` (RNAM 'JOMS KYI BDAG BUM MDOR BSDUS BZHUGS SO),, ` NA MO GU RU MNYADZU GHO sh'A YA, RNAM 'JOMS KYI BDAG BUM SGRUB TSUL NI, SKYABS SEMS BYAS LA, SVA BHA WAS SBYANGS, STONG PA'I NGANG LAS SNA TSOGS PAD NYI'I STENG DU H'Um LAS SNA TSOGS RDO RJE H'Um GIS MTSAN PA LAS, RANG NYID BCOM LDAN 'DAS DPAL RDO RJE RNAM PAR 'JOMS PA SKU MDOG LJANG SNGON ZHAL GCIG PHYAG GNYIS PA, GA-YAS SNA TSOGS RDO RJE THUGS KAR BSNAMS SHING, GA-YON DES YU BA BYAS PA'I DRIL BU DKUR BRTEN PA, SEMS DPA'I SKYIL MO KRUNG GIS BZHUGS SHING RIN PO CHE'I RGYAN DANG DAR SNA TSOGS KYI NA BZA' CAN, RAB TU GDANGS PA'I SPYAN GSUM DANG LDAN PA, KHRO GNYER CUNG ZAD BSDUS SHING YID TZAM MDZUM PA, SHIN TU BRJID CING SKU LAS SPRUL PA DU MA 'PHRO BA, YE SHES KYI ME RAB TU 'BAR BA'I KLONG DKYIL NA BZHUGS PA'I SPYI BOR AOm, MGRIN PAR A'A: THUGS KAR H'Um, DE LAS 'OD ZER 'PHROS, YE SHES PA DANG DBANG LHA SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR RDO RJE SEMS DPAS DBU BRGYAN PAR GYUR, AOm BADZRA BI D'A RA SA PA RI W'A RA AARGHAm NAS, SHAPTA PRA T'I TZTSA H'Um SV'AH'A'I BAR GYIS MCHOD, MTSAMS SPRIN GZHON NUS YONGS SU BSKOR BA YI, ,RIN CHEN MARGAD RI BO JI BZHIN DU, ,YE SHES ME DPUNG 'BAR BA'I KLONG DKYIL
NA, ,KHRO 'DZUM NYAMS KYIS BRJID LA PHYAG 'TSAL LO, ,ZHES PAS BSTOD, RANG GI THUGS KAR NYI MA'I DKYIL 'KHOR GYI STENG DU, H'Um YIG GI MTHAR BZLAS BYA'I SNGAGS KYIS BSKOR BA'I SNGAGS PHRENG ? H'Um YIG DANG BCAS PA LAS BDUD RTZI'I RGYUN BABS, LUS KYI NANG THAMS CAD GANG, SDIG SGRIB DANG MI GTZANG BA THAMS CAD DAG PAR GYUR, NA MA shTZAndA BADZRA KRO DH'A YA, HU LU HU LU, TIshthA TIshthA, BANDHA BANDHA, HA NA HA NA, AA MRi TE H'Um PHAt, CES BZLAS LA, DGE BA 'DI YIS MYUR DU BDAG ,RDO RJE RNAM 'JOMS 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BSNGO SMON BYA'O,, ` DE NAS, BUM PA AA MRi TAS BSANGS, SVA BH'A WAS SBYANGS, STONG PA'I NGANG LAS PAm LAS PADMA DANG, AA LAS ZLA BA'I DKYIL 'KHOR GYI STENG DU, BAm LAS BYUNG BA'I RIN PO CHE'I BUM PA DKAR PO, LTO BA CHE BA, MGRIN PA RING BA, MCHU 'PHYANG BA LA SOGS PA MTSAN NYID THAMS CAD DANG LDAN PAR GYUR, AOm T'A PTE TAPTE MAH'A TAPTE SV'AH'A, LHA'I CHU BO GANGGA DANG BUM PA'I CHU DBYER MI PHYED PA'I STENG DU SNA TSOGS PAD NYI'I GDAN LA H'Um LAS SNA TSOGS RDO RJE H'Um GIS MTSAN PA LAS BCOM LDAN 'DAS DPAL RDO RJE RNAM PAR 'JOMS PA, ZHES PA NAS, BSTOD PA'I BAR SNGAR BZHIN BRJOD NAS, BUM NANG GI LHA'I THUGS KA NAS 'OD ZER 'PHROS RGYAL BA SRAS BCAS KYI BYIN RLABS THAMS CAD BDUD RTZI DANG 'OD ZER GYI RNAM PAR SPYAN DRANGS PAS BUM PA GANG BAR GYUR, SNGAR BZHIN BZLAS
, ,PA BYAS LA, MCHOD BSTOD KYI MTHAR, BUM PA'I LHA YE SHES PA RANG BZHIN GYI GNAS SU GSHEGS, DAM TSIG PA 'OD DU ZHU NAS BUM PA'I CHU 'ANG RO GCIG TU GYUR, CES BSGRUBS NAS KHRUS GSOL BKRU BYABS SRUNG BA SOGS DKYUS LTAR BYA'O,, ZHES PA 'DI YANG DGE SLONG DHARMA BHA DRAS BRIS,, MANGGA LAm,,