` NA MO Y'AR-YA MANYDZU SHRI YE, 'DIR PAn CHEN MA TI'I LUGS KYI 'JAM DKAR SHES RAB BLO 'PHEL GYI RJES GNANG BYA TSUL NI, GTZANG ZHING YID DU 'ONG PA'I GNAS SU STEGS BU'I KHAR RDUL TSON DKAR POS PADMA 'DAB BRGYAD BRIS PA'I LTE BAR TSOM BU DKAR PO'AM 'JAM DBYANGS KYI SKU DANG, STENG DU 'JAM DPAL MTSAN BRJOD KYI GLEGS BAM BZHUGS PA'I MTHAR CHU GNYIS NYER SPYOD MTSAMS 'DZIN GYIS BSKOR BA, SHAR DU DKAR GTOR GCIG ,BDAG BSKYED KYI MCHOD PA, BGEGS GTOR, LAS BUM, MAndAL, 'THOR 'BRU SOGS YO BYANG RNAMS TSOGS PAR BYAS LA, BDAG BSKYED LAGS SU YOD PA LTAR BTANG, GSANG CHU BSGRUB, BSGRUB GZHI AA MRI TAS BSANGS, SVA BHA WAS SBYANGS, STONG PA'I NGANG LAS BAm LAS 'O MA'I RGYA MTSO CHEN PO'I DBUS SU, ZHES PA NAS, MI BSKYOD PAS DBU BRGYAN PAR GYUR, CES PA'I BAR RANG GI SEMS NYID CES PA DANG, RANG NYID CES PA DOR NAS BDAG BSKYED LTAR BSKYED, DE NAS MCHOD GTOR ARA MRi TAS BSANGS, SVA BH'A WAS SBYANGS, STONG PA'I NGANG LAS BHR'Um LAS RIN PO CHE'I SNOD RNAMS KYI NANG DU, AOm LAS MCHOD GTOR RNAMS PHUL DU BYUNG BA'I LHA RDZAS SU GYUR, AOm A'A: H'UI, LAN GSUM GYIS BRLABS
, ,LA; AOm SARBA TA TH'A GA TA ZHES SOGS KYIS MCHOD, RI BONG 'DZIN PA LTAR DKAR, ZHES SOGS KYIS BSTOD, LHA'I LJAGS 'OD ZER GYI SBU KUS GTOR MA GSOL BAR GYUR, AOm SARBA TA TH'A GA TA A'AR-YA MANYDZU SHR'I SA PA RI W'A RA AI DAm BA LI TI KHA KHA KH'A HE KH'A HI, LAN GSUM GYIS PHUL, MCHOD BSTOD GONG LTAR BYA, BCOM LDAN 'DAS ZHES SOGS KYIS 'DOD DON LA GSOL BA GDAB BO, ,DE NAS SLOB MA KHRUS BYAS PHYAG DANG MAndAL 'BUL DU BCUG NAS, 'O; NAM MKHA' DANG MNYAM PA'I SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I CHED DU RJES GNANG ZAB MO NONG DGONGS PA BYANG CHUB KYI MCHOG TU THUGS BSKYED PA GSAL BTAB NAS GSAN PAR ZHU, GSAN BYA'I CHOS NI, BYA RGYUD DE BZHIN GSHEGS PA'I RIGS KYI BDAG PO 'PHAGS PA 'JAM DPAL DBYANGS DKAR PO PAn CHEN MA TI'I LUGS SU GRAGS PA STE, DE YANG 'JAM DPAL DNGULS SU GRUB PA'I SLOB DPON DZE T'A RI DGRA LAS RNAM RGYAL GYIS NOR BU GLING PA BDE BA'I RDO RJE RGAS SHING 'KHOGS PA LA GDAMS PA GNANG BAS ZHAG BDUN NAS GRU BSTE PAn CHEN MA TIR GRAGS PA'I MKHAS PA CHEN POR GYUR CING TSE'I RIG 'DZIN BRNYES, DES NOR BU GLING PA CHUNG BA DANG, DES 'BYUNG GNAS SPAS PA DANG, NGES PAn CHEN SH'AKYA SHR'I LA GNANG, PAn CHEN DE DRANG SRONG SRIN PO RIR BZHUGS PA'I
TSE, KHRO PHU LO TZ'A BAS SHES RAB BLO 'PHEL GYI GDAMS PA ZHUS PAS, NGA LA GDAMS PA MANG PO'I NANG NAS KHYAD PAR 'PHAGS PA, BDE MCHOG DKAR PO LA BRTEN NAS TSE SGRUB PA DANG, 'JAM DPAL DKAR PO LA BRTEN NAS SHES RAB SGRUB PA DANG, DZAM LA NAG PO LA BRTEN NAS NOR SGRUB PA DANG, YANG DAG ME GCIG THONG GCIG LA BRTEN NAS RAS THUB PA DANG BZHI LAS, 'DI 'JAM DPAL DKAR PO LA BRTEN NAS SHES RAB SGRUB PA MIN GSUNGS NAS GNANG, DE NAS DA LTA'I BAR DU BRGYUD PA ZAM MA CHAD PAR BYUNG BA YIN, 'DI'I RJES GNANG 'BUL BA LA, THOG MAR SLOB DPON 'PHAGS PA 'JAM DPAL DU MOS PA LA GSOL BA 'DEBS PA 'DI'I RJES ZLOS MDZOD, DUS GSUM SANGS RGYAS THAMS CAD DANG, LHAG PA'I LHA YI NGO BO NYID, ,DPAL LDAN BLA MA'I BKA' 'DRIN GYIS, ,BDAG LA RJES GNANG STZAL DU GSOL, ,LAN GSUM, RGYUD DGE BA'I SLAD DU MDUN BSKYED KYI B'PHAGS PA 'JAM DPAL 'KHOR DANG BCAS PA'I DRUNG DU BSHEGS PA, YI RANG, DON DAM BYANG SEMS, SKYABS 'GRO, SMON SEMS, 'JUG SEMS, BSNGO BA STE YAN LAG ABDUN GYI SGO NAS BYANG SDOM 'DZIN PA 'DI'I RJES ZLOS MDZOD, DKON MCHOG GSUM LA BDAG SKYABS MCHI, NAS; 'GRO LA PHAN PHYIR SANGS RGYAS 'GRUB PAR SHOG ,LAN GSU, DNGOS GZHI LA BZHI LAS, DANG PO SKU'I RJES GNANG GI DON DU GSOL BA 'DEBS PA 'DI'I RJES ZLOS MDZOD, GANG
, ,TSE LTA BAR 'DOD PA'AM, ,CUNG ZAD DRI BAR 'DOD NA YANG, ,MGON PO 'JAM DBYANGS DE NYID NI, ,GEGS MED PAR YANG MTHONG BAR SHOG ,LAN GSUM, SLOB MA RNAMS AA MRi TES BSANGS, SVA BHA WAS SBYANGS, STONG PA'I NGANG LAS SLOB MA RNAMS KYI GO SAR BAm LAS 'O MA'I RGYA MTSO CHEN PO'I DBUS SU, ZHES PA NAS, THUGS KAR H'Um GIS MTSAN PAR GYUR, CES PA'I BAR, RANG GI ZHES PA SLOB MA RNAMS KYI DANG, RANG NYID CES PA SLOB MA RNAMS ZHES BSGYUR LA BSKYED, SKU YOD NA SLOB MA'I SPYI BOR BZHAG LA, RANG GI THUGS KA NAS 'OD ZER 'PHROS PAS RGYAL BA SRAS BCAS THAMS CAD 'PHAGS PA 'JAM DPAL GYI RNAM PAR SPYAN DRANGS DRIL GSIL DANG BCAS, SANGS RGYAS KUN GYI SKU CHE BA, ,SANGS RGYAS KUN GYI SKU YIN TE, ,SANGS RGYAS SKU YIS BYIN BRLABS PAS, ,'JAM PA'I DBYANGS KYI SKU THOB SHOG ,DZA: H'Um BAm HO: SLOB MA RNAMS KYI SPYI BO NAS THIMS PAS GNYIS SU MED PAR GYUR, DES SKU'I RJES GNANG THOB PAS, GNAS SKABS SU LUS LA NANG MED CING MTHONG BA TZAM GYIS DAD PAR 'GYUR BA DANG, MTHAR THUG MTSAN DPES SPRAS PA'I 'JAM DPAL DBYANGS KYI SKU 'THOB PA'O, ,GNYIS PA GSUNG GI RJES GNANG GI DON DU GSOL BA 'DEBS PA 'DI'I RJES ZLOS MDZOD, BRTZE LDAN KHYED KYI MKHYEN RAB 'OD ZER GYIS, ,BDAG BLO'I GTI MUG MUN PA RAB BSAL TE, ,BKA'
DANG BSTAN BCOS ZAB MO'I DON RTOGS PA'I, ,BLO GROS SPOBS PA'I SNANG BA BSKYED DU GSOL, ,LAN GSUM, SLOB DPON 'JAM DPAL DU GSUL BA'I SNYING NANG DU 'KHOR LO DKAR PO RTZIBS DRUG PA'I LTE BAR AA DANG, RTZIBS LA 'BRU DRUG 'KHOD PA LAS MAR ME GCIG LAS GNYIS CHAD LTAR BYUNG BA SLOB DPON GYI ZHAL NAS THON TE, SLOB MA RNAMS 'JAM DPAL DU GSAL BA'I KHA NAS ZHUGS, SNYING NANG GI 'KHOR LO DKAR PO RTZIBS DRUG PA'I LTE BA DANG RTZIBS LA DANG PO'I TSE 'KHOD, GNYIS PA'I TSE 'DRES, GSUM PA'I TSE BRTAN PAR GYUR PA'I MOS PA DANG BCAS 'PHRENG BA GZUNGS LA RJES ZLOS LAN GSUM MDZOD, AOm W'A KYI DAm NA MA: ZHES BRJOD, SLOB DPON LA ME TOG 'THOR BZHIN DU RJES ZLOS MDZOD, BCOM LDAN BDAG GIS BZUNG LAGS KYIS, ,BCOM LDAN BDAG LA BYIN GYIS RLOBS, ,LAN GSUM, DE LTAR PHUL BA'I ME TOG DE SNGAGS KYI 'PHRENG BAR BYIN GYIS BRLABS TE, KHYED RANG RNAMS KYI MGO BOR PHUL BA'I MOS PA MDZOD, ME TOG GTOR LA, BCOM LDAN 'DI LA STZAL LAGS KYI, ,'DI LA 'GO BAR MDZAD DU GSOL, ,SNGAGS KYI DNGOS GRUB STZAL DU GSOL, ,BRTUL ZHUGS BRTAN PAR MDZAD DU GSOL, ,RDO RJE SLOB MA 'DI RNAMS LA, ,'PHAGS 'JAM DPAL DBYANGS KYI GSUNG GI BYIN RLABS MA LUS PA 'JUG PAR GYUR CIG ,DES GSUNG GI RJES GNANG
, ,THOB PAS, GNAS SKABS SU SMRA BRJOD DAG CING 'CHANG RTZOD RTZOM GSUM LA MKHAS PA DANG, MTHAR THUG YAN LAG DRUG CU DANG LDAN PA'I 'JAM DPAL DBYANGS KYI GSUNG 'THOB PA'O, GSUM PA THUGS KYI RJES GNANG GI DON DU GSOL BA 'DEBS PA 'DI'I RJES ZLOS MDZOD, SHES PAS SRID LA MI GNAS SHING, ,SNYING RJES ZHI LA MI GNAS PAS, ,MYA NGAN 'DAS DANG 'KHOR MI GNAS, ,'JAM DBYANGS THUGS LA GSOL BA 'DEBS, ,LAN GSUM, SLOB MA LUS GNAD 'CHAR BCAG LA, SMIN MTSAMS KYI THAD KYI NAM MKHAR AA YIG DKAR PO GCIG LA SEMS RTZE GCIG TU BSTAD NAS, AA AA AA ZHES BDUN GSUM NYI SHU RTZA GCIG BRJOD PAS AA DE ME LONG GI HA LTAR YAL NAS SNANG NGOR STONG SANG DANG, NGES NGOR CHOS THAMS CAD BDEN PAR MED PA'I NGES SHES LA MNYAM PAR 'JOG TU GZHUG ,ME TOG RE SPYI BOR BZHAG LA AOm A'A: H'Um, RDO RJE SLOB MA 'DI RNAMS LA 'PHAGS PA 'JAM DPAL DBYANGS KYI THUGS KYI BYIN RLABS BRTAN PAR GYUR CIG ,DES THUGS KYI RJES GNANG THOB PAS, GNAS SKABS SU SDUG BSNGAL ZHI ZHING CHOS LA BLA 'GRO BA DANG, MTHAR THUG JI LTA JI SNYED MKHYEN PA'I YE SHES RDO RJE LTA BU 'THOB PA'O, ,BZHI PA YON TAN 'PHRIN LAS KYI RJES GNANG GI DON DU GSOL BA 'DEBS PA 'DI'I RJES ZLOS MDZOD, DUS 'DI NAS NI BZUNG NAS
PHYI MA BYANG CHUB MA THOB BAR, ,BCOM LDAN 'JAM DBYANGS MGON GYIS NI, ,BDAG GI BLA MA MDZAD DU GSOL, ,LAN GSUM, SLOB MA'I LAG TU MTSAN BRJOD KYI GLEGS BAM GTAD NAS, 'DIR 'JAM DPAL GYI RGYUD BZHUGS PAS, 'DI RANG GIS BRTZON PAS NYAMS SU LEN CING GZHAN LA BSAM PA BZANG POS BSTAN NA SEMS CAN LA PHAN THOGS PAR 'GYUR RO, ,ZHES BRJOD LA, RGYA GAR SKAD DU, ZHES PA NAS, RDZOGS PA'I SANGS RGYAS KUN GYIS BSHAD, ,CES PA'I BAR BKLAG TU GZHUG ,DES YON TAN 'PHRIN LAS KYI RJES GNANG THOB PAS, GNAS SKABS SU GNAS LNGA LA MKHAS SHING GZHAN DON 'GRUB PA DANG, MTHAR THUG 'PHAGS PA 'JAM DPAL DANG MNYAM PA'I YON TAN 'PHRIN LAS 'THOB PA'O, ,MJUG TU 'CHAD NYAN BYAS PA'I DGE BA RNAMS GZHAN DON DU BSNGO BAR BYA'O SNYAM PAS 'DI'I RJES ZLOS MDZOD, 'DI BSGRUBS PA LAS BYUNG BA YI, ,DGE BA BDAG GIS GANG THOB PA, ,DE YIS SKYE BO THAMS CAD KYIS, ,'JAM DBYANGS SHES RAB THOB PAR SHOG ,LAN GSUM, 'DI'I DAM TSIG RNAMS LEGS PAR BSRUNG SNYAM PAS 'DI'I RJES ZLOS MDZOD, GTZO BOS JI LTAR BKA' STZAL BA, ,DE DAG THAMS CAD BDAG GIS BGYI, ,LAN GSUM, RANG GI LUS BRAN DU 'BUL SNYAM PAS 'DI'I RJES ZLOS MDZOD, DENG NAS BRTZAMS TE BDAG BRAN DU, ,KHYED LA BDAG NI 'BUL LAGS KYI, ,KHYED
, ,KYIS SLOB MAR GZUNG BA DANG, ,CHA YIS KYANG NI SPYAD DU GSOL, ,LAN GSUM, DES 'PHAGS PA 'JAM DPAL DBYANGS DKAR PO MA TI'I LUGS KYI RJES GNANG SBYOR DNGOS MJUG GSUM TSANG MAR BRGYUD LDAN DAM PA'I PHYAG BZHES LTAR PHUL GRUB PAS, 'DI'I SGO NAS RANG GZHAN GYI DON RGYA CHEN PO MDZAD PAR ZHU, DE NAS GTANG RAG GI MAndAL, MCHOD BSTOD, YIG BRGYA, BZOD GSOL, GSHEGS BSDU, BSNGO SMON, SHIS BRJOD RNAMS BYA'O,, ,DE LTAR MA TI'I BZHED SROL 'JAM DPAL DBYANGS, ,DKAR PO'I RJES GNANG DAM PA'I PHYAG BZHES LTAR, ,GSAL LA 'GRIL BAR DHARMA BHA DRA YIS, ,SHING SBRUL SA ZLA'I DKAR TSES DGA' BAR BRIS, ,MANGGA LAm,