` NA MO GU RU BDZRA BHEE RA WA YA, NE SER JO BO CHEN PO'I RJES GNANG BYA TSUL NI, GNAS GTZANG MAR MDUN DU STEGS KYI KHAR DBUS SU BSKYED GTOR NOR BU'I GZUGS CAN DKAR DMAR GYI RGYAN LDAN TZKA LI GTOR GDUGS DANG BCAS PA GA-YAS SU ZANGS BUM MGUL CHINGS DANG ME TOG GI KHA RGYAN CAN THU GTZANG DANG AA RU RA'I PHYE MA BLUG PA, GA-YON DU TSE RIL DANG TSE CHANG, DBUS MDUN DU PHYAG MTSAN ZHEL MDUNG DANG NOR GZHONG DNGOS SAM TSAK LI, GA-YAS MDUN DU RGYA SHOG SNYU GU BCAS SAM, SLOB MA'I GRANGS DANG MTHUN PA'I ZHI BA DANG DRAG PO'I SNGAGS BYANG, GA-YON MDUN DU TSOGS RDZAS, DE RNAMS KYI MDUN DU 'BUL GTOR, CHU GNYIS NYER SPYOD KYI MCHOD PA, LAS BUM BCUD LDAN, BGEGS GTOR, RDOR DRIL, 'THOR 'BRU SOGS BSHAMS, RANG 'JIGS BYED LTA BU'I YI DAM DU BSKYED, LAS SNGAGS KYIS GSANG CHU BSGRUBS, DE NAS BSKYED GTOR LAS SNGAGS KYIS BSANGS, SVA BHA WAS SBYANGS STONG PA'I NGANG LAS MDUN DU SPANGS GSHONGS YID DU 'ONG BA, ZHES PA NAS, SHO LO KA GCIG GIS BSTOD, CES PA'I BAR DANG, NE SER JO BO CHEN PO'I THUGS SHEL MDUNG, ZHES PA NAS, AARGHAm SOGS KYIS MCHOD, CES PA'I BAR
GZHUNG LTAR BSGRUB, NE SER JO BO CHEN PO YIS, ,SKU GSUNG THUGS KYI YON TAN RNAMS, ,GZHAN PHYIR MNGON DU MDZAD PA BZHIN, ,SLOB MA RNAMS LA STZAL DU GSOL, ,ZHES GNANG BA ZHU, ZANGS BUM LAS SNGAGS KYIS BSANGS SVA BHA WAS SBYANGS, STONG PA'I NGANG LAS RIN PO CHE'I BUM PA DMAR PO MTSAN NYID THAMS CAD DANG LDAN PA, NANG LHA'I CHU DANG SMAN GYIS GANG BA'I DBUS SU ZLA BA'I DKYIL 'KHOR GYI STENG DU HR'I: YIG GI MTHAR ZHI BA DANG DRAG PO'I SNGAGS 'PHRENG GIS BSKOR BA LAS 'OD ZER DANG BDUD RTZI DKAR MTHING GI RGYUN BABS SNAM CHU DANG RO GCIG TU 'DRES PAR GYUR PAR BSAMS NA GZUNG THAG NAS GZUNGS TE, ZHI DRAG GI SNGAGS BZLAS MTHAR, HR'I: YIG SNGAGS 'PHRENG ZLA DKYIL DANG BCAS PA 'DO DU ZHU NAS SNAM CHU LA THIMS PAS YE SHES KYI BDUD RTZIR GYUR BAR BSAM, TSE RIL DANG TSE CHANG LAS SNGAGS KYIS BSANGS, SVA BH'A W'A SA SBYANGS, STONG PA'I NGANG LAS YAm LAS RLUNG, RAm LAS ME, AA LAS MI MGO'I SGYID BU GSUM GYI STENG DU AA LAS BYUNG BA'I THOD PA'I NANG DU SHA LNGA DANG BDUD RTZI LNGA SBYANGS RTOGS SPAR GSUm BYAS PA LAS BDUD RTZI'I RGYA MTSO CHEN POR GYUR, AOm A'A: H'Um, LAN GSUM BRJOD, DE NAS SLOB MA LA KHRUS PHYAG MAndAL BGEGS SBYONG SNGON DU 'GRO BAS, 'O LAGS, NAM MKHA' DANG MNYAM PA'I SEMS CAN THAMS CAD KYI DON DU SANGS RGYAS THOB PAR BYA, ,DE'I PHYIR DU DAM PA'I CHOS ZAB MO GSAN SNYAM PA'I KUN SLONG GSAL BTAB NAS GSAN PAR
, ,ZHU; GSAN BYA DAM PA'I CHOS NI, KUN MKHYEN LNGA PA CHEN POS, BHANGGA'I RIGS 'KHRUNGS AA SHO KAS BYIN BRLABS, GDUL DKA'I 'BOD SGROGS BTUL NAS KU SHA NA, ,SPYAN DRANGS MI SRUN BDUD RIGS TSAR GCOD PA, ,SA SKYONG DAD PA BRTAN PAR GSOL BA 'DEBS, ,ZHES GSUNGS PA LTAR, RGYA GAR SHAR PHYOGS BHANGGA LA'I RGYAL SRAS DAD PA BRTAN PA NYID, YAB KYI BKA' BZHIN SRIN YUL LANG KA'I GRONG KHYER NAS SMAN ME TOG KU SHAN SPYAN 'DREN DU PHEBS PA'I TSE, 'PHYUG MED KYI LAM 'GAG GCIG NA, SRIN PO'I LAM SRUNG BA MI SER PO MIG DMAR BA, SKRA DMAR SER SKAD PAR SLEB PA, SNA CHE ZHING SO SEN RNO LA RING BA, LAG NA GSER GYI RAL GRI THOGS PA ZHIG DANG 'PHRAD PA DES DRI BA ZHIB TU BYED PA LA, BYAMS BRTZES KHA ZAS BYIN NAS LAN DANG POR BTAB PAS KHO'I GDUG RTZUB ZHI NAS DAD PA SKYES TE, RTA BAL GYI GLANG PO CHE PHUL, SRIN YUL GYI GNAS TSUL DANG BSLAB BYA ZHIB TU BYAS PAS, SRIN YUL NAS ME TOG KU SHAN KHUGS NAS RANG YUL DU LDOG PA'I TSE, BZANG LAN DU SMON LAM MDZAD CING, PHYID DKAR BYA BAR KHYOD GRAGS TE, ,MTHON PO'I RTZE NA DGE BAR SPYAD, ,DKON MCHOG GSUM DANG MI 'BRAL BAR, ,YUL GYI LHAR GYUR SKYE BOS MCHOD, ,DPAL GYI GZHI BDAG DAM PAR SHOG ,CES LUNG BSTAN
BA LTAR, SLAR DAD PA BRTAN PA 'BROM RGYAL BA'I 'BYUNG GNAS SU GYUR NAS RA SGRENG BTAB PA'I TSE JO BO PHYING DKAR BA DANG, PAn CHEN DGE BDUN GRUB TU GYUR NAS BKRA SHIS LHUN PO BTAB PA'I TSE JO BO NE SER PA DANG, RJE DGE 'DUN RGYA MTSOR GYUR NAS CHOS 'KHOR RGYAL BTAB PA'I TSE JO BO RGYAL MTSAN PAR GYUR PA SOGS BKA' GDAMS GSANG RNYING GI DGON GNAS GANG DANG GANG DU YOD PA DE DANG DIR GZHI BDAG GI TSUL BZUNGS NAS SRUNG SKYOB GA-YEL MED DU MDZAD PA'I SRUNG MA DAM TSIG CAN 'DI LA SNGON CHAD RJES GNANG GI SROL MED KYANG, BDE LDAN ZHING GI MGON PO, GU RU AA SHO KA'I BLA MA MYA NGAN MED PAR GRAGS PA NYID, GLEGS BAM LAS, KHONG DGE SLONG DPAL LDAN CHER GRAGS PA, ZHES GSUNGS PA LTAR, PAn CHEN BLO BZANG DPAL LDAN YE SHES SU GYUR PA'I TSE, DGOS PA KHYAD PAR CAN GYI PHYIR RJES GNANG GI BKA' SROL GSAR DU GTOD PA JI LTA BA GZHIN DU 'BUL BA SKABS SU BABS PA YIN PAS, BLA MA LNGA BCU PA LAS, NYAN SOGS 'DOD PAS GSOL GSUM GDAB, CES GSUNGS PA LTAR, SLOB DPON YI DAM LHAR GSAL BA LA THAL MO SBYAR TE, NE SER JO BO CHEN PO'I RJES SU GNANG BA STZAL DU GSOL SNYAM PAS 'DI'I RJES ZLOS MDZOD, BLA MA THUGS BRTZE BA CAN, THUGS BRTZE BA CHEN POS NYE BAR DGONGS TE, BDAG LA LHA'I DGE BSNYEN CHEN PO'I RJES SU GNANG BA
, ,STZAL DU GSOL, LAN GSUM, GNAS KHANG 'DI YANG DAG PA'I ZHING DANG, BSKYED GTOR 'DI NYID KYANG NE SER JO BO CHEN PO'I RTEN DANG BRTEN PA'I LHA TSOGS DANG, DE'I MTHA' SKOR DU BLA MA YI DAM SANGS RGYAS BYANG SEMS MKHA' 'GRO CHOS SRUNG GI TSOGS DANG, SLOB DPON YANG YI DAM GYI LHAR GSAL PA'I SPYAN SNGAR, DKON MCHOG GSUM LA SKYABS SU 'GRO BA DANG, 'GAL RKYEN SDIG LTUNG BSHAGS PA DANG, MTHUN RKYEN DGE BA LA RJES SU YI RANG BA GSUM SNGON DU 'GRO BAS, SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I PHYIR DU RGYAL SRAS KYI SPYOD PA RNAMS LA BSLAB PAR BYA'O SNYAM PAS 'DI'I RJES ZLOS MDZAD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ,LAN GSUM, SLOB MA RNAMS LHAR BSKYED PA LA CHO GA'I TSIG DANG MTHUN PAR SPYAN DMIGS MDZOD, ,SLOB MA RNAMS LAS SNGAGS KYIS BSANGS, SVA BH'A WAS SBYANGS, STONG PA'I NGANG LAS SLOB MA RNAMS SPRIN DKAR GA-YO BA LTA BU'I RTA MCHOG GI STENG DU NE SER JO BO CHEN PO SKU MDOG DKAR PO ZHAL GCIG PHYAG GNYIS PA, GA-YAS SHEL MDUNG DANG GA-YON NOR GZHONG 'DZIN PA'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR CES BSKYED, RJES
GNANG DNGOS GZHI LA GSUM LAS, DANG PO SKU'I RJES GNANG GI DON DU GSOL BA 'DEBS PA 'DI'I RJES ZLOS MDZOD, BLA MA THUGS BRTZE BA CAN, NAS; LHA'I DGE BSNYEN CHEN PO'I SKU'I RJES GNANG STZAL DU GSOL, LAN GSUm DE LTAR GSOL BA BTAB PAS MDUN GYI DGE BSNYEN CHEN PO'I SKU LAS RANG 'DRA GNYIS PA ZHIG CHAD NAS KHYED RANG RNAMS LA THIMS PAS CHU DANG CHU 'DRES PA LTAR NGO BO DBYER MED DU GYUR PA'I MOS PA MDZOD, BDUG RDZAS DRIL GSIL DANG BCAS, AOm MAH'A DE BA AU PA SI KA K'A YA SIDDHI H'Um, LAN GSUm, ME TOG GTOR LA, AOm SU PRA TIshthA BDZRA YE SV'A H'A, ZHES BRJOD, DE'I MTHA' RTEN DU, KHYED RANG RNAMS MDUN DU LHA'I DGE BSNYEN CHEN PO BYON NAS LAG GA-YAS SU SHEL MDUNG DANG GA-YON DU NOR GZHONG GTAD DE, KHYOD KYI 'GAL RKYEN BAR GCOD THAMS CAD NGAS SEL, MTHUN RKYEN BSAM DON THAMS CAD NGAS SGRUB, CES ZHAL GYIS BZHES BYUNG SNYAM PA'I MOS PA MDZOD, DES DGE BSNYEN CHEN PO'I SKU'I RJES GNANG MTHA' RTEN DANG BCAS PA THOB, NE SER JO BO CHEN PO'I SKU BA SGOM PA LA DBANG BAR BYAS SO, ,ZHES BRJOD, GNYIS PA GSUNG GI RJES GNANG DON DU GSOL BA 'DEBS PA 'DI'I RJES ZLOS MDZOD, BLA MA THUGS BRTZE BA CAN, NAS; CHEN PO'I GSUNG GI RJES GNANG STZAL DU GSOL, LAN GSUm, DE NAS, KYE KHYED RNAMS NE SER JO BO CHEN PO'I ZHI DRAG GNYIS KA'I SNGAGS 'DZIN PAR 'DOD DAM, ZHES DRI BA LA, LAN DU BLA MA RIN PO CHE, BDAG NE SAR JO BO CHEN PO'I ZHI DRAG GNYIS KA'I SNGAGS 'DZIN CING 'CHANG
, ,BAR 'DOD PAS STZAL DU GSOL, LAN GSUM MAM GCIG ,DE NAS ZANGS BUM BTEG STE, LHA YI DGE BSNYEN CHEN PO YIS, ,BDAG GI SLOB MA 'DI RNAMS LA, ,KHYED KYI ZHI BA'I RIG SNGAGS KYI; ;DNGOS GRUB NUS MTHU STZAL DU GSOL, ,ZHES GSOL BA BTAB PAS, MDUN GYI LHA'I DGE BSNYEN CHEN PO'I THUGS KA NAS 'OD ZER DKAR PO'I TSOGS 'PHROS PA, BUM NANG GI CHU LA THIM PAS BDUD RTZI DKAR POR GYUR BAR BSAMS, AOm MAH'A DE BA AU PA SI KA W'A KU SID DHI H'Um, ZHES BUM CHU KHYOR BA RE BYIN BAS, SLOB MA RNAMS KYI MGRIN PA NAS ZHUGS, LUS KYI NANG GANG BAS, NGAG GI SDIG PA DAG ,ZHI BA'I GSUNG GI DNGOS GRUB 'THOB PA'I NUS MTHU BZHAG PAR BSAM, SLAR YANG ZANGS BUM BTEG STE, LHA YI DGE BSNYEN CHEN PO YIS, ,BDAG GI SLOB MA 'DI RNAMS LA, ,KHYED KYI DRAG PO'I RIG SNGAGS KYI, ,DNGOS GRUB NUS MTHU STZAL DU GSOL, ZHES GSOL BA BTAB PAS, MDUN GYI LHA'I DGE BSNYEN CHEN PO'I THUGS KA NAS 'OD ZER MTHING NAG GI TSOGS 'PHROS PA BUM NANG GI CHU LA THIM PAS BDUD RTZI MTHING NAG TU GYUR PAR BSAM LA; AOm MAH'A DE BA AU PA SI KA W'A KU SID DHI H'Um, ZHES BUM CHU KHYOD BA RE BYIN PAS, SLOB MA RNAMS KYI MGRIN PA NAS ZHUGS, LUS KYI NANG GANG BAS, NGAG GI SGRIB PA DAG ,DRAG PO'I GSUNG GI DNGOS
GRUB 'THOB PA'I NUS MTHU BZHAG PAR BSAM, DE'I MTHA' RTEN DU ME TOG 'THOR BA DANG BCAS GSOL BA 'DEBS PA 'DI'I RJES ZLOS MDZOD, BCOM LDAN BDAG GIS BZUNGS LAGS KYI, ,BDAG LA 'GO BAR MDZAD DU GSOL, LAN GSUM, DE NAS GSAR DU 'DRI BA'AM, BRIS ZIN PA'I ZHI BA'I SNGAGS, AOm MAH'A DE BA AU BA SI KA SID DHI DZA: ZHES PA DANG, DRAG PO'I SNGAGS, AOm MAH'A DE BA AU BA SI KA SARBA SHA TR'Um M'A RA YA PHAGS, CES PA'I SNGAGS BYANG RE DANG SPRO NA 'PHRENG BA RE YANG GTAD LA, BCOM LDAN 'DI LA STZAL LAGS KYI, ,'DI LA 'GO BAR MDZAD DU GSOL, ,SNGAGS KYI DNGOS GRUB STZAL DU GSOL, ,BRTUL ZHUGS BRTAN PAR BYIN GYIS RLOBS, ,AOm AU PRA TIshthA BDZRA YE SV'A H'A, ,ZHES BRJOD CING ME TOG GTOR, DES LHA'I DGE BSNYEN CHEN PO'I GSUNG GI RJES GNANG MTHA' RTEN DANG BCAS PA THOB, NE SER JO BO CHEN PO'I ZHI DRAG GI SNGAGS BZLA BA LA DBANG BAR BYAS SO,, ZHES BRJOD, GSUM PA THUGS KYI RJES GNANG GI DON DU GSOL BA 'DEBS PA 'DI'I RJES ZLOS MDZOD, BLA MA THUGS BRTZE BA CAN, THUGS BRTZE BA CHEN POS NYE BAR DGONGS TE, BDAG LA LHA'I DGE BSNYEN CHEN PO'I THUGS KYI RJES GNANG STZAL DU GSOL, LAN GSUM, DE LTAR GSOL BA BTAB PAS, MDUN GYI DGE BSNYEN CHEN PO'I THUGS KA'I H'Um LAS RANG 'DRA GNYIS PA ZHIG CHAD NAS KHYED RANG RNAMS KYI SNYING GA'I H'Um LA THIM PAS
, ,THUGS DANG SEMS NGO BO DBYER MED DU GYUR PA'I MOS PA MDZOD, ,DRIL GSIL DANG BCAS, AOm MAH'A DE BA AU PA SI KA TZITTA SID DHI H'Um, LAN GSUM, ME TOG GTOR LA, AOm SU PRA TI shthA BDZRA YE SV'A H'A, ZHES BRJOD, DE'I MTHA' RTEN DU, DAM RDZAS 'CHI MED BDUD RTZI'I ZAS, ZO ZHIG BU KHYOD RIGS SU SKYE, ,NGA YIS BSGOS PA'I BKA' MA BCAG, ,SGRUB LA NAN TAN GCES SU GYIS, ,ZHES TSE RIL DANG, DAM RDZAS 'CHI MED BDUD RTZI'I CHU, ,'THUNGS SHIG BU KHYOD RIGS SU SKYE, ,NGA YIS BSGOS PA'I BKA' MA BCAG ,SGRUB LA NAN TAN GCES SU GYIS, ,ZHES TSE CHANG BYIN PA MYANGS PAS, SEMS RGYUD LA BDE BA SKYES, DES STONG PA NGES PAS BDE STONG DBYER MED KYI YE SHES MNGON DU GYUR PA'I MOS PA MDZOD, DES LHA'I DGE BSNYEN CHEN PO'I THUGS KYI RJES GNANG MTHA' RTEN DANG BCAS PA THOB, NE SER JO BO CHEN PO'I THUGS ZAB GSAL GNYIS MED KYI YE SHES BSGOM PA LA DBANG BAR BYAS SO, ,DE LTAR SKU GSUNG THUGS KYI RJES GNANG THOB PA'I DAM TSIG SPYI DANG, 'DI NYID KYI MTHUN MONG MIN PA'I DAM TSIG NI, RANG GZHAN GYI LUS LA BRTEN NAS KHU BA MI 'BYIN, RDO RJE SPUN LA KHRO BAR MI BYA, GRI RTZE KHAR MI 'JUG ,SGO NGA MI BZA', KHRAG DANG CHANG MI MTHUNG, SRUNG BA LUS LA MI BCANG, LHA'I DGE BSNYEN CHEN PO'I MCHOD GTOR MA CHAG PAR BYA BA RNAMS YIN PAS, DAM TSIG KHAS LEN
PA 'DI'I RJES ZLOS MDZOD, GTZO BOS JI LTAR BKA' STZAL PA, ,DE DAG THAMS CAD BDAG GIS BGYI, ,LAN GSUM, GTANG RAG GI MAndAL, MCHOD BSTOD YIG BRGYA BZOD GSOL, YE SHES PA GSHEGS, DAM TSIG PA 'OD DU ZHU NAS BDUD RTZIR GYUR PAR BSAM, DE NAS TSOGS RDZAS YOD NA DE NYID DANG, MED NA BSKYED GTOR DE'I PHUD LOGS SU BZHAG ,LHAG MA SLOB MA'I GRANGS DANG MNYAM PAR BGOS LA, TING 'DZIN SNGAGS DANG PHYAG RGYAS BYIN BRLABS PA'I, ,ZAG MED BDE STER TSOGS MCHOD RGYA MTSO 'DI, ,RTZA BRGYUD BLA MA YI DAM DKON MCHOG GSUM, ,DPA' BO MKHA' 'GRO CHOS SKYONG LHA'I DGE BSNYEN, ,MNYES PHYIR 'BUL GYI DNGOS GRUB STZAL DU GSOL, ,TSOGS RDZAS 'GYED, AA HO MAH'A SU KHA, ZHES LONGS SPYAD, LHAG RE BSDUS PA, TING 'DZIN SNGAGS DANG PHYAG RGYAS BYIN BRLABS PA'I, ,ZAG MED BDE STER TSOGS MCHOD LHAG RGYA MTSO, ,SKAL CHAD LHAG MGRON 'BYUNG PO'I TSOGS LA BSDO, 'DOD RGU'I CHAR GYIS TSIM NAS SANGS RGYAS SHOG ,CES PHYIR BTAD, DE NAS BSNGO SMON DANG YI DAM GYI SHIS BRJOD BYA'O,,SMRAS PA, AA TI SHA DANG 'JAM DPAL SNYING PO YI, ,RJES ZHUGS GSAR RNYING BKA' GDAMS SKYONG BA'I LHA, ,NE SER PHYING DKAR JO BO'I RJES GNANG 'DI, ,BLO RMONGS SNYING MUN SEL BA'I SGRON ME YIN, ,CES NE SER JO BO CHEN PO'I RJES GNANG BYA TSUL 'DI YANG 7 SKYABS MGON SKU GONG MA'I
, ,GSUNG GZHIR BZHAG PA LA BDAG GI DPAL LDAN BLA MA DAM PA DKA' CHEN RIN PO CHE DE NYID KYI PHYAG LEN GYIS MDZES PAR BYAS NAS SKAL MNYAM BLO RMONGS RNAMS GYIS LAG LEN BDE BAR BYA BA'I PHYIR BAN RGAN DHA RMA BHA DRAS SPRE'U'I LOR RI KHROD DGA' LDAN RTZE'I SPONG KHANG DU SBYAR BA'O,, MANGGALAm,, 'DI'I BRGYUD BA NI SKYABS MGON GONG MA, YONGS 'DZIN YON TAN RGYAL MTSAN, YONGS 'DZIN BLO BZANG TSUL KHRIMS, LEGS GLING DKA' CHEN RIN PO CHE YE SHES BKRA SHIS DPAL BZANG PO; DES DHARMA DRA LA 'O,, ,,*,SDE DGE'I PAR RKOS PADMAS PAR DU BSGRUBS PA ZHAL GRO,, ,,