` SNGAGS RIM BSDUS DON ZHES BYA BA BZHUGS SO, ` RGYAL BA KHYAB BDAG RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA ZHES BYA BA, BLA MA DAM PA RNAMS DANG RJE BTZUN 'JAM PA'I DBYANGS KYI ZHABS KYI PADMO LA SKYE BA KUN TU GUS PA CHEN POS PHYAG 'TSAL ZHING SKYABS SU MCHI'O, ,GANG GIS ZHABS PAD GTZUG NA GUS BSTEN PAS, ,SRID ZHI'I RGUD PA GCOD PA'I DRI MED LAM, ,BRTZE BA'I THUGS KYIS JI BZHIN 'DOMS MDZAD PA, ,BSHES GNYEN DAM PA RNAMS KYI ZHABS LA 'DUD, ,DRI MED MKHA' LA YID 'PHROG 'JA' CHEN BZHIN, ,SPROS KUN NYER ZHI'I DBYINGS LAS MA GA-YOS PAR, ,RNAM ROL SKU YI BKOD PAS LHA YI TSOGS, ,RAB 'BYAMS SPRO MDZAD 'KHOR LO'I MGON DES SKYONGS, ,DE YIS JI SNYED GSUNGS PA'I GSANG BA'I GNAS, ,MA LUS SDUD MDZAD RIG SNGAGS 'CHANG BA'I RJE, ,MTHU STOBS MGON LA BDAG GIS GUS BTUD KYI, ,DA NI BDUD
SDE BAG YOD BSTEN PAR RIGS, ,RGYAL BA KUN GYI YAB GCIG 'JAM PA'I DBYANGS, ,DGYES NAS SPYAN RAS TZAM GYIS BTZAS PA LA'ANG, ,RGYAL BA'I DGONGS ZAB RTOGS PA'I RNAM DPYOD KYI, , MCHOG SBYIN MDZAD CES THOS NAS RING ZHIG NAS, ,RGYUN MI CHAD DU LHAG PA'I LHAR BSTEN CING, ,DA DUNG KHYOD KYI ZHABS PAD SPANGS NAS NI, ,NAM YANG SKYABS GZHAN MED DO MKHYEN PA'I GTER, , BDAG GI RE BA 'BRAS BU MCHIS PAR MDZOD, ,RGYUD DON MKHAS PAS BKRAL BA JI BZHIN DU, ,TSUL BZHIN SGRUB PAR 'DOD PA MANG PO DANG, ,RAB 'BYAMS GZHUNG LA MKHYEN PA RAB RGYAS PA, ,SKAD GNYIS SMRA PAS RING NAS BSKUL GYUR CING, ,SKYE DGU'I GTZUG NA BSOD NAMS DU MAS BRJID, ,DPAL LDAN RDO RJE THEG PA PHYOGS KUN TU, ,RGYAS PA'I KHUR 'DZIN LHAG BSAM BZANG PO CAN, ,DE YIS YANG YANG NYE BAR BSKUL BA DANG, ,GZHUNG LUGS GDAMS PAR MA SHAR PHYOGS RES TSIM, ,LUNG DON DRI MED RIGS PAS DPYOD MA NUS, ,MANG DU THOS KYANG SGRUB LA MI BRTZON PA, ,DE YIS RGYAL BA DGYES PAR MI NUS PAR, ,GZIGS NAS BSTAN LA TSUL BZHIN LEGS SLOB PA'I, ,SNGON GYI DAM BA'I SPYOD PAS BDAG GI YID, ,CHES CHER DRANGS PAS DE DAG RNAMS KYI LUGS, ,GSAL
, ,BA'I PHYIR DU 'DI NA 'BAD PA LA, ,ZHING SKYES LHAN CIG SKYES DANG SNGAGS SKYES KYI, ,MKHA' 'GRO'I TSOGS KYIS BU LA MA BZHIN DU, ,BRTZE BAR DGONGS NAS DNGOS GRUB KUN STZOL ZHING, ,BGEGS KUN NYE BAR ZHI BA'I BKA' DRIN MDZOD,, ` DRI MED RIGS PAS RANG GZHAN GZHUNG LUGS KYI, ,LEGS NYES BSHAD PA'I KHYAD PAR MA PHYED CING, ,THEG PA CHE CHUNG SNGAGS DANG PHAR PHYIN GYI, ,THUN MONG BA DANG THUN MONG MA YIN PA'I, ,KHYAD PAR GTZO BO JI BZHIN MA PHYED PAR, ,BSTAN PA SPYI DANG THEG PA CHEN PO DANG, ,KHYAD PAR RDO RJE THEG PA SKAL LDAN GYI, ,'JUG SGO MCHOG CES SMRA BA'ANG DAD PA TZAM, ,DE PHYIR KYE KYE BLO GROS 'DUN LDAN DAG ,RNAM DAG RIGS PAS BLO GROS MIG SPYONGS LA, ,PHAS KYI RGOL BAS BSKYOD PAR MI NUS PA'I, ,BSTAN PA'I GNAD LA NGES PA BRTAN PO TSOL, 1 ,SMYUNG BAR GNAS DANG KHRUS KYI CHO GA SOGS, ,BSGOM BZLAS PHYOGS RE SHES PAS BYA SPYOD KYI, ,RGYUD DON SHES PAR SMRA NA BZHAD GAD GZHI, ,DE PHYIR RGYUD DON LAM DU BSGRIG PA GCES, ,DE YANG BYA BA SPYI YI RGYUD BZHI DANG, ,KHYAD PAR LEGS GRUB BSAM GTAN PHYI MA'I RGYUD, ,RGYA GAR MKHAS PA GNYIS KYIS BKRAL BA BZHIN, ,DGONGS PA BTZAL NAS GSAL
BAR PHYE BA 'DI, ,BYA RGYUD MTHA' DAG LTA BA'I MIG GCIG GO 2 ,SPYOD RGYUD GTZO BO RNAM SNANG MNGON BYANG DON, ,MKHAS GRUB SANGS RGYAS GSANG BAS BSHAD PA BZHIN, ,RNAL 'BYOR GNYIS KYI RIM PA BSHAD PA 'DI, ,SPYOD PA'I RGYUD LA BDE BLAG 'JUG PA'I SGO, 3 ,RNAL 'BYOR RGYUD RNAMS KUN GYI MCHOG GYUR PA, ,DPAL LDAN DE NYID BSDUS PA'I 'O MA'I MTSO, ,MKHAS PA GSUM GYI GZHUNG GI SRUB SHING GIS, ,LEGS PAR BSRUBS LAS BYUNG BA'I BDUD RTZI MCHOG ,DRI MED DBANG GIS SMIN ZHING SDOM LA GNAS, ,DE YIS THUN BZHIR BZLAS SHING BSGOMS PA YIS, ,LHAG PA'I LHA YI SKU GSUNG THUGS DANG NI, ,RANG GI SGO GSUM GCIG TU SBYOR BYED PA'I, ,RNAL 'BYOR GSUM GYIS SEMS NI LEGS SBYANGS PAS, ,DNGOS GRUB SGRUB PA'I SGO GSUM GANG RUNG DU, ,ZHUGS NAS RANG GI LHA YIS MCHOG BSTZAL PAS, ,LAM BZANG BDE BLAG BGROD PA 'DI YIN NO, ,DE PHYIR PHYAG RGYA 'CHING BA'I RIM PA DANG, ,CHOG KHRIGS RIM PA TZAM ZHIG SHES PA LA, ,RNAL 'BYOR RGYUD DON SHES PAR SMRA MOD KYANG, ,LAM GYI GNAD RNAMS DA GDOD BTZAL DGOS SO, 4 ,DPAL LDAN RDO RJE THEG PA'I MTHAR THUG PA, ,RNAL 'BYOR BLA MED RGYUD SDE RGYA MTSO'I DON, ,MA LUS SDUD
, ,BYID LAM GYI SPYI YI CHINGS, ,LAM GYI GO RIMS NGES PA'I TSUL DANG NI, ,SNGON DU BSNYEN BAS RGYUD NI SBYANGS PA YIS, ,GANG DU DKYIL 'KHOR BRI BA'I SA YI CHA,, YONGS SU DAG PAR BYED PA'I CHO GA RNAMS, ,MKHAS PA'I GZHUNG BZHIN SHIN TU GSAL BAR BSHAD, 5 ,ZAB MO'I LAM GYI SNOD DU SGRUB BYED PA'I, ,DBANG GI NYER BSDOGS DAM PA STA GON YIN, ,DE PHYIR STA GON CHO GA DAG PA NI, ,SHIN TU KHYAD PAR CHE BAR MTHONG GYUR NAS, ,CHO GA'I YAN LAG PHRA MO RNAMS KYANG NI, ,MKHAS PA'I GZHUNG LAS YANG DAG LEGS BTUS NAS, ,SRAS BCAS RGYAL BA'I BZHED DANG MI 'GAL BAR, ,SHIN TU GSAL BA'I DAG GIS LEGS PAR BSHAD, 6 ,SKAL LDAN GANG DU BCUG NAS DBANG BSKUR BA'I, ,DKYIL 'KHOR RGYAL BA RNAMS KYI ZHING DANG SKUR, ,TSUL BZHIN BSGRUBS NAS MNYES PAR BYED PA YI, ,CHO GA'I RIM PA MKHAS BA'I GZHUNG BZHIN BSHAD, 7 ,BDE CHEN THAR BA'I GRONG KHYER MCHOG NYID DU, ,RANG NYID TSUL BZHIN ZHUGS NAS DBANG MNOS TE, ,'KHOR LO'I MGON NYID BLA MAR GYUR BA LA, ,GNANG BA RNYED NAS GLU YIS MCHOD PA'I MTHAR, ,SKAL BZANG SLOB MA NYID BZHIN BZHUGS PA YI, ,CHO GA'I GTZO BO DE YI
YAN LAG RNAMS, ,LEGS PAR DMIGS PHYE SO SOR BRDA 'PHROD PA'I, ,THABS TSUL MAN NGAG SHIN TU GSAL BAR BYAS, 8 ,BDE GSHEGS DRUG GI RANG BZHIN DBANG DRUG GIS, ,SLOB MA'I SHES RGYUD LEGS PAR SBYANGS PA YIS, ,RGYAL BA DRUG DANG 'BREL BA'I BSKYED RIM GYIS, ,SPRUL PA'I SKU MCHOG 'GRUB PA'I GZHIR BYED PA, ,DRI MED BUM PA'I DBANG GI NGO BO DANG, ,DE YI YAN LAG CHO GA PHRA MO RNAMS, ,SNGAGS RIG RNAMS KYI BZHED PA DE BZHIN DU, ,GO SLA'I DBYANGS KYIS MA 'DRES GSAL BAR BYAS, 9 ,BUM DBANG GANGG'A'I CHU RGYUN BSKUR BA YIS, ,THA MAL SNANG ZHEN LUS KYI DRI MA BKRUS, ,GSANG DBANG YE SHES BDUD RTZI MYANGS PA YIS, ,NGAG GNAS RLUNG GI RGYU BA SNGAGS SU 'CHAR, ,GSUM PA LHAN SKYES DGA' BA'I LCAGS KYU YIS, ,YID KYI SKYES BU DON DAM DBYINGS SU DRANGS, ,BZHI PA ZUNG 'JUG DON LA NGO SPRAD PAS, ,MTHAR THUG SKYEL SA'I GNAD LA THE TSOM BCAD, ,DBANG BZHI'I GNAD DON TSUL BZHIN NGES PA LAS, ,MCHOG TU GYUR PA'I GDAMS PA YOD MIN ZHES, ,RANG GI RTOGS PA GLU RU BLANGS PA 'DI, ,BLA MA RNAMS DANG 'JAM PA'I DBYANGS LA 'BUL, ,DE SKAD SMRAS PA'ANG DBANG GI RIM PA RNAMS, ,LAM GYI SNGON 'GRO TZAM,
, ,DU ZAD DO ZHES, ,RTZA BA BOR NAS YAL GA TSOL RNAMS KYI, ,YID MUN STUG PO ZHI BA'I DON DU'O, 10 ,RNAM DPYOD BRTZON PA'I GRU GZINGS NYAMS CHUNG ZHING, ,DED DPON MKHAS PA'I BSHES GNYEN MA BSTEN PAS, ,GSANG SNGAGS GZHUNG LUGS RGYA MTSO MA MTHONG BAR, ,PHYOGS RE'I LAM GYIS BGROD PAR 'DOD PA'I LUGS, ,LEGS PAR BKAG NAS MKHAS PA DGYES PA'I LAM, ,RIM GNYIS RIM BZHIN BSKYED NAS RGYAL BA'I SAR, ,MA TSANG MED PA'I LAM GYIS BGROD DGOS ZHES, ,SHING RTA CHEN PO'I LUGS BZANG GSAL BAR BYAS, 11 , THEG PA GZHAN NAS GRANGS MED BSKAL PA YIS, ,RLABS CHEN BSOD NAMS TSOGS RNAMS RDZOGS DGOS PA'I, ,GZUGS SKU'I RGYU RNAMS 'BAD PA CHUNG DU LAS, ,YONGS SU RDZOGS PA BYED PA'I THABS MKHAS MCHOG ,BSKYED PA'I RIM PAS SBYANG GZHI SBYONG TSUL DANG, ,RGYUD LA JI LTAR SKYED PA'I RIM PA RNAMS, ,DRI MED LUNG DANG RIGS PA'I RJES 'BRANGS NAS, ,RANG BZOS MA BSLAD SHIN TU GSAL BAR BSHAD, 12 ,DPAL LDAN 'DUS PA DUS KYI 'KHOR LO DANG, ,'KHOR LO SDOM PA DGYES PA RDO RJE YI, ,RDZOGS RIM LAM GYIS JI LTAR BGROD PA'I TSUL, ,SPYI YI RNAM GZHAG
TSIG SPYIR MA LAS SHING, ,LUNG DON RIGS PA PHRA MOS LEGS DPYAD NAS, ,DON GYI KHOG RNAMS LOGS PAR DPYIS PHYIN PAR, ,TSIG ZUR PHYIN PAR GSAL BAR BSHAD PA LA, ,GNAS GSUM MKHA' 'GROS BRTZE BAS BZOD PAR MDZOD, 13 ,BSHES GNYEN DAM PA RING DU BSTEN PA YIS, ,PHYOGS RES MA TSIM GZHUNG LUGS GDAMS PAR SHAR, ,LUNG DON RIGS PA PHRA MOS 'BYED NUS SHING, ,THOS BA'I DON LA SGRUB PA SNYING POR BYED, ,SMIN BYED DBANG DANG GROL BYED LAM DANG NI, ,BSGRUBS PA'I 'BRAS BU KUN LA MA RMONGS PAS, ,RDO RJE THEG PA'I LAM GYIS BGROD BYED PA, ,DE LA MKHAS RNAMS GSANG SNGAGS PA ZHES SMRA, 14, ` RNAM DPYOD YANGS PA'I MKHA' LA RAB 'PHAGS TE, ,LEGS BSHAD 'OD STONG PHYOGS BCUR SPROS PA YIS, ,RAB 'BYAMS SNGAGS GZHUNG PAD TSAL KHA 'BYED PA'I, ,GSANG DON KUN GSAL NYI MA DENG NAS SHAR, ,RDO RJE THEG PA'I SBRANG RTZI'I BCUD BLANGS NAS, ,DNGOS GRUB GNYIS KYI DGA' STON BYED 'DOD PA'I, ,SKAL LDAN BLO GSAL RKANG DRUG LDAN PA'I TSOGS, ,DGA' BA'I DAR DIR PHYOGS BCUR DA SGROGS SHIG ,RGYUD SDE RIN CHEN BZHI LAS LEGS BSGRUBS SHING, ,SMIN BYED DBANG GI BANG RIM BZHI DANG LDAN, ,
, ,RIM GNYIS GZI BRJID BLTA BAS MI NGOMS LA, ,'BRAS BU SKU BZHI'I LCOG GIS RAB MDZES PA, ,SNA TSOGS KHAMS DANG LDAN PA'I GSUNG RAB MTSO, ,BLO GROS BRTZON PA'I MGYOGS 'GROS BSRUBS PA LAS, ,GANGS CAN GSER GYI SA GZHI'I KHYON YANGS SU, ,THUB BSTAN RGYA MTSO'I RGYAN DU BSKRUN PA 'DI, ,MANG DU GSAN PA'I THOS PAS RMONGS PA BCOM, ,TSUL BZHIN BSGRUBS PA'I RTOGS PAS RANG RGYUD BTUL, ,LHAG BSAM DAG PA'I THUGS KYIS BSTAN LA DGONGS, ,BSTAN PA'I RTZA LAG DAM PA MANG PO DANG, ,RLABS CHEN BSOD NAMS STOBS LAS RIGS MTHOR 'KHRUNGS, ,RMAD BYUNG MDZAD PA BZANG POS 'GRO BA SKYONG, ,THUB BSTAN RGYAS PA'I KHUR GYIS MI NGAL BA'I, ,GSANG SNGAGS 'DZIN PA DE YIS BSKUL LAS YIN; ;LHAG PA'I LHA LA RTAG TU GSOL BTAB CING, ,YONGS 'DZIN MKHAS PA'I GSUNG GI RJES ZHUGS NAS, RIG SNGAGS 'CHANG GI GZHUNG LUGS RGYA MTSO LA, ,ZHIB TU BRTAGS NAS SBYAR MOD DE LTA NA'ANG, ,BLO GROS SBYANGS PA DRAN PA'I STOBS DMAN PAS, ,NONGS PAR GANG GYUR RGYAL DANG RGYAL SRAS LA, ,BSAM PA THAG PAS SO SOR BDAG 'CHAGS PAS, ,NONGS PA RGYU BCAS BYANG
ZHING DAG PAR MDZOD, ,GSANG CHEN LAM GYI RIM PA 'DIR 'BAD PAS, ,RLABS CHEN TSOGS GNYIS MANG DU BSAGS PA RNAMS, ,MAR GYUR 'GRO BA KUN GYI RE SKONG BA'I, ,ZUNG 'JUG RDO RJE 'CHANG DBANG THOB PHYIR BSNGO, ,DES NI TSE RABS KUN TU DNGOS GRUB GZHI, ,THEG MCHOG BSHES GNYEN 'BAD PAS MNYES BYAS NAS, ,TSUL BZHIN BSKUR BA'I RNAM DAG DBANG BZHI YIS, ,ZAB MO'I LAM GYI SNOD DU 'GYUR BAR SHOG ,DE TSE BLA MA DPA' BO DPA' MO'I TSOGS, ,DPANG DU BZHAG NAS LEGS PAR KHAS BLANGS PA'I, ,BSRUNG DANG BZA' DANG BSTEN PA'I DAM TSIG GI ,BCAS PA'I MTSAMS LAS 'DA' BAR MA GYUR CIG ,RIM GNYIS SPYOD DANG BCAS PA'I RGYUD DON LA, ,GTUGS PA MED PA'I DRI MED RIGS PA YIS, ,MA RTOGS LOG RTOG THE TSOM KUN BCAD NAS, ,BRTZON PAS SGRUB PA SNYING POR BYED PAR SHOG , DE LTAR SLOB PA'I RLABS CHEN SPYOD PA LA, ,MTHU LDAN RNAMS KYIS RTAG TU GROGS MDZAD PAS, ,BAR DU GCOD PA'I MING YANG MED PA DANG, ,'DOD PA'I RKYEN RNAMS YID BZHIN 'BYOR PAR SHOG ,BSTAN PA KHO NA LHAR BCAS 'GRO BA YI, ,BDE LEGS KUN GYI RTZA BAR YID CHAS NAS, ,LUS SROG YAL BAR GYUR KYANG MI GTONG BA'I, ,SNYING STOBS CHEN BOS DAM CHOS 'DZIN GYUR CIG ,GSANG DON LEGS PAR PHYE BA 'DI
, ,YIS KYANG, ,THEG PA MCHOG GIS BGROD PA MTHA' YAS LA, ,GZHUNG LUGS GDAMS PAR 'CHAR PA'I RKYEN BYAS NAS, ,BSTAN PA'I SNYING PO RING DU GSAL BYED SHOG ,MTSAMS SPRIN GZHON NUS 'KHYUD PA'I GSER GYI RIS, ,AINDRA N'I LA'I THOR COG BCINGS PA BZHIN, ,DMAR SER SKU YIS YID 'PHROG GANG GI GTZUG ,MTHON MTHING RAL PA'I ZUNG PHUD LNGAS MDZES PA'I,, 'JAM DBYANGS DE YIS TSE RABS KUN TU BDAG ,DGYES BZHIN RJES SU BZUNGS PA'I DRIN LAS NI, ,GTING DPAG DKA' BA'I CHOS TSUL RGYA MTSO LA, ,BLO GROS THOGS PA MED PAR 'JUG PAR SHOG, CES RJE THAMS CAD MKHYEN PA CHEN POS MDZAD PA'I RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA MTSAN GZHAN SNGAGS RIM CHEN MOR GRAGS PA'I DBU ZHABS DANG BAR SKABS KYI BSDUS DON TSIGS SU BCAD PA RNAMS RANG NYID KYI KHA TON DU BYA BA'I PHYIR ZUR DU PHYUNGS TE, MGON PO GANG GI RING LUGS SU ZHUGS PA'I THA CHUNG DGE SLONG SU DHARME SHVA RAS DAD PAS KUN NAS BSLANGS TE BRIS PA DGE LEGS 'PHEL,, ,, ` RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA'I SA BCAD RIG 'DZIN MDZOD KYI LNGE MIG CES BYA BA BZHUGS SO, ,
` NA MO GU RU SU DHI K'I RTI BADZRA DHA R'A YA, 'DIR RJE RIN PO CHE BLO BZANG GRAGS PA'I DPAL GYIS MDZAD PA'I RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA'I SA BCAD RIG 'DZIN MDZOD KYI LNGE MIG CES BYA BA LA GNYIS, RGYAL BA'I BSTAN PA KHO NA THAR 'DOD KYI 'JUG DOGS SU BSTAN PA DANG, DE LA 'JUG PA'I RIM PA MI 'DRA BA'I SGO BSTAN PA'O, ,GNYIS PA LA GNYIS, ,THEG PA SPYI'I DBYE BA DANG, THEG PA CHEN PO'I DBYE BA'O, ,DANG PO LA BZHI, JI LTAR DBYE BA'I SGO, GANG GIS 'BYED BA'I RGYU MTSAN, PHYE BA SO SO'I RANG BZHIN, THAMS CAD KYANG MTHAR 'TSANG RGYA BA'I YAN LAG TU BSTAN PA'O, ,GSUM PA LA GNYIS, THEG PA DMAN PA'I RNAM GZHAG DANG, ,THEG PA CHEN PO'I RNAM GZHAG GO, GNYIS PA THEG PA CHEN PO'I DBYE BA LA GNYIS, THEG PA CHEN PO LA GNYIS SU DBYE BA DANG, RDO RJE THEG PA LA 'JUG PA'I RNAM DBYE BYE BRAG TU BSHAD PA'O, ,DANG PO LA GSUM, JI LTAR PHYE BA'I GRANGS, PHYE BA SO SO'I DON, DE LTAR DU 'BYED PA'I RGYU MTSAN NO, ,GSUM PA LA GNYIS, RTOG LDAN LA SKYE BA'I DOGS PA'I GNAS DGOD PA DANG, DE LA LAN GDAB PA'O, ,GNYIS PA LA GNYIS, GZHAN GYIS BRTAGS PA'I MTHA' DGAG PA DANG, LEGS PAR GNAS PA'I PHYOGS GZHAG PA'O,,
, ,GNYIS PA LA GNYIS, THEG PA GNYIS SU 'BYED PA'I RGYU MTSAN DNGOS DANG, LAM LA KHYAD PAR YOD KYANG 'BRAS BU LA MCHOG DMAN MED PAR BSTAN PA'O, ,DANG PO LA GSUM DNGOS KYI DON BSTAN PA, DE'I KHUNGS DGOD BA, DE LA RTZOD PA SPANG BA'O, ,GNYIS PA LA GNYIS, RNAL 'BYOR BLA MED KYI GZHUNG NAS BSHAD PA DANG, RGYUD SDE 'OG MA'I GZHUNG NAS BSHAD PA'I TSUL LO, , DANG PO LA GNYIS, RGYUD NAS BSHAD PA'I TSUL DANG, DGONGS 'GREL RNAMS KYIS JI LTAR BSHAD PA'I TSUL LO, ,GNYIS PA LA GNYIS, ,SLOB DPON YE SHES ZHABS KYI GZHUNG NAS JI LTAR BSHAD PA DANG, SLOB DPON GZHAN GYIS JI LTAR BSHAD PA'O, ,GNYIS PA LAM LA KHYAD PAR YOD KYANG 'BRAS BU LA MCHOG DMAN MED PAR BSTAN PA LA GNYIS, DNGOS KYI DON BSHAD PA DANG, LAM GYI KHYAD PAR NYID BSHAD PA'O, ,GNYIS PA LA GNYIS, RANG GI LUGS KYI KHYAD PAR DANG, SLOB DPON GZHAN GYIS BSHAD PA'I KHYAD PAR RO, ,GNYIS PA LA GNYIS, SDOM 'BYUNG 'GREL PA LAS BSHAD PA'I TSUL DANG, TSUL GSUM SGRON ME LAS BSHAD BA'I TSUL LO, ,GNYIS PA RDO RJE THEG PA LA 'JUG PA'I RNAM DBYE BYE BRAG TU BSHAD PA LA GSUM, SNGAGS LA 'JUG PA'I SGO MI 'DRA BA CI TZAM
ZHIG YOD PA, 'JUG SGO MI 'DRA PAR 'JOG PA'I KHYAD PAR NGOS GZUNG BA, KHYAD PAR DE DAG DANG LDAN PA RNAMS KYI LAM BGROD PA'I TSUL BSTAN PA'O, ,GNYIS PA LA GNYIS, DRI BA DANG, LAN NO, ,GNYIS PA LA GNYIS, GZHAN GYI LAN MI 'THAD PAR BSTAN PA DANG, RANG GIS LAN GDAB PA'O, ,GSUM PA KHYAD PAR DE DAG DANG LDAN PA RNAMS KYI LAM BGROD PA'I TSUL BSTAN PA LA GNYIS, THEG PA CHEN PO GNYIS KYI LAM MTHUN MONG BA DANG, THUN MONG MA YIN PA RDO RJE THEG PA'I LAM GYI RIM PA'O, ,BSTAN PA LA 'JUG PA'I RIM PA MI 'DRA BA'I SGO SPYIR BSTAN PA STE LE'U DANG PO'O,, ,,GNYIS PA THUN MONG MA YIN PA RDO THEG PA'I LAM MYI RIM PA LA GSUM, BYA SPYOD KYI RGYUD KYI LAM MYI RIM PA, RNAL 'BYOR RGYUD KYI LAM MYI RIM PA, RNAL 'BYOR BLA MED KYI RGYUD KYI LAM GYI RIM PA'O, ,DANG PO LA GNYIS, BYA SPYOD LA BDAG BSKYED DANG YE SHES PA GZHUG PA YOD MED DPYAD PA DANG, BYA SPYOD KYI LAM GYI RIM PA SO SOR BSHAD PA'O, ,DANG PO LA GNYIS, SLOB DPON RNAMS KYI BZHED PA DGOD PA DANG, DE DAG LAS 'THAD PA'I PHYOGS BSHAD PA'O, ,GNYIS PA BYA SPYOD KYI LAM GYI RIM PA SO SOR BSHAD PA LA GNYIS, LAM SDUD PA'I SPYI'I CHINGS BSHAD PA DANG, LAM GYI RIM PA DNGOS BSHAD PA'O, ,GNYIS PA LA GNYIS, BYA
, ,RGYUD KYI LAM GYI RIM PA DANG, SPYOD RGYUD KYI LAM GYI RIM PA'O, ,DANG PO LA BZHI, LAM SGOM PA'I SNOD DU RUNG BAR BYA BA, SNOD DU GYUR NAS DAM TSIG DANG SDOM PA DAG PAR BYA BA, DAM TSIG LA GNAS NAS SNGON DU BSNYEN PA JI LTAR BYA BA, BSNYEN PA LAS SU RUNG NAS DNGOS GRUB JI LTAR BSGRUB PA'O, ,GSUM PA LA GNYIS, SNGON DU BSNYEN PA DGOS PA'I RGYU MTSAN DANG, BSNYEN PA BYA BA'I RIM PA'O, ,GNYIS PA LA GNYIS, BZLAS BRJOD DANG BCAS PA'I BSAM GTAN DANG, BZLAS BRJOD LA MI LTOS PA'I BSAM GTAN NO, ,DANG PO LA GSUM, BZLAS BRJOD YAN LAG BZHI'I SNGON DU JI LTAR BYA BA, BZLAS BRJOD YAN LAG BZHI'I BSAM GTAN DNGOS, BZLAS BRJOD YAN LAG BZHI'I BSAM GTAN GYIS MJUG TU JI LTAR BYA BA'O, ,DANG PO LA BZHI, THOG MAR GNAS KHANG DU JI LTAR BYA BA, PHYI ROL TU KHRUS BYAS TE SGRUB KHANG DU 'JUG PA'I TSUL, CHAS SU ZHUGS TE STAN LA 'KHOD NAS MCHOD PA BYIN GYIS BRLABS PA, BDAG DANG GNAS LA BSRUNG BA BYA BYA'O, ,GNYIS PA BZLAS BRJOD YAN LAG BZHI'I BSAM GTAN DNGOS LA GNYIS, BZLAS BRJOD KYI YAN LAG GI BSAM GTAN DANG, DE LA BRTEN NAS BZLAS BRJOD JI LTAR BYA BA'O, ,DANG PO LA GNYIS
RANG NYID LHAR BSKYED PA DANG, MDUN DU YE SHES PA SPYAN DRANGS PA LA MCHOD PA SOGS SO, ,GNYIS PA LA DRUG ,RTEN BSKYED PA, BRTEN PA LHA SPYAN DRANGS TE BZHUGS SU GSOL BA, PHYAG RGYA BSTAN PA, MCHOD BSTOD BYA BA, BSHAGS PA LA SOGS PA BYA BA, TSAD MED BZHI BSGOM PA'O, ,BZHI PA LA GNYIS, MCHOD PA 'BUL BA DANG, BSTOD PA BYA BA'O, ,GNYIS PA DE LA BRTEN NAS BZLAS BRJOD JI LTAR BYA BA LA GSUM, BZLAS PA'I YUL BGRANG 'PHRENG 'DU BYAS NAS BGRANG BA'I TSUL, DMIGS PA GANG LA DMIGS NAS BZLAS BRJOD BYA BA'I TSUL, 'GAL RKYEN BYUNG NA BZLAS PA BSKYAR BA'I TSUL LO; ;GNYIS PA LA GNYIS, YI GA'I GZUGS LA DMIGS PA'I BZLAS BRJOD DANG, YI GE'I SGRA LA DMIGS PA'I BZLAS BRJOD DO, ,DANG PO LA GNYIS, MDUN GYI THUGS KA'I YI GE'I GZUGS LA DMIGS PA DANG, RANG GI SNYING GA'I YI GE'I GZUGS LA DMIGS PA'I BZLAS PA'O, ,GNYIS PA BZLAS BRJOD LA MI LTOS PA'I BSAM GTAN LA GNYIS, ME DANG SGRA GNAS KYI BSAM GTAN BSHAD PA DANG, SGRA MTHA'I BSAM GTAN BSHAD PA'O, ,GNYIS PA LA GNYIS, SGRA'I GNAS SKABS GTOD PA'I RIM PA DANG, SGRA MTHA'I BSAM GTAN DNGOS SO, ,BYA BA'I RGYUD KYI LAM BGROD BA'I RIM
, ,PA STE LE'U GNYIS PA'O,, ,,GNYIS PA SPYOD RGYUD KYI LAM GYI RIM PA LA BZHI, LAM SGOM PA'I SNOD DU RUNG BAR BYA BA, SNOD DU GYUR NAS DAM TSIG DANG SDOM PA DAG PAR BYA BA, DAM TSIG LA GNAS NAS SNGON DU BSNYEN PA JI LTAR BYA BA, BSNYEN PA LAS SU RUNG NAS DNGOS GRUB JI LTAR SGRUB PA'O, ,GSUM PA LA GNYIS, RNAL 'BYOR GYI DBYE BA DANG, PHYE BA'I DON SO SOR BSHAD PA'O, , GNYIS PA LA GNYIS, MTSAN MA DANG BCAS PA'I RNAL 'BYOR BSHAD PA DANG, MTSAN MA MED PA'I RNAL 'BYOR BSHAD PA'O, ,DANG PO LA GNYIS, PHYI'I YAN LAG BZHI'I BZLAS BRJOD DANG, NANG GI YAN LAG BZHI'I BZLAS BRJOD DO, ,SPYOD PA'I RGYUD KYI LAM BGROD PA'I RIM PA STE LE'U GSUM PA'O,, ,,GNYIS PA RNAL 'BYOR RGYUD KYI LAM GYI RIM PA LA GNYIS, RGYUD LAS JI LTAR BSTAN PA'I TSUL DANG, DE'I DON NYAMS SU BLANG BA'I RIM PA'O, ,GNYIS PA LA BZHI, LAM SGOM PA'I SNOD DU RUNG BAR BYA BA, SNOD DU GYUR NAS DAM TSIG DANG SDOM PA DAG PAR BYA BA, DAM TSIG LA GNAS NAS SNGON DU BSNYEN PA JI LTAR BYA BA, BSNYEN PA LAS SU RUNG NAS DNGOS GRUB JI LTAR SGRUB PA'O, ,GSUM PA LA GNYIS, MTSAN MA DANG BCAS PA'I RNAL 'BYOR DANG, MTSAN MA MED PA'I RNAL 'BYOR RO,
DANG PO LA GNYIS, RAGS PA LHA LA DMIGS PA'I THUN BZHI'I RNAL 'BYOR DANG, PHRA BA PHYAG MTSAN LA DMIGS PA'I THUN BZHI'I RNAL 'BYOR RO, ,DANG PO LA GNYIS, THUN BZHIR BSGOM PA DANG, DE MI NUS PAS JI LTAR BYA BA'O, ,DANG PO LA GNYIS, SLOB MA'I DBANG TZAM ZHIG THOB PA'I THUN BZHI'I RNAL 'BYOR DANG, SLOB DPON GYI DBANG THOB PA'I THUN BZHI'I RNAL 'BYOR RO, ,GNYIS PA PHRA BA PHYAG MTSAN LA DMIGS PA'I THUN BZHI'I RNAL 'BYOR LA GSUm, PHRA MO SGOM PA'I DGOS PA, PHRA MO LA DMId NAS SEMS BRTAN PAR BYA BA, BRTAN PA THOB NAS SPRO BSDU SOGS BYA BA'I TSUL LO, ,GNYIS PA MTSAN MA MED PA'I RNAL 'BYOR LA GSUM, DE NYID BSDUS PA NAS GSUNGS PA'I TSUL, BSHAD RGYUD NAS GSUNGS PA'I TSUL, BSGOM PA'I TSUL MDOR BSDUS TE BSTAN PA'O, ,GNYIS PA LA BZHI, DE BZHIN GSHEGS PA'I RIGS KYI BSGOM TSUL, RDO RJE'I RIGS KYI BSGOM TSUL RIN PO CHE'I RIGS KYI BSGOM TSUL, PADMA'I RIGS KYI BSGOM TSUL LO, ,BZHI PA BSNYEN PA LAS SU RUNG NAS DNGOS GRUB JI LTAR BSGRUB PA LA GSUM, BSAM GTAN GYIS DNGOS GRUB SGRUB PA'I TSUL, BZLAS BRJOD GYIS DNGOS GRUB BSGRUB PA'I TSUL, SBYIN SREG GIS DNGOS GRUB BSGRUB PA'I TSUL LO, ,RNAL 'BYOR RGYUD KYI LAM BGROD BA'I RIM PA STE LE'U BZHI PA'O,, ,,GSUm PA RNAL 'BYOR BLA MED KYI RGYUD KYI LAM GYI RIM PA LA
, ,GSUM, LAM SDUD PA'I SPYI'I CHINGS BSHAD PA, LAM GYI GO RIM BSHAD PA, GO RIM CAN GYI LAM NYID BSHAD PA'O, ,GSUM PA LA BZHI, LAM SGOM PA'I SNOD DU BYA BA, SNOD DU BYAS NAS DAM TSIG DANG SDOM PA DAG PAR BYA BA, DAM TSIG LA GNAS NAS LAM JI LTAR NYAMS SU BLANG BA, NYAMS SU BLANG BA, NYAMS SU BLANGS PA'I 'BRAS BU MNGON DU BYED TSUL LO, ,DANG PO LA BZHI, SNGAGS KYI LAM NYAN ZHING SGOM PA LA DBANG NGES PAR DGOS PAR BSTAN PA, DBANG BSKUR BA'I DPON SLOB PHAN TSUN DU BRTAG DGOS PA, BRTAGS PAS RUNG NA GSOL BA GDAB CING BSNYEN PA BYA BA, BSTEN PA LAS SU RUNG NAS DBANG JI LTAR BYA BA'I RIM PA'O, ,GNYIS PA LA GNYIS, MA BRTAGS PAR ZHUGS PA'I NYES DMIGS DANG, BRTAG PA'I THABS BSTAN PA'O, ,GSUM PA BRTAGS PAS RUNG NA GSOL BA GDAB CING BSNYEN PA BYA BA LA GSUM, SLOB MAS GSOL BA GDAB PA, SLOB DPON GYIS BSRUNG BA BYA BA, SNGON DU BSNYEN PA BYA TSUL LO, ,BZHI PA BSNYEN PA LAS SU RUNG NAS DBANG JI LTAR BYA BA'I RIM PA LA GNYIS, ,CHO GA BYA BA'I DUS BSTAN PA DANG, CHO GA JI LTAR BYA BA'I RIM PA'O, ,GNYIS PA LA GNYIS, DBANG GI CHO GA'I RIM PA DNGOS DANG, DBANG GI YAN LAG TU GYUR PA'I CHO GA'O, ,DANG PO LA GSUM, SA'I CHO GA ,STA GON
GYI CHO GA ,DNGOS GZHI'I CHO GA'O, ,DANG PO LA DRUG ,SA BRTAG PA, SA BSLAD BA, SA SBYANG BA, SA GZUNG BA, BSRUNG ZHING BYIN GYIS BRLAB PA, GNAS DANG DKYIL 'KHOR GZHAN LA SA CHO GA DGOS MI DGOS BSHAD PA'O; ;GSUM PA LA GSUM, SA BRKOS NAS SBYAD PA, RDZAS SNGAGS TING NGE 'DZIN GSUM GYIS SBYANG BA, BLA NA MED PA'I DAG PAS SBYANG BA'O, ,DANG PO LA GNYIS, SA'I ZUG RNGU DAG PA'I CHED DU BRKO BA DANG, LTO 'PHYE BRTAGS NAS RKO BA'O, ,GNYIS PA LA GSUM, LTO 'PHYE GANG LA BRTAG CING GNAS PA DANG RGYU BA'I TSUL, DE SHES NAS JI LTAR BRKO BA'I TSUL, BRKOS LEGS NYES KYI SKYON YON BSTAN PA'O, ,BZHI PA SA GZUNG BA LA GSUM, LHA'I RNAL 'BYOR BYAS TE GSOL BA GDAB CING DKYIL 'KHOR GDEG PA, LANGS TE NGA RGYAL BZUNGS NAS BGEGS LA DKA' BSGO BA, STANGS STABS BYA BA DMIGS BSAL DANG BCAS PA'O, LNGA PA BSRUNG ZHING BYIN GYIS BRLABS PA LA GNYIS, SNGON MGRON BSKYED NAS BGEGS DGUG PA DANG, BKUG PA'I BGEGS LA PHUR BUS GDAB PA'O, ,GNYIS PA LA GNYIS, PHUR BU DANG DE'I BSKYED CHOG JI LTAR BYA BA DANG, PHUR BUS 'DEBS PA'I TSUL DMIGS BSAL DANG BCAS PA'O, ,LAM GYI GNAD SHES SHING BSNYEN PA SNGON DU SONG BAS SA'I CHO GA JI LTAR BYA BA'I RIM PA STE LE'U LNGA PA'O,, ,,GNYIS PA
, ,STA GON GYI CHO GA LA GSUM, STA GON SPYI'I RNAM GZHAG ,STA GON SO SO'I CHO GA ,DKYIL 'KHOR GZHAN GYI STA GON BSHAD PA'O, ,GNYIS PA LA LNGA, SA'I LHA MO STA GON, DKYIL 'KHOR GYI LHA STA GON, BUM PA STA GON, LHA LA GSOL BA GDAB PA, SLOB MA STA GON NO, ,GNYIS PA LA GNYIS, LHA GNAS NGES PA'I PHYIR DU THIG GDAB PA DANG, NGES NAS LHA STA GON JI LTAR BYA BA'O, ,DANG PO LA BZHI, JI TZAM DU THIG GDAB PA'I DKYIL 'KHOR GYI TSAD, DE TZAM DU THIG 'DEBS PA'I GO RIM DANG DUS SKABS, LAS KYI THIG JI LTAR GDAB PA'I RIM PA, BTAB PA'I THIG RNAMS KYI DON BSHAD PA'O, GSUM PA LA GNYIS, THIG SKUD 'DU BYA BA DANG, THIG GDAB PA'I TSUL LO, ,GNYIS PA LA GNYIS, DKYIL 'KHOR RYI PHYI'I THIG GDAB PA DANG, NANG GI THIG GDAB PA'I TSUL LO, ,DANG PO LA GNYIS, LUGS GNYIS KYI THUN MONG GI THIG GDAB TSUL DANG, LUGS GNYIS SO SO'I THIG GDAB TSUL LO, ,BZHI PA BTAB PA'I THIG RNAMS KYI DON BSHAD PA LA GNYIS, DKYIL 'KHOR GYI PHYI'I THIG GI DON BSHAD PA DANG, NANG THIG GDAB PA'I DON BSHAD PA'O, ,DANG PO LA GNYIS, ZLUM THIG DANG RTA BAB SYI THIG GI DON BSHAD PA DANG, MDA' YAB NAS RTZIG PA'I BAR GYI THIG GI DON BSHAD PA'O, ,DANG PO LA GNYIS, ZLUM PO DANG
RVA'I THIG GI DON BSHAD PA DANG, RTA BABS KYI THIG GI DON BSHAD PA'O, ,GNYIS PA MDA' YAB NAS RTZIG PA'I BAR GYI THIG GI DON BSHAD PA LA GNYIS, RTZIG PA'I THIG GI DON BSHAD PA DANG, PHA GU NAS MDA' YAB KYI BAR GYI THIG GI DON BSHAD PA'O, ,GSUM PA BUM PA STA GON LA BZHI, BUM PA'I RGYU DANG TSAD DANG GRANGS BSTAN PA, BUM RDZAS DANG MTSAN MA 'DRI TSUL, BUM PA JI LTAR BSHAMS PA, BUM PA SGRUB TSUL YAN LAG DANG BCAS PA'O, ,LNGA PA SLOB MA STA GON LA BZHI, SGO'I SLOB DPON DANG LAS KYI RDO RJE LHAG GNAS BYA TSUL, SLOB MA LHAG GNAS KYI GRANGS DANG GO RIM, SLOB MA LHAG GNAS KYI CHO GA DNGOS, DKYIL 'KHOR GDEG CING RMI LTAS BZANG NGAN LA JI LTAR BYA BA'O, ,GSUM PA LA LNGA, KUN SLONG BCOS SHING NANG DBANG BSKUR BA, GSOL BA GDAB CING 'DZIN DU GZHUG BA, SDOM PA GZUNG ZHING BYIN GYIS BRLABS PA, SO SHING 'DOR ZHING KHYOR CHU SOGS GSUM SBYIN PA, SPRO BA BSKYED CING BSRUNGS TE RMI LAM BRTAG PAR GDAMS PA'O, ,STA GON GYI CHO GA'I RIM PA BSTAN PA STE LE'U DRUG PA'O,, ,,GSUM PA DNGOS GZHI'I CHO GA LA GSUM, YE THIG GDAB CING TSON DGYE BA, BUM PA DGOD CING DKYIL 'KHOR BRGYAN BA, BSGRUBS SHING MCHOD NAS DBANG BSKUR BA'O, ,DANG PO LA GSUM, YE THIG GDAB PA, TSON DGYE
, ,PA'I CHO GA ,DKYIL 'KHOR BRI PA LA BGEGS BZLOG THABS SO, ,DANG PO LA GNYIS, YE THIG 'DU BYA BA DANG, 'DEBS PA'I RIM PA GSHEGS GSOL DANG BCAS PA'O, ,GNYIS PA TSON DGYE BA'I CHO GA LA BZHI, TSON RTZI 'DU BYA ZHING PHUR BU DBYUNG BA, SLOB DPON DANG SLOB MAS JI LTAR DGYI BA, DKYIL 'KHOR GYI TSON SA BSTAN PO, DKYIL 'KHOR LA MTSAN MA BKOD NAS YE SHES KYI TSON GSHEGS SU GSOL BA'O, ,GSUM PA LA GNYIS, DKYIL 'KHOR GYI PHYI'I TSON SA DANG, NANG GI TSON SA BSTAN PA'O, ,GNYIS PA BUM PA DGOD CING DKYIL 'KHOR BRGYAN PA LA GNYIS, BUM PA DGOD PA DANG, DKYIL 'KHOR BRGYAN PA'O, ,GSUM PA BSGRUBS SHING MCHOD NAS DBANG BSKUR BA LA GNYIS, DKYIL 'KHOR BSGRUB CING MCHOD PA DANG, DBANG BSKUR BA'I CHO GA'O, ,DANG PO LA GNYIS, DKYIL 'KHOR BSGRUB PA DANG, DKYIL 'KHOR MCHOD PA'O, ,DANG PO LA GNYIS, RDUL TSON GYI DKYIL 'KHOR SGRUB PA'I TSUL DANG, DKYIL 'KHOR GZHAN GYI SGRUB TSUL LO, ,GNYIS PA DKYIL 'KHOR MCHOD PA LA GNYIS, MCHOD PA DNGOS DANG, LHAG CHAD ZHI BAR BYA ZHING BSKOR NAS SGO DBYE BA'O, ,DANG PO LA GNYIS, NANG DU DKYIL 'KHOR GYI LHA MCHOD PA DANG, PHYI ROL TU GTOR MA'I MCHOD PA'O, ,DANG PO LA GNYIS, MCHOD PA BYA BA'I RIM PA SPYIR BSHAD PA DANG, MCHOD
YON GYI CHO GA BYE BRAG TU BSHAD PA'O, ,DKYIL 'KHOR BRIS SHING BSGRUBS NAS MCHOD PA'I CHO GA'I RIM PA STE LE'U BDUN PA'O,, ,,GNYIS PA DBANG BSKUR BA'I CHO GA LA GNYIS, RANG NYID ZHUGS NAS DNGOS GRUB ZHU ZHING BDEN PA'I BYIN BRLABS BYA BA DANG, GZHAN LA DBANG BSKUR BA'I CHO GA'O, ,DANG PO LA GNYIS, ZHUGS SHING DBANG BLANGS NAS GNANG BA NOD PA DANG, DNGOS GRUB ZHU ZHING BDEN PA'I BYIN RLABS BYA BA'O, ,GNYIS PA GZHAN LA DBANG BSKUR BA'I CHO GA LA GNYIS, SLOB MA LA DBANG BSKUR BA SNOD RUNG GI CHO GA DANG, LHA LA DBANG BSKUR BA RAB GNAS KYI CHO GA'O, ,DANG PO LA GSUM, THOG MAR DBANG BSKUR BA'I CHO GA ,DAM TSIG NYAMS NA GSO BA'I TSUL, DKYIL 'KHOR GYI MJUG GI CHO GA'O, ,DANG PO LA GNYIS, RDUL TSON LA BRTEN NAS DBANG BSKUR BA'I CHO GA DANG, DKYIL 'KHOR GZHAN LA BRTEN NAS DBANG BSKUR BA LA DOGS PA GCAD PA'O, ,DANG PO LA LNGA, DKYIL 'KHOR DU GZHUG PA, ZHUGS PA LA DBANG BSKUR BA'I TSUL, DBANG GI MTHA' RTEN GYI CHO GA ,DBANG RNAMS KYI DON BSHAD PA, MTHA' RTEN BYED TSUL DBANG GI DBYE BSDU DANG BCAS PA'O, ,DANG PO LA GNYIS, GDONG GA-YOGS DANG BCAS PAR GZHUG PA DANG, DKYIL 'KHOR MTHONG BA'I BDAG NYID CAN DU GZHUG PA'O, ,
, ,DANG PO LA GNYIS, YOL BA'I PHYI ROL TU GZHUG PA DANG, NANG DU GZHUG PA'O, ,GNYIS PA LA GSUM, NANG DU GZHUG CING BSKOR NAS PHYAG BYA BA, DAM LA GZHAG PA, YE SHES PHAB NAS BDEN PA BRJOD PA'O, ,RANG NYID 'JUG CING DBANG BLANGS NAS SLOB MA DKYIL 'KHOR DU GZHUG PA'I RIM PA BSTAN PA STE LE'U BRGYAD PA'O,, ,,GNYIS PA ZHUGS PA LA DBANG BSKUR BA'I TSUL LA BZHI, BUM PA'I DBANG, GSANG BA'I DBANG, SHES RAB YE SHES KYI DBANG, DBANG BZHI PA BSKUR BA'O, ,DANG PO LA GNYIS, THUN MONG BA RDO RJE SLOB MA'I DBANG DANG, THUN MONG MA YIN PA RDO RJE SLOB DPON GYI DBANG BSKUR BA'O, DANG PO LA GNYIS, DBANG LNGA'I THUN MONG GI RNAM GZHAG DANG, SO SO'I RNAM GZHAG GO ,GNYIS PA LA GNYIS, CHU DBANG GI CHO GA DANG, DBANG LHAG MA'I CHO GA'O, ,DANG PO LA GNYIS, GSOL BA GDAB CING SBYANG BA BYA BA DANG, DE LA CHU DBANG BSKUR BA'I RIM PA'O, ,GNYIS PA THUN MONG MA YIN PA RDO RJE SLOB DPON GYI DBANG BSKUR BA LA GNYIS, SLOB DPON GYI DBANG GI RNAM GZHAG DANG, SLOB DPON GYI DBANG GI CHO GA'O, ,GNYIS PA LA GNYIS, SLOB DPON GYI DBANG BSKUR BA'I CHO GA DANG, DE'I MTHA' RTEN GYI CHO GA'O, ,DANG PO LA GNYIS, DAM TSIG GSUM SBYIN PA DANG, DAM TSIG GSUM GZUNG ZHING DE NYID BSTAN
PA'O, ;BUM PA'I DBANG BSKUR BA'I CHO GA'I RIM PA BSTAN PA STE LE'U DGU PA'O,, ,,GSUM PA SHES RAB YE SHES KYI DBANG LA GNYIS, SHES RAB YE SHES KYI DBANG BSKUR BA DANG, DBANG GSUM PA'I YE SHES NGOS GZUNG BA'O, ,GNYIS PA LA GNYIS, DNGOS KYI DON DANG, DE LA RTZOD PA SPANG BA'O, ,BZHI PA DBANG BZHI PA BSKUR BA LA GNYIS, RGYUD GZHAN GYI LUGS DANG, DUS 'KHOR BA'I LUGS SO, ,DANG PO LA GNYIS DBANG BZHI PA NGOS BZUNG BA DANG, ,DBANG BZHI PA'I TSIG GIS JI LTAR BSTAN PA'I TSUL LO, ,GSUM PA DBANG GI MTHA' RTEN GYI CHO GA LA GNYIS, BRTUL ZHUGS DANG LUNG BSTAN PA DANG, RJES GNANG DANG DBUGS DBYUNG BA'O, ,BZHI PA DBANG RNAMS KYI DON BSHAD PA LA GNYIS, DBANG MTHA' RTEN DANG BCAS PA'I DON BSHAD PA DANG, DBANG DON LAM GYI RIM PAR BSGRIGS NAS NGES PA BSKYED PA'O, ,DANG PO LA GNYIS BUM DBANG MTHA' RTEN DANG BCAS PA'I DON BSHAD PA DANG, GONG MA GSUM MTHA' RTEN DANG BCAS PA'I DON BSHAD PA'O, ,GNYIS PA DBANG GI YAN LAG TU GYUR PA'I CHO GA LA GSUM, LHA TSIM ZHING DNGOS GRUB SGRUB PA'I THABS SBYIN SREG ,NYAMS CHAG SKONG ZHING MKHA' 'GRO MNYES PA'I THABS TSOGS 'KHOR, CHA LUGS MI NYAMS SHING GZUNG BA'I DAM TSIG GI YAN LAG RDOR DRIL SOGS KYI TSAD DANG BCAD
, ,TSUL LO, ,DBANG GONG MA GSUM MTHA' RTEN DANG BCAS BA BSKUR ZHING 'JUG GI CHO GA BSTAN PA STE LE'U BCU PA'O,, ,,GSUM PA DAM TSIG LA GNAS NAS LAM JI LTAR NYAMS SU BLANG BA LA GNYIS, DANG PO THOS BSAM GYIS LAM SHES PAR BYA BA DANG, SHES PA'I DON BSGOMS PAS NYAMS SU BLANG BA'O, ,GNYIS PA LA BZHI, RIM GNYIS PHYOGS RE PA NYAMS SU BLANGS PAS 'TSANG RGYA BAR 'DOD PA DGAG PA, RIM GNYIS YA MA BRAL BAR NYAMS SU BLANG BA'I TSUL, DE GNYIS LA BOGS 'BYIN PA'I THABS SPYOD PA, DE DAG GANG ZAG GSUM GYI LAM DU JI LTAR 'GRO BA'I TSUL LO, ,DANG PO LA GNYIS, RDZOGS RIM DANG BRAL BA'I BSKYED RIM GYIS 'TSANG RGYA BAR 'DOD PA DGAG PA DANG, BSKYED RIM DANG BRAL BA'I RDZOGS RIM GYIS 'TSANG RGYA BAR 'DOD PA DGAG PA'O, ,DANG PO LA GNYIS, 'DOD PA BRJOD PA DANG, DE DGAG PA'O, ,GNYIS PA BSKYED RIM DANG BRAL BA'I RDZOGS RIM GYIS 'TSANG RGYA BAR 'DOD PA DGAG PA LA GNYIS, 'DOD PA BRJOD PA DANG, DE DGAG PA'O, ,GNYIS PA LA GNYIS, DGAG PA DNGOS DANG, BKAG PA LA RTZOD PA SPONG BA'O, ,GNYIS PA RIM GNYIS YA MA BRAL BAR NYAMS SU BLANG BA'I TSUL LA BZHI, RIM PA GNYIS KYI
SGRA'I DON, RIM PA GNYIS KYI GRANGS NGES PA, RIM PA GNYIS KYI GO RIM NGES PA, RIM GNYIS SO SO'I BSLAB TSUL LA, ,RIM GNYIS ZUNG 'BREL GYIS BYANG CHUB SGRUB DGOS PAR BSTAN PA STE LE'U BCU GCIG PA'O;; ;;BZHI PA RIM GNYIS SO SO'I BSLAB TSUL LA GNYIS, BSKYED RIM LA BSLAB TSUL DANG, RDZOGS RIM LA BSLAB TSUL LO, ,DANG PO LA GNYIS, BSKYED RIM SPYI'I RNAM GZHAG DANG, MNGON PAR RTOGS PA'I RIM PA BSHAD PA'O, ,DANG PO LA GSUM, GANG GI GNYEN POR BSKYED RIM BSKYED PA'I TSUL, BSKYED PAR BYA BA BSKYED RIM GYI RNAM DBYE, DE'I SKABS SU STONG NYID JI LTAR BSGOM PA'O; ;DANG PO LA GNYIS, SPANG BYA NGOS GZUNG ZHING DE 'GOG TSUL BSTAN PA DANG, GSAL SNANG DANG GNAS PA SGRUB LUGS BSTAN PA'O, ,GNYIS PA LA GSUM, MNGON RTOGS CI TZAM ZHIG BSGOM BAR BYA BA, GSAL SNANG 'DON TSUL, GNAS PA SGRUB LUGS SO, ,GSUM PA LA GNYIS, GNAS SKABS DANG PO GNYIS SU PHRA THIG BSGOM TSUL DANG, GNAS SKABS GSUM PAR PHRA THIG BSGOM TSUL LO, ,GNYIS PA BSKYED PAR BYA BA BSKYED RIM GYI RNAM DBYE LA GNYIS, YAN LAG BZHI DANG RNAM 'BYOR BZHI'I CHINGS DANG, YAN LAG DRUG DANG TING NGE 'DZIN GSUM GYI CHINGS BSTAN PA'O, ,
, ,GNYIS PA MNGON PAR RTOGS PA'I RIM PA BSHAD PA LA GSUM, THUN GYI NGO BO'I RNAL 'BYOR, THUN MTSAMS KYI RNAL 'BYOR, RNAL 'BYOR DE DAG RGYA CHE BAR 'JOG LUGS SO,, DANG PO LA GSUM, RNAL 'BYOR DNGOS KYI SNGON 'GRO, RNAL 'BYOR DNGOS GZHI YAN LAG DANG BCAS PA, MJUG GI BYA BA'O, ,DANG PO LA GNYIS, MTHUN RKYEN SGRUB PA TSOGS BSAG PA DANG, 'GAL RKYEN SEL BA SRUNG BA'I 'KHOR LO'I, ,GNYIS PA RNAL 'BYOR DNGOS GZHI YAN LAG DANG BCAS PA LA GSUM, RTEN GZHAL YAS KHANG BSKYED PA, BRTEN PA LHA BSKYED PA, RDZOGS PAR BYED PA'I YAN LAG GO ,GNYIS PA LA GSUM, LHA BSKYED PA'I TSUL DNGOS, SBYANG GZHI DANG LAM LA SBYAR BA, DON GYI GNAD BSDU BA'O, ,DANG PO LA GNYIS, MNGON BYANG LNGAS BSKYED TSUL DANG, ZHU BA GLUS BSKUL NAS BSKYED TSUL LO; ;GSUM PA RDZOGS PAR BYED BA'I YAN LAG LA GNYIS, YE SHES PA GZHUG CING RGYAS BTAB NAS MCHOD CING BSTOD PA DANG, BDUD RTZI MYANG ZHING BSGOM BZLAS BYA'O, ,GSUM PA MJUG GI BYA BA LA GNYIS, LUS BRTA ZHING GTOR MA BSKYED PA'I CHO GA DANG, MGRON BSKYED CING DBUL BA'I CHO GA'O, ,BSKYED PA'I RIM PA BSTAN PA STE LE'U BCU GNYIS PA'O,, ,,GNYIS PA RDZOGS
RIM LA BSLAB TSUL LA GNYIS, RDZOGS RIM SPYI'I RNAM GZHAG DANG, THOG MAR SGOM PA'I RDZOGS RIM NGOS GZUNG BA'O, ,DANG PO LA GNYIS, PHA RGYUD PA'I RDZOGS RIM GYI RNAM GZHAG DANG, MA RGYUD KYI RDZOGS RIM GYI RNAM GZHAG GO ,DANG PO LA GNYIS, 'PHAGS LUGS PA'I RDZOGS RIM GYI RNAM GZHAG DANG, YE SHES ZHABS LUGS KYI RDZOGS RIM GYI RNAM GZHAG GO ,DANG PO LA GNYIS, DBYE DANG BDEN PA GNYIS KYI RDZOGS RIM BSTAN PA DANG, DBEN PA GSUM GYI RDZOGS RIM BSTAN PA'O, ,GNYIS PA MA RGYUD KYI RDZOGS RIM GYI RNAM GZHAG LA GNYIS, DUS 'KHOR BA'I LUGS KYI RDZOGS RIM DANG, SLOB DBON GZHAN GYI MA RGYUD KYI RDZOGS RIM MO, ,DANG PO LA GSUM, THOB BYA'I BDE STONG DBYER MED NGOS GZUNG BA, DE SGRUB PA'I LAM GYI GRANGS DANG GO RIM NGES PA, MI 'GYUR BA'I BDE BA BYE BRAG TU BSHAD PA'O, GSUM PA LA GNYIS, MI 'GYUR BA'I BDE BAS BDAG MED RTOGS PA'I TSUL DANG, CIR YANG MI 'DZIN PA'I BSAM MED DUS 'KHOR BA'I LUGS YIN PA DGAG PA'O, ,GNYIS PA SLOB DPON GZHAN GYI MA RGYUD KYI RDZOGS RIM LA GNYIS, BDE MCHOG GI RDZOGS RIM DANG, KYEE RDO RJE'I RDZOGS RIM GYI RNAM GZHAG GO, RDZOGS RIM SPYI'I RNAM GZHAG BSTAN PA STE LE'U BCU GSUM PA'O,, ,,GNYIS PA THOG MAR BSGOM PA'I
, ,RDZOGS RIM NGOS GZUNG BA LA GSUM, BSGOM PA'I RTEN RTZA DANG RLUNG LA SOGS BA BSTAN PA, DE LA JI LTAR GNAD DU BSNUN PA, DE LA BRTEN NAS STONG NYID BSGOM PA'I TSUL LO, ,DANG PO LA GNYIS, RTZA BSHAD PA DANG, RLUNG BSHAD PA'O, ,GNYIS PA DE LA JI LTAR GNAD DU BSNUN PA LA GNYIS, RLUNG GI RNAL 'BYOR DANG, GTUM MO'I RNAL 'BYOR RO, ,THOG MAR BSGOM PA'I RDZOGS RIM SPYOD PA DANG BCAS PA DANG LAM GYI 'BRAS BU BSTAN PA'I RIM PA STE LE'U BCU BZHI PA'O,, ,,ZHES RJE RIN PO CHE BLO BZANG GRAGS PA'I DPAL GYIS MDZAD PA'I RDO RJE 'CHANG CHEN PO'I LAM KYI RIM PA GSANG BA KUN GYI GNAD RNAM PAR PHYE BA'I SA BCAD RIG 'DZIN MDZOD KYI LDE MIG CES BYA BA 'DI NI, MGON PO GANG GI RJES 'JUG GI THA SHAL DGE SLONG SU DHARME SHVA RA ZHES BYA BA ZHIG GIS BRIS,, ,,BKRA SHIS DGE LEGS 'PHEL GYUR CIG ,