` NA MO GU DA WE, SNYING PO DON GSUM GYI RTZA TSIG KHRO LOS BRJED BYANG DU MDZAD PA 'DI LA GSUM, KLAD KYI DON, GZHUNG GI DON, MJUG GI DON NO, ,DANG PO NI, 'PHAGS PA SPYAN RAS GZIGS LA PHYAG 'TSAL LO, ,ZHES SO, ,GNYIS PA GZHUNG GI DON LA GSUM, MDOR BSTAN PA, RGYAS PAR BSHAD PA, DON BSDU BA'O; ;DANG PO NI, TSE 'DIR RGYUN GYI YI DAM BSGOM, ,'CHI KHAR 'PHO BA'I MAN NGAG BSGOM, ,BAR DOR BSRE BA BSGOM BYA STE, ,RGYUN DU GOMS PA KUN GYI GNAD, ,CES SO, ,GNYIS PA RGYAS PAR BSHAD PA LA GSUM, TSE 'DI'I GDAMS NGAG GI SNYING PO RGYUN GYI YI DAM DU BYA BA, 'CHI KHA'I GDAMS NGAG GI SNYING PO 'PHO BA BSGOM PA, BAR DO'I GDAMS NGAG GI SNYING PO BSRE BA BSGOM PA'O, ,DANG PO LA BZHI, RKYEN BSKUL MA GDAB PA'I MAN NGAG ,RGYU BYANG CHUB KYI SEMS BSGOM PA'I MAN NGAG ,THABS BLA MA YI DAM LA GSOL BA GDAB PA'I MAN NGAG ,NGO BO RANG SEMS SKYE MED DU BSGOM PA'I MAN NGAG GO ,DANG PO NI, MI RTAG SDUG BSNGAL DRAN BYAS NAS, ZHES SO, ,GNYIS PA NI, SNYING RJE CHEN PO RAB BSKYED DE, ZHES SO, ,GSUM PA NI, SPYI BOR BLA MA SNYING GAR LHA, ZHES SO, BZHI PA NI, RANG SEMS SKYE MED BSGOM PAR BYA,,
, ,ZHES SO, ,GNYIS PA 'CHI KHA'I GDAMS NGAG GI SNYING PO 'PHO BA BSGOM PA LA BZHI, SGYU LUS TSOGS SU 'BUL BA, YID KYI 'BREL THAG BCAD PA, THAR PA'I LAM CHEN DBYE BA, RNAM SHES GYEN DU 'PHANG BA'O, ,DANG PO NI, RANG LUS MCHOD SBYIN BYAS NAS NI, ZHES SO, ,GNYIS PA NI, LTOS PA THAMS CAD RAB SPANGS NAS, ZHES SO, ,GSUM PA NI, 'OD KYI SBU GU'I SBYOR BA YIS, ZHES SO, BZHI PA NI, SEMS NI DGA' LDAN GNAS SU 'PHANG, ZHES SO, ,GSUM PA BAR DO'I GDAMS NGAG GI SNYING PO BSRE BA BSGOM PA LA GSUM, BAR DO NGOS MI ZIN PA'I GNYEN PO, BAR DO THA MAL DU ZHEN PA'I GNYEN PO, CHAGS SDANG GIS YANG SRID LEN PA'I GNYEN PO'O, ,DANG PO NI, 'DI NYID BAR DOR SHES BYAS TE, ZHES SO, ,GNYIS PA NI, PHYI NANG GSANG BA BSGYUR BYAS LA, ZHES SO, ,GSUM PA NI, STONG NYID SNYING RJE'I RNAL 'BYOR GYI, ,MKHAS PAS NYID MTSAMS SBYAR BAR BYA, ZHES SO, ,GSUM PA DON BSDU BA NI, GANG SHAR NGOS 'DZIN LTA BA'I GNAD, ,DE LA MA YENGS BSGOM PA'I GNAD, ,DRAN PA RO SNYOMS SPYOD PA'I GNAD, ,GRUB THOB CHEN PO'I GDAMS PA'O,, ZHES SO, ,GSUM PA MJUG GI DON NI, SNYING PO DON GSUM GYI GDAMS PA RDZOGS SO, ,ZHES PA'O,, 'DI DHARMA BHA DRAS BRJED BYANG DU BRIS, ,