` (RJE BTZUN RIG BYED DBANG MO'I SGRUB THABS MDOR BSDUS PADMA R'A GA'I LCAGS KYU ZHES BYA BA BZHUGS),, ` NA MO GU RU KU RU KULL'A YE, 'DIR RJE BTZUN RIG BYED DBANG MO'I SGRUB THABS MDOR BSDUS NYAMS SU LEN PA LA SNGON 'GRO NI, SKYABS YUL GSAL BTAB STE, DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,LAN GSUM GYIS SKYABS 'GRO DANG, BDAG GIS BSTAN PA DANG SEMS CAN GYI DON DU RAB 'BYAMS DBANG GI 'PHRIN LAS BSGRUB PAR BYA; DE'I PHYIR DU RJE BTZUN MA KU RU KU LLE'I BSGOM BZLAS ZAB MO NYAMS SU BLANG BAR BYA'O, ,LAN GSUM GYIS SEMS BSKYED, RANG SKAD CIG GIS RJE BTZUN MA KU RU KU LLER GSAL BA'I THUGS KA'I HRI: YIG GI 'OD ZER GYIS LHO PHYOGS KU RU KULLE'I GNAS NAS RJE BTZUN MA 'OD DPAG MED KYIS DBU BRGYAN PA LA SANGS RGYAS DANG BYANG CHUB SEMS DPA' PADMA MKHA' 'GRO'I TSOGS KYIS BSKOR BA, AOm BADZRA SA M'A DZA: ZHES TSOGS
ZHING SPYAN DRANGS NAS, NA MO GU RU BHYA: NA MA: KU RU KU LLE SA PA RI W'A RE BHYA: ZHES PHYAG BYA, AOm KU RU KU LLE SA PA RI W'A RA AARGHAm PRA T'I TZTSA YE SV'A H'A, P'A DYAm PRA T'I TZTSA YE SV'A H'A, BADZRA PUshPE, DH'U PE; A'A LO KE, GANDHE; NEE WI DYE, SHAPTA A'A: H'Um, ZHES MCHOD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,LAN GSUM GYIS RGYUN BSHAGS DANG, SEMS CAN THAMS CAD BDE BA DANG LDAN PAR GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR CIG ,BTANG SNYOMS LA GNAS PAR GYUR CIG ,CES TSAD MED BZHI BSGOM, DE NAS DNGOS GZHI NI, AOm SH'U N+YA T'A DZNY'A NA BA TVA SVA BH'A WA A'A TMA KO NYA HAm, CHOS THAMS CAD STONG PA NYID DU GYUR, STONG PA'I NGANG LAS SRUNG 'KHOR GYI NANG DU DUR KHROD CHEN PO BRGYAD KYI DBUS SU, PAm LAS PADMA DMAR PO 'DAB MA BRGYAD PA'I LTE BAR RAm LAS NYI MA'I DKYIL 'KHOR GYI STENG DU MI RO MGO GA-YON DU PHYOGS PA'I SNYING GAR HR'I: LAS AUTPALA HR'I: SA MTSAN PA, DE LAS 'OD ZER 'PHROS, DON GNYIS BYAS, 'DUS YONGS SU GYUR PA LAS RANG NYID RJE BTZUN MA KU RU KU LLE SKU MDOG DMAR MO ZHAL GCIG PHYAG BZHI'I, DANG PO GNYIS KYIS AUTPALA DMAR
PO'I MDA' GZHU SNYAN GYI BAR DU 'GRENGS SHING, 'OG MA GNYIS KYIS AUTPA LA DMAR PO'I LCAGS KYU DANG ZHAGS PA BSNAMS PA, 'O 'DZIN DANG CHU 'DZIN RGYAS SHING LANG TSO BCU DRUG LON PA'I NA TSOD CAN, MCHE BA CUNG ZAD GTZIGS NAS DMAR LA ZLUM PA'I SPYAN GSUM GA-YON PHYOGS SU GZIGS SHING DBU SKRA KHAM SNUM GYEN DU BRDZES PA LA SOGS PA KHRO 'DZUM CHAGS PA'I NYAMS DANG LDAN PA, THOD PA SKAM RLON DANG RUS PA DANG RIN PO CHE'I RGYAN GYIS BRGYAN CING STAG LPAGS KYI SHAM THABS GSOL BA, NYI MA'I RGYAB YOL DANG GZI 'OD 'BAR BA'I DBUS NA ZHABS GA-YAS BSKUMS SHING GA-YON BRKYANGS PA'I GAR STABS KYIS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS, BSGOMS PA DANG 'DRA BA'I YE SHES PA DANG DBANG GI LHA RNAMS AOm BADZRA SA M'A DZA: DZA: H'Um BAm HO: DAM TSIG PA DANG GNYIS SU MED GYUR, DBANG GI LHAS DBANG BSKUR 'OD DPAG MED KYIS DBU BRGYAN PAR GYUR, CES YAN LAG BZHI RDZOGS SU BSKYENG LA, AOm KU RU KU LLE SA PA RI W'A RA AARGHAm NAS SHAPTA A'A: H'Um GI BAR GYIS PHYI MCHOD DANG, AOm KU RU KU LLE SA PA RI W'A RA AOm A'A: H'Um GIS NANG MCHOD PHUL, BRTZE BAS RJES CHAGS PADMA R'A GA'I MDOG ,ZHAL GCIG PHYAG BZHI ZHABS GNYIS MDZES PA'I SKU, ,AUTPALA
, ,MDA' GZHU LCAGS KYU ZHAGS PA 'DZIN, ,RJE BTZUN RIG BYED MAL PHYAG 'TSAL LO, ,ZHES PAS BSTOD, RANG GI THUGS KAR NYI MA'I STENG DU HR'I: DMAR PO'I MTHAR BYU RU'I 'PHRENG BA LTA BU'I SNGAGS 'PHRENG GIS BSKOR BA LAS 'OD ZER 'PHROS PAS 'JIG RTEN DANG 'JIG RTEN LAS 'DAS PA'I LEGS TSOGS THAMS CAD 'OD ZER DMAR PO'I RNAM PAR BSDUS TE RANG LA THIM PAR GYUR PAR BSAMS LA, AOm KU RU KU LLE HR'I: SV'AH'A ZHES BZLAS NAS, RGYUN 'KHYER TZAM LA SNGAR BZHIN MCHOD BSTOD DANG YIG BRGYAS BRTEN PAR BYAS NAS MJUG CHOG BYA ZHING, BSNYEN PA'I SKABS GTOR MA 'BUL NA, PHYI DANG GI MCHOD PA DANG, GTOR MA ZLA GAM PAD 'DAB KYIS BSKOR BA BCAS BSHAMS LA NANG MCHOD DANG GTOR MA, AA MRi TAS BSANGS, SVA BH'A WAS SBYANGS, AOm A'A: H'Um HA HO HR'I: ZHES PA LAN GSUM DANG, PHYI MCHOD, BSANGS SBYANGS, STONG PA'I NGANG LAS A'A: LAS BYUNG BA'I YE SHES KYI KA P'A LA YANGS SHING RGYA CHE BA RNAMS KYI NANG DU, H'Um ZHU BA LAS BYUNG BA'I MCHOD YON, ZHABS BSIL, ME TOG ,BDUG SPOS, MAR MO, DRI CHAB; ZHAL ZAS, ROL MO RNAMS DVANGS SHING THOGS PA MED PA NAM MKHA' DANG MNYAM PAR GYUR, AOm AARGHAm A'A: H'Um NAS, BADZRA SHAPTA A'A: H'Um GI BAR GYIS BYIN GYIS BRLABS TE, RANG GI THUGS KA NAS 'OD ZER
'PHROS PAS, BCOM LDAN 'DAS MA 'KHOR BCAS MDUN GYI NAM MKHAR AOm BADZRA SA M'A DZA: SA SPYAN DRANGS, PADMA KA MA LA YE STVAm GYIS GDAN PHUL, RJE BTZUN MA'I ZHAL NAS 'OD KYI SPU GU BYUNG BAS GTOR MA DANGS SHING GSOL BAR GYUR, AOm KU RU KU LLE SA PA RI W'A RA AI DAm BA LIm TA KHA KHA KH'A HI KH'A HI, LAN LNGAS PHUL, SNGAR LTAR PHYI NANG GIS MCHOD CING BSTOD LA, RJE BTZUN BCOM LDAN 'DAS MA KU RU KU LLE BDAG LA DGONGS SU GSOL, SGRUB BYA CHE GE MOS GTZO BYAS PA'I KHAMS GSUM SNOD BCUD THAMS CAD RANG DBANG MED PAR BDAG GI DBANG DU 'DUS PAR MDZAD DU GSOL, ZHES 'DOD DON LA GSOL BA GDAB, YIG BRGYA LAN GSUM BRJOD PA'I MTHAR, MA 'BYOR BA DANG NYAMS PA DANG, ,GANG YANG BDAG RMONGS RJE YIS NI, ,BGYIS PA DANG NI BGYID STZAL GANG, ,DE YANG BZOD PAR MDZAD DU GSOL, ,ZHES LHAG CHAD BSKANG ZHING BZOD PAR GSOL TE, AOm A'A: H'Um BADZRA MU: YE SHES PA RNAMS RANG GNAS SU GSHEGS PAR GYUR PA BSAM MO, ,MJUG NI, RANG GI SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, CES GNAS GSUM BYIN GYIS BRLABS TE, DGE 'DIS LHA MO'I 'DZUM ZHAL NYER MTHONG ZHING, ,RAB 'BYAMS DBANG GI LAS KUN 'GRUB GYUR NAS, ,LHAN CIG LHO PHYOGS RI BO'I NGOS YANGS SU, ,YID 'ONG LHA MOR RTZE DAGS ROL BAR SHOG ,GNAS SKABS 'DIR YANG TSE DANG BSOD
NAMS DANG, ,DPAL 'BYOR LEGS TSOGS DBYAR MTSO LTAR RGYAS SHING, ,MI DANG MI MIN 'GRO BA MA LUS PA, ,DBANG DU 'DUS TE BDE LA 'GOD PAR SHOG ,YID 'PHROG PAD MA R'A GA'I RI RBO BZHIN YID CAN SNYING RTZA 'GUGS PA'I LCAGS KYU YIS, ,YID BZHIN DNGOS GRUB STER MDZAD LHAG PA'I LHA, ,YID 'ONG RIG BYED LHA MO'I BKRA SHIS SHOG ,CES BSNGO SMON DANG SHIS BRJOD BYA'O, ,ZHES RJE BTZUN RIG BYED DBANG MO'I SGRUB THABS PAD MA R'A GA'I LCAGS KYU ZHES BYA BA 'DI YANG TSAR CHEN RDO RJE 'CHANG GIS MDZAD PA'I KHAMS GSUM DBANG DU BSDU BA'I GNAD YIG GANGG'A'I CHU RGYUN GYI DGONGS DON LTAR BHU SU KU DHARMA BHA DRAS SBYAR BAS SARBA SATV'A MA MA WA SHAm KURBANTU,, ` (DPAL GSANG BA 'DUS PA YAB YUM LHAN SKYES KYI MNGON RTOGS RNAL 'BYOR DAG RIM SNYING PO ZHES BYA BA BZHUGS SO,,)