[LS] *, ,BHA GA B'A SH'A STUR GU RU P'U DZASU KHA SH'U NYA NI RBH'A G'A SHRO T'A SA M'A NYA DE SHA NA N'A tI SSA RA N'A MA BI HAR TI SMA , *, ,BLA MCHOD BDE STONG DBYER MED MA DE'I 'PHO BA SPYI BSHAGS RNAMS KYI ZIN BRIS SKAL LDAN RE SKONG ZHES BYA BA BZHUGS SO, ,,
, ,NA MO GU RU MANYDZU GHO sh'A YA, GANG GI MTSAN MCHOG THOS SHING DRAN TZAM GYIS, ,MTSAMS MED LAS LA SPYOD PA'I SDIG CAN YANG, ,TSA GRANG DMYAL BA'I 'JIGS LAS SKYOB MDZAD PA'I, ,RJE BTZUN BLA MA'I ZHABS PAD SPYI BOS MCHOD, ,DE LA 'DIR BLA MCHOD BDE STONG DBYER MED MA'I NYAMS 'KHRID STZAL BA CHE LONG TZAM ZHIG DRAN THOR BKOD PA LA, ,JI SKAD DU RJE BDAG NYID CHEN POS, 'DIR 'JUG PA NI SKAL BA BZANG NGO ZHES, ,LEGS PAR SOMS LA DGA' BA'I BZHIN GYI MDANGS, ,RAB GSAL 'DZUM PA'I NYAMS DANG LDAN PA YI, ,RNAM GA-YENG SNOD KYI SKYON GSUM SPONGS LA NYON, ,ZHES GSUNGS PA LTAR, YID PHYI ROL TU GA-YENG BA SNOD KHA SBUB PA LTA BU'I SKYON, KUN SLONG NGAN PAS NYAN PA SNOD DRI MA CAN LTA BU'I SKYON, DE MA THAG BRJED DU 'JUG PA SNOD ZHABS RDOL LTA BU'I SKYON TE SKYON GSUM SPANGS SHING, THOG MED NAS RANG RGYUD DUG GSUM GYI NAD KYIS ZIN PA NGO SHES PAR BYED PA RANG LA NAD PA LTA BU'I 'DU SHES, DGE BA'I BSHES GNYEN LA SMAN PA, DAM PA'I CHOS LA SMAN, NAN TAN NYAMS SU LEN PA LA NAD 'TSO BA, DE BZHIN GSHEGS
, ,PA LA SKYES BU DAM PA, CHOS KYI TSUL LA RING DU GNAS PA'I 'DU SHES TE, SNOD KYI SKYON GSUM SPANGS SHING 'DU SHES DRUG BSTEN PA SOGS CHOS NYAN PA'I KUN SLONG DANG, KUN SPYOD RNAMS MDO RGYUD DAM PA'I MAN NGAG RNAMS LAS JI LTAR 'BYUNG BA BZHIN GSAL BTAB NAS GSAN PAR ZHU, GSAN BYA DAM PA'I CHOS NI RDO RJE 'CHANG CHEN PO RJE BTZUN BLO BZANG CHOS KYI RGYAL MTSAN DPAL BZANG POS MDZAD PA'I ZAB LAM BLA MA MCHOD PA'I CHO GA 'DI NYID 'CHAD PA SKABS SU BABS PA YIN PAS 'DI LA GSUM, GDAMS PA'I KHUNGS BSHAD PA, GDAMS PA'I CHE BA BSHAD PA, GDAMS PA DNGOS BSHAD PA'O, , DANG PO NI, RGYA GAR SKAD DU, GU RU P'U DZA SYA KA LPA NA MA, ZHES PA NAS, MDO RGYUD DAM PA'I MAN NGAG PAD TSAL LAS, ,'ONGS PA'I ME TOG PHRENG MDZES MGUL RGYAN SPEL, ZHES GSUNGS TE, 'DIR RGYA SKAD SMOS PA NI GDAMS PA 'DI NYID BOD DU BLO BZO BYAS PA MA YIN PAR RGYA GAR 'PHAGS PA'I YUL NAS BYUNG LA, DER YANG RTOG BZO MA YIN PAR 'DI'I KHUNGS MDO RGYUD THAMS CAD LA THUG PAR BSTAN CING,
MDO PHYOGS NYAN THOS THEG PA'I GZHI BCU BDUN GYI NANG TSAN RAB BYUNG GI GZHI DANG, PHAR PHYIN THEG PA'I MDO PHAL PO CHE DANG BRGYAD STONG PA STE ZAB RGYAS GNYIS KA DANG, SNGAGS KYI RGYUD SDE BZHI GAR RGYUD SNOD RUNG DU SMIN PAR BYED PA'I DBANG DANG SMIN PA GROL BYED KYI 'KHRID SOGS KYANG BLA MA LA LTOS DGOS SHING, LAM RIM GNYIS BSGOM PA'I SNGON DU 'KHRID CHEN BZHI 'GRO DGOS PA DANG, BLA MA'I RNAL 'BYOR LAM GYI SROG TU BYAS NA LAM CHES MYUR BA DANG, DNGOS GRUB THAMS CAD KYI RTZA BA DAM TSIG DANG SDOM PA LEGS PAR SRUNG BA NYID YIN CING, DE'I GTZO BO BLA MA'I DAM TSIG YIN PA SOGS THOG MTHA' BAR GSUM DU BLA MA BSTEN PA GAL CHE BAR GSUNGS SHING, KHYAD PAR PHA RGYUD GSANG BA 'DUS PA'I BSHAD RGYUD RDO RJE PHRENG BA NI 'DI'I KHUNGS MTHAR THUG YIN NO; ;DE LTA BU'I GDAMS PA YANG DAM PA BAR MA CHAD PA LAS BRGYUD PA STE BYAMS 'JAM DBYANGS LAS BRGYUD PA'I ZAB RGYAS GNYIS DANG, DPAL GSANG BA'I BDAG PO LAS GRUB CHEN SA RA HA LA BRGYUD PA'I RGYUD SDE'I RIM PA RNAMS RJE BDAG NYID CHEN PO LA MNGA' ZHING, KHYAD PAR RJE RIN PO CHE LA RJE BTZUN 'JAM DBYANGS KYIS ZHAL DNGOS SU GZIGS TE LUGS 'DI'I GDAMS PA SPRUL PA'I GLEGS BAM DANG BCAS PA GNANG, RJES GSANG BA 'DUS PA'I RIM LNGA GDAN RDZOGS KYI DMAR 'KHRID, N'A RO CHOS DRUG GI 'KHRID YIG YID CHES GSUM LDAN, BLA MA LNGA BCU PA'I RNAM BSHAD SLOB MA'I RE BA KUN SKONG SOGS SU MDO TZAM RE GSUNGS NAS MAN NGAG GI GNAD ZHIB PA SNYAN BRGYUD DU MDZAD DE SHIN TU GSANG BA'I SGO NAS MAN NGAG SPRUL PA'I GLEGS
, ,BAM DANG BCAS PA GRUB CHEN 'JAM DPAL RGYA MTSO LA GNANG ZHING GNAD 'GA' ZHIG MKHAS GRUB RJE LA'ANG GNANG NGO, ,DE GNYIS KYIS SNYAN BRGYUD KYI MAN NGAG SPRUL PA'I GLEGS BAM DANG BCAS PA BA SO CHOS KYI RGYAL MTSAN LA GNANG, DES RDO RJE RNAL 'BYOR MAS LUNG BSTAN PA LTAR GRUB CHEN CHOS RDO RJE DGUNG LO BCU GCIG PAR RJES SU BZUNG NAS GDAMS NGAG GLEGS BAM DANG BCAS PA GNANG, RJE 'DI LA, BDAG NYID CHEN POS ZHAL GZIGS NAS BLA MA'I RNAL 'BYOR MTHUN MONG MA YIN PA SEMS DPA' GSUM BRTZEGS 'DI NYID KYANG GNANG, DES RJE DBEN SA PA CHEN PO BLO BZANG DON GRUB LA THUN MONG YIN MIN GYI GDAMS PA GLEGS BAM DANG BCAS PA GNANG, DES MKHAS GRUB SANGS RGYAS YE SHES LA, DES PAn CHEN THAMS CAD MKHYEN PA BLO BZANG CHOS KYI RGYAL MTSAN LA GNANG, RJE 'DIS SNYAN BRGYUD PHAL CHER YI GER 'GOD PAR MDZAD CING, MTHUN MONG MA YIN PA SEMS DPA' GSUM BRTZEGS CAN NI SNYAN BRGYUD DU MDZAD DE RDO RJE 'DZIN PA DKON MCHOG RGYAL MTSAN LA GNANG, DES RJE BTZUN BLO BZANG YE SHES LA, DES RDO RJE 'DZIN PA BLO BZANG RIG GROL LA, DES GRUB DBANG BLO BZANG RNAM RGYAL LA, DES YONGS 'DZIN PAndI TA YE SHES RGYAL MTSAN LA, DES RJE BLO BZANG BSKAL BZANG CHOS RGYAL LA, DES BDAG LA'O, ,YANG RJE BTZUN BLO BZANG YE SHES NAS LHA PA SPRUL SKU BLO BZANG 'PHRIN LAS, RJE BLO BZANG RNAM RGYAL, RJE YE SHES MTSAN YONGS 'DZIN PAndITA CAN, RJE NGAG DBANG BYAMS PA RIN PO CHE, RJE DPAL LDAN
YE SHES, RJE NGAG DBANG RDO RJE, DES BDAG LA GNANG BA'I PHYI MA NI PHYAG CHEN DANG ZUNG 'BREL GYI BRGYUD PA STE DAM PA BAR MA CHAD PA LAS BRGYUD PA'I GDOMS PA BYIN RLABS KYI TSAN KHA SHIN TU CHE BA'O GSUNGS, GNYIS PA GDAMS PA'I CHE BA BSHAD PA NI; DE YANG THAR 'DOD RNAMS KYI PHUN SUM TSOGS PA'I GZHI RTEN, ZHES PA NAS, 'DI LTAR NYAMS SU BLANG BAR BYA'O, ,ZHES GSUNGS TE, DE RNAMS KYI DON ZHIB PAR ZHAL LAS SHES PAR BYA ZHING, MDOR BSDU NA, 'KHOR 'DAS KYI YON TAN THAMS CAD BLA MA'I MTHU LAS 'BYUNG ZHING, RGYAS PAR NA BYANG CHUB LAM GYI RIM PA, BLO SBYONG, PHYAG CHEN, ZAB LAM RIM PA GNYIS LA SOGS PA'I GNAD THAMS CAD TSANG BAS, DE RNAMS SU BSHAD PA'I BSTAN PA THAMS CAD 'GAL MED DU RTOGS PA LA SOGS PA'I CHE BA BZHI GA 'DIR BLANG CHOG GO, GSUM PA GDAMS PA DNGOS BSHAD PA LA GSUM, GANG GIS NYAMS SU LEN PA'I RTEN, GANG DU NYAMS SU BLANG BA'I GNAS, JI LTAR NYAMS SU LEN PA'I TSUL LO, ,DANG PO NI, LAM MTHUN MONG BAS RGYUD SBYANGS PA, DBANG BZHI LEGS PAR THOB PA, DBANG DUS SU KHAS BLANGS PA'I DAM TSIG DANG SDOM PA LA GNAS PA, BSKYED RIM RGYAS BSDUS GANG RUNG GI RNAL 'BYOR DANG LDAN PA'O, ,GNYIS PA GANG DU NYAMS SU BLANG BA'I GNAS NI, BLO LDAN GANG DU SGRUB PA'I GNAS, ZHES SOGS GSUNGS PA LTAR GRONG KHYIM LA SOGS PA RNAM GA-YENG DANG BRAL BA'I DBEN PA'I GNAS YID DU 'ONG BA'O, ,GSUM PA JI LTAR NYAMS SU LEN PA'I TSUL LA GNYIS,
, ,THUN GYI NGO BO DANG, THUN MTSAMS SO, ,DANG PO LA GSUM, SNGON 'GRO, DNGOS GZHI, MJUG GO, DANG PO LA BZHI, KUN SLONG BCOS PA, SKYABS SEMS TSAD MED, SNOD BCUD SBYANG BA, MCHOD PA BYIN RLABS SO, , DANG PO NI, GNAS KHANG BYI DOR BYAS LA, STON PA THUB PA'I DBANG PO, RJE BTZUN 'JAM DBYANGS, RJE BDAG NYID CHEN PO, RANG GI RTZA BA'I BLA MA BCAS KYI SKU BRNYAN, SHER PHYIN DANG RGYUD KYI GLEGS BAM, BYANG CHUB MCHOD RTEN LA SOGS PA SKU GSUNG THUGS KYI RTEN RNAMS STEGS KYI KHAR SRI ZHU CHEN POS BZHUGS SU GSOL, MCHOD PA GA-YO SGYU MED PAR BTZAL LA BKOD PA MDZES PAR BSHAM DGOS TE, MDZES PAR BSHAMS PAS MA 'ONGS PA NA RANG LA MTSAN DPE 'GRUB PA'I RTEN 'BREL YOD DO, ,RTEN RNAMS LA KHA PHYOGS PAR RANG NYID 'KHOD PA NI, GCIG BSGRIL GYI MTSAMS LTA BU BYED NA STAN GYI 'OG TU RDO RJE RGYA GRAM MAm GA-YUNG DRUNG CHOS SKOR MA GANG RUNG BRIS PA'I STENG DU RTZA DUR PA BTINGS PA'I KHAR SHING KHRI KHRA SENG CAN LA SOGS PA'I STENG DU 'BOL STAN RGYAB CUNG ZAD MTHO ZHING MDUN CUNG ZAD DMA' BAR BYAS LA, RKANG MIG LUS PHRAG MGO SO LCE DBUGS BRGYAD, CES PA LTAR GYI LUS 'DUG LUGS BRGYAD BYA STE, 'DI RNAMS SNGON BYUNG STON PA'I RNAM THAR RJES 'JUG GDUL BYA'I NYAMS LEN DU 'KHYER PA STE DGOS PA CHE'O, ,DE NAS DRI BA LHAG BSAM RAB DKAR GYI DRI LAN BLO BZANG BZHED PA'I SGRA DBYANGS LAS, SGOM RNAMS KUN GYI DANG PO'I 'GO, RGYA GAR SKAD MTSUNGS
RANG RGYUD LA, ,LEGS PAR BRTAG PA YIN NO ZHES, ,ZLA MED BLA MA MCHOG KHYOD BZHED, ,CES GSUNGS PA LTAR, DPER NA CHOS RNAMS KYI 'GOR RGYA GAR GYI SKAD 'BYUNG LA, DE DANG 'DRA BAR SGOM THAMS CAD KYI DANG POR YANG RGYA GAR SKAD DANG 'DRA BA DE RANG RGYUD LA BRTAG PA YIN PAS, BLO KHA NANG DU PHYOGS TE RANG RGYUD LA BRTAGS PAS CHOS BRGYAD LA SOGS PA'I MI DGE BA'I BSAM PA 'DUG NA BLO NGAN 'DI LTA BUS 'KHOR BA THOG MA MED PA NAS DA LTA'I BAR SDUG BSNGAL MI BZAD PA DU MA MYONG DGOS PA BYUNG BAS, 'DI LTA BU'I BLO NGAN SPANG BAR BYA'O SNYAM DU RLUNG PHYIR 'BUD PA DANG MNYAM DU BLO NGAN DE 'OD NAG PO'I RNAM PAR NAG BUN GYIS SONG BAR BSAM STE, DRI BRAL GOS LA TSON BZHIN NO, ZHES GSUNGS PA LTAR, DPER NA SNAM BU LTA BU LA DRI MA NAG NOG YOD PA DE THOG MAR BKRUS TE DAG PAR BYAS, DE NAS TSON GYIS KHA DOG BSGYUR BA LTAR 'DIR YANG THOG MAR RANG RGYUD MI DGE BA'I DRI MAS GOS PA DE BSAL NAS, SLAR RLUNG NANG DU RDUB PA DANG MNYAM DU SANGS RGYAS BYANG SEMS SOGS KYI BYIN RLABS THAMS CAD 'OD DKAR PO'I RNAM PAR RANG LA THIM PAS DGE SEMS DANG LDAN PAR BSAM MO, ,RANG RGYUD DGE SEMS SU 'DUG NA RLUNG PHYIR MI 'BUD PAR SNGAR LTAR BYIN RLABS BSDUS NAS DGE SEMS GONG 'PHEL DU GYUR PAR BSAM LA, RAB DKAR DGE SEMS CHEN PO'I NGANG NYID NAS, ZHES SOGS BRJOD PAR BYA STE, GZHUNG DU, DE YANG DGE SEMS KHYAD PAR CAN GYI NGANG NAS, ZHES GSUNGS PA'I DON TE LUS NGAG GI SPYOD PA LAS
, ,SEMS KYI KUN SLONG GTZO CHE BAR GSUNGS PAS GNAD CHE'O, ,GNYIS PA SKYABS SEMS TSAD MED NI, SKYABS 'GRO SEMS BSKYED TSAD MED BZHI SGOM PA SNGON DU BTANG, ZHES PAS STON TE, RANG GI SMIN MTSAMS NAS MDUN DU MDA' GANG TZAM BCAL BA'I BAR SNANG LA SENGGE CHEN PO BRGYAD KYIS BTEG PA'i RIN PO CHE'I KHRI MTHO ZHING YANGS PA'I STENG DU SENG KHRI CHUNG DU ZHIG GI KHAR SNA TSOGS PADMA NYI ZLA'I GDAN LA NGO BO RANG GI RTZA BA'I BLA MA YIN PA LA RNAM PA RJE RIN PO CHE SEMS DPA' GSUM BRTZEGS CAN, DE'I GA-YAS SU RGYA CHEN SPYOD BRGYUD, GA-YON DU ZAB MO LTA BRGYUD, MDUN DU DNGOS KYI BLA MA, RGYAB TU BYIN RLABS BRGYUD, STENG DU PHYAG CHEN BLA BRGYUD, DE RNAMS KYI MTHAR YI DAM SANGS RGYAS, BYANG SEMS, RANG RGYAL, NYAN THOS, DPA' BO MKHA' 'GRO ,CHOS SRUNG RNAmS MA TSANG PA MED PA RIM BZHIN BZHUGS PA, SO SO'I MDUN NAM GA-YAS SU PO TI BZHI YAN CHOS KHRI GRVA MIG MA DANG GSUM MAN CHAD PAD ZLA'I GDAN LA RANG RANG GIS GSUNGS PA'I LUNG GI CHOS PU TI'I RNAM PAR YOD PA RNAMS GSAL 'DEBS GANG THUB DANG, DE TZAM MA LCOGS NA GTZO BO'I MTHA' SKOR DU SKYABS YUL THAMS CAD TSANG BAR BZHUGS YOD SNYAM DU BLO THAG GCOD PA NI LAS DANG PO PAR 'DUN PA GTZO CHE BAR GSUNGS PAS DES CHOG LA, DE NI SKYABS YUL GSAL 'DEBS TSUL LO, ,DE NAS RANG GI GA-YAS SU TSE 'DI'I PHA, GA-YON DU MA, MDUN DU DGRA 'DRE BYUR GSUM, MTHA' SKOR DU RIGS DRUG
GI SEMS CAN THAMS CAD SMRA SHES DON GO MI'I RNAM PAR 'KHOD PAR BSAM LA RANG GZHAN THAMS CAD SPYIR 'KHOR BA DANG KHYAD PAR NGAN 'GRO'I SDUG BSNGAL LA 'JIGS SHING SKRAG PA'I BLO BSKYED PA SKYABS 'GRO'I RGYU GCIG DANG, 'JIGS PA DE LAS SKYOB PA'I NUS PA MDUN NA BZHUGS PA'I SKYABS YUL RNAMS LA YOD PAR YID CHES PA RGYU GCIG STE SKYABS 'GRO'I RGYU GNYIS GSAL BTAB STE, RANG GIS DBU MDZAD LTA BU BYAS TE SEMS CAN THAMS CAD KYIS 'UR DING GIS BRJOD CING YID KYIS GDUNG SHUGS DRAG POS RE LTOS 'CHA' BAR BSAM LA, BDAG DANG MKHA' MNYAM MA RGAN SEMS CAN RNAMS, ZHES PA NAS, NA MO GUR WE, NA MO BUDDH'A YA, NA MO DHARM'A YA, NA MA: SAm GH'A YA, ZHES BRJOD LA BLA MA, SANGS RGYAS, CHOS; DGE 'DUN RNAMS LA RIM BZHIN SKYABS SU 'GRO BAR BSAM LA SNGAGS RNAMS LAN GSUM MA BDUN SOGS BRJOD DO, ,DE RNAMS KYI TSIG DON NI, BDAG DANG ZHES PAS RANG GIS GTZO BYAS, MKHA' MNYAM MA RGAN SEMS CAN RNAMS, ZHES PAS MTHA' SKOR GYI SEMS CAN THAMS CAD LA DMIGS NAS, DENG STE DE RING NAS BYANG CHUB SNYING PO MA THOB KYI BAR TE, BYANG CHUB RNAMS KYI SNYING PO'I MCHOG RTOGS PA BYANG CHUB SNYING PO YE SHES CHOS SKU DANG, GNAS BYANG CHUB SNYING PO LA LONGS SKU DANG SPRUL SKU'I GNAS BYANG CHUB SNYING PO GNYIS YOD PAS DE MA THOB KYI BAR SKYED SDUG LEGS NYES CI BYUNG YANG KHYED RNAMS MKHYEN SNYAM DU SKABS SU 'GRO BA YIN PA, DPEL LAR SNGAGS 'DI RNAMS PHAL
, ,CHER MA DAG PAR SNANG BAS 'DIR BKOD PA LTAR BRJOD NA LEGS SO, ,DE'I TSE SKYABS YUL THAMS CAD LAS BDUD RTZI 'OD ZER DANG BCAS PA'I RGYUN BABS RANG GZHAN THAMS CAD LA THIM PAS THOG MED NAS BSAGS PA'I SDIG SGRIB THAMS CAD DANG, KHYAD PAR DPAL LDAN BLA MA'I SKU LA BSDOS PA, GSUNG BCAG PA, THUGS DKRUGS PA, MA DAD BRNYAS SMOD BGYIS PA SOGS DANG, DE BZHIN GSHEGS PA'I SKU LA NGAN SEMS KYIS KHRAG PHYUNGS PA, MCHOD RTEN BSHIG PA, DAM PA'I CHOS SPANGS PA, GSUNG RAB KYI BSLUS ZOS PA, THONG DU BYAS PA, SA SPRE PO LA BZHAG PA, 'PHAGS PA'I DGE 'DUN LA SKUR PA BTAB PA, 'DU SGO PHROGS PA LA SOGS PA MDOR NA DKON MCHOG GSUM LA BRTEN PA'I SDIG SGRIB THAMS CAD DAG ,TSE DANG BSOD NAMS LA SOGS PA'I YON TAN RGYAS SHING BYIN RLABS ZHUGS PAR BSAM, TSE SGRUB PAR 'DOD NA NAD GDON SDIG SGRIB LA SOGS PA TSE THUNG 'GYUR THAMS CAD SA 'OG TU 'CHI BDAG GSHIN RJE GLANG CHEN DMAR PO'I RNAM PA KHA GDANGS SHING MCHE BA GTZIGS TE RANG GI SROG LA RNGAM PA'I TSUL DU GNAS PA DE'I KHAR SONG BAS TSIMS NAS SA 'OG TU KHA PHYOGS TE SONG BAR BSAM, GZHAN YANG CHOS SRUNG RNAMS LAS ME 'OD DPAG TU MED PA 'PHROS PAS BYAD KA RBOD GTONG THAMS CAD BSREGS PAR BSAM PA NI SNYAN BRGYUD MTHUN MONG MIN PA'O, ,DE NAS BSHAD RGYUD AA BHI DHA NA LAS 'BYUNG BA'I, MA SEMS CAN KUN GYI DON GYI PHYIR, ,BDAG NI BLA MA LHAR GYUR
TE; ;SEMS CAN THAMS CAD BLA MA LHA'I, ,GO 'PHANG MCHOG LA DGOD PAR BYA, ,ZHES TSIG BSGYUR BYAS PA LAN GSUM BRJOD DE, TSIG RKANG DANG POS GZHAN DON DON GNYER DANG, LHAG MA RNAMS KYIS BYANG CHUB DON GNYER TE DON GNYER GNYIS LDAN GYI SEMS BSKYED PA YIN NO, ,SKABS 'DIR SEMS BSKYED MAN NGAG 'BRAS BU LAM BYED KYI NYAMS LEN BYA BAR GSUNGS PAS BYAS KYANG CHOG MOD 'ON KYANG 'OG TU BYAS NA 'JUG PA BDE'AM GSUNGS, DE NAS TSAD MED BZHI SGOM PA LA, MA SEMS CAN THAMS CAD KYI DON DU MYUR BA MYUR BAR GDOD MA'I SANGS RGYAS BLA MA LHA'I GO 'PHANG MNGON DU BYAS, MA SEMS CAN THAMS CAD SDUG BSNGAL LAS BSGRAL, BDE CHEN SANGS RGYAS KYI SA LA DGOD PAR BYA, DE'I PHYIR DU LAM ZAB MO BLA MA LHA'I RNAL 'BYOR NYAMS SU BLANG BAR BGYI'O, ,ZHES LAN GSUM SOGS BYA STE, MYUR BA LAN GNYIS SMOS PA'I DON NI GDAMS PA GZHAN LAS RJE BDAG NYID CHEN PO'I SNYAN BRGYUD NYAMS SU LEN PA MYUR BA DANG PO'I DON DANG, DE YANG BLA MA'I RNAL 'BYOR LAM GYI SROG TU BYED PA MYUR BA GNYIS PA'I DON NO, ,YANG SNYIGS DUS KYI TSE THUNG GCIG LA SANGS RGYAS THOB PA MYUR BA DANG PO'I DON DANG, MI LO BCU GNYIS TZAM LA THOB PA MYUR BA GNYIS PA'I DON NO, ,GDOD MA NI DANG PO STE SNGAR SANGS RGYAS ZIN RGYA TSUL STON PA TZAM MA YIN PAR THOG MA'AM AANG DANG POR SANGS RGYAS KYI GO 'PHANG THOB PA'O, ,'DI LA TSAD MED BZHI TSANG TSUL RJE BDAG NYID CHEN PO'I BDE MCHOG GI BSKYED RIM 'DOD 'JOR GSUNGS PA LTAR
, ,YONGS 'DZIN BLO BZANG BSTAN 'DZIN DPAL BZANG PO'I ZHAL LAS BYUNG BA NI, MA SEMS CAN THAMS CAD CES PAS BTANG SNYOMS TSAD MED KYI PHYOGS GCIG RANG SEMS LA NYE RING CHAGS SDANG MED PA DANG, SDUG BSNGAL LAS BSGRAL, ZHES PAS SNYING RJE TSAD MED, BDE CHEN SANGS RGYAS KYIS SA LA DGOD PAR BYA ZHES PAS BYAMS PA TSAD MED, SANGS RGYAS THOB PA'I BDE BA NI 'KHOR BA'I BDE BA DANG MI 'DRA BAR NAM YANG MI 'GYUR BA YIN LA, SEMS CAN THAMS CAD BDE BA DE LTA BU LA GNAS NA RANG NYID TSIMS PAS DGA' BA NI DGA' BA TSAD MED DE DE YANG DE'I KHONGS NAS BSTAN PA'O, ,SANGS RGYAS THOB NA NYE RING CHAGS SDANG DANG BRAL BSAN BTANG SNYOMS TSAD MED KYI PHYOGS GCIG SEMS CAN NANG PHAN TSUN NYE RING CHAGS SDANG MED PA STE 'JIGS BYED LAS GZUNG 'DZIN GYI RNAM RTOG GIS MI BSKYOD PA'I BTANG SNYOMS LA GNAS PAR BYA'O, ,ZHES KYANG 'BYUNG BAS BTANG SNYOMS TSAD MED DO, ,DE LTAR SKYABS SEMS TSAD MED BZHI DANG BCAS PA NAN TAN NYAMS SU BLANGS PA'I MTHAR SKYABS YUL SDUD PA'I TSUL NI, GTZO BO'I SKU LAS 'OD ZER DPAG TU MED PA 'PHROS TE MTHA' SKOR GYI ZHI KHRO RAB 'BYAMS THAMS CAD LA PHOG ,DE RNAMS MTHA' NAS RIM BZHIN 'OD KYI RNAM PAR BSDUS TE GTZO BO LA THIM ZHING, GTZO BO YANG THUB DBANG DANG, DE RDO RJE 'CHANG, DE YANG 'OD SNGON POR ZHU NAS RANG LA THIM PAS BYIN GYIS RLABS BAR BSAM MO, ,GSUM PA SNOD BCUD
SBYANG BA NI, RANG NYID GSANG BDE 'JIGS GSUM SOGS LHAG PA'I LHA GANG RUNG GI RNAL 'BYOR DANG LDAN PAS, ZHES PA NAS, DAG PA RAB 'BYAMS 'BA' ZHIG TU BSAM, ZHES GSUNGS TE, DE LTAR SKYABS YUL THIM PA'I RKYEN GYIS PHYI'I SNOD BCUD THAMS CAD RANG LA THIM ZHING RANG YANG 'OD DU ZHU NAS STONG PAR BSGOM LA RANG SEMS BDE BA'I NGO BOR SONG, DES CHOS THAMS CAD RANG BZHIN GYIS MA GRUB PA'I STONG PA NYID NGES PA'I BDE STONG LA CUNG ZAD MNYAM PAR BZHAG LA 'CHI BA CHOS SKUR 'KHYER BA'I LAM 'KHYER MDOR BSDUS TE DES DON DAM SEMS BSKYED KYANG TSANG NGO, ,DE LAS LDANG BA NA SNA TSOGS PADMA DANG NYI MA'I STENG DU RANG SEMS KYI NGO BO 'OD SNGON PO KHRU GANG TZAM GYI RNAM PAR BSGOM PA BAR DO LONGS SKU'I LAM 'KHYER MDOR BSDUS SO, ,SLAR YANG 'OD DE NYID JE RAGS SU SONG NAS RANG NYID DPAL RDO RJE 'JIGS BYED ZHAL GCIG PHYAG GNYIS PA YUM BCAS KYI SKUR LAM GYIS BZHENGS PAR BSGOM PA NI SKYE BA SPRUL SKU'I LAM 'KHYER RO, ,RANG NYID LHAR GSAL BA'I SKU LAS 'OD ZER PHYOGS BCUR 'PHROS, SNOD BCUD THAMS CAD KYI MA DAG PA SBYANGS TE SNOD KYI 'JIG RTEN THAMS CAD GZHAL YES KHANG GRU BZHI SGO BZHI PA SOGS DANG, BCUD KYI SEMS CAN THAMS CAD DPAL RDO RJE 'JIGS BYED LA SOGS PA'I LHA DANG LHA MO'I RANG BZHIN DU BSAM LA, BDE CHEN NGANG LAS, ZHES PA NAS, PHUN SUM TSOGS PAR GYUR, CES BRJOD CING BSAM STE 'DIR SEMS BSKYED MAN
, ,NGAG 'BRAS BU LAM BYED KYANG TSANG NGO, ,SPYIR GSANG BDE 'JIGS GSUM, KYEE RDOR, PHYAG RDOR 'KHOR CHEN SOGS BLA MED KYI LHA'I RNAL 'BYOR GANG RUNG DANG LDAN PAS CHOG LA, 'ON KYANG SKABS 'DIR 'JIGS BYED KYI RNAL 'BYOR BYED PA NI 'JIGS BYED LAM 'DI'I SNGON 'GRO DANG, GSANG 'DUS DNGOS GZHI, BDE MCHOG YAN LAG TU 'GYUR BA GSANG BDE 'JIGS GSUM YAM BRAL BA'I NYAMS LEN TSANG BA'I GNAD YOD CING, LHA'I RNAL 'BYOR SGOM PA'I SKABS 'DIR RANG RANG GI SGRUB THABS RGYAS PA BSGOMS NAS BSKYED RIM PHRA RAGS LA SLOB PA NI MCHOG TU 'GYUR GSUNGS, BZHI PA MCHOD PA BYIN RLABS NI, NANG MCHOD DANG MCHOD RDZAS RNAMS, ZHES PA NAS, BSAM LA, ZHES PAS STON TE, 'OG NAS 'BYUNG BA'I PHYI NANG GI MCHOD PA, GSANG RTEN, CHOS SRUNG GI SPYAN GZIGS SOGS CI 'BYOR BSHAMS LA RGYAS PA RANG RANG GI SGRUB THABS BZHIN DANG, MDOR BSDU NA MCHOD RDZAS SO SO'I STENG DU AOm DKAR PO, A'A: DMAR PO, H'Um SNGON PO GSUM STENG NAS STENG DU BRTZEGS TE AOm 'OG DANG H'Um STENG DU GNAS PA LAS RANG RANG MDOG CAN GYI 'OD ZER 'PHROS PAS DKAR POS SKU RDO RJE RNAM SNANG DANG, PHYAG MTSAN 'KHOR LO SOGS DANG, DMAR POS GSUNG RDO RJE 'OD DPAG MED DANG, PHYAG MTSAN PADMA, SNGON POS THUGS RDO RJE MI BSKYOD PA DANG, PHYAG MTSAN RDO RJE LA SOGS PA'I RNAM PAR SPYAN DRANGS NAS 'BRU GSUM LA THIM PAS STENG 'OG
DANG 'GO MJUG LDOG STE MCHOD RDZAS SO SO LA H'Um THIM PAS SKYON SBYANGS, AA: THIM PAS BDUD RTZIR BSGYUR, AOm THIM PAS DUS BSKAL PA'I BAR DU JI TZAM LONGS SPYAD KYANG MI ZAD PA'I MANG POR SPEL BAR BSAM LA, AOm A'A: H'Um LAN GSUM BRJOD LA NGO BO'I KHYAD PAR BDE STONG GNYIS SU MED PA'I YE SHES YIN PA, RNAM PA'I KHYAD PAR CHU BZHI LA SOGS PA'I MCHOD RDZAS SO SO'I RNAM PA CAN, BYED LAS KYI KHYAD PAR DBANG PO DRUG GI SPYOD YUL DU BDE STONG GI YE SHES KHYAD PAR CAN BSKYED NUS PA STE MCHOD PA KHYAD PAR GSUM LDAN GYIS SA DANG BAR SNANG NAM MKHA'I KHYON THAMS CAD GANG BAR BSAM LA, NGO BO YE SHES LA RNAM PA NANG MCHOD DANG MCHOD RDZAS SO SO'I RNAM PA, BYED LAS DBANG PO DRUG GI SPYOD YUL DU BDE STONG GI YE SHES KHYAD PAR CAN BSKYED PAS SA DANG BAR SNANG NAM MKHA'I KHYON THAMS CAD YONGS SU KHYAB PA'I PHYI NANG GSANG BA'I MCHOD SPRIN DAM RDZAS SPYAN GZIGS BSAM GYIS MI KHYAB PAS GANG BAR GYUR, CES BRJOD DO, ,GO RIM 'DI RNAMS NI BLA MA MCHOD PA'I GZHUNG DU PAn CHEN CHOS KYI RGYAL PO RANG NYID KYIS GSUNGS PA'I GO RIM MA 'KHRUL BAR BSHAD PA YIN PAS RJE CHOS RGYAN RANG GI GSUNG MA NA BZHUGS PA'I BLA MCHOD LA BLTAS NA NGES PA RNYED PA YOD DO, ,ZHES GSUNGS, GNYIS PA DNGOS GZHI LA LNGA, TSOGS ZHING GSAL GDAB PA, YAN LAG BDUN PA 'BUL BA, GSOL BA GDAB PA, BYIN RLABS
, ,ZHU BA; TSOGS ZHING BSDU BA'O, ,DANG PO LA GNYIS, DAM TSIG PA BSKYED PA DANG, YE SHES PA STIM@ PA'O, ,DANG PO LA GSUM, GNAS BSKYED PA, GTZO BO BSKYED PA, 'KHOR BSKYED PA'O, ,DANG PO NI, BDE STONG DBYER MED, CES PA NAS, CHU SKYES NYI ZLA RGYAS PA'I STENG, ZHES PA'I BAR TE, BLA MA GANG DU SGOM PA'I GNAS DANG, GRANGS DANG, RNAL 'BYOR DNGOS GZHI DANG, RDO RJE 'CHANG DANG DBYER MED DU LTA LUGS DANG, 'OD ZER SPRO BSDU LA SOGS PA TSUL JI LTAR YIN ZHES RJE BDAG NYID CHEN POS DRI BA LHAG BSAM RAB DKAR DU DRI BA'I TSUL DU GSUNGS PA LA, PAn CHEN CHOS KYI RGYAL POS DRI LAN BLO BZANG BZHAD PA'I SGRA DBYANGS LAS, BLA MA GANG DU SGOM PA'I GNAS, ,MDUN NAM SPYI GTZUG SNYING GI DKYIL, ,RANG RANG MOS PA BZHIN RUNG STE, ,AA BHI DHA NA'I RGYUD LAS KYANG, ,DRIN DANG LDAN PA'I BLA MA DE, ,LAG PA'I MTHIL LAm SNYING GI DKYIL, ,LUS KYI CHA SHAS GAR BSGOMS KYANG; ;SANGS RGYAS STONG GI BYIN RLABS KYANG, ,GANG ZAG DE YIS SDUD PAR BYED, ,CES GSUNGS BLA MA'I GRANGS DANG NI, ,RNAL 'BYOR DNGOS GZHI BSGOM TSUL DANG, ,RDO RJE 'CHANG DANG DBYER MED DU, ,LTA DANG 'OD ZER SPRO BSDU SOGS, ,JI LTAR BYED PA'I RIM PA RNAMS, ,GANGS RI'I KHROD KYI ZAS GTZANG SRAS, ,THAMS CAD MKHYEN PA RANG NYID KYI, ,ZHAL LAS 'ONGS PA'I SNYAN BRGYUD RNAMS, ,YI GE LOGS SU BKOD PA BZHIN, ,ZHES GSUNGS
PA'I YI GE LOGS SU BKOD PA NI BLA MA MCHOD PA'I GZHUNG 'DI NYID YIN LA, BLA MA GANG DU SGOM PA'I GNAS LA NGES GZUNG MED KYANG, LAS DANG PO BA RNAMS KYI LUS KYIS PHYAG 'TSAL BA LA 'JUG PA BDE BA'I PHYIR SKABS 'DIR MDUN DU BSKYED PAR MDZAD LA, SPYI BO DANG SNYING GAR BSGOM TSUL 'OG TU 'BYUNG BAS SO, ,DES NA JI LTAR BSKYED PA'I TSUL NI, RANG GI MDUN DU RIN PO CHE'I SA GZHI'I DBUS SU 'O MA'I RGYA MTSO CHEN PO ZHIG YOD PAR BSAm LA, RANG SEMS BDE BA'I NGO BOR SONG BDE BAS YUL STONG PA NYID NGES PA'I BDE STONG DBYER MED KYI RTZIS ZIN PA'I NGANG NAS LHA LAM NI NAM MKHA' STE BYANG CHUB SEMS DPA' KUN TU BZANG PO'I SMON LAM GYI MTHU LAS MCHOD PA'I SPRIN PHUNG BSAM GYIS MI KHYAB PA SPROS PA LTAR, 'DIR YANG DPE DE BZHIN DU MCHOD SPRIN DPAG TU MED PAS NAM MKHA'I KHYON THAMS CAD GANG BAR GYUR PA'I, SNGAGS LUGS LTAR NA LHAN SKYES KYI BDE STONG DBYER MED NI THOG MTHA' BAR GSUM KUN TU GAL CHE ZHING BZANG BA YIN LA, DE NYID MCHOD SPRIN GYI RNAM PAR SHAR BA'I DBUS SU 'O MA'I RGYA MTSO LAS BYUNG BA'I YID LA DPAG CING BSAM PA TZAM GYIS DGOS 'DOD THAMS CAD CHAR BZHIN 'BAB PA'I DPAG BSAM GYI SHING SA 'OG TU YOD PA'I RTZA BA GSER, YAL GA MA THON BAR GYI SDONG PO DNGUL, ,YAL GA BEEd'URYA,@ LO MA STE RTZA RKANG SHEL, 'DAB MA SPUG, ME TOG MU TIG DMAR PO, 'BRAS BU RDO'I@ SNYING PO STE RGYA MTSO NAS THON PA'I RDO RMUG@ PO ZHIG YOD PAR GRAGS SO, ,SHING
, ,DE RLUNG GIS BSKYOD PA'I SGRA LAS MDO SNGAGS KYI CHOS SGRA LHANG LHANG SGROG BZHIN PA BDE BA CAN GYI SHING DANG MTSUNGS PA'I RIN PO CHE SNA BDUN LAS GRUB PA, 'DOD RGU THAMS CAD YID BZHIN DU 'BYUNG BA, DE'I RTZE MOR ME TOG DMAR PO RGYA SHIN TU CHE BA'I STENG DU GDOD LNGA PA NI SENGGE STE, SENGGE'I RKANG LAG BZHIS KYANG KHA LTAR SROG CHAGS 'DZIN PA SOGS KYI BYA BA BYED PAS NA GDONG LNGA DANG, YANG NA KHA, SNA; KHUR TSOS GNYIS, MA LE STE 'BUR PO LNGA YOD PA'I DBANG GIS GDONG LNGA PA STE DBANG PHYUG BRGYAD MTSON PA'I SENGGE BRGYAD KYIS BTEG PA'I RIN PO CHE'I KHRI 'OD ZER 'BAR BA GRU BZHI PA, NGES PAR 'BYUNG BA'I CHOS STON PA LA MI 'JIGS PA, BAR DU GCOD PA'I CHOS STON PA LA MI 'JIGS PA, SPANGS PA PHUN TSOGS KYI CHOS STON PA LA MI 'JIGS PA, RTOGS PA PHUN TSOGS KYI CHOS STON PA LA MI 'JIGS PA STE MI 'JIGS PA BZHI MTSON PA'I NGOS BZHI PA, DPANGS MTHO ZHING RGYA SHIN TU CHE BA, KHRI DE'I DBUS NAS SNA TSOGS PADMA RIM PA BCU GCIG GI PAD RIM 'OG MAS SENG KHRI'I ZUR CUNG ZAD KHEBS PA, STENG MA RNAMS RIM BZHIN RGYA JE CHUNG DANG DPANGS JE MTHOR SONG BA'I PAD RIM DANG PO 'DAB MA BZHI PA, LTE BA'I ZE'U 'BRU LJANG GU, PADMA 'DAM GYIS MA GOS PA LTAR BLA MA 'KHOR BA LA SOGS PA'I SKYON GYIS MA GOS PA, LTE BA'I STENG DU SHES RAB MTSON PA'I NYI DKYIL DMAR PO, DE'I STENG DU THABS MTSON PA'I ZLA DKYIL DKAR PO
RNAMS BSAM, YANG PADMAS NGES 'BYUNG, ZLA BAS BYANG SEMS, NYI MAS YANG DAG PA'I LTA BA YANG MTSON NO, ,GNYIS PA GTZO BO BSKYED PA LA GNYIS, SEMS DPA' SUM BRTZEGS BSKYED PA DANG, LUS DKYIL BSKYED PA'O; ;DANG PO NI, BKA' DRIN GSUM LDAN, ZHES PA NAS, RDO RJE SKYIL KRUNG TSUL GYIS BZHUGS PA'I, ZHES PA'I BAR TE, BKA' DRIN GSUM LDAN NGOS 'DZIN TSUL MDO LUGS LA SDOM PA, LUNG, 'KHRID GSUM DANG, SNGAGS LUGS LA DBANG BSKUR, RGYUD BSHAD, MAN NGAG STE DE GSUM BLA MA GCIG LAS THOB PA LA BKA' DRIN GSUM LDAN DU 'JOG CING, NGO BO SANGS RGYAS THAMS CAD KYI YE SHES GCIG TU BSDUS PA'I RANG GZUGS RTZA BA'I BLA MA YIN PA LA RNAM PA CHOS KYI RGYAL PO TZONG KHA PA CHEN PO NA BZA' NGUR SMRIG MDOG CAN GYI SNAM SBYAR, BLA GOS, MTHANG@ GOS TE CHOS GOS GSUM MDZES PAR GSOL BA'I DGE SLONG GI CHA BYAD CAN ZHAL GCIG PHYAG GNYIS KYI GA-YAS THUGS KAR CHOS 'CHAD DANG, GA-YON MNYAM GZHAG MDZAD PA'I MTHEB MDZUB KYI AUTPA LA'I YU BA BZUNG BA'I ME TOG SNYAN GA-YAS GA-YON GYI THAD DU KHA PHYE BA'I GA-YAS KYI STENG DU SHES RAB KYI RAL GRI ME CUNG ZAD 'BAR BA DANG, GA-YON GYI STENG DU RANG NYID GANG NYAMS SU BLANG BYA'I GLEGS BAM YIG 'BRU LAS RING SGRA SGROG BZHIN PA BSNAMS PA, CHOS 'CHAD KYIS THOS PA, MNYAM GZHAG GIS SGOM PA, GLEGS RAL GYIS BSAM PA STE RANG NYID THOS BSAM SGOM
, ,GSUM DANG 'CHAD RTZOD RTZOM GSUM MTHAR PHYIN PA MTSON, MNYAm GZHAG GI STENG DU BEEd'URYA'I@ LHUNG BZED NA BA DANG 'CHI BA DANG ZAG PA 'JOMS PA'I SMAN DANG TSE DANG YE SHES KYI BDUD RTZI GSUM GYIS GANG BA BSNAMS PA STE NAD MED KYI BDUD RTZIS PHUNG PO'I BDUD, 'CHI MED KYI BDUD RTZIS 'CHI BDAG GI BDUD, ZAG MED KYI BDUD RTZIS NYON MONGS KYI BDUD, TING NGE 'DZIN GYI PHYAG RGYAS LHA'I BU'I BDUD DE BDUD BZHI 'JOMS PA MTSON, GZHAN YANG GA-YAS GA-YON GYI PHYAG RGYAS BLA MA'I THUGS CHOS SKU LA MNYAM PAR BZHAG BZHIN PA DE LAS MA GA-YOS PA'I DANG NAS GDUL BYA LA CHOS STON PA SOGS RJES THOB KYI BYA BA THAMS CAD 'BAD MED DU MDZAD PAS MNYAM RJES 'DRES PA DANG, CHOS 'CHAD KYIS SLOB MA LA THOS PA 'TSOL BA DANG, MNYAM GZHAG GIS THOS PA'I DON SGOMS SHIG CES BSKUL BA'ANG MTSON NO, ,RANG GI TSE BSOD SHES RAB RGYAS PA MTSON PA'I DBU ZHVA SER PO SNE RING GSOL BA; DE'I THUGS KAR PAD ZLA'I GDAN LA YE SHES SEMS DPA' MNYAM MED THUB PA'I DBANG PO BDUD 'DUL MAR GRAGS PA SKU MDOG SER PO ZHAL GCIG PHYAG GNYIS GA-YAS SA GNON DANG GA-YON MNYAM GZHAG GI STENG NA LHUNG BZED YON TAN GONG BZHIN GYI BDUD RTZIS GANG BA BSNAMS PA STE LHAG MA MNGON RTOGS BZHIN GO SLA'O, ,DE'I THUGS KAR PAD NYI'I GDAN LA TING NGE 'DZIN SEMS DPA' RIGS KUN LA KHYAB PA'I KHYAB BDAG RDO RJE 'CHANG SKU MDOG
SNGON PO ZHAL GCIG PHYAG GNYIS GA-YAS GSER GYI RDO RJE RTZE LNGA PA DANG, GA-YON RDO RJE RTZE LNGA PHYED PAS YU BA BYAS PA'I DNGUL DKAR GYI DRIL BU 'DZIN PAS YUM RDO RJE DBYINGS KYI DBANG PHYUG MA SNGON MO'I MTSAN 'OG NAS 'KHYUD PA, DBU RGYAN SNYAN RGYAN, MGRIN PA 'KHOR TZAM GYI MGUL RGYAN, NU MA NON TZAM GYI SE MO DO, LTE BA NON TZAM GYI DO SHAL, SKU SKED@ LA SKE@ RAGS SAM 'OG PAG ,PHYAG GDUB, ZHABS GDUB STE RIN PO CHE'I RGYAN BRGYAD KYIS BRGYAN PA, BRKYANGS NA STONG GSUM KHEBS SHING BSDUS NA MDZUB MO'I RTZER YANG BA'I LHA RDZAS LAS GRUB PA'I STOD GA-YOGS SMAD GA-YOGS KYI NA BZAS KLUBS PA, YUM GYI RGYAN DANG PHYAG MTSAN YAB DANG 'DRA ZHING ZHABS GNYIS YAB KYI BRLA'I@ STENG NAS 'KHRIL BA'I SEMS DPA'I SKYIL KRUNG DANG, PHYAG GNYIS KYIS YAB KYI MGUL NAS 'KHYUD PAS BDE STONG LA MNYAM PAR SBYOR BA, SEMS DPA' GSUM GA'ANG MTSAN SO GNYIS DANG DPE BYAD BRGYAD CUS SPRAS PA, NANG NAS RIM BZHIN 'OD ZER DPAG MED 'PHRO BA, PHYI NAS RIM BZHIN DKAR SER DMAR LJANG SNGO BA'I 'JA' MTSON SNA LNGAS BSKOR BA'I DBUS NA ZHABS RDO RJE SKYIL KRUNG GIS BZHUGS PA'O, ,SEMS DPA' GSUM BRTZEGS KYI TSUL DU BSKYED PA NI RAGS PA'I LUS MTSON PA'I DAM TSIG SEMS DPA', PHRA BA GNYUG MA'I LUS MTSON PA'I YE SHES SEMS DPA', GNYUG MA'I SEMS MTSON PA'I TING NGE 'DZIN SEMS DPA'O GSUNGS, GNYIS PA LUS DKYIL BSKYED PA NI, PHUNG PO RNAM DAG ,
, ,CES PA NAS, ZHABS KYI GDAN, ZHES PA'I BAR TE, LUS DKYIL GANG LA 'GOD PA'I GZHI NI PHYI'I BLA MA'I SKU LA DGOD PA YIN PAS BLA MA'I GNAS RNAMS SU THUN MONG GI GDAN SNA TSOGS PADMA RE RE, THUN MONG MA YIN PA'I GDAN ZLA NYI 'KHOR LO LA SOGS PA'I STENG DU LHA RNAMS RAB ZHAL GSUM PHYAG DRUG PA, DE MIN ZHAL GCIG PHYAG GNYIS PA PHYAG MTSAN RGYAN LA SOGS PA ZHIB PAR GSANG 'DUS KYI SGRUB THABS LTAR DANG, BLOS MA CHUN NA SO SO'I RKANG GRANGS TZAM RE MA MTHAR BYAS TE SGOM PA NI, SPYI BOR RNAM SNANG DKAR PO, MGRIN PAR 'OD DPAG MED DMAR PO, THUGS KAR MI BSKYOD PA SNGON PO STE 'DI TING NGE 'DZIN SEMS DPA' RDO RJE 'CHANG GI THUGS KAR BSKYED NA BDE'O, ,LTE BAR RIN 'BYUNG SER PO, GSANG GNAS SPU DKAR NAG GI MTSAMS SU DON GRUB LJANG GU STE DE RNAMS BLA MA'I GZUGS KYI PHUNG PO LA SOGS PA RNAM PAR DAG PA'I NGO BO BDE GSHEGS RIGS LNGAR BSKYED PA NI; PHUNG PO RNAM DAG BDE GSHEGS LNGA ZHES PA'I DON NO, ,BLA MA'I SA CHU ME RLUNG GI KHAMS BZHI'I NGO BO YUM BZHIR BSKYED PA NI, LTE BAR SPYAN LA DKAR MO, THUGS KAR MI BSKYED PA'I MDUN DU MA MA KI SNGON MO, MGRIN PAR GOS DKAR MO DMAR MO, SPYI BOR SGROL MA LJANG GU RNAMS RIN 'BYUNG SOGS DANG ZHAL SPROD KYI TSUL DU BZHUGS SHING 'KHYUD TSUL MI BYA STE KHAMS BZHI YUM BZHI ZHES PA'I DON NO, ,SKYE MCHED CES PA'I DON RNAM SHES DRUG SKYE,
ZHING MCHED PA'I GNAS YIN PAS NA SKYE MCHED DE 'DI LA PHYI NANG GNYIS LAS NANG GI SKYE MCHED MIG LA SOGS PA STE, SPYAN GNYIS LA MIG DBANG GI NGO BO SA SNYING DKAR PO RE RE, SNYAN GNYIS LA RNA DBANG GI NGO BO PHYAG RDOR SER PO RE RE; ;SHANGS LA SNA DBANG GI NGO BO NAM SNYING SER PO, LJAGS LA LCE DBANG GI NGO BO 'JIG RTEN DBANG PHYUG STE SPYAN RAS GZIGS DMAR PO, THUGS KAR MI BSKYOD PA'I RGYAB TU YID DBANG GI NGO BO 'JAM DPAL DMAR PO ZHAL MDUN GZIGS, GSANG GNAS TE RDO RJE'I SKED@ PAR LUS DBANG GI NGO BO SGRIB SEL LJANG GU ZHAL PHYIR GZIGS TE SEMS DPAR BSKYED DO, ,PHYI'I SKYE MCHOD NI PHYI ROL GYI GZUGS LA SOGS PA STE DE RNAMS SEMS MAR BSKYED PA NI SPYAN GNYIS LA GZUGS RDO RJE MA DKAR MO SA SNYING LA 'KHYUD PA, SNYAN GNYIS LA SGRA RDO RJE MA SER MO PHYAG RDOR LA 'KHYUD PA, SHANGS LA DRI RDO RJE MA DMAR MO NAM SNYING LA 'KHYUD PA, LJAGS LA RO RDO RJE MA LJANG GU 'JIG RTEN DBANG PHYUG LA 'KHYUD PA, RDO RJER REG BYA RDO RJE MA SNA TSOGS MDOG SGRIB SEL LA 'KHYUD PAR BSKYED PA STE SKABS 'DIR CHOS DBYINGS RDO RJE MA MI BSKYOD PAR BZHED DO, ,SPYI BO'I RNAM SNANG GI MDUN DU RTZA RGYUS KYI NGO BO BYAMS PA DKAR PO, TSIGS THAMS CAD LA KUN BZANG LJANG GU RE RE BSKYED PAR GSUNGS PA BLOS CHUN NA LEGS SHING, MI CHUN 3NA DPUNG MGO DANG, GRU MO DANG, MKHRIG@ MA DANG, DPYI@ MGO DANG, PUS MO DANG
, ,STE TSIGS CHEN BCU GNYIS SAM, YANG BRANG DBUS SU KUN BZANG GCIG ME LONG GI GZUGS BRNYAN LTAR BSAM YANG RUNG STE, PHYI NANG GZHAN GSUM DU SBYOR BA LTAR NA TSIGS SUM BRGYA DRUG CU LA BSGOM NA ZHAG SUM BRGYA DRUG CU, TSIGS CHEN BCU GNYIS LA BSGOM NA ZLA BA BCU GNYIS, BRANG DBUS SU GCIG BSGOM NA LO GCIG DANG SBYOR BA STE SKYE MCHED RTZA RGYUS TSIGS RNAMS BYANG CHUB SEMS DPA' DNGOS, ZHES PA'I DON NO; ;BA SPU DGRA BCOM NYI KHRI CHIG STONG GSUNGS PA RAGS RTZIS TE, RGYUD LAS BA SPU'I KHUNG BU BYE BA PHRAG PHYED BZHI YOD PAR GSUNGS SHING, RDO RJE GDAN BZHI'I RGYUD LAS, BA SPU RNAMS NI DGRA BCOM NYID, CES PA'I DON THEG CHEN DGRA BCOM PA SANGS RGYAS TE BA SPU'I KHUNG RER SANGS RGYAS ZHING KHAMS DANG BCAS PA RA RE BSKYED PAR BSHAD DO, ,YAN LAG KHRO BO'I DBANG PO NYID, CES PA'I DON NI GNAS SO SOR ME LONG GI GZUGS BRNYAN LTAR PHYAG GA-YAS KYI MTHIL DU KHRO BO GSHIN RJE'I GSHED NAG PO, GA-YON LA GZHAN GYIS MI THUB PA DKAR PO, DE GNYIS DBU MTHE BONG PHYOGS SU BSTAN PA, ZHAL GYIS SO DANG MCHU'I BAR DU RTA MGRIN DMAR PO, NOR BU'I DBUS SU BDUD RTZI 'KHYIL BA SNGON PO, SKU DPUNG GA-YAS SU MI GA-YO BA SNGON PO, GA-YON LA 'DOD RGYAL SNGON PO, ZHABS PUS GA-YAS LA DBYUG SNGON CAN SNGON PO, GA-YON LA STOBS PO CHE NAG PO, DBU GTZUG GI SGROL MA'I SPYI BOR GTZUG TOR 'KHOR BSGYUR SNGON PO, ,
ZHAL RGYAB GZIGS SPYAN NAM MKHAR GZIGS PAS STENG GDON SRUNG BA'I TSUL CAN, ZHABS MTHIL GNYIS LA GNOD MDZES SNGON PO RE RE SPYAN 'OG TU GZIGS PAS KLU DANG SA BDAG GI GDON SRUNG BA'I TSUL CAN RNAMS YAN LAG DE DAG GI NGO BOR BSAM MO, ,'OD ZER PHYOGS SKYONG GNOD SBYIN GSANG BA ZHES PA'I DON NI, BLA MA'I SKU LAS 'OD ZER PHYOGS BCUR 'PHROS PA RNAMS PHYOGS SKYONG GI RNAM PAR BSGOM PA'I DON TE PHYOGS SKYONG DU BLTA TSUL NI, GNOD SBYIN TE BYANG PHYOGS GNOD SBYIN GYIS BSKOR BA'I RNAM SRAS DANG, GSANG BA NI DRI ZA STE SHAR PHYOGS DRI ZAS BSKOR BA'I PHYOGS SKYONG GNYIS DNGOS SU BSTAN NAS DE DAG GIS MTSON PA'I SHAR LHOR ME LHA, LHOR GSHIN RJE, LHO NUB TU SRIN PO, NUB TU CHU LHA, NUB BYANG DU RLUNG LHA, BYANG SHAR DU 'BYUNG PO'I BDAG PO, STENG DU TSANGS PA DANG NYI MA ZLA BA SOGS DANG, 'OG TU SA'I LHA MO LA SOGS PA'I PHYOGS MTSAMS KYI PHYOGS SKYONG RNAMS SU BLTA'O, ,'JIG RTEN PA RNAMS ZHABS KYI GDAN ZHES PA'I DON LA BZHED TSUL MANG YANG, RNYING MA'I RGYUD YANG GSANG 'DUS PA LAS, PAD SDONG 'DAB MA STONG LDAN RTZA BA LA, ,DMYAL BA YI DVAGS DUD 'GRO RNAM PA GSUM, ,SDUG BSNGAL GNAS LAS 'DREN PA'I TSUL GYIS RDZOGS, ,GE SAR NYI ZLA RGYAS PA'I DKYIL 'KHOR LA, ,MI DANG LHA MIN LHA YI TSOGS RNAMS KUN, ,DAD GUS GDUD BAS SKYABS 'GRO'I TSUL GYI RDZOGS, ,ZHES GSUNGS PA LTAR, PADMA'I RTZA BA SENG KHRI LAS THON PA YIN PAS NGAN 'GRO'I SEMS CAN SENG KHRI'I LBUBS
, ,DANG; PADMA'I GE SAR GYI NANG DU MI, NYI DKYIL GYI NANG DU LHA MIN, ZLA DKYIL GYI NANG DU LHA'I 'GRO BA RNAMS SGOM NA DE RNAMS 'JIG RTEN PA YIN ZHING, ZHABS 'OG TU'ANG YOD PAS DE LTAR BSGOM PAS CHOG GAM SNYAM GSUNGS, GSUM PA 'KHOR BSKYED PA NI, MTHA' SKOR RIM BZHIN ZHES PA NAS, BSKOR NAS BZHUGS, ZHES PA'I BAR TE, BLA MA'I THUGS KA NAS 'OD ZER MDUN DU SPROS PAS MDUN GYI BAR SNANG LA 'OD ZER GYIS BTEG PA'I TSUL GYIS PAD ZLA'I GDAN LA RANG GI RTZA BA'I BLA MA ZHAL MJAL DUS KYI RNAM PA CAN LA CHOS 'BREL DNGOS THOB KYI BLA MA RNAMS KYIS BSKOR BA, 'OD ZER GA-YAS SU SPROS PAS RJE BTZUN BYAMS PA LA RGYA CHEN SPYOD BRGYUD, GA-YON DU SPROS PAS RJE BTZUN 'JAM DBYANGS LA ZAB MO LTA BRGYUD KYI BLA MA RNAMS KYIS BSKOR BA, GTZO BO LAS 'OD ZER STENG DU SPROS PAS RTZA BA'I BLA MA DHARMA BHA DRA, DE'I THUGS KA NAS 'OD ZER STENG DU SPROS PAS RJE BTZUN NGAG DBANG RDO RJE, DE'I THUGS KA NAS 'OD ZER STENG DU SPROS PAS RJE BTZUN DPAL LDAN YE SHES SOGS BLA MA 'OG MA 'OG MA'I THUGS KA NAS 'OD ZER STENG DU SPROS PAS GONG MA GONG MA MTHO BRTZEGS SU RDO RJE 'CHANG LA THUG GI BAR PHYAG CHEN BRGYUD PA'I BLA MA RNAMS RDO RJE 'CHANG MA GTOGS NGO BO BLA MED DANG DE YIN PA LA RNAM PA RJE BTZUN 'JAM DBYANGS DMAR SER GYI RNAM PAR SGOM PA GNAD DO, ,PAD RIM DANG PO'I GA-YAS KYI 'DAB MAR PHA RGYUD KYI GTZO BO DPAL
GSANG BA 'DUS PA MI BSKYOD PA LHA SO GNYIS RTEN DANG BRTEN PA'I DKYIL 'KHOR, MDUN GYI 'DAB MAR PHA RGYUD MA RGYUD GNYIS KA'I GNAD TSAD PA DPAL RDO RJE 'JIGS BYED RA LUGS BCU GSUM MA, RGYAB KYI 'DAB MAR DPAL KYEE RDO RJE dOm BHI LUGS LHA DGU MA, GA-YON GYI 'DAB MAR MA RGYUD KYI GTZO BO DPAL 'KHOR LO BDE MCHOG L'U AI PA LHA RE GNYIS PA'I DKYIL 'KHOR, SO SO'I STENG GI BAR SNANG LA RANG RANG GI BLA BRGYUD DANG BCAS PA GSAL BTAB, PAD RIM GNYIS PAR DPAL DUS KYI 'KHOR LO LA SOGS PA'I BLA MED KYI LHA TSOGS GZHAN RNAMS, PAD RIM GSUM PAR KUN RIG RNAm PAR SNANG MDZAD LA SOGS PA'I RNAL 'BYOR RGYUD, BZHI PAR RNAM PAR SNANG MDZAD MNGON PAR BYANG CHUB PA LA SOGS PA'I SPYOD RGYUD, LNGA PAR THUB PA DAM TSIG GSUM BKOD LA SOGS PA'I BYA RGYUD KYI LHA TSOGS RNAMS DANG, DRUG PAR BSKAL BZANG GI SANGS RGYAS STONG DANG LTUNG BSHAGS SO LNGA BDE GSHEGS BRGYAD LA SOGS PA'I SANGS RGYAS, BDUN PAR NYE SRAS BRGYAD SOGS BYANG SEMS, BRGYAD PAR RANG RGYAL BCU GNYIS SOGS RANG RGYAL, DGU PAR GNAS BRTAN BCU DRUG SOGS NYAN THOS, BCU PAR KHAndAKA P'A LA DANG RAB GTUM MA SOGS DPA' BO MKHA' 'GRO, BCU GCIG PAR SHAR DU MGON PO PHYAG DRUG PA DANG 'JIGS BYED KYI BKA' SDOD CHOS RGYAL, LHOR GSANG 'DUS KYI BKA' SDOD ZHAL BZHI, NUB TU KYEE RDOR GYI BKA' SDOD GUR MGON, BYANG DU 'KHOR LO SDOM PA'I
, ,BKA' SDOD PHYAG BZHI PA STE DPAL MGON SDE LNGA DANG, GZHAN YANG RANG GI DMIGS BSAL BSTEN PA'I CHOS SKYONG YOD NA BSKYED DO, ,SENG KHRI'I PHYOGS BZHIR RGYAL CHEN BZHI 'KHOR DANG BCAS PA BAR CHAD SRUNG BA'I TSUL DU ZHAL PHYIR GZIGS, DE THAMS CAD KYI RANG RANG GI MDUN NAm GA-YAS SU POD BZHI YAN LA CHOS KHRI PHUN SUM TSOGS PA DANG POD GSUM MAN LA PAD ZLA'I STENG DU RANG RANG GIS GSUNGS PA'I LUNG GI CHOS RNAMS 'OD KYI RANG BZHIN GYI PO TI'I RNAM PA RANG SGRA SGROG BZHIN PA 'OD ZER DPAG MED 'PHRO BAR BSAM MO, ,GNYIS PA YE SHES PA BSTIM PA NI, DE DAG SGO GSUM, ZHES PA NAS, BRTAN PAR GYUR, CES PA'I BAR TE, SKABS 'DI'I DAG CES PA GTZO 'KHOR GNYIS SU BSDUS PA'I GNYIS TSIG GAM, YANG NA SMRA SGO MTSON CHA LAS, RNAMS DANG DAG NI MANG PO'I TSIG ,CES GSUNGS PA LTAR TSOGS ZHING THAMS CAD LA GO BAR BYA'O, ,SGO GSUM NI SPYI BO DANG MGRIN PA DANG SNYING GA RNAMS LUS NGAG YID GSUM GYI SGO DANG, RDO RJE GSUM NI SKU RDO RJE RNAM SNANG, GSUNG RDO RJE 'OD DPAG MED, THUGS RDO RJE MI BSKYOD PA STE DE RNAMS MTSON BYED TSOGS ZHING THAMS CAD KYI SPYI BOR ZLA GDAN LA SKU RDO RJE'I NGO BO AOm YIG DKAR PO, MGRIN PAR PADMA DMAR PO'I STENG DU GSUNG RDO RJE'I NGO BO A'A: YIG DMAR PO, THUGS KAR NYI GDAN LA THUGS RDO RJE'I NGO BO H'Um YIG SNGON PO STE GTZO BO LA 'DI MI BSKYOD PA'I THUGS KAR BSKYED NA
BDE ZHING YI GE DE GSUM LA RDO RJE GSUM GYI SGRA 'JUG PA SLOB DPON AA BHA KA RAS MAN NGAG MNYE MAR GSUNGS SO, ,DE NAS TSOGS ZHING THAMS CAD DANG KHYAD PAR GTZO BO'I THUGS KA'I H'Um LAS 'OD ZER DMAR PO LCAGS KYU LTA BU DPAG TU MED PA PHYOGS BCUR SPROS PAS RANG BZHIN CHOS SKU'I GNAS NAS BSGOMS PA DANG 'DRA BA'I YE SHES PA RNAMS SPYAN DRANGS PAR BSAM LA, PHUN TSOGS BDE LEGS ZHES PA NAS 'KHRID YIG TU 'BYUNG BA LTAR 'DIR GSHEGS ZHES PA'I BAR DANG, DE NAS SGO BA BZHI'I SNGAGS RGYA BYAS NAS, DBYER MED BRTAN PAR GYUR, CES BRJOD PAR BYA ZHING TSIG DON GO SLA LA, SGO BA BZHI'I SNGAGS RGYA'I SKABS JI LTAR BYA TSUL NI, SPYAN DRANGS PA'I YE SHES PA MDUN GYI NAM MKHAR BZHUGS PA RNAMS DZA: BRJOD PAS YE SHES PA RNAMS DAM TSIG PA SO SO'I SPYI BOR MI THOG TU MI BRTZEGS PA BZHIN BYON, H'Um BRJOD PAS DAM TSIG PA SO SO LA THIM ZHING ME LONG GI GZUGS BRNYAN LTAR DAM YE SO SOR GSAL, BAm BRJOD PAS DAM YE GNYIS CHU DANG CHU 'DRES PA BZHIN DBYER MED RO GCIG TU GYUR, HO: BRJOD PAS DAM TSIG PA SO SO LA DGYES BZHIN DU BZHUGS PAR BSAM LA THAMS CAD KYANG SKYABS GSUM KUN 'DUS KYI NGO BOR BLO THAG BCAD DE MOS GUS DUNG DUNG BA BYA STE, 'DI'I DGOS PA NI, YE SHES BSTIMS PAS DAM TSIG NUS LDAN SGRUB, CES GSUNGS PA LTAR MDUN DU BSKYED PA'I DAM TSIG PA NI RANG GI BLOS BCOS PA TZAM YIN GYI DON DU BLA MA SANG RGYAS SOGS
, ,RANG RANG GI ZHING NA BZHUGS YOD LAS CHE SNYAM PA'I RNAM RTOG NGAN PA DE 'GOG PA'I CHED DO GSUNGS, GNYIS PA YAN LAG BDUN PA 'BUL BA LA BDUN, PHYAG 'TSAL BA, MCHOD PA 'BUL BA, SDIG LTUNG BSHAGS PA, RJES SU YI RANG BA, CHOS 'KHOR BSKOR BAR BSKUL BA, MI 'DA' BAR GSOL BA GDAB PA, BSNGO BA BYA BA'O, ,DANG PO LA GSUM, RTZA BA'I BLA MA NYID LA PHYAG 'TSAL BA DNGOS KYI BLA MA RNAMS LA PHYAG 'TSAL BA, BRGYUD PA'I BLA MA SOGS LA PHYAG 'TSAL BA'O; ;DANG PO LA GSUM, LONGS SKU'I BDAG NYID LA PHYAG 'TSAL BA, SPRUL SKU'I BDAG NYID LA PHYAG 'TSAL BA, CHOS SKU'I BDAG NYID LA PHYAG 'TSAL BA'O, ,DANG PO NI, GANG GI THUGS RJES, ZHES SOGS SHLOO KA GCIG STE, BLA MA GANG GI BKA' DRIN LA BRTEN NAS BDE BA CHEN PO'I DBYINGS SAM MTHAR THUG MCHOG GI DNGOS GRUB SKU GSUM GYI GO 'PHANG YANG SNYIGS DUS KYI TSE THUNG GCIG LTA BU LA BDE BLAG TU STZOL BAR MDZAD NA, GRUB PA CHEN PO BRGYAD LA SOGS PA'I THUN MONG GI DNGOS GRUB RNAMS LTA CI SMOS TE KYANG ZHES PAS BSTAN TO, ,DES NA RTZA BA'I BLA MA KHYOD NI YID BZHIN GYI NOR BU RIN PO CHE DBANG GI RGYAL PO DANG 'DRA STE, NOR BU DE NYID RGYAL MTSAN GYI RTZER BKOD NAS MCHOD CING GSOL BA BTAB NA DGOS 'DOD THAMS CAD CHAR BZHIN DU 'BEBS PA DANG 'DRA BA STE PHYOGS TZAM 'DRA BA MTSON PAS RIN PO CHE STE RNAM PA THAMS CAD DU 'DRA BA MA YIN TE NOR BU LAS KYANG CHES KHYAD
PAR DU 'PHAGS PA'O, ,DE LTA BU'I BLA MA RDO RJE CAN TE NANG NGES DON GYI RDO RJE BDE STONG GNYIS SU MED PA'I YE SHES DE NYID BZHIN LAG GI RNAM PAR SHAR ZHING, PHYI DRANG DON RTAGS KYI RDO RJE PHYAG TU 'DZIN PA'I 'CHANG BA'I RDO RJE 'CHANG LONGS SKU'I CHA BYAD CAN GYI ZHABS KYI PADMA LA PHYAG 'TSAL BA STE SGO GSUM GUS PAS 'DUD DO, ,ZHES PA'O, ,GNYIS PA SPRUL SKU'I BDAG NYID LA PHYAG 'TSAL BA NI, RAB 'BYAMS RGYAL BA, ZHES SOGS GCIG STE, 'DI LA MCHOG GI SPRUL SKU DANG, SKYE BA SPRUL SKU GNYIS YOD PA LAS DANG PO THUB PA'I DBANG PO DANG GNYIS PA RJE TZONG KHA PA LTA BU YIN LA, TSIG DON NI, PHYOGS BCU'I ZHING RAB 'BYAMS NA BZHUGS PA'I RGYAL BA STE SANGS RGYAS THAMS CAD KYI THUGS BDE STONG GNYIS SU MED PA'I YE SHES NI, GDUL BYA GANG LA GANG 'DUL GYI SKU'I BKOD PA SO SKYE PHO MO, BLO RNO RTUL, GZINGS DANG ZAM PA SOGS CIR YANG 'CHAR BA STE SPRUL NAS GDUL BYA RNAMS SMIN GROL GYI LAM LA 'GOD PAR MDZAD PA LAS BDAG CAG RNAMS KYI SNANG NGOR NA BZA' NGUR SMRIG 'DZIN PA STE GSOL BA THA MAL BA'I DGE SLONG GI RNAM PAR BSTAN NAS SEMS CAN SKYABS MED PA'I SKYABS DANG MGON MED KYI MGON MDZAD PA'I SKYABS MGON DAM PA KHYOD LA PHYAG 'TSAL LO, ,ZHES PA'O, ,GSUM PA CHOS SKU'I BDAG NYID LA PHYAG 'TSAL BA NI; NYES KUN BAG CHAGS, ZHES SOGS GCIG STE, CHOS SKU LA DBYE NA YE SHES CHOS SKU DANG NGO BO NYID SKU GNYIS SU YOD CING, DANG PO RTOGS PA MTHAR THUG DANG GNYIS PA SPANGS PA MTHAR THUG GI CHA NAS BZHAG PAS TSIG RKANG DANG POS SPANGS PA'
, ,YON TAN DANG, GNYIS PAS RTOGS PA'I YON TAN BRJOD PA STE NYES PA THAMS CAD KYI RTZA BA BDAG 'DZIN BAG CHAGS DANG BCAS PA DRUNG PHYUNG BA STE RTZA BA NAS SPANGS SHING, LUNG DANG RTOGS PA'I YON TAN DPAG TU MED PA RIN PO CHE LTA BUS THUGS RGYUD GANG BAS GTER CHEN PO'I BUM PA LTA BU KHYOD NI LUS CAN THAMS CAD LA GNAS SKABS DANG MTHAR THUG GI PHAN BDE MA LUS PA 'BYUNG BA'I SGO GCIG PO YIN PAS RANG GZHAN GYI DON GNYIS PHUN SUM TSOGS PA'I SKU MNGA' BA'I RJE BTZUN BLA MA'I ZHABS LA PHYAG 'TSAL LO, ,ZHES SO, ,GNYIS PA DNGOS KYI BLA MA RNAMS LA PHYAG 'TSAL BA NI, LHAR BCAS STON PA, ZHES SOGS GCIG STE, BSHAD RGYUD RDO RJE PHRENG BA LAS, BLA MA'I THUGS SANGS RGYAS, GSUNG CHOS, SKU DGE 'DUN GYI NGO BOR GSUNGS PA BZHIN TSIG RKANG DANG PO GSUM GYIS RIM PA LTAR BSTAN LA, LHANG NGE BA ZHES PA LA 'KHRID YIG 'GAR LHAM ME ZHES 'BYUNG ZHING, SPYIR SKU LHAM ME, GSUNG LHANG NGE, THUGS LHAN NE ZHES 'BYUNG BAS, RANG GI GO TSOD NI 'PHAGS PA'I DGE 'DUN THAMS CAD KYI DBUS NA RTZA BA'I BLA MA SNYAN GRAGS CHE SHOS SU YOD PAS LHANG NGE ZHES PAR MTSON GSUNGS, DE LTA BU'I DKON MCHOG GSUM 'DUS PA'I NGO BO RANG LA DAM PA'I CHOS KYI BKA' DRIN DNGOS SU NOS PA'I BLA MA RNAMS LA PHYAG 'TSAL LO, ,ZHES PA'O, ,GSUM PA BRGYUD PA'I BLA MA SOGS LA PHYAG 'TSAL BA NI, DUS GSUM PHYOGS BCUR ZHES SOGS GCIG STE, 'DAS MA 'ONGS DA LTA STE DUS
GSUM DANG, PHYOGS BZHI MTSAMS BRGYAD STENG 'OG STE PHYOGS BCUR BZHUGS PA'I BLA MA, YI DAM SANGS RGYAS BYANG SEMS LA SOGS PA MDOR NA PHYAG BYA BAR 'OS PA THAMS CAD LA DAD CING MOS GUS BYED PA YID DANG, BSTOD DBYANGS BRJOD PA DAG DANG, ZHING GI RDUL PHRA RAB KYI GRANGS DANG MNYAM PA'I LUS SPRUL TE PHYAG 'TSAL BAR MOS PA LUS KYI PHYAG STE LUS NGAG YID GSUM GYI PHYAG 'TSAL BA'O, ,GNYIS PA MCHOD PA 'BUL BA NI, RANG NYID THAMS CAD MKHYEN PA'I GO 'PHANG THOB PA LA TSOGS RLABS PO CHE RDZOGS DGOS, TSOGS GSAG PA'I ZHING NI PHYOGS BCU'I SANGS RGYAS THAMS CAD LA MCHOD PA RGYA CHEN PO PHUL BA LAS BLA MA'I BA SPU'I KHUNG GCIG LA SNUM TSAG@ GIS MCHOD PA RLABS CHE BAR GSUNGS TE, PHYOGS BCU'I RGYAL BA SRAS BCAS LA MCHOD PA PHUL NA RANG LA PHUL BA TZAM GYI PHAN YON THOB KYANG DE RNAMS KYIS DGYES BZHIN DU BZHES PA'I NGES PA MED LA, BLA MA LA MCHOD PA PHUL NA PHYOGS BCU'I RGYAL BA SRAS BCAS THAMS CAD BLA MA'I SKU LA ZHUGS TE DGYES BZHIN DU MCHOD PA BZHES PAR GSUNGS PAS NAN TAN DU BYAS LA DBANG BZHI DANG 'BREL BA'I MCHOD PA DANG MCHOD YUL, MCHOD MKHAN, MCHOD RDZAS LA SOGS PA THAMS CAD BDE STONG DBYER MED KYI YE SHES DE DANG DE'I RNAM PAR SHAR BAR MOS NAS BDE STONG GI RTZIS ZIN PA GAL CHE ZHING DE GNYIS BLA MED KHO NA'I KHYAD CHOS YIN PAS RGYUD SDE 'OG MA RNAMS LA MED DO, ,JI LTAR 'BUL BA'I TSUL LA LNGA, PHYI'I MCHOD PA 'BUL PA, NANG GI MCHOD PA 'BUL
, ,BA; GSANG BA'I MCHOD PA 'BUL BA, DE KHO NA NYID KYI MCHOD PA 'BUL BA, SMAN DANG BDAG NYID 'BUL BA'O, ,DANG PO LA LNGA, CHU BZHI 'BUL BA, NYER SPYOD ROL MO 'BUL BA, 'DOD YON 'BUL BA, MAndAL 'BUL BA, SGRUB PA'I MCHOD PA 'BUL BA'O, ,DANG PO NI, SKYABS MGON RJE BTZUN, ZHES PA NAS, DAL GYIS 'BAB, CES PA'I BAR TE TSIG RKANG DANG PO GNYIS MCHOD PA THAMS CAD KYI SPYI SDOM YIN KYANG SA BCAD CHU BZHI'I KHONGS SU BSDUS PA'O, ,RANG GI THUGS KA NAS MCHOD PA'I LHA MO DPAG TU MED PA SPROS TE SNGAR BKOD PA MDZES SHING LEGS PAR BSHAMS PA'I MCHOD RDZAS KYI SNOD RGYU RIN PO CHE LAS GRUB PA 'OD ZER 'BAR BA'I NANG DU, THA MAL GYI SNANG ZHEN DAG PA RGYUD SDE BZHI GA'I THUN MONG DANG, BDE STONG DBYER MED KYIS DAG PA BLA MED KHO NA'I DAG BYED YIN PAS MI MTHUN PHYOGS DAG PAR BYED PA'I BDUD RTZI'I RANG BZHIN GYI MCHOD YON, ZHABS BSIL, ZHAL BSIL, BSANG GTOR TE CHU BZHI THOGS NAS MCHOD YON GYIS SKABS 'DIR PHYAG DANG, ZHABS BSIL GYIS PUS MO MAN GYI ZHABS, ZHAL BSIL GYIS ZHAL 'KHRU BA'I TSUL DANG, BSANG GTOR SKU LA 'THOR BA'I TSUL GYIS PHUL LA SLAR MCHOD LHA RNAMS RANG GI SNYING GAR BSDU'O, ,DAL GYIS 'BAB, CES PA SUM CU RTZA GSUM LHA GNAS KYI CHU BO DAL GYIS 'BAB PA ZHES BYA BA DE DPER MDZAD PAR MNGON NO, ,GNYIS PA NYER SPYOD ROL MO 'BUL BA NI, SDONG PO SIL MA, ZHES PA NAS SA GSUM 'GENGS,
ZHES PA'I BAR TE, MCHOD LHA SNGAR BZHIN SPROS TE ME TOG GI SDONG PO SKU MDUN DANG, PHRENG BA NI DBU DANG STENG GI BAR SNANG LA BLA RE DANG DO SHAL LA SOGS PA'I RNAM PA CAN DANG, SIL MA RNAMS NI GCAL DU BKRAM PAS PHYOGS KUN TU KHYAB CING DRI BZANG PO 'PHRO BA'O, ,AA KA RU DANG DU RU KA LA SOGS PA RE RE BA NI LHAN SKYES SNA GCIG PA DANG, DE 'DRA MANG PO SBYAR BA NI SBYAR BYUNG GI SPOS TE DE LA SOGS PA DRI ZHIM PO'I BDUG SPOS KYI DUD PA SNGON PO DBYAR GYI CHU 'DZIN GYIS NAM MKHA' GANG BA LTA BU SHANGS DANG, 'BRU MAR DANG RTZI MAR GYI MAR ME DANG NYI ZLA DANG NOR BU LA SOGS PA DPAG TU MED PA 'OD ZER MTHA' YAS PA 'PHRO BA'I 'OD ZER MTHA' YAS PA 'PHRO BA'I 'OD KYIS 'JIG RTEN THAMS CAD KHYAB STE SA 'OG DANG GLING BAR GYI MUN PA'ANG GSAL BAR BYED CING 'OD ZER DE RNAMS PHAN TSUN DU 'KHYUD PA'Am 'DZINGS PA'I RNAM PA CAN GYIS BKRA SHIS RTAGS BRGYAD LA SOGS PA'I DBYIBS SNA TSOGS GRUB PA'I RTZE DGA' DGOD PA CAN DANG, YAN LAG BRGYAD LDAN GYI TSUL GA PUR DANG TZANDAN DANG GUR GUM LA SOGS PA'I DRI BZANG PO'I SIL SMAN SNA TSOGS BTAB PA'I DRI CHAB PHYOGS KUN TU KHO RA KHOR YUG TU RGYA MTSO LTAR 'KHYIL BA LAS LHA MO RNAMS KYIS BCUS TE THUGS KA DANG, RO MNGAR BA, SKYUR PA, BSKA BA, KHA BA, TSA BA, LAN TSA BA STE RTZA BA'I RO DRUG DE RE RE LA MNGAR BA'I MNGAR BA, MNGAR BA'I SKYUR BA, MNGAR BA'I SKYUR BA, MNGAR BA'I KHA BA, MNGAR BA'I TSA BA, MNGAR BA'I LAN TSA BA DANG, DE BZHIN DU SKYUR BA'I SKYUR BA, SKYUR BA'I MNGAR BA SOGS DRUG
, ,DRUG TU DBYE BAS SUM CU SO DRUG ,DE RE RE LA DMAN 'BRING MCHOG GSUM DU DBYE BAS BRGYA RTZA BRGYAD DO, ,DE LTA BU'I RO BCUD DANG LDAN PA'I 'BRAS CHEN, ZAN DRON,@ SHA; SNUM 'KHUR LDAG@ KHU'I SKYO MA STE BZA' BA LNGA; GRO MA SOGS RTZA BA'I BCA' BA, BUR SHING SOGS SDONG PO, LAB LO SOGS LO MA, ME TOG ,'BRAS BU STE BCA' BA LNGA, ZHO DANG 'O MA SOGS KYI BTANG BA BCAS LHA MI'I ZAS MCHOG DPAG TU MED PA LJAGS DANG, DUNG RGYA GLING SOGS 'BUD PA'I ROL MO, SIL SNYAN SOGS DKROL BA'I ROL MO, RDZAS RNGA SOGS BRDUNG BA'I ROL MO, PI WANG SOGS RGYUD CAN GYI ROL MO RNAMS SNYAN GYI DBANG POR PHUL BAS TSOGS ZHING RNAMS KYI THUGS RGYUD LA BDE STONG GNYIS SU MED PA'I YE SHES GSAR DU 'KHRUNGS PAR BSAM LA RANG RANG GI MCHOD PA PHUL NAS LHA MO RNAMS RANG GI SNYING GAR BSDU BA GNAD CHE'O, ,DE RNAMS NI PHYI'I NYER SPYOD 'BUL TSUL TE NANG GI NYER SPYOD 'BUL TSUL YANG YOD GSUNGS, GSUM PA 'DOD YON 'BUL BA NI, GZUGS SGRA DRI RO ZHES SOGS TSIG RKANG GNYIS TE, RANG GI THUGS KA NAS GZUGS KYI LHA MO PHYAG NA ME LONG NGOS GNYIS PA BSNAMS PA, SGRA'I LHA MO PI WANG, DRI'I LHA MO YAN LAG BRGYAD LDAN GYI CHU LA BSIL SMAN SNA TSOGS BTAB PA, RO'I LHA MO RO BRGYA DANG LDAN PA'I ZHAL ZAS, REG BYA'I LHA MO LHA RDZAS KYI NA BZA' BSNAMS PA DPAG TU MED PA SPROS TE SPYAN LA SOGS PA'I GNAS SO SOR 'BUL BA PHYI'I 'DOD YON DANG, GZUGS KYI LHA MO MDZES SHING
YID DU 'ONG BA GZIGS PAS TSOGS ZHING RNAMS LA ZAG MED KYI BDE STONG 'KHRUNGS SHING DE NYID SPYAN GYI GZUGS RDO RJE MAR THIM NAS SA SNYING LA 'KHYUD PA NANG GI GZUGS DANG, DE BZHIN DU SGRA RDO RJE MA'I ZHAL NAS BSTOD DBYANGS SNYAN PO SGROG PA DANG SNYAN GYI SGRA RDO RJE MAR THIM NAS PHYAG RDOR LA 'KHYUD PA NANG GI SGRA DANG, DRI RDO RJE MA'I LUS DANG KHA NAS DRI ZHIM PO 'THUL BA DANG SHANGS KYI DRI RDO RJE MAR THIM NAS NAM SNYING LA 'KHYUD PA NANG GI DRI DANG, RO RDO RJE MA'I LCE DANG MA MCHU'I@ RO DANG LJAGS KYI RO RDO RJE MAR THIM NAS 'JIG RTEN DBANG PHYUG LA 'KHYUD PA NANG GI RO DANG, REG BYA RDO RJE MA'I LUS SPYI DANG GSANG GNAS KYI REG BYAS BDE STONG 'KHRUNGS PA DANG REG BYA RDO RJE MAR THIM NAS SGRIB SEL LA 'KHYUD CING SNYOM PAR ZHUGS PAS TSOGS ZHING RNAMS LA BDE STONG GI YE SHES 'KHRUNGS PAR BSAM PA NI NANG GI REG BYA YIN NO, ,BZHI PA MAndAL 'BUL BA NI, BYE BA PHRAG BRGYA'I, ZHES PA NAS, DBUL BAR BGYI, ZHES PA'I BAR TE, MAndAL GYI RGYU GSER DNGUL SOGS RAB MA 'BYOR NA SA RDO LAS BYAS PA TSUN CHAD DANG, TSOM BU'ANG@ RAB RIN PO CHE NAS 'BRU LA SOGS PA CI 'BYOR PAS TSOM BU NYER GSUM MA SNGAGS SAM BOD SKAD RKYANG PAS BKOD LA, BYE BA PHRAG BRGYA'I, ZHES SOGS BRJOD PAR BYA STE, GZHUNG 'DIS NYI ZLA GNYIS TZAM LAS TSOM BU NYER GSUM MA DNGOS SU STON PA STE, GLING BZHI ZHES PA'I KHONGS NAS GLING PHRAN BRGYAD THON PAS BCU GNYIS, LHUN POR BCAS ZHES RI RAB KYI BCU GSUM, RIN CHEN BDUN ZHES PAS
, ,'KHOR LO, NOR BU, BTZUN MO, BLON PO, GLANG PO, RTA MCHOG ,DMAG DPON STE RIN CHEN SNA BDUN BSNAN PAS NYI SHU, LHA MI'I LONGS SPYOD 'DOD DGU'I GTER CHEN PO, ZHES BUM PAS NYER GCIG GO ,DE'I STENG DU NYI ZLA GNYIS BSNAN PAS NYER GSUM DU 'GYUR LA, DMIGS RIM ZHIB PAR MAndAL GYI 'KHRID YIG LOGS SU YOD PA LAS SHES PAR BYA ZHING, BYE BA PHRAG BRGYA'I DON NI CHU DANG SA'I DKYIL 'KHOR GYI STENG DU GLING BZHI GLING PHRAN, GSER RI ROL MTSO RI RAB DANG BCAS PA STE DMYAL BA MNAR MED NAS TSANGS RIGS KYI 'JIG RTEN BAR LA GCIG TU BZUNG BAS DE 'DRA STONG PHRAG GCIG LA STONG DANG PO SPYI PHUD KYI STONG, DE LA GCIG TU BZUNG STE STONG GI BAR BGRANG BA LA STONG GNYIS PA BAR MA'I STONG, DE THAMS CAD GCIG TU BZUNG STE GCIG NAS STONG GI BAR BGRANG BA LA STONG GSUM GYI STONG CHEN POR GRAGS LA, DE LA GLING BZHI RI RAB DANG BCAS PA BYE BA PHRAG BRGYA YOD CING DE THAMS CAD 'OG GZHI RLUNG GI DKYIL 'KHOR SHIN TU CHE BA GCIG GI STENG DU YOD PAR BSHAD PAS DE LTAR MOS PA BYA'O, ,GZHAN YANG NYE BA'I RIN CHEN BDUN BKOD DE 'BUL BA LA RJE SA CHEN GYIS, GA-YUL LAS RGYAL BAR BYED PA'I RAL GRI DANG, , TSA GRANG GNOD PA SKYOB PA'I PAGS PA DANG, ,YANG 'JAM NYON MONGS MED PA'I MAL CHA DANG, ,THAGS BZANG SREG BCAD MI NUS 'JAM PA'I GOS, ,GANG 'DOD BLTA NUS BDE BAR NYAL BA'I KHYIM, ,DGA' MGUR RTZE BAR BYED
PA'I TSAL DANG NI, ,TSUL MI 'JING@ NGAL DUB MED PA'I LHAM, ,ZHES GSUNGS PA LTAR RO, ,LNGA PA SGRUB PA'I MCHOD PA 'BUL BA NI, DNGOS BSHAMS YID SPRUL, ZHES PA NAS, MNYES PHYIR 'BUL, ZHES PA'I BAR TE, DNGOS BSHAMS YID SPRUL GYI MCHOD PA RNAMS NI SGRUB PA'I MCHOD PA'I GZHI RTEN YIN CING DE RGYA MTSO'I DGOS TE DBUS SAM PHA ROL TSU ROL GYI LAM DANG, SRID ZHI GNYIS KYIS BSDUS PA'I RNAM DKAR LAS 'ONGS PA NI DGE BA'I 'BRAS BU YIN PAS DE RGYA MTSO LAS BYUNG BA'I PADMA 'DAB MA STONG LDAN DANG, DE LA TSOGS ZHING KUN GYI THUGS 'PHROG PA STE DGYES SHING, MTHONG LAM MA THOB PA'I 'JIG RTEN PA DANG DE THOB PA YAN GYI 'JIG RTEN LAS 'DAS PA'I RANG GZHAN GYI SGO GSUM GYI DGE BA'I NGO BO THAMS CAD PADMA'I ME TOG KHA DOG SNA TSOGS KYIS BKRA BA DANG, BDE STONG GNYIS SU MED PA NI THOG MTHA' BAR GSUM KUN TU BZANG BAS NA KUN BZANG STE DGE BA RNAMS BDE STONG DE'I RTZIS ZIN PA NI ME TOG LAS DRI BSUNG 'BUM PHRAG DU MA 'PHRO BA DANG, BYE BRAG TU RANG GZHAN GYI TSUL KHRIMS DANG, TING NGE 'DZIN DANG, SHES RAB STE BSLAB PA GSUM, MDO SNGAGS GNYIS SAM BSKYED RIM DANG RDZOGS RIM STE RIM GNYIS, DE GNYIS SNA TSOGS LAM NAS MI SLOB LAM GYI BAR LAM LNGA'I YON TAN RNAMS 'BRAS BU'I GZUGS SU BKOD, DE THAMS CAD PADMA'I DGA' TSAL GYI GZUGS SU BKOD NAS RJE BTZUN BLA MA THUGS MNYES PA'I PHYIR 'BUL ZHES PA STE
, ,SGRUB PA'I MCHOD PA NI MCHOD PA THAMS CAD KYI MCHOG YIN NO, ,GNYIS PA NANG GI MCHOD PA 'BUL BA NI, GUR KUM MDANGS LDAN, ZHES SOGS GCIG STE, SPYIR RGYA JA'I MCHOD PA PHYI MCHOD KYI KHONGS SU GTOGS LA, 'DIR NANG MCHOD KYI KHONGS SU GSUNGS PA NI 'DI LA BKA' GDAMS GONG MA 'DUL BA LA GCES SPRAS MDZAD PA MANG POS NANG MCHOD KYI SGRUB GZHI MDZAD PA DU MA BYUNG BA LA DGONGS PA YIN ZHING, 'DI NI SNGON GYI DRANG SRONG GI BTUNG BA BRGYAD DANG CHA MTHUN PAS RAB TU BYUNG BA RNAMS KYIS PHYI DRO'ANG LONGS SPYAD DU RUNG LA, 'DIS BLO GSAL BA, SMRA LCE BDE BA, 'GRO NA MGYOGS PA, RIG PA DVANGS PA SOGS YON TAN MANG POS BSNGAGS SHING, KHYAD PAR JO BO RJE LA DKAR YOL YU RING DU RGYA JA PHUL BAS, PHYI DRO LONGS SPYAD DU RUNG BA'I BTUNG BA 'DI LTA BU BOD NA YOD PA BOD KYI RAB TU BYUNG BA RNAMS 'TSO BA BZANG BAR 'DUG 'DI NYID SNOD KYANG LEGS LA BCUD KYANG LEGS PA BYUNG, ZHES MNYES MNYES MDZAD PAR GRAGS SHING TSIG DON NI GO SLA'O, ,LCAGS KYU LNGA DANG SGRON MA LNGA LA SOGS, ZHES PA'I DON LCAGS KYU LNGAS SHA LNGA DANG, SGRON MA LNGAS BDUD RTZI LNGA BSTAN ZHES BZHED PA YOD KYANG RGYUD LAS SHA LNGA LA LCAGS KYU LNGA DANG SGRON MA LNGA ZHES BSHAD CING, BDUD RTZI LNGA LA BSHAD PA DNGOS SU MED KYANG, LNGA TSAN GNYIS KAS SHA LNGA DANG SOGS KHONGS NAS BDUD RTZI
LNGA BSTAN PAR MNGON TE, MCHOG MTHUN MONG GI DNGOS GRUB MYUR DU 'GUGS PA LA LCAGS KYU DANG, DE GNYIS GSAL BAR BYED PA LA SGRON ME DANG BYED LAS 'DRA BAS LCAGS KYU DANG SGRON MA ZHES BYA LA, DE SHA LNGA DANG BDUD RTZI LNGA GNYIS KAS NUS PA'I PHYIR RO, ,KA P'A LA YANGS SHING RGYA CHE BA'I NANG DU RDZAS BCU PO YI GE GSUM GYIS SBYANGS RTOGS SBAR GSUM BYAS TE, RANG GI THUGS KA NAS MCHOD LHA RO RDO RJE MA DMAR MO THOD PA 'DZIN PA DPAG MED SPROS LA BDUD RTZI NAS BCUS TE PHUL BAS LAS MTHUN GYI LJAGS 'OD ZER GYI SBU GU'I LAM NAS GSOL TE THUGS RGYUD LA BDE STONG 'KHRUNGS PAR BSAM LA LHA MO RANG GI SNYING GAR BSDU ZHING GONG GI RDZAS DE RNAMS NANG LUS KYI CHA SHAS LAS GRUB PAS NA NANG MCHOD DO, ,GSUM PA GSANG BA'I MCHOD PA 'BUL BA NI, YID 'ONG LANG TSO'I, ZHES SOGS GCIG STE, SNGAGS DANG RGYUD LA MKHAS PA'I BUD MED CES SNGAGS BSKYED RIM DANG RGYUD SGYU RTZAL DRUG CU RTZA BZHI LA MKHAS PA STE, DE YANG LA MTHUN MONG BAS RGYUD SBYANGS NAS BLA MED KYI DBANG BZHI LEGS PAR THOB CING DAM TSIG DANG SDOM PA LA GNAS PA, BSKYED RIM GYI RTOGS PA SNE ZIN SKYES PA SNGAGS SKYES DANG, YUL NYER BZHIN BZHUGS PA'I MKHA' 'GRO MA DANG DBEN GSUM SGYU LUS CI RIGS LA DBANG BA ZHING SKYES, 'OD GSAL ZUNG 'JUG RGYUD LDAN LHAN SKYES KYI PHO NYA STE PHO NYA ZHES PA 'DOD DON MYUR DU SGRUB PA'I MI LA PHO NYA'I BANG CHEN ZHES PA LTAR LHAN SKYES KYI BDE STONG MYUR DU BSKYED PA'I PHYIR PHO
, ,NYA'O; ;RANG GI SNYING GA NAS DE LTA BU'I PHO NYA MDZES SHING YID DU 'ONG BA RO SMAD RGYAS SHING 'DOM STUG PA, NU 'BUR RGYAS SHING BAR DOG PA, LUS LAS DRI BZANG PO 'PHRO BA, 'KHYUD PA DANG 'O BYED PA LA SOGS PA'I SGYU RTZAL DRUG CU RTZA BZHI LA MKHAS PA DPAG TU MED PA SPROS NAS 'BUL BA STE, RANG NYID MDZES SHING LTA NA SDUG PA'I SGYU MA'I LUS THOB PA'I PHYIR DU SNANG LA RANG BZHIN MED PA SGYU MA MKHAN GYIS SPRUL PA LTA BU'I PHYAG RGYA RNAMS 'BUL BAS NA MDZES SDUG SGYU MA'I PHYAG RGYA STE 'PHAGS PA KLUS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,ZHES GSUNGS PA'I, YE SHES GSUM NI SNANG MCHED THOB GSUM STE, DE LTA BU'I GSANG RTEN GYI LHA MO PHUL BA SO SO'I YUM RNAMS LA THIM NAS SNYOM 'JUG GIS MNYES PAR BSAM MO, ,BZHI PA DE KHO NA NYID KYI MCHOD PA 'BUL BA NI, SGRIB BRAL LHAN SKYES, ZHES SOGS GCIG STE, DE LTAR PHYI NANG GSANG BA'I MCHOD PA PHUL BA LA BRTEN NAS TSOGS ZHING RNAMS KYI THUGS RGYUD LA SGRIB PA THAMS CAD DANG BRAL BA'I YUL CAN LHAN SKYES KYI BDE BA CHEN PO'I YE SHES KYIS CHOS THAMS CAD RANG BZHIN MED PA'I YUL STONG PA NYID KYI DBYINGS SAM MTHAR THUG GI DON NGES PA'I BDE STONG DBYER MED PA NI 'BAD RTZOL MI DGOS PAR LHUN GYIS GRUB CING, DE NYID TSUL 'DI LTA BU ZHIG GO ZHES SO SKYES SMRA BA DANG BSAM PA
GNYIS KA LAS 'DAS SHING, 'PHAGS PAS KYANG LKUGS PA'I RMI LAM BZHIN BDE STONG DE 'DI LTA BU 'DUG GO ZHES ZHAL NAS BRJOD PA'I YUL LAS 'DAS LA DE NI DON DAM BYANG CHUB KYI SEMS ZHES BYA BA STE DE LTAR 'KHRUNGS PAR BSAm PA NI 'BUL BA'I DON NO, ,LNGA PA SMAN DANG BDAG NYID 'BUL BA NI, NYON MONGS BZHI BRGYA, ZHES SOGS GCIG STE, NYON MONGS BZHI BRGYA RTZA BZHIS BSKYED PA'I NAD BZHI BRGYA RTZA BZHI STE RTZA ZHES PA LHAG PA'I DON YIN PAS BZHI BRGYA DANG LHAG MA BZHI'O, ,'DI LA RTZA BA DANG, YAN LAG DANG, RGYU DANG RKYEN LA SOGS PA'I BSKYED TSUL BSHAD RGYUD LE'U BRGYAD PA LAS, KHYAD PAR RGYU NI MA RIG LAS BYUNG BA'I, ,'DOD CHAGS ZHE SDANG GTI MUG DUG GSUM LAS, ,'BRAS BU RLUNG MKHRIS BAD KAN NYES PA BSKYED, ,CES PA LTAR DUG GSUM LAS BYUNG BA'I NYES PA GSUM LA DBYE NA BZHI BRGYA RTZA BZHI YOD DE, DE'I LE'U BCU GNYIS PA LAS, DBYE BA BZHI BCU RTZA GNYIS RLUNG GI NAD, CES DANG, DBYE BA NYI SHU RTZA DRUG MKHRIS PA'I NAD, CES DANG, DBYE BA SUM CU RTZA GSUM BAD KAN NAD, ,BRGYA DANG RTZA GCIG NYES PA'I DBYE BAR 'DOD, ,CES DANG, DE LA GZHAN DBANG BCOS KYANG 'CHI BA DANG, ,KUN BRTAGS GDON GNOD RIM GROS GROL BA DANG, ,YONGS GRUB MA BCOS 'CHI LA BCOS NA 'TSO, ,LTAR SNANG MA BCOS RANG BZHIN 'TSO BA BZHI, ,GCIG LA'ANG BZHI SBYAR BZHI BRGYA RTZA BZHIR 'GYUR, ,ZHES GSUNGS PA'I PHYIR RO, ,DE RNAMS 'JOMS PAR BYED
, ,PA'I 'JIG RTEN KHAMS KYI SMAN PHYE MA DANG, RIL BU DANG, THANG DANG, KHAndA DANG, SMAN MAR SOGS BYE BRAG SNA TSOGS PA CI YOD DANG, KHYAD PAR BDAG GI LUS NGAG YID GSUM BLA MA'I BRAN DU SNYING THAG PA NAS 'BUL BA LAGS NA DUS DA NAS BZUNG STE NAM MKHA' 'DI NYID NAM MKHAR MA SRID PA GZHAN DU MA GYUR GYI BAR DE SRID DU 'KHOR 'BANGS SU BZUNG DU GSOL ZHES PA STE, SNYING THAG PA NAS PHUL NA RANG LA GDON BGEGS KYI GNOD PA MI 'BYUNG BA NI DPER NA DPON BTZAN PO'I GA-YOG LA MI GZHAN GYIS BRNYAS PA MI NUS PA BZHIN NO, ,DE NAS 'KHRID YIG TU GSAL BA LTAR DKON MCHOG GSUM LA BDAG SKYABS MCHI, ZHES PA NAS, YID KYIS BZUNG, ZHES PA'I BAR LAN GSUM GYIS THUN MONG DANG, BLA MA SANGS RGYAS BYANG SEMS KUN, ,BDAG LA DGONGS PAR MDZAD DU GSOL, ,ZHES PA NAS, MYA NGAN 'DAS LA DGOD, CES PA'I BAR GYIS THUN MONG MA YIN PA'I SDOM PA BZUNG BA LAN GSUM MAM MA MTHA' LAN RE BYA STE DE RNAMS SGRUB PA'I MCHOD PA'I KHONGS SU GTOGS SO, ,ZHES GSUNGS, GSUM PA SDIG LTUNG BSHAGS PA NI, LONG BYUNG NA SDOM GSUM SO SO'I BSLAB BYA LA SNGO BGRANG BYAS TE 'GAL BA RNAMS SO SO'I GZHUNG BZHIN NAM MA MTHA' SPYI BSHAGS LAN GSUM GYI SGO NAS LTUNG BA'I THA SNYAD SBYANGS, LTUNG BSHAGS BRGYA PHYAG DANG BCAS PA DANG, YI GE BRGYA PA'I SGOM BZLAS SOGS KYI SGO NAS BCAS PA DANG RANG BZHIN GYI NYES PAS GOS PA'I RNAM
SMIN RNAMS TSUL BZHIN DU SBYANG BAR BYA STE 'DIR PHYAG CHEN GYI SNGON 'GRO 'KHRID CHEN BZHI YANG TSANG NGO, ,MDOR BSDU NA THOG MED DUS NAS, ZHES SOGS GCIG STE, THOG MA'I MTHAR 'DI NAS SO ZHES THUG SA MED PA NAS DA LTA'I BAR MI DGE BCU LA SOGS PA'I SDIG PA'I LAS LUS KYIS BGYIS PA DANG, NGAG GIS GZHAN LA BGYID DU STZAL BA DANG, YID KYIS GZHAN GYI MI DGE BA LA RJES SU YI RANG BA'I NYES LTUNG CI MCHIS PA STE YOD PA THAMS CAD, RANG GI SDIG PA BGYIS PA LA BLA MA LHA TSOGS RNAMS SNYING RJE TSAD MED PA 'KHRUNGS PA'I THUGS RJE CHEN PO DANG LDAN PA, SPYAN SNGAR GNOD ZHING 'GYOD SEMS DRAG POS BSHAGS PA NI RNAM PAR SUN 'BYIN PA'I STOBS, SLAN CHAD SROG LA BAB KYANG NYES PA DE LTA BU MI BGYID BAR SDOM PA NOD PA STE KHAS BLANG ZHING ZHE DAM 'CHA' BA NI NYES PA LAS SLAR LDOG PA'I STOBS, DE'I TSE TSOGS ZHING RNAMS LAS NGO BO BDE STONG GI YE SHES YIN PA LA RNAM PA BDUD RTZI 'OD ZER DANG BCAS PA DPAG TU MED PA BYUNG NAS RANG GZHAN THAMS CAD LA THIM PAS NYES LTUNG SDIG SGRIB THAMS CAD DAG PAR BSAM PA NI GNYEN PO KUN TU SPYOD PA'I STOBS TE, RTEN GYI STOBS NI GONG DU SKYABS SEMS KYI SKABS TSANG BAS SDIG PA'I GNYEN PO STOBS BZHI TSANG LA, DE BZHI'I NANG NAS KYANG NYES PA 'DAG MIN PHYIN CHAD SDOM SEMS YOD MED LA RAG LAS, DE NYID LAS RGYU 'BRAS LA YID CHES KYI NGES SHES YOD MED LA RAG LAS PAS
, ,MDO SDE MDZANGS BLUN LA SOGS PA'I SNGON GYI GTAM RGYUD RNAMS LA BLTA ZHING RGYUD LA CI SKYE BYA'O, ,BZHI PA RJES SU YI RANG BA NI, CHOS RNAMS RANG BZHIN, ZHES SOGS GCIG STE, CHOS NI DON MANG PO LA 'JUG KYANG SKABS 'DIR SHES BYA LA 'JUG PAS SHES BYA THAMS CAD DON DAM PAR RANG BZHIN GYIS GRUB PA RDUL TZAM YANG MED KYANG, SNANG NGOR RMI LAM SGYU MA LTAR BLTAS TE SANGS RGYAS, BYANG SEMS, RANG RGYAL, NYAN THOS, SO SKYE BCAS GANG ZAG LNGAS BSAGS PA'I DGE BA STE 'DIR SKYE 'PHAGS GNYIS SU BSDU BAR MDZAD LA DE DAG TU MA 'DUS PA'I DGE BA MED PAS, BDE ZHING DGA' BAR BYED PA'I RGYU RNAM DKAR GYI DGE BA LA SNYING THAG PA NAS RJES SU YI RANG BYA STE, BSAM PA DAG PAS ZHES PA NI NGA RGYAL RLOM SEMS BDEN 'DZIN DANG BRAL BA'I DGA' BA BSKYED PA'O, ,'DI NI GNAD SHIN TU CHE STE RJE RIN PO CHES, 'BAD PA CHUNG DUS RLABS CHEN TSOGS SDUD LA; ;DGE LA RJES SU YI RANG MCHOG TU GSUNGS, ,ZHES GSUNGS PA LTAR SNGON RGYAL PO GSAL RGYAL GYI DGE BA LA DBUL PO DES PAS RJES SU YI RANG BYAS PAS RGYAL PO LAS DBUL PO BSOD NAMS CHE BA THOB PAR GSUNGS LA; DE JI LTA BU ZHIG DGOS NA, DPER NA DBUL PO PHA BU GNYIS YOD PA LAS DE GNYIS LHAN DU ZAS BSLANGS PAS STER MI MA BYUNG BAS NGAL ZHING DUB STE PHAS BU PHYOGS GCIG TU BZHAG STE PHA RANG ZAS 'TSOL DU PHYIN PAS
'BYOR NA BU LA'ANG 'KHYER BA'I BLO YOD KYANG ZAS MA RNYED LA, PHA MED RING BU LA MI ZHIG GIS ZAN GONG MAR DANG BCAS PA BYIN PA NA BU DE NA PHRA ZHING LTOGS PA'I DBANG GIS PHAL 'JOG BLO MED PAR ZA BA'I SKABS PHA 'BYOR BA NA PHA'I BSAM PAR; NGED GNYIS SKYID SDUG GCIG PAS NGAS ZAS RNYED NA BU LA STER BLO YOD KYANG BUS DE LTAR MI BYED PAR KHO RANG ZA BA 'DI MI RIGS SNYAM DU PHRAG DOG MI BYED PAR MA ZAD STER MI DE LA SU YIN KYANG BKA' DRIN CHE SNYAM DU RJES SU YI RANG SKYE BA LTA BU ZHIG DGOS GSUNG NGO, ,LNGA PA CHOS 'KHOR BSKOR BAR BSKUL BA NI, PHUL BYUNG MKHYEN BRTZE'I, ZHES SOGS GCIG STE, GSER GYI 'KHOR LO RTZIBS STONG DANG LDAN PA DANG, DUNG DKAR PO GA-YAS SU 'KHYIL BA PHUL TE, CHOS THAMS CAD MNGON SUM DU MKHYEN PAS GDUL BYA'I BLO NUS DANG BSTUN PA'I CHOS STON NUS PA'I MKHYEN PA DANG, SEMS CAN THAMS CAD LA MA BU GCIG PA LA BRTZE BA LTA BU'I BRTZE BA GNYIS PHUL DU BYUNG BA CHU 'DZIN TE SPRIN DANG, MTHA' YAS PA'I 'GRO BA RNAMS LA GNAS SKABS KYI PHAN PA DANG MTHAR THUG GI BDE BA GNYIS ME TOG KU MU DA'I NAGS TSAL DANG, DE NYID THOG MAR BSKYED PA DANG BAR DU YUN RING GNAS PA DANG MTHAR GONG NAS GONG DU SPEL BA'I PHYIR ZAB PA DANG RGYA CHE BA'I DAM PA'I CHOS CHAR PA'I GZUGS SU BKOD NAS YANG DANG YANG DU DBAB TU GSOL ZHES SO, ,DRUG PA MI 'DA' BAR GSOL BA GDAB PA NI, RDO RJE'I SKU LA, ZHES SOGS GCIG STE, GSOL 'DEBS KYI RTEN DU RDO RJES MTSAN
, ,PA'I SENG KHRI PHUL BA GTZO BO'I BZHUGS KHRI DANG, TSE'I BUM PA PHUL BA PHYAG GI LTUNG BZED LA THIM PAR BSAM ZHING SKABS 'DI'I RDO RJE'I SKU NI ZAG MED KYI RLUNG 'OD ZER LNGA PAS NYER LEN BYAS TE SHIN TU PHRA BA'I RLUNG SEMS TZAM LAS GRUB PA'I DAG PA'I SGYU LUS TE DE LA SKYE BA DANG 'CHI BA MI MNGA' BAS MI 'DA' BAR GSOL MI DGOS KYANG, DPER NA NOR BU RIN PO CHE DBANG GI RGYAL PO DE LA BZHUGS PA'I SNOD DU ZA MA TOG CES BYA BA 'BYUNG BA LTAR SO SKYE'I SPYOD YUL DU MA GYUR PA'I LONGS SPYOD RDZOGS PA'I ZUNG 'JUG GI SKU DE LA'ANG ZA MA TOG DANG 'DRA BA'I RAGS PA'I SHA RUS GDOS BCAS KYI SKU SO SKYE'I SPYOD YUL DU GYUR PA 'DI BDAG CAG RNAMS KYI MOS NGO DANG 'TSAMS PAR CHOS 'KHOR BSKOR BA LA SOGS PA'I CHED DU SRID MTHA'I BAR BZHUGS PAR GSOL BA 'DEBS PA STE 'DI DANG CHOS 'KHOR BSKOR BA GNYIS LA JI LTAR GSOL BA BTAB PA BZHIN ZHAL GYIS BZHES BYUNG SNYAM PA'I MOS PA BYED PA RTEN 'BREL GYI GNAD DO, ,BDUN PA BSNGO BA BYA BA NI, DE LTAR BSKRUN PA'I, ZHES SOGS GCIG STE, GONG DU BSHAD MA THAG PA'I YAN LAG DRUG PO DANG, DES MTSON PA'I RANG GZHAN GYI DGE BA JI SNYED YOD PA THAMS CAD RANG NYID TSE RABS THAMS CAD DU BKA' DRIN GSUM LDAN GYI RTZA BA'I BLA MA NYID KYIS RJES SU 'DZIN PA DANG, MTHAR THUG ZUNG 'JUG RDO RJE 'CHANG GI GO 'PHANG MYUR DU THOB PA'I
RGYUR GYUR CIG SNYAM DU BSNGO BA'O, ,DE LTAR YAN LAG BDUN PA 'BUL BA NI THOG MTHA' BAR GSUM RNAM PA THAMS CAD DU GAL CHE BA YIN PAS NAN TAN DU BYA'O, ,'DI LA PHUNG PO GSUM PA ZHES KYANG BYA STE, PHYAG MCHOD GNYIS DANG GZHAN GYI DGE BA LA RJES SU YI RANG BA, CHOS 'KHOR BSKOR BAR BSKUL BA, MI 'DA' BAR GSOL BA GDAB PA STE YAN LAG PHYED DANG LNGA GSAG PA'I PHUNG POR BSDU, BSHAGS PA'I YAN LAG SBYANG BA'I PHUNG PO DANG, RANG GI DGE BA LA RJES SU YI RANG BA DANG BSNGO BA'I YAN LAG STE PHYED DANG GNYIS SPEL ZHING MI ZAD PAR BYED PA'I PHUNG POR BSDU'O, ,GSUM PA GSOL BA GDAB PA LA LNGA, PHAN YON NYES DMIGS DRAN NAS GSOL BA GDAB PA, YON TAN DRAN NAS GSOL BA GDAB PA, BKA' DRIN DRAN NAS GSOL BA GDAB PA, PHYI NANG GSANG BA DE NYID KYI GSOL BA GDAB PA, PHUR TSUGS SU GSOL BA GDAB PA'O, ,DANG PO NI, DPER NA RGYAL PO CHEN NO ZHIG LA DON 'GANGS CHE BA ZHIG ZHU NA THOG MAR PHYAG RTEN GYI DNGOS PO PHUL NAS BDAG LA DON 'DI DANG 'DI ZHES ZHU BA LTAR, 'DIR YANG GSOL BA 'DEBS PA'I RTEN DU MAndAL TSOM BU SO BDUN MA PHUL NAS YONGS 'DZIN PAndI TA CHEN PO'I PHYAG BZHES BZHIN BSHES GNYEN LA MA GUS PA SOGS, ZHES SOGS DON CHEN PO GSUM GYI GSOL 'DEBS BYAS LA LAG NA RDO RJE DBANG BSKUR BA'I RGYUD LAS, SLOB DPON GYI NI YON TAN BZUNG, ,SKYON NI NAM YANG BZUNG MI BYA, ,YON
, ,TAN BZUNG NA DNGOS GRUB THOB, ,SKYON RNAMS BZUNG BAS DNGOS MI 'GRUB, ,CES GSUNGS PA LTAR BSHES GNYEN BSTEN PA'I PHAN YON TSOGS RDZOGS SGRIB PA BYANG NAS SANGS RGYAS MYUR DU THOB CING BSAM DON THAMS CAD YID BZHIN DU 'GRUB PA SOGS MTHA' YAS SHING, MA BSTEN PA'I NYES DMIGS PHYI MA DMYAL BAR SKYE ZHING THOS BSAM SGOM GSUM CI BYAS KYANG RTOGS PA MI SKYE BA SOGS 'DI PHYI GNYIS KAR PHUNG TSUL BSAM PA'I SGO NAS PHYAG CHEN GSOL 'DEBS SOGS DANG, KHYAD PAR DNGOS GRUB KUN 'BYUNG THUB DBANG RDO RJE 'CHANG, ,DMIGS MED x ,DRI MED x ,BDUD DPUNG x ,GANGS CAN MKHAS PA'I GTZUG RGYAN BLO BZANG GRAGS, SKYABS GSUM KUN 'DUS BLA MA SANGS RGYAS LA, ,SGO GSUM GUS PA'I SGO NAS GSOL BA 'DEBS, ,RANG GZHAN SMIN CING GROL BAR BYIN GYIS RLOBS, ,MCHOG DANG MTHUN MONG DNGOS GRUB STZAL DU GSOL, ,ZHES DMIGS BRTZE MA DGU SKOR GYI SGO NAS GSOL 'DEBS CI 'GRUB BYAS LA SPRO NA CHE GSAL MYUR ZAB LA SOGS PA'I DNGOS GRUB RNAMS DGA' LDAN LHA BRGYA MA'I SKABS BZHIN BYAS CHOG PAS DE'I TSE, DE LTAR PHYI NANG GSANG BA'I GSOL BTAB PAS, ,RJE BTZUN SEMS DPA' GSUM GYI THUGS KA NAS, ,'OD ZER DKAR PO SBUBS CAN 'PHROS PA'I SNE, ,RIM GYIS BYUNG NAS RANG GI SPYI BOR ZUG ,CES TSIG BSGYUR BYAS LA DNGOS GRUB BDUN PO'I DMIGS RIM
TSIGS BCAD RNAMS DGA' LDAN LHA BRGYA MA'I GZHUNG DU GSAL BA LTAR BYA'O, ,RGYUN BAR GSOL 'DEBS KYI MJUG TU, DUS GSUM SKYABS GNAS KUN 'DUS KYI NGO BO BLA MA RIN PO CHE LA GSOL BA 'DEBS SO, ,ZHES PA LAN GSUM BRJOD NAS, BLA MA LHA TSOGS RNAMS KYI SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS THOG MED NAS BSAGS PA'I SDIG SGRIB THAMS CAD DANG, KHYAD PAR DPAL LDAN BLA MA'I SKU LA BSDOS PA, GSUNG BCAG PA, THUGS DKRUGS PA, MA DAD BRNYAS SMOD BGYIS PA LA SOGS PA MDOR NA BLA MA LA BRTEN PA'I SDIG SGRIB THAMS CAD DUD KHU DANG SOL KHU'I RNAM PAR DBANG PO'I SGO DANG BA SPU'I BU GA THAMS CAD NAS PHYIR THON NAS SANGS TE DAG LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LUNG RTOGS KYI YON TAN THAMS CAD 'PHEL ZHING RGYAS, KHYAD PAR DPAL LDAN BLA MA'I SKU GSUNG THUGS KYI BYIN RLABS THAMS CAD RANG GZHAN SEMS CAN THAMS CAD KYI LUS SEMS LA ZHUGS TE DPAL LDAN BLA MA'I SKYABS 'OG TU TSUD PAR BSAM ZHING BLOS 'CHUN NA DMIGS BRTZE MA BZLA BZHIN DU BDUD RTZI 'BEBS SBYANG BYED PA MCHOG YIN NO, ,GNYIS PA YON TAN DRAN NAS GSOL BA GDAB PA LA GSUM, NYAN THOS THEG PA'I YON TAN DRAN TSUL, PHAR PHYIN THEG PA'I YON TAN DRAN TSUL, RDO RJE THEG PA'I YON
, ,TAN DRAN TSUL LO, ,DANG PO NI, YON TAN 'BYUNG GNAS, ZHES SOGS GCIG STE, MGON PO KLU SGRUB KYIS, KHRIMS NI RGYU DANG MI RGYU'I SA BZHIN DU, ,YON TAN KUN GYI GZHI RTEN LEGS PAR GSUNGS, ZHES GSUNGS PA LTAR, RGYU BA BCUD KYI SEMS CAN DANG, MI RGYU BA SNOD KYI 'JIG RTEN THAMS CAD YI GZHI RTEN NI SA CHEN PO 'DI YIN PA LTAR YON TAN THAMS CAD KYI 'BYUNG GNAS SAM GZHI RTEN TSUL KHRIMS YIN LA, BLA MA TSUL KHRIMS RNAM PAR DAG CING RGYA MTSO NOR BUS GANG BA LTAR BLA MA'I THUGS RGYUD MANG DU THOS PA'I YON TAN GYIS GANG, PHYI TSUL CHOS GOS RNAM GSUM LA SOGS PA TSUL BZHIN DU 'DZIN PA STE GSOL BA'I DGE SLONG GI TSUL CAN; THUB DBANG BSTAN PA 'DI'I BDAG PO YIN PA LTAR, GNYIS PA ZHES PAS BLA MA BSTAN PA'I BDAG PO YIN PA STON ZHING, BSNYEN PAR RDZOGS NAS LO BCU BAR MA CHAD DU LON PA, LNGA PHRUGS KYI YON TAN DANG LDAN PA'I GNAS BRTAN 'DUL BA 'DZIN PA STE MDOR NA, TSUL KHRIMS DANG LDAN 'DUL BA'I CHOG SHES, ,NAD PAR SNYING BRTZE 'KHOR NI DAG PA DANG, CHOS DANG ZANG ZING PHAN 'DOGS LA BRTZON ZHING, ,DUS SU 'DOMS PA DE DAG BLA MAR BSNGAGS, ,ZHES GSUNGS PA'I YON TAN RNAMS BSAM MO, ,GNYIS PA PHAR PHYIN THEG PA'I YON TAN DRAN TSUL NI, GANG DANG LDAN NA, ZHES SOGS GCIG STE, THEG PA CHEN PO'I BSHES GNYEN YON TAN JI LTA BU DANG LDAN PAR DGOS NA MDO SDE RGYAN LAS,
BSHES GNYEN DUL BA 1 ZHI BA 2 NYER ZHI BA 3, ,YON TAN LHAG PA 4 BRTZON BCAS 5 LUNG GIS PHYUG 6 ,DE NYID RAB TU RTOGS ~ LA SMRA MKHAS 8 LDAN, ,BRTZE BA'I BDAG NYID 9 SKYO BA SPANGS 10 LA BRTEN, ,ZHES GSUNGS PA LTAR RIM PA BZHIN TSUL KHRIMS DANG; TING NGE 'DZIN DANG, SHES RAB KYI BSLAB PA GSUM DANG LDAN PA, SLOB MA LAS YON TAN CHES LHAG PA, DON GNYIS SGRUB PA LA BRTZON 'GRUS DANG LDAN PA, SDE SNOD GSUM LA THOS PA'I LUNG GIS PHYUG PA, DE KHO NA NYID KYI DON RTOGS PA; GDUL BYA'I BLO GROS DANG BSTUN PA'I 'CHAD MKHAS PA'I, GSUNG RAB DAL GYIS 'CHAD PA'I SMRA MKHAS DANG, ZHES GSUNGS PA LTAR DAL BUS 'CHAD PA'I SMRA BA LA MKHAS PA, RNYED BKUR DANG GRAGS PA SOGS LA MA LTOS PAR KUN SLONG DAG PA'I BRTZE BA CAN, YANG YANG 'CHAD PA LA SKYO NGAL MED PA STE YON TAN BCU DANG LDAN PA'O, ,GDUNG NI BRGYUD PA DANG 'TSO BA NI GSOB PA STE RGYAL BA'I GDUNG BRGYUD MI CHAD PAR GSOB PA STE DE LTA BU'I YON TAN DANG LDAN PAR BSAM PA'O, , GSUM PA RDO RJE THEG PA'I YON TAN DRAN TSUL NI, SGO GSUM LEGS BSDAM ,ZHES SOGS GCIG STE, LUS NGAG YID GSUM GYI SGO NYES SPYOD LAS BSDAMS PA, BLO GROS CHE BA STE ZAB CING BZOD PA DANG DRANG PO'I NGANG TSUL CAN, RANG SKYON SPANG PA'I GA-YO DANG YON TAN MED KYANG YOD TSUL STON PA'I SGYU MED PA, RDZAS SNGAGS TING NGE 'DZIN GYI MTHUS, ZHI RGYAS LA SOGS PA'I LAS SGRUB PA DANG RGYUD 'CHAD PA LA MKHAS PA, PHYI DANG GSANG BA'I DE NYID BCU TSAN GNYIS TE
, ,DE GNYIS BLA MA LNGA BCU PA'I ZIN BRIS SU BKOD PAS 'DIR MA BRIS SO, ,DKYIL 'KHOR BRI BA DANG DBANG BSKUR 'CHAD PA LA MKHAS PA STE DE LTA BU'A MTSAN NYID THAMS CAD DANG LDAN PA SNYIGS DUS 'DIR BYON PA DANG MJAL BA SHIN TU SKAL BA BZANG SNYAM DU BSAM MO, ,GSUM PA BKA' DRIN DRAN NAS GSOL BA GDAB PA LA GSUM, SPYIR SANGS RGYAS THAMS CAD LAS BKA' DRIN CHE TSUL, SGOS THUB PA'I DBANG PO LAS BKA' DRIN CHE TSUL, YANG SGOS ZHING MCHOG YIN PAS BKA' DRIN CHE TSUL LO, ,DANG PO NI, SANGS RGYAS GRANGS MED, CES SOGS GCIG STE, 'JIG RTEN GYI KHAMS 'DIR SANGS RGYAS GRANGS MED BYON PA DANG, KHYAD PAR BSKAL BZANG GI SANGS RGYAS STONG LA SOGS PA BYON KYANG DE RNAMS KYIS RANG RANG GI GDUL BYA 'DUL SLA BA RNAMS 'DUL BAR MDZAD NAS BDAG CAG SHES RGYUD MA RUNGS PA RMU RGOD CING NYON MONGS PA SHIN TU SHUGS DRAG PAS GDUL DKA' BA RNAMS YAL BAR DOR BA'I SNYIGS DUS KYI 'GRO BA RNAMS LA BDE BAR GSHEGS PA'I LAM BZANG PO JI LTA BA BZHIN DU STON PAR MDZAD LA, DE YANG SANGS RGYAS DNGOS SU BYON KYANG TSOGS GSOG SGRIB SBYONG GI GNAD 'DI LAS LHAG PA STON RGYU MED DE, THUB RNAMS SDIG PA CHU YIS MI 'KHRU ZHING, ,'GRO BA'I SDUG BSNGAL PHYAG GIS MI SEL LA, ,NYID KYI RTOGS PA GZHAN LA SPO MIN TE, ,CHOS NYID BDEN PA BSTAN PAS GROL BAR MDZAD, ,CES GSUNGS PA LTAR RO, ,GNYIS
PA SGOS THUB PA'I DBANG PO LAS BKA' DRIN CHE TSUL NI, THUB PA'I NYI MA, ZHES SOGS GCIG STE, SNGON SANGS RGYAS RIN CHEN SNYING PO'I SPYAN SNGAR BSKAL BZANG GI SANGS RGYAS STONG GIS RANG RANG GI GDUL BYA'I ZHING KHAMS 'DAM NGA MDZAD PA NA, MI MJED 'JIG RTEN GYI KHAMS 'DI'I SEMS CAN RNAMS GDUL DKA' BA'I PHYIR GZHAN SUS KYANG 'DUL BAR ZHAL GYIS MA BZHES PA NA STON PA THUB PA'I DBANG POS ZHAL GYIS BZHES PAS SANGS RGYAS RIN CHEN SNYING POS KYANG PADMA DKAR PO LTAR BSNGAGS PA RGYA CHER MDZAD PAS SANGS RGYAS GZHAN LAS THUB PA'I DBANG PO 'DI BKA' DRIN CHE LA, 'ON KYANG RANG CAG LAS DANG SKAL BA MED PA RNAMS KYIS THUB PA'I DBANG PO'I SKU DNGOS SU MTHONG BA DANG GSUNG DNGOS SU THOS PAR MA GYUR PAS THUB PA'I NYI MA DUS KYIS NUB PA STE STON PA DE NYID MYA NGAN LAS 'DAS PA'I TSUL BSTAN NAS MGON DANG SKYABS GANG YANG MED PA'I 'GRO BA RNAMS LA BSHES GNYEN DAM PA KHYOD NI SO SKYE THA MAL BA'I TSUL BZUNG NAS RGYAL BA'I MDZAD PA NYE BAR SGRUB PA STE, SANGS RGYAS KYI MDZAD PA THAMS CAD KYI NANG NAS GSUNG GI MDZAD PA MCHOG YIN LA, DE NYID LUNG RIGS MAN NGAG GI SGO NAS 'DOMS PAR MDZAD PAS STON PA THUB PA'I DBANG PO LAS KYANG CHES BKA' DRIN LHAG PAR BSAM MO, ,GSUM PA YANG SGOS ZHING MCHOG YIN PAS BKA' DRIN CHE TSUL NI, DUS GSUM PHYOGS BCU'I, ZHES SOGS GCIG
, ,STE; DUS GSUM DANG PHYOGS BCU NA BZHUGS PA'I SANGS RGYAS SRAS DANG BCAS PA THAMS CAD MCHOD PA LAS BLA MA'I BA SPU'I KHUNG GCIG MCHOD PA BSOD NAMS CHE BA YIN TE DPER NA TSE 'DI LA LTOS PA'I PHA MA BKA' DRIN CHE BA'I RGYU MTSAN GYIS 'GRO BA GZHAN LA SBYIN PA BTANG BA LAS PHA MA LA BYIN PA CHES BSOD NAMS CHE ZHING MI GZHAN BSAD PA LAS PHA MA BSAD PA MTSAMS MED KYI LAS ZHES NYES PA SHIN TU LCI BAR GSUNGS PA LTAR, YON TAN GYI NGOS NAS SANGS RGYAS RNAMS DANG KHYAD PAR MED KYANG BKA' DRIN GYI NGOS NAS SANGS RGYAS THAMS CAD LAS TSOGS GSOG SGRIB SBYONG GI ZHING DU BSNGAGS PAS CHES LHAG PAR BSAM MO, ,BZHI PA PHYI NANG GSANG BA DE NYID KYI GSOL BA GDAB PA LA BZHI, PHYI'I YON TAN DRAN TSUL, NANG GI YON TAN DRAN TSUL, GSANG BA'I YON TAN DRAN TSUL, DE KHO NA NYID KYI YON TAN DRAN TSUL LO, ,DANG PO NI; BDE GSHEGS SKU GSUM, ZHES SOGS GCIG STE, 'DI LA LAM 'BRAS RDO RJE'I TSIG RKANG LAS, SEMS CAN LA NYON MONGS PA LA MA DAG PA'I SNANG BA, RNAL 'BYOR PA LA TING NGE 'DZIN LA NYAMS KYI SNANG BA; BDE BAR GSHEGS PA LA SKU GSUNG THUGS MI ZAD PA RGYAN GYI 'KHOR LO LA DAG PA'I SNANG BA'O, ,ZHES GSUNGS PA'I PHYI MA DANG DON GCIG PAS DE'I DON DAG SNANG 'CHAR BA'I RTEN NI LAM BDE BA NAS 'BRAS BU BDE
BAR GSHEGS PA STE, DE'I SKU GSUNG THUGS MI ZAD PA LA SKU GSUNG THUGS KYI GSANG BA BSAM GYIS MI KHYAB PA ZHES GSUNGS PA NI SKU GSUNG THUGS KYI MTHA' SUS KYANG MI RTOGS PA'O, ,SKU GSUNG THUGS RNAM PA THAMS CAD PA NI GANG LA GANG 'DUL GYI SKUR STON PA DANG, SO SO'I SKAD DU CHOS STON PA DANG, YE SHES SKAD CIG MA GCIG GIS SHES BYA THAMS CAD MKHYEN PA RNAMS SO, ,RANG GZHAN GYI DON GNYIS LHUN GYIS GRUB PAS NA RGYAN DANG, 'PHRIN LAS RGYUN MI 'CHAD PAS NA 'KHOR LO STE, MDOR NA GSANG GSUM GYI 'PHRIN LAS RGYA CHE BA DANG LHUN GYIS GRUB PA DANG RGYUN MI 'CHAD PA'O, ,SGYU 'PHRUL GYI DRA BA NI BKOD PA STE GANG LA GANG 'DUL GYI BKOD PA DANG, 'JO SGEG NI RTZE 'JO STE BKOD PA DE RNAMS STON PA NA BYIS PA'I RTZE 'JO BZHIN DU MDZAD PA LAS BDAG CAG RNAMS LA THA MAL BA'I TSUL GYIS 'GRO BA RNAMS SMIN GROL LA 'GOD PA'I DON MDZAD PA STE 'DUS PA'I RTZA RGYUD LAS, PHYI RU NYAN THOS SPYOD PA SKYONG, , NANG NI 'DUS PA'I DON LA DGA', ,ZHES GSUNGS PA LTAR PHYI'I LUS NGAG GI SPYOD TSUL 'DUL BA LTAR DANG, NANG SEMS KYI SGOM PA BYANG SEMS, GSANG BA SNGAGS BLA MED KYI RNAL 'BYOR DANG LDAN PA NI SEMS DPA' GSUM GYIS LAM GYI GNAD DE LTAR STON PAR MNGON NO, ,GNYIS PA NANG GI YON TAN DRAN TSUL NI, KHYOD KYI PHUNG KHAMS, ZHES SOGS GCIG STE, BLA MA KHYOD KYI PHUNG KHAMS LA SOGS PA RNAMS NI BDE GSHEGS RIGS LNGA LA SOGS
, ,PA SNGAR LUS DKYIL GYI SKABS SU BSHAD PA LTAR TE MDOR NA DKON MCHOG GSUM 'DUS PA'I BDAG NYID DO SNYAM DU BSAM MO, ,GSUM PA GSANG BA'I YON TAN DRAN TSUL NI, KUN MKHYEN YE SHES, ZHES SOGS GCIG STE, RNAM PA THAMS CAD MKHYEN PA'I YE SHES CHOS SKU DE NYID KYI RNAM ROL LAM SPRUL PA RGYUD SDE BZHI'I DKYIL 'KHOR BYE BA LA SOGS PA MTHA' YAS PA'I BDAG NYID DANG, RIGS BRGYA'I KHYAB BDAG CES PA'I DON NI, GSANG 'DUS LHA SO GNYIS KYI KHRO BCU DANG BYAMS PA KUN BZANG BCAS PHUD PA'I LHAG MA NYI SHU PO LA RNAM SNANG GI RNAM SNANG, RNAM SNANG GI MI BSKYOD PA, RNAM SNANG GI RIN 'BYUNG, RNAM SNANG GI 'OD DPAG MED, RNAM SNANG GI DON GRUB, RNAM SNANG GI SPYAN MA SOGS LHA RE RE LAS DBYE BAS DAM PA RIGS BRGYA, DE THAMS CAD RIGS LNGAR BSDUS PAS DE NYID RIGS LNGA, LNGA PO DE'I RIN 'BYUNG RNAMS SNANG DANG DON GRUB 'OD DPAG MED DU BSDUS PAS GSANG BA RIGS GSUM, DE YANG RNAM SNANG RDO RJE 'CHANG GI SKU DANG 'OD DPAG MED GSUNGS SU BSDUS PA GSANG CHEN RIGS GCIG STE, DE LTAR RDO RJE 'CHANG GIS RIGS BRGYA LA SOGS PAR KHYAB PAS NA KHYAB BDAG DANG, AANG@ DANG POR 'OG MIN DU SANGS RGYAS PA SKU THUGS ZUNG GCIG TU GYUR PA'I MGON PO KHYOD LA GSOL BA 'DEBS, ZHES SO, ,BZHI PA DE KHO NA NYID KYI YON TAN DRAN TSUL NI, SGRIB MED LHAN SKYES, ZHES SOGS GCIG STE, SGRIB GNYIS
BAG CHAGS DANG BCAS PA THAMS CAD DANG BRAL PA'I YUL CAN LHAN SKYES KYI DGA' BA STE DE LTA BU'I BDE BA CHEN PO LA DUS RTAG TU ROL PA STE THUGS RGYUD LA 'KHRUNGS SHING, BRTAN GA-YO THAMS CAD LA KHYAB PAS KUN GYI BDAG NYID CAN, DANG POR GANG NAS KYANG MA SKYES PAS THOG MA'I MTHA' DANG BRAL ZHING, MA SKYES PA LA 'GAG RGYU MED PAS MTHA' MA'I MTHA' DANG BRAL LA, DE BZHIN DU SKYE 'GAG MED PA LA BAR DU GNAS PA'ANG MED PA'I YUL STONG PA NYID NGES PA'I BDE STONG DBYER MED PA DE NI THOG MTHA' BAR GSUM KUN TU BZANG BA SHA STAG YIN PAS DON DAM PA'I BYANG CHUB KYI SEMS KHYOD NI NGES DON GYI BLA MA STE, DANG POR GANG ZAG BLA MAR 'CHAR, ,BAR DU SNANG BA BLA MAR 'CHAR, ,THA MAR BDE STONG BLA MAR 'CHAR, ,ZHES GSUNGS PA LTAR TE BLA MA DANG YONGS 'DZIN DON GCIG PAS BDE BA CHEN POS ZHI BA'I MTHA' LAS 'DZIN CING, STONG PA NYID KYIS SRID PA'I MTHA' LAS 'DZIN PA KHYOD LA GSOL BA 'DEBS, ZHES PA'O, ;LNGA PA PHUR TSUGS SU GSOL BA GDAB PA NI, KHYOD NI BLA MA, ZHES SOGS GCIG STE, GSOL BA 'DEBS YUL TSOGS ZHING SPYI LA MI 'DEBS PAR GTZO BO SEMS DPA' GSUM BRTZEGS CAN LA 'DEBS PA YIN PAS, GTZO BO'I ZHABS LA LAG PAS TSIR@ GYIS 'JUS@ SHING SPYI BOR REG PAR BSAM LA GDUNG SHUGS DRAG POS BLO RTZE GCIG BSGRIL GYIS GSOL BA GDAB PAR BYA'O, ,TSIG DON GZHAN RNAMS GO SLA ZHING PHYI MA'I MTHAR YANG ZHES PA'I,
, ,DON DUS DENG STE DE RING NAS BZUNG STE 'CHI KHA DANG, BAR DO, SKYE BA PHYI MA RNAMS DANG PHYI MA'I MTHA' MA NI SANGS RGYA KHA MA YIN PAS DE'I SKABS SU'ANG THUGS RJE'I LCAGS KYUS BZUNG NAS, BLA MA KUN 'DUS KHYOD KYIS SRID PA DANG ZHI BA'I 'JIGS PA LAS SGROL CIG ,YI DAM KUN 'DUS KYI NGO BO KHYOD KYIS MCHOG DANG THUN MONG GI DNGOS GRUB THAMS CAD STZOL CIG ,MKHA' 'GRO KUN 'DUS KHYOD KYIS LAM DUS SU'ANG LAS KYI PHYAG RGYAL SOGS PA GTAN GYI BDE BA BYANG CHUB SGRUB PA'I GROGS MDZOD CIG ,CHOS SKYONG KUN 'DUS KHYOD KYIS BYANG CHUB SGRUB PA LA GDON BGEGS DANG SA CHU ME RLUNG LA SOGS PA'I GNOD PA PHYI'I BAR CHAD DANG, RLUNG MKHRIS BAD KAN SOGS LUS KYI NAD DANG SEMS KYI SDUG BSNGAL SOGS NANG GI BAR CHAD DANG, RANG RGYUD KYI NYON MONGS SHUGS DRAG PO SOGS GSANG BA'I BAR CHAD DE PHYI NANG GSANG BA'I BAR GCOD THAMS CAD SRUNGS SHIG ,CES RANG LA YID CHES KYI NGES PA MA RNYED PAR RAM MA MTHA' LAN GSUM GYI BAR BRJOD DO, ,BZHI PA BYIN RLABS ZHU BA LA GNYIS, DBANG BZHI BYIN RLABS KYI TSUL DU ZHU BA DANG, LAM GYI RIM PA'I NYAMS RTOGS KYI BYIN RLABS ZHU BA'O, ,DANG PO NI, DE LTAR LAN GSUM, ZHES PA NAS, RLABS PAR GYUR, CES PA'I BAR TE, DE LTAR PHUR TSUGS SU LAN GSUM GYI BAR GSOL BA BTAB PAS, BLA MA GTZO BO'I SKU'I GNAS SPYI BO'I AOm YIG ,GSUNG GI GNAS MGRIN PA'I A'A:
YIG; THUGS KYI GNAS THUGS KA'I H'Um YIG RNAMS LAS BDUD RTZI 'OD ZER DANG BCAS PA DKAR DMAR MTHING GA GSUM RIM PA BZHIN BYUNG BA RANG GI GNAS GSUM DU RIM BZHIN TE THOG MAR BDUD RTZI DKAR PO SPYI BOR THIM PAS BUM PA'I DBANG THOB, SROG GCOD LA SOGS PA'I LUS KYI SGRIB PA DAG ,LAM BSKYED RIM SGOM PA LA DBANG, 'BRAS BU SPRUL SKU 'GRUB PA'I NUS PA BZHAG ,BDUD RTZI DMAR PO MGRIN PAR THIM PAS GSANG BA'I DBANG THOB, RDZUN PHRA MA SOGS NGAG GI SGRIB PA DAG ,BDAG BYIN RLABS SGYU MA'I RDZOGS RIM SGOM PA LA DBANG, 'BRAS BU LONGS SKU 'GRUB PA'I NUS PA BZHAG ,BDUD RTZI MTHING GA SNYING GAR THIM PAS SHES RAB YE SHES KYI DBANG THOB, BRNAB SEMS LA SOGS PA YID KYI SGRIB PA DAG ,DON DAM 'OD GSAL SGOM PA LA DBANG, 'BRAS BU CHOS SKU 'GRUB PA'I NUS PA BZHAG ,BLA MA'I GNAS GSUM GA LAS BDUD RTZI 'OD ZER DANG BCAS PA CIG CAR BYUNG BA RANG GI GNAS GSUM DU CIG CAR THIM PAS TSIG DBANG RIN PO CHE THOB, LUS NGAG YID GSUM GYI SGRIB PA'I BAG CHAGS THAMS CAD SBYANGS, ZUNG 'JUG RDO RJE 'CHANG GI GO 'PHANG THOB PA'I NUS PA BZHAG GO , SLAR YANG GTZO BO LAS RANG 'DRA GNYIS PA ZHIG MCHED NAS RANG 'JIGS BYED DU GSAL BA LA THIM PAS BYIN GYIS RLABS PAR BSAM LA THUGS KAR ZLA GDAN LA H'Um YIG GI MTHAR BZLAS SNGAGS RNAMS PHYI NAS RIM
, ,BZHIN GA-YAS SKOR DU BKOD LA BLA MA'I MTSAN SNGAGS DMAR SER DANG, MU NE MU NE SER PO, BADZRA DH'A RA SNGON PO, 'BRU GSUM DKAR DMAR MTHING GA BCAS CI 'GRUB BZLA BA'I MA BZLAS KYANG CHAD PA'I NYES PA MED DO, ,'DIR ZAB PA LAS KYANG CHES ZAB PA SNYAN BRGYUD KYI MAN NGAG SGYU LUS NANG LDANG GI NYAMS LEN YANG BYA STE BSHES GNYEN DAM PA'I ZHAL LAS SHES PAR BYA BA LAS 'DIR BRI BAR BYA BA'I 'OS MA LAGS SO, ,GNYIS PA LAM GYI RIM PA'I NYAMS RTOGS KYI BYIN RLABS ZHU BA LA BZHI, LAM GYI RTZA BA BSHES GNYEN BSTEN TSUL, BSTEN NAS BLO JI LTAR SBYONG TSUL, SBYANGS KYANG LAM SNA MA ZIN NA 'PHO BA BYA TSUL, DON BSDUS TE SRAS DANG 'KHOR GYI GTZO BOR SMON PA'O, ,DANG PO NI, ZHING MCHOG DAM PA, ZHES SOGS SHLOO KA GCIG STE, TSIG RKANG DANG POS TSOGS ZHING GSAL GDAB PA, MCHOD CING ZHES PAS YAN LAG BDUN PA 'BUL BA, GUS PAS GSOL BA BTAB CES PAS PHAN YON DANG NYES DMIGS DRAN PA SOGS KYI SGO NAS GSOL BA GDAB PA, TSIG RKANG THA MA GNYIS KYIS BYIN RLABS ZHU BA BSTAN PAS LAM DNGOS GZHI'I GNAD RNAMS TSANG ZHING, 'JIG RTEN GYI ZHING LAS 'BRU TZAM ZHIG SKYE LA, BLA MA LAS NI DGOS 'DOD THAMS CAD 'BYUNG BAS NA ZHING MCHOG DANG, SA BON KYANG DUS BZHI LA MA LTOS PAR DUS RTAG TU BTAB CHOG PAS DAM PA'O, ,
MCHOD CING GSOL BA BTAB PA'I MTHU LA BRTEN NAS 'PHRAL BDE ZHING PHUGS LEGS PA THAMS CAD KYI RTZA BA MGON PO KHYOD KYIS MDO RGYUD MAN NGAG DANG BCAS PA DGYES BZHIN DU STZOL BAS RJES SU 'DZIN PAR BYIN GYIS RLOBS SHIG ,CES PA STE, BSAM SBYOR GNYIS KYIS JI LTAR BSTEN TSUL DANG, 'DI RNAMS KYI DON TSAN RE RE'I SKABS SU TSOGS ZHING SPYI DANG KHYAD PAR GTZO BO LAS BDUD RTZI SNA LNGA 'OD ZER DANG BCAS PA BABS PA RANG GZHAN THAMS CAD LA ZHUGS PAS SPYI DANG BYE BRAG GI SDIG SGRIB SBYONG ZHING YON TAN RGYAS PAR BSAM PA SOGS ZHIB PAR LAM RIM GYI SKABS BZHIN BYA STE YI GE'I KHUR GYIS 'JIGS PA LAGS SO, ,GNYIS PA BSTEN NAS BLO JI LTAR SBYONG TSUL LA GNYIS, PHAR PHYIN THEG PA'I LAM LA BLO SBYONG TSUL DANG, RDO RJE THEG PA'I LAM LA BLO SBYONG TSUL LO, ,DANG PO LA GSUM, SKYES BU CHUNG NGU DANG MTHUN MONG BA'I LAM LA BLO SBYONG TSUL, SKYES BU 'BRING DANG MTHUN MONG BA'I LAM LA BLO SBYONG TSUL, SKYES BU CHEN PO'I LAM LA BLO SBYONG TSUL LO, ,DANG PO LA GNYIS, 'JIG RTEN PHYI MA DON GNYER GYI BLO BSKYED PA DANG, 'JIG RTEN PHYI MAR BDE BA'I THABS BSTAN PA'O, ,DANG PO NI, LAN GCIG TZAM ZHIG ,CES SOGS GCIG STE, PHYI MA DON GNYER GYI BLO BSKYED PA DANG TSE 'DI'I SNANG SHAS LDOG PA DON GCIG CING, DE'I TSUL LA LUGS GNYIS LAS 'DI LAM GYI GTZO BO GSUM DANG MTHUN PAR DAL 'BYOR
, ,DANG MI RTAG PA ZUNG 'BREL GYIS BSGRUB PA'O, ,TSIG RKANG DANG POS DAL 'BYOR GYI NGO BO NGOS BZUNG ZHING DON CHE BA, RNYED DKA' ZHES PAS RGYU 'BRAS KYI SGO NAS RNYED DKA' 'TSUL,@ MYUR DU 'JIG CES PAS RGYAS PAR NA RTZA BA GSUM, RGYU MTSAN DGU, THAG BCAD PA GSUM STE MI RTAG PA DGU PHRUGS@ KYIS 'CHI BA MI RTAG PA DRAN NAS RGYU MTSAN DE'I PHYIR TSE 'DI'I BYA BA NI KHYI 'THOM@ THANG LA 'KHYAM PA'AM BYIS PAS BYE MA'I MKHAR LAS DANG MTSUNGS PAR DON MED PA'I BYA BA NGAN PAS MI GA-YENG PAR, DON LDAN GYI BYA BA SANGS RGYAS KYI GO 'PHANG SGRUB PAS DAL 'BYOR LA SNYING PO LON PAR BYIN GYIS RLOBS SHIG ,CES PA'O, ,GNYIS PA 'JIG RTEN PHYI MAR BDE BA'I THABS BSTAN PA NI, NGAN SONG SDUG BSNGAL, ZHES SOGS GCIG STE, TSIG RKANG DANG POS NGAN 'GRO'I SDUG BSNGAL BSAM PA, GNYIS PAS SKYABS SU 'GRO BA, GSUM PAS LAS 'BRAS LA YID CHES KYI DAD PA BSKYED PA STON PA STE, MGON PO KLU SGRUB KYIS, RAB TU TSA ZHING GRANG BA YI, ,DMYAL BA NYI MA GCIG BZHIN DRAN, BKRES SKOM DAG GIS RING PA YI, ,YI DVAGS DAG KYANG DRAN PAR BYA, ,RMOGS@ PA'I SDUG BSNGAL RAB MANG BA'I, ,BYOL SONG BLTA ZHING DRAN PAR BYA, ,ZHES GSUNGS PA LTAR, NGAN 'GRO'I SDUG BSNGAL NYIN RE BZHIN DRAN PAR BYAS TE DE LTA BU'I SDUG BSNGAL BZOD GLAGS MI 'DUG PAS 'JIGS
SHING SKRAG NAS SDUG BSNGAL DE LAS SKYOB NUS PA'I SKYABS GNAS SHIG 'TSOL BA LAS MA 'DAS SHING, SKYABS GNAS KYANG BLA MA DKON MCHOG GSUM LAS LHAG PA'I SKYABS GZHAN SU'ANG MED PAS DUS DA NAS SANGS RGYAS MA THOB KYI BAR DU LEGS NYES CI BYUNG YANG SNYING KHONGS RUS PA'I GTING NAS SKYABS SU 'GRO ZHING, DE YANG SANGS RGYAS NI SKYABS STON PA PO STE DES BLANG DOR RNAMS STON LA, CHOS NI SKYABS DNGOS TE JI LTAR BSTAN PA BZHIN LAS RGYU 'BRAS LA 'DOR LEN TSUL BZHIN BYED PA NI SKYABS MTHAR THUG DANG, DGE 'DUN RNAMS KYIS JI LTAR MDZAD PA LA KHA MIG YAR BLTA'I@ TSUL GYIS SLOB PA NI SKYABS SGRUB PA'I GROGS SO, ,SDUG BSNGAL MYONG BA'I RGYU NI SDIG PA MI DGE BA YIN PAS DA PHYIN CHAD SDUG BSNGAL GYI RGYU MI DGE BA PHRA MO'ANG@ SPONG ZHING, BDE BA'I RGYU DGE TSOGS MTHA' DAG SGRUB PA STE LAS RGYU 'BRAS KYI BLANG DOR LA NYAMS LEN SNYING POR BYED NUS PAR BYIN GYIS RLOBS SHIG CES SO, ,GNYIS PA SKYES BU 'BRING DANG MTHUN MONG BA'I LAM LA BLO SBYONG TSUL LA GNYIS, THAR PA DON GNYER GYI BLO BSKYED PA DANG, THAR PAR 'GRO BA'I LAM LA SLOB TSUL LO, ,DANG PO NI, LAS DANG NYON MONGS, ZHES SOGS GCIG STE, 'KHOR BA 'DIR GANG DU GNAS KYANG SDUG BSNGAL GYI RANG BZHIN CAN SHA STAG STE, NGAN SONG GSUM SDUG BSNGAL GYI SDUG BSNGAL GTZO CHE BA STE TSOR BA SDUG BSNGAL, 'DOD KHAmS
, ,KYI LHA MI DANG LHA MA YIN LA 'GYUR BA'I SDUG BSNGAL GTZO CHE BA STE TSOR BA BDE BA, KHAMS GONG MA'I LHA LA KHYAB PA 'DU BYED KYI SDUG BSNGAL TE TSOR BA BTANG SNYOMS SO, ,SDUG BSNGAL GYI SDUGS@ BSNGAL DANG 'GYUR BA'I SDUG BSNGAL LA 'JIGS PA SA GAR YANG MI PHYIN PAS KHYAB PA 'DU BYED KYI SDUG BSNGAL LA SNYING NAS 'JIGS PA ZHIG DGOS PAS DE'I PHYIR 'KHOR BA NI RGYA MTSO LTA BU DANG, RANG RGYUD KYI LAS NI RBA DANG NYON MONGS PA NI YAS 'KHYIL LA SOGS PA'I KLONG DANG, DES BSKYED PA'I SDUG BSNGAL NI CHU SRIN LA SOGS PA'I SROG CHAGS MA RUNGS PA RNAMS KYIS GNOD PA DANG MTSUNGS, ZAG BCAS KYI LAS KYIS 'KHOR BAR 'PHEN TE, BSOD NAMS MA YIN PA'I LAS KYIS NGAN 'GROR 'PHEN LA, BSOD NAMS KYI LAS KYIS BDE 'GROR 'PHEN, MTHA' MED PA YANG BDEN 'DZIN GYI RNAM RTOG LA MTHA' MED PAS 'KHOR BA MTHA' MED DE BDEN 'DZIN GROL NA 'KHOR BA LAS GROL LO, ,GRUB CHEN GLING RAS PAS, 'KHOR BA MTHA' MED KYI GRONG KHYER NA, 'JIG RTEN CHOS BRGYAD KYI RO LANGS MKHAN, ,DUR KHROD 'JIGS SU RUNG BA GCIG DE NA GDA', ,ZHES GSUNGS PA LTAR, 'JIGS SU RUNG BA'I SRID PA'I RGYA MTSO CHEN NO 'DI LAS THAR BAR 'DOD PA'I BLO SHUGS DRAG SKYE BAR BYIN GYIS RLOBS, ZHES SO, ,GNYIS PA THAR PAR 'GRO BA'I LAM LA SLOB TSUL
NI; BZOD DKA' BTZON RA, ZHES SOGS GCIG STE, DE LTA BU'I SDUG BSNGAL BZOD PAR DKA' BA MYONG BA'I RGYU NI RANG RGYUD KYI BDAG GCES 'DZIN 'DI BTZON SRUNG DANG, 'KHOR BA NI BTZON RA DANG MTSUNGS PA LA DE LTAR MA SHES PAR, MI GTZANG BA LA GTZANG BA, SDUG BSNGAL LA BDE BA, MI RTAG PA LA RTAG PA, MI BDAG PA LA BDAG PO STE PHYIN CI LOG BZHI'I 'DU SHES KYIS DGA' MGUR RTZE BAR BYED PA'I SKYED MOS TSAL LTAR MTHONG BA'I BLO SKAD CIG TZAM YANG MI SKYE BAR, BDAG 'DZIN 'JOMS PAR BYED PA LA DE DANG 'DZIN STANGS DNGOS SU 'GAL BA'I BDAG MED RTOGS PA'I SHES RAB KYI BSLAB PA DGOS LA, BDAG MED DE YANG GO BA TZAM GYI MIS CHOG PAR YUN RING DU GNAS NUS PA ZHIG DGOS, DE LA ZHI GNAS SHIN TU BRTAN PA'I TING NGE 'DZIN GYI BSLAB PA SNGON DU 'GRO DGOS, DE LA SEMS GA-YENG BA PHRA MO 'GOG PA LA DE'I SNGON DU RNAM RTOG RAGS PA NAS DGAG DGOS PAS DE 'GOG BYED TSUL KHRIMS KYI BSLAB PA LA SLOB DGOS PA YIN PAS NA BSLAB PA GSUM GYI 'PHAGS NOR GYI BANG MDZOD BDAG GIR BZUNG STE, 'KHOR BA'I BTZON RA LAS THAR CING NYON MONGS PA'I GA-YUL LAS RGYAL BA'I RTAGS MTSAN CHOS GOS NGUR SMIG LUS LA GYON NAS, NGAG SDE SNOD GSUM DANG YID BSLAB PA GSUM DANG LDAN PAR BYED PA NI 'DZIN PA STE DE LTAR BYIN GYIS RLOBS, ZHES SO, ,GSUM PA SKYES BU CHEN PO'I LAM LA SLOB TSUL LA GNYIS, BYANG CHUB
, ,TU SEMS BSKYED TSUL DANG, SEMS BSKYED NAS SPYOD PA LA SLOB TSUL LO, ,DANG PO LA GNYIS, SEMS BSKYED KYI RGYU LA SLOB TSUL DANG, SEMS BSKYED DNGOS LA SLOB TSUL LO, ,DANG PO LA GSUM, LAM GYI RTZA BA SNYING RJE CHEN PO BSKYED TSUL, BDAG GZHAN MNYAM RJE BSGOM TSUL, BLO SBYONG GI DON TSAN LHAG MA BSTAN PA'O, ,DANG PO NI, NYAM THAG 'GRO BA, ZHES SOGS GCIG STE, BYANG CHUB TU SEMS BSKYED PA LA LHAG BSAM SNGON DU 'GRO DGOS, DE LA SNYING RJE CHEN PO, DE LA YID 'ONG GI BYAMS PA SNGON DU 'GRO DGOS PA STE DE RNAMS LA SHING RTA CHEN PO THAMS CAD DGONGS PA MTHUN LA, YID 'ONG GI BYAMS PA DE THABS GANG GIS SGRUB PA'I TSUL LA SHING RTA'I BZHED SROL GNYIS TE, SHER PHYIN GYI MDO'I RJES SU 'BRANGS NAS DPAL LDAN ZLA BA GRAGS PA LA SOGS PA MAR SHES DRIN DRAN DRIN BZO RNAMS SNGON DU SONG NAS YID 'ONG GI BYAMS PA BSKYED PAR MDZAD, MDO PHAL PO CHE'I RJES SU 'BRANGS NAS DPAL ZHI BA LHA LA SOGS PA BDAG GZHAN GCES 'DZIN GYI SKYON YON BSAM PA'I SGO NAS BSKYED PAR MDZAD PA'I DON GZHUNG 'DI NYID DU GNYIS KA 'DOMS PAR MDZAD PAS SKABS 'DI NYID DANG PO'I DON TE, NYAM THAG 'GRO BA 'DI KUN ZHES PAS SEMS CAN THAMS CAD NYAM THAG PAR MTSUNGS PAS BTANG SNYOMS, BDAG GI MA ZHES PAS MAR SHES, YANG YANG DRIN GYIS BSKYANGS PA'I TSUL
BSAM NAS, ZHES PAS DRIN DRAN NAS DRIN BZO SHUGS LA BSTAN, SDUG PA'I BU LA ZHES PAS YID 'ONG GI BYAMS PA, BRTZE BA'I MA ZHES SOGS KYIS SNYING RJE CHEN PO BSKYED PA STE 'DIR SNYING RJE LA RTZOL 'DON BYED PA DANG BCOS MIN ZHES PAS SNYING RJE SKYES PA'I TSAD BSTAN PA'O, ,GNYIS PA BDAG GZHAN MNYAM PA RJE BSGOM TSUL LA GSUM, BDAG GZHAN MNYAM PA BSGOM TSUL, BDAG GZHAN BRJE BA BSGOM TSUL, GTONG LEN BYA TSUL LO, ,DANG PO NI, SDUG BSNGAL PHRA MO, ZHES SOGS GCIG STE, RANG NYID NI SDUG BSNGAL PHRA MO TZAM YANG MI BZOD PAS MI 'DOD CING 'KHOR BA'I BDE BA JI TZAM LA LONGS SPYAD KYANG NGOMS PA'I MTHA' CHOG SHES MED PAR DA DUNG BDE BA LA SPYOD 'DOD NGAM NGAM SHUGS KYIS YOD PA DE BZHIN DU GZHAN SEMS CAN THAMS CAD KYANG 'DOD PAS 'DOD LUGS KHYAD PAR MED LA, RGYU MTSAN DE'I PHYIR GZHAN GYI DGA' BDE LA RANG NYID MI BZOD PA'I PHRAG DOG MED PAR MA ZAD YI RANG BA'I DGA' BA SKYE BAR BYIN GYIS RLOBS SHIG STE 'DIR BDE BA DANG LDAN 'DOD KYI BYAMS PA CHEN PO LA RTZOL 'DON MDZAD DO, ,GNYIS PA BDAG GZHAN BRJE BA BSGOM TSUL LA BZHI, BDAG GCES 'DZIN GYI SKYON, GZHAN GCES 'DZIN GYI YON TAN, SKYON YON GYI DON BSDU BA, BDAG GZHAN BRJE BA DNGOS SO, ,DANG PO NI, RANG NYID GCES PAR, ZHES SOGS GCIG STE, THOG MA MED PA NAS RANG GCES PAR BZUNG BA LA BRTEN NAS MI 'DOD BZHIN DU SDUG BSNGAL
, ,SNA TSOGS MYONG BA 'DI BYUNG BAS NA RANG GCES 'DZIN 'DI GCONG@ NAD DRAG PO DANG 'DRA LA, DE LTA BU'I GCOD NAD KYIS ZIN PA'I LE LAN TE LE KHAG GAM LAN RTZA BDAS PA STE DED PAS RANG GCES 'DZIN 'DI YIN PAR SHES PAR BYA STE BDAG 'DZIN NI DON DAM BYANG SEMS KYI 'GAL MTHA' DANG, GCES 'DZIN NI KUN RDZOB BYANG SEMS KYI 'GAL MTHA' YIN PAS BDAG 'DZIN DANG GCES 'DZIN 'DI LA BLOS MTHA' GCIG TU MI MTHUN PAR BLTAS TE 'KHON DU BZUNG NAS GDON CHEN PO DANG 'DRA BA 'DI SKYES MA THAG 'BUR 'JOMS SU BTANG NAS NAM YANG LDANG BA MED PAR BYED NUS PAR BYIN GYIS RLOBS, ZHES SO, ,GNYIS PA GZHAN GCES 'DZIN GYI YON TAN BSAM PA NI, MA RNAMS GCES BZUNG, ZHES SOGS GCIG STE, MGON PO ZHI BA LHAS, SEMS CAN RNAMS DANG RGYAL BA LAS, ,SANGS RGYAS CHOS 'GRUB 'DRA BA LA, ,RGYAL LA GUS BYED DE BZHIN DU, ,SEMS CAN LA MIN CI YI TSUL, ,ZHES GSUNGS PA LTAR, RANG NYID SANGS RGYAS SGRUB PA LA RGYAL BA DANG SEMS CAN GNYIS BKA' DRIN 'DRA BA LA, SANGS RGYAS LA DAD GUS BYED PA BZHIN DU SEMS CAN LA'ANG MI BYED PA RGYU MTSAN MED PAS SO, ,DES NA RANG NYID YAL BAR DOR TE THOG MA MED PA NAS DRIN GYIS BSKYANGS PA'I MA RNAMS GCES PAR 'DZIN PA NI 'KHOR 'DAS KYI YON TAN THAMS CAD KYI 'BYUNG GNAS YIN
PAS 'GRO BA 'DI THAMS CAD DGRAR LANGS KYANG RANG NYID KHRO BAR MI BYED PAR MA ZAD RANG GI SROG LAS KYANG GCES PAR 'DZIN NUS PAR BYIN GYIS RLOBS, ZHES SO, ,GSUM PA SKYON YON GYI DON BSDU BA NI, MDOR NA BYIS PA, ZHES SOGS GCIG STE, MDOR BSDU NA MANG PO SMOS CI DGOS, BYIS PA SO SO SKYE BO RNAMS THOG MA MED PA NAS RANG DON KHO NA DANG, THUB PA'I DBANG POS GZHAN DON KHO NA MDZAD PAS RANG DON GYI NGOS NAS RANG CAG LHAG PA DANG, GZHAN DON GYI NGOS NAS THUB DBANG LHAG PA YOD RIGS PA LA RANG RES RANG GZHAN GYI DON GANG YANG MA GRUB PAR MA ZAD SDUG BSNGAL MI ZAD PA SNA TSOGS MYONG BZHIN PA 'DIR ZAD LA, ,STON PA THUB PA'I DBANG POS GZHAN DON MTHAR PHYIN PAR MA ZAD RANG DON YANG MTHAR PHYIN PA YIN PAS BDAG GZHAN GCES 'DZIN LA SKYON YON JI LTAR YOD PA DE KHO NAS SHES NUS PAS NA BDAG GZHAN BRJE NUS PAR BYIN GYIS RLOBS, ZHES SO, BZHI PA BDAG GZHAN BRJE BA DNGOS NI, RANG NYID GCES 'DZIN, ZHES SOGS GCIG STE, RANG GCES PAR 'DZIN PA NA 'KHOR BA DANG NGAN SONG GI SDUG BSNGAL LA SOGS PA RGUD PA THAMS CAD 'BYUNG BA'I SGO DANG, GZHAN GCES PAR 'DZIN PA NI GNAS SKABS DANG MTHAR THUG GI BDE LEGS SOGS YON TAN THAMS CAD KYI 'BYUNG GNAS SU 'DUG PAS, RANG GCES 'DZIN MA SKYES PA GSAR DU MI BSKYED CING, SKYES ZIN PA RNAMS 'BAD PAS SPONG BA DANG, GZHAN GCES 'DZIN
, ,MA SKYES PA GSAR DU BSKYED CING, SKYES ZIN PA RNAMS GONG 'PHEL DU BYAS TE BDAG GZHAN BRJE ZHING, DE LTA BU'I DGE BA'I CHOS RNAL MA RANG RGYUD LA 'BYOR PA'I RNAL 'BYOR LA NYAMS LEN SNYING POR BYED NUS PAR BYIN GYIS RLOBS, ZHES SO, ,GSUM PA GTONG LEN BYA TSUL NI, DES NA RJE BTZUN, ZHES SOGS TSIG RKANG LNGA TE, RJE RTA PHUG BAS DMIGS SKOR 'DI SHIN TU GAL CHE BA'I PHYIR TSIG RKANG DANG PO 'DI BCUG CHOG PA RJE CHOS KYI RGYAL MTSAN LA ZHUS NAS GNANG BA STE RJES SU GNANG BA'I BKA' YIN LA, NYAMS LEN JI LTAR BYA BA'I TSUL NI RANG GI MTHA' SKOR DU SLAR YANG SEMS CAN THAMS CAD GSAL BTAB LA, DE RNAMS KYI RGYU'I LAS SDIG PA DANG, 'BRAS BU'I LAS SDUG BSNGAL THAMS CAD DA LTA BDAG LA SMIN PAR GSOL BA BTAB NAS, SEMS CAN RNAMS KYI SNYING GAR SDIG SGRIB DANG SDUG BSNGAL GYI NGO BO 'OD NAG PO'I RNAM PAR YOD PA THAMS CAD NAG LDUR GYIS BYUNG BA RANG GI SNYING GAR BDAG 'DZIN GYI NGO BO MAR ME'I RNAM PAR GSAL BA LA THIM PAS DE NAG THUM GYIS SONG, SEMS CAN RNAMS KYI SDIG SGRIB SDUG BSNGAL DANG BCAS PA THAMS CAD DAG NAS SKYA SANGS KYIS SONG BAR BSAM, DE NAS RANG GIS DUS GSUM DU BSAGS PA'I BDE DGE RNAMS 'OD DKAR PO'I RNAM PAR SONG NAS SEMS CAN THAMS CAD LA KHYAB PAS DE RNAMS BDE BA PHUN SUM TSOGS PA
DANG LDAN PAR BSAM MO, ,RGYAS PAR BYED NA LEN PA'I YUL LA BLA MA NI SANGS RGYAS DNGOS YIN PAS BLA MA DANG SANGS RGYAS LA LEN RGYU MED LA, DE LAS GZHAN PA BYANG SEMS NYAN RANG GI SHES SGRIB PHRA MO TSUN CHAD NAS DMYAL BA'I BAR GYI SDIG SGRIB DANG SDUG BSNGAL THAMS CAD LEN ZHING, LEN PA'I GO RIM LAS DANG PO BA RNAMS KYIS THOG MAR RANG NYID LA PHYI DRO MYONG 'GYUR GYI SDUG BSNGAL SNGA DRO BLANG, DE NAS ZHAG GCIG DANG, BCU DANG, ZLA BA DANG, LO DANG, 'CHI KHA DANG, BAR DO DANG, SKYE BA PHYI MA SOGS LA MYONG 'GYUR GYI SDUG BSNGAL RNAMS BLANG, DE LA GOMS NA TSE 'DI'I PHA MA DANG, MDZA' BSHES DANG, BAR MA'I SEMS CAN DANG, DGRA DANG, SEMS CAN THAMS CAD KYI BAR GYI SDUG BSNGAL SOGS RIM BZHIN BLANG NGO, ,GTONG BA'I TSE TSOD MA LA SOGS PA'I BZA' BTUNG CHUNG DU NAS RIM GYIS STER BA'I BSAM SBYOR JI BZANG DU BTANG NAS MTHAR RANG GI LUS SROG KYANG GTANG BAR BYA STE, GOMS NA SLA BAR MI 'GYUR BA'I, ,DNGOS DE GANG YANG YOD MA YIN, ,ZHES GSUNGS SO, ,GTONG LAN LA NYAMS LEN SNYING POR BYED NA RJE BTZUN NGAG DBANG RDO RJE'I PHYAG BZHES LTAR, THOG MAR SKYABS 'GRO SEMS BSKYED BYA, DE NAS GTONG LEN SGOM LA, BDAG GI BSAM PA'I STOBS DAG DANG, ZHES SOGS KYIS BDEN STOBS BRJOD, DE NAS BSGOM BYA SGOM BYED LA SOGS PA'I CHOS THAMS CAD RANG BZHIN
, ,GYIS GRUB PA MED PA'I NGES SHES DRANGS NAS BDE STONG GI NGANG LA CI NUS BZHAG SLAR BDE STONG DE'I NGANG LAS DPAL RDO RJE 'JIGS BYED LTA BU'I RTEN BRTEN PA'I LHAR LANGS LA DAG PA'I SNANG ZHEN BSKYED NAS BSNGO SMON BYAS, YANG SNGAR BZHIN SKYABS 'GRO NAS BRTZAM STE BYA'O, ,ZHES GSUNGS, GSUM PA BLO SBYONG GI DON MTSAN LHAG MA BSTAN PA LA GSUM, BSAM PAS RKYEN NGAN LAM DU BSGYUR TSUL, TSE GCIG GI NYAMS LEN DANG BLO 'BYONGS PA'I TSAD, SBYOR BA'I RKYEN NGAN LAM DU BSGYUR TSUL DANG DAM TSIG BSLAB BYA'O, ,DANG PO NI, SNOD BCUD SDIG PA'I, ZHES SOGS GCIG STE, 'BRAS BU LA DBYE NA BDAG PO'Am DBANG GI 'BRAS BU, RNAM SMIN, BYED PA RGYU MTHUN, MYONG BA RGYU MTHUN GYI 'BRAS BU STE BZHI LAS, DPER NA SROG GCOD PA LTA BU'I BDAG 'BRAS NI SROG GCOD PA PO RANG NYID GNAS PA'I YUL GYI GZI BYIN NYAMS PA LTA BU SNOD SDIG PA'I 'BRAS BU DANG, RNAM SMIN GYI 'BRAS BU DMYAL BAR SKYE BA DANG, BYED MTHUN GYI 'BRAS BU SROG GCOD PAR 'DOD PA, MYONG MTHUN GYI 'BRAS BU TSE THUNG BA LTA BU RNAMS BCUD SDIG PA'I 'BRAS BU STE DE LTA BU'I SNOD BCUD SDIG PA'I 'BRAS BUS GANG NAS MI 'DOD BZHIN DU SDUG BSNGAL CHAR LTAR BABS KYANG, SDUG BSNGAL 'DI LTAR MYONG BA LA BRTEN NAS TSE RABS SNGA MA SOGS SU LAS NGAN BSAGS PA'I 'BRAS BU ZAD 'GRO ZHING, KHYAD PAR
'DI LTA BU'I SDUG BSNGAL MYONG BA'I SEMS CAN DPAG TU MED PA RNAMS KYI SDUG BSNGAL THAMS CAD BDAG GI SDUG BSNGAL 'DI'I STENG DU SMIN NAS DE RNAMS SDUG BSNGAL DANG BRAL BAR GYUR CIG SNYAM DU RKYEN NGAN DE RNAMS BYANG CHUB SGRUB PA'I LAM DU LONGS PAR BYIN GYIS RLOBS, ZHES SO, ,GNYIS PA TSE GCIG GI NYAMS LEN DANG BLO 'BYONGS PA'I TSAD NI, MDOR NA BZANG NGAN, ZHES SOGS GCIG STE, TSIG RKANG DANG PO GNYIS KYIS TSE GANG GI NYAMS LEN BSTAN PA YIN PAS, MDOR BSDU NA BDE SDUG LA SOGS PA'I BZANG NGAN GYI SNANG BA CI SHAR YANG CHOS THAMS CAD KYI SNYING PO STOBS LNGA STE, DUS 'DI NAS BYANG CHUB MA THOB KYI BAR DANG, SKYE BA DANG, TSE GANG DANG, LO; ZLA BA; ZHAG; THA NA THUN GCIG TSUN CHAD LA BDAG 'DZIN 'DI'I DBANG DU MI BTANG BAR BYANG CHUB KYI SEMS BSGOM PA LA SOGS PA 'DI DANG 'DI BYA'O SNYAM DU 'PHEN PA GTONG BA 'PHEN PA'I STOBS, DE LTA BU YANG YANG DRAN NAS 'DRIS PAR BYED PA GOMS PA'I STOBS, SEMS BSKYED 'DI NYID MI NYAMS SHING GONG 'PHEL DU BYA BA'I PHYIR DNGOS BSHAM YID SPRUL GYI MCHOD PA DANG, LO TOG DANG, NAGS TSAL DANG, NE'U GSING ME TOG DANG BCAS PA DANG, CHU GTZANG DANG, NYI ZLA RGYU SKAR LA SOGS PA BDAG TU BZUNG BA DANG MA BZUNG BA THAMS CAD BLA MA LHA TSOGS LA 'BUL BA DKAR PO SA BON GYI STOBS, RANG RGYUD KYI BDAG GCES 'DZIN DANG, BDAG 'DZIN GNYIS DGRA'I GTZO BO YIN
, ,PAS BLOS MI MTHUN PAR BZUNG NAS 'JOMS PAR BYED PA BSUN 'BYIN PA'I STOBS, DGE SBYOR CI DANG CI BYED PA THAMS CAD BYANG CHUB KYI SEMS SKYE ZHING 'PHEL BA'I RGYUR GYUR CIG SNYAM DU SMON PA SMON LAM GYI STOBS TE, STOBS LNGA'I NYAMS LEN GYIS ZHES SO, ,TSIG RKANG PHYI MA GNYIS KYIS BLO 'BYOD BA'I TSAD STON PA STE, RANG LA GZHAN GYIS BSNYEN BKUR LA SOGS PA'I BZANG BA DANG, CHAD PAS GCOD PA LA SOGS PA'I NGAN PA STE RKYEN BZANG NGAN CI BYUNG YANG, BYANG CHUB KYI SEMS GNYIS 'PHEL PA'I LAM DU BSGYUR TE YID LA MI BDE BA SKAD CIG KYANG MI SKYE BAR BDE BA 'BA' ZHIG BYUNG NA BLO 'BYONGS PA'I TSAD YIN PAS DE LTA BU 'BYUNG BAR BYIN GYIS RLOBS, ZHES SO, ,GSUM PA SBYOR BAS RKYEN NGAN LAM DU BSGYUR TSUL DANG DAM TSIG BSLAB BYA NI, SBYOR BA BZHI DANG, ZHES SOGS GCIG STE, RANG LA NAD GDON LA SOGS PA MI BZOD PA'I SDUG BSNGAL BYUNG BA NA, 'DI RNAMS BLA MAS CHOS KYI BSKUL MAR GNANG BA YIN SNYAM DU TSOGS GSOG PA 1 DANG, SGRIB PA SBYONG BA 3 DANG, 'DI LTA BU'I BSKUL MA MDZAD PA BKA' DRIN CHE SNYAM DU GDON BGEGS LA GTOR MA 3 DANG, CHOS SKYONG LA GTANG RAG GI TSUL DU GTOR MA 4 'BUL BA STE SBYOR BA BZHI NYAMS SU LEN ZHING GTOR LEN SGOM PA DANG, KHAS BLANGS PA LAS MA 'GAL BA LA SOGS PA BLO SBYONG GI DAM TSIG BCO BRGYAD DANG, RNAL
'BYOR THAMS CAD BYANG CHUB KYI SEMS KHO NAS BYA BA LA SOGS PA'I BSLAB BYA NYER GNYIS RNAMS SHES PAR BYA STE DE RNAMS BLO SBYONG GI ZIN BRIS SU BRIS PAS 'DIR MA BKOD DO, ,GNYIS PA SEMS BSKYED DNGOS LA SLOB TSUL LA GNYIS, SMON SEMS BSKYED TSUL DANG, 'JUG SDOM LEN TSUL LO, ,DANG PO NI, GTONG LEN RLUNG LA, ZHES SOGS GCIG STE, GTONG LEN RLUNG LA BSKYON PAS NI RLUNG SEMS 'JUG PA GCIG PA'I GNAD KYIS BYANG CHUB KYI SEMS SKYE SLA LA, 'PHRUL 'DEGS KYI DON NI SHING BZO MKHAS PAS MKHAR STENG 'OG DU MA BRTZEGS PA'I 'OG KHANG GI KA BAR 'DEGS RGYAB PA'I 'PHRUL GYIS STENG KHANG RNAMS KYANG 'DRONGS PA LTAR, RGYU 'BRAS MAN NGAG BDUN GYI MAR SHES LA MYONG BA THON PA'I GNAD KYIS BYANG CHUB KYI SEMS KYI BAR RIM BZHIN SKYE BA'O, RLUNG LA BSKYON TSUL NI GZHAN SNGAR DANG 'DRA BA LA, RANG GI SNA GA-YAS NAS RLUNG PHYIR 'BUD PA DANG MNYAM DU RANG GI BDE DGE RNAMS 'OD DKAR PO'I RNAM PAR SONG BA SEMS CAN RNAMS KYI SNA GA-YON NAS ZHUGS TE BDE BA DANG LDAN PAR BSAM LA BYAMS PA DANG, YANG SEMS CAN THAMS CAD 'KHOR BA DANG NGAN SONG GI SDUG BSNGAL GYIS MNAR TSUL BSAM LA DE LTA BU'I SDUG BSNGAL DANG SDIG PA RNAMS 'OD NAG PO'I RNAM PAR SEMS CAN RNAMS KYI SNA GA-YAS NAS THON, RLUNG NANG DU RNGUB PA DANG MNYAM DU RANG GI SNA GA-YON NAS ZHUGS TE SNYING GA'I BDAG
, ,'DZIN BCOM PAR BSAM LA SNYING RJE BSGOM, DE NAS 'DI LTAR 'GRUB PA SKAL BA BZANG SNYAM DU DGA' BA BSKYED PA'I MTHAR BDE STONG LA MNYAM PAR BZHAG ,DE LAS LDANG BA NA DE NI RANG GI SEMS KYIS BCOS PA TZAM YIN PAS SEMS CAN THAMS CAD SDUG BSNGAL DANG BRAL ZHING BDE BA DANG LDAN PA ZHIG NGAS BYA'O SNYAM PA'I LHAG BSAM BSKYED, SLAR YANG RANG LA DE LTA BU'I NUS PA YOD MED BRTAGS PA NA GZHAN DON LTA BZHAG RANG DON YANG MTHAR MA PHYIN PAS DA LTA NUS PA MED, NUS PA SU LA YOD NA YANG DAG PAR RDZOGS PA'I SANGS RGYAS LA YOD PAS, BDAG GIS MA SEMS CAN THAMS CAD SRID PA'I RGYA MTSO 'DI LAS BSGRAL BA'I PHYIR DU ZHES GZHAN DON DON GNYER DANG, RDZOGS PA'I SANGS RGYAS KYI GO 'PHANG THOB NA CI MA RUNG SNYAM DU BYANG CHUB DON GNYER TE SMON SEMS TZAM PO BA DANG, DE LTAR BYA'O SNYAM PA'I SEMS 'DI YANG MI BTANG BAR BZUNG BAR BYA'O SNYAM PA'I DAM BCA' CAN NI SMON SEMS MTSAN NYID PA STE DE LTAR SKYE BAR BYIN GYIS RLOBS, ZHES SO, ,GNYIS PA 'JUG SDOM LEN TSUL NI, DUS GSUM RGYAL BA, ZHES SOGS GCIG STE 'JUG SDOM MED NA SMON PA TZAM DU ZAD PAS SANGS RGYAS THOB MI SRID PAS NA DUS GSUM GYI RGYAL BA THAMS CAD KYI BGROD PA STE 'GRO BA'I LAM PO CHE GCIG PO NI RGYAL SRAS KYI SDOM PA YIN LA, DES RGYUD
BSDAMS PA STE SDOM PA DANG LDAN ZHING, THEG PA MCHOG STE CHEN PO'I TSUL KHRIMS NYES SPYOD SDOM PA DGE BA CHOS SDUD, SEMS CAN DON BYED KYI TSUL KHRIMS TE TSUL KHRIMS RNAM PA GSUM GYI NYAMS LEN DANG, BSLAB BYA RTZA LTUNG BCO BRGYAD DANG NYES BYAS ZHE DRUG GI BLANG DOR LA LE LO SPANGS TE BRTZON PA LHUR LEN BYED NUS PAR BYIN GYIS RLOBS, ZHES SO, ,GNYIS PA SEMS BSKYED NAS SPYOD PA LA SLOB TSUL LA DRUG ,SBYIN PA LA SLOB TSUL; TSUL KHRIMS LA SLOB TSUL, BZOD PA LA SLOB TSUL, BRTZON 'GRUS LA SLOB TSUL, BSAM GTAN LA SLOB TSUL, SHES RAB LA SLOB TSUL, ,DANG PO NI, LUS DANG LONGS SPYOD, CES SOGS GCIG STE, LAS DANG PO BAS RANG GI LUS SROG LONGS SPYOD THAMS CAD DNGOS SU GTONG MI NUS PAS MOS PA'I SGO NAS GTONG TSUL NI, RANG GI LUS 'DI YID BZHIN GYI NOR BU DANG DPAG BSAM GYI SHING GI RNAM PAR BSGYUR TE, DE LAS 'OD ZER 'PHROS PA'I SNE LA ZAS GOS GNAS MAL DANG GROGS LA SOGS PA MDOR NA SEMS CAN RANG RANG LA GANG DANG GANG 'DOD PA DE DANG DE DAG TU GYUR NAS TSIMS PAR BSAM PA ZANG ZING GI SBYIN PA, DMYAL BA TSA GRANG LA SOGS PA'I SDUG BSNGAL DANG BRAL BAR MOS PA MI 'JIGS PA'I SBYIN PA, RANG RGYUD KYI DGE RTZA RNAMS SEMS CAN THAMS CAD LA BTANG BAS CHOS KYI SBYIN PA'I GO CHOD PA STE SBYIN PA RNAM PA GSUM YIN LA, YUL
, ,SEMS CAN GYI DBUL BA BOR BA DANG RANG GI LONGS SPYOD RDZOGS PA LA MI LTOS KYI, RANG GI GTONG SEMS KYI RTZAL RDZOGS PA SBYIN PA'I PHAR PHYIN YIN PAS DE LTAR BYIN GYIS RLOBS, ZHES SO, ,GNYIS PA TSUL KHRIMS LA SLOB TSUL NI, SO THAR BYANG SEMS, ZHES SOGS GCIG STE, BSNYEN GNAS, DGE BSNYEN, DGE TSUL, DGE SLONG GI SDOM PA SO THAR DANG, THEG PA CHEN PO'I 'JUG SDOM DANG LDAN PA BYANG SEMS DANG, RGYUD SDE GONG MA GNYIS KYI DBANG THOB PA LTA BU GSANG SNGAGS KYI SDOM LDAN TE, SDOM GSUM SO SO'I BCAS MTSAMS KYI BSLAB BYA SROG LA BABS KYANG MI GTONG BAR BSAM PA NYES SPYOD SDOM PA'I TSUL KHRIMS, DGE BA CHOS SDUD KYI TSUL KHRIMS, SEMS CAN DON BYED KYI TSUL KHRIMS RNAMS LA BRTZON PA'I TSUL KHRIMS KYI PHAR PHYIN RDZOGS PAR BYIN GYIS RLOBS, ZHES SO, ,GSUM PA BZOD PA LA SLOB TSUL NI, KHAMS GSUM SKYE RGU ZHES SOGS GCIG STE, DMYAL BA NAS GZHAN 'PHRUL DBANG BYED MAN 'DOD KHAMS, GZUGS KHAMS GNAS RIGS BCU BDUN GZUGS KHAMS, KHAMS GONG MA NI GZUGS MED KHAMS STE KHAMS GSUM NA GNAS PA'I SKYE RGU STE MDOR NA SEMS CAN YOD DO COG THAMS CAD RANG LA KHROS TE, DNGOS SU RANG LA SKYON MED KYANG GZHAN GYIS BSNYON DOR 'DZUGS PA'I GSHE BA DANG, RANG GI SKYON BRJOD PA'I TSAD 'BRU BA DANG, GNAD GSOD DU GTONG
NGO ZHES PA LTA BU BSDIGS PA DANG, SROG GCOD PA STE GSOD PAR BYED KYANG RANG GI RGYUD MI 'KHRUGS PAR MA ZAD GNOD LAN DU PHAN PA SGRUB PA'I BZOD PA BSGOMS TE BZOD PA'I PHAR PHYIN RDZOGS PAR BYIN GYIS RLOBS, ZHES SO, ,BZHI PA BRTZON 'GRUS LA SLOB TSUL NI, SEMS CAN RE RE'I, ZHES SOGS GCIG STE, RANG NYID DON SEMS CAN RE RE'I PHYIR DU GNAS DMYAL BA MNAR MED KYI ME NANG DU YUN BSKAL PA RGYA MTSO CHEN PO'I CHU RDUL GYI GRANGS DANG MNYAM PAR GNAS DGOS PAR BYUNG YANG, MA SEMS CAN RNAMS LA SNYING RJE CHEN PO'I GZHAN DBANG DU GYUR PAS MI SKYO BA STE NAL DUB MED PAR BYANG CHUB KYI MCHOG GAM SNYING PO SGRUB PA LA BRTZON PA MI 'DOR BA'I BRTZON 'GRUS KYI PHAR PHYIN RDZOGS PAR BYIN GYIS RLOBS, ZHES SO, ,LNGA PA BSAM GTAN LA SLOB TSUL NI, BYING RGOD RNAM PAR, ZHES SOGS GCIG STE, GZUGS NAS RNAM MKHYEN BAR GYI CHOS THAMS CAD BDEN PAR MA GRUB PA'I STONG NYID DMIGS YUL DU BYAS TE, DMIGS RTEN MI GSAL BA'I BYING BA DANG, DMIGS RTEN LA RTZE GCIG TU MI GNAS PAR CHAGS YUL LA 'PHRO BA'I RGOD PA DANG, NYON MONGS PA PHYOGS LA 'PHRO BA'I RNAM GA-YENG DANG, DUG GSUM LUNG MA BSTAN DGE BA'I PHYOGS BCAS LA 'PHRO BA'I 'PHRO BA RNAMS KYIS BAR GCOD MI NUS PA'I SEMS GNAS BRGYAD PA RTZE GCIG TU 'JOG PA DANG, DGU PA MNYAM PAR 'JOG
, ,PAS MTSON SEMS GNAS PA DGU PO THAMS CAD LA BSLAB STE BSAM GTAN GYI PHAR PHYIN RDZOGS PAR BYIN GYIS RLOBS, ZHES SO, ,ZHES GSUNGS, DRUG PA SHES RAB LA SLOB TSUL LA GSUM, MNYAM BZHAG NAM MKHA'I RNAL 'BYOR, RJES THOB SGYU MA'I RNAL 'BYOR, DBU MA'I LTA BA'I KHYAD CHOS SO, ,DANG PO NI, DE NYID SO SOR, ZHES SOGS GCIG STE, DE KHO NA NYID KYI DON LA SO SOR RTOG PA'I SHES RAB KYIS DPYAD PA NA CHOS THAMS CAD RANG BZHIN GYIS GRUB PA RDUL TZAM YANG MED PAR NGES PA'I NGES SHES DRANGS PA'I LUS SEMS SHIN SBYANG GI BDE BA CHEN PO 'DREN NUS PA STE DPYAD PA RANG STOBS KYIS GNAS PA 'DREN NUS SHING, DE LA GOMS PAS SHA PAGS KYI MTSAMS SU LAS RUNG GI RLUNG RGYU BAS KLAD PA LCI BEM PA BDE BA'I RNAM PA CAN GYIS LUS SHIN SBYANGS KYI BDE BA SKYE, NGES SEMS LA DGA' BA BSKYED PAS SEMS SHIN SBYANG GI BDE BA DANG, DE NAS SEMS LAS SU RUNG BAS ZHI LHAG ZUNG DU 'BREL BA'I SEMS SHIN SBYANG DANG, LUS LAS SU RUNG BAS SHING BAL LTAR YANG BAS DGE BA'I BYA BA LA CI 'DOD 'DOD BSKOL DU RUNG BA'I LUS SHIN SBYANG SKYE ZHING, DPER NA THOGS BCAS KYI REG BYA BKAG TZAM LA NAM MKHAR BZHAG PA LTAR, 'DIR YANG CHOS THAMS CAD RANG BZHIN GYIS GRUB PA BKAG TZAM GYI NGANG LA SNANG ZHEN BKAG NAS MNYAM PAR
'JOG PA MNYAM GZHAG NAM MKHA' LTA BU'I RNAL 'BYOR ZHES BYA BA DE LTA BU'I SHES RAB KYI PHAR PHYIN RDZOGS PAR BYIN GYIS RLOBS, ZHES PA STE SGOM THOG NAS LTA BA 'TSOL BA'I LUGS SO, ,GNYIS PA RJES THOB SGYU MA'I RNAL 'BYOR NI, PHYI NANG CHOS RNAMS, ZHES SOGS GCIG STE, DE LTAR MNYAM GZHAG TU BDEN MED KYI NGES SHES SHUGS DRAG PO DRANGS PA LA BRTEN NAS, DE LAS LANGS PA'I RJES THOB TU SKYES BU'I RGYUD KYIS MA BSDUS PA PHYI DANG, RGYUD KYIS BSDUS PA NANG STE PHYI NANG GI CHOS GANG SNANG THAMS CAD NI, DPER NA SGYU MA MKHAN GYIS SHING BU DANG RDE'U SOGS LAS RDZAS SNGAGS KYI 'PHRUL GYIS RTA GLANG SOGS SU SPRUL PA NA GANG ZAG GZHAN LA RTA GLANG GI SNANG ZHEN GNYIS KA SKYE YANG,, MKHAN PO RANG NYID KYI SNANG NGOR RTA GLANG YOD KYANG DE LA RTA GLANG GI ZHEN PA MED DE RANG NYID KYIS SHING BU SOGS LAS SPRUL PA YIN PA'I PHYIR SNANG STONG GI BLO YOD PA BZHIN YUL DU GANG SNANG THAMS CAD RANG BZHIN GYIS GRUB PA MED PA'I SNANG STONG SGYU MA LTA BUR LTA BAS NA SGYU MA DANG, GNYID DUS SU RMI LAM BZANG NGAN CI BYUNG YANG SAD DUS SU GSOS BTAB PAS RMI LAM DE'I SNANG BA 'CHAR YANG DE LA BDEN 'DZIN MI SKYE LA, 'ON KYANG RMI LAM DE MNGON SUM DU GRUB PA'I BDEN PA MA YIN BZHIN DU RMI LAM BZANG NGAN GYI 'BRAS BU DNGOS SU 'BYUNG BA LTAR, CHOS THAMS CAD DON DAM PAR GRUB PA MED BZHIN
, ,DU DGE SDIG GI 'BRAS BU BDE SDUG DNGOS SU 'BYUNG BAS NA RGYU 'BRAS BSLU BA MED PAR MTHONG NAS LAS 'BRAS LA NGES PA RNYED PA ZHIG DGOS PAS RMI LAM LTA BU DANG, CHU NANG GI ZLA GZUGS KYANG MKHA' LA ZLA BA YOD PA DANG, BAR DU SPRIN LA SOGS PA'I SGRIB BYED MED PA DANG, MDUN DU CHU DVANGS MA YOD PA DANG, RANG GI MIG DBANG GSAL BA SOGS PHYI NANG GI RTEN 'BREL DU MA TSOGS PA LA BRTEN NAS MKHA' LA ZLA BA GCIG NYID YIN KYANG SNOD CHU DANG BCAS PA JI SNYED YOD PA DE SO SOR ZLA GZUGS RE 'CHAR BA RJES SU DPAG MI DGOS PAR RANG CAG RNAMS LA MNGON SUM GYIS SPYOD YUL YIN ZHING, DE LA MIG SHES SU ZLA GZUGS SNANG YANG YID SHES SU ZLA GZUGS DE LA BDEN 'DZIN GYI BLO MED PAR SNANG STONG DUS GCIG TU SKYE BA LTAR, CHOS THAMS CAD ZLA GZUGS LTAR SNANG YANG SNANG BA LTAR BDEN PAR MA GRUB PA'I GNAS TSUL RTOGS NAS, DE LTA BU'I SGYU MA'I TING 'DZIN RDZOGS PAR BYIN GYIS RLOBS, ZHES SO, ,GSUM PA DBU MA'I LTA BA'I KHYAD CHOS NI, 'KHOR 'DAS RANG BZHIN, ZHES SOGS GCIG STE, SRID PA 'KHOR BA DANG ZHI BA MYANG 'DAS KYIS BSDUS PA'I CHOS THAMS CAD RANG BZHIN GYIS GRUB PA RDUL TZAM MED KYANG, KUN RDZOB TU RTEN 'BREL TSOGS PA LA BRTEN NAS RGYU MI DGE BA BSAGS PA LAS 'BRAS BU SDUG BSNGAL DANG,
RGYU DGE BA BSAGS PA LAS 'BRAS BU BDE BA 'BYUNG BAS RGYU 'BRAS NI NAM YANG BSLU BA MED PAR MTHONG ZHING SNANG STONG DE GNYIS KYANG PHAN TSUN MI 'GAL BAR GCIG GROGS SU GCIG 'CHAR BA STE MDOR NA MGON PO KLU SGRUB KYI DGONGS DON DBU MA THAL 'GYUR BA'I LTA BA MTHAR THUG RTOGS PAR BYIN GYIS RLOBS, ZHES SO, ,GNYIS PA RDO RJE THEG PA'I LAM LA SLOB TSUL LA GSUM, LAM GYI SNOD RUNG DU BYA TSUL, BSKYED RIM LA SLOB TSUL, RDZOGS RIM LA SLOB TSUL LO, ,DANG PO NI, DE NAS RDO RJE 'DZIN PA'I, ZHES SOGS GCIG STE, DE LTAR THUN MONG BA'I LAM LA SNGON DU BLO SBYONG LA DE NAS NGES PAR RDO RJE THEG PA LA GZHUG PAR BYA ZHES DE NAS KYI SGRAS LAM GYI GO RIM STON LA, RGYU MTSAN GANG GI PHYIR SNGAGS LA 'JUG NA RANG GI NGOS NAS SEMS CAN GYI DON DU BSKAL PA GRANGS MED MANG POR DMYAL BA'I SDUG BSNGAL MYONG DGOS PA BYUNG YANG MI BZOD PA MED KYANG, SEMS CAN GYI NGOS NAS SKAD CIG RE RES KYANG 'TSANG RGYA BA LA SHIN TU RING BAS NA NYE LAM RDO RJE THEG PA LA 'JUG 'DOD KYI BLOS RDO RJE 'DZIN PA'I SLOB DPON MTSAN NYID DANG LDAN PA RGYA MTSOR 'JUG PA'I DED DPON THABS MKHAS SHING THUGS RJE CAN DANG MTSUNGS PA'I BKA' DRIN LA BRTEN NAS, RGYA MTSO DANG MTSUNGS PA'I RGYUD SDE'I 'JINGS BRGAL BA STE DBUS SAM DKYIL DU ZHUGS PA STE DKYIL 'KHOR RU ZHUGS
, ,NAS SKU BZHI'I SA BON THEB NGES KYI DBANG BZHI RNAM PAR DAG PA THOB CING, DBANG DUS SU KHAS BLANGS PA'I DAM TSIG DANG SDOM PA MIG 'BRAS LTAR BSRUNG BA DNGOS GRUB THAMS CAD KYI RTZA BAR GO NAS RANG GI SROG LAS KYANG GCES PAR 'DZIN PAR BYIN GYIS RLOBS SHIG STE RDO RJE 'CHANG GI BCAS PA LAS NAM YANG MI 'DA' BAR 'DZIN PA NI DAM TSIG DANG, BYA RGYU MI BYED CING MI BYA RGYU BYED PA'I BSAM PA 'GOG CING SDOM PA NI SDOM PA STE LDOG PAS PHYE BA YIN GYI NGO BO THA DAD PA MA YIN LA, DAM SDOM TSUL BZHIN MA BSRUNGS PAR BSKYED RDZOGS KYI LAM LA JI TZAM 'BAD KYANG NGAN 'GRO'I RGYU DANG, TSUL BZHIN DU BSRUNG NA TSE 'DIR BSKYED RDZOGS KYI LAM MA BSGOM KYANG SKYE BA BDUN NAM BCO BRGYAD LA SOGS PAR RDO RJE 'CHANG GI GO 'PHANG THOB PAR GSUNGS PAS SHIN TU GAL CHE'O, ,GNYIS PA BSKYED RIM LA SLOB TSUL NI, SKYE SHI BAR DO, ZHES SOGS GCIG STE, RANG RGYUD LA DNGOS SU MYONG BA'I SKYE SHI BAR DO GSUM BSKYED RIM PA'I SBYANG GZHI'I GTZO BO YIN PAS SKYE BA SPRUL SKU DANG, 'CHI BA CHOS SKU DANG, BAR DO LONGS SKU STE RANG RGYUD KYI SKYE 'CHI BAR DO GSUM RGYAL BA'I SKU GSUM DU 'KHYER BAS MTSON SNOD BCUD THAMS CAD LA THA MAL GYI SNANG ZHEN GYI DRI MA SBYANGS NAS SNOD THAMS CAD DAG PA'I GZHAL YAS KHANG DANG BCUD THAMS CAD LHA DANG LHA MO'I RANG BZHIN TE, GANG
SNANG LHA SKU, LHA SKU BDE BA, BDE BA STONG PA'I RANG BZHIN DU YID NGOR BSGYUR ZHING RDZOGS RIM ZAB MO'I SMIN BYED DANG MCHOG GI DNGOS GRUB 'GRUB PA'I RGYU YIN NO, ,GSUM PA RDZOGS RIM LA SLOB TSUL NI, SNYING GA'I 'DAB BRGYAD, CES SOGS GCIG STE, RANG GI LUS NANG GI DBUS DRANG POR RTZA DBU MA MDA' SMYUG TZAM PHYI SNGO LA NANG DMAR BA SMIN MTSAMS NAS GSANG GNAS KYI BAR DU GNAS PA'I GA-YAS GA-YON DU RO RKYANG GNYIS TE RTZA GSUM DANG, SPYI BO; MGRIN PA, SNYING GA; LTE BA RNAMS SU RO RKYANG GIS DBU MA LA 'KHYUD PA'I MDUD MTSAMS NAS GYES PA'I RTZA 'KHOR BZHI YOD PA'I SNYING GA'I RTZA 'KHOR GYI DBU MA'I NANG DU PADMA 'DAB MA BRGYAD PA'I LTE BAR ZLA GDAN LA RDO RJE 'CHANG DKAR PO YUM BCAS RNAMS GSAL BTAB LA, GTZO BO LAS RANG 'DRA GNYIS PA ZHIG MCHED PA PHYI RIM NAS RDO RJE 'CHANG GI BAR DU THIM ZHING, RDO RJE 'CHANG DE NYID RANG GI TSANGS BUG NAS DBU MA BRGYUD DE SNYING GA'I RDO RJE 'CHANG LA THIM NAS DBYER MED DU GYUR TE RDO RJE 'CHANG DKAR SNGO GANG RIGS YUM BCAS LA RTZE GCIG TU DMIGS NAS BSGOM PAS RLUNG DBU MAR ZHUGS PA'I RTAGS SU SNA BUG GI RGYU SHAD MTSUNGS PA'I MNYAM RGYU DANG, GNAS PA'I RTAGS SU SNA'I RGYU BA CHAD CING LTO BA MI MGUL BA, THIM PA'I RTAGS SMIG SGYU, DU BA; MKHA' SNANG ME KHYER, MAR ME TAL 'BAR, SNANG BA DKAR LAM, MCHED PA DMAR LAM, NYER THOB NAG LAM, STON
, ,GNAM GA-YA' DAG LTA BU'I LUGS 'BYUNG GI RTAGS STONG PA DANG BCAS PA 'CHAR BA LA BSLAB STE MNYAM PAR 'JOG CI THUB BYED PA SAD DUS KYI CHOS SKU'I BSRE BA, MNYAM GZHAG DE LAS LDANG BA NA LUGS LDOG GI THOB MCHED SNANG GSUM SOGS KYI RTAGS RNAMS SHAR TE GOS LOGS SU RDO RJE 'CHANG DKAR PO'I RNAM PAR LDANG BA NI SAD DUS KYI LONGS SKU'I BSRE BA, SLAR YANG RDO RJE 'CHANG GI SNANG BA RIM GYIS BSDUS TE SMIG RGYU NAS 'OD GSAL BAR GYI RTAGS STONG PA DANG BCAS PA SHAR NAS RAGS PA'I LUS RDO RJE 'JIGS BYED KYI SKUR LDANG BA NI SAD DUS KYI SPRUL SKU'I BSRE BA'O, ,DE BZHIN DU GNYID DUS DANG, 'CHI DUS KYI BSRE BA SKOR GSUM STE BSRE BA SKOR DGU'I GDAMS PA LA BSLAB NAS, SLAR YANG RDO RJE'I BZLAS PA SOGS LA CHIG BSGRIL DU BSLAB PAS DPE'I 'OD GSAL 'GRUB CING, 'OD GSAL DE LAS LDANG BA NA RLUNG 'OD ZER LNGA PAS NYER LEN DANG, LHAN SKYES KYI BDE BAS LHAN CIG BYED RKYEN BYAS TE MA DAG PA'I SGYU LUS SU LDANG LA, DE NAS SDUD RIM GNYIS SOGS LA TSUL BZHIN DU BSLAB PAS MA DAG PA'I SGYU LUS DE SPRIN YAL BA LTAR GYUR TE DON GYI 'OD GSAL 'CHAR, 'OD GSAL DE LAS LDANG BA NA GO SA LOGS SU DAG PA'I SGYU LUS GRUB TE SKU THUGS ZUNG GCIG TU GYUR PA NI SLOB PA'I ZUNG 'JUG DANG, SNGAR GYI SDUD RIM DE GA'I RGYUN BSKYANGS PAS MI SLOB PA'I ZUNG 'JUG GRUB NAS
MNYAM RJES 'DRES TE RDO RJE 'CHANG GI GO 'PHANG 'GRUB STE, TSE 'DIR MNGON DU 'GYUR BAR, ZHES PA'I TSIG NUS KYIS BSTAN GSUNG NGO, ,GSUM PA SBYANGS KYANG LAM SNA MA ZIN NA 'PHO BA BYA TSUL NI, LAM SNA MA ZIN, ZHES SOGS GCIG STE, DE LTAR 'BAD KYANG SNGAR GYI SNANG MCHED THOB GSUM NGOS MA ZIN NAS BSRE SKOR RNAMS NYAMS SU LEN MA NUS PAS LAM SNA'AM BTZAN SA MA ZIN PAR RNAL 'BYOR PA RANG NYID TSE'I DUS BYAS TE 'CHI DGOS PA'I MTSAN MA MTHONG BA NA BZLOG THABS BYA ZHING, DES KYANG MA BZLOG PAR DUS LA BABS PA NA NAD LA SOGS PA'I GNAD GCOD DRAG PO MA BYUNG BA'I GONG DU 'PHO BA BYA LA, BTZAN THABS NI BTZAN KHRID DE; TSE 'DIR MI DGE BA BSAGS PA'I 'BRAS BU NGAN 'GRO'I SDUG BSNGAL MYONG DGOS PA LA, 'PHO BA'I NUS PAS SKYE GNAS BZANG POR BTZAN 'KHRID BYED PAS SO, ,'TSANG RGYA ZHES PA'I DON 'PHO BAS SKAD CIG DE NYID LA SANGS RGYAS KYI GO 'PHANG LA SKYEL NUS PA STON PA MA YIN GYI MYUR DU 'TSANG RGYA BA'I RTEN SNGAGS SPYOD PA'I LUS RTEN KHYAD PAR CAN 'THOB PA STON LA, BLA DANG GONG GNYIS DON GCIG PAS RTEN GONG NAS GONG MA'Am BLA NAS BLAR 'PHO BAS NA BLA MA'I 'PHO BA ZHES DANG, NYAMS SU BLANG BA'I GDAMS PA LA RIGS MANG YANG RAGS RIM MDO SNGAGS KYI LUGS GNYIS LAS, RANG GI YO BYED RNAMS DGE TSOGS GANG CHER MCHOD SBYIN DU BTANG LA
, ,CHAGS ZHEN MED PAR BYA BA DKAR PO SA BON GYI STOBS, RANG NYID BDE BA CAN DANG DGA' LDAN MKHA' SPYOD LA SOGS PA GANG DU 'PHO YANG DER 'PHO NUS PA'I SMON LAM SHUGS DRAG YANG YANG BYED PA SMON LAM GYI STOBS, RANG GCES 'DZIN DANG BDAG 'DZIN GNYIS LA DGRA'I GTZO BOR BLTAS TE NAM SKYES PA NA DE MA THAG 'BUR 'JOMS SU GTONG BA SUN 'BYIN PA'I STOBS, 'CHI KHAR GNAD GCOD BYUNG YANG NYAMS LEN 'DI LTAR BYA'O SNYAM DU YANG YANG DRAN PA 'PHEN PA'I STOBS, GONG DU BSHAD PA RNAMS YANG NAS YANG DU SBYONG BA GOMS PA'I STOBS TE STOBS LNGA NI MDO LUGS KYI 'PHO BA'O, ,SNGAGS PHYOGS KYI 'PHO BA NYAMS SU LEN MTSAMS NI 'OG TU 'BYUNG LA, GDAMS PA DNGOS NI BLA MA DAM PA'I ZHAL LAS SHES PAR BYA ZHING, YANG DAG SBYAR ZHES PA NI MDO SNGAGS KYI 'PHO BA GNYIS ZUNG 'BREL DU SBYAR ZHES PA'O, ,BZHI PA DON BSDUS TE SRAS DANG 'KHOR GYI GTZO BOR SMON PA LA GNYIS, SRAS KYI THU BOR SMON PA DANG, 'KHOR GYI THOG MAR SMON PA'O, ,DANG PO NI, MDOR NA SKYE ZHING, ZHES SOGS GCIG STE, DON MDOR BSDU NA 'GO BSHES GNYEN BSTEN TSUL NAS MJUG MI SLOB PA'I ZUNG 'JUG MA THOB PA'I BAR SKYE BA NAS SKYE BA THAMS CAD DU SKYABS MGON RJE BTZUN BLA MA KHYOD KYIS DUS NAM YANG 'BRAL BA MED PAR RJES SU BZUNG STE SKU GSUNG THUGS,
KYI GSANG BA BSAM GYIS MI KHYAB PA THAMS CAD 'DZIN PA STE BLA MA DANG SPANG RTOGS MNYAM PA'AM THUGS YID GCIG TU 'DRES TE SRAS KYI THU BOR 'GYUR BAR BYIN GYIS RLOBS, ZHES SO, GNYIS PA 'KHOR GYI THOG MAR SMON PA NI; MGON KHYOD GANG DU, ZHES SOGS GCIG STE, RJE BTZUN BLA MA KHYOD NI DANG PO 'OG MIN STUG PO BKOD PA'I ZHING KHAMS SU SANGS RGYAS ZIN KYANG, MA 'ONGS PA NA RGYA GAR RDO RJE GDAN LTA BU'I ZHING DU MDZAD PA BCU GNYIS LA SOGS PA'I TSUL BSTAN NAS MNGON PAR RDZOGS PAR 'TSANG RGYA BA'I TSUL STON PAR MDZAD PAS, DE LTA BU'I ZHING KHAMS GANG DU TSUL STON KYANG BDAG NYID 'KHOR GYI THOG MA NYID DU GYUR TE GNAS SKABS 'DI PHYIR BSTAN PA DANG SEMS CAN GYI DON SGRUB PA DANG, MTHAR THUG SANGS RGYAS MA THOB KYI BAR MTHUN RKYEN GANG DGOS PA DANG YID LA 'DOD PA THAMS CAD 'BAD RTZOL MED PAR LHUN GYIS GRUB PA'I BKRA SHIS STZOL CIG CES PA'O; ;SKABS 'DIR YI DAM DANG CHOS SKYONG GANG LA GTOR MA 'BUL YANG GTOR MGRON GSAR DU SPYAN 'DREN MI DGOS LA, MCHOD GTOR RNAMS RANG NYID LHA'I RNAL 'BYOR GANG LA GNAS PA DE'I GZHUNG BZHIN BYIN GYIS RLABS LA GTOR 'BUL 'PHRIN 'CHOL RNAMS BYAS NA KHUNGS DANG 'BREL LO, ,LNGA PA TSOGS ZHING BSDU BA NI, DE LTAR GSOL BA ZHES SOGS GCIG STE, THOG MAR TSOGS ZHING THAMS CAD LA GSAL SNANG BTON LA,,
, ,DE LTAR LAM GYI RIM PA'I NYAMS RTOGS RGYUD LA SKYE BA'I GSOL BA BTAB PAS BLA MA LHA TSOGS RNAMS LAS BDUD RTZI 'OD ZER DANG BCAS PA BYUNG NAS RANG GZHAN LA SPANGS RTOGS KYI YON TAN SKYES SHING, DE LA BRTEN NAS BLA MA DAM PA DGYES TE GTZO BO'I THUGS KA NAS 'OD ZER DPAG TU MED PA 'PHROS PA TSOGS ZHING THAMS CAD LA 'PHOG PAS MCHOD SPRIN DPAG BSAM GYI SHING LA THIM, DPAG BSAM GYI SHING 'OD DU ZHU NAS SENG KHRI LA THIM, SENG KHRI RGYAL CHEN BZHI DANG BCAS PA CHOS SRUNG LA THIM, DE PAD BCAS DPA' BO MKHA' 'GRO LA, DE PAD BCAS NYAN THOS LA, DE PAD BCAS RANG RGYAL LA, DE PAD BCAS BYANG SEMS LA, DE PAD BCAS SANGS RGYAS LA, DE PAD BCAS BYA RGYUD KYI LHA TSOGS LA, DE PAD BCAS SPYOD RGYUD LA, DE PAD BCAS RNAL 'BYOR RGYUD LA, DE PAD BCAS BLA MED SPYI LA, DE PAD BCAS SHAR PHYOGS PA 'JIGS BYED, LHO PHYOGS PA GSANG 'DUS, NUB PHYOGS PA KYEE RDOR, BYANG PHYOGS PA BDE MCHOG GI LHA TSOGS LA THIM, DE NAS STENG GI BAR SNANG LA BLA BRGYUD BZHUGS PA RNAMS RANG RANG GI DKYIL 'KHOR LA THIM, DE RNAMS KYANG 'JIGS BYED DNGOS KYI BLA MA LA, GSANG 'DUS RGYA CHEN SPYOD BRGYUD, KYEE RDOR GTZO BO, BDE MCHOG ZAB MO LTA BRGYUD KYI BLA MA RNAMS LA THIM, BLA MA DE RNAMS KYANG RANG RANG GI GTZO BO LA, DE RNAMS GTZO
BO SEMS DPA' GSUM BRTZEGS CAN LA, DE'I GDAN SNA TSOGS PAD ZLA NYI DKYIL RNAMS RJE RIN PO CHE'I BAR RIM GYIS THIM ZHING, DE NYID RANG GI SPYI BOR RANG DANG ZHAL LTA PHYOGS MTHUN PAR BZHUGS, SLAR YANG RJE RIN PO CHE THUB DBANG LA, DE RDO RJE 'CHANG LA THIM PAR BSAM LA RDZOGS RIM RDOR BZLAS, 'PHO BA RNAMS NYAMS SU LEN NA SKABS 'DIR BYA'O, ,SLAR YANG RANG 'JIGS BYED DU GSAL BA'I RTZA DBU MA'I NANG GI SNYING GAR RDO RJE 'CHANG DKAR PO LA THIM PAS DBYER MED DU GYUR NAS SLAR SKU MDOG DKAR SNGO GANG RIGS YUM BCAS KYI RNAM PA CAN DANG RANG SEMS DBYER MED DU 'DRES TE BDE STONG GNYIS SU MED PA'I YE SHES SKYES PAS BYIN GYIS BRLABS PAR GYUR PAR BSAM MO, ,GSUM PA MJUG LA GNYIS, BSNGO BA DANG, SMON LAM MO, ,DANG PO NI, RGYAS PAR BYED NA BZANG SPYOD BYAMS SMON SOGS KYI SGO NAS BSNGO SMON BYA LA, MDOR BSDU NA, 'DI LTAR BGYIS PA'I ZHES SOGS GCIG STE, 'DI ZHES PA NYE TSIG YIN PAS DA LTA NYAMS SU BLANGS MA THAG PA'I BLA MA MCHOD PA'I RNAM DKAR GYI DGE BA DANG, YANG SGRA'I NUS PAS DA LTA BGYIS PA 'DIS MTSON PA'I RANG GZHAN SKYE 'PHAGS THAMS CAD KYIS DUS GSUM DU BSAGS PA'I DGE BA MTHA' DAG BSNGO BYAR STON LA, TSUL JI LTAR BSNGO NA, 'DAS PA DANG MA BYON PA DANG DA LTA BZHUGS PA STE, DUS GSUM GYI BDE BAR GSHEGS PA SANGS RGYAS RNAMS DANG, SRAS BYANG CHUB SEMS DPA'
, ,THAMS CAD KYI MDZAD PA DANG SMON LAM JI LTAR MDZAD PA THAMS CAD BDAG GIS BSGRUB NUS PA DANG, KHYAD PAR LUNG DANG RTOGS PA'I DAM PA'I CHOS 'DZIN PA'I RGYUR BSNGO BA NI BSNGO SMON THAMS CAD KYI NANG NAS MCHOG TU 'GYUR BAR BSNGAGS PA RGYA CHER MDZAD PA LTAR RO, ,GNYIS PA SMON LAM NI, DE YI MTHU LAS, ZHES SOGS GCIG STE, DE LTA BU'I DGE BA'I MTHU LA BRTEN NAS THEG PA MCHOG GAM CHEN PO'I 'KHOR LO BZHI STE, BSHES SPRINGS LAS, MTHUN PAR GYUR PA'I YUL NA GNAS PA DANG, ,SKYES BU DAM PA LA NI BRTEN PA DANG, ,BDAG NYID LAS SMON SNGON YANG BSOD NAMS BGYIS, 'KHOR LO CHEN PO BZHI YANG KHYOD LA MNGA', ,ZHES GSUNGS PA LTAR, MTHUN PAR GYUR PA STE DGE BA 'PHEL BA'I YUL NA GNAS PA, SKYES BU DAM PA DGE BA'I BSHES GNYEN GYIS RJES SU BZUNG BA, BDAG NYID LAS DANG SMON LAM BZANG PO'I 'BRAS SU LUS NGAG YID GSUM DGE BA LA SPRO BZHIN DU 'JUG PA, TSE SNGON MAR BSOD NAMS BGYIS PAS MTHO RIS KYI YON TAN BDUN DANG LDAN PA STE DE BZHI DANG MI 'BRAL ZHING, DER YANG MA ZAD RANG NYID 'KHOR BA LAS YID LOG PA'I NGES 'BYUNG DANG, SEMS CAN THAMS CAD 'KHOR BA LAS SGROL BA'I DON DU SANGS RGYAS BSGRUB PAR 'DOD PA'I BYANG CHUB KYI SEMS DANG, CHOS THAMS CAD KYI GNAS LUGS PHYIN CI MA LOG PAR RTOGS PA'I YANG
DAG PA'I LTA BA STE THUN MONG BA PHAR PHYIN THEG PA'I LAM GYI GTZO BO RNAM PA GSUM DANG, THA MAL GYI SNANG ZHEN DAG PA'I SNANG ZHEN DU YID NGOR BSGYUR BA BSKYED RIM DANG, DNGOS GNAS SU BSGYUR BA RDZOGS RIM STE THUN MONG MA YIN PA RDO RJE THEG PA'I LAM RIM PA GNYIS TE, DE RNAMS KYI LAM GYI BGROD PA MTHAR PHYIN NAS SKU GSUM YE SHES LNGA LDAN GYI GO 'PHANG THOB PAR SHOG CIG SNYAM DU SMON PA'O, ,DE NAS BLO BZANG RDO RJE 'CHANG CHEN TZONG KHA PA'I, , SNYAN BRGYUD MAN NGAG SNYING PO MTHAR THUG PA, ,ZAB LAM BLA MA LHA YI RNAL 'BYOR GYIS, ,DON GNYIS LHUN GYIS 'GRUB PA'I BKRA SHIS SHOG ,CES BKRA SHIS BYA ZHING, BRTAN BZHUGS DANG 'BREL BA'I SKABS SOGS CUNG ZAD RGYAS PAR BYED NA, GONG GI SMON LAM GYI MJUG TU, BDAG SOGS RNAMS KYI DENG NAS BYANG CHUB BAR, ZHES SOGS DANG, SKYE BA KUN TU YANG DAG BLA MA DANG, ZHES SOGS DANG, DE NAS, SRID ZHI'I RNAM DKAR JI SNYED DGE MTSAN GYIS ZHES SOGS BKRA SHIS TSE GLING CHOS SPYOD LTAR BYA'O GSUNGS, GNYIS PA THUN MTSAMS NI, DE LTAR THUN DNGOS GZHI LA SBYOR DNGOS MJUG GSUM GYI NYAMS LEN LEGS PAR BSKYANGS NAS, THUN SNGA PHYI'I BAR GYI THUN MTSAMS SU YANG RIG PA RGYA YAN LA MI BTANG BAR, BLA MA DANG LHAG PA'I LHA RANG SEMS GSUM NGO BO DBYER MED DU BLTA BA DANG, DNGOS GZHI'I SKABS KYI DMIGS RNAM RGYUD LA SKYE PHYIR BLA MA LHA TSOGS LA GSOL BA
, ,'DEBS SHING SGO SNA TSOGS NAS BSAG SBYANG LA 'BAD PA DANG, GZHUNG 'DI'I 'KHRID YIG SOGS LA BLTA ZHING DMIGS RIM LA SNGO BGRANG BYED PA DANG, KHRUS KYI TSE LHA LA DBANG BSKUR BA'I SKABS BZHIN BYED PA DANG, KHA ZAS BDUD RTZIR BYIN GYIS BRLABS NAS SNYING GA'I BLA MA LHA LA MCHOD PA 'BUL BAR BSAM PA SOGS MDOR NA SNANG DRAG RIG GSUM THAMS CAD BLA MA LHA'I GSANG GSUM DU BLTA ZHING RDZOGS RIM GYI SKABS LTAR NA, DANG POR STONG NYID KYI LTA BA, DE NAS BDE BA CHEN PO, BDE STONG DE LAS LHA SKU'I RNAM ROL DU BLTAS LA SHES BYA GSUM RIM LA BSLAB PA SOGS THUN MTSAMS KYI BYA BA THAMS CAD KYANG DON LDAN DU BYA'O, ,DE LTA BU'I SGO NAS NYIN RE BZHIN THUN BZHI'AM GCIG LA SOGS PA'I SGO NAS BLA MA MCHOD CING GSOL BA GDAB PA DANG SPYOD PA'I SGO NAS BLA MAS CI GSUNG THAMS CAD TSAM TSOM MED PAR SGRUB PA SOGS NI RANG LA GNAS SKABS DANG MTHAR THUG GI PHAN BDE MA LUS PA 'BYUNG BA'I SGO DANG, THEG PA CHE CHUNG GI YON TAN THAMS CAD DANG, MCHOG THUN MONG GI DNGOS GRUB THAMS CAD KYI RTZA BA YIN PAR YANG DANG YANG DU GSUNGS SHING BSNGAGS PA RNAMS LA YID CHES KYI NGES PA DRANGS NAS BDAG LEGS SU 'DOD PA RNAMS KYIS DAL 'BYOR GYI RTEN THOB PA DON MED DU MI BTANG BAR SNYING PO LON PAR ZHIG CI
NAS KYANG BYA DGOS SO, ,ZHES GSUNGS, RGYAL KUN MKHYEN BRTZE NUS PA'I MKHA' DBYINGS LAS, ,MTSAN LDAN BSHIS GNYEN CHU 'DZIN CHER GA-YOS TE, ,LEGS PAR BSHAD PA'I GDAMS NGAG GRU CHAR GYIS, SKAL BZANG MYU GU BSKYED 'DI AE MA'O MTSAR, ,GANG DE'I ZHAL LAS 'ONGS PA'I BDUD RTZI'I RGYUN, ,BLO DMAN NYES BRGYA'I SNOD DU BGYID DKA' YANG, ,CHA SHAS TZAM GYIS SKABS GSUM GDUL BYA'I TSOGS, ,'TSO PHYIR GZEGS MA SRID SNYAM 'BAD PAS BKOD, ,DE PHYIR GSEG MA'I KHROD DU RIN CHEN BZHIN, ,DAM PA'I GSUNG RGYUN 'KHRUL BRAL 'GA' MCHIS NA, ,MGON PO GANG GI ZHABS ZUNG RAB BRTAN CING, ,SKYE BAR RJES SU 'DZIN PA'I RGYUR GYUR CIG ,CES PA 'DI NI BDAG CAG GI DPAL LDAN BLA MA DAM PA MKHAS SHING GRUB PA'I GO 'PHANG BRNYES PA RJE BTZUN DNGUL CHU BA CHEN PO DHARMA BHA DRA ZHES MKHAS MANG RGYU SKAR GYI DBUS SU'ANG NYI ZLA DANG MTSUNGS PA'I MGON PO GANG GIS SKAL LDAN GYI GDUL BYA MANG POR SA BCAD 'DZIN CHOS DANG, NYI MA RE RE BZHIN THUN BZHI LA SOGS PA'I NYAMS LEN DANG 'BREL BA'I ZAB KHRID RGYAS PAR STZAL BA'I SKABS, BKA' 'BANGS KYI CHAR GTOGS RJE DRUNG TSE RING MING CAN GYIS RANG NYID KYI DRAN PA GSO PHYIR BRJED BYANG ZIN BRIS SU BKOD PA'O,, SARBA MANGGA LAm, SLAR YANG SHING BYA ZLA 8 TSES 23 NAS NYIN BRGYAD KYI BAR NYAMS 'KHRID DU STZAL SKABS
, ,ZAB GNAD DANG 'KHRUL BSLAD 'CHOS DGOS GANG GRUB BGYIS PA LAGS,, * YANG SKU TSE'I SMAD CHAR BLA MCHOD KYI BKA' 'KHRID GNANG BA PHAL CHER LA, DGE SEMS BSKYED PA NAS MCHOD PA BYIN RLABS KYI BAR YONGS 'DZIN PAndI TA'I BLA MCHOD KYI 'KHRID SNYAN BRGYUD MAN NGAG GTER GYI KHA BYANG GI DGONGS PA BZHIN MDZAD PAS DE'I TSUL NI, GA RE BDAG GIS DAL 'BYOR LAN GCIG THOB PA'I SKABS 'DIR 'KHOR BA'I GNAS LA MA CHAGS PAR, MA RGAN SEMS CAN THAMS CAD 'KHOR BA'I GNAS NA SDUG BSNGAL GSUM GYIS NYAM THAG PA 'DI RNAMS MYUR DU 'KHOR BA'I BTZON RA 'DI LAS BSGRAL BA'I PHYIR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA'O, ,ZHES LAN GSUM GYIS DGE SEMS BSKYED, RANG GI MDUN GYI THAD DRANG GI NAM MKHA'I GNAS SU SENGGE CHEN PO BRGYAD KYIS BTEG PA'I RIN PO CHE'I KHRI MTHO ZHING YANGS PA'I STENG KHAR SNA TSOGS PAD ZLA NYI MA'I DKYIL 'KHOR GYI GDAN LA DRIN CAN RTZA BA'I BLA MA THUB DBANG RDO RJE 'CHANG CHEN PO, DE NYID KYI MTHA' SKOR DU DNGOS DANG BRGYUD PA'I BLA MA YI DAM SANGS RGYAS BYANG SEMS NYAN RANG DPA' BO DPA' MO BSTAN SRUNG YE SHES PA'I TSOGS RNAMS KYIS BSKOR NAS BZHUGS PA, DE DAG RANG RANG GI MDUN NA GDAN KHRI PHUN TSOGS LA RANG RANG GIS GSUNGS PA'I LUNG GI CHOS RNAMS 'OD KYI RANG BZHIN CAN GYI
PU TI'I RNAM PAR YOD PA, TSOGS ZHING RNAMS KYANG RANG NYID LA DGYES PA'I TSUL DANG, RANG NYID KYANG TSOGS ZHING RNAMS KYI YON TAN DANG THUGS RJE DRAN PA'I DAD PA CHEN PO'I DANG NAS, ZHES SKYABS YUL GSAL BTAB, RANG DANG RANG GI MTHA' SKOR NA GNAS PA'I PHA MA SEMS CAN THAMS CAD 'KHOR BA DANG NGAN SONG GI SDUG BSNGAL LA 'JIGS SHING SKRAG NAS RES DKON MCHOG GSUM LAS GZHAN NA MED PAS, DUS 'DI NAS BYANG CHUB MA THOB KYI BAR DU SKYID RUNG SDUG RUNG DUS DANG GNAS SKABS CIR GYUR KYANG DKON MCHOG RIN PO CHE RNAM PA GSUM MKHYEN NO, ,ZHES RGYUGS LA BTAB LA, BLA MA LA SKYABS SU MCHI'O, ,LAN BDUN, SANGS RGYAS LA SKYABS SU MCHI'O, ,LAN BDUN, CHOS LA SKYABS SU MCHI'O, ,LAN BDUN, DGE 'DUN LA SKYABS SU MCHI'O, ,LAN BDUN, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,LAN GSUM, SKYABS YUL THAMS CAD KYI SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS, THOG MED NAS BSAGS PA'I SDIG SGRIB THAMS CAD DANG, KHYAD PAR DPAL LDAN BLA MA'I SKU LA BSDOS PA, GSUNG BCAG PA, THUGS DKRUGS PA, MA DAD BRNYAS SMOD BGYIS PA, DE BZHIN GSHEGS PA'I SKU LA NGAN SEMS KYIS KHRAG PHYUNGS PA,
, ,THUGS KYI RTEN MCHOD RTEN BSHIG PA, DAM PA'I CHOS SPANGS PA, GSUNG RAB ZONG DU BYAS PA, GSUNG RAB KYI BLUS ZOS PA, GSUNG RABS SGRE BO LA BZHAG PA, 'PHAGS PA'I DGE 'DUN LA SKUR PA BTAB PA, DGE 'DUN GYI DBYEN BYAS PA, DGE 'DUN GYI ZHAL DU 'DU BA'I SGO PHROGS PA LA SOGS PA DKON MCHOG GSUM LA BRTEN PA'I SDIG SGRIB THAMS CAD SBYANGS, LUS DVANGS GSAL 'OD KYI RANG BZHIN CAN DU GYUR, TSE DANG BSOD NAMS LA SOGS PA'I YON TAN THAMS CAD 'PHEL ZHING RGYAS, KHYAD PAR DKON MCHOG GSUM GYI BYIN RLABS THAMS CAD RANG GZHAN GYI RGYUD LA ZHUGS NAS, DKON MCHOG GSUM GYI SKYABS 'OG TU CHUD PAR GYUR, CES SKYABS 'GRO DANG, BDAG GI SBYIN SOGS BGYIS PA 'DI DAG GIS, ,'GRO LA PHAN PHYIR SANGS RGYAS 'GRUB PAR SHOG ,LAN GSUM, SBYIN PA LAS BYUNG BA DANG, TSUL KHRIMS LAS BYUNG BA DANG, BSGOMS PA SOGS LAS BYUNG BA'I DGE BA'I RTZA BA 'DI LA BRTEN NAS BDAG GIS MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS GYI GO 'PHANG THOB PAR SHOG CIG ,CES SMON SEMS DANG, BDAG GIS MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, NGE'I PHYIR DU SBYIN SOGS PHA ROL DU PHYIN PA DRUG
DANG BSDU BA'I DNGOS PO BZHI LA SOGS PA'I RGYAL SRAS KYI SPYOD PA MTHA' DAG LA TSUL BZHIN DU BSLAB PAR BYA'O, ,ZHES 'JUG SEMS BSKYED, GA RE; RANG PHYOGS LA CHAGS PA DANG, GZHAN PHYOGS LA SDANG BA'I CHAGS SDANG GI DBANG GIS SEMS CAN THAMS CAD SDUG BSNGAL DU BCUG PA YIN PAS, SEMS CAN THAMS CAD NYE RING CHAGS SDANG DANG BRAL BA'I BTANG SNYOMS LA GNAS NA CI MA RUNG, GNAS PAR GYUR CIG ,GNAS PAR BDAG GIS BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, SEMS CAN THAMS CAD BDE BA DANG BDE BA'I RGYU DANG LDAN NA CI MA RUNG, LDAN PAR GYUR CIG ,LDAN PAR BDAG GIS BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL NA CI MA RUNG, BRAL BAR GYUR CIG ,BRAL BAR BDAG GIS BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, SEMS CAN THAMS CAD MTHO RIS DANG THAR PA'I BDE BA DAM PA DANG MA BRAL NA CI MA RUNG, MI 'BRAL BAR GYUR CIG ,MI 'BRAL BAR BDAG GIS BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, ZHES TSAD MED BZHI BSGOM, KHYAD PAR MA SEMS CAN THAMS CAD KYI DON DU MYUR BA MYUR BAR YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU LAM ZAB MO BLA
, ,MA LHA'I RNAL 'BYOR NYAMS SU BLANG BAR BGYI'O, ,ZHES LAN GSUM GYIS KHYAD PAR GYI SEMS BSKYED, AOm SVA BH'A WA SHU DDH'A: SA RBA DHA RM'A: SVA BH'A WA SHU DDHO NYA HAm, AOm SH'U NYA T'A DZNYA NA BADZRA S'A BH'A WA A'A KOO KO HAm HAm, RANG DANG SKYABS YUL GYI LHA DANG DE DAG LAS GZHAN PA'I CHOS THAMS CAD BRTEN NAS BTAGS PA YIN PA'I PHYIR, RTAG CHAD LA SOGS PA'I MTHA' BZHI DANG BRAL BA, BDAG MED PA'I RANG BZHIN STONG PA NYID DU GYUR, STONG PA'I NGANG LAS RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA YUM DANG BCAS PA'I SKUR BZHENGS PA'I SKU LAS 'OD ZER 'PHROS, SNOD BCUD THAMS CAD KYI MA DAG PA SBYANGS, SNOD THAMS CAD GZHAL YAS KHANG DANG, BCUD THAMS CAD LHA DANG LHA MO'I RANG BZHIN GYI DAG PA RAB 'BYAMS 'BA' ZHIG TU GYUR, CES SKYABS YUL BSDUS NAS SKU GSUM LAM KHYER GYI GNAD MDOR BSDUS TSAD PA'I LHA'I RNAL 'BYOR DANG LDAN PA'I SGO NAS SNOD BCUD SBYANGS, AOm A'A: H'Um, LAN GSUM BRJOD LA, NGO BO YE SHES LA RNAM PA NANG MCHOD DANG MCHOD RDZAS SO SO'I RNAM PA, BYED LAS DBANG PO DRUG GI SPYOD YUL DU BDE STONG GI YE SHES KHYAD PAR CAN BSKYED PAS SA DANG BAR SNANG NAM MKHA'I KHYON THAMS CAD YONGS SU KHYAB PA'I PHYI NANG GSANG BA'I MCHOD SPRIN DAM RDZAS SPYAN GZIGS BSAM GYIS MI KHYAB PAS GANG BAR GYUR,
CES MCHOD PA BYIN GYIS BRLAB PO,, ` BLA MCHOD 'PHO BA'I ZIN BRIS BZHUGS,, ,, ` NA MO GU RA WE, 'DIR BLA MA MCHOD PA'I SKABS SU 'PHO BA'I MAN NGAG BKA' RGYA MA'I DRAN THO BKOD PA NI, 'CHI DUS KYI BSRE SKOR NYAMS SU LEN NUS PA'I GDENGS THOB PA NA LAM SNA ZIN PA YIN PAS 'PHO BA MI DGOS LA, DE MIN 'CHI LTAS BYUNG BA NA BZLOG THABS BYA DGOS TE, DUS LA BABS NA 'PHO BYA YI, ,DUS MIN LHA RNAMS GSAD PAR 'GYUR, ,ZHES GSUNGS PA LTAR NYES PA 'BYUNG BA'I PHYIR RO, ,DA DUNG MA BZLOG NA NAD LA SOGS PAS MA PHOG PA'I ZLA BDRUG TZAM GYI GONG DU 'PHO BAR GSUNGS LA, JI LTAR NYAMS SU LEN TSUL LA MDO SNGAGS KYI 'PHO BA GNYIS LAS, DANG PO NI, STOBS LNGA STE, RANG GI DNGOS PO THAMS CAD BLA MA DKON MCHOG LA MCHOD PA, DGE 'DUN LA BSNYEN BKUR, NGAN SLONG LA SBYIN PA SOGS GZHAN GYIS ZER DBANG TZAM MA YIN PAR RANG GI BLOR 'DI BSOD NAMS CHE BA 'DRA SNYAM PA LA BTANG, RGYAL SRAS DNGUL CHU BAS, MCHOD SBYIN GANG BYAS BSOD NAMS LA KHYAD MED, 'ON KYANG MCHOD PA PHUL BA'I DGE RTZA SEMS CAN LA BSDOS NA RLABS CHE BAR GSUNGS, JI LTAR YANG THAMS CAD DGE PHYOGS SU BTANG NAS GANG LA'ANG CHAGS ZHEN MED PAR BYA BA NI DKAR PO SA BON GYI STOBS SO, ,BLA MCHOD TSOGS ZHING MDUN DU GSAL BTAB NAS MCHOD CING 'PHO NUS PA'I SMON LAM DRAG PO YANG YANG BYED PA NA
, ,SMON LAM GYI STOBS SO, ,BDAG 'DZIN DANG GCES 'DZIN GYIS THOG MED NAS SDUG TU BCUG PA LA DGRAR BLTAS TE 'DI PHYI SKYID SDUG GANG GI TSE YANG BDAG 'DZIN DANG GCES 'DZIN GYI DBANG DU SKAD CIG KYANG MI BTANG NGO SNYAM PA NI SUN 'BYIN PA'I STOBS SO, ,'CHI KHAR GNAD GCOD DRAG PO MA BYUNG NA LEGS 'DUG ,GAL TE BYUNG YANG GTONG LEN SOGS KYI SGO NAS LAM DU SLONG TSUL 'DI LTAR BYED SNYAM PA'I 'DUN PA SHUGS DRAG BSKYED PA NI 'PHEN PA'I STOBS SO, ,DE LTA BU'I GTONG LEN SOGS KYI NYAMS LEN YANG DANG YANG DU NAN TAN GYIS SPYOD PA NI GOMS PA'I STOBS STE STOBS LNGA'O, ,'ON KYANG THEG CHEN GYI 'PHO BA STOBS LNGA PO 'DI'I STENG DU SPYOD LAM NYID GCES PAR GSUNGS PAS, ZHOGS GA-YAS PHABS, LAG PA GA-YAS 'GRAM PA GA-YAS LA GTAD, RKANG PA BRKYANGS PA DANG BSKUMS PA GANG BDE BYAS PA'I BRLA GA-YAS PA'I STENG DU GA-YON PA BZHAG ,LAG PA GA-YON BRLA GA-YON PA'I STENG DU 'JOG PA SENGGE'I NYAL STABS BYAS TE SNGON STON PAS KYANG SPYOD LAM 'DIS 'DA' TSUL BSTAN PAS NGA YANG STON PA'I RNAM THAR NYAMS SU BLANG BAR BYA SNYAM DU BYAS NA STON PA'I RNAM THAR DRAN PA TZAM GYIS NGAN 'GROR MI LTUNG BAR GSUNGS SO, ,GNYIS PA SNGAGS KYI 'PHO BA NI, MAR PAS, LUS SGO BRGYAD 'KHOR BA'I DKAR KHUNG CAN, ,SGO BRGYAD BKAG NAS SGO GCIG DBYE, ZHES GSUNGS PA LTAR
KHA; LTE BA; RTAGS, BSHAD LAM, MDZOD SPU, RNA BA; MIG; SNA RNAMS YI GE SOGS KYIS BKAG NAS, SPYI BO'I TSANGS BUG DBYE BA NAS 'PHO BA DANG 'BREL BAS 'PHOS NA SNGAGS SPYOD PA'I RTEN KHYAD PAR CAN DU SKYE BAR BSHAD PA'I RTZA DBU MA 'CHAD 'GYUR LEGS PAR GSAL BTAB PA'I NANG DU RANG SEMS BSKYED NA SGO GZHAN BKAG PA'I DGOS PA NGES PAR 'GRUB BO, ,DE YANG TSOGS ZHING BSDU KHA'I BAR GYI BLA MCHOD CHO GA LEGS PAR BTANG, LUS GNAD BCAS TE, RANG 'JIGS BYED LTA BUR GSAL BA'I LUS NANG THAMS CAD PHRU MA PHUS BTABS PA LTAR STONG SANG 'OD KYI RANG BZHIN DU BSAM LA STONG RA YUD TZAM BSGOM, DE NAS LUS NANG GI GA-YAS GA-YON GYI DBUS DRANG PO, ,RGYAB MDUN GYI RGYAB LA CUNG ZAD NYE BAR RTZA DBU MA PHYI SNGO LA NANG DMAR BA LTE 'OG SOR BZHI TZAM NAS YAR SONG TSANGS BUG DANG KHA DA CHAD BU KHA HA RE YOD PA, SNYING GA MAN CHANG SBRUL MJUG LTAR GANG BA'I RNAM PA CAN, SMAD MDA' SMYAG TZAM NAS JE SBOM DU SONG BA'I STOD SBA LCAG 'BRANG PO TZAM RAG DUNG MGO MJUG LDOG PA LTA BU, SNYING GAR TSIGS LTA BU'I NANG GI STENG PAD ZLA'I GDAN LA RANG SEMS RDO RJE 'CHANG DKAR PO RGYA SRAN TZAM BSAM, TSOGS ZHING THAMS CAD RDO RJE 'CHANG LA THUG GI BAR BSDU BZHIN DU, BYIN GYIS BRLAB PHYIR DGYES BZHIN SPYI BOR BYON, ZHES PA'I BAR BRJOD LA BLA MA RDO RJE 'CHANG SNGON PO RANG DANG ZHAL LTA PHYOGS MTHUN PAR RANG GI SPYI BOR BZHUGS PA MTHO GANG TZAM GYI
, ,'PHONGS DANG TSANGS BUG THAD SONG GNAS PA BLA MA'I THUGS KAR ZLA NYI GANG RIGS KYI GDAN LA H'Um YIG SNGON PO BSAM, LAM SNA MA ZIN 'CHI BA'I DUS BYED NA, ZHES SOGS SHO LO KA GCIG PA GDANGS DBYANGS DANG BCAS PAS GSOL 'DEBS LAN GSUM BYA STE, DANG PO'I TSE GDUNG SHUGS DRAG POS BRJOD, GNYIS PA'I TSE THUGS KA'I H'Um YIG LAS 'OD ZER DMAR PO LCAGS KYU LTA BU NAR GYIS BYUNG BA DBU MA'I LAM BRGYUD RANG SEMS RDO RJE 'CHANG GI RAL PAR BTAB, GSUM PA'I TSE RANG SEMS RDO RJE 'CHANG 'PHAR LA KHAD 'PHUR LA KHAD LTA BUR LING LING BYED CING GSUM PA RDZOGS PA NA, HIKA; BRJOD PA DANG MNYAM DU 'OD ZER GYI LCAGS KYUS DRANGS, 'OG RLUNG 'THEN, DBU MA'I LAM NAS SKAR MDA' 'PHANG PA LTAR YAR SONG BA THUGS KA'I H'Um LA SIB KYIS THIM PAS BLA MA'I THUGS DANG RANG SEMS DBYER MED DU BSAMS NAS RLUNG BZUNG LA CUNG ZAD BZHAG ,RLUNG MI THUB PA NA KA ZHES BRJOD NAS H'Um LAS RANG SEMS RDO RJE 'CHANG 'OD ZER DANG BCAS PA BYE STE RANG GI SNYING GAR PHAB, THENG GCIG LA THAL RGYUGS MI BDE NA MGRIN PAR BZHAG NAS SLAR YANG, HIKU; CES THUGS KAR 'PHANG NGO, SLAR YANG GSOL 'DEBS LAN RE'I MTHAR SPO 'BEBS SNGAR BZHIN CI 'GRUB BYAS TE SBYANGS, THUN GROL BA NA, SLAR YANG SNYING GA'I, ZHES SOGS BRJOD LA, BLA MA DBU MA'I LAM NAS BYON
RANG SEMS RDO RJE 'CHANG DU GSAL BA LA THIM NAS BLA MA'I THUGS DANG RANG SEMS DBYER MED DU 'DRES TE RDO RJE 'CHANG DKAR SNGO GANG RIGS MTSON GANG TZAM DU GYUR, DBU MA TSE'I BDUD RTZIS MER GYIS GANG BAR BSAM LA BSNGO SMON SOGS DKYUS BZHIN BYA'O, ,DE LTAR SBYANGS TE NYAMS 'OG TU CHUD PA NA, DE NAS MA BRJED TZAM RE BYA YI HA CANG MANG NA 'PHO RAB TSE THUNG BA'I RGYUR GSUNGS SO, ,LAS LA SBYAR BA NI, SKYES BU DAM PA'I GDUNG RUS MGRON BU BU CHEN, DAR ZAB BCAS MER BSREGS PA'I THAL BA RDO KHAB LEN DANG SBRAD SMYON BCAS SBYAR TE TSANGS BUG LA BYUGS, GZHAN THAMS CAD SNGAR BZHIN LA DAG PA MKHA' SPYOD, BDE BA CAN, DGA' LDAN SOGS GANG MOS KYI DAG ZHING DU 'GRO BAR BYA'O, ,SNYAM PA'I 'DUN PA DRAG POS SNYING GAR MI 'BEB PAR SPOR PA KHO NA KHA DBUGS MA CHAD KYI BAR DU BYA'O, ,DE LTAR BLA MA MCHOD PA LA BRTEN PA'I 'PHO BA 'DI RJE BTZUN DAM PA DHARMA BHA DRA DPAL BZANG PO'I THUGS SU BKA' RGYA DAM PAR BZHUGS PA LAS SHING RTA ZLA BA BZHI PA'I TSES NYI SHU GNYIS NAS BZUNG NYIN BRGYAD KYI BAR BLA MCHOD KYI 'KHRID GNANG BA'I TSE STZAL BA MGON PO GANG GI BKA' 'BANGS KYI CHAR GTOGS RJE DRUNG AA YUR SUDHA'I: SA RANG NYID DRAN PA GSO BA DANG SKAL MNYAM GZHAN LA'ANG PHAN PA'I BLOS ZIN BRIS SU BGYIS PA DZA YANTU,, ,, ` SPYI BSHAGS ZIN BRIS BZHUGS, ,SPYI BSHAGS BYA BA LA, SDOM
, ,GSUM THAMS CAD KYI BCAS 'GAL DANG RANG BZHIN GYI KHA NA MA THO BA'I NYES LTUNG THAMS CAD BSHAGS PAS NA SPYI BSHAGS ZHES BYA STE, DE YANG AU HU ZHES PA NI SMRE SNGAGS KYI TSIG STE, RANG GIS SNGAR BYAS KYI NYES LTUNG LA BAG MED DU SPYAD PA GSAL BTAB PAS SEMS MYA NGAN GYIS CHES CHER NON TE, H'U ZHES SHUGS RING THON CING DE YANG SHUGS SHIN TU RING PO THON PA'I PHYIR HU'I GONG DU AU SPYAR TE AU H'U ZHES PA STE, RMOR CHEN KUN DGA' LHUN GRUB KYIS RNAL 'BYOR MA'I 'PHO KHRID DU, HI KU RING PO BRJOD PA'I PHYIR A'I SBYAR TE, AI HI KA CES PA DANG GNAD GCIG PA YIN NO, ,LAGS ZHES PA NI BSHAGS YUL RNAMS LA 'DI LTAR MYA NGAN GYIS NON PA LAGS, ZHES PA'O, ,DE NAS BSHAGS PA BYED PA PA'I RTEN GYI GANG ZAG NI SDOM PA GSUM LDAN GYI DBANG DU BYAS TE BSHAGS PA LA, BLA MA RDO RJE 'DZIN PA LA SOGS PA'I BSHAGS YUL RNAMS BDAG LA THUGS GTAD DU GSOL ZHES DGONGS GSOL SNGON DU BTANG BA NI GO SLA'O, ,BDAG MING 'DI ZHES BGYI BA ZHES NYES PAR KHAS LEN PA PO'I RANG MING GSAL BAR SMOS PA'O, ,GNYIS PA DNGOS GZHI LA GNYIS, BSHAGS BYA'I SDIG PA NGOS 'DZIN PA DANG, BSHAGS PA DNGOS SO, ,DANG PO LA GNYIS, NYES LTUNG LA BSNGO BGRANGS RGYAS PAR BYED PA DANG, DON BSDUS TE BRJOD PA'O, ,DANG PO LA, DUS RGYU LAM LAS YUL SBYOR SGO DRUG SDIG ,
CES PA'I SDOM TSIG LTAR DRUG LAS, DANG PO DUS NI, TSE RABS 'KHOR BA THOG MA MED PA NAS DA LTA LA THUG GI BAR DU ZHES PA STE, TSE RABS THOG MA'I MTHA' MED PA NAS DA LTA YAN CHAD KYI KHONGS SU MA 'DUS PA'I NYES PA MED DE GO SLA'O, ,GNYIS PA RGYU NI NYON MONGS PA 'DOD CHAGS, ZHE SDANG, GTI MUG STE DUG GSUM GANG RUNG GIS KUN NAS BLANGS TE BSAGS PA SHA STAG GO ,GSUM PA LAM NI, LUS DANG, NGAG DANG, YID GSUM GANG RUNG GIS BSAGS PA'O, ,BZHI PA LAS NI, SDIG PA MI DGE BA BCU BGYIS PA DANG, ZHES PA NAS, GSANG SNGAGS KYI DAM TSIG DANG 'GAL BA DANG, ZHES PA'I BAR TE, LUS KYI SROG GCOD LOG GA-YEM, MA BYIN LEN TE GSUM, NGAG GI RDZUN, PHRA MA; TSIG RTZUB, NGAG BKYAL STE BZHI, YID KYI BRNAB SEMS, GNOD SEMS, LOG LTA STE GSUM BCAS KYI MI DGE BA BCU, PHA BSAD PA, MA BSAD PA, DGRA BCOM PA BSAD PA, DGE 'DUN GYI DBYEN BYAS PA, DE BZHIN GSHEGS PA LA NGAN SEMS KYIS KHRAG 'BYIN PA STE 'DI SANGS RGYAS BKRONG 'DOD KYIS RDO MTSON BSNUN PA YIN KYANG SANGS RGYAS RDO RJE'I SKU BSNYES PAS BKRONG MI THUB PAS SKU MTSAL BYUNG BA DANG, 'KHOR LO'I DBYEN RNAMS NI MTSAMS MED LNGA'I LAS DNGOS YIN LA, SO SKYE DGE SLONG BZHI YAN CHAD KYI DGE 'DUN PHAN TSUN THUGS MI MTHUN PA'I DBYEN BYAS PA RNAMS NI MTSAMS MED LNGA'I LAS KYI CHAR GTOGS LTA BU YIN CING, DE DANG NYE BA LNGA NI,
, ,DE ZHES PA BSHAD MA THAG PA'I MTSAMS MED LNGA LA BYAS NAS, PHA BSAD PA DANG NYE BA SAR GNAS KYI BYANG SEMS BSAD PA, MA BSAD PA NGANG NYE BA DGE SLONG MA 'KHRIG PAS SUN PHYUNG BA, DGRA BCOMS PA BSAD PA DANG NYE BA RGYUN ZHUGS 'BRAS GNAS BSAD PA, SKU MTSAL 'BYIN PA DANG NYE BA MCHOD RTEN BSHIG PA, DGE 'DUN GYI DBYEN DANG NYE BA 'DU SGO PHROGS PA RNAMS NI NYE BA'I NYES PA LNGA'O, ,BSNYEN GNAS, DGE BSNYEN PHA MA GNYIS, DGE TSUL PHA MA, DGE SLOB MA, DGE SLONG PHA MA STE SO THAR RIGS BRGYAD PO GANG GI SDOM PA BLANGS PA DE'I BCAS 'GAL DANG, BYANG CHUB SEMS DPA'I BSLAB BYA RTZA LTUNG BCO BRGYAD DANG, NYES BYAS BZHI BCU ZHE DRUG SOGS DANG 'GAL BA DANG, RTZA LTUNG BCU BZHI DANG, SBOM PO BRGYAD SOGS GSANG SNGAGS KYI DAM TSIG DANG 'GAL BA RNAMS SO, ,LNGA PA YUL NI, PHA DANG MA LA MA GUS PA DANG, ZHES PA NAS SEMS CAN LA GNOD PA'I LAS, ZHES PA'I BAR TE, TSE 'DI'I PHA MA DRIN CHE BA'I GUS PA BYED PA'I YUL YIN PA LA MA GUS PA DANG, CHOS 'DUL BA LA RAB TU BYUNG BA'I MKHAN PO DANG SLOB DPON, GSANG SNGAGS LA 'JUG PA'I SGO DBANG ZHUS PA'I RDO RJE SLOB DPON, GZHAN YANG KLOG PA'I SLOB DPON DANG 'KHRID LUNG MAN NGAG SOGS STON PA'I SLOB DPON RNAMS LA MA GUS PA DANG, THAR PA MI GNAS PA'I MYANG 'DAS KYI GO 'PHANG
NI TSANGS PA YIN LA, DE'I RGYU NGES 'BYUNG GIS KUN NAS BLANGS PA'I TSUL KHRIMS LA RANG SLOB CING, DE BZHIN DU GROGS NGES 'BYUNG GI TSUL KHRIMS DANG LDAN PA NI TSANGS PA'I GO 'PHANG THOB PA'I RGYU LA RANG GZHAN MTSUNGS PAR SPYOD PAS GROGS TSANGS PA MTSUNGS PAR SPYOD PA YIN PAS DE RNAMS LA MA GUS PA NI 'DI'I BSHAGS BYA YIN LA, TSE 'DIR RGYAL PO'I CHAD PAS 'JIGS SHING 'GYED PHOGS SOGS DANG BRAL GYI DGOS PA DANG, PHYI MA NGAN 'GRO'I SDUG BSNGAL LA 'JIGS NAS BSRUNG BA NI 'JIGS SKYOB KYI TSUL KHRIMS DANG, TSE 'DI'I BDE BA RNYED BKUR DON DU GNYER BA DANG, PHYI MA MNGON MTHO'I DPAL 'BYOR THOB PA'I PHYIR BSRUNG BA NI LEGS SMON GYI TSUL KHRIMS TZAM YIN GYI, TSUL KHRIMS RNAM DAG MA YIN PAS DE LA SLOB PA'I GROGS NI TSANGS PA MTSUNGS PAR SPYOD PA MA YIN PAS 'DI'I BSHAGS BYA MA YIN NO, ,DKON MCHOG GSUM LA GNOD PA'I LAS BGYIS PA STE BRNYAS SMOD SOGS BYAS PA DANG, DAM PA'I CHOS SPANGS PA NI, THEG PA CHE CHUNG GI GSUNG RAB DGONGS 'BREL DANG BCAS PA GANG RUNG LA DMIGS TE 'DIS 'GRO BA LA PHAN BDER MI 'GYUR SNYAM DU ZHE NAS SPONG BA SOGS SO, , 'PHAGS PA'I DGE 'DUN NI GANG ZAG GCIG YAN CHAD DANG SO SKYE'I DGE 'DUN DGE SLONG BZHI YAN CHAD LA SKUR PA BTAB PA'O, ,SEMS CAN GANG YANG RUNG BA'I LUS SROG LONGS SPYOD GNAS MAL SOGS LA GNOD PA'I
, ,MNYES BYED SHOG ,CES DUS GSUM RGYAL BA'I SPYI GZUGS GRUB DBANG THAMS CAD MKHYEN PA RJE BTZUN DHARMA BHA DRA DPAL BZANG PO'I ZHAL SNGA NAS N'A RO MKHA' SPYOD MA'I BSKYED RDZOGS KYI 'KHRID THUN BZHIR NYAMS SU LEN BZHIN DU STZAL BA'I SKABS, RJE BTZUN DAM PA'I GSUNG BSHAD RNAMS BRJED PAR PHANGS TE BKA' 'BANGS KYI CHAR GTOGS RJE DRUNG TSE RING MING CAN GYIS BRJED BYANG ZIN BRIS SU BGYIS PAR RANG BZO'I 'KHRUL BSLAD CI MCHIS BLA MA MKHA' 'GRO'I TSOGS LA BZOD PAR GSOL LO,, (SLAR YANGS MO GLANG GI LO ZAB KHRID STZAL SKABS RJE BLA MA MCHOG GI SPYAN LAM DU PHAB CING, DON SKYON BZO BCOS DGOS GRAS RJE NYID KYI ZHABS DRUNG DU BGYIS PA'O,, ` SLAR YANG BSTAN PA'I SBYIN BDAG ^ MI DBANG BYANG CHUB SEMS DPA' GUNG BSHAD SGRA DBANG PHYUG RGYAL PO'I BKAS BSTAN 'GRO'I DON DU PAR BRKO BYA RGYU YIN PAS KHYOD NAS ZHUS DAG DANG, GSAR SNON BCAS KYIS SHIG CES SPYI BO'I MDZES RGYAN DU PHEBS PA LTAR, DPON RIGS DBYANGS CAN GRUB PA'I RDO RJER 'BAD PAS TSIG DON LA ZHUS DAG GANG ZHIB DANG, GSAR SNON PHRAN BU BCAS BGYIS PA LAGS SO,, SHU BHA MSTU SARBA DZA GA TAm,, ,,) RNAL 'BYOR MA RGYUD BYE BA BCU DRUG CHA, ,SNYAN BRGYUD TSAD MA BZHI LDAN DKYIL 'KHOR DU, ,RDZOGS PA'I ZAB DON BDUD RTZI'I BA GAm 'DI, ,LEGS BSHAD 'OD DKAR 'PHRO BA KUN GYI TOG ,ZAB GSANG SNYING POR CHAGS PA'I GSER SGONG MNGAL, ,NYAMS MYONG TSAD MA'I DROD
KYIS BSKYANGS PA LAS, ,RGYUD DANG 'PHAGS BOD GRUB GZHUNG SNYAN BRGYUD GNAD, ,'DZUM ZHAL BZHI LDAN KHYAD CHOS 'DI MTHONG TSE, ,BLO GROS 'KHRI SHING NYAG MA PHRA RNAMS KYANG, ,CHES GSAL GDAMS PA'I LJON DBANG 'DIR 'KHRIL NAS, ,BSAM SGOM ME TOG ZUNG 'JUG 'BRAS BU'I 'KHUR, ,DUD LA RE NA DPYOD LDAN SMOS CI DGOS, ,DE PHYIR DON GNYER YID KYI YOL GO KUN, ,SMIN GROL LAM BZANG BCUD KYIS 'PHYUR BA'I SLAD, ,DGA' LDAN BSHAD SGRUB NAS RGYU SBYAR TE, ,PAR DU BSGRUBS PA'I DGE MTSAN RGYA MTSO'I MTHUS, ,THUB BSTAN SNYING PO SMAN GYI LJON SHING MCHOG ,RTZA BRTAN BSHAD SGRUB ME TOG 'BRAS BUR BCAS, ,KHYON YANGS LUS CAN PHAN DANG BDE BA YI, ,SROG 'TSO'I BDUD RTZIR DAR ZHING RGYAS GYUR CIG ,MANGGA LAm,, ` DGONGS PA'I KHYAD PAR BYANG CHUB SEMS DPA' DNGOS, MDZAD PA'I KHYAD PAR SNGON GYI CHOS RGYAL CHE, ,YON TAN KHYAD PAR SUS KYANG BSKRUN MED PA, ,^ SA DBANG CHE DE'I GSUNG 'DI NGO MTSAR RMAD, ,SHU BHAm,,