` (THUB PA DAM TSIG GSUM BKOD KYI SGRUB THABS BZHUGS SO,, `) NA MO GU RU MU NI AINDRA YA, 'DIR BCOM LDAN 'DAS DAM TSIG GSUM BKOD PA'I RGYAL PO'I BSGOM BZLAS MDOR BSDUS BYA TSUL NI, SKYABS SEMS SNGON DU BTAD LA, SVA BH'A WAS, BDAG DANG LHA'I DE KHO NA NYID DBYER MI PHYED PA'I STONG PAR GYUR, STONG PA'I NGANG LAS DE BZHIN GSHEGS PA'I YI GE BRGYA PA'I GDANGS NAM MKHAR GRAG PA YONGS SU GYUR PA LAS ZLA BA'I STENG DU YI GE'I GZUGS 'OD ZER LNGA 'PHRO BA LAS, DE BZHIN GSHEGS PA'I RIGS KYI PHYAG MTSAN GYI LTE BAR SA BON SNGAGS 'PHRENG GIS BSKOR BAR GYUR, DE LAS 'OD ZER DANG LHA'I TSOGS 'PHROS, DON GNYIS BYAS TSUR 'DUS ZLA BA PHYAG MTSAN SA BON SNGAGS 'PHRENG DANG BCAS PA YONGS SU GYUR PA LAS, PADMA 'DAB MA BRGYAD PA'I LTE BAR ZLA BA'I STENG DU RANG NYID BCOM LDAN 'DAS DAM TSIG GSUM BKOD PA'I RGYAL PO SKU MDOG GSER BTZO MA LTA BU, MTSAN SUM CU RTZA GNYIS DANG, DPE BYAD BZANG PO BRGYAD CUS SPRAS PA, ZHAL GCIG PHYAG GNYIS CHOS
'CHAD KYI PHYAG RGYA CAN, 'OD ZER RAB TU 'BAR BA'I DBUS NA RDO RJE SKYIL KRUNG GIS BZHUGS PAR GYUR, DE BZHIN GSHEGS PA'I RIGS KYI DAM RGYA GNAS LNGAR REG LA, AOm SARBA TA TH'A GA TA AUDBHA WA YE SV'AH'A, ZHES BRJOD NAS NGA RGYAL DANG GSAL SNANG BSGOM ZHING, SKYON YAN LAG BZHI TSANG BA'I BZLAS BRJOD BYA STE, RANG GI THUGS KAR ZLA BA LA GNAS PA'I TREEm GYI 'OD ZER GYIS BLA MA DANG GNYIS SU MED PA'I BCOM LDAN 'DAS DAM TSIG GSUM BKOD PA'I RGYAL PO LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS PA LA, AOm SARBA TA TH'A GA TA P'A DA BANDHA NA KA RO MI, ZHES PAS PHYAG BYA, AOm A'A: H'Um MCHOD PA RNAMS PHUL DU BYUNG BA'I LHA RDZAS SU GYUR CES BYIN GYIS BRLABS LA, AOm BADZRA PUshPE, NAS, NEE WI DYE H'Um GI BAR GYIS MCHOD, MGON PO THUGS RJE CHE LDAN PA, ZHES PA NAS, DGE 'DUN LA YANG PHYAG 'TSAL LO, ,ZHES PA'I BAR GYIS BSTOD, BDAG MDUN GNYIS KA'I THUGS KAR ZLA BA LA GNAS PA'I TREEm GYI MTHAR SNGAGS 'PHRENG GIS BSKOR BA LAS 'OD ZER DANG LHA'I TSOGS 'PHROS, DON GNYIS BYAS, TSUR 'DUS SNYING GA'I SA BON LA THIM PA'I SPRO BA DANG BSDU BA'I MDZAD PA CAN DU GYUR PAR BSAMS LA, NA MASTREE YA DHI K'A N'Am TA TH'A GA T'A N'Am, SARBA TA PRA TI HA T'A B'A PTI DHARMA T'A BA LI N'Am, AOm AA SA MA SA MA SA MANTA TONYANNTA T'A B'A PTI SH'A SA NI, HA RA HA RA, SMA RA SMA RA n, BI GA TA R'A GA, BUDDHA DHARMA TE, SAR SA RA SA MA BA LA, HA SA HA SA, TRA
, ,YA TRA YA, GA GA NA MA H'A BA RA LAKshA nO, DZVA LA DZVA LA NA S'A GA RE SV'AH'A, ZHES LHA'I SKU SGYU MA LTA BU LA DMIGS TE SDIG SGRIB DAG PAR BYA BA'I PHYIR DU DE BZHIN GSHEGS PA'I YI GE BRGYA PAR GRAGS PA'I GZUNGS SNGAGS KHYAD PAR CAN 'DI MANG DU BZLAS RJES, DGE BA 'DI YIS MYUR DU BDAG ,DAM TSIG GSUM BKOD 'GRUB GYUR NAS, ZHES SOGS GYIS DGE BA BSNGOS LA, MDUN GYI YE SHES PA RNAMS RANG GNAS SU GSHEGS PAR BSAM MO, ,(ZHES PA 'DI YANG DGE SLONG DHARMA BHA DRAS RANG GI NYAMS LEN DU BRIS,, ` GTZUG GTOR RNAM RGYAL MA'I SGRUB THABS BZHUGS,, ` ) AOm SVA STI, SKYABS SEMS BYAS LA, SVA BHA WAS SBYANGS, STONG PA'I NGANG LAS SNA TSOGS PAD ZLA'I STENG DU BHR'Um ? LAS SNA TSOGS RDO RJE BHR'Um GYIS MTSAN PA YONGS SU GYUR PA LAS RANG NYID RJE BTZUN RNAM PAR RGYAL MA SKU MDOG DKAR MO DKAR SER SNGO BA'I ZHAL GSUM PHYAG BRGYAD KYI GA-YAS SNA TSOGS RDO RJE SNANG MTHA' MDA' DANG MCHOG SBYIN, GA-YON SDIGS MDZUB ZHAGS PA SKYABS SBYIN GZHU DANG BUM PA 'DZIN PA, LHA'I GOS DANG RIN PO CHE'I RGYAN CAN, RDO RJE SKYIL KRUNG GIS BZHUGS PA'I SPYI BOR AOm, MGRIN PAR AA: THUGS KAR H'Um, THUGS KA'I H'Um GI 'OD ZER GYIS RANG 'DRA'I YE SHES PA DBANG LHA DANG BCAS PA SPYAN DRANGS, GNYIS SU MED PAR GYUR, DBANG GI LHAS DBANG BSKUR, 'OD DPAG MED KYIS DBU BRGYAN PAR GYUR, MCHOD PA RNAMS PHUL DU BYUNG BA'I LHA RDZAS SU
GYUR, AOm SARBA TA TH'A GA TA AUshn'I shA BI DZA YE AARGHAm NAS SHAPTA PRA T'I TZTSA YE SV'A H'A'I BAR GYIS MCHOD, DPAL LDAN LHA MO, ZHES SOGS KYIS BSTOD, THUGS KA'I SNGAGS 'PHRENG LAS 'OD ZER GYI SPRO BSDU DANG LDAN PAR GYUR, GZUNG RE BA DAM, ? AOm BHRA'Um SV'AH'A, ZHES BZLA, MJUG TU, DGE BA 'DI YIS, ZHES SOGS DGE BA BSNGO'O,, ('DI DHARMA BHA DRAS BRIS,