` (RJE BTZUN SENG GE SGRA'I SGRUB THABS RJES GNANG GI CHO GA DANG BCAS PA BZHUGS), ` NA MA GU RU MANYDZU GHO shshA YA, 'DIR RJE BTZUN SENG GE SGRA'I SGRUB THABS MDOR BSDUS NYAMS SU LEN TSUL NI, SKYABS YUL GSAL BTAB LA, DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,LAN GSUM GYIS SKYABS 'GRO DANG, SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA; DE'I CHED DU RJE BTZUN SENG GE SGRA'I BSGOM BZLAS NYAMS SU BLANG BAR BGYI'O, ,LAN GSUM GYIS SEMS BSKYED, RANG SKAD CIG GIS RJE BTZUN SENG GE SGRAR GSAL BA'I THUGS KA'I HR'I: YIG GI 'OD ZER GYIS RANG BZHIN GYI GNAS NAS BLA MA DANG RJE BTZUN SENG GE SGRA LA SANGS RGYAS DANG BYANG CHUB SEMS DPA'I TSOGS KYIS BSKOR BA, AOm BADZRA SA M'A DZA: ZHES SPYAN DRANGS, NA MO GU RU BHYA: NA MO BHA ttA RA KA SIm HA N'A DA SA PA RI W'A RE BHYA: ZHES PHYAG BTZAL, AOm BHA ttA RA KA SIm HA N'A DA SA PA RI W'A RA AARGHAm PRA T'I TZTSA YE SV'AH'A, P'ADYAm PRA T'I TZTSA YE SV'AH'A, BADZRA PUshPE, DH'U PE; D'I PE; GANDHE, NEE WI DYE, SHAPTA A'A: H'Um, ZHES
MCHOD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,LAN GSUM GYIS RGYUN BSHAGS DANG, SEMS CAN THAMS CAD BDE BA DANG LDAN PAR GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR CIG ,BTANG SNYOMS LA GNAS PAR GYUR CIG ,CES TSAD MED BZHI BSGOM, AOm SH'U N+YA T'A DZNY'A NA BADZRA SVA BH'A WA A'ATMA KONYA HAm, STONG PA NYID DU GYUR, STONG PA'I NGANG LAS PAm LAS PADMA DMAR PO 'DAB MA BRGYAD PA'I LTE BAR, SIm LAS SENG GE DKAR PO MGO GA-YAS DANG GDONG GYEN DU BSTAN PA'I STENG DU; AA LAS ZLA BA'I DKYIL 'KHOR GYI DBUS SU HR'I: YIG DKAR PO RING CHA TSEG DRAG DANG BCAS PA DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS, RANG NYID RJE BTZUN SENG GE SGRA SKU MDOG DKAR PO SPYAN GSUM DANG LDAN PA'I ZHAL GCIG PHYAG GNYIS KYI, GA-YAS MCHOG SBYIN GYI PHYAG RGYA DANG GA-YON PA GDAN LA BRTEN PA, GA-YAS SU SPRUL DKAR POS DKRIS PA'I RTZE GSUM LJANG GU DANG GA-YON DU PADMA DKAR PO'I STENG DU ME TOG SNA TSOGS KYIS GANG BA'I THOD PA DANG RAL GRIS MTSAN PA, KRishnA SA RA'I PAGS PAS NU MA GA-YON PA BKAB CING DAR DMAR PO'I SHAM THABS CAN, RAL PA'I THOR COG DANG TSANGS
, ,SKUD DMAR POS SPRAS SHING RGYAN GZHAN SBYANGS PA DKA' THUB KYI CHA BYAD CAN, ZHABS GNYIS RGYAL PO ROL BA'I STABS KYIS BZHUGS PA'I DPRAL BAR AOm, MGRIN PAR A'A: THUGS KAR HR'I: H'Um GIS MTSAN PAR GYUR, DE LAS 'OD ZER 'PHROS PAS BSGOMS PA DANG 'DRA BA'I YE SHES PA DANG DBANG GI LHA RNAMS AOm BADZRA SA M'A DZA: DZA: H'Um BAm HO: DAM TSIG PA DANG GNYIS SU MED PAR GYUR, DBANG GI LHAS DBANG BSKUR, 'OD DPAG MED KYIS DBU BRGYAN CING, SPYI GTZUG TU RNAM SNANG, DPUNG PA GA-YAS SU MI BSKYOD PA, GA-YON DU 'OD DPAG MED, DBYI MGO GA-YAS SU RIN 'BYUNG, GA-YON DU DON GRUB RNAMS BZHUGS PAR GYUR, CES BSKYED LA, SPRO NA, GONG LTAR MCHOD CING, KHAMS GSUM SEMS CAN THAMS CAD DANG, ,KHYAD PAR KLU GNYEN SA BDAG GI ,NAD DANG SDUG BSNGAL KUN SEL BA'I, ,SENG GE'I SGRA LA PHYAG 'TSAL LO, ,ZHES PAS BSTOD, DE NAS, RANG GI THUGS KAR ZLA BA'I STENG DU HR'I: YIG GI MTHAR SNYING PO DANG GZUNGS KYIS BSKOR BA LAS 'OD ZER 'PHROS PAS, RANG GZHAN GYI NAD GDON SDIG SGRIB THAMS CAD SBYANGS PAR GYUR, CES BZLAS DMIGS GSAL BTAB LA, NA MA RATNA TRA YA YA, NAM A'ARYA AA WA LO KI TE SHV'A R'A YA, BO DHI SATV'A YA, MA H'A SATV'A YA, MAH'A K'A RU nI K'A YA, TADYA TH'A, AOm
SA KA tE, BI KA tE, NI KA tE, KA tAm KA tE, KA RO tE, KA RO tAm, BIDYE SV'AH'A, ZHES GZUNGS CUNG ZAD DANG, AOm A'A: HR'I: SIm HA N'A DA H'Um PHAt, CES SNYING PO GANG MANG BZLA, MJUG TU, DGE BA 'DI YIS MYUR DU BDAG ,SENG GE'I SGRA NYID 'GRUB GYUR NAS, ,'GRO BA GCIG KYANG MA LUS PA, ,DE YIS LA 'GOD PAR SHOG ,CES BSNGO SMON BYA'O, ,('DI'I RJES GNANG BYA TSUL NI), STEGS BU'I STENG DU MAndAL PADMA DMAR PO 'DAB BRGYAD KYI LTE BAR TSOM BU DKAR PO BKOD, CHU GNYIS NYER SPYOD KYI MCHOD PA DANG DKAR GTOR BUM PA RDOR DRIL 'THOR 'BRU SOGS BSHAM, GONG BZHIN BDAG BSKYED BTANG, DE NAS MCHOD PA AOm AA MRi TE H'Um PHAt KYIS BSANGS, SVA BH'A WAS STONG PAR SBYANGS STONG PA'I NGANG LAS MCHOD PA RNAMS PHUL DU BYUNG BA'I LHA RDZAS SU GYUR, AOm A'A: H'Um, LAN GSUM GYIS BRLAB, BSGRUB GZHI AA MRi TES BSANGS, SH'U N+YA T'AS SBYANGS, STONG PA'I NGANG LAS PAm LAS PADMA DMAR PO 'DAB MA BRGYAD PA'I LTE BAR, ZHES PA NAS, SNYING PO GANG MANG BZLA BA'I BAR RANG NYID CES PA DANG, RANG GI ZHES PA DOR NAS BDAG BSKYED BZHIN BYA; GTOR MA MCHOD PA LTAR BSANGS SBYANGS, STONG PA'I NGANG LAS GTOR MA PHUL DU BYUNG BA'I LHA RDZAS SU GYUR, AOm A'A: H'Um, LAN GSUM GYIS BRLABS LA, AOm BHA ttA RA KA SIm HA N'A DA SA PA RI W'A RA KA
, ,LI TAm PA KHA KH'A HI KH'A HI, LAN LNGAS PHUL, GONG LTAR MCHOD BSTONG BYA, BCOM LDAN 'DAS BDAG DANG SEMS CAN THAMS CAD LA DNGOS GRUB MA LUS PA STZAL DU GSOL, ,ZHES GSOL BA GDAB, DE NAS SLOB MA RNAMS KHRUS DANG PHYAG BYAS TE SNYIM PA ME TOG GIS BKANG NAS 'KHOD PA LA, MAndAL 'BUL BAR BSKUL RJES, 'O; NAM MKHA' DANG MNYAM PA'I SEMS CAN THAMS CAD KYI DON DU SANGS RGYAS KYI GO 'PHANG THOB PAR BYA, DE'I CHED DU DAM PA'I CHOS ZAB MO GSAN DGONGS PA BYANG CHUB KYI MCHOG TU THUGS BSKYED PA GSAL BTAB NAS GSAN PAR ZHU, GSAN BYA'I CHOS NI BYA RGYUD PADMA'I RIGS KYI BDAG PO SPYAN RAS GZIGS SENG GE SGRA'I RJES GNANG YIN PAS THOG MAR SLOB DPON RJE BTZUN SENG GE SGRAR MOS PA LA GSOL BA 'DEBS PA 'DI'I RJES ZLOS MDZOD, RDO RJE 'DZIN PA DGONGS SU GSOL, ,BDAG NI 'GRO LA PHAN DON DU, ,GTZO CHEN KHYOD LA GSOL 'DEBS KYIS, ,MA LUS RJES GNANG STZAL DU GSOL, ,LAN GSUM, RGYUD DGE PA'I SLAD DU MDUN BSKYED KYI LHA DANG SANGS RGYAS BYANG SEMS RNAMS KYI DRUNG DU YAN LAG BDUN GYI SGO NAS BYANG SDOM GZUNG BA 'DI'I RJES ZLOS MJOD, DKON MCHOG GSUM LA BDAG SKYABS MCHI, NAS; SANGS RGYAS 'GRUB PAR SHOG ,LAN GSUM,
DA RJES GNANG GI GZHI 'GOD PA'I SLAD DU DMIGS PA 'DI BZHIN MDZOD, ,SLOB MA RNAMS AA MRi TAS BSANGS, SH'U N+YA T'AS SBYANGS, STONG PA'I NGANG LAS SLOB MA RNAMS KYI GO SAR PAm LAS PADMA DKAR PO 'DAB MA BRGYAD PA'I LTE BAR, ZHES PA NAS, THUGS KAR HR'I: H'Um GIS MTSAN PAR GYUR CES PA'I BAR BDAG BSKYED BZHIN LA RANG NYID CES PA'I TSAB TU SLOB MA RNAMS ZHES BCUG STE BSKYED, (DNGOS GZHI LA GSUM LAS); DANG PO SKU'I RJES GNANG GI SLAD DU GSOL BA 'DEBS PA 'DI'I RJES ZLOS MDZOD, DUS GSUM SANGS RGYAS THAMS CAD KYI NGO BO DPAL LDAN BLA MA DAM PAS, BDAG LA RJE BTZUN SENG GE SGRA'I SKU'I RJES SU GNANG BA STZAL DU GSOL, ,LAN GSUM, SLOB DPON GYI THUGS KA NAS 'OD ZER 'PHROS PAS, MDUN BSKYED DANG PHYOGS BCU'I RGYAL BA SRAS BCAS RNAM KYI THUGS RGYUD BSKUL TE, THUGS GNYIS SU MED PA'I YE SHES RJE BTZUN SENG GE SPRA'I LHA TSOGS KYI RNAM PAR SPYAN DRANGS NAS KHYED RANG RNAMS KYI LUS LA CHAR CHEN PO BABS PA BZHIN DU SIB SIB THIM PAS RGYUD BYIN GYIS BRLABS PA'I MOS PA MDZOD, DRIL GSIL DANG BCAS, 'GRO KUN SRID PA'I RGYA MTSO LAS, ,RMAD BYUNG THUGS RJE'I GRU GZINGS KYIS, ,SGROL BA'I THUGS DAM BCAS PA BZHIN, ,DAM TSIG CHEN POS AE HYE HAm, ,DZA: H'Um BAm HO: GNYIS SU MED PAR GYUR, SLAR YANG RANG GI THUGS
, ,KA'I SA BON LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS SLOB MA RNAMS LA DBANG BSKUR DU GSOL, ZHES GSOL BA BTAB PAS JI LTAR BLTAMS PA, NAS; SHRI YE H'Um, ZHES DBANG BSKUR BAS, SKU GANG, DRI MA DAG ,CHU LHAG MA YAR LUNG PA LAS 'OD DPAG MED KYIS DBU BRGYAN CING, SPYI GTZUG TU RNAM SNANG, DPUNG PA GA-YAS SU MI BSKYOD PA, GA-YON DU 'OD DPAG MED, DPYI MGO GA-YAS SU RIN 'BYUNG, GA-YON DU DON GRUB RNAMS BZHUGS PA LA, SLOB DPON GYI SKU'I RIGS LNGA LAS RANG 'DRA DPAG TU MED PA SPROS TE THIM PAR GYUR, DES SKU'I RJES GNANG SONG, GNYIS PA GSUNG GI RJES GNANG GI SLANG DU GSOL BA 'DEBS PA 'DI'I RJES ZLOS MDZOD, DUS GSUM SANGS RGYAS THAMS CAD KYI NGO BO DPAL LDAN BLA MA DAM PAS, BDAG LA RJE BTZUN SENG GE SGRA'I GSUNG GI RJES SU GNANG BA STZAL DU GSOL, LAN GSUM, SLOB DPON LHAR GSAL BA'I THUGS KAR ZLA BA'I STENG DU HR'I: YIG GI MTHAR SNYING PO DANG, DE'I MTHAR GZUNGS KYIS BSKOR BA LAS SNGAGS 'PHRENG MAR ME GCIG LAS GNYIS CHAD KYI TSUL DU BYUNG BA SLOB DPON GYI ZHAL NAS THON TE, KHYED RANG RNAMS LHAR GSAL BA'I ZHAL DU GZHUGS, THUGS KAR ZLA BA'I STENG DU HR'I: YIG GI MTHAR 'KHOD PA LA, PHYOGS BCU'I RGYAL BA
SRAS BCAS KYI MKHYEN BRTZE NUS GSUM 'OD ZER GYI RNAM PAR BSTIMS PAS, LAN DANG PO'I TSE BYIN GYIS BRLABS, GNYIS PA'I TSE DBYER MED DU 'DRES, GSUM PA'I TSE BRTAN PAR BYAS PA'I MOS PA DANG BCAS TE; SNGAGS 'DI'I RJES ZLOS LAN GSUM MDZOD, NA MO RATNA SOGS DANG, AOm A'A: HR'I: SOGS BRJOD, SLOB DPON LA ME TOG 'THOR BZHIN DU 'DI'I RJES ZLOS MDZOD, BCOM LDAN BDAG GIS BZUNG LAGS KYI,, BDAG LA 'GO BAR MDZAD DU GSOL, ,LAN GSUM, DE LTAR PHUL BA'I ME TOG DE SNGAGS KYI 'PHRENG BAR BYIN GYIS BRLABS TE, KHYED RANG RNAMS KYI MGO BOR PHUL BA'I MOS PA MDZOD, ,ME TOG GTOR CING, BCOM LDAN 'DI LA STZAL LAGS KYI, ,'DI LA 'GO BAR MDZAD DU GSOL, ,SNGAGS KYI DNGOS GRUB STZAL DU GSOL, ,BRTUL ZHUGS BRTAN PAR MDZAD DU GSOL, ,RIG PA 'DZIN PA 'DI RNAMS LA, ,RJE BTZUN SENG GE SGA'I GSUNG GI BYIN RLABS MA LUS PA 'JUG PAR GYUR CIG ,DES GSUNG GI RJES GNANG SONG, GSUM PA THUGS KYI RJES GNANG GI SLAD DU GSOL BA 'DEBS PA 'DA'I RJES ZLOS MDZOD, DUS GSUM SANGS RGYAS THAMS CAD KYI NGO BO DPAL LDAN BLA MA DAM PAS, BDAG LA RJE BTZUN SENG GE SGRA'I THUGS KYI RJES SU GNANG BA STZAL DU GSOL, LAN GSUM, SLOB DPON GYI THUGS KA NAS 'OD ZER 'PHROS PAS, MDUN BSKYED DANG PHYOGS BCU'I
, ,RGYAL BA SRAS BCAS RNAMS KYI THUGS RGYUD BSKUL TE, THUGS GNYIS SU MED PA'I YE SHES SBRUL DKAR POS DKRIS PA'I RTZE GSUM LJANG GU DANG, PADMA DKAR PO'I STONG DU ME TOG SNA TSOGS KYIS GANG BA'I THOD PA DANG RAL GRIS MTSAN PA'I PHYAG MTSAN GYI RNAM PAR SPYAN DRANGS NAS, KHYED RANG RNAMS KYI SPYI BO NAS ZHUGS TE THUGS KA'I HR'I: YIG LA THIM PAS RGYUD BYIN GYIS BRLABS PA'I MOS PA MDZOD, DRIL GSIL DANG ME TOG GTOR CING, GZUNGS DANG SNYING PO BRJOD, DES THUGS KYI RJES GNANG SONG, RJES CHOG NI, DE'I DAM TSIG RNAMS LEGS PAR BSRUNG SNYAM PAS 'DI'I RJES ZLOS MDZOD, GTZO BOS JI LTAR BKA' STZAL BA, ,DE DAG THAMS CAD BDAG GIS BGYI, ,LAN GSUM, GTANG RAG GI MAndAL PHUL, RANG GI LUS BRAN DU 'BUL SNYAM PAS 'DI'I RJES ZLOS MDZOD, DENG NAS BRTZAMS TE BDAG BRAN DU, ,KHYED LA BDAG NI 'BUL LAGS KYIS, ,KHYED KYIS SLOB MAR GZUNG BA DANG, ,CHA YIS KYAD NI SPYAD DU GSOL, ,LAN GSUM, MCHOD PA BRLABS TE, MCHOD BSTOD YIG BRGYA BZOD GSOL, AOm BADZRA MU: YE SHES PA RANG BZHIN GYI GNAS SU GSHEGS SHING, DAM TSIG PA RANG LA THIM PAR GYUR, BSNGO SMON SHIS BRJOD BYAS LA LAS KYI RJES MI MNGON PAR BYAS SO,
SMRAS PA, RGYAL KUN THUGS RJE'I RANG GZUGS SPYAN RAS GZIGS, ,KLU GNYAN SA BDAG GNYEN POR SENG GE'I SGRAR, ,MNGON BZHENGS SGRUB THABS RJES GNANG CHO GA 'DI, ,RIN 'BYUNG BRGYA RGYAM SNAR THANG BRGYA RTZA SOGS, SPYI ZUR DAM PA'I PHYAG BZHES JI BZHIN DU, ,MANG THOS DHARMA BHA DRAS YI GER BRIS, ,DGE BAS RIS MED BSTAN DANG MKHA' MNYAM GYI, ,'GRO BA'I NYER 'TSO'I GZHI RU BDAG 'GYUR SHOG , MANGGA LAm,, ,,