, DE'I LTE BAR NYI MA'I GDAN LA RANG NYID RDO RJE RNAL 'BYOR MA RGYAN DANG PHYAG MTSAN MED PAR MGO BO BYANG DANG KHA NUB TU BLTA BA'AM MOS PA'I BYANG GI PAD 'DAB KYI

STENG DU NYI ZLA'I GDAN LA RTZA BA'I BLA MA DPA' BO RDO RJE CHOS KYI RNAM PAR BZHUGS PA'I SKU PANG DU RANG GI MGO BO BZHAG PAR BSAM LA MOS GUS DRAG PO DANG BCAS TE NYAL ZHING, NAM GNYID DU SONG GI BAR DANG, GNYID SAD RES KYI THA MAL GYI SNANG ZHEN DU MA SONG BAR LHA DANG BLA MA CHOS 'BYUNG SOGS LA MOS GUS DANG DAG PA'I SNANG ZHEN YANG YANG DRAN PAR BYA'O, , ` GNYIS PA LDANG BA'I RNAL 'BYOR NI, DE NAS NAM GYI BZHI CHA LUS PA LTA BU SKYA RENGS SHAR BA NAS LDANG BAR BRTZAM PA NA NA MKHA' NAS MKHA' SPYOD KYI DPA' BO DANG MKHA' 'GRO MA RNAMS KYIS d'A MA RU'I SGRA 'KHROL BA AOm GSUM MA'I SGRAR LHANG LHANG SGROG PAS GNYID SAD PAR BSAM LA, NYAL LUGS SNGA MA LTAR NA BDE STONG DE'I NGANG NAS CHU LAS NYA LDANG BA LTAR RANG NYID RDO RJE RNAL 'BYOR MA'I SKUR LAM GYIS LDANG ZHING, PHYI MA LTAR NA RANG DANG BLA MA GNAS KHANG SOGS LA SNGAR BZHIN DAG PA'I SNANG ZHEN BSKYED LA RNAG NYID RDO RJE RNAL 'BYOR MA RGYAN YOD LA PHYAG MTSAN MED PA'I RNAM PAR LDANG BAS BLA MA LA MOS BUS DUNG DUNG BA BYAS PAS BLA MA DGYES BZHIN 'OD DMAR PO BYI'U'I SGO NGA TZAM DU GYUR PA RANG GI SPYI BO NAS ZHUGS TE SNYING GAR RANG SEMS BAm YIG TU GSAL BA LA THIMS PAS BYIN GYIS BRLABS TE SNGAR BAS GZI BYIN CHE BAR GYUR PAR BSAM MO, , ` GSUM PA BDUD RTZI MYANG BA'I RNAL 'BYOR NI, DE NAS THUN LA 'JUG PA NA THOG MAR BDUD RTZI RIL BU'AM, DE BTAB PA'I NANG MCHOD DAM, MED NA BSAM GTAN GYIS KYANG RUNG BAS LAG GA-YAS PAS KA BA LA BZUNG NAS AOm A'A: H'Um BRJOD BZHIN DU GA-YON PA'I MTHEB SRIN GYIS CHOS 'BYUNG RTZE MO RANG LA BSTAN PA GA-YON SKOR GYIS BRIS PA'I DBUS NAS BDE STONG

, ,GNYIS SU MED PA'I YE SHES BDUD RTZI'I RNAM PAR SHAR BA'I SNYING PO BLANGS TE LCE'I STENG DU MYANGS PAS LUS THAMS CAD YE SHES KYI BDUD RTZIS GANG SDIG SGRIB NYES LTUNG THAMS CAD DAG ,KHYAD PAR SNYING GAR SANGS RGYAS THAMS CAD KYI NGO BO RDO RJE RNAL 'BYOR MA'I THUGS DANG RANG SEMS DBYER MED PA BAm YIG GI RNAM PAR GNAS PA LA BDUD RTZI'I DVANGS MA THAMS CAD THIM PAS DE NYID GZI 'OD DANG LDAN PAR GYUR TE BDE STONG GNYIS SU MED PA'I RTOGS PA KHYAD PAR CAN SKYES PAR BSAM LA CUNG ZAD MNYAM PAR 'JOG GO ,SKABS 'DIR RANG LUS LHAR GSAL BSKU'I DGA' BA, BDUD RTZI LCE THOG TU MYANGS PAS LCE'AM MGRIN PA GSUNG RDO RJE'I GNAS DANG BYED LAS YIN PAS GSUNG GI DGA' BA, BDUD RTZI'I DRANGS MA THAMS CAD SNYING GA'I BAm YIG LA THIMS PAS BDE CHEN GYI YE SHES SKYES PAR MOS PA THUGS KYI DGA' BA DANG, YANG NYAL LUGS SNGAM LTAR NA BDE STONG GI NGANG DU NYAL BA THUGS KYI DGA' BA, LHA'I SKUR LDANG BA SKU'I DGA' BA, BDUD RTZI MYANG BA GSUNG GI DGA' BA STE DGA' BA GSUM MAM, RJE YAB SRES DE GSUM LA SKU GSUNG THUGS KYI DAG BSTE DAG LA GSUM GYI RNAL 'BYOR ZHES GSUNGS TE, DE RNAMS KYI DGOS PA NI THAM LA GYI LUS NGAG YID GSUM GYI BYA BA RNAMS DAG PAR BYED PA'O, ,ZHES GSUNGS, ` BZHI BA TSAD MED KYI RNAL 'BYOR NI, 'DIR TSAD MED KYI KHONGS SU SKYABS 'GRO BSDU BA NI TSAD MED DANG SEMS BSKYED NGO BO GCIG LA, SKYABS 'GRO SDOM PA THAMS CAD KYI RTEN DU GYUR PAS SEMS BSKYED KYI SNGON DU SKYABS 'GRO DGOS PA'I PHYIR RO, ,DES NA SKYABS SU 'GRO BA LA SKYABS YUL GSAL 'DEBS TSUL RGYAS 'BRING BSDUS GSUM

YOD PA LAS, SGRUB THABS SU GSAL BA RGYAS PA'I LUGS YIN PAS DE'I TSUL NI, SGRUB KHANG SOGS LA THA MAL GYI SNANG ZHEN MED PAR BEE d'URYA'I SA GZHI LA GSER GYIS MIG MANG RIS SU BYAS PA NA NAN NE MA BYED CING BTEG NA PHAR BYED PA, REG NA BDE BA BSKYED PA STE DE LTA BU'I DAG PA'I ZHING KHAMS DNGOS KYI SNANG ZHEN BSKYED LA, RANG GI SMIN MTSAMS KYI THAD DRANGS PA'I MDUN GYI NAM KHAR SENGE CHEN PO BRGYAD KYIS BTEG PA'I RIN PO CHE'I KHRID GANGS ? MTHO ZHING RGYA CHE BA'I STENG DU SNA TSOGS PADMA 'DAB MA BZHI PA, DE'I LTE BAR NYI MA'I DKYIL 'KHOR, DE'I STENG DU 'JIGS BYED DANG DUS MTSAN GYI GDAN LA NGO BO RANG GI DRIN CAN RTZA BA'I BLA MA YIN PA LA RNAM PA BCOM LDAN 'DAS DPAL 'KHOR LO SDOM PA SKU MDOG SNGON PO ZHAL BZHI PHYAG BCU GNYIS PA YUM RDO RJE PHAG MO DMAR MO ZHAL GCIG PHYAG GNYIS MA DANG LHAN CIG MNYAM PAR SBYOR BA'I TSUL GYIS BZHUGS PA, DE'I MTHA' SKOR GI SAR TZAM GYI STENG DU BRGYUD PA'I BLA MA RNAMS NGO BO BLA MA DE DANG DE YIN PA LA RNAM PA RDO RJE CHOS KYI RNAM PAS BSKOR BA, MDUN GYI 'DAB MAR RDO RJE RNAL 'BYOR MA LA GSANG BDE 'JIGS GSUM SOGS RGYUD SDE BZHI'I YI DAM RNAMS KYIS BSKOR BA, GA-YAS KYI 'DAB MAR STON PA SH'AKYA THUB PA LA LONGS SBRUL GYI SANGS RGYAS RNAMS KYIS BSKOR BA, RGYAB KYI 'DAB MAR BDE MCHOG RTZA BSHAD KYI RGYUD SOGS LUNG GI CHOS DKON MCHOG BEE d'URYA'I SHOG TU LA GSER GYI YIG 'BRU RANG SGRA SGROG BZHIN PA BU TI'I RNAM PA CAN, GA-YON GYI 'DAB MAR RJE BTZUN 'JAM DBYANGS LA BYANG SEMS NYAN RANG DPA' BO MKHA' 'GROS BSKOR BA, PADMA'I MTHAR BKA' SDOD KYI GTZO BO MGON PO PHYAG BZHI PA DANG DUR KHROD BDAG PO SOGS CHO

, ,SKYONG SRUNG MA RNAMS KYIS BSKOR BA DANG BCAS PA'I DGE 'DUN DKON MCHOG RNAMS GSAL BTAB LA, MDUN GYI NAM MKHAR ZHES PA NAS, BZHUGS PAR GYUR, CES BA'I BAR BRJOD, RANG GI GA-YAS SU TSE 'DI'I PHA, GA-YON DU MA, MDUN DU MNGON SUM DU GNOD PA'I DGRA, MI MNGON PAR GNOD PA'I 'DRE, GNOD SEMS MED KYANG DE LA BRTEN NAS BYUR SNA 'DREN PA'I BYUR TE DGRA 'DRE BYUR GSUM, MTHA' SKOR DU RIGS DRUG GI SEMS CAN THAMS CAD SMRA SHES DON GO BA MI'I RNAM PA CAN GYIS SMUG SHIG GE GANG BAR BSAM LA BDAG DANG 'GRO BA ZHES PA NAS, MCHIS KYI BAR DU, ZHES BRJOD CING, RANG GZHAN SEMS CAN THAMS CAD SPYIR 'KHOR BA DANG KHYAD PAR NGAN 'GRO'I SDUG BSNGAL LA SHIN TU 'JIGS SHING SKRAG PA'I BLO DANG, 'JIGS PA DE LAS SKYOB PA'I NUS PA MDUN NA BZHUGS PA'I SKYABS YUL RNAMS LA YOD PAR YID CHES PA STE SKYABS 'GRO'I RGYU GNYIS SAM, THEG CHEN PA LTAR NA RANG NYID SDUG BSNGAL GYIS MNAR BA MI BZOD PA'I NGES 'BYUNG DANG, SEMS CAN SDUG BSNGAL GYIS MNAR BA MI BZOD PA'I SNYING RJE, BLA MA DKON MCHOG LA SKYOB PA'I NUS MTHU YOD PAR YID CHES PA STE RGYU GSUM GSAL 'DEBS BA GAL CHE LA, BLA MAS DNGOS SU LAM STON CING SANGS RGYAS KYIS BRGYUD NAS STON PAS BLA MA DANG SANGS RGYAS LA SKYABS STON PA, CHOS LA SKYABS DNGOS TE DE NYID RANG GIS NYAMS SU LEN PA'I 'DUN PA DANG, DGE 'DUN LA LAM GYI GROGS ZHU BA'I TSUL DU SKYABS SU 'GRO BAR BYA'O, ,DUS 'DI NAS TE DE RING NAS BZUNG STE JI SRID BYANG CHUB SNYING PO LA MCHIS KYI BAR TE, BYANG CHUB THAMS CAD KYI MCHOG

GAM SNYING PO NI SANGS RGYAS KYI BYANG CHUB YIN LA, DE LA ? YANG GNAS DANG RTOGS PA'I BYANG CHUB SNYING PO GNYIS, GNAS LA'ANG SGRUL SKU'I GNAS RGYA GAR RDO RJE GDAN LTA BU DANG, LONGS SKU'I GNAS 'OG MIN STUG PO BKOD PA STE GNYIS SO, ,RTOGS PA BYANG CHUB SNYING PO NI THUGS RGYUD LA SPANGS RTOGS KYI YON TAN MTHAR THUG MNGA' BA'I YE SHES CHOS SKU'O, ,DE YANG SANGS RGYAS NI DUS GSUM GYI SHES BYA THAMS CAD MNGON SUM DU GZIGS SHING GDUL BYA GANG LA GANG 'DUL GYI THABS LA MKHAS PAS MKHYEN PA YANG MNGA' LA, DE LTAR MKHYEN KYANG BRTZE BA MED NA SKYABS MI MDZAD PA LA SEMS CAN THAMS CAD LA MA BU GCIG PO LA BRTZE BA LTA BU'I THUGS RJE CHEN PO MNGA' BAS NGES PAR SKYOB PAR MDZAD, MKHYEN BRTZE GNYIS DANG LDAN YANG NUS MTHU MED NA SMON PA TZAM DU ZAD PA LA SKU GSUNG THUGS KYI 'OD ZER RE RES KYANG SEMS CAN DPAG TU MED PA SMIN GROL GYI LAM LA 'GOD PA'I NUS PA MNGA' BA STE MKHYEN BRTZE NUS GSUM DANG LDAN LA, DE LTA NA YANG RANG GIS BLO MA BKAL NA RTEN 'BREL MA TSOGS BAS SDUG BSNGAL LAS MI SKYOB PA NI DPER NA BRAG PHUG LTA BU LA CHAR SOGS LAS SKYOB PA'I NUS PA YOD KYANG RANG NYID THE TSON SOGS KYIS DER ZHUGS BLO MED NA KHA NAS BRAG PHUG CES JI TZAM BOS KYANG SKYOB PA LA MI PHAN PA LTAR, DKON MCHOG LA SKYOB PA'I NUS PA YOD KYANG RANG THE TSOM GYIS BLO MA BKAL BAR KHA NAS SKYABS 'GRO JI TZAM BRJOD KYANG DON CHUNG BAS DUS 'DI NAS SANGS RGYAS MA THOB KYI BAR DU SKYID SDUG CI BYUNG YANG KHYED SHES SNYAM PA'I BLA MA DKON MCHOG LA BLO LING BSKYUR GYIS SEMS RGYA YAN LA MA SONG BAR RANG GZHAN THAMS

, ,CAD KYIS 'DUN PA SHUGS DRAG DANG BCAS TE MGRIN GCIG GIS BRJOD PAR BSAM LA, DPAL LDAN BLA MA DAM PA ZHES PA NAS SKYABS SU MCHI'O, ,ZHES PA'I BAR GYIS SKYABS 'GRO BYA'O, ,DE NAS TSAD MED KYI RNAL 'BYOR DNGOS NI, BDAG GIS RDZOGS PA'I SANGS RGYAS ZHES PA NAS, BLANG BAR BGYI'O, ,ZHES PA'I BAR TE BDAG GIS RDZOGS PA'I SANGS RGYAS KYI GO 'PHANG THOB PAR BYAS LA ZHES PAS BYANG CHUB DON GNYER, SEMS CAN THAMS CAD 'KHOR BA'I SDUG BSNGAL LAS BSGRAL NAS RDZOGS PA'I BYANG CHUB KYI BDE BA LA DGOD PAR BYA, ZHES PA GZHAN DON DON GNYER TE DON GNYER GNYIS DANG LDAN PA'I SMON SEMS DANG, DE'I PHYIR DU {X} ? BGYI'O ZHES PA NI 'JUG PA SEMS BSKYED YIN NO, ,GZHUNG 'DI LA TSAD MED BZHI TSANG TSUL RJE BDAG NYID CHEN PO'I DGONGS PA BZHIN BSHAD NA, SEMS CAN THAMS CAD CES PAS, RANG GIS SEMS CAN LA NYE RING MED PAR DMIGS YUL SEMS CAN THAMS CAD LA KHYAB PAS NA BTANG SNYOMS TSAD MED KYI PHYOGS GCIG BSTAN LA, 'KHOR BA'I SDUG BSNGAL LAS BSGRAL NAS ZHES PAS SNYING RJE TSAD MED, RDZOGS PA'I BYANG CHUB KYI BDE BA LA DGOD PAR BYA, ZHES PAS BYAMS PA TSAD MED, SANGS RGYAS THOB PA'I BDE BA NI NAM YANG MI 'GYUR BA YIN LA, SEMS CAN THAMS CAD DE LA GNAS NA RANG NYID TSIM PA NI DGA' BA TSAD MED, 'DIS BTANG SNYOMS TSAD MED KYI PHYOGS GCIG KYANG BSTAN TE SEMS CAN THAMS CAD KYIS SANGS RGYAS THOB NA PHAN TSUN CHAGS SDANG DANG BRAL BA STE, 'JIGS BYED NAS SEMS CAN THAMS CAD GZUNG 'DZIN GYI RNAM RTOG GIS MI BSKYOD PA'I BTANG SNYOMS LA GNAS PAR

BYA'O ZHES GSUNGS PA LTAR RO, ,DE NAS THAL MO SBYAR TE BLA MA DANG DKON MCHOG RIN PO CHE ZHES SOGS KYIS SKYABS GSOL BRJOD LA, SKYABS YUL THAMS CAD KYI SKU LAS BDUD RTZI SNA LNGA 'OD ZER DANG BCAS PA DPAG TU MED PA BYUNG BA RANG GZHAN SEMS CAN THAMS CAD KYI LUS SEMS LA ZHUGS PAS THOG MED NAS BSAGS PA'I LAS NYON SDIG SGRIB THAMS CAD MUN KHUNG DU NYI ZER ZHUGS PA BZHIN GAR SONG CHA MED DU SKAD CIG NYID LA DAG NAS LUS ZAG MED LONGS SKU RNAL 'BYOR MA DANG, SEMS RTOG MED CHOS SKUR GYUR TE SEMS CAN RNAL 'BYOR MAR GYUR PA THAMS CAD BYA KHYU 'UR RDOS BDAS PA BZHIN 'UR DING GIS RANG RANG GI DAG ZHING LA 'PHUR BAR BSAM MO, ,DE NAS SKYABS YUL RNAMS BSDU BA'I TSE THOG MAR DGE 'DUN DKON MCHOG RNAMS 'OD ZER DKAR PO'I RNAM PAR RANG GI SPYI BOR THIM, CHOS DKON MCHOG RNAMS 'OD ZER DMAR PO'I RNAM PAR RANG GI MGRIN PAR THIM, SANGS RGYAS DKON MCHOG RNAMS 'OD ZER SNGON PO'I RNAM PAR RANG GI SNYING GAR THIM PAS SKU GSUNG THUGS KYI BYIN RLABS THOB PAS RANG SEMS BDE BA'I NGO BOR SONG, BDE BAS STONG BA NGES PA'I BDE STONG DBYER MED KYI NGANG DU CUNG ZAD MNYAM PAR 'JOG GO ,DE LTAR STONG PAS CHOS SKU, BDE BAS LONGS SKU, SNANG YUL RANG NYID LHAR GSAL BAS SPRUL SKU 'GRUB PA'I RGYUR 'GYUR ZHING, STONG NYID BSGOM PAS DON DAM SEMS BSKYED KYANG TSANG NGO, ,GZHAN YANG SKYABS 'GRO'I KHONGS SU NGES 'BYUNG, SEMS BSKYED KYI KHONGS SU BYANG SEMS, STONG NYID BSGOM PAS YANG DAG PA'I LTA BA STE THUN MONG BA'I LAM GYI GTZO BO RNAM GSUM YANG 'DU'O, ,SKYABS YUL BSDU

, ,BA'I TSUL 'DI LTAR BYED PA'I RGYU MTSAN NI, SKYABS YUL KUN 'DUS NOR BU LUGS LA BLA MA'I SKU DGE 'DUN, GSUNG CHOS, THUGS SANGS RGYAS DKON MCHOG YIN PA'I PHYIR DANG, SKU RDO RJE RNAM SNANG SKU MDOG DKAR PO DANG, SPYI BO SKU RDO RJE'I GNAS YIN PA'I PHYIR DGE 'DUN 'OD DKAR POR RANG GI SPYI BOR BSDU BA DANG, GSUNG RDO RJE 'OD DPAG MED SKU MDOG DMAR PO DANG, MGRIN PA GSUNG RDO RJE'I GNAS YIN PA'I PHYIR CHOS 'OD DMAR POR RANG GI MGRIN PAR BSDU BA DANG, THUGS RDO RJE MI BSKYOD PA SKU MDOG SNGON PO DANG, SNYING GA THUGS RDO RJE'I GNAS YIN PA'I PHYIR SANGS RGYAS DKON MCHOG 'OD SNGON POR RANG GI THUGS KAR BSDU BA'O, , ` DE NAS BDAG BSKYED KYI MCHOD PA BYIN GYIS BRLAB PA LAS LUGS BDAG BSKYED TING NGE 'DZIN GYI CHE BA DANG, MDUN BSKYED MCHOD BSTOD KYI CHE BA YIN PAS BDAG BSKYED LA MCHOD PA MI 'BUL BAR BZHED LA, RJE BDAG NYID CHEN PO NI THOB BYA 'BRAS DUS KYI YONGS DAG BZHI DANG RNAM PA MTHUN PAR LAM DUS SU SLOB DGOS LA, DE'I PHYIR LONGS SPYOD YONGS SU DAG PA DANG CHA MTHUN PAR MCHOD PA 'BUL BA YIN PAS, BDAG BSKYED LA MCHOD PA NGES PAR 'BUL DGOS PAR GSUNGS, DE YANG MCHOD PA DNGOS SU BSHAM NA BYIN GYIS BRLAB DGOS SHING, DE'I SNGON DU MCHOD PA BSANG BYED KYI NANG MCHOD BYIN GYIS BRLAB DGOS, DE DAG BYIN GYIS RLOB PA LA LHA'I RNAL 'BYOR DANG LDAN PA DGOS PAS SKAD CIG DKRONG ? BSKYED BYA DGOS SO, ,DE'I TSUL NI, SKYABS YUL THIM PA'I RKYEN GYIS RANG LUS 'OD DMAR PO'I RNAM PAR BSDUS TE STONG YAL DU SONG BAR BSAM LA SNANG BA STONG SANGS, MYONG YUL BDE

BA; 'DZIN STANGS STONG NYID, CHOS SKU DNGOS KYI NGA RGYAL DANG LDAN PAS 'CHI BA CHOS SKU MDOR BSDUS BSGOM, DE NAS RANG GI GO SAR SNA TSOGS PADMA DANG NYI MA'I STENG DU 'OD DMAR PO KHRU GANG TZAM BSAM PA LA LONGS SKU'I NGA RGYAL BYAS LA BAR DO LONGS SKU MDOR BSDUS BSGOM, SLAR 'OD DE NYID JE RAGS SU SONG BA'I MTHAR RDO RJE RNAL 'BYOR MA'I SKUR LAM GYIS GYUR BAR BSAM LA SKYE BA SPRUL SKU MDOR BSDUS BSGOM MO, ,DE'I THUGS KAR CHOS 'BYUNG NYIS BRTZEGS KYI NANG DU ZLA BA'I DKYIL 'KHOR KYI DBUS SU BA YIG DANG ,DE'I MTHA' SKOR DU KHAndA RO HE'I SNGAGS 'PHRENG KHA DOG DMAR POS BSKOR BAR BSAM LA NANG MCHOD BYIN GYIS BRLAB DGOS TE DE LA BZHI, BSANG BA, SBYANG BA, BSKYED PA BYIN GYIS BRLAB PA'O, ,DANG PO NI, AOm KHAndA RO HE H'Um H'Um PHAt ,CES BRJOD LA RNAG GI THUGS KA'I BAm GYI N'A DA LAS LHA MO DU MA SKYES MA SKU MDOG DMAR MO ZHAL GCIG PHYAG BZHI MA GA-YAS GNYIS GRI GUG DANG d'A MA RU, GA-YON GNYIS THOD PA DANG KHA tR'Am GA 'DZIN PA SPROS PA SNA BUG GA-YAS NAS THON TE NANG MCHED LA GNAS PA'I BGEGS RNAMS RGYA MTSO'I PHA MTHAR BSKRAD PAR BSAM LA LHA MO RANG GI SNA BUG GA-YON NAS ZHUGS TE SPRO GZHI LA THIM PAR BSAM MO, ,'OD ZER DANG MCHOD LHA SOGS SNYING GA'I BAm GYI N'A DE LAS SPRO BSDU BYED PA NI 'KHOR 'DAS KYI CHOS THAMS CAD RANG SEMS LAS GRUB PA MTSON ZHING, TSUR BSDUS PAS RDZOGS RIM ZAB MO'I SMIN BYED DU 'GYUR RO, ,` GNYIS PA SBYANG BA NI, SVA BH'A WA'I SNGAGS BRJOD LA NANG MCHOD LA SOGS PA'I CHOS THAMS CAD RANG BZHIN MED PA'I LTA BA DRAN PAR BYAS LA NANG MCHOD THOD PA DANG BCAS PA STONG YAL DU SONG BAR BSAM MO, , ` GSUM

, ,PA BSKYED PA NI, STONG PA'I NGANG LAS NANG MCHOD KYI GO SAR YAm YIG SNGON PO ZHIG THOL GYIS BYUNG BA 'OD DU ZHU BA LAS RLUNG GI DKYIL 'KHOR SNGON PO GZHU BKANG BA'I DBYIBS CAN GZHU RGYUD RANG LA BSTAN PA'I MCHOG MA GA-YAS GA-YON DU PHAN RTZE GSUM PA'I DBYIBS CAN GYI BA DAN RE RES MTSAN PA, DE'I STENG DU RAm YIG DMAR PO ZHIG BYUNG BA 'OD DU ZHU BA LAS ME'I DKYIL 'KHOR DMAR PO ZUR GSUM PA ME LCE 'BAR BA'I RANG BZHIN CAN, DE'I STENG GI BUR RER RANG GI MDUN NAS BRTZAMS TE GA-YON SKOR GYIS ZUNG DANG POR A'A: YIG DKAR PO LAS MI MGO DKAR PO, GNYIS PAR A'A: YIG DMAR PO LAS MI MGO DMAR PO, GSUM PAR A'A: YI SNGON PO LAS MI MGO SNGON PO, GSUM GA'I LTAG PA NANG LA BSTAN CING RLON PA STE GSAR BA BCAD MA THAG PA SKRA RBAD LING GI RNAM PA CAN NO, ,DE GSUM GYI DBUS KYI BAR SNANG LA A'A: YIG DKAR PO KHA RANG LA BSTAN PA DE YONGS SU GYUR BA LAS THOD PA PHYI DKAR LA NANG DMAR BA YANGS SHING RGYA CHE BA'I DBRAL PA RANG LA BSTAN PA, DE'I SHAR TE DPRAL BA PHYOGS SU AOm YIG DKAR PO LAS DRI CHEN SER PO AOm GYIS MTSAN PA, BYANG DU KHAm LJANG KHU LAS KLAD PA DKAR PO KHAm GIS MTSAN PA, NUB TU AOm DMAR PO LAS BYANG SEMS DKAR PO AOm GIS MTSAN PA, LHOR TRAm SAR PO LAS RAKTA DMAR PO TRAm GIS MTSAN BA, DBUS SU H'Um SNGON PO KHA RANG LA BSTAN PA LAS DRI CHU MTHENG BAm ? H'Um GIS MTSAN PA STE PHYOGS GA-YON SKOR DANG, SHAR LHOR LAm DKAR PO LAS BA LANG GI SHA NAG PO LAm GYIS MTSAN PA, LHO NUB TU MA SNGON PO LAS KHYI'I SHA DMAR PO MAm GYIS MTSAN PA, NUB BYANG DU PA DMAR PO LAS GLANG PO CHE'I SHA DKAR PO BAm

GYIS MTSAN PA, BYANG SHAR DU TAm LJANG GU LAS RTA'I SHA LJANG GU TAm GYIS MTSAN PA, DBUS SU BAm DMAR PO H'Um LA KHA BSTAN PA LAS MI'I SHA DMAR PO BAm GYIS MTSAN PA STE MTSAMS GA-YAS SKOR GYIS 'KHOD PA, BDUD RTZI RNAMS MAR KHU 'KHYIL BA LTA BU DANG, SHA RNAMS KHA MTSAD TZAM GYI GSIL BUR BTUB CING PHYI'I DBYIBS RANG RANG GI GZUGS MA ZHIG PA, DBUS KYI RDZAS NI DRI CHU MAR KHU LTA BU'I DKYIL DU MI'I SHA GNAS PA LA YI GE GNYIS ZHAL SPROD DANG, PHYOGS MTSAMS KYI YI GE RNAMS KHA NANG DU BSTAN PA THAMS CAD LAS RANG RANG MDOG CAN GYI BDUD RTZI RDZAS SO SO LA 'BEB BZHIN PA, YI GE'I PHYED TZAM RDZAS LA THIM PA'I TSUL GYIS MTSAN PA'O, , ` BZHI BA BYIN GYIS BRLABS LA GSUM, SKYON SBYANG BA, YON TAN RTOGS PA, MANG POR SBEL BA'O, , ` DANG PO NI, DE NAS RANG ? GI, THUGS KA'I BAm YIG LAS 'OD ZER 'PHROS BAS RLUNG DKYIL GYI BA DAN LA PHOG PAS BA DAN BSKYOD DE RLUNG GA-YOS ME DKYIL SNGAR BAS THOD PA'I NANG GI RDZAS DANG YI GE RNAMS ZHU STE KHA DOG DMAR SER GYI RNAM PAR KHOL BAS REG BYA SHIN TU TSA BAR GYUR TE KHA DOG DRI RE NUS PA'I SKYON THAMS CAD SBYANG BAR BSAM MO, , ` GNYIS PA NI, DE'I STENG GI BAR SNANG LA H'Um YAG DKAR PO MGO THUR DU BSTAN PA ZHIG BYUNG, DE YONGS SU GYUR BA LAS BDUD RTZI'I RANG BZHIN GYI KHA tV'Am GA DKAR PO MTSAN NYID DANG LDAN PA MGO THUR DU BSTAN PA ZHIG TU GYUR PA LA RDZAS KHOL BA'I RLANGS PA PHOG PAS SKAD CIG GIS ZHU BA THOD PAR LHUNG BAS RDZAS RNAMS DNGUL CHU'I MDOG LTAR KHA DOG DKAR BO REG BYA BSIL BA'I RANG BZHIN CAN DU GYUR BAR BSAM MO, , ` GSUM PA NI, DE'I STENG DU PHRED BSGRIGS LA DBYANGS

, ,GSAL GYI TI GE GNYIS SBREL BA'I MGOR AOm DANG MJUG TU H'Um H'Um PHAGS YOD PA'I SNGAGS PHRENG 'OG NAS DKAR DMAR MTHING GA'I MDOG CAN GSUM BRTZIGS CAN DU GNAS PA RNAMS 'OG RIM BZHIN GA-YAS GA-YON RANG RANG MDOG CAN GYI 'OD KYI RNAM PAR BSDUS TE AOm DKAR PO, A'Am: DMAR PO, H'Um SNGON PO STE YI GE GSUM DU GYUR BA STENG NAS STENG DU BRTZEGS PA LAS RANG MDOG CAN GYI 'OD ZER DPAG TU MED PA PHYOGS BCUR 'PHROS PAS RGYAL BA SRAS BCAS THAMS CAD KYI THUGS KA NAS YE SHES KYI BDUD RTZI KHA DOG DKAR PO'I RNAM PAR SPYAN DRANGS NAS YI GE GSUM LA THIMS PAS DE RNAMS STENG 'OG DANG MGO 'JUG LDOG NAS RIM GYIS THOD PAR LHUNGS NAS ZHU BAS 'CHI MED TSE, NAD MED SMAN, ZAG MED YE SHES KYI BDUD RTZIR GYUR TE JI TZAM MA LONGS SPYAD KYANG ZAD PA MED PA'I RGYA MTSO CHEN POR GYUR BAS BSAM MO, , ` DE NAS CHU GNYIS NYER SPYOD ROL MO DANG BCAS PA'I MCHOD PA RANG GI GA-YON PHYOGS NAS BRTZAMS TE BA SHAMS LA, NANG MCHOD NAS MTHEB SRIN GYIS GTOR TE BSANG BA DANG SBYANG BA SNGAR BZHIN LA, BSKYED CING BYIN GYIS BRLAB PA NI, STONG PA'I NGANG LAS MCHOD RDZAS SO SO'I GO SAR KAm DKAR PO RE RE BYUNG BA 'OD DU ZHU BA LAS THOD PA PHYI DKAR LA NANG DMAR BA YANGS SHING RGYA CHE BA RE RE'I NANG DU H'Um YIG SNGON PO RE RE BYUNG BA 'OD DU ZHU BA LAS NGO BO BDE STONG GI YE SHES YIN PA, RNAM PA MCHOD YON LA SOGS PA'I MCHOD RDZAS SO SO'I RNAM PA, BYED LAS MCHOD YUL GYI SPYAN LA SOGS PA'I DBANG PO SO SOR BDE STONG GI YE SHES KHYAD PAR CAN STER NUS PAR BSAM LA AARGHAm LA SOGS PA'I SNGAGS PHYAG RGYA DANG BCAS PAS KHYAD

PAR GSUM LDAN DU BYIN GYIS BRLAB BO, ,KAm LAS THOD PAR BSKYED PA NI THOD PA'I SKAD DOD KA P'A LA ZHES PA'I MING YIG DANG PO THIG LES BRGYAN PA YIN PAS MING TZAM BRDA TZAM LAS DON DAM PAR MA GRUB PA MTSON NO, , ` DE NAS RDOR SEMS BSGOM BZLAS BYA BA LA, , NGAG 'DON TSEM BU DMAR KHRID DU GSAL BA RJE T'A RA N'A THA'I DGONGS PA LTAR YIN PAS RANG GI SPYI BOR PADMA DKAR PO'I LTE BAR ZLA BA'I STENG DU RDOR SEMS YAB YUM SKAD CIG GIS BSKYED PA'I YAB KYIS SHEL DKAR GYI RDOR DRIL 'DZIN CING PHYAG RGYA DRUG GIS BRGYAN PA RDO RJE SKYIL KRUNG DANG, YUM GYIS GRI THOD 'DZIN CING MTSON BYA BYANG SEMS MED PAS MTSON BYED THAL CHEN MA DGOS PAS PHYAG RGYA LNGAS BRGYAN PA PADMA'I SKYIL KRUNG GIS BZHUGS PA, YAB KYI THUGS KAR ZLA GDAN LA H'Um YIG DKAR PO'I MTHAR HE RU KA'I YI GE BRGYA PAS BSKOR BA LA DMIGS NAS RANG LHA'I NGA RGYAL GLOD LA BZLA ZHING BZLAS DMIGS RGYAS PAR SPRON YAS 'DED, MAS 'DED, PHUNG 'DED SOGS BYA TSUL 'KHRID YIG LOGS YOD LTAR DANG, MDOR BSDU NA RANG GI SNYING GAR H'Um YIG DKAR PO BSAM LA RANG GZHAN SEMS CAN THAMS CAD KYI SDIG SGRIB THAMS CAD BSDUS NAS HUm ? YIG LA THIMS BAS MOG MOG POR SONG BA LA THUGS KA'I HUm ? YIG SNGAGS 'PHRENG LAS BDUD RTZI DKAR PO'I RGYUN BABS PAS GA RE SONG CHA MED KYI TSUL DU SBYANG BAR BSAM, DE YANG GNYEN PO STOBS BZHI TSANG BA GAL CHE ZHING DE RNAMS KYI NANG NAS KYANG PHYIN CHAD SDOM SEMS NI SHIN TU GSAL CHE, DE YONG MIN SNGAR BYA LAS 'GYOD SEMS YOD MED RAG LAS, DE LAS RGYU 'BRAS LA YID CHES YOD MED LA RAG LAS

, ,SHING, YON TAN GONG DU 'PHEL BA LA SDIG SGRIB SPYI DANG, TSE 'DI LA BSAGS PA DANG, SDOM GSUM GYI BCAS 'GAL DANG, GSANG SNGAGS KYI DAM TSIG NYAMS PA RNAMS PHYI MA PHYI MA CHES GEGS CHE BAS NA RGYU 'BRAS LA NGES PA DRANGS NAS BSHAGS SDOM LA 'BAD PAR BYA'O, ,STOBS BZHI TSANG BA'I SGO NAS 'DUN PA DRAG POS SBYANGS NA MYONG NGES KYI LAS KYANG 'DAG PAR GSUNGS SHING, NYIN RER YIG BRGYA NYER GCIG RE CHAG MED DU BZLAS NA SDIG PA'I 'PHEL KHA CHAD PA DANG, 'BUM PHRAG BZLAS NA RTZA LTUNG YANG 'DAG PA DANG, SNGON 'GRO'I 'KHRID CHEN BZHI TSANG BA LA SOGS PA'I GNAD YOD BAS GAL CHE ZHING, GAL TE MA GRUB NA'ANG CHO GA CHAD PA'I NYES PA MED DO, , ` LNGA PA BLA MA'I RNAL 'BYOR NI, MDUN GYI NAM MKHAR ZHES PA NAS, RANG SEMS DBYER MED DU 'DRES PAR BSAM, ZHES PA'I BAR TE, RJE CHOS RGYAN GYIS, SEMS KYI CHOS NYID MTHONG BA YANG, ,TSOGS BSAGS SGRIB SBYANGS LA LTOS BAS, ,YIG BRGYA 'BUM TZAM LTUNG BSHAGS NI, ,BRGYA PHYAG GANG MANG SNGON BTANG STE, ,DUS GSUM SANGS RGYAS THAMS CAD DANG, ,DBYER MED RTZA BA'I BLA MA LA, ,SNYING NAS GSOL 'DEBS YANG YANG BYA, ,ZHES DANG, BRTAG GNYIS LAS, GZHAN GYIS BRJOD MIN LHAN CIG SKYES, ,GANG DU YANG NI MI RNYED DO, ,BLA MA'I DUS THABS BSTAN PA DANG, ,RANG GI BSOD NAMS LAS SHES BYA, ,ZHES GSUNGS PA LTAR, RDZOGS PA'I SANGS RGYAS KYI GO 'PHANG THOB PA LA, RANG SEMS LHAN CIG SKYES PA'I YE SHES RTOGS DGOS, DE RTOGS PA YANG TSOGS GSOG SGRIB SBYONG DANG, BLA MA'I BYIN RLABS DANG MOS GUS LA RAG LAS TE,

JO BO RJES, THEG CHEN GYI YON TAN CHE SKYES CHUNG SKYES THAMS CAD BLA MA LA BRTEN NAS SKYE BA LA, KHYED BOD PA RNAMS BLA MA LA THA MAL GYI 'DU SHES LAS MED PAS GAN SKYE GSUNGS, TSOGS GSOG SGRIB SBYONG GI ZHING LA BLA MA LAS LHAG PA MED DE, SPYIR BLA MA DANG SANG RGYAS LA SPANGS RTOGS KYI YON TAN KHYAD PAR MED KYANG, BKA' DRIN GYI NGOS NAS SANGS RGYAS LAS KYANG BLA MA LHAG PA YIN TE, SANGS RGYAS KYI SKU MTSAN DPE GSAL RDZOGS KYIS SPRAS PA DANG, GSUNG DBYANGS YAN LAG DRUG CU DANG LDAN PA DE NYID RANG NYID LAS DANG SKAL PA DMAN BAS DNGOS SU MTHONG THOS SU MA GYUR LA, BLA MA DAM BA 'DI NI RANG CAG DANG TSUL MTSUNGS PA'I MDZAD PA BSTAN TE SKU DANG GSUNG DNGOS SU MTHONG THOS KYI YUL DU GYUR CING, ZAB CING RGYA CHE BA'I GDAMS PA RNAMS NI SANGS RGYAS KYIS JI LTAR BSTAN PA JI LTA BA BZHIN BLA MAS GNANG BAS SANGS RGYAS DNGOS SU MJAL YANG DE PHAN CHAD LAS 'GRO RGYU MED LA, DE'I PHYIR SANGS RGYAS LAS KYANG BLA MA BKA' DRIN CHE, BKA' DRIN CHE BA'I DBANG GIS ZHING MCHOG TU 'GYUR TE DPER NA TSE 'DI LA LTOS NAS PHA MA BKA' DRIN SHIN TU CHE BA'I DBANG GIS 'GRO BA GZHAN BSAD NA SROG GCOD KYI LAS DANG, PHA MA BSAD NA MTSAMS MED KYI LAS SU 'GYUR ZHING, 'GRO BA GZHAN LA PHAN BTAGS PA LAS PHA MA LA PHAN BTAGS NA BSOD NAMS CHES MCHOG TU 'GYUR BA'I PHYIR RO, , DES NA RGYAL BA DBEN SA PAS, MDOR NA NYAMS RTOGS CHE CHUNG GANG SKYES KYANG, DAD PA CHE CHUNG BSGOMS PA'I MTHU YIN PAS, ,DNGOS GRUB RTZA BA DRIN CAN BLA MA YI, ,YON TAN BSAM ZHING SKYON NAS MI BLTA BA'I, ,GDAMS PA 'DI NYID MTHIL DU 'DZIN PA DANG, ,

, ,DAM BCA' 'DI 'DRA GEGS MED MTHAR PHYIN SHOG ,CES GSUNGS, RGYU MTSAN DE'I PHYIR PHYOR BCU'I SANGS RGYAS THAMS CAD LA MCHOD PA PHUL BA LAS BLA MA'I BA SBU'I KHUNG GCIG MCHOD PA BSOD NAMS CHE BAR GSUNGS, BSHES GNYEN BSTEN CING MCHOD TSUL YANG LAm MTHUN MONG BA'I SKABS KYI BSTEN TSUL GYIS MI CHOG PAR BLA MA LNGA BCU PA LAS JI SKAD BSHAD PA LTAR GYI BSHES GNYEN DAM PA TSUL BZHIN DU BSTEN NAS LAM RNAMS RGYUD LA SKYE BA'I GSOL 'DEBS DANG, TSOGS GSOG SGRIB SBYONG LA 'BAD DGOS PAR RGYUD SDE RNAMS LAS YANG YANG GSUNGS PA LA YID CHES KYI NGES PA DRANGS NAS NYAMS SU LEN DGOS LA, BLA MA LA SANGS RGYAS DNGOS KYI 'DU SHES BCOS MIN YOD NA RNAM PA SANGS RGYAS SU BSGOM MA BSGOM LA KHYAD PAR MED KYANG, LAS DANG PO BAR DE LTA BU 'BYUNG DKA' BA'I PHYIR, NGO BO RTZA BA'I BLA MAR MOS PAS BYIN RLABS MYUR ZHING, RNAM PA SANGS RGYAS SU BSGOM PAS BYIN RLABS CHE BAR GSUNGS, SANGS RGYAS GZHAN GYI RNAM PAR BSGOM PA LAS RDO RJE CHOS KYI RNAM PAR BSGOM NA DE NYID GSUNG RDO RJE'I RANG BZHIN YIN BAS BLA MA'I GSUNG GIS GDUL BYA'I RGYUD LA PHAN 'DOGS STOBS CHE BA'I GNAD DO, ,DE YANG RANG GI MDUN GYI BAR SNANG LA SENGGE BRGYAD KYIS BTEG BA'I RIN PO CHE'I KHRI SNGAR JI LTA BA BZHIN GYI STENG DU SNA TSOGS PAD NYI ZLA BA'I GDAN LA NGO BO RANG GI RTZA BA'I BLA MA YIN PA LA RNAM PA DPA' BO RDO RJE CHOS, THUGS SLOB MA LA RJES SU CHAGS PA MTSON PA'I SKU MDOG DMAR ZHING LANG TSO DAR LA BABS PA, SLOB MA'I RGYUD LA LUNG RTOGS KYI YON TAN BSKYED PAS RGYAS PA'I LAS DANG MTHUN PA'I MDZES SHING 'DZUM PA'I NYAMS CAN,

THOD PA PHYI DKAR BAS RANG BZHIN RNAM DAG GI YUL STONG PA NYID DANG, NANG DMAR BAS YUL CAN BDE BA CHEN PO'I YE SHES, DE GNYIS GCIG LA TSANG BAS BDE STONG DBYER MED KYI CHOS SGRA SGROG PA BLA MA'I GSUNG DANG CHOS DKON MCHOG MTSON PA'I PHYAG GA-YAS d'A MA RU 'KHROL BA, BDE STONG GNYIS SU MED PA'I YE SHES LAS MI GA-YO ZHING SANGS RGYAS DKON MCHOG MTSON PA'I GA-YON THOD PA BDUD RTZIS GANG BA THUGS KAR 'DZIN BA, DGE 'DUN DKON MCHOG MTSON PA'I GRU MO GA-YON NA KHA tVm GA BSNAMS PA, ZHABS RDO RJE'I SKYIL KRUNG GIS BZHUGS PA, DBU RGYAN SNYAN RGYAN LA SOGS PA'I RUS PA'I RGYAN DRUG GIS BRGYAN PA, SKYABS GNAS DKON MCHOG GSUM PO THAMS CAD 'DUS PA'I BDAG NYID DU GYUR PAR BSAM, SENG KHRI DE'I MDUN DU SENG KHRI DGU DANG PHYOGS GZHAN LA BRGYAD RE, DE RE RE'I STENG DU PAD ZLA'I GDAN LA MDUN NAS GA-YON SKOR GYIS RDO RJE 'CHANG, RDO RJE RNAL 'BYOR MA, DPAL N'A RO PA SOGS BRGYUD PA'I BLA MA THAMS CAD KYI LAM 'DI NYAMS SU BZHES PAS GO 'PHANG DE BRNYES PA MTSON PA'I PHYIR NGO BO BLA MA DE DANG DE YIN PA LA RNAM PA RDO RJE CHOS DANG CHA LUGS THAMS CAD MTSUNGS PA'I TSUL GYIS ZHAL RANG LA PHYOGS TE BZHUGS PA, RTZA BRGYUD KYI BLA MA DE THAMS CAD KYI SPYI BOR SKU RDO RJE'I NGO BO AOm DKAR PO, MGRIN PAR GSUNG RDO RJE'I NGO BO A'A: DMAR PO, THUGS KAR THUGS RDO RJE'I NGO BO H'Um SNGON PO STE GNAS GSUM DU RDO RJE GSUM GYIS MTSAN PA'I THUGS KA'I H'Um YIG LAS 'OD ZER DMAR PO LCAGS KYU LTA BU DPAG TU MED PA SPROS PAS PHYOGS BCU NA BZHUGS PA'I BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA THAMS CAD SPYAN DRANGS TE RTZA

, ,BRGYUD KYI BLA MA RE RE LA'ANG DKON MCHOG GSUM CHA TSANG BA RE RE THIM PAS RE RE'ANG SKYABS GNAS THAMS CAD 'DUS PA'I NGO BOR GYUR PAR BSAM MO, ,DE NAS RANG GI LUS GRANGS MED PAR SPRUL LA LUS NGAG YID GSUM GYI PHYAG 'TSAL BAR BSAM LA, GANG GIS DRIN GYIS ZHES SOGS BYA STE, BLA MA GANG GI BKA' DRIN LA BRTEN NAS ZHI RGYAS DBANG DRAG DANG, GRUB PA BRGYAD LA SOGS PA'I THUN MONG GI DNGOS GRUB RNAMS THOB PAR MA ZAD, BDE BA CHEN PO'I GNAS SAM DBYINGS MTHAR THUG SKU GSUM GYI GO 'PHANG YANG DUS BSKAL PA GRANGS MED GSUM LA SOGS PAR MI BLTOS PAR SKAD CIG MA LTA BU'I SNYIGS DUS KYI TSE THUNG GCIG LA THOB PAS NA KHYOD NI YID BZHIN GYI NOR BU RIN PO CHE LTA BU STE, NOR BU DE RGYAL MTSAN GYI RTZER BKOD NAS MCHOD CING GSOL BA BTAB NA DGOS 'DOD CHAR BZHIN DU 'BEBS PA DANG MTSUNGS PA'I PHYIR RO, ,DE'I PHYIR BDE STONG GNYIS SU MED PA'I YE SHES BZHIN LAG GI RNAM PAR SHAR BA NGES DON GYI RDO RJE MTSON PA'I PHYIR DRANG DON RTAGS KYI RDO RJE 'DZIN PA'AM 'CHANG BAS NA RDO RJE CAN TE DE DANG DBYER MED PA'I ZHABS KYI PADMO LA BDAG GIS SPYI BOS REG PA'I PHYAG 'TSAL BA STE SGO GSUM GUS PAS 'DUD DO, ,ZHES SO, ,DE NAS MCHOD PA 'BUL BA LA RANG GI THUGS KA NAS 'OD ZER SPROS PA'I SNE LA MCHOD PA'I LHA MO PHYAG NA MCHOD RDZAS THOGS BZHIN PA DPAG TU MED PA SPROS TE MCHOD PA LA, MCHOD LHA'I SKU MDOG NI MCHOD YON MA, ZHABS BSIL MA, ME TOG MA GSUM DKAR MO, BDUG SPOS MA DUD KHA, MAR ME MA DMAR SER, DRI CHAB MA LJANG GU ,ZHAL ZAS MA SNA TSOGS

MDOG ,ROL MO MAR GSAL KHA MED KYANG SNA TSOGS MDOG BYAS NA YONG BAR MNGON GSUNGS, THAMS CAD KYANG ZHAL GCIG PHYAG BZHI MA, PHYAG DANG PO GNYIS KYIS RDOR DRIL DANG 'OG MA GNYIS KYIS RIN PO CHE LAS GRUB PA'I SNOD DU RANG RANG GI MCHOD RDZAS 'DZIN PA'O, , AARGHm LA SOGS PA NI MCHOD YON LA SOGS PA DANG, PRA T'ITZTSA, SO SOR BZHES, SV'AH'A NI GZHI TSUGS, AOm A'A: H'Um NI RDO RJE GSUM GYI SA BON TE RDO RJE GSUM GYI RANG BZHIN GYI MCHOD YON LA SOGS PA DBANG PO SO SOR BZHES LA THUGS BDE STONG GNYIS SU MED PA'I YE SHES LA GZHI TSUGS, ZHES PA'O, ,DE NAS RIG MA DRUG GI MCHOD BA 'BUL BA LA, AOm A'A: BADZRA A'A DARSHE H'Um, ZHES GZUGS RDO RJE MA DKAR MO ME LONG DMAR PO NGOS GNYIS PA STONG GSUM THAMS CAD GSAL BA 'DZIN PA, A'A DARSHE'I GNAS SU, BI NI, ZHES SGRA RDO RJE MA SNGON MO PI WAm 'DZIN PA, GANDHE ZHES DRI RDO RJE MA SER MO DUNG CHOS 'DZIN PA, RA SE, ZHES RO RDO RJE MA DMAR MO RIN PO CHE'I SNOD SBRANG CHANG GIS GANG BA 'DZIN PA, SPARSHE, ZHES REG BYA RDO RJE MA LJANG GU PANYTZA LI KA'AM, KHA DOG SNA TSOGS PA'I GOS 'DZIN PA, DHARME ZHES CHOS RDO RJE MA DKAR MO RNAM THAR SGO GSUM DANG CHOS SKU 'GYUR BA MED PA MTSON PA'I CHOS 'BYUNG GRU GSUM MTHING NAG 'DZIN PA, THAMS CAD KYANG ZHAL GCIG PHYAG BZHI MA GA-YAS DANG POS RANG RANG GI MCHOD RDZAS DANG, GNYIS PAS d'A MA RU, GA-YON DANG BOS BDUD RTZIS GANG BA'I THOD PA DANG, GNYIS PAS KHA tR'm GA 'DZIN PA SPRO BA'O, ,LAS DANG PO BAS MCHOD LHA PHYAG BZHI MA SPRO BA BLOS MA 'CHUN NA PHYAG GNYIS MA SPROS PAS CHOG PAR GSUNGS SHING, MCHOD LHA RNAMS SLAR RANG GI SNYING GAR BSDU BA GAL CHE BA'O, ,DE RNAMS

, ,NI PHYI'I MCHOD PA STE, NANG GI MCHOD PA NI, 'OG NAS 'BYUNG BA'I NANG MCHOD DANG, SNGAR GYI MCHOD LHA GZUGS MDZES SHING YID DU 'ONG BA NANG GI GZUGS DANG, NGAG NAS GLU DBYANGS SNYAN PO SGROG PA NANG GI SGRA DANG, LUS DANG KHA NAS DRI ZHIM BO 'THUL BA NANG GI DRI DANG, LCE DANG MA MA CHU'I RO BDA' BA NANG GI RO DANG, PADMA'I REG BYA'I BDE BA NANG GI REG BYA DANG, LHA MO RNAMS DANG SNYOMS PAR 'JUG PA'I BDE BA NI GSANG BA'I MCHOD PA, BDE BA'I NGO BOR SONG BA'I THUGS DES CHOS 'BYUNG MTHING NAG GZIGS PA LA BRTEN NAS CHOS THAMS CAD RANG BZHIN MED PAR RTOGS TE BDE STONG DBYER MED THUGS RGYUD LA 'KHRUNGS PAR MOS PA NI DE KHO NA NYID KYI MCHOD PA STE, 'DI'I SKABS SU RANG NYID GZUGS MDZES PA SGRA SNYAN PA LA SOGS PA'I YID DU 'ONG BA LA CHAGS SHING, DE LAS LDOG PA'I YID DU MI 'ONG BA LA SDANG BA'I CHAGS SDANG ZHI BA'I GSOL 'DEBS KYANG BYA'O, ,DE NAS SLAR YANG RANG GI THUGS KA NAS RO RDO RJE MA SPROS TE NANG MCHOD 'BUL BA LA, AOm NI SNGAGS KYI MGO 'DREN, GU RU BLA MA, BADZRA RDO RJE, DHARMA CHOS, SA PA RI W'A RA 'KHOR DANG BCAS PA, AOm A'A: H'Um NI RDO RJE GSUM GYI SA BON TE, BLA MA RDO RJE CHOS 'KHOR DANG BCAS PAS RDO RJE GSUM GYI RANG BZHIN GYI BDUD RTZI GSOL BAR BSAM LA DNGOS SU GA-YON PA'I MTHEB SRIN GYIS NANG MCHOD PHUL NAS MCHOD LHA SNYING GAR BSDU'O, ,DE NAS DKON MCHOG GSUM LA ZHES PA NAS SO SOR BSHAGS ZHES PA BSHAGS PA'I YAN LAG ,'GRO BA'I DGE LA ZHES SOGS YI RANG GI YAN LAG ,SANGS RGYAS BYANG CHUB CES SOGS DON DAM

BYANG SEMS GZUNG BA'I YAN LAG ,SANGS RGYAS CHOS DANG NAS SKYABS SU MCHI, ZHES PA'I BAR SKYABS 'GRO'I YAN LAG ,RANG GZHAN DON NI NAS, BSKYED PAR BGYI ZHES PA'I BAR SMON SEMS GZUNG BA'I YAN LAG ,BYANG CHUB MCHOG GI NAS, SPYAD PAR BGYI ZHES PA'I BAR 'JUG SDOM GZUNG BA'I YAN LAG ,'GRO LA PHAN PHYIR, ZHES SOGS BSNGO BA'I YAN LAG STE BDUN RNAM DAG BYAS LA BYANG SDOM SNGAR YOD GONG 'PHEL DU 'GYUR BAS SGRUB PA'I MCHOD PA DBUL LO, ,DE NAS PHYI'I PHYAG MCHOD LAS NANG GI RANG LUS TSOGS SU 'BUL BA BSOD NAMS CHES CHE BAS, KU S'A LI'I TSOGS GSOG BYED PA LA, DE YANG BDAG GIS SNGON LUS GRANGS MED BA ZHIG BLANGS KYANG DON MED DU SONG 'DUG BAS, DA LAN DAL 'BYOR GYI RTEN BZANG PO LAN GCIG RNYED PA'I SKABS 'DIR LUS 'DI BLA MA DKON MCHOG LA TSOGS SU PHUL NAS MAR GYUR SEMS CAN RNAMS BSGRAL BA'I PHYIR DU SANGS RGYAS KYI GO 'PHANG THOB PAR BYAS LA DON DANG LDAN PAR BYA'O SNYAM PA'I 'PHEN BA ZHIG BTANG LA, SNYING GA'I RANG SEMS BAm YIG TU GSAL BA DE RNAL 'BYOR MA MTHEB SOR TZAM DU GYUR PA RTZA DBU MA'I LAM BRGYUD SPYI BO NAS THON PA TSOGS ZHING RNAMS KYI MDUN DU GNAS NAS PHYIR BLTAS BAS, RANG LUS THA MAL BA'I PHUNG POR GYUR BA DE SHING SDONG BCAD BA LTAR LING GIS 'GYEL TE SHIN TU CHE BA 'TSO ZHING SNUM PA GZI BRJID DANG LDAN PAR BSAM, SLAR YANG RANG SEMS RNAL 'BYOR MAR GSAL BA PHUNG PO RNYING BA'I SAR PHYIN NAS RGOD PO SHA LA LDING BA LTAR GA-YON SKOR LAN GSUM BYAS TE GA-YAS BA'I GRI GUG GIS THOD PA LING GIS BKOGS TE RLUNG DKYIL DANG ME DKYIL GYI STENG DU MI MGO'I SGYID BU RI RAB TZAM GSUM GYI STENG DU

, ,DPRAL BA TSOGS ZHING LA BSTEN NAS BSKYON PA RGYA STONG GSUM DANG MNYAM PAR GYUR PA'I NANG DU PHUNG PO RNYING PA'I RKANG LAG GA-YON NAS BRTZAM STE DUM BU GSUM GSUM DU BTANG NAS THOD PAR BLUG PAS SHA NI RI RAB TZAM, KHRAG NI RGYA MTSO TZAM, RUS PA NI GRAM ZANG ? TZAM DU GYUR, DE'I STENG DU AOm: H'Um GSUM STENG 'OG TU BRTZEGS TE GNAS PAR BSAM LA 'OG GI RLUNG GA-YOS, ME SBAR, THOD PA'I SHA KHRAG KHOL BA'I RLANGS PA YI GE GSUM LA PHOG PAS 'BRU GSUM LAS RANG RANG MDOG CA GYI 'OD ZER DKAR DMAR MTHING GSUM SPROS PAS PHYOGS BCU'I RGYAL BA SRAS BCAS KYI SKU GSUNG THUGS KYI BYIN RLABS NUS MTHU THAMS CAD BDUD RTZI 'OD ZER DKAR DMAR MTHING GSUM GYI RNAM PAR SPYAN DRANGS PA'I YI GE GSUM LA THIM PAS MGO MJUG LDOG NAS H'Um THOD PAR LHUNG BAS SKYON SBYANGS, A'A: THIMS PAS BDUD RTZIR GYUR, AOm THIM BAS MI ZAD PAR SPEL BAR BSAM LA 'BRU GSUM LAN GSUM BRJOD NAS BYIN GYIS BRLABS PAS BDUD RTZI KHA DOG DKAR PO REG BYA BSIL BA RO MNGAR BA NUS PA SHI NAS ZHAG BDUN SONG BA'I RO'I KHAR BLUG KYANG GSO NUS PA'I RO NUS PHUN SUM TSOGS PAR BSAM, DE NAS BLA MA RNAMS KYI MDUN DU STON PA THUB PA'I DBANG PO LA YI DAM SANGS RGYAS BYANG SEMS SOGS DKON MCHOG SRI ZHU'I MGRON, GA-YAS SU RJE BTZUN 'JAM DBYANGS LA MKHA' 'GRO CHOS SKYONG MGON PO YON TAN GYI MGRON, GA-YON DU SPYAN RAS GZIGS LA RIGS DRUG SNYING RJE'I MGRON, RGYAB TU DPAL PHYAG NA RDO RJE LA GDON BGEGS LAN CHAGS KYI MGRON GYIS BSKOR BA RNAMS SKAD CIG GIS GSAL BTAB LA RANG GI THUGS KA NAS MKHA' 'GRO MA PHYAG NA THOD PA

THOGS PA DPAG MED SPROS PAS BDUD RTZI NAS BCUS TE PHUL BAR BSAM LA, BLA MA RIN PO CHE BDAG GI LUS TSOGS SU BZHES SU GSOL, BDAG GI SDIG SGRIB NYES LTUNG THAMS CAD DAG NAS TSOGS GNYIS BDE BLAG TU RDZOGS PAR BYIN GYIS BRLAB TU GSOL ZHES GSOL BA BTAB NAS 'BRU GSUM BZLA BZHIN DU GTZO BO LA LAN GSUM DANG, MGRON TSAN RER LAN RE BCAS KHYON LAN BDUN TZAM BZLAS LA DKON MCHOG SRI ZHU'I MGRON LA RGYAL PO LA DPYA ? KHRAL 'BUL BA'I TSUL, MGON PO YON TAN GYI MGRON LA GROGS PO LA STON MO 'GYED PA'I TSUL, RIGS DRUG SNYING RJE'I MGRON LA NGAN SLONG LA SBYIN PA GTONG BA'I TSUL, GDON BGEGS LAN CHAGS KYI MGRON LA BUN BDAG LA BU LON 'JAL BA'I TSUL GYIS PHUL BAS MAR MGRON RNAMS KYANG RNAL 'BYOR MAR GSAL BA'I MGRON RNAMS KYI LJAGS RDO RJE RTZE GSUM PAR GYUR BA'I DBUS RVA NAS 'OD ZER DKAR PO SBU GU CAN GYIS DRANGS TE GSOL BAS THUGS RGYUD LA ZAG MED KYI BDE BA SKYES, BDE BAS STONG PA NYID NGES PA'I BDE STONG DBYER MED KYI YE SHES 'KHRUNGS, SEMS CAN THAMS CAD KYANG SDIG SGRIB DAG CING TSOGS RDZOGS NAS SKAD CIG GIS LUS LONGS SKU RNAL 'BYOR MA DANG, SEMS RTOG MED CHOS SKUR GYUR NAS RANG RANG GI DAG ZHING DU GSHEGS, RTZA BRGYUD KYI BLA MA MA GTOGS PA'I YAR MGRON RNAMS RANG LA THIM PAS BYIN GYIS BRLABS PAR BSAM LA MCHOD YUL MCHOD MKHAN MCHOD RDZAS TE MCHOD PA'I 'KHOR GSUM THAMS CAD MING RKYANG TZAM MA GTOGS RANG BZHIN GYIS GRUB BRDUL TZAM YANG MED PA'I BDE STONG DBYER MED KYI NGO BOR MOS LA THOD PA SOGS MI DMIGS PAR BSAM MO,

, ,DE NAS LUGS 'DI'I MAndAL TSOM BU BDUN MA CI 'GRUB 'BUL ZHING, SO BDUN MA SOGS RGYAS PA 'BUL BAR SBRON DE'I 'KHRID YIG LOGS SU YOD PA LAS SHES PAR BYA LA, RGYUN DU 'JUG PA BDE BAR BYED NA, BDE STONG LHAN CIG SKYES PA'I YE SHES KYI GZUNG RNAM ZHES PA NGO BO'I KHYAD PAR, PHUNG KHAMS SKYE MCHED LAS BYUNG BA'I ZHES PA RGYU'I KHYAD PAR, RI GLING RIN CHEN GTER BUM NYI ZLAR BCAS ZHES PA RNAM PA'I KHYAD PAR, SKYABS MGON THUGS RJE'I GTER LA DBUL BAR BGYI ZHES PA 'BUL YUL GYI KHYAD PAR DANG, GONG GI BDE ZHES PAS GSANG BA, STONG ZHES PAS DE KHO NA NYID, PHUNG KHAMS SKYE MCHED KYIS NANG, RI GLING SOGS KYIS PHYI STE PHYI NANG GSANG BA DE KHO NA NYID KYI MAndAL DANG, TSOM BU NYER GSUM MA TSANG BA 'DI NYID PHUL KYANG CHOG GO , DE LTAR RGYAS BSDUS GANG RIGS BUL ? NAS, RGYAL BA RGYA MTSO'I RIGS BDAG RDO RJE CHOS, ZHES SOGS KYIS BLA BRGYUD GSOL 'DEBS BYA STE, MDUN GYI DBUS NA BZHUGS PA'I RDO RJE 'CHANG SANGS RGYAS RDO RJE CHOS KYI RNAM BA CAN, DE NAS GA-YON RIM BZHIN RDO RJE RNAL 'BYOR MA, DPAL N'A RO TA PA, PHAM THING PA GCEN 'JIGS MED GRAGS PA, GCUNG NGAG DBANG GRAGS PA, KLOG SKYA LO TZ'A BA SHES RAB BRTZEGS, MAL LO TZ'A BA BLO GROS GRAGS, SA CHEN KUN DGA' SNYING PO, DE'I SRAS BSOD NAMS RTZE MO, RJE BTZUN GRAGS BA RGYAL MTSAN, SA PAn KUN DGA' RGYAL MTSAN, 'GRO MGON CHOS RGYAL 'PHAGS PA BLO GROS RGYAL MTSAN, ZHANG STON DKON MCHOG DPAL, NA BZA' BRAG PHUG PA BSOD NAMS DPAL, DPAL LDAN BLA MA DAM PA BSOD NAMS RGYAL MTSAN, YAR LUNG PA SENGGE

RGYAL MTSAN, MKHAN CHEN BSOD NAMS RGYAL MCHOG, 'JAM DBYANGS NAM MKHA' RGYAL MTSAN, BDAG CHEN BLO GROS RGYAL MTSAN, RDO RING BA KUN BZANG CHOS KYI NYI MA, TSAR CHEN RDO RJE 'CHANG BLO GSAL RGYA MTSO, 'JAM DBYANGS MKHYEN BRTZE'I DBANG PHYUG, MKHAN CHEN BSLAB GSUM RGYAL MTSAN, RDO RJE 'CHANG DBANG PHYUG RAB BRTAN, BKA' 'GYUR BA MGON PO BSOD NAMS MCHOG LDAN, ZHA LU BA RIN CHEN BSOD NAMS MCHOG GRUB, MKHYEN RAB BYAMS PA NGAG DBANG LHUN GRUB, RMONG DGON PA NGAG DBANG KUN DGA' LHUN GRUB RGYAL MTSAN, GNAS GSAR PA KUN DGA' LEGS PA'I 'BYUNG GNAS, KHA RAG PA BLO GSAL PHUN TSOGS, LCE BTZUN BSTAN 'DZIN 'PHRIN LAS, BKA' 'GYUR BA CHEN PO DGA' LDAN BSTAN 'DZIN, RJE BTZUN DAM PA DGA' LDAN DAR RGYAS DPAL BZANG PO STE BLA MA RANG RANG GI GSOL 'DEBS DANG, RTZA BA'I BLA MA'I GSOL 'DEBS KYI TSE DBUS KYI GTZO BO LA DMIGS NAS BYA ZHING BDE CHEN LHAN CIG SKYES BA'I YE SHES MYUR DU RGYUD LA SKYE BAR GSOL BA GDAB BO, ,DE NAS TING NGE 'DZIN GYI DBANG BZHI LEN PA LA SKYABS GNAS KUN 'DUS BLA MA LA, ZHES SOGS KYIS GSOL 'DEBS LAN GSUM BYA STE, 'DI LA DNGOS SU LAN GSUM GA RANG GIS BRJOD DGOS KYANG, BSGOM DON LA LAN DANG PO RANG GIS RTZA BA'I BLA MA LA ZHUS, LAN GNYIS PA RTZA BA'I BLA MAS BRGYUD PA'I BLA MA RNAMS LA DBANG BZHI BSKUR CHOG MIN GNANG BA ZHU BA'I TSUL GYIS GA-YON SKOR DU GZIGS BZHIN DU GSUNG BA DANG, GSUM PA BRGYUD PA'I BLA MA THAMS CAD KYIS BSKUR CHOG BAR GNANG BA STER BA'I TSUL GYIS GTZO BO LA SPYAN CHER GYIS GZIGS BZHIN DU GSUNG BAS BSKUR BAR

, ,ZHAL GYIS BZHES TE RTZA BA'I BLA MA'I SPYI BO'I AOm YIG LAS BDUD RTZI DKAR PO'I RGYUN BABS, RANG GI SPYI BOR THIMS BYAS PA'I DBANG THOB PAS LUS KYI SGRIB PA DAG ,LAM BSKYED RIM BSGOM PA LA DBANG, 'BRAS BU SPRUL SKU 'GRUB PA'I NUS PA BZHAG, MGRIN PA'I A'A: YIG LAS BDUD RTZI DMAR PO BYUNG BA RANG GI MGRIN PAR THIM, GSANG BA'I DBANG THOB, NGAG GI SGRIB PA DAG, LAM RDZOGS RIM BSGOM PA LA DBANG, 'BRAS BU LONGS SKU 'GRUB PA'I NUS PA BZHAG, THUGS KA'I H'Um YIG LAS BDUD RTZI SNGON PO BYUNG BA RANG GI SNYING GAR THIM, SHES RAB YE SHES KYI DBANG THOB, YID KYI SGRIB PA DAG, PHO NYA BSTEN PA LA DBANG, CHOS SKU 'GRUB PA'I NUS PA BZHAG, GNAS GSUM GA LAS BDUD RTZI DKAR DMAR MTHING GSUM CIG CAR BYUNG BA RANG GI GNAS GSUM DU CIG CAR THIMS PAS TSIG DBANG RIN PO CHE THOB, SGO GSUM GYI SGRIB PA DAG, LAM BSAM MI KHYAB BSGOM PA LA DBANG, NGO BO NYID SKU 'GRUB PA'I NUS PA BZHAG PAR BSAM STE, DE YAN CHAD GNYIS BRAL 'CHAD DUS ZHAL SHES GSUM, ZHES PA'I DANG PO BLA MA BSKYED PA'I ZHAL SHES SO, ,ZHAL SHES GNYIS PA BLA MA BSTIM PA'I ZHAL SHES NI, DE NAS DUS GSUM SANGS RGYAS THAMS CAD KYI NGO BO BLA MA RIN PO CHE LA GSOL BA 'DEBS SO, ,ZHES SOGS BRJOD PAR BYA STE, BDAG GI RGYUD SKAD CIG SNGA MA MA DAG PA'I SHES PA 'DI SKAD CIG PHYI MA DAG PA'I YE SHES SU BSGYUR BAR BYIN GYIS BRLAB TU GSOL ZHES ZHE THAG PA NAS GSOL BA LAN GSUM BTAB BAS, ~ ? RGYAL BA RDO RJE 'CHANG RDO RJE RNAL 'BYOR MA LA THIM, DE N'A RO PA LA THIM PA SOGS BLA MA SNGA MA SNGA MAS PHYI MA PHYI MA BYIN GYIS RLOB PA'I TSUL GYIS THIMS NAS MTHAR DGA' LDAN DAR RGYAS RTZA BA'I BLA MA LA THIM, RTZA BA'I BLA MA YANG RANG LA THUGS RJES SU CHAGS PAS SENG KHRI

NAS YAR DANG, SPYI BO NAS MAR THUGS KA'I BAR 'OD DU ZHU NAS 'OD DMAR PO GZI BYIN GYIS NAM MKHA' GANG BA LTA BUR GYUR BA'I MTHAR RANG GI SPYI BO NAS ZHUGS TE 'OD DE NYID BAm YIG TU GYUR PA SNYING GA'I RANG SEMS BAm YIG GIS RNAM PA CAN DANG DBYER MED RO GCIG TU GYUR PAR BSAM LAS ? STONG DBYER MED KYI NGANG DU CI NUS 'JOG PAR BYA STE BDE BA CHEN PO NI BLA MA LONGS SPYOD RDZOGS PA'I SKU, STONG PA NYID NI BLA MA CHOS KYI SKU, SNANG BA SNA TSOGS 'CHAR BA NI BLA MA SPRUL BA'I SKU, DE LTA BU'I BDE STONG DE LA SGRIB GNYIS KYI BSLAD PA MA ZHUGS PA NI BLA MA NGO BO NYID KYI SKU STE BLA MA SKU BZHI'I BDAG NYID RANG SEMS LA TSANG BA YIN PAS DE NI NGES DON GYI BLA MA'I RNAL 'BYOR RO, ,ZHES GSUNGS, `DRUG PA BDAG LHAR BSKYED PA'I RNAL 'BYOR NI, BAm YIG DE NYID JE CHER SONG STE ZHES PA NAS, YE SHES KYI ME 'BAR BA'I DBUS NA BZHUGS PA'O, ,ZHES PA'I BAR TE, 'DI LA GNYIS, BDAG GI GZHI SBYANG BA DANG, BDAG GI GZHI BSGYUR BA'O, ,DANG PO LA SBYANG GZHI NGOS BZUNG BA NI, SPYIR SGRUB THABS KYI 'GO NAS SBYANG GZHI SBYONG BYED LA CHOS MTHUN SBYAR DU YOD PAS, SA LUGS LA 'GO'I NYAL LDANG GI RNAL 'BYOR NAS RA SPROD PA'I PHYAG BZHES YOD KYANG, RJE RIN PO CHES DE RNAMS HA CANG GAL MI CHE BA LA DGONGS NAS RA SPROD TSUL MA GSUNGS SHING, SKYE 'CHI BAR DO GSUM NI SHIN TU GAL CHE BA'I PHYIR GSAL BAR GSUNGS SO, ,DE LA GANG SBYANG BA'I GZHI LA 'GA' ZHIG SKYE GNAS BZHI GA DANG, 'GRO BA GZHAN GYI SKYE 'CHI BAR DO GSUM SBYANG GZHING BYED BA YOD KYANG, RANG LUGS SNGAGS BLA MED KYI GDUL BYA'I GTZO BO TSE GCIG LA SANGS RGYAS SGRUB PA'I RTEN 'DZAM BU GLING PA'I MI MNGAL SKYES KHAMS DRUG LDAN DBANG PO GNYIS SBYOR GYI BDE BA LAM DU BYED NUS PA'I DBANG RNON ZHIG DGOS PA LAS DUD 'GRO LA SOGS PAR DBANG PO GNYIS SBYONG

, ,GYI BDE BA YOD KYANG DBANG PO RTUL ZHING SDUG BSNGAL GYIS MNAR BAS BDE BA LAM DU BYED MI NUS, LHA'I 'GRO BA DBANG PO GSAL YANG RLUNG NYI TSE 'DUS BA'I BDE BA TZAM LAS KHAMS DKAR DMAR 'DU 'PHROD KYI BDE BA MED, LUS 'PHAGS GLING LA SOGS PA'I MI RNAMS LONGS SPYOD KYI SA PA ZHES ? LONGS SPYOD CHE ZHING, TSE RING THUNG, LUS BZANG NGAN, BDE SDUG SOGS PHAL CHER 'DRA MNYAM YOD PAS RANG RGYU MTSAN DU BYAS PA'I NGES 'BYUNG DANG GZHAN RGYU MTSAN DU BYAS PA'I SNYING RJE SKYE DKA' ZHING DBANG PO RTUL, 'DZAM BU GLING PA NI LAS KYI SA BA ZHES LAS GSOG STOBS CHE BAS TSE STOD KYI LAS TSE SMAD LA SMIN SMIN CING, TSE RING THUNG, LUS BZANG NGAN, BDE SDUG SOGS KYI KHYAD PAR SHIN TU CHE BAS NGES 'BYUNG DANG BYANG SEMS SKYE SLA, SA CHU ME RLUNG RTZA DANG THIG LE STE KHAMS DRUG DANG LDAN ZHING, DBANG PO RNO BAS KHAMS DKAR DMAR 'DU 'PHROD KYI BDE BA LAM DU BYED NUS PAS TSE GCIG LA SANGS RGYAS KYI GO 'PHANG SGRUB NUS SO, ,TSE GCIG LA SANGS RGYA ZHES PA'I DON YANG LAM MA ZHUGS KYI GANG ZAG GIS RTEN DE LA TSOGS LAM NAS ZUNG 'JUG BAR GYI LAM RNAMS NYAMS SU BLANGS PAS SANGS RGYAS THOB PA'I DON NO, ,DES NA 'DZAM BU GLING PA'I MI MNGAL SKYES KHAMS DRUG LDAN PA SGRUB PA PO RANG NYID KYI SKYE 'CHI BAR DO GSUM SBYONG BA YIN GYI SKYE GNAS GZHAN DANG GLING GZHAN DANG 'GRO BA GZHAN GYI SKYE 'CHI BAR DO SBYANG GZHIR BYED PA MIN PA'I TSUL RJE RIN PO CHES RNAM GZHAG RIM PA'I t'IKKAR GSUNGS PA LTAR RO, ,DE YANG SNGON DU BLA MA LHA TSOGS LA PHYAG MCHOD LA SOGS PA'I BSOD NAMS KYI TSOGS GSOG PA NI, DPER NA RANG NYID LTA BU PHYI MA RGYAL PO'I GO 'PHANG THOB PAR 'DOD NAS RGYAL POR SKYE BA'I LAS GSOG PA DANG CHOS MTHUN,

DE'I RJES SU YE SHES KYI TSOGS GSOG PA 'CHI BA CHOS SKU BSGOM PA NI LAS BSAGS NAS 'CHI BA DANG CHOS MTHUN, BAm YIG NAM MKHAR 'JOG PA NI RGYAL BOR SKYE 'GYUR GYI BAR DO GRUB PA DANG CHOS MTHUN, BAm YIG ZLA BA'I DBUS SU ZHUGS PA NI BAR DO BA DE PHA MA'I KHU KHRAG GI DBUS SU NYID MTSAMS SBYOR BA DANG CHOS MTHUN NO, ,BAm YIG GIS BAR DO MTSON PA NI RJE LCANG SKYA RIN PO CHES, DE YANG YIG CHA SNGA MA RNAMS SU MI GSAL NA'ANG, SA SKYA PA RANG GI MKHAN CHEN NGAG DBANG PA DANG MKHYEN RAB CHOS RJE'I 'KHRID YIG SOGS LAS BAR SRID KYI RNAM SHES BAm YIG DANG SBYOR BA SKU GSUM LAM KHYER GYI DMIGS PA GSAL BAR BSHAD PA RGYUD KYI DGONGS PA YIN PAS SHIN TU LEGS PAR GRUB MCHOG 'JAM DPAL BDE BA'I RDO RJE'I GSUNG RGYUN LAS BYUNG BAR SNANG STE DE LTAR NA CHOS 'BYUNG SOGS BSGOM PA'I SNGON DU BAm YIG NAM MKHAR BZHAG NAS 'OG TU ZLA BA SNGAGS PHRENG DANG BCAS PA GSAL BTAB PA'I RJES SU BAm YIG MAR BABS NAS ZLA BA'I DBUS SU ZHUGS PA LAS LHAR BSKYED NA BAR SRID KYI RNAM SHES PHA MA'I KHU KHRAG GI DBUS SU ZHUGS NAS SKYE BA LEN PA DANG MTHUN TSAB CHE BAS DE LTAR BYA'O, ,ZHES BDAG GI BLA MA STAG PHU BA CHEN POS GSUNG NGO, ,ZHES GSUNGS PA LTAR SHIN TU 'THAD DE MKHAN CHEN NGAG DBANG BA'I GSUNG LAS BA GYIS BAR SRID MTSON PA TZAM LAS NAM MKHAR 'JOG PA MA GSAL YANG, 'JUG PA SGRA LA SOGS PA NAS ZHES PA'I THAD KYI RJE RIN PO CHE'I SBAS DON KUN GSAL LAS SGRA'I SKAD DOD N'A DA YIN CING SOGS KHONGS NAS BAR SRID MTSON BYED KYI YI GE THAMS CAD LA GO DGOS GSUNGS PAS SKABS 'DIR BAm YIG GIS BAR SRID MTSON ZHING, 'CHI SRID 'GAG PA DANG BAR SRID GRUB PA GNYIS SRANG MDA'I MTHO DMA' BZHIN DU YOD PAR

, ,GSUNGS BAS CHOS SKU LAS LANGS MA THAG KHO NAR BAR SRID MTSON BYED KYI BAm YIG NAM MKHAR BZHAG NAS ZLA BA SNGAGS 'PHRENG SOGS BSGOM PA'I RJES SU BAm YIG DBUS SU ZHUGS PA NI DPAL N'A RO PA CHEN PO'I GZHUNG CHUNG LAS ZLA BA'I STENG DU SNGAGS 'PHRENG BKOD PA'I RJES SU, DBUS SU NI BAm YIG GO ZHES GSUNGS KYI ZLA BA'I STENG DU BAm GYI MTHAR SNGAGS 'PHRENG DGOD CES MA GSUNGS PA 'DIS KYANG BSTAN TO, ,BDE MCHOG LAS N'A DA LA DMAR MDANGS YOD PA DANG, KYEE RDOR LAS, BAR SRID MTSON PA'I YI GE HO DMAR PO GNYIS KYI BAR DU CHUD PA BAR DO'I SHES PA RANG GI CHAGS PAS BCINGS PA MTSON BYED DU BSHAD PA LTAR BAm YIG KHA DOG DMAR POS BAR DO RANG GI CHAGS PAS BCINGS PA MTSON LA, DE LTAR NA N'A DA GSUM KYOG DANG, AOm A'A: H'Um GSUM GYIS BAR DO'I LUS NGAG YID GSUM MTSON PA LTAR, 'DI'I BAm YIG LA BAR DO'I LUS NGAG YID GSUM MTSON PA'I SGRUB BYED AE YOD SNYAM NA, DE YANG YOD DE 'DI LA AE WAm SGRA SGRUB LTAR BSHAD NA NGES PA STER BAS 'DI LTAR DUS 'KHOR RTZA BRGYUD LAS, THIG LE ZLA BA KHU BA SKU, ,RNAM PAR GCAD BYA RDUL NYI GSUNG, ,THUGS NI RNAM SHES SGRA GCAN MA, ,ZHES GSUNGS PAS, THOG MAR THIG LE BRI, DE'I GRAL GONG DU RNAM BCAD BRI, DE GNYIS KYI BAR DU AA YIG BRI, DE GSUM GA'I GRAL GONG DU AE SGRUB BYED KYI AA YIG BRIS PAS AA: Am DE NAS KA L'A PA LAS AA YIG DAG GI BAR DU AU'O, ,ZHES PAS MA GNYIS KYI BAR DU CHUD PA'I RNAM BCAD DE AU YIG TU BSGYUR BAS AA AUS ?, AU WA'O, ,ZHES PAS AU YIG DE WA SROG MED DU SONG BAS AA WA Am GSAL BYED DBYANGS MED PA PHA ROL GYI

YI GER DRANG NGO ZHES PAS WA SROG MED DE PHA ROL GYI AA LA DRANGS PAS WA SROG LDAN DU GYUR PAS AA WAm 'JIG RTEN PA'I NYE BAR SBYOD PA LAS 'DZIN PA GRUB BO ZHES PAS THIG LE WA'I STENG DU NGA ROR SONG BAS, WAm GRUG GONG GI AA SGRUB GZHI'I AA DE LA, RTZA RGYUD LAS, MKHA' KHAMS AE LA RNAM PAR GNAS, ,ZHES PAS, NAM MKHA' LA NYI ZLA GNAS ZHES PA LTA BU'I DON DU RNAM DBYE BDUN PA GNAS GZHI'I SGRA 'JUG PAS BDUN PA'I GCIG TSIG DE ? BYIN PAS AANG ?, NGA KHYAD DON YIN PAS PHYIS TE NGA'I SROG GI AI BZHAG PAS AA AI AI YIG LA AE STE ZHES PAS, PHA ROL GYI AI MTHONG BAS AA DE AER GYUR, PHA RO LA'ANG DBYI'O ZHES PAS PHA ROL GYI AI YIG BSUBS BAS AE GRUB BO, ,DES NA GONG GI THIG LE ZLA BA KHU BA SKU ZHES PAS, WA'I STENG GI THIG LE DES PHYI LA ZLA BA, NANG LA KHU BA, GZHAN LA SKU MTSON ZHING, SKU DANG LUS DON GCIG PAS THIG LES BAR DO'I LUS MTSON, RNAM BAR BCAD BYA RDUL NYI GSUNG ZHES PAS RNAM BCAD LUS 'GYUR BA'I WA SROG MED DES PHYI LA NYI MA, NANG LA RDUL TE KHRAG, GZHAN LA GSUNG MTSON ZHING GSUNG DANG NGAG GCIG PAS WAS BAR DO'I NGAG MTSON, THUGS NI RNAM SHES SGRA GCAN AA ZHES PA, WA'I SROG GI AA THUNG DES PHYI LA SGRA GCAN, NANG LA RNAM SHES, GZHAN LA THUGS MTSON ZHING THUGS DANG SEMS GCIG PAS WA'I SROG GI AAS BAR DO'I SEMS MTSON LA WAm DANG BAm GNYIS RGYA YIG LA GZUGS GCIG TU YOD PAS NA BAm YIG GIS BAR DO'I LUS NGAG YID GSUM MTSON NO, ,'OD ZER SPRO BSDU BYED PA NI MNGAL NANG DU MER MER PO, NUR NUR PO, RTAR RTAR PO, GOR GOR PO, 'PHRENG 'GYUR LA SOGS PA LUS KYI CHA RIM GYIS RDZOGS PA DANG CHA MTHUN PA STE

, ,AE WAm GZUGS SGRUB KYI SKABS SU AA THUNG YA RA LA WA RNAMS 'DUS PA LAS WAm YIG GRUB CING, YAR LA WA BZHI 'BYUNG BA BZHI'I SA BON YIN PAS MNGAL NANG DU SAS 'DZIN, CHUS SDUD, MES MA RUL PAR SMIN PAR BYED, RLUNG GIS RGYAS PAR BYED PA DANG CHOS MTHUN NO, ,DE LTAR SBYANG GZHI SBYONG BYED RA 'PHROD PAR BYAS TE NYAMS SU LEN PA LA, SNYING GAR RANG SEMS DANG BLA MA'I THUGS DBYER MED PA BAm YIG GI RNAM PAR GNAS BA'I BDE STONG DE'I NGANG LAS, BAm YIG DE NYID JE CHER SONG STE SNGAGS PHRENG CHOS 'BYUNG LA SOGS PA NAS NAM MKHA'I MTHA' DANG MNYAM PA'I BAR GYI SNOD BCUD THAMS CAD LA KHYAB PAS DE RNAMS KYI NYES SKYON THAMS CAD SBYANGS TE BDE STONG GI RANG BZHIN CAN GYI BAm YIG DE GA'I RNAM PAR GYUR PAR BLO THAG BCAD, SLAR YANG BAm YIG DE NYID MTHA' NAS RIM GYIS 'OD DU ZHU NAS SNGAR GYI GO SAR SHIN TU PHRA BA'I BAm YIG TU GYUR, DE NYID 'OG NAS RIM BZHIN 'OD DU ZHU BA'I MTHAR N'AD YANG STONG BAR GYUR PAR BSAM ZHING, DE THAMS CAD KYANG BDE STONG GI RTZIS ZIN PA GAL CHE BAS DE'I NGA RGYAL BRTAN PA'I PHYIR SH'U NA+YA ? TA'I SNGAGS BRJOD PA LEGS PAR GSUNGS SO, ,DE'I SNGAGS DON NI, AOm SNGAGS KYI MGO 'DREN, SH'U NA+YA ? T'A YUL STONG PA NYID, DZNY'A NA YE SHES TE YUL CAN BDE BA CHEN PO, BDZRA RDO RJE STE BDE STONG GNYIS RDO RJE LTAR DBYER MI PHYED PA, SVA BH'A WA RANG BZHIN, A'ATMA KA BDAG NYID, AI HAm NGA'O ZHES PA'O, ,SKABS 'DIR SNANG NGOR N'A DA TSUN CHAD KYI SNOD BCUD THAMS CAD BSDUS PAS STONG SANG NGE BA, MYONG YUL RANG BLO BDE BA CHEN POS KHYAB PA'I BDE SANG NGE BA, 'DZIN STANGS CHOS THAMS CAD RANG BZHIN GYIS GRUB PA RDUL TZAM YANG MED PAR NGES PA'I STONG NYID KYI

LTA BA, TSUL DE LTAR RTOGS MKHAN GYI BLO YANG GZHI LAM GNYIS LTA BU'I RANG DGA' BA MA YIN PAR 'BRAS DUS KYI YE SHES CHOS SKU DNGOS DE NGA'O SNYAM PA'I NGA RGYAL TE GNAD BZHI LDAN ZHIG DGOS PAS MOS PA YID BYED TSUN CHAD BSKYED LA YUN MI THUNG TZAM 'JOG GO, DES LAM DUS SU DPE NGANG DON GYI 'OD GSAL 'CHAR BA'I SMIN BYED DANG, 'BRAS DUS SU CHOS SKU 'GRUB PA'I RGYUR 'GYUR ZHING GZHI LA 'CHI BA SBYONG BAS NA 'CHI BA CHOS SKU'I LAM 'KHYER ZHES BYA LA, GZHAN YANG STONG NYID BSGOMS BAS SRUNG BA'I MCHOG TU 'GYUR BA DANG, YE SHES KYI TSOGS GSOG PA DANG, STONG NYID MA RTOGS PA GSAR DU RTOGS PA DANG, RTOGS ZIN DRAN CING GONG 'PHEL DU 'GYUR BA LA SOGS PA DGOS PA MANG DU YOD PAR GSUNGS, DE NAS SEMS CAN GYI DON DU CHOS KYI SKU LAS GZUGS KYI SKUR LDANG BAR BYA'O SNYAM PA'I 'PHEN PA SNGON DU BTANG LA RANG SEMS CHOS SKUR MOS PA DE BZHON PA'I RLUNG GIS NYER LEN BYAS NAS SHIN TU PHRA BA'I BAm YIG GI RNAM PAR NAM MKHAR GNAS PA LA LONGS SKU'I NGA RGYAL BYA ZHING, BAm YIG GIS BAR DO'I LUS MTSON PA DANG, GZHI LA BAR DO SBYONG BAS BAR DO LONGS SKU'I LAM KHYER ZHES DANG, LAM DUS SU DAG MA DAG GI SGYU LUS DANG, 'BRAS DUS SU LONGS SKU 'GRUB PA'I RGYUR 'GYUR RO, ,DE NAS BAm YIG GI 'OG TU AE YIG GNYIS STENG 'OG TU BRTZEGS TE STENG MA KHA SHAR DANG 'OG MA NUB TU BSTAN PA, DE GNYIS YONGS SU GYUR PA LAS PHA MA GNYIS MTSON PA'I CHOS 'BYUNG NYIS BRTZEGS KYI 'OG MA'AM PHYI MA'I ZUR GCIG NUB STE RGYAB LA BSTAN CING, STENG MA'I ZUR GCIG SHAR TE MDUN LA BSTAN PA, CHOS 'BYUNG GNYIS STENG 'OG DANG PHYI NANG PHRAN BU YOD PA PHAN TSUN MI SGRIB PA'I 'OD KYI RANG BZHIN CAN

, ,MDUN RGYAB GNYIS SPANGS PA'I GRVA BZHIR DGA' 'KHYIL DMAR SKYA GA-YON SKOR DU 'KHOR BA RE RE BSAM, CHOS 'BYUNG GI DBUS SU AA YIG DKAR PO LAS ZLA BA'I DKYIL 'KHOR NYA GANG BA DKAR LA DMAR BA'I MDANGS CAN GYI STENG GI MTHA' SKOR DU AOm GSUM MA'I SNGAGS PHRENG GA-YON SKOR GYIS BSKOR BAR BSAM PA NI ZLA BA'I DKAR CHAS PHA'I KHU BA DANG ,DMAR CHA SNGAGS PHRENG DANG BCAS PAS MA'I KHRAG MTSON PA'O, ,AOm GSUM MA'I SNGAGS PHRENG 'GOD LUGS LA BZHED TSUL MI 'DRA BA 'GA' ZHIG 'DUG NA'ANG ,N'A RO PA'I GZHUNG CHUNG LAS, AOm SARBA BUDDHA d'A ? KI nA'I YE BADZRA WA RnA N'I YE H'Um H'Um PHAt S'VA H'A, ZHES PA'I SNGAGS KYI PHRENG BA KHA DOG DMAR PO 'OD ZER KHA DOG SNA TSOGS 'PHRO BA LUGS LAS LDOG PAR BSAM MO, ,DBUS SU NI BAm YIG GO ,ZHES GSUNGS, BDE MCHOG RTZA RGYUD LE'U ZHE BRGYAD PA LAS, H'A SV'A ? tA PHA H'Um H'Um YE N'I RKSHA WA DZRAB ? YE NA'I ? KRI'A ? d'A BUDDHA BA RBAS AOm, ZHES DANG, DE'I SBAD ? KYIS RJE RIN PO CHE'I SBAS DON KUN GSAL LAS, SNGAGS STON PA NA H'A SV'A ? ZHES BYA BA LA SOGS PA LUGS LDOG TU GSUNGS PA NI, RGYUD LA RANG DGAR 'JUG PA DGAG PA'I PHYIR YIN LA, GO RIM LUGS MTHUN DU BSHAD NA, AOm SARBA BUDDHA d'A KI NA'I ? YE BDZRA WA RAn NA'I YE HU'm HU'm PHAGS SV'A H'A, ZHES PA'O, ,ZHES GSUNGS, N'A RO PAS LUGS LAS LDOG PAR GSUNGS PA'ANG LDOG TSUL RGYUD LAS GSUNGS PA BZHIN YIN LA, N'A RO PA'I GZHUNG LA MCHAN BU BKOD PA LAS LDOG PA'I DON GA-YON SKOR YIN PA GSAL ZHING, MCHAN BU DE SA CHEN KUN SNYING GI MDZAD PAR RGYAL MCHOG LNGA PA'I GSAN YIG GANGG'A'I CHU RGYUN DU GSAL LO, ,YONGS 'DZIN BLO BZANG BSTAN 'DZIN

DPAL BZANG PO'I 'KHRID YIG LAS KYANG SV'A ? H'A ZHES PA'I H'A AOm GYI 'KHRIGS SU KHRIG GE SLEBS PA ZHES GSUNGS SHING, GZHAN YANG GA-YON SKOR DU 'GOD PA SA DGE'I GZHUNG PHAL CHER LAS 'BYUNG NGO, ,'GOD TSUL NI, AOm GSUM, DE NAS SA, DE NAS RBA, DE NAS BU, DE NAS BUDDHA SOGS RIM PA LTAR BKOD PAS H'A AOm GYI 'GRAM DU KHRIG GE SLEBS PA YONG BAS SNGAGS 'KHOR PAR MA BZHIN BYA ZHING, DE LA SROG LDAN SO GNYIS YOD PA MTSAN BZANG PO SO GNYIS KYI NGO BO DANG, DBYANGS GSAL SO SOR 'PHRAL NA YI GE BRGYAD CU THAM PA YOD PA DPE BYAD BRGYAD CU'I NGO BO YIN TSUL GYI SNGON MED PA'I LEGS BSHAD BDE MCHOG DANG SBYAR NAS RGYAS PAR GSUNGS SO, ,DE NAS LONGS SPYOD RDZOGS PA'I SKU SO SKYES MI MTHONG BAS RAGS PA'I SPRUL SKU BZUNG LA SEMS CAN GYI DON BYA'O SNYAM PA'I 'PHEN PA BTANG LA RANG NAM MKHA'I BAm YIG GIS ZLA BA LA SOGS PA MTHONG BAS ZLA BA'I DBUS SU ZHUGS, ZLA BA BAm YIG SNGAGS 'PHRENG DANG BCAS PA LAS 'OD ZER DPAG MED PHYOGS BCUR 'PHROS PAS SRID PA 'KHOR BA DANG, ZHI BA MYANG 'DAS KYI SNOD BCUD THAMS CAD LA PHOG PAS SNOD THAMS CAD BDE STONG GI RANG BZHIN CHOS 'BYUNG DANG, BCUD THAMS CAD RDO RJE RNAL 'BYOR MA'I SKUR GYUR NAS DE THAMS CAD TSUR 'DUS TE KHAMS DKAR DMAR DU ZHU STE BAm YIG SNGAGS PHRENG DANG BCAS PA LA THIMS NAS ZLA BA CHOS 'BYUNG DANG BCAS PA YONGS SU GYUR PA LAS CHOS 'BYUNG NAS ME RI'I BAR GYI RTEN GYI DKYIL 'KHOR DANG, BRTEN PA'I DKYIL 'KHOR RDO RJE RNAL 'BYOR MA'I SKU STE DE THAMS CAD SKAD CIG GIS DUS GCIG TU GRUB PAR BSAM MO, ,DE NI GZHI LA SKYE BA SBYONG BAS NA SKYE BA SPRUL SKU'I LAM

, ,'KHYER ZHES DANG ,LAM DUS SU DAG MA DAG GI RAGS LUS DANG ,'BRAS DUS SU SPRUL SKU 'GRUB PA'I RGYUR 'GYUR RO, ,ZHES GSUNGS, 'DI RNAMS LA MNGON BYANG LNGA BSKYED DANG RGYU 'BRAS KYI RDO RJE 'DZIN MA ZHES BYA STE, ZLA BA'I DKAR CHA ME LONG YE SHES, DMAR CHA DANG SNGAGS 'PHRENG MNYAM NYID YE SHES, BAm YIG ZLA STENG DU ZHUGS PA SOR RTOG YE SHES, 'OD ZER SPRO BSDU BYA SGRUB YE SHES TE DE BZHI RGYU RDO RJE 'DZIN MA DANG ,ZLA BA BAm YIG SNGAGS PHRENG DANG BCAS PA YONGS SU GYUR PA LAS RTEN BRTEN PA RDZOGS PA CHOS DBYINGS YE SHES LAS BYANG CHUB PA 'BRAS BU RDO RJE 'DZIN MA STE, ZHES DRI LAN DU STZAL BA JI LTA BA BZHIN BKOD PA'O, ,DE LTAR DUS GCIG TU BSKYED NAS RIM GYIS GSAL 'DEBS PA LA 'OG GZHI SNA TSOGS RDO RJE RGYA KHYON SHIN TU CHE BA'I RDO RJE'I SA GZHI, DE'I STENG DU LOGS THAMS CAD RDO RJE'I RVA BA, DE'I STENG DU RDO RJE'I GUR SOG GUR GYI STOD LTA BU'I STENG DU RDO RJE RDZOGS PA'I TOG GIS MTSAN PA, GUR DANG RVA BA'I BAR DU RDO RJE'I BLA RE STE DE RNAMS KHA DOG SNGON PO, RDO RJE CHE BA'I KHONG SENG THAMS CAD RDO RJE CHUNG BAS BKAG STE MDOR NA RLUNG SIL BU TZAM YANG MI THAR BA BLTAS NA RDO RJE'I DBYIBS RNAMS GSAL ZHING REG NA ME LONG LTAR 'JAM PA, BSKAL PA 'JIG DUS KYI 'BYUNG BAS KYANG ZHIG PAR MI NUS PA'I SHIN TU SRA ZHING BRTAN PA, BYANG SHAR DBANG LDAN NAS BRTZAMS TE DKAR SER DMAR LJANG SNGO BA'I KHA DOG SNA LNGA PA'I ME DPUNG GA-YON SKOR DU 'KHYIL ZHING 'BAR BA, ME LCE DPAG TSAD DU MA'I BAR DU 'PHRO ZHING DE DAG GI GSEB NAS RDO RJE RTZE LNGA PA'I MDE'U CAN GYI RDO RJE'I MDA' ME 'BAR BA STENG 'OG DANG SHAR NUB LA SOGS PA'I PHYOGS MTSAMS

PHAN TSUN DU 'PHRO BA GDON BGEGS GDUG PA CAN RNAMS KYIS BLTA BA TZAM YANG MI BZOD CING ,DKAR PHYOGS BA RNAMS LA 'JA' 'OD DANG ME TOG LTAR SNANG BA, SRUNG 'KHOR GYI NANG GI SHAR DU GTUM DRAG ,BYANG DU TSANG TSING 'KHRIGS PA, NUB TU RDO RJE 'BAR BA, LHOR KENG RUS CAN, BYANG SHAR DU DRAG TU DGOD PA, SHAR LHOR BKRA SHIS TSAL, LHO NUB TU MUN PA DRAG PO, NUB BYANG DU KI LI KI LI'I SGRA SGROG PA STE DUR KHROD BRGYAD DO, ,DE LA DUR KHROD KYI SKAD DOD SHA MA SHA NA ZHES PA LA YI GE DBRI BA SNAN GYI BSHAD PA BYAS NA ROS BYA BA BYED PA'I GNAS ZHES 'BYUNG STE RO MGO MED KYIS 'GRO BA, BGAGS TE SHING LA DBYANGS PAS 'GRANG BA, SA LA 'GYEL BAS NYAL BA, GSAL SHING LA BSKYON PAS 'DUG PA'I BYA BA BYED PAS SO, ,GZHAN YANG DUR KHROD DE RNAMS SU SHRA'I ? KA LA SOGS PA'I SHING BRGYAD, SHING GI RTZA BAR GNAS PA'I BRGYA BYIN LA SOGS PA'I PHYOGS SKYONG BRGYAD DANG ,RTZE MOR GLANG PO CHE'I GDONG PA CAN LA SOGS PA'I ZHING SKYONG BRGYAD, THUGS RJE'I CHU BRGYAD, CHU DE RNAMS LA GNAS PA'I NOR RGYAS LA SOGS PA'I KLU BRGYAD, STENG GI NAM MKHAR SGROGS PA LA SOGS PA'I SPRIN BRGYAD, GANGS CAN DKAR PO LA SOGS PA'I RI BRGYAD, RI'I RTZE MOR MCHOD RTEN BRGYAD, YE SHES KYI ME BRGYAD LA SOGS PA'O, ,MTSAN DON LAM THUN MONG BA'I DBANG DU BYAS NA, DUR KHROD KYIS NGES 'BYUNG ,RDO RAS BYANG SEMS, ME RIS YANG DAG PA'I LTA BA BCAS LAM GYI GTZO BO RNAM GSUM STE, 'DI'I SGRUB PA PO LAM THUN MONG BAS RGYUD SPYANGS ? PA ZHIG DGOS PA MTSON, PADMA'I LTE BA ZLUM POS YAB KYI RDO RJE, CHOS 'BYUNG PHYI MAS PHYAG RGYA'I PADMA, CHOS 'BYUNG NANG MAS DE GNYIS MNYAM PAR SBYAR PA'I BDE BAS RNAM THAR SGO GSUM GYI STONG NYID RTOGS PA, DE

, ,LTA BU'I CHOS 'BYUNG ZLUM BO DANG BCAS PA'I DBUS SU BRTEN PA'I DKYIR 'KHOR BSGOMS PAS LAM DANG 'BRAS BU'I YON TAN THAMS CAD BDE STONG GI RNAM ROL YIN PA, CHOS 'BYUNG GI RTZE MO PHRA BA THUR DU ZUG PA NI LAS DANG PO BAR BDE STONG GI RTOGS PA PHRA MO SKYES PA DANG ,GDENGS KA CHE BA GYEN DU PHYOGS PAS BDE STONG DE JE RGYAS SU SONG BA, GRVA BZHI'I DGA' 'KHYIL GYI THABS BDE BA, MDUN RGYAB KYI CHOS 'BYUNG GIS GANG ZAG DANG CHOS KYI BDAG MED DE SHES RAB STONG PA NYID, DE YANG CHOS 'BYUNG GNYIS LA NGOS BCU GNYIS YOD PA PHYI LA SBYAR NA NYI KHYIM BCU GNYIS, NANG LA BUD MED LO BCU GNYIS MAR KHAMS 'BAB PA, GZHAN LA DGA' BZHI SO SOR CHUNG 'BRING CHEN PO BSDOMS PA'I BCU GNYIS YOD PA MTSON, GRVA BZHI'I DGA' 'KHYIL BZHI LA 'KHYIL CHUNG BCU DRUG YOD PA PHYI LA ZLA BA'I DKAR CHA 'PHEL BA'I CHA BCO LNGA DANG GANG BA'I CHA GCIG STE CHA BCU DRUG ,NANG LA SKYES PA PHO BCU DRUG PAR KHAMS 'BAB PA, GZHAN LA DGA' BA'I DGA' BA LA SOGS PA BSDOMS PAS BCU DRUG YOD PA MTSON NO, ,CHOS 'BYUNG GI NANG DU, PHYOGS BZHI DMAR LA ME RLUNG SER, ,BDEN BRAL ? LJANG LA DBANG LDAN NAG, ? LTE BA LJANG LA GOS RE SER, ? ,ZHES PA'I SNA TSOGS PADMAS DE NYID 'DAM LAS SKYE KYANG 'DAM GYIS MA GOS PA LTAR, RNAL 'BYOR MA 'KHOR BA'I SKYON GYIS MA GOS PA, PADMA'I ? LTE BA NYI MA'I DKYIL 'KHOR LTE BA DANG MNYAM BAS NYI MA'I 'OD KYIS LO TOG SMIN PA LTAR BDE STONG GNYIS SU MED PA'I BYANG CHUB KYI SEMS KYIS THUGS RGYUD SMIN PA, ZHABS GA-YON BSKUMS PA'I MTHA' LAS RANG MTHO LNGA'I BAR DU SNYING RJE'I

RANG BZHIN GYI GA-YAS BRKYANGS PAS LHA DBANG PHYUG GI CHUNG MA DUS MTSAN MA DMAR MO GDONG GCIG MA LAG GA-YAS LJOD PA DANG GA-YON KHA tAm'A ? GA 'DZIN PA GAN RKYAL DU 'GYEL BA'I NU MA'I STENG NAS MNAN PAS SNYING RJE CHEN PO'I SNANG BAS CHAD BA MYANG 'DAS KYI MED MTHA' SEL ZHING NU MA MNAN PAS 'DOD CHAGS 'JOM PA, ZHABS GA-YON BSKUMS PAS 'JIGS BYED NAG PO STE LHA DBANG PHYUG GDONG GCIG PA LAG GA-YAS d'A MA RU DANG ,GA-YON RAL GRI 'DZIN PA KHA SBUB TU 'GYEL BA'I MGO BO RGYAB TU BLTAB NAS SNYING GA'I THAD DU DPRAL BA NAS MNAN PAS SHES RAB CHEN PO'I STONG PAS 'KHOR BA'I YOD MTHA' SEL ZHING DPRAL BA GTI MUG SKYE BA'I GNAS DANG ,SNYING GA ZHE SDANG SKYE BA'I GNAS GNYIS MNAN PA ZHE SDANG DANG GTI MUG 'JOM PA, SEMS CAN THAMS CAD LA RJES SU CHAGS PA'I SKU MDOG DMAR MO, CHOS THAMS CAD STONG PA NYID DU RO GCIG PA'I ZHAL GCIG ,DON DAM 'OD GSAL GYI THUGS DANG ,KUN RDZOB DAG PA SGYU MA'I SKU STE BDEN PA GNYIS MTSON PA'I PHYAG GNYIS, DUS GSUM GYI SHES BYA MKHYEN PA'I SBYAN GSUm, PHYI NANG GI MKHA' SPYOD BRNYES PAS DAG PA MKHA' SPYOD DU GZIGS PA, SEMS CAN RNAMS KYI NYON MONGS PA THAMS CAD GCOD PAS PHYAG GA-YAS GNAM LCEGS LAS GRUB PA'I GRI GUG GSER GYI RDO RJE RTZE LNGA PA PHYED PA'I YU BA CAN THUR DU BRKYANGS NAS 'DZIN PA, THUGS BDE BA CHEN POS RGYUN DU GANG BAS GA-YON THOD PA STENG PHYOGS CUNG ZAD YO BA'I TSUL GYIS BZUNG BA'I NANG NAS 'DUD RTZI'I RANG BZHIN GYI KHRAG RGYUN CHAD MED PAR ZHAL DU GSOL BA, RANG NYID SHES RAB MA'I RANG BZHIN YIN PAS ZHAL GA-YON PHYOGS SU GYEN DU PHYOGS

, ,PA'O, ,PHRAG PA GA-YON PAR KHA tVA'm ? GA RTZE MO RGYAB DANG RTZA BA MDUN DU CUNG ZAD PHYOGS TE 'DZIN PAS NI YAB MTSON PA STE RGYAS PAR 'CHAD PAR BYA'O GSUNGS, DE YANG KHA tVA'm GA ZHES PA BOD SKAD DU BSGYUR NA YAN LAG DRUG PA ZHES BYA BAR 'GYUR, DE YANG LUS GCIG LA YAN LAG DRUG YOD PA LTA BU STE, 'DI'I YU BA LUS LTA BU DANG ,BUM PA, SNA TSOGS RDO RJE, MI MGO SKAm RAD ? RLON GSUM LA YAN LAG RE RE, STENG DU RDO RJE RTZE LNGA PA STE DRUG NI YAN LAG LTA BU'O, ,DES NA 'DI LA BSHAD SROL MANG DU YOD PA LAS SA LUGS NAS 'BYUNG BA LTAR NA, YU BA DKAR PO BRGYAD ZHOGS CAN GYI DUR KHROD BRGYAD, YU BA RANG NYID JE PHRAR SONG BA'I MAR RTZE RDO RJE RTZE GCIG PA'I DBYIBS CAN GYIS SRUNG 'KHOR ME RI DANG BCAS PA, BUM PAS GZHAL YAS KHANG ,DE'I STENG GI SNA TSOGS RJES DAM TSIG GI 'KHOR LO'I SGO MTSAMS MA BRGYAD, DE'I STENG GI MGO RLON NAG POS THUGS 'KHOR GYI DPA' BO BRGYAD DANG DPA' MO BRGYAD, DE'I STENG GI RAD PO'AM RNYING PA DMAR POS GSUNG 'KHOR GYI DPA' BO DPA' MO BCU DRUG ,DE'I STENG GI SKAM PO DKAR POS SKU 'KHOR GYI DPA' BO DPA' MO BCU DRUG ,DE'I STENG GI RDO RJE NAG PO RTZE LNGA PA'I PHYOGS RVA STENG ME BZHIS BDE TSAN GYI 'KHOR LO'I YUM BZHI DANG 'OG MA BZHIS PA BZHI, DBUS RVA STENG MAS YAB, 'OG MAS YUM STE, MDOR NA BDE MCHOG LHA RE GNYIS PA'I RTEN BRTEN PA'I DKYIL 'KHOR THAMS CAD KHA tVA'm ? GA LA TSANG ZHING, DE THAMS CAD KYANG GTZO BO'I YE SHES KYI CHA LAS GRUB PA YIN PA'I PHYIR GTZO BO LA 'DUS PAS NA YAB MTSON ZHING SBAS PA'I TSUL GYIS 'DZIN CING THABS SHES SBYOR BA MTSON NO, ,GZHAN YANG BUM PA'I 'OG

GI YU MTSAMS NAS d'A MA RU DANG ,DRIL CHUNG DANG ,'PHAN RTZE GSUM PA 'PHYANG BA'I KHA tV'Am ? GAS SKU'I GSANG BA, d'A MA RU DANG DRAL BUS GSUNG GI GSANG BA, 'PHAN GYIS THUGS KYI GSANG BA BSAM GYIS MI KHYAB PA MTSON NO, ,ZHES GSUNGS, KUN 'DZIN NAM, BDAG 'DZIN GYI MDUD PA GROL BAS DBU SKRA 'JAM ZHING MTHUG LA STANG ZIL LTAR NAG PA MA 'DZINGS PA SIL BUR BYUR PAS SKU STOD KHEBS PA, YAS BABS MAS BRTAN GYI DGA' BA BCU DRUG MTSON PA'I LO BCU DRUG LON PA'I NA TSOD DANG MTSUNGS PA'I LANG TSO DAR LA BABS PA, 'DOD CHAGS YOD PA LTAR SNANG BAS GZHAN GYI 'DOD CHAGS LAM DU BYED PA'I PHYIR NU 'BUR RGYAS SHING MKHRANG ? LA BAR DOG PA, RO SMAD RGYAS SHING 'DOM STUG PA DMAR SENG DE BA NAS KHRAG GI RGYUN 'DZAG PAS GZHAN LA BDE BA BSKYED PA, YE SHES LNGA'I BDAG NYID YIN PA'I PHYIR PHYAG RGYA LNGAS BRGYAN PA STE SPYI BOR RUS PA'I 'KHOR LO RTZIBS BRGYAD PA DKAR PO'I LTE BAR RIN PO CHE DMAR PO CHA BRGYAD PA, DE'I STENG DU RDO RJE SNGON PO RTZE LNGA PA RDZOGS PAS MTSAN PA, 'KHOR LO'I MTHAR RDO RJE NAG PO BRGYAD RE'I PHRENG BA GNYIS KYI BAR NAS THON PA'I THOD SKAM LNGA'I RTZER NAM SNANG DBUS SU YOD PA'I RGYAL BA RIGS LNGA'I SKU MTHA' PA tAS ? BSKOR BA'I RTZE PHRAN, THOD SKAM GYI KHA 'GUG NAS KHA 'GUG GI BAR LA RUS PA'I DRA BA DANG KHA'I BDUS NAS DRA PHYED GSUM RE 'CHANG BA'I DBUS MA RTZE SOR GSUM MAM YE SHES KYI SPYAN LA MA REG TZAM DANG, GA-YAS GA-YON GYI ? SNYAN GYI PHYED NON TZAM 'PHYANG BA BCAS KYI DBU RGYAN, SNYAN GNYIS LA DBUS SU RDO RJE RTZE GSUM PAS MTSAN PA'I RUS PA'I 'KHOR LO RTZIBS BRGYAD PA LAS DRA BA GSUM DANG, DRA PHYED DBUS LA GSUM

, ,DANG ,GA-YAS GA-YON LA RE RE 'PHYANG BA'I SNYAN RGYAN, MGUL BAR DBUS DANG GA-YAS GA-YON LA RDO RJE RTZE GSUM PA'I GZHUNG GSUM LAS RUS PHRENG BRGYAD BSNOL MAR BTANG BA LAS DA BA DRA PHYED 'CHANG BA'I MGUL RGYAN, RDO RJE RTZE GSUM PA'I GZHUNG GSUM LA RUS 'PHRENG LNGA BSNOL MAR BTANG BA LAS DRA BA DRA PHYED 'PHYANG BA'I GDU DBUS DPUNG BA DANG, ZHABS KYI BOL GONG DANG, PHYAG GI MKHRIG MA RNAMS SU BRGYAN PA SNGA MA SNGA MA LAS PHYI MA PHYI MA GA-YAS GA-YON DU THUNG BA'I GDU BU, RGYAB MDUN GYI SNYING GA'I THAD DU RDO RJE RTZE GSUM PAS MTSAN PA'I 'KHOR LO RTZIBS BRGYAD PA PHYI DBYIBS GRUB BZHI PA'I ZUR BZHI LAS THON PA'I RUS PHRENG NYIS GSHIBS SAM GSUM GSHIBS PHRAG GONG GNYIS NAS MCHAN KHUNG GNYIS SU BSNOL MAR BTANG BA'I TSANGS SKUD DO, 'DI LA MCHOD PHYID THOGS DANG, SE RAL KHA ZHES KYANG BYA STE DE RNAMS LA PHYAG RGYA LNGA ZHES SO, ,PHYIS THU BKVAN GYIS, SBYIN SOGS THABS KYI PHA ROL PHYIN PA LNGA, ,RUS PA'I RGYUN LNGAR SHAR BAS SHER PHYIN GYI, ,BDAG NYID SKU LA MIG GI BDUD RTZIR SPUD, ,CES SOGS RGYA CHER DRANGS NAS YUM LA RGYAN 'DI MI BYED PA BZHED DO, ,RDO RJE GSUM PA'I GZHUNG LNGA LA RUS 'PHRENG BCU DRUG BSNOL MAR BTANG BA'I SMAD NAS DRA BA LNGA 'PHYANG BA'I DBUS MA GSUM NAS DRA PHYED GSUM RE DANG MTHA' GNYIS NAS DRA PHYED GNYIS RE 'PHYANG RE 'PHYANG BA'I GA-YAS GA-YON GYI DRA PHYED GSUM GSUM GYIS BYIN PA DANG, MTHA' MA'I GNYIS GNYIS KYIS BUS MO NON TZAM GYI SKA RAGS SAM 'OG PAG ,SHES RAB KYI NGO BO'I AI'A ? LI BCU DRUG DANG THABS KYI NGO BO'I K'A LI SO BZHI STE DBYANGS GSAL LNGA BCU DAG PA'I RO SKRA'I SRAD BU LA

BRGYUS PA'I THOD SKAM LNGA BCU'I PHRENG BA PHRAG GONG NAS BRLA PHRA SBOM GYI BAR DU 'PHYANG BA'I DO SHAL TE, 'OG PAG DANG THOD PHRENG NYE BA'I PHYAG RGYAR BSHAD CING 'DI GNYIS DANG THOD SKAM GSUM PHYAG RGYA LNGA'I GRAS MIN NO, ,RUS RGYAN LHA'I DAG PA DANG SBYOR NA SPYI BO'I 'KHOR LO NAS, GDU BU'I BAR RIM PA BZHIN MI BSKYOD PA, 'OD DPAG MED, RIN 'BYUNG, RNAM SNANG BCAS DANG, SKA RAGS KYIS DON GRUB DAG PA'O, ,YANG RUS RGYAN PHAR PHYIN DRUG DANG SBYOR TSUL RJE RIN PO CHE'I BZHES SROL, MGUL RGYAN, GDU BU, SNYAN RGYAN, SPYI BO'I NOR BU, MCHOD PHYIR THOGS, 'OD PAG RNAMS RIM PA LTAR SBYIN SOGS DRUG DANG SBYOR, 'DI LAS CHEN DANG BU STON GYI BZHED PA MI 'DRA BA YANG GSUNGS, NANG GI GTUM MO'I ME MTSON PA'I YE SHES KYI ME DPUNG TSA ZHING GZI 'OD RAB TU 'BAR BA'I DBUS NA BZHUGS PA'O, ,ZHES GSUNGS, DE NAS DBANG BSKUR RGYAS GDAB MI BYED NA YE SHES KYI ME 'BAR BA'I DBUS NA BZHUGS PA RNAM SNANG TE HE RU KA YUM DANG BCAS PAS DBU BRGYAN PA'O, ,ZHES RIGS BDAG RANG CHAS SU BSGOM PAR BYA STE, DPER NA RGYAL PO'I BU SKYES TZAM NYID NAS RGYAL POR NGES PA DANG RNAM PA MTSUNGS LA, JI LTAR BSGOM PA'I TSUL NI, SPYI BO'I 'KHOR LO'I RIN PO CHE CHA BRGYAD PA'I NANG DU PAD ZLA'I GDAN LA RNAM SNANG HE RU KA SKU MDOG DKAR PO ZHAL GCIG PHYAG GNYIS GA-YAS 'KHOR LO DANG GA-YON DRIL BU 'DZIN PA PHYAG RGYA DRUG GIS BRGYAN CING RDO RJE'I SKYIL KRUNG DANG YUM PHYAG RGYA LNGAS BRGYAN PADMA'I SKYIL KRUNG GIS BZHUGS PAR BSAM, DE LTAR RANG GI BLOS BCOS NAS MOS NGO TZAM DU BSGOM PA MA YIN PAR SANGS RGYAS THAMS CAD KYI YE SHES GCIG TU BSDUS PA'I NGO BO 'BRAS DUS KYI RDO RJE RNAL 'BYOR MA SKYON

, ,KUN ZAD YON TAN KUN LDAN DE NGA'O SNYAM DU NGA RGYAL SHUGS CAN BSKYED CING GSAL SNANG BTON LA SPYI BO'I RIGS BDAG BLA MA KUN 'DUS, RANG NYID LHAR GSAL BA YI DAM KUN 'DUS, SNYING GAR SNGAGS PHRENG BKOD PA GZUNGS SNGAGS KUN 'DUS TE KUN 'DUS GSUM DU BLTA BAR BYA STE SARBA BUDDHA d'A KI N'I ZHES PA'I DON SANGS RGYAS THAMS CAD KYI MKHA' 'GRO MA ZHES PA, SANGS RGYAS THAMS CAD BSKYED PA'I YUM MAM BDE BA BSKYED PA'I YUM DU GO BAR MI BYA BAR, SANGS RGYAS THAMS CAD KYI THUGS BDE STONG GNYIS SU MED PA'I YE SHES GCIG TU BSDUS PA'I MKHA' 'GRO MA ZHES BYA STE DE RNAMS BDAG GI GZHI BSGYUR BA'O, ,`BDUN PA 'GRO BA DAG BA'I RNAL 'BYOR NI, RANG GI SNYING GAR CHOS 'BYUNG DMAR PO, ZHES PA NAS, DE THAMS CAD RDO RJE RNAL 'BYOR MA'I SKUR GYUR CES PA'I BAR TE, RANG GI SNYING GAR CHOS 'BYUNG DMAR PO NYIS BRTZEGS KYI NANG DU ZLA BA'I DKYIL 'KHOR LA GNAS PA'I BAm YIG SNGAGS PHRENG DANG BCAS PA LAS 'OD ZER DKAR DMAR MTHING GSUM 'PHROS BAS DKAR PO'I SNER SKU 'KHOR, DMAR PO'I SNER GSUNG 'KHOR, SNGON PO'I SNER THUGS 'KHOR GYI LHA TSOGS DPAG MED SPRO BA'AM BLOS MA 'CHUN NA 'OD ZER DMAR PO'AM SNA LNGA DPAG TU MED PA BA SPU'I BU GA NAS THON TE 'JIG RTEN KHAMS KYI SNOD BCUD THAMS CAD LA PHOG PAS SNOD KYI SEG MA DANG GYO MO LA SOGS PA DANG BCUD KYI SDIG SGRIB BAG CHAGS LA SOGS PA'I NYES SKYON THAMS CAD SKAD CIG NYID LA DAG PAR BSAM PA NI GZHAN GYI GZHI SBYANG BA'O, ,DE NAS SNOD KYI 'JIG RTEN THAMS CAD BDE STONG GI RANG BZHIN CHOS 'BYUNG DANG, BCUD KYI SEMS CAN

THAMS CAD KYI LUS RDO RJE PHAG MO DANG SEMS RTOG MED CHOS SKUR GYUR PAR BSAM PA NI GZHAN GYI GZHI BSGYUR BA STE, RANG GI SNANG ZHEN GYI DRI MA SBYONG ZHING TSOGS RDZOGS PA LA PHAR PHYIN THEG PA'I GTONG LEN LAS CHES KHYAD PAR 'PHAGS SHING, DKYIL 'KHOR GZHAN DU DKYIL 'KHOR RGYAL MCHOG GI TING NGE 'DZIN DANG RNAM PA MTHUN NO, ,`SKABS 'DIR LUS DKYIL BSGOM PAR 'DOD NA, DE'I TSUL LA 'DI SKOR GYI YIG CHA MANG POR BAm YIG SNGAGS PHRENG DANG BCAS PA LHAR BSKYED PA RTZAM LAS RGYU MTSAN GANG YANG MA GSAL LA, DE LTA BU LUS DKYIL DU MI 'GYUR TE LUS LA LHA BSKYED PA RTZAM ZHIG LUS DKYIL DU 'GYUR NA 'JIGS BYED LTA BU LA MIG GNYIS SU KAmshI LAS RDO RJE MIG BSKYED PA SOGS KYANG LUS DKYIL DU 'GYUR ZHING PHYI DKYIL LAS ZAB PA'I KHYAD CHOS GANG YANG MED PA'I PHYIR RO, ,DE NAS GANG LAS BSGRUB PA'I GZHI NI DPER NA RAS BRIS SAM RDUL TSON GYI DKYIL 'KHOR DNGOS SU BZHENGS LA DE NYID STONG PAR SBYAND TE SGRUB PA RAS BRIS SAM RDUL TSON GYI DKYIL 'KHOR BSGRUB PAR 'GYUR BA LTAR 'DIR YANG SGRUB GZHI RANG GI LUS SNGAR GRUB ZIN GYI STENG NAS LUS KYI CHA SHAS LAS LHAR BSKYED PA ZHIG DGOS SO, ,YANG GZHUNG KHA CIG TU BAm GYI SROG TU YA RA LA WA BZHI YOD PA PHRAL NAS GRTZO 'KHOR LNGA BSKYED PA DANG, BAm YIG LAS GRTZO MO BSKYED BAR 'DOD PA SOGS YOD KYANG, GSAL BYED KYI SROG TU DBYANGS ZHUGS PA LAS DBYANGS KYI SROG TU GSAL BYED ZHUGS BA SGRA PA'I LUGS MA YIN ZHING, BAm YIG LAS GTZO MO RKYANG BA BSKYED PA'I GNAS MED PA'I PHYIR RO, ,DES NA 'DI LA AE WAm GZUGS SGRUB LTAR BSHAD NA NGES SHES STER

, ,BAS 'DI LTAR, 'JAM DPAL MTSAN BRJOD LAS, STONG PA CHEN PO YI GE LNGA, ZHES STONG CHEN YI GE LNGA NI, AA AI AU Ri Li LNGA PO 'DI YIN LA, DE LA KA L'A PA LAS, AI YA'O, ,AU WA'O, ,Ri RA'O, ,ZHES PAS RIM PA LTAR AI AU Ri Li BZHI, YA WA RA LA BZHIR LUS 'GYUR ZHING, DE RNAMS KYI DBUS SU AA THUNG GRI GUG GI RNAM PA CAN 'JOG PA SOGS DPE CHUNG ZUR GSAL LTAR BSGRIGS PAS AA THUNG SROG TU ZHUGS PA'I WA RTU'I WAm YIG GRUB CING, WAm YIG DE PHRAL NA AA THUNG YA RA LA WA LNGAR 'GYUR RO, , DE'I PHYIR AA THUNG LAS GTZO MO DANG YA RA LA WA BZHI LAS RIM PA LTAR LJANG DMAR SER DKAR BA'I RNAL 'BYOR MA BZHI BSKYED PA YIN NO, ,DE YANG RANG GI LTE BAR MA LAS THOB PA'I KHAMS DMAR PO TIL KA ZHES PA YUNGS KAR SBOM PO'I 'BRU TSAD RTZAM DANG, SNYING GAR PHA LAS THOB PA'I KHAMS DKAR PO DPYID CES PA YUNGS KAR SBOM PO'I 'BRU TSAD RTZAM ZHIG YOD PAS LTE BA'I TIL KA YAR DRANGS TE SNYING GA'I ZLA DKYIL GYI DBUS SU BAm YIG YOD PA LA KHAMS DKAR DMAR GNYIS DANG, SHAR GYI RTZA GSUM SKOR MA, LHO'I 'DOD MA; NUB KYI KHYIM MA, BYANG GI GTUM MO STE SNYING GA'I RTZA 'DAB BZHI DBU MA DANG LNGA'I RTZA KHAMS LAS RANG 'DRA GNYIS BA RE CHAD NAS THIM PA'I RJES SU BAm YIG DE CHA LNGAR GYUR TE DBUS SU AA THUNG DMAR PO, DE'I GA-YON DU YA LJANG GU ,RGYAB TU RA DMAR PO, GA-YAS SU LA SER PO, MDUN DU WA DKAR PO RNAMS SU GYUR, SKRA MTSAMS BU LLI RA MA LA YA, SPYI GTZUG DZ'A LANDHA RA, RNA BA GA-YAS AO dI YA NA, LTAG PA AA RBU TA, RNA BA GA-YON GOO D'A BA RI, SMIN MTSAMS RA ME SHVA RI, MIG GNYIS DE WI KO tI, PHRAG PA GNYIS MA LA PA,

MCHAN ? KHUNG GNYIS K'A R'U PA, NU MA GNYIS AO tE, LTE BA TRI SHA KU NI, SNA RTZE KO SA LA, KHA KA LINGKA, MGRIN PA LAm PA KA, SNYING KA NYI TZA RA, 'BRAS BU GNYIS HI MA LA YA, MTSAN MA PRE TA PU RI, SHANGS LAM GRI HA DE BA TA, BRLA GNYIS SOO R'A shat, BYIN PA GNYIS SU WA Rna BI PHA, SOR MO BCU DRUG NA GA RA, BOL GONG GNYIS SIN BHU RA, MTHE BONG BZHI MA RU, BUS MO GNYIS KU LU T'A STE GNAS NYER BZHI DANG, KHA, LTE BA, RTAGS, BSHANG LAM, MDZOD SPU, RNA BA GNYIS, MIG GNYIS, SNA GNYIS TE DBANG PO'I SGO BRGYAD RNAMS KYI RTZA DANG DE'I NANG GI KHAMS RNAMS LAS RANG 'DRA RE MCHED NAS, AOm GSUM MA'I YI GE SO GNYIS KHA DOG DMAR PO GONG GI YI GE LNGA'I MTHA' SKOR DU 'KHOD PA LA THIM, SLAR YI GE DE RNAMS YONGS SU GYUR PA LAS RTZA'I NGO BO RNAL 'BYOR MA DANG KHAMS KYI NGO BO DPA' BO MTSON PA'I KHA tR'Am GA DANG BCAS PA'I GRTO 'KHOR THAMS CAD KYI SKU MDOG DANG RGYAN LA SOGS PA SGRUB THABS JI LTA BA BZHIN GSAL BTAB LA GONG GI GNAS DE RNAMS PHYI'I YUL NYER BZHI LA SOGS PA DANG LHA DE RNAMS KYANG PHYI'I GNAS DE RNAMS SU BZHUGS PA'I RNAL 'BYOR MA DNGOS KYI 'DU SHES BSKYED PA NI GNAD DAM PA DANG, RANG GI LUS KYI CHA LAS GRUB PA YIN PAS NGA RGYAL YANG BYA'O, ,DE LTAR BSGOMS PAS PHYI'I YUL NYER BZHI SOGS NA BZHUGS PA'I DPA' BO DANG RNAL 'BYOR MA SOGS PHYI'I PHO NYAR BA 'BRING THA GSUM 'DU ZHING RJES SU BZUNG NAS RTZA RLUNG THIG LE RNAMS LAS RUNG DU BYIN GYIS BRLABS PAS 'CHI RIM JI LTA BA BZHIN RLUNG SEMS DBU MAR 'DUS TE 'OD GSAL LHAN CIG SKYES BA'I YE SHES MNGON DU 'GYUR BAS NA PHYI DKYIL

, ,LAS KHYAD PAR DU 'PHAGS PA'I ZAB GNAD DO, ,DE LA YANG DBANG PO'I SGO BRGYAD KYI RTZA KHAMS NANG GI PHO NYA THA, YUL NYER BZHI'I RTZA KHAMS 'BRING, SNYING GA'I RTZA 'DAB BZHI DBU MA DANG BCAS PA PHO NYA RAB YIN ZHING, BDE MCHOG LA GNAS SO SO'I PHYI SNER LHA BSGOM PA YOD KYANG, RTZA'I NANG SNE SNYING GAR ZUG PAS 'DIR NANG SNER BSGOM PA NI CHES MCHOG TU ZAB PA YIN NO, ,BRGYAD PA DPA' BO DPA' MOS BYIN GYIS BRLAB PA'I RNAL 'BYOR NI, DE NAS LAG PA'I MTHE BONG GNYIS LTO SBYAR NAS THUR DU BSTAN, MJUB MO GNYIS PHAN TSUN DU 'KHYUD, GUNG MO GNYIS RTZE SPRAD, LHAG MA RNAMS GYEN DU SGRENG BA ME 'BAR BA'I PHYAG RGYA SMIN MTSAMS SU DANG POR GA-YON, DE NAS GA-YAS SU BSKOR, MIG GNYIS GA-YON LA 'OG TU PHYOGS NAS SLAR GYEN DU BLTAS, RKANG PA SKYIL KRUNG BSHIG NAS GA-YAS BRKYANGS PA'I MTHE BONG GA-YON PAS MNAN PA'AM, DE LTAR MOS LA NGAG TU PHEEm, ZHES PHA DANG AE DANG MA GSUM GYI GDANGS THON PAR BYA STE DE'I DON KHOS SHIG STE, SNGAGS DANG PHYAG RGYA TING NGE 'DZIN 'DI RNAMS KYI MTHUS PHYI ROL GYI RNAL 'BYOR MA THAMS CAD 'BYON GYI, GAL TE MI 'BYON NA DAM TSIG NYAMS PAS MGO BO KHOS PA STEGS ? SHIG CES SO, ,DE'I TSE LUS DKYIL GTZO 'KHOR THAMS CAD DAM BLOS MA 'CHUN NA GRTZO MO'I THUGS KAR CHOS 'BYUNG BAm YIG LA SOGS PA SNGAR JI LTA BA BZHIN GSAL BTAB PA'I BAm GYI N'A DA LAS 'OD ZER DMAR PO RTZE MO LCAGS KYU'I DBYIBS CAN DPAG MED 'PHROS PA SMIN MTSAMS NAS THON PA PHYOGS BCUR SONG BAS PHYOGS BCU'I ZHING RAB 'BYAMS NA BZHUGS PA'I DE BZHIN GSHEGS PA THAMS CAD DANG, KHYAD PAR

'OG MIN NA BZHUGS PA'I LHAN SKYES KYI RNAL 'BYOR MA, YUL NYER BZHI SOGS NA BZHUGS PA'I ZHING SKYES, SEMS CAN THAMS CAD RNAL 'BYOR MAR GYUR PA SNGAGS SKYES TE MDOR NA BLA MA YI DAM SANGS RGYAS BYANG SEMS DPA' BO DPA' MO, MKHA' 'GRO CHOS SRUNG LA SOGS PA THAMS CAD RDO RJE RNAL 'BYOR MA'I RTEN BRTEN PA'I DKYIL 'KHOR DPAG TU MED PA'I RNAM PAR STENG 'OG PHYOGS MTSAMS THAMS CAD NAS BYON PA RNAMS RANG GI NYE LOGS SU GCIG LA GCIG THIM GYI MTHAR BSGOMS PA DANG 'DRA BA'I DKYIL 'KHOR GCIG TU GYUR NAS DZA: H'Um BAm HO: ZHES BSGO BA BZHI'I SNGAGS DANG PHYAG RGYA SPYI LTAR BYA STE, DZA: BRJOD PAS GTZO MO NAS ME RI'I BAR DAM TSIG PA SO SO'I STENG DU MI THOG TU MI BRTZEGS PA LTAR DGUG ,H'Um BRJOD PAS DAM TSIG PA SO SO LA GZHUG ,PAm BRJOD PAS DAM YE DBYER MED DU GYUR NAS BCINGS, HO: BRJOD PAS DAM TSIG PA SO SO LA DGYES BZHIN DU BZHUGS PAR BSAM, DE NAS SNYING PO'I PHYAG RGYA SBYIN PA ZHES BYA BA LAG PA GA-YAS GA-YON THABS SHES KYI RANG BZHIN DU MOS LA PADMA KHA BYE BA LTAR GYIS SNYING GA'I GA-YON DANG, GA-YAS DANG DBUS GSUM DU PAD KOR BYAS PA'I MTHAR SDUD PA'I TSE THABS SHES DBYER MED MTSON PA'I 'KHYUD RGYA BYED BZHIN DU AOm YO GA SOGS KYI SNGAGS BRJOD BAR BYA STE, AOm NI SNGAGS KYI MGO 'DREN, YO GA RNAL 'BYOR TE THABS SHES DBYER MED DU SBYOR BA, SHUDHAN GA ? PA, ,DHA RM'A CHOS, YO GA SHUDHA SNGAR BZHIN, AA HAm NGA'O, ,ZHES PA'O, ,ZHES GSUNGS, 'DI LA PHO NYA GSUM BSRE BA ZHES BYA STE, BUD MED LAM THUN MONG BAS RGYUD SBYANGS NAS BSKYED RIM GYI RTOGS PA SNE ZIN RGYUD LA SKYES

, ,PA SNGAGS SKYES KYI RNAL 'BYOR MA MTSAN NYID PA YIN YANG RANG GI BLOS RANG GZHAN THAMS CAD RNAL 'BYOR MAR BSGOM PA RJES MTHUN PA YIN PAS PHYI'I PHO NYA THA, ZHING SKYES KYI RNAL 'BYOR MA 'BRING, LHAN SKYES KYI RNAL 'BYOR MA RAB STE DE GSUM 'DIR GCIG TU BSRE BA LA PHYI'I PHO NYA GSUM BSRE BA, DBANG PO'I SGO BRGYAD KYI RTZA KHAMS THA, YUL NYER BZHI'I RTZA KHAMS 'BRING, SNYING GA'I RTZA 'DAB BZHI DBU MA DANG BCAS PA'I RTZA KHAMS RAB STE, DE RNAMS NANG GI PHO NYA DMAN 'BRING MCHOG GSUM DANG, DA LTA RANG NYID LHAN SKYES KYI BDE STONG MOS PA YID BYED KYI BSGOM PA THA, 'DI'I RGYUN BSRINGS PAS LAM DUS SU STONG NYID DON SPYI'I TSUL DU RTOGS PA 'BRING DANG, 'BRAS DUS KYI STONG NYID MNGON SUM DU RTOGS PA RAB STE DE GSUM GSANG BA'I PHO NYA DMAN 'BRING MCHOG GSUM YIN PAS DE RNAMS BSRE BA LA PHYI DANG NANG DANG GSANG BA'I PHO NYA GSUM BSRE ZHES GSUNGS TE MDOR NA 'KHOR 'DAS KYIS BSDUS PA'I CHOS THAMS CAD RANG NYID KHO NA LA 'DUS PAS NA THAMS CAD RNAL 'BYOR ZHES KYANG BYA'O, ,DE NAS GO CHA BCING BA LA, GANG LA DGOD PA'I GZHI NI RANG LA GDON BGEGS KYI GNOD PA BSRUNG BA'I PHYIR GO CHA 'GOD PA YIN PAS PHYI'I RNAL 'BYOR MA YIN LA, 'GOD PA'I GO RAM DPA' BO DPA' MOS BYIN GYIS BRLAB PA'I RNAL 'BYOR GYI GONG DU BYED PA DANG 'DIR BYED PA'I LUGS MI 'DRA BA YOD KYANG, DAM YE GNYIS PO NAM YANG MI 'BRAL BA SHING GNYIS GZER GYIS BSDAMS PA'I DPE DANG MTSUNGS PAS NANG GI YE SHES PA DANG, PHYI'I GDON BGEGS PHYI NANG GANG DU'ANG MI GTONG BA'I PHYI

'DIR BYED PA'O, ,DE YANG GRUB CHEN LVA BA BA'I MAN NGAG BZHIN YI GE RNAMS LAS RANG MDOG CAN BYI 'OD ZER 'PHROS PAS LUS THAMS CAD KHYAB PAR BSAM STE, LTE BA'I YI GE LAS GSANG GNAS KYI BAR 'OD ZER DMAR PO DANG, SNYING GA'I YI GE LAS 'OD ZER SNGON PO LTE BA'I BAR DANG, MGRIN PA'I LAS DKAR PO SNYING GA'I BAR KHYAB PA SOGS DANG, DPUNG MGO'I LAS MKHRIG MA'I BAR DANG, MKHRIG MA'I LAS DE MAN CHAD KHYAB PA SOGS 'GRE'O, ,DE YANG LUS KYI GNAS SO SO'I NANG DU SNYING GA'I BZLAS BYA'I SNGAGS 'KHOR LTAR 'GOD PA'ANG MIN LA, PHYI NGOS SU ME LONG BTAGS PA LTAR 'GOD PA'ANG MA YIN NO, ,DES NA SHA PAGS KYI MTSAMS SU ZLA DKYIL GYI NGOS LA DON DAM PA'I LHA BDE STONG DBYER MED KYI YE SHES YI GE'I RNAM PAR SHAR BA ME LONG NANG, GI GZUGS BRNYAN LTAR AOm BAm LTA BU PHRED BSGRIGS KHA PHYIR BLTAS SU 'GOD CING, KHA'I NI LCE'I RTZA BA DANG DPRAL BA'I NI SKRA MTSAMS DANG, YAN LAG GI NI DPUNG MGO DANG MKHRIG MA DANG, RKANG PA'I DPYI DANG BOL TE TSIGS CHEN BRGYAD LA NGO BO RDO RJE PHAG MO LA SOGS PA'I LHA DE DANG DER MOS NAS 'GOD DO, ,DE NAS DBANG BSKUR RGYAS GDAB BYED PA LA PHYAG RGYA SOGS SNGAR BZHIN BYAS LA, THUGS KA'I BAm YIG LAS 'OD ZER SNGAR LTAR SPROS TE PHYOGS BCU'I RGYAL BA SRAS BCAS THAMS CAD DPAL 'KHOR LO SDOM PA'I DKYIL 'KHOR GYI RNAM PA DPAG TU MED PA SPYAN DRANGS NAS MTHAR DKYIL 'KHOR GCIG GI BAR SNGAR BZHIN THIMS NAS DE NYID MDUN GYI NAM MKHAR BZHUGS PA LA, DE BZHIN GSHEGS PA THAMS CAD KYIS BDAG LA MNGON PAR DBANG DU GSOL, ZHES GSOL

, ,BA BTAB PAS, DAM TSIG GI 'KHOR LO'I SGO MTSAMS MA BRGYAD KYIS RANG NYID LA DBANG BSKUR BA DANG, LAM NYAMS SU LEN BA LA BAR DU GCOD PA'I GDON BGEGS THAMS CAD RGYA MTSO'I PHA MTHA' RTZAM DU BSKRAD NAS LDANG BA MED PAR BYAS, SKU GSUNG THUGS KYI DPA' BO NYER BZHIS DBANG CHOG GI SKABS BZHIN, HE RU KA DPAL 'BAR BA'I SKU MNGA' BA, ,HA HA'I GAD RGYANGS SA GSUM GA-YO BAR BYED, ,H'Um H'Um PHta PHta BDUD KYI KLAD 'GEMS PA, ,BDE MCHOG 'KHOR LO'I BKRA SHIS DENG 'DIR STZOL, ,CES DANG, AE BAm MNYAM PAR SBYOR BA ZHES SOGS KYI SHES PA BRJOD, DPA' MO NYER BZHIS STONG NYID BRJOD BYAR STON PA'I RDO RJE'I GLU LEN PA STE, STONG NYID LA RDO RJE ZHES BRJOD PA'I RGYU MTSAN, RDO RJE PHA LAM NI DNGOS PO GANG GIS KYANG BSREG BCAD LA SOGS PA'I GZHOM GZHIG MI NUS PA LTAR, STONG NYID KYANG DE LTAR YIN PA'I PHYIR RDO RJE ZHES GSUNGS TE SRA ZHING SNYING PO KHONGS STONG MED, ,BSREG DU MED CING BCAD DU MED, ,GZHIG TU MED CING GZHOM MED PHYIR, ,STONG NYID RDO RJER BRJOD PAR BYA, ,ZHES RGYUD RDO RJE RTZE MO LAS GSUNGS SO,, MTSAMS BZHI'I THOD PA BDUD RTZIS GANG BAS MTSON PA'I GZUGS RDO RJE ME LA SOGS PA'I LHA MO RNAMS KYIS RANG NYID LA MCHOD PAR BYED, GRTZO BO HE RU KAS DBANG BSKUR BA'I DGONGS PA MRDZAD, BDE CHEN GYI 'KHOR LO'I SHAR GYI MKHA' 'GRO MA LA SOGS PA'I PHYOGS KYI YUM BZHI DANG, GRTZO BO'I YUM PAD MO DANG BCAS PA LNGAS RIN PO CHE'I BUM BA BDUD RTZI LNGAS GANG BA BZUNG STE RANG GI SPYI BO NAS CHU RUB KYI TSUL DU, JI LTAR BLTAMS PA ZHES SOGS GSUNGS BZHIN DU DBANG BSKUR BAR BSAM TE JI LTAR SNGON DE BZHIN GSHEGS

PA SH'A THUB SKU MLTAMS MA THAG TU GDUL BYA MTHUN MONG BA'I SNANG NGOR LHA TSANG BA DANG DBANG PO SOGS KYIS SKU KHRUS GSOL YANG, MTHUN MONG MA YIN PA'I SNANG NGOR PHYOGS BCU'I DE BZHIN GSHEGS PA RNAMS BYON TE BDE STONG GNYIS SU MED PA'I YE SHES BUM CHU'I RNAM PAR SHAR BAS KHRUS GSOL BA LTAR DE NYID DPER BYAS TE, DBANG GI LHA BDAG GIS KYANG DAG PA YE SHES KYI BDUD RTZI'I CHUS SGRUB PA PO RDO RJE RNAL 'BYOR MA'I SKUR GYUR MA THAG PA KHYOD LA MNGON PAR DBANG BSKUR BA STE KHRUS BGYI'O, ,ZHES DANG, SNGAGS DON LA DE BZHIN GSHEGS PA THAMS CAD KYIS MNGON PAR DBANG BSKUR BA DAM TSIG DPAL GYI CHED DU GZHI TSUGS, ZHES PA STE DE LTAR GSUNG PAR BSAM LA RANG NYID RNAL 'BYOR MA'I NGA RGYAL CUNG ZAD GLOD NAS DBANG GI CHU RGYUN GYIS LUS THAMS CAD GANG, LUS NGAG YID GSUM GYI SDIG SGRIB BAG CHAGS DANG BCAS PA THAMS CAD GAR SONG CHA MED DU DAG ,BDE STONG GNYIS SU MED PA'I YE SHES RANG RGYUD LA SKYES, CHUS LUS GANG BA'I LHAG MA SPYI GRTZUG NAS BRGYANGS KYIS LUD PA YONGS SU GYUR BA LAS 'KHOR LO'I NOR BU'I DBUS SU RIGS BDAG SNGAR BSHAD PA JI LTA BA BZHIN GYIS LUS DKYIL GRTZO 'KHOR DANG BCAS BA'I DBU RGYAN CING DBANG LHA RNAMS RANG LA THIM PAR BSAM MO, ,'DI LA RIGS BDAG RNAM SNANG BYED PA DE'I RIGS YIN BAR STON BA MA YIN LA, YUM STONG PHYOGS SHES RAB CHOS SKU'I NGO BO LA, SNANG PHYOGS THABS GZUGS PHUNG RNAM PAR DAG PA RNAM SNANG GZUGS SKUS RGYAS BTAB BA'O, ,DE NAS BDAG BSKYED KYI MCHOD PA DNGOS SU BSHAMS SHING SNGAR BYIN GYIS MA BRLABS NAS SKABS 'DIR BYIN RLAB GONG DU BSHAD PA LTAR

, ,BYAS LA, LUS DKYIL GYI GTZO MO'I THUGS KA NAS MCHOD LHA SNGAR BZHIN SPROS LA CHU GNYIS NAS RIG MA BCU DRUG GIS MCHOD PA'I BAR 'BUL BA NI PHYI BUM DBANG DANG 'BREL BA'I MCHOD PA'O, ,RO RDO RJE MA SPROS TE NANG MCHOD 'BUL BA NI NANG GSANG DBANG DANG 'BREL BA'O, ,DE NAS PHYAG MTSAN GYI KHA tV'Am GA SKAD CIG GIS DPAL 'KHOR LO SDOM PA SKU MDOG SNGON PO ZHAL GCIG PHYAG GNYIS PA RDO RJE DANG DRIL BU 'DZIN CING PHYAG RGYA DRUG GIS BRGYAN PA, RAL PA'I THOR TSUGS CAN DU GYUR NAS RANG DANG SNYOMS PAR ZHUGS PAS RANG SEMS LHAN SKYES KYI BDE BAS GANG BAR BSAM PA NI GSANG BA SHER DBANG DANG 'BREL BA'I MCHOD PA'O, ,LHAN SKYES KYI BDE BAS CHOS THAMS CAD RANG BZHIN MED PA'I YUL STONG PA NYID NGES PA NI DE KHO NA NYID TSIG DBANG DANG 'BREL BA'I MCHOD PA STE, NGAG 'DON DU BDE STONG ZHES PA'I TSIG NUS KYIS RIM PA LTAR GSUM PA DANG BZHI PA BSTAN GSUNGS, DE BZHIN DU LUS DKYIL GTZO 'KHOR THAMS CAD KYI KHA tV'Am GA 'KHOR LO SDOM PAR GYUR NAS RANG RANG DANG SNYOMS PAR 'JUG PAS LHAN SKYES KYI BDE STONG 'KHRUNGS PAS MNYES PAR BSAM LA SLAR 'KHOR LO SDOM PA RNAMS RANG RANG GI KHA tV'Am GAR GYUR NAS SNGAR BZHIN GNAS PAR BSAM MO, ,DE NAS GTZO MO'I THUGS KA NAS BSTOD PA'I LHA MO DPAG TU MED PA SPROS PAS RANG GI ZHABS LA THAL MO SBYAR NAS 'JUS TE, AOm NA MO SOGS NANG BRGYAD KYI SNGAGS RNAMS BRJOD CING BSTOD PAS RANG RGYUD LA BDE STONG GI YE SHES SKYES SHING SLAR LHA MO RNAMS RANG GI SNYING GAR THIM PAR BSAM STE, BDE MCHOG LA SNGAGS KYIS BSTOD PA GAL CHE BAR GSUNGS SHING

SNGAGS KYI MCHOD PA'ANG YIN PAS MCHOD BSTOD GNYIS KA 'DIS THUS PA DANG, SNGAGS DON SKABS GANG YIN GYI BOD SKAD RKANG BRGYAD KYI BSTOD PA LTAR YIN LA, BOD SKAD KYI DON NI RGYA CHEN POR 'GYUR BAS MA SPROS SO, ,ZHES GSUNGS, ` DGU PA NGAG BZLAS DANG YID BZLAS KYI RNAL 'BYOR LA GNYIS LAS, DANG PO NGAG BZLAS NI, 'DI'I BZLAS 'PHRENG RAB MI RUS LAS GRUB PA'I MA 'BYOR NA BO DI TZE LAS THAMS CAD LA RUNG BAR GSUNGS LA, GRANGS NI BRGYA DANG BCU GCIG TZAM BYAS NA LEGS SHING SPROS DANG BSDUS PA'I DBANG GIS BYIN RLABS MI BYED PAR BZHED, RMON CHEN GYIS SNGAGS BZLAS PA'I PHUS 'DEBS PAR GSUNGS PA LTAR 'DOD NA, AOm PA DE PA DE, MAH'A DZNY'A NAm SARBA BUDDHA MAH'A BHA WE H'Um H'Um H'Um, HO HO HO A'U: KHm SV'A H'A, ZHES GSUM MAM BDUN LA SOGS PA BZLAS TE PHRENG BA LA KHA RLANGS BTAB, BDE MCHOG LA GA-YON PA'I KUN SPYOD GAL CHE BA DANG, BSNYEN PA'I SKABS LHA DBANG DU BSDU BA YIN CING, DBANG LA SRIN LAG LA PHRENG BA 'GEL BAR BSHAD PAS, LAG GA-YON PA'I MTHE BONG DANG SRIN LAG GIS 'DREN, 'KHOR RNAMS KYI THUGS KAR SNGAGS PHRENG 'GOD MI DGOS KYANG, GTZO 'KHOR THAMS CAD KYIS BZLA BAR MOS NA DE SNYED KYI 'GYUR 'BYUNG BAR GSUNGS PAS DE BZHIN DU BYA LA, RGYUN DU DAM BCA' JI YOD KYI GRANGS LA NYUNG MTHA' BYA ZHING, MKHA' SPYOD BSGRUB PA LA NGAG BZLAS GTZO BO YIN PAS DAM BCA'I GRANGS LA MA LTOS PAR CI NUS BZLA'O, ,BSNYEN PA'I GRANGS LAS BSNYEN 'BUM PHRAG GCIG NAS BZHI'I BAR DANG, SINDHU RA'I SGRUB PA BYED NA 'BRU 'BUM TSAR GSUM LA SOGS PA BYA BAR GSUNGS SO, ,BZLAS DMIGS NI RANG GI THUGS KAR ZHES PA NAS RGYUD BYIN

, ,GYIS BRLABS PAR GYUR CES PA'I BAR TE LUS DKYIL GYI GTZO MO'I THUGS KAR CHOS 'BYUNG DMAR PO GRU GSUM NYIS BRTZEGS DGA' 'KHYIL DANG BCAS PA'I DBUS SU ZLA GDAN LA BAm YIG DMAR PO, DE'I MDUN NAS BRTZAM STE GA-YON SKOR GYIS AOm GSUM MA'I SNGAGS PHRENG BYU RU'I PHRENG BA LTA BU 'BRU RE RE NAS SHIN TU GSAL ZHING 'OD ZER DMAR PO 'PHRO BA'I DBUS SU YI GE RNAMS DMAR TING NGE GNAS TE 'OD KYI GONG BU LTA BUR BSAM PA NI GONG BU'I BZLAS PA STE, YI GE 'BAR BA LA SEMS BZUNG NA DNGOS GRUB MYUR BAR GRUB CHEN L'A LI TAS GSUNGS SO, ,BAm YIG SNGAGS PHRENG DANG BCAS PA LAS 'OD ZER DMAR PO DPAG TU MED PA 'PHROS PAS RANG GI LUS GANG BAS THOG MED NAS BSAGS PA'I SDIG SGRIB NYES LTUNG THAMS CAD DAG, 'OD ZER PHYIR 'PHROS PAS 'KHOR BA'I SNOD BCUD THAMS CAD LA REG PA TZAM GYIS SNOD KYI NYES SKYON THAMS CAD SKAD CIG LA DAG NAS RDO RJE RNAL 'BYOR MA'I YE SHES RANG SNANG LAS GRUB PA'I CHOS 'BYUNG DANG, BCUD KYI SEMS CAN THAMS CAD KYI SDIG SGRIB SBYANGS TE LUS LONGS SKU RNAL 'BYOR MA DANG, SEMS RTOG MED CHOS SKUR GYUR PAR BSAM, YANG 'OD ZER GYI SNO LA RDO RJE RNAL 'BYOR MA'I SKU SPROS TE KHA tV'Am GA YAB TU GYUR NAS SEMS CAN RE RE'I SPYI BOR YAB YUM ZUNG RE BZHUGS TE SNYOMS 'JUG GI BDUD RTZI'I RGYUN GYIS SDIG SGRIB SBYANGS NAS RNAL 'BYOR MAR GYUR PA LA SPYI BO'I YAB YUM THIM PAR BSAM, YANG 'OD ZER SNGAR BZHIN SPROS PA'I SNA LA CHU GNYIS, NYER SPYOD, ROL MO, 'DOD YON, BKRA SHIS RTAGS BRGYAD DANG RDZAS BRGYAD LA SOGS PA'I

MCHOD RDZAS RKYANG PA'AM, DE RNAMS THOGS PA'I LHA MO DPAG TU MED PA SPROS TE PHYOGS BCU'I RGYAL BA SRAS BCAS THAMS CAD LA MCHOS CING SNYOMS PAR ZHUGS PAS THUGS RGYUD LA ZAG MED KYI BDE STONG 'KHRUNGS, DE RNAMS KYI SKU GSUNG THUGS KYI BYIN RLABS, PHO NYA GSUM GYI NUS MTHU, DAG PA MKHA' SPYOD KYI DPA' PO MKHA' 'GRO, NAM MKHA' MDZOD KYI 'BYOR BA LA SOGS PA'I ZHING DE'I YON TAN DANG BCAS PA RNAMS 'OD ZER DMAR PO'I RNAM PAR SPYAN DRANGS PA DANG LHAN CIG ,SNGAR SPROS PA'I MCHOD LHA LA SOGS PA RNAMS KYANG SNYING GA'I BAm YIG SNGAGS PHRENG DANG BCAS PA LA THIM PAS RGYUD BYIN GYIS BRLABS PAR BSAM, YANG SNGAR BZHIN PHYOGS BCU'I RGYAL BA SRAS BCAS LA PHYI NANG GSANG BA DE KHO NA NYID KYI MCHOD PA PHUL, DE RNAMS KYI SKU'I BYIN RLABS THAMS CAN RDO RJE RNAL 'BYOR MA'I SKU CHE BA RI RAB TZAM, BAR PA MI TSAD TZAM, CHUNG BA RDUL PHRAN TZAM DANG, AOm YIG DKAR PO DANG, 'OD ZER DKAR PO'I RNAM PAR SPYAN DRANGS, GSUNG GI BYIN RLABS THAMS CAD AOm GSUM MA'I SNGAGS 'PHRENG DANG, DBYANGS GSAL DANG, A'A: YIG DMAR PO DANG, 'OD ZER DMAR PO'I RNAM PA DANG, THUGS KYI BYIN RLABS THAMS CAD GRI THOD DANG, KHA tV'Am GA DANG, H'Um YIG SNGON PO DANG 'OD ZER SNGON PO SOGS KYI RNAM PAR SPYAN DRANGS TE RANG LA THIMS PAS SKU GSUNG THUGS KYI BYIN RLABS THOB PAR BSAm BA NI DAM TSIG GI BZLAS PA'O, ,GZHAN YANG SNGAGS KYI SGRA DANG, LHA'I NGA RGYAL DANG GSAL SNANG DANG, BLO LHAN SKYES KYI BDE STONG GI NGO BOR MOS PA RNAMS LA SEMS 'DZIN PA SOGS MDOR NA SEMS DMIGS PA LAS GZHAN DU MI GA-YENG BA GAL SHIN TU

, ,CHE STE, GZHAN DU MI 'GRO'I SEMS KYIS NI, ,DE LTA'I TSUL DU BZLAS PA BYA, ,YUL GZHAN BLO NI 'GRO BA YIS, ,BSKAL PAR BZLAS KYANG 'BRAS MI 'BYIN, ,ZHES GSUNGS PA LTAR SEMS RGYA YAN LA BTANG NA YUN RING POR 'BAD KYANG DON CHUNG ZHING, BZLAS BYA'I SNGAGS KYANG DPUNG BZANG GIS ZHUS PA'I RGYUD LAS, BZLAS BRJOD BYED TSE MI MYUR MI DAL ZHING, ,SGRA CHER MA YIN HA CANG CHUNG BAS MIN, ,SMRA BZHIN MA YIN GZHAN DU GA-YENGS BZHIN MIN, ,GUG BSKYED KLAD GOR TSEG RNAMS NYAMS PAS MIN, ,ZHES GSUNGS PA LTAR, HA CANG MYUR BAS TSIG MI GSAL BA DANG, HA CANG DAL BAS 'BRU RE RE NAS 'DON PA DANG, SGRA HA CANG CHES PAS GZHAN GYIS THOS PA DANG, HA CANG CHUNG BAS RANG GI'ANG MI THOS PA DANG, TSIG GZHAN SMRA BAS BAR CHOD PA DANG, SEMS GZHAN DU GA-YENG BA DANG, 'GRENG BU LA SOGS PA'I GUG BSKYED DANG, KLAD KOR TE NGA RO DANG TSEG DRAG STE RNAM BCAD DANG, RING PO THUNG NGU DANG THUNG NGU RING POR 'DON PA SOGS SGRA NYAMS PA'I SKYON DANG BRAL BAR BZLA'O, ,SNGAGS DON NI, SNGAGS 'DI LA AOm DANG H'Um DANG PHAt GSUM 'BYUNG BA'I RGYU MTSAN, RJE BYAMS PA CHOS LEGS KYIS CHOS YONGS SPRUL GSUM GYI SKU GSUNG THUGS SU GSUNGS, BSKYED RIM MUN SEL SGRON MER, RTZA SNGAGS, SNYING PO, NYE SNYING GSUM TSANG BA'I DON DU GSUNGS, SGRUB THABS RIN 'BYUNG GI PHAG MO DBU BCAD MA'I SKABS SU, AOm SRBA BUDDHAd'A KI N'I YE H'Um PHAt SV'A H'A, SANGS RGYAS MKHA' 'GRO MA DANG, AOm BDZRA WRnA N'I YE H'Um PHAt, RDO RJE RAB BSNGAGS MA DANG, AOm BDZRA BEE RO TZA N'I YE H'Um PHAt, RDO RJE RNAM

SNAR MA'I SNGAGS SU BSHAD CING, SNGAGS 'DI GSUM BSDOMS NA AOm GSUM MA 'BYUNG, SNGAGS DANG PO'I DON SANGS RGYAS THAMS CAD KYI THUGS BDE BA CHEN PO'I YE SHES CHOS NYID KYI NAM MKHA' LA 'GRO BAS NA SANGS RGYAS THAMS CAD KYI MKHA' 'GRO MA STE CHOS SKU 'AM THUd RDO RJE MA, SNGAGS GNYIS PA'I WRnA ZHES PA RAB BSNGAGS, RIGS, MDOG ,YI GE ,BRDUNG BA, DKROL BA, TSIGS BCAD, KHA; RJOD BYED SOGS DON MANG PO LA 'JUG PAS BDE STONG GNYIS SU MED PA'I YE SHES KYI RDO RJE GDUL BYAL CHOS KYI DON RJOD PAR BYED PA'I SGRA'I RNAM PAR SHAR BAS NA RDO RJE RJOD BYED MA STE LONGS SKU'AM GSUNG RDO RJE MA, SNGAGS GSUM PA'I DON BDE STONG GNYIS SU MED PA'I YE SHES KYI RDO RJE GZUGS SKU'I RNAM PA CAN DU GDUL BYA LA SNANG BAR MDZAD PAS NA RDO RJE RNAM PAR SNANG MDZAD MA STE SPRUL SKU'AM SKU RDO RJE MA YIN PAS, MDOR NA SANGS RGYAS THAMS CAD KYI SKU GSUNG THUGS KYI RDO RJE GSUM DBYER MI PHYED PA'I RJE BTZUN RDO RJE RNAL 'BYOR MA'I RTZA SNGAGS SNYING PO, NYE SNYING GSUM GA'I GO CHOD PA ZHIG GO ,'DI YANG DRI LAN DU JI LTAR STZAL BA LTAR BKOD PA LAd, ` GNYIS PA YID BZLAS BYA BA LA, NGAG 'DON DU YID BZLAS ZIN PA'I RJES SU ZHAR BYUNG RDZOGS RIM DANG PO BSGOM PAR BSHAD PA SA LUGS KYI GZHUNG GZHIR BZHAG GI MTHONG GROL LDE MIG DANG BSTUN NAS 'KHRID BDE BA LA BSAM ZHING, RJE LCANG SKYA RIN PO CHES NGAG BZLAS KYI MJUG TU DMIGS RTEN LTE GSANG GANG RIGS SU PHAB NAS GRVA BZHI'I DGA' 'KHYIL DANG DBUS KYI BAm YIG LA SEMS BZUNG BA'I RJES SU YID BZLAS BYA BAR GSUNGS PA NI DMIGS RTEN PHYI RIM NAS NANG DU BSDU BZHIN DU SEMS BZUNG NA RLUNG

, ,SEMS 'JUG PA GCIG PA'I GNAD KYIS RLUNG DBU MAR 'DU TSABS CHE BAR GSUNGS PA DANG MTHUN PAS LEGS SO, ,RKANG PA RDO RJE'I SKYIL KRUNG NGAM, SEMS DPA'I SKYIL KRUNG BYAS, MIG GNYIS SNA RTZER PHAB, LUS DRANG POR BSRANGS, LAG PA GNYIS MNYAM PAR GZHAG ,MGRIN PA CUNG ZAD DGUG ,SO DANG MCHU BCOS MED RANG BABS SU BZHAG ,LCE RTZE RKAN LA CUNG ZAD SBYAR, SNA GA-YAS GA-YON NAS RLUNG LAN GSUM RE DANG, SLAR GNYIS KA NAS LAN GSUM DAL BU DAL BUS 'BUD PAS RLUNG RO DGU PHRUGS SU BSAL BA BCAS KYI LUS GNAD BCAS TE, DBANG PO RTUL POS NYAMS SU LEN PA'I TSUL NI, NGAG BZLAS ZIN PA'I RJES SU, LUS DKYIL 'KHOR BCAS LAM GYIS BSDU BA'AM, CHOS 'BYUNG NAS BZUNGS GTZO BO'I THUGS KA'I BAR RIM GYIS BSDUS LA LUS NANG GI DBUS DRANG POR RTZA DBU MA MDA' SNYUG TZAM MAR SNA GSANG GNAS KYI BHA GA DANG KHA DE CHAD, YAR SNA SPYI BO NAS GUG STE SMIN MTSAMSU ZUG PA'I BU GA HAR RE YOD PA KHA DOG DMAR GSAL LAM, YANG NA DMAR LA SNUM PA RGYA SKYEGS KYI KHU BA LTA BU, GSAL LA DBUS PA TIL MAR GYI MAR ME LTA BU, 'JAM LA MNYEN PA PADMA'I 'DAB MA LTA BU, DRANGS LA 'DRONGS PA CHU SHING GI SDONG PO LTA BU STE KHYAD CHOS BZHI LDAN DU GSAL BTAB PA'I SNYING GA'I DBU MA'I NANG DU CHOS 'BYUNG ZLA BA BAm YIG SNGAGS PHRENG BCAS BSAM LA, 'OG RLUNG SNYAN GSAN 'BEBS PA'I TSUL DU CUNG ZAD THEN PA'I RJES SU SNA GNYIS NAS RLUNG RDUB STE MCHIL MA SGRA MED MID PA DANG MNYAM DU SNYING GA'I SNGAGS 'KHOR MNAN NAS LTE BAR PHAB LA, 'OG SGO RTZUM PA DANG LTO BA SGAL TSIGS LA SBYAR TE 'OG RLUNG RDZOGS PAR THEN PA'I

RLUNG KHA SBYAR TE CHOS 'BYUNG GI GVRA BZHI'I DGA' 'KHYIL DMAR SKYA RE RE LA'ANG 'KHYIL CHUNG BZHI RE YOD PA PHYOGS MTSAMS GANG DU'ANG MA REG PA'I BAR SNANG LA KHYIR RI RI 'KHOR BA DANG, KHYAD PAR DBUS KYI BAm YIG GI N'A] LAS ME 'BAR LA KHAD PA LA RANG SEMS ZHUGS PA BZHIN DU BYAS TE MI BDE BA MI BSKYED TZAM DU BZUNG LA SLAR SNA NAS DAL BUS BTANG BAR BYA'O, ,DE NAS YID BZLAS BYA BA LA SLAR YANG RLUNG BZUNG LA RANG SEMS BAm YIG GIS SNGAGS 'PHRENG KLOG PA'I TSUL DU LAN GSUM MAM LNGA'AM BDUN LA SOGS PA BZLA ZHING DE'I BAR LA RLUNG MI THUB NA MI BDE BA SKYE TSAD PA NA SNGAR LTAR BTANG LA NGAL BSO BZHIN DU LCE DANG MCHU MI 'GUL BAR BZLA'O, ,DE NAS DMIGS RTEN SNYING GAR DRANGS LA SNGAGS 'KHOR BTANG SNYOMS SU BZHAG STE, DBU MA'I MAR SNER DGA' 'KHYIL DMAR PO SHIN TU DMAR BA MTSAL LCOG LA MAS BRIS PA LTA BU NAS 'BRU TZAM DANG, YAR SNER DGA' 'KHYIL DKAR PO SHIN TU DKAR BA ZLA BA BZHUN MAS BRIS PA LTA BU GA-YON SKOR DU 'KHOR BAR BSAM LA MAR SNE'I DGA' 'KHYIL DMAR PO DBU MA'I NANG NA YAR BDE KHRIL LI LI BYUNG STE LUS SEMS THAMS CAD BDE LHANG LHANG SONG BAR BSAM LA SNYING GAR 'KHOR BZHIN DU GNAS, YAR SNE'I DGA' 'KHYIL DKAR PO DBU MA BRGYUD DE YAR SONG SPYI BO'I GUG MTSAMS NAS MAR BABS PAS SNANG BA THAMS CAD STONG CHAM CHAM SONG BAR BSAM LA DGA' 'KHYIL DMAR PO'I STENG DU BABS NAS REG LA MA 'BYAR BA'I TSUL DU 'KHOR ZHING, SLAR KHRUG GIS 'DRES TE DGA' 'KHYIL DMAR SKYA GCIG TU SONG BA GA-YON SKOR DU DRAG TU 'KHOR ZHING JE CHUNG JE CHUNG GIS MTHAR STONG YUL DU SONG BAR BSAM LA BDE STONG DBYER MED KYI NGANG DU CI

, ,NUS 'JOG GO ,DE NAS LUS DKYIL DANG BCAS PA SNGAR BZHIN LAM GYIS BSAM LA BSAM MI KHYAB BYA LA, BLO RNO BAS NI LUS DKYIL DANG SBRUGS NAS BYA STE DE LTAR NA RANG RNAL 'BYOR MAR GSAL BA'I LUS NANG DU RTZA DBU MA SNGAR BZHIN GYI NANG DU LUS DKYIL RTEN BRTEN PA BSGOM PA LTA BAR PHAB NAS YID BZLAS SOGS BYA ZHING LUS DKYIL GYI GTZO MO'I LUS NANG GI DBUS DRANG POR YANG DBU MA DANG SNGAGS 'KHOR JI LTA BA BZHIN BYA'O, ,LUS DKYIL BSGOM PA'I DUS SU LUS DKYIL GYI GTZO MO'I LTE GSANG DU'ANG SNGAGS 'KHOR 'BEBS DGOS SAM MI DGOS SNYAM NA, 'DI'I YID BZLAS SOGS KYI SKABS SU SNYING GAR MI 'JOG PA NI, DE'I TSE BUM PA CAN GYI RLUNG SBYOR BYED DGOS PAS LAS DANG PO BAS THOG MAR SNYING GA'I BUM PA CAN BZUNG NA RTZA RLUNG GI GEGS CHE BA LA DGONGS LA, LTE GSANG DU 'BEB PA NI MI RTOG PA DANG, BDE BA BSKYED PA'I CHED DU GSUNGS PAS, LUS DKYIL GYI GTZO MO'I THUGS KA DANG LTE GSANG GI DKYIL DRANG THAD DU 'GRIG NA DES DGOS PA 'GRUB PAS DBAB MI DGOS SO, ,ZHES PA 'DI YANG DRI LAN DU JI LTAR STZAL BA LTAR BKOD PA'O, ,DE LTA BU'I BSKYED RIM PHAG MO MKHA' SPYOD 'DI BDE MCHOG RTZA RGYUD LE'U NGA GCIG PA NAS BSHAD PA'I DE NYID BCU BZHI'I TSANGS DANG SBYOR TSUL NI RTZA RGYUD LAS, GOS DANG PHYAG RGYA LNGA LA SOGS, ,SHES RAB YAN LAG PHUR BU GUR, ,A'A LI K'A LI ZHES BRJOD NAS, ,RGYU SOGS STONG PA SNGON 'GRO BA, ,'JUG PA SGRA LA SOGS PA NAS, ,JI SRID BSDUS PA'I SBYOR LDAN PA, ,BDUD RTZI TSIMS BYED MYA NGAN 'DAS, ,LAG PA'I MCHOD PA DBANG BSKUR BA, ,GO CHA CHEN POS YANG DAG BSRUNG, ,SNGAGS RNAMS KUN GYIS MCHOD PAR BYA, ,ZHES GSUNGS SO, ,DE LA DANG PO GOS DANG PHYAG

RGYA LNGA LA SOGS PA'I DE NYID NI, GOS KYI SKAD DOD WA SA NA ZHES PA GNAS LA'ANG 'JUG PAS SGRUB PA'I GNAS CHOS MTHUN GYI 'TSO BA RNYED SLA BA LA SOGS PA MTSAN NYID TSANG BA DANG, LHA'I GNAS GZHAL YAS KHANG YIN PAS SKABS 'DIR CHOS 'BYUNG NGO, ,RNAL 'BYOR BSGOM PA'I SNGON DU RUS RGYAN LA SOGS PA'I CHAS 'JUG BYED DGOS PAS NA PHYAG RGYA LNGA LA SOGS ZHES PA STE DES SGRUB PA PA'O RDOR DRIL LA SOGS PA'I YO BYAD RNAMS TSANG DGOS PA'ANG BSTAN TO, ,GNYIS PA SHES RAB YAN LAG GI DE NYID NI, RIN PO CHE LTA BU'I GANG ZAG GIS BSKYED RIM GYI SKABS NAS GROGS PHYAG RGYA MA BZHI LA SOGS PA DANG LHAN CIG TU NYAMS SU LEN CING RNAL 'BYOR BA LA PHYAG RGYA MA'I YAN LAG GIS 'KHYUD PA LA BSHAD LA, NGES DON GYI PHYAG RGYA NI BDE STONG GNYIS SU MED PA'I YE SHES TE SKYABS SEMS NAS BRTZAMS TE BDE STONG GI RTZIS ZIN PA ZHIG DGOS LA, SKABS 'DIR RANG RNAL 'BYOR MAR GSAL BA SHES RAB MA DNGOS DANG, DE'I YAN LAG YAB MTSON PA'I KHA tV'Am GAL DANG BYA'O, ,GSUM PA PHUR BU DANG GUR GYI DE NYID NI SRUNG 'KHOR BSGOM PA STE SKABS 'DIR SRUNG 'KHOR BSDUS PA'I LUGS YIN LA SKYABS SEMS DANG BLA MA'I RNAL 'BYOR SOGS SBYOR BA TSOGS GSOG GI SKOR RNAMS KYANG SRUNG 'KHRO GYI KHONGS SU BSDU'O, ,BZHI PA A'A LI'I DE NYID NI DBYANGS YIG GI NGO BO'I ZLA BA BSKYED PA'O, ,LNGA PA K'A LI'I DE NYID NI GSAL BYED KYI NGO BO AE YIG LAS BSKYED PA'I CHOS 'BYUR DANG SNGAGS PHRENG ZLA BA'I DMAR CHA DANG BCAS PA'O, ,DRUG PA RGYU SOGS STONG BA'I DE NYID NI A'A LI K'A LI'I DE NYID SOGS KYIS SNGON DU CHOS RNAMS KYI NGO BO STONG PA NYID, RGYU BDE NGAR GRUB PA MED PAS MTSAN MA MED PA 'BRAS BU THOB BYA SMON PA'I YUL MED PAS SMON PA MED PA STE RNAM THAR SGO GSUM GYI NGO BO 'CHI

, ,BA CHOS SKU BSGOM PA'O, ,BDUN PA 'JUG PA SGRA LA SOGS PA'I DE NYID NI, SGRA'I SKAD DOD {N'A} ? DA STE SOGS KHONGS NAS BAR SRID MTSON BYED THAMS CAD BSTAN PAS 'DIR NAM MKHA'I BAm YIG ZLA BA'I DBUS SU 'JUG PA LA BYA'O, ,BRGYAD PA JI SRID BSDUS PA'I SBYOR BA DANG LDAN PA'I DE NYID NI, GONG GI NAS ZHES PA DANG 'DIR JI SRID CES PA'I NUS PAS SNGAR BAm YIG ZLA BA'I DBUS SU ZHUGS ZIN PA DE NAS RANG GZHAN 'KHOR 'DAS KYI SNOD BCUD THAMS CAD RDO RJE RNAL 'BYOR MA'I RANG BZHIN DU BYAS NAS RANG LA BSDUS TE THABS SHES DBYER MED KYI RNAL 'BYOR DU BYAS PA'I BAR BSTAN, DGU PA BDUD RTZI TSIM BYED KYI DE NYID NI, 'DIS DNGOS BSTAN NANG MCHOD DANG, SHUGS BSTAN PHYI MCHOD LA SOGS PA DANG GTOR MA 'BUL BA DANG, 'GO'I BDUD RTZI MYANG BA'ANG BSTAN, BCU PA MYANG 'DAS KYI DE NYID NI, SNOD BCUD KYI SNANG BA BSDUS NAS 'CHI BA DANG CHOS MTSUNGS PA'I THUN MONG DANG THUN MONG MA YIN PA'I BSAM MI KHYAB BSTAN, BCU GCIG PA LAG PA'I MCHOD PA'I DE NYID NI, THUN MTSAMS SU LAG MCHOD BYED PA DNGOS BSTAN DANG, KHAS BLANGS PA'I DAM SDOM SPYI DANG KHYAD PAR SNGAGS KYI THUN MONG MIN PA'I DAM TSIG RNAMS DANG, GA-YON PA'I KUN SPYOD BCAS BSTAN CING, SPYOD LAM DANG NYAL LDANG GI RNAL 'BYOR RNAMS KYANG BSDU'O, ,BCU GNYIS PA DBANG BSKUR BA'I DE NYID NI, SMIN LAM DU 'JUG RUNG GI DBANG BZHI DANG, GROL LAM BSGOM RUNG GI BYIN RLABS DANG, SGRUB THABS KYI DBANG BSKUR RGYAS 'DEBS DANG LHA LA RAB GNAS KYI PHYIR DBANG BSKUR BA SOGS BSTAN, BCU GSUM PA GO CHAS SRUNG BA'I DE NYID NI, LTE BA LA SOGS PA'I GNAS RNAMS SU GO CHA 'GOD CING, THUN MTSAMS KYI SNGON DU {SUMBHA} ? NI LA SOGS PA TSAM NGAM SNGAGS KYI SRUNG BA DANG LUS DKYIL YANG BSDU'O,

BCU BZHI PA SNGAGS RNAMS KUN GYIS MCHOD BA'I DE NYID NI, NGAG BZLAS YID BZLAS GNYIS DANG, RKANG BRGYAD KYI BSTOD PA'ANG BSDU'O, ,DE LTAR DE NYID BCU BZHI'I KHONGS SU BSKYED RIM RNAL 'BYOR BCU GCIG LHAG DANG BCAS PA 'DU ZHING, SGRUB THABS BSDUS PA LA RNAL 'BYOR BCU GCIG TSANG YANG DE NYID BCU BZHI MI TSANG LA, RGYAS PA LA DE NYID BCU BZHI'ANG TSANG BAS CHO GA'I CHA LAG THAMS CAD RJES 'BRANG GIS RANG BZO MA YIN PAR RDO RJE 'CHANG GIS RGYUD LAS GSUNGS PA LA NGES SHES RNYED PA NI RGYUD DON GDAMS PAR SHAR BA ZHES DANG, DE NYID BCU BZHI TSANG BA'I LAM NYAMS SU LEN PA'I SGRUB PA PO NI TSE STOD MTSAMS MED KYI LAS BSAGS KYANG TSE DE LA ZUNG 'JUG GI GO 'PHANG THOB CING, GAL TE SEMS GA-YENG BA LA SOGS PA'I DBANG GIS MA 'GRUB NA'ANG, DPA' BO DANG MKHA' 'GRO'I TSOGS KYIS DAG PA MKHA' SPYOD DU 'KHRID PAR 'GYUR RO, , ` BCU PA BSAM MI KHYAB KYI RNAL 'BYOR NI, DE LTAR YID BZLAS DANG ZHAR BYUNG RDZOGS RIM SONG BA'I RJES SU LUS DKYIL GYI GTZO MO'I THUGS KA'I BAm YIG LAS 'OD ZER DMAR PO DPAG TU MED PA PHYOGS BCUR SPROS PA KHAMS GSUM GYI SNOD BCUD THAMS CAD LA KHYAB PAS GZUGS MED KHAMS LA GNAS GZHAN LOGS PA YOD PA'I LUGS LTAR NA GZUGS MED SKYE MCHED SU BZHI YOD ZER SNGON PO'I RNAM PAR GYUR PA MTHA' ? NAS RIM GYIS BSDUS TE RANG GI LUS KYI MGRIN PA YAN CHAD DE STOD KYI CHA LA THIM, GZUGS KHAMS GNAS RIS BCU BDUN 'OD ZER 'BAR ? BO'I ? [*DMAR PO'I] RNAM BAS MGRIN PA NAS LTE BA'I BAR LA THIM, GZHAN 'GRUL [*'PHRUL] DBANG BYED NAS DMYAL BA'I BAR GYI 'DOD KHAMS DANG CHAB CIG ME RI NAS GDAN GYI BAR RTEN GYI DKYIL 'KHOR DANG BCAS PA 'OD ZER DKAR PO'I RNAM PAS LTE BA MAN CHAD KYI SMAD KYI CHA LA THIM, RANG YANG

, ,CHOS 'BYUNG, ZLA BA, LUS DKYIL GYI 'KHOR SO GNYIS, LHA MO BZHI, GTZO MO, DE YANG THUGS KA'I CHOS 'BYUNG, ZLA BA, SNGAGS 'PHRENG, BAm YIG, BAm DE'I MGO BO, DE ZLA TSES, DE THIG LE, DE {N'A} ? DA, DE YANG JE PHRA JE PHRAR SONG BA'I MTHAR MI DMIGS PAR STONG PAR BSAM LA BDE STONG LA MNYAM PAR BZHAG GO , ` BCU GCIG PA SPYOD LAM GYI RNAL 'BYOR NI, 'DI LA SPYOD LAM DNGOS DANG YAN LAG GI RNAL 'BYOR GNYIS LAS, DANG PO NI, DE NAS BDE STONG DE'I NGANG LAS NAM MKHA' SPRIN MED LA SPRIN LANGS PA LTAR RANG RNAL 'BYOR MA RGYAN YOD LA GDAN DANG PHYAG MTSAN MED PA'I RNAM PAR SKAD CIG GIS LDANG NAS BSRUNG 'KHOR BSGOM PAR BYA STE, RANG GI GNAS SO SOR ZLA GDAN LA LHA'I NGO BO YI GE BSGOM PA NI BDAG BSRUNG BA YIN LA, ZHAL BZHI BA'I SNGAGS DANG, SHAR NAS PHYOGS GA-YON SKOR DANG, ME NAS MTSAMS GA-YAS BSKOR GYIS SE GOL GTOGS PA'I PHYAG RGYAS TSAM NGAM SNGAGS KYIS BSRUNG BA NI GNAS SRUNG BA'O, ,SNGAGS DON NI, {AOm} ? SNGAGS KYI MGO 'DREN, {SUMBHA} ? NGES PAR GDUL BA, NI {SUMBHA} ? NGES PAR MA LUS PA 'DUL BA ZHES BOD PA'O, ,{H'Um} ? NI DE'I DON GSAL BYED DANG, {GRIHnA} ? GNYIS NI BGEGS 'BROS PA RNAMS ZUNGS SHIG ,{GRIHnA} ? PA YA GNYIS NI GTZO BOS 'DZIN PAR MA ZAD 'KHOR RNAMS KYANG 'DZIN DU CHU GCIG STE LAN GNYIS RE ? 'BYUNG BA NI KHROS BA'I TSIG GAM GAL CHE BA LA NGES BZUNG GI PHYIR NAN TAN BYAS PA'O, ,A'A NA YA NI KHUG CIG ,HO {BHA} ? GA {W'AN} ? NI {KYEE} ? BCOM LDAN 'DAS DANG, {BDZRA} ? NI RDO RJE STE BDE STONG GNYIS SU MED PA'I YE SHES LHA MO DUM SKYES MA'I RNAM PAR SHAR BA BOD PA'O, ,{H'Um} {PHAt} ? NI GSOD PA'I PHYIR BSKUL BA STE {H'Um} ? GNYIS RE 'BYUNG BA NI BDE MCHOG GI SNGAGS KYI 'GRO LUGS SO, ,SNGAGS KYI SGRA 'BRUG STONG DUS

GCIG TU LDIR BA LTA BUS BGEGS RNAMS SNYING 'GAS PA TZAM DU SKRAG STE MIG LTA BA TZAM YANG MI BZOD CING, RANG GI ZHAL NAS 'OD ZER DMAR PO BSKAL PA'I ME LTA BU DPAG TU MED PA 'PHROS PA BDE STONG GNYIS SU MED PA'I YE SHES ME'I RNAM PAR MOS PA NI DON DAM PA'I SRUNG 'KHOR TE DES ? BDAG 'DZIN LA SOGS PA'I GDON BGEGS THAMS CAD BCOMS ? SHING, SEMS CAN THAMS CAD KYANG GDON BGEGS KYI GNOD PA DE RNAMS DANG BRAL BAR BSAM MO, ,DE NAS THUN DGROL BA NAS PHYI MA'I BAR LA SGO GSUM RAB DGAR MI BTANG BAR DGE SBYOR 'DI DANG 'DI BYA'O SNYAM DU 'PHEN PA BTANG LA DRAN PA DANG SHES BZHIN NANG ? MAR BSTEN CING 'GRO 'CHAG NYAL 'DUG GI SPYOD LAM GANG BYED KYANG SNANG STONG TSOGS PA SGYU MA LTA BU LA BSLAB PAR BYA STE SNOD KYI 'JIG RTEN THAMS CAD CHOS 'BYUNG DANG, BCUD KYI SEMS CAN THAMS CAD RNAL 'BYOR MA SNANG STONG DBYER MED DU MOS PA SKU'I DGA' BA, BSTOD DBYANGS DANG RGYOB GSOD LA SOGS PA'I SGRA SNYEN MI SNYAN CI BYUNG YANG CHAGS SDANG BKAG NAS {AOm} ? GSUM MA'I SGRAR MOS PA GRAG STONG GSUNG GI DGA' BA, YID LA RTOG PA BZANG NGAN CI SHAR YANG RDO RJE RNAL 'BYOR MA'I THUGS BDE STONG GNYIS SU MED PA'I YE SHES SU MOS PA NI THUGS KYI DGA' BA STE DGA' BA GSUM GYI RNAL 'BYOR BSKYENG BAR BYA ZHING, GZHAN YANG BLA MA DANG SANGS RGYAS BYANG SEMS KYI SKU BRNYAN GANG MTHONG YANG RDO RJE RNAL 'BYOR BAR MOS LA RKANG BRGYAD KYIS BSTOD BAR BYA'O, ,KHRUS KYI RNAL 'BYOR NI BLA MED LA GAL HA CANG MI CHE BAS MA BYAS KYANG RUNG LA, BYED PAR 'DOD NA DBANG BSKUR RGYAS 'DEBS KYI SKABS SU BSHAD PA LTAR BYA, MDOR NA SNANG GRAG RIG GSUM THAMS CAD BDE STONG DBYER MED KYI RNAM ROL TUB LTA BA NI LAM THUN MONG BAR DBANG PO'I SGO SDOM ? PA ZHES BYA BA DE YIN

, ,PAS, THUN MTSAMS BAG MED DU BTANG NA BOGS SHIN TU CHUNG BAS THUN DNGOS KYI THUN MTSAMS LA BOGS 'DON ZHING, THUN MTSAMS KYIS THUN DNGOS LA BOGS 'DON NO, ,DES NA LUS KYI BSKU ? LA BSKYOD ? THAMS CAD GAR DANG PHYAG RGYA, NGAG ? GI GRONG ? GTAM ? SMRA BA SOGS YONGS ? SU MOS PAS NI RNAL 'BYOR PA RTOGS PA DMA' BAS LUNG MA BSTAN GYI BYA BA THAMS CAD DGE BAR BSGYUR NUS SHING, RTOGS PA MTHO BAS NI GZHAN GYIS NYES PAR 'DZIN PA'I GSOD RKU LOG GA-YEM SOGS SPYID KYANG THAMS CAD DGE SBYOR DU BSGYUR NUS PA YIN TE, KUN RIG TU, KHYOD KYIS SROG CHAGS GSAD PAR BYA, ,MA BYIN PAR YANG BLANG BAR BYA, ,ZHES SOGS DANG, THAMS CAD BYAS SHING KUN BZOS KYANG, ,'GRUB 'GYUR NYES PAR MI 'GYUR NA, ,SNYING RJE LDAN PAS SMOS CI DGOS, ,ZHES GSUNGS PAS SO, ,DE LTAR DRAN SHES DANG LDAN PAS THUN MTSAMS KYI BYA BA MTHA' DAG BAG DANG LDAN PAR BYAS LA THUN PHYI MA LA 'JUG PA'I 'GOR SNGAR 'PHEN PA BTANG BA LTAR BYUNG MA BYUNG DANG, RANG RGYUD LA NYES PAS GOS MA GOS BRTAGS LA TSUL BZHIN DU BYUNG NA DGA' BA BSGOM ZHING, MA BYUNG NA BSHAGS BSDAMS SOGS LA 'BAD PAR BYA'O, ,ZHES GSUNGS ` GNYIS PA YAN LAG GI RNAL 'BYOR LA LNGA, KHA ZAS KYI RNAL 'BYOR, PHYI ROL MCHOD PA'AM TSOGS KYI RNAL 'BYOR, SBYIN SREG GI RNAL 'BYOR, TSES BCU'I MCHOD PA'I RNAL 'BYOR, GTOR MA'I RNAL 'BYOR RO, , ` DANG PO NI, KHA ZAS RNAMS BSREG RDZAS ? SU MOS LA NANG MCHOD LTAR BYIN GYIS BRLABS TE KHA {HOm} ? KHUNG DANG, LAG PA GNYIS DGANG BLUGS DANG, SNYING GAR BLA MA YI DAM GYI NGO BO BAm YIG GAM, LUS DKYIL GYI LHA TSOGS LA PHUL BAS BDE STONG 'KHRUNGS PAS MNYES PAR BSAM LA NANG GI SBYIN SREG GI TSUL DU LONGS SPYOD CING, DE TZAM MA LCOGS NA RANG NYID LTAR GSAL

ZHING, KHA ZAS BDUD RTZIR MOS NAS LONGS SPYOD PA DANG, GZHAN LA KHA ZAS SOGS DNGOS PO STER NA'ANG RANG GZHAN GNYIS KA LHAR GSAL NAS DNGOS PO BDUD RTZIR MOS TE PHUL NA PHAN YON RLABS CHE ZHING 'JUG PA BDE BAS DE LTAR NYAMS SU LEN CING, THUN MTSAMS KYI BYA BA RNAMS NYAMS LEN GYI RTZIS MA ZIN NA TSE PHAL CHER DON MED DU 'DA' BAS NAN TAN BYA'O GSUNGS, `GNYIS PA PHYI ROL MCHOD PA'AM TSOGS KYI RNAL 'BYOR NI, GZHUNG DU RJE SANGS RGYAS DPAL BZANG GIS MDZAD PA'I BDAG 'JUG BZHIN NYAMS SU LEN PAR GSUNGS LA, YIG CHA DER TSOGS 'KHOR BYED DGOS ZUR TZAM LAS BYED TSUL MA BSHAD PAS GTZO BO NI BDAG 'JUG LEN PA YIN LA, PHYI ROL MCHOD PA NI BDE MCHOG GI SKABS SU LAG MCHOD DANG, GRU GSUM MCHOD PA BYA BAR GSUNGS SHING, TSOGS KYI RNAL 'BYOR BLA MA'I PHYAG BZHES YIG CHA LOGS SU YOD PA LTAR BYA'O, ,GSUM PA SBYIN SREG GI RNAL 'BYOR NI, BZLAS PA'I BCU CHA'I SBYIN SREG BYA BAR GSUNGS PA NI LHA DBANG DU SDUD PA'I SKABS YIN PAR RJE RIN PO CHES GSUNGS PAS, DE'I TSO MNGAR GSUM GTZO BOR GYUR BA'I BCU CHA'I SBYIN SREG BYA STE DPER NA BZLAS PA 'BUM PHRAG BZHI BZLAS NA SBYIN SREG KHRI PHRAG BZHI BYA DGOS LA, BZLAS PA'I KHA SKONG GI SBYIN SREG NI TIL GTZO BOR GYUR PA'I ZHI BA'I SBYIN SREG STE GRANGS JI LTAR RIGS PA LAS NGES BZUNG MI DGOS SO, ,BSDUS PA BYED NA RAS DMAR PO'I GDUNG RKANG LA ZHUN MAR BYUGS NAS BYA BA STE GZHUNG GZHAN DU GSAL LO, ,ZHES GSUNGS, `BZHI PA TSES BCU'I MCHOD PA'I RNAL 'BYOR NI, 'DI LA RGYAS BSDUS KYI RIM PA MANG DU YOD PA LAS, RGYAS PAR BYED NA DKYIL 'KHOR BRI GZHI GRU BZHI BA'I STENG DU THOG MAR MTHO GANG ZLUM POR BSKOR, DE'I PHYIR SOR PHYED BSNAN PA'I ZLUM BSKOR SNGON PO, ,DE DAG GI NANG DU CHOS 'BYUNG GRU GSUM NYIS BRTZEGS

, ,NANG DMAR ZHING RE KHA DKAR PO, CHOS 'BYUNG GI NANG DU ZLA DKYIL DKAR PO DANG, {GRVA} ? BZHIR DGA' 'KHYIL DMAR SKYA, PHYI'I GRU CHAD ZLA GAM LJANG GU RNAMS RAB RDUL TSON DANG, DE MIN SNGON TSUD NAS CHU TSON GYIS BRIS KYANG RUNG, ZLA DKYIL GYI DBUS SU RNAL 'BYOR MA'I SKU BYIN RLABS CAN MA, DE MTSON PA'I TSON SBUNGS DMAR PO BYA STE SKU TSOM BU'I DKYIL 'KHOR ZHES BYA'O, ,DE'I STENG DU {MNYDZI} ? SOR KYI KHAR THOD PA SBRANG CHANG GIS BKANG BA LA BDUD RTZI RIL BU BTAB, DAR DMAR POS KHA BCAD PA SOGS PHYAG BZHES BZHIN BYA STE GSUNG BDUD RTZI'I DKYIL 'KHOR RO, ,DE'I STENG DU ME LONG NGAM, MA 'BYOR NA SHING DANG RDZA LA SOGS PA'I KHAR {SINDHU} ? RA BKRAMS LA RAB GSER LA SOGS PA'I SNYU GUS {AOm} ? GSUM MA'I SNGAGS 'KHOR BRI BA NI THUGS {SINDHU} ? RA'I DKYIL 'KHOR, DE TZAM MA LCOGS NA TZAN DAN DMAR PO'I PHYE MA DANG CHANG BSRES PAS CHOS 'BYUNG NYIS BRTZEGS BRIS PA'I KHAR TSOM BU TZAM BYAS PA'I STENG DU THUGS {SINDHU} ? RA'I DKYIL 'KHOR BZHENGS SHING GSUNG BDUD RTZI'I DKYIL 'KHOR MA BZHENGS KYANG RUNG GSUNGS DE'I STENG DU GOS DAR SOGS KHA DOG DMAR PO'I GUR PHUB, DKYIL 'KHOR GYI MDUN NAM SHAR DU MCHOD YON, BYANG SHAR DU ZHABS BSIL, BYANG DU ME TOG ,NUB BYANG DU BDUG SPOS, NUB TU MAR ME, LHO NUB TU DRI CHAB, LHOR ZHAL ZAS, SHAR LHOR MTSAMS 'DZIN GYI ME TOG ,GZHAN YANG MCHOD PA'I BYE BRAG CI 'BYOR PA JI LTAR RIGS PAR BSHAM MO, , MDUN DU GTOR MA 'OG NAS 'BYUNG BA LTAR DANG, TSOGS GTOR, DE'I GA-YAS SU BA LA ? STE SHA, GA-YON DU MA DA NA STE CHANG, GZHAN YANG TSOGS RDZAS CI 'BYOR DANG, RANG GI NYE LOGS SU BUM PA MGUL CHING DMAR PO CAN GYI GSUM GNYIS TZAM CHUS BKANG BA LA BLA MED KYI

BUM RDZAS DRI BZANG DANG BCAS PA BTAB PA'I STENG DU DUNG CHOS RDOR BZUNG NYER SPYOD SOGS PHYAG LEN BZHIN BSHAMS LA NGAG 'DON SGRUB DKYIL GYI GO RIM LTAR LA MDUN BSKYED KYI DBANG BSKUR RGYAS 'DEBS KYI MJUG TU SNGAGS DANG PHYAG RGYAS 'OG MIN NAS RDO RJE RNAL 'BYOR MA LA 'DAS MA 'DAS KYI MGRON GYIS BSKOR BA GTOR MA'I SKABS BZHIN SPYAN DRANGS NAS RNAL 'BYOR MA MDUN BSKYED LA THIM, DE'I STENG GI BAR SNANG NGAM RIGS BDAG GI THUGS KAR RTZA BRGYUD KYI BLA MA, RNAL 'BYOR MA'I MTHA' SKOR DU 'KHOR BZHI, DE'I MTHAR 'KHOR SO GNYIS, DE'I MTHAR RGYUD SDE BZHI'I YI DAM SANGS RGYAS, BYANG SEMS, NYAN RANG RNAMS DANG, MDUN GYI CHOS 'BYUNG STONG PAR DPA' BO MKHA' 'GRO DANG, RGYAB KYI STONG PAR CHOS SKYONG SRUNG MA, DUR KHROD KYI MTHAR SEMS CAN THAMS CAD RNAL 'BYOR MA'I RNAM PAS 'KHOD PAR BSAM LA, MCHOD BSTOD DBANG CHOG ,GTOR 'BUL TSOGS 'KHOR GTANG RAG GI MCHOD BSTOD BZOD GSOL SOGS BYA LA, LONG MED PA SOGS KYI TSE BSDUS TZAM BYA BAR 'DOD NA BDAG BSKYED RGYAS BSDUS GANG RIGS DANG MDUN BSKYED BSGRUBS TE MCHOD BSTOD KYI MJUG TU GTOR MA PHUL LA MJUG CHOG BYAS KYANG RUNG LA, YANG GONG GI YO BYAD MED PA'AM RANG NYID LAM DU ZHUGS BZHIN PA'I SKABS LTA BUR BYED DGOS BYUNG NA THAMS CAD YID KYIS SBRUL BAS KYANG CHOG GO ,GAL TE BREL GA-YENG SOGS KYIS SHIN TU BSDUS PA BYED DGOS BYUNG NA, {AOm} ? GSUM MA RGYUN BZLAS DAM BCA' JI YOD GSUM 'GYUR BZLAS PAS TSES BCU'I MCHOD PAR 'GYUR TE, SNGAGS RNAMS KUN GYIS MCHOD PAR BYA ZHES GSUNGS PA'I PHYIR, GZHAN YANG GROD PA'I CHOS KYIS MA GOS PA'I GZHON NU MA GSUM LA SOGS PA CHO GAS RNAL 'BYOR MAR BSKYED

, ,LA KHA ZAS KYIS TSIMS PAR BYAS PAS CHOS BCU'I MCHOD PAR 'GYUR BA SOGS BZHED TSUL MI 'DRA BA YOD DO, ,TSOGS GSOG PAR 'DOD NA YAR NGO DANG, SGRIB PA SBYONG BAR 'DOD NA MAR NGO'I TSES BCU BYA BAR GSUNGS PAS GANG RUNG GCIG GIS CHOG PA 'DRA ZHIG 'DUG NA'ANG, TSES BCU RNAM GNYIS MA CHAG PAR DGOS GAL CHE BAS BRTZON PAR BYA'O, ,LNGA PA GTONG MA'I RNAL 'BYOR NI, 'DI LA GTOR MA GCIG NAS BCU GCIG BAR RGYAS BSDUS BZHED TSUL MI 'DRA BA MANG DU SNANG NA'ANG, RJE RIN PO CHES 'DAS MA 'DAS KYI GTOR MGRON GNYIS SU 'DU PAR GSUNGS PA LTAR YIN LA, SGRUB THABS SU BKOD PA 'JUG PA BDE BA'I PHYIR GCIG BSHAMS NAS BYIN RLABS NAN TAN BYAS NAS 'DAS MA 'DAS KYI MGRON THAMS CAD LA 'BUL BA YIN GSUNGS, GTOR MA'I RGYU NI ZAN DANG SHA CHANG GTZO BO YIN LA, GZHAN YANG BZHUN MAR, BDUD RTZI RIL BU, SGOG BTZONG, 'KHUR BA, SMAN SNA LA SOGS PA'ANG BSRE'O, ,JI LTAR BSHAMS PA NI, {PAn} ? CHEN BLO BZANG CHOS KYI RGYAL MTSAN DPAL BZANG POS GTOR MA'I DBYIBS 'DI LTAR BYA ? ZHES RGYU DE RGYA GZHUNG GI KHUNGS GSAL BA MED PAS RANG RANG GI BLA MA'I PHYAG BZHES LTAR BYA BA'AM, YANG NA ZHI BA LA DKAR PO ZLUM PO, RGYAS BA LA SER PO GRU BZHI, DBANG LA DMAR PO ZLA GAM, DRAG PO LA NAG PO GRU GSUM BYAS NA LAS DANG MTHUN ZHES GSUNGS, 'DI KHA'I PHYAG BZHES NI ZLUM GTOR PAD 'DAB BZHIS BSKOR BA, KHA DOG DKAR DMAR GANG RIGS DKAR DMAR GYI RGYAN LDAN DU BYED DO, ,JI LTAR 'BUL BA'I TSUL NI SPYIR GTOR MA RGYUN DU

'BUL BA GAL CHE ZHING, KHYAD PAR CHOS BCU DANG BSNYEN DUS SU 'BUL BA GAL CHE BAS GTOR MGRON LA 'BUL RGYU'I PHYI NANG GI MCHOD PA SDANG ? LTAR BYIN GYIS BRLABS, GTOR MA BYIN RLABS RGYAS PAR NANG MCHOD LTAR DANG BSDU NA TSOGS MCHOD DU GSAL BA LTAR BYA STE DE'I PHYAG RGYA NI LAG GA-YAS RDO RJE KHU TSUR BYAS PA'I STENG DU GA-YON PA'I MKHRIG MA BZHAG NAS LAG MTHIL BSTAN, SLAR GA-YAS GA-YON LDOG ,DE NAS GNYIS KA'I MTHIL MNYAM DU BSTAN PA'I MTHAR BYA KHYUNG GI PHYAG RGYA NANG LTA SNGAGS DANG BCAS PA LAN GSUM BRJOD LA, RIM PA LTAR BSANGS SBYANGS, BSKYED CING BYIN RLABS RNAMS NANG MCHOD LTAR SKAD CIG GIS BYA'O, ,'BUL BA'I YUL NI SGRUB MCHOD DANG 'BREL NA SNGAR BSHAD PA'I MDUN BSKYED LA PHUL BAS THUS PAS GSAR DU SPYAN 'DREN MI DGOS SHING, DE LTAR MIN NA RANG GI MDUN DU SRUNG 'KHOR DUR KHROD CHOS 'BYUNG GI NANG DU ZLA DKYIL DANG BCAS PA GSAL BTAB STE SGRUB THABS SU GSAL PA LTAR SPYAN DRANGS TE, ZLA BA'I DBUS SU RDO RJE RNAL 'BYOR MA BZHUGS PA'I MTHAR, 'KHOR BZHI DANG SO GNYIS SOGS SNGAR BSHAD PA LTAR BZHUGS PAR BSAM LA MGRON THAMS CAD KYI LJAGS LA RDO RJE DKAR PO RTZE GSUM PA'I DBUS {RVA} ? NAS 'OD ZER DKAR PO 'PHRO BAR BSAM LA RANG GI THUGS KA NAS RO RDO RJE MA THOD PA THOGS PA DPAG TU MED PA SPROS PAS GTOR SNOD NAS BDUD RTZI BCUS TE PHUL BAR BSAM LA RDO RJE THAL MO KHA PHYE BA'I PHYAG RGYA DANG BCAS TE {AOm} ? GSUM MA LA AA K'A RO BTAGS PA LAN GSUM GYIS 'BUL ZHING, 'BUL SNGAGS LAN DANG PO'I TSE BLA MA YI DAM SANGS RGYAS

, ,BYANG SEMS NYAN RANG RNAMS DANG, GNYIS PA'I TSE MDUN RGYAB KYI MKHA' 'GRO CHOS SRUNG DANG, GSUM PA'I TSE PHYI'I MTHA' SKOR GYI MGRON RNAMS LA DBUL LO, ,'BUL SNGAGS DAS YAR MGRON MAR MGRON THAMS CAD LA 'BUL BDE ZHING AA K'A RO'I SNGAGS DON 'BYUNG GZHI'I GTOR 'KHRID DU BSHAD PA LAS SHES PAR BYA GSUNGS, DE NAS PHYI NANG GI MCHOD BSTOD DANG 'DOD DON LA GSOL BA GDAB, GTZO 'KHOR THAMS CAD KYI RIGS BDAG GI THUGS KAR ZLA GANG NA LA H'Um YIG GI MTHAR YIG BRGYAS BSKOR BA LAS BDUD RTZI'I RGYUN BABS RANG GI MCHOD GTOR SOGS LA MI GTZANG BA'I NYAMS GRIB PHOG PA THAMS CAD DAG PAR BSAM LA GA-YAS RDO RJE SNYING GAR BZUNG ZHING GA-YON DRIL BU GSIL BA'I SGRAS STONG PA NYID KYI SGRA BSAGS PAS SDIG PA'I 'KHOR GSUM MI DMIGS PA'I RGYAS 'DEBS BZHIN PAR YIG BRGYA BZLAS, MA 'BYOR BA DANG ZHES SOGS KYIS BZOD GSOL DANG, AOm KHYED KYIS SOGS KYIS MGRON RNAMS RANG GNAS SU GSHEGS PAR BSAM LA GA-YON PA'I MTHEB SRIN GYIS SE GOL LAN GSUM GTOG PAS BRDA BYAS LA MDUN BSKYED DANG 'BREL BA'I TSE 'DAS LHA'I YE SHES PA DANG 'JIG RTEN PA RNAMS RANG GNAS SU GSHEGS SHING DAM TSIG PA RNAMS RANG LA BSDUS TE LAS KYI RJES MI MNGON PAR BYAS LA BSNGO SMON ? DANG SHIS BRJOD BYA'O, ,ZHES GSUNGS, DA NI DBANG BZHI LAM GYI LUS SU BSGRIGS PA ZHES BYA BA STON PAR BYA STE, RANG NYID YAN LAG BZHI RDZOGS SU BSKYED PA'I BSKYED RIM SNGAGS KYI 'KHOR LO BYA BA CHOS 'BYUNG PHYI MAS SRUNG 'KHOR, NANG MAS DUR KHROD

ZLA ? BAS DPA' BO, ,SNGAGS PHRENG YA RA LA WA DANG BCAS PAS DPA' MO MTSON BAS BUM DBANG GI LAM, SNYING GA'I CHOS 'BYUNG PHYI MAS GSANG GNAS KYI RTZA 'DAB SO GNYIS, NANG MAS LTE BA'I RTZA 'DAB RE BZHI, ZLA BAS SNYING GA'I RTZA 'DAB BRGYAD, DGA' 'KHYIL BZHIS MGRIN PA'I RTZA 'DAB BCU DRUG ,SNGAGS PHRENG GIS SPYI BO'I RTZA 'DAB SO GNYIS MTSON ZHING, DE THAMS CAD SNYING GAR BSGOMS PAS NI RTZA 'KHOR BZHI GAR GNAD DU BSNUN PA'I GO CHOD DO, ,'O NA RTZA 'KHOR LNGA BSHAD PAS GNAD DU BSNUN PA BZHI YOD PA'I RGYU MTSAN GANG SNYAM NA, LUS RTZA'I DKYIL 'KHOR, RTZA YI GE'I DKYIL 'KHOR, KHAMS BDUD RTZI'I DKYIL 'KHOR, SNYING PO RLUNG GI DKYIL 'KHOR TE DE BZHIR GNAD DU BSNUN PA'O, ,DE RNAMS MTSON BYED NI RIM PA LTAR, CHOS 'BYUNG GNYIS, BAm YIG SNGAGS PHRENG DANG BCAS PA, ZLA BA, RLUNG KHA SBYAR DU 'DZIN PA STE, DE RNAMS GSANG DBANG GI LAM MO, ,STENG MKHA' SPYOD KYI 'KHOR LO DGA' 'KHYIL DKAR PO LA BRTEN NAS STONG PA SGRUB PA, 'OG RLUNG GI DKYIL 'KHOR DGA' 'KHYIL DMAR PO LA BRTEN NAS BDE BA SGRUB PA, BAR SNGAGS KYI 'KHOR LO SNYING GA'I CHOS 'BYUNG YI GE SOGS LA BRTEN NAS BDE DROD SGRUB PA STE DGA' 'KHYIL GNYIS SNYING GAR 'DUS NAS STONG YAL DU SONG BA'I BDE STONG DBYER MED NI SHES RAB YE SHES KYI DBANG GI LAM MO, ,BDE STONG DE YANG RANG LUS RDO RJE RNAL 'BYOR MA'I RNAM PAR BSGOM PA SKU DAG PA SGYU MA'I SKU DANG, SEMS BDE STONG DBYER MED DU MOS PA THUGS DAG PA DON DAM 'OD GSAL TE SKU THUGS ZUNG DU 'JUG PA NI DBANG BZHI BA'I LAM STE 'DI LA DPA' BAR 'GRO BA'I TING NGE 'DZIN DANG BSAM MI KHYAB CES

, ,KYANG BRJOD DO, ,DE LTAR BSKYED RIM RNAL 'BYOR BCU GCIG 'DIS NI RGYAL MCHOG LNGA PAS, DBANG PO RAB 'BRING LUS 'DIS MKHA' SPYOD BGROD, THA MA BAR DOR DPA' BO MKHA' 'GROS BSU, ,CHES MYUR 'DA' KHA'I LAM GYIS SKAD CIG 'PHO, , YANG THA SKYE BA BRGYUD NAS DNGOS GRUB THOB, ,CES GSUNGS PA LTAR GANG ZAG RAB BZLAS BSGOM GYIS GROL BA, 'BRING SIN DHU RA'I SGRUB PAS GROL BA, THA MA BAR DOR DPA' BO DANG MKHA' 'GROS BSU BA, CHES MYUR BAR DO'I 'KHRUL SNANG SOGS MYONG MI DGOS PA'I PHYIR 'CHI KHAR 'PHO BAS GROL BA, YANG THA SKYE BA BRGYUD NAS MKHA' SPYOD 'GRUB PA SOGS GSUNGS PAS DBANG PO RAB 'BRING THA GSUM THAMS CAD KYIS NYAMS SU LEN PA GAL CHE LA, DE YANG, BYANG CHUB SEMS NI MA SKYES DANG, ,THE TSOM LDAN PA NYID DANG NI, ,BKA' BZHIN DU NI MI SPYOD PA, ,DAD PA MED NYID 'GRUB MI 'GYUR, ,ZHES LAm THUN MONG BAS RGYUD SBYANGS TE BYANG CHUB KYI SEMS KYIS RTZIS MA ZIN PA DANG, LAM NYAMS SU LEN PA'I TSUL LA THE TSOM GYI SGRO 'DOGS MCHOD PA DANG, BKA' BZHIN DU MI SPYOD PA STE DAM TSIG DANG SDOM PA TSUL BZHIN DU MI SRUNG BA DANG, LHA DANG BLA MA GDAMS NGAG SOGS LA DAD PA MA THOB PA RNAMS DNGOS GRUB 'GRUB PA'I GEGS SU GSUNGS LA, SLOB DPON ZHI BA'I YE SHES KYIS KYANG DNGOS GRUB 'GRUB PA'I RGYU BZHI NI, DAD PAS MI LDOG PA, SHES RAB KYIS THE TSOM MI ZA BA, TING NGE 'DZIN RTZE GCIG PA, SHIN TU GSANG BA RNAMS SO, ,ZHES BSHAD PAS, NOR BU RIN PO CHE MA GSANG NA DGRA SDANG BA LTAR GSANG SNGAGS ZAB MO'I NYAMS LEN RNAMS KYANG MA GSANG NA DNGOS GRUB KYI GEGS BYED CING, KHYAD PAR SNYAN BRGYUD KYI GDAMS NGAG ZAB MO RNAMS SHIN TU

GSANG DGOS PAS ZIN BRIS LA SOGS PA 'DI'I BYIN RLABS THOB KYANG SNYAN BRGYUD KYI ZAB KHRID MA THOB PA'I GANG ZAG SOGS LA MI STON PAR SHIN TU GSANG BA'I SGO NAS NYAMS LEN PHYOGS RE BAR MA SONG BA GAL CHE LA, RDO RJE PHAG MO'I BSKYED RIM 'DI NYID MKHA' SPYOD BSGRUB PA LA MCHOG YIN ZHING, 'DI'I YID BZLAS NI RDZOGS RIM SPROS BCAS KYI CHA DANG, ZHAR BYUNG RDZOGS RIM GNYIS KYANG YOD PAS BSKYED RDZOGS ZUNG 'BREL GYI NYAMS LEN YIN PAS BSKYED RIM GZHAN LAS KHYAD PAR 'PHAGS SO, ZHES GSUNGS SO, DE LTA BU'I LAM SBYANG GZHI SBYONG BYED NGO 'PHROD PA SOGS LA MKHAS PAR BYAS TE MA CHAG PAR NYAMS SU BLANGS, GZHI BSNYEN 'BUM PHRAG BZHI KHA SKONG GI SBYIN SREG DANG BCAS PA SONG ZHING YAR NGO MAR NGO'I TSES BCU MA CHAG PA DANG TSOGS KYI 'KHOR LO LA BRTZON PAR BYAS PAS DUS RE ZHIG NA LUS 'DI MA SPANGS PAR RDO RJE RNAL 'BYOR MAS MKHA' SPYOD DU 'KHRID PAR 'GYUR LA, DE YANG RMI LAM MAM DNGOS SU YI DAM GYI LHA GZHAN DANG BUD MED THA MAL PA'I RNAM PAS DUS DANG GNAS 'DI DANG 'DIR RDO RJE RNAL 'BYOR MA DANG MJAL BAR 'GYUR RO, ,ZHES LUNG STON PA'AM MI STON PAR BUD MED THA MAL PA'I RNAM PAR SPRUL PA DANG MJAL BA'ANG YOD PAS NGO SHES PAR BYA STE, BUD MED DU SPRUL BA'I RTAGS NI GZHAN LAS SHA MDOG DMAR BA, SKRA DANG MIG DANG SMA RA SMIN MAD MAR SER CAN, DPRAL BAR SHA'I DGA' 'KHYIL RIS TE RTAGS DE RNAMS YOD NA THE TSOM MI BYA BAR GA-YON NAS LAN GSUM BSKOR NAS, KHYOD MA BDAG NI BU YIN TE, ,DENG NAS BYANG CHUB 'BYUNG BAR DU, ,BYANG CHUB YAN LAG NU MA LAS, ,BYUNG BA'I RANG GI 'O MAS SKYONGS, ,ZHES DANG, YANG NA RJE BTZUN RDO RJE RNAL 'BYOR MAS ZHES SOGS GTOR

, ,'BUL SKABS KYI 'DOD GSOL GYIS SNYING THAG PA NAS GSOL BA GDAB PAR BYA STE DES LAG PA'I MKHRIG MA NAS BZUNG STE MKHA' SPYOD DU 'KHRID PAR 'GYUR LA, ZHING DER NI SLEBS TZAM NYID NAS GRUB PAS BCUD LEN GRUB PA BZHIN DU RANG LO BRGYAD CU LON PA'I RGAN PO'ANG BCU DRUG LON PA'I NA TSOD DU 'GYUR, TSE NYI ZLA DANG MNYAM, NAM MKHA' MDZOD LA MNGA' BRNYES TE YO BYAD THAMS CAD NAM MKHA' LAS 'BAB, RDO RJE RNAL 'BYOR MAS DNGOS SU 'DI'I LAM STON CING, GZHAN YANG SPRUL SKU'I SANGS RGYAS KYI ZHING DU PHYIN TE SANGS RGYAS LAS CHOS ZHU BA DANG, LAM LHAG MA NYAMS SU BLANGS TE RTEN DE LA BCU GSUM RDO RJE 'DZIN PA'I SA THOB PAR NGES TE DE NI GANG ZAG DBANG PO RAB BZLAS BSGOM GYIS GROL BA STE TSAR CHEN GYIS, DE LTAR PHYOGS DANG ZLA BA'I RNAL 'BYOR GYIS, ,ZHES PA NAS, MNGON SUM RIG 'DZIN GRONG DU 'KHRID PAR SHOG ,CES GSUNGS SO, ,ZHES GSUNGS, DE LTAR MA GYUR NA SIN DHU RA'I BSGRUB PA BYA STE 'DI LA GSUM, BSNYEN PA DANG, BSGRUB PA DANG, LAS LA SBYAR BA'O, ,DANG PO NI, AOm GSUM MA'I 'BRU 'BUM TSAR GNYIS GSUM GSOG PAR GSUNGS PAS TSAR GSUM BYED NA 'BUM PHRAG DGU BCU GO DRUG DGOS LA, BSNYEN PA BYA TSUL NI SNGAR BSHAD PA LTAR RO, ,GNYIS BSGRUB PA LA DKYIL 'KHOR GSUM GYI YO BYAD SNGAR BSHAD PA BZHIN LA SIN DHU RA'I DKYIL 'KHOR NI ME LONG SOGS LA SIN DHU RA BKRAMS NAS GSER GYI SKU BUS YI GE BRI DGOS LA, MCHOD PA YANG RANG NYID TSE 'DI BLOS GTONG BA YIN PAS 'PHRAL GYI NYER MKHO MA GTOGS DNGOS PO MTHA' DAG MCHOD PA'I RGYUR BSGYUR TE CI 'BYOR BA SHAMS LA BUM SGRUB DANG DBANG BZHAG

NAS THUN BZHIR BDAG MDUN SGRUB MCHOD DANG, BZLAS PA'I TSE MDUN BSKYED KYI THUGS KAR CHOS 'BYUNG NAS BAm YIG BAR BDAG BSKYED LTAR BSGOMS NAS DE LAS 'OD ZER SPRO BSDU SNGAR LTAR BYAS TE 'BUM PHRAG BZHI BZLA ZHING, THUN RER MDUN BSKYED KYI YE SHES PA GSHEGS, DAM TSIG PA RANG LA BSDUS TE 'BYOR NA SIN DHU RA THUN RE RE NAS BRJE ZHING DE MIN THUN THA MAR NGES PAR BRJES TE SNYING PA RNAMS MA GYAR BAR BAR BU LTA BUR BLUG STE DKYIL 'KHOR GYI 'OG TU BZHAG ,BZHI 'BUM SONG BA NA BDE MCHOG RTZA BRGYUD NAS KYANG ZUR CHA GSUNGS PAS BAL YUL RGYA GAR SOGS NAS THON PA'I LANGGA LI YA'I SHING 'BYOR NA RAB YIN LA, MA 'BYOR NA DO RGOD PAS BYA BAR BSHAD LA, DE NI SMAN GZHUNG DU DO BA ZHES KYANG 'BYUNG BA ME TOG ZHVA MO PAn THUNG 'DRA BA CAN BOD 'DIR THOR BU 'BYUNG BA DE YIN PAR MNGON TE PHAG GZUGS CHE BA LA PHAG RGOD ZER BA LTAR DO BA'I SDONG BO CHEN PO LA DO RGOD BZHIS GRAGS SAM GSUNGS, DE LTA BU'I SHING SBUBS CAN BTZAL LA TSES BCU'AM BRGYAD GANG RIGS LA GCOD CING DE'I TSE MA BCAD GONG DU SHAR LA BSTAN PA DER MI NOR BA'I MTSAN MA BYAS LA SRID DU MDZUB GANG NGAM SOR DRUG TZAM YOD PA BCAD NAS BYI DOR BYAS, BSANGS DANG GU GUL GYIS BDUGS, BDUD RTZI RIL BU BTAB BA'I NANG MCHOD KYIS BYUGS LA LAG PAR BZUNGS NAS AOm GSUM MA BRGYA RTZA BZLAS LA DE'I NANG DU SNGAR BSAGS PA'I SIN DHU RA RNAMS YE MA GYAR BA BLUG ,DGA' 'KHYIL GYI BAR YOD PA'I SHING GIS BSHAM BKAG ,RTZE MO PHYOGS KYI KHA YANG LEGS PAR BCAD DES RLANGS SOGS KYI SKYON MI 'BYUNG BAR BYAS, DAR DMAR POS DRIL, GROGS 'KHOR LO SDOM

, ,PA'I GZHI BSNYEN SONG BA ZHIG BTZAL LA SBA'I DBYUG PA SRID DU 'DOM PHYED YOD PA ZHIG GROGS LA GTAD, YAR NGO'I TSES BCU'I NYIN BAR DKYIL 'KHOR SNGAR LTAR BZHENGS TE SIN DHU RA'I DKYIL 'KHOR GYI DBUS SU SNGAR GYI SHING DE RTZA RTZE MA NOR ZHING BCAD GONG SHAR LA BSTAN PA DE MDUN LA PHYOGS PAR BZHAG NAS BSGRUB MCHOD BDAG 'JUG RNAMS RGYAS PAR BYAS, SA SROS NAS GROGS DANG LHAN CIG DUR KHROD DU PHYIN NAS DER CHOS 'BYUNG GRU GSUM GYI ZUR GCIG NUB TU BSTAN PA KHRU GANG TZAM BRUS BA'I NANG DU SIN DHU RA'I SHING BCUG GA-YA' BAG SOGS KYIS KHA BCAD, MIS MI SHES SHING RANG GIS MI NOR BA'I RTAGS BYAS PA'I STENG DU RANG KHA NUB TU PHYOGS TE RANG DANG 'OG GI SIN DHU RA DBYER MED DU BYAS TE BDAG BSKYED BZHIN BSGRUBS NAS AOm GSUM MA BZLA, GROGS KYIS SBA DBYUG THOGS TE BDE MCHOG GI BDAG BSKYED SNGON DU 'GRO BAS BAR CHAD BSRUNG BA'I PHYIR DU SUM BHA NI DANG AOm HRA'I: ? HA HA H'Um H'Um PHAt BZLA, 'DI DAG GI SKABS SU BSAM MI KHYAB THUN MONG MA YIN PA LA 'BAD CING, SROD 'KHOR TZAM LA GROL NAS KHYIM DU LOG LA NYIN LTAR BDAG MDUN CHOGS GTOR SOGS KYI MCHOD PAR BYA, DE NAS NUB RAm BZHIN DUR KHROD DU PHYIN LA TSES BCO LNGA'I BAR SROD 'KHOR TZAM DANG, NYI SHU'I BAR LA NAM GYI GSUM CHA TZAM DANG, DE NAS NYER BZHI'I BAR LA NAM GYI GSUM GNYIS TZAM DANG, NYER LNGA'I NUB MO MTSAN THOG THAG BZLAS, ? NAM LANGS NAS 'OG GI SIN DHU RA KHYER NAS SGRUB KHANG DU SNGAR LTAR DKYIL 'KHOR GYI DBUS SU BZHAG STE SGRUB MCHOD BDAG 'JUG SOGS RGYAS PAR

BYA'O GSUNGS, GSUM PA LAS LA SBYAR BA NI, DE NAS KU S'A LI'I CHAS SU GZHUG PAR BSHAD PA DUS RGYUN BAR GYI CHAS KYIS CHOG PAR MNGON LA, SIN DHU RA'I ZHABS KYI DGA' 'KHYIL GYI BAR RANG GI DPRAL BAR BTAB LA ME LONG KHYER TE PAR HA CANG GSAL NA CUNG ZAD MI MNGON PAR BYAS, SIN DHU RA GZHAN GYIS MI MTHONG BAR MCHAN KHUNG GA-YON DU 'CHANG, GROGS MED PAR SBA'I DBYUG PA THOGS TE RTZA RI GANGS RI LA SOGS PA'I GNAS DANG, TSONG DUS CHE SA DANG, SKUD 'TSONG MA'I KHROM LA SOGS PA BUD MED MANG SAR PHYIN TE RANG RNAL 'BYOR MA'I NGA RGYAL GYIS YE SHES KYI SPYAN GYIS GZIR NAS BLTAS PAS BUD MED RGYAL PO'I BTZUN MO LTA BU'AM SPRANG MO DANG, MDZE MO SOGS JI LTAR SNANG YANG RANG GI DPRAL BA'I DGA' 'KHYIL GYI RI MO BUD MED KYI DPRAL BAR 'PHOS PAR 'BYUNG BAS, DE LTA BU 'DUG NA ME LONG LA BLTAS TE RANG GI DGA' 'KHYIL SNGAR LAS MI GSAL DU SONG 'DUG NA THE TSOM MED PAR GA-YON SKOR DANG GSOL 'DEBS BYA STE DES RNAL 'BYOR MA YIN PA KHAS MI LEN PA LA SOGS PA 'BYUNG YANG, SNYING NAS GSOL BA BTAB PAS SNGAR LTAR MKHA' SPYOD DU 'KHRID PAR 'GYUR PAS DE LTA BU DANG MA 'PHRAD KYI BAR DU 'KHYAMS PAR BYA STE NANG RE BZHIN BZLAS SGOM LA BRTZON ZHING, TSES BCU'I MCHOD PA LA SOGS PA'I YO BYAD MED KYANG SNGAR GYI SIN DHU RA MDUN DU BZHAG NAS BSAM GTAN GYI SGRUB MCHOD BYA LA, DE LTA BU'I TSUL GYIS MKHA' SPYOD 'GRUB PA NI DBANG PO 'BRING ZHES BYA STE, SIN DHU RA LANGGA LI YA'I SDONG BUR BCAS, ZHES PA NAS, MKHA' SPYOD 'KHRID PAR SHOG CES GSUNGS SO, ,ZHES GSUNGS, DE LTAR

, ,'BAD KYANG MA 'GRUB NA TSE 'DIR LUS MA SPANGS PAR MKHA' SPYOD DU 'GRO BA'I NUS PA MED PAS DBANG PO THA MA ZHES BYA STE, DA DUNG LE LO MI BYA BAR NYAMS LEN CHAG MED DU BYAS NAS BLO SNYING BRANG GSUM GTAD NA NYEN CHE DUS SU SKYOB PA DKON MCHOG GSUM YIN PAS MA 'ONGS PA NA BAR DOR DPA' BO MKHA' 'GRO RNAMS BYON TE RANG NYID SENG GE'I KHRI LA BZHAG ,GDUGS DANG RGYAL MTSAN LA SOGS PA DANG ROL MO'I BYE BRAG SNA TSOGS DANG BCAS TE BSU MA MDZAD PA BDE MCHOG RTZA RGYUD LAS GSUNGS LA; 'ON KYANG BAR DO'I 'JIGS SKRAG SOGS MYONG MI DGOS PA'I PHYIR MYUR LAM 'PHO BA'I RNAL 'BYOR NYAMS SU BLANG BAR BYA'O, ,DE LA YAB BKA' DANG, YUM BKA' DANG, LHAN SKYES KYI 'PHO BA GSUM GANG MOS GCIG LA ZHAG BDUN LA SOGS PA MKHA' SPYOD 'GRUB PA'I LTAS MA BYUNG GI BAR DU SBYANGS, DE NAS MA BRJED TZAM BYA'O, ,LAS LA SBYOR BA'I DUS NI RDO RJE GDAN BZHI'I RGYUD LAS, DUS LA BABS NAS 'PHO BYA YI, ,DUS MIN LHA RNAMS GSOD BYED PA'O, ,ZHES DUS LA MA BABS PAR 'PHO NA LHA BSAD PA'I NYES PA DANG, PHUNG PO SANGS RGYAS LNGA BDAG NYID, ,DE LA BRNYAS BYED BRGYAD PA YIN, ,ZHES SNGAGS KYI RTZA LTUNG 'BYUNG BAS DE'I 'BRAS BU DMYAL BAR SKYE BA SOGS NYES DMIGS SHIN TU LCI'O, ,DE'I PHYIR 'CHI LTAS BRTAG DGOS PAS, RLUNG LOG PA DANG, LUS SEMS KYI SNANG TSUL 'GYUR BA DANG, RMI LTAS NGAN PA DANG, MKHA' 'GRO'I SGRA YAL BZHES RNA BA GNYIS BKAG PA NA 'UR SGRA MED PA DANG, NYI MA RTZE SHAR LA MGO BO'I GRIB MA LA BLTAS PAS MGO BO'I RLANGS PA MED PA DANG, MIG GI YAS RDZIB MNAN PAS 'OD DMAR KHOR KHOR MED PA SOGS

DUS GCIG TU BYUNG NA 'CHI LTAS YIN PAS BZLOG THABS BYA STE, TSE DANG, BSOD NAMS DANG, LAS NYAMS PA GSO BA'I THABS RIM PA LTAR TSE DBANG TSE SGRUB, DGE 'DUN LA BSNYEN BKUR DANG MCHOD SBYIN, GSOD DES KYI SROG BLU ? BA SOGS LA 'BAD CING, DES KYANG MA BZLOG NA DUS LA BABS PA YIN PAS NAD LA SOGS PA'I GNAD GCOD KYIS MA THEBS PA'I GONG DU 'PHO BAR GSUNGS KYANG NUS PA MA THOB PAS RLUNG STOBS KYIS LUS SEMS 'PHRAL BA SHIN TU DKA' ZHING 'CHI BA'I TSE RANG GZHAN GYI DMIGS STOBS DANG, LAS RLUNG RANG SHUGS KYIS 'DU BA SOGS KYI RTEN 'BREL TSOGS PA'I MTHUS 'PHO NUS SO, ,DE YANG 'CHI BA'I TSE RNAM SHES BSHAD LAM, CHU LAM, KHA; SNA; RNA BA, MIG ;LTE BA; MDZOD SPU ?, TSANGS PA'I PHU ? GA RNAMS NAS THON NA RIM PA LTAR DMYAL BA, DUD 'GRO ,YI DVAGS, GNOD SBYIN, GRUB PA'I LHA, MI, 'DOD KHAMS KYI LHA, GZUGS KHAMS, GZUGS MED KHAMS KYI LHA RNAMS SU SKYE BAR GSUNGS LA, SGO BRGYAD BKAG NAS SGO GCIG DBYE, GSUNGS PA LTAR, TSANGS PHUG MA GTOGS PA'I SGO BRGYAD BKAG NAS 'PHO BA DANG 'BREL BAS TSANGS BUG NAS 'PHOS NA SNGAGS SGRUB PA'I RTEN MKHA' SPYOD DU SKYE NGES PAR GSUNGS TE, NYIN RE BRAM ZE GSOD PA DANG, ,MTSAMS MED LNGA NI BYED PA DANG, ,ZHES SOGS GSUNGS PA LTAR MI DGE BA'I LAS GSOG TSABS SHIN TU CHE BA'ANG 'PHO BAS SNGAGS SGRUB PA'I RTEN KHYAD PAR CAN THOB PAR BSHAD PAS NYAMS LEN GYI GNAD LA MKHAS SHING, 'PHO BA'I DUS ZIN NA PHAN YON SHIN TU CHE'O, ,SGO BRGYAD DGAG TSUL LA BZHED TSUL MI 'DRA BA YOD KYANG, YONGS 'DZIN PAndI TA CHEN PO'I DGONGS PA LTAR LUS NANG GI DBUS DRANGS POR RTZA DBU MA LTE 'OG NAS TSANGS BUG LA ZUG PA'I

, ,YAR SNE MA GTOGS BU GA GTAN MED PA BYAS NA SGO GZHAN RNAMS BKAG PA DANG 'DRA ZHING LAS DANG PO PAS NYAMS SU BLANG BDE BAS DE LTAR BYA'O, ,GNYIS PA BCAD DON NYAMS SU LEN PA SEMS 'DZIN GYI BYA BA NI LOGS SU BKOD PA LTAR RO, ,GNYIS PA NANG GI MKHA' SPYOD GTZO BOR SGRUB PA RDZOGS RIM GYI RNAL 'BYOR NI, DE LTA BU'I NYAMS LEN GYI RIM PA 'DI NI MDO SNGAGS GZHAN LAS KHYAD PAR DU 'PHAGS PA STE, BDE MCHOG RTZA RGYUD LAS, JI SRID MDO BYA SPYOD PA DANG, ,RNAL 'BYOR GSANG MTHA'I DBYE BA NYID, ,CES GSUNGS PA'I DON LA BZHED TSUL MI 'DRA BA YOD KYANG, MDO ZHES PAS PHAR PHYIN THEG PA, BYA ZHES PAS SNGAGS KYI BYA RGYUD, SPYOD CES PAS SPYOD RGYUD, RNAL 'BYOR ZHES PAS RNAL 'BYOR RGYUD, GSANG MTHA' ZHES PAS GSANG SNGAGS KYI MTHAR THUG BLA MED DANG, DBYE BA NYID CES PAS GONG GI MDO RGYUD DE RNAMS SU DBYE, ZHES PA'I DON DU RJE RIN PO CHE BZHED CING, BLA MED LA'ANG PHA RGYUD MA RGYUD GNYIS SU YOD PA LAS MA RGYUD THAMS CAD KYI MCHOG NI 'KHOR LO BDE MCHOG YIN LA, DE'I NANG NAS KYANG RNAL 'BYOR MA 'DI NI SPROS PA CHUNG ZHING BSKYED RDZOGS KYI CHA LAG THAMS CAD TSANG PAS BDE MCHOG GI SNYING PO LTA BU YIN ZHING, LAS DANG PO PAS NYAMS SU LEN BDE BAS MCHOG TU GYUR PA'O, ,DE LA YANG BSKYED RDZOGS KYI CHA GNYIS SU YOD PA LAS PHYI'I MKHA' SPYOD GTZO BOR SGRUB NA BSKYED RIM NYAMS SU LEN TSUL SNGAR BSHAD PA LTAR GYIS CHOG LA, NANG GI MKHA' SPYOD GTZO BOR SGRUB NA BSKYED RIM LA GOMS PA MTHAR PHYIN PA'I RJES SU RDZOGS RIM LA SLOB DGOS SHING, DE'I TSUL NI, MTHONG GROL LAS, RDZOGS PA'I RIM

BAR GZHI LAM 'BRAS BU GSUM, ZHES GZHI CHOS CAN 'KHOR BA'I GNAD, LAM BSGOM PA'I GNAD, 'BRAS BU SANGS RGYAS KYI SA'I GNAD DO, ,LAM BSGOM PA'I GNAD LA CHOS NYID DNGOS SU STON PA DANG, BRGYUD NAS STON PA GNYIS KYI KHYAD PAR CHOS NYID DNGOS SU STON PA NI, DPER NA RGYA MTSO BLTA BAR 'DOD PA ZHIG LA DE RGYUS YOD PA ZHIG GIS RGYA MTSO NI KHA DOG DANG, DBYIBS DANG, LBU BA DANG, RBA RLABS SOGS 'DI DANG 'DI LTAR 'DUG GO ZHES BSHAD PA NA, NYAN PA POS DE'I ZER LUGS LA BRTAGS NA 'DI 'DRA ZHIG YOD PA 'DRA SNYAM DU SGRA CI'AM TSIG CI'I TSUL DU RTOGS KYANG RGYA MTSO DNGOS SU MTHONG MYONG BA LA 'CHAR BA LTA BU'I DON SPYI MI RTOGS SO, ,CHOS NYID BRGYUD NAS STON PA NI, DPER NA RGYA MTSO BLTA BAR 'DOD PA LA RGYA MTSO'I KHA DOG LA SOGS PA MI BRJOD PAR 'DI NAS RGYA MTSO'I BAR GYI LAM YIG LTA BU BSTAN NAS 'DI NAS 'DIR SLEBS TSUL SOGS LAM GYI SPYOD LAM RNAMS LEGS PAR BSTAN LA, DES KYANG JI LTAR BSGO BA BZHIN PHYIN PAS RGYA MTSO DNGOS SU MTHONG NAS SGRO 'DOGS THAMS CAD CHOD PA LTAR, 'DIR YANG NYAMS SU LEN TSUL RNAMS GO RIM MA 'KHRUL BAR BSTAN CING, DE BZHIN DU NYAMS SU BLANGS PAS MTSON BYED DPE'I YE SHES DON SPYI'I TSUL DU RTOGS LA, DE'I RGYUN BSKYANGS PAS MTSON BYA DON GYI YE SHES MNGON SUM DU RTOGS NAS BDE CHEN LHAN CIG SKYES PA'I YE SHES MNGON DU 'GYUR TE, SGAM PO PAS TING NGE 'DZIN BZANG PO YOD TSUL ZHUS PA LA RJE MI LAS NGA'I GTUM MO AA THUNG 'DI BSGOM DANG, DA GZOD SEMS KYI NGO BO MTHONG GI ZHES GSUNGS SO, ,DE'I PHYIR CHOS NYID DNGOS SU STON PA LAS BRGYUD NAS

, ,STON PA ZAB PA YIN NO, ,DES NA CHOS NYID DNGOS SU STON PA RE ZHIG BZHAG NAS RGYUD NAS STON PA 'CHAD PA LA, 'DI LA DPE GSUM STE, BSHAN PA SROG GI GNAD LA MKHAS PA, SHING MKHAN SHING GI GNAD LA MKHAS PA, SGYU MA MKHAN 'KHRUL 'KHOR GYI GNAD LA MKHAS PA'O, ,DANG PO NI, SROG GI GNAD LA MI MKHAS PA DU MAS SROG CHAGS ZHIG GSOD PAR 'DOD NAS DE'I YAN LAG GCOD PA SOGS LUS DUM BUR BTANG YANG DE MYUR DU 'CHI BAR MI 'GYUR LA, BSHAN PA SROG GI GNAD LA MKHAS PAS, GNAD DER SNYUNG BU LTA BU CUNG ZAD BSNUN PAS MYUR DU 'CHI BAR 'GYUR RO, ,GNYIS PA NI, RGYA GAR LHO PHYOGS d'A KI NI BA TA ZHES BYA BA NA SHING SDONG PO CHEN PO'I RIGS GCIG GCOD PA NA DE'I GNAD MI SHES PA DU MAS STA GRI THOGS TE PHYOGS RE NAS GCOD PA NA PHYOGS RE NAS RGYAS TE GCOD MI NUS LA, SHING MKHAN DE'I GNAD LA MKHAS PA GCIG GIS CHU RGYU BA'I GNAD DU LCAGS GZER BTAB STE BZHAG PAS MI RING BAR SDONG PO RANG NYID 'GYEL BAR GSUNGS, GSUM BA NI, RGYAL PO BHO DZA DE WA BYA BA'I KHYIM GYI SGO BZHIR SHING GI MI HRENG RAL GRI'I 'KHOR LO RGYUN MI CHAD PAR BSKOR BAS SRUNG BA NA, KHYIM DU 'JUG 'DOD PA 'KHRUL 'KHOR GYI GNAD MI SHES PA DU MAS THABS CI BYAS KYANG 'JUG MI NUS LA, DE'I GNAD SHES PA GCIG GIS SKUD PA PHRA MO GCIG BCAD PAS 'KHRUL 'KHOR THAMS CAD BZHIG STE BDE BLAG TU 'JUG NUS PAR GSUNGS, DE BZHIN DU RNAL 'BYOR BA LAM GYI GNAD LA MI MKHAS PAS KHA ? PHYIR BLTAS KYI 'BAD RTZOL JI LTAR BYAS KYANG GZUNG 'DZIN GYI RNAM RTOG MCHOD PAS BDE CHEN GYI YE SHES MYUR DU BSKYED MI NUS, LAM

GYI GNAD LA MKHAS PA'I RNAL 'BYOR PAS CUNG ZAD TZAM BSGOMS PAS KYANG RLUNG SEMS DBU MAR SDUD CING GNYIS SNANG GI RNAM RTOG CHOD NAS LHAN SKYES KYI YE SHES MYUR DU SKYE BAR 'GYUR RO, ,DE LTAR DPE GSUM GYIS DON GCIG 'JAL BA LTAR RNAL 'BYOR PA LAM GYI GNAD LA MKHAS PA ZHIG NGES PAR BYA DGOS LA, DE LA GZHI'I GNAS TSUL SHES DGOS PAS NA GANG GI SA BCAD DANG PO GZHI CHOS CAN 'KHOR BA'I GNAD LA GNYIS, LUS KYI GNAS TSUL DANG, SEMS KYI GNAS TSUL LO, ,DANG PO LA GSUM, RAGS PA, PHRA BA, SHIN TU PHRA BA'O, ,DANG PO NI BSHAD MA DGOS, GNYIS PA PHRA BA NI, GNAS BA RTZA, GA-YO BA RLUNG, BKOD PA BYANG CHUB KYI SEMS TE, DE YANG PHA MA'I KHU KHRAG GI DBUS SU RNAM SHES NYING MTSAMS SBYAR NAS LUS GRUB PA'I TSE, THOG MAR THIG LE'I DBUS SU RTZA DBU MA CHAGS, DE LAS RO RKYANG GNYIS GYIS, RTZA DE GSUM LAS SHAR GYI SUM SKOR MA, LHO'I 'DOD MA, NUB KYI KHYIM MA, BYANG GI GTUM ME STE RTZA 'DAB BZHI CHAGS, DE RE RE GNYIS GNYIS SU GYIS PA LA SNYING GA'I RTZA 'DAB BRGYAD CES GRAGS, DE RE RE LAS RDUL MUN SNYING STOBS KYI RTZA GSUM GSUM DU GYES PAS GNAS NYER BZHI'I RTZA DANG, DE RE RE LAS SKU GSUNG THUGS KYI RTZA GSUM GSUM DU GYES PAS BDUN CU DON GNYIS, DE RE RE LAS STONG PHRAG RE GYIS PA LAS STONG PHRAG DON GNYIS, DE LAS RTZA PHRAN BYE BA PHRAG PHYED BZHI GYES SO, ,DBU MA LA RO RKYANG GIS MDUD MTSAMS SU RTZA 'KHOR RE RE STE, SPYI BOR RTZA 'DAB SO GNYIS, MGRIN PAR BCU DRUG ,SNYING GAR BRGYAD, LTE BAR RE BZHI STE 'KHOR LO BZHI MA DANG, GSANG GNAS SU SO GNYIS, NOR BU'I RTZER RTZA 'DAB BRGYAD DE 'KHOR

, ,LO DRUG MA'O, ,SNYING GAR KHAMS DKAR DMAR GYI DBUS SU RLUNG SEMS 'THUMS NAS RTZA MDUD KYIS BSDAMS TE GNAS PA LAS KHAMS DKAR PO YAR 'PHEL TE GTZO CHE BA SPYI BOR GNAS SHING LUS KYI KHU RUS RKANG GSUM GRUB, KHAMS DMAR PO MAR 'PHEL NAS GTZO CHE BA LTE BAR GNAS SHING SHA KHRAG PAGS GSUM GRUB STE RIM BZHIN LUS RDZOGS PAR 'GYUR LA, RTZA RNAMS DPA' MO DANG, RTZA NANG GI KHAMS RNAMS DPA' BO'I NGO BOR GNAS SHING, GSANG GNAS SU THUR SEL SA KHAMS, LTE BAR MNYAM GNAS RLUNG KHAMS, SNYING GAR SROG 'DZIN CHU KHAMS, MGRIN PAR GYEN RGYU ME KHAMS, BA SPU THAMS CAD LA KHYAB BYED NAM MKHA'I KHAMS KYI RLUNG GNAS PA LAS RLUNG SEMS DBU MAR BSDU BA'I THABS LA LTE BA'I RTZA 'KHOR LA GNAS DU BSNUN BA MCHOG TUS LUGS BZHED LA, DGE LUGS NI SNYING GA'I RTZA 'KHOR MCHOG TU BZHED CING, RLUNG GZHAN RNAMS BSGOM STOBS KYIS DBU MAR 'DU NUS KYANG, KHYAB BYED KYI RLUNG NI DE KHO NAS 'DU MI NUS PAS PHYI'I RKYEN LAS RGYA LA'ANG LTOS DGOS SO, ,GSUM PA LUS SHIN TU PHRA BA NI SPYIR STONG PA BZHIN DANG, KHYAD PAR THAMS CAD STONG PA 'OD GSAL GYI BZHON PAR GYUR PA'I RLUNG NGO, ,GNYIS PA SEMS KYI GNAS TSUL LA GSUM LAS, SGO LNGA'I DBANG SHES RAGS PA DANG, RANG BZHIN BRGYAD CU'I KUN RTOG PHRA BA DANG, THAMS CAD STONG PA 'OD GSAL GYI NGO BOR GYUR BA'I SEMS NI SHIN TU PHRA BA STE, RLUNG SEMS SHIN TU PHRA BA DE GNYIS NGO BO GCIG LA LDOG PA THA DAD DU BZHED CING, DE GNYIS THOG MED NAS SANGS RGYAS MA THOB KYI BAR DU'ANG MI 'BRAL ZHING

THOB NAS KYANG MI 'BRAL BAS NA LHAN SKYES SAM, GNYUG MA'AM, MI SHIGS PA'I THIG LE ZHES KYANG BYA'O, DE YANG RANG NYID LTA BU 'CHI BA 'OD GSAL MNGON DU GYUR PA NA, RNAM RTOG RAGS PA THIM PA'I RJES SU, SNANG BA'I RANG BZHIN GYI KUN RTOG SO GSUM, , MCHED PA'I RANG BZHIN BZHI BCU, NYER THOB KYI RANG BZHIN BDUN TE RANG BZHIN BRGYAD CU'I KUN RTOG RNAMS THIM NAS SNANG BA DKAR LAM, MCHED PA DMAR LAM, NYER THOB NAG LAM RNAMS RIM GYIS 'BYUNG ZHING, NYER THOB KYI SMAD LA DRAN MED DU BRGYAL BAR GSUNGS PAS BRGYAL YUN JI TZAM RING BA DE TZAM GYIS 'OG GI 'OD GSAL BRTAN PAR 'GYUR BAS SKYON MIN LA, BRGYAL BA SANGS NAS NYER THOB 'OD GSAL DU THIM PA NA 'CHI BA MNGON DU 'GYUR ZHING DE LA MA'I 'OD GSAL ZHES DANG, DA LTA MOS PA YID BYED TSUN GYIS BSGOM PA NI BU'I 'OD GSAL TE DE LA GOMS PA MTHAR PHYIN PA'I MTHUS MA'I 'OD GSAL NGO SHES TE 'OD GSAL MA BU 'PHROD PA ZHES DANG, DE LA RTZE GCIG TU YUN RING POR 'JOG NUS PA LA ZHAL 'DON BYUNG BA ZHES GRAGS LA, 'OD GSAL DE LAS LDANG BA NA BAR DO 'GRUB PA'I DOD LA SGYU LUS SU LDANG YANG, THA MAL PAR LHAN SKYES MA RIG PAS BSGRIBS NAS NGO MA SHES PAS 'CHI SRID 'GAG BA DANG MNYAM DU SHIN TU PHRA BA'I SEMS KYIS LHAN CIG BYED RKYEN DANG, DE'I BZHON PA'I RLUNG GIS NYER LEN BYAS TE BAR DO 'GRUB BO, ,BAR DO BA DE SHA RUS RDOS BCAS KYIS STONG ZHING, RTZA MED PAS RLUNG RANG KHA RGYAL NAS SEMS LA RANG DBANG MI THOB, KHAMS MED PAS NYI ZLA'I SNANG BA MI 'CHAR, TSOR BA DANG, 'DU SHES DANG, 'DU BYED DANG, RNAM SHES

, ,BZHI TSOGS PA'I MING GZHI 'KHYAMS BO BYA SPU RLUNG GIS BSKYOD PA BZHIN PHYOGS KUN TU YUD YUD 'KHYAMS PA 'KHRUL SNANG SNA TSOGS PAS GZUNG ZHING LAS DBANG GIS SKYE BA GANG DU LEN PA'I PHA MA GNYIS NYAL PO BYED PA MTHONG STE PHOR SKYE NA PHA LA SDANG ZHING MA LA CHAGS PA DANG, MOR SKYE NA DE LAS LDOG PA'I CHAGS SDANG DRAG PO SKYES TE SLAR YANG BAR DO BA DE 'CHI BA MNGON DU GYUR NAS SKYE SRID 'GRUB BO, ,ZHES GSUNGS, DE LTAR LUS LA RTZA PHRAN JI SNYED YOD PA THAMS CAD KYI NANG NAS MCHOG TU GYUR PA NI DBU MA NYID YIN TE, BDE MCHOG RTZA RGYUD LAS, PHO NYA LHAN GCIG SKYES GRUB PA, ,MCHOG DANG 'BRING DANG THA MA STE, ,ZHES PHYI NANG GSANG GSUM SO SOR PHO NYA MCHOG 'BRING THA MA GSUM RE YOD PAR GSUNGS PA LAS, NANG GI PHO NYA'Am RIGS LDAN MA GSUM NI DBU MA RAB, SNYING GA'I RTZA 'DAB BZHI 'BRING, GNAS NYER BZHI DANG DBANG PO'I SGO BRGYAD KYI RTZA THA MA YIN LA, PHO NYA ZHES PA'I DON 'DOD DON MYUR DU SGRUB PA'I PHO NYA ZHES GSUNGS TE, DPER NA 'JIG RTEN NA RANG GI DON SGRUB PAR BYED PA'I MI DE LA PHO NYA 'AM, BANG CHEN NAM, BYA MA RTA ZHES BRJOD PA LTAR, 'DIR YANG GANG LA GNAD DU BSNUN NA LHAN SKYES KYI BDE CHEN MYUR DU BSKYED PA'I PHYIR PHO NYA ZHES GSUNGS LA, PHO NYA GSUM GYI NANG NAS DBU MA RAB YIN PA NI, LHAN SKYES KYI BDE CHEN SKYE BA LA RLUNG SEMS DBU MAR 'DU BA SNGON DU 'GRO DGOS SHING, DE NI RTZA GZHAN DANG GZHAN LA YUN RING DU GNAD DU BSNUN PA LAS DBU MA LA CUNG ZAD TZAM BSNUN PA CHES MYUNG BSO, ,DE'I PHYIR BDE MCHOG RTZA RGYUD LAS, DBUGS 'BYIN BAR MA MCHOG DAG DANG, ,DRI

YI CHU DANG BCAS PAS KYANG, ,RNAL 'BYOR DUS KYI KHYAD PAR GYIS, ,RIGS LDAN RTAG TU MCHOD PAR BYA, ,ZHES GSUNGS PA LTAR RNAL 'BYOR PAS PHYI NANG GSANG GSUM GYI PHO NYA'AM RIGS LDAN MA RNAMS MCHOD PAR BYA STE, 'DI'I DON BSKYED RDZOGS SO SOR SBYOR TSUL MI 'DRA BA YOD PA LAS, SKABS 'DIR RDZOGS RIM CHAGS BRAL RNAL 'BYOR GYI LAM LA SBYAR NA MCHOD PAR BYA, ZHES BSHAD GZHIR DRANGS, GANG GIS NA RNAL 'BYOR GYIS TE BSKYED RIM RGYAS BSDUS SNGON DU SONG NAS LHA'I RNAL 'BYOR GYIS SO, , GANG LA NA RIGS LDAN MA RTZA DBU MA LA'O, ,GANG GI TSE NA DUS TE SNGA DRO LA SOGS PA'I DUS DRUG TU'O, ,DBUGS 'BYIN NI RO RKYANG GNYIS KYI RLUNG 'BYIN PA'O, ,BAR MA NI 'BYIN PA DE RO RKYANG GI BAR NA YOD PA'I DBU MA LA THIM PA'O, ,MCHOG NI DE LA RTZA 'KHOR DU MA YOD PA LAS LTE BA'I RTZA 'KHOR LA GNAD DU BSNUN NA BDE CHEN 'DREN PA LA MCHOG GO ,DRI NI SI HA LA STE RAKTA YIN PAS LTE BA'I KHAMS DMAR PO'O, ,KYANG GI SGRAS KHAMS DMAR PO DER MA ZAD SPYI BO'I BYANG SEMS STON PAS KHAMS DKAR DMAR GYI 'DU 'PHROD LA BRTEN NAS LHAN SKYES KYI BDE STONG GIS RIGS LDAN MA RTZA DBU MA MCHOD PAR BYA'O, ,ZHES SO, ,DE YANG LTE BA'I RTZA 'KHOR LA GNAD DU BSNUN PA BDE CHEN 'DREN PA LA MCHOG YIN PA'I RGYU MTSAN NI, SNYING GA'I RTZA 'KHOR GYI DBUS SU PHA LAS THOB PA'I KHAMS DKAR PO GTZO CHE BA YUNGS KAR SBOM PO'I TSID TZAM RJE BTZUN YAB KYI NGO BO BA SANTA STE BOD SMAD DU DPYID CES PA H'Um CHA LNGA PA'I RNAM PA STE, A'U DANG, HA'I LUS DANG, HA'I MGO BO DANG, ZLA TSES, THIG LE N'A DA DANG BCAS PA RNAMS

, ,RIM PA LTAR, DON GRUB, SNANG MTHA', RIN 'BYUNG, RNAM SNANG, MI BSKYOD PA'I NGO BOR BZHUGS PA'O, ,DPYID CES PA NI 'JIG RTEN NA DPYID KYI DUS SU BRANG DRO SNYOMS PA DANG RTZI SHING ME TOG SOGS RGYAS SHING SEMS CAN RNAMS KYANG CHAGS PA SHAS CHE BAS BDE BA'I RNAM PAR SPYOD BA LTAR, 'DIR YANG BDE BA'I RTEN KUNDA LTA BU'I BYANG SEMS KYIS BDE CHEN GYI YE SHES BSKYED PA'I PHYIR DPYID CES GSUNGS SO, ,LTE BAR RTZA MDUD GRU GSUM GYI DBUS SU MA LAS THOB PA'I KHAmS DMAR PO GTZO CHE BA YUM GYI NGO BO TI LA KA ZHES PA SKABS 'DIR BAm YIG GI RNAM PAR BZHUGS LA, DES NA NAM DUS DPYID KA 'BYUNG BA NI SA CHU DROS PA LA RAG LAS PA LTAR, 'DIR YANG SNYING GA'I YAB DPYID BSKUL BA'ANG LTE BA'I YUM TI LA KA LA RAG LAS PAS NA THOG MAR LTE BA'I RTZA 'KHOR LA GNAD DU BSNUN PAR BYA'O, ,ZHES GSUNGS, DE LTAR LAM GYI GNAD LA MKHAS PAR BYAS TE NYAMS SU LEN PA LA, PHYI MAR CHAGS CAN CHAGS BRAL RNAM PA GNYIS, ZHES PHYI MA CHOS NYID BRGYUD NAS STON PA LA CHAGS CAN PHO NYA'I LAM DANG CHAGS BRAL RNAL 'BYOR GYI LAM GNYIS, DANG PO NA RE ZHIG BZHAG NAS, GNYIS PA LA, CHAGS BRAL RLUNG SEMS DBU MAR BSDU BSGOM ZUNG, ZHES RLUNG SEMS DBU MAR BSDU BA DANG, BSDUS NAS BSGOM PA'I TSUL GNYIS SO, ,DANG PO NI, SKYABS 'GRO NAS YID BZLAS KYI BAR BTANG NAS ZHAR BYUNG RDZOGS RIM BZHAG KYANG CHOG LA, DE NAS LUS GNAD BCAS TE LUS DKYIL SOGS KYI RNAM PA MI BYA BAR LUS NANG THAMS CAD DMAR

GSAL STONG SENG NGE YOD PAR BSAM LA STONG RA YUG CIG BSGOM LA LUS NANG GI DBUS SU DBU MA KHYAD CHOS GSUM LDAN MDA' SNYUG TZAM MAR SNE BHO GA DANG YAR SNE SPYI BO'I SMIN MTSAMS SU ZUG PA, DE'I GYAS SU RO MA DMAR PO DANG GYON DU RKYANG MA DKAR PO GNYIS GRO SOG TZAM REG LAM 'BYAR BA'I TSUL DU GNAS PA'I MAR SNE DBU MA'I NANG DU CHUD CING, YAR SNE SNA BUG GNYIS SU ZUG PA DVANGS SHING GSAL BA, LTE BA'I BU GA'I THAD DU RTZA GSUM SBUBS GCIG TU 'DES PA'I NANG DU RAm YIG DMAR NAG ZLA TSES NA'AD DANG BCAS PA RIL MA TZAM BSGOM, DE NAS DNGOS SU SNA GA-YAS GA-YON GANG NAS RLUNG RGYU YANG SNA MI DGAG PAR THOG MAR SNA BUG GA-YON LA MIG DANG SEMS GTAD NAS RLUNG DAL BUS LAN GCIG 'DUD, DE BZHIN DU GA-YAS DANG SNA GNYIS KA LA DMIGS NAS LAN RE 'BUD, SLAR YANG GA-YON NAS GNYIS KA'I BAR LAN GNYIS RE STE RLUNG RO DGU PHRUGS SU BSAL BAR BYA'O, ,DE NAS 'OG RLUNG SNYAN GSAN 'BEBS PA LTAR CUNG ZAD THEN PA'I RJES SU STENG RLUNG DAL BUS RDUB NAS MCHIL MA SGRA MED MID PA DANG MNYAM DU DBU MA'I NANG GI LTE BAR MNAN, LTO BA SGAL TSIGS LA SBYAR NAS 'OG SGO TSUM TZAM BYAS LA 'OG RLUNG RDZOGS PAR THEN LA, RANG SEMS RAm ? YIG LA ZHUGS PA BZHIN BYAS TE RLUNG GIS RAm YIG SBAR BAS SHIN TU DMAR ZHING ME 'OD PHRA MO CUNG ZAD 'BAR BAS LTE BA'I RTZA SBUBS DMAR SENG SENG SONG BAR BSAM LA MI BDE BA MI MNGON TZAM DU BZUNG ZHING SLAR KHA NAS YE MA SHOR BAR DAL BU DAL BUS BTANG, SLAR YANG SNGAR BZHIN LAN BDUN TZAM BZUNG, DE NAS

, ,RAm YIG CHER 'BAR BAS RTZA PHRAN THAMS CAD LA KHYAB PAS KHAMS SNYIGS MA RNAMS DANG SDIG SGRIB LHAN CIG TU CHAm CHAm SKAM ZHING BSREGS PAR BSAM LA LAN BDUN TZAM BZUNG, YANG SNGAR BZHIN BSKYANGS PAS STOD KYI KHAMS DVANGS MA THAMS CAD ZHU BA RTZA GSUM BRGYUD NAS DBU MAR THIM, SMAD KYI KHAMS DVANGS MA RNAMS KYANG RTZA GSUM LA THIM ZHING RO RKYANG GI MAR SNE DBU MAR BCUG PA LAS RTZA GNYIS KYI KHAMS THAMS CAD DBU MAR DRANGS TE LUS KYI KHAMS DVANGS MA THAMS CAD 'DUS NAS DBU MA KHAMS DKAR PO DNGUL CHU'I MDOG CAN GYIS MER GYIS GANG BAS BDE BA CHEN PO SKYES, DES YUL STONG PA NYID NGES PA'I BDE STONG LA 'JOG BZHIN DU LAN BDUN LA SOGS PA BZUNG, 'DI DAG GI SKABS SU GRANG BA SHAS CHEN 'OG RLUNG SNGON LA 'THEN PA DANG, KHRAG RLUNG SHAS CHEN STENG RLUNG SNGON LA GNON DGOS PA'I GNAD SHES PAR BYA'O, ,DE LTAR NYAMS SU BLANGS PAS THOG MAR DROD RGYA CHE BA DANG, DE YANG MYUR DU SKYE BA DANG, SHA LPAGS KYI MTSAMS NAS SKYE BA LTA BU BYUNG NA GDAD DU MA SONG BA YIN LA, LTE BA'I DKYIL NAS DROD KHAB RTZE LTA BU RGYA CHUNG ZHING SKYE DKA' DKA' LTAR BYUNG NA GNAD DU SONG BA YIN NO, ,DE NAS THUN GROL BA NA LUS DKYIL SOGS LAM GYIS BSAL BTAB LA BSAM MI KHYAB BYAS TE THUN MTSAMS LA 'JUG GO ,ZHES GSUNGS, ` GNYIS PA RLUNG SEMS DBU MAR BSDUS NAS BSGOM PA LA, BSGOM PAR BDE BA DANG NI STONG PA SGRUB, CES RLUNG LUS LA GNAS PAS BDE BA SGRUB PA DANG, RLUNG SEMS LA GNAS PAS STONG PA'AM 'JA' LUS SGRUB PA'I TSUL GNYIS SO, ,DANG POR

NI, RLUNG DBU MAR BSDU BA YAN CHAD SNGAR BZHIN LA, DE NAS RO RKYANG GNYIS DANG DBU MA'I NANG GI KHAMS RAm YIG DANG BCAS PA 'JA' YAL BA LTAR BSAM LA, DBU MA'I YAR SNE SPYI BO NAS GUG STE SMIN MTSAMS SU ZUG CING, MAR SNE BHA GAR ZUG PA PADMA 'DAB MA GSUM PA'I DBYIBS CAN SDUG SDUG PA'I ZE'U 'BRU'AM LTE BA DKAR PO, YAR SNE MAR SNE GNYIS KAR CHOS 'BYUNG DMAR PO GRU GSUM PA KHA PHYIR BSTAN GYI RTZA BA PHRA BA DBU MA'I NANG DU ZUG PA LA BU GA THAL LE YOD PA, ZUR GNYIS 'OG DANG, ZUR GCIG STENG DU PHYOGS PA, YAR SNE'I CHOS 'BYUNG GI NANG DU THIG LE DBUS DKAR, MDUN NAM SHAR SNGO, LHO SER, NUB DMAR, BYANG NGAM GA-YON LJANG GU STE KHA DOG LNGA LDAN DBYIBS ZLUM PO RANG RANG GI KHA DOG DANG MTSUNGS PA'I 'OD ZER 'PHRO BAR BSAM LA RLUNG RO BSAL NAS THIG LE DE LA RANG SEMS ZHUGS PA LTAR BYAS TE SMIN MTSAMS BDE LHANG LHANG BYUNG BA SOGS RTAGS MA BYUNG GI BAR RAM, BYUNG BAR MOS LA RE ZHIG BSGOM, DE NAS THIG LE DE NYID BDE 'KHRIL GYIS DBU MA'I NANG NAS YAR SONG, SPYI BO'I DBU MA GUG MTSAMS SU SNGON PO MDUN LA PHYOGS TE SNGAR LTAR BSGOM, DER YANG RTAGS SNGAR BZHIN BYUNG BA'AM MOS LA THIG LE DE KHAR GNAS BZHIN DU DBUS KYI DKAR PO LAS BYANG SEMS DKAR PO SHIN TU PHRA BA ZHIG DAR SKUD BRKYANGS PA LTAR NA RAR BYUNG BA MGRIN PAR SLEBS PA NA YAS BABS KYI DGA' BA SKYES PAR MOS LA CUNG ZAD BZHAG ,DE BZHIN DU SNYING GA DANG LTE BA DANG, GSANG GNAS SU SLEBS PA NA MCHOG DGA' DANG, KHYAD DGA' DANG LHAN SKYES

, ,KYI DGA' BA SKYES PAR BSAM LA GNAS SO SOR CUNG ZAD RE BZHAG ,DE NAS LHAN SKYES DE JE RGYAS SU SONG BAR MOS LA BHA GA'I CHOS 'BYUNG DU SLEBS NAS CHOS 'BYUNG LAS SOR BYED GSUM TZAM PHYIR THON NAS MYUG MYUG BYED PAR BSAM ZHING, 'DI DAG GI SKABS SU RLUNG 'DZIN MIN GANG BDE BYA LA, KHAMS 'DZAG PA'I NYEN BYUNG NA GSANG GNAS SU RLUNG MI 'DZIN CING, SOR GANG DANG PHYED DO LA SOGS PA RANG GI NYAMS DANG BSTUN NAS NANG DU BSKUMS LA BDE STONG GI NGANG DU CI NUS 'JOG GO ,SLAR YANG DAL BUS RIM GYIS YAR BSDUS TE LTE BA DANG, SNYING GA DANG, MGRIN PA DANG, SPYI BO'I THIG LE LA THIM PA'I BAR GNAS SO SOR CUNG ZAD RE 'JOG BZHIN DU MAS BRTAN GYI DGA' BA DANG, MCHOG DGA' LA SOGS PA'I LUGS LDOG GI DGA' BZHI 'DREN BZHIN DU BYA'O, ,'DI DAG GI SKABS SU RNAL 'BYOR PA RTOGS PA SHIN TU MTHO BAS DGA' BZHI RE RE LA'ANG DGA' BA'I DGA' BA LA SOGS PA'I CHA PHRA MO RNAMS KYANG SPU RIS 'BYED NUS PAR GSUNGS SO, ,DE LTAR LUGS 'BYUNG LUGS LDOG GI DGA' BZHI 'DREN BZHIN DU BSKYANGS PA'I MTHAR THUN GROL BA NA SPYI BO'I THIG LE SNYING GAR PHAB NAS THUN BSDU TSUL SNGAR BZHIN BYA'O ZHES GSUNGS,, ` GNYIS PA RLUNG SEMS LA GNAS PAS STONG PA'AM 'JA' LUS BSGRUB PA NI, THIG LE KHA DOG LNGA LDAN SPYI BOR BSGOMS PAS BDE LHANG BA BYUNG BA'I BAR SNGAR BZHIN LA, DE NAS THIG LE DE LAS 'OD ZER SNA LNGA 'JA' 'OD LTA BU BUN GYIS 'PHROS PAS RTZA DANG, MGO BO DANG, LUS KYI STOD SMAD SOGS LA RIM GYIS PHOG PAS REG PA TZAM GYIS

RANG RANG GI DBYIBS LA 'JA' 'OD KHA DOG LNGA LDAN DU GYUR, SLAR YANG PHYIR 'PHROS TE RGYA JE CHER SONG NAS GNAS KHANG DANG, YUL KHAMS DANG, RGYAL KHAMS DANG, 'DZAM BU'I GLING DANG, GLING BZHI DANG, STONG GSUM PA'I 'JIG RTEN LA SOGS PA MDOR NA NAM MKHA'I MTHA' DANG MNYAM PA'I SNOD BCUD THAMS CAD LA KHYAB PAS DE THAMS CAD BDE STONG GI NGO BO'I 'JA' 'OD 'BA' ZHIG TU BSAM LA LHAN SKYES KYI BDE STONG DE'I NGANG LA CI NUS 'JOG GO ,DE NAS ME LONG LA HA BCANG BLTAR MTHA' NAS RIM GYIS BSDUS TE GNAS KHANG RANG LUS DANG BCAD PA'ANG SPYI BO'I THIG LE LA THIM ZHING, THIG LE DE YANG STONG YAL DU GTONG BA'AM, DE'I GNAS 'PHYUGS DOGS BYUNG NA YUNGS 'BRU TZAM LA SEMS BZUNG NAS BDE STONG GI NGANG DU BZHAG ,SLAR YANG RTZA DANG THIG LE DANG LHA'I RNAM PA SOGS LAM GYIS GRUB PAR BSAM LA YANG SNGAR BZHIN SPRO BSDU LA BSLAB PAR BYA'O, ,NUS PA THON PA'I RNAL 'BYOR PAS DE LTAR GCIG BSGRIL DU NYAMS SU BLANGS PAS LUS YANG PA DANG, SGRUB KHANG LA 'JA' ZUG PA SOGS KYI RTAGS BYUNG BA NA, RLUNG NGAR GYI REG BYA SNGAR PHAN MI BZOD PA, TSA BA'I DUS SU ME DANG NYI MA LA SDOD PA DANG, DGUN DUS CHU'I REG BYA MI BZOD PA'I SAR BSDAD NAS SNANG SRID THAMS CAD SNGAR BZHIN BSGOMS PAS REG BYA MI BZOD NA SGRUB KHANG DU LOG LA BSGOM ZHING, BZOD NA DE NYID JE RGYAS SU BTANG LA GROGS KYIS DBYUG PAS BSNUN PA SOGS BYAS KYANG MI TSOR BAR BDE STONG LA 'JOG NUS PA NI 'BYONGS PA'I TSAD DO, ,ZHES GSUNGS, DA NI SNGAR BSHAD PA'I GANG ZAG THA MA DES 'PHO BA'I RNAL 'BYOR NYAMS SU LEN

, ,TSUL 'CHAD PAR BYA STE, 'DI LA GNYIS, 'PHO BA SBYONG BA DANG, LAS LA SBYAR BA'O, ,DANG PO LA GNYIS, YAB YUM LHAN SKYES LA BRTEN PA DANG, YUM RKYANG LA BRTEN PA'O, ,DANG PO NI, SKYABS 'GRO NAS SRUNG BA'I BAR SNGAR BZHIN BTANG NAS TSANGS BUG GI THAD DRANGS PA'I KHRU GANG TSAM GYI MDUN DU SENG KHRI BAD ZLA NYI MA 'JIGS DUS KYI GDAN LA BLA MA HE RU KA SKU MDOG SNGON PO ZHAL GCIG PHYAG GNYIS RDOR DRIL 'DZIN PAS YUM GYI MTSAN 'OG NAS 'KHYUD CING, ZHABS GA-YAS BRKYANGS SHING GA-YON BSKUMS PA, STAG LPAGS KYI SHAM THABS DANG PHYAG RGYA DRUG GIS BRGYAN PA, DE'I BDAN YUM RDO RJE PHAG MO SNAR JI LTA BA BZHIN LA KHA ? t'Am GA MED PA, PHYAG GA-YON THONG KHRAG 'DZIN PAS YAB KYI MGUL NAS 'KHYUD CING, GA-YAS GRI GUG NAM MKHAR 'PHYAR BA, ZHABS GNYIS YAS KYI BRLA'I STENG NAS 'KHRIL BA, DE'I MTHAR BDE CHEN PHYIR MA MOS BZHI ? SKU GSUNG THUGS KYI DPA' BO DANG DPA' MO, ,DAM TSIG GI 'KHOR LO'I SGO MTSAMS MA BRGYAD BCAS KYIS BSKOR NAS BZHUGS PA SNANG LA RANG BZHIN MED PA'I GTZO 'KHOR THAMS CAD KYI GNAS GSUM RDO RJE GSUM GYIS MTSAN PA, YAB KYI THUGS KA'I H'Um LAS 'OD ZER 'PHROS, PHYOGS BCU'I SANGS RGYAS THAMS CAD SPYAN DRANGS NAS DE RNAMS LA THIM ZHING, 'JA' 'OD KYI DBUS NA BZHUGS PA DAG PA MKHA' SPYOD DNGOS SU MOS, SGO MTSAMS MA BRGYAD KYIS RANG MKHA' SPYOD DU 'PHO BA LA GEGS BYED KYI BGEGS BSKRAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU DBYANGS LEN, BDE CHEN GYI LHA MO BZHIS NYER SPYOD

DANG ROL MO, GDUGS DANG RGYAL MTSAN LA SOGS PAS RANG LA MCHOD PAR BYED, RANG GI THUGS KA NAS SPROS PA'I MCHOD PA'I LHA MO RNAMS KYIS LHA TSOGS RNAMS LA MCHOD PAR BSAM LA AGRAHAm SOGS KYIS PHYI MCHOD DANG, AOm GU RU TZA KRA SA MAGHA RA SA PA RI W'A RA AOm A'A: H'Um GIS NANG MCHOD PHUL, LHAG PA'I LHA MCHOG BLA MA HE RU KA, KUN LA MA LTAR BRTZE BA'I RJE BTZUN MA, ,DPA' BO DPA' MO'I DBANG PHYUG THAMS CAD KYI, ,ZHABS KYI PADMOR GUS PAS PHYAG 'TSAL LO, ,ZHES YAB DANG, YUM DANG, 'KHOR RNAMS LA RIM PA LTAR BSTOD PA'O, ,SKABS 'DIR MAndAL 'BUL MIN GANG MOS BYA, LUS GNAD BCAS, RLUNG RO BSAL, STONG RA BSGOM, DE NAS RANG GI LUS DRANGS POR RTZA DBU MA KHYAD CHOS GSUM LDAN SBA LCAG 'BRING PO TZAM MAR SNE LTE 'OG SOR BZHI TZAM NAS JE SBOM DU SONG BA'I YAR SNE TSANGS BUG LA THUG PA'I BU GA THAL LE YOD PA, LTE BA'I DBU MA'I NANG DU NYI MA'I DKYIL 'KHOR DMAR 'KHYIL LE BAS DBU MA BKAG PA'I TSUL CAN, DE'I STENG DU RANG SEMS RDO RJE RNAL 'BYOR MA MTSON GANG TZAM RGYAN CHA LUGS SNGAR JI LTA BA BZHIN LA 'JIGS DUS KYI GDAN MED PA, SPYAN GSUM NAM MKHA' LA HRIG GE GZIGS SHING YAR 'BYON PA LA PHYOGS PAS GAR STABS LING NGE PAR BSGOM LA STENG 'OG GI RLUNG BZUNG BAS RJE BTZUN MA LA SIB KYIS THIM PAR BSAM LA RLUNG KHA SBYAR LAN GSUM TZAM BZUNG, DE NAS LTE BA'I RJE BTZUN MAS BRJOD PAR BSAM LA, DUS GSUM SANGS RGYAS THAMS CAD KYI NGO BO BLA MA RIN PO CHE LA GSOL BA 'DEBS SO, ,BDAG 'DZIN BLO YIS THONGS BAR BYIN GYIS RLOBS, ,DGOS MED RGYUD

, ,LA SKYE BAR BYIN GYIS RLOBS, ,LAM MCHOG 'PHO BA 'BYONGS PAR BYIN GYIS RLOBS, ,'PHYUG MED MKHA' SPYOD BGROD PAR BYIN GYIS RLOBS, ,ZHES BDAG 'DZIN BLOS MA THONG NA BYA NAM MKHA' LA 'PHUR BA NA RKANG PA RDOL BTAGS PA DANG 'DRA BAS GAL CHE'O, ,DE LTAR GDUNG SHUGS DRAG POS GSOL 'DEBS LAN GSUM GYI MTHAR 'OG RLUNG DRAG TU THEN LA DBU MAR ZHUGS PAS LTE BA'I RNAL 'BYOR MA BDE KHRIL GYIS SKAR MDA' 'PHANGS PA LTAR SONG BA TSANGS BUG NAS THON, MDUN GYI GTZO YUM GYI SOG PHRAG NAS YAB KYI THUGS KA'I H'Um LA THIM PAS BDE STONG GI NGANG LA CUNG ZAD BZHAG ,SLAR STENG RLUNG RNGUB PA DANG MNYAM DU THUGS KA NAS THON PA DAL BUS TSANGS BUG NAS DBU MAR ZHUGS TE LTE BA'I NYI GDAN LA BZHUGS PAR BSAM NAS RLUNG KHA SBYOR 'DZIN, SLAR YANG SNGAR BZHIN 'PHO BA SOGS THUN RER LAN BDUN NAM NYER GCIG SOGS BYA'O, ,DE NAS 'KHOR RNAMS MTHA' NAS RIM BZHIN BSDUS TE SENG KHRI DANG BCAS PA GTZO BO YAB YUM LA THIM, DE GNYIS KYANG RGYA SRAN TZAM DU GYUR PA TSANGS ? ZHUG NAS DBU MAR ZHUGS NAS SNYING GAR PHA MA LAS THOB PA'I KHAMS DKAR DMAR KHA SBYAR LCOG SGONG TZAM GYI NANG DU BZHUGS PA, YAB KYI THUGS KAR NYID KYIL YUNGS 'BRU PHYED BSHAGS TZAM GYI STENG DU BDE CHEN GYI NGO BO'I H'Um YIG LAS BDUD RTZI DKAR PO 'DZAG LA KHAD PAR BSAM, 'OD DMAR PO DANG BCAS PA'I RDO RJE RGYA GRAM GYIS TSANGS BUG LEGS PAR BKAG PAS CHU RLUNG SIL BU YANG MI THAR ZHING, BSKAL BA'I ME RLUNG SOGS KYIS KYANG GZHOM PAR MI NUS PA SRA ZHING 'THAS PAR BSGOM MO, ,DE NAS YAB KYI

LTE BA'I RANG SEMS RNAL 'BYOR MAR GZIGS, DES KYANG YAR GZIGS SHING BYON NAS YUM LA THIM ZHING SNYOMS PAR BZHUGS PA'I BDE STONG GIS MNYES PAR BSAM, SKABS 'DIR DBEN SA SNYAN BRGYUD KYI GDAMS BA TSE SGRUB KYI MCHOG SROG 'DZIN GYI RLUNG LA RDOR BZLAS BYA TSUL YANG STZAL, ` GNYIS PA YUM RKYANG GI 'PHO BA NI, DE LTAR NYAMS SU LEN PA LA 'PHO BA GCIG GIS CHOG KYANG YUM RKYANG GI 'PHO BA BYA BAR 'DOD NA, SPYOD LAM GYI LHAR LDANG BA'I BAR BTANG NAS, LUS GNAD, RLUNG RO, STONG RA RNAMS BSGOM LA, DBU MA DMAR PO MDA' SNYUG TZAM LTE 'OG NAS JE SBOM DU SONG BA'I YAR SNE SBA LCAG TZAM TSANGS BUG LA ZUG PA BU GA THAL LE YOD PA MAR SNE SBRUL MJUG LTAR BU GA MED PA'I NANG DU CHOS 'BYUNG KHA GYEN DU PHYOGS PA'I NANG DU RANG SEMS PAm YIG SRAN MA TZAM DANG, RANG GI PHRAG PA GNYIS SU BLA MA RNAL 'BYOR MA'I ZHABS GA-YAS GA-YON BZHAG ,TSANGS BUG DANG BLA MA'I BHA GA GNYIS KHA DA CHAD DU YOD PA, BLA MA'I MTHA' SKOR DU 'JA' 'OD KYI GUR PHUB PA'I NANG DU DPA' BO DANG MKHA' 'GRO'I TSOGS SPRIN 'KHRIGS PA BZHIN BZHUGS PA LA DAG PA MKHA' SPYOD DNGOS KYI 'DUN PA SHUGS DRAG YANG YANG BYA, DPA' BO'I 'GA' ZHIG GIS BGEGS BSKRAD CING SHIS PA BRJOD, DPA' MO 'GAS RDO RJE'I GLU LEN PA DANG RANG LA MCHOD PA RNAMS SNGAR BZHIN BSAM, BLA MA'I THUGS KA NAS 'OD ZER 'BROS PAS PHYOGS BCU'I RGYAL BA SRAS BCAS SPYAN DRANGS NAS THIM PAR BSAM LA, AOm BADZRA YO GI N'I SOGS KYIS PHYI MCHOD DANG, AOm GSUM MA LA 'BRU GSUM BTAGS PAS NANG MCHOD PHUL, DPAL LDAN RDO RJE MKHA' 'GRO MA, ,ZHES SOGS KYIS

, ,BSTOD, DE NAS DUS GSUM SANGS RGYAS THAMS CAD KYI NGO BO, ZHES PA NAS, MKHA' SPYOD BGROD PAR BYIN GYIS RLOBS, ,ZHES PA'I PAR GSOL 'DEBS SHUGS DRAG LAN GSUM GYI MTHAR, BLA MA'I THUGS GA'I BAm YIG LAS 'OD ZER DMAR PO LCAGS KYU LTA BU BYUNG BA RANG SEMS BAm YIG LA BTAB, 'OG RLUNG DANG SBRAGS NAS BA'I ZHES BRJOD PA DANG MNYAM DU MGRIN PA'I BAR NA RAR SONG, DE NAS HI KU BRJOD PAS BLA MA'I THUGS KA'I BAm YIG LA THIM, MKHA' SPYOD DNGOS SU SLEBS NAS BLA MA'I THUGS DANG RANG SEMS 'DRES PAR BSAM LA BDE STONG GI NGANG DU CUNG ZAD 'JOG ,SLAR KA ZHES BRJOD PA DANG MNYAM DU RANG SEMS LTE BAR PHAB NAS YANG SNGAR BZHIN THUN RER LAN NYER GCIG LA SOGS PA SBYANGS TE THUN GROL BA NA DMIGS RTEN SNYING GAR DRANGS TE BLA MA 'KHOR BCAS 'OD DU ZHU STE SNYING GA'I BAm YIG LA THIM PAS DBU MA TSO'I BDUD RLIS GANG, TSANGS BUG SNGAR BZHIN LEGS PAR BKAG NAS BSNGO SMON SOGS BYA'O, ,DE LTAR SBYANGS PAS 'BYONGS RTAGS BYUNG BA NA DE NAS MA BRJED TZAM LAS MI BYA STE 'PHO RAB TSE THUNG ZHES SO, , ` GNYIS PA LAS LA SBYANG BA NI, SNGAR BSHAD PA LTAR 'CHI LTAS MA BZLOG NA DNGOS PO THAMS CAD MCHOD SBYIN DU BTANG STE GANG LA'ANG CHAGS ZHEN MED PAR BYAS LA, DNGOS GZHI'I NYAMS LEN SNGAR JI LTA BA BZHIN LA ? THUGS KA NAS MAR MI 'BEBS PAR BLA MA'I THUGS DANG RANG SEMS DBYER MED DU 'DRES PAR BSAM LA KHA DBUGS MA CHAD KYI BAR DMIGS PA YANG YANG BSKYAR NAS BYA ZHING, GNAD GCOD KYIS GDUNG BA SOGS KYI TSE GROGS DAM TSIG

GTZANG PAS RNA KHUNG NAS GSAL 'DEBS BYA, DE NAS BLA MA'I THUGS DANG RANG SEMS 'DRES PA BYA NAM MKHA' LA 'PHUR BA LTAR NAM MKHA'I DBYINGS SU SONG BAS MKHA' SPYOD DU SLEBS PAR BSAM MO, ,ZHES GSUNGS, ` GNYIS PHRAL 'CHAD DUS BYI ZHAL SHES GSUM PA BSAM MI KHYAB THUN MONG MA YIN PA'I ZHAL SHES NI, DE YANG NANG GI MKHA' SPYOD DAM MKHA' SPYOD CHEN PO ZUNG 'JUG GI GO 'PHANG DON DU GNYER NA BSKYED RIM PHRA RAGS MTHAR PHYIN NAS RDZOGS RIM LA BSLAB CING BSAM MI KHYAB SNGAR BZHIN BYA BA YIN LA, PHYI'I DAG PA MKHA' SPYOD DON DU GNYER NA BLA MA'I GZHAN RNAMS LA BSKYED RIM RAGS PA MTHAR PHYIN NAS LAS LA SBYAR NA THUN MONG GI DNGOS GRUB 'GRUB PAR GSUNGS SHING, 'DIR NI DBANG PO RAB LA RAGS PA MTHAR MA PHYIN KYANG GZHI BSNYEN KHA SKONG GI SBYIN SREG DANG BCAS PA SONG, DAM SDOM TSUL BZHIN DU BSRUNGS NAS LAS LA SBYAR NA MKHA' SPYOD 'GRUB PAR GSUNGS PA'I LAS SBYOR DNGOS NI 'DI YIN, DE YANG RJE BTZUN YAB LA BRTEN NAS MKHA' SPYOD SGRUB BA, YUM LA BRTEN NAS MKHA' SPYOD SGRUB PA, SKYE BA BDUN PA'I SHA LA BRTEN NAS MKHA' SPYOD SGRUB PA SOGS YOD PA LAS 'DI YUM LA BRTEN NAS BSGRUB PA YIN, DE'I TSUL NI THUN MJUG GAM, BDAG BSKYED BZLAS PA ZHAR BYUNG RDZOGS RIM DANG BCAS PA LAM TZAM SONG NAS SAM, BSDU NA SKAD CIG 'GRONG BSKYED BYAS LA, LUS GNAD 'CHA' MIN GANG BDE BYA, RLUNG RO BSAL MI DGOS, STONG RA YUD TZAM BSGOM, RANG GI LUS NANG GI DBUS DRANGS POR RTZA DBU MA PADMA'I SNAL

, ,MA'AM STONG SKUD LTA BU SHIN TU PHRAG CHU SHING GI SDONG PO LTAR 'DRONGS PA, RGYA SKYEGS KYI KHU BA LTAR DMAR ZHING SNUM PA, TIL MAR GYI MAR ME LTAR GSAL ZHING DVANGS BA STE KHYAD CHOS GSUM LDAN MAR SNE LTE BA'I BU GA'I THAD NAS YAR ? SNE SPYI BOR ZUG GDE'I GA-YAS SU RO MA DMAR PO, GA-YON DU RKYANG MA DKAR PO GNYIS KYI MAR SNE DBU MA LAS SOR GANG TZAM GYIS RING BA, YAR SNE SNA BUG SO SOR ZUG PA GNYIS KA GRO SOG TZAM BSAM, RANG GI RLUNG SEMS KHAMS DMAR PO DE RNAL 'BYOR MA RGYA SRAN TZAM RGYAN CHA LUGS THAMS CAD SNGAR BZHIN LA GDAN MED PA, LTE BA'I RTZA GSUM 'DZOMS PA'I DBUS SU DBU GTZUG DBU MA LA BRTEN CING ZHABS GNYIS RO RKYANG LAS CUNG ZAD THUNG BA'I TSUL GYIS BZHUGS PA LA RANG SEMS ZHUGS PA BZHIN BYAS LA NGA RGYAL DANG GSAL SNANG BYA'O, ,DE NAS RTZA LAM SBYONG BA NI, LTE BA'I RNAL 'BYOR MA'I THUGS KA NAS RANG 'DRA NAS 'BRU TZAM ZHIG MCHED NAS DBUGS PHYIR 'BYUNG BA DANG MNYAM DU RO MA'I NANG BRGYUD SNA GA-YAS NAS 'THON TE SNA RTZER BZHUGS, DE LAS RANG 'DRA DPAG TU MED PA NYI ZER GYI RDUL LTA BU 'PHROS NAS 'KHOR 'DAS KYI SNOD BCUD THAMS CAD LA KHYAB PAS 'KHOR BA'I SNOD BCUD KYI NYES SKYON THAMS CAD SKAD CIG LA SBYANGS NAS SNOD THAMS CAD DAG PA'I CHOS 'BYUNG DANG, BCUD THAMS CAD RDO RJE RNAL 'BYOR MA'I SKUR GYUR, 'DAS PA'I SANGS RGYAS THAMS CAD LA MCHOD PA PHUL BAS DGYES SHING RNAL 'BYOR MA'I RTEN BRTEN BA'I RNAM PAR GYUR PAR BSAM, DE NAS SNGAR BSGOMS PA'I SRUNG

'KHOR DUR KHROD LA SOGS PA'I SNOD THAMS CAD BCUD KYI RNAL 'BYOR MA RNAMS LA THIM ZHING, DE RNAMS KYANG SPROS PA'I LHA DANG LHAN CIG SNA RTZE'I RNAL 'BYOR MA LA THIM, DE NYID RLUNG NANG DU RDUB PA DANG MNYAM DU SNA GA-YON NAS RKYANG MA BRGYUD DE LTE BA'I RNAL 'BYOR MA LA THIM PAR BSAM LA RLUNG BZUNG, YANG SNGAR LTAR SPRO BSDU LAN GSUM TZAM BYA'O, ,DE NAS LTE BA'I RNAL 'BYOR MA LAS 'OD ZER 'PHROS BA PHYI'I RNAL 'BYOR MA LA PHOG PAS 'OD DMAR PO'I RNAM PAR GYUR PA'I DBUS NA RTZA GSUM RNAL 'BYOR MA DANG BCAS PA GSAL ZHING DVANGS BA, PHYI'I LUS KYI RKANG LAG RNAMS RIM BZHIN RDZA MA LA THIM ZHING, RNAL 'BYOR MA MKHA' SPYOD DU 'BYON PAR CHAS NAS YANG TZAM YAR TZAM BYON PAS RTZA DBU MA DBU GTZUG DANG, RO RKYANG GNYIS YAR GUG STE ZHABS MTHIL NAS THIM PAR BSAM LA SNYING GAR BYON PA NA DE MAN CHAD KYI PHYI'I LUS DBYIBS KYANG RNAL 'BYOR MAR THIM, DE BZHIN DU MGRIN PA DANG SPYI BOR SLEB PA NA RTZA DANG LUS KYI MGO BO YANG SNGAR BZHIN THIM PA'I MTHAR MKHA' SPYOD DU 'GRO BA'I 'DUN BA SHUGS DRAG POS NAM MKHA' DBYINGS SU SKAR MDA' 'PHANGS PA LTAR SHIN TU MTHON POR SONG NAS DAG PA MKHA' SPYOD DU SLEBS BYUNG SNYAM PA BYAS LA SKU DE JE CHUNG JE CHUNG DU GYUR PA'I MTHAR MI DMIGS PAR BSAM LA BDE STONG GNYIS SU MED PA'I NGANG LA CI NUS 'JOG GO ,SLAR DE NYID DU RANG NYID PHYI NANG GI RNAL 'BYOR MA CHOS 'BYUNG DANG BCAS PA SNGAR JI LTA BA BZHIN DU LAM GYIS GYUR PAR BSAM LA YANG LTE BA'I RNAL 'BYOR MA LAS RANG 'DRA MI CHED PAS SNA RTZE NAS SPRO BSDU SOGS SNGAR BZHIN THUN RER

, ,LAN BDUN LA SOGS PA BYA ZHING, THUN GROL BA NA BDE STONG DE'I NGANG LAS SPYOD LAM GYI LHAR LDANG BA'I GNAS SO SOR YI GE 'GOD PA SOGS BYA'O, ,TSAR CHEN GYIS NANG GI PHAG MOS GZUNG 'DZIN 'KHRI SHING BCOMS, ZHES SOGS GSUNGS PA NYAMS LEN GZHAN GYI SMON LAM DU SBYAR BA YOD KYANG, 'DI'I SMON LAM DU 'BREL CHE BAR MNGON TE, NANG GI PHAG MO NI LTE BA'I RNAL 'BYOR MA DANG, GZUNG 'DZIN GYI RLUNG RGYU BA'I RO RKYANG GNYIS RNAL 'BYOR MAR THIM PAS GZUNG 'DZIN RNAM RTOG GI 'KHRI SHING BCOMS NAS NANG GI PHO NYA MCHOG DH'U T'I DBU MA'I LAM LA GAR STABS DANG BCAS TE SPYI BO TSANGS BA'I BU GNAS SPRIN LAM NAM MKHA'I DBYINGS SU THON CING, KHRAG 'THUNG NI HE RU KA STE THABS BDE BA CHEN PO'I DPA' BO DE LA RANG NYID SHES RAB STONG PA NYID 'KHYUD PA STE BDE STONG GNYIS SU MED PA'I YE SHES LA RTZE GCIG TU 'JOG PA'I RTZE DGA' LA DUS RTAG TU ROL BAR SHOG CIG CES SMON PA'O, ,DE LTA BU'I TSUL GYIS BSKYED RIM NGAG BZLAS DANG BCAS PA LA CHIG SGRIL DU 'BAD NA DUS RE ZHIG NA RDO RJE RNAL 'BYOR MA BUD MED THA MAL PA'I RNAM PAR BYON PA LA SOGS PAS SNGAR BSHAD PA BZHIN LAG PA'I MKHRIG MA NAS BZUNG STE MKHA' SPYOD DU 'KHRID PAR 'GYUR RO, ,DE LTAR MA GYUR NA'ANG RGYUN DU 'DI'I NYAMS LEN LA BRTZON PAR BYAS TE 'CHI KHAR 'DI NYAMS SU BLANGS BAS 'PHO BA'I MCHOG TU 'GYUR ZHING, RGYUN DU NYAMS SU BLANGS PAS 'PHO BA GZHAN LTAR TSE THUNG BAR YANG MI 'GYUR TE 'DI NYID LUS SEMS MI 'BRAL ZHING NYER BSDU YIN PA'I PHYIR RO, ,'DI LA NGOR LUGS PA RNAL 'BYOR MA'I 'PHO CHUNG DANG, RDZONG CHUNG BA RNAMS NANG GI

RNAL 'BYOR MAR GRAGS SHING, KHA'U BRAG RDZONG BA'I RING LUGS PAR BSAM MI KHYAB THUN MONG MA YIN PAR GRAGS SO,, ` RTZA BA'I GSUM PA 'BRAS BU SANGS RGYAS KYI SA'I GNAD NI, GSUM PA 'BRAS BU YAN LAG BDUN LDAN 'THOB, CES GSUNGS TE, GONG DU BSHAD PA'I DBYUG PAS BSNUN PA SOGS BYAS KYANG MI MNGON PAR BDE STONG 'BA' ZHIG TU 'CHAR BAS NA, DE NAS SPYOD PA BYA STE, SPYOD PA ZHES PA LTA SGOM SPYOD GSUM GYI NANG MTSAN NI SPYOD PA YIN LA, 'DIR NI ZAB MO LA LHAG PAR MOS PA LA CHAGS CAN GYI SPYOD PA STON CING, SPYOD PA BYED PA'I DUS NI NUS PA CUNG ZAD THOB NAS BYA BA YIN PAS DE LA DROD CES KYANG 'BYUNG STE, DROD KYI DON MTHU 'AM NUS PA RNYED PA LA 'JUG PAS YON TAN LA MTHU 'AM NUS PA RNYED PA NA POGS LHAG PAR 'BYIN PA'I PHYIR SPYOD PA LA 'JUG PA'O, , DE LA GSANG SPYOD DANG, MNGON DOD KYI SPYOD PA GNYIS LAS, DANG PO NI, MTSAN MO GZHAN GYIS MTSOR BAR DUR KHROD LA SOGS PA GNAS 'JIGS SU RUNG BAR PHYIN TE SPYOD PA BYAS PAS LHA 'DRE LA SOGS PA'I TSAR LHONG 'BYUNG MIN BRTAGS LA 'BYUNG ZHING BZOD NA JE RGYAS SU BTANG, MI BZOD NA RANG GI GNAS SU BYA'O, ,GNYIS PA MNGON DOD KYI SPYOD PA NI, SKYE BO GZHAN GYI MNGON SUM DU BYA BAR GSUNGS TE DE LA SMYON PA'I BRTUL ZHUGS DANG, KUN TU BZANG PO'I SPYOD PA DANG, PHYOGS LAS RNAM RGYAL GYI SPYOD PA ZHES SA LUGS BZHED LA, RJE YAB SRAS NI SPROS BCAS DANG, SPROS MED DANG, SHIN TU SPROS MED KYI SPYOD PA GSUM DU BZHED DO, ,DE GSUM YANG DBANG PO RNO RTUL DANG, 'BYOR PA BZANG NGAN GYIS MI DBYE BAR MOS BLO DANG BSTUN NAS BYED PA'O, ,SA

, ,LUGS SPYOD PA DANG PHYAG RGYA'I NYE RGYU GNYIS SO SOR BZHED KYANG, PHYAG RGYA'I NYE RGYU'I MTSAMS SBYOR BA YANG SPYOD PA YIN TE, RIG MA'I 'DOD YON LA GTZO BOR LONGS SPYOD PA YIN PAS DE GNYIS GCIG TU BYAS LA, NYE RGYU'I DON 'TSAD RGYA BA LA NYE BA'I RGYU BYED PA'I DON TE SLOB PA'I ZUNG 'JUG GI SKABS SU YIN PAS DE NAS SKU GSUM YAN LAG BDUN LDAN THOB PAR GSUNGS TE, SKU GSUM NI GO SLA ZHING, KHA SBYOR YAN LAG BDUN LDAN NI 'DI'I MDUN BSKYED BSTOD PA'I TSIG LA GSAL BA LTAR, LONGS SPYOD RDZOGS, KHA SBYOR CHEN PO, BDE BA CHEN PO, RANG BZHIN MED PA, SNYING RJE CHEN PO, RGYUN CHAD MED PA, 'GOG PA MED PA'I YAN LAG STE, DE LTA BU'I GO 'PHANG NI 'BRAS BU THOB BYA YIN, DA LTA LAM DUS SU NI DE DANG RNAM PA MTHUN PAR BSGOM PA'O, ,BSAM MI KHYAB BYA MJUG SDUNG TSAR CHOS STON, ZHES PA'I BSAM MI KHYAB NI THUN MONG MIN PA GONG DU BSHAD PA LTAR YIN LA, MJUG SDUD TSAR CHOS STON, ZHES PA'I DON 'KHRID TSAR BA'I RJES SU TSAR CHOS KYI NYAMS LEN STON PA STE, DUS RGYUN DU RDOR SEMS BSGOM BZLAS LHA'I RNAL 'BYOR GZHAN GYI SKABS SU SONG ZIN NA 'DIR MI DGOS SHING, SKYABS SEMS BLA MA'I RNAL 'BYOR RNAMS NI GZHAN GYI SKABS SU SONG ZIN KYANG BYAS PA LEGS, NYIN ZHAG RER NYAL LDANG GI RNAL 'BYOR GNYIS LAN RES CHOG ,BDUD RTZI MYANG BA'I RNAL 'BYOR MAN CHAD DE NYID BCU BZHI TSANG BA'I RGYAS PA'AM, RNAL 'BYOR BCU GCIG TSANG BA'I BSDUS PA GANG RIGS THUN BZHI LA SOGS PA BYA STE, YID BZLAS KYI BAR SONG NAS ZHAR BYUNG RDZOGS RIM GNYIS DANG BSAM MI KHYAB GNYIS GANG RIGS BYED, SKABS SU ZHAR BYUNG

RDZOGS RIM BZHAG NAS RTZA DBU MA KHA 'BYED PA DANG, BDE BA DANG STONG PA SGRUB PA RNAMS MA BRJED TZAM RE NYAMS SU BLANGS, DUS GNAS THAMS CAD DU KHAS BLANGS PA'I DAM TSIG DANG SDOM PA BSRUNG BA GZHIR BZHAG, DAL 'BYOR RNYED DKA', 'CHI BA MI RTAG PA, LAS RGYU 'BRAS SOGS BSGOMS NAS TSE 'DI'I SNANG SHAS LDOG PA'I THABS LA 'BAD CING, DE'I STENG DU 'KHOR BA'I NYES DMIGS, BYANG CHUB KYI SEMS LA SOGS PA YANG DANG YANG DU BSGOM, BSKYED RIM NGAG BZLAS DANG BCAS PA DA LTA NYAMS SU LEN NUS PA RNAMS DNGOS SU LEN CING, MI NUS PA RNAMS KYANG TSE MJUG GAM SKYE BA PHYI MA LA SOGS PAR NYAMS SU LEN NUS PA'I SMON LAM GYI YUL DU BYAS TE, 'GAL RKYEN SDIG SGRIB SBYONG BA DANG, MTHUN RKYEN TSOGS GSOG PA RNAMS SGO SNA TSOGS NAS 'BAD, LAM RNAMS RGYUD LA SKYE BA'I BLA MA YI DAM LA GSOL BA 'DEBS PA DANG, NYER LEN GYI RGYU DMIGS RNAM SKYONG BA LA 'BAD PA SOGS CHA TSANG BA'I LAM NYAMS SU BLANGS TE DAL BA'I RTEN LA SNYING PO LON BA ZHIG CI NAS KYANG BYA'O, ,ZHES GSUNGS SO, ,SNGON TSE BSOD NAMS MTHA' YAS RIN CHEN GYIS, ,NYER BSGRUBS MCHOG MTHUN 'DOD DGU'I CHAR 'BEBS PA'I, ,GDAMS PA'I YANG SNYING YID BZHIN DBANG GI RGYAL, ,RNYED PA 'DI 'DRA RMI LAM MIN NAM CI, ,BDAG NI THOS NYUNG BLO MIG CHES THUNG YANG, ,BDAG NYID HA CANG KHENGS DREGS GOMS PA'I MTHUS, ,BDAG NYID CHEN PO'I DRI BRAL GSUNG RGYUN LA, ,BDAG GIS 'KHRUL ZHING NONGS GANG SNYING NAS 'CHAGS, ,'DIR 'BAD DGE BAS DENG NAS BYANG CHUB BAR, ,BSHES GNYEN DAM PAS 'BRAL MED RJES 'DZIN CING, ,SKU GSUNG THUGS KYI RNAM THAR LEGS BZUNG STE, ,TSUL BZHIN SGRUB PA'I MCHOD PAS

, ,MNYES BYED SHOG ,CES DUS GSUM RGYAL BA'I SPYI GZUGS GRUB DBANG THAMS CAD MKHYEN PA RJE BTZUN DHA RMA BHA DRA DPAL BZANG PO'I ZHAL SNGA NAS N'A RO MKHA' SPYOD MA'I BSKYED RDZOGS KYI 'KHRID THUN BZHIR NYAMS SU LEN BZHIN DU STZAL BA'I SKABS, RJE BTZUN DAM PA'I GSUNG BSHAD RNAMS BRJED PAR PHANGS TE BKA' 'BANGS KYI CHAR GTOGS RJE DRUNG TSE RING MING CAN GYIS BRJED BYANG ZIN BRIS SU BGYIS PAR RANG BZO'I 'KHRUL BSLAD CI MCHIS BLA MA MKHA' 'GRO'I TSOGS LA BZOD PAR GSOL LO,, ,, SLAR YANG SA MO GLANG GI LO ZAB KHRID STZAL SKABS RJE BLA MA MCHOG GI SPYAN LAM DU PHAB CING, DON SKYON BZO BCOS DGOS GRAS RJE NYID KYI ZHABS DRUNG DU BGYIS PA'O,, ` SLAR YANG BSTAN PA'I SBYIN BDAG ~ ? MI DBANG BYANG CHUB SEMS DPA' GUNG BSHAD SGRA DBANG PHYUG RGYAL PO'I BKAS BSTAN 'GRO'I DON DU PAR BOD RGYA RGYU YIN PAS KHYOD NAS ZHUS DAG DANG, GSAR SNON BCAS GYIS SHIG CES SPYI BO'I MDZES RGYAN DU PHEBS PA LTAR, DBON RIGS DBYANGS CAN GRUB PA'I RDO RJER 'BOD PAS TSIG DON LA ZHUS DAG GANG ZHIB DANG, GSAR SNON PHRAN BU BCAS BGYIS PA LAGS SO,, SHU BHA MASTU SARBA DZA GA TAm,, ,, RNAL 'BYOR MA RGYUD BYE BA BCU DRUG CHA, ,SNYAN BRGYUD TSAD MA BZHI LDAN DKYIL 'KHOR DU, ,RDZOGS PA'I ZAB DON BDUD RTZI'I BA GAm 'DI, ,LEGS BSHAD 'OD DKAR 'PHRO BA KUN GYI TOG ,ZAB GSANG SNYING POR CHAGS PA'I GSER SGONG MNGAL, ,NYAMS MYONG TSAD MA'I DROD

KYIS GSUNGS PA LAS, ,RGYUD DANG 'PHAGS BOD GRUB GZHUNG SNYAN BRGYUD GNAD, ,'DZUM ZHAL BZHI LDAN KHYAD CHOS 'DI MTHONG TSE, ,BLO GROS 'KHRI SHING NYAG MA PHRA RNAMS KYANG, ,TSES GSAL GDAMS PA'I LJON DBANG 'DIR 'KHRIL NAS, ,BSAM SGOM ME TOG ZUNG 'JUG 'BRAS BU 'BYUNG, ,DUD LA RE NA DPYOD LDAN SMOS CI DGOS, ,DE PHYIR DON GNYER YID KYI YOL GO KUN, ,SMIN GROL LAM BZANG BCUD KYIS 'PHYUR BA'I SLAD, ,DGA' LDAN BSHAD SGRA BA NAS RGYU SBYAR TE, ,PAR DU BSKYABS PA'I DAG MTSAN RGYA MTSO'I MTHUS, ,THUB BSTAN SNYING PO SMAN GYI LDAN SHING MCHOG ,RTZA BSTAN BSHAD SGRUB ME TOG 'BRAS BUR BCAS, ,KHYON YANGS LUS CAN PHAN DANG BDE BA YI, ,SROG 'TSO'I BDUD RTZIR ? DAR ZHING RGYAS GYUR CIG,, MANGGA LAm,, ` DGONGS PA'I KHYAD PAR BYANG CHUB SEMS DPA' DNGOS, , MDZAD PA'I KHYAD PAR SNGON GYI CHOS RGYAL TSE, ,YON TAN KHYAD PAR SUS KYANG BSGRUN MED PA,, ~ ? SA DBANG CHE DE'I GSUNG 'DI NGO MTSAR RMAD,, SHU BHAm,