` ,,NA MO GU RU BEE SHRA WA nA YE, RGYAL CHEN RNAM THOS SRAS KYI RJES GNANG BYA TSUL NI, YID MTHUN GYI GNAS SU STEGS KYI KHAR SNA TSOGS PADMA 'DAB BRGYAD MU KHYUD DANG BCAS PA'I LTE BAR TSOM BU SER PO BKOD, DE'I STENG DU RTEN GTOR KHANG BZANG GSUM BRTZEGS 'KHOR SA RIM PA GSUM LDAN NAM, ZLUM GTOR GTZO 'KHOR DGU PA GANG RUNG RGYAN LDAN LA TZAK LI BTZUGS PAR DAR SER GYI GUR PHUB; DE'I MDUN DU 'BUL GTOR, MTHA' SKOR DU CHU BZHI NYER SPYOD SOGS MCHOD RDZAS SPYAN GZIGS GANG 'DZOM DANG, RANG GI MDUN DU RDOR DRIL, LAS BUM, 'THOR 'BRU SOGS DGOS PA'I YO BYAD RNAMS TSAR DU DNGAR, DE NAS, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BDAG DANG GZHAN DON BSGRUB SLAD DU, ,BDAG GIS BYANG CHUB SEMS BSKYED DO, ,LAN GSUM, SH'U N+YA T'ASA SBYANGS, STONG PA'I NGANG LAS HR'I: LAS PADMA DANG, AA LAS ZLA BA'I STENG DU H'Um LAS RDO RJE H'Um GIS MTSAN PA YONGS SU GYUR PA LAS RANG NYID DPAL PHYAG NA RDO RJE SKU MDOG MTHING NAG ZHAL GCIG PHYAG GNYIS, GA-YAS RDO RJE RTZE
, ,LNGA PA 'PHYAR ZHING GA-YON THUGS KAR SDIGS MDZUB GDENGS PA, RIN PO CHE'I COD PAN DANG SPRUL GYIS BRGYAN CING DAR SNGON GYI STOD GA-YOGS DANG STAG LPAGS KYI SHAM THABS CAN KHRO BO'I NYAMS THAMS CAD YONGS SU RDZOGS PA, ZHABS GA-YAS BSKUMS SHING GA-YON BRKYANGS PA'I STABS KYIS YE SHES KYI ME 'BAR BA'I DBUS NA BZHUGS PA'I DPRAL BAR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS, YE SHES PA DANG DBANG LHA SPYAN DRANGS, DZA: H'Um BAm HO: GNYIS SU MED PAR GYUR, DBANG LHAS DBANG BSKUR, MI BSKYOD PAS DBU BRGYAN PAR GYUR, AOm N'I LAm BA RA DH'AR BDZRA P'A nI AARGHAm, NAS; SHAPTA PRA T'I TZTSA SV'A H'A'I BAR GYIS MCHOD, PHYAG NA RDO RJE KHRO BO CHE, ,GTUM PO DRAG PO RDO RJE'I SKU, ,MI BZAD NAM MKHA'I MDOG 'DRA BA, ,'JOMS MDZAD KHYOD LA PHYAG 'TSAL LO, ,RANG GI THUGS KAR ZLA GDAN LA H'Um YIG SNGAGS 'PHRENG DANG BCAS PAR GYUR, AOm N'I LAm BA RA DHA RA BDZRA P'A nI H'Um PHAGS, CES YI GE BCU GSUM PA BZLA, DGE BA 'DI YIS MYUR DU BDAG ,PHYAG NA RDO RJE 'GRUB GYUR NAS, ,ZHES SOGS KYIS DGE BA BSNGO; DE NAS, AOm AA MRi TA KUndA LI HA NA HA NA H'Um PHAGS KYIS BSANG CHU BSGRUB, MCHOD GTOR RNAMS GTOR CHOG DNGOS GRUB BANG MDZOD LTAR BYIN GYIS BRLAB, RTEN AA MRi TAS BSANGS, SVA BH'A WAS SBYANGS, STONG PA'I NGANG LAS
RANG GI MDUN DU BH'Um LAS RIN PO CHE'I GZHAL YAS KHANG, ZHES PA NAS, GNAS 'DI NYID DU GSHEGS SU GSOL, ,ZHES PA'I BAR DANG, AOm BEE SHRA WA nA YE SA PA RI W'A RA DZA: DZA: DZA: ZHES PA NAS, 'DOD RGU'I CHAR 'BEBS KHYOD LA PHYAG 'TSAL LO, ,ZHES PA'I BAR BRJOD, BZLAS DMIGS GSAL BTAB NAS SNGAGS RNAMS CI NUS BZLA, CHOS SKYONG 'KHOR DANG BCAS PA'I LJAGS H'Um LAS SKYES PA'I RDO RJE DKAR PO RTZE GCIG PA 'OD KYI SBU GU CAN DU GYUR, AOm BEE SHRA WA nA YE SA PA RI W'A RA YI DAm BA LIm TA KHA KHA KH'A HI KH'A HI, LAN BDUN GYIS GTOR MA PHUL, AOm BEE SHRA WA nA YE SA PA RI W'A RA PRO KshA n'Am, NAS; SHAPTA PRA T'I TZTSA YE A'A: H'Um GI BAR GYIS MCHOD, H'Um; MI 'JIGS SENG GE'I GDAN STENG NA, ,ZHES PA NAS, GZHAN DON LHUN GYIS GRUB PAR MDZOD, ,CES PA'I BAR GYIS BSTOD PAR BYA'O, ,DE NAS MTSAN LDAN GYI SLOB MA RNAMS KHRUS BYAS, PHYAG DANG MAndAL PHUL TE 'KHOD PA LA, SPYI DANG BYE BRAG GI CHOS BSHAD SNGON DU 'GRO BAS, BLA MA DPAL PHYAG NA RDO RJER MOS NAS RJES GNANG GI DON DU, GNOD SBYIN GTER SKYONG RIN CHEN LTA BU'I SKU, ,CHE MCHOG BSAM GYIS MI KHYAB YON TAN RDZOGS, ,SGRUB MCHOG BDAG LA MCHOG DANG MTHUN MONG GI ,DNGOS GRUB MA LUS DUS 'DIR STZAL DU GSOL, ,ZHES LAN GSUM GSOL BA GDAB, DKON MCHOG GSUM LA BDAG SKYABS MCHI, ZHES SOGS LAN GSUm GYIS
, ,BYANG SDOM 'BOG ,DE NAS SLOB MA RNAMS AA MRi TAS BSANGS, SH'U N+YA TAS SBYANGS, STONG PA'I NGANG LAS SLOB MA RNAMS KYI GO SAR HR'I: LAS PADMA DANG, AA LAS ZLA BA'I STENG DU SLOB MA RNAMS KYI SEMS NYID H'Um LAS RDO RJE H'Um GIS MTSAN PA YONGS SU GYUR PA LAS SLOB MA RNAMS RE RE NAS DPAL PHYAG NA RDO RJE, ZHES PA NAS, MI BSKYOD PAS DBU BRGYAN PAR GYUR, CES PA'I BAR GYIS YAN LAG BZHI RDZOGS SU BSKYED, DE NAS DNGOS GZHI SKU LHA BSGOM PA'I RJES GNANG NI, MDUN GYI GTOR RTEN 'DI NYID SNGON DU BSKYED CHOG GRUB ZIN PA LTAR RGYAL CHEN RNAM THOS SRAS 'KHOR DANG BCAS PAR DED KYI CHO GA'I TSIG RIS DANG MTHUN PAR GSAL BTAB STE BSGOM PAR MDZOD, MDUN GYI GTOR RTEN 'DI NYID RIN PO CHE'I GZHAL YAS KHANG GRU BZHI SGO BZHI +, RIN PO CHE'I RVA BA GRU BZHI PAS BSKOR BA, PHO BRANG DBUS MA'I STENG DU RTZA BRGYUD KYI BLA MA, BAR DU YI DAM PHYAG NA RDO RJE'I LHA TSOGS, 'OG MA'I NANG DU SNA TSOGS PADMA 'DAB MA BRGYAD PA'I LTE BAR ZLA BA'I DKYIL 'KHOR GYI STENG DU, RGYAL PO CHEN PO NGAL BSOS PO +, THUGS KAR H'Um SNGON POS MTSAN PAR GYUR, NGA SLOB DPON BDAG NYID DPAL PHYAG NA RDO RJER GSAL BA'I THUGS KA'I H'Um LAS 'OD ZER 'PHROS PA'I SNE LA +,SKAD CIG GIS SPYAN DRANGS TE, MDUN BSKYED KYI LHA TSOGS RNAMS LA THIMS
PAS; DE NYID KHYED RANG RNAMS DPAL PHYAG NA RDO RJER GSAL BA'I BKA' NYAN GSUNG SGRUB KYI BRAN DANG, 'DOD RGU'I DNGOS GRUB STZOL BA'I CHOS SKYONG CHEN POR GYUR PA'I MOS PA MDZOD, SBYAR SPOS BSREG ,DRIL GSIL DANG BCAS, BE; SA 'DZIN DBANG PO'I BYANG GI PHYOGS +,GNAS 'DI NYID DU GSHEGS SU GSOL, ,AOm BEE SHRA WA n'A YE SA PA RI W'A RA SA MA YA DZA: DZA: DZA: DZA: H'Um BAm HO: GNYIS SU MED PAR GYUR, CES BRJOD, DE NAS KHYED RANG RNAMS PHYAG NA RDO RJER GSAL BAS MDUN BSKYED KYI SPYI BOR RIN PO CHE'I DBU RGYAN BCINGS TE CHOS SKYONG GI GTZO BOR DBANG BSKUR BAR BSAm LA, RIN PO CHE'I PHYAG RGYA DANG BCAS, AOm RATNA MU KU tA AA BHI shI NYTZA MAm, ZHES BRJOD DU GZHUG ,YANG SNYING GA NAS MCHOD LHA SPROS TE MCHOD BSTOD BYAS PA'I MOS PA GYIS, AOm BE SHRA WA nA YE SA PA RI W'A RA PRO Ksh'A n'Am NAS, SHAPTA PRA T'I TZTSA YE A'A: H'Um GI BAR DANG, H'Um; MI 'JIGS SENG GE'I GDAN STENG NA, ,ZHES SOGS SHLO KA GNYIS KYIS BSTOD DU GZHUG GO ,DE NAS GSANG SNGAGS BZLA BA'I RJES GNANG NI, SLOB DPON DPAL PHYAG NA RDO RJER GSAL BA'I THUGS KA'I H'Um LAS 'OD ZER 'PHROS, MDUN BSKYED KYI RGYAL PO'I THUGS RGYUD BSKUL, THUGS KA'I RDO RJE'I LTE BA'I BEE LAS SNGAGS 'PHRENG SER PO RIN PO CHE 'BAR BA'I 'PHRENG BA LTA BU BYUNG BA ZHAL NAS THON, SLOB MA RNAMS DPAL PHYAG NA RDO RJER GSAL BA'I
, ,NAS ZHUGS TE SNYING GA'I H'Um LA THIMS, SLAR H'Um NAS THON PA SLOB MA'I LTE BA NAS RGYAL PO'I LTE BA BRGYUD DE SNGAGS 'PHRENG 'KHOR LO LTAR 'KHOR BA LAS 'OD ZER DMAR PO LCAGS KYU LTA BU 'PHROS, 'PHAGS PA MCHOD, SEMS CAN GYI DBUL PHONGS BSAL, 'JIG RTEN KHAMS KYI DNGOS GRUB THAMS CAD BSDUS TE SNGAGS 'PHRENG LA THIMS, MTHAR SNGAGS 'PHRENG SLOB MA'I SNYING GA'I H'Um LA THIMS PAR MOS LA, GZUNGS RING DANG GTZO 'KHOR GYI SNYING PO RNAMS TSAR GSUM RE'I RJES ZLOS BYA, SLOB MAS SLOB DPON LA ME TOG 'THOR ZHING, BCOM LDAN BDAG LA STZAL LAGS KYI, ,BDAG LA 'GO BAR MDZAD DU GSOL, GSUM, SLOB DPON GYIS BGRANG 'PHRENG DAM ME TOG SLOB MA'I SPYI BOR BZHAG LA, BCOM LDAN 'DI LA STZAL LAGS KYI, ,'DI LA 'GO BAR MDZAD DU GSOL, ,ZHES PAS DNGOS GRUB BRTAN PAR BYA'O DE NAS THUGS GTOR MA'I RJES GNANG NI, GONG BZHIN MDUN BSKYED LA MCHOD BSTOD BYED DU BCUG RJES GTOR MA SLOB MA'I LAG TU GTANG DE, CHOS SKYONG BA'I RGYAL PO RNAM THOS SRAS BTZUN MO SRAS DANG BCAS PA, BLON PO RTA BDAG BRGYAD, SDE DPON NYI SHU RTZA BRGYAD, STOBS CHEN SUM CU RTZA GNYIS, GNOD SBYIN BYE BA'I TSOGS DANG BCAS PA KHYED RNAMS KYIS RGYAL BA KHYAB BDAG RDO RJE 'CHANG, DPAL
PHYAG NA RDO RJE, SPYOD MDZAD CHOS KYI RDO RJE, DPAL LDAN KUN TU BZANG PO, SLOB DPON 'GRO BZANG SNYING PO, KHA CHE RIN CHEN RDO RJE, KHA CHE DGON PA BA, ZANGS DKAR LO TZ'A BA 'PHAGS PA SHES RAB, GA-YOR PO JO STON RDO RJE RTZE MO, GCUNG BSOD NAMS RIN CHEN, 'BYED PHU BA PADMA BKRA SHIS, LHA RJE LTAG PA JO BZANG, GNUBS LO TZ'A BA BYAMS PA DPAL, BLA CHEN BSOD NAMS DBANG PHYUG ,RGYAL SRAS BSOD NAMS SENG GE ,YANG RTZE BA RIN CHEN SENG GE ,BU STON RIN CHEN GRUB, THUGS SRAS RIN CHEN RNAM RGYAL, RGYAL BA BLO BZANG GRAGS PA, THAMS CAD MKHYEN PA DGE 'DUN GRUB, PAn CHEN YE SHES RTZE MO, ,THAMS CAD MKHYEN PA DGE 'DUN RGYA MTSO; SE RA RJE BTZUN CHOS KYI RGYAL MTSAN, PAn CHEN BDE LEGS NYI MA, SGOM SDE NAM MKHA' RGYAL MTSAN, PAn CHEN BLO BZANG CHOS KYI RGYAL MTSAN, RDO RJE 'DZIN PA DKON MCHOG RGYAL MTSAN, HOR DKAR CHEN BLO BZANG DON GRUB, PAn CHEN BLO BZANG YE SHES, GRUB DBANG BLO BZANG BZOD PA, PAn CHEN BLO BZANG DPAL LDAN YE SHES, SENG CHEN BLO BZANG DPAL 'BYOR, RTZA BA'I BLA MA RJE BTZUN DAM PA BLO BZANG BSKAL BZANG CHOS RGYAL DPAL BZANG PO RNAMS KYI BKA' DANG DAM LAS MA 'DA' BAR, RIG PA 'DZIN PA 'DI RNAMS KYI LUS DANG GRIB MA BZHIN DU 'GROGS LA DENG NAS BYANG CHUB BAR DU 'GAL RKYEN BAR GCOD THAMS CAD SRUNGS, MTHUN
, ,RKYEN LEGS TSOGS THAMS CAD SPEL, ZHI RGYAS DBANG DRAG GI 'PHRIN LAS THAMS CAD BSGRUB PAR MDZAD DU GSOL, ZHES BRJOD, MJUG TU, DE LTAR RJES GNANG THOB PA'I SPANG BYA'I DAM TSIG RE NAG GDAN DU MI 'DING, YUG ZAS DANG GAS CHAG CAN GYI SNOD DU MI ZA, RTA RO DANG MI RO LA 'DZEM PA SOGS DANG, BLANG BYA'I DAM TSIG PHYI RTEN RTA SNGON PO, ,NANG RTEN LUNG THANG GI 'PHRING BA, GSANG RTEN BEE YIG SNGAGS RDZAS DANG BCAS PA 'CHANG BA SOGS YIN PAS DE RNAMS LA SPANG BLANG TSUL BZHIN DU BYED SNYAm PAS 'DI'I RJES ZLOS GYIS, GTZO BOS JI LTAR BKA' STZAL PA, ZHES SOGS GSUM BYA, GTANG RAG TU LUS BRAN DU 'BUL BA 'DI'I RJES ZLOS GYIS, DENG NAS BRTZAMS TE BDAG BRAN DU, ,ZHES SOGS KYI DE NAS MAndAL, MCHOD BSTOD, YIG BRGYA, BZOD GSOL, GSHEGS BSDU, BSNGO SMON, SHIS BRJOD BCAS BYA'O,