, ,MGON PO PHYAG DRUG PA'I BSNYEN YIG MDOR BSDUS GNAD TSANG DANG GSHIN RJE CHOS KYI RGYAL PO'I BSNYEN YIG BZHUGS, 'DI 'JIGS BYED KYI DBANG DANG CHOS RGYAL GYI RJES GNANG MA THOB PA'AM, THOB KYANG DAD PA DANG MI LDAN PA RNAMS LA BSTAN NA ZA BYED LAS KYI GSHIN RJES CHAD PAS GCOD PAR GYUR CIG ,
, ,NA MO GU RU MAH'A K'A L'A YA, SKYABS GNAS KUN 'DUS BLA MA MGON PO LA, ,GUS PAS BTUD NAS DE NYID BSNYEN PA'I TSUL, ,SHIN TU MDOR BSDUS GNAD TSANG GO BDE BAR, ,'CHAD LA BLO GSAL DON GNYER GUS PAS NYON, ,DE YANG MYUR MDZAD YE SHES KYI MGON PO PHYAG DRUG PA'I BSNYEN PA BYA TSUL NI, LAM MTHUN MONG BAS RGYUD SBYANGS SHING BLA MED KYI DBANG THOB NAS DAM SDOM LA GNAS PA, YI DAM LHA'I BSNYEN PA SONG ZHING MGON PO 'DI'I RJES GNANG DANG GTOR CHOG GI LUNG THOB PA'I SGRUB PA POS, DUR KHROD DAM RANG GI SGRUB KHANG SOGS YID DANG MTHUN PA'I GNAS SU, GZA' SKAR TSES GRANGS BZANG BAR GNAS KHANG LA BYI DOR LEGS PAR BYAS LA, MAndAL DANG GTOR MA'I BSGRUB GZHI LA MI BRTEN PA'I LUGS LTAR
, ,NA; YI DAM DANG MGON PO'I SKU SOGS RTEN RNAMS BSHAMS PA'I MDUN DU MCHOD GTOR DANG, RANG GI MDUN DU NANG MCHOD RDOR DRIL CANG TE'U BGRANG 'PHRENG LAS BUM SOGS DGOS PA'I YO BYAD RNAMS 'DU BYAS LA, PHYI NANG GI MTSAMS BCAD NAS THOR THUN NAS 'GO 'DZUGS NA, STAN LA 'KHOD DE DGE SEMS KHYAD PAR CAN GYI NGANG NAS SKYABS 'GRO SEMS BSKYED SNGON DU 'GRO BAS LHA BZHI DRIL SGRUB DANG 'JIGS BYED LTA BU'I YI DAM GYI BDAG BSKYED RGYAS BSDUS GANG RUNG RGYUN SPYOD KYI LHAR LDANG BA'I BAR BTANG RJES MGON PO'I MCHOD GTOR RNAMS BYIN GYIS BRLABS LA, MKHAS GRUB RJE'I GTOR CHOG LTAR MNGON RTOGS, SPYAN 'DREN, PHYAG 'TSAL, MCHOD 'BUL, BLA MA MGON PO DBYER MED KYI RNAL 'BYOR, GSOL 'DEBS BYIN 'BEBS, GRIB SEL, BSHAGS PA, BSKANG BA, GNANG DBAB KYI RNAL 'BYOR RNAMS SNGON DU 'GRO BAS MGON PO'I SNYING PO DANG, RTZA SNGAGS DANG, 'KHOR
RNAMS KYI SNGAGS KYI BZLAS DMIGS GTOR CHOG LAS GSAL BAR 'BYUNG BA LTAR MA YENGS PAR BZLA, MJUG TU YIG BRGYA, GTOR 'BUL, MCHOD 'BUL, GTOR RDZONGS, BSTOD PA RNAMS BYAS TE, MDUN BSKYED KYI YE SHES PA GSHEGS GSOL DANG RTEN LA BSTIM PA GANG YANG MI BYED PAR MDUN DU KHRA PHUNG NGE BZHUGS PAR GSAM LA THUN MTSAMS KYI BYA BA LA 'JUG ,SNGA THUN DANG DGONGS THUN GNYIS LA YI DAM GYI RNAL 'BYOR DANG LDAN PAS MCHOD GTOR BYIN GYIS BRLABS LA, 'DI NAS BZUNG BSNYEN PA MA TSAR GYI BAR LA MDUN GYI LHA STONG SBYANGS DANG SA BON LAS BSKYED PA MI BYED PAR, MDUN DU PADMA DANG NYI MA'I DKYIL 'KHOR GYI STENG DU, TSOGS BDAG DKAR PO, + GAN RKYAL DU BSGYEL BA, DE'I STENG DU MYUR MDZAD YE SHES KYI MGON PO SKU MDOG MTHING NAG + YE SHES KYI ME RAB TU 'BAR BA'I DBUS NA BZHUGS PA, DE'I GA-YON DU MA GCIG 'DOD PA'I KHAMS KYI DBANG PHYUG MA, + DPAG TU MED PA'I DBUS SU, KshE TRA P'A LA SKU MDOG MTHING NAG, + RO'I GDAN LA DBANG PHYUG DZI NA MI TRA, + RO'I GDAN LA GSHIN RJE tAKKI R'A DZ'A, + LHA MO'I GA-YON DU BDUD MGON TRAKSHAD NAG PO, ZHES SOGS MNGON RTOGS, SPYAN 'DREN, PHYAG 'TSAL, MCHOD 'BUL, GNAD DBAB KYI
, ,RNAL 'BYOR, BZLAS PA, GTOR 'BUL, MCHOD 'BUL, GTOR RDZONGS, BSTOD PA RNAMS RGYAS BSDUS SKABS SBYAR BYAS LA THUN MTSAMS LA 'JUG ,SRONG THUN YANG 'GO NAS MNGON RTOGS PAR THUN PAR PA GNYIS LTAR DANG, SPYAN 'DREN NAS BSTOD PA'I BAR THOR THUN LTAR BYA, DE NAS BZLOG PA, MNGA' GSOL YIG BRGYA, BZOD GSOL, GSOL 'DEBS, BSNGO SMON, BKRA SHIS RNAMS BYAS LA NYAL BA'I RNAL 'BYOR LA 'JUG GO ,BSNYEN TSAD LA MTSAN MA DUS GRANGS GSUM DU BSHAD PA'I GRANGS BSNYEN GYI TSAD NI, BSNYEN SGRUB LAS GSUM GYI RNAM GZHAG DNGOS GRUB 'DOD 'JO LAS, RTZA SNGAGS DANG SNYING PO RAB SA YA BCU RE, 'BRING RTZA SNGAGS 'BUM DANG SNYING PO SA YA BCU, THA MA 'BUM PHRAG BCU'AM, LNGA'AM, GSUM BZLA BAR BYED CING, BYUNG NA 'KHOR SNGAGS KYANG KHRI PHRAG RE BZLA'O, ,ZHES GSUNGS SHING, LHA MO DMAG ZOR MA'I LAS GSUM RNAM GZHAG GNAD DON GSAL BA'I SGRON ME LAS, GLO BUR LAS BCOL GYI GTOR MA 'PHEN PA LTA BU'I LAS PHRAN TSEGS LA 'BUM PHRAG GCIG GIS KYANG CHOG GO ,ZHES GSUNGS PA LTAR NA, 'DIR YANG LAS RUNG TZAM LA SNYING PO 'BUM DANG RTZA SNGAGS DANG 'KHOR SNGAGS KHRI PHRAG RES CHOG GAM SNYAM MO, ,BSNYEN PA TSAR NAS SNGA THUN ZHIG GI BSTOD PA'I MJUG TU, GSAR DU BSHAMS PA'I 'DIR
GSHEGS RGYAN GYI GTOR MA ZUR GSUM DKAR RGYAN CAN, SHA KHRAG DMAR GYI GTOR MA ZUR GSUM SHA KHRAG GIS BRGYAN PA, 'DZAM BU TI BA'I ZHAL ZAS NOR BU 'BAR BA'I DBYIBS CAN RGYAN LDAN, RAKTA LA BZANG DRUG DANG RIN CHEN PHYE MA BDUD RTZI RIL BU BTAB PA'I SMAN RAG ,CHANG LA DE RNAMS BTAB PA'I DZA GAD, JA THANG LA GSER GA-YU DANG SMAN BTAB PA'I GSER SKYEMS TE BZA' BA GSUM DANG BTUNG BA GSUM, PHYI NANG GI MCHOD PA BCAS KHANG STENG SOGS BLA GAB MED PA'I GNAS KYI SHAR LHO'I PHYOGS SU BSGRIGS PA BYIN GYIS BRLABS LA, RANG GI THUGS KHA'I H'Um GI 'OD ZER GYIS SHAR LHO BSIL BA'I TSAL NAS DPAL YE SHES KYI MGON PO 'KHOR DANG BCAS PA SKAD CIG GIS SPYAN DRANGS TE MDUN GYI NAM MKHAR BZHUGS PAR GYUR, H'Um; DUR KHROD CHEN PO BSIL BA'I TSAL, ZHES PA NAS, DAM TSIG LDAN PA'I GNAS 'DIR GSHEGS, ,AOm SHR'I MAH'A K'A LA YE SA PA RI W'A RA YE HYE HI, KHR'Im; NYER GCIG PADMA KA MA LA YE STVAm, CHOS DBYINGS DANG LAS ZHES SOGS KYIS BSTOD, LJAGS BYIN GYIS BRLABS LA, GTOR MA PHUL TE MCHOD BSTOD BYA, H'Um; DPAL LDAN MGON PO MAH'A K'A LA DANG, ,DPAL LDAN 'DOD KHAMS DBANG PHYUG RE MA TI, ,LCAM DRAL KHYOD KYI BKA' LAS MI 'DA' BA'I, ,GNOD SBYIN KshE KRA P'A LA 'KHOR DANG BCAS, ,DBANG PHYUG DZI NA MI TRA 'KHOR DANG BCAS, ,GSHIN RJE tAKKI R'A DZ'A 'KHOR DANG BCAS, ,BDUD MGON TRAKSHAD NAG PO 'KHOR
, ,DANG BCAS, ,PHYOGS SKYONG GTZANG RIS BDUN CU 'KHOR DANG BCAS, DAM CAN RGYA MTSO'I DMAG TSOGS 'KHOR DANG BCAS, ,'DIR GSHEGS RGYAN GYI GTOR MA 'DI BZHES SHIG ,SKABS 'DIR GTOR MA'I RTZE NAS CUNG ZAD RE GTOR RO, ,SHA KHRAG DMAR GYI GTOR MA 'DI BZHES SHIG ,'DZAM BU TI PA'I ZHAL ZAS 'DI BZHES SHIG ,SMAN RAG PHUD KYI MCHOD PA 'DI BZHES SHIG ,'DIR SMAN RAG SOGS NAS GTOR, DZA GAD DPA' BO'I SMAN PHUD 'DI BZHES SHIG ,GTZANG MA PHUD KYI GSER SKYEMS 'DI BZHES SHIG ,SNGAR BCOL LAS KYI GTANG RAG GNYEN PO GTONG, ,DA 'CHOL LAS KYI GSOL 'DEBS GNYEN PO BZHES, ,'KHOR RNAMS SRUNG ZHING RKYEN RNAMS ZLOG PA DANG, SNGANG BA'I DGRA DANG GNOD PA'I BGEGS LA SOGS, ,BDUD DANG BAR DU GCOD PA RNAM MANG PO, ,THAMS CAD RDUL PHRAN BZHIN DU BRLAG PAR MDZOD, ,BSTAN PA SRUNG BA'I LAS 'DI MYUR DU SGRUBS, ,RNAL 'BYOR BCOL BA'I 'PHRIN LAS GRUB PAR MDZOD, ,CES SPYI BSTABS KYIS 'BUL, H'Um; RDO RJE 'CHANG SOGS BLA MA DANG, ,ZHES SOGS KYIS MNGA' GSOL BYAS LA, AOm A'A: MDZRA MU: MGON PO 'KHOR DANG BCAS PA RANG GNAS SU GSHEGS PAR GYUR, CES BRJOD LA MCHOD GTOR RNAMS NANG DU BSDU, DE NAS GTANG RAG GI MCHOD BSTOD, YIG BRGYA, BZOD GSOL, GSOL 'DEBS, BSNGO SMON, GSHEGS BSDU
SHIS BRJOD RNAMS GTOR CHOG NAS 'BYUNG BA LTAR BYAS LA LAS KYI RJES MI MNGON PAR BSDUS NAS PHYI NANG GI MTSAMS GROL BA SOGS SNGA PHYI BAR GSUM GYI BYED TSUL 'DIR MI GSAL BA RNAMS RIGS MTHUN BSNYEN YIG GZHAN NAS 'BYUNG BA LTAR BYA'O, ,SMRAS PA, BLA MGON DBYER MED MYUR MDZAD PHYAG DRUG PA'I, ,BSNYEN PA'I YI GE MDOR BSDUS GNAD TSANG 'DI, ,MTSAN SGROG DAR GLING SLOB DPON MCHOD GI BKAS, ,BSKUL NGOR BAN GZUGS DHA RMA BHA DRAS SBYAR, ,'DIR 'BAD RNAM DKAR DBYAR SKYES CHU 'DZIN 'PHRING, ,CHU MTHONGS BAR MED 'GOG 'DRA JI SNYED MTHUS, ,YANG YANG BRTZE BAS SKYONG BA'I 'GRO BA KUN, ,PHYI NANG BDUD BZHI'I GA-YUL LAS RGYAL GYUR CIG , ,, ` NA MO GU RU BDZRA BHEE RA W'A YA, NGAG GI DBANG PHYUG RJE BTZUN 'JAM PA'I DBYANGS, ,SNYING RJES KHROS PA'I RDO RJE 'JIGS BYED LA, ,GUS PAS BTUD NAS DE YI BKA' SDOS MCHOG ,LAS KYI GSHIN RJE'I BSNYEN YIG MDOR BSDUS BRI, ,DE YANG DPAL RDO RJE 'JIGS BYED KYI BSNYEN SGRUB MTHAR SON PA'I RNAL 'BYOR PAS, ,YID DANG MTHUN PA'I GNAS SU YI DAM DANG LAS GSHIN GYI RTEN GSUM, MCHOD GTOR SPYAN GZIGS SOGS DGOS PA'I YON BYAD RNAMS PHYAG LEN LTAR 'DU BYAS TE, THUN DANG PO LA 'JIGS BYED KYI BLA BRGYUD GSOL 'DEBS NAS BZLAS PA'I MJUG GI MCHOS BSTOD YIG BRGYA GDON PA'I BAR GYI BDAG BSKYED RGYAS PA BTANG, DE NAS MCHOG GTOR BYIN GYIS BRLABS NAS @05 *, ,YI DAM DANG PHYOGS SKYONG DANG GZHI BDAG RNAMS LA GTOR MA PHUL TE, GTOR MGRON GSHEGS GSOL DANG BDAG BSKYED NYER BSDU BYAS PA'I RJES SU, STONG BA'I NGANG LAS SKAD CIG GIS RDO RJE'I SA GZHI RA BA GUR BLA RE ME RI DANG BCAS PA'I DBUS SU RANG NYID DPAL RDO RJE 'JIGS BYED ZHAL GCIG PHYAG GNYIS KYIS GRI GUG DANG THOD PA 'DZIN PA'I SKUR BZHENGS PA'I MIG GNYIS SU KshIm, ZHES PA NAS, THUGS KAR H'Um GIS MTSAN PAR GYUR; CES PA'I BAR GYIS GSAL GDAB, DE NAS NANG MCHOD, MCHOD PA, GTOR MA RNAMS BYIN GYIS BRLABS LA, CHOS RGYAL YAB YUM 'KHOR BCAS KYI DAM TSIG PA BSKYED PA YE SHES PA BSTIM PA, DBANG BSKUR RGYAS GDAB, DAM BSGRAG BZHUGS GSOL, PHYI NANG GI MCHOD BSTOD, GSHIN RJE'I YIG BRGYA NYER GCIG BZLA BA, BSHAGS PA, BSKANG RDZAS BYIN RLABS, BSKANG BA, BZLOG PA BCAS RGYAS BSDUS JI LTAR RIGS PA SNGON DU BTANG STE, RANG YI DAM GYI NGA RGYAL GSAL SNANG BRTAN POR GNAS PA'I RGYANG RING PO MA YIN PA'I MDUN DRANG THAD RANG LAS CUNG ZAD DMA' BA TZAM DU 'KHOD PA'I LAS GSHIN GTZO 'KHOR RNAMS LHO PHYOGS GSHIN RJE'I GRONG KHYER NAS BYON PA'I LAS KYI GSHIN RJE GTZO 'KHOR DNGOS YIN SNYAM PA'I DON DU ZHEN PA SHUGS DRAG PO DANG, RANG GI THUGS KA'I NYI DKYIL GYI LTE BA'I H'Um LAS 'OD ZER TSA ZHING RTZUB PA 'PHROS PA'I SNER RANG 'DRA'I KHRO CHUNG
DPAG TU MED PA SPROS TE, LAS GSHIN 'KHOR BCAS KYI SPYI BO'I RDO RJE NAG PO RTZA LNGA PA'I LTE BAR BZHUGS NAS ZIL GYIS MNAN PAR BSAM LA HR'I: shd'I: NYER GCIG TZAM BZLAS PAS GNYA' MNAN, DE NAS RANG YI DAM DU GSAL BA DANG, LAS GSHIN GNYIS KYI CHOS NYID LA DBYE BA CUNG ZAD KYANG MED PAR RANG BZHIN STONG PA NYID KYI NGANG DU RO GCIG KYANG GDUL BYA GDUG PA CAN DAG 'DUL BA'I DON DU, STONG NYID RTOGS PA'I YE SHES KYI GZUNG RNAM SHIN TU DRAG CING MI BZAD PA'I 'CHI BDAG GSHIN RJE'I RGYAL PO'I SKU, SNANG STONG DBYER MED SGYU MA LTA BUR SHAR BA'O SNYAM DU YANG DANG YANG DU DRAN DANG DRAN BZHIN PA'I NGANG NAS, CHOS RGYAL GYI THUGS KAR NYI MA'I DKYIL 'KHOR GYI DBUS SU THOD DBYUG GYEN 'GRENG GI DPRAL BAR YA YIG MTHING NAG GIS MTSAN PA, THOD DBYUG GI MDUN NAS BRTZAMS TE GA-YAS SKOR DU, AOm K'A LA RU PA H'Um PHAGS, CES PA'I SNGAGS 'PHRENG KHA DOG MTHING NAG 'OD ZER DMAR PO 'BAR BA'I RNAM PA CAN LA YID RTZE GCIG TU DMIGS NAS; ZHI RGYAS DBANG DRAG GI LAS BSGRUB PAR BKA' BSGO BA'I TSUL DU BZLA BA'AM, YANG NA RANG YI DAM DU GSAL BA'I THUGS KA'I H'Um LAS BZLAS BYA'I SNGAGS 'PHRENG KHA DOG MTHING NAG 'OD ZER DMAR PO 'PHRO BA'I 'OD ZER 'PHRENG THAG GI RNAM PA DANG, SNGAGS YIG 'PHRENG RDOG GI RNAM PA CAN BYUNG BA, RANG GI ZHAL NAS CHOS RGYAL GYI ZHAL DU ZHUGS, THUGS KA'I YA LA THIM, YA LAS THON TE, CHOS RGYAL GYI LTE BA NAS RANG GI LTE BAR ZHUGS PA, THUGS
, ,KA'I H'Um LA THIM, DE LTAR MGAL ME'I 'KHOR LO LTAR RGYUN MA CHAD PAR 'KHOR BA LA RTZE GCIG TU DMIGS NAS BKA' BSGO PA'I TSUL DU BZLA, MJUG TU SNGAGS 'PHRENG RANG GI THUGS KA'I H'Um LA THIM PA DANG MNYAM DU CHOS RGYAL 'KHOR BCAS KYI SROG SNYING NUS MTHU THAMS CAD RANG RGYUD LA ZHUGS NAS BKA' NYAN GSUNG BSTOD KYI BRAN DU GYUR PAR BSAM MO, ,DE NAS YUM GYI THUGS NYI MA'I STENG DU RTZE GSUM GYEN 'GRENG RTZE DBUS MA LA TZA'I YIG MTHING NAG GIS MTSAN PA'I MTHAR, AOm TZ'A MUndI H'Um PHAGS, CES PA'I SNGAGS 'PHRENG BKOD NAS YAB KYI BZLAS DMIGS DANG PO BZHIN BZLA'O, ,SKABS SKABS SU RANG GI THUGS KA NAS LAS MTHUN GYI 'OD ZER 'PHROS PA, YAB YUM GNYIS KYI THUGS KA'I SA BON LA PHOG PAS THUGS RGYUD RANG DBANG MED PAR BSKUL TE, YAB KYIS GSHIN RJE PHO TSOGS DANG, YUM GYIS GSHIN RJE MO TSOGS LA SPYAN HRIG HRIG GZIGS PAS, DE DAG GI SKU LAS RANG 'DRA'I SPRUL PA YANG SPRUL NYI ZER GYI RDUL PHRAN LTA BUR SPROS NAS ZHI RGYAS DBANG DRAG GI LAS THAMS CAD THOGS MED DU BSGRUBS PAR BSAM PA YANG BYA'O, ,BSNYEN TSAD NI, , GZHUNG GZHAN LAS BSHAD PA MA MTHONG LA, RJE BKA' 'GYUR BA'I GSUNG RGYUN BDAG GI BLA MA RIN PO CHES MDZAD PA DER YAB LA 'BUM GSUM DANG YUM LA KHRI BZLA BAR GSUNGS PA LAS RUNG TZAM LA DGONGS PA 'DRA ZHING
LAS RAB 'BYAMS JI SKAD BSHAD PA LTAR SGRUB PA'I BSNYEN PA LA NI, MKHAS GRUB RIN PO CHES MGON PO PHYAG DRUG PA'I LAS GSUM RNAM GZHAG LAS, RJE RIN PO CHE THAMS CAD MKHYEN PA NI, RTZA SNGAGS BYE BA TZAM DA LTA'I DUS SU BZLAS NA GRANGS KYI BSNYEN PA RAB YIN GYI, 'BUM PHRAG BCU LA SOGS PA TZAM GYIS PHAL CHE BA LA NUS PA CI YANG MI 'BYUNG BAR GDA', ZHES GSUNG NGO, ,DE PHYIR THA NA'ANG SNYING PO BYA BA TZAM GYI BZLAS PA BYA BAR RIGS SO, ,ZHES GSUNGS PA'I RIGS PA 'DIR YANG MTSUNGS BAR MNGON NO, ,BZLAS PA'I MJUG TU GSHIN RJE'I YIG BRGYA, GTOR 'BUL, MCHOD BSTOD, GTOR RDZONGS, BSTOD BSKUL BZLOG PA, MNGA' GSOL, BZOD GSOL RNAMS RGYAS BSDUS SKABS SBYAR DKYUS LTAR BYAS LA, 'DIR NI GZUGS DANG LHAN CIG TU, ZHES SOGS KYIS BRTAN BZHUGS BYAS TE, 'JIGS BYED SMON LAM GTON NAS THUN MTSAMS LA 'JUG GO ,THUN RJES MA GSUM LA 'JIGS BYED BCU GSUM MA'AM, YAB YUM LHAN SKYES SAM, YAB RKYANG DPA' BO GCIG PA GSUM GANG RUNG GI BDAG BSKYED MDOR BSDUS SHIG BTANG BA NYER BSDU BYAS PA'I RJES SU SNGAR BZHIN ZHAL GCIG PHYAG GNYIS PAR BZHENGS NAS, NANG MCHOD SOGS BYIN RLABS BYA, DE NAS 'DI NAS BZUNG MTSAMS MA GROL GYI BAR GYI NYIN RE BZHIN GYI THUN BZHI PO THAMS CAD LA GSAR DU PHYAG MTSAN SA BON SOGS LAS MI BSKYED PAR SNGAR YOD GSAL 'DEBS KYI TSUL DU BYED
, ,PA YIN PAS, DE'I CHO GA'I TSIG BSGYUR NI, YAB LA, MDUN DU PADMA DANG NYI MA DANG DGRA BGEGS RNAMS KYI SNYING GA NAS BRDZIS PA'I MA HE RAB TU KHROS PA'I GDAN GYI STENG DU, GSHIN RJE CHOS KYI RGYAL PO SKU MDOG MTHING NAG ZHAL GCIG PHYAG GNYIS PA, ZHES SOGS DANG, YUM LA, DE'I GA-YON DU TZ'A MUndI NAG MO ZHAL GCIG PHYAG GNYIS PA, ZHES SOGS MAN CHAD THUN DANG PO JI LTA BA BZHIN BYED CING, THUN BZHI PA'I SMON LAM GYI RJES SU 'JIGS BYED KYI BKRA SHIS BYAS NAS NYAL BA'I RNAL 'BYOR LA 'JUG GO ,DE LTA BU'I TSUL GYIS BSNYEN PA MTHAR SON PA'I TSE MCHOD GTOR GSAR PA BSHAMS TE, MCHOD BSTOD BSKANG BSHAGS, BZOD GSOL BSNGO SMON RNAMS GANG RGYAS BYAS TE, SNGA THUN ZHIG GI MJUG TU MDUN BSKYED RTEN YOD NA BRTAN BZHUGS DANG, CI STE MED NA 'KHOR RNAMS GTZO BO LA THIM NAS GTZO BO RANG GI SNA BUG GA-YON PA NAS LTE BAR BSDUS PA'I RJES SU SHIS BA BRJOD CING ME TOG GI CHAR PHAB NAS LAS KYI RJES MI MNGON PAR BYA'O, ,SMRAS PA, SNA MANG TSIG GI RBA RLABS MI 'KHRUG KYANG, ,DON GNAD CHU KLUNG MA LUS 'DU BA'I GZHI, ,GSHIN RJE'I BSNYEN THABS DAL 'GRO'I PHUNG PO 'DI, ,DANG LDAN GDENGS CAN DAG GI STI GNAS MDZOD, ,PHYI NANG DUS KYI RNAM 'GYUR MTHONG RNAMS KYIS, ,SAR NYAL GDONG GI TZI TTAR CHU SKYES STENG, ,KRO DHA MU: KHA YONGS BSKOR BCAS PA'I DBUS, ,PHYI MA'I
LAG MTSAN 'GOD SOGS CHES GSANG RGYA, ,NYI BU'I SHA MCHOG RAKTA A'A TZARYA'I, ,SGO LAS 'DZAG CES BDAG GI BLA MA GSUNG, ,NUS MTHU'I MTSAN MA BRAL YANG DUN RTZA BHI, ,RAL MIN DE SRID BRDUNGS PA'I MU COR GYIS, ,RNA BA'I TSER MAR BYED PA MANG ZHIG LA, ,'DI LTA'I CHA RGYUS YOD MED BRTAGS NA GSAL, ,TSUL 'DI BAN GZUGS DHARMA BHA DRA YIS, ,THABS SHES MTSAN LDAN SLOB MA'I DON PHYIR SBYAR, ,DGE BAS 'GRO KUN KUN MKHYEN SGRUB PA'I GEGS, ,PHYI NANG BDUD SDE'I GA-YUL LAS RGYAL GYUR CIG ,SARBA DZA GA TAm, ,,SDE DGE PADMA'I PAR TU BSGRUB PA 'O, ,