` NA MO GU RU MANYDZU GHO sh'A YA, RDOR DRIL BYIN RLABS BYA TSUL LA GSUM, RDOR DRIL BYIN GYIS BRLAB TSUL, RDOR DRIL GZUNG TSUL, RDOR DRIL GSOR DKROL BYA TSUL LO, DANG PO NI, RDO RJE NI THABS DANG, DRIL BU NI SHES RAB STE, DE GNYIS KA'ANG DON DAM PA'I BYANG CHUB KYI SEMS KYI RANG BZHIN NO, ZHES PA STE, RDO RJE NI GZHI LAM 'BRAS GSUM GYI SNANG PHYOGS THABS KYI CHA SPYI DANG, KHYAD PAR RGYAL BA'I THUGS RGYUD KYI BDE BA CHEN PO'I YE SHES MTSON BYED DANG, DRIL BU NI GZHI LAM 'BRAS GSUM GYI STONG PHYOGS SHES RAB KYI CHA SPYI DANG, KHYAD PAR RGYAL BA'I THUGS RGYUD KYI STONG NYID RTOGS PA'I SHES RAB MTSON
BYED YIN TE, MDOR NA RDOR DRIL GNYIS KA'ANG RGYAL BA'I THUGS RGYUD KYI DON DAM PA'I BYANG CHUB KYI SEMS BDE STONG DBYER MED KYI YE SHES KYI RANG BZHIN DU MOS PA BRTAN PO BYED PA'O, ,GNYIS PA RDOR DRIL GZUNG TSUL LA GNYIS, RDO RJE GZUNG TSUL DANG, DRIL BU GZUNG TSUL LO, ,DANG PO NI AOm SARBA TA THA GA TA SIDDHI BADZRA SA MA YE TIshthA AE shA STVAm DHA RA Y'A MI, HI HI HI HI HI, H'Um H'Um H'Um, PHAt SV'AH'A, ZHES BRJOD PA DANG MNYAM DU PAD KOR SNGON DU 'GRO BAS LAG PA GA-YAS PA'I MTHE BONG DANG MING MED KYIS RDO RJE'I LTE BA'I H'Um YIG GI GA-YAS GA-YON NAS SKYOR TE THUGS KAR GZUNG BA STE, SNGAGS DON NI, AOm RDO RJE GSUM DBYER MI PHYED PA MTSON BYED, SARBA THAmD, TA TH'A GA TA DE BZHIN GSHEGS PA, SIDDHI BADZRA GRUB PA'I RDO RJE, SA MA YE DAM TSIG ,TIshthA MNOS PA, AA shA STAm 'DI NYID, DHA RA Y'A MI GZUNG BAR BYA'O, ,HI LNGA YE SHES LNGA, H'Um GSUM SKU GSUNG THUGS GSUM, PHAt GSAL BAR BYED PA, SV'A H'A DBUGS 'BYIN PA STE, DE BZHIN GSHEGS PA THAMS CAD KYI SKU GSUM YE SHES LNGA DBYER MED PA'I BDAG NYID DU GRUB PA'I RDO RJE'I DAM TSIG MNOS PA 'DI NYID GZUNG BAR BYA'O, ,ZHES PA'O, ,GNYIS PA DRIL BU GZUNG TSUL NI, AOm BADZRA GHAnd'A H'Um, ZHES BRJOD PA DANG MNYAM DU LAG PA GA-YON PA'I MTHE BONG DANG MING MED KYIS DRIL BU'I SHES RAB MA'I ZHAL
, ,GYI GA-YAS GA-YON NAS SKYOR TE DKU GA-YON PAR KHA GYAN LA BSTAN NAS GZUNG BA STE, SNGAGS DON NI, AOm LA SGRA MDO LAS, RIM PA LAS MA 'DAS PAR PHRAL BAR BYA'O, ZHES PA LTAR MTSAMS SBYOR PHRAL NA AA AU MA GSUM YONG PAS SKU GSUNG THUGS KYI RDO RJE GSUM MTSON, AA'I YI GE AU'I YI GE LA AO STE PHA ROL 'ANG DBYE'O, ,ZHES DANG, MA GSAL BYED LA RJES SU NGA RO'O, , ZHES PA LTAR, MTSAMS SBYAR NE AOm YIG GCIG TU 'GYUR PAS RDO RJE GSUM DBYER ME PHYED PA MTSON, BADZRA RDO RJE, GHAnd'A DRIL BU, H'Um GI A'U BYA SGRUB, HA'I LUS SOR RTOG ,DE'I MGO BO MNYAM NYID, ZLA TSES ME LONG, THIG LE NAD DANG BCAS PA CHOS DBYINGS YE SHES MTSON BYED DE, SKU GSUM YE SHES LNGA DBYER MED PA'I BDAG NYID CAN GYI RDO RJES MTSAN PA'I DRIL BU GZUNG BA'I DON NO, ,GSUM PA RDOR DRIL GSOR DKROL BYA TSUL LA GNYIS, RDO RJE GSOR TSUL DANG, DRIL BU DKROL TSUL LO, ,DANG PO NI, RDO RJE SEMS DPA' LA SOGS PA RNAMS MNYES PAR BYA'O, ,SNYAM DU BSAMS NAS, H'Um YIG BRJOD PA SNGON DU 'GRO BAS; SEMS CAN RMONGS DANG 'BRAL BA YI, ,RDO RJE GSOR BA MDZES PA YIS, RNAM THAR CHOS KYI BYA BA STE, SPRO DANG BCAS PAS RDO RJE BZUNG, H'Um H'Um H'Um, HO HO HO, ZHES BRJOD CING RDO RJE GSOR BAR BYA 'OS ZHES PA
STE; RDO RJE'I MTSON DON BDE BA CHEN PO'I YE SHES RANG RGYUD LA BSKYED NAS RDO RJE SEMS DPA' LA SOGS PA'I SANGS RGYAS THAMS CAD MNYES PAR BYA'O, SNYAm PA'I SGO NAS YE SHES LNGA MTSON PA'I H'Um YIG RING PO GLUR BLANGS TE, SEMS CAN RNAMS RGYU RMONGS PA MA RIG PA DANG 'BRAL BA'I BDE STONG GNYIS SU MED PA'I YE SHES KYI RDO RJE GSOR BA STE RANG RGYUD LA BSKYED PA NI MDZES SHING BZANG BA YIN LA, DES SEMS CAN RNAMS 'BRAS BU 'KHOR BA'I SDUG BSNGAL LAS RNAM PAR THAR BA NI CHOS THAMS CAD KYI GNAS LUGS RTOGS PA'I BYA BA 'AM 'BRAS BU YIN TE, DE'I PHYIR SPRO BA SHUGS DRAG PO DANG BCAS PA'I SGO NAS MTSON BYA MTSON BYED KYI RDO RJE GZUNG BAR BYA'O SNYAM DU, RDO RJE GSUM PHAN TSUN DBYER MI PHYED PA MTSON PA'I H'Um GSUM DANG, CHUNG 'BRING CHE GSUM GYI SEMS CAN 'KHOR BA LAS SGROL BA MTSON PA'I HO GSUM BRJOD PA'I TSE, RDO RJE BYAD NAS BRTZAMS TE PHYOGS MTSAMS BRGYAD DU GA-YAS SKOR DU GSOR BA'O, ,GNYIS PA DRIL BU DKROL TSUL NI, DE NAS RDO RJE GA-YAS KYI DKUR BZUNG LA, AOm BADZRA DHARM'A RA nI TA PRA RA nI TA SAm PRA RA nI TA SARBA BUDDHA KshE TRA PRA TZA LI NA PRADZNYA P'A RA MI T'A N'A DA SVA BHA WA BADZRA SA TVA HRi NGA YA SANTO shA nI H'Um H'Um H'Um HO HO HO SV'AH'A, ZHES BRJOD CING DRIL BU'I NANG GI PHYOGS BRGYAD DU LCE BSKYOD PAS DKROL BAR
, ,BYA'O; ;ZHES PA STE, AOm SNGAR BZHIN, BADZRA RDO RJE STE SPROS PAS MI PHYED PA'I STONG NYID, DHARMA CHOS, RA nI TA SGROGS PA, PHRA RA nI TA RAB TU SGROGS PA, SAm PRA RA nI TA KUN TU RAB TU SGROGS PA, SARBA THAMS CAD, BUDDHA SANGS RGYAS, KshETRA ZHING, PRA TZA LI NE RAB TU GA-YO BA, PRA DZNY'A SHES RAB, P'A RA MI T'A PHA ROL TU PHYIN PA, N'A DA SGRA, SVA BHA WE RANG BZHIN, BADZRA RDO RJE, SA TVA SEMS DPA', HRA DA YA THUGS, SANTO shA nI KUN TU MNYES PA, H'Um GSUM DANG HO GSUM DANG SV'AH'A RNAMS SNGAR BZHIN TE, SANGS RGYAS KYI ZHING THAMS CAD RAB TU GA-YO BAR BYED PA'I SHES RAB KYI PHA ROL TU PHYIN PA'I RANG BZHIN STONG PA NYID KYI CHOS KYI SGRA CHUNG 'BRING CHE GSUM SGROGS, RAB TU SGROGS, KUN TU RAB TU SGROGS PAS CHUNG 'BRING CHE GSUM GYI SEMS CAN RNAMS SKU GSUNG THUGS KYI RDO RJE GSUM DBYER MI PHYED PA'I GO 'PHANG LA BKOD NAS RDO RJE SEMS DPA' THUGS KUN TU MNYES PAR BYA'O, ,ZHES PA STE, MTHAR RDOR DRIL DANG LDAN PA'I 'KHYUD RGYA BYA BAR GSUNGS SO, ,'DI YANG RJE DHARMA BHA DRA'I GSUNG NGO,,