Brief Ritual for Reaching the Central and Other Angels of the Practice of the Medicine Buddha (Bhaisajyaguru)

` AOm SVA STI SIDDHI, 'DIR SMAN BLA GTZO 'KHOR GYI SGRUB THABS MDOR BSDUS NI, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BDAG DANG GZHAN DON BSGRUB SLAD DU, ,BDAG GIS BYANG CHUB SEMS BSKYED DO, ,LAN GSUM, SVA BH'A WAS STONG PAR SBYANGS, STONG PA'I NGANG LAS PAm LAS PADMA 'DAB MA BZHI PA'I LTE BAR, AA LAS ZLA BA'I STENG DU RANG NYID SMAN PA'I RGYAL PO SKU MDOG SNGON PO ZHAL GCIG PHYAG GNYIS PA, GA-YAS MCHOG SBYIN GYI PHYAG RGYAS AA RU RA DANG, GA-YON MNYAM GZHAG GI STENG NA BDUD RTZIS GANG BA'I LHUNG BZED BSNAMS PA, ,MTSAN DPES SPRAS SHING CHOS GOS RNAM GSUM GSOL TE RDO RJE'I SKYIL KRUNG GIS BZHUGS PA, MDUN GYI PAD 'DAB LA RTZA'I LHA MO GRUB PA'I BLO GROS MA DKAR MO, GA-YAS KYI PAD 'DAB LA SMAN GYI LHA MO NOR RGYAN MA SER MO, RGYAB KYI PAD 'DAB LA NAGS KYI LHA MO RMA BYA'I MGRIN LDAN MA DMAR MO, GA-YON GYI PAD 'DAB LA SHING GI LHA MO 'OD 'CHANG MA LJANG MO, BZHI GA'ANG GA-YAS AA RU RA DANG, GA-YON SHEL BUM BDUD RTZIS GANG BA 'DZIN CING, ZHABS GNYIS MNYAM PA'I STABS KYIS

BZHENGS PA, GTZO 'KHOR RNAMS KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS PAS, BSGOMS PA DANG 'DRA BA'I YE SHES PA SPYAN DRANGS, DZA: H'Um BAmHO: GNYIS SU MED PAR GYUR, CES BSKYED LA, AOm BHEE shA DZYE R'A DZ'A SA PA RI W'A RA ARGHAm, P'A DYAm, PUshPE, DH'U PE, A'A LO KE, GANT'E, NEE WI DYE, SHAPTA PRA T'I TZTSA SV'AH'A, ZHES MCHOD, DUG GSUM NAD DANG SDUG BSNGAL KUN; ;SEL MDZAD SMAN GYI BLA MA DANG, ,RTZA SMAN NAGS SHING LHA MO BZHING, ,DAD DANG GUS PAS BSTOD PAR BGYI, ,ZHES BSTOD, RANG GI THUGS KAR ZLA BA LA GNAS PA'I H'Um YIG SNGAGS 'PHRENG GIS BSKOR BA LAS 'OD ZER 'PHROS PA, GTZO 'KHOR RNAMS KYI SKU DANG PHYAG MTSAN LA 'PHOG ,DE LAS SKU MDOG DANG MTSUNGS PA'I 'OD ZER 'PHROS PAS DON GNYIS BYAS, SLAR RANG LA THIMS PAS NAD GDON SDIG SGRIB THAMS CAD SBYANGS NAS MCHOG MTHUN GYI DNGOS GRUB THOB PAR BSAMS LA, TADYA, TH'A, AOm BHEE shA DZYE BHE shA DZYE MA H'A BHEE shA DZYE BHEE shA DZYE R'A DZ'A SA MUNGGA TE SV'A H'A, ZHES BZLAS LA, LAG MTHIL GA-YON DU SNGAGS BTAB PA NAS GA-YAS PA'I SRIN LAG GIS SNA BUG GA-YAS GA-YON DANG SNA RTZER BYUGS RJES 'KHOR RNAMS RANG LA THIMS PAR BSAM, DGE BA 'DI YIS MYUR DU BDAG ,SMAN PA'I RGYAL PO 'GRUB GYUR NAS,

, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BSNGO SMON BYA'O, ,ZHES SMAN BLA GTZO 'KHOR LNGA'I BSGOM BZLAS BYA TSUL 'DI NI DPON TSANG 'PHRIN LAS MGON POS BSKUL BA LTAR SHRI DHRMA BHA DRAS YIG RNYING LTAR SBYAR BA'O, ,SHU BHAm,,