*, ,LHA CHEN TSANGS PA ZHI DRAG DANG NE SER RJO BO CHEN PO'I RJES GNANG GTOD TSUL BLO RMONGS SNYING GI MUN SEL ZHES BYA BA BZHUGS,,
, ,NA MO GU RU BDZRA BHEE RA W'A YA, 'DIR LHA CHEN TSANGS PA ZHI DRAG GI RJES GNANG JI LTAR BYA TSUL NI, GNAS GTZANG MAR STEGS BU'I KHAR MANYDZI LA BSKYED GTOR DMAR PO ZUR GSUM PA DKAR DMAR GYI RGYAN LDAN LA SKU RTEN TZAK LI GTOR GDUGS KYIS SPRAS PA, MDUN DU 'BUL GTOR ZLUM PO, BDAG MDUN GYI MCHOD PA, GSUNG RTEN GLEGS BAM, THUGS RTEN ME LONG HR'I: DKAR DMAR GYIS MTSAN PA, YON TAN GYI RTEN SHEL DKAR PO, 'PHRIN LAS KYI RTEN GRI RING DANG NOR GZHONG, TZANdAN GYI BDE DANG ZHAGS DMAR, LAS BUM RDOR DRIL ME NAS SOGS YO BYAD RNAMS TSANG BAR BSHAMS, THOG MAR YI DAM GYI BDAG BSKYED RGYAS BSDUS CI RIGS BTANG, DE NAS, BUM PA'I NANG DU NYI MA LA H'Um YIG GI MTHAR BZLA BYA'I SNGAGS KYIS BSKOR BA LAS 'OD ZER 'PHROS, PHYOGS BCU'I SANGS RGYAS BYANG SEMS
, ,THAMS CAD KYI BYIN RLABS NUS MTHU THAMS CAD 'OD ZER KYI RNAM BAR BSDUS TE BUM CHU LA THIM PAR GYUR, HR'I: sht'I: BZLA, SNGAGS 'KHOR YANG 'OD DU ZHU NAS BUM CHU LA THIM PAR GYUR, CES BSANG CHU BSGRUB, DE NAS PHYI NANG GI MCHOD PA DANG GTOR MA BYIN GYIS BRLABS LA RTEN LAS SNGAGS KYIS BSANGS, SVA BH'A WAS SBYANGS, STONG PA'I NGANG LAS BHR'Um LAS RIN PO CHE'I GZHAL YAS KHANG GI NANG DU RTA MCHOG SPRIN GYI SHUGS CAN GYI STENG DU, HR'I: YIG DKAR PO YONGS SU GYUR PA LAS, LHA CHEN TSANGS PA CHEN PO SKU MDOG DKAR PO ZHAL GCIG PHYAG GNYIS PA, PHYAG GA-YAS SHEL DKAR GYI GRI RING 'PHYAR ZHING, GA-YON NOR GZHONG DANG ZHAGS MDUD BSNAMS PA, SPYAN GSUM HUR BAG TU GZIGS SHING KHRO 'DZUM SGEG PA'I NYAMS DANG LDAN BA, RIN PO
CHE'I RGYAN DANG DUD THOD KYIS SPRAS SHING GSER GYI KHRAB RMOG DANG SAG LHAM GSOL BA, DE'I THUGS KA NAS MDUN DU HR'I: DMAR SMUG CHAD PA LAS RTA MCHOG RAG BA'I STENG DU, LHA CHEN TSANGS PA DRAG PO SKU MDOG DMAR SMUG DMAR LA ZLUM PA'I SPYAN GSUM DANG LDAN PA'I ZHAL GCIG PHYAG GNYIS PA, PHYAG GA-YAS TZDAN NA GYI BENG CHEN DANG, GA-YON BTZAN ZHAGS DMAR PO BSNAMS PA, SMIN MA DANG SMAR DMAR SER 'KHYUG CING ZHAL MCHE BA GTZIGS PA, DAR LJANG GI STOD GA-YOGS DANG ZA 'OG GI BER CAN, BSE'I KHRAB RMOG DANG SAG LHAM GSOL BA, GTUM DRAG RNGAMS PA'I TSUL GYIS ME DPUNG RAB TU 'BAR BA'I KLONG NA DAM CAN RGYA MTSO'I TSOGS KYIS BSKOR NAS BZHUGS PA'I SPYI BOR AOm DKAR PO, MGRIN BAR A'A: DMAR PO, THUd KAR H'Um SNGON POS MTSAN PAR GYUR, THUd KA'I H'Um LAS 'OD 'PHROS PAS, LA MO BYANG CHUB LCOG LA SOGS PA NAS LHA CHEN TSANGS PA ZHI DRAG 'KHOR DANG BCAS PA SPYAN DRANGS, KYEE: CHOS DBYINGS BDE BA CHEN PO'I PHO BRANG NAS, ,SPRUL PA'I GAR MDZAD LHA YI DGE BSNYEN CHE, ,BSTAN PA SRUNG ZHING RNAL 'BYOR BU BZHIN DU, ,SKYONG MDZAD DGRA LHA CHEN PO GSHEGS SU GSOL, ,AE HYE HI, DZA: H'Um BAm HO: DAM TSIG PA DANG GNYIS SU MED PAR GYUR, AOm MH'A BRAHMA nA SA PA RI W'A RA AARGHAm NAS, SHA PTA PRA T'I TZTSA H'Um SV'A H'A'I BAR DANG, AOm A'A: H'Um, BTAGS
, ,PAS NANG MCHOD, RGYAL BA KUN GYI GSANG BA MA LUS PA, ,GCIG BSDUS SPRUL PA'I GAR MDZAD RDO RJE 'DZIN, ,PADM'A KA RA'I DGE BSNYEN TSANGS PA CHER, ,LUS NGAG YID GSUM GUS PAS PHYAG 'TSAL LO, ,ZHES BSTOD, AOm BDZRA THANG KA RA MUN NYID KHU SHA LE SV'A H'A, ZHES BZLA, CHOS SKYONG 'KHOR BCAS RNAMS KYI LJAGS 'OD ZER GYI SBU GUS GTOR MA DRANGS TE GSOL BAR GYUR, AOm MH'A PRAHMA nA SA PA RI W'A RA AI DAm BA LIm TA KHA KHA KH'A HI KH'A HI, LAN GSUM, SNGAR BZHIN MCHOD BSTOD, LHA CHEN TSANGS PA ZHI DRAG GIS, ,SKU GSUNG THUGS KYI YON TAN RNAMS, ,GZHAN PHYIR MNGON DU MDZAD PA BZHIN, ,SLOB MA RNAMS LA STZAL DU GSOL, ,ZHES LAN GSUM GSOL BA GDAB, DE NAS SLOB MA RNAMS KYIS KHRUS PHYAG MAndAL PHUL, SLOB DPON GYIS, 'O; NAM MKHA' DANG MNYAM PA'I SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I CHED DU DAM PA'I CHOS ZAB MO GSAN DGONGS PA BYANG CHUB KYI MCHOG TU THUGS BSKYED PA GSAL BTAB NAS GSAN PAR ZHU, GSAN BYA'I CHOS NI, SANGS RGYAS SNANG BA MTHA' YAS NGUR SMRIG 'DZIN PA'I DGE SLONG GI GAR DU ZLOS PA RJE BTZUN BLO BZANG DPAL LDAN YE SHES DPAL BZANG POS, GANG DANG NGO BO GCIG LA LDOG PA THA DAD KYI TSUL DU BSTAN PA LHA CHEN TSANGS
PA DUD GI THOR TSUGS 'CHANG BA LA BKA' LUNG JI LTAR STZAL BA LTAR, ,LHA CHEN NYID RANG RTEN GYI KHOG TU ZHUGS TE BKA'I PHO NYA DGE SLONG RDO RJE'I MTSAN CAN DANG, RDO RJE 'DZIN PA BLO BZANG RAB RGYAS ZUNG LA SNGA PHYIR RJES GNANG SROG GTAD JI LTAR STZAL BA DAG SNGA MAS ZHE HOR DU YI GE RIS SU BKOD PA DANG PHYI MAS BDAG CAG GI DPAL LDAN BLA MA DAM PA DKA' CHEN RIN PO CHE YE SHES BKRA SHIS DPAL BZANG PO'I ZHAL SNGA NAS LA MAN NGAG TU STZAL BA GNYIS GUNG BSGRIGS TE LHA CHEN TSANGS PA ZHI DRAG GI RJES GNANG ZAB MO 'BUL BA YIN PAS, THOG MAR GNAS KHANG GZHAL YAS KHANG DANG SLOB DPON DPAL RDO RJE 'JIGS BYED CHEN POR MOS PA LA GSOL BA 'DEBS PA 'DI'I RJES ZLOS MDZOD, KUN MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,DE RING BSHAD PA'I RIN CHEN GTER, ,GTZO BOS BDAG LA BKA' DRIN STZOL, ,LAN GSUM, RGYUD DAG PA'I SLAD DU MDUN BSKYED GNAS SU LHA CHEN TSANGS PA ZHI DRAG 'KHOR DANG BCAS PA LA BLA MA YI DAM SANGS RGYAS BYANG SEMS MKHA' 'GRO CHOS SRUNG GIS BSKOR NAS BZHUGS PA'I SPYAN SNGAR SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU RGYAL SRAS KYI SPYOD PA RNAMS LA TSUL BZHIN DU BSLAB PAR BYA'O SNYAM PAS YAN LAG BDUN GYI SGO NAS SMON 'JUG GI SEMS BSKYED PA 'DI'I RJES ZLOS MDZOD, DKON MCHOG GSUM LA BDAG
, ,SKYABS MCHI, NAS; 'GRUB PAR SHOG ,LAN GSUM, RJES GNANG GI GZHI DGOD PA'I SLAD DU SLOB MA RNAMS LAS SNGAGS KYIS BSANGS, SVA BH'A WAS SBYANGS, STONG PA'I NGANG LAS SLOB MA RNAMS KYI GO SAR BHR'Um LAS RIN PO CHE'I GZHAL YAS KHANG GI NANG DU, RTA MCHOG SPRIN GYI SHUGS CAN GYI STENG DU HR'I: YIG DKAR PO YONGS SU GYUR PA LAS, SLOB MA RNAMS LHA CHEN TSANGS PA CHEN PO, ZHES PA NAS, THUGS KAR H'Um SNGON POS MTSAN PAR GYUR, CES PA'I BAR GYIS BSKYED, DNGOS GZHI LA LNGA LAS, DANG PO SKU'I RJES GNANG DANG SROG GTAD GYI SLAD DU GSOL BA 'DEBS PA 'DI'I RJES ZLOS MDZOD, RDO RJE 'DZIN PA DGONGS SU GSOL, ,BDAG LA TSANGS PA ZHI DRAG GI ,SKU YI RJES GNANG STZAL DU GSOL, ,SKU YI SROG GTAD STZAL DU GSOL, ,LAN GSUM, SKU RTEN GTOR MA SLOB MA'I MGOR BZHAG STE, LHA CHEN TSANGS PA ZHI DRAG GI SKU LAS 'OD ZER 'PHROS, PHYOGS BCU'I RGYAL BA SRAS BCAS KYI SKU'I BYIN RLABS THAMS CAD BDUD RTZI 'OD ZER DKAR PO'I RNAM PAR SPYAN DRANGS, LHA CHEN TSANGS PA ZHI DRAG LA THIM, DE LAS BDUD RTZI DKAR PO'I RGYUN BABS, PA SLOB MA LHAR GSAL BA'I SPYI BOR THIM PAS; LHA CHEN TSANGS BA ZHI DRAG GI SKU'I RJES GNANG DANG SROG GTAD THOB PA'I MOS PA MDZOD, AOm MAH'A BRAHMA nA SA PA RI W'A RA K'A YA SIDDHI AOm, ZHES BRJOD, GNYIS PA GSUNG GI RJES GNANG DANG SROG GTAD KYI SLAD DU SKU YI
ZHES PA GSUNG GI ZHES PAR BSGYUR NAS LAN GSUM GSOL BA GDAB, GSUNG RTEN GLEGS BAM SLOB MA'I LAG TU GTAD DE, GLEGS BAM GYI YIG 'BRU LAS 'OD ZER 'PHROS BCU'I RGYAL BA SRAS BCAS KYI GSUNG GI BYIN RLABS THAMS CAD BDUD RTZI 'OD ZER DMAR PO'I RNAM PAR SPYAN DRANGS, GLEGS BAM LA THIM, DE LAS BDUD RTZI DMAR PO'I RGYUN BABS PA, SLOB MA LHAR GSAL BA'I MGRIN PAR THIM PAS, LHA CHEN TSANGS PA ZHI DRAG GI GSUNG GI RJES GNANG DANGS SROG GTAD THOB PA'I MOS PA MDZOD, AOm MAH'A BRAHMA nA SA PA RI W'A RA W'A KA SIDDHI A'A: ZHES BRJOD, GSUM PA THUGS KYI RJES GNANG DANG SROG GTAD KYI SLAD DU, THUGS KYI ZHES PAR BSGYUR NAS LAN GSUM GSOL BA GDAB, THUGS RTEN ME LONG SLOB MA'I LAG TU GTAD DE, ME LONG GI SA BON LAS 'OD ZER 'PHROS, PHYOGS BCU'I RGYAL BA SRAS BCAS KYI THUGS KYI BYIN RLABS THAMS CAD BDUD RTZI 'OD ZER SNGON PO'I RNAM PAR SPYAN DRANGS ME LONG LA THIM, DE LAS BDUD RTZI SNGON PO'I RGYUN BAB PA, SLOB MA LHAR GSAL BA'I SNYING GAR THIM PAS, LHA CHEN TSANGS PA ZHI DRAG GI THUGS KYI RJES GNANG DANG SROG GTAD THOB PA'I MOS PA MDZOD, AOm MAH'A BRAHMA nA SA PA RI W'A RA TZITTA SIDDHI H'Um, ZHES BRJOD, BZHI PA YON TAN GYI RJES GNANG DANG SROG GTAD KYI SLAD DU, YON TAN ZHES PAR BSGYUR NAS LAN GSUM GSOL BA GDAB, YON TAN GYI RTEN
, ,SHEL DKAR SLOB MA'I LAG TU GTAD DE, SHEL DKAR LAS 'OD ZER 'PHROS, PHYOGS BCU'I RGYAL BA SRAS BCAS KYI YON TAN GYI BYIN RLABS THAMS CAD BDUD RTZI 'OD ZER SER PO'I RNAM PAR SPYAN DRANGS, SHEL DKAR LA THIM, DE LAS BDUD RTZI GER PO'I RGYUN BABS PA, SLOB MA LHAR GSAL BA'I LTE BAR THIM PAS, LHA CHEN TSANGS PA ZHI DRAG GI YON TAN GYI RJES GNANG DANG SROG GTAD THOB PA'I MOS PA MDZOD, AOm MAH'A BRAHMA nA SA PA RI W'A RA GU NA SIDDHI SV'A, ZHES BRJOD, LNGA BA 'PHRIN LAS KYI RJES GNANG DANG SROG GTAD KYI SLAD DU, 'PHRIN LAS ZHES PAR BSGYUR NAS LAN GSUM GSOL BA GDAB, 'PHRIN LAS KYI RTEN PHYAG MTSAN GYI TZAK LI SLOB MA'I LAG TU GTAD DE, PHYAG MTSAN LAS 'OD ZER 'PHROS, PHYOGS BCU'I RGYAL BA SRAS BCAS KYI 'PHRIN LAS KYI BYIN RLABS THAMS CAD, BDUD RTZI 'OD ZER LJANG GU'I RNAM PAR SPYAN DRANGS, PHYAG MTSAN LA THIM, DE LAS BDUD RTZI LJANG GU'I RGYUN BABS PA, SLOB MA LHAR GSAL BA'I GSANG GNAS SU THIM PAS, LHA CHEN TSANGS PA ZHI DRAG GI 'PHRIN LAS KYI RJES GNANG DANG SROG GTAD THOB PA'I MOS PA MDZOD, AOm MAH'A BRAHMA nA SA PA RI W'A RA KARMA SIDDHI H'A, ZHES BRJOD, MJUG CHOG LHA BSTIM BA'I RJES GNANG NI, GTOR RTEN SLOB MA'I MGOR BZHAG STE, RTZA BRGYUD KYI BLA MA YI DAM SANGS RGYAS BYANG SEMS MKHA' 'GRO CHOS SRUNG SPYI DANG, KHYAD PAR DU LHA CHEN
TSANGS PA ZHI DRAG 'KHOR DANG BCAS PA KHYED RNAMS LA SLOB MA 'DI RNAMS GNYER DU GTAD PA YIN PAS, NYIN GSUM GYI BYA RA DANG MTSAN GSUM GYI MEL TSE GA-YEL MED DU MDZAD NAS, BYANG CHUB SGRUB PA'I 'GAL RKYEN BAR CHAD THAMS CAD SRUNGS, MTHUN RKYEN LEGS TSOGS THAMS CAD SPEL, ZHI RGYAS DBANG DRAG GI 'PHRIN LAS GANG BCOL BA THAMS CAD THOGS PA MED PAR SGRUB PAR SGRUB PAR MDZAD DU GSOL, ,ZHES GSOL BA BTAB PAS GTOR MA'I LHA 'OD DU ZHU NAS SLOB MA RNAMS LA THIM PAR GYUR, SNGAGS KYI MTHAR DZA: H'Um BAm HO: BRJOD CING DRIL BU GSIL, SLOB MA RNAMS KYIS KYANG MCHOD GTOR CHAG MED DU 'BUL BA SOGS DAM TSIG RNAMS LEGS PAR BSRUNG SNYAM PAS 'DI'I RJES ZLOS MDZOD, ,GTZO BOS JI LTAR BKA' STZAL PA, ,DE DAG THAMS CAD BDAG GIS BGYI, ,LAN GSUM, MAndAL PHUL, LEGS TSOGS THAMS CAD KYI RTZA BA BLA MA LA, RANG NYID BRAN DU 'BUL BA 'DI'I RJES ZLOS MDZOD, ,DENG NAS BRTZAMS TE BDAG BRAN DU, ,KHYED LA BDAG NI 'BUL LAGS KYIS, ,KHYED KYIS SLOB MAR GZUNG BA DANG, ,CHA YIS KYANG NI SPYAD DU GSOL, ,LAN GSUM, BSNGO SMON SHIS BRJOD BYAS LA LAS KYI RJES MI MNGON PAR BYA'O,, ZHES LHA CHEN TSANGS PA ZHI DRAG GI RJES GNANG JI LTAR BYA TSUL GSAL BAR BSHAD PA 'DI NI, BDAG CAG GI DPAL LDAN BLA MA DAM PA DKA' CHEN RIN PO CHE DE NYID NAS DGE SLONG BLO BZANG RDO RJE'I MTSAN CAN DANG, RDO RJE 'DZIN PA BLO BZANG
, ,RAB RGYAS GNYIS KAS LA MO CHOS SKYOD CHEN PO DNGOS NAS THOB PA'I PHYAG LEN SNGA PHYI GUNG BSGRIGS TE STZAL BA JI LTA BA BZHIN SLOB MA'I CHAR GTOGS DGE SLONG DHARMA BHA DRAS YI GER BRIS PA'O, ,BI SHUDDHA,,