*, ,RAB GNAS LEGS BSHAD GNAD BSDUS BZHUGS, ,
, ,NA MO GU RU MNYDZU GHO sh'A YA, RAB 'BYAMS RGYAL BA'I DKYIL 'KHOR MA LUS PA'I, ,KHYAB BDAG DPAL LDAN BLA MA LA BTUD NAS, ,DE YI ZHAL GYI BDUD RTZI JI BZHIN DU, ,LHAG GNAS CHO GA MDOR BSDUS BRI BAR BYA, ,DE YANG SKU GSUNG THUGS RTEN LA RAB GNAS MDOR BSDUS BYA DGOS PA BYUNG NA DE'I TSUL NI, RTEN RNAMS GO RIMS BZHIN BKRAMS PA'I MDUN DU CHU GNYIS NYER SPYOD SOGS MCHOD PA DANG, BGEGS GTOR TING LO CHANG BU GU GUL YUNGS KAR TE SBYANG CHAS, KHRUS BUM MGUL CHINGS KHA RGYAN CAN DRI BZANG GI CHUS BKANG BA, ME LONG KHRUS DAR KHRUS GZHONG GOS ZUNG SOGS KHRUS CHAS, BKRA SHIS KYI 'THOR 'BRU, RDOR DRIL SOGS YO BYANG THAMS CAD 'DU BYAS LA, RANG YI DAM GANG BYED KYI RNAL 'BYOR GSAL BTAB STE, MCHOD GTOR RNAMS LAS SNGAGS
, ,KYIS BSANGS, SVA BH'A WAS SBYANGS, STONG PA'I NGANG LAS MCHOD GTOR RNAMS RANG RANG GI MING YIG DANG PO THIG LES BRGYAN PA YONGS SU GYUR PA LAS 'DOD PA'I YON TAN LNGA DANG LDAN PA'I DAM RDZAS SPYAN GZIGS MCHOD PA'I BYE BRAG BSAM GYIS MI KHYAB PA SA DANG BAR SNANG GI KHYON THAMS CAD YONGS SU GANG BAR GYUR, AOm SARBA BID P'U RA P'U RA S'U RA S'U RA A'A WA RTA YA A'A WA RTA YA H'Um, BDZRA SPAR nA KHAm, ZHES PAS BYIN GYIS BRLAB, BUM PA BSANGS SBYANGS, STONG PA'I NGANG LAS BAm LAS BYUNG BA'I RIN PO CHE'I BUM PA DKAR PO LTO BA CHE BA MGRIN PA RING BA MCHU 'PHYANG BA LA SOGS PA MTSAN NYID THAMS CAD YONGS SU RDZOGS PA NANG RTEN GYI DRI MA THAMS CAD SBYONG BAR NUS PA'I CHU DANG BCUD KYIS GANG BAR GYUR, YE DHA RM'A, CI 'GRUB BZLAS TE BSGRUB, DE NAS, SKU RTEN RNAMS BSANGS SBYANGS, STONG
PA'I NGANG LAS H'Um LAS RDO RJE H'Um GIS MTSAN PA YONGS SU GYUR PA LAS RDO RJE 'CHANG CHEN PO SKU MDOG SNGON PO ZHAL GCIG PHYAG GNYIS KYIS RDO RJE DANG DRIL BU 'DZIN PAS YUM RDO RJE DBYINGS GYI DBANG PHYUG MA LA 'KHYUD PA, RIN PO CHE'I RGYAN DANG DAR GYI NA BZA' CAN, ZHABS RDO RJE SKYIL KRUNG GIS BZHUGS PA, ZHES RDO RJE 'CHANG DU BSKYED, GSUNG RTEN RNAMS BSANGS SBYANGS, STONG PA'I NGANG LAS HR'I: LAS PADMA HR'I: SA MTSAN PA YONGS SU GYUR PA LAS, 'OD DPAG MED DMAR PO ZHAL GCIG PHYAG GNYIS KYIS PADMA DANG DRIL BU 'DZIN PAS YUM GOS DKAR MO LA 'KHYUD PA, RIN PO CHE'I RGYAN DANG, ZHES PA NAS, BZHUGS PA, ZHES 'OD DPAG MED DU BSKYED, THUGS RTEN RNAMS BSANGS SBYANGS, STONG PA'I NGANG LAS BHR'Um LAS 'KHOR LO BHR'Um GYIS MTSAN PA YONGS SU GYUR PA LAS, RNAM SNANG DKAR PO ZHAL GCIG PHYAG GNYIS KYIS 'KHOR LO DANG DRIL BU 'DZIN PAS YUM SPYAN MA LA 'KHYUD PA, RIN PO CHE'I RGYAN DANG, ZHES PA NAS, BZHUGS PA, ZHES RNAM SNANG DU BSKYED, RANG GI THUGS KA'I H'Um LAS 'OD ZER 'PHROS, RAB TU GNAS PA LA BAR DU GCOD PA'I BGEGS KYI TSOGS RNAMS MDUN DU BKUG PAR GYUR, AOm SARBA BI GHNAm NA MA: SARBA TA TH'A GA TE BHYO
, ,BI SHVA MU KHE BHYA: SARBA TAD KHI AUD GA TE SPHA RA nA HI MI GA GA NA KHAm GRiHNE DAm BA LAm TI YE SV'A H'A, LAN GSUM GYIS GTOR MA DANG, AOm SUMBHA NI SUMBHA H'Um, GRi HAN GRi HA NA H'Um, GRi HN'A PA YA GRi HN'A PA YA H'Um, A'A NA YA HO BHA GA WAN BIDYA R'A DZA H'Um PHAt, LAN GSUM GYIS TING LO DANG CHANG BU BSNGO, NA MO RJE BTZUN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYI BDEN PA DANG, YI DAM DKYIL 'KHOR GYI LHA TSOGS RNAMS KYI x SANGS RGYAS DANG BYANG CHUB SEMS DPA' RNAMS KYI x NYAN RANG CHOS SKYONG SRUNG MA RNAMS KYI BDEN PA DANG; BDEN PA'I MTHU LA RTEN NAS RAB TU GNAS PA LA BAR DU BCOD PA'I BGEGS KYI TSOGS RNAMS GTOR MA 'DIS TSIM PAR GYIS LA RANG RANG SO SO'I GNAS SU SONGS SHIG , GAL TE MI 'GRO NA KHRO BO'I YE SHES KYI RDO RJE ME RAB TU 'BAR BAS MGO BO TSAL PA BRGYAR 'GAS PAR 'GYUR BAR GDON MI ZA'O, ,AOm SUMBHA NI SOGS KYIS BGEGS SBYANGS, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BHYI'O, ,AOm SARBA TA TH'A GA TA AA BHI shE KA TA SA MA YA SHRI YA H'Um,
RGYAL BA'I SKU GSUNG THUGS LA NYON MONGS MI MNGA' YANG, ,SEMS CAN LUS NGAG YID GSUM SGRIB PA SBYANG SLAD DU, ,RGYAL BA'I SKU GSUNG THUGS LA KHRUS CHAB 'DI GSOL BAS, ,SEMS CAN LUS NGAG YID GSUM SGRIB PA DAG GYUR CIG ,AOm SARBA TA TH'A GA TA AA BHI shE KA TA SA MA YA SHRI YA H'Um, DE DAG SKU LA MTSUNGS PA MED PA'I GOS, ,GTZANG LA DRI RAB BSGOS PAS SKU PHYI'O, ,AOm H'Um TR'Am HR'I: AA: K'A YA BI SHO DHA NE SV'A H'A, STONG GSUM KUN TU DRI NGAD LNGANG BA YI, ,DRI MCHOG RNAMS KYIS THUB DBANG RNAMS KYI SKU, ,GSER SBYANGS BTZO MA BYI DOR BYAS PA LTAR, ,'OD CHAGS 'BAR BA DE DAG BYUG PAR BGYI, ,SNA TSOGS DBANG PO'I GZHU LTAR RAB BKRA ZHING, ,GANG LA REG NA BDE BA'I RGYUR 'GYUR BA, ,GOS BZANG RIN CHEN BDAG BLO SBYANG PHYIR 'BUL, ,BZOD PA DAM PA'I GOS KYIS BRGYAN PAR SHOG ,RGYAL BA MTSAN DPE'I RANG BZHIN RGYAN LDAN PHYIR, ,RGYAN GZHAN NGAG GIS BRGYAN PAR MI 'TSAL YANG, ,RIN CHEN RGYAN MCHOG PHUL BAS 'GRO KUN GYIS, ,MTSAN DPES BRGYAN PA'I SKU LUS THOB PAR SHOG ,CES KHRUS GSOL, LHA RNAMS KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGO POS MTSAN PAR GYUR, THUGS KA'I H'Um LAS
, ,'OD ZER 'PHROS, BSGOMS PA DANG 'DRA BA'I YE SHES PA RNAMS SPYAN DRANGS, MA LUS SEMS CAN KUN GYI MGON GYUR CING, ,BDUD SDE DPUNG BCAS MI BZAD 'JOMS MDZAD LHA, ,DNGOS RNAMS MA LUS YANG DAG MKHYEN GYUR PA'I, ,BCOM LDAN 'KHOR BCAS GNAS 'DIR GSHEGS SU GSOL, ,LAS SNGAGS KYIS PHYI 'BRANG GI BGEGS BSKRAD, 'DIR NI GZUGS DANG LHAN CIG TU, ,'GRO BA'I DON DU BZHUGS NAS KYANG, ,NAD MED TSE DANG DBANG PHYUG DANG, ,MCHOG RNAMS LEGS PAR STZAL DU GSOL, ,DZA: H'Um BAm HO: YE SHES PA RNAMS DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, AOm SARBA TA TH'A GA TA AA BHI shE KA TA SA MA YA SHRI YE H'Um, ZHES GSUNGS SHING DBANG BSKUR, SKU GANG DRI MA DAG CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, CES BYIN RLABS SPYAN 'DREN DBANG BSKUR RGYAS BTAB BYA, AOm SARBA TA TH'A GA TA AARGHAm NAS, SHAPTA PRA T'I TZTSA H'Um SV'A H'A, MI BSKYOD RDO RJE YE
SHES CHE, ,RDO RJE DBYINGS NI MKHAS BA CHE, ,RDO RJE GSUM MCHOG DKYIL 'KHOR GSUM, ,GSANG BA'I DBYANGS LA PHYAG 'TSAL LO, ,RDO RJE DPAG MED RGYAL PO CHE, ,MI RTOG NAM MKHA' RDO RJE 'DZIN, ,'DOD CHAGS PHA ROL PHYIN PA BRNYES, ,RDO RJE GSUNG LA PHYAG 'TSAL LO, ,RNAM PAR SNANG MDZAD DAG PA CHE, ,RDO RJE ZHI BA DGA' BA CHE, ,RANG BZHIN 'OD GSAL MCHOG GI MCHOG ,STON PA RDO RJE LA PHYAG 'TSAL, ZHIS MCHOD BSTOD BYA, JI LTAR MIG MKHAN RGYAL PO YIS, ,'JIG RTEN RAB RIB BSAL BA LTAR, ,RGYAL BA RNAMS KYIS KHYOD KYI NI, ,MI SHES PA YI RAB RIB BSAL, AOm TZAKshU TZA KshU SA MANTA TZAKshU BI SHO DHA NE SV'A H'A, ZHI BA LA SOGS PA'I LAS RNAMS BSGRUB PA'I DON DU SBYIN BDAG LA SOGS PA LA YE SHES KYI GZIGS PA LHUR MDZAD BAR GYUR, CES SPYAN DBYE BYA, AOm H'Um TR'Am HR'I: AA: ZHES DAM TSIG BSGRAG ,SKU RTEN LA, AOm A'A: BDZRA DTRI KA H'Um H'Um, RDO RJE 'CHANG YAB YUM 'OD DU ZHU BA YONGS SU GYUR PA LAS SKU BRGYAN GYI RNAM PAR GYUR, CES DANG, GSUNGS RTEN LA, AOm A'A: AA RO LI KA A'A: H'Um 'OD DPAG MED YAB YUM 'OD DU ZHU BA YONGS SU GYUR BA LAS; GSUNG RAB PO TI'I RNAM PAR GYUR, CES DANG, THUGS RTEN SOGS LA, AOm A'A: DZI NA DZIK AOm H'Um, RNAM SNANG YAB YUM 'OD DU ZHU BA YONGS SU GYUR PA LAS MCHOD RTEN NAM GTZUG LAG KHANG GI RNAM PAR
, ,GYUR; CES GZUGS BSGYUR BYA, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, JI SRID NAM MKHA'I MTHA' DANG MNYAM PA'I SEMS CAN THAMS CAD MI GNAS PA'I MYA NGAN LAS 'DAS PA'I SA LA MA BZHAG GI BAR DU RGYAL BA RNAMS BRTAN PAR BZHUGS SU GSOL, BYE BRAG TU YANG RTEN 'DI LA SPYAN DRANGS PA'I YE SHES PA RNAMS RTEN 'DI 'BYUNG BA BZHIS MA ZHIG GI BAR DU BRTAN PAR BZHUGS NAS, BDAG SOGS RNAMS LA MCHOG MTHUN GYI DNGOS GRUB STZAL DU GSOL, AOm SU PRA TI SHTHA BDZRA YE SVA H'A, ZHES ME TOG GTOR LA LAN GSUM BRJOD, SLAR YANG AOm SARBA TA TH'A GA TA AARGHAm NAS, SHAPTA PRA TI TZTSA H'Um SV'A H'A, PHYAG BYAR 'OS PA THAMS CAD LA, ZHING RDUL KUN GYI GRANGS SNYED KYIS, ,LUS BTUD PA YIS RNAM KUN TU; ;MCHOG TU DAD PAS PHYAG 'TSAL LO, ZHES MCHOD BSTOD BYA, YE DH'A RM'A TSAR BDUN BRJOD DE, PHUN SUM TSOGS PA MNGA' BA GSER GYI RI BO 'DRA, ,'JIG RTEN GSUM GYI MGON PO DRI MA GSUM SPANGS SHING, ,SANGS RGYAS PADMA RGYAS PA'I 'DAB 'DRA'I SPYAN MNGA' BA, ,'DI NI 'JIG RTEN DGE BA'I BKRA SHIS DANG PO'O, ,DE YIS NYE BAR BSTAN PA'I MCHOG RAB MI GA-YO BAR, ,'JIG RTEN GSUM DU GRAGS
SHING LHA DANG MIS MCHOD PA, ,CHOS KYI DAM PA SKYE DGU RNAMS LA ZHI BYED PA, ,'DI NI 'JIG RTEN DGE BA'I BKRA SHIS GNYIS PA'O, ,DGE 'DUN DAM PA CHOS LDAN THOS PA'I BKRA SHIS PHYUG ,LHA DANG MI DANG LHA MA YIN GYI MCHOD PA'I GNAS, ,TSOGS KYI MCHOG RAB NGO TSA SHES DANG DPAL GYI GZHI, ,'DI NI 'JIG RTEN DGE BA'I BKRA SHIS GSUM PA'O, ,MI 'GYUR LHUN PO SKU YI BKRA SHIS SHOG ,YAN LAG DRUG CU GSUNG GI BKRA SHIS SHOG ,MTHA' DAG DON RTOGS THUGS KYI BKRA SHIS SHOG ,RGYAL BA'I SKU GSUNG THUGS KYI BKRA SHIS SHOG ,'DOD DGU'I 'BYOR PA DBYAR KYI MTSO LTAR 'PHEL, ,SKYON MED RIGS KYI DAL 'GRO RGYUN CHAD MED, ,NYID MTSAN BLO BZANG DAM PA'I CHOS KYIS 'DA', ,PHUN TSOGS DPAL LA ROL PA'I BKRA SHIS SHOG, CES SHIS PA BRJOD PAR BYA'O, ,TSUL 'DI DGE SLONG DHA RMA BHA DRA YIS, , RANG GI DRAN PA'I DBANG PO GSO PHYIR BRIS, ,DGE BAS MKHA' MNYAM 'GRO BA MA LUS PA, ,PHYAG MCHOD BKUR STI'I ZHING DU 'GYUR PA SHOG ,BKRA SHIS DGE LEGS 'PHEL, ` BSANGS BKRUS SBYANGS SHING BZHI RDZOGS BSKYED, , MCHOD BSTOD SPYAN DBYE GZUGS BSGYUR BYA, ,BRTAN BZHUGS MCHOD BSTOD YEDHAR 'DON, ,SHIS BRJOD RAB GNAS BSDUS PA'I SDOMS, ,SARBA MANGGA LAm,, ,,