*, ,BDE MCHOG DKAR PO'I TSE DBANG MTHUN MONG MA YIN PA SOGS LHAG PA'I LHA 'GA' ZHIG GI RJES GNANG GTONG TSUL BZHUGS SO,,
, ,NA MO GU RU SHR'I TZA KRA SAMBHA R'A YA, 'DIR RJE BTZUN 'JAM PA'I DBYANGS KYIS CHOS KYI RGYAL PO TZONG KHA PA CHEN PO LA DNGOS SU GNANG BA'I 'JAM DBYANGS CHOS SKOR GYI NANG TSAN DPAL 'KHOR LO SDOM PA DKAR PO'I TSE DBANG MTHUN MONG MA YIN PA BYA TSUL NI, GNAS GTZANG MAR RANG GI MDUN DU STEGS BU'I KHAR PADMA 'DAB BRGYAD LA MANYDZI'I STENG DU ZAN GYI 'BRANG RGYAS NOR BU'I DBYIBS CAN GYI MTHAR DKAR GSUM MNGAR GSUM SMAN DANG RIN CHEN PHYE BA SOGS LAS BYAS PA'I TSE'I RIL BUS BSKOR BA DANG, DE'I GA-YAS SU BUM RDZAS DANG CHU GTZANG BLUG PA'I BUM PA MGUL CHINGS SOGS KYIS BRGYAN PA DANG, GA-YON DU GAR CHAD LA BDUD RTZI'I PHYE MA BTAB PAS
, ,BKANG BA'I KA P'A LA DANG, MDUN DU 'BUL GTOR DKAR DMAR GYI RGYAN DANG LDAN PA DANG, DE RNAMS KYI MTHA' SKOR DU CHU GNYIS NYER SPYOD MTSAMS 'DZIN GYI ME TOG DANG BCAS PA'I MCHOD PA GA-YON SKOR DU BSHAMS, MDUN DU RDOR DRIL, d'A MA RU, NANG MCHOD, 'THOR 'BRU SOGS YO BYAD GANG DGOS 'DU BYAS TE, LOGS SU BKOD PA LTAR BDAG BSKYED BZLAS PA DANG BCAS SNGON DU 'GRO BAS, BSGRUB GZHI RNAMS KHAndA RO HES BSANGS, SH'U N+YA T'AS SBYANGS, STONG PA'I NGANG LAS DBUS SU PAD NYI'I STENG DU, H'Um DKAR PO DANG HR'I: DMAR PO DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS, DPAL 'KHOR LO BDE MCHOG ,CES PA NAS
YUM PADMA'I SKYIL KRUNG GIS BZHUGS PA, DE'I GA-YAS SU BHRUm LAS RIN PO CHE'I BUM PA DMAR PO MTSAN NYID THAMS CAD DANG LDAN PA'I NANG GZHAL YAS KHANG GI DBUS SU, PAD NYI'I STENG DU H'Um DKAR PO; DE LAS 'OD ZER 'PHROS DON GNYIS BYAS, 'DUS YONGS SU GYUR PA LAS, DPAL 'KHOR LO BDE MCHOG SKU MDOG DKAR PO ZHAL GCIG PHYAG GNYIS KYIS TSE'I BDUD RTZIS GANG BA'I BUM PA DMAR PO RE RE BSNAMS PA DAR GYI NA BZA' DANG RUS PA'I RGYAN DRUG GIS BRGYAN PA, 'OD KYI DKYIL 'KHOR GYI DBUS NA ZHABS RDO RJE'I SKYIL KRUNG GIS BZHUGS PA, GA-YON DU A'A: LAS THOD PA DUM BU GCIG PA DKAR PO DPRAL BA RANG LA BSTAN PA'I NANG GZHAL YAS KHANG GI DBUS SU, PAD NYI'I STENG DU HR'I: DMAR PO, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS, YUM RDO RJE RNAL 'BYOR MA SKU MDOG DMAR MO ZHAL GCIG PHYAG GNYIS KYIS, TSE'I BDUD RTZIS GANG BA'I THOD PA DKAR PO RE RE BSNAMS PA, DAR GYI NA BZA' DANG RIN PO CHE'I RGYAN BRGYAD KYIS BRGYAN PA, 'OD KYI DKYIL 'KHOR GYI DBUS NA ZHABS PADMA'I SKYIL KRUNG GIS BZHUGS PA, DE RNAMS KYI DPRAL BAR AOm, ZHES PA NAS, 'OD DPAG MED KYIS DBU BRGYAN PAR GYUR
, ,CES PA'I BAR BDAG BSKYED BZHIN BRJOD LA BSKYED, NANG MCHOD, AOm A'A: H'Um, HA HO HR'I: LAN GSUM PHYAG RGYA DANG BCAS PA DANG, PHYI MCHOD, MCHOD PA RNAMS KHYAD CHOS GSUM LDAN DU GYUR, AOm A'A: H'Um LAN GSUM GYIS BRLABS LA, MCHOD BSTOD BDAG BSKYED LTAR BYA, DE NAS LHA THAMS CAD KYI SPYI BOR ZLA BA LA AOm DKAR PO'I MTHAR SNGAGS 'PHRENG DKAR POS GA-YON SKOR DU BSKOR BA LA DMIGS NAS, AOm HR'I: HA HA H'Um H'Um PHAt, TSE LA SRUNGS SHIG CES BZLAS PAS AOm YIG SNGAGS 'PHRENG DANG BCAS PA LAS 'OD ZER DKAR PO PHYOGS BCUR 'PHROS PAS, 'KHOR 'DAS KYI YON TAN DANG TSE BCUD BKRAG MDANGS MA LUS PA MTSAN DPES SPROS PA'I LHA SKU DANG 'OD ZER DANG BDUD RTZI DKAR PO DANG, RIN PO CHE SNA LNGA'I RNAM PAR PHYOGS BCU NAS BKUG STE SPYI BO'I AOm LA THIMS PAR BSAM, YANG MGRIN PAR PADMA LA A'A: DMAR BA'I MTHAR SNGAGS 'PHRENG DMAR POS BSKOR BA LA DMIGS NAS SNGAR BZHIN BZLAS PAS, A'A: YIG SNGAGS 'PHRENG DANG BCAS PA LAS 'OD ZER DMAR PO 'PHROS PAS, 'KHOR 'DAS KYI YON TAN DANG TSE BCUD BKRAG MDANGS MA LUS PA RIN CHEN BZHI'I SNGAGS DANG 'OD ZER DANG BDUD RTZI
DMAR PO DANG A'A LI K'A LI'I RNAM PAR BKUG STE MGRIN PA'I A'A: LA THIMS PAR BSAM, YANG THUGS KAR NYI MA LA H'Um SNGON PO'I MTHAR SNGAGS 'PHRENG SNGON POS BSKOR BA LA DMIGS NAS SNGAR BZHIN BZLAS PAS H'Um YIG SNGAGS 'PHRENG DANG BCAS PA LAS 'OD ZER SNGON PO 'PHROS PAS, 'KHOR 'DAS KYI YON TAN DANG TSE BCUD BKRAG MDANGS MA LUS PA BDUD RTZIS GANG BA'I BUM PA DMAR PO DANG THOD PA DKAR PO SOGS PHYAG MTSAN DANG, 'OD ZER DANG BDUD RTZI SNGON PO DANG, BKRA SHIS RDZAS BRGYAD DANG RGYAL SRID SNA BDUN GYI RNAM PAR BKUG STE THUGS KA'I H'Um LA THIMS PAR BSAM MO, ,DE NAS HE RU KA'I YIG BRGYAS BRTAN PAR BYAS LA, GTOR MA NANG MCHOD LTAR BRLABS NAS, LHA RNAMS KYI LJAGS RDO RJE'I 'OD ZER GYI SPU GUS DRANGS TE GSOL BAR BSAMS LA AOm BADZRA AA RA LI HO, DZA: H'Um BAm HO: BADZRA d'A KI NYA SA MA YA STVAm TRI SHYA HO: LAN GSUM GYIS PHUL, GONG BZHIN PHYI NANG GIS MCHOD, MTSAMS SPRIN DANG 'GROGS KA LA SHA'I, ,MDANGS LDAN HE RU KA LA 'DUD, ,BDAG DANG SLOB MAR BCAS RNAMS LA; ;'CHI MED TSE YI MCHOG SBYIN MDZOD, ,CES BSTOD 'PHRIN BYA'O, ,DE NAS SLOB MA RNAMS KHRUS BYAS LA PHYAG DANG MAndAL PHUL TE 'KHOD PA LA, SPYI DANG BYE BRAG GI CHOS BSHAD, DUS GSUM
, ,RGYAL BA THAMS CAD DANG, ,SKU GSUM YE SHES DBYER MED PA, ,'GRO BA'I 'DREN MCHOG HE RU KAS, ,SKU GSUNG THUGS KYI BYIN RLABS STZOL, ,LAN GSUM GYIS GSOL BA 'DEBS MAndAL BSTAN NAS, DKON MCHOG GSUM LA BDAG SKYABS MCHI, ZHES SOGS LAN GSUM GYIS RGYUN BSHAGS DANG, SANGS RGYAS BYANG CHUB SEMS DPA' KUN, ZHES SOGS LAN GSUM GYIS RIGS LNGA'I SDOM GZUNG BYA, SLOB MA RNAMS KHAndA RO HIS BSANGS, SH'U N+YA T'AS SBYANGS, STONG PA'I DANG LAS SLOB MA RNAMS KYI GO SAR PAD NYI'I STENG DU SLOB MA RNAMS KYI SEMS NYID H'Um DKAR PO DANG HR'I: DMAR PO, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS, SLOB MA RNAMS RE RE NAS DPAL 'KHOR LO BDE MCHOG ,CES PA NAS, THUGS KAR H'Um GIS MTSAN PAR GYUR, CES PA'I BAR GYIS GZHI LUS LHAR BSKYED, DNGOS GZHI TING NGE 'DZIN GYI DBANG BZHI'I CHED DU, 'KHOR LO BDE MCHOG YAB YUM GYIS, ,SNGON TSE 'GRO LA DBANG BSKUR BA, DE BZHIN THUGS RJES BDAG LA YANG, ,DBANG BSKUR DAM PA STZAL DU GSOL, ,LAN GSUM GYIS GSOL BA 'DEBS, GA-YAS KYI BUM PA'I NANG GI DPAL 'KHOR LO BDE MCHOG TSE CHU'I RNAM PAR ZHU
BA'I BUM CHUS DBANG BSKUR BAS LUS KYI DRI MA SPYI DANG KHYAD PAR SROG BCAD PA LA SOGS PA'I TSE THUNG 'GYUR GYI LUS KYI SDIG SGRIB THAMS CAD DAG ,BUM PA'I DBANG DANG 'CHI MED TSE'I RIG 'DZIN THOB PA'I MOS PA MDZOD, AOm; 'CHI MED TSE YI DBANG BSKUR BAS, ,'CHI BDAG BDUD KYI STOBS BCOMS NAS, ,'CHI MED TSE DANG DPAL RGYAS TE, ,RIG 'DZIN TSE DBANG THOB PAR SHOG ,CES BRJOD CING BUM CHU KHYOR PA GA-YAS SU BYIN NAS 'THUNG DU GZHUG CING GTOR BAR BYA, YANG GA-YON GYI THOD PA'I NANG GI YUM RDO RJE RNAL 'BYOR MA BDUD RTZI'I RNAM PAR ZHU BA'I TSE CHANG LCES MYANGS PAS NGAG GI DRI MA SPYI DANG KHYAD PAR SROG GCOD DU BCUG PA LA SOGS PA'I TSE THUNG 'GYUR GYI NGAG GI SDIG SGRIB THAMS CAD DAG ,GSANG BA'I DBANG DANG 'CHI MED TSE'I RIG 'DZIN THOB PA'I MOS PA MDZOD, A'A: 'CHI MED TSE YI DBANG BSKUR BAS, ZHES SOGS BRJOD CING, TSE CHANG KHYOR PA GA-YON DU BYIN NAS 'THUNG DU GZHUG ,YANG KHYED RANG RNAMS LHA YAB YUM SNYOMS PAR ZHUGS PA LA, DBUS KYI 'BRANG RGYAS YI DAM YAB YUM DU GSAL BA LAS RANG 'DRA GNYIS PA ZHIG CHAD PA BYANG SEMS DKAR DMAR GYI RNAM PAR ZHU BA SPYI BO NAS THIMS PAS, MGRIN PA YAN GANG BAS DGA' BA, SNYING GA YAN GANG BAS MCHOG DGA', LTE BA YAN GANG BAS KHYAD DGA', LUS THAMS CAD
, ,GANG BAS LHAN SKYES KYI DGA' BA SKYES, DE DANG STONG PA NYID DBYER MED DU SBYAR BAS YID KYI DRI MA SPYI DANG KHYAD PAR SROG BCAD PA LA YI RANG BA LA SOGS PA'I TSE THUNG 'GYUR GYI YID KYI SDIG SGRIB THAMS CAD DAG ,SHER DBANG DANG 'CHI MED TSE'I RIG 'DZIN THOB PA'I MOS PA MDZOD, H'Um; 'CHI MED TSE YI DBANG BSKUR BAS, ZHES SOGS BRJOD CING ME TOG GTOR, YANG MDUN GYI YI DAM GYI THUd KA NAS H'Um YIG CHAD PA SMIN MTSAMS NAS ZHUGS TE SNYING GAR H'Um YIG DKAR PO ZHIG TU GYUR PAR BSAMS LA, DE NYID KYI ZHABS KYU A'U HA LA, HA MGO BO LA, MGO BO ZLA TSES LA, ZLA TSES THIG LE LA, THIG LE N'A DA LA, N'A NGA YANG JE PHRA JE PHRAR 'OD GSAL DU THIMS PAR BSAMS NAS BDE STONG LA MNYAM PAR BZHAG PAS SGO GSUM GYI DRI MA BAG CHAGS DANG BCAS PA DAG ,TSIG DBANG DANG 'CHI MED TSE'I RIG 'DZIN THOB PA'I MOS PA MDZOD, AOm A'A: H'Um, 'CHI MED TSE YI DBANG BSKUR BAS, ZHES SOGS BRJOD PAR BYA'O, ,DE NAS SLAR YANG, BCOM LDAN BDAG LA STZAL LAGS KYIS, ,BCOM LDAN BDAG LA BYIN GYIS RLOBS, ,LAN GSUM GYIS GSOL BA 'DEBS, MDUN BSKYED KYI BDE MCHOG YAB YUM LAS RANG 'DRA GNYIS BA ZHIG CHAD PA SLOB MA RNAMS LA THIMS PAS BDE MCHOG YAB
YUM GYI SKU GSUNG THUGS DANG SLOB MA RNAMS KYI LUS NGAG YID GSUM DBYER MED DU 'DRES TE SKYE 'CHI MED PA RDO RJE'I SKU THOB PA'I MOS PA MDZOD, ,'BRANG RGYAS SPYI BOR BZHAG STE DRIL GSIL DANG BCAS, BCOM LDAN 'DI LA STZAL LAGS KYIS, ,BCOM LDAN 'DI LA BYIN GYIS RLOBS, ,DZA: H'Um BAm HO: ZHES BRJOD LA, 'BRANG RGYAS YI DAM DU BSKYED PA 'OD DU ZHU NAS 'CHI MED TSE'I RIL BUR GYUR PAR BSAMS NAS TSE RIL KHAR SBYIN NO, ,MJUG TU, GTZO BOS JI LTAR SOGS DANG, ,NGANG NAS BRTZAMS TE SOGS DANG, MAndAL, SPRO NA TSOGS MCHOD LHAG GTOR, BSNGO SMON SHES BRJOD SOGS SPYI LTAR BYA'O, ,ZHES PA 'DI YANG DPA' PO RDO RJE, RDO RJE 'DZIN PA DKON MCHOG RGYAL MTSAN, SKYID SHOD SPRUL SKU RNAMS KYI GZHUNG DANG, RJE BTZUN DAM PA BLO BZANG BSTAN 'DZIN DPAL BZANG PO'I PHYAG BZHES MTHONG BA BRGYUD PA LA BRTEN NAS MAN NGAG 'DZIN PA'I BAN RGAN DHARMA BHA DRAS RANG GI DRAN THOR BKOD PA'O, ,SARBA DZA GA TAm,,