S06405E · GMLW-005883

Notes on the Practices of Meditation and Recitation, and Permission, in the Teaching of the Combination of the Fearsome Three

DRAG PO GSUM SGRIL GYI SGOM BZLAS DANG RJES GNANG ZIN BRIS

מחברauthor

NGULCHU DHARMA BHADRADNGUL CHU DHARMA BHADRA1772-1851

'DI DHARMA BHA DRAS ZIN BRIS SU

נמצא בfound inSECRET TEACHINGS (TANTRA)

מהדורהrecensionnot applicable - a collected works, not a canon edition

פוליוfolios2a–7a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

הקבציםThe files

S06405E_DRAG PO GSUM SGRIL GYI SGOM BZLAS DANG RJES GNANG ZIN BRIS_Notes on the Practices of Meditation and Recitation, and Permission, in the Teaching of the Combination of the Fearsome Three_DNGUL CHU DHARMA BHADRA_(1772-1851).TXT/RGYUD_SECRET TEACHINGS (TANTRA)/DRAG PO GSUM SGRIL_COMBINATION OF THE FEARSOME THREE/BSGOM BZLAS_MEDITATION AND RECITATION UPON THE ANGEL

הטקסטThe text

טיבטיתTibetanS06405E_DRAG PO GSUM SGRIL GYI SGOM BZLAS DANG RJES GNANG ZIN BRIS_Notes on the Practices of Meditation and Recitation, and Permission, in the Teaching of the Combination of the Fearsome Three_DNGUL CHU DHARMA BHADRA_(1772-1851).TXT12,464 תוויםcharacters

*, ,DRAG PO GSUM SGRIL GYI SGOM BZLAS DANG RJES GNANG ZIN BRIS BZHUGS,, @001 #, ,NA MO GU RU BADZRA P'A nA YE, 'DIR PHYAG RDOR DRAG PO GSUM SGRIL GYI SGOM BZLAS MDOR BSDUS NI, BLA MA LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,LAN GSUM, SEMS CAN GYI DON DU SANGS RGYAS THOB PAR BYA, DE'I PHYIR DU GSANG BDAG DRAG PO GSUM SGRIL GYI SGOM BZLAS NYAMS SU BLANG BAR BYA'O, ,LAN GSUM, SVA BH'A LBAS SBYANGS, STONG PA'I DANG LAS PAD NYI'I STENG DU RANG GI SEMS NYID H'Um MTHING GA ,DE LAS 'OD ZER 'PHROS, DON GNYIS BYAS 'DUS YONGS SU GYUR PA LAS, RANG NYID DPAL PHYAG NA RDO RJE SKU MDOG MTHING NAG ZHAL GCIG PHYAG GNYIS KYIS, GA-YAS GSER

002a

, ,GYI RDO RJE RTZE LNGA PA 'PHYAR ZHING, GA-YON SDIGS MDZUB THUGS KAR GDENGS PA, DBU SKRA KHAM SER GYEN DU 'KHYIL BA'I GSEB NA RTA MGO LJANG ZHUR RTA SKAD LAN GSUM 'TSER BA, DE'I SPYI GTZUG TU BYA KHYUNG RGYAL PO SKU MDOG DKAR PO SPYAN GSUM PA, MCHU SDER RDO RJE DANG GSHOG SGRO RAL GRI LAS BYAS SHING GA-YU'I RA DBRAG NA RIN PO CHE 'BAR BAS BRGYAN PA, PHYAG GNYIS KYIS KLU RIGS BZHI ZHAL DU GSOL ZHING KLU RIGS LNGAS SKU LA BRGYAN PA, GSANG BDAG LA KLU RIGS LNGA DANG RIN PO CHES BRGYAN CING STAG LPAGS KYI SHAM THABS CAN, ZHABS GA-YAS BSKUMS SHING GA-YON BRKYANGS PA'I STABS KYIS YE SHES KYI ME RAB TU 'BAR BA'I DBUS NA BZHUGS PA'I SPYI BOR AOm DKAR PO; MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS PAS BSGOMS PA DANG 'DRA BA'I YE SHES PA SPYAN DRANGS, AOm BADZRA P'A nI

002b

SA PA RI WA RA AARGHAm, NAS; SHAPTA PRA T'I TZTSA H'Um SV'A H'A'I BAR GYIS MCHOD, PHYOGS BCU'I RGYAL BA KUN GYI SKU GSUNG THUGS, ,BYA KHYUNG RGYAL PO RTA MGRIN GSANG BA'I BDAG ,RANG BZHIN GCIG TU NYER BSTAN 'KHRO BO'I GTZO, ,DRAN PAS BGEGS DPUNG 'JOMS LA PHYAG 'TSAL BSTOD, ,BDAG CAG RNAMS LA DENG NAS BYANG CHUB BAR, ,STENG 'OG BAR GYI GDON BGEGS NAD LA SOGS, ,DAM CHOS SGRUB PA'I 'GAL RKYEN KUN SEL ZHING, ,MTHUN RKYEN DNGOS GRUB YID BZHIN STZAL DU GSOL, ,DZA:H'Um BAm HO: DAM TSIG PA DANG GNYIS SU MED PAR GYUR, RANG GI THUGS KAR PAD NYI'I STENG DU H'Um YIG GI MTHAR SNGAGS 'PHRENG GIS BSKOR BA LAS 'OD ZER 'PHROS, RANG GZHAN GYI NAD GDON SDIG SGRIB THAMS CAD SBYANGS, RGYAL BA SRAS BCAS KYI BYIN RLABS THAMS CAD 'OD ZER GYI RNAM PAR BSDUS NAS H'Um YIG SNGAGS 'PHRENG DANG BCAS PA LA THIM PAS, TSE DANG BSOD NAMS LUNG RTOGS KYI YON TAN THAMS CAD RGYAS PAR GYUR, AOm BADZRA P'A nI HA YA GR'I WA GA RU dA H'Um PHAt, CES CI MANG BZLA, MJUG TU, DGE BA 'DI YIS MYUR DU BDAG ,GSANG BA'I BDAG PA 'GRUB GYUR NAS, ,ZHES SOGS BRJOD PAR BYA'O, ,ZHES GSANG BDAG DRAG PO GSUM SGRIL GYI SGOM BZLAS MDOR BSDUS 'DI YANG SGRUB THABS RDO RJE

003a

, ,PHA LAM GYI DGONGS PA BZHIN BAN GZUGS DHARMA BHA DRAS RANG GI NYAMS LEN DU BRIS, MANG+GA LAm,, ' GNYEN PO'I LHA GSUM GCIG TU 'DUS PA'I NGO BO DPAL GSANG BA'I BDAG POS, BDAG LA MCHOG DANG MTHUN MONG LA SOGS PA'I DNGOS GRUB MA LUS PA STZAL DU GSOL, ' NA MO GU RU BADZRA P'A nA YE, 'DIR PHYAG RDOR DRAG PA GSUM SGRIL GYI RJES GNANG BYA TSUL NI, MDUN DU MAndAL GYI KHAR SNA TSOGS PAD NYI'I STENG DU TSOM BU SNGON PO DANG, DE'I MDUN DU 'BUL GTOR ZLUM PO MTHA' MTHEB SKYUS BSKOR BA DANG, MDUN BSKYED KYI MCHOD PA CHU GNYIS NYER SPYOD, RANG GI MDUN DU RDOR DRIL BUM PA ME NAS BGEGS GTOR SOGS BSHAMS LA, BDAG BSKYED LOGS SU BKOD PA LTAR BTANG, BSANG CHU SPYI LTAR SGRUB, DE NAS MDUN GYI TSOM BU AA MRi TAS BSANGS, SVA BH'A WAS SBYANGS, STONG PA'I DANG LAS PAD NYI'I STENG DU H'Um MTHING GA DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS DPAL PHYAG NA RDO RJE SKU MDOG MTHING NAG ,CES PA NAS, DAM TSIG PA DANG GNYIS SU MED PAR GYUR, CES PA'I BAR BDAG BSKYED BZHIN BYA, DE NAS, THUGS KAR PAD NYI'I STENG DU H'Um YIG GI MTHAR SNGAGS 'PHRENG GIS BSKOR BA LAS 'OD ZER GYI SPRO BSDU DANG LDAN PAR BSAM LA BZLAS PA BYA,

003b

DE NAS MCHOD GTOR AA MRi TAS BSANGS, SVABH'A WAS SBYANGS, STONG PA'I NGANG LAS AO LAS RIN PO CHE'I SNOD YANGS SHING RGYA CHE BA RNAMS KYI NANG DU, AOm 'OD DU ZHU BA LAS BYUNG BA'I MCHOD GTOR RNAMS PHUL DU BYUNG BA'I LHA RDZAS SU GYUR; AOm A'A:H'Um, LAN GSUM, LHA'I LJAGS 'OD ZER GYI SBU GUS GTOR MA'I BCUD DRANGS TE GSOL BAR GYUR, AOm BADZRA P'A nI SA PA RI W'A RA AI DAm BA LIm TA KHA KHA KH'A HI KH'A HI, LAN GSUM, AOm BADZRA P'A nI SA PA RI W'A RA AARGHAm SOGS KYIS MCHOD, PHYOGS BCU'I RGYAL BA ZHES PA NAS YID BZHIN STZAL DU GSOL, ZHES PA'I BAR GYIS GSOL BA GDAB, DE NAS RJES GNANG DNGOS NI, PHYAG KHRUS MAndAL BGEGS SPYOD RNAMS SNGON DU 'GRO BAS, 'O; NAM MKHA' DANG NGANG MNYAM PA'I SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I CHED DU DAM PA'I CHOS ZAB MO BSAN DGONGS PA BYANG CHUB KYI MCHOG TU SEMS BSKYED PA GSAL BTAB NAS BSAN PAR ZHU, BSAN BYA'I CHOS NI, PHYOGS BCU'I RGYAL BA KUN GYI SKU GSUNG THUGS, BYA KHYUNG RGYAL PO RTA MGRIN GSANG BA'I BDAG ,RANG BZHIN GCIG TU NYER BSTAN KHRO BO'I GTZO; ;DRAN PAS BGEGS DPUNG 'JOMS LA PHYAG 'TSAL BSTOD, ,CES GSUNGS PA LTAR, PHYOGS BCU'I RGYAL BA THAMS CAD KYI SKU'I BYIN MTHU THAMS CAD GCIG TU BSDUS PA'I NGO BO 'OG

004a

, ,GDON KLU DANG SA BDAG GI GNYEN PO BYA KHYUNG RGYAL PO, GSUNG GI BYIN MTHU THAMS CAD GCIG TU BSDUS PA'I NGO BO BAR GDON BTZAN DANG RGYAL 'GONG GI GNYEN PO KHRO RGYAL RTA MGRIN, THUGS KYI BYIN MTHU THAMS CAD GCIG TU BSDUS PA'I NGO BO STENG GDON GZA' DANG RGYU SKAR GYI GNYEN PO DPAL PHYAG NA RDO RJE STE, GNYEN PO'I LHA GSUM GCIG TU BSDUS PA'I LHA MCHOG 'DI NYID DRAN PA TZAM GYIS STENG 'OG BAR GSUM GYI GDON BGEGS GYI GNOD PA THAMS CAD LHAG MED DU 'JOMS NUS PA'I YID DAM KHYAD PAR CAN PHYAG RDOR DRAG PO GSUM BSGRIL GYI RJES GNANG ZAB MO 'BUL BA YIN PAS THOG MAR GNAS KHANG LCANG LO CAN DANG, SLOB DPON PHYAG RDOR DRAG PO GSUM BSGRIL DU MOS PA LA GSOL BA 'DEBS PA 'DI'I RJES ZLOS MDZOD, RDO RJE 'DZIN PA DGONGS SU GSOL, ,BDAG NI 'GRO LA PHAN DON DU, ,GTZO CHEN KHYOD LA GSOL 'DEBS KYI, ,MA LUS RNAM GNANG STZAL DU GSOL, ,LAN GSUM, RGYUD DAG PA'I SLAD DU MDZUN BSKYED KYI PHYAG RDOR DRAG PO GSUM BSGRIL LA BLA MA YI DAM SANGS RGYAS BYANG SEMS MKHA' 'GRO CHOS SRUNG GIS BSKOR BA'I SPYAN SNGAR YAN LAG BDUN GYI SGO NAS BYANG SDOM 'DZIN PA 'DI'I RJES ZLOS MDZOD, DKON MCHOG GSUM LA BDAG SKYABS MCHI, NAS; SANGS

004b

RGYAS 'GRUB PAR SHOG, CES RGYUR BSHAGS LAN GSUM, DE NAS DBANG GI GZHI 'GOD PA NI, SLOB MA RNAMS AA MRi TAS BSANGS, SVA BHA WAS SBYANGS, STONG PA'I NGANG LAS SLOB MA RNAMS KYI GO SAR PAD NYI'I STENG DU SLOB MA RNAMS KYI SEMS NYID H'Um MTHING GA ,DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS, SLOB MA RNAMS RE RE NAS DPAL PHYAG NA RDO RJE, ZHES PA NAS, THUGS KAR H'Um SNGON POS MTSAN PAR GYUR, CES PA'I BAR GYIS BSKYED, DE NAS DNGOS GZHI LA LNGA LAS, DANG PO SKU'I RJES GNANG GI DON DU GSOL BA 'DEBS PA 'DI'I RJES ZLOS MDZOD, BLA MA RDO RJE 'DZIN PA CHEN PO BDAG LA DGONGS SU GSOL, BDAG LA DPAL PHYAG NA RDO RJE'I SKU'I RJES GNANG DANG DBANG BSKUR BA STZAL DU GSOL, GSUM, BLA MA PHYAG NA RDO RJE'I SPYI GTZUG GI BYA KHYUNG RGYAL PO'I SKU LAS 'OD ZER DKAR PO'I TSOGS 'PHROS PA SLOB MA RNAMS KYI LUS LA PHOG PAS, LUS KYI SDIG SGRIB THAMS CAD DAG ,SLAR YANG 'OD ZER 'PHROS PAS, PHYOGS BCU'I SANGS RGYAS DANG BYANG CHUB SEMS DPA' THAMS CAD SKU RDO RJE'I LHA TSOGS KYI RNAM PAR SPYAN DRANGS LA, AARGHAm SOGS KYIS MCHOD, SKU RDO RJE'I LHA TSOGS RNAMS KYIS SLOB MA RNAMS KYI LUS SKU RDO RJE'I NGO BOR BYIN GYIS BRLAB TU GSOL, AOm SARBA TA TH'A GA TA AA BHI shINYTZA

005a

, ,AOm; ZHES GSOL BA BTAB PAS, SKU RDO RJE'I LHA TSOGS RNAMS 'OD DU ZHU NAS AOm YIG DKAR POR GYUR TE, SLOB MA RNAMS KYI SPYI BOR 'KHOD PA LAS BDUD RTZI DKAR PO'I RGYUN BABS PAS; LUS KYI SDIG SGRIB THAMS CAD DAG SONG SNYAM PA'I MOS PA MDZOD, DES SKU'I RJES GNANG DANG BUM PA'I DBANG THOB, LUS GNYEN PO'I LHA GSUM GYI SKUR SGOM PA LA DBANG BAR BYAS SO, ,GNYIS PA GSUNG GI RJES GNANG GI DON DU GSOL BA 'DEBS PA 'DI'I RJES ZLOS MDZOD, BYAS LA SKU'I ZHES PA GSUNG GI LA BSGYUR NAS GSOL 'DEBS LAN GSUM, BLA MA PHYAG NA RDO RJE'I DBU SKRA'I GSEB KYI RTA MGO LJANG ZHUR LAS 'OD ZER DMAR PO'I TSOGS 'PHROS PA SLOB MA RNAMS KYI NGAG LA PHOG PAS, NGAG GI SDIG SGRIB THAMS CAD DAG ,PHYOGS BCU'I SANGS RGYAS DANG X, GSUNG RDO RJE'I LHA TSOGS KYI X, GSUNG RDO RJE'I LHA... TSOGS RNAMS KYIS SLOB MA RNAMS KYI NGAG GSUNG RDO RJE'I X, A'A:SARBA TA TH'A GA TA AA BHI shINYTZA A'A: ZHES X, GSUNG RDO RJE'I X, A'A: YIG DMAR POR X, LCE STENG DU 'KHOD PA LAS BDUD RTZI DMAR PO'I RGYUN BABS PAS, NGAG GI SDIG SGRIB THAMS CAD DAG, LCE RDO RJE DMAR PO RTZE LNGA PA'I RTZE RNAMS LA, AOm BADZRA P'A nI HA YA GRA'I WA GA RU dA H'Um PHAt, CES PAS MTSAN PAR GYUR, BLA MA PHYAG NA RDO RJE'I THUGS KA NAS SNGAGS

005b

'PHRENG BYUNG BA ZHAL NAS ZHAL DANG GSANG GNAS NAS GSANG GNAS SU MGAL ME LTAR 'KHOR BA LA DMIGS TE, BLA MA'I 'PHRENG BA NAS BZUNG STE SNGAGS KYI RJES ZLOS LAN GSUM BYA, DES GSUNG GI RJES GNANG DANG GSANG BA'I DBANG THOB, DAG GNYEN PO'I LHA GSUM GYI SNGAGS BZLA BA LA DBANG BAR BYAS SO, ,GSUM PA THUGS KYI RJES GNANG GI DON DU GSOL BA 'DEBS PA 'DI'I RJES ZLOS MDZOD, BYAS LA THUGS KYI LA BSGYUR NAS GSOL 'DEBS LAN GSUM, BLA MA PHYAG NA RDO RJE'I THUGS KA'I H'Um LAS 'OD ZER SNGON PO'I TSOGS 'PHROS PA SLOB MA RNAMS KYI YID LA PHOG PAS, YID KYI SDIG SGRIB THAMS CAD DAG ,PHYOGS BCU'I X, THUGS RDO RJE'I LHA TSOGS KYI X, THUGS RDO RJE'I LHA TSOGS RNAMS KYIS SLOB MA RNAMS KYI YID THUGS RDO RJE'I X, H'Um SARBA TA TH'A GA TA AA BHI shNYTZI H'Um, ZHES X, THUGS RDO RJE'I X, H'Um YIG SNGON POR X, SNYING GAR 'KHOD PA LAS BDUD RTZI SNGON PO'I RGYUN BABS PAS, YID KYI SDIG SGRIB THAMS CAD DAG, LUS STOD SMAD NAS 'OD DU ZHU NAS THUGS KA'I H'Um LA THIMS, H'Um ZHABS KYU NAS N'A DA'I BAR DU ZHU NAS MI...DMIGS PAR BSAM LA STONG NYID KYI NGANG DU MNYAM PAR 'JOG PAR ZHU, DES THUGS KYI RJES GNANG DANG SHES RAB YE SHES KYI DBANG THOB, YID GNYEN

006a

, ,PO'I LHA GSUM GYI RDZOGS RIM SGOM PA LA DBANG BAR BYAS SO, ,BZHI PA 'PHRIN LAS KYI RJES GNANG GI DON DU GSOL BA 'DEBS PA 'DI'I RJES ZLOS MDZOD, BYAS LA 'PHRIN LAS KYI LA BSGYUR NAS GSOL 'DEBS LAN GSUM, BLA MA PHYAG NA RDO RJE'I SPYI GTZUG GI BYA KHYUNG RGYAL PO'I SKU LAS 'OD ZER DKAR PO'I TSOGS 'PHROS PAS, PHYOGS BCU'I X, ZHI BYED KYI LHA... TSOGS DKAR PO'I RNAM PAR SPYAN DRANGS SLOB MA RNAMS KYI LUS LA THIMS PAS NAD GDON SDIG SGRIB THAMS CAD ZHI BAR BSAM LA, SNGAGS KYI MJUG TU SHANTIm KU RU SIDDHI AA BHI shNYTZI AOm, ZHES BRJOD, SKU'I RIN PO CHE'I RGYAN RNAMS LAS 'OD ZER SER PO'I TSOGS 'PHROS PAS, PHYOGS BCU'I X, RGYAS BYED KYI LHA TSOGS SER PO'I RNAM PAR X, THIMS PAS, TSE BSONG SHES RAB RGYAS PAR BSAM LA, SNGAGS KYI MJUG TU, PUshItI KU RU SIDDHI AA BHI shNYTZI TRAm, ZHES BRJOD, SPYI GTZUG GI RTA MGO LJANG ZHUR LAS 'OD ZER DMAR PO'I TSOGS 'PHROS PAS, PHYOGS BCU'I X, DBANG BYED KYI LHA TSOGS DMAR PO'I RNAM PAR X, THIMS PAS, SEMS CAN THAMS CAD DBANG DU 'DUS PAR BSAMS LA, SNGAGS KYI MJUG TU WA SHI KU RU SIDDHI AA shNYTZI HR'I: ZHES BRJOD, THUGS KA'I

006b

H'Um LAS 'OD ZER SNGON PO'I TSOGS 'PHROS PAS, PHYOGS BCU'I X, DRAG BYED KYI LHA TSOGS SNGON PO'I RNAM PAR X, THAMS PAS, BSTAN 'GROR GNOD PA'I DGRA BGEGS THAMS CAD TSAR GCOD PA'I NUS PA DANG LDAN PAR BSAMS LA, SNGAGS KYI MJUG TU MA RA YA SIDDHI AA BHI shNYTZI H'Um, ZHES BRJOD, DES 'PHRIN LAS KYI RJES GNANG DANG TSIG DBANG RIN PO CHE THOB, GNYEN PO'I LHA GSUM GYI 'PHRIN LAS BZHI SGRUB PA LA DBANG BAR BYAS SO, ,LNGA PA LHA BSTIMS PA'I RJES GNANG GI, ,MAndAL SLOB MA'I MGOR BZHAG LA, GNYEN PO'I LHA GSUM GCIG TU 'DUS PA'I NGO BO DPAL GSANG BA'I BDAG POS SLOB MA RNAMS LA MCHOG DANG MTHUN MONG LA SOGS PA'I DNGOS GRUB MA LUS PA STZAL DU GSOL, ZHES GSOL BA BTAB PAS TSOM BU'I LHA 'OD DU ZHU NAS SLOB MA RNAMS LA THIMS PAS LUS NGAG YID GSUM BYA BA DANG BCAS PA BYIN GYIS BRLABS PAR BSAM, GTZO BOS JI LTAR SOGS DANG, DED NAS BRTZAMS TE SOGS DANG, MAndAL, BSNGO SMON, SHIS BRJOD BCAS BYA'O, ,'DI DHARMA BHA DRAS ZIN BRIS SU BYAS PA'O, ,DGE LEGS 'PHEL, , ,,, ' YONGS 'DZIN PAndI TA'I LTA BA'I GNAD STON PA'I YIG CHUNG DNGOS GRUB KUN 'BYUNG LAS, MDOR HRIL GYIS DRIL NA 'KHOR BA...

007a

, ,'DI LA YID BRTAN GANG YANG MED SNYAM DU NGES 'BYUNG DANG, MA SEMS CAN 'DI THAMS CAD BDAG GCIG PUS SGROL THUB PA ZHIG BYA, DE'I PHYIR DU SANGS RGYAS KYI GO 'PHANG NGES PAR THOB PAR BYA'O SNYAM DU BYANG CHUB KYI SEMS DANG, SNANG BA 'DI THAMS CAD RANG GI BLOS BCOS NAS BZHAG PA TZAM YIN, DON DU BDEN PAR GRUB PA GANG YANG MED SNYAM DU LTA BA'I NGANG DU 'JOG CI THUB DANG, DE'I TSE RANG SEMS BDE BA CHEN POR SONG BA'I MOS PA BYA, DE NAS SNANG BA SHAR BA NA RANG SEMS HE RU KA YAB YUM GYI SKUR LDANG, SNOD BCUD THAMS CAD DAG PA RAB 'BYAMS 'BA' ZHIG GO SNYAM DU YANG DANG YANG DU GSAM ZHING YID LA BYA'O,, ZHES GSUNGS SO,, ,,