` RGYAL CHEN RNAM SRAS YANG GSANG MDUNG DMAR CAN GYI GTOR CHOG BSKANG GSO MDOR BSDUS GNAD TSANG ZHES BYA BA BZHUGS, ` NA MO GU RU BDZRA P'A nA YE, 'DIR RGYAL CHEN RNAM THOS SRAS YANG GSANG MDUNG DMAR CAN GYI BSGOM BZLAS DANG MCHOD GTOR 'BUL TSUL MDOR BSDUS NI, MCHOD GTOR PHYAG LEN LTAR BSHAMS LA, PHYAG RDOR SOGS YI DAM LHA'I RNAL 'BYOR DANG LDAN PAS, DE'I GZHUNG LTAR BYIN GYIS BRLABS TE, SVA BH'A WAS STONG PAR SBYANGS, STONG PA'I NGANG LAS MDUN DU BHRUm LAS RIN PO CHE'I GZHAL YAS KHANG GRUB BZHI SGO BZHI RTA BABS BZHI DANG BCAS PA, 'KHOR SA RIM PA GSUM DANG LDAN PA'I DBUS NA, PHO BRANG GSUM BRTZEGS SU GNAS PA'I STENG DU BLA MA, BAR DU YI DAM, 'OG MA'I NANG DU ZANGS KYI 'KHOR LO RTZIBS BZHI PA'I LTE BAR TZA LAS SENG KHRI PAD NYI'I STENG DU BEE YIG MTSAL GYI MDOG CAN LAS 'OD ZER 'PHROS, DON GNYIS BYAS, 'DUS YONGS SU GYUR PA LAS RGYAL CHEN RNAM THOS SRAS YANG GSANG MDUNG DMAR CAN SKU MDOG
DMAR PO ZHAL GCIG PHYAG GNYIS PA, GA-YAS PAS STAG LPAGS KYI RGYAL MTSAN DANG MDUNG DMAR, GA-YON PAS NE'U LE DANG LCAGS KYU 'DZIN PA, SPYAN GSUM DMAR ZHING ZLUM LA MCHE BA GTZIGS PA, SMIN MA DANG SMA RA DMAR SER ME LTAR 'BAR BA, SKU LA DAR DMAR DANG BSE KHRAB, DBU LA DAR DMAR GYI COD PAn CAN GYI BSE RMOG ,ZHABS LA BSE'I LO KHRAM GSOL PA, SKU LA RIN PO CHE'I RGYAN SNA TSOGS KYIS SPRAS SHING ZHAL NAS RIN PO CHE'I CHAR 'BEBS PA, PHRAG GONG NA NYI ZLAS BRGYAN CING KHAMS GSUM DBANG DU SDUD PA'I 'OD ZER DMAR PO RNAM PAR 'PHRO BA'I KLONG NA RGYAL PO ROL PA'I STABS KYIS BZHUGS PA, DE'I PHYOGS BZHIR SHAR RTZIBS SU NOR RGYUN MA, LHO RTZIBS SU DBYANGS CAN MA, NUB RTZIBS SU NOR SKYONG MA, BYANG RTZIBS SU BHA RA LI STE LAS BYED KYI LHA MO BZHI, 'KHOR SA DANG PO LA GNOD SBYIN RTA BDAG BRGYAD, BAR PA LA KLU CHEN BRGYAD, THA MA LA LHA SRIN SDE BRGYAD BZHUGS PA'I GTZO 'KHOR THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KAR H'Um LAS 'OD ZER 'PHROS PA'I SNER 'DOD RKYAL DMAR PO SPROS PAS BYANG PHYOGS LCANG,
, ,LO CAN NAS RGYAL CHEN RNAM THOS SRAS YANG GSANG MDUNG DMAR CAN 'KHOR DANG BCAS PA SKAD CIG GIS SPYAN DRANGS PAR BSAMS LA, BEE; SA 'DZIN DBANG PO'I BYANG GI PHYOGS, ,RIG SNGAGS 'CHANG BA KUN GYI GNAS, ,LCANG LO CAN GYI PHO BRANG NAS, ,RGYAL CHEN YANG GSANG MDUNG DMAR CAN, ,'KHOR DANG BCAS PA SPYAN 'DREN NA, ,RNAL 'BYOR BDAG LA BRTZER DGONGS LA, ,THOGS PA MED PA'I RDZU 'PHRUL GYIS, ,GNAS 'DI NYID DU GSHEGS SU GSOL, ,AOm BEE SHRA BA nA YE SA PA RI W'A RA A'A KARshA YA DZA: DZA: H'Um BAm HO: GNYIS SU MED PAR GYUR, AOm RATNA MU KU tA AA BHI shI NYTZ'A MI, DBANG GI LHA RNAMS KYIS DBANG BSKUR, RIN PO CHE'I COD PAN GYIS DBU BRGYAN PAR GYUR, CES BSKYED LA, BEE; CHU BZHI NYER SPYOD ROL MO DANG, ,BKRA SHIS RTAGS RDZAS RIN CHEN BDUN, ,'DOD YON LNGA DANG BCAS PA RNAMS, ,RGYAL CHEN 'KHOR DANG BCAS LA 'BUL, ,AOm BEE SHRA BA nA YE SA PA RI W'A RA PH'U DZA ME GHA SA MU DRA SPHAR, SA MA YE H'Um, RGYAL PO CHEN PO 'KHOR BCAS LA, ,SGO GSUM GUS PAS BDAG CAG 'TSAL, ,RAB 'BYAMS MCHOD PA'I SPRIN GYIS MCHOD,
NYES LTUNG SDIG SGRIB MA LUS BSHAGS, ,DGE LA RJES SU YI RANG ZHING, ,DPAG MED 'GRO DON MDZAD PAR BSKUL, ,MYA NGAN MI 'DA' BZHUGS GSOL 'DEBS, ,DGE BAS 'GRO KUN DBUL SEL SHOG ,CES YAN LAG BDUN PA 'BUL, ,YIG BRGYA BZLAS MTHAR, BEE; BDAG CAG NYON MONGS DBANG GYUR PAS, ,SDIG LTUNG JI SNYED BSAGS PA DANG, ,KHYAD PAR RGYAL PO CHEN PO YI, ,SKU GSUNG THUGS KYI DAM TSIG DANG, ,SPANG ZHING BLANG BA'I DAM TSIG LAS, ,'GAL RNAMS 'GYOD PAS MTHOL BSHAGS NA, ,BRTZE BA'I THUGS KYIS BZOD BZHES LA, , RTAG TU BU BZHIN SKYONG BAR MDZOD, ,CES BSHAGS PA BYA, AOm SARBA BID P'U RA P'U RA, SU RA SU RA, A'A WA RTA YA, A'A WA RTA YA HO, BDZRA SPHAR nA KHAm, ZHES BSKANG RDZAS BYIN GYIS BRLABS LA; BEE; RAB 'BYAMS RGYA MTSO'I ZHING KHAMS KUN, ,SNA TSOGS MCHOD PA'I SPRIN PHUNG GIS, ,YONGS SU BKANG STE BDAG 'BUL GYI, ,RGYAL CHEN THUGS DAM SKONG GYUR CIG ,MCHOD PA LNGA DANG 'DOD YON LNGA, ,BKRA SHIS RTAGS RDZAS RIN CHEN BDUN, ,'BRU SNA LNGA DANG SNYING PO LNGA, ,GOS SNGON STONG GA-YOGS SNGON PO DANG, LUNG THANG 'PHRENG BA CANG SHES RTA, ,'DOD
, ,'JO'O BA DANG BUM PA BZANG, ,DPAG BSAM SHING DANG KHRUS KYI RDZING, ,GTZUG LAG KHANG CHEN BRIS SKU DANG, ,SKU GSUNG THUGS RTEN DAM TSIG RDZAS, ,RGYAN GOS PHYAG MTSAN BZHON PA'I TSOGS, ,SNOD BCUD LHA MI'I 'BYOR PAR BCAS, ,DNGOS BSHAMS YID SPRUL MCHOD TSOGS DANG, ,SPANG BLANG DAM TSIG SDOM LA GNAS, ,LTA SGOM SPYOD PA RNAM PAR DAG ,MCHOD GTOR BSNYEN DANG SGRUB LA GZHOL, ,SRID DANG ZHI BA'I DGE TSOGS KYIS, ,RGYAL CHEN 'KHOR DANG BCAS PA YI, ,THUGS DAM GNYAN PO DBYINGS SU BSKANGS, ,BDAG CAG SGRUB PA PO RNAMS LA, ,MCHOG DANG MTHUN MONG DNGOS GRUB STZOL, ,CES BSKANG BA BYA, RGYAL CHEN THUGS KAR BEE YIG LA, ,SNGAGS KYIS BSKOR LAS 'OD 'PHROS PAS, ,'KHOR 'DAS DPAL 'BYOR LEGS TSOGS KUN, ,BSDUS TE BDAG LA THIM PAR GYUR, ,AOm MAH'A R'A DZA YA KshA SA MA YE BEE SHRA BA nA YE SARBA TZITTA RATNA HRIm HRIm DZA: DZA: ZHES BZLAS PA BYA, GTOR MA BYIN GYIS BRLABS LA, RGYAL CHEN 'KHOR DANG BCAS PA'I LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR GYUR,
AOm BEE SHRA BA nA YE SA PA RI W'A RA AI DAm BA LIm TA KHA KHA KH'A HI KH'A HI, LAN GSUM GYIS PHUL, AOm BEE SHRA BA nA YE SA PA RI W'A RA PRO Ksh'A nAm, AARGHAm; P'A DYA, A'A NYTZA M'A nAm, PUshBE, DH'U PE, A'A LO KE ,GANDHE; NEE WI DYE, SHAPTA PRA T'I TZTSA YE SV'A H'A SA MCHOD, BEE; MI 'JIGS SENGGE'I KHRI STENG NA, ,BEE LAS BYUNG BA'I MGON PO NI, ,YANG GSANG MDUNG DMAR PHYAG MTSAN CAN, ,SA BRGYAD DBANG PHYUG KHYOD LA 'DUD, ,YID 'PHROG BDE STER BTZUN MO BZHI, ,DBANG GI LAS SGRUB GNOD SBYIN BRGYAD, ,NOR STER BA YI KLU CHEN BRGYAD, ,LHA SRIN SDE BRGYAD 'KHOR BCAS LA, ,MCHOD CING BSTOD DE PHYAG KYANG 'TSAL, ,DGRA BGEGS MA LUS GZHOM BA DANG, ,'BYOR PA'I LONGS SPYOD PHUN TSOGS SHING, ,KHAMS GSUM DBANG DU 'DU BA DANG, ,GZHAN DON LHUN GYIS GRUB PAR MDZOD, ,CES BSTOD CING 'PHRIN LAS BCOL, YIG BRGYA DANG, MA RNYED YONGS SU MA SHES DANG, ,ZHES SOGS KYIS BZOD PAR GSOL, 'DIR NI RTEN DANG LHAN CIG TU, ,ZHES SOGS KYIS BRIS SKU SOGS LA BRTAN BZHUGS BYA BA'AM, KHYED KYIS SEMS CAN DON KUN MDZAD, ,CES SOGS KYIS GSHEGS SU GSOL, DGE 'DIS BDUD SDE'I GA-YUL LAS RNAM RGYAL ZHING, ,GNAS SKABS
, ,DAM CHOS BSGRUB PA'I MTHUN RKYEN TSANG, ,RING MIN BCU GSUM RDO RJE 'DZIN PA'I SA, ,MNGON DU BYAS NAS 'GRO RNAMS SGROL BAR SHOG ,CES BSNGO SMON DANG, BYIN RLABS NGANG LDAN RTZA BRGYUD BLA MA DANG, ,DNGOS GRUB CHAR 'BEBS YI DAM DKYIL 'KHOR LHA, ,'PHRIN LAS KUN SGRUB CHOS SKYONG SRUNG MA YIS, ,DUS RNAMS KUN TU DGE BA'I BKRA SHIS SHOG CES SHIS PA BRJOD PAR BYA'O, ,ZHES RGYAL CHEN RNAM SRAS YANG GSANG MDUNG DMAR CAN GYI GTOR CHOG BSKANG GSO MDOR BSDUS GNANG TSANG 'DI YANG LUGS ZUNG 'JAL BA'I SPYAN RAS PADMA'I 'DAB LTAR YANGS PA SDE JO LAGS PHUN TSOGS DBANG GI RGYAL POS NAN CHER BSKUL MA MDZAD DOR, THAMS CAD MKHYEN PA DGE 'DUN RGYA MTSO, RJE BTZUN T'A RA N'A THA, PAn CHEN NGAG DBANG CHOS GRAGS, RJE BTZUN BLO BZANG DPAL LDAN YE SHES, ,TH'U BKVAN BLO BZANG CHOS KYI NYI MA RNAMS KYI GZHUNG LA BRTAGS NAS BAN RGAN SNYOM LSA PADHA RMA BHA DRAS RANG LO DON GSUM PA KHRO MO'I LO DNGUL CHU'I RI PHUG TU SBYAR BA'O,,