` (PHYAG RDOR GTUM PO KHYUNG LNGA'I BDAG BSKYED RJES GNANG BZHUGS), ` NA MO GU RU BADZRA TZAndA YA, 'DIR PHYAG RDOR GTUM PO KHYUNG LNGA'I BSGOM BZLA BYA TSUL NI, DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,LAN GSUM GYIS SKYABS 'GRO DANG, SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU GSANG BA'I BDAG PO GTUM PO KHYUNG LNGA BSGOM PAR BGYI'O, ,LAN GSUM GYIS SEMS BSKYED, AOm SVA BH'A WA SHUDDHA SARBA DHARM'A SVA BH'A WA SHUDDHONYAHAm, STONG PA NYID DU GYUR, STONG PA'I NGANG LAS PAm LAS PADMA DANG, RAm LAS NYI MA'I STENG DU, H'Um LAS RDO RJE H'Um GIS MTSAN PA YONGS SU GYUR PA LAS, RANG NYID PHYAG NA RDO RJE GTUM PO SKU MDOG MTHING NAG KHRO BO'I NYAMS DANG LDAN PA'I ZHAL GCIG PHYAG GNYIS KYI GA-YAS GSER GYI RDO RJE RTZE LNGA PA 'PHYAR ZHING, GA-YON DRIL BU DKUR BRTEN PA, RIN PO CHE DANG SBRUL GYIS BRGYAN CING DAR SNGON GYI STOD GA-YOGS DANG STAG LPAGS KYI SHAM THABS CAN, YE SHES KYI ME RAB TU 'BAR BA'I DBUS NA ZHABS GA-YAS BSKUMS PAS 'JIGS BYED NAG PO KHA SPUB DANG, GA-YON BRKYANGS
, ,PAS DUS MTSAN MA DMAR MO GAN RKYAL DU MNAN PA, DE'I SPYI BOR AOm LAS KHYUD DKAR PO GA-YAS 'KHOR LO, MGRIN PAR A'A: LAS KHYUNG DMAR PO GA-YAS PADMA, THUGS KAR H'Um LAS KHYUNG SNGON PO GA-YAS RDO RJE, LTE BAR SV'A LAS KHYUNG SER PO GA-YAS RIN PO CHE, GSANG GNAS SU H'A LAS KHYUNG LJANG GU GA-YAS RAL GRI 'DZIN CING, GA-YON PA RNAMS KYIS RANG RANG GI MDOG CAN GYI SBRUL BZUNG NAS ZA BA RANG GI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, LTE BAR SV'A SER PO, GSANG BAR H'A LJANG GU, THUGS KA'I H'Um LAS 'OD ZER 'PHROS PAS, LCANG LO CAN NAS BSGOMS PA DANG 'DRA BA'I YE SHES PA DBANG LHA DANG BCAS PA SPYAN DRANGS, DZA: H'Um BAm HO: RANG DANG GNYIS SU MED PAR GYUR, DBANG GI LHAS DBANG BSKUR, MI BSKYOD PAS DBU BRGYAN PAR GYUR, CES BSKYED LA, AOm BADZRA PA nI SA PA RI W'A RA AARGHA, NAS; SHAPTA PRA T'I TZTSA T'Um SV'A H'A'I BAR GYIS MCHOD, LCANG LO CAN GYI GNAS MCHOG DAM PA NA, ,GSANG SNGAGS RIG SNGAGS KUN GYI BDAG PO STE, ,LOG 'DREN 'GEGS KYI TSOGS RNAMS 'JOMS MDZAD PA'I, ,BCOM LDAN RDO RJE 'DZIN LA PHYAG 'TSAL LO, ,ZHES BSTOD, RANG GI THUGS KAR NYI MA'I STENG DU H'Um GI MTHAR SNGAGS KYIS BSKOR BA LAS 'OD ZER 'PHROS PAS NAD GDON SDIG SGRIB THAMS CAD SBYANGS, SRID ZHI'I LOGS TSEGS THAMS CAD 'OD
ZER GYI RNAM PAR BSDUS TE RANG LA THIM PAR BSAMS LA, AOm BADZRA TZAndA MAH'A RO shA nA H'Um PHAt, CES PA DANG, AOm BADZRA TZAnd MA H'A RO shA nA H'Um PHAt GA RU dA HAm SA HE TZA LE TZA PO SV'A H'A, ZHES PA GNYIS GANG MANG BZLA, MJUG TU, DGE BA 'DI YIS MYUR DU BDAG ,GTUM PO KHYUNG LNGA 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BRJOD DO,, ( ` 'DI'I RJES GNANG BYA TSUL NI, ) GNAS GTZANG MAR MAndAL GYI KHAR SNA TSOGS PAD NYI'I STENG DU TSON SPUNGS SNGON PO, DE'I STENG DU MANYDZI'I KHAR BSKYED GTOR DMAR PO ZUR GSUM PA RGYAN LDAN, MDUN DU 'BUL GTOR ZLUM PO, BDAG MDUN GYI MCHOD PA CHU GNYIS NYER SPYOD, LAS BUM RDOR DRIL SOGS DGOS PA'I YO BYAD RNAMS 'DU BYAS, BDAG BSKYED BSGOM, GSANG CHU SGRUB, MDUN BSKYED BZLAS PA GTOR 'BUL RNAMS PHYAG LEN LTAR SNGON DU BTANG, SPYI BYE BRAG GI CHOS BSHAD, MAndEL, KUN MKHYEN YE SHES SOGS KYI GSOL 'DEBS MAndAL BSTAN PA, SEMS BSKYED, SLOB MA LHAR BSKYED PA RNAMS SPYI LTAR BYA, DE NAS BLA MA PHYAG NA RDO RJE'I LHA TSOGS RNAMS KYIS BDAG LA, BUM DBANG DANG SKU'I BYIN RLABS GSANG DBANG DANG GSUNG GI BYIN RLABS, SHER DBANG DANG THUGS KYI BYIN RLABS, TSIG DBANG DANG YON TAN 'PHRIN LAS KYI BYIN RLABS STZAL DU GSOL, ZHES DANG, BLA MA DANG MDUN BSKYED KYI SPYI BO'I KHYUNG LAS GNYIS PA
, ,CHAD NAS SLOB MA'I SPYI BO'I KHYUNG LA THIM, SPYI BO'I AOm LAS PHYAG RDOR DKAR PO DPAG MED BYUNG BAS SLOB MA'I MGRIN PA YAN CHAD GANG, LUS KYI NAD GDON SDIG SGRIB SBYANGS, BUM DBANG DANG SKU'I BYIN RLABS THOB, MGRIN PA'I KHYUNG LAS GNYIS PA CHAD NAS SLOB MA'I MGRIN PA'I KHYUNG LA THIM, MGRIN PA'I A'A: LAS PHYAG RDOR DMAR PO DPAG MED BYUNG BAS, SLOB MA'I SNYING GA YAN CHAD GANG, NGAG GI NAD GDON SDIG SGRIB SBYANGS, GSANG DBANG DANG GSUNG GI BYIN RLABS THOB, THUGS KA'I KHYUNG LAS GNYIS PA CHAD NAS SLOB MA'I THUGS KA'I KHYUNG LA THIM, THUGS KA'I H'Um LAS PHYAG RDOR SNGON PO DPAG MED BYUNG BAS, SLOB MA'I LTE BA YAN CHAD GANG, YID KYI NAD GDON SDIG SGRIB SBYANGS, SHER DBANG DANG THUGS KYI BYIN RLABS THOB, LTE BA DANG GSANG GNAS KYI KHYUNG LAS GNYIS PA CHAD NAS SLOB MA'I LTE BA DANG GSANG GNAS KYI KHYUNG LA THIM, LTE BA'I SV'A DANG GSANG GNAS KYI H'A LAS PHYAG RDOR SER PO DANG LJANG GU DPAG MED BYUNG BAS, SLOB MA'I RKANG MTHIL YAN CHAD GANG, SGO GSUM GYI NAD GDON SDIG SGRIB BAG CHAGS DANG BCAS PA SBYANGS, TSIG DBANG DANG YON TAN 'PHRIN LAS KYI BYIN RLABS THOB PAR BSAM, BLA MA'I THUGS KA'I SNGAGS 'PHRENG LAS GNYIS PA CHAD NAS, SLOB MA'I THUGS KAR 'KHOR BA'I ME 'OD KYIS NAD GDON SDIG SGRIB THAMS CAD BSREGS PAR
BSAM LA SNGAGS KYI RJES ZLOS BYED, GTOR MA MGOR BZHAG STE, BLA MA PHYAG NA RDO RJE'I LHA TSOGS KYIS, ,SLOB MA'I NAD GDON SDIG SGRIB KUN SBYANGS NAS, ,TSE BSOD YON TAN YAR ZLA LTAR RGYAS SHING, ,DBYER MED THIMS LA SGO GSUM BYIN GYIS RLOBS, ,DZA: H'Um BAm HO: ZHES BKA' BSGO, DAM TSIG KHAS LEN, MAndAL, LUS 'BUL, BSDU CHOG SPYI DANG 'DRA, ZHES PA 'DI SANGS RGYAS BKA' 'BUM DANG YONGS 'DZIN RIN PO CHE'I PHYAG LEN GANG NGES GUNG BSGRIGS NAS RANG GI DRAN THOR DHARMA BHA DRAS BRIS PA'O,,