`(GSANG 'DUS 'JAM PA'I RDO RJE'I SGRUB THABS 'JAM DBYANGS DGONGS GSAL SNYING PO ZHES BYA BA BZHUGS),, ` NA MO GU RU MANYDZU GHO sh'A YA, 'DIR GSANG 'DUS 'JAM PA'I RDO RJE'I SGRUB THABS MDOR BSDUS NI, DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,ZHES SKYABS 'GRO DANG, SEMS CAN THAMS CAD KYI DON DU RDZOGS PA'I SANGS RGYAS KYI
, ,GO 'PHANG THOB PAR BYA, DE'I PHYIR DU RJE BTZUN 'JAM PA'I DBYANGS BSGRUB PAR BYA'O, ,ZHES SEMS BSKYED LAN GSUM RE BYAS NAS, RANG NYID 'JAM PA'I RDO RJER GSAL BA'I THUGS KAR ZLA BA LA GNAS PA'I MAm YIG GI 'OD ZER GYIS BLA MA DANG DKYIL 'KHOR GYI 'KHOR LO MDUN GYI NAM MKHAR SPYAN DRANGS, NA MO GU RU MAndA LE BHYA: ZHES PHYAG BYA, AOm SARBA TA TH'A GA TA AARGHAm, P'ADYAm; PUshPE; DH'U PE; A'A LO KE, GANDHE, NEE WI DYE, SHAPTA P'U DZA ME GHA SA MU DRA SPA RA nA SA MA YA SHRI YE A'A: H'Um, ZHES MCHOD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES RGYUN BSHAGS BYA, SEMS CAN THAMS CAD BDE BA DANG LDAN PAR GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR CIG ,BTANG SNYOMS LA GNAS PAR GYUR CIG ,CES TSAD MED BZHI BSGOM, DE NAS, AOm SH'U N+YA T'A DZNY'A NA BADZRA SVA BH'A WA A'ATMA KONYA HAm, CHOS THAMS CAD NGO BO DANG RGYU DANG 'BRAS BU LA SMIN PA DANG BRAL BA'I STONG PA NYID DU GYUR, CES CHOS SKU'I NGA RGYAL BYA, STONG PA'I NGANG LAS RANG GI SEMS AOm DKAR PO, A'A: DMAR PO, H'Um SNGON PO, HO: YIG DMAR SER GNYIS KYIS
MTHAR BRTEN PAR GYUR, ,CES LONGS SKU'I NGA RGYAL BYA, STONG PA'I NGANG LAS H'Um LAS SNA TSOGS RDO RJE'I LTE BA LA H'Um GIS MTSAN PA LAS 'OD ZER PHYOGS BCUR 'PHROS PAS, RDO RJE SA GZHI, RVA BAR GUR; BLA RE; ME RI DANG BCAS PA'I SRUNG 'KHOR GYI NANG DU H'Um LAS CHOS 'BYUNG DKAR PO ZUR GSUM PA GYEN DU LANGS PA'I DBUS SU PAm LAS SNA TSOGS PADMA DANG H'Um LAS SNA TSOGS RDO RJE'I LTE BAR BHR'Um LAS GZHAL YAS KHANG GRU BZHI SGO BZHI RTA BABS BZHI DANG BCAS PA MTSAN NYID THAMS CAD YONGS SU RDZOGS PA'I DBUS SU SNA TSOGS PADMA DANG ZLA BA'I GDAN GYI STENG DU MTSAN GYI NGO BO DBYANGS DKAR POS GNYIS LAS ZLA BA DKAR PO DANG, DPE BYAD KYI NGO BO GSAL BYED DMAR PO BRGYAD CU LAS ZLA BA DMAR PO, DE GNYIS GCIG TU 'DAS PAS DKAR LA DMAR BA'I MDANGS CAN DU GYUR, DE'I STENG DU H'Um LAS RDO RJE DMAR PO RTZE LNGA PA, DE LAS 'OD ZER 'PHROS, SEMS CAN GYI DON BYAS, TSUR 'DUS RDO RJE LA THIM PAS LTE BAR H'Um GIS MTSAN PAR GYUR, AOm BADZRA A'ATMA KANYA HAm, ZLA BA RDO RJE H'Um DANG BCAS PA YONGS SU GYUR PA LAS RDO RJE SEMS DPA' DKAR POR DKAR SNGO DMAR BA'I ZHAL GSUM PHYAG DRUG GI ,DANG PO GNYIS GYIS RANG 'DRA'I YUM LA 'KHYUD CING, LHAG MA GA-YAS GNYIS RAL GRI DANG RDO RJE, GA-YON GNYIS PADMA DANG RIN PO CHE BSNAMS PA, DAR DANG RIN PO
, ,CHE'I RGYAN GYIS BRGYAN CING RDO RJE SKYIL KRUNG GIS BZHUGS PA, YAB YUM RJES SU CHAGS PAS SNYOMS PAR ZHUGS PA MTHONG NAS, NAM MKHA'I YI GE LNGA PO YAB KYI ZHAL DU ZHUGS, SKU'I DBYIBS BRGYUD RDO RJE'I LAM NAS YUM GYI PADMAR BABS PA'I YI GE LNGA'I 'OD ZER DANG CHAGS PAS, YAB YUM YI GE DANG BCAS PA BYANG CHUB KYI SEMS SU ZHU BA'I THIG LI LAS SPROS PA'I LHA MO BZHI'I GLU DBYANGS KYIS BSKUL BAS, THIG LE DE NYID YONGS SU GYUR PA LAS RAL GRI 'CHANG GZUNG LA MAm GYIS MTSAN PAR GYUR, DE LAS 'OD ZER 'PHROS PAS, PHYOGS BCU'I SANGS RGYAS DANG BYANG CHUB SEMS DPA' THAMS CAD SPYAN DRANGS TE THIM PA YONGS SU GYUR PA LAS, RANG NYID 'JAM PA'I RDO RJE SKU MDOG DMAR SER DMAR SER SNGO DANG DKAR BA'I ZHAL GSUM PHYAG DRUG GI ,DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS GNYIS RAL GRI DANG MDA', GA-YON GNYIS AUTPAL DANG GZHU BSNAMS PA, LANG TSO DAR LA BAB CING ZUR PHUD LNGA DANG LDAN PA, MTSAN DPES MDZES SHING RIN PO CHE'I RGYAN DANG DAR GYI NA BZA' CAN, NYI ZLA'I 'OD LAS GDAN GSUM TSANG BA'I LHA TSOGS 'GRO ZHING SEMS DPA'I SKYIL MO KRUNG GIS BZHUGS PAR GYUR, AOm DHARMA DH'A TU SVA BH'A WA A'ATMA KONYA HAm, ZHES SPRUL SKU'I NGA RGYAL BYA STE, BSNYES
PA'O; ;YAB YUM GNYIS KYI MIG TU KshIm LAS SA SNYING, RNA BAR DZIm LAS PHYAG RDOR, SNAR KHAm LAS NAM SNYING, LCER GAm LAS SPYAN RAS GZIGS, DPRAL BAR SKAm LAS SGRIB SEL, LTE BAR SAm LAS KUN BZANG, NYE SGRUB BO, ,SPYI BOR AOm LAS SKU RDO RJE, MGRIN PAR A'A: LAS GSUNG RDO RJE, THUGS KAR H'Um LAS THUGS RDO RJE, RDO RJE GSUM LAS 'OD ZER 'PHROS PAS, SANGS RGYAS THAMS CAD SKU GSUNG THUGS RDO RJE'I RNAM PAR SPYAN DRANGS TE; GNAS GSUM GYI RDO RJE GSUM LA THIM PAR GYUR, AOm SARBA TA TH'A GA TA K'A YA W'A KA TZITTA BADZRA SVA BH'A WA A'ATMA KONYA HAm, RANG GI THUGS KAR ZLA BA'I STENG DU RANG 'DRA'I YE SHES SEMS DPA', DE'I THUGS KAR ZLA BA'I STENG DU TING NGE 'DZIN SEMS DPA' MAm YIG DMAR SER 'OD ZER 'PHRO BA, SGRUB PA'O, DE LAS 'OD ZER 'PHROS PAS DBANG GI LHA RNAMS SPYAN DRANGS, AOm SARBA TA TH'A GA TA AA BHI shINYTZA TU M'Am, ZHES GSOL BA BTAB PAS LHA MO RNAMS KYIS DBANG BSKUR, MI BSKYOD PAS DBU BRGYAN PAR GYUR, SGRUB CHEN NO, ,YUM GYI SPYI BOR AOm DKAR PO, SNYING GAR H'Um SNGON PO, LTE BAR SVA SER PO, GSANG BAR A'A: DMAR PO, BRLA GNYIS SU H'A LJANG GU, DE RNAMS LAS RIGS LNGA'I NGO BO'I 'OD ZER 'PHROS PAS LUS BYIN GYIS BRLABS PAR GYUR, RANG GI GSANG GNAS H'Um LAS BYUNG BA'I RDO RJE DANG, YUM GYI GSANG GNAS A'A: LAS BYUNG BA'I PADMAR GYUR, AOm SARBA TA TH'A GA TA AA
, ,NU R'A GA NA BADZRA SVA BH'A WA A'ATMA KONYA HAm, ZHES SNYOMS 'JUG BYA, RANG GI THUGS KA'I 'OD ZER GYIS MCHOD RDZAS THAMS CAD BKUG PA ZHAL DU ZHUGS, YUM GYI PADMAR BABS PA MCHOD PA LHA MOR GYUR PA PHYIR SPROS NAS BDAG NYID LA MCHOD PAR GYUR, AOm SARBA TA TH'A GA TA AARGHAm NAS SHAPTA P'U DZA ME GHA SA MU DRA SPAR nA SA MA YA SHRI YE A'A: H'Um GI BAR GYIS MCHOD, AOm SARBA TA TH'A GA TA P'U DZA BADZRA SVA BH'A WA A'ATMA KONYA HAm, MCHOD PA'O, ,MI BSKYOD RDO RJE YE SHES CHE, ,RDO RJE DBYINGS NI MKHAS PA CHE, ,RDO RJE GSUM MCHOG DKYIL 'KHOR GSUM, ,GSANG BA'I DBYANG LA PHYAG 'TSAL LO ,BSTOD PA'O,, NANG MCHOD AOm A'A: BI GHNANTA KRiTA H'Um GIS BSANGS, SH'U N+YA T'AS SBYANGS, STONG PA'I NGANG LAS YAm LAS RLUNG, RAm LAS ME, A'A: LAS THOD PA'I DBUS SU H'Um LAS DRI CHU, SHAR DU BHR'Um LAS DRI CHEN, LHOR AAm LAS RAKTA, NUB TU DZREm LAS BYANG SEMS, BYANG DU KHAm LAS SHA CHEN RNAMS RANG RANG GI SA BON GYIS MTSAN PA, SBYANGS RTOGS SBAR BAS BDUD RTZI'I RGYA MTSOR GYUR, AOm A'A: H'Um, LAN GSUM, RTZA BRGYUD KYI BLA MA RNAMS KYI ZHAL DU AOm A'A: H'Um, BADZRA KHRi KA AOm A'A: H'Um, MANYDZU BADZRE AOm A'A: H'Um, SEMS CAN THAMS CAD LHAR GYUR PA RNAMS GYI ZHAL DU AOm A'A: H'Um, NANG MCHOD DO, ,'DIR RAGS PHRA'I
RNAL 'BYOR BSGOM, RANG GI THUGS KA'I TING NGE 'DZIN SEMS DPA'I MTHAR SNGAGS 'PHRENG GIS BSKOR BA LAS 'OD ZER GYI SPRO BSDU DANG LDAN PAR GYUR, AOm A'A: BADZRA DHRi KA MAm H'Um, ZHES PA'AM, AOm A'A: MAm H'Um, ZHES PA GANG RUNG BZLA'O, ,GZHAL YAS KHANG DANG YUM RANG DANG ZHAL PHYAG LHAG MA RNAMS RTZA BA'I ZHAL PHYAG LA THIM PAR GYUR, 'DI YI DGE BAS MKHA' MNYAM 'GRO BA KUN, ,'JAM DPAL RDO RJES 'BRAL MED RJES BZUNG STE, ,'JAM DPAL RDO RJE'I RIM GNYIS MTHAR PHYIN NAS, ,'JAM DPAL DBYANGS LTAR 'GRO BA'I MGON GYUR CIG ,BSNGO BA'O, ,ZHES GSANG 'DUS 'JAM ? PA'I RDO RJE'I SGRUB THABS 'JAM DBYANGS DGONGS GSAL SNYING PO ZHES BYA BA 'DI NI, RGYA BOD KYI DAM PA MANG PO'I GZHUNG LAS BTUS NAS RANG GI NYAMS LEN DU SNGAGS GZUGS DHA RMA BHA DRAS MI ZAD PA'I LOR BRIS PA'O,, ,,GHO sh'A YA, 'DIR DPAL GSANG BA 'DUS PA YAB YUM LHAN SKYES KYI MNGON RTOGS SKU GSUM LAM 'KHYER GYI GNAD TSANG BAR NYAMS SU LEN TSUL NI, DNGOS DANG BRGYUD PA'I RJE BTZUN BLA MA LA, ,GSOL BA 'DEBS SO BDAG RGYUD BYIN GYIS RLOBS, ,RIM GNYIS ZAB MO'I GRU CHEN NANG BZHUGS NAS, ,KUN MKHYEN YE SHES RGYA MTSOR 'JUG PAR SHOG ,RANG GI SNYING GA'I H'Um GI 'OD ZER GYIS SNONG BCUD THAMS CAD
'OD DU ZHU NAS RANG LA THIM, RANG YANG 'OD DU DU ZHU NAS H'Um LA THIM, H'Um GI ZHABS KYU A'U NI HE LA, HA NI HA'I MGO PO LA, MGO BO NI ZLA TSES LA, ZLA TSES NI THIG LE LA, THIG LE NI N'A NGA LA, N'A NGA YANG 'OD GSAL DU THIM PAR GYUR, AOm SH'U N+YA T'A DZNY'A NA BADZRA SVA BHA WA A'ATMA KO NYAHAm: ZHES PA MI 'CHI BA TSES SKU'I LAM 'KHYER RO, ,STONG PA'I NGANG LAS SKAD CIG GIS RDO RJE SA GZHI RAB GUR BLA RE ME RI DANG BCAS PA'I DBUS SU MTSAN NYID THAMS CAD YONGS SU RDZOGS PA'I GZHAL YAS KHANG GRU BZHI SGO BZHI PA'I NANG DU SNA TSOGS PADMA DANG NYI MA'I GDAN GYI STENG DU, H'Um LAS BYUNG PA'I NYI MA'I DKYIL 'KHOR, DE'I DBUS SU AOm LAS BYUNG BA'I ZLA BA'I DKYIL 'KHOR, DE'I STENG DU A'A: LAS BYUNG BA'I PADMA DMAR PO 'DAB MA BRGYAD PA'I LTE BAR, AOm A'A: H'Um GI YI GE GSUM STENG NAS STENG DU BRTZEGS PAR GYUR, DE THAMS CAD GCIG TU 'DRES PA LAS ZLA BA'I DKYIL 'KHOR CHA THAMS CAD YONGS SU RDZOG PA ZHIG TU GYUR, DE LAS 'OD ZER 'PHROS, SNOD BCUD THAMS CAD BSDUS TE ZLA BA LA THIM, AOm DHARMA BH'A TU SVA BH'A WA A'A DMA KO TA HAm: SNOD BCUD KYI CHOS THAMS CAD KYI RTZA BA RLUNG SEMS TZAM ZLA BAR SNANG BA DE DA'O, ,ZLA BA'I STENG DU CHU LAS CHU BUR RDOL BA'I TSUL DU ZLA BA LAS BYUNG BA'I AOm DKAR PO, A'A: DMAR PO, H'Um SNGON PO, DE LAS 'OD ZER 'PHROS, PHYOGS
BCU NAS RIGS LNGA 'KHOR DANG BCAS PA SPYAN DRANGS, DE LA THIM, DE YONGS SU GYUR PA LAS, RDO RJE DKAR PO RTZE LNGA PA LTE BA LA AOm A'A: H'Um GIS MTSAN PA, BADZRA A'ATMA KONYA HAm: RDO RJE YI GE DANG BCAS PA YONGS SU GYUR PA LAS, RANG NYID DANG PO'I MGON PO SKU MDOG DKAR PO DKAR NAG DMAR BA'I ZHAL GSUM PHYAG DRUG GI ,GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA; RIN PO CHE'I RGYAN DANG DAR SNA TSOGS KYI NA BZA' CAN DU GYUR, CES PA NI BAR DO LONGS SKU'I LAM 'KHYER RO, ,RANG BZHIN GYI GNAS NAS DE BZHIN GSHEGS PA YAB YUM SEMS CAN 'DUL BA'I PHYIR DU SNYOMS PAR ZHUGS PA'I BYANG CHUB KYI SEMS LAS GRUB PA'I MI BSKYOD PAS NAM MKHA'I KHAMS THAMS CAD KHYAB PAR BYAS, DES SEMS CAN THAMS CAD LA BYIN GYIS BRLABS PAS ZAG PA MED PA'I BDE BA DANG YID BDE BA THOB PAR GYUR, MI BSKYOD PA THAMS CAD KYANG GZHAL YAS KHANG GI NANG DU GCIG TU 'DRES PA LA, RANG NYID RJES SU ZHUGS PAS RANG NYID SPRUL SKU RDO RJE SEMS DPA' SNGON PO SNGO DKAR DMAR BA'I ZHAL GSUM PHYAG DRUG GI ,GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, RIN PO CHE'I RGYAN DANG DAR SNA TSOGS KYI NA BZA' CAN DU GYUR, RANG NYID DAM TSIG SEMS PA'I THUGS KAR
SNA TSOGS PADMA DANG ZLA BA'I GDAN LA YE SHES SEMS DPA' SKU MDOG DMAR PO ZHAL GCIG PHYAG GNYIS KYIS RDO RJE DANG DRIL BU 'DZIN PAS RANG SNANG GI SHES RAB MA LA 'KHYUD PA, DE'I THUGS KAR ZLA BA'I GDAN LA RDO RJE SNGON PO RTZE LNGA PA'I LTE BA'I NANG DU TING NGE 'DZIN SEMS DPA' H'Um YIG SNGON PO, DAM TSIG SEMS DPA'I RAL BA'I COD PAN LA RDO RJE 'CHANG YAB YUM GYIS BRGYAN PAR GYUR, CES PA NI SKYE BA SPRUL SKU'I LAM 'KHYER RO, ,RANG GI SNYING GNAS RANG RIGS KYI RIG MA PHYUNG, AOm SH'U N+YA T'A DZNY'A NA BADZRA SVA BH'A WA A'ATMA KONYA HAm, RIG MA STONG PA NYID DU GYUR, STONG PA'I NGANG LAS KHAm LAS RDO RJE KHAm GIS MTSAN PA, DE YONGS SU GYUR PA LAS REG BYA RDO RJE MA SNGON MO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM PHYAG DRUG GI ,GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL PA PHYED BCINGS SU BYAS PA, SHIN TU SGEG CING BZHIN 'DZUM BAG DANG LDAN PA, ZUR GYIS LTA BA LA SOGS PA'I RNAM 'GYUR GYIS MDZES PA, LANG TSO DAR LA BAB CING 'DOD YON LNGA'I DGA' BAS RO BA LA, YAB YUM GNYIS KYI SPYI BOR AOm DKAR PO; MGRIN PAR A'A: DMAR PO, THUGS KAR H'Um SNGON POS MTSAN PAR GYUR, THUGS KA'I H'Um LAS 'OD ZER 'PHROS PAS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO,
, ,GNYIS SU MED PAR GYUR, RANG RANG GI RIGS BDAG YAB YUM GYI BYANG CHUB KYI SEMS KYI CHU RGYUN GYIS DBANG BSKUR BAR GYUR, CES BSKYED LA, AOm SARBA TA TH'A GA TA AARGHAm, P'A DYAm; PUshPE; DH'U PE; A'A LO KE, GANDHE; NEE WI DY'E, SHAPTA, R'U PA; SHAPTA; GANDHE; RA SA; SPARSHA P'U DZA ME GHA SA MU DRA SPA RA nAS MA YA SHRI YE A'A: H'Um, GIS PHYI MCHOD DANG, BADZRA DH'I KA AOm A'A: H'Um, SPARSHA BADZRA AOm A'A: H'Um, GIS NANG MCHOD PHUL, MI BSKYOD RDO RJE YE SHES TSE, ,RDO RJE DBYINGS NI MKHAS PA CHE, ,RDO RJE GSUM MCHOG DKYIL 'KHOR GSUM, ,GSANG BA'I DBYANGS LA PHYAG 'TSAL LO, ,ZHES PA'AM YANG NA, DUS GSUM RDO RJE'I THUGS YIN SRID DANG THAR GYUR GANG, ,ZHI ZHING SGRIB MED DAG PA NAM MKHA'I NGO BO NYID, ,SANGS RGYAS RNAM RGYAS BYANG CHUB DBANG PHYUG RDO RJE CAN, ,DE LA LUS NGAG YID KYIS RTAG TU PHYAG 'TSAL LO, , ZHES PAS BSTOD, DE NAS BSKYED RIM PHRA RAGS JI LTAR NUS PA BSGOM LA, SKYON; AOm A'A: H'Um, DANG; AOm A'A: BADZRA DHRI KA H'Um H'Um, DANG; AOm A'A: SPARSHA BADZRA KHAm H'Um, RNAMS CI NUS BZLAS LA YIG BRGYAS LHAG CHAD BSKANG, MJUG TU, GZHAL YAS KHANG GI CHA SO SO YANG RANG GI LUS KYI CHA SO SO LA THIM PAR GYUR, DGE BA 'DI YIS MYUR DU BDAG ,SANGS RGYAS KUN GYI KUN BDAG NYID, ,RDO RJE 'CHANG DBANG THOB GYUR
CIG ;'GRO BAS KYANG NI DE THOB SHOG ,BYANG CHUB PHYIR NI SBYONG GANG DANG, ,RDZOGS SANGS RGYAS MI GANG YIN PA, ,BYANG CHUB RDO RJES GAR GSUNGS PA'I, ,SPYOD DE GNYIS KA'ANG BDAG SPYOD SHOG ,SLU MED BLA MA DKON MCHOG BYIN RLABS DANG, ,CHOS DBYINGS MI 'GYUR RTEN 'BREL SLU MED MTHUS, ,BDAG GI LEGS SMON GRUB NAS RNAM MKHYEN GYI, ,SANGS RGYAS MYUR DU THOB PA'I BKRA SHIS SHOG ,CES BSNGO SMON SHIS BRJOD BYA'O, ,ZHES DPAL GSANG BA 'DUS PA YAB YUM LHAN SKYES KYI MNGON RTOGS DBEN SA SNYAN BRGYUD KYI MAN NGAG LAS BYUNG BA RNAL 'BYOR DAG RIM SNYING PO ZHES BYA BA 'DI NI, SDOM BRTZON RNAM PAR DPYOD PA'I BLO LDAN DGE SLONG BLO BZANG RDO RJES NAN CHEN POS BSKUL BA'I NGOR 7 SH'AKYA'I DGE SLONG DHA RMA BHA DRAS SBYAR BAS PHAN THOGS PAR GYUR CIG ,