` NA MO GU RA WE, BKA' GDAMS THIG LE BCU DRUG GI DKYIL 'KHOR GYI THIG JI LTAR GDAB TSUL NI, THOG MAR DBUS BTZAL NAS TSANGS ZUR GYI THIG SPYI LTAR GDAB, DE NAS 'OG GZHI'I PADMA'I LTE BA ZLUM POR BSKOR, DE DANG ZUR THIG BZHI 'PHRAD MTSAMS SU DKYIL 'KHOR PHYI MA'I MDA' YAB KYI THIG GDAB, DE DANG TSANGS THIG GI THAD KYI PADMA'I LTE BA'I PHYI THIG GI BAR GYI BZHI CHA LA DKYIL 'KHOR PHYI MA'I CHA CHEN GCIG YIN PAS, MDA' YAB KYI THIG NAS NANG DU CHA CHEN GNYIS 'ONGS PA'I SAR RTZA THIG BTAB NAS, DKYIL 'KHOR PHYI MA 'GRAM LOGS SGO DANG MI MNYAM ZHING RTA BABS DPANGS SU SGO TSAD GSUM MA SPYI LTAR BYA, LTE BA'I PHYIR CHA CHUNG GNYIS KYI SAR PAD DKAR 'DAB MA STONG LDAN DANG, DE'I PHYIR CHA CHEN GCIG GI SAR 'JA' RIS LNGA GSHIBS BYA, DBUS NAS PHYI MA'I RTZA THIG GI BAR CHA DRUG GSUM BCO BRGYAD DU BGOS PA'I, NANG MA NAS ZLUM POR BSKOR BA'I PADMA'I LTE BA DKAR PO LA SANGS RGYAS CHOS SKU'AM YUM CHEN MO, DE NAS CHA GNYIS DOR BA'I SA NAS DKYIL 'KHOR NAD MA'I RTZA THIG DANG PAD 'DAB KYI PHYI THIG BSKOR NAS LHA MDOG CAN GYI 'DAB MA BZHIR PHYE BA'I SHAR DU THUB PA, LHOR SPYAN RAS GZIGS,
, ,NUB TU MI GA-YO BA, BYANG DU SGROL MA RNAMS BYA, CHA PHYI MA BCO LNGA'I LOGS THIG GI BAR RNAMS KYANG GSUM GNYIS NANG DANG GSUM GCIG PHYIR DOR BA'I MTSAMS SU BGOS NAS NANG MA RNAMS LA RTZIG PA DANG 'DOD SNAM, PHYI MA RNAMS LA LHA SNAM PHYOGS MDOG SHAR DKAR LHO SER NUB DMAR BYANG LJANG MCHOD RTEN CAN BYA, DKYIL 'KHOR PHYI NANG GI SGO'I RTZA THIG GI RTZE GNYIS DANG, RTZIG PA'I PHYI THIG GI RTZE GNYIS SU THIG BZHI GSEGS 'GROS SU BTAB STE DRANG POR BSLANGS NAS SGO RNAMS JI LTAR RIGS PAR BYA'O, ZHES PA 'DI YANG RGYAL MCHOG LNGA PA CHEN PO DANG, 'JAM DBYANGS BDE BA'I RDO RJE GNYIS KYI GZHUNG DANG BLA MA'I MAN NGAG LA BRTEN NAS DGE SLONG DHARMA BHA DRAS DBEN GNAS DGA' LDAN CHOS GLING DU SBYAR BA'O,,