(` RJE BTZUN SENG LDENG NAGS SGROL GTZO 'KHOR GSUM GYI SGRUB THABS RJES GNANG BZHUGS, ) ` NA MO GU RU A'A RYA T'A R'A YE, 'DIR SENG LDENG NAGS SGROL GTZO 'KHOR GSUM GYI SGRUB THABS NI, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BDAG DANG GZHAN DON BSGRUB SLAD DU, ,BDAG GIS BYANG CHUB SEMS BSKYED DO, ,LAN GSUM GYIS SKYABS SEMS BYA, RANG SKAD CIG GIS RJE BTZUN MAR GSAL BA'I THUGS KA'I T'Am YIG GI 'OD ZER GYIS RANG BZHIN GYI GNAS NAS RJE BTZUN MA GTZO 'KHOR GSUM LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR AOm BADZRA SA M'A DZA: NA MO GU RU BHYA: NA MA A'A RYA T'A R'A SA PA RI W'A RE BHYA: AOm GU RU A'ARYA T'A R'A SA PA RI W'A RA AARGHAm PRA T'I TZTSA YE SV'AH'A, P'AdYAm PRA T'I TZTSAm YE SV'AH'A, BADZRA PUshPE, DH'U PE; A'A LO KE, GANDHE, NEE WIDYE,
, ,SHAPTA A'A: H'Um, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,LAN GSUM SNYOMS CAN THAMS CAD BDE BA DANG LDAN PAR GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR CIG ,CHAGS SDANG DANG BRAL BAR GYUR CIG ,AOm SV'A BH'A WA SHU DDHO: SARBA DHARMA: SVA BH'A WA SHUDDHO NYAHAm, STONG PA NYID DU GYUR, STONG PA'I NGANG LAS PAm LAS PADMA DANG, AA LAS ZLA BA'I STENG DU, RANG GI SEMS NYID T'Am LJANG GU, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS RANG NYID SENG LDENG NAGS KYI SGROL MA SKU MDOG LJANG GU ZHAL GCIG PHYAG GNYIS MA, GA-YAS MCHOG SBYIN DANG, GA-YON PA'I MTHEB SRIN GYIS AUTPALA'I YU BA 'DZIN PA, RIN PO CHE'I RGYAN DANG DAR GYI NA BZA' CAN, ZHABS SEMS DPA'I SKYIL KRUNG GIS BZHUGS PA; GA-YAS SU 'OD ZER CAN SER MO GA-YAS RDO RJE DANG GA-YON MYA NGAN MED PA'I YAL GA 'DZIN PA, GA-YON DU RAL GCIG MA NAG MO GA-YAS GRI GUG DANG GA-YON THOD PA 'DZIN PA, GNYIS KA'ANG ZHABS GNYIS MNYAM PA'I STABS KYIS BZHENGS PA, GTZO 'KHOR GSUM GYI DPRAL BAR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS PAS BSGOMS PA DANG 'DRA BA'I YE SHES PA DANG DBANG
GI LHA RNAMS, AOm BADZRA SA M'A DZA: DZA: H'Um BAm HO: DAM TSIG PA DANG GNYIS SU MED PAR GYUR, DBANG GI LHAS DBANG BSKUR, GTZO MO LA 'OD DPAG MED DANG 'KHOR GNYIS LA GTZO MOS DBU BRGYAN PAR GYUR, AOm A'ARYA T'A R'A SA PA RI WA RA AARGHAm, NAS; SHAPTA A'A: H'Um GI BAR GYIS SNGAR BZHIN MCHOD, LHA DANG LHA MIN COD PAN GYIS, ,ZHABS KYI PADMO LA BTUD DE, ,PHONGS PA KUN LAS SGROL MDZAD MA, ,SGROL MA 'KHOR BCAS LA PHYAG 'TSAL, ,THUGS KAR ZLA BA LA T'Am GYI MTHAR SNGAGS KYIS BSKOR BA'I 'OD ZER GYIS DON GNYIS BYED PAR BSAMS LA, AOm T'A RE TU TT'A RE TU RE SV'AH'A, ZHES BZLA, 'KHOR GNYIS RANG LA THIMS PAR GYUR, DGE BA 'DI YIS MYUR DU BDAG ,SENG LDENG NAGS SGROL 'GRUB GYUR NAS, ,'GRO BA GCIG KYANG MA LUS PA, ,DE YIS LA 'GOD PAR SHOG ,CES SENG LDENG NAGS SGROL GTZO 'KHOR GSUM MA'I SGRUB THABS MDOR BSDUS 'DI YANG BAN RGAN DHARMA BHA DRAS RANG GI NYAMS LEN DU SBYAR BA'O, ` 'DI'I RJES GNANG BYA TSUL NI, STEGS BU'I STENG DU MAndAL SNA TSOGS PADMA'I LTE BA'I DBUS DANG GA-YAS GA-YON DU TSOM BU LJANG SER MTHING GSUm BKOD, CHU GNYIS NYER SPYOD KYI MCHOD PA DANG DKAR GTOR BUM PA RDOR DRIL 'THOR 'BRU SOGS GSHAM, GONG BZHIN BDAG BSKYED BTANG, DE NAS MCHOD PA, AOm AA MRi TE H'Um PHAt, KYIS BSANGS, SVA BHA WAS SBYANGS
, ,STONG PA'I NGANG LAS MCHOD PA RNAMS PHUL DU BYUNG BA'I LHA RDZAS SU GYUR, AOm A'A: H'Um LAN GSUM GYIS BRLAB, BSGRUB GZHI AA MRi TAS BSANGS, SVA BH'A WAS SBYANGS, STONG PA'I NGANG LAS PAm LAS PADMA DANG, AA LAS ZLA BA'I STENG DU, T'Am LJANG GU, DE LAS 'OD ZER 'PHROS, ZHES PA NAS, TU RE SV'AH'A, ZHES BZLA, ZHES PA'I BAR RANG NYID CES PA DOR NAS BDAG BSKYED BZHIN BYA, GTOR MA MCHOD PA LTAR BSANGS SBYANGS, STONG PA'I NGANG LAS GTOR MA PHUL DU BYUNG BA'I LHA RDZAS SU GYUR, AOm A'A: H'Um, LAN GSUM GYIS BRLABS LA, AOm A'ARYA T'A R'A SA PA RI W'A RA BA LIm TA KHA KHA KH'A HI KH'A HI, LAN GSUM GYIS 'BUL, GONG LTAR MCHOD BSTOD BYA, BCOM LDAN 'DAS MAS BDAG DANG SLOB MA RNAMS LA DNGOS GRUB MA LUS PA STZAL DU GSOL, ZHES GSOL BA GDAB, ( ` DE NAS SLOB MA RNAMS KHRUS BYAS,) PHYAG DANG MAndAL 'BUL DU BCUG NAS, 'O; NAM MKHA' DANG MNYAM PA'I SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I CHED DU DAM PA'I CHOS ZAB MO GSAN DGONGS PA BYANG CHUB KYI MCHOG TU THUGS BSKYED PA GSAL BTAB NAS GSAN PAR ZHU, GSAN BYA'I CHOS NI, BYA RGYUD PADMA'I RIGS KYI YUM RJE BTZUN SENG LDENG NAGS KYI SGROL MA GTZO 'KHOR GSUM GYI RJES GNANG SGRUB THABS RGYA
MTSO'I LUGS LTAR 'BUL BA LA, SNGON THOG MA MED PA'I DUS NA, 'JIG RTEN GYI KHAMS SNA TSOGS PA'I 'OD CES BYA BAR, DE BZHIN GSHEGS PA RNGA SGRA ZHES BYA BA'I BSTAN PA LA MCHOG TU GUS PA'I RGYAL PO'I SRAS MO YE SHES ZLA BA ZHES BYA BAS, SANGS RGYAS RNGA SGRA 'KHOR DANG BCAS PA LA LO MANG PO'I BAR DU NYIN RE BZHIN MCHOD RDZAS BSAM GYIS MI KHYAB PAS MCHOD PA NA, 'KHOR DGE SLONG RNAMS KYIS KHYED DGE BA'I RTZA BA 'DIS LUS 'DI NYID LA SKYES PAR GYUR TE, BSTAN PA LA BYA BA BYED PAR SMON LAM THOB CES BSKUL BA NA, SRAS MOS, 'DI NA SKYES PA MED CING BUD MED MED, ,BDAG MED GANG ZAG MED CING RNAM RIG MED, ,PHO MOR BTAGS PA 'DI NI YA MA BRLA, ,'JIG RTEN BLO NGAN RNAM PAR 'KHRUL BAR GYUR, ,SKYES PA'I RTEN LA BYANG CHUB SGRUB PA NI MANG GI ,BUD MED KYI RTEN LA 'GRO DON SPYOD PA NI 'GA' YANG MED DO, ,DE BAS NA 'KHOR BA MA STONGS KYI BAR DU BUD MED KYI RTEN GYIS 'GRO BA'I DON BYA'O, ,ZHES THUGS BSKYED NAS, 'GRO BA THAMS CAD SGROL BA ZHES BYA BA'I TING NGE 'DZIN BSGRUBS NAS SEMS CAN MTHA' YAS PA SMIN GROL LA BKOD PAS, SANGS RGYAS RNGA SGRAS KHYOD BYANG CHUB KYI BAR DU LHA MO SGROL MA'I MTSAN CAN 'BA' ZHIG TU 'GYUR BAR LUNG BSTAN TO, ,DES NA RJE BTZUN MA 'DI NYID RGYAL BA THAMS CAD KYI 'PHRIN LAS KYI NGO BO YIN PAS SPYIR SEMS CAN THAMS CAD DANG KHYAD PAR JO BO
, ,RJE LA; KHYOD KYI RJES 'BRANG KHO MOS SKYOB, CES ZHAL GYIS BZHES PA LTAR, BKA' GDAMS GSAR RNYING GI GANG ZAG RNAMS PHYI NANG GI 'JIGS PA LAS SGROL BA LA, YI DAM GYI LHA GZHAN LAS 'PHRIN LAS MYUR BAR GSUNGS PAS 'DI'I RJES GNANG 'BUL BA LA, THOG MAR SLOB DPON RJE BTZUN MA SGROL MAR MOS PA LA GSOL BA 'DEBS PA 'DI'I RJES ZLOS MDZOD, ,RDO RJE 'DZIN PA DGONGS SU GSOL, ,BDAG NI 'GRO LA PHAN DON DU, ,GTZO CHEN KHYED LA GSOL 'DEBS KYIS, ,MA LUS RJES GNANG STZAL DU GSOL, ,LAN GSUM, RGYUD DAG PA'I SLAD DU MDUN BSKYED KYI LHA MO DANG SANGS RGYAS BYANG SEMS RNAMS KYI DRUNG DU YAN LAG BDUN GYI SGO NAS BYANG SDOM 'DZIN PA 'DI'I RJES ZLOS MDZOD, DKON MCHOG GSUM LA BDAG SKYABS MCHI, NAS; 'GRO LA PHAN PHYIR SANGS RGYAS 'GRUB PAR SHOG ,LAN GSUM, DNGOS GZHI LA GSUM LAS, DANG PO SKU'I RJES GNANG GI DON DU GSOL BA 'DEBS PA 'DI'I RJES ZLOS MDZOD, DUS GSUM SANGS RGYAS THAMS CAD KYI, ,SKU YI RDO RJE SLOB DPON GYIS, ,BDAG LA SENG LDENG NAGS SGROL GYI, ,SKU YI RJES GNANG STZAL DU GSOL, ,LAN GSUM SLOB MA RNAMS AA MRi TES BSANGS, SVA BH'A WAS SBYANGS, STONG PA'I NGANG LAS SLOB MA RNAMS KYI GO SAR, PAm LAS PADMA DANG, AA LAS ZLA BA'I STENG DU SLOB MA RNAMS KYI SEMS NYID T'Am LJANG GU, DE LAS 'OD ZER
'PHROS, DON GNYIS BYAS, 'DUS YONGS SU GYUR PA LAS SLOB MA RE RE NAS SENG LDENG NAGS KYI SGROL MA, ZHES PA NAS, THUGS KAR H'Um SNGON POS MTSAN PAR GYUR, CES PA'I BAR GYIS BSKYED LA, SLOB DPON GYI THUGS KA NAS 'OD ZER 'PHROS PAS, MDUN BSKYED DANG PHYOGS BCU'I RGYAL BA SRAS BCAS RNAMS KYI THUGS RGYUD BSKUL TE, THUGS GNYIS SU MED PA'I YE SHES RJE BTZUN SGROL MA'I LHA TSOGS KYI RNAM PAR SPYAN DRANGS NAS, KHYED RANG RNAMS KYI LUS LA CHAR CHEN PO BAB PA BZHIN DU SIB SIB THIMS PAS RGYUN BYIN GYIS BRLAB PA'I MOS PA MDZOD, DRIL GSIL DANG BCAS, 'GRO KUN SRID PA'I RGYA MTSO LAS, ,RMAD BYUNG THUGS RJE'I GRU GZINGS KYIS; ;SGROL BA'I THUGS DAM BCAS PA BZHIN, ,DAM TSIG CHEN POS AE HYE HI, ,DZA: H'Um BAm HO: GNYIS SU MED PAR GYUR, DES SKU'I RJES GNANG SONG, GNYIS PA GSUNG GI RJES GNANG GI DON DU GSOL BA 'DEBS PA 'DI'I RJES ZLOS MDZOD, DUS GSUM x, GSUNG GI x, BDAG LA x, GSUNG GI x, LAN GSUM, SLOB DPON SGROL MAR GSAL BA'I THUGS KAR ZLA BA'I STENG DU T'Am YIG GE MTHAR YI GE BCU PA'I SNGAGS 'PHRENG GIS BSKOR BA LAS SNGAGS 'PHRENG MAR ME GCIG LAS GNYIS CHAD KYI TSUL DU BYUNG BA SLOB DPON GYI ZHAL NAS THON TE, KHYED RANG RNAMS SGROL MAR GSAL BA'I ZHAL DU ZHUGS, THUGS KAR ZLA BA'I STENG DU T'Am YIG GI MTHAR
, ,'KHOD PA LA, PHYOGS BCU'I RGYAL BA SRAS BCAS KYI MKHYEN BRTZE NUS GSUM 'OD ZER GYI RNAM PAR BSTIMS PAS, LAN DANG POS BYIN GYIS BRLABS, GNYIS PAS DBYER MED DU 'DRES, GSUM PAS BRTAN PAR BYAS PA'I MOS PA DANG BCAS TE, SNGAGS 'DI'I RJES ZLOS LAN GSUM MDZOD, AOm T'A RE TUTT'A RE TU RE SV'AH'A, ZHES BRJOD, SLOB DPON LA ME TOG 'THOR BZHIN DU 'DI'I RJES ZLOS MDZOD, BCOM LDAN BDAG GIS BZUNG LAGS KYI, ,BDAG LA 'GO BAR MDZAD DU GSOL, ,LAN GSUM, DE LTAR PHUL BA'I ME TOG DE SNGAGS KYI 'PHRENG BAR BYIN GYIS BRLABS TE, KHYED RANG RNAMS KYI MGO BOR PHUL BA'I MOS PA MDZOD, ME TOG GTOR LA, BCOM LDAN 'DI LA STZAL LAGS KYI, ,'DI LA 'GO BAR MDZAD DU GSOL, ,SNGAGS KYI DNGOS GRUB STZAL DU GSOL, ,BRTUL ZHUGS BRTAN PAR MDZAD DU GSOL, ,RIG PA 'DZIN PA 'DI RNAMS LA, ,RJE BTZUN MA SENG LDENG NAGS KYI SGROL MA'I GSUNG GI BYIN RLABS MA LUS PA 'JUG PAR GYUR CIG ,DES GSUNG GI RJES GNANG SONG, GSUM PA THUGS KYI RJES GNANG GI DON DU GSOL BA 'DEBS PA 'DI'I RJES ZLOS MDZOD, DUS GSUM x, THUGS KYI RDO RJE x, BDAG LA x, THUGS KYI RJES GNANG x, LAN GSUM, SLOB DPON GYI THUGS KA NAS 'OD ZER 'PHROS PAS, MDUN BSKYED DANG PHYOGS BCU'I
RGYAL BA SRAS BCAS RNAMS KYI THUGS RGYUD BSKUL TE, THUGS GNYIS SU MED PA'I YE SHES PHYAG MTSAN AUTPA LA, RDO RJE, AA SHOKA, GRI GUG ,KA P'A LA'I RNAM PAR SPYAN DRANGS NAS, KHYER RANG RNAMS KYI SPYI BO NAS ZHUGS TE, THUGS KA'I T'Am YIG LA THIMS PAS RGYUD BYIN GYIS BRLABS PA'I MOS PA MDZOD, DRIL GSIL DANG ME TOG GTOR LA, YI GE BCU PA BRJOD, DES THUGS KYI RJES GNANG SONG, RJES CHOG MI 'DI'I DAM TSIG RNAMS LEGS PAR BSRUNG SNYAM PAS 'DI'I RJES ZLOS MDZOD, GTZO BOS JI LTAR BKA' STZAL PA, ,DE DAG THAMS CAD BDAG GIS BGYI, ,LAN GSUM, RANG GI LUS DRAN DU 'BUL SNYAM PAS 'DI'I RJES ZLOS MDZOD, DENG NAS BRTZAMS TE BDAG DRAN DU, ,KHYED LA BDAG NI 'BUL LAGS KYIS, ,KHYED KYIS SLOB MAR GZUNG BA DANG, ,CHA YIS KYANG NI SPYAD DU GSOL, ,LAN GSUM, DE NAS BTANG RAG MAndAL, MCHOD BSTOD, YIG BRGYA, BZOD GSOL, AOm BADZRA MU: YE SHES PA RANG GNAS SU GSHEGS SHING, DAM TSIGS RANG LA THIMS PAR GYUR, DGE BA 'DI YIS MYUR DU BDAG ,CES SOGS KYIS BSNGO SMON DANG, BDAG GI TSE RABS SNGON NAS BSGRUBS PA'I LHA, ZHES SOGS KYIS SHIS BRJOD BYAS LA LAS KYI RJES MI MNGON PAR BYA'O, ,SMRAS PA, BGRANG YAS RNAM PAR 'DREN PA MA
, ,LUS PA'I, ,'PHRIN LAS BYA BA SGRUB PA'I YE SHES CHE, ,MTSAN DPE'I LANG TSO RAB RGYAS LHA MO'I SKUR, ,NYER BSTAN GTZO DANG 'KHOR BCAS SGRUB PA'I THABS, ,SNOD LDAN RDO RJE'I SLOB MA RJES 'DZIN PA'I, ,RJES GNANG CHO GA TSIG NYUNG DON GSAL 'DI, ,SPYI ZUR DAM PA'I PHYAG BZHES JI BZHIN DU, ,BAN RGAN DHARMA BHA DRAS YI GER BKOD, ,'DIR 'BAD RNAM DKAR KU MUD MDANGS 'DZIN PAS, ,BDAG DANG 'CHI MED LAM MNYAM YID CAN KUN, ,PHYI NANG BRGYAD ZUNG 'JIGS PA'I CHU GTER LAS, ,RGYAL YUM THUGS RJE'I GRU YIS SGROL GYUR CIG ,SARBA DZA GA TAm,,