` NA MO GU RA WE, SMAN BYIN RLABS BYA TSUL NI, BSHAD RGYUD LAS, GSUM PA SMAN RNAMS NOR BU BDUD RTZI DANG, ,MCHOD RDZAS SHES PAR BYA BA GSUM YIN TE, ,ZHES GSUNGS PA LTAR GSUM, SNGON 'GRO SMAN NOR BUR SHES PAR BYA BA, DNGOS GZHI SMAN BDUD RTZIR SHES PAR BYA BA, RJES SMAN MCHOD RDZAS SU SHES PAR BYA BA'O, , DANG PO NI, YID BZHIN GYI NOR BU LTAR GCES SPRAS CHEN POS BTZAL NAS LEGS PAR SBYOR BA'O, ,GNYIS PA NI, GNAS GTZANG MAR RTEN MCHOD BSHAMS NAS STEGS BU KHEBS KYIS GA-YOGS PAR 'BRU DKAR LA LHUNG BZED DAM RIN PO CHE'I SNOD DU SMAN RNAMS BZHAG STE, BLA MA SANGS RGYAS DAM CHOS DGE 'DUN LA, ,BYANG CHUB BAR DU GUS PAS BDAG SKYABS MCHI, ,'GRO BA'I DON DU SANGS RGYAS THOB BYA'I PHYIR; ;SMAN SGRUB CHO GA PHUN TSOGS BSGRUB PAR BGYI, ZHES LAN GSUM KYIS SKYABS SEMS BYAS LA, RANG NYID SKAD CIG GIS SMAN PA'I RGYAL PO SKU MDOG SNGON PO ZHAL GCIG PHYAG GNYIS PA,
GA-YAS MCHOG SBYIN GYI PHYAG RGYAS AA RU RA RNAM RGYAL DANG, GA-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, MTSAN DPES SPRAS SHING 'OD KYI DKYIL 'KHOR KYI DBUS NA ZHABS RDO RJE'I SKYIL KRUNG GIS BZHUGS PA'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, RANG GI THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BCOM LDAN 'DAS SMAN PA'I RGYAL PO LA SANGS RGYAS BYANG SEMS DRANG SRONG RIG 'DZIN GNOD SBYIN ZHANG BLON GYI 'KHOR GYIS BSKOR BA SPYAN DRANGS, MDUN GYI NAM MKHAR DGYES BZHIN DU BZHUGS PAR GYUR, MCHOD PA RNAMS PHUL DU BYUNG BA'I LHA RDZAS SU GYUR, GANG LA BRTEN NA SRID ZHI'I GDUNG SEL BA, ,BCOM LDAN SMAN PA'I RGYAL PO 'KHOR BCAS LA, ,LHA RDZAS BZANG PO'I MCHOD YON 'DI PHUL BAS, ,STOD KYI NAD RIGS DAG PA'I MCHOG SBYIN MDZOD, ,AOm SARBA TA TH'A GA TA ARGHAm PRA T'I TZTSA SV'A H'A, ,DE BZHIN DU MCHOD YON GYI GNAS SU ZHABS BSIL SOGS DANG, ARGHAm GYI GNAS SU P'A DYAm SOGS DANG, TSIG RKANG BZHI PA'I GNAS SU, SMAD KYI NAD RIGS DAG PA'I MCHOG SBYIN MDZOD, ,MGO DANG YAN LAG NAD SEL MCHOG SBYIN MDZOD, ,SNA DANG MCHER PA'I NAD SEL MCHOG SBYIN MDZOD, ,MIG DANG MCHIN PA'I NAD SEL
, ,MCHOG SBYIN MDZOD, ,SNYING DANG YID KYI NAD SEL MCHOG SBYIN MDZOD, ,LCE DANG LTO BA'I NAD SEL MCHOG SBYIN MDZOD, ,SKAD DANG MKHAL MA RNA BA'I NAD SEL MDZOD, ,CES PA BCUG LA MCHOD, 'TSO MDZAD SMAN PA'I RGYAL PO BCOM LDAN 'DAS, ,PHYAG GA-YAS NAD KYI GNYEN PO AA RU RA, ,PHYAG GA-YON BDUD RTZI'I LHUNG BZED PAR BU BSNAMS, ,BEEd'URYA YI 'OD LA PHYAG 'TSAL LO, ,RIG GNAS THUGS CHUD 'CHI MED TSE LA DBANG, ,MNGON SHES LNGA LDAN DRANG SRONG RIG 'DZIN DANG, ,NAD RIMS GDON BGEGS NYER 'TSO KUN SEL BA'I, ,SMAN GYI BKA' SRUNG RNAMS LA PHYAG 'TSAL LO, ,RLUNG MKHRIS BAD KAN BZHI BRGYA RTZA BZHI'I NAD, ,TSE LA BAR DU GCOD PA ZHI BA DANG, ,GNOD PA'I BGEGS RIGS YE 'BROG LA SOGS PA, ,BSAM BA'I BAR DU GCOD PA ZHI BAR MDZOD, ,CES GSOL BA BTAB PAS TSOGS ZHING RNAMS KYI THUGS KA NAS 'OD ZER 'PHROS, RGYAL BA SRAS BCAS KYI BYIN RLABS, 'KHOR 'DAS SNOD BCUD KYI BKRAG MDANGS, LHA DANG RGYA MTSO'I BDUD RTZI, SMAN DANG BCUD LEN GYI RDZAS LA SOGS PA THAMS CAD BSDUS TE THUGS KA'I SA BON SNGAGS 'PHRENG DANG BCAS PA LA THIMS, DE LAS 'OD DANG BDUD RTZI DPAG TU MED PA BYUNG BA BSGRUB GZHI LA THIMS PAS, SMAN GYI SNOD RIN PO CHE LAS GRUB PA YANGS SHING
RGYA CHE BA'I NANG DU, SMAN RNAMS NAD RIGS MTHA' DAG SEL BAR NUS PA'I 'CHI MED TSE'I BDUD RTZIR GYUR PAR BSAM LA, GZUNGS RING BDUN DANG, SNYING PO CI MANG, YIG BRGYA BCAS BZLA, DE NAS SMAN PA'I RGYAL PO 'KHOR BCAS KYIS MGRIN GCIG TU SHIS PA BRJOD PAR BSAM STE, LHA RNAMS KYI NI BDUD RTZI LTA BU DANG, ,KLU RNAMS KYI NI GTZUG NOR LTA BU DANG, ,DRANG SRONG RNAMS KYI BCUD LEN LTA BUR NI, , KHYOD LA SMAN 'DI NYE BAR GNAS GYUR CIG ,'JIG RTEN SKYONG BAS LHUNG BZED DANG, ,'PHROG MAS AA RU PHUL BA DANG, ,SANGS RGYAS RABS BDUN MTHU NUS KYIS, ,SMAN RNAMS BDUD RTZIR 'GYUR BAR SHOG; CES BRJOD DO, ,GSUM PA NI, SMAN GYI PHUD LAN GSUM TSOGS ZHING LA GTOR TE, BLA MA YI DAM RGYAL BA SRAS BCAS MCHOD, ,DPA' BO MKHA' 'GRO RIG 'DZIN TSOGS RNAMS MCHOD, , BKA' SRUNG ZHANG BLON SDE DANG BCAS PA MCHOD, ,DON GNYIS LHUN GYIS GRUB PA'I BYIN PHOB CIG ,CES BRJOD PAS TSOGS ZHING RNAMS 'OD DANG BDUD RTZI'I RANG BZHIN DU ZHU NAS SMAN RNAMS LA THIMS PAR BSAM STE, SMAN NAS RANG GI LCE THOG BZHAG NAS DNGOS GRUB BLANGS PAS, NAD GDON BAR CHAD BSAL NAS TSE'I DNGOS GRUB THOB PAR BSAM MO, ,ZHES PA 'DI YANG RJE DKON MCHOG
, ,BSTAN PA'I SGRON ME'I GSUNG LAS BTUS NAS DHARMA BHA DRAS PHAN 'DOD KYIS SBYAR BA'O, ,DGE LEGS 'PHEL, ,