*, ,BRGYA BZHI'I CHO GA JI LTAR BYA TSUL NAG 'GROS SU BKOD PA BZHUGS, ,
, ,SVA STI PRA DZ'A BHYA: 'DIR BRGYA BZHI'I CHO GA JI LTAR BYA TSUL LA GSUM, SNGON 'GRO, DNGOS GZHI, MJUG GO, DANG PO LA GNYIS, DKYIL 'KHOR 'DRI BA DANG, BRGYA BZHI'I RDZAS GSOG PA'O; ;DANG PO NI, SA PHYOGS BA BYUNG DANG DRI BZANG GIS BYUGS PA'I GTZANG MAR, LTE BA BTZAL NAS PHYOGS BZHI DANG, ,MTSAMS BZHIR TSANGS THIG ZUR THIG GDAG DBUS NAS SRAD BU MTHO GANG PAS PADMA'I LTE BZLUM POR BSKOR, ,DE STENG SOR DRUG BSNAN NAS NI, ,PADMA'I PHYI THIG ZLUM POR BSKOR, ,TSANGS ZUR THIG BRGYAD DBUS GNAS PA'I, ,PHYOGS MTSAMS PADMA 'DAB BRGYAD BRI, ,ZHES PA LTAR THIG BTAB LA, SNA TSOGS PADMA 'DAB BRGYAD NI, ,PHYOGS BZHI DMAR LA ME RLUNG SER, ,BDEN BRAL LJANG LA DBANG LDAN NAG ,LTE BA LJANG LA GE SAR SER, ,ZHES PA LTAR RDUL TSON BKRAMS
, ,PA'I LTE BAR MCHOD SBYIN GYI PHYAG GA-YAS KYI MKHRIG MA RANG LA BSTAN PA GZHI DMAR PO LA SER PO'I BCAD KYIS BRI BAR BYA'O, ,GNYIS PA BRGYA BZHI'I RDZAS GSOG PA NI, SNGAR BRIS PA'I PHYAG GI MTHE'U CHUNG LA PHUNG PO'I BDUD DKAR PO 'KHOR LO DANG, ,SRIN LAG LA NYON MONGS PA'I BDUD SER PO NOR BU DANG, GUNG MO LA LHA'I BU'I BDUD DMAR PO PADMA DANG, MDZUB MO LA 'CHI BDAG GI BDUD NAG PO RAL GRI 'DZIN PA RNAM MKHYID GANG TZAM 'JIM PA LAS BYAS PA RANG MDOG GI NA BZA' CAN GDONG RANG LA BSTAN PA DANG, PHYAG MTHIL DU 'BRAS ZAN NAM DAR PHYE LAS SBYIN BDAG GI GZUGS GLUD SKYE MCHED DONG CING RGYAN GOS DANG LDAN BA ZHIG BDUD RNAMS LA BSTAN NAS BZHAG PA'I MDUN DU GLUD RDZONGS RIN PO CHE DANG 'BRU SNA ZAS SNA GOS SNA SOGS TSAR DU MNGAR, PAD 'DAB KYI MTHAR
SA CHOG BYAS PA'I SA DANG RIN PO CHE BSRES PA'I 'JIM PA LA BYIN RLABS BYAS TE S'A TZTSA LEGS PAR BTAB LA DKAR RTZI GSOL NAS BSGRIGS TE, AOm SARBA TA TH'A GA TA MA nI SHA TA D'IPTA DZVA LA DZVA LA DHARM'A DH'A TU GTZA SV'A H'A; ZHES LAN BDUN BRJONG CING ME TOG GTOR BAS RAB GNAS BYAS PA BRGYA DANG, DE'I PHYIR RTZI MAR GYI MAR ME BRGYA DANG, DE'I PHYIR 'BRU ZAN GYI GTOR MA BRGYA DANG, DE'I PHYIR 'BRAS ZAN GYI NGAR MI BRGYA DANG, DE RNAMS KYI MDUN DU CHU GNYIS NYER SPYOD SOGS MCHOD PA'I BYE BRAG BSAM GYIS MI KHYAB PA DANG, GTOR MA ZUR GSUM RTZE MO CUNG ZAD GA-YAS SU BCUS PA LA MA THEB SKYU NYER GCIG DANG SHA KHRAG GIS BRGYAN PA DANG, TZ'A RU'I MCHOD PAR GRAGS PA'I MNGAR GSUM GYI SBAGS PA'I TSOGS MCHOD BCAS LEGS PAR BSHAMS NAS CHANG CHU NANG MCHOD KYIS BRAN LA BZHAG GO ,GNYIS PA DNGOS GZHI LA BDUN, ,SNGON RABS, SPYAN DRANG BA, BZHUGS SU GSOL BA, BRGYA BZHIS MCHOD PA, MCHOD PA GZHAN 'BUL BA, BSTOD PA BYA BA, 'PHRIN LAS 'CHOL BA'O, DANG PO SNGON RABS NI, RANG LHAG PA'I LHA GANG YANG RUNG BA'I BDAG BSKYED GSAL BTAB STE, ROL MO DBYANGS DANG BCAS PAS, KYEE; SUM CU RTZA GSUM LHA YI YUL GYI DBUS, ,KHANG BZANG RNAM PAR RGYAL BA'I PHO BRANG NA, ,RIN CHEN KHRI LA LHA DBANG
, ,BRGYA BYIN NI, ,DGA' MGUR 'DOD YON DAG LA SPYOD PA'I TSE, ,SNGON GYI LAS DANG 'PHRAL RKYEN GYIS BSKUL TE, ,GLO BUR BDUD BZHI'I 'THINGS KYIS NON BAR GYUR, ,BDE MED SDUG BSNGAL DRAG POS GZIR BA LAS, ,BCOM LDAN SH'AKYA'I GTZO LA SKYABS SONG BAS, ,DE TSE BCOM LDAN SH'A KYA THUB PA YIS, ,'GRO BA KUN LA PHAN PHYIR TING 'DZIN GYIS, ,SPRUL PA'I DKYIL 'KHOR CHEN PO LEGS BSHAMS NAS, ,MCHOD SBYIN PHYAG RGYA MTHUN PA'I RDZAS BSAGS TE, ,SKYE MCHED MU BZHI'I GNAS NAS BDUD BZHI RNAMS, ,THUGS RJE'I LCAGS KYUS BKUG NAS PHYAG SOR BZHIR, ,BKOD NAS BRGYA BZHI'I MCHOD SBYIN BYIN PA YIS, ,BRGYA BYIN NAD DANG SDUG BSNGAL KUN LAS THAR, ,ZHES BRJOD, GNYIS PA SPYAN DRANG BA NI, ,AOm SVA BH'A WA SHUDDHA: SARBA DHARM'A SVABH'A WA SHUDDHO NYA ? HAm, DKYIL 'KHOR STONG PA NYID DU GYUR, STONG PA'I NGANG LAS PAm LAS PADMA 'DAB MA BRGYAD PA LTE BA GE SAR DANG BCAS PA'I STENG DU MCHOD SBYIN GYI PHYAG GA-YAS PA GAN RKYAL DU GNAS PAR GYUR, RANG YI DAM GYA LHAR GSAL BA'I THUGS KA NAS 'OD ZER 'PHROS, SKYE MCHED MU BZHI'I GNAS NAS BDUD BZHI 'KHOR DANG BCAS PA SPYAN DRANGS, KYEE; NAM MKHA' MTHA' YAS LHA YI PHO BRANG NAS, ,MI GNAS
MYANG 'DAS THOB LA BAR DU GCOD, ,PHUNG PO'I BDUD TSOGS 'KHOR DANG BCAS PA RNAMS, ,GNAS 'DIR SPYAN 'DREN MCHOD PHYER GSHEGS SU GSOL, ,RNAM SHES MTHA' YAS LHA YI PHO BRANG NAS, ,GNAS LUGS MNGON SUM MTHONG 'KHOR DU GCOD, ,NYON MONGS BDUD TSOGS 'KHOR DANG BCAS PA RNAMS, ,GNAS 'DIR SPYAN 'DREN MCHOD PHYIR GSHEGS SU GSOL, ,CI YANG MED PA'I LHA YI PHO BRANG NAS, ,'DOD PA'I LONGS SPYOD THOB LA BAR DU GCOD, ,LHA'I BU'I BDUD TSOGS 'KHOR DANG BCAS PA RNAMS, ,GNAS 'DIR SPYAN 'DREN MCHOD PHYIR GSHEGS SU GSOL, ,'DU SHES MED MIN LHA YI PHO BRANG NAS, ,TSE SROG MTHA' RU PHYIN LA BAR DU GCOD, ,'CHI BDAG BDUD TSOGS 'KHOR DANG BCAS PA RNAMS, ,GNAS 'DIR SBYAN 'DREN MCHOD PHYIR GSHEGS SU GSOL, ,ZHES BRJOD, GSUM PA BZHUGS SU GSOL BA NI, KYEE; PHUNG PO'I BDUD NI DKAR PO 'KHOR LO 'DZIN, ,NYON MONGS BDUD NI SER BO NOR BU 'DZIN, ,LHA'I BU'I BDUD NI DMAR PO PADMA 'DZIN, ,'CHI BDAG BDUD NI NAG PO RAL GRI 'DZIN, ,RANG RANG 'KHOR GYI TSOGS KYIS YONGS SU BSKOR, ,PHYAG SOR BZHI YI RTZE MOR BZHUGS SU GSOL, DZA: H'Um BAm HO: RANG RANG GI GZUGS LA THIM PAR GYUR, ,CES BRJOD, BZHI PA BRGYA BZHIS MCHOD PA NI, ,GA-YAS PA'I MTHE BONG GIS MTHE'U CHUNG MNAN CING SOR MO LHAG MA BRKYANGS PA RDZAS LA BTAD,
, ,LA; AOm SVA BH'A WA BI SHUDDTE DTARM'A:TE BDZRA SIDDHI H'Um GIS MA NGAG PA SBYANGS PAR BSAM, NAM MKHA' MDZOD KYI PHYAG RGYA BCAS LA, NA MA: SARBA TA TH'A GA TE BHYO BI SHVA MU KHE BHYA: SARBA THA KHI AUNGGA TE SPHA RA nA AI MAm GA GA NA KHAm SV'AH'ASA MANG POR SPEL BAR BSAM, LAG PA GNYIS SOR MO RNAMS BSNOL GUNG MO GNYIS RTZE SPRAD PA'I TSIGS BAR PA BCAG PA DPRAL BAR BCINGS TE SA GOL GTOGS LA, AOm AA MRI TE H'Um PHAGS, KYIS BDUD RTZIR RA BSGYUR BAR BSAM, GA-YAS MCHOG SBYIN GYI PHYAG RGYA BCAS LA, AOm AA K'A RO MU KHAm SARBA DHARM'A n'Am A'A DYA NU TVANNA TV'ATA, KYIS MGRON RNAMS KYI 'DOD PA BSGRUB PAR BSAM, GA-YAS KHRO BO'I KHUR TSUR BCINGS PA'I MDZUB MO RDZAS LA GTAD CING BKROL NAS SE GOL GTOGS, ,NA MA: SARBA TA TH'A GA TA AA WA LO KE TE, AOm SAMBHA RA SAMBHA RA H'Um, GIS SO SOR THOB PAR BSAM, GA-YAS MI 'JIGS PA'I PHYAG RGYA BCAS LA, AOm RU RU SPU RU DZVAL TIshTHA SINGDHA LO TZA NI SARBA AARTHA S'A DHA NI SV'A H'AS DUS DANG YO BYAD MNYAM POR THOB PAR BSAM LA SNGAGS RNAMS LAN GSUM RE BRJOD DE SNGAGS DRUG DANG PHYAG RGYA DRUG GIS RDZAS RNAMS BYIN GYIS RLABS LA, ,BDAG GI BSAM PA'I STOBS DAG DANG, ,DE BZHIN GSHEGS PA'I SBYIN STOBS DANG, ,CHOS KYI DBYINGS KYI STOBS RNAMS KYIS, ,DON RNAMS GANG DAG BSAM PA KUN, ,
DE DAG THAMS CAD CI RIGS PA, ,THOGS PA MED PAR 'BYUNG GYUR CIG, CES BRJOD, KYEE; RIN CHEN SNA LNGA'I RDUL TSON LAS BSGRUBS PA'I, ,RGYAL BA'I SKU GSUNG THUGS KYI NGO BO NYID, ,BSOD NAMS ZHING GI MCHOG GYUR CHOS SKU'I RTEN, ,RI RAB TSAR DU DNGAR BA'I MCHOD RTEN BRGYA, ,PHUNG PO'I BDUD TSOGS 'KHOR DANG BCAS LA 'BUL, ,ME LONG YE SHES RNAM DAG CHOS KYI SKU, ,BCOM LDAN RNAM PAR SNANG MDZAD SKU THOB NAS; 'GRO KUN PHUNG PO'I BDUD LAS THAR GYUR CIG ,STONG GSUM TSAR DU DNGAR BA'I SNOD RNAMS SU, ,'BRU MAR RTZI MAR RGYA MTSO 'KHYIL BA'I DBUS, ,RI RAB LTA BU'I MAR ME'I SDONG BU LA, ,NYI ZLA LTA BU'I 'OD 'BAR SNANG GSAL BRGYA, ,NYON MONGS BDUD TSOGS 'KHOR DANG BCAS LA 'BUL, ,MNYAM NYID YE SHES RNAM DAG CHOS KYI SKU, ,BCOM LDAN RIN CHEN 'BYUNG LDAN SKU THOB NAS, ,'GRO KUN NYON MONGS BDUD LAS THAR GYUR CIG ,RAB YANGS NAM MKHA' LTA BU'I SNOD RNAMS SU, ,'CHI MED BDUD RTZI'I BTUD BA MTSO LTAR BSKYIL, ,BZA' DANG BCA' BA RI RAB LTA BUR SPUNGS, ,BKOD MDZES SHA KHRAG BRGYAN PA'I GTOR MA BRGYA LHA'I BU'I BDUD TSOGS 'KHOR DANG BCAS LA 'BUL, ,SOR RTOG YE SHES RNAM DAG CHOS KYI SKU, ,BCOM LDAN 'OD DPAG MED PAS SKU THOB NAS, ,'GRO KUN LHA'I BU'I BDUD LAS RGYAL GYUR CIG ,'BRU ZAN RIN
, ,CHEN RNAM PA LNGA LAS BYUNG, ,GZUGS MDZES DBYANGS SNYAN YID DANG DBANG PO GSAL, ,MDZES PA GCIG TU BSDUS PA NOR MANG LDAN, ,YON TAN BRGYA PHRAG LDAN PA'I NGAR GLUD BRGYA, , 'CHI BDAG BDUD TSOGS 'KHOR DANG BCAS LA 'BUL, ,BYA SGRUB YE SHES RNAM DAG CHOS KYI SKU, ,BCOM LDAN DON YOD GRUB PA'I SKU THOB NAS, ,'GRO KUN 'CHI BDAG BDUD LAS THAR GYUR CIG ,RANG BZHIN RNAM DAG NGANG DU RO GCIG KYANG, ,SGYU MA LTA BU'I BDUD BZHI'I DMAG TSOGS LA, ,MIG 'KHRUL LTA BU'I BRGYA BZHI'I MCHOD PA 'DI, ,BRAG CHA LTA BU'I DBYANGS KYIS MCHOD PAR BGYI, ,SPRUL PA LTA BU'I MCHOD PA 'DI BZHES LA, ,CHOS DBYINGS YE SHES RNAM DAG CHOS KYI SKU, ,BCOM LDAN MI BSKYOD RDO RJE'I SKU THOB NAS, ,'GRO KUN BDUD BZHI'I DGRA LAS RGYAL GYUR CIG ,CES BRJOD, LNGA PA MCHOD PA GZHAN 'BUL PA NI; KYEE; RGYA MTSO LTA BUR 'KHYIL BA'I MCHOD YON DANG, ,GANGG'A'I RGYUN LTAR 'BAB PA'I ZHABS BSIL DANG, ,KHA DOG SNA TSOGS BKRA BA'I ME TOG DANG, ,DUD SPRIN NAM MKHA' GANG BA'I BDUG SPOS DANG, , RAB 'BAR TSAR DU DNGAR BA'I MAR ME DANG, ,CIG CAR DRI BZANG 'GYED PA'I DRI CHAB DANG, ,RO NUS PHUN SUM TSOGS PA'I ZHAL ZAS DANG, ,RNAR SNYAN ROL MO'I BYE BRAG SNA TSOGS PA, ,BDUD BZHI 'KHOR DANG BCAS PA'I
TSOGS LA 'BUL, ,MIG GI DGA' STON SPUNGS PA'I GZUGS MCHOG DANG, ,BRJOD BRAL RNA BAR SNYAN PA'I SGRA SNYAN DANG, ,DRI BSUNG PHYOGS BCUR 'PHRO BA'I DRI CHAB DANG, ,KHA DOG RO NUS LDAN PA'I ZHAL ZAS DANG; ;REG NA BDE BA SKYED PA'I GOS MCHOG KYANG, ,BDUD BZHI 'KHOR DANG BCAS PA'I TSOGS LA 'BUL, ,'KHOR LO NOR BU BTZUN MO BLON PO DANG, ,GLANG PO RTA MCHOG DMAG DPON RIN CHEN BDUN, ,BKRA SHIS GDUGS DANG RGYAL MTSAN GA-YAS 'KHYIL DUNG, ,GSER NYA DPAL BE'U BUM PA PADMA DKAR, ,NAM MKHA' GANG BA'I BKRA SHIS RTAGS DANG RDZAS, ,BDUD BZHI 'KHOR DANG BCAS PA'I TSOGS LA 'BUL, ,ZHES MCHOD LA, ,SHA KHRAG GIS BRGYAN PA'I GTOR MA DE AOm A'A: H'Um LAN GSUM GYIS BYIN GYIS BRLABS TE, BKOD MDZES RI RAB LTA BU'I GTOR MA 'DI, ,SHA DANG PHRAG GIS BRGYAN CING BYIN BRLABS TE, ,BDUD BZHI 'KHOR DANG BCAS PA'I TSOGS LA 'BUL, ,BZHES LA PHYI NANG 'GAL RKYEN ZHI BAR MDZOD, ,CES DANG, KHA 'BAR MA'I SNGAGS, NA MA: SA MANTA BUDDH'A N'Am, NA MA: SARBA T'A TH'A GA TA AA BA LO KI TE SAMBHA RA SAM BHA RA H'Um, NYER GCIG DANG, BDUD BZHI'I 'KHOR DU GTOGS PA'I TSOGS RNAMS LA, ,MCHOD SBYIN GTOR MA RGYA CHEN 'DI PHUL BAS, ,GNOD DANG GDUG PA'I 'TSE BA KUN ZHI NAS, ,BDUD BZHI'I DGRA
, ,LAS RTAG TU RGYAL GYUR CIG ,CES PAS BSNGOS LA PHUD KYIS MCHOD DO, ,DRUG PA BSTOD PA BYA BA NI, KYEE; NAM MKHA' MTHA' YAS SKYE MCHED LA GNAS SHING, ,'GRO BA KUN GYI GZUGS KYI PHUD PO LA; ;DBANG BSGYUR STOBS LDAN PHUNG PO'I BDUD TSOGS LA, ,PHYAG 'TSAL MCHOD CING BDAG GIS BSTOD PAR BGYI, ,RNAM SHES MTHA' YAS SKYE MCHED LA GNAS SHING, ,'GRO BA KUN GYI TSOR BA'I PHUNG PO LA; ;DBANG SGYUR STOBS LDAN NYON MONGS BDUD TSOGS LA, ,PHYAG 'TSAL MCHOD CING BDAG GIS BSTOD PAR BGYI, ,CI YANG MED PA'I SKYE MCHED LA GNAS SHING, ,'GRO BA KUN GYI 'DU SHES PHUNG PO LA, ,DBANG SGYUR STOBS LDAN LHA BU'I BDUD TSOGS LA, ,PHYAG 'TSAL MCHOD CING BSTOD PAR BGYI, ,YOD MIN MED MIN SKYE MCHED LA GNAS SHING, ,'GRO BA KUN GYI 'DU BYED PHUNG PO LA, ,DBANG SGYUR STOBS LDAN 'CHI BDAG BDUD TSOGS LA, ,PHYAG 'TSAL MCHOD CING BDAG GIS BSTOD PAR BGYI, ,ZHES BRJOD, ,BDUN PA 'PHRIN LAS 'CHOL BA NI, KYEE; BCOM LDAN SH'AKYA THUB PA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,MCHOD SBYIN RNAM PAR DAG PA'I MTHU STOBS KYIS, ,'GRO LA BDUD BZHI'I BAR CHAD MED GYUR CIG ,` BDUD BZHI'I DMAG TSOGS 'KHOR BCAS RNAMS, ,MCHOD SBYIN GTOR
MA 'DI BZHES LA, ,BDAG CAG 'KHOR DANG BCAS RNAMS LA, ,BDUD KYI BAR CHAD MED PA DANG, ,NAD MED TSE DANG DBANG PHYUG DANG, ,DPAL DANG GRAGS DANG SKAL BA BZANG, ,LONGS SPYOD RGYA CHEN KUN THOB CING, ,ZHI DANG RGYAS LA SOGS PA YI, ,LAS KYI DNGOS GRUB BDAG LA STZOL, ,RMI LAM NGAN DANG MTSAN MA NGAN, ,LO SKAG ZLA SKAG ZHAG SKAG DANG, ,BDUD BZHI'I DMAG TSOGS DGRA LA SGYUR, ,CES BRJOD NAS, TZ'A RU'I TSOGS MCHOD DE, HO: GZUGS SGRA DRI RO REG BYA LDAN PA'I RDZAS, ,DBANG PO DRUG LA RMAD BYUNG BDE BA SKYED, ,RO BRGYA LDAN PA'I TSOGS KYI MCHOD PA 'DI, ,BDUD BZHI BDUD KYI DMAG TSOGS RNAMS LA 'BUL, , LUS SEMS TING 'DZIN ZAS KYIS TSIM GYUR NAS, ,ZAG MED TING 'DZIN ZAS LA SPYOD GYUR CIG ,CES 'BUL LO, ,GSUM PA MJUG LA GNYIS, GLUD BTANG BA DANG, MJUG CHOG DNGOS SO, DANG PO GLUD BTANG BA NI, GLUD RDZAS DANG BCAS PA CHANG PHUD GSER SKYEMS SOGS SMON NAS KYIS BRAN LA, 'DI SKAD LO, ,KYEE; RIN CHEN MDZES PA'I NGAR GLUD RGYAN LDAN 'DI, ,'BRU ZAN RIN CHEN SNA LNGA'I SNYING PO CAN, ,SKYE MCHED KHAMS DANG DBANG PO'I YON TAN LDAN, ,SNA TSOGS RGYAN GYIS SPRAS PA'I NGAR GLUD 'DI, ,SNGAGS DANG TING 'DZIN PHYAG RGYA'I TSOGS RNAMS KYIS, ,NAM MKHA'I KHAMS KUN GANG BAR BYIN BRLABS NAS, ,BDAG
, ,CAG RGYU SBYOR SBYIN BDAG 'KHOR BCAS KYI, ,GLUD DU BDUD BZHI'I DMAG TSOGS RNAMS LA 'BUL, ,NOR LDAN MDZES PA'I NGAR GLUD 'DI BZHES SHIG ,MTSAR SDUG LDAN PA'I NGAR GLUD 'DI BZHES SHIG , LTA NA SDUG PA'I NGAR GLUD 'DI BZHES SHIG ,YON TAN BRGYA PHRAG LDAN PA 'DI BZHES SHIG ,KYEE; RIN CHEN MDZES PA'I NGAR GLUD RGYAN LDAN 'DI, ,RNAM THOS BU LA 'GRAN ZHING NOR MANG LDAN, ,SKABS GSUM DBANG PO'I PHUN TSOGS LA 'KHU ZHING, ,NAG PO'I SDE LAS RGYAL BAR BYED PA 'DI, ,RIG 'DZIN GSANG SNGAGS 'CHANG BA BDAG CAG DANG, ,RGYU SBYOR YON GYI BDAG PO'I GLUD DU 'BUL, ,MI LAS GLUD DGA' MDZES PA'I GLUD BZHES LA, ,BDUD BZHI'I DMAG TSOGS SDANG BA'I DGRA LA SGYUR, ,'DIR GLUD 'GRO PHYOGS LA KHA BSGYUR RO, ,BZUNG BA YOD NA DA LTA NYID DU THONGS, ,BCINGS PA YOD NA SKAD CIG NYID LA KHROL, ,BDUD KYIS KHRAM LA BTAB NA KHRAM KHA PHYIS, ,BTZAN GYIS SHO LA BKYE NA SHO RDEL SKYUNGS, ,KLU YIS BYAD DU BZUNG NA BYAD THAG CHOD, ,RGYAL PO'I SMYO 'BOG GTONG BA DGRA LA SGYUR, ,THE RANG SRIS LA RKU NA DGRA LA SGYUR, ,BGEGS RIGS STONG PHRAG BRGYAD CU DGRA LA SGYUR, ,GDON RIGS SUM BRGYA DRUG CU DGRA LA SGYUR, ,LO DANG ZLA BA'I SKAG RNAMS DGRA LA SGYUR, ,ZHAG DANG ZA MA'I SKAG RNAMS DGRA LA SGYUR, ,RMI LAM MTSAN MA NGAN PA DGRA LA SGYUR, ,BDUD
KYI DMAG TSOGS THAMS CAD DGRA LA SGYUR, ,'BYUNG PO'I DAL YAMS THAMS CAD DGRA LA SGYUR, ,ZHES DANG, AOm BDZRA MU: BDUD BZHI SKYE MCHED MU BZHI'I GNAS SU GSHEGS, DAM TSIG GI DKYIL 'KHOR RANG LA THIMS PAR GYUR, CES BRJOD LA DAR MI DANG GTOR MA NYI SHU RE DANG BCAS BDUD BZHI PHYOGS BZHI DANG GZUGS GLUD 'DRE GDON GNOD PA'I PHYOGS KYI GRONG ZAD MTHAR RDOR DRIL SOGS ROL MO'I SGRA DANG BCAS BSKYAL LA, SPRO NA SHAR DU, KYEE; PHUNG PO'I BDUD TSOGS 'KHOR BCAS RNAMS, ,GLUD DANG GTOR MA 'DI SNOMS LA, ,NAM MKHA' MTHA' YAS GNAS SONG STE, ,BYAMS PA'I SEMS DANG LDAN PAR GYIS, ,LAN GSUM, LHOR; KYEE; NYON MONGS BDUD TSOGS 'KHOR BCAS RNAMS, ,GLUD DANG GTOR MA 'DI SNOMS LA, ,RNAM SHES MTHA' YAS GNAS SONG STE, ,SNYING RJE'I SEMS DANG LDAN PAR GYIS, ,LAN GSUM, NUB TU, KYEE; LHA'I BU'I BDUD TSOGS 'KHOR BCAS RNAMS, ,GLUD DANG GTOR MA 'DI SNOMS LA, ,CI YANG MED PA'I GNAS SONG STE, ,DGA' BA'I SEMS DANG LDAN BAR GYIS, ,LAN GSUM, BYANG DU, KYEE; 'CHI BDAG BDUD TSOGS 'KHOR BCAS RNAMS, ,GLUD DANG GTOR MA 'DI SNOMS LA, ,YOD MIN MED MIN GNAS SONG STE, ,BTANG SNYOMS SEMS DANG LDAN BAR GYIS, ,LAN GSUM BRJOD NAS BSKUL LA SRUNG 'KHOR BSGOM BZHIN DU PHYI MIG MI LTA BAR LDOG GO ,GNYIS PA MJUG CHOG DNGOS NI, CHOS SRUNG GI BSKANG
, ,GSO SOGS DANG 'BREL NA GTANG RAG GI TSUL DU MCHOD BSTOD RGYAS BSDUS GANG RUNG BYAS LA, MA RNYED YONGS SU MA SHES DANG, ,ZHES SOGS KYIS NONGS PA BZOD PAR GSOL, LHAG CHAD KYI NYES PA ZHI BA'I DON DU, YIG BRGYA RGYAS PA'AM, BDZRA SATVA H'Um, ZHES PA BZLAS RJES BSNGO BA SMON LAM SHIS BRJOD RNAMS SPYI LTAR BYA ZHING S'ATZTSA RNAMS MCHOD RTEN SOGS SU SPYAN DRANGS NAS LAS KYI RJES MI MNGON PAR BYA'O, ,ZHES BRGYA BZHI'I CHO GA JI LTAR BYA TSUL NAG 'GROS SU BSGRIGS PA 'DI NI, RGYAL BA DGE 'DUN RGYA MTSO'I GSUNG LA GZHI BYAS, PAn CHEN BLO BZANG CHOS KYI RGYAL MTSAN GYIS MDZAD PA'I PHAN BDE'I 'BYUNG GNAS DANG, SNGAGS KHANG GI 'DON KHYUN DU GRAGS PA BKLAGS PAS DON GRUB DANG, BDAG GI RJE BLA MA DAM PA'I CHOG BSGRIGS RNAMS LA'ANG LEGS PAR BRTAGS TE CUNG ZAD KHA BSKANGS NAS DGE SLONG DHARMA BHA DRAS RAB BYUNG BCU BZHI PA'I THOG MA'I ME YOS CHO 'PHRUL ZLA BA'I DMAR PHYOGS STONG PA GNYIS PA'I NYIN BZHAD DNGUL CHU'I RI KHROD DGA' LDAN RTZE SPONG KHANG DU SBYAR BA'O, ,'DIS KYANG BSTAN PA DANG SEMS CAN MANG PO LA PHAN THOGS PAR GYUR CIG ,SARBA MANGGA LAm,, ,,