` (DBYANGS CAN MA'I SGRUB THABS DANG RJES GNANG GI YI GE BZHUGS,) ` NA MO GU RU SVA RA SVA STYEE, 'DIR LHA MO DBYANGS CAN MA DKAR MO SGRUB PAR 'DOD PAS, SKYABS YUL GSAL BTAB STE, BLA MA LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,LAN GSUM, SEMS CAN GYI DON DU SANGS RGYAS THOB PAR BYA, DE'I PHYIR DU LHA MO DBYANGS CAN MA BSGRUB PAR BYA'O, ,LAN GSUM, RANG SKAD CIG GIS LHA MO DBYANGS CAN MAR GSAL BA'I THUGS
KA'I HR'I: YIG GI 'OD ZER GYIS, BLA MA DANG GNYIS SU MED PA'I LHA MO DBYANGS CAN MA LA SANGS RGYAS DANG BYANG CHUB SEMS DPA'I TSOGS KYIS SKOR BA MDUN GYI NAM MKHAR AOm BADZRA SA MA DZA: NA MO GU RU BHYA: NA MA SSVARA SVA STI SA PA RI W'A RE BHYA: AOm SVA RA SVA STI SA PA RI W'A RA ARGHAm PRA T'I TZTSA YE SV'A H'A, P'A DYAm PRAT'I TZTSA YE SV'AH'A, BADZRA PUsH'E, DH'U PE, A'A LO KE, GANDHE, NEE WI DYE, SHAPTA A'A: H'Um, DKON MCHOG GSUM LA BDAG SKYABS MCHI; ;SKIG PA THAMS CAD SO SOR BSHAGS, ,'GRO BA'I DGE LA RJES YE RANG, ,SANGS RGYAS BYANG CHUB YID KYIS GZUNG, LAN GSUM, SEMS CAN THAMS CAD BDE BA DANG LDAN PAR GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR CIG ,BTANG SNYOMS LA GNAS PAR GYUR CIG ,AOm SH'UN+YA T'A DZNY'A NA BADZRA SVA BH'A WA A'A TMA KO NYA HAm, STONG PA NYID DU GYUR, STONG PA'I NGANG LAS PAm LAS PADMA DKAR PO 'DAB MA BRGYAD PA'I LTE BAR, AA LAS ZLA BA'I DKYIL 'KHOR GYI STENG DU RANG GI SEMS NYID HR'I: DKAR PO, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS, RANG NYID SGRA DBYANGS LHA MO DBYANGS CAN MA SKU MDOG DKAR MO ZHAL GCIG PHYAG GNYIS KYI GA-YON PAS BEEd'URYA'I PI WANG RGYUN STONG DANG LDAN PA DKUR BRTAN NAS BZUNG BA, GA-YAS PA'I SOR MOS BZUNG BA LAS BRTZON PA, SGEG CING CHAGS PA'I NYAMS
, ,DANG LDAN PA'I LANG TSO BCU DRUG LON PA'I NA TSOD CAN, GNAG CING SNUM PA'I DBU SKRA PHYED ME TOG GI 'PHRENG BAS THOR TSUGS SU BCINGS PA LA RIN PO CHE'I GTZUG RGYAN DANG ZLA PHYED KYIS SPRAS SHING PHYED SIL BUR GROL BAS SKU STONG KHEBS PA, DAR DKAR GYI STOD GA-YOGS DANG PANYTZA LI KA'I SMAD GA-YOGS MDZES PAR GSOL ZHING RIN PO CHE'I RGYAN BRGYAD KYIS BRGYAN PA, ZHABS GNYIS SKYIS KRUNG PHYED PA TZOG PU'I STOBS KYIS BZHUGS PA'I SNYING AUTPA LA DMAR PO KHA 'BUS PA LTA BU'I NANG DU SROG GI NGO BO AOm DKAR PO'I N'A DA LAS 'OD ZER DKAR PO LCAGS KYU LTA BU 'PHROS, SNA BUG GA-YAS NAS THON, LHO PHYOGS RGYA MTSO'I 'GRAM DRI ZA DGA' BA'I TSAL NA BZHUGS PA'I LHA MO DBYANGS CAN MA'I SHANGS BUG GA-YON NAS ZHUGS, THUGS KA'I SHES RAB KYI 'KHOR LO LA BTAB STE SHANGS BUG GA-YAS KYI LAM NAS MDUN GYI NAM MKHAR SPYAN DRANGS, AOm PRI TE DE W'I HR'I: PUshPE, DH'U PE; A'A LO KE, GANDHE; NEE WI DYE, SHAPTA A'A: H'Um, DZA: H'Um BAm HO: 'KHOR LO 'OD KYI RNAM PAR SNA BUG GA-YON NAS ZHUGS TE, SNYING GA'I AOm LA THIM PA YONGS SU GYUR PA LAS, SHES RAB KYI 'KHOR LO PADMA DKAR PO 'DAB MA BRGYAD PA'I LTE BAR PHRA BA'I DKYIL 'KHOR GYI STENG DU HR'I: DKAR PO N'A DA DANG BCAS PA, 'DAB MA BRGYAD LA DBYANGS YIG GNYIS GNYIS MDUN NAS GA-YAS SKOR DU GNAS PA
LAS 'OD ZER DKAR PO'I TSOGS 'PHROS PAS LUS KYI NANG THAMS CAD KHENGS, MI SHES PA'I MUN PA THAMS CAD SANGS, ,SHES BYA SPYI DANG KHYAD PAR 'CHAD RTZOD RTZOM GSUM LA BLO GROS KYI SNANG BA THOGS MED DU RGYAS, LUS NGAG YID GSUM BDE BA CHEN LOS KHYAB PAR GYUR PAR BSGOM, SKYON BZLAS DMIGS NI, HR'I: GIN'A DA LAS HRIm: YIG GI 'PHRENG BA BYUNG BA ZHAL NAS THON, LTE BA NAS ZHUGS TE SNYING GA'I HR'Im: LA THIM PA'I SNGAGS 'PHRENG MGAL ME'I 'KHOR LO LTAR DRAG TU 'KHOR BA'I 'OD ZER GYIS RANG GZHAN GYI SDIG SGRIB DANG RMONGS MUN THAMS CAD SBYANGS, 'KHOR 'DAS SNOD BCUD KYIS BSDUS PA'I YON TAN THAMS CAD 'OD ZER DKAR PO'I RNAM PAR BSDUS TE HR'I: LA THIM PAR BSAM LA HR'Im: NYID BZLA'O, ,BSNYEN TSAD NI, DNGOS NYAMS RMA GSUM DU RTAGS BYUNG BA'AM, SNGAGS KYI GRANGS TSIG 'BUM NYI KHRI LNGA STONG DU GSUNGS PA DE LA BZHI 'GYUR DGOS PAS LNGA 'BUM MAM, DE YANG GSUM 'GYUR DU RTZOM NA 'BUM PHRAG BCO LNGA BZLA'O, ,GTOR MA 'BUL NA SNOD GTZANG MAR DKAR GTOR MCHOD PA DANG BCAS PA BSHAMS LA, MCHOD GTOR RNAMS PHUL DU BYUNG BA'I LHA RDZAS SU GYUR, AOm A'A: H'Um, LAN GSUM, THUGS KA'I 'OD KYIS NGAG DBANG DBYANGS CAN LHA, ,SPYAN DRANGS ZAG MED BDUD RTZIS TSIM PAR GYUR, ,AOm SVA RA SVA STI HRI: AA K'A RO MU KHAm SARBA DHARM'A N'Am A'ARYA NU TPANNA TV'A TA AO A'E: H'Um PHAt SV'AH'A, LAN LNGAS PHUL, AOm
SVA RA SVA STI ZHES SOGS KYIS GONG LTAR MCHOD, MA LUS RGYAL BA'I YE SHES SGYU 'PHRUL GANG, ,PHYAG NA PADMO'I TSEMS DKAR ZE'U 'BRU LAS, ,YID 'PHROG 'JO SGEG LHA MO'I SKUR BSTEN PA, ,NGAG DBANG LHA MO'I ZHABS LA PHYAG 'TSAL LO, ,ZHES BSTOD, PHYOGS THAMS CAD LAS RNAM PAR RGYAL BA'I SHES RAB STZAL DU GSOL, ,ZHES GSOL BA MANG DU BTAB, AOm BADZRA SVATV'A H'Um, ZHES BZLAS NAS, MA 'BYOR PA DANG NYAMS PA DANG, ZHES SOGS KYIS BZOD PAR GSOL, MDUN BSKYED KYI LHA MO RANG LA THIM PA'I GNAS GSUM DU AOm A'A: H'Um GIS MTSAN PAR GYUR, DGE BA 'DI YIS MYUR DU BDAG ,DBYANGS CAN LHA MO 'GRUB GYUR NAS, ,ZHES SOGS DANG, NYIN MO BDE LEGS MTSAN BDE LEGS, ZHES SOGS KYIS BSNGO SMON SHIS BRJOD BYA'O, ,( DE LTAR DBYANGS CAN LHA MO'I SGRUB THABS 'DI'I, ,BYED PO BAN GZUGS DHA RMA BHA DRA STE, ,LO RGYUS GRUB PA'I MTSAN MA LAS RIMS DANG, ,SBOGS CHOG GEGS SEL BOGS 'DON DMIGS GNAD SOGS, ,BO DONG PAn CHEN DGE 'DUN RGYA MTSO'I DPAL, ,T'A RA N'A THA SOGS KYI GZHUNG DU GSAL, ,DGE BAS 'CHAD RTZOD RTZOM LA THOGS MED PA'I, ,BLO GROS YAR ZLA'I DKYIL 'KHOR RDZOGS GYUR CIG, SARBA MANGGA LAm,)
` NA MASSVA RA SVASTYEE, SGRA DBYANGS LHA MO DBYANGS CAN MA'I RJES GNANG BYA BAR 'DOD PAS, DUS TSES BZANG BAR STEGS BU GRU BZHI LA PADMA 'DAB BRGYAD BRIS PA'I LTE 'DAB TU DKAR GSUM MNGAR GSUM DANG BZHI MNYAM SBYAR BA'I TING LO SLOB MA'I GRAGS DANG MNYAM PA BKOD, DE'I STENG DU MNYDZI'I KHAR ME LONG LA, BA DKAR DMAR GANG RUNG GI DKAR GSUM DANG SBRANG RTZI LA, GLA RTZI; GUR GUM, TZAN DAN; 'GI'U HAm STE BZHI MNYAM BTAB PAS PADMA 'DAB BRGYAD BRIS PA LA, 'BRAS DKAR SBYAR TE LTE BAR HR'Im: 'DAB MA BRGYUD LA DBYANGS YIG GNYIS GNYIS MDUN NAS GA-YAS SKOR DU DBU PHYIR BSTAN TE GSAL BAR BKOD, DE'I MDUN NAS GA-YAS SKOR DU CHU GNYIS NYER SPYOD DANG MTSAMS 'DZIN GYI ME TOG ,MDUN DU DKAR GTOR ZLUM PO DANG, LAS BUM CHU GTZANG DANG BUM RDZAS SPYI DANG KHYAD PAR BA DKAR DMAR GYI DKAR GSUM MNGAR GSUM BZHI MNYAM DANG BCAS PAS RAN PAR BKANG BA LA GZUNGS THAG BTAGS PA SOGS DGOS PA'I YO BYAD RNAMS TSOGS PAR BYAS TE, LOGS SU BKOD PA LTAR BDAG BSKYED BZLAS PA DANG BCAS PA SNGON DU BTANG, GZUNGS THAG NAS BZUNG LA, AOm AA A'A AI A'I A'A A'U Ri Ri Li L'i AE AEE AO AOO AAm AA: SV'A H'A, ZHES BRGYA RTZA BRGYAD BZLAS LA BUM CHU BSGRUB,
DE NAS MDUN GYI BSGRUB GZHI AA MRi TES BSANGS, SH'U N+YA TAS SBYANGS, STONG PA'I NGANG LAS H'Um LAS BYUNG BA'I SRUNG 'KHOR GYI DBUS SU AAm YONGS SU GYUR PA LAS SHES RAB KYI 'KHOR LO, ZHES PA NAS, 'OD ZER DKAR PO'I TSOGS 'PHROS PAS LHO PHYOGS RGYA MTSO'I 'GRAM DRI ZA DGA' BA'I, ZHES PA NAS, DZA: H'Um BAm HO: 'KHOR LO DAM TSIG PA DANG GNYIS SU MED PAR GYUR, AOm PRI TI DE WI HR'Im: AA A'A AI A'I AU A'U Ri R'i LI L'i AE AEE AO AOO AAm AA: ZHES BRGYA RTZA BRGYAD BZLAS LA, SHES RAB KYI 'KHOR LO SRUNG 'KHOR DANG BCAS PA LHA MO DBYANGS CAN MA'I SKUR GYUR, MCHOD GTOR RNAMS PHUL DU BYUNG BA'I LHA RDZAS SU GYUR, AOm A'A: H'Um, LAN GSUM, AOm SVA RA SVASTI HR'Im: AA K'A RO, ZHES PA NAS, BDAG DANG SLOB MA RNAMS KYIS GTZO BYAS PA'I SEMS CAN THAMS CAD LA PHYOGS THAMS CAD LAS RNAM PAR RGYAL BA'I SHES RAB STZAL TU GSOL, ZHES GSOL BA BTAB, DE NAS SLOB MA RNAMS PHYAG KHRUS SNGON DU 'GRO BAS 'BRU DKAR GYIS PAD 'DAB BRGYAD BKOD PA'I GDAN LA GOS DKAR PO GYON TE TZOG PUR GNAS PA LA, CHOS BSHAD SPYI DANG, BYE BRAG SNGON RDZOGS LDAN GYI DUS SU, RI RAB KYI LHO'I RGYA MTSO BDUD RTZI'I RANG
BZHIN DU GNAS PA, PHYOGS BCU'I RLUNG BKOD PA MTHA' YAS PAS GA-YOS PA LAS DRI ZA'I GLU LTAR SNYAN PA'I SGRA DBYANGS KYIS DPAG TSAD BYE BAR KHYAB PA LA, TSANGS PA CHEN PO MI 'CHI BAS LO STONG GI BAR DU MNYAN CING RO MYANGS PAS, RGYA MTSO'I SGRA DBYANGS KYIS MA'I RNGUL DANG, TSANGS PAS MNYAN CING RO MYANGS PAS PHA'I SA BON GYI DOD BYAS TE YUM CHEN MO SHES RAB KYI PHA ROL TU PHYIN MA NYID SRID PA GSUM GYI SNYAN PA'I SGRA DBYANGS THAMS CAD GCIG TU BSDUS PA LAS LHA MO SA GSUM NA 'GRAN ZLA MED PA'I MCHOR SGEG DANG LDAN PA ZHIG TU SPRUL NAS NAM MKHA'I DKYIL NA GNAS TE, SKYE BO RNAMS CHOS DANG MTHUN PAR SPYOD PA'I TSE DGA' BA'I GAR MDZAD PA'I MTHUS YID CAN RNAMS BLO GSAL ZHING DBYANGS SNYAN LA, CHOS MA YIN PA SPYOD PA'I TSE LHA MO DE YANG PHYIR PHYOGS TE 'DUG PA'I MTHUS BLO RMONGS SHING LDAB LDIB TU SMRA BAR 'GYUR BAS SVA RA SVA ST'I STE DBYANGS CAN MA ZHES 'JIG RTEN NA GRAGS SO, ,DE LTA BU'I LHA MO 'DI LHAG PA'I LHAR BSTEN NAS BSGOM BZLAS LA 'BED NA 'CHAD RTZOD RTZOM GSUM GYI BLO GROS BDE BLAG TU STZOL BA NI, BO DONG PA PHYOGS LAS RNAM RGYAL, THAMS CAD MKHYEN PA DGE 'DUN RGYA MTSO, PAn CHEN BLO BZANG CHOS KYI RGYAL MTSAN SOGS BRGYUD PA 'DI'I BLA MA
GONG MA RNAMS KYI RNAM THAR GYIS SHES SHING, 'DI'I BYIN RLABS SHES RGYUD LA 'JUG PA LA SNGON DU RJES GNANG LEGS PAR THOB DGOS PAS, MAndAL PHUL, SLOB DPON BDAG LA DGONGS SU GSOL, ,SGRA DBYANGS LHA MO DBYANGS CAN MA'I, ,SKU GSUNG THUGS DANG 'PHRIN LAS KYI, ,RJES SU GNANG BA BDAG LA STZOL, ,CES LAN GSUM GYIS GSOL BA BTAB, DKON MCHOG GSUM LA BDAG SKYABS MCHI, ZHES SOGS LAN GSUM GYIS YAN LAG BDUN PA DANG SDOM GZUNGS BYA, SLOB DPON DANG MDUN BSKYED DBYANGS CAN MAR GSAL BA'I THUGS KA'I HR'Im: LAS 'OD ZER 'PHROS PAS, SLOB MA'I SDIG SGRIB DANG MA DAG PA'I SNANG ZHEN THAMS CAD SBYANGS PAR GYUR, AOm SH'U N+YA T'A SA SLOB MA RNAMS STONG PAR SBYANGS, STONG PA'I NGANG LAS, PAm LAS PADMA DKAR PO 'DAB MA BRGYAD PA'I LTE BAR, A'A LAS ZLA BA'I DKYIL 'KHOR GYI STENG DU, SLOB MA RNAMS KYI SEMS NYID HR'I: DKAR PO, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS, SLOB MA RNAMS RER NAS SGRA DBYANGS LHA MO, ZHES PA NAS, SROG GI NGO BO AAm DKAR POS MTSAN PAR GYUR, SLOB DPON GYIS THUGS KA'I HR'Im: LAS 'OD ZER DKAR PO
LCAGS KYU LTA BU 'PHROS, SNA BUG GA-YAS NAS THON, ZHES PA NAS, DZA: H'Um BAm HO: 'KHOR LO 'OD KYI RNAM PAR SLOB MA RNAMS KYI SNA BUG GA-YON NAS ZHUGS TE SNYING GA'I AAm LA THIMS PAS SKU'I RJES GNANG THOB PAR GYUR, HR'Im: NYER GCIG DANG A'A LI LEN GSUM RJES SU ZLOS PAS, SLOB DPON DANG MDUN BSKYED KYI MGRIN PAR 'KHOR LO DKAR PO'I LTE BAR HR'Im: DANG RTZIBS BCU DRUG LA A'A LI BCU DRUG GNAS PA LAS, RANG 'DRA GNYIS PA SNGAGS KYI SGRA SGROG BAR CHAD NAS 'OD ZER GYIS SLOB MA RNAMS KYI LUS THAMS CAD KHENGS, 'KHOR LO MGRIN PAR THIMS PAS GSUNG GI RJES GNANG THOB PAR GYUR, TING LO SBAR TE MING DU BCUG PAS, SLOB DPON DANG MDUN BSKYED KYI THUGS KA'I HR'Im: LAS 'OD ZER 'PHROS PA, SLOB MA RNAMS KYI SNYING GA'I AAm LA THIM PAS THUGS KYI RJES GNANG THOB PAR GYUR, DBYANGS YIG BZLA BZHIN DU MDUN BSKYED KYI MAndAL BUM CHUS BKRUS PA'I KHU BA SLOB MA RNAMS LA BLUD PAS, MDUN BSKYED KYI LHA MO 'OD DU ZHU NAS SLOB MA RNAMS LA THIMS PAS SGO GSUM GYI DRI MA DAG CING SHES RAB KYI SNANG BA RGYAS TE YON TEN 'PHRIN LAS KYI RJES GNANG THOB PAR GYUR, GTZO BO JI LTAR SOGS
MAndAL PHUL, DENG NAS BRTZAMS TE SOGS BYA, MJUG, RANG GI GNAS GSUM DU AOm A'A: H'Um GIS MTSAN PAR BSAMS NAS, BSNGO SMON SHIS BRJOD BYA'O, ,ZHES PA 'DI YANG SNGON BYON DAM PA'I PHYAG BZHES JI LTA BA BZHIN DU DGE SLONG DHARMA BHA DRAS SUG BRIS SU BGYIS PA'O,, ` GTOR 'BUL SOGS KYI MJUG TU, ZHES GSOL BA BTAB PAS, MDUN BSKYED KYI LHA MO'I THUGS KA NAS DBYANGS CAN MA SNGON MO PHYAG NA RIN PO CHE'I SNOD SHING TOG GSAR PAS GANG BA BSNAMS PA ZHIG BYUNG STE SNOD SHING TOG DANG BCAS PA MDUN BSKYED KYI LHA MO'I PHYAG TU PHUL NAS DBYANGS CAN MA SNGON MO RANG GI SNYING GAR THIM PAS THUGS KYI BYIN RLABS THOB PAR BSAM, SHING TOG GCIG LAS DBYANGS CAN MA DMAR MO ZHIG CHU LAS CHU SBUR RDOL BA LTAR THON PAS MDUN BSKYED KYI LHA MO LAS SNOD SHING TOG DANG BCAS PA BLANGS TE RANG LA STZAL BA LONGS SU SPYAD CING, DBYANGS CAN MA DMAR MO RANG GI MGRIN PAR THIMS PAS GSUNG GI BYIN RLABS THOB PAR BSAM, MDUN BSKYED KYI LHA MO AI WANG GI SGRA SNYAN PO BSKUL BZHIN DU RANG GI SPYI BOR THIMS PAS SKU'I BYIN RLABS THOB PAR BSAM MO, ,'DI PAn CHEN CHOS KYI RGYAL PO NAS BRGYUD PA'I SNYAN BRGYUD YI GER BKOD
PA YIN PAS SHIN TU GSANG BA GNAD DO,,